NIGHT CHANGES 11K BY Abbra Reo Ririni Khiangte (Pitartei) (Season 1 Completed)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

NIGHT CHANGES 11K BY Abbra Reo Ririni Khiangte (Pitartei) (Season 1 Completed)

Unread post by Ngaia » January 3rd, 2018, 8:10 pm

NIGHT CHANGES
BY
Abbra Reo Ririni Khiangte(Pitartei)

Heng bak hi kan dah chhuak lo u aw. 🌟❄


Page 1: https://abbrapitartei.blogspot.com/2021 ... -2017.html


Page 2:
https://abbrapitartei.blogspot.com/2019 ... to-24.html









"Tun ah rawn lawn nghal rawh!" Mipa aw vin tuar in a rawn tih rual chuan ka harh zawk maiin ka hria,Ka hawi kual thuak a,Kawng laia mipa pakhat let reng pawh chu a thianten an lo kuah tho ve mek a.


"I mawl ami?Tunah..?" Ka ban reka na zet a rawn hmer sawk tu chu ka melh leh a,A kamsir a thi a,Chuan a mit ko a khem nang bawk.

Chil ka lem khawlh a,Kan piah kawi atang police motor ri ka hre zui nghal zat.

Midang awm ve ho zawng zawng chu second tlemte chhungin an tlanbo hman vek!

Chupa chu kan bul a bike ah chuan a lawn a,Ka ding khawng reng chu min phih leh nawk a,Engmah ngaihtuah buailo in a hnungah chuan ka lawn ve tharh a.
He mihring hi tunge a nih tih pawh ka hre ngailo!

"Tlak i duh loh chuan ka kawngah rawn kuah rawh." A ti vin tuar,Ka tha khur leh thinphu dawt dawt a vang chuan ka thlan te a chhuak hial in ka hria a. Ka ban pahnih chu a taksa ah chuan suih zawm in ka theih ang a nghet in ka kuah a,Bike a che chiah chu..Kan thlawk in ka hria!


"Pathian leh...!" Ka țe nghal chul a..Bike khalh tupa lah chuan a aia chak a khalh in kawngkawi ah te chuan lei kan hrut thuak thuak maiin ka hria,Kei erawh tlak hlauh vang leh kan tlan chak lutuk hlau bawk si chu ka au tuar tuar reng.

"Min vuan nghet rawh,Kan hnung lawk ah police an awm.." Ka hawi let ngam ve tawh lo,Tun hi ka pian ațang vawi khatna atan bike vawikhat ka chuanna ani a,Chu pawh tunge ani tih ka hriat ngailoh khalh ah leh nghal!

A kawrhma ah ka tham a,A hnung ah chuan hmai ka phum tlat,chak leh zualin kan tlan tih thli thaw vuk vuk leh ka sam thlawk hlawp hlawp ah chuan ka hrethiam vek.

"Lalpa.. Kan ding thei tawh mai lo mi?"
.
Khawpui chak tak a kan tlanpel vuk vuk chu ka mit sir in ka hmu thei a,Keihi eng hlauhawm ah nge ka inbarh luh tak?

Hneh lutuk in Bike chu a ding chawt a,Ka la kang lawp zui.Au tuar in ka hma a thupa chu ka kuah nghet leh zual a,Bike a ti thih hnu chuan a reh duk! Ka tha khur nasa lutuk a vang leh taksa tang lutuk a vang chuan ka kut ka lasawn thei lo a..ka thinphu ri dup dup chu ka hre vek thei.

"Chhuk ta che..!" Bike khaltupa bawk chuan a rawn ti leh sup,min nuih in ka hre bawk.

"Ih.. Khawnge..Khawnge kan awm..?" Ka ti bah nawk,A taksa ka kuahna kut chu ka la phelh chuang lo,ka hawi kual a,Kan awmna hmun ka hrelo,a thim mup a,Bike light in a chhun en ah chuan vut khu a leng nuai nuai bawk, mahse kan piah lam a midang ka hmuh tel ve tak ah chuan ka thaw huai a!

"An man che maw ka ti hman a sin..!" Hmeichhe pakhat leather pawnfen dum tawi te feng,kawr tawng chham zet chung a leather jacket dum tho ha in kan lam a rawn pan chu at hmel zet hian ka lo melh tawp.

"Kei hi min man a nga maw?" Ka hma a țhupa chuan a ti hak,a nui zui hawk bawk a.

Hmeichhia zawk chuan thip zet a min rawn melh in mipa ka kuah behna ban chu a rawn melh leh a,Rang lutuk in ka thlah nghal zawk,Chu mi rual chuan mipa zawk chu a rawn rak that zui a!
Thil thleng engkim chuan min ţhawng vel vek!

"Nang te reuh hi..ka dul i ţham tel alawm.!" A ti sup,Mahse a nuih a zat hmel zel tho,Hmeichhia zawk chuan kut kuangkuah than in min melh a,Midang pawh an rawn kal khawm sup sup bawk.

"Lawmzual..khawi lam chick nge a?" An vai mai chuan insual hrat hmel tak tak vek an ni!

"Tu nge a nih tih chu amah hi zawt mai ru.." a helmet lawk zet phelh pah chuan a ti hmak,Helmet chu bike hma lamah a dah a,A rawn thle deuh a,a nui suk tih hriat zet in a biang vun a che a.

"Chhuk la..!" Amah bawk chuan a rawn ti leh.Kei erawh hlauhthawnna in min tuam nghal vek,Khawpui dai ah vawi khat pawh ka la hmuh ngailoh te nen zan thimah kan awm ho mek,Nichin kan tlanchhiat chhan pawh an ni ho leh thian rual khat dang an lo intibuai a,Kan in ka pan duh a nih chuan an ni ho kha ka kalpel an ngaih bawk si a vang in kha lai hmun kha ka paltlang a,Thawkleh khatah Police rawn lang thutin, Police hlau a tlanchhe ve ta ka ni..

" Ih...Ka haw duh..!" Ka ti sep a,Mipa rual panga(5) vel chu an nui nghal hawk hawk,Chu tak chuan min ti mangang zual sauh bawk!

"Kan bulah awm rih rawh." Mipa pakhat chuan rawn kal hnai in bike chunga ka thu reng chu ka ban rek ah a rawn hmer a,Ka rak nghal țhat,Mahse,Bike khaltupa zawk chuan min vuan tupa kut chu rang zet hian a rawn phih thla vat,Midang ho mak ti a ngawi ta duk a vang chuan an insual leh mai dawn maw ka ti hman hial tawh.


"Nick.. He hmeichhi hi chu hmeichhe dang ang anilo.. tuman tihbuai tum su..!" A mit khur thuk lam lek lek chuan kan bula mipa ding chu a melh ran,Mipa zawk chuan awiloh hmel zet hian van lam hawiin a thaw chhuak hawk a.

"A țha a lawm..!" Dar kan ak in a tawlh hnung zui nghal a,Mipa dang chuan a darah an rawn beng thak thak hlawm.
.
"Chhuk la..!"

"Ai..Ka haw duh..!"

"Umm...chhuk phawt la,ka thlah ang che.!" A ti leh a,Awmdan tur ka thiam lo,Hmeichhe leather pawnfen feng khan min keh bawrh bawrh chak hmel zet hian min melh reng tih ka hriat a vang chuan ka hlau leh zual.
.
"Tumah ka hre ve bawk silo cheu.. ih.. in ah min dah rawh.!" Ka ti leh a,ka tah a chhuak țun tawh,zan ah ka chhungte tello in vawi khat pawh ka la chhuak ngailo,Hmeichhe ngawichawi leh țhian kawm tamlo tak ka ni bawk si nen, thim chhah mup kar a mipa rual leh hmeichhia thuamhnaw inbel mumallo te nen a awm ka ngam velo.

"Lawmzual..tinge i rawn hruai ve reng reng a,plant a ti flop vek dawn." Min melh rum deuh tu khan vin hlak a tiin a inher hmak,hmeichhe pahnih lo awm ve chuan an zui ve a,Kan thlen tirha an lo awmna lam pan chuan thinrim tih hriat zet in a kal tau nghal nghawng nghawng,Mipa te pawh chuan min lawm ve hauh lo tih ka hria.


"Enteh..tuman ka tina dawn lo che,Lo chhuk la, kan țhian ho hian thil pawimawh tak kan buaipui mek a..Kan zawh vel ah Lawmzuala hian a thlah let ang che..!" An zinga hmel duk ve lo pa chuan a rawn ti dam dap,Min ngaichang zet in a ban a rawn phar chhuak a.

"Reilote chiah a ni ang.!" Nui suk pah hian ka kutah a rawn chelh a,rilru nuamlo zet in Bike atang chuan ka chhuk thla a.

"Eng nge i hming?"

"In reilo tak tak ang tiraw?" Ka tih rual chuan a rawn nui hawk,lu a bu a,Mahse ka ban ah Bike khalhtupa zawk khan rawn vuan in midang awmna lamah chuan min kalpui nghal hlawl hlawk a nih chu!


Tlai chaw ei kham hnu ah dawrah mamawh lam turin ka kal chhuak lawk a,Ka let lehlam ah an ni ho hi kan inthlen hma kawngreh laiah an lo intibuai,Engmah harsatna awmlo in ka kal tlang theih mai ka ring a,Mahse a nilo,Mi maksak zet bulah ka awm ve phah!


An ni hian eng a maw tak ka chungah tih an duh vang in ka mangang che buai lai kha remchang ah an hmang tihna mi?

"Hey..Ka kut hi thlah rawh.!" Ka ti tuar,Ner suk in lu a thing ringawt anih chu!

"Ka chungah engmah tih tum miah suh..!" Ka ti vak a,a ke pen pawk pawk chu a tawp chawt.A rawn inher thut a,Hnunglam ah ka tawlh let dat bawk,Mahse ka ban rekah a chelh tlat a vang in kan in hniah hle tho! Ka chhip atang ka ke hmawr tleng in min melh thla dan dan,A tawp ah a rawn țhen sak a.

"Ka hmeichhe duh zawng i nilo,Min hlau duh suh.!" A ti hmuk,Ka ner nawng ringawt.

Bike panga lo inhung na lamah min kai phei a,A țhen in beer can an lo keng far bawk,Zaidam hmel ber khan kan hnungah min rawn zui ve a,An kal vawi khatna anilo tih hriat zet in tupawh mai chuan nuam ti hmel an pu vek.

"Nichin khan i khawihna hman lo a..!" Mipa pakhat chuan Lawmzual chu rawn melh pah hian a ti bui bui,Ka ban rawn hmer ngawt tu kha ani bawk.

"Umm..Zan dang a la tam a lawm,Tunge police kha lo va hrilh hman ni..!" Lawmzuala chuan a ti hmuk,Ka kut a vawnna chu a thlah a.


"Tah khan țhu rawh.!" Tih leh thing in kham phei chunga min nem țhut a rual nghal zat,Midang chuan ka awm ve tih an ngaihven tawh miah lo..Oh..Nilo..Leather pawnfen chhing feng-i sawn min melh ngawt ngawt.

"Tuma hrilh ngailo in keini ho min man chak in an vir buai reng a lawm."

"Kima zawk kha a nat hmel tho in ka hria."

"Saturday zanah kha ai na kha ni mai..!"
.
A țawng a piang en in ka hawi dawr dawr ringawt, An ni ang hi mizoram ah an awm ka ring ngailo.
Bike intlansiak ching an awm tih chu ka hria a,Mahse a huho a che chhuak a,Insual hrat an awm erawh ka ring ngailo!Tunah erawh rinhleh ruallo in an awm ngei,Chu mai pawh nilo in tunah tak hian an zingah ka țhu ve ran! Hui!!

Ngawi reng in ka țhu a,in ka let huna ka chhuanlam tur ngaihtuah in ka kuttin ka sik nauh nauh bawk.

"Zonun, Ka thlah ang che..!" Bike khalhtupa in ka hming ngei a min rawn auh a vang chuan ka ang haù ringawt,Ka mak ti hmel chu min en in a nui leh suk a,A leather kutkawr dum bun chu a siam tha zui nghal zat bawk.


Mipa lo awmve ho chuan ngeina deuh hian min chhaih zui sap sap a,Min melh rum deuh tu kha chuan min sawisak mai inpeih at hian min melh reng,Tihsual ka neih awm ka hre bawk silo,He hmun ka kal ve hi a lawmloh aiin ka lawmlo zawk daih bawk.

"Kan awmna hi khawilai nge?" ka ti sep a,A jacket hak zipper chu pawt phuiin dar min chhin khum ak a.

"kan huan ah..!"

"Oh..Mahse,In huan chu a hmun ka hreve lo a lawm.!" ka ti leh hram.A thaw hawk a,Bike ah chuan a lawn a, 'i lo chuang dawn nge dawn lo?' tih melh tak hian min rawn melh nghal khai a!


"Tinge hetah min hruai ve ringawt a?' Bike ah ka lawn a,Min chhanglo in a Helmet lawk zet chu a khum zui daih, Ngam ngat i la chuan bu lawp khawp in ka nam ang!

Ngawireng in Bike chuan kan tlan a,A hma ang khan kan tlanchak tawh lo,Aizawl khawpui chhung kan tlan luh takah chuan ka hahdam ve thei chiah.Ka hma a ţhu mek chuan side glass a ţang min en leh zauh zauh ţhin tih ka hria a,Ngainat awmloh tawp in ka lo melh rawm zel.

Kan in kawtah chuan Bike chu a ding dat a,Kei erawh in mak ti zet in Bike khaltupa helmet hnunglam chu ka melh reng ringawt.Kan in awmna ka hrilh miah lo,Mahse a hre chat, E..Chuan ka hming a hre bawk.


"Christ-i te inah ka leng kawi i ti mai dawn nia..!" Kan in gate ah ka lut tawh,a thusawi vang chuan ka hawi let leh a,leather jacket dum a ha a,Cotton kekawr dum hlap a ha leh bawk,helmet in a hmai a khuh phui vek chu a hawng deuh a.A rawn nui zui suk a.

A kuttang pahnih chu a chal zawn ah vai zauh chung in tilui tih hriat deuh hian a ner deuh suk a,a tlan liam thleng chuan ka en reng,Christ-i pawh a hre tho!

"Naktuk hian Goa ah kan kal dawn." Ka room ah hmeichhe rawn lut chu ka lo melh a.
Kawngkhar a rawn nem hawn chu kharphui leh in min melh ran,Nu fing leh mahni lu zo veh vawh tak a ni a,A fin zia chu sawi tamlo zawk ang!

"Nang chuan kalve i chaklo tih ka hria,A dik em?" A nui var var,Mahse a mit meng thip ram ah chuan a thusawi chu 'aw'tia ka chhan ngei ngei a ngai tih ka hria.

Ka bu nghat a,Nui sang chung in ka room a chhuahsan leh a,Kei erawh ka puansin lai a in lukhuh in ka mittui tliangpam chu ka hru hul nghal sawk sawk! Ka nu nui hmel mitthla in ka nui lui leh a,Ka ngai tih piah lam a ni e!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)