TE DOY 15K BY Abbra Reo Ririni Khiangte (Pitartei) (Completed)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: TE DOY 15K BY Abbra Reo Ririni Khiangte (Pitartei) (Completed)

Unread post by Ngaia » March 18th, 2018, 4:24 pm

☆TE DOY 15K☆
Chapter 23
By
Abbra Reo Ririni Khiangte(Pitartei)

Rilru fim put tumin khum tlangah chuan ka'n țhu leh ren rawn phawt a! An kalna tur awm ang ngaihtuah dan ka thiam loh ang bawkin belh tur dang an neilo tih lah ka chiang hle bawk si!

Bawihi kha sum duh tiin an sawi a; mahse a nihloh zia tunah ngei pawh hian ka hmu zawm zat bawk, Zico an a pek theih ang a piang pek tum in ka theihtawp ka chhuah a, rangkachak aţanga siam tlereuh leh thil hlu dang tam tak pawh he closet chhungah hian ka dah sak vek bawk, Țhenkhat tan chuan ka chetdan hi attthlak tiin a sawi theih bawk ang chu.. Zico kha ka thik em em reng a, chuvang tak reng a Bawihi pawh a pek theih ang apiang pek ve tum a, thi leh thau pawlh tak zeta hnathawk ka ni bawk, Tuna a kal chhuah hian sum chiah duh nise chuan heng tlereuh man tam tak tak te hi a la chhuak vek ngei ang, mahse pakhat te mah a la chhuak lo a, in a rawn luh hnu hian a khawih che lo hrim hrim ani zawk mah! A bank book chiah la in a fapa kha a kal chhuahpui a; chu tak chuan ka awm a tihnawm loh bak ah harsana tawk palh ta se a sum neih ang kha a tam tawk lo a, khawilai ah emaw harsa zet a hnathawh ngaia a awm ka hlau ta ber bawk!

Thawk ka'n la leh ham ham phawt a, Khawi hmunah nge zawng ila fuh ta ang!

Ka din chhuah hluai rual chuan bangkil lamah ka mit la nghal chat tu ka hmu a! Ka pan zui zat a, Washroom luh dawn bang bula dustbin chu a hal ani tih hriat zet hian a dum huam mai!

Chhuatah chuan ţhuhniam thla in a chhunglam chu ka'n enkual thuak a, Chemical telna thil inhal sawr leh a vap a lo awm rám a, engthil nge ani tih a hriat theih mai tawh siloh a, lehkha phek satliah erawh ani hauh lo thung!

Ka room lamah lut in ka in thlak nghal thuak thuak a, sports bag lian vaklo ah thut awm thei thil a tan hak thlak ţhenkhat ka thun khawm zung zung a, ar khawthim dai tak zet in ka chetchhuah angai a, chutiang bawk in hun ka nei tam lem lo bawk.

Room ka chhuahsan hma chuan laptop bawk ka khawih leh thuak thuak a, airport lam hnathawk ka hriat te chu vawiin a thlawhna thlawk chhuak a chuang ve te hming list ka dil leh rih a, an dan kalh ni mahse ka hmelhriat țha tak anih miau avang in list ho chu min rawn thawn vat a, ka enkual thla thuak thuak a, Bawihi hming ka hmuhloh tak ah chuan ka thaw huai mai!

"A țha e, Mizoram chhungah i awm anih phawt chuan ka hmu leh em em ang che.." Ti sup pahin laptop chu ka khup a, ka pa hna khawihtel sak reng ka ngaih vang in laptop pawh chu ka bag ah chuan ka thun ve a, zanin ngei pawn call pawimawh tak ka buatsaih a la ngai leh dawn bawk!

"Khawi lamah nge i kal ang..?" Kailawn a ka chhukthla chiah chu Nu Liani chuan alo ti vat a! Ka nui ro hawk thung!

"Ka hre mai lo, mahse kal chhuah phawt ka duh."
"Aw le, fimkhur la, an nufa nen ngei rawn let bawk ang che.." Ka kut chu la kang in a'n hum vang vang a, min hringtu ka nu hi tunge anih ka hrelo a, fa atan mi la tu ka nu ngei lak aţang pawhin hmangaihna ka dawng lo a, chu tih rual erawh chuan Nu Liani ațang erawh ngaihsakna, hmangaihna ka dawng tel vek thung!
"Chak takin awm la, Tunge i nih in hrechiang la, i hma a tihtur engkim hlen chhuak ţhintu i nih kha." Nui sang in ka kut chu a beng thek thek a!

Car chahbi pakhat chu la in garage lamah ka lut zui nghal a,Jerry kutah Aizawl khawpui chhung bik hi dah ka tum zet a chu a la kal lohna lam ah kal kual ve hrim hrim phawt țha ka tih vang in a thlen tawhna chin ka zawt a, kan hna tur ve ve chiang takin ka hrilh zui hnu chuan ka inkhalh chhuak ve a! He in hi a ta ani a, in neitu ber tello chuan in hian hlutna pakhatmah a neih loh ang bawk in an nufa tello chuan a famkimlo a, bungrua engkim awm vek si hian a ruak hûng vek bawk.

Hmanhmawh takin Aizawl khawpui hmar lam panin ka inkhalh chhuak a, thawk a pik duh khawp mai, Bawihi number ah bawk chuan ka call pah reng zel a, a kal chhuah chhan tal hria ila chuan zawn dan pawh a hriat theih deuh anga, Mahse engmah hriat belh tur a awm bawk silo.

Reife ka inkhalh kual a, hmelhriat miah loh zawn nen ka awmdan chu a inang reng mai te hian ka hria, ţhian han kawm bik a nei lo a, chumi te inah chuan a awm ang tih tur takngial pawn midang chanchin a sawi ngai bawk silo.

Khua a thim lek lek tawh a, khawpui dai ah motor chu hung in ka'n țhu vang vang phawt a, awm ve lo zawn ang maiin hmuh tur an awm miah lo.

Car hma a ka phone dah a rawn rik rual chuan rang zet in ka ban vut a, screen a number rawn lang ka hmuh takah chuan ka thaw hawk mai.

"Hello."
" I la hmulo ami?" Ka pa chuan a rawn ti sup a,
"Aw."
"Ka hrethiam e, hahdam phawt la, tha tharin kan ngaihven zui leh dawn nia." A rawn ti sup a. Kei erawh hahdam chu khawi ah! Tunah hian engnge an tih ang tih leh tuma hmuh loh in tawhsual an tawk mai a ngem tih ngaihtuah reng reng in ka awm a!

" Kan buai a talang chuan... Zico te lam khan palai rawn tirin an ro ko leh a." Ka pa in a rawn tih leh sup rual chuan ka țhutna ațang ka kang uaih a! Ka thawk a sak nghal kher mai!
" Chu chu tinge tunah chiah min hrilh a."
" Kan boruak tawnin a zirlo tih chu i hriat kha.." a rawn ti a, "Mambawihi pawh min hmu tura rawn kal turin ka hrilh a, mahse hetiang hi kan hun tawn ani ta nuaih si a." A rawn ti hap a. Steering chu ka hum nghet kher mai!
"Zico te palai rawn tirh leh chu a hria em?" Ka ti sup a, diktak chuan keimahah hian diklo lian tak a awm! Kha mihring nen khan an lo inhnim hnaih leh mai rinna ka nei a, ka... KA HLAUTHAWNG tel bawk.
"Ka hrilh alawm.." Ka thawchhuak hawk a, Zico an a koh leh vang in min letsan ta mai tihna ami? Ka nunna vang chauh tal pawn chu thil chu thleng lo hram teh se!
"Sawi chiang deuh teh." Ka ti ta táwl a, "Zico bulah chuan kir leh a...."

"Buan buan ţhin a che. " Nui hawk pah hian a rawn ti a. "Mambawihi chu i hriatchian ber kha, ka duhlo tih a sawi tawh chu engang a nawrluihna nen pawn a tilui ngai tawh lo.." a rawn ti a, ka thaw huai a chu ka hahdam phah chuang hlek lo!
"Let a duh loh thu min hrilh a, vawiin hian țha taka inbiakna neihpui ka duh vanga min hmu tura hrilh ka ni bawk.."
"Ka hrethiam e, a rawn biak hlauh che u chuan min rawn hrilh nghal dawn nia." Ka ti sup a.

Car seat nghenchhan ngheng chuan mit ka chhing vang vang a, ka mu tam bawk silo nen ka lu chu a rit bur mai!
Inthing harh pahin car ațang chuan ka kal chhuak a, ka jacket hak chu phelh in car chhung lam ah chuan ka vawm lut tawp a.
Thil engemaw ka hriat chhuah vang in laptop chu seat hnunglam ațang ka la chhuak vat a, tuna ka hunthawl neih lai hian company lam hna khawihnan tal ka hman loh chuan hun hian min daih thei ngailo ang!

Driver side tukverh chu pawt hawng in ka țhu lut a, ka hna khawih ngai zualpui tak tak chu ka khawih nghal zung zung a, call siam ka la ngai dawn cheu bawk.

"Aw, Jerry."
"U Vincent, zawn ngaihna ka va hre tawh lo ve, hotel leh mikhual thlen ţhin tawhna phawt chu ka kal kim vek tawh.. Aizawl ah hian an awm lo ani hial lo maw?" A rawn ti a. Ngaihtuahna a vak thui ta kher mai! Keipawn hmun tin chu ka dap kual ve vek tawh a, anmahni nufa lo hmu fuh tu takngial pawh an awm lo, Khawpui chhungah awm talo se khawi hmun nge an pan chuan ang?

"Ka hrethiam e, In lamah let la, Nu Liani pawh kha hahdam tak a lo awm turin i hrilh dawn nia.." Ka ti let a. Rei inbe tawh lo in phone chu ka ti tawp a, ka jacket hlih tawh chu ka inthawlh zui mawlh mawlh a, Hotel vel enkual in zanin hian ka tlan kual leh hrim hrim ang! A țul dan a zirin naktuk ah thingtlang hmun kil zawk enkual turin ka chhuak zui tawh mai ang!

Hmelhriat pakhatmah neilo tu leh țhian tlawh ţhin eih pawh nei ngailo hmeichhe zawn chu thil harsa tak ani ringawt, mahse ka nunah beidawnnna tih hi hmun ka chantir ve ngailoh vang in beidawng lo in ka hmuh hma chu ka zawng zel mai ang!

Ka phone rawn ri chu ka ban vat a, Hotel Reo ațang ka chhuak chiah a, zanin a lut thar list ah pawh Bawihi te nufa hming an la tel ve lo cheu bawk.

"Hello.."
"Mam.." Lisa rawn insut hrâih ri vang chuan ka ding dat a!
" I țha em?" Ka ti vat a, ka bana sana chu ka en zui vat a, zinglam dar 2 ani tawh a, khawpui chhung pawh a reh dûk tawh!
Min chhang lo a insut zui tak hlawp hlawp ah chuan ka car hunna lam chak zet in ka pan a.
"Lisa, i țha em? Tunah khawiah nge i awm.." Chahbi chu hmet in pawnlam ațang car lock chu ka hawng a, Lisa chuan engemaw hi rawn sawi a tum ţhin a, mahse a insut nasat lutuk vang in engmah a hriat theih loh!
" Tunah khawiah nge i awm?"
"Inah, lokal rawh." Țap țiau chunga a rawn tih tak ah chuan ka thawchhuak hawk a! Ka hun tawn mek nen chuan buaina dang ka mamawh belh lo viau asin.
Car ah chuan ka țhu lut vat a, chak zet in kan in lam pan chuan ka inkhalh chhuak zui nghal zat a, Zico inah a awm reng a, Engvanga kan in lamah awm ta daih nge anih?

Ka nu leh pa lah Mumbai ah an awm daih mai bawk si, tun a a rawn awmdan ah khan chuan a țha miah lo bawk ang!

Inchhung ka luh rual chuan rim dang ka hre vat a, ka ner zui nghal nâwk bawk!
Light thim vek chu pakhat ka hmet eng a, leather sofa dum hlap chung a Lisa ţap hrep tawh tih hriat zet a lo ţhu tawm chel lam chu ka pan a, ruih a nei bawk ani ngei ang, a lam pan a ka kal chu min lo nui sak a! A mit hnawih a pherh nasa kher mai!

"I țha em?"a bula ka țhut thlak ve rual chuan min rawn kuah vat a, a ţap zui leh nghal hi ani ber! Duat tak in a hnung ah ka chul sak a, ka nu leh pa hnenah a pangchang ngailo a, a tan hun an neilo ti ila a dik zawk ang, ka awm hnu khan min nei a, ka bulah chuan pangchang in min nawrlui thiam ve tak hi ani tawp mai. Mahse Zico nupui Bawihi a ni tih ka hriat ațang khan a lak ațang hian ka inla hrang a, a țul tawp ah lo chuan ka hnaih tawh mai mai ngailo!
"A chhan min hrilh rawh le." A ţap rei tawh bawk a, a dara vawn sak pah chuan ka nawr hla deuh a. A biang huh niai mai chu ka tuai hul thuak a, a duh apiang nei thei hmeichhia hi engvang a ţap ngawt nge anih.
"Zico.." tisep pahin a hmai a hup nghal a. Kei erawh ka sa zak thung! He mihring hian ka nuna hmeichhe pahnih pawimawh em em te nun a tih chhiat hnehsak tawh lutuk!
"Eng thil nge Zico chuan a tih?" In control ka tum viau a chu ka aw ri chu a rum mah mah! Zico tel ve tawhna anih hi chuan ka inthunun zo țhin lo.

"Min țhen a, chuan Dindini te nufa a umzui!" Țap ţiau chungin a ti a, Bomb puak in a chhehvel a thil awm nasa tak a nghawr dawt ang chiah hian ka taksa chhung hi a che dawt mai! Thawk ka la hawk a!
"Sawi chiang la."
"Sawi tur pawh a awm lo, Dindini a ko leh a, an innei leh dawn tih pawh a sawi. " au țhawt pah hian a sam a țham zui ta vak a, ka thisen a lum pup bawk! "Chuan tlai ah khan amah nen inzawmna kan neih tawh loh thu leh a hmuh a inlan tawh lo turin min ti a, min mamawh tawh lo a, Dindini nen ka telloa an hlim thu te.. Aaa.. a tam lutuk, tunah pawh a in ațang ka bungrua te nen min theh chhuak in Dindini a umzui a.. Engtinnge ka chungah hetiang thil hi a tih theih, ka hmangaih a sin, nangpawn i hriat kha, kan pahnih hian ințhen thei kan ni reng reng hleinem.." a tawp lam phei chu a rawn au ta tâwn tâwn a, a țhutna ațang tho chhuak in a thil hmuh theih ang ang chu a vawm darh nghal pawp pawp a! Dan ka tum chhin lo bawk !

Za lo zet hian ka nui chhuak hawk a!

Mahse ka kawchhung chu bawm tawt zet chhunga awm ang mai hian a tawt țun thung! Kha mihring khan a umzui ang maw? An innei leh dawn! Takzet chuan!
Ka ding kang hluai a! Ka ţhutna couch chu insum hman lo hian ka tlawh zui dawt a! Ka hmai chu ka tuai leh puat a! Ka kawchhung sa hal lutuk vang chuan ka thlan a chhuak bawrh bawrh bawk!

Bang kil a Lisa țhu tawm ta tlat chu mahni inthunun zet hian ka pan hnai a . Ka khup lehlam chu chhuatah ka nghat a, ani pawh a na tawk hle tih hriat zet hian a ţap khur dar dar reng!

" Mam, ka hmangaih asin, nangpawn i hriat vek kha atan chuan ka taksa pawh ka hlan a, ka nu leh pa in ka tan hun an neih ngailoh laiin ka kiang ah a awm a, amah ka duh lutuk nalam ah thil tam tak ka tih phah a, mahse a thil duh a hmuh tak hnuah chuan min kalsan leh si a.. Dindini.. Kha nu phiangsen kha ka haw lutuk." A tukhum in bang a tauh zui dat dat a! A țah na lamah a taksa a khawng vek thei mai dawn a lawm le!

"Mu hahdam rih rawh." Ti sup pahin ka pawm kang nawlh a,

" I lawm tawh em?" Ka en vat a, mittui tling pam chung in min lo en ve reng bawk
"I rui anih kha , kan la sawi țha leh dawn nia."
" I hlim tawh ngawt ang chu.. I thusawi ka zawm duh ngailo a.. " a nui leh hak a. " Zico bansan tura min hrilh lai te khan ka huat phah che a, nupui a neih tawh vang tal pawh a thlah tura min hrilh lai te khan engkim kan remruatna i hriat ve loh lutuk vang te khan ka nuih zat țhin che a.. " ka pawm reng chung chuan a'n thaw ham ham a!

" Khang hun lai kha chuan min kalsan hi ka ring ngailo reng reng, A nupui kha a ning em em ţhin a, a hua a, ka bulah hlimna zawng in a rawn kal a, kha hmeichhe hnuaihnung zet kalsan khan min rawn pan țhin asin.. Mahse kha nu kha tunah chuan min pan san ta zawk a.. ka haw lutuk, kha nu kha ka la that ngei ngei ang, Ka nu leh pa lak ațang ngaihsakna ka dawn ngailoh lai a min ngaihsak tu ka neihchhun mipa min lakbo sak a.. " a khek tuar tuar reng a, a chang leh inchhung khawk rum rum khawp in a au leh tuar tuar țhin! Han tih vak dan ka thiam bawk silo a.

Khum ah mut mai ka tum a,A duh bik bawk silo a, tinge maw hmeichhe thinrim hi an kawlh bik em em zel le.

"Ka nat ang hian i na ve em?" Nui chung in ka mit ah chiang zet hian min rawn en ta ran mai! A mitmeng chu natna leh huatna in a thim raih bawk!

"I hmeichhe hmangaih bulah ka mipa hmangaih a awm a.. Haha.. unau khawngaihthlak tak chu kan ni.. "

"Duhtawk la mu rawh." Ka ti hmuk!

"Zico khan maw kei nena s*x a hman lai ngei pawn i hmeichhe hmangaih-i hming khan min ko țhin asin."

"Lisa." Ka ti nghal țhawt! A thusawi khan keimah a thinrimna awm thei zawng zawng a ko chhuak kim vek!

"Ka sawi dik alawm.. Vawi tam.. vawi tam tak kha hmeichhe hming lam chung leh amah suangtuah reng chung khan min khawih țhin.."

Khum ațang ka tho chhuak vut a, a țawng reng anih chuan ka tum loh dan zet in ka che mai ang, a hmanraw dahna lam ka pan zui vat a, a rilru nat vang sawn a duh thu chuan a mu mai mai rih lo ang, a țawng reng leh ka thinrimna tur thu a sawi reng dawn bawk a, chuvang chuan kan pahnih țhat zawk nan jection ka pe tawp mai ang.

" Zico kalna lam chu i hria em?" A ban ah hriau ka vit lut a, ngeiawm zet hian a rawn nui chhuak hawk a.

"Min hrilh duh i ring ami?"

"Lisa."

"Min hrilh lo, mahse kha nu nen khan an hlim dun thu leh a hmuh a in lan tawh lo turin min hrilh.. Ka la that ve ve ang.." bah zet hian a rawn ti leh tuar a!

"I hria em? Zicoa'n Jayden hi a fa nilo ang a rin tir tu pawh kha keimah hi ka ni asin.."

"I sawi awmzia chu.."

"Hah.. DNA kha ka test sak reng reng lo, Mahse, kan awmdun laia Zico an kha hmeichhe hming a lam chhuak kha ka thinrim a, Chulo ah Jayden kha, hmeichhia ala mamawh vang mai mai a la inneilo kan nih vang khan ka hua a, a fa lo ang a ka lan tir thei anih chuan kan inneihna tur kha an dal tawh ngai dawn lo a, chuvang a khatiang a ti kha ka ni.. "

"Kha thil i tih vang khan Bawihi'n nau a chhiat tih i hria em?"

"Khawvel ațang chhuak law law se ka duh asin.." Au tuar chung a a rawn tih leh tak ah chuan ka kut a phe vuat a! Mahse engmah ka tilo! A hmaizawn ah chuan nghet tak in ka kut chu ka hum khur ngawt ngawt tawp, engkim Bawihi tuarna bul ințanna kha ani leh Zico hi an ni a, na taka hrem ka duh țhin ngei alawm, mahse kum tam tak liam ta a thil thleng vang bawk in he hmeichhia hi ka tina thei ngailo.

"Mu rawh, i muhil vat mai ang.. " in control zet in a dar ah ka vuan a, ka thawchhuak zui ham ham bawk!

"An ni pahnih kha engtikah mah ka hlim tir ngailo ang, kha hmeichhia khan ka mipa hmangaih min chhuhsak a, a chung ah engthil emaw tak ka tih hma chu ka hahdam thei ngailo ang!" A taksa damdawiin a thunun hma chu a țawng char char a, Ka nu leh pa teh tawp zel pawh hi tinge hmeichhia amah chiah a an thlahfal ţhin le.

" Lisa, Zico kalna hmun chu i hria em?" A muhil tawh tur chu a sam chul sak pahin ka ti sup a, chiang lo zet in a rawn meng leh siar siar a.
" Dindini te nufa kha ka hmuh ngei ngei an ngai a. "
"A bulah Zico a awm tawh a lawm , a mamawh tawh lo ang che." Ngeiawm zet a nuih sak pah in mit a chhing a, " Khawpui chhungah hian an awm lo.. Zico pawh khawpui chhuahsan in a chhuak tawh.. Kha fahran hmeichhia kha a um anih chu!" Mit a chhing ta daih a! Ka kawchhung a tawt ta kher mai!

Lisa lah kalsan ngawt chi ani bawk silo, Bawihi number ah chuan ka call reng a, khum a Lisa muhil sek sek chu tukverh bul ațang chuan ka thlir zui reng bawk!

"Chhang rawh.. Chhang rawh.. "

Takzet chuan le!

Bang ngheng chung chuan ka thawchhuak hawk a! Tun ang reng hian ka nunah ka la chiai ngailo a, a kalna hmun tal hria ila chuan ka hahdam deuh ang a chang chuan ka thinrim lutuk hi ka thawchhuak leh hawk ţhin a, a chhan chu ka call a tlang thei bawk silo, an him em tih takngial pawh ka hre bawk silo nen Zico an a umzui tih ka hre leh a, khawihmun ah pawh awm se kha mihring kha atan mi hlauhawm ani a, a khawih chhe leh hreh hauh lo ang! Chung thil zawng zawng ngaihtuahna nen a awmna hmun diktak ka hre ve bawk silo nen chuan tawt țung chung hian ka rum chhuak leh hawk zel a!

Ka venhim theih loh laia kha mihring khan a khawih leh anih chuan tunge lo humhim ang, Kha mihring khan mangang tak leh rilru fim pawh pu theilo in siam zui leh ta se tuin nge țanpui ang!
"Bawihi, tinge i at em em ţhin le..?"

Thaw ham ham chung in khawpui thim ţhup lam chu ka thlir a, kha hmeichhe â tak leh a thinrim chang apiang a naupang rilru ang mai mahni thu ang ang a kal ve hmak hmak ţhin nu kha khawi hmun ah nge a awm ang? A rualpui ang mai a kut min thlak ve țawlh ţawlh reng tu leh a mize ang em em tu a fapa kha khawi hmun ah nge an awm ang?

Ka tihtur hrelo bawk si chu pawn lamah ka kal chhuak a! Nilo tihtur chu ka hre lutuk zawk! Lisa hi ka kalsan ngawt thei biklo, ka car hunna lamah chuan let leh in ka laptop bawk ka la chhuak a, inchhungah lut leh in Lisa room balcony ah chuan ka țhu chhuak a, zinglam dar 3 a pel tawh a, keilah chau viau e tilo chuan mut chhuahna pakhatmah ka nei lo!

Ka pa company pawimawh bawk ka khawih sak a, tunang hunah hian midang biak tur awm lo mahse investor țhenkhat ka biak leh hun a ka topic bik tur ka thliar hrang a, Bank lampang leh business lampang a hran a khawih a ngai a, Bank lam chuan ka dilna vang in thlariat chhung hun min pek belh a, mahse company chhunga sum invest tu țhenkhat chhungkaw harsa ve tak tak ten an sum invest sa hmuh let leh tum a an beihna a rawn nasa ve sauh a, keipawn lehlam tak chuan anni hi ka lainat lutuk, marawhchu sum ber a awm loh chuan engmah tih sak theih ka nei bawk silo, a pawi ta ber chu ka nu in ka pa thu ngaithla lo a a duhdan a a lo kalpui ve kha ani!
Hmeichhia te hi khawvel sawi nghing dawt thei tu an ni a, hmeichhe țha chuan a kawppui tan malsawmna a thlen theih laiin hmeichhe țhalo, mipa te zahna chang hre bawk silo a, kei ka ni ti ve bar bar pha chin tawh hi chu mihring nun indona tualzawla hnuk lut thei tu an ni tlat zel!
Hmeichhia te hian mipa te min hlau se ka ti reng reng lo a, min zah se, kan thusawi te zawm ţhin bawk se, mipa rilru diktak pu te hian chutiang hmeichhia chu kan hlut a, lunghlu țha mi ang maiin kan enkawl ţhin bawk!

Motor horn ri ruai ruai vang in ka harh zawk a! Ka pang a kham țhum mai!

Ka zi mar țalh țalh a, Lisa room bathlar ah ka lo muhil reng chu niin!

Rang takin pindan chhungah chuan ka lut vat a, Lisa pawh a rawn che ve ţalh țalh a, nizan khan a hmai hnawih pherh nasa lutuk kha ka hrukfai sak a, a hmel hmuh a nuam ta deuh bawk.

"Good morning.." a rawn țhu chhuak chu ka lo nuih suk a! A tum hmuk thung!
"Kal chhuah leh ka ngai a, Nizan ang khan awm tawh lo ang che.." ka ti sup a. Ka kut lehlam in laptop ka keng ran bawk.

"An nufa khan i zawng dawn a?" Ti hlak pahin a puansin a theh hlip a.
"Umm.."
"Zico khan Jayden a fapa ani tih a hre tawh a, a hma zawng aiin an nufa neih let leh tum khan a bei nasa ang." Min nuih sak pah chuan a tho a.
" A pawi lem lo, mahse ka zawn phawt an ngai!" Ti sup pahin kawngkhar lam ka pan a.
" Nunhlimi kha engtinnge ni dawn?"
Ka hawi let rual chuan a lo nui hak a! Thil țullo tawp ani a rawn sawi!
" Lisa.. Games tenawm tak ka duh tawh miah lo ania.."
"Hah! A țha ve reng reng e, nang, Zodinpuii leh Nunhlimi te ho hi chu Love triangle alawm in nih..."
Ka rum nghut ringawt ! Han chhan vak ngaihna ka hre bawk lo!

Car ah ka țhu lut a, petrol a lo tam tawk tawh loh vang in warning a rawn lang vat vat a! Tinge maw thil hi a kal tluan mai loh ţhin ni!
Petrol pump lam ah ka inkhalh leh te tê a, Ka phone rawn ri ve mek chu ka ban zui vat a!
"Zothan, Mambawihi'n min rawn bia a."
Car chu ka brake ri nghal tuar!
"A țha em?"
"A țha e, an awmna a sawi duh tlat lo a .. E chuan a number aţang min rawn be miah lo ania.. " a rawn tih leh tak ah chuan ka țhu țha lah vat a,
"A number rawn biakna che chu min rawn thawn rawh.. "
"Aw le."

Reilo te hnuah phone number a rawn thawn a! Mit ti zim sán chung chuan ka ngaihtuah kual vang vang a! Mobile number a ni lo a.. PCO number ațang anih ngei ka ring ta tlat bawk!

Number pawh digit 6 chiah ani bawk!
Number hma lam pathum chu chhinchhiah in thawk ka'n la halh a, ti hi chuan ka hmu har tawh lo ang che u.

Phone directory chu internet ațang ka en kual a, Aizawl district anilo tih ka hre zui vat a!

Ka keu leh chiah chu ka nui suk a!

"Ngopa maw?"

Ka pa chu call leh in Ngopa khua ațang a rawn call thu ka hrilh a, a rawn thaw ve huai mai! Tawi khawmuang tawh lo in petrol pum p lam ah chuan ka tlan zui nghal zat a, tanky khat in petrol ka thun a, ka helhhawlh bawk si, ka awm ngaiin ka awm hle hle theilo ani ber e.. Petrol a in fillup chhung chuan Ngopa bik chu google map ah ka zawng kual a, hmarchhak lam hi vawikhat pawh ka la kal ngailo, mahse ka thleng thei em em ang!

Petrol ka lak zawh hnu chuan car chu ka turn pawp a, ka hmanhmawh bawk a traffic pawh ka vengthawng hman tawh lo, ka duh ber chu an nufa hmuh leh thuai thuai a, an nufa kianga hun hman leh chu ani tawp tawh.

Zico khan Jayden a fapa ani tih a hre tawh a, a hma zawng aiin an nufa neih let leh tum khan a bei nasa ang."
Lisa thusawi chu ka bengah a rawn ri nawn tluk tluk a, steering hum nghet sauh pah chuan ka thaw leh hawk țhin a, mahse hnual phahnan ka hmang tur anilo.

Midang zawt pah zel in ka tlan ve zel a,Kawng lakah pawh ka chawl khawmuang lo hrim hrim bawk, Aizawl khawpui ațang a hla zek lehnghal a, Champhai district ni siin Champhai lo lam ah pen a ngai a, an awmna chen ka hre tawh thaveng huai ata lang in dar zat takngial pawh ka lo ngaihven lo, Car hma lam chu ka bih zauh a, chawhnu lam dar 2 a hnai kuar tawh a, Ngopa khua pawh km24 chiah a ni tawh bawk.

"Â leh lutuk; heng heng ah te eng rilru pu in nge i kal reng reng a." Tisup pahin speed chu ka tihsan zawm zat a.
Kei aiin Zico kha a thleng hmasa dawn chiang sa a.. Engtinnge Bawihi te nufa in an lo dawn sawn ang, Jayden a fapa ani tih a hre tawh a, a hma ang khan rawng tak in a che zawm tawh kher lo mai thei! Mahse kha mihring tenawm zet khan a hnaih ka phal chuang lo . Engtinemaw tak Bawihi a khawih leh anih ngat phei chuan!!!!

Car hma lam chu a rawn ri khup khup a, khu a rawn chhuak bawk anih chu!

"A hunlo lutuk!" Ti hluk pahin tlan tir luih ka tum a, mahse a thi zui duk anih chu!

"Khai aw.. Bawiha chhiat hun ani reng reng lo. "
Hmanhmawh nen chuan a va in millo kher em!
Car ațang chuan ka chhuak vut a, car hma lam ke chu ka tlawh zui nghal pawp bawk!
"A hunlo lutuk!"
Ka jacket chu phelh in car chhungah chuan ka vawm lut bawrh a, tlailam nisa vul bawk si leh motor engine sa bawk si nen chuan ka thlan a chhuak bawrh bawrh bawk.
Car hmalam chu ka hawng a, a kang mai dawn maw tih hlauhawm khawp in a rawn khu chhuak hluah hluah bawk si nen chuan na zet in ka nem khar leh tawp a, tinge thil hi a harsa zawng a a kal zel a. Ka thinrim lutuk chu car ke bawk in a tuar leh pawp! A tawp nan car hma lam chu ka'n chum leh pawp a! Chhe hun lo lutuk!

Ka jacket dah luh tawh chu la chhuak in ka kawngah ka suih nghet tawp a, ka bag lian vak lo chu ka'n ak leh te te a.. Km zat in ziahna lungphun ka tlanpelh hmasak ber ah kha chuan km13 ngawt a la awm a, ka chhaklam tlang chho a kawngpui awm chho zui chu thaw hawk chung in ka en chho a!
Ka kal thleng em em ang!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:24 pm

Zodinpuii's *pov*

"Mamma!"

Ka darah kut nen thep in a rawn khawih a,
"Mamma.." min sawi ve dat dat takah chuan mit ka meng a, ka hmai zawnah Jayden chu a rawn inbeng kang ve vat bawk!
"Jay, good morning." Nui ver ver pahin a chalah ka fawp zauh a.
"Mum, khawnge apa?"
Ka nui tawp nghal riai riai mai!
"Mum, khawnge apa.." nur deuh nang chung hian a rawn ti leh kher a, a thawh rual a Zothana a zawng nghal ziah zel hi ka duh lo.
"A awmna ka hrelo, eng atan nge i tih?"
"Mum, apa bulah kal tawh ang!" Khum a zuangthla ve nghat pah chuan a ti zui ta nûi nûi a, ka thawchhuak halh bawk.
"Jay, apa bulah kan kal thei tawh lo ka tih kha.."
"Mamma chuuuu.." a ke tereuhte chu khum ah a leng ve ta tán tân a, ka melh ta reng ringawt.
"Apa ka call duh, Mamma'n hla deuh ah kal ang a tih chuan apa hrilh zel tur a ti alawm.." a ţap ti tih der mai!
"Apa chu kan call thei lo, mamma in biak ka tum laiin ka call a chhang duh lo a ,A buai bawk, tihbuai a duh lo." Ka fapa nen kan inhnial thinrim a ni ber tawh!
"Keiman ka call mai dawn lawm." Ţap țiau chung hian a rawn ti let pang pang a, a chala kuk fawk tak tak ka duh tawh.
"A țullo, Tunah chuan apa chanchin sawi tawh loh tur!" Ti hmak pahin khum ațang ka tho chhuak a, Jayden erawh a la mu lui ngat thung! Luhlul ve reuh lutuk mai!

"Jay, rawn tho rawh." Ka ti hlak a, min en kiau a, a men puai puai bawk!
"Jay, ka sawi chu i hria em?"
"Mamma.. apa ka ngai tawh a lawm." Chhuak zet in a rawn ţap zui ta bai bai a, ka pawm kang vat a, a ban tereuhte chuan min nem ve țang țang a, engtia han tih tur nge pawh ka hre lo, tinge maw Zothana hi a ngaih em em mai le..
"Jay, Apa chu a buai alawm, mamma pawn biak a tum tawh a, a be thei lo alawm.."
"Ka be mai dawn lawm." A ti ve țang țang a, ipik zet hian ka thawchhuak a, kan pahnih chung a thil thleng a la hrethiam ve lo lutuk bawk si nen hian thinrim khum vak lah a chi der mai siloh.
"Thil ei ila apu te kan be dawn nia." A lu a fawp zeuh pah chuan ka ti a, min chhang lo in ka țhi awrh lai chu a rawn khawih a.
Kan mut na pindan zau lo te chu ka en kual a, nimin khan Driver țhianten Ngopa khua hi min rawn kawhhmuh a, sawisel lo in ka rem ti ta tawp bawk.
Khawchhung kan luh rual ațang ka tim ru deuh a chu tumahin min rawn hmuh ka ring lo a, tourist lodge lam ah kan indah lut a, mikhual thleng ve dang an tam lo bawk a, ka ngaih a ngam sawt bawk!
Tourist lodge enkawltu te ka zawt a, thlawhna service hi a awm țhin a, chu chuan vawiin tlai lam la la hian Aizawl kan pan leh anga, Goa ah hna zawng turin kan nufa in kan chhuk thla zui nghal bawk ang.

"Jay, thil ei ila kan kal chhuak dawn nia aw." A sam a tuai sak zeuh pah chuan ka ti a, min chhang lo in a ngawi ran a, tun hnai te hi a luhlul in min hnial ve pâng pâng hi a ching thar a, keilah ka hun tawn in alo zir bawk silo nen ka lo vin leh nghek țhin!

Jayden pawh reilote hnuah ka thlem lungawi thei a, ei tur kan ei zawh hnu chuan pawnah kan kal chhuak a, khawpui ang lo tak in a reh raih mai! Tourist lodge ațanga lang thei khawchhung in ding dul mai chu en in ka nui sak a! A khaw awmdan leh tlangdung vel chu a nalh in lung a ti leng raih thei!
Ka phone a hman theih loh vang in nimin a kan tlan pelh tak kawn lam pan chuan ka fapa chu ka kai hnak hnak a, ka tan chuan engkim mai chu thil thar vek ani mai!
"Mum, apa in min lo hruai tawh dawn em?"
"Jayden." Ka ti zui hmak a, a hma a lung lo awm chu a chhuih lui ve ngat bawk!
A lakah hian eng hi nge maw ka beisei vak le, amah ang rual ka nih lai hian Zothana lakah ka pangchang in ka tihtauh khum ve bar bar zel!
Țullo zet a Zothana ka ngaihtuah chhuak chu ka in haw hlur mai! A in a kan awm ve reng kha hnawksak min lo ti ru viau thei a, tunah chuan kan kal chhuak tawh bawk a, a thawveng huai tawh ang chu!
PCO lo awm chu ka hmang zui vat a, ka pa te pawh rei be lo in kan țhat thu chiah ka hrilh bawk, Jaydena toys tur leisak pah in naupang lawm zawrhna dawrah chuan kan lut a, eitur eng eng emaw ka lei tel nual bawk.
Nizan ah Tourist lodge hnathawk tu in kan thlawhna ticket tur min buaipui sak vek tawh a, Ngopa ațang Aizawl service hi karkhat ah vawikhat a awm țhin a, vawiin hi a service ni a lo ni hlauh chu ka lawm kher mai!
Kan nufa a Tourist lodge kan thlen leh meuh chuan ni sa lutuk vang in ka lu a na bur mai! Kan thlenna chhak lawk hi helipad anih vang in thlawhna thlawh chhuah dawn hnaih ah kan kal chho thei mai a, kan nufa tan lah a remchang zel bawk.

"E, in kal chhuak elaw?" Tourist lodge enkawltu pa cher lampang chuan alo ti vat a.
" Umm, kan chhungte kan be lawk a.."
"Khua hi in fang kual dawn em?"
"A chakawm rual in kan thlawhchhuah hun nghak a he ta awm rih hi a țha in ka hria." Ka ti let a. A bu nghut a.
"Thingpui huan vel saw khualzin hian an rawn tlawh nasa a, khawchhung ațang hian km4 chiah ani bawk.. "
"Kan lo kal leh hunah min la tlawhpui dawn nia.." nui pahin ka chhang a, a nui ve suk a. Ka fapa toys kuahbet ve țan chu a be zawm malh malh a, pa fel tak chu ani ve khawp ang!
Khumah Jayden chuan toys a khawih pah mawlh mawlh a, a bulah chuan thatchhe zet hian ka mu ve a, a tlei ve em em ringawt bawk.
Nimin a thil thleng kha ngaihtuah let loh ka tum ngar ngar vang in thil dang ngaihtuah tur ka zawng reng a, mahse ka mang lamah erawh Zico bawk ka hmu leh thung! He mihring lak ațang ka him chiang bal a ni tih ka hriat hun ah chiah ka hahdam thei tawh ang!

Reilote chhung ka phone chu ka on lawk a, message a rawn thleng zui nghal țuk țuk a, Zothana min rawn call na pawh 100 chuang fe ka dawng mai, Nu Liani leh ka pa lam ațang pawhin call a lo awm nual a, an lak ațanga ka kal hran ngai hi keipawn hrehawm ka ti ve tho!
"Mum, outsite ah ka play thei em?"
"Jay, room chhungah hian awm zawk la." Ka ti a, ball a keng ve ran a, a hmui a tihsawih leh tak nui nui ah chuan ka thawchhuak halh a.
"Kal hla suh aw, mamma pawh ka in pack zo anga ka rawn chhuak ve ang." Ka ti a, rang zet in a tlan chhuak zui vat a! Zothana tello a kan nun a ngaih tawh thu hi ka hriatthiam tir vat angai dawn a, chu tih rualin kei pawn a tello a hun hmang reng tawh tur ang ka indah chuan ka nà ve tho! Mahse a tan a țha tur zawk leh ka tan a țha zawk tur anihna a tam a, ka pasal hlui min vau na thlalak bawlhhlawh tak tak vang in ka mualpho hun a la awm anga, chu tih hunah chuan ka bula a awm ve reng anih chuan a mualpho tel ve thei dawn a, chuvang chuan tun a ka inthiarfihlim san hi a țha ber ang!

"Mamma.." Jayden mangang tih hriat lutuk in a rawn au ta chul a, a tlu palh emaw a ball ken a ti liam palh emaw anih ring in ka ding chhuak zui vat a.

"Mamma.." ri chul a min koh leh rual chuan kawngkhar lam ah ka tlan vat a, mahse ka fapa zo zet a pawm chunga mihring lo nui suk ka hmuh rual chuan ka mit sulh sulh thei!

Jayden lah chuan a hlauh hmelin hmuh theih khawp in a taksa chu a var sawp sawp a, ka fapa pawm reng chung chuan a rawn pen lut a, mak ka ti bawk si, min țhawng lutuk bawk si chu ka tawlh hnung dat dat a!
Kawngkhar pawt phui a, a lock rik khap rual chuan ka thinphu a rang nghal zawih zawih a, current man ang mai hian ka sa chhuak pup pup bawk!
"Ngopa ah maw? A nawmloh lem loh hi.."
"Zico.." ka ti sep a, hlauhna, thlabarna leh manganna in min tuam hlup hlup a, min en ngur chung chuan a rawn nui leh suk a! Ka fapa a pawm reng chu ka melh leh zawk a! Ka thawk hi a tawp thei mai dawn in ka hria.
" Min tlanbosan theih i inring a maw?" Nui suk chung in Jayden chu chiang zet hian a en a.
"Zico." Ka ti nghal tuar bawk, a lam pan a ka pen tur chu a hmui ah a kut chal nawr siin lu a thing zui zauh a! A hmel ka hmuh ruala hlauhna ka neih tawh sa kha Jayden a tihnat mai hlauhthawnna in a rawn belhchhah a, ka taksa chhung hi a tawt kual tup tup a, ka kaihza tha a khur nghal dar dar bawk.
"Ti na miah suh.."
"Babe, tinge min rin chhiat theih em em a..?" A rawn ti hluk a, ka ip zui chawih mai! Ka fapa a kut ah a awm miau a, engmah ka ti zui ngam bawk silo.
" Junior.. " Jayden a hmai zawnah pawm kang nawlh pah chuan a ti sup a, ka lo țek sawk hi ani ber mai!
"Papa hi min ngai em?" Zico vek chuan a ti chhum hmuk a, Jayden taksa phen ațang chuan min rawn melh zui kher bawk.
"Zawhna ka zawt che." Ka fapa chu a aia sangah a pawm kang leh nawlh a. Ka au tuar hi ani ber mai!
"Zico duhtawk rawh."
"Nang kha lo ngawi rawh, tullo zet ah bengchheng i siam chuan ka kut a ka ken lai hian a tuar ang!" A rawn ti țhawt a, rap zet hian ka melh zui ta reng a, a sawi ang chuan a ti hreh hauh lo ang tih lah a mit meng pawisak neih loh hmel zet ah chuan a lang reng mai bawk si! tinge he mihring hi a rawn lan leh thut țhin, a rawn lan rual hian hlauthawng thlabar in min siam zui zel bawk si!

"Engtin mah ti suh.." ka pan hnaih rual chuan Jayden chu a sir lamah a pawm thla nawlh a, ani mihring pawisakna neilo lutuk hian ka fapa naupangte chungah hian engmah a ti hreh lo ang tih ka hria a, chu chuan min ti hlauthawng zual sauh mai bawk si!
"Engtinnge kei apa pawh ngai zui miah lo tur a i enkawl a.?" Ti hluk pahin min pan hnai a, zak lo ka tih dan chu! Ka hlauh ve na te zawng zawng kha thinrimna in a rawn thlak vek tawh.
"I fapa anilo, chu chu nangmah ngei pawh i sawi bawk.." a hma ah tak chuan ding in ka chho melh ran a.. a rawn thaw ri hrawih ah chuan kut min thlak tawh mai dawn maw ka ti hman tawh!
"Ka fapa anih hi." A rawn ti sup a. A nui chhuak hak thung!
"A nilo.. ka fa chiah ani.. "
A mit ah tak en ran pah chuan ka ti chang fak a; a taksa a ka fapa ți dek leh țah chhuak ţap chhuak ngam bawk silo chu ka ban zui vat a, a lo thlah ve mai bawk.

Jayden pawm chunga ka pen sawn tur chu na lutuk in ka dar ah a rawn man bet ta chawt a, ka țe chhuak tuar chu ka kâ ah a rawn hup bet zui hmiah a nih chu!, Jayden lah a in hnit nghal hlawp hlawp bawk a, ka chiai bawk si, ka hlauh ruk ve tho bawk si vang chuan na lutuk in mit ka chhing sawk a, kan nufa chiah a Jayden room a min sawisak lai kha duh lo teh mahila ka thluak ah hian a rawn lang zawk zawk a, ka hnungzang a tha kal chho lai hi hit in a zawh chho nghal zawk zawk bawk!

"Babe.. Ka fapa anih hi.. " ti sup pah in a ban lehlam chuan min rawn kuah bet a, ka țim uaih uaih tih chiah ka hria! A kutphah chu ka kâ hup behnan a la hmang reng! Jayden lah a taksa tereuh te chu a țang lutuk mah mah bawk.
"Ka fapa anih hi.." ka hnunglam ațang chuan a rawn ti leh sup a, khamsang tak ațanga tla thla vawn vawn ang chiah hian a aw ri chuan min țham sawk sawk!Ka thin a phu dawt dawt a, hetianga a awm zawh hnu hian engtinnge min tih zui leh ang? Kut min thlak ang nge hmeichhe hlutna neilo ang maiin min sual lui leh dawn!
Lalpa chu thil chu thlen tir lul suh!
Ka kâ ațang a kut a lak sawn rual chuan ka thaw khur nghal dar dar a! Vawi tam sual lui tawh tu che leh kut thlak reng tawh tu che in i taksa a tawh rual khan chak tak leh engahmah lo ang mai ah i ngai thei anih chuan Pathian in mihring a siam ang nilo in khawl chi khat, hriatna neilo i ni tiin ka sawi hial ang che!

"Zico.." Ka aw chu tuipui fawn hlup hlup ang maiin a khur a! Ka hnunglam ațang ka awmah a la rawn kuah bet reng bawk!
"Khawngaih takin min kalsan thei em?" Ka ti a, kut min thlak leh tawp mai ka rinna chuan ka taksa hmun tin hi a țham a, Jayden taksa tereuhte hlauhna vanga khawng ve vek mai chu ka hmaiin ka nawr bet tlat a!
"Ani hi ka fapa ani tih engtinnge i zep theih?" A rawn ti khur khur ta mai!
Ka zep anilo a, amah ngeiin DNA result lehkha keng chunga a rawn haw vang ani!
"Mawh? Engtinnge ka fapa a ni tih hrereng chung a i zep theih!" A ti leh țhawt a, min kuah betna a phelh rual chuan rilru fim pu hmanlo in khum lamah ka tlan phei ta rawk rawk a, Khum hmawr a ka țhut rual chuan nghet lutuk in Jayden chu ka kuah bet zui tlat a! Tun a Jayden awmdan hi a lawm ka rilru tina ţhin.. a hlau a, mahse a ţap chhuak ngam lo!

Zico lah chu kan nufa hmachhawn zawng in a ding ngur a, ka rap lutuk tih hian a landan chu a sawifiah ber ang! Ramngaw chhahpui hnuai a kan ramsa hlauh leh ţih ngawih ngawih in kham khawkrawk tak kara min dang chep tlat ang mai hian chet ngaihna ka hre hlawl lo!
" Ka fapa ani a, keimah ngeiin ka enkawl dawn, tunah la lâ hian ka hruai haw dawn che u!" A ti hmuk a, ka melh kawk chu ngeiawm zet a min nuih let in a ban a phar ta hluai a!
"Sawi dikloh ka nei ami?"
"Kan zui dawn lo che.." ka aw a la khur a, mahse a ri fiak ve țhat thei tawh
"Kan hria ang chu, Junior hi kha aia thlabar a siam leh kher kha ka duh biklo ania." Ti hluk chung in kan nufa țhut na lam chu a rawn pan ve a.. ka tawlh sawn vat vat a, mahse rawn che thut a ka ban a rawn hmer tak chawt ah chuan ka țim uaih a! Mit chhing chung in Jayden nghawng ah chuan ka hmai ka nawt bet tlat a! Ka rap lutuk na leh kut min thlak ka hlauhna in min thunun tlat a, ka kawchhung hi mangang in a tawt tup tup bawk!
"Junior, Papa bulah lokal rawh.."
"Aih..." a insut zui fap chu Zico an a ngai thei leh der tawh mai bawk si lo, a ding kang vut a, khum pawh a che dawt mai!
"Engtianga enkawl tur che u nge chu ka hre hneh khawp ania..ti hian min dodal zawng in awm kual lo in ka thusawi ang chuan awm vat rawh u.." ti țhawt pah in min phih tho zui dâwrh a!
"Mamma, apa bulah kal ang.." Jayden-a'n mangang lutuk hian a rawn ti ta chul a! Ka ţap chhuak teuh kher mai! Kei ang bawkin hlau thlabar a a awm laiin Zothana bawk a ngaihtuah chhuak ve tho!
"Apa.. Apa.. apa.. " kan bul mai a khum a ri zui țhawt a!
"Mamma.." A aw ri manganna a khat chuan Zico thinrim buluk lutuk hi bengdai zo se ka ti hluah hluah!
"Zico duhtawk rawh.."
"Min zui ru tih kha ka sawi em?" Ti hluk pahin khum ah chuan min nawr țhu leh dawt a! Ka taksa a ațang Jayden chu a rawn phih hrang nghal nawlh bawk a, a fapa ani tih hrereng chung in engtinnge tîmna a neih chhin miah lo!
Zico taksa a a awm takah chuan Jayden chuan thawm a siam ngam tawh lo hrim hrim! A mitmeng fiah zet ţhin ah chuan mittui a tling pam a, Keipawh eng ka ang biklo.
"I fapa hi hmuh ila duh anih chuan insiam la min zui nghal rawh.." thutawp a sawi tih hriat hluah hluah hian a ka a chip zui ta hmak a!
"Min en rawh.." Jayden melh zui khûi pah chuan a ti leh nghut bawk!
"I pa chu keimah chiah hi ka ni.. I hria em?" Tih pah in a hmai zawn ah a pawm kang nawlh a, khum aţang ka ding chhuak ve zawk chu a ban in min rawn vai a"Lo inrawlh suh, tun ațanga ka zirtir țhat loh chuan ka huat tur a sawi reng mai ang.." he pa hi mihring chu ani ve si a maw??!!!
"Junior...?" Zawi si, rum zet hian a ti leh sup a; Jayden lah chuan Zico awm zawn chu a melh ve ran a, "Junior?" Vin țhawt a a tih leh takah chuan ka fapa chu a in sut chhuak hraih a, chu tak chu Zico in a haw leh tawh bawk si! Inchung lam hawiin a thawchhuak hawk a! Chutah rum zet hian min rawn melh a.
"Eng zirtirna nge i lo pek ţhin a?" Sehchilh zet hian a rawn ti sup bawk.
"Junior, papa hian naupang sual chu a lawm lo ania.. Ka mit ah hian rawn en rawh.."
Thluak fim tak put tum in thawk ka la a, ka kawchhung hi thawk pawh thaw hlei thei lo a tui in a chim pil tlat ang mai hian a tawt a! Ramhuaipa kut a ka fapa awm reng chu tih theih nei miah silo hian ka en leh a, ka huaisenna zawng zawng sawn khawm in risk ka lak a ngai tih ka hria! Chu thil chu min man chhuah a thiang lo a, min man chhuah ruala ka chung a thil thleng thei pawh ka chiang hle bawk.

"Papa bulah i awm tawh dawn a, Papa chuan naupang thuawih lo a ngai theilo, chu thil chu i mamma pawh hian a hrechiang hle bawk.." ti sup pahin min rawn melh a, ka thawchhuak lo hrim hrim!
Ka hnung lam a ka phone chu ka dap pah rak rak a.
"Kan inah khan kan let leh dawn a, thu i awih chuan Papa pawn a duat dawn che..."

Zico țawng bûl bûl reng chuan ka kawchhung lam hi a nghawr tel tlat tawh..

Ka phone chu ka khawih thei tawh a, mahse engtinnge Lock ka hawn theih ang..
".... Babe.. Insiam a hun tawh viau lo maw?" Nui suk chung in min melh zui ta ru a. "I hriat hmaih takin i phone kha i hmang thei lo.." a rawn tih leh tak ah chuan ka țek sawk thei! A sawi dik.. ka hmang thei lo! A chang chang bakin signal a man lo a...
"I thil tihruk tum kha hremna hmuhna tham a ni tih i hre bawk ang chu.!" Thip zet hian min melh ta ngur a, ka phone hum lai hian vawm zui chawrh mai ka duh a, mahse ka vawm fuh loh a, a thinthawk zual tawk lek a na a ka vawm fuh chuan a let lehlam ka tuar thei dawn lo lutuk bawk si.

"I bialpa ve sek khan a rawn puih che chu beisei reng reng suh.. khawi emaw laiah nuam ti tak in a la awm vel mai mai ang.." Nui zui huk chung in khum ah chuan a rawn țhu thla a,Jayden chu lo ban mai ka tum a, mahse ka banrek ah a lo man bet vat a!
"Khang thlalak ka rawn thawn hnu kha chuan țha takin ka thu i zawm mai tawh turah ka lo ngai a, huh! Mahse a harsa zawng zel in thil i kalpui tak si ah chuan enkawl dan tur che kawng thar ka hriat belh phah ta bawk.. Insiam rawh, ka dawhtheih loh zia chu i hriatchian em kha.." ti chhur chhur pahin ka kut a hmerna chu a rawn paih dawrh a, ka âng zui zawk bawk!

Engnge tih theih ka neih! Tukverh inhawng ah hian chak tak a tlan chhuak in ka zuangthla mai dawn mi? Ka taksa hi lung khawkrawk tâkah a tla keh darh vek anga, he mihring hmel ka hmuh a ngai tawh lo bawk anga.. Mahse ka fapa.. ka fapa pawisawi lo chungah hian eng thil nge a tih zawm ang!

"Insiam rawh..."
Ka dar a min nawr sawk pah chuan a rawn ti nawn leh nghut a! Ka mit chuan kil tin a hmanraw awm chu a melh kual a, che zawm thei miah loa siamna tur khawp hmanrua pakhatmah a awm lo!
"Zodinpui.." a tih leh tuarh takah chuan Jayden zawk a țhawng nasa zual a, a rawn au ve chul a, mahse rang lutuk in a tawp a!
"I mamma pawh hi zirtirna pek deuh chu angai dawn nih hi.." ti bul hluk pah in Jayden chu a din pui zui nulh a, ka fapa hi ka kut ah awm nise chuan thih leh thih tiin kawngka ah hian ka tlan chhuahpui ang! Mahse a kut ah a awm miau bawk si!
Khur ru dar dar chung in bag ah chuan ka indah lut a, ral lehlam ațang thlawhna rawn thlawk ri vung vung ka hriat rual chuan țah chhuah hawm hawm mai hi ka chak a, hei ai hma hian rawn thleng ta se keini nufa hi kan zalen thei ni mai tur!

Kan thlawhna ticket ve chu en in thawk ka la ham ham a, a thawm a rawn hnai zel a, ka lungphu a ti rang a, ka beiseina neih ve ang ang ti bo tu ani daih zawk mai si a. Ka thlep tawm a, ka kekawr ipte ah chuan ka ak bo zui a! Air bag lian vak lo chu ka darah ka bat a, tunah chuan hremhmun kawngka ah bawk ka nun a lut leh dawn ta! Eng hi nge maw ka tih sual a mangang reng reng a hun ka hman tak bik mai le...

Zico an kawngkhar lock a pawh thlak khap rual chuan beiseina chhete ka nei thar a, chetsual a thiang lo tiin ka inhrilh nawn mawlh mawlh bawk.
Ka banrek ah rawn man bet a kawngkhar a nem hawn rual chuan kan thlenna building chu thlawhna in a rawn thlawh khum a, kan chhak lawk helipad ah chuan a rawn țum ta run a! Ka lungphu beiseina leh chetsual palh thiang bawk silo vang a phu dawt dawt te chuan thaw hlei thei lo in min siam a, Lodge bathlar leh a bul vel chu ka en a, mihring hmel pakhatmah hmuh tur a awm lo!
Kawt a Zico car lo ding run ka hmuh rual chuan zawite in thawk ka la a.. Ka fapa a la pawm a.. ka kut a kai bet tlat bawk. Hnathawk tu sawi dan chuan minute reilote chhung thlawhna hi a chawl ţhin a, passenger te hian an lo nghah lawk vek vang in an lut fel a, an thlawk chhuak leh mai ţhin..

Zico lak ațang tlan chhuak in khi hmun khi thleng chho ta ila, thlawhna thlawh chhuah hmain min rawn man leh ta si se.. Thlawk chhuak ve tur midang te lah min pui tur khawp a țhalai nilo vek lo nita bawk si se..

Lalpa.. Țanpui ka ngai tak zet!

Car lam pan chuan min kai zui dawr dawr a, kan awmna hmun hi khawchhung ani lo a, khaw hmawr, hmun reh lai a ni pakhat kher bawk si!
"Zico.." ka ti sep a.. min chhang lo!
"Jayden kha ka lo pawm ang.."
"Car ah sawn țhu lut vat rawh.." a aia chak a min hnuh dawr dawr pah chuan a ti a, ka rilru a hmanhmawh bawk si, chet lak hman loh ka hlau ber mai.

Car bul kan thlen rual chuan Jayden chu min rawn pe ta hlauh! Nghet zet hian ka kuah bet sauh sauh a!
Kan țhut luhna turin Car kawngkhar a pawt hawng zui pawp rual chuan ka melh zawk a, min lo en ve run bawk. Helipad lam chu ka han melh leh zawk a, kawngpui kan in step tam ve angreng tak ah ka tlan chhoh angai dawn a.. chu tah ka fapa pawm bet chung leh nghal in ..

Chil lem dâwk pah in car ah chuan ka țhu lut a! Car kawngkhar a rawn nemphui rual chuan ka fapa chalah chuan ka fawp vang vang a! Kan pahnih nunna atan kei hmeichhe chaklo tak hian ka theihna zawng zawng ka sawm khawm angai!!!!!

Zico-a a țhutna tur lam pan a a let chiah rual chuan kawngkhar chu ka nem hawng ta thut a!
"Zodinpui!" A aw rawl vin lutuk vang chuan ka khawng zui lo chauh! Mahse ka dam chhung a a kiang a awm ai chuan vawikhat tal ka theihna leh huaisenna zawng zawng sawmkhawm in tlanchhiat san ka tum ve alawm tih sawi tur tal neih ve ka duh a, kawngpui lam kan chuan ka tlan zui ta tho a, min rawn umzui tih pawh ka hria..
Mahse ka fapa nen hremhmun a kan luh hmain kei hian ka theihtawp ka chhuah ve a ni tih ka ngaihtuah let ve tal theihnan ka tlan lui a!
Nunkhaw chhuahnan hian ka beih ava ngai nasa bik tak em!
Ka hnunglam ah thawm ri fua mai ka hria a! Ka țek zawk bawk! Mahse kha taksa ka ţih em em mai khan min la rawn man bet miau lo, ka tlan lui țang țang a, vawikhat pawh hawi let lo in step chho zui mai lo awm ah chuan ka tlan leh zel a.. Ka hah lutuk hi ka thawk pawh ka kâ ah a leng tawh lo.. Jayden lah in tlak hlauin min kuah bet ve ţang țang a.

Mi te hmuh ah chuan nu ropui tak ni lo mahila ka fapa tan tal chuan nu ropui nih a, sakawlh ang mai mihring lak a venghimtu nih ka tum ţang țang thung!

Thlawhna a ri zui ta vut vut a, ka chau tawh lutuk leh hah bawk si chu ka pai chho nawk nawk a.. a lo thlawk chhuak hman anih chuan ka beih ve na zawng zawng hi a tawp vek ani mai!

Thawk la kawk kawk in ka ding chawt a! Ka tlan thei tawh thlawt lo.. step zawh chhoh tur lah ala tam lutuk bawk.
"Mamma.." Jaydena'n ţap ţiau chung a rawn tih leh takah chuan thawk la hawk chung in ka tlan pui leh a, hnunglam hawi let a Zico min rawn um tu hmel hmuh ka duh lo hrim hrim bawk!

Kan chhuak chho hlawl a! Thlawhna ah chuan an lo lut zo tawh ani mai thei! Mihring hmel hmuh tur an awm tawhlo.

Nilo... a thlawk chhuak thei lo...!
Gate ah chuan ka tlan lut rawk rawk a, chho hlir ah ka tlan a, phei ka tlan leh chiah chu ka kaihza tha a rawn rawl a , ka khup a sai nghal hlawk hlawk bawk.
Lei a ka ţhingţhit thlak hnawp rual chuan Jayden a țe tuarh a, ka khawhmuh a phe vek! Thlan in min bual huh vek tawh.. ka dang a ro in ka thawchhuak hlei thei lo a...

Kan hma a thlawhna chung vir kual mup mup chu ka melh zui țawk țawk a. Ka hnunglam ah ke pen thawm ka hriat leh rual chuan ka beih ve na zawng zawng a tawp zo ta vek!
"Jay.. Mamma hian a hmangaih che a.. chuan kan pahnih tan hian theihtawp ka chhuah bawk tiraw?" Hnunglam ațang ke pen a rawn ri khup khup a.
"A tawp ka thlenpui zawh loh vang che in ka tihpalh aw.. mamma hi haw suh aw.. .." ka ti zui mawlh mawlh a, ka hnunglam ațang taksa lum in min rawn ur a, ka meng zui nghal kawk mai!
Zo zet in kan nufa chuan min pawm kang zui nawlh a, ka kâ ațang engmah a chhuak thei tawh lo.. min pen sawn pui nawlh nawlh a, ka fapa hmel eng ta hawk ka hmuh rual chuan ka hahdam huai thei!
"Zothan..?"
"Mi â nu..." ti sup pahin ka chalah a hmuiin a rawn nawr a. " Â lutuk.." ti nawn leh sup in thlawhna kawngkhar lo inhawng ah chuan min hlang lut ta nawlh!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:27 pm

☆TE DOY 15K☆
Chapter 24
By
Abbra Reo Ririni Khiangte(Pitartei)
Ka beng zawn a Zothana lungphu ri dup dup chu ka ngaithla a, A ban tha ngah zet chuan min kuah bet tlat bawk, Ka chhipah a khabe a rawn nghat a, A kâ ațang a rawn thawchhuak zui ham ham a! Jayden lah khawdur khup mai ni (sun) engin a rawn chhun ven ang hãwk maiin a hmel a eng ta sawt sawt a, Thlawhna ri vung vung chuan a taksa peng pakhat ang maia ka behna lungphu ri chu a hliah khuh zo map lo bawk! Ka kuah let ve mai lohnan ka in thunun tang tang a, A ang chhunga awm hahdam thlak zia ka hriat thar lehna vang ngawt pawh chuan ka țah a chhuak țun thei!

Heng a ban tha chak zet a duat tak a min kuah hnuhnun ber zana thil thleng te kha an rawn thar leh ni maiin ka hria!
Zico an hotela min khawih zan kha Zothana nena inhnaih tak a kan awm hnuhnun ber ani a, a ni a chhut chuan ni tam a la rallo a, mahse ka ngaihdan ah erawh kum engemaw zat ral ta ang mai hial an ni thung!

Vansang lam ah kan thlawk vuâi vuâi reng a.
Zico khan engtinnge min rawn hmuh? Chuan Zothana hi rawn thleng hman lo ta se kan nufa hi engtinnge kan awmzui zel ang, thawk la in mit ka chhing zui vang vang a, Zico hmel chiang zet in ka hmu zawm zat a! Ka taksa chhunglam hi vawt in a rawn țham nghal sung sung mai.

"Hahdam tawh rawh le.. " Ka beng bula rawn phun sup pah in a hmuiin ka beng chu a rawn nawr leh vang vang a, ni e, Zothana bulah kan awm tawh a, min rawn tibuai pha tawh lo, helipad pan a hlauhthawnna nen a ka tlan lai te kha mitthla ah a rawn lang zuai zuai a, ka nunah hian thleng nawn leh turin ka duh tawh lo, min man let hman phei se chuan rawva takin ka chungah a che leh duh ngei ang!
Zothana'n ka lu ah a hmui a rawn nawr leh tak vang vang ah chuan chil ka lem dak a, ka thawk rang lutuk pawh an reh ve tual tual bawk.

Vansang tak aţang chuan leilam chu ka thlir thla a, Engtinnge Zothana hian min rawn hmuh theih, chutiang bawkin Zico kha engtinnge a tih? Ka nuna ka mamawh ber laiin a rawn lang nghal vat ţhin a! Thlawhna(helicopter) lian ve ang reng tak chhung ah chuan ka hawi kual thuak a, pilot leh midang pakhat chiah mihran an awm, ka fapa muhil sék sêk mai pawm hlu hlu chung a min lo en reng tu ka hmuh rual chuan ka sa pup mai hian ka hria, a ngawi ngul a, a hmel landan ațang a ngaihtuahna a thil awm pakhatmah a hriat theih loh.
Lawmthu hrilh mawlh mawlh tur ka nih laiin sawi tur ber ka hre bawk silo a, a mit ko a sen phei țân a, a shirt hak lai a thler tel hnuang bawk.
"Hahdam rawh, kan thleng țep!" Ka dar a rawn vawn pah in ka fapa beilohna lam, a awm ah chuan min kuah bet zui hmak a! A taksa lum vung vung mai vang chuan kei hmeichhe der dep ve tak hi ka hahdam suai suai thei.
Thawk a lak zawng in kan nufa chuan kan che ve ãk ãk a, a ban hrawl zet ka dar a a rawn kuah liamna chu ka melh zawk a, kut hnathawk chunga ka thil awh zawng leina tur ngaihtuah a a inhlawh țawk țawk zel te kha ka ngaihtuah let a, a hnathawhna vang a a kut thap hrup thleng khan ka tan hna a thawk ţhin a, vawikhatte pawh a sawisel chhin ngailo!
"Bawihi.. " Dimte in a khaberuh kualin ka chhip a rawn nawr rual chuan ka che ve țalh țalh a, thlawhna engine ri vung vung ri pawh alo reh duk tawh.
"Kan thleng tawh e. " ka hawi chhuah rual chuan a rawn ti sup bawk, a hmui hmulin a hmui a khuh tel pha a, a mitmeng ațang chuan duatna aia thuk ka hmu bawk.
Chuang ve pakhat pawh kha a lo chhuk tawh a, Jayden erawh a mu tui ngang thung!
Thlawhna khan sang ve angreng tak ațanga ka țum thlak tharh rual chuan ka khupruh hi a rawn na hit zawk a, Zothana ka fapa pawm chunga inthazo zet a rawn chhuk thla ve chu inthunun tum zet hian ka lo melh ve ran bawk.
"Haw ang.. " ti sup pahin min kal pel a, helipad ah chuan thlawhna dang pawh a awm nual, chung thlawhna ding zing a Zothana pen pawk pawk chu ka melh reng a, ka ngaihtuahna a thil rawn awm hi a hun loh zia ka hriat rualin Army rothap zet mai, a ram tana feh chhuak hlim rawn haw hi ka tehkhin tlat pek anih chu! Ka fapa chu rihna neilo ang maiin a pen pui pawk pawk a, a sam hnim ve ang reng tak chu thliin a chhem che ve dar dar bawk. Mahse a inah khan ka haw thei tawh reng reng lo.

"Kan nufa in airport kan pan nghal dawn.." a hnung ațang ka tih rual chuan a ding chawt a! "Goa ah hna ka zawng dawn!" A rawn hawi let lo a, thawk a la in ka hria.
"Chawlh hmang in kan kal ho thei anih chu!" Awlsam zet a ti hluk pahin Helipad gate lam pan chuan a pen zui ta pawk pawk a.
A lo kal ve ka duh reng reng lo! Chawlh hmang satliah a kal tur pawh ka nilo a, awmhlen tawh tura kal tum asin ka nih! Ka theih ang a chak in ka umzui ve vat a, a pen khat lek pawh tlan chung pawhin ka pen hnih zu han tling a mawle.. Cotton dum hlap a ha a, a bawp sei thlurh mai chuan min nghah tum miah lo in a pen lui ve zel mai bawk si!
"Zothan.. "
"Taxi ah khan lut rawh.."
"I lo kal ve thei hleinem." Ka ti a, kan bul mai a taxi hman mai theih driver chu a be zawm daih a! Min ngaipawimawh lo lutuk chuan ka thin a tirim hlur thei!
Driver a țhut luh rual chuan a rawn inher vut a, rum mangkhéng hian ka lo melh nghek bawk.
"Lut rawh.. " a aw ri a zawi, mahse a rum takzet!
"Aih, Jayden kha min pe rawh."
"Lut rawh."
"Ka sawi chu i hria em? Jayden kha min pe rawh.." ka ti hlar a! A ner zui nawk chu ka melh zui nghek bawk.
"Ka tello in khawiah mah in kal tawh dawn lo, Goa a kal i duh anih pawn ka rual zelin in kal ang, i duh loh leh inah kan haw tlang thei bawk." Ti hmuk pahin ka fapa a pawm behlohna lam chuan Taxi hnunglam chu a pawt hawng zat a!
"Lut rawh.." a rûm țha ngang mai!
Kut kuangkuah in ka ding tlat a, chawlh hmang mai mai turin ka kal dawn lo a, chuan a rawn tel ve zel hi a țul hlawl lo, Zico lak ațanga min rawn chhan vang ngawt khan zanrei a a hmeichhe awmpui te kha ka theihnghilh tihna a ni ringawt lo!
"Bawihi, naupangchhia viau zel lo teh.. In nufa hian min mamawh a sin.." a rawn ti a, "Venhim che u ka duh, ka venhim phakloh a in awm hran ka phal i ring em? A teuh lo!" A ti zui leh hluk a, a taksa a lian in a hliam neih te nen zawng zawng chuan a lang hlauhawm ta vek mai!
"Ka thu i hnial hma hian ngaihtuah nawn ţhin rawh, tunah pawh ka ho in kan kal ang, ka hmuh theih loh a in awm ka rem ti reng reng lo!" Chhum zet hian a ti leh hmuk a, a thusawi chuan engtinemaw tak hian min țham bawk!
"Lut rawh, inhnial buai reng lo teh ang!" A kutphah hrawl zet a lek leh zuau rual chuan min en ve ta ngur a, engtinnge a hmeichhe lo awmpuinu bulah khan a insawifiah ang tih ka ngaihtuah tel daih bawk! 'Hmeichhia' huh, zanlai a a call lo chhangtu kha!
"Ka fapa kha min pe la, let rawh." Ti hlar pah in a taksa a ka fapa bet thlawp chu ka ban zui zat a, min hnial lo a, Jayden ka pawm rual chuan a lu ah ka fawp vang vang a, nichin kan boruak vel vang khan a chau ve hle aniang, a muhil tuiin a hahdam hmel tawh tak zet!
Taxi ah chuan ka țhu lut zui hmak a, kawngkhar ka pawhphui rual chuan front seat lam ah a rawn țhu lut ve nulh anih chu!
"Lengpui airport lam ah aw." Driver en zauh pah chuan a ti sup a.
"Ka sawi kha i hrelo a mi.....?"
"Jayden kha a harh ang, ri vak rih suh!" A rawn hawi let vut a, a palian in a hrawl ropui si, taxi body hniam tak chhunga a awm ve run chuan boruak a ti uap vek!
"Airport!" Ti leh sup pahin hma lam a en ta ngur a, Driver in engine a tih nun rual te chuan kal chhuah leh daih mai te hi ka duh rum rum mai!

Kan tlan chhung zawngin kan inbe tawh lo, lawmna chang hrelo hmuh pawn min hmu mahse pawi tihna ka nei lo, ka mamawh em em lai khan ka call chhang ni ngat se chuan!! Engthil tehhrep nge maw ka ngaihtuah le.

Bungrua engmah kan nei lo a, ticket online hmang a kalo book lawk vek tawh vang in awlsam takin min lo pe chhuak vat a, Zothana lah in awlsam zet in ticket a nei nghal der bawk! Engang pawhin hnial lui mahila a rawn kal ve dawn tho tih a chiang reng tawh.
" Keiman ka lo pawm ang." Jayden la muhil mek chu a rawn ban vut a, ka inrin ve hma in min laksak ta daih a, "Hei keng la.." ti leh sup pahin a ticket chu min pe a, ka'n melh deuh rawm phawt a chu ka lungawilo chu a haider lui ve tlat!
A kut ațang ticket ka phihthlak sak rualin țhutna lam ka pansan ta nal nal a, tuna kan buaina hi chu dahțha rihin a lakah ka lungawi lohna ka lantir tluang lui ve zel bawk.
" I duh hi chuan i luhlul ve mawle.?" Ti sup pahin ka bulah chuan a rawn țhu ve vat a, ka melh zawk a, chimawm zet a alo nui suk ka hmuh rual chuan hmalam ka melh leh daih a!
" Goa ah chuan kan cham rei dawn lo ania.."
"Ka thu thu!"
"Umm , kei leh Jayden chu ni thum hnuah kan haw ang." A tih sup rual chuan ka en vat a, a mitmeng sexy zet ah chuan min cho lutuk tih a lang reng.
"I thu lo. " ka ti hmuk a, a nui ri zui ta hawk a, kei a pawh chu engvanga naupangchhia deuh a ri leh vak ţhin nge maw ka nih le.! Ka en leh chuan nuihza insum tih hriat zet hian min lo melh ve reng a, 'tunge chak zawk chu kan hria ang chu!' Tih hi a mitmeng ah chuan a lang tel a, ka chak tir dawn reng reng lo!

Zan dar 9 pelh ah Clark International Airport ah kan țum a, hman deuh a Zico nen chawlh hmang a kan zin tawh vang in thil kalphung chu ka hre rei ruai a, amaherawhchu ka bula mipa hrawlpui hian ka buaipui ngailo in engkim a buaipui vek a, Jayden pawh a rawn harh tawh a, a khek chul hi a ni ber a!
"Deltin Suites." Airport taxi Driver bulah chuan a ti sup a! Driver lah chuan bungrua zawng ve ang hrim hian kan bul vel chu a rawn en thuak a!
"No luggage!" Zothana bawk in a ti leh sup a, țawngtheilo ang maiin an bulah chuan ka ngawi ran thung.
Taxi a ka țhut luh rualin Jayden pawm chungin a rawn ţhu lut ve a, Jayden lah chuan ka awm ve tih pawh hre tawhlo in min ngaihsak tawh der bawk silo.
"Apa, Long time kha ka bulah i awm lo a." A ti ve a, Zothana malchungah a țhu a, zan a Goa khawpui eng pe tuar mai chu tukverh ațang chuan ka en reng a, Jaydena zawhna vang chuan ka lo ip chawih bawk.
" Apa kha i lo ngai em"
"Aw, Mamma bulah pawh apa bulah kal ang ka ti a, mamma khan min lo listen duh lo reng reng."a ti ve bâi bâi a, min han puh vel chu le.
"Jayden." Ka ti sep a, a rawn hawi ve nghal vat reuh bawk.
"Apa call ang ka tih pawn 'a buai' i ti tlat nih kha " Jayden tho! Zothana call min dil laia ka hauh kha hrechhuak ve ang hrim in a tum zui ve pak pâk a!
" Mamma in hla deuh ah kal ang a tih khan Apa hrilh zel tur ka ti in ka hria." Zothana zawk in Jayden 'on' belh pah a a tih ve leh takah chuan rum zet hian ka melh a, ka fapa nen an ţang dun tlat zel hi ka hrethiam lo.
"Mum in a phallo alawm, Apa mummy thluak ah khan baby a awm tiraw?" Zothana malchung ah chuan a lawn kai that that a, A thusawi vang chuan ka thinrim hlur hi a ni tawp mai.
"Awm țhin e, Baby girl ang kha a awm alawm." Ka haw ngei dawn tih a hre lawk ani khawp ang; Jayden kuah beh hlun pah chuan a hawi sawn zui ta vut a! "Baby kawlh zet pawh."
Ka hriat loh ringin a phun zui sup a, ka va han ngei hluah hluah tak em aw.
Jayden lah chu a ngawi zui ta hle hle a, seat kil lamah chuan ka tawlh thla zui daih a, nuih insum zet a min rawn en leh chu han chum zui țawlh tak tak mai hi ka duh hial bawk.

Light a hmet thim khap a, a shower zawhna a la rei lo bawk a, a sam chu a la hnawm chhap bawk, Bathrobe var lianpui ha chung chuan kan nufa mutna lam khum chu a rawn pan a, hotel ah kan lut fel tawh a, Jayden pawh ka bual zawh vek hnuah a muhil zui nghal der mai!

Zothana'n engkim a buaipui vek a, he hotel hi a thlen vawikhatna a ni tawh lo tih hriat zet in hnathawktu ten an lo zah em em a, hotel thuamhnaw bik ka hak tur te thleng in kan room ah an rawn dah vek a, bungrua engmah keng lo in ka kal ve tawp a, Zothana rawn tel ve lo se kan talbuai dan tur lah ka hrechiang kher bawk! Mahse hrelo ang hmak leh hmeichhe lawmna chang hrelo ang maiin ka awm lui tlat thung.
"A muhil tawh ami?" A rawn ti sup a.Amah a palian in thuamhnaw dang a inbel miah lo tih hriat zetin bathrobe suih phuiloh a ațang chuan a awmbawr tihrawl a lang raih a! Ka thawk a sak ve vek bawk.
"A muhil tawh..!" Ka ti sep a, kan nufa bulah hian a rawn mut ve mai ka hlau a, mahse khum dang a awm der mai bawk silo, couch ah hian a mu em ang chu ka ti rilru mawlh mawlh a.
"Nang pawh mu hahdam tawh rawh." Khum sir a a rawn din ve rual chuan a ti leh sup a. Chhang lo in thawk ka la hak a, ka inlet thawk a, Jayden kuah chung chuan mit ka chhing zui nghal daih bawk. Zothana nui ri suk ka hre zawm leh ta hram bawk.
"Ka sawi kha i hria em? Ni thum chiah kan cham dawn." A rawn ti a, a ban in ka hnunglam khum chu a rawn nem zui tih hriat zet in a hniam zui âwk bawk! Mahse chhan ka tum lo hrim hrim, naktuk ah internet ațanga ka enlawk vek tawh hmunah ka kal a nga, ka be chiang bawk ang.
"I la muhil lo tih ka hria a nia." Ka darah a rawn hmer salh rual chuan vin hrep mai in peihsa at hian ka inher ve vat a, a lo la nui suk zui anih chu!
"Ka duh chen chen ka awm dawn ka tih tawh reng kha.." zawi sep vin tak si hian ka ti hlak a, khum ah chuan a rawn țhu hniam ve vut a, ka inher leh tur chu ka darah a rawn man a, Jayden nen kan inkarah chuan a ban pakhat in a rawn in nem zui nghal run bawk.

"Zanin hi inngaihtuah nan i hmang thei ang." Rawn kun hniam pahin chiang zet in ka mit ah tak a rawn en a! " He khawpui ah hian in nufa chiah in ka kalsan che u i ring anih chuan chu i ngaihdan chu thlak ang che " ka hmai bul chet ah a rawn phun leh sup a. Ka taksa chu a țang nghal vek thei!

"Naktuk ah pawh ka chhanna hi a la ngai reng ang." Ka ti sep a; a lian bawk si, ka taksa chu a ban inkarah a awm a, kan hmai insi lo chiah in a rawn kun hniam tlat bawk si.

I chiang meuh ang maw?" Ti sup pahin a țhen leh sak a, a shower gel hman rim fresh zet chu ka hip lut hap a, ,A khabe kual nalh zet leh hmul to deuh siar chuan ngaihtuahna dang daih min put tir hman țep bawk.
"Aw." Ka tih leh sep rual chuan Zothana zawk chu a rum ri hawk a, ka hmuiah a rawn fawp zui ta ngawng ngawng a, ka nghing che dawt hian ka hria!.
Min bawh bet deuh ti tih hian a rawn insiam rem zui zat! Ka chhang let ve pawn ka hrelo, duhthawh zet hian a che zui ngawng ngawng a! Ka kawchhung thleng hian min fawh dan duhthawh lutuk chuan a nghawng pha vek! A thawk lak zawng in ka awmbawr a rawn delh na ve zual sauh a, ka zep lo, a nuam tak zet! Dimtea a kut țang a ka biang a rawn tawh takah chuan ka harh chhuak ta zawk a; a darah ka nem zui nghal chawrh bawk!
Harsa tih hmel zet hian ka hmui hnuai a rawn pet a, ka kâ chhungah a rawn thaw lum zui nghal hak bawk a!
"Kal bo rawh.."
"Aih" Ti nghut pahin ka chalah a chal a rawn nghat zui hmak a, a la thaw ham ham reng bawk!
"Naktukah haw ang che." A darah ka nem zui țang țang a, a ngawi ngul a, a taksa a rih nulh vang chuan ka nem chesawn zo lo reng reng!
"Zothanmawi!" Vin hlar a ka tih rual chuan a kutphah hrawl zet chuan ka kâ a rawn hup zui hmak a, ka chalah a chal a la nghat reng bawk.
"Bengchheng vak zel lo teh." Nui suk chung in a awm hrang hlek a, room kil khat ațanga LCD light eng dul raih mai chuan min fawh zawh chiahna hmui la hnawm chep mai chu a chhun pha a!
"Tinge i luhlul em em mai le..?" Phun sup pahin ka bula Jayden-a mu chu a melh leh zawk a, " Ani ang lek hian i naupangchhia reng zel bawk a." A ti leh sup a, ka kâ a hupna banrek ah chuan ka man bet ve vat a, laksawn sak ka tum dawn tih hria ang hrim hian a lo țang ve tlat a.
"Ka laka i lungawi lohna i sawi chhuak anih loh chuan ka hre ngai dawn lo.. Chuan in i chhuahsan ni khan eng lehkha nge i dawn?" A rawn ti leh sup a. Kei erawh ka meng nghal kawk thung! A banrek ka vawn chu ka thlah riai riai a! Thlalak ka dawn a ka landan zahpuiawm zet mai ho kha ka ngaihtuah let zut zut a, Zothana pawh in dimte in a kut chu ala sawn a, mahse ka bek zawn ve ve ah a kiu in a rawn inbeng khalh zui nghal hmiah thung!
"Bawihi.."

"Ka.. ka mu duh tawh." Ka ti bah nawk a, ka tiril rawn khur ru dar dar chu ka hre rang kher mai. Ka inher tur chu Zothana'n rang vut in min nem zangthal leh bawrh a, ka ter ve nghal at bawk

"Ka sawi kha i hrelo ami, ka mu duh tawh." Ka ti chhuak tuarh a! Diktak chuan thlalak ka hmuh lai hun ang chiah khan ka hlauthawng a, ka thawk lak te hi a sak leh vek tawh. Chutia ka au chhuak ta tuar chu rang zet in Jayden lam a melh zui vat a!
" I sawi chhuah hma chu zanin hian i mu dawn lo." Ti sup pah in thawk a la zui ve ta hawk a.
"In i chhuahsan chhan te, i lehkha dawn a thil inziak zawng zawng te pawh min hrilh vek hma chu i mu dawn miah lo ania.."
"Kal bo rawh.. "
"Zodinpui." Sehchilh zet hian a rawn ti chhuak hrawih a!
"I awmdan hi nawrluihna tello chuan min dodal reng dawn a ang tlat, zankhua hun a awm tho alawm." Nui zui suk chung in ka mit ah chiang zet in a rawn melh a.
"Hmeichhe naupang ang chiah a min en hi bansan tawh rawh.."
"Chutianga ka en ngailoh zia che chu i hriat chian khawp kha.." a rawn ti sup a, ka ang zuau a, mahse a sawi awmzia chiang lutuk a ka hriat rual chuan ka taksa hi a sa nghal pup thei!
" Hmeichhe naupang angin ka en lo che, ka ta, ka venhim tur leh ka enkawl tur i ni tih in hria la, ka bulah engmah zep ţhin suh." Zawi sup a a phun leh rual chuan a kutțang hrawlpui chuan ka sam a rawn hui kiang a. " Ka zawhna che kha chhang tawh rawh le." A rawn ti leh sup bawk!
Chhanna pek dan tur pawh ka hrelo, chu tih rualin a chetdan ho te vang a ka thinrim ve na zawng zawng an reh nghal hmiah thei te hi mak ka ti a, "Bawihi?"
"Ka mu duh tawh." Ka tih sep rual chuan a thaw ri nghut a, a rawn inbeng khalhna ațang a in lakhran vut rual chuan khum ațang ka kang zui ve ta lawp mai! A darah min pu nawlh a, a hnung ah ka chum zui pawp pawp a, ka ke ka leng nghek nghek bawk, eng thil nge tih a tum reng reng ni!
" Talbuai suh.." ti hluk pahin ka mawng ah a rawn beng thlawp a, ka huat dan chu ka puakdarh lo chauh hi a ni tawp mai, min pen sawnpui rual chuan ka theih ang a na in a hnung ah ka chum zui pawp pawp tho a, a ni lah a hrawlin ka chum ve na te chu engahmah angailo tih hriat zet hian a pen zui pawk pawk a, Khum ațang hla ve angreng tak a couch var lianpui lo awm ah chuan a ţhu thla zui chawrh a, amah hmachhawn zawngin a mal chungah chuan min nghat thla zui zat a, ka sam hnawk nuai mai chu ka man khawm a, Zothanmawia chu rum lutuk tak mai hian ka melh zui ta nghek a!
" I chetdan kha a atthlak hle mai." Ti hlak pahin ka tal a, mahse ka kawngah a man bet zui nghal hmiah a!
"Zothanmawi.."
"Sawi la.." a dar kan uk pah in a rawn ti sup a, ka thinrim bawk si nen chuan a awmdan hlek chu ka haw hluah hluah hi a ni tawp a.
"Min thlah rawh.."
"Ka zawhna che kha chhang rawh.." ani zawhna zawng zawng hi ka chhanna chhan tur pakhatmah ka hriat loh ang bawk in kha mi zing khan ka call lo chhang se chuan engkim a hre ve vek ang, mahse a hmeichhe awmpui in a lo chhang a, ka beiseina neih ve zawng zawng te kha min tih chhiat sak vek bawk!
"Ka mamawh lai che khan khawnge i awm.? " ka ti a, ka țah a chhuak nghal țun bawk. "Mawh? Ka mamawh lai che khan khawnge i awm? Ka kuta ka thlalak bawlhhlawh zet khur hlawk hlawk chung a ka ken lai khan khawnge i awm? Ka mamawh che asin, min hnem a, i chungah engmah a thleng dawn lo, kha thil titu lakah khan ka venghim ang che ti a sawi turin ka mamawh che asin.. mahse khang hun lai khan nang chuan nuam ilo tawl a.. hah.. zanlai ah i phone hmeichhia in alo chhang a, chumi hnuah pawh atthlak zet in ka mangan vawrtawp laiin biak che ka la rawn tum ţalh a.. mahse i hmeichhia bawk in alo chhang a, chuti chung chuan ka chung a thil thleng hriat ila mamawh a maw, min ngaihtuah ang tak a lan kha bansan rawh.." ka thinrim lutuk chu ka aw a khur hlak hlak a, ka kawchhung hi thinrimna vang in a let kual bulh bulh a, khami țum khan a lak ațang thil tamtak ka phut lo, ka call kha amah ngeiin lo chhang se, Ka hlauthawng lutuk leh mangang lutuk kha min țawng thlamuan se tih chiah ka phut, mahse chu thil te mai pawh chu min tihsak thei hleinem!
"Zico lak ațang min rawn chhan vang khan ka lawm a, mahse ka nunah i inrawlh zui ka rem ti ta tihna anilo.." ka kawng a vawnbehna banrek ah chuan ka vuan a, ka phelhsak dawn a, ngawi ngûr chung si hian min chelh ve tlat a, Jayden a harh hlauhna pawh ka nei tawh lo a, ka sual let ta nghek a, a taksa rem lai laiah ka chum zui pawp pawp a; a in dang lo a, a țawng chhuak bawk lo a, mahse nghet takin ka kawngfek laiah chuan a vuan bet tlat thung!
"Ka haw lutuk che.." ti țhawt pahin a dara ka kut humruh tlat pahnih chuan ka chum leh chawrh a, kut thawh leh tur pawn tha ka nei tawh lo, ka taksa chhung hi a chau nghulh a, ka thinrim lutuk vang ani ngei ang, ka thawk lak zawng in ka khur dar dar reng a, ka taksa hi a sa vek bawk.
A lak ațanga tal thlak leh ka tum chuan min dang tawh lo a, rang lutuk tak maiin ka tal hrang vat a, Nichin khan ka mittui alo tla ve ringawt bawk, ka mittui hru hul tawk pah chuan khum lamah ka let phei hmawk hmawk a, Zothana chu a țhutna ngaiah ala țhu reng a, hmeichhe dang hun a hmanpui lai ka hre chhuak khan a țhawng a ni ngei ang! Tenawm leh lutuk!

Jayden kuah bet tlat chung chuan ka mu tawm ve kak a, Zico~a'n chiang takin min bum a, tunah Zothana'n ! A țha vek mai e, mahse tun ațang chuan ka nun hi anni pahnih vang hian a buai leh tawh ngailo ang.

Khum a ka mut kai leh hma khan zinglam dar 1 a pel tawh a, ka ngaihtuahna a vak thuiin ka hun tawn tawh tam tak ka chhui kir a, thawklehkhata ka nun buai tak nuaih ațang khan hlim takin thlakhat chhung pawh ka awm ve tawh lo hial in ka hria, Zico ka chhuahsan hnuah a nu leh a farnu in uire chhuah a min rawn chhuah in min rawn kal chilh a, Zico leh a pa an rawn lang veleh ta sek a, Zothana nen kan inkara thil thleng a awm hnuah lah hmeichhe dang an rawn tel ve leh a, engmah vang hian nat zui loh hram hram ka duh tak zet!

Ka muthilh lai ka hrelo, chiang lo zet in mit ka meng a, Jayden pawh alo la mu tui ngang mai, a taksa chu ka lo la kuah bet reng a, pindan chhung boruak chu a reh ruih rualin a la thim tel map tho! Thawk ka la a, mahse ka hnunglam ațanga min lo kuah bet ve run tu an awm tih ka hriat rual chuan ka meng zui nghal kâwk a! Ka thinphu hi an intlansiak nghal dawt dawt ringawt bawk!
Mahse a thawk lak zawng a ka nghawng hnunglam a rawn lum ve ham ham takah chuan tunge ani tih ka taksa hian a hria a, ka tha chu ka thlah zál tial tial a, Amah a hrawl bawk a, kei hmeichhe thawk lak dan ai daihin a thawk lak dan hi a nâ a, innghahna tlak anih zia hi a hriat bik ngawih ngawih zel ! Ka ngaihtuahna teh nek chu a!

Jayden ka kuah behna chu ka phelh țhem țhem a, kan awmna suites chhung chu light cream rawng vek ani a, parda fual zet an zar chu gray rawng a ni leh thung, ka bula mu te pahnih tih harh hlau zet chuan ka mut dan ka siam rem a! Pawnlam thawm hriat theih loh turin sound proof hmanga thuam țhat vek ani tih hriat zet in bang a AC khawl ri vûng vûng thawm bak chu thawm dang a awm lo.
Harsa zet in ka zangthal a, ka dul zawn a ban rit nulh mai chu a che ve țual țual a, a harh dawn maw ka ti a, mahse a taksa hrawlpui che ve sauh sauh pah chuan ka nghawng ah a hmaiin a rawn nawr a! Ka țang nghal țeuh mai!
Reife thawk pawh thaw țha ngam lo in ka awm a, Ka awmdan chu a lai vel vek hi a ni tawp! Jayden lah a thaw ri ve sek sek a, amah ang a nimin lam a thil thleng te theihnghilh zung zung theih hi ka chak ve tak zet! Khawvel a kan pian chhuah rual hian kan duh emaw duhlo emaw kan țhanlen rual hian sual hi kan zir a, thikna te, theihtawp chhuahna nun nei silo a midang hlawhtlinna changte er em em ringawt te kan ching a, hei hi kan duhthlanna a kan nuna bet tel ngawt anilo a, khawvel kalphung anih tawh vang ani!
Mahni thil tih laia theihtawp chhuah hauh silo a, midang er em em ringawt leh midang aia țha leh mite hriat hlawh nih tum ngawt nun hi a hlim ngailo a, engpawh ti ila, midang aia țhat tum nghal ngawt lo a theihtawp chhuah ţhintu te nun erawh nun awhawm tak a ni thung! Chutiang mite erawh khawvel mihring za zel ah sawm bak an awm kher lo ang!
Jayden rawn inlet ve thek chuan min ti phu zawk a, ka en vat a, a la mu tui nasa reuh bawk si! Lehlamah lah taksa hrawlpui maiin min kuah bet tlat bawk a!

Ka thle deuh a, Zothana khaberuh kual ruih mai chu ka hmu thei a, a chal in ka nghawng nawr miau hek! Dimte in ka dul chunga a kut chu ka nawr sawn țhem țhem a, a hrawl in a rit nulh bawk si! Chutia amah tih harh hlau zet sia ka nawr țhem țhem lai chuan a rawn che thut a, ka khek chhuak vak lo chauh!
"Mu mai mai rawh.." Rawn dak chhuak lo in ka nghawng ah a hmai a phum tlat a, ka thinphu rang lutuk tih reh tum chuan ka awmah kut ka'n nghat vang vang a!
"Min ti hlau alawm.."
A nui che dawt a! A bawp in min rawn khan zui nghal hmiah bawk!
"Khawi teh.." Min khanbehna bawp ka nawrsawn leh tur chu a kut a rawn chet a, ka darah vuan in ka mu zangthla lai chu amah hmachhawn turin min kuai her ta nawk a! A thophang hmel leh sam thur siang mai chu melh hnai tak hi ka ni ringawt!
"I la thinrim em?" Ka hmui bul chet ah a phun sup a, a ti lui nge pawh ka hre hrep lo, a biang hmul chuan ka hmui bul chu a rawn nul zui thuak a, kut ka humruh vak ringawt!
"I la thinrim em ka tih chu.." Zawi ruih a a rawn phun leh rual chuan ka lukham ah a lu a rawn nghat ve a, a biang lum vung vung mai chuan min rawn nul zui zawm zat bawk.
"Ka hua che.." muang zet a mit chhing pahin a nui ri suk a, a landan cool lutuk vang chuan ka buai ru leh der tawh.
"Kha thu i sawi tawh kha chuan min huat vang nilo in hmeichhe dang i thik vang ka tih fo kha.." a ti sup a, a kut a chet zui dan dan a; ka pajama hak chhan ah chuan ka mal a rawn chul thla a, ka mal te ah a țham salh a, a taksa chung ah ala kang zui hmiah a, ka sual let dawn tih a hria ani khawp ang, ka mawngah rawn vuan in a taksa si chet ah min pawt hnai zui nghal hmiah bawk!
"I inngai ropui mah mah.." ka hmui bul chet ah a hmui a awm vang in țawng pawh ka țawng ring ngam tawh lo! Ka thusawi vang chuan a țhen suk a, ka mawng ațang ka kawr hnunglam ah a zen chho a, ka vun mam hen mai a a kut che chho chu ka hriatna cell sin te te hian lo hre rang tak an ni! Ka taksa hmun tin mai chu a bawl chhuak nghal țiam ţiam ang ka ring!
"I thik lo anih chuan a țha e.." ka mit ah tak en chung in a nui leh suk a! A landan cool tak si leh sexy ru zet vang chuan țah khum vak mai hi ka duh zawk!
" Phone lo chhang tu kha.."
"Ka hria.. i hmeichhia.." ka lo ti vat a, a chal ti chuar tap chung hian min melh zui khui a! Ka diau duh bik der lo! Melh rum ve tak ka ni mai!
"I rilru a lang ang ngawt hian thil hi sawi țhin suh." Ti sup pahin a kut in ka hnungzang chho a chul thuak a, Pathian leh! Bra ka ha reng reng lo! Ka ngaihtuahna rawn hria ang hrim chuan a nui zui suk a, ka ip zui chawih chawih ringawt! Mahse ka beisei loh zet in a zen tlang chho a, ka nghawng hnunglam hi a rawn hmer a! Chumi pah chuan amah hnaih in min hnuk hnai ve sauh bawk!

"Phone lo chhang tu khan Nono-i anih kha.." a ti sup a; ka hriatsual anih ring in ka melh zui káwk a!
"Nono-i , Nunhlimi kha.." Ka hriat sual ani tawh lo! Min shock dan chuan a nâ tel bawk!
"Oh.. I chenpui a." Ka kawchhung a ni nghulh a, mahse ngeiawm lutuk in ka nui thung!
"Ka chenpui lo, Mumbai ka chhuk dawn khan ka apartment min lo tih fai sak a.." ka nâ zual sauh!
"A țha alawm.." ka ti zui sep a, Mahse ka taksa chhung hi a nâ lutuk! Sawi tur pakhatmah ka hre tawh lo! Nono-i, hah! Ka naupan hun lai zawng zawng pawh a ka thik em em reng leh Zothana min lakhran sak tum reng tu! Mumbai a chhuk tur pawh alo hre leh zel a maw..
Zico nen kan inneih hma siin Home ațang a tlanchhuak daih a, ka nu leh pa te kha an hlauthawng in mitin kha min ti mangang a, mahse nithum hnuah ngaihtuahawm anih loh thu leh ama ke ngei a din a tum thu sawiin home kha a rawn be pawp a, chumi ni ațang chuan kan mit hmuhah vawikhat pawh a rawn lang leh tawh ngai lo! Zothana awm loh hnu te khan min ti duhdah in min zuam em em a, Zothana'n min ngaisak tak tak loh thu te kha min sawi khum nuam a ti a, aaa.. a tam lutuk, ka thil neih engpawh min lawmpui a hnek in min tihchhiatsak a ching a, zirna lamah ka pass țha deuh anih chuan min lawmpui ve lo in min huat let phah daih zel a, Zothana'n barbie leh toys dang ho min lei sak te kha ka awmloh laia lo la bo in a lo paih bo vek zel!
"Bawihi..?" Ka ngawi reng a, a rawn thawchhuak ham ham ri te chuan ka țah a ti chhuak tlat pek bawk!
"I ngaih ang kha engmah a awm lo ania, Mumbai a rawn thleng ve hlawl a, min rawn zawng chhuak a, ka nau anih na ang khan ka buaipui a ngai ve tho alawm,.." zawi sup hian a rawn phun zui a, ka kawchhung hi a in let but but mai! Khang kum liam ta zawng zawng khan an lo inhre daih tawh bik a! Kei min hmu tura a rawn haw ngailoh lai khan ani chu a lo buaipui bik daih tawh! Heng thu ka hriat ruala ka natdan zawng zawng hi tumah in min hriatthiam sak ve lo ang! A thil min pek ho zawng zawng min paihbo sak vek tu kha duat tak in a lo enkawl bik a.. A țha mai zel e!
" I buaipui zui zel thei alawm, khang kum liam ta zawng zawng khan in zawng chhuak in inlo inhmu tawh bik reng a.." zalo zet hian ka nui chhuak hak a! "Keichu ani i buaipui zawh vek hnuah min rawn ngaihven veleh a.."
"Khati zawng in ngai suh." A rawn ti nghut a, mawl hmel zet hian ka nui chhuak ta hawk a! Bum ka ni reng bik anih hi!
"Mumbai i chhuk dawn pawn khu lamah a awm tih i hre sa thlap a, ka bulah a chanchin vawikhat pawh i sawi tawh chhin em? I nau i duat em em chuan zanlai ah i inbual hlanin i call alo chhang a, hah! Zing karah pawh alo chhang leh a, in cheng dun tih sawi zawk law law ta che. " ka țawng ring lo, mahse thikna, bum ni a inhriatna leh thinrimna in ka khat vek a, ngeiawm lutuk in na tuar ang hrim a min melh ngur tu chu ka nuih khum a!
"Tunah pawh i inah bawk chuan a la cheng em? Ni dawn tak.. i rualin Mizoram ah a rawn let tur thu pawh min hrilh tak kha..!" Ngeiawm zet hian ka nui chhuak hak a, a chalin ka chal a rawn nawr a, a kut a ka biang a rawn vawn tum na chu na zet hian ka lo phih thlak sak nghal sawk bawk! A awma nem chung in rum lutuk in ka melh zui ngawt ngawt bawk!
"Min khawih tawh suh." Ti fak pah in amah hlat thei ber ah chuan ka tawlh a, Phone lo chhang a nuihsawh zet a min lo be tu kha Nono-i vek maw? Haha.. Atthlak zet a Zothana biak ka duh thu ka sawi lai te khan min lo hre vek tawh a, min lo nuihsawh ngawt ang chu!

Khum ațang a thawhkan vut rual chuan khum chu a che ve dawt a! Hman ațanga hmeichhia i nihna dinhmun chhuhsak chak em em tu che leh ani chuan a ngaihsak zui tawh lo che tia min hrilh ţhin mipa, atthlak zet a ka bula lo let leh tura ka beisei ţhin tlat nen min kalbo san hnuah an lo inzawng hmu tawh reng a, ka bula min ngaisak zui tawh loh thu a sawi ţhin mipa ngei lak ațang ngaihsakna a lo zuk dawn bik laia min lo nuihzat ţhin dan tur ka ngaihtuah let hian ka nâ ngawih ngawih a, Kha hmeichhia nen khan kan inmil ngailo hrim hrim a, ka hlawhtlinna min lawmpui a hnekin min huat phah a, Zothana ka hriatrengna tur thil reng reng min lakbo sak vek bawk a! Ka hua hi ani tawp mai!

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Jayden chu zing dar 7 velah a rawn harh ve ta chiah a, ka lo muhil leh hman țep bawk.
"Mum, khawnge apa?" A mit pawh la meng mang hlei lo chuan a rawn ti ve țiak a!
"Jay, Good morning." Ka chhan hma in Zothana zawk in a rawn chhang vat a, Jayden pawh a in perh tho ve nghal vat a, khum mawng lam a Zothana rawn țhu kai ve chu a bawh ve ta rak rak a!
"Apa, hei kan new house ami?"
Zothana nui deuh suk chu en zui duh lo in puansin chuan ka in lukhup zui hmak a, Jayden nen chuan an inbe zui ta reng a, Kei erawh ka pik țun mai!
Zico bulah ka bag ve kha ka hnutchhiah ta daih si a, tah khan ka lehkha pawimawh leh bank book zawng zawng pawh a awm vek! Khang ho tello chuan engmah ka ti thei dawn der mai silo.
"Mamma?" Pangchang zet a Jayden a rawn țawng ve ngâng ngâng tak ah chuan thawk ka la halh a.
"Apa in mall ah kal ang u a ti.." ka puansin lai rawn keu hawn ve rak rak pah chuan a rawn ti a.
"Jay, kal chhuahna tur kan nei, hmun danga kal a țullo.."
"Bawihi..?" Zothana rawn phun sup chu ka melh duh lo reng reng, hna ka zawn tur thu kha ka ti mai mai lo a, duhleh online hmang pawh in MBSC ah ka lehkha pawimawh ho kha ka dil mai ang.
"Mamma hi a intifai lawk a nga, kan kal chhuak dawn nia." Ka ti a, Jayden chu a nur nâng a, khum ațang ka tho chu ka banrekah Zothana'n a rawn man chawt a.
"Inbe teh ang." Hnial luih ngam miah loh a fiah hian a rawn ti zui nghut bawk! Ka nui lui hak a.
"Kan inbe reng lo a mi?"
"Bawihi?"
"Ka hmanhmawh, hlawh ka neih ve hunah he hotel awm man pawh hi ka rul let ang che " ka ti kher a, a thinrim in control tum tih hriat zet hian a rawn thawchhuak ham ham a! Ka kut a vawn chu ka thing thla zui nghal nawk bawk.

Washroom ah ka lut a, mamawh a awm vek a, hotel a emergency ti ila ka sawisual lo ang, thuamhnaw hak thlak lo awm sa chu ka enkual leh thuak a, an hotel hming chuanna shirt var leh pajama var hi ani deuh tawp mai!

Tui lum in ka inphuh sar sar a, Ka bank book ve ah khan pawisa awm tam lo mahse hna țha ka thawh ve hma a kan nufa in enkawl na khawp chu a awm a, mahse chu pawh chu ka kutah a awm leh tawh bawk silo, Ka hna zawnna tur hmun pan tur pawn taxi emaw auto emaw ka lak a ngai dawn a, chumi tur takngial pawh chu ka nei chuang silo a.
Ka thaw hawk a, midang te nun a awlsam bik em em lai hian ka nun ve hi chu a harsa mah mah zel, ka kut ah cheng khat pawh ka kawllo a, keimah mai nilo in fapa ka la nei tel zui bawk! Zothana hnen ațang engmah dawn ka duh tawh lo a, Hah! Nonoi kum 5 chhung a lo enkawl tawh tih lah nichin mai khan ka hre ve chiah a, a pawi tawp lo e, khawvel ah hian mihring tlem te ka hre ve a, chung ka mihring ka hriat awmchhun te lah natna min pe tu te vek an ni!

"Tah khan i thuamhnaw tur a awm." Washroom ka chhuahsan rual chuan Zothana chuan alo ti sup a, a ban lek vutna lam chu ka en a, cabinet lian vaklo khum bul ami chuan ka mit a la nghal chat bawk.
"Nono-i thuamhnaw hlui maw?" Nui lui sak chung in ka ti a, a mit ko a chuar táp a, min melh zui khûi bawk!
"In ha la eitur siam ang che.." ti hmuk pah in a inher zui vut a, ka sam huh hrukna towel hian vawm zui pawp mai ka duh rum rum, choka zau vak lo hi alo awm ve reng a, Jayden chu stool sangah a țhu a, Zothana pawh phone hmang chung in Jayden bulah chuan a ding ve a.
"Mum?" Zothana zawk a rawn in her zui vut a, min hmuh rual chuan phun luk pahin phone chu a ti tawp a.
"Cabinet ah sawn i thuamhnaw hak tur a awm ka tih kha..!" Hrelo ka ni reng reng lo, haksak ka tum loh vang zawk ani!
"Ka mamawh lo." Awlsam zet in ka ti liam puat a, ka pen lut ve a, a thaw ri hawk bawk!
Gas lam ka pan a, coffee lumna bik ah chuan tui ka dah lut a, artui leh chhangthawp ur thar hlim chu basket ah tui hnai zet in a lo inchhawp sa thlap bawk.

"Jay, Apa phone hi keng la, khum ah lo zuk awm rawh aw, Mamma leh apa hi kan inbiak lawk angai a." Zothana aw ri dam thlup vang chuan ka lo in sangmar vak a, Jayden tlan ve terh terh thawm ri hla ta tial tial chuan ka thawk a tirang vek bawk.

Boruak dang ta hlawk vang chuan ka zam ru ta kher mai!
" Ka chet dan eng khan nge i lung ti awilo a?" A rawn ti sup a, coffee tui rawn so chu ka ngaihven san daih a!
A ni thin in alo tuar leh tawh bik silo.
Ka darah na zet in a rawn țham zui ta sawk a, ka ang zâwk thei!
"Min ngaipawimawh lo viau zel suh." Ti sup pahin amah hmachhawn turin min pawt her ta nawk a!
" I call kha ka duh vang a chhang lo ka nilo tiin vawikhat tal i ngaihtuah chhin em?" Gas hunna in dawhsang bik a min nawr bet pah chuan a rawn ti sup a, a țawng zawih danah chuan Jayden a vengthawng hle in ka hria!
"I duh vang nilo se kha hmeichhia kha i chhan tir lo ang.."
Ka hnung a gas inhunna chu a rawn beng ri deuh dàwp a, ka la phu zawk zui!
" Nono-i kha ka chhan tir lul lo.. Phone ka inah ka theihnghilh vang zawk alawm.." a rawn ti țhawt a! Dawheh lutuk!
"Oh.. chuti maw? "
"I ring emaw, ringlo emaw pawh nila i call chhang turin midang ka hrilh lo, chuan , i hriat loh a Nono-i ka buaipui pawh kha sawina hun a awm reng reng em? Tinge engmah ngaihtuah chiang hmasa lo hian min runluih zawng a khawsak phet i tum țalh a, ani ka lo enkawl pawh chu a sual viau a mi?" A thusawi tawp chuan min chhun zawk! Thal mu in taksa a chhun tlang záwk ang chiah hian ka na a, a țan hlum lo chauh tih lah a chiang reng mai!

"A suallo, i duh duh i ti thei.." Ka nui lui sak a, Hman ațang a tum ber ţhin chu a nei ta bawk e! Ka lak ațang Zothana lakhran kha a tum ngawrh bawk a! Tunah chuan a nei ta alawm.
Ving zet in choka ațang chuan ka kal chhuak hlawk hlawk a, Jayden bula kal ta mai lo chuan balcony ah ka kal chhuak a, boruak ka hip lut zui nghal kawk kawk a! A țha e. Ka nun aţang hian kal chhuak vek rawh se.. an vaiin , an zavai hian kal chhuak vek se, tu nen mah inzawmna neih ka duh tawh lo , tumah hian min lo ngaihtuah ve tak tak ngailo bawk! Ka hlat tak ah kal bo vek rawh se!

Nimin lam a ka thuamhnaw hak ho chu ka inbel sawk sawk a, he hotel ah pawh hian ka awm tawh lo ang, a duhtawk in kha hmeichhia kha va ngaihsak rawh se!

Ka thinrim bawk si chu ka insut leh hraih ţhin a, Ka thuamhnaw pangngai ka inbel zawh vek hnu chuan khum a Jayden games khel lai chu ka pawm kang zui nawlh a, a lo hrethiam lo nasa mai si.
"Mamma,"
"I chappal bun rawh.." lei ah ka nghat thla a, khum bul a a chappal chu a ke tereuhte ah chuan ka thawlh sak nghal sawk sawk a, Nu ka ni a, ka fapa nen kan ei khawp lek chu ka thawk chhuak ve thei em em ang!

Jayden pawm chung chuan kawngkhar lam ka pan zui hlawk hlawk a, choka a Zothana lo ding ngawi ngul kan kalpel lai te chuan hrehawm tih hmel zet hian min lo en ve rûn a! Hah! Ka hmu sual ani ngei ang, hrehawm lo tih chhan tur pakhat te mah a nei lo.
"Mamma, khawnge kan kal dawn?" Kawngkhar ka pawh phui rual chuan Jayden chuan a lo ti vat a! Ka hriat mai bikloh zia sawi khum chiam ka duh lo.
"Hmun nuam deuh ah.." Nui luiin a chalah ka fawp zeuh a.
"Apa kha?" 'Sawi ziah tawh suh' tih vak mai hi ka duh a.
"Ani chu hetah a awm a ngai a lawm." Ka tisep a, ni e.. Heng hmun ah te hian Nunhlimi pawh kha alo hruai ve tawh ngei ang, cabinet ah ka thuamhnaw tur a awm maw? Ani thuamhnaw hnutchhiah bak kha va ni suh!
Inhnuai lamah kan chhuk thla a, phone hman tur ka neilo a, ka kutah cheng khat lek pawh ka neilo! Counter lampang chu ka pan vat a.
"He ta țang hian Bandodkar Marg, Campal a hla em?" Hmeichhe pahnih lo țhu te chu ka zawt a,An rawn nui sang a.
"A hla ve ang reng a, taxi emaw in kalla a fuh ang."an nui sang a, Taxi fare tur takngial pawh ka neilo.
"Ka lawm e.." ka ti sep a. Ngopa a ka awm lai khan Showroom Hostess hnaruak kha ka hmu fuh a, hlawh a chhe hran lo a, hna țha nghah nana lo thawh zawk ka hreh loh vang in thawktu te lam pawh ka be kual zuai tawh nghe nghe.
Jayden pawm chung chuan pawn lamah ka kal chhuak a! Ka țah te hi a chhuak țun mai! Cheng khat pawh neilo in engtinnge ka thlen theih ang!
Ni sat dan a la rum lo a, ka fapa engmah hrethiam ve bawk silo hawi kual veuh veuh chu țah chhuak țun chung hian ka en a, keimah aia nu țha leh nuamsa tak a siam thei tu nei tur zawk ani a sin.
Zothana room ah khan engmah ka ei hman bawk silo a, ka pum chu a ri deuh rawk rawk reng a, Jayden ka ngaihtuah zual sauh bawk.
"Jay, i rilțam em?"
"Aih, apa in cupcake min pe a lawm."
"Ok, a țha e, kan kalna tur a la hla deuh sia, nangmah in kal la. " nui chung hian ka ti a,A bu ve nghat a, lei ah ka nghah thlak rual chuan a ban ka chelhsak zui vat a.
Kan thlenna compound bik kan kal chhuak țep tawh tih ah kan bulah car dum hi a rawn ding chawt a, a chhungah chuan kawrvar vek ha driver hi a lo țhu a, kan thlen hlim a gate vel lo vengtu inthuam dan chiah in kutkawr var a bun tel a, lukhum var a khum bawk.
"Deltin Suites a mikhual te kha in ni tiraw?" Vai awphawi zet sap țawng hian a rawn ti a.
"Aw."
"Kal duhna in neih chuan ka hruai ang che u; Kha suites a thleng te hman a tan free service car hi a awm reng alawm." A rawn ti a. Ka lawm lutuk chu ka mumang emaw ka ti rum rum mai!
Kan țhu lut vat a, kan kal duhna ka sawi chuan a bu nghut a, car hma a phone ah chuan eng emaw hi a type lut a, Google map a hmang chawp ve dawn tho a nih hmel, mahse ke a kal thlen tawp ai chuan a tha zawk tho tho!
Reife kan tlan hnuah Car Showroom lianpui kawt ah kan ding ta ran a, ka lehkha pawimawh tel miah lo in ka kal a, min lo ruai duh kher a ngem?"
Jaydenam kai dat dat chung chuan darthlalang kawngkhar chu ka pawt hawng a, hnathawk tu te chuan min lo chhawn thuai a, kristian ram a dawr nghaktu te ai hian ringlo mite rama dawr nghaktu te hi biak an nuam daih zel!
"Puih theihna che u ka nei em?" Nui sang a min rawn en in Jayden chu a thlek zauh a,Ngainatawm deuh hian a nui zui a.
"Aa.. in manager hi biak lawk ka duh a."
"Ok.. he lamah min lo zui la." A kalna lam ah chuan kan zui a, showroom chhung chu a zau in a thianghlim em em a, car man to zet zet a inhung phui khup mai bawk.
Pindan pakhat ah min luhpui a, Mipa lian angreng lo țhu chuan min lo welcome zui vat a, min hruaitu kha a chhuak zui leh nghal daih bawk.
" Nizan hmasa lam a lo be tawh tu che kha ka ni a." Ka ti a, a meng zui awk a, ka bul a ka fapa țhu ve then chu a melh leh a.
"I lehkha pawimawh vel ka lo en ang." A ti nghut a, min hruaitu nen kha chuan in anglo tak an ni.
"Pawi ka ti lutuk, harsatna vang in ka rawn keng tel thei lo a, mahse he hna hi ka mamawh lutuk a.."
"Lehkha pawimawh tello chuan engmah ka tihsak thei lo che, Mi thiam tak tak lo ka ruai anih chuan ka hna hi ka chan phah thei tih min hriatsak ka ring!"
Tinge maw ka tan hian kawng engkim hi a ping vek mai le.
"Ka lehkha pawimawh ho chu ka theih ang a rang in ka pe ang che, mahse chumi hma chu hnathawh tur ka mamawh lutuk a."
"Madam , pawi ka ti lutuk, mahse lehkha pawimawh tello in mi tu tih hriat loh ka chhawr ngawt theilo."
"Min hriat kha, a hma pawh in ka lo biak tawh che kha.." ka ti a, ka harsatna hi hrethiam hram se ka duh tak zet!
"Sorry, hna rawn diltu dang nen ka hriat pawlh vek che u a, tunge i nih ka hriat loh ang bawk in call lama min rawn be tu hi chu an tam lutuk!"
Ka thaw hawk a! He hna hi ka mamawh tak zet asin!

Ka bul chair a ka fapa rilru thianghlim tak țhu ve at chu ka melh a, ka mit ah chiang zet hian min lo en ve kal a. Amah vang chauh tal pawh hian hna ka mamawh lutuk!
"Sir, khawngaih in.."
"Ka hna hi chan ka duh biklo, lehkha pawimawh tello chuan ka chhawr theilo che." A ti fuk a,
Dil lui engang mahila a rilru ka sawhsawn sak thei ngai dawn lo tih ka hre tawh.
Beidawng zet in Jayden chu ka kai a, a pindan chhung bik ațang chuan muangchang in kan pen chhuak a, ka fapa hi chhunah te a ril lo țam ta se engnge ka eitir ang!
"Jay.." hmai zangthal haw hian a rawn dak chho a, a va han duhawm chiang tak!
"Mamma leh Jay hi vanram ah kal daih ila i duh em?" Fiamthu titak deuh hian ka ti a, ka nun hi a beidawng em a tin ni!
"Mummy hi haw suh aw." Ka ti leh sep a. Nisa vûl hnuaiah chuan pan tur ber pawh hrelo hian ka hawi kual ruai a, kawngpui engemaw ber hi ka zawh a ngai dawn a, mahse ke pen a, zawh țan tur pawn khawi ber nge ka zawh ang tih ka hre chuang silo a.

"Miss Zo?" Showroom ațang manager kha a rawn tlanchhuak a, a hah hmel kher mai!
" Aa... hna i mamawh viau chuan kawhhmuh theih che ka nei." A rawn ti a, ka thaw vak a, ka hlim lutuk chu au chhuah vak mai ka duh tawh.
"Ka lawm lutuk.. Vawiin ațang ka thawk țan nghal thei em?"
"Thei e.. A.. Mahse i fapa.!"
"Ani chu buaina tur anilo, i hna sawi chu min hrilh hram la.." nui pah chuan ka ti a.
A'n thawchhuak hawk phawt a.
"Spa lampang ania."
"Oh?" Ka ti ro halh a.
"I landan ah hi chuan sum i mamawh tak tak a ang a, chuvang chuan ka hmelhriat pakhat ka biak sak che a, a bulah chuan kalla a țanpui thei ang che "
"Ka lawm lutuk, engtinnge an awmna ka zawn hmuh theih ang!" Ka lawm zia chu a hrethiam lo zawk ang, spa a ka thawh ka ring ngailo a chu tunah chuan duhthlang thei ka ni lo.
"Ka'n call leh ange, a hnathawk tu emaw in a rawn hruai thei ang che u, sum a tam a, i thawh duh dan a zirin darkar khat lek chhung in cheng sang fe ila lut nghal mai ang " khi deuh suk pah chuan a ti a, a kekawr ipte ațang phone a la chhuak zui zat a, ka țawng hriatthiam loh in an inbia a, a țawng pah chuan min rawn en zauh zauh zel a, Jayden chanchin pawh a sawi tel ve ani mai thei!
Minute 3 hnu velah chuan an inbe zo ta hram a, " Cafe ah sawn lo nghak ula, a rawn thlen veleh ka rawn kalpui ang. " a ti a. Kan piah deuh a cafe chu a kawk zauh a, mahse pawisa engmah ka neilo a, Jaydena'n eitur lo ngen palh ta si se.
"Aaa.. Hetah kan lo nghak mai ang.." ka ti a; chu pa chuan min en deuh vang vang a, chil a lem zui ta khawlh a!
"Pawisa i nei miah lo ami?" A rawn ti a, ka nui tawi tak mai!
"Pawi ti duh suh, i hnathawhna turah hian i fin thiam chuan sum a tam dawn lawm." Mit siai zauh pah in Jayden sam ah chuan a rawn khawih thuak a! He mihring hi rin tur a ni em tih pawh ka hrelo, mahse tunah rih chuan rinna aiin sum ka mamawh a, darkar reilote a liam leh chuan ka fapa hi a ril a rawn țam anga, chuta a thil eitur leina chu ka mamawh tak zet!
Kan bulah car a rawn ding dat a! Ka zam ru lutuk chu ka kut a thlan huh dap tawh.Vai palian pui, lukawlh mul si, a chal a thilsen in hnawih hi a rawn chhuak ta vut a, ka bula manager nen chuan an han in nuih kher a.
"Miss Zo-i maw?" A dul a kiar deuh luah a, a kutphah chum buang mai chu a kutphah lehlam nen a hmer kawp a, min en chik ngang bawk!
"Aw.."
"Hei i fapa a mi?"
"Aw."
"Naupang nen hnathawh kan phal ngailo a, mahse i hnathawh țhat dan a zirin i fapa pawh hi nitin i rawn hruai ve ka remti ang!" Vai aw phawi zet broken english deuh hian a rawn ti a.. Jayden ka kianga hruai ve zel min phalsak chu ka lawm hluah hluah!
"Aw le, ka theihtawp ka chhuah ang.."

"A țha e, Kan kal dawn mi?" Ka darah a kut a rawn nghat zawk a, mahse amah zawk pawhin hria ang in a awm lo a, a la sawn leh mai bawk a, manager nen chuan vai țawng bawk in an inbe leh rih a , an thusawi ka hrethiam lo a chu an nuih huah huah dan ah an hlim hle chu ani phawt ang!
" My friend get in the car." Jayden a ding zum reng chawh phur tum pah chuan a rawn ti zui lawng lawng a, ka nun a thleng thei ngai pawh a ka lo la dahloh chu a thleng mek zel chu ania. Car kawngkhar chu a rawn pawt hawng a, car chhung a seat dup nawm hmel zet chu ka melh a, cell phone ka nei lo a, ka id card ka kawllo bawk, tu tih hriat loh leh mihring ka vawikhat hmuhna lehnghal hi nunphung pangngai a ka din lai kha nise chuan ka zui ngailo ang!
Mahse tunah hi chuan ka fapa rilțam hunah eitur pek ka ngai dawn a, ka kut ah lah cheng khat lek pawh ka nei silo!
"Jay, lut ang le.." ka ti sep a, mahse kei ngei pawh chu engtinemaw tak hian ka tîm dâi a.
" Vawiin a i thawh țhat phawt chuan i tan ni ropui tak ani ngei ang... Darkar reilo te chhung in sum i siam țeuh thei dawn nia.!" Vaipa chuan a rawn ti leh a. Car chhung a lut tur chuan a ban phar zauh in min hrilh nawn leh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:28 pm

Chapter 25
By
Abbra Reo Ririni Khiangte(Pitartei)

He lamah phei chuan zing lam dar 3:21 sorry vek u, ka tlai a..


Ka hmun hriat ngailoh lam pan tur chuan Car chhungah chuan kan nufa chuan kan chuang ve ta ran a, Kha pa khan car a khalh a, front glass ațang chuan kan nufa chu min rawn melh leh zawk zel a, ka khup tha hi a sai dar dar reng vang chuan Jayden a kut chu nghet tak in ka hum sak vak bawk.
"In ril a ţam em?" Broken english zet hian a rawn ti a, lu ka thing nghauh a, nichin te kha chuan zing karah engmah ka eiloh vang in ka pum a ruak a, tunah erawh eng thil nge anih tih ka hriat siloh vang in ka kawchhûng lam hi a inlet but but a, a sa kual rúai reng bawk.
Chil lem dawk pahin pawnlam chu ka en a, building lianpui pui kan tlan pel a, Goa hi țum khat bak ka la kallo, ni sa vul maiin building lian pui pui darthlalang a in bel phui khup mai a chhun en sûar mai te chuan ka awm a ti nuam lo ringawt bawk, Mahse ka tana hlauhawm thei thil pakhatmah a ti miau lo a, huaisen turin ka infuih ru mawlh mawlh a.
Țullo zet in kawngkhar in lock thlap te chuan ka thawk lak a tirang vek.
"Mum, Apa bulah kan kal dawn mi?"
"Maw?" Rang zet hian ka ti hû a, Jayden chuan min lo en ve kiaû bawk!
"Aaaa.. Mamma hna thar turah kan kal dawn a, Jay, fel deuh a awm tur aw.."
"Apa bulah ka kal chak e.." a ti bai bâi a, ka khawngaih reuh kher mai! Mahse ani kha chuan thinrim takin hmeichhe dang alo enkawl kha a sualloh thu min sawi khum hrep a, an lo inpawh tawh bik lutuk leh an lo inhre chiang bik lutuk te, min vin phah nana a hmang te khan min ti na a, tunhma ațang tawh kha hmeichhia vanga min hauh changa ka nat țhin zia hrechiang tu ani a, mahse, min vin hrep tho!

Car a din tak dat ah chuan zawite in thawk ka la a, kan hma ah chuan building lian tham ve fe mai, a hma lam darthlalang chhah țha mi vek a thuam hi alo ding khup a; lut chhuak an awm reng tih hriat zet in a chhûnglam ah chuan mi an awm nual bawk.
"Hemi hmun hi a nia." Nui suk chungin a rawn hawi let a, a chalah thilsen kai vang chuan vai puithiam te hi a ang lek lek in ka hria.
"Chhuak ru le." Pangngai tak chuan a rawn ti a, kei lehkha pawimawh pawh keng hlei lo min chhawr ngawt duh chu mak ka ti leh hnuhnawh a, chhawr mai pawh nilo in ka awmna hmun ațang min la rawn hruai vang vang peih bawk a!
Ka ngaihtuah buai chiam chiam chuan ka hna hmuhchhun hi thawh chakna ka neilo thei mai dawn a ka inhriat vang in kawngkhar chu ka nem hawng a, car chhûng ac dai raih ațang ni sa vul in kawngpui a em sat țha zet leh boruak lum hulh mai a ka kal chhuak chiah chu ka luak a chhuak hlui thei! Ka pum ruah lutuk vang ani pakhat ang!

"Jay.." Zawite in ka au sep a, a banrekah ka vuan a, car hung țha zo chiah kan lam pana palianpui lo kal mek chu ka melh zawk bawk.
"Fel tur aw, Mamma khan hna a thawh angai a, inchhung kan luh tawh hnuah mahniin pawnah lo va chhuah loh tur aw." Ka ti leh sep a, a bu ve nghat a, ka buai laklawh laiin a lo va kal chhuak ang tih ka hlau hluah hluah, he khawpui tumah ka hriat loh na ah leh phone takngial pawh ka neihlohna hmun ah hian ka hlauh ka hlau a, chuvanga kal chhuak lo tura hrilh thlap chu ka ni!

Mipa chuan min rawn kalpel in darthlalang kawngkhar chu a pawt hawng a, ka va zam tehreng em!
A lu thle zauh in lut turin min hrilh a, a chhungah chuan sap mipa leh hmeichhia te pawh an lo awm ve tho a, Jayden kai chunga kan pen luh ruala darthlalang kawngkhar inkhar thawm siam vang chuan ka kawchhung lam hi a che dawt mai!
"Tunge?" Hmeichhe hmai hnawih nasa zet chuan a rawn ti hlar a! A hmel chu ka ngainat zawng ani lo tawp, chumai bakah a hmai a hnawih nasa in a mitmu a lian kiaû a, a eyebrow a ziah tak belh kuaû mai bawk si!
" Kan hnathawktu thar tur anih hi, agent in min rawn bia a, ka va hruai.." Min hruaitu mipa in a tih rual chuan hmeichhe chuan chik zet hian min rawn en a, vai movie a lam ţhin, in hnawih nasa thei deuh hi ka tehkhin ta ber!
"A thawk thei meuh ang maw?" A ti leh kher a; mahse mipa zawk chuan Hindi pangngai ni silo hian a chhang a, a thil sawi awmzia ka hrethiam ve tawh lo. An inbiak chhung zawng chuan hmeichhia chuan min rawn melh leh zawk țhin a!
" Engkim ti tura ka hrilh che i tih hreh dawn chuan i rawn thawk thei lo ang!" Min panhnai pah chuan a rawn ti a.
"Pawisa i mamawh tih ka pasal hian a sawi a, mahse pawisa i mamawh vang ngawtin ka chhawr thei lo che a, engkim ka thupek i zawm vek angai tel, chu thil chu i ti thei lo anih chuan i kal lehnghal thei ang!" A ti zung zung a, ka thluak ah hian kal chhuak mai tura a min hrilh tu a rawn awm a.
"Ka ti thei ang.." a mitmeng a len tawh sa tehreng nen, a rawn meng kual kâwk a!
"I chiang em?"
"Aw..."
"Helai mipa naupang hi?"
"Ka fapa.. Ka fapa Jayden anih hi, ani hi chuan min tibuai lo ang, hna ka mamawh a.. chuan.." sawi zo lo in thawk ka'n la halh a. "Pawisa ka mamawh bawk.." ka ti hlah a. Hmeichhia chu a nui zui ta sak a, a mitmu lian leh a hnawih ran nasat zet mai chu chet kual râlh in thawk a la a. Sari vel a kaih hnuang lo a, pawnfen sen var mai chhing lam lek lek a feng a, tank top var a ha a, rangkachak leh tlereuh dang a inbel khat chûaih bawk!
"Thawk tur a ka tih che thawh hreh i neih loh chuan sum lamah chuan lungngai suh.." mipa lamah chuan a'n thle leh bâk a, Hindi ni silo vai țawng ni tho bawk si khan thil a sawi leh a. Mipa chuan a phone phawrh in room dang a pan ta nghal a.
"Oh, My boy hetah lo kal rawh i infiampui tur ka nei ania." Rawn kun hniam in Jayden sam ah chuan a rawn chul thuak a.
"Aa.. English a la hrethiam ve vak lo a.."
"Ok.. A pawi lo, He lamah rawn hruai rawh.." a ti leh a, pheikhawk sang aŕ mai a bun a, customer pawh an ngah tawk hle ani khawp ang, hnathawk tu dang pawh an awm nual mai!

Chu nu chu kan zui a, pawnlam ațanga a lan ang ngawt ani hauh lo, inchung lam chu rawng uk kharh mai an hmang a, chuan pindan hrang hrang a tam in a reh ruih reng bawk!
" Rose tiin min ko mai dawn nia, rawn hruaitu che u kha ka pasal ania, boss tiin i ko dawn nia." Kawngkhar pakhat a pawt hawng a. "Chenna hmun tur i neilo tih a sawi a, hetah hian i cheng rih dawn nia.."

Ka meng kawk mai! Chenna tur leh zel min pek ka beisei phalo!
"Ka lawm e.."
"Lawmthu sawi a ngailo, pawisa mamawh tak tak tu te leh thawh hreh neilo te hi țanpui nuam ka ti a, chu tih rualin ka thuawih se ka duh bawk." Nui sak pah in a chhunglam ah chuan a lut a.

"Spa ah ka awm tawh, min rawn hruai rawh, ka lo nghak che.." Room pakhat kawngkhar rawn in hawng ațanga rawn pen chhuak chuan Mizo țawng a rawn hmang ta mai! Ka hawi dawrh a, mahse hall lam pan khan a kal zui daih a.
"Ka ngai tawh che..." a tih ri leh a ke pen ri hla tial tial chu ka en zui reng a! Ka Mizopui aw ringawt pawn thlamuanna min pe tawh mai chu ania...

A chhunga kan nufa a kan luh ve chuan Rose chuan chik zet hian min lo en a, ka hawikual thuak a, a zau hran lo a, in chhungah fan a inkhai a, khum zau vaklo leh hlui lam tawh a lo awm a, chuan plastic chair dawr-a an hman hlui tih hriat zet pathum a lo awm tel bawk a. Kan nufa lek chenna atan chuan a tawk lutuk!
"Tah hian i fapa chu a lo awm thei mai ang.. " a rawn ti a, Jayden chu ka en vat a, a lo hawi kual ve rûai mai.
"Aa.. "
"Hna i țan nghal angai dawn, experience i nei bawk silo a, i zir țan nghal a ngai alawm.." a rawn ti a, a sawi dik. Mahse ka fapa he room a kalsan ngawt chu ka ngaingam chiah bawk silo a.
"Jay, hetah hian lo awm i hreh em?"
Min en kiau a; hei ai țha zawk hna ka mamawh zia ka hre thar kuar kuar bawk.
"A duh chuan tv a lo en thei reng ania." Ti ram hmarh pah in tv hlui tawh lam in hunna chu a pan a, ka thawveng huai mai! Tv en pahin khumah hian a lo mu thei a lawm.
Jayden chu khum ah ka hlang kai a, ka hnuk a ulh țun mai, harsatna pakhatmah hrelo in a hun a lo hmang tawh a, hna vang in vawikhat te mah ka la kalsan chhin ngailo; mahse kan pahnih nun khawchhuahna tur atan ka kalsan angai dawn a, he pindan chhung ah hian amah te in hun a lo hman angai ţhin tawh dawn bawk ang.
Cartoon channel a hmet chhuak a, Jayden chuan ngawi ran hian tv lam chu a melh a, min ngen buai a tum miah lo chu a lawmawm rualin min ngen thei dinhmunah ka siam tlat lo a, a fing ka tih tawh kha, thil hi a lo hrethiam ve zung zung zel a; Kun hniam in a chhip ah chuan ka'n fawh sak vang vang a!
" Fel deuhin lo awm rawh aw, ka lo let leh vat ang " ka ti sep a, a bu ve nghat a. Ka chhel a ngai zual ve sauh bawk dawn tih ka hriat belh zat bawk.

"Hei nangmah zirtirtu tur che.. " Room kan chhuahsan rual in hmeichhe pakhat chu min in hmelhriattir vat a. Spa a thawk ani bawk a, makeup a hmang ve viau tho mai!
"Lo in zirtir rawh u.." Rose chuan chiang zet in min zirtirtunu tur chu a'n melh leh a. "A man thiam vat a ngai ania.." a tih zawm leh zat a, hmeichhia chuan a thu a zawm hmel kher mai, bu nghat pahin a nuih a.
Rose a kalsawn hnu chuan thawk ka'n la ham ham phawt a.
" Helam ah aw.." Hmeichhia chuan nui sang chung in ban a phar zauh a, kan luh tirh a hall lamah bawk khan kan let phei a, Jaydena awmna room lam chu ka va hawi let leh țawk țawk a, a chung ah eng em a thleng lo ang chu maw?
" Hei i uniform tur." Counter hnuai ațang sarang a fun hi a rawn la chhuak a.
Ka ban vat a; chumi rual chuan hmeichhe pakhat hian min rawn kalpel a, țullo zet hian ka en zui a, a hmel hmu lo mahila room ațang rawn chhuak Mizo nu kha aniin ka hria, kawngkhar ah a kal chhuak a.
"He mi room lam ah hian aw." Min zirtirtunu tur khan a rawn ti a, hawi let in ka nuih sak a. Mizo nu bawk kha ka va en leh kher a; darthlalang bang chhan ațang ka mihring hmuh vang chuan ka meng nghal kâwk a! Ka sarang fun ken lai chu nghet zet in ka hmer bet a!
Zothana!
Hmeichhia chuan ban a phar va a, chuan Zothana car ngheng a lo ding rûn mai chu a va kuah a! Ka.. Ka nghilh dup mai! Hmeichhia lah chuan ti țhang tih hriat zet hian Zothana kuah chung chuan a taksa chu a'n sawi tel pah a, ka bing mup mup a, ka khawhmuh a phe ruai mai bawk! Hmeichhia zawk in la hrang a hmel ka hmuh theih a a rawn inher ve chiah chu silai mu a kah pawp ang mai hian ka nâ a! Ka tlawm nawn a! Ka â vek bawk!

Zothana'n car kawngkhar chu a hawn sak a, Shirt hring dal a ha a, Cotton kekawr dum hlap a ha bawk, Nunhlimi chu a țhu lut ta tharh a, za lo zet hian ka nui chhuak ta hak thung! An ni kha chuan min rawn hmu ve kher lo ang.. Mahse ka nat ngawih ngawihna tur erawh ka hmu chiang viau e!.
Zothana chu car ah a luh ve hma in a hawi kual thuak a, a hmel landan tak ngul leh ka thlakhlelh ngawih ngawih ţhin a taksa pawh a la pangngai vek.. mahse ka thil hmuh hian min ti na hluah hluah, spa chhung lampang a rawn hawi dawn rual chuan rang lutukin ka inher vat a, ka taksa hi a sa țek zawk thei!

Goa rawn kal ve a duh tlatna chhan te khan kan nufa min ngaihtuah vang tiin a sawi a. Huh! Dawhheh lutuk, Nunhlimi a lo awm ve reng vang zawk ani tih a chiang tawh khawp kha! Ka thil ngaihtuah vang chuan ka nâ zual sauh mai! Engtia rei nge min bum a tum; kei chiah min ngaihsak angin a awm a. Mahse kha hmeichhia kha a tel ve zel thung a! Tunah te hian hotel ah kan nufa khan lo la awm ve ta ila; Nunhlimi hruai tura a chhuah dawn khan eng chhuanlam nge ka bulah a sawi ang!
Ka taksa chhûng chu a tawt țun a, ka chau hlauh hlauh bawk!

"Excuse me!" Min zirtirtu tur khan a rawn ti lang lang a, chil ka lem dâwk a, thawk ka lak zawng te chuan ka khur chhuak dar dár a, Kha hmeichhia in nalh duh vang in spa a pan a, a haw leh lam lehzel pawh a hruai a ngai tawh a. Tak zet chuan! Ka tan engmah an ni tawh lo.. an duh duh danin awm rawh se, kum 5 hmalam daih tawha lo inenkawl tawh an nih kha.. ani a enkawl kha a sualloh thu min hrilh nek tawh bawk kha..
Ka pensawn dawn a, ka kaihza tha khur nasat lutuk vang chuan ka'n tawp leh dát a! Mahse ka fapa vang tal pawn ka chak tur ani!

Thawk ka'n la leh vang vang a , Nunhlimi'n nel tawk tawh tih hriat zet mai a kuah thak lai kha ka mitthla ah hian chiang zet in a lang zui ta reng a! Ka taksa chhung nat dan chu sawifiah ngaihna a awm miah lo bawk!
Ka thil zirlai ah pawh rilru ka pe hleithei lo, achang in ipik lutuk in ka thawchhuak leh hak zel a, Zothana ber kher in min bum ţhin hi ka tuar thiam lo ani ber! Hman ațang tawh a ka hmeichhe thik ngawih ngawih leh chu hmeichhia in min lakhran sak a tum ruk ran mipa hmuh dun a, chak tak a la awm thei hmeichhia chu, mi chak tawpkhawk a ni hial ang! A nat dan a dang a, tun hma thil a ngaihtuah let loh theih loh a, zing lama Nunhlimi a lo buaipui a sual viau loh thu sawi a min vin ta hrep pawh khan min ti na tawk tawh viau asin! An inkuah lai ka hmu a, Nunhlimi room ațang rawn chhuak in a biak kha a ni leh zel bawk a, a ngaih tawh thu te anih kha a sawi tel!

" Miss Zo?"
"Aaa.. Ka tihpalh.." ka ti sep a, mitmeng dur khai mai hian min lo melh a, "I rilru pe rawh." A ti ram leh hmarh bawk.
Rilru pangngai put tum in thawk ka'n la vang vang a, mahse Zothana leh Nunhlimi awm zui dan tur ka ngaihtuah tel tlatna chuan rilru fim min puttir thei der lo! Kan nufa kal chhuak ta daih kha a ven phah hawk ang a, ani nen khan hun thawl nuam tak an nei thei bawk ang chu!
Chawhnu dar 2 rik dawn ah ka zo a, rang lutuk in Jayden- a mutna room lam pan chuan ka tlan nghal rawk rawk a, kawngkhar dimte in ka nem hawng a, khum a ka fapa lo muhil ngat mai ka hmuh rual chuan ka thaw huai thei!
Kawngkhar chu nemphui lehin ka pan hnai a, tv ah chuan oggy hi a lo la chhuak reng a, ka off a, Jayden lo muhil ve ngat mai chu ka panhnai a, a biang ah dimte in ka hmuiin ka nawr a, A nunkawng bumboh țan dan tur lah ala hrethiam ve der mai bawk silo, ka thawh loh ruala nghei mai thei kan ni tlat tawh a, keichu rethei deuh pawn ka awm thei mai dawn a, ka țhanlen chhoh dan ani miau bawk, mahse ka fapa, retheihna dinhmun vawikhat pawh la tuar ngailo tu hi engtinnge ka enkawl chhoh ang, a zirna tur te engtinnge ka ngaihtuah sak anga, a thil awh zawng te ka leisak zung zung theih ang!
A lu lam khum ah chuan ka țhu hniam thla ve a, a lu chu amah tih harh hlau zet in ka chawikang a, ka malchungah ka nghat a, a thaw ri ve sek sek chu ka ngaithla ran a, Mamma chiah hi a neih awmchhun ani tih a la hrethiam pha ve lo a, Mamma pawn amah chiah hi a nei a, amah venghim thei tu awmchhun pawh Mamma chiah hi a ni tawh bawk.

Pindan kawngkhar rawn in hawng ri rak ah chuan ka hawi chhuak nghal dawrh a, Rose pasal kha a rawn lut anih chu!
Lo lawm lo ngawt thei ka ni der mai silo, mahse kan nufa awmna tur room ah duh duh a a luh chhuah chu ka rem ti hauh lo ang!
"A muhil a mi?" A rawn ti a. A thuamhnaw hak a thlak tawh a, kurta fual hnulh a hak chhan a a dulkiar luah mai chu a langsar nangiang bawk.
"Aw.."
"Lunch i ei tawh em?"
"Aih..."
"Va ei rawh, chuan i hna tur a awm bawk." Room chhung hawi kual thuak pah chuan a ti a.
"Ka fapa hi.."
"Miss Zo, hnathawk lai i ni tih in theihnghilh suh." Ti fuk pah hian min rawn melh a. A sawi dik ! Ka dinhmun ah phei hi chuan midang aia thawkrim tur bik ka ni leh zel bawk.
"Ka rawn chhuak ang." Ka ti a, he dawra hnathawk dangte hak ang kawrfual navy blue khup khuh țawk mai, taksa phuar zet ka ha a,
"Ka nupui khan min koh dan tur a hrilh tawh che in ka hria." Kut ka hum ruh ta nghek mai!
"Ka rawn chhuak ang,.. Boss."
"I Boss ka ni, hrereng ang che." A kal chhuah hma chuan a rawn ti leh hram a. A kal chhuak chiah chu ka thawchhuak ve hawk a! Min hnuaichhiah dawn tak zet!

Jayden chu ala mu tui tho a, ka kalsan leh ngei ngei angai bawk. Khum lu a lukham lo awm chu a taksa bulah chuan ka dahhnai a, midang va pawh ve tur chuan room ațang chuan ka kal chhuak a, kawngkhar lock mai ka tum chu ka meng nghal kâwk mai!
Lock a awm lo, ka tih awmzia chu lock na pangngai tak tak a awm lo, handle invuah chu herh in a inkhar nghet thei mai a, mahse lock dawn tak tak in a theih loh.
Khum a Jayden la mu ngat mai chu ka en leh zawk a, he pindan ah hian kan nufa hian kan him meuh a ngem!
Mahse zanah te chuan dawr hi an khar anga, midang an rawn luh em chu ka ring lo a, mahse hnamdang karah lehnghal pindan kawngkhar kalhphui loh chung a mut ngawt chu a him zo a ngem! Engpawh nise sum tlem te tal ka thawk chhuak phawt a nga, he ta ka riah luh a ngaih loh vat ka beisei!
Chaw chhun pawh tlem te tak tak chiah ka ei a, nichin a ka zir kha tih tham a nilo a, mahse Rose pasal in a sawi dan chuan customer ka nei nghal der mai bawk si.
"Ka zirtir ang che khan tila engmah harsa a awm lo, i customer in ti tur a hrilh ang che kha țha takin ti la, massage tak tak pawh a ngai lo mai thei, thu i zawm țhat chuan pawisa i hmu hnem dawn a, i tan vek anih chu!" Min zirtirtu nu khan a ti zat zat a, massage room bik lam pan chuan min hruai pah zel a.
Pawn lam ațanga a landan ang aiin a zau a, a reh raih a, music play ri pawh mit chhin vang vang a ngaihthlak chian a hriat theih tawk lek ani bawk.
Kawngkhar pakhat zawnah a din dat rual chuan thawk ka la hawk a! Min rawn en ve chiah bawk.
"Fapa i nei tawh kha, zam lutuk suh, pasal nei tawh tan phei chuan thil harsa a ni lo." A rawn ti a, ka bo deuh hû mai!
"Lut rawh le.." a ti sep a.
"Ka customer tur hi mipa nge anih hmeichhia tih ka hre thei angem?"
"Mipa,nang chuan mipa i chang dawn." A nui sak a." Ka zirtir ho che kha chu he ta mipa rawn kal ho hian an mamawh tak tak lo a, aaa... i țan a nga, i hrethiam mai ang." Kawngkhar nem hawn pah chuan a ti a, pindan chhung chu pawnlam ang lo tak in a lang eng sar a, enkawl uluk tih hriat zet in a fai sar mai, kawngkhar ațang a lang kim thei lo chiah ah khum a in hung a, ka pen lut a, khum chung a mipa lo bawkkhup ka hmuh rual chuan ka zam lutuk leh ka hreh lutuk chu ka tawt tup tup a!
Kawngkhar a khar phui tur chu a ban ah ka vuan ta chawt a! Khum a bawk mek mipa sawn thuamhnaw a inbel reng reng lo!
"Ka ti thei lo ang..." ka tih rual chuan a kut chal chu a hmui ah a nawr si vat a. Bengchhen a duh lo tih a lang reng.
"I fapa ngaihtuah rawh.."
"Mahse.."
"Pasal nei tawh i nih kha, bul i țan dawn chuan harsa mahse reilote ah pangngai takin i awm mai ang." A rawn ti sar sar a, ka thawk lak a sak kher mai!
" Hei hi i tan pawisa thawhchhuah dan awlsam ber anih hi.. i taksa i hlan dawn pawh anilo.." a rawn ti leh a, spa a thawh hi a him lo an tih chu ka hre tawh țhin a, spa a thawk tur ang a phai a an hruaithlakte chhanchhuah lah an awm nawk zel bawk! Tuna ka hna hi a himlo kher em tih chu ka chiang ngam rih lo, mahse mipa taksa khawihsak chu ka duh lo!
"Duhthlang thei i nih loh kha.. " a rawn ti leh a, a kut ka vawnna chu a rawn phelh a. "A harsa zawng in ngai mahta che.. i fapa kha ngaihtuah tel tlat rawh." A rawn tih leh takah chuan hreh chung chung in ka tih angai tih ka hria a, "Jayden kha min lo va ensak lawk rawh aw.."
"Aw le.." nui sak chung in kawngkhar chu a rawn khar phui a! Kawngkhar hmachhawn zawng chuan ka la ding reng a, mit ka chhing a, ka rilru in ka țawngțai ru mawlh mawlh a, Ka mit chhin rual chuan Zothana hmel chiang lutukin ka hmu a! Ni e.. Ani hi ka mangan chang apiang in kawlphe ang a chakin ka ngaihtuahna ah a rawn lut ţhin.. Mahse ani chu Nunhlimi nen hun nuam tak an hmang ngei ang! Ka ngaihtuahna vang chuan ka thawchhuak leh hak a! Ka tan leh ka fapa tan ka ti thei em em ang!

Khum lam pan chuan ka pen phei a, Vai a nilo tih hriat zet in a vun a var fai sar a, a secret part lai tak tak chiah towel varin a inkhuh bawk.
" I rei hle mai!"
"Ka tihpalh, aaa.. Ka.. ka țan nghal mai dawn mi?"
"That's upto you!" A rawn ti fuk a, a aw phawi ah chuan British lam mi chawlh hmanga Goa rawn pan anih ka ring ve tawp.
A taksa a hnawih tur oil chu ka kut ah ka bun chhuak a! A taksa ka khawih hreh lutuk te chu ka kuttha a rawn khur chhuak dar dar a! Ka hreh vang ngawt in ka tilo thei der mai bawk silo...

Hriatna thazam ti danglam tawk lek a oil sa deuh veng veng mai chu a taksa ah chuan ka chulh kual a, keimah zawk hi ka tîm lutuk hi ka ip chawih chawih thei! A hnungzang a thazam kal chho lai ka hmeh chhoh lai chuan amah zawk chu a rawn thawchhuak ta ham ham a! Tlanchhuah vang vang mai hi ka duh a, ka țah te hi a rawn chhuak țun thei mai!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:28 pm

Ka meng siar siar a; pawnlam ațang eng rawn lut chuan bang lehlam chu a rawn chhun a, chhuat a eng tel raih bawk a, Jayden ka kuah behna ka phelh rual chuan ka hnunglam hi a rawn za zawk a, bang lam hawi ka nih vang in rang lutuk in ka in her vat a, kan nufa mutna pindan kawngkhar ri zui dawp mai ka hriat rual chuan ka phu dawrh thei!

Khum ah chuan ka țhu chhuak záwk a, ka hawi kual thuak a, khum bul a table lamp chu ka hmet eng zui nghal zat a! Ka thawk a rang in ka thin zawn hi a ri nghal dup dup bawk.
He spa ah hian ni thum chhung ka thawk ve tawh a, beisei loh tawp in ka tluang ve phian bawk, mahse tuna thil thleng vang khan ka himlo nia ka hriatna reh deuh tawh kha a rawn zual a.
Khum ațang ka tho chhuak a, ka chappal chu ka inthawlh sawk sawk a, kawngkhar lam chu ka pan a! Ka ngaihbel vang nge pawh ka hrelo, Rose pasal perfume hman ţhin rim chu kawngkhar bul velah chuan ka hre ta tlat a!
Nichin khan a thim lutuk a, ka harh chiang bawk silo nen engmah ka hmu chiang der bawk silo.
Kawngkhar handle chu ka herh a, ka pawt hawng a, dawr chhung lam chu rapawm khawp in a thim a, a reh duk mai bawk!
Ka thinphu ri dawt dawt leh inchunga fan inkhai vir ri mûai mûai bak thawm dang a awm lo a.
Thawk la hawk chung in kawngkhar chu ka kharphui a, lock chhiat thu hi ka sawi tawh a, mahse Rose'in khami ni khan min hauh phah nek thung! Kan nufa chiah in he dawr chhungah hian kan riak a, hlauthawn a ngaih loh thu min hrilh hrep bawk.
Khum lamah bawk ka let leh a, khum lu ah lukham dahthuah in ka țhu awñ ta reng a, a tir a ka hreh ang aiin tunah hi chuan ka hna pawh harsa ka ti lutuk tawh lo, ka customer ten min force lo bawk a, a him chin chiah ah kan tawp ţhin!
Mit ka chhing vang vang a, Rose pasal hian ka hnathawk che vel hi min lo thlir vung vung a ching țhin a, ka ngaihbel mai mai ani em tih ka hrelo, mahse mit la sawn miah lo a min lo en vung vung tawh hi chuan Zico kha ka ngaihtuah chhuak tlat zel a, nuam ka tilo a, ka boss te an ni a, ka sawisel ngawt thiang ngai bawk silo a.
Zanina thil thleng nen phei kha chuan a hma zawng aia ka fimkhur zual a ngai tawh ang.

"Jay, tv hi lo en leh la, tah hian chips leh juice ka dah aw.." kan form ka inthawlh mawlh mawlh a, a nur nang a chu engmah a sawisel zawm ta lo a.
Tv ka on sak a.
"Mum, Apa kha long time ka hmu tawh lo.." a channel en duh ka zawn kual lai chu ka tawp zui ta chawt a.
"Apa khan min ngai tawh ngawt ang.." a ti leh reuh a, ka inher a, khum ah a țhu ve ran a, tv pawh en lo in tukverh a coconut kung rawn ding chho vuah lam chu alo en ve daih a.
"Apa chu a buai alawm.." ka ti sep a, Mizoram ah Nunhlimi nen khan an let daih tawh hial ang! Ka hmuh hnuhnun ber ni te lah kha..!
" Apa bulah kan kal thei lo mi?" Rawn hawi let vat chung hian min rawn melh ve ta ran mai!
"Thei lo.."
"Mamma chu.." țah tum in a meng leh ta nui a, "Apa ka ngai tawh alawm.." zawi si, lainatawm deuh te hian a rawn ti leh tung a.
"Jay, apa chu a buai ka tih tawh kha, apa sawi ziah tawh loh tur.."
"Mamma chu i sual e.." min ti anih chu!
"Apa pawn hla deuh ah kal loh tur a ti a, mahse Jayden kha hla deuh ah min hruai daih a, apa bulah ka awm duh alawm.." khum ah a ke pahnih leng chung chuan a rawn ti ve ta tan tan a! Ka thinrim lo a, ka nâ thung!
Vawikhat pawh Zico chanchin a sawi ngailo a, Zothana zawk hi a nun a bet tel tlat ah angai hmiah a, chuan.. Zanah a țawngvaih pawh 'apa' tih hi a rawn sawi ţhin.
Chhan na pek tur ka neih miau loh vang in CN channel ka hmet chhuak a, khum lam ah chuan let in a sam ka tuai sak zauh a, min en duh lo ve tlat bawk.
"Jay, Mamma leh Jay chiah hi an nih a ngai alawm, Apa chu a buai a, Jay leh Mamma ta ani lo a, khitah Api Liani bulah khan a haw tawh bawk a, chuvang chuan a chanchin sawi tawh lo ang aw.."
" Nangman hla deuh ah min hruai anih kha.." rum deuh hian min rawn melh ve a, ka nui chhuak ta hak a! Chutia ka nuih rual chuan ni thum chhunga ka nuih na hmasa ber tih ka hre chhuak bawk.
"Ka naute chuan Mamma melh rum dan te a thiam tawh ani maw?" A sam ka chul leh chu a duh lo ve a ni ngei ang, ka kut a lo pawt thla ve vat a.
"Jay, ka kal angai tawh a, tv hi lo en la, Mamma khan free time a neih veleh tuipui kam ah kan kal dawn nia aw..."
Min chhang duh miah lo!
Hna kan țan tawh dawn vang in ka kal chhuahsan ta tho a.
Customer kan neih tam tak tak hma chu Rose ang thawm a awm reng a, sawisel tur a hria in a neitu ani tih lantir reng hi a tum a ni tawp mai!
"Zo, Boss in a ko che." Hnathawk pakhat in a rawn ti a. Rose chuan min rawn en nghal ta kâl a! A mitmeng a lian bawk si. A hlauhawm tak zet!
"Engvang in nge a koh a?" Vin hlarin min rawn au tu nu chu a melh leh a. Kal mai tur ani em pawh ka hrethiam lo!
"Ka hrelo.."
"Va kal rawh." Vin hlak a rawn tiin darthlalang hma ah a ding zawm zat a, a sam hraw pui pui a kir chu a chul zui thuak thuak a.
Min rawn ko tu chuan private room lam min kawh hmuh a.
Ka pensawn hma chuan thawk ka la zui ham ham a, nizan thil thleng vang ngawt pawh khan hmuh tam loh hram hram ka duh.
"Hei kan customer hlun a nia, vawiin chu nangman i enkawl ang." Pindan chhung ka luh rual chuan alo ti vat a! Sofa a sap pahrawl zet lo țhu ve run chu ka melh zawk a, ka taksa ațang a mit a la sawn miah lo.
"Aw le.."
A rum nghut a.
"Boss.." ka ti leh sep a. Boss ti a koh hi ka hreh tlat vang hian ka lo sawi tello leh ţhin.
" Sir, ani hian a enkawl țha ang che tih ka tiam e.." Sap pa melh pah chuan a ti a. Ka hma lamah kut ka suih zawm a, nghet zet hian ka kut chu ka hmer kawp a!
"I thusawi ah chuan i chiang a ngem?"
"Tehreng mai, fapa a nei a, a fapa enkawlnan sum a mamawh a lawm." Min rawn en kher pah chuan kan Boss chuan a chhang a, ka sa ve zak a chu a sawi dik miau tlat!
"A țha alawm,.." sap pa chuan a ti sup a, ka awmbawr ațang ka taksa hnuailam a melh thla dan dan a. "Sum chu i mamawh zah zah ka pe ang che..Miss?"
"Zo." Kan Boss in rang zet in a lo chhang a.
"Miss Zo.. Tunah kan țan nghal mai dawn mi niang.." sap pa vek chuan a rawn ti leh sup a. Ka tiril a khur dar dar mai.
Kan Boss chu a tho chhuak țuah țuah a, sap pa en chung chuan mit a siai zui zauh a, min rawn kalpel tur chu nui suk pahin ka dar ah a rawn hmer zui leh a!
" Țha deuhin a thu zawm ang che.." ti leh kher pah chuan a kal chhuak a, kawngkhar chu a rawn pawt phui a, ka hma a sap pa țhu run chuan min nuih zui suk bawk.
Dawhkan a glass no chu a ban a, karei leh! A tir khan zu a in tih ka hre lo reng reng, ka luh tirh khan ka hmu miah lo bawk!
Whiskey no a awm zawng chu a tlak pap a. Dawhkan a no a nghah thlak leh rual te chuan ka taksa chhunglam hi a lo che zawk a!
"Kan hna tur chu țan tawh ila.." a shirt hak lai chu țhu reng chung chuan a hlip a, ka hawi kual hrek hrek a, kawngkhar lam chu ka melh leh zawk a.
" Chawhnu lam ah meeting ka nei ania.." a kawr phelh tawh chu a bul sofa zawk ah a theh kai nawlh a.
"Aaa.. Hmanrua vel ka va la nge.." ka ti a, min chhan let hma in kawngkhar lam chu ka pan sawk sawk a, Boss khan a lock loh hram ka beisei!
Ka vanneihna a kal tluan vang nge a lo in lock lo hlauh a, rang lutuk in ka pawt hawng a, pawn ka chhuah rual chuan ka thaw zui kawk kawk a, ka hna pangngai ang mai mai nilo min khawih tel tir a tum tlat a ka hriatna chuan ka awm a ti nuam theilo.
Hmanrua chu inchhungah khan a awm kim vek a, mahse khatia ka tih ngawt loh chuan buaina lian zawkah ka inbarh luh ka hlau tak zet!
Hall lam pan chuan ka pen hlawk hlawk a, Boss leh Rose in min lo hmuh chuan an țhutna ațang an lo ding vat a, Rose phei chu a lawmloh hmel tak zet!
"Ka ti thei lo ang.."
"Engvang in?" A rawn ti tuar a, customer awm loh lai ani chu ka lawm tak zet!
"Ka thei lo a ni tawp."
"Oh.. i duh duh sawi thei ah i inngai ami a?" A rawn ti zui hlak a, lu ka thing zauh a.
"Va lut leh nghal rawh." A rawn ti a.
"Ka thei lo.. a dang min tih tir mai rawh.."
"Tunge i nih tih leh tunge ka nih tih i hrelo ami? I hna thawk tura ka hrilh che chu sawisello in zawm mai rawh." A rawn ti a. Chu tih mek lai chuan ka mitsirin kawngkhar rawn inhawng zau chu ka hmu a!
"Va lut vat rawh, mahni dinhmun pawh hrelo.." Rose vek chuan a ti leh sep a. Chutah customer rawn lut te chu zangkhai zet hian a welcome zawm ta zat a. Ka ngaihtuahna a buai tak zet.
"Min rawn zui rawh.." hnuailam bih a ka ding reng chu Boss chuan ka banrek ah a rawn hmer ta chawt a, rang lutuk in a kut ka thing thla nghal nawlh a, Kawngkhar bul mai ațanga mipa min lo en reng tu ka hmuh rual chuan ka pen hnung ta dat a! Ka lungphu hi a rang nghal dawt dawt bawk.
" I hna ah let rawh ka tih chu!" Rose zawk chuan vin hlar hian a rawn ti leh țhat a! Ka din mekna chhuat hi rawn chim in min dawlh bo daih thei se ka duh dan chu pui tak ani.

Nunhlimi'n Zothana ban ah a kuah țai a, Zothana chuan min melh ngur a, a bula ding hmeichhia erawh in min nuihsawh hmel zet in min en thung!

Khawvel ah hian ka lungphu ri dup dup thawm chiah mai hi a awm tawh in ka hria a, ka thawk lak a sak vek bawk.
"A pawi ka ti lutuk, kan hnathawk tu thar hian nungchang mawi a hrelo deuh hlek a, lo kal ru, i treatment ngai tho kha mi?" Rose chuan zah hmel zet in Nunhlimi chu a be zui ta sawk sawk a! Nunhlimi hmel a min nuihsawhna lang chhuak chu mi â ber pawh in an hmu thiam ang.
"A pawilo, Zirtirna pe țha deuh la, a danglam thuai mai ang.." Nunhlimi chuan a ti let a, ka dinhmun chu min hmusit in ka chanchin sawi vel chu nuam a ti hluah hluah tih lah a aw ri zang vah leh min deuhsawh zet ah chuan a lang chiang ngang mai.
"Ni e, zirna sang tak tak nei hnathawk turin kan hmu zo lo tih chu i hriat kha." Nunhlimi chhang let pah chuan a ti a. "Nang kha engnge i la tih reng, i hna thawk tur a ka tih che kha va ti vat rawh.." ka lam rawn hawi leh pah chuan a rawn ti leh chiam a,

Zawite in thawk ka la a, Zothana ding ngawi ngul mai pawh chuan min hmusit hlauh hluah in ka hria.
Kan Boss zawk in ka ban bulah a rawn hmer ta chawt a, private room lam pan chuan min kai phei ta dawr dawr a! Țang tur pawh ka awm lo, an ni hma a zak tak a awm reng ngailo a min kai hrang ta dawr dawr chu a lawmawm zawk daih bawk.
Nunhlimi pawh hmeichhe nalh tak a lo ni tawh a, tuna a landan ah leh lek phei kha chuan a lang class in Rose ngei pawn a zah em em a, a lo treat dan ah lah khan customer dang ai daihin an inpawh hmel zawk daih!
Zothana tan pawh lo chhan hlum loh chauh awm reng ani!
"I zawh hma chu rawn chhuak tawh lo ang che." Kawngkhar pawt hawng bawrh pah chuan min paih lut dawrh a! Bang ah ka in tauh zui chawrh lo chauh!
Kawngkhar a khar phui leh chawrh rual chuan pawnlamah chuan engemaw hi a ri zui ta dawp a! Mipa na tuar rum ri dawt hian a zawm zat bawk.
Kawngkhar chu pawnlam aţang a rawn in pawt hawng pawp a, thinrim tih hriat lutuk a Zothana rawn pen lut zui pawk pawk mai chu tawlh hnung dat dat pah hian ka lo en a, a rawn hnai zel a, a hmai a sen țawn țawn a, ka hma ah tak a rawn din chut rual chuan ka ip zui ta chawih a!
Engmah sawi lo in a taksa hrawlpui mai che awk awk khawp chuan thawk a la a, a kut chu nghet takin a hum ruh tlat bawk!
" Min zui rawh.." a aw rum zet vang chuan ka mur uaih thei!
"Buaina a awm em?" Ka customer tur sap pa chuan boxer chiah ha chung hian a rawn ti a, a awm ve tih pawh ka lo hre leh tawh lo!
Sap pa lam chu Zothana chuan a hawi vut a; a hma zawng aiin a hmel landan a hlauhawm zual ta sauh bawk! Min rawn en leh a.. Ngaihtuahna bawlhhlawh tak nei zui pawh nise ka dem lo!
"Hetiang hna thawk hian maw i fapa enkawl i tum a?" Mit ka chhing sawk mai! Nunhlimi min deuh sawhna kha chu nep tak ani ringawt!
"Hetiang hna țawp lutuk i thawh chak vang hian maw he khawpui hi i pan ?" A rawn ti leh țhawt a, ka melh a, min pawh darh vek mai hi a chak hmel hluah hlauh!
"Hetiang hna bawlhhlawh lutuk i thawk duh anih te chuan tinge min hrilh mai loh a, kei min khawih in sum ka pe thei reng che asin.."
A ri sawk a, ka kut zawk pawh a nâ chhah nghal tup tup mai!
A kutphah hrawl zet in a biang chu a tuai zauh a, min ten hmel zet hian a nui zui ta suk bawk! Engtin khatiang khan min țawngkhum theih zawk! Engmah ka sawi thei biklo, ka thinrim lutuk leh ka nâ lutuk chu ka thaw khur dar dar a!
"Sawi dikloh ka nei em?" Sehchilh zet hian a rawn phun sup a, ka beng bulah a rawn kun hniam a." Nge keimah ah khan i lungawi zo lo?" A aw a khur ru dur dur a, ka puak darh vek maiin ka hria! Zawi muang a ding mar in ka hmai zawnah tak a rawn nui leh suk kher a! Ka hrawk hi tha chak tak a reh beh tlat ang mai hian a na sa huam huam a, Zothana hmel chu ka hmu phe ruai bawk!
Min rindan khawlo lutuk chuan min ti nâ a, inhum ruh tlat chung in ka ding khur ngawt ngawt ringawt!
"I chhuak thei ang?" Sap pa lam hawi pah chuan a tih zawm ta hluk bawk! Ka mittui rawn luangthla pap mai chu ka hru hul tawk a! Awmdan ber tur pawh ka hrelo, ka thawk a pik ngawih ngawih!
"Kha hmeichhia kha ka hire anih kha, nang kha chhuak zawk rawh."
" Țawngthei lo a ka siam hma che in chhuak vat rawh." Zothana zawk chuan a ti țhawt a, Sap pa lam pan a a kal rual chuan ka theih anga rang in kawngkhar lam ka pan zui hlawk hlawk a, kawngkhar bulah Rose pasal lo let hlawm reng chu buaipui pawh buaipui lo in hall lam ah ka tlan tlang a, Rose leh Nunhlimi chuan mak tih hmel zet hian min lo melh kawk a,
"Hna thawk rawh ka tih kha." Rose'in a rawn tih vin hlar rual chuan nuam ti lutuk in Nunhlimi chu a lo nui sak thung! Chhan pawh chhang lo in ka room tura min pek lam chu ka pan zui hlawk hlawk a,
"Zothan?" Nunhlimi aw in a tih tak chul ah chuan ka tlan ta vak a, kawngkhar ka nem hawng a, ka kharphui leh dawn tih ah chuan tha chak zet hian pawnlam atang a rawn nem ve ta bawrh a, ka theih ang a na in ka taksa rihna nen ka nawr let țang tang a, mahse ka hneh lo lutuk, a rawn pen luh vut rual chuan kawngkhar phen bang lamah ka tawlh hnung zui ta vat a! A taksa lianpui mai chu thinrimna vang in a sen vek mai hian ka hria!
Ka lu zawn bang a rawn chum zui pawp a! Mit ka chhing zui sawk bawk!
"Apa ." Jayden aw ri a hriat rual chuan ramsa khawlh zet ang mai hian a rawn rum chhuak ta hrawih a!
"Apa.." Khum ațang a rawn țum thla tharh a, kan lam pan chuan a rawn tlan ve ta tarh tarh a! Ka awih lo zawk! Nithum chhung in a vawikhatna atan a hmel a eng nghal sar thei!
Jayden chu a pawm kang zui nawlh a, Jay lah chuan a nghawng ah a kuah bet ve ta țai a! Jayden kuah reng pah chuan thip zet hian Zothana chuan min rawn melh leh ta hram tho anih chu!
"Apa, min lo hruai dawn mi?"
"Aw.." a aw rik dan ah chuan a thinrim in control a tum nasa hle tih a lang reng.
"Mamma in api Liani bulah i haw daih a ti a.." Jayden bawk in a ti leh a, ka ngei ru kher mai!
" I Mamma chuan a thil hriatchian loh a sawi mai mai anih chu.. let ang aw.." a ti zui sup a, nichin a na zet zet a min țawngkhum tu kha chu mihran daih ani leh tawh!
"Jayden hi ka hruai let dawn.. i duh chuan min zui ve thei ang." Chhum bung zet hian a rawn ti hmuk a, ka melh zui nghek chu engahmah ngai duh lo in a kal chhuahpui zui ta vut a.
"Zothanmawi ka fapa anih kha, ka phalna lo in i hruai ngawt thei lo.." ka ti zui tuar a, a ding chawt a!
" I phalna ka lak kher a țul lem lo.. i duh chuan min zui ve thei ka tih kha.." a ti hluk a; ka fapa pawm chung chuan a pen zui ta pawk pawk a!
Hmela mai mai chu! Engang mihring ah nge min ngaih teh chai ni! A duhtawk in min țawngkhum a, chutah amah zui leh turin min ti maw? Huh.. zahna tlachham lutuk! Ka zui dawn lo hi a ni tawp mai!
Spa ațang an kal chhuak chu Nunhlimi zawk in a um chhuak dawr dawr a! Țullo zet in airport a Zico leh Lisa rawn inzui chhuak kan lo hmuah țum kha ka hre chhuak zawk a!
Khami ni pawh khan ka fapa pawm chung in mi â ang maiin min chhuah a, a bula hmeichhe kal zawk kha min venthawnna nei miah lo in a ngaihsak zawm ta hmak bawk anih kha!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:29 pm

☆TE DOY 15K☆
Chapter 26
By
Abbra Reo Ririni Khiamgte(Pitartei)

Ka nunah mipa pahnih chiah ka tawng a, mahse kan inkarah hmeichhe dang an tel zel thung! Min zahpahna neilo zet a ka fapa a pawm chhuak ngam leh a bula hmeichhe dang awm reng chung a kan nufa min la rawn tibuai ngam chu ka haw hlur a,Thinrim lutuk in ka dinna ngaiah chuan ka ding ta reng ringawt! Khatiang khawpa hmusita min țawngkhum hnu khan ka zui ang maw? Ha! Zak lo lutuk mai! Pathian ang ah a inngai tawh anih hrep hi a!

Darthlalang chhan ațang chuan Zothana'n Jayden car ah a țhut luh tir chu ka hmu a, ka fapa enkawlna tura ka hna hmuh ve chhun pawh min hmuhsitnan a hmang zui a, ka haw lutuk, a dinhmun a ţhat vang hian ka hun tawn harsat zia pawh min hriatthiampui duh lo in deuhsawh tak in min rawn țawng khum a, ka lungphu leh ka thisen lum pup pup mai te chu amah ka huatna vang ani tih ka hrechiang lutuk! A dinhmun a ţha a ni mai thei, mahse min hmusit tel theihna dan a neilo! A neilo hlawm tawp!


Car kawngkhar a nem khar dawt rual chuan Nunhlimi chuan engemaw hi a sawi a, Tun dinhmun ah phei saw chuan saw hmeichhe nalh tak a țan hlum loh chauh nu saw kei aia thlan zawk tlak ani reng bawk, thlang se ka nunah hian rawn lang tawh lo law law se ani tur ! Ka hua in ka thik tih a hre vek tawh a, ka kalsan chhanna pawh a ni reng bawk, min lo ning zawk khawp anih dawn hi, an inzui ngawrh ta ngat ngat e mai!


Nunhlimi a duhtawk a a țawng zo chu Zothana chuan a darah a tuai sak zauh a! Ka huat tawk a tling em em bawk, Zothana'n spa chhunglam en a rawn hawi vut te chu va chhut thluk tawp mai hi ka duh rum rum!

Car hnunglam kawngkhar chu a pawt hawng a, Nunhlimi zawk a ţhu lut nghal tharh a, a nem khar leh rual chuan spa chhung lam bawk chu a rawn hawi leh kher anih chu!

Ka thawk a sa in a rang nghal zaih zaih a, engthil nge tih ber tur pawh ka hre lo, ka fapa a hruai daih a, ka duh chuan amah zui tur in min ti bawk, khatiang khawp a nâ leh hmusita min țawngkhum hnuah leh ka hmeichhe huat ngawih ngawih a bulah a awm chung sawn ka zui ang maw? Mi â ber pawn chu thil chu an ti tawp lo ang, a duh phawt chuan ka fapa saw hruai lui rawh se, ka fapa ru bo ang in case ka file ve thei tho!

Spa lam hawi chuan a ding zui ta run a, amah pawh in min rawn hmu thei tih ka hria, a kut pahnih a kekawr ipte ah a zen lut a, a taksa hrawl zet mai saw na takin ka sawisa thei dawn tih in hre ngat ila chuan ka sual nghek ang! Nichina ka benna aia nâa kut ka thlak kha a phu bawk!

A kut pakhat la chhuak in a khabe a tuai zauh a! Lei lam a bih a, a thawk lak zawng a a taksa hrawl zet che ve awk te chu ka hmu a, a rawn hawi chhuah leh rual chuan min hmu thei emaw theilo emaw ka theih ang a rum in ka melh zui ta nghek a!
Ka inher zui hmak bawk, room chhungah chuan lut in thawk ka'n la zui ham ham phawt a, Tukverh ațang hnai tak a coconut kung rawn ding chho vuah mai chu ka en a! Nunhlimi khan min la hria em tih chu ka hrelo, mahse spa chhung an rawn luh tirh a min țawngkhum dan leh min nuihsawh tel tlat ah kha chuan ani khan min la theihnghilh biklo chuan ka ring a, Ka hnathawh hmusit tak a Zothana rawn țawng tel leh kher khan min tina hlur bawk!

'Engkim a ţha.. A țha vek..' keimah leh keimah chu ka in hnem zui mawlh mawlh a, Zothana'n min rin ang a bawlhhlawh leh tenawm khan he hna ka thawh hnu hian vawikhat pawh ka la awm chhin lo, a tirah kha chuan min nawrluih mai te kha ka hlau ru țhin a, ngaihngam takin engthil mah kha ka ti thei lo a, ni chanve lek zirtirna min pek hnuah min thawhtir ringawt te kha mak ka ti a, mahse heta hnathawk ve tho pakhatin Spa rawn kal ţhin mipa te hi an khirh lo a, a țhen chuan an taksa hmeichhia in an khawih sak hrim hrim te kha an duh vang ania, Hmeichhe customer te erawh an khirh viau thung tih te in min hrilh a, keipawh hmeichhe lam min chan tir lo hrim hrim a, vawiin kha min nawrluihna hmasa ber chu ani a, chu pawh engthil mah a thleng lo, chutiang bawk in room chhunga lut nawn leh tura min hrilh bak kha min nawrluihna an neilo a, ka rilru putdan diklo vanga hlauthawng mai mai pawh ka ni ve thei tho!

Jayden kha a hruai maw? A țha a lawm, police hnenah ka kal ve thei tho!

Ka inher rual chuan kawngkhar ngheng a Zothana lo ding run chu ka hmu thut a, ka thawk ka hip let zui nghal zawk thei! A kal daih tawh emaw ka ti asin.
"Min rawn zui rawh.." bung zet hian a rawn ti hmuk a, ngeiawm lutuk in ka ner khum sak a! A hmaiah tak sawn ka beng leh chawrh mai dawn mawni zawk!
"I tan a țha tur anih hi." A rawn ti leh sup bawk.
" Pathian, ka awmdan tur engkim duang a thu min pe kual thei tu niin i inhria em ni?" Ngeiawm lutuk a nui hak pah in ka ban ka phar chhuak hliai a!
"I ngam chuan ka fapa kha hruai rawh, naupang ru bo angin case ka file thei tih i hrelo palh a nge?" Uar zet in ka au tawn tawn a, a kut lehlam a kekawr ipte ah a zen lut a; min melh ngûr ringawt bawk.

"Rawn dah let leh vat la i tan a țha in ka ring.." ka ti hlak a, pawisa lo zetin a lo nui suk anih chu!

"Min zui rawh tih ka sawi, thil dang sawi kual vak suh.." ti hmuk pahin a kekawr ipte ațang a kut a la chhuak vut a, ka haw hlawm hi ani tawp!

"Ka zui dawn lo lutuk che.. "
"A harsa zawngin thil hi kalpui vak zel lo teh.." ti hmuk pahin a rawn pen lut vut, a ngam chuan min khawih rawh se, ka pheikhawk bun lai hi phelhin a hmai ah tak ka vaw sawk hreh reng reng lo!

" Tunah min zui dawn nge dawn lo?" Ka hmaah tak rawn ding run pah chuan a rawn ti sup a, che dawt khawp in a awmah ka kut pahnih in ka nem a! A lo nui suk ringawt anih chu!

" Kawlh viau ţhin suh, min suallet hian awmzia a nei dawn lo tih chu nang tluk a hrechiang an awm lo.."

"Oh.. I hausa in duh duh i nei thei tih i sawi tumna ani em? I hausa ta lutuk a ka fapa nen kan nun khawchhuah vena tura ka hnathawh ve chhun pawh min hmuhsit zui nan i hmang thei tawh a.. Zothanmawi i ropui hluah hluah, i sawi kha.. nangmah ah chiah ka lungawi zo lo, chuvang tak chuan ka awmdan min rawn thunun tum tawh lo la, kha hmeichhia kum 5 chhung ilo enkawl leh a sal ang mai a, a duh duhna hmun a hruai kual ţhin tu che nen khan ka nun ațang hla takah kal bo rawh u.." uar lutuk in ka au khum tawn tawn a. Ka sawi hnem bawk a, ka awmchhung aţang boruak hlawm sa zet ka thawchhuak zui nghal bawk! Zothana in sehruh țalh ţalh mai chu a huat belh dan lutuk tur hian ka nuih khum tel kher a.

"In pahnih a min hmuhsitna tel lo pawh khan ka chau tawk tawh, chuan ka eizawnna rawn sawi buai i tum anih chuan i tisual ang,..!" Thip zet a melh nghek pah in kawngkhar lam chu ka pan a, mahse hneh lutuk in ka ban ah hian a phih in min rawn phih let nghal nawk anih chu!

A taksa ka hnaih rual chuan ben leh chawrh mai inring sa in ka ban ka vai ve ta nghek a! Mahse ka banrekah a rawn man hman a; ka hnungah ka ban chu la pheiin a hnung khirh zui ta hmiah a!

"Ka haw lutuk che, tawh pawh min tawk suh!" Ka tal zui nghek a ka taksa hi thinrimna leh huatna vangin a puak darh thei mai dawn in ka hria a, mahse ka tal nat zawng chuan ka ban a khirh miau vangin keimah zawk ka na zel thung!

"Min hnial tawh suh, min zui ang, ka rualin i let dawn." Hnunglam aţang a hmuiin ka beng a rawn nawr tàwk a , Ka tal leh aih rual chuan ka beng hnuaiah a hmuiin a rawn nawr anih chu! Ka mur chhuak uaih a, mit ka chhing zui sawk bawk.

"Ka sawi chu i hria em?" Ti sup pahin ka tukhum lamah a chalin a rawn nawr leh vang vang a. Ani zawk pawh engtinemaw tak a awm a ni ngei ang, a thaw khur ti tih ve tho mai!

"Ka zui ngai dawn lo che. " ka ti chang fak! A thawchhuak hawk a, chumi rual chuan ka tukhum lam chu an lum ve ham ham a, a bula ka awmchang apiang a ka danglam ţhin ang khan tunah pawh hian ka danglam leh țhelh tawh, ka hnunglam ah a ding run a, a taksa nghet zet leh a chhunga lungphu ri ve dawt dawt chu ka kut a kherh beh miau vang in ka ngheng lo thei lo a! A lungphu ri hi ka thlamuanpui viau ţhin tih lah ka chiang em em bawk.

"Kan hria ang chu.." a ngawih reng hnuah nghet zet a a rawn tih hrâwih rual chuan ka hnung a khirh beh chu a thlah a, ka thaw zui nghal hawk thei mai, mahse a rei lo, ka taksa chu a kang nawlh a! Hmela mai mai chu!

A darah min pu leh nawlh a, Pawnlam pan in min kal chhuahpui ta nawl nawl a! Ka theih ang ang in a hnungzang ah ka chum pawp pawp a; ke ka leng zui nghek nghek bawk! Mahse Zothana ke pen din tir pha in ka sawisa na zolo ani ngei ang!

Leia min nghah thlak rual chuan luhai deuh chhawlh chung hian ka ding ngil vat a, Ka hma a taksa hrawlpui mai chu ka thinrim bawk si chuan a awmah ka nem zui leh chawrh ringawt! A chetdan a mak thei lutuk, Min zawh vang ringawt in tharum in min pu nawlh tur anilo hrim hrim!

" A chhungah khan lut rawh.." ti sup pahin car hmalam kawngkhar chu a pawt hawng a, Jayden lah chuan Zothana'n min pu chhuak ngawt kha a lo lawm ve em em ringawt a.

"Ka sawi kha i hrelo ami? Ka zui dawn lo che, Jayden rawn chhuak rawh.." ka tih zawm leh zat a.

"Tinge a duh lo chung chu hruai i tum a..?" Car hnunglam ațang Nunhlimi chu a rawn chhuak a. " Zothan, kal tir mai mai rawh, a hna kha nuam a ti aniang chu.." nem hlei si a a rawn ţawng chu ben nghal chawrh tak tak mai ka duh!
"I lo inrawlhna tur anilo." Zothana chuan bul zet hian a ti zui hmuk thung, min melh leh a, a mitmeng a zim sûn a, "Lut rawh.." a rawn ti zui sup bawk.
"Aih... Jay rawn chhuak rawh.."
"A va mak e aw, Zodinpui.." Zothana rawn che vut chuan car chhung ah chuan min nawr lut hi ani ber mai! Kawngkhar a rawn kharphui zui nghal chawrh a! Car a rawn kal hual pawk pawk mai chu Nunhlimi chuan a zui dat dat a!

"Nang pawh kha i luh dawn chuan a hnungah sawn va țhu lut rawh." Driver side pawh hawn pawp pah chuan Zothana chuan a ti zui ta hluk a! Nunhlimi ner nawng chu ka lo hmu fuh hram bawk a.

"Mum, Apa in Jayden a play pui ang khan a play pui ve che ami?" Ka malchunga rawn lawn kai that that pah chuan Jayden chuan a rawn ti a, kha thil kha infiamna a ni lullo tih khum nghek mai hi ka duh a, mahse ka fapa hi vin a țul ber lo bawk, a lu ah ka tuai sak thuak a, thinrim țun hian ka thawchhuak vak ringawt!

Zothana a rawn thut luh ve rual chuan țum dang ang bawk in car chhung boruak chu a chep nghal vek a, "Seat belt kha hreng rawh." Min en zawk pah chuan a rawn ti leh sup a; Nichin a kan inhnial thinrim kha chu hre ve ang pawhin a awm leh tawh lo. Nunhlimi rawn ţhu lut ve chu front glass ațang chuan ka lo melh zawk a, min lawm hmel teh chiam loh.

"Zodinpuii kha maw i nih a? Heng lai spa ah i thawh ka ring ngailo reng reng a, Nang kha chu princess ang mai kha i ni ţhin sia , Zothana hian nangmah i ni tih a sawi a ka hre ve chiah che." A rawn ti zat zat a. Chhanlet ka tum reng reng lo. Zothana zawk chu steering hum ruh pahin a rum chhuak nghut a!

"Bawihi, Nunhlimi kha anih hi.." Zothana zawk in dam thlup a a rawn ti chhuak chu haw em em hian ka melh a!

"I pasal nen in inţhena, Zothana in lamah i awm chilh tih ka lo hria a.."

"Nunhlim.." Zothana zawk in a ti chhuak țhawt a, Zothana vin a hmuh vawikhatna ni bawk a, Jayden chu a meng nghal kawk thei!
"I sawi dik a lawm.." Hnunglam chu hawiin ka nui sak a. "Kei chuan Zothana call ilo chhan țum khan nangmah i nih ka lo ring ve tawp a." Ka ti a, ka ring tak tak pawh anilo, he hmeichhe huaisar zet hma ah hian tlawm ka tum țhak tawh lo!

"Oh, .." Zothana melh zawk pah chuan a nui tawi tak a. "Chutiang ka va hre ve lo ve.."
Hnunglam la hawi reng chung chuan ka nui leh sak a!
"Mumbai a rawn kal țum a a call i lo chhan kha a nia ka sawi.. !" Ka ti leh kher a, A meng kual deuh zak zak chu en duh tawh lo in hmalam hawiin ka inher țha a, Zothana zawk chuan chik lutuk hian min lo melh ngur a! Chu pawh chu ka haw tho!

"I tlanchhuak dawn nge hetah hian kan ding reng dawn?" Vin hlar a ka tih tak ah chuan a rawn nui chhuak hawk a! A lu a thing deuh nghut bawk!

"Zothan, i mi sawisak te kha engtinnge i tih dawn a?" Nunhlimi rawn țawng leh chuan ka beng a verh zar mai!
" An phu tawk anih kha.." tih zawngin Zothana chuan a chhang a, ka melh zawk a, engine ti nung in steering chu a herhkual pawp a.
"Zodinpuii vang hian thil atthlak tak tak i ti hnem ve tawh ngawt mai! Ani lah hian a hmang țangkai mai mai che a ang bawk sia." No fahran a ti leh chu engkhaw sawi set set lo a han keh zui bawrh bawrh mai hi ka duh hlur tawh!

"I mize ngai ilo la thlah miah lo tih ka hrethiam ta chiah e." Ka nui sang a, Front glass aţang chuan min rawn hmu thei tih pawh ka hria. " Keipawn ka mize hlui kha ka la thlah biklo a nia.." ka tih zawm leh zat a! Ka sawi tum ber a hrethiam ang, ka chunga a thil tih ang zel in ka bei let ţhin, insual a țul pawn khang hun liam tawh ah zawng zawng khan ka sual hmiah zel! Ka kawlh tih hi ka pha ngailo, kawlh tak ka ni, Zothana pawn min hauh tamna ber a ni ţhin bawk! Ka kawlh lutuk vang in insualpui ka nei reng a, Zothana ka nei tih ah khan ka chiang a, keiai u deuh pawh ka sual phah mai zel!

Ngawi reng in Goa khawpui kawngpui tawt zet ah chuan kan tlan a, pawnlam chu ni a sa sen vûl a, traffic hlek ah a hman hman in horn an hmet ri tuar tuar reng a, Jayden chu a țhu ngawi kar a, Zothana chuan a khat tawk in kan nufa chu min rawn melh leh zawk zel bawk.
"Jay, Ice-cream i ei duh em?" Zothana chuan a speed tih hniam pah chuan a rawn ti a, Jayden ţhu zawi ve reng chu a rawn țhu mar zawm ve zat bawk.
" Ice-Cream ei ang aw.." ti leh sup pahin car chu Natural ice-cream kawtah a dintir a.
"Jayden khan ice-cream a ei chak anih kha, eipui lawk ang." A rawn ti sup a, rum zet a ka lo melh nghek a hmuh rual chuan phun hluk pahin a kal chhuak zui nulh a, car a rawn kal hual rual chuan Jayden pawn chhuk ve mai a lo tum ve der mai!
"Apa, mango ice-cream ka duh aw." Ka țhutna lam kawngkhar a rawn pawh hawn rual chuan a lo ti vat a.
"Ok, Bawihi?" Min rawn melh a, ka hua tih a in hriatreng hi chuan min biak loh mai tur a nia.
"Ka duh lo." Ka ti zui hmak a, a thaw hawk bawk. Jayden chu a rawn pawm chhuak nawlh a, engmah sawi tawh lo in dawr lam pan chuan a pen zui ta pawk pawk a, vairam ah pawh a pian hi a zahpuiawm bik miah loh, a langsar in thuamhnaw holam tak pawh inbel se a langsar vuah tho!

" Pawisa ka pe che anga, kalbo ang che.." Nunhlimi rawn țawng dan chuan min ti sa zak mai! Ka hawi let a, a lo nui sak a!
"Sum i mamawh tih ka hria alawm, ka pe che anga, kei leh Zothana hlat aţang kalbo ang che." A rawn ti a, ka nà zawk a chu he hmeichhia hi ka beilet lo nih chuan nakin ah ka inchhir mai thei! Nakina inchhir let leh ai chuan tunah hian ka beilet ang.
" Zothana saw ka tello in a awm thei silo a, kalbo ta pawh ni ila min zawnnan a hun a khawh ral leh dawn tho a.." Nui lui sak chung in ka sam rawn tla chu ka hui kiang zauh a, a mitmeng a tal kual nghal tap tih lah ka hmu ru kar bawk.

"I chian hmel hle mai..?" Nui sak pahin dawr chhunga Zothana leh ka fapa te chu a va melh zawk a." Ngaihsak tak tak che chu nise a zawng em em ang che, mahse a ti miah lo,.." zawi sep in a rawn ti a. Ka kaw chhunglam hi a ni nghulh thei!
"Umm.. Nakinah Zothana ka lo zawt dawn nia, Nunhlimi'n pawisa min pe dawn a, ka kalsan mai ang che ka lo ti ang." Ka ti a.

"I mawl a mi? Chutiang a lo sawi a țullo, pawisa i mamawh zah zah ka pe ang che, chuan kalbo ang che.. i fapa hi i enkawl thei lo anih pawh in Zothana nen kan lo enkawl mai ang, tunah pawh hian i fapa vang chiah a ngaihsak che ani a.. Nang hi ngaihsak tak tak che nise chuan kum 5 liam ta khan kei nen hian kan cheng dun tawh a, a rawn zawn chhuah che pawh i ring miah lo ami?" Min nuihsawh zet hian a khi sak a."Kum 5 liamta khan kan cheng dun tawh a, i hriat kha mipa ah pawh mipa satliah anilo, hmeichhia leh mipa in khat a cheng dun reng a insum zawk a țang thei tur mi anilo tih i hre bawk ang chu...!" A thusawi vang chuan ka khawhmuh a thim suih suih mai! Ka thawk a sak țalh a.

"Kan pahnih inkarah nuthlawi mai mai a rawn tlak zeh hi ka phal ngai dawn lo a, chutiang bawk in a chhungte pawh in an chhungkaw ţhian hnai tak nupui hlui hi an fapa nupui atan an duh dawn bawk lo.. I tan a țha tur zawk chu ngawi reng in ka sum pek che nen kalbo ani.." a rawn ti leh a.

Ka â deuh chhuih mai in ka hria! Ani leh Zothana hian sex hial an lo hmang tawh a maw?

" In inkar a thil thleng an hriat rualin Zothana hian a tuar thei tih hria la, chu loah tunah hian an company a tlachhia a, a landan hi chuan i pui thei lo tih a chiang reng, kei chuan ka pui thei a, a chhungkua te nen kan in close em em bawk, kan cheng dun tih pawh an hria a chuvang chuan ngawi reng in i kalbo dawn nia.. i fapa chu i enkawl zo lo anih pawn kan pahnih fa ang chiah in kan lo enkawl ang ." A rawn ti leh a. " Nangmah vang mai mai a a chhungkua nen an inzawmna a chhiat i rem ti dawn mi?" A rawn ti leh kher bawk!

Ka țhutna lam kawngkhar a rawn inpawh hawn rual chuan Jayden zawk in min au ta chul a, ice-cream keng va pah chuan ka malchungah a rawn lawn kai that that a.

"I duh ve lo tak tak maw?" Zothana rawn kun hniam chu at hmel zet hian ka melh ta reng a.
"Jay, a far hma in ei zo vat rawh aw.." Jayden sam ah a tuai sak zauh a. " I țha em?" A rawn ti leh sup bawk. Ka chhang dawn a, ka hrawk a tawt tlat a, ani hian Nunhlimi sex a hmanpui tawh tih ringawt chu ka thluak ah hian a ri tluk tluk bawk.

Ka chhan loh vang chuan thawk la hawk chung in a ding mar a, kawngkhar chu a rawn nemphui leh a, front glass chu ka melh zawk a Nunhlimi lo nui sak mai te chuan a thusawi kha ringlo thei lo in min siam zual sauh mai bawk.

Hotel pakhat zawn kan thlen chuan Zothana chuan car chu a ti ding dat a!
"Zanin ah kal chhuak ang ka tih kha aw.." Nunhlimi chuan front glass ațang min rawn en kher pah chuan a ti a,
" Lut vat rawh." Zothana chuan a ti liam puat ringawt.
Tum deuh bar chung in car kawngkhar chu a nem hawng a, A phone rawn ri ve leh chiah vang chuan tawi khawmuang in a bag a zen rak rak a, Ka lo rindan chuan Zothana thlenna ah khan a thlenchilh ve mai turah ka ngai a, mahse a landan chuan an riak dun lo anih hmel! Mi â nu chung ah i buai ve a ngai lo.

"Oh.. I nu anih hi.." screen eng pap chu hmalam ah a rawn lek ta kher a.
"Zothana nu nen hian kan in close reuh a, a fel teh a sin.." kei min en leh pah chuan a ti a, nuam ti fahran hian car ațang chuan a kal chhuak ta zat a!

Nunhlimi chhuah hnu chuan car chhung boruak chu a uap zual churh a! Nisa vûl hnuai a inchhung pik zet a awm reng hi ka in tehkhin ta ber! Zothana lah a ngawi zui hmuk a, hmalam melh ngur pahin car chu a khalh leh ta mawp mawp a, kan awmna hmun pawh hi ka hrelo a, chutiang bawk in Deltin Suites kha khawi lai area chiah nge tih pawh ka hrelo.

"Apa, long time kha ka hmu tawh lo che." Jayden chuan ice-cream liah zauh pah chuan a ti a, Zothana chuan a rawn en vat a, a thawchhuak zui ham ham bawk.
"Ka bulah i awm tlat tawh dawn lawm.."
"Mamma chuan apa a buai a ti zel a,.." ti nûi nûi pahin ka malchunga țhu reng chung chuan min rawn melh kher anih chu!
"Jaydena'n apa kha a ngaih phawt chuan a buai ngailo, mamma in sawi mahse awih loh tur!" Ti hluk pahin kei chu min rawn melh ve a! Ka lo ner khum nâng ringawt!
"Apa.." Jayden bawkin a ti leh a, Zothana lah chuan rang lutuk in a rawn ngaihven zui nghal vat bawk, mahse Jayden chuan engmah sawilo in lai hmel pu deuh si hian a lei a chhuah zauh a! Zothana zawk pawh a nui ta suk bawk.

Deltin Suites kan thlen rual chuan car a hung țha a, ka lo ngaihtuah miah lo, tu car nge maw a khalh sak ringawt le?
"Apa hei night time a kan awmna kha a mi?" Jayden chuan a ti ta chul a, A lo la hre ve reng chu a mak tak zet!
"Anih hi, naktuk tuk lehah Mizoramah kan let dawn nia." Zothana chuan a rawn ti ve sup a, min rawn melh a, Nunhlimi thusawi kha ka hrechhuak zawk bawk!
Car ațang a chhuak vut a, kan lam panin Police uniform ha pahnih an rawn kal ve chiah a, Zothana chuan car a rawn kal hual a, kawngkhar chu rawn pawt hawng in Jayden chu zo zet in a rawn pawm chhuak ta nawlh a, Kei erawh in Police pahnih chu ka lo melh ran thung, Nichin a Zothana sawisak te khan case file in rawn man tir an tum anih ka ring a.
"Rawn chhuak la..?" Zawi supin Zothana chuan a rawn ti a, ka chho melh a, Police te saw a hlau ve miah lo emawni!
Ka banrek ah a rawn vuan a, ka kut chu a lum nghal vung vung thei! Anni sawn rawn hruai hrang daih ta si se!

"Mr Vincent?" Officer thuam inbel zawk in a rawn tih rual chuan ka ip zui chawih a, Ka thinphu a rang nghal dawt dawt bawk, Zothana lah chuan a ngaih pawimawh hmel tehchiam mai silo!
Ka banah a rawn hmer deuh salh rual chuan ka kal chhuak ve a, Police pahnih chuan chik zet hian min rawn thlek a, chutah Zothana taksa a ka fapa bet ve țai mai chu an en tel leh a, ka thawchhuak tawh pawhin ka hrelo, an hmel landan a ngainatawm loh in thlan in a bual huh zûih a, vai film vela Police officer, mi hausa ten an tham lungawi a, midang pawisawilo an thuneihna hmanga man ta tawp țhin te kha ka tehkhin ta ber!
"Kan mi bo te kha an ni em?" Officer chuan a rawn ti a, awihlo lutuk hian ka meng nghal kawk bawk!
"Umm, an nih hi, ka va hmu a, report pawh kha a hnuhdawh theih tawh e!" Zothana chuan ka banrek hum tlat pah chuan a ti sup a! Ka thu hriat hi a dik reng em? Keini nufa hi mi bo maw kan lo nih a? Zawhna a khat hian Zothana chu ka melh a. Min rawn en ve chiah bawk.
" I thawhrimna vang in ka lawm lutuk ania, Officer!" Ka mit ah tak min melh run pah chuan a phun sup a, Officer zawk chu a bu ta nghut bawk.
"In him a, a lawmawm tak zet, nithum chhung kan zawng tawh che u a, i pasal hian a ngaihtuah khawp mai che u..." Officer hmel ngainatawm loh zet chuan a ti thum deuh bul a, kei erawh ka thawchhuak hak thung!
" In bo na lamah harsatna te in tawk em?" Khai aw! Eng zawhna tehhrep nge ni ngai! Mi bo kan ni reng reng lo!
"An țha, an chau deuh a, Ka rawn be leh ang che u.." Zothana chuan a rawn ti ta vut a, ka banrek a hmerna chu a thlah a, Officer chu chibai in a nui zui suk a, mi â ang mai hian ka melh mawl ve tawp ringawt!

Suite chhung lamah min kai lut a, officer te kha an kal tawh a, mahse ani hian engvang a mi bo zawn a min lo zawn tir ve ringawt nge anih?

Jayden pawm reng chung chuan min melh zawk a! Ka theih ang a rum hian ka lo melh let a.
"I duh chuan nakin ah kan sawi dun thei ang!" Tisup pahin a rawn kun hniam a, a mitmeng sexy zet ah chuan nuihza insumna hi a lang tel tlat bawk!
"Mi bo.. zawn hmuh harsa tak i nih hi." Tisup pahin ka kawngah a ban a rawn rawlh lut a, a din mar leh rual chuan hma lam hawi pah hian a nui zui suk a! Chu tak chuan min ti thinrim sual sauh thung! Kha thil ah khan nuih tur pakhatmah ka hmu ve hauh lo!

"An rawn thleng.. An rawn thleng.."

"Mami?" Ka ti hluai a, min rawn kuah zui ta chawt a! A hnungah Nu Liani a rawn kal ve mek bawk! Vawiin chu ka beisei loh pui pui thil ka tawng nawk nawk reng mai!

"Hetah.. Nangni maw?" Min kuahna a phelh rual chuan ka ti leh halh a. Țah chhuak hmel si, hlim hmel bawk si inpawlh nawk hin min han en vang vang a.
"U Vincent hian min rawn chah a lawm.. awi.. in awmna kan hre mai lo kha kan buai asin.." a ti a, mak ti zet hian ka en hû a.
"Nimin khan kan rawn thleng tawh.. " a ti a. "Jayden ka ngai lutuk che..." ti chul pah in Zothana lak ațang Jayden chu a pawm hrang a, Jayden lah chu a ri zui ta chul a. Thil thlen dan hian min shock rih ani tawp mai, Nu Liani leh Mami hetah!
" I luhlul tih chu ka hria, mahse tun a thil thleng hi chuan min ti mangang tel a, thleng nawn tawh lo se ka duh bawk ania." Nu Liani chuan ka kut pahnih rawn vawn pah chuan ati sep a. In ațang ka chhuah dawn a min dan nasat zia leh ka tih manganzia kha ka la hria a, ka lainat reuh kher mai!

"Ka sawi fo kha.. He mipa â lutuk hi in nufa tello chuan a awm thei lo, ka fapa ang chiah ani a, a talbuai lai hmuh nawn ka duh tawh loh ang bawk in atthlak tak a che turin ka duh tawh lo che.." ti sep pahin Zothana lam chu a melh zawk a, kan piah deuh ah phone hmang in a ding a, ka va en rual chuan min rawn en ve chiah bawk!

" Chiai vek leh rilru mumal pu theilo a siam ţhin tu chu nangmah chiah hi i ni a, a chenna in i ni bawk, nangmah ah hian saw mipa saw a cheng a, a in ang i ni tih inhria la, engmah sawi lo in kalbosan tawh ngai suh.. a â thei mai ang.." a țawng ring lo, mahse ka kawchhung deng dawt dawt tur chuan a ring tawk viau thung!
" A hun hmalam ah a chan tawh che a.. chan leh che hi a hlauh ber ani tih hria la, mangang tak in siam tawh lo ang che.." nui sang chung in ka mit ah tak a rawn en a.
"Hlim a phu ve tawh ania.. Hlimna pe thei tu pawh nangmah chiah hi i ni bawk." Chil ka lem dâwk ringawt! Nunhlimi nen an chanchin a la hriat ve loh mai mai vang ani ngei ang!

"Nu Lian, in room ah Jayden hi lo awmpui ta mai che u, Bawihi hi biak lawk ka ngai a.." A phone hmang zo ka bulah rawn din ve vut pah chuan a ti a, a ban lehlam in hnunglam ațang ka kawngah a rawn kuah zui zawm zat bawk! Ka lo țang nghal țung mai! Nunhlimi ta ang a ngaihna lian tak ka nei tel tlat tawh bawk!
"Tehreng mai! Kan tlangval a pawh chu hmuh loh karin a lo țhang ve a nih hi.. inbe rawh u.." ti zung zung pahin Jayden leh Mami te lam chu a pan ve a.

Hman zana kan riahna lam panin min kalpui a; ka țawng lo a, amah pawh a țawng tawh biklo.
Room kawngkhar a nem hawn rual chuan a kut hi a rawn phe deuh vut a, ka kut hi thir vawt thler in a rawn si a. A ri zui khep a. Phawk zet in ka kut pahnih handcuff a a thlung zawm chu ka en a!

" I kal bo tawh dawn lo tih ka chian hun ah chiah ka phelhsak ang che!"
Ti sup pahin phawk lutuk a ka kut pahnih ka melh reng chu a rawn kawk zauh a! " I thuawih dan a zirin ka phelh hmasa thei tho bawk che."

He thil hi a tak tak ani em!?

"Zothanmawi engthil nge ti a i inhriat a?" Ka ti zui ta tuar a, a țhen sak a, ka awihlo thei lo! Ani hian mitang ang maiin ka kut ah thir kawl min bun tir a maw! Ha! A va han huaisar ve chiang tak!
"Phelh nghal rawh.." ka ti zawm leh tuar a, chimawm lutuk in a beng a hup a. A hmui hnuai a seh telh zauh bawk!

"Ka hua che.. ka haw ngawih ngawih che.." a duh dan ang ang a min ti kual vel chu ka haw hlur hi ani tawp mai! Ka taksa chhung hi thinrimna vang in a sa hum hum a, amah hi ka ham nek zawk dawn mawni?
"Inbia ang.." Pangngai zet hian a rawn ti ta sup a, Ka melhna vang hian engtin maw tak awm thei se chuan a tlu tawp in ka ring ani! Min dang chep a; tunah kut kawl min bun tir leh a! A â tawh zawk emawni hial ni?
"Inbiak ka duh ve lo.." ti hlar pahin ka kut chu a lamah ka lek chhuak a. "Phelh nghal rawh.." ka ti leh nghek bawk! Ner nawk pahin lu a thing nghut a, a ban pahnih chu a rawn ban zui ta vut mai! Chung lamah min phar chhoh tir a; ka taksa si chet tak tak in a rawn ding a, a nui zui suk ka hmuh rual chuan ka ban pahnih inkarah a rawn ding lut fel der!
" Tihian min be duh dawn em?" Ka hmai bula phun sup pahin a nui leh suk a, Ka kut a in țawn khawm miau vang in ka phelh ngawt thei silo a, ani lah chuan min si chet a ding chu a ngaihpawimawh hmel der mai bawk silo!A taksa hrawlpui mai chu ka ban inkarah a awm ve run anih chu!
"A atthlak hle mai!" Ka ti ta vak a.
" I lakah hi chuan atthlak zet a chet a ngai ţhin alawm.."hmui pet sawi zauh pah in a ti leh sup a. Ka huat zia chu a!
" Awmsawn rawh." Ka ti hlak a, a lian in a hrawl ropui si, kan taksa in si chet te chu ka duh lo!

"Awmsawn rawh ka tih chu..!" Ka ti leh țhat a; kei ai fe in a sang a, ka ban ka chet chu rang zet in a man bet a, Ka thinrim vang nge a taksa ka deh vang pawh ka hrethiam tehhrep lo e a, Ka tha a khur ru ringawt! Ka tal lui leh a, Ka ban pahnih hman ngaihna awmlo khawp in min chelh bet a! Tal buaiin awmzia a awmlo, A ngawi ngul, Mahse min thlah a tum miah chuang lo.

"Zothan!!?" Beidawng zet hian ka ti chhuak ta hliai mai!
" Ka hlat ah kal tawh suh.." a aw ri zet chu! A kawchhung lam ațang a rawn ri chhuak hrawih mai hian ka hria.
" Ka kal chhan chu i hriatchian khawp kha.." ka ti a, ka ban ka chet leh rual chu a aia na hian a rawn hmer ve ta salh a.
" Aih, ka hrelo.." a ti sup bawk! Ka sa ve ta phat bawk!
"I hrelo a maw? Kha hmeichhia in zanlai ah i phone a lo chhang kha ka duh lo.. chuan.. chuan ka hriat loh in i lo chenpui tawh bawk a.. Oh.. cheng dun satliah mai pawh in ni hleinem! Sex hial pawh in hmang tawh ani lawm ni chuvang chuan..!"
Ka sawi zo hman lo!
"Zodinpui" a rawn ti táwk a! Thinrim tih hriat hluah hluah in a thawchhuak zui hawk bawk!

"Sawi diklo h ka nei ami? Ani nen inchen dun lai khan i insum thei tih sawi i tum em ni? Mi â ka nilo aw..!" Ka ti tuar a! A bek zawn a pawng țalh țalh mai! Khanglang a! Min la thinrim let khum ngam a!
"Nunhlimi ta i nih kha.." ka ti leh sak bawk!

A thinrim tawk hle ani khawp ang, ka ban a man beh chu in thunun tum in a hmer zui ta ngawt ngawt a!
"I lo enkawl kha a sual reng reng lo, enkawl satliah pawh i ni hleinem, chuvang chuan i lemchan hi duhtawk rawh.." ka ti chang nghal fak!

Kan taksa in si chet vang chuan a lungphu ri rang dawt dawt chu ka hre thei a, ka awmbawr hi a rawn nghawr che dawt dawt bawk! A hmel pa zet leh hriam hraih mai pawh a lang sen țalh ţalh a! Thudik ka sawi a! A haw ve em em a!

" Ka tan a hmeichhe hmasa ber chu nang hi i ni.."
"Chu thil chu ka awih i ring a?" Ka ti hlak. Dak deuh chung hian a thawchhuak zui ham ham a, kan awmdan lah chu thinrim viau si hian a kawng ah ka ban pahnih a insuih bet tlang lawi a!

" A hmasa ber i ni a.. " ner deuh nawk pah hian a rawn kun hniam a.. " A tawp ber i ni dawn bawk.." zawi sup a a rawn phun leh rual chuan ka mur uaih thei! A mitmeng lang vawt ta raih a min enna vang chuan ka khur chhe lo chauh bawk!
"I huaisen ve hle mai! I insawi thiamna hi ka awihsak che i ring a?" Mahni inthunun tum zet hian ka nui lui ve kher a, mahse a mitmeng vawt raih ațang hi chuan hnehtu ah țan a tum tlat dawn tih a lang ve reng bawk.

" Min ring dawn tih ka hria alawm.." a aw zawi tak chu ka tan a hlauhawm tih ka hria , tlanchhiatsan tur ka ni bawk, mahse ka thei lo.. Engtin maw tak hian ka awm a! Atthlak zet in ka rin ngamna tur ang in che se ka ti tlat bawk!

Bawihi..!" a rawn ti leh sup a,Tunah tak hian a hmel landan a danglam vek tawh, ka hriat ţhin Zothana kha a ni leh tawh a! Mahse awlsam takin ka nem ngawt thei biklo.
"Nunhlimi chiah ngaihtuah rawh, i chenpui tawh a, i chhungkua pawhin an duhpui bawk che.." ka ti leh sep a, Zothana rawn nui chhuak hawk chu hrethiam lo zet hian ka en chho hû a!
.
"Tu chu maw ka chhungte'n min duh pui a?" a rawn ti sup, A aw rik danah chuan nuihzatna leh awihloh na hi a inchawhpawlh kual vel in ka hria! Chutianga a awm vel chuan min ti hamhaih vek! Ka melh ran a! Zothana erawh a rawn thawchhuak huai huai thung.
.
"I hre khawp mai!" Ka ti hlak a, mi â nileng anilo a, Nunhlimi chanchin ka sawi tih a hrethiam ve vek ang! Ka chala rawn tauh dat pah hian a nui zui suk a! A thinrim kha hmachhawn ka duh daih zawk,Tunah tak hi chuan a hmel landan a hahdam in a chetdan ah hian kei chiah min ngaihtuah ang in a lang chhuak bawk si, Bumna nuam tak nih ka hlau a! Mahse a ruk tak chuan Zothana hi ka thlahlel ve ngawih ngawih tho!

Ka hmai zawnah a rawn thaw lum leh hak a! Ka kawchhung hi a țek chuaih mai! "Ka hrelo..Tu chu maw ka chhungte min duhpui hmeichhia chu?" a inla hrang hlek a, kan taksa erawh a in awm hlat thei tak tak lo, A mit bul vun chuar kal phei raih chu ka melh a, nichin khan ka lo enchik miah lo, a mithnuai a val phei raih a, a mu tam lo tak zet tih a hriat hluah hluah bawk! Ka kal bosan hnu khan amah hi ngaihtuah zawm lo ka nilo, A ni la lâ a Nunhlimi nen ka hmu dun khan min tinâ a, chhel tak a awm turin ka infuih phah ta reng a,a hmel ngaihtuah let lo in ka muhil ngailo ,Tunah chuan ngaihtuahna mai nilo in ka hmaah ngei a rawn lang leh a,Hmuhnawm ti lutuk a thilr zui vawng vawng ka chak zawk hial!

"NUNHLIMI!" ka ti sep a! Atthlak tih hriat lutuk a Zothana nui ri hak chuan engtinemaw tak hian amah rinna min neih tir zual sauh ta mai!
.
"Ka mit ah hian en rawh!" a rawn ti zui sup a, nuihzat lam a lang tawh lo a, A hmel landan a tak leh run tawh bawk, A hmuihnuai sexy zet chu a liak hnawm zui zauh a, naupang in aia upa thusawi tur ngaichang ang mai hian ka melh ve ta ran a! A hmel landan erawh a hahdam in innghahna tlak ngawih ngawih a nih zia alang chiang hle thung!

"I thu i duh lutuk hi bansan ang che!" a rawn ti bul vut, lungawi lo zet hian ka che nghal phat a, Mahse hahdam tak a lang si hian a kutphah chuan ka hmui a rawn hup zui ta hmiah a ,thaw ham ham pahin ka chal a rawn tauh zui dat bawk, A chetdan engkim hian min țhawn mai bakah a lamah min hip nghet sauh sauh tih a in hre der mai bawk silo a.

"Ka sawi tum ngaithla rawh.!" Dam deuh zawk hian a rawn ti sup a,A aw thum lampang leh a thusawi tawp a thawp deuh sup awm chuan min thunun lehnghal vek tawh.Ka hmai zawnah chuan a thawchhuak ham ham a!

"Nunhlimi nen hian i ngaihang a inzawmna kan neilo!" a rawn tisup a." Mumbai a a rawn chhuk kha ka lo buaipui ve mai chauh a lawm, in luah tur a hmuh hma chu ka kiang ah ka chen tir ve a.." a ti leh a, ka lo che ve leh phat a, mahse Zothana chuan na deuh si hian ka chalah a hmui a rawn nawr ta chawt a! Ka ngawng vek! Ka tih awmzia chu sual let ka tum kha che zawm theilo in min siam ta daih!

"Hei hi alawm ka sawi, min ngaithla hmasa phawt ţhin rawh, i ngaihdan chiah a i kal chuan kan pahnih hian kan na mai mai dawn!" A rawn ti zawi sup a, a ban pahnih chuan a awm ah min kuah bet zui ta hlu hlu a, keipawn sual let tumna ka nei tawh lo, chu zawng zawng ai chuan he taksa ah hian khawvel a hahdamna ka hmuh theih zawng zawng chu a kim vek!
"Ka in ah khan thla engemaw zah chu a cheng ve alawm, Mahse ka pa company ah hna ka pe a, Mizo hmeichhia in luah țawmpui tur a hmuh rual khan a chhuak zui nghal bawk! " a ti leh sup a, a țawng zawng chuan min nghawr ve dar dar mai!
"Vawiin khan i bulah sawi a nei em tih ka hrelo a, mahse Jayden nen kan chhuah zawk a kan rawn let leh khan i hmel landan a dang vek a, i mit ah khan natna ka hmu bawk asin.. Tun hi kan pahnih inkar siamțhat hun a nih hi.." a ti leh sup a, min duat tih hriat zet a ka sam a rawn fawh leh tak ah chuan ka hnuk a ulh tel tlat tawh, nghet zet in a kawrhnung ah ka țham a!

" In chen dun lai khan in pahnih inkarah thil thleng a awm tih a sawi a.. Chuan.. Pawisa min pe a nga... in pahnih hmuh a rawn lang tawh lo turin min hrilh bawk.. Jayden chu in pahnih fa ang a in enkawl tur thu te... nang pawh in Jayden vang chiah a min ngaihsak i nih thu a sawi a.." ka ti sep a.. ka hrawk hi a na tel țung mai!

"Chu hmeichhia zet chu.." Zothana chuan a rawn ti hrawih a. Ka ip zui chawih mai!
"A thusawi chu ilo awih a maw? Ka tan tunge i nih tih hi i in hre fiah thei thlawt lo ami? Ka engkim i nih hi.. kan intawn vawihnih naah tal hi chuan chan che ka tum tawh lo.. " thawk a la zui ham ham a!
" Kum 5 chhung in chen dun lai pawh khan ka chanchin i ngaihven ngailo tih pawh a sawi.."
" .. i rilru tihnatnan engkim a sawi thei.. mahse awih tur i nilo.. ka ngaihven zia che pawh i hriat kha.." a ti zui hluk a, ka tal leh tak ah chuan min kuahbehna chu a thlah a. Min chhuk melh nghal run bawk!
" Kha hmeichhia kha ka hua tih hrereng chung a i zui kual reng te hi ka hua.."
"Bawihi.."
"Ka haw ngawih ngawih.. !" Ka ti hlak a. Nuihza insum deuh si hian a rawn kun hniam a.
"Kha chu thikthu ah ka ngai thei a ngem?" A rawn ti anih chu!
"Zothanmaw!" Ka ti hlar a, chung lamah dak in a nui leh hawk a! A hrawkbawk a langsar nangiang bawk!
" Nangmahni zawng in ka kal kual ţhin a kha lai area a ka kal fuh chang in min zui ve țhin alawm.."
"Dawt.." ka ti hlak a.A hmuihnuai a pet sawi zauh bawk.
" Ka kalbo ni pawh khan spa ah i rawn lam.." a rawn ang zuau a. " Phat tum duh suh, ka hmu che u.. " ka ti halh a.
" Ka zawng che u a, Nunhlimi khan Goa ah a rawn kal thu a rawn sawi ve chiah bawk, min hmuh zawk a duh a, reilote hmu turin ka rawn kal mai.. Nooo.. Lunch kan ei dun."

"Mahse a kuah che alawm.." ka ti hlar a. Ka thinrim leh ringawt tawh bawk!

"Bawihi ani mai mai kha tinge i thik tlat le.. ka tan hian in danglam lutuk.. pakhat ka farnu.. Nang erawh ka hmeichhe hmangaih i ni thung!" A rawn ti hrawih a. " I danglam lutuk.. thik buai duh suh.." a ti leh sup bawk!
" Ka hriat loh laia in lo cheng dun pawh kha ka la haw tho..!"
"Ok. anih chuan min ngai em?" A rawn ti teh daih a. Ka rinloh lutuk lam a rawn sawi vang chuan mit ka kan zui ta âk a!
"Min ngai em?" Tawrh har khawp a sexy hian a nui leh suk a! A mitmeng de sawt sawt mai chuan min ti zam hlum lo chauh!
"Aih..." ka ti a. Lungawiloh hmel zet hian a rum ta nghut a!
"Ka zawt leh ang che.. Min ngai em?" A ti leh a, a taksa chu a che zui hrut a,ka che zawm ve zat bawk! Ka tawlhhnung dat dat a! A va atthlak letling tak em? Ka kut phuar khawm khan a taksa min kuahbet tir miau vang in ka taksa si reng si, nuihza insum tih hriat zet hian a rawn pen ve a! Bang ka nghen dat tak ah chuan ti lui tih hriat hluah hluah in ka taksa chu bangah a rawn nawr bet zui hmiah bawk!

"Min ngai em?"
"Ka hrelo.." ka ti a. Min nawr bet leh salh a. "Aaaa.. aw.. tlemte in..!" Ka ti a. Phun hluk chung in ka chalah a rawn tauh dat a.
"Luhlul nu.."
"Khatia min tih le.. kal rawh.." ka chal in a awm ka tauh lui ve ta chawrh a, ka kut chu a taksa ah a la insuih zawm vek thung.
"Ka sawi kha i hria em?" Rawn kun hniam in a rawn phun leh sup a. A taksa lumna chuan min uap lum ve ham ham a, "Ka tan hmeichhe hmasa ber i ni a.. Tunah hian a vawihnihna tur pawh ka duh.." a rawn ti leh sup a.. ka nghing dawt! Thukhuh a nei chhin ngai bawk silo.. " Tunah.." ti leh sup pah in ka sam a rawn hui kiang a, ka nghawng nem lai chu a hmuiin a rawn nul kual a, a chang in a rawn seh za tel bawk a! Ka thling leh hriatna thazam zawng zawng hian an lo hre rang lutuk mah mah bawk! Ka nghawng a fawhna chu duhtawk in ka hmai zawn ah a rawn thaw leh ham ham a! Kan pahnih inkara boruak chu a dang zar tawh, a taksa lum vung vung min sik kual velna ringawt te chuan zauthauna min pe a.. Ka hmui a rawn pet zauh a, mahse a inla hrang leh ang lawi a.
"Jayden ngaihven ka duh tawh.." ka ti ta ringawt bawk.
"Tunah maw?" A ti sup a. Ka dak chho a, a mitmeng vawt raih leh lang thim map mai ah chuan engnge a beisei tih ka hrechiang lutuk.
"Aw.." ka ti sep a.
"Ka phallo ni mai rawh se.." a ti hluk anih chu!
"A va fair awm lo ve..!"
"Tunah hian min kal chhuahsan la a fair bik dawn mi?" Tham deuh țuak a a rawn phun leh rual chuan ka ip zui ta chawih a! Ka che leh ngam tawh bawk silo.. a sawi awmzia ka hrechiang ta lutuk bawk!

" Zothan.." Ka theih ang a na in bang ka ngheng ngawt ngawt a; min mamawh hmel lutuk hian ka chalah a rawn nawr a, a mi*atna pawh in ka dulzawn a rawn do ul tawh.
"Ka sawi kha.. ka mamawh che.. Min hrem rei tawh lutuk!" Khur ru hluk chunga a rawn phun leh sup takah chuan ka nui chhuak ta hak a! A hmuiin ka mit ko a rawn nawr zui tawk a, a nui chhuak ve hawk tho!
" He thil hi thunun a harsa lutuk tih piahlam a ni." Ti hluk pahin min chawikang ta nawlh a, ka mal pahnih chuan a kawngah ka kherh bet zawm ve ta vat, ka kap zawn ah tak a mipatna in a rawn do nghal run a.. spa dawr a kawrfual chhing mai ha kha ka ni a, ka khel lamah ka kawrfual chu an tawm chho vek bawk! A sa nghal huam huam thei mai!
Ka tukhumin bang chu ka nawr deuh vang vang a. Zothana'n hnuai lam ațang thuamhnaw chhan vek si ah a rawn nawr chhoh luih sak rual chuan ka nui chhuak hak a! A nghawng ah handcuff a phuarbeh ka kut chu ka suih ve vat a! Bangah si chet in min han nawr bet leh a, a nui tel leh deuh suk zel chuan a ti lang sexy hluah hluah ani tawp mai!
A ban hrawl zet pahnih chuan ka lu zawn bang chu a rawn nem ve ta run a, a khelah ka kherhbet ve țang țang a, ka feel dan hre duh ang hrim in ka mit ah tak a en ran bawk! A taksa hnuai lam a rawn chet leh a, a chal in ka chal a rawn nawr a, awmze nei lutuk a a rawn chet rual chuan ka kâ ațang ka thawchhuak ta ham ham mai! Zothana pawh a bang biklo, a kekawr chhan vek si leh ka panty hak chhan vek si ah chuan a rawn nawr si na zual a! Ka mawngah rawn dawm leh in ka taksa zawk chu a chet kual tir pah a! Ka taksa hi a za chhuak nghal chuaih mai! A hrawl bawk a, a nuam tihna tur ang tawk chuan ka taksa chu a chetkual tir ta zel a.. a chang in amah zawk a rawn rum chhuak hawk zel a. Ka tai bawr leh kawchhunglam za kual chuaih chuaih vang chuan ka thawchhuak ve ham ham a! A tak thleng miah lo pawn ka taksa hetiang tak hian a ti danglam thei ţhin a ni!

"Min fawp rawh.." a rawn ti sup a.. a mitmeng a phelh phang a, a chakna vangin a aw a khur ru tel nawk bawk.
"Bawihi.." a rawn tih leh rual chuan ka awm hnaih ve sauh a, a taksa ah ka awm hi a ni ber! A hmui ka sik rual chuan amah zawk in uar lutuk in min fawp zui ta tawn tawn a, a lei a luh thuk tirin min mamawh zia a lantir hreh miah lo bawk.

Khum ah min nghat a, min bawhbet zui hmiah a, ka hmuia fawp ngawng ngawng reng chung in ka awm bawr ațang a kut a chet kual țan a, kawr chhan ah vek chuan ka taksa hnuailam a zut thla a.. ka kawrfual in a khuhna chen ah a kut a tawp a, ka mal te ațang kawrfual chhunglam ah chuan a rawn zen chho a, a kutphah a hrawl in a lum vung vung a.. a awmna chin a hriat tak zet! Ka mal tawp ah a kutțang in a rawn rin kual riak riak a, ka mal lehlam chu zau zet in a nawr zui nghal tawk a! Min fawhna a thlah chhin miah lo bawk! A chetdan reng reng chu a duhthawh hi ani tawp mai! A kut lum in ka panty chhanah ka mal kar a rawn khawih tak ah chuan ka thawchhuak hawk a! Min fawhna a thlah a.. A che dam ruih a, ka tukhum in lukham ka nawr zui ta vak bawk! Awmze nei lutuk in a chet kual a, ka tih ngaihna hrelo chu ka mal ka chip leh chawih zel a, mahse a rawn nawr zau leh vat zel! Panty chhan mahnise ka taksa chhung hi a rawn khur ru dar dar a!
" Min mamawh ve tho em?" Ka hmui ah a rawn fawp zeuh a, ka mal inkarah a kut chet a uar tel sauh vang chuan ka eu ngawng ngawng a, ka taksa chu a sa lum pup pup tawh bawk.. a chet uar lutuk lai chuan a kut a chawl ta thut a.. ka hamhaih lek lek zawk!
"Zawhna ka zawt che.. min mamawh ve tho em?" A rawn ti leh sup a.. ngaihtuahna mumal pawh ka la pu thei lo..ka taksa hmun tin chu a za uaih uaih a.. "Bawihi?" Ka hmai zawnah rawn thaw hak pahin ka panty hak chhungah a zen lut a! A rawn khawih kual leh chiah chu ka â thei mai dawn in ka hria..

"Umm.." ka ti tawp.. ka zep peih lo!
"That's my girl.." sexy zet in ka hmui bulah a rawn phun sup a. A kut a la chhuak a! Khum mawnglam ah tawlhthla in ka mal inkarah a rawn bawk anih chu!
"Zothan.. Engnge i tih dawn..?" Ka ti halh a.. ka mal a rawn nawr tawm chho a! A rawn nui suk a.
"Mawh?" Ka țawng zawh rual chuan a hmui in a rawn nawr a, ka thawk ka hip let nghal zawk mai!
"A nung chung in ka e* dawn che.." a rawn ti anih chu! Ka hmai hi a sa pup a.. a sen nghal vek in ka ring! Ka khelah a rawn vuan tel a.. a dar hlaihlup in ka mal a nawr let tel tlat bawk a.. ka thawchhuak ham ham a, ka panty pawt kau a a hmuiin a rawn nawr rual chuan ka rum chhuak hak a! Ka khel a a kut chu ka zuk vuan zui nghal țawk țawk a! Zothana lah chuan awmze nei zet hian a hmui a rawn chet a.. a l*i a rawn hman tel leh tak ah chuan ka au chhuak țhat a, nuam ti lutuk in ka rum zui ta ham ham bawk! Ani pawh a che uar sauh a..
*Sensor*

Thaw ham ham pah a a rawn inbeng kan rual chuan a kekawr kawng a phelh zui mawlh mawlh a.. ka thluak te hi a la chawmawlh vek maiin ka hria. Ka kawrfual hak chu a rawn nawr tawm chho tawk a.. a nghawng aţang a la chhuak a.. ka kut a phuar khawm miau vang in a laksawn theih loh a.. Engtik laiin nge ka panty kha a phelh ka hrelo! A kawrhak a hlip zui tawk a.. a taksa nalh zet leh thlan chhuak in a ti hnawm deuh hlap chu nalh tak hi ani tawp mai!

Ka lu zawn ah a rawn inbeng khalh a, a kut lehlamin ka mal a nawr zau leh sauh a. Ka taksa chhungah rawn lut turin a in siam rem a, a mipa*na khawng vek tawh chuan ka mal inkar vel chu a rawn n*wr kual leh nawk nawk phawt a! Ka taksa danglam nasa lutuk chu ka thawk a chham zo dawnin ka hria.

" A tawpna ber i ni dawn bawk ka tih kha.." ka hmui ah a rawn fawp zauh a.." Ka hmangaih lutuk bawk che.." a ti leh sup a.. a mitmeng sexy zet chu ka en a.. a thusawi kha pakhatmah ka ringhlel lo.. A rawn nawr lut riai riai a.. Zothana zawk rawn thawchhuak ham ham chu ka en a, a hmai a sen ţalh a.. a hrawk ah thisenzam a lang val kulh mai bawk!

Ka taksa chhungah a rawn luh fel meuh chuan ka thaw hawk a! Ka hmui ah a rawn fawp leh vang vang phawt a! Duhthawh lutuk a a rawn chet zawm leh tak ah chuan ka thiam ang tawk in ka lo pui ve a.. ka zeplo.. min hmangaih ngawih ngawih tu mipa hi ka engkim hlan let ve duhna in ka khat a, a tawp ah phei chuan Zothana chu a rum ri ta hawk hawk a! A taksa hrawl zet chung ah chuan ka bawk ta thlap a.. Min leh thal in kan taksa inzawm reng chung chuan min fawp zui ta mial mial a.. A in la hrang hlek a.. a hmel ah lungawi hluah hluahna rawn lang chhuak chu mi â ber pawh in an hmu thiam ang..
"Jayden nau tur kan siam vat a ngai ani.." ti sup pahin a in la hrang a, ka mu kawm zui ta chai chai a.. " Ka tina che em?" Ka chhip ah a hmuiin a rawn nawr vang vang a. Kan che uar bawk a chau tak ka ni mai!

"Aih.. mahse ka chau.." ka ti a.. A nui ri suk a.. khum a puan pan te chuan ka taksa a rawn khuh a.
" Ka tan i hlut zia i pawm thiam tawh e.. tu hmeichhia nen mah in khaikhin tawh suh.. Anni nena khaikhin phak pawh i nilo.. i danglam a.. ka hmeichhe hmangaih i ni bawk.." ti sup pahin a awmah min kuah bet a.. a taksa chung lam khuh tu awm lo ah chuan ka fawp zauh a.. a thaw zui nghal ham ham a.

"Ka la duhtawk mai dawn lo in ka hria.." a nui suk a chu a aw ri erawh a thutak hle thung!
"Ka kut phuar hi i phelh phawt chuan.." cho zet hian ka ti let a.. ka hmai zawnah a rawn kun hniam ta vat bawk." Ka phelh ang.. chuan.. thil dang pawh.." sexy zet a min en pah chuan a rawn ti sup a.. Ka â thei takngial dawn!
Sex hi a pawimawh ber lo ti ţhin awm mahse puitling chin tawh ah hi chuan a pawimawh na chen a lo awm ve a, hmangaihna a pawimawh ang bawk hian puitling inkarah chuan sex hi a pawimawh ve tho!


☆☆☆☆
Ni zung in pindan a rawn chhun eng raih a.. Ka hnunglam aţang Zothana'n ka dul zawnah min kuah bet tlat a, a ban a rih tham nulh vang hian mit ka men hi chuan ka hre zui nghal vat zel.
A ban chu dimte in ka khawih a!

"Min kalsan suh ka tih kha..!" Tho phang aw zet in ka hnunglam ațang a rawn ti anih chu!
Ka thaw halh a. Kalsan ka tum reng reng lo.
Ka zangthal rual chuan Zothana chu ka en vat a, mut a kham lo tih hriat zet hian dark circle a nei kual raih a.

"Khawiah mah ka kal dawnlo.. ka ti harh che ami?" Ka ti sep a. A nghawng hnuaiah ka kut ka zen lut a, ka taksa hnaih ah ka hnuk ve salh a.. Ka hnuk che zo lo lutuk chu amah zawk a rawn nui suk a. Ka darah a lu a rawn nghat a, ka kawrchhungah a kut a zen lut nghal zat bawk!

"Nizan i rawn let lai ka hre miah lo.." ka ti sep a.. bra ka ha lo a, a kut thlenna chin chu a mur ar ar reng a, ka hnute a kut hlang in a rawn khawih kual a, a sam ah ka țham zui salh bawk.

"Dar 2 pelh ah.." a ti sup a. Rum hawk pahin a inbeng kang a, ka kawr chu a pawt kau a, ka kawr ka ti a chu ama shirt hi ani zawk mah.. a chungah a lu a rawn rawlh lut ve anih chu!
"Zothan.." ka ti țhat a.. a biang hmulin ka taksa nem lai a nawr kual dan dan a.. a tawp ah ka hnute hmur a rawn hmuam a! A h*e zui ngawng ngawng hi ni mai!

Pawnlam ațang kawngkhar a rawn rik dawt dawt rual chuan ka kawr hak chhung aţang chuan a rawn rum chhuak hawk a! Ka lo nui hawk thung!

"Apa..!"
"Yes.. I'm coming.." Jayden chhang lawng lawng pah chuan thawk a la zui hawk a. A in thunun tum hmel landan buai ru zet hi pa ka ti tlat zel.

Kawngkhar lam a pan a. Nizan khan Nu Liani leh Mami bulah a riak ve daih a.. Zothana lah kan thlenna ah vek hian meeting neiin zing lam dar 2 thleng hna a thawk bawk a.
"... Say good morning to mamma.."
"Mum; Good morning.."
"Jay.. Morning le.. i mutui em?" Ka ti a. A bu ve lap a, a chappal bun lai a tlawh phelh a khum ah a rawn lawn kai ve ta tharh a.

Zothana pawh a laptop in connect lai chu phawiin khumah a rawn lawn kai pui a.. A sawi dan chuan Ngopa a rawn panna ah khan a car a chhia a, kawng lakah a rawn kalsan tawp hi ani awm a.. Bungrua engmah keng lo in he lai hmun kan thleng thla leh tawp a, Heng a laptop ho pawh hi heta a lei thar vek anih hmel..

"Mamma.. hetah hian ka nanau tur kha a awm tiraw?" Jayden chuan ka dul rawn khawih pah chuan a rawn ti anih chu..

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)