3 JUNE part 1&2 BY Abbra Reo Ririni Khiangte

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

3 JUNE part 1&2 BY Abbra Reo Ririni Khiangte

Unread post by Abbra Reo Ririni » June 7th, 2017, 8:54 pm

3JUNE (Short Story)
Abbra Reo Ririni Khiangte(PitarteiSualfingi😈)




Link ah hian lut rawh. ☺️👇


https://abbrareopitartei.blogspot.com/2 ... irini.html







.






.






.
















.






.







.














.














.













.















.














.














.















.













.









.





















.











.











.











.










.
Kawngkhar pui chu pawn lam ațang a rawn in pawt hawng bawrh! Ka fanu hma-awrh chung a ka lo țhu muhil chu ka in perh tho nghal zawk bawm. Mahse, inchung a ke rawn pen lut mek ka hmuh rual chuan ka thinphu nasa lutuk leh hlau thawng pawh chu an reh nghal suai suai a.



Ka pasal chu harhfim lo tih hriat ngawih ngawih chungin a rawn lut chhur chhur, A thawm rawn siam avang a kan fanu mangang ţap chu ngawi reng hian ka awi chhunzawm leh dar dar a.



zan dar riat a pel tawh, nileng a a kal chhuak chu harh fim mumal lo in a rawn let ve chiah bawk ! TV bul a sofa ah chuan a rawn thu thla hnawk a, min en lo in sofa nghen chhan ah chuan lu nghat in chung lam a melh nghal run, Kan fanu lah chuan a pa rim chu a hrethiam ve ang hrimin a țap uar sauh a, a kut in min sual ve bat bat reng bawk, a thlaruk tlin vaccine vawin khan kan la a, khawsik nichiah silo in a pang hi a lum veng veng reng. Khum ah mut dawn in a mah in a mu duh bik silo a, ka pasal kal chhuak kawngkhar lo kalhhnan in ka mut pui ngawt thei der silo.



"Bawihtei hi..hau suh u...' tiin kan awi dar dara,Ka pasal țhu ngawi ngul chu kan melh leh zawk thin, Kan inneih hma a min hmangaih leh min duat ngawih ngawih tu kha vawi leh khata ah a nun a in thlak thut a, hmelhriat satliah nen a lakah chuan kan dang lam tawh lo, kei aiin kum 6 in a upa, Higher school naupang ka nih in kan in ru! Ka chhungte rilru ka tina in ka ti beidawng em em a, haw let leh tur in min rawn thlem ngat ngat bawk. Mahse, mhatih lai kha chuan ka pasal hian min duat in kehthei dawm tak te in min dawm a, kei tleirawl ve mai kha chuan a ni mipa rilru lo fing tawh in thiam tak a min enkawl reng kha chuan ka kal san mai a theih biklo.



Khatih hun lai kha chuan ka khawvel a nih ang bawk in a tan pawh a khawvel ka ni ve thin! Kan hlim a, kan inngai ngawih ngawih a, ka chhungte pawn ka hlimna min tih-chiat sak duh loh avang in kan inruk a tang thla nga hnu ah palai pawh an lo dawng sawng ve duh tawh a, chung hun lai a kan hlim țhin zia ka ngaihtuah let a piang in kha mi hunah kir leh thei ila ka ti rauh rauh fo.



"In siam rawh, in in ah ka dah ang che." Ka fanu chu harsa tak in ka awi mu leh tawh. Ka pasal thu rawn sawi avang chuan ka nghing dawt a! Ka pasal chu ka en a, min en ve loin chung lam a la melh run. A sam chu thur siang a, a hmel lan dan tirum zual tur in a biang ah hmul a nei sang bawk. Mahse, tinge kan in lamah min dah ngawt ang?




"Ti nge?" ka ti ringawt. Ka thinlung erawh in hlauh a nei! Ka kaihza tha khur dar dar a vang chuan ka tluk hnawk ka hlau tel bawk.



"Insiam la a ni mai, zan in a i thuamhnaw ken sen loh chu nidang ah in rawn la leh mai dawn nia !" Zawi tak hian a rawn ti leh sup! A țawng sual a nih ring in ka melh tlawk tlawk ringawt.



"Ding reng lo khan i mamawh tur chu va in khung khawm vat rawh." ding chhuak hlut pah hian a rawn ti leh sup.

Chhuat lai a a fanu paw chung a ka ding khawng reng chu min rawn kal pel vut in Tv hunna bula tukverh a tang chuan bathlar ah a chuak zui nghal daih a.



Ka tan chuan khawvel vir mek hi a tawp țhup!


Tinge kan chhuat hi rawn chim a, kan nufa hian min lem bo daih mai loh? Mi tam tak ka ațang a first love nen an inzui leh tih ka hria. Ka hriatna rei tawh lutum! Mahse, ka pasal a ni a, min hmangaih vanga min neih a ni bawk a ka hriat vang in a rilru lam let in a sim mai ka ring a!


Mahse ka lo ring sual tak zet! Sim a hneh in kei leh kan fanu kum pawh la tling lo chu zanlaiah min hnawh chhuah a thlang ta zawk anih chu!




Chawmawlh mup e tilo chuan ka lungphu a inthum rawn dup dup a, ka hrawk chhung a na ngut ngut bawk! Chung zawng zawng ai chuan chem hriam tak a zai nawk nawk ang mai ka kawchhung na kual vel chuan min vil zawk.



"A tlai tak tak hma in che vat teh!" A hma zawng aiin a aw a vin in a chhum bung tawh hle! A rawn luh leh lai ka hrelo, a rawn pen phei vut chu ka dinna ngai ah chuan ding in ka melh ngawt ngawt a. Ngaihzawng min neihsan mahse tun ang a thui a kal ka ring ngailo a sin.



"A chhan ka hre duh!" ka aw chu a khur sai hlak hlak, a mit ah tak ka melh, min ngaitheilo tih hriat zet hian a rawn ner nawk.


"In hnial lo teh ang, ka hmangaih tawh lo che. Chhanna tha a tling em?" a ti a, ka inhum ruh ngawt ngawt!


Kum 3 kan innei ve tawh a, khang kum thum chhung khan min hmangaihna zawng zawng a bo hman bik a nih chu.


"Kima" ka ti sep a, a rawn thawri hrawih.

"Sawi belh ka duh tawh lo." thu tawp a sawi tih hriat ngawih ngawih hian a hmui a chip leh hmak. Ka hmalam a kan fanu muhil thawri sek sek chu ka zuk thlir a. Ka hma a ka pasal ding khawng luah chu melh lehin kan nufa chungah hetiang hian ti lul lo turin ka mitmeng chuan ka ngen ngawih ngawih! Ner suk a lu min thin khum nghut nghut bak ka hlawh chhuak lo.


Amah lo phatsan tawh tu leh pasal dang hial neih san a, a nun tih chhiatsak vek tu nep zo lova kan nufa min tawrh tirh a thlang ta hian min ti tlawm zual a, ka na chu tawrh-hlehawm khawp a thíp in a rawn chawlhpawlh bawk.





"Kima, i fanu vang tal hian..." Ka sawi zawh hma in ka mittui a rawn luang thla pap! Amah phatsan tu hnar zo lo khawp in ka pasal hi a lo sihhnip tih ka hriattirh khan ka nâ ngei a lawm! Mahse, phatsantu ai chuan hmangaihtu chu a tawp ah tal min thlang zawk mahna tiin ka hmangaihna te nen engkim ka tuar zel a, a tawpna erawh nat tlawk tlawk na chiah!


"I fanu vang tal hian he tiang hian awm lul suh!" ka taksa chhung na lutuk leh hlauthawng lutuk vang chuan at mai ka duh




"Din hmun harsaah min din tir lo teh!" bul zet hian min chhang let hmuk, min kal pel in kan nupa mut pindan lam chu a pan zui vut bawk. A rawn luh tirh khan zu rim chiah ka lo hria a. Mahse, tun ah khan rim dang, a rimtui in kah thin nilo nam dang a a nam tel ve. A nih chuan hmeichhe dang nen hun an hmanzawh hnu ah in a rawn pan tihna! A awmpui nu nen kan nufa min hnawhchhuah dan tur a ruahman kual vel tur ang a ka ngaihtuah rual te chuan ka tawt up up a! Țah vak vak ka chak hluah hluah!



Pindan chhung ah chuan a va ri rawk rawk a, Pathian hma a tiam tlat e ti a ka lo dinpui ve ngei mai chuan min hmangih tawh loh thu min hrilh ta tawlh mai chu a nisi a! Nie..Ka pasal hian engtin nge min duh theih, a tlangval lai a tang basketball thiam em em a ni a, a sang in a palian bawk, a tawng tam lova, a nuih pawh in hmeichhe hip tawk lek in a nui thin, kei ve chu ka pian leh nihna ah chhuan tur pakhatmah ka nei lo, Marawh chu tihtak zet in higher ka kal lai kha chuan min zar buai ve tlat, hmeichhe dang ang in mipa ka ngaihsak ve ngailo, mipa a rilru ka pek hmasak na ber pawh a mah vek hi ani, ka pasal a nih hnu ah ngat phei chuan dam chhunga ka ta nitawh tur a ka ngai hmiah. Mahse, kum thum choh a lo daih a nih chu!




"He tah hian in thuamhnaw ka khung khawm a, a dang chu i chhungte nen in la rawn la dawn nia.!" Room ațang a lo chhuah leh chuan bag a rawn khai chhuak a. Rapthlak ti lutuk in ka lo melh tlawk tlawk!

"A mamawh khunghmaih ka nei em tih en nawn la" ti pah a kan fanu a rawn melh chuan ka na zual ngut ngut! He thil hi mangchhia a ni ngei tur a ni,Ka țhan harh san a nga, engkim a lo țha leh vek mai ang.




Phone ri ka hriat rual chuan kan pa chuan a chhang nghal vat a, Loud speaker in a dah kher lo nangin thawm dang a awm ve lo ta fam chu phone a rawn ţawng ri chu chiang tak in ka hre ve thei a.


"Eng tin nge ni ta?" hmeichhe aw a ni.Ka țek sawk sawk! Ka thisen a lum pup pup a.
.
"Lungngai suh, hei kan indah let dawn chiah e.!" kan pa aw zawi leh thum lam pang in a tih ri ka hriat rual chuan ka ţap chhuak ta hawk, hetiang bak hian ka na leh tawh lo ang. Ka fanu rawn tal aih aih avang chuan aw ka chhuah ngamlo, ka thinlung chhung rum tlawk tlawk chuan inpaih chhuah thawl a mamawh a, Ka khur chhuam hlawk hlawk, ka fanu puakpuan tlang chu hmer in ka inseh ruh nghal fan fan a.



"Kal ang, Ka sawi lai khan țha deuh in insiam la chuan..!" Lungawilo tih hriat zet a rawn țawng hluk tu chu ka melh a

*Mate, kan dam chhung in kan awm dun reng tawh ang, fanu duhawm tak min pek a vang pawh hian ka hmangaih thin aia let in ka hmangaih zual che* ka chal fawp chunga sawi tu ngei kha a la, Kha thu a sawi ațang khan thlaruk bak a la liam lo a sin.





Car hnung ah kan nufa in kan thu a, ngawi ngul in car chu a khalh mawp mawp, ka tan chuan engkim a tawp vek! Kan tlan pel kawng te chu chianglo ruai in ka hmu a, ka fanu muhil tih harh ka hlauh a vang in thawm ka chhuah ngamlo, Ka kawchhung lam erawh a khur khur hlawk hlawk! Phatsan ka ni tih ka hriat lai khan tlemte in beiseina ka la nei a *U kima hian min hmangaih, a rawn in lam let leh em em ang* tiin ka infuih ru fo a. Mahse, chu ka beiseina neih ve chhun chu bati alh lai chhem hlum ang hmak in a mit ta hmiah!





Durtlang chho ah chuan kan tlan zel a, ka chhungten zawhna min zawh hunah eng chhanna nge ka pek ang?



"Kut min thlak reng a, ka nei peih tawh lo,tiin i chhungte bulah chuan i sawi thei ang.!" a rawn ti sup. Ka na lutuk! Dawt hmang a ka chhungte hmin tur in min la ti cheu anih chu!



"Kim, In ngaihtuah nawn leh hram la?" ka ti a, ka rilru hi a buai nuai nuai, Ka fanu ka en a, a len hunah apa chanchin min zawt ta se engtin nge ka chhan ang *I pa chuan zan rei tawh a, nang leh kei hi min duh tawh lo in min dah let*' tiin chhanna ka pe dawn mi?



"Rin, a pawi ka ti! A pawi ka ti tak zet. Mahse, ka rilru hi ka thlak thei tawh lo" Fiah zet hian a rawn ti sup, car chu kawngsir ah a ti ding a. Ka chan tlawm thlak zet leh mangan thlak lutuk chu ring tak a au chhuah pui chiam chiam ka va han chak teh lul em!



.
"Kan fanu...Nilo...i fa nu pawh ka rawn chuhpui lo ang che. Mahse, a enkawlna tur a i mamawh zawng zawng chu ka rawn tum ang, nang pawh i la naupang a, kawppui tur tha tak i hmu leh em em ang!" tunah chuan a aw hriat a nuam ta deuh. Mahse, kan pahnih inkar tawp tak zia leh ka ta a nih tawh lo tih a lang chiang ngawih ngawih thung.



"Kan fanu hian pa a mamawh dawn sin...!"

.
"A tan pa țha tak nih ka tling ngai dawn chuang lo!" Car ngheng chhan ngheng chuan a thaw hlah a *Ka fiam mai mai che!* tia a rawn țawng chhuah ka la beisei fan a nih chu!


.
"min hriat kha, rilru pahnih ka pu theilo, i nat tam tak tak hma in kan awm hran hi a tha zawk!" a rawn ti leh sup, ka lungphu rang dawt dawt leh awm chhung tawt tup tup chuan thawk lak a ti harsa a! Ka kâ ah pawh a leng mang mang lo! Thlipui na tak in in ding hlei thei tawhlo duhtawk a a ching let kual ang mai hian ka kawchhung hi a so bulh bulh.



Ka raino țan tirh khan in hrang luah a duh rum rum a, a hma chuan a nu leh pa leh a unaupa te nupa nen kan khawsa ho vek, Kima hi a te ber a nih a vang in a nu leh pa pawh an lawmlo hle, ka tan tak pawh khan a nuam thlawt lo. Mahse, a ti lui tlat sia, kan veng țhenawm mai ah kan indang ta reng a, Kima nu leh pa ten min huatphah ka hlau viau nangin kei kha chu min haw lem lo. Mahse, Kima lakah erawh thla dawn an lungawilohna an ti lang thung.



"Tinge kan indan kher a?'

'nau i pai bawk sia a, ei theih loh leh thil ngainat loh i ngah, mit mei ven ngai reng a i awm ka phallo.' tiin min chhang. Min ngaihtuah vang a ni tih ka hriat chuan lehlam kawng tak chuan ka lawm ru zek, a chhan pawh Kima U nupui hian ka raino che theilo kha țhenawm khawveng leh kan dawr a rawn lut chhuak piang hnen ah min lo sawisel reng a, ka chaw ei theilo te kha 'in tino' chhuah in min chhuah zel bawk si. A ruk tak chuan hrewm ka ti ve reng, mahse ka sawi chhuak ngailo, ka sawi chhuah ngailo a ka pasal in min lo hriat sak a vang chuan ka lawm em em a nih kha.




Mahse, kan in dang kha a tan chuan ngaizawng neih theihna hun remchang tak a lo ni ta zawk a! A țhiante țawngka ațang a bialnu hmasa ber nen an chanchin ka hre ve tawh țhin



Kima hian atchilh in a duh em em a, hmeichhia pawh khan a duh ve hle. Mahse, Kima te shillong a inkhel a an kal hlan in Aizawl sumdawng hausa pakhat nen an lo in nei hmak, kha mi hnu khan Kima hian ngai a awh leh thei dawn lo emaw an tihial a, amah pawn țum khat chu min hrilh ve tawh.



Țumkhat , kan school a basketball team bik hi zirtirna a rawn pe a, kha mi ni ațang khan kan in hre chho țan. A bialnu in pasal dang a neih ațang kum3 hnu ah kei nen kan inngaizawng ve leh chiah, a rilru in a duh tawh chu neih ngei ngei a tum țhin, chu thil chu keimah ah hian a chiang hle, kum 1 kan in zui a, awlsam tak in keipawn ka hmangaih reng, kum naupang pawh pawisa lo in ka nei ta reng bawk.




Kan indan ațang kar pawh tlinglo ah a bialnu hlui nen an inzui lai ka hmu fuh a. Mahse, tihpalh thil thu a in hmufuh an nih thu min hrilh chuan ka ringhlel miah lo. A chhan chu khang hun liam ta zawng zawng khan ka natna tur in a awm ngai miau lo!



Mahse, a bialnu hlui leh a pasal an in țhen tih thawm leh tun a kan awmna hi a bialnu hlui te veng a nih thu ka hre leh ta zel a, zan ah min len chhuahsan reng a. MAHSE, dar 8 velah hian a rawn let ziah, ka rai vang in min ngaihtuah ve deuh pawh a ni mai thei, ka chhungte hneh ah vuina ka thlen ngailo hrim hrim, an rem tilo chung a pasal neilui ka nih vang pawh a ni pakhat.




*I pasal hian Cindy te in hi a thleng ngun mah mah a nia* tih hi kan nupa min hrechiang tu te kâ aţang ka dawng leh nawlh țhin. Ka na țhin a lawm. Mahse, kei hmeichhe tleirawl ve mai kha chu Duat tak a min kuah chung a min hmangaih thu a sawi leh meuh hi chuan ka lungawi leh mai a, ka mawl lutuk vang leh ka lo hmangaih luat avang in ka mit a del reng a, .it var a, thil awmzia ka hmuh thiam ve dawn a piang in a țawngkam khat lek vang in ka mit a del leh nghal zel thin.



Mahse, thil felo awm chu thup bo reng theih a ni țhin lo, nau ka ken ațang a thlaruk na ah chiang tak in a bialnu hlui nen chuan an lo ngaizawng leh tih ka hre ve ta chiah! Kha tih hun lai khan eng vang a chhuah san lo zawk nge ka nih?Eng vang a an pahnih a timualpho lo nge ka nih?



A chhanna chu kei hian ka hmangaih miau a lawm! Hmeichhe hmangaihna hi chu mak deuh mai a sin, min tina ngawih ngawih tu pawh *a sim leh mai ang, ka hmangaih tih a hria a, a rawn in lam let leh mai ang!* ti a hmangaihna thinlunga beiseina insiam țhin kan ni miau a lawm!




Phone ri vang bawk in ka ngaihtuahna a ta chu ka harh chhuak zawk. Kima zawk chuan thaw chhuak hawk pah in a kekawr ipte a phone chu a la chhuak a, Phone screen a hming rawn lang chu ka hmu chiang viau! ka luak a chhuak ut ut bawk.



"Lo awm rawh, ka rawn lam ang che.!" Kan nufa awm lai rengin Cindy bulah chuan a ti sup. Keimah a na thei zawng zawng chu an na ta vek e! Nilo! Na satliah a nilo, ser a awm kumkhua tawh dawn! Tunah chuan ka kal tir ang, ka ngen tawh lo a nga, min duh ang tak in a nun ațang kan nufa hian kan chhuak ang.




"Kima, Kan nufa chung a i tih ang hian tu chungah mah rawn ti ve tawh suh aw, chuan Amanda(Ka fanu hming) enkawlna tur pawh i rawn ngaihtuah a ngai lo ang, khang hun liam ta zawng zawng a nang leh Cindy awm dun tur ka lo dip dal reng cheu a vang pawh khan min ngaidam dawn nia. Hlimla, i khawvel tharah chuan kei leh i fanu hi min rawn hrereng tawh lo ang che!"
Buai miah lo in ka sawi chhuak dap.


Rilru ah inpuahchah lawkna lo nei sa ang hial ka ni! Ka awm dan vang chuan hril hai zet hian a rawn leh hawi dawrh a.

Nie.... a hrilh hai hle ang, hmeichhe tleirawl ve mai hian ţap chunga ka ngen leh a beisei pawh a ni ang. Mahse, mahni induh tawkna ka nei ve.



"Lalrin" a rawn ti sup, a hamhai lutuk hmel chu a khawngaih thlak let ling zawk! Ţap chung a min kalsan lo tur a ka ngen a rin lutuk vang pawh a ni khawp ang.



"I duh ang ngei chuan i nun ațang kan chhuak dawn, i hlim tawh em?" ka ti a, khawnge ka natna zawng zawng kha an bo tak duak ka hrelo.


Kima chu rum chhuak ta nghut a, a ngawi zui vang vang.
.


"Tah hian kan chhuk mai ang chu? Kawi piah chiah saw kan in a ni tawh tho!" ka ti leh ngat, car kawngkhar ka vuan a,Mahse, hmalam atang a lock vek.



"Eng tin nge.. i... .Nilo..Ka țhen che i lo ring lawk vek tawh em ni?" mumallo zet hian a rawn ti bul bul, ka nuih sak a, a rilru mangan chhan ka hre tawh! Ka la duh tlat ni a a inngaihna khan ka lak ațang a indahsan phah a, ka țhen tak tak a ngam loh avang khan a lo indah sang vel mai mai ani. Mahse, ka țhen ang... ka țhen chiang viau ang!



"I ngaih dan dan in i ngai thei ang, khatiang a țhu reng lo khan min chhuah tir la, nuam chu tawl rawh.!" Vin hauhlo a sawi ka tum viau nangin tawl lam erawh ka in thunun hman lo țhelh.

"Nang hi..!" a rawn leh hawi a.
"Ka hriat loh in mipa hmuh țhin i nei a mi? Min va cho ve a?" Min tih el zet hian a rawn ti nek, Ka nui chhuak hak a, kan thawm vang a ka fanu rawn harhlo chu ka lawm lutuk.



"Nangmah ang a awm ve tur in min ngai hlek suh!" ka ti a, a chapona leh induh tawkna ka tihchhiatsak tih ka hria, a kâ hmang in a rawn thaw chhuak hak a. A hma zawng kha chuan ka thiamna ah pawh thiamlo zawk ang in ka awm a, minute reilote liam hnu lawk pawh khan a khawngaih ka la dil cheu, khang a ka awm khan a lo in luling phah zawk mai mai!


"Kut min thlak ngai lo bawk a, ka chhungte chuan kan in țhen chhan dik tak hriat an phu bawk!" ka ti leh a, a chet nghal hlak.
.
"I va nasa reuh ve!" a rawn ti anih chu. Zaklo hi ka ti lutuk. Mahse ka hnial peih tawh lo.


"I duh ang ang in min ngai rawh, kan lo chhuk tawh a nge!" ka ti a, khang kum thum kan lo khawsak dun a tang khan a thinrim chang a awm dan ka hre belh hnehsawh lutuk! Tunah pawh a mi beisei ang a ţap chung a ka ngen ruai loh a vang in a thinrim, bing tak in hmalam a melh a, a kut chuan steering nghet tak in a chelh tlat bawk.



"A nghak che a ni lawm ni?" ka ti a, a rum hawk ah chuan kut min rawn thlak mai dawn maw ka ti hman. Mahse driver site lam atang lock chu a rawn hawng ta zawk a, ka fanu tih harh hlau zet in ka chhuak , kan bul a bag lian vak lo chu ka ak a, kawi piah mai hi kan in a ni tawh. Muangchang in ka pen a, tun ah hian rilruna lo ka nilo. Mahse, min duhlo a, min hnawl tu, zanlai pawh sawilo a min vawm bo duhtu lak ah hian ka natna hi tilang dawn lo!



Car tlan chhuak thawm ka hrelo. Mahse, hawi let erawh ka tum lo.


Ding tak in thli thaw vuk vuk karah chuan hmalam ka pan a. Kan in chu a lo la eng pup. Ka pa mitmeng a zawhna lo lang chhuak tur ka hmu lawk a, ka nu leh ka nuța in lainat tak a min lo melh reng tur pawh ka hmu lawk vek.




"Rini" ka hnung ațang min kohna vang chuan ka ding chawt.

Min umzui lai reng ka hrelo, ka hawi let a, kan in hmuh hmasak ber țum ang chiah khan a thaw deuh hlawp hlawp, kan inhmuh hmasak ber țum pawh khan Basketball a khel zo hi hah tak in ka hma ah a rawn thaw hlawp hlawp a. tui intur min rawn dil a nih kha.



"Kal suh..!" a rawn ti sup. Ka thaw hak a.

"Nilo...Hun min pe rawh...engkim ka siam țha ang!" a ti a, chil a lem khawlh bawk. Țum dang chu nise ka nem leh ngei ang, nem mai nilo in ka kuah leh thlawp tawh ang.

Mahse..

"Nilo e kima Cindy bulah i hlim zawk em em ang, ka bul ah hlim tawk la chuan min phatsan ngai miah lo ang, kei min tina in i pan tawh a, a tawp thleng law law rawh, ka na lo ka tilo. Mhse, ka na nawn duh tawh lo, tleirawl chak lo tak kha ka ni tawh hlei nem!" ka ti a. Harsa ti zet hian a thaw chhuak hrawk



Hun liam tawh ah pawh khan Cindy a hmuh tawh loh tur thu min hrilh fo a lawm, Amanda thla 2 a tlin hma zawng kha chuan zan ah pawh a chhuak ngailo. Mahse, hun a rei a, Kar lo ah Cindy in a rawn bia a, a pan leh zel tho, ka mit ti del in ka tuar reng duh tawh lo, tun a ka nat ai hian nakin ah ka na leh zawk lo ang tih tunge sawi thei.



"Vawi khat choh!" Street light eng in a hmel a chhun eng raih a, a hmai chu a sen tawn tawn, "Vawi khat choh.." ka mit ah ngenngawl zet in min en.
.
"Nilo e..Kal tawh zawk rawh, ka bungrua pawh ka insiam hun min nghak theilo khawp in min khungkhawm sak vek a, vawi khat choh pawh hun pe leh che mah i la, zan in hun ang hi kan tawng leh tho ang." ka ti a.


Beidawng tih hriat ngawih ngawih hian a rawn thaw chhuak hap. Chiang tak in a hmel ka en a. Min lo hmangaih ve thin ngei tih ka chiang! Min hmangiah tlang in min phat san lose chuan dam chhung in kan awm dun bawk ang.



"Mangtha le!" ka ti a. Inher in min phatsan tu nen a kan khawvel kalsan in khawvel thar hmachhawn tawh tur in hmalam pan in ke ka pen zui nghal a.
Attachments
C360_2017-06-07-23-33-36-836.jpg
C360_2017-06-07-23-33-36-836.jpg (175.24 KiB) Viewed 52466 times



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » June 7th, 2017, 8:55 pm

Ka kê pen chu sak țalh mai! Tunah hian Kima hi ka hmangaih loh vang a kalsan ka nilo, ka hmangaih lutuk, ka dam chhung pawn a mah choh hi ka hmangaih tawh mai thei! Mahse, tlawm ngawih ngawih te, nat ngawih ngawih te kha ka peih tawh lo.




A tawng ve lo tan chuan *mi pawh in sawn an in thlak san a lawm, Sawn em pawh a la thlak loh hi, a inchhir a nih chuan ngaidam leh mai ta che!* tia sawi chhuah a awlsam ngawt ang. Marawh chu a tuartu tan chuan a harsa ţalh mai a ni!



Ka fanu chu ka melh zawk a, min chuh buai loh tur thu a sawi tak kha maw... A thusawi a hlen ngei tur ah ngai ang.



Kan gate hma ah chuan ka ding reng a, ka chhungte bulah eng nge ka ka sawi ang

*in thu pawh zawm lo a ka neih luih ngei mai khan, hmeichhe dang min kawp san a, ka rawn let leh ta mai* ka ti dawn em ni?

Van vadak in ka hui chhuak hap a, ka țah a chhuak tawh rih lo. Mahse, ka taksa chhung hi a na ngut ngut thung, ka pang-khing leh lam; dam chhung a tan ti a ka dinpui a ngei khan min hnawl in hmeichhe dang min pansan a, ka tlawm lutuk! Keiin ka taksa peng pakhat a ka ngaih lai khan, a ni chuan min lo duh khawp ngailo.



"I ding rei tawk tawh viau a nia, lut ang" Chu aw thum ruih avang chuan ka zuang dawr lo choh! Thim chin ațang chuan taksa ruang am lianpui a rawn lang hlawl, thaw dep dep chung hian ka mi hmachhawn tur chu ka lo melh mawl tawp.





"Awi! Sangzual!" Vin lek lek hian ka ti hlak, a rawn nui suk a, ka bul ah a rawn ding fel nghal hniah. Ka hmuh lohna chen pawh ka hre tawh lo.



"Lut ang." ti leh supin min melh chhun run a, ka hmuh tir ai khan ka tîm ta dûi bawk.

Bag nen ka in khai bawr laih a, chu pawh zan rei tawh lamah leh nghal, mi a nileng tan lo chuan ka chung a thil thleng chu a hriat theih vek in ka ring.



"Khawi, bag kha ka lo khai ang." ti sup in ban a lek chhuak nghal vut engmah ka sawi ve hma hauh in ka bag chu a rawn la der, A dar ah a bat nghal a, kei erawh ka ding ngawi reng, ka nu leh pa ka hmachhawn hreh lutuk!



"Naute kha a dam lo a nge!" A rawn ti thum leh dut, Aw Lalpa, a sawi dik, tunah pawh hian a pang a sa vung vung, keimah chauh in ngaihtuah in khawvawt hnuaiah ka fanu ka lo dinpui reng tak e. Bawihtei chu ka kuah khawm sawk sawk a. Zanlai ah apa in ațang hnawhchhuah ani tih a inhrethiam ve lo nangin ka lainat ngawih ngawih




Sangzuala chu a kal hmasa, a hnung a'n ka zui dat dat. Kawngkapui inkhar țhiap chu kan hnaih zel a, ka lungphu a in thum rawn dup dup! Sangzuala chuan kawngkhar chu an kik karh karh a, ka thaw chhuak tawh miah lo! Ka fanu ka puakna puan suih bawk chu nghet deuh in ka hmer vak vak a.


Hmeichhe dinhmun chhiat bik zia ka hre thar kuar kuar bawk, mipa in a duhloh hunah chuan tlawm leh zah pawh dawn zo lo a in a in lum lamah a let leh ngei ngei a țul tlat!



Kawngkhar a rawn in hawng a, Kima'n kan in a min dah let tur thu a sawi lai ai a nasa daih in ka chiai tawh zawk! A chhan chu maw.. Keimah vang a zahna tam tak hmachhawntu te hnen ah khan tlawm ngawih ngawihna nun nen ka kir leh miau si a lawm.



"Sangzual, lo kal rawh..!" Ka nu aw ka hriat rual chuan ka buak chhuah hawk lohnan ka hmui hnuai ka seh fan fan, Sangzuala taksa phen a ka ding a rawn hmu leh a!

"Karei! Mambawih...!" a ti deuh tuar! Sangzuala inchhungah a pen lut nghal a, Inchhung eng in chiang tak in ka hmel a rawn chhun thei ta bawk. Ka nu chu nuih luih ngial ka tum nangin ka thei mawlh lo!
.
"Nu..!" Ka ti ro halh! Ka nu hmel ah chuan natna a rawn inlar zut zut.

"Eng thil nge ni ngai.!" Ngawi reng a ka nu nen kan in hmachhawn lai chuan inchhung lam ațang ka pa a rawn țawng a, sawi tur hlawl ka hrelo, ka taksa a khur a! Hnuailam ka bih tlat.



"Ekhai! Mambawih, pawn a vawh em kha, rawn lut ta che.!" A rawn ti dam dap, ka kawchhung ațang ka rum ngawih ngawih mai, ka nu mittui tling pam chu melh in ka thawchhuak ham ham a, inchhung ka pen luh rual chuan ka nuța neih chhun chuan min lo kuah ringawt!



Tuman engmah sawi tur kan hrelo, țah chhuah hlau zet in ka khur ngawt ngawt a, mama chuan nghet leh zual in ka dar a rawn hmer salh salh.



"Ka hlauh ang ngei a thleng ta!" Ka nu aw a ni!

"NU...tun hi thil dang sawina hun a ni lo." Mama chuan a ti nghal hrawk.

"Mate, Amanda hi khum ah mut lumpui rawh aw.!" Damdap hian a rawn ti leh sup, Dimte hian min kuahna chu a phelh thawl a.

"Nang pawn vawt i tiin ka hria." ka hmai bulah rawn awm hniam in ngainatawm zetin min nui suk a. Ka pindan ni țhin lamah chuan min kuah lut in khum ah chuan min țhut tir, Cabinet ațang puan sin tur a la chhuak a, ka fanu muhil thawri sak sak chu dimte hian khum ah chuan ka mut, a pa ang chiah in a hnarngul a sang vah a, a mit hmul pawh a dum buk laih, ka hun tawn hreawm tak leh tlawmthlak tak a hriatthiam loh a vang in ka lawm ngawih ngawih.



"Hahdam rawh, tunah engmah sawi a ngai rih lo, khum bul ah hian in nufa in ka lo veng a cheu." Ka û chuan rawn ti thum dut, ka bu nghat ringawt.


Ka maimitchhing ngam ngang lo! Engtin nge hetiang thil hi ka chungah a thlen theih tih ngaihtuah kual in ka hah ngawih ngawih.



Cindy hmel ka mitthlaah a rawn lan chang chuan tha na zet in ka inhum ruh leh chiam țhin... Kima duh tawh lovin sumdawng hausa a neih san a, nuam tawl a a pasal sum a chen hrep hnu ah kei leh Kima chhungkaw din țan tir ve mai min rawn chawk buai nghal chat mai te chuan min tina tulh tulh.


Ka dam chhungin Cindy te ang hmeichhia ka ni ve ngailo ang tiin ka intiam ta bawk! Ka hma hun a thil lo thleng tur ka hrelo nangin mi chhungkaw ti kehdarh zawngin vawi khat tê mah ka khawsa ve ngailo ang.



"Mate, mutthilh tum rawh" ka u aw thum sup vang chuan ka phu zúk, ka kut a rawn hum nghal zat a. A mit ah chuan kan nufa lainatna leh khawngaihna ka hmu a, țah khum hawk hawk ka chak viau laiin ka awm chhung tawt up up chuan min hnawh tlat a, ka țap chhuak thei lo.


"I chhungte hian engtikah mah kan thlahthlam ngai lo ang che, rilru vahkual tir loin i taksa kha hahdam tir rawh le.."




Ka chhungte hian thil eng emaw tak hriat an nei tih ka chiang mai! Aaaa, An hriat pawh a awm viau tho, keimah ber hian ka hre tlai ber a, mi zawng zawng in an hriat hnu ah ka hre ve choh kha a ni a.



Ni a liam a, mumallo zet in ni te chu ka hmang liam ve lawp lawp a, Kima nu leh pa an zak ngang bawk, kan in ah an rawn kal awl lo a, let leh turin min thlem thul, Kima nu tak phei chu a ţap leh ringawt țhin a. Mahse, let leh phahnan a hman ka tum lo bur.



Kar khat hnu ah ka bungrua kan la a, tun ah chuan nuthlawi ka ni ve ta!



Ka mipa hmangaih hmasa ber leh ka pasal nibawk nen chuan mi hrang kan ni tawh!

Bungrua kan lak ni te khan zu rim nam chung in min lo hmachhawn a, a mu țha lo tih hriat zet in a hmel a dul ruih. Chu chu thu hran, Cindy zawk in kan nupa in nithin țhenawm ațang kan bungraw la lai chu min lo thlir a nih chu! Rapthlak hi ka ti lutuk! Zak hmel apu țhak lo lehnghal.


A hmalam huna a tluang tawh in ka ring lo bawk, a pasal nen an ințhen hnu ah kan nupa min tibuai chat a, Kima kha a dik in Cindy ka dem ngawt ngawt bik a nilo. Kima pawh a sihhnip lutuk. Mahse, phone a rawn be hmasa a, koh chhuak reng țhin tu chu Cindy. Kei nau pai lai che țha theilo leh dim ngai reng reng ai thlawt kha chuan mipa tan chuan Nuthlawi zei bawksi chu a it awm zawk ngawt ang..




Ka chhungte hnen ațang fuihna thu țha tak tak ka dawng reng a, a biktak in kan chhungaw țhian tlangval senior Doctor Sangzuala bulah lawmthu sawi ka ba nasa hle bawk, kan veng ah hian doctor in a țhu a, mi thiam a ni bawk a, ka rilru down lutuk leh mahni indah hniamna nei lian lutuk te kha min hmuh sak vek, ka rinchhan tur leh hma lam pan a min nawr kal tur in ka kiangah a awm reng a, Mama țhianpa ni țhin kha ka țhian kawmngeih ber leh hma lam ka panna kawng a min nawr kaltu mi pawimawh ber a lo ni ta reng bawk.




Ka fanu pawh Pathian zarah a hrisel țha in nuih a duh em em a, thla 10 na a hmang mek bawk, naupang dang ang chu nise țawng zir hunlai a ni ve tawh. Marawh chu țwng tum chhinna a la neilo in ka hria, kal erawh a tum ve nasa reuh țhin hle. Ka nu leh pa in an atchilh em em a. Ka pa hi sawrkar department pakhat a director nilai ani a. Mama zawk hi chuan kan chhungkaw dawr, computer leh a kaihnawih zawhna a enkawl thung.



"Țawng lo in kal a hmasak dawn a niang!" Ka nu chuan bawihtei awi dar dar chung chuan a ti a, keipawn ka ring ve ta deuh. kan țheenawm ah hian a rualpui hmeichhia a awm ve, ani erawh in țawng a zir țan a. Mama papa tih te hi awm ang deuh deuh a sawi ve hlut chang a nei, marawh chu bawihtei ang in kal a tum chhin ve lo thung.
.



"Sangzuala kha chaw ei ah ka sawm a nia." Ka nu bawk chuan a ti leh a, tlangval mahni choh a awm a ni bawk a, kan in a chaw ei tak mai țum a ngah. Kan in hriat tirhte ațang hmeichhia a biak leh kawm vel hi ka hre ngailo, a pa len ang ang in a țawng tamlo bawk.



Tlaiah chuan ka pa leh Sangzuala an rawn thleng rual a, Mama pawh a rawn thleng zawm ve mai, Amanda pawh walker ah kan țhut tir a, amah in a lir ve teng teng reuh a, țawng tum ang in lang lo mahse kan be mawlh mawlh a, puitling ang chiah in kan bia a. A chang chuan a kut chum-biang chu beng in a nui ve hawk hawk thin.



"Rin, Artui chhum sa i kawl em?" Bawihtei chaw ei tur ka siam sak lai chuan Sangzuala chuan a rawn ti hlut, ngaihna hrelo zet hian ka lo melh heu.


"I ei duh em ni?" Ka ti a, a nui chhuak hawk.
"bawihtei ta tur ka chhumsak chu a awm." Ka ti leh a.
.
"Good, chu tak chu a lawm ka duh." ti sup in bel chhung a artui chu a la chhuak, tui ah chiah daiin a tuai hul leh vek, ngaihna hrelo zet in ka en reng ringawt.



"Amanda saw amah in kal tir chhin ang, a landan saw chuan a kal thei tawh." A ti. Ka nui chhuak nghal hak hak. Chu tluk a nu tan a thulawmawm dang awm chuang lo ang. Țhut khawmna lamah chuan kan inzui phei a, Amanda leh a Ka u an lo in pawn kual a, Amanda kawh vu vu na lam apiang ah ka u chuan a kalpui zel a. Ka nu leh pa'n an lo fiam rai rai reng a.



"U.. Sangzuala hian a kal thei a ring a, kal tir chhin i la." Ka ti a, an lo phur hlawm khawp mai, ka pa in artui a keng a, keini ho zawng chu ka pa hlat deuh tak ah kan ding, Sangzuala chuan Amanda chu lei ah a nghat a, ka thin a lo phu dep dep mai.



"Video in cover reng reng ang." Chhuat a țhingțhi chung chuan min rawn melh vut, a hmela phurna leh hlim hmel ka hmuh chuan Kima bawk ka hre chuak zawk, a fanu hmasawn ve tawh zia hi a hreve mang silo a.



Ka u zawk in a phone in a lo cover a.


"Apu artui ken sawi va lak sak rawh aw Amand. Chuan, i lo let pui leh dawn nia!" Sangzuala chuan bawihtei beng bulah chuan a ti a, thla 10 lek a la ni a,letpui tih vel kha a hrethiam in ka la ring lo. Mahse Amanda chu a bu ve nghut tho. Nuih an ti za dun thei a nia.




"Bawihtei, kal chhet chhet, kal chhet chhet Artui hlawh hlawh.."


Nghet lo zet hian a pu lam pan in a kal phei khut khut a, kei lah chu a tluk hlau in ka lo ip chawi chawi thung. Second reilo te mah nise thawklak a harsa lutuk.




Ka pa pawn a artui ken chu a lek chhuak a, Amanda chuan a ban pha țep tawh, kan zavai mai chuan kan thaw dep dep tiila a dik ang. Artui chu a ban a. Kan au ta dar dar. Mahse, Amanda aw lian tha zet in "Papa!" Fiah vaklo a sawi chung a ka pa a melh rual chuan inveng hman lo lekin ka rum chhuak hak, Ka awm ah hian min hnawh tup tup tu a rawn awm a. Ka fanu ka ațang țawngkam chhuak hmasa ber chu'papa' tih a ni! Chu pawh a pu melh chung in!


Ka pa chu ka en a, a mit a lo hnawm chap. U Mama leh Sangzuala pawh a țhawng in an na ve tih hriat zetin an hmel a thim khup.



"Papa.." a ti leh a. Chutiang in a la fiah lo. Mahse, s bul ah nitin hun hmangtu tan chuan a sawi awm chu a haider theih lo, ka pa chuan Amanda chu a pawmkang nawlh a, a darah a kuah bei nghal vawng vawng. Lehlam a hawipui miau a vang in ka hmel awm dan a hmuh theih loh. Mahse, a taksa khur dawt dawt ah chuan ka pa meuh a ţap tih ka hria.



'Bawihte, Pa i lo mamawh hle a ni maw?Mama hian i tan nu leh pa nih ka tlin ngei theih nan theih tawp ka chhuah ang!'

Kha mi ni ațang khan bawihtei pawn thil awm ang deuh deuh a phun pui ve ruai ruai țhjn. Papa tih erawh a fiah fak fak tawh khawp mai. Mama tih a la lam thiam lo a, a bulah țhu in Mama tih ka zirtir reng țhin. Nui sen sen in 'papa' tih bawk a rawn sawi nulh zel a. Lehlam kawng tak chuan ka hlimpui phian lawi. A hmelțha in a hnui sen no chek che niap niap a thumal a lam chhuak ve thei ta pawh Pathian Malsawmna vek tho a lawm.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » June 7th, 2017, 8:56 pm

"Mate, țhianpa Sangzuala hian a duh che in i hre ve em?" Ka u chu ka en a, a thusawi awm ang lo lutuk a vang chuan lukham in ka vaw sawk lo choh.



"I ti anglo lutuk, chutiang sawi tawh lo ang che. Sangzuala reu reu in a lo hria a nge! Tlangval in nuthlawi duh ngawt thu a awm lo" Ka ti hlak hlak, ka ngaihdan a ni reng bawk, Sangzuala chu a fel em em. Marawh chu nau ang in min en mai bak ah keipawh in ka u ang tak tak in ka en ve, chuta kar a ngaih dan maksak deuh a rawn nei chu ka thinrim ru deuh țún a.



Amah pawh en lo chuan Bawihtei chu thuamhnaw ka bel pah mawlh mawlh, Amanda pawh hlei rual a ni ve tawh, a kum hnih birthday nizan hmasa khan kan lawm ve a, A pi leh pu(Kima nu leh pa) te pawh an rawn kal, Amanda pawn a ngaina in Kima nu zawk phei chuan a rawn len chang hian a awimu thei tlat thin.



" oopsss.. Vanduai thlak tak maiin kan thusawi lo ngaithla tu an awm." Ka u chuan a ti leh a, min fiam leh a nih ring in ka ngaihsak peih lo, zeploh chuan Kima kha ka la theinghil lo, ka zep buai peih lo, Hmangaih lo a kalsan ka nilo a, Hmangaih chung chung a kalsan ka ni miau a!.



"In hman tawh em?" Chu aw ka hriat rual chhuan ka vir nghal zawk, ka room kawngkhar ah chuan Sangzuala a lo ding run a, Mama nen a kan țawng kha a rawn hriat loh hram ka beisei.



"AW...hman tep..!" Ka ti a, țullo zet in ka aw a la rawn hnawk zui, khum tlang a țhu chung chuan Mama chu a rawn nui suk a, ka huat dan chu a!



Amanda ka siam zawh hnu chuan Sangzuala nen chuan țhuțkhawmna lamah an inzui chhuak a, boruak nuam loh zet vang chuan ka sa hut hut.

.
"I biang a sen vek.'" Ka u kal chhuak tur chuan a rawn ti zoh. Naupawm ve uaih tawh ka ni tih theinghil țhak khawp in ka um nghek lo choh.



Bawihtei chu ka malchungah ka pawm a, Sangzuala'n a Bolero a khalh bawk. Bawihtei nen chuan an țawng reng a, naupang țawng ang deuh a țawng in an inbe chiam zel. Karleh hian Sangzuala hi chawlh hmang in an khua (Champhai) lamah a haw rih dawn a, Chuta a hawn tur vel lamkhawm a duh vang in kan nufa in min hruai chhuak ve a, Kima nen kan ințhen ațang pangai tak a ka kal chhuah hmasak ber tum a ni hial ang, kan veng ka pel ngai meuh lo.



Kima chanchin min hrilh chak zek zek tu an awm reng, mi hi kan lo mak ka ti țhin. Mi dang natna tur a ni tih hrereng chung a rem leh remlo pawh thlu lo a, kawppui hluite chanchin kan han in hrilh ta chiam țhin te hi a țullo lem lo tak zet! Hei vang tak hian khawlai chhuah ka hreh ngawih ngawih zel.




"Rin..!" Ka in thing harh zawk, mit ka khap sak sak a, Amanda in ka malchunga thu chung in min lo melh chho kiau, apa ang chiah in a mit hmul a buk tha in a mit meng a fiah reuh a.


"Eng nge i lo ngaihtuah a?" Sangzuala chuan a rawn ti sup.

"Eng mah...Ih englo..E..Kan thleng tawh maw?" Ka ti a, Amanda chuan fiah lo zet hian MC a kan awm tawh thu a lo sawi ve tunh a, ka nu leh pa in an len chhuahpui țhin a. Kei erawh KUM 2 dawn bazarpui ka thleng thla tawh lo.

"MC kan thleng tawh" ka fanu tih phur nan chuan ka ri ve hlial, Sangzuala erawh a hmel hmuh a nuam ta zan lo. A chhuak vut a, Kan nufa țhutna lam chu a rawn pawg hawng a, Amanda lah chuan rang fahran hian a lo ban tharh anih chu! Zo fe hian an in pawm nghal nawl.



"Khawngaih in i khawvel hlui ațang khan chhuak rawh." Vin hoh silo a Sangzuala rawn phun sup chu ka melh a, min melh lo in ka fanu zawk a lo nui leh daih tawh, Bolero ațang ka chhuak a, kawngkhar chu a rawn nem khar leh a, a lock zui nghal khup.


Min melh miah lo hian ka fanu pawm chung chuan a pen pawk pawk a,Ka dinna ngai a ding in ka thlir zui reng tawp.



'Nupa in ti thiamlo te pawh kan ang lek lek in ka hria.' Ka ngaihtuahna țul lo zet a vang chuan ka in sik zauh a, Hmanhmawh zet in an pahnih kalna lamah chuan ka pen zui ve nghal hlawk hlawk a.


Ka va um phak meuh chuan ka thlan a sa phat mai, an ni pahnih lah chuan ka awm leh awm loh an ngaihtuah ve hmel der siloh, Amanda chuan a kal chakna lam a kawk va va a, pakhat lah chuan î hê lovin a a hruai nghal zel, a pen a hlawk in a pum rua a lian bik si, an hnung ah chuan ka um kual dat dat reng a.



Sangzuala nu(Nu Puitei) thuamhnaw tur leh Pa Thana thuanhnaw tur kan enkual a, bawihtei leh Sangzuala inpawm kual chuan mi mit an la ngang bawm, a țhen in phone a thla lo laksak tawk lah an awm, chhungkaw leng chhuak emaw mi ti tu lah an awm nawk bawk.



"Eng tin nge niang?" A rawn ti sup, kan thil lei ho chu hnunglam ah a dah lut a a, ka lak ațang bawihtei chu a la leh nghal vut bawk.


"Ke a kal a awlsam zawk lo maw?" Ka ti a, Bazar bul ah eng emaw order siam a ngai, Bolero a kan kal a nih chuan traffic vang in kawng lak ah kan tang reng mai ang.



"Umm...A dik in ka hria.!" A ti sup a,A hmel tak run kha a kiam deuh tawh,Bawihtei chu a pawm a,An kal zet tawh, a rawn leh hawi a.
.
"I riltam in ka hria!" A rawn ti,Ka lo ner khum nawng ringawt,a rawn nui hawk a,Tunah chuan a pangai tak tak tawh.
.
"Ok..A tamloh chuan kal vat ang u..keichu ka riltam mah mah in ka hria." A ti a,A pen zui leh mai bawk a,An hnung ah chuan ka zui ve dat dat reng,Kawngpui kan kan dawn chuan ka ban rek ah a rawn vuan a,Ka tang nghal tun mai,A kut lehlam in ka fanu chum biang a pawm bawk,Ka kut a vawnna chu ngai pawimawh lo zet in hmalam a melh run a,Ni e..Enge ngawih pawimawh tur awm vak,Kei hi ka ngaihtuahna a dik thei miah lo.
.
Kawng kan kan fel rual chuan ranglutuk in ka kut chu ka pawt let,A thlah ve mai a,A hmel awmdan tak ngial pawh ka en ngam lo.
.
Order a siam zawh chuan thil eitur in ke bawk in kan kal leh a,Amanda lah in khawlai a kal chhuah vel chu nuam a ti ngang mai.A rawl a lian in thil a la sawi thiam em em bawk silo nen,Nuihna tur a tam hle bawk.
.
Bazar mipui zi deuh nuai nuai kar a tang chuan ka ban a rawn man chawt tu an awm,Ka hawi let vat a,Ka beisei lawk loh lutuk mihring ka hmuh a vangchuan ka dang nghal sawp sawp thei in ka ring,Ka ban a vawnna te chu a khur nghal dar dar thei.
.
"Rin...!" A rawn ti a,A ka a tang ka hming a lam ri ka hriat rual chuan kan hun liam tawh ah bawk ka kir leh lo thei lo.
.
"I...Tha em?" Bah niai hian ka tia,A bu nghut,A taksa lian leh hrisel hmeltak thin kha an lang cher dak a,Chu mai nilo in zu a in nasa tih hriat zet in a hnar a sen tawn.
.
"Nang i dam em?" A rawn ti a,Lalnunsanga hla thu 'a dai hlen ta emaw ka lo tih,Hmana ka hmangaihna che,An thamral ta emaw ka ti thin nun hlui ngaihawm zawngte,mahse i sakhmel ka tawn chang in kimten an lo thar leh thin.' Khang zawng zawng kha a tak ngei in ka hma chhawn.Lu ka bu a,Ka kut a vawnna chu ka melh leh zawk,Hre chhuak thut ang mai hian a thlah vat a,A kut chu a kekawr ipte ah a zen lut zui nghal zat,Hei pawh nun hlui a mi bawk,A zam chang a piang in a kut hi a kekawr ipte ah a zen lut thin.
.
Ka pasal hlui chanchin min hrilh loh hlau a phusa kualsek te hnen atang Kima chanchin hi ka hre nual,Duhlo teh mah i la,Ka khawlai kal min koh ding a,Rem lo chung chung pawh a min hrilh tal duh khawp a min duhsak tu te an awm nawk.Haha.
.
Cindy nen an innei a,A hma kan nupa in,Mi ten an zah theihna tur a uluk tak a ka lo enkawl thin in ngei kha pawisa khelhnan leh zu hmun sa hmun ah an siam a,Mi duk dak lo tak tak in fuan khawmnan an hmang tawh a,Kima leh Cindy pawh an harhfim mumal ngailo,Mipa dang leh hmeichhe dang vang in kut an in thlak reng a,Veng chung mi tam tak in an khawsa zia leh in a chungkai thi te awmdan chu an sawisel ta fo a ni awm a.
.
"Kha tah enge i lo tih?" Hmeichhe aw vin hlar ka hriat rual chuan rangtak in ka insiam rem a,Cindy hmeichhe changkang tak leh chhelo thei tak ni thin ngei mai kha a lo ni,Mahse tunah chuan,Amah lo hre thin sa lo tan chuan Cindy kha a ni tih a hriat lo,A sam chu a sen eng far a,Enkawl uluk tawk loh tih hriat zet in a ro bam bawk,A hmai no chek thin te kha a thim bal a,Awiawm loh khawp in a landan a danglam.
.
"Nang maw?" Min thamloh hmel zet hian a rawn ti hlak,Kima chuan tawng a tum zuau a,Mahse a mah aia che rang an rawn awm.
.
"Ka riltam a nia...Hman hmawh deuh ang." Ka kawng a rawn kuah pah in Sangzuala chuan a rawn ti sup a,Amanda kha a koki chhuan bawk,Ka thaw hap a,Kima ka hmuh mai vang in ka fanu ka lo mangnghil der a lawm.
.
Kima chu ka melh a,uluk tak maiin Sangzuala koki chunga thu,A fanu,Mahse min chuhbuai ngai dawn lo ti a a sawi ngei mai chu a melh tlawk tlawk. A hmelah chuan thiltam tak a rawn lang chhuak zut zut a,Amanda lah chuan hmelhriat loh ang in a en kiau thung.
.
"Kan kal mai ang.!" Ka ti a,Ka pangai ve tawh viau a maw ka ti,Mahse,Ka mipa hmangaih hmasa ber hmachhawn tur chuan ka lo la pangai tawk hauh lo.
.
"Amanda.." zawi sup a Kima phun ri chu ka hria,ka chaklo lai a hmuh leh ka hlau a vang in ka hnung chhawn vat a.
.
"Amanda..!" A ti leh sap.
.
"Kan kal tawh ang e.!" Sangzuala chuan ka kawngah a rawn kuah a,Nghet zet hian a lamah min hnung hnai zui nghal,Ka mittui vang in ka thilhhmuh a phe ruai a,Naute lem nunna neilo ang maiin Sangzuala'n min kuah kalna lam lam ah chuan ka kal ve hnelh hnelh.
.
'I va nep ve!' Mi ti em?
.
Min ti duh a nih chuan hmeichhe nep tak chu ka ni mai a niang chu,Mahse maw,Thinlung leh tihtak zet a i mipa hmangaih kha..kum hnih khat chhung lek in i theinghil thei biklo ang,Duat tak a kuah thin tu che khan natna nasa tak pawh pe che mahse, I hmangaihna a ta kha i vawm bo ngawt thei lo.In ngaizawng satliah kan nilo a,Nupa..Fanu hial min pe tu a ni miau a lawm.Nat tak leh tlawmtak a min siamtu a ni ngei a lawm!!Mahse ,A fanu hmel en chung a,A fanu a koh meuh kha chuan ka chaklo na ber hi hnehna ka chan tir hman thelh a nih kha.
.
"Bawihte..Mama tibuai lo hian keiman ka eitir ang che aw?" Sangzuala tawng ri leh ka fanu nui hak hak thawm te chuan pangaiin min siam zo lo,Ka thu ngawi ran a,Mihring nun hi a lo in thlak thawk thei tak zet! Kima khan kan innneih chhung zawng(Cindy nen an in kawp leh hma) khan zu a in ngailo,Zu rim ka hre ngai lo,Chu mai pawh nilo in tun ang hian a nun a tlachhe ngai lo.
.
"I duh chuan țap la?" Zawldawh tak a sangzuala rawn tawng ri chu ka hre zauh,A lam ka hawi a,A motor khal lai ah chiah rilru a pe tih hriat zet in hmalam a melh run,Steering chu hneh sawh zet in a her kual a,Amanda chu Motor hunna lam pana kan let leh lam in Sangzuala dar ah a muhil,Ka malchung ah ka pawm a,A thawri sak sak chu ka ngaithla a,A mi hmachhawn kha a pa a ni tih a hrelo.
.
"I la hmangaih tiraw?" Sangzuala a ni..Ka chhang lo,Kawngsir ah motor chu a ti ding a,Ka tawt up up,Tinge ka nun a tang hian ka vawm bo nal nal theih loh...Tinge?
.
"Min en teh..?" A rawn ti a,Hma lam ka melh reng,Engmah sawi dun ka peih lo.
.
"Lalrinmawi...Min en rawh ka ti em?" Fiah khel khawl hian a rawn hrawk, ka hming pum a min koh vawi khatna a nih mai bak ah a tawngkâ chhuak kha a ngainat awm hauh loh. Teu hlar in peih at hian ka melh a. Mahse, a mitmeng a vang chuan ka zam chhe lo choh.



"I hmangaih hmeichhe dang nen i hmuh khan i na tiraw?" A rawn ti a, a zawhna vang chuan ka thinrim nghal țun, min zawh ngailo in a hre vek, ka na mai nilo in a bul ațang bawk ka beih that leh a ngai dawn tih a hria.



"Ka hmeichhe hmangaih in mipa dang a hmangaih tlat tih ka hriat a ka natdan tur i hrethiam tawh em?" A rawn ti leh sup! A hmel ah chuan na a tuar tih ka hmu thei. Ka melh kawk a.

Mahse a ni hian min duh tur a nilo,A nau ka ni, chu mai bakah..Nuthlawi ka ni bawk..A hrechiang lutuk.
.
"Duh tawk rawh..!" Ka ti hlak,Hmalam ka melh nghal tlat.


"I hrethiam duhlo nge i hrethiam lo der zawk?" a ti bung leh nghut.
.
"I ngaih dan dan in i ngai thei ang." Ka ti a, a thaw chhuak hrawih mai.

"A tha e... i lo hriat loh tak in, Keihian ka hmangaih che." A rawn ti a,ka in hum ruh nasa lutuk.



Ngawi reng in minute 5 dawn kan awm, hmalam ka melh tlat a,Sangzuala erawh in min en run tih ka hria, Mahse a thusawi hi thil thleng ngailo tur a ni.




KHA mi ni ațang khan ka thei ang ang in Sangzuala pawh ka hlat lui zel,hma lam ka panna atan a mi pawimawh tak a ni tih ka hria,Mahse, min endan leh ka laka a rilru putdan hi ka duhlo,A ni Doctor thiam tak leh tlangval in a,Kei nuthlawi leh fa pawm tawh leh nghal hi min duh tih midang in hre ngat se chuan ka chanchin sawi nuam an ti dawn lutuk..'ka kherh beh tlat anga sawi phet duh tu hlir an ni dawn tih ka hria.' Mahse,Kan in chu dan ngaite in a rawn chuangkai ziah tho,Ka be lo a,Min be ngailo bawk,Amanda nen an inkawm a,Ka fanu lah hian a hmuh loh hlek lah in a ngai em em mai bawk si.
.
"Sangzuala kha champhai lam ah an sawn a,Naktuk hian a chho ang!" Ka nu in a rawn ti a,Min thawng lo ka tih chuan ka daw hle ang,Ka sawi kha kan in a rawn chuankai tum pawn ka be ngailo,A awm chhung chuan ka room lamah ka awn tlat thin.
.
"A chhungte an va lawm dawn ve!" Ka ti a,Champhai a doctor in daihloh zia leh an khua a doctor dah belh tur a sawrkar an nawr nasat zia pawh tv lamah kan hmu theuh in ka ring.
.
"Enge in pahnih awm zia hi ni a?" Ka nu chuan a rawn ti phawng.
.
"Eng tin nge kan awm vak a.?" Ka ti a,A thusawi awmzia hrethiam vek mah i la,Ka hrethiam lo lui ve tlat.

.
"Aw...Hei kum chanve dawn in inbe mumal tawh lo,A rawn len lah in room ah i tawmbo san tlat a,Amanda lah hian a ngai teh maisia,A awmbo daih chuan i fanu hi a lainat awm ngawt ang." A ti ta duah,Ka nu sawi hi a dik reng,Amanda hian Sangzuala hi a ngaina mai a nilo,a hmuhlo rei deuh chuan a sawi ve sek a, A rawn len hun a a rawn lan lawk loh te hian phone hial a ngen thin.
.
"Ngai ah a nei vat mai ang."ka ti a,Mahse ka thusawi chu keingei pawh hian ka awilo,Amanda hi Kima ang chiah a rilru lian leh duhzawng pe na zet mai a ni,Mahse ka tum a nga,a hre reng bik lo ang.
.
ZAN a Sangzuala rawn kal hun awm ah chuan room ah ka lut a, khum ah ka mu hnak, kei ngei pawhhian ka ngai reuh ngawt ang, pasal ka neih hma a tang daih tawh a in hria leh innel tawh kan ni a, Hmeichhia hi a ngaihsak lo hrimhrim, zar buai tu leh nu leh pa zawk in a an in lam a lengtur hial a sawm tu lah angah..Mahse tumah a uksak lo, pasal ka neihtirh khan mak a ti ve thlawt a niang, ka u bul ah hian " Matei chu pasal a neih ngam ka lo la ring miah lo...ka tlai hrat a ni maw?"fiamthuti tak deuh hian a lo ti zoh tawh.
.
Ka ngaihtuah a ka awm neuh neuh laichuan door bell a rawn ri a, ka thaw chhuak hap, kan in kawp lo chung pawh hian mi tam tak ti ti titam tu kantling tawk em em a,ka lak ah a rilru putdan hi hre hlawm ngat phei sechuan veng chhungah hian kan chanchin bak an sawi lo tawp ang tih ka chiang.
.
"Mambawih...Kima a rawn kal.." ka nu thu rawn sawi a vangchuan ka thuchhuak zawk! Amanda ka ngaihtuah hmasa ber, an khan thil thalo rawn tih a tum tihna a mi?
.
Rang lutuk in room ka chhuah san a, mahse ka beisei loh zet ka hmuh a vangchuan ka inbeng dai nghal vat a.Kima chu sofa ah a thu a, a ep chiah a Tom & jerry en chung a Amanda thu awn diaichu mit tla lo lek in a melh reng.Ka nu chuan min lo mit mei vat a.
.
" Enge i lo tih dawn?" Ka ti a, a fa nu lak atang a mit la sawn inchiang zet in min rawn en, maktak maiin ka danglam tawh miah lo a nih chu!
.
"A..englo.. Amanda hi ka hmu chak a." A ti sup a, Amanda ve lah chuan a hning kan lam rik chu hrethiam ve ang hrimhian a rawn hawi vat a, mahse athil en lai in a rilru a hneh ngang a niang,Tv lam bawk a melh leh a.
.
" A nih chu..." ka ti, sawitur ka hre mai lo, ka nu lah ka neilo ang hmak in a lo ngawi reng a, Kima rawn kal pawh hi a lawm tehchiamlo tih kahria, tu nu in nge a rilarah fanu natak natna siamsak tu chu lo lawm ngawt thei angni.
.
Kan ngawih thap lai chuan kawngkhar a rawn ri a,Sangzuala a rawn pen lut nghal,Zan dang ang bawk in Amanda ei tur a rawn khai lut a,Amanda lah chuan a tv en kalsan meuh in Sangzuala rawn lut a hmuh rual chuan lam ah a tlan tang tang a,a ri chul bawk.
.
"Enge i lo tih a?" Amanda pawm kang pah chuan Sangzuala chuan a ti a,Amanda lah chuan Tv a kawk va va,Kima chu a hmulo ti dawn i la,Sofa a patling thu run hmuh loh thu a awm lo,Mahse a melh miah lo.
.
Kima chuan a fanu leh sangzuala in chhaih vel chu amelh reng a,A hmela natna leh tawrhna chu ka hmuh sak thei.
.
"I fanu vang tal hian hetiang hian awm lul suh!" Ti a ka ngen ngawih ngawih lai khan min chhuah tir lui lo se chuan a fanu nen hian hlimtak in an in fiam ve thei ni mai tur.
.
"A putea room ah kal ang aw." Sangzuala bawk chuan a ti a,Ka u pindan lamah luh pui nghal daih,ka nu pawh chuan chhuanlam siam in min kal chhuahsan a,Tunah chuan Kima nen chiah kan i tawh.
.
"Cindy a dam maw?" Ka ti a,Nghet lo zet hian a ep sofa ah chuan ka thuthla.A bu nghut a,Tun a nuamlo ka tih chhan hi Kima vang a nilo tih ka hria,Sangzuala ka ngaihtuah vang tih a a mi?
.
"Rin... Dil ngam tur che ka nilo tih ka hria.!" A aw chu a ri chang chang,A tham tuak bawk. "MAHSE..ka bula a lo let leh tur in ka duh che a ni.!" A ti a,Ka hriatsual a nih ring in chiang ren rawn in ka melh,Thutak zet hian min melh ve reng.
.
"A theih lo tih i hria a lawm?" Ka ti a,A hmel a dang lam nghal dawr,Lu a rawn thing zoh a.
.
"Min hmangaih kha... chu vang chuan hun tha min pe leh hram rawh." A ti leh a,Mahni inring tawk tak ang in tawng chhuah a tum tih ka hria,Mahse aw khur chu ka hre chiang viau.
.
"Ka hmangaih thin zawk che a lawm..!" Ka ti sap,Ni e..Ka hmangaih thin..Chu chu ka hunkal tawh a thil thleng a ni...Tunah chuan hmalam ka pan zel tawh zawk dawn.
.
"Hriat pawlh lo la ka duh,ka hmangaih thin che,Chu chu kan hun kal tawh a thil thleng a ni,Tun ah hi chuan ka hmangaih tawh lo che." Ka ti a,Chu thu ka sawi chhuah rual chuan ka veng nghal hawk thei.
.
.
Ka nun ah Kima emaw,Sangzuala emaw an rawn lang tawh lo,Kan nufa in kan in awm chawt a,Amanda pawn sangzuala sawi ngun viau mahse,a rilru lakpen sak dan kawng ka zawng reng a,Wadi ah te kal in hun ka hman pui ve,Kima thung kha chu a che chhe tawlh tawlh,Rui lungpuam in kan in rawn pan a,Ngaihdam mi dil chiam a rawn ching thin,Amanda lakah hian sawi tur hi ka van thin a sin.

.
"MAMa..Hei hi tu nge a?"tiin min zawt ziah a,Chhanna pekdan tur ka hre thilo.
.
.
"Mama..Tinge Nono-i ang sawn pa ka neih ve loh a?" A rawn ti,Khumah kan mu a,Nono-i chu kan thenawm a a rualpui hmeichhe naupang awm ve kha.
.
"Nono-i pa ang saw ka duh ve!" A ti leh sep a,Ka thin chhung hi a na nghal ngut ngut thei,Nupa inthen chu fate hian an tuar ber thin ti a an sawi thin ngei kha ka fanu hian a tawng chho zel dawn chu a nih hmel! Chhan dantur ka hriat loh a vang in ka phone chu pe in games ka khelh tir ta ngawt a,Amah pawh chuan a hre zui lo tih hriat zet in phone a Angela chu a be nghal zat zat,Tun tum chu ka him phawt..Mahse..Min zawh leh hun ah eng chhanna nge ka pek ang,eng thil hmang in nge a rilru ka lakpen sak leh ang.
.
.
Khawpui a ri dur dur a,ka nu leh ka u in dawr an nghak,Ka pa pawh office lamah a la awm,Bawihtei ka bual a,A sam pial than in ka khuih sak,Nimin lamah Nono-i pa kha,Apa a lo ti ve a,Nono-i naupang rilru la a ve tho lah khan I pa a ni ve lo a lo ti khauh pek a,Bawihtei chuan zak tih hriat deuh hian a kut tang a ka chhungah a dah lut a,An piah a tang ka lo hmufuh kher bawk si,Ka fanu,Pa neilo zak tak a ding vang khan a nu zawk hi ka lo tap chhuak lo choh.
.
Tukver in hawng lam chu a pan a,Sofa ah a ding kang,Bar kan vuah vek a vang in tlak a hlauhawm loh.Khaw rawn dur phei khup khup lam chu thlir in a ngawi vung vung a,Tukverh va kharsak ka tum lai chu hnuk ding chawt tu awm ang mai hian ka ding chawt.
.
"Apa...Lo haw thuai thuai,Tlangah ruahpui a sur e,sakhi lam peng rawn zawh la lo haw thuai thuai ang che."Amanda chuan ring leng lawng in a rawn sa nih chu..Wadi ah an zir a,Mahse a sa tha ve duh ngailo.
.
"Bawihte..!" Ka ti a,Ka mal ka tham nghal tawk.


"MAMA..Nono-i chuan kha mi hla a sak kha apa a lo haw zel țhin a ti a sin." ka mitah fiah zet a min melh kíau chung in a rawn ti a. Ka hmui ka hup a, ka tawt up up mai.


"Ka papa tur hi a lo haw ve tawh dawn em?" A ti leh sep, a țawng kam tin chuan min chhun sawk sawk a. Hetiang khawp hian animaw ka fanu tereuh hian pa a lo awh ve ni?



"Bawihte... " sawitur ka hrelo,Ka pan hnai deuh a. Mahse chak zet a min rawn kalpel fu tu avang chuan ka ding chawt , ka fanu hlim khek ri in a zawm nghal a.



"Sangzual" Ka ti lawi rat, Ka fanu chu nghet zet in aawm ah a kuah bet hlu hlu, min melh zawk a, a mit bul vel chu a hnawm chap, kan nufa kha min lo hmu reng zawk tihna em ni ang?


"Maman Nono-i ang khan hla ka sa a, apa a lo haw tak tak.!" Intithei fê hian Amanda'n a rawn tung, ka țah nui nghal hawk, Sangzuala pawh kei ang tho. Rum chhuak hawk in ka fanu chal ah a fawp zui tawk.

"Ka hla sak kha i lo hria a mi?" Amanda chuan Sangzuala khabe hmul țo siar siar khawih sak pah chuan a ti a. A hlim hmel seng ser ser chu hmuhnawm ti zet in ka lo thlir thung.


.
"Ummm..Ka hriat vang a lawm ka rawn tlan vang vang." Pakhat lah chuan a lo ti hmiah.
.
"Mama, Nono-i ang in pa ka nei tawh tiraw?" Ka fanu bawk chuan min rawn en a, hmui ka pet sawk, Sangzuala chuan ngenngawl zet in min rawn melh.


"Khawngaih in!" hmui phun in a rawn sup..

"Pa ka nei tawh dawn em?" tîm deuh daih a ka fanu min enna vang chuan ka awm chhung a mur chum chum.


"Umm.. Bawihte, Nono-i ang in pa i nei tawh. I hlim tawh em?"ka ti a.

"Yesss" Bawihtei'n a ti raih, Sangzuala pawh thum zetin a nui chhuak hawk hawk. Bawihtei chu a vawrh kang a, mit tui nen ka nui ve a. Ka fanu hian nu a mamawh ang bawk in amah hmangaih tak tak tu pa a mamawh ve tho.



"Ka lawm e." ti sup a min pan hnaitu palian zet pumrua chu en in ka nui ringawt. Ka fanu pawm chungin ka hma ah tak min din chilh nghal run a. Bawihtei lah chuan ngaihngam tih hriat fe hian Sangzuala nghawng ah a kuah țâi bawk.

"Min ring ngam tiraw?" A rawn ti chhuak sup,He mipa hi ka phulo, kei nuthlawi mai mai min buaipui lo hian nula hnahkhat buaipui zawk tur a ni a sin.


"Min ring em?" a ti nawn leh sup.

"Ka ring che a lawm!" Ka ti a, ka mitah min melh chhuk ngur chungin a ban lehlam chuan ka kawngah a rawn man nghal hmiah.

"Anih chuan Min nei rawh" a ti sup, ka melh chho kawk a.

"Amanda pa ka ni duh tawh, min nei rawh" ti sup in pa lutuk hian a kiai suk, zahna vang a ka biang sa hat hat chu min nuih leh sukin a rawn kunhniam ruai ruai a. Dimte hian a hmui lum chuan ka chal ah a rawn nawr nghal zat. Bawihtei lah za zet hian a lo nui hawk hawk a!




A tawp tawh tak tak. 🤗

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)