☆UTOPIA : 1996☆ Ririni Khiangte (Abbra Pitartei)

[Abbra Reo Ririni]

☆UTOPIA: 1996☆
Chapter 8
By
Abbra Reo Ririni Khiangte ( Pitartei)



If you want to be ORIGINAL,
be ready to be COPIED

Khum aţang ka tho vut a, kawngkhar ațang hla lo te ah ka umpha a, inchung lam ah ka chhungte an awm lo hlauh bawk!

"Claudia?" a ban ah ka man a, rang lutuk in ka room chhung ah ka pawt lut a, kawngkhar ka nem phui nghal hmak bawk. Bang ah ka nawr bet a, meng ling hlar chung in talchhuah a tum ve nghek bawk a ka rum nghut thung! Motor chuan chauh nen ani buaipui leh hrep a țul zui a!

"Min dan tum duh suh..''

"Ka dang lo ang che. I hriat loh erawh nangnen hian kan inkawp ngai lo." A tal chu tawp in rum zet in min en ta ngar, kei erawh ka nui suk thung.

"Kan inkawp ngai lo, kan taksa mamawh chiah kan in pe chu thil chu ka hriatchian ang bawkin i hrechiang.."

"Oh, nupa ang chiah in kan khawsa tho alawm, i chhungte hian hre ve tawh rawh se."

"I zah loh phawt a thu ani mai.." ka inla hrang a, ka aw ri chu a ngeiawm viau bawk.

"Ka zak lo, anni pawn nupui nei turin an duh ngawih ngawih che a kan inkarah awm a lo awm reng tih an hriat phei chuan.."

" kan inkar ah eng thil mah a awm lo."

" A awm, khang kum 3 liam ta chhung khan zan tam zawk chu kan awm dun!" Ve siah mai a, thudik lo pakhatmah a sawi lo bawk.

Kawngkhar chu pawnlam aţang an rawn kik thut a, kei erawh ka phun hluk thung, Claudia zawk a rawn nui sak a.

A inher a, kawngkhar hawnna chu a vuan a.

" i rawn thleng chauh a, i chhungte țhawn nghal a țha miah lo ang, mahse kan pahnih awmdan zawng zawng kha chu ka la sawi chhuak dawn tih hria ang che." zawi takin a sawi, kawngkhar chu a pawt hawng a, pawnlam a ka u lo ding chuan Claudia chu hmuh thut a inring lo nge a meng awk bawk.


"A rawn haw tih ka hria a, naktuk ah kan in lam ah chaw rawn ei se ka duh a." Claudia chuan a tih zawm zat, a rawn hawi let a, kei erawhin țul tilo lutuk in ka melh ngur thung.

"Naktuk tlai chu ka ring dawn che nia.." nui sang in ka u chu a kalpel a, kan inbiakna kha a rawn hriat loh hram ka beisei.

"I chau deuh em ni?" Rawn pen lut ve pah chuan a rawn ti sup, khum lam bawk ka pan a.

"Chhungte ho an rawn leng khawm reng a, i chauh viau loh chuan lo chhuk ve tawh rawh." A ti leh sup bawk, lu ka bu ta nghut a, ka û hi chu ka pa ang chiah engtiklai pawn chhungkua a ngaihtuah em em reng țhin a, ka nu leh pa sawisel ngaiin a awm ve ngai lo, ka u ani nangin ka ngaisang hle bawk.

Reilote hnu ah a kal chhuak a, Claudia te nen hian kan in pawh a in hlat hran lo, kan school ah a thawh aţang phei kha chuan an chhungkua nen kan inpawh sauh va, sawi leh sawi hnu hmeichhe fing tak leh zirna ah pawh degree nei pha ngat in hna țha zawk hnawl a kan school ah a thawk duh kha ka nu leh pa te an lawm a, zirtirtu anih vang ngawt pawh a kan school a rawn luh phah an awm hial bawk, english grammer bik teacher ani a, an thlahtu lam ah sap a tel bawk si nen nu leh pa tam takin an fate zirtirtu atan an ring hle bawk. Kum tin admission chang lo an awm nual reng a, kan school a lut tur naupang pawh kan thlang uluk hle țhin, zep thu awm lo ka pa in a țhatlai hun zawng a hman zawhna school ani bawk a, middle school first division a pass chin chiah kan school ah hian admission kan tihtir a, college an rah chiah hian kan school naupang te chu an hriat hran theih tih hi college lam zirtirtu te sawi ani hial țhin bawk. Kei erawh ka tuina zawng ani hran lo a, board committee member ka ni tih loh inrawlhna ka nei lo.


Ka inbual zo chu awmhmun kekawr ka inbel a, t-shirt nem lam in thawlh tawp in inhnuai lam ah ka chhuk thla ve a, ka ni te lam leh nutei te lam an lo awm nual a, kan in lamah chaw kan ei ho leh dawn niin a lang.

"Mama chu i rawn haw khat bawk a, kan hai lek lek tawh dawn che a lawm." Ka nute unau zing a upa ber ka pu chuan a rawn ti hluai a, kan nui ta dar dar a.
"Tv lam ah hmuh tur i awm lo phei hi chuan i IG lam hi kan check nitin țhin a nia, i hnathawh te nen ngaihtuah i awl bik lutuk a...." eng engemaw an sawi reng a, ka nu te lam hi mi țawng duh tu pawi mah sawi ngai lo leh nuih duh vek an ni a, ka pa lam erawh ţawngtlem leh nuih a huna nui mai țhin an ni deuh vek, mi chhungkaw chanchin sawiin a tu amah an ri ve chiam ngai lo.

Cousin naupang lam ho in eirawng an bawl a, naupang an tlankual zak zak reng bawk. Carlos lah hmuh loh karin a lo țhang ve uk a, ka țhutna lam a rawn tlan phei apiang in min ko zeuh zel a, puitling lam an nui leh nge nge zel.


"Hmanni case i tlangzarh tak kha a lo va rei tawh reng reng ve?" Hlimpuia rawn lut chuan a rawn ti ta hlawl! kei erawh in țullo tawp in Chimawmi ka ngaihtuah chhuak ta thung, puitling lam bengkhawn zawng tak a lo ni nge min en ta țhap hlawm a.
"Kum 10 a chuang daih tawh a lawm." Ka ti sup;

" engtinnge case hi i thar thawh leh reng reng a, thu mu hnu kaihthawh leh pawh a tuartu lam tan a nawm loh dawn tehreng nen.." a tuartu nu khan kei min ring miau va, a nu hnenah pawh a la sawi loh kha min hrilh a, a nu in a hre ve tawh a ngem?

" Victim lam in min pan a lawm." Dawt hlawm tawp ka sawi lo.

"Kum 10 liam tawh a thil thleng ani a, fiahna țha a awm tawh awm silo, i chingfel awlsam ang reng.." Hlimpuia vek ani, ka melh run a thil dang sawi belh chiam ka chak lo tih a hria ani chêk ang chu chaw ei mai kan hman tawh thu a sawi zawm ta daih bawk. Eirawngbawl ho an rawn lut sang sang a, a țhen in min fiam zauh zauh reng a, u lam pawh 10 chuang ka nei, kei aia nau lam an tam zawk thung, ka u te lam chuan hna țha tak an chelh vek a, ka hna hi a hrang deuh bik a, puitling lam pawn min ngaihtuah an tina bik em em țhin a, ka nupui a uire hnu leh lek phei kha chuan an zavai mai pawh hian min khawngaihna nen min en reng hlawm a, mahse kha uirena chungchang kha tumah in an sawi ri ngai lo thung.

"A rawn haw dawn in keipawh min hrilh bik reng reng lo.." Claudia leh ka nu țawng bawrh bawrh pah a rawn inzui lut chu țul tilo zet in ka hawisawn khum vut a. Țullo tak ani tawp! Sex hmang a bul kan ţan hma khan thu delhkilh kan nei, thu delhkilh kan neih kha a lo hre ta lo anih pawh in a duh ang ngawt in ka awm tir ngai dawn lo.

Ka ep chiah sofa ah a țhu a, ka cousin te lam lahin an ngaina tawh tih hriat zet in an țawng nghal siam siam a, Carlos pawh ka bulah a rawn kal a, ka kap kar ah ding in min ngheng ve chial reuh a, ka bulah hruai thla ngawt ila zan tlai tak tak ah haw a țul ţhin bawk nen naupang enkawl loh lutuk chuan nunphung an hloh tam a , ka nu leh pa kiang ah a awm hi a tan a țha ber rih.

"Kan kim tawh chuan ţawngţaina nei ila, kan ei nghal mai dawn nia." Ka pa chu a rawn ding a, sofa nghenchhan ngheng țha in Carlos chu ka malchung ah ka hlangkai ta vat a, thlamuan hmel fe hian min ngheng ve ran bawk.
Ka pa bible chhiar lai chuan Claudia chuan kan pafa in min en reng tih ka hria, mipa tam tak duhthusam ai mah a hmelțha leh pian nalh ani bawk, kei ngei pawn chu chu ka ngaihdan ani țhin a, mahse tunah erawh amah nen kan inhnaih țhinna sex ngei pawh kha tawp tawh se ka duh.

Ţawngţaina ka pa in a neih zawh hnu ah Lal biakna kan sawi rual leh a, choka hnunglam eirawng bawlna lam kan pan darh ta sang sang a, Carlos pawh ka kut ah chelh in a u te ho nen an infiam zauh zauh reng a, a țhanglian lai ka hmu ve hman lo erawh pawi ka tiru viau.
"Daddy, tinge Hunter i lo hruai loh a?" a rawn ti a, ka fapa ani tih tumah in an hai thei ngai lo ang tihtur khawp in min chhun bawk.
" i hmu nange, ka lo hruai a lawm." Ka ti a, a meng lian nghal kêl bawk.
"A chau va, driver khan a mut tir rih a lawm " ka ti leh a, driver ka tih tak ah chuan ka nu te driver zawng chuan a hawikual ve vat reuh bawk.
"Hey Carlos.." Claudia aw ri vang chuan ka ner sawk mai! Kan pafa kiang ah chuan min si chét in a rawn ding zui zat, zirtirtu dang tu hmel mah ka hmu lo, ani chiah a rawn tel pawh thil mak ani.
"Dawh rual ila." a rawn ti leh ham ham, Carlos pawn a ngaina ve hle anih hmel a nuih let ve var var bawk.
" Mama helam ah." Ka û chuan min rawn au ta vat, Carlos chu pawm nawlh in chaw dawhna lam ka pan pui vut bawk, kan chhungkaw kual kan tam tham avang hian chaw eikhawm leh thiltih khawm kan neih apiang in kan in hnunglam a huan zau zet hi kan hmang mai țhin.
" sa thau ka duh lo.."
"Ok, ka thleng ah hian rawn dah rawh." A kutţang tereuhte chuan a la kang a, ka thleng ah a rawn dah ve tharh reuh bawk, min lo ngai ve ngang ania nge a u te bul ah kal hran a tum bik der lo. A kut tereuhte chuan a bar ve pak pak a, puitling rual zing ah ka u fapa nen an khawsa ve a, naupang dang aiin a puitling zawk daih tih tunah hian ka hrethiam chiah.
" an pafa bul ah hian țhu ang.." Claudia leh ka pa u chiah ka pa puia fanu u ber te chuan min rawn fin a, kan chhungkua ah a lo tlatlum ta lutuk pawh thil mak ani e!
"Carlos chu daddy a lo haw tawh bawk a, kan in ah pawh i lo chho khat tawh awm?" a nitei chuan a rawn fiam zauh va, Carlos pawh a nui ve hak hak bawk.
" Ani ,daddy in maw JCB mihring pawh chuan theihna min lo hawn asin." Intithei zet in ani chu a hrilh ve ngei a, Claudia chu ka melh zawk a, meinei fe in min lo en reng thung. Kan pahnih inkar a thil thleng kha tu amah a la hrilh lo anih hmel.
" Kim, i u hian nupui nei tawh se in ti em?" Claudia chu ka melh a, nui rah rah chung in min en ve reng bawk.
"Ti tehreng e, ti ngawt hi chuan a len tar ka hlau, awiii, innei daih ula in inhmeh awm." A rawn ti ta chiam a, Claudia zawk a nui var var bawk.
" Amah hi inpeih tawh se chuan ka hnial miah lo.."
"Claudia!" Ka ti țhawt, a chetdan vel hi nuam a ti tih hriat zet in a nui a, ka aw bul vut vang erawh in Kimi leh Carlos an hawi dawrh thung.
" Mam?" Kimi zawk in min rawn khap a, Claudia chu a melh leh zeuh va, "kan fiamthu mai mai anih kha.." Kimi vek chuan a rawn ti leh a, kei erawh ka thleng chawiin ka tho ta vut thung.
"Daddy?"
"Junior , a û te bul ah awm rih rawh aw." Ka hawi let a, Kimi'n nuam lo tih hmel fe in min en zui a, Claudia erawh in khatiang thil kha a tih zeuh zeuh tur thu min hrilh tum ang hrim in min en reng thung.
Bawlhhlawh bawm ah dispo thleng chu ka dah lut a, kut ka sil a, midang ho chuan min lo be sap sap hlawm a, kan pu kha Champhai Lal khawnbawl ani țhin a, kan inhmun pawh hi a zau tham a, kan chhungkual kan tam bawk a, a huho deuh in kan khawsa a, in hlat lo te te ah kan awm ho vek a, kan naupanlai pawh in ţhian dang kan kawm vak ngai lo, school a kan țhian chhar te leh cousin ho kan duh tawk tlang em em vek a, a chhan lah kan inchhan țham vek, tumah ruihhlo in a tihbuai khawp a nun thlahdah an awm lo bawk a, kan inpawh tlang vek tihna anih ber chu!

"Zosangi nen in inhmu em?" cigarette zu in ka kal hrang a, ka piah deuh aţang aw rawn chhuak chu ka ngaithei lo kher bawk.
"I lo buai viau a ngai lo." Zial khu a lama thawchhuak ham ham pah chuan ka ti hluk, ani erawh pawisak neih loh hmel zetin a nui sak thung.
" min rawn bia a, nangnen kan inkar kha ka hrilh hman ţep a." a ti leh a, ka bul a rawn thlen rual in ka dar ah kut a rawn nghat a, a hmuiin ka biang a rawn nul zeuh bawk. Ka ding ngawi ngul thung, Zosangi'n ani daih daih a biakna chhan tur awm ka ngaihtuah a, Mumbai ah pawh floor khat ah awm ho in kawngkhar in hlat lo te in kan awm ho a, an inpawh hman tak kha maw!
" engti turin nge a rawn haw leh reng reng le?" Min bia nilo in Zosangi chu ngaihtheih loh hmel fe hian a aw a thip ram a, keipawn a rawn let chhan ka hre chak khawp mai!
" ... i nu pawh a rawn bia a, Carlos hmuh a rawn dil bawk a, a nasa ka ti tak zet engtinnge a uire san tawh lehnghal hmuh a rawn dil ngam reng reng le.." a ti leh hlak a, Zosangi chu a hmuhsit hmel ve sak sak khawp mai!
"A uire te kha i lawm viau zawk ani lawm ni?" Ka ti nghut, a thaw hak a zial bung chu leiah ka vawm thla a, ka rah hlum hma chuan Chimawmi bawk ka ngaihtuah leh zawk tawh. Ngaihtuah zawm duh lo in ka hawisawn ta vut bawk.
" lawm tho.." Claudia chu a rawn nui hak a. " khatiang hmeichhe uire tawh leh nghal i ngaidam leh anih chuan mak ka ti viau ang che." Muangchang in ka thlek a, a hmui sen hlar mai chu a seh zauh bawk.
" a bulah let a, sex ka hman pui leh i hlau zawk in ka hria." Ngeiawm zet in ka nui hawk bawk. Ka sawi dik chiah bawk in ka hria, a pasal a uire san vang a hua nilo in keiin ka lo ngaihdam leh a, bul ka ţanpui leh a hlau ber, uire kha sual a ti ve lo, kei nen kan inhnaih leh a hlau zawk.
" i ngaihdan dan in ngai rawh, chuan naktuk tlai kha aw.." min awm hnaih a, min fawp tur a min din hnaih sauh rual chuan ka thle buk a, ka nghawng ah a hmuiin a rawn nawr a, a hmui leh leiin ka taksa a siam danglam nasat țhin zia a hre bawk a. A lei sa hiam mai a a rawn hawl kual pah zeuh rual chuan ka inla hrang ta vut.
"Babe?"
" haw tawh rawh.." ti sup in ka kalsan zui nal nal, bawiha erawh in a chetdan leh lei sa hiam mai kha a hre rang ngang thung.

Inchhung lamah naupang an tlan kual nak nak a, puitlung ho pawh tlem azawng an la awm hnufual bawk, hna chungchang a pawi lo tur ka sawi ve nual a, ngaihnawm ti takin an ngaithla dauh dauh hlawm a, ram venghim tu a ka ţang chu min fak mawlh mawlh reng bawk! Sawrkar hna dang ' pen' hmang a eizawnna lam kha tui ve niila chuan a sang ber ka nih thleng in ka bei ngei ang, mahse IPS lam ka tui miau a, tunah erawh ka hna lam hi min tuipui tlang ta vek!
Dar 9 tlang ah room lam panin ka kal ve ta chauh, motor kawng a chhia in kan insawh nasa bawk a, ka chau ve țhum thei mai!

"Mama.." ka nu in min lo um a, ka hre der lo lehnghal.
"Bawihpuia khan i kiang ah ka mu dawn a ti tlat a, i khum ah a mu tawh.." ka nui suk ringawt.
"A tibuai lo ang che tiraw?"
"Buai lo e, ka lo mutpui ve a nge." Ka ti a, a thaw hiai ta bawk!
" ka ngai viau nang che in i rawn thleng tir bawk si, han mu hahdam tawh rawh." Dam zet in a rawn ti leh a, ka pan hnai a, a vun zur ve țan tawh pawh a langsar ve ta, ka ban pahnih in ka kuah a, ka awm ah a rawn bei a, thawk a la zui siai siai a, keipawh ka thaw ham ham tho! Ka nu ani a, ka hmangaih lutuk bawk, a fapa naupang zawk vangin a la tawn ngai reng reng loh zahna a tawng a, a paltlang a Carlos lah vui hauh lo in min enkawlsak bawk. "Naktuk nileng in i bulah ka awm dawn nia." Ka ti sup, a chhip ah ka fawp zeuh va. A rilru a no deuh nge ni a rawn in hnit ta fiah faih a, nghet leh zual in ka kuah bet a.

" Ka fapa bik ngawih ngawih i ni reng a nia." Nui suk chung in ka thlah a, ka kutphah chu la kang in min humsak leh vang vang phawt a, nu kut nge nge keipawh ka hahdam huai thei mai!

Pindan kawngkhar ka nem hawng a, ka khi suk bawk! Carlos chu khum ah a vâng zawng in a lo bawkkhup diai a, a kum ngaihtuah in a sang ar bawk. Ka chappal chu phelh in khum ah ka lawn a, dimte in ka kuai zangthla a, a ka a tep chiap chiap reng a, nu leh pa telloin kum 3 ngawt a tal tawh a, ka nu leh pa, ka û te nupa in engtiang pawhin lo hmangaih mahse a pa chu a pa ka nihna ang in min thlahlel ve em em thung țhin.
"Junior mu țha rawh aw.." dimtein a chal ah ka hmuiin ka nawr a, a rawn meng diar diar bawk.
"Daddy.."
"Mu țha ang le." Ka pawmkang nawlh a, lukham a deh rual chuan a che ve sat sat a.
"No, meng tawh suh, muhil la zing ah a pu te in vel ah kan leng dawn nia." Ka ti sup, a bu ve nghat a, puanlum in ka khuh a, a thaw ve sak sak reuh va. Mut ka tum zet nang in darkar 3 dawn phone ka check hlek tawh lo. Ka tho leh rih a, ka phone pawh sofa in hung ah a lo awm ngat bawk.

Ka hmet eng a, email hi phone ah pawh ka dawng reng zel a, email lo thleng hmasa chu ka enkual thuak thuak a, Police officer meeting Delhi ah thla thar ah neih tur ani a, information a lo awm nual bawk! Ka tel ngei dawn tih Answer ka siam zung zung a. Phone ka hmet thim zet tawh ka hawng leh rih a, Chimawmi message a lo awm va.
*Min puih avang khan ka lawm e.* a tawi fel tik tek hle! Phone chu hmet thim in chair ah chuan ka kalsan hmiah! Khatiang teh lek a lawmthu inhrilh kha ka pawm zawng pawh ani lo ve. Whatsapp kal tlang leh lek phei chuan ka mi ngaihpawimawh zawng te ka be ngai lo, a lawmthu sawina khan ka thinrimna a rawn kaitho leh ani ta ber. Thinrim țun in khum lam ka pan a, ka sa huam huam thei, min kalsan a, lawmthu tawité in whatsapp ațang min rawn thawn leh a, Aizawl lam ah tlan let vang vang in ka zuk thing nek dawn mawni zawk!


Mit ka chhing a; duhthawh ru tak si insumna tel chung si a ka fawh laia a thaw ve ham ham kha a rawn let a, zan khat lek chhung a hlimna min pek hnem hman zia lah awihawm loh khawp ani bawk! Mahse kal lo tur a ka ngen hmasak ber hmeichhia khan min kalsan tho, tikhan a laka ka ba ka rul zo tawh bawk a, a lakah bâ ka nei tawh lo.


Zing ka harh rual in Carlos-a'n min bawh that that a, ka phone a lo hum a, ka awm ah a rawn bawk kai a, a hnung ah ka ben sak thuk bawk.
"Junior tho la, ha lo va nawt la, a pi kan bazar pui dawn nia." A tho ve ta tharh a, ka room a washroom chu a pan rak rak a, mahse rangfe in a rawn tlan chhuak leh a.
"Daddy, api te room ah hâ ka nawt dawn a, min kalsan miah suh aw." ka bu nghut min hmuh rual chuan kawngkhar lam a pan a, ka fapa in min mamawh zia ka hre thar reng mai dawn anih hi.

Keipawh ka tho chhuak a, inthlakna tur ka la chhuak a, towel ka dar ah bat in washroom ah ka lut a, zingkar a inbual ka ti țhang tawh a, inbual nghal vat ka duh țhin.

" wow, Bawiha i tho tawh maw?" Chhuat lai a ka u fapa leh Hunter lo infiam ve vut vut chu ka nuih zuk a, nimin a chau ve deuh nge in kan thlen rual in motor chhuat ah a bawk tlat a, tukin chu a harhvang ta hle mai.
" I tho peih maw?" U Siamkimi'n a rawn ti vat a, bu nghut chung in ka nui suk a, a fapa Ethan chu bawnghnute no a rawn pe a.
"Carlos kha bawnghnute in tir ka tum a, mahse ' apa nen kan bazar dawn' a tia, a pi te room ah a tlan lut daih a." a rawn ti a, kei erawh ka nui hawk thung! A helhhawlh deuh in ka hria.
"A pawi lo, dawr vel ah inhnawhpuar mai rawh se."
"Pate ka kal ve thei em?"
"No, Ethan nang chu school kal i ngai.." u Sangkimi chuan a ti vat a, Carlos pawh room ațang a rawn tlan chhuak a, room a ka nu la awm chu a ko chul bawk.

Vengthlang bazar pan in ka inkhalh chhuak a, in lama ché nei reng mahila ka nu hian a fate nena bazara chhuah nuam a ti țhin a, keipawn chu chu ka hre tawh a, zinglam ah bazar a duh a ka awmlai anih phawt chuan hruai zel ka duh țhin.
"Zosangi chu." Carlos chu a melh zeuh va. "Aa.. min rawn be hlawl a, biak ngaihna vak ka hre silo a.." ro zet in a rawn nui lui a. "In inhmu tawh reng reng em?"
Ka bu nghut a rawn hmuh chuan a thaw ham ham a.
"I țha em?" a rawn ti leh a, khami ni khan Chimawmi kha lo awm ve lo se ka chebuai khawp ang.
"Ka țha, min ngaihtuah duh suh, kha hmeichhia khan kei chang niloin nang leh ka chhungkua a tina a, hnaih ka tum tawh hleinem." Steering herh kual pawp pah chuan ka melh a, min en chik hle bawk.
"I hmangaih a, i duh viau bawk a rawn lang leh thut hi talbuai pawh nila ka dem hauh lo che... i atchilh țhin em a!" A ti hliai a, " i u chuan Carlos-a nen an inhmuh a phal lo, khang kum chhung khan a rawn ngaihven lo a, tunah thil a hrethiam ve țan a, a rawn in lan leh thut chuan Carlos-a tan a țha in a hre lo a."
"A dik a lawm."
"Aaa.. a sawi dan chuan naktuk hian Champhai a rawn thleng ang." a ti leh a, steering chu ka hum na ngang thung!

Bazar kan luh rual in Carlos ka kokichhuan a, a ţawng ve lang lang reng a, ka nu hmelhriat apiang in min biak an lo tum ve nawk nen, kan kal sawt hlei thei der lo.
"Daddy, ka rilțam e.." a rawn ti ta nui nui a. Ka hlang thla nawlh a, ka kut a chelh nghal tharh bawk.
"Engnge kan ei ang?"
"Outside a mi ei i phal maw?" a rawn ti a, dar ka kan uk ringawt, zingkar ah pawnlam chaw ei an rem ti lo em maw ni?
"Nu, Carlos hian dawr a an thil zawrh hi ei se a pawi em?" Anhnah tel a en mawlh mawlh lai chuan min rawn thlek a.
"A pum kha a nuam lo țhin a chuvang chuan zingkar hi chuan ei kan phal ngai lo, mahse kha engmah in lam ah a ei silo a, thil kan hmuí lam lo deuh kha ei tir rawh." Junior zawk a au ta chul a, ka nu chu kalsan in thingpui dawrah ka pawm lut a, artui chhum chiah a ei leh duh reuh sia.

"Good moring Carlos." Thingpui dawr chhung a hmeichhe rawn pen lut chu a nui sang, țum dang ang bawk in a landan ah sawisel tur a awm lo, kawrfual dum hlap mai a kerek thleng a fual a ha a, chappal kaih a ke fai sar langchiang tur a bun bawk! A mawngbawr vâwng țha laih mai chu thil hmuh hmaih harsa tak ani chiang bal bawk!

"Aunty, Daddy nen kan bazar a." Carlos-a'n a ti vat, kei erawh ka ngawi run thung.
" api a tel em?"
"Umm, Daddy a pi kha khawnge?" a rawn ti a.
"Chaw hmeh a la en anih kha."
"Zanin tlai kha theihnghilh suh aw." Dawhkan a ka kut chu a rawn vuan zauh va, a kut zungpuiin a rawn kheuh tel zauh bawk.
" ka rawn kal ring lo zawk rawh.." ka kut ka la let vut a; a ner zui nang bawk.
" I lo kal ngei ang.." a ti sep a.
"Claudia i school dawn em ni?" Ka nu rawn lut ve chu a rawn ri ta hlut a, Claudia chu kan motor ah chuang ve turin a la sawm tak ang deuh deuh a!

Claudia hnunglam ah a țhu a, Carlos erawh ka nu hmalam ah ding in tukverh ah a dak chhuak vauh vauh reng thung, front glass aţang Claudia ka melh apiang in a lo nui ralh ralh zel a, a duh ang ngei pe in khum ah ka phelh ruak vek tak tak dawn mawni zawk!
" Nu Mahlu, Hmingsanga hi zanin ah kan inlam a chaw ei tur in ka hauh lawk tawh aw.." front glass ațang ka en dawn tih in hre sa in a lo meng ralh a, ka hawisawn ta daih bawk.
"A sawi reng reng hleinem, rawn ei rawh se, a rawn haw khat bawk a, a țhiante lamin in lo kawm harh loh chuan hnathawh chak lutuk vang in a let thla leh daih palh ang." A ti ta țeuh.
"Chu i nu phalna pawh ka lak tawh chu aw." Kawngkhar lam ațang seat nghenchhan chu a rawn bawh a, a ban a rawn zen lut a, ka nak zawn a rawn tuai tel zeuh bawk!
"Ka rawn kal ang." Ka ti ta nghut, hetiang khawp a min mamawh te chuan ka kal khawp ang.


Show post links
Top
Abbra Reo Ririni
Post January 20th, 2019, 12:27 am

"Nang i lo awm hlauh hi Mama pawh a vannei a nia, Mumbai lam ațang tawh i buaipui reng zel a, i fel ngawt mai." Ka nu chuan a ti leh a, kan inkara thil thleng a hriat loh lutuk vangah ka ngai! Claudia pawn nuam a ti chiah lo ani mahna thil dang a sawipui ta daih a.
Carlos-a'n eng engemaw a kawk kual a, min ko mawlh mawlh reng ani thawthang, nu leh pa ințhen tuartu ber chu naupang te anni an lo tih țhin hi a dik viau in ka hre ta bawk.
School zawn kan thlen chuan Claudia chu a chhuk a, school lam pana a kal, a mawngbawr vâwng lah mai chekual vel chu nui suk in ka en zui a.
Nileng in Carlos nen kan in awm a, sawi tur a hria in a ţawng lang lang reng a, Ka pa pawh school ah a kal a, u Siamkimi lah nurse ani a, ka u lah school ah a kal ve daih a, naupang enkawl tur hnathawk pahnih ngawt an awm bawk a, inchhung che tur an awm hrang leh cheu bawk, ka nu erawh in lamah a awm chawt thung.

" Junior, Hunter-a ka bual dawn.." kailawn ah chhuk thla in ka au lawng lawng a, choka ațang a rawn tlan chhuak ve tharh bawk.
"Daddy, min nghak rawh aw, a pi in bawnghnute in zo rawh a ti a, ka in zo ţep tawh."
" umm, hmanhmawh lo la aw.." choka lam ah tlan lut in a va ri khat khat reng a, chhuatlai ah Hunter-a chu a bawk a, ka nu lehkhabu chhiar chu a en ve vung vung reng bawk!

"Daddy ka zo."
" i kekawr kha thlep chhing rawh le." A kun hniam a, rang fe in a kekawr chu a pawt tawm a, ka nui ta hawk thung. Ka pan hnai a, chhuat ah chuan ka țhu thla a.
"Tihian thleh tur aw, anih loh chuan awlsam deuh in a tla thla hma țhin a.." a kekawr tlang thlep mawlh mawlh chung chuan ka en a, a lo nui ve hak hak a, ka naupanlai nen kan inan lohna chu a intipa ve lo, ka naupanlai chuan ka buluk țhin lutuk tih hi tupawn an sawi țhin a, Carlos erawh a zia a dam raih thung.

Hunter-a chu kan pafa in kan bual a, A inthing buru țhin a, Carlos zawk a khek tung zel, towel lian tham zet in ka hru mawlh mawlh a.
"Daddy, Ka Mamma tur ilo hruai thei tawh em?" ka tawp chawt!
"Ka mamma ka ngai tawh a." a ti leh sep a, Hunter-a hru a ka țhu chu ka nghawng ah rawn kuah in min bawh titih a. A thusawi zawh chiah kha hriat ka inbeisei ngai hauh lo.
"Mamma?" ka ti sup, a hmui a ti pawrh tarh a.
"A u Ethan pawn Mamma a nei a, kei chu Daddy chiah ka nei sia.." zawi raih mai hian a rawn ti leh a. Chhanna engmah ka pe thei rih lo.
"Inchhung ah lut ang ule.." ka ti a, naupang na na nâ chuan a thilsawi zawh chiah kha theihnghilh in Hunter a au a, inchhung lamah a tlan lut a, Hunter pawn a um ve vat a, kei erawh kawtzawl ah ka ding ta reng thung.

"Mamma?" Ka ngaihtuahna vak kual tur chu duh lo in lu ka thing ta nghut a, chawhnu lam a ni tawh a, Carlos chu amah awmtunu in tih mut tum in a lo thlem ve hauh hauh a, ka lut min hmuh rual chuan sofa a a mu lai chu a țhu chhuak a.
"Daddy nangmah nen kan mu thei em?"
"A û nen khan inthlak ula, kan mu dawn nia." Ka tih tak ah chuan rangfe in ka nu te pindan lam panin a tlan lut a, ka pa hian khup ruhna a neih vang in kailawn ah lawn chhoh reng harsa ati a, inhnuai lamah an nupa pindan kan siam ta chuk chuk a, inhnuai lamah an mu ta mai țhin.

Carlos chu khum ah a muhil sek sek tawh, lukham dahthuah in ka țhu mu a, kei chauh in ngaihtuah lo a ka fapa ka ngaihtuah a țul tawh! Nu a mamawh em em tih lah a chiang reng! Hmeichhe pakhat ka ring sual tawh a, kha thil khan ka nunah nghawng neiin ka nun a buai phah vek a, hmeichhe dang ring a, Carlos-a nu ni tur a fel an awm thei a ngem?

Ka phone rawn ri thut vang in ka meng zawk a, khum bul dawhkan a mi chu ka ban vut bawk.
* Claudia* sound ka off a, ka hmet thim nghal hmaih bawk. Ani hi nupui tur ang in ka ngaihtuah chhin ngai lo, kei chiah nilo mipa dang pawh a kawp nual ang, Mumbai kan awm lai zawng zawng pawn mipa nena in date a chhuah lawp lawp chang lah a nei, kan inzawmna ah ka chiang bawk a, a tu amah ka thik chheté ngai lo.

Vawihnih chhang lo a ka ring zawh tir hnu chuan a reh ta vang vang a, phone chu la kang in Rema ka call ta ngawt a. Chawlh hmang a ka chhungte kiang ah awm nuam ka tih rual in tihtur a awm der țhin silo a. Ka ning titih der tawh.

"Sir, i țha maw?" a rawn ti vat. Ka țhat thu in ka chhang a.
"Hna danglam deuh a awm em?" Ka ti leh tawng, a rawn nui deuh hawk a.
"Nang ber i awm silo a eng buaina mah a awm rih lo, chingfel zung zung turin i awm dawn lo tih an hriat vang a niang.." ka nui ve ta hawk, hna ka atchilh zia leh ka hna ah ka tui zia a hria a, Țhian ang tak a min kawm bawrh bawrh ngam ani bawk a, a bula awm nuam ka ti ve hle, Chimawmi vang a ka vin nghek erawh kha chu ka inthiam bik chiah lo.

Engkim a ralmuan thu a rawn sawi a, kan inbiakna kan ti tawp a, Ig lam ah ka lut kual ta mai mai a, tleirawl lam in min follow nasa em em a, engvang ber nge tih lah ka hre der lo, thlalak ka dah mumal lem lo a, nitin follow tu an pung zel lawi a.

Ka thlalak post hnuhnun ber like tu zing a pakhat chuan ka mit a la ta zak, rang fe in a profile ah ka lut a; Chimawmi kha!

Ani dawn tih hre sa reng in ka lut nang in ka ner ru sawk tho, min palzam em em reng tu nu-i ani miau a lawm.
A post thar ber chu ka en a, ka in humruh ta kher bawk.
Kha doctor ngo veng a nen khan chhun chaw emaw an ei chhuak ani ka ring. Thinrim țûn in thlalak dang chu ka enkual ta thuak tho va, kar hmasa a post ah Hunter a lang ve ta hlawl. Thlalak pahnih a dah a, a pakhat zawk ka en rual erawh in mak ka ti ru hle.

Hunter-a chhuat ah a bawk a, ka ban tlem a lang tel bawk.
*It's funny right? But, when i'm with you i'm in UTOPIA.* tih zawng caption ah a hmang a, khami ni khan keimah aiin a harh hmasa a, Hunter-a thla a laksak ani ngei ang. Hunter-a kiang ah a awm in suangtuahna ram hmun nuam tak ah a cheng țhin a maw? Za vak lo in ka nui suk a, amah ah ka thawk na lo ve khawp mai!


Hlimpuia'n Claudia te in lamah chaw ka ei dawn tih a hriat rual in min rawn be nghal a. Kan school ah a thawk a, Claudia'n a lo hrilh pawh ani mahna!
"Mama, i rual in ka kal ve dawn." a ti tlat pek a, ka hnial lem lo bawk nen insiam turin ka hrilh ve ta tawp! Claudia te unau hi hmeichhe rual țhiau pali an ni a, a tu maw ber a rim ve duh pawh ani mahna!

"Zirtawp tlai hian dil lam ah kal ila, kan riak lut a nga, Inrinni tlai lamah haw leh turin."

"A pawi lo khawp ang, ram chhuah pah mai mai a chakawm a lawm." Ka ti nghut, Hlimpuia chuan kan unau dang te pawn an chak tur thu a sawi ta hlut a.
"E, Mama Burma ram chin tho mahse Mizo tam zawkna khua ah sawn tunhnai hian dawi a hluar viau ani awm a, hriatchian i chak ve em?" a rawn ti a, ka en zawk a, hmalam ka bih leh a.
"Tun ang hun ah dawi maw?"
"Umm, an sawi tlat ani, aa.. saw mi khua ah sawn thil mak tak tak tunhnai hian a thleng tlat, khaw mi te sawi dan chuan an dawithiam kawl saw a sual viau ani awm a, pawisa mi a dil a, a pek țhat duh loh chuan rultuha te in a chukhlum tir țhin tih an sawi tlat.."

"Hriatchian a va chakawm dawn ve." Ka ti a, dawi lam thil hi ka la tawng ve hauh lo, dawi lam a awm lo ka tihna erawh ani lo.
"An ram sawrkar lahin dawi thil vel a khap der silo a, saw khua saw tunhnai hian sawi neuh neuh a tam riau."
"School chawlh hun ah kan kal dawn nia." Ka ti ta sup, khaw mi te titi a hriat ho a sawi zauh zauh reng a, ram chhung a hmun laili Aizawl lam ah ka chetla tam a, ramri dep lam engamah ka hre mang hlek lo, chu dawi chungchang vel chu hriatchian a chakawm ta riau.

"Hey in lo thleng a?" Claudia chuan kawngkhar a rawn hawng a, awmhmun thuamhnaw ho zet a inbel, kawrban bul zak hnuai zau zet ang kha a ha a, kekawr nena ni hniang mai a ha leh tawp bawk, Hlimpuia nen an ri dun barh barh reng a, a u chiah in pasal a nei tawh a, amah leh a nau te pahnih erawh an la nula thung.

Inchung lam ah kan chho ta diak a, Mizoram a kan in tam zawk ang lo tak in sak dan a dang deuh a, a nalh ru riau bawk.
"I nute ka va hmu lo ve?" Hlimpuia chuan a ti puat, ani pui hian Claudia nau chiah a lo beisei vang anih hi min zui kha a tum ruh tlat ni.
"Mizoram ah an awm lo, an zin chhuak a."
"Sap ram ah leh bawk em ni?" Nui chung in Hlimpuia chuan a ti a, beer kan dawm ta far bawk a, ngaihdan a sam chho țan viau bawk. Barbecue mai theih in arsa leh bawngsa an lo nei sa a, Claudia chu a tho va, reilote hnu ah glass no a kutțang a rawn chep kawp ţan hian a rawn let a.
"Puih i ngai em?" Hlimpuia zawk in a lo ti thuai, kei erawh ngawi reng in beer ka in thung.
"Yes, Inhnuai luh thlakna dawhkan ah khan whiskey ka dah." A ti a. A nau in arsa leh bawngsa a hem mawlh mawlh a, Claudia chu ka bul chet ah a rawn țhu a, Hlimpuia rawn let chuan Whiskey a rawn hum ta ran bawk.
"Hei in tel ang u, beer chauh chu a naupangchhia tlat." A ti hlak a, kei erawh ka nui suk thung.
Whiskey pawh glass thum ngawt ka in tawh, thla la turin Hlimpuia ho chuan an tho chhuak ta diak a; Claudia zawng a che rang ngang mai! Ka glass ken lai chu a rawn la sawn a, ka kut ah a chelh leh a, a ding zet a ka hmai bul chet ah a rawn kun hniam leh a.
"Ka bialpa rawn len hma in ka lo duat ang che.." ka hmai zawn ah a rawn thaw lum ham ham mai! Nui suk chung in ka pawt hnai a, a khek deuh țhat bawk, a nghawng ah ka hmaiin ka nawr a, a kut pawh a awm mai mai bik lo.
"... insum rih la, ka room ah kal ang.." ka kut chelh reng chung chuan a room lam min pan pui a, kawngkhar a nem hawng a, a hmeichhe pindan chhung hliah hliah. Khum tlang ah ka țhu a, music play turin min kalsan a. Music cool zet mai rawn ri chhuak riai riai rem chuan muangchang in khum lam pan chuan a rawn kal a. Hnunglam ah khum chu ka in nem khalh a, ka țhu awn duai bawk!

"Nizan lam min induh khum vang in tuar ve hlek rawh."
"C'mon Claudia." Lu thing nar nar chung in a kawr hak a hlip a, khum a ka țhu reng min vawmnan a rawn hmang a, ka nui hawk bawk!

Music zawi zet reng in a taksa a chet kual a: a kekawr a nawr thla leh a, bra leh panty nen chiah a awm tawh! Stripper lam pawh a lo thiam tho anih hi maw!

Ka malchung ah a rawn țhu kai a, ka shirt hak lai tlang a rawn țham rual te chuan zei lutuk in ka malchung ah chuan a mawngbawr a ti che a, ka kawr a hlip chho tawk a, khum sir ah a theh thla a, ka kut pahnih chu la in a awm zawn min khawih tir nghal zat a, ka tawh rual chuan min mamawh tak ang maiin a rum nghal ham ham bawk. Mahse in play kual tih vel ka chak hran lo.

Ka tho thut a; ka nghawng ah kut a rawn suih zawm a, khum ah ka bawh thluk rual chuan a kawrhnuai chu ka nawr tawm chho tawk a, min lo chul kual ve ruai bawk!

"Hmanhmawh rawh.." nui suk chung in ka kekawr kawng a ka phelh a, a bialpa a lo kal dawn! Kan awmdan hi rawn hmu ngat se a na viau mai thei, mahse kir leh ka tum tawh lo, ka kekawr ka hlip thla vek lo, in peih ata ka mipatna rawn chhuak nghal chu rawn țhu chhuak in a rawn hum nghal chat a! Amah nen kan awm hnuhnun ber kha ka sex hman a ni mai a, insum chu harsa tak ani tawp.
A mal inkar ka zen lut a, ka kut chu zei zet in a rawn nawr let a, a panty chhung ah zen lo in a hmalam ka pawt kau a, a rum nghal ham ham mai!

A kutțang pahnih a kâ chhung ah ka nawr lut a, rang fe in ka la chhuak leh bawk, a hmeichhiatna ka tawh leh rual chuan amah zawk in a mal a rawn kar zau sauh va, chak takin ka nuai nghal nawk nawk, ka banrek ah a rawn vuan a, a mitmeng a buai vek rual chuan ka kutțang pakhat zawk chu ka nawr lut tâwk a, a thaw khur nghal dar dar mai!

"Tawp suh.." nui suk chung in a chhip sam ah ka țham a, ka kutțang pahnih ka luhtir zawm zat bawk, a ang pam a, a bek ah ka chalin ka nawr a.
In out.
In out...

"Hetiang hian i bialpa in a khawih ve ngai loh vang che em ni min mamawh em em?" Ka aw zet chu! A aia thuk in ka nawr lut a.
"A dik em?"
"Aw, khawngaih tak in tawp suh." Ka kut ka lak chhuah thut rual chuan rang lutuk in min en a, hetiang mitmeng a tu mipa pawh a en tawh chuan a thlem thlu vek thei ang.
"Claudia ka thin tirim țhin suh ka tih kha." Up down in zawi te te in ka khawih, lu a thing nawk nawk a. Kei erawh ngeiawm zet in ka țhen suk thung.
"A chhung ah k** leh tur in min duh em ni?"
"Ka duh i hriat kha.."
Tlem ka luh tir a, a vanvadak nghal awk bawk.
"Nimin lama i chetdan kha ka duh lo tih i hria em?" Ka kut la chhuak leh thut pah chuan ka ti nghut, ţap titih in ka banrek ah a rawn vuan a, ka taksa a hriatchian tluk zet in he a taksa hi ka hrechiang.
"Chhanna min la pe lo.. " ka kut zungpuiin a m**n ka chuktuah a, ka nawr na hlek bawk.
"Nimin ang khan ka awm tawh ngai lo ang.." nui suk chung in ka nuaisak zui nawk nawk a, a malpui chu zau thei ang ber in a kar a, a eu zui ngawng ngawng bawk! Tuna ka chetdan hi hremna ani a, a laka ka lawm lohzia lanchhuah tirna ani bawk! A rawn au deuh țhawt țhawt a, a aia chak in ka nuai leh a, ka banrek a rawn ham ţiam țiam rual chuan a taksa chhunglam ah ka nawr lut leh tawk! A khur nghal dar dar thei.
"Kan pahnih inkar hi hrechiang ang che.." ka kut ka la chhuak a, vawrtawp a thlen vangin a thawk a la buai vek, a ka chhung ah ka kut chu ka nawr lut ta tho bawk. Ka kuai khaikhup thawk a, a panty chu a huh tlang dup tawh a mawng vâwng țha zet ah chuan ka ben thawk a, ka kekawr ipte ka zen rawk rawk a, Condom kawr chu ka pawt hawng a, a mawngbawr chu rawn chet in min rawn nawk pah reng a, Cd chu ka vuah sawk sawk a, ka bawh deuh va, a dul zawn ah ka dawm kân rual chuan rang zet in a rawn insiamrem a. A panty chu ka hlim thla tawk, hnunglam aţang ka nawr a, ka hming lam chung in a rum ham ham reng bawk.
"Ka lawm loh zawng a i awm leh chuan zanin hi a tawpna ani ang."
"Babe.."
"Insawifiahna ka duh loh.." ka ti nghut, a chak tawh bawk si, a nungchang a ven ngai ta bawk si chu thlan tur zawk a hre lo ani mahna, a thaw hak a, ka mipatna chu ka hum a, a taksa nem lai chu ka nawr kual pah reng bawk!
"Ka tawp thei tho." Haw duh nise ka aw ri chu a haw viau ang.
"Aih, tawp suh."
A sawi zo hman lo, dimlo zet in ka nawr lut tawp, ka rum hawk a, ani pawh kei ang tho.

Thawm dim a ngai hran lo bawk a, a țe ring ngang mai, kei pawh ka thaw ve hawk hawk reng tho, a zeiin țawngkam bawlhhlawh tak a min chawhphur dan a thiam a, chunglam ah a țang a, a tawp ah phei chuan eu ngawng ngawng chung in a au chhuak ta țhawt a, ka baw a pik chhuak puat hial bawk! Condom ka hmang hlauh mai pawh a!

Ka phone a rawn ri thut a, Claudia chu a let thla a ; kei ngei pawh ka la dik bik lo.
"Who' s Chimawmi?" a rawn ti halh. Ka melh zawk a, lukham ah bawk lu ka nghat a.
" dah rawh."
"Chhansak tur che in min duh em?"
"A țullo, off la i thil la tih zawh loh hi rawn zo rawh.." rang zet in phone chu a thehthla a, khum ah bawk a rawn lawn leh a, a rawn kun hniam a, a tir ang khan ka tui tawh lem lo; mahse hmeichhia min kalsan tu ai chuan min mamawh tu kiang ah awm ila ka tihsual ka ring lo.

An in ațang ka chhuah dawn chuan kawt ah JE pa motor chu a rawn ding ve ta chiah a, chaw pawh ka ei lo, car aţang a rawn chhuak a, min hmu hlawl chu mak a ti deuh ngeni a meng awk a.
"Dear i lo thleng maw?" Min kalpel in Claudia chuan a ban bulah a vawnsak a, ka nuih ringawt.
"Hmingsanga ni reng che in.?" Kut a rawn phar a. Ka humsak ve a.
"Hmaichhan ah ngei hmuh ve che ka chak țhin asin." Ka nui suk ringawt, pa fel tak ani ngei ang, tun lawk khan a bialnu nen a khum ah ngei kan awmdun tih hre ngat se na a ti ve hle ang.
"Ka kal tawh mai ang.." ka ti sup.
"Timaw, kan inkawm rih ang chu," lu ka thing nghut a" ka nau ka rawn kalpui zawk mai mai, a tlangnel ta bawk a, ka țin san mai ang che u." Claudia chuan ka sawngbawl zawh chiahna panty pawh thlak hlei loh in a kuah bet chial reng a. Ka kalpel a, ka bolero chhung ah ka luh rual erawh in ka thaw hawk thung.

Kha mipa rilru tluangtlam hmel zet kha engtikah emaw chuan Claudia nen kan khawsak dan hria in a la nâ hial mai thei!

Lu ka thing nghut a, ka kekawr ipte phone chu ka la chhuak a. Chimawmi missed call a lo awm ngat, call back ka tum rih lo.
In lam panin ka inkhalh let a, an inah khan ka in hnem viau nang in ka harhfim leh kak tawh! Arsa leh bawngsa kan ei reng tho vang in ka rilţam hran lo bawk.

Ka chhungte tv en chu ka kalpel a,
"Mama, Claudia te inah chaw ei i tum ani lawm ni." Ka nu in a rawn ti a. Ka ding ve dat bawk.
"Kan ei kham der, ka rawn haw tlang nghal " ka ti a, bang a sana in tar chu ka melh zawk a, kailawn ah ka chho tlang ta tho va.
Ka harhfim vek tawh emaw ka ti nang in khum ka deh rual chuan mit ka meng thei der tawh lo. Claudia nen kan inkar lah tihtawp ka tum rual in tlúkna ngaiah bawk kan tlu leh a! Ngaihtuah tam lo zawk teh ang.

Lu rit bur in ka tho chhuak a, washroom ka pan ding a, ka inbual tlang nghal tawp! Thilsual ka ti tih ka inhria, mahse ka inthiam lui ta tho.

Inhnuai ka chhuk thla a, Chibai Mizoram an lo ngaithla a, choka ah luh tlang ngai lo in hnathawk in thingpui min rawn pe zui vat a. Dawt khawlh chung in ka ep chiah sofa ah chuan ka țhu thla ve vut bawk.
" Rv ah nizan lam a inawkhlum ni ngei a hriat hmeichhe ruang hmuh ani..."
"What?" Ka ti hluk; " hmeichhia hi tu tih hriat a la ni lo a, thingkung ah inkhai a hmuh ani.." Chimawmi te in bul a rawn lang zuai a, muang fe in thingpui chu ka lem a. A kawngthlang lam an rawn focus leh a, ka ding ta vut bawk.
"Mama?"
"Nu , Aizawl lam ah ka chhuk thlak a ngai.." kailawn lam ka pan a. Chimawmi a ni a ngem? Hmeichhe dang daih an huanah a inkhai hlum ang maw! A nu damdawiin aţang a la chhuak lo anih phei chuan zanah amah en zui tur tumah an awm lo. Nizan min lo call lai te khan țha taka lo dawngsawng tur ka ni! Mahse.. Ohhh.. God!

"Ti rum rum nge ni dawn, i rawn thleng chiah sia." Ka nu in ka room ah min zui chho a. Ka phone leh motor chahbi ka ban a, cotton kekawr ka in thawlh mawlh mawlh a, Jacket ka la chhuak a, ka thuamhnaw tam zawk khulam ah a awm vek, kal tawp a ni tawh mai.
"Nu, ka rawn let leh dawn lawm."
"Eng hna pawimawh nge ni reng reng.. kha hmeichhe inawkhlum kha em ni?" Ka rum nghut ringawt.
"I thawhpui te'n an khawih thei reng a lawm.''
"An khawih thei.. mahse engkim hriat ngai ka nei." Ka vin lo, ka aw ri erawh a khauh viau. A ban a phar hlial a. Ka pan hnai a, a chal ah ka fawp zauh a, kailawn ah chuan chak takin ka pen thla pawk pawk a.

Bolero ah ka țhut luh rual chuan Rema ka call a. A rawn chhang vat bawk.
"Rv a hmeichhe ruang an chhar kha a chanchin kimchang ka hre duh."
"Sir keipawn ka hrechiang bik lo, kan station a rawn thleng a ni silo a."
"Ka hria. .. tunge anih hriat tum in chhui nghal rawh." Ka ti țhawt!
"Aw le Sir, station dang ka lo bia ang.." a rawn ti a. Thaw ham ham in phone chu car hma ah ka theh kai a. Steering chu ka chum zui pawp bawk! A chung a thil thleng tu hnenah mah a hrilh ngai lo pawh min hrilh ngam a, nizan khan tinge a call kha ka chhansak mai loh.. thinrim țun chung in ka dawk chhuak ta záwk a, thih hlau reng reng lo hmeichhia khan a nunna a ti tawp ta mai em ni?


If you want to be ORIGINAL,
be ready to be COPIED

[Abbra Reo Ririni]

☆UTOPIA: 1996☆
Chapter 9
By
Abbra Reo Ririni Khiangte ( Pitartei)





Champhai ka chhuahsan a, Chimawmi number chu steering hum reng chung in ka hmet chhuak a, a in switch off hmak anih chu! Rum nghut pahin motor hmalam ah ka theh kai leh a, rilru hmanhmawh bawk nen ka tlan fur fur a ni hawt, hetiang tak a rilru phili hrep hian ka la awm ngai lo, rawng ru zet a chet lak mai a hreh ngai der lo tih ka hrechiang tawk tawh viau bawk! Țum hnih ngawt a duhthlanna in a nunna lak a tum tawh a, chupawh a naupanlai leh nghal in! Ka lungphu chu a ri ve dawt dawt mai!

Ka hnenah khan thilsawi loh tam tak a nei a, a chanchin a lawi hriat ka nei hauh lo bawk, a tel ve tawhna ah lah thil pangngai lo tak a thleng ngei ngei țhin!

"A țha dawn lawm." Ka ti nghut, marawhchu ka thusawi ngei pawh awih zo lo in ka pan rawk rawk ang lawi si!

Ka phone a rawn ri ta thut a, speed ka ti hniam hret a, Rema hming rawn lang va va ka hmuh rual chuan rang zet in phone chu ka ban a.
"Sir.."
"Aw, sawi rawh." Ka phone chu a rawn vibrate dut a, a thi ta hmuk anih chu!

"A hun lo lulai lutuk!" Ri bur khawp in bolero hmalam ah ka theh phei nghal nawk! Connect na tur lah ka lo keng tel der bawk silo, seat hnung chu ka ngheng dawt a, Aaa.. khawiah mah ding kawi lovin ka tlan tlang par par chuan ka thleng har lo ang. Ka țhut dan ka siamrem a, kilometer khat a tlan theih zat an bituk aia let in speed ka san a, Champhai ka pan lam te kha chuan eng buaina pawh tawk se ka in barh lut ve tawh ngai lo ang tiin rilru ka siam ve kha nia! Tunah lah baklengin ka pan leh ang dawr dawr a, min tibuai hrep reng mai zawng anih hi maw!

Tlan pangngai in darkar 8 dawn ka tlan țhin, tun țum erawh darkar 5 chiah hun ka hmang thung! Rv lam pan nan station tlan pelh a țul tho vang in station kawtzawl ah ka ding nghing dawt a, rang fe in Rema a rawn tlanchhuak zat bawk.
"Sir, i biak theih ta siloh va." Chu aia thu hmanhmawh thlak zawk hriat duh ka nei!
"Aw.. i bialnu chu anilo.."
"Maw?"
"Aa..inawkhlum kha i bialnu ani lo." Steering ka nem pawp, ka thawchhuak zui ham ham a.
"Mahse sir, i bialnu chungchang ah khan thil hriat loh i nei in ka hria." A rawn ti leh a, kei erawh inawkhlum ta kha Chimawmi ani lo tih in hrilh nawn mawlh mawlh chung in ka thaw huai huai reng a, kawngtluan khan thawk pangngai in ka thaw lo tih leh ka lungphu pawh a hnathawh tur aia rang in a che dawt dawt reng tih ka hrethiam chiah!

"Sawi zel rawh.."
"A nu kha thisen cancer ani tih i hria em?"
ka țhu mar nghal vut, thawk a la hap a.
"I hriat ka ring lo reng ani a, a nu kha thisen cancer ania tunah Falkawn hospital ah an inenkawl mek, kan nau pakhat doctor in an lainatawm zia thu leh thisen an duh khawp ang an hmuh ngai lo thu a sawi fo țhin a, nizan hmasa khan family chaw eikhawmna ah a rawn hruai a, hmeichhe khawngaihthlak tak chanchin a sawi fo kha i bialnu a lo ni reng a.."

"A tawk tawh.." ka ti sup.
"A nu enkawlna turin inchhung bungrua pawh a hralh nual ani awm e.." ka bu nghut, engine ka start leh a, a thi anih thu ring in ka phili buai hrep a, inawkhlum kha amah anilo tih hre leh in rilru a hahdam dawn chauh va, a nu thisen cancer ani a, in enkawlna tur sum a neih tawh ngang loh vangin inchhung bungrua a hralh tih bawk ka hre zawm leh a! A tan tumah ka nilo a lo buai ve chiam hi ka tihtur ani pawh in ka hre tawh hrep lo ve! A duh leh kha doctor pa min zui san kha bel rawh se!

Station kawt aţang ka tlanchhuak a, ka thawk a ipik țun a, Rema thusawi zawh chiah kha engahmah ngaih loh tum in ka hui leh pap țhin. Mahse dik thei ngang in ka hre bawk silo, rilru khap kual khap kual chung in ka tlan ta zel a, World bank road ah thui fe ka tlan tawh! Engahmah a a ngaih loh mipa hi amah vangin a vir buai ruai tih hre ngat se min nuihzat viau ta ve ang!

A nu dinhmun hre tur tal pawn ka kal zawk ang.

Cancer hospital kawt ah motor chu ka ti ding a, ka khabe ruh kual tuai hauh hauh chung in bolero chhung ah chuan ka țhu zui ta reng a, tun ang tak hian hmeichhia min ngaipawimawh lo tu ka pan rawk rawk ngai lo, mipa chapo ve tak ka ni tih hi ka zep tel lo hram bawk ang, ka chapo vang in tumah ka hnuaichhiah ngai eih thung lo, ka nihna ka hria a, ka dinhmun ka hre bawk, min ngaipawimawh lo zet tu te phei chu engatanmah ka ti ngai bik lo, ka nun ah hian mi pawimawh an tam hran lo, chung zing a Chimawmi ka khunglut ve ringawt ta erawh ka hrethiam thei hauh lo!

Bolero chu ka chhuahsan ta vut a, a nu awmna ward leh a hming takngial pawh hre hauh lovin hospital lam chu ka pan ve zel tho, tun țum chiah hi ka pui ang tih rilru ka pu bawk!

Hospital chhung ka pen lut a, damlo țhahnem fe mai chuan min lo en dauh dauh hlawm a, Lalrinmawii nu ka rawn zawng han ti thawr ngawt ila zawn hmuh a har hmel fu bawk si! A doctor zui ve teivet chu damlo pakhat khum bulah ka va hmu ta hlawl a, a ngo ang veng leh nghal. I bialnu nu damlo ka rawn kan dawn a, khawi ward ah nge an awm tih ka zawt tawp mai dawn mi? A teuh lo lutuk, let san daih ang!

"Hmingsang?" Ka inher vut tur chu ka tawp a, kan doctor ngo veng a pawh ka lam panin a rawn kal ve ta vat bawk.
"Hetah engnge i rawn tih?"
"Ka rawn kal chhan i hriat a țullo!" ka ti hmuk, midang min en huang tu te chu nui chung in a thlek kual thuak a.
" Arintei nu hmuh i duh anih tak in cabin no4 ah khan."

Engmah sawi tawh lo in ka inher ta vut a, nurse pakhat ka tawh (k) hnenah chuan cabin no4 a min hruai tur in ka hrilh a, rang zet in amah zui turin min hrilh nghal thuai bawk.
"I chhungte ani em?"
"Umm."
" an khawngaihthlak asin, thisen pe tu lah an tam țhin silo a, ward pangngai ah midang chimbuaia awm thei ani bawk silo..." a ti siam siam a, Chimawmi hian chanchin lawmawm ai mahin thu dengkhawng tak ken tel hi a inhmeh hle tawh in ka hria.
"Hei hi aw, a fanu pawh zanthum dawn a țhu tlaivar tawh." a ti sep a, chuerawh in min țhawng leh viau tawh!

Kawngkhar chu dimte in ka nem hawng a, khum ah hmeichhe cher zet tawh a țhu mu a, Chimawmi pawh khum tlang bawh in a țhu kun ngâih bawk! A nu zawk chuan kawngkhar in nem hawng chu a rawn hmu a, ka pen lut a, mak tih hmel zet in a mengphar ta awk bawk!
"Hetah engnge i rawn tih?" a taksa chak tawk loh vang nge a aw chu a zawi lek lek.
"Chanchin ka hre ve chiah a, ka rawn kal."
"Aw.." a ti leh sep a, a la meng buai nak reng tho, Chimawmi chu ka melh zawk a.
"A chau lutuk a a muhil anih hi.." a nu chuan a rawn ti a, kan thawm engmah a hre ve lo tih hriat zet in thawk a la a.
" i rawn kal ngawt hi mak ka la ti." a nu bawk, za vak lovin a nui a, kei zawk pawhin han sawi mai tur ka hre der lo.
"I duh chuan kai harh la.."
"A pawi lo, muhil rawh se." ka ti sup, min thlek leh veng veng phawt a.
"Tah hian a riak mai zel em ni?" Rem lo zet a Chimawmi khum bawh chu ka thlek a, a te na vang vang in min chawkbuai thei ber lawi bawk si!
"Umm, in lamah a haw țha duh bawk silo a, tihian zankhua pawn a mu mai zel." a ti leh mai, a fanu sam ah chuan duat hmel zet hian a chul a.
"Motor chhung ah lo va mu rawh se." A nu chu a rawn hawi dawrh thei.
"Biak che ka duh a, kan inbiak chhung in motor ah lo muhil se a hahdam zawk ang." Ka ti nghut; hriatthiam loh hmel fe hian min thlek a, Chimawmi dar ah chuan kut ka nghat a, ani pawh a tla dawk tih ka hre nghal thei.
"Kai tho la.."
"A pawi lo." Ka pawm kang ta nawlh a, a mu lah hi a mu nghet thei em em reuh va.
"Ka rawn let leh vat ang." A nu buk khum zauh pah chuan kawngkhar lam ka pan pui nghal nal nal, hmanzan ai khan a zang leh tawh bawk, min lo hmu tu apiang in mak tiin min en zui dauh dauh reng a, bing zet in motor hunna lam ka pan pawk pawk thung, bolero hnung kawngkhar ka pawt hawng a, dim zet in ka nghat lut a, seat ah ka mut tir fel hnu chuan a hmai hliah tu a sam chu ka hui sawn a, a hmel a lang hriam raih, amah han cheimawi deuh tur ti thau a nei hauh lo bawk!
Jacket ka hlip mawlh mawlh a, a taksa chunglam chu ka khuhsak a, bolero aţang ka chhuk a, kawngkhar ka lock vek a, Hospital chhung pan ding nghal ka tum nang in dawr lam ka pan ta zawk a, a harh hunah ka let mai loh takin a lo rilțam hman viau thei, eng engemaw ka la khawm țeuh va, plastic bag khat tlat chu bolero chhung ah ka dah lut a, Chimawmi erawh ru bo daih pawh niila a harh mai mai lo ang tihtur khawp in a mu tui, kawngkhar ka kharphui hma chuan a landan chu chiang zet in ka en leh hram a, ka thil duh loh tawp ka ngaihtuah thlen hma in kawngkhar chu ka nem khar ta dawt a.

Doctor ngo veng lam panin ka kal a, a hming ka la hre teivet lo bawk.
"Ka be duh che." Ka ti tawp, min pan a.
"Cabin no4 ami khian vawiin ah thisen a dawng tawh em?"
"Unit hnih chu kan pe tawh."
"Thisen dah khawl sa in nei em?" Ka ti leh a, lu a rawn thin rual chuan ka thaw zui ham ham a.

Ka tih ngai loh tawp ka tih a țul dawn in ka hria. Motor lam pan bawk in ka let leh a, Chimawmi mutna zawn kawngkhar chu ka pawt hawng pawp a, a bag chu ka zen sak rawk rawk a, ka phone a thi miau, tihtheih ka nei lo. A chengvawng lo phian ani mahna lock a dah der lo. Kan station number ka dial a, rei a ring hma in an rawn chhang vat a.
"Rema kha phone pe rawh." Ka ti tawp, kar lovah Rema a rawn ţawng a.
"Station ah khan pali vel lo awm se, a dang zawng chu Falkawn hospital lam ah thisen pe tur in rawn kal rawh u." Ka ti tawng, ka mimal duhdan liau liau a station ka pawh buaina hmasa ber ani ta bawk.
"Sir?"
"Ka sawi ang chuan mi pali tih loh rawn kal vek ru " tih zawng ka sawi, phone chu ka ti tawp a, kan thisen pek tur zozai hi a blood group nen alo in mil vek kher lo thei, mahse a blood group milpui thisen dang nen an thleng thei a, an ti ngei bawk tur ani.

"Thisen hi engzat in nge damdawiin lamin in pek chhuah leh?" Doctor-a chu ka melh a.
"Unit khat 500 te'n. " ka bu nghut, rawn thleng thla vek phawt se, Chimawmi te lam in an khulchhuah leh ngai lo in pawisa ka pek lawksak bawk ang, engkim ngaihtuah fel sak vek lo in kalsan ta ngawt ila, min mawlh reng dawn tho.
Cabin ah bawk ka let leh a, Chimawmi nu chuan mit a lo chhing veng veng a, ka pen lut thawm a hriat rual chuan zuai raih in mit a rawn meng a.
"Engtik ațang nge i damloh țan a?" Thu pehhel ka thiam vak lo, ka duh tak sawi tawp ani zel.
"Kum 2 lai a liam tawh, Mamtei chu a mu thei maw?"
"Um, a harh lawk lo ang." Ka ti nghut , chiang fe in min thlek a.
"I rawn lang ngawt hi ka la hrethiam lo." Nui chung in a thaw hliai.
"Thisen in mamawh tih ka lo hria a, Kan station lam in kan rawn pe dawn anih hi."
"Awi, a va lawmawm dawn ve" a ti hliai a. A fanu chanchin zawh chiam chi anih loh laiin hriat chak fe fe ka nei ţeuh bawk si.
" i fanu chiah hi em ni enkawltu tur i neih?" ka ti ta phawng, a bu nghat a.
" Ka pasal nen kan ințhen tawh a, kan nufa tawp kan ni ta mai, ka fanu in buaina a lo thlen che anih chuan ngaihdam ka dil nghal e, aaa Jenny case i buaipui laia a mize hawihhawm lo zet te pawh tiam in.." ngainatawm zeta nuiin min thlek a. Ka bu nghut ringawt.

"A hmazawng in hetiang tak hian a mizia hi a kawlh ngai lo ania, hmeichhe nunnem tak ani țhin asin, mahse a pa in ațang a rawn tlanchhuah aţang khan a mizia a hrang ta hlawk a, ka fanu ngei nimahse ka hriatthiam loh chang a tam em em reng a, aaa hmeichhe ze zawi tak kha a thinchhia in a kawlh em em reng a, amah leh amah intihnat kha nuam a ti tlat zel a, hmeichhe naupang hran hlawk a ang lek lek fo țhin." a ti ta duah a.
"A chanchin ka hrilh nachhan che pawh i hmaah ngei pawh chaltlai tak in a awm a, aaa, a rilru erawh a chhelo tih min hriatpui la ka duh, kum naupang tak ni siin sum a thawhchhuah a ngai a, ka inenkawlna senso tur zawng zawng hi a buaipui vek a țul țhin a, hmeichhe kawlh leh chaltlai em em hian thinlung nem tak neiin hmangaihna a nei ve tih hre ve la ka duh, i hriat ang ngawt kha ani lo ania.." za vak lo in a țhen sak a.
"A rualpui te chu an nu leh pa lakah pangchang in an mamawh an sawi a, hausa em em lo mahse nu leh pa zawk in engkimah an chhawmdawl thei tal a, Mamtei erawh ka damdawi man tur ngaihtuah in a inhlawh thul, retheihna a paltlang hneh lutuk hi ka lainat ve tak zet, mahni rilarah ngei mai rethei tak a a khawsa lai hmuh tluk a nâ hi nu tan a awm miah lo.." zawi te te in a phun sep sep a, pawisa a lo mamawh em em reng pawh kha a nu thisen cancer vang lek a lo nih hi, inhre țhang kan nilo a, han ţawng thlamuan chiam dan lah ka hre der lo, mahse min mamawh hunah erawh ka tlanchhe lo ang tih ka hrilh, kha hmeichhe tleirawl chhuak hlimhlawl khan engtiang chiah a harsatna nge a lo paltlang tawh tih ka hre thar a, ngaihtuahna a vak thui ta hle bawk!

Police an rawn thleng khawm ţak ţak a, blood bank lam kan pan khawm a, damlo awm ve ho chuan min en duh ngang hlawm bawk.

Tun mai lo pawh thisen kan pek ziah a țulin ka ring, tu emaw kha kan thisen unit khat lek vang in a nunna an lo pawtsei ve thei a, a petu tan lah hekna a awm der bawk lo.


Mit ka chhing suai suai a, a nu hi kal ta se Chimawmi hi engtinnge a awm zel ang? An nufa rek te mai hi an nih hmel a, a chavai reuh ngawt ang le?

_______ ZIRTAWP ZAN HI KAN SABBATH ZAN ANIA, STORY KA DAH NGAILO _______

Lalrinmawii (Arintei) POV ☆


Tlan ri khup khup thawm vang in ka harh a, ka che țalh ţalh a, ka nghawng a na țhum dawn maw ka ti a, mahse ka nghawng a na miah lo, mit ka meng a, thil dum vek ka hmu a, ka meng zau leh deuh a! Ka țhu chhuak ta hlawl bawk! Kei hi khawnge ka awm! Ka hawikual thuak a, Police uniform ha in ka awmna chu an rawn tlanpel khup khup reng a, kei hi mithianghlim lawr laiin lawr ve loh zingah ka țang ani thei mai em?

Lu ka thing nawk a! Ka hawikual țha leh ngat, Motor chhung ah ka awm! Ka enkual hrek hrek a, khai aw! Engtinnge Hmingsangzuala motor chhung ah ka awm theih! Ka taksa khuhnana a hman jacket chu ka phihthla nawk a, Ka mumang a la ni zawk mai thei! Dimte in ka ban bul chu ka piai hlek a, mumang ani îkhaw lo. Ke ka hlangthla a; engemaw a ri rak a, Plastic bag ah ei tur eng engemaw a lo awm a, engmah hi ka la hrethiam chuang lo, tukverh darthlalang aţang chuan pawnlam ka bih a, khua a thim ţep tawh, Hospital leh a chhehvel ah ka awm tih ka inhriat rual chuan ka thaw huai a! Mahse reilote hnu ah Police rawn tlan khup khup kha ka ngaihtuah chhuak a, ka nu chungah thilțha lo a thleng em? Kawngkhar chu hawn ka tuma a in lock tlat anih chu!

Ka bag ka zen rawk rawk a, phone ka la chhuak a, Hmingsangzuala number ah chuan ka call a, mahse switch off a in ti tlat a. He pa pui mai mai pawh hi tinge a motor chhung ah min kalh hnan ve ringawt a; ka nu chung ah thilțha lo a thleng anih vaih chuan ka sawisa hrep tak tak ang! Lock chu hawn tum in ka sáwi nawk nawk reng a, a neitupa ang chiah in he motor hi a lian a, kawngkhar te hi sut nghin lawih bak tihtheih ka nei der silo.

"Rangkachak tuiek a mai mai chu!" insehruh ţan chung in ka thawchhuak hak a, khua a thim vek tawh miau vangin seat hmalam ah ka lawn phei a, a car light chu ka ti eng a, ka nu khum bawh a muhil reng kha engtinnge a motor chhung ah ka lo awm hman daih le! Seat hnung ah bawk ka let leh a, plastic bag a ei tur ho chu ka enkual dan dan a, nileng in thil ka ei tawh lo, wai wai a lo awm tel a, Amul cool nen ka thaw huai thei! He motor neitupa in a motor chhung balh a hlau bawk a, eitur ho hi hmet nawiin ka thehdarh vak zawk dawn mawni!


Wai wai chu ka bar hawng hawng a; eitur lei nan pawisa ka nei miau lo, mahse mahni inkhawngaih phahnana hman erawh ka duh lo, kar tir khan sofa set leh washing machine ka hralh tawh a, chupawh ka nu thisen mamawh lei nan ka hmang fai leh kelh tawh bawk a! Tv leh fridge hralh tur kan la nei! Kan hralh hun a thleng ţep tawh bawk ang.


Ka duhtawk a tam ka ei hnu chuan ka thaw ham ham a, candy a lo nei tel ngei a, pakhat chu ka hawng rak rak a, ka hmawm tharh a, a lo let leh hun ka nghah mai angaih hmel ta sia! Amah hmuh lah ka chak der bawk silo, a rawn let hunah kawngkhar a rawn hawn rual in nem pawp ila, tlan chhuahsan nal nal bawk ila.

Ka ngaihtuahna vang chuan ka nui hak thei!

*Flash Back*


A awm chung ah bawk reng chung in ka harh hlawl a, hneh zet in min lo kuah khawm a, a lungphu ri dup dup pawh ka hre thei, dimtein a khabe a hmul ţo chu ka tawk zeuh va, a harh bik miah lo.

A awm ah bawk chuan ka bei țha leh a, vest dum chiah a hak vang in a ban min man khawmna chu a lang hrawl zual vek bawk, a thazam lang raih chu ka tawk leh a, a vawikhatnan tak tak suangtuahna ram nuam tak ah ka chen ve phah ta a, chupawh mipa nen leh nghal, thinchhia in țawngkam nei bul viau mahse amah ah hian ka innghat ngam tih ka hrechiang tawh a, ka țah khum chiam laia min kuah hlu hlu lai khan he pa hi ka ngaina tak zet tawh tih ka inhria a, atthlak erawh ka ti viau lawi! Min fawp a, hmuhsitna tel miah lo a ka taksa a khawih thei kha mak ka la ti cheu a, ka rindan chuan tupawh in sual luih ka tawk tih an hria anih chuan min ten vek ka ring țhin a, kha kha ka hlau ber bawk, mahse ani hi chuan duat lutuk in min kuah a, min hnem tum in thu tam tak a sawi miah lo, mahse a kut hrawlpui a dam zet a min khawih khan hmeichhe tenawm ka nilo tih ka inhre thar a; ka beisei ngam ngai loh beiseina thar hial nei ve in Utopia-ah ka cheng a, hetiang tak a ka rilru hruai kawi hmasa ber tu ani tel cheu bawk.

ka phone a rawn ri thut a! Min kuah behna ban hrawl pui chu dimte in ka phelh thawl a, amah tih harh hlau in dawhkan a phone chu rang fe in ka ban a, Dr Hruaizela ani tih ka hriat rual chuan ka hlauthawng nghal vek!
" aw."
"I nu a țha lo ni awm e, keipawh hospital lam ah ka awm lo, i awmna sawi la ka rawn lam ang che " a rawn ti a, ka hlauhthawn ang chiah.
Ka awmna chu hreh deuh chung in ka hrilh a, a rawn thaw nghal ham ham thei.
A rawn thlen nghal tur thu a rawn sawi leh sup a, phone chu a ti tawp a.
Ka nu a țha lo!
Vanvadak in ka thawchhuak hawk a! Hmingsangzuala chu tih harh tur ani em tih pawh ka hre lo, nizan ah min buaipui hrep tawh a, kan ba kan inrul zo ta ve ve bawk. Kan kalhran a țul tawh pawh ania nge! Thla ka laksak a, hei pawh ka tih ngai lo bawk.

Ka kun hniam a, a biang ah hmul a ţo a, chu chuan a landan a tipuitling in a kum a upat phah sauh bawk, dimte in a hmui ah ka nawr a, ka tan a special zia a in hre kher lo ang, nizan a chetdan zawng zawng kha ka tan chuan a vawikhatna vek ani bawk!

Kawngkhar aţang ka chhuak a, Police officer meuh in a lut chhuak tur ka ni lo chiang a lawm, hmeithai zu zuar fanu a inah a hruai haw tih hria awm ngat se nuihsawh fe fe an tam ngawt ang, minute nga pawh tling lo ah Doctor Hruaizela car a rawn lang ta hlawl a, kawngkhar ka pawt hawng chiah tihin Hmingsangzuala aw rawl ring lutuk ka hre zawm zat a! Mak ka tih em em chu ka kalsan dawn apiang hian nâ ang in ka hmu ziah!

" ka tihpalh!" tih zawng ka sawi, ka țhu lut a, Dr Hruaizela chu chak zet in a tlanchhuak nghal a, ka awm a nuam bik reng reng lo.
"Ani nen bawk?"

"A.. nizan ah buaina ka tawk a, min pui a." Ka ti sep, dawt muhlum ka sawi bik lo.
"Umm, a pui che ka sawisel lo, mahse Pathlawi anih kha fimkhur ang che."
Ka awm chhung lam hi a nghing dawt thei! Doctor Hruaizela chu ka en dawrh a! Ka hriat sual ani em?
"Patlawi ani ngei a lawm Zosangi pasal hlui anih kha." a rawn ti leh sup a, ka thin a phu ta dawt dawt a, â ka in ti a, ka zak tak zet bawk! Zosangi! Ka duh thei lo, kha hmeichhe chhelo lutuk kha a nupui hlui maw ni a, Zosangi kiang ah lah a nupui hual ang in min sawi ngawt tawh leh nghal, ka awmdan a dik thei miah lo, ka nâ em ka hrelo, mahse ka lungphu a ri dawt dawt reng a, motor horn ri ruai ruai karah chuan ka thinphu su dup dup thawm chiah hriain ka chau titih der bawk! Min lo nuihzat ru ngawt ang!

" Pathlawi ani tih i hre miah lo maw?" Mak tih hmel fe hian a rawn ti hluk a.
"Engtinnge hria se min tih?" Pangngai tak anga lan ka tum a, ka nui lui hak kher bawk!
" Zosangi sawi dan chuan an inneih lai pawn ngaihzawng a neihsan țhin ani awm e, khatiang mipa tawnhriat ngah tawh lutuk kha i hnaih tam chuan i him rei lo ang." a ti leh nghut, kei erawh a thusawi mal tin chuan min deng dawt dawt a! Nupui neih lai pawhin bialnu neih ching maw anih a! Khatiang khawp a hmeichhe hmelțha leh pian nalh pawh a khamkhawp lo anih phei chuan! Ka laka a chet ve dan te mai mai kha chu! Ngaihtuah zawm duh lo in nghet zet in kut ka hum ruh a!
" Tlangval a kham lo anih ka ring, atan hmeichhe pakhat a tawk lo e mai!" mit ka chhing daih tawp, Hmingsanga a rawn lang a, duat hmel lutuk a min dawm vang ngawt khan ka lo ngaina hman a, atan chuan a thanga ka awh nghehna tura tawktarh țha tak ani lek dawn si! Zosangi ka ngaihtuah leh a, ani tluk a mizo hmeichhia ah hmelțha leh pian nalh kha an awm tawh kher lo ang, ani meuh phatsana Hmingsanga'n a pan san țhin hmeichhia chu tunge ni ta ang! Thawk ka la a, ka hmui ah dam raiha min fawh lai kha chiang zet in a rawn lang a. Tinge kei kher min chhaih kual a a games ah min pawhluh ve?

Oohhh, nupui a neih reng lai pawh a hmeichhe dang mamawh tupa hian a duh duh a min pawhkual theihnan țhat a chhuah der a, kei lah pek chu awlsam takin a thang ah ka lo in bat lut țhelh bawk a! Ka hmu tawh tur ani lo, ka kalsan pawh hi ka țhatna tur liau liau a lo ni ngei ang!

Ka nu chu engvanga chau ta thut nge anih tih zawt tur ka nih laiin nizan a ka khawsak dan leh khapa ka lo rin hma lutuk vanga a nuihzat ah ka țan hman teuh zia ka ngaihtuah kualna vang in ka chau zo vek! Ngaihzawng lam hre lo lek leh mipa hmel duh pawh ngaihtuah lo lek a huatna nen a hun hman kha a lo nuam zawk fe bawk tih ka hre thar a, a nupui pawh tina thei tu chuan kei hmeichhia belh tur nei lo zet hi min tihnat a hreh ngai dawn lo, tunah chuan anihna ka hrechiang tawh bawk a! A chhaih kual theih turin ka awm tawh ngai lo ang.


Hospital kan thleng a, Doctor Hruaizela chuan thil țul ang ang a ti zawm sawk sawk a, ka nu chu thisen var an lo pe leh a, a vun a var puap a, a thlarau in a chhuahsan ta mai emaw ka ti rum rum hial bawk.

"No, Arinte lo va chhuak rawh." Ka nu chal ah ka tawk tur chu Doctor Hruaizela chuan min lo ti tawp a. Nurse pakhat in ka ban ah a rawn vuan a, ka nu cabin aţang chuan min kai chhuak rawk rawk a, cabin kawngkhar bul bang chu ngheng in thawk ka la vak a, kan țha țan tawh viau emaw ka ti a, mahse angai ang bawkin nikhawhrelo in a awm leh zel bawk si. Rilru buai nuai nuai in cabin pawnah chuan ka vei kual sek a, doctor tu emaw ber rawn chhuak tawh se chuan ka hahdam huai thei ang.

Darkar chanve dawn a liam hnu ah Doctor Hruaizela leh midang ho chu an rawn chhuak ta hram a.
"A țha tawh e, in lam ah in awm ang tih a hlauhawm khawp mai!" Doctor pakhat zawk chuan a rawn ti churh, ka thawchhuak hak a.
"Darkar chanve hnu ah chuan a rawn pangngai leh mai ang." Ka darah kut a rawn nghat a, ka mangang lutuk tih hria in hmuh nuam zet in min nuih suk a, min kalsan zui nghal a.
"Lut rih lo la, khawiah emaw inti thawveng turin ka hruai ang che.."
"Ka kal chhuak chak lo." Ka ti sep, a kekawr ipte a zen lut a, a thaw ham ham a. A duty nî ni miah lovah ka nu vang liau liau in damdawiin a rawn pan leh ani a, lawmthu sawi bawk ka ba leh ta e.
" ka lawm lutuk aw." Ka ti sep, lu a bu nghut a.
"A muhil tiraw?"
"Umm.."
"Ka lut ve mai ang.." ka ti a, ngaihtuah hmel zet in min en vung vung a.
"Ka țha a lawm, a vawikhatna ani tawh lo tih kan hriat tlan kha." Ka ti sep, a rawn nui lui ve suk a, ka nu khum bul chair ah chuan ka țhu a, a kut hit thler mai chu ka hum sak a, engtikah nge vanneihna kan tawn ve anga, kan dam theih ang le?


"Mambawih.." ka hawi chhuak nghal vat bawk, ka nu chu chauh hmel fe hian a lo meng a.
"Nu, i harh deuh em?"
"Umm, Rochami a rawn kal a." A ti a, kei erawh țullo ti zet in ka thaw halh thung, Thankhuma farnu phiangsen in a lo zuk hmuh vang anih hi a chauh thut ni!
"A thilsawi kha a dik em?" a rawn ti leh a, lu ka thing a, mahse ka mit ah tak min en ta ran bawk si chu dawt ka sawi thei dawn lo tih ka inhria a, Rochami ka huatzia a nasa zual sauh bawk.
"I pa in ah i let duh miah loh chhan kha min hrilh tawh rawh.."
"Nu, chhan dang a awm lo, ka ngaih vang che a lawm.." ka nui lui a, mahse min melh ngawt ngawt na mitmeng chauh hmel zet aţang chuan mittui a rawn chhuak a, a taksa a chak tawh loh sa tehreng nen a khur zui hlawk hlawk bawk a, ka ding kang a, rem lo zet in ka kuah bet a, a tha neih zawng zawng in ka dar a rawn țham ve ngawt ngawt bawk!

"Thankhuma khan a sual lui che tiraw?" Ka chhang lo; mahse nghet leh zual in ka kuah thung.
"Mambawih tinge a tirah engmah i sawi loh, ka chak țhat lai han nise ka va ti em?" rilru nat lutuk vang in a aw a khur hlak hlak a, ka dar ah chuan a rawn beng thek thek a.
" i lo tuar nasa em mai ka naute.." a rawn ti leh a, ka biang a lum thla pap a, mahse țah chhuah ve ka duh tawh lo, ka duh ang ngeiin min khawihtupa pawh ka suasam tawh a lawm.

END OF FLASHBACK ☆


Pawnlam aţang kawngkhar lock a rawn ri khep a, rang zet in lock chu ka hawng a, kawngkhar ka nem hawng nghal tawp bawk.
"Lut leh rawh, ka hruai haw dawn che." Hmingsangzuala chuan a rawn ti sup a, Uniform a inbel lo va, Shirt dum leh cotton kekawr dum a inbel tawp.
"I hruai haw loh pawn in ka thleng thei reng." Ka ti hlak, a motor kawngkhar chu ka nem phui dawt a, a lo rum nghut bawk.
"I nu in hruai haw tur che a min hrilh vang chauh va phur haw tum mai che ka ni tih hre rawh."
"Ka hria e, chuan.. vanduaithlak tak in ka zui dawn lo che." Ngeiawm zet in ka nui sawng a, motor hun na chu a eng țha vak lo, a pumrua erawh ka hmuchiang ngang thung.

A dinna lam ah pawh kal duh lo in ka tawlhhnung a, motor hnunglam ațang ka hel a, Champhaia awm daih tur ani reng sia, engtiklaiin nge Aizawl a rawn thlen leh hman pawh ka hre hrep lo ve.
"Luhlul viau țhin teh suh." Ka phu dawrh thei, ka hma ah tak a rawn ding thut a, ka awm ka dawm a, ka thawchhuak vak a.

"Motor chhung ah lut rawh.."
" motor chhung ah lut rawh.." ngeiawm deuh in a ţawng dan ka zir a, min thin hrep a chak hmel kher leh nghal. "Oh, i motor chhung ah ka hriat hauh lohin min khungbet ve ngawt leh nghal a, vawikhat pawh ti nawn tawh suh ang che.." ka ti leh hlak a, ka kalpel tur chu ka ban bul ah rawn man in bolero bang ah min nawr bet ta hmiah a! A rawn kun hniam a, chiang zet in min chhuk en a.
" Nupui hnial hrat deuh neih ka peih lo, ka thusawi engpawh min hnialna tur zawng lo in zawm mai țhin rawh."
"Wow.. nupui, i duh duh sawi ngawt zel suh." Ka ti hlar, ka tal dawn a, a taksa hrawl zet a min rawn nawr leh tak avangin ka che thei der lo.
"I nu kiang ah neih che ka duh tih ka hrilh a, a chhanna i hre chak em?" a aw zawi lutuk mai chuan min țham hit nawk thei, rum zet a ka melh nghek chu min lo nuih suk a.
"A kal hma ngeiin a fanu in enkawltu tur a nei anih chuan a hahdam tur thu a sawi."
"Hmela."
" naupangchhia ang in au chiam chiam zel suh." Tal nghek in a darah ka ben sak thlawp a, tunah khan eng thil maw a sawi, ka nu kiang ah min neih a duh thu a sawi maw! Huh! Ani hmeichhe kham lo lutuk hi ka nei dawn reng reng lo.

[Abbra Reo Ririni]

THU LAWMAWM: Chhiar ru aw.

Ka story ziah ve tawh ah changtunu te nurse an nihna : PHIRE ESHO, OMEGA, FERNANDO leh BITE ME te.
Khing a chung a ka ziah lan ah khian changtunu te Nurse vek an ni a, Phire Esho hunlai ațang vawiin ni thleng in ' I story vang in nurse ka zir' tih rawn sawi hmeichhia engemaw zah an awm ta!

Ka intithei ve a nia... maw? ☺ Tawp mai a!

Story group a post tam ber chu M&B anih ka ring, chung Story tam tak zing ah ka story ber in Utopia a lo hruai thleng thei che u hi ka lawm a, i suangtuahna chu a taka a chan ngei theih nan kei ve tehlul hian malsawmna ka hlan bawk a che u.


☆UTOPIA : 1996☆
Chapter 10
By
Abbra Reo Ririni Khiangte ( Pitartei)


If you want to be ORIGINAL,
be ready to be COPIED

"Khati khan min en rawm rawm zel suh, i mit khan power a nei lo." a rawn ti hmuk, ka mit hian power a nei ka ti ngai reng reng lo, sual ve ropui si.

"Kalsawn rawh, nih loh chuan laser ka kap chhuak a nga, i kang ut huam mai ang." A rawn nui suk a, kei pawh ka nui ve tho, kan inhnial dan a naupangchhia telh telh bawk si.

Hawisawn vut chung in a awmsawn ta hram a, kei erawh ka thaw huai thei, engmah sawi tawh lo in damdawiin lam pan chuan ka pen hlak hlak a, ka kut chuan ka lungphu zawn chu ka tawk zeuh va, a phu rang lutuk, ka hmuh leh thut vang mai mai anih ka ring.

Damdawiin chhung ka pen luh rual chuan Doctor Hruaizela chuan min pan nghal vat a.
"I nu thisen an rawn pe a."

"Maw?" Ka ti hû.
"Police ho in an rawn pe a, tunah chuan hahdam deuh in i awm thei tawh ang." ka darah kut a rawn nghat a, Police ho in maw rawn pe a, anih chuan Hmingsangzuala leh a hote tihna maw? Doctor Hruaizela chu ka buk khum nghat a, ka inher a, kawngkhar ah chuan Hmingsangzuala a lo ding run a! Tak ngul in min lo thlek reng a, ka zam deuh a mawni leh nghal! Va pan in lawmthu hrilh ka tum zet nangin ka nu cabin lam panin ka kal ta daih zawk a, nichin khan engmah hrelo in ka lo vin ve chiam chiam a, nuam ka tih loh lutuk vang zawk ani hial ang.

" Lawmthu sawi harsat em em nu." Ka nu cabin kawngkhar vawnchhan vuan chung chuan thawk ka la halh a, ka hnung lawk ah a rawn ding a. A rawn kun hniam leh deuh a, a taksa ritna in min delh titih bawk a.

" Rv a hmeichhe inawkhlum kha i nih ka ring deuh kha ania.." nuihza insum tih hriat zet a a rawn phun leh sup rual chuan ka inher ta vat, a ní lo kun hniam lai a ni bawk si, kan hmai a insi lo chauh.

"Inawkhlum an awm maw?" ka ti sep a, amah aţang boruak lum rawn chhuak chu ngaihpawimawh loh hram hram ka duh.

"Umm, inkawmthlang ah khan!" Ka meng bial nghal kawk thei.

"I ti tak tak lo tiraw?" A nui suk a, a ding mar a, a awm zawn ka melh ran ta mai. Kan kawmthlang ah inawkhlum an awm, zan lamah keimah chiah a ka riah a țul chang a awm leh nghal! Tunge kan kawmthlang ah daih daih rawn inawkhlum ve ringawt le?

"Lut rawh, pawnah hian ka lo nghak ang che." Hmingsanga vek chuan a rawn ti leh sup a, ka hriat tak zawng chu zanin hian ka nu khum bawh in ka muhil duh zawk, kan inah khan ka haw dawn reng reng rih lo.

"Ka haw dawn lo.." ka tisep, Hmingsangzuala chu ka ngaihtuahna hria ang hrim in a rawn nui hawk a.

"I hlau em ni?" A kut pakhat chu a kekawr ipte ah a zen lut a, a lang hrawl zual vek.

"A teuh lo lutuk." Ka chhang rang mah mah.

"A țha, i hlauh ka ring lo nangpawn țum engemaw zah i nunna lak i tum tawh tho a ni lawm ni?" Tunah hian chu thil chu rawn sawi chhuah a țul viau a mawn le? Rum zet in ka melh nghek a, a kut pakhat a kekawr ipte ah a zen lut hlun bawk si, min sawițhaih a tum tlat in ka hre bawk.

"Min nghak duh suh, ka nu bulah ka riak dawn." Ka ti a, kawngkhar chu ka nem hawng a, ka kharphui hma si chuan a nui ri pawh ka hria, nui mawlh rawh se, a kawmthlang ah inawkhlum an awm ve hunah a țihawmzia a hre ve mai ang.

"Mate?" Ka nu chu a lo la mu lo, ka pan vat a.

"I țhianpa leh a ho te khan thisen min rawn pe hlauh va." A ti a, ka țhianpa ani reng reng lo tih khum nghek mai ka chak viau a, mahse ka nuih ta zawk, țawngkam vin ngaithla chi ani tawh lo.

"A lawmawm tiraw?"

" a lawmawm, a thlamuanthlak bawk." Nui chung in a rawn ti a, nichin khan Hmingsangzuala khan ka nu bulah min neih duh thu a sawi tih khan a sawi a, ka nu lah in engmah a sawi bawk silo, min fiam mai mai anih ka ring ta deuh.

"Nu, kan kawmthlang ah inawkhlum an awm tih kha i hria em?" thatchhe zet in a khum tlang ka bawh a, a kutțang phu zauh zauh chu ka melh ngar bawk.

"Umm, nichin deuh khan nurse in a sawi alawm.."

"Tunge anih i hria em?"

"Hre lo, ruih nei emaw anih ka ring, nunna hi a hlut tehreng nen ngahnge maw hrisel ngawih ngawih te hian an nunna an lak tlat țhin le.." zuai raih hian a rawn ti a, a hmel ka en ngam lo, dam a chak zia ka hria a, hrisel țhat a chak em em lai a mahni nunna la an lo awm leh zel chu a natpui hle in ka ring.


Zan dar 9 velah ka nu chu a muhil a, keipawh mut tawh ka duh a, washroom ah ka kal hmasa a nga, ka muthlu ve tawh ang. Ka nu tihharh hlau zet in chair ka nawr hnung a, kawngkhar lam dimte in ka pan leh țhem țhem a, kawngkhar ka pawh hawn rual chuan ka țe chhuak țhawt lo chauh! Hmingsangzuala chu bang ngheng in a lo ding run anih chu!


"Ka sawi kha i hrelo em ni? Ka haw dawn lo." Ka ti sep a, a ding mar a, a chauh hmel khawp lehnghal.

"Damdawiin ah zan thum i riak tawh tih ka hria, i nu i enkawl duh anih chuan i taksa enkawl hmasa phawt rawh." teh duah a, chungte chu ka hre ve reng.

"Mate, engnge ni a?" Cabin chhunglam aţang ka nu aw a rawn chhuah rual chuan Hmingsangzuala chu ka melh nghek phawt a, ani lah chu a la rawn che hrut zui.

"Hmingsanga haw tur anih hi.." ka ti ta hlak, ka hma ah a rawn ding nghal run a, kawngkhar hawnna ka vawn chu ka thlah a, cabin chhung ah chuan a pen lut zui vut a, kawngkhar bul ah ding reng chung in a chevel chu ka en kar ringawt.

"Hruai haw ka tum a, heta riah a tum tlat anih saw." Ka nu khum mawnglam ah ding chung chuan a ti hluk, a thu lo ve si!

"Mate, zui haw rawh, in lamah han mu tawh rawh khum ah i mut lohna a rei tawh, i taksa in a tuar mai ang ka tih fo kha." Ka nu leh zel pawh chu le!

Hmingsangzuala rawn inher vut chu ka melh a, ' ka thu kha awih hle hle la ni tur.' ti ang hrim in nui hmel ka hmu bawk.

"Zanah i zun dawn in nangmah chiah a in buaipui harsa i tih țhin kha.."

"Ka zual lai chauh in a lawm puih ka ngaih, hei ka țhat tawh em hi, haw la han mu hahdam ve phawt rawh." ka thaw halh a, ka nu reng reng pawh hi kan kawmthlang lawkah inawkhlum an awm tih a hre ve reng a, in a min riah luih tir a tum ang țalh bawk a, ka ngei reuh tak zet.

".. nau a pai a, a chhungte a hrilh ngam bawk silo nihnih ngawt a awm bo tawh ani awm e." Falkawn hospital ațang kan tlanchhuak tawh a, Hmingsangzuala chu ka en vat a. A hmel hi a lang zuai deuh in ka hria.

"Inawkhlum hmeichhia kha nia ka tih." A rawn ri sup, ka bu nghat a.

"Kan vengchhung ami ani reng reng em?"

"Nilo, Chaltlang lampang daih an ti."

"Inawhhlumna hmun a hre hla hle mai." Ka ti sep, hepa han sual mai mai dan hi min nuih leh suk tawh anih chu.

" nui rawh.." ti hlak pahin ka hawisawn ta daih a, gear a thlak a, min thlek zawk bawk a.

"Nangpawh intihhlum i tumna a hlat vang vang kha mawle.." a rawn ti hluk, ka chhanglet leh anih chuan zawhte leh sazu inchai ang chiah kan ni leh dawn, ka ngawi ta reng a, ka rilțam hle bawk, chaw pangngai ka ei hnuhnun ber pawh nizan hmasa lam daih tawh.

"I thuamhnaw la la, ka in lamah lo riak mai rawh." Motor a ding nghing dawt a, Hmingsangzuala chu ka en nghal haw bawk.

"Nge in inah ka riahpui dawn che mi?"

"Aih.." ka ti vak. "Ka tih awmzia chu keimah pawn ka riak ngam alawm." ka ti leh a, ka inah a lo riah ka duh lo va, a inah ka riak duh lo bawk.

"I ngam leh ngam loh ka zawt lo che, tukin lawkah ruang an la thla a, zan laiah tal thlamuang takin i awm thei dawn lo, ka inah i rawn kal hreh pawhin sofa ah khan ka mu leh thei tho." A seat belt a phelh rual chuan rang lutuk in ka che a, a darah ka va man a, ka kut hian a hmer hneh der lo.

"Ih.. i inah chuan ka lo riak ang, ka thuamhnaw ka la lawk a nga, ka rawn chhuak leh nghal ang." Ka ti zung zung a, kan inchhung ruak ta huai ah a rawn luh ka duh reng reng lo. Uluk fe in min thlek a, ka thawk a rang sauh bawk, min enna vang nilo in kan inchhung ah rawn luh a tum ang tih ka hlau zawk.

"A țha alawm, reilo la." a rawn ti sup a, ka thaw huai thei.

Ka bag ațang chahbi ka la chhuak rak rak a, lock chu ka hawng a, a in lam ah ka zui loh chuan kan in ah rawn luh a tum leh tak tak ang tih ka hrechiang tawk tawh, kawngkhar ka pawh hawn rual in rang lutuk in ka pawt khar leh a, light ka hmet eng a, ka zak chiah em ka hre lo, mahse inchhung bungrua kan hralh thawl vek tawh a, a rawn hmuh ve ka duh lo. Room ah ka tlan lut a, bang thlanglam a tukverh chu ka melh duh lo hrim hrim, bag lian vak loah zanin mutna a hak tur leh naktuk zing damdawiin kal tlangpui nghal thei thuamhnaw ka thun lut a, ka gladiator sandal chu ka phelh sawk sawk a, ka running shoe hlui tawh lam chu ka inthawlh leh sawk sawk a, kawmthlang lam in min tur bawk, Hmingsangzuala rawn luh ve thut ka hlau bawk si chu ka che phelh phung mai.


sunscreen leh lip balm chu ka bag ah lai aţang chuan ka la chhuak a, ka bag pawh chu khum chung ah ka dah tawp, kawngkhar ka nem hawn leh rual chuan bolero ațang chhuk in kawtlai ah a lo ding run a, ka thawm hria in a rawn inher vut bawk.

"I hman em ni?"

"Umm, kal vat vat ang ka rilțam tawh." Nui deuh suk chung in kan kawmthlang pan thlakna kawng te rem lo zet chu a thlek leh hram a!

"I duh leh i bag kha seat hnunglam ah dah la." Ka bag pawm ţai mai chu a rawn kawk zauh va, ka hum nghet sauh bawk.

" i thuamhnaw pawt hlip tur ang hrim a min ngaih le.." ati hluk, ka dinna lam pan chuan a rawn che vut a. "Min tihbuai zia i hria em?" Ka beksam ah a rawn zen a, ka thlesawn nghal vat bawk.

"Lut rawh." Amah vek chuan a kut la let leh vut pah chuan a rawn ti a, motor lam pana a kal nul nul chu thawk la halh in ka en reng a, a puih ka mamawhna a zo tawh bawk a, hnaih ka tum vak tawh loh tehreng nen a boruak ken tel rit lutuk ka feel tawh a chumai bakah a pa len em avang hian thlamuanpui a awl a, ka nu vang a ka manganna ah hian a puihna dawn tam ka duh lo, anih loh zawng in ka lo rinchhan lutuk palh hlauh vang.


An in pan a kan tlan lai te chuan ka lo muthlu lek lek țhin a, mihring khawsak phung in tluk tlang lo lutuk hi fair lo ka ti fo țhin, țhenkhat in an sualna tham khawp a an fate duatna tur sum an neih laiin țhenkhat lahin kan neihchhun te hralh țhen a, kan damtlan theihnan kan beih fan fan a ngai țhin a, khawvel pakhat a cheng rau rau chu intluk tlang tak a Pathian khian min siamrem ve mai awm hi ania, a ti dér bawk silo, a hnenah thil dil a ka țawngțai lohna chen pawh ka hre tawh lo, ka mangang anih pawhin ka remhriat dan dan in hma ka la tawp a, sum ka mamawh anih pawn chuti tho, țawngțai leh mahni inkhawngaiha țah te chu ka kalpelhna a rei tawh lutuk a, tih enah ka en tawh lo tiila a dik ber zawk bawk ang.


Engemaw a ri khap a, ka chal chu thil lum in a rawn tawk a, rang lutuk in tunge anih tih ka hria, mit ka meng a, motor a lo ding tawh bawk.

" lo chhuak la, thil ei vat la i mu țha leh dawn nia." dam zet in a rawn ti sup a, a kut rawn phe vut ka hmuh rual chuan ka malchung a ka bag pawm beh reng chu a kang zui der bawk. Motor chhung ah la țhu reng chung chuan ka hawikual thuak a, kan hma a in mal din chu a thim țhiap a, hman zan a thil thleng te lah kha! Lu thing nawk nawk chung in ka chhuak a, Hmingsangzuala chuan kawngkhar chu a nem phui dawt a.

"Hunter-a a awm em?"

"Nope."

"Khawnge?" In lam pana a kal pawk pawk chu a sir deuh ah tlan det det in ka zui zel a, uite kawngbo te pawh ka ang deuh a lawm, kal pangngai in ka kal țha ta ngat, uite kawngbo nih ka duh teuh lo mai!

"Champhai lamah a awm daih." kawngkhar a hawng a.

"Tinge a?"

Thawk a la hawk a, zawhna ngah min ti deuh pawh ani mahna.

" lut phawt te." a rawn ti ta hluk bawk, amah kalpel chuan ka pen lut a, a hrawl bik em vang hian pangtilum a ngah bik in ka hria, ka hnaih deuh chuan ka hre vat zel, a rawn luh ve rual chuan kawngkhar chu a pawt phui a, boruak chu ka hriatthiam chiah siloh in a țang nghal at bawk, Hunter-a tal lo awm se ni tur a aw!

" I rilțam tih i sawi tiraw?" Ka hawi let a, a motor chahbi chu motor chahbi intar dal tawhna sa ah chuan a tar a, ka mit ah tak a rawn en nghal run bawk.

"Umm."

"Keipawh zing ațang engmah ka la ei lo."
"Maw?" Ka ti vak, a rawn rum nghut, a che vut bawk, min kalpelh rual chuan ka bag chu min pe a.

"Tinge i la ei lohva?"

"Zanin hian ' TINGE' tih leh ' Khawnge' ' maw?' tih hlir a min biak i tum em ni?" Ta zek chuan leh! Melh rawm chung in ka kalpel a, ani pawh a thaw ve ham ham mai.

"Lo han intifai rawh, eitur ka lo siam ang." Țhutkhawmna lam ka pan lai chuan a rawn ti sup a, ' lo han intifai rawh' a room ka hman ţawm leh a ring em lo ang chu maw!

" saw mi room saw ka hmang dawn." Ka kawk zauh va, amah pawh en duh tawh lo in inhnuai lam a pindan kawngkhar hla zawk chu ka pan a, Doctor Hruaizela thusawi kha ka hre tlat tur ani, ani hi a nupui pawh kham lo, hmeichhe dang pansan țhin khawp a hmeichhe mamawh ani a, ka inven ran a ngai reng dawn, thil kan ei zawh velah hemi room ah hian ka lut bo leh vat bawk ang.


Khum zau tham zet ah chuan ka bawk thlawp phawt a, khum ka deh tak meuh vah chuan ka taksa in khum ngei a mut a mamawh zia ka hre thar uar uar mai! Ka tho va, ka bag a panty leh bra chu ka la chhuak nghal sawk sawk a, zanin mutpui tur t-shirt leh pyjama rawng dal zet te nen chuan washroom lamah ka keng lut a, India sorkarpui zémzen tih tak ah a inchhung hmun tin hi hotel changkang lutuk a ang vek, tub lianpui a inhung a, hman ka mamawh lem lo, shower ka herh haw a, ka sam suk loh ka tum zet nangin shampoo bur ka hmu a, ka su ta tho.


Washroom a towel var lian zet pakhat chuan ka sam ka tuam a, pindan aţang ka chhuah rual chuan choka lam aţang rim rawn chhuak chuan ka pumpui a rawn țham kual a, ka pum a ri rawih rawih thei.

"Engnge i siam a?" ei chak deuh anga lan ka hreh deuh bawk sia, Choka luhna bul ah chuan ka ding a. Hmingsangzuala pawh a rawn inher ve vut bawk.

"A tlai tawh sia, chaw eina chi ani tawh lo, bawngsa grill ka siam, chuan i kham loh takin french fries ka siamsak țeuh che." a ti sup a. "Lo țhu rawh a, a ei theih tawh." Amah vek chuan a rawn ti leh a, dining table lam chu ka pan vat a, chair ah ka țhutfel rual chiah chuan ka thleng tur chu dawhkan ah a rawn dah a, thleng pangngai aia hlai hlup anih mai bakah veg. a dah tel bawk a, a khat vek, mahse ka ei zo vek dawn tho.

"I lu tuam kha phelh rawh."

"Maw?" A thleng tur a rawn chawi chu dawhkan ah a rawn dah tawp a, a che vut a, ka hnung ah a ding fel der.

"Chaw ei laiin lukhum khum emaw, lu tuam emaw a țha lo.." tih sup in ka towel chu aman a rawn pawt phelh a, ka hnunglam a a ding chu vanvadak meuh in ka han en a, a inla strick ngawt mai, towel chu chhuat ah a thehthla tawp anih chu! Ka ner nawng a rawn hmuh rual chuan a rawn che vut a, a kut lumin ka khabe ruh tawn tawn a rawn vuan a, a rawn kun hniam a, a hmuiin ka hmui a rawn si zawm zat a, ka lungphu a rang leh dawt dawt tawh. A hmui zawk a chet a, a rawn pet kual a, a kawchhung boruak lum ka kâ ah a rawn luh rual chuan ka sa nghal pup thei!

Ka hmui a nawr kau rual chuan a rum hawk a, duhthawh lutuk in min fawp ngawng ngawng, a letling zawng in ka awm a, ka chhanglet thiam teuh lo mai! Min ei zawh vek a tum ta mai emaw tihtur khawp in a duhthawh a, a lei chu ka kâ chhung ah a rawn luh tir ngawng ngawng a, a banrek ah ka chelh a, ka thawk a chham lek lek bawk, rum hawk chung a min fawhna a thlah rual chuan ka hmui hnuai zawk a pet tel zauh va. Ka khabe ah a hmui la huh hliam chuan a rawn nawr leh a, ka lungphu ri dawt dawt chuan min nghawr che hial thei!

"Nang té reuh vang hian Champhai ațang ka rawn tlan let vang vang tih i hria em?" Chair nghenchhan ah lu ka nghat a, min bih hnai nasa mai bawk si chu ka thawk a chham țep a lawm.

"I sawi a ka hre chiah.." ka ti sep, nui suk chung in ka hmui bul ah a rawn fawp leh a, a hmui lumin ka taksa a tawh (k) chiah hian ka cell tin hian lo hria in a za lum uai țhin, a chalin ka bek a rawn nawr a, a thaw zui ham ham a, nichin khan țhu reng chung a ka vanvadak kha min rawn fawp tawp a, khatiang anga awmdan maksak khan a infawh theih tih ka hre chiah bawk.

"Kalsawn tawh rawh."

Thaw hap chung in a biang in ka biang a rawn nawr leh a, min thlakhlelh hmel zet in a rum bawk, dawhkan a thleng chu ka vuan sawk sawk a, ka ding nghal tharh bawk.

"I in ah ka lo kal apiang in min khawih theih i inring mai thei, mahse hman zan a thil thleng ang kha chu a thleng tawh ngai dawn lo.." amah pawh en lo in ka thleng tur chawi chung chuan choka aţang ka kal chhuak nal nal a, min fawh zawh chiahna vang in ka hmui pawh a la hnawm, in fawh a zeiin ngaihtuahna fim ka pu hman lo ziah a, ka hlat tak tak a țha ber.


Engemaw a in khak ri rak a, ke pen thawm ka hriat leh rual chuan mit men zawk mai ka duh a, mahse ka mut mekna khum chu a rawn hniam zui suih a, engnge a tih leh dawn tih ngaichang in ka lungphu chu a ri dawt dawt reng bawk!

Ka biang chu thil lumin a rawn nul a, nul satliah nilo in a kutțang in a rawn tuai zui hauh hauh va, amah a hrawl in a hrohram a nat hmel tehreng nen min khawih chang erawh in a kut hnu hi a dam ruih zel a, tiang tak a kut dam hi a pumrua en hi chuan anih a rinawm miah loh.

" i duh chen chen han mu phawt teh." zawi supin a phun a, ka biang chu rawn kuap in ka bek sam ah a rawn zen chho tel a, thil dang a tih belh tawh loh hram ka beisei, nih loh chuan ka muhil der tih a hre mai ang.

Engemaw a ri ta țât țât a, Hmingsangzuala chuan rum nghut chung in a kut chu a la sawn a, thil ri pawh chu a tawp zui vat a, mahse khum ațang a la tho lo, ka meng thut tawh mai dawn mi? Reilote hnu ah khum chu a kang zui ta uk a, ka thaw huai huai thei! Ka thleng ruak kha a keng chhuak pah ani mai thei a inkhak ri rak rak reng a, kawngkhar inpawt phui thawm ka hriat rual chuan duhthawh lutuk in boruak ka hip lut a, mit ka meng a, muangchang in ka thawchhuak zui ham ham a! Kum 10 chhung tak meuh meuh ka nu nen rek kan ni a, kan inchhung uap lum turin mipa an awm ngai lo bawk, kum 10 hnu a mipa lak ațang thlamuanna ka hmuhna hmasa ber ani a, a chetdan ho tham te te hi ka luanliam pui mai ang tih ka hlau tak zet!


Ka mu zangthal a, inchung lam en reng chung chuan mit ka khap fak fak a, nizan khan keimah vang in Champhai ațang a rawn let leh tih a sawi a, engvang ber nge ni ta ang le! Lawk, Hmingsangzuala hian kan kawmthlang a inawkhlum kha keimah ka nih a ring chiang lutuk! Ka nui chhuak ta hawk a, a awm viau e, ka chetdan hrechiang ber tu ani a, a lo hlauthawng ani ngei ngei ang.


La nui reng chung chuan mit ka chhing a, Doctor Hruaizela khan a chanchin chu min hrilh tawh a, hmeichhe mamawh tak anih thu pawh ka hre vek tawh, a nupui pawh phatsan in hmeichhe dang a kawpsan țhin tih zawng zawng ka hre vek a, chutichung chuan ka hmuh loh chhung khan ka ngaihtuah zui reng tho a, ka hmuh leh mai inring khan vawi engzat nge ka kawng kal hi ka din a, ka hawi let leh țhin pawh ka hre seng lo.. zep thu a awm lo, kha zan a thil thleng vang khan a lakah ka lo luangliam hman tih ka inhria a! Chu erawh ka theihtawpin tihtawp ka tum ve viau bawk, mahse a rawn lang leh thut a, engkim a rawn ti harsa leh vek tawh!


Show post links
Top
Abbra Reo Ririni
Post January 21st, 2019, 9:38 pm

Room ațang ka chhuak a, inchhung chu a lo reh diak a, nichin Hmingsangzuala rawn lut khan toothbrush leh toothpaste dawhkan te chung ah a hnutchhiah a, ka hmai vel ka phih vek tawh, zan mutnan a hman ka thuamhnaw erawh ka la thlak lo. Inchhung ah chuan ka hawikual thuak a,Hmingsangzuala hmel hmuh tur a awm lo.

Choka lam ka pan a, ke lawng in ka awm sia, ka dingdihlip ak ak reng a.
"Helam ah ka awm!" Pawnlam aţang aw thum zet a rawn chhuah rual chuan ka phu zawk thei, ka ding țha a, engemaw hi a rawn nam ri dut a, ka inher nghal vat bawk.

Darthlalang hlaipui in pawt phui chhan ațang chuan kut min vai vut a, a țhen suk bawk! kei erawh ka thaw huai thung, zingkar ah a aw thum zet hriat thut chu a nuam der lo.

Choka ah chuan ka lut tlang ta tho a, tui ka in khawlh khawlh a, Hunter-a awm ve nise chuan nuam ka ti ngawt ang, mahse Champhai ah a awm daih sia.

Ngawi rengin in hnunglam chhuahna darthlalang hlai hlup lam chu ka pan a, Hmingsanga chuan 'push up' a lo ti mek a, a ban ah chuan tihrawl a in phiar chho va, thlan in a bual huh hluam bawk, a bek aţang thlan a far fap reng a, a taksa a enkawl uluk em vang anih hi a taksa a nalh em em, ka ngaihtuahna chu duh lo in ka hawikual thuak a, hmanni khan engmah ka enchiang lo a, Gym ang reng deuh in hnunglam ah a lo nei reng bawk.

"Rawn chhuak ve rawh." push up ti reng chung chuan a rawn au a, ka bu nghat a. Darthlalang nawr tawlh theih chu ka nawr hawng a, pawnlam boruak thiang kuk mai ka hip theih takah chuan ka harh sawng sawng thei mai!

"I va tho hma awm ve?" ka room ah a rawn lut tih hrelo ang in ka awm lui tlat.
" i muhil lai ka thlir reng tawh zawk che." a sawi zawh rual chuan hnuailam bih in ka nui suk a, ka hrereng, ka meng duh lo mai mai anih kha ka ti vak țep áni!
"Ka nu bulah ka kal duh tawh a." ka ti leh sep a, a chawl dat a, a ka ațang a thawchhuak ham ham bawk.
"Ka hruai dawn che nia, thil kan ei phawt a nga." a rawn ti sup, push up a tih miau avangin min rawn hmu thei kher lo ang, mahse lu ka bu ta nghat a.

A gym bungrua vel chu ka enkual thuak a, amah ang chiah engkim mai chu a hrawl tham em em vek mai a. Punching bag lo inkhai chu ka hnek ve țawlh a, mahse a lo dûplo nasa lutuk, ka kut chu la let in ka kekawr ah ka nawr that that a, hetiang em em a chang te tuin nge hnek ngai.

"Ka chung ah hian lo chuang rawh.."
"Maw?" Ka ti hû a, Hmingsangzuala chu a rawn dak chhuak a, taksa sawizawi hah lai pawh nise a landan a pa reng tho! Ka ngaihtuahna zet chu!
" ka hnung ah hian lo țhu rawh." a rawn ti leh a, ka nui ta hak bawk.
"Ka rit lutuk asin."
"A pawi lo, hmanhmawh la." Ka pan nghal vat a, kelawng in ka awm tawh sa tho va, a hnungzang hrawl zet chu ka kap kar a, ka țhut fel hnu vek ah ka bawp ka khawkherh leh a, rit min ti viau ang.
"Kg engzat nge i nih?"
"47, 48 ,49 tunah hian engzat nge ka nih ka hrelo." ka ti vat a, nui che dawt chungin a bawk hniam deuh va, tlak hlau in a tank top hak tlang ka vuan nghal țai bawk.
"I va zang ve, thil ei țha rawh aw, tiang zat lek i nih chuan i damlo hma lutuk ang." ka nui ringawt, ka hriselna lam kan sawi kai ta daih chu ania.
"Nang kg engzat nge i nih?" ka ti a.A dar tihrawl chekual vel chu hmuhnawm ti zet in ka en ran bawk.
"Nangmah ang pahnih belhkhawm kha?"
"What?"
"89 leh 90 ka ni țhin.!" Khai aw!
"I va rit ve." Ka ti sep, a nui leh hawk bawk. A rit tak tak, thau chhia a nei bawk silo a, engtinnge chutiang zat zat chu anih theih le.
"I taksa lang lo lai ah thau i nei em ni?" Ka zawhna chu atthlak tih hmel lutuk in a nui suk a, a lu a thing nghut bawk.
"6 ft 4 ka ni a lawm, thau tello pawn ka ruhrel ringawt pawh i kg zah dawn kha ani bawk, ka tihrawl te nen zawng zawng chhut la, a tam viau em ni?"
"I rapawm tham e a!" Ka ti ta hlak ringawt, kei hi 5'3 ft emaw 5'2 ft ka niin ka ring, ani 6'4 rapthlak lutuk, keimah ang tur chuan ren lo zet in vawikhat thleh thawk a ngai ngei ngei ang!
"Ka chhuk tawh dawn em?"
"I chhuk duh tawh em?" a nui leh tawh, min chhaihkawlh zeuh hi nuam a ti laklawh tawh in ka hria.
"A rei tawh e mai, rit min ti palh ang.." ka bawp pakhat ka hlangthla hmasa a, chair lianpui a țhu ang hial a lawm ka nih.
"Au suh aw.."
"Maw?"
Ka khek nghal țhat a, ka taksa hi a in pawt dawk zawk maiin ka hria, Hmingsangzuala chu nui hawk hawk chung in a insiamrem a, a hnuailam ah ka awm fel der anih chu!
"Hmela!" Ka bawp ah a man a, dimlo lutuk in min lehthal.
" nizan i mu tui em?" a rawn ti sup a, kan thusawi inperhsan lutuk chu a awihawm loh zawk.
"Ka mut tui leh tui loh lam niloin khatiang khan vawikhatmah min ti tawh suh!" hnuailam aţang chuan ka au khum nghek, exercise an tihna dûp ang kha phah lo phei se chuan ka tukhum hi ka sawh na ngawt ang.
"A mak, ri vak zel lo teh!" a rawn ti hluk, ka melh rum kher mai!
"I insawh na em ni?" a rawn ti leh a, ka thaw hak a, zingkar aţang ani inhnialpui hi ka chak nek lo e.
"Na lo, tho rawh, ka kalsawn duh tawh." rum deuh va melh chung chuan a ka lu bul a a ban chu ka ben sak thlawp a. Engemaw sawi tumin a ang zuau nangin a hmui a chip leh hmuk a, a tho a, ka ban rek ah rawn man in zo zet in min pawt tho ve nawlh bawk.
Ka thuamhnaw hak chu ka beng fai thuak thuak a, a dar a a towel ban chu a pawt thla a, a thlan chu a hru tawk a, a kutphah te hi a hrawl tham mai bawk si, a mi man te tan a tawrhhlelhawm dan tur ka ngaihtuah a, ka chet ta tlat tlat a.
"Engnge?"
"I mi tang nih a hlauhawm ngawt ang.." nui suk chung in towel chu a darah a bat liam a.
" Eitur siam ang." Inchhung lam ah ban lek vut pah chuan a rawn ti sup; ka tawlhsawn hlek a. Ka ke chu a rawn en a, kelawng in ka awm bawk si chu ka tawm zui chat a, Hmingsangzuala erawh ui note en ang maiin a nui suk thung.


Damdawiin thleng min dah leh thlap, inhnial miah lo in kawngtluan in kan ţawng dun bawk, ka thusawi a piang a nuihzat zel a, kan school kal lai chanchin min zawt leh a, ka chetchhiatna te, mipa naupang text book tui thak leina tur atan ka lo pawhthlak sak a, ani in min rawn hmu ta bawk si, min hnek kan hlau lutuk tukverh ah kan zuang chhuak a, kan school building an sak zawm lai ani bawk si kha lei vung ah ka tawlhthla ta vak a, na miah lovin school thlang kawr khawkrawk zet ah kan intawlh thleng thla a. Kan chho leh chu mipa naupang te khan teacher te bulah report an lo pe vek tawh sia. Headmaster in kan kut ah a vua a.. ka sawi zawh rual in a lo nui hawk zel a, a chang in ka nghal zia thu min hrilh zauh zel bawk.


Reilote ka nu a rawn hmu ve zawk a. Ka nu in Hmingsangzuala a hmu tel ve chu mak a ti nangin nimin lam ah a sawi ang deuh khan a hmel ah thlamuanna ka hmu tel tlat a, sawi leh sawi hnu unaupa emaw ka nei lo a, ka nu nen tak tak kan ni tawp a, ngaihsaktu mipa kan nei ve ta chu a thlamuanpui tak zet tih mi â ber pawh in an hmu thiam ang.

"Chawlh ka la tho nang in helam ah ka awm leh ta tho sia, station lam ah ka lo han țhu ve a nge, tlai lam ah ka rawn hruai ang che." kawtzawl thleng ka zui chhuak a, a thil tihtur min hrilh thlap bak ah min rawn lam tur thu a sawi leh cheu va.

Ka bu nghat a; uniform a inbel lo va, khaki kekawr olive rawng tak zet a ha a, shirt dum mawl mangzet a ha leh tawp bawk, motor hunna lam pana a kal nul nul chu ka en zui reng a, nizan khan min fawp leh ringawt tawh bawk! Inven dan ka thiam vat a țha ber ang.


Ka inher a, hospital chhunglam gate bul aţang chuan ka mi beisei loh lutuk ka va hmu a, amah pawh chu kawtzawl lam panin a rawn pen chhuak a, Hmingsanga kal takna lam chu ka melh zawk a.
" a rawn thlah che a mi?" za lo te in ka nui ringawt, Zosangi erawh a nui sang tho.
" I nu kan turin a rawn lang ve har ka lo ti deuh reng a." ka bul a rawn thleng a, nuam ka tilo tak zet, Doctor Hruaizela hnen ațang khang thu kha hrelo niila chuan nuam tih loh ngawt chhan tur ka nei lo ang, mahse tunah chuan engkim ka hre vek tawh a, Hmingsangzuala nupui hlui ani tih te chen in!

" nia.. a buai thei lutuk a.." huatawm ni miah silo in a menglian deuh kawk a, a nui tel bawk.
"Nia, a buai țhin lutuk, zanlam ah a buai thu a sawi thung chuan awih duh suh ang che.." hahthlak hian a!
"Aw le."
"A nupui hlui ka ni tih a hrilh tawh che em?" a rawn ti leh a, Doctor Hruaizela hnen ațang ka lo hre lawk vek kha a pawi loh țum ber ani hial ang.
"Aw.." a ban phar ak in a nui leh a.
" a duh phawt chuan hmeichhe ngaihsak a thiam teh a nia, nakin ah nangmah a inenkawl zo lo khawp leh amah rinchhan lo a i awm theih loh hun ah erawh a mizia a dang viau vang.." a rawn ti a. Chutiang thu ngaithla vak turin kan inkarah engmah a awm tak tak lo, chu erawh hrilh ka tum lem lo.
"Thurawn min pe ang ah ka lo ngai dawn nia." Ka ti a, a mitko a kán zauh va.
"Ka nu bulah ka let leh tawh a nge.." nui lui in ka kalpel a, hei erawh ka hrechiang, Zosangi khan min lawm lo! A pawi reng reng lo, ka tan tumah ani bik hleinem.

*I thutiam i hlen ngei ka beisei.* chawhnu lam ani tawh a, Doctor Hruaizela message chu chhiar in thawk ka la halh a.
*ka lo hre leh tawh lo* smiley tel in ka thawn let a.
*ka ring, damdawiin lamah i awm chuan ka rawn lam ang che.*
*aw le*
An chhung hnaiah innei tur an awm a, hman zan chawei khawmna ah pawh min hruai ve tawh, zanin tlai unau ho leh țhianțha inhmuh khawmna ah a ruala kal ve turin min duh a, ka hnial ta bik lo, ka nu enkawl in min pui nasa bawk nen ka puih theihna ah chuan puih ve zel ka duh.

Ka nu chu chanchin ka hrilh a, ani pawn a lo remti ve thlap, thisen a dawng țha bawk a, vawiin lam chu a chau miah lo bawk. Hmingsangzuala pawh lawmthu ka la hrilh ta chuang lo!

Kan inhmuh leh hunah a ni tawh mai!

Doctor Hruaizela chu inneihna ațang a rawn kal tlang a, kawtzawl ah ka lo nghak ran tawh, ka bul ah car chu a rawn ding a, țum dang ang bawk in a chhelo leh pek viau bawk.
"Lo chhuak duh suh.." ka ti vat, a nui suk a, car hmalam chu pan in kawngkhar ka pawt hawng a.
"Ka inthlak hmasa ang aw.."
"Umm, min hnial lo la, i thuamhnaw hak tur car hnung ah hian a awm."
"Maw?" ka ti hû a, seat hnunglam chu ka thlek a, paper bag khawng pahnih a lo awm.
"I hak duh zawng tur ka hrethiam lo nangin i ngainat ka ring.."
"Awwww...."
"Hey, khatiang hmel kha pu suh, tak tak engemaw leisak che ka duhna a rei tawh a lawm, hun remchang ka hmu thei silo a, tun hi remchang ah ka hmang ta mai anih hi.." a rawn ti leh hluai a. Ka bu nghat ringawt.

An in kan thlen hma deuh chuan ka malchung a ka kut chu a rawn hum a, ka en nghal dawrh bawk.
" i thinrim lo tiraw?"
"Țul ka tih zawng ani vak lo.." ka kut chu a hmer nghet salh a.
" i thinrim ka duh lo ania, tun bak chu engmah ka lei tawh lo ang che.." nuam lo tih hmel zet in thawk a la hap a, ka nui lui ve ta a, thil min pe zawk a, lungawi lo hmel ka hmuh let daih zawng in a dik lo, mahse a hnu leh a awm tawh tur anilo tih ka hrilh chiang fak thung.
An inah min hruai lut a, ka thuamhnaw tur a dahna bag pawh chu aman a khai bawk a, a chhungte inneihna lam ah an awm vek thu a sawi a, room ruak pakhat ah min luh pui a, an family chaw eikhawm țum pawn an inah hian min hruai tawh a, an chhungkaw member tupawh an fel em em vek.

"Inthlak la, pawnah ka lo nghak ang che." ka bu nghat a, bag chu khum chung ah a dah a, kawngkhar pawt phui in a kal chhuak zui nghal a, kawngkhar lam ah rang zet in ka tlan a, ka lock thlap hnu ah pindan chhung chu ka enkual thuak phawt a.
Ka nu min enkawlsak lo se chuan ka zui miah lo ang.. ti rilru mawlh mawlh in bag a thil awm chu ka la chhuak a, ka meng nghal kawk bawl! Hetiang kawr man tam hmel lutuk ha chung hian khawlai ka chhuak ve ang maw?


Lace dress hringduk kak mai chu ka khaichhuak a, ka thaw zui hak bawk.
Ka inthawlh a, ka ha tawk chiah a, ka awm zawn ațang ka mal te thleng chhunglamah a inthuah a, a ban a tluan bawk a, inthuah lo chin chu lace vek, mahse a zia a hraw a, chutiang in ngaihmawh awm ang in a lang lo, ka chekual a, mal te ațang a kak thla vek a, ka kerek thleng in.. bag chu ka hai leh a, heel dum sang zet a lo awm bawk.

Make up ka hmang hran lo, sunscreen chiah ka hmai ah pawh ka hnawih, lip oil sen no chek chu ka hmui ah ka hnawih leh tawp a, ka sam chu hnawk deuh hlek in ka bawk tawm tawp tawp a, darthlalang lianpui ah chuan ka inthlek kual a, ka vun rawng leh ka kawrfual hak rawng chu a inchawih kher bawk!

Ka bag awmna lam chu ka pan vat a, purse hring duk tho Dr Hruaizela lei tel ah chuan ka pawisa neih tlem ve tak leh ka phone vel chu ka thun lut sawk sawk a, ka bag ah chuan ka thuamhnaw chu ka khung a.

Hmingsanga kha chanchin engmah ka hrilh si lo a,.. min rawn lam hun ah min hmun dawn ta silo a, a hrilhhai hmel tur ka mitthla a, Doctor Hruaizela ka zui san țum ang chiah khan a hmel ah natna ka hmu leh a ngem? Â inti lutuk in ka insehruh nghal vak! Min care dawn lo lutuk! Chuan.. min lam tur pawn damdawiin ah khan a rawn let tawh kher lo ang.

"Wow.."
"Hei i car ah lo dah mai ila." Ka ti a, ka thuamhnaw ho leh ka bag khungkhawmna bag khawng chu a rawn ban vut a.
"A kak lai hi a ngaimawh awm em?" Ka ti vat, min han thlek kual thuak a, min en uluk lutuk chu nuam ka ti chiah lo.

" perfect.." mit chetkual ralh in ka ner nang a.
"Kal tawh ang le.." ka bu nghat a, boruak ka hip lut a, Hmingsangzuala kha chu ngaihtuah zuilo ila ka tan a țha ber ang.

A hmun kan thlen rual chuan ka inchei dan chu zahpuiawm ani bik lo a, ka thaw deuh huai mai.
Mi chi hrang hrang min hmelhriat kual tir a, a țhen in ' hruai tur a nei dawn lo emaw' an tih thu in an lo fiam a. A tu apawh chuan ka kawrhak vang hian min en hrang lo in ka hria.

" i rilțam em?"
"Aih.." ka ti vat, doctor ka hmelhriat ve te pawh ka hmu tel nual bawk.
"Zan dar 8 vel ah ka thlah ang che aw." a rawn ti a, tunah tlai lam dar 5 vel ani tawh a, darkar 3 ka la hmabak.
"Umm, hemi zawh hian engnge an la tih dawn?" nui suk chung in a rawn kun hniam a.
"Party mawle.."
"Oh.. tun hi party emaw ka ti tawh zawk a." a nui hawk a, keipawh za vak lo in ka nui ve tho.
"Ni tawh tho, mahse zanlam chu țhalai tak tak chan ani dawn a.."
"Okay.."
Dawhkan pakhat chu kan kil a, ei tur pawh duh duh lak theih in a awm, mahse ka theitui in lai bak hi engmah ka ei chak tlat lo.
"Nuam lo i tih chuan sawi la, ka let hma pui dawn che ania.."
"I bialnu hruai la i tifuh zawk daih ang mawle.." min melh nghek pah in a hawisawn vut a.
"Ka fiam che.."
" Helaia awm zawng zawng hian ka bialnu emaw an ti vek che.." min rawn en a.
" ' an tih' mai mai vang anih chu.." ka ti hlak, nui hawk chung in a kawrchung hak chu a siamrem a.
"Zosangi nen khan in inngaizawng lo em ni?" Ka ti a, chiang lutuk in min rawn melh a.
"In inhmeh ka ti.."
"Vanduaithlak takin kan inkarah engmah a awm lo.." a rawn ti sap, ka glass ken lai a theitui chu ka dawt khalh a, chumi rual chuan Hall chhung a rawn pen lut ve mihringte chu ka hmu sual emaw tiin juice chu ka lem khawlh a, Doctor Hruaizela pawh chuan ka enna lam chu en in a phun zui ta hluk bawk.
Hmingsangzuala leh Zosangi an rawn lut dun a, midang lo awm tawh sa chuan an pan nghal sap sap a, kei erawh mak ka tih lutuk vang nge ka thin a phu dawt dawt mai.
"Ka sawi tawh kha.. hmeichhe tel lo in a awm thei lo.." Doctor Hruaizela chuan ha sehchilh ran chung hian a rawn ti a. Hmeichhe dang nilo in a nupui hlui ani a, a pawi vak em mawnile.. ka chhunglam ațang zawite in a pawi thu min rawn hrilh tu a awm a. Chumi tih bo tum chuan juice chu tam zet ka in khawlh a.


'a duh phawt chuan hmeichhe ngaihsak a thiam teh a nia, nakinah nangmah a inenkawl zo lo khawp leh amah rinchhan lo a i awm theih loh hun ah erawh a mizia a dang viau vang.' Zosangi thusawi kha a dik ta viau bawk. Zep rual lohin ka thik a, mahse chuerawh atthlak ka ti tak zet.

"Bathlar lam ah sawn chhuak daih ila.?"
Min en vat a, za vak lo in ka lo nui lui sak bawk.
Dr Hruaizela chu a ding chhuak a, Hmingsangzuala te pahnih chu ka hmu thei tawh lo, zep rual lovin an inhmeh lutuk, Zosangi lah a chhelo in a vun nung sar rem zet in kawrfual var chhing teih tawih a ha a, a sam a thlah ngil siau bawk. Ka ding chhuak ve a, Doctor Hruaizela chesawn dar phen aţang chuan ka va en leh ta hram a! Hmingsangzuala nui suk leh an hma a hmeichhia leh Zosangi inbia ațang chuan tuman an ințhen tawh tih an awih lo tawp ang.
"Engmah i la ei ve silo a, i rilțam lo tak tak maw?"
"Umm.."
"I thik deuh em ni?"
"A teuh lo e mai.." ti hlak pahin khawpui eng tuar lam chu ka en daih a, thik nih ka duh lo, lo thik ve ngawt tur lahin atan tumah ka nilo a, ka tan lah tumah a ni lo. Mahse thawk lak erawh a har țalh țalh hle thung.
"Mak ti vak duh suh, fa hial an nei tawh a, an inhmuh zeuh zeuh chang a awm lo thei lo..." Hmingsangzuala chanchin ka lo la hriatchian loh zia ka hre ta chiah e! Zosangi kha a nupui hlui mai pawh nilo in fa hial an nei dun a! Ban phar in ka au chiam mai dawn mi? Min țhawng tak zet!
Inchhung lam ațang Doctor Hruaizela chu an rawn ko a, a rual a lut ve turin min ti tak nangin ka chak ve rih lo.
Min luh san a, boruak chu ka hip lut leh vak phawt a. Mit ka chhing a, chiang lutuk in an pahnih nui lai kha a rawn lang a.
" insawifiah i mamawh khawp mai!" ka vir let rang lutuk chu ka in pal thlu lo chauh! Bathlar chhuahna kawngkhar ah chuan Hmingsangzuala chu a lo ding a.

"Ee.." ka va át hmel chhir chher tak! A rawn pen chhuak ve vut a, thinrimna tur a nei em? Aih, a nei lo, mahse tinge a landan hi a tak ngul! Ka buaina tur ani lo ve, a nupui hlui nen inngeih takin an rawn lut dun a, hetah min hmu ve ta thut hi a lungawi lo anih ngawt loh chuan chhan dang a awm lo. Oh! Engvang in nge heta min hmu pawh chu a lungawi loh ngawt ang, a lakah pawimawhna nei ang in ka lo inngai hret ani.
Ka bul mai a bar chu a rawn hum a. Min en leh vut rual chuan ner nang in khawpui eng tuar lam chu ka en san daih a.
"Ka rawn lam ang che ka ti em?" chhum hmuk in a rawn ti hluk a. Min hau vak tur pawn ka chhungkhat hnai ani lo, a hauh tur pawh ka nilo. Ngawi ngalin hmalam ka en tlat a. Ani erawh thinrim in control tum tih hriat zet in a thaw ham ham thung.
" ka lam che i duh lo anih pawn min rawn hrilh kha thil harsa a ni em?" a aw chu zawi viau mahse a lawm hlawl lo tih a hriat, ka chhan a țul pawn ka hrelo.
"Luhlul ngil ngel viau zel lo teh." Ka dar ah a rawn țham a, min kuai her nawk ani ber.
" i thu lo.." tih zawng in ka chhang, a nui ro hawk a.
"Sawi țha leh teh!"
"Ka sawi kha i hre reng.." vin zet a ka tih hlar rual chuan ka ke bul a hmeichhe pheikhawk chu ka en vat a, ka hawichhuak a, Zosangi nen kan inhmachhawn ta siah bawk.
"I kal ve elaw?" a nui a, Hmingsangzuala nen lah thinrim hlur in kan lo inhmachhawn bawk si!
"A nih hi." ka ti hap, Ka țawngdan hawihhawm lo zet chu a lawm lo tih hriat lutukin Hmingsangzuala chu a lo thlesawn buk a, a ho e, ka hawihhawm ngailo tih a hre ve vek a! Oh! A ho leh lo, a nupui hlui chu zah taka be turin min beisei ve deuh te pawh ani mai thei!
" ka rei em?" Doctor Hruaizela a rawn chhuak ve hlawl a, a aw ri a hriat rual chuan Hmingsangzuala chuan min din hnaih ta sauh va.
"Rei ţep, ka haw duh tawh a.." ka nui lui a, kan pathum chuan min enkual leh thuak a, anni pahnih boruak hi ka zo ve lo tih a hrethiam ani chek ang chu, lu a bu ta nghut a.
"Ka kalsan mai ang che u.." Zosangi chu ka melh a, nuam a tih hmel in ka hria, vawiin chhun lawk ah ka nu a rawn kan ve tih a hria a, zanin ah lah a rualin party a kal leh thei a, a rilru chuan min nuihsat viau ang.
"Keiman ka hruai haw ang che.." Hmingsangzuala chuan a rawn ti sup a. Doctor Hruaizela ka kawngah kuah tur a kut rawn lek chhuak tawh si chu a melh nghal ngur bawk.
"Tawk hlek suh." Zawi si hlauhawm ru bawk si hian a ti leh sup a, a thu lo ber ang.
"Kal ang.." keimah zawk in Doctor Hruaizela ban bul ah ka kai ta hmiah, Insum hman lova Hmingsangzuala rum nghut ri chu hriat nuam tak ani lo, mahse, a thuhnuaia awm tur ka nilo.

Party neihna hall kan chhuahsan chiah a, thawk ka la a, Doctor Hruaizela ban bul ka vawnna kut chu ka phelh a, motor hunna lam panin ka pen zui hlawk hlawk a, tunah tak hi chuan Hmingsangzuala ka hriat hma kha ka ngai tak zet! Khatih hun lai kha chuan ka thinphu pawh a rang ngai lo a, thawk lak harsa pawh ka ti ngai lo, ka taksa te pawh engemaw hriatthiam siloh vang in a sa huam huam ngai loa. Mahse tun ah chuan heng zawng zawng hi ka nei vek tawh. A bik takin zanin hian a nasa zual.
"Tih mawh nu.." ka banrek ah a rawn hmer chawt rual chuan hneh lutuk a pawh din chawt ang maiin ka ke pen chu a tawp a, min rawn umzui a maw!
"Nang kha.. rawn kal tawh suh, ka rualin a haw dawn." Doctor Hruaizela au khum țhawt pah chuan a melh zui khui a.
"Nangpawh, khawlaiah put nawlh i duh loh chuan huaibak chhuah suh ang che.." min chhuk melh a, tur zet in ka melh ve nghek bawk.
A duhna lam ah min kaih a tum rual chuan ka țang ve tlat a, min pawt a, lei ah ka țhu ta tlat a, party na a lut chhuak te reng reng chuan min en vek maiin ka hria.
"Bawihi.. miin naupang nuar emaw an ti palh ang che.." nuihza insum zet in a rawn kun hniam ve a, ka melh rum ngawt ngawt ringawt!
"Ding chung a min zui nge i duh, ka pawm kher i nghak."
"I rual pawn ka kal lo.."
"Oh.. min nghak thei lo in mipa dang i zui reng a lawm.." nichin lawk a nuihza kha chu thehbo ang hmiah, lungawi loh hmel zet in min chhuk melh a,
"1.."
"What, eng thil nge i hriat?"
"2." Hmela mai mai chu!
Ka ding mar a, a rukin a nui suk tih pawh ka hria.
"Ding lo la chuan midang zawng zawng hmuh laiin ennawm kan show ang ka ti deuh a nia.."
"I chhe ve anih chu." Chal chuar tup in min thlek a, kha thil kha ka sawi tum ani bik reng reng lo.

Ngawi reng in a bolero hunna lam ah chuan min kai phei ta dat dat a, kawngkhar a pawt hawng a, ka țhu lut a, party na kawt ațang chuan min la rawn en țhup vek.
A rawn țhu lut ve a, a kawrchung hak chu a phelh a, seat hnunglam ah a thehkai zui nghal daih a. Engine a ti nung a, ka țhu ngawi ran bawk.
"I kawr hak te chu.!" ka hrelo der tlat.
"Ka rawn hruai ang che ka ti ani lawm ni."
"Ka rawn hruai ang che ka ti ani lawm ni." a sawi zawh chiah chu ngeiawm zet in ka sawi ve a, kut a rawn lek vut a, ka lo nam per nghal nawlh thung.
"Khati khan naupang ang chiah in awm țhin suh." a ţawng dan ka zir tawh em lo.
" khawia kawr nge i hak?" Wow, a va inhmuhsit thlak tehhrep ve!
" i hriat ve a țullo."
"Aih, a țul, engvang a min lo nghak lo nge i nih tih pawh ka hriat a țul bawk." he pa hi ka ning tawh tak zet, a inla thu si.
"I police station chhung ah nilo in motor chhung ah kan awm, khatin i mi man ang in min vin vak vak suh!"

" Jesus!" a ti hluk a. Rum zet a melh ram chung in tukverh glass ka down a.
"I thuamhnaw hak pan zet nen khan thli thaw ah awm a țullo.." ti hmuk pahin a țhutna lam ațang glass chu a rawn ' up' hmak anih chu!
Ka motor ani ve bawk si lo, rum tak tak a melh nghek loh chu tihtheih ka nei der lo.

Kan veng kan tlan luh lai te pawh chuan a tu amah kan ţawng lo.
A chang in thawk a la hawk a, keipawn min vin vaih se a ai leta vin in ring ran in ka țhu kar a, ka hahdam lo hlawm tawp anih ber chu!
" i kawr kha khawi ami nge?" a rawn ti sup, kan inkawt ah motor a ti ding a, chhuah ka tum a, hmela mai mai chu, a lock leh tlat tawh.
"Ka zawhna che i chhan hma i kalsawn dawn lo." chu zawhna chu engvang a min zawt reng nge maw anih le
"Doctor Hruaizela min leisak." Ka ti ve tawp. A ner sawk a.
"Chuan... Damdawiin ațang kha kawr ha chung khan i chhuak lo.."
"Chhuak lo reng. An inah ka inthlak." Ka ti tuar a, motor hmalam a chum ri pawp a, ka lo beisei loh lutuk vang nge ka kut pahnih in ka beng ka hup chawih mai.
"A inah i kal a maw?" He pa hian min rum țhaih a tum ta ber in ka hria.
"Aw."
" In mu dun em ni?" A aw ri ngeiawm lutuk vang chuan ka áng hau ringawt.
"Sawi rawh." a rawn ti leh țhawt a, ka pheikhawk sang bun hi phelh in a lu ah bur vaw khawp in ka vaw mai dawn mi! Min va ringchhe thei lulai ve mawle.
"Hremhmun ah kal rawh.."
"Ka la kal ang, mahse min chhang rawh."
"Ka mimal thil lutuk ka hrilh dawn lo che." Ka ti ve ta hmak, min ringchhe bawk a, engmah ka sawi awm lo.
" hetah hian a fawp che em?" A rawn che vut a, seat belt a hmet phelh hman pawh in ka hrelo, mahse ka seat a ka țhu lai chu min bawh lo chauh, ka hmui hnuailam chu a kut zungpuiin a rawn tawk a.
"Ka hrilh awm lo che."
"Lalrinmawi!!!'" A na nghal zawk mai! Ka hmui chu a rawn nawr nghek maiin ka hria.
"I buaina a ho ngawt mai, kan mu duh emaw mu dun lo emaw lo buai ve vak suh."
"Ka buai lo ang maw, ka ta midang in min khawih țawm ka phal hauh lo."
"Hello!" Ngeiawm zet in ka ti a. "I ta ka nilo aw.."
" i ni, ka ta chiah i ni tih inhre rawh, kha pa phiangsen khan a khawih che em?" thinrim sehchilh ran in a rawn ti sup a, ka mit in power a lo nei tak tak lo ka huat ber țum ani hial ang.
"Nang anga sex mamawh huam huam ka nilo tih hre rawh."
"Pehhel lo in ka zawhna che kha chhang rawh." Huh! Heti khawp a min vin nasa tu hi ka dim bikna tur a awm reng reng lo.

"Nangang in sex ka mamawh ve lo, kan danglamna i hria em? Nang chuan nupui i neihlai reng pawhin hmeichhe dang i mamawh! I nupui kalsan a hmeichhe dang pan thei mihring i nih kha.."
" ngawi hmak rawh!" a rawn ti tawk, țek tla ri dawp se chu nen chuan a aw ri chu a tehkhin theih ang, chuan țek leh kawlphe hi ka hlau lutuk bawk! Tun a a landan hi ka hlau ta ber anih chu!
Ka bek ah a chalin a rawn nawr a, a thinrim vang nge a tha a khur!
" i lu um nalh zet hi silai mu hmang a puahdarh tir vek ka chak zia i hria em?" a aw a ri hrawih! Kawngkhar lam ka hnaih tur chu ka nghawng hnunglam ah a rawn man a, mi â ang maiin a chalin ka bek a nawr tlat mai bawk si.
"Nge.. i vun mam nalh zet in a tuam mawi i nghawng ruh hi ka herh tliak zawk dawn tih ka ngaihtuah mek!" A hmuiin ka beng a rawn nawr a, a aw țihbaiawm lutuk ri vang chuan ka thawchhuak tawh pawhin ka hre lo!



☆UTOPIA: 1996☆
Chapter 11
By
Abbra Reo Ririni Khiangte ( Pitartei)

1: 00 am
Messenger ka hawng thei lo a. No, ka hawng thei a, mahse in message a lang thei lo a, a var vek zel a, in sawi ka chhiar thei bawk silo va, ka reply thei lo che u.




" kha doctor ngo veng a khan i thianghlim tawh lo tih a hria em?" Ka kawchhung lam a nghing lawih, a aw ri kha zet chuan tuipui thuk tak chhungah min nem pil vawn vawn maiin ka hria! engtinmah ka chhanglet lo, a thusawi in min țhawn nat zia erawh keimah chiah in ka hria. Ka bek a nawr reng chung chuan a nui ri suk a; hetiang tak hian maw min tihnat a lo chak țhin a!

" Kalsawn rawh." Ka aw ri a zawi lutuk!

"Ka zawhna che kha chhang rawh, ani khan kei ang tho in sual luih i tawk tih a hre tawh em?" hepa hi ramhuai anih hi, na lutuk in ka bek nawr reng tu bek ah chuan ka ben sak chawrh! A rum nghut a, kei erawh thinrim lutuk vang leh ka chung a thil thleng min elhsen nana a rawn hman vangin ka khur thei hial.

"He thil sawichhuah chak hian ani maw ka lakah thinrim ang a ilo lan vel țhin a?" ka nui lui hawk, ka bek nawr reng chung a thaw huam huam chu a aia na in ka kut dinglamin a bek ah ka ben sak leh chawrh a, a phu tawk chiah!

" min tihnat ang chiah in ka tina let ah che ngai rawh." a in lakhran vut rual chuan ka mit sulh theiin ka hria, lock a hawng ri khap a, ka kawchhung chau nghulh chu luakchhuak in a rawn thlak a, mahse ka thinrim lutuk vang in ka chesawn thei der bawk silo. ' min tihnat ang chiah in ka tina let ah che ngai rawh.' he thu hi ka hrereng tawh ang.

"Ka rinna che i tichhe vek tih inhre rawh?" ka țhut dan ngaia la țhu reng chung chuan thip zet in ka melh a, steering a bawh a, min melh run bawk.

"I tlan let lehlam ah accident ang che." Motor aţang chuan ka chhuk thla a, Hmingsangzuala laka ka thinrimna zawng zawng chu a motor kawngkhar ah chuan hrithla in na lutuk tak maiin ka nem khar dawp a, ani pawh a dawkchhuak nghal zawk, in lam panin ka kal hlawk hlawk a, sual luih ka tawk tih Doctor Hruaizela kha engvang ngawtin nge ka hrilh ang? Amah pawn a hriat chhan chu ka rin vangin engkim ka hrilh a, kha zan khan engkim a hriat miah lohin ka ti vek thei, mahse âtthlak lutuk in ka lo ring a, tunah chuan min diriamna hmanrua atan a hmang let a, uuggg, a motor brake zai chatin a chungah accident a thlen theihnan chet ka la mai dawn mi? Lo ti pawh niila a phu tawk chiah!


Light pawh hmet eng loin room ah ka lut tlang a, khum ah ka țhu a, inchhung thim mup mai chu pawi ka ti lo zawk daih! Ka mittui a rawn luang a, ka hru buai peih lo, a thim vek tho va, tuman min rawn hmu dawn chuang lo, a tirte ațang khan min tihnat maw a lo tum daih tawh a, ka kut pahnih in ka hmui ka hup a, ka hrawk chhunglam a rawn ri hraih a, ka ţap reng reng loang, Hmingsangzuala ţawngkam vang mai mai khan ka ţap lo ang!


Ka pheikhawk bun lai chu ka tlawh phelh sawk sawk a, khum ah ka mu tawm tlat a, puan in ka inlukhuh a, țah ka tum lo, mahse ka taksa chhung lam khur vangin ka taksa chu a che dawt dawt a, kum 10 chhung ka thuruk a lo hriat ve kha sawi chhuah a lo chak zek zek țhin tih lah a chiang reng! A țha vek e! A duh phawt chuan tun ang hian min țawngkhum leh rawh se, amah leh amah accident anga a lan theihnan ka che ve mai ang!


Thankhuma min khawih luih zan leh Hmingsangzuala țawngkam vanga ka rilruná hi a inzat hial in ka hria! Khum ah chuan ka țhu chhuak hlawl a, ka sam bawk tawm chu ka phelh a, ka hui mam buai peih lo, ka kawrfual hak chu ka hlip leh tawp a, light ka hmet eng a, ka thinrim lutuk vangin ka duh ang pawn ka che chak thei lo, ka thuamhnaw bawm lam ka pan a, cotton kekawr dum leh kawrdum bantluan ka inthawlh sawk sawk a, kan kawmchhak ah motor a rawn ding thi duk a; room aţang ka pen chhuak ve chiah bawk, kawngkharpui ka nem hawng pawp a, Hmingsangzuala pawh a bolero aţang a rawn chhuak ve chiah bawk.
" i țha em?" Ka lam pana a rawn pen vut rual chuan kawtzawl ah lungtum a awm em tih ka melh kual a, a duh ang tawk a min ţawngkhum hnu ah min rawn ngaihsak leh a țul tawh reng reng lo, barrel bulah lungtum chu ka hmu fuh a, ka pan zui nghal zat bawk.


"Hey, inbia ang.." ka kut pahnih in lungtum pahnih ka chhar a, a rawn kun hniam ve chu ngeiawm zet in ka nuihsak ringawt. Ka ding mar a, a tawlhsawn ve mai bawk, a motor hmalam ding zet in ka pan hlawk hlawk a, kawtzawl ah a ding khawng luah! A motor hmalam ah ka din rual chuan ka lungtum ken pakhat chu ka vawrh kang zauh va! Mak tih hmel zet a min en chu ka nuih let leh sak a, a motor hma darthlalang a ri nghal chawrh bawk, ban a phar hluai a, lungin a fuhna lai chu a var luk a, a țhen lai a khi țhawt bawk, ka duhtawk dawn reng reng lo, ka lung ken pakhat chuan a bul chiah chu ka vawm leh a, a motor ah alarm a dah ve khanglang bawk a, a ri nghal ruai ruai mai!


Ka thinrimna zat ve a bo tawh! Ka kut chu ka beng fai thak thak a. Hmingsangzuala chu muang zet in motor lam pan chuan a rawn pen a, thinrim hmel a pu bawk silo a, a rui â hial zawk em mawni!
Ka bulah a rawn ding a, a motor hma darthlalang khi țhawt chu a thlek zawk a, alarm ti tawp turin driver side lam a pan leh vut a, a la thinrim ve lo cheu anih chu!


Driver side kawngkhar a pawt hawng a, reilote hnu ah alarm ri chuah chuah pawh chu a tawp a, kawngkhar a nem phui leh dawt a, ka lam bawk a rawn pan leh a.

"Tikhan min be duh tawh em?" mai mai chuan leh!

"A brake zai chat tel leh turin min duh em?" â tih hmel zet in hmai zangthal haw in ka chho melh a, khatiang khawp a min diriam hnu khan ka biak duh a in ring reng reng emawni!

"I duh leh zai chhe rawh.." a rawn ti hmuk, insehruh țeuh chung in ka melh vak a, " min biak duhna tur anih phawt chuan i duh leh kham ah nem liam law law rawh!" "Vanduaithlak tak in ka be tawh ngai dawn lo, chutiang a ka tih chu a țul lo bawk." a phal vang hian ka zai chhiat chakna pawh a bo vek tawh, inher hmak in in lam pan chuan ka kal leh hlawk hlawk a, kawngkhar ka pawt hawng a, a dinna ngai ah a la ding reng, ka pawt phui hma chuan ka zungțang lai chu ka hmuh va, ka thinrimna pawisa lo zet chuan a khi suk bawk, han chhuah leh ka tum zet nangin zawhte leh sazu inchai kual kan ang dawn lutuk, NO, chu thil chu a thleng mek reng anih tawh hi, zawhte pawn amah aia té fe a ei țhin, a ei hma in a chhaih chau a, sazu chau tál thei tawh lo chu a pumpui rilțam hnawhpuar nan a hmang țhin! Zawhte chanchang in anih khi min nuih suk ni! Kawngkhar chu ka pawt phui a, chung lam ah ka kalh a, pindan ah ka lut tlang nghal daih bawk!


Min tina tu apiang rullet lo in ka chhuah mai mai ngai lo, Hmingsangzuala pawh min tina tu zing ah a tel ve tawh a, ka tihtur diktak ka ti in ka inhria!


Khum ah chuan ka mu meng kar a; Hmingsangzuala chung a ka thil tihtur ngaihtuahin ruahmanna ka siam ni ber in ka hria. Tinge nichin a phal lai khan a motor brake kha ka zai chah mai loh! Ka inzawt leh leh rih a, tun ah han thawh a, han zai chhiat sak mai te ka chak rum rum hial bawk; mahse ka zai chah sak chuan amah nen kan inbiak a ngai dawn a, biak ka duh lo!


Message tone a rawn ri a, rang zet in chhuat a purse tla chhar tur chuan ka țhu chhuak leh a.

*engkim a țha em?* Doctor Hruaizela message chu thawk la hap in ka reply a.

*a țha vek, ka thuamhnaw ho kha naktuk ah damdawiin ah lo keng mai la.*

*aw le, i mu tawh em? Khawnge i awm?*

*in ah ka mu tawh.*

*tak zet, lokal turin min duh em?*

* ka chau deuh va* dawt muhlum ka sawi lo.

*ka hrethiam e, tui deuh in mu rawh aw, naktuk ah ka rawn lam ang che.*

Ka thaw hap a. Naktuk nileng in damdawiin lamah ka awm a nga, zanin thil thleng hi chu ka theihnghilh vat mai ang.

Ka muthilh lai ka hre lo, kawngkhar rawn in kik ri kauh kauh vangin ka meng nghal kawk a, țhenawm nu in min au thawm ka hriat leh rual chuan khum ațang ka tho chhuak vat a, pawnlam ka chhuah rual chuan a la tlai chhe lutuk lo tih ka hria.

"E, ila mu elaw, vawiin lam i nu rawn tlawh ve ka duh deuh va." Kawngka ka hawn rual chuan a lo ti zung zung a, kei erawh kawtzawl a bolero lo inhung reng ka hmuh rual chuan ka meng zau kawk maiin ka hria! Nizan ah tah khian a ding tlaivar țhak a maw?

" i buai lovem ni?" ka ti sep.

"Buai lo e, ka rawn tlawh leh har tawh lutuk a, a hmel hmuh pawh ka duh leh tawh."

"Ka kal dawn ah ka lo hrilh ang che aw." a bu nghat a, kal mai tura a inher tawh zet chu a rawn inher let leh a.

" khi khi Police officer kha ani lawm ni?"

"Anih khi."

"Nizan khan insual an awm em? Ka lo mutui lutuk a, engmah ka hre mang silo.." a ti a, a mut hma in a pack ve zauh țhin a, a mu nghet hle ta ve ang.

"An awm âwm ka hrelo.."

Ngaihțhat loh hmel fe hian a bu nghat nghat a, a kalsawn a, Hmingsangzuala pawh seat ngheng in a mutthlu in ka hria, min biak a tum loh phawt chuan engtin pawn awm se a țha vek, a duh leh a inah riak se, duh leh a nupui hlui kiang ah riak kual se kei erawh min biak tum tawh suh se!


Ka inbual sawk sawk a, Doctor Hruaizela a rawn thleng ţep tawh a, țhenawmnu kan rual in a kal ve thei em tih ka zawt a, min rawn chhanna message ka la en lo, damdawiin kal mai inpeih sa at in washroom aţang chuan ka chhuak a, ka sam huh chu towel in ka tuam mawlh mawlh a, țullo zet in Hmingsangzuala'n lu tuam chung a thil ei a phal loh thu a sawi lai kha ka ngaihtuah chhuak a, ka rilţam vang ni miah lo in wai wai ka chhum nghal sawk sawk a, lu tuam chung ngat in ka ei ang.


Pindan ah lut in sunscreen ka inhnawih thuak thuak a, pawnlam ah ka chhuak leh a, hmun ka phiat a, chhuat ka nawt leh vek phawt a, ti hi chuan ngaihțha deuh in ka kal chhuak thei tawh ang.


"Arinte ka hman tawh a nia." Țhenawmnu bawk in kawngkhar a rawn kik leh a, ka hawnsak vat a, Hmingsangzuala kha a motor aţang a lo chhuak tawh a, motor ngheng in a lo ding ngawi ve run a, mahse ka hmu lo der hmak thung.

"Lo lut rawh, Doctor Hruaizela rualin kan kal dawn nia."

"A va tihzia hlauh ve, rasgulla vel hi a ei thei ang tiraw?" inchhung a rawn luh pah chuan a ti zui lang lang a. Kawngkhar ka khar phui leh nghal hmak bawk! Pawn a ramhuai palianpa khi chu a duh dan dan in awm rawh se!

Doctor Hruaizela rawn thlen rual chuan inchhung aţang kan chhuak ve a, Hmingsangzuala pawh a kekawr ipte a a kut zen luh la chhuak vut in a rawn ding mar a, Țhenawmnu chuan min rawn melh zawk a, ka hrelo der ve tlat, kawngkhar ka kalh a, Hmingsangzuala chu kan kalpel a, Doctor Hruaizela pawh in Hmingsangzuala lam chu a thlek ve vung vung bawk.


Țhenawmnu a ţawng barh barh reng a, seat hnung ah kan țhu dun a, Doctor Hruaizela chuan front glass aţang min rawn en zauh zel bawk a. Glass a chanve in ka down a, Hmingsangzuala țawngkam na lutuk kha theihnghilh daih theih ka duh a, mahse ka engtihmah ti tui lo hial khawp in ka vei ran thung, ka lo ring kha ka nun a ka thiltih sual lian ber ani hial ang.


Ka nu cabin ah kan pathum chuan kan awm a, țhenawmnu titi chu ka nu nen kan ngaithla ani hawt, a khat tawkin ka nu in a zawm ve zauh zauh reng a, kei erawh bang melh in ka țhu ngawi ran thung. A tir kha chuan pawngsual tawk tawh ka nihna kha min thinhrik nan a hmang lo emaw ka ti a, mahse a rilru chhungril ber ah paiin a rawn bun chhuak ta a, kha thil kha dawnsawn dan tur ka thiam lo tak zet! Mak ka la ti reng, engtinnge vawilehkhat ah khatiang khawp khan min elhsen theih! Ka thaw hap a! Țhenawmnu rawn ri leh hluai chuan ka suangtuahna ram ata min kai harh zawk bawk.


"Ka han haw tawh a nge, nangpawh lo țha zel rawh khai i ngaihawm tawh a nia.." a haw tur chu a ri leh chul phawt a, ka nu pawh a hmelhriat ngeiin an rawn kan a, nuam a ti ve hle in ka hria.


"Kawtzawl thleng ka lo thlah ang che.." ka țhutna aţang chuan ka tho tharh a, " nu ka thlah lawk ang aw." ka nu a bu nghat a, țhenawmnu chuan a bag a zen rak rak a, rs500 note pahnih a phawrh chhuak a, ka nu chuan lu a thing nghal nak nak a, mahse a kut ah a hmehbel sak ta tho.

"I chhel ka ti khawp mai.."

"Ah, chhel bik lo a, a țul lutuk vang anih hi." ka ti hlak a, ka nu cabin ațang inhnuai panthlakna step tawité ah chuan kan chhuk thla a.

"Chhungkaw pangngai tak tan pawh cancer natna hi chu sumsen fe tho angai a, puk tur zawng a tlan kual rawp rawp chang lah chhungkaw hlun zawk te pawn an ngai, nang chu nangmah lawng in engkim i paltlang vek mai a, i kum ngaihtuah tel phei chuan i rilru a puitling ngawt mai ." A ti ta duah a, za lo te in ka nui ta ringawt, tu chung ah pawh thleng se manganna leh harsatna paltlang hnem tawh lutuk mihring anih phawt chuan a talbuai bik ka ring lo! Indawm kun hman in ka khawsa ngai lo, rilru kawm hman in ka țhu veng veng hman ngai bawk silo, he cancer natna hian min chher hriam ni ta ber in ka hria.

" tlai lamah chaw ka lo chhum kep ang che aw." a ti a, inngaihtuah nan hun ka hmang zawk a.

"Umm, ka lawm ngawt ang ." Ka ti sep, nui chung in kut min vai lauh lauh a, taxi ruak lam pan chuan a kal zui ta vat a, a tam zawk chuan Rv a khawsa ho hi mi nasa tak tak leh mahni hma chiah sial a, midang khawngaihna thinlung nei ve ngai lo ang hial pawn min sawi țhin a, mahse veng mipui te hi kan inhmangaih tlang ve lutuk, mite sawi kan kai lutuk chang pawh hian kan inpawh phah sauh zel.


Hmanhmawh lo zet in damdawiin pan chuan ka let a, ka nu cabin pan chhohna ah ka kal tlang zet tawh, ka let thla leh ngat a, nichin khan ka hmu sual emaw ka ti a, mahse hmuh sual palh vang ani lul lo.

Hmingsangzuala leh Doctor Hruaizela an in din chilh a, lungawiloh hmel fe in Hmingsangzuala hmel chu a dur khup, a kekawr ipte a zen ruk ruk a, wallet a phawrh chhuak a, note engemaw pawisa a la chhuak a, Doctor Hruaizela hma ah chuan a lek vut a. Doctor Hruaizela pawh a lawm loh hmel kher mai.
Ka buaina tur a awm ve lo!

Ka nu cabin lam panin ka kal zui nal nal a, keimah vang a rawn kal chu ani dawn lo chiang sa a!

"Aw, ka ti harh che mi?" cabin kawngkhar chu dimte in ka khar phui a, ka nu mit chhing diar diar chu a rawn meng a.

"Ka muhil hman lo." a nui a. "Nizan i mu țha em?" a rawn ti leh daih a. A khum bul chair ah chuan ka țhu thla a.

"Umm, zing thawh ka hai ţep alawm, țhenawmnu khan min rawn kaitho lo se chuan ka mu rei ngawt ang.." ka ti a, a kut chuan a lukham hnuai chu a dap rak rak a.

"Kha hei hi kawl rawh." Țhenawmnu pawisa pek chu a rawn lek chhuak a.

"Nu, i țhiannu in a rawn kan ve che a, i kawl tur a lawm, damdawiin aţang kan chhuah hunah kawrthar i lei dawn nia.." a kut chu man in pawisa te nen chuan a awm ah ka nawr bet a, zalo te hian a rawn nui ve a.

"Thuamhnaw thar ka leisak lohna chen che pawh ka hre tawh lo.." a ti zui hap, kei erawh ka ner nawng thung.

" Ngaihzawng i nei ngai lo emaw ka ti a, ka mangan pui țhin che a, mahse mipa innghahna tlak khawp a mipuitling nen in lo inzui ve reng a, ka hahdam ta huai huai mai.." ka hriat sual ani em? Kei hian tu mipa mah ka zui lo.

"Nu?"

"Aw, aman min hrilh lo phei se chuan nangin min hrilh miah lo vang." zawi te in a rawn nui a, " khatiang a mipa țha leh puitling khan nang tleirawl mai hi a duh che kha ka awihlo rum rum deuh va.." ta deuh deuh chuan!

" aaa innghahna tlak ani tih ka hre tawh bawk a ka hahdam tawh tak zet, ka ngaihtuah ber che a, mahse tunah erawh mipa țha tak in a enkawl thei tawh dawn che a." Doctor te damdawi pek a taksa in zo lovin a rui palh emaw ni zawk le!


"Nu.." min melh a, a hlimna hi tih chhiatsak ka duh lo, mahse a thilsawi awmzia hi ka hre lo tak tak.

"Tu chanchin nge i sawi a?" Ka țawng ring bik lo, amah țhawng thut thei a awm chuan a talbuai mai țhin.

"Aw.. nang leh Hmingsangzuala chanchin maw le.." a ruih vang ani ta miah lo. "Nang reng reng pawh min hrilh ve tur che ania, thisen min rawn pek ni khan in inkar ah thil a awm tih ka hre chiah a.." ka nui ro hawk ringawt a.

"Nu.. kan .."

" min enkawl zui ang ka ti reng reng lo, ka kal hunah pawh enkawltu tur che an awm ta hi ka thlamuang a, rinchhan tur ilo nei dawn hi ka lawm asin.." a awm chung a ka kut chu a rawn beng thek thek a, kan ramhuai palian-a chuan dawt engzat fakau nge a lo hrilh ang le, tihian beiseina a neih phah a, a thil beisei hi engmah lo mai ani tih ka hrilh a ngai anga, amah bawk ka ti na leh dawn a! A hlimna neih ve chhun hi tunah chawpchilh takin ka tih chhiatsak ang nge ka nghak deuh hlek ang?


Cabin kawngkhar chu pawnlam ațang a rawn in kik ri kauh va. Ka țhu mar a, ka nu check tu tur doctor anih ka ring, kawngkhar rawn in nem hawng chu ka mit sirin ka hmu thei a, ka nu hmai vun che ka hmuh rual chuan rang lutuk in kawngkhar lam chu ka hawi a! Ka thawk a sak nghal ţalh mai.


" sorry, in muhil ka rawn ti harh che u em?"

" e, kan muhil lo, lo lut rawh." ka nu chuan a ti vat a, zahna tlachham ti lutuk in Hmingsangzuala chu ka melh nghek ringawt a. Kawngkhar a pawt phui a, en pawh en duh tawh lo in ka nu ban ruh cher țhei mai chu ka melh daih a. Hetah te a la rawn kal ngam hial a nia!


"Vawiin lam engnge i lo an a?" Ka bul chiah ah a rawn ding a, a taksa lumna rang lutuk a ka feel avang chuan min din hnaih mah mah tih ka hre bawk.
"Ka leikâng lutuk.. tah khan țhu rawh." ka nu engmah hre bawk silo lah chuan ka bialpa ang in a treat zawm hmak, Hmingsangzuala ka haw zual sauh bawk.

Ka nu nen an inbia a, Hmingsangzuala aw ri thum lam mah ka hriat apiang in nghet zet in kut ka hum nghal zel a, min țawngkhum dan kha ka palzam mai mai theih a ring anih vaih zawng in a a ring sual der ang.


Chawhnu lamah ka nu a muhil a; kan pahnih chuan kan țhu ngawi ta ran a, a rawn luh tirh ațang vawikhat pawh ka la be lo.

"Pawnlam ah inbe lawk ila.." a rawn ti sup, ka hrelo der hmak.

"Bawihi?" min awm hnaih a, a khabe in ka dar a rawn tawh(k) rual chuan rum theihtawp in ka melh nghek a.

"Khawngaih in!" thawk ka la hawk! Kan thawm vang a ka nu a harh ka duh bik lo.


"Hey... a tawk tawh, ding tawh la." Damdawiin kawtzawl ah chuan ka pen hlawk hlawk a, ka darah a rawn man a, ka hmalam ah a rawn ding zui zat bawk. A rawn kun hniam a, nizan lawk ah diriam tak a min țawngkhum vang nge ka țah a chhuak ru hle bawk, kha insual luihna chungchang ah kher kha chuan ka rilru a no ve a, tu min hriatpui ve lohva ka tuar dam ve ţang țang ani a, keimah min tina thei tur a thil sensitive ber ani hial bawk ang.

" ka tihpalh.. okay.." a aw ri zawi ruih mai chuan min ti țap mai dawn.

".. khatiang thil kha sawi tur ka nilo.."

"I sawi vek tawh, min tihnat i duh vang ani tih pawh i sawi tawh tunah ka tihpalh tih i sawi hian engkim i thlak danglam theih i ring a maw?" ka sawi tirh chuan ka aw a zawi, a tawp lam erawh ka au țhat thung. Ka nui lui hawk a, a insehruh ve tlat bawk.


"I tihpalh.. i tan chuan a zo der.. mahse" ka kut chu lekchhuak in a awm ah ka kut chal in ka kawk a. " nangmah a rinna ka nghahna zawng zawng kha i tichhe vek.." na tuar hrep ang chiah in a rawn rum hawk a, kei erawh ka thaw ham ham reng thung.

" ka nu kiang a i dawtsawi ho pawh kha nakinah lo hrilhfiah ka tum mai ang, chuan kan inkarah engemaw a awm ang in tu kiang ah mah sawi tawh bawk lo ang che.." ka vin tawh lo, ka aw ri erawh a chang fak, ka dar a vawnna chu a banrekah vuan in ka phihthla a, ngawi ngur chung in min en reng a.

" vawiin ni thut thut ah ka hrilh thei dawn lo a, țhawn thut a țha lo bawk, khalam chu keiman ka lo chingfel mai ang.." ka tawlhhnung hrat a, engmah sawi lo in a hmui a chip hmuk, cabin lam pan bawk in ka let leh sawk sawk a, hun reilote chhung lek kan inhria a, mahse ka chaklohna tak hriain min tina ta ber thung!

" Min nei rawh, i nu ka enkawlpui ang che.." step a ka lawn chho lai chu ka tawp chawt a!

"Nangmah ngawtin i nu hi i enkawl thei ngai dawn lo, chuvang chuan min nei rawh.. he hospital a in ba zawng zawng pawh ka rulhsak ang che." ka awm chhung a ri dawt dawt a, ka mumang ani hial zawk in ka hria, țum khat pawh hetiang deuh chiah ka man (g) tawh tak kha maw?

Step ah chuan ka lawn chho leh a, thui pawh ka kal hman lo, ka hnunglam ațang thawm na zet a rawn chhuak a, ka banrek ah kut lumin a rawn man a, step chu rap pial in ka tlu bawkkhup thlawp dawn maw ka ti a, mahse ka kawngah ban tha chak zet a rawn inkham phei a.

"Min nei rawh?" Ka hmai bul chet ah rawn kun hniam in a phun leh sup bawk! Nizan khan kawt ah a țhu tlaivar tak tak ni ngei ang, a mitmeng hmuh hrehawm khawp in a sen rum a, a rawn kun hniam leh deuh va, ka harhchhuak ta chiah bawk.

"Khatiang khawp a min hmusittu kha ka neih duh i ring anih chuan i â hle ang." Ka nui hak a, ka thusawi zawh chiah ah leh kan awmdan ah hian nuihzatthlak pakhatmah a awm lo, mahse ka rilru buai nuaih nuaih leh fím hman lo lek in min siam a, min ankhum a, min vin a a duhna ah min pawt kual tawp tawp zel bawk, chu mihring ngei chuan inneih chungchang a sawi a nih chu! Chupawh kan pahnih lehnghal in!!!!

"Sawi pawh sawi tawh suh ang che, ka hmuh theih ah pawh rawn lang tawh lo la, i puihna tel lo in hei leh chen kan inenkawl thei bawk, i puihna kan mamawh in ka ring lo.." ka ding mar a, min dang ta lo bawk! A hmel hi hmuh leh ka duh tawh lo tak zet!


"Nimin khan ka bia ang che ka ti a, mahse ka buai tlang ta daih sia.." tlai lam a ka haw tur, damdawiin chhuahsan chu Doctor Hruaizela chuan min rawn um a, ka kal reng tho ka bulah zel a rawn kal a.

"Sawi la.."

" ding phawt la." ka ban ah a rawn vuan a, ka ding ve ta hram bawk.

"Hna ka hmuhsak che.."

" are you serious?" ka nui hawk a,

"Kan senior doctor pakhat clinic ah reception ah i țhut theih chuan.. aa.. hlawh a la tam lo, bulțan nan rs7000 .."

"Ka thei ang.." ka ti vat a, thlakhat ah cheng 7000 te chu a tam lutuk alawm.

" i duh ka ring reng a.. Doctor Zothana ania, Zarkawt ah daih a clinic a awm a. I tan kal vel a buaithlak mai thei.."

"A pawi lo, a hming a hna neih kha ka duh... min duh a ngem tih zawk kha buaina tur chu.." a rawn nui ta suk a, kei erawh ka thaw deuh huai thei mai!
Sangsarih ah sanghnih chu kal lam leh haw lam lo ni ta se sangnga tal ka la khawl zel thei dawn a. Ka tan chuan a țha lutuk mah mah zawk.

"Ka rawn haw ve hunah ka rawn lam ang che, min lo nghak la, a clinic ah chuan ka hruai dawn che ania." a ti sup a.

"Ka lawm lutuk aw.."

" Het! Lawmthu sawi a țul țhin lo, i harsatna tlem tal ka lo chhawk thei che hi ka lawm zawk." lehzel mai a.
"Lawks.. Doctor Zothana i ti tiraw kha?" ka ti leh rih a, Dr. Hruaizela chu a bu nghut a, a hming chu hriat tawhna ka nei thân in ka hria. Ka ngaihtuah reuh reuh a, mahse ka hrechhuak mai thei tawh lo, mahse a pawi ber lo, a hnuaiah ka thawk ngei ngei thung tur ani!

In ka luh rual in kawngkhar ka khar phui a, room ah ka lut tlang a, khum ah ka bawk nghal tawp a, mit ka chhing a, Hmingsangzuala bawk chiang lutuk a ka hmuh nghal avang chuan rang lutuk in mit ka meng a, nihnih kan inhmu tawh lo, ka hnarfithla chiang bawk a, min pawt kawi mai mai thei lo tih a inhrechiang ta bawk anih ka ring, a reh ve ta hmak bawk!

Tlailam ah a sawi lawk ang ngeiin min rawn hruai a, a thim thet thet tawh bawk. Traffic tawt zet ah darkar khat dawn kan tan leh hnu in clinic pakhat kawt ah kan ding a, ka hawikual thuak a, ka tím zui ta kher mai, Hmingsangzuala'n zanlai a min hruaina clinic kawt ah khan kan lo awm reng a, Doctor Hruaizela chu a chhuk vut a, min lola hria a ngem le? Ka nghawng chu ka tawk zeuh va, ser kha chiang tak a en loh chuan a hmuh theih tawh loh.

" Lalrinmawii maw?" Min melh a, kei erawh nuam tilo zet in ka țhu ngil at!
" aw, ka sawi kha amah hi ania,.." Doctor Hruaizela chuan kan hma a doctor țhu chu zah hmel zet hian a chhanglet a, min ennawn leh ngat a, Hmingsangzuala nena in kaihhnawih lam engmah sawi tel lo in naktuk ațang ka zawm theih nghal thu min hrilh a, ka thaw ta huai mai!

" i lawm tawh em?" Kan inkhalh let a, ka nui hawk a.
"I rinphak bak aia nasa in.."
"Wow. Anih chuan dinner ka treat ang che."
"Maw?"
"Zanriah ei a hun tawh tih hre lo țhak in i suangtuahna ramah i cheng em lo ang chu maw?" Amah pawh chu a nui ve ta hawk a, a sawi dik tak tak hlawh ka neih hunah ka nu lawm dan tur ka lo suangtuah kual a, ka rilțam tih pawh ka mangnghilh der mai.
Chanmari ah tlan kual lo in Ramhlun lam panin a tlan tlang a, eng engemaw sawiin kan titi pah reng a, ka nu chanchin engkim a hre vek nangin damdawiin leh a chhehvel ah lo chuan doctor nihna dah bo in țhian ang maiin min kawm țhin.
"Engnge i ei duh ang?" Menu chu a keu kual a, Coco cafe pawh a lun hat hat hle bawk.
" thil ei ka chak vak lo ania.." a rawn nui a, ka helhhawlh deuh tih a hrethiam ani mai thei.
"Ok, fried rice kan ei mai dawn mi, spicy chicken leh pork kan chah tel a nga. " ka bu ta nghat a, kan ei tur chah an rawn dah a, kan ei zui mawlh mawlh a, mi thiam anih zia a lanchian em em na chu ka mimal nun min zawt tet tet ngai lo, chuvang tak chuan a bulah hian awm a nuam a, ka feel free tawp zel bawk.
"Engtiknge min date i tum a?" Ka arsa thak ei lai chu ka hak țhawt a, nui vun vun chung in glass ah tui a thli chhuak a, a thak bawk si, ka hák bawk si nen ka mittui a tla phung thei.
"Ka va sawi hun lo ve."
"A hun lo tak zet." ka ti hlak, dawr hnathawktu chu a kut in a hui zauh a, juice ice tel in glass ah min rawn pe turin a hrilh zawm zat a. Chil ka lem khawlh khawlh reng bawk.

"Ka sawi leh hun ah chuan ice cream i ei lai ka chang tawh ang." Min fiam tih hrereng mahila ka ner nawng tho.



____________Darkar 24 chhung in ads vawikhat chiah click tur aw^________________


Show post links
Top
Abbra Reo Ririni
Post January 22nd, 2019, 10:32 pm

Coco cafe ațang kan chhuak a, motor hunna lam pan chuan Doctor Hruaizela chu ka zui ve dat dat a.
"Ruah a sur dawn niang tiraw?" Ka vanvadak a, fur a ințan tawh dawn a, khua a dur khup reng tawh mai!
"Sur nghek se ka ti ania.."
"Kei chu tam deuh lo in sur se ka ti.." a rawn nui a, a car bulah chuan ding meuh in min lo thlek a. Mitko ka kán khum ak bawk.
" haw ngai tawh lo in kan in lamah rawn haw ve tawh mai la ni tur."
"Kei chu nangmah hi ni ta ila, hmeichhe chhelo deuh ka chhai thluk ka tum ang ." ka ti hlak, nui hawk chung in ban a phar uk a. Keipawn lu ka thing ve nghat tho. Car ah ka țhu lut dawn a, kan piah deuh va motor inhung chu ka va melh leh zeuh va, ka rin loh lutukin chhunglam ah Hmingsangzuala țhu run ka va hmu a, amah pawh chuan darthlalang chhan ațang min lo en ve reng bawk! Ka țhu lut a, Doctor Hruaizela chuan a hmu ve lo ani mai thei, kawngkhar a rawn khar phui a, tukverh chhan ațang chuan ka va melh leh zeuh va, a bolero hmalam darthlalang kha a lo siamțha vek tawh a, chuan.. hlauhawm khawp in min en uluk bawk. Hmalam ka en san ta daih a, ka en reng chuan ka thinphu a rang leh dawt dawt palh ang.

A tuk ațang hna ka țan a, a harsa hran lo, thawktu pakhat a awm ve tho bawk a, damlo rawn inentir tur apiang kan lo ziak lut a, chuan damdawi an lei duh ho clinic ah kan kawl loh chuan damdawi dawr lian zawk ah lei tur zawng in kan tlankual sak mai țhin, a lo thawk hmasa tawh tu in a sawi dan chuan ka thawk rei a nga, ka hlawh pawh a pung zel dawn bawk a ti a. Thingtlang lam ațang inhlawh a rawn awm ani a, ka û rual tur anih vang in u Mc min ti rawh a ti tlat a, lai zet in ka ko ka ko ve ta reng bawk.
Doctor Zothana pawh a cabin ațang a rawn chhuak ve chiah a, zan dar 10 ani der tawh. U Mc erawh zinglam ah a kal hma a, kei chu chawhnu lam ațang ka kal chiah avang in zan lam ka țhu rei ta thung, Doctor Hruaizela'n ka chanchin a lo hrilh hrep nge, hna ka zawm nihnihna ațang Doctor Zothana'n u Mc nen chuan min siamrem a, pawi ka ti lo khawp bawk, zinglam ah ka nu hmu turin ka kal theih phah ta dawn a.

"I lo ning hman em?"

"Aih." ka ti vat a, nui suk chung in a kekawr ipte aţang phone a phawrh chhuak a.
"Khai aw, dar 10 a pel der tawh anih hi, nangmah a haw ngawt nan chuan a tlai tawh deuh ang, ka thlah ang che aw." a rawn ti hluai a, lu ka thing a, counter ațang chuan ka ding ve nghal vat bawk, a hnuaiah min thawh tir tawh a, inthlah tir leh zel te chu ka duh bik teuh lo mai.

"Keimah in ka haw thei alawm." ka ti sep a, counter aţang chuan ka kal chhuak a, uluk fe in min en run bawk.

"I haw theih tawh chuan..." nuam ka ti leh chiah silo va, a chhan chu doctor zawk chhuak rawh kawngkhar ka rawn khar ang tih khum ngawt ila ka hawihhawm loh hmel ngawt ang. A bu ta nghut a, clinic ațang chuan a pen chhuak vut a, clinic chhung chu ka enkual thuak a, engkim a fel vek, light ka hmet thim a, pawnah ka chhuak ve a.

"I room tukverh lam a inkhar tiraw?" kawt ah a lo ding a, a rawn bu nghut a.

Kawngkhar pui chu ka nem khar a, ka lock a, tala a ka kalh fel hma chiah si chuan engemaw hi a ri zui chawrh a, ka hawi let vat a ka thil va hmuh vang erawh in ka meng nghal kawk mai! Hmingsangzuala'n Doctor Zothana a lo hnek a nih chu!

Doctor Zothana inring bawk silo pai nawk chu a pan leh vut a, a kawr awm ah chuan a țhamsak leh bawrh! Rang lutuk in an lamah ka tlan phei ve a, engvanga mi ding hle hle chu kut rawn thlak ngawt nge maw anih le?

" nupui fanau nei i ni tih i intheihnghilh em ni?" Hmingsangzuala chu a au țhawt, Dr Zothana erawh nui suk thung.

An bul ka va thlen ve rual chuan Hmingsangzuala chuan min rawn melh a, a mit a sen rum a, chumai pawh nilo in min ten hmel in bawlhhlawh hláwm ang maiin min ner khum ta nawk bawk. Ințhianțha tak anni emaw ka tia! Han insual ngat se chuan an intiat dun mai si. Ngaihtuah zawm duh lo in lu ka thing nawk a.

" min thlah teh." Dr Zothana chu a ti hluk, Hmingsangzuala ang in a thinrim ve lo in ka hria, ka thaw deuh huai thei.

"Tenawm dun lutuk." Hmingsangzuala chuan a ti hmuk a, Dr Zothana kawr awm a țhamna chu a thlah a.

"Tenawm tih ţawngkam kha min hman khum ngawt teh suh, i rui em ni?"

"Rui niin min hmu em ni?" Hmingsangzuala chuan a ti let hluk, Ka lo ner nawng ringawt.
"I ruih loh chuan kut min thlak tawh suh, chuan nupui fanau ka nei tih chu ka lungphu a phut țek țek chhung chuan ka theihnghilh lo vang."
"Oh.. a țhat hlauh chu nupui fanau nei i ni tih inhre reng chung in hmeichhe dang i tawmpui thei a maw?" a aw rik dan ngeiawm zet vang chuan ka hnungzang a thling kal chho hi a țek sawk thei! Doctor Zothana nen sex hmang angah min ngai leh tawh anih chu! Doctor Hruaizela ațang Doctor Zothana ah ka pakai ta hial chu ania hepa hian chhe tak tak in min puh kual reng a nga, kei hi ka ngawi mai mai zel ang maw. A teuh lo nasa lutuk.

"Chu ilo thik deuh em ni? Doctor Zothana chuan ngeiawm zet hian a ti hluk.
Hmingsangzuala zawk chuan khawih leh mai inpeih tih hriat zet in kut a humruh nghal țawlh țawlh a!

If you want to be ORIGINAL,
be ready to be COPIED

[Abbra Reo Ririni]

☆UTOPIA:1996☆
Chapter 12
By
Abbra Reo Ririni Khiangte ( Pitartei)




If you want to be ORIGINAL,
be ready to be COPIED

"Naute, ka thlah tawh ang che." Min koh dan chu leh! Hmingsangzuala chu en kanin Doctor Zothana chuan min rawn melh a, a nui deuh suk ka hmuh rual chuan Hmingsangzuala rilru chawhbuai belh a tum tih ka hria, ka bu nghat a, Hmingsangzuala chuan min en nghal vut bawk, a hmel landan hlauhawm zet vang chuan ka kutchal leh ka kutzungpui ka hmet si a, mahse Doctor Zothana zawk a motor hunna lam hawi a a thlek buk tak ah chuan thawk ka la halh a.


"Ka va kalh țha lawk ang." Hmingsangzuala chu a rawn rum hawk a, engahmah ka ngai duh bik lo, ka tlan let leh a, lock ah chuan tala a lo la inkhai va a, chahbi pawh lei ah a lo awm ngat bawk. Ka char a, ka kalh țha sawk sawk a, kuttum humruh tlat a Hmingsangzuala ding khawng luah mai chu tim daiin ka kalpel a, a inhumruh nasa lutuk chu a thawchhuak miah lo in ka hria! Mahse a țhianpa nen meuh sex hmang dun ang hial a min ngai khawlo thei hi nâ ka ti ve tak zet!

Motor hunna ațang Doctor Zothana chu a tlan chhuak a, Hmingsangzuala chu a dinna ngaiah a la ding reng, kawngpui motor ke in a rahfel rual chiah in engemaw a ri nghal bur! Doctor Zothana zawk a phun hluk bawk, side glass aţang kan tlansan lam chu ka melh a, bawlhhlawh bawm clinic bang deng dawt in a lo pet a,kawtlai a hnawk nuaih bawk.


Amah anga tenawm ka ni ve lo, chuan rawn thinrim a, ngaihtuahna bawlhhlawh tak nei chung a hmachhawn tur ka ni ziah lo va, a nun ah ka inrawlh buai loh ang bawkin ka nunah rawn inrawlh turin ka duh lo, kha a țawngkam na zet khan min la tina a, min chhaih kual nuam a ti viau pawh ani thei, mahse ka hmuh theih ah a rawn lang teivet pawh hi sim hram se ka duh tak zet!
"Hmeichhe tereuhté vang in kut ka tuar ania." ngawi reng a kan țhut lai chuan Doctor Zothana chu a rawn țawng chhuak a, ka melh zeuh va, a nuihzat hmel tlat in ka hria.
" a na em?"
"Nuam tak chu anilo." nui suk chung in steering hnehsawh zet in a her kual a, sawi leh mai tur ka hre tawh bawk silo, hmalam ka melh ta ngar a.
" khatiang tak khan a thikthu a chhia tih ka lo hre hauh lo." a ti leh sup bawk, thikthu chhiat vang nilo in a rilru ngaihtuahna tenawm zet vang ani tih ka hria.

"In inkarah awm a awm em?" rang lutuk in lu ka thing a, uluk fe in min melh bawk.
"A awm lo.."
"Thil thlen dan nen khan a va in millo ve." a ti leh sup, hmalam a melh leh a.
" a mize pangngai a hloh vek alawm." Doctor Zothana vek chuan a rawn ti leh hap! An inhriatchian hmel tak zet bawk! Hei erawh ka chiang ve tawk, Hmingsangzuala hi engtikahmah ka hrechiang thei ngai lo ang, a duh hun hun ah a mood a thlak a, min ringchhe thei ropui bawk si, tiang khawp a min ringchhe chung hian ka hma ah a la rawn lang ang sek zui a! Ka ngaihtuahna vang chuan ka thinrim țun bawk.
"Engmah lo vangin û anga a en leh a țhianpa hi kut min thlak chu a nia." a aw ri deuh hluk vang chuan ka en vat a, hmalam a melh run a, hei pawh Hmingsangzuala ang chiah a hmel ațang thinrim a sawi ani em tih ka hrethiam lo.

"Ka tihpalh." nui suk in lu a thing nghut a, awmdan tur ka la hre chuang lo, keimah vangin kut a tuar han ti ngawt dawn ila, Hmingsangzuala nen kan inkar ah eng thil mah a awm der bawk silo.

" kum 3 liam ta khan a nupuiin a uire san a!" Ka țhutna aţang min pawt lawp hial in ka hria, țhu ngil at in Doctor Zothana chu ka melh a, a kut pakhat in steering a hum a, lehlam zawk in a hmai a tuai puat bawk, tunah chuan sawi dan dang ka ngaithla dawn ta anih hmel!
"I hriat a ngaiin ka hria, Hmingsanga hi mahni insawifiah chi ani lo bawk, insawifiah a hnehin a rilru buluk zet in a thunun dan anga chet a ching bawk.." speed a ti muang deuh va, a nupui a uire san niin ka hria a, Doctor Zothana sawi dan tur nen hian a inmil dawn ta hauh lo.

"Mumbai ah post a neih lai a thil thleng tawh ani bawk, zan lam ah duty in a chhuah reng a ngaih chang a awm țhin a, zankhat a duty haw in a nupui leh mipa dang an nupa khum ngei a an awmdun lai a va phawk a, khata ţang khan hmeichhia tumah a hnaih leh tawh lo, i mean.. inlaichinna siampui tur ang in hmeichhia a hnaih leh tawh lo, a tuar in a fapa ngei pawh hnaih leh harsa a tih phah bawk, mahse hei zanin chu a thikthuchhiat vang liau liau in a kut ka tuar ta tlat mai!" a sawi zawh rual chuan a nui ro hawk a. Kei erawh ka rit nghal luk thung.

"Engmaw i sawi?"

"A eng a kha?" a rawn ti sup, chil ka lem dawk a, ka bing deuh mup in ka hre hial bawk.
"Zosangi kha a uire maw?"
"Zosangi i hria em ni?" min en leh a. Ka bu nghat a.
"Kan inhrechiang lo.." zawite in ka ti leh sep, Doctor Zothana chu a bu nghut a, ka ngaihtuahna bing mup mup chu tih reh tum in thawk ka la a, Hmingsangzuala ka țawngkhum dan kha ka ngaihtuah let a, ka țim sawk thei.. uire ang in ka chhuah a, chumai pawh nilo in hmeichhe mamawh tak ang maiin ka au khum bawk, a hliam ah chï ka phul belhsak tih ka hrethiam ta chiah!
"...... a chhungkua kha a hmangaih a, khatia an kehdarh ta si kha a hrilhhai teh asin, a nupui leh a fapa a atchilh zia leh a hmangaih zia hretu tan kha chuan a â hial lo kha thil mak ani tawp bawk, mahse a luhlulna leh mipa anihna anga a zahawmna khan uire na kha a inhneh tir duh ta lo a, marawhchu tumah a ring thei tak tak tawh lo.." motor engine ri pawh hre thei lo khawp in ka taksa chhung ami chu a ri dawt dawt a, ka hrawk a ro nghal halh bawk.

" midang kâ aţang nilo a țhianpa kâ ngei aţang hria la ka duh vangin engkim ka hrilh tlang che."

"Engvangin maw?"
"Umm, a chhuah mai mai dawn lo che tih ka chian vangin." a nui leh hawk a, mahse min tihelna vang anilo tih ka hria.
" zanina amah a ka thil hmuh kha a dik anih ngai chuan i chauh rak thleng in a umzui ang che." ka melh vak a, mahse motor kawng lam en in hmalam a lo bih ngur a, zawhte in a pumpui puar hma sazu man tum a a umkual țhin ang hian a umkual ang che tih a sawi tumna ah ka ngai ta bawk.
Ka tihnat ang chiah in min ti na ve ah ngai tur in min hrilh a, sual luih ka nih thu pawh min sawi khum ve ta kher bawk! Ka cho chhuah liau liau ani ta ber in ka hria.

Ka pa khan ka nu a uire san a, chumai nilo in nupui hial a rawn hawn bawk, ka nu nen kan awm hrang zui nghal a, a tuar dan engmah ka hriatpui lo, mahse kei khan ka tuar hle tih chiang tak in ka la hria, Hmingsangzuala fapa pawn a nu leh pa kar lohvah a awm chu hrethiam chiah silo in a tuar ve hle ang!


Doctor Zothana a tlan let a, chhuatlai ah ka ding reng a, ka țawng dan zawng zawng kha ka ngaihtuah let chang apiangin keimah leh keimah ka inhaw hluah hluah, ka nu tuar ang tuar ve tu chu thil hrechiang hlei lo in na tak in ka ţawng khum nghek a, Hmingsangzuala'n min tihnat a lo chak em em mai pawh kha dem ngaihna ka hre ta lo, ka thiam loh fai vek!

Inchung lam ka melh ran a, phone chu ka hmet eng a, a chang in ka ti thim leh a, ngaihdam dil tur in ka call dawn em? Min lo be duh kher lo mai thei! Doctor Hruaizela'n dawt min hrilh in ka ring bawk silo, ka rilru chu a insual kual mup mup reng a, a tawp ah chuan Hmingsangzuala ka tina ka ni tih ka inpawm ta thlap, ka nu ngei pawh tuin emaw ' a pasal uire san tu ah rawn puh ta ngawt se!' ka nu hian nâ a ti ngawt ang, a tuartu zawk ani miau va, ka pa kha uire lo se chuan ka pa a hmangaihna kha tun thleng hian a lanchhuah tir thei a nga, ka pa kha a hmangaih loh vanga kalsan a ni lo tih ka hriatchian tluk zet in Hmingsangzuala pawn a hmangaih loh vang nilo in uire na vang zawk in a nupui a kalsan! Kha uire-na khan a tihnat dawn tehreng nen! Keilah chuan!!!

Ka rum hak a! Ka inhaw tak zet, tinge he hmui tereuhté hi ka ven hman țhin loh, tu emaw rilru tina in keimah zawk pawh min tina lo thei lo in ka siam a, a motor hmalam ka vawmkeh sak vek leh nghal!

Khum ah chuan ka leng ta nghek! Ka inhua a, ka zak a, Hmingsangzuala ah ka inchan a, ka inhuat belh sauh bawk!


Doctor Zothana thusawi, *a chhungkua kha a hmangaih a, khatia an kehdarh ta si kha a hrilhhai teh asin, a nupui leh a fapa a atchilh zia leh a hmangaih zia hretu tan kha chuan a â hial lo kha thil mak ani tawp bawk. * a tih khan min fan a, kei mai mai pawh zankhat chhung lek a min duat dan a nasat zia ka hrechiang a, kha vang tak khan thlakhlelh rukna ka nei ta reng bawk! Ka pha lo, kha zan vang khan ka suangtuahna vak kualin Utopia hial a thleng a, chupawh hmangaihna tel lo duatna lek lehnghal in, hmangaihna nen ngat a nupui a duat dan tur ka ngaihtuah thleng a, ka kawchhung a tawt nghal vek! Hmingsangzuala hi a thlakhlelhawm asin le, min duatna reilote in min thlamuan hman lai a Zosangi'n a phatsan thei bik chu mak ka ti hial bawk! A vanneih zia a inhriat loh vang ani ngei ngei ang.

Ka thaw vak a!

Chutiang lam ngaihtuah zawm tawh lo tur chuan ka thinlung chu ka hau va! Anih loh zawngin Hmingsangzuala duh ang in keimah leh keimah ka inbum chiam palh mai ang.
Lu rit bur in khum ah ka țhu chhuak a, nizan tluk a ka ngaihtuahna kal kual nasa kha ka la hre lo, chil ka lem dawk a, ka hrawk a thip țhum bawk, muangchang in pindan aţang ka kal chhuak a, zinglam ah ruah a tlak vang nge boruak chu a vawt vur bawk, dar 11 vel ah hna kal turin ka chhuah a ngai dawn a, chumi hma erawh tihtur ka nei rih lo, thingpui chhuan ka tum zet a, mahse ka kawchhung lam ni nghulh vangin ka in peih dawn lo tih ka hre ta mai bawk, washroom ah ka lut a, chhan hriat chiah siloh vangin ka ipik luk a, ka lungphu phut dan pawh a dik thei lo, a changin a rang dawt dawt a, a sa huam huam bawk.

Ka sawi tur ni miah lo ka sawi tih ka inhriatchhuah vang pawh ani mahna!

Engmah ka ei peih ta ngang chuang lo, in ka ti fai a, bangrel vel ka hru hnum hlarh a, thing a siam țhutthleng sei pakhat awm chu ka nawt nghek nghek a, ka rilru ipik lutuk hian a ziaawm phah mahna, Hmingsangzuala ah ka inchan a, ka țawngkam ngeiawm tak tak te kha na a ti dawn lutuk, mipa ani a hmeichhia ang in a chhungril natna a lanchhuah tir ngai lo bawk ang, dawt muhlum lutuk a inpuh nat zia ka hrechiang a, mahse a hrechiang tu hian dawt muhlum in ka puh bawk si! Rilru ipik lutuk in ka ding mar a, ka thawchhuak hawk bawk!

"Ka hmu leh anih chuan ngaihdam ka dil ang." vanvadak a thawk la ham hma chung chuan ka phun sep a, ka thinchhia, min tina tu te ngaihdam aiin rullet ve duhna rilru ka pu bawk, mahse midangte an nihna lo pui a puh ka ching ngai lo, midang nun ah ka inrawlh buai ngai lo va, ka nun ah ka nu bak a inrawlh ka duh bik lo bawk, tun țum zet erawh tu emaw nun ah țullo tawp in ka inrawlh lut a, ngaihdam dil chu ka tih ngei ngei tur ani.


* I lo kal dawn tawh em?* Zarkawt phei ah ke in ka kal mek, u Mc message chu en in ka nui var var a, țhian nei miah lo in kum engemaw zat ka awm tawh a, țhian ti a sawi tur ani em ka la hrethiam lo nangin ka ngaina hle tih erawh ka inhria.
* kan veng ah ka la awm.* nui hak chung in phone chu ka hum nghet a, clinic kawt ah ka ding nghal ran bawk.
*awi, i va tlai awm ve?* a rawn ti leh a, ka luh ruala a hmel awmdan tur ka hmu chak tawh zet bawk.

Kawngkhar ka pawt hawng a, damlo inentir tur an lo țhu khat tlat tawh bawk a, U Mc chu a rawn dak chhuak a, kei erawh tifuh in ti lutuk in ka nui sang thung.
"Nghal-i.." a rawn ti nghal hlak bawk.
Midang awm țhup laia nuih nghekna chi ani bawk silo a, counter chu ka pan a, ka bag ah lai ka lakthlak rual te chuan min lo melh rawm rawm bawk a.
"I lo buai em?" counter dawhkan hnuai ah bag chu ka dah lut a, a ner nawng bawk.
"Tihtur zawng zawng ka lo ti vek tawh."
"Wow, anih chuan ka țhu hahchawl thei anih chu." Ka fiam a, ka dar ah ben pawp a chak hmel kher bawk.

Chawhnu lam zawng chu kan buai tluan chhuak țhak, Doctor Zothana en zawh apiang damdawi chawhna lehkha nen an rawn chhuak a, damdawi chu clinic chhung ah kan kawl loh chuan damdawi dawr lian dang ah kan tlankual sak nghal zung zung a, tar leh taksa chakvak tawh lo ho an lawm hle zel.

"Kan in ah lo la leng rawh aw, naute kan nei asin." U Mc chu ka melh a.
"Ka u te fanu mawle, la rawn leng rawh." ka bu nghat a, kan in a leng tur in ka sawm ngam dawn lo chiang sa.
" hetah hian i thawhna a rei tawh em?"
"Umm, rei tawh se, ka hlawh in scooty ka lei tawh." a nui hawk a.
" min la phur ve thei."
"I chuan ngam phawt chuan phur ang, rv ah daih in awm sia kal vel hi buaithlak i ti awm?" a rawn ti leh a, ka bu nghat ringawt, Doctor Zothana cabin kawngkhar a rawn in nem hawng a, darkar khat chhung vel a chawl ve zawk tawh ang.

"Yes, thil kan ei hun ani ta." damlo in counter lam a rawn pan lai chuan u Mc chu a rawn phun sep a, ka nuih ta ringawt.
Damlo damdawi mamawh ho chu kan enkual zung zung a, kan kawl zawng a lo ni vek bawk.
"Bai tui deuh i ei chak em?" u Mc chuan a rawn ti a. Bai thak tek tawk ka ei lohna pawh a rei ta hle mai.
"Umm, alu bai thak deuh ka ei chak."
"Alu ber kher.. naktuk chhun ah bai ka lo keng ang, clinic ah hian kan ei dawn nia." a ti a, a thu a duh ve hle tih a țawng vel dan ah hian ka man ve in ka hria, a duhdan a sawi tawp a, mahse ngeiawm khawp in a țawng ngai thung lo.
" ka rilțam deuh tawh.." ban ka phar a, ka zimar ţalh ţalh bawk, zing ațang engmah ka ei lo.
"Anih chuan chhuak vat ang." a rawn ti a, counter hnuai a bag la tur chuan ka kun hniam a, clinic kawngkhar chu a rawn innem hawng a, hawi chhuak lo pawhin bell sin te a inkhai a, amah in a ri ral ral thei.
"Aw, damlo inentir tur an awm dawn niang." u Mc chu a rawn kun hniam a, a phun sep bawk.
"Lo kal rawh u. " a ti a, ka bag keng chung chuan ka țhu chhuak ve a, ka beisei loh lutuk in Hmingsangzuala nen kan in melh nghal siah, min hmu thut chu mak ti awm pawn a awm tawh lo, a kut pakhat in a kekawr ipte a zen lut a, hawi sang vuah chung in min melh ta run bawk, a bulah hmeichhe pahnih an ding a. Ka hawisawn nghal vat bawk.
"Zothana a awm em?" a rawn ti hmuk, u Mc-i chuan a cabin chhung ah a awm thu a hrilh a, hmeichhe te zawk chuan Hmingsangzuala chu a melh zeuh va, mizo ang lo lek lek zawk chuan Hmingsangzuala ban bulah a vuan ta chat bawk, țullo zet in dawhkan chung a damlo hming kan ziah tlar chu ka thlek a. Doctor Zothana cabin ah chuan an lut bo ta diak bawk.
" Chawlh a nei emaw ka tia." u Mc chu a chair ah a rawn țhu a. "Nghak leh lawk ang aw, anni saw rawn chhuak se, thil ei tur chuan kan kal chhuak dawn nia, an damdawi duh pek fel phawt an ngai țhin a." Phone a khawih zawm zat a.

Zawite in ka thawchhuak a, Hmingsangzuala ban a chelh tu hmeichhia kha Claudia ani tih ka hria, instagram ah a larin a chhelo em em bawk, Champhai lam ami ani tih ka hre bawk a, instagram ah na na nâ chuan likers ngah ber leh țhalaiin an bawr rawn ber ani bawk, mahse Hmingsangzuala nen hmuh dun ka lo beisei ngai hauh lo.
Thawk ka la vak a, ka lo buai ve vakna tur anilo tiin ka inhrilh nghal mawlh mawlh bawk.

Engemaw a rawn ri rak a, ka hawi chhuak vat a, Doctor Zothana'n a cabin kawngkhar a rawn nem hawng a a chhung lama țhu te pawh a hmuh theih vek, hmeichhe pahnih kha chair ah an țhu a, Claudia hnung ah Hmingsangzuala a ding run bawk, min hnungchhawn miau vangin min hmu ve thei lo.

"Arinte, pregnancy test kit min rawn pe lawk ta che." a rawn ti a, ka phu zawk hial in ka hria, mahse rang zet in ka insiamrem a, u Mc chuan counter hnuai a bawm te chu pawt hawng in test kit pakhat a rawn la chhuak a, a kut aţang la in Doctor Zothana cabin lam pan chuan ka kal vat a. A chhung ah ka luh chak loh tehreng nen a cabin kawngkhar chu a lo khar phui leh vek tawh a, hreh zet in kawngkhar chu ka kik kauh kauh a. Ka nem hawng a, Claudia chu a lo țawng lang lang a.
"Hetah aw." nui suk chung in Dr Zothana chuan kut a rawn lek a, hmeichhe pakhat bangkil lama țhu chuan min rawn en ve zauh va. Tu ber hi nge test tur le?
Kit chu a kut ah ka hlan a, ka inher tur chuan Hmingsangzuala chu ka melh zeuh a, Claudia darah kut a nghat a, min hre ngai lo ang hmak in min en mawl tawp.

"Officer Hmingsanga kha chawlh a la an ti emaw ka tia..'' Counter ah ka let leh rual chuan u Mc chuan a lo ti vat a, khawi aţang nge a hriat tih ka ngaihtuah zet a, Chibai Mizoram ah Police station report an sawi rual khan an rawn sawi tel tih ka hre leh hnuhnawh.
"A la lo mi?" Chair ah ka țhu a, ka țang ru ran ta bawk.
"Nia, aaa.. mahse Aizawl chhuahsan kher loh pawn a chawlh theih a lawm tiraw?" nui hak hak chung in a bag a zen rak rak a, "rawn chhuak har lo se aw.. rilțam tawh nen." a ti leh hlak bawk.
Dawhkan chung a ka bag chu ka ban a, ka malchung ah ka pawm a, Hmingsangzuala kut Claudia dar a lo awm bawk kha ka ngaihtuah let leh a, mak khawp in ka taksa a lum nghal huam huam mai! Nimin lawk te kha chuan ka hmuh theih lohva awm turin ka duh a, ka duhthusam ang ngeiin min hre ngailo ang hmak in a awm ta cheng a, awm nawm loh nan ka hman phah leh daih lawi si, ka awmdan pawh hi ka hrethiam teh nuaih tawh lo.

Darkar chanve tling lo hretah an rawn chhuak ta vek a, hawihhawm loh hmel zet in ka ding ve duh ta kher lo bawk.

Doctor Zothana'n an ruala lunch a ei tur thu a sawi a, keini pawh thil ei chhuak turin min hrilh a, țullo tawp in Claudia khan Hmingsanga ban ah a chelh sak leh em tih hriat tum in ka melh zeuh a, ka thaw huai ta ringawt, Hmingsangzuala leh Claudia lo zawk kha muk hmel zet in kawngkhar bulah an ding dun a, hmeichhia chu a phun sep sep reng bawk.

Ka phone a rawn ri thut a, Hmingsangzuala rawn hawi vut chu ka hmu hman vuai a, bag chu ka zen rak rak a, screen ah Dr Hruaizela hming a rawn lang a. Engtin maw tak ka awm, ka chhang vat a. Hmingsangzuala chuan min en run bawk.
" lunch ei turin khawpui chhung ah ka rawn tlan a sin." a rawn nui tel bawk. Midang awm lai a phone chhan nuam ka tih loh tehreng nen tun țum zet zawk ka awmdan a dang tlat.
" keini pawh lunch ei turin kan chhuak dawn chiah a sin." ka ti let a, Doctor Zothana leh Claudia chuan kawngkhar lam an pan a, Hmingsangzuala bula hmeichhe ding khan kawngkhar a nem hawng a, Hmingsangzuala tih loh chu an chhuak ta vek bawk.

"..... Clinic kawt ka rawn thleng chiah." A sawi zawh rual deuh thaw in Clinic kawt ah a motor a rawn ding fel der, glass down pahin a phone chu a rawn lek va va a.

"Kal ve tawh ang, kan rualin ei se a pawi lo tiraw?" U Mc chu ka en a, Hmingsangzuala ding run chu engatanmah ka ngai duh bik lo.
"Aw, kal ang mahse.." Hmingsangzuala lam chu a melh zeuh va.
"Pu Hming, kal chhuah kan tum tawh a, lunch kan ei vat loh chuan dar 2 ah hian kan let leh a ngai sia." U Mc chuan min en nghal haw mai, nui sang in Hmingsangzuala chu ka en ran thung. Kan hriatthiam loh in engemaw sawiin a phun hluk a, kawngkhar na zet in a pawt hawng pawp bawk.
"A awmdan a va mak ve.."
"Kal ang.." tih leh kawngkhar lam pan ka rual a, Hmingsangzuala khan Dr Hruaizela kha thik se tih kha engvanga ngaihtuah tel tlat nge ka nih pawh ka hre hrep lo.
"Ka nu a țha em?" ka ti chhuak lang lang a, lu a lo bu nghat a.
" Ka țhiannu nen kan bul ah i ei hreh em?" Ka ti leh a, car bulah ka ding tawh, Doctor Zothana te kha khawi lam panin nge an kal tih takngial pawh ka hmu hman der lo.
"Ngahnge ka hreh ang?"
"Aww.." ka nui ta ngawt, u Mc chuan kawngkhar a kalh a, CLOSE tih pawnlam ah a tar zui zat bawk.

Dawr hnai te ah kan inzui lut a, u Mc leh Doctor Hruaizela an titi thei phian a, Doctor Zothana clinic tlawh in Doctor Hruaizela a kal fo anih hmel a, an lo inhre tawh sa hlauh bawk a, dawhkan kan kil rualin eitur kan chah zawm nghal a, dawr chhung ah chuan ka hawikual thuak , ka mi zawn ruk ber tunge anih tih ka chian rualin atthlak ti lutuk in ka ner ru ta nang bawk.

Kan ei tur chah a rawn thleng a, zingah engmah ka ei lo bawk nen ka ei tui ta phian leh nghal, ka thleng a mi zawng ka ei zawh rual chuan Doctor Hruaizela'n ka duh belh em tih min zawt vat a, an thleng ka en ve chuan a chanve pawh an lo la ei hlek lo. Lu ka thing a, phone ka phawrh chhuak a, țul lo zet in ka hmet kual ta chiam bawk, fb ah ka lut a tihtur hrelo zet in news feed chu ka scroll thla a, social media hi ka ngaina hran lo, țhenkhat in țhian neih phah nan te an hman lai in a hming lek tak tak in ac ka nei ve a, fb phei chu news chhiarnan ka hmang deuh țawk zel. Ig lam ah ka lut leh a, ka ngaihtuahna ah Claudia a rawn lang nghal zawk bawk, ka follow tawh sa tho vang in a hming ka search a, post thar a nei hran lo, amah ah hian hnamdang thlah a tel ka ring tlat zel bawk, a thlalak comment naah zawt chawt chawt lah an tam a, tumah a chhanglet ngai miah thung lo, a story ka en sak a, nimin khan Champhai aţang an rawn chhuk anih hmel, khawkar kawng a tlang nalh zual țhenkhat a an thlalak ni ngei tur a story nual a, vawiin a hmeichhia nen an lanna a ni tlangpui bawk.

"Hey.. Nghal-i kan thusawi kha ilo hre miah lo.." u Mc-i'n min nghawk sawk a, ka hawichhuak a Doctor Hruaizela pawn min lo en run mai.
"Engnge in sawi?" rang zet in phone chu ka hmet thim a.
"Kan ei zo tawh let tawh ang u, chuan Doctor Hruaizela hian kan ei man a pe dawn."
"Naaa.. keimahni'n pe ang." ka ti hap a, Doctor Hruaizela chu a meng dur nasa ngang bawk.
"Lo va chhuak rawh u, ka'n pe fel a nge." a ti nghut a, bill pekna lam pan chuan a kal zui ta vut a, u Mc nen chuan kan inzui chhuak a, an inah leng turin min sawm leh mial mial tawh, kei aiin upa mahse a rilru a la naupangchhia ve tho tih ka hriat phah a. A duh loh zawng erawh a tina ve viau ang.

Clinic kan thlen hnu lawk ah Doctor Zothana a rawn lut a, zawn ruk ka nei deuh a, mahse ngaihtuah zawm duh lo in counter lam pan a Doctor Zothana rawn kal vut chu ka en a, nupui neiin fa pahnih an nei tawh tih u Mc-i'n min hrilh tawh a, ka doctor hmuh țhin ang lo takin a hmel a lang dam ve thluam lo, mahse innghahna tlak tih hriat takin a pa lian a, a hnen aţang țawngkam dam thlap dawng tawh reng reng in an thlamuanpui nghal zel thei.

"Zan dar 8 thleng bak țhut ka tum lo a, hming ziah luh dan lo thiam mai ru aw." a rawn ti sup a, Hmingsangzuala te nen kan pathum inkara thil thleng kha hria ang pawh in a awm lo a, a hnuaia hnathawktu ka nihna ang in min be tawp, chu chu ka duhdan tak ani a, aaaa.. nizan a thil thleng kha chu midang hriat ve chi ani reng reng lo.

U Mc-i chu haw hmasa tur ani nangin min țhutpui ve ta tlat a, ruahsur tur ang maiin thli a thaw vuk vuk bawk, ruahsur leh thli thaw mai hi chu ka tuar ve thei a, mahse ţek tla leh kawlphe hi namen lovin ka hlau thung, ka naupan deuh lai a ka zirtirna dawn a fuh loh vang pawh ani pakhat ang, class room ah kan awm laiin thlipui leh ruahpui a rawn thawk a, kan school bul lawk ah khan kawl a rawn phe zuai zuai a, țek tla ri țhuaiin a zawm zat zel bawk si, hmeichhe naupang hlau au chul mai kha kan teacher khan ' in au bengchhen chuan i voice thangkhawk leh țek rawn tla nawkna nasa tak vangin a in man thei a, țekin a deng zawk mai ang che u, au tawh suh u!' tiin min khap a, khata ţang phei kha chuan ka hlauhna a zual a, kawlphe leh ţek a tel tawh chuan thinthi in ka awm thei ngai lo, tlaivar țhak ngai mahse chappal bun in khum ah puanlum chhah zet in ka inlukhuh char char zel!

"Yes, kan haw thei.." ka hawichhuak a, Doctor Zothana a clinic aţang a rawn pen chhuak chiah a, hun a vawng dik chat chat lutuk chu mak ka ti hle bawk.

"Ruah a tla anih hi." clinic chhuatlai ah ding run pah chuan pawnlam a melh a, mihring vei vak an tlem ta pharh bawk.
"Aw, Arinte i haw na tur a buaithlak awm e, kan inah lo riak daih la.." leh ta ngawt a! U Mc-i chu melh in ka ner nang a. Ka phone a rawn ri a, rang lutuk in bag ka zen nghal rak rak a, zan lamah phone call ka dawn hi chuan ka thinphu a rang nghal dawt dawt țhin.
"Ka nu a țha em?" ka ti nghal tawng!
"aaa.. ka rawn lam ang che." Doctor Hruaizela chuan a rawn ti tawng, ka thaw hawk a, Ka lungphu a che nghal dawt dawt bawk.
"Khawnge i awm,clinic ah ani em?"a rawn ti leh a, ka chhunglam aţang thilțha lo tak thleng tur ang mai a min rawn tuam tawp tawp tu chu tih reh tum in mit ka chhing nghal sawk.
"Aw.." ka ti sep, an inah a awm thu leh an in aţang a rawn tlanchhuah tawh thu a rawn sawi a, phone chu ka bag ah ka dah lut leh a, ka tha a rawn khur titih a, ka nu.. ni e, ka neihchhun liau liau ani miau alawm, ka thaw leh ham ham , u Mc chuan min lo en ran bawk.
"Ka nu a țha vak lo a, Falkawn ah ka tlang a ngai.." a awm tihnawm nan nuih luih ka tum a, mahse ka thei țhak lo.
"Awi! A pawi lutuk.." Ka kut a rawn hum a. Tunhnai chu kan buai ngun ta malh malh bawk a, ka rilru lah a vak thuiin a chhe ber hial ka ngaihtuah thleng pha a,ka thawk a chham mai dawn in ka hre hial!
"Ka thlah dawn che mi?"u Mc vek chuan a rawn ti a, lu ka thing vat.

"Ihh..Doctor Hruaizela a rawn kal dawn a, kawtah khian ka lo nghak a nge." ka ti sep a, ka ding a Doctor Zothana pawn min lo en ve reng tih ka hre chiah.
"I ruala rawn kal turin min duh em?"
"Aih.. ih Doctor Hruaizela a rawn kal dawn lawm." ka nui lui ngial a, min chhanletna pawh ngaihven lovin Clinic ațang chuan ka chhuak sawk sawk a, ruah baw hawk hawk chuan ka ke hmawr lam a rawn theh huh nghal țhawt țhawt bawk, clinic kawt ah motor a rawn din rual chuan ka thaw huai thei!

Rawn kal chhuah a tum chu lu ka thin khum a , a in turn lawk tur thu a sawi a, ka piah deuh motor hunna hmun zau lai ah chuan a va in turn pawp a, ka hmaah tak a rawn din leh rual chuan kawngkhar ka pawt hawng a.
"Engtinnge a awm a?" ka țhut luh fel hma in ka au titih!
"... thisen chu kan pe vek, mahse a chau thut a.." Ka chhanglet em tih pawh ka hre lo, a tlanchhuak a, ruah tla buan buan chuan car chung a rawn ti ri țuk țuk reng a, kei erawh in thil pakhat chiah ka ngaihtuah ngut ngut thung,ka nu in min kalsan thei lo,a theih loh hlawm tawp.

Ka ke tha a rawn khur ti tih a, amah in a che zui hlawk hlawk a, ka kut hit thler chuan hmai ka tuai puat a, Doctor Hruaizela pawn engmah sawi tur a hre bik lo, speed a ti chak zual sauh a, ka thinphu dawt dawt mahse ka thawchhuak hleithei der mai bawk silo, mittui rawn tla emaw, țah chhuak emaw nei miah lo in ka hlauthawng em em reng ani tawp.

Kawtzawl ah engine a thih rual in ka tlan chhuak nghal a, ruah a lo han deuh tawn a,damdawiin chhung ah chuan tlan tlang in ka nu cabin lam ka pan ding nghal mawp mawp a, cabin kawngkhar ka nem hawng a, mahse a lo ruak huai anih chu!

"Nu?" Ka ti nghek, cabin chhung ah chuan ka tlan lut a, ka hawikual nghal ruai bawk.
"Nu, ka lo thleng tawh a nia." Ka hlauthawng lutuk chu min rawn hmu thut anih chuan zawhna a ngah leh dawn lutuk tih ka hria a, chuvang chuan ka nui lui hak bawk a. Mahse pindan chhung reh tlawk tlawk leh pawn a ruahsur thawm bak hriat tur a awm der lo.
"Arinte.." Doctor Hruaizela a rawn tlan lut ve hlawl a, ka inher nghal a.
"ICU ah zawk aw." dam thlap in a rawn ti a, ban ka phar chiam ringawt. Muangchang in a rawn pen lut a, ka dar ah a kut pahnih in a rawn man a.
"Hahdam tum rawh, tuna i landan en hi chuan nangpawh icu lamah dah luh i țul ve hmel tlat." a rawn nui a, thawk ka la a, nichina min rawn call tirh ațang tawh khan thawk pangngai in ka la thaw lo hrim hrim.
"A bulah chuan kal ang " ka ti ta sep, lu a bu a.
Icu lamah min kai phei a, Doctor Hruaizela'n min rawn call tirh khan ICU ah a awm ani tih ka hrethiam nghal vek. Mahse ka mangang lutuk kha ka buai nuai ni ber in ka hre ta cabin lam ka pan tawp danah.

"Oxygen hmang in thawk a la mek a, chimbuai chi ani rih lo." ICU aţang doctor rawn chhuak chuan a rawn ti nghal tawng. ICU kawngkhar chu ka melh ngut ngut a.
"A dinhmun a țha tawh reng reng em?" Doctor Hruaizela bawk chuan a ti a, a aw rikdan ah chuan min vengthawng hle niin a lang.
"Ka sawi tlang tawh mai ang.." muang raihin ka inher a, Doctor chu ka melh nghal ngar bawk, a tarmit bun lai chu a la thla a. A coat var fual hak ipte ah a thun lut leh te te a, ka chhunglam aţang chuan a thusawi hi ngaihthlaksak kher a țullo tih min rawn hrilh tu a awm a, chu aw ri chu zawm in ICU bul vel ațang hian ka tlanchhuak thut mai dawn mi.
"I nu hian rei a daih tawh dawn lo, thisen unit engemaw zat nikhat chhung in kan pe hman țhin a, mahse a thisen lo eichhetu lam an lo chak ve telh telh nen.. a taksa tan thisen leh tui in danglamna an nei tlem ta viau mai a.." chhuat ah ka tlu tawp mai dawn maw ka ti hman mahse ban tha chak zet in ka kawngah a rawn man a, a taksa lum vung vung rinchhan tur chuan min hnuk hnai a, ka tha neih zawng zawng an bo zo vek!
" keimah nen kan inbe thei a ngem?" a aw nghet churh mai aţang chuan a hmel ena tunge anih tih ka fiah kher ngai lovin tunge anih tih ka hre thei!
Doctor chu a bu nghut a.
"Dawt a nih kha a sawi.." Ka ti sep, ka nghen mek taksa chu a che hrut a. Keipawh kawchhung natna nen ka taksa chu a khawng nghal auh!
"Ka sawi chu dawt vek anih kha a sawi, ka nu chu a hrisel țha lutuk, thisen kan pe leh a nga a hma ang bawk khan a rawn harh leh dawn. Khapa khan engmah a hrelo." A tawp lam phei chu thawk ipik lutuk in ka au chhuak nghek a, a awm ah min kuah bet a. "Thisen kan pek pawn awmzia a nei tawh lo a tih pawh kha dawt vek.." ring tak au chhuah leh ka tum a, mahse a awm ah min kuah bo hneh lutuk vangin bawm phui zet chhung aţanga ri chhuak ang mai in kei ngei pawn ka aw ri chu ka hre ţawk ţawk!
"Bawihi?"
"Dawt vek an sawi!" ka ti leh tawk!
A thaw hawk a.
"Umm, dawt vek an sawi, min rinchhan tawh rawh le.." a aw zawi ruih mai chuan ka taksa manganna vang a buai vek chu a rawn ti lum ni maiin ka hria. Ka darah khabe a rawn nghat a, a ban pakhat in hneh zet in min la kuah bet reng, lehlam zawk in ka hnung a chul hauh hauh va.
"Theihtawp ka chhuah dawn lawm, mahse chu mi hma chuan keimahah rinna i nghah phawt a ngai.." ka hrawk chhunglam a ri hraih a, ka tha a zawi tual tual bawk.
"Aw, khatiang khan min rinchhan ra.." a sawi zo hman lo, a taksa ah chuan ka tlu lut rawk rawk a, a lungphu ri dawt dawt ka hriat rual chuan muangchang in thawk ka la zui ham ham a, Hmingsangzuala pawn ka hnung ah chul hauh hauh reng chungin a hmuiin ka bek a rawn nawr a! engtiklai khan nge a rawn kal ve hman ka hrelo, a rawn kal lo ang tih erawh ka hlau hluah hluah thung, ka sawi tawh kha! Amah ah hian thlamuanna ka hmu miau alawm.


Show post links
Top
Abbra Reo Ririni
Post January 25th, 2019, 10:01 am

Darkar khat hnu ah pawh ka nu a la harh thei lo a, Doctor be turin Hmingsanga'n min kalsan a, thu dengkhawng tak tak hre tur khawp in ka laktlak ati lo deuh pawh niang, mihring mihrinna ah chuan chak tawk ka in ti ve a, kha leh chen kha ka lo paltlang ve tawh bawk, mahse thihna kut vawt meuh in ka nu ban ah a rawn chelh sek tak ah chuan paukhauh ngaihna ka hre tawh bik lo a, mi chak tak nih aiin rinchhan tur neih ka mamawh zawk tih chiang takin ka inhre tawh.


"Hey, min en rawh.." ka hmaah a rawn țhu hniam a, ka malchung a ka kut khur titih reng pawh chu a rawn hum bo nghal hmiah bawk.
" Bawihi min en rawh?" Dam thlup in a rawn ti leh sup, ka hmaah a awm reng nangin ka hmufiah lawk thei lo.
"Engkim a țha dawn.. aw?.." a hmelpa zet mai landan dam ruih mai chu en in za lo te in ka nui a, ka thlamuannan a rawn nui lui ve suk bawk.
" engtiknge a rawn harh ang?" ka ti a, a kut pakhat a rawn lek chhuak vut a, ka biang rawn khuap nan a rawn hmang zawm zat bawk.
".. i kiang ah ka awm tawh hi, ţap chhuak rawh, khatianga i natna i paikhawl reng kha ka phal lo.." min duat tih hriat lutuk aw ri dam ruih mai chuan ka thinlung vur tlang ang maia sak tlat chu zawi zawi in a rawn hem tui a. A kutzungpuiin ka biang a tuai hauh hauh va, ka biang a rawn lum thla pap a. Mit ka chhing a, ka la ţap chhuak thei lo cheu anih chu!

" engnge ila hlauh, min rinchhan rawh ka ti ani lawm ni?" a aw zawi sup mai ah chuan ngenna a rawn lang tel ve a, ka biang ah tuai tawh lo in ka beksam ah a rawn nawr chho va. A taksa in min awm hnaih nghal tih boruak chevel ațang ka hre thei. Ka chal a rawn sik rual deuh thaw in ka in hnit chhuak ta hlawp hlawp a, ka hmai zawn ah a rawn thaw lum ham ham reng a, a ri a ţap chhuak hawk hawk turin min nawr lui ni maiin ka hria.
"Min kuah rawh.." rum nghut chung in a che vut a, mahse keimah zawk in nghawng ah ka ban pahnih ka suih zawm a, a darah ka hmaiin ka nawr leh rual chuan awrawl chhuah meuhvin ka ţap zui a.. ka kawchhung a natna rawn chhuah tir vek tum ang hrim in ka hnung ah a chul a, ni e, ka ţap chhuak lo anih chuan ka natna pai zozai te hian min hmet chau vek thei mai ang!

ICU kawngkhar bulah min țhut tlaivarpui ta țhak bawk! A dar ah lu ka nghat a, ka kut a hum lum a, ka melh ngai melh in ka thaw dep dep thung.
"Doctor ka ko ang aw, reilote hmu la, inah ka hruai haw phawt ang che." A dar a ka kui nghah chu a taksa chhunglam ațang min nghawr dar dar thei.
"Bawihi ?" a rawn ti leh a, mit ka chhing daih bawk. A thawchhuak ham ham a, ICU lam pan a ke pen thawm ka hriat rual chuan peih lo zet in mit ka meng leh a, Doctor Hruaizela leh Doctor pakhat an rawn inzui a, Hmingsangzuala nen kan lo awmdan chu Dr. Hruaizela chu a țhawng hle ani ta ve ang, a meng deuh awk a! Ka țhu mar tur pawh Hmingsangzuala'n min pui thlap, bang ka nghen hnu ah chiah keimah aţang mit a la sawn a, a ding chhuak a, ka hma a doctor te pahnih chu a hliah bo nghal vek.
"A nu hi hmu lawk se ka duh." a ti tawng, dilna emaw a aw ri ah lang tel lo, Doctor te pahnih chu a duhdan a hrilh tawp.
"Umm, mahse thawm a siam chi lem lovang , minute 5 pawh awm tlin a theih dawn loh bawk."

"Ka lawm e." a ti sup a, a rawn inher a, min ngaihtuah hmel fe in min thlek leh phawt a, Doctor te lam bawk hawi chuan engemaw a sawi leh sup a.
"Bawihi, nangmaha i luh a ngai dawn aw." ka bu nghat, Doctor Hruaizela chuan Icu kawngkhar chu a nem hawng a, kut ka humruh hmasa phawt a, ka pen lut ve a, khawl hmangin an lo thawk tir a, a landan chu ruhro tuam mawichawp mai mai a ang tawh tak zet bawk! Khum a a ban dah ngil zar mai chu ka humsak a, he natna nunrawng lutuk hian a sawisa chau zo tawh a, chak takin awm tum țhin mahse a sual let hneh ta ngang loah ka ngai tawp tawh.
"Nu, i rawn harh leh dawn tiraw?" ka hmuiin a kut chu ka nawr a, a vawt thler a, khawl ah a lungphu kal dan hmu lo phei ila chuan mitthi emaw ka ti hial ang.
" chelhbet reng tur che hian min duh em? I tuar hi a nasa sia tiraw? Mahse ka chelhbet reng loh che chuan keimah chiah ka ni tawh dawn a, chu thil chu ka ngaihtuah zawng ringawt pawn ka hlau asin, mahni hmasial zet in ka chelh leh ang che aw, natna hre miah lova i awm ka duh tawh lutuk, mahse hnutchhiah nih ka duh lo, keimah chiah a ban (g) bik ka duh lo..."



Khawvar vek tawh hnu ah Falkawn ațang kan tlan chhuak a, nizan hmasa ka mu mumal tawh bawk silo, nizan ka tlaivar leh țhak bawk nen ka taksa in a tuar lutuk bawk!
" thil ei la, i mu nghal dawn nia, i nu chanchin chu ka kut ah dah la.." ka han melh zawk a, steering hum run chung in a kut pakhat a rawn lek chhuak a, ka darah a rawn nghat ta bawk.
Țawngka a chhang lovin ka bu nghat a, a kawchung lam ațang a rawn thawchhuak zui ham ham a, ngaihdam dil tur ka ni a, ka tina hle bawk, mahse engmah sawi ka chak rih lo.

Kan inkawt ah motor a ti ding dat a, țum dang ang te chu nise kan inah a rawn luh loh dan ka ngaihtuah leh ngat ngat tawh ang , a chhuak vut chu dan ka tum tawh biklo, ka țhutna lam a rawn pawt hawng a.
"Sofa leh tv ka hralh vek tawh.." mak tiin min en dawn maw ka ti a, ka rin loh dan lutuk in a bu nghut a. Min kai chhuak nge ni a, ani hian ka nu hnen ațang a lo hre vek tawh zawk le!

Inchhung ruak huai ah kan inzui lut a, kawngkhar a pawt phui a, chung lam ah a lock thlap bawk.
"Khum ah lo va mu rawh, i eitur ka rawn siam ang.."

Khum ah ka mu hlawm tap, nizan ruahsur bawk nen thlasik khawvawt ang maiin boruak a vawt vin tuk bawk si, ka mu tawm ngat a, ka kut chu ka taksa hmalam ah dahin ka thawk khum a, a lum har hrep leh nghal.
"Bawihi..?"
"Umm?" ka inlet thak a, pindan kawngka ah a lo ding run tawh. Ka room lam thleng in a rawn hmu veleh ta!
"Eitur i kawl lo." Zalo zet in ka țhen sak a. "nangmah in i lo awm hreh em?" a rawn ti leh sup bawk. Ngahnge maw ka awm hreh ang le.
"Aih.." a bu nghut a.
" siam tur ka han lei lawk ang, ka rei dawn lo aw." Lu ka chet a, a kal chhuak mai dawn maw ka ti zet tawh mahse a rawn inher vut a, leather jacket dum chhing lam deuh a ha a, khum zawn turin a țhu hniam zui vut a, ka melh ve reng bawk.
"Rilru lo kawm suh aw." min awm hnaih sauh va, ka chal ah a hmui lumin a rawn nawr a, a inlakhran hma chuan ka nui seih bawk.
"Kha thil chiah kha lo ngaihtuah zawm ang che." a kut hlai hlupin ka biang a rawn khuap leh phawt a, ka nui ta ver ver bawk.

Kawr ațang a inkhalh chhuak thawm chu ka ngaithla kar a, chhun lam a kan awmdan ka ngaihtuah let a, intihnat a, inhriat loh der kan tum nasat tehreng nen! Lu ka thing ta nghat bawk! Ka hrethiam tawh bik lo, mak takin kan inhnaih leh zel țhin bawk si!

Ka pum a rawn ri raih raih a, ka dawm a, ka rilțam lutuk vang nge a rawn na thip nghal vawng vawng bawk.
"A rawn let leh har si.." ti nai nai chung in ka tho va, pindan ațang ka kal chhuak a.
Show post links
Top
Abbra Reo Ririni
Post January 25th, 2019, 10:01 am

Chhuar ka hawng rak rak a, frying pan ka la chhuak ve tawp dawhkan ah artui pakhat lek a lo awm ngat a, a rawn thlen hma in hei hi ka kang a nga, ka lo ei mai ang. Ka pum thip lutuk in min lo pawt ve țung a, frying pan ah chuan tel ka leih lut a, gas ka 'on' a, ka zun chhuak bawk si chu washroom ah ka tlan lut leh phawt a, kawngkharpui a rawn inchum ri dawt a, washroom kawngkhar ka khar phui a.

Vawikhat dang na zet in a rawn inchum leh a.

"Rawn luh ve mai tur ania." Ka ti hlak, mahse a inkhai bawr leh vak anih ka ring deuh, gas chu ka ' sim' a, kawngkharpui lam pan chuan ka kal zui zat bawk.

Kawngkhar a inkalh miah lo, ka nem hawng a, ka meng nghal kawk bawk.

Mipa lianpui pui pathum an lo ding khup a, an hmai an tuam tlat bawk.
"Engnge in duh?" pakhat in kawngka rawn pawh hawn sawk pah chuan min nawm kat nawk a, midang pahnih pawh chu an rawn lut ve a, kawngkhar an pawh phui tawp rual chuan gas awmna lam ah ka tlan phei ve nghal vat bawk.
"Engnge in duh ka tih chu?"
"Now you're dead meat!" kawr dum vek an ha, kekawr pawh a dum vek, ka dinna lam pan chuan an zing a palian ber chu a rawn pen phei hmawk hnawk a. Dead meat ka ni ang maw? A teuh lo lutuk. Ka che phat a, frying pan vawngfun chu ka vuan a, gas ah ka chhuan sat hlimhlawl ani bawk a, awh.. tel (oil) pawh hi a sa țha khawp ang chu le!

"Our brother is in jail and i miss him.." 'pan' vawngfung chu ka hum nghet sauh, naga pa unaupa te an ni tih ka hrethiam ta chiah, a ţawngkam ngeiawm zet rulhlet nan tel sa awmna frying pan chu ka vai pawp a, a bek ah tak a fuh chawrh, lei ah 'pan' chu a tla tawp bawk, a rak ta țhawt a, tel sa kha a dar ah far thla in a taksa chu a tuai pawp pawp a, mipa pahnih in min hnaihchilh buan buan rual deuh thaw in ka hmai a ri ve chawrh, ka thle sawk thei! Ka hnar ațang thil lum a rawn chhuak a.

Naga țawng a engemaw sawi a au țhawt thawm a rawn awm rual deuh thaw in ka bek zawn a ri leh chawrh, ka khawhmuh a thim nghal sulh bawk. An unaupa phuba la tur a rawn kal an nih thu min sawi khum tawn tawn a, min thah an tum tih an sawi bawk.

Kawt ah motor a rawn ding thi ta duk a, gas hunna rinchhan in ka ding ngil lui a. Ka banrek hnunglam in ka hnar chu ka nawr a, thisen! Ka hnar min ben thi sak anih hrep hi, Palian lutuk kut tawrh chawrh mai chu thil nuam tak ani der lo.
"Nangmahni zawk kha in thi dawn tih inhre ru.." ka sam hnawk niai mai ka chhiplam ah tuai chho pah chuan ka nui sak a, kawngkhar chu pawnlam ațang a rawn inpawt a, naga pahnih chu an hawi nghal dawrh bawk! Pakhat erawh tel sa leh a bek ka vuaksakna vangin na tih hmel zet in a rum thung.
"Bawihi?"

"Kill her.." pakhat zawkin a kekawr ipte kawng ah a pai chem a rawn phawrhchhuah rual chuan kawngkhar chu a rawn ri zui bur a; an hawi dawrh lai chuan chhuat a frying pan chu ka chhar kang nawlh a, Hmingsangzuala a rawn lut hlawl a; engkhaw sawi set set lo in kawngkhar bula thingzai kilhkhawm țhutțhleng hniam chu a la kang nawlh a, naga palianpui pakhat chu a vawikhat kutthlak ah a thal der!
"You want me to shot you or... knees down?" Chhuat ah thingzai țhutthleng hniam a thehthlak rual deuh thaw in a puakruk silai a phawrhchhuak vut a, ka hma a la ding pa chu a tin ta siah! Chupa chuan zawimuang in a chem ken chu a thlauh va.
"I țha em?"
Ka bu nghat,
Lei ah Naga pa chu a țhingțhi a. Hmingsangzuala chuan handcuff a jacket chhunglam aţang a phawrhchhuak mawlh mawlh a.
"Tute nge an nih phiangsen le?" a ti hluk bawk. ' pan' fawng chu ka hum nghet sauh sauh va.
"Kut an thlak che elaw?" a rawn ti țhawt, nui sak chung in ka hma lawk a țhingțhi pa tukhum ah chuan ka hlap pawp a. A bawkkhup nghal hnawk mai!
"Tikhan ka rul let.." a hnungzang ah ' pan' chu ka thehthla a. An unaupa in thil a tisual tawh a, ngaihdam dil a hnehin min tihnat an la rawn tum zui! Hmeichhe pakhat lek bei turin mihring thau chhah tulh pathum an la rawn kal zui a! Mi dik an nih chuan a huho in hmeichhe pakhat beihrawn an tum ngai lo ang! An dik lo tih an inhriat miau avang in min tina tur ringawt in an infuihpawrh khawm tih lah chiang reng, chu chu mi dawihzep hna ka tihzawng a ni bawk! Mahni leh laina țhian hnai te thil tihsual hmasak chu pawm ve mai tur, a hnu ah kher kher a țullo.
" engnge eitur i rawn hawn?" Hmingsangzuala chu ka en a, min en khui chung in a silai chu a kekawr kawng chhung ah a nawr lut a, min pan zui vut bawk.
"Mipa tihtur ani tih i hria em?" A ti hluk bawk.
"Oh.."
" i damlo hial zawk em?" ti leh hluk in ka pang a rawn dek a. kut la sawn vut in hnaih zet ah min bih a. " i khawsik a sang lutuk, room ah lo va lut rawh." a rawn ti sup, chhuat a naga palianpui let hlawm reng te chu ka enkual leh thuak a. Kei chuan huat zawng ka neih phawt chuan midang fuihpawrh kual loin ka duhdan takin phuba ka la țhin, kan Naga-pa pawn a naute ho bia in phuba laksak turin a ngen tih a chiang reng a, hei! An vaiin jail an luh dawn tak hi!


Hmingsangzuala'n station lam a call a, rang takin an rawn kal a, Naga pathum te chu an rawn la ta diak a. Engkim kha a rawn thleng thut a, ngaihtuahna fim ka put hman hma in engkim kha a zo leh der, mahse ka hlau chhin miah lo, Hmingsangzuala zawk a lungawi lo hle bawk, ram dang in min zuam ta mah mah niin a hria a, ramri inkal pawhna pawh khauh zawka venhim a țul thu a sawi chhum hmuk hmuk reng a, a chung lam a mi tute emaw call in a bia a, heng Naga pathum te pawh hi an ram sawrkar bia in Mizoram chhung ah a hren tur thu leh a na thei ang ber in an chungthu relsak an nih dawn thu phone call ah chuan a sawi a, a ti tak tak ang tih ka ring nghet hmak bawk.

Khawsik ka nei tak tak bawk a, damdawi ka hmawm a, khum ah ka mu kai a, Hmingsangzuala pawn ei tur a siam mek bawk.


Ka phone a rawn ri thut a, ka duh loh dan lutuk in chanchin țha lo lam a rawn thleng dawn in ka hre ta tlat a, khum bul lawk dawhkan ah phone chu a awm a, Doctor Hruaizela'n ka nu a kal thu min rawn hrilh dawn ani thei mai a ngem?
Hmingsangzuala rawn lut chuan min rawn thlek a, ka hmel aţang ka ngaihtuahna a awm a hrethiam nghal vek ani khawp ang, dawhkan chu a rawn pan zui vut a. Phone chu a la kang a, a rum nghut bawk.
"Aw sawi rawh." a ti sup. Reilote hnu ah thawk a la a. Khum khuhna țham in thawk pawh thawchhuak lo in ka lo in sangmar a.
"Ka hrethiam e, kan rawn thlengthla nghal ang.." a ti sup a.

"Bawihi?" phone chu dawhkan chung ah a dah a, a rawn kun hniam zui zat bawk.
"I nu a harh tawh." Ka beisei loh lutuk thil a rawn sawi vang nge, ka thaw hawk a, a kut rawn lek chhuak in ka biang a rawn khuap lum nghal vung vung a.
"Thil ei zo la, kan kal dawn nia." a rawn ti leh sup bawk.

Ka zang ta vawk maiin ka hria, Hmingsangzuala ei tur siam chu kan ei dun mawlh mawlh a, min be lo va, keipawn a hnenah sawi tur ka hre bik lo, nilo , sawi tur leh zawh tur ka ngah lutuk mahse engtia bulțan tur nge ka hrethiam lo. Nizan khan engtinnge a rawn thlen thlak ve nghal theih tih te zawh ka duh a. A thil ei mawlh mawlh lai chu ka mitsir zauh zauh reng a, amah a hrawl bawk a, a ei kaw duak duak thei mai.
"I khawsik kha a zia tawh em?" A thleng nawrsawn in min en a, a chetphung uluk lutuk a ka lo en lai ani bawk si nen rang lutukin ka hawisawn a, a rilo in a nui zui suk bawk.
"A reh tawh a niang.."
"Umm i khawsik ai mah chuan i biangtai tek vang khan i awm a nawm loh zawk ka ring." Thleng chawikang in a tho zui vut a, kei erawh ka ner ru nawng thung.
" ih.. " seat nghenchhan ngheng reng chung chuan ka melh zauh va, ruah a tla cherh cherh a, Hospital lam ah min letpui leh thlap tawh bawk.
"Sawi la.." min melh zawk a, hmalam bih in a hawisawn leh vut a. Bulţan dan tur ka hre mai lo lehnghal.
".. hman zana ka thil sawi ho kha.." a steering humna ban chho va thisenzam lang ţalh ţalh chu melh in thawk ka la halh a.
"Ka tihpalh.. okay, ka thil hriatchian loh vang anih kha.." a ngawi ngul a, ka tițha tho tho ngaihdam ka dil tal a lawm!
"Ka sawi chu i hre lo em ni?" ka melh zeuh rual deuh thaw in ka hawisawn a, a landan tak ngul leh hmel dur khup maiah chuan ka thusawi khan a ti thinrim thar leh a ang ta ber bawk.

" a țha, ka sawi lo angah ngai rawh.." kut phar hliai in ka sam ka tuai thuak a, a la ngawi ngul thung.
Tukverh aţang kan tlanpelh kawngsir chu ka melh reng a, tikhan ngaihdam min dil tawh a, keipawn ngaihdam ka dil tawh bawk , min ngaidam thei lo anih chuan keipawn ka ngaidam bik miah lo ang!

"Min duh em?" ka hawi nghal dawrh thei, ka melh a, motor kawng chiah a melh run thung.
"Teh ngawt a.." ka ti hlak.
"Min duh em?"
"A teuh lo lutuk!" ka ti nghal chiam ringawt, motor chu a ding nghing dawt a, seat ngheng a ka let leh dawt rual chuan ka taksa a rawn hnaih fel der tawh.
"Min duh em?" Chil ka lem khawlh ringawt, motor din thut vang khan ka lungphu a rang lutuk bawk.
"Aih.." ka mit ah tak en in a nui suk a, ka taksa rawn bawh titih a rawn awm anih vang chuan ka kut ka hum tawm ţai bawk.
"Min duh lo maw?" Ka hmui melh in a nui leh suk a. "Mahse tinge zantin keimah hlir min ngaihtuah?"
"Pathian leh!"
"A dik lo em ni, zantin.." a kut hrawl tham zet chu a rawn lek a, ka khabe ruhkual a kutţang in a rawn nul zai zai bawk.
"Ka kuahna che kha ngaihtuah let in zantin i suangtuahna ramah i cheng țhin.." a ti leh sup, a kut chekual vel chu a tawp a, ka lungphu a rik dawt dawt laiin ani thung chu a hmel landan a dam thlup, chuan hepa hian ka duh tih a inhria a maw?

If you want to be ORIGINAL,
be ready to be COPIED

[Abbra Reo Ririni]

☆UTOPIA:1996☆
Chapter 13
By
Abbra Reo Ririni Khiangte ( Pitartei)

20190130_195229.jpg (18.78 KiB) Viewed 38491 times

View time13363 times


" engmah i hre lo.." ka tih laiin hmui a lo pet sawi a, "Ih.. duh neih te chu hun khawhralna mai mai alawm" ka han ti leh ringawt a, min awm hnaih lutuk vangin ka ţawng ring ngam tawh lo hrim hrim bawk.
" i ti dik, hun i khawhral duh anih chuan keimah ah hian khawhral ang che" a lo ti dut, a kutţang bawkin ka hmui hnuailam a rawn nul a. Ka tukhum in na deuh in seat nghenchhan ka nawr vak a, Hmingsangzuala pawh in min awm hnaih leh sauh bawk.
Lai deuh a" awmsawn tawh rawh" ka tih lah chuan "Ka sawi chu i hria em? Duh neih hi i tan hun khawhralna ang lek anih chuan keimah ah hian khawhral rawh" alo ti charh charh a, amah ang lo takin a thawk lak a rang tih ka hrechiah bawk.

"Ka duhthlanna tur aniin ka hria" ka tih nghat laiin alo kiai suk a, a mit bul ah vun chuar a awm phei raih bawk a, chawpchilh lutuk in amah ka duh leh duh loh min zawt a, ka chhan nghal theih a inring reng reng em mawni?

" ka khawih che hian i taksa a danglam țhin, chu thil chu ka hriatchian tluk zet in nangpawhin i hre chiang?" zawi ruih a tiin ka khaberuh kual chu a kutin a lo nul a, "A dik em?" min fawp miah silovin a hmuiin ka hmui a rawn nul thuak a, ka lungphu a ri dawt dawt taw, chumai pawh nilovin kan in awm hnaih lutuk a, ka thawk a chham thei mai dawn, awmdan tur min ti hre hlawl lo.
" Ka hrilh awm lo che" naupangchhia deuh a ka tih laiin alo nui rum hawk a, a hmui lumin ka hmui bul a rawn nawr pah chuan "Ka hrilh awm lo che.." a lo ti ve kher zui.

" Danglam reng chung in min duh loh thu i sawi a?" a lo tih leh chuan rang deuh hian "ka duh lo che tih ka sawi lo" ka ti pek a, a ni chu a inla hrang hlek a, engthil nge ka sawi zawh chiah kha! Awi! Hmingsangzuala chuan chiang lutuk in ka mit ah a rawn en ta run a, ka lái ta hle bawk.
"Anih chuan min duh.. a dik em?"
" Chutiang engmah ka sawi lo" ka tih leh laiin nuihza insum tih hriat lutuk in min melh a!Atthlak lutuk in a lang sexy ka ti!
A tawpah chuan tihngaihna hrelo fe hian "A țha e, i pa in i hot hle.." ka ti ta a, a hmuihnuai pet zauh in "chuan?" alo ti sup.

" ih.. i bul a awm hi a nuam ka ti.." ka sawi zawh rual deuh thaw in ka bek sam ah a kut pahnih a rawn nawr lut a, ka hmai zawn ah a rawn thaw hawk bawk.
" ka duh che, chu chu hrereng rawh.." a lo ti ta khawlh a, ka nghing dawt! ka hmui ah lo nawr in ka hmuihnuai a rawn peh rual chuan rang lutuk in ka bek a zen luhna kut chu ka vawn hnan chawt a, min duh thu a sawi kha ka hriat sual ani em?
" fawh che hi nuam ka ti hle bawk" ti sup in eng emaw hi a ri zawm rawk a, ka seat belt hren a thawl rual deuh thaw in ka kawngah a rawn man a, a taksa si chet in min pawt hnai a " fawh che ka duh, min dang thei lovang" a ti sup sup a, a aw cool lutuk chuan ka kawchhung a țham a, ngenngawl lutuk in min fawp zui ngawng ngawng a, a lei a chet kual apiang in ka hriatthiam si lohvin ka sa uai zel a, tumah in min duh thu an la sawi ngai lo, tuna ka thil tawn hi ka nun a thil thleng tawh ah chuan danglam ber ani hial ang, a lei sa țha zet mai chu a aia thuk in a rawn nawr let a, tim daiin lei ka chet ve a. A rawn rum nghal hawk bawk.


"Ti khan.. ti khan min chhanglet țhin rawh.." a aw ri zet chu! Min ei zawh vek a tum ta mai emaw tihtur khawp in a duhthawh, a khaberuh kual ah ka vuan ve a, ka thiam dan ang ang in ka chhanglet ve zel a, a taksa lum huam huam chuan min ti phur ve sauh maiin ka hria.

Kan thawk a chham dun hial in ka hria, ka chal ah a rawn fawp leh a, ka la thaw ham ham reng bawk. " Min ti â zo vek tawh.." ka hnar ah a hmuiin a rawn nul a, ka hmui ah.. ka khabe ah a rawn nawr leh vang vang a, ka thlakhlelh rukna zawng zawng kha a rawn puakdarh ni maiin ka hria.
" ka ta chiah i ni tawh.." a hmaiin ka nghawng a rawn nawr leh rual chuan a sam ah ka țham a, na zet in a rawn nawr tâwk a, motor chhung boruak chu kan pahnih thawk lak ri in a khat vek, a taksa hrawlpui chu a che awk awk reng bawk.

A tawp a tawpah a inla hrang a, a taksa lum vung vung in min nawrbeh reng vang nge ka vawt deuh vuk thei, ka mit ah a rawn en a, a mitmeng ang chiah hian ka mitmeng a awm ve angem! Rapthlak lutuk!


"Kal tawh ang.." lai deuh a ka tih laiin alo nui suk a, amah chu en duh tawh lo in ka hawisawn ta daih bawk, ka lai lutuk chu ka hmai alo sa țawn țawn bawk nen ka khur lo chauh.

"Min en rawh" a lo tih chuan rang deuh in "Tlanchhuak vat rawh" ka tih khum vak thung.

" min en phawt la.." nuih insum zet hian a rawn ti leh țalh a. Hreh deuh chung in ka en ta nge nge bawk, lungawi ta hluah hluah hmel a pu tih ka hriatthiam rual chuan ka zak lutuk pawh a zia ve ta deuh.
" tunah chuan kan infawp tih midang in an hre thei tawh angem?" nghal ru deuha lo tiin ka biang a lo dawm a. Min fiam tih hre tho mahila ka ner nawng tho.
"Bawihi?" nui hawk a alo tih leh chuan"I duh leh hrilh vek rawh." ka tih khum hlak, thaw ham ham chung in ka chal ah bawk a hmuiin a rawn nawr leh a, keipawh ka nui ve ta tho, min kiss hmasak ber zan khan tumah hrilh lo tur in ka ti miau alawm!


A tlanchhuak leh ta a, tukverh lam ka hawi tlat thumg, amah chiah hi lái taka min siam thei tu anih mai bakah min dan chep dan hretu awmchhun ani hial ang, chuan min duh thu a sawi lai khan nuam ka ti! A atthlak hle tih ka hria, mahse keimah a la awm ngai lo, phurna, hlimna leh special bika inngaihna ka neih phah a, ka thlahlel tih a inhriat rualin min nuihzat ka ring tlat țhin te kha a diklo tih ka hrethiam tawh bawk!
Mipa satliah nilo, mipa pá tak leh hot em em siin min duh tih a sawi miau alawm!

Kut lum in ka kut a rawn hum rual chuan ka en vat a, steering a kut lehlamin a hum a, engmah ti lo ang hmiah in hmalam a melh run bawk. Thawchham lek lek a ka hnial hrep țhin mipa hrawl leh nelawm loh lutuk kha a bulah awm nuam ka tih thu ka hrilh ta phawng a, ka ngaihtuah chian pauh leh mak ka la ti! Anin min duh thu a sawi cheu bawk!
" tell me that you like me?" ka en reng lai chuan a rawn hawi thut a, " i sawi ve a ngai" a lo ti dut bawk.

"Deuh tlat a che.." ka tih hmak chuan a nui che dawt a, ka kut chu la kang in a hmuiin a rawn nawr leh a, heipawh ka tan chuan a vawikhatna tho. Ka mitah chiang taka min lo melh leh pahin "I la sawi thuai ang" a ti dut a. Amah en reng chung chuan seat nghenchhan ka ngheng țha a. Ka thlamuanpui hluah hluah tih a inhre kher lo vang!

Ka lo muhil hman a ni mai thei "Bawihi, harh rawh le" ti ri ah chuan ka meng a, damdawiin kawtah kan lo ding reng tawh.
Hmingsangzuala vek chuan "I muthlu a, kan thleng tawh" a lo ti leh a, a țhutna lam ka han en chuan hahdam hmel zet in min lo en reng tawh.
"Oh kan thlenna a rei tawh em?" mit nuai chat chat paha ka tih laiin "Nope, ka inhung fel chiah.." alo ti thuai bawk. Ham hak a seat belt ka han hmet phelh tur chu min lo pui thuai a, tukin kan haw khan ka muhil hman bawk silo, mut kham lo zet in mit ka nuai leh a! Chutih laiin ani chu motor ațang chhuak in ka țhutna lam kawngkhar a rawn pawt hawng a.
" doctor pawn hmuh theih khawp in a rawn țha tawh a ti a, chutiang anih chuan reilote hmu la, mu turin ka hruai let leh ang che" dam dap a a lo tih laiin ka en hau mai!
" i mut hlan khan doctor ka bia alawm" a lo ti leh mai a. "aaa .. aww" ka tih niah niah chuan kut a rawn lek chhuak vut a, ka ban ve mai bawk, ka chhuk thlak rual in kawngkhar a nam phui dawt a, ka kut hum reng chung chuan a kut lehlam in a kekawr ipte a zen a, Bolero chu a in lock ri nghal khap a. Nizan khan engtinnge hospital a rawn thlen ve theih tih ka la zawt miah lo bawk.
" ICU ațang an sawn chhuak tawh." Hospital kan luh rual chuan a rawn ti sup a.


Ka nu cabin lam pan in min kai zel a, hman zana ka au khum vakna step chho kan kal lai chuan ka nuih a za ru hle bawk, ka hmuh theih ah rawn lang tawh lo tur a thinrim zet a ka au khum chiam kha a ni a, tunah lém ka kut a hum tlat ang lawi a! Nui seih chung a ka hawichhuah rual chuan Hmingsangzuala chuan min lo en ve chiah a, a mit a nuihzatna lang chhuak ah chuan ka ngaihtuah ang bawk a ngaihtuah ve in ka hria.

Nui ruh ruh chung hian "Tu emaw chu.." a lo ti fan deuh ruih. Kei a lai lutuk bawk si chuan a hnungah nam dawt pahin "Hmela, sawi chhuah a țullo aw.." ka ti ta tung a. A nui hawk hawk riin step chho chu a luahkhat vek, ka lam a rawn hawi dawn apiang in a hnung ah ka nam vak zel a, step ah kan in nam chho ani ringawt! A pa hrawl si, nghal deuh a alo thlek let hlek chuan na deuh in ka nam dawt zel a, min chhaih laihna tur hre viau lo bawk se, anih loh zawng in min hrechiang tawh si, ka țawngkam thlahdah dan zawng zawng pawh a hre vek tawh a, midang bulah nise ka laih dawn loh nasat tehreng nen!




Hmingsangzuala chuan cabin kawngkhar a nam hawng a, ka lut tlang nghal tawp, khum a ka nu lo mu pawh chu a rawn nui var var a.
"I la chau a mi?" ti pahin khum lam chu ka pan a, nizan khan ka chan tawh mai dawn emaw ka ti hial anih kha!
" ka harh tawh lutuk, i mu hahdam hman awm silo va.." lo tiin ka kut a lo ban thuai a, kun hniam in a chal ah ka fawp vang vang phawt a, damlo bawrhsawm mai ani tawh chung pawh hian min la thlamuan em em a, khawimah a kal ka remti dawn lo reng reng.
"Kei chu min ngaihtuah suh" ti sap in chair a țhu mai lo chuan uluk zet in ka thlek vang vang a, a chhel zia ka hre thar a, thihna kotlang ah țum eng emaw zah ding tawh mah se chung thihna te chu a inhneh tir duh ngai lo reng reng.
"Ee, Hmingsang nangpawh i rawn tel ve ani maw?" ka bul a mipa lo ding a hmuh rual chuan ka nu chu a nui var var a, a hmui ro hil zet mai chu ka inrin hma in ka tuai sak a, ka ban rek a lo beng ve thek thek bawk.
" Ei chak i nei em?" Hmingsangzuala chuan a han ti dut a, ka nu chuan lu a thing nar nar thung.

"Bawihi tihian lo awm ula, doctor ka va be lawk ang aw" tiin ka dar a lo hmer salh a, ka buk nghat hnuah ka nu chu nelawm tak a nuih in a kal chhuak nghal a, cabin kawngkhar pawnlam ațang a rawn khar phui rual chuan khum bul chair ah ka țhu ve ta chiah bawk.

Min ngaihtuah deuh in ka nu chuan "Mamte, haw leh vat ru aw, mut hahdam i mamawh tih i hmel ah a lang reng a nia." a ti nghal a.

"Nu kei chu min ngaihtuah suh." a sam tlem tawh zet chul sak pah chuan ka ti vat. Mit a chhing diar diar a, tha a nei hlawl lo ani ngei ang.

"tukin a doctor Pathianthu sawi khan ka rilru aluah reng mai" chau zet hian a ti sep sep a, cancer natna a neih miau avangin doctor ward lo fang te pawn; thlamuanna lam hawi Pathianthu sawina te an lo nei fo zel. Chu lam erawh ka tuipui ve vak lo, Ka auh changin a ngawi tlat zel a



" nu, i chau a nih kha muhil leh la.." ka ti a a awm a ka kut nghah chu a rawn vuan ve a, zawi te te in thawk a la a, ka hriselna zahve chauh tal pawh hi pek țhen theih ka chak tak zet! Hetiang tehhrep a natna tuar nasa tur hian thil tihsual a nei bik lo asin, a pasal a hmangaih em em in a thlauhthlak hnu ațang phei kha chuan a mizia hi a zawi leh zual a, ka pa khan amah thlaktu tur a rawn hawn miau avang khan ka nu hian amah leh amah a inrintawkna te kha a hloh țhen nasa a, tuartu zawk zel ah a țang a, hlim hi chu a phu ve tak zet asin!
" ka mumang ah i pa ka lo hmu a.." zawi țiak maiin a rawn ti leh sep, mit a la chhing reng bawk.

"Nang nen kan pathum in kan lo infiam a, kan lo hlim em em a, i pa lah khan kan bula hun a hmang kha nuam a tih hmel in kan nufa kha hmangaih hmel tak in min lo thlir reng a... in hnung lam a kan pangpar huan ah khan i lo tlan kual a, ka pangpar ngainat em em te kha an lo par vul chúk a..." a aw ri zawi tak ah chuan lunglenna leh natna a rawn lang tel a, ka en ngawt ngawt tawp!

".. i pangpar duh ber i thliah khawlsa ka khawí lohna pawh a rei ta hle mai!" a tih laia a mit sir ațanga mittui rawn luangthla chu rang lutuk in ka tuai hul sak a, ka pa ka huatna a rawn nasa sauh bawk! Ka haw lutuk takzet! Ka la tichhe vek ang. Ka nu tiang tak a tawrh tir tu leh nâ a siamtu hi ka tichhe vek lo anih chuan rilru nuam in ka awm bik chuang lo ang!




Reilote hnu ah ka nu chu a muhil nghet leh ta mai a, a thil sawi ho kha ka ngaihtuah let a, thihna nen an insual mek lai pawn ka pa tho a la ngaihtuah a, tina tu anihna ang in a haw ve mai thei lo em ni le? Kan putar hausa a lah chu... uuggg ngaihtuah lo zawk ang!

Cabin kawngkhar chu a rawn innam hawng a, min rawn hmuh rual chuan a rawn nui suk a, thawm dim thei ang ber in a nam khar leh bawk.
" kan thlenthlak hma khan thisen an lo pe a, a taksa hian mut tam a mamawh ber a lo ti a" ti sup sup in ka hnunglam ah ding in a rawn kun hniam a, ka darah a khabe a rawn nghah leh rual chuan a biang in min rawn nul a. Ka nui hak bawk.
" Nangmah té hi i chau em?" Ka beng bulah a lo tih sup chuan lu ka thing a. Ka darah khabe nghat reng chung chuan a thaw ham ham reng a, engnge a ngaihtuah tih hriat tum in ka thlek a, a biang leh ka biang a in si chéih bawk.
" I nu hi chhel ka ti khawp mai" ka nu thlir vang vang chungin a lo ti a, a sawi dik lutuk tih hriattir nan ka nuih let a. " I mit tih lohah chuan in danglamna a tlem" tiin ka hnunglam ațang a min kuah hlu hlu chung chuan min han thlek a.

"Umm, ka nu hretu țhenkhat pawn tunge ka ni tih an hriat hma in ' Peki fanu i ni em?' min ti nghal chat thei" ka tih laiin a lo nui ve suk bawk.


"Ka tetlaia kan țhenawm pa pakhat phei chuan maw, ka hming in min ko ve ngai lo, ánu hming hian naute koh dan in min ko a ' aipek-pek' min ti tlat zel a, ka hming tak a hriat tawh pawh ka ring lo" ka han ti leh chu ka nu vengthawng lo phei se chuan a ri in a nui hawk ang, ka bek ah a rawn fawp zauh va. A nui tho tih a hmui chet dan ațang chuan ka hre thei bawk.

"I naupanlai chanchin sawi tur i nei țeuh lo maw?" hriat belh chak hmel fe a a lo tih leh khauh chuan
"Chair kha pawt hnung la lo țhu țha rawh.." ka ti a,
" okhayyy..." ti fan ruih in chair chu a pawt hnung ve mai bawk, ka chair nghehchhan chu a rawn bawh a, ka awm ah a ban lianpui chu a rawn suih a, hahdam zet in a dar ah lu ka nghat bawk, zawi sup in ka naupanlai chanchin min zawt dut dut a, ka nu tih harh ka hlau viau nangin hetiang taka ka chanchin ngaihven tu an awm ngai miau lo, min zawh apiang țha tak in ka hrilh zel a, ngaihnawm ti deuh in a ngaithla a, achang in nui suk chung in ka chalah a rawn fawp a, ka naupanlai hun hlimawm zawng zawng chu ka share ta vek bawk!

Dar 10 vel ah Doctor in ward a rawn fang a, ka nu chu a la muhil a, mahse a Bp leh a thawklak dan vel an rawn endik vek tho. Doctor pawh chuan tihian enthlak deuh reng a ngai dawn a, taksa in a huat zual ber chu mut tlem anih thu leh a tam thei ang ber mu se, ka nu case angah hi chuan an taksa tan a țha ber tih min hrilh bawk a, doctor chhuah hnu reilote ah Hmingsanga pawn a sana a bih vut a. Ani pawh nizan a mu bik miah lo, mahse vawikhat pawh a sawi chhuak lo.
"Bawih?"
"Haa?"
"Station ah ka let lawk ang, ka reilo ang." a ti sup a, naupangchhia zet in ka hreh ru hle bawk.
"Umm."
"Ka rei dawn lo tak tak, chuan." ka darah a rawn hmer a, ka thlek let hâ bawk.
"I hmelhriat loh tupawh lo kal se, doctor emaw ko vat ang che tukin ang khan nangmah in lo bei let ve ngawt tawh suh." za lo te in ka nui a, tukin a thil thleng kha ka ngaihtuah let a, ka chetdan kha a atthlak lutuk tih ka hria, mipa pathum kha ka frying pan hmang a beih let ka lo tum ve ringawt kha a nia!
"I hria tiraw?"
"Yes sir!" chet hluk chungin ka dar a hmer salh a, a kut a lian bik si, ka cher lai ani kher bawk nen té min ti ngawt ang.
" kawt thleng min thlah rawh."
"Wow.. mipa naupang school kal tur thlah ngen kan va ang ve.." phun hluk chung in a ding vut a, min chhuk en nghal run bawk.
"Ka thlah lo ang che pawh ka tih dér loh kha ." phun sep chung in ka ding mar a, ka nu chu a thlek zawk a, keipawn ka en ve vat tho.
" reilote ani mai.." amah vek chuan a rawn ti leh sup a, cabin ațang kan chhuah rual chuan ka darah a rawn kuah a, mak tak in a lakah hian ka tîm chhin miah lo.
" i rilțam tawh em?"
"Aih.." ka dar a rawn tuai a.
" ka rawn let hun ah kan ei mai dawn nia aw." melh chho in ka nui ringawt, kan inhnaih teh thut lutuk leh intithinrim miah lova kan awm țumkhatna ani hial ang.
Motor in hun țhupna kan thlen rual chuan min kuahna a thlah a, tukin ruahsur in boruak chu a hmet vawt vuk a, khua a thiang kuk mai bawk!
"Let tawh rawh le.."
"Umm.. bye." Ka kut pakhat lek kang in ka vai zauh va, a nui ve suk bawk.
Driver side lam a pawt hawng a, ka inher a, kawngkhar inkhar ri dawp ka hriat rual deuh thaw in ka darah a rawn man let a, ka inher zui nghal vat bawk.
" I need to kiss you first.." ka kawngah a man a, țullo ti lutuk in talchhuah ka tum ve nghek bawk!
"A reilo ang.." ka hmui ah a rawn nawr det!
"A chi loh lutuk.." ka ti sep, a hmui chu a che a.
"Mi in min rawn hmu ang.." ka kawng a vawnna a thlah rual deuh thaw in a jacket chhunglam ah ka awm nghal vek, ka nui hak a. A jacket hmalam a pawt phui vek a, a rawn kun hniam leh a.
"Tihian tuman min hmu lo ang.." kan hmui a insik leh rual chuan keimah zawk in a bek tawn tawn ah ka vuan a, kan hmui insi reng chung chuan a rawn nui suk bawk! Dam zet in min fawp a, achang in min fawhna a thlah a; a rawn fawp leh a, achang in a duhthawh lutuk chu tawpna chang a hre lo mai dawn emaw tihtur hial khawp in a che a.
"Ka ta chiah i nih hi !" Ka chalah a hmuiin a rawn nawr leh rual chuan a taksa ah min kuah bet hlu hlu a! A lungphu ri dawt dawt chuan a ta chiah ka nih thu bawk min hrilh nimaiin ka hria!



☆UTOPIA:1996☆
Chapter 14
By
Abbra Reo Ririni Khiangte ( Pitartei)

A tlanchhuak a, kut ka vai lauh lauh chu mit min rawn siai zauh a, gate pui aţang a tlanchhuak , engtin maw tak hian ka ruak huai theiin ka hria.
Khawlaiah leh nghal mipa ka kiss ang tih ka ngaihtuah chhin ngai lo reng reng, mahse a thleng ta tho sia, hospital chhunglam pan bawk in ka let leh a, keimah nen inhmeh lo khawp in ka hahdam a, ka hlim veng veng bawk.

"Good Morning." Kal paha ka nui ver ver chu ka ding dat a, Doctor Hruaizela pawh ka bul a rawn thleng chawpchilh der bawk, a nghawng ah Stethoscope a awrh a. Hmingsangzuala leh Zosangi te inkar min hrilh kha a dik lo tih sawi ka tum deuh tet tet a, mahse țul ka ti leh ber lo.
"Thil i ei tawh em?"
"Umm, nang?"
" coffee chiah." nui hawk chung in a coat fual ipte a zen lut a. "Ka nu kalsan ka ngai dawn a, țha deuh in lo enkawl ang che."
"I thu vek alawm." Ka ner nawng ringawt, damlo țhenkhat chhuak țhen an lo awm nual tawh a, nurse țhenkhat in an khum ruak chu khum khuhna thar in an thlak sap sap reng a, damdawiin lamah ka chetla tam bawk a, an hming in ko fak thei lo mahila an hmel ringawt hriat ka nei ve nual tawh bawk.
" doctor kan neih belh a, tlem in kan buai a zia ta deuh."
"Aw, ka lo hre ve lo."
"Pathum ngawt alawm kan neih belh."
"A tihzia hlauh anih chu, doctor in indaih loh hian damlote tan a manganthlak țhin e mai.." ka ti sep a, ka hawikual thuak a, kan piah deuh ah chuan Zosangi bawk ka hmu leh ta hlawl bawk! Hospital ah hian kan inhmu sek a, a thawk ve pawn ka hre miah lo.
" ka kalsan ang che." Ka ti sep a, mak tih hmel zet a min enna chu ngaipawimawh duh tawh lo in ka nu cabin lam pan chuan ka kal nghal nal nal a, Doctor Zothana khan Hmingsangzuala'n a chhungkua a hmangaih țhin zia leh a atchilh țhin zia thu a sawi tawh a, kha vang tak pawh kha niang Zosangi hmel kha hmuh nuam ka ti lo!
* I lo kal dawn lo em ni?* ka nu cabin kawngkhar bul ka thleng chiah , u Mc message chu ka chhiar a, ni dawn tak, kei hi clinic ah kal ka ngai alawm.
* ka lo kal ang.*
A rawn reply leh nghal a.
*i nu chu a țha tawh em?*
*umm, doctor te pawn mak an ti zawk hial.* ka nu cabin kawngkhar ka nem hawng a, mit a rawn meng siar siar tih ka hmuh rual chuan rang zet in ka pan vat a, a hawikual ve thuak a.
" A kal tawh em ni?"
" umm, ka thlah zo chiah." Chair ah ka țhu a, inchung lam en in mit a khap fak fak a, clinic ah kal ngei ka duh a, ka zawmna a la reilo bawk si, han chawlh nghal ngawt lah thil mawi ani der bawk silo, ka nu lah a rawn harh chauh bawk si!
"Nu eitur i duh em?" Lu a rawn thing nar nar a.
"Tui tal in rawh aw." Khum bul dawhkan a tui inchhawp chu no ah ka thli chhuak a, rawn inbenkan ve a tum chu rang zet in ka pui vat a, a taksa a cher in ruhkawl hlang tak tak ani tawh.
" hna kal i ngai dawn lo em ni?" a hmuiin no chu a si a, min en ran bawk.
"Ngai dawn e." ka ti ve sep, a in khawlh khawlh a, a inzawh rual chuan hah hmel zet hian a rawn thaw a.
"Kalsan i chi ka ring lo, ka awmpui mai ang che."
"Mai mai, tihian khum ah ka mu reng dawn tho a, hei keimah pawh ka inhre thei alawm, ka taksa a zang tawh lutuk.. kal ngei ngei rawh." a rawn ti ve sep a, a nawm deuh hi chuan keimah ka inhre thei alawm a ti ve tlat zel.
Cabin kawngkhar a rawn ri rak a, nurse in ka nu harh ta a rawn hmuh rual chuan a rawn nui nghal ver ver a.
"Kan va harh ta ve?" Ka nu khum bulah rawn kal in a thisen a an vih luh mek chu a rawn en dik zung zung a.
" vawiin chu ka harh deuh dawn a niang, ka zang ve ta tlat."
"I țhu chhuak peih a ngem?"
"Peih loh thu a awm lo." ka nu chuan a ti vat, khum bulah ka ding ve reng chu min rawn en a.
"Mamte nangpawh kal tawh rawh, wheelchair ah ka lo țhu chhuak ve a nge.."
"I ngaihtuahawm loh tak tak ang maw?" a pang ka dek a; a bu ve nghat nangin a chal ah kut nawr reng chung chuan ka han ngawi vang vang a, a pang chu a hit thler bawk.
Rilru nuam lo zet in ka kalsan ta tho, mi te ang in sum nei tak kan ni mang silo va, damlo in awmpui veng veng tur pawn khawi aţang emaw pawisa in min rawn pan ngawt der bawk silo, ka nu a leikan deuh chuan pawisa hmuhna tur zawn nghal zel ani tawp mai.
Kawt a taxi ruak ah chuan ka țhu lut a, driver chu ka kal duhna ka hrilh a, clinic ah ka kal tih Hmingsanga hrilh ka tum zet nang in ka thlen hunah pawh ka hrilh thei tho chuvang chuan ngai ka ti leh ta lo.
Boruak vawt vur vang chuan taxi glass pawh ka ti chho nghal daih, tukin damdawiin kan let leh hma khan ka in tleuh thuak a, ka damdawi ei kha a thawk ta deuh nge ka khawsik pawh a reh hmiah tawh, mihring inang lo tak tak kan tlanpel zel a, a chang chuan ka rualpui te ang nun neih ve a, college te zawm a, țhian neih ve te hi ka chak thut zel a, higher ka zo a, college reilote ka zawm ve a, mahse zirlai dangte nen kan incheina a inthlauh lutuk vangin thla hnih hnu ah ka chawl a, IGNOU aţang ka zawm ta tawp bawk, rual pawl ve tur pawn keini ang teh thlawt a bet nih hi chuan a inthlahrunawm rum rum zel a, ka rualpui te ang ka ni thei ve ngai dawn lo tih ka hre bawk a, chuvang tak chuan IGNOU aţang zir zawm kha ka duhthlan tur awmchhun ani reng bawk. Ka hun liam tawh zawng zawng ah khan ' Hlimna' aiin 'pawisa hmuhna tur' ka dah pawimawh zawk a, ka hlim em tih takngial pawh ka inzawt chhin ngai lo, pawisa hmuh tumin ka nung mawp mawp a ni ber zawk ang chu!
Ka phone chu a rawn ri thut a, ka hum reng lai nimahse ka phu zawk tho, driver pawn min nuih hawk hawk bawk, za vak lova țhen sak chung in screen chu ka en vat a, rawn call tu chu ka mi beisei loh lutuk anih vang nge call chu ka reject nghal hmak! A rawn call nawn leh ka hlauh vangin ka switch off zui nghal hmak bawk, engnge a rawn sawi leh chuan ang? Pawisa ka pe che nga ka in lamah rawn awm rawh tih bak sawi tur a hre leh tawp lo vang!
Nakin lawk ah chuan a hausakna chhuang thei lo khawp a mualpho in ka la siam ang, ka nu a chhuah tir aţang khan a chin ngai loh thil tam tak chin a nei a, mahse mi tam tak zah kai tawh anih vangin tumah in an ringchhe chhin miah ngai lo bawk, kohhran ah sum a thawh hnem a, khawtlang ah leh sport lam ah sum tam tak tak a pe a, tupawn pa thawkrim tak leh hna thiam ah an ngai vek a, anih loh zia erawh keimah ngeiin ka la pho chhuak vek ang!
Clinic kawt ah kan din rualin chuan man ka pe sawk sawk a, damlo țhahnem zet an lo țhu leh țhap tawh, ka luh ve rual chuan u Mc chuan min lo hui vat vat a, thil engemaw tak sawi tur a nei dawn anih hmel, a mood a țhat hmel riau.
"I nu chu?"
"A zia tawh lutuk, ka rawn kal hma pawn a țhu chhuak peih a."
"A lawmawm lutuk, nakinah ka la rawn kan ve ang." a ti leh a, Doctor Zothana cabin lam chu a melh leh zawk bawk.
"Dr Zothana hian damdawi dawr hawn a tum asin."
"Maw?"
"Hei kan piah building pawh hi a luah vek dawn, damdawi dawr a hawn chuan kan hlawh pawh a pung thei bawk ang.." ka nui ta ringawt, a hming lo ziah luh tawh ho chu computer ah chuan ka enkual ve thuak a, damlo 30 dawn a lo en hman der tawh bawk.
" a hah thei ngawt ang, clinic ah hian țhu ve dang awm se.."
"Ka ti țhin alawm, hmeichhe lam doctor te hi rawn țhu se." U Mc chuan a lo ti ve vat a, ka thawh țantirh lai khan a cabin chhung ka tifaisak a, dawhkan ah an chhungkaw thlalak a hung a, hunawl a neih vel ah a nupui call in an fanu ţawng zir mek nen an inbe ngei ngei zel bawk. Chhungkua a ngaihsak hle ang tih ka hrethiam a, Hmingsangzuala thikthu chhe lutuk in a rawn țawngkhum nek țum pawh khan vin hluk in a chhanglet ve nek bawk anih kha!
"Lawks, zawh duh che ka nei." u Mc chu ka en vat a.
"Nizan i chhuah hnu chiah khan officer Hmingsanga kha a rawn kal a, Doctor Zothana bulah khan i awmna a zawt nghal thawr bawk, in inhre ngai em ni?" Ka bu nghat a, kan inkar a thil thleng erawh sawi chiam ka tum lem lo.
" i nu a zual a, i chhuak chiah tih a hrilh a, a awmdan kha a mak tawp, inchhungte anih te ka ring deuh a." Ka nui ta hak a.
"Uummm chutiang deuh chu." cabin aţang damlo a rawn chhuak chiah a, a lehkha rawn ken chu u Mc chuan a enkual thuak thuak a.
"Yes, Arinte hetah kan kawl vek, lo zawnsak mai rawh aw." a rawn ti lang lang a, cabin a lut leh chiah tur hming a lam zui lang lang bawk, a damdawi mamawh ho chu ka pe fel sawk sawk a, chair ah ka țhut leh rual chuan phone ka la chhuak vat a. Ka switch off tih ka hre leh chiah bawk.
"E, enteh nimin pregnancy test kit Doctor Zothana i va pek kha maw, a positive asin."
"Maw?" ang hau in ka melh a.
"Tukin bawlhhlawhbawm ka thlakna ah ka hmu a."
"Aww." Ka ti sep ringawt, Hmingsangzuala ruala rawn lut te pahnih zinga tu maw zawk kha a rai ngei tihna a ni maw?
" tu kha nge niang le?" u Mc vek chuan a rawn ti leh a, ka phone a message rawn thleng nghal țuk țuk chu ka melh vat a, Hmingsangzuala min rawn call na a rawn thleng țeuh a, message pahnih a lo awm reng bawk.
* call chhang rawh.*
* Call chhang rawh ka tih chu.*
A va intithu tak! phone chu ka hmet thim leh a, damlo rawn chhuak leh chiah chu doctor lehkha chu ensak in a damdawi mamawh ka zawnkual sak nghal sawk sawk a, u Mc-i'n bazar ah kalpui turin min sawm malh malh reng bawk.
"ka u fanu birthday ani dawn a, eng engemaw leisak ka duh."
"Umm,thil ei pahin kan kal dawn nia." Ka ti sep a, message ka dawng leh chiah bawk.
"Bill vel hi lo ensak mai rawh aw." Damdawi lehkha chung ah damdawi ho ka dah a, u Mc-i lamah chuan ka nawr phei a.
Message en tum in phone ka la kang chiah Hmingsangzuala call a rawn lut ve leh chiah bawk!
" khawiah nge i awm?" Hello pawh ka tih hma hauhvin a rawn au nghek! Ka thaw vak a, phone chu ka hmalamah lek chhuak in ka melh hrep bawk!
" ka hrilh awm lo che."
"Lalrinmawi.." ner nang chung in phone chu ka off hmak a, khatiang vak a min rawn vin kha a țul reng reng lo, dawhkan ah ka thehthla tawp a, u Mc leh counter hma a damdawi bill nghaktunu chuan min lo en ve reng bawk.
"I țha em?" u Mc chu a la meng phawk hra, loudspeaker ah ka dah miah lo, mahse a rawn au ring lutuk kha an lo hre pha vek anih ka ring.
"Umm, ka rilțam tawh tawp." Thawven hmel fe hian ka ti halh a, damdawi man an inpe zo a, Doctor Zothana cabin kawngkhar a rawn in nem hawng a, a beng ah phone ngaithla reng chung chuan min rawn thlek a. Ka thlen aţang cabin aţang a la rawn chhuak lo, ka kal tih a hre kher lo vang!
"Aw, a lo kal anih hi.." a ti sup, kawngkhar chu a khar phui leh a! Hmingsangzuala'n a rawn call tihna em ni? Mai mai chuan leh!
"Engnge in awmzia?" Chair ah ka țhut rual chuan u Mc chu a rawn kun hnai a, engmah ka hrethiam bik der silo.
"Ka hre lo."
"Ok, bazar ah chuan kal ang, dar 2 hma in kan let leh a ngai dawn nia." a bag a la chhuak a, ka hma a computer screen chu ka thlek thuak a, dar 2 aţang chauh Doctor Zothana'n hun a lo siam vek tawh tih ka hre chiah, tunah dar 1 a la ri lo deuh.
U Mc scooty in bazarpui lam kan pan a, egg roll pahnih kan lei tawp a, hnunglam aţang ani scooty khalh chu ka ei tir hawng hawng a, naute thuamhnaw enkual a duh nasat thu a sawi uar sia, thil ei a kan chawlh leh zel chuan hun kan nei dawn tlat lo.
"Awi, coffee tah khian la lawk ang, lem a har lutuk." dawr te pakhat kawt ah a ding dat a; ka chhuk thla ve tharh bawk. Coffee khu vat vat dawm ran chung in bazarpui ah kan lut thla a, bazarpui tak ka kal lohna rei tawh zia ka hre chiah bawk, dawr hran hran ah kan lut kual a, thuamhnaw mai mai leina tur pawisa ka neih miau loh vangin naupang thuamhnaw bik chiah ka enkual a, engmah it khawp in ka enkual duh lo.
"I duh khirh si." ka ti hlak, kan vak hrep tawh mahse engmah a la lei lo.
"A váng em alawm."
"A váng lo, i duh i thlak kual char char anih kha.." a nui hawk hawk a, naupang lawm zawng ka hrelo nangin lei tur a ka tih ho a enkual a, a dang enkual leh phawt ang a ti leh zel a, clinic kan let a hun leh der tawh.
"Thawhțan lamah ka kal țha leh mai ang.." ka melh nghal rawm rawm thung, ka ban ah a rawn man a, a scooty hunna lam ah min pawtthla nawk nawk a, darkar khat dawn kan vak kual a, engmah a lei leh der silo.
" Nangni pahnih chu." ka aw hriat țhan zet ri vang chuan ka inher zawk a, Doctor Hruaizela pawh car tukverh ah a rawn dak chhuak ve zat bawk.
"Kan inhmu fuh thei hle mai." U Mc zawkin a fiam a, Doctor Hruaizela pawh a nui ve suk bawk.
"Khawnge in kal a."
"Bazarpui ah hian mawle, awi, khi motor a lo kal, tlan tlang rawh traffic an strick si." U Mc vek chuan a ti leh zung zung a, a scooty hunna lam ah min kai thla a, a scooty bul kan thlen rual erawh in a țe nghal chul thung, keipawh ka chet tlat tlat bawk.
"Awi, ka thinrim lutuk." a scooty seat a lo inzaithler duai a, a ke hnunglam a thep vek bawk!
" Tu tih nge le?" A țhu hniam a, a scooty ke chu a hmet salh salh a, a thinrim lutuk vang in a țah a chhuak țun hial in ka hria.
"Ih.. "
" khaw én lai leh nghal in hetiang hian an che duh a nia." a rawn ding chhuak a, a thawhchhuah liau liau va a lei ngat ania, a thinrimthlak dawn lutuk.
"Buaina in nei em?" Kan bulah Doctor Hruaizela a rawn ding fel der, ka hawikual thuak a, hla deuh hlek ah car a lo hung a, u Mc-i thinrim insehruh țeuh chu kan en dun reng tawp.
"A ke an lo vit thep a, aaaa zawng kuthlei ho in a seat te an lo zai thler vek.." a ti hap a, a sam tawi mat mai chu a tuai thuak reng zel bawk.
"Workshop ah phur ila, tyer kan thlak dawn nia." Doctor Hruaizela chu kan en dun haw mai!
"Car hnunglam kan hawng a nga, a dah luh theih ang." U Mc-i thaw huai ka hmuh rual chuan ka thaw ve huai ringawt, mahni kutkawih liau liau dimlo baksaka min lo tihchhiatsak tu an awm tluk a thinrimthlak a awm tawh kher lo vang.
" i lo tlan hlauh chu a tihzia e.."
" research ah ka rawn telpui lai tak anih hi, workshop pan bik te i nei em?" Steering herkual mawp mawp pah chuan front glass ațang keini pahnih seat hnung a țhu reng chu min rawn en zauh a, motor lam a mik amak engmah ka hre ve lo, ka țhu ngawi ran mai.
" workshop ah ka la lut miah lo." nui ro hak chung in u Mc chuan a chhang a, tun lai two wheeler bik a him loh zia leh zan ah ngat phei chuan hunna țha neih a țul zia te an sawi kual ta duah a, workshop ah kan kal vek dawn nge clinic ah kan let hmasa dawn tih pawh ka la hrethiam lo.

Clinic lam pan a kan tlan rual chuan u Mc chuan min țhut hnaih vat a.
"Doctor Zothana ka dil zawk mai ang, heta țang workshop a hla tawh chuang lo va, nangmah in i lo awm hreh a ngem?"
"A teuh lo.." ka ti vat, nui chung in a phone a phawrh a. "Ka u te ka hrilh ve hrim hrim dawn." a tih zawm leh zat bawk.
"I ngawi veng veng lutuk." Ka hawichhuak vat a, front glass ațang Doctor Hruaizela chuan min lo en reng tawh, ka nuih let ta ringawt!
" thil in ei tawh em?" a rawn ti leh a. U Mc chu a u nen an inbe lang lang reng bawk.
"Umm, nang..ka nu."
" i nu pawh a țha lutuk, ka rawn kal hma pawn wheelchair in an innawrchhuak a, kawtzawl ah a țhu ve reng mawle." Ka nui a rawn hmuh rual chuan ngainatawm zet hian a rawn nui ve a, atan chuan thil mak vak ani hran lo ang, zan ah te a zual thut a, a tuk mai ah thisen pek a, a taksa ah thisen an pek kha a function țhat nghal chuan dawtsawi ang hleuh in a rawn harh leh mai țhin a, kei erawh in ngai a neih harsa ka la ti viau thung.
Clinic a motor park naah a tlan lut a, car a ding fel chiah tihah ka țhutna lam kawngkhar chu a rawn in pawt hawng nghal bawrh! U Mc -i a țe țhawt a, keipawh ka phu nasa lutuk. Kutphah hrawl zet a rawn pe lut vut a, ka banrek a rawn man rual chuan engkhaw sawi set set lo in a banrek chu ka lo ham nghal nek bawk. Kawngkhar ah chuan Hmingsangzuala dar hrawlpui a rawn lang ta mai! Jacket dum a ha a, a hmel landan a rum in a chang rûn bawk!
"Min ti hlau alawm!" ka ti thlawt! A rum nghut ringawt, u Mc leh Doctor Hruaizela pawh a rawn chetdan tehthut chuan a țhawng hle ani ngei ang, an hawi phawk ve kher bawk.
"Rawn chhuak rawh!" a rawn ti hluk, second khat pawh min nghak lo, car aţang chuan min pawt chhuak zui nawk nawk a, clinic lam pan in min kai a, nang hman loh hlau ang maiin a pen pawk pawk bawk, sual chhuah in lei ah ka țhu leh tlat dawn maw ka ti deuh tawh mahse car kawngkhar inhawng thawm leh in kharphui dawt thawm ka hriat rual chuan midang hmuhah ennawm siam ai chuan zui mai a țha zawk tih ka hria, clinic kawngkhar chu dimlo lutuk in a nem hawng pawp a! Ka hawi let a, u Mc pawh clinic lam panin a rawn pen ve nghal hlawk hlawk bawk!
" Damdawiin ah khan lo awm rawh ka ti che." A au țhawt, hmalam ah min thehdawrh ani ber. Ner nang in ka kut a man na hnu chu ka tuai hauh hauh va, Doctor Zothana pawh a cabin aţang a rawn chhuak hlawl a, u Mc lah chiai hmel lutuk in clinic chhung ah a rawn tlan lut ve bawk.
" vawiin ațang hna aţang a bang!" Hmingsangzuala aw chhum hmuk avang chuan ka âng hau ringawt! Doctor Zothana hmaah tak a ding khawng luah a, u Mc chuan rang zet in min pan a, ka dar ah a rawn kuah nghal vat bawk.
" Hna ah a rawn kal tawh dawn lo.." a ban vai vut pahin inchung lam a melh leh a, ka kal tho vang.
"Hello!" ka kutchal chu ka hmet ri khep, a rawn inher nghal vut bawk.
"Ka bang dawn reng reng lo.."
"Aw?" a nui rum nghal hawk chu ka melh ve nghek ringawt, ka dinna lam pan chuan a rawn che vut a, u Mc-i'n min kuah nghet nangiang bawk!
"Ka sawi tawh, i bang nghal!"
"I thu lo." hmai zangthal haw in ka chhoh en ve tlat, Doctor Zothana clinic ani tih ka hre ve vek, ani hian min ban ngawt thei bik reng reng lo.
"Bawiha, ri rum rum lo deuh teh u!" Doctor Zothana chuan a rawn ti ve ta nghut bawk, keini pahnih erawh in cho lutuk in kan la in melh khai tho.
"... cabin chhung ah rawn lut teh u, damlo an rawn kal leh dawn tawh, in ti phawklek vek mai ang." a rawn ti leh sup, A cabin lam a pan a, Hmingsangzuala inla thu lutuk hi zilh nek se a țha khawp ang chu.
"I țha em?" U Mc-i chuan Hmingsangzuala melh zeuh pah chuan a rawn ti a. Ka bu ta nghat bawk.
"Counter ah lo va țhu lawk mai rawh aw.." min ngaihtuah hmel fe in min kuahna chu a phelh a, ka hma a mipa hrawlpui thinrim insum a, insehruh tlat chu melh rawm pahin ka kalpel a, ka hnung chiah ah a rawn kal ve nghal tih boruak aţang ka hre thei!
"Țhu rawh u, khatin clinic ah lehnghal rik buan buan loh tur." A dawhkan hma a chair ah chuan ka țhu tharh a, Hmingsangzuala erawh a ding run thung.
"Ka bang dawn lo a nia." Doctor Zothana melh zauh pah chuan ka phun sep a, ka sawi zawh rual deuh thaw in Hmingsangzuala zawk a lo rum hawk thung, mahse Doctor Zothana zawk ka melh tlat a, a nuih a za deuh ani mai thei, a khi suk mai.
" i duh thu a i ban loh chuan ka ban bik lo ang che."
"I hria maw?" Ka hawi let vat, kawngkhar ngheng chung a mipa lo ding run chu ngeiawm fe in ka nuih ta kher bawk.
"Keiin i bang dawn ka tih chuan i bang dawn tihna ani mai." a rawn ti hmuk, a aw ri erawh a zawi ta viau!
"Bawiha?"
"Hau hrep rawh." Ka lo ti ve leh hram a, Doctor Zothana chu a rawn nui ta hawk bawk.
"Hauh a ngai anih hi tiraw?" bu nghat chung in ka melh a, Hmingsangzuala lam chu uluk fe in a lo en ngur tawh thung.
"tukina a thiltih i hria em? Naga pathum in an luhchilh a, a frying pan hmang in a lo bei let anih chu!" chhum zet hian a rawn ti hluk a, sawi a țulloh tehreng nen!
"Hospital ah lo awm tur in ka chah lawk vek, clinic a rawn kal dawn tih hi min hrilh lah a har viau lo, mahse min hrilh lo bawk in a rawn thleng leh hman tho, a rawn kal duh anih chuan ngahnge ka rual khan a kal mai loh."
" Hellooo!" țhu reng chung chuan ka inher a, min lo melh khui ringawt. "I kal dawn khan clinic ah ka thawk tih ka inhre leh tawh hleinem!"
"Jesus christ."
"A tawk tawh e, chuan, Tukin ah eng thil maw thleng?" Doctor Zothana chuan a rawn ti ta hluk, Hmingsangzuala ka huatzia chu ah!
"Hrilh ta che." ner nawk chung in a hawisawn vut a, ama sawichhuah vek ania, aman sawi ve mai tur a lawm.
Ka țhu țha a, ka thusawi hun nghak ni awm takin Doctor Zothana chu a rawn thaw hawk a, he mite pahnih kiang a ka insawifiah kim diam kher hi a țul viau em ni le?
" Naga pathum an lo kal a, gas a frying pan ka chhuan sat in ka lo vua a!" ka ti sep, Hmingsangzuala chu nise ka au khum nghek ang, mahse Doctor Zothana ania, fel ka ti zawk miau bawk.
" I thiltih atthlak zia chu i hria em?"
"Ka sawi reng kha maw? Ka hmuh phak lohvah a awm ka remti lo, a chetdan a atthlak lulai thei lutuk!" Hmingsangzuala aw ri hluk vang chuan ka ner nghal nang a, Doctor Zothana hian hau hrep se ka tih tehreng nen!
" rawn tho rawh, let tawh ang." amah vek chuan dawhtheihna tlakchham hmel zet hian a rawn ti leh hluk a, ka țhu tlat dawn ani tawp mai.
" tukin a thil thleng chu hman deuhva i case khawih lai nen khan a inzawm em?" tukverh lam pan vut pahin Doctor Zothana chuan a ti sup a.
"Umm, nidang ah kha chu sawi țha ang... chuan?" a ke pen ri ka hre thut a, chair ban chu nghet deuhvin ka vuan nghal tlat bawk.
"Let tawh teh ang."
"Aih."
"Luhlul tlat țhin lo teh." Ka bul chiah ah rawn ding in dawhkan chu a rawn nem nghal chawrh, Doctor Zothana hian chhuah tir daih se ka tih dan chu!!!
"Hna ka la nei alawm." ka ti sep a, tukverh bul a Doctor Zothana ding chu ka melh pah zeuh bawk.
" i nei tawh rih lo." há sehchilh ran in a rawn ti sup.
"Ka nei.." ka thlek a, ka melh rawm bawk. "Hepa hi haw tir daih la.." Doctor Zothana ka en rual chuan a lo nui hawk a, Hmingsangzuala zawk in ka banrek a rawn man leh hmiah tawh.
" tikhan haw rih mai ru.. Hmingsanga phal velah khan i rawn kal leh mai dawn nia." Doctor Zothana chu ka en nghal vat a, Hmingsangzuala chu ka melh leh a, hnehtu chanchang inti lutuk in min lo chhuk en run bawk!
"In fair lo dun hle mai.." ding mar pah chuan ka ti hlak, mipa pahnih te nui hawk chu ka ngaihven duh tawh bik lo, ka thinrim hlar bawk si chu kawngkhar lam pan in ka kal a, Hmingsangzuala zawk in ka banrek a vawn tlat miau vangin ka ding leh lawp bawk.
" ka hman velah ka rawn be dawn che nia." Doctor Zothana lu buk khum nghut pah chuan a rawn inher ta vut a, nuihza insum hmel zet in min en ta bawk.
"I la hria ang.." cabin kawngkhar a pawh hawn rual chuan ka ti leh hram! A la hre dawn chiang lutuk!
U Mc chuan hlauhthawn hmel fe in keini pahnih inkai chhuak chu min lo melh a, Hmingsangzuala tehhrep pawh chuan min biak hmasak tir pawh tum lo in kawngkhar lam pan in min kai nghal dawr dawr a! Kawngkhar a inkharphui rual deuh thaw chuan ka ban chu ka thing vat a! A thlah bawk siloh vang chuan ka ban ruh zawk a na zawk thei!
"Tinge reilote kar pawn kha doctor ngo veng kha i lo zui hman zel a." Bolero bul kan thlen rual chuan a rawn ti leh hlut tawh! Chuan.. a țawng dan ri ațang hian Doctor Hruaizela vir thet thet tu ka ang tak zet! Ui note tu emaw vir thet thet tu hi!
"Ka zui bawk lo.."
"I zui lo, a car chhung ah i awm tho." Min din hnaih thut pah chuan a rawn ti sup, a awm ah tak ka nem ve chawrh bawk!
"Min hruai haw dawn nge, clinic chhung ah sawn ka lut leh dawn?"
Tihngaihna min hriat loh hmel fe hian a rawn thaw hawk a! Keipawh hi ka thawk a ti chham zo dawn, a lian si, a hrawl tel cheu bawk tun minute 10 pawh tling lo chhung khan ka bul vel a boruak awm zawng zawng amah in a hip zawk vek hial in ka hria! A rawn ri buan buan a, mi awm leh awm loh pawh ngaihtuah lo in a au nghek bawk!
"Lut phawt teh.." ti hluk chung in ka dar ah a man a, min nawrsawn deuh a passenger side kawngkhar a pawh hawn rual chuan a thaw leh hawk a! Ka tlanchhe vak zawk dawn mawni! Aaaaa.. tlanchhia pawh niila min rawn man leh hman tho vang! Nâ deuhvin ka țhu lut chawrh a, kawngkhar pawh phui ka tum rual chuan min lo dang tlat a; ka melh ta nghek ringawt, aman a rawn nem phui a, keiman pawt khar ngat ila chuan nâlûa awm loin ka pawt khar dawp ang.

Ngawi reng in a khalh a, achang a min melh leh zawk țhin chu car tukverh darthlalang a tang ka hmu thei, engmah sawi lo bawk in a taksa hrawlpui chhung a boruak chu chhuah tir vek a tum emaw tih tur khawp in a thaw leh hawk zel a, khatia a rawn rik chiam chhan kha ka hre chak tak zet! U Mc-i ka ngaihtuah chhuak zawk a, a scooty kha engtinnge ni dawn, counter ah a țhut a țul leh ta sia. Rang zet in bag chu ka zen nghal rawk rawk a, Hmingsangzuala chuan ngawi reng in ka chetdan chu min thlithlai ru reng a, ka lip oil hi lek chhuak thut in a nghawng ah tak nawr ila, chemte emaw a ti ve tho vang, ka ngaihtuahna vang chuan ka nui ta seih a.
"What?"
"Engmah!" Ka ti let hmak, lungawi loh hmel zet in a rum nghut bawk.
*engtinnge i scooty kha?* ka message chu a seen rang mah mah.
*doctor Hruaizela khan min buaipui sak dawn, i țha em?* ka thaw halh a, ka ipik țûn ti a au chhuah nghek ka chak tak zet!
* a thinrim hmel sia, ka hlauhpui tawp che.* A hlauh a zawng ah chuan ka hlau țhak lo, mahse tha ah ka hneh lo lutuk vang zawk in min pawt chhuak mai mai anih zawk.
* Ka țha, i buai lai lai in ka awm hman si lova.* ka phone chu vawilehkhat ah a kang thut a, ka khék chhuak teuh kher mai, mahse motor hmalam ah a rik phei rawk rual chuan Hmingsangzuala chu rum zet in ka melh nghek a, engmah ti lo ang maiin hmalam a bih ngur thung.
"Sual lutuk.." ka phone awmna lam ka ban leh rual chuan motor chu a ding nghing dawt a, motor hmalam ka tauh chawrh dawn maw ka ti a, mahse ka darah a rawn hmer hman avangin seat nghehchhan ah na zet in ka let tawp!
"I sual lutuk aw."
"Ka sual, chuvang tak chuan min nawrlui țhin suh." Steering a bawh a, min melh khui bawk!
"Ka nawrlui ngai reng reng lo che, tupawh thunun theiah i inngaih vang zawk anih kha!" Ka ti ve hlak bawk! Ka phone bawk chu ka ban leh a, keima duh dan dan a lo tal țhang tawh ka nih vangin thawklehkhat a ka thiltih apianga rawn inrawlh tum an awm ta thut chu ka ngaithei bik reng reng lo.
"A va mak e aw!" Phone chu a rawn ban vut a, tukverh ah a thehchhuak daih anih chu! Ka meng kawk a, ka phone a thehchhuak daih! Phawk zet in ka melh a, min lo en ve run ka hmuh rual chuan zawite in thawk ka la a, thil thlendan in min țhawng ta lutuk pawh a zia ta deuh!
" rangkachak tuiék pa!"
"Khati khan min ko ziah suh."
"Aw, Hremhmun ațang ramhuai palianpui rawn tlanchhuak i nih hi, chhuk la ka phone kha zuk chhar leh nghal rawh." Ka thinrim lutuk bawk si chu ka țah a chhuak hlur mai! Eng angah nge a inngaih, mi phone țha lai paihsak ngawt tur hian thuneihna a nei lo, America President khuan min paihsak se a awm deuh mai thei, mahse America President pawh anilo, aaa tun buaina ah America President daih daih ngaihtuah a țullo.
"Zuk chhar rawh.." ka ti leh tuar! Ban a phar hluai a, a aia sang in ka ban ka phar ve ta chiam bawk!
" naupangchhia ang maiin che ziah suh!"
"Ve a che." ka ti hlak, ka phone a chhar hma chu ka thinrim ang, chhar lo in tlanchhuak ngawt bawk se motor ațang hian ka zuangthla ang! Chuzawng chu!
" damdawiin a lo awm kha a harsa viau em?" a rawn ti hmuk, ka chhang dawn reng reng lo.
" i kal chhuak anih pawn min rawn hriattir kha a harsa miah lo bawk!"

Ka la ngawi ngal tho!
"Hahthlak lutuk, té si, thu duh ve ngil ngel bawk si!" steering chum pawp pah chuan a rum nghut a, kut ka kuangkuah a, hmalam ka melh tlat bawk!
" tikhan ngawi tlat suh, ka biakna che kha min chhang rawh."
"Lalrinmawi?" ka ner nang a, ka chhang dawn chuang lo!
" ka thing nek zawk dawn che mawnile?" Min han thing nâ teh se!
Phone a rawn ri ta thut a, ka ring tone leh nghal! Hmingsangzuala chuan pawnlam chu a thlek vut a, ka chhar a ring anih chuan a ring sual let der ang!
"I phone a ri."
"Zuk chhar rawh, ka nu a țhat loh leh phei chuan i chak lo ngawt ang.." kawngkhar a nem hawng ta pawp a, ka en zui ve nghal vat bawk, kawngsir chu a bih duk duk a, a hmu ta ani mai thei, a lek lang a, screen a hming lang en chuan a thlek thuak a. Motor chhung a ka țhu reng chu nui suk chung in min rawn thlek leh phawt, a nuihdan sual hmel lutuk ah chuan thilțha a thleng dawn lo tawp mai! Ka ring dik! Kawngpui char ah ka phone chu a vawm keh pawp anih chu! A thing per nawlh a! Chupawh duhtawk lo in kawngthlang ah a chhuih thla nghal daih anih chu!
"Hremhmun ah kal rawh!" Motor chhung ah a rawn luh leh rual chuan ka țhutna lam kawngkhar ka nem hawng ve zat a; motor body a rawn nghing dawt rual chuan a taksa rihna in min nawk a, kawngkhar chu a rawn pawt phui nghal hmaih! Hepa hi! KA HAW HLAWM TAWP!
"Hmingsangzual!"
"Kha doctor khan engvangin nge a rawn call che?" A rawn au țhawt, ka ham bawrh bawrh tawh mai dawn mi niang!
" ka haw lutuk che!'
"Tunah tak hian keipawn thin nek che ka chak, min hnial bár bár reng suh!" min rum țhaih tum ang hrim in min melh khui a, ka hlau therté lo!
"Zahna tlachham leh lutuk mai! Mi tupawh hi i thuhnuai a awm kan nilo, dikna chanvo kan nei ve vek!" Seat ah ka țhut țha a, a tir te aţang a mood a chhia in thinrimna tur ngawt a zawng a!
" mi tumah hi ka thuhnuai ah an awm ka tih lai ka hre lo!" A chal ah hian ka chal in tauh vak mai ka chak tut tut tawh! Kha phone nei tur kha ka thawkrim asin! Ani lungawi lo hian second hnih chhung lek in min tihchhiatsak fel der, chumai pawh nilovin a la pet bo daih zui!
"I sawi lo, mahse i thuhnuai ah min dah i tum a lawm." thawk la a a rûm hawk chu ner nang in ka melh rawm rawm a, darkar chanve chhung thawk pangngai in min thawk tir tawh lo!
" ka thuhnuai ah ka dah lo che, ka bialnu i ni tawh i thiltih engkim ka hriat a țul!"
"Wow, i bialnu ni tura min sawm lai ka hre lo." kan la inngaizawng lo tak tak! Hmingsangzuala chu motor chunglam hawiin a rawn nui ta hawk a! Fiamthu ka thawh miah lo!
"Bawihi ?" Lu thing nghut in a nui leh a, a lang sexy ta hle bawk, ka ngaihtuahna tehhrep chu leh! min en leh rual chuan a hmel a thinrimna leh lungawilohna vanga a landan chang run te kha an bo duak tawh.
"Official tak a ka bialnu ni tur a sawm tur che in min duh em ni?" Ka ţawng ve tur chu a kut vai vut in min ti tawp leh a, a nuih a la za reng bawk!
"A țha e, Lalrinmawi ka bialnu ni rawh?" a rawn ti sup a, ka mengkual nghal ralh bawk!


Show post links
Top
Abbra Reo Ririni
Post January 28th, 2019, 11:30 pm

" ka bialnu chu i ni duh a ngem?" amah vek chuan a rawn ti leh a.
"Thu i awih dan a zirin.."
"What? I mean, aw tih kha a harsa viau em ni?"
" i chetdan kha i chunga ka chetdan nise i lawm miah lo vang aw." A hawisawn vut chu a tukhum ah nem lawp mai ka chak tak zet!
"Ngo venga khan a rawn call che anih kha!" zawite in a phun hluk a, Doctor Hruaizela'n min call apiang in phone a vawmchhe zel dawn tihna em ni?
"Phone thar ka lei dawn che nia." a rawn ti sup, ka thaw hawk a! " zuk chhar pawh niila a chhe vek tawh tho, tuman an siamțha thiam tawh lo." A rawn ti leh hluk bawk, mipa naupang thil tisual, amah leh amah intlawhkhalh tum te pawh a ang zawk a lawm!

Thinrim lutuk in min siam a, ani pawh min tihnat mai hreh lo hial khawp in a thinrim a, min inhrosak khum bawk a, mahse a tawpah chuan rilru dam takin kan awm leh der tawh! Engang mihring nge kan nih hrep pawh ka hrelo e!

A in kawtah motor a din chawt rual chuan ka au chhuak ta țhat a, kawngkhar rawn inhawng in Hunter a rawn tlanchhuak thauh thauh mai!
"Kimi te'n an rawn hruai thla a." kawngkhar ka hawn rual chuan a rawn ti sup a, ka chhang tawh pawn ka hrelo, Hunter chuan min rawn bawh nghal uan uan bawk.
"Min ngai a mi?" A ke hmalamin ka sam a rawn hai ve a, ka nui nghal hawk hawk bawk, min lo la hre ve reng anih hi!
"Bawiha, duhtawk rih rawh, in chhunglam ah lut phawt ang." Hmingsangzuala chu kan awmna lam ah a rawn phei ve vut a, ka kawngkhar kharphui loh chu a rawn nem phui a, lock a ri nghal khap bawk.
"Le, kal țha tawh la.." Hunter pawh chu thuawih deuhvin a awm țha ve mai a, ka sam a hai hnawk siamțha mawlh mawlh chung chuan ka hawikual thuak a, veranda aţang hmeichhe pahnih ka hmuh tawh te khan min lo en reng bawk!

Hmingsangzuala lam chu ka thlek let haw a, ka dar ah a rawn kuah vat a, hmeichhe pahnih hmel landan hrang hlawk bawk si te chu ka melh leh zawk a.
"Lut ang le, kan mu hahdam rih dawn nia." In lam pan chuan min kuah phei zel a, nichin khan Kimi a ti a, anih chuan Claudia lo zawk hi Kimi chu anih ka ring!
" hey.." mak tih hmel zet a min en reng lai chuan harhchhuak thut ang mai hian min lo nuih a, ka nuih let ve ringawt bawk!

Inchhung kan luh hnu thleng pawh chuan min en zui reng tih ka hria.
Hmingsangzuala chuan pheikhawk a tlawh phelh mawlh mawlh a, Claudia leh Kimi pawh an rawn lut ve chiah bawk.
"Bawihi room ah lo han chho la, i duh leh lo han intifai rawh." Mit min siai zauh chung chuan a rawn ti a, ka bu ve nghat a, Hunter pawh ka bulah zel a kal.
"Tunge anih a?" Hmeichhia te chu ka ngaipawimawh duh bik lo.
"Lawk, nangnu kha tunge i nih a?"
"Claudia." Hmingsangzuala aw ri nghut avang chuan ka ding dat a, ka hawilet a, Claudia hnarngul sang vah mai chuan thip ram in min lo en ran bawk!
"Tunge i nih?" Ka lu ațang ka ke hmawr thleng in min en chhuak vek hman!
"Hmingsangzuala bialnu." Hmingsangzuala zawk a lo nui suk a, Claudia pawh in phawk zet in Hmingsangzuala chu a melh ta haw bawk.
"A dik em?" A aw ri a ram hmarh! Kimi zawk erawh in a hmelah engmah lang chhuak ve lo in min en ve reng a. Hmingsangzuala chhanlet dan tur ngaichang in ka thin a phu dawt dawt hial in ka hria. Chiang zet in min rawn melh a, a mitmu dum fiah zet ka hmuhchian rual chuan ka nui seih a.
"Umm.. ka bialnu anih hi, chuan Bawihi lo han chho rawh, ka thuamhnaw awmna chu i hriat kha aw." Ka bu nghat a, choka lam panin a kal zui zat a, keipawh Hunter nen kailawnah chuan kan tlanchho that that a, nuam ka ti bik chiah lo nangin anni hmeichhe pahnih laka tlawm ai chuan nasa deuh ang a lan ka duh zawk fe!


Pindan chhung ka luh rual chuan khum ah chuan a vâng zawng in ka bawk thlap a, Hunter chuan ka ke lam a rawn nawr ve that that a.
"Hunter, ka chau rih e, nakinah infiam zawk ang aw." Ka sawi chu a hrethiam ve ngei aniang, ka pangtilum si reng chung chuan carpet dup ah chuan a bawk ve a, mit ka chhing siai siai a, ka phone kha a paih daih bawk sia, ka nu chanchin ngaihven te ka ngai dawn bawk!
Ka tho chhuak ta hlawl a, pindan pawnlam ah thawm a rawn awm thut a, Hunter pawh a hawi nghal vut bawk, thawm chu a tawp leh hmiah a, pindan a phui țhat lutuk vang pawh ani mai thei, chhuat nen a inzawm vek a ri insiam bak a hriat mai mai theih loh.
" a rawn chho tawh chuan lo luh ve mai tur a lawm.." ka ti hlak, kawngkhar lam ka pan a, a phone ka hmansak loh chuan ka nu chanchin hrelo in ka awm reng thei lo.

Kawngkhar vawnchhan ka vuan a, Hunter erawh a bawhna ngaiah a la bawk reng thung.
Ka pawt hawng pawp a, chumi rual deuh thaw chuan Hmingsangzuala aw chang zet ka hre thawi fua bawk!
Ka pen chhuah rual chuan Hmingsangzuala chuan min en vut a, a bul ah Claudia a ding ve reng bawk!
" phone ka hmang duh a." ka ti sep, Hmingsangzuala chuan min nuih suk a, a kekawr ipte a zen zui vut bawk.
"Lut rawh le ." Phone chu a rawn lek chhuak zawk a, mahse a hum leh a, inher tawh miah silovin a hnung lawk a hmeichhe ding chu a thlek zauh va!
"Nangpawh kal tawh rawh." a ti zui nghut bawk, a rawn luhna tur in ka tawlhsawn a, Claudia hmel ah chuan min tihnat chakna ni awm tak ka hmuhsak bawk, mahse min tihbuai loh atan a țha ber ang! Hmingsangzuala chuan kawngkhar a pawt phui nghal hmiah bawk.
"Khawi."
"Tunge i biak dawn?" a rawn ti sup, ka thaw halh a.
"Ka nu chanchin ka hre duh a."
"Aw, khum ah lo va mu rawh a doctor keiman ka'n bia a nge!" hepa mai mai chu leh! Inla thu si, a phone hi ka vawmchhiatsak ve mai dawn mawnle.
Rum deuh a melh chung in khum lam ka pan a, khum tlang ah chuan ka țhu chawrh a, phone a bih zui ngur bawk.
"I pu sawn ka phone a vawmchhia tih i hria em?" Hunter a hriat tur tawk lek chuan ka phun sep, Hmingsangzuala zawk in min en nghal vut bawk.
Mahse engmah sawi lo vin phone chu a beng ah a ngaithla vung vung a.
"Aw, Chanchin ka rawn ngaihven a." a ti nghal tawng, ka pheikhawk bun lai chu ka tlawh phelh a, khum ah chuan bawp khawkherh at in ka țhu a,
"A lawmawm hlauh anih chu, i buai loh chuan a fanu nen hian inbe lawk se." A jacket a hip zui mawlh mawlh a, phone chu ka lamah a rawn lek zui vut bawk.
"Be lawk rawh.." rang zet in phone chu ka ban a, "nu?"
"I buai lo em ni?" a țawngri a rin loh em avang chuan volume ka ' up' a. " i buai lo em ni?" Amah vek chuan a rawn ti leh sep bawk, Hmingsangzuala'n clinic ațang min hruai chhuak daih a lawm tih nghek mai ka tum tut tut a.
"Umm, buai lo, ka rawn let vat ang " ka ti ta zawk a, ka hma a mipa rawn ding ve run chu ka melh duh miah lo bawk.
"Nu, thil i ei em?"
"Aaa.. theitui te ka in a, engmah ka ei chak lova."

Hmingsangzuala kut phe vuai ka hmuh rual deuh thaw chuan a tshirt hak lai a hlip chho ta mai! Nui suk chung in ka țhutna bul chiah ah a kawr chu a rawn theh hlawm tawp a!ka hawisawn rang lutuk!
" ... ka sawi chu i hre lo em ni?" ka nu chuan a rawn ti a, Hmingsangzuala vang vek.
"Nu sawi țha leh la.." a lo nui hawk anih chu! A kawnghren a phelh leh mawlh mawlh a, hepa pui hian engnge maw a hriat le?
"Nangman thil i ei tawh em?"
"Umm, egg roll ka ei.." ka ti sep a, ka hma a mipa hrawlpui chevel chu ka mitsir lo thei lo, a savun kawnghren chu a pawt chhuak a, a khik suk dan ah ka en tih a inhria, a kekawr kawngkilh a phelh leh rual chuan atthlak lutuk in mit ka chhing zui ta daih a, ani erawh a nui rum hawk thung!
"I hlau e mai, ka phelh lo mai ang." Khum bul a Hunter-a bawk ve reng chu a rawn chul thuak a, ka melh nghek ringawt!
"Nu, nakin ah ka rawn be leh ang che aw.."
"Min ngaihtuah țhin lo la, țha tak in i hna kha thawk phawt rawh.." a rawn ti let a, ka bu ta nghat ringawt!
"Khatia lo in phelh kual vel kha a țul viau em ni?" Phone ka off rual chuan ka melh nghek, a rawn nui hawk a. a rawn chet leh vut rual chuan ka țhutna sir ve ve a rawn nem a, hnaih zet in min en nghal run bawk!
" kha doctor ngo venga khan i nu enkawl tawh lo se ka duh." A mit ah tak ka en a, a hmel a tak leh run tawh.
"Engnge i buaina, Doctor Hruaizela te chu a thiam a, ka nu enkawltu ber a nia, a fel asin.. ka țhian ang hial ani tawh." a hmui a pet sawi zauh va.
" i ngaina tih ka hria, chu tak chu ka duh lo.." a rawn ti hmuk, ka nui teuh kher mai!
"Țhian ka nei thei lo i tihna a ni em?"
"Nope, mipa nilo tupawh kawm rawh, pawi ka ti lo, mahse mipa tupawh nangmah hnaih tum tu che a piangin min hmachhawn ang." a mitmeng a thim ruih bawk.
" engtik ațang khan nge i thikthu hi a chhiat tak em em le!" ka ti ta hliai ringawt.
A țhen suk a! "Ka duh che tih ka inhriat ațang tawh khan.." a aw zawi ruih mai chuan ka kawchhung thleng in a fan a, min awm hnaih leh sauh chung chuan a hmuiin ka beng a rawn nawr leh a." I taksa kuah chung a ka muthilh hmasak ber zan khan ka duh che tih ka hre tawh.." a kutțang in dimte in ka sam chu a nawrsawn a. A hmui bawk in a rawn nawr leh a, kei erawh ka nui ta ringawt!

Khum ah kan mu dun a, pawnlam ah erawh ruah a tla cherh cherh thung, a ban pakhat ka lukham a, dimte te in a ban ka lukham lam kutțang chuan ka biang a rawn tuai a, a awm ah ka bei chial bawk.
"I muhil dawn mi?"
"Umm.. zan ah ka nu bul ah min hruai leh rawh aw." Ka ti sep a, min kuah na tih nghet sauh pahin ka chhip ah a hmuiin a rawn nawr a. A taksa chhunglam a a lungphu ri dawt dawt ngaithla chung chuan thawk ka la zui sia sia a.
"Sweet dreams.." ka nui seih ringawt, puanlum in min khuhțha a, ka chhip zawn chu a thawk lak rual in a luam huam huam zel bawk.

A taksa chu a che deuh hrut a, peihlo zet in mit ka meng leh ta bawk.
"Engnge?" Nui suk chung in ka biang ah a hmuiin a rawn nawr a, a ban pahnih in min kuah bo hneh lutuk bawk, a hmui lum chu a chekual a, ka hmui ah a rawn nawr leh rual chuan ka nui a, amah pawh a nui ri ve hawk tho! Min fawp lawk silo in kan hmui chu a insi reng a, hetiang hian nuam ka ti tak zet! Vawikhat ah chet la buan buan lova kan hmui lum a insik reng hian keimahni inpawh a awl bawk, a kutphah lum vung vung in ka nghawng hnunglam a rawn vuan leh a, ka hmuihnuai a peh kual rual chuan ka kâ chhung ah boruak lum a rawn lut a, mit ka chhing a dim lutuk in min fawp zawm mial mial bawk, ka chau tih a hria ani mai thei.
"Ka kiss muhil mai ang che aw." Mit chhing reng chung chuan ka nui seih a. A chalin ka chal a rawn nawr a, min tih ang ang chuan ka dawh tawp.
"Tun chiah hi, chuan ka muthilh tir tak tak tawh ang che.." hepa tak hi chu aw!

Ruah a baw hawk hawk a, Hmingsangzuala nghak in kan in ah ka awm ran bawk. Station lam ah a let leh lawk a, ka nu hmu turin kal kan tum a, mahse darkar hnih hnu ah pawh a la rawn let lo reng reng, han call mai dawn lah in ka phone a tichhe daih bawk si! Chhuatlai ah chuan ka vei tawn sek a, tunah zan dar 10 a pel daih tawh!
" a rawn kal dawn loh chuan amah nghak tur a min hrilh loh mai tur a lawm." a rawn lang thei reng reng bawk silo chu ka thinrim hlur tawh.
Kawngkhar a rawn inchum ri thut a, ka hawi nghal dawrh bawk! Na zet in a rawn inchum leh pawp rual chuan kawngkhar lam pan chuan ka tlan nghal sawk sawk a, chung lam a ka lock chu ka pawtthla a, ruahsur ri buan buan chuan mihring ani em tih takngial pawh min hriattir thei lo.
Zim te in kawngkhar chu ka nem hawng a, Mahse Hmingsangzuala ruah in a nan huh vek leh thei leh thei lova kawngkhar rawn bawh țawk țawk ka hmuh rual chuan ka che nghal sawk sawk a, kawngkhar pakhat zawk ka nem hawn rual deuh thaw in pawnlam ațang ka dar ah a chal a rawn nghat chawrh a, ruah vang in a huh vek tawh bawk!
"Hmingsang.." a rit lutuk bawk si chu ka chetsawn pui hlei thei lo, pawnlam lah ruah a tla hawk hawk reng bawk si.
"Nâ i nei em?" a dar ah ka beng thawk a. Zu rui nise chuan a rim ka hre tawh ang.
"Kalsawn suh aw.." a aw a zawi lutuk.
"Umm, kalsawn lo ang, mahse inchhung ah lut ang.." ka ti sep a, a ke lam zawng pawnlamah a la awm a, kei hian engti kawng mahin ka chawi lut zo dawn lo. Thawk la hrawk chung in a rawn pen lut a, kawngkhar ka pawt khar zui bur bawk, kawngkhar bul bang rinchhan in a inla hrang hlek a, a kut in a awm chung lam deuh chu a dawm nghal tlat bawk! muangchang in chhuat chu ka melh a, a kiu ațang thisen leh ruah in pawlh nuaih mai a far thla nghal tluk tluk anih chu!!!, ka kawr awm chu ka khawih nghal sawk sawk a, ka kut ah pawh thisen bawk a kai anih chu!
"Aw Lalpa.. hliam i tuar em ni?" A banrek hrawl tham zet ah chuan ka vuanbet a, thisen chhuahna lai a hmehphui tlat a kut chu laksawnsak hlek in ka en chiang a! Chem a vihna ani ngei ang, a kawr pawh chem hmawr zum tiat in a thler a, rang lutuk in a pang ka dek leh a, a sa vur bawk!




☆UTOPIA:1996☆
Chapter 15 (18+)
By
Abbra Reo Ririni Khiangte (Pitartei)

(18+ warning ka dah nachhan chu ngialngan in sex a tel lem lo, mahse țawngkam țha lo leh rilru hruaikawi hlek thei a tel ve vang zawk ani e.)


A pang ka dehna banrek chu a rawn hum a. Ruahsur do hlimhlawl pawh nimahse a kut pawh chu a lum vung vung mai!


"Min lo nghak rei em?" a țhen lui suk a, a hmel pa zet erawh nâ vang in a lang chang țalh ţalh thung, chu thil chu tuna sawi hun pawh anilo.

"I khawsik a sang lutuk, damdawiin ah kal ang.." ka ti hap a, a dar hnuai a vawnbeh chu ka kut in ka nawrbeh pui ve țai bawk .


"I thinrim lo em ni?" A tukhum in bang
chu a nawr a, dang ro hmel zet in chil a lem zui dawk bawk!

"Engvangin nge ka thinrim ngawt ang.." ka ti hlar, hmui a pet sawi zauh va, a taksa chuan min hnaih ruai ruai bawk! Ka darah a chal a rawn nghah leh rual chuan a taksa ah chuan kut ka suih bet ve vat! A taksa chunglam chu a khur hlawk hlawk reng mai!

Room ah ka kuah lut a, ka khum ah ka țhuttir hma chuan a kawrhak lai ka hlihsak táwk a, a awm leh a dar inkar a hliam ka hmuh rual chuan ka meng nghal kawk thei, ani erawh khawsik sang lutuk vangin a hmui a hil rap a, a vun a dáng titih bawk!

"Aaa.. lawk.." ka towel dahna lam ah ka kal vat a, towel pahnih inthlep chu ka la a, pakhat in a awm ațang thisen rawn chhuak chu ka nawrsak a, towel pakhat zawk erawh in a taksa huh hluam chu ka hruksak thuak thuak thung, a kekawr huh nen khum ah ka muttir tawp chuan khum a huh vek a nga, hei ai hian a khawsik pawh a rawn sang ang.

A thaw ham ham reng a, a kut pakhat rit nulh chu ka man a, towel chu a awm ah ka vawnbeh tir a, towel pakhat chu ka dar ah ka bat sawk sawk a, a savun kawnghren chu ka vuan a, engmah ngaihtuahna kawi putna hun ani lo, mahse a taksa nalh lutuk erawh hmuh hmaih a har ţalh, a kilh ka hawng a, pawtchhuak lovin a jeans kekawr kawngkilh ka hawng zui nghal zat bawk. A kekawr chu ka nawr thla a.
"Khum ah khan țhu rawh le." a darah vuan in ka nawr țhu a, tu tehlulin nge ani police officer lehnghal lo vit ngawt ni! Khum ah a mu tur chu ka puih vek a ngai a, a hliam ai mah chuan a khawsik sang lutuk chuan a taksa chu a ti khur titih a, puanlum in ka khuh sawk sawk a, a awm aţang thisen la rawn chhuak țiam ţiam tih tawpna tur towel dang ka la leh nghal zat bawk!
"Damdawi ka zawng lawk ang aw." A awm ah towel inthlep chu ka dah a, lukham pakhat in ka delh bawk a, nachhawkna sang kan kawl hlauh ka beisei! Ka nu damdawi dahna țhin chu ka hai rawk rawk a, vanneihthlak lutuk in nachhawkna sang kan lo kawl hlauh! Pawnlam ah ka tlanchhuak a, tui ka chhuang so sawk sawk a, tuilum nen hian ei se a thawk chak deuh vang! Pindan chhung ah ka va luh leh chuan chauh hmel zet in mit a rawn meng a, a landan zawng zawng nen hian ka lainat tak zet!
" hei ei rawh aw.. " khum ah ka țhut kai ve rual chuan a mit sen rum mai chu a chhing leh daih a, glass chu khum bul dawhkan ah ka hung a, a biang ah dimte in ka thawk a, mit a rawn meng leh a.
"Ei phawt rawh, chuan i hliam kha ka buaipui dawn nia.."
"Damdawi ka ei duh hleinem!" a rawn ti hmuk, kei erawh ka ang hâu thung!
"I khua a sik.."
"Ka hria." a rawn ti sup a, mit a chhing leh nghal daih bawk! Ani pui hian hliampui a tuar chung pawn damdawi a ei duh loh thu a sawi anih chu! A va han â tak! A awm ah chuan ka beng thlawp hman teuh lutuk, mahse hliam a nei tih ka hre chhuak leh hnuhnawh a, ka thaw ta halh bawk.
"Ei rawh, anih loh chuan ka chhuah tir leh daih ang che." Mit a rawn meng nghal khûi a, naupang ang maia damdawi ei duh lo kual vel rual ani tawh lo hrim hrim bawk!
"Ka rawtsawm sak kher dawn che em?"
Tûr zet in min en run mai, glass chu ka thlek zauh va, han ei duh lo ná teh se ka barh lui dawn tho tho.

A rawn inbengkang deuh chu ka pui nghal vat a, damdawi pakhat chu a hmawm a, tui a in nghal khawlh khawlh a, phone a rawn ri zui thut bawk! Ka hawi nghal dawrh a.
"Ka phone anih chu.." khum ah mut thlak leh dawt pah chuan a rawn ti sup a, a kekawr ipte chu ka zen zui rawk rawk a, hliam tuar chu damdawiin lamah tupawh an kal țhin tih a hrethiam vek in ka ring, mahse kan in lam a rawn pan daih ang lawi a! Screen ah chuan Rema hming a rawn lang a, ka thaw deuh huai thei!
"Hello."
"In in lamah sir a rawn kal em?" a rawn ti thawr a, Hmingsangzuala chu ka melh zawk a, mit chhing in chhil a lem zui khawlh a, a hrawkbawk a che ve ralh bawk.
"Lo kal.." Rema zawk chu a rawn thaw huai a!
"Doctor emaw rawn hruai la.." ka ti leh a, reilote hnu ah an rawn thlen nghal tur thu a sawi a, phone chu dawhkan chung ah ka dah a, ka kawr awm a thisen kai ve raih chu ka hre chhuak thut bawk, ka tho sawk sawk a, bang thlanglam chu ka pan a, ka thuamhnaw bawm chu ka pawt hawng a, turtleneck dum ka la chhuak a, Rema te lo thlen hma in ka inthlak fel hman em ang chu! Ka kawr hak lai chu ka hlip tawp, turtleneck dum chu ka inthawlh leh sawk sawk a, ka khum bul lamah chuan ka let chho va, chhuat a Hmingsangzuala thuamhnaw huh chu ka la kang a, washroom bucket chhung ah ka vawm lut tawp a, station a kal lawk tur a chhuak si kha engtinnge chema vihna hliam tuar chung in a rawn let theih! Thaw ham ham chung in gas thuk lam ka pan leh a, tui ka chhuang so anga, tuilum ip ah thun ila mutpui mai rawh se, nih loh chuan a thuamhnaw hak tur engmah kan nei lo, tingawt saw chuan a mu lum zo miah dawn lo bawk.

Ruah lah chu a hma zawng aiin a sur tam emaw tihtur khawp in a rawn baw tlawr tlawr reng a, ţek leh kawlphe a tel lo chu ka venpui huai bawk! Kawngkhar pui chu a rawn ri dawt a, ka hun tawn in a zir loh vang nge ka phu zawk thei.
"Arinte?" Mipa aw ka hriat rual deuh thaw in thawk ka la vak a, an lo thleng tawh anih ka ring.

Kan inchhung chu ka enkual thuak a, engkim a ruak huai bawk sia, midang in min rawn hmuhpui ka duh loh tehreng nen!

"Khawnge a awm?" Kawngkhar ka hawn rual chuan Doctor Zothana a rawn pen lut vut a, pindan lam ka kawk zauh va, Rema pawh a rawn lang ve hlawl bawk. A rawn lut a, kawngkhar ka kharphui leh a, ruah baw hawk hawk leh thli thaw leh vuk vuk țhin avang chuan chhunglam ah kalh tlat a him ber, ka tui chhuan a so va, gas chu ka off a, pindan lamah chuan ka lut phei ve a! Doctor Zothana'n Hmingsangzuala hliam chu a lo bawihsawm mek a, Rema pawh vei nei run ang maiin khum bulah a ding ve reng bawk!
"Engtia in hliam nge a?" Ka ti sep a, Hmingsangzuala mit chhing reng chu a rawn meng zawk a, damdawi khan a chhawk pawhin ka hre lo, mit a chhing leh nghal daih bawk.
" mi tang pakhat a tlanchhuak a, kan umzui na lam ah an lo inhliam anih hi.." a ti nghut, Doctor Zothana rawn ţawng ve sup chu ka melh leh vat a.
"Damdawiin lam ah let ila; kan țhui loh chuan hliam hi a thuk ang reng.."
"Ka kal duh lo, tah hian țhui mai rawh." Hmingsangzuala chuan hnawk țûak hian a rawn ti nghut a, a va han â tak aw! Doctor Zothana pawh a lungawi vak lo ani ngei ang, hnar a tum dat a, Rema nen chuan kan ding ngawi reng thung.
"Hmanrua i rawn ken chuan țhui tawp rawh." a rawn ti leh sup a, ințhui te chu chutiang ngawt a awlsam anih loh zia a hre miah lo nge a â ta thut zawk pawh ka hre nek lo ve!

Nachawkna a ei tawh leh tawh loh Doctor Zothana chuan min zawt a, ka pe tawh tih ka hrilh a, bu nghut chung a hmanrua vel a buaipui rual chuan hetah țhui a tum tak tak tih ka ring thiam ta mai bawk!
"Lo va chhuak ila." Rema chuan a rawn ti sup a, lova chhuah bo daih kha a tihchi ber zawk ang.
" hliam a neih rual khan damdawiin pan pui kan tum a, mahse mi tang kan buaipui laiin amah in a lo inkhalh chhuak daih a.. kan ngaihtuah hman asin." Țhutthleng sei ah țhu chawrh pah chuan a hmai a tuai puat a. " call a chhang duh bawk silo va, kan mangang in Doctor Zothana hi kan call tawp a, a clinic ah a kal emaw kan ti deuh va, a lo kal tawp bawk silo." a ti leh sap a, damdawiin pawh pan lova, hliam nei chung lehnghal a kan in a rawn pan chu ka hrethiam lo reng reng!

"Arinte?" Pindan chhunglam aţang Doctor Zothana chuan min rawn ko ta hluk a! An zo tawh anih ka ring.
"Nachhawkna in ka jection leh ta tho, damdawiin kal a duh der bawk silo, hei hi khawsik a rawn chhuah leh chuan ei tir ang che." Dawhkan chung a damdawi a lo dah tawh chu a kut chalin a kawk fak fak a, Hmingsangzuala chu ka melh a, ka thaw ta vak ringawt!

Tupawh in kawngkhar rawn kik mahse hawnsak lo turin Rema leh Doctor Zothana chuan min chah mawlh mawlh reng a, zing khawvar hnuah chiah tu pawh rawn kal se ka hawn chauh tur ani an ti sek reng bawk, motor ah an luhfel rual chuan kawngkhar ka pawt khar a, chung lam ah ka lock thlap a, chupawh duhtawk lovin kan chempui neih ve chhun chu ka zawng rawk rawk a, chhunglam kawngkhar vawnchhan ah chuan ka rawlh phei tel hram bawk! Bang a sana intar chu ka thlek zawk a, dar 12 a ri ţep tawh.

Light ka hmet thim a, pindan kawngkhar chu dimte in ka nem hawng a, a harh lo tih ka hriat rual chuan ka pen lut a, dimte in kawngkhar ka kharphui lehnghal zat bawk, khum tlang ah chuan ka țhu a, dimte in a khabe ruhkual chu ka tawk de de a, damdawiin kal a duh tlat bawk silo, in lamah inenkawl ngawt nan chuan a hliam hi a lian tham ka ti tlat bawk!
"Lo mu ve rawh, ka lo kuah ang che!"A rawn ti țuak, ka en kawk a, chauh hmel zet in mit a rawn meng a, a mitmeng a la sen rum tho.
"Aih, ka tihnat belh palh ang che." ka ti sep, a nui nghawr dawt a, a puansin lai chu a nawr tawm a, ka mutna tur in a bula hmunruak chu a beng thuk bawk. Dimte in a bulah chuan min kuai mu a, a ban chu ka lukham theih tur in a rawn siamrem a, keipawn ka hnial ta bik lo, a ban na lo lamah lu ka nghat a, ka sam hnawk niaih karah chuan hmai a rawn phum nghal zat bawk!
" khawsik ila nei tiraw?" Puanlum in min khuh țha ve sauh sauh va, a awm hliam kha nâ a tih hlau in ka pui zui vat bawk.
"A reh țep tawh in ka ring.."
"Umm, muhil leh rawh le." ka ti sep a, a rawn nui lum leh hawk a, a taksa hrawlpui leh sa vung vung mai a chet leh hrut rual chuan ka hawichhuak vat a, saisir tumin a lo insiamrem a. A ban hrawl zet pahnih a min kuah leh rual chuan ka chalah a hmuiin a rawn nawr a.
"Tihian muhil ang le." ka nui ta ringawt, a thawklak dan keiai fe in a na zawk a, mahse a thawkla ri chu ngaihthlak nuam ka ti! Thuamhnaw mumal a inbel miau lo, a pangtilum chu ngialngan takin ka feel thei bawk, a pangkhing kang zawk lam chu ka melh zawk a, Doctor Zothana khan bandaid chhah in a charsak a, dimte in ka kut ka chet a, a muhil tawh em ka hre lo, mahse a chau ngang ani mai thei mit a meng ve tawh lo hrim hrim! Hliam huamchin bik chu a mar țalh a, a taksa dang aiin a sa zual bawk, ka kutțang in dimte te in a bul vel chu ka thaikual a, Rema khan damdawiin ah hruai an tum laiin a lo inkhalh chhuak daih tih a sawi a, in a rawn luh rual khan ka nghak rei tawh em tih min zawt zat bawk a, ka nghak tih a inhriat reng vanga min rawn pan nghal ani thei mai a ngem?
" Hmingsang?" min chhan pawh ka ring lo, a hliam bul vel a ka kut chekual chu ka tawp dat a.
"Min khawih leh rawh." a kawchhung lam aţang zawi lutuk in a rawn rum.
" Rema ten damdawiin ah hruai an tum che tih i hria em?"
"Umm, mahse nangin min nghak reng a, i pawimawh ber!" a sawi zawi lutuk, mahse ka chhunglam thleng a fan raih raih thung! Ka ngawi ta reng a, nachhawkna in hna a thawk ta nge a thawk sa pawh kar lovah a rawn dai țan a, a thawklak dan ațang a muhil tawh tih ka hre bawk, kei erawh a awm zawn chu melh in mit ka khap fak fak reng thung, ka pawimawh ber tih ka nu hnen lo aţang ka dawn vawikhatna a ni a, kha thumal tlemte khan hmeichhe vannei ber ang hial in min inngaih tir tih a hre kher lo vang.



Chiang lo zet in mit ka meng a, taksa lum ham ham ka feel rual chuan ka nui hak bawk, a awmna lo lam chungah ka lo bawk a, a vun uk sen kharh chu chik zet hian ka melh a, ruah a bang tawh a, a tlai ruih tawh bawk in ka ring, ka che deuh țalh țalh a, Hmingsanga erawh tui zet in a la muhil thung, thuamhnaw mumal a la inbel lo. Ka kun hniam a, a hmui lang hil riap mai ah chuan ka hmuiin ka nawr a! A la muhil cheu bawk!

Amah chu tihharh hlau zet in ka tho chhuak a, dawhkan chung a Hmingsangzuala phone chu ka la kang a, zinglam dar8 a lo ni va tawh, ruahsur zawhna a la rei loh vang nge pawnlam ah veivak thawm a la awm miah lo bawk!
Phone ka dah let leh rual chuan keimah leh keimah inngei lutuk in ka ner ta nawng a, Doctor Zothana damdawi hnutchhiah kha nizan ah amah in a lo ei tih ka hre chiah, ka harh miah lo chu ka inhaw ru tak zet!
Dimte te in ka mamawh ka la khawm a, washroom ah lut in ka intleuh thuak thuak a, zan hnih ngawt kan riak dun tawh lehnghal! Nizan lama a thuamhnaw huh chu kut in ka nuaisak thuak thuak a, a kekawr ringawt pawh hian ka kekawr tur leh pawnfen chhing tur a daih hrim hrim, ka ngaihtuahna vang chuan ka nui hawk a, washroom chhung ah chuan ka zar pharh a, ni rawn chhuak se, pawnlam ah ka zar chhuak tawh mai ang, Tank top violet rawng ka inthawlh a, kekawr thawl hnalh ka ha bawk, ka sam huh tuam mawlh mawlh chung chuan washroom aţang ka chhuak a, Hmingsangzuala aw zuai ruih leh thum bul in a pawlh ri ka hriat rual chuan ka ding det a, phone ah mi biak a neiin ka hria!

Thingpui chhuan ka tum zet a, mahse room lamah chuan ka lut tlang ta zawk a, khum lu lam ah lukham a lo dah thuah a, puanlum in a lo la inkhuh hlun bawk!
"Bawihi, hetah lo kal teh." a rawn ti sup, a ban a rawn lek vut a ka vawn rual chuan khum ah min pawt kai ve a, phone screen a naupang rawn lang chu ka melh a, Hmingsangzuala bawk ka thlek leh hâ bawk a!
" Junior Mamma anih hi..!" Ka meng nghal kawk thei, phone screen bawk chu ka melh leh a, mipa naupang chuan mak tih hmel zet in min rawn en let ve kiau bawk!

"Bawihi, Ka fapa Carlos" Hmingsangzuala aw zawi sup ka hriat rual chuan chil ka lem dawk a!
"Aw.." ka ti sep ringawt, mipa naupang chu uluk fe in ka en a, video call ani a, screen ah chuan a lang fiah hran lo, mahse a mithmul buk tak zet leh mit khur thuk lek lek ah chuan Hmingsangzuala hi ka hmu thei hial in ka hria.
"Junior, Mamma hi ko ta che." a ti leh sup a, ka kawchhung lam hi a rawn tawt nghal mup thei. Ka zam lutuk vang nge ka lungphu a su dup dup reng bawk.
"Mamma!" Carlos chuan a rawn ti sep, ka thaw halh bawk, a laî ve ani ngei ang, a kutțang chu a ka chhung ah a dah lut a.
"Bawihi." Ka darah a khabe lum vung vung a rawn nghah rual chuan tawi zet in ka nui a, a ban a kham tawh nge phone chu keng turin min signal zauh bawk! A kut aţang ka la a, tu emaw in Mamma tiin min ko a, chupawh a chawpchilh lutuk lehnghal!
"Carlos?" tim dai in ka ti sep, Hmingsangzuala chuan a hmaiin ka nghawng a rawn nawr a. Hemi te pafa hian awmdan tur min ti hre miah lo.
"Daddy, ka Mamma chu a small tiraw?" Nui hek hek chung a a rawn tih leh rual chuan ka ner ta nawng ringawt, Hmingsangzuala pawh chu a hmai a ka nghawng nawr reng chung chuan a rawn nui hawk a, ka té bawk lo ve!
"Umm, Mamma chu a small a, mahse a duhawm lutuk." a fapa nen an inbiakna mai mai mahnise ka hmai a sa ham ham thei, Carlos chuan eng engemaw a rawn sawi ve reng a, rilru khingbai hû in a thil rawn sawi chu ka ngaithla ve a, zingkar thawh hlimhlawl aţang vawikhat pawh ka la hmuh ngai loh naupang hnenah a pa in a nu ka nih thu a hrilh tawp a, thinrim pui vak chi anih lo ang bawk in thil thleng hian min țhawng hle tih erawh ka zep lo hram ang!
"Junior, Mamma hi i hmu chak tawh em?"
"Aw, Daddy tinge ka Mamma kha rei deuh Carlos bulah a awm loh a?" a rawn ti ve niap niap a, a pa chuan engtinnge a chhan dawn tih ngaichang in ka insehruh vak a.
"A awm reng tawh dawn lawm.." a ti sup, phone screen ațang a mit la sawn in ka mit ah tak a rawn en nghal run bawk!
"A dik em?" Min enchiang lutuk chu ka laî lek lek, a mitmu uk kharh lang vawt raih ah chuan ngenna ni awm tak ka hmu a, lu ka bu ta nghat bawk! Ka beisei loh dan lutuk in a rawn che a, a hmuilum in ka chal a rawn nawr a, lawmthu min hrilh in a phun sup bawk, screen a mipa naupang chu a rawn au raih a, nizan ata tawh a chetdan engpawh hian min hneh ngawih ngawih zel mai anih hi maw!


Lukham a dah thuah chu a ngheng ur ur a, a hmel a lan theih nan phone chu a hmaizawn ah ka ken hnaihsak ve vat bawk, ka kawngah a ban a rawn rawlh lut a, a dar na lo lam chu ka ngheng ta nge nge bawk.

"Mamma?" Carlos bawk chuan min au leh a, ka nui tawp!
" Mamma, Carlos awmna Champhai ah hian ilo kal dawn em?" a ti a, ka nghen mek taksa chhung a lungphu chu a ri dawt dawt bawk, ka kawng a manna chu a rawn ti nghet salh a.
"Ka rawn kal ang aw." a au ta chul a, a țum nge ni phone chu ri bawp bawp chung in a phe zawk zawk bawk, Hmingsanga pawh a rilo in a nui ve suk bawk.
"Mamma.." a rawn ti leh a. Han chhawnchhaih vak dan tur ka hre miau lo.
"Umm." ka ti leh tawp, eng engemaw a rawn sawi a, u Ethana angin zan ah pawh ka bulah a mu ve tawh ang tih vel te a rawn sawi nuaih maiin ka hria.
"Ok, Junior Mamma leh Daddy te'n tihtur an nei a, zan ah video call bawk in ka rawn be leh ang che." Hmingsanga chuan a rawn ti ta sup, Carlos pawh chuan a lo hrethiam ve vat a, video call chu amah zawk in a rawn 'off' a, phone chu ka malchung ah hmet bet in ka thawchhuak zui hap bawk!
" Engnge a an?" ka dar ah a rawn tuai hauh hauh va, ka melh zawk a ka hawisawn lehnghal daih bawk.
"Ka hre lo.. a mak." Ka nui hak a. "A fel reuh anih kha, a ngainatawm bawk, mahse Mamma min tih khan ka tîm deuh.."
"Ngaiah ila nei mai ang.." tank top ban in a khuh bak ah chuan a hmuiin a rawn nawr a, ngaiah ka la nei mai ang maw? engemaw hian min mawlh run maiin ka hria!

A hliam tuamna chu ka phelhsak a, hmun li ah lai a lo inchilh a, tuilum leh dettol in ka hrukfai sak hnu ah damdawi ka hnawih leh a, a tuamna thlak in a huamchin bik ah chuan fel thlap in ka charsak leh a, mit la sawn hlek lo in ka chetdan chu min en reng tih ka hmai sa ham ham reng ațang chuan ka hre thei.
"Min zawh duh i neih chuan min zawt la?"
"Maw?" Ka melh zawk a, uluk zet in mi en run thung.
"aa.. zawh tur che chu ka ngah, mahse tunah rih chuan eng ber nge zawh tur che ka hrelo." ka ti a, ka rilru dik tak ka sawi, ka chanchin a hre nual tawh a, kei erawh in a chanchin mumal engmah ka la hre lo!
" Carlos kha kum 5 ani ve tawh, Champhai ah ka nu leh pa kiang ah a khawsa a, ka u chiah Țp-a hian nupui a nei tawh a, ka nu te nen in khatah an cheng ho vek, Carlos-a'n u Ethan a rawn tih kha ka u te fapa chu a ni a, Champhai ah school kan nei a, kei tih loh ka thisen zawmpui tam zawk chu school ah chuan an thawk nual bawk a, kei hi ka line a hrang ber a, ka chhungte i hmuh hun ah chuan i ngaina dawn lutuk tih ka hre bawk.." a ti duah a, chhungkua ti a sawi tur ka nei ve lo, ngawi reng in ka tho va, hmanrua vel chu ka dah fel zung zung a, Carlos kha a tak ah ngei hmu ila chuan ka ngaina hle ang tih ka chiang! A nu dik tak hre miah lova a țhanglian erawh ka lainat ru hle thung!

Gas thuk ka 'on' a, thingpui tur ka chhuang a, nupa ințhenna tuar ber tu chu an fate hi anni a, kei ngei pawh tuar mektu ka ni bawk, nu leh pa kar lova țhanglian naupang chuan a nunah tlakchham engemaw tak a nei ngei ngei ang, sum leh paiin a hnawhphui zawh loh khawharna leh malna kan kawl tlat a, midangte'n inringtawk taka an tihtheih thil kha kan tih ve dawn pawhin tling lo bika inngaihna kan nei ru tlat bawk țhin! Carlos-a'n chung thil chu a paltlang ve a ngem le?
" I thinrim em?" Hnunglam ațang min rawn kuah thut a, ka phu zawk bawk! Hmingsangzuala chuan phun hluk chung in gas chu a rawn 'off' a, ka thingpui tur chhuan pawh a lo so kang lek lek a lawm.
" Carlos ka biak tir che kha i lungawi lovem ni?" Ka dar ah khabe a rawn nghat a, a aw ri ah chuan nuam lo a tih hmel hle bawk, lu ka thing nghal nak thung.
" i mood a dang daih a." amah vek chuan a rawn ti leh sup, ka nui ta hak a, mipa naupang titau a ang lutuk!
" I pang a rawn lum lehin ka hria." Min kuahna ațang chuan ka tal put a, in hmachhawn a kan din leh rual chuan ka kawng ah bawk a ban a rawn suih leh hmiah! A awmbawr tihrawl sek țha zet ka hmuh rual chuan ka ner nawng a, a puansin lai chu ka pawhphui sak nghal zat bawk.
"Damdawi lova ei la, thingpui ka rawn siam ang."
"Um, ka ei ang mahse i mood a dang."
"A dang awm lo e.." hmui pet sawi zauh chung in a thle buk bawk! I fapa kha ka lainat lutuk a tih ngawt lah a dik der bawk silo.
"Zosangi nen in ințhen hnuah ngaihzawng i nei em?"
"Nope!" a aw ri a nghet churh!
"Hmeichhe kawp pawh i nei miah lo maw?" ka ti sep a, ani ang mipa hot lutuk lehnghal hi tu hmeichhia mahin an awm tir mai mai ka ring lo ve tawp!
"Kawp ka nei lo, tunah nang hi ani mai.."
"Oh.." ka ti ringawt, min din hnaih leh hrut rual chuan a ban bul pahnih ah ka nawr dat a. A tawp a!
" damdawi lova ei rawh.."
" ka chhanna che khawi ber khan nge ti lungawi lo che." a rawn ti nghut, ka áng zuau va, mahse ka ngawi leh ta zawk a, ka lungawi lo tih pawh ka sawi lan ngai lo in min hriatsak nghal thei a nia! Rapthlak zawk lutuk??

Min thlah a, thingpui chhuang tur bawk in ka inher san a, eng chhanna ber nge ka duh! Doctor Zothana khan inzawmna siampui tur khawp in tu hmeichhia mah a kawp ngai lo.. a ti a, a awmzia chu kal paha hmeichhe kawp a nei țhin em ni? Or one night stand a nei thluah zawk? A chhanna ka hriat chak viau rualin min tina thei tu hriat tel ka hlau lawi a! Achhan chu ka mimal harsatna vangin ka na mai mai ngai lo, mahse Hmingsangzuala tel ve tawhna anih chuan awlsam lutuk in ka na țhin tih ka inhrechiang tawh lutuk! Mahse nat ka hlauh vang ngawt in thudik ka tlanchhiatsan ngawt thei lo!
Utopia 1996.jpg
Utopia 1996.jpg (22.35 KiB) Viewed 11153 times


Show post links
Top
Abbra Reo Ririni
Post January 29th, 2019, 10:35 pm

Ngawi rengin thingpui kan in a, engmah ka ei chak miau loh vangin thil dang ka siam tel miah lo bawk.

Hmingsangzuala zawk chuan a in zo hmasa a, a tho vut a, no ruak chu thlengsilna hmun ah a dah a.
"I nu chanchin doctor ka'n zawt lawk ange." Ka chhanlet hma in room lam ah a lut tlang tawp a, reilote hnu ah phone nen bawk a rawn chhuak leh a, khuma a puansin pan ber chuan a taksa a khuh hlun mai bawk si, lang lian tak ani tawp!

Doctor nen an inbe mawlh mawlh a, kawngkhar pui a rawn in kik ri thut a, ka hawi nghal hra bawk! Hmingsangzuala zawk a che vut a, phone ngaithla reng chung chuan chung lam lock chu a pawt thla a, chutah ka chempui rawlh phei kha nui suk chung in a rawn lek chhuak a, bangrel ah a dah nghal zat bawk.

Kawngkhar a nem hawng a, Bag lian vak lo khai chung in Rema a rawn lut a, bag chu Hmingsangzuala a hlan a, min nuih var var chung in a kal chhuak lehnghal mai bawk!
"Bawihi i nu chu a ngaihtuahawm lo, tun lawk khan thisen an pe leh chiah anih chu.." a rawn ti lawng lawng a, bag dum chu room lam ah bawk a luhpui a, no ruak ka sil sawk sawk a, pindan lamah chuan ka lut ve a, a inthlakna tur bag chhung aţang chuan a la chhuak a, ka thawm a hriat rual chuan a rawn inher nghal vut bawk!
"Ka toothbrush kha a la awm em?" Ka nui ri hawk teuh kher mai. Mahse lu ka bu nghat ta zawk a, a thuamhnaw lakchhuah sa chu khum chung ah a dah leh tawp a.
"Ka inphih fai hmasa phawt ang." ti nghut in room ațang a kal chhuak nghal nal nal bawk.
Khum chu ka siam sawk sawk a, puansin chu ka thlep a, bedcover pawh ka pawt mar nghal sawk sawk bawk, a hliam leh tukin a chet vel dan inrem lo lutuk vang chuan ka thaw halh a, khum ah la mu bet reng se mak ka ti lo daih zawk ang
"I nu kan va tlawh dawn nia aw." a rawn luh veleh rual chuan a rawn ti sup, ka inher vat a, boxer chiah a inbel tawh a, a hmai a huh hluam bawk.
"Hei hmang rawh.." rang zet in towel ka pe a, a lo ban ve mai bawk a, a hmai a hruk mawlh mawlh lai chuan ka sam tuamna towel huh chu ka phelh a, ka zar nghal thlap bawk!

" I dam loh ve hun ah chuan i dam hma ka kiss ang che mawle?" a rawn ti a, ang hau in ka melh nghal nghek bawk! Dar kan uk chung in towel chu a kut pakhat in a keng a.
"Damlo se min va ti awm ve?" A khi suk chu ka melh nghal rawm mai! Khum lam a rawn pan rual chuan ka tawlhsawn vat a, khum tlang ah chuan a țhu a, a bag chu a ban zet tawh mahse rang lutuk in a rawn che phut a, ka rak nghal țhat bawk! Ka insawh chawrh rual deuh thaw in a malchung ah ka țhu fel der! A lo țhen suk chu ka melh nghek bawk!
" A țhuina a phelh i hlau lovem ni?" A hliam lai melh zauh pah chuan ka ti hlak a, engahmah a ngaih loh hmel mai bawk si!
"Ka damlo a, min fawh pawh i tum lo!" Khai leh! A aw ri sexy leh thám țuak vang chuan ka eu vak a, nui hawk chung in ka hnunglam ah a ban a rawn rawlh lut a, "ka dam vat vat i duh chuan min fawp rawh!" Engmah thukhuh a nei ve ngai bawk silo! Ka taksa a sa nghal tawn tawn mai, "Khawngaih in..!" a rawn ti leh sup a.
"I pangchang hle mai."
" Umm, chuvang chuan min duat rawh." a rawn ti leh a, ka nui seih bawk, a hmel landan a tak ngul, amah duat tur a min ngen tawp ka lo beisei ngai hauh lo!
"Ka duat che nga.." awmze nei lutuk in a mit a lo kán ak a. "Nakin ah min duat ve loh vaih." ka awm hnaih rual chuan min cho zet in min melh a, a hmui sexy zet ah chuan ka hmuiin ka nawr a, a dar sa vung vung ah chuan ka vuan țai bawk! Ka hmui ka chet a, a rawn rum ham ham a, ka nui chhuak leh hawk bawk!
"Khatia lo rum vel kha a țullo." Rang lutuk in ka kawngah a rawn hmer rual deuh thaw in khum ka dek fel der! Min bawh bet a, ka mal a nawr kau a, ka mal inkarah a rawn inzeh luh rual chuan rang lutuk in ka inbengkang a, ani erawh a thaw hrawih thung! Ka mal pakhat a nawr zau leh hlek a, ka kap zawn ah tak a boxer chhan ațang a mipatna khawng vek tawh chuan min si nghal run a, a sa ham ham bawk, zawite in khum ah lu ka nghat thla leh a! Che zawm miah lovin thawk a la ham ham reng thung!
" zingkar ata tawh min hrem reng tih i hria em?" Ka lu zawn ah a rawn innem khalh a, a nui ro hawk bawk! Chung lam ațang chuan a rawn kun hniam a, ka hmui ah a rawn nawr rual chuan tim daiin a bek ah ka vuan ve a, a taksa rihna in min delh bet sauh bawk! Ka hmui fawp reng chung chuan a taksa hnuai lam a rawn chet a, ka sa nghal huam huam thei mai! A aia uara a mipatna zawn a min nawr leh rual chuan min fawhna chu ka thlah a, na zet in khum chu ka nawr nghek!
"I panty chhung ah hian ka la lut ang tih kha ka sawi em?" nui suk chung in ka beng ah a rawn nawr tawk. "Tunah ni rih lo.." a ti leh țuak bawk, a kut zungpuiin ka hmui hnuai a rawn tuai a, ka mitmeng ah lah a ngaihtuahna a thil awm zawng zawng ka hmu tlang vek! Tisa chakna meipui a alh hluah hluah!
"I taksa chhung a luh ka chak ang bawk hian i kawchhung sa ham ham ah hian lut turin min duh.. a dik em?"
Chil ka lem khawlh ringawt! Ka hmui hnuai a rawn pet kau va, mahse a hmui chu la sawn in a kutțang a rawn nawr lut a, tawp tur a hrilh tur ka nih laiin a chetdan zawng zawng hian min thunun vek lawi a!
"Oh. Bawihi luh thuk tir rawh.." rum hawk chung in a kutțang chu a rawn nawr lut zual a, a lak chhuah rual in duhthawh lutuk in min fawp zui nghal ngawng ngawng bawk! Ka dul ah a dap thla a, a lei thuk zet a a rawn nawr luh rual chuan ka kekawr kawng ah a zen lut fel der tawh!
" engnge i tih dawn.." ka aw zet chu leh! A khup in a inbengkang hlek a, chumi rual chuan ka mal pawh kar zau turin min hrilh zawm zat bawk! Ka panty chhan ah a rawn khawih a, ka thawk rang sauh chu tihtawp tum in thawchhuak lo in ka thawk chu ka vuan char char a, ka mit ah tak en reng chung in a che uar ve sauh bawk! A panty chhung ah a zen luh rual chuan ka thaw ta kawk a! Ka chal ah a chal a rawn nghat a, kut lawng a a rawn khawih kual tak ah chuan ka kawchhung lam a za nghal uaih uaih mai! Hmingsangzuala zawk chu min khawih vel nuam tih hmel lutuk in a rawn rum a, mit a chhing tlat a, a taksa a sen țawlh ţawlh reng bawk!
" Ka dam țhat hun ah tun aia nuam zawk hian ka siam ang che.." a kut rawn la chhuak in ka kawrchhung ah a rawn zen lut a, ka thawkchham thleng min fawp zui ngawng nawng a, ka chal ah bawk chal nghat reng chung chuan kan thaw dun hawk hawk mai! Chil ka lem khawlh khawlh a, Hmingsangzuala erawh a insehruh tlat thung!

"Tikhan ka lakah i lungawi lohna a reh tawh em?"
"Maw?" Ka ti hlak, a rum hawk a, a letthla a, ka dul zawn ah min kuah a, a bawp hrawl zet chuan min kherhbet leh a.
"Tukin ațang min zawh tur i nei, chu thil chu min zawt tawh rawh." Ka bek ah a hmuiin a rawn nawr tawk bawk!
"Ka nei lo.."
"No, Bawihi pha duh suh, ka hrechiang lutuk che." a rawn ti nghut!
" Zosangi nen in ințhen hnu khan hmeichhe dang i mutpui em?" a inla hrang nghal hlawk! A bawp erawh in min la kherhbet reng!
" i zawhna min zawh kha i chiang em?" A mitah tak ka melh a, a țhawng hle anih ka ring.
"Aw.. min chhang rawh.."
"Kha nilo thil dang min zawt rawh." a rawn ti chhum hmuk, ngeiawm lutuk in ka nui hak thung!
"Khami chhanna kha ka hre duh."
" Ka chhanna che engpawh nise kan inkar a hlat phah ka duh lo.." a aw ri zet chu! A kut lehlam chu ka bek sam ah a rawn nawr lut a, a kutzungpuiin ka beng hnuai a tuai nghal hauh hauh bawk!
"Chhanna chu!" Ka ti sep a, mahse a landan en hian ka hlimna tur engmah ka hre dawn in ka hre lo! Mahse thudik ka duh thung!
" Zosangi uire ka phawk zan la la khan hmeichhe dang nen sex kan hmang." Ka pumah tak min tlawh chawrh emaw tihtur khawp in ka chhunglam chu a in let kual tup tup mai!
" tu nen.. hmeichhe hran hran maw?" za vak lovin ka nui lui a, Hmingsanga erawh a insehruh tlat thung.
"Kha zawng kha a tawk lovem ni?"
"Thudik chu a chhum bung nilo in a tluan parh a hriat ka phu."
"I hlim phah dawn lo.." a rawn ti hmuk! Dar ka ti che ak a.
"Mahse thudik ani dawn tho ani lawm ni!" A thaw hawk a! Keipawh ka bing chur chur tho, mahse kawng chanve ah ka awm tawh! A zavai a hriat ka duh!
"Claudia..! Claudia hi Mumbai ah kan apartment dawt chiah ah a rawn khawsa ve țhin a, Zosangi uire zan ațang khan..." ka mit ah tak a rawn en a, thudik chu ka hre ta a, mahse ka ven phah hauh lo!
" ...sex hmang in ka natna te kha tihreh ka tum ber țhin tihna anih chu!" a ti leh nghut bawk!

[Abbra Reo Ririni]

UTOPIA;1996(1).jpg (9.9 KiB) Viewed 10811 times

☆UTOPIA:1996☆
Chapter 16
By
Abbra Reo Ririni Khiangte ( Pitartei)

"Claudia.." ka ti sep a, ka awm chhung che dawt dawt vang chuan ka aw a khur titih bawk!

"Oh, I inah pawh ka hmuh tak bawk kha mawle.."

"Bawihi? " ngeiawm lutuk in ka nui chhuak ta hawk, ka awmdan ber ka hrethiam lo, ka thinrim a, ka chhunglam erawh a ni nghulh, luak tur ang maiin eng in emaw min rawn hnawh tlat bawk!

" i nupui in a phatsan zan la la chein Claudia nen khan sex in hmang a maw?" Mak ka tiin min țhawng tak zet, mit ka chhing sawk a, Claudia hmel a rawn lang a, nimina min tihnat chak ang hrim a min enna kha ka hrethiam ta chiah! Room lam ah a rawn chho tur thleng in a rawn umzui tak kha maw! Ka tukhum in khum chu ka nawr tawk a. "Ka lo buai ve na tur ani lo, mahse infiam kual nan min hmang suh, Kha nu kha i inah ka hmu zui bawk, aaa.. amah kha tinge i pan mai loh.." min tawh(k) tum a kut a rawn lek leh vut rual chuan ner nang chung in a kut chu ka melh a, ka mit ah tak a rawn en rual chuan rum hawk chung in a țhu chhuak ta vut bawk!

" Ka lak ațang inla hrang suh.." a rawn ti tawk, in chunglam melh in ka khap fak fak thung.

" In inkar ah awm a la awm em?" A rawn thaw hawk, nui lui hak chung in ka țhu chhuak ve a. " zawhna atthlak lutuk ka zawt palh che.. i inah meuh a cheng ve anih chuan kha zan a thil thleng ang bawk kha a thleng zawm reng ang tih engvanga ring thiam lo nge maw ka nih le.." ka aw rik dan ngeiawm lutuk chu pawi tihna ka nei lo, khum aţang ka tho va, pindan aţang ka chhuah lai pawh chuan khum tlang ah a țhu ngawi run a, washroom ah ka tlan lut a, thawk ka la vak bawk!


Kum 3 a pathlawi tawh tih ka hria, mipa ani a, khang kum 3 chhung khan a fihlim vek bik ka ring lo, atana hmeichhe inphal tak tak pawh an awm țeuh ang tih ka ring bawk mahse kha Claudia nen khan a nupui in a phatsan zan vek in sex an hman dun erawh ka ring ngai lo hulhual! Thil mak tawp ani tawp mai! Claudia chhiat loh zia nitin hmu tu ka ni bawk, a pian a nalh in a sexy em em reng a, Hmingsangzuala lah mizo mipa ka hmuh tawh zing ah la perfect ber ani hial bawk! A pian nalh zet leh landan sexy em em reng hi hmeichhe tam tak te suangtuah zui țhin ani a, Claudia ngei pawn chu thil chu a hmuh hmaih bik ka ring lo! Mahse tinge Claudia nei tawh reng chung in ka nun ah a rawn luh? Hmeichhia ah pawh hmeichhe satliah mai ka nih zia ka inhrechiang lutuk, ka hmel a țha hran lo, chuta karah duhawmna pakhatmah ka nei lo cheu bawk! Claudia nen intehkhin chhin takngial pawh ka ngam lo, min fiamkual mai mai a tum zawk em ni? Min hrechiang a, ka dinhmun zawng zawng a hre fai vek, chutichung chuan ka nun chu infiamnan a la hmang duh cheu a maw! Rapthlak lutuk mai!


Washroom aţang ka chhuah rual chuan pindan ațang thuamhnaw inbel sa vek in a rawn chhuak a, hoodie maroon rawng leh sweatpants dum hlap a ha a, rum zet in ka melh nghal nghek bawk!


"Haw ang che.." ka ti hlak a, room kawngkhar ah tak a din run vang chuan ka melh leh nghek phawt a.

"Tawlhsawn rawh."

"Khang thil kha kan inkar chhiatna atana sawi ka nilo.." a aw zawi ruih chu ngeiawm zet in ka nuih let hak ringawt!

"Kan inkarah engmah a awm lo." ka tisep a, a rawn rum chhuak hrawih bawk, a che deuh hrut ka hmuh rual chuan rang zet in ban ka phar chhuak a! Beidawn hmel zet in min melh ngur bawk.

"Doctor Zothana hnenah zun test tur in i rawn hruai thlap bawk! haw la ani chiah kha buaipui tawh rawh."

" test nei turin ani kha ka rawn hruai lul lo!"

"Hmingsangzual mi â ka nilo aw." ka au țhawt, ban a phar hluai a!

"Test kit ah pawh a rai chian khawp kha" ner sak chung in ka ti leh hlak bawk!

"Claudia hi a lo rai anih pawn ka fa a pai ngai lovang, condom tel bak in sex kan hmang ngai lo!" A thusawi apiang mai chuan min deng dawt dawt zel, sex an hman pawn condom a vuah tel ziah tih min sawi khum leh tawh anih chu! Mi pangngai tan chutiang thil chu sawi chi ani pawn ka hre hrep love!

"Fine, a rai leh rai loh ah ka buai lo." ka ti ta hmak, pindan kawngkhar chu ka hnaih deuh va, a taksa si miah lovin pindan kawngkhar biang nawk chung chuan ka pen lut a, ka darah a rawn vawn leh rual chuan engkhaw sawi set set lovin a awmah ka nem nghal pawp! A rum hrawih a! Kei erawh inthiam lo lutuk in ka kut pahnih in ka kâ ka hup thung! Țhuina kha a phelh loh hram ka beisei!


" țha tak in engmah i sawipui theih dawn in ka hre lo.." a aw khauh fur chu ka hre fua, ka taksa a kang nghal nawlh bawk, khum lam a pan tih ka hriat rual chuan rilru fim pu hman lo bawk in a dar leh awm tihrawl ah ka chum zui nghal pawp pawp mai! Khum ah min nghatthla chawrh a, min bawhthlu leh a, mahse ka rilru a rawn fim tawh! Ka nghawng ah hmai a rawn nawr rual chuan harsa tih hmel zet in a thawchhuak ham ham a. Kut hum bet tlat in ka mu khawng ta reng thung!

" ka tihpalh." Ka ti sep, a insehruh tlat tih ka hre thei!
"Ka tihpalh khawi ka lo en ang." ka ti leh sep a, nuam ka ti lo tak tak!

"Engkim hre duh in min zawt a, thudik ka hrilh mai che, lungawi lohna i neih chuan țha takin min sawipui tum țhin rawh, huaibak chhuah hmasa ziah țhin suh." Ka lu bul ah a kut a rawn nghat a, a inbengkang deuh bawk! Chunglam aţang chuan min chhuk en run a, a hmel landan cool ruih phenah chuan a na thup a tum tih ka hria.

" a tir khan engnge ka sawi, i hlim phah dawn lo tih ka sawi tel tawh, mahse min nawrlui a, khang thil kha sawichhuah ka duh bik lo, mahse lungawi lo hmel min hmuh a, ka chak lohna i ni tih inhria in min nawr chep a, ka sawi ta reng bawk, mahse tinge hun kal tawh ami anni tih i hriatthiam leh duh si loh." a aw zawi chhum zet ai chuan a hliam țhuina a phelh leh phelh loh ka ngaipawimawh tawh zawk!


"I hliam kha ka lo en phawt ang." ka kut hum tawm țai chu phelh in a kawrawm ah ka man a, min melh ngur thung, min dang bik lo va, a hoodie zipper chu ka pawtthla a, chhunglamah chuan tshirt gray rawng a lo ha a, hoodie chu ka nawr zau hlek a, ka meng nghal kawk bawk! A hliam zawn kha a huh dap mai!

"A țhuina a peh in ka hria." A tshirt tlang ah ka man a, Hmingsangzuala erawh a ngawi ngul thung, tshirt puan in a nawk nâ ang tih hlau in dim zet in ka nawr tawm chho a, tukin a kan thlak thar chiah kha thisen in a ti huh vek a, thil ban pawh kha amah in a lo inphelh sa tawh, ka la sawn hlek a, ka țah a chhuak ta țun bawk!

"A țhuina a in phelh, ka tihpalh... damdawiin ah kal ang.."

"A țullo." a rawn ti hmuk, min vin hrep se, ka kutthlakna vang ani tih sawise chhanglet ve hrep bawk ila nuam ka ti zawk hial ang tihtheih khawp in ka thiam lohna ka hmu chiang.


"Tho la, ka hruai ang che."

"Hei aia pawimawh sawi fel tur kan la nei.." ti hmuk pahin a tshirt ka hlim tawm chu a rawn pawtthla hmiah, hnuailam ațang chuan ka chho melh kiau reng ringawt!

" lungawi lohna i neih chuan sawi rawh."

"Damdawiin ah kal ang ka ti ani lawm ni?" Ka au khum nghek, a țhen suk a! Ka lungawi leh lungawi loh lam ai chuan a hliam hi buaipui tur zawk ani, anih loh chuan a pûn chiam mai ang!

" Claudia nen kan inkar a thil awm zawng zawng hre vek phawt rawh."

"Ka duh lo.." ka ti vak a, lu ka thing a, ka hre duh tawh lo tak tak, ka hriatchin zawng pawh khan min țhawng tawh lutuk, mi tupawh an kawppui te'n uire san se rilruna leh mangang lutukin an kehchhia ang; mahse Hmingsangzuala hi chuan hmeichhe dang sex a hmanpui nghal thei! Hun kal tawh a thleng ani tih ka hria, mahse mak ka ti tho!

"Bul i ţan tawh."
"Aw! Hmeichhe dang nen sex in hmandan chungchang kha ka hre chak nek lo ve, damdawiin ah kan kal dawn nge hliam ka siam belh leh dawn che."
"Jesus Christ!" a phun hluk! Kei pawh ka thaw ham ham reng mai!
" Doctor Zothana bia ang.." ka ti ta hap a, min bawhbet run bawk si nen ka boruak hip tur min hip zawh khalh zel maiin ka hria.
"Khawnge i phone a awm?" Ka ti leh a,
"Ka kekawr ipte ah hian." a rawn ti țha ve mai bawk. A kekawr ipte chu ka zen nghal rawk rawk a, chhuk tur in hrilh engang pawh niila ka chhaihkawlh lek ang ani dawn a, a awm ve lo angah ngai hmiah ila ka ti fuh zawk ang.
Phone ring chu ka ngaithla a!
" Min kalsan tum ngai suh ang che." a aw zawi leh tham țuak vang chuan ka en lo thei lo, a rawn bawk hniam a, ka nghawng ah bawk a hmaiin a rawn nawr leh a, khawsik a nei tel leh tawh tih ka hrethiam chiah bawk!
"Hello."
"Ih, a țhuina kha a phelh a.." ka ti tawng.
"Engtinnge a phelh theih?" a rawn ti nghut, ka ngawi tlat a.
" driver ka rawn tir ang, clinic ah rawn kal phawt teh u.."
Phone chu khum ah ka thehthla a, ka kalsan hlau ang maia min bawhbet tlat tu hnung ah chuan ka beng det a. A khawsik rawn sán tak tak hma in damdawi ei leh rawh se!
"Doctor Zothana'n driver a rawn tir dawn a, a clinic ah kal ila a țhuina peh kha a khawih leh loh chuan." A ngawi ngul a, "Khawsik i nei leh tawh bawk, tho la damdawi ei bawk rawh.."
"Claudia nen kan inkarah engmah a awm tawh lo." A țawng rualin a khaberuh kual chu ka vun si reng siin a che a. " kan inkarah induhna emaw pawh a awm ngai lo, kha zan a thil thleng buai mup khan rilru fim pu thei lovin min siam a, ka ngaihtuahna ruak lutuk khan engnge dik a, diklo tih a thliarhrang thiam lo bawk, ni e, buanchak lo tak angin kha zan ațang khan hmeichhe ngaih ka nei nghal, mahse kan inkar kha sex bak ani lo tih kan pahnih ngei pawhin kan hria, i rawn lan ve ațang chiah khan hmalam hun atan suangtuahna ka nei thar a, chupawh nangmah nen hlir.. nangmah nen bulțan a, chhungkaw thar din ka duh!"

" Claudia lak ațang talhran nan hmanrua ah min hmang.."
"Aih, hmanrua ah ka hmang ngai lo che. Ka hmang ngai lo bawk ang che." a rawn ti tâwk a, ka puhna chu nâ a tih hmel kher bawk.

Sawi tur ka hre tawh lo, ka ngaihtuahna neihchhun pawh a tawi tup a, a lungphu ri dat dat chu a muang deuh tial tial a, Doctor Zothana'n driver a rawn tir tho va, a rawn thlen hma chu tihian lo muhil mai teh se!

Tun hi mipa ka hnaih hmasak berna ani a, ani lah chuan sulhnu a ngah in daihriat a lo ngah tawh lutuk bawk, hmeichhe innocent leh thianghlim ka ni tawh bik lo, mahse sualluih ka nih bak kha sex lam ah vawikhat pawh ka peng ngai lo, mipa zawng zawng hi ka ten a, ka haw hluah hluah țhin, inzawmna neihpui te chu hnai lo tak a ni tawp zel, mahse, Hmingsangzuala a rawn lang a, ka indaidan ve na bang te chu rawn su țhiat in ka suangtuah phak baka dai thuk a nei tih hre chung in ka nun ah a rawn lut tawp a, Claudia nen an inkar a thil thleng hre vek chung hian ka hnaih zel thei a ngem tih lah ka hrethiam der tawh lo!

Kum 3 chhung ang mi hriat a inzui lovin an mu dun țhin a, a sawi ang ai hian an inkar ah inzawmna thuk zawk a awm ka ring tlat bawk! I mean, Hmingsangzuala'n an inkarah induhna a awm lo tih a sawi kha ka pawm thlap, a chhan chu dawtsawi chi ani lo tih ka hrechiang tawk tawh mahse, sex meuh a inzawm anni a, insum zo lo va, an inthlakhlelhna tihpuitlin hun an la nei leh tho dawn, chu chu sex a inzawm tawh te reng reng tawpna ani, an inkar engtiang pawn chhia in inhawisan țhin mahse, inpawhrukna an nei tawh tho tho!

Ka nghawng rawn sa lum huam vang chuan ka harh zawk a, ka dap a, a bek ka khawih fuh a, ka thinphu rang nghal kher mai. A nghawng ka khawih leh a, khawsik sang a lo nei leh hman tawh! A dar hlai hlup ah chuan dimte te in ka chul sak a,
' min kalsan tum ngai suh ang che!' ti chungin a muhil mai bawk a, kan inzuina a la reilo tih ka hria, mahse a mize cool ruih leh pa hrak vang pawh hian ani mai thei ka hnaih ru nghal em em tawp, innghahna tlak khawp a ni tihna anih chu.

A rawn che deuh țual țual a, a pang ka deh theih rual chuan rangfe in a pang ah ka dek a, chauh hmel zet in mit a rawn meng a, a mitmeng a sen leh rum tawh.
"Khawsik i nei leh a, driver a lo thleng ţep tawh ang.."
" tinge khawsik ka neih ziah le tiraw?" a pang ka dehna banrek chu a rawn man a, ka nui hak bawk!
"Hliam i tuar vang anih ka ring.."
"A ninawm reuh khawp mai.." a ti nghut a, a tho tawh dawn maw ka ti a, mahse a ngai ang chiah khan thatchhe zet in min bawhbet leh a, a hmai sa vung vung chuan ka nghawng bawk a rawn nawr leh a.
" khum emaw min ti deuh in ka hria." Ka fiam a, a nui che ve dawt bawk! A thaw sa huam huam reng a mahse kawmchhak ah motor a rawn ding thi zui ta duk a, ka thaw huai thei mai!
"Tho rawh le.."
"Engnge i tih dawn.." a rawn ti țuak a, a sam nem thep ah chuan ka kutțang ka nawr lut a, Doctor Zothana clinic ah kan kal dawn tih kha a lo hrelo hman em mawni!

"Clinic ah, i hliam kha a țhui țha anga, chuan.. damdawi tam deuh a pe bawk dawn che.." a nui rum nghal hawk bawk!
Doctor Zothana bolero zawk in clinic lam kan pan a, seat hnung ah kan pahnih in kan țhu a, a landan pawr fap leh hmuihil riap mai chu hmuh nuam ka ti lo tak zet! Kawng chanve kan thlen rualin a tlun leh titih der bawk!
"Khawngaihin i tlan chak deuh thei em?" Hmingsangzuala kutphah hlaihlup tuai lum sak vat vat pah chuan driver chu ka melh a, a bu ve nghat bawk!

Clinic kan thlen rualin Doctor Zothana chuan lawm loh hmel fe in Hmingsangzuala chu a lo melh khûi a, kan inkuah lut a, u Mc pawh a lo meng phar awk bawk. "I chhungte ka hriattir dawn em?" a ti sup, Hmingsangzuala chuan lu a thing nghut a. Khum ah kan mut fel tir rualin Doctor Zothana a phe nghal vat vat bawk.
"Nizan khan pangngai takin in enkawl la chuan vawiin te hian i harh vawk tawh ang, luhlul lutuk hian thilțha a thlen tlem ania." ti hluk hluk chung in nachhawkna sang in a jection leh a, kutkawr a bun mawlh mawlh a, Hmingsanga shirt chu a nawr chho tawk a, tunah chuan Hmingsangzuala niloin keimah zawk min melh ta khui mai!
" a țhuina peh tur khawp in eng thil nge in tih a?" Na zet in ka melh nghek ringawt! Hmingsangzuala zawk a buaipui zawm leh mawlh mawlh chu ka thaw huai thei, tukina kan awmdan kha ka ngaihtuah let a, Hmingsangzuala nen chiah kan hria, mahse ka hmai a sa țawn țawn tho, in mamawh tawn lutuk a hun kan hman zawh hnu lawk ah kan inhnial leh nek bawk a, tunah tak hian kan inkar a țha em tih ka hrethiam map lo bawk!
" hospital ah kan indah lut ang " hmanrua dah fel mawlh mawlh chung chuan a rawn phun sup, ka en vat a, kutkawr chu phelh in bawlhhlawhbawm ah a vawm lut a, Hmingsangzuala chu ka thlek a.
"A harh rih lovang, a hliam hi anin ngaihthah viau mahse a thúk tham a, a taksa ah nghawng a nei nasa hle bawk, damdawiin lam ah awm se a țha chak ber ang." ambulance a ko nghal zung zung a, engkim chu Doctor Zothana ruahman vek anih vang in a clear pawp pawp vek, cabin chan a harsa hle ang tih ka hria, mahse Doctor Zothana'n reilote call in tu emaw a bia a, cabin ah kan innawr lut fel der bawk!
Nurse leh Doctor an rawn lut zut a, hausak a, dinhmun chelh a țhat phawt chuan engkim mai hi a awlsam vek tih ka hrethiam thar kuar kuar bawk, drip an khai reng a, a khat tawkin a khawsik sang lutuk chu a tlahniam em tih an rawn en sek reng bawk a, ka nu chanchin ka ngaihven mumal hman bawk silo, mahni inthiam lo fe in Hmingsangzuala khum bul ah chuan ka țhu ve reng mai!

Tlai lamah clinic ațang a rawn tlang tur thu Doctor Zothana chuan a sawi a, reilote hnu ah min chhuahsan nghal bawk, khum a mipa hrawlpui mu chu mit khap mang lovin ka melh reng a, damlo in chau hle mahse a hmel landan a sexy reng tho, ngaihtuahna awm anglo zet ani tih ka hria, mahse ani tluk a mipa sexy hi an awm tawh kher lo vang, a vun a ngo vung lova, hang erawh ani lo, a hmui pawh fawh chakawm tawk lek in a chhah a, a mit khur thúk dák chhung a mitmu uk kharh hi a zun a uai nat tir tu ani cheu bawk, mizo bik ah mitmu uk kan awm mang mang lo, Hmingsangzuala erawh a uk kharh thung, a hnarngul a sang vah a, a hmel landan cool ruih leh nelawm lo zet nen a inrem zet mai in aw pa tak mai a nei cheu bawk! Lu ka thing nawk nawk a, a thilsawi zawng zawng kha ka ngaihtuah țhat leh vek a ngai.

Khum tlang bawh in ka lo muhil ve sek a ni mai thei, phone vibrate chur chur ri vang in ka harh hlawl a, ka awmna hmun ka hai țhelh bawk! Mit ka nuai a, ka hawikual leh thuak a, cabin tukverh aţang chuan pawnlam thim mup tawh chu en in thawk ka la zui hawk bawk. Phone bawk a rawn vibrate leh a, ka malchung a bag chu ka zen rak rak a, screen ah chuan 'carlos' tih a rawn lang khalh a, Hmingsangzuala chu ka melh zeuh bawk.

Ka chhansak a ngem?

Tukin khan zanah video call a a call tur thu a sawi a, a la hre ve reng anih ka ring.

Nuam lo ti zet in screen a hring lai chu ka nawr chho va! Carlos nen chiang zet in kan inmelh nghal zat bawk! Ka nui lui a, amah zawk pawh a rawn nui ve sen sen mai!
"Mamma.." laí zet in a nui leh chei chei phawt a, naupang chhawnchhaih thiam tak nih ka chak thar hle bawk.
"Mamma, chaw i ei tawh em?" Lu ka thing nghat a.
"Aih la ei lo, i ei tawh em?" Ka ti leh rih a. A ei tawh thu leh midang in an la ei mek thu a rawn sawi ve siam siam bawk. A nu tak tak a hre miah lo anih ka ring deuh tawh a nu angah min ngai hmiah tak tak!
" ... Mamma ka talking che." a rawn ti lang lang a, "sawi țha leh la.."
" Champhai ah lo kal tawh rawh, a pi te bulah Mamma nen kan in video call ka ti a maw, mahse no one khan min lo believe lova." a rawn ti a, ka nui nghal hak bawk! English a zeh tel dan chu a cute reuh lutuk.

"Mama, Bawihpuia hian Mamma ka bia a ti reng a, engnge a awmzia..' screen ah chuan ka nu rual tur vel a rawn lang ve ta thut a, ka beisei loh lutuk vang nge phone chu ka theh nawlh mai! Hmingsangzuala muhil lai chal ah a tla fawk a, chiang lo zet in mit a rawn meng ve ta bawk!
Hmingsangzuala nu ani mai a ngem?
"Engnge a?" hnawk țuak in a rawn phun a, phone chu a la kang a, a meng zau nghal awk bawk. Kei erawh chair nghenchhan ngheng in ka thaw suai suai thung.
"Hey Junior." a ti hluai a, min rawn en a, ka hmel chiai lutuk a hmuh rual chuan a nui suk bawk! Kei erawh ka nuih a za țhak lo.
"Kha engnge thil awmzia, i damlo em ni?" Nutling bawk chuan hlauhthawn hmel fe in a rawn ti ta chul a, a nu anih ka ring ta hmak!
"Nu, ka țha.. lawk.." a ti nghut a, min rawn en leh a.
"Ka nu hmuh theih ah hian lo awm ve lawk la.." ka tlanchhuak daih zawk dawn mawnle!
"Daddy, khawnge Mamma?" Carlos-a'n a rawn ti ve ta ruai bawk!

Hmingsangzuala chuan kut a rawn lek vut a, tim daiin ka vuan a, khum chung deuhvah chuan ka va bawk kai a, Screen-a a nu chu a rawn meng nghal awk bawk.
"Nu, ka bialnu Arintei anih hi.." a ti sup a, ka inhumruh nasa lutuk!
"Bawihi ka nu.."uluk zet in min en a, naupang fel zet ang maiin lu ka bu nghat bawk.
"Api ka sawi kha, Daddy in Mamma a rawn hruai haw tawh dawn." Carlos vek ani, Hmingsangzuala chuan ka dar ah a rawn kuah a, a kut sa huam pawh kha a lo reh ta deuh.
"Aw!" Ka thaw lovin ka hria. " min va țhawng ve, Arintei maw?" a nu chuan a rawn ti hap. A fapa ang chiah in a aw a ri fak.
"Umm, Arintei .." Hmingsangzuala zawk in a ti nghut a.
"Keima Mamma pawh." Carlos thu rawn sawi vang chuan ka nui ve ta sak bawk.

" Arinte nangmah hmu tur che in ka rawn kal thuai ang.." Hmingsanga nu vek chuan a rawn ti a, thinrim a sawi ani em tih ka hrethiam lo, screen ah lah duhthal in an hmel a lang fiah bawk si lova.
"Aw le.."
" nu chaw in ei tawh em?" kan boruak țang ru zet mai thlak tum chuan Hmingsanga chu a rawn țawng a.
Anu nen chuan eng engemaw an sawi nual; an thusawi chu ngaithla ve reng mahila engmah ka hre thei der lo, a khat tawkin Carlos-a'n ' Mamma' tiin min rawn ko zauh zauh reng bawk.
"Aw le, dah rih ang u.." ka dar ah a rawn tuai a. "Bawihi.." ka en nghal vat, screen lam en turin min signal nghal zauh va.
"Aw."
"Mama'n thil in la ei ve lo a ti a, thil ei tawh rawh u.." anu chuan a rawn ti lang lang a,
"Aw le." Tih bawk in ka chhang, sawi tur dang ka ngaihtuah ngial pawn engmah ka ngaihtuah chhuak zo lo.
A nu kalsawn hnu chuan Carlos chuan kut a rawn vai lap lap a, mahse screen ah bawk chuan mipa a rawn lang leh a nih chu!
" Carlos-a nu tur maw?" a rawn ti thawr, Hmingsangzuala zawk a nui suk bawk.
"Umm.. Carlos-a nu tur, ka nupui tur anih hi." Ve hmiah mai a. A hmaiin ka bek a rawn nawr tawk a. "Ka u anih hi.." a rawn phun zui sup bawk!

Phone kan off fel meuh chuan ding mar in thawk ka la hap a, phone kal tlang mai mai pawn tiang khawp khan ka zam ani a, a tak ah hmu phei ila chuan ka thaw ngam che che chauh vang!

"Ka nu bul ah ka kal dawn.." ka ti a, phone chu muang zet in khum chung ah a dah a, min en turin a rawn hawichhuak ta chauh bawk.
"Zan ah hian maw?"
"Ka tih fo dan tho alawm." Ka ti sep, a rum nghal hawk bawk, tunah chuan khawsik a nei tawh lo va, vawiin a a thilsawi tam tak kha ka lawm loh zia ka ti lang thiang tawh.
"Zing ah kal mai la." Za lote in ka nui lui a.
"Nileng in a chanchin ka hre mumal tawh lo.. hmuh ngei ka duh."
"Ka bulah i rawn let leh dawn em?" a aw chu a zawi lutuk, dar ka kán ak a!
"I rawn let dawn em?"
"In ka nei a, kan inah ka haw ve ang chu!"
"No, ka sawi tum i hria.." a rawn ti nghut.
"Ka rawn let ka ring lo.." a puansin chung ah chuan kut a hum ruh țalh țalh a, bag ka ak țha a.
"Keiman ka hruai ang che, chuan ka rualin i let leh ang." A puansin a theh hlip nghal tawp bawk.
"I â deuh em ni a?" Ka ti nghek, ka thusawi chu hrelo ang hmak in a kut a venflon an charbeh chu a khawih zui vut a, rang lutuk in khum sir lehlam pan chuan ka tlan phei rawk rawk a. A banrek ah ka man rual deuh thaw in ka kut zawk a thing per nghal nawlh!
" Chán che ka hlau tih inhria in min fiamkual vel hi nuam i ti tiraw?" a rawn ti țhawt! Na zet in khum chu a chum leh pawp a! Ka kimki nghal chawih bawk!
" min fiamkual tawh suh.." a ti leh nek bawk! Ka fiamkual lai ka hre reng reng lo.
" i rawn let leh dawn chuan ka kal tir ang che.. mahse i rawn let loh anih chuan..." sawi zo lovin ka mit ah tak na zet in min melh khui a, a mitmeng chu a hlauhawm lutuk.
" .. i bul hnai a awm tupawh ka rawn phihdarh nghal vek ang!" a aw ri zawi lutuk chu pawisak neih lohna in a pawlh tel nawk mai!

Police pakhat in car a khalh a, chupawh Hmingsangzuala car tho, ka kal chhuah hma in police driver a call a, keimah nena a let leh lo anih chuan ban a ni nghal dawn tih a hrilh bawk! Kan boruak rit uap churh lai takin Doctor Zothana a rawn lut a, a inbengdaih phah ka ring deuh a, mahse a mitmeng hlauhawm zet khan vawikhat pawh min kalsan lo, police driver a rawn thleng a, a bul ah ka let leh ngei ngei tur ani tih khauh zet a min hrilh hnu ah cabin aţang ka chhuak thei hram bawk!

Ka thawchhuak hawk a! Driver pawh chu kei ang tho in a thawk a ipik hmel in Hmingsangzuala kha a hlau ve tho tih ka hria!

Reife hnu ah Falkawn hospital kan thleng a, ka chhuk dawn te chuan driver chuan min en zui reng a, hna aţang ban ah hial a vau thei kha mak ka la ti hle bawk.

"Darkar 1 hnu ah ka rawn let leh ang." ka ti sep a, a bu nghat nghat a, hospital eng pup lam pan chuan ka pen zui hlawk hlawk bawk, min dan chep dan a hria in midang hial pawh kan pahnih inkarah a hnuk lut duh ania! Sual ka ti ngawih ngawih!


Show post links
Top
Abbra Reo Ririni
Post January 30th, 2019, 10:20 pm

Damdawiin chhung ka pen luh rual chuan Doctor Hruaizela ka va hmu hmasa ber a, ani pawn min rawn hmu ve chiah bawk.

"Nileng in hmuh tur i awm lo.." a rawn ti sap, ka nuih ringawt a.
"Ka nu..?"
"A muhil daih tawh ang, vawiin nileng in harsatna engmah a nei lo." a rawn ti vat a, ka thaw huai thei mai.
"Ka buai lutuk a." Dawt hlawm ka sawi lo, cabin pan chhohna lai chu ka melh zauh va.
"Ka han hmu hrim hrim ang aw."
"Ok, i let hma in ka hmu leh duh che a nia." a ti a, ka bu nghat bawk, Cabin lam pan chuan ka pen chho hlawk hlawk a, a toys pakhat ang mai a Hmingsangzuala'n min thunun kual a tum chu ka thinrim țun thei, tihtheih lah ka nei der bawk silo.
Cabin kawngkhar ka nem hawng a, light dim raih hnuai a ka nu muhil thawk la sek sek chu kawngkhar bul ațang chuan ka thlir rih phawt a, nileng in min hmu si lova, min ngaihtuah ve viau ang.

A khum bul chiar ah chuan ka țhu a, ka phone lah min vawm bo sak daih sia , tihtur a awm lo kher mai!

Driver bulah khan darkar khat ka awm ang ka ti zet nangin darkar engemaw zah ka țhu lui ta tlat a! Phone ka nei bawk silo va, engang pawn Hmingsangzuala'n min biak rawn tum mahse a thei dawn chuang lo!

" awi.." cabin kawngkhar ka hawn rual chuan ka phu zawk thei, Doctor Hruaizela chu a lo nui sak a.
"I riak ve dawn mi?"
"Aih.. ka haw a ngai a.." ka ti sep a,
"Anih chuan ka rualin haw rawh aw." Ka hnial tur chu a kutchal a hmui ah nawr siin cabin chhunglam chu a thlek zawk a,ni dawn tak kawngkhar ka la pawt khar reng reng lo.
" Kar leh hian hospital party a awm dawn a, i rawn tel ve ang tiraw?" a tih zawm zat a.
"Ka tel ka ring lo."
"Tak zet.."
"Umm clinic ah ka kal dawn a. Aaa.. " Doctor Hruaizela zawk a rawn nui hawk a, " insawifiah a țullo, nimin lam a thil thleng kha ka hrechiang duh zawk." A ti nghut, a car aţang Hmingsangzuala'n min hnuhchhuah dawr dawr lai kha a sawi tih ka hre bawk!

"I hmuh ang kha ani mai.." ka ti hap a, kawtzawl ah kan chhuak a, zanin chu ruah a sur dawn loh anih hmel.
" in inkar ah awm a awm em?" Ka melh zawk a. Ka ngaihbel nge a awmdan a danglam deuh in ka hria.
" ka hrethiam lo." Ka ti hap a. Ka hrethiam rih lo tak tak!
"I duh em?" Țum dang te chu nise ka ner khum leh nawng tawh ang.
"Ka duh in ka hria." Zawite in ka phun sep a. Doctor Hruaizela chu a rawn nui ro ta hawk bawk!
"Wow.." engmah sawi lovin a vanvadak a, a thaw zui hap bawk.
"I duh.. kum 2 chhung ka hre tawh che.. wow.."
"A mak viau em ni?" Ner deuh nawng in ka melh a, alo nui ve miah lo!
" In inkar ah awm a awm tih min hrilhna ah a ngaih theih em?" Min din hnaih deuh va, a kamisz var hak ban chu a nawr tawm chho nawk nawk bawk.
"Umm chutiang deuh chu " ka ti sep a, thawk la hap in ka mit ah tak a rawn en nghal ran bawk!
" a tina lo ang che tih i chiang em?"
"Ka hrelo "
" umm.. Hmingsangzuala ber kher i kawp ka ring ngai lo." Lu a thing nawk bawk.
"Kan inkawp chu a dik lo vem ni?"
"I hrechiang alawm, hmeichhia hmachhawn tur neuh neuh i nei reng dawn nia." Ka dar ah a rawn beng thak a, " i hma ka ngaih vang ah ngai rawh.." a kut chu la let in a hawikual leh thuak a.
" ka rual chuan i haw dawn em?" a rawn ti leh a,. Police driver kha kan lam panin a rawn pen ve a. Doctor Hruaizela chu a nui lui hak bawk.
"Miss, Sir in a rawn call reng tawh a, kan let thei tawh a ngem?" Inthlahrung dak mai hian a rawn ti a, ka kawchhung lam a tawt nghal țun thei, mahse nui chung in lu ka bu nghat ta zawk a.
" kan kal hmasa mai ang aw." Doctor Hruaizela chu nuih in motor hunna lam pan chuan ka pen nghal zat bawk! Hmeichhe hran hran chinfel aiin Hmingsangzuala mahni thuduh lutuk hi chinfel dan kawng ka zawn vat a țha ber ang.

Hmingsangzuala awmna cabin kan thlen leh meuh chuan zanlai a pel tawh a, driver chu a tlan haw a, gate ah ka luh theih pawh ka ring lo kha ania, mahse Officer Hmingsanga tih ka lam rik rualin awlsam takin min luh tlang tir a, cabin kawngkhar ka hawn rual chuan min lo melh nghal run bawk.
" khum dang an rawn hung a, tah sawn mu rawh.." ka be lo hrim hrim, a khum piah a khum inhung chu ka pan a, amah chu melh pawh ka melh chhin miah lo bawk, Khum ah ka lawn a, bang lam hawiin ka saisir nghal tlat a. A thaw ham ham reng mai!

A tuk nileng chuan clinic ah u Mc nen kan buai ta zak a, zing ka harh rual in phone thar min pe a, ka phone a vawmchhiat miau avangin ka laksak chauh bawk, min biak pawn ka chhanglet ngai lo, clinic a ka kal tur pawh min dang chhin miah lo bawk!

"A mak, ngawi veng veng zel suh." U Mc-i chuan a rawn ti hlak.
" engnge i sawi..?" Ka ti vat a, ka phone thar ah chuan message a rawn thleng ve leh chiah bawk!

* Ka ngai che.* Hmingsangzuala hnen aţang ani a, a țum thum min rawn send na a ni tawh bawk. Phone chu hmet thim in dawhkan chung ah ka dah a.
" i nu a țha lo nge nizan i mu tlem?" Ka nui ringawt, "sawi duh i neih chuan sawi la." a tawp ah chuan a rawn ti ta a, dar ka kán khum ak a, ka mit ah tak min en lui ve tlat bawk!
" ih.. i kawppui in.. aa.. mipa pakhat in zep nei miah lovin hun kal tawh a mi a nundan ho hrilh che se la engtinnge i awm ang?" ka ti hap, u Mc-i chu ka melh let a, tu emaw nen inlaichinna ka neih vawikhatna tur ani a, engkim hian min ti hlauthawng a, keimah ni lo hial khawp in he inlaichinna vang hian ka na hma hle bawk, sawipui tur ka hre bawk silo, keimah a ka ngaihtuah ngut ngut reng chuan ka puakdarh thei mai ang.
"Hmingsanga'n a hun kal tawh a hrilh che em ni?
" maw?" Ka ti let a. U Mc-i chu a nui hak bawk.
" I rawn thawh hnu a clinic a rawn kal țum khan a en dan che kha mak ka ti tawh, chuan i haw hnu ah lah khan a rawn talbuai chiam bawk a, Doctor Hruaizela car ațang a pawhchhuah ni che khan ani khan a duh lutuk che tih ka hrethiam ta chiah bawk a, a thikthu chhe lutuk leh nangmah hauh a pe na lutuk kha ka țan ta tawp." Lei ka chhuah zeuh ringawt.

"In pahnih inkar anih chuan mipa diktak ani tih ka sawi ang, an kawppui te hnenah an hun kal tawh chanchin sawi duh miah lo, zep bo tum hi an tam a sin." Min țhut hnaih deuh va. "A hun kal tawh kha midang hnen aţang hre ta la nâ i tiin i tlawm ngawt a, amah ngeiin a hrilh che anih chuan ringngam la, lawm hle bawk ang che tun ang laiah mipa tam tak pawhin an nunhlui zep bo an tum laia a hrilh thei che hi a mize nghehzia a lang ka ti ve mai mai.." a ti ta duah a.

A sawi dik in ka hre ta!

Claudia nen an chungchang kha ama kâ lo ațang hre ta ngat ila... ka ngaihtuah zui ngam lo.

Keipawn hun kal tawh tuihnai lo zet ka nei ve reng tho!

Anin min ngaihdam theih a, a sawilan loh theih phawt chuan a hun kal tawh vang khan ka thinrim khum tawh bik lo vang.

* Tlai ah pawh ka bulah i rawn kal a ngai a nia.* a message bawk chu ka open a.

* ka lo kal ang, keipawn ka ngai che.* tih zawng ka thawn! Phone chu hmet thim leh in dawhkan chung ah bawk ka dah leh a.
"A zei em? Pathlawi ani leh nghal sia, a zei ka ring tlat." Ka beng bulah u Mc chu a rawn phun sa sa a, hnuailam bih in ka ner nang thung.
"Haw miah lo la, ka star thei teh asin, clinic ah hian a rawn kal ve zauh zel a, a rawn kal tawh hi chuan mood a țha nghal em em zel a, hmeichhe tam zawk hian a atchilh tlat che tih hre ngat se an haw ngawt ang che.."

" awmsawn teh ah!" Ka ti ta hlak, nui hawk hawk chung in a țhu țha a, Message a rawn thleng leh chiah a, ka send ah khan ka ngai che tih ka tel ve vang nge ka hawng hreh tlat bawk.

Clinic ațanga damdawiin awmna a hla lo va, ke in damdawiin lam chu ka pan a, Doctor Zothana pawh in lam ah a haw phawt a nga, an nupa in an rawn lan ve tur thu a sawi a, nichin a Hmingsanga message min rawn thawn ho kha ka hawng ngam ta chiah bawk!

* i thinrim tawh lo em ni?* tih vawithum a lo awm a.
* ok, i lo let hunah pangngai takin inbia ang aw.* tih nen, cabin kawngkhar chu ka nem hawng a, phone ka thlauh nghal tawp bawk! Hmeichhia chu a insiamrem nghal mawlh mawlh a, kei hi cabin diklo ah ka lut tihna em ni?

" tihpalh lutuk. Cabin ka hai aniang.." ka ti zung zung a, phone chu ka chhar a, ka din mar leh rual erawh in ka tawlhhnung nghal dawrh thung.

"Hey.." nui sak chung in Claudia chuan min en a! A awmzia chu cabin ka luh rual a thil thleng kha..! Tenawm leh lutuk!

Kawngkhar ka pawtphui nghal bur a, ka tlansawn nal nal dawn a, mahse ka lungphu ri nasa lutuk chuan khawimah min kalsan tir thei lo. Na deuh in thawk ka la a, ka bing chuk chuk bawk! Vawikhat dang thawk ka la leh vak a!
"Mamma.." at hmel zet in ka hawichhuak vat a. Mipa naupang ka lam panin a rawn tlan rawk rawk bawk, min kuah thlawp rual chuan Carlos ani tih ka hre thei.
"Mamma.." a sam nem thep ah chuan tim daiin ka chul sak a, Hmingsangzuala nu ni ngei tur pawn min hnaih ve zel bawk.
" Carlos.." min kuahna a phelh rual chuan ka nui lui a, Hmingsangzuala chiah chiah ani tawp mai!
" hetah engnge i tih.. aw.. Champhai aţang i rawn kal a mi?" Lu a bu lap lap a, min en chiang lutuk chu ka lai ţep bawk.
Hmingsangzuala nu in kan bul a rawn thlen fel rual chiah chuan chhunglam ațang cabin kawngkhar chu a rawn in pawt hawng a, Claudia nen kan in melh nghal siah bawk.
"Hei.. an lo thleng ve tawh e.." a ti lang lang a, cabin kawngkhar chu a pawt zau leh deuh va, khum chung a Hmingsangzuala țhu run ka va hmuh ve rual chuan ka luak țhawt teuh lutuk!

" Carlos sorry aw, kalna tur ka nei a.." Hmingsanga nu cabin chhunglam a lut tawh chu a rawn inher a, khum chung a mipa hrawlpui țhu chu a lungawi loh hmel kher bawk.
"Mamma ka lo kal ve ang.." ka chhang tawh lo, chak lutuk in hospital chhung aţang chuan ka kal chhuak hlawk hlawk a, cabin kawngkhar ka hawn rual khan Claudia nen khan an lo infawhna an inla hrang chiah! Ka pumpui rawn inlet kual tup tup vang chuan ka uak chhuak tuar a, ka kâ ka hup a, kawtzawl a taxi lo ding lam pan chuan ka tlan nghal rawk rawk bawk!

"Falkawn min tlan sak thei em?" driver chu ka au titih a. A bu nghut a, taxi kawngkhar chu ka pawt hawng a, chumi rual deuh thaw chuan hnunglam ațang ka dar ah rawn țham tu a rawn awm a, tunge anih ka hrechiang lutuk.
"Khawia kal nge i tum?"
"I lo buai ve na tur a awm lo." Kawngkhar pawh zau pah chuan ka ti fak, a thaw hawk a. Tenawm leh lutuk!
" nangmah hmu chakin Carlos a rawn thleng chiah a, i kalna tur ah chuan nakin deuh ah i kal thei mai lovem ni?" Ka inher a, rapthlak ka ti lutuk!
" ka hmu chak ve lo nimai rawh se." A hmel landan a dang nghal hawk, kei erawh pawisak neih loh hmel zet in ka nui thung! Taxi chhung ah ka țhu lut a, a ding khawng luah chu kan tlan san a, Carlos-a lungawi loh a hlauh vang mai mai a min rawn umzui ani tih lah a chiang reng!


UTOPIA;1996.jpg
UTOPIA;1996.jpg (38.82 KiB) Viewed 13295 times
☆UTOPIA:1996☆
Chapter 17
By
Abbra Reo Ririni Khiangte (Pitartei)


Harsa ti zet in thawk ka la halh a, át hmel lutuk in ka nui leh hak bawk a, ramhuai palianpui anih zia ka hrechiang ta hle in ka hria! Khatianga an awm duh anih chuan tinge dawt min hrilh kher! Hmingsangzuala ka huatna chuan ka kawchhung mai niloin ka taksa pawh a tina vek thei hial mai! A sual rapthlak lutuk!

Khawpui chhung kan tlanpel a, taxi glass ka down a, thli rawn thaw heuh heuh chuan ka kawchhung tawt a chhawk lo kher bawk!

Carlos chungchang ka sawi dan kha ka ngaihtuah let a, kha kher kher kha chu pawi ka ti! Mahse Hmingsangzuala lak aţanga inlakhran dan kawng ka hriat awmchhun a ni miau sia, pawisak neih loh hmel zet a lan kha ka inhmeh fe zawk, heng mi pangngai inti ho hi ka hrethiam hlawm hrep lo ve! Cabin chhung a ka thil hmuh kha ka ngaihtuahna ah an rawn lut dawn a, lu ka thing nghal nghek bawk! Ngaihtuah ka duh lo, mi pangngai ka ni ve thei dawn emaw tiin suangtuahna ka nei ve a, mahse dawt min hrilh a, mi pangngai ang nih a, hriat ngai loh natna tawrh ai chuan hmeichhe verther zet kha nih ka thlang fe zawk!

' Mamma ka lo kal ve ang.' Carlos aw ri deuh tung mai kha ka beng ah hian a cham tlat, engtinnge hla tak ațang keimah ka ni tih a rawn hriat theih reuh le, za lo te in ka nui hak a, a mitkhur thûk dak chhung a mitmu uk khap maia min en kal rual khan ka laî lek lek țep bawk, Champhai aţang min hmu chakin a rawn kal ve vang vang reuh sia, ka lainat tak zet!


Hawikual thuak in ka thaw hawk a, front glass aţang driver in min lo en reng tih ka hmu chiah!
"I țha em?" a rawn ti a, ka bu nghat a, thil thleng khan min țhawng bawk a, inveng hman miah lovin ka uak nghek bawk anih kha, ka hmel hmuhnawm loh dan tur ka ngaihtuah chiang a, ka sam chu ka hui mam ta thuak ringawt a.

Motor dang tawk miah lovin kan tlan par par a, ka chau bawk si chu mit ka chhing leh sak țhin a, mahse mit ka chhin hlek rual in Claudia, a țhutna aţanga inbengkang meuh va Hmingsangzuala taksa bawh chung a an thil lo tih kha a rawn lang zel a, thaw hawk bawk in ka meng leh kawk țhin.

Ka thawm hria in Claudia kha rang lutukin a inla hrang a, kei min hmuh rual khan an thil lo tih zawh chiah kha nuam a tih hmel hluah hluah bawk, chuta karah Hmingsangzuala zawk a la ngawi run zui a! Ka au chhuak nghek dawn zet a, taxi chhung ah ka awm tih chawpchilh lutuk in ka inhrechhuak a, kut ka humruh ta nghek bawk!


Hospital kawt kan thlen rual in chuan man ka pe sawk sawk a, driver chuan min en zui deuh reng a, damdawiin chhunglam pan chuan ka kal zui nghal hlawk hlawk a, ka nu cabin kawngkhar ka hawn rual chuan mak tih hmel zet in a rawn meng phar nghal awk bawk!
"Hetah engnge i rawn tih?" A ti hú ! cabin kawngkhar ka kharphui a, thawven hmel zet in a khum lam ka pan bawk.
" engnge, i bulah ka rawn riak dawn.." chair ah ka țhu a .
"Hmingsanga chhungte an rawn kal ani lawm ni." a rawn ti a, ka en nghal dawrh bawk.
"Vawiin lam khan Hmingsanga'n min hrilh lawk vek tawh a, zanin i rawn kal dawn loh thu a sawi a, a chhungte nen chuan in inhmu ta em?" a ti ta duah a, ka mak ti lutuk chu ka áng haû ringawt!

" a fapa rawn tel ve tur pawh hrilh lawk che a duh lo a, țhawn thut che a tum anih ka ring, a fapa chu hmuh ve ka chak reuh ngawt mai.." ta deuh deuh chuan leh!

"Hmingsangzuala'n a rawn bia che maw?" Ka mak tihna ka thup thei thlawt lo.
"Bia ang chu.. zaninah in inhmu ho vek dawn emaw ka ti a, naktuk ah min rawn tlawh tur thu a sawi bawk a." Kan Hmingsangzuala mai mai chu le!
" a sawi ve mai mai anih chu.." ka ti halh, bag ka zen a, phone ka khawih zui daih bawk, ka nu thleng thleng a lo zuk biak pawh a țullo.
"Intihthiam lohna in nei em ni?"
"Aih."
"Min en teh." A khum chu a che ve deuh va. " thil ho te te ah hnial te i ching em?" Ka nu chu ka melh nghek ringawt.
" mipa lam i ngaihsak lo reng a, tiang lam hawi engmah ka sawipui ngai bawk silo che, i hriatreng tur chu midang zahthiam mi apiangin ngaina tu an ngah țhin, min hmangaihtuin min duat a, min dawhtheih viau avang khan tauh te chin loh tur, inlaichinna kan siam ngam tawh anih chuan thil thleng engpawh awm se rilru fim tak nen ngaihtuahna hman zir tawh tur.." a ti dam diai a, phone chu hmet thim in a thusawi leh tur ka nghak tih entirnan ka melh let ve ta bawk.
".. naupang zawk i ni a, Hmingsanga nen in mizia inmil lo lai pawh a tam ang, mahse nangmah chiah in eng thil ah mah thuthlukna siam lo la, nangaia upa anihna vang tal pawn nangai féin a rilru a puitling zawk bawk ang, a thuthlukna ngaichang țhin ang che."
" Ka ngaithla țhin reng ." Ka ti hap a. Thil thleng kha ka nu kiang ah sawi tur ani em pawh ka hre lo.
" a duh dan dan a min thunun a tum a, kha thil kha ka ngaithei bik lo, nimin khan min la hrilh ngai loh min hrilh a, ka thinrim a, mahse engnge a tih i hria em? Nizan heta ka lo kal tur te kha police driver min rawn hruai tir thlap anih chu! Driver nen a bul a ka let leh loh chuan driver kha a ban dawn tih a sawi bawk a.. a intithu thei lutuk hi ka ngei ngawih ngawih zel.." ka sawi zawh meuh chuan ka thaw hawlh thei, ka nu erawh a lo nui thung.
" a thikthu a chhia anih chu.." tih zawng in ka thilsawi ho kha zu han khaikhawm a mawle.
" a chhe lutuk, a intithu si ." Ka ti leh chiam bawk!
"Chuan a chhungte hmu lo a heta i rawn kal chhan chu engmaw ni ta?" ka thinrim tehlul nen nuihzat hmel zet in min en a, a fanu ka thinrim anih chuan thinrim ve mai se!
"A bialnu hlui nen an lo infawp, ka hmu a.. ih.. ka rawn kalsan daih."
"Ka fanu pawh chu a thikthu a va chhe ve!" ka ner nang thei.
"Ka thik reng reng lo, ka thinrim zawk.."
"Ka hrethiam e, mahse ka sawi tawh ang khan nangmah in thuthlukna siam tawp lo vang che, an lo infawp ngei em tih te chu i fiah phawt dawn lo em ni?"
"Hello.." ka nu chu ka melh a, ngaihzawng chungchang kan sawi vawikhatna ani a, laî hle tur ka nih laiin Hmingsangzuala ațan lutuk hi ka thinrim tlat.
" i fanu aiin Hmingsangzuala i ţan zawk dawn maw?"
" țan zawk ka nei lo che u, ka hrechiang che enkawl i harsa dawn tih ka chiang, chutichung a Hmingsanga'n a la rawn umzui che anih chuan amah ka ţan zawk ang.."

" i sual hle mai!" Ka ding thut a, ka nu erawh a nui var var thung.
"Khawnge i kal dawn?"
" Ka nu tak i nih leh nih loh ka ngaihtuah dawn." kawngkhar lam pan nal nal pah chuan ka ti hlak a, ka nu erawh a nuihza ngang thung.
"Ruahsur hma in rawn let leh tum la.." a rawn ti a, kawngkhar ka nem phui a, ka thaw ham ham bawk. Hmeichhe dang a fawp tih ka sawi khan min thinrimpui ka rin ve tehreng nen!
".. fanu nei ve ila chuan a bialpa in hmeichhe dang a kiss thu min hrilh ve se chuan i sawi ang khan engmah ka sawi ve lo vang.." cabin kawngkhar ka kharphui tawh sa chu melh in zawi tak siin ka phun hlak hlak a, ka ti miah lo tak tak ang!

Kal maina tur hrelo in hospital building lian zet bathlar ah chuan ka kal kual a, corridor thim raih mai ka thlen rual chuan hmeichhe țawng thawm ka hria a, ka ding deuh dat bawk.
"Cabin no4 ami te hian ba an ngah tawh lutuk an ti a sin!" Midang ţawng lo ngaihthlak hi a țha lo tih ka hria, mahse kan nufa leiba chungchang an sawi tlat, corridor ah lut ve ta mai lo chuan bang phen deuh vah ka ding a.

"Vawiin meeting ah pawn an leiba kha an sawi chhuak alawm, hospital lû lam te lu pawh a hai map anih hmel." Hmeichhe pahnih titi chu kan nufa nihna ngei nimahse min deng dawt dawt tho, " cheng nuai khat leh singthum an ba tling tawh a nia! Rulhna tur an neih hmel der siloh.." kut ka humruh nghek ringawt, muangchang in ka kal let a, an thusawi kha diklo pakhat té mah a awm lo mahse leiba kan ngahzia ka hriat thar leh vang nge ka tha a zawi a, he damdawiin a thawktu ho in hnunglam aţang kan nufa chanchin an sawi dan tur ka hrethiam tawh bawk a, ka nu ka lainat zual sauh, ' ani hi chuan damdawiin ah ba a ngah tho!' tiin nurse țhenkhat te hian an lo en hrang țhin a ngem le?


Hmun reh ruih leh thim mup mai ka thlen rual chuan duhthawh lutuk in thawk ka la hawk a, ka hawikual a, hospital thlanglam a ramngaw reh ruih lai ah ka lo awm reng tawh!

Ramngaw reh ruih leh rannung hram chiah chiah te chuan hlauhna aiin hahdamna min pe tlat a, ka mihringpuite ang in leiba tam tham zet ka nei tih an hriat ve loh vang pawh ani mai thei! Kawchhung tawt ipik churg siin ka ngaihtuahna a ruak vek ang lawi a! Ka vanvadak a, van thim mup leh ruahsur mai tur ang mai a chhum dum kal tup tup chu khap hlek lovin ka en a, khing chhum dum kal tup tup kawlkil lehlam a an bo duak țhin ang khian ka nu nen kan pahnih leiba hi engemaw in rawn chhem bo ve daih thei se ka ti tak zet.

Ka dinna chhak lawk aţang thawm ka hria ; ka hawi let nghal dawrh bawk, thawm chu a reh duk a, mit ka chhi ran thung, hospital huamchin ramngaw chhung ah lehnghal ramsa an awm hauh lo vang, reingial ka ngaihthlak leh hnuah pawh thawm chu a reh zawm ta hmiah a, ka ngaih a țha chhunzawm ve mai bawk!

Thaw ham ham in ramngaw chhunglam chu ka hawi leh a, thingkung sang pui pui a ding thim khup a, ramngaw tak tak ah ka la kal chhin ngai lo, luhchhin ka chak hle nangin kawr ang deuh birh thla vui a awm a, chu chu hnim pik in a hliah hlim duk bawk!

Engemaw ri deuh awk thawm ka hriat leh rual chuan ka vir let nghal zawk, ka rap sual a, ka in pal rual deuh thaw in awîh thla vui ah chuan ka liam thla fel der! Force na zet nen engemaw ka delh chawrh rual chuan ka áng zawk a, ka dar ruh a na hit zawk, chumai pawh nilo in ka kerek lungchang ah ka hlap fawk! Țhen chawk chawk chung in ka thaw a, ka kêrek aiin ka dar a na zawk! Ka dar na lutuk chu hmeh mai ka tum a, mahse rang lutuk in ka kut che chu ka tawp chawt! Thil pangngai lo lutuk ka hmachhawn dawn tih ka hre nghal mai bawk, ka kut chuan ka thil delh beh chu ka dap a, mihring pumrua ani tih ka chiang lutuk! Ka lungphu a rang nghal dawt dawt mai! Kei hian ruang ka delh chiang lutuk! Chil lem dawk chung in ka let thla a, tui a per nghal sak bawk, ka hlau in ka hre lo, mahse ka chhehvel ah chuan thil pangngai lo lutuk a thleng tih hriat zet in boruak a hit var bawk! Ka dar na lo lam chu chet in ka kekawr ipte ka zen rawk rawk a, phone ka phawrh chhuak a, hmet eng in ka thil zuk bawh kha ka fiah ang nge! Ka insaseng nghal ang!


Phone torch chu ka ti eng a, ka hmalam chu a lang paw nghal uai bawk! Ka piah lawk a mi chu torch chuan ka chhun thut a, ka mitsirin ruang dáng var puap tawh chu ka melh zeuh va, ka hrawk chhung lam a ri nghal hraih bawk! Ka theih ang a rang in ka che sawk sawk a, ka țhutchhuah rual chuan ruang bawk chu ka melh zauh va a var puap tak tak!

"Miss?" Ka khek chhuak lo, mahse ka phu nasa lutuk! Nizan a min hruai tu driver aw bawk chuan 'miss' a rawn ti leh lauh lauh va! Kei lah kawr chhung ah ka tla lut daih bawk si!

"Hetah ka awm!" Ka nâ vang in ka au ring thei lo, torch chuan van lam ka chhun a, thawm a rawn awm thla nghal sat sat bawk!
" Khai aw!" Kawr a rawn thlenthlak ve rual chuan light eng kung in kan bul vel a rawn chhun eng nghal vek, ruang chu a rawn hmu ve tih hriat lutuk in a tawlhhnung nghal khat khat bawk a.
"Ka inhliam, ka tho thei lo.." kei aiin a laktlak lo daih lehnghal! Aw thian kharh pahin min pan hnai a, keipawh chu min țih hmel fe in min en phawk hra bawk!
"Ruang ka ni ve lo a nia." Min kai tho tur a, a rawn kun chu ka lo khik khum sak a, a thaw hawlh hawlh thei mai!

Ka din mar rual chuan ka kerek bawk a na leh tawh!
"Midang ka'n call a nge." a ti tham ţiak a, ruang hi rawn che thut se a țe țhawt in ka ring.
Ruam ah kan awm miau avangin signal kan man thei lo va, Driver in chhuahchhohna tur a zawn kual that that lai chuan kawr tuiin a chiah dángluap ruang chu ka en zauh zauh reng a, pavalai tur ang vel ani a, helai ramngaw chhung ah engtinnge a ruang a lo awm ngawt theih leh! Ka bawh leh ta nghal ah!

"Hmingsangzuala bawk in min zui turin a hrilh che em ni?" Kawng chho zet ah kan inzui chho va, signal zawng in phone a lek chhen bawk.
"Aw, Hospital aţang i chhuah hnu lawk khan inhnung ah ka tlan reng tawh.." ka chhanglet tawh lo, thil tihsual nei ang mai a min zui ru tur a dah pawh chu ka huattawk a tling em em!
Kan chhuah chhoh rual in tu emaw a be nghal lawng lawng a, kei erawh ka țhu sawp hnawk thung!
Minute 10 pawh tling lovah damdawiin ațang doctor leh midang an rawn tlan khawm țuk țuk a, kawr lam pan in an liamthla mawp mawp a, Doctor Hruaizela a rawn lang ve ta hlawl bawk!
"I țha em?" Lei ah a rawn țhu ve a, ka thuamhnaw inbel huh hnuang te nen chuan ka lang maksak ngawt ang, kawr lam ah chuan thawm a awm lawng lawng reng a! Police rawn thlen hma chuan ruang chu khawihsawn loh tur tih an sawi chamchi bawk! Kei erawh Doctor Hruaizela'n casualty ah min kuah lut a, thil thleng engmah min zawt lo chu mak ka ti dawn zet a, thil thleng engkim hresa in doctor leh midang pawh an rawn tlanchhuak a, zawh chi ah min ngaih loh vang anih ka ring.
"I jacket kha hlip rawh, a huh lutuk i damlo ang." Chair ah min țhuttir rual chuan dim zet in ka ke hmawr lam khuhtu kekawr chu a rawn nawr tawm a, a sen raih mai!
".. a na viau ang, nachhawkna ei hmasa la.." a rawn tho va, ka jacket hlip tur che hlei thei lo chu min pui nghal sawk sawk bawk. Ka dar chu pawnlamah hnuhma engmah a awm lo, mahse a ruh a na hle thung.
"I hlau chhin eih lovem ni?" Puan huh a ka ban vel hru mawlh mawlh chung chuan a rawn ti a. Ka hlau em tih ka hre miah lo, ka hmuh thut vang anih ka ring.
" ka hmu chiang lo va." ka ti daih. Min melh a, za vak lovin ka nui lui ta ringawt!
"I ke hi x-ray ka duh.."
"Aih, a ngai reng reng lo.. ih tuam ila, a dam hma dawn lutuk." Ka ti nghal zung zung a, casualty a midang awm ve ho pawh pawnlam ah an tlanchhuak ta hak a, police rawn thleng in ruang an la chhuak tawh anih ka ring.
Tuam ka duh miau vangin khawng deuh hlek in min tuamsak a, ka dar erawh oil min hnawihsak a, a tuai sa huam bawk!
"Le, sawi rawh le, engtinnge khalai daih daih kha i zuk thlen theih?" Ka bul chiah a chair chu a hnuk sawn a , ka hma ah tak a rawn țhu zui zat.
"Intiharh pahin ka kal kual a."
"Chuan..?"
"Aaa..."
"Ka hria e, hlau hmel i pu miah lo hi mak ka ti." uluk fe in min thlek a, keimah leh keimah pawh intihhlum ka tum fo tawh tih hria se zawng mak a ti vak bik lo vang!
" ka hlau ve viau mai thei asin." Ka ti sep. Lu a thing nghat a.
"Hmeichhe dang nise an țe rin dawn tehreng nen." A ding nghal zat. "I nu cabin thleng ka kai phei leh ang che.." a rawn ti a, pawnlam a thawm awm mar mar lam chu kawngkhar inhawng huau aţang chuan ka thlek a, police uniform ha hmuh tur an awm nual, ruang chu an rawn zawn a, ruang dahna lam pan in an kal bo zui diak a, nurse leh thawktu dang hmeichhe rawn lut chu an ip chawih chawih a, an sawi zui nghal mar mar bawk.

Ka nu cabin lam panin min kai phei a, inthlakna min ngaihtuahsak tur thu a sawi a, inbual ka duh a, chumai pawh nilovin thuamhnaw hran hak ka mamawh, ruang ka delhpui thuamhnaw hian engtin maw tak ka pumpui a țham tlat!
"Ka hruai haw mai dawn che em ni?"
Ka en vat a. "Kan let leh thei bawk a.." a ti a, ka nui ta sen sen bawk.
"Ka sawi ngam lova. Inbual ka duh tak zet.." ka kawr hmalam chu ka bih a, luak a pawt tlat bawk.
"Ok, phone ka hmang lawk anga, chuan in inlam kan pan dawn nia." Min chelhna a thlah a, a kekawr ipte a zen rawk rawk a, barrel lianpui bul lam chu a pan a, ka mamawh chang apiangin ka tan a awm reng țhin a, ka mipa hriat tawh ah chuan ani tluk a mite care leh tupawh chunga țhatchhuah țhin hi an awm lovang.

Thim zing ah thawm a rawn awm rual deuh thaw in engemaw a ri nghal bur a, ka hawi dawrh bawk, ka hlau hran lo mahse Doctor Hruaizela kha a chesual anih ka ring! A ri leh chawrh a! Kut inthlak thawm ani tih ka hre tawh! Thei leh thei lovin barrel phen lam chu ka pan a, Doctor Hruaizela kawrawm ah țham a, hnek lo tum leh mek tu ka va hmuh rual chuan ka ner nghal nang bawk!
"Engnge i hriat a?" Ka ti nghal țhat! Phun hluk chung in Doctor Hruaizela kawr a țhamna chu a thlah a, damdawiin hnunglam a light eng in a chhun eng pha che che! A rawn inher vut a!
A hmel landan chu ramsa kawlh pawisak neih loh hmel lutuk chiah chaih!
" I lo tel ve na tur ani lo!" a rawn ti hmuk, ka ner nghal nang mai!
"Doctor Hruaizela kutthlak tur khan dikna i neilo!" Ka ti hlak, Doctor Hruaizela chu ka melh a, a khabe bul a sen char bawk!
"Ka nei.." Hmingsangzuala aw chhum bung zet chu ngaipawimawh duh lovin Doctor Hruaizela chu lei rap țha ngam chiah silovin ka pan chat chat a, engtinnge mi phone hmang lai mai mai pawh a rawn hnek tawp theih!
" Va pan pawh a țul tawh lo!" Amah ka kalpelh hma chuan ka banrek ah a rawn hmer sawk! Ka dar na lam ala ni leh nghal!
" min thlah rawh."
"Aih, ka ta midang in min khawih țawm ve ka phal teuh lo!" ti hmuk pahin min kai phar nghal dawr dawr anih chu! Hepa hi ka haw lutuk, ramhuai palian pui ai pawn a sual zawk a, mite khawngaihna leh hriatthiamna a nei bawk silo, a thu a duh in a chapo ropui si!
"Ding rawh.." ka ti tuar! Mahse a pen ngaiin a la pen pawk pawk reng!
"Hmingsangzual ding rawh.. ka ke a na a nia.." a pen pawk pawk chu a tawp chut a. "Ka dar pawh...Min thlah rawh!" ka ti leh sep, lei pawh rap țha ngam lo in Doctor Hruaizela'n min kai kal ţawk țawk a, tunah anin dimlo lutuk in min hnuk leh hrep a, ka ke leh ka dar ruh na lutuk chu ka ţap chhuak teuh lutuk! Nghet deuh in ka kut a hmer lohna lam chu ka hum a, min chelhna a thlahdul deuh va, min hnaih hrut rual chuan ka kut a vawn lohna lam in a dar ah ka nem nghal chawrh bawk!
"I dik miah lo!"
"Ka hria.. i kut hmawr pawn min khawih tawh suh.." kut ka thing nghal nawk, min thlah a, ka dar ruh a na sa huam huam thung!
"Khawimaw ka lo en ang."
"Uggg! Thawk bo nghal rawh!" Ka ti țhawt, ka taksa chhung na lutuk hi amah vinnan hmang vek ila a reh thei mai ang!
"Min khawih tawh suh, ka hmuh theih ah pawh rawn lang tawh suh, mi dawhheh i nih hi..!" ka ti tawn tawn, sawi belh leh ka tum a, mahse ka kerek na lutuk vang chuan lei ah ka țhu sawp a, ka vuanbet nghal tlat bawk! Ani erawh a ding khawng run thung!
Ka kekawr tlang chu ka hlim chho sat sat a, ka khawhmuh phe ruai leh ka hmai sa vung vung pawh chu ka duh lo!
"Engtinnge i inhliam a?" ka kekawr hmawr ka pawh tawm rual chuan a rawn vin ta țhawt! Rapthlak lutuk mai.
Hrilh duh miah lovin ka man bet tlat a, ka taksa chu vawt in a țham er er reng bawk!
" khawi maw?" A rawn țhut hniam ve rual chuan rum lutuk in ka melh ngawt ngawt tawp, rawn khawih ve a tum a, a kut ka lo nem per zel a, a rawn ban leh chiah a, a aia na in ka lo nem per leh nawlh a, ani thinin a lo tuar leh tawh bawk silo!
"Lalrinmawi, vawikhat pawh i che leh anih chuan saw i tlangvala saw ania ka khawih leh dawn!" a rawn ti fiak țhawt! A kawchhung hi ramhuai hovin inkhawmpui nan an hmang anih loh a tâkah!
Ka kut chu a rawn man chawt a, mahse na deuh in a rawn man tawh bik lo, ka ke tuam khawng luk chu a rawn thlek thuak a! Hmanrua chu nei ila chu ka chhuthlu tawp ang!
"I ding thei a ngem?" a aw ri dam thlup te chu ka haw hlur tawh!
"Ka ding thei , chuan i puihna ka mamawh lo!"
"Thinrimna tur ngawt zawng lo teh!" a rawn ti sup! A thaw ham ham a.
"I zak lo e a!"
"Zak rual ka ni tawh lo vawi tam ka ti!"
"Aw.. ni dawn tak!" Ngeiawm zet in ka nui hak kher, min en ngur thung!
"Hospital cabin ah i tan engmah nilo nia i sawi i kiss hnu lawk ah min ngaihsak ang ber a rawn lan leh te hi i zak teuh nang tiraw?" Ka thinrim bawk si chu ka aw a sâi hlak hlak!
" i sawi awmzia ka hrelo! "
" I hre reng!" Ka ti nghek, a thinrim ve leh tawh bawk silo, hepa hi engtia tihtur nge pawh ka hre hrep lo ve, min chhaih thinrim hrep hnu ah min lungawi san leh daih a. Aaa.. setana'n khawvel ah midang chawkbuai tur liau liau va a rawn dah bik anih hi!
Ka chhang peih tawh lo bawk! Keimah in din ka tum a, ke ke tehhrep pawh chu a hun lo lutuk!
"I ding thei lo tawp anih kha!" a sawi zawh rual deuh thaw in ka kang nghal nawlh! Chum pawp ka tum thut thut a, mahse setana'n khawvel ah a rawn dah chhan kawng pakhat tih hlawhtlinsaktu nih ka duh lo! Ka thinrim pauh leh setana nen nuam an ti ting zawk in ka hria!
" ka nu cabin ah min hruai ang che.."
" tehreng mai!" Nui suk chung in min chhuk en a! Nge ni a, huaibak chhuah in a sam buk lai ah hian ka kek hrep phawt zawk dawn!

Kan inpawm lut chu ka nu in mak a lo ti ngang mai! Thei leh thei lovin a lo inbengkang ve a, khum bul chair ah min nghahthlak rual chuan țullo tawp in ka chal ah a hmuiin a rawn nawr leh kher bawk.
"Tinge a?"
"Ka lum palh a.." ka ti sep a, ka nu chuan chhanna țha zawk beisei in Hmingsangzuala chu a chhoh en a! Ani chhán chhán a ngai lo.
"Nu hospital piah deuh ah sawn ka kal a, ka lum thla palh mai mai alawm.." hepa a ring lutuk pawh hi a țha lo.
"I na viau em?" a rawn ti hap a, ka nu bulah ka nat dan hrilh ka duh viau rualin Hmingsangzuala a awm ve tlat a, ka hrilh dawn lo reng reng!
"Aih, Doctor Hruaizela'n min tuamsak a.." a lo rum hawk chu ka pawisa duh bik lo.
" .. i fimkhur lo țhin e mai, tinge sawng sawng ah te i kal a.." ka nu țawng zui barh barh reng pawh chu ka ngaihven duh tawh lo.
"E, kha ruang ah chhar te kha in lo hre ve em? In rawn buaipui em ni?" Hmingsangzuala zawk a be ta daih a. Ka zuk bawh hrep tih a hre tawp nang!
"Umm.. ruang pawh kan la chhuak tawh, naktuk lamah chiang zawk a chhuizui a ngai ang.!" a ti ve nghut, " cabin ah hian khum ka rawn dah belh tir ang." a ti leh vut a. Ka en chho dawrh chu " nge cabin dang ah i mu duh zawk!" a rawn ti leh sup, sawi tur pawh ka hrelo! A thu duh zia second tin mai hian ka hriat belh dawn ani ber e!

A chhuah hnu reilote ah nurse pahnih in khum an rawn nawrlut fel der! Khawsik ka lo nei ve khanglang bawk a! Min jection a, heta awm aiin inah haw a inbual hmasak phawt ka tum tehreng nen! Hepa pui hian ka thil tum pawh a rawn ti flop vek!
"Admit in em ni a hming kan ziah ang ." Nurse pakhat chuan a rawn ti a, Hmingsangzuala zawk a bu nghut a, a duh ang tawk in han chekual phawt mai teh se!

Reife khum tlang ah chuan ka țhu ngawi tlat a! Khum bul chiah ah chair a rawn hnuk hnai a, kut kuangkuah hlun in a rawn țhu ve hmiah bawk!
" mu tawh la."
"I thu lo.." thle sawnin a chet hluk a, ka nu chu ka melh zeuh va, a muhil leh tawh ani mai thei.
Ka tho tharh chu rangfe in ka kut ah a rawn chelh vut.
"Khawi a kal nge i tum?"
"Ka inbual dawn."
"Hetah maw? " a țawng zawih dan ațang chuan ka nu tih harh a hlauh hmel ve hle bawk.
"Umm."
"Khawsik i nei, zanlai ah ah lehnghal i inbual chuan khawsik sang i nei mai ang." Ve lutuk a!
Kawngkhar lam pan in ka kal lui ta tho a, lei ka rap țha ngam miau lo, min kai ve ta zel a, kawngkhar ka pawt hawng tur chu a taksa in a nek nghal hmiah! Ning zet in ka thaw halh bawk!
"Tilui lo la.."
" mitthi ruang ka bawh hrep a, tichung chuan inbual lo in ka awm reng ang maw?" A beisei loh lutuk ka sawi nge a rawn meng awk a! Engmah sawi lo in a tawlhsawn ta mai bawk, kawngkhar a pawt hawng a, min kai kal zel a, damlo inbualna țhin ah ka inbual ve tawp a ngaih ka ring!
"Driver khan ruang bulah i lo awm tih a sawi a.."
" aw! Thil pakhat vawikhatmah driver kha min zui tir tawh suh." ding dat in ka chhoh en haw bawk. A lo ner ru sawk thung.
Ngawi reng in damlo te inbualna țhin lam ah chuan ka kal a, Doctor Hruaizela kha engtinnge a awm tih lah ka hre zui der silo, police anih vang mai hian a duh hun hun ah midang kutthlak thei ani emaw a inti tlat tawh in ka hre bawk!

" Towel i nei lova, soap lah i nei bawk lo." Toilet kawt kan thlen rual chuan a rawn ti ta nghut a, a sawi dik chiah.


Show post links
Top
Abbra Reo Ririni
Post January 31st, 2019, 11:25 pm

" i ti dik e!" Ka melh a, inla thil hre thei zet in a lo hawi vut bawk. Naupangchhia nghal loh!
"Tah hian lo awm rawh, ka rawn la ang."
"Maw?" ka ti hu a.
"Motor ah towel chu a awm mai ang, soap erawh dawr ah sawn." dawr lam ah lu a thle buk a, ka bu ve ta nghat a. Dawr lam pana a kal nul nul chu ka en zui reng a, tlai lamah te kha chuan damdawiin khum ah a mu kha ania, aw! Claudia nen an lo in fawp ngawng ngawng tak bawk e! Ka ngaihtuahna vang chuan ka ni leh țûn tawh! Engtinnge a rawn chhuah ngawt theih le! Thaw hap in damdawiin kawr ka ken chu ka hmer a, mitthi ruang chhar buaipui kha a hna a ni tlat alawm!

Ka mamawh te nen a rawn let leh rual chuan a hmel landan a tak leh ngul tawh.
" I ke kha engtinnge ni dawn." a rawn ti sup, leilam ka bih vat a.
"Tinge?"
"Tih huh a chi dawn em ni.."
"Ohhh?"
" ka spun bath mai dawn che mi?" a rawn ti a, ka meng bial nghal kawk bawk, a rawn nui ta hawk ah chuan a fiamthu ani tih ka hria a, ka thaw huai bawk!
"Khawi." Tih leh a towel ken lai chu pawhthlak ka rual a. soap pawh ka laksak nghal vat bawk!
A chhung ah ka lut a, kawngkhar ka kalh zui nghal thlap!
"Rei suh aw, anih loh chuan ka rawn lut ve dawn nia!" țullo tawp in ka awm bawr ka hup a, a nui deuh hawk thawm ka hre zawm zat! Nghal leh lutuk mai!
____________Friday zan hi kan Sabbath zan ani a, Story ka dah ngai lo!_____________

Ka lo muhil hman sek ani mai thei, ka mutna khum chu a rawn hniam suih a, taksa lum in min rawn kuah nghal hlu hlu lai chu ka manghriat ruai ruai a, a lungphu ri dawt dawt aţang chuan tunge anih ka hre thei a, a pangtilum ka hrechiang tual tual a, a hmui lumin ka chal a rawn nawr leh a, a hrawk zawn ah chuan ka meng nghal kawk bawk!
"Hmela.."
" engnge Hmela bialnu!"
"Chhuk rawh.."ka tal a, plastic khum chu a chik ta mai! A rawn nui nghawr dawt a, a awm zawn ah kut ka hum tawm țai bawk!
"Che miah suh, anih loh chuan i nu sawn thilțha lo tak kan ti emaw a ti mai dawn nia." a aw zawi lutuk chu nuihza in a pawlh a.
" naktuk zing ah Carlos ka rawn hruai ang aw." min kuahna ban hrawl zet chu a ti thawl deuh va, ka hmel hmuh a tum a ni mahna! Ka khabe ah a rawn dawm a, min kuai dak deuh bawk!
"I rem ti em?"
"Claudia a awm ani lawm ni?" ka ti hlak, min melh nghal khui bawk!
" a hmu chak che ka tih kha!" a rawn ti hmuk, Carlos-a chungchang kher hi chuan inhnial ka duh lo, ka țawngkam a chhe thei si, naupang pawisawi lo chanchin sawi nan ka țawngkam ngeiawm zet hi ka duh bik miah lo!
"Ka phalna lak kher a țullo."
"A ngai a lawm.." kan țawngzawi lutuk tak zet!
"Umm, lo hruai rawh." Ka ti a, mit ka chhing nghal daih bawk, a pa leh kha Claudia te lo awm dun vang ringawt khan mipa naupang pawisawi lo tuar tir duh khawp a rilru chhia ka ni lo, tlai lam erawh ka rilru chiai zet mai kha thunun dan ka thiam miau lo, ka nu vang niloa mahni in control thei lo khawpa ka awm hmasak ber na a ni a, ka feeling kha control theih pawh ani map lo bawk!
" i muhil em?" min be tawh lo se ka duh vang in ka ngawi ta tlat a! A hmui bawk in ka chal a rawn nawr leh a, a ban bul ka sik ta vak a, a rilo in a rawn nui ve bawk.
"Mak ngît ngét nu.." inbengkang hlek in ka beng bul ah a rawn phun a. " ngît ngét reuh che hian." duhthawh zet in a rawn ti leh sup bawk! Ui note titau ve nget nget hi ka an hmel riau!
" Claudia nen kan chungchang kha engtin maw i sawi.." ka maimitchhing tlat.
"Bawihi?" a tawp a tawpah chuan min ko leh ta e!
"Inbe teh ang, chhan ka hriat silohvin i tau ringawt a, awmdan tur ka hrelo a nia.." a rawn ti ta thlawt bawk! A hmel landan ka hmu chak tak zet.
Mit ka meng a, ka meng zau nghal kawk bawk! A aw ri ah khan ngenna a lang tel tih chu ka hria, mahse.. a hmel landan zet chu!
" I awm pangngai mai mai pawh hriatthiam i har tawh tehreng nen i tihtauh leh lek phei hi chuan a chhan tur ngaihtuah dan takngial pawh ka hre țhin lo.." a ti leh sup a, khum a te sia, min kuahbet hlun bawk a, a hrehawm ti hmel chu hmuchiang tak ka ni tawp!
" țawng tawh rawh." Ka tum loh deuh in ka nui a, Carlos-a kum zat vel lek niawm hial ani!
" Ka thil rawn hmuh kha i hrechiang khawp lovem ni?"
"Hria ila ka buai hrep lovang!"
A țha e! Ti ngawt ila.. ka nu a awm ve, thinrim a au nghekna chi ani lo!
" ka rawn thlen hma khan i tan engmah ni tawh lo nu-i nen khan in lo infawp ani lawm ni?"
"Jesus Christ!"
"What! You're trying to say nothing happened, right?"
"Yeap!" a rawn ti a, a hmai bul chet ah ka melh ta nghek bawk!
"Engnge? I thilsawi hi a awmzia ka hre miau lo!"
" a țha. Hre suh insawifiah pawh a țullo!" Ka țawng ring deuh nge ka kâ a rawn hup chawt a, ka che sat sat a, khum chu a chik deuh tuar tuar a, mahse amah hmachhawn lo zawng in ka saisir ta tho, ka dar na lam ka la delh zui!
"Helam rawn hawi rawh."
"Aih.."
" Ngît ngét-nu."
Ka insehruh vak ringawt!
Ka dar ah a rawn vuan a, ka țang ve tlat a, a tawp ah hnehtu ah a țang leh ta tho, ka zangthal a, ka dul zawn ah a ban rit nulh a rawn nghat hmiah, a hmaiin ka nghawng a rawn nawr leh a, ka insehruh nasa lutuk!
"Eng thil nge i rawn hmuh ka hre lo, ka hriat zawng chu thil ri bengchheng zet vang in ka harh, Claudia-i'n a rawn thlen chiah thu leh ka nu te pawh pawn ah an awm thu a sawi.. chu zawng chu." a ti sup a, a rawn ti luiin ka hria, a hmaiin a aia na in ka nghawng a rawn nawr leh bawk!
"Chuan, kawngkhar in hawng ah Carlos nen inding tlang ka rawn hmu leh bawk, i tlanchhuak daih lehnghal!"
"Ka ring lo che." A rawn thaw lum hawk a, ka va han ngei tak aw!
" Min rin a ngai, kha bak thil thleng engmah ka hre lo."
" Claudia kha tinge a rawn kal ve ringawt?" ka ti a, ka thik zia ka aw ațang a hriat loh hram ka beisei! Lawk! Ka thik a maw? Aih, ka thinrim mai mai ringawt!
" Ka hre bik lo." teh tawp em in!
Ka ngawi ta tlat a, khang bak a insawifiahna țha ka la duh ţalh bawk! Chuan Claudia nen an inkara thil thleng ang kha a thlen nawn leh ka hlau tak zet! Ka mipa hnaih hmasak ber anih ang bawk hian kan inkar ah inrawlh an awm ka duh lo, kan pahnih inkar ah kher hi chuan ka rilru pawh a no dawn lutuk tih ka hre tawh, thil dang chu ka tuar vek thei ang, pawisa nei tur a hnathawh te, zan mu mang lo va ka nu enkawl a talbuai te pawh ka tuar zel thei ang, mahse Hmingsangzuala nen kan inkar ah thil thleng danglam hlek a awm chuan hmeichhe chak lo ber ang maiin ka chau titih zel a! Khang thil kha ka haw tak zet!


Mit ka meng a, a lo eng uar tawh! Ka chhing leh a, ka kerek na in min tur nghal at at bawk.
"No, Carlos you need to wait first!" Hmingsangzuala aw zawi sup ka hriat rual chuan ka meng kawk a! Ka mutna khum a che nghal dawt bawk! Carlos-a'n hnaih chet chawt ah min rawn bih a. A nui sen sen bawk a.
"Daddy, ka Mamma kha a lo wake up tawh." a ti tûng a, ka nui ta ringawt! Chair inhnûk ri thawm ka hre zui a, Hmingsangzuala a rawn lang ve vut bawk! Nizan a a thuamhnaw inbel kha a lo inbel tawh lo va, awmhmun thuamhnaw zet maiin a lo inthuam tawh!
"Good Morning." A rawn kun hniam rual chuan mit ka chhing tawp. A hmui lum in ka chal a rawn nawr a, a inla hrang hlek a, a mitmeng nung sar mai chu ka en let ve a, Engmah sawi chuang lovin ka biang a rawn tuai hauh hauh ringawt!
" Mamma.." rang lutuk in Hmingsangzuala dar ah ka nem det, nui huk chung in a inla hrang zui vut bawk.
"Carlos."
" Mamma fever i nei a mi?" a rawn ti a, a kutțang tereuhte chuan ka sam a rawn khawih ve a.
"A reh tawh aw."
"Doctor in sâwt a ti che mi?" a ti leh a.
"A jection che em ni a tihna anih kha!" Hmingsangzuala zawk in a rawn ti sup. Ka bu ve ta nghat bawk!
Ka țhu chhuak ve a, Carlos pawh khum ah a rawn lawn ve a, a pa phone a hum ve țai a, games a hmet chhuak a, games chungchang chu min hrilhfiah ve niap niap reng a, a thusawi chu ngaithla reng mahila ka hre mumal thei lo, kan awmdan hi mak ka ti! Chhungkua tak tak kan angin ka hria! Ka hawichhuak vat a, Uluk zet in Hmingsangzuala chuan min lo en reng a! Ka thinphu a rang nghal dawt dawt thei mai! Ka ngaihtuahna zawng zawng a rawn hretlang vek emaw tihtur hian a rawn nui suk a!

Chhungkua, chhungkaw hlim tak kan ang tak zet!

'Hmeichhe thikthuchhe vek vek chuan Police aiin hnuchhui an thiam an ti! ' he thu hi nileng in ka ngaihtuah tawh.☺