BITE ME BY Abbra Reo Ririni Khiangte (Completed)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

BITE ME BY Abbra Reo Ririni Khiangte (Completed)

Unread post by Ngaia » August 20th, 2017, 7:00 pm

BITE ME BY Abbra Reo Ririni Khiangte

(A chung a box number lang khi a next zelna aw.)





Ka taksa mak tak mai a rawn danglam avang chuan mit men mai ka han tum a. Mahse, ka thei lo! Ka taksa chu zawi hûih siin a rawn za mem em a, ka khur zui ngawt ngawt a, ka thaw kawk kawk bawk in ka hria. Ka taksa peng tin leh kawchhung lam thleng in a rawn za chuai chuai a... Tisa chakna nasa lutuk in min rawn tuam chhuak vek, ka malkar ah chuan mihring taksa lumna a awm tih ka hria...


Mit meng in ka chung a thil thleng mek chu hriat chian ka duh. Mahse, ka thei hauh silo, uar zet in ka *meichhiatna chu a sawngbawl a, tunge a nih ka hriat a ngai, tunge ka taksa khawih tu hi ka hriat a ngai..

Tui thuktak chhung atanga in hleuh chhuak ang maiin ka thawchhuak kawk kawk a, Chiang lutuk in ka meng nghal kawk bawk. Ka thinphu dup dup leh taksa thlan hnawm chap a vang chuan ka hui pap a!


'mumang mai a ni!' tiin ka in hrilh zui mawlh mawlh a. Ka hawi kual a, Ka mut pindan chu a ngai ang chiahin a lo la inkalh tha thlap, Dim light eng dul ruih chuan ka room chhunga thil awm zawng zawng chu a en kim thaw khat a, thil danglam engmah hmuh tur a awm lo.


Ka awm zawn chu dawmin thawk ka la leh te te a. Ngaihtha zan lo chungin ka mal inkar chu ka han khawih chhin a, ka hik chhuak nghal pup mai.


'Mumang nilo in a tak ngei a thleng tihna a mi?'

____________________________________

A link chiah tih loh hi chu khawiahmah copy/paste phal a ni lo.
A link share dan
https://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
http://www.storyfb.com



BITE ME
Chapter 1
Abbra Reo Ririni Khiangte
.
.
Ka piah lawk a mipa thil ei lai chu a thutna a tangin a tla hlawm tawp a, rang fein ka glass no ken mek chu dawhkan ah ka nghatthla a. An table lam pan chuan ka theih ang a chak in ka tlan nghal hlawk hlawk bawk. Vai pa, Kum lam pawh naupang tawh lo tih hriat ngawih ngawih chu restaurant chhuat ah chuan boruak kham lo in a tlu hlawm tawp a, a vial nghal ngawlh ngawlh bawk. A bul chhuat ah chuan thingthi ve nghalin ka kuai saisir a, tha tawpin a hmungzang ah chuan ka beng nghal dawp dawp a. Chumi hnu chuan kuai let lehin cpr ka pe ta a. Ka nute in a ni a palian ropui mai si, Karlo ah ka tha a zawi nghal der ringawt. Mi te pawh chuan min rawn bawr nghal tuau tuau a.


"Khawngaih in tawlh sawn vek rawh u, damlo hian boruak tamtak a mamawh!" Ka theih ang a ring in ka au nghal tawn tawn.Tun hi ka tan chiaina hun a nilo.

"He damlo ruala rawn kal hi in awm em?" Tiin ma hawikual a, mipui zing atang chuan ka buaipui pa rualtur vel hi a rawn pen chhuak, a hmel landan ah chuan a chiai tawk hle tih a hriat a, a meng phawk em em bawk.

"A taksa in a huat zawng thil ei a nei em?He tiang hian tum dang ah a awm tawh thin em?" tih chu ka zawt nghal zung zung a.

"Ka hrelo... Kei nen chuan sumdawnna chungchang ah kan inbe mai choh,"


"Hrep tak chuan!"

Mangang ru zet hian ka hawikual thuak a, Tu pawh mai chuan min rawn tanpui a hnehin lemchan en ang maiin min lo thlir thup a, Damlo chu thlek nawn lehin thawk ka la leh vang vang mai, ani pawh chu a hmai vun a sen awp awp tawh a. Boruak a hip lut lo tih ka hre bawk, Tun ah hian a nunna hi ka kutah a awm, a awma nem a thawklak tir ka tum ngial pawh in ka thei bawk si. Duh lo teh mah ila emergency in tracheostomy ka perfom mai a ngai dawn. Damlo taksa ah hian boruak a lut miah tawhlo tih lah ka chiang hle bawk si, Mahse he thil hi ka tih a, ka hlawhtlinglo a nih chuan he mipa hi ka tihlum ang a ni dawn. Chutih rualin tun ang a ka awm tir reng a nih pawh in a taksa a boruak luh lo avangin a thi dawn tho.
.
Ka thawchhuak leh hawk a, ka tihtur chu a nunna chhan tur a theih tawp chhuah a ni.

Dawhkan chunga chemte chu ka ban a, He chem hian a hrawk bawk hnuaiah lian lo te in ka zai hawng anga, Chuan, a kua ah chuan pipe ka rawlh lut anga, a thawkna dawt in kharphui vek tawh ah chuan boruak ka luhtir ang.


"PEN nei in awm em?" Ka ti leh tuar a, Damlo landan âtang hian hun tam ka neih tawh loh zia leh chiai hman ka nih loh zia ka hrechiang tawh. Ka bawisawm pa rawn kal pui pa khan a kawr chung chhung atang pen chu a rawn phawrh chhuak a, hun tam ka neih loh ang bawk in ka hlauthawng takzet! Ka taksa khur chu vawm bo daih theih ka chak tak zet. Pen chu ka ban a, ka hawng nghal rawk rawk bawk. Damlo hrawk ah hian he pen hi ka vit lut a nga,Ka thei ang ang in a taksa ah boruak ka luh tir ang a rawn thaw ve leh mai ang.


Ka kut lehlam in damlo hrawk chu ka dap kual a, a tisa nem lai ka zawn hmuh rualin chemte chuan ka tin zui ta vang vang a.

Mahse, chutihlai tak chuan aw hlauhawm zet mai hian, "Eng thil nge tih i tum a?" a rawn ti khawlh a. Chu aw thum leh nelawm loh zet ka hriat rual chuan ka hnung lam a tangin ka ban bulah kutphah hrawl pui in a rawn hmer zui chawt bawk. Dimlo baksakin a phih hian min phih tho nghal lawp a. Chu mai pawh chu a la duh tawk lo, sir lam ah chuan min nam kat leh nawk a. Ka pen hum lai hian ka chhun zui sawk lo choh..


Ka hawi chhuak leh chu khawvel a mipa nelawm loh leh chapo hmel ber hian thip zetin min lo melh run a, 'i rawn hnaih leh chuan ka phih sawm vek ang che!' ti ang hrim hian a hmel chu a rum ul bawk.


"Kha thil ti tur khan thiamna i nei em?" Min thamlo tih hriat ngawih ngawih hian a rawn ti leh zek a. ka thin a khei zak bawk.


Thiamna a nei tha zawk a nih chuan eng vangin nge a tir khan a rawn lan loh?

"Nurse zirlai ka ni, Chuan...!" Ka sawi zo hman lo, a lo nui hul hak a, a che deuh hruat ah chuan min rawn vai thlu tawp mai dawn a maw ka ti hman tawh. Mahse ka beisei loh zet in a kawrchung kil chu a phel ta zawk a. A kawr chhung pawh chu pawt hlip in chhuat ah a theh thla tawp a. Damlo let hlawm reng bulah chuan a thingthi zui a. Damlo awm ah chuan a kutphah hrawlpui chuan a nam ta a. Chutia thawk tir tum a damlo a nam mek lai chuan min rawn melh leh thuak a,A mit mu uk fiah zet ah chuan mawl min ti tih a lang reng.

"Ambulance call rawh!" Sehchil zet hian a rawn ti ta hmuk a. Ka lo nui hul hak thung. Tunah chuan mawl ka in ti ve tak zet.


Ka coat fual ipte chu zen in phone ka la chhuak nghal, atthlak lutuk in thil thlen tan tirh lai khan Ambulabce call nachang ka hrelo, inthiamlo ru zet in Ambulance chu ka call ta a. Kha palian-a paw'n hnehsawh zet in a thil tihlai chu a chhunzawm zel bawk a.Kei ai thlawt chuan tha a ngahin thiam thil a ngah zawk tih a hriat. Kar lo ah damlo chu a rawn thaw chhuak hrawih a, pa lian-a khan duhthawh zet in vawikhat a nam leh a. Mipui kut beng dar dar thawm in zawm nghal a. Ka awm a kut nghatin ka thaw ve huai huai tho
.
Keiin ka tha tawp hmang a ka thawk chhuah tir zoh loh laiin, ani pui hi chuan minute hnih pawh tling lo ah awlsam lutuk in a rawn thawk chhuah tir thei tlat. Vai pa lian zet taksa a tang chuan a let thla a, chhuatah chuan a zangthal zawng in a mu,Pawn lam ah ambulance thawm a rawn ri nghal ruai ruai a,Chung lam ding tak en reng tu chu mipui kar atang chuan ka melh reng, a taksa lian tak leh inthuamdan smart dangdai zet ah chuan mi satliah mai mai a nilo tih a hriat,Thawk la deuh ham ham in chil a lem khawlh,A chil lem zawng chuan a hrawkbawk a che ralh a,A kut phah dinglam chuan a chal chu a dawm deuh vang vang bawk! Eng dul lam lek lek chuan a sam dum hlap leh buk ve tak chu a chhun tle siar a,A thawk zawng a a taksa che kual vel ringawt pawh chu hmuhnawm tham a ni! Chhuat a tang chuan a rawn thu chhuak a,Damlo rawn zawn sawn tu te chu Hindi tawng in eng eng a maw a hrilh luam,Tu pawh mai chuan Hero melg tak hian an melh thup,Mahse,Chung mipui in an enna a vang chuan a chezia chhete in a danglam lo,Chhuat a a coat let reng pawh chu a hre tawh pawn ka hrelo.
.
Ka in her a,Ka thutna lamah chuan let phei leh in ka tui in bang zawng chu ka lem nghal pap,Engtin nge kha tiang thil hlauhawm lutuk kha hmanraw tha awm miah lo a tih ka tum theih zawk? Lo ti in hlawhtling pawh nimah i la,Ka license in a tuar thei..
Ka zirna hospital in an hria a nih phei zawng in ka hmalam hun a tan a pawi viau thei!
.
"Kha thil i tih rual a i chunga thil thleng tur i hria em?" Kha aw ngainat awmloh zet bawk kha,Ka hnung lam a tang a rawn pen a,Ka hma a thutna ruak ah chuan a rawn thu hmuk .Mak ti lutuk hian ka lo melh reng.


"Mizo i lo ni ve leh zel a!" Ngeina zet hian a ti leh sup, eng vang a tawngkam na tak tak a min tawng khum fuk fuk nge maw a nih le?Nichin khan mizo a nih ka ring lo reng reng,A hmel landan ah pawh mizo hmel a pu ve lo.Eng tin nge mizo ka ni tih pawh a rawn hriat zawk ni?A kut phah pahnih chu suih zawm in dawhkan chungah a rawn nghat a,Enge ka hriat pawh ka hrelo,Dawhkan chung a ka kut chu rang zet in ka mal chungah ka dah thla a,Enge a maw sawiin phun zui hluk.
"Engmah a thleng lo chu a nih kha!" ka ti a,Hnam dang kara mahni mizopui ngei hmuh a thlamuan thlak teh reng nen,Tuna ka mihring hmachhawn ve hi chuan tang tung in minsiam,Chulo ah mizo hmel nilo in khawthlang lem leh India thalh pawlh hmel a pu,A hnar ngul sang leh sei lam deuh a vang chuan India mi ni awm tak zawk a ni..
.
"A thleng thelh!" a rawn ti ve khauh,A sawi dik,A thleng thelh,Chem khan lo zai hawng ta ngawt i la..Ka ngaihtuah zui ngam lo.
.
.
"Ka dawhkan min tawm tur hian ka sawm lo che!" ka ti ta zawk a,A mit ah tak ka melh,A biang a hmul to siar siar a vang chuan a kum zat aiin a lan(g) upat ka ring ngawt.
.
"I mi nghah ka ni zawk mai thei a sin!" Zawi sup a rawn tiin ka lam a rawn hnaih deuh a,Ka ip nghal chawi,Nui suk in ka hnung lam a melh a,A ban ding lam a phar chhuak zui nghal zat,A taksa lian pui che kual vel hi hmuhnawm tham a tling hial in ka hria,Mizo a tan chuan a palian mah mah!
.
"Ka sawi dik in ka hria.'" Amah vek chuan a rawn ti leh sup a,Ka tawng ve hma in ka hming ngei a min rawn kohtu aw ka hre nghal vat,Ka ding a,Ka au nghal tuar hi a niber.
.
"Nute...!" Min rawn kuah a,Keipawn ka theih ang a nghet in ka lo kuah let,A rimtui in hnawih chu kan hip lut vang vang a. "Ka ngai che!" ka ti zuai raih.
.
"Keipawn ka ngai che..!" a rawn ti a,Ka nu nau,kan in a cheng ve thin,Ka nu ai mah in a bulah hian hun ka hmang tam zawk!min kuahna a phelh a,ka taksa chu an thlek kual leh vang vang phawt a.
.
"I cher deuh in ka hria..In ei thau i ngai a nih hi."a rawn ti,Ani hi chu mipa mit la tawk tur tak mai hian a khal a,A awmbawr a kawh lah bawk.A thusawi a vang chuan ka nui hak a,Amah pawh chu a nui ve tho,Kan hostel chaw tuiloh zia leh vai rimnam hlir ei ngawr ngawr a thau harzia chu a awm a te choh in kan hria ang! Nutei zawk chu a rawn harh chhuak hmasa.
.
"Mate..Hei hi Thanpuia." mit min rawn sia zauh in kan hma a mit la sawn miah lo a min melh ngur tu mipa chapo-a lamah khan a ban a lek chhuak zauh a,Ka thaw chhuak nghal hawk thung.He mipa chapo leh tawngkam bul zet hi Nuteii'n a chanchin min hrilh reng thin leh a atchilh em em thin a kha maw lo ni a??!
"Atthlal lutuk."
.
Nutei chu Thanpuia bulah chuan a thu thla a,Kei pawh ka thutna ngaiah chuan thu in Nutei hlim hmel lutuk chu en in ka thaw leh hap thin,Thanpuia lah chuan hlauhawm khawpa chik hian min la en reng.
Nichin mai a min tihdan leh dimlo baksak a min phih kual dan kha ngaihtuah let in ka thinrim tun bawk!
.
"Oh..Mahse..Engtin nge dawhkan khat in lo kil dun theih?" Zawhbik nei lo hian min melh dun zoh a,Dar ka kan ak,Thanpuia lam chu a hawi deuh ha a,Lawyer hmel awm reng a pu! Ren run a na.
.
"Mizo hmel chu hriat a awl sam em a lawm." Min melh run chuang chuan a ti a,Nutei zawk chu a bu zoh,A nelawm loh nasa mai sia ,Engtin nge Nutei hian a duh em em thei zawk le.
.
"Keihi Remlalhruaii (Hruaitei) ka ni a,Ka nu leh pa fa mal niin,tunah hian Chennai ah nurse zir in ka awm mek,Hostel lamah awm ka nih a vang in duh hun hun ah ka chhuak ve thei lo,Mahse vawiin hi Chennai a Mizo bik thil tih khawm ni a nih a vang in Hostel lamah hruaitu ten ngenna an rawn siam a,Kan Nursing school a mizo tamlo te awm ho zawng chu kan kal chhuah an phal,Reilote mizo thil tihkhawmna ah chuan awm ve in ka nutei,A dawr bungrua tur la a rawn kal hmu tur in ka kal chhuak leh nghal daih.
.
Nutei ka tih a vang hian senior deuh turah in lo ngai a nge,Hnai lo! Nula kum 27 bawr vel,Mahni lu zo veh vawh tak leh insukaw zo tak a ni,Amah leh ka nu chiah hi unau an ni a,An kum erawh a in thlau hle,Kum20 ngawt in an kum a in thlau,Kan in lamah a khawsa ve mai bawk.Ka hriat theih chinah ka nu nen aiin ka nutei nen hian hun kan hmang tam zawk,Ka tet deuh lai phei chuan 'Nute' ti a koh lo in 'Becca' tih hlir in ka koh thin, Keipawh thla leh lam ah chawlh hmang in ka haw ve thei ang,Ka pa hi Khampat pa hausa niin ka pian ve hma hian Mizoram lamah a in sawn a,Chutah chuan sumdawnna bul tan in tun thleng hian kan la awm ta zel,Ka nu te lam pawh hi an bul ve ang reng,Ka nu leh Nutei tawp hi an ni tawh,Ka pi leh pu ten an boral san tawh.Ka nu te lam erawh chu Mizoram chhim lam khaw chhuak anni ve thung.
.
"Mate..Enge i ei ang?" Menu keu kual dalh dalh pah chuan Nutei chuan a rawn ti a,Hmeichhe hmel tha ti a sawi chim tur a nilo,Mahse a hmel landan a zahawm bak ah,A mit meng fing zet leh inrin tawkna a khat vang hian a hmeichhe thian tam tak te hi a thuhnuai ah a dah thei tlat.A tawng zawng a a hmui sen ver vawr che kual vel hi hmuhnawm ka ti thin,Zir sak vak chang lah ka ngah.
.
"Eng pawh a ni mai!" ka ti a,Thanpuia zawk chu a ngawi ngul, a awm ve vang hian ka phurna a reh vek! Bialpa emaw,Pasal ka nei dawn a nih chuan ani ang hi chu ka nei dawn lo bur a ni mai.
.
Ka nutei bulah thil tam tak sawi duh ka nei,Mahse,He mihring vang hian engmah a sawi theih lo,Hmeichhe zakzum tak ka nilo,Ka hma a tihtur awm ang ang chu magni inring tawk tak in ka ti vek thei,Mahse..Nichin mai a thil thleng vang leh,Ani min tawngkhumna vang khan a la ni ngei ang,Ka taksa chhung hi a khur deuh dar dar reng.
.
"He ta tang in Hostel a hla em?" Ka thil ei lai chawl in chiang zet in Thanpuia chu ka melh kawk,A mit mu uk fiah zet chu a thim deuh ruih,A kut tang hrawl pui pui chuan awmze nei deuh in dawhkan tlang chu a khawng keuh keuh a,Ka thu ni ngatse chuan kan bulah hian zanriah a kil ve miah lo ang,Oh chuan, Hostel awmlai ka ni tih pawh a hria maw?Nutei chu ka melh a,Ka chanchin ka hriat ngailoh in an hriat hi ka duhlo.
.
"Aw..Ka hrilh a nih kha,Chennai ah hian karkhat thamah a la awm dawn a,Keilah naktuk lam ah ka thlawh let leh a ngai sia." min tlawn tih hriat zet hian a nui zui a,Mahse ka melh nghek tho,Nutei leh ka nu hi chu hmeichhe tawngduh ve tak an ni,Kei erawh chut tih ka hlawh fo,Ka tawngtam lo lutuk hi thian ka neih loh phah,Mahse tawngtam hlawkna ka hre miau lo.
.
.
"Hla lo..!" ka ti sap a,Nutei zawk a rawn nui chhuak hak hak.
Attachments
bite me.jpg
bite me.jpg (70.54 KiB) Viewed 148847 times



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 20th, 2017, 7:00 pm

"i chhang tlai lutuk a," Thanpuia melh ralh pah chuan a nui leh sei a,He nu hi chu a zei a ni! Mipa hian an bawr ve tawk bawk, Mahse chung mipa tha pui pui ai chuan he Lawyer tihmawh hmel zet hi a duh miau a.
.
Thil ei zawh chuan kan kal chhuak a,Hostel ka pan chhung nen chuan khua a thim chhah hman viau ang.
India ram khawpui ah chuan office kal lam leh hawlam hun hian traffic a tam em em a,Hahthlak khawp hian horn an hmet ri tuar tuar reng bawk,Mizoram ah chuan Traffic a tam viau pawn horn an ti ri ve tuar tuar ngailo,Vai ho hi chu horn in awmzia a neilo tih hrereng mahse an hmet chiam chiam zel a,He hmun ka awmtirh phei kha chuan luna bur hian ka awm thin,Khaw lum hi chauh puih tham a nih viau laiin a ri thei tih vang in an car/auto horn hi an hmet chamchi reng,He vang tak hian ka kalchuah tamloh phah.
.
"Mate..Amah hi a lawm kan lawyer chhelo a chu!" Nutei chuan ka beng bul a rawn phun sar sar pah hian min rawn kuah a,Thanpuia zawk kha chu kan piah deuh ah ding in phone a hmang.
A chhiat lohna ka hrethiam lo,Mahse a sang tha,A taksa lian leh hmel lang sar zet a vang chuan a zun a uai chu a na khawp in ka ring..Ka insawi tel ve lo a nia.
.
"A hmel saw...A Hitlar tawp!" ka ti hlak a,Nutei chu za zet hian a nui nghal awr awr,Keini min hnung chhawn chuan a ding,A kut vei lam a kekawr ipte ah a zen lut a,Nichin khan mizo a nih ka ringmiah lo pawh kha ka thiamloh faivek a nilo,A Hindi hman dan leh awphawi kha India mi tak tak ang chiah in a dik,English a min hauh hluk hluk pawh khan a tawngthluk ah mizo a ni tih rin ngaihna a awmlo hrim hrim.
.
"Sawiselna tur i hriat ka ring reng a." a ti,A rawn thawh chhuak ham ham a,Min kuahna chu phelh in Thanpuia lam chu a tlek zoh,Nutei mit meng a tang hi chuan Sawpa lakah sawn a luangliam hneh hle tih a hriat.Nilo..A mit men mak nilo in kum 2 liamta a tang khan he Lawyer pa chanchin hi a lo sawi tawh thin,Ka ngaihven zawng a nih lemloh a vang in ka ngaihthlak liam sak mai mai thin a,Mahse,Tun thla hnih thum liam ta a tang khan hun an hmang dun ve zoh zoh thin tih min hrilh,In ngaizawng pangai an ni em tih erawh ka hrelo.
.
"A duh ve che em?" ka ti a,A hmui sen vam ham chu a pet sawi nang."Ka hrelo,A rilru saw ka hrethiam lo,Ka duh tih a in hria a,Mahse...!" a rawn ti halh a,Kei erawh in Nutei chanchu tlawm thlak ka lo ti tak zet thung,Ka ngaih ve dan chuan engang mi pawh ni mah i la,Min ngaihsakna nei miahlo tu leh kan laka rilru pe thei miah lo chu ka hnaih ngai lo ang.
Ka chapo mah mah pawh a nimai thei,Marawh chu tupawh hian hlutna kan nei a,chu kan hlutna min zahsak lo tu leh min hmuh thiamloh sak tu nen a inzawmna neih chu ka duh ngaiin ka ring lo.
.
"In rawn chhuak dun bawk sia,A duh ve deuh che niang."ka ti sep a,Mahse a rilru nawmnan a sawi mai mai ka ni zawk mah.
.
"Nise ka ti...Mahse a hna vang in a rawn kal a,An meeting zo a thlenna Hotel lam a let lo tur in ka hrilh a,Kan rawn kal ruallo,Kan thil eina ah khan a awmsa tawh zawk,Meeting an nei a." a ti leh sep,A hmelah chuan thil pahnih a lang, Thanpuia lakah a beidawng ngai dawn lo tih leh, Thanpuia a neih theihnan chuang eng thilpawh tih a huam dawn.
.
Hostel ka let leh chuan ka thian dang te pawh an rawn thleng khawm ve tak tak a,Nutei sawi dan kha chuan zan in ah Thanpuia Hotel thlenna ah a riak lut ve dawn,Chuan naktukah chenai chhuahsan in a thlawk chhuak ang,Ka Nutei mahnise,A chetdan thenkhat hi mawilo tih ka ngah,Mahse sawisel sak vak ka tum lem lo,Puitling a ni tawh a,Kei naupang ve maiin a nun hmandan ah comment lo pekve vak pawh kha thil mawi ber a nilo. Eng pawh nise,Kha mipa chapo hmel zet leh hmel nelawm lo zet zuna uai kual vel mai mai tur chuan a tha mah mah in ka hria.
.
"Remlal-hruai,Nangmah vang in Sammya'n min treat lo a nia aw." Zonuni chuan khum a ka mu chu min rawn beng taih a. "He pa hi chu a ninawm lam deuh,Mahse chhang vat teh,Nang nu vang hian min tibuai lutuk!" A chapal tlawh thlak pah chuan a rawn ti leh zat zat,Ka khum ah chuan a rawn lawn kai ve a,a thusawi chu sawizui pui ka chak lo.
Ka sawi ang tak tak khan,Traffic ah darkar khat ka tang,Khawlum leh boruak uap lutuk ai kham Car/ Auto horn ri ruai ruai reng khan min ti chau zawk,Ka beng ah te hian an la khawk rum rum thei in ka hria.
.
"Ka biak che chu,i kal hnu khan a zawng hrep che a lawm!" A rawn ti leh a,ka rum tiah tiah ringawt.
Ka hmel hi hmu thei ngat i la chuan,A chul bul ka ring,Boruak bawlhhlawh vang hian kuttin te hi an bal hma in hmai te hi an ngap hrup zel thin.
.
"Nang chu niila ka chhang tawh ang." A rawn ti leh a.Ka nui ringawt.
.
Zonuni sawi hi a dikna chen a awm,tun hi kum2 ka zirna ani ve tawh dawn,Ka first year a tang khan Sammy hian min ngaihven tawh,Keipawn ka ngaina,Mahse thian ang bak in ka ngaina lo,He tah university a kal a,An chhungkaw khawsak phung pawh vantlang chunglam a ni.Keiin a lakah rilru ka pek theih hlawl loh a vang in ka thiante chungah a tuan a,Hma lakpui tur in a lo ngen char char hlawm, Hmai chhan ah pawh thian ang bak a ka en theih loh tur thu ka hril vek tawh,Mahse a beidawng duh miau silo a.
Hmeichhe Romantic lo leh he lampanga tawnhriat la nei miah lo ka ni,Ka hmuhzawh loh vang erawh a nilo,High school ka kal ve lai a tang tawh min be ve reng tu an awm,Mahse,Ka thian ngaihzawng nei te awmdan ka en a,Reilo te chu an hlim,An kawppui te nen pawh an in thlahlel ngawih ngawih hlawm,Mahse,Thla hnih khat lek ah midang an in kawpsan loh leh mu mallo zet in an intawp san leh a,hlim tak a inngaizawng tluantling hriat ka neihloh vang a ni pakhat,A dang leh ah chuan ka duhthusam mipa ka la hmu ve lo!
.
"I muhil a mi?"
.
"Ai...Tinge?" Ka ti a.
.
"Keichu ka thil zir hi ka tui hlawl lo,Ka nu leh pa ka hlauh vang in ka zirve mai mai a,A chang hi chuan ka ning lutuk leh manlo bik lutuk hi tlanbo mai te ka rilruk thin!" A rawn ti sep a,In let in a lam chu ka hawi,Khum chhawng a mu kan nih a vang in kan chungchiah a khum indawh chu a melh ngawt ngawt a,Ka khum a riah dun chang kan ngah.
.
"Ka chak zawng ang in ka awm ve thei bawk silo a.!" A ti leh halh a,Hnem dan tur ka thiamlo,Ka kuah a,Ka kut chu a rawn vawn hnan,Zonuni nu diktak hi a boral tawh,Tunah hian nu hrawn a hrawn mek a,A nu hrawn in dahbo a duh lutuk a vang in a tuilo chung nurse zirtur in a nawr lui a,Zonuni pa lah chuan a fanu hmakhua a ngai tak tak a maw tiin a nuhrawn thurawn chu a la duam duam bawk si,Zonuni nuhrawn thil tum ber chu an hmuh phak loh a Zonuni awm tir hi a ni,Zonuni pa nen hian fanu pakhat,tawngthei zet leh kum phu lo a nulat hre hma an nei a,chu nu chu hmuh hreawm khawp hian a duat thin.
.
"Anu kha ka ngai thei a sin aw..Ani kha chuan zirtirtu nih ka chak dan te kha a hria a sin..Apa lah hi ka nu thu sawi a piang hi a zawm a!" A ti hlak,A tah chhuak aw ri chu thup tum viau mahse,Ka hriat hmaih lo.
.
"Haw pawh hi ka chaklo..Ka nau lah a tawng theiin min hekna tur a hre reng a!" A ti a,Tunah chuan inthup tum viau mahse a mittui in a nghawnga ka ban chu a rawn fawr lum pap a,Nghet leh zual in ka kuah a,A taksa che dar dar ah chuan a rilru chhung natdan tur ka hriatthiam sak,Tawngkam ka thiamlo,Tawngka in hnem dawn i la,Ka sawi buai vek ang,Chuvang chuan ngawireng a ka kuah hian ka hnem zawk.
.
.
Mit ka men rual chuan ka taksa na thum a vang in ka thawchhuak halh a,Nizan kan awmdan ngai ngai khan lo muhil tawp a nih hmel.
.
"Zo- Buai....Harh teh,Ka na vek a nia!" ka ti a,A rawn rum tiah tiah ringawt.
.
Dimte in min kherh behna bawp chu ka phelh a,Ka nghawng ah a ban in min kuah bet tlat bawk,Chu pawh chu phelh sak in ka thu chhuak a,Midang chu an la thawri sak sak hlawm,Washroom ah lut in ka in phih fai a,Dawhkan chung a ka Bible dah chu la in chang thui lote ka chhiar a,Ka tawngtai leh nghal bawk,Hei hi ka nitin tih thin dan a ni,Zingkar ah hian Bilble chang tawite tal chhiar in ka ni hman tur hi Pathian hnen ah ka hlan thin.Tawngtai tur hian mifel bik nih te a ngailo,Mi sual sual zawk hian tawngtai kan mamawh,Kan tawngtai ngaithla a min chhansak thintu pawh tudang nilo in misual te thian a nih tlat a.Chuvang chuan sual leh tha lo a kan in hriat viau chuan tawngtai ngei ngei tur.
.
Phone ka ban a,Message a lo awm nual,Sammy message leh min call na thenkhat pawh a lo awm,Ka vannei nge ka vanduai ka hrelo,Social network lamah hian ka chena lo,Whatsapp ka nei a ka duh tawk hle.Chu pawh Chenai ka awmhnu ah Zonuni'n min buaipuisak a vang in ka nei ve choh,Ka pa pawh in a tih thindan in Bible chang thuilo te hi min rawn thawn a,Min ngaihtawh thu a rawn sawi tel zoh bawk.
.
Ka nu leh pa hi an kum a i thlau ang reng,Ka pa hi chu a upa ve tawh,Ka nu erawh nu valai,Harh vang tak leh tunlai thalai mil a insiam rem thiamtak mai mi a ni, Ka nu leh pa ang lo tak in ka sam a buang thang a,Ka vun pawh a ngo lutuk lo,Ka nu erawh a vun a var sar bakah,Sam dum hlap a nei thung,Ka nu leh pa chhunna pakhatmah ka neilo ti ila a dik ang.
.
.
'What the *UCK night' Nutei thlalak min rawn thawn chu en in ka thaw hak a,Eng vang a he thlalak hi min rawn thawn nge a nih ka hrelo,Mahse ka hmai a sa tan tan.Thanpuia nen khum an la thawhsan lo tih hriat zet thlalak, Thanpuia zawk chuan mit a la chhing,A taksa hrawlpui lang thei chin zawng chu tihrawl in a khat vek,Engmah a inbel lo,Nutei pawn kawrbah pante choh a ha.
.
"In che na awm hle mai maw?" ka ti a,A fanu ka ni a,Ka lakah zep a nei ngailo bawk,A mipa lo kawp tawh leh zan lam a riah chhuah zeuh a ching tih pawh ka hria,Ka nu bulah thupsak tu leh chhuanlam siam saktu ka ni thin bawk. Min chhan let lehna ngaihven lo in Hostel kawt zawl lamah Yoga titur in ka kal chhuak ve nghal a.
Zingkar boruak chu motor khu leh factory a tang a boruak bawlhhlawh rawn chhuak in a tih bawlhhlawh leh hma in am tak hian ka hip lut ham ham a,Mizoram hi chu vannei tak kan la ni,Khua lum in nisa ve vul thin mahse,Boruak ah bawlhhlawh leng vel leh mihring tana natpui tham khawp a boruak tha lo a la awm ve lo,India ram khawpui ho hi chu Boruak hi a bal mai a nilo,A bawlhhlawh hi a ni tawp mai,tlailam ni tlak tawh hnu hian,In chhawngsang a tang lei lam hi han thlir thla i la,Mihring mal chen dawn zawng hi chu mit lawng in boruak dum leh bal hi a hmuh theih.Chu vang chuan zingkar boruak hi a hlu in am zet a hip luh kawk kawh hi nuam ka ti thin.
.
Nutei thlalak min rawn thawn kha ngaihtuah let in ka in thing nawk a.
Ka duh vang nimaih lo in chapo-a (?) hmel kha ka mit thla leh zawk thin..'Thil tha a thlen dawn hauh in ka hrelo!'
Ka hma hunah engthil nge ka tawn dawn chu ka la hrelo,Mahse,Ka pasal tur ngei hnenah lo chuan ka thianghlimna hi ka hlan dawn lo hul hual,Tun ang laiah hi chuan ngaihzawng te nen a hun hmandun mai hi an hreh tawh lo,Ka kawmve thin te ngei ngei ah pawh hian hriat ka nei nual,Mahse ka hmusit phah lo,ka sawi kha,Ka hmalam hun a ka tawntur ka la hrelo,Duh leh hmangaih ngawih ngawih tenen a awmdun a insum harsat dan tur erawh ka hrechiang ve thawkhat! A chhan chu medical lam ah hian kan zir ve nual tlat,Marawh chu chu thilchu hmachhuan a hmang a,chakna tihpuitlin phahnana hman erawh ka tum lo.
.
Hostel a ka let leh chuan Zo-Buaii pawh a lo tho tawh,A lo insiam tan mawl mawlh a,Kan hostel ah hian jeans kekawr tih te tun lai deuh deuh a inchei an phallo,India hmeichhe inthuam dan ang in kurta kan ha a,Kekawr tluan a hnuai ah kan ha leh thin,a duh in pawnfen fual pawh a fen theih tho!Chuan..Pawnlam mi,Mipa reng reng hostel leh a compound ah hian luhphal a nilo.Ka pa pawh lo kal mahse,A rawn lut thiang lo.Chutiang khawp chuan Nursing Home enkawl tute hi an tawhkhirh.
.
.
'Nizan ang kha ni reng thei se ka ti..I nu hrilh miah suh aw.' Message chu nui suk in ka chhiar a,A chena thawkhat ang tih ka ngaihruat thiam,Thanpui a lah kha insum thei vak chi a niin ka ringlo tawp,Chu ta karah ka nutei zawk lah khan a tan a in phalzia chetzia leh mit meng hmang in a tilang reng bawk si! Ani ang mipa hrisel that hmel tak tan kha chuan hriatloh der reng a har khawp ang.
.
'Ka ngaihtuahna zet chu...' Phone chu dahthla in washroom ah ka lut nghal a,Thla leh hian chawlh hmang in Mizoram ah ka let thei tawh dawn,ka nu leh pa zarah retheihna nun hrelo in ka seilian a,Sum tlakchham hreawm dan tur ka la hrethiam ve pahalo,Ka mamawh ai a tam sum hmantur in min vur reng a,Ka tana thil tangkai lo tak tak vang a sum sen chiam lah ka ching,Mizoram ah pawh ka pa hi pa lar leh thilti thei pawl tak a ni,keihian hna thawk ve miahlo pawh niila,Kan nghei dawn lo,Mahse,Chu mi vang ngawt chuan mumallo zet a nun hman ka tum chuang lo,Nurse hna hi ka tui a,Nuam ka ti bawk,Class xii ka pass rual khan he lamah hian Nurse zirtur in ka chhuk thla nghal vat a,Ka nu leh pa pawn min sawi sel chuang lo.
.
.
"Nu...P.G ah lut lo in Mizoram house ah ka lut a nga,Chuan shopping ka la ngai,Ni hnih hnu a atan ticket la zawk la." Ka ti a,Hostel a tang kan chhuak tawh dawn,Mizo bik awmna PG siam an awm nual a,Chu lam chu ka thian thenkhat te pawh in pan an tum,Mahse ka nuam tih zawng a nih ve loh a vang in Mizoram house lama awm mai ka duh zawk.Kan vannei a siam in thla khat dawn chawlh kan nei thei.
.
"Chuti a nih chuan Mizoram house lam ka lo bia ang,Ticket pawh chu kan sawi tha leh dawn nia." A rawn ti a,Ka veng hawk thei,Ka pa bul a sawi chu ni i la,PG lam a kal tur in min ti leh ngei ang!
.
Hostel Gate ah ka chhuak chiah.Uber Taxi koh in Mizoram House chu ka pan mai ang, Zonuni leh ka room tawmpui mizo pahnih dang chu PG lam ah an kal tawh,Naktuk zan ah Sammy-a in luah lamah chaw eikhawm kan tum bawk,Ka bag a tang phone la chhuak in Uber taxi ka koh thin number ka hmet chhuak a.
.
"I hman tawh a mi?" Chu aw vang chuan ngaihna hrelo zet in ka meng nghal kawk.
.
"Nang maw?" Ka ti a,A rawn then sak,Enge he tah a rawn tih,Ka nutei ho a kan in hmuh bak kha ka hmu zawm leh tawh lo,Ka nutei nen an awmdun lai thlalak erawh ka phone ah hian a la awm,Tul miah lo a,En let ka ching!
.
Athletic fit stretcher jeans a bawp sei thlurh ti lang chiang zual tur rawng dal lap a ha,Cotton a tang a siam,T-shirt pawl dal riai a ha bawk a,Ka hmuh hmasak ber tum ai khan tlem te in a hmel chu hmuh a nuam in a rum lo.
.
"Uummm...kei mah..!" Tlem in ka lam hnaih in a rawn pen hnai a,A inthuamdan haulam tak ang a lang chuan a ti lang zahawm ru phian bawk si, Chil ka lem khawlh,Chhan ka hriat thiam chiah lo in ka taksa chhung ah hian che dar dar a awm.
.
"Aw..!" Ka ti a,Min nuih zat tih hriat tak mai a,a hmui pet sawi chu ka melh a,Tunah hian he chapo-a vang hian ka zam ringawt tihna ami?A va atthlat ve! Ka awmdan mumal lo leh danglam ta hùi thupnan chuan phone chu ka melh a,Ka khut tha thleng in a khur.
.
"Ka rawn hruai dawn che." Amah vek chuan a rawn ti leh sup a,ka lungphu a rang sual sauh in ka hria,Mahse,Chu thilchu a ni hian a hre ve tur a nilo, tlema ka taksa tang deuh run chu thlah dul in ka dak chho a,Thla liam ta mai a,Kan in hmuh hmasak ber tum ang chiah khan min lo melh run,Ka sawi tawh em ka hrelo,A bianga hmul to sang hi awmlo se chuan tun ai hian a lang naupang leh zual ang.
.
"Engvang in?" Ka ti a.
.
Min melh ngur vang hian nuam ka tilo,Ka hriat ngailo a ka taksa chhunga che dar dar leh taksa tang run pawh hi ka duhlo.
.
"Zawhna ngah viau lo teh..I kalduhna sawi rawh,Ka hruai ang che!" A rawn ti,
.
A kut pakhat zawk a kekawr ipte ah a zen lut a,min chhuk melh run,Mahse ani nen hian inzawmna kan nei lo,Chutiang bawk in a hruai ngailo in Mizoram house awmna ka hria,Taxi in ka kal thei.
.
"Ka lawm e,Mahse keimah in ka kal thei!" Ka ti a,Ka nui lui sang bawk,Ka hriat chian hleih lo leh tawngkam nei bul zet bula awm hi ka chak miau lo,eng tin nge vawiin lam ah ka chhuak dawn tih te hi a lo hriat zawk ni?
.
"I kal theilo tih ka sawi awm ka hrelo." A rawn ti bul vut, a hmel tawhkhirh hmel zet leh thuduh tih hriat ngawih ngawih chu ka melh ran.
.
"Uber ka koh thei a lawm, i kalna tur ah kal zawk rawh." Ka ti a,Kekawr ipte zen a a din khawng luah avang hian a lang lian zual.
.
"Luhlul reuh lutuk!" a sawi zawh rual in ka luggage chu dimlobaksak a rawn phih in a kal pui nghal daih a nih chu!
.
"Enge i hriat a?" hamhaih zet in ka ti SEP.


a awmdan chu ka lo rinlawk loh lutuk dan ani,Ka dinna ngai ah ding in a bawp sei zet hmang a pen pawk pawk chu ka en reng,hostel hung na hrul bang lian zet ah chuan a kal zel,Hostel chhuahsan ve tur zirlai dang ho chuan min rawn en zauh zauh tih pawh ka hria.Peng pakhat lo awm ah chuan rawn hawi let hauhlo in a peng daih.
.
'Kha thil kha enge a awm zia?' Ka ti sep a.
A rawn thleng thut,Nge ni a ka mumnag zawk,A ni khan ka luggage kha eng atan nge a tih?
.
'CHAPO leh..!' Chak zet in a kal liamna lam pan chuan ka tlan ve nghal dawr dawr,Ka thuamhnaw tello in khawimah ka kal thei reng reng hlei nem?
.
"I mawl a mi?" Car dum hnung lamah ka luggage chu a dah lut,Min rawn en in a nui suk a,Ka thinrim dan chu hriase chuan a nuilo tawp ang le.Ka pan hnai a,Car ngheng chung a ding in a kut a lo kuangkuah,A ban bul hrawlpui chu a langlian zual.
Kan taksa a in hnaih meuh chuan a pa lenzia ka hrefiah chiah,Lian mai nilo in a kut thlak a nat hmel,A ban a tha zam lang ruih a vang hian a duhloh zawng ah chuan tharum thawh dawn pawh nise a huphur in ka ring lo.
.
"Nungchang mawi i va hrelo ve?" Ka ti a,Amah chu kalpel in car hnunglam chu ka pan,he tiang a in fiamkual vel mai mai nan hian hun ka neilo.
.
"CAR ah hian lut rawh." Ka ban rek ah a rawn hmer,Min melh lo in a hmalam a melh ngur.
.
"Ka hrilh tawh che kha..Uber ka koh dawn, i puihna ka mamawh lo." Ka ti a,Ka lungawiloh zia pawh thup ka tumtawh lo,midang puihna hi ka mamawh khat mai bakah,Ani leh lek phei hi chu ka ngaina lo,Ka ngainat loh lutuk vang in ka taksa te hi a tang tung.
.
"Naupang thununna tlachham zet hi ka ngaina lo a nia." A rawn ti hmuk,min rawn melh a,a kut tang hrawl pui chuan ka ban rek a la chelh reng. 'Keipawh hian nang ang mipa chapo leh hmel rum lutuk hi ka ngaina lo che!' Tih khum vak mai ka nap! Mahse Hostel chhuak tur phusa vel in kan dinna lai chu an rawn kalpel ve zut hlawm a,kan tawng hrethiam lo mahse,Kan awmdan a tang chuan inhnial kan ni tih an rawn hrethiam vek ang.
A ni vang a midang in min sawizui vak tur pawh chu ka duhlo.
.
"Min ngainat lo chuan min hlat ta reng che!" Ka ti,A ner sawk a,A che thut,Car hnung kawngkhar chu pawt hawng in a nam hian min nam lut,Ka rak deuh that a,a rawn thulut ve nghal vat,Ka tal leh deuh a,A kil lamah min nek bet nghal tlat.
.
"Eng thil nge i tih hi?" ka ti a.
.
Lawyer meuh a ni ve,A thil tih a vang hian case ritak ka siamsak thei tih hrechiang ber tu a ni,Dan ah chuan hmeichhia an duhloh chu tharum hmanga nawrluih hi a thiang lo,A bikin India ram ah ngat phei chuan!
.
"Mizoram house!"Min rawn melh in a thaw deuh hawk,kei erawh ka ang nghal hau ringawt,Car chhung ah hian Driver a lo thu reng niin,Chu mai pawh nilo in Chapo-a hian Mizoram house ka pan dawn tih a hria maw?
.
Driver chuan Car chu a ti nung a,Kawng peng a tang chuan motor kawngpui pangaiah a in khalh chhuak.
.
"Ka hlat ah awm rawh." sehchilh zet hian ka ti hlak,Engmah sawi lo in a tawlh sawn a,Tukverh lehlam hnaih ah chuan thu in ngawingul in pawnlam a thlir nghal run. Eng tin nge ka hostel chhuah hun te a rawn hriat a,Mizoram house ka pan dawn tih te a rawn hriat vek! Oh..Eng vang in nge a hriat loh ang,Ka nutei nen an inbe reng thin a lawm.
.
Tlem hian a ka melh zauh,Bing tak a thil ngaihtuah ang mai hian a melh ngai a melh run,A biang ah hmul an to siar siar a,A vun uk sen deuh kharh a vang chuan a lang nelawm lo zual.
.
"Min enna lamah i mit kha a tla palh a nge!" Hmalam melh ngur chung chuan a rawn ti sup a,Atthlak lutuk in ka thaw chhuak hrawih,Hma ka melh a,Ka thinphu dup dup ri chuan Car chhung a luahkhat vek in ka hria.
.
"I duhchuan min en leh la,A free vek a lawm!" Nuihza in sum tih hriat ngawih ngawih hian a rawn ti leh kher a,A hmel ka hmulo na a chu,Ka taksa hi a sa pup pup thei.
.
"Free pawh nise ka en peih lo ber zing a mi i ni?" ka ti a,A rawn nui chhuak ta hawk hawk.Ka va han in haw ngawih ngawih tak.
.
Mizoram house awmna block kan tlan luh rual chuan a thu tha a,Kei erawh in a hmel hmuh leh ka hreh tak zet tawh,Hmeichhia a hip tawk tih a in hre ve thawkhat tih a hriat reng.
'kei tiam lo in.'
.
"Ka nutei vang a he tiang thil i ti a nih chuan,Ka mamawh lo, Nangmah in tibuai tawh suh." Car hnung a tang ka luggage driver in a dah chhuak a,Thanpuia ka hma a ding ngawi ngul chu ka chho melh ran a, Ka nutei bialpa a nih vang ngawt in Chenai lam a rawn kal a piang in kan ban buai tur a nilo,Nakinah Nutei pawh ka call a nga,He tiang thil tih tir tawh lo tur in ka hrilh ang.
.
"Keihian i nutei vang in heng thil hi ka ti a maw?" a rawn ti deuh hluai,A kut lehlama a phone ken chu a kekawr ipte ah a thun lut a,Ka chhanna nghak tih hriat zet hian kut kuangkuah hlun chung in min melh run mai.Ka nutei vang nilo se min puih ngawt na chhantur ka hre miau lo.
.
"A nih mai loh in.." ka ti a,Luggage chu hnuh mai in ring in ka vuan tai,Chimawm tak mai a lo khi suk ka hmuh chuan ka ner deuh nawng a,Midang thusawi zawm a awmkual vel nih chu a duh hauh lo tih a hriat reng.
.
"Eng vang pawh chu nise,Ka lawm e,Ni hmannuam le.!" ka ti a,Bathlar lam pan chuan ka in hnuk phei nghal hmawk hmawk,Kha tiang mipa chapo leh mahni tha ang a in ngai tlat, Midang thu zawm nih hreh ngawih ngawih ang kha ka haw lutuk.
.
.
Step pali vel lo in dawh ah chuan ka pen chho a,Kolkata Mizoram house ang in mikhual an tam ngailo,Chutiang bawk in a hmun hma pawh a lian lo.Ka thawm hria in House enkawl tu nu a rawn chhuak a,An chhungkua in an enkawl mai a,Chuan India mi tam vak lo in an pui ve bawk.
.
"i va rawn thleng hma ve..!" A rawn ti lang lang a,Nu la upa lo tak a nih bak ah,a hmel hmuh a nuam,Fanu pahni la naupang ve te te an nei a,Chung mi te pahnih chuan awiawm loh khawp in Hindi tawng an thiam.
.
"Nia..Ka thiante an chhuak hma a,Keipawh ka rawn chhuak hma ve ta mai." Ka ti a,Ka luggage min hnuhsak a tum chu lo dang in ka nuih var var.
.
"A pawilo zawk,Mizoram a tang vawksa rep min rawn thawn a,Mikual dang an awm dawn lo bawk,Antam nen ka chhum a,I ei teuh dawn nia." A rawn ti,Ka riltam tawh zia ka hre chhuak chiah.
.
"Chu thil chu a lawm ka chak ber."


inchhung zau diai leh dai dap ah chuan kan inzui lut dun a,Mizo thil chi hrang hrang in inchhung chu an chei mawi a,Kan chife minister thlalak lian zet in an tar kulh bawk.

"Rakhesh hian bungrua hi i room tur ah khai chho rawh se aw.!" A rawn ti leh a,Ka lampan in india mipa pakhat a rawn kal ve mek bawk.
.
"Ok..A pawi lo khawp ang,Step ah khian ka in hnuk chho peih miah lo." Ka ti a,A dik reng bawk,Ka sawi tawh ang khan Kolkata a mizoram house ang in a lian lo, Mikhula pawh neih miah loh chang a awm,Lift a awm lo a,In pakhat maldin,Lian ang reng tak hi house ah chuan an hmang mai,Rakhesh a tih pa chuan ka luggage chu chunglam panna kailawn ah chuan a chho pui a,Ka room tur chu Nu Te-i hian a hrilh lawk vek tawh tur ah ka ngai.
.
.
"Chaw pangai a mi i ei ang?" Choka lam a kan inzui luh rual chuan a ti a,Ka bu nghat,Min siam sak nghal mawlh mawlh a,Hostel awm ka nibawk a,Mizo chawhmeh rim ka hriat rual chuan ka chil a put hial thei,Kan hostel ah kha chuan eng thil ah pawh vai rim a nam vek,Engmah kha vai rimnam lo a awmlo,Chaw nghei a cher kan duh ngawt a nih loh chuan kan ei ve zel kha a ngai thin si a,Tih luihna tak tak in chaw chhun leh zanriah hi ka ei lui thin.
.
"Ei teuh rawh... I nu khan a ngaihtuah mai si che a." A rawn ti leh zung zung a,Ka hma a mizo chaw hmeh ngei a rawn chhawp tak ah chuan min biakna pawh bu nghut bak in ka chhang thei lo,Hmarcha sen rawt thak ver vawr a lo la nei zui bawk.Ka lim nghek tiila a dik ang.
.
"Nu Te, MG road ah chuan a awm ngei tih i chiang maw?"
.
Inchung panna kailawn ah ka chho tawh dawn,Kawngkhar a tang a rawn tawng lawng lawng tu a vang chuan ka ding dat a. 'Chaop-a(?) bawk.'
A thuamhnaw hak a dang vek tawh,Bomber Jacket dum hlang a ha,Cotton kekawr sen duk ha leh in Lather pheikhawk uk khap a bun bawk,A sam buk lam deuh chu a hnawk deuh niai a,Pial thanse a nalh miah in ka ring lo.
.
"AW..MG Road a,Batta pheikhawk dawr bul ah khan building lian zet a lo ding ang,Security kha zawt la,a hrilh vat mai ang che." Nu Tei tawng lai chuan Min rawn melh run a,Min hmuh chian zawk tum ang hrim hian a taksa a la chet hrut zui.Engah mah ngailo ang a lang in kawilawn ah chuan ka chho zawt zawt a,Ka hriatthiam loh chu ani ka hmuh rual khan keimah ah hian thildang lam a awm tlat thin,A mit ah chiang tak a en let ka duh viau laiin timna a awm a,Hahdam tak a awm ka tum rual in tang run in ka awm zel lawi a.'Hahthlak lutuk..A hmel Hitlar lutuk vang kha a ni ngei ngei ang.'
.
.
Ka room tur ah chuan lut in parda ka hawng eng a,a zau lo,Mahse a felfai thlap,Ka thuamhnaw hak thenkhat hlip in kawrbah nen choh ka awm,Ka nu bul ah House ka luh tawh thu ka hrilh a,Ticket a lak ni te min rawn hrilh hnu chuan kan inbiakna kan ti tawp, A chang hi chuan ka nu hian min ngaihsak lo mah mah thinte hian ka hria,a tul tawp ah chauh min be hmasa a,Ka pa erawh in nitin awllo in min be ziah thung,Mahse kan chhungkaw sumdawnna peng pakhat ang in ka nu hian designer dawr a hawng ve a,Chu hna chu chhuan lamah a rawn hmang ve ziah leh nghal.A hna aiin min ngai pawimawh turah ka ngai nghet tlat thung,Ka vui ve deuh lai chuan karkhat vel min rawn ngaihsak a,A rei a,A ngaite bawk in min biaknan hun a nei leh thin lo.
.
Fan ka on a,Mut theih mai na tur a khum lo awmsa chu ka kawr chuan kan vaw thuak thuak a,Zawi zet hian khum ah chuan ka let thla ta hnawk a.
.
Ka naupan lai thlalak ka en chang a piang hian thlalak a hmeichhe naupang leh tuna ka landan hian in anna an nei pawn ka hre ngai lo,Ka than vang in ka dang lam ngei a lawm,Mahse naupan lai hmel bo thak khawp a kum 20 chhung lek a ka thang danglam thei hi mak ka ti.Ka pa erawh chuan i danglam lo,Ka fanu Remlalhruii nui duh leh hlim thei tak kha i nireng.Min ti thin a.Mahse,Kei erawh chuan thlalak a hmeichhe naupang leh kei hi mi hrang hlak kan niin ka hre thung.
Thlalak a hmeichhe naupang chuan sam dum hlap a nei a,A tawn kak leu bawk,Thlalak a anuih dan ang chiah a nuih ve ka tum ngial pawn ka thei ngailo.
.
.
"Mate,I shopping dawn chuan ka perfume hman lai ang kha bur hnih min rawn hawn la.!" Nutei chuan phone a tang a rawn ti lang lang,a rimtui in kahna man ah hian cheng engzat tak vawm ral tawh ang maw?
.
"Ka pawisa neih in a daih lo." Tiin ka fiam zoh a,A rawn bengchheng nasa mai.
.
"I ac ah ka rawn transfer ang,Lei theinghil suh aw." A rawn ti leh a.
.
"E..nute..Thapuia kha tinge....!"ka sawi zo hman lo.
.
"A chanchin rawn sawi rih suh..Tun hnai chu a buailutuk a,Min biaknan pawh hun a neilo." A rawn ti a,A tawngdan ah chuan an inbiak ngailoh hmel tak tak.
.
"Mahse..Ka..Eng lo.." ka tawng ban chalh, Thanpuia ka hmuh thu kha sawina chi a niin ka hre ta lo,Nutei biaknan hun a nei loh laiin eng vang a ka hostel chhuak kha min rawn hrui ngawt nge a nih?
.
"In inkar a tha zel maw?" Ka ti ta ringawt.
.
"Hma kan sawn lo,Kan hnung tawlh lo bawk." A rawn ti sap a,Ro halh hian a nui zui hak hak.A sawi awmzia ka hria,ka hmuh dun tum ang bawk khan Nutei zawk in a zar leh hle tih ka hremai.Mipa te hian an mahni zar huam huam tu hi an ngaina in ka ring lo, Hmeichhia in mipa min zar buai chuktu kan ning thin ang hian an ning ve thinngawt in ka ring.Keini Hneichhia te ang in thil an sawi ve mai mai lo zawk a!Ka nutei pawh hian a zar mah mah thin tih ka hria,phone kal tlang ringawt pawn Thanpuia laka a luanliam zia hi a rawn thup ngailo. Hmaichhan ah lo chuan in zilh ngawt chi a nih loh a vang in ka ngaithla liam mai mai rih a,in ka haw hnu chuan tha deuh in ka sawipui ang.
.
Chawhnu lamah shopping tur in kan kal chhuak a,Phoenix city ah kal in mamawh ho kan lam khawm pah bawk.Ka duhzawng ka hmuh fuh tawh lah hian kalsan mai ka harsat thin bawk si,Ka nu min sawi thindan tak tak hian, Shopping a kal chhuak ve chi ka nilo,Ka mit hi min tuam sak a,Dawr thenkhat min kalpelh pui ngawt te a nih loh chuan dawr tinah luh kim vek ka tum thin,Ka mamawh miah loh awh tlat ka ching bawk a,Ka nu hi ka rual in shopping tur in a chhuak duh tawh ngailo.
.
"Hruai, I hreve tawh em?" Zonuni chuan a rawn ti sep,Kan vak chau bawk a,Taxi chhungah kan thu zawi ngiai hlawm.
.
"Eng chu?" Ka ti a,Alai ah a thu,Kan thiannu pakhat zawk chu a muthlu lek lek,Pakhat hma lamah a thu bawk."He pa hi..!" Nui vur vur hian a phone chu min rawn hmuh a,Chapoa thlalak chiang zet in a lo lang.
.
"Ti nge?" Ka ti a,Vawiin pawn hostel a tang min rawn hruai chhuak ringawr tiila a awi miah lo ang.
.
"Tun lai chu Mizoram tleirawl ho in an atchilh lutuk,Lawyer a nih mai bak ah a pian hi a model zuih mai." Tiin chapoa thlalak dang dang chu a rawn hmet chhuak zel a.Ka nuih a za ru lutuk.Kan in hmuh hmasak ber tum a min hauh nek kha ka ngaihtuah chuak a,Engtik ah mah hepa hi ka atchilh ve miah lo ang.
.
"A hmel kha a Hitlar lutuk." Ka ti a,Hmalama thu kan thiannu chu a rawn nui hak hak.Zonuni erawh a nernasa hle thung.
.
"He pa hi a Hitlar chuan Sammy chu a princess charming i tihna ah ka ngai ang,Naktuk zanah ka chhansak tawh dawn che." A ti hlak hlak,A thin ka tihrim chang a piang a a tihtauh ve dan a nih vang in huat enah ka en tawh lo.
.
.
Mi tam tak,Thian siam awlsam tak tak te hi ka awt thin,Ka sual vang nge pawh ka hrelo,Thianthar siam ka harsat lutuk leh an bula sawitur ka hriat loh lutuk thin a vang hian he lama awm,Ka mizo pui ngei pawh pawh tak tak theih lo ka nei nual,Mahse Zonuni nen hi chuan mount Carmel a high school kan kallai a tang tawh kan i kawm tan a,Thiandang mamawh vak lo in tun thleng hian kan la inzui ta reng.
.
Zan ka mut dawn ah ka nu ka call a,A ring ngial hnu pawn a chhang thei lo,Thinrim ru tun in khum ah chuan ka thu ran,Sana ka en a,Zan darkua leh a chanve a ni tawh,Ka call nawn ngat ngat,Min rawn be hmasa ngailo a nih pawn ka biak hmasak te hi chuan min ngaihsak ve deuh thin tur a nia.
.
"Hello...!" Mipa aw hian a rawn ti sup,Ka phu dawr maiin ka hria,Ka nu number a nilo a maw tiin phone chu ka beng a tang la sawn in a number ka en tha leh ngat,Mahse ka nu number ngei a ni.
.
"Khawnge ka nu?" Ka ti nghal tawng.Zan dar 9:30pm a ni tawh,Tun ang hun a a phone lo chhansak tur khawp in tu nge a nih.
.
"Lo nghak rawh,Kan pe a nge!" Zawi ang reng tak hian a rawn ti leh sup a,Ka thinphu a rang nghal dawt dawt.Ka nu in phone a rawn chhan hun ah ka sawi tur neih ang ang pawh ka bo vek in ka hria.
.
"Hello..!" Muhil har hlim hlawl tih hriat ngawih ngawih hian ka nu chuan a rawn ti a.Ka mitthla ah ka pa a rawn lang hmasa ber.
.
"Nu..Tunge i phone lo chhang tu kha?" Ka ti a,Ka hriat miah lo in ka taksa a tang nghal run,khum khuhna puan ka tham nghet hle bawk.
.
"Chu ringawt sawi tur chuan a mi min rawn call?" Ka nu chuan a rawn ti ve hmak.
.
"Nu..?"
.
"Aw..Bawihi..Eng e i buaina..Ka zin chhuak a,Lunglei lam ah dawr thar ka hawng dawn tih ka hrilh tawh che kha,chumi buaipui chuan ka zin chhuak." A rawn ti a.
.
"Chu chu ka hria...mahse i phone lo chhang tu kha a lawm ka hriat duh?" ka ti a.Ka awki a ring mah mah tih pawh ka hria,Mahse ka rilru a thil rawn awm a vang chuan ka in thunun hman lo.
.
.
"Tunge ni vakse i tih a?Driver a nih kha."a rawn ti a,"Pawnlam ah phone hi ka kalsan a ni hmel,Ka motor chuang chau ka mu hma mawle.!" Pangai zet hian a rawn ti leh a,Mahse ka hahdam phah lo.
.
"Ka pa a kal ve nange?" Ka ti sep a.
.
"Umm..I pa chu i hriat kha,A upa tawh a,Motor hmanga zinkual a peih tawh lo." A rawn ti leh er a,A rawn tawngduh dan chuan min khei zak niber in ka hria,Ka nu leh pa hi an kum a inthlau,Ka nu zawk hi chu nu valai tak a la ni,Ka pa zawk hi chu a upa ve tawh,Mahse a theihtawp in ka nu hi a duat a,a hmangaih bawk.Hmeichhe tamtak neih theihloh a pe a,Kehthei dawm tak meuh meuh in a dawm bawk,Mahse tun a arawn tawngdan ah hi chuan ka pa chu tar ang in a en tih a hriat reng.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 20th, 2017, 7:03 pm

Bite me
Abbra Reo Ririni Khiangte
.
Khum ah chuan ka mu meng kar,Ka phone chu hmet eng in ka thaw chhuak leh halh a,Zan dar 10pm a ni tawh a,Ka pa call ngawt i la,A lo mutthilh tawh lah khan ka ti harh mai mai dawn si,Ka nu nalh tak tak a incheia a kal chhuah lai hian ka pa zawk chu a kum a upa tawh a,Hna a kal lah in chau deuh in a rawn haw a,Zan lamah pawh a mu vat thin,Ka nu erawh a thiante leh a thawhpui thenkhat te nen chaw ei ten an kal chhuak thin a,A awmkhawlo e ka ti miah lo,Mahse ka pa a ngaihthah mah mah deuh thin.
.
Room chhung a ni zung rawn lut raih chu en in mit ka chhing leh sawk a,Nizan khan ka hriat loh laiin ka lo muhil a ni ngei ang,Khum ah chuan thu chhuak in mesaage ka check kual a,Zonuni leh ka pa reply in in phihfai tur in khum chu ka thawhsan a,Hostel ah kha chuan sister pakhat hian Yoga hi zing tin min neihpui thin,Nitin a taksa sawizawi thin ka nih a vang in nikhat lek awl ngai chu pawi ka ti ru hle.
.
Thumhnaw pangai deuh inbel in ka chhuak thla a,Nu Te-i chu choka lamah a lo zai rat rat tawh.Ka thawm a hriat rual chuan ka ei duh min zawt zung zung a,Reilote hnu ah omlet leh chhangthawp hem lum thar chu a rawn chhawp vat,Ka ban a,Mahse ka hrethiam lo,Ka ei chak lo,Ka kawchhung lamah hian thil diklo a awm tlat. Ka nu bawk ka call leh ta nge nge a.Tun tum chu rei nghah ngailo in a rawn chhang ve vat.
.
"Aw..Mambawih?" Zangkhai vah hian a rawn ti a.Nizan lam kha chu a hrezui tawh lo a nih hmel,A mizia ve reng a ni!
.
"Vawiin ah ka kal chhuak leh dawn a,Mamawh i nei em?" Ka ti a,Chhan ka hriatthiam chiah silo a,Ka taksa a zawi ngawih ngawih leh hlauthawng ang mai a ka lungphu rawn rang leh thut thin chuan awm nuam in min siam lo.Tun lai nupa tam tak te harsatna tawh ang hi ka nu leh pa chung ah a thlen ka hlau,Kawppui nei reng chung a midang inkawp san in hun an hman ve ka hlau tak zet!
.
"Ka nei rihlo,Nangmah kha rawn haw vat tawh zawk la.!" A rawn ti a,Min ngai ve tak tak tih hriat deuh hian a aw a zawi ve raih mai,Chutiang tawngkam ka nu lak a tang ka dawn lohna reitawh zia ka ngaihtuah let a,Ka hnuk a ulh lek lek.
.
Bathlar thutna tur a an siam ah chuan ka thu a,Huan te ang deuh hian in hung ve raih a awm,Antam leh phuihnam kung a ding pheuh pheuh a.
.
" Min ngaih tak tak chuan Naktuka ka rawn haw mai dawn mi?" Ka ti a,A rawn nui ve hak hak,Ka nu a ni a,A lakah lungawiloh chang nei thinmah i la,Nu chu Nu a ni..A nui ri leh tawngkam malkhat lek hian min la thunun viau.
.
Reife kan inbia a,Ka biaktirh a ka rilru put dan zawng zawng kha chu an bo duak tawh.Nu lak a tang ngaihsakna dawng ngailo chiah in Nu Ngaihsak na dawn hlimawmzia hi min hriatthiam pui ang.
.
.
Ka nu nen kan inbiak zawh chuan ka mood a dik leh vek tawh,House hnung lam a chuktuah huan lian vak lo in hung ve thliah chu ka en kual a,Bahkhawr leh sawhthing tih vel a to fap,Tawkte pawh kung tam vak lo a awm,Mak deuh chu Bahkhawr hi india ram dang ho hian an hre miah lo,Mizo te choh hian kan nei a ni ngei ang.
.
"Morning."
.
Ka phu dawr thei,Rang lutuk in ka hawi let a,Ka hmung mai a mipa lianpui lo ding ka hmuh rual chuan ka thaw chhuak ham ham!
.
"Min ti hlau a lawm!" ka ti a,Ngam ngat i la chian ka chhuaih pawp duh ang,Chimawm deuh hian a chal a chuar nawng, Tlan zo hlim tih hriat ngawih ngawih in a biang leh nghawng vel chu a huh dap a,A Nike shirt hak pawh chu a taksa lianpui ah chuan a bet vek! A ban a thazam lang ruih chu melh leh zawk in ka hawisawn vat a,Mipa zawng zawng hian an ban vel ah tha zam an nei kulh thin a maw ni ?
.
"Vawiin chu min chhuahpui la?" a rawn ti a,Chiang lutuk in ka melh nghal kawk.
.
"Oh..Fiamthu a nih ngei ka beisei.!" ka ti a,A mit khur thuk lam lek lek chu a ti zim deuh san a,Ka awmah hian min hnawh nghal vek maiin ka hria.
.
"Fiamthu ni ta lo se!" Mit a rawn kan ak a,A chhan ka hrelo,Emgkim hi a reh duk maiin ka hria,boruak ka la hriat ngailoh hian min rawn tuam hlup hlup a ni ber.
.
Thanpuia zawk chu a rawn nui chhuak hawk hawk a,Rang tawk in ka hawisawn ve nghal vat a.
.
"Misual,A chungthu relsak tur a an hruai ang maiin a lawm i hmel kha a chiai!" Nuih insum zet chuan a rawn ti leh,Ka huat dan chu rapthlak tak a ni,Eng vang in nge min fiam mai mai tih te kha ka hriatthiam vat lo.Ka theih ang a rum hian ka melh leh a.A kum a upat tawh dawn tehreng nen,Min la fiam ve zui a! A phone ah lai a rawn rik a vang chuan rang tak in ka hawi sawn a,Thanpuia chuan a kekawr ipte a tang phone chu la chhuak in ka tawng hriatthiam chiah loh hian a phun zui hluk,A in her a,A taksa lianpui che kual vel chu lehlam zawng tak chuan a hmuhnawm!Phone chu a chhang.Loud speaker ah dah lo mahse,Phone lehlam a tanga hmeiche rawn tawng lang lang chu ka hre thei,Tudang nilo ka Nutei a ni tih ka hria.
.
.
Reilote min melh zawk a vang a ka taksa lo tang tung chu zawite hian ka inthlah dul riai riai a,A hmelrum em em mai nilo,Huhang nazet a neitel bawk tih ka hrethiam ta chiah.
.
.
House chhunglam ah chuan ka lut a,Eng vang kher nge pawh ka hrelo, Thanpuia lam chu ka vaw hawi let leh kher a,Chiang lutuk in min lo melh ve reng,A kut dinglam in phone a hum,Lehlam thusawi chu a ngaithla a ni ngei ang,A ngawi vung vung a,Mahse,A mit meng uk fiah zet chu keimah ah choh a fu!
.
"Hruaite.. I pa in a call tlang thei lo che a nih hmel!" Nu Tei rawn tawng ah chuan rang tak in ka hawisawn leh nghal.
.
"Maw?"
.
"I pa in a call tlangthei lo che a nih ka ring,Counter lamah a rawn call a." a ti leh a,Ka phone hum lai chu lek kang in ka then sak, battery a lo low daih a lawm.
.
"Ok..Ka lawm e." ka ti a,Counter ang reng,House chhung luh tantirhna a awm lam chu ka pan a,Eng vang teh reng nge pawh ka hrelo,Thanpuia Mit meng fiah zet khan min enzui reng in ka hria.
.
.
"Aw..Pa..!"
.
"Ka call tlang theilo che a,I tho tha maw?" a rawn ti nghal vat a,Ka nu hi mahni luzo tak leh tawng zung zung thin a nih laiin,Ka pa erawh hi chu pa zahawm leh tawngtam lo,Tawng churh churh ang hi a ni thung.
.
"Battery a low daih a,Ka tha, Ka nu a zin daihsia,i khua a har em?" ka ti a.A rawn nui nghal hawk hawk.Khawvel a pa tha ber ka ti ngamsak,Mipa ka hriat ah chian hmangaihna ngahber a ni hial bawk ang.
.
"Pa ka uang lo a nia, Tinge ka nu rual chuan i kal ve loh a?" ka ti leh nang nang a,An pahni hian hun hmang tam se ka duh,A nui ri chu a tawp ruai ruai mai,A reh nghal vawng vawng!
.
"Mambawih, Hna hmanhmawh thlak ka nei a,Kan duhtawk rih mai dawn mi?" a rawn ti ta sup, "In enkawl tha la,he lam rawn thleng chho vat rawh." damdup hian a rawn ti leh a,ka chhanlet ve hma in phone a titawp nghal daih bawk.
.
Counter hma ah chuan ding in ka melh ngai ka melh reng,Ka pa khan ka lak atang engthil nge thup a tum,A aw ri te,Engmah sawipui hman loh khawp a hna hmanhmawh thlak awm thut te kha..!!
.
'Nilo...Ka ngaihbel mai mai a ni..' tiin ka in thing harh nawk nawk a,Ngaihtuahna thalo pui pui suangtuah kual a,Rilru nuamlo a indah reng tur ka nilo,Ka haw dawn a,Thil awmdan engkim ka hrechiang vek mai ang.
.
Nileng in Zonuni te nen mall vel ah kan kalkual,Khua lum viau mahse,Mall chhung chu Ac hmang a tih vawh vek a nih vang in vawt tih lek lek chhang ka nei,Engtin nge ram khat ro ro pawh hi kan inchangkan hleih em em tih hi ka ngaihtuah fo thin.
.
India ramah kan khawsa ve reng a,Kan ram hruaitu thenkhat ngat phei hi chu India ram chhung a minister thenkhat te ai daih hian sum an ngah,Mahse,Kan ram erawh in hma a sawn mawh hle thung,Mirethei chanpual an sem chhuah a piang in sawrkar hnathawk lam in hlawh laktur an neilo a,Chutiang vel chuan kan inban let kual vel mai mai in ka hria.
.
India ram , State dang ho lah an ram a changkang tulh tulh a,Thler tinah mall thar lian pui pui an hung khup a,Kum tin deuh thaw thler dangah mall thar an hawn bel zel a,Kan ram hruaitute tih a tan hian ka awt ve thin.Mall lian tak tak te kan ram ah a awm ve ngat a nih chuan,Tun ang a thuamhnaw man to uchuak te hi a awm tawh lo a nga,zirlai holiday tan lah part time a hna thawh tur a tam phah dawn mai si a,Kan ram hruaitu te hian he tilam ah hian tan han la ve deuhse chuan kan ram hi a dawk ve zawt in ka ring.
.
"Remlal!" Chu aw rawn chhuahna lam chu ka hawi vat a,Sammy leh a thiapa pakhat kan lam panin an rawn kal mek,Zonuni'n min dinhlat vat danah chuan ka lungawilo tih a hrethiam nghal vek tih ka hre bawk.
.
"Class an neilo a,Kan chhuak tih ka hrilh ringawt!" Ka hlat deuh tak a tang chuan a rawn tisep a,Thinrim a vin let nghekna hun a awm tawh lo,Mahse rum eltiang in ka melh ta tho.
.
"In let tawh dawn mi?" Sammy chuan nuisang in min rawn pan,Bomber jacket nevy blue mawlmang zet hi a ha,kekawr a taksa phuarlam deuh ha leh in Loafer pheikhawk nevy blue tho a bun leh,Tunlai mipa ah chuan pa lian pawl tak a nih bakah,An la khawsa thei cheu,Eng vang a mipa ang a en theilo tlat nge ka nih pawh ka hrelo.
.
"Umm.." ka ti a,A thianpa leh zonuni pawh an ding dun leh nghal chawt tawh,Zo-buaii hian ka lakah zep a neih veih zawng in a chaklo khawp ang.
.
"Let hma in thil ei i la,Engmah in la eilo tih ka hrebawk." Sammy vek chuan a rawn ti sup a, A mit mu dum fiah kak a min enna a vang hian keimah ah danglamna a la awm chhin ngailo.Thil ei kher kher chu hnial ka tum ta lo,A chhanchu vawiin zing ah khan engmah ka eilo tlat,Midang ho nen chuan Orien Mall chung lam eitur zawrhna chu kan pan a,He mall hi india ram bik ah pawh mall lian leh changkang zingah a lang pha hial in ka hria,He hmun tlawhtute tan chawlh hahdam pah a thil eina tur hmun zau leh nuam zet a awm a,live music play tu te pawh an awm thlap,Chaw chi khat mai zuar lo in hnam hrang hrang chaw an zuar a,Duh duh thlan tur a awm.
.
"Zan in kha i theihnghil lo ang chu tiraw?" Sammy chuan a rawn ti a,Ka phone khawih lai chu bag ah thun in alam ka hawi,Min lo melh ve kar bawk.
.
"Umm..Ka lo kal dawn lawm."Ka ti a,Midang zawng eitur lamin an kal vek,Keini pahnih in thutna kan lo hauh lawk.
.
"Hruaite..Pangai deuh hian kan awm thei lo a mi?" A rawn ti a,A tawng ringlo,Mahse a aw ah chuan tlem in a beidawng ve tawh tih ka hria,Beidawng tak tak tawhse ka duh bawk.A chhanchu kei hian thian ang bak in ka en thei ngai dawn miau lo a,A thatlohna sawitur ka hre miah lo,Kei aiin kum 2 lek in a upa a,Mahse a puitling em em thung, Mizoram a kan haw chang in kan in ah pawh a rawn chuangkai ve zauh zauh a,Ka nu leh pa pawh a kawm nel vat! Mahse ka tan chuan thia a ni reng dawn tho.
.
"Kan pangai viau in ka hria,Chuan..Rilru nuamlo a ka awm theihna tur in chet la tawh suh." Ka ti a,Chiang tak in a mit ah ka melh ve ran bawk."A chhan chu thian bak kan ni thei dawn lo...!" Hrethiamse ka tih em a vang in ka kut meuh ka chet a,Ka aw a ring lo,Ka tihtakzet dan erawh a hrethiam in ka ring.
.
"Chance min pe ve la..!" A rawn ti a,Ka lak a tlawm tak a awmtur hian keihi hmeichhe dang aiin ka danglam lo,Ka hnar tih a hriat reng chung pawh a min biak zui zel natur khawp a hmeichhe chhelo leh it awm ka nilo bawk,Mahse...A beidawng duh miah lo.

"Sammy!" Chang fak hian ka ti,A thaw hap a,Dawhkan chung a glass no chu a ban,Tui awm zawng chu a lem zo nghal vek! Keipawh in engmah sawizui leh ka duh tawhlo, Ka tan pawh hian a nawmlohna chen a awm,Mipa min duh ngawih ngawih ang a lang,Hnar reng tu a tan te hi lehlam kawng tak chuan a hreawm ve, Hmeichhe dang ai a tha uchuak niila chuan a dan a dang deuh ang,Mahse,Hmeichhe pangai ve tak ka ni miau,Nuamlo ka tih vang ngawt a bul tanpui erawh ka tum chhin ngailo.
.
Midang rawn let leh hma chu inbe lo in kan thu ta reng,Food hall ah chuan mipui lut chhuak an insulpel nawk nawk a,Dan ngaite bawk in keimah a khawhar rukna leh keimah nilo a in hriatna ngaituahna mak pui pui bawk in min luhchilh leh tawh,Kan in ah hian ka nausen lai a tang a kum 3 ka nih thleng thlak kan kawl a,Kum 4- 8 thleng hi ka thlalak hmuh tur a awm lo,Kum 3 ka nih a ka thlalak ka en let a piang hian,Thlalak a hmeichhe naupang hmel lo lang leh,Tun a ka ladan hi kan hrang hlawk in ka hre thin,Naupang chu a lo thang a,A taksa leh pumrua te a rawn danglam chho a,A puitlin thleng in a hmel landan leh a taksa chu a thang danglam reng thin.Mahse,eng ang a nasa pawh in thang danglam mah ila,Ka naupan lai hmel bo thak khawp a ka thang danglam bik hi ka hrethiam thinlo.
.
.
"Hruaite...?" Zonuni awri chuan min ti phu zawk.
.
"Enge..?" Ka ti hu a,Midang ho chuan min lo en ve hau bawk.
.
"I khawvel siamchawp ah khan cheng veng veng thinlo teh..I hma a eitur kha a daih hma in ei rawh." Min fiam ti tih hian a rawn ti zat zat a,A bul a thu,Sammy thianpa chu za zet hian a lo nui hawk hawk,Zo-buaii zet hi chu,Tawngkam mak deuh deuh chher chhuah a thiam riau thin.Sammy lam ka hawi a,A nui ve lo,A hmel a tak run,Ka thusawi vang pawh kha a ni mai thei,Mahse,Tun a duhtawk tur a ka hrilh loh chuan duhaiin a kal thui ang tih ka hlau.
.
Eitur chu kan ei mawp mawp a,Chi in anglo nuai an rawn lak a vang in thleng tin a mi chu kan ban kual a,KFC hi tui ka ti,Mahse,Customer pakhat arsa bawp order ah sazu,Arsa bawp ang chiah a sawngbawl a lo awm tel ve a tang khan ei enah ka en tawh rih lo,Kha India pa lah khan,A tuamtu kha a kheh nuap nuap a,A enchian meuh chuan sazu dum lian lutuk lu a lo ei zo der tawh! Ka ngaihtuah let a piang hian ka la ip chawi chawi thei, Midang chuan an ei leh mai thei a,Kei erawh in atthlak zet in Sazu eitelve ka hlau miau.Thla tam a liam hnu pawh in ka la ei ngam chuang lo.Mi tam vaklo KFC ei thin pawh in an chawlh phah in ka hria,Khang hun lai khan,Thawktu te kha fimkhur in Sazu thi kha arsa zing ah a tel leh telloh te kha lo en ching se chuan,Customer tam tak an hnawt tiau lo mai tur.
.
Sammy car ah kei leh ka thiannu pakhat kan chuang a,Zonuni leh Sammy thianpa Chhana leh kan thiannu pakhat te erawh in Uber taxi an la thung,Sammy chuan ngawi reng in Car a khalh a,A chang chuan a nu leh pa hian chawlh hmang in an rawn awmpui thin,Zarkawt mi hlun chhungkua an ni a,Mizoram lam a an in hmun hma pawh a pui tham tak zet,Colony tawp in an awm a,An vuang va ho ah chuan bet tlawk tlawk an awm lo.
.
"In in hnial a mi?" Ka thinnu in a phone a message a type sa chu min rawn hmuh a,lu ka thing ringawt.
.
"A tawng miah silo a.!" tih a rawn type leh a,Ka hnar ti chuar in ka nuih lui sawng ringawt,Kan inbiak dan zawng zawng kha midang hrilh a tul ber in ka hrelo.
.
Mizoram house lampan in a tlan ding nghal a,Kan ngawi thap hlawm,Ess-i chuan phone khawih in a phun leh nuah nuah thin,Tukverh hnaih ah ka tawlh a,Bridge kual leh kawng mam em em kan tlan lai a,Office building sang pui pui kan tlan pelh zut zut chu hmuhnawm ti zet hian ka en dauh dauh reng.
.
"Zan in kha rawn tlai bik lo ang che!" Sammy chuan zawi sup hian a rawn ti a,Ess-i nen chuan ka melh rual kawk in ka hria,Minute 15 ngawt tumah kan tawnglo.
.
"Keimah maw?" Ka ti a,Car a darthlalang a tang chuan min rawn melh zawk,a tir ang em em khan a hmellandan a thutak tawh lo.
.
"Aw..Nangmah kha..Ess-i te chu tunah hian an rawn tlang nghal dawn." A ti leh sup a,Ess-i erawh a lo nui huk thung,A aw ah khan naupang titau a ang em a lawm.
.
"Ok..Ka hrethiam e,Ka rawn hma ang." Ka ti a,ka nuih a za ru ve tho,a palian reuh sia,han tihtauh kual vel hi a in hmeh ve hlawl lo.
.
Mizoram house kawt ah car a ding dat a,Ka thil lei ho khai chhuak in bawr zet hian Car a tang ka chhuak,Ka hnung lam a tang taksa lum na in min rawn uap nghal vek,Ka hawi let vat a.Thanpuia nen chiang tak in kan in melh run mai!
.
"Oh..U Thanpui,He lamah i thleng a mi?" Sammy chuan a rawn ti lang lang a,rang tak in ka tawlhsawn vat thung.
.
"Umm..A nih hi.." Thanpuia chuan a ti sup a,Engtin nge Sammy nen te an in hriat theih zawk? Min rawn melh a,A sam buk lam lek lek chu awmze nei miah lo ang a lang hian a awm niaih a,Mahse a inchei dan nen a inrem viau thung.
.
"Khawi..Ka lo pui ang che!" A rawn ti a,Ngawi reng in ka ban dinglam a ka thil khailai chu a rawn ban,Sammy leh Ess-i ten mak tih hmel tak hian min rawn en ho,An ni pahnih hmel ang tho khan ka hmel hi a awm ve in ka ring.
.
Engmah ka sawi hma in House lampan in a kal nghal vut bawk,Sammy chuan zawhna mit meng a khat hian min rawn melh a,'keipawh in khatia a rawn awm chhan kha ka hrelo!' Ti a chan mai ka chak.Ka hrelo tak tak a lawm!
.
"Nutei thianpa a nih kha." Ka ti sep a,House chhunglam pan chuan ka pen zui ve nghal daih,Essi khan zonuni te a hrilh leh a nga,Zan in ah zawhna ka chhansen loh min zawt leh dawn tih ka hria.Chupawh Hitlar-a vang vek.
.
"Khawnge i dah?" House ka luh rual chuan ka ti hlak a,Thutkhawmna ang reng deuh a sofa in hungah chuan hahdam hmel zet hian a lo thuawn duai,Min rawn melh zawk a,Sofa pakhat lam chu a kawk zauh a.
.
"Ka lawm e,Mahae ti nawn tawh suh!" Ka ti leh hlak a,Mak deuh deuh a rawn che thut thut tur hian ka duhlo,Nakinah tawngkam na zet leh bul hmuk hmuk in min tawngkhum leh nghek lo ang tih tu nge hria.
.
Sofa lam chu ka pan a,A bawpsei thlurh chu duhdah zet hian a thluang duai,Plastic bag chu ka ban a,Hneh lutuk a ka ban a min phihtu a vang chuan ka au that,Na zet in Thanpuia malchhungah ka thu thla zui hnawk.
.
"I mawl a mi?" Ka ti that,A hmel tak run leh mit meng uk thimraih ah chuan eng thil nge a ngaihtuah ka hrelo.Chiang zet hian min thlek run a,Ka thawk a rang nghal vek!
.
"Hriat chian duh ka nei!" Zawi te hian a rawn tisup,A aw zawi tak chuan ka thisenzam hi luhchilh in a fan kual riai riai maiin ka hria.
.
"Hriat chian duh ka nei... heng thil tilo thei lo a min nawrlui tu pawh hi hriat chian ka mamawh!" Zawi sup hian a rawn ti leh,Keiang tho in a taksa lianpui chhung a mi chu a phu ve dup dup tih ka hria.
.
'Oh..Remlalhruai, Harhchhuak vat teh!' Ka taksa a rawn khawng at,Rang lutuk in ka ding chhuak a,Thanpuia a erawh ka tawng hriatthiam lo in a phunzui hluk.
.
"A atthlak hle mai, Ti nawn tawh suh ang che." Ka ti a,Min melh reng chung chuan Sofa ngheng chhan a ngheng leh ruai ruai,. "Hmeichhia te an duhloh chunga khawih luih hremna natzia hrechiang ber tu i niin ka ring." Ka ti a,in her in ka kalsawn hmak,Chimawm deuh a a nui ri ka hriat rual chuan a lampan a let a,Ka thil kenlai ho a va vuak pawp pawp mai ka duh,mahse chungthil tilo tur chuan ka in thunun thei ta hram hram.
.
Ka room bikah chuan lut in duhthawh zet in boruak ka hip nghal kawk kawk,Kailawn a ka chhoh lai khan mit la sawn miahlo in min en reng,Hawi let in ka fiah kher a ngailo,Ka taksa hian a hrethei tlat,Mahse chu thil chu ka duhlo,Ani ang mipa chapo leh hmelrum lutuk vang a danglam kha ka duhlo.
.
'Mahse ka danglam tho chu a nih kha maw?'
.
Ka thil lei ho chu luggage ah ka in khung lut mawlh mawlh a,zanin chaw ei khawmna a ka haktur kawrfual par dal riai chu la chhuak in scandal rawng hmuh nuam zet chu ka phawrh chhuak nghal bawk.Ka in rem that fel meuh chuan a lo tlai ruih tawh,Tukverh ah chuan nitla mai tawh tur,Serthlum rawng lam lek lek chu a rawn lut raih a,Hostel a kan awmlai kha chuan ka lungtileng ber tu leh haw chaka min siam ber tu a ni thin.
.
Inbual tur in washroom lamah ka lut a,Tui vawt in ka taksa chu ka phuhtir sar sar a,Engtik lai a tang khan nge ka hre ta chiah lo,Ka nu hian min ngaihsak tawk lo in ka hre thin a,Ka pa nen an inkar a that leh thatloh hretur in Mizoram lamah ka awm ngai bawk silo,Phone kal tlang ringawt chuan thil kalphung ka hrethiam ngawt biksilo a,Ka nu in min ngaihsak lo ka ti takna a chu,Ka naupan tet atang,Ka hriat theih chinah ka pa nen a kan hun hman hi ka hre tam zawk,Ka sawi tawh ang khan,Ka pa hi Khampat(Khawchhak lama mizo unaute) khaw chhuak a ni a,Pa hausa tak a ni bawk,Mizoram ah hian ka pianve hma daih tawh in a lo inbeng bel tawh a,Sumdawnna pawh hmun tin ah a hung fer fur,Chu mai nilo in tun lai a TV show pakhat hi kan chhungkaw sumdawnna advertise na a tan hmang in kan sponsored tawp bawk. Ka pa kum a upat tawh ang aiin ka nu hi a la naupang thung,Hmeichhe chhelo leh mahni luzo veh vawh tak a ni a,Mizorama ka awmlai pawh khan in lam aiin hna lamah a awm tam zawk,Zingkar ah a chhuak a,A chang chuan zan laiah te a lo haw thin,Chu chu ka hriat theih tirh a ta ka nu hun hmandan a ni,A hnathawh pui te nen zin chhuah a chawlh hman te an ching a,Ka pa lah hian ka nu khawsak dan chu a enliam mai mai tawp in ka hria,Engtin nge he tiang khawp a,A mah hmangaihtu pasal a nei a,Duat let nachang a hriatloh tih hi ka ngaihtuah fo thin.
.
Washroom a tang chhuak in kawrfual chu ka in thawlh a,Ka hmai ah chuan make up nalo te in ka hnawih a.Tum miahlo in chiang tak maiin Thanpuia hmel ka hmu,Nichin a thusawi kha eng a sawi tum na nge,A hmel tak run leh huhang na zet a vang khan ka tha a khur a,Kei ang tho khan a taksa chhung a mi kha a ri ve dup dup.Ka ngaihtuahna chu duhlo in lu ka thing nawk nawk a,ngaihtuah tawh lo tawp ka ngai,Tunah te hian ka ngaihtuah zui tih in hria se chuan min nuihzat ru ngawt ang,Ka nutei mipa atchilh leh vir kual reng a ni leh ta nghal a.
.
Ka phone a rawn ri a,Khum chung a mi chu la kang in ka ban nghal vat,A battery a low lek lek zui!
.
"AW..Nute!"
.
"Mate,Thanpuia kha Chennai lamah a awm mek a nih chu.!" A rawn ti ringawt.
.
"Chuan?" Ka ti a,Nichin mai a kan awmdan ka ngaihtuah let a,Ka nutei hian hriat a rawn neih vang in mim rawn call tihna a mi?
.
"A...ka sawi mai mai,Engmah ka hriat puilo a.!" A rawn ti niah niah,Nutei ka khawngaih rual in Thanpuia ka haw ta hlur mai,Nutei ka dem viau lai hian,Thanphuia zawk hian lo hnar fithla thak se chuan tiang reng hian ka nutei hian a buaipui maihlo ang,Nutei in a duhna a hre chiang a,Nawmchen nan mai mai hman a tum a nih vaih zawng in a chak lo khawp ang.
.
"Tun ah i hria a lawm." Ka ti a,Nuam ka ti miah lo,Hostel a tang min rawn hruai chhuah ni te khan lo hrilh zawk i la tha tur.

"Nia..Vawiin ah a office lamah ka kal a,ka hreve chiah..Naaa..Tinge maw i bulah ka rawn sawi vak ni,Nang lah chuan Hitlar in ti em em mai bawk sia." Boruak rawn thlak tum chuan a rawn ti lang lang a,ka nui ve hak hak.
.
"Nia..a Hitlar,chuan a mah aia chhelo leh tha kha i phu." Ka ti a.
.
"Oh..Chuti ma?,I hmelhriat tawh zing ah Thanpuia aia chhelo thlan chhuah tur i hria em?I hriat chuan min hrilh rawh,Ka kherh thlu nghal ang." Au deuh ti tih hian a raw ti lang lang,Fiamthu a rawn sawi mahnise,Ka ngaihtuah chiang a,Ka mipa hriat ve ho hian Thanpuia hi an tluk lo vek,A sang tha,A pa lian mai bakah..mipa fing leh mahni in duh ve tawk tak a ni bawk. 'Khai! Ka thil ngaihtuah zet chu.'
.
.
"An tam ang." Ka ti a,Hei hi ka nutei nen kan inbiak ve dan ani,Mipa lam ah tawn hriat ka la nei ve lo,Mahse Nutei hian ka bulah a sawi ngun thung,Nula a la nih bak ah,Ka nu leh pa hian an duat in an duhsak ve em em bawk,Kei aiin a rilru hi a puitling em em bik miah lo.
.
.
Reife kan inbia,Ka battery sen ram khawp a kan inbiak hnu chuan a kan duhtawk ve thei ta hram.Phone chu ka connect a.Ka kal chhuah hma chuan a full hman in ka ring.
.
Tun a ka tihtur awm chhun chu,Thanpuia ka hmuh chang pawh a danglam loh,Chuan remchang hmasa ber ah ka Nutei chuanga a chetdan mumal lo zet vang a hremna pek pawh ka hna a ni bawk ang.
.
Mahse,Chung ka ngaihtuahna zawng zawng leh thiltum zawng zawng chuan a hmel ka hmuh rual in min thlawh bosan duak mai lo ang maw?
.
Tlai lam dar 7pm ah chuan House kawt ah ding in ka uber chah ka nghak a,Nu Te-i fanu pakhat zawk in min nghah pui,A tawng duh in a nui leh hak hak thin,Naupang kum 6 mi lek a la ni,English,Mizo,Tamil leh Hindi tawng duhtawk in a hmang thei,Nu Te-i te nupa hi ka fak thlawt,An fate hi mizoram a piang an ni miah lo,Mahse Mizo A Aw B hi an thiam tir vek,kan ram chhuahsan a ramdanga awm nu leh pa tamtak tih theih loh an ti thei miau tlat.
.
"Oh..Uncle a rawn let." Nono-i chuan a ti lang lang a,Ka Uber koh pawh a rawn thleng ve chiah.Nono-i hawina lam chu ka en a,Skoda Car dum tliang hlar chu Gate lam pan in a rawn tlan ve mek.
.
Min rawn tlan pel a,Glass a down a vang in chiang lutuk in a chhunga chuang chu ka hmu thei.Min rawn melh zawk a,Ka kawrfual in a khuh chin ah tak a mit a fu chat!Ka kawrfual hak chu a chhing ta riau in ka hria.
.
"Hey...Uncle." Nono-i chuan a ti a,Thanpuia chuan ka mit a rawn melh zawk a.'kha kawr nen khan khawlai chhuah tum reng reng suh!' Tih melh tak hian min melh.
.
"Lut i la,Khua a thim dawn." Nono-i melh pah chuan a ti lang lang a,Min en lai a hmel nelawmloh zet kha chu a bo vek tawh.
.
Uber Taxi lam ka pan a,Car tlan thawm ka hriat mai loh a vang chuan min enzui reng tih ka hria.Taxi chhunga ka thutluh hnu chuan ka thaw chhuak nghal ham ham,Ka taksa lo tang nasa lutuk chu a awiawm loh zawk.
.
"Bridged Road." Ka ti sep a,Driver chu a tlan chhuak vat a,Hnung lam hawi a thil atthlak tilo tur in ka in thunun fan fan.A chhan ka hrelo, Thanpuia kha hriatchian chakna ka nei ru tlat,Ka ngaihtuah chian erawh in thil atthlak tak a ni tih ka hrechiang viau thung.A hmelrum ul leh tawhkhirh hmelzet ka ngaihtuah fuh a piang in ka taksa hi a mur ar ar thin..Chu pawh chu thil atthlak tak a ni!
.
.
Traffic tamlai a nih vang in kan tlan sawt lo hle,Auto driver hi chuan block thenkhat ah tlan lut in short cut hi min zawhpui mai thin a,Taxi pu hi chuan goggle map ring a in khalh ve thei tawk tawk an nih vang in an lak a tang short cut beisei ngawt chi a ni thinlo,Horn a ri ruai ruai a,Ka clutch a tang earphone la chhuak in phone nen ka connect a,Hla ka ngaithla ta daih.Horn ri tuar tuar ri hriat ai thlawt chuan a nuam.
.
Dar 8pm a pel fel der tawh,Door bell ka hmet a,Kawngkhar si chet a ding ka nih a vang in chhunglam a music ri dup dup leh hmeichhe nui thler duai duai chu ka hre thei,Mahse thenawm te tan erawh hriat a har hle thung ang.
.
"Remlalhruai,In puang nghal ang che." Zonuni'n kawngkhar min rawn hawnsak rual chuan a ti nghal lawng lawng a,Inchhung boruak chu a ni deuh chur mai,A eng lutuk silo nen,Ka hmelhriat loh awm an awmnual bawk a vang in nuam ka ti chiah lo.
.
"Thanpuia kha i hria tih i sawi lo." A ti a,Ka clutch chu min laksak in cabinet chhungah a dah lut nghal,Ka ner deuh nawng a,Ess-i khan a lo hrilh leh tak tak a nih hmel.

.
"Hria tih a,Ka nutei thianpa a lawm..ka hre tha ve hlei nem!" Ka ti a,Sammy kan lampan a a rawn kal ve nghal a vang in sawizawm lo tur in ka mit mei vat,A mit meng rang kual vel ah chuan hun remchang a hmuh rual in min zawt leh nghal dawn tih ka hria.
.
"Hey..I tlai.!" Sammy chuan a rawn ti a,A Beer Can ken(g) lai chu min pe nghal vat,A hmel pawh chawhnu lam ai thlawt khan hmuh a nuam tawh.
.
"Traffic ah kan tang a lawm,Chuan..Kan va tam ve?" Ka ti a,Ka hmelhriat loh mipa lianpui pui 3 leh hmeichhia pahnih an awm ve,Hostel lam a kan awm tlat a vang in Mizo awmve dang hi kan hre em em lo,Hostel a awm ho hi kan in hre tha hlawm a nimai.
.
"Naktuk lam ah an haw dawn a,Ka sawm ve a nih hi." A ti nang nang a,Ess-i leh Hlimpui te nen erawh an in nel hmel fu tawh.
.
.
"A pawilo...kan haw duak dawn sia,I lungleng awm." Ka ti a,A nui nghal hawk hawk,An in a chaw ei khawm tur kan nibawk a,Thuamhnaw hmuh nuam tak a ha,Jeans Kekawr pawduk,A khup thleng tur ve,Tleirawl zet a thui a ha,T-Shirt eng lian hnelh hnawl a ha a,A taksa a lian tawh sa bawk nen,A lang lian leh zual.
.
"Ka haw hun ah in lungleng ve leh chiah ang.!" A rawn ti a,Door bell a rawn rik leh a vang in min thawhsan a,Kei erawh in mi dang rawn kal belh an awm a nih chuan kan tam mah mah dawn in ka lo hre thung.
.
Sammy chuan kawngkhar a hawng a,Mahse Deliver boy a lo ni,Beer box a rawn chawi lut a,Sammy chuan pawisa pe in kawngkhar chu a khar leh nghal a.
.
"Puih i ngai em?" Ka thutna a tang chuan ka ti lang lang.A bu nghut a,ka thil in lai chu kalsan in Sammy lam chu ka pan ve nghal a.
.
"Fridge ah a indah lut then ang." A ti a,Choka lamah kan inzui phei.A in luah hi chhungkaw rual pawn luah mahse a te chhe miah lo ang tih tur a ni.Beer chu kan rem lut a,Vawiin lam a mi engmah a sawi zawm loh a vang chuan ka lawm ru tak zet,A hma te kha chuan hun remchang a hmuh zah in min duhthu sawi a tum a,Mahse Zanin chu pangai deuh in kan awm thei dawn a nih hmel.
.
Mihring hian duh zawng leh ngainat zawng kan nei hran vek,duhzawng bik neilo khawp a rilru mumallo an awm in ka ring lo.Midang duh ngawih ngawih te pawh kha,thenkhat tan chuan thian ang a tawk mai chi te a awm,Chutiang chiah chuan keipawh hian sammy hi thian ang bak in ka en thei lo.
.
"Lo kal vat teh." Zonuni'n ka kut ah a rawn kai a,Bathlar lamah min kal chhuahpui nghal daih,Inchhung uap chur ang lo tak in thli a thaw deuh vuk vuk a,sang hlau mi nih phei chuan hnuailam hawi thlak loh a fuh ber.
.
"Thanpuia chu?" A rawn ti a.Ning zet hian ka lo in thing nghek.Zeploh chuan a chanchin sawi vak ka duhlo,Keimah ah hian engtin maw tak nghawng a nei thin,Kan in hmuh tirh ber a ka rilru kha tlem tlem in ka bawhchhe telh tekh bawk tih ka in hria.
.
"Ka hre chak a lawm,An sawi nasa thei lutuk,A tak ah ka la hmu ve lo,Mahse an sawi thindan hi a tak a nih chuan a chhelo ngawt ang." A ti lang lang a,a in ve zoh tawh a vang in a phur hmel phian leh nghal a.
.
"Enge sawise min tih?" Ka ti a,A kut a rawn beng hluia,A in ngai lutuk bik silo a,A rui mah mah a maw ni zawk.
.
"A chhelo em?House ah khan a thleng ve a mi?A thlen ve chuan naktuk ah ka rawn leng dawn." A ti a,Ka nuih a ti za lutuk,Thanpuia hmuh duh vang ngawt a chung thil tih tum te chu!
.
"A thleng ve em ka hrelo a,Chuan a chhiat lohna pawh ka hrelo" ka ti a,Ka rilru tak chuan,'dawt i sawi' ka in ti sep thung.
.
"Humm..chu pawh nise,Ka rawn leng dawn,Thlalak a tang reng a chhelo mai,Hmuh ve a chak awm." Thawveng zet hian a ti leh a,Chhan en ah ka en tawh lo,A thil in hnathawh ah ka ngaihsak hmiah,zing a lo nih meuh chuan 'Chick pet' lam ka a rawt leh dawn tih ka hre vek.
.
Chhunglam kan luh leh chuan an chaw order a rawn thleng der,A then in an lo chawi sap sap tawh.
.
"Ei ve nghal u la." Ka hriat ngailoh pakhat khan a rawn ti,Ka bu nghat a,Min melh deuh ngur ngur a vang chuan a bul hnaih lo ber a awm ka rilruk nghal hmak.He lam a mizo awm nazawng hi hnaih chakna ka neilo,Thenkhat mize mak pui pui nei an awm,A bikin hmeichhe tan fimkhur zual a ngai thin!
.
"Chinese Food ka order mai a nih kha..kan ngaina tlang in ka hria a." Sammy chuan a ti a,Vai rim a nam loh phawt chuan ka ei thei vek.Ei tur chu ka thleng ah ka dah malh malh a.
.
"Ka va hmu ngailo che ve?" Ka hawi let vat a,Ka duh aiin min lo din hnaih.Ka tawlhsawn deuh a,A sam chu kawngmul nilo hian a kawlh vek,A mit meng sen ram ah chuan a intur bak a in tih ka hrethiam.
.
"Nia..keichu ka tam lo ve hrim hrim." Ka ti a,A nui suka,A ban lehlam chuan a kekawr ipte a zen rak rak a,Chu chu remchang ah la in rang tak in ka kalsawn nghal vat! Khatiang mi kha ka ngaina lo.
.
"Beer i duh leh em?" A rawn ti a,Lu ka lo thing.Chaw kan ei zo tawh,Zan dar 11 a pel duai tawh bawk,Let leh tawh mai ka duh.
.
"Ka let tawh zawk mai ang." Ka ti a,Midang ho pawh an zia a zawi raih tawh hlawm.
.
"Ok..Hei ka thlit sa hi in la,Ka thlah ang che." A rawn ti a,Beer min rawn pe dawn maw ka ti a,Mahse Juice min rawn pe zawk,Ka hnial hauh lo,Lime tui awmse ka duh mah mah zawk.
.
"Keichu Uber ka call a nga,Ka in pickup tir mai ang,Zo-buaii te ho hi i va drop dawn nia!" Ka ti a,A bu nghut,Zan dang zawng aiin a bula awm a hahdam,Thian pangai tak tak ang in kan awm thei a,Ka tan pawh tangtung reng a ngailo.
.
Zonuni te nen kan in mangtha a,Apartment hma lamah Taxi chu ka nghak mai ang,Sammy chuan Taxi min nghahpui tur in min rawn zui ve a,Ka Beer in vang kha nge maw ni,Ka lu chu a ni deuh chhuih a,Thawk a hreawm lek lek bawk.
.
Corridor thim deuh ruih kan kal pel a,Sammy chu ka bulah phone khawih mawlh mawlh pah in a kal ve,Ka taksa chhung ah hian eng a maw tak in min mawlh tu a awm,Ka tha a zawi deuh riai riai a,In thin harh ka tum ngial pawn a harsa hrep.
.
"I tha em?"
.
Bang ka ngheng,Sammy kut in ka taksa a rawn deh rual chuan ka za chhuak nghal vek,Ka kawngah a rawn kuah a,A taksa si chet in min kuah hnai nghal a.Ka tha zawi zet a vang chuan keimah in ka kal thei dawn lo tih ka hria.
.
"I tha em?" Chu zawhna bawk chu Sammy chuan min zawt leh,Mahse a kut dahna a sawn hniam tual tual a,ka mawng ah a rawn tham tawk! Ka taksa ah hian current chaktak a kal ta mai a maw ka ti hial.
.
"Sammy.." Ka tawngchuak em ka hrelo,Mahse tu ah hian mipa mawmawh ngawih ngawih ang in ka awm..Ka awmdan chu ka rilru chuan a duh miah lo,Mahse ...Ka hrelo..Hna thawk ve dang a awm!
.
"I duh chu ka hria a lawm..Ka pe ang che.." Sammy aw te chu an hla tual tual in ka hria,Ka thisen zam ah hian eng a maw in min fan kual riai riaia a,Sammy taksa lumna ringawt te chuan *akna nasa lutuk min pe!
.
"Tun ah hian min mamawh..Chu chu ka hria,I duh chu i hmu bawk ang.."A aw a phurna leh hnehtu chanchang rawn ri chhuak te chu ka hriat hmaih lo.
.
.
Sammy taksa rinchhan chuan ka pen hnalh hnalh a ni ber,Ka rilru a fim tual tual a,Ka taksa erawh ka thunun thei tawh miah lo thung..Lift ah kan lut a,ka rilru a harfim miau tawh,Ka tha a khur a,Mahse ka taksa chhungah hian damdawi hnathawh a awm tlat tawh.Engtik laiin nge ka intur ah damdawi a pawlh hman ka hrelo,Chuan..he tiang thil tenawm lutuk ti tur hian ka ring chhin ngai miah lo bawk.
.
"Enge ka sawi thin kha..Bul min tanpui rawh,ka ta ni ve tawh rawh ka tia.." ka kawrfual hak chhan ah chuan ka hnung a zut thla riak riak.Ka mur sung sung thei.Ka taksa khur te,hlauhna ka hriat ngailoh min tuam mek tu a vang te chuan ka thawk a buai vek! Ka rilru in duhlo engang mahse,Damdawi in ka taksa a hneh miau tawh si.
.
"Zan in a tang chuan ka ta..ka nawm chenna i ni tawh dawn!" A ti a,A aw phurna vang a khur ru dar dar te,A kut ka taksa hriatchian tum a vak kual chhen te chu tawp tur a hrilh ka duh,Mahse ka thei lo..Tha ka nei tawh lo,Chutiang bawk in ka aw a chuak thei tawh lo.Lift a rawn in hawng a,Ka chan chhiat zia leh thian anga ka lo en mipa rilru bawlhhlawh leh tenawm zia ka hre fiah kuar kuar a.Ka chunga thil lo thleng tur chu ka rilru in a hmu lawk vek! MAHSE..Ka thisen zam a damdawi hnawthaw erawh a chak telh telh thung.
.
"Hotel ah nuam chen ang aw.!" Ka bengbul ah a rawn phun sur sur a,Ka taksa awmdan leh damdawi in a hnathawh dan a hrechiang lutuk tawh,a tan chuan naute lem,Nunna neilo ang mai,duhna hmun hmun a pawh phar theih mai choh ka ni tawh.
.
"Sammy?" Chu aw fiak that a vang chuan Sammy chu a ding chawt a,A taksa rinchhan a ding ve mai mai ka nih a vang in ka tlu lek lek..
.
"U Thanpui!" Sammy chuan a ti tham tuak,A aw a hlauhthawnna ri chhuak a vang chuan ka him dawn in ka hria.
.
"Hruaii kha rawn hruai tur in ka rawn kal." Thanpuia aw chang leh fiak zet vang a ka thlamuan ber tum a ni.
.
"Mahse.." Sammy chuan a ti a,Mahse a hma mai a,Mipa lian leh tawhkhirh zet a rawn din tak ah chuan a meng khup nghal zal zal.
.
"Ka buaipui thei tawh in ka hria.!" Thanpuia chuan a rawn ti leh hmuk a,Zo zet hian min pawm kang nghal nawlh.
.
"I tha em?" Zawi te hian a rawn ti,Chhang tur in ka tawngchuak thei lo,A rum hrawih a.A thawri sak sak leh taksa tang tawlh tawlh chu ka hre vek thei!
.
"Sammy..kan in hmuh leh a ngai dawn in ka hria." Ramsa kawlh ang mai a a aw ri chhuak chuan min nghawr dar dar a,Tun ah hian keihi min pawm lose chuan sammy hi a vai thlu pawp duh maiang tih a taksa tihtawl chekual vel a tang chuan ka hre thei.
.
"Ka hruai let ang che aw." Ka beng bulah a rawn phun sup a,Dimte hian ka chal ah a rawn fawp zoh a,Rihna nei lo ang mai hian min pen pui nghal nawlh nawlh. A taksa lum ham ham leh tihrawl a khat chu dimte in ka khawih a,Min rawn melh zawk,Ka chunga thil thleng hi a hrethiam a nih hmel!
.
Car kawngkhar a pawt hawng a,Seat ah chuan dimte hian min nghat thla,A rawn kun hniam leh a,A sam dum hlap leh buk lam deuh chuan ka hmai a tawk che che..Seat belt min hren tir a,A kal sawn tur chu rang tak hian a kawrhma ah ka tham bet,A hmel hmu chiang thei lo mah i la,A hmui hnui pan lam lek lek leh sexy zet chu chiang tak in ka hmu thei..Ka lam ah ka hnuk hnai a.Na lutuk in ka darah a rawn tham..ka nui hawk hawk a..Thanpuia erawh a rum nghut thung.
.
"I inchhirna tur engmah ti suh!" Sehchilh zet hian a rawn ti a,Ka taksa a damdawi hnathawh vang in pawisak ka nei tawh vak der lo.
.
A kawrtlang ah ka tham a,A bek zawn a pawng nghal tawlh tawlh.Seat ngheng chhan ah chuan na lutuk in ka chal a rawn nawk bet nghal tlat..A kawrchhan ah chuan a taksa hmalam chu ka khawih sak.
.
"Remlalhruai..Ka hmuh hmasak ber tum che a ka ngaihtuahna a rawn lut ang a ka chet chhuah lohnan min ngen zawk rawh." Ka hmai zawn ah chuan a rawn ti nghut,A hmai sen tawn tawn leh khabe ruh che kual ralh ralh chu ka en a.
.
"A tawp ka thlenpui lohnan che min ngen zawk rawh!" Harsa tih zet hian a rawn ti chhuak hrawih a!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 20th, 2017, 7:03 pm

Mit ka meng a,Mahse,Ka mit kham ur leh lu ni bur a vang chuan ka chhing leh nghal sawk,Ka lu chu thing bung a maw a chhut chawrh chawrh ang mai hian a na hit ngut ngut.Che lo chuan ka mu ta reng,Ka kut pahnih in ka bek zawn ka dawm a,Ka then tlawk tlawk hi a ni mai.
.
Zawi zawi in ka ngaihtuahna a rawn fim a,Nizan a thil thlen dan kha ngaihtuah let in ka khur tih tih nghal der,Nizan khan enge ka chungah thleng,Sammy..oh..kha pa khan ka inturah damdawi a pawlh!Chuan engtin zel?
.
Thil ri tak tak rawn chhuahna lam chu ka hawi a,Ranglutuk in ka thu chhuak nghal zawk.Ka piah mai sofa chair var ah chuan Thanpuia chu kawr engmah in bel lo in a lo thu run! A mal chung a laptop chu bih ngur in a khawih mual mual a,Ka thawm a hria nih pawh in min ngaihven chhin map lo.
.
"Tenawm pa!" Ringleng lawng hian ka au tuar,A hmelah chuan min beisei lo tih hriat zet hian a rawn meng deuh kawk a,A laptop bih ngur lai a tang mit la sawn in chiang lutuk in min rawn melh! A taksa langchin zawng ah engmah a inbel lo,Boxer erawh a inbel tih ka hria.
.
"Mihring pawh i nilo.!" khum dup leh zau zet ah chuan ka thu tlum deuh kak,Rum lutuk hian ka melh a,Pawisawi lo leh tihsual neihloh hmel zet a min melhna te chuan min kang mai dawn in ka hria.
.
"Zing kar a tang beng chheng lo teh,Hna ka thawk duh." a ti hmuk a,Min enlo in Laptop bawk a melh zui daih,A type mual mual a,Khum bul dawhkan te a pangpar in khawina hian va chhut thluk pawp mai ka duh.
.
"Eng thil nge ka chung ah i tih?" Ka ti leh sep a,Ka vin leh vak dawn a,Mahse ka thei lo,Nizan ka awmdan ka ngaihtuah let a,Ka tah a chhuak tun.
.
A thil type lai a chawl,Min rawn melh nghal run a,Tlawmzawk ah tan ka tum lo,He hmun ah hian min hruai in ka lakah tenawm tak in a che zui tihna a mi? Rapthlak lutuk!
.
"Thil thleng chu i hria ang chu." A rawn ti nghut,A cup dawhkan te a glass no awm chu a ban a,Tui awm sa chu a lem nghal vek,Chu mi rual chuan a hrawk bawk langsar zet chu a che ve zui ralh.
.
"I va tenawm ve!" Ka ti a,Ka hmai hup in ka thaw ham ham.Ka taksa khur dar dar a vang chuan ka ban tha te chu an che hlawk hlawk maiin ka hria.
.
"Kei hi ka tenawm a maw?" Thanpuia chuan a rawn ti hlur a,Mit ka chhing tlat a vang in a hmelawmdan ka hmu thei lo,Mahse a landan tur erawh ka suangtuah zui thei.
.
"Remlalhruai, Lawmna chang hrelo tur khawp a chapo ni hlek suh!" A rawn ti a,Ka ter ve at mai,Eng vang in nge a lak ah hian lawmthu ka sawi ang,Ka awmdan kha remchang ah la in he Hotel ah hian min kal pui a,Chu chu lawm tur maw,Hnailo..Hremhmun a nem thlak vawn vawn tlak a ni.
.
"Eng vang chuan nge lawmthu ka hrilh ang che, tenawm tak a ka laka che tu hnenah hian lawmthu ka sawi ang maw? I thlarau chawp khan hremhmun a nawr liam daih che ka chak zawk.!" Uar lutuk hian ka ti nghal tawn tawn,A dik miau,Hremhmun kal tlak a ni!
.
Ka thusawi chhung zawng chuan thip lutuk in min melh,ka sawi zawh rual erawh in a rawn nui chhuak ta hawk a,Mahse a nui ri hul hak ah chuan lawm vang a nui a nih ka ring lo bur.
.
A mal chung a laptop chu min melh run chung in a khup,Dawhkan te chungah a dah a,Cho lutuk hian ka lo melh,Min khawih han tum vaih teh se,Pangpar khawina hian ka chhu pawp a ni mai.
.
"I lakah eng thil maw ka tih a?" A ti a,A thutna a tang chuan a rawn ding chuak,Ranglutuk in khum a puansin chu ka pawt khawm a,Ka thaw nghal dep dep.
.
"Rawn hnai tawh suh.!" Ka ti a,Ka cho chi a nih loh zia ka hre thar kuar kuar,a taksa a lian lutuk.
.
.
Ka thusawi chuan a taksa lianzet chu a ti ding zo lo a ni ber mai,Second pawh tling lo ah min rawn hniah chilh nghal der.
.
"I thu sawi zawng zawng kha sawi tha leh teh!" A rawn ti hluk a,A taksa ah boxer chiah a inbel tih a in hrelo a maw ni? Min chhuk melh run chung hian khum bulah chuan a rawn ding.
.
"Nang hian..Ka chungah engthil nge i tih..Nilo..nizan ka awmdan kha rem chang ah i hmang...." ka sawi zo hman lo,A kut phah lianpui chuan ka ke ah a rawn man a,Ka rak nghal tuat,Khum mawng lam deuh ah min hnuk thla in khum ah a rawn lawn zui ve nghal,Mang ang lutuk hian ka ke chu ka lengkual nghek nghek,Mahse a awmzia lo,a vuan nghet hneh lutuk.
.
"Kal bo rawh." Ka ti a,Ka awmzawn ah puansin chu ka pawm khawm vek,A hmellandan ah chuan ka chungah zahngaihna nei miahlo in a che duh dawn tih ka hre reng,Ka taksa chu rawn karkalak in khum ah chuan a rawn thing thi a,Ramsa kawlh lian leh pawisak neilo zet ang mai hian a la nui suk zui.
.
.
"Nizan a thil thleng nilo in, ka tih chak zawk min zawt zawk la..!" A rawn ti nghut a,a mit khur thuk lam lek lek a tang chuan tisa chakna meipui a rawn al chhuak in ka hria,Ka taksa chu chet in talchhuah ka tum,a nui ri hawk ah chuan ka tal chhuak mai mai dawn lo tih ka hria.
.
"Nizan khan engmah a theng lo!" Pangai zet hian a rawn ti a,Awilo lutuk hian ka melh chho,A hmel thutak zet ah chuan dawt sawi hmel erawh a pu lo.
.
"Mahse a hnu leh a awm a nih chuan a thleng ang!" Chiang tak a min melh chhuk run pah chuan a rawn ti leh sup a,Ka taksa khur dar dar chu a thusawi vang nge,Kan inchaina vang pawh ka hrethiam hrep lo e a.
.
"Ka hua che.. Kal sawn vat teh." Ka ti ta hlak,A rit si,Ka thaw tha theilo,he tiang tak hian mipa thuamhnaw inbello ka la hnaih ngailo bawk!
.
"Umm..Min haw tu nen a games khelh hi nuam ka ti a sin!" A rawn ti a,Oi..Tha ah hneh ngat i la chuan ka thing nawk nawk duh ang,Tun hi infiamna hun pawh a nilo.
.
"I Games ah chuan ka tel ve lo tur ah ngai ang.!" Ka ti a,Ka thaw tawlh tawlh hi a ni mai, Chiang zet a min rawn en leh in chunglam a hawi a,a thaw chhuak nghal hrawih.
.
"Va intifai rawh, Coffee kan in dawn nia." A rawn ti a,ka taksa a tang chuan a let thla nghal,Ka thaw nghal hawk thei! Rapthlak lutuk,Pian tirh a ta kg50 bak la ni ngailo hi,hlauhawm khawp a taksa lian in min thut bet chu a nia.
.
A ding chhuak a,A thutna lam ah khan ngawi reng in a let phei,Mipa dang taksa ngial ngan tak a ka la hmuh loh vang a ni ngei ang,A tihrawl che kual vel leh khauh hmel zet chu hmuhnawm ka ti lek lek.
.
"Min en reng thin lo teh." A rawn ti a,Ka hawi sawn nghal vat,Chair a thu thlapah chuan chimawm tak hian a nui zui a. "Min haw ngawih ngawih biklo tih ka hria lawm." A rawn ti leh a,A lam ka hawi rual chuan then deuh sak pah hian mit a lo siai zauh! Ka thintihrim dan a hre mah mah dawn tlat mai.
.
Khum a tang ka tho chhuak a,Mahse rang zet hian ka thu let leh nghal.Nizan a ka kawr hak kha ka inbel tawh lo,Thanpuia kawrban tluan dum,A rimtui in kah rim nam veng veng ka ha ni in?
.
"Hmel a ka thuamhnaw hlip tur hian thu neihna i nei em?" Ka ti.Min rawn melh a. 'Buaina tur ngawt zawng lo teh' tih melh tak hian min rawn melh.
.
"I thuamhnaw hlip tur in thuneihna ka neilo,Mahse hotel hnathawk hlih tir tur a thupe tur chuan thuneihna ka nei!" A rawn ti hmuk,Laptop a melh leh hma chuan 'thildang engmah rawn sawi tawh suh.' Tih tum awm fahran hian min la melh khui zui.
.
A awmdan ngeng leh thil engkim ho lam tak mai ang a angai thei bik ziah min ti thinrim tun thei,A kawrchuan ka mal te thleng khuh pha mahse nuam ka tilo,Khum a puansin chuan ka taksa chu ka vet a,He pa hnaih a ka awmreng a nih chuan thinrimna tur ka hmu reng dawn,Ka thinrimna lah engah mah a ngai der silo,Washroom ah chuan ka lut a,Darthlalang lianpui hma a ka hmel rawn lang chu en in ka thaw chhuak nghal hak! Nizan a ka chunga thil thleng ka ngaihtuah let a,Sammy ka mi rin em em leh rilru sual pu ngailo ang a ka ngaih thin ngei khan engtin nge khang thil kha a tih theih? A thiltum kha lo tipuitling ta ngatse chuan..Ka ngaihtuah zui ngamlo,Vedio in a maw kan awmdan a record a nga,min vo behnan a hmang reng duh tawh dawn tih ka hrethiam,Ka tawn ang tawng hmeichhe tam tak an awm ngei ang,Kei ang in an mahni chhanchhuak tu an awm lo a nih ngat phei chuan,Sammy ang rilru bawlhhlawh pu in an duh ang ang in an pawt kual tawh anga,An tan chuan an nun hman ve mek chu mangchhia rapthlak tak ang chauh a ni tawh dawn.
.
Mipa hi ka lo ngaihve thin dan chuan,Hmeichhia te dinhmun aiin an dinhmun hi ka dahsang zawk,Chuan zah an phu hliah hliah bawk,Hmeichhia te thinlung hneh tur hian tharum leh hmanrua thawh an ngai miah lo,Hmeichhia te chu mipa kawppui tur a tan a siam,Mipa nakruh peng pakhat a tang a lak chhuah a sim ve mai kan ni a,Chu vang chuan kan rilru leh taksa an duh tak zet a nih chuan min hneh theihdan kawng an zawng mai tawh tur ah ka ngai.Mipa leh hmeichhe awmdun lai thlalak put ru ro ro ah pawh a hmeichhia chauh in demna a dawng a,Kawh zui leh sawi zui,A chhungkua te nen lama hnunglam a rel zui tawk tu chu hmeichhia zawk chauh an ni ta thin a.Chumi ah ringawt pawh chuan mipa te dinhmun san bik zia a lang chiang em em,An din hmun that bikna te,an hmingchhiat har bik zia te hrethiam a,mipa te hian hmeichhia te hi min humhim an tum zawk tur ah ka ngai thin.Mahse,Chung mipa dinhmun ka loh dahsan ve na leh ka lo zahruk ve em em thinna chu kha mipa khan zan khat thil thu lek in a tichhe vek!
.
"I tha em?" Washroom.kawngkhar chu a rawn in kik karh karh a. "I awm rei tawh lutuk..kawngkhar hi rawn tichhia a ka rawn luh i duh loh chuan rawn chhuak rawh.!" Thanpuia aw thum.leh nelawm loh zet chuan kan in hmuh hmasak ber tum ang khan min rawn vo leh ta khur khur mai!
.
"Remlalhruai ka sawi chu i hria em?Eng thil thalo mah ngaihtuah suh." Kawngkhar chu a hma zawng aiin a ri ring zawk,Eng thil nge maw a rawn hriat teh hrep le?
.
"Buaina i nei em?" Kawngkhar chhunglam atang ka pawh hawn rual chuan ka ti nghut a.
.
"S**T..a chhungah khan in khung beh reng i tum a mi?" Ka hma ah tak a ding run,Cotton kekawr dum hlap a lo inbel tawh,A kawr erawh ka ha miau!engmah a inbel lo,A hmel landan chi ai ru zet chu ka en a,Eng vang a chiai em em nge a nih ka hrelo.
.
"Nangnu te reuh hian min tibuai ta mah mah!" A ti leh hrep,A in her a,Tukverh lam a pan nghal daih bawk,Keihian engtin nge ka tihbuai vak,Nizan ah min pui ve a ni mai a,Chu pawh min puitur in ka sawm lo,Mahse minpuihna a vang khan ka chungah eng thil thalo mah a thleng lo thung.
.
.
"Khawnge ka thuamhnaw kha?" Ka ti a,Hotel pindan zau helh hawlh ah chuan ka hawikual,Ka bag leh pheikhawk chu ka hmu,Ka kawrfual erawh ka hmu ve lo.
.
Thanpuia chu a rawn in her a,A awmbawr tihrawl tha zet chu hmuh loh der a har khawp mai, A kut dinglam in phone a keng,min melh lo in phone chu a type mual mual a,He tiang mipa ngeng lutuk hi engtin nge maw an lo pian ve theih ni?Ka zawhna zawh kha chhan a harsa awm tawp silo a.
.
"An rawn dah tep,Kha lai a eitur kha ei rawh." A rawn ti a,Tun ah chuan min rawn melh ve ta,A kawr dum bantluan kha a ban ka thlep let,Blanket kha ka bih bawk,Min nuih duh a nih chuan nui mai mai tehse.
.
"Khang thuamhnaw nen khan khawlai kal chhuak tawh lo ang che." A rawn ti nghut a,chhan ka tum zet a chu ngawih ka chuh leh ta zawk,Ka hnial leh a nih ngat chuan tawngkam natak leh bul hmuk in min ti let leh nek ang tih ka hlau.
.
Eitur awmna,Min kawh hmuhna lam chu ka pan a,omlet la lum veng veng leh chhang thawp ur lum zawh chiah hi a lo awm?A sir ah chuan thingfanghma zai lep tam vaklo leh blueberry a awm tel bawk.Thanpuia erawh sofa chair ah bawk thu leh in hna a thawk leh mawlh mawlh tawh.
.
Ka thil ei chu a tui leh tuiloh pawh ka hrelo, mihring te hi kan thiltawn vang in kan nun a inthlak dawr thei tih ka hrethiam ve ta chiah. Sammy khan keilo hmeichhe dang lakah kha tiang thil bawlhhlawh leh tenawm kha a ti ve tawh a ngem? Ka intur khawi ber ah khan nge damdawi a lo pawlh,Beer kha ruihna khawp ka in ve lo tih chiang tak in ka hria,Ka theitui in tur ah khan a pawlh a ni mai thei!
.
"I ei zawh chuan inbe lawk i la?" Thanpuia rawn tawng ri ah chuan ka in thing harh vat,A lam ka hawi a,Kan awmna a in hlat lo,kei thutkhawmna ang reng deuh a siam ah ka thu,A ni erawh khum bul chair ah a thu thung.
.
"Umm.." ka ti a,Ka ngaihtuahna ah ka pa a rawn lang nghal vat,Min rawn call a tum tawh ngei ang,Nizan a ka chunga thil thleng kha hrilh tur a nih leh nihloh ka hrethiam lo.
.
"Sammy kha engtia tih nge i duh." A rawn ti a,kawr a la ha lo cheu,Ni dawn tak,Ha duh mahse keiman ka haksak tlat a lawm,Ka bul a chair ah chuan a rawn thu a,Amah en lo in hmalam ka melh lui tlat thung.
.
"Ka hrethiam lo.!" Ka ti sep a.
.
"Umm...ka hmu dawn a,rawn kalve kher duh lo mai rawh." A rawn ti leh a,tunah chuan a lam hawi duhlo viau mah i la,ka hmachhawn a ngai ta tho.
.
"Enge i sawi ang." Ka ti a,A hmui hnuai chu pet in a ner deuh sawk.
.
"I ke bula ngaihdam dil tur in ka ti dawn mi niang." A rawn ti a,ka rinloh daih a rawn sawi vang chuan ka nui hak a,Ani erawh a thutak hmel hle thung.
.
"A ni ang mipa tenawm kha chuan a aia tlawm thlak hremna pawh a phu a lawm." Min en pah chuan a ti a, a ngaihdan tak tak a sawi tih a hmel tak run leh mahni in rintawkna ah khat ah chuan a lang chhuak,Tun hi a bul ka awm tawh ah chuan ka thlamuan ber tum a ni hial ang,Oh..Nizan khan ka thlamuan ngawih ngawihna tur in a awm tawh tak e!
.
"Ih...Nizan vang khan ka lawm lutuk,A hun tak ah rawn kal lo la chuan enge ka chungah thleng ang tih pawh ka ngaihtuah thiam lo zawk." Ka ti sep a,Ka khup ah ka kiu nghat in ka beksam ka tham deuh tawk,Ngaihtuah tawh miah loh ka duh! Thil thleng thei ka ngaihtuah a piang in ka thawk a harsa vek zel bawk si.
.
"Nizan khan pawnlam ah ka nghak reng zawk che." a rawn ti a,Chiang zet hian ka en nghal kawk,Ka sam hnawk niai kar a tang chuan min lo melh ve reng tih pawh ka hmu thei,Ka lungphu rang nghal dawt dawt a vang chuan ka taksa hi an che dawt dawt maiin ka hria.
.
Eng a maw sawitum in a ang zuau a,Mahse pindan kawngkhar a rawn rik dat dat a vang chuan thaw chhuak hap ta zawk a,A ding a,Kawngkhar lam pan a apen pawk pawk chu ka melh reng,Ani khan min nghak a maw?Mahse,Sammy te nen kan awmho dawn tih tak ngial pawh ka hrilh silo a...Uggg... min fiam kual leh a ni ngei ang!
.
"Hei va inbel rawh,Meeting in ka kal a ngai dawn a,Chuan..ka kawr kha ka lo ha ve tawh ang." Nui suk pah hian a rawn ti a,A ban vei lam in nizan a ka kawrfual hak ang chiah kha a rawn khai bawk.
.
"oh..!" ka ti a.
.
"Nizan a i luak nghek kha i hrielo tih sawi i tum em lo ang chu tiraw?" a rawn ti leh a."I kawr kha ka paih tir,Chuan a ngai ang chiah ka lei tir leh ta mai!" a ti nghut a,Ka bul a chair ah chuan kawrfual chu a rawn bang a,Ka kawr kha phelh ve tawh rawh tih ang mai hian min rawn melh chhuk nghal run.
.
"ka luak a maw?" ka ti a.A bu nghut.
.
Chutiang engmah ka hreve der mai silo a.Timdai hian ka ding chhuak,Chair a kawrfual chu ka ban a,Ka kalna tur tak ah a din run a vang chuan ka melh leh zawk,Hmuhnawm tih hmel deuh hian min lo la thlir zui,Ka kal tlang theihna tur in a tawlh sawn deuh a,A taksa nalh leh tihrawl tha zet chu a chhuangve tawk hle tih a hriat reng.
.
"Hman hmawh deuh la..!" Bathroom kawngkhar ka hawn rual chuan a rawn ti nghut a,Ka chhang peih tawh lo,Kawngkhar ah chuan lut in ka kharphui nghal vat! Tunah tak hian ka thil lo sawi tawh zawng zawng ka bawhchhe vek!
.
.
Kawrfual chu ka in thawlh mawlh mawlh a,Darthla lang hma a ka thla lo lang lah chu tlanchhiat san chak awm khawp in a dawldang.
.
Khang mihring taksa a chohna leh chakna thlen thei damdawi khan nasa tak in kan taksa ah nghawng a nei reng thei,Dandawi chaktak,Mihring taksa hrisel tha pangai pawh vawi leh khat a ti zawi vek thei a ni a,A bik in infiam mi ah a thawkna zual,A chhanchu an taksa in fit tak leh sawizawi than ah khan kha damdawi khan hna a thawh meuh chuan mi hrisel tha pangai aiin an chakna a chhuak nasa thei.
.
Ka sam chu ka kut in ka chul mam thuak thuak a,Sammy hmel ka mit thla ah a rawn lang,Chinghne beram vun sin dik tak a ni,Ka thiante leh midang,Sammy hreching tu in ti ngei ngei bulah nizan thil thleng kha sawi ngawt i la,Tumah in min ring hauh lo ang,Chutiang khawp chuan a pawn lam landan ah chuan mipa fel tha a ni.Nge ni a,Thanpuia hi ka zui ve a nga,ka lungawi hma kut ka thlak hrep zawk dawn? India hmeichhia te chuan mipa tenawm leh hmeichhiat mipatna rawngkai a hmeichhia te chung a hleilenna chhuah thin hi chapal(Slipper ) in an vaw thin,Ka chapal hian ka lungawi hma ka hlap ve nghek zawk dawn maw ni?
.
Washroom chu ka chhuah san a,Thanpuia kawr chu ka keng tat bawk,Khum bul tukver lamah khan a lo ding,Pawn lam a en a,Phone in mi a be bawk,Hindi leh Tamil tawng a hman vang in enge an sawi ka hrethiam lo,Mahse,A taksa lian lian leh hrawlpui saw hmuhnawm tihloh rual a nilo,A sek tung lo a,Mahse a tihrawl chu a sawizawi tha tawk hle tih a hriat.Room chu ka en kual leh thuak a,Khum pakhat lianpui var vek a in hung,Chuan Sofa chair pahnih leh dawhkan te pakhat hi khum bul ah chuan a in hung ve a,Bang hi room chanve ah chuan a in ping dang,mahse a phui mup lo,Pindan pawn lamah chuan TV bang ah a in bel thlawp a,Sofa mipali thut theihna leh mipakhat thut theihna pahnih a in hung leh bawk,Frifge a awma,Coffee mahni a insiam mai theina pawh a awm,Dawhkan ang reng in dawhsang zai chung ah chuan Chips leh chocolate hi basket ah a in rem thap.
.
'Khawi ah ber hian nge nizan khan a riah ve?' Ka hawi kual tha leh ngat,Khum pakhat chiah a awm,Sofa seiber awm chhun lah hi Thanpuia mutna a tan chuan a te mah mah.'nilo..ka bulah a mu ve tihnn mi?'
.
"Ka kawr chu?" Thanpuia aw ka hriat rual chuan ka phu nghal zawk,Ka hma ah ngawi reng in a lo ding run! Ka melh chho a,A bam vei lam a rawn lek chhuak,Tim dai hian a kawr chu ka pe a,Haktur dang a nei thlawt lo tak tak nge,Chimawm a chhuah zawk pawh ka hre hreplo e.
.
Kawr chu a ban a,Ka hma a ding reng chung chuan a in thawlh mawlh mawlh,Keimah zawk hi ka lo sa tan tan ringawt a.
.
"I bag leh pheikhawk.." a rawn ti leh a,kan piah lam chu a thlek zoh a.
.
Ka awmdan ber pawh hi ka hrethiam tawh lo e a,He pa vang hian engmah ngaihtuah mumal theilo in ka awm nghal ngawt chu a nisia.
.
.
"Ih Sammy-a chu engtin nge i tih dawn?" Ka ti a,Hotel parking a tang kan tlanchhuak,Kan riahma Hotel lah kha,ROYAL hotel ngat a la ni zui!
.
"Eng tin nge tise min duh?" A rawn ti a,Hneh sawh tak hian Steering chu a her kual zui pawp.
.
"Ka hrelo,Mahse...A hmai ah ka beng chak." Ka ti a,Hma lam a car leh auto tlan zul zul chu ka melh ngawt ngawt bawk.
.
"Umm..I ben aiin ka ben a na awmsi,Ka beng zawk mai dawn mi?" A rawn ti a,Tukin ringawt hian ka beisei lawkloh deuh deuh a zia ka hriat belh nual mai.Thutak ngul leh tawngkam bul hmuk hmuk choh neitur a ka ngaih lai in fiamthu thawh pawh a lo thiam ve zel.
.
"Ka nutei vang in min pui tih hre mah i la." Ka ti a,Car chu a ti ding chawt,ka au deuh that a,Hnung lam a tang horn a rawn ri zui nghal tuar tuar bawk,Mihring kan su ta mai a maw ka ti,Ka sam kar a tang ngam leh ngamlo in hmalam ka melh a,Mahse engmah kan sulo a nih hmel.
.
"Kan tha em?" Ka ti a,Ka aw a khur dar dar.
Ka thinphu ri dawt dawt ri chu a hre pha hial mai thei.
Ka lam rawn hawiin a thaw chhuak halh a,Min chhan a tumlo tih hriat zet hian hmalam a melh nghal ngut a,Car chu dim miah lo hian start leh nghal.A awmdan minute tling miah lo ah a in thlak thleng hlawk hlawk reng a,Lawmthu sawi ve ka tum pawh ka sawi chak tawh hrep lo,Rilru pangai deuh in ka be ve thei dawn chiah a,A ze ngai bawk,Nelawm loh leh tak run a chhuah leh tawh!
.
Mizoram house block kan tlan luh thleng pawh chuan kan inbe tawh lo,Car chhung boruak chu hremhmun kalkawng nen ka tehkhin ber,A huhang na zet a vang in ka thaw dep dep a,A thinrim nge tih pawh hriat loh vang a hmel chang tawlh tawlh a vang in ka kaiza tha a khur dar dar reng,Hremhmun kal kawngnen a danglamna tur awmchhun chu midang na tuar au thawm hriat tur awmlo in kan pahnih chiah kan ni..Chu zawng chu.
.
Gate ah tlanlut lo in Gate hma ah a ding a,Lawmthu hrilh duh viau mah i la,Ka tawngchhuah rual in 'ngawichip hmak rawh' a rawn ti hluk lo ang tih ka hrelawk dersilo.Car kawngkhar chu ka hawng a,a thut ngaiin a thu reng.
.
Ka nem khar leh thleng pawn a che zauh loh.Car ka kal hual a,Gate lo inhawng sa ah chuan ka pen lut,Car ri vung vung ah chuan a tlan chhuak leh nghal tih ka hria,House panna step ka thlen rual chuan ka thaw chhuak nghal riai riai thei! Hremhmum te nau a ni ringawt.

House chhung ah chuan inthiamlo ru zet hian ka lut a,A lo reh duk,ka hawikual a,Nu Te-i hmel ka hmu mai lo,A lakah eng chhuanlam nge ka siam.ang pawh ka hrethiam lo,Ramdang a awm kan ni a,Hmingchhiat a awlsam em em bawk,Zan khat riah bo lek pawh hi,Thil thleng engmah awmlo mahse hmeichhe tan hi chuan a pawi ngawih ngawih,A sawi chhawng tu a zir in mi nikhua lo lar in kan lar daih thei bawk.
.
Kawngkhar pakhat a rawn ri rak a,Hnathawk pakhat a rawn chhuak a,Min hmuh rual chuan min rawn be vat,Midang awmna ka zawt a,Nu Te-i chu a pasal nen bazar tur in an chhuak tih a sawi,Eitur ka duh chuan min siamsak nghal tur thu a sawi a,mahse Hotel lamah ka ei tawh a vang in engmah ei ngai ka ti tawh lo.
.
Min kalsan a,Keipawh ka pindan panna kailawn ah ka chho,Kha damdawi khan nghawng a nei dawn khawp e,Ka lungphu a ran bak ah,ka taksa chhung a rawn sa leh deuh halh thin.
.
Ka pindan kawngkhar chu hawng in ka nemkhar a,Khum ah chuan ka mu zawi nghal hnawk,Ka ngaihtuah let a piang in Sammy chu ka haw thar ngawih ngawih,Nizan a tawngkam hman duh dan a tang kha chuan hun reitak a tang a lo tum lawk tawh tih a hriat reng.Rilru chhe leh lutuk mai!
.
Ka phone a rawn ri a,Ka pa a nih ring in bag chu ka hawng nghal vat,A lo ni tak tak reng.
.
"Aw pa." Ka ti a,Ka pindan chhung a alarm clock lian lote in hung chu ka melh a,Zinglam dar 10am a pel fel der tawh.
.
"I tho tha em?Ka rawn call hma thei lo che a!" A rawn ti a,Ka pa aw damruih chuan thlamuanna leh panchanna tur pa ka la neih zia min hriat zual tir.
.
"Ka tha..Hna i kal tawh a mi?" Ka ti a.Thil thleng kha hrilh tur a ni em ka hrelo,Mahse thup reng erawh a tha dawn lo,Phone kal tlang lo in,kan in ka thlen hun ah ka hrilh mai ang.
.
"Aw..Vawi in chu meeting tur in silchar lamah kan kal dawn a." A rawn ti a. "I nu te pawh tlai lamah an rawn let ang." Ka pa vek chuan a rawn ti leh a.Nimin lam a ka thil ngaihbel kual ang em em kha chuan thil thalo thleng a awm hmel loh.
.
"Fimkhur la aw,naktuk ah kan in hmu thei tawh dawn bawk." Ka tih zawm zat,Hmeichhe inenkawl zo tak leh midang mamawh em em lo pawh nimah ila,Ka nu leh pa hi chu ka mamawh reng dawn tih ka hria,Ka mamawh hun a piang a katan an awm reng thei pawh hi lawmthu sawi mawlh mawlhna tham a tling.
.
Reife ka pa nen kan inbia a,Silchar pannan chuan helicopter an hman dawn a vang in ka ngaihtuah vak lo,Hmanzan ka nu rawn tawng nek pawh khan sawi dikna chen chu a nei,Ka pa hi a kum a tam ve deuh tawh,Ka rindan chuan nupui a nei tlai a nih ka ring,Car vel a kawngthui deuh deuh tlan a tlin tawh lo a,Insawh kual ngailo a Helicopter a hmang thei tur chu ka lawm tak zet.
.
Ka pa nen kan inbiak zawh hnu chuan inbual harh tur in khum chu ka thawhsan a,Ka kawrfual chu hlip in towel lianpui chu ka veng,Ka taksa ah chuan Thanpuia rim a nam veng veng,Ka ban chu ka hnim vang vang a,Kha a taksa nalhzet leh a lumna kha ka feel thei hial in ka hria.
.
Ka in thing nawk a! Ka ngaihtuahna chu ka duhlo,Thil thleng ngailo tur a vang hian keihian rilru ka seng mah mah ang tih ka hlau tan tawh tak zet!" Thanpuia chu ka nutei mipa a ni,Chuan kan kum a in thlau lutuk,Ka ngaihtuah zui tawh tur a nilo.' Tiin ka phunsep a,Mahse ...Ka duhang ngawt in keihian ka suangtuah zuina ata hi ka thehchhuak ngawt thei dawn lo tih ka hria,Chung zawng zawng tichiang tu chu vawi khatna a tan ka mipa ngaihtuah zui awm chhun a ni! Anih na leh ka nihna ka ngaihtuah let a, Ka bansan vat lo a nih chuan ka mualpho hle ang tih ka hre bawk.Ka nutei khan beidawn san mai a tumlo tih ka hrechiang em a tin ni!

Zonuni emaw,Ka thiamdang tu mah in min rawn be lo,Nizan vang khan an tho harh peih lo ah ka ngai,Ka sam chu ka chhem ro thuak thuak a,Tui tamtham tak ka in a ngai reng dawn,damdawi hnathaw ka thisen leh taksa a la chambang a kha tui hmang in tihreh theihna chen a awm vang in tui in nghek nghek ka ngai.
.
mineral water chu bottle ruak ah ka dawh a,Pindan lamah ka chho pui leh,Mizoram ang lo tak in india ram.khawpui tui hi a bawlhhlawh in 'Tap water' hi a in tlak lo,Bucket ah emawh han dawh khawl i la,A hnuai lam ah hian bawlhhlawh dum a tling khawm nghal ngung zel.Chu vang chuan Mineral Water hi a lei in an lei tawp.
.
Eng a maw vawt thler hian ka nghawng ah a rawn dek a,Hlau lutuk in ka au chhuak nghal tuar,Khum ah chuan thu chhuak in hlauna in min tuam nghal vek! Zonuni nui ri hawk hawk ka hriat rual chuan ka thawchhuak ham ham a,Ka thinzawnah ka kut chu nghat in mit ka chhing zui sawk! Nizan thil thlengnen ka ngaihruat lo thei lo.Ka thiannu lah vin vakna chi a nilo,Kan infiam fo dan a ni a,Keipawn kha ai a nasa khan a muhil tui lai ka tibuai thin.
.
"Oh..Rem-lal...I dam lo a mi?I dang vek mai!" A rawn ti hlui a,A nui hawk hawk kha a tawp tawh,A pheikhawk bun chu tlawh thla in khumah a rawn lawn ve a,Min koh thihdan hi nalh ka tilo.Ka hua tih a hriat vang in min koh lui khet zel bawk.

.
"I taksa huatzawng ei i nei a mi? A rawn ti a,A hmel chi ai lutuk ah chuan ka landan tur ka hrethiam.
.
"Ai..ka tha...Khawnge mi dang?" Ka ti a.Min melh rawm phawt.

.
"LIFESTYLE ah an kal kawi a nih kha,Ka ngaihtuah che a,Ka rawn tlang nghal daih a lawm." A ti a,Zonuni bulah hian sawi tur a niem ka hrelo,Amha ka rinloh vang nilo in,thinrim a pena ve reuhsia,Keimah vang in Sammy pawh a hau hreh miah lo ang! A ri nghal buan buan dawn tih ka hrelawk vek.
.
"Ih..Sammy nen in i karah eng thleng." A rawn ti a,A hmelah chuan thilsawi hreh deuh a nei tih a hriat.
.
"Ih..Englo..Nizan kha.."
.
"Thanpuia'n a rawn hruai che tiraw?" A rawn ti,Ka melh nghal kawk,Zonuni mit mengah erawh a lungawilo tih ka hre thiam.

.
"Umm..eng tin nge i hriat?" Ka ti a.A thaw chhuak hawk. "SAMMY sawi kha a dik tihna a mi?" A rawn ti nghat.
.
"Enge a sawi a.?"
.
"Nang leh Thanpuia kha in inkawp a ti,Nizan pawh khan Sammy thlah i duhloh chhan chu in hnuaiah Thanpuia'n a lo nghah lawk vang che.!" Ka lakah a lungawilo tih hriat ngawih ngawih hian a rawn ti tawn tawn a,Kei erawh chu ka thu hriat a vang in ka hawi dawr dawr thung.Sammy chuan inchung lamah eng dawt nge a lo han phuah kual!
.
"Sammy sawi chu i awi a?" Ka ti a.Chik zet in min melh leh phawt a,Lu a bu.Khum lu a lukham chuan ka vaw nghal pawp,Engtin .ge Sammy thusawi chu a rinfai vek theih!
.
"Sammy thiannu maw i nih a?" Ka ti hlak.
.
"Nope..Sawi chiang la,Nangmah a thlahzo a rawn let kha a hmel a zui lutuk a,A rawn thinchhe em em ringawt,A chhan ka zawt a,Chuan ka sawi tak ang khan a sawi.." a ti a,A tawnglai lo pawh chah ka tum chu min lo dang vat."Ka thiannu hian a vawi khatna a tan mipa a kawp a,chuan... ka hreve lo bawk.!" A ti chang fak,Sawi ve mai tur pawh ka hrelo,Ka thinrim lutuk chu ka puak keh mai dawn in ka hria,Ka sa pup pup reng.
.
"Sammy...ugggg... Dawt hlir a nih chu a sawi.!" Ka ti a, "Ka intur ah damdawi a lo pawlh a..Chuan.." sawi zo lo in ka thinrim inbeng daih tum chuan ka thaw chhuak leh hrawk hrawk phawt,Zonuni chuan ka thusawi chu a ringhlel tih pawh ka hria,Nie..a ni khan Beram hmul sin in chinghne thinlung ang pu miau hek! Thudik lo lutuk ten min lo sawi leh ta nghal a.
.
"Ka haw dawn kha theitui min pe,tahkhan damdawi a lo pawlha.." ka ti a,thil thlendan chu thinrim teuh hian ka sawi,A thil tih tenawm tak kha inchhirnan a hmang lo in ka thiante leh mihrang hlak bulah dawt muhlum in min lo puh zui a! Ka mihring hriat tawh ah chuan zahna a la tlachham ber ang.
.
.
"A va tenawm ve! Ka call dawn" a ti a,ka sawi lawk ang chiah,Kei aiin a thin thawk a nat bakah,A thawm a ring zawk.
.
"A ngailo..Thanpuia'n a be dawn!" Ka ti a,Kum ah chuan a ke chu a leng nghek."A rawn sawi dan ki kha chuan...Nang leh Thanpuia kha" min melh leh zawk a. "Midang awmve ho pawh khan ngaihdan thalo an pu vek ang." A ti leh hlak a, Sammy hmel ka mitthla a,A rilru bawlhhlawh lutuk leh mitthi lung ang mai a pangang in a bawm luai luai hmullo tu tan chuan mipa tha ber ti a sawi tur chu a ni reng,Kei ngei pawh in nizan thleng kha chuan mipa tha tak ah ngaiin ka zah ru hle a nih kha! Tunah hi chuan ka hmaah rawn lang leh pawh nise,Mitthi lung nen ka endan a in ang reng tawh ang.
.
.
Ka room.kawngkhat a rawn ri dawt dawt a,Ka lo chhing sek hman tawh,Lulham a phone chu lakang in ka hmet eng a. Zanlai a ni thuak tawh,Naktuk lam haw tur ka ni a,Airport panhma ka ngaih a vang in ka mu hma,Mahse min ti harh tu a vang hian ka muhil leh lawk tawh dawn lo tih ka hria.Kawngkhar bawk chu a rawn ri leh a,ning ru zet hian khum a tang chuan ka tho chuak a.Light ka hmet eng nghal.
.
Nu Te-i kha chuan ka mut hma tur a hria,Min rawn tihbuai ka ring lo.Kawngkhar chu ka hawng a,Khawvel a ka beiseiloh ber nen kan in dinchilh nghal run.Vawiin a thuamhnaw hak a la thlak ve lo.
.
"Ka lo lut thei em?" A rawn ti nghut.
.
"Zan lai a ni tawh,I sawi duh chu sawi rawh." Ka ti a,Kawngkhar chu ka taksa leng chiah in ka pawt hawng,A kut dinglam chu a lek chhuak hluia a,Min khawih a tum a maw ka lo ti hman,Mahse kawngkhar chu a rawn nam zau a,Awlsam tak in a rawn lut zui zat.Min kal pel in ka khum lam a pan ding nghal a,Ka dinna ngai a ding in a che zia chu ka en reng ringawt.
.
Khumah chuan a thu dawn maw ka ti,Mahse beisei loh zet in tukverh bar a vuan a,Min hnung chhawn in a ding nghal daih.
.
"I tho à a mi?" Ka ti a,Ngaihtha zan lo in kawngkhar chu ka nam khar leh.Min chhang lo in a ding ngawi ngul,A kawrdum ban tluan mawlmang zet chuan chiang tak a ka lo hmuh vek tawh a taksa chu a phuar deuh tang a.A taksa nghet leh lian zuar en chuan chetsawn a tum mai hmel hauh lo.
.
"Enteh..A tlai tawh,Pindan a in kal chilhna hun pawh a ni tawh lo.! " hnung lam a tang chuan ka ti a,Ka tawng chu hria ang pawh in a awm lo,Thla khat liamta mai ah kha chuan a piang ve tih pawh ka hrelo,Mahse tunah lem,Zan lai ah ka room ah a rawn awm ta run chu a ni sia.
.
"Ka bia che!" Ka ti leh hlak.A che deuh hruat a,A in her pah a,A bawp sei zurh che kual vel chu hmuh a nuam tak zet.
.
"Sammy nen kan inbiakna pawh min zawh i tumlo a." Lungawilo tih hriat zet hian a rawn ti a.A hma zawng aia chiang in min melh zui bawk.
.
"Oh..Eng tin nge?A kal tluang em?" Ka tisep a.
.
A rawn nui suak a,A va chimawm kher kher tak aw,Zawhna ka zawh chang a,Min chhang lo a anuih leh daih hian ka haw hlur thin.
.
"A banruh ka herhtliak ti ta i la.!" Min rawn melh a,Ka ang nghal zawk thung.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 20th, 2017, 7:04 pm

"I ti tak tak lo tiraw?" Ka ti sep a,Nizan kha ka ngaihtuah let a,A hmel kha chiang tak in ka hmu thei lo,Mahse,Vai thluk tawp mai ka chak tih kha chu ka hria.
.
"Tak tak mai thei a sin!" Tawng zui chak tawh lo tih hriat zet hian a aw chu a tial ruaih,Min rawn melh a,Eng tia awm tur nge pawh ka hrethiam lo.Mahse min chhannan mai mai midang tihnat kher erawh a hmel leh a mizia nen hian a in rem hlawl lo tih erawh ka hria.
.
"Eng pawh nise,i thil min tihsak a vang in ka lawm e." Ka ti a,A bu nghut a,Ka khum tlangah chuan a thu thla zui hnawk.


"Hey..ti khan awm ngawt suh,Kal tawh rawh!" Bengchhen hlau ru zet hian ka ti,Vawiin khan zirlai awmthar tur leh hmeichhe pakhat rawn hruaitu an rawn lut thar ve a,Zan laiah ka pindan chhunga mipa a awm tih an hria a nih vaih zawng in,An tawngduh dawn lutuk tih ka hrethiam vek!
.
"Ka chau!" Zawi zet hian a rawn thuk ruih,Min melhna mitmeng thim khup leh dul ruih ah chuan a chau tih a hriat ngawih ngawih. Mahse, a chauh vang ngawt in ka pindan chhungah a awm ve tur a nilo.


"I room lamah kal tawh zawk la." Eng vanga a taksa chauh vang ngawt a,A laka tawngkam nem hmang ta ngawt nge ka nih ka inhrethiam lo.

"Ai...He tah ka riak ve dawn!" thim ruih a min melh ngur chuan a rawn ti hniam chhak! Ka meng nghal kawk,A pheikhawk bun lai chu a tlawh phelh a,ka ngaihdan a pel ve tawh,Ka pan hnai a,min melh run chung in a pheikhawk lehlam a thlawh phelh leh.
.
"Chhuak rawh ka tihche kha.!" A hmaah tak ka ding ran,rawn ding chhuak ve ngatse chuan kan taksa a inlen hleih lehnasa ngawt ang.
.
"Nizan ah i muhil ka veng tawh che, zan in chu min ven ve hun!" A rawn ti a,a sam buk ah hian ka kehsak nghek lo chauh.
.
"Enteh...Uanna hun a nilo,Naktukah ka thlawk chhuak dawn,Muttam ka mamawh...!" Ka sawi zo hman lo,Ka kawngah a rawn vuan a,A mal chungah min pawt thu nghal hnawk,A nui hawk hawk a,Engmah ka tih leh hma in Khum ah chuan min keuh thlu nghal rawk.A taksa hrawlpui chuan min rawn bawhbet nghal a.
.
"Engthil nge i tih?" Vin lutuk hian hnuai lam a tang chuan ka au nghal tuar.
Ka tha tawp in ka tal nghek,Mahse a taksa lian lutuk rihna a vang chuan ka duhang pawh in ka che hlei theilo.
.
"I hria em?He tiang a awm lo tur hian nizan zan khua khan ka in thunun a sin!" Harsa tizet hian a rawn ti chhuak hrawih a,A hnar in dimte in ka biang a rawn nawr thuak bawk.
.
"Tenawm pa.." ka aw a khur dar dar,Ka kut chuan a darah na zet in ka nem a,A che sawn eih lo.A thaw halh halh leh taksa lumna vang chuan ka danglam tak ngial dawn in ka hria.
.
"Hriat duh ka neih thu ka sawi kha.." Mumal lo zet hian a rawn ti a. "ka hriat duh zawng zawng kha a chhanna ka hmu tawh!" Amah vek chuan a rawn ti leh sup a,A thusawi mumal lo zet chu hriatthiam tuma ka ngaihtuah ngial pawn ka hre thei lo.
.
"I sawi awmzia engmah ka hrelo..Chuan min kalsan thei em? Khawngaih in..!" Ka ti a,Ka taksa khur dar dar hi a chhan ka hrechiang lutuk.
.
"Kal sawn tur in min duh tak tak a maw?" A rawn ti a,Sexy lutuk hian a nui zui suk bawk.
.
"Aw... chuan he tiang hian awm leh tawh ngai bawk suh.! " ka ti a,Thanpuia zawk chu a chet tlat tlat.
.
"Ka mit ah hian en teh!" A rawn ti a,Ka ner nawk thung. "Ka kalsawn i duhlo..chu chu ka hria.!" A rawn ti nghut,Rawn kun hniam in ka hmui ah a rawn fawp nghal tawn tawn a nih chu! Ka taksa hi a che dawt maiin ka hria. Zei tak hian ka hmui hnuai a rawn pet a,A hmui nem thep leh ka hmui insik zawng te chuan ka mur sung sung thei! a duhthaw zel a,A rum leh ham ham thin,Awmve dan tur ka hrelo,Mahse awiawm loh khawp in nuam ka ti thung.A lei sa ham ham hmang in ka hmui a nawr kau leh a,Ka ka chhungah a lei a luhrual chuan ka rum chhuak hawk maiin ka hria,Ka taksa danglam mek chu Thanpuia pawh chuan a hrethiam ve vat,Ka malchip chat chu a pawt kau a,A inkarah a rawn tla zep nghal,Ka ka chhungah a lei sa ham ham leh thap deuh hrak chu chet kual tir reng in ka kut a man khawm a,Ka luchung zawn ah a nam bet nghal vek!
.
"A vawi khatna maw?" Phawk deuh tak hian a rawn meng,mahse a ti lang sexy zual lutuk.Chunglam a tang chuan min melh chhuk run a.Ka hmai a sa nghal tawn tawn thei!
.
"Mi vannei tak ka ni dawn e!" Sexy zet a nui pah hian a rawn ti sup ,A nuih zawng in a hmui bah vun chuar a nei tih ka hre ve chiah,Ka hmui ah bawk a rawn fawp leh a,ka kut a vawn lohna lam chu chet in ka hnute ah a rawn tham a,Ka eu nghal awk thei,Chhunglam a tang min rawn hnawh nghal tup tup a,Ka kap zawn a a mipatna khawng vek tawh in min do nghal run pawh chu chiang zet in ka hria.Ka nghawngah a fawp leh a,ka taksa ah chuan current chak tak an kal tlang zawt zawt mai.
.
Ka Shirt haklai chhungah a rawn zen lut a,A kut phah hrawlpui chuan hneh lutuk in ka hnute a rawn hum nghal chawt! A thawri huam huam leh a chet dan duhthaw zet a vang chuan ka dinhmun derthawn zia ka hria.Ka hnute a rawn tham a,Ka thaw chhuak hak,Ka ngaihtuahna zawng zawng a chawmawlh vek,Tih let ve dan tur ka thiamlo,Mahse min khawihna dang tur in tha ka nei miahlo bawk.A inbeng kang deuh a,Ka feel dan hreduh ang hrim hian ka mit ah tak a rawn en a! A mit meng tisa chakna vang a thim khap chu ka en a,Rilru fim hman ka ngaihzia ka hre chiang kuar kuar.
.
"Ti hian ka kal dawn em?" Chimawm deuh a nui pah in ka bra chhungah a zen lut hmiah,Ka thaw nghal hlawp hlawp!

"Sawi la?" Kun hniam in ka awm zawn chu a chalin a rawn nawr kual a,Ka a thei tak ngial dawn! Ka taksa danglam nasa lutuk a vang hian ka thisen luandan zawng zawng pawh a dang lam vek!
.
"Nilo..Thanpui duh tawk ang..!" Hlauthawng ru zet hian ka ti chhuak that,In dan pawh ka tumlo..ka van mawl tak..
.
Mahse kan tan chuan thil thleng kha a vawi khatna vek a nih bak ah... A zei mah mah!
.
.
Ka hnute zawn chu kawrchhan ah chuan a rawn fawp zauh a!
.
"Duhtawk rawh ka tih chu!" Ka ti that a,Ka aw khur a bo tawh,Tun ah hi chuan ka awmdan zahpui awm zet a vang in ka in haw hlur tawh zawk.Thanpuia chu a rum chhuak hrawih a,Ka nghawngah chuan hmai phum in a thaw ham ham reng,ka kawrchhung a a kut lum ham ham la awm reng vang chuan ka thawk erawh a la pang ngailo.
.
Ka theihtawp a na in lukham chu ka nawr a,Ni tam pawh ka la hriat ngailoh mipa hian awlsam tak in min khawih thei! Rapthlak lutuk! "Kal tawh rawh." Ka ti a,Ka lu chunga ka kut a man khawm chu a thlah dul ruai ruai,Rang lutuk in hmai ka hup a,Engtin nge he mihring hi ka in khawih tir ringawt thei! Tunah chuan min ngainep tawh ngawt ang.
.
Ka chung a tang a let thla a,A awm lohna lam hawiin ka inlet zui vat,A mit menga min hmuhsitna rawn lang chuak tur ka hmu ngamlo.
.
"Ti khan awm lo teh.!" A rawn ti hmuk. A aw a tang chuan a thuhnuai a awmtur in min ngaivek tawh tih a chiang reng.Ka mut dan ngaireng chuan ka mu a,Ka kawchhung lam ah chuan vawt in min tham sung sung,Ka zak mai a nilo,ka in haw lutuk.Khum chu a rawn che deuh a,Ka kawngah hian a ban a rawn rawlh lut nghal,Rang lutuk in a ban chu ka vuan a,Pawh phelh ka tum,Mahse tha kan in ngah hleih lutuk,Ngawi reng in a taksa si chet in min pawt hnai sawk a.
.
"Hahdam rawh.!" Ka beng bulah chuan a rawn phun sup.A thinphu dawt dawt ri leh thaw lum veng veng chuan ka taksa a timur nghal sung sung.
Engtin nge taksa insi reng a awm in ka hahdam theih ang!
.
"Min nuih zat em? Mahse a thleng nawn tawh dawn lo." Ka ti sep a.Ka taksa tangtung vang leh min kuahna a vang hian ka thawklak a sak vek.
.
"Chutiang engmah sawi a ngailo..Muhil rawh.!" Mut chhuak aw tih hriat zet hian a rawn phun chhuak sep a,A thawk lakdan ah chuan a muhil zui nghal maiin ka hria.
.
Ka meng kar a,Ka che ngam lo,Ka thawk pawn zawi te te in ka thaw chhuak.Eng thil ah nge ka inbarh luh ka hrethiam lo.Tun darkar 24 chhung a thil thleng te hi ka nun a thleng ngailo tur hlir ah ka lo dah thin,A biktak in..Hepa..Thanpuia nen a in hnaih tak awm phei hi chu ka suangtuah ngai lo.A mah tak ka hriat hma hian a chanchin hi hriat ka lo neive nual tawh,Ka nutei mipa atchilh ngawih ngawih a nih vang in ka bengah a hming hi a mikual lo hle!
.
"Muhil rawh ka tih kha.!" Mut chhuak aw tak a phun sup ri ka hriat chuan ka phu zawk a,Ani erawh a nui tih hriat zet in a taksa a che dawt.Nghet leh zual a min kuah in ka beng hnuai a rawn thawk khum ham ham a.
.
"Tun a i lungphu phut dan hi medical term in i sawi fiah thiam em?" nuih insum tih hriat zet hian a rawn ti a,Ka kiu in ka nghawk nghal sawk! Sualthiam leh lutuk.
.
.
"Ih...Chhuak tawh la.!" ka tisep a,Tun hi a vawi khatna leh a tawpna nitur in ka duh takzet,Ka rilru chawmawlh nuaih pawh hi tihreh a ngai,Hahdam deuh a awm a,Rilrufim put ka mamawh,A nihloh chuan buaina ka tawk mai ang.
.
"He tah ka riak dawn ka tih kha.." a ti nghut a,Ka dulzawn a kut chu a chet a,Ranglutuk hian ka man bet nghal chawt,Amah pawh chu a tawpzui ve mai bawk a.
.
"Enteh...I duh ang ang a i khawih kawitur ah min ngai a nih chuan i tisual hle ang." ka ti a,Min kuahna kut chu a thlah dul deuh a,Khum a tang ka thuchhuak nghal vat.
.
"Chuak rawh.!" ka ti leh that a,Ka thusawi chu hria ang in a awm hauh lo.
.
"Thanpui...?" Beidawng zet hian ka ti a.Zeploh chuan thilthleng dan hi a mak lutuk,A awihawmloh zawk,Engtin nge khawvel a ka mipa ngainat loh lutuk nen khum khatah kan mut dun theih,Engtin nge zan laiah a mut pindan panlo a,Ka room a rawn pan tlat.Kan in hriat hun chhung ngaihtuah in tun a kan awmdan hi chu thil thleng theilo tawp khawk a ni! Mahse a thleng miau sia!
.
"Nichin mai a kan awmdan kha chu theinghil rawh,A thleng tawh dawn lo bawk.!" ka ti a,A hmui hnuai a seh sawi zauh ringawt.Engtia han tihtur nge pawg ka hrethiam lo,Ka khum a tang hian ka pawt tho zo ngaidawn lo tih lah ka chiang hle bawk si!
.
"Ti khan i duh dan dan in awm rawh.!" ka ti a,Pindan khat a awmdun reng ai chuan House hnung lam thutna ah khan zuk thu chhuak in thlifim zuk dawng i la,Ka rilru chawmawlh leh mang duk tawh te hi ka hmang leh thei tawh mahna! Khum a tang tho chhuak in kawngkhar lam ka pan nghal vat,Ka tihthin loh dan pawh a nilo,Hostel a kan awm lai pawh khan,Zan ka mut theihloh a piang in Hostel kawt a Fountain bul ah thu in hun ka hmang thin.
.
"Kan awmdan kha keichuan ka theinghilh lo ang,Bul kan tan tawh a,A tawp pawh kan thleng dun ang." chu aw nghet leh thum lam lek lek a vang chuan ka kawngkhar hawnna vawn chu ka thlah riai riai a.
.
"Engmah kha tihpalh a thleng a awm lo.!" Khum tlang ah a lo thu chhuak tawh,A khup chung ah a ban pahnih a nghat a,Chiang lutuk in min lo en run mai.
.
"Haha.. Ka lam a tang chuan engkim kha tihpalh vek!" ka ti a,Ka sawi lai reng chuan a rawn ding hluai a vang in atthlak lutuk in ka tusawi lai ka tawp a,Bang kil lamah ka tawlh zui nghal vat.
.
Ding zet hian min rawn pan nghal ruak ruak,Ka hma ah tak a rawn ding a,Kan in hmuh hmasak ber tum ang chiah khan a hmelah nelawmna pakhatmah a awm lo,A mit khur thuk lam deuh a tang chuan hlauhawm khawp hian min rawn melh.
.
"I sawi leh thei em?" A rawn ti a,A taksa che leh thawri sawk sawk a vang chuan a kut phah lianpui hian min beng sawk mai ang tih ka hlau.Ka dak chho a,Chiang zet in a hrawk bawk chu ka hmu thei.
.
"Engmah kha lak thutak tur a awm lo,Mipa leh hmeichhia kan ni a,Thil thleng palh thei a nibawk,Chuan...Chhuak rawh.!" ka ti a,Hlau lo ang a lang in ka kut chu ka kuangkuah tlat,Ka taksa chhung erawh a khur dar dar,Ka tan chuan engkim kha a vawi khatna vek a ni! Thil thlengpalh ang a ka sawi erawh in ka taksa chhungah hian natna a siam,Mahse.. Buaina dang ka duhlo,Zan in hian a tawp vek tur a ni.
.
"A tha e.. Thil thleng palh tiin i sawi ngun bawk a,A lo ni a nia nge!" ring hauh silo hian a tawn ti sup a.

"Mahse i mipa awmpui hmasa ber ka nih a vang erawh chuan i hriat rengna a ta min nawh reh mai chu harsa i ti ve ang.!" Min ngaihnep na leh Hmuhsitna awri a vang chuan ka hit nghal ngut ngut thei,Mahse haw ngam tur ka nilo,Ka awmdan khan zir miau hek lo.
.
"Chhuak rawh.!" Ka vin tawh lo,Ka aw chhuak chu a nem chuang lo,Mahse ka taksa chhunglam hi a ni nghulh thei! Chiang zet in min en a,A bu nghut.Ngawi reng in kawngkhar lam a pan a,Ka dinna ngaiah ka ding reng,A chhuak a,Kawngkhar a rawn nem khar leh rual chuan ka thaw chhuak nghal kawk kawk! Ka kawchhunga thil awm zawng zawng a kalchhuah pui vek a maw tih theih tur khawp in ka ruak nghal vek! Muangchang in khum lam ka pan a,A duh ang ngawt a min khawih theih loh meuh chuan min ngaihdan chiang tak in a sawi chhuak nghal hmiah! Mihring pawh a nilo!
.
Zawi zet in khumah chhuan ka mu thla a,A kal ta kha thawveng hawk tur ka ni,Mahse a nilo..Ka taksa ah hian kim lo riau leh ruak riau a in hriat na ka nei tlat,Dawhkan chunga sana in hung chu ka en a,Zinglam a lo hnai tawh.Mit chhing in rilru fim put ka tum a,Chutiang a mit ka chhin a piang chuan Thanpuia hmel chiang zet in ka hmu zel,A mit meng a fiah zet a min melhna te,A taksa lumna in awlsam lutuk a min ti danglam nghal ngawt thei te kha..
.
'nilo..ka ngaihtuah tawh tur a nilo,A indah san ang em em khan ka lakah nghawng a neih loh zia ka lantir ang.'
.
Mit ka men leh chuan pindan chhungah ni eng a rawn lut ruih tawh,Sana ka en a,Zinglam dar 7am a lo ni va tawh mai,Dar riat ah Airport pan ka ngai,Ka bag zawng zawng ka pack fel tawh a vang in hman hmawh ruai ka ngai lo.Zang thal zawng in ka mu a,Ka kut chuan hmai hup in ka thawchhuak ham ham.Khum a tang ka tho chhuak a,ka lu nibur vang chuan ka thinrim.nghal tung.Washroom ah ka lut a,Ka in phih fai sawk sawk,Darthlalang lian vak lo a ka hmel rawn lang ka hmuh rual chuan ka nur nang a,Ka mit hnuai val kual raih a vang chuan ka hmai ah makeup ka hman ngei a ngai ang.Washroom ka awm lai reng chuan ka phone a rawn ri a,Lu rit bur hian washroom a tang chuan ka pen chhuak.
.
"Aw..Zo-Buai..'" ka ti a.Thildang a sawi hma in min rawn au khum nghek.
.
"I in peih tawh em?Keini chu Airport kan pan tawh dawn sin." a rawn ti lang lang,Sana ka en a,7:30 a pel fel chiah,Mahse Ka awmna aiin Airport an hlat a vang in an kal hma erawh a sual lo ang.
.
"Umm..Eight ah ka rawn chhuak ang,Phi cheng lo u la.!" ka ti a,A rawn tawng leh niah niah chu ngaithla chung in ka mut thuamhnaw chu ka hlip a, Boyfriend Jeans paw dal chu ha in Cotton shirt var plain tawp ka inbel leh,Ka sam buang thang leh ngil sang chu kang leh lawh ah ka tawn a,Converse var sar chu in thawlh leh in ka hmaiah make up ka hnawih mawlh mawlh.
.
"Sammy a lo kal." Zonuni'n a rawn tih rual chuan ka thaw chhuak hap,"Nizan khan ka hau hrep tawh bawk,A inthiam loh hmel.kher mai,Chu vang chuan vawiin zing pawh min drop dawn a.!" Min hrilh hma loh vang a inthiamlo tih hriat zet hian a rawn ti a.Nie..An inkawm theih chuan la inkawm.mahse ka sawisel lo,Ka chung a a rilru put ang kha an lakah a pu ve miau lo a,Sawisel sak vak ka tum lo.
.
"Umm..A that chu..!" ka tia.
.
"Ih..Diktak chuan a ban a na..Chhana'n a khal dawn a!" a rawn ti.Tullo lutuk in Thanpuia hmel ka mitthla nghal,Nizan khan e nge a sawi kha!!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 20th, 2017, 7:04 pm

Zonuni nen kan inbiak zawh hnu chuan ka room kawngkhar a rawn ri dat dat a,Ka va hawng vat,Hnathawk pakhat hian min lo nuih nghal var var a,Ka luggage min khai thlak sak tur in Nu Te-i rawn tirh a nih ka ring,Airport taxi ka koh lawk tawh a vang in thildang ti kawi lo in ka kal tlang nghal thei,Zing chaw chu Airport chhung ah chhuah hun nghah pah in ka ei mai ang.
.
Hnathawk in ka bungrua a khai thla ,Ka bag chu la in phone ka hum bawk,Zan tam lo te ka riahna hmun chu ka en let a,Atthlak zet in Thanpuia bawk ka ngiahtuahna ah a rawn lang leh nghal.Ka in thing nawk nawk a,Engtikawng zawng pawh in ka ngaihtuah tawh tur a nilo.
.
Kawngkhar chu ka khar a,Kailawn lam chu ka pan zui zat,Kai lawn thlen dawn a kawngkhar pakhat chu a rawn in hawng a,Thanpuia a rawn chhuak zui nghal,Inbual zo hlim tih hriat zet in a sam buk ve tak chu an la hnawm chap a,A rimtui in kah rim chuan min fan nghal chem chem bawk.Boro shirt a taksa lian leh nalzet nen a in rem thlup hi a ha,Casual pants dum ha leh in leather sneakers dum a bun bawk,Kal chhuahna tur nei tih hriat zet hian pouch dum a khai tel a,Min melh zawk a,A room kawngkhar chu pawt khar in kailawn ah chhuan a chhuk thla nghal nul nul.
.
Min hrengai lo ang mai a house chhuahsan a pen pawk pawk chu ka en a,Enge a lak a tang khan ka beisei vak! Nizan khan a mize diktak chu a lang chiang bawk a lawm, a duh ang ngawt a min khawih theih loh tak ah chuan a tan tangkaina tur ka awm reng hlei nem! Tenawm leh lutuk.
.
Airport taxi gate hma a lo ding reng tawh ah chuan ka lut a,Nu Te-i leh a pasal in kut min vai lap lap,An fate pahnih kha chu school kal tur in an chhuak hman tawh.House chu kan hlat tial tial,He house leh a chhung a thil thleng kha ka dam chhung in ka theinghil tawh ngailo ang.
.
.
Kan ram ah ngei ka let a nga,Ka chhungte bulah hun nuam tak hmang in Thanpuia kha chu ka theinghilh mai ang tiin ka in hnem a,Ka thei a ngem?Ka mipa fawh hmasak ber leh hnaih hmasak ber hi,Keihian thlakhat lek chhung in ka theinghil hman a ngem?
.
.
Gate a in hawng ri ka hriat rual chuan ka pindan tukverh lam chu ka pan vat a,Zan dar 9:30pm a nitawh,Min hmu tu an awm ang tih hlau tak in parda phen ah chuan ka ding a,Ka thinphu vang in ka taksa chu a che dawt dawt,Ka parda in phenna puan te chu ka taksa che vang chuan an che ve hial thei,Kan in kawtah chuan kan car a rawn tlan lut a,In hma lamah hian Car hunna in kan nei,Car chuan chu lam chu a panding nghal a,Ka pa hna vang in Silchar lamah a zin chhuak a,Fanu thalo tak angin keiin ka nu enthlak hna ka thawk zui nghal.Mizoram ka haw a tang karkhat a liam tawh,Ka nu hi in lamah a awm ngai meuh lo,Zan rei tak tak ah rawn haw in rawn riahnan a hmang tawp,In khat a awm reng siin nileng a in hmuh loh chang pawh kan nei.
.
Car a tang chuan ka nu a rawn chhuak a,Dan ngaite in a nalh tak zet,A vun var sar ti lang chiang tur in a sam chu a dum hlap,A hmawrlam a herh kawi bawk,A ngalsin sang chuan in lam pan in a rawn pen pawk pawk a,Ka room pindan chu a thim vek tawh,Pawn lam erawh khawvar hnu ah chiah eng kan 'off' thin.
.
Ka beisei ang eng thilmah a thleng lo,Ka nu in chhung lut thawm ka hriat hnu ah Car dahna a tang Driver a rawn chhuak ve a,In hnuai lamah a riak ve thin,Ka nu nen ka hmuh dun tum hian mit mei eng a maw hi an in hmuh tlat hian ka hre thin a,Chu vang a an pahnih hi enzui reng ka ni.mahse.. An awmdan ah danglamna han sawi tur ka hmu ta mai lo.
.
Parda chu ka pawt chip leh a,Ka khum lam ah chuan let in khum tlang ah chuan ka thu ngawi reng! Thawm dang hriat leh ka inbeisei zawk nge pawh ka hrelo.
.
.
Ka khum bul a light chu ti eng in ka lehkhabu lei thar chu ka chhiar a,Nutei pawh a la rawn haw bik chuang lo,Chhungkua kan ni a chu in hi zan rawn riahnan bak an hmang lo tiila a dik ang,Ka pa pawh chu ti tho,Nileng in hna an thawk a,Zan lamah an rawn haw tawp,A chang chuan zanriah pawnlamah an ei thin,Ka nu phei chu ka haw tlai a chaw kan ei ho bak kha inchhungah chaw a ei lo. Hei hi kan chhungkaw dan ani,Ka hriat theih chin a tang ka nu leh pa in kan sum neih tihpun nan hna an thawk ngawt ngawt a,An thawhrim a zarah hlawhtlinna pawh kan chang reng,Mahse..Duhtawk chin an neilo,An neih bak neih belh leh zel an duh a vang in a hma zawng aiin an thawkrim a, kan in hi chu an zan chawlh hahdamna pakhat ang lek a ni tawh.
.
Sumngah hi chhungkaw hlimna a nihloh zia ka hre chiang em em,Chungkaw hlim nei tur chuan inchhung a chengte in pawh tak a awmho a,In kawm ho te,Kan nitin hun hmandan te in hrilh tawn a,Thutthleng khat a thut ho te hi a ni zawk,Chu thil erawh kan chhungkaw tan chhuan van a rah ang daih a ni.

Pawn lam thawm vang in ka meng nghal kawk a,Nizan lehkha chhiar a ka bawh dan ngai ngai khan ka lo muhil tawp tih hriat reng,Ka ring a kham nghal run,Ka thu chhuak a,Ka ring kham lutuk tihreh tum chuan ka lu chu ka chet kual a,Khum bula light chu ti hlum in ka tho chhuak nghal a,Washroom luh ka tum zet tawh,Pawn lam thawm vang bawk in ka hawi leh nghal dawr,Ka mu lai min ti harhtu pawh chu thawm chiah chu a ni,Kawngkhar lam ka pan a,Thawm rawn chhuah leh hun ka ngaithla kar,Eng a maw thil tla thawm ang hi ka hre leh a,Rangtak in kawngkhar chu ka hawng nghal vat a,Ka pa lehkhabu chhiarna kawngkhar lianpui chu a rawn in hawng ve chiah,Ka rinloh deuh in ka nu a rawn chhuak a,Min hmuh a inring biklo tih a mit meng buai nak ah chuan a hriat,Mahse a insiam rem leh nghal vat a,A kut a bawm ken chu a sirlam ah a dah thla.A rawn nui a.
.
"I tho tha maw?I pa pawh vawiin lamah a rawn let dawn!" Nui sang chung in a rawn ti a.
.
"Vawiin chu i va tlai ve?" Ka ti sep,Ka thawh ve hma in a kal chhuak hman daih thin,Tun tum ka chawlh hmang chu Hostel a awm tluk zet in ka chhungte hi ka ngai tho,An ni lah chu an hna ah theuh an buai em em a,Ka tan hunawl tumah in an nei lo.
.
"Umm..vawiin chu i pa hmanrua ah mamawh ka nei a,Ka zawng kual chiam mawle." A ti a, "Inhnuai lamah thil zuk ei rawh.' Tha deuh hian a rawn ti leh mai,Min kal pel a,Ka pa nen an mut pindan lamah a luh thleng chuan ka en zui reng! Thil danglam awm miahlo hi kei hian ngaihbel kual ka tum vel mai mai niin ka hria.
.
Ka inphih fai zawh hnu chuan inhnuai lamah ka chhuk thla a,Kan inchu in satlaih aiin a lian,A chhung a bungaw changkang tak tak enkual chuan ka thaw halh a,Heng bungraw changkang tak tak te hian kan inchhung hi an tizahawm loh, an ti lang hlauhawm zawk!
.
Choka ah ka lut phei a,Ka naupan lai a tang a kan hna min thawhsak tu,India hmeichhia,sam phair fel thlap hian min lo nuih nghal var var,Mizoram a awm rei tawh ngaihtuah in tawng a thiam theilo,Nge ni a thiam a tum vak lo hrim hrim zawk pawh ka hrelo.
.
"Coffee aw?" A rawn ti a,Lu ka bu nghat.
.
"Ka nu a chhuak tawh a mi?" Ka ti a,ka coffee tur siam mawlh mawlh pah chhuan ka nu chhuah chiah thu a sawi a,ka awmloh lai a thil thleng tam tak a hriat ka ring,zawh ka duh viau laiin tlawmthlak ka ti deuh bawk si.Coffee tak tha zet chu ka in a.Kailawn lam a tang thawm a rawn awm zui ve zat,Ka hawi let a,Nuteii kal chhuah mai inpeih at tawh chu ka lam pan in a rawn kal ve chiah.
.
"Mate..Vawiin chu ka dawr ah rawn kal ve la,In a awm ngawt ngawt i ning lo ami?" A rawn ti a,Fridge hawng in zing tin a in thin(Cherna damdawi) chu a insiam nghal mawlh mawlh .He thil hi medical pawmpuina an ti takna a chu in loh theih hram chuan inloh a tha,A tirin effect neilo mase,A rei hnu ah effect a nei thei.
.
"A tha phian ang, Dar 10 vel ah ka rawn phei ve ang." Ka ti sep a,Chutih lai chuan dawhkan chung a lphone dah chu a rawn ri,Ka melh zawk a,Screen a hming rawn lang a vang chuan ka zawi nghal hnawk thei!
.
"Hello..Thanpui!" Nutei aw a phurna ri chhuak chu mimawl ber pawh in an hrethiam ang.Nutei tawng thawm te chu an hla riai riai a,A hming ringawt pawh in a ka taksa a tihdang lamnasat theih zia chu a awiawm loh zawk.Nghet lutuk in coffee no vawnna chu ka hum ngawt ngawt a!
.
"Mate.." ka hmai zawnah Nuteii'n kut a rawn vai chuan ka nui chhuak suk a.
.
"Enge i lo ngaihtuah,Vawiin chu dawr lam ah rawn kal ngei ngei rawh,Thanpuia kha Chennai a tang a rawn let a,Chaw chhun kan ei chhuak dawn!" Phur zet hian a ti zung zung a,Ka kaw chhung ah hian mei alh hlawm a in lum let mup mup mai in ka hria.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)