BITE ME BY Abbra Reo Ririni Khiangte (Completed)

[Ngaia]

Dimte in ka hnute a rawn tham leh a,Awmze nei zet hian a hmet kual zel, A hmur chu a kuttang in a khal kual a,Ka thawk a rang leh vek tawh! Ka thaw chhuak hak a,Sex hmang kher lo hian mihring hian kan mamawh kan in pe thei reng,A ban leh lam in hnuai lam a zen thla leh a,Ka panty chhan ah chuan a rawn khawih leh a,Zawi te te hian ka taksa a nawmna lai tak chu a tuai kual zel bawk! Ka tha a rawn khur dar dar a,A kut awmna chen a hriat kher bawk si..


"Thanpui..duh tawk ang..!" A ban rek ah ka vuan a,a tha khur leh insumna vang a taksa sa em em mai te chuan min mamawh ve tho zia a ti lang,Nawmna nasa lutuk in ka taksa a tihdang lam.leh mek chu ka hria,Hei mai nilo hriat belh chakna ka nei bawk,Chu kawng chu ka putlin mai ang tih ka hlau! Na lek lek hian a kutzungpui in a rawn nawk a,Ka za chhuak vek,Ka hriatna thazam a thil chaktak tek kual zuai zuai pawh ka hre thei!


"Ih..hei bak engmah tih ka duh lo.!" Ka aw mumal lo zet chu a hre kher a ngem ka hrelo,Diktak chuan amah a zei in min thunun dan a thiam lutuk,Keilah he ting lam a tawnhriat la nei miah lo ka ni bawk a,Chet lakdan chuan thiam tak a ni ringawt.Phone ri vang in a thiltih lai mek chu a chawl a! Keierawh ka ngaihtuahna tihfim tum in thawk ka la vang vang thung.


Thanpuia zawk chu rum nghut pah in a tho chhuak nghal a,Khum mawng lam a ka puan sin chuan min rawn khuh nghal bawk.


"Hello..!" A awri nelawm loh zet a vang chuan ka melh dawr,A cotton kekawr hak chu a fual hnak,A khel bawr a lang raih bak ah a taksa chunglam tihrawl zawng chu khuh tu a awm lo.Tukverh lam a pan a,A tawng ve tawh lo,Phone chu a ngaithla vung vung a.


"Ka rem tihna tello in maw?" Phone kal tlanga a mi biak chu ka ni ang tih ka hlau tak zet! A aw nelawmloh lutuk a vang chuan keimah zawk pawh ka khur ru dar dar thei.


A nui hul hak a,Ka awmve tih a hre tawh lo hial in ka ring! Tawngmiah lo in phone chu a ngaithla leh ren rawn a,Min hnungchhawn zawng a ding a nih vang in ahmel landan ka hmu thei lo,Mahse a ban tha hrui lang vek khawp a tukverh bar a hum dan atang chuan thinrim hrikthlakna tur a mamawh tih ka hria.


"Ka pawm ve lo.!" A ti hmuk a,Phone chu a hmet tawp zui nghal hmak! Khuma mu kawm ngat chung chuan ka melh reng, a thaw ri sawk sawk a.Ka rin ang chiang Cement bang chu na lutuk in a hnek nghal pawp!
.
"Engthil nge i hriat?" Ka vin nghal tuar hi a ni mai,Min la rawn en lo,A chal in bang chu a tauh dawt a,Ka thu chhuak a,Ka thuamhnaw a thehdarh chu la khawm in ka in thawlh nghal sawk sawk,Thanpuia erawh lungtum ang mai in min hnungchhawn chung chuan a ding ngawi ngul.Ka pan hnai a,Va pawh tur ani em tih pawh ka hrethiam lo!


"Thanpui?" A darah ah dimte in ka va tawk a,A rawn che thut,Ka ban rek ah rawn hmer in bangah chuan min nawrbet nghal tlat,Ka rin ang chiah,Thinrim insum tih hriat ngawih ngawih in ahmai a sen tawn tawn,A chal ah thisen zam a pawng tawlh tawlh tawlh bawk.Bang ah chuan ka chal a nawk bet tlat a,Keimah hian a thinrim hrikthlak a tum hial in ka hria.


"Min ti hlau a nia.!"


A thawchhuak hrawih a,Ka ban rek a hmer chu la kang in ka kut chu a biang in a rawn nul thuak a.


"Ka kal a ngai..!" A in la hrang thut a,A awmdan chuan rilru mumal pawh min put tir thei lo,Khum mawmng lam panga a kawr chu la in a in thawlh nghal mawlh mawlh a,Tunah tak hi chuan khawvel hran daih ah a awm,Ka kiang ah awm reng mahse a rilru leh ngaihtuahna chu hmun dang daih ah a awm..


A palian in a pumrua a lian bawk si,A che reng reng chu a hlauhawm kual vel vek,A kekawr kawnga siam tha a,Nichin mai a duat tak a min entu kha ni tih a hriat tawh miah lo.Tukverh bul a tang chuan a che vel chu ka thlir reng,A hmel thim mup leh insehruh leh tawlh tawlh thin a vang chuan ka hnaih ngam tawh lo hrim hrim.


"Ka rawn bia ang che.!" Min melh lo,A phone chu la in chakzet in ka room atang chuan a pen chhuak nghal pawk pawk! A ke pen rik zawi ta riai riai chu ka ngaithla kar a,Chet ngaihna pawh ka hrelo!



Thawmdang awm ta lo chu kawt a tang a tlan chhuak ri pawh ka hrevek thei! Khum ka pan a,Khum tlang ah chuan dimte hian ka thu thla a,Ka ngaihtuahna ah thil tam tak a rawn lut zut zut! Mahse engmah chiang tak in ka ngaihtuah thiam lo.


Zan dar riat vel ah ka pa a rawn thleng a,Kawnglak ah chaw an rawn ei tawh a vang in hahdam tur in an pindan lamah min let san a,Thanpuia chuan kan in a chhuahsan a tang khan vawi khat pawh min la rawn be lo,A khattawk in phone chu ka melh leh zawk thin.Mahse min rawn biaktumna mesaage takngial pawh hmuh tur a awm lo.


Kailawn ah ka lawn chho a,Ka nu leh pa Mut pindan ka kalpel dawn lai chuan chhunglam a tang thawm a rawn awm a vang in kawngka chu ka kik karh karh a,Ka pa in rang tak in min lo chhang nghal vat! Ka lut a,Paper inchhawp hnawk nuai chung hian hna a lo thawk mawlh mawlh a.

"ka mu dawn i ti maw tia?" ka pan hnai a,A lo nui suk ringawt.


"Puih theihna che ka nei em?" ka ti leh a,Diktak chuan ka nu nen an inkar hi sawipui ka duh.Tuna an awmdan ah hi chuan Nupa pawh an ang lo,Tleirawl mai la ni mahila,Thil hrethiamlo rual ka ni tawh biklo,Nupa hlim leh hlimlo kar hi chu hla tak ani ringawt.

"Data thenkhat an lakkhawm hi a inmil thei lo a.!" A then suk a,!a kut chu rawn lek chhuak in a hna khawih ngai dang chu a kawk leh zauh a.

"umm..Ka thiam ve ang.!" nui pah in ka ti vat a,Carpet dup chungah chuan bawp khawkherh in ka thu thla a,Ka pa siamrem tawh sa chu enmil in fillup ngai ah chuan ka ziak lut ve zung zung a,Tuna ka pa sumdawnna hi ka tui emaw,Tuilo emaw,Ka la khawipui tho chu a ngai dawn in a lang,Tumah pianpui unau dang ka nei bawksilo,Ka nu lah in ka pa sumdawnna lo lam daih Thuamhnaw lampang a tuipui bawk si.Ka pa in rimtak a lo kalchhoh pui tawh hi a tlukchhiat ngawt ka duhloh chuan ka pa hnung ka zui a la ngai ve dawn.

"Pa...Ka nu in a rawn be tawh che em?" ka ti a,Lu a thing nghauh ringawt.

"Biak i tum tawh em?" ka ti leh sep a,A ner deuh nawk a,"Ka call ngial a,A chhang duh maih lo!" a rawn ti nghut,A sawi dik in ka ring,Ka call a chhang duh biklo.

"Khami zan khan eng nge insawi a,A thinrim rei tawh bawk si.!" ning zet hian ka ti leh halh a.

"Kan sawi teuh... Kan thu a in hmu lo palh mai mai a nih kha,Tihian a zin thawveng a nga,A reh vat mai ang.!" min en lo chuan a rawn ti leh sup a,KA bu nghauh nghau ringawt.

Reife inbe lo in a hna chu kan khawih dun mawlh mawlh a,Ka pa hnathawk pakhat in min hrilh kha a dik dawn in ka hre ta riau,' Sumdawnna hi chu vawikhat thilthu a tui ngawt theih anilo,Khawih tam a,Luhchilh ve te a ngai.' Ti khan min hrilh a,A tir hian ka pa pawh in a tui nghal chawt in ka ring lo,Ka sawi tawh ang khan ka pa hi Mizoram chhuak diktak a nilo,Mahse mizo hnam diktak chu a ni thung,Khampat khawpui a tang mizoramah hian insawn in sumdawnna bul a tan a,Tunah ngat phei hi chuan a sumdawnna hian hma asawn chak in a thang nasa hle,Engtin nge hneh tak mai a aenkawl theih tih hi ka ngaihtuah ve fo mai.


Zan lai hnaih dawn ah ka zofel ta chauh,Ka pa chu a zi mar ur ur a,Keipawh ka dar a kham ngut ngut!
.
"Thingpui ka lumsak dawn che em?" Ka ti a,Ka pa chuan awiloh hmel lutuk in a rawn nui chhuak hawk hawk.Keipawh in ka tum vawikhatna a ni hial ang.

"A lawmawm khawp ang chu.!" Chhuat a ka thu chu min nuih leh a.

"Lo nghal rawh ka rawn siam ang." Tih leh thawh ka rual a,Ka naupantet a tang ka eitur tak ngial pawh ka la insiam chhin ngailo,Mahse zan in chu ka pa tan liau liau siamsak ka duh,Ka nu in a ngaihsak ngai em em silo a,Amah hi pa tawng tamlo leh phun mai mai ngailo a nih vang hian engmah hi a sawisel ngailo zawk.


Kailawnah ka chhuk thla a,Kawngkhar pui chu rawn in hawng in Nutei a rawn pen lut ve chiah,Zan lai a hnai tawh.Min hmuh rual chuan a meng deuh kawk a,A mit meng sen ram leh mumallo zet ah chuan a harhfim.lo tih ka hrethiam nghal mai bawk.


"I la mu nange?" Sehchilh zet hian a rawn ti a,A tlu lek lek bawk.
.
"Mu tep, I va rawn haw tlai ve?" Kawngkhar chunglam kalhna a kalh thelh kual vel chu ka pui vat a,A nui hak ringawt.


"Thanpuia nen kan inhmu a!" Ka in her tawh,A thusawi vang chuan ka nghing dawt theiin ka hria.
.
"He pa hi chu a zei ngaiin a la zei reng!" A nui leh hak hak a,A thusawi maltin mai chuan min tham nawk nawk maiin ka hria.Kailawn lam a pan tak ah chuan duhthawh zet in boruak ka hiplut nghal kawk kawk,Ka thisen thleng in a lum vek.



Ka thingpui lum nen chuan ka pa awmna lamah ka chho leh a,Ka tha khur leh hmel hlimlo hi ka pa in a hriat loh hram ka beisei.Kawngkhar chu ka dar in ka su hawng a,Ka pa pawh a thutna ngaiah thu in a bengah phone a lo ngaithla vung vung a,Min hmuh rual chuan a rawn nui zui suk bawk.A hma a dawhkan ah chuan thingpui chu ka hung a,A beng zawn a phone chu la thla in a thaw chhuak hawk a.

"I nu biak ka tum a,a chhang duh derlo.!" A ti nghat,Thingpui chu a rawn ban a.

"Mamabawih, I nu nen kan awmdan vang hian nuamlo ti reng reng suh,Nupa chu kan in hau a,Kan in tithinrim a,Mahae karloah kan chingfel leh vat thin a nia.." a rawn ti leh dap dap a.Engmah sawi belh tur ka hrelo,Nutei thusawi vang khan ka tawngchhuak chak hlawl lo.


Mit ka khap fak fak a,Zing lam a ni tawh,Mahse ka harh tulhtulh thung,Khum ah chuan ka let tawn sek a,Thnapuia ngaihtuahloh ka tum ngial pawn ka thei lo,Nutei thusawi kha a dik ngat a nih chuan a nawmchenna pakhat ang lek a min hman a tum tihna mi dawn?

Ka phone ri dar dar vang in mit ka meng a,Mahse ka mit kham lutuk a vang in ka chhing leh nghal sawk,Phone ri pawh chu a tawp zui leh nghal mai a vang in puan in ka inkhuh tha leh a,Ka tho chhuak peih thlawt lo.
.
Mit ka men leh chuan tlem in ka zia ta deuh,Ka thu chhuak a,Khum lu lam a phone ka hnawl chho chuban in ka hmet eng zawk a,chaw hnu lam a lo ni der tawh,Tihtur engmah ka neih loh a vang in hman hmawh chhan tur ka neilo.Ngawireng in khum ah chuan ka thu a,Nizan a nutei thusawi bawk kha ka ngaihtuah zui leh nghal!
.
Ka phone rawn nghawr ri leh dar dar a vang chuan ka thaw chhuak halh a,Phone chu ka ban a,Screen a hming rawn lang a vang chuan ka ner nghal sawk,Chhang lo in ka reject hmak,Khum ah ka theh thla a,A rawn ri zawm leh nghal zat bawk.Engtin nge min biak a la rawn tum ngam zawk?Tenawm lutuk,Nizan ah nuamtawl in hun a hmang a! A duh ang ang a min pawhkawi theih a ring a nih chuan a tisual khawp ang.
.
Phone chu ka switch off a,Khum a tang tho chhuak in washroom lamah ka lut zui nghal a.
.
Inhnuai ka chhuk thlak chuan ka hnathawk a rawn leh tawh tih ka hre nghal vat,Min hmuh rual in min lo be vat a,Eitur ka duh leh duhloh min zawt nghal zung zung bawk.
.
"Pi a rawn haw dawn a,Pu khan i harh hunah office lam a kal ve tur in a duh bawk che.!" Coffee min rawn pe a,lu ka lo bu nghat a.
.
Kawtah taxi ka chang a, Tumdang in chan rei angai lo hlauh,Ka pa office awmna hi khawpui dai deuh hlek a ni a,Khawpui dai a thlan chhan tak pawh hi factory a a din belh zel duh vang leh khawpui chhung boruak ti bawlhhlawh lo thei ang ber a a sumdawnna kalpui a duh.Taxi driver ti ti chu ka ngaihthla a,a then chu ka zawm ve zauh zauh bawk.Kawnglak ah midang lo phar ve tu an awm a vang in a ding dat a.Keierawh in phone ka bih san daih thung.
.
"Ka pu,I passenger hi biak lawk ka duh a.!'' Ranglutuk in tukverh lam chu ka hawi vat a,Thanpuia hmel nelawm loh zet hi a rawn dak lut ve chiah bawk.
.
"Rawn chhuak rawh..Ka be duh che.!" Driver zawk chu a melh zawk a,Rum lutuk hian ka lo melh rawm rawm thung.
.
"Ka be duh lo che,Ka pu khawngaih in ka kal duhna ah chuan min hruai rawh.!" Ka tih zawm zat a,Thanpuia rum hawk ri ka hriat rual deuh thaw in Taxi kawngkhar chu a rawn in pawt hawng,Ka banah a rawn chelh a,Lo thinthlak ka tum ve thung,Mahse a hmer nghet lutuk,Ka chet nasat leh a na zual a ni mai!
.
"Bawihi..Buaina siam lo teh..!" Zawi sup a rawn tiin a nui lui hak a,A mit meng erawh'i rawn chhuah nghal loh chuan ka phih chhuak tho tho ang che!' Ti ang hrim hian min melh hrawk thung.


Driver chu ka ena, kan awmdan vang chuan a ngaihtha zan lo tih ka hria, Thanpuia ka melh leh a,Tah khum nghek mai ka duh, A hmel ngeng lutuk leh hnehtu chanchang in tih hmeltak a min melh run a vang chuan ka ham nek lo choh.


Ka chhuak a, kawngkhar chu a rawn nem khar a, ka kut a vuan reng chung chuan a kekawr ipte a zen a, 500 tlang hi la chhuak in Driver chu a pe a.


"Ti khan nei rawh." a ti a, min rawn melh in a rawn nui suk, ka thinatihrim zia leh ka huatzia chu in hria se chuan a nuilo tawp ang.Taxi tlanlet chu ka enzui reng tawp.
.
"Eng vang in nge ka call i chhanloh a?"


"I call a piang chhang tur in i hnuai hnathawk pawh ka nilo.!" Ka ti ve hmak,A meng kawk a,Kei erawh in amah en duhlo in hmalam k melh ran thung.
.
"Enge i sawi tum?" A rawn ti nghut a.
.

"Ka sawi tum hrethiam lo khawp in i mawl in ka ring lo,Chuan min biak pawh rawn tum tawh suh!" Ka ti hmak a,A hmel buainak leh mak tihmel te chuan min ti thinrim zual vek! Engmah tisul nei lo ang a min melh ran a vang chuan ka puak darh mai dawn in ka hria,ka taksa chhunga thinrim in muk khawm vel tih reh tum chuan ka thaw chhuak hak a.


"Sawifiah rawh.!"
Nelawmna tel hauhlo hian a rawn ti nghut.


"Ti khan a fiah tawh viau lo a mi?" Ka ti leh hmak a,A hmel lang chang tawlh tawlh leh thinrim lutuk vang a bekzawn a ruh pawng tawlh tawlh te chu hlaulo ang a lan tum in Ka nui lui kher a,Mahse ka taksa chung lam erawh a khur ru dar dar thung,A palian in a thinthawk natzia ka hre tawh,Min tham nek lohnan ka tawngtai hial in ka ria.


"Min zui rawh.!" Tih leh hmalam pan a min hnuh a rual nghal a,Mangang lutuk hian ka kut a vawnna kut chu phelh sak ka tum bawk,Mahse atthlak khawp in min vuan nghet.Tuna a hmel landan ah hi chuan ka chungah thil thalo tak a ti duh mai ang tih ka ring thiam vek! Ka theih tawp in ka tang ve tang tang a,Mahse a tan chuan ka tha tawp beihlet ve na chu engmah lo mai an ni thung.


"Hmingthanpui ka kut hi thlah rawh,Ka zui dawn lo che.!" Ka vin nghek,Khawpui daiah kan aqm tawh miau,Mipui vak vel an awm lo,Ka thusawi vang chuan a rawn ding dat a,Rum lutuk hian min rawn melh,A hmel a lang sen tawn tawn bawk!


"Min tithinrim suh!" Kei ang in a vin ve vaklo,Mahse ka ip chawi thei! A che leh hrut a,Hma lam pan in a pen zui leh nghal pawk pawk ,Kan dinna atang hlalo te ah a bolero a lo dah reng,Passenger side lam chu ka thutna tur in a pawt hawng a,A nam hian min nam lut rawk rawk.
.
"Hmela ka haw lutuk che!" Ka che phat a,Hmeichhe derdep tak ang a lan a,A mize bawraw zet hi hlau tak ang a lan ka tum reng reng lo,Kawngkhar a tang chuan chhuah leh nghal ka tum bawk,Eng vang in nge ka chunga thunei ber ang a arawn awm kual,Nizan a awmdan bawlhhlawh lutuk kha ka hriat loh a ring pawh a ni ve ang.


"Bawihi.. Inhnial lo teh ang!" Nin hmel zet hian a rawn ti hul hal a.Keipawh hian inhnial ka duh bik reng reng lo.



"Min kaltir rawh..Inbiak kan ngaihna ka hrelo.!" Ka ti sep a,Ner sawk in lu athing nghut
Kawngkhar chu a rawn nam khar a,Hmalam a tang chuan a thutna lam pan in a pen zui pawk pawk bawk,A vun rawng uk kharh nen a in chawih zet Denim shirt pawl duk a ha a, Cotton kekawr dum hlap ha leh in Adidas Tubular Radial sneakers a dum a bun leh thung,Kawngkhar chu pawt hawng in a rawn thu lut a,Kei erawh in ka lo melh rawm rawm thung,Seat belt a hreng mawlh mawlh a,Min rawn en in a phun nghal hluk.



"Enge khati vak min en le..I seatbelt kha hreng rawh!" A rawn ti hak a,A awri ah chuan a thinrim ve tawh lo tih ka hria.
.
"I rual in khawiah mah ka kal dawn lo,I sawi duh chu tumah sawi rawh.!" Ka ti leh hmak,A thawchhuak halh a.
.
"Nizan vang khan ka tihpalh.!" a rawn ti sup,A sam ah hian ka kek nghek lo choh. "Meeting kan nei a,kan case buaipui lai kalpui dan thlak kan duh vang in kan rei ta deuh a.!" Thanpuia vek chuan a ti leh sup a,Chimawm lutuk hian ka lo nui thung.Engtin nge dawt chiang lutuk in a sawi theih!


"Min bumlo ang!" Ka tisep a.

"Bawihi..."


"Kha ti pawh khan min koh tawh suh.. i chet dan tenawm zet kha ka hriatloh ring reng reng suh..ka hre vek,Ka tenlutuk che.!" Ka rilru a awm diktak ka sawi chhuak,Dawt muhlum lutuk hmang a min bum.a tum ringawt pawh hi ka hua! Tleirawl te ka nih vang hian min bum kual mai mai theih a inring a nih chuan a tisual hle bawk ang.
.

.
"Bum,tenawm!" Atthlak tih hmel zet hian a nui hul hak a.


"Khawiah maw i kal duh,Ka hruai ang che.!" Ka melh a,A lo nui suk thung.Ka haw lutuk,ka thinrimna ngawipawimawh miah lo ang a awm kual vel a vang chuan tham nawk nawk ka chak!


"Ka hua che..I rinthiam phakbak khan ka hua che!" Ka ti a,Ka kawchhung lam thleng hian thinrim lutuk vang in ka sa pup pup thei.Thanpuia chu ngawi reng in a seat belt hren a phelh a,A side kawngkhar chu nam hawng in a chhuak zui nghal vut,A awm dan chu ka en reng,Motor chu kal hual in ka thutna lam chu a rawn pawt hawng a,Min khawih rual a ham hrep in ring ran hian ka lo awm.A rawn kun hniam a,A kutphah hlai pui pahnih chuan ka biang ah a rawn dawm a.A hmui sexy zet chuan ka chalah a rawn fawt zauh! Ka rinloh dan lutuk a a rawn chet vang ani ngei ang,Ka thaw chhuak hak a.



"Min haw lo..I thik a nih kha.!" Thutak zet hian a rawn ti sup a,Ka ter leh at tawh,Mahse tawng tum a ka ang zuau chu min lo ti tawp a. "Eng thu nge i hriat chu ka hrelo,Mahse, ka bum lo che,nizan zankhua khan Hotel Reo ah meeting kan nei,Tuna kan case khawih hi india rampum huap a nih vang in kan chetchhiat a thiang lo a.!"
.
.
Ka biang vuan reng chung si chuan a kutzungpuiin ka beng hnuai a rawn chul a.


"I Nutei te pawh party tur in an rawn kal,A hnen a tang thudiklo i dawng tih ka hre bawk,Min ring tur in ka tilui lo che a,Mahse thudik erawh ka sawi tih hria ang che.!" Pa in Naupang thil hrethiamlo hriatthiam tir tum a hrilhfiah hi ka teh khin ber. A rawn kun hniam leh deuh a,Reilo te hi ka hmui ah a rawn fawp zeuh a.Mahse a in la hrang leh nghla vat thung.



"Enge rin tur pawh ka hrelo." Ka ti sep a.


"I ngaih dan chuan kan kum inthlauh vang hian ka fiamkual mai mai ang ah che i in ngai a ni tiraw?" Ka biang a ta a kut a la sawn a,A ding ngil nghal zat bawk,Ka chho melh a,A khabe ruhkual nalzet chu a kut in a tuai zoh a.Chu chu ka rindan dik tak a ni..Chuan eng vang a a bulah hian reitak thinrim theilo nge ka nih pawh ka hre hrep lo e.


Chhanna phut zet hian min rawn melh chhuk run,Lu ka lo bu nghat a.


"Ka hrethiam e.!" A ti hul hak! A ngawi hmuk a,Ka thutna lam kawngkhar chu rawn nam khar leh in a kal sawn a,Tunah tak hian awmdan tur ka hrelo, A rawn thut luh ve rual chuan Motor body chu a hniam thla suih hian ka hria,Seat belt a hreng tha mawlh mawlh a,Tawng zui a chaklo tih hriat tak mai hian hmalam melh run chung in motor chu a start a,Keipawh ka tawng bik lo.


"I pa office ah i kal dawn ti raw?" A rawn ti nghut. Ka melh zawk,Min en lo in hmalam chiah a en thung.


"Umm..!" Ka ti a,Chak zet hian a tlan chhuak zui nghal a,Ka thawk a rang nghal vek,Ka melh leh zawk thin,A bulah ka awmve tih pawh a ngaihven leh tawh miah lo,Duh aiin kan tlanchak bawk si,Nuam ka tilo,Motor kawngpui a zim ropui mai bawk si,Motor dang te nen kan insu palh mai ang tih ka hlau.


Nichin mai kha chuan thinrimna leh lungawilohna neilo ang mai khan a awm a,A mize dang lam hlawk hlawk thin pawh hi ka hrethiam teh nuai lo.


A ding chawt a,Ka ngaihtuahna a ta ka chhuak nghal zawk bawk,Ka hawi chhuak a,Ka pa office building kawtah kan lo ding reng tawh,Seat belt ka phelh a.Thanpuia lam chu ka melh leh zawk.Hmalam chiah a melh,Tunah hian thinrim in nge lungawiin a awm pawh ka hrethiam lo,Dimte in kawngkhar chu ka nam hawng a,Ka chhuk hnu thleng pawh in engmah a sawi lo.


Chawhnu lam zawng chu hnathawk pakhat in zirtirna min pe leh char char,Kan kal kual a,Steel lampang khawihna hmun ah min chettlat tampui viau bawk,Hnathawk pangai tak tak ang in ka tlankual ve hlawk hlawk reng a,mahse chutiang a buai tak a awm chu ka duh zawk,Thanpuia ngaihtuah buai miah lo leh ngaihtuahna tha lo pui pui insiam buai hman hlek lo in ka phe kual a,A chang leh data thenkhat ka la khawm ve bawk.
.
.
"Ka sawi kha... he hna hi nuam ti tak in i la thawk ngei in ka ring.!" Office chhung kan luh rual chuan min hruai kual tupa chuan a rawn ti lang lang a,Ka nui ve hawk hawk, Ni e..Keipawh hian a thusawi dik zia chu ka hre tan der mai.


Ka thuthman meuh chuan tlailam dar 5 a pel fel der tawh,Ka ke kham tihreh tum chuan ka ke chu ka chet kual a,Nurse training tur a ka chhuk leh hunah pawh tun ang chiah hian hospital building ah ka phet kual leh vat vat reng a ngai dawn.

"Pu Hmahruaia Fanu kha i ni em?" Hmeichhe aw thamchel rawn chhuahna lam chu ka hawi vat a,Nu lavalai hmel tak hian chik zet in ka sir lam a tang chuan min lo en reng,Ka bu nghat a,Chutia ka bu a hmuh rual chuan a rawn nui chhuak hak,Min pan hnai a,A mit mengah chuan awilohna leh rinngam chiahlohna a rawn lang chhuak bawk.


"I va lian tawh ve?" A rawn ti leh hliai a.

"Min hria a mi?" Ka lo ti ve thung,Ka tawngkam bulh lutuk thin vang hian ngainat ka hlawh ngailo reng bawk,Chu nu pawh chuan ka zawhna zawh let dan tawngkam chu a beisei lawk vak lo a ni ngei ang.A hmel landan a tim nghal vek.

"Ka hrechiang lutuk zawk che!" Min en vang vang a,kei erawh in ka vawi khat hmuhna ani thung.


"I nu i chhun hle mai!" A ti leh a,Ka meng nghal kawk bawk,Mi tumah in ka nu ka chhun thu an sawi ngailo.

"Ka nu i hria ami?" Ka ti a,Harhchhuak thut ang mai hian a hawisawn nghal vat,A hmel dang lam ta dawr chu ka hmu chiang tak zet! Ka ding chhuak a.

"Buaina a awm em?" Ka pa aw fiah zet hian a rawn ti chang bal,Ka hma mai a hmeichhe ding chu ka pa awri vang chuan a dang nghal lawp lawp thei.

"Ah..Ka kal a nge!" Min en leh a,A nui lui bawk,Emgmah ka sawi ve hma in kawngkhar hmalam ah chuan a chhuak zui nghal a.Ka pa pawh in a en zui run.


"Pa..A ni kha tunge a?" Ka ti a,Ka pa chu haw inpeih vek tawh a nih a vang in laptop bag a khai bawk.Ka pan hnai a,a bag chu laksak in ka khai a.

"Kan hnathawk tu pakhat a nih kha.!" A ti bul vut,A pen a,Ka zui ve nghal dat dat a.

"Ka nu nen kan inan thu a sawi a..A mit a mak bik ngawt mai.!" Ka ti leh lang lang a,ka pa erawh in min chhang zui tawh lo.

"Ka naupan lai pawn min hria..!" Ka tih chuan a ke pen a tawp chawt a, "min hriatchian thu a sawi bawk.!"

"Mambawih...Nangchu ka hnuai hnathawk tupawh in an hria a g che..Engthil pawh midang hnen a tang hre mah la,ka fanu i ni tih hi ring hlel ngai suh ang che.!" A rawn ti sup a.Thildang sawi belh leh a chak tawh lohzia a hmel ah a lang bawk.He thu hi vawi tam tak ka bulah a sawi tawh,Engpawh lo thleng mahse a fanu ka nih thu hi pawm tlat tur in min hrilh nawn fo!


In lam pan in kan tlan let a,ka pa leh Ricky chuan eng thil a maw sawiin an tawng dun reng,Ka pa fakawm ve deuhna chu mi tupawh an upat vang leh naupan vang in a ngainep ve ngawt ngailo,Ricky pawh hi kei aiin kum 2 vel lek in a upa a,Mahse ka pa hian Ricky thurawn leh ngaihdan te hi a zawt in a ngaihthlak sak fo thin.Tawngtam aiin ngaithla tu a tan hlawk zia ahre chiang hle pawh a ni ngei ang.


"Mambawih..he tah hian pen kawi lawk ka ngai a,ka rei lo ang." Ka pa in a rawn tih rual chuan Hotel pakhat kawtah kan ding dat a,"mi hmuh lawk tur ka nei a,File in hlan chhawn zawk a ni mai.!" A bag a tang file la chhuak pah chuan a ti leh zung zung a,A chhuak zui nghal mai bawk a,Security in Motor kan hunna tur lam min kawh hmuhna lam ah chuan Ricky chu a tlan nghal a.

Motor din hnu chuan ka chhuak a,Ka pa lut fel chiah pawh darthalang kawngkhar a tang chuan ka hmu thei.

"Hruaite..!" Ka lampan a Sammy rawn kal mek chu ka melh zawk a,Motor chung ah luhsan leh daih mai ka duh,mahse thil mawi ber a nibawk si lo.


Ka bulah a rawn ding a,Hmeichhe tam tak chu amah vang hian a buai ve ngei ang,A rilru chhungril bawlhhlawh zet hmu sak loh phei chuan mi thianghlim ang hial ani,Mahse ka tan chuan khawvel a ka mipa huat ber leh ngainatloh ber a ni tlat tawh.

"Eng nge i duh?" Ka lo ti hmak,A rawn nui hawk a.


"U Thanpuia nen in inkarah hian eng nge awm a?" Zahna nei map lo hian min melh,A nui suk dan ah chuan min tihel na tur eng a maw tak a nei in ka ring.


"Ka mimal thil midang hnen ah ka sawi ngailo,Chuan i buaina tur a nilo bawk!" Ka ti ve hmak,Ka lak a chetdan vang a inthiamlohna nei miah lo a awm thei hi amak ka ti thlawt.


"Ka buaina tur a ni mai thei!" A then sak a,A hmai ah tak hian ka beng sawk chak lutuk.


"Ka u pasal ni mai tur nen in inkawp a,Chu chu ka tan chuan buaina tham tak a ni!" a nui leh hak a, Elsen zet hian min melh ran bawk. "I hriat loh tak in Thanpuia leh kan upa ber hi an innei dawn!"


Chem zum tak hmang a ka thin hnuna vih sawk ang vel ka ni! Ka taksa hit mup mup a vang chuan ka zawi nghal vek bawk.

[Ngaia]

Ka tha ka thawchhuak hak a,Ka taksa chhung khur dar dar leh chau nghul a vang chuan ka tlu hnawk mai dawn a maw ka ti hman tawh.
Sammy chu ka melh a.



"I hriat loh vang a zui i nih ka ring reng a!" a kut pahnih in a kekawr ipte a zen lut.Min melh a,a hmelah chuan min tih elna kha a lang chhuak tawh lo,Ka kawchhung lam a rawn tawt up up,Za lo te hian ka nui chhuakhak a! Tunah tak hi chuan at daih mai ka duh!




"Min ring lo a nih chuan en la..!" Sammy vek chuan a rawn ti leh a,A thlek zauhna lam chu melh in ka thawchuak nghal kawk,Car chu ka ngheng a,Thanpuia leh Sammy u hmeiche nu zam leh hleitling zet chu Hotel chhunglam a tang an rawn chhuak dun mek! Hmeichhia zawk chuan Thanpuia ban ah chuan a vuan a,Ka taksa hi a tek sawk sawk,chu hmeichhe lam hawia a nui hmel te chuan natak a ben sawk sawk ang mai hian min siam tih reng a in hresilo.Tun a a awmdan ah tak saw chuan ka awmve tih pawh a hrelo.Ka taksa chhung khur hlawk hlawk leh mumal lo zet tih reh tum chuan thawk kan la kawk kawk a,Sammy awm reng mahse ka inthunun thei thlawt lo.






Thanpuia chu a rawn hawi thuak a ,Kei leh Sammy lo ding dun chu min hmu tih hriat zet hian kan lam hawi chuan a in her rem vut,,Kan mit a intawng siah bawk, ka theih anga rum hian ka melh let nghek a, a hmel lan dan chu a chang nghal tawlh tawlh mai,A bula hmeichhe ding bualah chuan eng emaw sawiin a phun sup a, kan awmna a in hlat lo. Kawtzawl hmun awl lai a lo ding mai kan nih a vang in min hmuhloh der ngawt chu a hreh ve a ni khawp ang, a bawp hrawl tham zet hmang chuan kan lam pan in a rawn pen nghal pawk pawk a! Ka thinrim lutul a vang in ka thawk te thleng in a buai vek! Tuna ka chak ber chu a hmai a lo ham sak nawk nawk hi ani. Boro shirt dum hlap a hak chuan a taksa lian zet chu a phuar deuh tang a,Cotton kekawr dum bawk a ha leh Chuka phekhawk uk nalh zet a bun bawk,A landan ah chuan sawiselna tur pakhatmah a awmlo,Mahse Bumtu a ni!Karlo ah kan bul mai ah chuan a rawn ding a, nelawmna tel miah lo hian kei leh Sammy chu min rawn melh nghal run bawk.





"Nangni pahnih maw?" Thil tenawm tak sawi chhuak ang mai hian a ner zui suk! ka va haw ngawih ngawih tak, A diklohna hmu lo in min demna tur a rawn zawng nghal ngawt a,Ka scandal bun lai hi phelh a,A hmai ah tak ka vuak thlawrh loh nan ka in thunun thei hram hram.
Kei nilo in Sammy zawk chu a melh leh a,Sammy zawk pawh in zam hauh lo hian a melh let ve ran bawk.




"ka sawi tawh in ka hria..Ka hmeichhi hi hnaih lo tur in warning ka pe tawh che!" Thanpuia tawng dan chuan min khei zawk thei,Za vak lo hian ka nui chhuak hak a, Chutiang thusawi ngam tur a nihloh zia a in hre miah lo zawk a maw ni.A nupui ni mai tur nau bulah leh nghal!




"Inbe rawh u.!" Sammy chuan nui suk pah hian a ti a,Thanpuia rawn kalsan tak hmeichhe lam pan khan a kal ve thung,Ka hma a mipa ding ngawi ngul chu ka melh a,Ka rilru a lang ang ang a ka au khum nghek loh nan inngaihtuah fim hram hram ka ngai!


"Thilawmzia kha sawi fiah rawh.!" Min din hnaih leh deuh a,Kei erawh lo tawlh hnung ve vat thung.

"Engmah ka sawifiah angai lo." ka ti ve hmak a,Car kawngkhar chu pawt hawng in luh nghal mai ka tum a,Mahse ka ban rek ah a rawn vuan hman,Min phih let nawk hi a ni mai! Ka rak that a,Ka ban lehlam a vawn loh na chuan a hmai ah ka ham nghal hrawk,Ka chakna a rei tawh lutuk! Thanpuia chu a rawn nui hul hak! Min melh a,Ka kut a vawn lohna lam chuan a biang chu a tui zui zauh.A khem nang mai.


"Naupang kawlh zet ang in maw i awm dawn a?" a rawn ti hmuk,Mahse thildang engmah a tih leh hma in Car chhung atang Ricky chu a rawn chhuak a.Chutia thawm dang a hriat tak ah chuan Thanpuia pawh chuan inthunun a tum tih hriat zet hian boruak a rawn thaw chhuak ham ham.


"Ka kut hi thlah rawh,Ka sawi leh ang,Min rawn be tawh ngaisuh,Nangang mipa tenawm leh hmeichhe tello a awm thei miah lo hi ka mamawh lo che.!" ka tawng ring lo,Ricky pawh in a hrepha kher lo ang.Ka thusawi vang chuan a a khabeh ruhkual chu a chet ralh a,A mit meng ka en ngamlo,A kut hrawlpui a ka banrek a hmer ngawt ngawt dan ah a thinrim tawk tih ka hria,Muang chang in ka ban rek a akuttang chu ka phelh sak a,lungbang ang mai hian a ding ngawi ngul.Ka in her a,ka hnung za chho zawk zawk leh tukhum hit zawk zawk a vang chuan min phih let leh mai ang tih ka hlau,Car kawngkhar chu rang tak a hawng in ka thu lut a,Ka taksa tang lutuk leh kawchhung tawt lutuk a vang chuan ka thawchhuak nghal kawk kawk a,Mahse a awm zia lo,A hreawm lutuk,Ka thin zawnah hian thawk chuah sen loh boruak a awm khat vek! Mi pasal nimai tawh tur a nitih ka hrelo,Chuan..Ani lah chuan ka lakah engkim a zep a,Tunah hrechuak lo phei i la chuan min bum reng mai thei.


Nghenchhan chu ka ngheng a,Ka ngaihtuahna te chu a tawi tuk bak ah ka taksa chhung na ngut ngut a vang chuan ka kham khawp boruak ka hip lut zo lo hial in ka hria,Tunah tak hian natna ka nei tih pawh ka hriatloh in ka taksa hi a rawn luhchilh mek,Khawi a tang nge a rawn kal teh hrep pawh ka hrelo.


"I tha em?Pu a rawn let a nia,He tiang ang a a hmuh che chuan a mangang lutuk ang.!" Car chhungah Ricky chu a rawn thu lut ve a,Ka landan tur chu ka mitthla thiam mai.Car chhung a light chu a ti eng zawk a.


"Inthunun tum rih rawh." min en in a nui lui sak a,Chhang lo in ka bu nghat ringawt,Light a off leh rual chuan pawn lam atang kawngkhar a rawn in pawt hawng a,Ka pa a rawn thu lut zui nghal zat.


"I nu pawh in a thleng chiah a nih chu " a rawn ti sup a.Min en zui lo in a file rawn ken let chu a laptop bag ah a khung leh a,Thanpuia kha chu khawnge a kalbo tak pawh ka hrelo,Mahse hei erawh chiang tak in ka hria,Mi dang inkarah ka inrawlh ngai dawn lo,Ka tana mipa hmasa ber a ni a,Ka theinghil nghal hmak ang chu ka tilo,Mahse ka tum ang,Min bumna kha ngaihtuah let in ,in tih chaknan ka hmang zel a nga,Ka theinghil thei em em ang.


In lam pan in kan tlan a,Traffic ah kan tan kual reng a vang in darkar hnih dawn kan in thlen nan hun kan hmang,Ka pa leh Ricky tawng leh zauh thin chu ka ngaithla mawl ve tawp,Ka ngaihtuah let a,Nichin te khan Sammy lak atang thil nihdan hrelo phei i la chuan min la bum reng duh ang.
.
Gate a kan tlanluh rual chuan ka nu Car lo inhung va chu ka hmu a,Ka pa hmela hlimna leh phurna rawn lang chhuak a vang chuan keipawh ka inti hlim lui hram hram,Ka pa hian ka nu hi a hmangaih ngawih ngawih tih ka hria,Kehthei dawm tak meuh meuh in a dawm a,Ka nu thinrim te pawh a en liam mai mai tawp thin.


Inchhung kan luh chuan ka nu leh pa boruak pawh a zang khai in an inkar buaina te pawh an theinghil tawh tih a hriat theih,Zan riah kan ei ho a,Nutei pawh a rawn haw tlai lo,Chhungkaw kim a zanriah kan ei ho lohna pawh a rei tawh,Tun a dawhkan khat kan kil ho leh ringawt pawh hi mumang a ang hial zawk.


Zan ah pawh tumah meng tlai bik awmlo in kan mut pindan theuh kan pan vat a,Ka pindan ka luhrual chuan ka thaw chhuak nghal siai siai thung,Ka chhungte hmuh ah hlimlo ang a lan ka duhloh a vang in ka nui lui hram hram a,Mahse keimah a ka awm tak chiah chuan tah chhuah hawm hawm mai hi ka chak! Ka tawn ang tawngve ngei lo chuan ka awmdan hi an hrethiam lo ang,I tana mipa hmasa ber leh rilru i pek hmasakna ber kha,Midang pasal tur a ni tih hre ve ta chiah la,A natdan chu i hrethiam ve choh ang.Khumah chuan ka let thla hnawk a.Mit chhing in thawk ka la leh vang vang phawt,Tulmiah lo in Thanpuia hmel chiang tak in ka hmu nghal zat! Ka thaw chhuak ham ham a.


"Ka thei em em ang.!" Zawite te in ka phun sep sep,Tunge bum ka tum pawh ka hre hrep lo..


Lu rit bar in ka tho chhuak a,Nizan khan ka muhil miah lo tiila adik ang,Mahse,Zingkar lamah reilote ka lo chhing ve sek,Chu erawh a lawmawm viau.


Ka inphih fai a,Ka mit bui lak leh mit hnuai val raih chu en in ka thaw chhuak halh a,Vawi leh khatah ka theinghil ngai dawn lo,Mahse ka tum chuan ka thei tur a ni.


Inhnuai lamah ka chhuak thla a,Nizan zanrei lamah ruah a sur leh a vang in zingkar boruak chu a vawt deuh sur mai,Inhnuai lam lo reh ruih ah chuan hnathawk tur in an kal chhuak vek tawh tih ka hrethiam nghal vat a.Choka ah lut in Ka ei tur ka insiam nghal mawlh mawlh.Zonuni te in lam a len ka phei ka duh vang in ka che deuh sawk sawk a.

Thil ka eizawh rualin in hnung lam a tang hnathawk tu a rawn lut ve chiah a,Phawk hra a min en in ka thil eina ka dahfel chu min pui nghal sawk sawk.
.
"Ngatinge min rawn koh mai loh.!" a ti hlak hlak a,A sual vang nilo in eitur min pek leh sengfel kha a hna ang a angaih vang zawk a ni.


"Ka thiam ve tawh a lawm.!" ka ti a,A nui ve hak hak a,Kan in ah hian kum 10 ai rei hna athawk tawh,Mahse mizo tawng hi a la pai em em reng,A chang phei chuan min biakna thenkhat hi ka hrefuh thin lo a,Kan nui dun leh chiam thin.


Inchunglam ah ka chhoh san a,Khum chunga ka phone kalsan chu a lo eng va va,Mahse ka lak kan hma in a tawp hman,Ka ban a,Thanpuia call a ni tih ka hriat rual chuan ka ner nghal nawng! Min biak a la rawn tum ngam ri ngawt pawh hi a mak zawk.Phone chu silent ah dah in inbual tur in washroom ka pan nghal a,Tui lum sa tha zet in ka taksa chu ka phuh tir,Chu mi pah a hu(Vaporizer) rawn chhuak chu ka hnar hmang in ka hip lut vang vang a,Khaw chhiat deuh chang leh boruak a hnawm chuap lai hian tui lum hu hip luh hi taksa in a ngaih mai bak ah,Thawhah leh taksa a harsatna nei tan chuan tui lum hu hip luh hi a tha em em,A hranpa a damdawi ei ngailo a,Damna awlsam tak pakhat a ni bawk.



Ka inbual zo a,Ni a sat em em loh a vang in ka inthuam lum deuh hlek bawk.Bomber Jacket var sar ha in Cotton kekawr dum ka taksa phuar lam deuh chu ka inthawlh leh a,Engtik lai pawh a ka bun chhuah reng peih Nike Roshe chu ka in thawlh leh tawp,Incheina hi ka uar uchuak lo,Mahse ka inbel chhun hi chu ka duhtak vek choh an ni! Ka sam sei hniang chu a la ro that loh a vang in ka chhem ro pah zung zung a,Khawchhiat lai a sam huh ka put reng hian ka hnar a ping nghal vek zel!


Pindan ka chhuahsan fel hman meuh chuan a hma lutuk tawh lo,Ni 11 hma a let leh kan ngaih a vang in vawin ni lo hi hunawl ka nei tawh dawn lo,Zonuni Thlan ah pawh kal kawi nghal ka duh bawk. Tun tum kan haw a tang hian mihring ten kan nunna ah thu kan neihloh zia ka hre chiang telh telh,Nilo..Kan nun mai nilo,Kan hun hman lai mek ah pawh hian thuneihna pakhatmah kan neilo,Second khat pawh kan pawt ding thei lo a,Chutiang bawk in kan hma lam hun tur lah kan hrelawk hek lo,Eng nge kan chungah thleng dawn tih hre lek lo in kei ber a maw in tiin kan ui lal len a,Thawveng zet in it's my life tiin kan insulpel kual thuak thuak hlawm a,Hun thunun tu hian kan nun hi her danglam bawi a,Khaikhup hlawk a chak hian ka ring thin.


Ka nu leh pa mut pindan ah chuan ka lut kawi zawk a,An bula ka mut thin lai kha ka ngaihtuah let thiam tawh lo,Chutiang bawk in ka naupan lai hi ka ngaihruat thiam lo,Ka hriat awm chhun chu he pindan chhungah hian ka tlankual a,Ka pa in khum leh dawhkan chunga ka lawn kual kha ka tlak hlau in min veng,Ka nu ni ngei tur hmeichhia hian min lo hau ve thung a,Mahse ka tlak a hlauh vang zawk a min hau a ni tih kha chu ka la hre thei.


Ka nu mut thinna lampang Wardrobe mal te chen vel lek a sang chung a thiltuam mawi in hung ngat chuan ka mit a la chat,Ka pan hnai a,Birthday thilpek tur ni ngeiin a lang,Ka la kang a.Tag ah chuan ka hming a lo inzial va.Ka nui hak a.
"Happy Birthday ka fa nu..Ka naute ka ngai che..Ka hmangaih lutuk bawk che.
i nu"


Nui ver ver in bawm chu ka dah let leh a,Ka nu lak atang birthday thilpek ka dawn ka hrengai lo,Ka birthday chang hian ka Ac ah pawisa a transfer a,Chu chuan ka duh zawng ka lei tawp thin,Tun ang hian thilpek min pek tumna a nei ngai lo.


Hnathawk tu hnen ah ka kalchhuah tur thu ka hrilh a,Tlai lam ah bak ka let dawn loh thu pawh ka hrilh nghal vek,Ka tumdan chuan Zonuni te in ka tlawh phawt a nga,Chu mi zawh ah Thlanmua lamah ka kal ang,Tlai ah in a haw lo in bazar ah nepnawi lei in ka kual leh bawk ang,Chennai lamah ka let leh a nih chuan Acid leh eng eng a maw ei chak in kan phi leh cheng dawn tih ka hria,Chung vel lamkhawm pah chuan kal kual nghal ka duh.Gate ah ka chhuak tawh,Ka pa motor a rawn tlan let a vang in kal sawn mai lo chuan ka ding reng a,Ka pa a rawn chhuak a.


"Mamabawih..I duh chuan Ricky hi va inhruai tir rawh." a rawn ti vat a,A remchang hlauh.

"Hna ah let i ngai dawnlo a mi?"

"ummm..Chawhnu lamah chiah ka let ang.!" a rawn ti a,Taxi chang buailo in ka kal vat thei dawn,A tha phian e.


Ka thu lut a,Ka pa in engtik lai pawh a play thin Abba ho zai ring vak lo in a in play riai riai a,Ka thisen in a than hna tawh in ka hria,Tun lai zaithiam larthar tak tak te hi ka hre mumal lo,Ka pa te hun lai deuh a zaithiam,Hranghlui zai ho hi nalh ka tiin ka ngaithla tam zawk bawk.


Kan veng a tang hmanhmawh vak lo in Zonuni te veng pan chuan kan tlan a,A putea an man hnu khan ka la tlawh leh miah lo,Mahse Pa Tluanga erawh in phone kal tlang in min rawn be ve zauh thin,A lungleng a,A thihchhan diktak lah a rapthlak in lunga awi thei thlawt lo,A hriselna in a tuar phah mai a hlauhawm lek lek.


Ka phone rawn ri dar dar chu en mang hleilo hian ka dap rak rak a,Ka bag a tang ka lak chhuah rual chuan ka off zui hmak,Thanpuia bawk.


"Nizan buaina kha enge a awmzia?" Ricky chuan a rawn ti lang lang a,Ka lo ner khum nawng ringawt.


"Sawi mai mai teh, Sawi puitur dang i neih miah loh kha.!" a rawn ti nang nang a. Min hrechiang tur in ka pa bulah hian a thawk rei ve tawk tawk,Kan hna a rawn thawhtirh phei chuan a naupan hmel lutuk a vang in a motor khalh ah ka chuang ngam ngailo,Tun ah hian min fiam nan hman zauh a ching thin.


"Sawidan tur pawh ka hrethiam lo,Naaa..Tuntum ka rawn haw hi chu thil thleng lo tur tur a thlen teuh phah..!" ka ti halh a,Zonuni ka ngaihtuah chhuak a,Thawk a pil zual.


"U Thanpuia nen khan in inkawp a mi?" min melh zawk a,A langtlang mah mah a ti leh deuh a niang. "Ka tih awmzia chu inzui..!" a rawn ti leh sup a,za lote hian ka thensak a.


"Nizan khan kan tawp nghal.!" ka ti sep,Awlsam tak a sawi liam mai ka tum achu,Ka thei der lo,'tawp' tih thumal vang khan ka taksa chhungah hian che dat a awm,Chu chu lungphu rang in a rawn zui a,Ka hmui hnuai pet in mit ka chhing ta ringawt a.


"Sawitha leh ula,Nizan kha chuan i thinrim vang in engmah i ngaihtuah mumal lo a,Vawiin te hian rilrufim in inbe leh rawh u.!" a ti sup a,Unau pianpui ka awt zual ngawih ngawih,Laizawnnu emaw,Unaupa emaw tal neih ve a,Ka thuruk sawipui tur leh ka thil hriatthiamloh min hrilhfiah tu tur te ka awt thar ngawih ngawih.


"Awmzia a awm tawh lo,Nupui a nei tawh dawn.!" ka ti sep a,Ka taksa chhung rawn na ngawt ngawt vang leh thawk lak harsa ta vek a vang chuan pawnlam ah dak chhuak in ka ka hmang in ka thaw chhuak ham ham a, Ka ta ni ngailo tur nen inzawmna ka lo siam a,A tuartu ah ka tang leh zui bawk.


Mit ka chhing a,Thanpuia nen kan awmdan leh hun hmandan te chuan khawl ang mai a chak in min rawn luhchilh zut zut hi ani ber,A nui hmel,A mit meng uk thimraih leh a tisachak insum hmel te..Engkim..Chiang tak in an rawn lang vek!


"Kan thleng a nia.!" Ricky in a raw tih chuan ka meng vat a,Ka thungil zui vat a,Zonuni te inkawt mai ah kan lo ding tawh,Tlawh ngei ka duh rual in kal hrehna tlat ka nei,Ka ngaih mai bakah,A tan rin ngam khawp a thiantha ka nih loh a vang khan hreawm ka ti...Kha mi ni a thusawi atang te khan hrethiam a,Haw san miah lo tur ka ni.


"Ka lawm e aw.!" ka tisep a,Motor a tang ka chhuah hma chuan duhthawh zet in boruak ka hip lut leh phawt a,Pa Tluanga ka hmachhawn hun ah pawh ka awmdan phung hlauh miah lo a,Pangai tak leh puitling tak a ka awm a ngai ngei ang.


"Tlai lamah rawn hruai i ngai a ngem?" a rawn ti a,Lu ka thing zauh a,Motor a tang chuan chhuak in In lam hawi chuan ka ding leh vang vang phawt a,Ricky tlan liam hnu ah chiah gate chhungah pawh ka lut,Chhun lam ah chuan inleng an nei tawh vak lo,Mahse mizo chu thenawm khawveng in puibawm hnam kan ni a,Zan lamah tal kan la in len pui liam liam thin a,Hei hian chhiat tawk chhungte khawhar lutuk tur pawh a hnem ve thin.Hnam dang lak ah chuan vannei tak hi kan ni ringawt,Hnam dang chu khawhar in hnem a len khawm tel tel te an nei ve lo,Chu mai bak ah,Mitthi chhungte sum seng zawng in zanriah an buatsaih te a ngai thin a,Sweet chi hrang hrang te an sem a la ngai zawk hial thin,Mahse chutiang chu keini Mizo te chuan kan ti ve ngai lo,veng chhungah buhfai leh thing kan khawn khawm a,Mitthi chhungte sumsen vak ngailo in ei leh in pawh YMA lam in min buatsaih sak zel a,Mizo nih hi a lo nuam ber zel mai.


Kawngkhar lo in hawngsa ah chuan ka pen lut a,A lo reh raih,Tumah an awmlo a maw ka ti zawk hial tawh,Ka au lang lang a,Choka lam atang an hna thawk tu khan min rawn chhawn ta hlauh a.


"Pa Tluanga a awmlo a mi?" ka ti a.


"An mut pindan lamah a awm..Hei thingpui ka lum a,ka pek pah in ka hruai ang che.." a lo ti zung zung a,Inchungah chuan bungrua engkim a ngai ang chiah in an rem phui leh vek tawh,Mahse ka ngiahve dan chuan inchhung bungrua awmve miah lohna in nen ka tehkhin ber.


Thingpui chawi chung in kailawn ah a chho a,Ka zui ve zel,Zonuni nen a kan ni hnunhnung ber mitthla chung in ka chho zel a,Ka thawk a sak nghal talh thei.



Pindan pakhat kawngkhar chu a kik dat dat a,Chhung lam a tang an chhanna pawh ngaihven zui lo in a lut nghal mai bawk a,Ka zui lutu ve a,Pa Tluanga chu khum ah a lo mu zawi bam,Min hmuh rual chuan a rawn inbeng kang vat a,A cher in a hmel chu a tar bawi bawi mai.

Thutna tur min kawh hmuh ah chuan ka thu a,Mihring hi rilru in min lo va thunun thei tak em! Pa Tluanga pawh hi pa hrisel tha leh lian vuah mai a ni thin,Mahse Tunah tak hi chuan khawilai kut dawh,Eitur neiloh vang a cher thal ang mai hi a ni tawh.Hnathawk tu kal chhuah hnu chuan Thingpui chu a dawt khalh a,Lunglen hmel deuh hian min en dauh dauh bawk.


"Ka nep i ti ve em?" Rei tawk fan engmah sawi lo a awm hnu chuan a rawn ti chhuak hlawl a,A thingpui no vawnna chu a nghet zet hian a hum zui a.Chhanna pek dan tur ka hrelo,Thudik tak a ka chhang dawn a nih chuan..Nep ka ti!


"Ka fanu ngei ngei pawh ka veng him zo lo a nia...!" ro hal hian a rawn ti leh a. "A harsatna tawh pawh min hrilh ngam lo..Eng ang pa nge maw ka nih le!" Mipa mahni in ngainep tak a tawngchhuak awri chu hriat a nuam lo tak zet.

"Thi ve deih tlak ka ni!" Hnuai lam a bih a,A taksa chu a che zui dar dar bawk.Sawi ve mai tur ka hrelo,Hnem tur ka nih laiin a thusawi kha a dik vek! Ka thiannu tan khan a awm ngailo,A nupui thusawi kha a zawm fai vek! Zonuni pawh in a hnaih ngamloh phah reng bawk.


"Pa Tluang..He tiang a indawm kun reng tur hian Zonuni khan a duh lo ang che.. i chak that a,Hriselna tha i neih kha a duh ber,Hun kal tawh vang a thiamloh kan inchan dawn a nih chuan tumah hi kan lungawi zo lo ang,Chu vang tak a hmalam pan tur a siam kan ni..Thil kal tawh ngaihtuah vang a lungngai tur nilo in,Hmalam thlir chung a kal zel tur a siam kan ni zawk." ka ngaihtuahna a rawn awm ang ang chu ka sawi chhuak tawp,I nep lutuk,I fanu tan khan Pa tha i ni ngailo bawk tiin sawi khum ta chiam i la,Hlawkna pakhatmah a awm dawn lo.


Eng eng a maw sawiin kan inkawm dun reng a,A nupui leh an fanu erawh inti thawveng a zin chhuak tur in a kal tir thu a sawi.A taksa a chakloh em a vang leh chaw mumal a ei thatloh a vang in Thisen chaw ka khaisak nghal a,Doctor rawn tur tak ngial pawh a a kal chhuah duh loh a vang in Chennai lam a kan senior doctor te ka call a,An ni kal tlang in a damdawi tur te ka ziak chhuak sak a,An hnathawk tu hnen ah chuan ka damdawi ziahsak ho chu lei a,A hunbi diktak a eitir thin tur in ka chah zui bawk.


Chawhnu her ah chuan Pa Tluanga pawh a muhil a,Thlanmual tlawh a,Bazar kual ka duh a vang in an in chu ka chhuahsan ve nghal a.
.
Ke in Thlanmual lam chu ka lan hnak hnak,Ka ngaihtuahna ah thiltam tak a rawn lut kual reng,Engtin nge tisa chakna puitlin duh vang ngawt a,Pawisawi lo leh kum pawh la tling lo te chungah rawng tak mai an chet duh thin?Mi duhloh chung sual luih khan nawmna chu a hmu tak tak reng em?


Thlan ah chuan ngawi reng in ka thu a,A tello a zirna chhun zawm ka hreh rual in a tello a hlawhtlinna chan pawh ka duh biklo.

Muangchang in step chho zet ah chuan ka kal chho hnelh hnelh a,Huaisen tak in a harsatna tawh kha lo sawi chhuak se chuan nunna chan em lo in kan awm thei dawn si a,Tun a ka chak tak ber chu..Pawngsual tupa kha lei hnuai a phum bo ve hmiah!


Step ka chhuak chho chiah,Sir lam a tang rang lutuk in ka ban rek ah min rawn hmer chawt a,Rilrufim ka put hma hauh in hneh lutuk in min kal pui nghal dawr dawr a.Step chhuah chhoh a tang hla lo te ah a Bolero a lo awm,Kawngkhar a pawt hawng a,Min nawr lut nghal rawk rawk,Na zet a kawngkhar rawn khar phuiin Bolero chu a rawn kal hual a,Ka thaw nghal dep dep!Thlanmual hmun a reh in mi dang vak vel an awm lo,Hlauhna leh manganna in min rawn tuam nghal vek.Kawngkhar a rawn pawt hawng a,Ngawi ngul hian a rawn thu lut ve nghal a.

Advertisement hmu ngai lo in awm chuan link ah hian lut ula ad blocker off dan guide inziak/video angin in ti dawn nia : https://www.facebook.com/notes/story-fb ... 026730318/

"Eng thil nge ti a i inhriat a?" Hlau lo ang in lan ka tum,Kawngkhar chu nem hawn ka tum a,A thutna lam atang a lo lock fel der.Min rawn melh a,Kan in hmuh hmasak ber tum ang chiah..Min ching darh vek chak hmel a pu,Nizan a ka hamna hnu chu a khem sen nang bawk.


"Ngawi reng khan thu rawh.!" 'ka that ang che!' tih thumal nen a min den dan a in ang reng,Engine a ti nung a,Ka che ve phat,A thusawi hi ka zawmna chhan tur a awm lo.A steering humna kut chu ka han nem sawn nawk,Ka chet dan chu a beisei lawk biklo a ni ngei ang,A rawn hawi dawr a.A hmai ah hian ka ham belh leh mai lohnan ka inthunun thei hram.


"I duh duh a i pawh kual tur ka nilo..Ka chhuak duh..a nih loh chuan police ka call ang.!"Ka aw chu thinrimna leh amah hlauh a vang in a khur dar dar,Ka taksa chhung thleng hian ka tang tung thei..Rapthlak lutuk.
.
"Ti la!" tih zawng in min chhang,Ka thaw hak a,Ka ti khawp ang,Ka bag chu ka zen rak rak a,Diktak chuan a thinrim hmel hi a hlauhawm lutuk,Hlauh lutuk vang in a thusawi a piang zawm pawh ni mah i la dem ngawt chi ka ni maih lo ang,Mahse.. Ka hluahna vang ngawt in a thusawi zawm ka tum vek lo.Kut tha khur dar dar in ka phone chu ka lek chhuak,Lock hawng tur pawn ka kuttang in a la tin fuh lawk hlei thei lo zui..Lock ka hawng a,Thanpuia erawh a ngawi ngul.Number ka dial rual deuh thaw chuan ka phone chu a rawn phih thla nghal a,Off in motor chhung hmalam ah chuan a thehthal ngal daih! Min rawn melh a.Pawisak pakhatmah a neilo tih a mit meng ah chuan hriat theih.


"Engmah ka sawi tawh lo ang..Ngawi reng in thu ang che.!" A kut phah vei lam rawn lek chuak chung in fiah zet hian thumal tin chu a rawn lam fuk fuk. Tih theih ka neih loh lutuk a vang chuan tah chhuah vak mai ka duh.

"Seat belt kha hreng rawh!" a rawn ti leh nghut, tha ah ka hneh dawn tih chiang ngat i la chuan ka tlawh nghek ang.

"Hmela ka hua che..!" Uar lutuk in ka au nghek. A thaw ri hawk a. Keipawh hi thinrim lutuk vang in ka thaw sawk sawk thei,Ka thisen lum pup pup leh thinphu rang vek te chu hlauhna vang ni tawh lo in thinrimna vang zawk a ni tawh.


"Inthlah dul la.. i tan a hahdam ang.!"

"Hmela..!"

Dar a kan ak a,Thinrim vang in ka puak keh lo chauh, engine a ti nung leh a, tih theih ka neilo, he motor chhung a tang ka chhuak duh anih chuan kawngkhar hi ka tihchhiat a ngai,Kut ka kuang kuah a, hmalam pawh en lo in tukverh lam ka en,ka thinrim lutuk vang in ka hmai a sa vek!



Inbe miah lo in kan chuang dun,min bia pawh nise a sam ah ka tham nghal ang tih theih tur khawp a kut thawh inring in ka thu tang tung a.A hmel pawh ka melh peih lo,Nizan a ka thusawi kha a hrechiang lo anih chuan nakin ah a au in ka la au khum ang.


"Bawihi..!" A tawng leh hma in rum lutuk in ka melh er, Thanpuia erawh a rawn nui huk thung.
.
"Min be suh." ka ti hmak a,Kawngkhar lam bawk ka hawi leh nghal,A nui tih hriat zet hian a rawn ri leh hak a.. "Thinrim tih reh dan ka hria a nia.!" Nuihza insum aw hian a rawn ti leh a,Motor a music chu a play zui nghal bawk. MLTR a rawn zai riai raia a,Keipawh in ka taksa tang tung chu ka thlah dul ve ta riai riai! Rapthlak khawp in ka taksa a lo tang hman.Mit ka chhing tlat a,Seat nghen chhan chu ka ngeng bawk,Music muang fan raih ri chuan min awi chiai chiai maiin ka hria,Nizan ah he mihring pa vang hian ka mu miah lo bawk.Tunah te hian eng ngaihtuahna pu chunga min la rawn hmu ngam nge maw a nih?!


Ka kang nawlh rual deuh thaw in taksa lum ham chuan min kuah bet nghal chial ,Ka beng zawng a lungphu ri dawt dawt chu chiang lo riai in ka hria,Ka taksa chu hneh tak mai hian min kuah bo vek! Ka hriat zawng chu he taksa ah hian ka hahdam thei,Keimah a chohna leh hahna te pawh theinghil thak khawp in he taksa ah hian ka hahdam.


Mit ka meng a,Ka awmna hmun ka hre mai lo,Thil lum vung vung ka bawh beh mek thawhsan lo chuan ka mit choh hmang in kan awmna chu ka en kual.Thanpuia motor chhungah ka lo la awm reng,Pawn lamah erawh ruah a sur buan buan thung.Ka thaw halh a,Thatche zet hian mit chhin leh mai ka tum a,Mahse,Ka kawngah kut phah hrawl zet in a rawn hmer rual chuan ka rak nghal tuar,Ka mut chhuak zawng zawng a bo nghal vek! Vur tui a theh harh sawk ang vel hi ka ni.Ka thungil a.Lalpa leh! Thanpuia nen hnaih zet in kan in melh nghal run.A nui suk a,Nuih ve na tur ka hrelo.Amah hmachhawn zawng in a mal chungah ka lo muhil reng tih ka hrethiam ve chiah.


"I muttui bawk maw?" Mu tho hlimchiah aw tial deuh tuak hian a rawn ti sup . Mahse a hmel lan dan zawng zawng te nen chuan an sexy vel vek! Ka ngaihtuahna hrep chu(h)!


Chhang lo in ka tal phat a,Thanpuia pawn min thlah ve mai, a bul ah chuan ka thu thla a,Kan awmnna hmun hi ka hre miah lo,Khu chu a la thim lo,Mahse ruah sur vang hian chhum a zing chuk a,Thimhlim intantir a ang zo vek.

"Khawnge kan awm?" ka ti sep. Seat nghenchhan ngheng chung chuan ka lam hawiin a rawn thle nghut a. Thatchhe aw tham tuak in kan awmna hmun hming chu a rawn sawi,Ka meng nghal kawk thei.




"Ka haw duh tawh!" ka ti leh sep a.Ka thusawi chu a bengkhawn duh map lo zui!
.


"Thanpui ka haw duh ka tih chu..!" vin deuh hlek hian ka ti that a,A rawn chet deuh hrut a vang in thutna kil chet ah ka tawlh chho nghal vat,Mahse min khawih lo in a kutphah pahnih chuan a hmai a hup vang vang a. Ka lo hawi kual hrek hrek thung.
.
"Ka biang i hamna chu a na reuh hle mai.!"


"Ka haw duh ka ti a lawm!" ka lo ti let ve vat,A kut la sawn in a nui suk a,Vawiin khaw awm dan nen a inrem zet in kawrlum phiar chhah vak lo, a dum leh var a tial hi a ha a,A kawrban chu a banpuam thleng a pawt tawm chho zespy Pants uk tak zet a ha bawk,A incheidan vang chuan a lang rawlthar vek maiin ka hria,A hrim hrim an amah hi kum upa lutuk a la nibik lo,Mahse a biang a hmul to sang vang hian a lang upa,a hmel ti nelawmlo zul tur in a mit khur athuk dak a,A hnarngul a sang vah vang pawg hian alang zahawm phah vek.

"Nizan thil theng kha sawifiah i tum miah lo a mi?" a rawn ti nghut. Motor hnung lamah kan thu dun, bangkil a ngheng a, keipawh in lehlam a bangkil ka ngheng bawk,Hahdam hmel zet in a thu awn duai a,Kei erawh ka tang tung thung.

"Sawifiah vak a ngai ami? E..Chuan.. Nupui i nei dawn tih ka lo hria a,Ka lawmpui a che.!" ka tum loh deuh in ka sawi tawp lamah chuan ka awki ka san nghek.Thanpuia chu a rawn thungil zawk a,A mit ah chuan pawitihna ka hmu! Nie..Pawi a ti khawp ang chu..Min kawp reng chung in nupui neih a tum a,Ka hre chhuak ngaidawn lo a maw a tih tawh kha ka hre ta vek sia..Pawi ti ngawih ngawih tur ani reng.

"Kha thil kha ka sawifiah thei.!" ti sup in melh run, za vak lo hian ka lo nui hak a.

"Insawifiah a ngailo, ka hre vek tawh,Chu vang chuan min hnaih tum buai tawh suh, Nang ang in kawp kual zul ka thiam ve lo,Chuan i hmeichhe kawp khawm tun zing ah ka tekve duhlo bawk.!" Thikna aw ri a riktel ve lohnan ka kut chu a hmuh theih loh ah ka hum ngawt ngawt,Thanpuia hmel in thlak ta hlawk pawh chu melh zui duh lo in mit ka chhing hmak a!


Ka thusawi vang khan thinrim in min rawn hrawk hrep pawh nise mak ka tilo ang,A hmel kha a rapawm pha tlat.


A chesawn tih hriat zet in Motor chu a che ve suih a, pawnlam ruah sur buan buan leh motor chung far ri vang chuan thawmdang engmah a hriat theih loh.

Kut phah lum vung vung in ka biang a rawn dek a,Ka beng hnuai thleng in a kut phah lumna chuan thleng pha vek,Ka kut nghet tak in ka hum ruh a,Men ka tum eih lo.

Lehlam ah a rawn dawm leh a,Ka hraitna thazam zawng zawng hian he pangti lum hi an lo chhinchhiah hneh tawh lutuk.

"I mit meng rawh.!" Min hnaih tawk hle tih a tawng zawng a ka hmai lum ham ham ah chuan ka hre thei,Ka sawi ang chiah..a taksa in min nawk nghal ran.Mit ka meng a,Hnaih chet chawt ah Thanpuia chuan min lo melh reng! A mit khur thuk dak chhunga mit mu uk tak zet chu a de sawt sawt maiin ka hria.

"Ka hnaih ang che....Midang nangmah hnaih tum an awm chuan min hmachhawn ang.!" ka mit ah tak melh ran chung chuan a rawn phun sup a.Ka hmui zawn chet ah chuan a thaw lum ham ham reng,Ka thawk lo rang ve nghal vat chua ka duhlo lutuk.


"Min hnaih lo tur in ka duh thung che..Chuan..I nupui tur chiah ngaihven tawh rawh..kei nilo in..!" ka kut pahnih in a awm ah ka nem a,A chesawn eih lo!

"Hei hi chuan ka hnaih che a duh thung.!" Sexy zet a nui pah in a ka awm zawnah chuan a kut a rawn nghat a,A lum nghal thur thur thei! "He lungphu hi kan awmdun hmasak ber tum ang chiah khan a phu rang a bawk." a aw tial tuak a vang chuan a lang sexy zual lutuk,A hmui bul vun chuar lang in a nui leh suk a, Ka thaw hak thung.


Ka mitah min melh chhuk ngur chung chuan a rawn kun hniam ruai ruai a,Ka hmui ah fawh a tum tih ka hrethiam. Mahse, awlsam tak chuan min fawp hauh lo ang, ka thlesawn thuai a, Mahse chu chu a tan remchang a ni zawk hlauh! Ka nghawngah hmai a rawn phum a,A thaw chhuak zui nghal ham ham.. ka mur uaih a.



"Thanpui..!" ka tal phat a,Mahse a rawn chet zawm ve zat a vang chuan ka thaw chuak nghal hawk.

[Ngaia]

An:- Nizan ah damlohna vang in ka tlaivar deuh thaw a! Tunah te hian ka lu a nibur mai, A mumalloh bakah thumal tihdikloh a tam khawp in la ring.Min hrethiam zel mai a niang chu..Comment leh fuihna thu ka dawng theu reng aw..Chhiar liam tawp lo a, Sawi belhna in rawn neih hian kan tan phurna a lo ni ve zel bawk.CLICK CLICK!



Pawn lam ruah sur bur bur thawm bak hriat tur a awm lo,Eng thil nge maw ka lakah sawi se ka la tih ni! Ka insiam tha sawk sawk a,Ka taksa chhung hi a tawt up up bawk,Diktak chuan ani hi ka ta nilo tur ang a ka dah chhin ringawt pawn ka na! Kan inzui chhung hi a la rei miah lo,Mahse..Keihian atthlak lutuk in ka lo ngaina fel der tawh,Harsatna ka tawh chang in ka bul ah a awm reng zel a,kan in hriat tirh a tang tun thleng hian ka mamawh hun a zel ka bulah a awm thin,Hmeichhia tawn hriat la neilo leh mipa dang lak a tang ngaihsakna la dawn ngai miah lo tutan chung thil zawng zawng hlut zia chu tumah in min hriat thiampui lo ang,Ka thianghlimna chan thei dinhmun a ka din laiin min humhim tur in a rawn kal a,Ka thiannu vang a thawkbuai vek leh mangang lutuk a ka awm laiin a taksa lianpui ah hian a taksa peng pakhat ang maiin min kuah bet a,Ka rin thiam.phak bak in a lakah hian rinna ka lo nghat hneh hman tawh lutuk,Mahse..Chung zawng zawng chu a thleng nawn tawh gai dawn.lo,Tun a tanga reilote ah midang ta a ni tawh dawn!
.
.
Lungtum ang mai a thu ngawi ngur leh ka lak atanga mit la sawn miah lo tu chu ka melh leh zawk a,Ka theihnghilh ngailo ang! Kawngkhar chu ka nem hawng a,Pawn lam erawh bucket atanga tui leih buak ang maiin ruah a la baw hawk hawk reng thung.Ka pen chhuak a,Second tam ral hma in ka huh zawr nghal vek! ka sawi ang khan tun hi kan hun tawp tur a ni,Nachin vang khan ka inchhir lo,A tawp ber na tawh tur ni miau hek!
.
Ramngaw chhah vak loh ka kaltlang ngai chu thaw halh halh hian ka melh a,Tunah hian khawpawn lam ah kan awm,Mahse Ramngaw chhah vak lo hi ka paltlang chuan motor kawngpui ka pawh dawn a,Chu kawngah chuan motor vei vak a awm reng thin..Mahse tun ang khaw chhiat hun lai hi chuan motor vei vak erawh an vang hle ang.
.
"Eng nge maw i hriat le?" Ka hnung lam a tang min phih let nawk a,Ruah vang a ataksa lianpui huh vek leh thinrim mit meng chu hmachhawn a nuam hauh lo.
.
"I damlo ang..!" ka ban rek ah a rawn vuan a,A motor hunna lamah min hnuh let leh a tum nghal ringawt.
.
"Min buaipui tawh lo tur in ka hrilh che.!" Ruah sur bur bur karah chuan ka au khum nghek a.A inseh ruh tawlh tawlh a vang chuan tlanchhiat san vawng vawng mai ka duh,Mahse ka ban ah a hmer miau a vang in engtik ah mah ka tlansan thei dawn lo.
.
"Bawihi...Thil hrechiang lo in thinrim suh..!" Sehchilh zet hian a rawn ti sup a,Min kalpui a tum leh nghal ngawt bawk,Ka zui let dawn lo,Thil hreching lo a thinrim ka nilo bawk! Ka kut a vawnna chu phelh sak tum in ka kut lehlam in a kuttang chu pawh phelh ka tum a,Tha kan in ngah hleih lutuk,A kuttang pakhat lek pawh ka pawt phelh zo lo,Min melh chhuk run,Kei lah in tha tawp in a lak atang tal chhuh ka tum ve bawk a,Mahse saipui leh fanghmir in chei kual vel kan ang in ka hre hial.Min din hnaih a,A sam hnim lam mah chu ruah vang in a tlu niaih hlawm a,A then chuan a chal chanve thleng an rawn hawlh,A sam a tang tui far chuan ka hmai a rawn far fep fep bawk.
.
"Ka thlah ngai dawn lo che..Tumbuai duh suh!" A rawn kun hniam a,a put in min pu nghal nawlh,Ka kang lawp hi a ni ber,Ka ke ka leng a,A taksa hnunglam ah chuan ka chum zawt zawt bawk,Mahse a ding chhin miah lo..Au chiam chiam.pawh ni ila,He lai ram palaileng ah leh ruah sur bur bur hnuai ah hian minpui tu tur tumah an awn hauh lo ang.Seat hma lam chu a pawt hawng a,Ka taksa ruah in a nan huh vek tawh chu seat ah chuan.min nghat thla chawrh,A hmai huh hluam chu a kut in a tuai puat a,Thinrim.lutuk hian ka melh nghek thung.
.
"Talbuai suh..Anih loh chuan tharum ka hmang ang.!" seat belt a min tawn pah chuan a rawn ti leh nghut,A va rapawm tak! Tun a achetdan kha tharum thawh a la tive miah lo zawk a maw ni! Kawnghar chu a rawn nem.khar a,Motor hmalam atang chuan a thutna tur a rawn pan ve! Atthlak khawp in a taksa huh leh hnawm chap a vang hian alang sexy zual..
.
A rawn thu lut a,Motor chhung chu kan thuamhnaw a tang a tui.luangchhuak a vang in a huh nghal vek! A.pawi tawp.lo,ka thu a lut pawh ka nilo,A thiamloh vek zawk.
.
Ngawi run in Engine a ti nung a,Vawt tih vang in ka taksa chhung a rawn mur ar ra reng,Ka thutawm chal a,Ka taksa huh vek a vang chuan a vawt telh telh bawk.Thanpuia erawh vawt ti hmel a pu ve lo,Hneh zet in motor chu a turn pawp a,Khawchhung lam pan in a tlan chhuak zui nghal vat a.
.
A ngawi reng,Kan boruak chu a uap in a ni churh! Vawt tih vang in ka khur leh zauh thin a vang chuan ka kut phah chu ka nuai lum a,Ka thawk khum ham ham reng bawk.
.
"I thiltih atthlak zia kha i hria em?" A rawn ti hmuk,Ka chhang peih lo.
.
Khawchhung kan tlanluh hnu chuan ruah pawh a han/Bang ran tawh,Mahse a la tla fap fap reng,Ka taksa khur dar dar chu ka tihlum vat loh chuan khawsik ka nei thuai dawn tih ka hria.
.
"Kan in ah min hruai rawh..!" ka melh a.
.
"Ka tum reng.!" a rawn ti leh hmuk,A vahan chhe hmek hmuk thei tak,Ham nawk nawk hi a chakawm thin.Kan gate chhung a tlan luh tak ah chuan ka thu tha a,ka ruh leh tha chu khawvawt vang in an kham vek.
.
"Ka rawn bia ang che,Chuan thuamhnaw lum inbella mu nghal bawk ang che.!" kawngkhar a tang ka chhuak tur chu hriatnuam zet hian a rawn ti a,Mahse..min rawn biakna chhantur a nei tawh lo,A sawi vang nilo in ka taksa chu ka tuam lum dawn hrim hrim bawk.
.
"Min rawn be suh..Kan tawp tawh.!" Kawngkhar ka khar zui thuai a,In lam pan chuan ka pen zui hmawk hmawk,Thanpuia erawh tlan chhuak mai lo in a la ding reng.
.
Inchhung ka luh rual chuan hnathawk tu chuan mak ti hmel deuh hian min lo melh hra a, Engmah pawh sawi lo in kailawn ah chuan ka thlanchho zawt zawt, Tunah tak hi chuan tumah veng thawng lek.lo a tahchhuah hawm hawm mai ka duh! Ka pindan kawngkhar chu ka nam hawng a, Bing tak in washroom lam ah ka tlanlut zui nghal hmak! Thanpuia ka hmachhawn lai kha chuan ka thinrim lutuk vang in ka taksa chhunga na awm.pawh ka hrelo hial..mahse a hnen atang ka awm hrang chiah a, Natna nasa lutuk in min tuam nghal vek! Shower ka herh haw a, tumah veng thawng hauhlo in ka duhtawk in ka tap chhuak hawm hawm! A ni kha ka ta a ni ngai dawn lo, A ban liantak khan ka lungngaihna min hnem tur in min kuah tawh ngai dawn lo.
.
Tui inphuh sar sar hnuai ah chuan ka ding khur hlawk hlawk, Hmeichhe chaktak amaw ka lo inti thin, Mahse..Ka chaklohna chu ka hrechiang ta khawp mai..
.
Thuamhnaw engmah ka ken luh loh a vang in Towel lianpui chuan ka taksa chu ka vet a, Ruah in min nan huh hrep tawh a vang in tui ah vek ka awm reng thiang lo.Washroom.kawngkhar ka nem hawn rual a ka thil hmuh a vang chuan ka chawl dat a, Tukverh lam hawi a Thanpuia lo ding ngawi ngul chu va chhut thluk tawp mai hi ka duh.
.
A rawn in her a, A thuamhnaw huh chu pawisa hmel pawh a pu lo.Ka taksa chu chiang tak hian a rawn thlek a, Oh..Nidawn tak..Engmah ka inbello.Ka awm zawn ka towel veh ah chuan a mit a tawp chat! Min pan hnai a,A mit meng uk thim rap ah chuan tisa chakna bak a lang chhuak lo, Min melh ngur chung in a rawn hnai zel a! A ruk a ka taksa chhung khur ru dar dar chu a rawn hriat loh hram ka beisei!Ka bul a rawn thlen hma in ka harhchhuak thut a! Ka thuamhnaw bawm lam pan in ka che ve vat! A rum ri hrawih ka hriat rual chuan ka tek zawk zawk thei! A insum hmel.landan chiang lutuk in ka hmu tawh! A lang saxy ngawih ngawih..Chutiang hmel ang chiah chuan a awm dawn tih ka hria.
.
"Eng nge i duh a? Ka pindan ah te ka phalna lo ten i rawn luh a!" Nelawm lo zet hian ka ti vin hlak a, Ka thuamhnaw bawm chu nem hawng in kawrlum phiar lianpui ahma pum chu ka inthawlh a, Min enreng tih ka hria..Ka khur bawk..Mahse tun aia chiang hian ka taksa a hmu tawh, zak tak ang a lankual a tullo.
.
"I bag i theihnghil a!" Thatchhe aw tial tuak hian a rawn ti sup, A ban chu ka khumsir dawhkan lam hawiin a phar chhuak zawk a.A hmellandan dul ruih leh chauh hmel zet a vang chuan va pan a, ka kuah thlawp lohnan ka inhum ruh tang tang.
.
"Ka lawm e.. i kal thei tawh." ka ti leh hmak.Eng a maw sawitum hian a rawn ang zuau a,Mahse rum zet a ka melh ran a vang chuan dar kan awk a thaw chhuak hak chung chuan a bu ta nghut a, Muang chang in ka room chhuahsan chuan a pen zui bawk.
.
Khumah chuan ka mu kawm reng,Ka taksa ah engmah na ka neilo,Mahse,Chhunglam erawh sawifiah thiam phak bak in a na thung!
.
.
Ka pindan kawngkhar a rawn ri dat dat a,Mit kham tung hian ka thu chhuak,Nizan zan khua khan ka mu lo,Thanpuia pawn min biak a rawn tum reng a,Mahse a call vawi khat pawh ka chhang let lo,Tun ah hian ka paltlang thei a nih chuan nakin zelah pawh ka paltlang thei maiin ka ring,Ka na hi inhneh tir ka tum thak lo bawk.
.
Kawngkhar a rawn innem hawng a,Ka pa a rawn lut a,A kutah chuan bawm tuam mawi a rawn keng tel bawk,Ka lo nuih hak a,Ka birthday tih ka lo theihnghilh hmin der! Nimin thilthleng vang vek kha..
.
"I piancham ka lawmpui a che." Ka pa chuan nui var var pah chuan a rawn ti sup a,A bawm tuammawi rawn ken chu min pe in ka chalah a rawn fawp vang vang a.Ka birthday a kan awm tlang anih chuan thilpek min pe in ka chalah a fawp ziah.
.
"Pa ka lawm e..khawnge ka nu?" ka ti vat a,Nimin khan ka birthday present tur a nei tih ka hria,A chhunga awm ka hre chak tawh tak zet bawk.
.
.
"Mambawih..Happy Birthday..!" Ka nu a rawn lut a,Ka pa tih ang chiah in min rawn kuah vang vang a,Mahse engmah thil pek min pek tum hmel in a awm lo.
.
"I Ac ah pawisa ka rawn transfer ang,I duh duh i lei dawn nia.!" Ka hnual nghal vek,Min kuahna chu a phel riai riai a,Nimin a an mut pindan a bawm kha ka ta tur a nilo tihna a mi?
.
Ka nu leh pa an kal chhuak a,Rilru nuam lo zet in ka awm ta reng,Nimin khan chiang lutuk in bawmte ah khan ka hming a ziak a,Min hmangaih thu a ziak tel bawk,Mahse min pe miah lo..

Ka nu leh pa mut pindan ah chuan ka lut phei a,Bawmte kha hmu ka inring viau a chu hmuh tur a awm tawh miah lo.Rilru nuam lo zet in pindan chu ka chhuahsan leh a,Inhnuai kailawn ah chuan chhuk thla in pawn lamah ka kal chhuak a,Kan in hnunglam ah hian hmun zawl zau ang reng tak a awm,Chu tah chuan pangpar chi hrang hrang hi kan hung kual thap bawk,Pangpar huan a tang kalsawn in In hmalam ah chuan ka chhuak phei a, Motor dahna ah chuan ka Nu car ken thin a lo inhung reng,Ka pa motor erawh a awm lo.
.
Ka pan hnai a,Eng vang a car tello a kal chhuak nge a nih?
.
"Zawn i nei em?"
.
Rang lutuk in ka hawi let vat a,Ka taksa si lek lek in ka nu driver kha ka hnunglam ah a lo ding reng.Ka kat nghal nawk hi a ni mai! A khi suk a.
.
"Ih..Tinge ka nu hian Car a ken loh.?" Ka taksa hnaih lutuk a lo awm chu ka lungawilo tih lan tirnan ka melh zui nghek bawk.
.
"Vawiin ni ang ah car a keng chhuak ngailo.!" A then suk a,Ka mitthla ah Nutei nen an awm dun lai kha chhiang zet in a rawn lang.
.
"Ok..Ka hrethiam e..!" Ka ti sep a,Kal sawn mai tum in ka inher tawh.
.
"Vawiin hi i nu leh pate tan ni pawimawh leh danglam bik a ni tih i hrelo a mi?" Ka hawi let a,Min ngaihpawimawh loh hmel zet hian a nui leh suk.
.
"Nia..I hrelo ang..!" Amah vek chuan a ti leh puat a.
.
"Enge i sawi awmzia.!"
.
"Engmah a nilo.. chuan..I nu emaw,I pa emaw i chhun miah lo hi mak i ti ve thin em?" Car ngheng chuan a ding,Ka taksa chu chik zet hian a rawn thlek kual a.
.
"I sawi awmzia ka hrelo..Chuan i lo buaina tur a nilo bawk.!" ka ti ve hmak,A ban pahnih chu a dar zawnah phar in a thensuk a."Nie..ka sawilo angah ngai rawh,Mihran fa i ang ka tih vang mai mai a nia.!" Ngeiawm deuh hian a rawn ti sup,A thusawi vang chuan ka sa zawk thei!
.
"I ngaihdan ah ka buailo.!" ka in her hmak a,Inchhunglam pan chuan ka theih ang a chak in ka kal zui nghal hmawk hmawk,Inchhung ah ka lut a,Kawngkhar chu ka kharphui nghal vek bawk,Kawngkhar ngheng chuan thawk ka la ham ham a,Kha pa khan thilhriat eng a maw tak chu a nei ngei ang! Keimah ngei pawh hian tuna ka nihna hi ka inring hlel thin..Mahse..Ka thaw hak a! Inchung lamah chuan chho in ka nu leh pa mutpindan ah bawk ka lut leh nghal a,Kawngkhar chu ka nem phui a,Chhung lam atang ka kalh zui nghal bawk.Ka thil hriat duh chu vawiin hian zawn chhuak vek ka duh.
.
Ka pa thil dahna chi hrang hrang chu ka hawngkual vek a,Engkim hawn theih tawh phawt chu ka hawng vek! Ka naupan lai thlalak bak tar chhuah a nih ngailoh chhan te,Kum 4-8 ka nih thleng a ka thlalak hmuh tur awm miah lo te hi a chhan hriat vek ka duh tawh.Thlalak a hmeichhe naupang sam tawn kak va a nui sen sen ka en a piang hian keimah ka nih ka ring ngailo,In an na pakhatmah kan neilo,Ka nu in min ngaina bawk lo a,Ka pa chiah in min ngainat chhante hi hriat ve vek ka duh tawh.
.
Thuamhnaw bawm leh cabinet chi hrang hrang ka hawng kual vek a,Mahse engmah ka duhzawng hmuh tur a awm lo,Khum zau pui ah chuan ka thu hnawk a,Ka taksa tawt tup tup leh tha khur ru dar dar te vang chuan thawk ka la leh ham ham thin..
Khum bul dawhkan chunga thlalak inhung chu ka ban a,Hmeichhe naupang hmel chu ka en vang vang,Keihi he hmeichhe naupang aiawh tu atan an lak ve mai ka nih ka inring ta rum rum! Mahse chu ka rinna erawh a tak a ni ang tih ka hlau tak zet bawk!
.
.
Nimin lamah engmah ka in lei hman loh a vang in mamawh lam khawm tur in ka kal chhuak a,Ka ngaihtuahna a Thanpuia rawn lang ve reng chu duh lo in thil dang ka rilru lak penna tur ka zawng a,Mahse a harsa mah mah.Kan in hmuh hmasak ber a tang a tun hun thleng a kan awmdan zawng zawng kha keihian ka theihnghilh thei tawh ngaiin ka ring lo.
.
Ka mamawh ang ang chu ka la khawm a,Ka in khaibawr hle bawk,Khu lamah nepnawi ei mai tur a van mai bak ah,Thei um.leh acid vel hi hmuh tur a awm ve loh a vang in kan keng duham thin.
.
"Hey..Hruaite..!" Ka hawi let vat a,Sammy chu dawr pakhat a tang rawn chhuak in ka lam ah a rawn kal vat,A ni hi hmuh ka duh tawh lo...
.
"I va bawr ve?" a rawn nui suk a,T-shirt dum ha in Jeans Kekawr a taksa phuar lam deuh a ha leh tawp,Simple deuh pawn inchei mahse,Amah a len that a vang hian a langsar vuah zel tho.
.
"Ka ken tur ho a nih hi..!" ka ti sep a,A bu ve nghut.
.
"Khawi ka lo khai pui ang che.!" tih leh ka thil kenlai chu min laksak a rual a,Tanbuaina huna awm miah lo.
.
"Driver i nei em?" Amah vek chuan a rawn ti leh a,Lu ka lo thing,Ka kal chhuah in motor in ka inhruaitir ve kher ngailo,Ka pa in remchang a tih chang in min hruai tir thin,Ka phut lo bawk a,Taxi lak.mai hi nuam.ka ti zawk bawk.
.
"Lo kal rawh,Ka thlah ang che.!" A kal vut a,Ka thil.lei ho nen chuan a Car awmna lam.ni ngei tur pan in a pen zui daih.Ka va um phak meuh chuan Car hnung lampang ah ka thil lei ho chu a lo dahlut fel der tawh.Min lo nuih suk a.
.
"Sammy..A ngailo,Keimah in ka haw ve thei." Car hnung chu hawn tum in ka ban a,Mahse ka ban rek ah a rawn chelh hman,A taksa si chet in min pawt hnai a,Thinrim lutuk in awmah ka nam dawt,A nui suk a,Min thlah miah lo hian Car bang ah chuan min nawr bet nghal.
.
"Sammy..!" Seh chilh zet hian ka ti chhuak hrawk,Ka thinrim lutuk vang in ka tha a khur hlawk hlawk,Thil then tawh dan ka ngaihtuah let a,Hlauhna in min tuam zui nghal vek!
.
"I kalsawn loh chuan ka au ang..!" Ka sawi zo hman lo,Kuttum a rawn thlawk fua a,Sammy chu parking lei charah a tlu hlawm nghal tawp,Taksa lianpui in Sammy tlu hlawm tawp tawh chu a tham tho leh a,A biang ruh ah a hnek zui leh chawrh..Thil thlen dan a rang lutuk,Khur hlawk hlawk in lei ah ka thu thla hnawk a.Ka tawp up up mai in ka hria.
.
"Thanpui...ka nau kha i ti hlum mai dawn sin..!" Hmechhe aw ri manganna leh hlauhthawnna a khat chuan a rawn au tuar,Kei erawh ka che thei miah lo!
.
"Duhtawk rawh.!" Hmeichhia bawk chuan a rawn ti leh tuar a,Kei ang tho in a khur hlawk hlawk tih a aw ri ah chuan a hriat theih.Thanpuia lah in a tha tawp in Sammy chu kut a thlak zui chawrh chawrh bawk.
.
Ka harchhuak zawk hi a ni mai,Rang lutuk in ka ding chhuak a,Sammy bawh bet tu thinrim che buan buan chu hnunglam a tang ka va kuah chawt ringawt!
.
"A thi mai ang..!" Mangang lutuk in ka ti chhuak halh a..Thanpuia erawh a thawri hrawih..A taksa sa vek leh thazam che tawlh tawlh te chu ka hrevek thei!
.
"Engtin mah ti tawh suh..!" Ka tawngchhuak em pawh ka hrelo,A hnungah ka bei tlat,A taksa lianpui chu ka kuah bet tlat a,Duhse zawng min vai kat nawk thei tih ka hria,Chu thil chu a ti lo ang tihpawh a sawi theih loh..A thaw ri hrawk hrawk a,A thisen lum lutuk a vang in tual a that thelh!
.
"A khawih na che em?" A aw ri vang chuan ka ip chawi thei! A taksa ka kuahna kut chu a rawn hum hnan a.
.
"Ai... Engtinmah ti tawh suh..!"
.
Thinrim inbeng daih tum zet chuan a thaw halh halh a,Sammy zawk pawh a rawn rum chhuak tuah tuah mai.Thanpuia taksa hrawlpui in a thutbeh tlat a vang chuan thawklak harsa tih hmel zet hian a thawri hrawih a.
.
"Thanpui?" A hmel landan ka hmu thei lo,Mahse,Kan in a chhuahsan tum a,A thinrim hmel kha ka hmu tawh,Rapawm tak a niringawt,Kha ai daih khan tunah hian a hmellandan a hlauhawm dawn tih ka hre bawk.
.
"Ka hruai haw ang che.!" a rawn ti sup a,A awrik.danah chuan inbeng daih a tum ve hle tih ahriat theih,Ka kuah behna chu ka phelh a,A ding chhuak a,Sammy u khan ranglutuk in Sammy chu a rawn buaipui nghal vat! Thanpuia erawh in ngaihven a tum zuilo tih a hriat reng,Khur hlawk hlawk a ka ding khawng reng chu ka ban rek ah a rawn vuan a,Min kalsawnpui a tum nghal mai bawk,Mahse ka lo tang ve vat a,He tiang ngawt in a nupui hual leh a unaupa hi a kalsan thei lo.
.
"Enge nge maw i hriat le..Min zui rawh.!" Hlauhawm khawp in min melh,A tir khan ka lo hmu miah lo,Coat suit a ha,a kamiszz senduk hak chuan a vun rawng a ti thim in a hmel landan a chang zual vek! Khawi a maw hmun pawimawh takah a hmeichhia nen an kal dun tih hriat reng.

"Ka inbuaipui thei...An ni khu ngaihven zawk rawh.!" ka tisep a,Emily chuan Thanpuia nen kan ding dun chu min rawn melh a,Min thah mai a chak tih a mit meng sen vek leh thip zet ah chuan ka hmu thei! Thanpuia'n ka ban a hmerna chu a rawn melh leh a.Rang lutuk in ka thing thla nghal sawk.
.
.
"I unaupa thiamloh a ni tih kan hmu vek,Tikhan hruai haw la,He hmeichhia hi hnaih leh tawh suh se..!" Thanpuia aw nelawmloh zet a vang chuan ka meng nghal kawk thei,Kei nilo in Emily chu a chhuk melh run,Tanpui a tum miah lo tih a lang reng.
.
"Na lutuk a nilo bawk.!" A ti leh hmuk a,Ka inrin hma in ka ban ah chuan vuan in min hnuk sawn nghal dawr dawr,Tang buai in din ka tum lui ngial a,Thlipui na tak in hneh zet a in nghetlo tak ding lai a chhem awn kual kawi vel hi ka ang ber in ka hria,A duhna hmun ah tak lo chuan he mihring hi a ding dawn lo,A duh dan a ngaipawimawh ber thin..Ka hawi let a,Sammy chu a thu chhuk tawh,Emily chuan a be mawlh mawlh bawk.
.
"A ni kha eng vang a zui chhuak nge i nih?" A bolero lamah chuan min theh kat nghal nawk a, Bolero bangah ka in tauh lo choh! Rum lutuk in ka melh let a,Min pan hmai ve ruak ruak a.
.
"Remlalhruai...Ka zawhna che chang rawh,I lak a rilru bawlhlawh tak putu kha eng vang a chhuahpui leh nge i nih?" A tawng ringlo.. mahse a aw chu a sehchilh nawk nawk,A mit meng uk tak zet chu thinrimna vang in a buai nuai a,Thisen chhuah chak hmel hi a la pu reng.Thil thleng vang a ka taksa khur tawh sa nen,A ni palian zet thinrim in hrosa kual vel hmachhawn leh chu hremhmun kawngka pan nen a in ang reng,Mit la sawn miah lo hian ka hma ah tak a rawn ding run a.
.
"I Buaina tur a nilo...Khawngaih in thu min pek kual i tum leh ka lak a thunei tu ber ang mai a i che kual thin hi bansan tawh rawh.!" Chil ka lem khawlh a,A thawk rik sawk sawk rual te hian ka taksa ah hian current kal ang maiin a hit leh zawk zawk thin!
.
"Thu nei ber tu chu ka ni miau a lawm!" a rawn ti nghut a,A biang ah tak hian beng sak chawrh ka duh lutuk,Hmeichhe dang a chhuahpui a,A hnu lawk ah ka lak a thunei ber ang a rawn chet kual leh chu tumbuai duh suh se!
.
"Nuihzat thlak!" ka ti hak a,Ka chho melh ran bawk.
.
Ka tawngdan vang chuan a hmel landan a chang zual vek! A rawn hnai a,A kut a lek rual chuan min beng chawrh mai dawn maw ka ti hman tawh! Mahse ka darah a rawn vuan ta zawk a.
.
"Ka hruai haw ang che!" a rawn ti sup,Kan awmdan leh a rawn tawng chhuahdan chu in millo tak a ni ringawt,Lu ka lo thing vat a.
.
"Keimah in ka haw thei.. I nupui ni mai tur nau keimah vang in kut i thlak nghek a,Emily nen in inkar a buai phah loh hram ka beisei.!" Ka nui lui a,A mit meng ah chhuan na a tuar tih ka hmu! Ka duh a ni reng bawk,Min bum a,Ka tan engkim kalsan a harsat hnuah a nihna diktak ka hre chhuak chiah.. Na ve rawh se!
.
A taksa silo in parking a tang chuan ka kal sawn hlawk hlawk,Pawn boruak ka dawng chiah chu duhthawh lutuk in boruak ka hip lut nghal kawk kawk a,Engkim hi a tak a thleng tur chuan ka ring thei lo,Nilo..Thanpuia nen kan inzawmna pawh hi a taksa thleng ngailo tawp tur zawk a ni! Mahse a thleng miau si a..
.
Rilru tawt zet in in lampan chuan ka kal hnelh hnelh a,Ka hringnun ah Thanpuia hi rawn lut in ka nun hi a ching let kual vek dawn tih lo hrelawk ngat i la chuan ka lo inveng lawk ang,Nilo..Ka hmuh hmasak ber ni a tang khan ka tlanbo san nghal vang vang a! Mahse..Engmah ka hrelawk lo,Chu tiang bawk in ka nun a thil thleng mek pawh hi ka duhdan ang in ka her rem thei lo.
.
Gate ah ka lut a,Ka pa motor a lo inhung ran tawh,A bulah chuan Ricky chu a lo ding a,Phone hmang in mi a lo be mawlh mawlh,ka pan hmai a.Hmeichhia a be ve ngei,Min hmuh rual chuan rang lutuk in phone chu a ti tawp a,Ka nuih nghal hak hak.
.
.
"Tinge ka pa a rawn let a.?" ka ti sep a.
.
"I nu zawk kan rawn dah..A nuam vak lo a.!" a rawn ti sup,Phone chu a kekawr ipte ah a thunlut a.
.
"A ngaihtuah awm viau em?" ka ti a,Lu a thing mat mat.
.
"Ih..Let nghal in ngaih loh chuan dawrah ka mamawh min leisak lawk la..!" ka ti a,A bu nghat a,Ka duh zawng chu hrilh in pawisa ka pe bawk,nichina ka thil lei zawng zawng kha Sammy car ah ka kalsan vek! Ka lei tha leh a nih ngawt loh chhuan naktukah ka chhuk dawn a,Leina hun a awm tawh lo.
.
Ricky a inkhalh chuak a,Keipawh inchhung lam pan in muangchang in ka lut a,Ka nu leh pa in a an awm vang nge ka ngaihbel vang pawh ka hrethiam lo,Kan inchu a ni khup,Kan kim hliah hliah maiin ka hria.Kailawn ah ka chho a,Ka nu hmuh kawi tum chuan an pindan lam ka pan a,Kawngkhar lo in hawng tawh sa chu nem hawn zau mai ka tum a,Mahse ka thawm hriat a vang chuan ka tawp chawt a.
.
"Ka naute kha ka ngai tak zet!" Ka nu chuan zawite leh tah chhuak aw zet hian a phun sep a,Kei erawh ka hit ngut ngut thung.
.
"Ka naute kut vawn leh kha ka chak a sin!" Tu chungchang nge a sawi ka hrelo,Mahse ka thinzawn ah hian vur tlang vih luh sawk ang mai hian na hit ngut ngut a awm! A chhan erawh ka hrelo.
.
"Mambawihi a awm hi..A lakah hian rilru pe la,Nang pawh in pawmdan i thiam telh telh mai ang!" ka pa aw damdap chuan ka nu tan a hriat nuam tur tak chuan a ti sup a.
.
"Nilo...ka tum a lawm,Ka naute hmun ruak kha a luah khat zo lo!"
.
Ka awm zawn a,Chem zum tak hmang a vih sawk ang vel ka ni!
.
Ka nu hian min ngaina ngailo tih chu ka hria,Min hnaih loh dan ngawt a zawng thin,Nu hmangaihna ka mamawh ngaih ngawih lai pawh a haider a,Min hlat tlat a,A buai vang ah ka lo ngaithin a,Mahse..Tu a maw in a thinlung an neihsak hneh lutuk..A bul ah ka awm reng chung pawh in chu a mi sawi awm ve tawh lo hmun ruak pawh chu ka luah khat zo lo!

Keihi tunge ka nih?
.
Khur hlawk hlawk in ka mut pindan ka lut thleng thei hram! Khum ah ka lawn kai a,Zawi zet in ka let tawp a! Ka nu thusawi chuan ka thluak hi a rawn luh chilh ngut ngut,Min hnaih ve thin..a chang chang in,Chupawh tu a maw a theinghil duh vang lek! Keimah ah chu awmve tawh lo chu a zawng a,A duhthusam a hmu lo a,Min thlauh thla leh zel!
.

Tunah tak hian Thanpuia ka ngai tak zet,A ban lianpui leh tha ngah zet khan min kuah se,Hlutna nei ve miah lo ang a ka inhriatna hi an bo duak in ka ring!
.
Khum a tang ka tho chhuak a,Hmanhmawh zet in kailawn ah chuan ka tlan thla zawt zawt,Ricky pawh kawngkhar ah a rawn lut chih a,Min bia a,Mahse ka chhang lo,Kawt ah ka tlan chhuak a,Rilrufim pu tur in eng a maw tak ka tih a ngai..
.
Taxi rawn tlan chu ka phar ding a,Ka kal duhna hmun hrilh in driver chu chu lam pan chuan a tlanchhuak nghal a,Tu a maw tak thilsawipui tur ka mamawh,Min hrethiam tak tu leh kei pawh in a a lak ah engkim ka sawi ngamna,Thlamuang tak a ka hahdam theihna tur hmun ka mamawh! Chu lam chu ka pan mek bawk!
.
.
Taxi chu a ding dat a,Chuan man pe in ka chhuak nghal a.Tun a ka mirinngam awm chhun leh min ngaithla tur a ka duh awm chhun chu a mah chiah hi a nia.
.
Doorbell chu ka hmet a,Kawngkhar a rawn hawn hun chu nghak in ka thaw hle hle,Pawn ah a Bolero a inhun vang in a awm tih ka chiang.Tumah in min rawn chhan loh a vang chuan ka hmet nawn leh ngat a.Reilo te hnu ah kawngkhar chu a rawn ri khap,Chhung lam zawng in kawngkhar chu a inpawt hawng a.Thanpuia chu boxer chiah inbel in ka hma ah tak a ding run,Min hmuh a inbeiseilo tih a hmel buai nak ah chuan ka hmu thei.
.
"Thanpui..!" Sawi tandan tur ka hrelo..Min melh run a. "Ih.. sawipui duh che ka nei..!" Ka ti leh sep a.
.
"I rei tawh.. eng nge ni em em?" Chhung lam atang hmeichhe rawn tawngri ka hriat rual chuan ka tawlhhnung nghal dawr! Thanpuia erawh ka tawng hriatthiam loh in enga maw a sawi chhuak sup.Ke pen a rawn hnai a..Hmeichhe à ber ka ni!
.
Thanpuia Shirt ha in Emily chu kawngkhar ah chuan a rawn lang ve hlawl!
.
"Nangmaw?" Nichin ang chiah a thip khan min melh..Thanpuia chu ka melh leh a,A ngawi ngul ringawt!
.
Ka nui chhuak hak a! Ka mawl..Ka mawlh hlawm tawp!
.
An ni pahnih hnung chhawn chuan ka inher riai riai a,He hmun ka pan tirh ai khan ka na in ka tawt zawk!

[Ngaia]

Pan tur lam pawh ka hrelo!
.
Ka taksa chhung na hit ngut ngut avang chuan ka ke pen thleng in a sak vek! Ka awm zawnah thawk harsa khawp in min hnawh bet tlat tu a awm bawk! Ka mittui vang in ka khawhmuh a phe ruai a! Eng vang in nge he hmun hi ka pan?
.
Thanpuia hmel ka mitthla ah a rawn lang a,Ka mak ti hmel leh natuar hmel kha chang tak in a hmu ang,Mahse pawi ti hmel a pu lo..Ha! Eng vang teh chai in nge pawi a tih ngawt ang!
.
Ka hnung lam ah thawm a rawn awm a,Taksa lumna ka hriat rual in rang lutuk in ka hawi let nghal vat,Thanpuia ka taksa khawih tum a kut rawn lek chhuak ka hmuh rual chuan ka ban pahnih chu ka dar zawn ah ka dah chho! A tawp chawt a.Ka theih ang a rum in ka melh..
.
"Bawihi..!" A rawn pen hnai ,Ka tawlh hnung ve thung,Nichin ang chiah khan Boxer chiah a inbel,Min hnaih leh a.
.
"Rawn hnai tawh suh!" Ka tawngring lo,Ka taksa chhunga natna leh thinrimna awm vang in aw ka chhuah ring thei lo,Mahse ka aw ri erawh a chang hle thung.
.
"I ngaihang kha engmah a thleng lo a nia.!"
.
"A pawilo...!" ka ti leh tawp.Min rawn tawh(K) ka hlauh vang in ka la inveng reng.
.
"Eng ti tur in.maw i rawn kal?" A awria min ngaihtuah hmel lutuk te chu ka hua, Kei...Kei tleirawl duatna tawngkam dawng khat ve tak tan chuan nemna tham a ni!
.
"Min puih theih ka ring a..Mahse i thei lo..!" Nie..nichin mai kha chuan tlemte in a lakah beiseina ka la nei,Chu vang a pan pawh ka nireng! Mahse..Hmeichia dang awmpui zo hlim hlawh hnen ah hian ka manganna pakhat mah ka sawi lo ang! Ka hrawk rawn na ngut ngut a vang chuan ka tah chhuah mai ka hlau,Ahma ah hian mualpho tak in ka awm tur a nilo.A rawn hnai leh deuh a.Mahse ka mit meng ah min hnaih lo tur a ka duh zia a hmuh rual chuan a chawl a.Ka theih ang a chak in ka tlansan nghal dawr dawr !
.
Ruah sur mai tur ang hian khawpui a rawn ri dur dur reng a,Thli thaw vuk vuk.leh boruak inlumlet kual tup tup chuan ka taksa chhunga natna leh manganna hi min lakbo sak vek thei se ka duh tak zet! Thawk leh khat a ka nun buai ta nuai leh ka hriathiam loh a thil inphum ru awm zawng zawng te pawh hi ruahsur hian rawn tleng fai vek se,Tuipui liantak.leh thuktak hnuai ah luan ral pui vek se ka duh! Ka nu lak atang a hmangaihna leh ngaihsakna dawn kher ka phutlo,Mahse a fanu diktak nih erawh ka duh thung.
.
.
Gate ah ka pen lut a,Pawn ah Ricky a lo ding,Min hmuh rual chuan rang tak in min pan vat a,A hmelah chuan hlauhthawnna liantak a nei tih ka hria.
.
"Nangnu te reuh hi min tih mangan zia i hria em?" a rawn meng.kha a,Ngaihna hrelo deuh hian ke melh ha a.
.
"Engmah sawilo in i tlan chhuak ngawt a,I tha em?" pangngai zawk hian a rawn ti a,Ka nui ringawt!
.
"I mawl a mi? Inchhungah lut rawh,I pa in a lo brush hrep mai ang che.!" a ti leh halh a,Tumah chuan ka hmuh tirh a ahmel a manganna lang chuak kha a bo vek tawh.
.
Inchhungah chuan timdai hian ka lut a,Darkar liam hma kha chuan tlangnel takin ka la awm,Mahse tunah hi chuan he inchhung a thilawm te nen hian inzawmna kan nei ve tawh lo in ka hria,Engpawh hi reilo te a tan ka hawh ve zuai ang mai chchauh an ni in ka hre tawh.
.
"Mambawih...I tha maw?" Ka pa kailawn a tang a rawn chhuk a,Ka tah a rawn chhuak leh ringawt tawh,Amah pawh hian ka nu in ka laka a rilruput ang kha a pu ve mai thei! An thinlungah hriat reng an nei a,Chu an hriat rengna hmun ruak hnawhkhat tu atan min hmang mai mai chauh.
.
"Ricky khan i tlan chuak daih a ti a.!" Ka darah a rawn vuan a,Mahse tumdang ang in a bulah awm nuam ka tilo..
.
"Ka tha..!" ka ti sep a,Ka dar a rawn vawnna chu ka dar chet in ka awmsawn nghal vat.Min hnaih leh deuh a.Ka chal ah a rawn dek!
.
"Thil tha lo thleng a awm em?I dang vek a nia.!" ka pa chuan ngaihthat loh hmel zet hian a rawn ti sup a,A mit ah ka en a,Tahkhum vak mai ka duh,Ka nu nen an thusawi zawng zawng ka hria tih hretase tunang hian engkim a that leh thatloh min la zawt tho a ngem!
.
"Pa...Ka hmangih che..Ka nu pawh ka hmangaih..!" a mit ah ka en a,Min hmangaihna chiah ka hmu ve tho.."I tha tak tak em?" a rawn ti leh a,Lu ka bu..Ka nui lui hram hram bawk.
.
"Zan in i birthday lawm i duh tak in i nu nen kan lo sawi dun a.!" a rawn ti leh a,An lak atang ka hla telh telh maiin ka hria,He ka piancham ang a ka ngaih pawh hi ka piancham nilo in kha hmeichhe naupang piancham zawk kha!
.
"A ngailo mai,Naktukah ka chhuk dawn sia..Hahdam ka duh.!" ka ti sep a.Thildang a sawi leh hma in kailawn lamah chuan ka chho zui nghal daih! Engthil.mah hi ka tan an tilo..An hriatrengna a awm tan a an tuhsak zawk kha ani.
.
Ka pindan ah ka lut a,Chhunglam atang kawngkhar ka kalh nghal hmak bawk! Ka tap dawn a,Ka tap thei lo,Mangan lutuk leh nat lutuk hian a tah chuah ngawt theih loh! Ka taksa a tang tung a,Engkim hi a lem vek ang mai a ni! Ka naupan ve lai a thil thleng ka hriat theih ang ang ka ngaihtuah let a,Ka pa hi chu ka kiangah awm ang in ka ngaihtuah let thei mai thin..Mahse ka nu hi a tel ve ngailo. ka tlan a,Ka tluk chang leh ka insawhnat chang pawh in ka pa tho hi a ni min kaitho thin tu chu! Nitin ka pa in min biak thin laiin ka nu chuan min rawn be ve ngailo,Ka biak hmasak a,Ka ngaihthu ka hrilh chhang hian min rawn ngaihven ve deuh thin..Mahse rei a daih ngailo!
.
A thusawi khan thilthlen dan tak tak awmzia chu a ti lang chiang ta viau bawk.
.
Ni leng in ka pindan ka chhuahsan lo,Ka inkhung bet tlat a,Ka nu leh pa tak nilo tur ang a ngaihtuahna ka sen a piang in hlauhthawnna in min tuam a,Maltak a awm ka duhlo,Fahrah nih pawh ka duh lo! Chuan..Tun a thil thleng zawng zawng hi thleng tur a nilo..Mang lam a thil thleng tur zawk a ni.
.
Ka.pindan kawmgkhar rawn ri dawt dawt a vang chuan mit ka meng a,ka taksa chau lutuk vang in ka lo.muhil sek hman,Ka harhfim rual erawh chuan hlauhthawnna leh manganna in min tuam.nghal vek,ka lungphu a rang dawt dawt a,Ka nu rawn kal in 'Ka fanu i nilo! ' tih thumal hi a rawn sawi chhuahmai ka hlau! Kawngkhar lah chu beidawng duhlo tih hriat zet hian a rawn ri leh dawt dawt a,Ka hawi kual a,Khua a thim.lek lek tawh.
.
Khum atang tho chhuak in kawngkhar kalhna chu ka hawng a,Kawngkhar ka pawh hawn rual in Nutei chu a rawn lut nghal vat,Chiang zet in min en a,A thaw chhuak halh.
.
"Na i nei em?" A rawn ti hluai a,Engmah taksa natna ka neilo,Ka thinlung erawh natna leh hlauhthawnna in a khat thung.
.
"Neilo..!" ka ti a,A thaw chhuak leh hawk.
.
"A tha..Birthday lawm i duhlo tih ka lo hria a,Mahse a pawilo.Zan in.ka kalna tur ah ka hruai ve dawn che!" Thawveng zet hian a rawn ti leh zung zung a,Ka boruak paltlang zawh chiah nen chuan inremlo tak a ni ringawt.
.
"Nute..Khawimah ka kal duhlo,Naktuk ah ka chhuk tawh dawn,Hahdam ka mamawh.!" ka ti vat a.A ner nawng ringawt.
.
"Tun a i awmdan hian i pa a ti mangang lutuk tih i hria em?" a rawn ti a,Ka meng nghal kawk.
.
"Chuvang chuan tuna i landan hi thlak rawh,Thlarau hmu zo hlim hlawl ang mai lawm i nih,I nu leh pa pawh an rawn kal ve dawn,Mahse a hran in kan kal dawn nia,Aizawl mihausa ho party a ni dawn a,I nu leh pa chu ka zui peih lo,In hmuam up tak tak bulah an awm leh reng a nga.!" Ka thuamhnaw bawm nem hawn pah chuan a ti zung zung a,Ka nui ve hak hak.A mize harhvang tak leh vei nei vak lo a thil a palzam.mai mai thin hi a awhawmna chen a aw.
.
"He kawrfual hi i ha dawn mi..Chuan i hmai kha ka chei dawn bawk,Ka duh aiin i simple mah mah zel!" Kawrfual cream rawng hi khumah a rawn theh thla a.
Ka nutei nen hi chuan kan style ngainat zawng hi lei leh van ang hlawk a ni thin,A ni chuan make up tlem a inhnawih chhah te hi apawisa lo,keierawh thung chuan a tul tawp ah lo ka hmang ngailo thung,Ka pheikhawk bawm a nawr tawlh leh a pheikhawk sang zet hi a rawn khai chhuak a,Ka lo ner nghal nawng nawng,A rawn nui chhuak hawk hawk a.Pheikhawk chu dahlet leh in Sandal simple zet a rawn phawrh chhuak ta zawk a.
.
A sandal ken lai chu ka khum bul chhuatah chuan a rawn dah a, Kal chhuah ka peih lohzia chu hriase chuan min ti lui hauh lo ang.
.
"I pa kha rilru nuam lo deuh in in a tang a chhuak a,I damlo a maw a ti hial zawk,Tunang khan awm tawh miah suh.!" A lungawi nge thinrim tih a aw rikdan ah chuan ka hrethiam lo..a thaw chhuak hak a,A ni pawh hian ka nu rilru ang chiah hi a lo pu ve zawk mai thei.
.
"I nu leh pa hian an hmangaih ngawih ngawih che,Nangchiah fa an nei bawk a,Chu vang chuan mumallo deuh in awm suh,I pa phei chu a kum a tam tawh a,rilru hahna tur engmah thlen belh tawh suh.!" Hriatnuam zet hian a rawn ti a,A thinrimlo tih ka hrethiam,Khum tlang ah a thu a,Kei erawh ka ding chhuak thung,Tukverh lam ka pan a,Tukverh inkalh chu nem hawng in boruak dai raih chu am zet in ka hiplut ham ham a!
.
"Thanpuia khan Nupui a nei dawn an ti a sin!" A thusawi vang chuan ka kehsawm vek lo chauh! Ka vawi khat hriatna a nilo,Mahse ka beng hriat ah ngei sawi nawntu an awm rual a a mi den natzia chu rapthlak tak a niringawt!Ka awmdan danglam vek leh thawklak danglam ta vek chu min hmuh ka hlau tak zet,Pawnlam chu thlir in boruak chu ka hip lut kawk kawk reng,Thanpuia hi lo hrelo tawp tur ka ni a sin! Khang hun reilote chhung khan eng vang a lo.ngaina hman em em nge maw ka nih bik le! Min duatna leh min thlamuan nana atawngkam hman thin vang te pawh kha ani mai thei,Mahse chung thil chu thleng nawn tawh ngailo ang.Tuipui lian in vau kama thil engpawh a rawn khuh hlup a,Tuipui thuk zawk a alem bo ang mai hian khang ka hlimna te kha min lem bo sak vek!Thuk tak ah,Kan tan hleuhluh ngaihna awmlo khawp a thuk ah a pil pui vek!
.
"He tah zanriah ei a ngai lo,Aizawl club ah kan ei nghal dawn,Inbual la,Keipawh ka va insiam tan a nge?" Nutei thusawi te chu an hla vuai vuai maiin ka hria,Kei in ka hriat hma khan Thanpuia hi a lo hre tawh,An inkawp hial in ka hre bawk,A nupui neitur chuan a thawng vaklo tih a lang reng.

Nutei'n Car a khalh a,Ka nu leh pa chu an kal hmasa tawh,Nutei sawi dan tak in Aizawl sumdawng lian leh mi pawimawh chin ho hian Aizawl Club ah party an nei thin a,Heng ah hian an fate nen te kal in inhmel hriatna hun an hmang thin.Nikum lam kha ka pa ka zui tawh a,Tupawh mai kha nihna chanvo sang tak tak chelh vek leh sumdawnna lama inel tham hlawm an ni a,An boruak kha ka zo ve lo,An nui sang hlawm a,Mahse an ngaihtuahna erawh a dang vek thung,Chung ho kara zan hun hman chu ka hreh ngawih ngawih.
.
"Nang hi chu niila i Pa hausakna hi ka hmangthiam ngawt ang!" Nutei rawn tawng lang lang chu en in ka then sak a."Mi hausa fa ang lo tak hian i khawsa mauh zel bawk si.!" Min melh lo,Zei zet hian Car a khalh a.Keinilo in ka pa zawk a hausa,Keichu thawhchhuah pawh la neilo ka ni a,Lo in lak highclass vak na tur chhan ka hrelo.Vawiin thil thlendan a tang leh lek phei kha chuan tun a ka awmdan ai a hniam zawk a ka awm hun a tlenglo ang tih tuman an sawi lawk thei lo...
.
Keihi fa lak ka ni nge ni a,Ka nu leh pa hian kei nilo fa an lo nei tawh a nga,Chu chu boral in ka nu hian a la sun reng zawk! Engmah ka hrethiam lo,Ka naupan deuh lai zawng zawng kha chuan thil thlendan engmah ka chik ngailo,Ka nung ve tawp,Ka nu in min mgaihsak lo pawh kha ngaidan kawipulo in a buai vang ah ka ngai mai thin a,Tunah chuan a buai vang nilo in..Thildang in phum ru a awm vang a ni tih ka chiang tawh hle.
.
"Mate..I khawvel siam chawp a tang khan lo chhuak teh.!" Nuteii'n ka darah a rawn sawi a,Ka hawikual thuak a,Building lianpui parking thim deuh ruih ah kan lo awm reng tawh.
.
"Thil ngaihtuah vak vak zel suh..!" A ti leh hlak a,Car a tang a chhuak,Ka chhuak ve a,Car dang thahnem zet a in hung dul bawk.Nutei zei tak a apenna lamah chuan ka zui ve dat dat a,A kawrfual sen lar vat hak leh a vun varsar mai chu in chawih tak hi a ni ringawt,Ka sam min bawk tawm sak a vang in ka nghawng a lang tam deuh a,Ka kawr hak ban a la bul zui,Ka ni hui maiin ka hria.
.
"Hmelhriat tir tur che ka nei.." Min melh in a mit a siai zauh a. "A thar a nia..!" Meng kual ralh pah hian a rawn ti sep a. Ka nui ringawt! Kei ai pawh hian a rilru leh mizia hi a tleirawl thin..Inngaihzawnna lamah ngat phei hi chuan tleirawl chiah chiah hi a nimai!.
.
Hall chhung zau zet ah kan pen lut a,Mi chihrang hrang an lo awm nuai nuai,Nutei chu an lo be thuai hlawm a,Mi tamtak min hmel hriattir bawk,Mahse a tu hmelmah ka hrezui lo,Min kalpui zel a,Music vel buaipuina lam pan chuan min kai a,Keini min hnung chhawn zawng a mipa sang lampang lo ding chu nutei chuan a kawk zauh a.
.
"Amah hi a nia,Jerome-a!" Ka beng bulah a rawn phun sep a,mipa pawh chuan kan thawm hria in a rawn hawi let vat,A hmel chu a chhe hran lo,A sam dum hlap chu an phir chho sang a,A cher tihtur anilo,Mahse a lianlo..
.
Zanriah ei dawn meuh chuan ka ke hi a vung luk in ka hre tawh,Tu pawh an polite in an fel em em vek,Nutei lah in hriat angah bawk,Keimah in ka awm hman lo a ni tawp mai,Dinner kilna tur a table lam chu ka pan a,Chair lo awmah chuan ka thu nghal hnawk!Ka ke chu a rawn tur ut ut thei,Pheikhawk sang bun a la kal lah lah thei ho chu ka en a,An va peih mai mai tak!ka ti rilru vawng vawng mai.
.
.
Hall chhung a rawn pen lut ve mek te chu ka lo enreng,Nupa in hmeh tak chu an ni khawp ang,Mipa zawk chuan a bula a hmeichhe nalh zet ding chu eng a maw hrilh in a phun sup a,A fapa ni ngei tur chu chhuan hmel zet hian a pawm bawk,Ka lampan in an rawn kal a.Ka lo ding chhuak ve vat a.Mipa nupang lah chuan amah pawm mek tu chu a ang hlawm tawp hi a ni mai.
.
"Bawihi...hei hi Thanpuia thiannu a nih hi..!" Police pa nelawm lo zet khan a nupui melh pah chuan a ti sup a,Thanpuia hming rawn ritel ve avang chuan ka nghing nghal dawt! Nuam ka ti lo takzet.Hmeichhia zawk chu phawk zet hian a rawn meng kawk a.Kei nilo in a pasal chu a chho melh leh deuh ha bawk.
.
"Oi..Kan Hmingthanpuia chuan engvang in nge min hrilh ve loh!" Hmeichhia chu a rawn ti hluai a,Hruaia zawk chu a nui suk ringawt,Ka tah an ti chhuak nupa lutuk,Kan inkarah engmah a awm tawh lo tih a au khum nghek mai ka duh,Nupui nei mai tawh tur a ni tih an hrelo a maw ni zawk?
.
"Abiaki ka nia..!" Min en a,Nelawm zet a nuiin ka lamah kut a rawn phar zui vat a. "Hruaitei" a kut chu ka vuan a,Nuam ka ti lo lutuk,Thanpuia nen inzawmna kan neih tawh lohzia hrilh vak dawn lah in kan boruak hian a zir der mai silo a. "Ka pasal nen hi chuan in lo inhre tawh tho in ka ring,Chuan..Hei kan fapa Andy a nih hi.!" Abiaki vek chuan a ti leh zung zung a,Hruaia mipa naupang pawm lai chu ka melh a,Hruaia fa diktak a ni tih a hriat ngawih ngawih,A sam dum hlap chu a ngil siau a,A nghawng khuh in a sam chu an seitir hniang,Sap naupang a ang lek lek zawk.
.
"OI..Pappy,Thanpuia nen hian eng vang a zep tlat nge maw in nih le?" Abiaki vek chuan Hruaia chu a melh a,Hruaia erawh a then suk ringawt.
.
"Thanpuia reng reng pawh chu.!" A ti hlak a,Hruai chu lungawiloh hmel deuh hian a melh leh kham phawt,Thinrim tak tak vang anilo tih ka hriat.Hruaia'n a nupui a melh zawnga a mit meng a hmangaihna rawn langchhuak chu khawvela mimawl ber pawh in an hriat sak thei ang.
.
Andy chu tal thlak tum in a che ve bat bat a,Hruaia zawk chuan ka bul mai a chair chu a rawn pawt chhuak a,Abiaki chu a thu thlanghal,Keipawh chu ka thu ve a,an pafa che kual vel chu an hmuhnawm ngang a niang hall chhung a mipui awmve ho chuan kan lam an rawn hawi deuh thup,Ka bul ah Andy chu a rawn thu tharh a,Hruaia erawh a nupui hnaih ah a thu thung.
.
"Hruaite..i ei tawh em?" Abiaki chuan a rawn ti a,Lu ka lo thing vat,Ka bul a mipa naupang chu melh a,piai nawk nawk mai ka chak.
.
"Andy hi kum engzat nge?" Ka ti a.
.
"Kum 4 a ni ve tawh,Hei pre school ah dah kan tum ve tawh a." Abiaki chuan a rawn ti leh vat,Hmeichhe fektak leh rilru tluangtak a nih ka ring nghet bur.
.
"Pappy..games ka khel duh.!" Andy rawn tawngri vang chuan ka nui hak a,A lawmawm takzet,Hruaia chu melh in a hmui chu a ti che ve nasa mai.
.
"Junior phone khawih loh tur,i mit a thalo ang.!" Abiaki zawk chuan a ti damdap,Hruaia hmelah erawh a phone humlai saw pek mai a tum tih a lang thei,police officer tawhlhirh leh rum zet kha ni tawh lo in he mipa naupang duhzawng a piang tihpuitlin sak tum tlat mipa ang in zan in hi chuan ka hmu.Andy chuan a Nu chu a melh a,Hrethiam ve tih hriat zet hian lu a bu ve lap lap,A kuttang tereuhte chuan dawhkan khuhna chu a pawt niap niap a,Naupang hi ka hnaih ngailo,Kan in ahlah tu nau mah an rawn chuang kai ngailo,Andy che vel chu hmuhnawm ka tilo theilo..
.
"Thanpuia pawh a rawn thleng tep ang,hei Hruaia pa leh Thanpuia Nu hi unau an nia!" Abiaki vek chuan a ti leh siam siam a,An ngaihdan ang hian kei leh Thanpuia hian inzawmna kan nei tawh lo an hrelo tak tak amaw ni zawk?Sawi tan mai dan tur lah ka hre der silo,Thanpuia a rawn kal ve dawn a nih chuan ka inthunun hle a ngai ang,amah maiin a rawn kal dawnlo tih lah ka chiang hle bawk si.
.
Andy rawn tawng leh rual chuan Hruaia chuan a hnaih vat a,A nupui leh a fapa hi a atchilh loh choh tih a rinthiam nghal vek theih.Hruaia chu ka en chiang a,Ka hmuh tirh ber khan Thanpuia nen inang ka ti tawh,An lian dun in an hmel a ngainatawm teh chiam loh,Chuta karah tawngkam an la nei bul dun em em leh nghal,Abiaki'n in cousin an ni tih a sawi leh tak ah chuan a hma zawng aiin an inang zual sauh in ka hre mai! 'Hui..Ka ngaihtuahna zet chu,tul miah lo in Thanpuia ka ngaihtuah chhuak chiam chiam ringawt!'
.
"Pappy..Engtin nge ni dawn?" Abiaki tawng ri vang chuan Hruaia chu a rawn dak chhuak vat a,A phone kha Andy a pe tak tak! Abiaki chu a rawn melh a.Chutah hrechhuak thut ang hian a bu nghut.
.
"Ka kut ah dah rawh!" A ding chhuak hluai a.Hnathawk tu lam pan chuan a penzui pawk pawk bawk!
.
"Oi..Phone an lo inpe leh hman tawh a law..Pappy thin hi chu aw!" Abiaki chuan a ti nang nang,An awmdan tur ka ngaihruat thiam mai,Hruaia zawk hi fa enkawl kawngah a strick lo zawk,A fapa in a duh a piang chu tihsak vek a duh thin tih a lang reng.
.
Andy Games khel chu ka en a,A kuttang tereuhte chuan phone screen chu a thai kual ve nauh nauh! Duhawm tih hian a sawifiah zo thlawt lo,Abiaki rawn phun ri hlak ka hriat rual chuan ka hawi chhuak vat a,A hawina lam chu ka hawi ve vat! "Tullo lutuk!" Ner nawng pah chuan a ti leh nang nang a,Kei erawh ka nghing lawih in ka hria.Thanpuia leh Emily chu hall chhungah an rawn pen lut ve chiah,Emily chuan Thanpuia ban ah a vuan a,kan lam pana an rawn phei dun chu ka lo en reng a.An induh hmel hliah hliah,Emily zawk pawh dan ngai te in a chhelo tak zet,Kawrfual dum a pian nalh zet nen a inrem tak mai a ha,Mit la thei ber tur in a awm zawn chu a dul thla hnak a,Kawrhnuai a ha lo tih lah a chiang ngang mai!A ban zen sang in a sam a hui kiang a,Induh tih hriat zet a Thanpuia kai chunga an rawn tawng phei mawlh mawlh chu khawdang hawi lek lo in ka lo en reng,,Kan lam an rawn hnai zel a,Ka thin a phu dawt dawt,He pindan zau pui ah hian ka kham khawp boruak ka hmu lo,Ka taksa chu a sa tawn tawn! Bik bo daih na tur ka duh tak zet!Abiaki zawk chuan min rawn en a,Ka hmel danglam nghal vek leh chiai ta em em chu a rawn hrethiam a ni khawp ang,Dawhkan chunga ka kut chu a rawn hum ringawt,Ka nui lui a,Mahse..Ka tha a khur!
.
Kan lam an rawn hnai zel a,Thikna leh huatna in ka thinphu chu a in thumrawn dup dup mai, Thanpuia chuan ka mitah tak a rawn en a,a mit meng a tang chuan enge a ngaihtuah tih ka hre theilo,Mahse ka awmve chu hria ang pawh in a langlo,A hmel tilang pa zual tur in Coat body fit uk khap mai a ha,Amah a palian in a taksa nalzet leh a thuamhnaw hak chu a inrem hliah hliah.A bula hmeichhe ding nen a inkhai khin chuan Emily zawk saw thlan tur hliah hliah a ni! An inhmeh lutuk!
.
"Saw nu nen sawn eng vang a rawn inzui ngawt nge maw an nih..?" Abiaki chuan a ti leh hlak hlak a,An innei mai tawh dawn tih a hreve lo tak tak a ni ngei ang.
.
"Ih...Washroom ah kan kal lawk..!" Ka natna chu min hmuhsak ang tih hlau zet hian k nui lui a,Amit mengah chuan min khawngaih tih ka hria.Ka kut a vawnna chu a thlah a,Ka thutna tang chuan ka ding chhuak nghal bawk,Mahse..ka kaihza tha khur dar dar a vang chuan ka pensawn mai thei lo,Nui lui in dawhkan chu ka nem a,Ka inseh ruh nghal ngawt ngawt ringawt.
.
"Ka reilo ang..!" Kut ka hum ruh a,Washroom lam pan chuan ka tha neih zawng zawng sawm khawm in ka kal nghal dawr dawr a.

Hall chung ka pel a,Ka tha sawm khawm ve te zawng zawng khan min phatsan nghal vek! Bang ka ngheng rawk a,Ka tawt up up,Ka kawchhungah kut lawng a zen luh a,A remlai lai tham kual tawn tawn ang mai hian ka na ngut ngut!Thanpuia vang a mumallo leh tlawm tak ang a awm reng hi ka duh lo.Bang vawt thlur rinchhan chuan Washroom chu ka thleng thei hram,Tumah an lo awm loh a vang chuan ka lawm tak zet! Tui ka herh haw a,Ka kut tha tang run vang a thlan huh vek chu ka ti huh a,Ka ban leh nghawng vel te chu tui chuan ka ti huh nawk nawk! Mit ka chhing a,Thanpuia hmel chiang lutuk in a rawn lang,Min hmu..mahse awmve lo ang in min ngai hmak! Lawmtur ka ni..Mahse ka lawm lo,Ka taksa chhungah hian na ngawih ngawih a awm.
.
Muangchang in Washroom atang ka chhuak a,Pawnlam chu thlifim a thaw heuh heuh reng,Rei tawk fang thil chu ka inchhem tir a,Zan in hi a tawp na tawh tur a ni,Chennai ah ka chhuk a nga,kan inhmu tawh ngai dawn lo,Ka paltlang theih phawt chuan a hnu leh a awm tawh lo ang.
.
Hall chhungah chuan ka lut a,Ka nu leh pa pawh mi pawimawh tak tak te nen an lo thu thap,A then in dawhkan an kil tawh hlawm,Abiaki'n ka lut min hmuh rual chuan kut a lo vai vat a,Kan dawhkan bul mai a thute pahnih vang chuan nuam ka ti chiah lo,Nutei lah hmuh tur a awm tawh der maisilo..An lam pan chuan ka kal hnai a,Thanpuia chuan chik lutuk hian min melh reng,Min melhna avang ngawt chuan ka sa in ka tha hial a khur! Hahthlak lutuk!
.
"Hruaia hian arsa a laksak tawp che.. I ei duh tho em?" Abiaki chuan a lo ti zung zung a,Hruaia chu ka melh zawk a,Min melh ve reng,Ka awmdan chu a hrethiam tih ka hre bawk.
.
"Ei duh vek..!" ka nui lui a,Ka hnung zang chho za mar mar a vang erawh chuan ka tang tung,Tunah tak hian Hruaia te nupa an awmlo ang tih ka hlau tak zet.Abiaki chu a tawng siam siam reng a,A bul a awm a hahdam tak zet! Mi ka vawi khat hnuhna a ka nel awm chhun a ni hial ang.
.
"Hey..Junior!" Kan dawhkan bulah chuan Tlangval pakhat hi a rawn ding a,Andy chuan chu mipa a hmuh rual chuan a thil ei lai dah meuh in chair a tang a zuang thla tharh a.Chupa taksa ah chuan a lawn nghal chung chung.
.
"Vic..Thu ve rawh!" Abiaki chuan a lo ti vat,Andy thutna ah chuan a rawn thu a,Andy chu a malchungah a thu ve thung.
.
"Aw..Hei mithar..!" min rawn thlek a,Ka lo ner nghal nawng.
.
"Hruaiteii a nih kha..Hruaite,A ni kha Victor-a LOG company neitupa fapa!" Hruaia chuan a rawn ti sup,Abiak zawk in a mit in min rawn signal zauh a.Ka bo hman tep..Mahse ka harhchhuak leh vat a.
.
.
"Hruaitei..Beccate nau kha i ni em?" Vic-a chuan a rawn ti hluai a,Lu ka lo bu zoh,Ka kut pakhat chu la kang in a fawp zauh a,Ka beisei loh lutuk a vang chuan ka la phu zuk zui! Mahse Chu mi rual a ka hnung mai a mipa lianpui thu rawn rum chhuak hawk ri ka hriat chuan ka lawm ru veng veng!
.
Victor-a chu kan bulah thu in a tawng bawrh bawrh reng a,Min ngaihsak in mi be reng bawk,Ka chhang ve zel a,Diktak chuan ka hnung a mit lasawn miah lo a min melh reng tu ka tihelna pakhat ah ka ngai ve hmiah,Min hre ngailo ang a alan theih chuan keipawh in ka tum ve mai ang!
.
.
"Pappy...Ka zun a chhuak.!" Andy chuan a rawn ti a,Victor-a malchung a tang a tum thal tharh bawk,Hruaia chuan a pawm kang nawlh a,Washroom lam pan chuan a kal pui nghal pawk pawk.
.
"Kal chhuah chang hian apa hruai kher chiah hi a duh thin.!" Abiaki'n a rawn tih chuan ka nui hak hak,A tan apa kha super hero a nih ang bawk in Hruaia pawh khan Andy kha a duat hliah hlaih tih a mit meng a tang a hmuh theih vek.
.
.
Eng eng amaw ti khawm in kut an beng dur dur reng a,Ka hawikual a,Thanpuia leh Emily an awm ve tawh lo,In lam a let leh tawh mai la duh,Mahse Nutei hmel hmuh tur a awmlo,Ka nu leh pa lah sumdawnna lam sawiin an thutak ropui hlawm bawk si.
.
.
Midang chu kalsan in pawn lam ah ka kal chhuak a,Thlifim a thaw heuh heuh reng,Ka sam bawk tawm kim ve loh chu thli chuan a chhem leng siau siau a.
.
"Zan in chu nuam kan ti tlang bawk maw?" Chu aw nelawmloh zet rawn chhuahna lam chu ka hawi vat a,Ka piah mai thimchin ah chuan hlimthla lian pui ka hmu,Tunge a nih tih hrilhnawn ka ngailo.
.
Chhang lo in hmalam ka melh ran a.
.
"Chuan... Mipa dang in i kut an fawp lai kha ka hmuh a ngai bawk a?" A hmasa aiin a awri a zawi,Mahse pawisak a neih loh hmel daih zawk.Ka chhang buai peih lo.
.
"I mi beisei loh zawk min hmu leh ta si a mi?" Tenhmel zet hian a rawn ti chhuak leh hrawih! Ka thaw hak a,A duhdan dan in ka chanchin hi a sawi kual ngawt thei lo.
.
"I rilru bawlhlawh zet ang kha ka pu ve lo..!" ka ti hmak,A rum hawk ti ka hriat rual in ka hnung ah mai a rawn ding tawh tih ka hria,A taksa lumna in min ur ham ham thei.
.
"Sawi nawn leh teh!" a rawn ti hmuk,Muangchang in ka hawi let a,Light eng vak lo chuan a hmel chu a chhun eng che che,A thinrim hmel chu pawisak loh hmel zet in ka nui lui kher a.
.
"I rilru bawlhhlawh zet ang kha ka pu ve lo ka ti a nih chu.!" Ka chho melh ran,A hmel lang chang tawlh tawlh leh sen awp awp a vang chuan min pawt nek mai ang tih ka hlau! Bar kawng chen vel a invuah chu ka ngheng a,Za vak lo hian a rawn nui ro halh.
.
"I mipa hmangaih chu Bawlhhlawh ti in i koh a?" A rawn ti..A mit meng sexy zet chu a de nghal sawr sawr thei.
.
"Hmela..ka hmangaih lo che!" Uar zet hian ka ti a,A taksa chuan min rawn si nghal chet,Bar ah chuan min nawr bet a,A awmah ka nem ve thung!
.
"Daw suh..!" A chal in na lutuk in ka chal a rawn nawk,Ka awn nghal dawr thei,A thaw ri sawk sawk a. "Min hmangaih..Chu chu ka hria..!" Dimte in a kut phah hrawlpui pahnih chuan ka kawng ah a rawn dawm a,Ka chal a nawrna pawh thlah dul in ka hmai zawn ah a rawb thaw lum ham ham..Ka taks a mur nghal vek thei.."Min hmangaih..!" a ti leh sup a!
.
"I hriatsual a nih ka ring..!" ka ti ve hmak,Awlsam tak in min hneh dawn lo,ka hmangaih maw? Awiawmloh lutuk! Keimah ngei pawh in ka hmangaih tih ka hrelo..Ka duh ngei tih chu ka hria,Mahse ka hmagaih lo! A thuhnuai a min dah leh a tum vang mai mai ani.
.
"Hriatsuala nilo.. !" Thinrim.miah lo hian a rawn ti sup a,Dimte in ka kawng a akut phah pahnih chu a sawn chho a,Ka mur nghal sung sung thei! "Min hmangaih vang in a ni lawmni vawiin pawh in min rawn pan kha..!" Ka beng zawn ah a rawn thaw ham ham reng,Ka taksa a zawi vek maiin ka hria,A kut zungpuiin ka hnute hmur zawn ah tak a rawn nem a,Ka thaw nghal halh..Zawi te te in a kut zungpui chu a chet a,Ka taksa awmdan chu ka duhlo,A ban rek ve ve ah ka vuan a,Mahse a aia a na in a tawn hrual hnan a,Ka thaw chhuak hawk hawk! Ka nghawng chu a hmui in a rawn nul kual thuak thuak reng a.
.
"Thanpui duh tawk rawh!" ka aw khur dar dar chu ka haw lutuk,Chu thu chu ka sawi chhuak tak na a,Ka taksa erawh a zawi hneh hle tawh thung.. "Tawp tur in min duh a maw?" A aw sexy lutuk te chuan min fan chhuak vek,Ka beng kawm ah a rawn seh a,Tlem in ka bra hak chu ka kawrchhan ah a nem tawm chho,Ka kawr chhan vek chuan ka hnute hmur tang vek tawh chu a rawn hmet pah ner ner a,ka za chuai chuai mai, awm ka kan a, Ka rum chhuah mai lohnan ka inthunun tang tang..Ka rilru chanve chuan Thanpuia hi a haw lutuk,Mahse..Ka rilru vhanve erawh chuan a mi khawihna a piang a lo duh belh zel thung..
.
"Khawngiah in duhtawk tur in ka duh che.!" Ka ti khur dar dar a,Ka chak tih a hria tih a nuih suk dan ah chuan ka hre thei,.Min khawih hlek in rilrufim ka pu thei ngailo,Amah hian min hip beh tlat vang keh a zei lutuk vang pawh a ni pakhat.
.
"Ka duh tawk ang...!" Ka beng hnuai thisen zam lai a rawn fawp a,A lei thap deuh hrak chuan a rawn laik pah bawk. "Mahse.. I duhthusawm ka tihpuitlin hun ah!" a nui leh suk a,Chil ka lo lem khawlh! A rawn che thut a,Ka mal pakhat chu a pawt kau deuh,Chu mi rual deuh thaw chuan ka malkar ah a rawn hup a,Ka ip nghal chawi! Ka thawk rang sawk sawk leh taksa sa zawk zawk a vang chuan ka khur ti tih der..
.
Ka panty chhanah chuan a kuttang pakhat chuan a tuai a,Ka tha neih zawng zawng in a awmah nem,He pa hian min hrechiang mah mah chu a ni! A kuttang a chet leh a,Ka mal chu ka chip chat.. Dawhtheih loh hmel zet hian a rawn nuai deuh nawk nawk a,ka tek zawk zawk, ka taksa hnuilam chuan ka lo nawr let ve a! A dim loh telh telh, amah mamawh lutuk in min siam thin..!! Ka tha te thleng in a kham, au chhuah chiam mai ka chak a, ka kawchhung hi a kehsawm vek mai dawn maw ka ti hial! A awmah hmai ka phum,A ban bulah ka tham nghek bawk.Ka ding khur hlawk hlawk chu ka kawngah a rawn chelh a,Ka nghawng ah a rawn seh,Ka malkar a akut chu a chet dim tial tial a..Ka a vek maiin ka hria..Ka taksa ah chuan thlan a rawn chhuak tiam tiam a.
.
"Min mamawh tih ka hre thei a lawm..!" A aw chu a khur ru ve dar dar,A kut a la sawn a,Ka zawi vek,Ka tluak tawp lohnan a banah ka tham bet tlat..Dimte in a awmah chuan min kuah bei a..Tunah tak hian ka inhaw lutuk!
.
"Vawiin khan eng vang in maw i rawn kal..!" Ka taksa khur dar dar min tihreh sak tum chuan min kuah nghet leh deuh a,A awmah hmai ka phum tlat,A hmel ka hmu ngamlo,Keimah leh keimawh ka in ten hluah hlauh bawk.Ka taksa a lo thunun tawh thindan ah a chiang em em a,Ka chaklohna lai tak a hre bawk,Chu hun chu remchang ah lak hun a hre lutuk mah mah.
.
"Ka hua che.!" ka ti that! Mahse a ban in hneh lutuk in min kuah bet tlat a.Ka taksa hian eng vang a min khawihna hi lo hnar thei miah lo nge maw ka nih thin le?
.
"Min hmangaih ka tih kha!" Vin lek lek hian a rawn ti that a,Min kuahna chu a phel chuang miah lo.
.
"Ka hua che.!"
.
"Remlalhruai kha ti khan awm tawh suh..Min hmangaih..Chu chu ka hria.!" a tawng zawng in a taksa a nghawr dar dar,Min kuah nghet sauh a..Thawk a harsa lek lek.
.
"Min hmangaih...pha buai duhsuh..Chuan vawin i rawn kal chhan kha sawi rawh.!" a rawn ti leh hmuk, tlem in kuahna chu a thlah dul deuh,Ka taksa pawh a pangai tawh.
.

[Ngaia]

Ka ka hmang in ka thaw chhuak ham ham reng a,Ditak chuan vawin ang em em khan Thanpuia bula awm ka la chak ngailo,Harsatna kan tawh chang hian min tanpui thei tu hnaiber ni a kan hriatte hi kan ngaihtuah chhuak vat thin,An bulah thlamuang tak leh hahdam takin kan awm thei dawn tih kan chian(g) em vang pawh a ni mai thei,Chu vang tak renga vawiin pawh khan ka rilru a awm.ang ang a Thanpuia in lam pan tawp kha ka ni a,Mahse..A ni chu hmeichhe dang nen an lo awm dun..An awmdan a tang lah khan awm dun mai mai an nilo tih a chiang em em zui! Ka kut pahnih chuan a ban bulah ka tham a,Dimte te in ka hnungah a rawn beng dat dat thung.
.
"Thil thalo thleng a awm a mi?" Zawite hian a ti leh sup a,A kutphah hlaipui chuan ka sam a rawn chul,Ka nghawngah a khabe a rawn nghat thla zui nghal a,Ka tap chhuak chak lutuk,Ka nu leh pa thusawi ka hriat tirha ka mangan zia te,Engkim an rawn let leh vek ni maiin ka hria.
.
"Nileng in ngaihtuah zui reng che..Ka biak pawh duhlo in i tlan chhe zui deih a..Ching tawh suh.!" a rawn ti leh nghut a,Ka awihlo lutuk,Ani hian min ngaihtuah zui dawn lo rapthlak! Abulah thumhnaw mumal pawh inbello hmeichhia a awm reng laiin kei hi min hrereng dawn lo reng reng!.


Harhchhuak thut ang mai hian ka che phat a,Thanpuia lah a lo inring biklo tih a hriat reng,Ka tal hrang vat a,Min rawn hnaih leh rual chuan ka tawlh hnung leh nghal dawr bawk. A thaw ri hawk a. Thip zet hian min melh leh tawh!
Ka rinlawk ang chiah..Ka taksa chiah a duh..Min hnem a duh tak tak ngailo!!


"Naupangchhia viau thinlo teh!" A rawn ti hmuk,A kut lehlam chuan a kekawr ipte a zen lut a,Ka hmelah a deh ka hlau tih a in hrethiam a ni khawp ang,Min hnaih zui lo in Bar ngheng chuan a ding run,Min melh a.A.mitah rei pawh ka en ngamlo.
Hmeiche dang ka hmuh lai reng in a rawn hruai lut a,Chu tah reilo te hnu ah min khawih leh thei nghal! Min ngainep ngawih ngawih pawh nise haw tur ka nilo!



"Kha pa hnaih suh ang che!" Amah vek chhuan a rawn ti leh nghut a.Ka ner nawng! Thu min pe kual turin dikna anei lo.


"Chu lam chu ka thu a ni!" ka ti ve hmak.A nui suk a,Min thamloh hmel hliah hliah!


"Ka hua che..Chuan ka in haw ngawih ngawih bawk!" ka ti sep a,Keimah ah hnehtu a chang reng bik thin leh min hrechiang lutuk te hi ka duhlo,A ni ve hi chu a mize dang thut thut thin leh bul hmuk hmuk thin a vang hian a hriatchian ve theih loh.

"Chung sawi lo chuan Vawin i rawn kal chhan kha sawi rawh.!"Dawhtheih loh hmel zet hian a ner zui suk leh nghal a! Ka hril dawn reng reng lo bawk.
.
"Ka sawi khaa..Min puih theih ka ring a,Mahse i thei lo..!"A hmel landan a chang tawlh tawlh,Ka nui lui kher bawk, A taksa nalh zet chu ka melh a,Lungawilo tih hrat zet hian min melh ve run,Mahse emgmah sawizui a tum tawh bik lo.A dinlohna lam bang hrul ah ka tawlh a,Hall chhung lam pan chuan ka kal nghal hlawk hlawk,Tuna thil thleng kha chu ka thiamloh fai vek a ni.. A lak a ka inven theih loh lutuk vang pawh in ka in haw hlur.


Hall chhungah ka pen lut a,Zan dar 11 a hnai tawh,A then an ding khawm a,An nui ho dar dar a,Puitling lam erawh an kulmuk hlawm hle thung.Nutei ka zawng kual a,Tun thleng in hmuh tur a la awm lo cheu! Ka nu leh pa te awmna lam ka pan a,Zohruaia te nupa nen khan an lo ding ho,Andy kha a pa darah a muhil a,Abiaki'n min hmuh rual chuan min lo be nghal zung zung,Ka awmdan diklo lutuk kha min la hriatsak a ni mai thei.


"Kha nu kha chu engahmah ngai miah suh." ka bengbulaha rawn ti sar sar a,Za lo te hian ka nui ringawt.


"Ani a lawm..Thanpuia mit meng a tang hian a kalsan mai mai dawnlo che tih ka hmu thiam vek!" a ti leh sep a,Chu erawh ka awi chiah lo,Nupui nei mai tawh tur a ni a,Min kalsan loh pawn keimah zawk in ka kalsan dawn,Mi nupa inkara tlakzeh ka duhlo..
.
"Thil enga maw vang in an inzui mai mai ah ngairawh..!" Ka darah a rawn beng thek a,Kan ngaihdan in anglo lutuk a vang chuan thin a rim lek lek thei,Mahse ka hnial buai ta lo,Mi zawng zawng hian ngaihdan hranvek kan nei,Chung kan ngaihdan chu sawi chhuak tur in dikna kan nei theuh bawk.


"Kan kal tawh a nge.!" Hruaia chuan afapa a pawmloh na lam chuan ka pa kut a vuan a,Ka pa pawh in nghet zet in a hum sak,Abiaki pawh chuan min kuah a,A bulawm a hahdam thlak mai bak ah,a.pasal a zahthiam hmel lutuk a vang chuan a ngainat awm zual.


"Pa let ve tawh ang u.!" ka ti sep a.Ka nu chuan mak deuh maiin a lamah min pawthnaiin ka banbulah a rawn kuah a,Ka ip nghal chawi chawi thei..ka melh a,Ngainatawm deuh hian min lo nuih..Mahse tunah tak hian a hriatrengna a hmeichhe naupang vang bawk a ni leh ang tih ka hrethiam..Ka ngaihtuahna vang chuan ka mittui a rawn hnai kuar ringawt.


"In let tawh dawn mi?Pu Hma."


Chu aw ka hriat rual chuan ka tang nghal tung thei,Kan piah deuh a tang Thanpuia leh Emily an rawn kal phei a,Emily hmela min tihelna langchhuak chu ka hmuh hmaih lo,Thanpuia erawh eng nge a ngaihtuah tih rinthiam ngaihna awm miah lo khawp in ahmel landan a rum! Kei nilo in ka pa a melh a,Ka nu pawn nuisang in a lo lawm.


"Kan let dawn chiah...Thu leng vel kha ka lo hria ania."Ka pa chuan nui hawk hawk chung in Thanpuia te pahnih chu a melh a,Ka thawk lak a sak nghal vek! Innei mai tawh tur anni tih ka hria,Pawm erawh harsa ka ti,Chu mai a nilo,sawi chhuak tu an awm hian hlauhthawnna leh manganna in min tuam nghal vek thin! Nghet zet in kut ka hum ruh a! Ka hah em em ringawt
.
. "Ummm.. Mipa lamte hi an hman hmawh deuh a,Tih chuk chuk kan ngaih hmel.!" Emily zawk chuan a rawn ti leh a,Ka thawchhuak em tih pawh ka hrelo,Ka nu hian min kuah lo pheise chuan ka che chhe ngawt ang.
.
"Ahma lam kha a pawimiah lo a nia.!" ka pa chuan a ti sup a,Thanpuia erawh vawi khat pawh a la tawng lo.
.
"Pa..Kal ang u..!"
.
"Awle..Kan kalsan ang che u..Thu lawmawm hriat kan lo inbeisei reng ang.!" Ka pa chuan a ti leh sup a,Thanpuia hmel rum em em chu ka melh zawk a,Kan inhmu leh ngai a nih chuan mi pasal a ni tawh dawn,Zan in hi ka hrereng bawk ang.
.
.
Ngawi reng in car ah chuan ka thu,Ka pa hmalamah a thu a,Ka nu nen hnunglam ah kan thu dun,Remlo zet in ka nu chu ka ngheng a,Min nemsawn miah lo,Chu chu remchang ah la in ka kuah zui nghal zat,A kut nem thep chuan dim te te in ka darah a beng thak thak a,Ka pa nen party boruak leh an sumdawnpuite nen an inbiakna kha an sawi zawm thung.Tun hi ka nu hnaih tak a ka kuah na hmasa ber a ni hial in ka hria,A hriatrengna awm kha ka thik tak zet,A chhanchu a awmve tawh lo chung pawh in ka nu rilru zawng zawng a la neihsak thei a.
.
"Mambawih i tha meuh maw?" Ka nu chuan ka pang a rawn dek vat a,Diktak chuan hmeichhe tleirawl hlim ve mek ka ni,Duatna te hmangaihna te ,Ngaihsakna te hi dawn ka mamawh ve tak zet,Tun din hmunah hi chuan a tu a pawn min en liam tawp,Hmeichhe chaklo tak ka lo nilo bawk nen,Keimah ka inenkawl zo in rinchhan tur nei em em lo pawn hmalam ka pan ve zel thei,Mahse..Nga
ihsak tu leh min hmangaihtu ka mamawh ve tho.
.
"Hall chhung atang tawh khan i taksa hi a khur ru der der tawh!" ka nu chuan a rawn ti leh sep a,Ka pa pawn sumdawnna lam chanchin sawi zawm tawh lo in min ngaihven ve vat,Ka rilru no a chhuak ka ti mai,Ka nu kuah bet chung chuan ka in hnit nghal hlawp hlawp ringawt,Ka tha khur der der kha ka tahna vang in a rawn khur hlawk hlawk a,Ka awmdan a vang chuan ka nu leh pa chu anchiai nghal vek!
.
"Ricky..Car ti ding rawh!" Ka pa in a ti nghut a,Kawngsirah Motor chu a ding,Kei erawh ka in hnit hlawp hlawp thung,Ngaihsak ka phutve na leh hmangaih ka phut ve thinna,A taka ka sawi chhuah ngam thin loh vang a ka lo insumna zawng zawng te chu an rawn puak dar vek maiin ka hria.
.
"Na i nei em?" Ka pa in ka thutna lam a rawn pawt hawng a,Ka dak chhuak lo,Nghettak in ka nu chu ka kuah bet tlat! An thusawi zawng zawng kha ka hriat thu hi ka sawi chhuak tawp mai dawn maw ni! Mahse..an fanu ka nih loh thu an sawi ka hlau ngawih ngawih bawk si.
.
Sum..Engkim ka mamawh zawng zawng chu min vur hneh lutuk,Mi tamtak neih phakloh ka nei a,Engmah ka ngaihtuah buai ve a ngailo..Mahse chung sum leh thil tha tinreng in a min hnawhkhah zawhloh keimah ah hian hmun ruak a awm! Ka nu leh pa hi ka mamawh.. Min en liam tawp lose..!
.
"Hall chhung atang khan a taksa hi akhur tawh,Mahse khawsik a nei pawn ka hrelo!" ka nu chuan a ti a.
.
"Mambawih thil thleng a awm em?" ka pa chuan a rawn ti ve sup,An tawngkam vang chuan keilah ka tah a chhuak tulh tulh mai bawk si.Ka pa pawh seat hnungah a rawn thu lut ve a,Ka tap thawm bak motor chhungah chuan thawm dang a awm lo.Engtik atang khan nge ka lo zuau tak em em pawh ka hrethiam teh hrep lo e a.
.
"Ka ngai dawn cheu.!" ka ti sep a,Ka pa chu a rawn nui chhuak hawk hawk,Ka hnungah a rawn beng thuk thuk a.Ka nu pawh a thawchhuak ve huai mai! Nie..Min ngainalo fai vek lo,Ka hlimlo an hmuh chuan an awm.a nuam.bik ngailo,Nimin lam an thusawi kha lo hrelo law law i la ni zawk tur,Engtik ah mah ka zawt chhuak ngam ngai dawn lo,Ka nu leh pa diktak an nilo tih an sawi ka hlau!
.
Ka mut pindan ka luh hnu thleng in ka nu leh pa te chuan min zui lut,Tunang hian vawi khatmah ka la awm ngailo,Hmeichhe tuarchhel tak leh inenkawl zo tak ang in an nipawh hian min hmu,Ka mize hrechiang tu tan chuan tuna ka awmdan hi mak tih loh theih pawh a nilo.Khumah ka lawn a,Ka nu in parda leh tukveh a pawt khar vek,Light an off a,An kal chhuak thawm chu ka ngaithla reng,Ka taksa ah a langin na ka nei lo,Mahse ka taksa chhunglam ah hian rum pui vawng vawng tur khawp natna leh manganna in min tham nawk nawk thung,Ka kawchhung ah a inlumlet bulh bulh a,Tuipui fawn in lawngleng rihna pakhatmah neilo a duhna lam lam a tuipui chakna hmanga a lenkual kawi hlup hlup ang mai hian ka ngaihtuahna te hi an chiai vek! Pan lamtur ka hrelo..Nilo..pan lam tur chu ka hria,mahse hlauhna vang in chu kawng chu ka zawh ngamlo.
.
.
Ka phone ri vang in ka harh a,Ka hawi kual a,Khu a la varlo,Message pakhat a lo awm,Ka hawng a,Ka thaw chhuak nghal hawk!
.
'Bawihi...Pawnah ka awm..Biak che ka duh!' tih zawng.
.
Mit ka chhinga,Tunah zinglam dar 3 a ni tawh,Eng vang a min hmu duh nge anih?
.
"Lo chhuak la."
.
Phone chu ka switch off nghal hmak, Ka thinlung duhdan zawm in keimah leh keimah zahna ka inthlen leh mai ang tih ka hlau,Ka chhuak dawn lo,Kha hmeichhia nen an awm dun hnu ah min hmuh a rawn tum leh a,Inthiamlohna pakhatmah a la neilo zui!

Ka biangah min ti harh tum in ka nu in a rawn beng thek thek a,Mit ka meng mai thei lo leh nghal.
.
"Mambawih..Hna vangin Lunglei ah ka phei angai dawn a.!" Min sawi leh dat dat a.
.
"Harhteh..i kal hma in ka kuah duh che a nia.!" A rawn ti leh lang lang a,Chiang lo zet hian ka meng chhuak a,Ka.mit chu a kham tung,Thanpuia ka ngaihtuah nasat lutuk a vang in nizan khan ka mu leh ta miah lo.
.
"Chennai ah ka theih ang a rang in rawn kalve ka tum ang,Hna hi ka tih vat vat a tul bawk si a.!".Chianga mang lo a ka meng chu min kuah thuak a,.
.
"Ka kal ang aw..Inenkawl tha la,I thlen velah min rawn be dawn nia.!" A ti leh zung zung a,A tawng danah a hmanhmawh takzet tih a hriat,Ka chhan let hma hauh in a phone a rawn ri zui a,A chhang a,ka pindan chhuahsan chuan a kal zui leh nghal a.Ka en zui reng.. Min enkawl tawhna a vang hrim hrim pawh in vui ngam tur ka nilo.
.
.
Phone ri vang bawk in ka harh leh a,Zinglam dar 10 a lo pel tawh,Ka taksa chau em em ringawt chu ka hrethiam lo! Ka thu chhuak a,Ka mutpindan chu en kual in ka thawchhuak ham ham,Ka zirlai ka zawh hma chu ka let tawh lo ang.!
.
Chawhnu 2:40pm a thlawk chuak tur kan nih a vang in hmanhmawh a ngai em em lo,Muang chang in ka inbual a,A hma anga hmeichhe chaktak ka nih leh theihnan khan ka beih leh fe chu a ngai ang.
.
Washroom a tang ka chhuak a,Khum a ka phone thawhsan chu la kang in ka enkual a,Nichin khan ka phone ri vang in ka hrah reng,Chhang lo innwashroom.ka pansan daih.Essi call a lo awm a,Ka call back a,A insiam peih tawh thu a rawn sawi,Zonuni tello a letthla tur kan ni bawk a,Ka phur em em lo vek! Inchhunglum kalsan tur kan ni chu thu hran,Kan thiannu kawmngeih leh min hui khawm thinber tu tello a kan tlat tamna hmuna let chu a kimlo..
.
Dar 12 pelh hret ah Ricky a rawn tlan let a,Ka bung rua vel chu min khai thlak sak in Motor ah chuan a load zung zung a,Kei erawh kan inchhung reh ruih leh zaupui enkual chuan ka kal.kual a,Ka telvena tur hmun a ni pawhin ka hretawh lo,Thanpuia ka ngaihtuahna ah a rawn lang a,ani pawh ka let leh hun chuan pawmlai nei a lo ni tawh a nga,Ka kalsan tak tute mah hian min rawn ngaihtuah zui in ka ring lo,kei erawh thung chuan an mahni theinghil a nun bul ka tan that leh theihnan ka beih fe a ngai ang.
.
Pawnah ka chuak a,Ricky pawh a lo in load fel vek tawh,Khua a nawm vak loh a vang in in Jeans Jacket chu ka ha chhuak a,Mahse kan Gate pawn a motor lo ding reng ka hmuh rual chuan ka tawp chawt!
.
"Zingkar ka rawn thlentirh pawh khan a awm tawh.!" Ricky chuan a rawn ti sup a. Ka inhum ruh nghal vat! Bolero kawngkhar chu a rawn in nam.hawng a,Thanpuia a rawn chhuk nghal vat bawk.Nizan a a thuamhnaw inbel ngai ang ang khan a la inthuam,A nem.khar a,min rawn melh nghal run..Ka lungphu rawn rang dawt dawt chu a chhan ka hrelo..
.
A motor chu kal san in ka lam pan chuan a rawn pen nghal pawk pawk a,A hmellandan chauh hmel zet leh pawrphang a vang chuan nizan a mu miah lo tih a hriat theih..a rawn hnai zel a,Ka tha a khur nghal dar dar,Ka tlu hnawk mai tawh dawn maw ka ti hman tawh.Mahse rang tak in ka inthing harh a,Min rawn hnaih chilh hma in ka bul mai a car ah chuan ka thu lut nghal vat! Ka kuttha khur hlawk hlawk chuan ka hmai ka hup puat a.Ka kut tha mai a nilo..Ka khup a sai nghal hlawk hlawk bawk.
.
"Ricky..Tlan chuak rawh.!"A au in ka au..Ka khur hlawk hlawk bawk,Engin a ti nung a,Thanpuia khan min rawn nangchin a nih ngat chuan ka chunga thil thlengtur ka hre lawk vek!
.
Kan tlanpel a,Hrilh hai lutuk hian a rawn hawi let,Car side glass ah chuan a lan theih chhung ka thlir ngawt ngawt,Kawngkawi ah kan tlan a,A lang thei tawh lo! Ka hmu leh tawh ngailo bawk ang,Tun a tang reilo te ah nupui a nei tawh a nga,Kan dam a kan inhmu leh ngai a nih chuan fa duhawm tak tak neiin Pa diktak a lo ni ve tawh bawk ang. Min bumna vang khan phuba lak ka tumlo,Nupui nei mai tawh tur a ni tih inthupa bul.min tanpui a vang khan anchhe tinreng a tawngkhum pawh ka duh chuang lo,Hlimse .. Chhungkaw hlimtak dinse tih ka duhsak zawk.
.
Ka mipa neih theih ngailoh tut theihnghilh tumin kum khat chuang ka bei tawh,Ka tum em.a vang in a tir ang em em.khan ka.na tawh lo,A chanchin ka hriat theina tur ang ang chu ka ti tawp ,Ka phone ah pawh internet engmah ka connect lo,Amah pawh in min theihnghilh in Nun thar a tan tawh bawk ang,Emily lah kha hmeichhe satliah a nilo A chhelo in a nu zem a,Thlan tur ni tase kei ai a thlan zawk ngei ngei tur a ni bawk!
.
Khum a tang ka tho chhuak a,Ka lu rit bar a vang chuan ka awm a nuam chiah lo,Hei pawh ka tanchuan thil thar a nilo,Thanpuia ngaihtuah zui lo.in zankhatmah ka muhil.ngailo,Theihnghilh ka tum.tih ka sawi kha,Mahse ka theihnghilh hmak thei lo,Mahse ka tum.lutuk a vang leh thildang rilru lakpenna tur ka zawn ngat ngat a vang in tlem chuan ka zia tawh! Tu mihring mah hian an nun a lut hmasa ber te hi an theinghil hmin thak theiin ka ring lo,Kan Gate a tang kan tlan pelh dawn a ana tur hmel a vang khan zan lai a ka muhil hi vawi tam ka harha ,Ka taksa chhung hi an hit ngawt ngawt thin.. Mahse khang ang khan a na reng dawn lo tiin ka in hnem a,A bulah hmeiche nalh zet a awm.reng a nga,A hriat rengna a tang min nawt reh tawh hial zawk mai thei.
.
Washroom ha ka.lut a,Tui lum sa tha zet in ka taksa chu ka phuh huh tir a,Mizoramah let leh chakna ka nei tawh lo bawk,Ka nu leh pa pawn min rawn ngaihsak em em reng,Mahse an zinga ka awmve khan nuam ka ti thei tawh lo,Mihrang hlak leh inpawhna pakhatmah neilo ang mai hi kan niin ka hre ber.
.
.
"He lai tleirawlte hi ka hriath hnu a ang riau mai!" Ka hnunglam atang aw rawn chhuak a vang chuan ka hawi let vat a,Ka kalpelh tak bang ngheng a mipa lo ding ka hmuh rual chuan ka nui hak hak..
.
"I ngaihtuah bing lutuk a,Kei palian buang thengthung lo ding reng pawh min hmu lo a nia.!" Ti nung nung pah hian ka lam a rawn pan a,Mizo bik inkhawmna ah inkhawm tur in ka kal ve,Victora-a pawh hi helam ah an chhungkaw sumdawnna zauh zelna tur in hnathawk in a awm a,He lam.company thenkhat te nen inzawmna siam tur in tunah hian hma a la mek.
.
"Lut i la.!" Ka ti a,A hmui a tisawi hmasa phawt,Hunawl ka neih a piang in ka bulah hun a hmang ve tawp zel,Mipa fel tak a nih bak ah min ngaihsak em em reng bawk,Chennai ka chhuk dawn ni khan a lo chhuk ve dawn reng a,Kolkata kan thlen in kan in hmufuh chiah leh nghal, Hmalam pan a ke ka penna a mi tangkai tak pakhat tiin sawi i la dik ang.
.
Chhung lamah kan inzui lut a,Chhungkua a awm leh zirlai tam vak lo te hi inkhawmho na kan nei ve thin,Mizoram ang in kohhran member tam vaklo mah i la,Ka hlim tlang ve hlawm hle,Mizoram synod puipa te pawh in min rawn telpui in rawngbawlna hun te pawh an rawn hmang ve hial zel.

Inkhawm ban chuan dan ngaite in thingpui leh cake kan ei ho a,Kan ri ve nak nak hlawm,Victor pawh ka bulah zel a awm,Kei aiin kum 5 aimah in a upa,Mahse min zui kual reng peih,A tawng duh a,A bula awm chuan nuih na tur a tam em. em,Mahse a tawngduh dan a ngeina hauh lo, Mipa dang ang a hmeichhe laka zei hluak nisi lo hian a ngainatawm veng veng.
.
"Washroom ah ka kal lawk a nga,Chuan min thlah haw tawh la.! Ka ti sepa.A bu nghut,Ka bag leh hlabu ken lai chu min laksak a,Washroom lam pan chuan ka pen zui hlawk hlawk a,Chennai a mi tam zawk hi chu zirlai an ni hlawm,College kallai leh university zawm mek.te an ni a,Keini ang Nurse zirlai pawh kan awm.nual,Doctor zir mek te pawh kan kat ve nawk,Thenkhat dawr leh hotel vela thawk te pawh kan awm,Kan mizo hruaitu te an fakawm in keini thalai ho min hukhawm hneh em em a,Mimal tinpawh mizo bik timualpho tur khawp a nungchang khawlo an awm ngailo.
.
Tui ka herhhaw a,Ka kut ka sil pah nghal,Khus a lum em a vang hian kan thlan deuh chuap zel.
.
"Hruaite..I dam maw?" Chi aw ri ka hriat rual chuan ka meng kawk a,Hnunglam ka hawilet ngailo in ka hma a darthlalang invuah phei dul ah chuan hmeichhe nalhzet a rawn lang zui ngha al.Zawi te in ka thaw chhuak ham ham a.
.
"Ka tha a lawm..In rawn kal a ni maw?" Ka ti sep a,Ka tha khur nghal ringawt chu ka duhlo,Emily hetah a rawn kal a nih chuan Thanpuia pawh a awm ve ngei ang.
.
"Nia..Thanpuia hna vang in kan rawn kal,Chawlh hman tlang nghal kan tum a.!" Ka kawchhung a hit vek,Ka tek sawk sawk niber in ka hria,Nie..Nupui nei a hlim tak a awm tur in ka duh ngei a lawm,Ka hma a rawn in lan a an hlimna ka hmuh tur a rawn pho chuak tur nilo a.Emily chu a rawn kal hnai a,Tui chu rawn herhaw in a kut a rawn sil ve nghal zat,A kut zungte u sei sang mai a Rangkachak zungbun sinte in phiarphei raih a bun chu ka melh zawk a! Tunah hian he hmun hi ka chhuahsan vat a ngai.
.
"Chawlh nuamtak in hmang dawn nia..Ka hman hmawh deuh a,Ka kal mai ang..!" Ka nui lui sang a,Ka kawchhunglam erawh a hit ngut ngut,Luak chhuak mai pawh nilo in ka kawchhunga thil awm.zawng zawng hian rawn chhuah vek an tum hial in ka hria.
.
Ka kalsan a,Washroom pawn boruak chu duhthawh lutuk in ka hip zui nghal kawk kawk,Ka awmdan mumal lo zet min hmutur a ka kiang hnaia tumah an awm lo pawh chu ka lawm,Min hmutu awm ngatse chuan mangang lutuk in tanpuitu an koh buai chung duh ngei ang.
.
Ka ding ngil a,Ka kaihza tha rawn khur ru dar dar a vang chuan bang rinchhan chuan ka ding leh ren rawn phawt,Kum khat chhung teh meuh a chanchin ka ngiahven duhloh vang in internet engkim ka ban san vek a,Ka sim hman te thleng in ka thlak,Chu tiang khawp chuan amah theihnghil tum in ka beive nasa! Chung ka thil lo paltlang tawh zawng zawng te chu kha inneih zungbun vang mai mai khan engmah lo maiah an chang thei tak ngial dawn.


Ka tha neih zawng zawng sawmkhawm in Victora lam ka pan a,Thanpuia ka hmachhawn hma ngei in he Biakin a tang hian kal bo vang vang ka duh,Amah nilo,A nupui zawk ka hmachhawn ringawt pawn kha ti khawp ka zam chhia a nisi a.
.
Victora bul ka thlen dawn chuan ka kepen lai chu ka tawp chawt! Min hnung chhawn zawng a mipa lianpui ding run chu ka melh a,Thawk a sak nghal vek! Tunge ani tih ka chiang lutuk,A taksa inkhaithli zaih leh nalzet te,Mahni inring tawk tak mai a hawi her zawng zawng te hi keihian ka hre bel mah mah.
.
Victor-a zawk chuan min rawn hmu hmasa a,Tlanchhiat san daih mai ka duh hial,Mahse ka tlai tawh.
.
"Hruai.. Lo kal teh..!"Min en in a la nui vur vur zui,Ka kawchhung tawt lutuk hi hriase chuan a nui hauh lo ang,Ka hming meuh in min koh tawh,Kal loh ngawt chi a ni tawh lo,Ka kut chu nghet tak in ka hum ruh a,Ka tha khur te,Thinphu rang zawih zawih te nen chuan hmalam pan in ka pen a,Min hnung chhawn zawng a mipa ding khawng run erawh a la rawn hawi let lo.
.
"Hei..U Thanpuia,Tun a oil hralhruk chung chang case kal lai mek la tur khan Mizoram atang a rawn kal vang vang.!" Victor-a chuan a bul ka thlen rual chuan a lo ti zung zung a,Eng ang pawh in hreh mah i la Thanpuia hmel hmu tur a ka hawi chhuah a ngai dawn hrim hrim!
.
Muangchang in ka dak chho a,Thanpuia hmel chang run leh thip zet ka hmuh rual chuan ka tek sawk thei! A mit memg uk fiah zet thinah khan min tihnat chakna leh huatna bak ka hmu lo,A thensuk a.Ka tawng hriatthiam loh in thil a sawi zui sup.
.
"Ani hi chu ka hria alawm!" Zawi sup hian a ti leh hmuk.
.
"Vic,Min thlah tawh la.!" Ka ti sep a,Ka aw khur te chu ka thunun thei lo.A mit meng min huatna a khat hmachhawn reng tur in chakna ka nei bawk lo.
.
"Oh..Honey in lo inhmu maw?" kan kalsawn hma si chuan Emily chuan min rawn fin a,Thanpuia ban ah chuan a rawn vuan nghal chat! Min rawn melh a,hnehtu chanchang a in ti hliah hlaih tih khawvel a hriatna nei tlember pawh in an hmu thiam ang.
.
"Kal an lo tum chiah tawh a.!" Thanpuia chuan a ti leh sup. Emily chu en in sexy zet in a nui suk bawk.
.
Thlawh chawrh ang vel ka ni!
.
Victor-a car a ka thutluh fel meuh chuan ka zawi hnawk thei,Ka khur hlawp hlawp a,ka awmdan chu Vic-a'n a hriat thiam ka hlau bawk si..Awmngaihna ka hrelo, engkim hi a tawp duk maiin ka hre hial.

[Ngaia]

Keimah ah nghawng a la neih nasat zia in hrengat se
chuan min hmusit ngawih ngawih ang.
.
Victor-a chu a rawn thu lut a,Ka kut chu nghettak a suih zawm in ka thu khawng at, Hmuh leh ka duh tawh lo,Chutiang bawk in tun hun a thil thleng mek hi ka hriatna a tang vawm bo hmak theih ka duh.
.
Vic-a thutna lam darthlalang chu a rawn ri kerh kerh a,Kei erawh ka tawt up up thung,Victor- a chuan glass chu a down a,Thanpuia a rawn dak lut zui nghal zat.
.
"Vic..Zan in dinner eitur in kan chhuak ho dawn mi niang?" A awrik dan zawng zawng te chu kei min diriam chak vang vek a ni! Ka melh a,Chiang tak hian min lo melh ve! Huatna bak a mit mengah ka hmu lo.
.
"Ok..Kan lo tum ang.!" Victor chuan a ti sup a.
.
"I Thiannu pawh a rawn kal ngei ka beisei.!" Thanpuia chuan thensuk pah hian a rawn ti leh,Va ham bawrh bawrh tak mai hi ka nap!Victora chuan min rawn melh a,A meng zau deuh kawk,Mahse a insiam tha leh vat a.
.
"I hman angem?" a rawn ti,Ka malchunga ka kut chu a rawn vuan a,A chetdan teh thut chuan min ti phu nasa lutuk,Mahse a kut erawh dahsawn sak ka tum lo,Tun a ka mamawh ber chu ka tha khur min tih reh sak tur a ka kut chelh tlat tu a ni.
.
"Hna ka ngah lutuk.!" Ka ti sep a.A bu nghut a.Thanpuia lam chu hawi leh in ka tan chuanlam a siam zui nghal zat,He mihring pa hian ka lak a tang eng thil teh hrep nge maw a beisei! Nupui nei mai tawh tur a ni tih inzep chunga bul min tanpui ringawt te kha inthiamloh a hnek in min tihnat dan kawng a la rawn zawng ngam a! Mihring rilru pawh a pu ve teh hrep lo e!
.
Kan inkhawmna bik gate kan tlanpelh meuh chuan thawchham in ka thi loh chauh! Mit ka chhing vang vang a,Thanpuia hmel ka hmu zui nghal zat! Tumdang zawng aiin a hmel landan thutak in pawisak a neih loh hmel zek zek,A biang ah hmul an to sang a,A taksa lian leh nalh em em nen a in hmeh zet in Kamiszz pawdal raih a ha,Chu a kawrhak chuan a taksa chu an phuar deuh hlek a,a kawngah kawnghren dum hlap leh lawk ve ang reng deuh a hreng bawk,Sawiselna tur pakhatmah a awm lo,Nupui nei a nun bul a tan thar tawh vang a lawm viau tur a nih laiin min tihnat dan kawng a rawn zawng ringawt chu ka hre thiam lo.
.
"I tha tak tak em?"
.
Mit ka meng a,Min mgaihtuah hmelzet hian Vic chuan min lo en reng,Traffic ah kan din a vang in ka thu rem a.
.
"Zan in kha i kal ve kher a ngailo tak tak..Hahdam i mamawh!" A rawn ti leh a,Motor a kal theih tawh a vang in a tlan chhuak leh nghal a.Victora khan ka tan chhuanlam siam nasa viau mahse Thanpui khan a pawm duh tlat lo,Chu ti khawp a min huatna lantir a duh chuan ka hmachhawn ve mai tur ah ka ngai,Diklohna ka neilo,Ka din hmunah khan tu hmeichhia pawh ding mahse ka tih ang kha an ti vek ang,Hmeiche pangai tak chin chuan Nupui nei mai tawh tur mipa nen a inzawmna neih reng ai chuan kalsan kha an tih tur ani.
.
"Ka tha a lawm!" ka ti sep a,Za lo zet hian a rawn nui ro halh.
.
"I hmel landan i hmuh chian hunah i that leh that loh chu min hrilhnawn leh dawn nia.!" a ti hul hak.Za lo te hian ka nui ve ringawt,Ka thalo,Ka thalo lutuk,Emily a duat hmel ka hmuh lai ngat phei kha chuan thlarau nen ka danglam in ka ring lo,Mahse,Ka hmachhawn ve zel chuan ngaiah ka nei vat mai ang,Thil tisual tu ang hrim a tlanchhiat a,Mahni in hrem reng tur ka nibik in ka hre ta lo.
.
"Peter Cat a nih dawn chuan dar7:30pm ah ka rawn lam ang che.."Hostel thlen hma deuh in car a ti ding a,Ka bu nghat,Chhuah ho a duhna hmun lah chu kan inhmuh hmasak ber tum a zanriah kan eiho hmun kha ani kher bawk. Emily a tel ve dawn a,Thanpuia hian chhan thatak vang lo chuan keini pahnih hi min sawm mai mai dawn lo,Inthunun chu ka ngai viau ang.
.
"U Thanpuia nen khan in inhre thian a mi?" Chhuah ka tum tawh,Kawngkhar hawnna ka vawn chu ka thlah leh a.
.
"Ummm.. Min pui tawh thin a!" ka ti ringawt,A dik reng bawk,Min puih nasat lutuk a vang in keipawh in a lakah rinna ka lo nghatnasa lutuk, ka harsatna tawh tam tak ah khan ani kha lo awmlo se chuan ka che chhe ve ngawt ang.
.
"Ok..A tha nih chu..A hmel i hmuh tirh khan Hmuhthianglo hmu ang maiin i var vek a!" A rawn ti a."Ka hlau lek lek che!" Victor-a vek chuan a rawn ti zawm leh zat a,Ka nui nghal hawk hawk,Ka sawi tawh kha a bulah hi chuan a thutak reng theih lo,Ka nuihna tam ber pawh hi a thusawi thin vang a ni.
.
Hostel lampan chuan muangchang in ka kal chhet chhet a,Zirlai tam zawk chu an chhuak tawh,Keipawh chhuak ve thei ka ni,Mahse kan ram lamah let chakna ka neih hlawl loh a vang in ka chhuak ve lo,Ka nu leh pa bulah erawh Tuition kal a,Ngawrh zawk a inzir ka duh thu chu chhuanlam ah ka hmang a,An rem ti ve mai bawk,Tuition pawh chu ka kal reng a,Kan zir hun a tawp ve tawh dawn,Phur vak lo a kan ram lama let ai chuan he lama zirna lo chunzawm kha ka hlawkpui zawk dawn tlat.
.
Ka thuamhnaw hak pawh hlip lo in khum ah chuan ka mu zawi hnawk a,Mihring pakhat ve mai in hetiang tak mai a min ching rethei leh sawisa hneh lutuk hi a awiawmloh hial zawk.
.
Zangthal in ka mu a,Ka chung mai a khum chhawng chu melh in ka khap fak fak,Ka kal hnu khan an chanchin ka hrezui miah ta lo,Ka nu leh pa in min biak chang in an rawn sawi ngailo a,Rawn sawi ngawt chhan turan nei miah lo bawk,Nutei lah in Thanpuia lam nilo in mithar chanchin hlir min rawn hrilh thin,Emily kut tanga rangkachak zungbun sin te kha chuan pawmlai nei a nih tawh zia a ti chiang hliah hliah, Kha a hmui sexy zet vawi tam min fawh tawhna ngei mai khan Emily a fawp tawh zawk a nga..Nilo...Ngaihtuah na zet chu!! A tul lo lutuk.
.
Ka bag a tang phone ka la chuak a,Ka la thu chhuak chuang lo,Zan lamah pawh tution ka kal a vang in zanin ka kal dawn loh thu tal ka sawi lawk a ngai,Kei leh Tamil hmeichhe pathum hian tutor pakhat kan intawm a,Kan hostel atang a inluah a hla lutuk lo,Chenna bikah pawh topper lo ni pha ngat tawh anih a vang in a coaching hi ngaihthlak a man hla thei em em.Rei a ring hma in a rawn chhang vat a,English a thiam nal em em dan lah chu pui tak a ni,A dawk zar zar thei tiila kan sawi sual lo ang,Chhuan lam siam in Mizoram a tang kan chhungte an rawn kal thu ka sawi ta ngawt a,A tan chuan ka kal leh kalloh kha apawi miah lo,Mahse ka tan erawh vawi khat thulh ringawt pawh a ui awm pha viau.Min lo hriuatthiam mai a vang chuan lawm ru deuh hian in phone chu ka ti tawp a.
.
Ka thaw chhuak leh riai riai phawt! Ka chakna lo neih ve zawng zawng in ka mihring vang khan min thlawh bo san vek a,An pahnih ka hmuh dun vang kha a ni khawp ang,Ka chau hluah hluah.
.
Khum a tang ka tho chhuak a,Ka room tawmpui te pawh an haw,Mi tam vak lo hostel ah hian kan la awm,Ka puan bih chu hlip in ka sam ka tawn tawm chho vek a,Zing lamah inbual vek tawh mah i la,Khaw lum lutuk vang hian thlan a tla reng a,Inbual fo hi a sual lo ber.
.
Washroom ah lut in tui vawt in ka taksa chu ka phuh tir sar sar a,Vawiin khan Emily emaw Thanpuia zawk emaw pawh kha ka lo hmu hmasa miah lo,He lai hmunah hmuh ka lo inrin loh lutuk vang a ni pakhat ang,Ka chhuk tirh kha chuan Thanpuia hi ka hmuh fo ka hlau ru thin,A chhan chu a hma lam pawh khan mizoram a thawk lo in Tamil state leh Maharashtra state lamah a thawk nasa zawk a,Hmuh fuh hlau hian khawi ah mah ralmuang in ka awm ngam ngailo,Min umzui ka beisei vang nilo in,Vawin ang khan ka hmachhawn ka hlauh vang zawk a ni,Mahse kum khat ka awm hnu ah pawh kan inhmu ta ngailo,Mizoram court biktan a thawk tawh ah ka ngai hmin hmiah.
.
Emily min rawn biak dan ah kha chuan min lo hmu hmasa reng tawh tih a hriat,Chu mai pawh nilo in Thanpuia zawk pawh khan min lo hmu hmasa daih tawh ang,Amah nen kan in hmachhawn rual a,Ka danglam ta vek pawh kha a lo hrelawk mai thei!
.
Awmze neilo zet hian Washroom ah chuan ka au chuak that a! Ka ngaihtuahna ata paih bo vang vang ka duh lai hian tilui ang hrim hian min rawn luhchilh ngut ngut thung si..
.
Washroom ah chuan reife ka awm,Nunphung pangaih neih ve ka chak tawh lutuk,He pa nen a kan hun hman dun reilote vang lek si khan ka na rei mah mah tawh,Nge ni a,A sawi ang khan keihian ka lo hmangaih hman tawh zawk! Kan hmangaih te vang chiah in kan na thei,Kan mi hmangaih loh leh ngaihpawimawh loh te vang in tu thinlung mah hi a na mgawt dawn lo tih la ka chiang..Nilo..Ka hmangaih lo..Hun tlem a ral leh a nga ka theiinghil ve thei mai ang.
.
Washroom ka chhuahsan fel meuh chuan a lo tlai mah mah tawh zawk,He lam inkhawm hi mizoram ang in zinglam ah kan nei ngailo,Chaw hnu dar thum a tang kan tan ve chiah thin,Hostel ka thlen hnu ah lah engmah ti zui peih lo in ka mu zawi reng zui a.Ka thuamhnaw bawm a tang ka hak tur chu ka phawrh chhuak sawk sawk a,Thil tih reng reng ah tlaibik nih hi ka duh ngailo.
.
Floral shift Dress ka khup chen che che a fual chu ka in thawlh a, Patsy Sandal chu ka bun leh bawk,An par deuh sep sep a chu hmuh an hahdam dun em a vang hian he thil pahnih hi ka thuamhnaw ah chuan ka ngaina zual.Ka sam buang thang chu ka thla hniang a,Ka hmai ah chuan tlem te tak tak in make up ka hmang bawk! Ka nun a mipa rawn lut thut hmachhawn tur nilo in ka kalsan tawh mipa hmachhawn a kal tur ka ni a,Mahni inring tawk ngawih ngawih tur ka nih lai in ka zam em em lawi a! Mahse tu hmeichhia pawh a niang mipa lakah kha chuan an zam vek ang,Mipa dang mai mai nilo in min hrechiang ngawih ngawih tu mipa anih vang pawh a ni mai thei.
.
Scraf hlai lote chu la in ka bag hrui ah ka suih a,Darthlalang hma a ka din leh meuh chuan keimah pawh ka inring tawk ve ta deuh.

Ka.phone a rawn ri a,Victor-a a nih vang in phone chhang pah chuan kawngka lamah ka chhuak zui nghal a,Mizoram ang chu nise chuan zanlam 7:30 p.m a ni tawh,Khua a thim chhah tawh ngawt ang,Mahse he lamah hi chuan a thim tan che che choh.
.
Gate ka chhuah rual in Victor chu a car ngheng in a lo ding ran tawh,Min hmuh rual chuan ban a rawn vai zauh a,Kan in hmuh hmasak ber tuma a hairstyle angchiah khan a sam dum hlap chu chunglam ah an chho sang a,A vun hi ngo hluak a nilo,Mahse a vun rawng a hang lo,Ka thutna tur a pawh hawn ah chuan ka thu lut a,Mi tamtak kan chungchang hre lo phei chuan inngaizawng ang in min ngai hial,Mahse kan pahnih in karah erawh chutiang thil engmah a awm lo.
.
"I hmel hmuh a nuam ta deuh!" A rawn ti sup a,Engine chu ti nung in a tlanchhuak zui nghal bawk.
.
"U Thanpuia khan i rawn kal ve dawn leh dawn loh min zawt leh a.." Victora vek chuan a rawn ti leh a,Ka in humruh vak ringawt,Eng chiah nge ka lak a tang a duh,Ka na ve ngei em tih fiah a duh hial zawk a maw ni?
.
A hna chung chang leh a tumdan thenkhat te min hrilh a,Kawngtluan chuan Thanpuia leh Emily chanchin kan sawi ri leh tawh lo,A tawng karlak ah nuihna tur a zep tel ziah a,Ka tan chuan Zonuni ai awhtu a tan Pathian min pek hi a niringawt,Kei hmeiche nelawmloh leh tawngkam bul zet bulah hian a awm reng peih a,Ka lungawiloh chang lah in vin nghek ka ching bawk,Chung zawng zawng chu minsawisel lo in.min en liam mai mai thin.
.
"I pa company zawmlo a,Medical lam i kal daih hi mak ka ti tawp thei lo.!" Min melh zauh a,"I pa hi chu ni ngat i la,Company enkawl tur in ka nawrlui ang che.!" A rawn ti leh chiam,Ka ner khum nawng a,Diktak chuan ka chhungte nen a kaihhnawih reng reng hi mi hran bula sawi chhuah hi nuam ka tilo,Ka nu leh pa ka an.loh thu sawi thei mihring phei chu hnaih loh hlawm tawp ka duh zawk.
.
"Damna hi a pawimawh ber a lawm." ka ti sep a.
.
"I sawi dik ve reng.." Zanriah kan eina tur hmun building kawt ah kan tlan lut a,A hmun a nuam in thalai tan han thut khawmuanna tur hmun a awm tha in emgkim felfai tak a enkawl vek a ni a,A lun em em reng zel
.
A hmun kan thleng a,Thanpuia leh Emily in min lo nghak tawh,An thutna lam pan chuan hnathawk pakhat in min hruai a,Ka taksa tang nghal tung chu duhlo in ka thaw deuh vak a,awmzia a awm em em lo.
.
Dawhkan bial kil a lo thu te pahnih ka hmuh rual chuan chi ai lo tur in ka infuih ru mawlh mawlh,Victora ai hian Thanpuia hi a u leh chhawng,Mahse a landan hi chuan an in kawm thei fu a ang.
.
Kan pahnih inzui lut min hmuh rual chuan a lo ding a,Emliy chu ka melh zawk a,Min nuihzat hmel a pu,Thanpuia erawh vawin tlai ang chiah kha...Min melh a,A mit meng kha zet leh min chingdarh vek a chak tih thup miah lo a min melhna vang chuan zam in khur hlawk hlawk mah i la tuman min dem.thei lo ang,Mahse mak deuh in ka khur miah lo,Chutiang bawk in ka taksa tang tung kha an bo vek! Hahdam deuh in Victor-a chair min pawh dawh sak ah chuan ka thu a,Mahni lu zo vah in an pahnih chuan ka hma chhawn ve ran a,Khawi lam a tang nge heng huaisenna te hi ka neih tih ngaihtuah buai chiam a tul ber lo.
.
.
"Kan chah nghal mai dawn mi?"Emily chuan zei zet hian menu chu a keu kual a,Vawiin chawhnu lam a zungbun bun kha a kuttang ah ka hmu tawh miah lo.Ka ner deuh sawk a,Ka lo buai vena tur a nilo lutuk.
.
Victor chuan a menu ken lai chu ka lamah rawn hnaihpui in eitur min thlanpui a,Tuna min ngaihsak dan leh a chetdan zawng zawng a vang hian lawmthu ka la hrilh ngei ngei ang.
.
Kan eiduh zawng theuh kan chah a,Thanpuia leh Victora chu eng eng a maw sawiin an tawng zawm mawlh mawlh,Sumdawnna lam kaihhnawih ah hi chuan sawi ve zauhtur tak ngial pawh ka hrelo,Thanpuia a bul chet a thu hmeichhia chu ka melh leh a,A kut chu Thanpuia taksa peng khawi a maw berah awm reng,Mipa te thusawi chu a zawm ve zauh zauh a,Kei erawh ka neilo ang hmak in ka thu thung,Ka duhdan a ni daih zawk.
.
Ka huphurh ang em em in engtin mah Thanpuia'n min tilo,Chutiang bawk in ka tan a hriatnuam lo tur engthil mah sawi anei lo bawk,Mahse.. Duat hmel zet a Emily melh chung a nui te,Dawhkan chunga Kut invawn sak ti tih a an awm reng hmuh erawh thil nuam a ni chiah lo,Amah ka melh apiang in hriatthim har zet in min lo melh ve reng zel a,Eng ah mah ngai lo ang a ka hawisawn rual apiang in ka taksa ah danglam a awm zel thin!
.
Ka wine in na glass chu ka nawrsawn a,Zan darkua a pelh tawh a vang in Hostel lama let leh tawh ka duh,An pathum chuan ka thawhsan a,Washroom ah ka kal dawn tih leh kalsawn ka rual a,Restaurant chhung eng dul ruih hnuai ah chuan washroom lam pan in ka kal nghal vat vat,Ka hnung lam za mer mer a tang chuan min en zui reng tu an awm tih ka hre thei!
.
Thawk ka la ham ham a,Hahdam tak in ka hmachhawn takna a,Engtik lai atang khan nge ka taksa a lo tan leh hman tak em em ka hrelo,Chutiang bawk in zan in hian eng vang teh chai a keini pahnih min sawm chhuak hi nge an nih ka hrehrep lo bawk.
.
Washroom a tang ka chhuah leh rual chuan Thanpuia leh Victor-a chiah an lo thu tawh,Emily hmel hmuh tur a awmlo.An no ah chuan whiskey an lo thilt belh tir leh ve ve a,An bula ka thut thlak rual chuan Vic-a phone a rawn ri ve chiah.A kekawr ipte a tang phone chu la chuak in min melh zawk a,Thanpuia chu melh leh in call pawimawh anih vang in a kalsawn zui nghal a.Thanpuia nen chiah a dawhkan khat kil dun chu thih hreh in ka hreh,Mahse tihtheih ka nei der mai silo.
.
.
Hahdam hmel zet a thu in Whiskey no chu a dawm kang a,Kei erawh thiltisual tu ang maiin ka thu kun lap thung.
.
"Enge ka sawi kha?"
.
Tu zawk mah tawnglo in kan ngawi dun char char,A rawn tawng deuh thut a vang chuan ka la phu dawr zui.Ka dak chhuak a.
.
"Enge i sawi?" ka ti hu a,A chhan chu kan luhtirh a tang vawi khat pawh min la be lo,Victora nen chuan sumdawnna chanchin sawi in an tawng teuh,Chung an thusawi te lah chu a eng amah ka hriatpui ve der mai silo a.
.
"A ni kha hnaih suh ka tih kha.!" Bul hmuk hian a rawn ti a,A whiskey in mek a vang a hmui hnawm chep chu a liah huh belh zauh bawk.Kei erawh a thusawi a vang chuan ka nui chhuak hak thung,Zahna tlachham lutuk,Nupui a nei tawh chung pawh in ka mipa hnaih tur leh hnaih loh tur ah thleng thuneih a la rawn tum a! Mihring pawh ani hrep lo e.
.
"Ka buaina tur a nih chu!" ka ti ve hmak,A hmazawng aiin min melh rum,A kut phah hrawlpui chu a hum ruh a, Eng dul ruih hnuai a a bek ruh pawng tawlh tawlh a vang chuan ka mur sung sung thei,Mahse hlauhna chhan tur ka nei in ka hrebik lo!
.
"Hruaite..sorry lutuk,Tunah hian emergency meeting nei tur in Hotel lam ka pan nghal a ngai dawn!" Victora rawn let chuan a rawn ti zung zung a,A hmel landan chiai ru zet ah chuan a hna kalpui mek ah buaina anei tih ka hrethiam nghal vek.
.
"Kal tlang rawh,Hruaitei chu ka lo thlah mai ang!" Thanpuia chuan a rawn ti vut ,Ranglutuk in a lam ka hawi nghal dawr,Min melh lo in a ban a sana chu a lo.melh daih zui a,Victora lah hnar a hlit phawi ang huai in a rawn thaw chhuak hawk thung.
.
"U Thanpui i lo rem chang hlauh chu ka lawm tak zet..Hruaite pawi ka ti..Mahse ka tlan nghal angai.!" Chair hnung lama a jacket ban chu a lakang a,Chelh luih chi a nihloh zia chu mimawl ber pawh in an hmu thiam ang.

Vic-a chu chakzet in a kal chhuak a,Ka hawi let a,Thanpuia hmel tak run ka hmuh rual chuan ka mangang ru tak zet! Ani hian min thlah luh suh se..Uber ka call mai ang,A bul hnaih a awm ka duh lo.
.
Min melhna lasawn miah loin a kuttang hrawlpui chuan dawhkan a Whiskey no a hum a,Ka thaw nghal dep dep ringawt,No chhunga awm zawng chu a lem vek a!
.
"Ih..Min thalh suh..uber ka koh mai ang.!" Ka tih hnawk niai,Ka bag a tang phone lak chhuah tum in ka zen nghal rawk rawk a. Min tihnat chak ngawih ngawih tu nen hian second khat lek awm dun pawh ka tan chuan chatuan tluk a rei ani..
.
"Tum buai duh suh..I kal hman chuan min rawn zui rawh.!" A rawn ti hmuk a,A thutna atang tho chhuak in a pawn lam pan chuan a pen zui nul nul a,Thinrim lutuk hian ka melh zui nghek ringawt.Khawnge a hmeichhe rawn hruai ve pawh kha a kalbo teh hrep ni! A ni kha lo la awmse zawng tun hun hi kan thleng lo tawp ang.
.
.
Pawnlam pan chuan ka pen ve a,Kawtah chuan bang ngheng in a lo ding run,A kut a zial ken lai chu duhthawh zet hian a hip lut kawk a,Min en ve lo,A hnar a tang zial khu chu a chhuk ham ham,A hma zawng khan zial a zuk ka hre ngailo,Chiang zet in a hmel engin a chhun en raih chu ka melh a,A mit khur thuk deuh dak leh tun a landan rum em em mai hi a inzawm vek tawh hial in ka hria,A hnarngul sang vah a tang a hmui sexy zet ah ka melh thla a,Pathian in mipa a siam zing ah hian a pa bik hliah hliah.
.
Bing tak in khawpui pe tuar lam chu a thlir dauh dauh a,Min huatna mit meng ka hmachhawn a ngaih tak loh ah chuan hahdam tak in a che vel chu ka en veng veng a,Kan inhmuh hnu hnun ber ai khan a taksa a cher tih ka hmu chiang ve ta chiah.
.
Ka pan hnai a,Ka thawm a hriat rual chuan rang lutuk in a rawn hawi let a,Ka mit ah tak a rawn en,A mit mengah chuan enge a ngaihtuah tih ka hre thei lo,Mahse.. Min huatna mit meng kha abo tawh.
.
A rawn thaw chhuak hawk a,A hnar a tum zui dat,A zial ken lai chu nawrhlum in a piah deuh bawlhhlah bawmah a vawm lut a,Tunah tak khan a awmdan phung a hlauh ve hial in ka hria.
.
"Security in car a rawn la chhuak dawn.!" a rawn ti sup,Min hnung chhawn in a din leh tawh a vang in ahmel ka hmu thei tawh lo.
.
Reilote hnu ah parking lam a tang Car a rawn tlan chhuak a,Thanpuia chet hruat dan ah a car a nih ka ring ve ri gawt,A car ka ti takna a,A hnathawh vang hian a thlenna hmun a piang ah Car leh a hotel awmman zawng zawng hi India sawrakar in a tum vek,A kalna a piang a ahman tur in Car pakht hi an dah tawp,A hna hi hna satliah nilo in National Lawyer hna a nih miau a vang in India ram sawrkar tan hian a hlu vet vet lutuk.An zah a,A mamawh tur a piang chu an chhawp chhuah sak zung zung thin.
.
Car chu a rawn ding dat a,Hnathawk tu chu a rawn chhuak a,Thanpuia chuan tips pe in ka thutna tur lam chu min pawh hawn sak vat a,Nuam ka ti lo,A hnung lam kawngkhar pawh hawn a thut luh daih mai ka duh.
.
"Lu rawh...hun ka ngha lo a nia.!" A rawn ti nghut a,A hmelah chuan tawi khawmuan a duhloh zia leh nin hmel zia rawn lang chhuak hial thei!
.
Timdai hian ka thu lut a,A rawn nem khat zui nghal vat,Car chu kal hual in a rawn thu lut a,Boruak chu a uap nghal chur,A kutphah hrawlpui chuan steering chu a hum a,Khawnge Emily kha tia zawh tak ka duh,Mahse a hmel landan ah hi chuan min biak a chak hlawl lo tih a lang reng.
.
Ngawingur in car chu a khalh,Motor dang tlan nuai nuai karah chuan a inzep lut a,Keipawh in pawnlam chu ka thlir dauh dauh,Tun ang hian motor khatah kan chuang dun leh ang tih tak ngial pawh ka suangtuah ngailo,mahse tunah chuan suangtuahna mai nilo in a takah..Motor khat ah kan thu dun leh reng tawh.
.
"Ngatinge i chhungte bulah i let loh a?" A rawn ti sup a.Ka thutdan chu siam rem in ka melh zawk a,Min lo melh ve tawh lo,Hmalam a melh leh run tawh.
.
"Zir nasat ka ngai lutuk a.!" Ka ti ringawt,Ka let loh chhan thudik tak hrilh chiam ka tum bawk lo,A bu nghut a,Engmah a sawi zawm tawh lo.
.
Khum ah chuan ka mu zawi hnawk a,Hahdam zet in ka thaw chuak siai siai..Ka thei..Nie.Zam chhe lutuk lo in ka hmachhawn thei ta! Chu tluk a ka tan a thil lawmawm a awm lo.
.
Kawngkhar a rawn inchum ri dawt dawt a,Chiang mang lo hian ka meng siar siar,A ai a nasa in a rawn in chum leh a,Ka inperh tho zawk hi a ni ber,Pindan chhung lo thim tel mup a vang chuan ka mangang zual,Kawngkhar chu chum mai ni tawh lo,A chhuih hian a rawn inchhuih ri tawh zawk! Khua a la var lo,Ka mut fel hnu a tang darkar tam a la liam bawk lo.
.
A rawn ri leh bur a,Mahse tawng ri ka hriat tak a vang chuan ka thaw chhuak vak a.Ka chil lem khawlh in kawngkhar lam chu ka pan a.Hawn tur a ni em tih ka hrethiam lo,Zan lai a pelfel awr chiah.A rawn rik leh pawp tak ah chuan ka hawn ngei ngei angai tih ka hria,Kut thawh pawh ngaidawnse inring nghal ran hian kawngkhar kalh chu ka pawt hawng a,Kawngkhar hawnna chu tha khur der der hian ka herh hawng a,Ka thil hmuh a vang chuan ka a lo chauh.
.
"Bawihi..!" Phelh nuai a ka hming a lam rual chuan a rawn awn ruai ruai a!A taksa liapui chuan min rawn bawh nghawl hnawk,Vanneih thlak lutuk in kawngkhar hawnna kha ka lo la chelh hman! Mahse ka tlu lek tho.
.
"Eng thil nge i hriat a?" Ka tawng hlei theilo,,A ni taksa lian leh hrawl lutuk,Chet pawh che thei hlei lo in min bawh a,Keilah ka nute ve ropui si, Eng eng amaw ti in kawngkhar chu ka nem khar a.Ka dar ah chuan a khabe a nghat,Engmah a hrezui lo tih hriat zet in a thaw nghal sawk sawk bawk.
.
"Thanpui...Harh teh!" A hnung zang ah chuan ka beng thawk thawk,Harh chu sawiloh tui tak a muhil hi a ang ber tawh.
.
"Khum saw i thleng zo a ngem..Keimah chuan ka hnuk thleng zo dawn lo che!" ka ti leh halh a,Tunah hian thimrim hle tur ka ni,mahse ka thei lo,Zurui chathla hnawk khawp in zu a in ngai ka hre lo,Nichin lawk pawh khan whiskey chu a dawm ve ngei,Tun ang a awmna khawp tur a tling lo.

Pindan chhuat lai tak ah chuan kan ding reng,A tluk mai lohnan a taksa lianpui ah chuan ka ban pahnih suih zawm in ka kuaha,A harthat lai pawh a ka zawh ngailoh tut hi harhfim lo leh mahni pawh inasa seng thei lo in a rawn awm a,Buaipui ngaihna vak ka hrelo,pindan zimte chhunga ka khum thlenpui tur takngial pawh in ka tan chuan a harsa mah mah.
.
Khum ah chuan ka nem mu hnawk a,Chhuat ah thu thla in ka thaw nghal kawk kawk! A rit lutuk.
.
Ka pan hnai a,A hmel pa zet leh chauh hmel zet chu diptu awm miah lo in ka thlir reng! Thlir mai duhtawk lo in ka kut ka lek chhuak a,A sam hnim ve tak nem thep lawisi chu ka khawih a,Ka mittui a rawn hnai kuar ringawt! Kum khat hnu ah a taksa ka khawih leh thei ta!
.
Dimte in a hnarngulah ka kuttang in ka rin thla a,A hmui sexy zet leh lum ther ther ah chuan ka kut a chawl! Lo nat phah ngawih ngawih kha a awm reng a ni!
.
.
Inthing harh in ka tho a,A pheikhawk bun lai chu phelh in amut dan ka siam rem sak a,Ka mutna khum hi a lian lutuk lo,Thanpuia lah a lian in a hrawl ropui bawk si.. A chhe mai angtih ka hlau lek lek.
.
A taksa zawi leh rit bawksi ka buaipui fel meuh chuan ka thlan a chhuak hial,Khum bul chhuatah chuan chau zet hian ka thu thla a,Eng vang kher in nge tiang tak hian a ruih?Mipa mahni inthunu theitak kha a niin ka hresi a.Nge ni a,A nupui nen khan an inti thamlo zawk!
.
'Nupui' Nupui nei lai a ni tih ka lo theinghil hma tep a ni!
.
.
Ka taksa kang deuh nawlh ka hriat rual in taksa lumna in min ur ham ham a,Meng tur in tha ka neilo..Mang lamah ka lut leh riai riai mai in ka hria!
.
Dimte te a ka biang rawn chul heuh heuh tu a vang chuan mit ka meng a,Thanpuia hmel chiang lo zet in ka hmu,Ka beng hnuai a rawn tuai a,A mit meng thim map leh vawt raih ah chuan ka melh a,Dimte te in a kut chuan ka biang leh beng hnui lai chu a chul reng.
.
"Eng vang in nge min kalsan?" A rawn phun sup a,Ka harchhuak chiang lutuk,Ka che phat a,A lak atang tal sawn tum in ka sual nghal nghek,engtin nge ka bulah a lo mut ve theih..Hneh lutuk in a awm zawnah min kuah bet a,A bawp hrawl zet chuan ka ke lam a kheh bet zui nghal vek!
.
"Hmela..Min thlah rawh!" Ka tawng ring theilo,A awmah thawk harsa khawp in min kuah bet,Ka che laih laih a,Ka thaw tawk tawk bawk! mahse chhe te pawh in a in thlahdul miah lo.
.
"Min thlah rawh ka tih chu..!" Ka aw a khur dar dar,Ka thinrim vang nge a taksa ka deh vang pawh ka hrethim teh hrep lo e a.Ka tal a,Ka ban pahnih hman ngaihna awmlo khawp in min kuah bet! Tal buaiin awmzia a awmlo,A ngawi ngul,Mahse min thlah a tum miah lo.
.
"Bawihi...ka zawh che chu...Eng vang in nge min kalsan?" Thumal a tlem viau,ka dar tawn tawn ah a kut phah hrawlpui chuan a rawn tham a,Min nawr hla deuh bawk.A hmel ka hmuh rual chuan ka thaw chhuak nghal hawk thei..Hepa hian na a tuar ve! Min melh a, Chhanna a phut tih hriat zet hian a thaw sawk sawk bawk!