TE DOY 15K BY Abbra Reo Ririni Khiangte (Pitartei) (Completed)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: TE DOY 15K BY Abbra Reo Ririni Khiangte (Pitartei) (Completed)

Unread post by Ngaia » March 18th, 2018, 4:20 pm

Ih..I hmu vek anih chuan..,"
"Eng thil nge tise min tih?" A rawn tih sup rual chuan ka melh zawk a! Mahse rang lutuk in ka mal chunga ka kut chu ka melh leh daih tawh thung! Chhan mai dan tur ka hre bawk silo,Ka kawchhung hi a tawt tup tup a;Zico khan engvang teh hrep in nge Zothana kha video a thawn kher! Ka awmdan zahpuiawm tak tak te lah kha a siam ţhat theih tawh der mai siloh!

"Mu leh rawh.." Zothana vek chuan a rawn ti leh sup a,Thil dang engmah tih tur ka hre tawh biklo,A ţhutna ngaiah ţhu run chung chuan hnuai lam a bih ngur a,Rawn mut ve a tum tawh miah lo tih lah a hmel ah a lang reng!
Engtinnge ka kiang a mu ve tur pawn ka rin ngawt theih! Min ten hluah hluah tawh ang chu!

Mit ka men leh chuan pindan chhung chu ni eng vangin a lo eng ruih tawh a,Lukham ah a saisir zawng a ka lu nghah pah chuan ka khap fak fak a! Nizan thil thleng kha ka nun ațang nawh reh vang vang ka duh a! Ka zak a,Keimah leh keimah hi ka inten hluah hluah bawk!

Lehkhabu phek a kan duh lai tak kan pawhthlak a,Hrual hlawm a bawlhhlawh bawm a kan vawm luh daih ang mai hian nizan hun bik kha ka nun aţang pawh bal a,Lei hnuaia phum bo vang vang ka chak hluah hluah!
Zothana ka ngaihtuah a! Ka thawk a sak nghal vek bawk,tu mihring mahin a hmangaih leh mipa dang awmdun lai a mit ngeiin hmu se..A ngaidam ngawt thei ngailo ang!

Lock a ri khap a,Ka phu zawk a,Mahse ka chesawn duh chuang lo! Zothana phone a video kha khawvel mi zawng zawng hian an hmu in an hre vek ang hian ka ngai tlat a! Kil tin aţang min nuihsawh tak tak tu hmel an rawn chhuak tup tup dawn a hriatna ka nei zui tlat bawk!

Ka hnunglam aţang khum chu a rawn hniam suih a! Ka lo ţang țeuh a!
"I harh tawh tiraw?" Zothana aw dam thlup si leh ngainatawm miah siloh vang chuan na deuh in mit ka chhing vak a!
"Rawn tho la,Jayden a ngaihtuah awm ania. " Hnunglam ațang ka chhipah a rawn fawp vang vang a,Mahse rum chhuak hrawih a a in lakhran rual chuan ka taksa chhung hi an nghal vawng vawng mai.

Khum a thawhsan zui tih hriat zet in khum chu a kang zui dawt a!
"Bawihi?" Ka ip chawih mai.
Tha tho lo zet in ka tho chhuak a,Ka ke in lei a deh rual chuan khum ah bawk ka țhu leh chawrh a! Zothana kamis var ka hak chuan ka mal te thleng a khuh a! Mahse ka taksa chu ka hup chawih thung!

"Khatah khan i thuamhnaw inbel tur a awm.." a rawn ti leh sup a! A hmel landan enturin ka dak chhuak ve ta nge nge bawk!
Khum lehlam tukverh bulah chuan a ding run a,Adidas running suit navy blue a ha zuih a;A jacket hak kawrban chu a hlih tawm vang in a ban hrawl zet chu a lang lian zual vek! Min lo en ve run vang chuan thawk la halh chung in ka thuamhnaw hak tur a dahna lam chu ka melh a.
Engmah a sawi belh chaklo tih lah a hmel landan tak ngul leh thim khup maiah chuan a chiang ngang bawk.

Motor chhungah pawh chuan inbe lo in kan chuang dun ran a,A thuamhnaw inbel lai ang chiah ka inbel ve a,Nizan thil thleng kha sawi chhuah tur ani em pawh ka hrelo!

"Gas la lawk ang aw.." reife hnuah a rawn țawng chhuak hlawl a,Ka melh zawk a,Min en ve lo in hmalam melh ngur chung in petrol pump lamah chuan steering chu a herh kual a!
Motor ațang in thazo zet a a chhuk thlak nawlh rual chuan ka thawchhuak zui ta ham ham bawk! Motor chhung boruak uap churh leh thihna hri a keng tel ve ta emaw tih theih tur khawp a boruak a thil ţhalo zam kual vel vang te chuan ka chau nghulh mai!

"In thlen hunah thil kan ei a nga..I duh chuan i mu leh lawk thei ang,Tlailam ah ka nu te inlam ah kan phei dawn nia.." Bolero ah a rawn țhut luh rual chuan a rawn ti liam puat a!
Țum dang angin ka thu ngaihchan derna a nei tawh pawn ka hrelo; a duh a sawi tawp hi ani ber mai!

In kan thlen meuh chuan zinglam dar 8 a pel va tawh bawk.Gate ah kan tlan lut a! Kawngkhar ațang Jayden phur zet in a rawn tlan chhuak a! Ka fapa hmel ka hmuh rual chuan ka insehruh ta țeuh a! Nizan ah a nu hi khawlo zet in a che tih a hriat ka hlau ta ber bawk!

"A hma ang chiah khan awm tum rawh." Zothana chu ka en vat a! Engine pawh a ti tawp zui nghal duk bawk!
"Jayden lakah sawn ania ka tih..Tim dui reng suh.." a ti leh sup a,A thusawi ah khan huat tur pakhatmah midang chuan an hmu lo ang,mahse kei erawh ka na zual sauh thung!
Ka fapa lakah ka tim dûi a ngailo a! Ani ve thung lakah hian engtinnge ka awm dawn? Huh! Eng thil teh hrep nge maw ka ngaihtuah le!!! Min ten hluah hluah ang tih hi hrereng tur ka nia sin.

"Apa.." Garage ah in hung lut lo in kawt zawlah a inhung tawp a,Zothana chhuak vut chu Jayden chuan a lo ban zui nghal zat a,Zothana chuan a pawm kang zui nghal nawlh bawk!
"Nizan i mu tui em?'' A ti zui sup a,Jayden bu lap lap chu chhunglam ațang chuan ka lo thlir reng ringawt!
"Api te inah kan kal dawn nia aw.." Zothana chuan ti sup pahin motor hmalam ah chuan an rawn kal a,Darthlalang chhan ațang Jaydena'n min hmuh rual chuan kut min vai lauh lauh a!
"Mum,Apa in today ah api te inah len tur a ti.." Zothana'n ka țhutna lam kawngkhar a rawn pawh hawn rual chuan a rawn ti lang lang a! Ka kal chhuah hma chuan thawk ka la vak a!
"Kan kal dawn nia.."
"Apa,Play na ah kan kal dawn em?"
"Jay,Play na chu mamma in ka hruai dawn che ania. " ka lo ti vat a! Jayden chu ka ban zui nghal zat a,Min lo ban ve mai vang chuan thaw huai chung in ka'n kuahbet deuh vang vang phawt a!
"Ka ngai lutuk che. " ka ti zui sep bawk! Ka mittui rawn hnam ringawt khap let tum chuan chung lam ah ka meng kual ralh a!

Inchhung kan luh rual chuan inchung lamah Jayden chu ka chhohpui zui hlawk hlawk a,Nuam ka tilo a,A bik takin Zothana nen inhmachhawn kha nuam ka tilo hulhual!

"Mum.."
"Jay,He ta țang hla deuh ah kal i la.."
"Play na ah maw?" Khum ah ka nghah rual chuan a rawn ti a.Nui lui hak pahin lu ka thing zeuh a.
"Aih,Hla deuh a,Mummy leh Jayden chiah awm theihna turah.." Khum ah ka țhu thla ve a,A sam nem thep ah chuan ka chul a,Ka ţah a chhuak tulh tulh bawk! Nu a zawng a vanduai ber hi a nu hi ani tih reng a hrethiam ve hauh lo ang!
"Apa a lo kal ve dawn em?"
"Aih,apa chu a buai dawn a lawm.." ka ti sep a;Pawi tih hmel zet hian a hmui a tipawrh ve tarh a.
"I duh a ngem?"
"Ka hrelo,Mamma,Apa buai loh hunah apa te nen kan kal thei lo ami?''a rawn ti ve nui nui a! Ka țah nuih hawk hi ani ber mai! Rang zet in ka kuah bet a,Țap chhuak mai lo turin ka insehruh zui țang țang a!

Engtinnge ka nuih zui zel ang?
A hmasa ber in he in leh khawpui ațang hla tak ah kal bo vang vang ka duh a!

Ka nun dan leh ka chunga thil thleng tawh zawng zawng ka ngaihtuah let a! Tun hnai a thil thleng te hi a rapthlak a ni tawp mai! Engtinnge thawk leh khatah ka nun hi hetiang taka a buai kual tak mup mai le..Buaina satliah mai mai ka hmachhawn ve ngailo a,Ka thil tawn reng reng ah ka taksa in a tuar tel ve zel a,Ka pasal ngeiin min sual lui ţhin a, pasal te khawihna mahnise tihluihna a tel tawh hi chuan a tuartu tan hian a rapthlak in kan thlarau lam thleng in a vaw chau ve vek thei a!Pasal in hmeichhe dang a kawpsan leh kan nupa khum ngei ah hmeichhe dang sex a hmanpui lai ngei hmutu hmeichhia ka ni tel cheu bawk! Ka pasal..Hmanrua a min hmang reng tu leh ka taksa chiah it a,Remchang a hmuh apiang a min khawih tum reng mai lak ațang khan Zothana hian min humhim tawh a.Chumi hnu ațang chuan hahdam tak leh nun pangngai tak in ka nung ve thei tawh dawn emaw ka ti a!
Mahse, Anilo.
Ka inhumhimna neih chhun ve ngei pawh in min ten hluah hluah theihna tur ka chung ah a thleng nawn leh bawk a! Hmeichhe vanduai satliah pawh nilo in chhiatna keng tel tu ka ni hial te hian ka ring ta rum rum a! Anih loh vek leh min hringtu ka nu leh pa diktak te hian thil sual tak an ti anga,An chunga anchhe tla tur zawng zawng kha siamtu hian ka chungah a leihbaw ta vek zawk emawni hial dawn ni!

If you want to be ORIGINAL,
be ready to be COPIED😝



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:21 pm

Tukțhuan ei zawh chuan room lamah bawk ka chho leh a,Nu Liani min biakna pawh kha ka chhang mumal pawh in ka hrelo,Ka beng ah a lut a,Lehlam ah a chhuak tlang leh nghal zel ni mai hian ka hria!

"I damdawi kha i ei theihnghilh a nge?" Zothana rawn țawng thum dut vang chuan ka vir nawk a! Kawngkhar biang ngheng a alo ding run ka hmuh rual chuan na deuh in thawk ka la vak phawt a!
"Min ti hlau alawm." Ka ti zui hlak bawk!
A dar tihrawl țha zet chu a kan uk a! Cabinet ka nem hawn tawh sa lam chu ka hawisan leh ta daih a!

"Ka sawi chu i hria em?" Zothana vek chuan a rawn ti leh sup a,Diktak chuan amah a pa lianin a aw hi a thum deuh dut a,Ngaihthlak dan a fuh loh phei chuan awm hi a nuam duh lo tak zet.
"Eng chu?" Ti hâw chungin ka hawi let a!
"I damdawi.." A jacket hak a hlip tawh a,Shirt var thianghlim zet a ha a,Adidas running pants a la ha zuih thung!
"Ka hria.." tisep pah in thawk ka la a,Zothana lah engmah sawi belh a tum tawh der mai bawk silo.
"Kan inbe thei angem?" Room ațang a kalsawn tur chu ka ti sep a.A rawn inher ruai ruai a! Sawi ber tur hrelo mahila nizan thil thleng kha ka clear vek lo anih chuan engtik ah mah ka awm a nuam thei lo ang!

"Sawi la.." ti sup pahin a rawn pen lut a,Kawngkhar a pawt phui a,Ka en kar a! Lock a lock rik tak khep rual chuan chil ka lem ta dâwk a! Ka hrawk a ro nghal halh bawk!
"Nizan kha.." sawi zo lo in ka tawp leh rih a,A rawn pen lut zet a,Amah a hrawl in nizan boruak a ta tawh a hmel landan a la hahdam chhin miah bawk silo,Ruahpui sur tur ang maiin a hmel a dur thim khuih reng a!
"Nizan khan engtinnge min rawn hmuh theih?" Ka sawi zawh rual deuh thaw a a nuih ro hawk vang chuan ka țang țeuh a!
"Video ka dawng alawm.." a aw rik dan ngeiawm dan chu pui tak ani mai!

"Chuan..?" Ka ti leh a.
"Umm..Inbiak duh tu i nih kha..i sawi duh chu sawi la.." Zothana vek chuan kut kuangkuah hlun pah chuan a ti sup a! A awmdan zawng zawng chuan a lak ațang min nawr hla zual sauh!

"I hmu vek tawh a,Engmah sawi tur a awm tawh lo,Jayden nen hian in hi kan chhuahsan ang." Ka ti a.A kutphah hrawlpui mai chuan a khaberuh luah lai chu a tuai zauh a! Engemaw tak a sawi ka ring a,Mahse engmah sawi lo in a inher ta vut a!
"Naktukah i zin dawn a,Sunday ani bawk,Kan tan lo chhuah thut thut a rem dawn lo a,Mahse i rawn let leh hma chuan kan lo chhuak fel hman ang.."
"Țawng duah lo khan intifai la mu rawh.." chhum zet a ti hluk pahin lock chu a pawt hawng a! Cabinet chunga lotion bur hian a lu ah va vawm zui chawrh ka chak kher mai!
A kal chhuak fel chiah chu duhthawh lutuk in ka thawchhuak hawk a! 'Intifai la mu rawh!' A țawngkam khan min tih nat zia a hre hlek lo ang chu!

Tui lum sa țha ver vawr in ka inphuh tir a;Shower gel chu ka nuai phuan nawk nawk a,Ka taksa zawng zawng chu hnawih chhuak in nawhlung in ka innawt zui tawk tawk a! Zico min khawihna lai ka hriat chhuah lai lai chu na lutuk in ka nawt a! Ka vun te thleng hian nawh khawh vek ka chak kher mai!

Shower hnuaia ding reng chung chuan ka hmui chu ka hup a,Țah duhlo engang mahila ka chak tawk zo thlawt lo! Nilo..Nizan thil thleng kha khawvela hmeichhe chak ber chungah thleng nita ang se a țahpui ve tho ang! Ka thluak kha ka thunun thei lo a..Thunun a hneh in mipa taksa zawkin min thunun bet tlat zawk a!

Kawngkhar rawn inchum ri dawt dawt ka hriat rual chuan ka mittui chu ka hru tawk a!
Mahse hawn tumna ka neilo!
"I țha em?" Zothana chuan a rawn ti sup a.A aia na in a rawn inchum zui dawp dawp bawk!
Zothana danglam ta thut leh țawngkam bul zet a min țawngkhum fuk fuk pawh hi haw ngam tur ka nilo,Zico'n video a thawn tawite a lang chen chiah pawh kha ka hmuh leh dawn ni ve ta se ka lawm hauh biklo ang!

"Bawihi?" Kawngkhar vek chu a rawn ri leh chawrh a;Tun țum chu a rawn nek emaw a chhir emaw ani tawh ang!

"Zodinpui..i țha em ka tih chu!" Chang zet a rawn tih leh hrawih rual chuan thawk ka la vak a!
"Ka țha.."
Shower inphuh ri sur sur hnuaiah ding nimahila a thaw huai ri chu ka hre thei!
"Rawn chhuak tawh rawh." A rawn ti hmuk a!"Ka sawi chu i hria em? Rawn chhuak tawh rawh." A rawn tih leh țhawt tak ah chuan inhnial hrep in peih at hian shower chu ka off a;Bathrobe chu ban in ka inha sawk sawk a,Ka sam chu towel lian zet in ka tuam nghal tlat bawk.
"Engnge i hriat a," kawngkhar ka pawh hawn rual chuan a ban pahnih hrawl zet chu a phar hluai ringawt!
"I rei lutuk!" Ti hul hak pahin thawk a'n la halh a!
"Chumi ringawt sawi tur chuan maw?" Ka ti let hlak a.
"Mahni intihlum tum man chhuak ang mai a i rik hluai le.." amah kal pelh pah chuan ka ti leh hlak a;Dressing table ka thlen hma chuan ka banah a rawn hmer nawk a;A taksa si chet in min pawt let zui nghal hmiah bawk!
"Tunah khan engmaw i sawi a.." a țawng chu a sehchilh nawk!
"Mahni intihhlum tum man chhuak ang mai in ri hluai tawh suh ka ti anih chu!"
Phun hluk chung in min thlah a,Ka theih ang a rum in ka melh let ve ta kham a!
"Intihhlum lam pang kha chu sawi tawh suh.." ti hluk pah in a sam a tuai puat a! A hmel landan a buai ru ve nak bawk.
"Kal chhuah lawk ka ngai a,Ka nu te in lamah chuan zanah kan leng phei mai dawn nia..Lo chawl hahdam rawh.." Thaw ham ham pahin a hmuiin ka chalah a rawn nawr a! Ka ţim uaih uaih thung! Na zet in thawk a hip lut a! Engmah sawi zui tawh lo in a kal chhuak ta nul nul a!

Nileng in a rawn haw ta lo reng bawk,Ka nawm vakloh vang in Jayden pawh ka infiampui mumal thei lo a,Mami nen games an khel a;Engvang ber nge ka hrelo,Ka mut a chhuak em em reng zel bawk.

Ka phone rawn ri thut vang chuan ka phu dawrh lehnghal!
Screen a hming rawn lang ka hmuh rual chuan thawk la hawk chung in ka chhang a.
"Aw..U Machhan?"
"I țha em?Nizan thil thleng kha ka lo hria a.." a rawn ti vat a! Ka hrawk a ro nghal halh mai.
"Ka țha..!"
"Zico pawh hospital ah a awm a.." a rawn ti a.Ka meng nghal kawk mai!
"Zico maw?" Ka mak tih zia chu a hre thei ang!
"Aw..Zothana'n a sawisa tih i hrelo ami?" A rawn ti let haw a! A sawisa tih chu ka hria a,Mahse Hospital luh ngai khawp in a khawih tih ka lo hrelo!
"A serious viau em?" Ka'n ti halh a.
"Umm..A awmruh leh a khaberuh kha a khawihna deuh aniang.." a rawn ti a.Atthlak ti tawk lo awm mahse pawi ka tilo,Chutia Zico ana tih ka hria chu ka hahdam huai mai!
"Anih chu.." ka ti let leh a.
"Faith hruaiin ka la rawn leng ang.." a ti lang lang a,An rawn kal theih hun tur a sawi a,Jayden hmuh a chak tawh thu a sawi leh lang lang a..Kan ri ta chul bawk a.

"Dindin, Zothana chu i call tlang thei em?" Zan dar 7:30p.m ani tawh a,Ka nu te in lamah chaw ei phei tur anga a sawi vang in eirawng kan bawl lo a,Tun thleng in a la rawn let bawk silo.

"Ka call tlang thei lo a.."
"A va mak ve aw..Jayden kha a khawngaihthlak tawh lutuk.."Nu Liani vek chuan a rawn ti a,A sawi dik chiah bawk! Kal chhuah inpeih at in a țhu ve kak a! Kan mi nghah ber lah rawn let tih awm thei reng reng lo.

Kan nghak leh ren rawn a,Darkar khat a ral leh hnu chuan ka ngaihdan ani tawh biklo a.Eirawng bawl ang u ka ti ta tawp a,Nu Liani pawn min hnial ta biklo a.

Awlsam te in kan ei khawp lek kan siam a,Artui leh sausage kan kang vel mai mai a,Ril a țam tawh bawk a,A ei theih viau tho!

Jayden kal chhuah inring kal chhuak leh silo mu tur a ka thlak vel chu a vui ve nung nung a;Khum a deh rual erawh in a muhil zui vat thung.
Sana chu ka en zawk a,Dar 10:44 ani va tawh,Rawn haw theih lo chuan rawn sawi ve mai tur ania..!

Ka lo chhing diar diar hman tawh a,Kawta motor rawn tlan lut thawm vang chuan ka harh zawk a! Engine a tawp duk rual chuan Jayden tih harh hlau zet in ka tho țham ţham a.

Inhnuai ah lo zuk chhuk in ka lo zuk buaipui a ngem?tih chu inzawt in kawngkhar bulah chuan ka ding tawi leh hrat a!
Ka'n thaw ham ham phawt a!
A ngai kher lo ti leh rih in tukverh lam chu ka pan a,kawngkhar inhawng thawm a la awm lo a,ka room hman tukverh ațang hian in hmalam chiang zet in a lang thei bawk.

Parda chhah inzar chu ka keu hawng a,Pawnlam eng dul ruih chu ka en thuak a,Gate pawn ah car var a inhung a,Ka dinna sawn in kawt zawl lam ka en chiah chuan ka lungphu hi a rawn thlawk chhuak lo chauh!

"Anilo.." ka ti sep a.
Ka thawchhuak hawk bawk!
Zothana chuan hmeichhia a kuah a,Duat tak in a sam ah a chul sak hauh hauh bawk! Ka thil hmuh vang chuan ka bing nghal mup mup a,ka lungphu zawn na ngut ngut vang chuan thawchhuak lo in ka thawk chu ka'n vuan vang vang a!Hmeichhia a inlak hran rual chuan a hma zawng aiin min shock bawk!
"Rachel.." ka phun chhuak sep a,Zothana nen hnaih tak a an in hmachhawn chu awihlo in lu ka thin khum nawk nawk a!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:21 pm

☆TE DOY 15K☆
Chapter 21
By
Abbra Reo Ririni Khiangte(Pitartei)

Ka thinphu chu a rang kher mai!
Mahse ka taksa chau nghulh vang chuan ka pen sawn thei chuang bawk silo a! Ka taksa chhung tawt lutuk tih reh tum chuan thawk ka'n la kawk kawk a, Mahse a awmzia lo, A hrehawm lutuk! Bang ngheng chuan ka thu thla hnawk a! He natna hi khawi atanga rawn kal ve nge a nih pawh ka hrelo, Ka hrawk te hi an na vek! Chhuak zet a tah chhuah hlawp hlawp ka chak a, Mahse, chu pawh chu ka thei lo.

"Engmah anilo.." ka ti chhuak leh sep a!
Mahse, Amah nghakin inah kan lo awm char char a, A chanchin engmah pawh rawn sawi lo in zan rei tak thleng a thang bo a, Ka nu te in lamah chawei tura kan inngaih vang in eirawng takngial pawh bawllo in kan lo nghak ve ţang țang a, Ani lah chu zanlai hnaih tawh takah hmeichhia nen an rawn inzui haw a!
Ka ngaihtuahna kual nuaih vang chuan a hma zawng aiin ka na zual sauh mai bawk!

Zico nen kan nupa kar chhiat țan tirh lai kha ka ngaihtuah let tello thei lo! Hmeichhe dang vangin kan kehchhia a, Inah hial rawn hruai haw in min zahzo lo in an khawsa kual a! Tunah! Zothana.. Zothana pawn chu ang bawk chu ka chungah a thlen tir leh a!
Za lo zet hian ka nui chhuak ta hak a!
Mahse ka taksa chhung chu thinrimna leh natna in a tawt kual tup tup thung!
"A duh dan dan in a awm thei alawm.." Ka han ti leh sep a, Mahse a duh duh dan a awm a, zanlaiah hmeichhia nen rawn haw rual turin ka phal bawk silo!
"Inzawmna tak tak pawh kan nei hleinem,Ka chunga thil thleng zawng zawng hria mai nilo in a mit ngeiin a hmu a, Min ten ta hle ta ve ang!'" Chil lem khawlh pahin ka thawchhuak leh vak phawt a! Ka tha khurh nasat zia chu pen sawn ka tum rual chuan ka hrethiam ve ta chiah mai!
In ațang hian chhuak vat zawk ila a ţha ber ang! Ka pasal pawh ala anilo a, A duh duh a kawp kual thei alawm! Nizan thil thleng vang ringawt pawh khan a chet dan engpawh sawisel ve ngam tur ka nilo hrim hrim, Chu tih rual erawh in a kiangah kan nufa a kan chen ve reng a țulna a awm tawh lo bawk!

Khum tlangah chuan zawi zet in ka țhu thla hnawk a! A țum hnihna atan phatsan ka ni leh ta! Ka pasal ngei leh hmeichhe dang ka hmuh dun aia nasa daih khan ka na a; ka lung hi ka taksa nen a inzawm behna thisenzam nen pawh hran tum ang mai hian a na thip hlur a, Ka biang a mittui rawn luangthla pap mai chu ka kut in ka chul a! Mit ka chhin rual te chuan Zothana'n keimah duat tak a min kuah ang chiah a Rachel a kuah a,A sam a chul sak hauh hauh lai te kha an rawn lang zel a, Engtinnge ka awm ve lai ngeiin hmeichhia a rawn hruai haw ve theih? Aaaa.. Thil thleng thei lo pawh hi a awm lo anih hi! Ni e, Ka pasal ngei pawhin a tih theih chuan ani ka pasal pawh nilo te chuan engvang in nge a tih theih loh teh lul ang!

Mahse Zothana ber kherin ka chungah hetiang thil a ti hian min țhawn dan a na zual a! Tunah chuan tumah neih ka neih ve tawh loh zia ka hriatchian phah em em tawh bawk! Engtik ah tehhrep nge ka nun hi pangngai tak leh natna tel ve lo a ka hman ve theih ang le!

Khum a ka fapa muhil sek sek chu ka en a, Ka hun tawn hrehawm tak tak a hrethiam ve lo hi ka lawm a, Chu tih rualin kei ang nu vanduai leh phatsanna tuar reng bik a nei hi ka lainat tak zet bawk!
Kei ang a vanduai a a țhan chhoh loh hram ka beisei!

Kailawn ah ke pen thawm a rawn awm a! Ka thinphu a rang zui nghal dawt dawt bawk!
Ka țhutna ngaia ţhu reng chung chuan kawngkhar lam chu ka melh ngar a! Rachel nen khan an rawn lut angem? Chu zawhna chu ka lungphu a phut dawt dawt rual in ka inzawt tel mawlh mawlh reng a.

Ke pen thawm chu a rawn hnai ve zel bawk. Zanriah pawh ei lawk lo in kan lo nghak ve a! Engang pawn buai mahse a rawn let theih loh tur thu kha message tal pawh in a rawn sawi thei reng si!
'Oh! Zodinpui chutiang chuan ngaihtuah tawh suh!'
Kan nufa room kawngkhar zawnah chuan thawm chu a reh ta duk a! Mihring thinphu hi tun ang a nasa hian a rangin a mangang thei tih ka hrethiam ve ta chiah!

Ka thawchhuak tawh pawhin ka hrelo, Khum khuhna puan chu nghet zet in ka hum tawm ta ngawt ngawt a!

Reilote hnuah ke pen thawm a awm leh a, Kan nufa mutna piah pindan kawngkhar inhawng thawm leh inkharphui leh thawm ka hriat rual chuan duhthawh lutuk in ka thawchhuak ta hawk a! Ka thawk ka vuan rei lutuk chu ka taksa hi a sen chhuak vek hial in ania ka rin ni!

Lukham a phone chu a rawn vibrate chur chur a! Ka mittui vanga khawhmuh phe vek chu ka kâ ațang thawchhuak pahin ka'n chul hul leh thuak a!

*I muhil tawh em?*

Chhang lo in nghet zet in phone chu ka hum zui ta ngawt ngawt a! Ka pasal ngeiin min phatsan lai aia nasa a ka nat ngawt nachhan hi ka hrethiam lo a! Ngaihtuahna hman zui dan tur takngial pawh ka hrethiam tawh lo!

Ka fapa taksa tereuh te leh lum ve veng veng mai kuah chung chuan ka mu meng kar a! He in ațanga chhuah a, hmun hla taka kal bo vang vang ka duhna chuan ka rilru chu a rawn ti chak thar mai in ka hria! In hi ka chhuahsan anih chuan Mizoram ah mai mai ka awm lo ang! An ni thawm leh hmel hmuh phaklohna hmun hla takah ka fapa nen chiah khawvel thar din turin ka kal bo hlen vang vang bawk ang!

Ka muthilh ve lai ka hrelo, Jayden nui ri ve hek hek vang chuan mit na țhum chung in ka meng a, Pindan chhung a ni zung rawn lut ruih tawh chuan ka mit men nuamlo chu a ti zual sauh leh nghal a!
"Call mummy!" Chu aw ri ka hriat rual chuan ka na zawk thei!
"Mummy." Jaydena'n min rawn bawh nghal chuk chuk a, Thawk la halh in mit ka meng leh a, Ka hmai zawnah ka fapa duhawm zet chu a rawn nui var var a!
"Jay,Good morning." Nui lui in a chalah ka fawp pah zeuh.
"Mum, Apa hi today ah a zin dawn sin." Jayden bawk chuan a rawn ti a. ' Keini pawh he in ațang kan chhuak bawk ang!' Ka rilru chuan ka ti sep a!

Ka hawi chhuak a, Khum mawng lama Zothana lo ţhu ngawi ngul chu ka melh zawk a, Kan nufa chu uluk lutuk a min lo en ve run vang chuan Jayden sam a chul sak zauh pah chuan thawk ka la leh a!
"Jay,Tho ang le.." Thawveng zet in ka zi mar ţalh ţalh a, Mit la sawn hlek lo a min lo melh ve ngur tu vang chuan ka awm a nuam thei chuang lo!

A thawhna ala rei biklo tih hriat zet in fullsleeve hringdal a ha a, Pajama mutna atana a hman ţhin a ha leh mai bawk!

"Apa,Mummy nen kan lo kal ve thei em?" Jayden zawhna vang chuan ka ner nak a! Khum ațang ka tho chhuak tawh a, An pahnih erawh in khum mawnglam ah an la țhu thung!

"Mummy hi dil la,A phal chuan in lo kal ve dawn nia." Hmela mai mai chu!

An thusawi ngaihven duh miah lo chuan puansin chu ka thlep țha sawk sawk a, Zothana'n min en reng tih chu hawi chhuak kher lo mahila ka chetdan țang ru țeuh vang chuan ka hrechiang hle bawk!
"Mum, Apa bulah kan kal ve thei em?"
"Jay, Uncle kha an chhungkaw thil ah a zin dawn a, Keini nufa kal ve na chi anilo.." Anmahni en miah lo chuan ka ti ve hmak!
Zothana a kâ ațanga thawchhuak ham ham ri ka hriat rual te chuan ka țang țeuh mai! Ka taksa te thleng a thunun thei pawh hi ka duhlo!

Washroom ah ka luh san a,Nizan thil thleng kha ngaihtuah zawm ka duh loh ang bawk in phai lamah ka tan hnathawh theih mai tur awm ang ka ngaihtuah kual a, M.A English ka zo ve a, Engemaw tak ka thawh tawk tur chu a awm em em ang!

Washroom ațang ka chhuah leh chuan Zothana chiah chu pindan chhungah chuan alo awm tawh a, Ka hmai hrukna towel chu a hmuh loh turin nghet zet in ka hum ta tlat bawk!
"I thil sawi dan kha a țul kher em?" Ti hluk chung in tukverh lam a pan a, Ka nui lui sak thung!
Chhang duh miah lo in ka hmai huh chu ka hruk zawm mawlh mawlh a, Tukverh biang ngheng chung chuan kut a kuangkuah rûn a; He pindan chhung zau ve tak hi a ti lang chep vek bawk!
"Ka bia che.''
"Sawi țha leh la.." Amah en pah chuan ka nui lui sak a, A mitmeng tûr zet ah chuan a lawm hauhlo tih a lang reng!
"Jaydena min kohdan i thlak sak kher a țul lo. " a ti chhum hmuk a! A kut kuangkuah a phelh vut rual chuan atthlak zet in ka tawlhhnung zui dat mai! A thawchhuak hawk a! Zico an ka in rinloh laia kut min thlak thut a chin vang pawh kha ni mai thei! Ka lo inveng ru ve nghal vat!

"Apa tak i nilo a, A koh ţhin dan che kha chu midang tan pawh ngaihdan diklo tak a piang ve thei alawm." Tûr zet a meng dur khup chu melh lui ve ngar pah chuan ka ti a, A dar zawn ah a ban a dah ngil tawp chu a hum nghet nghal tlat bawk!

Pindan chhung uap lutuk leh a mitmeng ațang a lawm lo tih hriat theih kawp a min en ngûr tu ka chhuahsan rual chuan ka thawchhuak nghal hawk a! Chhunglam ațang ke pen thawm a rawn awm ve rual chuan rang mangkhen in kailawn lam chu ka pan nghal rawk rawk a! A hmel landan ah kha chuan kut min thlak mai a hreh hauh lo ang!

Engvang teh hrepin nge Jaydena'n apa ti a a koh pawh chu a duh em em ni!

"Good morning." Nu Liani chuan alo ti leh vat a, vawikhat pawh ka wish hmasa chhin hman ngailo reng reng..
"Morning, Khawnge Jayden?" Ka ti vat a.
"Bean~bag bulah a awm ang." Nui hak pah a a rawn tih tak ah chuan insir lam kal chhuahna atan a siam darthlalang kawngkhar lianpui nem tawlh theih lam chu ka melh vat a! Ka fapa chu bean~bag ah chuan a lo țum ve alh alh a! Ka nui ta sak bawk!
"Khawi ka lo tihpui ang che." A purunsen chanlai chu ka ban ve vat a, English breakfast a siam leh dawn ani mai thei, Artui a vaw keh hnem leh tawh emai!
"Cream ka telh khan Jayden hian a ei țha duh vak lo in ka hria." A rawn ti a.
"Umm.. Ka sawi hreh anih kha.. Cream leh butter hi a ngaina miah lo.." ka ti sep a. A chek ta hlak a.
"Tinge i sawi hreh mai mai a, A hma khan sawi la chuan ka hre daih tawh tur ania.." pawi tih hmel zet hian Fresh Cream a lak chhuah tawh chu fridge lianpui kawngkhar chu hawng in a dah lut ta sawk sawk a! Kei erawh ka ngaihtuahna a vak thui ta hle thung!

Ka fapa hi nuamsa tak in a awm țhang tawh a, A duhloh zawng a piang pe lo leh a duh apiang pe reng in ka lo enkawl tawh a, Nakin ah kan nufa chiah kan nih hunah hna țha thawh mai tur ka hmuh loh palh te khan engtinnge a ei duh zawng te pe in a nun dan ţhin ngai let miah lo a ka siam theih ang!
"Zothana kha nizan a rawn tlai chhan i zawt em?" Nu Liani aw sin tliang ral ring ve ang reng tak ka hriat rual chuan nghet deuh in ka chem vawn fung chu ka hum nghal vak a!
"Zawt lo. "
"Nakinah lo zawt ngei ngei ang che.. Jayden lunghnur hmel kha ka lainat lutuk!" A tih zawm leh barh barh a, Zawh kher ka tum loh ang bawk in ka hmuh chin ah khan a chiang maiin ka hria.

"Jay, Omlette a ei theih aw.." ka au lang lang a, A chappal bun lo in a rawn tlan ve ta terh terh a, A sam a phe ve lap lap bawk.
"I kut sil rawh le." Basin lam kawk zeuh pah chuan a hmai zawnah ka nuih a! A tlan zui ve vat a, Ka din ngil ruala kitchen kawngkhar bula mipa lo ding ngawi ngul ka hmuh rual chuan ka inher san vat a!
"I rawn tho thei maw?Nizan kha tinge i va rawn let har ve?" Nu Liani zawkin a ti nghal zung zung a.
Zothana chu ngawi ngul chungin a rawn pen lut a, Dinning table pangngai ah nilo breakfast table lam chu a rawn pan vut bawk. Jayden kut sil zo rawn let chu pawm kang nawlh in stool sangah chuan a hlang kai zui nawlh a.
"Kan lo nghak reng che a, I buai anih pawn i rawn sawi thei reng a, Dindini te nufa an khawngaihthlak lutuk, Jayden lah chhuah inpeih sa vek tawh lunghnur zet in a mut phah.." a thusawi vang chuan ka lo ip chawih mai! Hmeichhe dang nen hun an hman laia hmeichhe â tak ang a nghak tu a ka ţan vang pawh ani mahna!

"Coffee hi in rawh." Zothana hma ah coffee dah pah chuan Nu Liani chuan a ti leh a.
"Ka zawhna che kha ?" A tih zawm zat bawk.
Vawikhat pawh ka hawi chhuak lo a,Jaydena omlette chu fork in tereuh te te in ka cut sak mawlh mawlh a!
"Nizan khan min lo nghak a maw?" Zothana aw ki hniam ruih vang chuan ka chawl dat a!
"Nghak tur che in i hrilh ani lawm ni, Zan darkua dawn ah eirawng kan bawl chawp leh vek bawk." Nu Liani lo țawng leh hman chu ka lawm kher mai!
"Ka hna khawih a laklawh lutuk a." A ti sup a . 'Dawt!' Ka rilru chuan ka lo ti thung!
"Eng ang a laklawh pawh nise phone i nei a, I rawn sawi lawk thei reng, Dindini te nufa in an nghak reng che tih tal pawh i ngaihtuah miah lo ami a?" Nu Liani vek chuan a ti a,Tunah chuan Zothana hi fapa ang tak tak in a en tawh tih ka ring nghet hmak tawh!

Ka hawi chhuak a, Nu Liani chuan Zothana coffee no hum run chunga keini nufa min lo en ngûr tu chu a din chilh tlat a, Zothana lah chuan țawng tawh miah silo hian a ep a keini nufa țhu chu min en ta reng a!
Ka kawchhung hi a sa bulh bulh thei mai!

Boruak reh duk lai chuan Jayden chu a thil ei hak in a rawn khuh ta khek khek a!
Zothana lak ațang hawi sawn in a hnung ah chuan ka beng thek thek a; A hma a glass no a bawnghnute chu a ban ve vat reuh a!
"Jay,Ei vat vat la Apu te Biakin lamah kan va inkhawm dawn nia aw." Ka en vat a, Min lo la en reng bawk!
"A hla lutuk.."
"Nizan kan tlawh hman silo a, Vawiin ah tal kan va kal dawn nia."
"Chutia tlawh i duh viau chuan nangmah in i kal thei reng. " ka ti hlak a, A coffee no nghet zet a hum pah a min melh vak takah chuan kan țawng ngaithla zuilo a Nu Liani kalsawn ta daih chu koh let leh ka duh rum rum bawk!

"Nizan vanga i lungawi lo anih chuan ka tihpalh, Hna ka khawih laklawh ka tih tawh kha." Coffee no nawrsawn pah chuan a rawn ti sup a.
"Engvang in nge ka lungawi loh ve ngawt ang?" Ka ti let ve hmiah bawk!
Min chhang lo in dawhkan ah chuan a kut a nghat a, Jayden chu a rawn melh zawk a! Ka thaw zui hak bawk! Zothana leh kei chu min lo en ve kar a! A kut in bawnghnute glass no kha a hum ve țai bawk!
"Jay,I puar tawh chuan room ah chho ang." Ka ti sawk sawk a, Stool sang ațang ka chhuk thlak rual deuh thaw in Zothana taksa lianpui ding kang ve vut chu ka mit sirin ka hmu a, Engkhaw sawi set set lo in Jayden chu rang fahran hian ka pawm kang zui ta nawlh a! A thaw ri hawk thung!

"Engthil nge i hriat a?" Rawn ti hluai pahin dawhkan chu a rawn kal hel a, Jayden ka kuahna chu ka ti nghet ve sauh thung!

"Jay,Lokal rawh,Apu te ina kal tura insiam tur!" Ka pawm lai reng chu min rawn lak sak nghal nawlh a, Ka che zawm ve phat bawk, Jayden lak let leh tum chuan ka ban zui vat a!

"Mum..A nâ!" Thinrim țun chungin ka thlah a, Zothana nghawngah kut a suih bet tlat a, Ka la hrang thei lo khan ka lo tina palh ani mai thei!
"I damlo ami?'" Zothanmawia ka huat zia chu pui tak ani! Jayden pawm țha nulh pah chuan ka pang rawn deh mai a tum a! A kut ka beng per nawlh a, Ka hrawk hi a tawt țun bawk!

"Ka fapa kha min pe rawh.." Ka sawi zawh rual in ka ban leh nghal tawp a, Jayden lah chuan Zothana a kuah bet ve tulh tulh a, ka chetdan chu an hrethiam lo tih an hawi â hu leh Jayden hlauthawng hmel ah chuan a lang reng!
"Jay, Mumma bulah lokal rawh.."
"Bawihi.. Na i nei em?" Zaidam tak a Zothana rawn țawng leh sup ka hriat rual chuan insum hman lo in ka buak hawk ka hlau ta ber, ka theih ang a rum in ka melh ta nghek a, a hawihai hmel leh min khawih mai tum a kut a rawn lek leh zuau te chuan ka thin a tirim hlur tawh tak tak!
Ka kâ ațang thumal khat lek a chhuak leh anih chuan ka țap mualpho thei mai ang, anni pahnih chu chak takin ka kalsan hlawk hlawk a, kal tumna bik pawh ka neilo, Ka hmazawn ah chuan ka pen zui hmawk hmawk tawp! Ka mittui vangin ka khawhmuh a phe ruai a! Tinge dawt a sawi kher! Hna pawimawh vang in maw keini nufa amah nghak reng tute kha min rawn biak loh!

Ka bula thingkung lianpui ding chu ka vuan a, ka awm zawn dawm in thawk ka la zui kawk kawk bawk!
"Dawt.. "
Tinge,Ka pasal pawh nilo vang in tiang tak hian ka nat le?

Ka hnunglam ațang ke pen thawm ka hriat rual chuan ka mittui chu ka hru hul sawk sawk a, ka hnunglam ațang taksa lumna ka hriat rual deuh thaw chuan sir lamah ka per zui nghal nawlh! Hawi let in Zothanmawia hrilhhai hmel lutuk chu nâ zet hian ka melh a!
"Bawihi."
"Kal bo rawh." Ka ti tuarh! A thawchhuak hawk a! Ka haw lutuk, ka kawchhung hi amah huatna vang in a puak darh thei mai dawn!
"Na i nei em? Tinge hetiang hian i awm tlat a?" Ti hul hak chung in min rawn hnaih leh a, ka lo tawlh hnung ve hrat a hmuh rual chuan ka bul maia thingkung lian zet ding chu a rawn hnek ri zui nghal pawp mai!
"Engthil teh hrep nge i hriat a?" A palian bawk si, a thinrim aw rawl ring lutuk vang chuan ka lo ip chawih thei!
"Na i neih chuan min hrilh rawh, tunang hian awm suh!" Ti chhum hmuk pahin min ban leh mai a tum a!
" Hmeichhe dang i khawihna kut khan min khawih tum reng reng suh!" Ka aw zawi leh thinrimna inpawlh nawk vang chuan a ban chu lek kang in a meng awk a! Tenawm leh lutuk!
"Engnge i sawi awmzia?"
Za lo zet hian ka nui chhuak hak a!
"Ka sawi awmzia chu i hre chiang khawp ang chu!"
"Bawihi."
"Khati khan min ko tawh suh,." A rawn pen hma leh hrut chu ka hmalamah ka ban ka dah chhuak vat a!
" I thil hmuh zawng zawng vang khan min hua in min ten ngawih ngawih ang tih pawh ka hria, kei ngei pawh hi ka inten a, kha mihring in ka taksa a khawihna lai zawng zawng te hi hlih vek theih ka duh.. Keimah leh keimah ngei pawh ka inten em em tawh a, Nang...nang ngei pawn min ten mai pawh nilo in min hmusit hluah hluah tawh ang, kal bo tura i hrilh kher ngailo in i nun ațang hla takah ka kal bo ang, i duh tawk in i inah hian hmeichhe chi hrang hrang i hruai lut thei tawh bawk ang!" Chil ka lem dawk a, Zothana hmel tak ngul chu in hersan in in lamah ka pen let hlawk hlawk a.

Inhnunglam luhna ațang inchhung ka pen luh rual chuan Nu Liani'n min lo buaipui vat a, mahse amah pawh chu be lo in inchung lamah ka tlan chho zawt zawt a! Ka awmdan zahpuiawm zet vang khan hmeichhe dang nen an awm dun anih pawh in sawisel ngam tur ka ni tawh lo, chuvang tak chuan a hmuh phakloh ah leh hmeichhe dang nena an awmdun lai hmu phalo a kal bo vang vang hi ka tan a țha ber!

Jayden kha khawnge a awm ka hrelo a, mahse kan mamawh ang ang ka khung khawm zawh vek hnuah ka zawng kual tawh mai ang!

Thuamhnaw ho chu bag ah ka vawm lut mawlh mawlh a, Kawngkhar a Zothana rawn pen lut ve pawh chu ka hmu lo der hmak bawk.

"Atthlak deuh hian che ţhin lo teh!" A rawn ti sup a, ka inkhung lui ngar ngar a!

"Zodinpui." Ring hauh silo, hlauhawm ru zet si hian a rawn ti leh tâwk a!

Bag ah ka in vawm lut mawlh mawlh tho!
"Duhtawk rawh, he in hi i chhuahsan dawn reng reng lo.. " ka bag chu a rawn la kang vut a, thuamhnaw ka khungkhawm ho chu khum ah a rawn bun chhuak leh vek a! Ka thinrim lutuk bawk si chu ka au chhuak tuarh ringawt!

"I duh hun hun a i chhuahsan leh mai mai turin he inah hian ka hruai lut lo che." A thinrim ve bawk aniang, chhuatah bag chu a rawn paih pawp a!
Rum zet hian ka melh nghek bawk.
Bag chu ka chhar leh ngat a, khum a thuamhnaw a bun chhuah vek chu ka khung zawm leh sawk sawk a, Zothana lah thinrim insum tih hriat hluah hluah in pindan chhungah chuan a lo vei tawn ve sek bawk!
"I chhuak dawn lo." Bag ah ka inkhung khawm vek tawh, ka ban rek ah a rawn hmer chawt a! Ka kut chu ka phih let sawk a, mahse a hmer nghet lutuk mah mah!

"Ka chhuah leh chhuah loh chu ka thu thu!"
"Min nawr lui suh aw. "
"Huh.. Nangnen hian inzawmna pakhatmah kan nei lo a, ka awmdan ah thuneih tum ngam tur pawh i nilo!" Ka hniam zawk vang in a awmzawn ah chuan ka au khum nghek a!
A hmel landan a rawn dang ta hlawk bawk!
"Engthil maw i sawi kha." Ti hluk pah in ka bag khai lai chu a rawn phih thla pawp a, tha a ngah bawk si, Ka lo vuan nghet ve bawk si chu ka pai nawk lo chauh!
"Nang nen eng inzawmna mah kan neilo." Ka ti a. Atthlak tih hmel lutuk hian a nui chhuak hawk a! Mahse hetiang a a nuih tawh hi chuan a nuihzat vang nilo in a lungawiloh lutuk vang zawk ani!
"NANG_NEN_HIAN_IN_ZAWMNA_KAN_NEI !"
"Aih... " Hmeichhe dang zanlaia rawn hruai haw thei tu hi inzawmna ka neih pui dawn reng reng lo a, a hma a thil thleng pawh kha a thleng palh ni tawh mai rawh se, ka tlawm nawn leh na tur in engthil mah ka ti tawh dawn reng reng lo!

" I ngaihdan ah ka buai lo, mahse ka ta i ni thung !" Ti hmuk pah in chhuatah chuan bag chu a theh thla tawp a! Zaklo hi ka ti ngawih ngawih!
"In hi chhuahsan tum reng reng suh.."
"Min kalh hnan ang maw?"
A nui suk a! A hmel landan chu ka hua hi a ni tawp mai!
"Ka tih theih chu i hre mai ang. " ti sup pah in room aţang chuan a pen chhuak ta nul nul a, Ka thin in a tuar tawh bik bawk silo, khum lu a lukham chu ka la sawk sawk a, a hnunglam ah chuan ka vawm zui ta dawt a!

Chhuatah lukham chu a tla tawp! Zothana pawh a ding chawt a! Rawn hawi let mai lo chuan a lu zawn ah a ban hrawl zet pakhat chu a phar kang zauh a, a kutțang chet in a kal zui nghal daih bawk!

A mize pawisak neilo lutuk leh a thu thu a min dah a tumna chu ka haw hlur a, ka bag chhuat ah a paihthlak tawh chu ka chhar sawk sawk a, ka ak a, kailawn ah chuan ka chhuk thla ve zawt zawt a, Jayden chu tv enna room ah a awm anih ka ring!
Jayden awmna nia ka rin lamah chuan ka kal zui nghal vat a!
Kawngkhar ka nem hawng chiah chu ka tîm zawk a!
Tv enna room ah chuan Nu Liani, Mami leh Zothana Driver te an lo awm țhap a, Zothana chu Jayden pawm chung in anmahni ep couch ah chuan alo țhu a, kawngkhar a ka ding reng a hmuh rual chuan chimawm lutuk in a nui zui suk bawk!
"Jayden lokal rawh.. "
"U Din?" Mami chuan min rawn melh zawk a.
"Jayden." Ka ti țha leh ngat ! Nu Liani leh Mami chu in mitmei zeuh in Mami chu a rawn ding chhuak a! An vai hian he mi room ah hian engthil nge an tih ni!

"In nufa a in hi in chhuahsan chuan U Zothana hian kan pathum hian min ban vek dawn." Mami chuan ka beng bulah rawn kun hniam pah chuan a rawn ti sar sar a!
Ka meng nghal kawk thei!
Zothanmawia chu rum lutuk hian ka va melh a! Hnehtu chanchang inti zet hian a lo hawi ve vah bawk! Chhe veh vuah lutuk!

Hetiang mai mai vanga ka chhuah loh a ring anih chuan a tisual khawp ang!

"Jayden rawn kal rawh." Vin deuh a ka tih leh takah chuan Jayden chu chhuatah a dah thla a, Jayden ka bul a rawn thlen rual chuan kal chhuahpui nghal mai ka tum a!
" Puite." Ka ding dat a, Nu Liani chu kan lam panin a rawn kal ve vat.
"Ka fapa hi a kal(Kidney) thlak a ngai a, a senso zawng zawng hi Zothana hian min tum sak vek thung, tunah hian doctor enkawlna hnuaiah a awm mek a, Ihhh..Aaa..Ka sawi tum tak chu.. In aţang in nufa a in chhuah chuan.. " Nuam lo tih hmel zet hian a che sek a! Sawi zo lo mahse a sawi tum chu ka hrechiang ta kher mai!

Zothanmawia ka huatna a zual sauh hi a ni tawp mai! Chu tih rualin Nu Liani leh a hnathawk dang ten an tuar ka duh bawk silo.
"Pa tello a enkawl ka nia, Zothana hian min buaipui sak vek a,Mahse in inchhuahsan chuan ka fapa a enkawl zui tawh dawn lo." Pathian leh! Hetiang khawp hian a rilru a bawlhhlawh in min dang chep duh ani maw?

Ka thinrim bawk si, tih theih ka nei bawk silo chu ka taksa chhung hi a tawt vek a, ka sa vur maiin ka hria! Couch chunga Zothanmawia ţhu run chu va vuak thluk tawp mai hi ka chak lutuk!

"I chhuah luih duh chuan thil thleng tur chu i hre tawh mai ang chu!" A rawn ti hmuk a, Hetiang khawp hian midang hmanruaah hmang in min dan chep ka ring ngailo reng reng!

"I va fair lo ve, Tinge midang hi hmanruaah i hman a?" Ka ti țhat a, nui suk chung in a țhutna ațang chuan a rawn ding chhuak ve vut a!A palian in a hrawl bawk si,A chet duh dan chu a naupangchhia in mahni hma a sial tak zet!

"Naupangchhia lutuk, Naupang infiamna ang lek ah a mi i ngaih a?" Kan awmna lam pan a a rawn pen pawk pawk chu ka lo vin tân tân a!
Ka hma ah tak a rawn din chut rual chuan lo ham vak mai te hi ka duh rum rum!
"Naupangchhia zawk chu a hriat khawp kha, țha taka ka sawi lai khan thuawih ta reng che.. khawi i bag kha.. " Min nuih suk pah in ka dara ka bag ah chu a rawn la daih a. Tih theih neilo lutuk a min dang chep hneh lutuk chu ka țah a chhuak hlur thei! Kal chhuak ta ngawt ila Nu Liani fapa a enkawlna a tawp san ang a..
Aaaa.. He mihring hi ka haw lutuk! Ka hua! Ka haw hluah hluah!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:22 pm

"Jay, Apa hi min lo insiam pui rawh le.." Eng thil mah thleng lo ang chiah in ka fapa chu a pawm kang zui nawlh a, inchung lamah a hruai chho ve nghal daih bawk!
"Ka haw lutuk!" Ka ti chhuak hap bawk!
"Tinge hetiang hian ka chungah a chet kher a!" Nu Liani te pathum melh pah chuan ka'n ti leh halh ringawt a!
"A duh em che alawm." Nu Liani rawn țawng chu eiloh hmel zet hian ka ner khum nghal sawk!
"I hmuthiam lo mai mai anih kha, in tello a awm a hreh lutuk hi keini hi hmanruaah min hmang ta tawp anih hi." A ti sep a.
"Anih chuan chhuak lui ta ila engtin mah a tilo ang che u maw?"
"Aih... Ka sawi tum anilo. Inchhuah luih chuan a thusawi kha a ti tak tak bawk ang, chuan he in ngei pawh hi a ti chhe duh vek mai ang, Zothana hi ka hrechiang alawm, a mihringpui te meuh hmanruaah hmangin in nufa hi chelh beh che u a tum țang țang a, a mihringpui te hi hmanruaah a hmang ve ngai lo ania.. " Nu Liani thusawi lai chu ka en ngawt ngawt tawp ringawt!

Midang zawng chu an kal chhuak a,Tv enna bik room ah chuan ka țhu ta reng a,Ka ngaihtuahna a vak thui bawk si,Chu tih laiin kei lah chu inchhung pakhatah mitang ang chiah in ka awm tlat ang lawi a!

Ka ngaihtuah chian piang in nizan vang khan ka thinrim a zual tulh tulh a, Rachel nen khan zanlai hnaih tawh tak ah engvang a inzui nge an nih!

Aaaa..Amah berin a sawi miau loh chuan engtinnge ka hriat ve ringawt ang!

Nizan ka mut țhat loh em vang in ka țhut tak reng hnu chuan ka ham zui bai bai a! Sunday ani a, Zothana flight hun pawh chawhnu dar 2:30 ani dawn a, buaipui vel chu tum lo ve tak ka ni ringawt!

Couch ban ah chuan lukham dah belh in ka mu kawm ngat a, He in ațang chhuah ka tum rualin hmanraw țha tak hmang a min danna tur a lo hre hman zel a! Ka haw lutuk hi ani tawp mai!

Kawngkhar dimte a in nemkhar thawm ka hriat rual chuan chiang lo zet in mit ka meng a.

Zothana chu a taksa lian leh in fit zaih rem em em in denim shirt a ha a, a ban a thlep let bawk, Trouser pants a ha leh tawp a, ka awmna lam pan chuan a rawn pen lut pawk pawk a, ka taksa chhung lam ah hian lo che dat a awm!
Chiang tak in a hmel chang run leh hriam hraih pawh ka hmu thei!

A rawn hnai zel a,Ka thinphu a lo rang ve dawt dawt bawk, Tiang em em a keimah ah nghawng a nei nasa ţhin hi mak ka ti! Ka bul maiah a rawn din khawng luah takah chuan ka țhu chhuak ve vat a!
"Jayden chu a muhil a ." Min chhuk melh run pah chuan a rawn ti sup a, ka bu nghat ringawt!

"Dar 12 hian in ațang ka chhuak ang." A bana sana lawk zet bih zauh pah chuan a ti leh vut a, engkim min hrilh turin ka ti der silo.
"Ka sawi lawk ang khan in hi chhuahsan tum duh suh, tuar lo tur turin an tuar phah mai ang, hahdam lo tum la, ni thum em em pawh cham lo in ka rawn let leh vat mai thei bawk." A ti leh sup a, A palian bawk si, Min chhuk melh run vang chuan naupang thuawih deuh ang maiin ka ngawi kar a!
Ka chhan loh vang chuan ani ngei ang, thawk la hawk chung in ka hma ah tak chuan a rawn ţhu hniam thla a, Ka mit ah tak a rawn melh nghal run bawk!
Ka dar a rawn vawn rual chuan a kut ka lo beng thla sawk bawk. A rum ta nghut a. Ka ding chhuak zui nghal phat bawk.

" Bul tan suh, Ka thusawi ngaithla hmasa thin rawh!" Chang zet hian a rawn ti țhawt a! Rum zet hian ka melh nghek ringawt!
.

"Lokal teh." tih leh sofa a min pawh thut a rual a,ka tal phat a, mahse hneh lutuk in ka darah a rawn kuah bet ta hmiah!

" Ka thusawi tur ngaithla phawt thin la.!"
"Engmah ka ngaithla duh lo!" Ka ti hlak a.
"Aih,I ngaihthlak a ngai alawm, Nizan a i thil rawn hmuh kha ka sawifiah ngei a ngai!" A tih leh sup tak ah chuan ka lum pup thei mai! Engtinnge anmahni ka hmu tih a lo inhriat?
"Ka sawifiah a ngai, min ngaihthlak a ngai bawk, I awmdan diklo vek leh i thinrim em em reng hi tih reh i duh chuan ka thusawi tur hi ngaithla rawh!" A ti sup a.
" Awmdan tur pawh hi min ti hre lo." ka ti chhuak halh a.

"Ka sawifiah dawn lawm, Nizan a i thil hmuh ang kha.. I hmuh ang kha anilo a nia.."

Ka nui chhuak hawk a! Sawi tur pawh ka hre ve tawh lo!
"Bawihi, min ngaithla rawh ka tih chu!" Ka tal ve chhen avang chuan nghet leh zual in min man bet a, A taksa a hrawl bawk si,Tha ah ka hneh bawk silo, Beidawng zet hian couch kil ah chuan ka thu ran, Zothana lah in thutak zet in min melh run bawk.

"Ka bulah chuan i duh duh i sawi thei alawm, Zanlai hnaih tawh tak ah hmeichhia in i in thleng in a rawn zui haw che a chuti chung chuan eng thil mah a thleng lo a." Tih el zet pah hian ka nui lui hak a!
Zothanmawia in sehruh țeuh chuan kut min rawn thlak duh mai dawn maw ka ti hial tawh!
"I duh duh sawi ngawt zel suh!" Ti hluk pahin a ding mar zui nghal zat a! Ka rin lawk ang chiah! Insawifiahna tur țha tak a neih ka ring lo hrim hrim!
Pindan ațang a pen chhuah rual chuan ka ruak huai a! Rawn hawi let miah lo in kawngkhar chu a pawt phui a, Chumi rual chuan a phone a rawn ri ve chiah a! Phone chhang pah a a kalsawn thawm chu a hla telh telh a!
☆☆☆☆☆☆☆☆☆☆☆☆☆☆☆☆☆☆☆

Zico's Pov

Ka khaberuh intuam chhah luk chu ka'n tuai zauh a! A na hrep lehnghal a. Kha mihring phiangsen kha a vannei rei hauh lo ang le..

Ka phone chu la kang in number ka hmet chhuak nghal zat a, a in ring chhung chuan ka khabe chu ka tuai hauh hauh a! Anni pahnih kha nuam sa tak chuan ka awm tir hauh lo ang! An nun hman lai mek hi hremhmun ah ka chantir a nga, Kha Vincent phiangsen khan Puitei hi ka hnenah ngei a rawn dah let leh bawk ang.
Engnge ka tih theih chu lo ngai reng rawh se!

"Hello Boss."
"Tun ah engnge a tih?" Ka ti sup a, nileng zankhua in a enthla reng a, ka sawi tum tak a hre bawk ang.

"Airport lam panin a kal mek!" A rawn ti a. Ka nui nghal suk a! A awmzia chu Puitei amah chiah in a thlahfal tihna anih chu! A phurawm phian dawn e!

"Zui zel la, a thlenna chen thleng ve ang che!"
"Aw le Boss!"
"Ticket pawh lak a ngaih chuan buaipui tur che an awm ang, ka mi chhawr i ni tih sawi tel la." Ka tih zawm zat a. "A țul ka tih dan a zirin Mizoram a rawn let ve kher a rem tawh lo mai thei!" Nui zui huk pah a ka tih tak ah chuan a hrethiam tih hriat tak maiin a rawn nui ve hawk a!

Ka thil neih duh min chhuh tum tlat tu chu vairam mipui tam zet na ah tualthi in awm daih mahse a pawi lem lo khawp ang!

Kan inbiak zawh hnu chuan phone chu khumah ka theh thla tawp a!

Thil hriat chhuah ka neih vang chuan phone chu rang zet in ka ban leh a, Ka nui zui nghal suk bawk!

Video ka lak ho chu ka en kual thuak thuak a, an lo la kim thlap bawk! Tunah chuan engtiang pawh in ka bulah a rawn let leh tur a ni tawp mai!

Video chu ka play a, khum khuhna var thianghlim zet a hmeichhe mu zawi ngiai mai duhtawk a ka khawih kual lai chu en in ka thawchhuak nghal hawk bawk!
Engtinnge tiang khawp hian min hip bet tih kha ka lo hriat ngailoh!

A vun var hluak ni silo, sen chek thung si lang lai ho chu a nalh in ka thisen a ti lum pup thei! Ka khawihna apiang thlahlel zet in a mal a lo kar zau ve zel a, Video a ka kut thlen chenna lo lang leh a rum ham ham thawm te chuan min va ti phur chiang teh kher em!

"Lo nghak reng rawh.. I la rawn let thuai dawn." Ti sup pahin video chu ka post a. Thawk ka la zui nghal ham ham bawk! Tunah tak hian a taksa nalh zet kha khawih leh ka chak lutuk!

Kawngkhar lock a rawn ri khap a, Lisa rawn lut chuan min rawn nuih seih a, ka lo en mawl tawp!
" Hospital kal chu i duh lo maw?" A rawn ti vat a! Ka melh rum nangang mai!
"Ok.. ka hrethiam e.." a hmui hnuai a seh zauh a; "Naktuk zan hian i nu in palai kan inlam ah an kal dawn tih a sawi a.."
"Huh.. Chu thil chu tunah ka hre ve chauh a maw?" Ka ti hluk a.
"Inneih kha chu suangtuah zui duh suh, neih che ka tum lo."
"Zico." A au ring ngang mai! Ka nui zui suk a, kut a hum ruh ve ngat ngat a!
"Ka nei duh lo che.. "
"Kan hria ang chu. " a ti hlak a, kan hre khawp ang, ka mamawh tawh lo a, ka it tawh bawk hek lo!
Lisa awm lai reng chuan ka phone chu ka hmet mawlh mawlh a, Thinrim insum zet hian min melh ve kham kham a, Diktak chuan hman ațang khan nupa nih duh in kan pahnih fa ngei pai duh ve nise chuan amah chiah hi ka hmeichhia ani reng ang! Mahse a duhthlanna vang in tun dinhmun hi kan thleng a, hmeichhe pakhat suangtuah zui reng lo thei lo a ka awmna chhan pawh amah vang hi ania!

"Hello pa.." Lisa thawchhuak hak chu nuih in ka ner zui zauh a.

"Puitei pa te in lamah khan palai lo va tir ula; koh ka duh tawh.. "
"Zico!" Ka hma a hmeichhe phun sep chu ngaihven zui lo zet in ka pa rawn țawng chu ka ngaithla a.
"Umm,An home ah khan ani mai ang chu."
Rawn haw duh lo pawh nise ka video neih hmang hian ka hruai let leh hrim hrim ang!

Phone ka dah rual chuan Lisa chuan min pan hnai vat a!
"I kal thei tawh ang."
"Zico, i ti tak tak lo tiraw?" Ka kut a rawn vawn chu ka lo theh per nawlh a,
"Ka in ațang hian i bungrua zawng zawng hi la chhuak nghal vek ang che." Ti hmuk pah in khum ațang chuan ka tho a, chet vel ala nuam chiah lo!
Ka pa in inbiak a duh vang in kan in lamah ka kal angai a,Lisa chu ngaihven zui duh lo in kawngkhar lam pan chuan ka kal a.
"Ka rawn let leh hma in lo chhuak ang che." Ti sup pahin kawngkhar ka nem hawng a,A au tuar tuar a, pindan chhung chu a ri nghal bur bur mai bawk!
A duh duh kha lo paih keh vel mai mai teh se a!

Traffic free lai ani bawk a, chak zet in kan inlam pan chuan ka inkhalh chhuak a, ka mi tirh pawh khan Vincenta zuiin Mumbai lam ah a thlawk chhuak dawn tih min rawn hrilh a. Thawveng zet in kan inpui gate ah chuan ka tlan lut a!

Machhani te nufa inkhawm bang nen kan lut rual a. A pum ngawt chuan ka mit a la bawk!
"A puar ve tawh hle mai!" Nui suk pah chuan ka ti a.Machhani chuan min rawn en vat a.
"I dul kha nia ka tih.."
"Oh.. nia, thlathum ani ve tawh alawm." A ti țha ve mai a.
"Puitei i be ngai em?" Ka ti leh a.A meng ak chu ka hmulo der lui a.
"Aa.. Ka buai thei lutuk a , Tinge?"
"Ka zawt mai mai che. Ka pa hmuh lawk ka ngai a ." Faith-i biangah piai sak zauh pah chuan ka kalpel nghal zat a! Kailawn tawp ber ka pen chhoh rual chuan ka hawi let a; min lo la en ve reng ! Nui suk chung in ka inher leh a.
"Ka plan ah i tel ve lohnan țawngțai țha rawh!" Ka ti sup bawk.

☆☆☆☆☆☆☆☆☆☆☆☆☆☆☆☆☆☆☆☆☆
Zodinpuii's pov

Jayden nen kan school bang chu ka chau chhe der mai!
Naupang bulah nileng in ka au a,Ka lu te hi a bur maiin ka hria.
Gate aţang kan chhuak chiah chu Zothana Driver Jerry kha a rawn lang zui zat a; Kei erawh ka thaw nghal halh thung!
"Min rawn hruai kher a ngai hlei nem!" Ka ti sep a. A nui tawi tuk bawk! Zothana khan a chah uluk bawk aniang, kan school kal tur min dah thlap a, class la tura office atang ka chhuah lai pawh khan gate pawn ah hian a lo la ding reng a! Ka tlanbo hlau ang hrim a min ven tir reng chu ka ning tak zet bawk.

Kan nufa in a hnung ah kan țhu ran a, Jayden pawh a infiam chau deuh aniang, a mu thlu mai dawn a ka hriat vang in ka malchung ah ka pawm a, Nizan Zothana thleng hlim in a rawn bia a, toys bawk an inchah uluk leh hle tawh. Kei erawh in biak ka tum chhin peih vel lo! Kan nufa zalen lo tak a min hreng bet reng tu anih vang hrim hrim pawh hian ka haw hlur mai!

In kan luh rual in ka phone a rawn ri a, Jayden ka darah a muhil bawk si, pawm nghet pah chuan phone chu ka dap rawk rawk a.
Takzet chuan!
Zothana leh bawk!

Chhang lo in silent ah ka dah ta hmak a, Jayden khum ah ka mut fel hnu vek ah a rawn call nawn leh a. Chhan tumna ka nei chuang lo!
Rachel nen chiang tak in ka hmu dun tawh a, a lak ațang inthiarfihlim ka tum char char tawh bawk, nakina nat belh lehna tur engthil mah tawh ka duh tawh lo a, he in aţang kan la chhuah loh chhan pawh a hnathawk te chungah a țuan ka duh lo vang chauh ani bawk.

Ka inthlak fel vek hnu pawn beidawng lo in a rawn call nawn ngat ngat a! Engthil tehhrep nge maw a duh chu le.

"Hello ." Ti hmuk pahin tukverh lam ka pan a. Lehlam ațang mipa rawn thawchhuak ham ham ri vang chuan ka lungphu a rang ti tih der mai!

" Tinge call i chhan vat loh a?" A rawn ti sup a, a aw rik dan ah chuan a chauh hmel kher mai!

"Ka buai alawm.."
"Ka hria e, Jaydena?" A rawn ti leh sup a, a rawn thaw zui leh ham ham a!
"A muhil.."
"Bawih?"
"I sawi duh i sawi zo tawh em?" Ka ti let hlak a,
"Sawi zo lo.." a rawn ti ve ta hmuk bawk.
"Oh.. anih chuan sawi la." Ngeiawm zet hian ka ti let ve vat a! Nimin a min dangchep hneh lutuk leh ka thinrimna kha an la reh ve miau hleinem le..
"KA_NGAI_CHE!" Zawi sup tak tak in a rawn ti a. Ka beisei loh lutuk a rawn sawi vang ani ngei ang! Ka taksa hi thil rit deuh a den dawt ang mai hian a nghing dawt thei!
"Ka sawi chu i hria em? Ka ngai che." Zothana vek chuan a rawn ti leh sup a. Nghet deuh in kut ka hum ruh ta vak ringawt! Ka nem mai mai tur anilo.
"I sawi a ka hria e.. Chu zawng chu i sawi duh anih chuan ka dah ania." Ka ti sep a. Ka hrawk ro ta lutuk te chu ka hrethiam lo! Min rawn chhan let lehna pawh ngaihven lo in phone chu ka off zui ta hmak a! Ka thinphu erawh a rang tak zet!

* Jayden thlalak chu min lo thawn la.*

A message rawn thleng zawm zat chu nui lui hak in ka en a.
"Lemchan kual vak angai lo a sin." Ka ti sep bawk.
Khum a ka fapa muhil sek sek lam chu ka pan a. A thla la in Zothana chu ka send a.A seen rang nangang mai!
*That's my boy* tih zawng in a rawn reply a.
*Zanah min lo call rawh aw.*
Ka reply tawh chuang lo, Call na chhan tur ka nei pawh in ka in hrelo!

Tlai lam zawng chu thuamhnaw rem fel nan hun ka hmang a, A khat tawk in Zothana message a rawn thleng reng a, engvang a tianga rawn awm tlat nge maw a nih dawn ni.

Zan dar kua velah chuan Zothana chu call ka tum uk uk a, Mahse amah zawk a reh hmak tak vang in mahni inti mualpho a call erawh ka duh chiah bik silo a. Hei erawh ka hrechiang ngang thung! A awmlo chiah chu Jayden hian a hming a lam reng a; ka fapa hian a ngainat tawh mah mah mai bakah Zothana nen engtik lai pawh a hun hmang dun tlat tawh turah a in ngai ta hmiah in ka hria.

Jayden muthilh ngheh hnu chuan dar zat chu ka en zauh a,dar 9:44 a lo ni va tawh.
Ka phone rawn ri thut chu rang zet hian ka ban a, Screen a hming rawn lang ka hmuh rual chuan ka hnual nghal rawih ringawt a.
"Hello, Pa."
"Mambawih.." a rawn ti sup a. Thawk a la zui leh ham ham a.
"E
Pa, engkim a țha em?"
"Aa... Zico te khan let leh tur che in an rawn ko che a." A rawn ti a. Ka hriat sual anih ring in ka thawchhuak hak a!
"Palai an let chiah a, Ka rawn be nghal che."
"Pa.." Ka ti sep a. Zico tehhrep pawh chu!
"I ngaihdan kan ngaichang anih hi, palai rawn kal te pawh i duhthlanna anih tur thu kan lo hrilh a.."
"Ka let duh tawh lo.." ka ti sep a. Zico ka ngaihtuah a, Engtinnge tun ang hian chet a lak ngam leh zawk ni, ka chunga a chetdan bawlhhlawh lutuk te kha inthiam loh phahnan a hmang ve miah lo hial emaw ni! Hotel a a chetdan ka ngaihtuah let rual te chuan ka thinrim lutuk hi ka â thei mai dawn in ka hria.
"A țha e, i thuthlukna ang ang kha palaite kan hrilh tur chu ani mai.." a rawn ti dam dap a.

Ka pa nen kan inbiak zawh hnu chuan ka thinrim lutuk vang nge ka hrelo, Ka taksa chu a țang țung mai! Ka mitthla ah Zico pawisak neih loh hmel zet a nui suk ţhin kha a rawn lang a! Amah neih leh ai chuan thih daih pawh ka duh zawk hial ang !

Phone ring chu ka ngaithla vang vang a!

"Hello.." Hmeichhe aw hian a rawn ti a.
"Zothana ka be duh a, a awm hnai em?" Ka ti sep a. A meeting laklawh a call midang a rawn chhan tir emaw ka ti a.
"A inbual lawk a." Mizo țawng hian a rawn ti leh a, Min deng dawt mai! Harsa zet in chil ka lem dawk a! Zan dar 10 pelh tawh ah Mizo hmeichhia in a inbual laiin a phone a lo chhan sak a!
"Nakin ah ka lo call leh mai ang!" Pangngai tak chuan ka ti chhuak halh a, Rachel a ni lo tih a aw ri ah khan ka chiang lutuk bawk.
"Zodinpuii i ni em?" A rawn ti a, Ka hmel landan hmu thei ngat ila chuan ka meng phar nasa ngawt in ka ring!
"Aw..!"
"I țha maw?" Hmeichhia vek chuan a rawn ti a, Mak ka ti tulh tulh mai!
"Min hria ami?"
A rawn nui hak a! A nui ri chu hriat tawhna ka nei țhin.
"Nang pawn min hre chiang lutuk." A rawn ti a; Engpawh chu nise Zothana inbual laia a phone lo chhansak ngam khawp ani a, Zothana nen pawh an innel tawk hle bawk ang.
"Rindan tur ka thiam mai lo.." nui lui hak pah in ka ti let a.
"A pawilo, Zothana nen kan rawn haw dawn lawm, Min hmu anga, min hre em em ang!"

Tunge ni ta ang? Zothana leh kei min hria a, min hre satliah mai pawh nilo in ka hming pum te nen lam a hre vek a!

"E.. Zothana pawh a rawn zo dawn chiah.." a țawng tawp lam ah chuan a rawn nui leh kher a. "Phone hi ka'n pe ang aw.."
"Aih... a ngailo mai."
"Oh.. ila danglam miah lo anih dawn hi.." chiang zet hian a rawn ti a, Amah zawk chuan phone chu a off zui ta hmiah bawk!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:23 pm

☆TE DOY 15K☆
Chapter 22
BY
Abbra Reo Ririni Khiangte(Pitartei)

Ka phone rawn ri chur chur chu rang zetin ka switch off zui ta hmiah a! Kei reng reng pawh khan engvanga call ngawt nge maw ka nih le?

Khumah chuan ka mu thla tap a, Mahse, inhnuai lama landline phone rawn ri ta ral ral vang chuan ka țhu chhuak leh zawk a! Reilote hnuah Nu Liani'n emaw a chhang ani mai thei, thawm chu a reh a, Kei erawh tukverh parda zar phui loh ațang eng rawn lut raih chu melh in ka khap fak fak a!

"Dindin?" Ka hawi nghal dawrh mai! Pawnlam ațang Nu Liani chuan a rawn kik zui keuh keuh a!
"I muhil tawh em?"
"Aih, engnge a?" Kawngkhar ka hawn rual chuan ka ti vat a! A hmel landan hahdam ta huai chu hrethiam lo zet hian ka melh a.

"Zothana.. Aaaa.. i phone i off daih sia, home phone ah a rawn call a, zuk chhang lawk mai ta che." Jayden vengthawng tih hriat zet chuan a rawn ti sep a! Kei erawh chu ka thaw ro halh thung!
Tinge a tal buai luih chiam chiam duh ţhin le?
Inhnuai lamah chuan ka chhuk thla hmawk hmawk a, Nu Liani'n Jayden min lo ven sak bawk.

"Engnge a?" Hello pawh ti lo in ka ti nghal tawng!
A rawn rum nghut a!
"Tinge i phone i off kher a, i chungah thil ţhalo a thleng emaw ka ti hman alawm!" Chhum bung zet a rawn ti ve hrâwih rual chuan ka sa ve phat mai!
"I sawi duh chu sawi rawh." Ka ti hlak a, zanlai tawh a phone kal tlang leh nghal a inhnial chiam ka peih lo! Ka bul a awm ni thung se chuan ka bul hnaia thil engemaw ber hian ka vawm pawp duh ang!
"Min rawn call rawh ka tih che kha." A rawn ti hluk a!
"Chu zawng chu maw?" Ka ti ve hmak! Beidawn hmel lutuk hian a thawchhuak a!
"Bawihi, tinge min huat em em a?" Nâ tuar ang hrim a,A aw ki hniam ruih vang chuan ka taksa chhung hi a che zawk thei!
" Ka ngai che ka tih kha.." amah vek chuan a rawn ti leh sup a, a aw hniam ruih chuan min fan chhuak vek hi a ni mai, Mahse chhang lo in ka ngawi reng ringawt! Sawi leh mai tur a hre tawh biklo aniang, a thawchhuak ham ham ri bak hriat zui tur a awm tawh bik lo!
"Bawihi?" Reife hnuah a rawn ti leh sup a.
"Hmeichhe dang i awmpui reng laiin min ngai thei chu i fakawm ve hle mai!" Phone chu ka dah zui hmak a, Mahse a rawn call nawn leh ka hlauh vang in call a rawn luh theih tawh lohnan a khaikhup zawngin phone chu ka dah leh ta hram a!
Inchung a ka chhoh leh hma chuan ka theih ang a tam boruak ka hip lut a,Ka hnarin ka thawchhuak zui ham ham bawk. Kawl rawn phe zuai zuai ah chuan ruah a hnai ani mai thei, Boruak pawh a vawt sûng mai!
"Bum nuam takin awm tawh suh!" Ka hriat tawk lek chuan ka phun sep a!

Ka let kual sek a, ruahsur tur ang maia khawpui rawn ri dur dur te chuan ka thawk lak a tipik vek! Zico khan engvang in nge palai tira haw tura min lo va ko leh nge anih? Hotela thil thleng kha chu kei, Zico leh Zothana te chiah khan kan hria a, Khang thil a thlen tir tawh hnu pawh khan a bula awm duh turin min la ring reng reng emaw ni?

Ka phone switch off tawh chu ka ban a, zinglam a hnai kuar tawh in ka ring! Phone ka on rual chuan message a rawn lut ţuk țuk a, Zothana min lo call na pawh a tam hman ngang mai!
Nichin khan call lo ka ni reng reng lo, Tu tih hriat loh a hmeichhe awmpui in call a lo chhang a, Min ngai ber ang te chuan a la rawn awm zui leh ta nghal bawk a!
Khua a var rual chuan Jayden pawh a rawn tal ve leh zauh ţhin, Pathian zarah tlang hrileng a kai ve mai mai ngai lo a, chumai pawh nilo in chaw ei țhat duh loh leh zan mut duh loh te hi a nei ve ngailo reng reng!
"Mum, khawnge apa?" Mit a men rual chuan a rawn ti hnawk ţiak a! Ka thaw hak thung!
"Tinge apa i tih tlat a?" A hriatthiam pawh ring lo hian ka ti sep a, ka kiai zat bawk.
"Kan school ami pawn apa an ti vek alawm." A mit la nuai nauh nauh pah chuan a rawn ti ve a, sawi mai tur hrelo zet hian a chalah ka fawh sak zeuh a.
"Mum, Apa chu.." a rawn tih leh nûi nûi tak ah chuan țah vak mai te hi ka duh!
"A zin kha... i hre tawh lo ami?" Ka ti a, a tum zui ta hmak a! Hahthlak lutuk mai!
"Jay, apa bulah hian kan awm reng thei dawn lo, khatia tihtauh kual pui vel kha ka duh dawn miah lo ania." A ti a, ka vin lo, mahse ka aw erawh a ri fak thung!
Min chhang lo in a ban tereuh te chuan a inbeng kang a,A la tum ve puk tho!
"Jay leh mamma hi hla deuh ah kan la kal dawn a, chuvang chuan nangpawn thuawih i zir a ngai ania."
"Apa bulah lo ka kal duh lo!" Khum ah bawkkhup thek pah chuan a rawn ti ve pâng pâng a! Ka thin a rim hlur ringawt!
A pa tak anih loh thu han sawi khum chiam dawn lahin engvak a la hrethiam ve bawk silo!
"Tho rawh, inbual ang."
"Aih"
"Jay,Mamma thinrim khum suh aw."
"Mamma chuuuuu!" Uar zet hian a rawn ti ve vak a, thawh hlim ațang min thinrim khum ngam ve tawh chu ania!
"Apa pawh in Mamma leh keima bulah a awm char char dawn a ti alawm,Mamma in hla deuh ah kal ang a tih leh pawn 'aih' ti zel rawh min ti." A rawn ti a, ka nui chhuak hawk a! Mak ka tih lutuk vang ani zawk!
"Apa chuan engmaw a hrilh che a?" Ka ti a.
"Mamma in hla deuh ah kal ang a tih chuan 'aih' tih zel tur, Mamma chu sometimes chuan baby ang ani țhin a,Apa kha a thinrim khum vak zel a, mahse apa chuan a pawi ati lo a, mahse mamma in hla deuh ah kal ang a tih chuan apa hrilh zel tur a ti vek tawh, apa ka call leh hun ah ka sawi vek ang!" A rawn ti pâng pâng a! Kâ haû in ka en reng ringawt!
" Apa in khawiah mah kal loh tur a ti vek tawh." Ka kuah na ban dah sawn ve ngat pah chuan a tho ta daih a! Kawngkhar lam pan in a kal ve terh terh a, Engtia han tih tur nge pawh ka hrelo, a awmdan leh a thusawi zawng zawng khan min țhawng ani tawp mai!

Jayden hi naupang fing tak ani a, Zothana khan a kal hma in a thluak ah khang thu kha alo thun luh sak hman vek tawh ani ngei a! Tak zet chuan leh! Kal bo ka sawi apiang in amah hrilh zel tur maw? Ha! Mahse Jayden khan tinge a thusawi a piang a zawm vek zel le!

Khum aţang tho chhuak in hmai ka phih sawk sawk a, a chang leh Jayden awmdan kha ngaihtuah let in ka nui leh hak țhin, Hamhaih lutuk vang hian a lo nuih theih reng anih hi! A awmdan kha kum4 mi tan chuan a mak mah mah!
Jayden nen inbual leh tho kan ngaih dawn vang in ka inthlak duh ta lo a, ka sam hnawk chu ka kutin ka hui mam sawk sawk a, dressing table a samțawnna lo awm chu banin ka ţawn tawm tawp, Khum a puansin chu ka thlep fel leh a, vawiin hi holiday anih vang in nileng in ka fapa nen hun kan hmang dun thei ang!
Ka phone rawn ri chu rang zet in ka ban vat a, Ka pa bawk alo nih vang in ka in sangmar nghal ţeuh mai!
"Mambawih, Vawiin in rawn leng phei hman dawn em?" A rawn ti sup a, khum bul dawhkan chunga alarm clock chu ka melh zawk a, zing dar 7 a hnai kuar tawh!
"Aw, school kal a ngailo a, Jayden nen kan rawn phei dawn nia." Ka ti vat a, phone kal tlang lo deuh a min biak a duh pawh ani mahna!
"Zothana hi a buai viau emawni le, ka call tlang thei reng reng lo mai!" Ka pa bawk chuan a rawn ti leh sup a, kut ka lo hum ruh nghek ringawt!
A buai khawp ang chu! Zalo zet hian ka nui chhuak hak a! Kha hmeichhia kha hriat ve ka chak zual sauh mai! Zanlai hnaih tawh lamah a inbual hlanin a phone a lo chhansak nalh thei a!
Eng engemaw kan sawi hnuah home lam a phei ngei ngei turin min chah nawn leh hram a, keima mimal vang pawh hian an rilru a hah ve ţhin ngawt ang! An hnen ațang pasal ka nei a, sumchhuah bawk in ka pasal nen kan inţhen leh a, sumchhuah ngai khawp a nupa kar inţhen lah an vang pharh maiin ka hria!

Zinglam ka muthilh ve hlanin ruah a lo sur a, boruak chu a vawt ve sung mai, kawrlum phiar la chhuak in ka inthawlh sawk sawk a, Jaydena jacket hak tur ken thlaksak ve ka tum zet a, inchhung dungah a tlankual reng vang hian thawmhnaw pante inbel chung pawn a thlan leh hluam ţhin a, a mamawh dawn a ka hriat loh vang in thlep țha in a thuamhnaw bik bawmah chuan ka dahlut leh daih a!
"Jayden a lo chhuk em?"
"A u Mami room ah a kal anih kha." Driver motor hrufai tur chhuak pah chuan a rawn ti vat a! A la titau ve reng emaw ni zawk ni.
Choka ah ka luhsan a, Nu Liani chuan min lo wish leh vat vat a, Tui lum in thlit in no khat chu ka inzo nghal vek a.
"Thlasik lai ang maiin khua chu a vawt alawm le." Nu Liani chuan a rawn ti lang lang a, ka pawm thlap, vur tlak hun lai ang mai khan alawm boruak hi a vawh vuk ni!
"Vawiin chu ka pa te inlam ah kan leng phei dawn a." Ka ti a, min rawn en vat a.
"Driver kha in va indah tir dawn nia." A rawn tih zawm zat bawk! Zalo zet hian ka nui sak a.
"Ka uanglo a nia, Zothana khan in nufa chiah a thlahfal che u a phal miah lo ania, a kal tur in min chah uluk lutuk kha ka beng ana vek in ka hria!" Nui chung hian a rawn ti a, "Mak deuh asin, mipa mahni in enkawl zo veh vawh tak leh che buai chhin ngai miah lo, engkim huaisen taka hmachhawn hmiah hmiah ţhin hian in nufa hi hlauh che u a hlau tlat mai a, Nizana phone ka chhan hlim phei kha chuan ka hlauthawng hman alawm, rang tak a in nufa room a chho tur khan min rawn au khum țhawt alawm." Purunsen chan mawlh mawlh pah chuan a rawn ti a, ka lo ner nawng thung!

"Jayden khan bawnghnute a in duh chuan a intheih tawh aw." A rawn ti leh a, bu nghat pahin tuilum bawk ka inthlit chhuah leh a.

"Nu Lian?"
A rawn hawi rang lutuk chu ka tim leh hnuhnawh!
"Sawi la."
"Aaaa.. He inah hian kan nufa rawn awm hmain Zothana hian hmeichhe dang a rawn hruai lut ţhin em?" Ka ti a, za zet hian a nui chhuak ta hawk hawk a, a eng khan nge maw a nuih ti za em em ni!

"Zothana chu i va ring mak ve!" Lu thing mat pah in min pan hnai a.
"He in a sak zawh hlim aţang khan ka awm tawh a, tu hmeichhia mah a rawn hruailut ngai lo, nangni nufa hi in ni mai.. Ka hrilh tawh che kha, in rawn awm hnu aţang chiahin Zothana pawh hian he in hi in ang tak takin a ngai ve ta chiah alawm.." a ti sep a. Sawi mai tur pawh ka hre tawh lo!

"Mipa mahni a rei tak chhung lo tlafal tawh ani a, chenpui a nei ngai bawk silo, a mize tamtak hriatthiam sak loh chang pawh i nei țhin ang, mahse hriatthiam sak hram hram tum țhin ang che, a zin tur chhhuah i tum bawk si te kha a talbuai nasa asin, dan beh dan che u a hriat awm chhun kha a hmang ta tawp anih kha.." a ti a, ka nui ve hak bawk!

Sunday chhun lama kan inhnial dan leh bag kan inchuh dan te kha ka ngaihtuah let a, kan dinna ve ve ah khan kan ding nghet dun bawk si, in la thu zet a ka bag min chhuhsak chunga ka fapa nen inchung lam a an chho ta daih te kha nuihzat a lak dawn chuan nuihpui chiam tham ani hial ang! A hun lai kha chuan ka thinrim laklawh bawk a, a chetdan zawng zawng kha raino in thil kan huat deuh ang chiah hian ka haw hlur vek anih kha.
"Ee... Dinning table ah sawn i lehkha tur a lo thleng a,Ka dah ania." Nu Liani chuan a rawn ti a. A mak hle mai! Eng lehkha tak chu ni ang maw!
Ka tuilum in na no chu ka sil a, kitchen towel pawtthla pah chuan dinning table lam chu ka pan a, lehkha ip var lian ve ang reng tak hi a lo awm ngat bawk.
Ka hmingpum leh he in addres hi a inziak a, a rawn thawn tu lam address erawh a inziak tello thung!
Ka la kang a, a rit vei nulh a, ka bo tulh tulh bawk!
A incharna chu ka kheuh hawng a, a chhung ah chuan thlalak ni ngei tur hi a awm a, thlalak pakhat ka pawt chhuak ta chiah mai chu ka tlu tawp lo chauh! Ka taksa chhung hi a sa chhuak vek a, Ka kut a ka ken lai reng chu ka hmu hla tial tial bawk! Harsa zet in chil ka lem dâwk a, ka â thei takngial dawnin ka hria.
"Engthil nge a?" Ka phu zui dawrh mai! Rang lutuk in thlalak chu lehkha ip ah chuan ka dahlut sawk sawk a, thlalak lah chu pakhat mai nilo, sawm chuang fe an ni ang!

"Ih.. Aaaaahh.. school lampang thil anih hi" ka aw a bah nawk a, ka hrawk a chhah nghal luk bawk!
Thawk ka'n la leh vak phawt a,
"Engtinnge ka tih ang?" Ka tawt tup tup a, ka kaihza tha khur nasa lutuk vang chuan table tlang chu ka'n hum vang vang a! Harsa zet in chil ka han lem leh a! Ka țah a chhuak hlur mai!

Room ka luh rual chuan rang lutuk in kawngkhar ka nem phui a, ka tukhum in kawngkhar chu ka nawr leh vang vang a! Ka inhnit chhuak nghal ta hlawp hlawp a!

"Eng thil nge ka paltlang leh dawn?" Ka biang a lum thla pap a! Hruk buai ka tum tawh lo! Ka kut lehlam in lehkha ip chu nghet zet in ka hum zui ngawt ngawt a! Ka nunna hi ka la mai dawn ami?

Kut tha khur zawih zawih in khumah chuan lehkha ip chhunga thlalak ho chu ka bun chhuak a! Thlalak a hmeichhia chu keimah ngei nimahila ka rap a, Ka tiril a țham a! Ka bing mup mup bawk. Kut khur zawih zawih chung in thlalak ho chu ka ban a, min țhawn lutuk vang nge ka mangang ber pawh ka hrelo, ka sa huam huam a! Thlalak tin mai ah chuan ka hmel chiang takin a lang vek mai bawk si, ţhenkhat ah chuan ka kawrhak ka dul lamah a innawr tawm chho vek a, ka dul a țang mipa kut in ka panty chhung a zen lut a, ka hmelah lah chuan nuam ka tih hmelin hmeichhe h*r herh zet hi ka ang a!
A tam lutuk!
Ka panty hak in pawtthla a ka mal in nawr tawm chhoh vek na te ! Hlauhthawnna in min rawn tuam hlup hlup a, he thlalak hi midang hmu ve tu an awm angem? Nge ni a kei hian mi zawng zawng hmuh hnuah ka hmu ve chiah zawk! Kawchhung tawt zet hian ka rum chhuak hawk a! Ka ngaihtuahna hi a buai kual nuaih rualin ngaihtuah ber tur lah ka hre der mai bawk silo!

Thlalak karah chuan lehkha them a lo awm a! Ka mittui vang in a thu inziak te chu ka hmu phe ruai vek!
*A dang pawh ka la ngah ania, i rawn kir hma leh a bo hma ani mai!*
tih zawng hi! Ka rum chhuak hawk a! Nghet lutuk in lehkha them chu ka hum khawr nghal ngawt ngawt bawk! Ka harhfim loh laia thil thleng vang hian engtiang chiahin nge ka nun hi a buai dawn! Keimah leh keimah ka inhuat phah em em a, chumai pawh nilo in Zothana lakah ka in kiltawih in hmeichhe dang a awmpui pawh thik țha ngam lo in ka awm phah a! Tunah ka chenna inah ngei zahpuiawm tak a ka awmlai thlalak a rawn thleng zui leh zat a!
Tinge maw ka nun hi a harsat bik em em le? Kha zan ah khan engkim hi an tawp vek thei mai lo em ni?

Zico lo hetiang ti duh tur an awm lo, hetiang khawp a mi nunrawng bulah hian ka kir leh ang maw?

Ka phone chu ka hmet eng a, screen a number hmet chhuak tur pawn ka kut tha a khur nasa lutuk a, anilo lo ka hmet chhuak nawk nawk mai! Mihring te hian mangang vawr tawp a kan din rual hian min țanpui thei tu nia kan rin hi kan ngaihtuahna ah an rawn lang hmasa ber ţhin a, keipawn ani chiah hi ka mangan tawp ah chuan biak tur ka hre bawk.

Phone in 'ring' chhungte chuan ka lungphu rang lutuk chu ka taksa hian zolo in nikhaw hrelo in ka awm tawp tawh mai dawn maw ka ti hial tawh!

"Hello.." Nizana hmeichhe aw bawk khan a rawn ti a! Ka ţap chhuak teuh kher mai! Tinge Zothana pawh hi hetiang hian a awm tlat!

"Zothana ka be duh.." Ka ti sep a. Ka in sehruh nasa lutuk chu ka hrawk hrui te hi a puar țalh ţalhin ka hria!

"A la mu!" Tih zawngin min rawn chhang hmak! Ka beiseina chhete neih ve zawng zawng pawh an bo zo vek!

Phone chu ka hmet tawp a! Ka malchungah hmet betin ka ţap zui nghal hlawp hlawp bawk, tunah hian ani kha ka mamawh a sin! Mahse, ka mamawh lai berin biak tur in a awm bawk silo, chumai pawh nilo in hmeichhia in a phone a lo chhang a, zanlaiah a lo chhan sak tawh bawk a, tunah zingkar ani a, in kalsan lo in an riak dun hial ani ta ve ang! Ka ngaihtuahna chu duh loin lu ka thing zui nawk nawk a, ka mangan lutuk vanga ka taksa sa vur vang te chuan ka chau nghulh a, mahse chau hman ka nilo, hmeichhe dangte angin in humhimna ka nei ve lo a, ţap chau mai mai hman ka nilo!

Rinchhan tur pakhatmah ka neilo! Ka taksa anih ang bawk in keimah chiah ani in venghim thei tu!

Thlalak ho chu ka la khawm sawk sawk a, bawlhhlawh bawmah ka vawm lut bawrh a, lighter chu ti alh in a chhungah ka vawm lut ve a,a kang ta puat puat a, kei ngei pawh hi kang ral ve daih thei ila, lungphu ran dawt dawtna tur leh chauh ngawih ngawihna tur thil engmah hre thei lo lekin awm ve ta daih zawk ila!

Engthil ngemaw ka ngaihtuah le, ka fapa vang tal pawhin ka nung ang! A țha e! Zothana pawh ka tan a awm thei tawh lo a, keiman ţha ka tihdan in ka in enkawl tawh mai a niang chu!

Cabinet chu ka nem hawng bawrh a, ka ac chu ka zawng kual sawk sawk a, balance awm chu enin thawk ka la zui hawk a! Kan nufa dam khawchhuahna tur a tan chuan a tawk lutuk!

"Jayden.." Mami room a ka fapa lo țawng ve barh barh chu ka va pawm nghal lawp, A lo hrethiam lo nasa mai si.
"Mummy, today chu holiday anih kha. "
"Ka hria alawm." A lu ah ka fawp vang vang a! Kan pahnih tan zel ka bei tawh ang.

Bag ak puar luah chung a kawngkhar lam kan pan hlawk hlawk chu Nu Liani'n min rawn hmu ve vat a, a rawn tlan nghal hlawk hlawk bawk.
"Khawnge in kal dawn a?" Mangan hmel lutuk hian a rawn ti zui chul a! Mahni lo maha lo ipik tawh sa tehreng nen! Ka thluak te thleng hian a vir mup mup maiin ka hria.

"Ka tihpalh, ka hrilh thei lo che."

Kawngkapui lam ka pan nghal sawk sawk a; Nu Liani chu a phi buai nghal rûai a.

"Zothana i hrilh em? In hi chhuahsan suh u a tih kha. " a aw a sin bawk si, a ri chul hi ani tawp mai!

"Ka tihpalh.." kawngkhar ka nem hawng tur chu min rawn pawt ding nghal chawt a!

"Dindin, Zothana be phawt teh..Ti ringawt tur hi ani lo. "

Biak ka tum a , hmeichhia in a call a lo chhang alawm! Ti a au khum nghek mai hi ka duh a!

"Dindin?"

"Nu Lian ka tihpalh, I fapa enkawlna a buai phah vek mai thei, mahse.. Kan kal angai.." Ka aw chu a la khur reng!
"I thei lo.. ka fapa enkawlna kha chu a pawi lo, mahse he in hi chhuahsan suh.."
"A pawi ka ti lutuk!" Ka ti sep a. Jayden lah Nu Liani phi buai vel vang khan a hlauthawng ve vek a, ka nghawngah nghet zet in kut a suih bet ve țang a!

Min dan a tum lui ngar ngar a chu awm ka tum tawh miau loh vang in in chu ka chhuahsan hlawk hlawk a, Thlalak.. Ni e.. khang thlalak teh hrep ho kha! Tumah in kan nufa an hriat ngailohna hmunah pilbo vang vang kan mamawh.
Taxi rawn tlan lai chu ka phar a, bag ka dah lut a, Jayden ka hlan luh leh lai chuan Nu Liani chu phone hmang chung in a rawn tlan chhuak ve a! Zothana a bia ani mai thei! Ka mamawh lai khan biak tur awmse chuan tunang hian ka tlanbo angai lo ang!!

"Dindin.. kal lui suh.." Gate a rawn chhuah ve hma in ka ţhu lut a, kawngkhar ka pawtphui nghal hmiah bawk! Beidawng leh mittui tling pam chung in gate ah chuan a rawn tlan chhuak a! Keipawn khawngaih lo ka nilo, a fapa kal țha lo Zothana'n a thlawn in a enkawl sak a, keini nufa kan kalbo rualin a enkawlna tihtawp sak ah a vau bet ve bawk si!

"Khawi ah nge in kal duh?" Driver chuan a rawn ti a.
Kalna tur ka hrelo, ni e..KA HRE RIHLO TAK TAK!
Home ah ka let anih chuan Zico tan zawn hmuh ka awlsam dawn a, tunah ticket tello in khawilai vai ram mah ka thleng ngawt thei lo bawk.

"He ta țang a hla thei ber ah. " Ka ti sep a. Jayden chuan min lo en ve kiau a!
"Maw?" Driver chuan a rawn ti hu bawk!
"Khawi hmun ah pawh ani mai..Aaa..Thingtlang.. Thingtlang hmun kilkhawr i hriat ber ah ani mai."
Rawn hawi let meuh in min rawn en hû a!
"Khawngaih in pawisa chu min dil zah zah ka pe ang che.." Ka ti a, a thawchhuak hawk mai.
"A va buaithlak ve, Aizawl khawchhung bak hi ka la tlan ngailo asin." Ti bui bui chung in taxi chu a ti nung a, ka phone a rawn ri ve chiah a!
Zothana hming screen ah a rawn lan rual chuan ka switch off zui hmak a!
Ka mimal natna hi ka tuar atan chuan a tam tawk tawh, amah vang a natna neih belh leh zel tur chuan ka chak tawk lo a, ka pasal ngeiin min bumna ka man chhuah țum aiin a chet hlek danin min tina zawk zel a, chu thil chuan khawvela hmeichhe chaklo ber ah min siam thei mai ang!

Driver chuan a ţhian te phone in a bia a,Thingtlang khaw kilkhawr deuh a zawt kual a, Driver lakah pawh inthlahrun a na duh ngang mai.
Ka fapa chu ka malchungah keimah min hmachhawn zawng in ka kuah bet a, ka chetdan khan a ţhawng tawk tih hriat zet in engmah sawi lo in ka awmah chuan a bei hle hle a, a changin a chhip ah chuan ka'n fawp leh vang vang zel a. Ka nun hmandan awlsam biklo lutuk vang a ani in a tuar ve tur hian min tina ber!

Mit ka chhin ve hlek in thlalak a ka taksa lang vek ho kha ka mitthla ah an rawn lang tel zel a! Pik zet hian ka thawchhuak leh hawk ţhin! Thawnthu ziaktu in a lehkhaziah chhunga chang mek tute nun duhtawk tak meuh meuh a a ziah buai nuaih ang mai hian ka nun hi buaina hrang hrang in min deng zui dawt dawt ta ber a! Ka hlimna ni turin pasal ka nei a, ani lah chu khawvel mihring a nunrawng ber leh pawisak neilo ber alo ni a! Ka nun bul chhiat ţan na pawh amah vang vek bawk chu ani!

Hun hi kohkir leh theih se, Zico nen kan inhriat hma hunah khan kir leh thei ila, Zico rawn lan rual khan tlanchhiatsan dan kawng ka zawng ngei ngei ang!

"Ka pi." Driver rawn țawng ri vang chuan ka hawi nghal dawrh mai!
"Gas thun lawk ka ngai a, ka ţhiante min hrilh danin i kal duhna hmun tur chu ka hrethiam in ka hria, ka hruai dawn che u ania." Taxi petrol pump a tlan luhpui pah chuan a ti a! Ka thaw huai mai!

Aizawl khawpui lang pharh duai mai chu hnungchhawn in kan tlan zui ta zel a, He khawpui hi ka pianna ani em tih ka hrelo, mahse ka nausen tet ațanga ka țhanlenna hmun ani a, tunah lah hlau thlabar in ka tlan chhuahsan leh si a! Khawpui chhunga mi chengte leh ka mi hmangaih Zothana ngei pawh ka mangțha hlen tawh bawk ang.
'Maw? Kei hian Zothanmawia kha ka hmangaih a maw?'

Umm, Mi mawlnu, ani kha i hmangaih.. I hmangaih a, mahse i mamawh hun lai pawhin hmeichhe dang nen an awm a, i tan hun a neilo, chutiang bawk in i nunah mipa te hian awmzia an nei tawh tur anilo a, i fapa tan chiah i nung tawh tur ani!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2018, 4:23 pm

Zothana's *pov*

Ka pa in a sumdawnna ah buaina a tawk a, ka nu duham luat lutuk na lamah darkar reilote chhungin bankrupt a thleng a, kei pawh Mumbai ka thlen aţang darkar 4 bak ka mu hman meuh lo!

Ka chhungkaw thar te sumdawnna hi ka pa lam pang ațanga an chhawm nilo in, ka nu te lam aţanga an chhawm anih vang hian ka pa hi a hming a neitu hmingpu nimahse ka nu zawk hian lo thunun ve phet hi a tum ţhin a, tuna buaina kan tawh tak nachhan pawh hi company lem lutuk leh sum invest hlawkna let thum ngawt a hmuh theihna offer ah hming a lo sign hnan vang vek ani!
Ka pa nen kan sawi dun tawh a, keipawh in thawh hona lo neihpui lo tur a ka chah thlap tawh hnuah ka nu in ama thu in a lo kalpui a, karthum lek hnuah an sum invest zawng zawng chu an bikbo pui ta hmaih a! Khawlai dungah kutdawh in an awm phah lo chauh!

Bank ah leiba a tam bawk si, ka theih ang ang in loan rulh hun chhung min pawhsei sak turin bank ka dawr kual pah reng a, ka thluak hi a chawl hman lo hrim hrim ani tawp mai!

Fa atan min lak tirh khan keihi Doctor min zirtir nghal mai lo a, an chhungkaw sumdawnna ah ka pui a, kum tam zawk kha chu sumdawnna vang in ka hun hlu tak ka khawhral vek phah bawk, ka nu hi a sual chu ka tilo a, mahse hman ațang tawh a vai hausa thlah an ni a, sumdawnna hi ama chhawm luh ani tih a in hriat kar na hian thil engpawh a ti harsa zual vek zel bawk.
Mumbai ka thlen thlak rualin ka id leh lehkha pawimawh zawng zawng min laksak nghal vek a, an fa ang a awm reng chung khan mi tang pakhat ang chiah ka ni thung, kha vang reng a Mizoramah pawh let thei lo a, Bawihi pawh hmu thei ngailo ka ni reng bawk!

Zingkar ah Bank in hawn hma in kan investor țhenkhat nen meeting kan nei a, Heng lai vairam hnathawk tute hi Mizoram hnathawk tu te ang mai mai a a hming lek a hnathawk tumah an awm ve lo, varţian ah pawh meeting turin hotel pakhat ah kan kim țhap ţhap thei zel.

Reife meeting a kan țhut khawm hnu ah 10% humhim theihna tur ang chu ka insawikaw thei ta hram a, tukkhat atana tihah chuan a ropui tham tho e.

Ka apartment bik pan a ka inkhalh let rual chuan ka phone phawrh mai ka tum a, ka lo ak hlek lo!
Khai aw.. inah ka theihnghilh leh pek aniang chu!

Nizan Bawihi awmdan ah kha chuan a lungawi mai mai hauhlo ang tih ka hria a, call nawn leh ka tum pawh in home phone ah takngial pawh ka call tlang thei lo a, a naupantet aţanga a mizia hi ka hrechiang a, a duh tawh lohna ah chuan nawr luih dan ka hre ngai miah lo!
A kawlh a, a thinrim lah hian a thluak a fing ve sauh emaw tih tur khawp hian chetdan a che maksak ţhin bawk!
Za lo zet in ka nui chhuak nghal hawk mai!
Sunday chhun a a thinrim dan lah kha pui tak ani ringawt, Nu Liani te ho chungah khan engmah tih ka tum reng reng lo, mahse Bawihi dan dan kawng ka hriat awm chhun a kaw tawp ber anih tawh tak tak vang a anni kha hmanrua a hmang ta mai ka ni a, a ni lah in a lo khawngaih hlawm ta reng a, min chhuahsan loh phah ta bawk!

Mumbai khawpui bengchheng zet țhin kawtthler reh ruih ah chuan ka inkhalh zel a, zing lam dar 6 ani a, mihring cheng tam zawk chu an la muhil vek ang! Front glass ațang chuan hnunglam chu ka melh zawk a, saw car bawk chu! He khawpui ka thlenthlak tirh aţang khan ka la hmu fuh ve ziah zel a, thil thleng palh mai mai atan chuan kan inhmu zing ta mah mah!

Speed chu ka tihsan zawm zat a, a car khalh a hlui tawh bawk a, second reilote chhung lek chuan ka hmu zui ta lo, meeting ka neih zawh rual a, hmun dang ka pan leh țum hian ka hmu fo ziah, ka lo chik ngailo a, ka hnung ah mai a tlan ziah zel bawk!
Ka apartment thleng turin darkar dawn ka la inkhalh a ngaih vang chuan Ac off in glass chu ka down a, Hranghlui Kenny Rogers hla play pahin speed ka ti sang zawm zat a! Ka nileng hun hman dan tur chu meeting ani deuh tawp mai!

Minute 45 hnuah ka apartment bik chu ka inkhalh thleng ve thei ta chiah! Engang pawh a traffic free lai nimahse khawpui kar kawng a thui tham in khawpui hi a lian a, traffic tam lai phei chuan darkar 2 dawn tlan chang lah ka ngah mai!

"I lo let maw?" In chhung ka pen luh rual chuan ka thaw nghal hawk thung!
"Let tawh rawh ka tih kha.." ti nghut pahin ka kamis kilh chu ka phelh thawl a, a ner zui nang bawk!
Ngaihven zuilo in ka room lamah ka lut tlang a, khum a ka phone let ngat chu ka ban zui zat a, ka rin ang chiah! Bawihi min biak tumna pakhatmah a awm lo!

"Helam a i awm chhung tal chu ka awm ve rih dawn." Room kawngkhar a hmeichhe rawn țawng lang lang vang chuan ka lungawilo tawh tak zet!
" A țul tawh lo, let tawh rawh." Ti nghut pahin phone chu khum ah ka theh kai a, a hmui a pet sawi nghal zauh bawk.
Ani hi Home a ka awmpui ţhin tho kha ani a, kum 5 kal ta khan Home chhuahsan in ama thu in he khawpui hi a rawn pan ve tawp a, min rawn zawng chhuak a, nau ang a ka lo en leh belh tur a neih loh zia ka hriatchian vang in ka pa company ah hna ka lo pe ve mai a, in luah țawmpui tura hmeichhe dang a hmuh hma kha chu ka kiang ah ka chentir ve a, tunah chuan in luahlai a neih tawh bak ah a hna a tlin in amah a fing a, ka pa company aia lian zawk ah hna a thawk thei der tawh.

"Engmah tham ka ei hek pui che pawh nilo." Ti hlak pah in a rawn pen lut ve zat a, ka nui ro halh thung.
"Mate; ei in lam ka sawi lo, i chen naah let la, i hna țha takin va thawk rawh.." nui lui suk pahin towel ka ban a.
"Zodinpuii kha i inah a cheng ami?" Teh tawl a!
"Puitei." Ka lo ti vat a, a ner zui nang chu hmu lo der in room ac chu ka on pah zauh a.
"I inah a cheng ami?"
"A in ah zawk alawm ka chen ve." Ka nui zui hak a.
" I atchilh hneh ve ngawt mai, Nuthlawi zun a uai hi ana duh an ti a, A tak tak anih dawn hi.."
"Nunhlim!" Ka ti țhawt! Ka vin na chu pawisa lo zet in khum ah chuan a țhu thla thak a.
"Ka sawi diklo ami? A pasal in ațanga chhuak in a rawn luhkhung che a.."
"Ngawi rawh.." ka ti nghal hrawk!
" A chanchin i sawi dan ah khan fimkhur țhin rawh ka tih kha.. Nuthlawi anih hma pawh a ka hmeichhe hmangaih anih hi.."
"Oh.. Ka hria.. A nuthlawi hun i nghak reng bawk." Ka țawng lai a a rawn tih ve leh rual chuan ka rum hawk a!
"Ka inbual zawh hma in in aţang hian lo chhuak fel hman ang che.."
"Zothan, harhchhuak tawh ta che.. i atchilh em em nu hian pasal a tan a duh reng reng che em? An ințhen ațang hun a liam leh țeuh tawh a, neih tum tak tak che chu nise chuan a nei daih tawh ang che.." chhang lo in washroom ah chuan ka lut tlang a.
"I neih bak engmah a duh tak tak lo ang.. " nghet zet in ka towel ken lai chu ka hum bet chawt a.
"I tan a țha tur anih chu ka sawi, nang aia țha zawk a hmuh rualin a pan san lo ang che tih tunge sawi thei!"
"I țawng tam tawh khawp mai!" Hawi let vut pah chuan ka melh ta run a.
"Thil ni thei ka sawi mai mai anih chu.. mi hausa chiah duh lo se chuan Zico pawh kha a nei tawp lo ang, an inzui reilo si, a hriatchian hleihloh a neih ngawt dan ah khan sum a um vang anih home a mi te chuan kan ring fur vek..Chu loah i lehkhathawn pawh a chhan let ngai miah loh che kha. " a rawn ti zat zat a.
"Chhuak rawh.." Kut ka thlak duh mai ang! Zico leh Bawihi chanchin sawi kawp tu an awm rual hian ka thik a, ka thinrim a, ka taksa chhung hi ana tel ţhin bawk! Tunah ngei pawh hian ka inthunun zawh lo mai ka hlau țhelh tawh.

Tui vawt in ka taksa chu ka'n phuh tir sar sar a! Ka kawchung sa lutuk pawh a zia ta deuh e!

Bawihi'n pasal a neih rual khan ka tawp ve vek maiin ka hria a, mipa in khati tak a ka la na te kha nep ka inti ve țhin a, mahse ka inthunun thei chuang ngai bawk silo, Nono-i hi a hrechiang ber tu pawh ani ang, Puitei te inneih hma chiah in a rawn chhuk a, ka inah min chenchilh miau bawk.
Hmeichhia a naupanlai hun aţang i kawppui tur atan a ilo suangtuah lawk vek tawh leh a hlimna tura engkim i tih chhan ngeiin a hnawl che a, midang a thlang ta zawk chu chak tak a tuar thei bik an awm anih chuan mihring rilru pu nilo in khawl ang a siam anni ang tiin ka sawi hial ang!

Washroom ațang ka chhuah chuan Nono-i hmel hmuh tur a lo awm tawh lo a, ka thaw huai mai! Lo awm reng in a thusawi ang kha sawi ta reng se chuan kut ka thlak duh hial ang tih tur khawp in ka thinrim tlat!
Ani pawh nau ang chiah a ka enkawl anih vang hian ka lakah a pangchang a, tunah pawh Mumbai ka kal dawn tih a hriat rualin ka apartment luah lum tawh loh a lo tifai vek a, keipawh in u ka nihna ang chuan ka enkawl țha tawk bawk in ka inhria, Mahse naupan tet ațang in Bawihi nen an inmil chhin ngailo a, a chanchin chhe lai min sawi khum pawh nuam a ti sak sak khawp zel mai!

Engtinnge an ințhen tih pawh a lo hriat hman reng reng ni?

Meeting leh mai tur ka nih vang chuan ka thuawmhnaw hak tur chu ka dah chhuak mawlh mawlh a, khum a phone chu ban in Bawihi number ka hmet chhuak a, ka call dawn chiah a, Mahse Nu Liani number ațang call ka dawng ve ta chiah bawk!

"Dindini te nufa in ațang in chhuah an tum ania." Ka țawng hma hauh in a rawn ti ta chul a! Min deng dawt hi ani ber!
"Tunah khawnge amah chu phone kha pe rawh." Ka aw rik dan chu a chhum bung in a rum țha kher mai!

"Kawtah.. Aw Lalpa, taxi ah an lut dawn.. "
Eng thil teh hrep nge a hriat a!
"Khawiah mah kal tir suh ka ti ani lawm ni?" Ka ti leh tâwk a, ka thisen lum bulh bulh mai vang chuan in hrikthlakna tur ka mamawh ta hle bawk.
Lehlam ațang Nu Liani'n Bawihi a ko ri lawng lawng te chu ka hre ve thei a, Keilah khawpui hran daih ah ka awm bawk si!

Ka'n thawchhuak hawk a, Tinge he hmeichhia hi a luhlul em em mai le.. A tello in ka awm thei lo tih hi a hrethiam lo nge a hre duh miah lo zawk!

"Zothan, an kal tawh.." Cement bang chu ka hnek zui pawp a!
"Khawi lam nge an pan?"
"Aa.. ih.. Awi, ka phili buai lutuk.. thlanmual lamah khan an tlan a.." a rawn țawng bah nawk nawk a, nghet lutuk in kut ka hum a! In chhuahsan lo tur khan ka hrilh chiang viau asin! Tinge min ngaihthlak hi a hreh ţhin em em a!
Ka kut hum ruh tlat chuan cement bang chu ka'n chum leh țawlh a!
"I bulah sawi a nei em!"
"Aih, țha tak in lehkha a hmuh hma zawng kha chu a awm a sin.. a va buaithlak em! Driver lah chawhmeh tur leiin a kal chhuak daih bawk si.. Zothan pawi ka ti lutuk! " a rawn ti mawlh mawlh a!
"Eng lehkha nge a dawn a?"
"Ka hrelo school lampang a ti a chu lehkha a dawn rual khan a dâng vek a, room ah a chho a, tihian in a chhuahsan zui tawp."
"Ka hrethiam e." Ti nghut pahin phone chu ka hmet tawp a!

Ka thawk a sa in ka thinphu a rang ve kher mai!

"Ka bulah hian i hlim thei thlawt lo ami?" He zawhna hi vawi engzah nge ka in zawh nawn la ngai dawn!

Ka tih hmasak ber tur chu vawiin ni la lâ a Mizoram a let nghal ani.

Call ka siam zui nghal zung zung a, laptop chu ban in air ticket ka enkual zui pah bawk a, ticket lah a lo full fur a, emergency in vanneihthlak lutuk in ka book fel thei hram bawk.

"I va hma ve?" Ka pa chuan a rawn ti vat a! Ka'n thaw leh hawk phawt a.
"Pa Mizoramah ka let nghal a ngai dawn a, thil chinfel hmasak tur ka nei rih a, ka zawh fel veleh ka rawn let leh ang.."
"Tunah tut tut maw?" A lawm hauh lo tih a lang reng.
"Aw.. Tunah.."
Engang pawh in min chelhbeh tum mahse ka kal ngei a ngai tlat miau ani! Sumdawnna chu ka dam a ka hrisel țhat chhung chuan ka din chhuahpui leh em em ang, mahse.. Bawihi.. ka nun atang a kal chhuak anih chuan mi lawilo ber ah ka țang mai ang!

Dar 12 a thlawk chhuak tur kan nih vang in phone call meeting in hna tam zawk chu ka la khawih zui thei a, chu tih rual erawh in hna lamah ka rilru a lut thei hlek lo bawk.

Minute khat lek hunawl ka neih rual chuan ka driver chu ka call a; an ni lakah ka thinrimna lan chhuah tir chiamna hun anih loh ang bawk in khawpui ah an la awm ngei em tih tal erawh ka hre chhuak rang tur ani!

" Jerry hna pawimawh thawk tur in ka duh che " ka ti nghut a,.
" Bawihi te nufa kha i theih ang ang in lo zawng rawh, hotel awm zawng zawng pawh kal chhuak vek ang che " ka tih zawm zat a. In ațang a chhuak anih chuan Home ah khan a let tawp lo ang, a chet duhdan hre tur in a mizia ka hrechiang tawk tawh, ka zawn hmuh mai mai theih loh na tur hmun pan a tum ve ngei anga.. Mahse ka zawng hmu ang! Ka hmuh hma chu ka zawng zel mai ang.

Bet lo zet in phone call meeting chu ka han nei ve a, ka rilru erawh ka awmna ațanga mel za tam tak a hla ah daih a awm thung!
An nufa khan khawi hmun nge pan a tum reng reng! Lehkha ah pawh chuan engthil teh hrep nge in ziak ang, Nu Liani'n a awmdan diklo vek leh a hmel landan te thlengin a buai phah vek a rawn ti bawk si! Call ah pawh rilru pe hlei thei lo chuan ka thaw leh hawk ţhin a.

Nizan khan ka lak ah a thinrim ngei alawm, mahse a awmdan kha thinrim satliah ringawt ani tawh a, a chungah engthil emaw tak thleng awmlo se chuan a kal chhuak tawp lo ang!

Ka rilru hmanhmawh nen hun te chu a kalmuang ta sawt hian ka hria a.

A tawp ah phei chuan nghak zo lo in call neih lai reng chuan airport lam ka pan zui ta chuk chuk a!

Mihran hran in sumdawnna lam an rawn insawi chhawk a, rilru khingbai tak a indawr theih mai lah ani bawk silo.

Ka thawk zing lutuk chu Airport taxi hma lam in a tuar zing malh malh bawk e!

"Call Meeting hi zanin dar 8 ah kan nei țha leh dawn nia, chuan tuna kan sum invest tlanbopui tu te chanchin chhui zui na kha a aia chak ka mamawh bawk ang." Tiin call tawp chu ka khar a! Airport ah kan tlanlut fel ve chiah bawk.

Airport chhungah pawh chuan ka vei kual thuak thuak reng a , ka rinlawk ang chiah in Home ah a thleng lo a, Jerry pawn a hotel kalkualna chin ah chuan an nufa an la luh loh thu a rawn sawi tel ve zel bawk.

"A bulah thil sawi i nei reng reng em?" Nu Liani pawh a awm a nuam thei ngang lo, min rawn call leh ta ngawt bawk.
"Engmah sawi ka nei lo.." ka ti sup a, Airport darthlalang bang hlaipui ațang chuan thlawhna thlawk chhuak leh rawn țum lut ve mek in sulpel ruau ruau mai chu ka melh rûn a!
Ka sawi dik ngei bawk, nizan khan ka ngaih thu chiah ka sawi!

"A mak ka ti e mai, in chhuahsan tumna kha a nei tawh miah lo a sin.." a rawn ti chuai raih a! Ngaihdan pakhatmah in ka siam thiam lo.

Chu tih rual erawh in Hotel a thil thlen hnu khan amah in hunthawl a mamawh nia ka hriat vang in ka hnaih țha duh lo a, chu pawh harsa ti tak chunga atana ti zawk ka ni, nge ni a ka awmdan ah khan ka lo ti lutuk in min huat phah ta hle zawk!
Ka taksa che awk khawp in ka'n thaw leh hawk țhin..
Engvang in nge dar 12 pawh chu a rik har em em a!

A fapa naupangte hruai chung khan khawi hmun nge a pan ang, Damlo in tawhsual an tawk palh thei tih tal pawh a ngaihtuah tello emaw ni!

Gate hawn nghah chhung ringawt pawh in ka vei kual hnem tawh e.. Hmanhmawh nen, hun kal muang lutuk te chu ka thinrim a belh chhah vek a!

Tlai lam dar 2 :30 ah Mizoram leilung kan thleng a, airport ațang Aizawl khawpui pan leh nan darkar fe tlan a ngai leh dawn a! Rilru hmanhmawh zet chung in Taxi ah chuan ka țhu run a! A khat tawk in Bawihi number ah chuan ka call thul, A switch off hmak a! Zico phiangsen kha atan a hlauhawm tih takngial pawh a ngaihtuah ve eih lo emawni?
In ka luh rual chuan an nufa room ah chuan ka tlan chho nghal pawk pawk a, Nu Liani'in min umzui ve vat bawk.
Cabinet lam chu ka pan a, țullo zet in a kal hlen hlauhna vang in ka lungphu a rang dawt dawt a! Ka pawt hawng a!
A thuamhnaw tur a ka leisak ho pakhatmah a keng lo, A bungrua kan laklet țum a mi ho țhahnem vak lo a keng a , Jaydena thuamhnaw bawm lam ka hawng a, a ruak deuh huau thung!
Inchhung chu a reh zui vawng vawng a! Ka taksa chhung ngei pawh a ruak vek bawk.
"Khawnge kan zawn ang?" Nu Liani chuan ka dara rawn vuan in a rawn ti sep a, Jaydena thuamhnaw țhenkhat lo la awm ve ram chu ka ban a!
"Ka hre rihlo.."
"A pawi e mai, ka theihtawp a lo dang tur ka ni a sin.." a ti leh sep a.
A tihsual anih loh zia hrilh ka duh a, mahse țawng chhuah zui ka chak lo tak zet!
He kawr tereuhte ha chunga khum a a zuang kual ve leuh leuh zel kha ngaihtuah let in ka nui lui suk a.
"Ka rawn hruai haw vat ang che u.." ka hriat tawk lek chuan ka phun sup a!
"Zawng tur in ka chhuak dawn nia,Nang pawh ngaihțha deuh in lo awm rawh."
" Rawn hruai haw ngei ngei ang che.." tilui tih hriat zet hian a rawn nui sak a.
"I khawvel te an ni a, i khawvel ah lo chuan i cheng thei reng reng hleinem.." ka darah a rawn tuai vat vat a!
"Khawvel leh a chhunga cheng mihringte kan awm hrang theilo ang bawk hian in awm hrang hi hmuh ka duh tawh lo ania.."
"Ka rawn hruai haw leh ang.." Ka ti sup a. Ka sawi mai mai lo bawk! An nufa tello chuan he inchhungah hian ka pen lut leh tawh bawk lo ang!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)