TE DOY 15K BY Abbra Reo Ririni Khiangte (Pitartei) (Completed)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

TE DOY 15K BY Abbra Reo Ririni Khiangte (Pitartei) (Completed)

Unread post by Ngaia » March 18th, 2018, 3:52 pm

🔥TE DOY 15K🔥
Chapter 1
By
☆Abbra Reo Ririni Khiangte (Pitartei)☆

A story tak hi khawiahmah copy phal a ni lo a, in whatsapp Group ah in post ve duh anih chuan a link hi share ula, a story erawh chu hetah chhiar tir rawh u whatsapp ah copy daih lo a, a link atanga an chhiar hian a story ziak tu ten hlawh an nei zel thin a, in copy chuan a ziaktute hlawh ru tihna in ni. A link share hi chu phal vek a ni e.
A link share dan: https://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
www.storyfb.com


Mut la chhuak zet in mit ka meng a,Room parda zar chhah mup vang chuan ni chhuak pawh a hmuh theih loh.Mit ka'n chhing leh vang vang phawt a,Ka hnung lam aţang ka taksa nghet tak a rawn kuah bet tu ban chu ka vuan pah bawk.

"Morning.."Rawn che ţual ţual in a hmaiin ka nghawngah a rawn nawr a,Zing kar khawvawt tak chuan ka pasal laka ka feeling neih chu a hliah khuh zo lo kher mai!

"Ka ti harh che mi?" Zawi sep a phun in ka che a,Ka mut dan chu siam rem in a zangthal zawngin ka mu a,A ban hrawlpui chu ka dulah rawn nghat in ka taksa zahve chung deuh si ah a rawn bawk kai a,A sam thur siang leh nem thep si chu ka ţham uan sak a,A rum zui nghut bawk.
.

"Tho ang.."

"Reilo te.."Ka kawr hak chhungah kut a zen lut nghal zat! Ka nak nem ah tawp in a chul kual hauh hauh a!Hei hi kan zingtin dan nimahse ngai a neih a,Hne tih ka nei ngailo,Ka pasal in min mamawh hun apiang hian ka lo in peih ve nghal vat zel!

"Junior-a a tlai palh ang.."Fiam pah in ka nghawng a hmai rawn phum tu tukhumsam ah chuan ka'n ţham lui salh a.Ani erawh a tawp mai mai tawh dawn lo tih hriat lutuk in a che zawm a!

Ka kawr chhunga a kut chu rawn chet leh in a kut hlang in ka hnute a rawn ţham nghal tawn tawn a,Kan inneih tirh te aţang khum mutna ah kawrhnuai hak a phal ngailo,A ta ka nih zia khawi hmunah pawh lantir a hreh lo a,Ka pasal ani a,Dan ka tum ngai bawk hek lo.

Ka mal a nawr kau a,a inkarah rawn inzep lut in ka lu zawnah a ban a rawn nem a,A hmai fang bial lam mah leh vun uk deuh kharh tisa chakna vanga sen ţalh ţalh mai chu nui hak chung in ka ban a,Na deuh hlek hian ka mal inkar chu a rawn nawr zui zat! Chiang lutuk in a mipatna chu ka feel thei a!Ka che ve phat a,Inbengkang in a cotton shirt hak lai chu ka hlip nghal nawk nawk a,kan sirah ka thehthla hlawm zui tawp,Khum ka deh leh rual chuan ka kekawr hak a pawt hlip thla tawk a,a kut lum vung vung in ka mal inkar a rawn khawih leh tak ah chuan lukham ţham in ka thaw halh a! Min hrechiang a,Kei aiin kum 5 laiin a upa bawk,keinen kan inneih hma pawh in hmeichhe mi ve tak ani a,Kan inneih hnuah erawh kei leh kan fapa tan chiah a awm tawh thung!

Ka panty hak a hlih thlak leh rual chuan lo puiin a malpui vel ah ka lo chul kual ve ruai a sweatpants hak chu hlip thla vek lo in a mal ah a hnawl tawm thla tawp,Ka kut a rawn ban a,A taksa min khawih tir leh rual chuan zauthauna nasa lutuk in min tuam hlup hlup ani ber tawh!

Zau leh zual in ka mal a rawn nawr a,Ka dul aţang rawn zut chho dan dan in ka kawr hak chu ka awmah a nawr tawm chho vek a,Chumi ruala a rum ri hawk te chuan min ti phur lutuk tih piah lam ani e..

A duhtawk a ka taksa a khawih kual hnuah ka taksa chhunga rawn luh tum in a insiam rem a,Ka taksa nem lai vel chu zei lutuk in a mipatna ruh ţul chuan a rawn nawr kual nawk nawk a,ţek in a man ang mai hian ka sa pup a,Ka taksa chhung thleng in a za uai uai thei! Ka thawk pawh a rang tawh kher mai!

"Ka dim dawn miah lo che ania.."Tisa chakna vanga a aw ro halh mai chu nuih let in ka taksa chuan ka hnaih ve sauh a!

"Ka khawvel i ni tih i hria em?" Zawi sup a rawn phun in ka taksa a rawn bawh bet a,A zak hnuaiah zen lut in a taksa thau chuangliam awm miah lo chu nghet zet in ka kuah bet a,a taksa sa huam huam leh ka taksa ngialngan lutuk a indeh zawng te chuan chhunglam aţang amah mamawhna sang tak hian min nawr a ni ber tawh,Ka tha khur dar dar te chu a tan thil danglam a ni tawh lo..Min mamawh ang bawk in ka mamawh ve reng a,Kum 4 kan innei tawh a,Ka taksa a hrechiang lutuk mah mah bawk.

Ka taksa chhungah a rawn luh hma chuan ka kut bawk in ama taksa chu min khawihtir leh a,a kut in a rawn vawn hnan a,a rawn ti che nghal zawt zawt a,A tawp lamah nui chhuak hawk in min si leh nghal chat bawk!Dim tak si hian a rawn nawr lut a,Nghet leh zual in ka kuah bet a,Dimte in a phawi chhuak leh a,A rum zui nghal hawk bawk.

"I inring em?" Chimawm zet a rawn ţhen sak in ka hmui bul chet ah a phun sup a.Ka nur nang a hmuh rual chuan a ri a nui chhuak hawk in ka khelah a rawn vuan a,Ka taksa zawk in a zawm hmasak takah chuan lukham chu ka nawr let nghal nghek! Amah pawh chu thaw chhuak ham ham in a chawl a,Ka kawchhunga a taksa awmna chen chu a hriat tak zet!

Duhthawh lutuk in chunglam a ţang a rawn che a,A taksa lianpui leh tihrawl che kual vel chuan phurna min pe ve zel a,Ka ban pahnih rawn man kawp in ka lu chungah a rawn nawr bet zui nghal hmaih bawk,A khabe ruh kual in ka awmbawr a rawn nul kual ruai reng bawk...Ka taksa chhung a a taksa peng pakhat zei lutuk a chet kual tir chu vawikhat pawh a tawp chhin miah lo bawk!

A rawn rum chhuah hawk hawk rual in ka taksa chhung a lum nghal pup a,A aia duhthawh a a rawn chet leh meuh chuan lukham na zet a nawr chung in ka ţe chhuak ţhawt a!

Reilote hnuah ka taksa ah a rawn bawk thla hmawk a,A thawk lak pah chuan na lek lek in hnuailam aţang a rawn nawr leh zawt zawt a.

"Ka hne thei ngailo ang che.." Khur hnawk țuak a rawn rum chhuah leh rual chuan a vawrtawp a thleng tih hriat zet in a taksa a rawn khur a,Ka kuah bet a,Ka chal a a chal a rawn nghah leh tak ah chuan dim zet in ka lo fawp a,Mit a chhing a,Chil a lem leh khawlh khawlh ţhin te chu hmuhnawm ti zet hian ka en reng a,Thlan vang in a taksa dang chu a hnawm hlap a,Keipawh ka bang bik lo.

"Ka phawi dawn em?"

Ka ner khum nghek! A kut chu kan pahnih taksa insi chet karah a zen lut a,A inlak hran hma chuan ka taksa a nawmna lai tak chu uar lutuk in a rawn nuai zui leh nawk nawk a,ka tai bawr hi a rawn puak darh mai dawn maw ka ti a!Ka tal kual vel leh nuam ti hmel a hmuh rual chuan a nui zui suk anih chu!

"I va han chimawm thiam tak!"

Ka thaw ham ham thei! Ka lungphu te chuan ka taksa a nghawr nghing dawt dawt maiin ka hria a!

Muang tak si leh ka feel dan hre duh ang hrim a a phawi chhuah lai chuan a khel ah ka lo chelh ve ţang ţang a.Ka pasal ani a,Ka lak a chet dan ah sawiselna tur ka nei ngai lo.Engkim amah aţang ka zir a,Bul ţan hmasak zawk hial chang lah ka nei ve ţhin!

"Happy New Year.."Khum ah min bawh bet leh in dim tak in min fawp zui nghal mial mial bawk!

Shower tura ka tho chhuak chu min umzui a tum vang in ka taksa a engmah inbel lo in washroom lam ah ka tlan nghal chawn chawn a.

"Pathian lehhh..kha ti mai khan ka tawp ring suh aw.."

Kawngkhar ka nem phui hma in a rawn inzep lut hman! Ngeiawm zet hian ka melh kual a,Ka kawngah a rawn man bet leh a..Kan tawpna tur chu ka hria! Ka dul zawnah min rawn do run tu vang chuan fiam pah in tal chhuah leh ka tum a,Ani erawh a sawi ang tak tak in tawp a tum lo!

"Papa.."Kan nupa room aţang kan chhuak fel chiah,Kan fapa kum 3 mi chu amah enkawl tu nu lak a ţang rawn tal hrang in a rawn tlan tarh tarh a.A sam dum hlap leh mit bial kiau ah chuan a pa fa anih zia a hai theih loh reng reng!

"Hey..Junior Good Morning.."

"Happy New Year."A pa in a pawm san vang in dingdihlip in a biang ah ka fawp zeuh a.

"Mum bulah Happy New Year ti ve rawh le..!" Apa in ka hmai zawn ah rawn pawm hniam a a tih ve tak ah chuan fiah kim lo zet hian a rawn ţawng a,An pafa chuan ka kuah nghal chial bawk.Hei hi kan nun ani a,Nupa dang ka awt chhin ngai lo bawk.

An pafa zing tho infiam chu kalsan in inhnuai lam ah eitur siam turin ka chhuk thla nghal a,Khaw dul deuh ruih vang chuan ka hnar a pik ţuk thei!

Ka sam huh towel a ka tuamna chu nghet leh zual in ka vet kual a,Kumthar ni a ni a,Chhungkua a inkhawm tum in nizan aţang kan inbuatsaih tawh.

Keihi Zodinpuii ka nia,ka hmelhriat tam zawk hi chuan Didin tiin min ko mai ţhin,mahse ka pasal hi chuan Puite ti a min koh a ching a,Midang min koh dan nen dang viau mahse nuam ka ti thlat zel..Oh..Ka pasal chiah nilo Orphan House a ka awmpui ţhin ka u leh ka ţhiantha tak ni ţhin Zothana pawh khan Puite tiin min ko ve ţhin.

Zothana ka ngaihtuah chhuah tak ah chuan ka thaw chhuak halh a,Nu leh pa nei tawh lo ka nih ang bawk in ka chhungte tumah ka hrelo,Orphan's home kha ka in a nia,a chhunga cheng te kha ka unaute,Min enkawl tu tupawh kha ka nu leh pa te an ni mai!

Zothana chu kei ai a kum10 zet a upa ani a,Ka hriat theih chin a ţang amah nen kan inzui reng a,Unau piang hmun ang maiin kan awm a,ka tlu a,Ka intihnat chang in min pua a,Ka damloh chang in orphan enkawl tute min enkawl pawh phallo in ka bulah a awm tlat a,Thil awh ka neih reng reng in inhlawh in chu ka thilawh chu min lei sak ţhin.

Kei aiin a upa a,a fing in a zaidam em em bawk,Home enkawl tu te pawh in a thurawn an la hreh lo a,Amah kha a rualpui ah chuan a rilru a puitling em em reng a,'Kan pa' Home neitu pa ber pawh khan Zothana kha chu a duhsak em em reng ţhin,Inzir peih mi leh mi tumruh tak anih vang khan naupang dang ho bulah Zothana hi entawn a,Hun khawhral mai mai lo a,Lehkha zir ţha tur te khan min fuih hial ţhin!Kei chiah nilo hnuchham in a awm ve dang ngainat a hlawh em em a,Mahse hmeichhia kei lo ngaihsak deuh a neih chang chuan ka tihtauh khum a,Chaw ei loh te kha ka chin phah a,Nu leh pa hmangaihna dawng phak lo ka nih vang a ni ber ang chu Zothana min duatna leh min enkawlna vang khan a lakah ka pangchang in ka intitatu thei em em reng a,A nun ah a hmasa ber ka ni hial in ka hre ţhin,Zan tam a bulah ka riak a,Nau en tak meuh meuh leh keh thei dawm a min dawm vang in pangchan chintawk ka hre ngailo a,A laka ka rilru nat ţhinna leh vui ţhinna te kha tun hnua ka ngaihtuah let hian te tham ka tiin ka lo naupang chhia ţhin ngawt mai tiin ka ngaihtuah let fo ţhin.

Mahse kum 13 ka nih khum in ani chu mihausa lutuk chhungkua in an rawn la ta daih a,A rang teh thut lutuk bawk si nen khan ka â vek ni maiin ka hria,A rawn la tute kha Mizoram ah an awm ngailo a,Delhi leh a chhehvel ah chhungkaw sumdawnna neiin an inbengbel hneh hle bawk.

Ka tlai school bang kha a thuamhnaw dahna bag nen a rawn in ak chhuak a,Fa a la tu turte chuan gypsy sen duk in Gate bulah an lo nghak reng tawh bawk.

A kalna tur ka zawt a,Chhungkaw dang in fa atan an la dawn tih a sawi a,Ka ţap vak ringawt a,Ka u ani a,chhungkaw thar a nei tur chu lawmpui viau tur ka nih laiin ka thei tlat lo anih chu!

"Puite,Ka hausak hunah ka rawn let leh anga,He mi hmun a awm tawh lo in ka bulah ka awm tir dawn che alawm.."Tiin min thlem a,Keilah ka ţah chhuak a zual tulh tulh a,Nu leh pa hmangaihna hrethiam lo nimahila ani ka unaupa hmangaihna kha chu ka hrethiam a,Ka thlahlel em em ţhin bawk.

"Ka bulah i awm char char thei lo a mi..I awmloh hunah ka damloh chuan tu in nge min enkawl ang..!" Ţap hlawp hlawp chung in a bag hruiah ka vuan bet tlat a.A tihngaihna hrelo leh min lainat lutuk tih hriat zet a min en na te kha tun thleng hian ka la theihnghilh theilo.

"Hriatthiam tum la..Doctor thiam lutuk ni tur chuan zirna ţha ka mamawh tih i hriat kha,Ka theihtawp a nasa in ka inzir a nga,Ka hlawhtlin veleh ka bula awm turin ka rawn hruai ang che...ka tan mai a ti ka nilo kan pahnih tan a lawm ka awm hran dawn.."Ka mittui in ka biang a tih huh niai chu a rawn chul a,kha tih lai khan kum 23 a ni tawh a,A fing ka tih tawh kha lehkha a thiam in amah tluk pha an awm ngailo,Doctor nih a surgeon ropui lutuk nih tum in lehkha a zir ţhin a,A chhungkaw thar te chuan a mamawh zawng zawng an pe vek thei ang tih ka hria a,Mahse ka nun aţanga kal chhuak a,A tello a fahrah in~a hun lo hman kha ka duhlo a,Ka hlat a kal tur in ka phallo bet tlat!

"Doctor nilo in ka bulah awm rawh.."
Za vak lo in a nui hak a,A kut phah ka lu ah a rawn nghah tak ah chuan eng ang pawh in chelhbeh tum mahila min kalsan dawn tih ka hria a,Hmanah pawh hmeichhe pakhat nen kan in sual a,Ka thiamloh hmasa zawk ani bawk,Chumi ţum chuan Zothana hian min rawn ţhelh a,kan buaina chhan naupang dang in an lo hrilh a,Ka thiamloh nimahse ka lam a ţang tur in ka la duh fo tho!

Chumi ţum chuan ka insualpui nu bula ngaihdam dil tur in min ti a,naupang dang zawng zawng in min duat bik zia leh min chhan zia an hre vek,Chumi ţum pawh chuan keimah zawk min chhan an ring a,Keipawn ka ring bawk,mahse ngaihdam dil tura min tih tak ah chuan na nei hauh silo in ka ţap ve ta vak a!A chhan chu ka u,Ka pangchang ngawih ngawihna ţhin in ka insualpui nu hnenah ngaihdam dil tur in min ti lui miau a lawm le...

Ngaihdam dil duh lo in lei ah ka ţhu tlat a,Ka ţap bai bai reng bawk,ka insualpui nu chu Zothana chuan ka ai awhin ngaihdam a dil thlap a,Mutna lama let tur in a hrilh a,Ka bulah a rawn ţhut hniam ve rual chuan a ban ah ka lo ham sak nghal nawk nawk a,Min hau tawh lo a,Ka awmdan chu ngawi reng in min en tawp a.

Ka hamna na ti ang a lan miau loh avang chuan thinrim zet in ka ding chhuak a,A rawn ding ve vat a,ka kalsan tur chu min nam bet a,Ţap chung in ka hau char char,A tihngaihna hrelo in min kuah bet a,chuti chung pawh chuan a kawr hnunglam ah ka pawt vak vak a.

"Ngaihdam dil ang che.."

"Aih ka duhlo..keimah aiin kha nu kha i duat zawk a.."

"Anilo..I thiam lo alawm..i thiamna chu nise kha nu kha ka hnek ang.."

"Mahse ngaihdam dil tur in min ti a lawm..I chhan zawk.."

"Anilo..Min en rawh le.."A ti a,Min thlah a,Chumi ţum chuan kum7 mi ka ni ve tawh,amah chu kum17 a ni tawh thung.

"Ka duat ber che,Ka hmangaih lutuk bawk che,mahse tunah kha chuan thiamlo zawk i ni a,Nono-i kha ngaihdam va dil rawh.."Dam deuh si hian a ti a.Ka ner nasa ngang mai!

"Zodinpui ka thu i zawm loh chuan ka duat tawh dawn lo che..Zanin aţang chuan Nono-i zawk zel ka duat tawh ang.."A ki vin lam zet a a rawn tih leh rual chuan ka thiamlohna pawm a hneh in ka ţah a chhuak zual sauh a,Tlan tau in eirawngbawlna lam ah ka tlan chhia a,Ka rilru kha ana ngawih ngawih ni ber in ka hria,Min chhan tlat tu leh ka u bik liau liau in midang a duat tur thu a sawi a! Na deuh deuh in eirawng bawlna mei a thing intuah lai chu ka nawr vak vak a,mei alh hluah hluah te chuan min ur sa vek tawh.

"Puite!" Ka ţhu ngawi ngal.

"Vawi in khan ka inhlawh a,Barbie leina tur ka nei ania.."ka hawi chhuak duh chuang lo a,Ka hnungah a rawn ţhu a,A ban in min rawn kuah a,A taksa min nghen tir leh a,vawikhat pawh ka ţawng lo.

Mahse dimte a ka lu chunga kut a rawn nghah tak ah chuan mak deuh in ka thiamlohna kha ka pawm thlap,Dak chho ha chung in ka han en a,Min lo nuih var var a.

"Lu chunga kut in nghahsak hi mal insawmna leh thuawih tura in hrilhna anih hi aw..Tunah hian hmeichhe fel tak leh zaidam tak a ţhang chho turin kei i u hian mal ka sawm che a,Chuan.." Phur hmel zer a nui in min kuahna ban pakhat chu a la sawn a,Ka darah vuan in amah hmachhawn turin min din tir leh a.

"Chuan..Thuawih tur in ka duh bawk che.."Nonoi kha kan pahnih in ngaihdam kan va dil ang.."A ti leh a.Ka bu ta nghat nghat min hmuh tak ah chuan ka biangah piai in ka chalah a fawp a,Hei pawh ka tan thil thar ani lo,Tunge ka chhehvel ah awm a,Ani hi tunge tih chhia leh ţha hriatna nen thil ka thlir hran thiam tirh a ţang ka kianga awm reng ţhin ani a,Ka chalah fawp in nghet deuh a min kuah hian nuam ka ti ţhin a,Vanram ah ka awm ka ti fiam hial ţhin.

Ka lu aţang a kut chu a la sawn ruai ruai a! Thuawih rawh min tihna ani bawk!

"I duh chuan kal rawh,Doctor ropui lutuk chu zuk nila,Kei chu min theihnghilh ang che..U..A nau bula awm duh lo neih ka duh biklo.."

"Zodinpui..!" A rawn au tuar a!A aw vin lutuk chu nidang te chu nise rilru nat puiin ka ţap leh tawh ang,mahse tunah kher kher hi chuan min kalsan a tum a,Amah chiah a inngaihtuah ..Ka ngai dawn lutuk tih leh ka neih chhun tak meuh a nih zia pawh in hre duh lo in a tan chiah kal a tum a,Ţah chhuak tur zawng zawng kha thinrimna in a rawn thlak a.A bag hrui ka vawnna chu ka thlah a.Min din hnaih ve leh vat a.Mahse thinrim zet a ka mittui hru hul a hmuh rual chuan a ding leh dat a.

"Kal tawh rawh.." ka aw a ring tawh lo,amah nghak mek tu ten motor horn an rawn ti ri a.Zothana rilru buai tih hriat zet a thawk la hawk te chu ka hrelo der lui ve hmiah.

Kan mutna ţhin lam pan in ka kal nghal nal nal a,Ka rindan chuan min rawn um anga,Ţum dang a inhlawh tura a kal chhuak ka ngen chang a min hruai ve tur thu a sawi ţhin ang a a rawn sawi leh mai ka ring a,Mahse ka mut na ţhin ka thlen thleng in min rawn zui lo a,Khum ah ka bag theh kaiin ka bawk thlawp a,ka ţap nghal char char bawk.

Kum a vei tam ta bawk e!

Zothana erawh rawn let tih a nei thei lo a,Keipawh university ka zawh hnu lawk ah pasal neiin chhungkua kan din ve hial tawh a,Ka pasal hi Zico Lalremsiama a ni a,Zarkawt mihausa chhungkua aţang seilian ani bawk,Tunah hian an chhungkaw sumdawnna branch pakhat chu chang in a enkawl zawm a,Kan inneih hma a ţang in hran nei anih vang in inpui ah ka lawi lut lo hrim hrim,Hnuchham in aţang a seilian ka nihna kha an chhungkaw tan a pawi tham lo a,Min hmuh hniam phah lo a,Sumdawng chhungkua an nih vang in a chhungte lam nen kan inhmu tam em em lo bawk,kan inhmuh tlem lutuk vang zawk nge min sawiselna lam an sawi ri ka hre ngailo a,Kan in enliam tawp hlawm hi a ni ber mai! Zico hian college ka kal tawp lam aţang min be ţan a,A tir chuan ka ngaihsak em em lo,Tlangval hausa leh chhelo duh duh thing thei anih miau vang khan keipawh a infiamna pakhat ang lek a min hman ka hlau a,Rilru pek ka tum chhin ngailo.


Model chhelo tak nen an in zui reng lai te khan min biak a ţhulh ngailo a,A chang phei chuan kan home ah rawn kal a,Haw duh miah loh chang kha a nei ţhin a,Min duat em em reng a,Mahse hmeichhe dang a kawp tel reng tho!


University ka zir kum hnihna ah in ngaizawng ang chuan kan awm ta chauh a,Mak tak maiin a laka rilru ka pek ve aţang chuan hmeichhe dang a kawp thu hriat tur a awm tawh lo a,keipawn amah ah rinna ka nghat ve tial tial bawk.

Tlangval hrisel țha,Hmeichhia bikah tawn hriat ngah tawh nangang chu hnar harsa tih chang ka nei ta fo a,A zei zia chu sawi ngaihna a awm lo zawk! Vawi tam ngaihtuahna fim pu thei miah lo in min siam a,Saruak vek a min phelh ruah chang lah a ngah! Mahse nupa kan nih hma khan sex vawikhat pawh kan hmang lo,Mak deuh in sex hman kha a rem ngai miah lo a,Kan inneih zanah erawh a puitlin theih lo tak zawng zawng kha insumna tello in a puitlin vek!


"Rilru natnan hmang lo la,Hmeichhia ka mutpui dawn a piang a remlohna awm chhun i ni..Saruak ngal ngata khum a i mu chung pawn a tawp ka thlenpui thei ngailo che a..Mahse zanin hi chuan Vanram kawngkhar veng tu pawh he room chhungah hian rawn awm ve mahse ka ta i nihzia ka lan tir tho ang.."Tiin kan inneih zan khan a sawi a.


Huat ah ka la hran lo,A chhan chu mihausa chhungkua an nih mai bak ah amah a pa lian in a chhelo a,Amah in be hmasa lo mahse hmeichhia zawk in an be hmasa ve reng ţhin tih te kha chu college kan kal lai te khan an sawi nasa,Ka rualpui hmeichhia in an atchilh em em a,chung hmeichhe tam tak atchilh chuan min duh ta tlat a,Tunah phei chuan nupa hial niin bul kan ţan ta der a! Ka tan pasal satliah mai nilo in min enkawl na ah sawisel tur ka hrelo a,Kan fapa tan lah pa ţha tak ani a,A nunah kan nufa in min dah pawimawh em em reng ţhin!


"Babe.." Hnunglam aţang aw ri ka hriat rual in ka phu zawk a,A taksa in min rawn si zawm nghal der bawk.


"Eng nge i lo ngaihtuah a?" Ka bathrobe hak nghawng a rawn pawt kau deuh a,A hmuiin a rawn nawr leh a.

"Thil tam deuh.."A nui zui hawka.

"Junior khan thil ei a duh tih a sawi a..!" A rawn ti leh sup,Thawk la in Horlicks bawm chu ka ban rak rak a.

"Inkhawm ban ah ka nute in lamah phei kan ngaih kha aw."ka ti a,Min kuahna chu phelh in chair a pawt chhuak a.

"Ni dawn tak..Tlai chaw ei kan ngai tak e.."Ti sup in Dining table ah chuan a phone chu a tuai vir a.

"Rachel pawh in Junior-a hmuh a chak thu a rawn sawi nasa mai.."

"Nia..kan phei dawn nia,Chumi hma chu hna khawih zawhloh ka nei a ka'n en leh lawk ang.."A ti a,A țhutna ațang a ding hluai a.

"Inkhawm kan ngaih kha aw...I lo nghet leh tlut ange.."Ka ti zui hlak,Diktak chuan kohhran kan bel lutuk nupa lo,Junior vang in kei erawh chawlhni tin ka inkhawm a,Zico hi chuan in lamah hna a lo thawk ţhin,Mahni a company nei a ni a,A thawhrim leh atan vek a ni a,Hna a thawk nasa in a hna ah kher kher chuan a unau te ngei pawn el en ah an en tawh lo hial tawh.


Unau mipa pahnih leh hmeichhia pakhat an ni a,Zico u chiah hi Brandon-a ani a,An te ber hmeichhia hi Rachel,Rachel hi chuan Car show room a enkawl a,Brandon leh Zico hian sumdawnna enkawl in an in tlansiak hi ani ber!


A office lam pan a kal chu ka en zui reng a,A thawhrim mah mah hi ka hlau ţhin,Kawrlum phiar hmapum vek a ha a,Sweatpants a ha leh tawp,Chappal bun lo in mawza lawng a bun a,In lamah hi chuan thatchhe tak a awm hi nuam a ti ve ţhin.

Office a luh hma chuan a phone a ri a,A chhang a,Kawngkhar a khar zui nghal zat a.

"Mama..?"

"Hey..Morning ..Hei lo ei rawh le.." Ka fapa ţawng fiah vak lo,Cute em em bawk si leh a pa ang chiah a hmaifang bial ker mai chu ka pawm kang nawlh a,Breakfast table lam ah kan in pawm phei a.A kut phah chum biang mai chuan ka bathrobe chhung a rawn zen lut a.Heipawh a pa ang chiah.


"Te te khawih lo tur ka tih kha.." Fiam pah a ka tih chuan a kut chu rang zet in a la chhuak a,hauh belh leh duh lo tih hriat zet in a nui zui hak hak a.


Eisiam tu in eirawng kan bawl ţhin na aţang ei a peih tawh thu a rawn sawi tak ah chuan Jayden chu a pa office kawngkhar va tiri turin ka hrilh a,Phur zet hian a ţhutna chair aţang ţum thla tharh in a tlan ve terh terh a,A tluk palh mai ka hlauh vang in a hnung lamah chuan ka umzui ve ta zel tho.

Zico hi amah a awm hrang anih vang in tuna kan in pawh hi a zau hran lo,Mahse a chhunga hmanrua reng reng chu a ber vek a hmang thung,Inchung lamah mut pindan leh theater room kan nei bawk a,Jayden room bik verandah lamah swimming pool kan siam sak bawk,Engineer thiam tak kut chhuak anih vang in kei hi chuan sawiselna tur ka hre bau lo.


"Papa.."Fiah vak lo a apa ko chung chuan kawngkhar chu a nem ve dat dat a,A pa a an zia chu xerox copy an ni tiila a dik ber ang.


Jayden-a'n kawngkhar a nem leh dat rual chuan zimte hian a in hawng a.

"Oh..Papa chuan a lock lo anih hi.."Jayden pawm kan nawlh pah chuan kawngkhar chu ka nem hawng a,A chhung chu parda a inzarphui mup vang in a thim raih a.

"Babe..?"

"Papa.."Ka fapa in ţawngfiah lutuk silo a a auh ve lang lang chuan min ti nui lo thei lo,A awm ah ka hmai in ka nawr sak a,A nui hawk hawk a,A hmui sen no chek chu a kutţang chum biang si chuan a khawih a.

"Papa chu balcony lamah a awm aniang.."

Verandah lam pan pah chuan ka fapa ka chhaih pah reng a,Nu leh Pa hmangaihna ka dawn ve miau loh vang in ka fapa hi ka hmangaih tawk em tih ka hrelo a,Mahse ka theih ang a nasa leh ka taksa chhunglam aţang zawng zawng hian ka hmangaih chuan ka hria a..A nat ka phallo a,Ka mit ah chuan a ţha ber reng bawk.

"Ka nupui leh fapa te nen kan rawn kal ve ang.."Darthlalang kawngkhar nawr tawlh theih tlema lo in nawr kausa aţang pawn lama ka pasal ţawng chu a rawn ri vuai vuai thei.

"Oh..i duhtawk theih chuan ka lawm khawp ang,Chuan buaina ka duh loh zia i hriat kha."zawi sup tak tak in a phun a,Ka rilru put dan dikloh vang nge kei min biakna anga awki hniam leh duat hmel zet a a phun ri chuan min ţham tlat!

"Papa.."Ring leng lawng a Jayden a au tak ah chuan Zico chu a rawn inher vut a,A hmel buai nak chu second 5 pawh tling lo chhung in a pangngai leh der.Kan nufa chuan min rawn nuih suk a,Phone a biak mek pawh chu a buai thu hrilh in a ti tawp a.

Kan nufa dinna lam pan a a rawn kal chu chik zet in ka lo melh reng a,Mahse a hmelah thil diklo pakhatmah a lang lo.

"Chaw ei i la..inkhawm kan tlai mai dawn.."
"Ok..Ka rilţam in ka hria.."Jayden ka kut aţang lak pah chuan ka hmuiah a fawp zauh a,Jayden lo nui hawk hawk chu sep kang lawp in a fiam zui a.

A office bik chhuahsan pah a an pafa infiam pah reng chu ka en zui reng a,Kei hian engthil nge maw ka hriat duh chiah le..Hetiang khawp hian kan nufa in min ngaihsak em em a,Ka pasal rinhleh tum ang hrim a ka awm chu mak ka ti letling zawk.

Darthlalang kawngkhar chu ka pawtphui a,Office aţang ka chhuah ve rual chuan Bean bag chung a an pafa inbuan kual vel chu ka hmu hmasa ber.

Ei siamtu in dawhkan ah engkim a lo peih fel vek tawh a.

"Babe...Zanin ah ka ţhianten party an buatsaih dawn a,Kan chhungkua hian kan tel ve lawk dawn mi?"

"Khawi hmun ah?" Jayden a amah awm tunu in a rawn lak hran tak ah chuan a rawn ding chhuak vut a.
"Falkland lam ah ania."Ka darah a rawn kuah a,Choka lam ah kan inzui a,Ţullo zet in nichina duat hmel zet a lo ţawng kha ka hrechhuak zawk bawk.

"Tu party nge?"

"Lisa." a ti liam puat a,Lisa tih hming pu a ţhian te ah ka la hre ve miah lo.

"Oh..A hming chu ka vawikhat hriatna.."

"Nia..i hrelo ang,Phaiah doctor zir in a awm char char a,A rawn chhuak chho ve chiah.."min en lo in Table a salad bowl chu a ban a,Ngaihţhat loh rukna ka neih tel tlat pawh chu ka hrethiam lo.

"Kan kal dawn nia..Jayden pawn nuam a lo ti phian maithei a sin."Ka ti a.A bu nghut a,A awmdan a danglam lo a,Bialnu nei nise chuan keini a nupui leh a fapa te tello a kal dan a ngaihtuah ngei ang tiin ka inhrilh a,Thawk leh khata rinhlelhna ka pu ta ngawt chu nep ka in ti ru hle bawk.

Chhun ah kan inkhawm a,Tlai lamah Zico te inpui lamah kan phei nghal a,Jayden an lo hmuh rual chuan ka nu leh pa kum upa tawh lam te pawh chu an lo ri ve hlut a,Jayden hi tu hmasa ber ani a,U Brandon pawh in nupui a nei tawh a chu fa an nei har a,Nikum khan hmeichhe duhawm zet an nei a,Ani chu a la nau deuh vang hian an pawm kual lawp lawp thei rih lo a,U Brandon pawh hian Jayden hi a chhaih rak ve tung zel.

Chaw ei kham rual in Zico phone bawk a ri leh a,A pa nen an ti ti mawlh mawlh chu chhuanlam siam in a tho chhuak a,Inhnuai lam room ruak lam pan a kal nul nul chu ka enzui reng a.

"Zanin party ah khan in kal ve dawn em?" Rachel in a rawn tih chuan ka en deuh hû a! Engtin nge a hriat ve theih.

"Kal ang ka ring,I u khan a sawi a.."

"Ni dawn tak Lisa khan a rawn bia ang chu..Keipawh ka kal dawn a.."a ti a.Mak ka ti telh telh.

"Chel..Lisa hi ka lo hre ve miah lo a.."Pangngai taka lan tum chuan ka nui lui hak a.A phone hmeh lai chu a mal chungah dah thla in min melh ralh a.Rachel nen hian inpawh tak ti a sawi tur kan nilo,hmeichhe awm chhun ani a,Jayden chanchin zawt a min rawn biak vel loh chu kan inbe tam lem lo.

"Lisa chu Zico ţhian hi a nia..Hmanah Phai ah lehkha an zir ho ţhin,Tun ţum doctor result chhuak ah khan a tling ve a,Kan veng ah hian an awm ve a lawm.."
"Anih chu.."Ka ti sep a.

Zico phone hmang zo a rawn luh ve leh tawh vang chuan engmah zawh belhna hman a awm tawh lo.

"Babe,Kan let tawh mai dawn mi?" Ka kutah a rawn hum a,Amah ah danglam hmuh phet tum hian ka melh ngar a,Mahse engmah hmuh tur a awm lo.

"Jayden kha room lamah Brad in ala a.."Ka ti a.A bu nghut a.
"Ka han hruai ang,Nu, Pa kan phei mai ang,Zanin ah kal chhuah leh kan tum sia,Junior hi reilote mu lehlawk se ka duh."a ti nghut a,A pa len ang bawk in a awri a nghet churh a,A fapa a dah hmasak ber na pawh a la ngai reng.

Inchung lam pan in a kal a,Ka pa pawh a thisen sang a chhuah zeuh zeuh vang in zanin tlai chu a lang chau ve reuh hle bawk.

"Pa,Damdawi i ei ţha em?"

"Ei ţhat loh ngam pawh anilo,I nu hi...!" A ti hlut a,Kan nui ho dar dar a,Ka nu pawn damdawi a pek ţhat thu a lo sawi ve vat a.

Rachel chuan zanin a thuamhnaw hak tur thlalak ho chu min hmuh kual zat zat a,a bei man to leh hlawm bawk e!Chutia a thlalak ho min entir karah chuan mipa pakhat thlalak a rawn lang zawk a,Mak takin ka taksa chhunglam ah hian danglam a rawn awm a,A chhan ka hrelo,Phone screen a mipa hmel nem duam silo,Sang ţha tak leh taksa inphut mawi zet ding pa kha hriat tawhna neiin ka in hre tlat a!

"Oh..Mithar kan nei dawn ni maw?" Rachel beng bulah ka phun sep,A thaw halh a,Nui rah chung in thlalak dang a rawn ti lang leh a.Ka taksa chhunglam hian hriat tawhna ka nei tlat in min rawn hrilh a!

"A chhelo tiraw?" A ti a,Chik leh zualin ka en a,Tunge anih ka hrelo,Mahse ka thinlung hian he mipa hi a hnaih viau tawh a hriatna ka nei tel tlat!

"Chhiat loh hi...!"

"Lisa u a nih hi.."a ti a,Ka melh zawk a,Ani erawh chuan duh hluah hluah tih hriat lutuk in a phone a mipa thlalak chu a melh a,A inthuam dan simple zet chuan a taksa landan tur a pho lang hneh khawp mai.

'Lisa u lo hriat ve ngawt thu awm lo!'

"Junior hi a chau reuh sia,In ah kan lo awm mai dawn mi?" Zico intleuh zo washroom aţang rawn chhuak chu ka melh zauh a,Towel var a veng a,A sam buk lam mah huh chu a hru pah mawlh mawlh a.

"A chau viau ami?" A ti sup,Jayden muhil thaw sak sak chu a kut in a rawn tawk zui zauh a.

"Tih harh leh kha a buaithlak mai mai,In ah kan lo awm ang.."Ka ti a,Tunah zan dar 9:30p.m a ni tawh a,Naupang muhil lai kaihthawh a party na hmun pan leh chu a naupawm hna lo in ka hre ve tlat.

"Keipawh ka kal lo mai ang.."a ti deuh hmuk a,Ka melh chho nghal hawk bawk,Thaw hawk chung in khum tlang ah a rawn ţhu thla a,A sam hrukna towel chu suk tur bawm ah a vawm lut leh a.

"Nang chu kal rawh.."

"Ka chak lo e.."Ngeiawm lek lek a ţhen suk in a tho chhuak vut a.A thuamhnaw bawm bik a nawr hawng a,A fapa tih harh hlau viau lo se chuan a thawm a ring khawp ang,Polar kawrbantluan a la chhuak a,A inthawlh mawlh mawlh a,Sweatpants a la chhuak leh a,Min ngaihven miah lo hian a inthawlh sawk sawk a,Bathroom luhna bula a phone charge lai chu a phawi a,Room ațang a kal chhuak chu che lo hian ka en reng a! Kawngkhar a pawhphui rual in phone a hmang thawm in a zui nghal zat bawk.

Sawm pakhat ah pawh a la rawn lut lo a,Jayden muhil thaw sak sak chu ka kuah bet a,Jayden pawh hi kan bulah a mu lutuk lo a,Zico duhdan anih vang in a mutthilh hnuah room hranah kan sawn leh mai ţhin,a puitlin zawk nan a ţul a ti ţhin a,Ka hnial ngai em em lo,Diktak chuan fahrah inah dimdawi der der lo a seilian ka ni a,Kan fapa pawh hi mahni inenkawl zo tak ni tur in ka duh a,A pa pawh in chu chu a duhdan ani ve chiah in ka hria.


Khawthlang lam ho te hi nausen te an nih lai aţang an mut hran tir a,Nu leh pa in an hmangaih lo tihna nilo in nu leh pa bel leh lutuk a an awm kha chuan anmahni ah zuauna leh chhel tak tak theihlohna an ţhanlen pui ve zel a,Khawthlang lam pang ho khu chu an fa enkawl dan ah zalen tak ang a lang siin an strick ru phian a, Naupang te hian tv show na zawng hi an en ve miah lo bawk,Kum bithliah te te in an ţhen hrang a,Kum 18 an tlin thleng hian an nu leh pa te hian an movie en tur thleng in an la thunun vek!


Zuau tur in an enkawl lo a,Chutih rual in an nun erawh an control sak viau thung! Ka sawi thiam chiah lo,Keini mizo hi chuan a ţullo lamah kan duat a,Kan ngaihsak a,Mahse khuahkhirh an ngaihna laiah tak khan kan dah zalen leh thung a,Fa enkawl hi thiam tih tak tak a awm thei ngai dawn in ka hrelo ta hial bawk!


Ka kawngah thil rit nulh in min delhbet tih ka hriat rual chuan ka rum ţaih ţaih a,Ka pasal ka nghawng zawn a rawn thawlum ham ham chu ka hre rang kher mai!


Amah tih harh hlau zet in ka che a,Jayden pawh a lo mu tawh lo,Zico zawk hian a sawn anih ka ring! Nizan lam a a thuamhnaw inbel ang ang in a lo mu a,Puan chuan a dar lang lai chu ka khuh ţha leh te te a,A biang lum vung vung leh hmul in a bawhkhah deuh lak chu ka chul a.


Hmeichhe zahawm tak leh mi tamtak in ka hming an hriat ruala zahtak a min biak theihna chhan chu he ka pasal vang hi ani a.Engmah nilo,Hnuchham in a ţang seilian ve mai kha nupui a tan min nei a,Mi tam tak dinhmun nih chak min pe a,Ka zah em em reng bawk,Nupa nih na na na chuan inhauh chang leh inhnial deuh bap bap chang kan nei ve reng zel a,Kei aia upa anih na hi a lan hmasak chang a awm fo a,Ngawih chuh a ka thinrim ang ngaihthlak zawh ţhak chang lah a ngah mai!

Hmeichhe mi tak ni ţhin kan in kawp ngheh hnu a a mize dang ta hlawk te khan min ti lawm a,Ka innghahna anih ang bawk in ka tan chuan nu leh pa chan a chang kawp vek bawk.


Mit a rawn meng zawk a,Ka lo melh ve reng vang chuan ka nakah a rawn ţham thut a,Kei lah ka lo inringlo nasa bawk si nen,Ka rak chhuak nghal chul bawk! Nui hawk hawk chung in a rawn inbeng kang a,Ka taksa chu amah zawk in a rawn siam rem pah zel bawk.


"Oh..Engmah tihpui che ka peih lo.."Ka ti hlak,A darah ka nem a,A ţhen suka a khabe hmulah ka pawh sak zui zat bawk.


"Nizan vang khan thupha ka chawi e.."Ka kawngah a zen lut a,Ka taksa hnuai lam chu a taksa nen a in sik theih nan a chawi kang lui salh bawk


"I thupha chawina chu hnawl ni rawh se.."


"Babe.." ka tal hrang leh tur chu nghet leh zual in min man bet a,Ka kawr a pawt hlip chho nghal vek bawk.

"Zico.." ka vin mah mah.."Duhtawk rih teh."ka ti leh hlak a,Thaw hawk chung in ka taksa hnuai lam chu a thlah a,Mahse min bawh bet zui nghal hmiah.

"Ka tihpalh ka tih kha..Ka chau ve deuh a tin ni.."A ti sup a,Ka sam lukham a hnawk niai chu a rawn chul leh a.

"Babe,Ka chauh vang alawm,.."a ti leh sup a, hmai fang bial deuh raih chu ka chho melh ve ran bawk.

"Tun hnaia company dang nen kan inelna pawh i hriat kha.."A ti sup a,Ka nem leh nghal der tawh,Hna a thawhrim zia ka hria a,Nimin ah nileng in in lama awm lo in kan chhuak bawk a,A chau ve tak tak ani ngei ang.

"Mahse..i thinrimna hoh zia kha i hria em?"

"A thleng tawh lo ang.."A ti sup a,Ka hmui ah a rawn fawp zawm zat,A inlak hran rual chuan thaw ham ham chung in ka chalah a chal a rawn nghat leh a.

"Jayden hian nau nei tawh mai se i duh em?" Nui suk chungin mit a chhing,A hnarah ka fawp zeuh a,Mit a rawn men leh takah chuan min mamawhna nasa lutuk nen min rawn en a.

"I pai ve tawh chuan a pawi miah lo!" Ka fiam a,A rum nghut mai!

"Tun ţum chu nangmah zawk in pai leh mai ta che.."ka taksa ah ţhu chung in a kawr hak a pawt hlip a,A chet leh dan tur ka hriat chian lutuk vang nge dan in awmzia a awm dawn lo tih ka hre chiang zawk pawh ka hrelo!

"I hmui hmul hi met tawh ang che.."Ka ti a,rawn nui chhuak hawk pah in a biang hmul chu a tuai zauh a.

"Ka tina che mi?"

"Ka taksa hi a thip vek!" Ka ti hlak,Nuihza insum tak leh a lungawi hmel zet a min en leh pah chuan ka nghawng thip vin hlar lai chu a rawn chul leh hauh hauh a!

"Chet chintawk ka lo hrelo ani maw?" Nui leh hak in a hmui in a rawn fawp a.

"Vawiin ah met ang che.." ka ti leh hram! Ka taksa nem lai deuh chu a thip hlur thei tak tak!

Jayden room ah kan inzui lut a,Ani erawh a lo la mu tui nangang thung!

"Kaitho rih lo ang.."Ka tisep a,A bu ve nghut a,Jaden mut na khum tlangah chuan a thu hniam a,A fapa thawk la sek sek chu uluk zet hian a melh zui vung vung bawk.

"Eitur ka lo zuk siam ang.."

"Ok..Room ah rawn keng chho mai la."Min melh zawk a,Ka bu nghat a,A fapa lam bawk a en leh tak vang chuan Jayden chalah ka fawp zauh a,Ka chhuahsan zui nghal a.

"Pi..Vawiin ah kal chhuahna tur ka neih kha.." Jayden awmtu nu in inthlahrung dak a a rawn tih chuan ka nui var var a.

"Ka la hria alawm,In lam chu rawn ngaihtuah duh suh,Zico khan new year present pek che a tum bawk ania.."Ka ti a,A meng deuh kawk chu ka nuih leh hak a. Thingtlang lam ah an awm a,a nu leh pa an boral tawh vang in a ni te inlam ah a awm a,Nuam a ti vak lo nge ka hrelo,Christmas leh kumthar a haw pawh a duh lo a,Jayden min duat sak em em bawk si nen,Zico in present ang in pawisa engemaw zah pek a tum a,A zah tak min la hrilh bik lo,Chutih rual erawh in kan thil pek chu a chhungte lam keinin lo hriattir kher țul a tih loh thu a sawi bawk a, Mami kutah kan pe anga,Hmeichhe puitling ani ve tawh a,A duh dan ang in hmang rawh se a ti ve tlat bawk.


"I duh leh lo va insiam ţan rawh,Jayden chu a la mu tui lutuk." Ka ti a,Phur zet in a room lamah a let a,Inchhung tifai tu hran kan nei a,Eirawngbawl tu hi Indian hmeichhia kan nei tel bawk,An mahni hna lo tur kan khawih tel tir ngai lo.Mami pawh hian Jayden chiah a enkawl a,Jayden lah naupang ţahbelh zawk zawk a lo ni bawk silo nen kan in a awm hi nuam a ti a,Haw tur a an rawn chah ngawng ngawng anih loh chuan an khaw lamah min hawsan a tum ngai lo.


"Coffee nge Tea pangngai?"Choka a ka luh rual in eisiamtu chuan a lo ti vat a.

"Coffee ka lo insiam mai ang.."Ka ti a,Hmanrua a rem na a siam rem vang in a awmna vel min hrilh zung zung a,eirawngbawlna tak tak a kan hman room bik lamah min luh san leh nghal a.

Coffee tur tak ţha zet in ka chhuang a,Ka phone chu ka check kual pah zung zung a,Ka pa te in lamah pawh ka len phei a hun viau tawh.

Instagram ah ka lut zuai a,Zico zawk in a fapa muhil lai story ah alo hmang ve chiah bawk.

Ka en kual thuak thuak a,Nizan an kalna tih hriat zet Rachel thlalak post chuan ka mit a la ta chat mai!

Nimin a thlalak ka hmuh tawh pa nen khan an ding dun a,Rachel zawk in mipa sang ţha zet kawngah a kuah chial a,Mipa zawk chuan a kut ah whiskey no a dawm ran thung!

'Engvang in nge Lisa u chu Zothana ni tur ang a ka suangtuah tlat le!'

Tag a nei em tih ka en kual a,mahse tumah a tag lo a,A thlalak comment tu te pawh in inhmeh an tih thu deuh chiah an sawi a,Zothana pawh kha hmu leh ngat i la chuan tuna Lisa unaupa landan ang chiah hi anih ve ka ring a,Mit ka chhing a,Mipa kum 23 min kalsan lo tur a ka ngen ngawih ngawih laia min lainat tih hriat lutuk a min enna mitmeng ang chiah kha hepa pawh hian a nei a,Mahse Zothana nise chuan Mizoram ah a awm anih phawt chuan min rawn bia ang! Tiin ka in hrilh leh rih a.

A kal a,Vawikhat pawh min rawn be zui tawh lo a,thawk leh khatah ka unaupa ka hlauh a,Ka tan khan a hrilhhai thlak in engkim kha keimah a ka tih a ngai a,A kal hnu khan engtianga nasa in nge a lakah khan ka lo innghah nasat tih ka hrethiam ve chiah a.Class ka kal tur ringawt te khan ka inring tawk zo hlawl lo,Ka taksa peng pakhat kim ve ta lo ang hial in ka ngai ţhin a,Zan engemaw zah ka ţap tlaivar a,Mahse ani erawh a reh vung vung lawi si..Kum 10 chuang teh meuh a vei hnu ah pawh a rawn let tawh lo a..A kal tur thinrim chunga ka ţawngkhum vang khan min rawn be duh ta lo anih ka rin chang a awm hial a,Mahse ani chu mipa puitling tak ani a,thil thleng kha min biak loh chhan a tan chuan a te tham mah mah bawk si!

Door bell rawn ri thut chuan min tiphu nasa nangang mai!

Ka tui chhuan lai pawh alo so kang ţep tawh! Gas chu ka off a.

Mami zawk a room aţang a rawn chhuak a,mahse keimah zawk in ka buaipui mai ang tihnan ka kut in ka vai zauh a.

Tunang zingkar ah lehnghal inleng kan nei ngai bawk silo, Rilru buai zet in Door viewer ţang pawn lam chu ka en a.

"Oh..Gate pawh kan la hawng reng reng lo."
Inchhung lam aţang gate control na chu ka pan vat a,Passcode ka hmet a,A sen vat a,Gate a in hawn tak ah chuan a rawn luh ve mai ka ring,Kawngka pui chu ka nem hawng a.Inchhung heater hmanga kan tih lum vek vang nge maw ni pawnlam boruak chu a hit vin ţha hle mai!

Ka hmu sual emaw tiin gate chhunga rawn pen lut mek hmeichhe kawr tawngchham zet ha chu ka en reng a!

Min hmuh rual chuan a nui sak a! Ro zet hian ka nuih let a.

"Zico a awm em?" Teh tawp a.

"Awm e..!"

"Oh..Lisa a lo kal tiin min hrilhsak lawk la." A aw phawi no lam lek lek chuan ka luak zu han ti chhuak ngawt a! Min pawisak loh hmel zet hian step pali vel awmah chuan a rawn pen chho a, January ni 2 ani a,Khawvawh dan chu sawi nawn a ngaiin ka hrelo.

Chuti chung chuan coat fual a mal te thleng a ha a,Mawza sei a mal te khuh pha a ha bawk,Boot lum a khup hnuai thleng a bun leh a,Kekawr lum zu han ha miah lo a mawle..

Ka hma ah tak rawn ding in ka chhip aţang min melh thla dan dan a,A vun a var sar a,A hmui a hnawih tai tak bawk.A duh tawk a min en chhuah vek hnuah kut a rawn phar a.

"Lisa ka nia..Puitei i ni ang chu maw?" A rawn ti a.

"Umm..Puitei,Zico nupui!" Ti let ve salh in a kut chu ka vuan let vat a. "Rawn lut la,Pawn zawng a vawt e mai!" A inbel dan sawi chhan zet chuan ka ti ve kher bawk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 3:52 pm

Inchhunga kan inzui luh hnu chuan inchung vel chu a enkual thuak a,A awmdan ah chuan Zico nupui ka nih chu a pawisak hmel lem loh khawp mai!

"Coffee in kan lo tum a,I duh ve em?"

A hawi kual chu tawp in a ţhen zauh a,Vawt a ti miah loh mawni? Tih ngawt ka lo ngaihtuah pek a.

"A pawi miah lo,Khawnge Zico chu?" A ti leh zat a,Doctor meuh ve si nunphung tlachham ber ani hial in ka ring.

"Room lamah a fapa muhil a veng a." Ka ti a,Nui chhuak hak in inchhung panna kailawn lam chu a thlek zauh a,Chhan ka hriatthiam chiah siloh hian a chet dan chuan min ti thinrim hluah hluah hi a ni mai!

"Ka han kal a nge.."Tih leh kailawn lam pan chu a rual a,Rawn hawi let tawh miah lo hian a tlan chho zat zat a.Kailawn tawp ber a thlen rual a ka pasal hming a lam lang lang rual te chuan ka ni hlur thei!

Thawk la hak in Choka lamah ka let a,Eng ang pawh in he inah hian lo tlangnel ţhin mahse mawi hnaiah tal mut pindan a pan dawn te chuan min rawn ve ka ring a,Mahse a nei tu zawk ang hrim in a che hmiah a,Zir sang ka hriat ah chuan a la hawihhawm lo ber awm e.

Coffee No thum chawi chung in inchunglam ah chuan ka chho ve a,Zico zawk pawn rawn chhuk thlak pui ve mai tur ania!

Ka fapa room bik kawngkhar lo inkharphui lo aţang hmeichhe nui hak hak thawm a rawn chhuah rual chuan ka sa pup thei! Zico leh a fapa mu tho hlim an lo in fiam a,Lisa chuan khum ah tlangnel zet a bawk chung in an pafa infiam chu a lo nuih a,A coat hak khan a mawng a khuh pha chang chang chiah tawh bawk!

"Mum.."Jayden zawk in a pa dar kar aţang min rawn hmu a,A rak tung ri hian min ti hlim ţhin.

Tray chawi chung chuan ka pen lut a,Zico pawn a fapa chu lei ah dahthla pah in a hui pap a!

"Papa nen kan lo infiam a.." Jayden chuan thaw halh halh pah in min pan vat bawk.

"Babe,Hei Lisa chu anih hi."Ka tray chawi lai min laksak pah chuan kan fapa khum a taksa lang vek khawp a hmeichhe lo bawk lamah chuan kut a phar chhuak zauh a.

"Nichin ah kan inhmu tawh a lawm."Lisa zawk in a rawn ti a. "Zico ka thil sawi kha i la theihnghilh lo ang tiraw?" No zet in Zico zawk a melh nghal ralh a.A hmui chu tisawi deuh nawng chungin a khabe chu lukham ah a nghat bawk! Hetiang hmeichhia hi ka la hmachhawn ngailo,A awmdan tin chuan min ţhawng in min deng dawt dawt hi ani ber!

An ni pahnih khawsa zia chu Jayden zawk in a hrethiam bik lo ani ngei ang,Ka kut ah a rawn vuan nghal ţai a! Chhuata ka fapa ding chu ka melh zawk a,Ka kut ah vuan ţai chung siin a pa leh Lisa te chu fiah zet hian a melh kiau a! Kan nufa chuan awm ve lo ang vel kan ni hial in ka hria!

Ka lawm lohna thup ka tum bik lo,Jayden pawm kang pah chuan Zico chu ka melh nghek a,A mit meng chu a tlanchhe ngawt in ka hre bawk.

"Babe,Lisa hian an inpui lama chaw ei tur in min sawm a,Kan tel phei thei ang chu tiraw?" A rawn ti a,Lisa zawk erawh Zico in min rawn leh chu a lawm hauh lo ani khawp ang,A ner nawng a,Khum a bawhna aţang chuan a rawn ţhu chhuak ve ta nge nge bawk.

"Kan nufa pawh hian maw?" Zico chu melh duh lo in Jayden chalah chuan ka nawr zauh a!

"Zico hi ka sawm a,Inpeih chuan in nufa pawn in rawn zui ve dawn nia."Lisa zawk in min rawn chhang a,Jayden lak aţang muang chang in ka inla hrang a,A țawng duh dan mal tin chuan min khei zak!

"Jayden hian mihran lutuk in hi chu angaina lo a,Kan rawn tel chak lo e."Nui lui sang in Zico bula Coffee inhung pan mek tu chu ka melh a,Pindan chhung boruak chu a ţang at hi ani ber!

"Oh..Ka sawi dan kha i la kawi anih kha.."Nui lui hak in Zico zawk a melh a,Zico erawh in kan nufa in pawm lam chiah a rawn en thung!

"Eitur ka siam ang che aw.."Jayden chalah ka fawp vang vang a,Ka thinrim chang hian ka ţawng hlei thei ţhin lo a,Ka taksa hi a tawt vek zel a,he hmeichhe hma ah hian ka pasal laka ka lungawi lohna ka lan tir tak tak hma in he pindan chhung hi ka chhuahsan a ţha ber ang!

"Choco.." Jayden in ka sam rawn khawih niap niap paha a rawn tih hluai tak ah chuan ka nui chhuak hak a.Ka bu nghat a.
"Aw..Choco ei ang aw.." Ka ti zui lang lang a,Kawngkhar lam pan a ka kal thleng chuan Zico chu a dinna ngaiah ala ding run ringawt a.

Pindan ka chhuahsan fel chiah chu ţah chhuak hian min rawn tuam thut ka ti mai,Ka thaw chhuak hawk a,Mahse rang lutuk in ka fapa nghawngah hmai phum in ka nui lui leh a,An awmdan khan min tina lutuk!

"Babe.." Kailawn tawp ber kan thleng tawh,Zico min kohna chu hrelo ang hmak in Jayden chu choka lamah ka luhpui a,Bawmchhung uap phui churh chhung a khung beh tlat ang mai hian ka taksa chhung chu a ni nghulh a,Hawng in hmu thei ngat ila chuan zanthim chhah mup ang chiah in an thim khup hial in ka ring.

"Mum."Jayden ei tur Choco chu bawnghnute nen ka siam mawlh mawlh a.

"Mum."Jayden bawk,Ka fian ken lai chu dah in ka fapa a chair bik chunga ţhu fel at lam hawi chuan ka inher a.

"Mum.."Table a kitchen knife chu alo lek kang va va a,Rang lutuk in ka tlan phei a.

"Jay..Hei chu khawih loh tur ka tih kha.." Ka aw ri vang chuan a ţi nghal dak in ka hria,Thaw hawk in ka kun hniam a,Pindan chhung boruak vang ngawt khan ka fapa hi vin tur ka nilo asin.

"Hei hi chuan a tina thei che a,i kut a at ang a na na i ti mai ang.." Nui lui in Jayden samah chuan ka tuai zauh a,A mitmeng thianghlim zet ah chuan a hrethiam ve tih a rawn lang a.
"Le..Tunah chuan Choco ei ang ang aw.."Phur hmel zet in ka ding chhuak hluai a,Kitchen luhna kawngkhar a Zico lo ding reng ka hmuh rual chuan ka in seh ruh nghek ringawt!

Ka inher zui hmak a,Jayden eitur ka siam dahna lamah chuan ka phei zui nghal nal nal bawk.

Bowl nen ka let leh chuan a fapa bulah a lo ţhu a,An lo inchhaih nui leh hawk hawk tawh,Jayden hian achang hi chuan ka bula awm aiin a pa bula awm hi nuam a ti a,Zico hian han fiam kual vel dan a thiam in a hau ve mai mai ngailo,kei chu hmeichhia ka ni a,Thil ţullo deuh a khawih a khak zauh te ka chin vang hian naupang mah nise an thluak hi a fing ve em em a,amah hau ngailo tu zawk chu a ngaina lo thei lo.

Dawhkana Choco Bowl ka dah lai te chuan chik zet hian min lo en run a,A awm ve tih chu ka hrelo der ve hmiah bawk.

"Junior hei ei vat vat la,Apu te bulah kan leng dawn nia."Ka ti a.Jayden rawn dak haw ah chuan kan kalna tur zawk a hrelo anih hmel!

Sawtah Anutei leh Apute a tam na deuh ah zawk khan."Ka tih leh chuan a au ţhuat a,Zico zawk a rawn rum nghut thung.

"Inbe teh ang.." 'Tap' lama ka kal chu ka hnungah zel min rawn zui a,Khawnge Lily pawh kha?

"Sawi la.."ka ti a,A thaw ri nghal hawk bawk.

"Tihian awm lo teh."

"Engtin nge ka awm vak a,Vawiin chu kan nufa in ka pa te in lamah kan leng phei dawn a,Kan home bik in ruai kan ţheh dawn a,I duh chuan nang chu Lisa te in ah chuan chaw i ei dawn nia.."

"Babe.." A au ring mah mah,Ka thil sil lai chu dah in ka hawi let vat a,Jayden ţhutna lam ka melh zui nghal zat bawk.Mahse vanneihthlak lutuk in apa phone a khawih tui lai a ni hlauh a!

"Eng nge?"

"Ţha deuh in inbe teh ang." A rawn ti hmuk,Lu ka chet zauh a.

"Lisa thil sawi kha i ngai kawi in ka hria!"

Lalpa leh! Ka ban pahnih phar in ka nui chhuak hak a! Sawi tur engmah hre miau hek lo î ! Khatiang teh hrep a inţawng khum hnu khan mi pangngai tawh phawt chu an lawm lo vek ang!

"A ţha, ka ngai kawi nimai rawh se.."A chet hluk a,Ka kalsawn tur chu ka banah a rawn man a,Jayden in min rawn hmuh phak lohna tur Fridge lianpui in hung hliah lam ah min kai phei a.

"Sorry.." Ka biang tawn tawn ah a kut in a rawn vawn rual chuan a kut zawk ka pawt nghek ringawt.

"Babe..Sorry.. Hriatthiam tum ta che,A ţawngkam ve hrim hrim anih kha.."A ti sup a.Ka nui hul hak thung!

"I hrechiang awm hle mai tiraw?Tichuan a ţawngkam min tham loh hliah hliahna kha ka ngaihthlak dan fuh lo ah i puh leh ta nghal a..!"

"Ni e..Khatiang a ţawng tur kha ka nilo.."

"Chu thil chu tunah chiah i hre chhuak a!" Dak chho vah chung in ka melh a,Ka Zico hriat ţhin ang pawh kha ani tawh lo hial in ka hria.

A rawn thaw ham ham a,A hmui chu chip hmak in a in la hrang a.

"In tello chuan ka kal dawn bik lo,I Pa te in lamah chuan kan phei dawn nia."Dam dap a a rawn tih leh tak ah chuan ka inbengdai ve ta deuh a.

"Kha hmeichhia vang a kan inhauh ţum hnihna ani tawh.."Amah kalsan pah chuan ka ti zui hram bawk,Mahse Jayden bula hmeichhe lo nui var var ka hmuh rual chuan ka tawp chat a! Lisa chuan ka fapa samah chul in a lo be siam siam a,Jayden erawh in a melh kiau ringawt!

"Aw..I lo la awm reng elaw?" Ka aw nelawm loh zia chu hrethiam mahse pawi tihna pakhatmah ka nei lo,Jayden nen an rawn hawi rual ţhawt a,Nichin a Zico nen kan inbiak lai khan khawi hmunah nge a lo awm bo tehreng ni!

"Haw ka lo tum chiah..Zan in chu in rawn tel ang tiraw?" Nui sang in min en a.

"Kan rawn tel thei lo ang, Plan hran kan nei tawh."Zico zawk in ka hnunglam aţang a rawn tih hmuk tak ah chuan Lisa chu a ding ngil zawk a,A beisei loh lutuk chhanna a hmu tih hriat tak hian a hmel chu a thim nghal map bawk,A kut hum ruh țalh ţalh chu ka hmu thei a,Zico erawh ka en duh bik miah chuang lo.

"Mahse Zico ka nute an rawn haw ka tih kha." Engemaw tak in Zico chu a hneh a inring a ni khawp ang,Nui deuh sang in a melh ran a,Hmeichhe naupang rilru thianghlim ber ang chiah hian a hmel a ti nur deuh nâng bawk.

"Jayden-a pute in lamah kan len a ngai a..Nidang ah i nu leh pa hmu tur chuan kan la rawn kal ang."Zico vek chuan a ti leh sup a,Lisa hmel hmuhnawm loh dan chu a!

Puitling ho inbiakna hrethiam lo tih hriat zet a Jayden hawi kual haw haw reng chu ka pan vat a,Lisa thaw ham ham ri chu ka hre thei a,Ngaimawh ang a lan ka tum bik chuang lo bawk.

"A ţha alawm."a ti ram hmarh.Jayden zawk chu rawn melh zawk in a nui lui leh sang a.

"Jayden ka haw tawh mai ang aw,Thuawih deuh in awm ang che."A kut in Jayden sam ah a rawn chul zauh a,Min melh leh rual chuan a ner zui leh sak bawk.

"I fapa hian apa a va chhun lo ve?" Nui lui hak in a ding ngil a,Kei erawh ka hawi dawr thung!

"Engtin maw i tih a?"

"Oh. Ka sawi mai mai,Zico leh Jayden hi an inang lo ka ti mai ania."A hmui hnuai seh zauh in ka hnung a Zico ding chu a melh zauh a.

"Nangmah chiah in chutiang chuan i la sawi,Engpawh nise thil ţha lam i sawina ah ka ngai mai ang." Ka ti let ve salh a,Jayden chu pawm in in chunglam ah ka chhoh pui a,Khatiang boruak nuam lo lutuk ah awm reng tur khan ka phallo a,Kan nupa hian in hnial ve ţhin mahila Jayden hmuh lai a inhnial leh awki vin hman erawh kan duh lo thung.

Kan nupa room kan lut fel chiah tih ah hnunglam aţang ka taksa a kang nawlh a,Ka au tuarh a,Jayden nui hawk hawk in a zawm nghal zat a,Ka nghawngah min kuah bet a,Khum ah kan tlu nghal dawp bawk.

"Papa ka duh leh"Jayden zawk a ri nghal tung! Ka bula Zico nui hawk hawk chu rum zet hian ka melh a,A ti awmang lo leh lutuk!

"Papa ka duh leh."Jayden bawk in ka taksa bawh liam in a pa taksa chungah a lawn kai a,Inpawm thut te leh vawrh kan te hi nuam a ti tlat a.

"Mum hi dil leh la." Ka lungawi lo tih a hriat vang in min tihhlim a tum tih ka hrethiam,an pafa hi ţang tlang in ka lungawi lohna reh hma chu min ti buai char char zel.

"Mum papa in min pawm leh dawn.."

"Nangmah in inpawm tir rawh,mum chuan a hlau!" Ka ti a,Zico zawk a lo nui chhuak hawk a,A malpuiah ka chum zui nghal zawt bawk.

"Mami kha kal chhuah a tum a,I thil pek tur pawh kha pe la.."

An infiam zo khum a an rawn lawn leh tak ah chuan ka lo ti vat a.Zico zawk chuan hre chhuak thut ang hian a thaw hawk a.

"Junior nakin ah kan infiam leh dawn nia,U Mami kha present zuk pe ang le.."a ti hlut a,Cabinet lam pan in a pen zui nghal zat a,Jayden pawh a hah ve hle a niang ka hnute rawn khawih pah in ka bulah a bawk hle hle mai!

"Babe,Kan vai in chhuk ila?" Zico khum bula rawn ding chu ka melh zawk a.Jayden pawn khap fak fak pah in a melh ve kiau bawk.

"Ok..Ka naute hi a inperh tho zo em?" Ka ti chiah chu Jayden chu mu chunga in perh thawh tum in a tal ve aih aih a.Ka lo nuih hawk hawk thung! Ka mit ah na na na hi chuan ani tluka mipa naupang duhawm hi an awm tawh lo!

Zico in Jayden a pawm nawlh a,Lehkha ip chu min pe a.

"Engzatnge i dah sak a?" A Chappal a bun tur khum bula mi chu a fapa pawm chung in a ke in a ban a,Patling ani ve tak tak tawh.

"Singkhat ka dah."

"I va fel tak."ka ti hluai a,Nui suk chung in ka chalah a rawn fawp zauh a!

A mize tam tak hian min ţhawng ve ţhin ka zep lo hnuchham in a seilian ve mai ka nih vang hian a ţhian tam zawk nupui te ang in ka changkang ve tawk lo a,Mahse min zahpui ang in a awm ngailo,Keipawh amah ka neih hnu hian kawng tam tak ah ka in adjust a,Mizoram ah pawh Aizawl khawpui bak la pel ngailo hi Norway ah te hial chawlh hmang in min kal kualpui a,honeymoon hmang in thlakhat chuang hmun hran hran min tlawh kualpui a,Ka beisei loh dan a min ţhawn thut a ching reng bawk!Keipawn ka tum bawk a atan nupui chhuantlak ni tur khawp in ka inzir ve bawk a,Tunah hi chuan a ţhian ţhenkhat te nupui ai in thiam thil ka ngah in khawi hmunah pawh ka zahpuiawm tawh bik lo.

Ka seilenna Home lah a theih ang ang in a ţanpui reng zel a,Ka pa te lam phei chuan 'i pasal lakah hian a inthlahrunawm rum rum!' An ti hial bawk.

Jayden zawk in Fifa khelh a ngen leh tlat vang in theater room ah kan inkhung a,Khel thiam ve tak tak pawh anilo a,Apa tihbuai hi nuam a ti ve hrim hrim!

Popcorn ka ken chu an pafa in an rawn inban chhawk reng a,Jayden makna deuh chu apa hna vanga a kal chhuah ţum a Zu a inte hian a lo hre thei a,Zan laiah a muhil te hi a rawn ţap chhuak leh vak zel,Zico damloh reng reng in Jayden taksa hi alo chau ve vek zel bawk a.Zico phei hi chuan fiamthu in 'Ka thisen bik liau liau anih hi!' A ti hial ţhin.

Leather sofa zaupui ah Jayden chu a muhil bal a,Zico pawh hmanrua vel a dahfel hnu ah ka bulah a rawn ţhu a.Chawlh lai ani bawk a,A fapa bulah hun a hmang tam malh malh khawp mai!

"Mut hi chu nuam a ti ve ngawt mai!" A fapa mu thlek zauh pah chuan a rawn ti sup a.
"Reilote ka'n mu ve lawk a nge!" A tih zawm zat a,Sofa sei thlup ah chuan a mu a,Ka malah lu a rawn nghat zui nghal zat bawk.

"Beer hi in tam tawh lo teh..i dul a kiar dawn.."

"Eng a," a rawn ti hluk,Hnunglam aţang ka kawr chhungah a rawn zen lut a.

"I dul a kiar dawn ka ti anih chu!" Ka ti leh sep,thaw hawk chung in ka kawrhnuai kilh a hmet phelh nghal daih a,Ka tal tur chu rawn insiam rem in ka dul zawnah a hmaiin a rawn nawr a,Ka ip nghal chawih thei!

"I chimawm man anih kha." Hnunglama a kut chu ka awm bawrah a sawn phei a.A tih ţhan dan bawk in ka hnute a rawn khal leh nghal chat tawh.

"I fapa a rawn harh mai ang.."

"A mutui lutuk!" A ti ve hmak,Ka kawr hmalam a rawn nawr tawm chho a,Amah hnaih tur in ka taksa chu a kuai hniam zui nghal zat a!

"A chiloh.."

A rawn hmuam tak ah chuan ka thaw nghal ham ham thei! Dam deuh hian a che a,A lei sa ham ham in a hmur a khal kual a,a rawn peh(t) zawng te chuan ka za uai uai a! Ka hnung ah a man bet tel tlat vang chuan ka chesawn thei bik lo! Duhthawh lutuk a rawn chet zawm tak ah chuan helai hmunah hian a tawp kan thlen mai ka hlau a,A chhip sam ah ka ţham ta vak ringawt!

Kham loh hmel zet hian a rawn rum nghut a!

"I fapa saw a harh ang.."Ka kawr ka pawt ţha nghal sawk sawk a,Zico zawk pawh a mut dan siam rem in a awm ţha ve leh mai bawk a.

A sam nem thep chu ka chul a,Mit a chhing a,Hahdam hmel zet hian thawk a la siai siai a.

Lisa khan engtinnge kha ti khawp khan a rawn zuam theih..An hun kal tawh ah eng ang pawh in lo inhnaih ţhin mahse nupui nei tawh ani a,A rawn awmdan ah kha chuan tlangval chei in a rawn chei hi ni ber in ka hria a,Kei te kha Zico nupui ang nilo Zico hnathawk tu satliah ang chiah in min en hial in ka hre bawk.

"I muhil em?" Ka kun hniam a,A chalah ka fawp zeuh a,Min chhang lo in a kut a rawn chet a,Ka tukhum lamah a man bet nghal tlat bawk.

"Lisa kha.." ka ti sep a,A rum nghal nghut thung,A rawn che a,Ka hmuiah a rawn fawp a.

"Aih...Zico sawi dun ang.."Ka ţhut ngil tak ah chuan a mut dan siam rem in min rawn en a.

"Sawi la?" A rawn ti sup bawk.

"An in lama chaw ei turin a sawm che a,chu pawh min hrilh ve lo a.."ka ti a,min melh ngur a.

"Amah khan rawn sawi lo ta se engtik a min hrilh nge i tum?"

"Oh..Babe kha chu sawi tawh lo teh ang,Kal i duh lo a,Kan kal lo bawk ang,Sawi zui leh ka peih tawh lo."Ring hauh silo hian a ti chhum hmuk a,A che leh a,Ka dulah hmai a rawn nawr a,Mutthilh zui a tum tih hriat zet in thawk a la a.

Ka ţhu ngawi ran a,Ka piah sofa tawi zawka Jayden muhil sek sek chu ka melh leh zauh a,Lisa khan eng ngaihtuahna pu in nge Zico nen an in an loh thu a sawi ngawt theih ni!

Dawhkan chunga Zico phone let ngat ka hmuh rual chuan ka inngaihtuah harh zawk hi ani ber!

Ka ban mai dawn a,Min delh bet tlat mai bawk si.Ka ke in dawhkan aţang thai thlak ka tum leh a.Carpet dup ah a tla thla tap a,Zico erawh a muhil tui hle thung.

Ka pasal phone chu ka hum ran a,Lock ah chuan Jayden birthday ka type lut a,A rawn in hawng a,Ka thinphu a rang nghal nangang bawk!

Vawikhatna a tan kum li hnuah rinhlelhna ka nei ve a,Engthil chiah nge ka zawn ka hrelo,Ka thil hmuh duh loh ber ka hmu hial maithei,Mahse rilru nuamlo deuh a awm reng ai chuan ka tih ngei a ngai tih erawh ka hria.

Ka en kual thuak thuak a,A khat tawk in Zico chu ka melh leh zawk zel a,Rinhlelhna neih hi ka duh ngai lo,Diktak chuan ka theihtawp tehmeuh in atan leh an chhungkaw tan hian ka inthlak danglam ve a,Hmeichhe chut lutuk ka nilo bawk a, Anmahni chhungkaw zahawmna ti bawrh bang khawp a thil kalphung hrelo ka ni tawh bik lo.

Ka duh tawk in ka pasal phone chu ka en kual vek,Rinhlelhna tur pakhat mah a awm lo,Lisa nen an inbiak hun pawh ka hriat hun zel kha ani,Balcony a an lo inbiak leh a party na a kan kal theih loh thu zan dar 9:30 pelh a hrilh na kha.

Thaw hak in phone chu ka hum a,Mit ka chhing sawk a! Nep ka inti hluah hluah,Zico ka ringhlel ringawt te chu ka inhaw hlur a!

Jayden zawk a rawn nghik feih rual chuan ka meng zawk a,Mahse a harh zawm leh lemloh vang chuan Phone chu Jayden lu bulah ka dah a,Ka pasal tui zet a muhil siai siai samah chuan ka chul a,Ka rilru in ngaihdam ka dil zui nghal mawlh mawlh bawk.

Chawhnu dar 1 ah in kan chhuahsan a,Jayden an nuam a ti leh ngang mai! Car hma ah ka pawm a,A rak tung a,A pa hi zawhna chhansen loh a zawt reng zel bawk.

"Babe, Pre-School zirtirtu hna ruak chungchang ka sawi kha aw.." Zico melh zawk pah chuan ka ti a,A ner nawk a.

"Hnathawh kher hi ţul ka tilo."a ti nghut!Fullsleeve a ha a,Hoodie Jacket a hak chuan a ti lang lian zual bawk.

"Jayden hi Pre-School ah dah kan tum tawh tho a,Amah a hranpa a va nghah ngailo in ka buaipui thei zawk dawn a." Ka ti leh hram.
Min melh zawk a,Min chhan hma in Jayden zawk in a lo biak buai leh vang in a fapa zawhna chu a chhang a,Min en leh a.
"Nakinah kan sawi ţha dawn nia."A ti ve ta nghut.

MA English ka zo a,Ka zo chiah a kan innei nghal a,Home a ka awmpui tam zawk chuan hna pangngai tak an nei vek tawh a,Zico hian kan mamawh chu a thawk chhuak nameuh mai! Mahse Housewife nih tawp ai chuan engemaw tak tih ve ka duh a,College ah emaw Higher School ah emaw pawh hna chu dil thei ka ni a,Mahse ka fapa Pre-School kalna turah hnaruak a awm a,Hlawh tlem zawk mahse ka fapa nen hun kan hman tam theih zawk dawn vang a thlang ka ni a.Nileng in Zico hnaah a buai a,Jayden Pre-School ah a kal leh daih phei chuan inah a khawhar thlak dawn lutuk.

House gate kan tlan luh rual in naupang ţhenkhat an rawn tlan khawm ţak ţak a,Ka awm lai a tlawhtu kan neih a kan phur ţhin zia kha min hriat chhuah tir a,Mi tam takin Christmas thuamhnaw tur mai nilo Kumthar thuamhnaw thar te nen an neih kawp vek lai khan keini hi chuan kan thuamhnaw hlui te kan su fai a,Upa lam in an ţhansan tawh te min pe kual a,Chung ang reng reng chuan hunpui hun te khan kan hmang liam ţhin a. A chang hi chuan Pathian rorel dan hi fair lo ka ti ţhin a,Mi tam tak sum hman sen loh a pek laiin keini ho hi midang ţanpuina dawng a nung bik tur in min siam a,Nikhua ka hriat hnu leh College ka rah ve hnu khan ţah tlawk tlawk chang kha ka va ngah tak!

"Babe.." Zico aw vang chuan ka hawi zawk a,Car a lo ti ding tawh a,Jayden pawn ka malchung ațang min rawn melh kiau bawk!

"Oh..kan thleng tawh e.. Junior a u te nen infiam pawn ţah bikloh tur aw."Ka ti zung zung a,A bu ve lap lap a,Zico chhuak chuan naupang ho chu chocolate pack lian a pe a,An rak nghal tung a,Jayden chuan car chhung aţang hlim zet hian a lo en ve ran a!

"Le, Junior ruai ţheh tur aw."Zico zawk in Jayden a rawn pawm nghal nawlh a,Naupang dang ho in an bawr nghal laih laih bawk.

Ka chhuak ve a,Turtleneck dum ka ha tawp a,A chungah cardigan peach rawng ka ha leh bawk,Boot ka khup chen a sei hill sang ka bun bawk a,In pui aţang ka pa rawn chhuak chu a rawn nui nghal var var a.

"In rawn tel theih kan lo ring chiah lo a.."A rawn ti vat a,Zico chuan Jayden chu leiah a dahthla a,Naupang dang infiamna lamah a tlan zui nghal daih bawk.

"Ka lo theihnghilh daih a,Puitei hian min hrilh leh zawk a,Kan rawn tlai em?" Zico in ka pa hnunga kut dah paha a tih lai te chuan amah chhuang zet hian ka lo en reng a.

"In rawn thlen hun a fuh lutuk,Mambawih i nu in a lam a lam tawh che ania."A rawn ti a.An pahnih chuan kalsan in inchhung lamah ka lut a,Ka nu leh ka unau dangten min lo hmuh rual chuan kan ri hluai a,Nimin lama Zico in Cake a thawn an hmuh thu te an lo sawi sap sap a,Ka sawi tawh kha..ka pasal zar a mawi ve thei chiah ka ni!

Chawţani siam ho ka pui ve a,Thil dang chu an siam zawh vek tawh vang in chaw ei mai a pawi loh thu an sawi reng tawh bawk.

Mi fel tak tak,An sum neih ui miah lo a rawn hlan ţhintu te vang in keini home chhunga awm hote hian kawpuarna kan hmu ve mai mai a,Ka nu leh pa hian Pathian rinchhan tak tak chung in min enkawl lo se chuan vawi tam chaw nghei chang kan nei a nga,Nausen te hian bawnghnute hnek tur an mamawh reng a,A tla chawp te te hian mi thil phal te zarah bawnghnute te chu kan dawng ve leh zel a,mahse tlachawp tak meuh anih hrehawm zia chu a tuar tu tan lo chuan a thlamuan awmloh zia min hriatthiam pui tak tak thei lo ang.

Zico in fatu ho a pui ve a,Jayden leh naupang dang infiam tlan kual vel thlithlai ru reng pah chuan an kiang hnaiah ka ding ve reng a,Ka fapa chum biang leh a pa ang chiah a sam dum hlap chu naupang dang football khelhna karah a tlan ve tau tau reuh a,Vaivut ah a tluk thlawr pawh in a ţap duh bik miah lo.

Khua a thim dawn tawh vang in in lama haw mai ka duh tawh a,Kan piah deuh aţang Zico pawh in a fapa chevel chu a lo thlir ve reng a,A lam ka hawi tih a hriat rual chuan a sana a bunna ban lam chu a rawn lek chhuak vut a! Ka bu nghat a.Kan haw hma in washroom hman leh lawk ka duh vang in inchhung lamah ka lut a,Midang bulah chuan kan haw tur thu ka hrilh zung zung a,Zanin ah chhangban an la kan leh dawn vang in an phur hlawm hle bawk.

Pawnlam a ka chhuah leh chuan Zico hmuh tur a lo awm tawh lo a,Chutiang bawk in Jayden pawh!

Ka enkual ngial a,Naupang infiamna zinga ka fapa tel ve ta miah lo chuan min ti hlauthawng takzet!

"Jayden.." ka au tuarh a,naupang infiam lai pawh chu chawl in an rawn hawi ţhup a.

"Khawnge Jayden kha..?"

"Ih..Saw tah sawn a kal.."An ti a,A kalna lam nia an sawi ah chuan rang lutuk in ka tlan phei a,Zico nen awm tlang se chuan min rawn call ngei ngei ang,Kan car lo in hung chu ka thlek thuak a,A la ruak vek!

"Bye bye.."Ka fapa aw ngei chu ka hria a.

"Jayden?"

A lo dinna bul ka thlen hma in Bolero dum a tlan chhuak a,Chu Bolero chu Jayden chuan kut alo vai lap lap a nih chu!

"Tinge nangmah in i kal sawn a.."Ka va pawm nghal nawlh,Chumi rual chuan a thil ken lai chu lei ah atla ri kauh kauh a.

"Mum..Ka ball..."

Lei a ball chu chhar tum in a tal ve nawk nawk a,Ka hlauhthawn hman zia a hrelo tih hriat zet hian ka mit ah tak a rawn en kiau a.
"Mum..Ball.." A tih leh tak ah chuan leiah ka nghat thla a,Ball a chhar kan rual chuan a nui nghal sen sen bawk a.Kei erawh in thunun tum in ka thaw ham ham thei.

"Ball hi tu pek che nge."Ka ti a,Ben 10 lem chuanna ball lian vak lo hi a keng ţai a,Ka ţhu hniam ve a.

"Mawh...tuin nge pe che."Ka ti leh a,Min ngaihsak zui lem lo hian a ball thar ringawt chu a buaipui a,Beidawng zet hian a sam ah ka chul ta thuak ringawt!

Naupang kum 3 lek a la ni,Hmelhriatloh zui ngawt lo turin vawi tam ka hrilh tawh,Mahse ala hrethiam tak tak bawk silo.

"Hetah in lo awm reng tawh a."Hnunglam aţang Zico aw zawi sup ka hriat rual chuan ka ding vat a.

"Khawnge i lo kal hman a?" Ka ti nghal hlak,Hriatthiam loh hmel zet hian min melh kawk a.

"Thil thleng a awm em?"

"I fapa hian hmelhriat loh hnen a ţang thil pek a dawn hi.."Ti hlak in ka thaw hawk a!

Zico khan a en reng alawm tiin washroom lam pansan kha ka ni a,Khawi ah nge maw alo kal sawn hman teh hrep ni!

"Junior.."Jayden chu a pawm kang nghal nawlh a."Phone call pawimawh ka chhang lawk a.."Nuam tih loh hmel zet a min melh pah hian a rawn ti leh sup a.

"Hei tunge pe che.."Zico zawk pawh in a zawt ngial a,Jayden chuan sawi tur a hrelo,A ball a Ben10 lem inziak ngawt chu a en a.

"Car ah lut phawt ang u."Zico in a rawn tih tak ah chuan Jayden sam ah ka chul a,Chan ka hlau a,Tun ang khawvel ah hi chuan thil thleng thei miah lo tam tak a thleng tawh a,Ka fapa hi tu tih hriat loh in an lo hruaibo mai ka hlau rum rum ţhin.

Car chhung ah pawh Jayden pawm chung in ka ţhu ngawi ngal a,Bolero tlan chhuak chiah te kha tu te nge an nih tih hria ila chuan ka ngaih a ţha deuh ang,Hnuchham inah an rawn kal a,Midang thil pek pe lo in ka fapa chu hmun falah thil a lo pe a.Ka ngaihtuah thui pauh leh ka hlauthawng tulh tulh mai!

"Babe..."

"Umm."ka melh vat a,Jayden erawh ka malchungah a muhil sek sek thung.

"Zan ah kal chhuah lawk ka ngai a.."A ti sup a,Car chhungah chuan Bonny M zai ring vak lo in kan play a.

"Hna thil a nia,Kan thawhpui tur te lam kha Chennai ațang an rawn kal a."A ti leh sup a,Steering chu hneh zet a herh kual chung in hmalam a melh run bawk.

"In rei dawn em?" Ka ti a.Zan lamah sumdawnna thil vang in a chhuak fo a,Jayden ka pai ţan a,ka pum a puar len lutuk hma thleng kha chuan min hruai ve mai zel,Mahse tunah chuan Jayden a lo awm ve tawh a,A thawhpui te nen an inbiak laia a pa lo tihbuai ve chhen te a chin vang hian kan zui ve tawh ngailo.

"In aţang 8:30 ah ka chhuak a nga,11 vel ah chuan ka rawn haw leh hman ang."A ti leh sup a,Ka bu nghat a.

"Jayden Pre-School luh tak tak hma hian kan chhungkua in kan zin chhuak dawn nia."A tih zawm leh zat a.

A kal chhuak tur insiam chu Jayden nen an inchhaih pah reng a,Cotton kekawr dum hlap a ha a,Kawr erawh a la inthawlh lo.

"Papa ...I pum ah hian ka nau tur a awm ami?" Jayden chuan a pa dul pen sak thek thek pah chuan a ti a,Ka tum loh lutuk in ka nui chhuak nghal hawk! Zico erawh in min rawn melh ngur a.Beer in tam tawh lo tur in ka hrilh fo a,Zawm duh miau hek lo,a dul kiar deuh chu a fapa tan thil thar ani bawk si nen..

"Papa khan i nau tur pai se i duh em?" Ka ti a,Zico in nui suk pah in a towel ken lai in min vawm a,

"Mama nghal zia hi chu aw.."A ti hluk bawk.

"Babe..Ka jacket hak tur kha lo la chhuak la."Sofa chair ah a ţhu a,A pheikhawk bun lai chu Jayden in alo bawh kual sek a.

Cotton kawrban tluan a hak tawh tho vang in Leather jacket ka lak chhuah sak a,Meeting pangngai tur anilo a,Meeting na a an thil tihtur an lo duan lawkna ang pakhat mai anih vang in suit vel te nen a induan thup a ngai lem lo.

Kan nufa in kawngkhar thleng kan thlah a,Dar 11 ah emaw a aia hma ah emaw a rawn haw tur thu a sawi a,Jayden in ngen a tum zuau zuau chu ka thlem a,A lungawi ve leh mai bawk a.

Zan dar 10 a pel tawh,Zico ala rawn let lo a,Jayden nen inkuah chial in kan mu a,Kum khat a tlin rual khan hnute kan nghei tir tawh a,A ngen tawh ngailo a chu hnute khawih a la ching thung!

Jayden mut ngheh hnu chuan lukham a phone chu ka ban a,Pre-school thlalak an dah ho chu ka enkual thuak thuak a,room chhung leh a chhunga hmanraw awm ho reng reng chu rawng lar tak vek an hmang a,Naupang tiphur thei tur thil lem bang ah an tar thluah bawk.

Instagram ah ka luh leh a,Rachel bawk in mipa nen an thlalak dun kha a lo post leh a,Thim deuh hlek a an din vang in mipa zawk chu a langchiang lem lo,mahse vawikhat a thlalak ka hmuh ațang khan amah ani tih ka la chiang hle thung!

'Tag' a neih leh neih loh bawk ka en leh a,Tumah a tag lo a,Comment na reng reng ah lah Rachel emaw mipa zawk emaw hming an ziak lang lo a,Inhmeh an tih thu chiah in an ziak a.

Mahse comment tawp lam ka hmuh rual chuan ka sa pup a! Ka thinphu a rang nghal kher bawk.

Home a ka awmpui ve ţhin tho,Mahse Sawrkar hna ţha tak chelh tawh tu comment chuan awmzia a neih leh neih loh ngaihtuah in vawi tam ka chhiar nawn a.
'Ehe..Mizoram ah a rawn let tawh elaw,Bhai(Vai țawng) in min rawn tlawh rawh a ti tih min lo hrilh sak teh.' Tih zawng hi ani a,Zothana te nen khan house khatah kan awm rual vek a,Mipa ho kha Vai hming in phuahsak a in koh tak lawng lawng te kha an ching a.

He pa hi Zothanmawia kha ani angem?Lo nita se tinge kei hi vawikhat pawh min rawn biak a tum loh.Thlalak chu ka zoom a,Zothana nen khan fiahtak a thlalak dun kan nei loa,Ka thlalak kawl ve chhun chu hnuchham in a awm zawng zawng kan ţhu ţhap a,Kan tam tham bawk a,Cameraman kha a dinna a hla a,Kan hmel chiang tak in a lang lo vek!Mahse ka thinlung hian amah ani tih min rintir a tum tlat a! Amah a lo nih tak hlauh erawh chuan engvanga min ngaihsak miah lo nge anih?

Ka harh hlawl a,Dim light chu a ngai ngai in a lo la eng a,Jayden min kuah chial a lo la mut vang chuan Zico a la rawn let lo anih ka ring a,Ka phone khawih lai muthilhsan chu ka hmet eng a.Ka thaw nghal hawk bawk.

Zinglam dar 2 a pel fel der tawh!

Jayden in ka ban a lukham chu zawite in ka la sawn a,Ka tho a,A bulah a kuah turin lukham ka dah sak a,Zico ka call zawm nghal zat a.

A 'ring' char char a,A chhang thei der lo!

Ka call nawn chhen a, mahse min chhang thei bawk silo,Hlauhthawnna nei miah lo kha hlauhthawnna in min rawn man a,A in ve zeuh hi kawng lak ah a rawn chesual ta mai ani em tih te thleng in ka ngaihtuah kual ruai a!

Rilru mumal lo zet hian kan nupa pindan chhungah chuan ka vei tawn sek a! Zico chu ka call pah reng bawk!

Darkar chanve dawn mumal lo lutuk in ka awm tawh,Zinglam dar 2 thleng thleng meeting an neih lah ka ring bau lo!

Ka phone a rawn ri thut a,Ka hum lai reng pawh nise ka thil ngaihtuah in a lo zirlo bawk nen ka phu dawrh tho!

Message a lo awm a,Ka number save loh ațang leh nghal in.

"I ţha em?" Tih zawng hi.Ro zet a nui hak in number chu ka melh a,Tun ang zing dar3 tawh ah ka ţhat leh ţhat loh a rawn hre duh chu ania!

Reply lo in Zico bawk ka call leh ta zawk a!Ka rilru nuam thei bawk silo chu ka vei tawn sek a! Ka nu leh pa call mai te ka duh rum rum tawh!

Minute 10 hnuah Gate inhawng thawm ka hria a! Ka thaw nghal huai thei!

Car thawm chu ka ngaithla reng a,Dar3 leh minute 20 chiah chiah!

Kailawn ah ke rawn pen thawm a rawn hnai zel a,Engtia lo hmachhawn tur nge tih ka hre mai lo,Khatizat ka call kha a chhang miah lo a! Thinrim ţun chung in khum tlangah ka thu fel at a!

Kawngkhar dimte in a rawn in nem hawng a,Zico harhfim hlawl lo hmel ka hmuh leh rual chuan a hma zawng aiin ka thinrim a zual sauh a! Ka lo men a rin loh lutuk vang nge a rawn meng awk a! Kawngkhar a pawh phui leh thleng chuan țawnglo in ka lo melh ngawt ngawt!

"Lo mut tur che a nia,Ka rin aiin kan rei a."A ti sup a.Sofa ah a ţhu thla a,A pheikhawk a tlawh phelh a,Ţum dang chu nise ka buaipui vek ang,A thuamhnaw ka hlih sak a nga,tui lum in a in tleuh hmasa dawn em tih te thleng in ka zawt ang! Mahse zanin chu engmah tih ka tum buai peih lo!

A inthlak che vel chu ka en reng a,Min rawn thlek leh zawk zel a chu engmah sawi a tum tawh biklo,Chu tak chuan ka thinrim a ti zual a,Min ngaihpawimawh hmel loh hluah hlauh hi ani tawp mai!

"Mu ang."a rawn ti nghut a,Ka thaw hawk a,A fapa bulah chuan a inthawlh zui nghal zat a! A awmdan chu ka haw hlur tih bak sawi tur ka hrelo.

A in hnem bawk ani khawp ang,Minute reilote hnuah a thaw nghal sawk sawk a,Khum tlangah chuan ka la ţhu reng a,Zan dar 3 thleng meeting na tur chungchang sawi ringawt in an awm ngailo tih ka hrethiam ve vek a!Khatizat ka call te kha engtinnge a chhan loh theih?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 3:53 pm

☆TE DOY☆
Chapter 2
By
Abbra Reo Ririni Khiangte(Pitartei)


Ka meng tlang ta ţhak a,Zing karah inhnuaiah ka chhuk thla a,Ei siamtu in min hmuh rual chuan a rawn meng awk a.

"Good morning!" Nui var var in ka ti zauh a.

"Good morning,Coffee nge Tea pangngai?" A ti leh a,Indian ani a,Mizoţawng hi a hmang tam lo a,Zico nen hi chuan Hindi in an inbe mai zel,Mahse mizo ţawnga inbiak tlanglawnna hi chu a hrethiam ve a.


"Coffee ka lo insiam ang,Nang chuan chhunzawm leh rawh."Ka ti a.A bu zauh a,Ka mamawh tur ang a rawn dahkhawm zung zung a,A vawksa siam tur chu a sil zawm a,Eisiam chu thiam tak ani mai,Restaurant a to tak tak ei ţhin aiin ani siam hi ka thlang zawk fe ţhin.


Coffee chu ka inkhawp lek ka chhuang a,Zico rawn thawh hunah thinrim in nge ka lo hma chhawn ang pangngai tak in tih ringawt ka ngaihtuah a.

Inhnung lam aţang pawn lam kal chhuahna darthlalang lianpui chu ka nem tawlh a,zingkar boruak vawt vin tuk vang chuan ka mur ar ar thei mai!


Chair leh coffee table lam chu ka pan a,Kan in awmna hi tlema tlangsang deuh anih vang hian khawpui lam chu chiang zet in a hmuh theih a,Chair ah chuan ţhu thla in thawk ka la ham ham a!Coffee la khu vat vat chu ka'n dawt khalh a,Ka taksa vawt lutuk chu ka kawchhung lam aţang a rawn ur lum ham ham a.


Ngaihtuah ber tur hrelo in hmalam khawpui reh duk chu ka thlir a,Nupui pasal inneih hnua ngaihzawng inneihsan hi tunlai kan Zoram khawvel ah chuan thil thar ani tawh lo a;Kan mi rin loh pui pui te ngaihzawng in neihsan vang in an inţhen a,A tuar ber tu te chu an fate an ni thung!


Zico leh nizan thil thleng ka ngaihtuah a,Ka chau nghulh thei mai!

Nizan a kal chhuahna ang ah khan keipawh in ţum tam ka zui ve tawh ţhin a,A rei berah darkar 3 hi an hun hman dan tlangpui a ni ţhin,Mihran telna meeting naa an sawi tur an ruahman lawk satliahna ang ani a,Zan dar 9 ațang zinglam dar2 thlen ngai khawp a hna tam a ni ngai lo hrim hrim tih hrethiam lo tur khawp a mi â nileng ka nilo bawk.


Ka ţhut rei tak hnuah chuan ni a rawn chhuak iar a,Mami leh Jayden in be lawng lawng thawm chhung lam aţang a rawn ri a,Ka coffee no ruak chu ka tuai kual nauh nauh a! Nupa dangte chunga thleng tur chiah a ka lo dah ţhin ngei hi ka chungah a thleng ve ta reng tihna em ni? Phatsan nih hi a tlawmthlak a,Chutih rual chuan kawppui ten ngaihzawng an neihsan dinhmun phei chu a tlawmthlak mai bak ah a zahthlak hluah hluah! Mahni kawppui te ngei pawh hlimna pe zo lo in midang min pansan tihna ania!

Jayden in ka awmna Mami a zawh tak lang lang ah chuan thaw halh chung in ka ding chhuak a,Mahse ka hnunglam aţang nghet zet in min rawn kuah bet nghal hmiah tu vang chuan chet mai nachang hrelo in ka ding khawng ta reng a!


Ka sam ah a rawn nawr a,Ka inseh ruh ţeuh a! Ka dul zawna a rawn kuahna kut chu a chet leh a! Ka che zui ve phat a.

"Khawi teh.."A kut phelhsak tum in ka tal aih aih a..

"Min hauh dawn chuan min hau zawk la.."Ka nghawngah a hmui in a rawn sik zawm zat a,Ka tih ngaihna hrelo in ka kut in hnunglam a ding chu ka ban a,A chhip sam buk laiah ka ţham ta nghek a!


Zico chu a rawn nui chhuak hawk anih chu!


Ka thlah a,Ka tal leh a,Min thlah ve ta mai bawk a!

"Babe...Thinrim ţhin lo teh.."Min khawih leh a tum rual chuan table te chu kal hel in a hlat lamah ka awm vat a.A thaw nghal hawk bawk.

"Nizan khan phone ka tibo a lawm.."a rawn ti hluai a,Mahse ka lungawi zo chuang lo.

"Phone i tibo a,Mahse meeting kha dar11 a tawp si chuan engvang in nge zing dar 3 ah chiah i rawn haw?" Zawi sehchilh zet a ka tih tak ah chuan a ban a phar hluai a,Polar kawr bantluan navy blue a ha a,Sweatpants a ha leh tawp.

"Zico ka ngaihtuah che a sin,Accident i tawk mai anilo maw tih ngaihtuah reng reng in ka lo awm a.."Thinrim ţeuh in ka sam ah ka zen lut a,Phone bo eng ang mahse in lama let nan chuan zing dar 3 chu a em em lutuk!

"I ngaih ngaih in ngai teh!" Ti hmuk in in chhunglam ah a lut zui vut a,Ka coffee no ken laia ka vawm zui chawrh lo chu vannei tak ani ringawt!

Inchhung ka luh ve chuan Zico hmel hmuh tur a awm lo a,Jayden leh Mami'n thil an lo in ei tir a,Jayden an min hmuh rual chuan min ko nghal chul a,Apa lakah thinrim viau mahila ka fapa hi chu țawngkam bung tak a biak ka duh ngailo.

"Jay..Ei vat vat la bazarah kan chhuak dawn nia."A lu ah ka tuai zauh a,Kut a beng terh terh a,"Mami nangpawh lo insiam rawh aw,Kan pathum in kan chhuak dawn nia."

"Yessss!" An pahnih in chhaih nui hawk hawk chu kalsan in choka lamah ka lut a,Eisiamtu bulah kan kal chhuah tur thu ka hrilh sawk sawk a,Zico laka ka thinrim hi chuan in lama awm ka peih ţhin lo.

Inchungah ka chho a,Khum a Zico lo bawk duai ka hmuh rual chuan ka ner nawk ringawt!

Min lo en kur a,Ngaihven miah lo in ka inthlakna tur ka la chhuak sawk sawk a,Ka che vel chu ngawi ngul si in min enkual reng a,Zing dar 3 ah a rawn let chiah a,Insawifiahna ţha awm lo a ka lungawi mai a ring anih ngat chuan a tisual chhiava ang!

Thinrim ţun in washroom ah ka lut a,Ka lungawi lohna kha midang chuan ho ti viau mahse a ho tlat lo! Ngaihţha taka awm dawn a rilru tibuai ru tlat tu ani tlat a!

Shower ah tui sa ţha zet in ka inphuh sar sar a; Ţul lo lutuk in nizan a Rachel thlalakpui mipa kha ka mitthla ah a rawn lang zawk a! Chumi rual chuan ka taksa chhung ah hian che dawt a awm tel ve a,Ennge anih ka hrethiam lo,Shower chu herh tawp in thawk ka la zui ham ham a!

Zothana ani mai a ngem? Lo ni ta se tinge min rawn biak miah lo!

"Inkhung reng i tum ami?" Zico in kawngkhar a rawn kik rual chuan ka phu zawk a! Towel ka ban sawk sawk a,Ka sam huh chu ka tuam a.

"Rawn hawng teh ka inbual ve duh.."Ka chhang duh eih lo! Bathrobe ka ha a,Ka sam chu washroom a hairdryer in ka chhem zui leh nghal mai a.

"Babe.."

Kawngkhar ka pawt hawng nawk a! Ani a lo la nui suk zui a!

"Thinrim rei nu.."Washroom chhung lamah min nawr lut nawk nawk a,Kei kal chhuah tum a ka ţan ve vang in kan inpawt nawk nawk hi ani ber!

"Babe..I duh chuan min hau rawh,Thiam ka in tilo,Nizan meeting zawh hnu khan ka ţhiante party ah ka kal kawi a,Ka phone lah ka hmu zo miah lo,Ka in tam deuh a phai a awm ho an rawn haw lai ani bawk nen duh aiin ka rei anih kha.'' min man bet tlat a.Luhlul zet a ka ding chu amah si chet in min pawt hnai leh a,Ka lung a awi zo chuang lo.

"Min thlah la,Kal chhuah kan tum a,Kan tlai mai ang.."Ka ti hlak a, Patling in lam panna chang hrelo a zing dar3 thleng thleng leng bo thei ani hial ang.

A thaw hawk a!

"A ţhing rim i nam leh nghal a.."

"Ziah a che.."Ti hluk pahin min thlah a,Washroom aţang ka chhuak chu min zui ve zel a,Ka ngaihven lo lui ve tlat a,Khum a ka thuamhnaw dah chhuah sa chu ka la kang a,Ka bathrobe hak chu ka hlip a,Bra leh panty nen chiah ka awm,Ka pasal a ni a,Vawi tam hei aia thui min hmu tawh a,Ka zah lem lo.

Cotton shirt var sar ka inthawlh a,Fa pakhat chiah ka neih vang emaw ni ka taksa hi ka nulat lai aiin a nalh a,Ka vun a mar in a mam han a,Ka vun hi var hluak anilo a,A sen no deuh chek thung,Shirt chiah ha chuan khum tlangah ka ţhu a,Lotion ka in hnawih mawlh mawlh a,Zico khum ah a rawn bawhkai tak ah chuan khum chu a hniam suih a! Thawh tum in ka che zui ve phat a! Mahse ka tlai hman!


Nui hawk chung in ka hnunglam aţang min man bet a,Khumah a taksa delh in ka let thla hnawk a!


"Min thlah teh.."Ka ti nghal ţhat! A nui leh hawk a;Hnunglam àțang min kuah beh miau vang in ka tho chhuak mai thei biklo,Ka kawr hmalam ah a rawn zen luh leh tak ah chuan ka tal zui chiam a,Zico erawh a thinrim ve duh bawk silo,A ke in ka taksa hnuailam a rawn kherh bet a,Ka kawr chhungah zen lut tawh lo a ka mal inkar ah ka panty chhana a rawn khawih tak ah chuan ka thaw chhuak hak a!


Awmze nei zet in a kut a chet zawm a,Ka thawk lak danglam ta chu a hriat ka hlau lutuk! Ka tal lui leh tur chu a aia nghet in min kherh bet a,Ka panty chhungah a zen lut zui nghal zat bawk!


"Inthlah dul rawh.."Ka nghawngah hmai a rawn phum a."tawp ka tum miah lo a nia.." a rawn phun zui leh sup a,A kutțang a chet leh tak ah chuan ka thaw chhuak hawk a,Zico erawh a rawn nui nghawr dat thung!


"Tawp rawh.."A ban rekah ka vuan zui vat a,Mahse awmze nei tak in a kut a chet kual a;Ka pasal ani a,Min hrechiang mah mah bawk! Thiam tak a reivak lo min khawih kual leh meuh chuan ka tha a zawi a,Tisa chakna in min tuam a,Hnunglam ațang ka khabe ah a rawn dawm a,duhthawh lutuk in min rawn fawp nghal tawn tawn a,Keipawh ka bang biklo,Ka leh thal a,A taksa chungah ka lawn kai nghal zat a,a kekawr kap zawn a mipatna rawn che ve ţual ţual pawh chu ka taksa in a lo hre reng kher mai! Panty ringawt ka hak vang in ka zauthau a zual a,Ka khelah a kut in a rawn vuan ve vat a,Ka bawk hniam a,a hmuia fawp zui tawn tawn chung in ka taksa hnuailam ka chet ve a,A rawn rum chhuah hawk tak ah chuan rang lutuk in ka let thla a,Zico erawh a taksa a ka thil tih vang in a che rang tawk hman lo.


"Kha zawng kha ni teh se.."Nui chhuak hak in khum a ka kekawr chu ka ban a! A hmel a la phelh phang a;Ka hrem ve ni mai rawh se!

"A va fair lo ve."ti hluk chung in min man a rawn tum leh a,A kekawr kap zawn pawng ul chu ka en a,Ka nuih a za zual sauh maiin ka hria.

Min rawn hnaih chilh tak tak hma in ka kekawr keng chung in washroom ah ka tlan lut a,Kawngkhar ka khar phui hman tih ah na zet in kawngkhar a rawn chum dawt a! Washroom chhung ah chuan ka nui chhuak ta nghek a.

"Zan ah i hre khawp ang."A phun hluk ri leh a kalsawn thawm ka hre zui nghal zat!

Darthlalang lianpui a ka taksa rawn lang chu ka thlek vang vang a,Ka nui leh sak a,Fa pakhat nei tawh chuan kan hrethiam ţheuh ang,Fa kan neih rual khan kan thisen bal tam tak a chhuak ve a,Fa kan nei zo kan taksa in ngai a rawn awh leh chiah hian kan tituai a rawn nalh thar a,Nulat laiin kan vun a chuar ka tihna nilo,Mahse kan vun hi a rawn mar thar a,Vun a no chek reng a,Keimah bikah hi chuan ka nulat lai aiin ka taksa hi a let in a nalh bak ah ka lang sang/sar ve sawt bawk a,Zico pawh hian chu thil chu a hrechiang ve viau in ka hria,Fa kan neih hnu hian nupa nun pawh kan hmang tam zawk a,Engtik lai pawn a duhthawh em em reng zel!


Ka kawrhak ka taksa phuar lam mah chu ka 'tug in' a;Ka kekawr chhan a ka mawngbawr rawn pawng chhuak lah chu en in ka nui leh hak a! Fa neih tawh vang a incheina thlahthlam ka tum chuang lo,Engtik lai pawh a ka pasal tan hmuh nuam leh a tana zahpuiawm loh tak a lan reng hi ka duh ţhin.


Washroom ațang ka chhuah rual a khum a Zico lo thu run chu za vak lo hian ka nuih leh a;A lungawi hlawl lo tih hriat zet in a hawisawn nghal hmak bawk.

Khum lu lamah lukham a dah thuah a,A ţhu awn duai a,Ka leather jacket lak chhuahsa ka dahna a coat fual lo awm ta daih chu phawk zet hian ka melh a.

"Kha jacket ha chung khan chhuah a ţullo!" A lo ti hmuk! Ka nuih a za ru hle a chu chhaih kual ka chak ve tlat!

"He coat hi chu ka kekawr hak nen a inmil lo.."Ka la kang a;Thuamhnaw bawm lam ka pan pui leh rual chuan rang zet in khum ațang a rawn tho chhuak ve a,ka hre reng,Ka hrelo der lui a,Engthil nge a tih dawn tih ka hriat chak vang in ka thuamhnaw bawm chu ka pawt hawng a.

Ka hnunglam ațang a rawn nem khar pawp a!

"Coat fual kha ha mai mai rawh." A rawn ti nghal hlur anih chu!

"Ka kekawr hak nen a in millo ka tih chu!" Ka hawi let duh miah lo!

"A ţha e..Ka rawn kal ve dawn."Ti hmuk pah in a kalsawn a;A lam ka hawi hma chuan ka nui hmasa le phawt a.

"I buailo a mi?"

"Buai lo;Ka inthlakna tur lo la chhuak rawh."Ti nghut chung in a towel a la a,washroom ah a lut zui nghal nulh a.

"Naupangchhia leh lutuk!"

A thuamhnaw bawm bik ka hawng a,Cargo pants ka la chhuak a,Shirt var tho ka la tel a,A chung a a hak turin Hoodie Jacket ka la chhuak leh a,Khum chungah ka dah sak thlap a,Ka phone chu a lo low deuh vang in ka connect leh rih a.

"Zico..Junior te insiam ka en lawk dawn nia."Washroom kawngkhar kik kauh kauh pah chuan ka ti lang lang a,Amah pawn a zawh vat tur thu a rawn sawi tak ah chuan kan room aţang ka chhuak a,Mami'n Jayden chu a lo thlak mawlh mawlh a, kan kal chhuahsan tum ber lah in rawn kal ve a tum leh ang lawi bawk si a.

"Mami i duh chuan thil tlem lo zuk ei hmasa rawh,Kan kalna tur a hla deuh sia."Ka ti a.

A kal chhuah pah chuan Jayden inthlakna suk tur ho a keng chhuak pah a.


"Mum,Papa nen nangmah ni khum ah kan lo mu daih a sin."Jayden chuan mak ti zet hian a rawn ti a.

"Nuam i ti em?"A bu ve nghat a,A sam huh chu ka hru leh thuak thuak a,A biang hi a puar deuh hlek a,A hmui sen chek hi a liak hnawm chek zel.

"Papa dil la,a phal chuan kan bulah zanin pawh i mu leh dawn nia."Ka ti a,Apa a dil tur thu uar zet hian a sawi ve tan tan a,A la țawngfiah chiah siloh vang hian a ţawng hi kan hriatthiam loh a hlau ţhin lutuk hi a awki a san phah vak zel.

"Papa Jacket hak ang hi ha ve mai rawh aw."

"Aw..Mum,French fry kan ei dawn tiraw?" A rawn ti a,KFC a sawi ve na ani ţhin.

"Umm..Arsa bawp lian deuh pawh i ei dawn nia.'' A jacket ka haktir mawlh mawlh a,Ka sam hraw pui pui a ka tih kawih chu a lo khawih ve chhen a,Tun hnai hian hunpui vang in Zico pawh a chawl a,Chhungkua in hun kan hmang tam thei a,Keiin ka lo thlakhlelh aia nasa hlei hlei in Jayden hian a lo thlakhlelh vang hian an in kuah deuh chawt a,Bawh pawh a bawh buai hneh nangang mai!


In ațang dar 9 dawn ah kan chhuak a,A hma lamah ka ţhu a,Jayden an ka pawm duh lo in hnunglamah Mami nen ţhut a ngen a,A chang hi chuan intitlangval deuh a ţhut ve than te hi a duh ve ţhin a,Kei lah hian ka lo en naute leh mah mah ţhin bawk si,Rak tung a,amah aţhut ngen tlat chin ţum hi a nei ţhin.


Zico in Lalat park a kal a rawt a,Mami leh Jayden an phur phian bawk.Falkland kan thlen rual in cafe lo inhawng ah kan inhnawhpuar hmasa phawt a,Jayden erawh in eitur a uksak vak tawh lem lo.

"Haw lamah ka phone tur en kawi lawk ang u aw.."Zico chuan ka bul ţhutna a rawn ţhut thlak ve pah chuan a ti a.

"I ti bo tak tak a maw?"

"I mak thei ngawt mai,Dawt sawi ah hian min ngai ţhin emawni le?"a rawn ti hmuk a!

"Chu lam in ka sawi lo.."ka ti hmak!

Jayden leh Mami infiam kual vel chu ka thlir ta daih a,Khawi ah emaw a lo theihnghilh palh pawh ani thei a;Rik hlut hi a ching thar riau tawh.

Ka phone a rawn ri a,En mang hleilo in ka bag chhung chu ka zen rak rak a,Screen a hming rawn lang ka hmuh rual chuan Zico zawk ka melh zauh a.

"Aw..Chel.."

"In inah lo kal ka tum a,In lo chhuak vek bawk sia."a rawn ti lang lang a.

"Nia..Lalat park ah kan kal daih a,A va pawi ve. "

"E. Tah khan lo awm tlat ru,Kan rawn kal ve ang,Falkland ah khan event a awm a,Kal kan tum hrim hrim a lawm."a rawn ti zung zung a, 'kan' tih a sawi rual khan ţullo zet in mipa tunge anih ka hriat siloh kha ka hrechhuak zawk a!

"Lo kal ve ru;Kan lo nghak ang che u."Ka ti sep a,Phone ka dah luh rual chuan Zico in min hnaih vat a,Ka hnunglam ațang min rawn kuah hlu hlu a.

"Rachel te an rawn kal ve dawn."Ka tisep a.

Min chhang tawh lem lo hian ka darah khabe a rawn nghat a,Kan fapa infiamna lam chu a en dauh dauh reng a,

"Jayden i ngaihsak dan em em hi chu a thik awm lek lek ţhin."

"Eng a?" A ti nghut,A aw ah chuan a nuih a zat hmel hle bawk.

"Ka sawi kha i hrereng."Ka ti hlak a,A nui leh suk a,Zawite in ka nghawngah a chal in a rawn nawr a.

"Tunge ka ngaihsak zawk chu i hria alawm.." Rawn phun sup chung in ka nghawng lang laiah a rawn seh zauh a,ka kiu in ka nghawk sawk bawk! Nui leh hawk chung hian amah si chet in min kuah hnai a.

"Min ngaihsak miah lo tu chu an hriat khawp kha."Zawi sup a a rawn phun leh tak ah chuan ka nui chhuak ta hak hak a! Zing a thil thleng kha a la ngaihtuah reng ani khawp ang!

"Nui ziah suh.."

"Zing dar 3 thleng patling meuh i len bo man anih kha."ka ti a.Min kuah reng chung chuan a rawn nui chhuak ta hawk hawk a.A taksa chu ka ngheng ţha sauh sauh a!Nupa kan ni a,Inhauh chang leh lungawi loh chang chu nei fo ţhin mahila inpawh rukna kan nei tawh a,Rei tak kan inthinrim khum rei thei ngailo.Tun ang a hlim tak a awm a;Nuih dun a,Kan fapa duhawm zet leh a pa ang em em mai infiam lai thlir dun a hlim taka awm reng hi ka duhthusam ani fo reng ang..

.Âni.."

Jayden a tlan nghal tarh tarh a,A cotton candy ken chu a tlanna lamah a thlauh palh a,ngaihven zui tawh chuang miah lo in car aţang Rachel rawn chhuak chu a bawh ve khat khat a.

"A in la fel ve tawh ngawt mai."Zico zawk in a ti hlut a,Rachel te car lam pan chuan kan inkuah phei ve a,Jayden an Rachel bulah naupang infiamna a thil awm ho inti hre zet hian a hrilh ve lang lang a,Rachel hi Mizo hmeichhia ah chuan sang pawl tak ani a,A taksa cher riak a inbel tur thuamhnaw a thlang thiam em em a,Kan kum erawh a inrual thung!

"Dindin,I va nalh ve."Min fiam pah zauh a,Zico zawk a lo phun nghal hluk thung.

"E,Hmelhriattir tur che ka nei." Jayden pawm chung in min din hnaih a,Zico pawhin min kuahna a la sawn ve ta hram bawk.

Driver side ațang hmanhmawh lo zet in mipa a rawn pen chhuak a,Ka lo en kiau reng a,Kun chhal chung in Car Kawngkhar a nem phui dat a,Kan lam hawi a a rawn ţhen suk rual chuan phawk lutuk in ka meng kawk a!,Ka ke ka pen hnung dat pawh chu ka hria!

'Amah ani!' Zawite in ka sawi,A sam buk biklai chu thli in a chhem phe vat vat a!Ka lungphu chuan 'Zothana' tih chiah hi a sawi dup dup!

Muangchang in car chu a rawn kal hual a,kan lam panin a rawn pen hnai zel a,Jacket fual uk khap mai a ha ,A kut dinglam a kekawr ipte ah a zen lut bawk,A sang țha in a taksa chu a inkhai thli zuih!Sa ţha țulh anilo a,mahse Mizo mipa ah chuan langsar tak tur ani ringawt! A kum a naupang tawh lo ti lang chiang zual turin a mit bulah vun chuar a awm phei raih bawk a,A rawn hnai zel a,kum 23 mi min kalsan tu hmel kha ka mitthla ah a rawn lang zut zut a,Chetsawn ngaihna hlawl ka hrelo!

Ka hma chiah a Rachel bulah chuan a rawn ding a;Min melh zawk a,Min hre tawh ang in a awm lo a,A mit la sawn leh a,Kan bula Jayden ding chu a thlek zauh a,Jayden lah in phur zet in a pan hnai a.

"I lo kal ve elaw,Sawtah sawn sakawr lem a awm a sin.."In ti hre deuh hian a infiamna lam chu a kawh hmuh a,Mak ka ti tulh tulh bawk.

"Nakinah kan kal dawn nia.."Chu pa chuan nui suk pahin Jayden samah a tuai zauh a,Zothanmawia ang chiah in a biang dinglam ah biangsum a rawn lang khuar kak a!Vawikhat pawh a lak ațang mit ka la sawn thei lo!

"Din,Hei ka ţhianpa Vincent ,Vincent hei ka u nupui ka sawifo ţhin Dindini chu anih hi.."Rachel chuan a ti lang lang a,A hming chu Vincent maw lo ni a!

Ka lama kut a rawn phar chhuah chu muangchang in ka ban a,A kut phah hlai hlup chu melh in mit ka'n khap fak a,A kut ka deh rual chuan amah zawk in nghet zet in a rawn hum a,Engtin emaw tak hian ka chhunglam ah hian danglam a awm tlat,Min vuan reilo,Second 5 pawh a tling lo hial maithei,Mahse keimaha hriatna thazam hian ka chala fawp ţhintu kha ani tih min rawn hrilh a,A kut a la let a,Rang zet in a kekawr ipte ah a zen lut leh a,Min hria ang in a awm ve chhin lo reng reng!

"U Zico nen hi chuan in inhre ţha tho in ka hria.."Rachel bawk in a rawn ti a,Zico in hnunglam aţang ka kawngah a rawn chelh tak ah chuan ka chetdan atthlak lutuk leh ka landan mawl hmel lutuk tur chu ka hrechhuak ve chiah!

"Mizoram lamah i rawn let tih ka lo hrelo a."Zico zawk in bul deuh hmuk hian a ti a,Chu pawh chu min hawi dawrh tirtu ani tho,Ka pasal chu ka melh a,Vincent Oh..Ka thinlung erawh in Zothana ani tih min hrilh pa nen chuan chiang zet hian an in melh a.

"Ka awm ve reng tawh dawn lawm.."Chu pa chuan a ti sup a.A aw ki hniam tak si leh thum lam lek lek te,A mitmeng a tih zim ruala a biang ruh chet kual dan te chu Zothana nen danglamna pakhatmah a awm lo!

"A ţhat phian dawn chu.."Zico zawk in a ti nghut,Min kuahna ațang a kut a lasawn a,Ka darah a rawn nghat leh a,Ka melh zawk a,Vincent lak ațang mit a la sawn bik lo reng reng! An pahnih inkar boruak chu hriatthiam siloh hian a ţang at a!

"Mum.."Jayden in min auh vang chuan ka ţhuhniam zui vat a.

"Mum, u Mami bulah kal ang.."

"Awle.." Thaw hak chung in a lu ah ka tuai zauh a,A kutah ka vuan a,Ka ding chhuak a,Vincent chuan kan nufa chu chik lutuk hian min lo en ngur a!Ka khur ti tih ngawt anih chu!

"Ih..Chel..Infiam a la duh deuh a,Naupang awmna bikah sawn kan lo va kal ang aw.."Mumal mang lo hian ka ti a,A bu nghat a,Vincent ban ah vuan pah chuan Jayden chu fimkhur turin a rawn ti ve a,Kan kalsawn tur chu Vincent zawk chu ka melh leh hram a,A mitmeng a engmah langchhuak ve hauh lo hian min lo melh ve reng a.


Ka fapa te infiamna lam chu hmu chuang miah lo hian ka thlir reng a,Ka ngaihtuahna chu a buai nuai ani ber! Zothana nen danglamna pakhatmah an awm lo,A biang sum neihna leh a hmel landan zawng zawng ah khan danglam a awm lo.Mahse Zothana intilo in Vincent a inti tawh zawk a! Ha..A hlawhtling ta lutuk kei ngei pawh min theihnghilh zo tawh anih dawn kha..Thaw ipik zet in thawk ka la hawk a! Engnge a lak ațang khan ka beisei chiah ka hrelo,Mahse a hmelhriat ngailoh ang a min enna khan min ti na lutuk tih erawh ka hria..Ka u,Min ngaihtuah em em reng tu leh ka ngaih em em,Biak pawh ngaihna hlaw ka hriat siloh ani a..Mahse ani thung chu hming hran neiin ka hmaah ngei a ding a,Min hria ang pawh in a awm chhin duh miah lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 3:53 pm

Mit ka chhing vang vang a,Ka muhil tur duat tak a ka hnunga min chul sak hauh hauh lai te,Damlo khawsik tlun hluah hluah a ka awm laia ka dam tur thu min hrilh mawlh mawlh chung a ka kut nghet taka a hum lai te kha an rawn lang zut zut a,Hmelhriat thar ang mai a ka kut a vawnna hnu chu ka lek kang a,Za lo zet a nui hak in ka sam ka'n tuai chho puat a!


"Mum, Ka tui a hal.."Jayden in a rawn tih lang lang tak ah chuan thawk la in pangngai tum in ka bei vat a,Ka lam pan in a rawn tlan terh terh a,Zico kha khawnge a awm tak ka hrelo! Rachel nen sumdawnna chungchang an sawi dun ani mai thei,Unau mah nise an in hmu tam lo a,An inhmuh ţum erawh in chhungkaw sumdawnna chungchang an sawi tlang ngei ngei ţhin!


"Tui zawrhna ah kal ang u aw."Ka ti a.Jayden rawn nui sen sen ka hmuh rual deuh thaw in ţawng ri ka hre leh a.

"Hei lo in rawh le."Chu aw thum dut ka hriat rual chuan ka vir nghal nawk ,Ka bul maiah a lo ding reng anih chu! Ka fapa hmaah a ţhu hniam a, a Fruity ken lai chu Jayden a pe a,Ani lah chuan lawm zet hian a lo ban ve tharh a!

"Ka bulah i lo infiam ve duh em?" Jayden zawhna vang chuan Vincent zawk chu a nui hawk a! A aw thum lampang a nuih rik zawng a rawn ri hawk vang chuan Zothana bawk ka lo ngaihtuah zawm leh zat.


"Security te sawn ka luh an phal ve lo ang.."A kut ţang in a kawh zauhna lam chu Jayden chuan Fruity fawp dek dek chung chuan a melh ve kiau a.Engtin nge an lo inpawh hman em em theih ni, Jayden hi naupang ţahbelh anilo a,Mahse hmelhriat loh be mai mai tur khawp a naupang kawlhrawng erawh anilo,Tunah lem he pa lah hi hman aţanga a lo hriat hrep tawh ang maiin a be siam siam reng a.


Chutia an pahnih inbe lai chik zet a ka en reng lai chuan Vincent zawk chu a rawn hawi chhuak thut a! Kan mit a intawng nghal chat bawk!

"Zothan.." A ri chhuak em pawh ka hrelo,Nui lui suk a min en run pah in a rawn ding chhuak ruai ruai a,Kan mit erawh a tu zawk mah in kan la sawn lo ve ve! A din mar meuh chuan dak ti tih a ka melh haw a ngai a!

"Vincent zawk ka nia." Zawi sup a rawn tih leh tak ah chuan Zothana hming kha ka lam chhuak ngei tih ka hrethiam ve chiah.

"Oh..Hming dang i put tak na chhan hi hriat a chak awm khawp mai!" Ka ti let a,A kut pahnih chu chelh kawp in a nui chhuak ta hawk hawk a! He nui ri pawh hi kum 13 chhung a ka nui ri hriat tam ber kha a ni tiin ka thinlung chuan min la rawn hrilh fo a,Tlem in a aw a thum deuh tawh tih mai loh chu!


"A tir aţanga min en reng chhan kha ka hre tawh e "Atthlak tih hmel zet hian min melh a,Ka ner nawk thung.

"I hriat fuhloh tak in Vincent ka ni e.."A ti leh sup a! A tan a ngeiawm tur lutuk hian ka nui chhuak ta hawk a!

"Ka hriat loh che i ring ami?"

"Dindini tiraw i nih kha.." Ka hming a lam dan vang chuan ka hmel landan pawh a dang riai riai in ka ring!

"I mi sawi pa nen chuan kan in ang hle anih dawn chu!" Zawi sup in a rawn ti leh a.'Zothana i ni hlawl lo a maw?' Ka rilru chuan ka la ti hram bawk,Mahse sawi chhuah leh ka tum tawh lo..

"Aaa..I Fapa hi kum engzah nge ni ve tawh.."Ka en uluk lutuk chuan nuam a ti chiah lo ani ngei ang,A hawi sawn vut a.Ka chhan mai loh vang chuan Zothana chin ţhin dan bawk in ka lamah a rawn thle deuh nghut a.

"Ih..Kum 4 a tling ve ţep tawh.."

"Oh..A rualpui ah chuan a fing hle mai."Nui suk pah in a hawi sawn leh a.

"U Din, Washroom ka va hmang ve lawk ang aw.."Mami'n a rawn ti lang lang a,Ka bu zauh a.Washroom awmna lam ka kawh hmuh a.

"Oh..Keiman ka lo buaipui ang.." Jayden awmna lam a ka kal lut tur chu ka bula pa sangpui ding pa chuan a lo ti vut a,Ka chhanna pawh nghak lo in Jayden awmna lam pan chuan a pen lui zui vut a.Mi â ang maiin ka thlir reng tawp!

Jayden lah chuan phur tih hriat ngawih ngawih lutuk hian ban a lo vai lauh lauh a,Duhaiin ka fapa hian a ngaina dawn mah mah bawk.

"Babe,Hna ka nei thut a."Ka hnung ațang Zico min rawn kuah thutna vang chuan ka phu zawk a;

"Eng thil nge i lo ngaihtuah veng veng a."Nui pah in ka biang ah a rawn fawp leh zauh a;Ka hnung lamah a la ding tho,Ka awmdan nikhua lo zet leh mumallo em em tih reh tum chuan ka thaw chhuak ham ham a.

"Kan let mai dawn mi?" Zico melh chho hâ pah chuan ka ti a,Hmeichhe fit 5'5 bawr vel ka ni a,Zico lakah hi chuan ka hnawk sak tham em em chuang lo,Ka pa aiin ka nu lamah zawk a kal a,A lang sar vuah a,A tlangval lai ang lutuk in a taksa a enkawl uluk tawh lo bawk nen a beer in na hi a taksa ah alang chhuak ve deuh a,Thau chhia ni silo hian a ni vei luah! Ka zawhna vang chuan a rawn ţhen sak a.

"Let lo e,Keimah ka han let lawk a nga,Ka rawn hruai leh ang che u.."

"Oh.."

"Umm..ka rei dawn loh vang a lawm,Jayden lah sawn nuam a la ti viau bawk si.."A ti zawm sup a.Jayden khek chul leh Vincent in a bula ding chung alo nuih hawk hawk na lam chu ka en ve vat a.

"Saw pa saw ka ngaina lo ania,Hnaih hauh suh ang che." Ka melh zawk a,A nui suk a chu a thusawi ah khan a fiamthu miah lo!

"A va mak awm ve."

" Umm..I bulah ka chungchang engpawh sawi a neih chuan min hrilh nghal ang che."A ti zawm leh zat a;Mak ka ti telh telh bawk.

"I chungchang hre tur khawp in i pawh a maw?"

"Ka sawi ang chuan ti mai rawh,Mi ţha anilo a,A thuhrim ah a en dan che kha ka duh lo."A ti chhum hmuk a;Min kuahna a phelh a. "I bulah engthil pawh sawi a neih chuan min hrilh ang che..Ka chanchin chhe lam sawi hi nuam a ti ve a.."Ro halh a nuih hak pah hian min din hnaih leh sauh a!

"Ka kal dawn,Ka rawn let har lo ang." Min duat hmel hluah hluah hian a rawn nui ta suk a."Jayden bulah chuan lo sawi rih lo mai rawh aw." Jayden te thlek zauh pah chuan a ti a,keipawh za vak lo hian ka nui ve a.Kan kal chhuah ţum a apa a hmuh loh hian a ri ve chul zel a,Chu thil chu Zico pawh in a hreve hle chuan ka hria.

Car hunna lam pan a a kal nul nul chu ka en zui reng a,Midang chanchin mawi lo tak a sawi vawi khatna a nih vang ani ngei ang,A ţawng chhung zawng khan ka thaw chhuak lo hial in ka hria.

"I fapa hi a zun a chhuak in ka hria." Ka hawi let vat a,Vincent an Jayden a lo pawm a,Jayden lah chuan ngaihsan hmel fahran hian chu pa chu a lo melh ve kiau reuh a.

"Oh..I buai phah ta vak a,Ka lawm lutuk ania."Ka ti zung zung a,A lak aţang Jayden pawm thlak ka tum mai a,Jayden zawk a lo ţang ve tlat anih chu!


Vincent chu a nui leh hawk a,Chu a nui ri chuan ka kawchhung lam thleng in a deng a,Jayden ka lak tumna kut chu ka la thla riai riai a!


"Ok..Keiman ka hruai ang che aw."A ti hlut a,Jayden bu lap lap chu a sam ah tuai sak zauh in min rawn melh leh a.

"Ka hruai chu pawi i tilo em?"

" Aaa..I buai phah.."

"Ka buailo tih chu i hmu a lawm." Nui hak pahin mit ko a kan ak a,Zothanmawi ti a au chhuak nghek lo tur in ka inhum ruh sauh a,Mit ko san zauh a thil a sawi tawh hi chuan min chhaih thinrim a tum ţhin a,Tunah he mihring a ma hmel ang pu vek mahse hming dang nei tlat pa pawh hian min chhaih thinrim tum ang hrim in a rawn che ve leh a!

"Ka lo zui ve ang che u.."Ka ti sep a. 'I fapa hi ka ruk bo i ring ami?' Ti ang hrim hian min melh a,Kal tura ban ka vai zauh tak ah chuan hawisawn chung in a nui chhuak ta hawk a!


Chawhnu dar 1 a pel tawh a,Zico a la rawn let lo a;Phone a neih bawk siloh vang in chanchin zawh dan tur hlawl lah a awm bawk silo.

Lunch eitur in Warehouse Cafe ah kan lut a,Midang an awm ve nak nak bak a, Falkland ah hian naupang infiamna lam a awm ţhat vang in nu leh pa tam zawk hian fate hruai an intihhmuh thar a,Naupang tlan kawi nak nak hmuh tur an awm reng bawk.Rachel leh Vincent chu an ţhu dun a,Jayden chu Mami nen kan inkarah a ţhu ve kak a;Mami'n a phone a thla a laksak ho an in en tir a;an nui dun leh hak hak reng a.


"Khawnge Zico kha a kal daih a.?" Rachel in a rawn tih chuan phawk zet hian ka melh kawk a! A chhan chu nichin khan an unau in an awm dun reng emaw ka ti a,A kalna chu a hriatpui thlap ka lo rin vang ani.


"I hriat ka ring asin,Hna pawimawh a nei a,Khaw chhunglam ah a let leh zawk anih kha."Ka ti a,Rachel zawk a bu ta nghat a,Mahse Vincent zawk ngeiawm zet a a lo ţhen suk ka hmuh rual chuan ka thin a khei zak maiin ka hria! Zico sawi kha a dik dawn riau a hriatna ka nei ta bawk.

Jayden in french~fries a ngen tak chul vang chuan ka chahsak a,Kei erawh salad tui hnai zet ka lam ta thung,Sa lam aiin thlai lam hi ka ngaina hrim hrim a,chu mai bak ah khawi hmunah pawh ka chik ţhin chu an eitur rawn chhawpna hmanrua a thianghlim tawk em tih hi ani! Man to tak tak si a eitur chhawpna thianghlim tawk lo a thil ei te hi ka hreh a,Ka ei ţum a an hmanrua a fai tawk loh chuan ka kal nawn leh tawh ngailo,Eitur man zat chu engzah pawh lo nise pawi ka ti hran lo,Mahse thianghlim zan lo a eitur chhawp tawhna hmun chu a tlawm emaw,A to emaw ka pan nawn tawh ngailo,He hmun hi chu engkim a felfai thlap bak ah hna thawktute an inpe zo tih hriat tak in hmanrua a fai in glass no ah te kut hnu thla a lang ve thluah lo a,Lungsi tak in ka ei ngeiin ka ring.

Rachel in Event an neih tur chungchang a sawi siam siam reng a,Vincent erawh vawikhat pawh a ţawng ve leh tawh lo.

"Mum,Khawnge papa." Ka hlauh ang ngeiin Jayden in a rawn ti ta nang nang a,Mut chhuak hmel zet hian a mit a nu si nauh nauh bawk.Ka bana sana chu ka melh zawk a,Tlai lam dar thum a ni der tawh.

"Nghak leh lawk ang aw,Papa a lo kal ţep tawh..!"ka ti a,A nur nang a,Mami zawk in pawm a tum a chu a duh tlat loh vang in keiman ka pawm a,A ham bai bai reng bawk,Ni a la vui zo lo a,Nichin khan Zico khan min hruai haw nghal mai se nitur ania.

Cafe bang lam hnaih a ţhu kan nih vang in pawn lama a mihring zi nuai nuai chu a hmuh theih a.Artsy_Bit ho in hmai a painting an tih sak naupang te pawh an tlan kual nak nak hlawm a.

Ka bana sana chu ka melh leh zawk ţhin darkar khat lai a liam leh tawh,Zico a la reh hmak a,Jayden pawh ka mal chungah a muhil tawh,Event an ţan dawn hnaih tawh vang in mihring pawh an rawn ţhahnem sauh a,cafe chhunga rawn lut a nui hawk hawk tawk lah an tam tawh ngang mai!

Ka phone a rawn ri dar dar a;Jayden ka pawm vang in ka tan ban a harsa deuh si bawk nen..Rachel te pawh Event neihna tur lamah an kal tawh a,Kan pathum in Zico kan nghak ţhap.

"Mami,Ka bag a ka phone hi min lo lak chhuah mai la.."

Phone a rawn lak chhuah rual chuan number ka save loh aţang call alo awm a,Call back ka tum zet a,Amah zawk in a rawn call leh tak vang in ka chhang zui nghal vat a.

"Babe.."Zico aw ka hriat rual chuan ka thaw huai thei.Tlan hrep ang mai hian a rawn thaw huam huam leh nghal a!

"I va rei si ve.." ka ti a,Hah hmel zet hian a rawn thaw leh ham ham a!

"Nia..Sorry lutuk, a laklawh deuh a,Driver ka rawn tir a nga rawn haw mai ru aw."A rawn ti zung zung a,A buai hle ani ngei ang,A aw ah pawh a hmanhmawh hmel riau bawk.

"Ok..a ţha a lawm.."Ka tisep a.

"Jayden an min zawng em?" A rawn ti sup,A fapa a duatna aw ri hi hriat a nuam ţhin.

"Zawng e,A mut dawn thleng pawh khan a lam char char che."Ka ti a,Ka mal chunga kan fapa muhil sek sek chu ka en a.

"Sorry lutuk,Ka dah rih ang aw.."A rawn ti leh sup a,Driver kan lo nghahna hmun tur ka hrilh leh rih a,Phone a dahfel hma chiah chuan hmeichhe nui har har thawm ka hre tel a,Mahse phone chu a in cut zui nghal hmak thung!

Mak ti zet in phone chu ka melh ta reng a!

"U Din.." ka hawi nghal haw thei! Mami melh zawkna lam chu ka en ve vat a,Ka hma ah tak kha pa kha a lo ding run anih chu!

"Engnge i duh a?" Ka ti sep a.Thlesawn in a nui zui suk bawk.

"Ka lo thlah dawn che u mi?" A rawn ti leh a,Mami ka melh zawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 3:54 pm

"A ngailo,Driver a rawn kal dawn a.".Hmui a lo ti sawi zauh ka hmuh rual chuan rum zet in ka melh zui nghek ringawt!

"I pasal chu a rawn let leh si nange?" Ka huat dan chu a!

"A buai rih a,Driver a rawn tir dawn,min thlah duhna rilru i rawn pu chu a lawmawm e."Ka ti ta duah a.Ngeiawm lutuk in a nui leh ta hawk a! Hepa hian min chhaih kawlh dan a hre dawn mah mah tlat!

"A buai khawp ang chu.."Ti nghut pah in a inher vut a;Cafe ațang mahni inring tawk hluah hluah tih hriat zet a pen chhuak pawk pawk chu vuak zui chawrh mai ka duh rum rum!

Khum a ka mut hnu thleng pawh in Jayden chu a la harh ta chuang lo,A chau ve ngang ani ngei ang.Ka jacket hak ka hlip a,Zico min rawn call na number kha a number thar anih ring in ka save zui nghal bawk a.

Zinglam ah inbual tawh tho mahila tui lum a intleuh leh zuai ka duh vang in Mami ka ko lut a,Jayden hian a mut thawh ruala midang awm ve a hmuh loh changa ţah a chin thar vang in ka inbual chhung lo en zawk tur in ka ti a.

"U Din,Wifi password kha min lo type sak leh lawk mai.." A rawn ti a."Nichin ah ka hmet kual a,Ka lo out daih a."A ti leh niah niah a,Ka connenct sak leh zung zung a.Zico erawh a buai hle anih ka ring min rawn be nawn leh tawh lo a,Chutiang bawk in zan dar 7 a hnaih thuak tawh bawk.

Washroom ațang ka chhuak chiah a,Khum a Zico lo bawk duai ka hmuh tak ah chuan hahdam zet hian ka thaw huai ringawt a.

Ka inthlak sawk sawk a,Mutna a ka inbel ţhin ka inbel tlang ta tawp a,Zico mutna lam ah chuan thawm dimte in ka kal a,A thaw ri sak sak mai.

A biang ah ka chul zauh a,A rawn rum ţuah ţuah a.

"I va chau awm ve..?" Mit a rawn meng zawk a,Nui suk in ka kut a rawn hum zui hmiah bawk.

"Mu leh rawh,E..Dinner hi engtin nge ni dawn?" Ka ti leh rih a,Bawkkhup tawh lo in a saisir zawng in a rawn mu rem sauh sauh a.

"Ka rilţam dan a dang ania.."A rawn tih sup tak ah chuan insum hman lo in ka nui chhuak ta hawk a.

"I chauh em kha mu hle hle rawh.." ka kawr hmalam ah a rawn zen lut a,Ka dul zawnah a kut a tawp a,A thaw zui suai suai bawk a.

"Thil tlem tal ka zui ei lawk ang.."Ka kalsawn tur chu hreh hmel zet hian ka malchungah lu a rawn nghat tlat a,Palian pui si hi a pangchang ru ve tlat zel.

A phone lei thar ni ngei tur Dawhkan te chunga lo awm chu ka ban zat a.

"Wow..Iphone chhuak thar maw?" A rawn nui huk a.

"I duh ve chuan i lei ve dawn nia."A ti leh mai bawk,Lu ka thing zauh a,Samsung S8 ka hmanga ka duhtawk viau rih.

Ka number a lo save ve thlap reuh a,A phone hmasa kha Iphone 7 ania,Hlauh ngawt atan chuan uihawm tham tak ani ringawt!

7:30p.m ah room aţang ka chhuak a,An pafa erawh an mutui lutuk a kaihthawh ka tum tawh lem lo.

"Mami thil i ei tawh em?"
"Aw..ka lo ei san mai che u ."A ti a..Ka bu nghat a,Zico hna ban ka nghah thlen ţhin vang hian ka ei hma ngai em em lo.

Choka lamah ka lut a,Eisiam tu pawh a rawn lang ve vat a,Mahse keimah a ka inbuaipui theih thu ka sawi tak ah chuan a riah ţhinna lamah a lut ve leh mai a.

Vawksa ti kan leh salad bowl lian ve tak ah ka dah a,Table pangngai ah ţhu lo in Breakfast table lamah ka phei a,Phone khawih pah mawlh mawlh in thil ka ei a, insta a ka luh rual a ka thil hmuh vang chuan ka khuh chhuak nghal ţhawt! Ka bula glass no chu ban in tui ka in nghal khawlh khawlh a.

Mak ti zet in Screen a Lisa thlalak chu ka en a,Ka follow lo a;Mahse Zico a rawn tag thung.

Khum ah a mu a;A hnunglam aţang mipa ni ngei tur in a kawngah a rawn kuah a,A sam senduk nalh zet karah mipa chuan hmai a phum tlat bawk,Lisa zawk in a lak tih hriat zet in a hnunglama mipa taksa pawh chu a lang chiang lo.

"Always good to be with you." Hmeichhe hmui lem dah tel in caption ah a hmang a. Mak ka ti kher mai! Hetiang khum chunga thlalak leh nghal ka pasal a rawn tag ringawt chuan min tibuai a.

Commet ah ka lut zui nghal vat a!

'Nangni pahnih hi in ti lang leh lutuk ange!'

'Oh..Hretu an awm a nge aw.'

'Tu emaw dinhmun chu a va derthawng awm ve!'

Zico ţhian ka hriat ve te hlir in an comment a,An comment na chuan min sawi chhan tlat a hriatna ka nei ru a,Ka kawchhung lam a rawn ni nghulh a,Vawi engzah nge comment na chu ka chhiar nawn pawh ka hrelo,Hlauhthawnna in min ţham a,Ka lungphu su dup dup vang chuan ka taksa te chu a nghing dawt dawt maiin ka hria!

Lisa thlalak bawk chu ka ennawn leh a,An thil tih tur lah a chiang nangang mai! Ka en hmasak a ka hmuh tel hauh loh puan var in a khuh kim ve loh Lisa mal lang var vak mai te chuan ka kawchhung a ţham kual bulh bulh a,Mipa ban pawh chu an puansin in a khuh țhen ve vang in alang chiang em em lo! Zico hmehbel phet ka tum a! Nilo,Thlalak ka hmuh rual khan Zico ka ngaihtuahna ah a rawn lang hmasa ber zawk!

"Eng nge i lo en a?" Zico tho phang aw zawi sup ka hriat rual chuan nasa lutuk in ka phu dawrh thei! Phawk zet hian choka kawngkhar ngheng run chung a lo ding reng chu ka melh a..Hlauhthawnna leh rinhlehna in min tuam hlup hlup bawk.

A rawn pen lut a,Ka thawk a rang nangang bawk!

Hnunglam aţang ka darah khabe a rawn nghat a,Chil ka lem dawk a,Dawhkan chungah phone chu ka dahthla riai riai a! Tunah hian nasa tak in ka pasal rinhlelhna lian tak ka nei!

"Eng maw i lo en a."A ti leh sup a,A ban ding lam in ka nghawng ah a rawn kuah zui zat a.

"Lisa in thlalak a rawn tag che a."Ka ti sep a,A ding ngil vut a,Rang zet in dawhkan chunga ka phone dah chu a rawn ban zawm zat a,Ka dak chhuak ngam lo,ka pasal hmel hmu tur in ka huaisen tawk lo nge ka natna belh chhah tu tur a hmelah hmuh neih ka hlau zawk ka hrelo,Salad chu ka chawk kual ka chawk kual a!

"Ha..Hetiang te min rawn tag le.."Nui leh huk chung in phone chu dawhkan ah bawk a rawn dah thla a,A hma ang chiah khan ka hnunglam aţang min rawn kuah leh a;Ka ip chawih thung!

"Chuan kha thlalak a mi kha keimah ka nih i ring a?" A rawn ti sup.

"Engtinnge khatiang thlalak a rawn tag daih theih che "Ka ti ve khauh! A nui leh hawk a,Amah ah danglamna pakhatmah a awm lo.

"Engtinnge ka hriat bik anga,Kan zawt dawn mi?" Nuihza insum zet a rawn tih leh takah chuan ka tal aih a.Min rawn kuah nghet ve sauh bawk.

Thaw ham ham in a ban ah chuan ka vuan a,"Keimah ka nih i ring reng reng a,Kei te chu chawhnu zawng kha office ah ka buai char char tih i hriat kha.."

"I sawi dan chu ania lawm."Ka tisep a,Ka chauh nghulh chhan chu ka hrethiam lo,Mahse tu hmeichhia pawh nise kan mipa,pasal emaw bialpa pawh lo nise hmeichhe dang in sex an hman zawhna la reilo tih hriat lutuk upload in rawn tag ve ta chiah se rinhlelh mai loh chu thil harsa tak ani ang;Mi tam takte nen ka pasal hi tag kawp nise ka en liam thei maiin ka ring,Mahse amah chiah a tag a,Caption leh comment na lam zawng zawng ah Zico ţhiante an tel ve leh thlap a!

"Ngai kawi lo hram teh..ka chau ania."Ti nghut pah in a ding ngil ta daih a, ka na vawng vawng mai!

Ka thil ei pawh a tui tawh lo,Ka tho vat a,Ka eitur vel chu bawlhhlawh bawmah ka dah lut zung zung a;Thleng sil ka tum zet a chu Zico in min en reng tih ka hriat vang in ka kut chiah ka sil a,Ka hru hul leh sawk sawk a,Choka aţang ka kal chhuak tur chu ka ban ah a rawn man a,Ka hawi let vat a;Engemaw sawi tum in a ang zuau a chu sawi lo in choka ațang min kai chhuak ta zawk a.

Mami'n TV a en vang in ka tal chiam duh bik lo,Room lamah min chhohpui dawn maw ka ti a,Mahse Room chhohna kailawn kalpel in a office lamah min kal pui a,Mak ti zet in ka melh kawk ringawt.

"Mami;Jayden kha lo han enlawk mai ta che,Kan room ah zawk khan a la mu!" Zico zawk in a tih sup tak ah chuan Mami pawh chu TV off in a kan room lamah a chho ve ta vat a.

"Engnge kan tih dawn a. "Mami awm loh tak ah chuan ka vin nghal hlak,Nui suk chung in office bik kawngkhar chu a nem hawng a;Min kai lut a,Light a on loh vang in a thim map mai!

"Zico engthil nge i hriat le."Kal chhuah leh ka tum chu rang zet in kawngkhar a pawt phui hmiah a;A chunglam ah a lock zui nghal hmiah bawk.

"Ka nupui mi rinhlelh hrat zet hi hun ka hmanpui duh mai ania. "Ngeiawm zet hian a rawn ti hluk a;Dim light chiah a ti eng zawm nghal zat ! A hmel ka hmuh theih tak ah chuan ka theih ang a rum in ka melh ta nghek ringawt!

"Babe..I naupang chhia ţhin e mai."Amah zawk in a rawn ti leh sup a,Ka ban ah a rawn ban a,Ka thing ve sawk a,Ka kawngah a rawn man bet a,Kawngkhar ngheng in min nawr bet zui nghal hmiah a.

"Zico.."

"Keimah ka nilo..A ţha em?" A aw ki a hniam lo hle.

"Ni e..Nangmah i nilo.."'

"Zodinpui!" A rawn ti tuarh a. Dak chho vah in ka melh ve ran thung.

"I rilru hi a mak lutuk,Tinge chhe tak tak hian min rin reng a."Ka lu zawn kawngkhar rawn ben rik pawp pah chuan a ti leh tuarh a! Ka ip nghal chawih a!

"I pasal ka nih hi..Min rinhlelhna tur ngawt zawng suh,I tisual palh mai ang.."A rawn ti leh a.A țawngkam mal tin mai chuan min vau beh a tum hi ani ber e!

"Hmeichhia leh mipa sex hman zawh hlim hlawlna thlalak hmeichhia zawk in ka pasal chiah a rawn tag a,Chuti chung chuan kei i nupui hi engtin mah awm lo turin min ngai a maw..hah..I thiante ho lah kha.."Ka ti a,Ka sawi zawh hma in ka lu zawn kawngkhar a ri zui leh pawp a!

"Ka ţhiante chanchin khatiang in sawi suh aw.. min rinhlelhna i neih vang ngawt in midang sawi tel suh.." ka hmai zawn ah a rawn au leh țhawt tak ah chuan mit ka chhing sawk a,Chu mi rual deuh thaw chuan ka mittui a luangthla nghal pap bawk! A țawngkam in min tihnat zia kha tumah in an hrethiam pha lo ang!

"Min thlah rawh.."Ka tisep a.

"Vawikhat pawh chhe tak in min ring tawh suh,I nihna hi inhre chiang bawk ang che." Zico vek chuan a ti leh hmuk a,Amah zawk a awm sawn a,Kawngkhar a lock chu a pawt thla a,Ka nghen lohna lam chu hneh zet in a nem hawng pawp a,A pen chhuak zui nghal pawk pawk a,Che lo in ka ding khawng reng! Pawn lamah a kal chhuak tih hriat zet in kawngka pui door lock a ri ţhat a! Ka lungphu zawnah zawite in ka kut ka nghat a!

'Vawikhat pawh chhe tak in min ring tawh suh,I nihna hi inhre chiang bawk ang che.' A țawngkam awmze nei tak leh min hmuhsitna rawn lang chhuak vang chuan â chhuih in ka ding khawng reng a! Car hunna ațang car tlanchhuak thawm chu a hla telh telh a,Carpet dup chung ah ka ţhu thla hnawk a!

Min hmusit ve ngailo tu,Ka nihna ang ang a min pawm ţhin tu emaw ka lo tih khan a ruka a lo pai reng tawh chu a lan chhuah tir ta chiah mai!

Ka thaw chhuak hawk a,Rang lutuk in ka inhup bet a,Ka mittui rawn luang thla lum pap te chuan ka kut an rawn ti huh a! Ka kawchhung hi a sa huam huam a! Natna,Zah ngawih ngawihna leh phatsan nihna in min tuam a,Ka thawk a chham mai dawn in ka hria!

'Min paw rawh..' pangchang zet in ka hma a mipa kal chu ka au lang lang a.A rawn hawi let a,A mit ko a rawn kan ak a,Chu tak chu keiin ka haw leh ang lawi a.

"Ka puak che i duh chuan lo tlan vat rawh."A kut a min hui zauh pah chuan a rawn ti a,mahse ka dinnaah chuan kut kuangkuah in ka ding tau ta ngal a.

"A titau leh ta."ti hluk chung in a rawn pen let a,Ka hma ah tak a rawn ţhu hniam zui zat a.

"Rawn lawn rawh le ka princess-tereuhte.." A biang sum lang khalh a nui chung in a rawn hawi let a.Phur zet in a hnungah ka lawn kai ta tharh a,Ka mawngah a dawm a,Min dinpui meuh chuan khawvel ami sang ber nihial in ka inngai a,Sang tak mihring tam zawk in a thlen phak lohna hmunsang a awm ang hial in ka inngai a!

"Zothan, Min puak hian ka sang bik tiraw,Nakinah i ţhan zel hunah phei chuan van khi kan dek pha ngei ngei ang."Ka ti lang lang a,Min paw mek tu taksa chu a rawn nghing dawt a,a tukhum lam in ka chalah a rawn tauh leh dat a.

"Ana ania..Leihlawn dawh ila vanah khian kan lawn theih i ring em?" Ka ti leh a,A rawn nui chhuak ta hawk hawk a.

"Puite,Van khi duh hun hunah a lawn theih hleinem,Lei leh van inkarah hian thil zung thil tih theihna chak lutuk a awm a,Chu thil chu thuah 7 lai ani leh nghal,Thir te aluminium te hi chu thil zung chuan a kang tui ral vek thei,Van a lawn tur chuan kan thih a ngai a,kan thih hnuah kan thlarau chu vanah a lawn thei dawn chiah alawm.."A rawn ti a,pawi ti zet in van pawl kuk chu dak meuh in ka melh a.Ka ngaihdan chuan Zothana hi a ţhang zel anga,Min pua anga,van ah kan lawn theih mai ka lo ring a,A sawi danah chuan a harsa dawn hle mai!

"Anih..Thlawhna ah chuang i la.."Ka ti a,A ke pen chu a tawp dat a.

"Thlawhna nen pawh vanah a lawn theih loh,Thlawhna hi maw chhum chungah a thlawk mai mai chauh a lawm,Van khi a thlawk kai zo hleinem."A ti a.

"Mahse sang deuh a awm hi nuam ka ti sia.."Ka la ti hram!

"Lungngai suh,I bulah ka awm reng dawn alawm ,Ka pua che nga,Midang aia sang ah i awm ţhin dawn lawm .."A ti a.Ka nui ta hawk hawk a,Zothana pawh in min dawm kang leh zual in min kal sawn pui leh a.
.
.
Ka biang rawn za leh ţhin vang chuan mit ka'n meng zawk a,Mahse ka lu na tluk tluk leh puah darh mai hlauhawm khawp a ka thluak chhut tlut tlut ang mai a na vang chuan mit ka chhing leh sawk a!

Pangtilum bawk in ka biangah dimte in a rawn chul leh a! Min khawih tu chu tunge anih tih ka hriat rual deuh thaw in ka ţah a rawn chhuak ţun a,Rang zet in a awmlohna lam hawi chuan ka in let thawk a! Ani erawh a rum zui nghal nghut thung!

Ka hnunglam ațang min rawn kuah leh a,A rawn chet dan chuan rang lutuk in Lisa thlalak upload kha min ti hre chhuak a,ka inrin hma in ka pumpui a rawn in let but a,Ka tho zawk a,Uak tuar tuar chung in washroom ah ka tlan lut a,Kawngkhar ka lock zui nghal vat a,Toilet chhin chu hawng in ka uak zui nghek nghek a!

"Babe..I ţha em?Kawngkhar hi rawn hawng teh.."Zico aw mangang hmel zet te chuan hlimna aiin nizan a ţawngkam vang a ka natna a rawn belh chhah zual a,Washroom chhuat ah chuan ka ţhu sawp hnawk a,bang ka ngheng a,Zico lah in ninawm khawp in kawngkhar a rawn chum ri dawt dawt reng a.

I nihna hi inhre chiang bawk ang che!

Chu thil chu ka thluak ah hian a ri nawn tluk tluk a,A nupui ka nihna inhrechiang tura min hrilhna anilo tih lah mi a nileng lo tan chuan a hai theih bawk silo!

Darkar chanve chuang ka ţhu tawh!

Zico in thawm a rawn siam sek a,Nizan a țawng dan teh tawp leh ka thil hmuh zawng zawng te vang khan ka chau hluah hluah ani ber!

Room chhung a Jayden ţap thawm ka hriat tak ah chuan washbasin lam ka pan vat a;Tui ka herh haw a,Ka hmai hu niai chu ka tuai sawk sawk a,Jayden lah in 'mama' a ti nui nui reng a.

"Junior ţah loh tur!" Washroom aţang ka chhuak chiah,Kawngkhar bula Zico phili zet a lo ding chu ka hmu lo lui ve hmiah bawk,Mami'n Jayden chu a lo pawm a,Min ban ve vat a.

Khum tlangah ka ţhutthlak pui rual deuh thaw in ka kawrchhungah a zen lut a,A thawh fuh loh chang hian a pangchang ve tlat zel.

"Mummy kha i lo zawng a maw?" Nui lui in a chalah ka fawp zauh a,a bu ve lap lap a.

"I ţha em?" Zico rawn ţawngri vang chuan nghet zet in ka fapa chu ka kuah bet nghal chawt ringawt.

"Ka ţha.."

"Hospital ah kan kal dawn mi?' A rawn ti leh a,Kan nufa ţhutna ah a rawn ţhutthlak ve rual chuan lo ham nghek mai hi ka duh rum rum!

"A ţul lem lo.."Ka ti nghat,Kan fapa fing zet chuan min en tawn sek a! Kan nupa inhau hi a hriatthiam ka duh ngailo,Naupang hma a kan inhauh tam hian naupang inrintawkna kan tih chhiat sak vek thei a,Nu leh pa inhnial reng fate hian mahni inrintawkna an tlachham zual tih lah mithiam te ziak aţang ka chhiar kual ve zut a,Chuvang tak a Jayden hian kan nupa hmel hlimlo a hmuh duhlo kan ni reng bawk.

Ngawi reng in kan ţhu ta reng a,ţawng dawn pawh ni ila sawi tur ka hre hlawl lo!

Jayden zawk mutthilh leh mai tum awm tak a mit a chhin leh tak diar diar ah chuan tih harh ka tum ve vat a,Engmah a la ei lo in ka hria.

"Jay..Choco ei phawt la.."Ka ti a,A rawn meng zawk a,Mit a chhing leh a,Nimin khan nisa hnuai ah kan awm reng a,A taksa in a zo lo anih ka ring!

"Mum nen choco ei ang aw.."ka ti leh a,Peihloh hmel deuh te hian a rawn ham ta bai bai a! A va han cute ngawih ngawih tak!

Ka ding chhuak tur chu Zico zawk in Jayden chu a rawn pawm ta nawlh a,Jayden pawh a khek leh nghal tung tawh!

"Papa pawn choco a ei ve duh tho alawm.."Min rawn melh zawk a,Ka hawi sawn nghal hmak thung!

Eitur ka siam mawlh mawlh a,Zico leh Jayden zawk an inchhaih rak reng a,A fapa a ngaihtuahna kawng kher kher ah hi chuan ka tluklo hial maithei! Infiampui dan a thiam a,Keiin Jayden Games khelh duh zawng ka hriatthiam mai loh laiin Zico hi chuan a hre chat thei zel.

Jayden room ah kan luh thleng pawh in Zico chuan min zui ve ta zel a! Ka lungawi lohna leh ka natna ka la thup hram hram rih bawk.

"Hna kal i ngailo mi?" Ka ti chang fak! Jayden erawh apa tablet ah games a khel thung!

"Inbia ang.."A rawn ti sup a,za vak lo hian ka nui chhuak nghal hawk thung!

"Nizan khan i duh khawp i la sawi lo ami?" Ka ti a,A rawn ţawng leh hma si chuan ka ner zeuh "Ka nihna kha ka hrechiang tawh,Fahrah in a seilian ve mai hian i ţhiante chanchin vawikhat pawh ka sawi ri tawh lo ang..Oh ..Thlalak dukdak lo zet hmeichhia in nangmah chiah a rawn 'tag' leh hunah che pawh engmah ka sawi tawh lo ang,Fahrah in aţang sei lian,Hmeichhe ţi dek ang in ka lo nung tawh dawn nia."Ka ti a,Ka ţawng ring hran lo,Ngeiawm lutuk in ka hmel ka siam tih erawh ka hria.

Ka thusawi chhung zawng khan vawikhat pawh a hawisawn lo a,Min en ngur a! Hman aţang ka laka a rilru put zawng zawng a sawi chhuak ta ah ka ngai hmiah!

Khum ah kan nufa in kan mu a,Jayden ka dek fiam a,A nui hak hak reng a,Zico pawh hna kal loh tum viau mahse phone call a dawn tak vang in a kal chhuak leh a,Engtiang a rilru siam tur nge ka la hrethiam lo cheu bawk! Lisa nen a khum a mu kha amah a ni ngei em tih fiahna ka nei miau lo!

"Mum,Apu te in ah leng i la."Jayden in ka ţhi rawn khawih niap niap paha a tih tak ah chuan thawk ka la halh a.

"Khawi apu te in zawk ah."

"Nanau awmna ah khan."A tih ve sep tak ah chuan ka pa te,Zico pate in lam ani tih ka hria a,U Brandona te fanu hi nanau a ti mai ţhin.

"Ok..insiam ang le"ka ti a,Zing aţang ka la inbual lo a chu Jayden innghah khawtlai tir ka duh loh vang in thawmhnaw lum zangkhai zet ka inthawlh sawk sawk a,Jayden thlak turin a room bikah kan phei a,Mami'n min lo pui ve vat bawk a,In lama inkhung beh reng ai chuan kal chhuak ila rilru pawh a thawveng deuh in ka ring!

"Mami,Kan nufa in kan va chhuak lawk mai ang aw." Ka ti zung zung a,Amah pawn a thuamhnaw vel rem fel a duh thu a sawi ve a,Jayden lah kan kal chhuak tur chu a phur nangang mai!

Uber kan ko a,Reilo te hnuah a rawn thleng vat a,Zico erawh kan kal chhuak tih hrilh ka tum lem lo.

"Mum, ka mumangah Kingkong in min lo um asin!" Jayden thu rawn sawi vang chuan ka nui chhuak nghal hawk!

"A um pha che em?" Ka ti a.Lu a thing mat mat a.

"A ţha;Mumangah kan tlan vak hian kan ţhang tihna a nia;Mama pawh ka naupan lai chuan sakei te hian min um ţhin alawm."Ka ti a,A nui ve hak hak reuh a,Mumanga um tu neih a kan tlanchhiat san vak hian 'i ţhang dawn nih kha!' hi min ti mai ţhin a,A tak tak anih te pawh ka ring!

KFC kan tlan pelh dawn ah Jayden zawk in chawlh a ngen leh ta tlat a,A ei ţha duh pawh anilo,French~fries hi a lawm ve hrim hrim!

"Apu te in a kal kan tlai vek dawn nia."

"Chak deuh in kan ei anga,Kan kal leh mai dawn lawm.''a ti sam et a,A duh hi chuan a thluak hi a fing ve tawh ania.

Order kan siam a;Thil ka ei chak lem lo a chu Jayden french~fries tur nen burger ka order tel ve ta hram a.

"Jay,Saw tah sawn ţhutna lo va en rawh le."Ka ti a,A bu ve nghat a;Bang kil lam ţhutna pan chuan a tlan tarh tarh a,Keiin kan eitur chu tray in ka chawi ve bawk.

Jayden chu a in chhuih sual a;A kat deuh nawk a,Mahse hneh lutuk in chair a mipa lo ţhu chuan a man kang ta nawlh a,Ka thinphu a rang hman kher mai!

"Jayden, Nang maw?" Mipa aw ri thum lam deuh ka hriat rual chuan a hma zawng aiin ka lungphu a rang ta mai!Ka fapa lah chu a au chul lo chauh!

"Mum nen French~fries kan ei dawn a."Jayden chuan a ti ve vat a,Ka fapa pawm tu taksa lianpui chu a rawn in her ruai ruai a!A sam buk lam deuh chu ala hnawm chhap, a shirt bantluan hak chuan a taksa inphut nalh zet chu a khuhbo zo meuh lo!Chiang zet in min rawn melh a,A taksa phuar lam mah Cotton kekawr uk a hak chuan amah a tilang lian leh zual.

"French~fries maw?" Ti sup pahin a ka mit ah tak en chung chuan mit a rawn kan ak a,Ka sa leh phat maiin ka hria!

"Zothanmawi!" Tray chawi chung chuan ka pan phei hlawk hlawk a,Nuihza insum hmel zet hian ka fapa pawm reng chung chuan min lo en reng a,Ka hrethiam chiah lo,A mitmeng zim lam mah a nuihzatna lang chhuak chuan engtin maw tak hian boruak dang a keng tel a,nghet zet in tray tlang chu ka hum vak ta ngawt a!

An bul ka thlen ve rual chuan a lo nui suk ringawt anih chu!

Jayden lah chuan ngaisang tih hriat lutuk in a en kiau a!

"Min ko sual leh tawh in ka hria."Zawi sup a rawn phun leh in ka mitah tak a rawn en a,He mit meng zim lam mah leh a hmui pan lek lek si te hi Zothana nilo tur atan chuan an in ang mah mah ani e!

Chhang mai lo chuan ka'n melh nghek phawt a,Kan ţum hnih inhmuhna chiah la nimahse inpawh riau ang hian ka inhre tlat a,ka awmdan min nuih tih hriat zet in ka fapa pawm chung chuan a thlesawn bak a!ka huat tawk a tling hman em em tho!

"I pasal a tel ve nange?" Amah vek in a rawn tih leh sup tak ah chuan ka thaw hak a!

"Jayden chair ah khan ţhu rawh."Ka ti a,Zico chanchin hriat ka chakloh ber laia a rawn sawi chhuak chuan ka mood a ti off zul vek!

Muangchang in Jayden chu a nghat thla a,Jayden pawh intifel zet in bang kil lama chair ah chuan a ţhu lut a,Ka hma a mipa chuan chesawn mai lo hian min melh ngur thung!

"Ka lo kal tlang ang chu."Ka tray chawi lai lek kang zauh pah chuan ka tisep a,a tawlhsawn a,Ka kalpel ruala kan taksa inhnaih tak si te chuan engtin maw tak hian min ti danglam a! Ka taksa chhung a khur ru dar dar thei!

Ngaihven zui lo zet ang a lang in ka fapa ep chiah ah chuan ka ţhu a,Coke chu Jayden in alo ban tharh a,A ha chhiat hlau viau mahila kal chhuah nikhua vel hi chuan cold drinks lam ah hi chuan ka khap bet duh biklo.

Mak tak maiin ka hnungchhawn lam aţang chuan min enzui tlat tu an awm ni a hriatna ka nei a,Ka taksa chu a lum leh pup pup ţhin!Ka hma a ka fapa in nui var var chung a french~fries mal a lek kan zauh zauh tak ah chuan kha mipa khan kan lam a rawn en reng anih ka ring a,Hawi let erawh ka tum lem lo.

Jayden in a duhtawk a ei hnu ah kan in pawm chhuak a,Ka zawng ru reng zawk ani em tih ka hrelo,Vincent kha a lo awm tawh lo a,Engtin maw tak hian ka kimlo riau in ka inhre ringawt bawk a!

"Uber call leh mai ang aw.."Jayden chu ka kai a,KFC hmaah chuan kan ding ran a.

Ka bag ka zen rak rak lai chuan kan hmaah tak Bolero dum a rawn ding khup a,Ka dah chhuah rual in chiang lutuk in Vincent khan min lo melh ve run bawk!

"Khawnge in kal dawn?" A rawn ti sup,Ka lak aţang mit a la sawn miah lo bawk.
"Apu te in ah."Jayden zawk in a lo chhang a,Za vak lo hian ka nui ta hak thung,Ka fapa in hetiang khawp hian mihran a ngaina ngailo,Zirtirtu zawhna chhan hman loh hlau awm hrim hian Vincent a biakna hi chu a chhang nghal vat zel!

"Ka lo thlah ang che u.." a rawn ti sup a,Jayden zawk rang zet in a pen hma a,Mahse a ban a ka vawn tlat vang in a tawi leh hrat a! Bolero chhunga chuan luh duh tih hriat lutuk hian min rawn melh ta kiau reuh a!

"Uber kan ko dawn a.."

"Inti buai duh lo law law zawk la!" Dam thlup a rawn tih tak ah chuan engtin maw tak hian min hneh riau bawk,Jayden an ka ban a rawn pawh zauh pah a min melh leh tak ah chu lu ka bu nghat a,A au chhuak nghal ţhawt a,Vincent kha driver side aţang a rawn chhuak zui vut a.

"A hma ah i ţhu duh em?" Ka fapa be reng mahse kei min rawn melh daih thung,Jayden a bu zauh a,Passenger side lam ah a pawm ta nawlh a,Ka dinna ngaiah ding reng chung in an pahnih che vel chu ka en a!

"Mum.."

"A hnungah hian ka lo ţhu ang."Ka ti vat a,Jayden chuan pawi a tih hmel lem loh,Vincent inti pa erawh in ding ngil meuh in min rawn en a,Bolero hnunglam kawngkhar chu ka pawt hawng a,ka ţhu lut fel chiah tih ah ka fapa seat belt hren ţhat tir ang a lang si hian min rawn en a! Mit a rawn kan zui ak ka hmuh rual deuh thaw chuan ka theih ang a rum in ka melh ta nghek ringawt!

A nui suk a;Jayden samah a tuai zauh a,Zawi sup in Jayden bulah chuan a phun a,Engnge a sawi chu ka hrelo,Mahse Zothana'n mit min kan khum ak tawh hi chuan ka haw hlur zel,Tunah a hmel ang tak pawh in ka thil huat zawng chu rawn hre fuh in min chhaihkawlh a tum ta ziah a! Mihran nimahse Zothana hmel ang a put vang hrim hrim pawh hian mit min kan khum tur hi ani lo hrim hrim!

A rawn ţhut luh ve rual chuan a jacket hak a phelh a,Seat hnungah a rawn bang a,A rimtui inkah rim rawn nam hak chuan min fan hneh nangang mai!

"Zico pa te in ah maw in kal dawn?" Front glass her ţha pah in a phun sup a,ka melh a,Front glass ațang chuan chiang zet hian min lo en ngur a.

"Aw.." ka tisep;Ka hawi sawn leh hma a mitmeng danglam zawk darthlalanga ka hmuh zui vang chuan rang zet in ka en ţha leh a;Mahse a lo hawi sawn hman tawh thung! Engine a start a,Jayden in inti hre zet in a pu te in kawnglam a hrilh ve ta zat zat a! Steering herkual pah chuan Jayden chu a be pah reng a,Jayden nen an inpawh lutuk hi a chhan tur awm ka la hrethiam lo reng reng!

"Sshhiitt..bengchheng suh."Mipa aw thum zawi ruih țawng rin hlau tak aw ri chu ka hre vuai vuai!

"Ka phone games hi khel rawh aw.."Aw ngai vek chuan a ti leh sup a,Ka awm mekna chu a che deuh suih a,Mahse ka mut chhuak lutuk vang leh reitak chhung ka hriat tawh loh boruak dam dap,Thlamuang hluah hluaha inhriatna boruak in min uap phui mup vang chuan mit men buai tum na ka nei lo!

"Sound awm lo in i khel thiam em?" A ti zawi sup a,Jayden phun sar sar ka hriat leh tak ah chuan za lo te hian ka nui chhuak sak a! Ka fapa hmel landan tur duhawm zet mitthla chung in manglam ah ka lut leh riai riai a!

"I hlim hle emaw ka ti a sin.." mipa aw zawi sup leh na tuar ang mai a thuk ruih mai ka hre leh a,Ka biang ah thil lum in a rawn nul a,Ka naupan lai hunah khan ka let ţha leh nimaiin ka hria!

Ka muhil tur duat taka min chul heuh heuh ţhin tu...Ka ţhanharh ruala ka kiang hnai a ka hmuh hmasak ber ţhin Zothana taksa lum ang chiah kha ani!

"Mum"

Ka malchungah Jayden a rawn ţhu a,Ka biang ah a rawn beng ve thek thek reuh a.

"Mum.."

Chiang lo zetin mit ka meng a,Jayden chu za vak lo hian ka nuih sak a,Ka hawi sawn chiah chu Vincent-a mitmeng thim khap nen kan inmelh ta ran thung! Seat hnungah khabe a rawn nghat a,Car chhung chu a thim deuh map tawh a!A mit meng zim lam mah a mit mu dum raih chu a lang thim leh zual! Ka hawikual thuak a,Kan kawmchhak ah kan lo awm der tawh,thimhlim a nih deuh tawh vang in motor veivak an tam lutuk tawh lo bawk.
Street light eng chuan kawng chu a chhun eng raih a,nizan lama ka thil tawn vang nge ka chau deuh riau bawk!

Thaw halh in Jayden taksa chu ka kuah leh rih a,Vincent khan a awmdan ngai chiah a awm in min la en reng a,Hawisawn ta mai lo chuan ka en let ve ta reng a,A khabe kual ah hmul an ţo siar siar a,muangchang in mit a rawn khap fak a,Car chhung boruak chu hriatthiam siloh hian a ni ruih thei hial in ka hria!

"I muhil ta daih sia.."Zawi sup in a rawn ti a,Mit a la sawn bik lo.,Chu awri thum lam lek lek leh zawi sup vang ngawt chuan ka lungphu a rang nghal zat thei! "In in lamah ka hruai let leh ta mai che u.."a kutțang in a mit a tuai zauh a,a aw thum zawi tak si chuan thlamuanna min pe hluah hluah tih bak sawi dan ka thiam lo.

Min duat hluah hluah tu Zothana pawh khan tun ang chiah hian na ka neih te,Ka thinrim changte khan min be ţhin a!

"Mum."Jayden bawk in ka bianga a rawn khawih leh tak ah chuan aw thian kharh pah in ka hawi sawn a,Vincent thaw hawk leh a ţhutdan siam rem zui nghal vut chu ka mit sir leh hram bawk.

"Kan in kawtah kan lo awm reng tawh elaw?" Nui pah in Jayden sam ah ka tuai zauh a,Ka hawi sawn leh chiah chu Front glass aţang Vincent an min lo en leh reng tawh!

"I mu ţha lo ami?" A rawn hawi let tawh chuang miah lo,Glass aţang chuan min en reng thung!

"A..."

"Hlim tur i ni asin!" Ti sup pah in a hawi sawn ta vut a;A thusawi vang chuan ka kang awk thung!

Jayden zawk a rawn tal leh sek tak ah chuan ka zi mar ţalh ţalh a,Tukverh aţang kan in lam chu ka thlek zauh a! Luh chakna hlawl ka nei lo,Nupui dinhmun chang anga ka lo in ngaih ţhinna kha nizan khan a tawp vek tawh!

Ka fapa in Vincent chu kut a vai lauh lauh a,Motor aţang a rawn chhuak ve tawh lo ,Steering bawh run chung in kan nufa in lam pan a kan kal chu min en zui reng a,A mitmeng thim ruih ah khan min ngaihtuah ngawih ngawihna ka hmu a! Zothana anih ka rin na pawh a nghet tulh tulh bawk!

Inchhung kan luh rual in Jayden a ri nghal tung a,Mami bulah kan kalna a sawi ve lang lang a,Ka bag khai chung in inchung lamah ka chhoh san a,Atthlak lutuk in motor chhunga min en reng tu mitmeng kha ka mitthla ah a lang zui reng a! Ka zep lo! Kha mitmeng kha ka thlahlel ngawih ngawih!

Room ka luh rual erawh in thawk ka la nghal hak thung!

Zico chu khum ah a lo bawkkhup duai a,In awm thuamhnaw a lo inbel vek tawh,Kawngkhar ka kharphui leh a,A rawn che hrut a,khum ah chuan a rawn ţhu chhuak nghal vut bawk!

"Khawnge in kal a?" A hmai a tuai puat a,Chhan ka tum lem lo,Ka bag dahna ţhin lam ka pan a,Bag chhunga phone chu la chhuak in dressing table chungah ka dah a,Bag chu ka dahna ţhin ah ka dah lut a,Zico rawn tho chhuak chu khum che dawt vang in ka hre thei a..Rang zet a kalsawn tum in ka che a,mahse ka hnung lam aţang min rawn kuah bet ta nghal chawt!

"Min thlah rawh.."Ka vin ţhat,a thaw halh a,Ka dar hnunglam ah a hmaiin a rawn nawr leh a.

"Zico.."

"Thinrim tawh suh.." ka nui chhuak hawk! A rum nghut a,Amah hmachhawn tur in min kuai her a;Ka theih ang a nâ in ka melh nghek bawk.

"I duh chuan min hau rawh,Thiam ka in tilo,Ka ţawng khum dan zawng zawng che kha.."

A sawi zawh hma in na lutuk in min vawn behna kut chu ka phih thlaksak nawk a! Min khawih a tum leh chuan ka tawlhhnung nghal dawr bawk!

"Babe.."

"I rilru diktak i sawi chhuak vek tawh.."

"Nilo Babe.."A thaw hawk a,Min din hnaih leh pah chuan ka darah a rawn vuan leh a,Nizan a thil thleng zawng zawng kha ngaihtuah let leh in ka thinrim hlur thei!

"Min rinhlelh tlat vang khan ka thinrim ve em a tin nih kha..Ka sawi loh tawp tur ka sawi tih ka inhre bawk.." a rawn ti nghut a,A taksa a min kuah beh a tum chu ka lo sual let zui nghal nawk nawk a! Min man bet hneh bawk si chu thinrim ţeuh hian a darah ka ben sak ta thlawrh a!

Sawi tur ber pawh ka hrelo!

"Lisa nen hian tinge min hmeh bel i tum tlat a.."A rawn ti ve ta hluk bawk.

"Vawikhat tal kan inneih hnu hian ka phatsan tawh che em! A teuh lo...Kha thlalak vang mai mai a min rinhlelhna i nei thei kha mak ka ti khawp mai!" Ti nghut chung in a kalsawn a,Khum ah bawk a lawn kai a;Lukham dah thuah in khum lu lam a ngheng zui run bawk.

Ngawi reng in ka inthlakna tur ka la chhuak a,Ka che vel chu min en reng,Washroom ah ka lut chiah chu duhthawh lutuk in boruak ka hip lut nghal kawk kawk a! Ka hah hluah hluah hi ani tawp mai!

Tui lum in shower ah ka inphuh tir a,ngaihtuah ber tur pawh ka hrelo,Zico khan a sawi dik chiah bawk kan inneih hnu hian ka rinhlelh theihna tur in a awm ngailo,Mahse Lisa rawn lan tirh a ţang a awmdan dang ta leh kan in a tlangnel tak a Lisa rawn khawsak dan khan rilru nuamlo in min siam a,Hmeichhe dang vang in ţum khatmah kan inhnial ngailoa,Mahse Lisa party a kan kal theih dawn loh vang in titau chung in room a chhuahsan tawh a,Kan inah Lisa a rawn kal ţum lah in pawmlai nei tawh ang a rawn en lo in tlangval ang chiah in a rawn treat a;Zan hmasa lam a thil thleng zawng zawng te nen ka tan chuan rinhlelh loh ngawt theih pawh anilo,Tu hmeichhia pawh hian kan ta ni a kan ngaih tawh hi chu hauh rukna kan nei tlat a,Lisa kan in a a rawn chet dan zawng zawng khan chung thil chu a rawn ti chiang vek bawk,Khum a thuamhnaw ha mumal mang lo an thlalak Zico chiah kha engvang a rawn tag nge anih,Zico ţhian ţha hlang hlak in awmze nei fe in comment lamah an fiam zui a!

Kawchhung tawt zet in ka hmai huh chu ka tuai puat a!

Dik nia inhriat ve tlat hi chuan tlawmna rilru put mai hi a lo harsa em anih hi!

Washroom aţang ka chhuah chuan Zico a lo awm tawh lo a,Engang pawh in lungawi lo mahse khatiang a min ţawng khum tur kha ani biklo tiin ka la inti-luhlul cheu tho!

Ka inhak fel vek hnuah inhnuai lamah ka chhuk thla ve a,Mami'n Jayden chaw a lo hrai mawlh mawlh a.Choka a ka lut tur chiah chu hmeichhe nui har har thawm ka hriat vang in ka pen tawp chawt a! Phawk zet a ka hawi let chu Mami zawk in nuamlo tih hmel zet hian min en ve ran bawk!

Thawm rawn chhuahna chu Zico office chhunglam a ţang ani zui leh nghal a!

"Ih..Hman ni zinga hmeichhia kha alo kal a.."A tisep a,Lisa bak a nih ka ring lo!


(Changtupa hi tu zawk nge anih in rin? A story inţanna a la thleng lo a nia..🙊)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 3:54 pm

☆TE DOY 15K☆
Chapter 3
By
Abbra Reo Ririni Khiangte(Pitartei)

Choka ah ka lut tlang leh ta tho a,Ka rilru chu anuam thei chuang lo.

Table eitur lo inkhuh ţha thlap chu ka hawng a,Eitur tin mai chu an thar lam in a tui hmel em em vek! Chutih rual erawh in engmah ka ei chak lo thung.

Salad bowl ka ban a, glass Bowl lian vak lo ah chuan tam vak lo ka suak a,Bawngsa ti kan chu ka dah lut tel a,Ka chawh pawlh mawlh mawlh a,Kan nupa nun danglam ta dawr leh Zico rinhlehna tur ka hmu zen zel hi ka diklo vang nge thil thleng a awm tak tak vang tih pawh ka hrethiam teh hrep lo e a.

Engmah ka ei chak hlawh loh vang in ka phone bawk ka khawih leh a,Ka number save loh aţang message pakhat a lo awm leh va a,Ka open a,Hman zan ami bawk kha.

"I ţha em?" Tih tawp hi alo awm leh tawh.

"Tunge i nih?" Tih zawng in ka reply a.

Dawhkan ah phone ka dahfel chiah a,Message a rawn thleng leh nghal a.

"Tunge ka nih i rin?" Za lo zet hian ka nui hul hak!

"Zothana."He hming hi engvang a ngaihtuah hmasa ber ţhin nge ka nih pawh ka hre teh hrep lo.Message chu a in delever a,A seen em ka hrelo.A reh ta vang vang a.

Zico office kawngkhar inhawng thawm ka hriat ruala hmeichhe aw no zet ţawng hlei hlei ka hriat rual chuan ka thil ei lai chu ka tawp chawt a,Ka chhak chhuak a,Ka tho a,'Tap' lamah ka kalpui nghal nal nal a!

"Bebe..!" Ka inseh ruh hmasa nghek phawt a,Muang chang in ka inher let a,choka luhna Lisa leh Zico lo ding reng te chu ka melh lui ve sak a.

"Lisa hian hetah chaw ei nghal mai se.." Min melh zawk a,Luak chhuak in min ţham kual ruai thei.

"Nia..Ei rawh se,Mahse ka rilţam deuh a in inbiak vel chhung khan ka lo ei fel der tawh.."Nui lui sang in kitchen towel ka pawtthla a,ka kut huh ka hru hul thuak thuak a,Ka awmdan chu Zico zawk in chik lutuk in min melh ngur tih ka hria.Ngaipawi mawh lo zet in ka kut hrukna hnu chu bawlhhlawh bawm ah ka vawm lut leh a,Lisa zawk ding khawng al chu melh leh in ka nui lui leh sak a,A rawn kal hmasak ţum ang lo tak in a hmel a ţi ve dak reuh a.

"Ei ţeuh rawh u,I ei dawn tih sawi hamsa la chuan ka lo nghak tur che u a nia." Fridge a thei tui la chhuak leh pah chuan ka ti liam puat a, an ngawi reng a.Thei tui chu ka inchak tak tak vang nilo in no khat pap ka inzo vek.

Choka ațang ka kal chhuak a,Jayden leh Mami Tv en na bula ah chu ka ţhu thla ve tharh a,Kha hmeichhia ka lawm loh zia kha a hre vek tawh a;He ta chaw ei tur a sawm kual vel te kha a ţul tawh kher lo.

"Mum,school thar ah ka kal chak tawh e."Khum a mu pah in Jayden chuan a ti ve siam siam a.

"Teacher te thuawi a ngai dawn sin!" Ka ti a.A hmui hnuai lam a seh ve zauh a.

"Papa leh nangmah hi ka teacher in ni dawn lo a mi?" A rawn ti a,Ka chungah ka pawt kai chho a,A chalah dimte in ka fawh sak zauh a.

"Nidawn lo e..Papa chuan hna dang a nei a,Mum hi chu in teacher ah ka lo țang mai thei."ka ti leh a,Phur zet in ka dul chungah a rawn ţhu chhuak a.

"Kan pahnih in school ah kan kal dawn maw?" A mit meng lian kiau de va va chu hmuh nuam tak ani ringawt!

"Thu i awi phawt chuan.."Hre thiam ve ang hrim in a bu lap lap a.

Zico chuan khum bul couch ah ţhu pah in hna a thawk mawlh mawlh a,Zan dang anglo tak in Jayden pawn bawhbuai a tum miah lo.

Reilote hnu ah ham bai bai chung in ka awm ah a bei ta thlep a,A sam nem thep ah chuan ka chul a,Fapa ka nei tawh a ka tan ngawt nung thei ka ni tawh lo a,Ka fapa hi ka dah hmasah ber a ngai tawh tih ka hrethiam ve vek tawh a.

Jayden thaw ri sek sek leh alungphu ri ve dat dat chu ngaihawm ti zet in ka ngaithla reng a! Nu leh fa inkar hi chu khawvel ţawng in a ropui zia a sawifiah theih loh hial ang!Ka nu kha hreve hman i la chuan tuna Jayden hlim hmel ka hmuh rual a ka hlim ve ringawt ang ţhin te hian ka nuih rual kha anui ve ţhin a nga,Jayden lungphu ri ngaihnawm ti tak a ka ngaihthlal ang chiah hian ka lungphu ri te kha a ngaithal ve reng ţhin in ka ring!

Ka harh hlawl a,Ka hnung lam aţang hneh zet a min kuah bet tu vang chuan ka che lawk thei lo.

Ka ban ding lam mu deuh chuah chuah vang chuan ka thaw halh a,Mahse ka hma lam a min kuah chial chung Jayden lo muhil sek sek ka hmuh tak ah chuan ka thaw huai thei!

Ka ban a delh beh chu dim zet hian ka la sawn ţhem ţhem a,Chu mi rual a ka dul zawn a rawn kuah nghet sauh tu vang chuan ka ţe chhuak ţhawt lo chauh!

"Min ti hlau a lawm."Ka ti hlak,A nui che dawt a.Min kuahna ban chu laksawn leh tum hmel a pu miah tawh lo bawk.

"Zico,I kut hi la sawn teh."

"Muhil leh rawh!" A raw ti sup ringawt!

A thawk lak dan ah chuan a muhil zawm leh mai ani ngei ang,Kei lah chu ka pasal ngeiin min kuah e tilo chuan ka ţang ţung a,Sana chek kauh kauh thawm chu ka chhiar hi a ni ber mai!

Kan nupa nun chu hriatthiam chiah siloh hian a zau ta riau in ka hreţhin a,Zico pawh hna chhuan lam in zan kal chhuah a ching thar a,Tlai tak tak ah rawn haw in zu rim a nam ta ziah a,Lisa erawh hman ni tlai bak kha kan inah a rawn lang leh tawh lo thung.

Jayden ten school an ţan tawh a,Keipawh vanneih thlak hlauh in an Pre-School ah chuan ka thawk ve thei ta hlauh a,Jayden nen hun kan hman tam theih phahna anih vang chuan ka lawm em em ringawt.

Zing ah Jayden nen kal chhuah kan ngaih hma ţhin vang in Zico rawn thawh ve hma in kan tho ta ziah a,Jayden pawh ka beisei loh zet in an school chu nuam a ti ta phian a,ka rindan chuan school kal tirh ni hnih thum vel bak a phur vak kha ka lo ringlo a,Mahse thla khat zet chu phur tak in zing pawh a tho ve tharh tharh reng mai!

Mami'n Jayden a siam mawlh mawlh a,Keipawh kan nupa room lamah ka insiam ve malh malh bawk,Khum a Zico bawkkhup duai chuang a la muhil tui zet chu ka mitmei pah zeuh zel a! A danglam tawh tihbak hansawi vak dan ka thiam lo.

Zan dar 10 hi a rawn haw hma ber ţum a nih tawh ţhin vangain Jayden nen pawh infiamna hun an nei tawh ngailo a,Hna ah ka hah tih chhuah lamin a harhve chhun pawn a vin hlur zel bawk.

Keichuan ka thil hriatthiam loh leh ka rinhleh rukna te kha min tih rrh sak a,insawifiahna țha tak nei turin ka la beisei fan a,Mahse a tilo!

Dawhkan chunga ka bag dah ka ban chiah chu Zico phone a rawn eng zauh zauh a! Phone pawh kan khawihsak hlau ang hrim in a veng tlat tawh a,Washroom a aluh chhung takngial pawhin a keng lut tel hram ţhin,A hma zawng kha chuan Jayden hian games khelhnan a hman sak ţhin a,Tunah thung chuan a phone hi a veng a ni tawp!

Amah tih harh hlau zet in ka ban a,Ka thinphu pawh a rang ngang bawk!

"Zanin kha theinghil suh aw." Lisa message chu open kher ngailo in screen chunglam ah a rawn lang va a! Ka thisen a lum nghap pup bawk.Mahse min țhawng lutuk hran tawh lo,A phone bo tia a sawi ngei pawh kha Lisa driver in kan in ah ni liam ta khan a rawn dah chat a,Chumi ţum pawh chuan Zico hian engmah a sawi leh chuang lo a,Jayden ka ngaihtuah vang in inhnial theihna tur engmah sawi chhuah ka tum buai tawh lo bawk!

Zico zawk a rawn rum deuh ţuah țuah tak ah chuan rang lutuk in phone chu ka dah thla a,Jayden-a room chhungah a rawn tlanluh ve chiah vang chuan ka thaw huai thei!

"Papa.."A pa chu a rawn bawh ve rak rak a,Ke a hlan kailoh danah khum rahbalh a hlau ve tho ani khawp ang.

"Papa,Nangman school ah min hruai la." Jayden bawk in Zico mut kham lo meng duar duar hmai a khawih niap niap pah chuan a ti leh reuh a! Jayden ka lo khawngaih vawng vawng thung!

"Dar engzat nge ni tawh a?"

"Mum dar engzat nge?" Phur zet in min rawn en ve dawr bawk.

"7:30 ani tawh.."

"Papa,7:30" a pa khabe hmul khawihsak pah chuan a ti leh sep a.

"Ok...Kal ang u le.."Khum aţang harhvang lo zet in a rawn tho chhuak a,Khua a lum tawh a,T-shirt rawng da zet mutnan a hman ţhin nen chuan a lang pawr ngang mai bawk.

Car chhungah Jayden a țawng lang lang reng a,Zico pawh in pangngai takin a chhang let ve zel a,Kei erawh ka ngawi ran thung!

"I inchei dan hi a ţul kher emawnle?" Zico phun hluk la hriat rual chuan ka en vat a,Ka pencil skirt hmawr lam chu a lo bih vut bawk.

"Oh..Heichu kan uniform ve a lawm.."

Thaw hawk pahin a hawi sawi vut a,Tun a tak a lungawiloh leh hnuhnawh chu! Naupang n uniform an neih ang bawkin zirtirtu lam pawhin kan nei a,Pencil skirt dum, kan khup khuh thleng kan feng a,kamis pawl hi kan beng lut thlap zel bawk.

"Vawiin ah zinchhuah ka ngai a nia.."School kawt ah car a tintir rual chuan a ti sup a.

"Papa khawi ah..?" Jayden zawk in a rawn zawt chu ka lawm ru takzet,Keiin zawt ta ngawt i la chuan a lawmlo mit meng min hmuh hmasa leh phawt ang.

"Delhi ah,Thulo awi rawh aw."a kut phah hrawlpui chu Jayden lu chungah a nghat a,Jayden bu lap lap chu en in thawk ka la a.

"Engtia rei nge i cham dawn?"

"Ni li a ni mai,In tlai ang lut tawh ru.."A ti hlui a,Ţumdang a zin chuak tur angin kan nufa min thlakhlehna pakhatmah aa lantir ta miah lo bawk!

Office bang kil lamah ka ţhu a,Kan inneih zungbun rangkachak sin te chu ka tuai kual nauh nauh a,Nupa nun kan la hmang tho a,Mahse ka hriatthin Zico kha ani tawh lo tih erawh hrilhnawn ka ngai tawh lo,A duh a hmuh rual in a letsawn a,Zu a in reng vang in a muhil zui nghal mai zel bawk. Engtin nge kan nupa inkar chhe lutuk hi ka siam ţhat ang tih ka ngaihtuah nasat peh ka ipik zual a,Kha thlalak vanga ka ringhlel ringawt te kha ka inhaw let lwh viau ţhin a,Mahse thuţha engmah a sawipui theih tawh bawi siloh..A hunawl neih ve chhun lah aa phone khawihnan a hman reng a,Jayden'an a ngainatna pawh areg telh telh tihlah mi ã nileng nilo tan chuan a hmuh hmaih theih tawh lo.

"Din!" Ka hmai zawn ah kut a rawn in vai zauh a,Ka phu zui dawr bawk.

"Oh..Rachel nangni maw?" Ka ti hliai a.

Vicenta'n chik zet a min lo melh ngur ka hmuh rual chuan ka thin chhung hi a vawt nghal uai uai thei mai!

"Call i chhang thei silo a,Jayden school ka hmu ve chak mawle.." Rachel zawk in a rawn ti a,Ka dawhkan hma a lehlhabu ka dah darh ve niai te chu ka rem fel sawk sawk a,Vicenta'n min enna mit a la sawn miah lo tih chu ka che khawr ţut ah chuan hrilhnawn ka ngai tawh miah lo bawk.

"In rawn kal dawn tih hria i la chuan gate pawn ah ka lo nghak tur che u a nia."Ka ti ţha leh rih a.

"A pawilo,Class ah a la awm a mi?"

"Aw..Lo kal ru,Tukverh ațang ahmuh theih a."nui luiin Rachel ban ah ka vuan vat a,Vicent lo ding ve run chuan kan office chhung chu a ti chep vek maiin ka hria.

"Ka hmu chak lutuk a,Hun ka nei thei bawk silo a."Rachel bawk chuan a ti leh a,Vincent erawh vawi khat pawh a la ţawnglo,Kan in kawt thleng min thlah ţum bak kha kan inhmu leh tawh miah lo bawk.

"Nuam a ti ve tawh lutuk a.."Ka ti a,Jayden te class lam pan chuan kan kal a,Kan hnunha ngawi ngula min zui ve zel tu vang chuan ka zam thar hui bawk!

Tukverh aţang kan en a,Jayden chu a rualpui zingah ro ro pawh a langsar vei larh a,A pa ang chiah in a sam.a dum hlap a,Chuamai pawh nilo in an hmai fang leh bial dan zawng zawng pawh a thuhmun vek!

"A thla ka la dawn..'Rachel bawk in a bag aţang phone phawrh chhuak pahin a ti sep a,Naupang tih phawk lek kan hlauh vang in țawngrin ngam a nilo hrim hrim bawk.

Rachel nen kan dinna hnung chiah a rawn ding ve tu taksa lumna chu ka lo hre rang kher mai!

Nghet zet in kut ka hum a! Ka thinphu chu a su dup dup maiin ka hria.

A inchei dan smart zet chu hawi let tawh kherlo pawh in ka chhinchhiah fel der tawh,Shirt pawdal a ha a,Streatchet pants dum nalh zet a ha bawk,A shirt hak a thun lut a,Kawnghren dum hlap lawk ve angreng tak a hreng leh bawk.

"Call hi ka'n chhang lawk ang.."Racheli'n a rawn ti a,A kalsawn zui nghal mai bawk a.Tunah chuan amah nen chiah kan ni tawh! Ka hrawk a ro halh a! Ţul hauhlo in ka hawi let ngam miah lo bawk.

"I ţha zel maw?" A rawn ti sup a. A aw zawi tak si leh thum lam deuh a min ngaihtuahna ri ka hre tel ve ziah zel hi ka duh lo,Muangchang in ka inher a,Ka hmachhawn ruala ka mit in a hmuh hmasak ber chu a hrawk bawk langsar zet che ralh chu ani!

Ka melh chho leh deuh a,A khabe ruh kual hrawlpui leh bianga hmul ţo siar siar chu en kan in a mit ah tak ka en ta chat a! Za vaklo hian a nui ta suk a.I hma ah mipa lianpui mai,I kum ai fe a upa tih hriat ngawih ngawih in chik lutuk in en ve ta run che se la engnge i tih ve ang?!!
.
Ka hrawk ro tawh sa lutuk te chu a rawn sa huam huam maiin ka hria a! Engmah sawi tawh chuang silo hian min han thlek deuh vang vang a,Ka uniform pencil skirt dum khup chen vel chu a ching thar riau in ka hre bawk.
.

"Ka ţha alawm.."Ka tisep a,A hmui a pet sawi zauh a!

"I pasal?" A ti leh sup bawk,A kut veilam a kekawr ipte ah a zen lut a,a ban reka sana lawk ve angreng tak chu a langsar zual sauh bawk.

"Zico pawh a ţha.." ka ti leh a,Inchunglam ah dak deuh in a thaw chhuak hawk a!Thinrim in-control tum hi a ang ber in ka hria a,Mahse a thinrim ngawtna chhan tur lah ka hrelo! A kut a kekawr ipte ah a la awm reng vang chuan a taksa chu a lang lian sawt maiin ka hria a,A hnar ngul nalh zet pawh a lang sar nangang mai.

"A zin dawn in ka lo hria a?"

Phawk zet hian ka melh a,A mitmeng hi a zim lam deuh a,Chik zet in min lo melh chhuk ve run bawk!

"Engtinnge i hriat a?" Ka ti hliai a,Kei ngei pawh in darkar reilote liam hnu khan ka hre ve chiah ani sia!

Ka zawhna ngaihpawimawh loh hmel zet chuan hmalam ah a rawn pen hma hrut a,A kut veilam kha a kekawr ipte ah ala awm reng!

"A zin rualpui tur a hrilh bawk che em?" Ka beng bulah a rawn phun sup a,A ka aţang boruak lum rawn chhuak chuan min ti mur ar ar bawk! Mahse...

A din mar leh rual chuan rum zet hian ka melh ta nghek a! Ani hian a hriat loh tur thil hriat a nei a ni khawp ang!A mithmul a kan leh ak rual chuan ka inseh ruh ta nghek a!

"I lo buaina tur a awm lo.."

"Oh.." Chimawm zet a a thlesawn chu a hmai ah tak ben zui chawrh ka chak tak zet,A kut chu la chhuak in a khabe ruh kual lai chu a tuai zauh a!

"Ka buaina tur a awmlo..!" Ha sehchilh ran chung in a phun zui sup a! Ka mit ah a rawn en leh rual chuan min hmusit hmel ta hluah hluah bawk.

"Vin..Kan kal mai dawn mi?dawr lam ah customer min be duh an awm a."Rachel aw ri ka hriat tak ah chuan ka taksa chu ka thlah dul a,Vincent an min en reng chunga a bu nghut chu ham tak mai hi ka duh a!

"Didin kan kal rih mai ang,Jay chu biak chak viau mahila kan tih phawklek a hlauhawm bawk sia." Zei zet in Vincent ban ah a zen lut a.

"Awle,Kan hman vel ah kan rawn phei dawn nia,Zico a zin dawn bawk sia..."

"Mawh? Mama a zin dawn maw?" A ti hliai a,Vincent chu ka melh zawk a,A mit ah chuan min nuihzatna a awm reng! Kei a pawh chuan engvanga lo sawi chhuak ta kher kher nge maw ka nih ni?

"Aw,Delhi ah hna vang in a kal lawk dawn a.."

"Anih chu..Brad lahin engmah a sawi silo a.." a ti a. Min ţhawng ngei a lawm,Mahse ka hma a mipa lianpui ka pasal nen kan inkar nuihzat ru tlat tu lakah hian hmuhnawm dang siam belh ka tum reng reng lo.

"Ama side lam zawk a nih hmel." Ka ti a.Rachel chu a bu ve mai a,Mahse a hmel ah chuan mak a ti tih ka hre ve tho,Kei ngei pawh in Brandon-a hriatpuilo a Delhi pan ngaihna chhan hna a nei bik chu ka man thiam tawh biklo.

In kan haw chuan a lo reh ţhiap a,Hei pawh thil thar ani lo.Mami'n kan thawm a hriat rual in a rawn lang thuai a,Jayden lahin school a an thil zir thar a hrilh nghal zung zung bawk a.

"Mami,Inthlakpui la mut a duh chuan ti mu zui mai rawh aw.."Ka ti a;Jayden room lam ah a bag inkhai chhawk pah in an thlanchho ve zat zat a.Kei erawh ka pik țun mai thung!

Kan nupa room ah ka lut a,Zico in siamna hnawk vel khum ah a lo awm darh nuaih a.

Chhungkaw sumdawnna hi Brandon nen an enkawl a;Zinchhuah an ngaih hi chuan ka nu leh pa pawh in an hriatpui thlap zel a,An hna hi an unau hnih a khawih nimahse ka nu leh pa hi sumpui khawih che vel a,Engkim la thunun tu an la ni miau tlat a! Rachel lah khan a zin chhuak tur thu ka sawi kha mak a ti viau mai bawk si!

Khum tlangah chuan ka ţhu thla hnawk a! Khum a Zico kawr kalsan chu ban in thawk ka'n lakpui vang vang a!

Tun thla hnih chhung a kan nupa inkar inpawh ta lo lutuk chuan min tina thar vawng vawng bawk!

Zanlaiah Jayden rawn ţe chhuak ţhawt thawm in min ti harh a,Zico a awmlo bawk a;Ka bulah ka mutpui a.

Khumah chuan ka ţhu chhuak vat a,Chhuak zet hian a rawn ţap zui ta hlawp hlawp a,Ka pawm kang nawlh a,Ka hma lamah ka kuah bet a,A hnungah chul in a ţap ban tir ka tum a;Mahse a mitmeng miah chuang silo hian chhuak lutuk in a inhnit zui hlawp hlawp reng a!ka awm a nuamlo kher mai!

"Jay,Bang tawh rawh le.."Room chhungah chuan ka dara bei tirin kan in awi ta char char a,Zico awmloh changa a ţah vak tawh hi chuan Zico in zu a in emaw ani ţhin..Zinglam dar 1 ani tawh a,Jayden lah a ţap bang thei bawk silo,Ka rilru vak thui lutuk chuan suangtuahna ţha lo pui pui ka ngaihtuah kual zut zut a! Zing lam a Lisa message ka chhiar fuh te kha awmze nei a hmeh bel phet ka tum ta tlat a! Ka fapa ţap bang thei bawk silo te nen chuan ka pik zual ngawih ngawih!

"Papa bia ang aw.." ka ti ta ngawt a..Dar 10 vel khan Delhi chu a thleng tawh a,Jayden a lo mut tawh vang in rei pawh min be lo in phone a off ngawt tawh bawk.

"Na i nei em?" Ka ti leh rih a,A rawn meng tawh a,A biangah mittui a luang ve ngiai reuh a.

'' i pum a na em?" A hriatthiam awlsam nan a kawr ka hlim a,A dul chu ka chul a,Lu a rawn thing ve lap lap a.

"Papa i ngai a mi?" A bu nghat ringawt,Ka nghawng ah bawk a kut rawn suih zawm leh in a insut leh hlawp hlawp a.

Zico ka biak tir ngei a ngai ang!

Phone 'ring' ri chu ka ngaithla ran a,Jayden hnung ah ka chul pah reng bawk.

"Oh...Babe,Jaydena'n a be duh che a." Phone a chhan rual chuan la ti tawng a,Lehlam thawm chu a bengchheng ngang bawk! Jayden kawr hnung chu ka ţham salh a!

"Ka buai rih a,Zing lamah ka lo bia ang che u.."A rawn au lawng lawng a,A harhfim hlawl lo tih hre tur in amah ka hrechiang ve tawk tawh.

"Mahse Babe.." Line a in cut hmak anih chu!

Phone chu hrilhhai zet hian ka melh reng a! Jayden lah apa rawn awmdan hrethiam ve ang hrim in a rawn in hnit zawm leh ta hlawp hlawp bawk si!

"Jay,Bang rawh le,Papa chu a buai rih a.." Ka fapa ţap nasa lutuk chuan ka ngaihtuahna kal thui lutuk tur pawh a ti tawp ta deuh in ka hria,Chuti nilose Zico rawn chetdan vang khan ka ipik ngawt ang le..

"Jay,Na i nei em?" Ka ti leh a,Zico a awm bawk silo a,A ţap bang duh bawk silo leh a inhnit hlawp hlawp reng chuan min ti mangang tak zet!

"Papa.."Ka nghawng ah hmai phum chung in a rawn ti ve a,Nghet zet in ka kuah bet ta chawt ringawt a!

Zinglam darthum vel ah Jayden chu a pangngai leh thei ta chiah a,Khum a a muhil thaw sek sek chu ka en vang vang a,Zico hna vanga a kal chhuah ţum a zu a in ve deuh hian Jayden hian a lo hrethiam ţhin ka ti mai,Zanlai ah a ţap chhuak vak zel a,Ţum dang ah chuan Zico hi kan phone a,Zu a lo inngei zel bawk,Ţha tak in Jayden nen an inbia a,Chu mai pawh nilo in ka lungawiloh a hlau hi thinrim khum inthlahrunawm tur khawp hian a rawn tlawm ţhin a,Mipa ani a,Kan inneih hma daih aţang a lo chin ţhin tawh anih mai bak ah a ruih deuh chang pawhin buaina siam zawng a a chet ngailoh vang hian ka haw hran em em lo! Mahse zanin kha chu a dan a dang tlat! A fapa biaknan pawh hun a nei lo a!

Jayden ţawng lang lang leh nui hak hak thawm vangin ka harh a,Ka lu na lutuk leh mit hrui kham ţhum vang chuan ka chal dawm meuh in mit ka chhing sawk a.

"School kal in ngailo a mi?" Zico aw ka hriat tak ah chuan Jayden mutna lam hawiin ka inlet thak a,Ka fapa kut a ka phone ka hmuh rual chuan ka nui nghal hak thung! Apa nen video call an lo nei ve anih chu! Chu pawh min ti harh miah lo in..Kum 4 em a la pum lo a,A fing ve tawh lutuk tih bak sawi belh vak tur ka hrelo.

"Good morning.."Ka phone screen a Zico thophang hmel zet rawn lang chu ka nuih var var a.

"School in tlai a nge?"

"Umm..kan insiam ani nghal mai,Vawiin lam engnge i tih dawn?" Ka ti hliai a,Nizan boruak kha chu sawi lan ka duh rih lo.

"Hna vang in ka zin a,Hna lo eng nge ka khawih i rin?" A rawn ti fuk anih chu!

"Aaa..Ka zawt mai mai che mawle.."

Jayden in phone a la hum reng vang in thinrim khum ngawt ka tum lem lo,Chutih rual chuan a mize dang ta lutuk erawh in min ţhawng dawr dawr reng thung!

Jayden nen an inbe zawm leh a,Ka fapa chu a hnunglam aţang kuah chung in phone screen a Zico hmel lo lang chu ka en reng a,Mipa ka kawp hmasa ber ani a,Ka pasal ani zui leh nghal bawk a.Tun thlahnih liamta hun kan paltlang hma zawng kha chuan ka tan pasal ţha ber ani ţhin a;Kei aia upa anih na ang pawh in min duat thiam em em ţhin a,Mahse tunhnai te ah hian ka thusawi mal khat lek vang in thinrimna tur a hmu ta reng a! Engmah hi ka hrethiam tawh rih lo!

"Mum" ka hmai zawnah Jaydena'n phone a rawn lek en va tak ah chuan thaw hak in ka ban a,Jayden pawh a tho chhuak zui ve tharh a.

"Nizan khan engvangin maw min rawn call a?" Zico chuan bul vut in a rawn ti leh a,Puansin chu nghet zet in ka hum ta chawt ringawt! Jayden room aţang a chhuahfel hun ka nghak a,Kan room ațang a chhuah ruala Mami a auh tak lang lang ah chuan phone screen a Zico hmel pawr fap chu ka melh a.

"I fapa zanlaiah a rawn ţap chhuak a,Biak che a duh vang in kan rawn call che..'' ka ti ram hmak! Thaw hawk pah in a hmai a tuai puat a!

"Zan khat lek ka awmloh pawn i enkawl ţha theilo chu anih tawh hi maw?" A rawn țawng duh dan chuan min deng nghing dawt a! Sawi mai tur pawh hrelo in phone screen chu ka melh ta reng ringawt a!

"Hna vanga ka zin chhuah ţum hi chuan min rawn ti buai vak tawh lo ula,Mahni lo hah ve bawk si nen chuan thawk hi a ipik ve duh a nia!" Table chungah emaw phone chu stand nen a dah a nih ka ring,a ţhut mekna sofa nghen chhan ngheng pah a a hmai a tuai leh puat chu sawi tur pakhatmah hrelo in ka en reng tawp!

"Thil nihdan han sawi ila ţha taka dawn sawn aiin tau hmel min hmuh a.." Screen chu a thim zui nghal ta hmak a! Ka biang rawn lum thla pap chu rang lutuk in ka tuai hul tawk a,Ka kut lehlam a ka puansin nghet zet a ka humna chu ka taksa thlah dul pahin ka thlah ve riai riai a!

A thu rawn sawi te khan awmze tam tak a nei,Mahse a awmzia ngaihtuah thlen ka duh rih lo,Mahse Jaydena'n a mamawh em em lai a kan call kha a tan hnawksak a lo ni reng tih ka hriat telna chuan min ţham chau nghulh thung!

Thawk ka la vak a!

Vawikhat dang ka la leh a!

A vawi thumna ah chuan ka mittui bawk a rawn lum thla leh pap a! Hruk buai tumna ka nei tawh miah lo thung!

"Hna vanga ka zin chhuah ţum hi chuan min rawn ti buai vak tawh lo ula,Mahni lo hah ve bawk si nen chuan thawk hi a ipik ve duh a nia!"

Kan nufa hnawksak ang hrim a min rawn țawngkhumna chuan min tina lutuk tih bak sawi dan ka thiam lo!

Nizan khan hna țul a khawih lo,Club ațang min rawn bia tih hrethiam lo tur khawp in ka a bik hek lo bawk!

Nizan a ka ngaihtuahna neih te kha rinhlelh zawmloh duh viau mahila Lisa nen an in kawp ka ring nghet hmak tawh! Engtinnge hma ka lak zel ang tih erawh ngaihtuah ngaihna ka la hre hauh lo thung!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)