☆UTOPIA : 1996☆ Ririni Khiangte (Abbra Pitartei)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: ☆UTOPIA : 1996☆ By Abbra Reo Ririni Khiangte (Completed)

Unread post by Ngaia » April 28th, 2019, 5:59 pm

☆UTOPIA:1996☆
Chapter 54
By
Abbra Reo Ririni Khiangte (Pitartei)


u Mc-i chu clinic ah ka drop a, min ngaihtuah viau mahse keimah a awm ka duh miau vang in ka tlan san leh hnu pawh chuan min en zui reng a, thil rawn thlen dan teh thut hian mak ka ti a, a rang lutuk mah mah bawk, ka kawchhung rawn tawt tup tup reng leh ka lungphu a rawn phut dawt dawt ruala natna rawn tel ve ngut ngut reng vang chuan steering chu ka han hum leh ngawt ngawt țhin a! Thil thleng engkim kha a rang lutuk mah mah! Chutakar ah hmeichhia ni 5 chhung lek a chenchilh vang in kan inneihna tur a tawp a! Inrinlawkna awm miah lo in ka mipa hmangaih ber leh ka pasal ni mai tur chu. ka chan bawk!


Thawk leh khatah car chu ka ti ding dawt a, steering ka humna chu ka thlah thei chuang der lo. Chutiang bawk in ka taksa na khawng vek vang chuan ka țhut dan pawh ka siam rem thei lo! Bing takin motor hmalam chu ka melh ngar a, motor dang tlan nuaih nuaih te chu a reh tial tial a, pindan chhunga Hmingsanga leh Feli che kual vel kha chiang lutuk a a rawn lan rual chuan mit ka chhing ta sâwk. Ka kawchhung lam a rawn ni nghul a, ka lungphu ri dawt dawt in ka taksa a nghawr che bak engmah ka feel thei lo. Inrinlawkna awm miah lova thawk leh khat a hmangaih te chan nat dan leh hrilhhaithlak zia chu tu mihring mahin min hriatthiampui miah lo vang.


Engtianga rei nge ka țhut tawh pawh ka hrelo. A tawp ah chuan Car kawngkhar chu nam hawngin ka che sawn ve thei ta. Pawn ka chhuah rual a thawm lo ri nuai nuai mai te chuan ka thinphu a tih ran belhchhah dawt dawt a, ka ipik hluah hluah.

Vanvadaka ka hawi kual thuak rual chuan Biakin bul lawk ah ka awm reng tih ka hre chiah. Rei ngial Biak in chu ka melh vang vang hnuah a pan chhona step ah chuan muangchang in ka pen chho ta a. Maicham hunna hnung lawk a kros lianpui ding chho ruah chu ka melh ngawt ngawt a, mahni inkhawngaihna te chuan min rawn tuamin zawhna tam ka bawk. kei hian engthil fakau nge tih sual ka neih a vanduaina zawng zawng hian min tlak buak bik? Naupangte ka nih laiin sual luih ka tawk tawh a, khang hun lai a ka tuarna kha a na hle in ka lo hre țhin; Hmeichhe dang laka ka hmangaih ka chan tak meuh vah chuan sual luih ka tawh ai fe khan a lo na daih zawk! Hun reilote chhunga a thinlung neih sak tu hmeichhia ka thikna lah a nasa in min ei hlum thei mai dawn te in ka hria. Ka thinghlimna ka hlaoh tawh hnu ah pawh eng vangin nge hmangaihte chandan nâ ber zawng a ka hmangaih ka chan leh kher? Ka pa hnen ah ka man tur a pek vek tawh avangin uire san ka ni a sin. Mahse chuti chung chuan engati nge ka mipa hmangaih thinlung ah awmzia ka neih ve tawh lo? Engati ge???

Mittui vangin Kros chu ka hmu phe ruai a. Midangte nun a relfel sak vek laiin engati nge ka nun ah hian vanduaina leh natna chiah min pek bik tih chu ka hre chak zek zek. Mahse țum dang ang bawk in min ngawih san a, a hma ngeia thinlung na vawng vawng a ka rum chung pawh in mi zawng zawng Pathian hian min ngawihsan leh bik tawh anih chu! A rorel dan thleibik nei zet hi engati nge ka chung ah hlir a tlak bik mai le.

Ka țhut mekna țhutțhleng a rawn nghin dat rual chuan rang zet in ka mittui ka hru nghal tawk! Pan loh tur ka pan tih zawng ka hria.

"I țha em?" Ka din mar rual chuan hmeichhe aw dam raih mai ri vang chuan ka hawi chhuak a, ka bul lawk ațhu reng chung chuanin lo nuih sen sen bawk.
"Țhu leh la." amah bawk chuan a rawn ti leh sep, eng thil teh hrep nge ka hriat pawh ka hrelo, ka țhu thla leh dawt a, ka nun beidawng lutuk leh ipik lutuk hian țanpuitu tu pawh a mamawh niber hial in ka hria! A chhelam emaw a țha lam eng hawi zawng pawn ka natna leh beidawngna a ta min chhan chhuak tur hi ka mamawh! Anih loh zawng in nung dam in khawvel hmachhawn ka ngam tawh lo!

" i țha em?" a aw dam raih chuan engtin maw tak ka kawchhung ipik zet chu a rawn thleng pha tlat!

"Ka hrelo." Ka ti țiau va, ka mal chung a ka kut hum tawm khur der der reng chu a rawn hum rual chuan ka chhunglam aţang țah chhuak in min rawn pawt khur hlawk hlawk! Hmelhriat ngailo lak ațang hnemna ka dawng ang tih ka lo beisei ngailo!

"Harsatna i neih chuan min hrilh la, anih loh pawh in kan pahnih in kan țawngțai dun dawn nia." lu ka thing ringawt. Ka lut hum mek tu hmeichhia chu a rawn thaw chhuak ham ham a.

"I harsatna chu engpawh nise i tuar zawh loh tur khawp Pathian in harsatna a pe lo che a nia." a thusawi chuan ka thin a kei zak ta mai! Ka vanvadak a, biakin chung a light in phum thluah mai melh chung chuan ka nui chhuak hak hak bawk!

"Engtiang a tam nge harsatna min paltlang tir a tum a?" ka nui leh hawk a!
"Min paltlang tir zozai hi tawk a la tilo cheu anih chuan thih ka thlang tawh zawk!" ipik lutuk in ka au chhuak ta nghek! Ka kut a rawn hum ngheh sauh rual chuan ka phih sawn nawlh a!
"I hria em? Kan tuar zawh loh khawp harsatna min pe ngailo tu khian maw, ka naupan laiin sual luih vawi hnih min tawh tir a sin! Chu chu a tawpna a la nilo cheu, tun lawk khan ka pasal ni mai tawh tur mipa in hmeichhe dang a enkawl zui duh vang in kan inneihna tur a ti tawp! Kha hmeichhia kha hmu zui tawh lo se ka duh a, mahse a thei loh thu in min chhang! Chu chu tu mihring in nge tuar zo se a tih a? Ka chungah hengthil a thlentir vang hian hlawkna a nei em?" ka bul a hmeichhia chu ka au khum tawn tawn a! A mit ah min khawngaihna ka hmuh rual chu ner sak pahin ka hawisawn nghal daih bawk!

A duh duh hian ' Pathian in kan tuar zawh loh harsatna min tawrh tir ngailo' an ti thla zen a! An harsatna tawh a la beitham em vang ah ka ngaina a rei tawh! Ka tawrh ang hi tuar ve ni ngatse khang thu sawi khan an rak reng peih tawp lo mai!

" i naupan laia i thil tawn leh tun a i thil tawn mek chu pawi ka ti tak zet!"

"I thiam loh a ni hleinem." Ngeiawm zet in ka nui sak a. "Ani thiam loh zawk hi a lawm! Khawvel leh a chhung a awm te siam tu anih vang maiin a toys emaw min ti a, a duh dan dan min pawh kual vel mai mai vang a nih hi." ner sak pah chuan Kros lam chu ka meln leh a! Hetia hmelhriat ngailo ka țawngkhum nghek hi thil dik ani lo tih k ahre nangin tlem in ka thawl phah deuh thung.

"I lak ah duh a nei vang leh a lam hawi tur a duh vang che in amah i pan theihnan rem a ruat ve pawh a lo ni mai thei a sin."

"Kei hmeichhe thianghlim tawh lo lehnghal lakah hian eng thil nge a duh a? A hmangaih mipa in hmeichhe dang a thlan san tawh hmeichhe khawngaihthlak zet hian ka pan emaw pan lo emaw a tan hlawkna a awm em ni?" Ka ban vai nghek pah chuan ka au leh țhawt a! Ka bul a țhu hmeichhia chuan min la nuih thei cheu anih chu!

"Pathian in a hmangaih che." zawite hian a rawn ti sep a! Min deng dawt hial in ka hria.

"A hmangaih lutuk che."
"Aih, min hmangaih nise chuan Hmingsanga min laksak lo vang." a țap chhuak mai dawn a ka hriat vang chuan rang zet in hmai ka hup thawk a! Hmingsanga pawn min hmangaih tawh lo anih chuan Pathian in min lo hmangaih ngawt nachhan tur a awm lo.

"Pathian in min pek eng pawh a la let leh thiang a lawm, a nâ viau ang tih ka hria, mahse i tuar chhuak ngei ang tih ka chiang. Pangpar thliah tawhna kung ngai aţang pawh mawi takin a rawn par leh theih a, i nunna a tawp hma chu engtik lai pawn nangmah ațang ziknô a rawn chawr chhuak reng thei a lawm, chutiang tur chuan Pathian in mihringte hi min siam a, ka thil neih hlu ber min laksak pawh in a malsawm tlak khawp a, amah kan hnaih chuan min pe let leh thei a sin, mahni mihring puite laka Hmangaih te chan nat zia chu ka lo hre ve tawh a sin, thihna nilo ah chuan a na ber hial ang! Mahse Pathian i rin a, i dil let țang țang a, amah rawn chung zel a engkim i ti anih chuan Pathian in a pe let leh em em ang, mahse a pek let ngawt che khan i rilru a dam phah dawn miah lo, i thiung a ser nung kha nawtreh leh tur chuan ngaihdamna i neih a țul leh bawk dawn a! Ngaihdamna thinlungte hi michak nih vang ngawt in a neih theih loh, Pathian ațang chiah in a neih theih, chuvang chuan tun hun hi Pathian in a fiahna ah che ngaila, he fiahna hi paltlang turin bei zawk ta che." Ka dar ah rawn tuai vat vat pah chuan a rawn phun sep sep reng a, ka ngaihtuahna erawh a la ipik mup thung.

" 'Lalpa chuan thinglung lungchhiate a hnaih țhin a, rilrua inchhir apiangte chu a chhandam țhin' i natlai ber hian nangmah ah thu sawi a duh a sin, mihringte chu kan mak em a, kan hlimlaiin Pathian hrechang lo lek in hun kan hmanga a, Pathian kan hnaih theih dan awlsam ber chu a chang chuan kan nat hian ani a, tuna i natna hi tinge chhandam i nihna rahbi hmasa ber ah i hman mai loh vang."

"Sawi chu a awlsam alawm, chuan Pathian ka mamawh lo." ka thaw chhuak hawk a, ka hmai huh hliam ațang kut ka laksawn rual chuan dimte in ka bul ațhu chuan a kut in ka biang chu a rawn tuai a.

"I mamawh, i mamawh lutuk vang a lawm he hmun ah hian i rawn kal, i thinlung beidawng lutuk khan pantur lam thlawt a hriat tawh loh vang in fair lo tak a i chunga rorel țhin nia i hriat leh i dem em em reng hi mamawh rukna i nei a, rilru buai nuai chung pawh a a 'in' ah i rawn pen luh ni." Ka men kual ralh rual chuan a țhen sak a.

"Maicham hma ah sawn țhingțhi la, ka lo țawngțai sak ang che." a rawn tih leh sep tak ah chuan ka thinphu a rang dawt dawt a! Maw? Hmingsanga in aţang ka chhuah ațang khan natna te nen an phu dawt dawt reng a, mahse he nu.. uugg, tupawh chu lo nise min ti ti pui lai khan ka hriat loh karin ka lo hahdam hman reng anih chu!

"Lo kal rawh le." Amah zawk chu a ding chhuak a, ka thinphu dawt dawt reng chu rang viau mahse hahdam rukna ka nei tlat tawh!

Ka din chhuah ve meuh chuan maicham hma ah a lo ding reng tawh a, a hmel a nung sar a,hmuh hahdam thlak em em mai bawk!

_______________________________________________________

Ni a kal bek bek a! Engtin nge khatiang tak a a dang lam tak? Tihn zawhna hi keimah leh keimah ka inzawt ngut ngut reng a, ka thinlung in chhanna min pek hi pawm har tih chang ka nei fo țhin! Ni 5 chhung lek hmeichhia a chenchih zun in a phuar hneh lutuk a, Hmingsanga'n amah chiah a ngaihtuah zui ngut ngut tak vang a hengthil hi thleng ani tih hi pawm thiam har ka la ti em em a, mahse chu mi vang ngawt chuan biak pawh tum a, hmangaih dang a neih tawh reng chung vir buai tu nih ka duh ngailo, kan chhungkaw zahna hmachhawn erawh a nasa tulh tulh thung! Ka pa lah vantlang hriat hat khawp a contractor lian a lo ni ve tawh bawk nen, kan inneihna țhulh a ni leh ta chu sawi zui kan hlawh zual em em a! Hriat hreawm ka tih ber erawh ' a pasal turin hmeichhe dang luhkhung in ni 5 chhung ngawt a biruak sak a, an ni lam tan inneihna tih tawp ngawt loh chu duhthlan tur awm hek lo' an tih thawm ka hriat chang a piang in ka lung a la zing mup mup țhin!


Hmingsanga'n Feli leh a chhungkua enkawl a duh zawk tih min hrilh ațang ni 6 a liam der tawh a! Ka tuar in na ka la tireng! Mahse ka hmuh theih ah an rawn inlan ngai miau loh a vang in a tir ang em em khan ka na tawh lo va, thil ka ei țha thei lo leh ka mu tam lo erawh in ka taksa a ti chhe viau a, luak nghek chak chang lah la ngah! Ka nu leh pa lah an hrilh haiin an hawihai em em a, ka nu phei chuan ' chutiang mai mai tur ah Hmingsanga chu ka lo ngailo a sin le!' a ti ve tlawk tlawk hial a, ka pa erawh mipa ani a, sawi zui vak a neilo nang in hmeichhe pakhat rawn tel tak a vang a kam inneihna a tawp phah hial chu min lainat tih ka hria, mahse kha mi tlaia ka țah khum chiam bak țum kha chu a kâ aţang Hmingsanga te lam engmah a ri chhuak tawh ngailo.

Nitel in ka nu hriselna dinhmun a hniam tial tial a! Ka pasal nei lai hmu ve hman tur a inngai kha keimah vang in zak tak in a awm ta zawk bawk nen, mihring kan inchan lo vat ang tiin Doctor lam in min hrilh tawl tawh a! Ka pa nen pawh a rukin rilru lam kan inpuahchhah ru ve reng a! Ka nu leh zel min laksak anih chuan khawvel ah hian tih tur ka van ngawt ta ve ang!


Ka phone rawn nghawr chur chur vang chuan choka lam a ka thil tih lai dah meuh in țhutkhawmna lam ah ka tlan phei a, screen a hming rawn lang ka hmuh rual erawh in ka thawk a sak nghal țalh mai! Mahse ka chhang ta tho.

"Hello u Ruatsang." Zangkhai thei ber in ka ti lang lang a.

"Arinte, kan inhmu thei a ngem?"

"Aaaa.."
"Khawngaih tak in.. umm, kan chhungkaw aiawh tal pawn ngaihdam dil mawlh mawlh che ka duh, inchhungkaw chung a kan thil thlen tir hi a rapthlak e mai!" a rawn ti a! Nghet lutuk in kut ka hum ruh nghal tlat bawk. Khang ni 6 chhung khan Hmingsangzuala emaw an lam hnai hrim hrim tumah ka hmu leh tawh lo.

"Ka lo ngaihtuah ang."

"Arinte?" Min ngen ngawih ngawih niber in ka hria.

" Falkawn lam ah ka pa a kal hamsa dawn a, a kal hnu ah lo kal la." ka ti ve ta sep, a rawn thaw huai ri ka hriat tak ah chuan ka kut hum tawm tlat pawh chu ka thlah dul tial tial a!
Tiang teh tawp a hmeichhe dang a thlan hnu hian vawi khat tal min ngaihtuah chhuak ve țhin a ngem? tih ka inzawh a piang in ka tlawm nawn leh țhin! A chhan chu mipa puitling tawh leh rilru nghet tak ani a, a thil tih lai mek hi a hriatchian tluk zet in kei ai daih a Feli a vei tawh miau vang a rawn hruai haw sak a, an khawsak dan min sawi khum kha ani a! Second khat lek pawh min hrechhuak ve chhin ngailo ang tih tur anih laiin kei lah chuan kan pahnih hun hman tawh ho ngaihtuah let in ka suangtuahna ram ka lo cheng leh veng veng țhin a! Chu erawh ka chhungte hriattir ve ka hlau hle thung.


"Pa Falkawn ah chuan kal hmasa la, nakin deuh vah ka lo kal ve dawn nia." chaw ei lai chuan ka ti a, ka pa chuan min melh zawk nangin engmah a thleng lo ang in ka awm lui a, ka chhungte tan pawh Hmingsanga lam hnai te hmuh a chakawm dawn loh tluk zet in u Ruatsangi rawn kal tur pawh hrilh ka duh lem lo.

"Ummm, nang pawh in lamah te awm hahdam ve rih tawh la." a rawn ti a, ka nui mai a, chaw eikham rualin ka nu hmu turin a insiam zui sawk sawk a, ka nu awm lo ta chiah se ka pa khawhar zual dan tur ka ngaihtuah a, hetia chhungkua kan inhruai khawm leh tak ațang khan nikhat pawh ka pa in ka nu a la thlahthlam chhin ei ngai lo, ka nu in lungdam tak a a lo ngaidam leh thei ta kha a pawi loh zia ani tel in ka hriat belh zel bawk.

"Mamma." Car chhung ațang Carlos-a'n min au tung a, darthlalang chhan ațang kut min vai lauh lauh bawk, garage ah an tlan lut a, car a dinfel rual deuh thaw in Carlos-a a rawn țum chhuak tharh a, a hmel ka hmuh tak ah chuan ka awm zawn rawn na leh ngut ngut tawh chu tih reh tumin thawk ka han la a! Hmingsanga nen an landan a thuhmun lutuk a, țullo tawp in Hmingsanga mit meng thuk ruih ka hmu thei hial bawk.

"Carlos Champhai ah i la chho nange?" ka bul a rawn tlan thlen rual chuan ka kun hniam a, min ngai tih hriat zet a min kuah tak chuk chuk ah chuan a taksa lum ve veng veng mai chu ka kuah let a! A pa ang maiin pangtilum a ngah ve a! Atthlak tawp in ka mittui a hnai kuar mai!

"Mamma.." a hmai zawn ah ka kun hniam vang in min melh ngar a. "Ka daddy chuan a promise a hlen miah lo, Mamma leh Carlos te nen together in kan awm tawh dawn a tia, mahse Mamma bul ah kal ang ka tih pawn 'NO' a ti zel a." a rawn ti a, ka insehruh țeuh mai!

"Ka rawn kal tur ţap chung in min ngen nasa lutuk a, ka rawn hruai ve ta tawp, a pawi em?" Kan bul ah u Ruatsangi a rawn thlen ve tak ah chuan ka ding mar vat a.

"Pawi lo e." ka ti sep, inveng hman lo tih hriat zet in ka biang a rawn tawk a, ka nui lui ta ngawt bawk.

"I cher lutuk." A rawn ti sap, amah pawh ka hmuh hnuhnun ber ai khan a lo tla deuh va, dark circle anei raih bawk.

"Zote ah Cake ka rawn lei phei a, i ngainat zawng ani nge maw?" u Ruatsangi chuan a thil kai bawr laih mai center table ah dah pawh chuan a ti lang lang a, Carlos-a erawh sofa ah a țhu fel than a, a cartoon en duh zawng ka zawn kual sak mek bawk.

"A tui ngawt ang, nakin ah thingpui ka lum dawn nia." Ka ti a, pogo ah carlos-a en duh zawng a lo awm hlauh a vang chuan ring leng lawng in a en duh thu a rawn sawi lauh lauh va.A der nimaih lovin ka nui chhuak ve ta hak hak mai.

"I chhungte lam an thinrim dawn e." u Ruatsangi chuan a rawn ti a, ka nui ringawt.

"Keipawn tun thleng hian Mama pawh ka be leh tawh lo, a chetdan nunrawng zet kha ka enliam thei thlawt lo, i chan hi ka chan ah ka dah a, a nâ em a sin, lungawi lo in kan chhungkua min tihmualpho let tum pawh nila awm ka ti lutuk, Mama lahin tumah a be duh bawk silo, Zothana pawh a thinrim a, i haw hnu lawk khan an inhnial hrep bawk, kan nau-a hi a lo nikhua lo em ani! Keini vang a mualphona i tawh zawng zawng kha a reh tawh ngai dawn lo, mahse rilru nuam in a unaute kan awm bik lo tih leh a chetdan hian min tina ve tho tih min hriatpui hram rawh aw, Ţpa nen pawh kan sawi dun a, Keimah ka biak peih miau loh a vang in Hmingsanga chu titi pui a han tum a, mahse engmah a sawipui theih der lo! Aaaa.. a awm dan hi ka lawm lo ani tawp mai!" a ti bawrh bawrh a, a tawt vek ngang anih ka ring, a thaw chhuak leh hawlh zel bawk.

"..enteh Feli lah khan a rawn kal chilh reng a, Mama'n in ding sa hmun nuam deuh a leisak vek tawh bawk, a rawn zar buai reng a, room ah a awm leh a luhchilh thul..." 'room a luhchilh'.. an inlam ah Hmingsanga'n a chenchilh tawh miau a vang in a ngampa tawk ah ka ngai! Kha mi zan la la khan Feli hruaiin nupa ang a ankhawsak zui hial kha thil thlen dan ațang kha chuan ni zui tur reng pawh ani! ka thinchhung rawn na ngut ngut leh thik lutuk na vang a ka thawk sak țalh reng chu u Ruatsangi hriat ve hlau zet in tawp tir ka tum a! Mahse ka hlawhchham chiang hle!


" zahna a hrelo bawk si, zan hmasa phei chu Mama khan room chhung ah a zui lut ve kha a lo vin nghek a, eng vang a vin hrep nge tih ka hrechiang lo nangin a in ah kal sek lo tur chuan a hrilh chiang bal.." sawive tur engmah ka hrelo, Hmingsanga thuamhnaw bawm chhung a ka thuamhnaw la awm ho te kha inthlakna tur a ken loh chang phei chuan a ha țhin ngei ang. Chu ka ngaihtuahna vang chuan ka pumpui a rawn inlet bût a, ka ûak nghek teuh kher mai!

"Carlos-a lahin a lam reng che a." a thaw hawlh a, ka malchung ah lu nghat a tv en dauh dauh tu mipa naupang chu asam ah chuan ka khawih sak niap niap reng a, a pa in ka thinlung ti kehsawm vek mahse Carlos-a erawh ka haw thei chuang lo.

"Nakin ah a la reh ve mai ang." ka ti sep a, u Ruatsangi'n ka kut a rawn hum tak ah chuan amah chu ka en vat a. A mittui a lo tling pam mai!

"Kan chhungkua vang in i nun a chhe vek, hmeichhia ka nihna ang in i natdan zawng zawng rawn feel pui vek thei lo che mahila na ka ti ve thlawt, hetiang teh hrep a nikhua lo va rawn haw ai chuan bo hlen law law se i tan pawh a natdan a nep zawk hial ang." A rawn ti a, hmeichhe rilru țha tak nia ka lo ngai țhin kha a dik zia ka hre telh telh! Hmeichhe dinhmun a hrethiam em a tin ni!

"I fate an țha em?" ka ti ta daih, lu a bu nghat nghat a.
"Naktuk hian keipawh Champhai ah ka chho vang, Carlos-a kan enkawl sak a nga, Mama chu a duh dan dan in tal rawh se, ngaihven pawh ka chak tawh nek lo." ka nui a! Min rawn en rual chuan ka ner zeuh bawk.
"Chutiang chuan tilo e, a chhungte a lawm in nih?"

"Aih, kei hi chuan ka ti ngei ang, ka hmeichhiatpui rilru tiang tak a hliam sak thei tu hi mihran daih pawh nise tun ang tho hian ka hua ang, ka nau anih vang in a lak ah rilru nem put ka tum reng reng lo."

Hmingsanga lak a a lungawi lohna ka bulah a rawn inbun thawl ve tak ah chuan u Ruatsangi pawh a veng ve hawk chuan ka hria, u Ţpa erawh hmuh leh ka chak viau va, ka nu fapa anihna ang in kei phei chuan a hma aia thuk zawk khan ka ngaina tawh leh nghal.

U Ruatsangi chuan call a dawng a, school lam mamawh lam khawm ngai a lo la awm vang in Carlos-a chu a kal san rih a, thlamuang zet a ka malchung a mihil ve sek sek chu a biang ah ka kutțang in ka tawk de de a, a mutthilh lai te hlei hlei hian a pa a ang, a hnar ngul sang vah leh mit khur thuk lam hret hian an hmel landan a tih chian mai bak ah vawi khat hmuh tawh chuan theinghil mai mai a harsa tawh țhin.


Nula te choka lam ah an ri rak rak reng a, sofa nghenchhan ah chuan lu ka nghat a, inchung lam melh in mit ka khap fak fak bawk! Keinen a inneihna tur tihtawp anih aţang ni a vei tlem vang a la in hruai lut lo mai mai an ni ber tawh in a lang, in a lei sak thlap a, a nupui tur te chhungkaw lam mi hmuh ah an mawi loh a hlauh zia a lang chiang zual sauh bawk, nakin ah chuan duhlo teh mahila Feli nen an chhungkaw din lai ralkhat ațang ka thlir ngei hun a la awm ang! Chutih hun a tan chuan ka inbuatsaih lawk a țul hle bawk ang!

*Carlos-a kha pawn ah rawn chhuah pui la.* message chu ka chhiar a, number hlang tawp ațang leh nghal.

*nakin ah u Ruatsangi'n a rawn lam dawn.* ka ti ve thawr! Social media ka khawih tawh ngailo va, message pawh chu a pangngai ațang bawk a rawn thleng leh a.
"Ka hria lawm, school thil a buipui kha tlai lam ah bak a zo leh dawn silo va, keiman ka rawn hruai dawn.* Hmingsanga ani mai ngem? Atthlak zet a ka thinphu rawn rang leh rawn sa bulh bulh chu ka kawr chhan ah ka țham tawk a, Carlos-a muhil chu pawm thawh ka tum zet nangin ka kaitho ta zawk a, mit a rawn nui ve chat chat a, a biang a tai tek mai bawk.

"Carlos an lo hruai tawh dawn che a." Ka ti sep a, a kawr tawm ve țai chu ka pawt mar nghal zung zung bawk.
"Mamma i lo kal ve dawn em?" a rawn meng siar siar a, a mit bawk a nuai leh reuh va.
"Aih, api kha damdawiin ah a la awm a, a bul ah ka kal a ngai a."
"Far away ah khan mi? Mamma naktuk ah ka lo kal ve ang aw." a ti a, chhang lo in a chappal kaih ve ţap mai chu ka bun tir daih a, ka thil tawn ațang khan ho te ang a lang pawh tumah thutiam ka duh lo, Hmingsanga'n ka lak a athutiam a hlen loh rual khan kan lak a thu tiam tu te'n an hlen leh siloh va a natzia ka hrechiang tawh a, Carlos-a a fing angreng si a, ngawih mai a finthlak zawk.

Kawtzawl kan chhuah rual chuan gate pawn a blolero ding ka va hmu hmasa ber a, ka luak a chhuak nghal up up mai! Hmingsangzuala chuan driver side a rawn nawm hawng a, a rawn chhuak vut ka hmuh rual chuan thawk ka hip lut kawk a! Ka thaw chhuak leh lawk tawh lo bawk, a bek sam a nawr kawlh ve ve a, chhip lam chiah a buk, a hmel landan tak ngul leh pa hrak țhin kha a la ngai reng a, a sam nawrkawlhna la tharlam zet vang chuan a hmel a lang chang zual sauh bawk! Ni 6 hnu ah min hmu leh chu amah ah nghawng buai a awm lo tih hriat zet in min lo en ngur a, Carlos-a a tlan hran rual chuan ka thaw chhuak hawk bawk!


Passenger side aţang Feli a rawn chhuak ve leh chiah a, min rawn nuih sak kher bawk! Carlos-a chu zo zet in Hmingsanga chuan a pawmkang nawlh a, nui chungin Carlos-a'n kut min vai lap lap a, nuih let ka tum ve ngial pawh ka hlawhchham chiang hle!

"Țhu lut la.. Carlos-a hi i pawm dawn nia." a fapa ber a hmuh tak ah chuan Hmingsangzuala chu a inher vut a, Duat hmel zet a Feli a be ri te chuan ka taksa chhung a rawn hnawh tawt up up a, ka ṭah chhuak lutuk insum nasa lutuk chu an rawn hmu ang tih hlau vin ka inher nghal vat!

"Mamma?" Carlos-a'n min auhna pawh chu ka hrelo der hmak. Inchhung lam pan in ka pen hlawk hlawk a! Carlos-a a rawn lam duh anih pawh a hmeichhe luhkhung nu kha a rawn hruai telve kher a țul ber lo a sin!

Kawngkhar ka pawt phui rawk a! Ka ngheng zui rawk rawk bawk! Tlemte a ka na reh țan tir kha a hma ang bawk in a rawn na thar leh ngut ngut a! Feli pawh ka hmuh hmasak ber a a inthuamdan țhing ve zet leh tun maia a landan chu dang tawh tak ani tawp! Ka nui lui hak mai! Hmingsanga'n a duh tawh te a care zia leh a thuamhnaw tur chen a a buaipui sak țhin zia chu ka hrechiang lutuk mah mah! Kei min treat ang chiah a Feli treat te chu a tan thil harsa ani dawn lo nasa!

Room ka luh rual in khum ah ka bawk thlawp a! Kan inkar hran hlawk dan, ka ngaihtuah let țhat ngam loh ngaihtuah chuan mit ka chhing a!
*Aih, Feli leh a chhungte kha ka enkawl zui an ngai!*
Hmingsanga aw ri leh Feli a chhan lutuk vang a hmel rum zet kha ngaihtuah let in ka thin chhung rawn na ngut ngut chu ka kut hum ruh tlat in ka nawr dat dat reng a! An pahnih vang a na tawh tur ka nilo, mahse ka la na zel chu anih si hi! He thinlungna leh ser in a bawh hnan tawh hi engtik ah tak reh thei ang maw?

*kan khua ah ka haw dawn sin, vote thlak turin.* u Mc-i message chu ner nang in ka en a.
*ka ngai awm che.*

*ka ngaihtuah ngawt mai che.* a rawn ti let a, ka nu dinhmun hetiang anih tawh vang in kei ve chu rilru tih thawven nan tal pawh zin chhuak chi ka ni ve der bawk silo.

*vote thlak dawn ni tak tak ah haw la, chuan i rawn let leh nghal a nga.*

*tehreng mai! Zanin chu i nu kan riahpui mai dawn mi?*

*of course, why not?*
Smily tam deuh a rawn thawn a. Ka chhang let tawh lem lo. Data on leh tur in min hrilh zing em em a, a chhan pawh sms pangngai hian pack thun loh phei chuan balance a kal nual zel a, kei lah chuan media hmanga Hmingsangzuala nen min troll na hmuh fuh ka hlau tlat a, call leh SMS chiah ka khawih ngam rih thung.

Falkawn damdawiin lam a kal turin ka insiam zui mawlh mawlh a, vawiin khan u Ruatsangi pawh Champhai lam ah a chho tawh a , Carlos-a a hruai haw ve thu a rawn sawi a, ngaihdam min dil mawlh mawlh reng bawk.

Turtleneck dum ka ha a, cotton kekawr dum ka inthawlh leh tawp a, nike running shoe dum bawk ka inthawlh leh a, ka pum rawn ni deuh nghul reng vang chuan ka NIVEA lotion chu ka inhnawih lo ta tawp, pum ruak a ka awm nasat vang hian ka luak a chhuak leh thut țhin.

Ka licence dil a la rawn chhuah miau loh vang in khawpui chhung ah chuan car ka khalh chhuak ngam bik lo, taxi kawt ah ka chang a, biakin a ka hmeichhe hmuh min fuihna kha ka vawng thar reng țhin a, 'pangpar thliah tawh ațang a kung ber a la thih miau loh chuan pangpar dang bawk a rawn par chhuak leh thei' a ti anih kha! Ka nun ah mipa dang seng luh ka tum tawh chuang lo nangin ka hun tawn vang khan pindan chhung ah tawm a, ţap a hun hmang reng tur ka nilo tih ka hrechiang a! Nat chang pawh a nuih der țulna khawvel anih miau a vang in he natna hian min tluk hlen tir ka phal ta lo bur bawk.


Taxi ah ka chuang lut fel chiah a, call ka dawng ve chiah bawk..Screen a hming rawn lang ka hmuh rual chuan ka lungphu a rang kher mai! Hmingsanga pa in eng vang a min rawn call nge anih! Family whatsapp group ah min add ve țum khan a number chu ka save ve tawh a, mahse Champhai ațang ka haw hnu khan Hmingsanga nen an family group ațang min remove tawh thung.

"Hello."

"Kan inhmu lawk thei a ngem?" a rawn ti churh! Min hmuh duh chhan awm ka hre der lo. Mahse ka rem ti ta tho. Driver chu Big belly lam ah kal turin ka hrilh a! Min duh lo ber tu leh keimin neih dawn a vang a Hmingsanga pawh tuithlar hial tu kha ani a. Ka ngaihtuahna tawp chawt vang chuan ka rum chhuak hak bawk! Keimah vang a chhungte tuithlar hial huam tu khan hmeichhe dang lakah min phatsan tih te hi awi harsa ka la ti tlat zel! A chang phei chuan ka tan a inhuam nasat țhin zia ka chhut let a! Mumang buai nuaih ah kan la cham mai mai ni a ngaih thut thut chang ka nei fo va! Mahse ni chhuak leh tla lai! Khawvar leh zan hun te hian mumang mai anih loh zia a rawn nem nghet thar reng mai bawk si!

Bigbelly kan thlen rual chuan chuan man ka pe sawk sawk a, tun hnai khaw chhia ah hian khaw țhenkhat ah chuan rial a tla chiam zel a, Aizawl lam pawh kawlphe leh țek tla te nen rik chiam țum a tam mai! Big Belly ka luh rual chuan dawhkan ruak lam ka pan vat a. Hmingsanga pa pawh a rawn lut zui ve mai a! A fapa ang chiah a hleitling leh hmel nelawm tehchiam lo ani bawk a, ka zam ru hle bawk.

"Eitur chah la." a rawn țhut fel rual chuan a rawn ti thawr. Lu ka thing nghat a. Ka awmdan chuan a ti lawm vak lo nge a ner suk bawk.

"Sawi duh i neih chuan sawi țan la, ka nu hmu tur a kal ka ngai a."

A hmui pet sawi zauh hmel ah chuan Hmingsangzuala bawk ka hmu leh tawh!

"Sawi tlang tawp mai ang, engtin nge i man kan hlan tawh kha kan tih tak ang." a rawn ti a! Ka melh ngar mai!

" ka fapa lahin neih che a tum hmel tawh lo bawk si, man lah a mualpho tawk lek in an rawn hlan ve tawh che nen." Rapthlak ti lutuk hian ka melh a! Tun ah chuan ka thil sawi chhuah duh ngai miah loh kha sawi khum ta pawh niila pawi tihna ka nei ta hauh lo! Hmingsangzuala ka lakah a lo nunrawn em em na chhan pawh chhun tur a lo nei țha em atin nih hi!

"Ok, ka pe nghal mai dawn che mi?" ka ti a, a rum nghut bawk.

"An rawn ken ang a chengnga thir tih vel kha chu ka ak chhuak bawk silo a, tihian la mai la." Purse chu ka hawng nawk nawk a, pawisa ka phawrh chhuak a rawn hmuh rual chuan min melh khui tawh!

"Nasa reuh lutuk."

"Hummm, i duh i sawi hmasa a, kawng awlsam ber ka ngaihtuah ve nghal anih hi." Ka nui hak kher bawk.
"Ka fapa in inneihna a ti tawp ta kha a lo pawi chai loh hi! I nasa ar ar tak em anih hi."

"Tak zet! Fapa in a pa hnung a zui zawk emaw ka ti a sin." Ka thle bak a, ka sam thlah hnap mai che nghal pawh chu ka feel thei.

"Nang hian engvang a min haw em em nge i nih tih ka ngaihtuah țhin a, a chhanna ka hmuh kha a hunlai chuan awmlo ti viau mahila tun a i chetdan hian a nem nghet in ka hre tawh, i û leh ka nu an inneih lai ațang tawh khan nang hian ka nu kha i lo ngaizawng ve țhin! A dik em?" ka aw ri a chang ta fak! Pu Saia chuan a kut a hum ruh nghal țawlh țawlh bawk.

"I u nen an ințhen rual khan remchang i lo zawng ve nghal zat a, ka nu kha chelh rih a, chenna tur inpek te hial i duh ngei bawk ang, mahse i offer te chu hnawl in Aizawl lam a pan ta zawk a, khata țang khan nang hian ka nu kha i haw ta em em bawk!" Ka sawi zo chiah! Ka thusawi nem ngheh nan a rawn che zui bawrh a, dawhkan a glass no a tui chuan min theh ta țhawt! A fapa in mualpho tawp in min siam bawk a lawm le!

Ka hma a glass chu la kang in ka theh let ve țhawt a! Nasa min tih hmel fe in min melh khui khui a! Ka hlau chhete lo, ka nu a huat chhan tur ka ngaihtuah nasa țhin lutuk! A fapa a tuithlar phah hial a! Tun ah chuan ka hrethiam tawh! A u nupui anih lai pawh a, a lo it em em hmeichhia in a hnar ta sia. Kha kha ani pa chapo lutuk chuan tlawm ah a lak tak a vang in kei a fanu thleng hian min haw zo vek! Mahse a riltu tenawm zet vang hian ani huat nih mai mai te chu pawi tihna ka nei tawh lo chiang e!

"Sawi leh tur i la nei em?" ka ti leh kher, kut min thlak chak hmel fe in a insehruh fûn fûn a, min thlak anih ngat chuan ka thlak let ve duh hial ang!

"Ka pa." a aw ri ațang tunge anih ka hre thei! Hawi chhuak lo in ka hma a patling tui a ka theh huh hluam chu ka melh ngar thung.

"Eng nge thleng a?" a rawn ti leh sup a. Pa Saia chuan a kekawr ipte aţang romol a la chhuak a, a hmai huh chu a hru tawk a.

"He hmeichhia i nei ta lo hi lawm hial tham ani." a ti nghut.
"Aw! In la lawm nange, keini lam chuan rilru nghet lo zet leh hmeichhe mamawh em em mai mihring nen kan inneih tak loh a vang khan lawmna kan nei tawh a sin." ka ti kher a! Ka hawi chhuak zawk leh Hmingsangzuala min lo chhuk en ngur bawk si chu kan mit a in tawk siah bawk!

"Sialrang in sialrang a hring an lo tih kha maw! Pafa ni awm reng in ni.." ka ti hlak, ka hmai hun ngaipawimawh lo zet in ka tho a, pawisa ka lak chhuah tawh sa chu dawhkan ah ka dah leh tho bawk.

"Inbe teh ang." Ka kal hma si chuan ka ban rek ah a rawn hum chawt a! Ka thing nghek bawk.

"Ka be chak nek lo che." Hmai zangthal haw chung in ka chho en a, a hmel a țang a thinrim em tih a hriat theih loh a tak ngul tawp.
Big Belly ațang ka chhuah rual chuan thawk ka la vak a! Kan chet dan kha table daidanna a awm miau a vang in tuman an rawn hmu kher lo vang! Pawi tihna ka nei hauh lo bawk! A chhan chu ka nu lak ah rilru diklo pu hmasa tu ani a, a duh dan dan in ka chungah a che ngawt thiang lo, chuan.. ka lo rin ruk a dik erawh mak ka ti hle! Min huat chhan tur kha vang ka ti tak zet! U Ţpa nen nu thuhmun pawh lo ni mahila Hmingsanga thisen hran daih fa nen kan inzawm a phal loh bur mai kha chhan țha zawk a awm ka ring tlat kha ani a! A lo awm ngei bawk tih ka hriat tak ah chuan ka thisen zam chu pawisak neih lohna in a rawn thlak a, Hmingsangzuala chet dan te kha a pa fapa anih miau vang in a lo inhmeh tawh chiah! Tenawm dun lutuk mai a!

"Bawihi?" Ka hnung mai ațang aw rawn chhuak vang chuan ka vir zawk a! Hmingsangzuala rawn thaw chhuak hawk chu hlat in ka tawlh hnung nghal hrat bawk.

"Eng emaw sawi dun kan ngai a nia." a aw pa zet ah chuan eng emaw ritel ve a awm, mahse engmah sawipui tumna ka nei tawh lo.

"Engmah sawi dun kan ngailo, mahse thil pakhat, u Ţpa hnen ah ka nu fapa anih thu ka hrilh dawn." Eng emaw sawi tum a a rawn an zuau lai chuan kut ka vai zauh va.

" min dan i tum anih chuan ka nasatzia chu tun mai pawn i rawn hmu kha, ka nu leh a fapa chuan nu leh fa anih na ang a inhmu turin dikna an nei."

"Ka dang lo ang che, i duh duh i ti thei a lawm." a rawn ti sup rual chuan ka hawi buai nak ngeiin ka ring, ka nuih sak a.

"Cool, anih chuan ka nu ka sawipui hnu ah keimah ngeiin ka bia ang, chuan i pa hnen ah khan ka man in rawn hlan kha chu ka dah let tawh bawk." thinrimna in min tuam hneh bawk a, bahlah hlek lo in ka sawi duh zawng ka sawi! Ka sawi zo va, ka inher let leh hmak bawk.

" i sawi duh i sawi a nga ka kal tir mai ang che maw?" ka ban rek ah a rawn hmer leh chawr rual chuan zak lo ti lutuk in na zet in ka tal nghek a.
"I kut bawlhhlawh zet khan min khawih tawh suh." ka ti țhawt! Dawr kawt a tleirawl awm ho chuan min rawn en ta țhap mai.
A rawn ang zuau va, rum zet a melh pah chuan ka ner nak bawk.
"Tenawm leh lutuk." sehchilhzet in ka phun leh sep kher, ka inher rual chuan chak zet in doctor Zothana Clinic panna kawngpui chung zawk ah ka kal phei hlawk hlawk a, kan ta ni ngei tur thil chu midang in dawt a up beh hmang in an nei reng bik dawn lo hrim hrim. U Ţpa pawh ka nu fa ani tih ka hrilh hnu ah chuan a na ngei ang, mahse an chhungkaw duh dan ngawt in engkim a kal reng thei bik lo tih kei tal in ka hriattir loh chuan an duh dan dan in midang an thunun thei emaw an inti palh ang.

"I țha em?" clinic ka luh rual chuan u Mc-i a lo ti hluai a! Mit ka chet kual ralh thung. Ka bag a tissue pack chu ka phawrh a, ka hmai leh sam hmawr huh hluam chu ka hru thuak thuak a, vanneih thlak zet in kawr dum ka ha hlauh va, a lang huh hnup em lo e.

"Lunch i ei tawh dawn em?"

"Aih, hei an la awm nual." a ti a, damlo doctor nghak mek ho chu ka melh ve zawk bawk. Mi 8 vel an lo la țhu țhap mai!
"Pawn lamah ruah a sur bawk silo va." a rawn ti leh a, dar ka kan ak min hmuh rual chuan rum deuh in min melh zui vak bawk.

"Ka nghak ang che."
"Pawi lo i tih dan dan." a ti a, țhutna ruak lam ka pan phei ve tawp a, ka tha khur deuh dar dar reng chu ka thinrim chang a piang a midang tih nat let ve ka chak țhin vang a lo awm țhin kha ani tih ka hria a! Ka mamawh lai ber a ka mize chaltlai zet rawn lang kha ka lawm hluah hluah bawk..

Hmingsangzuala'n ka ban rek a hmer na chu ten zet in ka kekawr ah ka hru tawk a! Ka tan a țha ber chu a pa nen an mize inanna lai hmuh sak a, huat hlur ani tawp mai!

Reife hnu ah u Mc-i pawh lunch turin a hman ve ta hram a, a țhutpui hmeichhe pahnih te chhuah hnu chuan a inchei țha ve mawlh mawlh a. A perfume rim nu zet in kah chuan ka pum a rawn hâwr thut a, ka uak zui ta nghek a! Chil rial tur ang maiin ka awm zui der bawk

"I țha em?" a rawn ding hluai chu thawk ka lak khum hap a.

"I perfume rim kha."

"Awi! Kha i zun va test teh." a rawn tih rual chuan test kit a a rawn la chhuak nghal der bawk.

Ngawi reng in washroom ah ka luhpui a, raina chance ka nei sang viau bawk. Ka rai anih chuan Hmingsangzuala'n a hre ve tur anilo.

"Eng nge result?" Washroom kawngkhar ka pawh hawn rual chuan a lo ti thawr a, kei erawh ka nui nghal sei mai.
"Ka rai." ka ti sep a. A meng kawk chu ka hmui zawn ah ka kut chal ka lek a.
"Hmingsanga i hrilh dawn em?"
"A teuh lo, keima fa chiah anih hi."
"Arinte, i rai tih a hriat chuan a rawn ngaih..."
"Aih. A pa ni tur pawn dikna chanvo anei lo, nang leh kei chiah in kan hre bawk." ka ti leh kher, naute chungchang sawi zui tawh lo in thil eitur in kan kal chhuak a, u Mc-i sawi a ka la hriat reng chu * In pahnih hi in mak ka ti, inhmangaih a, induh em em siin inneih na a thlen dawn vel ah buaina in tak ziah a, awm dun kher lova in hmangaih tur in nih ka ring rum rum tawh.* a ti hial kha ani a, keipawn ka ngaihtuah let ve țhin pawn, inneihna lam hawi a thil kan kalpui hlek tawh chuan buaina kan tawk ziah tak tak tih ka hrefiah ve telh telh a, Champhai ah kan tlan dun a, nau ka chhiat phah mai bak ah Claudia leh Hlimpuia remruatna vang Aizawl lam ah ka let a, Hmingsanga nen kan inkar pawh a tawp lailawk hial anih kha! Bul kan han țan țha leh a, inneih ni tur a ruat a rawn thleng leh ta cheng a! Kan inkar bawk a tawp phah leh a, hengtiang teh thlawt mai a kan inneih a rem ve miah lo pawh hi rilru siam thar nan a hmang a, hawi kir tawh miah lo tur a thuthlukna siamna tham chu a tling ve reng! Kan pahnih chuan natna bak in pek theih kan nei lo ni ta ber ah ka ngai.

"Hmuh leh che ka inring miah hlei nem." ka table bul chiah ah hlimthla a rawn din thim ruih rual chuan ka hawi chhuak vat a, Hmingsangzuala thawhpui pa.. ughh, a hming ka la hrelo, kha pa kha thuamhnaw dum vek inbel in a lo ding run mai.

"Kei ni hi maw?" u Mc-i chuan a zawt let hâ a.
"Umm, i bul a mi kha." a rawb ti sup, ka lo ner nang thung.
"Keipawn khawvel ah hian i lo la awm ve reng tih ka hre chiah." ka ti hlak a, hnar a tum dût rual chuan u Mc-i'n min melh tawm zak zak a.
"Ka lo țhu ve thei em?" amah vek chuan a rawn ti leh sup, ka bu nghat a hmuh tak ah chuan chair a pawt chhuak a, Hmingsangzuala ang lo tak in a ban dinglam zawng chu tatto in a khat vek a, u Mc-i chu a ngaihțha zan lo anih hmel, a melh leh hrek hrek zel a, a mit in 'tunge' tih min zawt zauh zauh reng a, a hming ka hriat maih loh vang in chhan ngaihdan ka hre der lo.

"Engtin nge Arintei nen hian in inhriat a?" u Mc-i chuan a rawn ti ta phawng a, kan bula mipa hrawl zet țhu ve run chu aner suk bawk.
"Amah hi zawt la." A tih sup rual chuan ka melh nghek ringawt.
"Rs-a ka ni a, chuan nang hi.."
"Mc-i ." a lo ti vat a, Rs-a ka lo ti ve sep bawk.

Dan ngai te bawk in u Mc-i'n a titi pui leh thei mai a, kei erawh ka thil ei lai chiah ngaihtuah luiin ka hma a plate chu ka melh ngar a, zing khawvar hma a Hmingsanga kan zawn hrep țum bak kha vawi khatmah kan inhmu leh tawh lo va, khatih hun lai khan a hmel landan ka lo enchiang miah lo, a biang ding lam ah chem a taina ni awm tak ser thui lo te a nei a, mipa tawhkhirh ve tawk tak leh thuduh ve tawk tak ani tih hriat zet in a hmel a rum ul bawk, chuan a rawn lan leh thut chhan hi an secret Service chung chuang ka hriat ruk kha ka sawi chhuak anih chuan min vau a rawn tum dawn mi niang! ka ngaihtuahna vang chuan ka ner ta nawng a! Fork chu plate ah ka dah ri bawlh bawk.
Ka hawi chhuah rual chuan a engahmah hma in Rs-a chu ka melh ta nghek a, u Mc-i nen an landan inang lo lutuk chu an hmuhnawm letling zawk. 'Tinge?' tih melh a u Mc'n min melh laiin Rs-a chuan nuihza in sum zet in min lo en ngur a.

"In vau vel i rawn tum anih chuan i tisual ngawt ang." ka ti hlak, u Mc chu a ang hauh va, Rs-a erawh dawhkan a eitur melh in a nui suk duh lek chauh.

Kan ei zawh rual chuan Rs-a chu a kal hrang mai a, u Mc-i'n a enzui reng tak ah chuan zawhna a ngah leh dawn lutuk a, eng emaw min zawh țan hma in a rilru lakpen na tur ka mamawh.

"Engtin nge khatiang mipa kha i hriat theih a?"

"Enteh, in check up ka duh si, khawi clinic nge țha ang." ka ti a, a rawn thaw hap ka hmuh rual chuan ka hahdam huai mai.

"Doctor Lancy rawn pan la."
"Aih, a chi loh tih i hriat kha."
"Uggg, lawk aw." a ti a, phone a phawrh chhuak a, țhiannu clinic dang a țhu ve tho min biak sak nghal sawk sawk a, ka phonw rawn ri ve chiah chu rang zet in bag ațang ka la chhuak a, screen a hming rawn lang ka hmuh rual chuan ka zam ti tih der mai!
"Hello."
"Arinte, tun ah damdawiin ah rawn kal nghal rawh, i nu hi!" Ka nu nurse in a rawn tih rual chuan ka buai nghal vek! Ka chhang let em tih pawh hrelo in ka kut tha rawn khur dawt dawt chu ka kut lehlam in ka ban rek ah ka man a, u Mc'n min rawn hmuh tak ah chuan rangtak in phone chu min lak sak a! Ka nu in mi kalsan mawlh chu ka hlau ngawih ngawih.

"Aw le, kan rawn thleng thla nghal ang." Mipa aw in a tih sup tak ah chuan phone min laksak tu kha u Mc-i ani lo tih ka hre chiah.

"Țhiannu ka car lam ah rawn inkuah phei ula." mipa vek chuan a rawn ti leh sup a, â ruaiin u Mc-i'n min kuah kalna lam ah chuan ka pen ve bek bek mai!

"Engkim a țha leh vek mai dawn lawm, hlauthawng lutuk lo la." motor a tlan chet hnu ah chuan ka rilru buai nuaih țhenkhat chu rawn bo tawh in thawk ka la hawk hawk țhin a, motor khalh mek tu chu Rs-a kha a lo ni leh zel a, nichin khan a kal daih tawh sia, engtin nge kha lai hmun ah khan a rawn awm leh theih tih lah ka hre der lo.

Falkawn hospital kan thlen rual chuan icu pawn ah ka pa leh a țhianpa an lo țhu ngawi chawt chawt a, ka pa in kan thleng a rawn hmuh rual chuan a rawn hawi chhuak a, kei erawh ka hrawk a chih nghal tlat! Ka mit meng ruak huai chu mittuiin a chim khat a, eng eng awm rawn sawi a tum a, mahse țawng chhuak lo in ka kut lo ban a , khur ngawt ngawt chung in a chal in ka kut chu a rawn nawr a! Kei erawh ka ţap chhuak miah thung lo!

Doctor in a chanchin an rawn sawi hun chu kan nghak chawrh chawrh a, ka pa u Mc-i leh Rs-a an awm ve ta tlat a, ka ep chiah bang ngheng in Rs-a chu a ding run a, ka hawi chhuah apiang in a mit mu dum ruih chuan min lo en reng tawh țhin a, vanduai min ti ve thlawt te pawh ani mahna! Ka pasal tur min zawnpui tu leh kha kan kalna in ah khan a lo awm reng tih hre ve tu awm chhun ani a, hmeichhe pakhat lak ah ka mipa hmangaih ka chan zawh chiah hnu ah ka nu beiseiawm a awm loh zia min hmuh pui leh bawk a! Hmeichhe vanduai deuh a hmel hriat ngawt chu mak tiin a ngaihtuah kual ve te pawh ani hial ta ve ang.

Reilote hnu ah doctor chuan tlang tak a sawi dawt silo in a tawp nan chhungkaw member in kan hmuh a rem ti a.. chuan.. a țul dan ang in oxygen a vuah sak mek chu an phawi sak tawh dawn! Chu thu ka hriat meuh tak ah chuan ka hrawk chhung lam a rawn khur hlawp hlawp a, ka ţap ri te chu khur in a rawn pawlh tel a, ka pa ka han en leh a, nunna nei tawh lo ang maiin hma lam a melh ngur ngur a! Hethil hi chu ka paltlang zo tawh pawn ka ring lo!

Ka pa a lut hmasa a, u Mc-i'n doctor Zothana hnen ah a let theih loh thu a sawi tawh miau avang in kan chanchin ngaihven in doctor Zothana chuan a rawn call deuh reng a, Rs-a erawh a dinna ngaiah a ding khawng luah reng tawp.


Ka pa rawn chhuak chuan sawi tur pakhat mah a hrelo! A buai nuaih tih zawng keipawn a mit aţang ka chhiar thiam a, icu chhung ka lut ve tur chu nurse ho in mamawh ho min bel zung zung a, ka nu thlarau in a taksa a chhuah san mek tih hrereng chung a tih theih neih miah bawk siloh chu a hreawm dan sawifiah ngaihna a awm lo.

A kut cher țhiak leh hit em em mai chu ka chelh a, in luah man pek ngai bawk, nitin eikhawp thawh chhuah ngai bawk si te nen chaw hmeh tui deuh ka hmeh loh hlau va a ei ai pawh min ei tir țang țang țhin hun lai kha ka ngaihtuah let zut zut a, a rilru kha a thianghlim țhin a sin, a chung a thil thleng vang khan vawi khat pawh a vui ve ngailo a, sum hmuhna tur dang thlawt kan hriat tak loh a vang a zu kan zawr țum te khan miin an sawi zui na te kha a hrelo der hmak țhin, tlangval sual tak ni a an sawi țhinte tan țhianțha ani țhin a, inchhung khur a chhungte rinhleh tawk reng țhinte kha ka nu chuan mi inang reng ang in a lo kawm țhin a, khang tlangval sual rual te khan hmeithai zu zuar kiang ah hian an rawn inbun ruak ve țhin a sin! Dam țhat hi a phu ve a! Hetiang teh tawp a, a thlarau in a taksa a chhhuah san hma hian kan in ngei ah khan zan riah te a la phu ve a sin.

"Nu thihna hi i sual let hram thei lo em ni? Kum 10 chhung chu ka tan nu leh pa i ni a, i tello chuan engtin nge ka awm zui ang." ka hmaiin hun hliam in a kut chu ka nawr ngawt ngawt a! Khawl ah lian lo te in thil kal phei a lang riai riai a, Pathian khian ka nu tal hi chu min laksak lo in ka kiang a awm tir reng mai thei lo em ni le?

"Nu naute ka pai a sin." ka ti leh sep a, " ka fa hi min enkawl pui dawn lo em ni, nu..."

Icu kawngkhar a rawn in nawr hawng riai riai a, lumna nei tawh miah lo ka nu kut chu thlah harsa ka ti ngawih ngawih bawk!

"Ka nu?" mipa rawn phun sup vang chuan ka țhu khawng awt a! Ka hnung mai ah u Ţpa a lo ding reng tih ka hmuh rual chuan a ţap chhuak leh hawk a! Khum lam chu a rawn pan ve chhat chhat a, ka nu erawh in a fapa ko na chu a hre ve hman ta lo!

Ka nu ruang kan phurh let rual te chuan ka ngawng chhuih a! Ka pa lah ka buaipui zui thei hek lo. Mipui zai thawm leh khung ri dup dup thawm in kan in chu a khat a! U Ţpa leh doctor Zothana, Rinzuala te'n engkim a buaipui zung zung reng a, Rs-a pawh ka hmelhriat țha tak nilo mahse a vir buai em em a! Hmingsangzuala pawh a rawn lang ve a, atthlak lutuk in a kiang ah a hmeichhe thlan zawk ka hmu tel ve chung pawn a ban thachak zet a min kuah bet a, in țah thawl ka chak hluah hluah a! u Ţpa kha engmah ka hrilh hman lo a, amah zawkin a lo hrilh vang a kha hmun a rawn tlan thleng ve kha aniin ka hria, ka hawi chhuah a piang in Hmingsanga mit ah min lainatna leh chak tak a awm tura min duhna ka hmu tel zel a, a taksa erawh min kuah tur tal pawn a rawn che chhuak eih lo thung.

Engkim chu a thleng mawp mawp mai! Tlai lam ah ka nu kha boral anih vang in veng chhung mipui in min tlaivar pui a, u Ţpa ruang rawn kil ve chu hmuh a hreawm tak zet bawk, a nu ani tih a hriat ve rual deuh thaw in kâ pawh chhawn lo in a thlarau in a taksa a chhuah san hman a, hrilhhaina leh buai nuaihna te a hmel ah chuan ka hmuh zut zut reng laiin ka biang kî vek tawh chu a zuk chul leh thuak țhin a, tihngaihna hrelo lutuk in a thaw leh hawk a, a chang leh pawn lam ah a kal chhuak thul! Ka nu in fahrah ani tih a inhriat vang a be buai duh lo ani tih ka hrilh hun ah a hriatthiam ngei ka beisei!

"A țhawng che em?" ka ti sep, ka nu ruang kan vui liam tawh a, ka pa te nen kan pathum in pindan chhung ah kan awm thung, u Ţpa a țhu ngawi ngul mai chu a rum chhuak hawk hawk reng a, u Siamkimi te pawh Ethana nen an rawn lang ve a, u Ruatsangi pawh ka nu ruangthlak lai te khan min kuah turin ka kiang ah a awm reng bawk.

"Nu kan ințawm hian min țhawng viau nangin ka nu leh pa te fa ka nilo tih chu ka rinna a rei tawh a lawm." a rawn ti ro hawk a, ka melh ngawr ngawr thung.

" Fa tir ber nisi tinge ka hming a danglam bik tlat tih hi rawlthar chhuah hlim ațang ka ngaihtuah ve tawh țhin, kei Lalțanpuia ka nih laiin ka unau dangte chuan ' Sang' tih an hming ah an nei vek a sin." za vak lo hian a rawn nui ro leh hawk a!

"Mahse ka nu leh pa in min enkawl dan ah sawisel tur ka nei ngai lo va, an fa ka nive lo a niang tih han rinhleh rum rum chang nei țhin mahila thudik zawn chhuah ka tum ngai lo, fahrah ka nih thu hriat ka hlauh em vang pawh ni mahna!" ka pa zawk a bu nghut ngut a, ka nu in a biak pawh loh chhan kha a hrethiam dawn tih ka hriat tak ah chuan ka thawl huai mai!

"Minhringtu ka nu ngei ka enkawl pui ve hman lo che a vang leh nangmah chiah a fa te tih tur i lo paltlang zawng zawng kha pawi ka ti a, tun ah chuan min rinchhan ve tawh rawh aw." ngainat awm zet hian min rawn nuih a. "Nau chhel tak leh chak tak ka lo nei reng che a, tunah chuan i u nen engkim i paltlang zel tawh ang." nghet tak a ka kut a hum chu ka melh a, ţawngkâ a chhang thei lo in lu ka bu ta nghat ngat bawk.

Kan hmangaih em em ka nu in min kalsan mahse hmangaihtu dang kan tan a lo ruat lawk reng te nen ka nu sunna hun hreawm zet chu kan paltlang ve ta mai a! Nâ ti a, vanduai bik ni a inngaihna chuan min kian san lawk lo mahse u Ţpa'n ka țah duh chang a piang in a awm ah min kuah bet a, a ang chhung ah ka tluk luh a rem ti țhin a, kan duh ang ngawt in khawvel kan her danglam theih miau loh a vang in khawvel inherdang lam hmachhawn dan thiam tur a keimah ni zawk kan inher danglam a țul zawk tih ka hre thar ta fo va!

Biakin a ka hmuh hmeichhia kha Lawmzuala nupui a ni tih ka nu boral țum a an rawn lan ve khan ka hre chiah bawk, ka hriat chian tak zawng chu kha mi ni khan ani kha rawn lang ta lose kei hi nungdam in ka awm tawh kher lo vang!

"Claudia kha i hria em? Hmingsanga in ah chaw rawn ei ve in la high class deuh kha?" u Mc-i chuan a ti sep a.
"Hria e, tinge?"
"Car accident vang in a kê lehlam an tan a, wheel chair a hmang." a ti a, min deng dawt hial mai.
"Engtik khan nge a?" ka ti let chiam a, a phone chu min en tir a, ka nu boral tuk lawk khan a ke tan anih thu ig lam ah a post, i mean a ke an tan tih sawi kel lo mahse a thlak aţang a chiang em em a, comment theih loh in a siam bawk.

Ka ngaihtuahna a vak thui ta hle bawk, kei leh Hmingsanga inkar ah khan rawn inrawlh ve țhin kha aia nasa zawk khan Zosangi leh Hmingsanga inkar ah a inrawlh a, an nupa țang țhenchhan pawh Claudia vang ani ber a, a dawt sawi kual vang leh an nupa inkar ah inrinhlehna a pian tir vang in! Pathian in a zawm tawh mihring in țhen suhse tih fiahna chu Claudia chung ah hian a thleng ta ni ber in ka hria a! Kohhran mipui leh Pathian hma aakut insuih tawh te inkar ah Hmingsanga a lo duh ruk ve vang ngawt in hem a thlak a, rei deuh hrat mahse Pathian hremna erawh a pumpelh famkim thei bik lo thung!

Zosangi kha ngaihdam dil duhna rilru vawi khattal aapu angem tih ka ngaihtuah a! A tan a țha ber tur ani bawk in ka hria.

Inleng an kiam țan tawh a, khawhar inriak pawh an awm tawh lo, ka pa kiang ah nau ka pai tih ka sawi țum chuan ' Pathian zarah tumah tihbuai ngailo in kan enkawl puitling thei em em ang, i pian ve hma aţang tawh i pa hian sum ka thawk chhuak ve tawh a, lungkham engmah neilo in hahdam tak in awm tawp rawh, i dam chhung in hnathawk lo pawn awm mahla i nghei chhin miah lo vang, naute pawh a rawn piang a nga, hlimna rawn pe tu che a ni ngei ngei ang." A ti a, Hmingsanga hming lam ri dawt lo mahse kan mamawh zui tawh bik lo tih a sawitumna ni ta ber in ka hre bawm.
Umci mutthilh hnu chuan rei tak chhung ka on tawh loh phone data chu ka han on a, tlai lam khan check up ka nei tawh a, naute pawh kar thum ani ve tawh a, a hrisel țhat mai bak ah ah a lungphu rawn insiam te pawh a dik thlap tih min hrilh a, ka hahdam huai huai mai!

Ig ka luh rual chuan ka wall a thil rawn lang ho hmuh hreh zet in Claudia hming ka search nghal zat a, a ke tanna thlalak a upload hnu ah thlalak dang pahnih ngawt a lo upload tawh a, mahse engmah comment theih loh in a dah thung, a chhuak leh nghal mai tur erawh min deng dawt tur thil ka hmu ta tho, ka tha rawn khur ti tih chu duh lo in thawk ka la hawk a, Hmingsangzuala te station ig page ah chuan police station chhung ah tiffin a awm far a. *kan pi thar zar ah chhun lam ah sumsen ngailo in supply kan dawng ta zut mai* tih te mai hi ani a, Hmingsangzuala cabin bik kawngkhar a inhawng a, Amah chu kawngkhar ah a ding run, amah hmachhawn zawng in Feli a ding a, an pahnih chuan a hlim dun tawk tih hriat zet in Hmingsanga nui hmel chu a langchiang hle bawk, ka scroll phei a, police dang in Feli thla an lakpuina a lo awm a, thlalak dawt leh chiah ah chuan Hmingsanga leh Feli an ding tlang a, an sir ah Rema leh police ve tho arsi pathum bel hi an ding a, a landan chuan innei mai tawh tur hmekchhia in a pasal hnathawhna ah a han tlawh a, a thawhpui te tan eitur a siam kep thlap hi an ang ber!

____________________________________________________________

Kan inchhung a thil awm ho pawh kan hung pangngai leh țan tawh a, u Ţpa erawh ka pa in 'amah kan huat vang emaw, ngaihtheih loh vang nilo in school lam enkawl pui tur tal a Champhai ah let leh tur in a hrilh a, kan tun boruak tawn vang a amah enkawl seilian tu anu leh pa te thlauhthla lo tur in a ngen rual in ka nu duhdan anih thu pawh a hrilh a, tukin khan an chhungkua in Champhai lam ah an let ve leh rih tawh a, u Mc-i chu kan chhungkaw mi ang chiah in kan chang ta tawp rih bawk.

*ka lo leng thei em?* Rs-a message vang chuan ka nui chhuak hawk a.
*chhun pachang ah i rawn len duh a thu ani mai lawm* ka ti let a, min haw viau emaw tia min vin khur khur reng si hi ka hmuh phak ah bawk a rawn lang leh nawlh țhin.
*ei chak i nei em?* a rawn ti leh a, kar eng emaw zat chiah kan la inhre nangin ka chung a thil thleng engpawh hreve reng sia a sawi chhuak ngai miah loh vang pawh ani mahna ka pawh ru riau bawk.
*i lo kal pahin thei den kha lo lei la*
*mipa in thei den lei hi thil nuam teh chiam anilo a nia aw.* a rawn ti a, a pa hrawl ve angreng sia, a phun deuh nui nui tur ka mitthla thei hial bawk.

* lo lei mai mai teh* a seen a, a rawn reply tawh bik chung lo, ka pa erawh side en vel pui turin a kal chhuak a, u Mci pawh clinic ah bawk a buai leh ngat ngat a, zan ah a rawn haw hman ţawk țhin, ka pa pawh in fanu ang tak tak in a en ve tawh a, ka hriatchian zual zel tak pawh kan nun aţang midang kal hrang țhin mahse mal tak a kan awm phal lo in kan kiang a awm reng tur ruatsak kan ni țhin, chu erawh a hmu thiam tu hmuh dan azir ani ve tawh thung.

Ka thuamhnaw hak pan zet chu Rs-a rawn thlen hma ngeiin thlak ka duh a, inchung lam ah ka chho nghal zat a, ni a tlak a, khua a rawn thim chiah hian ka nu kha kan kiang ah la awm ve ni a hriatna ka nei tlat zel a, khawhar hun lai ber tur ah hian ka hahdam hluah hluah țhin thung, tuktin thlana ka pa a kal ziah a, kei erawh ka raino vang a nawm loh chang chuan ka kal ve ngai lo, door bell ri vang chuan ka thaw chhuak hak a, rin aiin a rawn thleng hma hle leh nghal! Tank top chung ah t-shirt thawl hnelhnawlh ka inthawlh a, room ațang ka chhuak chiah tih ah in hnuai a hmeichhe țawngri vang chuan ka tawp chiang kher mai!

Feli!

Kan in ah lehnghal!

Kan nula in inchung lam ah ka awm tih a sawi a, kailawn ah rawn pen chho thawm a awm zui zat bawk. Kailawn ațang a rawn chhuah chhoh rual chuan a rawn nui deuh sak a, Hmingsanga'n a thlang zawk ta kha a inchhir loh zia amah leh amah a inhrilh nawn ve fovin ka ring, a vun a nung sar tawh a, a awm bawr a lian in a khal nalh em em a, kei engtik lai pawh a itawm khawp a taksa la khal chhin ve ngailo nen chuan mipa rilru kan chawh phur dan pawh a dang zar hial ang! Ka ngaihtuahna vang chuan ka ner sak a, ka luak a rawn chhuak tup tup bawk.

"I nu rawn ral ve kha țha ka ti a." a rawn ti a; ka bul a rawn thlen rual chuan inchung lam kan chei dan chu a thlek kual thuak bawk.

"Chuan thil pakhat rawn hrilh tur che in ka rawn kal bawk." a ti leh a, inchhei dan thiam hret se chuan tun ai thlawt hian a lang nalh leh zual ang tih ka lo ngaihtuah daih mai!
"Sawi la."
"Pasal ka nei dawn a." a hmel țha zet leh mit meng zim lam mah ah chuan nuam tihna ka hmu bawk.
"A țha a lawm."
Hmui a pet sawi zauh va.
"A țha tak tak ang maw, a chhan chu Hmingsanga nen a nia." a rawn ti a, min țhawng tawh tur anih miah lo rualin dawnsawn harsa ka la ti tho, ka awm chhhung rawn thip ngut ngut chu ahma ah lantir erawh ka tum bau lo.
"Umm, lo sawi buai tur ka nei miah lo." ka ti a.
"I neih ka ring lo reng a, min duh tawh em a lawn tiraw, a tir chuan nupui nei mai tawh tur ani tih ka hre miah lo tak tak, mahse an in kan rawn thlen khan a chhungte khan an lo sawi a, mak deuh maiin Hmingsanga khan a bengkhawn ta miah lo va, khatah tak khan ka bul ah hun hman nuam a ti zawk tih kei ngei pawn ka hrethiam ve ta chiah." a ti a.

"Ka lawmpui a che." Ka ti a, ka nui lui var vat bawk.

"Hmeichhe sual te pawh ka ang lek lek ang, mahse Hmingsanga ber in in inneih thutiam aia kei min thlang ta si hi tih theih ka nei vak bawk silo a, tihian lo en liam tawp mai rawh aw." Hmingsanga chet dan ațang ka hmu vek tawh! Mahse a hmeichhe thlan zawk ngei kâ ațang hriat leh meuh chuan ka tlawm thar leh rawih rawih mai.

"Umm, inneihna hlimawm tak in nei dawn nia." ka ti sep a, a rawn chet leh dan erawh chuan min țhawng tak zet thung.
"I room a ni em? Hmingsanga thuamhnaw țhenkhat a la awm chuan ka lo hawn nghal mai dawn mi?" a rawn ti a, ka hnung lawk a kawngkhar chu a ban ta mai! Na zet in a ban ka phih sak pawp a.
"Chhuak vat mai teh."
"Ka pasal ni mai tur thuamhnaw lo kawl kha tlawm thlak i tilo em ni?" a țawng vel dan chuan ka thin a tirim hlur tawh kailawn ah hian hnuk thla nghek lo tur in ka insum țang țang bawk.
" a duh anih chuan aman rawn la mai se." ka ti a, Hmingsangzuala thuamhnaw pakhatmah ka kawl lo, mahse tihnat let ve ka chak zek zek thung.
"A rawn kal ngailo in keiman ka hawn mai ang." ka dar ah a rawn nem deuh sawk rual chuan a tukhum sam ah ka kek in ka hria, a țe țhawt a! Ka thinrim lutuk vang in kei erawh ka thisen a lum bulh bulh tawh thung.
"Hmeichhe hur zet in ka room an rah ka rem ti hleinem." nui hawk chung in ka hnuk hnung a, a rawn meng ling nghal hlar tawh.
"Nuthlawi zakthei lo zet ang maiin ka inah rawn chet kual vel hi dik in i hria em?" ka ti leh kher.
"Min va hmusit ve a." a rawn che nghal buan buan chu na deuh in a awm ah ka nam chawrh, a ri awk a, ka beisei loh lutuk in kailawn ah a lum thla! Ka chet dan atthlak zia ka hriat meuh chuan kawngkhar puiah ka pa leh Hmingsangzuala an lo ding reng tawh a! Kailawn chu ka melh a, a chanve thleng Feli kha lum thla bawk.
Hmingsangzuala rawn pen lut vut chuan sitting room ațang Rs-a rawn lang hlawl a hmuh rual chuan a ding chut a! Feli chu chhuak zet in a inhnit hlawp hlawp a, ka beng kiu nguah ngauh tih reh tum in chil ka lem ve ta dáwk mai! Lo lum na palh ta se!
"I țha em?" Feli kal pel in Rs-a chu kailawn ah a rawn lawn tlang chho va, ka thin phu dawt dawt vang chuan ka nui ro hawk a, ka dara a rawn vawnna kut chu ka lo vawn hnan ve ringawt a.
"Hmingsang khi nu khian min that tur thu a sawi." Feli ding chhuak chuan ţap hlawp hlawp chungin Hmingsanga ding khawng run leh ka dara Rs-a kut awm rawn melh ngur tu chu a pan thla rawk rawk a. Kei erawh chawp chilh zet a dawt a sawi vang chuan ka sa leh phat tawh.
"Ka pasal boral ta chanchin te kha min deusawhnan a hmang bawk a." a ti leh țiau va! Vanvadak in ka nui chhuak hawk mai!

"Pasal i lo sun tawh tih ka hre reng reng hleinem, i lo sun tawh vang anih chiah kha i mipa mamawhna a san em em." Hmingsangzuala ngawi ngul chuan kut min thlak chak hmel hluah hluah in ka hria.

"Sir letpui rawh, Arinte nang pawh inbeng dai la." Rs-a chuan a rawn ti sup a, kan mi chapo a chu a hnuai a mi zawk in a tih leh tih loh tur a hrilh tak vang nge a rum nghut a, Feli pawh ngaihsak tawh lem lo chuan a inher zui vut a.
"Kan let ang, mahse Hmingsanga zungbun pek che kha phelh rawh."
"Feli!" Hmingsangzuala chuan a ti țhawt, Feli erawh in min rawn nuih sak thung, ka kutțang chu ka en zawk a, inhualna zungbun ang reng deuh va min bun tir kha a bo hun lai khan ka lo bun țha leh a, hei hi a duh anih phawt chuan nei rawh se, ka tan ani tawh bik hleinem!

Muangchang in kailawn ah chuan ka chhuk thla a, uluk zet a min lo en ngur tu mipa lam chu ka pan ding a, chhuak mai tawh tur kha Feli thusawi vang in a rawn inher leh vut anih kha! A bul ka thlen rual chuan a ban bul vuan chat in Feli a rawn ding ve hmiah a, Hmingsangzuala mit erawh ka kutțang ah chiah a fu thung.

"Phelh suh." a rawn ti sup, nui sak pah chuan lu ka thing a, ka kutțang ațang ka la chhuak a, Hmingsanga thawk rang ta sauh chu engahmah ka ngai tawh lo tih entir nan a kut pakhat chu ka la kang a, hun reitak hnu ah a pangtilum ka si leh ta erawh țum dang ang bawk in ka naute pai mek in a hre rang leh viau thung.
"In inneihna tur ah ka lawmpui a che." a mit ah tak en chung chuan ka nui lui sak a, a mit meng buai ru nuaih mai leh ruak hung lawi si chu rei en duh lo in zungbun chu a kutphah ah ka dah a, nghet zet in a hum nghal țawlh țawlh bawk.

"Rs-a nen kan inzui hian in hna ah a pawt buai lo tiraw?" ka ti a, ka chal ah thisen zam a rawn val kulh thleng in a insehruh ngawt ngawt mai.

"Ka mamawh reng sia, ka lo pawt buai ve sek zel si nen hna ah buaina a neih ka hlau deuh va."

"Engmah buaina a awm lo." a rawn ti hmuk, ka țhen sak thung.
In ațang an inzui chhuak chu ka en mawlh tawp! Ka tina ve thei emaw tiin Rs-a kha hmanrua ah ka hmang ve tawp a! Mahse amah ah nghawng ka neih ve tawh loh zia ka hriatchian phah ta thung!

Zan anih meuh chuan ka taksa chu a chau ngawih ngawih a, vawiin khan an inneih tur thu Feli'n a sawi tawh a, reilote hnu ah sawmna card an sem chhuak chuah chuah a nga, mitam tak in hmeichhe khawngaihthlak tia min sawi zui tur ka ngaithla ngam te anih ngawt loh chuan khawi ah emaw ka awm bo a țha ber ang!

Thil thleng vel u Mc-i ka hrilh vea, min thinrimpui lutuk chu engvang in nge kailawn ah a hnuk a ka hnuh thlak loh tih min zawt let a, ka nui hawk hawk bawk.

"Ka sawi miah lo a, keipawn i nu boral hlimchhawn lai vel khan Hmingsanga ka țawngkhum ve hlak a lawm." a rawn ti a, ka meng kawk mai!

"Engtin nge i tih a?"

"Naaa.. ka rilru a rawn lang ang ang khan ka țawngkhum tawp, i chung a a chetdan kha mi nunrawng ber pawn an ti duh lo tih te ka hrilh a, a tam mai, mahse a ngawi ngul a, a hnu deuh vah Feli kha sex a hmanpui lo tih a sawi."

"Maw?"

"Feli kha sex ka hmanpui lo a ti tawp, thil dang ka zawt leh a, mahse a țawng leh duh tawh bawk silo a, Doctor Zothana nen an inzui ngawrh tawp, tunlai chu hna a thawk vak pawn ka hrelo."

Sex an hmang lo maw? Ka awi miah lo anih chu!

"Țhian an nia, an inzui ve bawk ang chu."

"Nia, mahse Hmingsanga hi i lo chik em, a chang chuan maw amah zawk in a kalsan che tih hi a hrelo thut a ang țhin i ti ve em?" a rawn ti a, lu ka thing nghat ringawt.


● HMINGSANGZUALA's pov●

Zing ka harh rual chiah a lungphu ri dawt dawt hi a chang chuan ka hmel hriat ngai miah loh lungphu ri emaw ka tih fo chang a awm a! Mahse engtik lai pawn chutiang chuan ka awm bik lo.

Ka phone rawn nghawr dur dur chu khum ațang țhu chhuak in ka han ban a, Zothana hming a rawn lan rual chuan rang zet in ka chhang nghal zat bawk.

"Sawi rawh."

"Min rawn hmu rawh." a rawn ti sup.
"Sawi tlang ta mai la aw." ka ti nghut, ro zet in a rawn nui lui hawk bawk.
"I damdawi tur a rawn thleng." a rawn ti a, ka thaw deuh huai mai!
"Umm, nakin deuh vah ka rawn ka ang." ka ti leh sup a, phone ka tih tawp rual chuan ka khawhmuh a phe leh ruai tawh a! Zan ah ka mu nghet thei ta ngai miah lo bawk, bengchheng kar ah ka awm hlek lahin ka lu a na ngut ngut renga, Roger-a'n ka lu a vuakna khan ka thluak lam thleng in a lo nghawng pawi a! Tihian zawi zawiin ka hriatna an bo țhen tawh mai dawn a, ka thluak vung leh ka lu ruh a hliam hnuhma lian tham zet vang hian rei dam tawh lo tur ka ni bawk!

Tattoo min chhut sak tupa bawk kha ka be leh a, Zothana clinic ka kal hma in ka duh ang chu kan ti zo hman in ka ring.

"Eng lam maw chhut leh i duh a?" a rawn ti lut bawrh bawrh.
Ka ban puam a ka tattoo chhut duh ka sawi rual chuan a rawn nui chhuak hawk bawk.

" i chiang em?"

"Tehreng mai." Ka bu nghut a.
"Duh common lo ve." ka țhen lui sak a, khawvel ah ka awm ve chhung a ka hriatrengna rawp ral tial tial in an rawp ralpui ka phal ve ngailo te hming pahnih leh ka tan engchiah nge an nih tih chhut ka duh mauh va! Mak a ti hle ta ve ang.

*Ka Fapa Carlos.*

*Ka nupui Arinteii (Bawihi)*

" i ziah belh leh thei ang tiraw?" ka ti leh sup rual chuan min rawn en dawrh mai!

"Thei mai e."

" * an pahnih hian ka theinghilh ve an thiang lo.*"

"Chu chu ka ziak tel ang maw?"

"Umm, i zawh hun ah lehlam ah hian Kryptionite tih kan ziak leh dawn nia." Ka ti leh sup a, a hawi buai deuh nak chu hrawk chhung sa huam reng si chuan ka nuih luih suk thung! Nakin ah chuan an hming ka chhiar rual pawh in a hmel ka mitthla thiam tawh lo thuai a nga, ka hriat rengna ațang engkim an bo vek hun ah pawh Carlos leh Bawihi hming tal hi second tin pawn ka chhiar nawn tlauh tlauh mai ang chu!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 6:00 pm

☆UTOPIA:1996☆
Chapter 55
By
Abbra Reo Ririni Khiangte ( Pitartei)

A TAWP NOTE KHU MIN CHHIAR SAK HRAM ANG CHE!


ka u naute'n min hlat ta vek a, Bawihi ka phatsan emaw tiin u Ruatsangi phei chuan min ngaihtuah zui tawh lo hrim hrim, kha mi ni khan Feli nen sex kan hmang lo, Rs-a nen khan kan let a, secret service peng pakhat tho, kan khawih ang lo deuh khawih a, cover a tan doctor hna hmang mek kan pan a, test chihran hran kan neih hnu ah doctor in result a hmuh rual khan ka la dam hi mak a tih thu a sawi hial anih kha! Inzaina paltlang chi ka ni tawh lo va, ka lu ruh hi dik lo hlek a tih chet palh anih chuan chawp chilh tak in ka tawpna a thleng zui der thei, thirtiang â țum eng emaw zah hlap ka nih miau a vang in ka thluak lam thleng in effect a lo nei nasa hman a, aaa.. thi nghal mai lova ka la nung zel hi doctor te thiamna hmang chuan hrilhfiah vak ngaihna awm lo a lo ti tâwl a! Thukdik tak min hrilh tur a ka ngen hnu ah ka thluak vung vel hi khawih a harsat loh thu a sawi a, mahase ka lu ruh vang zawk in khawih ngam an awm a rin loh thu min hrilh tâwl bawk!

' Roger-a khan mihring sa huat a hre hneh em a nih hi! Hmun leh hmun ah i hnuk a chat nghal lo kha Pathian hnathawh ani ngei ang, țhenkhat in lu ruh khi ngawt pawh an thihpui laiin nang hi chuan i la dampui tlat.'

'Tlang takin engkim ka hre duh.'

' lu a hliam pui hi sawi zau nan vast array of injuries tiin kan sawi țhin, a khawih pawi thei te chu, lu vun inhik ( scalp), lu ruh leh thluak te, chuan thluak tuam tu hamda pan zet leh thluak a thisen insem dar te pawh a nghawng vek thei a, i case hi Basilar skull fracture tiin a sawi theih! A hlauhawm ber chi anih chu! I beng ațang leh i hnar ațang thisen a rawn chhuak țhin dawn a, thisen a rawn chhuah rual chuan i beng hnuai vel a rawn duk țhin ang, admitt che ila, inzai i hmachhawn thei kher lo anih pawn...!'
'Beisei tur a awm lo i tihna ani em?' ka ti nghut, screen a ka lu ruh an xray na rawn lang thluah chu a bih vung vung a.
'Dik tak in min chhang rawh.' ka ti leh hmuk bawk.
' i dam chhuak ngawt pawh hi thil mak ani tawh! I lu ruh kha khawih chet leh ngam ani tawh lo!'

'Chuan?'
A rawn thaw chhuak ham ham a, engmah hmu lo in dawhkan chu ka melh ve ngur bawk.
'I thluak a vung bawk, thluak vung ngawt pawh hi thihpui tham khawp ani.'
' engtia rei nge hun ka la neih?'
' Captain?'
Ka nui lui suk a! Ka nuih chu za lo tak ani tawp!
' inzaipui i hmawchhawn chuan i lu ruh kan khawih chet rual la la in i thawk a tawp hlen ang, i thluak vung hi enkawl zui theih ani bawk si lo a.. uggg a rei tawh lo!' ka hrawk chhung a ro húlh a, ka bu nghut nghut tih zawng ka hria!

'I hriatna pawh zawi zawiin a bo țhen tawh dawn a, bengchheng kar ah i awm apiang in i thluak a thisenzam kal lai kha a buai tawh miau vangin lu na nasa lutuk i nei țhin ang, i khawhmuh a fiah lo tial tial a nga, i balance ngei pawh i control zawh loh chang a awm ang, chuan.. awm nuamlo leh luak chhuak hlui chang a awm bawk ang.'

'Kum 2 emaw kum 3 tal ka la dam a ngem?' ka thusawi vang chuan a pen hum lai chu dawhkan ah a thleh tha rawk a!
'Kum 2 pawh ka dam zo tawh lo vang i tih a ani em?'
Eng emaw sawi tura a rawn án zûau rual chuan ka lo phun leh sup a!
"Thudik zawng ka hre duh."
"Thlaruk bak.. a rei ber ah thlaruk.'

Khawvel ah thlaruk chhung ka la awm dawn anih chu!
Za lo zet in ka țhen suk a! Thlaruk chhung teh tlawng maw?
' chhungkua din ka tum a sin!' ka hrawk chhung tawt phui mup bawk.
'Zai theih nila ka ti, mahse..' lu ka thin nghut rual chuan a tawp ve leh chut a! Ka thluak vung zai tur a ka luruh an khawih chet rual in ka thi nghal ang! Ka mi hmangaih te chetla vel thlir tur in thlaruk chhung hun ka la nei a lawm!

' damdawiin ah awm nghal la.' Ka din vut rual chuan a rawn ding zui ve zat a, lu ka thing nghut mai!

' I dinhmun ah kha chuan i chhungte hrilh hriat a, an mahni te nen engkim i paltlang a țul a nia, thawk zing mup mup i neih reng dawn a vang in nangmah enzui reng tur che an awm a țul khawp a nia.'

'Ka hria.' ka ti sup a, a cabin ațang ka pen chhuak chiah tih ah bang ka hnek nghal țawlh! Ka thinrim a! Ka mangang bawk! Thlaruk chhung lek in engtin nge ka chhungkua ka thlamuan hman ang! Ka rum chhuak hrawk a! Ka kawchhung lam rawn sa huam huam reng vang chuan ka thlan a rawn chhuak bawrh bawrh bawk!

Thlaruk chhung!

Bawihi kiang ah engkim ka sawi anih chuan hmeichhe rilru nghet tak ani a, min phatsan chhin miah lovang tih ka chiang lutuk! Mahse thlaruk chhung ka nupui ani a nga, ka kalsan hun ah chuan hmeithai ti a sawi ani tawh dawn! Ka kut hum tawm ngawt ngawt chuan bang chu ka han chum dawt dawt reng a, ka chal in bang ka si chet bawk! Kum 23 lek a la ni! Nuthlawi emaw hmeithai ti a sawi tur chuan a la naupang lutuk! Chung dinhmun a ding hmeichhia te miten an en dan leh an chhaih nawmnah țhin dan zawng zawng ka hre vek bawk! A hman nazawng in zahpah lo tak in an chhaih a nga, an duh ang ngawt a Bawihi a lo nem ve loh phei chuan ' nuthlawi te te' emaw ' hmeithai mai mai i nih kha!' tiin țawngkam nâ tak tak in an țawngkhum a nga! A țhen lahin mipa mamawh ngawih ngawih angin an ngaih tlat tawh mai dawn bak ah easy lutuk ang ah ngaiin an zuam zo tawh dawn!

Chungthil zawng zawng chu kei a kiang ah thlaruk chhung lek hun hmang tur vang lek in a tuar ka phal lo! A dam ve chhung a kut chelhsak thei lo tu; kei mihring vang hian thlaruk hnu ah miten an hmuh hniam ka rem ti teuh lo mai!

Ka let hunah inneih na tih tawp a! Reilote chhung a mualpho nge ka rem tih ang! Thlaruk chhung nupa nih a! Ka kal san hnu ah tlangval leh patling hman nazawng in an kam chhe tleuh nan an hman țhin anih ka rem tih dawn!

Ka lungphu rawn ri dawt dawt reng chuan ka taksa chu a rawn nghawr che dulh dulh reng a! Mit ka chhin rual a piang in inneihna tawp ka duh thu ka sawi ruala Bawihi na hmel tur! A hrilhhai hmel tur a rawn lang zut zut reng a! Chutiang bawk in ka awm tawh loh hnu ah tlangval hawklak zual leh patling mahni nupui te kham khawp bawk silo in a kawng kal lai an lo chhaih a! A taksa khawihsak zauh tal tum a it taksi leh pasal sun tawh anih vang ngawt a dah hniamna mit meng a an en lai te! God! Amah chhan tur a pasal a thi tawh tih an hriat rualin a zahawm zahve a chhe nghal dawn! Chu chu khawvel kal phung ani! Chhantu nei lo va awm a, mipa koham tak tak te'n an chhaihnawmnah ka rem ti ngai lo vang!

'Bawihi he thuthlukna ah hian pakhat zawk zawk ka thlan a ngai mauh si a! Min ngaidam rawh aw! i nat phal lo ber tu hian ka tina che anih loh chuan thla reilote hnu â i hun tawn tur hi i beisei ang aiin a rapthlak a nga, tinge min neih tiin zawhna i inzawh let hial chang a awm vawng vawng țhin ang, chuvang chuan min huat ngawih ngawih na tur in chet ka la mai ang! Min hua la, ka dam ve ani tih pawh ngaihven chak lo khawp in min hua la, hlimna dang um zawk ang che, ka dam leh ka thi in a tihbuai phak loh hun ah che ka lo thi tawp tawh zawk mai ang!'

'Sir.' Ka hnung ațang Rs-a aw arawn chhuah tak ah chuan thaw chhuak hawk pah chuan ka ding mar ta vut, ka kawchhung lam sa huam huam leh hnem tu mamawh tak si, ka mamawh ber pan ngam bawk silo va rilru insual nuaih nuaih reng chuan min pawt chau hluah hluah, Roger-a awmna chin kan zawn chhuah a la țul cheu bawk.

'Thu thar a awm tawh em?' ka ti nghut, ka inher ruai ruai bawk.
'I tukhum hi a thi leh tawh a nia.'
' ka țha, Roger-a chanchin in chhui zuina kim chang ka hre vek duh.' ka ti hluk, ani khan tenawm tak in ram phatsan lo nise chuan kut min thlak a tum chhin ngai lo vang, ka chung a a thil tih man leh chhungkua ka din hma hauh va ka Utopia a tihchhiat vang pawh in nungdam in a awm dawn lo ani tawp, loh theih loh in ka hmeichhe hmangaih ka tihnat a țul dawn bawk!


Ka thuthlukna hi a dik ber em tih ka ngaihtuah ngut ngut reng a, mahse kan mizo culture hian hmeichhia pasal thih san emaw nuthlawi pawh nise an dinhmun a dah hniam em em a, Mizo te chu hmeichhe dahsang hnam kan ni a lawm ti ti mahse patling pui tawh si te hian hmeichhe kawppui nei tawh lo dawr a kal te hi luh hnan ve in an taksa khawi emaw lai tak tawh fuh țalh te an han tum a, hmeichhia in a lo vin let ve lah in ' mai mai, nang ve kha... ' tiin zahpah lo tak in an han țawngkhum leh țhin a, khawpui ah ani emaw thingtlang lam ah emaw pawh nise, nuthlawi leh hmeithai te kan en dan hi a hniam lutuk, an duh ang a an pawh kawi theih loh vang a deuh sawh tak tak a țawng khum ching mipa lah bang lo! Chung thil zawng zawng chu kum la naupang em em Bawihi'n a tuar ve ka rem ti ngai dawn lo! Kan inneih tak loh vang in sawizui chu a hlawh ngei ang, mahse a zahawmna chhete mahin a hlauh dawn lo! Ka nei lui a, reilote hnu ah ka kalsan anih chuan zahawmna chanve hlauh țhen chung in a dam chhung zawng a hman a ngai tawh dawn! Tun țum zet chu mizo culture ka huat ber țum ani hial ta ve ang!



Thinlung kehchhe vek chung a Gate ațang a tlan chhuak chu Carlos-a man bet chung in ka en zui tak țawk țawk a! A liam a, tun ah ngei hian ka tawpna thleng ve zawk se ka ti rum rum bawk! Rei dam tawh tur ka nilo tih ka hriat rual khan amah kha ka thlahlel ber, a kut tetakte leh nem thep a min tawk a! Chak tak a awm tur a min fuih tur a ka mamawh ber hmeichhia anih kha! Mahse a nat tam hma in mamawh lo ang mai a ka kal tir a țul thung! Carlos-a țap râwng râwng chuan a hming a lam tûng a! Ka thinglung pawn thihna nen a indo chung in Bawihi hming a lam mawlh mawlh tho, nghet leh zualin Carlos-a chu ka kuah bet ta ngawt ngawt! Thawk ka la hawk a, Bawihi nui hmel, ka ban pahnin inkar ah bei reng chung a a țawng siam siam lai, a thinrim lai leh min thlakhlehna mit meng te, a tawp a tawp ah min hmangaih thu a sawi ve tak hlawl țum kha a rawn lang leh a! Thawk zing lutuk in Carlos-a kuah bet reng chung chuan mumal neilo zet in ka au chhuak țhawt a! Ka bing mup mup a niber e!

' a tawp tawh!' Thinlung kehsawm vek chung a a phun ri kha ka beng ah a ri nawn tluk tluk a! Ka kawchhung a tawt vek bawk! Thawk hreawm khawp in ka awm ah hian boruak hlawm in a a rawn hnawhphui tlat a!
'Daddy chu Mamma te nen kan stay together tawh dawn i tih kha.' Carlos-a'n a rawn tih rual chuan ka rum hrawih ringawt!
'A theih loh a lawm.'
'Daddy.' chhuak zet in a ţap zawm hlawp hlawp reng a, ka thisen a lum a, ka mangang lutuk bawk!

"Kryptionite i ti em ni kha?" Mit ka men hlawl rual chuan engkim a bo duak a! Ka tho kang nghal uaih bawk.
"Pu Hming?" Hrilhai hmel zet a min rawn en tu vang chuan chal ka chur tup mai.
"Kryptionite em ni kan ziah leh dawn." a rawn ti leh ang he haw a, ka ban thip sep sep reng ka en vut tak ah chuan ka thaw ta huai a.

Tattoo kan chhu mek tak e!

"Umm, helam zawk ah hian aw." Ka ti nghut, couch ah chuan ka mu thla leh dawt a! Ka harh hlawl rual hian engkim hi a blank pup a! Ka sawifiah thiam dan ber chuan pindan chhung zau zet leh ruak huai fai hun bawk si leh ka harh fuh loh rual a ka awmdan chu a inang ber tiila ka sawi sual miah lo vang.

Ka banpuam ding lam hriau zum in a rawn chhun leh sep sep tak ah chuan ka ban lehlam chu ka thlek vung vung a, kha mi ni khan khawvel dan a kan inneihna chu tawp mahse ka hmeichhe hmangaih! Pialral ka kal hun ah pawh ka nupui ti a hriatreng ka duh miau a vang in ka nupui ti a chhut tir ka ni! Pialral ah! Tah chuan ka fapa nen hian ka lo nghak a nga, an rawn thlen ve rual in an kut ve ve chelh chung in pialral kawngkhar ka lut ve bawk ang!


Duhtawk a min khawih sak meuh chuan chawhma lam a lo ral der tawh a, ka damdawi tur Zothana min chahsak pawh lam tur a ka kal a hun viau tawh.

Inchung lam ah chho vin ka inthlak sawk sawk a, Hunter-a hliam pawh a hil chak viau nangin ké a bai ta thung a, Roger-a te khan nikhaw hrelo va ka awm hnu khan Bawihi pawh ko chhuah an lo tum ngei a, kha mi zan khan Bawihi an khawih ka rem tih loh lutuk vang leh chethei miah silova k awm vang em maw ni! Bawihi kha an ko chhuak thei miah lo, kha mi zan khan chhuak ta ngatse! Ka rum hawk a, thil ka ngaihtuah deuh ngut ngut chuan ka thawk a zing a, thlan in min bual nghal bawrh bawrh țhin.

Garage lam panin inhnuai ah ka lut fel chiah, ka phone rawn ri chu rang zet in ka chhang a.
" sawi rawh." Ka ti nghut , bolero lock pawh chahbi ațang ka hawng fel der bawk.

"Thu thar a rawn chhuak a, nithum hnuah police officer ang in i station thawhna ah hna ka rawn zawm dawn." Rs-a aw zawi sup vang chuan thawk ka la zui ham ham a, ka natna leh hriatna chiang ta lo zawng zawng hmunpui ah detail tak a report pek vek ani a, hriatna bo mai tawh tur ka nih vang in min chawlh tir tur a thupek a rawn chhuak tawh a, mahse Roger-a ka man hma chu retired tumna ka nei lo, Rs-a pawh ka ai awh tur a tan ruat ani tawh tih ka hria, mahse inhnuk dawh (k) tumna ka nei rih loh.

"A țha a lawm." ka ti nghut, bolero chhung ah ka țhu lut dawt a! Theih tawp ka chhuahna ngei pawh nise ka hriatna a chian loh tak ah chuan khang theih tawp ka chhuah țhinna lam kha ngaipawimawh ani tawh lo va, min veng thawng hauh lovin awlsam takin min thlak tur an thlang fel diam tawh bawk. Ka ngaihtuahna vang chuan za lo zet in ka țhen zui suk a, tuman hriatna chiang nial tawh lo chu an lo mamawh der lo tih ka hriat belh awn awn reng mai anih hi!

" i retired chungchang kha engtin nge ni dawn?"

"Roger-a ka man hma chu service emaw Police lam pawh ka chhuah san dawn lo, chu thil chu ka sawi chiang tawk viau tawh e!" ka ti hluk.

Kan inbiakna a zawh rual chuan motor hma lam ah phone chu ka thehkai vut a! Mahni duh thu reng nilo va, hna aţang inchawlh tir tum ngawt lah ka lawm zawng ani hauh lo, ka duh ka tihpuitlin hma chu service lam ani emaw, Police lam pawn min dodal mahse ka kal ngaiin ka kal reng tho vang!

Chak zet in garage aţang ka tlan chhuak nghal zawk! Ka zan mu ka harh chhuah zawh tawh loh hun ah ka ruang tuin nge rawn hmu hmasa ber ang? tih hi vawi tam ka ngaihtuah tawh țhin a, thihna nen insual chungin zan hun hi ka hmang liam ve nawk nawk reng a, heng ram tan a ka thil țha tih ve te hi hriatreng a hlawh zui ang nge ka lungphu a tawp rual in theinghilh ani zui ve ang tih te! Mahse; dam chhuak tura beih hi harsa viau mahse Bawihi'n ka thi tih a hriat ve ruala, amah ah nghawng buai awm miah lo khawp a min huat hma chu khawvel chhuah san ka tum lo bur!

Clinic ka luh rual chuan min lawm lo tih hriat fê in Mc-i chuan min lo melh zui khai khai a, ka hawi sawn nghal vut bawk! kan inkar ațhat loh hlek ruala ka talbuai phana hmeichhia ka thlauhthla hneh lutuk hi min lawm ta hauh lo bawk, Bawihi nu boral hlim chhawn deuh lai khan a țhiannu thlavang hauh zet in a rilru a awm zawng zawng chu min sawi khum tawh a! Inneih ni tur a kan ruat lawk a lo thlen a, mo thuam inbel vek a Bawihi'n biakin lam a pan țum a hmuh tur ka awm ta silo kha Bawihi tan a zahthlak zia leh ka chetdan kha a nunrawn thlak zia min hrilh nghek anih kha! Roger-a leh a țhiante kut ka tuar tih erawh Rs-a nen chiah kan hria, Zothana thung chuan ka taksa danglam nasa lutuk leh nâ ka neih chang a ka beng leh hnar aţang thisen rawn chhuak țhin aţang ka natna dik tak a hre tawh a! Bawihi hriattir nghal țha a tih rual in ka result engkim a hmuh a, a zir chian ve tak vek hnu ah chuan lungdam lo zet a ka duhdan a min kal tlang tir rem a ti a! No, rem a ti ngailo, mahse ka ngen vang zawk in ka nat dan engkim min zep pui rih a, ram changkang zawk a doctor te min biak kual sak in ka dam leh theihna tur in a vir buai em em reng a, a chhana dawn erawh a ngai! ' ka thluak zai tur a ka luruh khawih chet anih rual in ka tawpna a thleng thei, chuvang chuan zai tur a khawih loh ka tan a him ber!'

"La rawh." a lo ti hmuk, cabin kawngkhar chu ka nem phui a, ka damdawi tur dawhkan ah a lo dah ur chu a thlek nghut bawk.

" rin aiin a rawn thleng hma." A lawm vak lo chu ka hrelo der ve hmiah bawk.

" ei țha la, mum khat lek pawh kha i ei theinghilh thiang lo, chuvang tak chuan note emaw ah ziak la, or i phone ah khan Alarm set in i ei hun darkar chhinchiah fel ang che."

"Tehreng mai!" nui suk pah chuan damdawi chu ka ban a, tûr zet in min melh khui ringawt.

"Mc-i sawi dan chuan karthar ah hian Arinteii'n Mizoram a chhuah san ang."

"Good." Ka ti hluk.
"I dang lo ang maw?" ngeiawm zet hian a nui suk a, Pu Siamthanga te in aţang ka let tlai khan Zothana nen pawh kan inhnial hrep, Feli kha ka thlang zawk emaw an ti miau va, kha erawh Bawihi video tur ah ka sawifiah tawh a, sawifiah nawn țul ka ti tawh lo bawk, khami țum khan Feli nen sex kan hmang lo, an chhungkua kha dam khawchuak a ka awmna chhan anih vang in in ka lei sak bawk, tun ah chuan dawr siam in Pu Siamthanga te nupa in an enkawl a, kha mi ni bak kha ka kut hmawr pawn Feli ka khawih leh tawh lo, ka hriatna bo duak laiin ka hnar lo miau va, Feli erawh in min hlat a tum lo bur, an rawn lawr sek a, ka kalna a piang ah min zui ru emaw tih turin a rawn lang hlawl hlawl reng a, mahse ka thluak a buai nuaih țum pawn Bawihi phatsan zawng in ka che ngailo.

"Hlim a phu ka tih kha." Ka ti sup, Zothana thaw ham ham chu ka nuih lui suk bawk, mahse thil pakhat erawh ka chiang viau thung, a hriat ve loh lai a, a chetla vel thlir tur ka nei tawh lo anih chuan ka talbuai viau ta ve ang.
" i natna hi mahni ngawt a hmachhawn chi anilo ka tih tawh kha, Ruatsangi emaw tal ka hriattir dawn."

"A țul rih lo!" ka ti hmuk, rum nghut pah chuan chair aţang a tho chhuak zui nawlh a.

" I kiang hnai ah awm an awm reng anih loh chuan i tlu hlum ngawt thei tih i hria em?" a rawn ti chang bal! Ka ner sawk thung, tukverh lam pan in a kal zui vut a.

"I rin aiin i taksa ah nghawng țha lo a la nei dawn chauh, i tihrawl zawng zawng te kha thunun theih miah lo khawp a rawn nat chang a awm dawn, i room hman pawh sawn ang che, kailawn ah chhuk a chho reng chi i ni tawh lo, i vawi khat balance hlauh rual in i lu bawk sawh khan i tlu thei, chutih hun ah chuan i beisei aiin nangmah hmangaih tu te rilru hi i tina dawn nia, an enkawl theih lai che hian inenkawl tir mai rawh."

"Sawi tawh lovang kan tih kha!" ka ti nghut, mipa pawh nimah ila second tin mai a thihna nen insual hi thil nuam tak anilo, thlaphang tak a ka awm hial chang a awm ta fo, mahse ka chhungte'n engkim an hreve anih chuan loh theih lohin Bawihi'n a hriat a țul a nga.. ka thaw chhuak ta hulh bawk! A hre tur anilo, nunbul țan țha turin reilote hnu ah ke a pen tawh dawn a, min huat na a nasat em a vang in kar lovah ka dam leh thi emaw a ngaihven zui lo vat bawk ang, chu hun chu nghak ngawt ngawt ka ni reng a, ka remruatna hmasa ber ang a kal kha ka thlang zawk fán tho.

__________________________________________________________

Harsatna nei miah lo leh na neih hlek lovin Station ah ka nileng ve ta zak a, naktuk lawk ah officer thar kan neih belh dawn vang in Station lam pawh an inbuatsaih nasa hle a, Rs-a pawh hna thiam tak a ni a, kei hetiang ni ta lo ila chuan cover ah Police officer kher hman ațul ngai lo vang. Roger-a min man pui hma leh kei in hna ka chawlhsan hun a thleng zui thuai bawk ang.

Ka cabin kawngkhar a rawn ti dat rual chuan ka hawi chhuak thuai a, Hmanhmawh zet in Rema a rawn lut nghal hlawl bawk.

"Sir, thil thleng mek hi a rapthlak khawp mai!" A phone chu ka dawhkan ah ah a rawn dah a, ka ban vut rual chuan cabin pawn lam a police dang ho pawh an ti huk nghe nghe!

"Hei engtik a mi nge?" ka ding ve ta vut, taxi driver tih hriat zet, rawng tak a a taksa hmalam zai hawn sak leh a lung awmna zawn ruak hung bawk si thlalak chu hmuh nuam tak ani hauh lo!

"Tun mai a thleng anih hmel."

"Chhuak nghal turin insiam rawh u." ka ti nghut, keipawh ka mamawh ho ka pai vek em tih ka indap nghal thuak bawk.
Mizoram chhung ah a thlen vawi khatna ani hial ta ve ang! Taxi driver seat nghenchhan ngheng in ruang chu a țhu fel thlap, mahse a taksa hma lam in zai hawng huau aţang a ril leh kawchhung a thil awm tamtak a rawn chhuak pur a! A sen huam tiila a dik ber ang, a lung a awm lo tih chiang tak in thlalak aţang khan ka hmu thiam nghal a, a taksa peng dang kim lo a awm em tih hriat a țul zui bawk ang.

Driver in motor a khal a, zan lam dar riat a ri vel chiah bawk, veng chhung ualau lutuk ah leh nghal he tualthahna mak sak zet hi a thleng bawk, zarkawt kawnghnuai zawk an tlan thui deuh tih ah mipui lo bawr tuau tuau kan thleng chawp chilh der a, mipui kar ah ka awm hian rang tak in ka thawk a zing in ka talbuai thuai țhin, chutiang thil a thlen hma chuan ka tih tur ka zawh fel hman hram beisei phawt teh ang!

Mask ka vuah a, kut kawr bun mawlh mawlh chung chuan ka chhuak zui vut a, mipui phun mur mur thawm ka thluak chhung verh nghal zar tu chu haider luih tum in ka insehruh nghal țawlh țawlh bawk.

"Lo kiang teh u." Rema chuan a ti thawr, buaina siam loin mipui lo pungkhawm chu an tawlh kiang mai a, taxi kawngkhar lo inhawng huau tawh sa aţang chuan thisen tharlam zet a rawn dir chhuak thluk tluk reng a, veng chhung YMA in light engkung mai an rawn fit chawpchilh nghal der bawk.

"Tunge ruang hi hmu hamsa ber." ka ti nghut, ruang chu chunglam melh in a meng pual rûn a, a hrawk ah hruai hrual a reh hlumna hnuhma a awm bawk, thisen chhuak a tam tham em a vang in kawngpui ah a luang duk zûn a, a thang huam huam bawk.

"Keimah ni." Mipui kar ațang hmeichhe pahnih hmai dang var vek an rawn chhuak hlawh bawk.

" station ah min zui ru aw, Rema Ambulance ko ula, tih tur chu inhriat kha." Ka ti zui hluk bawk, a dul zawn thleng zai thlak duai ani a, a kawchhung kan zuk zen ngawt te anih loh chuan a kal a an la chhuak tel em tih ka hre ngawt thei biklo.

Ka nau te'n tihtur țul ang ang an buaipui mawlh mawlh a, ambulance rawn thleng hnu ah pawh ruang taksa aţang thisen chhuak a tam em a vang in hlan sawn ngawt a harsa a, puan hlaipui inzar hliah in a kawchhung ațang ril leh pumpui rawn chhuak vel chu a remchan ang ang a a taksa chhung ah hnawh luh leh ani a, a kal erawh lak chhuah ani ve lo tih male nurse sawi aţang a chiang ta chauh!

Pawikhawihna hmun a duty tur leh ambulance zui tur kan ințhenhrang zung zung a, ka ho in ruang hmu hmasa tu te pahnih kha station ah kan let dawn a, ruang an phur chhuah tawh miau a vang in mipui pungkhawm tam zet pawh an rem ta deuh.
"Kal ang ule." Police bolero lam pan in ka pen zui vut a, Police pakhat in kan hnung a rawn dawl bawk, hmeichhe pahnih te chu an țawng lo hrim hrim, a khat tawk in an hui leh hap țhin a, Roger-a leh a țhiante thil tih ani tih ka chian tluk zet in kan inhmachhawn leh thuai dawn tih ka hre zawm zat bawk! Kan inhmachhawn leh anih chuan.. pakhat zawk chiah dam chhuah a thiang tawh bawk ang.

" in ruang hmuh dan sawi chiang u la." Chair ah ka țhu a, dawhkan ah chuan voice recorder ka dah tel bawk, police pakhat in an thusawi a piang ziah inpeih at in min dinchilh ve tho.

"Ih.. kan tlai bazar zo kha kan hostel lam pan in let nghal kan tum a, bus kan lak chuan zan ani tawh a, hostel leh bus stand inkar a thui tham a vang in taxi lak kan tum a, taxi rawn tlan kan phar lah kha an ding duh bawk silo a, chuan kha lai hmun kan thlen khan taxi chu a lo ding reng tawh, ka țhiannu nen hian fuh ti rilru tak chung in kan pan a, a lo dinna kha a thim deuh vang in a chhung ah khan driver a awm em tih pawh kan hre chuang lo, chuan hnung lam aţang driver side darthlalang kha ka kik ri a, pangngai tak in kawngkhar hnung lam kan pawt hawng ve ve bawk, kan țhu lut fel chiah tih ah a thang huam a, ka țhiannu zawk hian driver chu a hmu hmasa in a rawn țê chhuak țhâwt a! Ih.. thil thlen dan dang ka hre muamal lo, rang lutuk a kawngkhar kan nem hawng leh mihring vei vak kan hlau au thawm vang a an rawn tlan khawm kha ka hre ruai ruai! Ih.. a rapawm lutuk a, a taksa kha...!" sawi zo lovin lu a thing nawk nawk a.

"Taxi chhung in luh hma chuan taxi ațang mihring rawn chhuak in hmu em?"

"Chutiang engmah hmuh kan neilo, kan taxi phar hlawhchham in taxi ding reng kha a hnung lam aţang kan pan tawp a.. ih chulo ah khalai hmun ah khan veivak an tam hrim hrim a." uluk tak in hmeichhe țawng lai chu ka melh ngur a, ka taksa rawn chauh chuah chuah chuan ka mut a ti chhuak lek lek bawk.

"Ruang in hmuh hnu ah mipui rawn pungkhawm zing ah khan tlem a rinhleh tur ang deuh hmuh in nei em?"

"Chutiang chu engmah ka lo ngaihtuah lo, kei phei chu a sir deuh ah khan ka luak bawrh bawrh a.. Annie hian min rawn buaipui a." driver a thi tih hre hmasa tu zawk chuan a rawn ti ve sep sep a, an hmel landan chiai zet en chuan an lainatawm let hial zawk mai.

"Umm, ka nau te'n in hostel warden an call sak tawh che u a, a rawn hruai dawn che u a, rilru hahdam takin awm tum bawk ula, mamawhna che u kan neih chuan kan rawn be leh ang che u."

Țî dak in thu ka zawhfiahna hmun aţang chuan an kal chhuak a, hmeichhe tan phei chuan khatiang thil kha a țihbai awm zual ngawt ta ve ang!

*Roger-a ka hmu* Rs-a message chu a tawi tek tawk viau!

*a birukna hriat chhuah tum rawh.*

*yes sir*
Ka mgaihtuahna rawn ngawng chhuih tur chu duh loin kawt zawl ah ka chhuak zui vut a, zan dar 10 a hnai kuar tawh, Rema te rawn let tal nghah chhuah ka duh ve tum hrang bawk si a, dawr pawh zan dang ang bawk in a lun laih laih reng a, coffee ka lam a, reilote hnu ah tak țha zet in min rawn siam sak a. Coffee tak țha ngeihngawih ka lem nual tak ah chuan ka harhvang chhunzawm ve ta mai bawk.

Tunah Roger-a a rawn in lan leh tawh anih chuan kar lovah kan inhmachhawn thuai tawh ang, ka phone an lak tak ah khan thil pawimawh zual engmah ka dah lo hlauh bawk a, service lam ațang a thu chhuak hi mail vel ah kan dawng mai mai ngailo, hnathawk turin inbiak nan phone pawh kan hmang țawk! Ka phone khan engmah hamsawnna tur a pe dawn lo bawk a, a hmang țangkai lo khawp in ka ring.

Ka phone a rawn ri chur chur a thawk la suai suai pah chuan ka kekawr ipte ka dap ruk ruk bawk! Ka damdawi ei a hun tih hriatnawn nan ka Alaram set a lo ni a, phun hluk chung in ka ding chhuak ta vut, counter lam ka pan a, tui bottle pakhat la tel in ka coffee in man ka pe a. Ka mamgnghilh hman hlau in 'damdawi ei ka ngai' tih chu rilru in ka sawi zui mual mual bawk.

Bolero hmalam ka pawt hawng pawp a, ka thluak chakna tur leh nachhawkna, thluak chhung a thisen zam kal darh țhat tir tur vel damdawi ani nuaih, ka ei zui mawlh mawlh a, station chhung ah lut leh ta mai lo chuan mual lehlam lawk a Aizawl khawpui lang pe tuar chu ka thlir zui ta vung vung a! Khawharna min rawn tuam tu leh mal ngawih ngawihna min rawn chim riai riai tu chu ka dinhmun min hriatthiam pui tu ka neih awm chhun anih miau a vang in hnar kian tumna ka nei lo!

Ka hriat theih ve chin a ta ka hun hman dan ka ngaihtuah let a! Ka tawpna tur hetiang teh thlawt ani hi vui lek lek chang ka nei fô, nge ni a, keihi khawvel ah reitak cham a, chhungkaw nghet din ve lo tur a ruat lawk ka ni hial zawk tih ka ngaihtuah a, chhungkaw pangngai tak din ka tum hmasak ber țum khan phatsan ka ni tawh! Tun ah pawh ka nunna zawk in min phatsan hmasak dawn miau a vang in engkim tih tawp a, Bawihi hmakhua ka ngaihtuah sak a țul a, mahni hmasial zet in engmah ka thlen tir ngawt thiang lo, mahse hei erawh ka hrechiang, amah kha ka hmangaih reng ang!


Rema te pawh hospital lam ațang an rawn let a, thuthar vak an rawn hawn lo, ruang pawh a chhungte hriat nghal ani a, sarang a pack anih hnu ah an in lam ah phurh haw a ni a, a thih dan rapthlak zet vang in mipui an chiaia a, social media a chak si a, ruang thlalak mahni awmna group ah thawn darh tawp tawp hnam kan nih miau a vang in darkar reilote chhung in zarkawt a taxi driver thihna chuan Zorampun a deng chhuak a! Mizoram mipui chu tualthat tu hriat chakin an phu mur mur ani ber!

Hetiang thil thleng rapthlak tak tak hi vai ram ah khan ka lo chingfel nual tawh a! Tihian tual ka thah chhan kha a fiah viau tawh in ka ring! Heng mi pam ham lutuk te vang hian pawisawi lo nunna in a tuar nasa a, zin veivak in an tuar chang a awm bawk, mihring taksa peng hmang a sumdawn hi ruihhlo leh rangkachak hmang te a sumdawn aiin a hlawk zawk fé a vang in luhchilh an tam a, ram chhung mipui in an tuar belh zel ai chuan pawi khawih tu dik tak kan lo thah mai khan mipui kan venhim let na ani a, tual ka thah rual hian rilru nawm lohna in min kam ve țhum țhin tho! Mahse ram mipui tan a ti ka ni miau a vang in mahni indem na erawh a tir ang khan ka nei tawh ngailo.

Zanlai pelh ah in lam panin ka inkhalh haw a, kawng lak ah Rs-a'n min lo chan a vang in ka pick up nghal bawk, a rawn țhu lut fel chiah a, a hmel dur deuh khup ah chuan a duh ang tawk a zawng hmuzo lo anih hmel.
"Khawi ah nge i hmuh a?" ka ti nghut, veng chhung kan tlan lut țan der bawk.

"Bazarpui ah."
"Chuan?"
" mipui kar ah a bi bo hman, chuan bag a ak, a hnu lawk ah mipui sawi ațang taxi driver rawng tak a thah ani tih ka hre leh a." ka bu nghut a, thil sual titu chu a tlan chhe țhin, zanin intawng lo mahila kan Mizoram chhung zimte ah hian a biru rei tawp lo vang.
"Tun a thil thleng hi chu Police department ang a kan chinfel a fuh ber ang." Ka ti leh nghut, lu a bu nghut a.
" mahse Roger-a that tur a thu pek kan ni."

"Keimah ngeiin ka that ang." Ka ti nghut a, kawt zawl ah motor ka din tir rual chuan Rs-a chu chhuak ta mai lo chuan a țhu ngawi ngul a, Bawihi nen an inzui tam tih ka hria a, engtin nge an lo inhnaih hman ka hre hek lo! Ka thik viau tih erawh ka thup hram hram țhin.

" Roger-a case kan chinfel hnu ah eng nge i tih ang?"
" eng nge ka tih chuan ang?" ngeiawm zet hian ka nui chhuak huk a!
"Tuman rilru buai thawhpui an chak lo ani lawm ni?" Ka ti leh nek bawk.

" kei chuan i bul a hnathawh hi nuam ka ti ber." ka ner sawk ringawt. Engine ka ti thi duk tawh a, zanin a awm dan aţang hian ka thil hriat hreh ber ka hriat a țul dawn bawk in a lang.
" Arintei hi ka ngaina tawh."
"I thu a lawm." ka ti let nek, a țhen suk chu kut thlak zui chawrh lo tur in ka inthunun țang țang mai!
"A tir kha chuan chhanna țha i pek loh vang a, a hrilhhai lutuk kha ka lainat a, hnem thei tu ka nilo tih inhrereng chung in ka hnaih țhin bawk, chhanna țha i pek loh vang a khawngaih ka nihna kha a tawpna ni mai se chuan ka ngainat bik ka ring lo, mahse a mizia ka hre chiang telh telh a, hmeichhe dang ang lo tak in a kawlh hle bawk." Insehruh țeuh vin seat nghenchhan ka ngheng dawt a, amah a danglam bikna awm ka hmuh zawng zawng kha Rs-a hian a hmuthiam ve ta ah ka ngai!

"Mahse hmeichhe kawlh tak chhung a hmeichhe nununem inphum ru ka hmuh sak tak ah chuan ka pawm emaw pawm lo emaw ka ngaina hman tawh, nunbul țan thar turin i kal tir tawh tho va, ka... ka enkawl zui thei a ngem?"

"Ramsang!" ka aw a khur! Ka thin chhung so bulh bulh chu thunun theih ka mamawh zual hle bawk! Hmaichhan ah ngei ka hmeichhe hmangaih a lo ngaina ve tih thu a sawi rual khan a hma ang kha chu nise zawng! A thal nghal tawp ang! Ka tun dinhmun ah erawh thikna leh thinrimna lan chhuah tir ngam tur ka ni tawh lo!

" natna i pe anih chuan ka that nghal ang che." ka ti hrawk! A bu nghut a, motor ațang ka chhuak nghal vut bawk! Pawn boruak vawt vur ah ka awm tak ah chuan thikna leh tihtheih neih bawk silo vang a ka taksa sahal huam huam chu tih tawp ka han tum a, ka thei bau lo!
' hahdam tum rawh, i kal tir rual khan hetiang hi a thleng dawn tih pawh i ngaihtuah lawk vek tawh kha! Nun bul ațang țha a nga, nangmah vang a a na zawng zawng bo vek khawp a hmangaih a, enkawl tu a neih i duh ber ani lawm ni, a tun hma nun i hriatchian ngei mipa in enkawl zui a duh anih chuan hahdam tak in thlir tawp rawh! Kryptionite tan a mipa țha ber zawk pawh a lo ni thei a sin.'


Shower hnuai ah ka ding chawrh chawrh a! Ka thluak in min tur ngut ngutna chuan Rs-a thusawi vang a ka rilru kalbing ngut ngut reng chu a hliah khuh zo der lo! He thluak natna vang teh hrep a, ka hmeichhe hmangaih mipa dang kiang hnai ah a awm phal ngailo khan mipa dang hnen ah natna pe lo tur a ka hrilh a ngaih phah ta hial ani a! Lo piang chhuak lo tawp ila ni zawk tur!

" i țha em? Kan inbe khat riau va." phone ațang u Ţpa a rawn țawng lawng lawng ka ngaithla a, thla khat țha mah hnu ah ka unaute ațang call ka dawn hmasak ber na ani bawk.

"Ka țha, Carlos-a a țha em?" ka ti nghut, ka nu leh pa chuan min rawn be awl lo, ka ute pahnih erawh ka chet dan vang in an la lawm lo reng.
"A tlangval tawh lutuk, Champhai lam ah rawn chho i tum hnai em?" a rawn ti leh lawng lawng a, ka fapa tan pa țha ka ni ngailo, tun ah lehlek phei chuan 'a fapa hnen a thutiam pawh hlen chhuak zo lo khawp a pa nep leh laktlak lo ka ni tawh!'

"Rawn chho lo vang."

"Arintei thlah turin ka rawn chhuk thla dawn a." a rawn ti leh a, rang zet in Zothana'n karthar ah Mizoram a chhuah san dawn a tih kha ka ngaihtuah let nghal zawk bawk!
"A țha a lawm." Ka ti nghut, phone chu ka ti tawp zui nghal hmiah bawk. Rs-a khan engtin nge an inkar a kaltlang pui zel dawn tih lah ka lo ngaihtuah ve tur pakhatmah a awm tawh lo.
Uniform ka inbel mawlh mawlh a, ka ban a tattoo la tharlam zet khuh bo turin police uniform kawrlum ka hak thuah leh bawk, pawn lam ah ruah a tla cher cher a, Rs-a'n hna a rawn zawm țan tawh dawn a, thikna vang in atthlak tak a ka chet loh hram beisei phawt bawk teh ang!

Ka khawhmuh a buai deuh hlek vang in motor min khalhsak turin Dina ka call ta ngawt a, hetiang vision buai tih ang reng leh lu hai vel pawh a tir te aţang doctor in ka neih tur chiang sa a tih miau vang in buai phah nan ka hmang hran lo, Dina rawn kal nghah pah chuan u Ruatsangi ka call ta tawp a, ka nu leh pa kiang ah Carlos-a a awm tawh lo va, u Ruatsangi'n a la phei a, țum dang ah ka biak a phal ngai miau lo, tun țum hi eng nge maw a an dawn ni?

Call vawi khatna chu a ring zawh tir țhak a, ka call nawn leh tho.

" u." Ka ti sup; ka call vawi hnihna a la a, mahse a rawn țawng lo.
"U, Ka fapa kha biak ka duh a nia."
"Fapa i nei em ni?" a rawn ti ram hmarh, ka thaw hawlh bawk.
" rawn biak tum duh suh, Carlos-a pawn a ngailo hrim hrim che, a nu a ngai a, an awm tlan i rem tilo a ni lawm ni, tikhan kan mualpho vek na hmeichhia kha buaipui la, i inawm tawk chiah." a rawn ti hmawk hmawk a.
" Țha takin ka enkawl tih chiang la, rawn ngaihven duh suh, Feli leh a chhungkua kha enkawl zui i mamawh ani lawm ni? Hetiang a rawn biak i tum sek dawn chuan i enkawl tur in Aizawl lam ah khan ka rawn dah thla tak tak mai ang."

"U." Beidawng zet in ka rum chhuak nghut.
A țha vek, engkim thleng mek hi a țha vek e, tupawh mai hian min haw em em se ka tan engkim a awlsam a nga a țha ting zawk!

" i fa ang chiah in i enkawl dawn tih ka hria alawm." ka ti ta sup, a rawn rum hi hak bawk.

"Ka hmangaih tih lo hrilh ang che."

"I hmeiche khawi thar chiah kha ngaihven rawh." Keimah zawk in phone ka off zui hmak a! A thil sawi tam zawk kha ngaihtuah let ka mamawh lo!

Zothana clinic kawt ah kan tlan luh rual chuan darthlalang chhan a ka thil va hmuh vang chuan parking ah inhung lut ta mai lo chuan kawtzawl ah chuan ding tur in ka hrilh a , Counter chhung a Mc-i țhu nen eng emaw sawiin an țawng dun a, a khat tawk a Bawihi nui leh hak țhin ka hmuh tak ah chuan ka lo nuih pui ve suk a, a sam chu a hnawr lam ti kawiin a thlah hnalh a, kawrfual rawng hmuh nuam zet a hak chuan a taksa te ve tak chu a phuar lek lek, a ngal zawn ah a kak a, counter bawh a ding a nih vang in a landan chu hmuhnawm tak ani tawp!

Hma lam a a sam hnawk zual chu a chhip lam ah a hui chho va, a sam hnawr kawi chu a che hnal hnal reng bawk, Mc-i chu melh ngar chung in a nui chhuak leh hak hak țhin a, ka duat theih a la ni emaw tiin rang zet in bolero aţang chuan ka chhuak vut a, ka bul lawk ah car a rawn din fel dawt rual chuan ka kut hnawr pawh a ka thawh theih tawh lo hmeichhia ani tih ka hre chawp chilh nghal zat bawk, Bawihi chuan pawn lam chu a rawn en ve ta hram a, darthlalang chhan ațang kei min rawn hmuh tak ah chuan a nui hmel chu a tawp riai riai a, chawp chilh tak in a hmel landan a thip ta ram, Rs-a min ko na vang in ka hawi sawn ta chiah bawk.

"Ka tlai emaw ka ti a, hetah ka tlai rual pui turin i lo la awm tal a lawm." uniform a inbel ve thlup, a cover a tan Army pawh nise buaina a nei hauh lo vang, chutiang bawk in zirtirtu hna pawh chelh ta se, talbuaina tur pakhatmah anei lo enghna pawh thawk thei tur a training vek kan ni miau va! Mi â ka nih dawn tawh vang a he hna ah service lam in a hming awlsam tak a rawn thun lut chawp chilh an ni bawk.

"Hetah eng nge i rawn tih?" Ka lo ti nghut, chu mi rual erawh in ka awm chhung a nâ nghal ngût thung.
" ka ni hmasa ber a ni sia, min telpui a tum a." a ti sup, Clinic lam chu ka en leh vut a, a bag ak țha in Bawihi pawh a rawn chhuak mek a, a sam nung sar leh uk kharh chuan a sam rawng a thlak tirh ang bawk khan a hmel landan a tifiah leh viau tawh, make up a hmai ah hmuh tur a awm mang lo, min en lo in ka piah deuh va Rs-a chu a pan zui nghal zat a, a hriat tur tawk lek a Rs-a thil sawi vang a a nui seih chuan min rûn hle bawk!

An tlan chhuak hmasa a, a inthuam dan simple zet kha a inhmeh tih a hrilh ani khawp ang! Huh! A inhmeh miau avang in Rs-a khan dawt a hrilh lo!

Clinic kawngkhar ka pawh hawn bawrh rual chuan Mc-i chuan rum zet in min melh nghal nghek a; ka melh let ve khui bawk!
" Rs-a khan chhuah pui ah a sawm tih i hria em?" a rawn ti kher bawk.

" ka lo buaina tur ani lo ve." Ka ti hmuk, Zothana cabin kawngkhar lam ka pan vut bawk.
"Ni teuh nang, a nghah reng lai che a hmeichhe dang rawn hruai haw thei kha i ni miau a lawm tiraw?"

Ka rum nghut ringawt!

"Engtik nge inneihna card in sem chhuah dawn a, Rs-a te nen kan pathum ta tur kha lo dah tel ve ula aw."
"Mc!" ka ti hluk, inher in ka en vut bawk a, ngeiawm lutuk hian a rawn nui chhuak hak a! Ka phone rawn ri ve chiah bawk nen ka kekawr ipte ka zen ruk ruk a,
*No bond is stronger than two girls hate the same person* an tih hial kha maw! Mc-i leh Bawihi pawn min haw hle ta ve ang!

Screen ah Feli hming a rawn lan rual chuan ner sawk in ka off zui nghal hmiah, Bawihi ngaih ah chuan Feli nen a inkawp tak tak kan ang hial ta ve ang, khawi ațang emaw Feli rawn lang hlawl leh Bawihi'n min hmuhfuh a inrual țhin em em a, a nu boral lai pawh khan Feli tello in u Ţpa nen Falkawn lam kan pan a, ani erawh a nu vang in a chiai vek tawh, in lam ah kan let pui a, khawi a ţang nge Feli kha a rawn lan tehhlawl ka hrelo, Bawihi leh a pa ruangkil hlat deuh tak ațang ka thlir reng laiin ka bul ah a rawn țhu fel der tawh! A mizia ka hriat belh zel a, a thil sawi tam zawk te phei chu ngaihthlak liam sak tawp tur tih leh ka har chhuah țum a hmeichhe zawiawi tak ang a ka ngai kha a sual let der tih ka hriat belh ta zut a! Aaa.. sex kan lo hman țep țum khan eng nge ka ngaihtuah teh hrep pawh ka hrelo e! Ka hriat zawng erawh tu nge anih tih ka hriat chhuah zawh loh hmeichhe zun ah khan uaiin a zun khan ka ngaihtuahna zawng zawng a thunun vek! Feli rawn lut pawh kha ka hriatna in a chhuifiah zawh loh hmeichhe zun ngah zet emaw ka tih vang ani tih ka chiang! Thil pawi tak thlen hma a, Rs-a rawn lang hlawl kha vanneih pui tak ka ni tawp!

Zothana'n min check zui mawlh mawlh a, ka damdawi ei kha sang țhiau vek anih vang in ka Bp a drop phah em tih hriat a mamawh a, ka lungphu lam ah effect a nei em tih thleng a min check sak hnu ah engmah nghawng a hmu lo tih a sawi ta hram a! Ven khat in ka veng huai bawk.


Station kan inkhalh thlen ve meuh chuan Rs-a lawmna tur a tan an cake order pawh an lo cut zo tawh a, an ri dar dar reng chu ka luh ve rual in an tawp deuh duk in ka hre bawk; ka hawi kual thuak a, Rs-a cabin tur kawngkhar inkhar țhiap ka hmuh ve tak ah chuan midang ho zawng reh tak duk chhan ka hre chiang ta hle, a chhung ah sawn an pahnih in an awm!

Ka cabin pan in ka pen vut a, kawngkhar ka nem hawn hma chuan Rs-a cabin kawngkhar inkhar țhiap chu va nem hawn bawrh ka chak ut ut, eng nge an tih ang tih tal hre tur a va luh ve tawp mai lo tur chuan thawk ka han la hawlh a, rang zet in ka cabin kawngkhar ka nem hawng nghal pawp, he cabin chhung ah hian ka inkhung bo rih lo anih chuan Rs-a leh Bawihi ka hmuh dun rual in inthunun hman lo lek in ka che nghek palh mai ang!

_______________________________________________________________

● ARINTEI's POV ●

Rs-a rawn leng a haw fel chiah a, zan dar 9 a pel hret tawh bawk, u Mc-i pawh a u a nawm sam loh vang in an in lamah a riak phei a, ka pa nen rek kan awm tak ah chuan inchhung chu a reh rawih rawih hial in ka hre mai!

"Mambawihi, i la mu dawn lo mi?" Choka lam ațang ka pa a rawn ri lang lang a, sitting room lam light ka off fel a, choka lam light erawh kan off ngai lo thung.

Ka nu boral ațang kar a liam ve leh nual tawh a, ka naute pawh thlakhat leh kar hnihna ani mek, mut ka duh in ka chau hma em em reng a, aaa.. engtik lai pawn mut ka chak ti ila a dik ber ang.

"Rs-a khan a ngaina deuh che anilo maw?" Kailawn ah ka pa nen kan inzui chho va, a thil rawn sawi vang chhuan ka nui nghal hawk bawk.

"A teuh lo e; a fel ve a.."

"A lo ngaina che anih pawn thil sual ani hleinem!"

"Pa.." ka ti hlak, ka dar ah min rawn kuah a, a nui hawk hawk bawk.

"I pa ka ni a, mipa rilru te chu ka hriat ve bawk lo in."

"Sawi tawh lo teh ang." A rum nghut a, kailawn kan chhuak chho ve chiah bawk.
"Mc-i awm lo chu a reh zui ngawt mai." a ti halh a, ka pawm thlap, a û dam țha thuai thuai se ka ti hle bawk.
"Hma lam a ke pen tur i ni tih kha theinghilh lo la, khawvel ah mipa pakhat lek an awm loh tih i hre reng dawn nia." Ka ner nawng a rawn hmuh tak ah chuan ka dar ah a rawn beng dat dat a.

"Nau ka pai mek tih a hria a min.."

" a en dan che hi vawi khat tal chik sak ve la." Ka pa vek chuan thutak zet hian a rawn ti a, ka nui ta ringawt.

Room ah ka lut a, khum ka hmuh rual chuan ka muthlu nghal hial te'n ka hre lek lek mai!

Hmingsangzuala leh a kaihhnawih reng reng ngaihven loh ka tum țang țang țhin a, mahse a fa ngei ka pum chhung a rawn insiam mek vang hian reilote chhung pawh amah ngaihtuah lo in ka awm ngailo ti ila a dik ber ang! Natna min tawr tir zozai te vang khan huat ngawih ngawih ka duh țhin a, huatna chu ka pai hman țhin ngei e! Mahse naute zawk hian zawi muang in a rawn ei ral zel ti ila a dik ber ang! Ngai ngawih ngawih bawk in zan lai ah ka harh leh hlawl țhin a, țah erawh ka tum tawh lo, a fa ka pai miau a vang in amah thlakhlehna chen ka la nei dawn tih lah nau ka pai hmasak țum ațang khan ka hre tawh a, mahse engtik ah mah inzawmna neih pui leh ka tum tawh ngailo thung!

Ka phone rawn nghawr dur dur chu ka mang hriat ruai ruai mai!

A tawp a!

Tui zet a ka muhil leh tur chu phone ri chur chur vang bawk in ka meng leh diar diar țhin a! A tawp ah chuan ning lutuk in ka ban ta nge nge bawk!

Ka beng ah ka dah hnai chiah tih ah ka aw hriat vang chuan ka țek chhawk a! Ka meng zau nghal kawk kawk bawk!

"Bawihi Khawiah nge i awm?" Hmingsangzuala'n mangan hmel lutuk in a rawn ti tawk a! Ka lungphu a rang nghal dawt dawt a, thawh phan pawh awm lo in khum ah chuan ka țhu chhuak hlawl bawk!

"Bawihi?" A aw Ngenngawl zet vang chuan amah ka ngai thar nghal ngawih ngawih mai!

"Eng nge i hriat a," ka ti chang fak! Side table lam chu ka ban a, pindan chhung chu a rawn en raih bawk.

"Ka zawng che a." a rawn ti leh tâwk a. "Bawihi ka zawng che, ka call i la duh bawk silo, thinrimna i neih chuan biru lo la, sawifel zawk ang, ok?" a aw ri chu a mangang a, a buai nuaih ani tawp, chuan a thusawi awmzia hi engmah ka hrelo.

"I ruih lai chuan min rawn be tawh suh." ka ti nghek! Min thlahlel ngawih ngawih tu emaw tiin ka lungphu te lah chu an lo rang dawt dawt leh nghal a!

"Ka ruilo, tinge keimah chiah in min kal san a, Carlos-a pawh khawi ah nge?" ta deuh deuh chuan leh!

"Hmingsangzual!" ka ti ta nghek! A rawn thaw ri hrawk bawk.

" Rinzuala te hotel ah in awm leh em?"

"I rui anih kha."

"No, Bawihi ka ruilo, ka harh rual in Carlos-a nen in lo bo daih a, inawmna sawi rawh, ka rawn hruai ang che u." Hepa hi ka haw tak zet! Ka haw ngawih ngawih! Ka thinlung min tih kehsawm sak vek hnu ah pawh min la rawn fiam kual thei a nia! A hrechiang ngawt ang chu! Rinzuala te hotel ah ka awm țum khan ka thlahlel ngawih ngawih anih kha! Kha hun kha engvang a min rawn hriat nawn tir tum leh kher nge maw anih le!

Ka thin phu rang dawt dawt leh ka mittui rawn luang mai tur chu tihtawp tum in ka vanvadak a, a nunrawng tak zet!

" Bawihi?"

"Ka hua che." ka aw a khur, ka tha thleng in a khur dawt dawt bawk.

Phone chu ka off hmak a, a rawn call nawn leh nghal zat bawk! Nunrawng ti lutuk in screen a a number rawn lang chu ka melh ngawt ngawt a! Hetiang khawp hian ani maw min tihnat a lo chak?

Tawp lovin a rawn call nawn ngat ngat a, keimah zawk in phone chu ka switch off ta hmiah a, kan hun kal tawh kha theinghilh turin ka fight ve a sin! Mahse a rawn sawi chhuak a, Rinzuala te hotel ah ka awm zan khan a rawn lang a, tawp chin nei lo khawp in khazan khan a lakah ka luangliam bawk! Chuan.. kan inru tih min hrilh bawk, kha zan a thil thleng zawng zawng leh a tuk zing a thil thleng te, ka harh hlei thei lo parda ah puan chhah zar belh a duat tak a ka duh chen chen mu tur a min hrilh țum te! Aaaagggghhh min tina zual tur in engkim ka hriat nawn leh phah vek!

Zanlai ah Hmingsangzuala min rawn call hnu khan ka muhil leh ta miah lo va, pindan chhung a nizung rawn lut chu ka melh ngar bawk, tinge khatiang khan a rawn awm kher? A chhanna chu kha mihring nunrawng zet khan kan hunkal tawh min hriat thar tir leh a duh vang bak va nisuh!

Ka thawh chhuah peih meuh chuan zing lam dar 8 a pel fel der tawh a, ka pa pawh ka nu thlan tlawh in a thang mek bawk ang, fridge ka hawng a, nimin lam a ka pastries lei chu la chhuak in fian ka ban rawk rawk a, ka nau pai hmasak khan thil thur lam ka chak em em a, tun țum erawh thil thlum lam ngawt ka ei chak huam huam renga, a kar lakah thei thur ei chak zauh chang ka nei tel bawk.

"Awi.." Choka hnung ațang kan nula pahnih rawn lut chuan min rawn nuih nghal nghek a, min nuih chhan ber pawh ka hrelo, ka nuih let ve ngawt a, an nuih a za zual sauh mai hian ka hria.

"I hnar thleng thleng in a lawm i ei a." Ka ner ta zauh mai! Door bell a rawn ri a, pakhat chu choka ațang a kal chhuak nghal zat bawk.
"Arinte Rs-a a lo kal aw." a rawn au zui lawng lawng tak ah chuan ka thil ei lai chu tawp in glass ah tui ka thli a, ka kal chhuak ve nghal zat bawk.

"I tho chiah elaw," a lo ti hluk. Police uniform a inbelh zuih a, Hmingsanga nen an intiat viau bawk, nizan zanlai khan ka tho daih tawh tih hlak ka chak ru hle bawk.
"Umm, nimin ai thlawt chuan i hma a lawm." ka fiam a, a lo nui ve suk bawk.

"Hei chhun ah lo ei rawh aw." a ti sup a, a plastic bag khai lai ka hmu ve ta chiah.
"Eng nge a?" Ka ti hû a, ka tui in na glass ruak chu dining table ah ka dah a.
"Apple anih kha, a zuartu pa in a thlum a ti a."
"I va fel tak, nakin thil ka lei ve ang che." Ka ti a, Rsa chu atthlak tih hmel zet hian a ner suk a, țullo tawp in Hmingsangzuala bawk ka hre chhuak leh tawh.

A kal tur chu apple awmna plastic bag khai chung chuan pawn thleng ka zui chhuak ve a, a pa lianin a bul a awm a hahdam thlak em em a, Hmingsanga ang in rik buan buan anei ngailo. An hnathawh thuhmun mahse Rsa hi zaidam chi ani in ka hria.
"Zirtawp zan kha i hman ang tiraw?"
"Eng tur in?" ka ti vat, khua rawn dul ruih chuan boruak a ti uap chur mai bawk.
"Police department in min lawm luhna hun neih an duh deuh va, i lo kal ni pawn an sawi tawh kha."
"Ni dawn tak, enchhin ila." ka ti sep a, a bu ve ta nghut bawk, ka ke sahal țhin vang in a chang chuan chappal takngial pawh bun theih loh chang ka nei a, zirtawp ni te rawn thleng phawt se, ka taksa a nawm viau chuan ka telpui ve ang.
Gate ah kan inzui chhuak chiah a, gate pawn a bolero dum lo in hung run vang chuan ka meng nghal kawk bawk, driver side glass down meuh in Hmingsangzuala chuan kei leh Rsa inzui chhuak chu min lo melh ngur a, nizan phone-ah a rawn țawng dan zawng zawng te nen khan ka ngaihbel nge pawh ka hrelo, a hmel landan chu a buai nuaih a, a mit hnuai vel chu a val sen rum bawk. Rs-a chuan engahmah a ngai zui lo tih hriat zet in bolero hnung a car inhung lam chu a pan a, Hmingsangzuala min melh ngurna țang chuan mit la sawn in Rs-a lam chu ka thlek nghal daih bawk, a rum ri hrawih leh engine a ti nung thawm a inzawm zat a, khatia thil tisual tu ang mai a, min melh nghek tur kha anilo chiang ve e!
"Lut tawh rawh." Rsa chuan a rawn ti sup a, ka thil khai lohna lam chuan kut ka vai zeuh bawk, Hmingsangzuala a tlan chhuak hmasa a, an tlan liam hnu chuan ka taksa a lo țang lutuk tih ka hre chiah, gate chhung ah ka lut leh a, Hmingsangzuala hmel chang run leh a mit meng hriatthiam har zet kha ka ngaihtuah let zawng ringawt pawn ka țîm uaih uaih thei mai!

Room ah ka chho tlang a, ka phone switch off khum chung a lo let ngat chu ka ban nghal zat bawk, ka switch on a, a in on fel hma chuan washroom ah lut in ka inphih fai sawk sawk a, ha nawt mawlh mawlh pah chuan washroom ațang ka kal chhuak leh zat bawk.

U Mc-i message ah ka lut hmasa ber a.
*clinic ah ka kal tlang a nia, ka u pawh a zia tawh a, tlai lam chu kha lam ah ka rawn haw ang*

A missed call a lo awm leh a.
*call i chhang thei bawk silo a, Clinic ka hawn rual in Hmingsanga a rawn kal a, khawnge bawihi a rawn ti ringawt a*

* a awmdan kha a mak lutuk, a mit a sen rûm a, chuan i awmna min zawt char char a.*

*doctor Zothana a rawn thleng a, a cabin ah a hruai lut ta hram a, a rawn chet dan kha a mak tawp.*

Chhan let dan tur pawh ka hrelo, message chu ka chhiar nawn leh țhin a, engvang in nge u Mc-i bulah ka awmna a zawh ve ngawt le? Nizan ah lah thu mak deuh sawiin a rawn ri hlut tawh bawk.

Rilru buai ru zet in inbual tur in washroom ah ka lut ta tho va, khang a awm dan vel kha chu ka rilru tih nem nan emaw, ka huatna reh phah nan ka hmang tur a nilo, tleirawl a bum kual mai mai țhin kha ka ni tawh lo bawk!
Ka ngaihtuahna ata leh hriatrengna ațang hian lung kan vawm bo ang hmiah a vawm bo nawl nawl theih ka chak țhin a!Mahse ka theihnghilh hmak thei lo! Tu mihring mah hian an nun a lut hmasa ber te hi an theihnghilh hmin țhak theiin ka ring lo, ngaihzawng neih kawngah ka tawn hriat hmasak ber anih vang te, ka mamawh hun lai ber a ka kianga a awm țhin vang ringawt pawh khan vawi leh khat thua theihnghilh chu ka thei ngai dawn lo, mahse ka tum anga, ka thei ang tih hi ka infuih mawlh mawlhna ani reng tawh! Kan inneihna tur ai pawh a hmeichhe dang thlang thei anih na leh, kei nen a inneihna thutiam dun aia ni 5 chhung a hmeichhe chenchilh enkawl thlang zawk ngat a ni a, khang thil ka ngaihtuah let chang phei kha chuan ka taksa chhung hi an hit ngawt ngawt țhin, khawvela hmeichhe tlawm ber ah min siam a, khang ka natna te kha a bo tawh ngai dawn lo bawk, chuvang chuan engtin pawh awmse kei hi chuan hnaih leh tumna chhete pawh ka nei tawh lo!


Ka dul ka thep thlep mai chu ka chul a, naute pa ni tur pawh hian dikna chanvo a nei ve tawh lo, ka fa hi a rawn piang a nih pawh in kan inneihna aia hmeichhe dang thlang zawk tu mihring khan a hmuh ve ka rem ti bawk hek lo vang!

U mc-i'n lunch ei dun a duh a, taxi in clinic lam chu ka pan a, zing ah khan mumal in thil ka ei miah lo, chuan karthar ka zin chhuah hma in in check up ka ngai leh bawk.
Kawt zawl ah taxi chu a ding dat a, chuan man ka pe fel a, clinic chhung ka luh rual chuan counter țhuve hmeichhe pahnih chuan an tiffin pai an lo ei mek a, counter lam ka pan zui zat bawk.
"I la hman lo mi?"
"Hman chiah, lawks aw." rawn nui sawng pah chuan bag a zen leh rih a, a țhutpui te pahnih chu ka melh zawk a, min lo nuih ve var var mai.
"Inchei rei leh awm si!" ka ti hlak, u Mc-i chu a nui hawk hawk reng a, purun var leh hmarcha sen rawt pawlh an tiffin ațang rim rawn chhuak chu ka hip lut fuh lo nge vawi leh khat ah ka pum a rawn in let kual but but a, ka uak tuar rual chuan doctor Zothana cabin bik kawngkhar rawn inhawng ka hmu vuat a, rang lutuk in washroom lam ah ka tlan lut rawk rawk a, ka uak zui nghek bawk!

Ka zawh meuh chuan ka lu a hai chhawlh thei mai! Tun țum ka naupai chu huat ka nei miah lo emaw ka ti kha ni a, tap herhaw in kam ka țhuah thuak thuak a, ka uak nasa bawk a, ka hrawk a na hlur bawk.

Washroom kawngkhar ka nem hawng chiah chu nasa lutuk in ka phu dawrh a! Hmingsangzuala a lo ding ngawi ngul anih chu!

Thawk la hak pah chuan ka awmdan chu ka siam rem sawk sawk a.
"I țha em?" a rawn ti nghut, ka ner sak ringawt!

Ka pen chhuak a, u Mc-i chu hlauthawn hmel lutuk in a lo ding tawh a, Hmingsangzuala taksa hrawlpui ka kal pel tur chiah chu ka ban rek ah a rawn hmer nghal chawt, na lutuk in a kut chu ka thing per nghal nawlh mai!

"Min khawih tur in tunge ni a i inhriat a?" ka ti nghek, a rum dut mai.
"Zaklo lutuk." ka ti leh hram, melh rawm pah chuan ka inher leh a.
"I rai.." a rawn ti sup, ka chawl ve dat bawk.
"Ka rai vang chuan buaina i nei em ni?" ka ti chang fak, a thaw chhuak hawk ri ka hriat rual deuh thaw in ka hma lam ah a rawn ding zui vut a, țawngkam na zet hman khum ngai dawn mahse pawi tihna pakhatmah ka nei tawh bik lo.

"Ka fa i pai ...."

"Maw?" Ka dak chhuak a, a thusawi hriatthiam loh hmel zet chuan ka meng lian kual vel bawk.
"Ka fa i pai."
"Huuumm, ka tan tunge i nih a? Engvang in nge i fa chu ka pai ngawt ang?" A bek ruh rawn pawng chhuak țalh ţalh chu ka nuih leh sak kher bawk.
" ka pum chhung a naute hi keima fa chiah anih hi, chu tah chuan buaina i nei em?" ngawi ngul in min melh ngur a, ban ka kan zui hliai bawk.
"I nei reng nang tiraw?" vanvadak in ka nui chhuak hak a, ka kal pel nghal nal nal bawk, u Mc-i chuan min ngaihtuah hmelfe in min lo en a, ka țha tihnan ka nuih let lui sak bawk. Mahse counter ka thlen phei fel hma bawk in ka ban rek ah a rawn vuan leh chawt tawh!

"Min khawih tawh suh." ka ti ta tuar a, ka inher let nghal vat bawk. Hmingsangzuala chu eng emaw sawi tumin a rawn ang zuau va! Ka kut chal ka lek khum ta va bawk!

"I hria em? I kut hmawr pawh khan min khawih tawh suh, ka nau pai hi ngaihtuah pawh rawn ngaihtuah ve bawk suh, a pa i nilo, a rawn pian hun ah pawh kan inneihna aia hmeichhe dang thlang zawk tu mihring hian i rawn hmuh ka rem ti dawn reng reng lo, i thlahthlam tawh leh hmeichhe dang i pan san tawh te kan nih hi! Pa dinhmun te kha rawn inpek chawp i rawn tum ngawt a nge; A nuiri mai nilo, a ţap ri takngial pawh i hriat ve ka rem ti dawn lo tih hria la, vawi khat pawh naute hi hmanrua ah hmang in ka hma ah rawn in lan zui tum miah suh!" ka chung a a chetdan nunrawng zet vang a ka thinrimna te nen ka aw chu a khur ti tih a, ka hma a mipa ding ngawi ngul leh a mit a natna ni awm tak ka hmuh mihring chu ka melh let ngawt ngawt bawk!

" naute hian pa a nei lo, nakin ah mi thar ka tawng te anih chuan chu mi chu a pa a la ni ang!" Na tuar hrep ang mai hian a rawn rum chhuak hrawk! Na rawh se, pawi tihna pakhatmah ka nei tawh bik lo, ka fa hi a hmu ve ngai dawn bawk lo.

Kawngkhar lam ka pan lai te chuan milim ang maiin a ding khawng luah a, hmeichhe dang nen an rawn let țum kha ka ngaihtuah let a, thinlung kehsawm vek in min siam anih kha!
"Arinte?" Doctor Zothana aw ri vang chuan ka ding leh dat a, ka inher tawh lo thung.
"Engkim i hriat a țul tawh in ka hria."

"Zothan KHAWNGAIH IN!" Hmingsangzuala aw hnawk țûak vang chuan doctor Zothana chu a rum ri hawk a! Keipawh ka kal chhuak nghal nal nal bawk!

Kawtzawl ațang chuan khawi lam nge ka pan tih pawh hrelo in ka pen hlawk hlawk a, ka thinrim lutuk vang ni ber in ka hria, ka tha a khur ti tih reng a, ka ke pen te chu a ni sawk sawk a! Eng tiang pawn insawifiah tum mahse ka pum chhung a naute hian a hnam a țawm ngai lo vang, engtiang a nasa pawn ngaihdam min dil mahse ka fa lo piang tur hian 'pa' tiin a ko ngai bawk hek lo vang!

"Arinte.." u Mc-i'n min rawn au zui mahse chak zet in ka pen hlawk hlawk tho, min duatna vang ngawt a a laka luangliam țhin hmeichhia kha a puitling ve tawh, țawngkam hriat nuam tak a a biak țhin vang mai a hmeichhe vannei ber emaw inti țhin hmeichhia kha bum nawn theih ani tawh lo! Chu zawng chu!

Ni a kal beuh beuh va, Hmingsangzuala'n ka rai tih a hriat ațang khan ni thum a liam a, kha mi ni khan thlanmual ah kal in ka nu thlan ah ka zuk awm ta reng a, ka țap miah lo, min tui sen tur ka nei tawh lo vang pawh ani hial ta ve ang, u Mc-i hna bang rawn haw khan Hmingsanga awm dan a maksak thu leh clinic ațang hospital an pan rum rum thu a rawn sawi a! Mahse chhete pawh in amah ka huatna a kiam phah chuang lo!

Room ah ka tawm deuh chawrh chawrh a vang in ka mit vel a bui lak a, room ah eitur min rawn pe vek zel a, zanin erawh Rsa min sawmna ang in police hoin amah lawmna party an buatsaihna ah ka tel ve thung ang, u Ţpa te chhungkua pawh naktuk hian an rawn zin thla dawn a, karleh thawhleh ni ah Mizoram chhuah san ka tum a, ka pa pawn rem a ti thlap tawh a, ka naute pai lai leh ka hriselna tan pawh hmun dang a awm rih ka tan a țhat ber a rin thu min hrilh ve mual mual anih kha!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 6:00 pm

☆UTOPIA:1996☆
Chapter 56
By
Abbra Reo Ririni Khuangte ( Pitartei)


Tlai lam ah Bazar turin Nu Es-i nen kan chhuak a, inrinni tuk a bazar ngailo in zirtawp tlai hian bazar ila a awlsam mai hian ka hre țhin.

Mipui zi nuai nuai kar ah chuan kawngsir ah lo in phô tawk an awm nawk a, kan lei phei sak zel tho, mak ve deuh chuan thuamhnaw branded lei turin tlawm a dil duk duk zak a, harsa tak a kut hnathawk tu chawhmeh zawn khawl sa chu nu hausa pui pui pawn cheng 5, cheng 10 tal in tlawm zu han dil țhin a!

"Arinte, a chunglam ah khian chho ila." Kawngsir a chawhmeh zawrh vel a enkual zawh hnu chuan a rawn ti lang lang a, mipui zi nuai nuai kar ațang ka hming ngei a min rawn au tu an awm rual chuan ka hawi nghal dawrh bawk.

"Nu Liani." Ka ti hliai, chawhmeh a lei ve tho tih hriat zet in a inkhaibawr luai bawk.
"Eng nge i tih ve a?" A rawn ti chul a, nu Esi chu bazar chung lam ah lo han chho hmasa turin ka hrilh ta ngawt bawk.
"Kan bazar a, i let tawh dawn mi?" Ka ti a, a vun a var suah a, thlan vang in a biang a tai hlar bawk.
"Umm naktuk lam ah Feli te chhung in chaw an rawn ei dawn a." țawng sual in ti zet in lu a thing zui nawk a, ka nui lui sak thung, ka fa pai lai mek hi rawn ngaihsak a mamawh zui dawn miah lo. An chhungkua nen pawh an in close tawh hle tak ang chu!

"Ka kalsan mai dawn che sin." Ka ti a, nu Liani rawn thaw hliai chu ka nuih var var bawk.
"Arinte Hmingsanga nen hian in tawp tak tak em ni?" a rawn ti hap, a țawng ring hran lo, midang in kan inbiakna chu an hria ang tih a hlau hmel ve hle bawk chuan ka hria.

"I hre mai lo mi? Tun ah pawh chaw an rawn ei tur thu i sawi zawh chiah kha." A nur deuh nang chu mit ka kán khum âk a, min din hnaih nghal sauh bawk.

"Feli hian a rawn bawhbuai hneh em a, Hmingsanga tan pawh a buaithlak chang a tam ngawt ang, tun țum an chaw rawn ei tum pawh Hmingsanga chuan a sawi lang lo hrim hrim, mahse Feli'n a sawi a, eirawng lo bawl loh chuan am rawn kal leh tawp emaw ani awm sia."

"A ho lutuk, an innei thuai dawn lawm." ngaihpawimawh loh hmelfe in ka nui lui hak bawk, nu Liani chuan uluk zet in min en vang vang a, Hmingsangzuala inchhung ah Feli a thu kual vel tawh lutuk chu ka luak ati chhuak lek lek, Feli'n a sawi tawh a, an rawn kal leh tawp zel anih chuan Hmingsangzuala pawn a hriatpui hrim hrim ang.
"Kan hmanhmawh sia, ka kal san ang che."

"Arinte." a la rawn ti hram, ka ding leh dat a.

"Tunlai Hmingsanga awmdan hian ngaih a ti țha lo teh a nia, a chang chuan a thil sawi tawh pawh a theinghilh leh zung zung a, a bad cover ah hian thisen a lo kai ngung zel bawk."

"Feli hrilh la, enkawl dan tur a hre phian ang." ka ti hlak a, sawi belh leh duh nei tih hriat zet a min enna chu ka haider hmak bawk, bazar chung lam pan chuan ka pen chho zui hlawk hlawk a, Hmingsangzuala chanchin engmah ngaihven ka duh tawh lo tak tak, kan inkar a tihtawp dan tehthlawt kha a tlawm thlak lulai e mai!

Nu Esi bul ka han thlen ve rual chuan mamawh a lo la khawm hman vek tawh a, khaipui ve ka tum lah in a phal der lo, kan inzui thla leh lam chu kawngpui chhak lam a vai dawr ah Jelebi ka lei leh hram a, taxi kan la a.
Hmingsangzuala mizia ka hrechiang ve tawk tawh a, hmeichhia zawk in a inchhung ah ro a va rel ngam tawh anih chuan chutiang dinhmun ni thei tur khawp in Hmingsanga nen an inkar a țha tawk ani mai! Min tina tu te pahnih chanchin ngawt ka ngaihtuah zui chu duh lovin lu ka thing nawk a, bag ațang phone ka la chhuak a, Samu-a ka text ta daih bawk.

Bengalore lam ah hna a thawk tawh a, keipawh a flat ah ka zuk awm ve rih dawn a, engtia rei nge ka awm ang ka hriat loh rualin Hmingsangzuala leh Feli te inneih boruak zo fel se, mipui in ka chanchin an sawi kang kai peih lutuk te han rehfel se, nau nei turin ka haw leh ang.

*rawn thleng thla vat rawh, hmel hriattir tur che ka nei a nia.* Samu-a message ka chhiar rual chuan ka ner nawng a.

*bial nu i nei em ni?*

*ka sawi hma in engtin nge i hriat theih a?* a rawn ti let a, ka nui chhuak nghal hak bawk!

* i message type dan a țang hian.* a chhiar zawh rual a a hmel awndan tur ka ngaihtuah a, ka ner ru nang bawk.


In kan thlen rual in kan chawhmeh lei vel chu nula pahnih in an dahfel zung zung a, nu Es-i a haw nghal a, nula pahnih erawh hetah an riak thung, room lam ah ka chho va, u Mc-i pawh a rawn thleng zawm ve zat a, a kê a kham thu a rawn sawi uar leh hle tawh.

" ka kal chhuah dawn kha aw." Ka ti a, khum ah a vang zawng in a bawk a, a rawn inbeng kang ve țaih țaih bawk.

"I rilru hi a nuam lo ve miah lo a mi?" a rawn ti thlawt, inbual mai tum tawh ka ni a, bathrobe chu ka taksa ah ka suih țha mawlh mawlh a.
"Engti zawng in maw?"
"Hmingsanga kha mawle." ka melh ta nghek, thawk la hawk pah chuan a rawn țhu chhuak ve a.
" I chung a a chetdan kha dik ka ti miah lo, i nat zia hmu tu ka ni a, keipawn ka la haw reng, mahse naute chungchang vel ah kha chuan i țawng hlawk hret!"

"Ka țawng satliah hleinem." Ka nui sak a. "Thil thleng ngei ngei tur anih kha ka sawi, ani khan ka fa hi vawi khat pawh a hmu dawn lo."
"I mak e! " a rawn ti ve ta hlar a, kei erawh ngeiawm lutuk in ka nui thung.

"I mipa hmangaih ber leh i pasal ni mai tawh tur in inneih ni tur ah a bo ve daih hun ah leh hmeichhe dang nen an rawn let hun ah ka rilru tur chu i hrethiam ve chiah ang." Ka ti a, ka sawi zawng ringawt pawh chuan ka thin chhung a na nghal ngut ngut a, ka awm ve reng laiin pindan chhung ah Feli zawk a ngaihsak a, kei chu chhuak turin min hrilh anih kha! Ka pum chhung a naute pawh hian kha an chetdan zawng zawng leh Feli te chhungkua a enkawl zui a ngaih thu min sawi khum lai zawng zawng te kha a hre ve vek! Khatiang mihring kha pa a tan a duh bik teuh lo!

" clinic ah khan... a hnar a thi a, a beng ațang thisen a rawn chhuak bawk." Washroom kawngkhar ah ka pen luh hma chuan u Mc-i chuan a rawn ti hram.

"Zan lam ah Feli nen an chet nasat lutuk vang anih chu!" ka ti hlak, beidawn hmel fe hian a rawn thaw chhuak hawk a, washroom kawngkhar chu ka nem phui dawt a, shower ka on a, tui lum in ka taksa a rawn phuh sar sar tak ah chuan mit ka chhing a, ka fa lo piang tur țap ri mai nilo, a nui ri takngial pawh a hriat ve loh tur thu ka sawi rual khan kan fa hmasa ka chhiat țum a, a mit a natna leh mahni inthiam lohna inphum ru ka hmuh sak țhin ang kha ka hmu thei hial anih kha! Mahse a cho chhuah ani a, min phatsan hmasa tu! Mualpho tawp a min siam tu, khawvela natna ka la hriat ngailoh min hmelhriat tir tu leh hmeichhe pakhat lakah tlawm ngawih ngawih a min lantir tu a ni a, khami ni a ka thusawi kha a lutuk lo! A phu tawk chiah!


Inhnuai lam ah Rs-a a țhu reng tawh a, kan kalna lam ah chaw ei nghal tur kan nih vang in ka jelebi lei zawng ka ei tawh tho va, ka insiam zui nghal mawlh mawlh bawk, u Mc-i nen kan thu a inhmuh vak loh vang in ka insiam vel chu min puih a tum lo hrim hrim, khum ah a bawk tlat a, ka chevel chu chhete pawn min ngaihsak map lo.

Nude rawng pencil dress bantluan ka ha a, tlema puan fan thei deuh anih vang in hetiang lam hi tunalai chu ka ngaina hle bawk, ka sam huh ka chhem ro mawlh mawlh lai chuan u Mc-i chuan min rawn thlek zawk a, ka lo en ve lai tak anih vang chuan rang zet in a hawi sawn a, ka nui chhuak ta nge nge!

"I titau vel em ni?" ka ti a, ka sam hmawr lam ka ti kawi zui mawlh mawlh bawk.
"Tau lo, tau lo."
"Anih Hmingsangzuala vang in min ngei ta deuh em ni?"
"I va ninawm tak, engtik lai pawn i lam ka țang tih chu i hriat kha." Khum ah chuan a țhu ta hlawl a.
" ' Rilru luhlul nei mi chuan thil țha a hmu țhin lo' an tih țhin kha, i luhlul lutuk hi tlem chuan sim țhen deuh teh." a rawn tih leh rual chuan mit ka chet kual ralh ringawt!

"Ka ti tak tak a nia, Hmingsanga i țawngkhum dan tehthlawt kha!" ka rúm hak a, u Mc-i pawh a rawn thaw hap bawk.

"Kha mi kawng ah kha chuan rilru sawh sawn ka tum lo, nâ tawh lova ka haw thei tawh hi ka lawm zawk daih bawk, kha mihring chanchin sawi sek pawh kha ka peih hrep lo, min tihdan zawng zawng ngaihtuah chuan ka la țawngkhum nep a lawm, Feli nen an khawsak dan min sawi khum nu ah ka la nei duh tho em tih min zawt a! Hmeichhe â tak ang maiin beisei ka la nei cheu bawk, khatah khan duhtawk nise chuan Feli nen an khawsak dan min sawi khum zawng zawng kha ka ngaidam ang, mahse kan inneih chuan Feli a hmuh ka rem ti tawh dawn lo tih ka sawi dek dek a! Engtin nge min chhan i hria em?" ka thawk rawn rang hlawp hlawp vang chuan kut ka hum ruh ngawt ngawt bawk.

" hmeichhia ka nihna ang a tlawm thei ber a min siam tu khan ka țawngkam țha a phu vak bik lo, chuan tun hi Hmingsangzuala chungchang kan sawi tawp na ni rawh se." Ka ti ram ta hmar! dressing table nude clutch chu ka ban rawk a, kawngkhar lam pan in ka kal zui hlawk hlawk bawk.

Kawngkhar ka pawh hawng pawp a, ka pawt khar leh a, duhthawh lutuk in thawk ka la vak a, kha mi ni! Tawpna rang zet leh hrilhhai thlak zet kha ka tan chuan mangchhe ber ai pawn a rapthlak a, ka nu min boral san ai pawn hriatthiam har ka tih chang a la awm fo bawk! Ka ngaihtuah let rual a piang in thil thlen hun darkar ang chiah khan ka awm chhung a na ngut ngut reng a, țah chhuah hawk chak hial khawp a ipik chang ka la nei fo bawk! Mahse heng natna hi ka fight a nga, ka fight chhuak ngei ngei bawk ang! Hmingsangzuala vang a hmeichhe zawiawi ta lutuk Arintei kha nih leh ka duh tawh ngai bawk lo! Min tina tu a piang tihnat let tum ran hmeichhia kha ni leh ila, ka tan pawh engkim a awlsam sawt zawk ang!

Kailawn ah ka chhuah thlak rual chuan sitting room a ka pa leh Rs-a lo ti ti mawlh mawlh chu an rawn hawi chhuak a, uluk zet in Rs-a chuan ka landan chu a rawn en chhuak hman vek bawk. Ban pa phar hliai a hmuh rual chuan thle sawn in a nui zui suk a, ka awm chhung rawn sa huam chu tih tawp ka tum zui zat bawk! Hmingsangzuala chetdan amah a ka hmuh ve chang hian ka lo zam hman lek lek țhin.

"I hman tawh chuan." a țhutna ațang a ding ve ta vut a, a inthuam dan chu a dum vek ani tawp, shirt dum, Jacket dum leh cotton kekawr dum, savun kawnghren pawh a dum tho.

"Ka pu kan kal tawh mai ang " a ti leh a, ka pa pawh a bu nghat a, ka dinna lam pan in Rs-a chu a rawn kal a, ka ngaihbel nge pawh ka hrelo a lai deuh in ka hria.
"Kal ang le ." a rawn ti sup, ka bu zeuh va, uluk zet a min en leh hnu chu kawngkhar lam ah ban a lek ta vut a. Ka pa bulah chuan kan rei lutuk loh tur thu ka hrilh ve ta hram bawk.

Gate chhung ah car a lo hung a, kal pah chuan min en leh țhin a, dak pah a ka han en ve a piang in hawi sawn in a nui leh suk zel bawk.
"Eng nge i hriat reuh le." Ka țhutna tur lam apawt hawng pawp a, kan indin chilh ta ran bawk.

"I kawrfual hak tawk a lo awm ve tho tih ka ngaihtuah a." chimawm lutuk a mit hmul a kan uk rual chhan clutch in ka tin zuau va! A rawn nui chhuak ta hawk bawk.

"Ok, lut vat rawh, anih loh zawng in a hmun kan thlen hma in min vaw duk phung palh ang " a rawn ti hluk, kei pawh ka nui ve ta tho, ka țhu lut a, kawngkhar chu a rawn nem phui mai dawn maw ka ti a, mahse min chhuk melh run pah chuan a ding ta reng a, mit ka kan khum ak bawk.
"Belt kha hreng la." A rawn ti sup, Hmingsangzuala leh bawk ka hre chhuak zawk a, belt ka ban rak rawk rawk ah chuan Rsa pawn kawngkhar a rawn khar phui ve ta hram.

A rawn țhu lut a, Hmingsangzuala nen kan sulhnu engkim ka chhui let leh ang hial ani! Car boby a hniam zui suih a, seat belt hreng pah mual mual chuan engine a ti nung a, Hmingsangzuala pawh kha a pa len tham em a vang khan a che reng reng a hmuhnawm tham vek zel a, seat belt hren pah a rûm nghut a ching bawk! Rsa'n min rawn thlek tak vut ah chuan rang zet in ka haw sawn a, zanin tlai zet chu Hmingsangzuala chanchin ngawt ka hriat vang te pawh ani mahna! Amah hlir ka mitthla tel zel mai!

"Hetiang hna i thawh hma hian eng nge i tih țhin?" hneh sawh zet in steering a her kual mawp mawp a, ka zawhna vang chuan min thlek vut bawk.

"Sipai."
"Maw?" Ka rin loh lam daih a rawn sawi.

"Kum 18 ka nih in sipai ah ka lut tawh, mahse a kum leh lawk a service lam hian min rawn be pawp a, ka zawm nghal.. kum 9 zen zawn chu service hnuai ah ka thawk tawh."

"Kum engzat nge i nih?"
"27." Mit a rawn siai zauh va, Hmingsangzuala aiin a naupang zawk tih ka lo ngaihtuah leh hmanhmawh tawh.
"Kei aiin i upat bik vak loh chu." ka ti a, Rsa chu a rawn nui chhuak hawk a, police quarter ah kan ei dawn a vang in kawng peng ah a tlan lut nghal zat bawk.
"Nang aiin kum 4 in ka la û tal a lawm."
"Ka û dawn miah lo che."
"Ka duh zawk, mahse ka hming in min ko ve țhin la." a rawn ti a, ka en rual chuan thutak zet in min lo en ve chiah bawk.
"Ka ko ngailo che maw?" Hmui chip in a bu ta nghut, kan chaw ei na tur hmun kan thlen zui ve tak mai a vang chuan car chu a ti ding dat a, khua a thim ruih tawh a, quarter erawh a eng ut thung.
"Ka ko țhin che maw ka ti a." Seat belt ka phelh a, Rsa pawh za lo zet hian a rawn țhen suk bawk.
"A pawi lo, ka sawi mai mai a nih kha."
" Rs thanks for the ride." nui duh miah lovin ka en a, lu thing nghut pah chuan a ner suk mai!
"I nghal reuh lutuk." A ti hluk mai! A chhuak vut a, police țhenkhat kawtzawl lo awm tawh sa chu an rawn inzui phei dam dam bawk.

"An sa siam rim vel i huat loh hram ka beisei." ka țhutna lam kawngkhar a rawn pawt hawng a; "ui an talh bawk a." a rawn ti leh zat bawk.

"A pawi lo."

"Inrawn thleng thei maw?" Police țhenkhat chu an rawn ri zui lang lang a, ka chhuah rual chuan Rsa chuan ka kawng ah a rawn kuah a, mahse a rei lo, kut a laksawn rual chuan min en vut bawk.

"Kan tlai em?"
"Tlai bik lo ve, saw pu Hminga aiin in rawn hma hrat." pakhat in a rawn tih tak ah chuan ka rit nghal mûp mai! Rsa car hnung mai ah engine a thi zui dûk a, Rs-a chu a hawi let tih ka hria, kei erawh in hma lam ka en ngar thung.

Inchhir lo vang che.jpg
Inchhir lo vang che.jpg (34.19 KiB) Viewed 12361 times


Bolero kawngkhar innem hawng thawm ka hriat rual ringawt te chuan ka thin phu a rawn rang dawt dawt a, a in nem khar leh dawp rual chuan ka tukhum a za uaih, tîm daiin Rs-a banbul ah ka man ta tawp bawk.

"I rawn tel ve thei maw?" Rs-a'n a lo ti vat, Hmingsangzuala chu Rs-a bul ah a rawn ding ve hmiah bawk.
"A nih hi." a ti hmuk. Ka hma lam a Police pathum chu ka melh ngar ngar a, a rawn din fel rual khan a rim pa zet pawh ka lo hre leh hman der tawh.

"Kan kim tawh bawk a, kan ei nghal mai dawn mi? Nûnau an awm nak nak sia."

"Kal rawh le." A banbul ka vawn lohna lam chu a lek chhuak vut a, a rawn kun hniam deuh bawk, a pen tak ah chuan kan chaw ei na tur lam pan chuan min kal pui zui zat a, Hmingsangzuala kha vawi khat pawh ka melh chhin miah lo, mahse a awm ve tih ka hriat rual in ka lungphu ka control zo lo va, chaw ei laiin a awm ve zel phei chuan chaw ka ei țha thei miah lo vang!

Kan hnung lawk ah a thawm a rawn awm ve zel a, ka hnung zang a tha kal chho za chho zawk zawk reng chu ka duh lo kher bawk.

"E! Hei an lo thleng ta a lawm." Rema chuan a lo ti hluai, inchhung ah chuan police dang chhungkua pawh an lo awm nual a, an nupui te chuan Rs-a chu an rawn chibai zui sap sap a, chumi lai chuan Hmingsangzuala chuan min kal pel vut a, Rema țhutna lam a pan in a kal zui nghal nul nul bawk, Rs-a ang chiah in thuamhnaw dum vek a inbel ve tho.

"Hei i bialnu em ni?" Nutling ho nuiin a zui zat! Rsa pawh a nui ve hawk a. Ka ep chiah ațang uluk zet a min en rûn tu mit thim ruih vang chuan ka nui ve em tih pawh ka hre nek lo ve.
"A thinlung neih sak tur in ka thawk rim mek a nia." Rsa'n a tih rual chuan ner deuh nawng in ka chho en haw a.
"A dik lo em ni?" rawn kun hniam ve in ka hmel ka siam ang chiah chuan a rawn ner ve nang kher a, a awm ah ka lo nem ta dawt, midang nui hak hak vang chuan Rsa pawh a ding mar leh ta vut a, Hmingsangzuala mit thim ruih ka va melh fuh leh tak ah chuan ka sa nghal huam huam mai!


Chaw ei hma hunserh chhung zawng chuan ka thaw chhuak mang mang lo tiila a dik hial ta ve ang! Kan țhutna ep chiah ah Hmingsangzuala bawp khawkher in a țhu rún a, hunserh hmang tu pawh en lo in kei leh Rs-a che hle chu a rawn en ngur tak tak, Rs-a țhut dan siam rem ringawt pawh silai phawi chhuah inring reng tih theih hial khawp a chik in a rawn en uluk a, ka sam zai che zawng zawng pawh a hmuhmaih miah lo vang!

Țawngţai hun a rawn thlen tak ah chuan thaw huaiin mit ka chhing zui hmiah a! Feli nen ka hmuh dun țum pawn khatiang ngut ngut in ka melh ngai der silo, over leh lutuk mai!

Chaw kan dawh sap sap a, in ah khan engvak ka ei lo, jelebi kha ani mai a, mahse thil ka ei chak lo tlat thung chu erawh sawi kher ka tum hran lo, anthur hnah leh dal tlak pawlh chu pavâ-no khat ka la a, ui sa bai leh arsa kan, bawngsa chhum a awm nual nang in Arsa zing a alu chu ka suak a, Rs-a'n min ngaihsak em em a, midang lah chhuan kan inngaizawng emaw an lo ti mai a, min fiam laih laih reng bawk.
"Inchhung lam ah inchawi lut rawh u." Police pakhat chuan a rawn ti vat, Rsa chuan ka thleng a chawi tel a, keiin a dal tlak no ka keng tel sak bawk. Hunserh kan hmanna inchhung ah bawk kan inzui lut a, țhenkhat in kuhva lei turin an fa te an lo tir ve ngawng ngawng bawk a, chair ah ka țhut thlak rual chuan Rsa chuan kan bula chair pakhat chu ka hma ah a rawn nawr hnai a, ka thleng tur a rawn dah hmiah bawk.
"Mi dang an țhu duh ang."
"He chiar ah hian an țhu duh kher lo vang." A ti nghut, a dal tlak awmna no chu a rawn ban vut bawk.
"Alu chauh kha maw i ei dawn?"
"Umm, i dal tlak kha ka hawp tel mai thei " ka ti a; a nui suk ringawt.

Midang pawh an rawn inchawi lut ve sap sap a, ka hawi chhuak leh chiah Hmingsangzuala rawn pen lut chu ka hmu vuat a, a țhutna ngai chiah keini min ep zawng in a țhu leh hmiah a, ka kun ta ngar ngar bawk, chair hnung lam in min hliah hlauh chu ka veng deuh huai nang in thleng a chawi ve lo va, a awmzia chu thil dang khawih kawi ve tur a nei lo, a duk tak a uluk in, min judge tum ang hrim in Rsa nen kan che hle a en leh ngur dawn pawh a niang.

"I dik lo deuh em ni?" Rsa a rawn phun sup tak ah chuan ka harh zawk a, chaw chu bar lo in alu chu ka lo hmet mai mai niin!

"Ka puar tawh a. "
"Tak zet." a rawn awm hnai deuh hrut bawk.
"Ramsang he mi zawh hian eng nge i tih dawn?" Hmingsangzuala'n a rawn ti phawng, Rsa pawh a țhu țha vut a.
"Arintei hi ka hruai haw ang." A ti țha ve mai bawk.
"Chu mi zawh ah?" Ka țhu mar ve ta nge nge. Rsa nui deuh suk chu Hmingsangzuala chuan rawn hnek chawrh a chak hmel tak zet!
"Ka rim tlang nghal ang." Rsa chuan a ti hmiah, chhang thiam lutuk mai!
"Dar 8:30 ah ka in ah rawn kal ang che." Hmingsangzuala chu a ngawi dawn maw ka ti hman kha a nia, a rawn țawng leh dan vang chuan Rsa chuan a melh ve hram bawk.
"Hna a awm em ni?" A ti nghut, a lawm hmel bik vak loh.
"Awm țeuh." Hmingsangzuala chuan a ti hmuk.
"Ok.. 8:30." Rsa chuan a zawt let leh pawh ani chiah tawh lo.
"Aw, dar riat leh a chanve ah!" Hmingsangzuala'n a rawn tih leh hmuk tak ah chuan ka thaw hak a.
"Ka kham tawh, thleng vel hi ka lo va paih ang.' Rsa melh zauh pah chuan ka ti hap, min hrethiam zet in a bu nghut a, ka thleng leh no chu ka thawh pui a, chaw ei ka chak tawh loh sa tehreng nen! Hmingsangzuala inla thu kual vel lutuk hian min ti ûak nghek palh mai ang.

Midang ei kham tawh pawh an lo awm nual a, kut sil vel na tur lam chu ka pan a, bucket ah tui an lo dawh a, kut ka sil ve nghal sawk sawk bawk, jail bul vel chu a thim ruih a, mi tang an awm ve a ngem tih ka ngaihtuah neuh neuh lai chuan ka piah deuh zunin bul a hmeichhe pahnih țawng chuan ka beng a verh ta zar mai!

".... dik chiah kan pa pawn a ngaihsan teh reng nen Pu Hminga hi a lo ho ru zek anih hi."

"Chu chu lawm, innei mai tawh tur kha a tawp san hmak thei a nia, ka pasal pawn a hmuh dan a dang vek tawh."

"Rsa leh a nupui hmasa oh, a neih hman ţep nu kha an inngaizawng tak tak em le?" Pakhat zawk chuan a ti let a.

"Ngaihzawng hman em em dawn mi? Lo inngaizawng pawh nise ka dem lo, Pu Hminga chet dan a ho em a lawm, kei hmeichhia kha niila chuan court ah hial ka khing ang."

"Feli an ti mi? Khanu kha kei ka mil loh chi tak, Pu Hminga te ang deuh hian kan pa rawn hnaih ve chiah se chuan keichu ka nasa ngawt ang, khawlai ah hnuh hrep ani mai." An nui duh ta bawk bawk a. Min rawn hmuh ve hma in rang zet in in lam pan chuan ka let nghal nal nal a, ka khawngaihthlak zia an sawi ri lo ngawt pawh chu ka veng huai mai! Hmingsangzuala erawh a hnuai a mi te ngei ngei pawn an hmuh dan a dang ta tih ka hriat belh a, lawm viau tur ka nih laiin khawngaih rukna ka nei tho!

"Kuhva i ei ve duh em?" Kawngkhar a nu pakhat lo ding chuan a lo ti vat, ka nui ringawt.

"Hei ei ve rawh i duh chuan." A kuhva pack ken lai chu a rawn lek chhuak zawka, kuhva hi ka ei chhin ngai miah lo.
"Khawi keiman ka lo ei ang." inchhung ațang Rsa a rawn ding chhuak ve ta hlawl bawk.
Hmeichhia chu a pe vat a, Rsa chu a rawn pen chhuak a, Hmingsangzuala kha a la awm em tih ka hriat duh vang nge pawh ka hre lo inchhung lam chu ka thlek zawk a, a țhutna lo ruak hûai ka hmuh rual chuan ka ni nghal hûai thei mai!
"I ei ve ngai em?"
"Aih." Ka chhang rang mah mah! Rsa chu a nui hawk a, kuhva hring chu a insiam zui nghal mawlh mawlh bawk.

"Kan kal kual dawn mi niang?"
"Umm." Ka bu nghat a, quarter vel chu ka rin aiin a lo zau daih, chu mai bak ah pangpar a vul chuk a, ka lo rin dan chuan chul rip riap leh fai hun tawp tur emaw ka ti a, mahse thing țâwi buk hniam lai a cut hi awmze nei tak in a ding kual fur a, a hnuai lam ah derken kung a ding țawi laih zel bawk.

"Ka duh che." Ka ke pen ka tawp dat a, Rsa pawh a ding ve chuih tho.
"Mak i ti em ni?" ka hma ah tak a rawn ding thim ta hmiah, a rawn kun hniam deuh bawk.
"Teh thut a che." A nui suk a.
"Teh thut" ka sawi zawh chiah chu a sawi nawn ve sup bawk.
" ka duh che, chuan enkawl zui che pawh ka duh."
"Rs!"
" tun ah min chhan nghal angai lo, mahse ka duh che tih erawh hrereng la." A rawn ti leh sup a, ka thaw chhuak nghal hak bawk.
"Engvang in nge min duh a?"
" a chhan sawi tur in min duh kher a." Ka nui a, amah pawh chu a rawn nui ve tho, a rawn kun hniam rual chuan ka meng deuh awk a, Rsa hnung lam a in pakhat kawngkhar inhawng huau ațang Hmingsangzuala'n kan chevel chu min lo en leh run tawh.

"I thinchhe lutuk hi a chhan pakhat chu a nia." A dar ah ka beng nghal pawp! A rawn nui chhuak hawk a.
" a tak ani lawm, hmeichhe dang ang in i mizia i thup ve lo va, i mize dik tak nen min kawm a, mipa bulah chuan tlem in mizia thup țhen tur tih vel i apply ve vak loh a vang hian ka duh che."

"Nau ka pai tih i hria."
"A pawi lo, ka enkawl dawn che u alawm." a aw nghet churh vang chuan ka zam ti tih der! Kan țawng ri chu thawm dang awm lo ta na na nâ chu Hmingsangzuala pawn a hriat vek theih ka ring.
"Tun thut thut ah inzawmna neih i duh loh pawn ka nghak thei che, nau i pai emaw, i neih hnu pawh nise he i mizia hi a bo ngai dawn lo, ka nghak thei che alawm." Fiamthuna pakhatmah lang miah lo hian a rawn ti leh a.
"Min nghak thei ang maw?"
"Tehreng mai! Ka hmeichhe duh zawng tawng turin kum 27 chhung ka nghak tawh, kum 10 dang ka nghah leh a ngai dawn ani pawn ka thei em em ang." Mak ti zet a ka en hâ rual chuan vanvadak in a rûm chhuak nghut a. A sawi awmzia ațang chuan keihi.. a hmeichhe ngaihven hmasa ber ka ni tihna maw? Ka ngaihtuah let a, pehhel miah lo in min duh thu a sawi tawp anih kha!

Rsa dar phen ațang chuan kan lam panin Hmingsangzuala a rawn kal tih ka va hmu a, a hmel thim khup leh lungawi loh hmel zet ka hmuh chian rual chuan ka ngaihtuahna a vir nghal zawk bawk.
" nau ka pai tih i hre vek a." Rsa chu keiman ka din hnaih .
"Umm, pawi ka tilo."
"Reilote hun min pe la aw." ka ti a. A bu nghut ka hmuh rual chuan a hnung mai ah Hmingsangzuala a rawn ding fel der tawh.
"Chuan.." Rsa chu a rawn kun hniam a, a hmuiin ka chal a rawn nawr rual chuan a awm ah min kuah khawm tel zat a, Hmingsangzuala ka hmu thei tawh lo, chuan Rsa hi a inpuan tak a vang in a khur rû anih chu!
"Hetiang hian ka bialnu chal ah ka fawh sak țhin ang ka ti a." a rawn ti sup, ka nui hak ringawt! A ban hrawl zet pahnih chu ka hnung ah a suih nghet sauh sauh va, hmeichhe lam ah a rilru thianghlim lutuk chu mak ka ti tak zet! Chuan Hmingsangzuala ang chiah in pangtilum a ngah a, a lungphu ri dawt dawt chu a taksa hrawl zet te nen a inawm hluah hluah.

"Hmeichhe tê tak tê vang in ka zam a nia." a rawn ti nghut a, a riin ka nui chhuak ta hawk hawk bawk, min kuah khawmna a thlah rual chuan a hnung lam chu ka thlek zawk a, Hmingsangzuala kha a lo awm tawh miah lo.

" ka nghak thei che ka tih kha aw." Rsa vek chuan a rawn ti sup a, ka bu ve ta nghat bawk.

Thlang deuh ațang Rsa chu an rawn ko va, a bul ah kal ve ka duh em tih min zawh rual chuan hla ah kal lovin helai vel ah ka lo kal kual tur thu ka hrilh a, hreh hmel zet in amah rawn ko tu te lam chu a pan ve ta hnu hnu bawk.

"Ani kha maw ka fa in pa ti a ko tur chu!" Ka vir let nawk! Thim zing ah hlimthla hrawlpui ka va hmuh rual chuan ka thaw hawlh a! A aw thum zet leh nelawmna tel miah lo rawn ri chhuak thut ngaihthlak hreawm zia mai chu!

Hlimthla hrawlpui chu a che vut a, eng ah a rawn pen chhuah rual chuan rum lutuk in ka lo melh nghek bawk!
"I rai tih ka hriat hma pawn ani khan i rai tih a lo hre daih tawh a maw?" a rawn ti nghut, a kut pakhat chu a cotton dum kekawr ipte ah a zen lut hlun a, a țawng dan chuan min khei ve ta zak bawk.
"Ka rai hlim khan ka hrilh a lawm." Ka ti hmak, a hmel thim mup phen ah chuan nâ ni awm tak ka hmu a, ka rai leh rai loh pawh ngaihvenna chhete anei ngai tlat lo, tun a tak ah rawn lak nat tum viau pawh a țul lo bawk.

" eng nge sawi i tum? A pa ka ni a, ka hre hmasa ber tur ani tih vel kha rawn sawi i tum em?" Ngeiawm fê hian ka nui chhuak hak a. "Mahse chung thil i sawi hma chuan ka rai leh rai loh kha vawi khat tal i care em tih inzawt rawh? Hmeichhe dang ka pan san nu hian ka fa lo pai ta se min hrilh hmasa ber a ngem tih te ngaihtuah tel la, chuan.. a nu pum chhung ah a rawn insiam țan tir lai a hmeichhe dang enkawl ka thlan zawk thu ka sawi ri lo hre vek naute hian a pa atan min duh chiah a ngem? tih te thleng in ngaihtuah tel vek law law bawk la." uar zet in ka ti ta nghek! A kâ ațang a rawn thaw chhuak ham ham a.

" kan inneih chuan Feli i hmuh ka rem ti tawh lo tih ka sawi ri te kha a hre vek, chuan min chhanna pawh ka hre ve vek, chuvang chuan ka pum chhung a naute chungchang ah hian sawi theih pakhat mah i nei ve tawh lo, i pindan chhung a hmeichhe dang a rawn pen luh ve ruala ka hrilhhai zia leh ka mangan zia min hriatpui tu anih hi! A nu mangang lutuk in a pa a zawn laia dawt lo hrilh tu hmeichhia kut thlak atum rual a, a pa in kha dawt lo hrilh tu a țan hlum loh chauh lai leh chhuak tur a a vinna țawngkam zawng zawng lo dawngsawng ve vek tu hian maw i fa nih a chak nek lo tih lo hria la, rawn inrawlh buai duh suh." Rapthlak min lo ti tawk chu an awm leh ngei ang! Mahse ka chung a a chetdan zawng zawng kha min hriatpui miau va, hetiang pa neih hi a zak zawk ngawt ta ve ang.

Thaw chhuak ham ham pah chuan rum zet in ka melh rawm a, ka inher san hmiah, min hnungchhawn a, hmeichhe dang a chhan hlum loh chauh lai ang chiah khan ka fa nen hian kan hnungchhawn ve tawh a nga, rawn hnaih a tum rual a piang in ani ang mihring bawlhhlawh lutuk lak ațang hian ka fa hi ka venghlum lo chauh zel bawk ang.

Ka ban rek ah nghet zet in a rawn hum chawt a, ka inher rual deuh thaw in ka kut a na thip nghal țhawt mai! Insehruh țawlh ţawlh chung chuan a rawn ner suk a, ka ban rek a la hum cheu bawk!

"Min thlah rawh." ka ti țhawt! Min melh khûi rual chuan a biang ah ben leh chawrh tum in kut ka vai fûa a, mahse ka ban rek ah a lo man chawt anih chu!

"Min thlah rawh, ka ten lutuk che." Thinrim hlur in ka kut chu ka phih neka, a thlah lo chiang lutuk chu thirtiang in a tukhum ah hem thluk tawp ka chak hluah hluah. Ka kut a mana chu tal pit tum in ka pawt nawk nawk reng a, ka thinrim lutuk che buai vek chu ngawi ngul in min melh ngûr, min thlah a tum chhin miah bawk silo chu a ngal ah tak ka pet ta pawp a, a rum hawk bawk.
"Kawlh reuh lutuk." Min phih dawrh a, ka hriat leh hmasak ber chu ka in tauh chawrh, hneh lutuk in a awm ah min kuah bo vek rual chuan ka dar ah khabe a rawn nghat a! A rawn thawk chhuah suai suai rual chuan a chetdan ka hrethiam ve ta chiah! Ka tal dawn a, ka kê chiah a che thei!

"Hmela min thlah vat rawh." a awm zawn ah ka thaw țawlh ţawlh mai! Ka kut ka chet dawn a, chu pawh chu a theih loh!
"Ka haw lutuk che, ka haw ngawih ngawih che."
"Ka hria a lawm." a rawn ti sup, a aw dam ruih vang chuan ka kawchhung a so bulh bulh a, ka haw hlawm tawp!
"I nunrawng hle mai." ka ti a, nghet leh zual in min kuah rawn tihna ang lek.
" tal buai tawh lo la, i chau mai mai." ka tal chhuak zo bawk silo leh a taksa deh ka duh bawk silo, ka awm hrang thei miah silo te chuan ka țah a ti chhuak hlur tawh!
" i dul ka khawih pawh i phal tawh a lo a maw?" a rawn ti sup, ka hrawk a rawn in hnawh tup tup a.
" a û i pai lai kha chuan ka hmaiin i dul ka nawr a, i pum chhung a naute hmel kha ka hmu thei a sin."

"Hmingsangzual." ka ti nghek, a hmaiin ka nghawng a rawn nawr tawk rual chuan ham nawk nawk ka chak hluah hluah. Min thlah thawl hlek a, thawk lak harsa khawp a min kuah beh miau a vang in thawk ka la zui țawlh țawlh a, ka ban rek ah bawk vuan in min pen pui nghal dawr dawr a, țan buaina hman pawh a awm lo, kan chaw ei na kawmchhak in ațang khan a bolero awmna kan thleng thla hlawl a, kan chaw eina in kha min hel pui tih ka hre chiah, bolero kawngkhar a pawh hawn pawp rual chuan ka tal nghal nghek a, anin min nawr luh a tum ve bawk si nen kan insual ani ber tawh!
"Tenawmpa khawiah mah ka zui dawn lo che." Ka au khum nghek a, a rum nghut ka hriat rual deuh thaw in ka taksa chu a kang nawlh a, a taksa rem lai lai ah ka chum zui pawp pawp, seat ah min nghah thlak rual chuan a chhip sam ah ka țham nghek a, a chhan ka hrelo, tha zawi hnuang tih hriat lutuk in motor chhung a ka awm reng chu min rawn bawh rawk rawk a, a thaw ri hrawk bawk!

"I țha em?" Ka ti leh hnuhnawh a, a awmdan chu a mak lutuk, kan tha a bo duak ang chiah hian vawi leh khat ah a zawi vek tak tak!

"I thinrim in kut min thlak duh anih pawn ka lu ah nilo ka taksa dang ah țuan rawh." a rawn ti hrawk, a ban hrawl zet chu a chet a, bolero chung lam a han man fuh tak ah chuan a inpawt tho va! Nâ nei ang hrim in a țhen chawk chawk tih a din mar rual chuan ka hre ta chiah, kawngkhar a rawn nem phui dawt a, bolero a rawn kal hual tur te chu bolero hma lam rinchhan in a che țawk țawk, a awm dan chuan min țhawng ani tawp! Bolero hma tâk a thlen fel rual chuan a ban innem khalhna chu a pial thut a! Ka țe țhawt bawk, A sam ah ka țham ringawt sia!

Thei leh thei lova a rawn inbeng kang chu thinphu che dawt dawt chung chuan ka lo en tlawk tlawk, lu a thing nghut a, driver side kawngkhar a rawn pawh hawn tak ah chuan ka lo thaw huai mai!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 6:01 pm

☆UTOPIA:1996☆
Chapter 57
By
Abbra Reo Ririni Khiangte ( Pitartei = Sual Fingi)


" I țha em?" Ka ti sep, nghet zet in steering a hum a, hma lam a melh ngur bawk.

"I țha em ka tih chu." Ka vin tawh biklo.
"Umm." a rawn ti nghut, engine a ti nung tur chu lu a thing leh nghut a, mit a khap zui fak fak bawk. Steering a her kual a, motor hun dan rem lo zet aţang kan tlan chhuah rual chuan engine vek a ti thi leh dûk a. A kut phah hrawl zet chuan hmai a tuai zui puat bawk.

Mahse reilote hnu ah engine chu a ti nung leh a, motor a turn a, thinrim khum a, khawi ah mah ka zui dawn lo tih hrilh a, vin chiam chiam tur ka nih laiin a chet dan phung maksak zet vang hian ka ngawi ta reng ringawt, mipa chak țha tak leh mipa dang ai fe a tha ngah ani a, zu rui nise a rim ațang ka hre thei ang, eng rim mah nam miah lo in a taksa a thunun hlei thei lo, Bolero a kal hual lai kha ka mitthla let a, ka ngaih ațha lo zual sauh bawk.


Quarter aţang kan tlan chhuah fel hnu chuan Hmingsanga chu a rawn thaw chhuak huai a, min be lo va, ka be tawh bik lo bawk. Uluk takin kawng a en rum reng a, khaw nge min hruai dawn tih ka hriat tak ah chuan ka țhu țang ta at!

"I inah ka kal dawn miah lo." ka ti țhat, ka țawng chu hrelo ang hmak in hma lam a melh ngur thung.

"Tah hian motor hi din tir rawh, i inah ka kal dawn lo." Ka ti leh hmawk hmawk a, ka phone a rawn rik ve tak chiah a vang chuan rang zet in clutch chu ka zen zui rawk rawk a, phone screen ka hmuh chian hma in na zet in ka kut aţang phone chu a rawn phih sawn bawrh, motor hma lam a ri zui fâwk bawk.
"Hmela." Ka ti nghek, motor hma lam a ka phone a vawm kai chu ka ban leh kher!
Mahse ka lak fuh hma in a rawn ban leh vut a, screen ah chuan Rs-a hming ka va hmu a, Hmingsangzuala chuan phone chu a off hmak anih chu!

"Min pe rawh." Ka ti tuar, min rawn melh khui rual chuan rum lutuk in ka melh let ve nghek bawk. Ka thusawi hrelo ang hmak in a kekawr ipte ah a thun lut daih a! Lungawi lo lutuk in ka rum nghal hak a.

"Motor hi din tir rawh, chuan ka phone kha min pe let bawk la." ka ti chang fak, ka thusawi namnul lutuk a vawi khat pawh min chhang let miah lo chu ka thin in a tuar tawh der lo.
"Hmingsangzual!" ka au tuar a, min thlek vut a, mahse min la chhang chuang hlek lo.

"Ka phone kha min pe rawh, chuan motor hi dintir rawh, khawi ahmah ka zui dawn lo che ka tih kha." ring lutuk in ka au khum tawn tawn a, beng ngawng ang chiah in vawi khat pawh min chhang let leh chuang lo!

"Ka sawi chu i hria em?" ka seat hma lam ka beng ta pawp!

"Bengchheng vak lo teh." a rawn ti duh lek chauh anih chu!
"Anih chuan phone kha min pe reng ta che." Ka ti leh tuar.
"Ngawi rih phawt teh." a rawn ti zawi sup.
"I rapthlak ngawt mai, ka lak aţang hian engnge i la duh a, hetia i duh ang ang a min pawh kual vel hi i tum anih chuan i tisual ngawt ang." ka ti leh tawn tawn a, min rawn en vut rual chuan ka îp chawi hial in ka hria, a mit hnuai lam a sen ruih, chuan a insehruh ngawt ngawt bawk.

"Kan accident i duh loh chuan bengchheng tawh suh." A aw chu a sehchilh rún. "Ka ngen che anih chu, bengchheng tawh rih suh." a aia ring in a rawn ti leh hluk bawk.
Kâ ka ang zûaú hman tih ah chuan a ban hrawl zet chu a rawn vai vût a, ţawng luihna chi ani tawh pawn ka hre biklo, nghet leh zual in steering a hum a, mahse a duh ang ngawt a min pawt kawi leh ka phone a off vel hmak kha ka la haw hlur thau!

Gate ah kan tlan lut a, kawt zawl ah motor a tih din rual chuan kawngkhar hawnna ka vuan rawk rawk a, kawngkhar nem hawng pawp a ka chhuk hnu ah pawh Hmingsangzuala chu motor chhung ah a la țhu rûn a, ka țhutna lam darthlalang ațang chuan ka bih ta kher bawk! Seat nghenchhan a ngheng a, mit a chhing vung vung a, a thawk lak dan nâ zet vang in a taksa hrawl pui chu a che awk awk bawk.

Reilote hnu ah chuan a rawn thaw chhuak ta hawk a, a seat belt hren a phelh rual chuan motor hlat in ka ding ve zat, bolero aţang a chhuah chiah rual chuan bolero body chu a kang ûk a, min rawn thlek zui vut bawk.
"Lut ila?" a rawn ti sup, lu ka thing nghat a.
"Phone kha min pe rawh, chuan nangnen hian inbiak ka chak loh zia i hria in ka ring."

A rum hrawih chu ka ner khum nghal nang a, thatchhe zet in min rawn thlek leh bûk bawk.

"Sawipui tur che ka nei, zanin hian țha tak in kan inbia anih chuan engkim a fel vek ang." a rawn ti zawi sup, a in ding thim ruih lam ah chuan a thle leh zauh va, zanin ah kan inbia anih chuan ka hma ah a rawn inlan tawh dawn lo tih a sawina ah ka ngai! A țha a lawm.

Inchhung kan luh rual chuan thil hlui engmah ngaihtuah zui lo turin ka inhrilh zui mawlh mawlh a, couch var zau pui lo inhung kual ruih ka hmuh rual erawh in kut ka hum ruh ngat ngat ta mai! Kan sulhnu a tam zo zai lutuk, hna vang in a kal chhuak a, a shirt hak sak in couch ah sawn ka lo mu a, a rawn haw in a room lam ah min pawm chho anih kha, engmah ngaihtuah zui duh lovin lu ka thing nawk a, Hmingsangzuala pawh chuan ka ngaihtuahna chu hria ni awm tak in couch lam chu a en ngur ngur a, chutia kan ngawih dun reng lai chuan couch phen ațang Hunter-a a rawn lang ta hlawl. Min rawn hmu a, kê bai chung a min rawn pan tak ah chuan duhlo tehmah ila keimah zawk in ka pan nghal rawk rawk mai!

A bul chhuat ah ka țhut hniam rual chuan a hmaiin ka ban a rawn nawr a, a hma te kha chuan phur zet in min bawh uan uan țhin anih kha!

"I kê a na maw?" ka ti sep, ka zawhna vang chuan a pangchang ve sauh tih hriat zet in a rawn nghîk a, ka kut phah chu a hmuiin a rawn nawr bawk.

"A na ngawt ang, dam leh vat rawh aw." ka ti a, a lu ah ka chul sak hliau hliau tak ah chuan ka kut thlahleh ve ang hrim in carpet dup chung ah chuan a âwp hniam a, min nawr chêt chêt bawk!

"He lai hi a la na a mi?" a bawp hnung lam hmul kawng ta bik huam lai chu ka chul leh a, fing zet in min chan let nan a nghik leh feih bawk.
"Dam vat vat rawh, ka khawngaih lutuk che.." ka ti sep sep a, duat deuh va bawisawm tak ah chuan a mittui a rawn tla ve hial maiin ka hria, a mit ațang tui a rawn chhuak ve a, khawngaih tha la zet in min en vung vung bawk. Ran mai mah nise keipawn ka țah pui țep mai, kan vawi khat inhmunna țang min ngaina em em a, keipawn Hmingsangzuala ai daih hian ka ngaina hmasa zawk, kan zuk zawn țum pawh khan a pu in min ngawihsan hmiah laiin Hunter-a hi chuan min lo chhang let anih kha! Khami țum te khan a kê hi na lo se chuan kawngkhar ah khan a rawn tlan chhuak ngei ngei ang! Amah tal hi rawn tlan chhuak se chuan Hmingsanga leh Feli inkar ah pawh thil pawi a thleng hman miah lo ang, ka ngaihtuahna vang chuan ka awm chhung a rawn na leh ngut ngut tawh, abik takin kha mi tûk kha ka ngaihtuah let apiang in ka thawk a la pik mup țhin, a chhan chu kha mi tuk kha ka mipa hmangaih neih let leh theih nan ka chance țha ber a ni tih ka hria a, mahse engmah ka thlen tir thei ta chuang lo anih kha! Tih theih kan neih tih hre reng a, ti thei lova kan awm tluk a thawk ipik thlak leh ngaihtuah let chang pawh a rilru zing mup țum a awm tawh teuh lo.

Ka hawi chhuah rual chuan Hunter-a nen kan chet dan chu uluk lutuk in Hmingsangzuala chuan min lo melh rûn a, kan mit a in tawk chat bawk! Rang lutuk in ka hawi sawn a, a chhan chu kei ang bawk in a mit ah khan lunglenna a lang ve emaw tih theih tur khawp a thuk in min en a, rei ka en ngam lo! Nakin lawk ah ka nat belh leh na tur mai mai!

"Min zui la." a rawn ti zawi sup a, ka en chho leh haw rual chuan a hawi sawn ta vut a! Nichin a khan ka hmu sual tih a rawn nem nghet zui hmak bawk.

Hunter-a nen chuan min kal pel vut a, mitam zawk chuan an mi hmangaihte mit ah hian vawt ruih an hmu tih an sawi fo va, kei thung chuan kan hlim ve lai kha chuan Hmingsanga mit ah hian lumna ka hmu țhin! Whiskey tak țha zet kan lem ruala kan hrawk chhung leh kawchhung a lum thla huam țhin ang chiah hian a mit ka en rual in lumna ka hmu a, ka taksa mai nilo ka thinlung te thleng in min ti lum pha țhin hial anih kha!

Inhnuai lam room kil ber kawngkhar a hawn rual chuan ka hawi dawr thei mai! A rawn inher leh vut a, a in ah ka riah țum in zan hnih saw mi room ah sawn ka riak tawh.
"I duh leh Hunter-a pawh kha lo hruai rawh." a rawn ti sup, amah chu chhang tawh lem loin Hunter-a chu ding tur in ka hrilh a, a hma ang khan a che rang thei tawh lo va, a rawn in beng kang ve ta khut khut bawk. A damlo zual lai ka hmu hman lo nangin nâ a tuar nasa tawk tih a taksa tla ve kuam mai ah chuan a lang chiang ngawih ngawih.

A lam pan a Hunter-a nen kan kal hnak hnak chu kawngkhar hawnna hum run chung chuan min lo en ve run reng a, vawi khat tal? Vawi khat lek kan pahnih a kan hlim lai kha a ngaihtuah let ve țhin a ngem le? tih ka ngaihtuah a, a chhan chu a kan pahnih fa hial ka chhiat tawh anih kha! Thil kan paltlang dun tam tawk tawh a, inngaizawng satliah ni tawh lo in nupa ang hial a khawsa dun ren rawn kan ni a, keimah vang a atthlak tih hmel lutuk a a nui suk țum te kha a ngaihtuah let ve țhin a ngem le! aaaa.. Feli a nei tawh a, a ngaihtuah let tawh teuh lo!

A taksa phen ațang room chhung ka hmuh rual chuan ka meng deuh kawk a.
"Inchung lam ka hmang tawh lo." ka ngaihtuahna hria ang hrim in a rawn ti sup bawk, ka bu ta nghat a, kan pahnih sulhnu ah Feli nen hun hman dun a chak ta lo pawh a niang.

"I sawi duh chu sawi la." Kawngkhar a nem phui nghal dawt, bang hrul a side table inhung bulah chuan ka ding a, Hunter-a erawh chhuat ah a bawk leh tawh thung, Hmingsangzuala chuan min kal pel vut a, rum nghut pahin khum tlang ah a țhu thla dawt bawk.

"Naute kha kar engzat nge ni tawh?" ka dul zawn a rawn en rual chuan atthlak zet in ka kut pahnih in ka hup ringawt. Hawi sawn in a ner suk bawk.
"Kar li." a taksa țang nghal țawlh țawlh chu a chhan tur ka hrethiam lo. Ka dul zawn ațang a mit chuan a rawn chhui chho va, ka mit ah tak a rawn en rual chuan ka pawm emaw pawm lo emaw pawh nise a mit thim ruih ah chuan min thlakhlehna chiang lutuk in ka hmu!

"Keimah vang a i mualpho hrep hnu ah pawh i ti tla lo a."
"Ka pum chhung a naute ti tla tur khawp in ka nunrawng lo."
"Aih, Bawihi kha kha ka sawi tum anilo."

Bawihi! Ka inseh ruh nghek mai!

"I sawi duh chu sawi tawh la, chuan ka phone paw. ..."
"Ka khawih thei em?" Ka țawng lai min lo pawhchhah a vang chuan ka melh kawk a.
"Ih.. i dul kha.. ka fa kha ka khawih thei em?" Zawi ruih a a rawn tih leh rual chuan ţap chhuak lo turin thawk ka chelh zui țang țang a! A rawn ding vut ka hmuh rual chuan ka hma lam ah kut ka lek nghal vat, a tawp ve chuih bawk.
"I thei lo." ka mittui tla chu a hmuh ka duh lo, rang lutuk in ka hawi sawn a, a thaw chhuak suai suai bawk. Nau ka pai hmasak zawk țúm boruak ah khan ka let leh loh thêi lo, a hriat rual rual in min zawng a, keiin min tih tlak tir ka hlau va, ka biru bawk, mahse min rawn zawng chhuak a, khum lam ah min nawr let in dimte in khum ah min țhut tir a, a hmaiin ka dul zawn a rawn nawr zui tawk anih kha!

"f**k!" ka ti sep! Helai hmun ah hian ka chak lo lai a hmu tur anilo. Ka chet phat rual deuh thaw in a taksa hrawlpui rawn che vut ka hmu vûat! Kawngkhar hawnna ka chelh hma chuan hnung lam ațang min rawn kuah chawt a! Ka rum chhuak nge ka ţap chhuak hawk ka hrethiam lo! Mahse ka hrawk chhung tawt ngut ngut ațang thil lum zet leh thawm a rawn chhuak tih ka hria.

" Kryptionite." a hmaiin ka tukhum a rawn nawr tâwk rual chuan ka ţap tih ka hre ta chiah! Ka dul zawn khur dar dar khawp in ka kawchhung lam chuan min pawt a, ka awm ah hneh zet in a ban pakhat in min man bet a, ka tal chhuak biklo, a kut phah hrawl zet mai ka dul zawn ah a rawn nghah tel leh a, amah chu ka ngheng ta tawp bawk!

"I ropui lutuk, i hria em? Hmeichhe ropui tak i ni tih inhre tlat rawh, mualphona thlen tu che fa paitlang thei khawp a nu ropui i nih hi." ka kawr nghawng in a khuh thlen loh a hmuiin a rawn nawr rual chuan ka thinlung duh dan ka zawm ta tawp.

amah hmawchhawn in ka inher a, ka hmaiin a awm ka nawr rual deuh thaw chuan rum hrawih pahin nghet zet in min kuah khawm a, a hmuiin ka chhip a rawn nawr nghal tâwk bawk! A lungphu a rawn rang dawt dawt a, keipawh a mah ang tho, ka chhip ah hmui nawr reng chuang chuan thawk a la suai suai reng a, tunah tak hi chuan engmah ngaihtuah ka duh rih lo! Tun hun chiah hi ngaihtuah ka duh.

"In enkawl țha rawh aw. " a rawn ti sup, a jacket hnung ka țham zui tawk bawk.

"Damlo ngai miah suh, i hrisel țhat a ngai a nia." ka hnung rawn chul hauh hauh pah chuan a phun mawlh mawlh reng a, ka pum chhung a naute kiang ah chuan a pa ani tih ka hrilh zui mawlh mawlh bawk.

" hetah lo kal teh." min kuahna a thlah thawl rual chuan a rawn kun hniam ve a, a kutphah hrawl zet pahnih in ka biang huh hliam chu a rawn khup zui nghal zat bawk.
"Țap tawh suh, i chak tâwk tih ka hria a lawm." lu ka thing nghal nawk nawk mai, pa ka tih țhin dan deuh khan a rawn nui suk a, a mit meng erawh a hahdam ruih thung.
" ka Kryptionite i nih hi, ka tan chuan 'ka chak lohna, ka thawk lak dan tibuai vek khawp a ka ngaihtuah ngut ngut țhin ni mahla' hmeichhe chak tak i nih kha, chu chu min hmuh tir zel rawh." chhan tum a kâ ka an ziau rual chuan a kâ aţang a rawn thaw chhuak hawk a, a hmui lum in ka chal a rawn nawr leh hmiah tawh. Zanin a a chetdan dam ruih mai theinghil tur hian engtia rei nge ka fight ngai leh dawn tih ka inzawt a! A chhana chu engtikah mah ka theinghil ngai dawn lo, ka rilru kalbing rual a piang in he hun bawk hi ka ngaihtuah let leh a nga! God! Ka nat belh na tur thil ka thlen tir mek zel anih hi maw!

A inlak hran hlek rual chuan ka biang huh chu a kutin a rawn túai thuak a, ka dar ah man in khum lam ah min nawr phei a, a thil tih leh tur ka hrechiang lutuk, mahse ka dang miah lo thung, min tihnat hlau tih hriat hluah hluah hian khum ah chuan min nawr țhu a, ka hma ah chuan a rawn țhingțhi hniam ve ruai ruai bawk.

A hmaiin ka dul rawn nawr a tum rual chuan a biang ah ka kut pahnih in ka vuan chawt a, a rawn hawi chhuah rual chuan thle deuh vin ka kut chu a hmuiin ka rawn nawr leh zauh va, ka ta chiah nițhin Hmingsanga kha ani hial in ka hria! Ka tukhum ah a rawn man chawt a, min kuai kun a, a chal leh ka chal a insik rual chuan a rawn thaw lum nghal ham ham bawk.
"I phal tiraw?" a aw ri chu a zawi lutuk. Lu ka chet rual chuan thawveng huai ang mai hian a rum chhuak leh hawk a.

Ka kawr chhan ah chuan a hmai lumin ka pum chu arawn nawr a, a û ang bawk in a hmai lum vung vung chu ka kawchhung a naute zawk in a rawn feel thei hial in ka hria! Hmingsanga chu a rawn thaw chhuak suai suai a, tim daiin a dar ah kut ka nghat ve bawk.
" ka fanu." a rawn ti sup, a aia na in a rawn nawr zui leh tawk bawk.
"Ka fanu, Emmanuel!" a țawng zawng a boruak lum rawn chhuak chuan ka dul a ti za uaih uaih bawk.

Engtia rei nge chutiang chuan kan awm pawh ka hrelo, ka thin phu dawt dawt leh Hmingsanga thawk la ri chiah hriat ka nei bawk, ka fanu a ti a, Emmanuel tih kha a hming tur a a duh a ni em ka hrelo nangin keipawh hmui phun in ka sawi ve sep tho.

A in lak hran rual chuan a rawn hawi chhuak a, mittui tling pam in ka lo en reng ringawt!
"Nangmah ang chiah a hmeichhe duhawm lutuk a la rawn ni dawn." atthlak ti zet in ka nui chhuak ta hak, Hmingsanga pawh a rawn nui ve suk tho.
" ngatinge min kal san a?" A nui hmel tawp ruai ruai chu ka en lui ngar.
"Mawh? tinge min kal san a?"
"I hma lam hun keimah vang a chhiat vek ka duh lo." a rawn ti chang bàl!
"Eng maw i sawi?" Ka tih rual chuan ka mit ah tak a rawn en a, ka hma lam hun te a sawi em?
" ka thusawi kha i hre chiang." A ti nghut, tun lawk a min thlakhlehna zawng zawng kha ka hriatthiam siloh in a rawn thlak hlawk tawh. A ding mar ta vut a, khum bul ațang chuan kal sawn nghal in cabinet in pawt hawng thawm ka hre zawm zat bawk.

"Hei hi i hming in a awm tawh." a rawn tih nghut rual chuan ka hawi chhuak vat a, khum bul ah a lo ding leh run tawh, chuan a kut in lehkha phek a keng bawk.

"La rawh." a rawn ti leh nghut a, amah chu ka en a, lehkha chu ka en leh a, lak ka tum lo tih a hmuh rual chuan a thaw hawlh bawk.

"Zothana pharmacy a share 50% saw i hming in a awm tawh, thla tin pharmacy ațang sum lut za a sawmnga saw i chan tur anih tawh chu.." rapthlak ti lutuk in ka melh ta ngawt ngawt mai!
"Hei hi neitu i nihna lehkha anih hi." a rawn tih leh rual chuan khum ațang chuan ka ding chhuak ve ta hlawl a.
"I pa ang chiah i ni." ka ti fak, Hmingsangzuala hmui chip ta hmak chu thip zet in ka melh ngar bawk.

"Ka nu chung ah i pa chet dan ang chiah khan ka chung ah i ti ve leh kher a maw?"

"Bawihi.."

" I rapthlak ka ti lutuk che, ka nu chung ah i pa chetdan tenawm tak ang chiah khan tinge ka chungah i chet nawn ve leh kher a, in pa fa hian kan nufa hi induh dan dan min pawh kual engvang a tum thla zen zel nge in nih a?" ka ti tuar! Ka au ring bawk a, pindan chhung ah chuan ka aw chu a khawk țhawt bawk.

"Sawi tur i hre miah nange?" Ka nui chhuak hawk a, min hmusit lutuk ni ber in ka hria.

" zan in a i thil sawi duh kha hei hi anih chuan kei hian i cheng khat pawh kha ka mamawh lo." Ka aw khur hlak hlak chu ka thinrim lutuk vang ani tih ka hria, ka kawchhung a sa bulh bulh a, sa tak ani tawp!

"Ngaihdan kawi pu lo la."

"Hmingsangzual." Ka ti tuar, a inseh ruh nghal țawlh țawlh bawk!

" Thinlung i nei ve emaw ka ti che a, mahse nang hian thinlung i neilo, min nunrawng lutuk leh i pa ang chiah a mi tenawm, midang hmuhsit ching ve tho i lo nih hi! I pa khan ka nu kha maw enkawl zui te tum in i pa û nen an ințhenrual khan a lo thlem a sin, tun a i chetdan tenawm zet ang chiah hian sum țha hnem tak pawh a offer hial ta ve ang, ka nu khan i pa rilru tenawm zet kha a hnar fithla țhak! Chuan kei.. ka nu fanu hian maw! Kha mi tenawm pa fapa, amah ang chiah a rilru tenawm pa sum hi ka mamawh bik lo ve." Ka au ring in ka sawi hnem bawk a, thawk ka la zui nghal kawk kawk bawk, Hmingsangzuala rum ri hrawih ka hriat rual deuh thaw chuan a lehkha phek ken lai te nen chuan a bek zawn a dawm zui chawt chawt a! An pafa hian tinge kan nufa hi min hmuhsit em em mai le!

" ka phone kha rawn la rawh." Ka ti leh hlak bawk. Ka thusawi hre lo ang hmiah in a bek zawn chu a kut hum ruh tlat in a nawr chawt chawt reng a, eng lemchanna nge neih a tum ka hrelo nang in a kekawr ipte ațang ka phone zen chhuak tur in ka pan ta tho. Lemchan pawh a lo hnehsawh khawp bawk hi le!

A kekawr ipte zen ka tum rual chuan a hrawk ațang thawm mak deuh a rawn chhuak hrawk a! Ka ban rek a rawn hum chawt bawk, a tha khur hluk hluk vang chuan a lemchanna te chu a tak a ang phian leh nghal.

" hei la rawh."

" thi rawh min tila awlsam lutuk in ka intihlum nghal ang, i hnen ațang cheng khat lek dawn ai chuan thih ka thlang zawk tihna anih chu!" A hmai sen țawlh țawlh leh a chal a thisen zam rawn lang val kulh chu ka chho en vah a, ka kut a man pawh ka phih nawk bawk!

A thaw hawlh hawlh a, a kekawr ipte ka zen lui ta tho, phone ka phih chhuah rual chuan murble chhuat ah chuan eng emaw a tla ri bal bal a, a zungbun min pek kha ani tih ka hriat rual chuan ner sak in ka inher hmiah! Mahse na zet in ka ban rek ah a rawn phih leh dawrh a!
"Kryptionite la mai rawh." A rawn ti hrawk! A kut ațang lehkha phek chu ka phih thla nawk a, ka pawt thler nghal hmawrh hmawrh bawk, a mit a sen rûm, ka chetdan vang chuan a thinrim lutuk niber in ka hria, a taksa chu a khur dur dur a, lehkha nawi chuan ka vawm zui leh ta kher bawk! Min vai thlu nghal tawp lo chu thil mak ani!

"Rs-a'n naute chu min enkawl pui dawn, i rawn inrawlh ve a țullo." A landan chu ka en chhuak leh vek a! Hetiang khawp a min hmusit tu hi ka ngaidam mai mai hauh lo vang!

Inher leh in kawngkhar lam ka pan nal nal a, Hunter-a pawn ngawi reng in min thlir dauh dauh mai, kawngkhar chu ka pawt hawng pawp a, Hmingsangzuala rum ri deuh hrawk vang chuan inthunun hman lovin ka inher let zawk a, mahse a hnung lam chiah ka hmu, washroom lam pan in a pen zui pawk pawk a, a duh dan dan in nung rawh se!

Pindan kawngkhar ka pawh phui dawt rual chuan ka thaw chhuak vak a! Khatiang khawp khan min diriam a țul kher lo a sin!

Sitting room lam pan a ka pen hlawk hlawk rual chuan door bell a rawn ri ve chiah a, kawngkhar pui bul ka thlen rual chuan phone chu ka switch on a, door bell pawh non-stop in a ri char char! Chhung lam ațang ka nem hawn rual chuan phawk zet in Feli chu a rawn meng kawk a! Kei erawh ka nui ta sak.

"Hmeli hetah eng nge i tih a?" a rawn ti tuar, mit hmul ka kán khum ak rual chuan kut min thlak chak hmel lutuk in a rawn pen lut a, kut min thlak anih chuan nâ zawk ah ațan hma ka tawp miah lo vang, țawngkam chhe zet min hman khum anih pawn nâ zawk leh zak zawk ah ațan hma chu ka chhang let zel bawk ang! Chu zawng chu!

"Khaw nge Hmingsanga?" A rawn ti leh hlar.
"A room ah." Mit ka siai zauh va, engmah sawi tawh lo in a pen lut hlawk hlawk a, kailawn ah a lawn chhoh rual chuan ka nui chhuak ta hak a.

"Kha mi room kha a hmang tawh lo." a ding ve dat kailawn vawn chhan vuan reng chung chuan min rawn melh ngawt ngawt bawk.
"Inhnuai room tawp ber ah sawn nichin khan kan awm dun, keipawh chu ta țang chuan ka rawn chhuak chiah." ngeiawm zet a nuih pah chuan inhnuai a room lam ah chuan ka thle nghal bawk! Thla nei se chuan kailawn ațang rawn thlawk thla in min rawn khawih zui ngei ngei ang! Kei erawh chhung lam ah ka nui sak thung! Min tina em em tu ka ti tlawm ve kha pawi tihna ka nei hlek lo bawk.

"Va kal la, eng nge kan tih te va zawt la."

"Lalrinmawi" a rawn ti tuar! A hming pum takngial pawh ka la hriat loh laiin ka hmingpum chu a hriat bel hmel tawh fû!

" zawt pawh nila a hrilh dawn chuang silo che sia tiraw."

"Ka that dawn che." Kailawn ah chuan a rawn pen thla zawt zawt a, Sitting room a thlen rual chiah chuan mipa aw lian zet leh ring fiak țhawt vang chuan a tawp chawt a! Pawi ka lo ti ru hle thung! A duh ang ngeiin rawn che chhin se, eng nge ka tih theih ka lo hmuh tir mai tur!
"Bawiha, i țha em?" a aw inthlak danglam dawr chu ka ten tih zawng ka hria, kawngkhar pui ah chuan ka pen chhuak a, amah in kawngkhar a rawn in vuak khar hma chuan ' Bawihi' tih ri ka hre vuat! Rang zet in tual zawl ah chuan ka pen pawk pawk a, phone chu ka hmet eng a, Rs-a min lo call na vawi 25 lai a lo awm tawh a, ka kê pen tawp miah lo chuan call back tum in phone chu ka hmet mawlh mawlh reng a, min ngaihtuah tawh ngawt ang, tun ah lah zan dar 8 a pel fel der tawh lehnghal.

Rs-a chu ka call a, min call a tum ve vang nge ka call tlang thei miah lo, gate pawn ka thleng tawh a, thim chin ah car pakhat a lo inhung a, Rs-a ka call tumna pawh ka off ta rih bawk, reilote hnu ah a call a rawn lut ta reng bawk.

"Hey.. There." Ka phu zuk mai! Ka hawi chhuah rual chuan mipa pakhat hi a lo nui ang sawng lehnghal!

" min lo hrethiam la, ka hre ngailo tlat che." Ka ti hmak, a thim vek tawh a, mihring veivak hmuh tur an awm lo, chu mai pawh nilo in light eng hliah in a rawn ding miau va, a hmel ka hmu chiang thei lo.

Phone chhang tur a ka scroll phei chiah chu ka hma a mipa ding chuan ka phone ken lai chu a rawn phih thut a, a off a, min rawn pe leh nghal mai a!

"Kan inhmu leh ta a lawm."

"Ka hre ngailo che ka tih tawh kha." Ka ti ve hlak,
"Tak zet!" a rawn ti hluk, a phone hum lai chu a lek kang a, a hmeh en pap rual chuan screen ah chuan ka thlalak a lo lang ta va mai! Phawk zet a ka en reng lai chuan ka hmai zawn chet ah phone chu a rawn nawr hnai a! Hmingsangzuala phone anih hi!

"Tunge i nih?" ka din dan ka siam rem ru nghal vat a, Hmingsangzuala rawn let khan number hran a hmang zui nghal zat anih kha!
"Tunge ka nih maw?" chapo hmel zet hian a dak deuh vah! Eng fiah lo riai rinchhan a a hmel ka hmuh chian tak ah chuan ka lungphu a rang zui dat dat ta thung!

" oh, min hre tawh in ka hria." A rawn ti leh nghut, a thle deuh bak ka hmuh rual chuan a thlekna lam chu ka en vat a, ka ding lam leh vei lam ațang ka dinna lam panin mipa pahnih an rawn kal ve mek!

"Ka hrelo che."

"Roger-a" a rawn ti sup a, " I pasal hual tualthat lai hmu tur a ko chhuak tu che leh thim zing ațang rawn țham chhuak tu che kha ka ni e!" ka kawchhung a țêk chhawk thei! A awmzia chu Hmingsangzuala chungchang message min rawn thawn char char tu kha amah vek hi! Chuan Hmingsangzuala thah tum tupa pawh Roger-a a tho anih tak kha!

"Engkim i hre chhuak thei maw? Nakin ah zawhna chu min la zawt dawn nia.." ka hnar leh kâ chu eng in emaw an rawn hup hnan thut a, ka kê lam ah an rawn man lai leh ka taksa kang deuh nawlh chu ka hre țawk țawk!

"Tun ah nilo, remruat sa ang in Bawngkawn lam pan phawt tur!" Chu chu ka thawm hriat tawp ber a ni zui der bawk.

Ka nghawng na ngut ngut vang chuan ka ner sak a, a kham ngut ngut tiila a dik ber a, mit ka men rual chuan mei alh hluah hluah ka hmu hmasa ber a, ka nghawng chu na lo chi pawh anilo, ka kun reng tih ka inhriat rual chuan ka țhu mar nghal at a, mei pui inchhep hluah ka hmuh thiam tak ah chuan ka hawi nghal dawrh dawrh mai!

Mipa pathum inhlat tak ah an țhu a, pakhat chuan chemte in thing tuai a suih mek a, a dang pahnih chuan min melh rûn, ka nghawng na ngut ngut hmeh ka tum rual chuan ka tal zui ta nawk! Hmel ho phiangsen chu!

"Slow down! I tal chhuak zo chuang lovang!" Roger-a chu ațhutna ațang a rawn ding zui zat, lei ah ka țhu sawp a, chuan thingkung ah min phuar bet anih chu! Muang zet a ka lam pan a Roger-a rawn kal chu ka lo melh rawm rawm a, meipui eng hnung chhawn a rawn pen anih vang in zan thim mup hnuai ah chuan a hmel landan ka hmu chiang ve thei lo, ka țhutna bul ah chuan a rawn țhu hniam thla ve a! A kut hrawl tham zet a rawn lek kan rual chuan ka thle sawn nghal sawk bawk.

A nui chet hlak a! Engvang a kei hi min hruai hrang ve ringawt nge an nih?

"Ka message dawn vel kha a nuam phian lo maw?"

"Tênawm!" Ka ti hlak, mipa pahnih awm ve te chuan min ngaihsak hran vak lo.

"Ka chet duh dan a ka chet hun ah meuh chuan tênawm tih thumal aia țawngkam chhia i ngaihtuah kual ruai mai ang." Ka ke rek ah a rawn hum chat a, a kut chu rawn nawr chho in ka malte ah a rawn tawp a, ka ke lehlam in a khup ah ka tlawh pawp bawk.

"Ka lak ațang hian eng nge in duh a?" Ka ti tuar, Roger-a chu a nui chet leh hlak a, ka taksa ațang kut a la sawn ta mai bawk.

"Ka thil duh chu i hre thuai mai ang." A ti nghut, "No, i hmu thuai dawn." A ti leh hmuk a, ka ke rek ah vek min rawn tawh leh tak ah chuan kê ka chet leh țawlh a, Roger-a chu a ding ta daih a.
"A rawn thlen ahun viau tawh lo maw?" A ti zui hluk bawk, mipa pahnih te chu an bu nghut a, tu nge an la nghah! Ka thaw chhuak ta hawk a! Thil awmdan ka hrefiah nghal zut zut bawk!

Hmingsangzuala chanchin chhui tur a min rawn be țhin tu kha Roger-a vek hi a lo ni a, chuan Rs-a khan Roger an service a phatsan thu leh Hmingsangzuala a kah thu a sawi bawk! Chuan nichin khan Hmingsangzuala phone min hmuh kher bawk anih kha! A awmzia chu heta min hreng hi Hmingsangzuala ko chhuah nan an hmang dawn! Ka thawk rawn rang nghal zawih zawih chu tih tawp tum in thawk ka chelh vang vang a! Hmingsangzuala haw em em tu hian zanin hian a ko chhuak thei ngat anih chuan.. an that hreh hauh lo vang!


Au chiam chiam in min chhan tur au mahila he lai ram palaileng ah leh nghal hian tumah min țanpui tu tur an rawn chhuak dawn lo, chuan an ni pathum thin ka tirim zual sauh a nga! Kut hial ka tuar mai thei! Mahse helai hmun ah hian Hmingsangzuala rawn kal ve tur in ka duh lo. Rilru fim put tum in mit ka chhing leh vang vang a, min phuar behna ațang chuan ka tal chhuak thei a ngem tih hriat tumin mit ka meng leh hlawl a! Chil ka lem nghal dawk mai! Hrui hrual lian lutuk in ka kawng a chin chung lam zawng chu thing ah min phuar bet vek!

"Min kal tir rawh u." Ka sawi zawh rual deuh thaw chuan Roger-a chu a rawn inher vut a. Kan inkar ah meipui a awm tawh vang in rapawm zet a a nui chu ka hmuchiang ngang mai!

"Kan la kal tir ang che." A ner zui suk bawk.

"Min hren vang ngawt hian Hmingsangzuala a rawn kal dawn lo, inthil duh inhmu dawn lo tihna anih chu." Ka lam panin Roger-a chu a rawn pen let leh pawk pawk a, a kekawr kawng ațang pistol a phawrh chhuah vut rual chuan mipa pahnih te chu an lo nui huah huah a! Ka chal dar ah tak a rawn nawr si nghal chet bawk

"A rawn kal dawn, kha mihring hmuh lai ngei khan ka khawih dawn bawk che." pawisak nei lo lutuk in a nui chhuak huah huah a. 'Ka khawih dawn che.' ka hmul thi a ding sung sung hial in ka hria!

"Khi le." Mipa pakhat in torch a lek kang vut a, luikawr chhak lam a han chhun eng pup ah chuan Hmingsangzuala a rawn lang ta hlawl a! Tinge amah chiah in a rawn kal a?!!!

Lui chu a rawn kan a, ka thinphu a rang dawt dawt tawh!

"Roger, Bawihi kha kal tir rawh." a rawn ti nghal tawng! Meipui a rawn kal pelh ve hma chuan mipa pahnih te chuan an lo dang a! Hmingsangzuala chuan pakhat zawk chu a hnek nghal chawrh! A pai nawk a! Mahse ka bek zawn ah tak Roger-a'n pistol a min tin leh siah tak ah chuan rum hrawih in a jacket hak chu a siam țha vut.

"Hmeichhia anih kha, mipa buaina hmeichhe chak lo zawk chu hnuh luh loh tur." a aw chang zet chu a ri hrawk!

"Indona ah chuan thiang lo a awm hleinem."

"Roger!" a rawn ti sup, min rawn en a, meipui alh hluah hluah eng aţang chuan a inseh ruh nghal țawlh țawlh tih ka hrethei!

"Bawihi.."
"Love story drama chu nakin lawk ah hmuhnawm lutuk in en dawn a lawm!" Roger-a chuan a rawn ti hluai, lu a thle zeuh va, mipa pahnih chuan Hmingsanga ban ve ve ah an man chawt a, pakhat vawnna ațang a kut a phih hran hlawk rual deuh thaw in na zet in Roger-a chuan ka chhip sam ah a rawn țham ngek!

"Roger i kut hmawr pawh khan tawk tawh suh." a rawn ti hrawk.
"Ka thu zawm mai rawh, anih loh chuan he hmeichhe thluak hi a per nghal ang." Mipa pakhat zawk in a banah a man leh rual chuan Hmingsanga pawh chuan țan buai a tum tawh bik lo, a hnung a khirh zui mawlh mawlh a, pakhat zawk in a hnung lam ațang a nem thut rual chuan ka taksa hi a hit zawk! Hmingsanga chuan meipui alah hluah hluah chu a bawh tawh mai dawn maw ka ti a! Ka au nghal tuar bawk! Mahse mipa pakhat chuan a man let hlauh va, Roger-a erawh nuam ti lutuk in a nui huah huah thung.
Hnung lam ah a kut phuar beh sak reng chung chuan ka awmna lam ah an rawn nem phei nawk nawk a, an chetdan rapthlak lutuk chu hmachhawn dan ka thiam tawh hlawl bik lo, hmeichhe chiai hma lutuk ka ni ngailo, mahse tun a thil thleng kher kher hi chu a pangngai lo lulai em a!

Engmah ka ngaihtuah zung zung thei lo va, Ka hriat zawng erawh Roger-a hian kum 3 liamta ațang khan service a an thawhpui dang te pawh service pahtsan tur in a thlem tawh țhin. Amah aia thunei tu zawk Hmingsanga lak ațang hel turin a fuih a, anih loh pawn Hmingsanga a dinhmun ațang hnuh thlak dan tur kawng a zawng țhin tih leh hman zan khan Hmingsanga a thah thu Rsa a hrilh! Tih zawng ngaihtuah tur ka hria.

"Țhingțhi rawh." Rogera aw verther zet chuan min țham zawk! Hmingsangzuala a melh ngur bawk. Hmingsangzuala mit meng thip kham leh thisen chhuah chak hmel hluah hluah chu en a hreawm tak zet!
" ka hma ah hian țhingțhi rawh! Nge ni a, henu taksa ah hian hliam ka siam sak phawt dawn." vawi leh khat ah a au chhuak țhawt a, ka chhip sam ah a rawn țham leh bawrh rual chuan Hmingsangzuala pawh a rawn che ve ta phut mai! Mahse mipa pakhat in a thing tuai lo suih tawh a chuh vat a, Hmingsangzuala malpui hnung lam ah dimna tel hauh lovin a hlap zui pawp anih chu! An phih thlu hnawk a! Roger-a hma ah a țhingțhit rual chuan mit ka chhing sawk mai!

" i nunna zuah sak tur che in khawngaih min dil rawh." Rogera vek!

"Bawihi hi kal tir rawh u."

"Ni mai love... ka ngaina riau tlat."
"Roger!"
"Ka sawi ang chuan tivat rawh! Khawngaih chu min han dil ta che Captain Hmingsangzual. Nge ni a, i sava note hi a thuamhnaw ka hlih sak vek dawn."

"Khawih hlek suh." Hmingsanga aw lian zet ah chuan min vehim a tumna ka hre thei a, mahse tun dinhmun ah kher hi chuan thlamuanpui a hneh in a nunna in a tuar phah thei tih zawng ka hria.

"Khawngaih min dil nge? A thuamhnaw ka hlih sak lai i hmu duh zawk."

"A sawi ang chuan ti vat mai rawh." A thing tuai ken lai vai ri fua khawp in pakhat zawk chuan Hmingsanga hnung ah chuan a hlap pawp a, a thaw chhuak hawk bawk!

"Roger duhtawk ru.."

"Nangkha lo ngawi rawh." A rawn ti țhawt,

"Roger ka nunna min zuah sak rawh." Hmingsanga'n a rawn tih rual chuan ka taksa chhung lam a na nghal vawng vawng thei mai!

"Oh! Sawi țha leh lawk teh, tun ah khan 'khawngaih tak in ka nunna min zuah sak hram rawh!' tih i sawi em?" Roger-a'n hmuhsit hmel zet in a ti leh kher. Hmingsangzuala inseh ruh țawlh țawlh chu chapo zet in a melh ran bawk.

"I sawi duh lo anih chuan ka thil tih turhi hmuhnawm i ti khawp ang." Kê ka leng zui nawk nawk a, Roger-a'n ka kawrfual hak tlang a rawn nawr tawm tawk rual chuan Hmingsanga a tlawm leh chiang kher mai!

"Roger, khawngaih takin ka nunna min zuah sak rawh." a rawn ti táwk a! Nuam ti lutuk a Roger-a nui ri hawk chu ramngaw chhuang ah chuan khawk hial bawk.

"Hmingsangzuala khawngaih min dil anih chu!"

"Roger." a rawn ti hrawk!

"Khawngaih i ni e." Roger-a vek chuan a ti leh hawk a, Hmingsangzuala nuihzat zet chuan a nui zui huah huah reng a, a ding mar a, a pistol ken a lek zauh rual chuan mipa pahnih te chuan Hmingsangzuala ban an phuar beh sak tawh reng chu an man bet zui ta hmiah a, a tal dawn a, mahse Roger-a'n min pan ruau ruau tak ah chuan keimah zawk min rawn melh a.

"Roger, khawih tawh suh.. khawih tawh hlek suh."

"Wow... ka khawngaihna min dil zo chiah mihring in WARNING min pe ang maw."

"Induh phawt chuan min khawih rawh u, mahse Bawihi kha kal tir rawh! I kut hmawr pawn i tawk leh anih chuan i tawpna tur a nuam hauh lo vang." Thip zet in Roger-a chu a melh a. A hrawk hrui a inphiar țawlh țawlh thei mai.

"Really? " a ti nghut! Kut a lek zauh rual deuh thaw chuan Hmingsanga chu an nem bawkkhup thlawp a, a lu ah tak Roger-a chuan a rap zui sawk anih chu!

"Duh tawk ru." Ka ti tuar, Hmingsanga chuan thawm pakhatmah a siam lo, mipa pakhat in a kut ah phur khawm sak chu a rah sak leh chawrh a, ka taksa zawk a la na zawk zawk a, an nghaisak dan ațang hian tih hlum mai pawh an hrehlo tih a chiang reng!

Roger-a chuan Hmingsanga lu ah rahbeh sak reng chung chuan pakhat zawk chu a signal zauh va, chu pa che vut chuan eng nge a tih leh dawn pawh ka ngaihtuah thiam tawh lo, hnim pik kar a zen lut a, min țanpui tu tur dang rawn kalse ka ti hluah hluah, Hnimbuk kar ațang thirtiang lian zet a pawh chhuah rual chuan duhtawk turin ka au tuar tuar reng a, mahse muang ruih in chupa chuan thirtiang chu a rawn hnunk hnai zel tho! Lung țhil ah thir chu a in nawr ri rawl rawl reng a, ka thinphu te chu a sa pup pup a, a chang in ka kawchhung a so bulh bulh reng bawk!

" he thirtiang a ka vuak hmasak țum che khan thi hlen la ni tur!" Roger-a chuan a ti nghut! Hmingsanga lu bul ah thirtiang chu a rawn chhun bur vu a, Roger-a chuan a hum nghal chawt bawk. Thirtiang hum reng chung chuan min rawn en kher a! Thil thleng mek hi a rapthlak lutuk, ka bing chuk chuk bawk.
"Tih suh.." ka hrawk ațang a rawn chhuak hawk! Roger-a chu pawisak neih loh hmel zet in anui hawk thung. Hmingsanga lu ațang ke a lak sawn vut rual chuan mipa pahnih te chuan Hmingsanga chu an tung tho leh a, a hmai lei vang a bal nuau chu a hnar ațang thisen chhuak in a luan hun zui a, a landan hmuh hreawm zet chu rei en ngam lo in Roger-a chu mittui kar ațang ka melh ngawt ngawt mai!

"Hmingsanga hi kal tir rawh u."

"Eng nge min tih sak ang." A rawn ti a, Hmingsanga himna tur anih phawt chuan engkim ka ti vek mai ang.

"I duh duh ani mai!"
' Kryptionite!' Hmingsanga aw zawi lutuk chuan ka țah a ti chhuak ngawih ngawih, a kut an phuar bet sak tawh a, heng ramhuai te hian thirtiang hian an hlap leh zel anih chuan a nunna in a tuar phah mai ang!

" kan duh duh min tihsak dawn anih chu!" An nui tlang huah huah a, Hmingsanga bul lawk a thirtiang bur vu an pawh phawi sawk rual chuan ka țe nghal tuar a, an nuih ka tiza zual sauh ani ber e!

"I sava note hian ka duh duh ka tih a rem ti anih chu!"

"Mitenawm pa."

"I duh tawk in anchhia min lo lawh rawh, i mit hmuh lai ngei a thil thleng tur hi hmuh nuam tak ani dawn hauh lo." A rawn țhuthniam rual deuh thaw in ka kawr nghawng a pawt zau kawk a, a kut tenawm zet a rawn zen luh rual chuan mit ka chhing sawk mai!

"Roger." Hmingsangzuala aw lian zet mai ka hriat rual deuh thaw chuan ka taksa chu eng emaw in a rawn delh dawt a, mit ka meng chiah tih ah a ri zui chawrh bawk!
"Bawihi!"
Engkim reh duk mai kar ah chuan Hmingsanga rum ri hrawih hrawih reng chu ka hre thei! Min rawn bawh tu tukhum ațang thisen duk rawn chhuak nguai nguai ka hmuh rual chuan ka lungphu chu a ding duk a! Engtin nge mipa pahnih in chethei lova an phuar bet hnu, an man behna a ta a rawn tal chhuah theih ka hrelo!

A rawn thaw ri leh hrawk mai khur in a rawn pawlh telh rual chuan ka mittui a luang thla pap a! Rogera'n min khawih a phal loh vang in a rawn che chhuak a, mahse a tukhum ah thirtiang in an hlap phah!

"Hmingsang..!" ka aw a tham țiak, ka taksa te nen ka ban an phuar tel vek vang in ka che thei bawk silo, Hmingsanga thaw ri hrawih hrawih reng kha a tawp tawh! Ka duh thei lo! An ni hian an that em ni!

"Hmingsang." Ka ti leh tuar a, a thaw tawh lo! Ka taksa a che thei awm chhun ka kê ka leng nghek nghek a. A thi ngawt thei lo!

"Hmingsang.." mangang lutuk in ka au tuar tuar reng a, a tukhum ațang thisen rawn chhuak chu tihtawp sak ka duh a, mahse ka kut tak ngial pawh ka chet thei der bawk silo.

"Khawiah mah kal suh aw." Ka țap chhuak hawk hawk, ka taksa bawh reng chuang a ka mipa hmangaih ber mai hliam tuar che thei lo chu ka kut tak ngial pawn ka khawih thei lo anih chu!
"Min kal san miah suh.."

Ka awm zawn a rawn lum hawk rual chuan silai a puk zui dawp a! Na tuar rum thawm in a zui zat bawk! Vawi khat dang silai a puak leh a, midang țawng thawm te nen a rawn ri zui a, thei leh thei lova Hmingsanga taksa rawn che țual țual chu eng nge ka sawi teh hrep pawh hrelo in ka be mawlh mawlh a.
"Sir i țha em," police uniform ha mipakhat a rawn lang hlawl!
"A kut phur kha phelh sak rawh." ka ti tuar, chupa chuan min rawn en zawk a, ka hawi chhuah rual chuan Rs-a'n Roger-a silaiin a lo tin run a, mipa pahnih te kha chu lei ah an tlu hlawm reng.

Hmingsanga hnung lam a aban an phuar beh sak a phelh thawl sak rual chuan ka taksa ațang a pawt hrang hlek a, a rawn meng vai ruai ka hmuh tak ah chuan a dam tih ka ring ngam ta chiah!

"Bawihi i țha em?" A kut pahnih in ka biang a rawn khuap a, hliam tuar reng chung in ka țhat leh țhat loh min la zawt zawk cheu anih chu!

Min phuarna police pakhat chuan a phelh mawlh mawlh a, reilo te tak tak a hmuiin ka chal ah a rawn nawr a, a awm hran vut rual chuan ka taksa a hrui in vet hnawk nuaih chu a pawt dawk zui mawlh mawlh a, hruihrual chu a kut ah vet in a ding mar ta vut bawk!

"Eng nge ka hrilh che kha! I tawpna tur a nuam dawn hauh lo." Hmingsangzuala aw chang búl mai vang chuan Roger-a chu a che phut a, mahse a tlan chhiat hlat hma in Hmingsanga thinrim chuan a hrawk ah tak hruihrual chuan a hling hman tho! A phih thlu nawk a! A thil tih tur ka chian lutuk vang in ka en ngam tawh lo!

Rsa'n a jacket in min rawn khuh a, mipa thaw chham tur thaw ri bawrh bawrh chu tui luang ker ker bak thawm awm lohna ah chuan ring țha tak ani tawp mai!

________________________________________________________________

Silai a puah miau a vang in silai puak thawm hria in mipui an rawn pung khawm a, ruang pathum ngawt ah rawn hmu chu an beisei loh tawp ani tih hriat takin tupawh chu an rawn ri huk zel a. Hrui hruala Roger-a a reh hlum hnu ah mipahnih te kha an la dam vang in Hmingsangzuala'n an hruai hrual min phuarna vek khan an nghawng ah a vet hlum ve ve!


Field ah chuan Ambulance a rawn thleng a, Hmingsanga'n ' amah vang in eng buaina mah ka hmawchhawn thawh ngai dawn loh thu leh hahdam tak a awm tur a min hrilh a' a hnu reilote ah ka dar ah chal a nghat a, nikhaw hrelo in a awm zui ta anih kha!

Ambulance in an phur a, kei nin an hnung ah kan zui ve zel bawk! Rs-a pawn hliam ka neih leh neih loh min zawt a, hliam ka neilo ka tih tawh hnu ah pawh a lungawi thei der lo. Ka ngaihtuahna erawh Ambulance chhung lam ah chiah a awm thung, ran pui talh țhin tu te hian tinge ran chaldar ah emaw, a thukhum ah emaw kher bawngtuthlawh hnung lam a an vuak sak țhin? A chhan chu luruh hi chang țha viau mahse thilnung eng pawh tan chuan lu ruh a khi anih chuan awlsam takin a thih nghal theih! Chu thil chu hria in Roger-a leh a ho te pawh khan Hmingsanga lu ah kher tiangthir khan an vua a! Nie, min tina tu, a pa in ka nu chung ah a tih ang chiah a ka chung a thil tive tu, ka mihring huat ngawih ngawih pawh ni mahse a thih ka rem tilo, ka tâ ani thei ta lo anih pawh a duhthusam chungkua din tur in ka duh! Carlos-a'n chhungkua nei ve se, nu leh pa karah awm ve rawh se, Hmingsanga pawh a neih chak em em chhungkua nei a, hlim tak awm tur in a phu ngawih ngawih, chungthil zawng zawng haw viau mahila khawvel ah a awm chhung tal chuan a nei vek ka duh sak ngawih ngawih thung, chhungkaw nei mumal lova vanram luh a duh bik teuh lo, chhungkaw dang intawk khawm leh te Carlos-a nen chiah kut in kai chung a thlir turin ka duh lo va, pialral ah pawh a kiang ah dingtur neih ve a phu tak zet!

"Lalpa a nunna laksak suh aw." Ka ti sep sep reng a, Roger-a'n min khawih a rem tilo lutuk min humhim a tumna lam ah amah zawk in a tuar ani a, keimah vang in a nunna a chan tur a nilo, thawk zing lutuk a ka thawk chhuah rual te chuan bike in min rawn tlan pel zut zut a, zanthim chhah mup kar ah chuan motor kan inzui duah duah ani ber, Ambulalce kiu ruah ruah thawm te chuan ka thawk lak a ti zing tak zet!

Hospital kawt ah Ambulance a din rual deuh thaw in a hnung mai ah Rs-a'n motor a tiding a, thil thleng zawng zawng kha zanthiam hnuai a thleng vek anih vang in engkim kha nmangchhia ang maiin min umzui reng tawh hial ang, ka țhutna kawngkhar ka nem hawng pawp a, ambulance hnung lam an pawh hawm pawp rual deuh thaw in Hmingsanga mutna khum chu an pawt chhuak a, a lukham thisen vang a huh zui ka hmuh rual chuan thin chhung na ngut ngut chung in ka țap chhuak leh hawk a, ka darah min rawn kuah tu an awm a! Damdawiin chhung a Hmingsanga an nawr lut chu min umzui pui hlawk hlawk bawk, thil thleng engkim chu ka mang hriat ruai ani ber! A la dam thu an rawn sawi a! Mahse beisei a san loh thu min hrilh nghal thung!

Khawi ah nge kan awm pawh ka hrelo, ka hriat zawng erawh Hmingsanga an nawr luhna kawngkhar ațang ka awm hla ngam lo! Kawngkhar chu inkhar phui mup mahse ka rilru leh ngaihtuahna zawng zawng chu kawngkhar chhung ah hian a inkhung bet ve thung!

"A țha leh vat dawn lawm." Rs-a aw zawi sup vang chuan lu ka chet a, ka sir lawk ah a rawn ding a, ka dar ah a rawn tuai zui vut vut bawk!

"A thi thei lo."

"Nie, a theih loh, Ram tan a a thil țha tih zawng zawng rah chhuah a hmuh ve hma chu khawiahmah a kal thiang lo." a rawn ti ve sup!

Kawngkhar pawn ah chuan ka ding chawrh chawrh a! Nurse rawn tlan chhuak a te zawhna kan lo zawh chang lah in chhanna min pek tur an nei ngai bawk silo, ka thawk ipik lutuk chu duhthawh zet in ka thaw chhuak leh hawk țhin a, hlauhthawnna vang a ka thin phu dawt dawt reng chu hahdam tur a ka hrilh ngial pawh in hlauhthawnna nasa lutuk in a rawn luhchilh zel thung!

"Khawi ah nge Bawiha chu?" Feli aw ring zet vang chuan ka inher a, kan dinna lam pan chuan a rawn pen pawk pawk a, ka melh mawl tawp bawk.

"Kut a tuar chhan hi nangnu phiangsen vang lek hi maw?"

"I țawngkam hman kha fimkhur deuh rawh." Rs-a zawk in a rawn ti nghut, Feli mit meng ling hlar mai chu sawi tur hrelo zet in ka melh tawp.

"He hmun ațang hial kal bo rawh, a duh tawh lo che ani lawm ni? Tinge a hma ah i rawn in lan leh țhin a, kan inneihna tur nang hian i ti buai vek." a kutțang ka hmai zawn ah a rawn lek kan va rual chuan ka kawchhung lam a chau vek thei! Feli chuan min nuih sak a! Hmingsanga zungbun min pek, an lak let leh tak kha a lo bun va tawh mai!

"Tihian engkim i hrethiam tawh em? Zanin khan kar leh ah kan inneih tur thu a sawi a sin, a hmeichhe duh tawh loh vang in kut a tuar a, kan inneihna tur a khawtlai phah anih chuan a lawm hauh lo vang, a hmeichhe kalsan tawh i ni tih inhria la, kan hmuh phak loh ah kal bo vang vang rawh, hmuh reng che hi a kham tawh tih hre bawk la."

"I va han nasa em em ve mawle." Rs-a chuan a ti nghek, min rawn kuah nghal zat bawk.

"Zanin khan a fa i lo pai vang in i enkawl zuina tur pek che a, kan pahnih hmuh theih ah rawn in lan tawh lo turin hrilh che a tum thu min hrilh a, a duh tawh loh hnu ah che pawh i in enkawl zui na tur sum a la pe che a nia..."

"Engpawh sawi rawh, Hmingsanga a țha tih ka hriat hma chu ka kalsawn dawn chuang lo." ka ti ve hmak, a thil sawi rpathlak zet ho khan min ti zak ngei a lawm! Ka tlawm bawk! A hmeichhe duh tawh loh! An hma ah ka inlan tawh loh nan fa enkawlna tur sum min pek a tum tih vel te kha a dawng tu nih a zahthlak zia leh tlawm thlak zia chu ka hun tawn ang tawng ve tawh tu lo chuan an hrethiam ngai lo vang!

Reilo te hnu ah doctor a rawn chhuak a, Hmingsanga țhawk a pangngai tawh thu leh amah enkawl tur doctor thiam zawk a rawn thlen tur thu a sawi a! Ka hahdam huai rual erawh in Feli mit a hnawk sak min tihna erawh a nasa sauh thung.

" Nei duh lo che in kei min pan tawh a, kan hmuh theih ah rawn inlan sek hi zah nachang hre rawh, nang niila chuan eng atan mah min ngai tawh lo tu leh hmeichhe dang nen a nun thar țan duh tawh mipa hmuh theih ah ka inlan ngam tawh teuh lo."

"Nasa-nu i duhtawk thei tawh em?" Feli nen kan inkar ah Rs-a chu a ding hmiah a, Feli dar ah a nem dawr rual chuan a ban bul ah ka vuan nghal chawt bawk.

"A pawi lo, let tawh ang." ka ti a, Rs-a rawn inher vut chuan ka thusawi chu mak a tih hmel hle bawk. Ka nui lui sak a, Feli khan a sawi dik, a hmeichhe duh tawh loh leh a hnungchhawn tawh hnu ka ni a, a țha tawh tih ka hre bawk a, ka inthiar fihlim vang vang tawh ang!


Kan in lam panin kan inkhalh let a! Mihring rilru let tawh vek vek nât zia ka hrechiang zual sauh! Thlakhat liam ta mai a min thlahle em em tu khan min hne tawh! A hmangaihna ka dawn țhin mipa khan nun thar a neihna tur kawng ah hnawk sak min ti der tawh! Mihring rilru inthlak thleng vut mai tuar tu nih chu a hreawm thlawt ani e!

"Ani thusawi vang khan na miah suh." Rs-a chuan a rawn ti vut, ka nui ringawt thung.

"Tak tak in, zanin hahdam la, naktuk ah hospital ah khan ka hruai leh ang che."

"A ngai tawh lo, tlawm nawn leh ka duh tawh lo."

"Arinte.."

"Naktuk ah Bengalore ah ka chhuk thla ang, Hmingsanga rawn harh hun ah chuan ka nunna min chhan sak a vang in lawmthu min lo hrilh sak dawn nia." ka ti sep a, a thaw chhuak ham ham chu ka maimit chhin san a! Ka ngaihtuahna ruak hung chu a reh tlawk tlawk bawk.

"Kha mi tuk khan Feli te in ah vek khan ka zuk hmu a." Mit ka meng chuang lo.

"Chuan Feli tel lo in kan let, hliampui a lo tuar vang in damdawiin ah kan lut nghal bawk, a awmdan kha chiang tak in min hrilh bik lo, mahse Feli te in ah ka zuk hmuh țum khan eng emaw fello a awm! Aaaa, a hliam tuar vang pawh kha ani mai thei.."

"A pawi lo " ka ti sep.

"Damdawiin ah khan doctor nen rei tak an inkhung bo va, chawhma dar11 ah damdawiin kha kan thleng tawh, doctor nen khan chawhnu lam thleng an inbia, thil thleng engmah a rawn chhuah hnu ah a sawi lo, mahse service lam in a hna chawlh san turin thupek an rawn chhuah ta nghal, keini chuan a chhan kha kan hrevelo, tun hnu hian Captain zawk in 'rilru buai' tih thumal min hman khum tawh, chuan a hna thawh lai thawk tur in a dinhmun ah kei hi min hlang chho va, Captain hi chuan Roger-a a man hma chawlh san a tum miau loh vang in tuman an nawr lui thei bik lo va."

"A duh a ti tawh a lawm."

"A dik, a duh ang ngeiin a che tawh, mahse service tawp san tur a thu an rawn pe rum rum hian chhan dang a la nei! Chu chu in inkar a tih tawp chhan nen a inzawm bawk in ka ring."

"Feli kut a zungbun kha i hmu em?" ka ti tâwk! Feli kutțang a ka zungbun lo bun țhin ngei ka hmuh rual khan ka kehsawm nawn leh vek tawh!

"Kha zungbun kha ka bun țhin a sin, mahse Hmingsanga'n a pe tawh, chu chu kan inkar tawp chhan chhanna a tan a tawk lo vem ni? Nakin a ka nat belhna tur engmah beiseina thlawn neih leh ka duh tawh lo.."

"Arin..."

"Sawi tawh lo vang, chuan i theih hram chuan naktuk a thlawk chhuak tur in ticket min ngaihtuah sak la." ka ti sep a, Car ding nghing dat vang chuan mit ka meng chhuak riai riai a, zan rei a hnai tawh a! Mahse Mizoram a tualthah tu nunrawng tawp te Police in nang chin a, an kahhlum ve nghal thu in Aizawl khawpui chu a deng chhuak a! Lirthei a insul pel suau suau va, taxi driver rawng tak a that tu te chu ruang ni tawh mahse tupawn hmuh an tum vek ni ber in a lang.

Car ațang ka chhuak tur chu Rsa chuan ka ban rek ah a rawn vuan chawt a, ka țhu let leh nghal chawrh mai!

"Captain harh chhuah hma chu ram chhung hi chhuah san suh." a rawn ti sup.

"Hetiang boruak rit lutuk hnuai ah ka awm reng anih chuan ka pum chhung a naute tan hian a hrisel ka ring lo, ka rilru a na reng a, thil mak pui pui ka hmachawn chang a awm bawk, ka rilru a hahdam loh chuan naute zawk in a tuar thei a.." a thaw chhuak suai suai a, ka ban rek a manna pawh a thla ruai ruai bawk.

"Feli thusawi kha dawt lo ni ta se!" Kawngkhar ka nem hawng tawh! Ka thina nghing lawih bawk.

"Inneihna tih te kha.."

"Zungbun khan a nem nghet a lawm, kha Zungbun kha Hmingsanga kut ah ngei ka pe let tih i hmuh ve kha." Zalo te in ka nui lui sak a, motor ațang ka chhuah rual chuan duhthawh lutuk in thawk ka la nghek a! Naktuk ațang chuan a duhthusam ang ngeiin min hmu tawh ngai lo vang!

____________________________________________________________

■ THLA THUM (3) HNUA AH! ■

Sitting room lam ațang hmeichhe nui hak hak thawm a rawn chhuah rual chuan phur zet in ka room kawngkhar lam ka pan a, ka naute pawh thlali a pum ve tawh a, ka dul chu a kawh ve lah tawh, tuktin darkar 2 chhung yoga class neiin kan block piah mai ah hian ka kal țhin a, chu chuan ka taksa a ti fit in ka dul rit ve tawh tak pawh harsa lo takin ka la chet pui zung zung thei zel.

"Christina." ka ti hliai, a rawn ding chhuak a, ka dul kawk lah tawh vang chuan ka hma lam ațang min kuah loin ka sir ah a rawn ding a, min kuah nghal vang vang bawk.

" naktuk zawk emaw ka lo tia." ka ti sep, a nui leh hawk hawk tak ah chuan Samu-a lungleng lutuk in a lo han tur leh tut tut tawh tih ka hre ta mai! Couch a bawp khawkhar duai a țhu mipa chu ka melh rawm a, a hawi sawn vut bawk.

"Ka țhianpa chek chuk vang in i chhungte bulah hun i hmang rei thei lova pawi ka ti tak zet."

"Awi! A rawn insawi damlo nasa a sin." Christ-i'n a rawn tih rual chuan Samu-a chuan hmui a ti sawi zauh a, kei ni pahnih erawh kan nui ta hawk hawk thung, Samu-a flat ka luah țawm ve a, luah man in chawi sem duh lo viau mahse thla tin luah man kan intum sem ta a, Mizoram ka chhuah san ni kha Hmingsanga leh Feli te chanchin ka hriat tawp berna ani ta bawk a, tun ah chuan thil thleng engkim pawm ka thiam tawh a! Hnungchhawn nih pawh pawm dan ka thiam tawh! Mahse an thawm riva hriat erawh ka la inpeih lo tih ka chian em a vang in ka pa leh u Ţpa ka biak țum pawn engmah an rawn sawi ngailo!

Samu-a pawn bialnu nghet a lo nei tawh a, he lam ah nurse hna a thawh vang in ka nawm loh deuh chang apiang in min buaipui zung zung zel a, ka doctor bik pawh ama min kawh hmuh hi ani a, a thawhna Apollo Cradle hospital a hmeichhe doctor thiam ber zing a an sawi hmu turin kar hnih dan ah ka kal ve ta ziah bawk.


Samua leh Christ-i chuan eirawng an bawl a, Mizo chawhmeh a rawn hawn nual a, bawngsa rep leh an thur hnan ah 'phit' pawlh rim chuan ka ril a ti țam rawih rawih bawk!

"In tur ka siam, ka siam kep dawn che em?" Choka chhung lam ațang Samu-a chu a rawn au lang lang a, ka duh ve thu ka hrilh a, Christ-i nen an in duh em em a, hnampui zawk ang maiin nupa ang deuh vin an khawsa zui ta bawk! Ka tan chuan ka hringnun nen kan inbeihna kawng a min puih tu țha tak te an ni a, mal bik a ka inngaih an hlau em em reng a, tu emaw tan hnungchhawn tawh nimah ila, min chhawm dawl reng tur țhian țha tak Pathian in ka tan a lo ruat lawk zel mai erawh a malsawmna ka dawn ve dan kawng ani tih ka pawm thiam tawh bawk!

"Hei in la, chaw kan ei nghal mai dawn nia." choka aţang an rawn inzui chhuak a, kei erawh ka hnung lam ah lukham in kam chawp meuh in ka lo țhu leh dar dar tawh.

"In thil siam rim sawn ka rilțam a ti zual vek tawh." Ka ti nai nai a, Samu-a chuan dawhkan ah glass a rawn dah vut a, choka lam ah a let leh vut bawk.

"I nu te an lo țha em?"
"Umm, i pa pawh ka va tlawh a lawm."
"A rawn sawi a, i fel lutuk i lo va ngaihven a." ka ti a.

"A ngai reuh lutuk che a, i nu kalsan a hreh ve bawk sia." A ti sep, za lo te in ka nui a, tuktin ka nu thlan ah kal loin a awm thei lo va, ka awmbo san ngai hi keipawn hreawm ka ti ve tak zet!

"Naute nen kan let hun ah chuan a lungleng tawh bik lo vang." ka ti chuai raih a, ka dul kawh lah tawh chung ah chuan kut ka nghat a, thla li a ni ve tawh a, a rawn chet a hun tawh viau laiin a la rawn che miah lo va, ultrasound a kan en lahin a taksa insiam a pangngai vek a, a lungphu lah sawisel tur pakhatmah a awm lo bawk! Chung vel anih vang chuan a rawn chet har deuh pawn hlauhthawn a ngailo tiin doctor in min hrilh tawh bawk.

"Rawn piang vat vat se ka ti a nia, hmeichhia ni ngei bawk se, ka chei nasa thei ngawt ang." Christ-i'n a ti lang lang a

"A sam han țawn kak sak leu i la maw, kal ve terh terh thei tawh bawk se." uar zet hian a rawn ti leh hluai a, kei pawh ka nui leh hawk hawk tawh! Thil a thim zawng a ka ngaihtuah dawn a piang in tihian ka naute lo piang tur min nghahhlel pui zia thu an sawi dun reng a! Beiseina thar ka nei ve leh nge nge zel bawk.

"Kha hei ei tel rawh."

"Humm. In va induat vel tak." Christ-i chu a men lui hman hman a, a bawngsa hrang rawn lak pawh a chan te sa vek!

" tinge Christ-i chu i lo han chah leh thut thut tawh a."

"A ti ve mai mai anih kha, amah hian min ngai tawh lutuk zawk a lawm." Samu-a chuan a ti bui bui a, lukham in Christ-i chuan a vaw ta dawp! An inchhaih rak tung chu hmuhnawm ti zet in ka en reng thung, Samu-a lah hmeichhe ngaihsak ngai vak lo a lo ni bawk nen Christ-i a atchilh dan tur ka tehkhin thiam ber chu kei in Hmingsanga ka atchilh țhin lutuk nen khan a inang hial ang.


Alarm ri vang in ka harh a, ka dul chung ah kut nghat chung chuan ka nui nghal sen sen a, khum ațang thawh chhuah hi a harsa țan lek lek tawh.

"Bawihte tho ang aw." Na lo te in ka beng det a, yoga class ah ka kal a țul a, chhun lam ah erawh online a hna khawih theih ang khawih in ka inhlawh ve țhin, Samu-a hnathawna hnuai ami ani a, type tur an rawn siam țeuh a, chung chu type a, file kan siam hnem dan a zir in hlawh a hlawk ve phian a, in ah awm reng pahnin neuh neuh leina tur khawp ka thawk chhuak ve zel mai!

"Good Morning." Christ-i chuan a lo ti thuai a, hospital kal turin a lo inpeih der tawh bawk.

"Morning, ka rawn kal dawn kha aw."

"Umm, keiman ka lo buaipui ang che." Ka ner nang a, mawza a bun leh mawlh mawlh a, Samu-a pawh choka lam ah a ri khut khut tawh.

" mizo damlo an rawn lut a, an cabin a duty a nuam bik tawp." a rawn ti a. A rawn chhuk thlak ațang karkhat a liam leh tawh a, night duty a chang lo hi ka lo hahdam pui ve huai tawp.

"Vai ang in a zuau ve dawn silo a.."

"Dik chiah." uar fahran hian a rawn ti nghek. "Nimin cabin a rawn awm thar phei chu awi! Ka tên tawp a, patling pui tawh si khan jection laiin a țap hluam hluam a, tinge vai ho hi an zuau em em le." a ti leh nang nang bawk.
"Na deuh in lo vit sawt la ni tur."

"Ka ti tawh tak tak ang " a nui zui hawk hawk a, dining table ah Samua'n eitur a rawn chhawp tak ah chuan kan pan ve ta mai bawk.

"Arinte ka rawn hruai dawn che em?" Samu-a chuan a rawn ti a, ka in check up tur hi hna ațang rawn haw phah in min hruai vek zel.
"Aih, auto ka la mai dawn lawm."

"A ngailo, Sam nangman rawn hruai ang che, rai lai phei chuan auto ah chuan ka duh miah lo." Christ-i zawk in a ti ve tlat.
"Uber pawh a awm tho va. "

"Aih, min hnial miah suh, Sam nangman rawn hruai ngei ngei rawh ang che, i intihsual palh chuan a pawi zawk ang." ka û ni awm mai hian a rawn ti chang ta fak! Ka ngawi ta kar ringawt!

Class ka thlen rual chuan class a ka kawm ve te pawh an lo awm der tawh a, an pasal te'n an rawn kal pui thlap a, inchung a Gym ah exercise ve in an haw tlang leh mai țhin! Keimah chiah ka ni chu a tir chuan mak ti viau mahse engvak ah ka ngai zui duh lo va, sawn pai tih vel hi a awmzia an hre vak lo nge an hnam hmeichhia te'n sawn an pai ngailo zawk ka chiang bik lo, class ka kal tirh chhuan min en hrek hrek zel!

Thlan vang in ka ban chap! Tukin ah pose thar kan tih vang in ka mal chu a rawl lek lek bawk, in lam pan in ka kal hnak hnak a, block pakhat chiah kal kan a ngaih vang in ke in ka kal mai țhin.

Feli a rai ve tawh a ngem tih ka ngaihtuah țhin a! A rai ve tawh anih chuan tawp chin nei lo khawp in Hmingsanga'n a ngaihsak thei bik dawn ani a! A duat hlum lo chauh dawn tih ka chiang lutuk bawk! Hmeichhe vannei ber ani tih a inhre em ang chu maw?

In ka thlen rual chuan hospital pan leh mai tur ka nih vang in tawi khawmuang lo in ka thuamhnaw hak tur ka dah chhuak a, ka dress code chu kawrfual ani deuh tawp tawh! In chhung ah AC vek kan hman a vang in a lum hran lo bawk a, a chang leh kawrfual ban bul nen in ah ka awm mai mai zel. Shower hnuai ah ka ding a, kan inhmuh hnuhnun ber zan ah 'ka fanu' tih țawngkam a hman vang khan nge mawni ka naute hi hmeichhia anih ka ring ru tlat bawk!

*Phatsan tu chu phatsan a la ni ve ang.* tih ani țhin a, khawvel hmeichhia a rilru țha ber ka nilo chung hian kei min phatsan vang khan Hmingsanga hi phatsan anih ve ka rem ti ngailo, ka ngaihtuahna kal dik loh thut chang a thikna rilru la rawn awm țhin hi a reh duak thei rih lo nang in ka zan mut dawn ah tal chuan a hmeichhe thlan zawk in a phatsan loh nan ka dil sak ve fo țhin a, phatsan nih hreawm zia ka hriat chian lutuk vang in tu mihring mah hian an tuar ve ka duhpui lo va, kawppui nei tawh te phei chu phatsan na sual ah hian tlulut lo vek thei se ka duh hluah hluah tawp!

Parda ka zar phui vek a, darthlalang lianpui a ka taksa chu thlek in ka dul ah chuan kut ka vah kuak tir riak riak reng a. Fit 5.2 leh 5.3 inkar ka ni a, ka naupai a lian bawk a, kg 50 tling chhin ngai reng reng lo kha kg55- 57 ka ni der tawh, mahse naupai lai chuan thau ațha zawk mahse taksa sawizawi uluk ila, a tir te ațang taksa sawizawi uluk chhuan nau neih pawh a awl nge nge țhin ka doctor in a tih miau a vang in thil ka ei țha a, ka insawizawi țha ve hle bawk.



Ka phone a rawn ri a, kawrfual ka inthawlh sawk sawk a, side table lam chu ka pan zui zat bawk.

"Umm , ka hman." Ka ti nghal lang lang a, Samu-a pawn inhnuai ah min nghah thu a rawn sawi zui zat bawk.

" Ve it et nu, kan boss in ' i nau kha ka raipuar hmuh tawh ah chuan a la cute ber' a ti che." A lo ti thawr, ka ner nawng a, Inhnuai motor parking ka thleng thla ve chiah a, a la nui tak ang deuh deuh va.

"A te reuh sia, a dul a kawk tawh bawk si.."

"Awi, ngawi tawh teh, kei aia te pawh raipuar ka hmu hnem tawh." Ka ti hlak, a nui chhuak huk a.
"Vai ram ah hian maw?"
"Aw." Ka ti vak.
"Ka va awi lo e aw, heng ram a hmeichhe ho hi 6ft hnaih tak tak vek an nih hi."
"I chhe mai e a!" Ka ta hlak a, lu a thing nghut thung. An boss nen kan inhmu ve tawh a. Arinte tih a lam thiam miah lo 'Adinte' min ti daih zel leh nghal.

Hospital kan thlen rual chuan food hall a an soup siam rim in ka hnar a verh leh hmasa ber, ka ngaihtuahna hria ang hrim in Samu-a chu a rawn nui deuh hawk a.

"Soup kan in phawt dawn mi?"

"Kan tlai a ngem?"

"Teuh lo, 15 mins kan la nei." a rawn tih tak ah chuan ka bu ta nghat a, in entir tur a ka kal hmasak ber țum a ka soup hawp tomato leh chicken soup bawk ka lam nghal a, kan table țhutna bul lawk a țhu ve ta chu Naga lam an nih loh chuan nort east lam mi an ni ngei ngei thung ang.

A sa țha bawk a, ka chhem dai hmasa te te a, Samu-a thung chuan chhem pawh chhem lo in a hawp nghal zung zung a, Christ-i pawh hetah kan awm tih a hrilh tawh a, a duty buai lai lutuk anih loh chuam a rawn lang vat mai ang.

"Hospital kan fan kual țum a chhawng lina a mipa au vak thawm kan hriat kha maw, Mizo an ti a sin." Ka table dawt chiah te chu Mizo an ni tih ka hre ta chiah. Mahse va biak erawh ka tum lem lo!

"Mizo anih chuan a khawngaih thlak zual anih chu.. mi â ang chiah in a au ruah ruah sia."

"Mizo ni e, thluak lam buai anih kha!"

"Engtin nge i hriat a?"

"Kan cabin a doctor rawn round khan a sawi a lawm, chuan amah kha a hma chuan Police officer ani țhin bawk." Ka soup hawp lai chu ka lem khawlh a! Ka thin a phu nghal dawp dawp bawk.

"Ka lo hre ve miah lo."

"Thla nga liam ta khan nupui a nei dawn a, mahse bial nu dang a lo nei a niang, an inneih ni tur ațang a bo ta hmiah a, ni 5 na ah a bialnu chu a rawn hruai haw mawle! A nupui tur te lam kha an khawngaih thlak tawp, inneihna kha an ti tawp rum rum a, engtin nge a nupui tur kha a awm zui zel ang le..." an thusawi mal tin chuan min deng dawt dawt! Duh lo teh mahila kei leh Hmingsangzuala chanchin nen a in rem vek!

"Hmeichhe pakhat chung ah a chetdan a nunrawn em vang anih chu a thluak a buai tak ni! Pathian hremna hi pumpelh a harsa a sin."

Ka beng rawn kiu chuah chuah tih tawp tum chuan chil ka lem khawlh a, ka hmai a sa vek bawk! Ka hawi chhuah rual chuan Samu-a'n uluk zet in min lo en ngur tawh a! Thluak buai! Mi â ang mai ti a an sawi hi Hmingsangzuala anih loh hram ka beisei!

Samu-a ding mar vut chu a ban ah ka vuan chawt a!

"Aih, tihian lo awm rawh, ka zawt fiah dawn." A ti nghut, ka kut chu min phelh sak a, ka thinphu nasa lutuk chuan ka taksa pawh a ti che dulh dulh thei mai!

"Mizo in ni tiraw?" A va ti thawr, hmeichhia te chu an ri ta hlial bawk.
"Ni e, hei mimin khan kan nau pakhat an admit ve a." An lo ti zung zung a.
"In ti ti kha kan lo hre palh a, pawi inti em lo ang chu maw..uggg, Police officer chungchang in sawi kha.." ka taksa chu hlauthawnna nasa lutuk vangin a rawn khur hlawk hlawk tawh.

"Aw! Kha thil kha maw? Chhawng li na mi â enkawlna bik ah khian Mizo pa a lo awm ve reng a, Mate tunge a hming i tih kha?" ka hrawk a thisen zam chu a phu zawk zawk thei hial mai! Ka taksa chu a sa pup pup bawk.
"Police Officer Sangzuala, Pu Hming an ti țhin ta in ka hria.!" ka hrawk chhung sa huam huam ațang ri a rawn chhuah hraih rual chuan rang lutuk in ka kâ ka hup bet a! Ka lung phu chu a tawp dûk a! Ka awm chhung ah chuan natna hlawm a rawn zing nghal tup tup bawk!
"Aw le, ka lawm lutuk e."

"I hmelhriat zawng em ni?"

"Aaaa.. A ni em ka chiang biklo." Samu-a chuan min rawn en tih ka hria, kei erawh ka kawchhung tawt tup tup leh kha thu thințhawng zet vang khan țap chhuak lo turun ka in sum țang țang thung.

"Thlali (4) liam ta khan nita in ka hria, hna a chawlh san a, a chanchin tuman an hrezui tawh lo ani awm e, he tun ah Bengalore ah teh daih a chanchin kan hre leh ta hlawl a!" An thusawi chu ka ngaithla ngam tawh lo! Ka kut pahnih in beng ka hup ta ngawt a, ka ngaihtuahna tawt tup tup chuan ka thawk a ti chham țhelh bawk!

"I lo kal ve dawn em?" Samu-a'n ka ban rek a rawn vuan a, ka beng hupna ațang min pawh sawn sak bawk.

"Hmingsanga anilo ang." ka ti sep, ka mittui a lum thla nghal pap bawk.

"Ani chu mipa dang zawng zawng aiin a chak țha a, a fing zawk bawk, an sawi pa kha ani thei ngawt lo."
"Arinte!"
"Ka Hmingsanga anilo ka tih chu! Nangpawh hmu tur a han kal a ngai lo." ka ti ta tuar! Na lutuk in ka thaw chhuak leh hawk a, mittui vang in engkim ka hmu phe vek bawk.

"Ka kal dawn, i duh chuan min zui thei ang."

"Samu.." ka ti țiau va! Ka hlauthawng lutuk chu keipawn a chhan tur ka hre bik lo, ka thin phu riin min hrilh pawh hi rin ka duh bik lo!

"Kal ang le." Min pawt tho ve a, ka ban tha khur nasa lutuk a hriatthiam rual chuan nghet zet in ka kut a hum vang vang a, soup hawp ve dang chuan min en huang huang bawk.

Ka thinlung chuan tawp tur in min rawn hrilh a! A chhan chu natna nasa lutuk min luhchilh tu hi a rawn puak chhuak anih chuan ka tuar zo kher tawh lo vang! Ka rilru erawh chuan Hmingsanga ani ngei em tih fiah tur in min tur ngut ngut thung!

Floor 4 na ah lift chu a ding a! Ka chau nghul tawh! Lift ațang kan chhuah rual a. *SPECIAL CARE* tih lian pui lo in tar kulhna kawngkhar ka hmuh rual te chuan ka bing chuk chuk tawh mai!

Ka taksa khur nasat em a vang in ka kal chak thei lo va, Samu-a min kai tlat bawk a, kawngkhar kan hnaih tulh tulh a, ka thaw chhuak thei tawh ngai dawn lo emaw tih tur khawp in ka awm chhung chu a tawt phui mup a! Vawi leh khatah mipa aw rawl lian lutuk mai a rawn au ruai ruai tak ah chuan insum hman lo lek in ka ţap chhuak ta hawk a! Ani! Amah ani! Hmingsanga!

Tawp chhin miah lovin a au va! A aw rawl lian lutuk ah chuan natna leh manganna ka hriat sak thei bawk!

Kawngkhar pakhat a rawn innem hawng pawp a, doctor coat var ha mipa pahnih an rawn tlan chhuak a, Hmingsanga aw rawn chhuahna kawngkhar lian zet chu an nem hawng a, doctor te rawn tlan chhuahna room chhung a țang rawn tlan chhuak ve ka hmuh leh chiah phei chuan awmngaihna hlawl ka hre tawh lo!

"Arinte?" Min hmu thut chu a beisei lo tawp tih hriat zet in Doctor Zothana chuan min en haw mai! Pindan chhung ațang Hmingsanga au thawm a rawn chhuah leh rual chuan vanvadak in a rum chhuak hawk a!

"LO KAL BO SUH ANG CHE!" a kut chal a min kawk fak fak pah chuan doctor pahnih te tlan luhna pindan chhung ah chuan a tlan lut ve nghal zat a! Samu-a chu ka ngheng rawk rawk a, ka thin chhung rawn na ngut ngut vang chuan ka â thei mai dawn!

"A bul ah ka kal duh." Ka aw pawh a chhuak hlei thei lo, Samua'n nghet zet in ka dar ah a kuah tlat bawk!
Kawngkhar lianpui lam chu min pan pui a! Mi â ang mai a kan mihring hmangaih ber te au thawm hriat tluk mangan thlak a vang ngawt ta ve ang! Kawngkhar chu invuak thuah mai lek a lo ni a, Samu-a'n pakhat zawk a nem hawn rual a pindan chhung a ka thil hmuh vang chuan rilruna lutuk in rang zet in ka hawi sawn a!

Hmingsanga chu khum chung ah a mu a, male nurse mipa pali leh doctor rual pathum in a tal nasa lutuk chu an dawm bet a, a kê chu thir kawl in an phuar zui mawlh mawlh bawk!

"Just shot him!" doctor Zothana chuan a ti țhawt! Damlo te an jection reng reng hian uluk tak in an jection na hmun tur an thlang țhin! Hmingsanga erawh a taksa che lo lai remchang lai ber ah an vit tawp mai anih chu!
___________________________________________________________
"Eng nge a awm zia?" Ka ti a, chhuat ka melh ngar bawk! Doctor Zothana thaw ri suai suai te chuan ka tha zam a la tibuai pha vek! Hmingsanga thawm zawi tial tial lai kha ka ngaihtuah let a! Engtin nge khatiang khan a awm thei?

"Sawi tur a tam lutuk."

"Engvang in nge ka lak ah in zep!" Ka mittui luang thla vang in ka khaw hmuh a fiah te deuh!

"A duh dan ani si a lawm." a rawn tih sup rual chuan ka kawr chhan ah ka awm zawn chu ka țham tawk a!

" Tinge khatiang khan a awm.. an ni khan tinge mi â an tih a?"

"Ka țhianpa hi mi â ani lul lo! Tun a i awmna cabin hi a awmna hmun anih hi! Tu teh hrep chuan nge mi â lo ti a?" Thawk zin hmel lutuk in a rawn au chhuak ta țhawt a!
"He cabin hi a awmna anih hi! A thluak ah thisen zam a kal țhat loh chang in a lu a na a, a in control zo tawh lo țhin, a nat zual chang bak in kha room ah khan a awm ngailo, khawvel nunrawng zet hian a thluak ațang a hriatrengna a nawh reh sak țum pawn kha hmun a awm ngailo khawp khan a in control thei! A natna vang a khung hrang a, a in control thei țhin lovin midang a tihnat palh hlau bawk siin khang khaidiat khan phuar mai tur in doctor te a ngen hial ani a, a thluak buai lai ber pawh a midang tihnat hlau em em mihring hi tu phiang sen in nge mi â lo ti a!" a ti chhum hmuk hmuk a, Hmingsanga a țan lutuk vang in a hmaite chu a sen țawlh țawlh mai!

"Ka țhianpa hi mi â anilo! Khawvel nun rawng zet hian a hliam a phal ve lo zawk anih hi!" a ti leh nghut bawk!

A țhutna chair ațang chuan a tho vut a! kan awmna cabin chhung chu ka thlek kual thuak a, ka mittui a hul thei thlawt lo!

Khum bul bang ah te chuan;
*Hmingsangzuala ka ni a, kum 31 a upa ka ni, ka thluak buai lai ber leh ka thluak vang a na ka tawrh lai pawn midang ka tina tur anilo* tih te!

* Carlos*

*Arintei*

*Bawihi*

*ka Kryptionite* tih te chu lehkha phek ah a inziak a, bang ah chuan a inbel thluah a, khum bul table a frame ah chuan Carlos-a nen kan muhil lai thlalak a lo awm bawk a! Min hnungchhawn emaw ka tih lai a, min theinghilh lo tur a a lo beih nasat zia ka hriat hnu hian keimah leh keimah ka inhaw ta ngawih ngawih!

A hriatna bo duak chang in mangang lutuk in a chung a thil thleng te chu ngaihtuah let a tum ve țhin a nga, mahse thawk zinna bak a hlawh chhuak lo vang! Tunge anih tih a inhriat chhuah zawh miah loh laiin kei lah chuan min hnungchhawn tu ah ngaiin keimah leh keimah ka lo inkhawngaih kual a! God! Mangan hmel lutuk a zan ah a min rawn call țum pawh khan hetiang hian a lo buai ru daih tawh! Khawnge ka awm tih min rawn zawt anih kha!

A harh rual in Carlos-a nen kan lo bo daih thu mangang lutuk in a rawn sawi a!

Kan awmna hrilh a, min rawn hruai tur thu a rawn sawi țawk țawk țum te khan heng natna nen hian an lo indo daih tawh zawk a lo ni reng a! Ka chhan let dan teh tawp te kha! Phone ka switch off khum bawk anih kha!

"Hei a laptop, tah hian a tir te ațang a thu hrilh duh che chu a awm vek ang!" Ka hma dawhkan ah chuan laptop chu a rawn dah a!

"I puar lian tawh hle mai!" a rawn ti leh sup a, lu ka bu ringawt bawk.

Ka dul vang in ban mai ka harsat tih hrethiam zet in laptop chu a lakang a, ka ban ve ta vat bawk!
Password dah luh a țul vang chuan doctor Zothana chu ka chho melh haw a!

"Password."

"I hria a lawm." a rawn ti sup, ka men phar awk rual chuan min nuih suk a.
"A muhil nghet em tih ka lo va ngaichang a nge!" a ti sup, cabin ațang chuan a pen chhuak a, Samu-a pawh hna thawh lai kalsan anih vang in let tur in ka hrilh a, min ngaihtuah viau mahse min let san ta kha ania.

Password tur ang ka hriat mai siloh vang chuan thawk ka la hap a!

*carlos* tih ka type lut a. A dik lo nghal pang!

Hmingsanga hming ka type leh a! A dik lo va.

A birthday ka type lut a, a la dik chuang lo!

Beisei ngam chiah silo in *bawihi* tih ka type a, a dik lo va.
*bawihikryptionite* a dik ta chiah!

File a lo awm nual a, a folder siam reng reng chu hming a dah vek!

KRYPTIONITE tih inziahna bik chu ka ta tur anih ring in ka open a, video leh thu inziak a awm thla nghal tuar a! Video date rei tawh ber chu ka click ta a, he mi ni hi Feli nen an rawn let țum kha ani a, engthu nge ka ngaihthlak dawn ka hrelo, mahse ka play ta tho.

Light a eng ruih a, a room chhung computer dawhkan ah khan camer a inhung tih ka hre chat a, reilote hnu ah chair ah chuan Hmingsanga a rawn țhu thla a! Kha mi tlai a a inthuam dan ngai chiah kha a la inthuam bawk!

' Bawihi, i hrilhhai ani tiraw? Ka chet dan vang a i thinlung kehchhe lai kha keipawn hmuh harsa ka ti a sin, mahse ka tih ngei a țul tlat si a, min ngaidam ang che!' A hmel pa zet mai lang chang zual hrawk mai chu ka en ngawt ngawt a, angawi rih vang vang bawk!

' Roger-a ten min bum chhuak a, ka tual that lai i rawn hmuhna hmun ah khan min sawisa ve a, kha mi țum ka harh chhuah leh rual khan ka hriatna engkim a bo vek tawh! Feli te khan min enkawl a, ka hriatna in a bo pui duak lai che pawn Bawihi tih thumal khan lungleng tak in min siam reng a sin! Bawihi chu tunge anih tih ka hriat chak țhin dan kha i hrethiam phak ngailo ang, a chang chuan nangmah nen a kan hunhman dan kha fiah lo takin ka hre let țhin a, Feli kha emaw ka ti rum rum hial țhin! Ka hriat rengna in a bo pui, mahse a zun in min phuar ngheh tlat thung bawk si kha emaw tiin Feli kha ka khawih ngei e! Mahse engkim a pawi hma in Rs-a hi a rawn lang hlawl a, tahkhan ka nihna engkim ka hre let leh chiah! Sawifiah chiam pawh niila min ring kher tawh lo vang, tiang thir a țum thum ka lu ah an hlap vang khan ka thluak ah nghawng a lo nei nasa a, ka thluak a vun mai bak ah.. ka dam hun chhung pawh thla 6 bak a beisei awm loh thu doctor in min hrilha a." A khabeh ruh kual a che țawlh țawlh a! Thlaruk chhung lek maw? Ka ngaihtuah let a, a awmzia chu thla 5 a liam tawh!

"Thlaruk 6 chhung lek khawvel ah ka awm tawh dawn tih ka hriat rual khan ka kut min chelhsak tur in ka mamawh hmasa ber che! Thlaruk chhung lek ka mi hmangaih te kiang ah ka awm thei tawh dawn tih ka hriat rual khan i kut nem thep khan min tawk tur in ka duh ber bawk che a, kha aia hun rei zawk ka la nei tih min hrilh tur khan ka mamawh che a sin.' Rum chhuak hawk pah chuan a vanvadak a, chil alem rualin a hrawk bawk a che ralh bawk.
Thla 6 chhung lek a dam tawh dawn tih doctor in a hrilh rual a a mangan dan tur ka suangtuah a! Keimah zawk pawh ka thawk a chham lek lek thei mai! Engtin nge thla ruk chhung lek teh tawp hun a nei theih?
' ka natdan engkim kha hrilh ta che i la, min phatsan ai chuan inneihna kha kaltlangpui i duh zawk ngei ang tih ka hria, keipawn inneihna kal tlangpui a, ka dam hun chhung reilo te kha chu nangnen chiah hman ka chak tak zet bawk! Mahse ka hmachiah sial a engkim ka kal tlangpui anih chuan i zahawmna nen ka angchhung ah i rawn lut a nga, thlaruk hnu ah thung chuan i zahawmna zatve kei hian lakbo sak che in khawvel hi ka chhuah san dawn thung, miten chhantu pasal i nei tawh lo tih an hriat rual a an zuam che ka duh lo! Kei thlaruk chhung lek dam tawh tur vang a 'hmeithai' an tih che ka rem ti ngai lo vang, i la naupang a, nun bul i la țan țha dawn chauh, chuvang chuan khawvel chhuah san mai tawh tur mihring hi min hua la, ka thi leh ka dam i ngaihven loh hun a thlen thuai theih nan hlim bawk rawh, ka la nung ve emaw, ka thi tawh emaw in a tihbuai phak loh hun ah che ngawi reng in khawvel hi ka lo chhuah san tawp mai ang.' ka ţap chhuak hlawp hlawp a, ka hma lam hun tur zawng zawng te chu engvang in nge a lo ngaihtuah buai chiam chiam le! A huntawp dawn tawh ah pawh ka hma lam hun zawk maw a lo ngaihtuah daih a! Mi â pa! I â lutuk tak zet!

Laptop chu ngaithla zui ngam tawh lovin ka khup thawk a, ka kut pahnih in hmai ka hup vang vang bawk! Kha mi ni khan thlaruk lek hun a nei tawh tih a inhre vek! Tupawh hian kan hun tawp lam tal chu kan mi hmangaih te kiang ah hun hmang a, kan la tihpui ngailoh thil thar te tihdun a, hriatrengna hlimawm tak siamnan ka awt ngei ang, mahse Hmingsangzuala chuan ka hma lam hun a ngaihtuah vang in a unaute huat rawn a thlang zawk a! Țawngkam chhe tinreng a kan țawngkhum mawlh mawlh lai te khan a natna thup in engkim a tuar vek zawk a! Uggg.. a hnuai a thawk te'n an hmuh nikhua loh phah vek bawk! Tupawn ' Pu Hminga hi a lo nikhualo ru hrep anih hi' an tih luai luai lai te khan insawifiah pawh vawi khatmah a tum chhin ngailo! Ka huat a! A thih leh dam ka ngaihsak loh hun ah ka tan engkim tur vek siin ngawi reng a thih a thlang zawk anih chu!

Naute chungchang a ka țawngkhum dan leh kha! Zantin thihna nen a insual țhin tan chuan a na zual ngawt ang! Ka țawngkam hman khum zawng zawng ka ngaihtuah let rual te chuan ka awm chhung a rawn tawt phui tlat a! Thlaruk chhung lek a dam dawn tih inhrereng chung in ka țawngkam na zet zet te kha engvang a min chhang let ve lo nge a nih!

A â lutuk! A â tak zet! Tinge vawi khat tal insawifiah a tum ve ngailo! A fapa ngei pawh a biak an phal loh phah a sin!

Ka mualpho nia ka inhriat vang a ka huat ngawih ngawih lai te khan Hmingsanga thung chu ka hmalam hun! Ka zahawmna leh a nunna tawi tawh tak te kha a ngaihtuah vek a! Ngawi reng in engkim a tuar vek tih ka hriat tak ah chuan ka khawngaih ngawih ngawih! A hman hman in țawngkam chhe tak tak in kan țawngkhum tawl tawl lai te khan eng nge a ngaihguah ve țhin ang le!!!


Khum a tui zet a muhil chu ka pan hnai zel a, a ke pahnih chu thirkawl in an phuat bet a, a kut pahnih pawh a ban phar tirin khum thir ah chuan a țawn ve ve! Hetiang natna fight let reng tu hi kan lo huat rawn luai luai mai sia maw!

A ban puam a thil inziak ruai ka hmuh tak ah chuan ka mittui chu ka hru tawk a, ka pan hnai a, sawi belh tur engmah ka hre tawh lo!

Ka fapa Carlos

Ka nupui Arinteii (Bawihi)
An pahnih hian ka theinghilh an thiang lo!

Ka huat em em lai te khan a nupui ang in min lo la ngai reng ani tih ka hriat belh leh zel a! Ka tihtheih zawng erawh mahni inthiam loh lutuk vang a țah hawk hawk reng ani tawh mai!

Ngaihtuahna ngawng chhuih chung chuan a hmel landan bawrchhawr zet chu ka melh reng a, keimah vang a huatna zawng zawng tuar tu hi vawi khat pawh ka hlat leh tawh ngai lo vang! Thihna nen an indo chang a piang in a kiang ah ka awm tlat tawh a nga, ka tuar tir tak zawng zawng kha hmangaihna in ka thawi dam sak leh vek bawk ang! Chuan.. ka tel lovin khawvel ațang hian a chhuah ka rem ti ngai lo bawk ang! A kalna a piang ah ka zui ve a nga! Ka hmalam hun a hmeithai ti a min sawi zui hlau em em tu, keimah vang a mite hmuh dan hniam ta dawrh mipa hi a kalna a piang ah zui ve tawh ang! Engthil mah a mahin a tuar ka rem ti tawh ngai dawn lo!

20190411_210312(1).jpg
20190411_210312(1).jpg (5.44 KiB) Viewed 13778 times

Vai ruaiin mit a rawn meng a, min hmuh rual chuan a rawn nui nghal suk a! Mahse mit a chhing leh nghal a, tui zet a muhil ang mai hian thawk a la zui suai suai reng a, ka din hnaih a, hmul vang a a biang hnim luk chu dimte in ka tawk a, ka kut in a mit ko a sik rual deuh thaw chuan mit a rawn meng leh hlawl a!
"Bawih?" A tak ka nih a ring hlawl lo tih hriat lutuk in a awm chu a ri rûai mai!

"Mi â pa!" na deuh in ka hmui hnuai ka seh nghal fan fan mai!

"God! Ka mumang anilo " a rawn ti ta tawk a, khum ațang rawn thawh chhuah a tum rual chuan an hlin behna thirkawl chu a ri ruk ruk a, a ban lehlam lehlam a thlek kual thuak a, chutah ka mit ah tak a rawn en leh rual chuan ka au chhuak țhawt hial in ka hria!

"Khati khan awm suh." Ka ti tuar! Chiang lutuk in mahni insitna a mit ah ka hmu! Male nurse pakhat rawn lut kiang ah chuan kutkawl vel chu phelh tur in ka hrilh a, ngawi reng in a rawn phelh ve mual mual a, Hmingsanga erawh thanat hmel zet in a inseh ruh țawlh țawlh! Mit a chhing nghal daih bawk!

"Min en rawh." Ka ti a, ka dul vang in kun hniam in a chal ah ka chal ka nghat thei tawh lo!

"Kal bo rawh." A rawn ti hrawk!

"Ka kalbo tak tak ang maw?" Kut a hum ruh nghal țawlh țawlh mai!

"A țha a lawm, ka kalbo va.."

"Aih khawiah mah kal tawh suh." A rawn țhu chhuak ta hlawl a, ka ban rek ah a rawn vuan a, a kut phah hrawl zet chu ka dul puar ve lah tawh ah chuan a rawn nghat a.
"Ka ngai lutuk che u." a rawn ti sup, a kâ ațang thaw chhuak ham ham chung chuan ka dul chu a hmaiin a rawn nawr a! A kiang hnai ah a pa a awm tak ah chuan ka pum chhung a naute pawh a thlamuang ve tawh ani ngei ang, chhung lam ațang a rawn che dat dat a! Hmingsanga rawn dak chhuak hlawl chu țah nuih hawk in ka lo en ngawih ngawih tawp!

"A che."

"Umm, a vawi khat chetna anih kha!"
"God." a ti hluk, a kawngah a ban a rawn suih zawm ta vek a, a beng in ka dul chu a rawn ngaithla a, naute chuan a pa hlim lutuk chu hreve ang hrim in a rawn che leh dat a! Chumi ruala Hmingsanga nui ri hawk chu ka dam chhung in ka theinghilh leh tawh ngai lo vang!

*Ka chhiartu te hi ka tan chuan Zirtirtu ang in ni a, min fuih tu, ka tihdik loh lai min hrilh tu, fak ka ngaih chang a min fak hreh lo tu! 😘😘 Nangmah ni vang a ziah tur hreve țawk țawk ka ni chung a ka lam ințang tlat leh ka tan inding tlat țhin lawmthy sawi ngaihna ka hrelo! Inzavai hian Teacher te vek in ni e.😘*

●Charger ka neih ve loh vang in nizan ka phone low hnu khan ka connect thei ta silo a, ka phone a thi daih a, kei erawh ka tai na lutuk vang in ka tlai var zak! 🙈Zing ah Aunty rawn thawh hun ka nghak a, ka connect thei ta chiah! Ka Ahma fapa te chhungkua an rawn len vang in chhun lam ah ka type thei lawk bawk silo!😭

●Zanin pawh ka rawn dah hman ka ring lo, ka type dawn tho nangin sei se ka duh bawk sia, naktuk zan emaw, tun ang hun vel ah hian last Chapter ka rawn dah hman chiah ang, type turin hunawl ka insiam ve tawp thei țhin silo a! Inlak a inthlahrun a na kher mai! ●

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 6:01 pm

☆UTOPIA:1996☆
CHAPTER 58
By
Abbra Reo Ririni Khiangte ( Pitartei= Sual Fingi)

♧ There goes my heart beating
'Cause you are the reason
I'm losing my sleep
Please come back now

There goes my mind racing
And you are the reason
That I'm still breathing
I'm hopeless now ♧

"I pa hi min hrethei em ni?" naute chu a bia a, ka kawchhung ațang rawn nawk ve tu chuan a hma aia na daih in a rawn nawk ve leh a! Hmingsanga samah chuan ka kutțang ka nawr lut a ţap chhuak lo turin ka insum țang țang bawk.

"Pappa pawn ka hrethei che, i kut tê tak tê kha ka hum chak tawh a nia." a aw zawi ruih mai chuan ka kawchhung lam thleng in a fan rawih rawih. Thlakhat a pum hma pawn a pa kut lum kha a hrethei miau a lawm!

Ka pum chhung a awm nimahse Hmingsanga nen an inzawmna nghet lutuk chu thil mak tawp ani! Ka theih tawp in ka venghim ve a, ka be mawlh mawlh țhin bawk, mahse keimah chiah ka ni tih hrethiam ve ang hrim in ka pum chhung ah a tal che ngam rih lova, a pa pang lum nuam zet a hriat rual chiah in a rawn che duh ve țawk! Daddy girl tur dik tak ani hial in ka hria.

A kawchhung ațang a rawn rum chhuak nghut a, a hmuiin ka kawr chhan ah a rawn nawr leh vang vang a, mit a chhing tih leh a mit bul rawn hnawm ka hmuh tak ah chuan dimte in a sam kar a ka kut chu ka chet tir a! An lo va inthlahlel ngawih ngawih tak em!
"A ke tereuh te in min rawn tlawh." a ti sup, nui lum hawk in a chal in a rawn nawr leh vang vang a.

"God! A duhawm lutuk tak zet!" Min bia pawh anilo, rum hawk in a rawn fawp leh a, a chang leh a chal in a nawr a, ka țawng chhuak thei tawh lo! A chetdan khawngaih tha la zet chu muttui kar ațang ka en ngawih ngawih!

Engtia rei nge chutiang chuan kan awm tak pawh ka hrelo, a rawn dah chhuah leh rual chuan mipa naupang mal leh khawhar zet hi a ang ber! A kut phah hrawl zet leh tha khur ru dur dur chu a rawn lek chhuak a, ka biang a rawn khuap rual chuan thin chhung tawt lutuk vangin ka țap chhuak leh hawk tawh! Min thlahlel tih hriat lutuk in min rawn en a, keipawn a kut chu ka vawn hnan ve a, engkim kha ko let leh thei niila, hun te hi her let leh thei ila, kha zan khan khawimah a kal ka phal lovang! Man inhlanna kan neih zawh hnu khan ka kuah bet tlat a nga, Roger-a te'n an sawisak lohna tur leh a himna tur anih phawt chuan engkim ka ti vek ngei ngei ang.

"Ka hua che." ka ti hawk, ka biang a khuapna ti nghet sauh pah chuan a rawn nui suk a. Ka mit ah chuan a mah tluak a pa leh cool hi an awm thei chuang lo, mahse hetiang khawp a min thlahlel a, naute thlahlel reng chung hian tinge engkim a zep luih țal?
"Min hmangaih reng chunga min kal tir a vang khan ka haw lutuk che, i nunna ai pawh ka hma lam hun i lo ngaihpawimawh a vang pawn ka haw ngawih ngawih che tih inhre rawh." a kut lehlam a ka biang rawn khuap a tum leh rual chuan ka lo beng sawn nawk a, mahse dam ruihin a kut chu a rawn lek chhuak leh tho! Keimah zawk in ka vuan bet a, ka chal in ka nawr ta ngawt ngawt bawk!

" Hmingsang." eng nge ka ngaihtuah ber pawh ka hrethiam lo! A kut phah hrawl zet chu nghet lutuk in ka hum sak ngawt ngawt, ka kawchhung a natna hlawm te, hlauhthawnna inmung khawm te chuan min pawt khur hlawk hlawk reng a, khang thla nga liam ta zawng zawng te kha ko kir a, a kiang a hun hmanna a hman ral vek zawk ka duh hluah hluah! Mahse engmah ka ko let leh thei tawh bawk silo.

"Tinge a tir ah engmah min hrilh lo a." Ka ti tâwk a, a kut lehlam in ka hmai a rawn tuai a.

"It's ok, i lungawi hma chu min hau rawh, kut min thlak la, mahse ka lu ah nilo." hnar chuar zauhvin ro zet hian a rawn nui leh suk a, kei erawh ka mangang ngawih ngawih thung! Thlaruk hun a nei! Thlanga a liam tawh bawk! Teh thlawt mai!

" Min phatsan emaw ka tih vang in ka hua che a, u Ruatsangi ngei pawn kut a thlak phah che, tinge vawi khat tal insawifiah i tum ngai loh?" inhnit hlawp hlawp chung in duhthawh zet in ka an khum tân tân a, ani thung chuan lungawi hmel zet in min melh vung vung thung a, a hmelpa zet ka hmuh rual te hian ka awm chhung hi a tawt tup tup.

"Naute vang a ka țawngkhum dan che kha..." ka ner sak bawk! Ani erawh chuan a hma ang chiah khan hlu ber melh in min melh a. " pawi i tia miah lo em ni?" mangang lutuk in ban ka vai nghek! A rawn nui chhuak ta huk bawk!

"Aih, min khawih tawh suh." ka ti nghek, a nui ri leh hawk a, a awmdan siam rem in khum ațang chuan a kê a hlang thla a, min thlahle tawh lo ni a ka ngaih lai te khan he mipa hrawl lutuk hian a hma zawng aiin min lo thlahle a, min hmangaih ve tawh lo emaw ka tih lai te khan ka hmangaihna dawn a lo mawmawh ngawih ngawih reng thung, tinge ngawi reng a engkim a tuar chawrh chawrh mai le! Ka lo tal zel a vang chuan a rum chhuak nghut a, ka kawng ah a rawn man ta bawk.

"I â e mai!" chu bak sawi tur ka hre hlawl lo, a chhip ah ka hmuiin ka nawr a, ka dul puar ve tawh tak chu a hmai a rawn nawr in a rawn thaw chhuak suai suai thung. Heng a thawk la ri hriat leh chak vang khan zan tam ka țhangharh a, khang ka țhan harh rual apiang khan ani erawh thihna nen insual in mangang tak in hun a lo hmang reng a ni sia!

" Min hau na tur i la hria em?" a rawn ti sup. Ka taksa ah ka kuah bet ta ngawih ngawih a, ka țah nasat lutuk vang in ka taksa chu chhung lam ațang a khur reng bawk!

" I bulah ka awm duh tawh."
"Bawihi!"
"I phal lo anih chuan ka that mai ang che.."
"Kryptionit you have a very dirty mouth." a rawn ti hluk, a awm hrang vut a, khum a țhu ani a, a mit thim map ah chuan hahdamna ka hmu ta bawk.

" Ka sawi chu i hria em?"
"I thusawi vang khan naute hian a hlau mai ang che." Ka dul chu a melh zauh va, a biang tawn tawn ah ka vuan chawt bawk!
"Chhuanlam dang ka ngaithla duh tawh lo.." ka ti chang fak, a rawn thaw chhuak nghal hawlh bawk.
" Bawihi, ka kiang ah i awm chuan natna bak engmah ka pe dawn lo che, mi â ang mai a ka awm lai i hmuh a țul a nga.." na zet in a hmui ka hup beh sak a, ka ban rek ah rawn vuan in a rawn thaw chhuak suai suai mai!
" Duh thlang turin ka hrilh lo che, ka thil tih tur ka hrilh zawk che anih chu!" ka ti nghat, kut ka lak sawn rual chuan ka dul bawk a rawn khawih leh a. Sawitur tam tak nei hmel a pu a, mahse kâ a an a piang in boruak lum huam bak a rawn chhuak ngailo.
"Engvang in nge hun ka nei tawi bik em em mai le?" zuai ruih a a rawn rum chhuah rual chuan a chhip ah khabe ka nghat a, a dar ah ka tûai sak hauh hauh bawk.

" ka tar a, ka sam a țuak var vek thleng in i kiang ah awm ka duh a sin, kan tu te nen tual zawl ah infiam a, i taksa a chak loh pawh a bawisawm thei tu che nih ka duh! Mahse chung zawng zawng chu UTOPIA ah bak a thleng ngai lovang."

"A tak ram ah a chan theih nan kan fight dawn lawm."
"Bawihi?"
"Ka kut vuan a, kan pahnih a engkim kan paltlang i duh lo em ni?"
"God!" a rawn ti hrawih. A aw ri a manganna thuk zet inphum ru ve chu hriat a hreawm tak zet! Tunah kher hi chuan hnemna thu sawi turin engmah ka ni biklo, Bengalore khawpui chhung ah alo awm ve reng tih ka hriat rual deuh thaw in thu mak pui pui ka hriat zawm zut zut a! Ka ngaihtuahna te hi ruak hung siin a ipik mup bawk si! Mahse ka hmangaihna hi a chak tawk ani tih tal fiah ka duh! He a natna ai hian a fa pai mek tu hmangaihna hi a chak zawk tih fiah ka duh! Ka hmalam hun a ngaihtuah lutuk vang a, amah a thihna lo fight ngawt ngawt tu hi dimdawi tak ka enkawl chuan khawvel doctor te'n a dam hun chhung tur a an hrilh aia rei hi a dam thei tih fiah ka duh! Ka tih theih engpawh tih ka huam vek! Ka ti vek ngei ngei bawk ang!

Cabin lam ah kan let phei tawh a, ka lo suangtuah fo țhin ang chiah in ka kut lehlam a hum a, ka hnung lam ațang a ban pakhat in min veng bawk, sawi dun tur tam tak kan nei a, mahse khawi ațang nge bul țan tur tih kan hriat loh lutuk vang in kan in en a, kan han nui leh ringawt țhin a. A room chhung ka enkual chang a piang in a dinhmun thawk ipik dan tur second tiin ka hriat belh ani ber! Heng a thuziak hi a chhiar țhin loh phei chuan a hming tak ngial pawh a hrechhuak zo țhin awm silo va, reilote chhung kut kan delh mu a, kan ngaihtuahna a bo chuah chuah chang pawn kan mangang hman hial țhin ani a! Hmingsanga thung chu engkim a thluak in a mutthilh pui daih țhin.
"I ke a kham em?" a rawn ti sup.
"Aih." ka ti vat, ani erawh a rawn nui suk thung, damdawiin thuamhnaw țhui mawlmang zet a ha a, school uniform banbul ang maiin a ban a bul bawk.

" ka natna vang hian dimdawi lutuk ka duh miah lo a nia." a rawn ti nghut, ka chhang let tur chu lû a rawn thing nghut a, cabin chhung kan luh tirh khan khum ah min țhut tir tawh a, khum bul a chair in hung chu a rawn pawt hnai a, a rawn țhu thla vut bawk.
"Khawi le, i kê kha."
"Eng nge i hriat a?" ka ti hlak, a țhen suk a, khun hniam in ka chappal pan zet mai chu aman a phelh a, ka en haw ringawt.
"I ke ka lo hmet ang, chuan naute khan thil a ei chak em?" a khup chung ah ka kê a lak chho rual chuan ka mit ah tak a rawn en nghal run bawk.

"Khatia min en reng lo khan naute khan eng nge a tih duh min hrilh la." a rawn ti sup a, ka thaw ta hak a.

"Bawihi a hma ang khan ka chak tawh lo tih ka hria, mahse tikhan khawngaih hmel tak in min en suh." chhang lova ka ngawih reng lai chuan a rawn ti nghut, ka kê ah chiah chuan rilru a pe emaw tih tur khawp in a melh ta ngur a, a kut lum thup leh deh dam zet a ka ke sahal a hmeh tak ah chuan a kham ngut ngut te kha a reh nghal huai huai hial thei.
"Tunge ka hmalam hun vang in engkim nangmah in tuar rawh tih hrilh che a." Ka ti țiau va, a kut che pawh a tawp chut mai!

"Engin nge i thinlung duhdan zawm ngam lo khawp a siam che, ting eengmah min hrilh loh?"
"Duh tawk rawh." zawi supin a rawn phun a, ka kê lehlam lakang turin a kun leh a, kei erawh vawi lehkhat ah ka tawt leh ngut ngut tawh, ka mittui a tla reng a, ka chappal a phelh a, a khup ah a lak kan leh rual chuan ka la țawng leh hram!

" Huat rawn inih lai khan tinge engmah i sawi chhuah ve ngailoh! Tinge tlai ah khan engkim min hrilh tlang mai loh a? Mi huaisen tak ni țhin kha engthil in nge mi dawizep ah siam che?"

"Nangmah hi!" Ka sawi zawh rual deuh thaw chuan a rawn au ta țhawt! A țhutna ațang a rawn kang nghal vut a, khum a rawn nem nghin dawt rual chuan ka hmai bul chet ah a rawn awm nghal der!

"Kryptionite, nangmah.. ka chaklohna i ni ka tih tawh kha!" A rawn ti hrawk!

"Aih, min puh ringawt s.. ." a hmuii ka hmui a rawn nawr rual chuan a awm ah ka nem dawt a, mahse ka tukhum ah a rawn man a, duhthawh lutuk in min fawp nghal tawn tawn a, a lei sa huam ka kâ chhung ah a rawn nawr luh rual chuan min fawh hmasak ber țum ang chiah khan ka awm zawn a za uaih, ngenngawl lutuk in min fawh leh ngawng ngawng tak ah chuan a khabe ruhkual ah ka vuan ve a, ka chhang let ve ta zel bawk. Boruak kham lova kan awm hma chu kan tawp chhin lo ani tawp, ka hmui hnuai a rawn pet a, a kâ chhung a boruak lum zet chu ka kâ chhung ah a rawn lut ve a, a lei a rawn nawr luh leh tak ah chuan ka rum chhuak nghal hak bawk. Ka kâ chhung a alei chet kual dan zawng zawng pawh a la ngai vek, tawp chin nei lo khawp in a duh thawh a, ka ngaihtuahna thleng in a buai leh mup tawh! A inla hrang tur chu keimah zawk in a hmui hnuai ah ka pet a, a rawn rum nghal hrawih bawk!

" khami tlai khan engkim hrilh che i la inneihna kha tawp turin min hrilh a ngem?" a chal in ka chal a rawn nawr tawk.
"Aih."
"Khavang tak khan a lawm ka kal tir che." a rawn ti leh sup, ka chhang let dawn tih a hria ani chawk ang chu! Min rawn fawp leh ngawng ngawng phawt a, ka thawk a chham hnu ah chiah a tawp a.
" kei ang tho va mi â i ni tih ka hriat vang a lawm ka kal tir che." a thawk lak a buai ve vek tho, a aw a khur ru hluk bawk.
"No! I lo țawngve dawn ai chuan fawh reng che ka hreh miah lo va nia." a rawn ti nghut, ka nui ta hawk a, a duhthawh bawk a, ka hmui pawh a sa ham ham mai.
" keimah ang chiah a mi â! Mahni tan ațha pawh hrethiam lo, ka kal tir rual che khan nunbul țan țha tur in ke pen ta che! Tinge i thinglung ațang hian min nawhreh daih tawh lo, tinge natna pe tu che fa kha a pa i huat lutuk vang in i tih tlak mai lo! A chhanna chu maw nanghi.. kei ang tho va mi â! Nat phahna tur ani tih hre reng chung pawh a mahni hma sial thiam lo khawp a hmangaihna in a bual at ve tho i nih hi." a rawn nui rum hawk a, ka chal leh a chal a nawr si reng a, mit a chhing a, a kâ ațang a rawn thaw chhuak hawlh hawlh bawk.

" Ka hmangaih che vangin ka kal tir che a! Min hmangaih vang in kei min hriatreng theina tur kha chu venhim i lo tum ve țang țang thung! Utopia hran ve ve kan din a, an tawpna erawh thuhmun! Nang nen hian kawng hran ve ve zawh țhin mahila kan utopia erawh a thuhmun reng tih i hria em? ka tello in eng suangtuahna mah i din thei bik lo! I tello va UTOPIA din ka thiam loh ang bawk in suangtuahna hran put tum mahla i thei bik lo. Mi â ve tho i nih hi!"
Ka țawng tur min dan tum in ka hmui ah a rawn nawr a, mahse keimah zawk in ka fawp zui ngawng ngawng a, ka taksa hnaih turin ka pawt țawk țawk bawk!

"Suangtuah țanna in ang lo em em te pahnih in UTOPIA thuhmun an din chu kan hrechiang tawh ani lawm ni?" a hmui hnuai chu ka kutzungpuiin ka tuai a, ka fawp leh zeuh bawk.

" hetiang dinhmun ka ni tawh chung hian Utopia hmun khat ah chuan ka chen pui thei lo vang che." a rawn ti sup, ná deuh in a hmui hnuai ka seh sak a, a rum nghal nghut bawk!
"Kan pahnih a kan din ani a, ka phalna tello chuan kan UTOPIA ațang chuan i peng hrang thei bik lo."
"Kryptionite.!"
"I ti dik, Kryptionite ka nih hi! Kan UTOPIA ațang hian pen hran han tum chhin teh! Eng nge ka tih theih i hre mai ang." ka ti nghat a, a hmui rawn thi ser ser chu ka pet leh a, a rawn nui chhuak ta hawk bawk! Ka thusawi kha amah chiah in a hrethiam ang! Superman pawh Kryptonite tel lovin a awm thei lo! Nature power neitu te pawh hi an Kryptionite ber a chak loh tak ah chuan an thil tih theihna an hmang thei tawh ngailo.

"A zia deuh tawh em?" a rawn ti sup a, ka kê ațang mit la sawn in ka mit ah tak a rawn en nghal run bawk.
"Umm."
"Anih chuan hetah lo kal rawh le." a rawn ti sup, a awri pa zet leh thum lam mah ah chuan min duat hluah hluahna ka hre leh thei tawh a, ka kê chu dimte in chhuatah a nghat thla a, ka chappal pawh aman min bun tir leh vek, a ding chhuak a, damdawiin thuamhnaw inhmeh ber award dawng tlak hial khawp in thuamhnaw țhui pum tawp pawh chu a lan pá pui ngawih ngawih tho, khum ațang chuan dimte in min kuah tho va, tukverh lam panin min kai zui dat dat bawk.

"Eng nge kan tih dawn?"

" ta țang hian nula chhelo deuh ka lo thlir țhin a." ka ding ta dat, mit meng chimawm lutuk a min en rual chuan rum lutuk in ka melh ta nghek ringawt!

"Ka peih lo."

"C'mon, ka lasi no rawn lan țhina ka hmuh dawn che alawm."
"I ler e mai aw." ka ti nghek a, vanvadak in a nui chhuak nghal hawk bawk! A hmeichhe lo thlirna vel ațang min thlir tir a tum ve kher chu ka haw hlur a, chuan ka lasi no atih chu ka thik lutuk vang in ka sa pup pup, engmah a hriat loh laiin a lo thlir țhin anih pawn ka thik tho.

"Bawihi?" Nuihza insum tih hriat lutuk in a aw ri chu a ni hawk! Ka kut a hum chu lak sawn tum in ka herh ngat ngat a, ka dar ah a rawn man vut a, tukverh lam chu min pan pui tho anih chu!

"En thla a."

"Aih." Ka ti tlat, Hmingsanga chu anui leh hawk a, nurse chhelo deuh te a lo en țhin phei chuan! Uuggh! Amah hi ka beng chawrh zawk mai dawn mawnle!

"Vai ram ah te chuan mi chetla vel lo en reng te hi jail ah a tan phah theih tih i hrelo em ni?" Ka sir a mipa ding run mai chu ka chho en háw a, a nuihza insum hmel pa zet te chu ler ti zet in ka melh rawm rawm bawk.

"Jail ah an khung daih mai tur che sin."

"Kar 2 dan ah bak ka en ngailo." a rawn ti sup, a mit meng te chu a la de ang sawt sawt leh nghal a! Chu hmeichhia chu hmuve ngat ila chuan sam mumal nei lo khawp in ka kek nghek duh ang!

"Tinge hmeichhe dang te i lo thlir țhin thawt thawt vel a."
" ka atchilh miau sia lawm." a rawn tih rual chuan ka thaw chhuak tawh pawn ka hrelo.
"A țha, chunu chu thlir char char ang che."
"Tehreng mai! Tunah phei chuan amah ka hmuh rualin ka chak phah sawt tih ka hria a, ka umzui hrep pawh ngai dawn mahse ka umzui zel ang."

"I rapthlak lutuk." ka ti sep a, ka mittui rawn lung thla zawi chu ka kut in ka hru nghal tawk bawk!

" enthla rawh le." A hmeichhe sawi ka thik lutuk vang a ka inhum ruh ngawt ngawt chu hrelo ang hmak in ka dar ah a rawn kuah a, ka țang nghek dawn nangin a hriatna ațang thil thleng zo chiah te kha an reh leh tawh a niang tih ka ngaihtuah tak vang chuan thuawi tak in tukverh lam chu ka hnaih leh ve ta hret a, Hmingsanga chuan tukverh chu a nem hawng a, bar a invuah thlap a, tlak vel a hlauhawm loh!

" en la." pawn lam ah a thlek buk rual chuan ka thaw chhuak vak phawt a, tîm daîin pawn lam ah chuan ka dak chhuak a, dawmdawiin hma lam kawt zawl duai leh țhutna vel a lang raih a, tu hmeichhia mah ka hmu lo. Hriatthiam loh hmel zet a ka en chho haw rual chuan amah zawk a rawn kûn hniam a, a hmuiin ka chal a rawn nawr zui vang vang bawk.

" Bengalore ah i chhuk hnu lawk khan keipawh ka rawn chhuk a lawm!" a rawn ti sup a, a banbul chu ka hmaiin ka nawr tawk mai, a kawr chu ka țham nghal ngawt ngawt bawk!
"I chhuk anih chuan Samu-a kiang ah emaw i awm ka ring a, a hnathawh leh a tih țhin engkim ka chhui zui ta reng bawk, chuan bialnu a nei tih ka hre tel a, nurse ani tih ka hriat rual khan he damdawiin hi check up nan i hmang dawn tih ka hrethiam leh ta zel a, Samu-a bialnu kha he damdawiin ah hian a thawk, chuan hmeichhe doctor thiam zet tah hian a țhu bawk."

"I mak ka ti!"

" a khat tawk in hmu lo che ila chuan ka thi daih tawh ang."

"Hmingsangzual?" Ka ti nghek, ani erawh a nui thung!
"Check up tur khan i rawn lang har ka ti țhin a sin, i pum țhan len rual khan i kut vawn sak thei lo che mahila he lai tukverh ațang hian ka lo thlir reng țhin che, karhnih liam apiang khan a rawn țhang ve zel a, harsa ti tak a car ațang i pen chhuah lai khan i kut ah rawn kaih a, keimah ngeiin ultrasound tihpui che ka chak țhin lutuk!" A kawr chu ka țham tawm ngawt ngawt ringawt! He tukverh ațang hian min lo hmu vek zel a maw?

"Ka fanu lungphu ri kha a ngaihnawm em?" a rawn ti thawp sup, a aw zawi leh tak ruih te chuan min fan kual a, a nghawngah ka kut pahnih ka suih zawm tlat a, țah chhuah hlau lutuk in a dar ah ka hmaiin ka nawr a, naute chungchang a hriat chak ve țhin dan tur ka ngaihtuah let a, ka thaw chhuak leh hak țhin, Hmingsanga pawh chu a rawn thaw ve ham ham tho, a rilarah te a hmangaih zia ka hre tawh! Mahse *bar* invuah phen ațang ngawt min lo thlir tlawk tlawk bak tih theih a nei mang silo! A hmuiin ka chhip a rawn nawr leh a, a taksa lianpui chhunga a lungphu ri dup dup chu hriat hmai hlau in ka ngaithla ran bawk.

"Ngatinge tual zawl ah tal i rawn chhuah ve țhin mai loh." ka ti sep, a taksa ațang ka la awm hrang chuang lo, tuar tu zawk emaw ka intih ve pawn keimah aiin he mipa hian a lo tuar nasa zawk daih țhin.

" Țhian țha tak i nei a ni." a rawn ti sup a, ka darah chuan rawn vuan in min nawr sawn a tum a, mahse ka kuah nghet sauh sauh thung.

"Ka ngai țhin lutuk che." ka ti a, Hmingsanga chu a rawn rum chhuak nghal nghut bawk.

"I tello in naute nen hian kan awm a ngai tawh dawn lo tiraw? I tello in kan awm leh anih chuan ka â thei tawh mai ang!" thawk zing lutuk in ka ti chhuak leh hawk a, min chhang lovin sofa chair lam ah chuan min kal phei pui a, chair ah chua a țhu thla a, ngawi ngur in a mal chung ah min pawt țhu ve a, a awm ngheng thei turin dimdawi lutuk in min kuai awn a, a taksa rawn kan in ka lu ah a rawn fawp leh vang vang bawk, a taksa che vel te chu hriat hmaih hlau lutuk hian ka ngaichang zui reng a, chair nghenchhan a nghen leh rual chuan ka thle deuh va, a awm chu ka bekin ka nawr bawk, a hmel lang dul ruih leh mit meng zuai ruih te chuan engang a nasa in ka lo ngaih hman tih min hriatthar tir zut zut reng a, chung zawng zawng aia min tilawm tu erawh a landan cool ruih mai hi min thlakhlehna vang ani tih ka hria.

" min hua la ka duh țhin, min hua la, ka tellovin hlim la, nun bul țan thar leh bawk la, tichuan keichu hahdam takin ka kal ang tiin ka ngaihtuah țhin a." ka lu thing a rawn hmuh rual chuan a kut in ka biang a rawn tuai zauh va.
" Mahse ka kal hma in ka hmu lo che anih chuan ka hahdam ngai lovang! Ka thlarau hahdam lo zet tal in a umzui zel tho vang che." țap chung in ka nui chhuak hak, remlo zet in a kutphah lum chuan ka biang rawn khuap in a rawn kun hniam a, dam lutuk in min fawp zui vang vang bawk.

Chawhnu lam ah chuan damdawi a ei a țul a, doctor Zothana ka hmu leh tawh rih lo bawk kei erawh ka in check up lo ta ngawt! Mahse hunawl awm leh vel ah ka kal nawn leh tho vang. Nurse in a damdawi tur an rawn nawr lut a, ka nau pai a lian ve lah tawh bawk nen a hma zawng a inkuah phei chu a harsa lam hret tawh, ka dul thep thlep lai kha la nise chuan khum ah hian mu dun in emaw, a taksa chung ah emaw ka bawk kai leh thlep tawh ang, mahse tun ah hi chuan remlo zet in ka awm thei tawh lo va, Hmingsanga chu khum ah a lawn a, a kawng a chin chung lam ti kang in a țhu awn duai, kei erawh a bul chair ah ka țhu ve thung. Damdawi ei ngai vel a ei zawh hnu chuan nurse chu a chhuak leh mai a, thil tam tak zawh duh ka la nei nang in a chetdan pakhat a sawi hlek rual in amah ka khawngaih lutukna lam ah ka țap leh țhin si a, ka taksa in a tuar phah a hlauh vang in ' engmah sawi tawh rih lo vang!' a ti ta tawp anih kha!

"Bawihi?"
A aw ri vang chuan mit ka khap fak a, ka ngaihtuahna kal bing chuah chuah ațang ka harh chhuak hlawl bawk.

" hreawm i ti em?"
"Aih." ka ti vat, a țhen suk a, ka kawng erawh a na tawh hle thung. Mahse amah hmuh phak lova kal hran ka hre lutuk vang in ka sawi chhuak duh bik lo.
"Zothana rawn kal se chuan khum a rawn dah belh tir thei mai dawn sin le." a rawn ti hluk, ka lo nui hak a, a damdawi ei kha a sang deuh nge a mit meng a chau ta riau bawk.
"I duh chuan muhil la." Ka ti sep, khum tlang ah chuan a kut a rawn dah a, ka kut chu ka pe ve mai bawk, a hum rual chuan hum bo hneh a inti lutuk nge a nui suk kher bawk.
"I duh leh let tawh rawh." ka mit ah en lovin ka kut a hum bo vekna kut chu a melh ngur a, a aw a min thlakhlehna ritel ve chuan a landan a ti khawngaihthlak zo leh vek tawh.
"Tihian ka țha a lawm."
"Aih, a chang chuan ka muhil ka harh leh hian engmah ka hre tawh ngai lo, chutiang a ka awm lai chu hmu turin ka duh lo che." a rawn ti sup, ka kut chu a la kang a, a biang in a rawn nawr vang vang bawk.

Cabin kawngkhar chu a rawn ri dat a, a innawr hawn rual chuan doctor Zothana a rawn pen lut ta hlawl a, keini pahnih kut lo invuan a rawn hmu chuan a nui nghal suk bawk.
"Zothan Bawihi hi thlah mai la." Hmingsanga chuan a lo ti nghal tawng! Ka en reng tih a inhriat rual chuan min thlek vut a. "Haw la hahdam ve rawh." a rawn ti leh sup bawk.
"A pawi miah lo, i taksa khan țhut reng a zo dawn miah lo a nia." Zothana chuan a lo ti ve vat.
"Bawihi?"
"Ka hria." ka ti halh a, damlo satliah nise chuan ka awmpui char char ang, haw turin min tur char char mahse ka awm lui tlat ang, a hriatna te nen a rawn harh chhuah zawh loh a hlauh miau va, chutiang a a awm lai chu hmu turin min la duh lo! Nuam lo a tih phah dawn ai chuan in lam ah ka let rih a nga, zan lam ah tal ka kal leh mai a niang chu!

Zothana chuan damdawi an rawn pe tawh em? Tih a zawt a, Hmingsanga pawn pangngai takin damdawi a ei thu te chu a hrilh a, Zothana chu a bu leh nghut a, cabinet lam a pan rual deuh thaw in Hmingsanga chuan min awm hnaih thut a! Ka hmai a sa nghal huam bawk! Rawlthar chimawm ru lutuk ang chiah! Ka hmui ah a rawn fawp zauh va, a chal leh ka chal a rawn rawn si leh a, a hmel landan chu ka sawifiah thiam lo, ka hriat tak zawng erawh kan pahnih hian hmangaihna in a bual at te kan ni!
"Ka hmangaih che." a hmui leh ka hmui a intawk chê ché!
"Keipawn ka hmangaih che." ka ti ve sep, ka hmui hnuai a rawn pet leh zauh va, na lo te in a rawn seh bawk, rawlthar tha za zet ang mai a a chet chang hian a lawm ka thisen zam te thleng in a lum vek zel, a awm hran hma chuan tilui tih hriat lutuk ka hmui ah a rawn liak leh zauh va! Ka kawchhung lam chu a țek nghal chhawk, ka mit ah tak min en ngur chungchuan a awm țha a, a mit meng de sawt sawt mai te chuan ka thinphu a ti rang nghal dawt dawt a, ka sa awp awp bawk.
"Arinte, kal ang hmiang." Zothana'n a rawn tih rual chuan Hmingsanga chu a maimit chhing a, pa zet hian a țhen suk bawk, ka thawk lakdan rawn buai zo chuan Zothana a awm tih ngaihtuah hman lo lek in min chet tir teuh kher mai! Zuai ruih in mit a rawn meng leh a, a cool hluah hluah tawp, ka lo en rengtih chu inhria in ka kut a hum bo vek chu a thlah a, mit min rawn siai zauh rual chuan ka nui ta tawp! Hmingsangzuala zun ngah em em leh zei zet ani tih ka lo theinghilh hman țep ani!

"A rit ve tawh ngawt ang a?" Steering a her kual a, damdawiin kawt ațang gate pui ah kan tlan chhuak chiah bawk.

"Umm, chet a harsa ve tawh reuh lutuk." Ka ti ve vat, a bu nghut a. Kawngpui pangngai kan tlan chhuah tak ah chuan a țhutdan siam rem in ka hma lam chu a rawn melh leh zawk a, Zothana pawh hi zawh tur tam tak ka nei, mahse khawi ațang nge bul țan tur ka la hre rih lo, thil thleng zawng kha ngaihtuah nawn leh ila, chu mi hnu ah engkim a tirte ațang ka zawt fiah vek ang.

"A pa in hmeichhia ani dawn a ti mauh sia! I puar ang reng bawk si, mipa anih ka ring mah zawk."

Ka nui chhuak hak chu min nuih ve leh in car hma lam a ac chu ka taksa lam deuh vah a rawn her sawn zauh va.
"Naute chungchhang a sawipui țhin che maw?"
"Ka beng dar te hi a nak vek țep ani." a rawn ti hluk, ka nui hak hak a, engkim a light zawng a min sawi țanpui chu ka lawm hle bawk, vawiin ringawt pawn ka ţap tam tawk tawh a, keimah nilo in ka naute ka ngaihtuah lutuk vang zawng in țahna tur engmah hriat belh ka duh rih lo.

"I lo buaipui vek a.." a bu nghut bawk.

"A laptop ka ru chhuak a, seat hnung ah sawn ka dah; i duh leh zan ah i en dawn nia." Hnung lamah a thlek zauh rual chuan remlo zet in ka hawi let ve a, a sawi ang tak tak in vawiin a laptop kha seat ah a lo awm rán mai! Nichin cabinet lam a pan khan a la chhuak anih ngei dawn hi!

" a chhungte lam in an hre ve tawh em?"

"A thawi pawh in tuman an la hrelo." a rawn ti a, kut ka hum ruh nghal tlat bawk.
"Amah chiah a tuar a tum hi ka hrethiam thei thlawt lo, u Ruatsangi emaw u Ţpa emaw tal hrilh se, a mal lutuk lo tur."

"Hmingsanga pawh ka hrilh țhin a lawm, tihian mi zawng zawng in an hmuh khawloh phah a, a chhungte lam an mualpho phah bawk em a, fapa sual ang maiin tuman an ngaihtuah zui lem tawh lo anih ber hi!" a ti hawlh, ka awm chhung rawn na riai riai chu Hmingsanga thinlung na lak ah chuan nep te ani dawn tih ka chiang hliah hliah.

" zawh tur che ka la ngah lutuk."
"Hun a la awm a lawm, mahse tun ah rih chuan hahdam phawt la." a rawn ti ve sup a, doctor ani a, nau pai lai a rilru nat/ hah țhat loh zia a hriatchian lutuk vang in ani pawh a insum hram hram niber in ka hria.

Kan block ah a tlan lut a, mak ti zet a ka en kawk rual chuan ro zet in a rawn nui ta suk a! Ka awi thei lo zawk! Tun hi kan block ah a vawi khat rawn kalna ani tawh miah lo! Chuan kan awmna veng hi ka hrilh miah lo bawk.
"In fair lo ngawih ngawih." ka ti ta thlawt! Zothana chu a nui mai nangin kei erawh ka thawk lak a rang hlawp hlawp thung! Hmingsangzuala hruaiin vawi tam an rawn kal tawh ngei ang, a hrelo bik ah ka țang leh tawh anih chu!

" min hmuh a chak țhin ang bawk in ka hmu ve chak ang tih vawi khatmah in ngaihtuah ngai lo em ni?"
"Arinte."
"Inchet dan hi a fair lo ngawih ngawih, țum engzat nge kan building hnai ah i rawn hruai tawh?" ka aw rik dan a chang kher mai.
"Karkhat ah vawi khat!" a rawn ti nghut, inhnuai parking ah car chu a ti ding dat a, ka dul chung a ka kut nghah chu ka melh ngawt ngawt bawk.

"Zep miah lo in min hrilh rawh, hei aia rei hi a la dam thei tiraw? Thlaruk aia rei hun a nei tiraw?"

"Ka theih tawp chu ka chhuah a lawm." a aw vawt ruih vang chuan ka awm chhung a rawn thip nghal hlur a, hâ ka sehchilh nghal ngawt ngawt bawk.

"Vellor lam a neurologist doctor te pawh ka rawn kual tawh, India ram chhung a doctor țha an sawi apiang chu Hmingsanga lu ruh thlalak ka thawn kual vek tawh bawk.." steering hum ngawt ngawt chung chuan a ngawi dat a.

" tun a a la dam pawh hi thil mak a tling hial a sin, a Xray thlalak hmu tu doctor apiang in a la dam hi thil theih loh tluk hial ani tih zawng sawi tur an hria." a rawn ti thum bul, ka tukhum in seat nghenchhan chu ka nawr tawk a!
"I hreta sa sa, tlang tak in ka hrilh che anih chu, a damdawi ei lai pawh hian nakin lawk ah chuan awmzia aneilo thuai dawn a, rilru lam ah inpuahchahna neih ru reng in awm la, pawmdan i thiam chho mai ang!" ka hriat loh karin ka ţap chhuak leh hawk a, ' rilru lam inpuahchhahna maw' ka nu pawh doctor te'n rilru a inpuahchahna neiturin min hrilh a, mahse kan inpuahchah fel hma hovin min kal san anih kha! Tun ah Hmingsanga chungchang ah pawh tinge chu thu tho chu ka hriat leh a țul ni! Engtik ah mah ka mipa hmangaih vui turin ka inpuahchah fel thei ngai lo vang.

Lu na bur in car vawt raih chhung ațang chuan ka chhuak a, pawn lam boruak uap lum chur chuan min ti chau zual nghul bawk, lift lam pan chuan ka pen hlawk hlawk a, nghet takin ka awm a Hmingsanga laptop chu ka kuah sauh sauh bawk, doctor Zothana thusawi zawng zawng te kha ngaihtuah nawn leh pawh ka ngam tawh lo! Mahse thlaruk aia rei a dam dawn tih erawh ka fiah ngei ngei thung ang!

Lift ah ka luh rual chuan ka hmai sa vung vung leh huh hliam chu ka tuai puat a, kan flat number ka hmet zui zat bawk. Ka thaw hawk hawk reng a, lift inkhar phui hma chiah si chuan ban a rawn inzen lut a, lift kawngkhar pawh inhawng zui leh in doctor Zothana a rawn pen lut hlawl a, lo nuih luih ngial ka tum teh nangin ka awm chhung tawt up up leh ka ṭah chhuak lutuk insum nasa bawk si nen ka thei thlawt lo!

"Ka sawi tur ka la sawi zo lo." a ti sup, tun a sawi zawh tak chiah nilo thu thin țhawng dang em ni ni leh ang tih ka ngaihtuahna a a lo luh rual chuan ka hlauthawng a, ka na leh ngut ngut tawh.

"I hriat har chuan i nat phah zawk dawn a." lift a ri tleng a! Ka thinphu dawt dawt vang chuan kei erawh mi â ang maiin ka melh ngai ka melh ngawt ngawt, open- button chu doctor Zothana chuan a hmet a.

Nunna neilo ang mai in zawi zet in ka pen chhuak chet chet a, bag ka zen a, chabi ka lak chhuah rual chuan doctor Zothana chuan min lak sak a, amah zawk in min buaipui vek ani ber.

"Lo țhu la." Ka ti sep a, kan flat chhung chu a en kual thuak a, Hmingsanga laptop kuah țai chung a room ka pan tur chu ka ban bul ah a rawn man nghal chawt mai!

"Ka va inthlak phawt ang."

"Arinte."

"Rilru inpuahchhah tur bawk a min hrilh leh i tum em ni?" Ka au tuar a, ka thu hriat zawh tak chiah te vang khan hlauthawng lutuk in ka thinphu te hi a ri dawt dawt.

"Nang pawh hi a hre lo thuai ang che.. I mean, vawiin khan engtin nge a hriat theih che ka hrelo, mahse kar 1 tal tap hriatna nei mumallo in a awm tawh! A hmuh rual chhe khan engtin nge pangngai takin a awm theih ka hre lo nangin khatiang reng khan ka hre dawn lo che, kan pawm emaw pawm lo emaw, beiseina thlawn i beisei ka duh lo! A natna tawrh hi a neu lo lutuk a, a chhe ber kan thleng reng thei...." a aw zawi sup vang chuan ka thinphu chu a nghilh dûp a! Doctor Zothana țawng mawlh mawlh lai chu thawk pawh thaw chhuak lovin ka melh a, a hmel landan tak ngul leh thim mup ah chuan fiamthu thawh hmel a pu lo, ka beng a rawn kiu chuah chuah a! Hriatna harhfim pangngai aiin harfim lova a awm hun chhung a rei zawk tih min hrilhna ah ka ngai.

Thawk la hawlh chung a min chelhbeh a tum rual chuan lu ka thing nghat a, thawk zin hmel zet in ban a vai vut bawk.
"Ka țha." Ka ti țïak! Couch inhunna lam ah min kaihkuah phei a, engpawh nise tunah la la hian engkim ka hre vek tur ani! Nat ngawih ngawihna tur leh hlauthawng a min siam tu tur pawh nise tun ah ngei hian ka hmachhawn ang, chuan Hmingsanga condition dik tak ka hrethei tawh a nga, eng thil pawh sawi se kei leh ka naute hian kan thlahthlam tawh ngai dawn lo! Natna tur a tan nilo, ka chak zawk na turin engkim ka ngaithla vek tur ani.

" a hriatna a mumal loh laiin engtin nge a awm țhin?" Lukham a ka taksa min kam sak mawlh mawlh hnu ah chuan ka ep chiah couch ah ațhu thla ve dawt a.

"Cabin ah khan a awm deuh chawt, In innei in a ngai bawk." mit ka chhing nghal sawk mai.
"A kiang ah i awm reng ang in a ngai a, a bia che a, Carlos-a pawh awm ve ang a ngaiin a be reng țhin, a hriatna ngawt a bo hian harsatna lutuk a tawk ngailo zawk a, a thluak vung in a rawn túr tak chiah hian a awmdan phung a hlauh vek a, na a tilutuk țhin hi vengtu an awm loh phei chuan a chal bang lo tauh nghek te a ching țhin a..." ka kawchhung ipik zawng zawng chu ka kâ ațang chhuah tir vek tum ang hrim in ka thaw chhuak ham ham a!

" damdawi ngawt chuan a thluak rawn vung zel tur hi a chhawk hlei thei tawh lo, kan zai thei ngawt bawk silo, eng nge ka tih leh dawn pawh ka hre nek tawh lo ve." rum dut chung in nghenchhan a ngheng ve dawt tho.

" Bengalore ah i chhuk tuk khan a rawn harh chhuak ve a, kha mi țum khan hliam tuar leh lose chuan a damdawi hian awmzia a la nei ngei ang!" couch nghenchhan ah lu nghat in chunglam a melh vung vung bawk.

"Khawpui i chhuah san tawh tih ka hrilh rual in ticket la ve nghal turin min hrilh a, thlawhna chhung pawh wheel chair in kan nawr lut hial bawk, khati chung khan i awmna hmun hi a rawn thlen hram a duh a, Mizoram leh Kolkata inkar van boruak ah kan thlawh lai pawh in a talbuai tawh, mahse a lungphu zawn ah khan kut nghat in ' i kryptionite i hmu dawn, tuar fan fan rawh!' tih kha a sawi zui reng a, eng emaw tilo in Kolkata kan thleng ve ta mai bawk, kolkata ah erawh keiman ka nawr luih miau a vang in direct loin hospital ah ka luhpui ta a, nikhat pawh tling lo hospital ah kan awm, chuan he lai hmun hi kan rawn thleng a, ka sawi duh tak ber chu.. ka ţhianpa hian a mamawh che, damdawiin ah nilo i kiang ah hun hmang tawh se ka duh! Damdawiin a inenkawl hi a tan chhuan hmasawnna a awm miah lo, hmangaih tu nen a chen ho a mamawh tawh..." min rawn en a, Zothana hmel tak ngul mai ah chuan a sawi kim loh hmuthiam lo tur khawp in thil kalphung hrelo ka ni tawh lo! A hun tawp tep ter tawh tak chu a hmangaihte kiang ah hmang ve tawh rawh se! A tihna anih tawh ber chu.


Ka inbual fai a, awm hmun kawrfual ka inbel a, khum lu ah lukham ka dah thuah a, ngheng in ka țhu ngawi ta chawrh chawrh bawk! Thli nâ tak rawn thawk thut ang maiin a rawn thleng thut a, chu ka inrin hma a thlipui rawn thawk chuan a tawpna tur lang rawt in min rawn nuai a, ka ngaihtuahna bing chuk chuk leh ka nunna ngei pawh hi Pathian hnenah ka kawl tir tawp lo anih chhuan mangan lutuk vang in ka thawk a chham thei mai ang.

Laptop chu ka keu hawng a, CARLOS tih chu ka click a, ka ta tur a dah hran ang tho khan thlalak leh video in a khat thla dul! Ka duh ber ka play rual chuan ka ta tur a siam țum khan Carlos-a video tur pawh a siam ve tho tih ka hrethiam ta chiah.

' Junior.' a aw zawi ruih kara manganna inphum ru chu kha mi tlai khan lo hriatthiam sak ila ka ti thar ngawih ngawih mai!

'Daddy khan Mamma te nen kan stay together tawh ang tih a tiam che a tiraw?' zo lo zet hian a țhen zui suk bawk.

'Mahse Daddy in a promise a hlen thei ta silo va, ka tihpalh ani e, video i hmuh hun ah meuh chuan i tlangval in thil engkim i hrethiam tawh ngei in ka ring, i țhang lian lai ka hmu ve lo tur erawh pawi ka ti hle thung, Carlos ka fapa i nih ang bawk in Mamma fapa pawh i ni tih hi rawn theinghilh ngai suh aw, Mamma hian kei min hmangaih hmasa lovin nang hi a hmangaih hmasa che a, chuvang chuan Mamma fapa i ni tih hrereng țhin ang che!

Mamma nen inchen ho loh a vang in i nu anihna abo lo va, ka awm loh hnu ah pawh Mamma hi lo thlahthlam ngai suh ang che, chhungkaw hran a neih hnu ah pawh Mamma tan hian lo awm reng la, a fapa, a innghahna tlak leh a thlamuanna nih tum tlat ang che!'

Rum hawk chung in laptop chu ka khup zui thawk a, ka kut pahnih in ka hmui ka hup nghal chawih bawk! Ka hrawk chhung rawn na țûk reng chu rehtir tum sa teh mahila Hmingsangzuala lo inpuahchhah nasa lutuk hian ka kawchhung thunun zo lo khawp a nasa in amah min lainat tir a! Kha mi tlai ațang daih tawh khan Carlos-a nen kan ta tur thlahna thu leh kan hmalam hun tur a lo sawifel vek tawh! Tinge a nun ah hian min dah pawimawh em em mai le! Carlos-a ka fapa dik tak pawh nimaih lo hnen ah min enkawl zui tur in a chah tak țawk țawk bawk a! Tinge a thlaphanna te tihreh tum hmasa lova ka hmalam hun ngawt a ngaihtuah ngut ngut mai le!

"Arinte?" Christ-i rawn lut chuan phawk lutuk in min rawn en a, ka insut hlawp hlawp reng chu ka ti tawp thei lo, a chang in ka thawk a inhip let hraih hraih reng a, Christ-i chu a rawn tlan lut rawk rawk bawk.

"I țha em." Khum ah a rawn țhu kai ve a, lu ka thing nawk nawk.

"Bang phawt rawh, naute tan khan a hrisel lo ania." ka ban bul ah a rawn tuai hauh hauh va.

"Christ tinge he mihring hi a at em em mai le.." dar ka chhin ak a. " i hria em? Thlanga liam ta khan a thluak vung vang leh a lu ruh khi vang in thlaruk chhung lek a dam tawh dawn tih a hria a, eng nge chu mimawl pa chuan a tih i hria em?" Ka awm chhung na ngawt ngawt chu ka chum dat dat bawk!

"Ka hmalam hun a ngaihtuah lutuk vang in a chhungte hlat a thlang zawk a sin, ka hmalam hun tur ringawt a ngaihtuah vang in hun tam a nei tawh lo tih a chhungkaw lak ah a thup a, kei min kal tir bawk! Kan huat rawn luai luai lai khan maw? Thihna kut vawt lak ațang tal chhuak turin a lo sual let țhin a sin. Chuan.. tukverh ațang khan ka in check up tur chetla vel kha min lo thlir țhin anih chu! Ka dul chhung a a fa țhang lian mek hmu chak em em si khan ka hmalam hun a dahpawimawh lutuk vang in tukverh bar chhan ațang lo thlir a duhtawk tawp zel anih chu! " eng nge ka sawi tum ber pawh hrelo in ka au chuak ta tawn tawn a, ka thawk lak zing phui mup vang chuan boruak ka hip lut nghal kawk kawk bawk.


Samu-a hna bang a rawn haw ve a, Christ-i chu Hmingsanga nen kan chanchin tlangpui a hrilh thuak thuak a, a natdan erawh sawi fak tur chuan hre tawk lo a inti deuh nge, a sawi vak lem lo! Christ-i chuan min khawngaih hmel fe hian min en tlawk tlawk a, Hmingsanga hmuve pheise chuan a ţap hial in ka ring!
"Ka nei dawn." Ka phun sep a, Samu-a'n ka kut a rawn hum nghal chat bawk.

"Ka nei dawn, Hmingsanga hi ka nei dawn, chhungkua neilo in khawvel ațang a chhuah ka rem ti ngai dawn lo, nakin ah... tawpna ni a lo thlen hun ah lei a chhungkua te an intawh khawm laiin Lei ah ka pasal anih loh chuan Carlos-a nen chiah kut an invuan a nga, keipawn ka naute chiah hi ka nei ve dawn! Vanram ah pawh kan awm ho duh anih chuan lei ah chhungkua kan nih hmasak a țul hmasa si a, chuvang chuan a nupui nih ka duh!"

"I sawi dik." Samu-a chuan a rawn ti sup a, mittui kar ațang ka en kawk rual chuan a rawn nui suk a.

" i naupai a hrawl tawh in amah i buaipui na lam ah i intina palh ang' timah ila, kan thusawi i zawm dawn der bawk silo, chuvang chuan i duh dan in kal rawh, i mipa hmangaih nupui i nih chu a sualna a awm hauh va nia." Ka sam rawn tuai zauh pah chuan a nui leh suk a. Ani ang țhian ka nei hi ka lawm tak zet!

An pahnih in dinner tur an siam mawlh mawlh a, khum ah ka mu saiair ngat a, ka dul chu ka kuah bet hle hle bawk. Ka thuthlukna hi naute pawh hian min pawmpui tih ka hria, zanin ah ka sawipui nghal bawk ang.

"Arinte lo chhuak la, ei kan peih tawh a nia." an rawn ti lang lang a, ka phone a rawn ri ve chiah bawk.

Chaw ka ei chak miah lo, mahse min ngaihsak em em tu ka țhiante pahnih tih mangan ka duh lo.

"Ka rawn phei ang." Ka ti a. Side table a phone chu ka ban zui zat bawk.

"Hello."

"Arinte, Zothana." A rawn ti a.
"Hmingsanga a țha em?" Ka ti nghal thawr! A rawn thaw chhuak hawlh a.

"Be lawk la."

"Umm." Ka ti ve mai. Hmingsanga rawn țawng hun nghak chuan ka ngawi deuh vang vang a.

"Kryptionite, Hospital ah ka awm duh tawh lo, min rawn hruai rawh." a rawn ti a, a aw rik dan chu a mak lutuk, mipa naupang in pangchang zet a an nute hnen ah thil an ngen țhin nen ka tehkhin ta ber.

"I țha em?" Ka ti sep a.
"Aih." a rawn ti hmuk.
"Ok, ka rawn hruai ang che." Ka ti vat a, min rawn chhang let tawh lova, khum ațang ka tho chhuak ta tho.

"Arinte..?" Zothana aw zawi sup ka hre leh zat.

"Aaa.. " a rawn ti leh a.

"A pawilo." Ka ti nghal vat bawk. A hriatna a mumal lo, mahse ka kiang ah a awm duh phawt chuan ka hruai tho vang.

"Ka rawn hruai dawn."

"Umm, ka hnial lo vang che u." A rawn ti nghut mai!

Ka room ațang chhuak a, chanchin ka va sawi rual chuan Samu-a te pahnih in min lo phurpui phian mai a, car chabi an ban nawlh a, inhnuai parking ah kan inzui thal fel der hlawm mai.

Traffic free lai a lo ni tawh bawk a, Samu-a'n a khalh a, a rilru mumal lo nen kan la inhmachhawn ngailo, engtin pawn lo awmse ka landan ka tidanglam tur anilo.

Gate min hawn sak a, kawtzawl ah chuan Christ-i nen kan chhuak a, ding zet in lift in Hmingsanga cabin lam kan pan leh nghal a, ka thinphu rang ta dawt dawt chu thawk ka lak pui hak hak reng a, cabin kawngkhar ka nawr hawn rual chuan Hmingsanga chuan min en nghal vut a, tukverh bul ah khan a lo ding run a, Zothana ka zawng deuh va, ka hmu mai lo leh nghal!

"Arinte?" Ka hawi vat a, Zothana chu cabin lam panin a rawn pen ve mek bawk. Kawmgkhar bul a rawn thlen rual chuan a chhung ah min luhpui a, Hmingsanga chuan a vawi khat min hmuhna ni awm hrim in min en vung vung bawk.

"A thuamhnaw țhenkhat siam la, a chhungte pawh kan hrilh dawn nia." A ti nghut, cabinet lam pan chuan ka kal a. Zothana erawh Hmingsanga dinna lam ah a kal zui vut bawk. Eng emaw a hrilh sup sup reng a, Cabinet kawngkhar chu ka pawt hawng a, Hmingsanga jeans kekawr hak thum leh t-shirt hak li nga vel lo inkhai ve hlun chu ka han nawr sawn deuh va, t-shirt var leh jeans kekawr pakhat chu ka la chhuak a, Jeans kekawr ka dar ah ka ban liam rual chiah chuan chhuat ah chuan eng emaw a tla a. Ka zuk bih zawk a, ka dul vang in ka hmu chiang thei lova, ka tawl hnung deuh dat tih ah a dinna hmun ațang Hmingsanga chu a rawn pen phei pawk pawk a. Chhuat ah chuan shirt pakhat ka titla niin! Ka ke bul a thuamhnaw tla chu a la kang vut a.

"Kryptionite kawr anih hi." A ti nghut, ka en nghal dawrh a, kawr chu a balh leh balh loh en turin a zar pharh a, mak ti lutuk in ka meng kawk kawk mai!

A room a ka thuamhnaw la awm zing a pakhat ani tih ka hre chiah! Cabin chhung chu ka enkual leh thuak thuak a, jeans kekawr chu ka la thla a, ka thaw nghal hawk bawk, midang in an hmuh ve loh tur in a duh ani ngei ang, a jeans kekawr inthlep kar tin ah chuan ka thuamhnaw a lo awm ve nual a. Ka t-shirt pakhat chu ka hum a, Hmingsanga hma ah ka lek nghal va bawk.

"Hei tu ta nge," ka ti a, Ka kut a kawr chu a rawn thlek zauh va.

"Kryptionite i ta kha." a rawn ti nghut! A kalna apiang ah ka thuamhnaw a keng tel ve zel tih ka hriat belh leh anih chu!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 6:02 pm

☆UTOPIA: 1996☆
Chapter 59 Last Chapter
By
Abbra Reo Ririni Khiangte (Pitartei= Sual Fingi)


(UTOPIA: Suangtuahna ram nuam tak! He story tawpna chu i UTOPIA hmun a thil thleng dan ang zel a ni ang.)

Ka pan hnai a, ka kawr a hum lohna kut leh lam chu lak kan sak in ka hum sak nghal vang vang bawk.

"Heng thuamhnaw te hi tinge i ken kual ve zel a?" țap lo tur a ka insum nasat lutukna lam ah ka hmai a rawn sa vung vung mai! Mipa naupang rilru thianghlim zet ang maiin ka mit ah tak a melh reng a, heng thuanhnawte hi bag ah a pack laia ka thuamhnaw a dah lut ve tur lai te, min thlahlel tak sia a hum ngawt ngawt tur te chu ka suangtuah let zut zut reng a, Bengalore an rawn kal ve dawn paw'n wheel chair a nawr sawn ngai hial khawpin hliam a tuar a, mahse a thuamhnaw mamawh a siam rualin ka thuamhnaw țhen khat a siam tel ve tho bawk si!

"Kryptionite i ta anih hi." Ngaihdan diklo ka pu emaw tiin a sawitur hriat chhun ang a rawn sawi ve tawp, ka bu nghat a. A kut chu ka hmui bulah lak kan sakin a hnunglam chu ka hmuiin ka nawr zui vang vang bawk. Tunah hi chuan min hre ruai ruai ringawt, pawi tihna ka neilo.


"Ka bulah i awm duh tawh tiraw?" a mit ah ka en leh rual chuan a lo bu ve nghut a, ka nui lui ta hak bawk.

"Anih chuan i thuamhnaw hi ka khung fel ang aw, chuan kan kal dawn nia." ka ti sep a, a kut ka thlah rual chuan ka kut a ka kên lai chu a rawn ban vut a, chhuat a tla a chhar tak nen khan a hum kawp nghal hmiah bawk. Cabinet lam ah ka let hma chuan room chhung a awm ve midang chuan keini pahnih chu khawngaih hmel takin min lo en reng tih ka hria a, Christ-i leh Samu-a chu kawngkhar bulah an ding a, Christ-i phei chu a mittui a tling pam mai! Zothana erawh tukverh bul ah kekawr ipte zen lut hlun chung in a lo ding run a, a țhianpa ve ngawih ngawih hetia rilru mumalo zet a hmuh reng a hreawm a tih dan tur chu ka hriatthiampui ve in ka hria! Na ka tih aiin nâ a tih a nep bik teuh lo.


Cabinet a thuamhnaw zawng zawng chu air bag lian lo tak ah ka khung sak ta vek, Hmingsanga pawh chuan ka kawr a ken reng te chu a rawn dah lut ve a, engkim a thim zawng a kan ngaihtuah dawn anih chuan kan pahnih tan hian hmalam hun eng pakhatmah a awm lo, chumi vang ngawt chuan indawm kûn a, kal tawh tur ang mai a Hmingsanga treat kual vel țul ka ti dawn lo bur, a hma ang bawk khan inhnial puiin eng eng emaw tih kual pui ila, atan pawh a lo țha phian zawk mai thei.


Zothana chuan a chhungte lam a biak tawh thu a sawi a, chhungkaw ho a țhawn nat dan tur ka ngaihruat thiam kuar bawk, mahse he lam ah rawn chim buai rih lo turin a hrilh thu leh keini pawh Mizorama ah kan let vat a, chhungkua te nen hun kan hman tam a țhat ber a rin thu min hrilh a, ka ţap a, ka mangang ngawih ngawih bawk, Zothana pawn sawi vak tur a hre tawh bik lo, thla nga chhung a lo buaipui chawrh chawrh tawh a, kei ai daih pawn Hmingsanga dinhmun a hrechiang zawk daih, a aw chang lam mah ațang erawh pawm thiam harsa a ti ve tho tih leh a nâ ve hle tih a lang chiang em em bawk.

"I nau pai lai nen chuang hetiang natna hi hmachhawn chi i nilo a sin." Ka dar ah a rawn tuai a.
" khawvel thiamna in a beidawn san tawh ka țhianpa nunna pawt sei tur a ka rin ngam awm chhun i ni tawh thung, i hmangaihna hian an sawi aia rei a chelh ding ngei ngei ang, kan țang rual a nga, naute lo piang tur pawh a duhthusam ang ngeiin a pawm a nga, a infiampui hman bawk ang." ka awm chhung leh hrawk chhung a sa huam huam a. Chau hman ka nilo tih ka hrechiang hle bawk.

"Kal tawh ru, harsatna a awm phawt chuan min rawn call vat zel la." a ti leh sup a, lu ka bu nghat bawk, chutia kan inbiak lai te chuan Hmingsanga chu ka lo en leh tlawk tlawk țhin a, a thuamhnaw leh ka thuamhnaw kan khungkhawmna bag kha a khai a, bang ngheng in vei neih loh hmel zet in a ding mawl tawp! Lehlam kawng tak chuan a hriatna a mumal vak loh hi a tan ațha zawk hial in ka hre ta rum rum, a chhan chu thla ruk chhung lek hun a nei tih leh thla nga chhung a liam tawh bawk tih vel hrethiam lova awm chu a tan pawh a hahdam daih zawk in ka ring.
"A chang chuan a hnar ațang leh beng ațang thisen a rawn chhuak țhin a, hlauthawng loin a hriat loh laiin tihfai sak zel i tum dawn nia." Zothana chu ka en nghal kawk mai!

"A thluak a thisen zam a mumal tawh loh vang a nia." a rawn ti hawlh, Hmingsanga awmna lam ka pan hma chuan duhthawh lutuk in thawk ka la ham ham a, kei min hmangaihna vang a tlawm ral raih țhin mipa hi ka bawisawm let ve tawh a țul a, țawngkam chhe tinreng a ka țawng khum a, ka tlan bo san țhin lai pawh a min umzui zel tu mipa tan hian a tawp thleng in ka awm tlat ang.

A awmna lam pan a kê ka pên rual chuan a lo ding mar vut a, ching lo ruai a min hretu mipa min melhna vang chuan ka thinphu a danglam leh tho, a rang dawt dawt a, lumna ka nei leh tawh a, ka famkim tur ang in ka famkim leh tawh bawk, chung thil zawng zawng feel thei a min siam tu chu amah chiah hi ani bawk.

"Kryptionite." a aw ri ah thlaphana lang ang bawk in a hmel landan chu a buai ru nuaih mai.

"I țap em ni?" bag a khaina kut chu a thlak thleng vut a, a kut phah dinglam chu rawn lek chhuak in ka biang a rawn khup nghal hmiah bawk, lu ka thing a, ka mittui vang in ka hmu phe ruai bawk.

"Aih, i țap, i mittui a awm."
"Ka țha."
"Mahse..." a kut chu vawn hnanin ka nawr let vang vang a, mipa naupang thil awmzia hrethiam lo ang chiah in a hmel landan a buai nak bawk.
"Hmingsang ka bulah awm reng i duh tiraw?"
"aw chuvang chuan a lawm min lo hruai tur a ka hrilh che." Na zet in a khutphah lum vung vung chu ka nawr ngawt ngawt.
"Keipawn i bulah awm reng ka duh, khawiahmah min kalbo san suh aw." ka ti țîau va, a chal in ka chal a rawn tauh dat rual chuan thawm ka chhuah hawk a, mahse rang lutuk in kâ ka chip leh nghal tlat bawk.
"Kalna tur dang ka nei chuang hleinem." a rawn ti sup, a ngaihtuah thlen zawng chu khawvel hi ani mai a, vankohna min chhan san lo tur a ka ngenna tih a hrethiam mang bawk silo.


Kan flat kan thlen rual chuan ka room lam ah ka luhpui nghal a, Samu-a leh Christ-i chuan min rawn luhchilh lova, hunthawl tak nei turin min duh te pawh ani ang.
"I rilțam tawh em?" ka ti a, boruak zangkhai tak kar ah awmse ka duh vang in ka aw ri pawh ka control viau.
Khum ah a țhu thla a, lu a thing nghut bawk.
"Mahse engmah eiloh a țha lo a nia, i duh chuan inthlak la, chaw kan ei nghal dawn nia." Kan kal chhuah hma a kawrlum pan te ka hak chu ka hlip mawlh mawlh a, suk tur bawm ah ka vawm lut leh a, khum ah țhu rûn chung chuan ka room chhung chu a enkual thuak a, kawrban tluan hma phel zangkhai zet a hak chu a phelh ve mual mual reng a, khum chung ah a dah rual chuan ka ban sak nghal vat bawk. Suktur bawm ah ka vawm lut a, ka che vel chu min en zui reng tih ka hria, a hma ah ka va ding a, a mit ah tak ka en leh tak ah chuan a rawn ding ve ruai ruai bawk.

"Chaw ei phawt ila, duh leh movie kan en dawn nia."
"A țha a lawm." a ti nghut, tshirt var chiah a hak tak ah chuan a ban puam a kei leh Carlos-a hming a chhut tir chu a langchiang em em a, khawih sak chak viau mahila, a mutthilh hun ka chang tawh mai ang.

Room ațang kan inzui chhuak a, Samu-a leh Christ-i pawn zangkhai thei ang berin an lo be sawk sawk a, Hmingsanga chuan tute nge an nih hreve chiah lo mahse mak tih hmel tak a, a en vung vung bak zawhna engmah a zawt bik lo, kan chaw ei boruak pawh a zangkhai phian a, kei erawh ka ei lui țawk țawk ani ber, Hmingsanga chu ka lo en leh veng veng țhin a, a khat tawkin min en zawk a, ka en reng tih a inhriat vel ah kun hniam in a nui suk zel bawk.

'Dim' light eng dul ruih hnuai ah chuan khumah inhma tawn in kan mu a, a biang lum vung vung ah kut ka vah kual tir riak riak reng a, a chang in mit a chhing a, thawk a la suai suai zel bawk. A khabe ruh kual hrawl tham zet chu ka kutțang in ka thai thla riak riak a, a hmui hnuai ah ka tawh sak leh rual chuan zuai ruih in a rawn meng chhuak, a landan chu a pa ani tawp.

Hmingsanga chuan, "Kryptionite?" a rawn ti chhuak deuh hluai a.

"Umm."

"Engati nge i dul hi a len em em a?" a rawn ti ta hlawl mai a! La awm chhung chu lo nâ deuh zawk mah se ka nui ta tho.

"Engvang nge anih i rin?" ka ti a, a awmdan siam rem miah silovin ka dul zawn chu a melh deuh thuak a, ka mit ah tak a rawn en leh nghal rûn bawk.

"Nau i pai em ni?" A rawn ti sup. A aw chu a chhum vut lehnghal.

Rilru buai ru deuh tak hian, "Umm.." ka ti chiah chu thawk a la hawk a, thawh tum zui vut chu rang lutukin a kut ah ka man chawt a. Hreh hmel deuhin a rawn mu thla leh ruai ruai bawk.

"I fa alawm, kan pahnih fa," hrethiam se ti zet chunga ka han tih chuan chal a lo chuar deuh tûp a, a kut chu ka dul chung ah ka nghah sak a, min en ta vung vung mai.

"I fa anih hi, thla 5 a upa anih tawh bawk," a hriatthiam loh hmel lutuk chu hmuh hreawm ka ti tak zet, ka dul ațang kut laksawn vut a tum rual chuan ka man ngheh sak sauh a, a la sawn bik ta em lo.

"Carlos-a i hria em?" tia ka zawh chuan,"Carlos." a rawn ti ve sup a, a ban puam a tatto chu a en nghal vut bawk a. Zawi sup hian,"Ka fapa," a ti zui a.

"Umm, i fapa Carlos-a.. chuan ka pum chhung ami hi a nau tur," naupangchhe thil hrilh tak a ka han tih leh chuan, a ngawi ta vung vung a, a rilru a insual buai ve te pawh aniang, dimte bawk in a hmai tlang vel chu ka tawk kual leh dan dan a. Hahdam hmel zet in mit a chhing ta suai suai bawk.

" Ka harh leh hunah pawh ka kiang ah i lo awm reng ang tiraw?" A maimitchhing reng, a aw zawi ruih chuan ka kawchhung thleng in a fân kual rawih rawih a.

"Awm reng ang." Ka ti sep, rawn thaw chhuak suai suai pahin ka kawng ah a rawn kuah a. A hmel landan cool zet lak ațang chuan mit ka la sawn thei thlawt lo.

Kan inhriat țan tirh te ațang bul kan țan tak dan te ka ngaihtuah kual a, kei kha chu hmeichhe verther lutuk ka ni a, khati chung pawh khan min thlahlel em em reng a, he hmeichhe verther zet thinglung ti tui ral hial khawp a thukin min hmangaih a, hmangaihna awmzia ka hriatthiam ve phah bawk a. Hringnun hlut zia te pawh a lak ațang a ka zir chhuah vek a ni. Ani hi lo tawng ta lo ila, thinlung vawt zet nei chung in hun ka la hmang ngei ngei ang.

" Ngaihtuahna ruak vek chung si leh bangbo zet in eng emaw zawn i nei ve tawh ngai em?" Thum zawi zet in a rawn ti leh a. A muhil tawh emaw ka ti hial tawh. A taksa hrawlpui che awk khawp chuan a rawn thaw chhuak hawk a, lukham ah bek a nghat țha sauh sauh bawk.

" i mit a natna inphum ru leh ka mit a thil awm hi a inan ka ring, tun ah hi chuan chu natna chu eng nge anih ka hre thei lo, mahse ka kiang ah awm reng rawh aw, i kut a min khawih rual hian ka taksa chhung a ka hriat ngailoh lungphu ri mangang thlak zet thawm hi a reh ve tial tial zel ania" a biang a ka kut nghah chu a rawn hum a, thaw suai suai chungin a awm zawn ah a pawm bet a, a lungphu ri dawt dawt chu ka feel sak thei a, ama lungphu ri ngei pawh a hriat țhan loh hial in a ngai tawh mai si a aw!! A lo hmu tu tan pawh a mangan thlak tawh tehreng nen! A tuar mek tu tan phei chuan engtiang tak a mangan thlak ni ang maw?

" Tu emaw in ka lak ațang lakbo che a tum anih paw'n kan kut kan in chelhna hi thlah suh aw, a nih loh paw'n ka mumang ah tal chuan ka kiang ah awm tlat ang che" a aw zawi ruih mai mangana in a rawn pawlh tel tak ah chuan thei leh theilo in ka inbeng kang a, remlo zet in a bek chu ka hmu in ka nawr sak nghal vang vang bawk, a bek ruh a che ţalh ţalh, a ban pahnih chu ka taksa ah a rawn suih bet nghal tlat bawk!


"Kryptionite, Engkim bo vekna hmun ah ka awm anih paw'n ka bul ah i awm tho ang tiraw?" Tia thlaphang zet a rawn rum leh hrawk rual chuan ka hrawk chhung a lo ri hraih a, a tukkhum ah man beh sakin ka awm ah ka kuah bet nghal tâwk bawk.


"I mumang ah pawh nise i bulah ka awm zel dawn lawm," ka ti melh melh a, ka awm ah hmai phum reng chung chuan a rawn thaw lum nghal hawm hawm a, a rilru fim țhat lai kha nise chu hetiang tak hian a thlaphang ve țhin tih hi a thup țang țang ngei ang! Hetiang tak a thlaphang hian Hmingsangzuala hi a awm ve thei ang tih rin ngaihna pawh ka nei chhin ngailo. Ka hriat tak zawng erawh khang thla nga liam ta kha tun ang a thlaphang hian a hmang liam a, kan inhmachhawn țhin lai pawh khan mangang takin a kiang ah awm tur a min chelh a lo duh ru reng tawh țhin! A thil tawn mangan thlak zet hi mahni ngawt a hmachhawn tur a tan chuan a nunrawng bawk em a tin ni!

"Hlutna nei ve tawh lo hmeichhia hian hlutna anei tih min hmuh tir tu i ni a, mahni inhmangaih dan pawh thiam miah lo tu thinlung ah mahni inhmangaih thiamna mai nilo, midangte hmangaih thiamna min dah sak a, he hmeichhia thinglung lumna pawh nei ve ngailo tu hian i lak ațang thil tam tak ka zir chhuak a sin, i tello in he ka thinlung hian awmzia anei bik lo tih hria chiang la, i awmna khawi hmun ah pawh ka awm ve zel ang." a chal ah fawh sak zeuh pah chuan a dar ah ka tuai sak hauh hauh va. Ka lak ațang awm hran hlau tak ang maiin min man bet tlat a, keipawn awm hran ka tum bik lo.


● HMINGSANGZUALA's POV ●

Eng emaw ri dat dat ka hriat rual chuan zawi zawi in ka chhung lam chu hahdamna in a rawn fan kual rawih rawih a, pangtilum ve veng veng ka kuah bet reng tih ka hriatthiam rual chuan hahdam zet in ka thaw chhuak huai bawk! Nghet leh zual in ka kuah bet a, a dul puar ve tawh zet mai ah chuan ka kut ka pharh duai bawk. Thlahlel lutuk leh tih harh hlau ru tak siin a tukhum chu ka chalin ka nawr vang vang a! Ka hrawk chhung rawn sa huam mai chu ka kâ ațang chhuah tir tum in ka han thaw chhuak leh ham ham a! He taksa ka thlakhleh țhin zia min hriatpui tu ka thinglung chiah in kuah leh thei a ka awm hi ka lawm dan a hrethiam chiah ang.

Ramngaw pilril zet leh thim mup chhung a awm ang mai a, ka chhehvel a thil awm reng reng ka tan thil thar vek an nih lai pawh in ka ngaihtuahna chaurau zet chuan he lungphu ri ve dat dat reng hi a zawng kual ruai reng țhin! Engkim a bo duak a, ka ngaihtuahna a inthai chhiat nghauh nghauh țhin lai pawn ani hi chu ka hriatrengna in a bo pui zawh ve lo khawp a chiang in ka hriatna thazam ah hian a inphum nghet tawh lutuk!


Hlimna ka pe thei tawh lo va, a duhthusam tihpuitlin sak tur pawn ka nunna zawk in min phatsan thuai dawn! Chuthil ka hriat nawn rual chuan na leh zual in a tukhum chu ka nawr ngawt ngawt a! Rei tak dam thei ka va chak tehlul em! Rei tak! Lu a kelsam ţo khawp a rei dam a, ka hmangaih zia hmuh tir a, enkawl zui ka chak tak zet! Thawk zing lutuk in ka thaw chhuak ham ham a! A kiang ah hian chatuan pawn awm mahila tawk ka ti thei ngai lo vang! A kiang a awm reng theihna hun zawng zawng hi ka ta han ni vek mai se aw! Sana ban a chet rual a piang in ka tawpna tur ka hnaih telh telh reng a! Mite'n hun liam thuai thuai se tia duhthu an sam laiin ka tan chuan ni tla tur te hi pawh din a chakawm rum rum țhin!

" ka hmangaih em em nu, hei aia rei hi hmangaih theih che ka chak a sin." zawi lutuk in ka rum chhuak a. A thawk la siai siai ri te chu hei aia rei han ngaihthla thei i ila ni tur!

"Lalrinmawi hei aia rei hmangaih theih che ka chak tih i hria em?" Sehchilh rûn in ka phun chhuak nawk nawk! A taksa ka kuah behna ațang chuan kut ka la sawn a, a sam nem thep chu ka hui sawn sak leh a, a beng hnuai lang var vak mai chu ka biang a nul in ka thaw chhuak leh hawk bawk.

' Nimin khan tinge min rawn hmuh le? Bawihi, min hmu tur i nilo a sin! Min theinghilh mai thei lovem ni? Mahse chu erawh a thlen ka hlau viau lawi si! Mahse kei nilo mipa chak țha zawk ãngchhung ah tlu lut tur zawk i ni! I dam chhung a i kianga awm thei tur mipa thlang tur zawk i ni asin.'

Ka hmuiin a beng hnuai ka nul a, ka fawp bawk, a kawrban in a khuh ve loh a ban leh dar man hen mai te chu ka hmuiin ka nul kual thuak thuak reng a, khawvel ah rei tak ka cham ve thei dawn emaw tiin min hmangaih ngailo tu hmeichhia hi ka um kual lui a, dam chhung in kan awm dun tur ah ngaiin ka lak ațang tal hran a duh lai pawn ka umzui țawk țawk țhin! Khatih lai khan hetiang thil hi ka chung ah a thleng dawn tih hrelawk ni ngat ila chuan min hmangaih ve hma khan ka kal tir ang!!! A tello in awm harsa ti țhin viau mahila, hetiang teh thlawt a nun tawi tur a lo piang chhuak ka ni tih lo inhre lawk ngat ila chuan hmangaih leh thlalel em em chung si khan a tel lova hun hman dan ka lo zir lawk mai tur ani a! Min hmangaih ve hnu lawk ah engkim.. Engkim tih tawp sak ka ni ta thung! He khawvel in lum let kual mup mup reng hi tinge ka chungah a nunrawn bik em em tih chhanna hi min pe thei tur an awm der bawk silo!

Thawk zing lutuk in khum ah chuan ka țhu chhuak ta hlawl! Tui zet a bawihi muhil sek sek chu hmuhnawm viau mahse keimah vang a a natna tawrh! Hlauhthawnna a hmachhawn leh mangangna a hmachhawn a nasa lutuk a, ka lainat hle thung!

Lainat tak ka ni! Dam chhung a a kiang a awm reng tur mipa hmangaih nei tur anih laiin kei min hmangaih tlat a! Kei ve lah chu! Thaw chhuak hawlh pah chuan ka kut pahnih in hmai ka hup nghal thawk mai! Min rawn hmuh leh hma khan lo thi hle hle zawk ila nitur! Tichuan nimin lam a natna leh manganna a hmachhawn zawng zawng kha a hmachhawn ngailo ni mai tur a!

Tih harh hlau zet in khum ațang chuan ka tho chhuak a! Tukverh lam ka pan a, khua a la thim ruih! Bengalore khawpui pawh a reh țhup, thawk zing zet in khawpui lang pe tuar mai chu ka en vung vung a, lungdam tak a muhil mek te chuan an dinhmun ka awh zia an hre tawp lo vang.

Van lang thim mup lam chu ka thlek a! Țum engzat nge hei aia rei ka dam hun chhung min pawhsei sak tur a ka ngen țhin lah ka hre seng lo! Mahse khawvel mipui vaibelchhe eng emaw zah zing ah kei kher min thlang tlat ang lawi a! A rorel dan lah kei a lo hriatthiam pui phak lah ani der lo! Ka hmeichhe hmangaih rilru tinat sak lova ka nunna la mai tawh tur a ka ngen ngawih ngawih lahin hun zawng zawng thunun tu anih zia min hmuh tir tum ang hrim in ka nunna lak a duh mai chuang der bawk silo! Hetiang tehhrep min tuar tir hian chhan a nei han ti ngawt dawn ila, ka hmuh theih a thil thleng zawng chu Bawihi'n engkim a hre chhuak a! A hmalam hun tur ngaihtuah chang miah lovin min thlahthlam a tum lo, chuthil a thlen ka hlauh luat vang a kal tir ka ni tih min hriatpui tu khian na tak a siam in engkim a rawn hmuh tir ta vek a! A hnen ka thlen hun ah tal, hmai chhan ngei ah Bawihi nen hei aia rei hun min pe tur in ka dil leh tho vang!

Zawi muang in ka inher ruai ruai a, Bawihi muhil sek sek lam chu ka pan leh ta ngawt bawk, a hmel hmu thei turin khum chu ka kal hel a, kan fanu chu venhim tum ve ang hrim in a dul chu a ban pakhat in a kuah a, a lu bul lawk chhuat ah chuan ka țhu hniam thla ruai ruai bawk!

A naupan lai a, a thil tawn tawh te vang pawh khan a tun hun hi chu hlim tak leh hahdam tak a hun hmang tawh tur anih vei nen! Kei mi laktlak loh zet hi a nun ah lut ta miah lo ila, heng a thil hmachhawn tak te hi a hmachhawn lo ni mai tur!

A hmui hnuai chhah tap chu ka kutzungpui in ka tawk a! Ka fawh hamsak ber țum hun ah khan ka let leh ta bawk! A hmui hnuai melh reng chung chuan ka nui suk bawk! A mipa fawh hamsak ber ka ni! Kan infawp tih tumah hrilh lo turin min hrilh ve ngei bawk a! Atthlak ti lutuk in lu ka thing nghut mai!


A biang mam hen chu ka kutțang in ka nawr kual heuh heuh va, rei ka dampui thei lo anih pawn ka thlarau tal chuan ka awmpui reng ang, mipa țha tak a tawn hma chu thlarau mai ni tawh mahila ka venghim zel tho vang!

Khawvar lam a hnai tawh a, rel tlan ri ruai ruai pawh hriat tur a awm ta zauh zauh, thlir reng pawh niila duhtawk chin ka nei thei ngai dawn chung lo, awm hnaih in a chal leh ka chal ka nawr si a, ka panglum chu hreve ang hrim in a rawn che ve țalh țalh a, ka hmuiin a chal ah ka nawr a, a thawk lak a muang leh tial tial a, a muhil nghet tih ka chian tak rual chuan ka tho kang ta vut a, room chhung a naute thil tur vel a lei khawl țhenkhat a dah ve ram lam chu ka pan a, couch lian zet ah chuan naute pheikhawk tur te, a kawr tur, story a chhiar sak tur leh eng eng emaw a rem fel ve ram a!

Heng zawng zawng a lak khawm lai te hian amah phatsan tu ah min ngai ngei ang!

Naute moza lawmawm zet pack pakhat chu ka la kang vut a, a pawl leh a sendang a lo in pack tlang a, a pawl ah zawk chuan sakeibaknei lu lem an vuah a, a sendang ah thung chuan phengphehlep lem an vuah thung! Kan fanu in hetiang a rawn bun ve hun tur chu ka suangtuah a, tha ná zet in ka ner ru nghal suk bawk!
Ka kut țang ngei hum se; kal zirin ke pen ve se ka duh a! Mahse chu erawh ka utopia ah chiah a thleng thung ang! A țawng zir tir lai hmuh ve chak in theihtawp chhuah mahila ka thluak vung mek si hian zahngaihna tel hauh lovin min ei ral tial tial bawk si! A inhlei chang in a nu in a hau ve khar khar a nga, chutah ka chhan tih hre zet in țap ve țîau chung a ka bul a rawn zualkô tur te in ka duh a, a u Carlos-a nen an infiam laiin a û tih theih ang a tih ve theih loh vang a ka puihna ngen ve tûng turin ka duh bawk! Mahse Emmanuel erawh pa tello in a rawn țhanglian thung dawn. Apa hian engkim a tihpui chak vek tih leh a suangtuah kual tam ber ani tih rawn hrethiam hram mawlh rawh se!

Naute pianghlim moza chu mit phe ruaiin ka en ngur ngur a, a kut tereuh te beng ve thek thek a, a nui lai tur te chen in a pa hian ka lo suangtuah lawk ve țhin a sin, anu ang mai a ka pangtilum hre hrang em em turin ka duh a, GOD! Khawngaih takin kei leh ka chhungkaw UTOPIA hi mib her danglam sak mai thei lo em ni? Nang chu engkim ti thei tu i nih kha! Vawi khat lek! Vawi khat lek tak tak kan chhungkaw tan hian i hun lo ruat lawk tawh hi i her danglam hlek thei mai lovem ni? Ka hmangaih ngawih ngawih-i leh ka fate hian min la mamawh tih i hmu ve ani lawm ni! Keipawn an kiang a hun hman ka la kham chuang bawk silo! I tan lah khawvel kalphung chhete lek a lo her danglam a pawi dawn miah bawk silo! Keini i fate tan hian eng emaw tak rawn ti hram teh! Tiang ngawt zawngin he mipa thinlung hi a ipik e mai! A hmangaihte kiang ah hun hman la kham miah lo thlarau hi la bo ta pawh nila, van thengreng zau tak ka rawn thlen hun ah tal chhuah dan ka zawng tho in ka ring! Chutiang a thlen loh nan tal paw'n ka hmangaih te kiang ah hian hei aia rei hun min hman tir hram teh!

Ka fanu moza tur chu ka la kang a, ka chal a ka nawr tak ngawt ngawt rual chuan ka kawchhung lam a rawn khur dawt dawt bawk! Ka fanu rawn piang tur hi ka hmuh ve chak em ani! A mit meng, a kutțang tereuh te leh a ke te tak te te! He mipa lakah hian zahngai takin ro han rel hram teh!

Ka kâ ațang ka thaw chhuak hawlh hawlh a! Bawihi lam chu ka han thlek zawk a! Ka va mangang tehlul em!
Reingial Bawihi muhil chu ka thlir ta reng a, ka kalsan hun ah engtin nge a awmzui zel ang! Zan a harh rual apiang in ka pangtilum a zawng a nga, a hriatna a rawn fim rual a piang in pial lei dai ah ka zal tawh tih a hre nawn a nga! A taksa chhung a thinlung nâ lutuk in a taksa a fan chhuah ruala ka hming a lam mawlh mawlh tur te nen lam engkim ka hmu tlang vek a! Sanna ban a chet rual apiang in chu hun lah chu kan hnaih telh telh mai bawk si! Thawk zing phui mup vang a ka thawk chhuah leh hawk tak ah chuan engmah ngaihtuah zawm tawh lo turin ka ngaihtuahna chu ka hrilh a! A story book lei khawl ho chu ka en kual leh thuak bawk, beauty and the beast book chu ka la kang vut a! Ka thaw chhuak ham ham mai!

Beast ang hian ka hmeichhe hmangaih in min fawh rualin nunna thaw ka kâ chhung ah rawn lut ve leh thei se ni tur!

Khum ah ka lawn kai leh a, Bawihi taksa si chet chuan ka mu thla leh a, a rim nu chek chek pawh a la ngai reng, a dar hit thler mai chu ka hmuiin ka nul a, a dul zawn ah chuan kuah bet ve in zawi te te in ka hmangaih thu ka hrilh mawlh mawlh bawk.
A dul a ka kut nghah chu ka chet kual a, Bawihi erawh a la thaw sek sek thung, a kawrfual hak chhing lam hret chu ka nawr tawm chho va, kut lawng a a dul kawh ve lah mai ka tawh rual deuh thaw chuan ka fanu chu a harh ve chiah, ka nui nghal hawk bawk. Bawihi chu a rawn che ve țalh țalh, ka inbeng kang nghal vut bawk. A pum chhung a ka fanu bawk chuan ka kut chu a rawn tlawh ve leh dat a! Khawvel a hlimna zawng zawng kawl vek tu ang maiin ka nui chhuak leh hawk bawk.

"Hmingsang." a aw a tham țiak, a beng hnuai ah bawk ka fawp a, maimitchhing reng chung in a rawn nui seih bawk.

"A rawn che." ka ti sup, Bawihi pawh chu a meng zau ta kawk, Ka kut chu a rawn vawn hnan ve zat bawk.

"Tak tak.. a rawn che leh tawh." Ka mit ah rawn en in a nui chhuak ve hawk hawk a, insum hman lo lek in a hmui ah ka fawp nghal vang vang bawk. Ka in la hrang hlek a, ka chal in a hmai ka nul kual dan dan a, chil a lem ri nghal khawlh bawk.

"In bul a ka mut ve ngawt dan hi ka hre miah lo a nia." ka ti sup, a rawn nui chhuak leh hak a, ka lukham leh lukhum dang lo awm ve chu a taksa siam rem sak nan ka hmang nghal zung zung bawk. A mu zangthla a, a kawfual hak ka nawr tawm chhoh sak vek, min hnial hran lo bawk, a dul lian tawh tak chu ka hmaiin ka han nawr vang vang a, naute awmna anih vang nge a sa bik veng veng reng a, bawihi pawn ka sam a rawn khawih ve niap niap bawk.

"Keimah nen chauh chuan a thlamuang miah lo, i awmve tih a hriat rual chiah in a rawn che duh a, Daddy girl tur dik tak ani dawn chiang." Ka nui che dawt mai.

" naktuk ah haw ang u aw." a rawn ti leh a, a țha a lawm! Engkim Bawihi ber in a hre tawh a, haw tawh ila, ka mi hmangaih dangte pawh an thlakhlel awm ve tawh alawm.

"Bawihi?"

"Kan innei nghal ang tiraw?" A rawn thle deuh va, ka thaw chhuak nghal hawlh bawk.

" inneih ka duh, chuan naute pawh in nu leh pa kar ah piang ngei se ka duh."
"Bawihi!" Ka ti nghut, a ham zui hak a, a kut tereuh te chuan hmai a hup ve thek bawk.
"Tho tawh ang." Ka dar ah a rawn beng thuk a.
"Inneih lam kha..."
"Aw lungngai suh, ka nei dawn che lawm." Chimawm lutuk in a aw rik dan a tidanglam kual vel a, a lu bul ah innem khalh in ka chhuk melh nghal ngur bawk.

" Engkim i hriat vek tawh kha." A mit mu lian kiau mai chu a ti che kual ralh a.

"Ka hre vek tawh, chuan eng nge ni vak! Kan fa hi miin sawn tise i duh em ni?" Min melh khai pah chuan chal a ti chuat ta nang bawk.

"I ngaih ang hian thil a awlsam lo a nia." ka tukhum ah a rawn man a, a chal leh ka chal chu a insik theih nan min kuai hniam bawk.

" a awlsam dawn lo, pawi ka tih i ring em ni? Ka hmangaih che ka tih rual apiang khan a nuam chin chiah paltlangpui che ka tum lo, eng dinhmun ah pawh ding la, i kiang ah ka awm reng ang tih ka sawi tel țhin a sin."

"Hna ka nei tawh lo!"
"I duh tawk thei em? Kan dam a nga, kan nghei bik teuh lo." a rawn ti nghek.
"Ka inenkawlna senso zawng zawng hi service lam in an tum vek, ka sum neih zawng chu ka pension hlawh leh Zothana damdawi dawr ațang 50% chan zel bak ani tawh lo."
"I mak ka ti! Tinge hmalam hun tur hi i ngaihtuah vak vak zel a, min neilo nâ teh ka sawisa hrep mai ang che." A kut hum tawmin min tîn ta zúau va.

"I â lutuk." Ka ti nghut. Ka kuah khawm hlun tak ah chuan a rawn nui lum hak a.
"I sawi dik, mi â pahnih kan nih hi." A rawn ti sep a, min fawp turin amah zawk in lu a rawn kan ak a, dawhtheihna tlachham zet in ka fawp nghal ngawng ngawng mai! Uar zet in min chhang let ve zel a, a kawr hak ka nawr tawm chho vek tawh chhung ah zen lut in a hnute ka hum nghal chat bawk!
"God!" a rawn nui chhuak hak a, kan hmui a la insi reng, ka kâ chhung ah a lei zawk a rawn nawr lut a, a lei sa ve hiam mai a thiam ang tawk a a rawn chet kual tir ve meuh chuan ka kawchhung lam a chawk tho nghal vek, thaw ham ham chung in a hmui hnuai ka peh sak rual chuan a rawn rum chhuak nghal hak bawk.
"A chi a ngem?" a hmai zawn ah ka inbeng kang a, ani erawh a tukhum a lukham nawr in a nui chhuak hak mai!

"Kryptionite?" Ka ti hluk. Ka mit ah tak a rawn en leh rual chuan rang zet in ka awmdan ka siam rem a, hnuai lam ah ka tawlh thla chu thei leh thei lovin min rawn melh țawk țawk bawk.

A ke rek ve ve ah ka man sak a.
"Hmingsangzual!"
"Ka tawp i duhlo ani lawm ni?" A ke pakhat zawk in ka ban bulah a rawn tlawh zauh va, ka man beh leh rual chuan ka nawr tawm chho ta tho, ka taksa ka siam rem ve a, a bawp inkar chu ka mipat na inpeih at tawh chuan ka nawr nghal tawk, țum dang ang bawk a lum hiam a, kekawr chhan ah chuan dim vak lovin a d** kual a, khum khuhna a țham ve tan tan reng a, a point ah tak ka nawr leh tawk rual chuan sexy lutuk in a rawn thaw chhuak hak a, kekawr chhan mah nise keimah zawk pawh ka zauthau mah mah tawh. Ka kawchhung lam rawn sa huam huam reng leh ka thisen so bulh bulh vang chuan ka ngaihtuahna te pawh a nû bulh vek!
Beisei nei zet in min rawn en a, engmah a sawi lo. A bawp pahnih chu a aia zau mah in a ka nawr tawm chho leh deuh va, naute tan a pawi ka ring lo, chumai bak ah amah pawn min mamawh bawk, mahse țum dang angin dimlo takin ka che thei tawh lo, ka kekawr hak lai ka nawr tawm thla tawp, ka mipatna inpeih at tawh chy hum in a pantie chhan ah chuan a kap inkar chu ka nawr kual a, a ip zui chawi a, kei erawh ka nui suk mai!
A pantie chu pawt kauvin a tak thleng chiah silo vin ka nawr si run tawh! Mumalo lutuk a Bawihi rawn thaw ri hak vang chuan ka rum chhuak nghut a, a pantie pawh pawt thla loin ka pawt kau tawp, a point ah ngialngan tak a nawr kual raul chuan a rawn rum chhuak ham ham a, ka tha sam a lum nghal bulh bulh mai!

A taksa chu ka awm hnaih leh sauh va, dim vak lova up and down a ka nawr kual sak leh nawk nawk rual chuan thawm siam hlau tih hriat zet in a kâ a hup bet a, a mit meng phelh phang chuan min rawn en țawk țawk bawk, dim zet in a taksa chhung ah chuan ka lut riai riai a, kawchhung sa hiama luh chu harsa deuh mahse ka siam rem zel a, ka luh vek tak ah chuan ka hming lam meuh in a rawn thaw chhuak hak hak a! A taksa inpeih hun ka ngaichang leh rih a, nau rit tak a pai tawh a, dimlo tak a chetpui theih ani tawh lo!
_________________

● ARINTEI's POV ●

Lengpui Airport ațang kan chhuah rual chiah chuan Carlos-a a rawn tlan nghal tarh tarh a, Hmingsanga'n a pawm kang nghal nawlh bawk.

"Daddy." A ti chul, Hmingsanga chuan a bek ah a fawh sak vang vang a, a thlahlel hmel chu a dinhmun chiang tak a hriatthiam sak tu tan chuan hmuhnawm aiin thil hmuh hreawm ber ani zawk!

"Carlos." A ti sup, Carlos-a awm chu a hmaiin a nawr leh vang vang a, Carlos-a chuan engmah a hrethiam ve rih lo, min nuih var var a, a pa thlakhlehna chu ngaihven lo zet in ka dul puar ve tawh tak mai chu a rawn kawk zeuh zeuh bawk.

U Ruatsangi pawh kan lam lapan in a rawn pen zui ve zat a, a hmel bui lak mai ațang chuan a lo țap hrep tawh tih ka hria!

Hmingsanga chuan Carlos-a a pawm lohna lam a ban chu a lo phar chhuak duai a, u Ruatsangi țap chhuak teuh lutuk insum țang țang chu lainat zet in ka en ngawt ngawt tawp!

"Mi â pa!" Hmingsanga taksa a kuah rual deuh thaw in a baw hawk a, Hmingsanga chuan a kuah bet a, a u chhip ah chuan a hmuiin a nawr zui tâwk bawk!

"U tikhan awm lo la, Carlos hian mak a ti ang." a ti sup a, ka dar ah kut lum in min rawn kuah rual chuan mittui tling pam in ka hawi chhuak a, u Țpa'n ka hmuh rual deuh thaw chuan a dar ah lu ka nghat a, ka banbul a tuai hauh hauh bawk.

U Ruatsangi chu kei ang bawk a hmeichhe rilru no anihna a lang lo thei ta lo! Hmingsanga chuan Carlos-a chu a dah thla a, a û chu a awm ah a kuah bet ta hlu hlua, Carlos-a'n ka kut a rawn hum țai a, ka zuk en a, a pa leh a ni inkuah lai chu a melh ve kiau bawk.

● ARINTEI's POV ●

Lengpui Airport ațang kan chhuah rual chiah chuan Carlos-a a rawn tlan nghal tarh tarh a, Hmingsanga'n a pawm kang nghal nawlh bawk.

"Daddy." A ti chul, Hmingsanga chuan a bek ah a fawh sak vang vang a, a thlahlel hmel chu a dinhmun chiang tak a hriatthuam sak tu tan chuan hmuhnawm aiin thil hmuh hreawm ber ani zawk!

"Carlos." A ti sup, Carlos-a awm chu a hmaiin a nawr leh vang vang a, Carlos-a chuan engmah a hrethiam ve rih lo, min nuih var var a, a pa thlakhlehna chu ngaihven lo zet in ka dul puar ve tawh tak mai chu a rawn kawk zeuh zeuh bawk.
U Ruatsangi pawh kan lam lapan in a rawn pen zui ve zat a, a hmel bui lak mai ațang chuan a lo țap hrep tawh tih ka hria!

Hmingsanga chuan Carlos-a a pawm lohna lam a ban chu a lo phar chhuak duai a, u Ruatsangi țap chhuak teuh lutuk insum țang țang chu lainat zet in ka en ngawt ngawt tawp!

"Mi â pa!" Hmingsanga taksa a kuah rual deuh thaw in a baw hawk a, Hmingsanga chuan a kuah bet a, a u chhip ah chuan a hmuiin a nawr zui tâwk bawk!
"U tikhan awm lo la, Carlos hian mak a ti ang." a ti sup a, ka dar ah kut lum in min rawn kuah rual chuan mittui tling pam in ka hawi chhuak a, u Țpa'n ka hmuh rual deuh thaw chuan a dar ah lu ka nghat a, ka banbul a tuai hauh hauh bawk.

U Ruatsangi chu kei ang bawk a hmeichhe rilru no anihna a lang lo thei ta lo! Hmingsanga chuan Carlos-a chu a dah thla a, a û chu a awm ah a kuah bet ta hlu hlua, Carlos-a'n ka kut a rawn hum țai a, ka zuk en a, a pa leh a ni inkuah lai chu a melh ve kiau bawk.

"Arinte!" Thawk ipik hmel lutuk a min kuah ngawih ngawih tu taksa chu a khur nasa kher mai!

"Ka țawngkhum dan! A fapa a hmuh ka rem tilote.. engkim.. engkim kha ka ngaihtuah let zawng ringawt pawn Mama tan a lo nâ dawn lutuk! Nâ ka tihpui e mai!" a insut hlawp hlawp a, sawi tur engmah ka hrelo! Kei ngei pawn ka hmalam hun a ngaihtuah vang a, mahni a thihna lo fight let tu ka țawngkhum dan zawng zawng kha rapthlak ka ti lutuk!

"Eng nge kan tih tak ang?" U Ruatsangi chuan țap râwng râwng chung chuan a rawn ti a! Hmingsanga natna tawrh zatve tal hi tuar sak tu tur dik tak niin ka inhre ta ber!

"Keimah vang vek " ka aw a chhuak che che! U Ruatsangi chuan lu a rawn thing nawk nawk a, Hmingsanga room hman tak ah khan kan awm dun a, kan sawitur hriat chhun chu 'min hmangaih vang a engkim tuar tu kha hriatthiam tum in kan lova belching silo em! A mit a thlaphanna leh manganna inphum ru tûman hmuh sak kan lo tum miah lo te kha!' Kan thil tihsual lian ber ani kumkhua tawh ang!

Pindan kawngkhar chu a rawn in nem hawng ruai ruai a, u Ruatsangi nen kan lo țap dun tih a rawn hmuh rual deuh thaw in Hmingsanga chu a phun nghal hluk bawk.

"Ka la thi lo a nia." a rawn ti hmuk a, u Ruatsangi nen kan rûn hle bawk. Kawngkhar chu a nem phui a, khum lam panin a rawn pen zui ve vut bawk.

"Û țap tawh lo ula, tiang a hmuh che u hi ka duh ngailoh vang a lawm..."

"Engkim i thup hi ka haw thlawt che." Hmingsanga sawi tur pawh sawi zawh tir thei lovin u Ruatsangi chuan a darah a chum sak taih a, a kuah bet nghal thlawp bawk.

"Mama, khami tlai te khan i thusawi nilo, i mit a i thil thup bo tum te kha hmuthiam zawk tur ka ni a sin." a aw khur hlawk hlawk vangin a taksa pawh a che awk awk a.
"A pawi lo!" a u hnung a tuai sak hauh hauh tu chu ka melh ngawt ngawt tawp! A pawilo a la ti zel thei mai a! Vawi khat tal a rilru damnan te pawh min han hau nghek se kan han vui dawn loh tehreng nen!


Kan tan chuan minute khat lek pawh a hlu ani tawp mai! Chawp chilh tak in kan inneihna a thleng rûm rûm a, chu pawh Hmingsanga'n mipui zi huai huai a zawh loh vang in a in hnung lam huan ah chhungkua te nen lek kan hmang a, mahse kan pahnih tan chuan khawvel a inneihna hlu ber leh ropui ber ani tho.

Suit dum a taksa rem thlup inbel a min lo nghak mek tu lam pan chuan ka pa kut vawn sak chung in kan kal phei a, midang ho chuan min khawngaihna leh lawmpuina mit meng te nen min lo en țhap bawk, Hmingsanga landan cool zet mai chu en in thawk ka la ham ham a! Ka pasal ani tawh dawn, khawvel a mipa pa ber mai hi ka pasal ani tawh dawn! Ka hmangaih aia nasa a min hmangaih tu! Ka hmalam hun tan a nun hlan ral raih huam khawp a min hmangaih tu nupui ka ni ve tawh dawn.

Kan hnaih telh telh a, a nu hmel pa zet mai vang chuan ka nui ve leh hak a, ka thinphu dawt dawt mahse ka hahdam veng veng thung!

A kut a rawn phar chhuak a! A mit meng sexy zet leh whiskey tak țha zet ang mai a lum huam a min enna vang chhuan ka hmai a sa țawn țawn bawk! Ka pa in a kut ah min hlan a, nghet tak in ka kut chu a hum lum a. A bul ah ding turin dimte in min kai hma bawk. A kut lum vung vung chuan ka thinphu dawt dawt pawh rawn thunun in a zawi telh telh a! Ka tan chuan ka himna kulhbang nghing ve ngailo ani ber tawh!

"Khawvel a mo nu hmel țha ber i nih hi." a chal a ka bek rawn nawr zauh pah chuan a rawn phun sup, ka melh zeuh va! Khawvel a hmeichhe hlu ber ka nih zia min hriattir nawn leh ta!
"Khawvel a pasal sexy ber leh cool ber i ni ve tho." Vanvadak meuh in a nui chhuak hawk a, sexy lutuk a min rawn melh leh kher tak ah chuan dingdihlip in a biang ah ka han fawp ta zeuh bawk.

Inneih thutiam a zo va! Ka kut ah zungbun min bun tir a! Tunah chuan pahnih ni tawh lonin pum khat kan ni tawh!

"Ka hmangaih che." a rawn ti sup a, ka dak chho nghal haw bawk.

"Keipawn." A bu nghut a, ka hnung lam ațang min rawn kuah leh rual deuh thaw in a cousin țenkhat thla min lakpui turin an rawn ding leh nghal zat a. Ka kawng a kut phah hrawl zet chu ka zuk melh zauh va! He ban tha hi a chak zawh tak loh hun ah pawh Pathian khian khawvel ațang la bo kher lovin ka enkawl zui tur tal pawn kan zing ah a awm tir char char theih nan ka dil zui mawlh mawlh a.

Thlalak vel a zo va, kan pahnih lek a kan awm fal deuh rual chuan a vanvadak a! Keipawh a awm ang chuan ka awm ve a!

"Ka pi, i fanu hi ka nupui ani tawh a nia." ti sup in van pawl kuk chu a en vung vung a! Kei erawh ka țah nuih nghal hawk mai!

"I fanu hi ka hmangaih tih i hria tiraw? A kiang ah rei tak ka awm thei nan Khawvel chhung a rorel tu kha lo dil hram ta che." A ti leh a, mittui tling pam chung in a mah chu ka en a, a hrawk bawk a che ralh ralh! A dar ah khebe ka va nghah rual chuan rang zet in a bek in min rawn nul let vat bawk.


U Ţpa leh Zothana te nen an ding bawr țaih a, u Mc-i nen kan țhu a, Mizoram kan thlen rual in ka mamawhna a piang ah min buaipui nghal sawk sawk a, ka tan chuan û dik tak ani tawp tawh.

" I lak ațang mit a la sawn rei thei thlawt lo." A tih sep rual chuan Hmingsanga te lam chu ka en ve vat a, kan mit a in tawng nghal siah bawk. A rawn nui suk a, u Țpa biakna chu chhang in a phun zui sup bawk.

"Ka thei bik hleinem." Ka ti a, u Mc-i chuan ka dar ah rawn kuah in ka banbul a rawn tuai hauh hauh va!
"Hmingsanga'n a hmangaih dan em em che hi rapthlak ka ti lek lek țhin, khawvel ah hian amah ang a mipa hmangaihna ngah hi an piang chhuak tawh kher lo vang, hmangaihna a nghah em vang pawh a niang Pathian in a kiang ah chawl hahdam hmasa tur a a duh ni."

"U Mc."

"A harsa ang tih ka hria a lawm, mahse Pathian pawh hian maw; khawvel a mi bîk te hi a angchhung a awm turin a duhna a zual țhin a lawm, khawvel ah rei tak awm a, natna an tuar a rem tilo va, chuvang tak chuan a angchhung ah hahdam thuai turin an nun te hi tlem in a ti tawi sak bik țhin a, i thinlung ațang i nawt reh thei tawh ngai dawn lo va, nakin ah; TAWPNA ni a lo thlen hun a inchhungkua a in awmna tur a lo han buatsaih hmasa a nga, thihna awm tawh lohna hmun inthlen rualin a lo nghahna che u ah chuan in thleng chho ve a nga, khawvel a a hmangaihna i dawn aia nasa hi i han dawng leh dawn lawm, khawvel ang mai mai hian engmah in a țhen hrang thei tawh ngai dawn lo che u a, chu hun chu thlir thiam zir zawk rawh aw, a thleng ngei ang tih ka tiam bawk a che." a ti sep sep a, ka mit ah mittui a tling khat vek! Kan hma lawk a Hmingsanga leh midang dingte chu ka va melh țhin a! Ka hmangaih ang chiah hian Pathian pawn a hmangaih a, keichuan tuna a natna neih te hi ka tihdam sak thei ngai dawn lo, a natna chhawk thei tu kiang a thlen chu thil sual anih miah loh laiin mihring rilru hi chuan pawm thiam harsa a la ti vau lawi!

"Doctor Hruaizela car ațang a pawh chhuah buan buan țûm che kha i la hria em?" a rawn tih rual chuan ka țah nuih hawk a! Khang lai hun ah khan ka ngaihtuahna baihvai zet chu a let leh ni ta ber in ka hria!

"Kha mi zing khan min duh tih min hrilh a." ka ti a, u Mc-i pawh a rawn nui ve hak hak a.
" min duh ringawt vang khan a bialnu ka la nilo emaw ka ti a, ka rindan chuan a bialnu ni turin min sawm kher tur ah ka lo ngai a, min tlan let pui khan kan inhnial hrep a, ka sawi chhuak ta phawng a, a nuih ka tiza lutuk kha ka la zak reng.." u Mc-i chu a ri meuh in a nui chhuak a, Hmingsanga pawh a rawn hawi vut mai!

"In nu nen in inngaihzawn țan dan kan sawi!" Ring lenglawng in Hmingsanga chu a va au kher a! Ka nghawk sawk nangin Hmingsanga thung chu pa zet in a nui chhuak hawk mai! Ka mit ah tak chimawm lutuk a min rawn en rual chuan bolero chhung ah a bialnu nitur a min sawm lai kha a ngaihtuah let ve tho tih ka hria a, kan awmna inhlat lek lek mahse a mit meng lum huam vang chuan ka sa awp awp bawk.

"Naaaaa.." ka ti ta nang a, a kekawr ipte ah kut zen lut hlun chung in Hmingsangzuala chu kan lam panin a rawn kal ta vut mai! U Țpa leh Zothana chuan an enzui vung vung a, ka țhutna chiar ban ve ve chu a rawn hum chawt a, ka hmai bul chet ah a rawn kunhniam zui zat bawk!

"Ka awmloh laiin engthil maw in lo sawi?" a ti hluk, mahse thinrim a sawi anilo tih ka hria.
"Doctor Hruaizela'n min lo call rual a ka phone i paih tawh i vawm keh vek leh a keh pawh duhtawk mai lova kawng thlang a i pet liam daih thu kha u Mc-i ka lo hrilh a." Chal a chuar tûp a, a mit meng ah erawh nuihzatna ka hmu thung.

"Lawk! I phone te a paih a maw?" U Mc-i chuan a lo ti a, Hmingsanga chu a chet nghal hluk bawk.

"Bolero tukverh ațang a vawm chhuak a.."
"A tawk." A ti hluk, a nui ve hawk tho, a kut pakhat chu ka pum chung ah a rawn nghat a, thawk la ham ham pahin ka mit ah tak a rawn en a, uMc-i chuan phone a bih daih thung.
"Tinge?" Ka ti sep a, rawn kun hniam khûn anih vang in a dar a lang hrawl leh hle tawh.
"Magic!" a ti sup a, ka dul chung ah chuan kut a ti che a, chiang lutuk in ka mit ah tak a rawn en leh rual chuan mipa naupang thil intithiam thei deuh hi a ang ber!

"Ka fanu, Apa in a khawihna che hi i hre thei tiraw?" a ti a, chumi rual deuh thaw chuan naute chuan chhung lam ațang a rawn tlawh ve ta dat a! Kan nui chhuak nghal hawk bawk.

"Apa hi i ngaih chuan lo tlawh leh rawh." A aw dam ruih leh pa zet mai chu naute chuan a hrethei ani ngei ang, a rawn ti che leh dat a.
"Good girl, apa pawn a ngai tawh che." a ti nghut, ka kawr chhan ah chuan a rawn tuai kual zauh va, ka biang ah rawn khuap leh in min fawp zui nghal vang vang bawk.
"In in close bik lutuk hi a mak e." A hnar in ka hnar a rawn nul a, a nui lum hawk bawk.
"Magic ka tih tawh kha."
"Huuuumm. Naupang nghal lo." ka ti hlak a, ka biang a khuapna thlah meuh in a nui chhuak ta hawk hawk bawk.
"Thu i awi viau chuan magic trick ka la hrilh ve ang che " a kut pakhat chu a kakawr ipte ah a thun lut leh vut a, ner nangin ka melh nghek a, u Ţpa'n a rawn auh tak ah chuan ka biang ah rawn nul thuak in min kalsan ve leh ta mai bawk.

"En vat teh." U Mc-i chuan phone screen chu ka hma ah a rawn lek a, amah ka en leh rual chuan intitheih hmel zet in hmui a chip hman mai!
"A nalh lutuk." ka ti sep, screen a Hmingsanga nen kan infawp lai chu ka en reng a, tun mai a mi kha ani a, Hmingsanga'n ka biang a khuap a, mit kan chhing ve ve a! Inthlakhleh hmel zet in khawvel ah nilo UTOPIA ah ve ve kan awm tih ka hmu chiang hle bawk.
"Hmingsanga thawn rawh." Ka ti a, Rangzet in whatsapp ah a share nghal zat a. Hmingsanga chuan a hmu nghal tih hriat zet in a kekawr ipte a zen a, phone la chhuak in reilote a bih ngur a, a tawp ah chuan rawn hawi chhuak in kan awmna lam a rawn thlek nghal vut mai!
Kan mit a intawng chat a, hmui phun in min hmangaih thu a rawn sawi sup bawk! Keipawn nui chung in lu ka buk khum a! Minute liam hmasa a piang mai hi a hlu em em mai si a!

"Feli chanchin kha i la hrelo ang a?" Hmingsanga nen kan in enna ațang mit la sawn meuh in u Mc-i chu ka en a.

"Maw?" Ka ti hû a, ni dawn tak! Feli!

"Tinge a?" Ka ti leh rih a."
"Aaa.. Police pakhat nen an lo inzui deuh a niang, police nupui chuan a sawisa hrep a lawm."

"What."

"Video in an la a, police țhenkhat nupui hi chu an nasat ve em hi." A nui hak a. " video in an cover a, an insual hrep a lawm, an țawngkam a chhe dun bawk sia, Feli chu a mualpho ve chiang a sin." Ner nang chung chuan a ti leh a. Engmah sawi belh vak tur ka hrelo.

"Mi pawmlai lo pawh a hmu awm tho sia." Ka ti sep.

"Chu chu lawm, Hmingsanga ka lo hauh phah ve hrep tawh sia. A nuam duh lo raps." Kan nui dun ta hawk hawk a! Natna min lo pe tawh tu te vang in ka minute khat lek sen ral pawh ka tum tawh lo! Natna min pe tu chu mi zawng zawng chung a rorel tu hian a chhuah mai mai dawn lo tih ka hrechiang tawh a, anin hun a tih tak ah vuak let hna a rawn thawk chat zel tawh mai ang!

Carlos-a leh Ethan-a an tlan kual that that reng a, Jayden-a Zothana fapa pawh a nau bul ah a vir ve that that reng a, ka pa leh Hmingsanga pa ti ti mual mual chu ka en reng a, mak tak maiin Hmingsanga pa in min lo zah der ta em em a, ngaihdam min dil lo nangin a chet dan inphah hniam zet a vang te pawh ni ngei ang, huatna ka nei tawh bik lo.

Mahse... nie! Mahse tih hi a sawi telloh theih țhin loh! Kan tlai ațang a buai leh a! Chhungkaw ho zawng zawng hma ah a tal buai a, a lu na lutuk mangang rum thawm chu tihtheih nei silo in ka en tlawk tlawk a, bengchheng a ngai thei bawk silo, tumah țap chhuak ngam lo in kan in hup bet chawt chawt hlawm a!

"Thirkawl in min hling mai rawh u! " mangang lutuk a arawn ti rawng rawng meuh tak ah chuan a pa, Sailo pachang inti ve tak pawh a baw chhuak hawk a, a dinna ngai ah khur dawt dawt in a ding reng mawl tawp bawk anih kha!

Kohhran mipui in min țawngțai pui nasa a, țawngțai dam thei lah mite'n an dampui ni a an sawi a piang kan pan pui thul! Mahse midang te tidam tu Pathian khian keini chu vankohna chhang ngei ngei turin min duh te a nia nge! Dam lam kan pan ve thei silo va, ka tih theih zawng chu Hmingsanga kiang ah awm a, a chetla kai video a lak sak a, nakin ah! Kan fate an rawn puitlin hun ah an en tur a tan dah țhat a! An pa an theinghilh lohna tur in an tan hriatrengna tur siam sak ani chawt tawh mai a!

Tui zet in khum ah a muhil a, mumal in kam inneihna pawh a la hrekim lo, kha mi tlai ațang khan a buai zual anih tak ber chu!

Khum sir ah chuan ka țhu kai ve a, a lu chu dimte te in ka hmeh sak a, a tha rawn phu in a kut a ti che leh zauh zauh țhin a, doctor te huntiam sawi kan hnaih tulh tulh tawh mai bawk si! Ka mu tam lo va, ka taksa in a tuar em em bawk, mahse ka pasal ber in min mamawh miau a vang in a duhzawng tihsak thei a ka awm erawh nuam ka ti viau mai!

Ka lakah a pangchang thar em em a! Ka ngaihsak lo deuh ni a a hriat chuan a ti tau bur bur a, Carlos-a kiang ah chuan a damloh thu chiah kan hrilh, a chhan chu naupang a la ni a, a pa thluak a buai țhin tih leh hriatna kim lo vel kan sawi rual un a pa, a ngaihsanna a bo vek vek thei a, chu mai bak ah mihring rilru chu a mak ve a, naupang pawn tlem a pian phung a rualban lo leh rilru kimlo chu hrilh chawp ngai miah lo in an hmuh dan a dan(g) ve vek țhin ang hian Carlos-a pawn a pa a hmuh dan a danglam phah thei a, a damlo tih thu chiah hrilh kan ni ta bawk.

"Kryptionite?" Puan sin ka thlep țha mawlh mawlh a, Khum a Hmingsanga țhu run chu ka en vat bawk.

"Umm."
Engmah sawi lovin a ngawi leh daih a, ka puan thlehfel chu khum ah dah in a lam ka pan zui vat bawk.

"Sawi la." A hma ah ka ding a, ka kawng ah a kut pahnih in a rawn vun a, ka dul zawn chu a melh ngur bawk.
"Naute hi a rawn chhuak tawh dawn em?"

"Thla li nghah kan la ngaih kha.."

"Ok, mahse a rawn chhuah hun ah keimah nge i duat zawk dawn naute hi?" a rawn ti ta hmuk a, a rawn dak chhuak a. Ka thaw chhuak halh mai!

"Hmingsanga.."

"Amah hlir i duat tawh dawn mi?" A biang ah ka dawm sak a, titau tur ang maiin min melh leh khui tawh!

"Ka duat ber che.. chu chu i hriat kha." A nui duh miah lo va, ka dul zawn chu melh leh zawk in a tho kang ta vut a.
"Khaw nge i kal dawn?"
Min chhang miah loin kawngkhar lam a pan nul nul a, inhnuai room kan hmang a, inchung lam erawh u Ruatsangi te leh u Ţpa te rawn chhuk thla in an hmang tawh thung. Chuan male nurse pakhat in min chenchilh tawp bawk a, Tihian kan nung ve naw naw rih ani ber!
"Hmingsang.." a kut phah ah ka man sak a, thin thlak nawk a chak hmel hle bawk.

"Ka duat ber che ka tih chu."
"Ka hria Kryptionite, i duh chuan naute pawh kha i duat dawn nia.. a chhan chu nausen a ni dawn sia." min en miah lovin kawngkhar lam a melh ngur, keimah chiah min hre miau sia a, ka lak ah a pangchan dan chu sawifiah fak ngaihna a awm lo.

"Lo hawi teh." Ka ti sep, a rawn inher ruai ruai a.

" titau tawh lo la, inbual kan ngai bawk room ațang chhuak rih suh."
"Ka hria." A ti ve ta sup, ka thle zeuh va, thaw chhuak hawk pah chuan ka hnung lam a pan ve hnu hnu tho, ka hnung lam ațang min rawn kuah a, ka dar ah khabe a rawn nghah leh tak ah chuan rang zet in a dar ka ngheng a. A biang leh ka biang a rawn nawr si a.

"Kan inbual phawt a nga, chu mi zawh ah ke in kan kal chhuak ang."
"Ok!" a ti hluk mai!

* Hlau suh u, kei in hnen ah ka awm sia a; mangang suh u, kei in Pathian ka ni sia a, ka ti chak ang che u a, a ni ka țanpui ang che u, ka felna kut ding lamin ka chelh reng ang che u. Isaia 41, 10* thu hi ka rinchhan ber ani ta tawp a, Pathian in min tih chak reng loh chuan kei raipuar taksa chak lo tak hian rei ka daih lo thuai thek a! Kan mangan phal lo tu hian mangang tak in min siam lovang ti te in ka in hrilh mawlh mawlh reng țhin!


"Bawihi?" Ka beng bul a mipa rawn phun sup vang chuan ka meng nghal kawk a! Meng chiang tak ka ni tawp!

"Bawihi?" Ka hmai bul chet ah a rawn kun hniam a, Bawihi min ti! A awmzia chu a pangngai leh tawh!
"Hmingsanga." A rawn kun hniam a, ka hmui ah a rawn fawh tak vang vang ah chuan ka ring ngam ve ta chiah. Kan inneih tlai ațang kar 2 a liam tawh a, Bawihi tia min ko vawi khatna ani bawk.

"I tho peih em?" a ti leh sup a, a hmuiin ka chal a la nawr reng, a thaw suai suai bawk.

"Eng nge kan tih dawn?"

"Thuruk" a rawn ti sup a, min kai tho a, dim light eng dul ruih hnuai ah chuan min han en vung vung phawt a, a tawpah ka kut chu la kangin a zungbun min bun tir na kutțang chu a hmuiin a rawn nawr a.

"Sorry" a rawn ti leh nghut bawk, lu ka thing mai a, ani erawh a thaw hawm hawm thung.

"Ka laktlak loh sawt khawp mai." Za vak lova țhen sak chungin a ti a. Ka lo țawng ve tur chu rawn hawi chhuakin min nuih lui suk bawk. A mit-ah mahni insitna a rawn lan chhuah rual chuan a kut phah chu ka man sak chawt a.

"A pawi lo" rang zeta ka tih chuan,
"No, i enkawl ngaiin kar hnih tal tap ka awm" a lo ti bul hluk a. A chaklo lutuk chu pawi a tih hmel kher bawk.

"Pawi ka tilo, kan awm dun reng thei kha ka hlim zawk a sin,"

"Mi â nu!" a ti nghut, a rawn che vut a, ka hmui ah a rawn fawp zauh a, khum chung a Carlos-a muhil sek sek lam chu a pan a, a pawm kang ve ta vut bawk.
"Kal ang le." A ti sup a, ka kut ah a kai a, room kawngkhar a pawh hawn zawk bak chu ka kut a hum leh hmiah, gym awmna lam light a lo eng ruih a, male nurse chuan darthlalang hlapui chu a nawr hawng a, kan chhungkua ve te chuan kan pen chhuak a, phul hring dup thla eng in a chhun eng ruih chung a thil lo awm ka hmuh rual chuan Hmingsanga chu ka en nghal haw mai!

Min nuih suk a, phul chung ah chuan pher a lo in phah duai a, sofa chair pahnih a lo inhung chhuak a, dawhkan chung ah candle pakhat s inchi alh teng teng a, a bul vel chu rose par sen mal thlak in awmze nei tak in a lo inchei kual raih bawk.

Chair pakhat ah chuan Carlos-a chu a nghat a, rem zet in a țhutmut a, puan lum a lo dah chhuah chuan a khuh leh a, Chair pakhat ah chuan a țhu thla a, a mal chung ah dimdawi zet in min pawt țhu ve nghal zat bawk.
"Ka nupui." A chal in ka tukhum a rawn nawr dat rual chuan ka nui ta hak.

"Eng nge ni ka pasal," ka tih fiam let chuan a lo nui rum ve hawk tho.

" Ka hmangaih che tih i hria tiraw?" a rawn ti zawi ruih a, ka lo bu nghat bawk.

Chutah thutak zet hian," Thil pakhat chiah ka ngen ang che aw" a rawn ti ta a.

Thlaphanna nasa lutukin min tuam nghal hlup avangin "Hmingsang," ka ti țiak ringawt.

"Ka kal hun ah.." harsa tih hmel lutuk in a rawn ti chhuak hrawih a, a awm chu ka ngheng nghal rawk a, ka awm ah min rawn kuah a, na zet in ka dar chu a hmuiin a rawn nawr zui tawk bawk.


"Bawihi, rei ka dampui dawn lo che u, chu chu kan pawm thiam a hun tawh." A aw ri hluk hluk vang chuan ka awm a kut rawn suih beh chu ka vuan ve nghal vat , a thawk lak dan a na ta kher bawk.

"Pasal i nei leh anih pawh in kan in hi chhuah san su aw, i pasal te nen chen nan hmang ang che u," a rawn ti leh zet chu ka tuar zo tawh thlawt lo," Ka nei tawh dawn lo," ka ti hawk a, min kuah na tha chu a rawn ti nghet țawlh țawlh bawk.

"I la naupang..." a ti leh hman chauh chu ka pawt chat nghal a, "Aih! Ka damchhungin i nupui chiah ka ni dawn"

"Pathian" a ti tâwk a! Țawng lovin a thaw chhuak ham ham reng bawk.


Reife hnuah chuan, "Kan fate school an kal dawn a piangin hetah hian rawn kal chhuahpui țhin rawh aw, van ațang he lai hmun hi a langchiang dawn a, an school kal tur chu van ațangin ka lo thlah liam ve țhin ang. Chuan, an school ban veleh hetah bawk hian rawn chhuah pui la, rawn infiampui țhin rawh aw, inchhung ah i awmpui reng chuan ka rawn hmu thei kher lo mai thei," tiin za lo tih hriat zetin a nui hul hawk a, thaw huai chungin, "Zanin a ka țhupuina che u ah hian rawn hruai chhuak ziah rawh aw, zan ah arsi eng tak i hmuh a piangin tah hian rawn chhuak ula, ka fate hnenah 'ka rawn hmu thei' tih hrilh țhin ang che. Chu thil chu i ti ang tiraw?" a țawng chhung zawng chuan thawk pawh ka thaw chhuak mang lo. Ka kutin ka hmui ka hup bet tlat a! Hmingsanga pawn a hmuiin ka chhip a lo nawr ngawt ngawt bawk.

" ka fanu kut vawn sak hman tal ila ni tur," rilru ipik hmel lutuk hian a ti leh hulh a.

"Duhtawk rawh," Ka țap chhuak nghal hawk mai! Ka taksa chu chhung lam ațangin a rawn khur hlawk hlawk reng a, Carlos-a chu tih harh ka hlau nawk si nen, ipik țunin ka kâ bawk ka hup bet leh chawt chawt a.


Hmingsanga bawk chuan," Carlos-a i kut ah a awm zui dawn bawk a.. Phur rit bak ka thlen miah lo che," a ti a.

"Țawng tawh suh" Ka ti let țhat, thaw chhuk hawk pahin min kuah nghet sauh a.

" ka fapa ve tho anih hi, ka tan phur rit in ni ngailo bawk," Ka dul ah kut a rawn nghah tak ah chuan ka thaw chhuak hawk hawk a! Kal tawh mai tur ang a awm turin ka la duh lo. Naute rawn piang chhuak tal hi hmu ve hman rawh se!

Inhmatawn in khum ah chuan kan mu a, ka taksa rem lai lai a khawih kual a, keipawn bel taka a taksa chu hriat chian ka duh vangin ka ban ve reng tho, min thlakhleh hmel lutuk a min en chungin ka kut a fawp leh vawng vawng țhin a, ka biang a rawn khuap a, ka hmui a rawn nul kual a, a mit meng thuk tak ah erawh a tel lo a kan nun vat a țul thu min hrilhna vawt ruih ka hmuh sak reng bawk!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)