MAKE YOU FEEL MY LOVE BY Abbra Reo Ririni Khiangte (Complete)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

MAKE YOU FEEL MY LOVE BY Abbra Reo Ririni Khiangte (Complete)

Unread post by Ngaia » May 28th, 2017, 1:13 pm

make you feel my love.jpg
make you feel my love.jpg (17.69 KiB) Viewed 135569 times


MAKE YOU FEEL MY LOVE
BY
Abbra Reo Ririni Khiangte



MAKE YOU FEEL MY LOVE

HE link ațang hian in page next vak vak a ngailo a, chhiar a nuam zawk ang


PAGE 1: http://abbrareopitartei.blogspot.com/20 ... age-1.html

PAGE 2: http://abbrareopitartei.blogspot.com/20 ... age-2.html

PAGE 3: http://abbrareopitartei.blogspot.com/20 ... age-3.html

PAGE 4: http://abbrareopitartei.blogspot.com/20 ... age-4.html





























































"Khipa khi lawm rawn lut thar tur chu.. Senior zing a pakhat a lo sawisa hman hmawh a nih chu..!" kan ding khawm laih,ka dinpui te hawina lam ka hawi a,Kan school panna kawng pui chho ulh zet a,Kan school a class 10 zirlai leh mipa ka la hmuh ve ngailoh leh nu pakhat kal chho chu ka han hmu ve a.
.
"A chhelo top ..!"
.
"Man' ka tih tur chi" midang chuan an ti sap sap a,Kei erawh in insual i hrat hmel em a vang leh i ni hmasa ber a senior i sawisak nghal a vang in ka lo hlau ru nghal ngawt che a nih kha!
.
Hun a liam zel a,School leh a vel ah pawh nangmah hnaih loh dan ka zawng ngat ngat,I hmel ka hmuh tawh kha chuan rem lo deuh pawn ka biru thin..ka lak ah i sual pawh a nilo..ka hriat tantirh che a mi dang i sawisak vang khan ka ngaina lo tawp che!
.
Rin loh na deuh deuh ah ka hmu ta reng che a,A chang leh tul miah lo in kan in ah tui rawn in i ching!
.
A chang leh ka inhnuai luah tu te in a rawn Len ve tawp i ching bawk.
.
Midang in chhelo an tih luih luih lai che khan keichuan ka tlanchiat san thin che!A chan erawh i hre lo.
.
Hun a liam zel a,Insual pui i neih leh tawh ka hrelo, Min biak chang in ka chhang let ve ngam tawh che, A hnu ah phei chuan kan in nel telh telh a,Thian tah tak ka ni der a nih kha.
.
Kan thian ho awm khawmna ah i rawn kal a,I sam buk ve zet kha kan lo pawh ngil sak che a nih kha,I thinrim ngam bawk silo khan min pen min pen a,A khawt tawk in i sam kha i tuai leh thin.Ka hmuh hmasak ber tum che khan ka tih ang ang in i la awm ang tih ka lo ring ngai lo.
.
Hun a liam zel a,Bialnu te i nei a,Sawitur in ngah thin mai zia la kha! Hmeichhia leh mipa inkar ah thian a awm thei lo,A tu maw zawk zawk in a ruk in an induh thin..Tih te kha chu kan pahnih inkarah kha chuan dawt hi an va ni chiang tak!
.
Bialnu i neihve pawn i la na em em zel a,tawn hriat neilo ber khan ka fuihve nasat thin si zia che kha! Lam kan zir dawn,Min rawn hruai a,Kan zirna tur(Kan thiante tho)in thleng min dah a,I let leh maiin ka hria,Keini pawn kan zir zawm a,Ka beive nasa hle!Kan chawl a,Pawn ah in ti harh tur in kan chhuak a,Mipa pahnih ruih nei hian min rawn tibuai a,Keini hmeichhe hlang lah khan kan lo hlau nasa mai sia .Thim chin a tang i rawn pen chhuak a,Pakhat zawk kha i rawn vai thlu tawp a,Kan buai nghal nuai nuai kha a ni mai!A hnu ah phei chuan ka hlau lutuk in i ban ah ka rawn vuan bet tlat a,Harsa tak in inchhungah kan hruai lut ve thei hram che!Kha tiang khawp khan i thinthawk a nat kha a ring ngai lo..I haw daih tawh a maw ka ti bawk.
.
Lui ah in kal a,Kei chu ka kal ve lo,Thal deuh lai a ni,khua a ro!I Tui cheng zo zial zu in leilet zawl i ti kang ringawt bawk a nih kha. .haha..kha hmun ah khan mi kha tizah kha kalin zial pawh an lo zu ve tawh,Mahse chung zing ah chuan nang mah chiah kha ram ti kang tu i la ni! A tuk ah kan thiandang ten min hrilh a,Ka fiam che a,Ni leng in i titau!
.
A chang kha chuan Nu leh pa kara seilian te ngei ngei pawh hian tluk loh chang che kan va ngah em! I thinthawk na viau thian mahse ,I zaidam em em lawi a! Thiante hnem tu leh tiphur ber tu i la ni thei zel.
.
I awm ve tawhna ah kha chuan kan nui ham ham reng a,Tumah kha i en hrang ngailo. )Ka Map ziah ve em em min nuih sak nghek tihloh kha chu.
)
.
School i bang daih a,Chuan kan khua chhuah san in, in khua ah i let dawn..I kal hma zan ah kan lengkual hrep a,Kan tam dan zia lah kha. Kan inbul mai dawr a kal lo khan veng lehlam dawr ah thil lei tur in kan inzui dam dam a,Kha mi zan kha 'Ka lo let leh vat dawn' tih kan zavai bulah khan i sawi!
.
I haw a,Tun ang hian cellphone kan la nei lo,Kan nu leh pa te chiah khan an nei thei in kan la ngai,I reh vang vang a,I dam tha ah ka ngai,I lo let leh tep tawh tur ah ka ngai bawk! kan exam lai a ni.
.
Kan thiante pahnih an rawn leng a,Ka off day a nih vang in TV ka lo en,An rawn lut a,Sawitur pawimawh tak nei hmel hi an pu..
.
"Rin..I la hreve lo ti raw?" an ti a.ka TV en lai a tang mit la sawn in an pahnih chuan ka melh reng a.
.
"Eng chu..?"
.
"*** thih thu kha.!'
.
Ka nui vak vak a nih kha..Ka awilo lutuk kha ka nui vak vak..Mahse an hmel thutak lutuk a vang khan ka nui tawp riai riai a.
.
"Dawt insawi.."
.
"Ai..a tak tak..Nimin piah khan a in ******" an rawn ti .Ka nghing dawt tiila a dik ang,Mahse ka tap thei lo,Ka hrawk a rawn na ngut ngut a,An pahnih chuan ka en leh ngat.
.
"In exam sia..kan hrilh lawk duh lo che a."An ti.. I thih ka ring lo,Nilo..thi thei ah ka lo dah chin ngai reng reng lo che! engkim kha an tawp duk a,An hla vawng vang mai in ka hria!I thih dan te lah kha..!!
.
Ka hriat miah lo in lei chhung ah zan hnih i lo mu der tawh.
.
'mihring hi kan mangan lutuk hian kan tap ngawt theilo' he thu hi kha mi ni a tang a ka hriat chiang em em chu a ni!Kei pawh kha ka mangang lutuk kha ka tap thei lo,Ka taksa chungah an in mung khawm vek a,Ka thawk te kha an tawp mai dawn in ka hria."Ka lo let leh vat dawn a ti sia!" kha zawng kha sawi tur ka hria! I thusawi i hlen loh lutuk a vang kha ka haw tel bawk che!
.
Kha mi ni atang khan kum7 an lo liam ve ta reng mai,Mahse ** I thiante hian kan ngai che a sin.. Kan sawi bang thei lo che!
.
"Mihring nun hi,Han ziah han ziah tak ah chuan thawnthu ngaihawm tak a lo ni thei reng a nih hi!" tiang hian ka sawi thin...
.
Mahse hei erawh ka hria..Tun a ka thu ziak ah kher kher hi chuan thu nei tu ka ni! I hringnun hman lai a i tawp thut ang khan i tawp ve ka phallo,I neih theihloh zawng zawng ka pe dawn che..he tah hi chuan i nei vek dawn..a vai in..!
(I chanchin kan sawi a piang a ri tello thei lo chu ,'Lo kir leh se' 'A kal hma bik ngawt mai' heng hi kan sawi ngei ngei thin..kan tih theih tawk chu nangmah hre reng chunga thuziak siam te,Kan zing a tel ve tlat ang che a suangtuah :| :| a,Kan hun hman mek a sengluh ve zel che te hi a ni,Kan theinghil ngai lo che)
.
STORY OF MY LIFE ang bawk khan NGOPA khua ka hmang leh dawn a,Zodika leh Adiki chettlatna hmuk ang tho kha ka rawn hmang leh,An college leh bike intlasiak an neih na hmun pawh hi Story of my life a changtupate in tlansiakna thin tho kha aw..haha.. Zodika te mitthla pahkhan chhiar ru..Story of my life chhiartute ngenna ang a rawn in ziak ve leh thei chauh ka ni e.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:13 pm

Make You Feel My Love ❤

Episode 1
By
Abbra Reo Ririni Khiangte


[ phone ațang a type ka nih vangin thumal diklo a tam viau ang...]




Ka kal pel tur kawng thlang lam ah chuan Ka rualpui tur vel mipa pali hi an lo thu thap! Kan in ka thleng duh a nih chuan an ni hi ka kalpel ngei a ngai bawk si! An inthuam dan atang te reng reng lah chuan midang tih buai in peih at an ni tiha an hriat ngawih ngawih! An mahni ka kalpelh rual chuan an lo tawng kha an tawp hmak a, Kawng kal dang an awm ve loh a vang chuan min rawn khawih thut mai hi ka hlau deuh leh nghal!
.
Chaktak a pen hlawk hlawk in Quarter kan luah thar ah chuan ka tlan lut a,Kawngkhar pui pawh ka pawt khar nghal vek!
Mahse engtin mah min rawn ngaihven zui ta lo.
.
Tunah hian Mizoram hmar chhak a khaw pakhat NGOPA ah ka pa hna vang in Champhai atang kan insawn a,BDO a nih a vang in sawrkar in a sawnna hmun a piang ah kan awmkual zel a ngai,Kum 5 dan ah kan insawn thin tiila a dik ang,Kan Unau a hmeichhe awmchhun leh a nupang ber ka ni bawk a duat ka hlawh hle,Kan upa ber hi Delhi ah hna thawk in a awm mek a,Ka u chiah mipa hi chu ka pa hna lam ah a pui ve thin,Kei erawh College kal lai ka nih a vang in vawiin kha ka collage luhna tur tifel in ka kal chhuak thung.
.
Hmeichhia mahni inring tawk leh mahni thu duh ve tak,Dik leh tha ni a ka hriat a piang kal tlangpui mai thin,Mi dang in ka chanchin an sawi dan mai mai vang a ka mizia siam that tum lo, Hmeichhe ngawi chawi em em lo ti pawn min ngaihtuah zui thei ang. Quarter kan luahna a la reiloh a vang in kan Inchhung pawh a la hnawk rum mai.
Kan in luah tur lah chu a zau in a lian tham em em leh nghal a,District khawpui a kan luah thin ai daih pawn a lian in an sak dan a nalh zawk.
.
Inchung lam ah chuan pen lut in thil lo la in pack thenkhat chu ka phelh a,lemziak thenkhat chu bangah tar in ka theih ang ang in Inchhung remfel hna chu ka thawk zui nghal zung zung a, Ngopa khua hi thingtlang khawdang ang lo tak in a thianghlim in a fai em em a, College pawh changtlung tak an neih a vang a champhai lam a kal zawm lo a,He mi hmun pan ve hi ka ni.
.
"Mambawih..I lo let reng tawh a law?" Ka nu chu an pindan tur lam atang a rawn chhuak a,Lu ka lo bu nghat bawk.BDO Quarter lo enkawl thin tawh tu vai nupa,Mizo tawng thiam nal tak te nen Inchhung bungrua vel chu kan remfel mawp mawp a, Tiang a kan insawn buai vang hian college pawh midang zawng aiin ka zawm tlai bik,Vawiin Admission ka va tih pawh khan Class kal nghal tur in min beisei hlawm hle tih kan professor te hmel ah khan a lang,Mahse class kal tur a ka lo inrin loh em a vang in ka haw leh ta ngawt a nih kha.
.
"Tinge kawng khar hi in kharphui vek a!" ka nu chuan kawngkhar lam pan pah chuan a ti lang lang a,Nachin mai a kan kawtah lo thu khawm te a vang khan ka khar tih hrilh kher ka tum lo.
An mahni hlau a ka tlanchhe ngawt te kha ka nuih a za leh hnu hnawh!
.
Tleirawl mahni lu zo vah leh Thiante nen a hun hman nuam ti ve tak ka ni,Ka ngo vung lo a,Mahse midang ten min sawi zui na ah chuan,A vun rawng leh a pianphung saw a in chawih, Tiin min sawi zui thin,Hmeichhe hmeltha an sawi in ka hming a ri vak ngailo,Mahse Hot leh zun nei an tih hi chuan ka kalsan tak champhai college ah kha chuan ka hming hi an sawi tel ngei ngei thin.
.
Nileng deuh thaw a kan inrem fel hnu chuan kan in pawh a hmuh tlak ve ta deuh e, Quarter hi a compound a zau in a awmna hmun hi veng sang deuh a nih a vang in a hmun a thengthaw nuam em em a,Thei kung leh lamkhuang kung hi huan lam ah an ding khup a,Kawtzawl lam chu phaitual hnim in a bawh hring dap thung . Kawt deuh lawk hi BDO office a ni zui nghal mai bawk,Mahse office leh kan in inkar ah chuan SSA office leh Middle School a awm ve leh thung ,In hnaih te te a ding an nih a vang chuan office a thawk ho chuan kawtzawl ah ni lum te an ai ho mai thin.
.
"Lalrinzual mi hi chu i ngailo ve lel lawl ngawt mai!" tlai chaw ei kham a room ka pan hnu chuan
Champhai lam a ka thiante nen vedio call kan nei a,Ka hun neih loh zia chu hria se chuan an awm hmun atang a rawn kal in min rawn pui ngei ang.
An ni nen hian Champhai kan awm chhung zawng kha chu kan in kawp chawt hlawm a,kan in ah hian kan riak ho vek thin! Kum eng amaw zah hnu ah an telloin khual khua ah hun kan hmang dawn chu a nia. Ka huphurh ru ve reng! Thian kawm hi nuam ti viau mah ila, Thian siam hi ka harsat thung.
.
"Ka ngai cheu tih hian a sawi fiah zo lo."Khum ah chuan ka let thla nghal tawp,Ka kawng kham lutuk leh taksa na lutuk pawh an dam sawng sawng thei.
.
"Nileng a i reh dan ah min ngailo " Msi zawk chuan a rawn ti leh nghek,He nu te reuh hi chu a thinchhe falnalh zel.
Ka kal hnu a thil thleng vel te ka zawt a,He lam a ka hun hmandan tlangpui te hrilh in kan ri deuh lang lang reng. Tun ah te hian Champhai lam ah awm ni ngat ila chuan an ni ka thian pahnih te nen hian ka room ah awm in music ring zet in kan play leh a nga,Tawng in chuh in ka ri leh teng tung tawh ang.
.
Reitawk fang kan inbiak hnu chuan kan ti tawp a,Khum ah chuan zangthal in thawk kan la ham ham a, He mi khua ah hian ka kawm duh tur ang mize pu an awm a ngem le? Mizia thup leh midang chanchin sawi a phun sep sep te hi ka thiam ve lo,Midang sawiselna tur hrereng bul ah ngat phei chuan a awm duh ngai lo,Ka ngaive dan chuan kan tluklo leh a ruk a kan el tak lo te chanchin bak kan sawi kan sawi peihlo tih hi ka ngaihdan a nih a vang in midang chanchin hi ka bengkhawn em em lo,Kan thianthum erawh chuan sawitur kan hrethei mai!Mahse chupawh kei mahni chanchin bik leh kan chetchhiat na,Kan chhungten min hauhna hau kan in hrilh thin.
.
Kan let leh tap a,A tlai tak tak hma a ka inbual a ngai,A nih loh chuan naktuk ah hritlang ka nei mai ang ! Khum a tang chuan ruam tiah tiah pah in ka tho chuak a,Ka inthlakna tur la in Inbual tur in Washroom lamah ka lut zui nghal, Duhthusam in Washroom chung leh a hmanrua awm vel chu a pui tham,Quarter hi an sakna a la reiloh a vang in Tun lai thil tha leh changkang ber ber hmang a Inchhung hi sawngbawl vek an ni.
.
Keini hian sakzawh a nih vel ah kan la luah lut zui,Midang in an la hman miah loh engkim han hman vel chu rilru hi a hahdam veng veng thei.
.
Bathtub ah chuan tuilum ka dah lut a,Parda kan zarna vel leh lemziak ka tarna velah ka kawng leh ban ka ti sil them thum,Tui lumah chuan thulut in Ka taksa chu kan chiah vang vang a, ka taksa kham lutuk chu tuisa in a deh rual chuan ka mur sung sung thei!
.
"Hahthlak ve reuh hle mai."Ka tiin ka phun sep.
~
~
Zingkua a var rual chuan ka zingtlan thuamhnaw inbel in tlantur in in ka chhuahsan nghal a,He khua ah hian ni thum chiah kan la awm,Chinchang ka la hriat loh mai bak ah ka thlen hlat ber pawh kan college thar a ni mai a,Chupawh chu a hretawh sa in a hmun thlrng min hruai thlap chuvanga bo lo mai mai ka ni! Mahse Kan in piah lam ah sawn Helipad a awmbak ah midang pawh in zing ah taksa insawizawi nan an hmang thin tih ka hria.Nimin a College min hruaitu khan min hrilh bawk,Chu lam oan tum chuan ka kal chuak ve ngaet a,Gate lo la inkalh thiap chu pawt hawng in zingkar boruak thianghlim tak chu kan hip lut leh vang vang phawt a . Gate ka kharphui rual chuan Helipad lam ni a ka hriat kawng ah chuan ka tlan zui nghal, Khua a thian kuk mai bak ah thawm beng chheng dang hriat tur a tamlo, Boruak nawmdan chu ka sawifiah thiam lo zawk! Hman ah primary leh Middle school vel ah khan Ngopa ah hian Mizorama tlangsang ber dawt tu Lengteng tlang a awm tih kha kan zir thin, Ka piah tlang ding khup chu thlir in khawi a saw nge Lengteng tlang tih hriat tum in ka thlek ngial a, Khawi tlang a pawh chu an sang in an hring duk khup a,Lengteng tlang ber pawh chu ka hmu pawn ka hrelo,Tiila..tlang khawi a pawh saw Lengteng tlang an ni vek maiin ka hria!Ka bo ta map mai!
.
"Mithar..?" Aw thum lampang in a rawn ti ri ka hriat rual chuan rang lutuk in ka hawi let a, Ka bul mai ah chuan ka rualpui tur vel rawlthar pakhat hi a lo ding run!A tlan ve tih hriat zet in a hmai vel chu a thlan dap!
Ka rualpui tur ka ti kha ka ring sual lo in ka hria, A Khabe a la phir zui!
.
"Ka va hmu ngailo che ve." amah vek chuan a raen ti leh sup,Ka dindan ka siam rem a'Nimin piah lawk ah kan rawn awm thar chauh a engtin nge min hmuh thei ang' ti a chhan zui ka tum zet a,Chik zet a min lo melh a vang chuan ka ti leh ta em lo,Chulo ah hetia mikhual chei a min chei a min thlek zui vak hi ka duhlo.
.
"Keipawn..!" Ka ti sap.A nui leh suk a,Kal san mai ka tum,Ka bul ah chuan a rawn tlan ve ta zawk a.Ngawi reng in kan tlan dun, Ka speed ka san leh a rawn tlan chak ve a,A tawp ah phei chuan ka bengah earphone vuah in ka jacket hak lukhum ka khum zui hmak hmak, Ka awmdan ka hrebik lo,Mahse hei erawh ka hrechiang tak zet..Ka chetzia hi a mawi vak ngailo hrim hrim.
.
Helipad ka thlen hnu pawn kei min hlat tak ah a awm lo,Ka piah lawk ah chuan taksa sawizawiin awmhmun a siam rem nghal a,A lam ka hawi a piang in min lo nuih leh suk zel!A pa len dan leh a pian velah chuan sport vel a thiam ka ring ringawt
.
.
Chutia in pawh lo zet a kan awm lai chuan Kan awmna lam pan in mipa pakhat ka bula awm mek pa nen a rual khat tur vel hi a rawn tlan lut a,A ni erawh chuan a chal ah Nike hren sen a hreng va,A sam chu duh ai in a buk mah mah tih kan bul a rawn thlen hma hauh in ka hre thei.
.
'He khua a thalai te hian taksa awizawi an uar ve hle a ni phawt ang."
.
A rawn hnai zel a,Ka thiltih lai chawl meuh in ka lo en ran,A bul ah ka ding a nih ngat chuan a dar saw ka chen tawk ang,Chutiang bawk in a thuamhnaw hak sawn a taksa nalhzia a khuh bo zo lo,A sam dum hlap leh buk deuh hlek te chu enga maw kawng tak in a inhmeh,Chu mai a nilo..A mit meng a sexy lutuk..
.
Min rawn tlanpel a, Ka piah deuh ah chuan a taksa sawizawi in awmhmu a siam rem ve nghal, Duhlo teh mah i la ka enzui lo theilo, Chhelo tih leh Pà tih hi ama ta vek saw ni awm hial a ni!
.
"Kan College ah mi i luh ve dawn?" ka hawi let a,Ka bul mai ah nachin a mi kha a lo ding,Lu ka buk khum zauh.
.
"Sawmdawnga ka nia!" Nel awm deuh te hian a rawn nui leh sen sen a. "Arinzuali,"Ka ti ve ta nge nge.Ka lam ah a kut a rawn lek chuak a,Ka lo vuan ve vat a.
.
Darkar khatdawn kan awm dun leh hnu chuan kan ti ti dun thei nghal der,Ka college luhna tur ah a luh mek thu leh Basketball player a nih thu ka hre nghal bawk.Chutia Sawmdawnga nen kan tawng mawlh mawlh lai chuan nachin mai a rawn kal ve pa kha let leh tur tih hriat zet in a rawn kal a,Kei ni pahnih chu min hmu a nih pawh in engmah a tilang lo,A kal tlang tawp,Gate a kal chhuah thleng chuan ka thlir reng!
.
"Chhelo in la ngeng!"Tih chiah hi ka ngaihtuah tawh.
.
"Let ve tawh i la?" Sawmdawnga a rawn tawng tak ah chuan mipa chhelo leh ngeng zet ka enzui reng na ata ka mit chu la sawn in za vaklo in ka nui sak a,Keini pawh chuan Gate chu chhuah san in kan lock leh thlap. Tlan pah in eng eng a maw kan sawi a,Kan College kalphung tur vel pawh Sawmdawnga hnen atang chuan ka hre nual, Activity lam an ngai pawimawh in sport lam an uar,Zirna a that chu thu hran,Sport lam ah kher kher chuan Mizoram Collage dangten an el ber a tling leh zel bawk.Vawiin a tang ka zawm ve tawh dawn bawk a,Eng ang chiah nge tih chu keimah ngeiin ka fiah ang.
.
~
Ka inbual fai ang ser sawr a,Khuma ka thuamhnaw hak tur ka dah chhuah tawhsa chu ka bathrobe hlip in ka inthawlh zui nghal a,Crop-top varsar ha in Jeans kekawr pawltak zet ka ha leh,chapal kaih gold rawng in rawlh leh in ka sam la huh deuh hniang chu ka chhem ro sawk sawk a,Tlema ka sam a lan puk hian ka lang sexy zawk thin,Ka hmai ah chuan nasa vak lo in makeup ka hnawih ve hlek,Ka mit erawh ka hnawih em em ngailo,Ka hmui chu rawnghmuh nuam deuh hnawih in darthlalang hma ah chuan kan in thlek vang vang a!
.
"Chhiat hran loh hi...!" Rimtui chu in kap in thawk kan la leh vang vang phawt a..College thar a nih ang bawk in boruak thar ka hip dawn,Chuvang chuan Cofi kha a pawimawh.
.
"Mamabawih Driver kha a thlah ang che aw." Inhnuai panna kailawn ka chhuk thlak rual chua ka nu in a lo ti lang lang a, Lu thing in Scooty chahbi ka ban ta zawk a.A mit mengah chuan Scooty khalh lo tur in min duh tih ka hria,Mahse naupang chhia ang mai a driver in thlahtir te chu ka duh bik teuh lo.
.
"In College kawng a hla si,khal chhuak lo mai teh.."Helmet ka khum tawh,Garage ah a rawn lut ve leh rih.
.
"Nu...Min ring ve det la..!"Ka nui hak a,A mitmeng chu a hmuh nawm lem loh.. "Hla mahse ka in khalh thleng thei em em ang." Scooty chu ti nung in kan rum tir ram ram a, ka nu chu tlu mai tur hmel te a pu deuh,Mahse ngai pawimawh lo in ka tlan chhuak ta tho. Ka nu ngaih ah hi chuan chhungkaw naute ka la nireng tlat a...Mahse keiin naute chei a min chei hi ka duhtawh lo bur! 20+ a lo la in naute chei te chu a!
.
Kan awmna veng hi veng chunglam a nih a vang in college pan tur chuan veng hnuai lam deuh ah ka tlana a ngai! Chumai nilo in collage hi kawchhung a tanga hla fe a awm a la ni zui,A hmun a zau in a rem em em a,Sport lam tui mi tan chuan duhthu sam in hmanrua leh hmun hma a awm tha.
Khawchhung a beng chheng leh thawm dang in a chimbuai phak lohna hmun a nih a vang in College hmun a awm kha eng a maw kawng zawng tak chuan a hahdam thlak.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:14 pm

Engmah buaina nei em em lo chuan collage chu ka in khalh thleng ve ta hram,Gate lianpui lo in hawng tawh sa ah chuan tlan lut in Bike leh Scooty dang lo in hunna lam chu ka pan ding nghal vat. Ka scooty hun luh ka tum na hmun awl ah tak chuan Bike pakhat hi a rawn tlanlut hman! Rum zet hian a hnung lam chu ka melh nghek,A helmet a khum tlat a vang in a hmel ka la hmu chianglo mah mah zawk! Bike a hun that hnu chuan muangchang in a helmet khum lai a la thla a, Min melh zawk in Bike a tang chuan a rawn chhuk thla,Helmet chu Bike chungah ah khup a,Bike chahbi chu phawi chhuak in a cotton kekawr dum ipte ah chuan a thun lut nghal.
Keierawh chuan tihmai tur pawh hrelo in ka lo en reng! Vun NGO tak a nilo. Mahse a vun rawng leh mit meng zawng zawng nen hian a pa thlawt!
.
"i à deuh a mi?Saw lam ah sawn va hung ta che." min kal pel pah chuan a rawn ti sup,'Chhelo tawngkam thlahdah' Ner nawng hian a lam ka hawi a,min lo kal pelfel der tawh,Ka enzui dawn tih a in hria a ni chawk ang chu..A kut a rawn vai zauh,A rawn hawilet tawh map lo zui.
.
"Zawnga leh.."Tisap in ka piah nisa chin ah chuan ka in nawrphei leh a,Mipa tlawmngaihna neilo leh in la ngeng lutuk!
Khatiang te chu ka hung dawn tih a rawn hnit thiam ve awm reng si!
.
Ka inhun (g) fel hnu chuan ka chahbi chu phawi in ka bag ah ka thun a,Helmet pawh ka seat hawng in ka dahlut nghal,First day ah mipa in la ngeng zet nen kan in hmachhawn nghal a,Nakin ah chuan khapa khan min la atchilh ang! Ka ngaihtuahna vang chuan ka nui leh hak,Eng vanga mipa ngeng deuh vanga thinrim ta chiam nge maw ka nih le!
..
Nimin lam khan kan class tur chu a awmna ka hretawh,Chuvang chuan hmun danga peng buailo in ka pan ding nghal nalh,Hunawl ka neih hunah Campus hi ka fan hrim hrim a ngai! Studen an tam in an phu mur mur hi a ni mai,Kan college map chu ka kut ah ka hum ran bawk! Ngopa khua leh a chhehvel a khaw awm te tan a an siam a nih a vang in zirlai tam zawk hi chu khawhran atanga rawn awm an ni tlangpui! Ka kalpeh a piang te lah chuan min en dauh dauh hlawm!Mipa chauh in min en nise chuan ka hrethiam, hmeichhia leh zel in min enzui chu ka hrethiam lo.
.
"Arinzual..!" Ka leh hawi rual in Sawmdawnga khan ka darah min rawn kuah a,Ka la phu zawk zui.
A pa Len ang ang hian min tiatpui chei ve mai dawn in ka hria!
.
"I kut hi dahsawn teh!"
ka lo ti vat! kan la in nel em em silo...
.
"Ho lutuk..lut ang..!"Thawveng zet in kan class tur ah chuan min kuah lut nghal rawk rawk. Room chhung kan lut chiah chu zirlai lo awmve ho chuan min lo melh thup a,An tawnglai pawh an chawl vek.
Chil kan lem ri deuh khawlh a! Tiang em em a min enduh hi ka beisei hauh lo.
.
"Hei studen thar,Arinzuali..ka bialnu nibawk..Vawiin atang class a rawn zawm ve dawn!" Sawmdawnga'n a rawn tih tak lang lang ah chuan an phun zui nghal mur mur,Kei erawh in rumzet in Sawmdawnga chu ka melh ngawt ngawt! min melh let ve duh tawh derlo leh nghal!
.
"Hmela..!" Sehchilh zet hian ka ti sep.
.
"Ka bulah thu mai rawh aw.!" ka thusawi hria ang pawh a lang lo in Ka dar a akuahna chu phelh in ka ban ah a kai,Zirlai lo thu thup kalpel chuan tlarhnung lam a thutna awl ah chuan min thupui a,A chezia leh an tawngdan vel chu nazet a chum zawt ka chak phah.
.
Ka thutna zawn ah chuan nachina ngeng deuh pa kha a thu ngawi ngul a,A sirlam atang en in a lang tha zawk mah a maw tih tur hian a hmel landan a fuh! a sam buk zet kha a bek lam a nawrkawlh tih tunah hian ka hmu ve chau! A dawhkan ah chuan a kut a nghat a,A ban ah chuan sana man tam tih hriat ngawih ngawih hi a bun bawk,Chuan Shirt gray rawng ha in a malsei zet nen a inrem zaih cotton kekawr dum a ha! Vawi khat pawh kan luh hnu khan min la melh ve miah lo!
.
"Volley ball i khel thin em?" Sawmdawnga'n a rawn tih chuan lu ka thing zauh a,Kha mipa ngeng-a ka lo enna lamah ka awmna hmun ka theihnghil vek leh nghal.
.
"Sport ah englam pang nge i thiam?" Sawmdawnga bawk chuan a rawn ti leh,Thiam ka nei pawn la hrelo, Mahse han tihhreh em em ka nei chuang lo.
.
"Chu chu eng a tan nge i tih?"Ka ti ve thung.A hmui a petsawi zauh a."Kan team hian hmeichhe sport thiam deuh kan mamawh a,I lo tihtheih hlauh chuan kan team ah i lo lut ang."a ti leh sup,Ka nui hak a,High school kal lai ang mai a Team han in siam hran vel chu!
.
"Ka uang lo a nia..Kan team bik ah chuan Captain ka ni,Team lehlam ah chuan Nunsanga saw..!"Tiin nachina mipa ngeng zet thutna lam chu a kawk zauh a!
.
"Nunsanga maw?" ka tawng chhuak em pawh ka hrelo!
.
"Umm..Nunsanga, Chuan tuna rawn lut mek hmeichhia saw a hmeiche kawp lai!" ka bengbul ah a rawn phun leh sap a,' Hmeichhe kawp lai!' Tih thumal chuan engtin maw tak ka kawchhung lam hi a deng dawt! Kawngkhar lam chu ka thlir a,Hmeiche pakhat,Kei ka ni intive lah tur hi a rawn pen lut a,A hnung ah chuan hmeichhe pahnih in an rawn zui ve bawk,Chu hmeichhia chu enthuak chuan zaithiam tu maw ber hi a ang,Mahse duh aiin a hmai a hnawih nasa!
A inchei dan a tang leh hawiher a tang chuan vantlang chunglam chhungkua atanga rawn chawr chhuak a nih duh hmel! Mahse ka mize mulpui a nidawn lo tih ka hmuh tirh atang hian ka hrenghal.
.
An rawn pen hnai zel a,Duhaiin a rimtui in hnawih chu a rim atak mah mah! Ka zawn ah a ke pen a tawp chat,A kut tang a a khabe dawm pah chuan min rawn thlek vang vang a,Ka thutna tang tho chhuak a ka ben pawp lohnan ka kut hi ka humruh tiila a dik ang, Tleirawl mahni tawk a keika ni in ti ve chin min ngaih pawimawh hmel lo zet a min han en vel chu ka ngaithei der lo. Tianga min rawn melh vak hi a tullo,A in lak no hmel ropui si.
.
"Hei tunge?"Nuisang hian Sawmdawnga chu a melh!
.
"ka bialnu..." He pa leh ngawt chu! Hmeichia chu a nui hak a,Engmah sawi zawm tawh lo in Nunsanga bul a thutna awl ah chuan a thuthla ve nghal,A in her zawnga a rim rawn nam te lah chu..A tak em em leh nghal a.Kun hnai in Nunsanga beng zawnah chuan eng a mawm sawiin a phun sap a,Kan mipa ngeng a chu a nui ve suk! Tulmiah lo in a nui hmel ka hmuh rual chuan ka lungphu a lo danglam nghal ringawt a! 'atthlak lutuk.'
.
Reilote hnu ah class kan tan zui nghal,Professor a rawn lut a,in hmel hriattirna hun te ka nei leh rih,Mahse tumdanga keimah ang lo tak in ka zam ru ve reng,A chhan chu ka thutna zawn a thupa hian ka lam hawi a min melh run vang a ni! Professor in thutur a min tih hma chuan ka ding khur dar dar reng,Engtin nge a ni min melhna vang ringawt a ka danglam theih le? hnuai lam bih in thawk kan la leh ham ham a,Tiang ang a ka danglam reng dawn chuan keihi a zunah ka la uai vat zawk ang!
Ka thut hnu pawh chuan ka taksa danglam dan ah chuan min enzui reng tih ka hria! Ka dik thei meuh tawh lo, Class lak chhungte chu rei hi ka ti ngawih ngawih! Chutia mumallo zet a ka awm lai chuan Nunsanga zawk chu a dingthut a,Engmah sawi zuilo leh professor pawh ngai chang tawh lo in a kal chhuak daih a! A tihfo thindan a ni zawk pawh a ni mai thei! Tuman mak tiin an inzui lo!
.
Chawhma zawng chu pangai tak in class kan nei zo ta der! Lunch ei tur in foodhall an siam lam chu ka pan a,Sawndawnga kha chu hmeichhe thenkhat in class zawh rual khan an rawn bawr nghal tuau tuau,Chuvanga kalsan ka ni!
.
mahse tuna ka hmachhawn tur hi ka duh ta miah lo mai! Food hall thlen hma si,Tlema hmun reh lai ah chuan Nunsanga kha bang ngheng in a lo ding run,A bengah headphone a vuah a,A ke vei lam in bang chu a rap pah bawk, Helna tur a awm bawk silo!
Zeploh chuan keimah in ka suttlang ngam bak boruak ken tel a nei! Chu chuan ka taksa thleng in danglam na a siam thei!
.
Ka kal hnaih zel a,A awmdan ti danglam miah lo hian min lo thlir reng,A zawn ka thlen chiah phei chuan ka lungphu hi an ri dawt dawt , Hmeichhe zak zum tak ang maiin hnuai lam ka bih ngut ngut lai chuan a rawn nui ri hawk a,Ka tlan ta mai in ka hria, Ka thinphu a rang,Ka taksa a khur...Chuan a nuiri khan min zem a chial chial mai in ka hria.
.
A lan ve theih tawh lohna ah chuan dingin ka lungphu zawnah chuan kut kan nghat vang vang a, Intlansiak na ah ka tel der silo!Mahse an phut dan tur aia rang in a phu dawt dawt thung!
.
Thutna awl lam melh pah chuan order siam in counter lam ka pan zui nghal,Zirlai tam zawk chuan min lo en leh dauh dauh tawh!
.
"Wow..enteh u..Mithar kan nei ania..!" ka lam pan in mipa pali hi an rawn kal phei,An la sual hmel em em leh nghal a! Hall chunga lo awmve mit chu kan panga chungah a fu nghal thup! Counter a lo duty hmeichhia chuan counter dawhkan chua an beng ri thak thak a,Mahse Mipa pali te chuan a bengkhawn hauh lo.
.
"Khawi hmun a tanga rawn insawn nge i nih?" Pakhat a awm lang a a jacket ziper pawthawng pa chuan a rawn ti sup,Midang pathum chu chimawm zet in an lo nui thu! Mahse chhan ka tum lem lo, An ni zawhna chhangtura he collage a lut hi ka nilo bawk.
.
"Khawngaih in sweet corn soup kha min lo siam aw!" tiin Counter duty nu chu ka melh ngar, Ka hma a mipa nen min melh dun zak zak pah chuan lu a bu nghat!Ka eiduh min lak tur in an choka lam ah min luhsan a,Mipa lam chu ka la melh duhlo cheu!Amah pawh hian kalsawn a tum lo chuan ka hria.
.
"Hei aw!" Tiin tray pakhat ah hian ka eitur chah ho chu a rawn dah chhuak a,Bill min pekpah in keiin pawisa ka hlan,Nuisang a inher in Chung mipa pali chu ka kalsan nghal hmak! Hall chhung a lo awmve zawng zawng chuan min en thup! Enge an hriat pawh ka hre nek lo e!
Thui pawh ka la pen hma in min enthup chhan chu ka hre zui nghal.
.
"Enteh u...He nu hian min ngaithla lo vel a nia..!" Khapa sual hmel zet khan Hnunglam atang ka ban bul ah a rawn hmer chawt, Ka ding dat a!
.
"Ka ban hi thlah vat teh!" Hmeichhe in la no tak ka nih loh ang bawk in hetianga hmeichhe vauzam tum mipa hi ka ngaithei lo.
.
" Kan college dan kha tu a maw tal hian han hrilh fiah teh u!" Chupa bawk chuan an ti leh lang langa,College dan te chu ka chhiar vek tawh hrilh nawn ka ngai reng reng lo,Ka kut hmerna thlah miah lo in Ka hma zawn ah chuan muangchang in a rawn pen a,Cho zet hian ka lo melh ve kham!A nui suk a.
.
"Ka zawhna che kha i chhang lo ngam a maw?" zawi zet hian a rawn ti sup! Min din hnaih mah mah a vang chuan ka tawlh hnung dat a, Mahse a rawn hnai ve zel! Midang in min enthup dan ah chuan He pa hi tuman an dang ngamlo tih ka hrethiam mai!
.
"Kawlh leh it awm!" tiin a phun leh sap a, A mit meng leh chetdan vel chu ka haw ngawih ngawih!
.
"He laiah hian uicho rual in enge in rawn tih?" Chu aw chang zet rawn chhuah na lam chu kan hawi nghal thup, Nunsanga kha Foodhall kawngkhar ah chuan a lo ding reng,A headphone chu a nghawng hnung lam ah a bat a, Ka hma a ding mek pa chu a hlaulo tih hriat ngawih ngawih hian a melh kham bawk.
.
A landan pa lutuk chuan movie a chantupa te pawh min tehkhin tir der a lawm! Ka ngaihtuah na ta chu ka bula mipa ding nui hawk thawm chuan min tiharh chhuak zawk! Ka ban a chelhna chu thlah in Muangchang in Nunsanga lam chu a pan hnai chhet chhet a,An pahnih hmel landan en chuan engmah thiltha an tidawn lo tih a langchiang reng!
An incho hmel zek zek tiila a dik ber ang! In hnek thlu pawp in in chhir zui chawrh chawrh mahse tlawm zawk nih an tumlo ve ve tih an hmel landan ah chuan a hriat vek! Kha pa kha Nunsanga hma zawn ah tak chuan a ding chat!
.
"Kan in hmachhawn leh ta maw?"
.
Nunsanga chuan chhanglo in chupa a hma a ding reng chu kalpel in ka dinna lam chua a rawn pan hnai a,Hall chhung boruak chu a reh duk,A reh vang in boruak a muanawm tihna a nilo,A aia thil mak a thleng leh dawn tih a hriat reng!
A rawn pen hnai zel a, ngawi reng in ka hmaah tak a rawn ding nghal run,Ka lakah a thinrim a maw tih theih turin a hmel a tak run a,Ka tray chawi lai chu min laksak in thutna awlawm na lam chu a panzui daih leh nghal, Midang chuan an thil ei lai pawh ngaisak tawh lo in keini ho chu min thlir thup ringawt.
.
"Rawn kal ta che."Bul hmuk a a rawn tih rual chuan kan thawchhuak hak a,He college hian engdan nge an neih tih ka hreta hauhlo! makpui pui a khawsak an phal tih na mi zawk?
.
"In in hresa tih ka hre hauh lo,In hmel hriattirna kan neih theih ngei pawh ka ring!" Pakhat pa bawk khan a rawn ti leh lang lang a,A thiante pathum erawh counter ngheng in an ding thung! thil awmdan hi ka hrethiam ve ta hauh lo mai! Kawngkhar lam a tang chuan a rawn pen let leh a, Hmeichhe then khat lo awm ve hau chuan hlau thawng tih hriat zet hian mipa pahnih chu an melh tawn nghal zak zak!
.
"Buaina a awmloh hram ka beisei!" Chu aw a rawn chhuah rual chuan zirlai ho chu an tawng leh nghal mur mur, Chumai pawh nilo in mipa palite kha engmah sawilo in kawngkhar hnung lam atang an chhuak zui nghal daih!Kawngkhar a tang chuan mipa upa tawhlam hi a rawn pen lut a,Ka la hmuh ve loh a vang in tunge a nih ka hrelo. Mipa palite chhuak chu a melh zui zauh tihloh chu food hall chhuahsan in a kal leh nghal daih.
.
"Oi... Virus -a hi chu kan mi nghal ho pawh khan an hlau ve ngawt mai."Ka dinna bul a hmeichhe thil ei in a rawn tih chuan ka nui deuh hak a.'Virus-a maw?'
.
Tray ri deuh bur ka hriat rual chuan ka eitur ka hrechhuak ve leh chiah, ka leh hawi a ' he thil hi I eiduh lo a mi?'' tih melh hian min lo melh run mai! A bula ka awmlo chung pawn a mit meng sawn min tidanglam thei hial, Kei chauh nilo..He pindan a hmeichhe awm zawng zawng hi amah vang sawn kan danglam vek! Ka ngaihtuahna chu duhlo in ka in sik hlak a.
.
Ka eitur leh Nunsanga lo thutna lam pan chuan ka phei ve vat! min melh leh tawh miah lo.Chair nghen chhan ngheng chuan a thu ngawi ngul,Head phone a lo vuah leh reng tawh. Dawhkan chunga Ka eitur awmna tray chu kan ban da da a!
.
"Tah khan thu la ei rawh!" a hma zawn a chair awm kawk zauh pah chuan a ti sup, Kei erawh in lu ka thing! Engtin nge a hma ah hian thil ka ei theih teh reng ang! Amah vanga ka taksa khur hi a hre vek mai dawn sin.
.
"Thu rawh ka tih chu..!" a ti leh sup, Rawn hawi chho in ka mit ah tak a melh a, Ka sawi tawh em ka hrelo,A mit meng hi a sexy lutuk. "Hmun dang ruak a awm tawh loh sawh."Tiin a hawikual leh thuak a,A sawi dik reng,Thutna tur dang pakhat mah a awm tawh lo. Amah ep a thutna ah chuan tim deuh dai hian ka thu thla a,Tun a ka mizia,Tim,Taksa khur dar dar leh thinphu rang zawng zawng te hi Ngopa khua kan thlen hnu atang leh He mipa ngeng zet ka hmuh a tanga ka neih thar chauh an ni! Msi leh En-i'n hrengat se min nuihzat ngawt ang!
.
"i Soup kha a dai vek tawh,Va tih lum tir leh rawh." Nunsanga vek chuan a ti leh sup, Lu ka thing a."Ka in lo zawk mai ang!"Tiin ka thutna atang tho chhuak in hmanhmawh zet in Food hall chu ka chhuah san nghal dawr dawr a.
.
Hmeichhia bik washroom ah chhuan lut in thawk kan la leh ham ham phawt! Ti nge a ni bulah khan hmeichhe zakzum tak eng mai a kan awm kual le? Hahthlak lutuk!
.
"Zan in kha kal i tum em?" Pawn lam ah chuan tui a in her ri sar sar a.
.
"Kal ang chu le..Vawiin an in hmachhawn dan atang khan zan in fight chu a hmuhnawm ngawt ang!" An nui dun hak hak a_,Reilo te hnu ah an kal chhuak thawm ka hre zui nghal.
.
"Fight maw?"ka ti sap.
.
He college leh a chhunga zirlai te hian eng a maw tak tih thin a nei a nikhawp ang! Kal chhuak in ka kut ka sil ve nghal a,Ka ban a sana chu en in ka rak deuh that! Class neih a lo hun leh reng tawh .Hmanhmawh zet in kan class lam pan chuan ka tlanchuak nghal dawr dawr a,Nachina engmah ka eiloh vang kha a ni ngei ang,Ka pum hi an na riai riai leh nghal.
.
"Khawnge i awmbo daih a?" Sawmdawnga chuan class ka luh rual chuan a lo ti nghal vat!Khang hmeichhia nen an thu ho chung khan ka awm leh awmloh a hriat pawh ka lo ring lo a.Food halla ka awmthu ka hrilh chuan lu a bu ve mai.
.
"College ah hian thilthleng danglam deuh a awm thin a mi?" Min melh zawk a,Enga maw ngaihguah in a ngawi leh deuh vang vang phawt.
.
"Zan in ah ka rual in lo kal ve la..Tahchuan i hre mai ang!"Thutak zet hian a rawn ti chhuak hap a. Kei erawh ka nui ringawt,A chhan chu ka pa in zan chhuah a phal loh vang zawk a ni.
.
"I duhlo a mi?"
.
"ka hrelo..Zan ah kan sawi tha leh dawn nia..!".
.
"Nia..a pawilo..zan lai lampang a mi daih tur a nia.!" A ti leh sup.
.
"Zan lai ah kher maw?"Makti zet hian a lam ka hawi vat,A hriat ang ka hriat ve loh a vang a inti thei deuh hmel pu chung hian min rawn en a.
.
"Umm..Hei erawh kan college zirlai te thuruk,Hostel veng tu leh gate vengtu te mutthil hnu hian kal chhuak in games kan khel thin a lawm."Mit min sia zauh pah hian a ti leh.
.
"Eng thil...?" Chutia ka xawh mek lai chuan Nunsanga kha a rawn lut ve chiah,Min melh lo a,Min kalpel in ngawi ngal in a thutna ngai ah bawk a thu leh..
.
"Thuruk ni rih rawh se!" Sawmdawnga chuan a rawn ti sup a, A sawidan atang chuan zirlai ho thuruk tak tak chauh a ni tih a hriat.Zawt zui tawhlo in ka thu tha leh ta zawk a.
.
Khawtin a thalai te hian khawsak duhdan bik kan nei,Khaw in hnaih te te pawh hi kan nunphung erawh a dang vek thung! Chutiang in kan sawi duh zawng leh kan ngaihven zawng pawh a dang vek! Ka pa in he khua a kan luh hma a min hrilh fo thin chu Ngopa khua hi khawdang ang lo tak in khawtual mite an nunphung a felfaiin tlawmngaihna kawngah an la entawn tlak em em a,Chhiatni thatni ah an la in tawiawm tha em em thin! tih hi min hrilh fo thin,Mahse keiang bawk in thalaite nun chu a hrebik vak in ka ring lo.
.
Tlai ban ah chuan ka scooty lam pan in kal nghal hlawk hlawk,Mi tam zawk chu Bus ah an lut sang sang a,College hi Khaw chhung atang a hlat tham a vang in ke a kal ngawt na chi a nilo.
.
Tlai lam ah phei chuan a lang ramngaw deuh ruih mai!Thingkung a tam in far kung a ding khup a,Thlifim in a chhem rual chuan far rim chu a chhem darh chek chek bawk, khawpui boruak thianghlim vak tawh lo a awm ngawt ai chuan duhthusam in he hmun a awm hi a thlan awm zawk!
.
Ka scooty a ka thut kai rual chuan ka hnung lam hi za mer mer a awm,Hawi let hauh lo in tunge ka bul hnai a awm tih chu ka hrenghal thei!
.
"I scooty ke kha a thep a nia..!" Zawi sup a arawn tih rual chuan rang zet in ka hawi let nghal vut,Mahse a nui ri hawk ka hriat rual chuan kan thawchhuak leh halh a!
.
"I van chimawm tak!" Ka ti nghal that,A nui leh ringawt .
.
"Babe..!" Class a hmeichia rimtui in kap na zet i kha kan lampan in a rawn kal ve mek,Nunsanga chuan ban a vai zauh a,Chunu lah chuan min melh ang rawm rawm a! Scooty chu tinung in an pahnih chuan ka tlansan nghal,Mahse side glasd atang chuan ka thlir ru reng! khawlai ah a awm tih hrehauh lo in an infawp dawn tak ngial a vang in enzawm tawh lo in hmalam ka melh ngar a,Mahse ka sawifiah thiam chiah siloh hian keimah ah hian diklo a awm! Ni nghul ang hian!
.
Reilote hnu ah min rawn tlanpel a, Nunsanga chuan a kut a rawn phar chhuak leh zauh kher a,Chimawm deuh leh vei zui ngawih ngawih theih a awmdan chu a thiam vel zek leh nghal.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:16 pm

A hmeichhe phurh lah chuan an in ti tatu hmel em em leh nghal a!
An tlan chak zawk avang chuan Kar lo ah an liam zui vat a,Midang two wheeler a haw ve dang nen kan in lehpel cho nak nak reng, Ka rin ang ai daihin zirlai hi kan tam a nih hmel.Campuse pawh fang lo in vawin chu ka ni leng ringawt a,Naktuk chuan fanna hunawl ka neih theih pawh ka ring.
.
.
Khawchhung ka tlan luh dawn tawh ah chuan Sawmdawnga bike in min rawn um pha a, ani erawh in min tlansan lo in kan inchhawm chho ta zel a,Mitam zawk chuan tunge ka nih tih an la hriat pawh ka ring lo, class ah pawh khan ka pa chungchang ka sawi lang lo,Chuan Ngopa khua in ka pa lawmna hun an hman tum pawh khan tekve lo in in lam ah ka awm tlat bawk.


Ka pa nihna vang a midang hnena atang duhsak na dawn leh in lak eng a maw pui vel hi ka tihthin dan a ni lo ve hrim hrim!



Sawmdawnga chuan min rawn tlanpel in kan hma lam a kawngzau ah chuan Bike chu a dintir a,Sawi duh a neih ka rin a vang in Keipawh ka ding zui ve nghal a.Mi then khat in min rawn tlan pel ve zel bawk.
.


"Zan in chu..?'"Helmet phelh in ka lam a rawn pan nghal vat a .Kei erawh chuan Chhang mai lo chuan kan ngawi vang vang a, a chhan chu ka pa in kal chhuah a phal dawn lo tih chu tuna ah hian Champhai ah awm tawhlo in Ngopa khua ah ka awm mek tih ka hriat tluk in ka hre chiang tawk.


.
"Ka pa hi..!" Ka ti sep,Min hrethiam zet hian lu a bunghat a,Kan han ngawi dun deuh vang vang ,Zeploh chuan Champhai ah kha chuan ka thiante pahnih Msi leh En-i puihna hmang in zan ah hian ka chuak ru thin! Ka pa dinhmun leh min enkawl na kawnga a strick over hi chu ka hrethiam lutuk! Ka mualpho rual in a hmingchhe ve dawn tih pawh ka hria,Chuvang tak chuan ka chhuak ru a nih pawn ka huang chin leh tihtur awm tawk chu ka hrethiam ve thin! Zan tin chhuah ka dil a piang in lo phal ta ngawt se ka chhuak reng peih miah lo ang_! A phallo tih ka hriat a vang tak a chhuak chak ka ni mai in ka hrezawk thin.



.
"Tian ti ang!" Reife kan ngawih dun hnu chuan a rawn ti thut a,Scooty ngheng in kan piah tlang a ni tlatur in kawl a chhun eng sur chu hmuhnawm ti deuh hian ka thlir vang vang.
.
"Engtin?"
.
"I tukverh atang rawn chhuak ru la?" A ti deuh sup,a ngaihtuah dan chuan hmeichhe hlauh neilo ang mai lawm ka nih.. za vak lo in kan nui hak a,A chhan chu ka room hi inchung lam a awm a nih vang a ni! Chhuah ruk nan chuan a sang mah mah! Ka zuang thlak na lamah ka keruh tliak ta se,A Pawi thui lleh zual ang! "Nui lo teh..Tihdan dang i hria a mi?" amah vek chuan a rawn ti leh,Lu ka thing mat mat a!
.




"Ka rawn telve lo mai ang."Ka tih chuan a ner nawng,Keipawn chu thu chu ka sawi tak na a ka telve chakzia chu a rapthlak zawk, Thalai hriat ngailoh hriat chak hun lai,Thil thar leh nunphung thar hmelhriat chak hun lai lo nih ve ngat phei chuan collage a zirlaiin a ruk a an thil tih thinna hmun a telve tluk a thil chakawm tur chuang a awm lo.Midang in an dai ang dai ve chak hun lai a nih ang bawk in midang in an tihve theih loh ti theibik nih chak hun lai tleirawl chhuak dinhmun a ding ka
ni miau a lawm!
.




"Zan ah in inbula ah ka lo kal a nga,Tihdan kan ngaihtuah dawn nia!"Kan inhnial bap bap hnu chuan a rawn ti ta zawk a,Keipawn hnial tawh lo in Chhungte mut reh hun a chhuah dan kawng ngaihtuah neuh neuh chung in kan tlan zui nghal a.




Maktak maiin Sawmdawnga bula ah hian engmah ka hlau thawng miah lo!Zingkar lam kha chuan ka ngaina lo lek lek a nih kha..Mahse Tun ah hi chuan kum tamtak lo inhre tawh ang maiin kan in mil leh ang lawi a..Hmeichhe thian ka neih ngailo in amah chauh hi zui reng dawn pawh ni ila ka pawiti maih tawh lo.
.




Khaw chhung kan tlan luh hnu reilo te ah chuan Sawmdawnga chuan an in kawng lam ah min pen san a,Kei erawh kan veng lam pan in veng chung lam ah ka in khalh chho thung! Khawpui ang in lirthei vei vak a tam lo Duhthusam in a him! In ka inkhalh thlen meuh chuan ka chau ve reng! Scooty ka hung lut a,Inchung ka luh hma atang ka nu au thawm ka hrenghal,Ka helmet khum lai chu phelh in ka kuah tat a,Varahda ah ka nu chu arawn chhuak zui ve nghal.
.



"Nangnu hi nileng in rilru nuamlo zet in min awm tir char char a nia. Naktuk chuan inkhalh chuak tawh suh ang che."A rawn ti nghal hlawih hlawih,Thenawm ah in ding dang a awm ve lo chu ka vannei takzet!Ka nu hi nu sual leh thil hote te sawi kual ve chiam chi a nilo. Mahse, a aw rawl hi a ring tha em em thung!Chuan a naute chei a min la chei a vang hian duhaiin minngaihtuah mah mah thin.
.



"Nu..A mak thei vak vak..Min en la,Hliam pawh ka neih miah loh hi..."Ka ban lek chhhuak in inchhung luh hma atang ka taksa kan endik tir leh phawt a,Engtin mah ka intina lo chung pawn rilru hahdam hmel a pu lo reng reng!
.



"Lut phawt teh, I pa ka sawipui zawk dawn,I u mama pawn a thlah zawk mai ang che," chhung lam a luhpah chuan a ti leh chiam!Kei erawh in ner nawng in ka zui lut thung.
.
Ka hnial buai leh chuan a aiin min ngaihtuah leh dawn tih ka hria,Ka pa lo haw hunah sawi dun se a tha zawk ang,Ka pa chuan min ringtawk ve tlat,Mahse ka nu dinhmun erawh ka hrethiam lutuk,Nu in fa a ngaihtuah ang leh a hmangaihna ang a nasa hi khawvel ah thildang a awmlo.Choka lam ah kan inzui lut a,Tui vawt chu glass no ah in thlir in kan in khalh a.
.
"Nu.. Ka pi leh pu hian min rawn tlawh dawn lo a mi?"
.
"Ka hrelo,An sawi dan kha chuan Kar hnih cham in rawn kal an tum,a ni tak erawh an la chiang lo a niang."A ti tha ve leh mai.
.
Eirawng bawltur bik an awm a vang in engmah tihtur pawh ka neilo,Ka room lam pan in kailawn ah chuan ka tlanchho zat zat .Room ka luh rual in ka bag chu khum ah theh thla in ka bawk zawi nghal tawp bawk.
.
Zan in chu engtin nge ka chhuah theih ang!Ka pa lah hi a chang phei chuan zinglam thleng thleng a men tlang a ching bawk si! Ngaihtuah na buai zet in khum ah chuan kan leng nghek ringawt a.
.




Ka pa leh Mama an rawn haw meuh chuan khua a thim zui nghal a niber,Chaw ei kan siam a. Ka nu in Scooty khalh tawh lose min duhthu chu ka pa hnena ah a sawi tak na a,Ka pa chuan a beng khawn vaklo, Ka khal thiam tawh vanga min lei a ni miau a.
Kan college chanchin vel min zawt nula a,Mipa maksak deuh te nen kan in hmachhawn kha chu ka hrilh duhlo.. Sawi ngat ila chuan ka nu hian eng a maw tak a ti duh dawn sa.
.
"Mate.. KTP inkhawm zan a nia..inkhawm ve I la?"Inchung pan a ka chho tawh chu Mama chuan min rawn zui ve a,A ni chu a inkhawm dawn chiang sa tih a hmelah a lang vek.
.
"Ka zak e!" Ka tih rual chuan ka chalah a penri faw,Rumzet hian ka melh rawm rawm a.
.
"Zak te ti vel suh aw.. Insiam rawh,Engmah tih tur i neilo!" Tiin ka room lamah min nawr phei rawk rawk a,Inchung lam pawh hi duhthusam in a zau in a felfai em em a,Ka pa inleng bik kawmna tur pindan bik pawh a awm thlap!Ka room hi chu a fal deuh bak ah,Mikhual pindan leh ka pa inleng kawmna pindan piah lam a awm a nih a vang in thawm dim vak lo pawn music ka play nghek thei.
.
"Reilo la..Dar rik hma in rawn insiam peih ang che."Mama bawk chuan kawngkhar pawt khar pah chuan a ti leh nghut!He pa hi chu kan Unau ah a thu a duh ber bak ah min fanu chei deuh thin,Amah ang a fel leh inkhawm taima tur ah hian min ngai tlat zui a!
A sawi tawh a nih chuan ka insiam hma chu min nghak tlan dawn tih ka hre chiang!
.
Phurlo zet in ka insiam ve leh hnu hnu! Mahse thuamhnaw nalh deuha hlek kan inbel tak ah chuan keimah leh keimah chu ka insiam phur chawp leh nghal mai bawk a,KTP inkhawm a nih a vang in inchei tehvut angaih ka ringlo ve ringawt!Mahse ka pheikhawk mantam zet chu ka bun chhuak ta tho a.
.
Ka pindan kawngkhar ka hawn rual chuan Mama pawh a room lam atang a rawn chhuak ve leh chiah,A ni hi chu ka unaupa nimahse ka chuang ve thlawt thin! Simple hmuh nuam deuha Inchei a thiam rual in a la confi tel leh zel a,Ka pheikhawk bun a rawn hmuh chuan a chal a chuar nawng_!Mahse engmah sawisel lo in inhnuailam a pan ta zawk a.
.
"Car kan la chhuak ang,Gate pawn ah sawn lo awm la." Tiin motor hunna lam a pan a,Kei pawh Gate hawng pah in pawn lamah ka pen chhuak ve nghal bawk.
.
Gate chu Mama rawn tlan chhuahna tur in ka hawng zau a,Kan inpiah phul chunga thutna awmah chuan midang awm ve an awm tih kan pawnlam light in a chhun eng raih ah chuan a hriat theih, Mahse eng a chian loh em a vang in an hmel ka hmu thei lo! Quarter hi a hmun afal mai bak ah,School Kawt leh thimchin saw tlem a awmthaduhlo te han chet tlat vel nan chuan duhthusam an ni.
.
Mama chu rawn tlan chuak in Car ka luh ve hma in Gate chu ka kharphui leh thlap a,Car ah chuan thu lut ve in seat bealt ka hreng nghal rak rak! Kan tlan chhuak a,Headlight in phul chung a thutna awm a chhun theih chin ah chuan ka hawi chhuak zauh a!
.
"Ekhai...!" Ka ti sap.Vawiin Food hall a mipa pali te khan an lo nireng!Ka thutna lam side phul lam a thu an nih a vang chuan chiang zet in min lo nuih tih ka hre thei.
.
"I tha maw?" Mama'n a rawn tih chuan lu ka bu nghat.
.
Enge he lai lai ah an rawn tih?Nidawn tak..Nimin lam ka hmuh te pawh kha an mah ni tho hi! Vawiin te lah khan an chimawm in an sual thiam ropui si.
.
"Kha tiang khan Biakin chhung ah chuan thil ngaihtuah ngut ngut lo ang che."Mama chuan a rawn ti nghut,Ka hawi chuak haw a,Car atang a lo chuak fel der,Pawn lam ka en leh chuan Biakin kawt ah kan awm tawh tih ka hre chiah.
.
Kal chhuak in ka puanbih ka pawt mar tha nghal thuak thuak a.Thalai dang inkhawm tur pawh thler tin a tang an rawn inzui dam dam hlawm! Mama nen chuan kan lut dun a,Ka u zawk lo hretu chu an awm leh nghal nual tawh,Thuawi tak in a bulah chuan kan thu ve ren rawn a, Zan in kan kal chuahtum ka rilru a a awm bawk nen,Rilru pek chu a har tak zet.
.
"Hmelhriat i nei tawh bik em?" Inkhawm kan bang tawh,In lam pan in kan inkhalh let leh mek. "Nei tawh bawk ang chu le..Nang ve?"Nui ver ver hian a rawn ti let a.
.
"Nei e..Mahse mipa.. Kan class a in ang a." Kan inkawt kan tlan luh dawn chuan Phul lam kha ka en leh a,Tumah an lo awm tawh lo.
..
"I kal rei a nga,thian pawh i neih belh vat mai ang!" A ti leh sup,Car a tang chuak in aman Gate a va hawng a,Rawn lut leh in Car chu a hunna ah a hung lut leh phawt,Mahse Quarter enkawltu pa khan Gate chu kan khar leh ngai tawh lo in a rawn khar zui ta zawk a,Chhung lam ah tahla in a la kalh daih zui!Engtin nge ka chhuah ve tawh dawn?
.
Ka nu leh pa TV lo en bula ah chuan reilote tak tak ka thu ve,An lo ti ti ka ngaihthlak chuan khawzawla JE ka pa thianpa fapa chanchin an sawi tih ka hre nghal,Ka naupan tet a tang he pa chanchin hi ka nu leh pa hian an sawi dun leh zauh thin,Mahse a chhe zawng nilo in an lainat thu an sawi tam zawk!
.
Ka pa thianpa JE hian a nupui leh fapa te aiin hmeichhe dang a thlang a,A fapa leh a nupui chu in atang a hnawt chhuak an tiin ka hria,Chuan an fapa chu ka rualpui tur vel a nih mai bakah..tunah hian a pa hrawn te nen an khawsa hau..A hming leh an awmna khua an sawi lan ngailoh a vang in ka ngaihsak zui em em ngailo,Mahse an sawi ri ka hriat hi chuan ka lo lainat ve leh tawp zel.
.
"Room ah ka chho tawh dawn!'Ka pheikhawk chu bun tawh lo in ka khai tawh zawk, Room chhung ka luh rual chuan ka phone a rawn ti nghal zat!Sawmdawnga a nih ka ring ve ringawt.
.
Ka bag atang la chhuak in ka nui hak a,Ka ring sual lo..
.
"Hello...!" A rawn tawng ve hma hauh in thawm bengchheng a lamatang chuan ka hrezui nghal.Ka thinphu a rang nghal dawt dawt ringawt.
.
"Enge i tih?"Ring leng lawng hian a rawn au chiam!
.
"Ka inkhawm bang chiah..!"Tukverh parda ka pawt khar a,Ka puan bih hlip in panty nen chiah ka awm,Darthlalang ah chuan ka taksa chu kan thlek vang vang a! Ka lungawi ve thawkhat hle.
.
"Inkhawm a?" Nuih za deuh hian a rawn ti hluai a,Ka lo ner nawng thung."Insiam rawh..ka rawn lam ang che..kan tan hma leh dawn sia a.."A rawn ti zawm leh lang lang! Ama lam atang chuan au thawm leh eng a maw ri rum rum thawm pawh hriattur a awm! Ka phur tluk zet in tlem in hlauhthawnna ka nei.
.
Ka room dawhkan hniam a alarm clock chu ka en a,zan dar 8:45 pm a lo ni va tawh,Ka nu leh pa in inhnuai lamah tv an la en reng sia,engtin nge ka chhuah thei reng reng ang?
.
"Ka nu leh pa an la meng!" Khum tlang ah ka thu,Kan thaw chhuak halh a.
.
"Tihdan ngaihtuah rawh,Minute 15 hnu ah inkawt ah ka lo awm ang. Chuan thuamhnaw rawng thim lam deuh inbel la aw..E...lehlawk lehlawk..Pheikhawk pawh tlanpui awlsam deuh bun ang che."Nui huk chung hian a rawn ti leh! Chung a sawi dan atang chuan ka chuak chak zek zek tawh! Thil tha kan ti dawnlo tih ka hriat rual in ka phur viau lawi .
.
phone chu kan ti tawp a,Ka sam buang thang chu kang lah ah tawn in ka kawrhak dun bantluan chu hlip lo in lather jacket ka hakhnan nghal hmak,Cotton kekawt ka taksa phuar deuh tang,Mahse chetpui nuam zet chu kan in thawlh leh a,Boot bun ka tum zet a chu Nike Running shoe ka chahthar nalh ka tihzet chu ka bun ta zawk a! Thawm dim thei ang ber in ka room kawngkhar ka hawng a,Inchung lam pawh a lo thim thiap tawh,Thaw huai chung in kailawn lam chu ka pan them them a,Inhnuai lam pawh chu dimlight chiah a lo eng tawh.Mama Pindan zawn ah chuan kan tawp dat a,Movie a en leh tawh a ni ngei ang,Thawm a la awm tlat!
.
Thawm nei miah lo in choka lam a inhnung lam chhuahna kawngkhar chu ka thleng thei hram,Kawngkhar chung lam a inkalhna chu ka pawt hawng a,Ka let leh hma chu pawn lam ah thing in emaw ka do kalh a ngai rih ang!
.
Gate lam ka tlanphei khat khat lai chuan kan thiana khan Gate a kalh tih ka hrechhuak ve leh chiah,Ka ding dat a,Let leh ka tum lai chuan Gate pawn lam atang kut chang tum ri ka hria..
.
"Arinzual...rawn lawn liam mai rawh.." Sawmdawnga aw ka hriat rual chuan ka thawchhuak halh a,Ka room ka chhuahsan atang khan ka taksa hi a tang tung reng!Tlem te hian kan inthlah dul riai riai hmasa phawt ! Gate lam chu pan in thir inhung phui khup ah chuan kan lawn kai thla ngawt a! Champhai ah khan zan chhuah ruak kan hrat hle a chu Gate em em hi chu ka la lawnliam hauhlo!
.
"I van bon reuh tak"
.
"Sawilo mai teh..ka ban hi a zum in a tai..!" ka ti hlak..A nui leh suk a,Bike lo inhung lam chu pan in kan tlanchuak zui nghal chu ani mai! Kawchhung lam ah tlan lo in khaw pawn lam kan panding nghal a, Boruak chu vawt lutuk nisi lo hian thli erawh a tam.. Sawmdawnga chuan a khalh chak bawk a,Reilote hnu ah ramngaw lam ah kan tlan lut fel der,Khawchhung a tang hla fe kan tlan hnu chuan bike headlight in a chhun eng chin ah chuan lung lo inphun hi a awm a,Khawchhung atang km 4 kan tlan tawh,Chu mi hmun a tang chuan kan han tlan leh deuh vang vang a,Keimahni thawm nilo .Thawm dang a hriat theih tan..
.
"I rin aiin thil thleng hi a mak dawn nia..!"Sawmdawnga chuan a rawn ti lang lang a,In ka chhuah san rual khan thil danglam tak a ni dawn tih te chu ka hrethiam nghal vek tawh!Mahse engthil chiah nge ka hma chhawn dawn tih erawh ka la ngaihtuah thiam lo..Thlifim thaw heuh heuh ah chuan rubber kang rim te a rawn nam tel chek chek a,Chutiang bawk in bike car tih pawh ka hrehrang lo..Thawm ri hum hum rawn chhuahna lam chu kan tlan hnaih zel bawk .
.
Kawi hnih kan tlan leh chuan ral lehlam a lo eng khup leh mihring lo ding khup chu kan hmu thei tawh..An za vai mai chuan an ding bial tuau tuau a, Ramngaw a nih tawh a vang in khawchhung lam ven thawn a ngai tawh lo bawk a.Thawm an chhuah nasa kher mai!An au leh huk thin..
.
"Ka kut hi chelh tlat ang che..Police an rawn kal chuan tumah buai pui buailo in i himna tur in tlan chhia ang che..Kei min man a nih pawn ..I tlan zel ang.."A helmet a phelh a,Chhung thu a sawi lai te chuan ka lo ip deuha chawi chawi thei.Police em em a sawi tel ka rin loh lutuk vang a nizawk mai thei.
.
"Mahse chu chu engvang in nge ka tih ang?"Bike atang chhuak in kan piah lawk a thalai rual sapatal kual vel chu ka thlir a.
.
"A chhan chu dan a ni..Chuan Police in an man che a nih chuan hr hmuna a i mi hmuh dangte hming hi i sawi chuak thei lo..i lo sawi chuak a nih chuan heng ho zawng xawng hi i hmelma an ni nghal dawn." Bike atang rawn chhuk ve in a nui leh suk a.. "Keimah pawh tiam in..!"Sawmdawnga bawk chuan a rawn ti leh sup!
.
"Mahse hlau thawng suh,Police hi an rawn kal mai mai biklo a nia.." Ka darah a beng thak a,Ka kut tang kar ah chuan a kut rawn rawlh lut in midang awmna lam ah chuan min kai phei ve nghal a.Thenkhat lo awmtawh sa chu ruih an nei tih hriat zet hian an lo meng buainak hlawm tawh,A then thim chin a lo in kuah nawk nawk lah an awmfur!
.
"Tunah hian enge an tih a.?"Bengchheng thawm a that em a vang chuan bengbula in auh lawng lawng a ngai.
.
"En rawh le...!"Tiin ka hma a mipa pakhat chu a namsawn a,Ka hma lam ka en rual chuan ka meng nghal kawk thei!
.
"Lalpa..!"
.
Thalai za rual dawn in an lo bawr tuau tuau leh hmuhnawm thlir a an lo thlir kan hmu ve chiah chu hmuhnawm tihna reng ka nei ve lo!Mipa pakhat hi kawngpui charah a let hlawm tawp,Chupa sawisa tu chu tudang nilo in Nunsang nge kha a ni! Chethei lo a let reng tawh mipa chu a hnung lam atang a pheikhawk chan hmel zet chuan an chhir leh pawp a,Pakhat pa chu a vial nghal ngawlh ngawlh mai! Au thawm a tha in chu thawm chuan Nunsanga chu a tiphur a maw tih tur khawp hian a inhrosa nasa zual.
.
Ka bing nghal mup mup tiila adik ber ang! Ka ni deuh suih a.. Sawmdawnga chuan ka kawnah a lo chelh vat.
..
"Kalsan i duh em?".
.
"A that dawn mi?" ka aw te chu an hla riai riai in ka hria.
..
"Dawnlo e..Tisawn hliam tuar pa saw an rawn la sawn mai ang,Kan in bet ve dan a nih hi..Ngam leh ngam an nih a vang in tumah in kan va thelh leh tihtawp a thiang lo..Mahse a thi dawn lo.." Nunsanga telam melh leh zawk pah chuan a ti leh lang lang a,Kei erawh in a sawisak pa saw a thih ngei ka ring!A hnung a tang a chhir rual khan a ka ah thisen a rawn chhuak a,A ban pawh saw a chetthei tawh lo tih hriat zet in a in thlep hnawk.
.
Nunsanga vek chuan mipa kut zawi hniang tawh chu an rah sak a!!!rap mai nilo in kawngpui char ah chuan a rap hriak tiila a dik ber ang..
.
"Sawmdawng..eng a maw tal ti rawh..a that tak tak mai ang.."Ka ti nghal chul..Midang lah chuan engah mah an ngai lo tih hriat zet hian an kut chu boruak ah vaiin an au luih luih a..Mahse Sawndawnga chet ngai lo in chumipa che thei tawh lo chu mipa lianzet pahnih hian an rawn zawn sawn ta thuai bawk.Nunsanga chuan a ban vei lam chu van lam hawin a lek chhuak a ! Kawh a hak loh a vang in a taksa chu a hnawm chap tih bikr headlight in a chhun zawng chuan a hriat theih..Mipui an au dur dur a,Hnehtu chan chang in ti zet hian hawikual vah bawk.
.
Mipui kar atang chuan rap zet hian ka lo melh tlawk tlawk! He tiang mize pu hi a nih ka ring lo..Nilo .. mi fektak a ni dawn lo tih chu ka hria..mahse ...Tiang em em te chu...
.
Chutia amah ka en ngawt ngawt lai chuan kan mit a in tawng ta chat mai! a kut chu la thla in a kamsir thi chu a kut chuan an tuai zauh a,Ka lak atang a mit a la sawn tawh lo reng reng! Tlem in a rawn pen hnai a.. Ka pen hnung nghak hrat! Sawmdawnga ban ah ka vuan chawt a! Keipawh Nunsanga lak atng chuan ka mit ka la sawb thei bik chuang lo.. Za vak lo a nui suk hian lei ah chuan a chil a chak that..Thisen a chhak chuak ve tho!
.
Mahse..Mipui zing a tang chuan Class a hneichhe nu kha a rawn tlan chhuak a,A tabik a nih zia lan tirnan Nunsanga nghawng ah kuah in a fawp nghal tawn tawn! Au thawm a ring leh zual..Za vak lo hian kan nui hak a.. Nunsanga pawh chuan chu hmeuchhia chu a mawngah chawi kang in hmeichhia chuan Nunsanga kawngah a kherh bet chial a,Duhthawh lutuk in an in fawp tawn tawn a nih chu!
.
'Eng nge pawi..an duh leh infawp se.. ka tan tangkaina a awm reng reng lo!" Tiin enliam ngawt thei i la..ka titak zet! ka taksa chhung a lo na tel ve chu ka hrethiam lo,Chuan ka duhlo bawk.
.
"Kan let dawn mi? Bike intkansiak a la awm dawn a...i awm duh nge i let duh?"Sawmzuala chuan min kai sawn in a ti nghal sawk sawk,Rem leh remlo in ka la tlir let tawk tawk a! An nipahnih chauh khawvel a awm ang main an che zui a nih chu!
.
"Heng hi a tak vek maw?" ka ti hluai..Diktak chuan hmeichhe fel leh innocent tak ka nilo..Thilsual leh thalaidang in an tihang tam tak chu ka ti ve tawh..Mahse tun a thil thleng ang hi ka vawikhat hmachhawn na a nih bak ah...Mizoram tha laiin an tih ka rin loh leh beiseiloh lam daih a ni...
..
Sawmzuala chuan min chhanglo in a nui hak a.. "Mak i ti tih chu i mitmeng phawk lutuk ah khan a hriat a lawm.." a rawn ti sup..Ka thaw hak a.. Mak tih hian a hrilh fiah zo lo..
.
"I let duh em..Darkar chanve hnu hian Bike intlansiak a awm leh dawn a..!" Sawmdawnga'n a sawi lai reng chuan ka ban ah hian tha chak zet in a rawn vuan a,Min phih let nghal dawr! Ka inrin loh em a vang in min pawt tu chu ka bawh khat khat a,Ka hawi chhuah leh hma in tunge ka hmachhawn dawn tih ka hre fel der!
.
"Hmel a.." Vinzet hian ka ti nghal tuar. Nunsanga kawr pawh ha lo nen kan in dinchilh ran mai,Ka thusawi chu ngai pawimawh lo zet in a nui suk a,A mit meng sexy lutuk chuan ka taksa hi chiang xet in a enchuak nghal vek.
.
"Tu in nge rawn hruai che.." Ka melhrumna ngaipawimawh lo zet in a khabe thi deuh sang chu a tuai leh thuak a.A taksa nalhdan chu ka sawifiah thiam lo zawk.A awmbawr tihrawl tha zet leh a vuan uk deuh kharh chu eng vak lo in a rawn chhun a,A awm a thlan awm huh dap chuan a taksa nalh zet chu an ti lang it awm leh zual.. 'Ekhai..ka ngaihtuahna kha ka ngaihtuahna anilo...'
.
"I buaina tur a awm lo..!" Dak chho ha hian ka ti leh nghek!Diktak chuan heng a awnziang ah hian ka thawm hi a ring lo ber!Midang zawng hi chu naktuk zing ah an hrawk a na ngawt ang.
.
"Ka buaina tur anih vang a lawm ka zawh che..!" A thusawi chu a ngawihsak zui tawh pawn ka hrelo..Ka bul a Sawmdawnga rawn dingve chu an melh deuh kham a,Kei lah in eng e maw ka hriat ni, Sawmdawnga ban bul ah chuan ka vuan nghal vat! Nunsanga chu a phun hluk a.
.
"Bawiha...Eng vang a Ui naute rawn hruai chhuak nge maw i nih le..?" Tiin sawmdawnga chu a melh zawk, Sawmdawnga lah chuan engtin mah chhang lo in a then sak ringawt.
.
"Hmela..Ui Naute ka nilo e aw..!"
.
"Hei hre rawh..Zan in a i mi hmuh zawng zawng te leh thil thleng zawng zawng hi midang bulah a chuak a nih chuan..!" Nel awm loh zet hian a rawn ti hrawk..Min kal hnaih deuh a..A kut tang in ka bianga sam tlem lo tla chu a hui kiang a " Thiltha i chung ah a thleng lo ang!" A ti leh sup..A mit meng zim san ah chuan a sawi mai mai lo tih a ti chiang hle..
.
"I buai a ngai lo..!" Kan ti let ve salh a,Eng ah mah hma a min ring lo leh sawi chhuak bik tur a min ngai chu ka ngaihdan a ni bo lo!
.
"Min hnial vak lo teh..Chuan let tawh ru..!" A ti leh hmuk,Kei min en lo in Sawmdawnga zawk chu a melh zawk a,Kei erawh in a ni sawi a nih vang hian let ka tum lo bur..A duh dan ang ang a min tihkual a rawn tum ringawt te chu ka ngaithei hauh lo.
.
"Arinzual..kan let dawn mi?" Sawmdawnga'n a rawn tih rual chuan Nunsanga chu min hnung chhawn in midang awmna lam pan tur chuan a in her tawh! A taksa nalhzia chu i enzui lo a nih chuan diklo na i nei a ni zawk ang!
.
"Ka la awm dawn..!"Mahni inringtawk zet hian ka ti ve hmak,Nunsanga chu ding chawt in a rawn hawi let a, A thinrim nge pawh ka hrelo,A landan pa lutuk chuan min ti a lo chauh tih erawh ka hriat rual in lo thinrim pawh nise ka buaina tur a nilo..A ni min hruai ka nih loh ang bawk in ka duhhun ah ka hawng ang.
.
"Luhlul lo khan let vat zawk la.." A kut leh lam in a hmai a tuai puat a,A kamsir a thi awm ser ser te chuan a ti langpa ngawih ngawih. .Oh..Hmeichhe kawplai nei a ni tak e! A bialnu nen ka hmuh dun khan ka puak darh mawi dawn a maw ka ti hman anih kha..
.
"I rual a kal pawh ka nilo..!"Amah melh duhlo in ka hmalam ka melh ngar ngar. He mi hmuna ka awm chak vang hrim hrim nilo in ka hnial chak vang zawk a ni ber tawh.
.
Chutih lai tak chuan an din thupna lamah chuan thawm a rawn awm hak a,Hmeichhe ho chu an te nghal chual mai.
.
"Hmela chu leh!" Tih leh Nunsanga chu mipui tlandarh mek lampan chuan a tlan let nghal vut a,Engthil nge thleng tih ka hriat chian hma in kan lam pan a mihring rawn tlan ho chuan min rawn su nawk nawk,Tupawh mai chuan hlauh an nei tih hriat zet hian an rawn tlan let dawr dawr hlawm! Ka ban ah tha chak zet in min phih lawp a,Tudang nilo in Sawmdawnga a lo ni..
.
"Bike ah hian rawn lawn rawh.."A au nghal tuar mai. Kei erawh in lawn ka tum lo..Nilo..ka tih tum ber pawh ka hrelo..Mi dang rawn tlan nawk nawk kar a tang chuan Nunsanga kalna lam chu ka va melh a,A ban in mipa pakhat a vai thlu tawp hi ka va hmu hman.
.
"Arinzual...Tunah..!"Vin that hian Sawmdawnga chuan a rawn ti leh tuar.
.
"Mahse an ni saw...!"
.
"An inbuaipui thei..Hman hmawh rawh." a rawn ti leh hrawk..Muangchang in a hnung ah chuan ka lawn a,Midang pawh chu bike ah mipa li te .pathumte in phur in an tkanchhuak nghal zung zung!
.
Nunsanga chu mipa pali in an hual mek,Chung mite chhu tudang nilo in Vawiin a mite kha an ni.
.
"Sawmdawng tinge amah chauh a in kal san?' Bike hnung lam atang chuan ka au nghek a,A rum nghut ringawt.
.
"Mipali in beihrawn an tum kha.." Kan ti leh tuar a,Ka thusawi chu hria ang pawn a awmlo..Kan tlanchak hle tih leh midang min lo lehpel zut zut te au te duar duar lo chu hriat tur a awm lo.
.
"A inenkawl thei a lawm..chuan Nunsanga duhdan a ni bawk!" Khawchhung kan hnaih tawh,Speed pawh an timuang deuh a,Mahse min chandan a vang chuan ka lungawi thei chuang lo.
.
" I pui thei reng sia." ka ti chuai raih.
.
Bike chu kawngsir lam ah a din tir a.
.
"Keipawn puih ka duh a lawm,Mahse ka thei lo,Khang mite khan midang an tihbuai duh vang nilo in Nunsanga kha an huat vang..Chuan a mimal nun a kan inrawlh a duh lo..!" Harsa tih hmelzet hian a ti sup..Mahse a man duhlo mahse tlansan kher kha a tul miah lo.
.
"Engtin maw awmpalh ta se!" Ka sawi zawng te chuan thil thleng thei ka ngaihtuah a..Ka khur ru dar dar thei! Mipali in mi pakhat an beihrawn dawn chu a nia.
.
"Engtin mah a awm lo ang, Amah a inveng zo lutuk! " A rawn ti ve leh thung..Keipawh hian ti nge ka ngaihtuah em em pawh ka hrethiam lo.
.
"Heng zan insual leh Bike intlansiak te hi Nunsanga bultan vek hi a nia..Chuvang chuan engkim chingfel tu nih a duh bawk.Khang mi pali te kha chuan engtik ah mah an hneh ngai dawn lo hrim hrim!" Zangkhai zawk hian a rawn ti leh halh a. Keipawn chu ngaihdan chu tawm pui thei i la ka ti tak zet.
.
"Keini hian pui tum ta i la..Khang mite khan kut min lo thlak ve si se..khatah tak khan Nunsanga hian ani lak a a thinrimna kha a thunnun zo dawn lo, Chuvang chuan a mah choh a hmachhawn a duh..Keini hian rilru nuam tak in kal tlansan i ring a mi? A teuh lo...Mahse mipa kan ni..mi mal duhthlanna pawimawh zia kan hria.. chuvang chuan hahdam la, Naktuk ah himdam pial in i hmu leh mai ang!" a rawn ti leh sup a, a sawidan a tang chuan hetiang thil hi an lo hmachhawn fo tawh tih a hriat.
.
"Inchin ang hi Mizoram a tih a tan chuan a hlauhawm mah mah a nih hi.!" ka tih chuan a nui hak a.
.
"Mipa tan chuan thil maksak pui pui hmachhawn te hi a nuam a lawm!" A sawi lai mek chuan an ngawi deuh vang vang a.. " Chu..Bike thawm chu i hria em? A rawn let mek a nih chu..!" Nui suk pah hian a rawn tia! Keipawh chuan Bike thawm ka hre zui nghal.Reilo te hnu ah kan dinna ep mual a tang chuan Bike Headlight in kawng a rawn chhun phei pap pap. Ka hriat miah lo a ka taksa lo tang ru tuk chu kan thlah dul riai riai a.Eng vang a a ni hi ngaihven ta viau nge maw ka nih le? A chhanna ka hriat vat a ngai.
.
.
Sawmdawnga chuan Bike Horn chu an tiri zauh a. Kan piah lawk atang chuan Bike chuan a rawn chhawn ve nghal.
.
"Ka hrilh che kha..amah a in veng zo lutuk!" A helmet khum that pah chuan an ti leh hlui a,Keipawh ka nui ve hawk mai.
.
"Khatah eng in la tih?" A aw pa zet chuan a rawn ti nghut! a lam chu ka melh zawk,Kawr a la ha lo cheu!
.
"I tello a haw duh lo kan awm a.!" Sawmdawnga'n an rawn ti chiah chu a naknem ah ka piai nghek!A rak that a .Nunsanga lo nui hawk thawm ka hriat rual chuan ka khur chhe lo chauh...
.
"Let ve tawh ang u le. " A rawn ti leh sup a,A aw chhuak dan a vang chuan a lam ka hawilo thei lo.. Tim deuh hian ka han melh a,Uluk zet in min lo en ve reng! A kuttang pahnih a chal zawn a dah zauh in a nui leh suk a! A tlan zui nghal daih..A awmdan leh a mit meng mawlh kha...' Kei hi..zan in ka muthei dawn in ka hreta miah lo..!"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:17 pm

Nithar kan chuang kai a, Nitin in college nun phung leh kal dan pawh ka hriat belh ve zel! Chutiang bawk in kan College Fighter Nunsanga ka atchilh thuk zel tih ka hre bawk! Mahse lan chhuah tir ka tum loh ang bawk in theinghil ka tum!




"I pi leh pu zan in ah an rawn thleng ang!" Ka nu in a tih chuan ka au that a,Champhai kan chhuahsan a tang thla hnih a liam ve tawh, Champhai ah kha chuan ka pi leh pu te in hi awl lo in ka lut chhuak reng thin..An rawn kal a nih ngat chuan reitawk kan in a cham tur in ka ti thei ang chu..
.
"Kha..In khal chuah i tum leh ringawt tawh a mi?" Ka nu in a rawn tih chuan lu ka buk khum zauh a,Tullo tih hmel zet hian min melh let thung.
.
"Ka reilo ang, Kawtchhuah ah thuam hnawh rawn thleng thar a awm a, ka en lawk ringawt dawn." Min chhan let ve hma in helmet leh chahbi la in ka kal chhuak nghal a, Inrinni a nih a vang in in lamah tihtur ka nei chuang lo,Thuamhnaw dawr vel ah kal kual a thil en kual mai mai pah in kal chuah ka duh! Chuan Hmeichhia thian ka la neilo cheu..Sawmdawnga nen kan in kawm chawt, hmeiche tawng thei tak tak kawm ai chuan nuam ka ti fe zawk bawk! Mahse kan pahnih inkar chu thian ang bak in kan kalpui miah lo thung.
.
Nisa tha tak leh khawlum hnuai ah chuan kan in khalh chhuak a,Kan veng a tang tlan thla in khaw tawn tirh deuh leh khaw mipui in a sumdawnna neih nan a an hman thin ber KAWTCHHUAH chu pan in kan in khal thla a, Khawtual mit nun phung simple tak si leh dam raih hi NGOPA khua tinuam tu a ni pakhat bawk! College zirlai in thiltha lo leh maksak pui pui kan tih ang hi chu kawchhung nu leh pa te hian an hrelo a nih hmel! Zirlai lam lah in an hriat kan duhlo bur. Ka nu leh pa te hian an ni ho zingah ka tel ve thin tih hrengat se chuan he khua a ta hi min dah bo vang vang duh in a nia ka rin ni.
.
Ka duhna hmun ka in khalh thleng a,Midang in an bike leh Scooty an lo hunna hmunah chuan kan in hung tha ve leh a,Naupang deuh school kal lo tlan kawi nawk nawk pawh an awm reng.
.
Thuamhnaw dawr ah lut in ka inenkual a, Thingtlang Khaw lam kan nih a vang in khawpui aiin engkim a to vek tiila a dik ang!Thuam hnaw bik ah a nia ka tih ni! Mahse a awmlo hran lo,Hlep awmlo a han zawrh ngawt lah dawr neitute tan hlawkna tur a awm dawn miahlo tihna ania.
.
Ka mamawh deuh kekawr pahnih leh Top pakhat in leiin ka scooty dahna lam ka pan vat a,Mahse ka Scooty bul ah chuan Police uniform ha. Cher chhe ve zet leh kuhva ei sen sung hi a lo ding run mai.Min hmuh rual chuan a rawn nui sang a!A kamsir a kuhva kai chu a hrelo a nih ngei ka ring.
.
"Buaina a awm em?" Ka thil lei ka bag a khung tha pah chuan ka ti nghat! Ka license ka kenchuah leh chhuah loh ka hremiah lo.
.
"I licenses ka check lawk duh a.!" Muang charh hian a rawn ti..A tiangmum hum chuan a ma kut leh kut chu an khawng deuh karh karh a,Midang min kal pel tu te chuan min melh hrek hrek hlawm mai.
.
"Uggg...Lo nghak lawk rawh ,Ka keng em kan en lawk ang.." ka tih chuan lu a bu nghat a,Ka bag ka hai a..a awmlo!
.
"Ka keng miah....!"
.
"Kal rawh..!"
.
Ka sawi zawh hma hauh a rawn tawng ve a vang chuan ang phiau in a awmna lam chu ka en,Kan piah lawk ah chua Nunsanga kha a bike ngheng in a lo ding! Tumdang a ka hmuh dan anglo tak in pajama kekawr sen duk..tial deuh ruai a ha,Shirt dum ban tluan ha in a ban chu a pawt tawm chho deuh! Savun chapal chhehchhawl tih hriat zet hi a bun tel leh nghal a.
.
"Ka sawi chu..License ngailo in let tawh rawh! "Nunsanga zawk chuan a ti leh sup,Ding ngil in a kut chuan a nghawng an vuan zauh a,Police pa chu a lo rum nghut ringawt!
.
"Mahse .!" Ka tih chuan a mah hnial tur in min duhlo tih lantirnan kut a lo vai zauh a, keipawh chu ka ngawi zui ve leh mai. Thunei tu zawk ang mai a an che kual vel chu a lawmawm riau, Mahse kei ni lo in ka bul mai a Police pa zawk a melh ran tawh zawk.
Police pawh chuan Nunsanga chu a melh run, An pahnih hian diklohna an nei zawk a maw ni?
.
"Kal rawh ! ka lo chingfel mai ang." A ban vai zoh in kal tur in min hrilh nawn leh kher,Dawr lo nghak tute leh midang lo awmve ho chuan min thlir thup,Chuan ka bula Police pa hi ka neilo ang maiin a ding ngawi ngul!
.
An pahnih chuan kan melh tawn zak zak! Insual mai tur te pawh an ang zawk a lawm le! Police pa ber a tawng tawh tak si loh ah chuan Scooty ah chuan chuang kaiin kan ti nung a,Chumi thleng pawh chuan police pa nen an in melhna mit chu an la lasawn lo ve ve!Engthil tak hredun ni maw?
.
Ka tlan chhuahna tur in Nunsanga zawk chu a dingsawn a,A mit meng sexy lutuk a min en rual chuan ka sa leh pup tawh! Ka taksa chhung hi an lo khur ve hman ziah! Kan in lam pan in kawng peng chho zawk ah chuan tlan in side glass atang ka tlan pelh tak te pahnih chu kan melh leh zauh a! Thil thleng engmah a awm lo a niang! Nunsanga zawk chu a bike ah lawn in a rawn tlan chuak ve leh nghal mai! Chaktak a min rawn tlanpel fua in horn a rawn hmet ri kher a!
.
Ka chhak kawngkawi a ataln liam chu rum deuh in ka melh zui vak ringawt!
.
In ka thlen meuh chuan inchhung ka hmu thim muai mai! Thalsik zo tawh boruak in lumlet hun lai a nih a vang in ni chu duhthusam in a sa tha!
.
"Nu..Ka lu a na!" Ka nu lo thutna lam ah chuan kal phei in a thutna sofa ah chuan ka chapal bun phelh in ka let nghal tawp.
.
"Damdawi ei la?" Ka sam min chulsak pah chuan ka nu chuan a rawn tive vat!Nu kut hi chu damna a van ni chiang tak, Ka nu kut in ka taksa a deh te hian ka hrehrang thei lutuk! He thil kher kher hi chu Pathian in Nu leh Fa kar a thil ropui tak a phum ruk a ni hial in ka ring! Ka nu in min deh a ka tehkhin thin ber chu lapua nem thep in kan taksa a rawn hrut kual ang mai hian ka feel veng veng thin..
.
"Damdawi chu ka ei peih lo, I malchung ah hian reilote ka mu a nga.ka dam mai ang!" Tlawn ti tih hian ka ti sap a,A nui ve hak hak, A changchuan keimah ngei pawh hi in tipuitling luiin nu leh pa thlazar hnuaia awm thlahlel lo zet ang in lang thin mah i la,Te/Naupang ber ka nihna hi a rawn lang chuak leh thin! Ka nu in min ngaihsak chung leh min buaipui ruai thin te hi ning chang nei thin mah i la..Ka thlahlel leh vat zel tho.
.
"Damdawi ei i hreh lutuk hi chu a buai thlak!"Ka sam kar ah a kut a rawn rawlh a,Ka lo mur sung sung thei!Naute piang hlim mah in Nu kut an hrehrang a lawm le..Kei kum 20 pel pha ngat tawh phei hi chuan ka hre thei leh zual.
..
Ka nu malchung ah chuan lu nghat in thawk kan la siai siai a, Ka duhvang nimaih lo in Lalnunsanga bawk khan min rawn luh chilh leh nghal tawh! A chang hian min ngai pawimawh miah lo ang in a lang a,A chang lah in min ngaihtuah ber a maw tih tur khawp in ka kalna a piang ah ka hmutel ve zel! Mahse Tun hnai hian Kha hmeichhia nen khan an inzui tawh ngai miah lo!
.
"An inkawp tawh lo a ni thei ang em?" Het..Chutiang ngaihtuah a ngai lo,A mizia leh nung chang kha ka nu leh pa hian an duh ngai dawn lo .Chuvang chuan engmah ngaihtuah buai lo in muhil daih ang!
.
Ka harh leh chuan sofa ah tho khan ka lo la mu, Ka Nu erawh a lo awm ve tawh lo, Bang a sana intar chu kan melh zauh. Ka mu rei hle mai! Inchhung lah chu keimah chauh in ka awm tih hriat zet hian an reh thuap a, bang a san intar chek ri chiah hriat tur a awm! Ka thutna atang tho chhuak in choka lam ah eitur ka dap a,ka pa leh Mama chu khaw thenawm ah an zin..hna thil vang in.
.
"Mami..Paratha ka kang a nia..!" In enkawl tu khan a rawn ti lut lang lang! a kut in eng a maw a rawn chawi bawk! Thil rim nei deuh leh hmui lutuk ang hi chu Inchhung lam ah hian kan siam ngailo..in hnung lam a choka ah kan siam zawk thin! Hmui hmer in chhunga siam nasat lutuk chu inchhung a lang chul hma!
.
"Ka riltam tawh lutuk a. " tiin a thil rawn chawi luh chu ka ban sak vat a, Alu kan kawi leh Paratha per hi a lo ni..Dawhkan ah nghat in ka ei nghal hmawk hmawk!
.
"I nu kha chu thenawm ah a kal..chuan i thuamhnaw rawn hawn ho kha kut in ka su bawk a nia " thildang khawih tel pah chuan a ti zung zung a, Lawmthu ka lo hrilh nghal vat. An nupa hian an hmel hmu lo a an tawngri chiah in hriat chuan mizo an nilo tih in hremiah lo ang..An tawng pangai ang thlap in an thiam nal.
.
Thil ka ei zawh chuan room lam ah cho in ka inbual nghal a, Zan in ah ka pi leh pu an rawn thlen chuan kan mu leh lawk in ka ring lo, Reilote kan inhmuh loh Kar pawn sawi tur an ngah em em thin kha ania..Tunah phei chuan Thlahnih tal tap kan in hmu talo,Zan mut hmuan ah kan tawng leh reng mai ang.
.
Ka phone a rawn ri dar dar a,College Hmeichhe whatsapp group bik atang message a lo awm va..Ka en a,Ka thaw chhuak hak..Khanu...Oh.. Catherin-i Nunsanga bialnu khan tun hnai hian a in la thu in hmeiche ho hi min thunun a tum ve nasa lutuk a ka ei thlawt lo,A chang leh tlem a incheina tha mumal neilo te hi nawmnah deuh deuh in an tawng khum a,An Thlalak te an in thawn dar thin, An mahni ang a awm ka duhloh ang bawk in inrawlh buai ka peih lo .
.
Message lo awm zawng pawh chu ka clear nghal vek! An thil tihdan leh chet vel dan erawh sawisel tumna ka neilo, Midang ka nun a inrawlh lo tur a ka duh ang bawk in midang nun a va inrawlh buai vel ka tum lo,Mahse ka ngaihthei loh zawng tak tak a an khawsak zui reng chuan chhan letna ka pe ve ang!
.
Tihtur dang nei chuang ta lo chu in atang kal chhuak in hun lam ah ka lut a,Hun pawh hi duhthusam in a zau nuam in thei kung a tam em em a,A thlang deuh mai hi ko pang niin a hnuai ah hian motor kawng a awm ruih,Kawng pahnih kawng hnuai leh kawng chung intawh khawmna lai chu a zau bik in thenkhat chuan han thutkhawm nan te an hmang thin! Ral leh lam ah chuan tlang an ding khup a,Motor kawng awm kual ruih ah chuan a khattawk in motor tlan a awm ve reng zel!Mahse chu lam chu chhaktlang dung lam pang a ni tawh thung! Lengteng tlang chu tlang lang zinga hla ber,Rawn lawr vuah saw a nih thu Sawmdawnga'n min hrilh tawh.
.
Huana thutna tur an siam ah chuan thu in thawk kan la leh vang vang phawt a! Nunsanga ngaihtuah loh tum a ka in thunun nasat thin zia chu keimah chauh hian ka hria in ka ring! Class ah hian mipa dang ang in a khawsa ve ngailo..A tawng aiin ngawih ngal a athu lai hi hmuh tur a tam zawk! Chuan tu hmeichhia mah hi a be hmasa ngailo,Chumai pawh nilo in a melh mang ngailo zawk!Chung a mize ngeng lutuk vang te chuan ka duh telh telh mai in ka hre lawi a!
.
Ka bialpa neih hnu hnung ber kha tiang hian ka vei chiam pawh ka hrelo,Miduh tih Msi bulah a lo sawi a,Amah kha a chhelo ve..Chuan an hausa in a mah khan min care thiam em en, reilote hnu ah Kan ni chu a ni ve mai,Mahse tuna Nunsanga ka ngaihtuah chiam ang hian vawi khatte pawh ka ngaihtuah ve ngai lo,Kan inzui rei tak tak hma in he lam ah kan insawn dawn ta sia.. kan then ringawt pek a nih kha..A ni inthen duhlo in la inkawp zui reng a duh a,Mahse hmun hran a awm chung in kan inkawp reng theih ka ringlo ve thung..Chuan rilru ka pe em em ngai lo bawk chuvang chuan kan inkar ka titawp ta tho! En-i leh Msi bulah a lo sawi ve nasa,Keimah min ngah reng tur thu te lo sawiin a ka let leh ngei te a ring bawk a nih kha..
.
Chutia thil kal tawh ka ngaihtuah veng veng lai chuan ka thlang mai motor kawngpui lam atang chuan horn a rawn ti that a, Ka zuk hawi thlak nak chuan ching zet a min lo enreng tu Keipawh in a ka ngaihtuah mek pa nen kan in melh ta reng mai.
.



Chhun lam a a thuamhnaw hak bawk kha a la ha, ka rindan chuan sipa camp atang zu a la a nih ka ring! Bike ngheng a thatchhe deuh a ding hian a mitmeng melhna zet chuan min lo melh ngur bawk! Kan hun hman (g) mek te hi an ding nghal thup in ka hria! Chumai a nilo.


Kan pahnih chiah in tun ah hian khawvel ah kan awm!

Harhchhuak thutin kut ka vai zauh a, a rawn nui suk!

Mak deuh in ka bul vel ah hian pangpar an rawn sur seng seng ! Lol

A kekawr ipte a tang a phone la chhuak in eng a maw hi a hmet mual mual a, Kei erawh in chiang lutuk in ka lo en reng! A sam dum hlap chhip buk laih a azuah leh a bek a nawr kawlh ta daih te chuan a ti lang pa hluah hluah! Hmelțha tih tur aimahin a hmel chu a changin a rum hrekhrawk viau. A mitko a thuk deuh hlek a, chumi chhungah chuan mipa nazawng neih ve loh mitthip țha zet dum thim khup a nei bawk!






Kar lovah ka phone a rawn ti dar dar a, chu mi rual chuan Nunsanga chu a Bike ah a lawn fel der.





"I ngaihtuah kha ka hria!" tih zawng Nunsanga hnen a tang message ka dawng anih chu!



.
"Eng chu?"
.



"Keimah.." a rawn hawi zauh a , a la khi suk zui! Ka thisen lum nghal pup vang chuan ka biang hi a sa nghal vek thei.




"High hope!" Tiin ka reply ve thung.
.



"Umm, but guest what, i hawrawp a tang hian min ngaihtuah tih ka hrethei a lawm!" Tih hi a rawn thawn leh, fiamthu mah nise ka lai em em tho. Nge ni a hepa pui hian a ruk in ka duh tih a lo in hre reng zawk.




" I ngaihtuahna tuiek a nih chu!"Tiin ka reply leh, in hnaih tak a message han in thawn vel chu a nuam riau mai, ka message a chhiar rual chuan a nui suk a. Min reply tawh lo in a phone humna kut lam chu rawn lek chhuak in ban a rawn vai zauh.A mize ngai ang bawk in a rawn hawi leh tawh lo ngeng ngul hian a tlan nghal nghal daih bawk



.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:18 pm

Kan inbiak na chu kan chhiar nawn leh ngat a.


Minute khat pawh tlinglo chhung khan khawvel dang daih ah a mah vang in ka cheng! Chuan suangtuahna nuam tak ka neih zui phah.


Tlai lam deuh ah ka pi te an lo thleng a, kan ri nghal chel chul mai, Msi leh En-i thil min rawn thawn ve liau liau te min rawn ken tel bawk .Ngopa khua ag hian nuam ti tak in han awm mah i la chhung khat hnai tak tak kan neih loh a vang in a ruktak a khawhar na hian min chenchilh lo thei lo.
.
Zan lam ah ka pi leh pu mutna pindan lam ah ka insuan lut ve a,He tiang a an bul a mut hi tun hma atang a ka tih thin dan a ni.Kan collage chanchin te min zawt in zan dar 10 vel ah pawh kan la nui leh ham ham thin! Loh theih loh in ka pi hian mipa chhelo tih ka neih leh neih loh min zawt ngei ngei thin..Tun tum pawh in min zawt leh nasa hle tawh.
.
Motor rawn chuang chau an nibawk a ,Kan tawng mawlh mawlh lai chuan an lo muhil daih,Nui var var in ka hnai a mu ka pi chu ka kuah a,A ni erawh a hnar sak sak tawh,Mut thilh tum in min kan chhing ve vang vang a,Mahse enge maw ka ngaihtuah teh hrep ni,Ka harh tulh tulh in ka hria.
.
Kan mutna bula phone ka dah chu la in Sawmdawnga message in an awmna kan zawt ringawt a.Min la rawn reply rang em em leh nghal.Mahse message pangai nilo in thlalak a rawn thawn,Ka download a,Reilote hnu ah an awmna ka hre nghal. Insual an awm leh tawh!
.
"Nunsanga atel em?"Tih te mai hi kan thawn leh a,Thlalak bawk min rawn thawn leh nghal.
.
"Hepa zet chu..!" Nunsanga leh mipa pakhat insual lai mek thlalak a rawn thawn leh,Ka pi leh pu an rawn kal dawn vang in zan in hian Sawmdawnga pawh zui chhuak lo ka ni. Chunglam melh in thawk kan la chhuak ham ham a, Keihian he pa ah hian rilru ka pe mah mah chu a ni,A duh leh lo insual se..Ka tan a pawilo.


Ka pi leh pu bula mu ka nih a vang in ka che tha ngam der silo,Tangtuk in ka awm reng! Tihtheih nei miah lo in ka ngaihtuah zui ngut ngut reng a, ka in hrethiam tawh bik lo,Engtik lai atang khan nge midang chungchang ngaihtuah ka lo chinve tak pawh hi!
.
.
Mit ka men leh chuan pindan chhung ah chuan ni eng a rawn lut raih a,Khum zau tak ah chuan keimah chuah in ka lo mu tawh! Phone chu nizan a ka dah ang ang in a lo la awm ngat,La kang in kan eng nghal ngawt a.
.
Ka beisei loh lutuk in Nunsanga message a lo awm a nih chu!Ka rak that a,Ka mu zawi ngiai kha ka thu ngil nghal zawk! Ka open ang ang open lo ang! Ka lungphu an rang nghal dup dup a,Chu mai pawh nilo in ka khur leh tawh.
.
"Min hmuh pawh a nilo!"Ti a phun sap in a message chu ka hawng a, phurna leh zamna keimah a inchawhpawlh nasa turu lutuk vang chuan ka chhiar tha theilo vel. A van hahthlak tak!!

"I lo kal ve em?"
.
"Khawi ah nge i awm?"
.
"Ka zawng che a!"

A pathum chuan vawi engzat nge ka chhiar chuah tawh pawh ka hrelo. Nizan khan Nunsanga', ka kal ve a ring tihna maw? Chuan min mipui zing ah min zawng bawk! Ka lungphu chu a rang dawt dawt a, ka hmai a sa nghal hat hat!!Oi.. Hepa hi... Ngaihtuah zui ngam tawh lo in ka puan sin lai in kan in lukhuh tha leh rih a. Ka hrethiam tawh bik lo, tun a ka awm dan hi mihring tawng in a hrilh fiahna a awm pawn ka hrelo, ka hlim a, ka taksa hi hlimna vang bawk in an khur dar dar a, Nunsanga ka hmuh chak rual in ka zak tel bawk, chutiang chu ka ni nuai mai in ka hria.



Zang vak in kailawn ah chuan ka tlanthla zat zat a, keimah ringawt te hian ka thlawk thei in ka hria!
.


"Pi, Pu in mutui em?" Tui lum in thlit chhuah pah chuan kan ti lang lang a,Ka nui sang bawk.


"Mu tui tehreng e..Vawiin chu kan inkhawm vek ang chu?" Min nuih var var pah hian ka pi chuan a lo ti vat_! Nia..Keipawh hi inkhawm i la ka helh hawlh lutuk pawh hi a zia awm mah na.
.

Ka college kal tur te chu vawi engzat nge ka inthlak hman? Nidanga ka in hmeh ve deuh a ka hriat pawh kha vawiin atan kher kher chuan an tawk zo lo vek! Ka thuamhnaw tam zawk chu khum ah an let phung tawh,Tukverh bulah ka Pi chu ding in min lo en reng ringawt.
.
"Pi enla..Thuamhnaw hak tlak pakhat mah pawh ka nei lo!" Ka in thlak ngun tawh lutuk chu ka thinrim tung thei.
.
"I ngah em hi..Chuan tun a i phelh kha ha rawh..i inhmeh.."A lo ti ve thung.
.
"Ka hak a piang i inhmeh min lo tilo la.." ti nui nui hian ka pi chu men tiau in ka en a.
.
"Oi.. i vin lutuk..Ka chhuah san dawm che!" tih leh kawngkhar lam pan a rual nghal daih.
.
A tawp ah chuan darthlalang hma ah kan ding vang vang a.
..
"Inthlak leh nan hun ka neih tawh loh vang mai mai a nih hi.."Tiin keimah leh keimah chu kan in hrilh sap a,ka sam chu kut a tuaithur leh deuh in room ka chhuahsan ve thei hram.
.


Scooty bawk in college ka pan leh a,Engkim hi an mawi in an thar sur in ka hria, keimah te chuan kan nui leh ver ver thin, min en reng tu lo awm ngat se chuan mi à amaw min ti hial ang. College thlen hma deuh in Sawmdawnga'n min rawn um phak a, kut a rawn vai zauh bawk.
.
Gate pui lo inhawng sa ah chuan tlan lut in Two wheeler hunna lam kan pan ding nghal a.
.
Sawmdawnga chuan a helmet a phelh pah chuan a phun hluk a! Rangtak in ka en ve vat .
.
"Ekhai..I hma chu ti em em nge a?" Ka scooty atang chhuk in ka pan nghal vat, a mit ko a duk chur bak ah a khabe hnuai lam ah bandaid a bel.
.
"Nizan ah ka insual ve a lawm." Then deuh sak pah hian a rawn ti bui bui, ner nghal nawng hian ka en a.
.
"Vawiin te chu class kal loh mai tur che a lawm!" Kan ti hlui tak na in hau hian awmzia a nei tawh lo,An thisen in a thanhnan vek tawh,Chuvang chuan an mahni in an tum hle a nih loh chuan an bansan mai mai tawh dawn lo tih ka chiang.
..
"Lut ang. Professor ten min zawh hun a chuan lam tur ka ngaihtuah a ngai bawk."A ti hluk, Tui lo zet hian ka zui lut ve a,Mahse he college zirlaite danglam na chu campuse pawn a buina kha college huam chhung ah hian an ti lang ngailo..Nizan a Sawmdawnga insual pui pa leh Sawmdawnga pawh hi tun ah hian in hmu ngat se tha tak in an inbia ang, Chuan tuman insual an ni tih an hremiah lo bawk ang.




Class kan pan lai te chuan Nunsanga ka melh ru reng. Mahse, hmuh tur a awm lo, class ah kan lut a,Class chhunga zirlai tamzawk te hi nizan ah khan an tel ve leh ngei ang. Mahse, tuman Sawmdawnga chu rawn hria leh ngaihven ang in an awm miah lo, pangngai tak in an awm vek, heng vang tak te hian zirtirtu te tan chuan an zirlaite hi nunphung tha lo tak chawk chuak tu an ni tih chu hriat chhuan a har ngawt ang.



First period kan zo a, Nunsanga a la rawn kal ve ta lo cheu! Chuan Catherin-i pawh a awm lo, an pahnih a an han awm lo dun ringawt te chuan ngaihtuahna tha lo pui pui min put kual tir a, an awm dun a ngem/ an pahnaih in awm dun ta se, eng nge an tih ang tih te chu ngaihtuah in ka lungphu a phu leh dawt dawt tawh! Class lak chungte chu rei hi ka ti ngawih ngawih.



Chawhnu lam chuan Library class kan neih dawn a vang in Library room lam kan pan sang sang a,Thenkhat Library class nei peih lo ho chu hmundang ah peng in an kal hrang daih hlawm,Kei erawh chuan lehkha chhiar hi nuam ka ti,Ka hmai phal ngailo.
.



Nunsanga te chu an rawn kal tawh pawh ka ring lo, zing kar a ka phurna leh a mah ka hmuh chakna zawng zawng te kha chu an thlawk bo zo vek tawh, chuan keihian amah ka duhna hi zawi zawi in ka hneh bawk ang!



"RINTEI ZUN LENG" tih thawnthu bu chu lehkhabu inrem zing a tanga la chhuak in ka thutna lam ah ka let pui a, love story hi chiarnuam ka ti in vei zui chiam ka ching bawk, room chhung a bang kil lam pang ah chuan thu in ka lehkhabu lak chu ka chhiar nghal a, A hma deuh kha chuan Msi u mipa hian fiamthu in 'M&B leh story vel hi chhiar vak vak zel suh,Ngaihzawng i nei theilo mai ang,Nulat lai a M&B chhiar hrat deuha hi chuan an thu chira mipa te ang kha an suangtuah zui thin a, an hmuh theih a mipa te hi an pa tawk lo in an hrethian ania.' tiin min fiam thin. Mahse a sawi te ang em em chuan ka lehkhabu chhiar mipa te hi ka la atchilh ve lo.
.
Tui zet a lekha ka chhir lai chuan ka taksa hian thildang hriat tel ve a nei nghal! Rin thiam harsa khawp in ka lungphu a rang nghal dawt dawt bawk! Mahse ngaihven lo luiin ka thil chhiar lai chu ka bih ngut ngut a, ka hma lawk a lehkha phek a thu inziak erawh ka hmu tawh thâi lo! Reilo te hnu ah ka ep chiah chair ah chuan rawn thu ve an awm nghal zat, ka lungphu chu rawn sawt chhuak tur ang mai hian a che nghing lawij bawk!



Ka kut in ka mal kan tham deuh tawk a, ka thawk rang ta lutuk te chu a rawn hre mai ang tih ka hlau hlauh hluah.

Hawi chhuak in enge a tih mek en kher ngai lo in tunah hian min melh reng tih ka hre thei! Kut tang khur ru dar dar in ka thil chhiar lai phek chu kan keu a,A rimtui leh rimpa zet chuan min rawn zem tel ve nghal chiai chiai bawk Mahse, ngaihven ang a lan ka tum miah chuang lo.
.
Dawhkan chu a kuttang hrawl hrup chuan an rawn khawng ri karh karh a, tho thut in ka tlan chhuak nal nal mai dawn mi niang?


Tiang te chuan ka zam chhe leh vek tawh a lawm!
.


Hawi chhuak miah lo in minute 5 dawn ka awm tawh, ka hmazawn ah chuan lehkha hi a rawn theh thla thuai a,Ka lo inring lo bawk nen ka phu zawk zui. A hmel ka en chuan hriat thiam harzet hian Nunsanga chuan min lo melh run! A mit mei in dawhkan a a lehkha bu rawn dah en tur chuan min hrilh a, Thaw chhuak halh in a lehkhabu raw dah chu ka en sak.
.
" Zan in ah i lo kal dawn em?" tih hi a lo ziak. Amah melh in lu ka thing a, A lan dan pa lutuk ka hmuh rual hian a laka ka thil lo tihtum, a mah theihnghilh tih vel kha chu an bo leh vek tawh! Mahse a hmel chu nidang ang lo tak in a lang dul deuh ruih, nizan a insual na ah hliam a tuar ve lo tih hriat zet in a hmai vel ah chuan duk leh pem a nei lo.
.
"Ziak in min chhang rawh!"Hmui phun hian a rawn ti sap . Ka nui hak a, za vak lo hian a then zui ve sak.
.

"Dawn lo." Tih hi ka ziak,A lam ah chuan lehkhabu chu ka dah phei leh a,Pen lakang in eng a maw hi a ziak leh nghal.
.
" Ka message i reply lo ." Tih zawng a rawn ziak leh, min rawn pek hnu pawh chuan chhan mai dan tur ka hriat loh a vang in ka lehkhabu chhiar lai chauh chu ka bih leh ta zawk, a lan dan chuan a duh duh a atih kual theih ah min ngai deuh in ka hria. Hnuai lam atang chuan a ke in ka ke ah a rawn tlawh sawk, inthunun hman lo lek in ka rak that a. Library duty chu ka lampan in a rawn pen nghal vat bawk. He nu strick lutuk leh in la khawng lutuk hi chu ka haw ve thlawt.
.


"Bengchheng i siam dawn chuan lo va chhuak rawh."Fiah fak hian a rawn ti sap! Midang ho chuan min lo melh nghal hrek hrek bawk, heng thil zawng zawng thlen chhan chu ka hma a thupa vang vek hi a ni! Rum zet a melh in ka bag chhuat a ka nghah chu ka la tau nghal sawk, kawngkhar lam pan chuan ka pen nghal hlawk hlawk .

Kawngkhar ka chhuah hma si a ka thawm hriat a vang chuan ding dat in ka hawi let a, Nunsanga kha dawhkan chungah a lo ding a nih chu!! Eng nge a tih tum tia ka ngaihtuah mek lai chuan ngeiawm fahran hian a rawn au thut mai!


.
"Ti khan bengcheng ka siam a, ka chhuak ve thei em?"Dawhkan a la ding reng chung chuan Duty nu chu ngainep hmel tak a melh run in a nui sang suk zui a! Achet dan atthlak leh ngeng ngul bawk si chuan Nunsanga anih zia a pho lang chiang viau! Ban phar kak vuh a, duty nu melh kher paha a hmui a pet sawi zauh chu en in thawk ka hip let hraih a!


A hot tak zet.

" Khai a.. chutiang chuan ngaihtuah suh. Amah vang in he room hi i chhuah san dawn tih in hre reng ta che."




Kawngkhar ka chhuah hnu reilo te ah chuan ka hnung lawk ah a rawn kal ve tih ka hrethei! Tawng in min be kher lo mahse ka taksa hian awlsam tak in a awmna chen chu a hre zung zung thei! hei pawh hi keimah a thil thar leh bawk!
.



Chak tak hian Locker lam pan in ka pen nghal hlawk hlawk a, Nunsanga pawh chu ka hnung ah zel a rawn kal ve, Corridor ka kal tlang leh tur chiah chu ka hnung lam atang thaw ri hrawih ka hriat rual in ka bag hruai a min pawt thut a, ka rak chhuak that, ka bag hrui a vawn miau vang chuan hneh lutuk in ka ding chawt bawk,

Ka hnung lawk ah a ding tih a pang ti lum in min ur hat hat a tang chuan ka hre thei! Ka khup a khur ru dar dar ringawt, duhlo teh mah i la kan inhma chhawn ngei ngei a ngai tawh.


A hmel ka hmuh hma in boruak hip lut in kan thawchuak ham ham phawt a!

"Tinge min hel i tum tal a." A aw pa zet chuan a rawn ti bul hmuk, chhang lo in chil kan lem khawlh a, 'tuna ka inthuam dan te leh landan zawng zawng te hi i hma a lan nalh ka duh vang a tianga rawn in chei hi ka ni a sin,Mahse chawhma zawng i awm bo a,Tunah min ngaihsak ber ang in i rawn lang leh a, Ka awm ang ang hian min en liam zawk teh' Tih khum nghek ka chak, Ka ti a nih ngat chuan keimah leh keimah ka in ti mualpho mai mai dawn sia..He khua ah hian a ni zun a uai tur mai mai a kal pawh ka nilo ti a han palzam vel mai mai theih ka chak tak zet.
.
Ka bag hruai vuan reng chung in a rawn pen ri khap khap a, kut ka lo hum ruh ngat ngat thung, ka hma a arawn din thleng pawn amah en lo in hnuai lam ka bih ngar.
.
"Eitur min lei rawh ka riltam ania!" A rawn ti thut a, Ka rinloh daih a rawn sawi a vang chuan ka nui chhuak hawk, a hmel en chian tum in kan dak chho deuh a, chiang tak a min lo en run tawh a vang chuan ka tim tha leh hnu hnawh.
.


"Kal ang le!" ti leh nghut in ka ban rek ah a rawn vuan a, ka tek nghal vek in ka hria. Khang thlahnih liam tak zawng zawng khan vawi khat chiah kan taksa hi a la in dek, chupawh an zinga ka telve hmasak bet zan khan!
.
Food hall lam pan in a pen nghal pawk pawk a, thuawi tak hian ka zui ve zel, Thil dang engmah ngaihtuah lo in ka ban a vawnna kut chu ka melh tlawk tlawk ringawt!
.
Hall chhung kan luh chuan zirlai dang lo awmve ho chuan min lo melh thup a,Keipawh ka harh chhuak ve ta kawk mai! Kan inzui hi Catherine-i'n lo hre ngat se chuan a nasa ngawt ang.
.
Nunsanga'n ka kut a hmerna chu thin thlak sak ka tum a. Mahse a lo vuan nghet lutuk tlat! "Saw lam ah sawn thutna awl a awm!" Min melh zawk in thutna awl awmna lam chu a thlek leh zauh! Midang min en thup tute chu a ngai pawimawh ve miah lo tih a hmel ah hian a lang reng!
.
"Ka kut hi thlah la?" Midang melh kual pah chuan kan ti sap a,,Ka tawng hria ang pawh a lang lo in thutna awl lam ah bawk chuan min kai phei leh dat dat a! Tinge mipa dang ka tih thin ang a ka vin nghek lo, hmeichhe kawp lai nei leh nghal in a duh dan dan in min pawt kawi chu a nih ber hi!
.
"Thu rawh."Nelawm loh zet hian a ti hmuk, A hmel ka melh zawk a,thinrim hmel a pu chuang miah lo. Mahse, a lan dan chu a nelawm loh tak zet thung.


Chair lo awmah chuan thu thla in thawk kan la ham ham phawt a,Keini pahnih kan inzui luh hnu khan he hall chhung boruak hi a reh nghal hmuk! Chumai nilo in hmuh thiang lo hmu ang maiin min en reng hlawm!
.
"Ka message I chhan loh a vang in vawiin bill hi i pe vek ang!' Hmui ti sawi zauh pah hian a rawn ti leh sup, dawhkan a Menu lo awm chu la kang in a thlek thuak thuak a,Kei erawh chuan a che vel chu mit tla lo lek in ka en reng!
.
.
MENU chu dawhkan ah a theh thla thut a, ka mit ah chiang zet a rawn en in " Chuan..Eng vang in maw ka message i chhan loh a?" zawi sup hian a rawn ti leh thut! Ka lo en uluk lutuk bawk si chu lai deuh te hian ka nui ringawt, Mahse chhanna hmu lo in awm a tumlo tih a hmel ah a lang reng! Engtin nge chhang se min tih? A message vang khan helhhawlh in ka hlim lutuk tih ka hrilh chiam mai dawn mi?Teuh lo..Atthlak lutuk.
.
"A ho e.. a pawimawh tawh hleinem!" Kan ti liampuat a ,A then deuh sak chu ka mit sir in ka hmu hman tho!
.
"Enge i ei duh? Order ka va siam ang!" Ka tih zawm leh zat,Phun sup pah hian a ding a,A kal chhuak dawn maw ka ti hman,Mahse counter lam pan in a kal ta zawk! A awm dan vel ka ngaihtuah chuan bialpa thikthu chhe deuh leh bialnute laka in tithu deuh hi ka teh khin ber!.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)