☆UTOPIA : 1996☆ Ririni Khiangte (Abbra Pitartei)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: ☆UTOPIA : 1996☆ By Abbra Reo Ririni Khiangte (Completed)

Unread post by Ngaia » April 28th, 2019, 5:51 pm

Doctor in aw a rawn then khar rual chuan mit men ka tum a, mahse ka taksa chhung tawt mup mup leh ka ṭah chhuak lutuk insum nasa bawk si nen chuan ka thei thlawt lo!

"A pawi khawp mai!"

"Nilo." Ka kâ ka hup bet a, beisei nei tak chung chuan mit ka meng a, ka hma zawn a screen chu ka hmu phe ruaih, doctor pawh chuan ngawi reng in screen chu a bih run mai.

"Ultrasound ngeiin check up pawh in nei tawh tho in ka ring, chu mi țum chuan a lungphu ri in hrethei ngei bawk ang, tun ah hi chuan naute lungphu a awm tawh lo." a rawn ti a, beidawng lutuk a Hmingsanga rum ri hrawih chuan pindan chhung chu a rawn luah khat a, a rumri a mahni indemna ri tel ve khan ka thluak chhung a fan kual mup mup bawk, thawk ka la dawn a! Mahse ka thei lo, ka țah chhuak lutuk vang leh ka rilru na lutuk ka taksa chhunga in fuan khawp tup tup reng vang chuan ka â thei mai dawn! a tawp ah phei chuan ka taksa chu a rawn khur a, ka mittui chu ka bek ah a rawn lungthla lum pap a, mit ka chhing a, nu ka nihve theihna chanvo tur laksak ka ni ta! Ka pum chhung a naute insiam mek lungphu chu a tawp a, kei erawh natna te nen ka lungphu a la phu dawt dawt thung si!

"Bawihi?" Hmingsanga aw ri țuak vang chuan ka tum loh tawp in aw rawl chhuah meuh in ka ţap chhuak ta hlawp hlawp a, khum a ka mu lai chu ka chal ah a chal a rawn nghat a, hneh lutuk in ka biang a rawn khuap bet nghal tlat bawk!

"Ka tihpalh, ka tihplah ani, kan fa chu keimah ngeiin ka tihlum!" Thinlung keh sawm vek tih hriat lutuk in a rawn rum hrawih, a inseh ruh ngawt ngawt tih chu a chal zawn sa vur ațang ka hrethei a, țawng chhuak tur ka nih laiin ka hrawk ah hian min hnawh tlat thung.

Doctor in ka chhul țhuah fai thu vel asawi lai te chuan ka nâ ngut ngut a, ka thawk lak rual a thawk la ve țhin kha ka taksa chhung aţang bawlhhlawh hlawm ang mai a an hip chhuak tur chuan ka thin zawn a rawn hnawh tawt tup tup reng bawk! Ka naupan laina natna ka paltlang zawng zawng aia khan a let tam tak in tun a thil thleng hian mi ti nâ a, sual luih ka tawh hmasak ber țum ai daih khan ka kehsawm a, tun aia natna nasa zawk hi a awm leh tawh pawn ka ring lo!


"Beidawng lutuk lo ula, nun bul in țan thar dawn chiah a, Pathian in nakin lawk ah a aia țha a pe dawn che u a lawm." Hlimpuia țawng mawlh mawlh ri chu ka hre vuat vuat, ka pum chhunga naute kha a la upat loh a vang leh thisen hlawm mai a la nih vang in awlsam tak in ka taksa chhung ațang an hip chhuak a, mite tan chuan thisen hlawm mai a la ni ngei ang, mahse keichuan nausen duhawm lutuk ang maiin ka ngai a, ka pum chhung ah lum nuam tak a awm reng țhin kha vawi leh khat ah an hip chhuak ta daih a, a hrilhhai ve dan tur leh pum chhung lum ațang a chhuak ta thut chu vawt a tih ve dan tur te ka ngaihtuah kual a, ka mit ațang mittui chhuak a tawp thei ngang lo.


Thil thleng chu an chhungkaw lam in an lo hre tawh ani ngei ang, Hmingsanga'n in lianpui chhung ah min kuah luh rual chu nutling leh patling țha hnem zet an lo awm huang a, tawi te te in min lo nuih sang hlawm a, inru hlim kan ni a, dan pangngai chuan zak a, kimki chawi chawi tur ka nih laiin â chhuih in Hmingsanga chhungte chu ka hmachhawn thung.


" Bawihi hian hahdam a mawmawh a, room lam ah ka hruai chho tlang mai ang." Hmingsanga chuan a ti sup a, an zavai chuan hahdam tur leh rilru nuam tak awm tur in min chah mawlh mawlh a, Hmingsanga nu in min buaipui nghal vat a, ka kut pakhat a rawn hum a, kailawn ah chuan an nufa in min chhoh pui a.
"Arinte, hahdam tak a awm tum rawh aw, Pathian in engkim a ti thei ania, nakin lawk ah naute duhawm lutuk a pai tir leh mai dawn che a lawm." a ti mawlh mawlh a, ka chhang let pawn ka hrelo.

Pindan chhung zau zet ah min hruai lut a, khum hlai hlup lo in hung run lam ah chuan min kuah phei leh in dim lutuk in Hmingsanga chuan min nawr țhu a, ka melh ngai ka melh ngawt ngawt reng tawp!

" Bawihi, enge maw tal sawi hram la." Ka hma chhuat ah chuan a țhingțhi a, ka kut pahnih hum kawp in ngenngawl lutuk in min melh ngawih ngawih bawk.

" ka chungah i thinrim anih pawn vawi khattal i lungawi lohna thu sawi rawh, ngawi reng suh." inthiam lohna a khat a aw ri chu hrelo ka nilo, a thiam loh ani lo tih hrilh ka duh a, mahse ka hrawk chhung ah hian natna hlawm in min hnawh bet tlat a, chu thil chu tibo in țawng chhuah ka thei bau lo!

Nutling țhenkhat an rawn lut nak nak a, mahse rei min chim buai lovin min chhuah san leh vat hlawm a, khum ah chuan ka mu tawm kak a, khum bul ah chair hung in Hmingsanga pawh a țhu reng a, in ah doctor rawn kal in min buaipui a, thisen chaw min khai sak a, ka tai bawr leh hnungzang lam na ngut ngut vang chuan zangthla in ka mu thei miau lo va, lukham in min kam a, tlai lam ah a rawn kal leh tur thu sawiin min chhuah san leh nghal a, mit ka meng a piang in ka hma lawk ah mipa hrawl zet mai inthiam loh na leh mahni indemna mit meng ka hmu nghal zel a, a chang in mit ka chhing a, chutiah rual chuan nausen hmelțha lutuk leh chum biang mai ka hmuh zawm nghal zat zel a, a mit meng lian kiau va hlauhna ka hmuh tel ve rual in thin chhung na ngut ngut chung in ka meng chhuak leh nge nge zel!


Ka lo muhil sek ani mai thei, mipa naupang țawng niap niap ri vang in mit ka meng ta hlawl a, Carlos-a'n Hmingsanga a au nghal chul bawk.
"Daddy, ka Mamma a lo wake up tawh." a ti tûng a, kawngkhar in hawng thawn ka hre zawm zat, khum ah chuan Carlos chu a rawn lawn a; tilui ni miah lovin ka lo nuih sen sen bawk.
"Mamma." dimte in a kut lum ve veng veng chuan ka biang a rawn khawih zeuh, ka lo nuih leh a.
"Bawihi, nâ i la nei em?" Khum bul chair ah Hmingsanga a rawn țhu thla ve vut, a inbual zo chiah tih hriat zet in a taksa chu a la hnawm dap a, a sam buk bik lai pawh a la huh hluam, kekawr bul chiah a inbel bawk.
"Ka chau deuh tih loh chu nâ ka nei tawh lo." Thaw huai chung in a rawn kun hniam a, ka chal ah a rawn fawp zauh va, kan pahnih che vel fiah kiau va min lo en reng tu mipa naupang te chu en in ka nuih a, lai zet in lei a rawn chhuah zeuh bawk.

" Mamma, fever i nei a mi?"

"Aih, tinge." Ka kut lehlam venflon in vuah lohna lam chuan asam ah ka chul a.

"I ban ah khan hriau a awm a." a rawn ti ve sep, ka nui nghal hak bawk.

"Hei chu ka chakna tur zawk anih hi." ka ti sep a, mak tih hmel zet in ka ban chu a melh ve veng veng reng bawk.
"I rilțam em?" Hmingsanga chuan a rawn ti sup, Carlos chuan phone ah games a khel thung.

"Aih engmah ka ei chak lo." ka ti sep a, dimte in ka dul zawn ah chuan kut ka nghat a, Hmingsanga chu a ding chhuak nghal vut a!

" ţam lo mahse eng emaw tal ei rawh, ka zuk la ang." a ti sup a, a aw ri chang hrawih vang chuan ka en nghal dawrh bawk, min en ve tawh lovin kawngkhar lam pan chuan a kal nul nul a, ka awm dan eng khan nge a lung ti awi lo hman teh hrep ni.

Kawngkhar a nam hawng a, a kal chhuak deuh chiah tih ah hmeiche aw ka hre zawm zat a.
"Umm, a rawn harh tawh, a ei tur ka lak sak lawk dawn a." Hmingsanga chuan a ti sup, a ke pen thawm ka hre zui zat a, kawngkhar zimte inhawng sa chu pawn lam aţang a rawn in pawh hawn belh a, hmeichhe rawn pen lut mek chu tih mai tur hrelovin ka lo en mawlh tawp.

"I lo harh thei maw?" a nui sang a, a sam sei hnap mai chu rangkachak ang maiin a tle siau bawk.
"Umm."
" nâ i la nei em?" a ti leh a, hmeichhia mahse nise a hleitling viau.
"Nei tawh lo, ka țha lutuk." dar kân deuh ak in a thaw hap a, ka bul a phone games khel mawlh mawlh a țhu Carlos chu naupang kan biak țhin ang deuh hian aw tidang lam in a rawn au va, Carlos pawh a rawn hawi chhuak ve ta ha reuh va.
"A ni?" a ti tung, hmeichhia chu anui nghal hak hak bawk.
"Ka lo luhlai pawh i hre nange?"
"Daddy phone ah games ka play a." a ti a, phone screen chu a rawn lek chhuak ve va bawk.
"Hmingsanga û ka ni a, min la hmu ve lovin ka ring." Khum bul chair ah a rawn țhut ve rual chuan ka nui tawi tak mai, thawh tum in ka inbeng kang vat a, mahse min lo dang a.

"Mu leh rawh, tipawh khan kan inbe thei alawm." nelawm zet amin en chung chuan a rawn ti a. Han sawi ve mai tur pawh ka la hre der lo.

" ih, u Ţpa chiah kha ka la hria a."

" umm, kan chhungkaw kual hi kan tam lutuk a, min hriat bel hun ah meuh chuan hun a lo kal duaih tawh mai ang." A nui a, keipawh ka nui ve ta hak hak bawk.

" Ruatsangi ka nia, min u mai dawn nia."

"Arintei."

" i hmel kan hmuh ve hma hauh ațang tawh i hming hi chu kan hre bel tawh a nia.." a rawn ti a, ka meng buai deih nak chu a rawn hnu a nimahna!
"Carlos hian a lam reng zel che lawm, chuan ka nu rawn haw khan Carlos-a nen in awmdun hmuhnawm zia sawi nuam a ti hle bawk." A nui leh var var a, pasal neiin inhrang ah an awm tawh a, an chhungkaw school ah vice princeple ani bawk, fa pahnih a nei tawh a, a fate pawh Carlos-a aiin an u deuh tih vel a sawi siam siam a, Hmingsanga ang lo tak in a ţawng a dam in a hmel a nung sarh a, an hmai fang pawh a inang ru hle bawk.

Thleng chawi chung a Hmingsanga rawn lut ve chu dim deuh dai hian ka melh a, a u pawh chuan kawngkhar lam chu a en ve nghal vat bawk.
"Ih, hetah ka ei dawn mi?"
"Umm, tah hian ei mai rawh." a rawn ti sup, ka zak tak zet!
"Arinte, nuam lo ti reng reng suh, chhungkaw dang ho pawn an hrethiam lutuk che a nia." u Ruatsangi chuan a rawn ti a, mo zakthei lo ber ang in mipa te in ka kal hmasak ber țum ah chaw pek ngai leh khum ah ka ei a la ngai zui a, nuam lo ka tihdan chu pui tak ani tawp.


Che hleithei hlek lo le, an in kan luh aţang zan lam thleng in khum ah chuan ka awm ta ngat ngat a, Hmingsanga pawn room chu a chhuah san tam bik lo, tlai lam ah khan ka inbual a, Hmingsanga'n min buaipui vek a, mahse kan inbe mang lo, ngawi reng in mahni rilru ve ve kan kawm dun a, chuthil chuan kan inkar a ti hla zual sauh in ka hre bawk, a khat tawk in a phone a ri a, chhang turin a kal chhuak zawk a, a rawn lut a, ka taksa a kham leh kham loh min zawt a, a kham tih ka hrilh chuan ka mut dan min siam rem sak leh mai a, chu lo chu min biak tumna a nei miah lo va, a chang phei chuan a fa ber ka pai tawh silo va, min ngaihtuah chiam țul a ti tawh lo a niang ti ten ka ngaihtuah kual ruai reng a, pindan khat ah awm reng siin kan rilru erawh a inhlat ta rawih rawih mai!


Eng emaw ri bur vang in ka harh hlawl a! Thil thleng mek chu eng nge anih tih ka hriat fiah hma hauh vin thawm ri dawp vang bawk chuan ka phu leh nghal dawrh bawk! Thin phu dawt dawt in ka țhu chhuak a, Hmingsanga mutna a lo ruak huai tih ka hriat rual leh lek phei chuan ka thawk a rang nghal sauh mai!

Thawm ri bur bur reng chuan zual lam a pan tual tual a, kan mut na pawn lam ațang mihring tlan thawm ka hre zawm zat bawk.
"Ţpa, eng nge nia?" U Ţpa nupui aw mangan hmel lutuk ka hriat rual chuan khum aţang ka tho ve nghal vat mahse ka lu hai deuh chhuih vang chuan che lo in ka ding leh ren rawn phawt a!
"In chhung ah hian lo awm rawh u, Hmingsanga anih ka ring." U Ţpa aw zawi sup ka hriat rual chuan ka taksa chhung lam a ţek nghal chawk a, kailawn ah a tlan thla thawm pawh hriat hleih theih loh khawp in pawn lam thawm chu a na a, kawngkhar lam chu muangchang in ka pan a, ka pawh hawn rual in u Siamkimi meng phawk hra mai chu ka va hmu hmasa ber.
"Tinge a?" Ka ti mawl tawp.

"Arinte; awi, ka hre biklo.." a rawn ti bah nawk nawk a, mahse kawngka pui in hawng huau aţang mipa au thawm leh nutling țhenkhat au nuaih nuaih thawm chu a rawn lut a.
"Mama, duhtawk tawh rawh."
"Hmingsang a tawk tawh viau ve." Tih te ani nuaih!

U Siamkimi chu ka kal pel a, ka theih ang a chak in kailawn vawn chhan vuan chung chuan ka pen thla zawt zawt a, thawm ring zet leh ri bur bur chu ka hre chiang tual tual bawk!


Kawngka pui ka pen chhuah rual chuan thawk ka hip let nghal kawk a! Ka kut pahnih in ka hmai ka hup bet nghal tlat bawk! Ka thil hmuh chuan min țhawng lutuk!

Hmingsanga chuan tiangthir sei zet a lo hum a, a bolero chu a vaw chawrh chawrh, a kut a thi hnu a, puitling ho chuan tawp turin an lo au mawlh mawlh reng a, Hlimpuia leh u Ţpa chuan man beh an tum țhin a, mahse Hmingsanga thinrim khaw hmu bawk silo chuan a lo vai kiang nghal nawlh nawlh reng a, bolero chu a chhe sawp hneh lutuk ani tawp!
" duhtawk hram teh."
"Ka fa ka tihhlumna motor anih hi, chhe sawp vek rawh se." a rum dur dur ni maiin ka hria, thirtiang chuan a motor rem lai lai chu a hlap zui pawp pawp bawk!
Puitling ho leh a cousin te ho chuan beidawng zet in Hmingsanga che buan buan chu an en ta ngawt ngawt a, keipawh chetsawn ngaihna ka hre bik lo, thinrim lutuk a a au chhuah tel țhawt chang phei chuan hmeichhe ho chu an kimki chawi chawi maiin ka hria!

" kei leh he motor teh hrep hian ka fa nunna kan la." Tha tawp in a hlap leh pawp a! A thawk lak rualin a taksa hrawlpui chu a che awk awk reng bawk!

"Bawiha, duhtawk tawh rawh, saw i nupui pawn a hlau che a nia." Patling pakhat in ring zet a a tih tak ah chuan Hmingsanga chu a rawn inher vut a, kei erawh ka ţîm nghal sawk! A landan chu a hlauhawm lutuk ani tawp! A mit a sen rûm a, chu mai nilo in a thirtiang humna kut ațang chuan thisen a dir zung zung, thlan vang in a taksa hrawl zet chu a huh hluam a, midang kar ațang chuan min rawn hmu lawk lo ani mai thei, a hawi kual ruai a! Naute ka chhiat a lungdam lo lutuk in kut min thlak ve mai te ka hlau ta rum rum bawk!

Thirtiang chu a thleh thla ri bawlh a, rang lutuk in u Ţpa chuan a chhar a, a kal sawn pui nghal daih bawk! Kei erawh ka thawk chelh reng chu ti tawp in boruak ka hip lut ham ham a, sapui hliam tuar ang maiin a che buan buan a, sakeibaknei thinrim aiin tun a a landan sawn a hlauhawm zawk daih.

" in mu tui lai ka tih harh che u a vang in ka tihpalh ani e!" a ban hrawl zet phar hluai pah chuan a rawn ti nghut a, a aw buh zet ah chuan a harhfim lo tih ka hre ta chiah bawk!
"Khaw nge ka nupui pawh chu?" a ti leh hluk a, inchhung ah tlan luh a, room chhung ah kawngka in kalh hnan tlat mai ka chak up up thei mai!

"Inchhung ah lut phawt teh ang u." Patliang pakhat chuan a rawn ti a, Hmingsanga hawi kual ruai chuan min rawn hmu ve ta hram a, zawi muang in ka kâ ka hup behna kut chu ka la sawn ruai ruai a, a rawn nuih deuh suk rual te chuan rap lutuk vang in ka kawchung lam a za uaih thei mai!

Hlimipuia leh u Ţpa'n an rawn kuah phei a, ka bul ah a mu ve reng emaw ka ti a, mahse rui zet in a motor a lo vaw chhe vek thung, engtik lai khan nge zu a lo inhman tih tak ngial pawh ka hrelo.

"Pate, min ţin san tawh mai ru, thawm kan siam vang khan kan tihpalh lutuk ani e!" U Ţpa chuan an chhungkaw ho chu a nuih lui suk a; ka hma ah Hmingsanga chu an rawn din pui der bawk.

"Arinte lut ang ule." u Ţpa chuan a rawn ti leh a, Hmingsanga nu pawh thlabar hmel zet in ka hmu ve ta hlawl bawk, inchhung kan inzui luh hnu ah pawh Hmingsanga chu a phun bual bual reng a, naute kha a mah ngeiin a that ang ah ngaiin a kut phah hrawl zet thisen kai hnuang bawk si chu a melh leh vung vung țhin a, u Ţpa'n kawngkhar khar daih tur a min hrilh rual chuan thawk la ham ham chung in kawngka pui lam chu ka pan ve leh a, midang ho pawh an kal darh sang sang a, an chhungkaw ho hi a huho deuh va awm, in in insi deuh reng in tlang mual khat an luah tawp tih ka hria, Hmingsanga thawm hria in an rawn tlankhawm nghal rum rum ah ka ngai!

Kawngkhar ka pawh phui hma chuan a motor vuak chhiat vek tawh chu ka en leh thuak a, rawng dum ni țhin kha a țhenlai a var ruam a, a sawi chhe hneh lutuk tak zet! Motor hunna piah lawk a hmeichhe ding reng chu ka hmu sual emaw tiin chiang leh zual in ka en țha leh ngat! Min hlat tak aţang Claudia'n min rawn nuih tak sak ah chuan ka hmu sual lo tih hria in ka ding kawng nghal lah a.

A inher a, a kal zui ta nal nal, kei erawh ka ngaihtuahna a vah thui phah kher mai! Hmingsanga kha zu hrai ruiin a fuih kual vel anih te ka ring rum rum a, ka ngaihtuah chiang leh deuh va, ka mut hlan a in koh chhuak a zu lo in dun tur ang a ka ngaihtuah rual chuan ka luak a chhuak nghal hlui bawk.

"Aih, Bawihi khan min kuah chho rawh se." Hmingsanga phun bul bul thawm ka hriat rual chuan rang lutuk in kawngkhar chu ka pawt phui nghal dawt, chhuat lai ah a ding run a, a ngheh loh hmel in lei lam bih in a phun bual bual reng bawk.

"Arinte, tirawh u room lam ah chho vang u." U Ţpa chuan a rawn ti a, Hmingsangzuala pawh chu a rawn inher ve ta ruai ruai a.
"Hetah lo kal teh." a rawn ti hluk, thawk la vak chung in a nu chu ka va melh a, a rilru nat hmel lutuk chu Hmingsanga awm dan vang hi anih ka ring.

" room ah chho i la." ka ti a, a ban a rawn lek vut rual chuan thisen a kai tih lam pawh ngaihven lovin ka a vawn sak a, a taksa chu a sa huam huam, a thil in rim chu inchhung ah chuan a nam rum rum bawk.

U Ţpa leh Hlimpuia chuan a zak hnuai ve ve ah an kuah a, ka kut vawn tel tlat a duh bawk si nen rem lo zet in kailawn ah chuan kan inzui chho va!

Chhungkaw ho nen inbiak mumalna nei thei loh khawp in tukin kha in kan lut tawp tawh, chuvang a ka inthlahrung lutuk pawh a reh hma hauh in zanlai ah rui chung in thawm a siam leh a, midang hmai eng zah a na dawn lutuk bawk si chu ka tawt țun thei mai!

"Ka lo inbual tir mai ang." room chhung kan luh pui rual chuan ka ti vat, u Ţpa leh Hlimpuia chuan washroom lam ah an kuah lut a, an mahni chu chhuak turin a au khum tun tun reng a, khaw a zu nge a lo inhman tih ka hriat chak rual in natna min pek belh tur anih ka hlau va, Claudia nen kan mu hlan in an lo inhmu anih chuan ka tlawm ngawih ngawih dawn lutuk!

"Arinte, a zialo ve aw, i taksa chak loh tehreng nen." U Ţpa chuan a rawn ti a, ka lo nui mai thung, Hlimpuia chu a chhuak hamsa a, inbual zawh ah a hak tur thuamhnaw lak chhuah sak tum in a thuamhnaw bawm lam ka pan nghal sawk sawk bawk, Carlos-a kan bul ah a riak lo va, thil thleng vel hi hrelo in a mu nghet hle anih nih ka ring.

"A inthiam lo lutuk a, ruah sur hnuai ah a rawn chhuahpui bawk si che, aaa, naute i chhiat chhan bul ber kha niin a in ngai tlat a, a nâ ve rih a nih hi." U Ţpa kal chhuak tur chuan a rawn ti sup a. "Khawvar hun ah pangngai tak in ti ti dun ru aw." ngainatawm zet hian a rawn nui suk a, lu ka bu ve nghat bawk.

Washroom chhung ka va luh ve rual chuan chhuat ah țhu in bang a lo ngheng run a, a kiu pakhat chu a khup ah a nghat a, a chal dawm in chung lam a lo melh ngur bawk.
"Hmingsang." ka auh na chu hrelo ang hmak in a awm.

"Inbual la, chuan kan mu dawn nia." shower gel awmna lam ka pan a, ka che vel chu melh pawh min melh lo hrim hrim.
"Ding lawk la, i thuamhnaw kha ka lo hlip ang." Kun hniam in a kut phah pakhat ah chuan ka man a, ka pawh deuh dawt rual chuan min rawn en ve ta hram! A mit meng dul ruih leh sen deuh rum bawk si ah chuan beidawnna ka hmuh chian lutuk vang nge ka țhu hniam ve sawk sawk a, a biang ah chuan ka kut pahnih in ka vuan nghal chawt bawk.
" I țha em?" chu zawhna zawh atthlak zia chu mi á ber pawh in an hrethiam ang, mahse sawi tur dang ka hre mai rih tlat lo.

" MIN KAL SAN RAWH!" a rawn ti sup a, ka nâ zawk bawk!

"Eng vang in?"

" kan pahnih fa ka tihlum tawh, i mit a natna hmuh reng kha ka duh lo." a rawn ti hrawih, mit ka chhing a, amah pawh a rawn thaw chhuak ve hawm hawm mai!

" Hmingsang!"
" nang nen a chhungkaw din a, nang leh ka fate pawh țha tak a enkawl che u a, hmangaihna nen chhungkaw nuam tak din ka tum tih i hria em? Nang nen! Carlos leh i pum chhung a naute te nen kha! Mahse a tak ram a chan hma hauh vin ka kut ngei hian engkim ka ti chhe vek, ka chhungkua tur chu a rawn pian chhuah hma hauh vin kei hian ka tihlum! God! Tual that tu ka nih hi, MIN KAL SAN RAWH!" natuar hrep ang mai hian a rawn rum hrawih. kal san tur a min hrilh ta mai chuan min țhawng tak zet bawk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 5:53 pm

☆UTOPIA:1996☆
Chapter 37
By
Abbra Reo Ririni Khiangte ( Pitartei)

A biang ka dawm behna chu ka thlah nghal riai riai, a tukhum in washroom bang chu a nawr a, chung lam a melh zui ngur bawk!


Ka lung phu a chawl ta mai emaw tih tur khawp in ka nghilh duk! Mak tihna leh natna chuan ka beng a ti kiû chuah chuah bawk, inrua kan tlan dunna kawng ah nau ka chhiat palh a, chu ka nau chhiat zan vek ah chuan amah kal san tur in min hrilh thei anih chu! A thusawi in min tih nat lutuk vang chuan ka thinlung hi a puak darh mai dawn in ka hria! ka biang a mittui rawn luang thla lum pap chu ka hawi sawn pui a!

Kei nilo in Claudia zawk amah hnem tur bawk in a mamawh tawh zawk aniang tih ngaihtuah in ka chhung lam chu a rawn na nghal ngut ngut, a nupui in a uire san țum pawn a zan la la ah Claudia'n a hnem thei a, zanin pawh khan ka pasal thawh lai hre miah lo va ka awm laiin Claudia bawk kil khat ah a lo awm leh reng tawh!

"Inbual phawt la, zing lam ah kan sawi țha dawn nia." ka hrawk a nâ țúng, mahse ka aw ri erawh a pangngai phian, harsa zet in chil ka lem khawlh a, Arintei hmasa kha tun dinhmun ah hian ding ta se engtiang in nge a hmachhawm ang tih ka ngaihtuah a, ani kha chuan tlawm a duh ngai lo, natna hmachhawn pawh a duh ngai bawk hek lo, Hmingsanga'n amah kal san tur a a tih rual la la khan Arintei hmasa kha chuan a kal san nghal ang, a chhan chu a nu chiah khawvel ah hmangaih a nei miau va, midang a care chhete ngai lo!

Mahse tuna Arintei hi chu nu ani tawh a lawm! Kan fa kha nausen dang ang in rawn piang chhuak ve kher lo mahse a nu ka ni tawh, a tan.. a tan tal a pa hi ka dawh hram hram rih ang tiin ka infuih zui mawlh mawlh a, natna eng ang a tam nge ka hmachhawn ngai dawn hre rih lo mahila kan fa vang tal khan ka inti chak lui zel ang!

' mi â nu, i hnenah lo hlimna zawng in Claudia a pan san lai che hmuh i duh loh chuan tun ah hian kal san nghal rawh!'

' kan naute khan apa hi ka thlahthlam anih chuan min ngaidam ngai lo vang, chuvang chuan ka kal san dawn lo.'

Ka chhung lam a mite chu an inhnial nawk nawk reng a, a tu thusawi zawk nge ka ngaihthlak dawn pawh hre lo khawp in an i hnial thawm chu a ring a, ka hnem zawh ngang loh a vang in Claudia bawk min pan san ve ang tih ka hlauhna chu a nasa tual tual bawk.

" Hmingsang, ding rawh le i thuamhnaw kha ka lo hlip ang." ka ti leh sep a, a kut hrawl zet chu washroom chhuat ah a nghat hnawk a. Hmeichhi vei nei mang lova tal țhin khan hetiang thil hi ka hmachhawn ang tih vawi khatmah ka ngaihtuah chhin ngailo.

"Ding rawh le." a kut chu la kang in ka pawt leh dat a, thaw chhuak hawk chung chuan a rawn ding ve ta ruai ruai bawk. A tshirt hak lai chu ka pawt hlip a, a ni erawh a thaw hrawk hrawk reng thung, a pajama ka pawh thlak sak leh hnu ah shower ka 'on' sak a, tui inphuh sur sur chuan a kut a thisen kai chu a rawn phuh fai a, washroom chhuat chu thisen leh tui inpawlh in a sen nguk, amah a chet a tum miau loh a vang in shower gel chu ka kut ah ka hmet chhuak a, a taksa ah chuan ka hnawih kual thuak thuak a, ani erawh mel ngai melh in a ding khawng run thung. A ruih lai ani bawk a, a thusawi kha chu ngaihtuah zui loh hram hram ka tum a, lehlam kawng tak chuan tlawm thlak ka ti ru hle bawk.

"I boxer ka lo lak ang che, inthlak rawh aw." Shower ka 'off' hnu ah pawh a ding ngawi ngul, mahse a boxer lak sak tur in ka kal chhuak ta tho, ka kawr huh ve vek chu ka thing țhawt țhawt a, a boxer nen ka luh leh pawn che lo in a lo la ding reng a, thawk ka la nghal hak bawk.
"Hmingsang, inhru hul la, thuamhnaw lum inbel tawh rawh." towel inbang chu la in a lam ah ka lek hnai a, thaw suai suai chung in a rawn ban ve ta mai bawk.
"Tah hian boxer ka dah aw, thuamhnaw dang chu khum ah ka dah, ka lo va in thlak ve ang." Ka biakna chu hrelo ang hmak in a sam a hru hul thuak thuak a, keipawh washroom aţang chhuak in thuamhnaw hul ka la chhuak nghal sawk sawk bawk, ka kekawr hmawr a huh ve vek a, ka kawr hma lam zawng a huh dup bawk! Ka inthlak zawh fel vek hnu ah a rawn chhuak ve ta hram a. Nichin ang thlawt khan a rui tawh lo tih ka hre bawk.

" i kut kha tuam tur in min duh em?" a kut pahnih chu a hma zawn ah lek chhuak in a thlek vut a, lu a thing nghut bawk.
"A nih chuan mu tawh ang." ka ti leh sep a, "thuamhnaw i inbel duh em?"
"Aih." a rawn ti hmuk. Tukverh lam pan in a kal zui vut bawk a, side table chung a cigarette bawm chu a la kang a, ka ner ru nghal nawng mai!

"Mu ang ka ti ani lawm ni." cigarette pakhat a peh vá chu ka pawt thla hmiah, lighter a zawn ruk ruk lai ani bawk a, a rawn hawi dawr mai.
"Mu ang." ka ti leh sep a, min nin hmel fe in min melh zui khui bawk, mahse engahmah ngai duh lovin a kutphah pakhat hrawl tham zet ah chuan ka man a, khum lam pan in ka pawt nghal zat bawk, tha tho lo zet in min zui ve ta mai a, khum ah ka lawn kai hnu ah pawh a kut chu ka chelh reng, khum mawng lam ah a ding run chung in mi en ngur bawk.
"Lo mu rawh, ka lo kuah ang che." at thlak tih hmel zet in a rawn khi suk a, ka pawt leh dat tak chuan khum mawng lam aţang a rawn bawk kai a, ka kiu va in beng kang in lukham ah lu ka nghat a. Hmingsanga pawn lukham pakhat chu a rawn ban vut a, ka dul zawn ah a rawn dah a, rum țuah țuah chung a a rawn bawh leh tak ah chuan hneh zet in ka nghawng ah a hmaiin a rawn nawr a, a dar ah chuan ka kuah bet ve nghal vat bawk.


"Muhil la, zing ah kan inbe dawn nia." ka lu chu kan in a bek ah ka hmuiin ka nawr sak vang vang a, a rawn thaw chhuak nghal ham ham bawk.

" naute kha mipa nge hmeichhia anih i rin?" a rawn ti sup, kei erawh ka meng zau nghal kawk. Thawk a rawn la leh hawk a, ka nghawng bawr vel chu a sa nghal huam huam bawk.
"Ka hrelo."
"I pum chhung ațang an la chhuak ta daih sia vawt a ti ngawt ang." zawi lutuk in a rawn phun leh sup, ka kuahna chu ka ti nghet nghal sauh bawk.

" apa tinge ka taksa a insiam hma hauhvin min tih hlum a? He zawhna hi min zawh a chak ngawt ang." A rawn ti a, a taksa hrawlpui mai chu rawn țang nghal ţawlh ţawlh in a tawp ah phei chuan a rawn khur ti tih a! Kei pawh eng ka ang bik lo, ka mittui vang in engkim ka hmu phe ruai, mahse ka kuahna erawh ka ti nghet tulh tulh thung.

" naupang dang ang bawk a rawn pian chhuah a, chhungkaw neih ve a chak dawn tehreng nen! Kei lah chuan hnute tui vawi khat lek hne hman lo khawp in a chung ah khang thil kha ka thlen tir ta si!"

"I thiam loh anilo."

"Ka tihlum! Ka hma ka sial luat vang in ka tihlum." ka nghawng a hmai phum reng chung chuan a rawn rum hrawih, hnem mawlh mawlh tur ka nih tehreng nen sawi tur ber ka hre bawk silo, hlauh a nei ta emaw tih tur in ka nghawng chu a rawn nawr na zual a, eng emaw biruk san tum a ang ber bawk!
"I tihhlum anilo, Hmingsang hetia nangmah leh nangmah i indem ngawih ngawih reng chuan... naute pawh kha a hahdam thei bik dawn a lo a nia."

a ngawi ngul a! A lungphu rang lutuk chu a natna vang ani ngei bawk ang!

" engkim a țha leh vat mai ang, nangmah kha indem ngawih ngawih tawh lo la ka duh." ka ti sep, na zet hian a rawn thaw chhuak a, midang vawi khatmah ka la hnem ngai lo, chutiang bawk in midang te hnem na tur țawngkam lah hriat a lawi ka nei bawk silo. Kan hun tawn mek hi a hahthlak tak zet!

"Nizan a thil thleng pawh kha khuarel chhiatna ani a, thingkung rawn tlu kha lo dan tum pawh nila kan thei ngai dawn lo, kan dam a nga, naute dang ka pai leh mai dawn lawm." a dar chu ka tuai hauh hauh reng a, min chhang tawh lo, marawh chu a taksa țang țawlh țawlh reng kha a thalh dul ruai ruai a, ban a chet hrut rual chuan ka ip ru nghal chawih bawk, mahse ka dang lo, ka dul zawn ah lukham a dah kha a la sawn a, ka kawr hak chhan ah kut a rawn nghat a, a rawn hawi chhuak chuang miah lo, a kut chu chet leh in ka kawr hak chhung ah a rawn zen lut a, ka dul zawn ah kut a rawh nghah rual chuan ţap chhuak mai lo turin ka inseh ruh țang țang bawk, a rawn chul kual a, a awmdan lainat awm zet mai chu hmachhawn hreawm ka ti ngawih ngawih, a fa ka pai tih a hriat hmasak ber țum a a hlim hmel te, ka dul thep thlep mai hmangaih tih hriat tak a ahma a a nawr ngawt ngawt lai te kha ka ngaihtuah let zut zut a; a tawp ah phei chuan thawk ipik hmel lutuk in a rawn rum chhuak ta hrawih a! A in la hrang vut chu mittui kar ațang ka hmu phe fu a, khum mawng lam ah a tawlh thla deuh va, ka kawr chu rawn nawr tawm chho vin a hmaiin ka dul chu a rawn nawr nghal tawk! Insum hman lovin ka insut chhuak nghal hlawp hlawp bawk!

" naute, apa hi ngaidam hram rawh! I nat ka phal lo a sin, nangmah te nen chhungkua din tum in theih tawp ka chhuah tih tal min hriat sak rawh aw.!" Zawi lutuk in a phun mawlh mawlh reng a, a thinlung keh che aw ri te, beidawnna aw ri te leh inthiam lohna aw ri te chuan min țham hit sung sung reng a, ka hriatchian tak em em chu Hmingsanga hian midang zawng aiin a hmangaih te a hmangaih dan hi a nasa zawk daih, nasa tak a midang te hmangaih tu reng reng in natna an tuar nasa bik ziah zel a, an hmangaih te nâ tuar hmuh hreawm an ti zual in an mahni thleng in an nat phah ve țhin a, chutiang chu hmangaihte vang chuah vin a tuar theih bawk.


Zu a in bawk a, reilo te hnu ah a muhil ta mai a, kei erawh ka thaw huai huai thung, sana chek kauh kauh thawm chu ka ngaithla ren rawn phawt a, a mut ngheh ka rin tak ah chuan ka kiu va inbeng kang in a mut dan chu ka en a, hmui ka pet nghal fan fan bawk, a thil duh ber mai kuah tlat chung a mipa naupang muhil lai nen ka chan ta ber, ka dul zawn khum ah lu a nghat a, a ban hrawl zet in ka dul chu a khuap bet a, aaa, a pawm tlat ani zawk mah! Naute dang pai sak leh thuai thuai chakna in ka khat ta bawk!


Ka muhil nawn leh miah ta lo, khaw rawn var iar rual chuan ka mit thip lutuk tih reh tum in mit ka chhing zui vang vang a, mihring in a nun a thil thleng tur a hriat lawk bik loh zia chu keima nun ngei ah hian a lang chiang hle in ka ring, thla 4 hma lam zawng te kha chuan ka rilru hahna neih chhun chu ka nu tawp kha ani a, thil dang vang in ka rilru te kha a buai khat em em a, nitin pawisa neih tum a buai bak kha chu ka nun ah harsatna lian tham ka tawk mang ngai lo!

Tun ah thung chuan tu emaw in ka hnemna a mamawh a, hmangaih tu ka neih belh bawk a, natna ka la hmachhawn ngai loh te chen in hun reilo te chhung in thil tam tak ka hmachhawn a, engkim mai hi ka tan chuan thil thar ani vek ti pawn a sawi theih ang chu!
Hmeichhia mahnia a maltlat duh țhin khan pasal ka nei tawh a, hmeichhia anu chiah chhungkua nei khan pasal neiin chhungkaw thar ka din a țul ve tawh a, nitin sum thawh chhuahna tur zawng a buai tawh lovin ka pasal tan a rawng ka bawl sak a țul tawh dawn a! Thla reilote chung a thil lo thleng a tan chuan engkim hi a lain tham em em vek mai a, ka chak viau a ngai hle ang!

Ka phone side table a mi chu ka ban a, zing dar 5 a la ri lo hret, mahse khua a var țan tawh a, ka pang a kham hle thaw bawk.

Ka inbeng kang a, Hmingsanga erawh a nutui nangiang mai, ka dul zawn a kuah beh tlat na ban chu ka lak kan sak țhem țhem a, ka delh rei tawh lutuk vang nge ka ngum a na ngut ngut tawh, a harh tak lovah chuan ka lukham kham lai chu ka kuah tir a, a sam ah chuan ka tuai leh thuak bawk.

Khum aţang ka thawh chhuah meuh chuan ka tihrawl na țhum vang chuan ka ner ru sawk a, ka mawng bawr te hi a na ngut ngut thei mai! Washroom aţang ka chhuah leh hnu ah pawh Hmingsanga chu a lo la harh lo va, pindan chhung ațang ka kal chhuak țhem țhem a, midang pawh chu an la mu vek anih ka ring, inchhung chu a reh țhiap a, a lang thim deuh ruih bawk.

Kawilawn lam ah ka pen thla a, pawn boruak dang tel hip ila, ka harh deuh sawng sawng in ka ring.

"Arinte i va tho hma ve?" ka phu dawrh thei! Choka lam ni ngei tur aţang chuan Hmingsanga nu a rawn nui hak hak a, ka awm dan chu ka siam rem nghal vat bawk.

"I va phu nasa ve." A la nui reng, za lo te in ka nui ve ngawt bawk.
"Tumah in la tho lo emaw ka tia. " thingpui no a chawi a, a la nui sang tho.
"Zing țawngțai inkhawm ah ka kal țhin a, hei thingpui lo in ve rawh." a rawn ti leh a, lai ru zet in choka lam chu ka pan ve ta tho, counter hma a chair ah chuan țhu turin min hrilh a, thermo aţang thingpui a thli chhuak a, counter chung ah a rawn dah rual chuan ka thaw chhuak siai siai bawk, ka awmdan laih thlak zia chu ka tawn ang tawng tawh tu chiah in an hrethiam ang.

"Nizan i mu thei em?" ka ep ah a rawn țhu ve a, Ruatsangi nen khan enchian chuan an inang ta ber in ka hria.

"Umm." Dawt ka sawi tih a hriat loh hram ka beisei.

"Mama chetdan kha pawi ka ti lutuk a nia, i hriat thiam hram hram rih loh chuan..." a chawl dat a, thingpui chu dawt leh khalh in chiang zet in ka mit ah a rawn en ta bawk.

"Hmingsanga leh a pa hi an inchhun fuh lutuk a, an natna tam zawk pawh an lan chhuah tir mai mai ngailo, mahse an mi hmangaih te nâ an hmuh chiah hian an talbuai fo va, midang hmangaihn an ngah bik ka ti anih chuan lo enghelh tawk an awm mai thei, mahse hei Hmingsanga pa pawn a unau te leh a unau te fa thleng in a hmuh phak ah awmse a tih vang in a pawisa hmang in ram a lei belh zel a, a hmuh phak ah tu pawh a awm tir vek mai, a hmuh loh kar a chhiat tawk an awm ang tih mawlh a hlau țhin a, Chuan, Hmingsanga hnen aţang i hriat tawh tho ka ring kan fa tê ber hi motor accident in a boral tawh a, an naupan lai hian ania, kha mi țum a motor khalh tu kha Hmingsanga pa ani a, tun a Mama inthiam lo hmel leh kha mi țum a Hmingsanga pa inthiam lo hmel khan danglamna an nei tlem teh a sin, Rinsangi pawh kha ka pasal hian ama tihhlum ang ah a ngai tlat a, kha mi hnu aţang khan motor pawh a khalh leh tawh ngai lo, a nun kha a ipik em em reng a, aaa, tun a Mama awm dan ang chiah hi ani mai, mahse dawh hram hram tur in ka ngen duh che, țawngkam a hnem vak a sawt lo va, mahse mahni in awm fal tir lo la, zawi zawi in a thiam loh anilo tih a rawn pawm chho ve telh telh mai!" thawk la hap chung chuan min melh a. A mit meng chu a chuah hmel hle in ka hre bawk.

" nangpawn hreawm i ti ngawt ang, in lam ah hian inthlahrung lo la, i rilru thawven theih dan tur ber in awm tawp rawh a, ka lo paltlang ve tawh tho ani a, ka hrethiam lutuk che a nia." a ti leh a, counter chung a ka kut chu a rawn hum a, ka tim ru hle bawk.
" Nimin tuk thlam ah i tan lai khan signal a neih vel ah min rawn call a, a pum chu i sawh na lo nangin doctor țha ber ah check up neihpui nghal che a duh a, doctor hnen ah in hming lo va ziak lutut nghal tur in min rawn hrilh chuk chuk bawk a.." za lo te hian a rawn nui lui hak a, keipawh ka țah a chhuak țun mai!

" aaa, Pathian in a aia țha a pek pham tur che u anih ka ring tlat, kan tan ațha lo turin Pathian khian ro a rel ngai lo a nia." Ka kut a hum chu a rawn chulh zui heuh heuh bawk, nimin khan keimah aiin a harh hmasa a, a nu a bia tih pawh ka lo hre ve reng reng lo, choka hnung lam kawngkhar chhu a rawn ri zui rak a, Hmingsanga nu pawn a ban a sana chu a en nghal thuai bawk.
"E, hei dar a ri dawn, ka kal san ang che aw." Ka kut chu reilo te tak tak a hum vang vang a.
"Engmah lo tihpui a ngai lo a nia, duh leh inhnung lam ah te sawn lo va chhuak ve la." Ka kut chu thlah in a thingpui no chu a thawhpui a, choka hnung lam aţang nula pahnih an rawn lut ve hlawl bawk.

" Hrili , Hmingsanga nupui chu anih hi." Hmingsanga nu chuan a ti lang lang a. "Nimin in rawn thlen lai khan huan te an lo tifai daih a, an hmu ve chak lutuk che mawle." a rawn ti leh a, hmeichhe pahnih te chu en in ka nui ve a, an lai ve nge maw ni, an in sik zeuh zeuh mai!

"Arinte ka kal san ang che aw, Ţpa te nupa pawh an rawn tho ve mai ang." a puan bih lai chu a bih țha a, Carlos-a awm na zawh ka duh a, mahse han ko mai dan tur ka la hriat loh a vang in ka zam ru hle bawk.

"Ih.. n.. Carlos-a khaw nge a mut a?"
"Ka bulah a riak anih kha maw, he kawngkhar lo awm hamsa ber saw kan room aw, mut a duh ve reuh lutuk a." a tih zawm bawrh bawrh a, a inkhawm kal tur chu pawn thleng ka zui chhuak ve a, kawt ah chuan khawpui lang uar mai chu ka thlir vang vang reng a, Champhai hi ka vawi khat kalna anih mai bak ah hmar chhak lam hrim hrim ka vawi khat kalna ani bawk a, eng emaw zawng tak chuan a hlimawm ru phian bawk.


Inchhung ka luh leh rual chuan nula pahnih te khan min lo nuih leh var var tawh, ka no ken lai ka sil tur lah an phal der lo, min lak sak a, kan vawi khat inhmuhna țheuh ani bawk a, kan lai tlang vel vek in ka hria.

Hmingsanga nu in an room ti a a sawi kawngkhar chu a rawn in pawt hawng a, kailawn ah ka chho leh tur chiah pawh ka ding ve dat bawk.
"Mamma?" Carlos-a mit nuai nauh nauh in min rawn hmuh rual chuan ahmel a eng nghal kawk hial in ka hria.

"Mamma, i disappear ( bo) daih emaw ka tia." a rawn ti a, ka nui nghal hawk hawk bawk, ka lam pan a a rawn tlan terh terh chu ka lo țhu hniam ve vat a; min rawn kuah ve thak bawk.
"I mu tui em?"
"Umm, Mamma ka dream ah chuan maw sangha kan lo man leh a." a rawn ti a, ka nui lo thei țhin lo, a hmel țha reuh in a țawng dan a cute thei bawk si, ka pawm tum zet nangin ka intihnat palh ka hlau va, a ban ah ka chelh ta zawk a.
"Sangha i man chu a lian em?" Kailawn ah ka chhoh phui a, a pajama hak hmawr lam chu a rap thlep ve par bawk.
"Big tawk leh maw rainbow ang a rawng tam deuh deuh sangha ka lo man a." uar zet in a mumang chu a sawi ve lang lang a, Hmingsanga room kawngkhar kan thlen rual chuan au deuh tûng chung in ka kaihna chu a thing thla a, dimlo lutuk in kawngkhar chu a nam hawng ve pawp bawk! In lak chak hmel zet in a ban puam min han hmuh zui a! Ka nuih ta tawp!

Carlos-a thawm siam vang in Hmingsanga chu a harh ve anih ka ring, tho phang tih hriat zet in arawn hawi chhuak a, Carlos-a lah khum ah chuan rang zet in a lawn a, a pa chu a bawh nghal chuk chuk bawk.
" Junior." a aw a la hnawk țuak, khum ah chu a hmaiin a nawr leh vang vang a, kawngkhar ka khar phui hnu chuan khum lam ka pan ve a, nizan ai khan vawiin lam chu kan boruak ațhat ka ring ve ringawt bawk.
"I lu a ne em?" khum ah chuan ka țhu thla ve a, a rawn hawi chhuah leh rual chuan lukham ka kuah tir kha en in rum zet in min rawn melh nghal nghek ringawt, mit ka lo kan khum ak thung.
"He thil min kuah tir in i lo kal chhuak daih leh nghal." a ti hmuk, lukham chu a la kang nawlh a; khum lu lam ah a theh chhoh nghal daih bawk. Mipa naupang ti tau chiah chiah a ni mai!

Ka beisei ang ngeiin Hmingsanga nen pawh kan pangngai ta viau va, khum ah Carlos-a nen an inbuan leh a, mipa naupang ani bawk a, in hnek lem lem leh in bawhbet a rak tûng nuam ati reuh hle bawk.

" nizan kha i mu thei em?" a rawn ti sup a, Carlos-a nen an infiamna vang in a thawk lak a rang ve a, Carlos-a pawh a chau ngang a niang lukham kham ve at in a thaw ve hle hle mai.
"Mutui lutuk." A awi hmel vak loh in ka hria, Carlos-a mut na lam ah chuan a tawlh chho va, rang zet in Carlos-a chuan a lo kuah ve thak a. A fapa thlan ve hliam mai chu a kawr pawh tawm sak in a hruk sak mual mual a, an chevel chu an hmuhnawm tak zet!
"He tah lo mu ve rawh." Hmingsanga chuan a mut dan siam rem in khum chu a beng thuk a, ka fiam chak ta tlat bawk.
" nizan te kha chuan min ngaithei lo viau vin ka hria." A bul ah mut thlak pah chuan ka ti sep a, a rum nghut ringawt, a nghawng ah a ban a rawn rawlh lut a, a taksa leh lam ah Carlos-a a mu ve bawk a, ngawi reng in tiang chuan rei fe kan awm a, a nu sawi kha zawm ngei ka tum ru ve hle bawk, amah in awm tam tir lo ila rilru kawm a, a inngaihtuah pik tur pawh a zia zel in ka ring.

"Va intifai ve la, tho chhuak i la."
"Reilo te aw, ka lu a na reuh lutuk a." a rawn ti a, ka mut dan chu ka siam rem ve nghal vat bawk, chet ka harsat deuh chu a lo hrethiam ve ani mai thei, ka nghawng ațang a ban chu la chhuak in min pui ve vat a, a lu ka hmeh sak tak ah chuan thaw huai chung in a kut bawk chu ka rinchhan theih tur in ka bek hnuai ah a rawn zen lut leh mai a, Carlos-a pawn a pa lu ka hmet lai chu min lo en ve kiau bawk.

"Nizan kha khawi a mi nge i in a?" mit a chhing ruai ruai tawh, a rawn meng leh a, 'Claudia nen kan inhmu a' a rawn tih ka hlau leh hnuhnaw kher mai!

" room ah hian ka kawl a lawm." a rawn ti ta sup, ka bu nghat a, mit a chhing leh nghal daih bawk.

Carlos-a chuan a biang a hmul ţo vel chu a rawn khawih sak ve zauh zauh reng a, a chang leh nui hak hak chung in a pa hnar ah chuan a piai a, Hmingsanga pawh mit chhing reng chung in a rawn nui ve hawk zel!


Inhnuai lam ah kan pathum chuan in zui thla a; a nu zing ţawngţai inkhawm bang pawh a rawn lut ve hlawl a, nutling pahnih leh patling pakhat in an rawn zui lut ve bawk.

"Hei maw Carlos-a nu chu." a rawn ti lawng lawng a, min chibai dan dan bawk, Hmingsanga lo nui hawk chu ka chho melh a, a mit ah chuan min nuihzatna ni awm tak ka hmu a, intihel na lam nilo in ka che chhia a ti nge a eng ber in nge a nuih tiza ka hre chiah lo.

Kan zavai chuan țhutkhawmna lam kan pan ta diak a, Carlos-a pawh a pa malchung ah a țhu ve kak a, thlamuang tih hriat zet in Hmingsanga awm chu a ngheng ve ar ar a.
" an chibai rual che kha i biang a sen vek." Nula pakhat in thingpui a rawn chawi luh lai chuan ka beng bul ah a rawn phun sup a, ka en nghal ha bawk.
" tomato ang mai in!" chimawm zet in hmuiin phun chuan a rawn ti leh sup a, ka melh rum nghek bawk.

Puitling ho chu an ti ti mial mial reng a, Hmingsanga nu sawi dan chuan Champhai kan pan chhoh hma ni lawk khan Hmingsanga pa chu a tlangval laia a țhianpa ve ber, Tahan lam a pem ta damlo zual kan tur in a lo chhuak hman ani awm a, kan chanchin vel pawh an han hrilh ve tawh tho va, mahse keini lam chu ațha lam ani rih a, a țhianpa ber chatthla lek lem tawh chu awmpui rih turin Champhai kan tlen chhoh hma tuk khan a lo hrilh tawh ani awm a, nau kan chhiat tih an hriat hma deuh va inbia an nih vang in nau chhiat thu erawh a la hrilh lo niin a sawi.

Nileng in Hmingsanga nen pawh buaina kan nei lo va; in leng an awm neuh neuh reng a vang in a fal in kan awm leh hman miah lo bawk, a nutei lam leh ani te, a pate lam te an rawn lang reng a, an zavai maiin min ngaihsak hmel in min hnemna thu an sawi tliar tliar reng a, ka taksa a nawm deuh tak tak hun ah chhungkaw chaw ei khawm neih an rawt chamchi reng bawk.

" a û te an lo thleng." Carlos-a chu a tlan chhuak a, Hmingsanga a inbual a, u Ţpa car rawn tlan lut ve mek chu kawngkhar ațang ka lo en ve a, Carlos-a hi kum 5 ani ve tawh dawn a, school an la kal tir miah lo hi mak ka ti ru hle bawk.

Car ațang u Ţpa fapa Etahna a rawn zuang chhuak thar a, Carlos-a nen chuan indin chilh in eng emaw an sawi zui lang lang bawk, U Ţpa leh a nupui u Siankimi pawh an rawn chhuak a, min rawn nuih nghal var var bawk.

"I khua a lo har em?" U Siamkimi zawk chuan a rawn ti a, an chhungkaw school ah an thawk ve ve a, zing lam khan an chhuak diak tawh.
"Leng vak lo." a rawn nui hak hak a, u Ţpa hovin naupang pahnih pawn inchhung lam an rawn pan ve a. An țawng duh in an inngaih hmel em em reng mai, unau nimahse an ințhian kawm chawt ni ber in ka hria.

"Vawin eng nge a lo an?" U Ţpa chuan a rawn ti ve a, Hmingsanga chungchang a sawina ani tih ka hria.
"A țha tawh lutuk."
" umm, rui tawh lo se a fuh ber ang, a rilru a lian ve sia, a thawm a na bawk si." a ti hluk a, ka nui ta ringawt.
"I kal chhuak chak em?"
"Maw?" Ka ti hua a, a bag chu a kut leh lam ah khaiin a rawn nui suk bawk.
"In lamah awm ngawt ngawt i nin chuan naupang ho hruaiin kan kal chhuak dawn nia, vawiin tut tut lo ah pawh."
"Aw, a chakawm lutuk."
" dil pawh kan nei mawle; mahse a hla deuh va, chhungkua in kan la kal dawn nia." a ti leh mai a, Hmingsanga inbual zo pawh kailawn ah a rawn chhuk thla ve mek bawk.
"U school lam in tluang em?'' a rawn ti a, ka bul ah rawn ding in ka dar ah a rawn kuah a; a kut pawh tukin khan ka tuam sam a, thirtiang nghet tak a hum a, thir bawk vua anih vang in a force let khan amah a hliam na lo chauh.
"Tluang ani mai, in ah awm reng lo in Arintei pawh kal chhuahpui ve la."
"Umm, naktuk lam ah ka chhuahpui dawn lawm." A sawi zawh rual chuan ka en nghal vat a, ka bul ah a sawi lawk miah lo.
"Ka ni te leh putea te in vel ah kan leng kual dawn nia." a rawn ti sup bawk.
U Ţpa chu inthlak turin inchung lam ah a kal cho va, U Siamkim inthlak zo a rawn chhuk ve leh chiah a, naupang in thil ei an duh leh duh loh a rawn zawt zui lang lang bawk.

"Ka phone ka han check ve lawk ang aw."
"Umm, reilo la." a ti sup a, min kuahna a la sawn a, kawt zawl ah chuan kal chhuak in tu emaw a au zui nghal zat a, motor hunna ațang chuan mipa pakhat a rawn chhuak hlawl a.
"Motor ah hian part țha lai a la awm nual ang, thlawn la i hralh theih chuan hralh vek rawh, a ke te pawh hi thlawn la, thirchhe hralhna ah thir ho hi hralh vek bawk rawh, tah hian awm reng suh se." a țawng kam chhum hmuk hmuk vang chuan ka lo ner ru nawng a, driver chuan motor chu a thlek kual thuak thuak reng a, a bolero kha a la thar țhat teh reng nen thingkung khan a chung lam a rawn delh khuar tih loh chu a chhiatna dang sawi tur a awm lo, mahse zankhat thil thu an cheng nuai tel man chu a vaw chhe ta vek mak chu a nia!

Room chhung ka luh rual chuan ka phone ri tawp chiah ka hre hman hram! Rang zet in khum chung ami chu ka la kang a. Putara.. oh, ka pa number ațang missed call a lo awm nual.

Thawl la vak in ka ding ngawi ran phawt a, ka nu bul ah nau ka chhiat tih ka la sawi lo hrim hrim a, Hmingsanga'n a lo biak tawh leh tawh loh ka hrelo, chutih rual in hrilh ka huphur hle bawk, naute hmuh ve hman a chak zia thu a sawi uar em em a, ka chhiat tih hre leh se a nâ ve ngawt ang.

Phone ring ri chu ka ngaithla a, rei pawh a ring hma in ka pa aw hian min rawn chhawn a, ka ţang nghal țeuh bawk.

"Mate."
"I bul ah ka nu a awm em?" Ka ti thawr!
"Aw awm e, a be duh che a." a rawn ti sup bawk, a ngawi leh vang vang phawt a, kei nen in pawh tak a awm a duh tawh tih ka hria a, keipawn engtik ah emaw chuan ka la ngaidam em em ang.
"I nu chu be rawh aw." a rawn ti thawp sup, reilote hnu ah ka nu aw ri ka hria a, ka ngai tawh hle tih ka inhre thar kuar kuar bawk.
"Mate, i chanchin kha ka lo hria a ." Zuai raih mai hian a rawn ti a, khum tlang ah ka țhu thla ve riai riai bawk.
"Nu, ih.."
"Eee, rilru natna hmang lo ula; nakin lawk ah Pathian in a dang a pe leh mai dawn che u lawm." a rawn ti dam raih, nghet zet in kut ka hum ruh thung.
"Eng tin nge, nau.. nau ka chhiat tih chu in hriat a?"
"Hmingsanga'n nimin khan min rawn hrilh tawh zawk a, rawn biak nghal che duh viau mahila, aaa, hun thawl i mamawh rih ka ring a.. aaa.."
"A pawi lo, tun ah min lo biak tawh hi." Ka ti vat, a thaw chhuak ham ham ri chu ka ngaithla a.
"Nu.. ka tihpalh aw, mahse tun ai khan i hrisel țhat angai ania, ka naute pai leh hun ah pawh lawnpuina min hlan leh tho tur in ka duh che.." sawi zo lovin ka ngawi dat a. Chumi rual chuan kawngka in pawt phui dawr thawm ka hria a, ka hawi chhuak nghal dawrh bawk. Mahse tumah an lo awm lo a, Hmingsanga a rawn kal ani thei mai ngem? Ka nu nen kan inbiakna kha a rawn hria anih chuan mahnu inthiam lo bawk in a awm zui leh ngei ngei ang!

Ka rilru chu a buai leh nghal nuaih tawh! Ka nu nen kan inbiak lai pawh chuan Hmingsanga ngawt ka lo ngaihtuah leh țhin a, amah tihnat duh vang leh inthiam lohna nei tur a ka duh vang nilo tih tal hrethiam hram se ka duh tak zet!

Ka nu nen kan inbiak zawh hnu chuan room ațang ka kal chhuak a, inhnuai ah ka thlenthlak ve rual chuan u Ţpa te nupa in tv an lo en a, zanriah ei nan a la hma deuh bawk.
"Hmingsanga kha khaw nge a?" Zawh bik pawh nei lo in ka ti mawl tawp, u Ţpa chuan min en vut a.
"Room ah khan a rawn chho ve ani lawm ni."

"U Rinte, choka hnung lam ah hian a kal chhuak." Choka aţang chuan nula pakhat chuan a rawn ti lang lang a. Choka lam ah chuan ka lut ve nghal vat bawk.

Huan zau ang reng tak leh rem zet a lo awm duai a, thingkung ding phui kup pawh an upat hmel in he lai ram luah hmasa tu an nih zia a hriat theih bawk, Hmingsanga chu thing țhutthleng ah chuan min hnung chhawn zawng in a lo țhu a, bing hmel zet in hma lam a en ngur bawk.


A awmdan chu ka ngai chang reng a, a che chang lo va, kan awmna in hlat angreng viau mahse thawk a lak rual a a taksa che awk awk reng chu ka hmu chiang hle, Choka chhung lam ațang Carlos-a'n ' khawnge ka Mamma?' a tih tak nui nui ah chuan inher in choka luhna kawngkhar chu ka pawt hawng nghal vat a, ka luh hma in Hmingsanga bawk chu ka va en nawn leh kher bawk, a rawn hawi let ve chiah chu niin.

A rawn nui suk a! Thing hmun reh ruih hnuai leh a rawn nuih suk dan zawng zawng chu a pa hlawm tawp ani ber. Ka ngaihtuahna hun lo zet vang chuan ka țhen sak a.
"Bawihi, lut rawh keipawh ka rawn lut ve ang." a rawn ti sup. Ka thaw deuh huai bawk

"Rei lo la aw."

"Umm, ka rawn lut nghal ang." a rawn ti ve ta mai a, ţap lek lek a Carlos-a țawng nui nui reng bawk si vang chuan ka luhsan ta mai bawk.

"U Rinte, a buaithlak tawp, a chaw ei a hun tawh a, pek kan tum a 'Mamma nen kan ei dawn' a ti tlat a." Nula pakhat chuan a lo ti a, kitchen counter bul chair sang ah Carlos-a chu an lo țhut tir a, min hmuh rual chuan a lo men puai puai bawk.

"Ka lo țhutpui mai ang." ka ti a, nula pawh chu a kalsan ve nghal mai bawk.
"Eng nge i hmeh dawn a?"
"A û te khan artui an kang a, Mamma hei ka ei duh lo." Ka nuih ta tawp, Veg chu kawk va chung in min en kiau va, naupang zia ani ve in ka hria, keipawn ka naupan lai khan veg hi ka ei țha duh der lo.
"Ok, Artui kha ei la aw." Ka ti a, Ethan-a pawh nula pakhat in a rawn kuah phei a, chaw an in eitir ve tawh dawn niang, chhungkaw hung zet ah ka awm lohna a rei tawh bawk a, awmdan phung ka hlauh deuh hui a, a khat tawk a rawn leng lut an awm nak nak reng erawh nuam ka ti ru ve hle thung.


"...... nizan kha chu a rapthlak tawp, Khatiang khawp khan Hmingsanga thinrim kha ka la hmu ngai lo, a tana hriat nuam lo tur deuh in a nupui khan aţawng khum mai te ani lo maw!" mi thusawi ngaihthlak ruk a țha lo tih ka hre nangin Hmingsanga hming ka hriat tel nawk tak ah chuan Carlos-a chaw ei ngaihven reng chung chuan sitting room lam a thawm chu ka ngai chang reng a.
"Teh ngawt țhin a ka û, Arintei'n chutiang engmah a sawi lo vang, i vahpa hian lung len lam i unaupa a chhun fuh em a lawm, Rinsangi boral țum pawn Saia pawh a tal buai em kha maw!"

Choka hnung lam kawngkhar a rawn in pawt hawng thut a, ka phu nasa lutuk chu ka țhutna aţang ka tla hlawm tawp lo chauh.
Hmingsanga chuan min rawn nuih suk a, ka țhu rem a, sitting room lam thawm chu ka ngaihven leh viau nangin an duhtawk anih ka ring!


Zan dar 9 a pel tawh a, Hmingsanga unau dang neuh neuh an rawn leng a, u Ruatsangi te chhung pawh an rawn leng phei a, fanu leh fapa lian buang mai a lo nei reng tawh bawk, Carlos-a aiin an u deuh a tih vang khan kum 7 kum 8 tur vel ah ka lo ngai ngawt a; mahse kum 12 leh 13 vel an lo ni tawh a, a nu leh pa chhun tur an țha bawk a, an man han mai bak ah an hleutling dun em em a, an school naupang te thawhțan tlai tin test an neih țhin a, chung test result țhen khan subject teacher te țheuh vin u Ruatsangi hnen ah an submit dawn vang in dar 9 rik hma deuh vin min țin san a, Hmingsanga pawh khum ah a bawk duai a, phone a khawih mual mual reng bawk.

"Bawihi?"
"Humm?" Ka en vat a, khum ațang chuan a tho chhuak nghal hluai bawk.
"Hlimpuia te in ah ka han chho lawk ang aw, i lo kal ve duh em?" a rawn ti a.
"Eng nge i tih dawn?"
Ban a phar hluai ringawt!
"Sawi țha la."
" whiskey a in chak a niang, a kawl tawh si lo va." a rawn ti ve ta mai bawk.
"Kawmchhak lawk khi a nia, ka patea te in ah khian, i lo tel ve duh em?"
"Aih, midang zing ah awm vak nuam ka la ti lo va." ka ti a, min hrethiam zet in a bu ve ta nghut bawk.
Hlimpuia te in mai ah kal dawn inti siin a thuamhnaw hak lai a hlip mawlh mawlh a, t-shirt hran a ha leh a, jacket a la chhuak tel bawk, a thuamhnaw bawm chu a pawt hawng a, a shirt khai dul chu ahnawl tawm tawp a, hnung lam chu a lo la nawr hawn theih che u bawk. Awlsam zet in 100 pipers tih chuan kuau na Whiskey chu a rawn la chhuak a, a tuamtu lehkha khawng ațang chuan a la chhuak a, a thlek kual thuak hnu ah an inkhawp awm a ti ngei a nia nge, hmui ti sawi zauh chung in a thun lut leh a.

Nui deuh suk a min rawn en rual chuan zawhna mit meng in ka lo en let hâ thung.
"Rawlthar hlim in ka pa min hauh kan hlau țhin sia, tah hian zu vel dah țhatna tur ka siam tu ta tawp anih hi." A sawi tawp rual chuan atthlak tih hmel zet in a nui leh suk a, keipawh ka nui ve tho, a nghal ru ve hle ang tih ka hria, a zei viau bawk ang!

" i rei dawn em?" a thuamhnaw bawm a khar phui rual chuan ka zawt nawn leh hram a.
"Ka chiang lo, lo mu la."
"Umm, nizan ang kha chuan rui tawh suh aw."
"Ok Beauty." Khum lam chu a rawn pan a, rawn kun hniam in ka chal ah a rawn fawp zauh va. A ding mar leh a. Chappal satliah mai mai a inrawlh tak ah chuan ka ngaihțha deuh huai bawk.


U Mc-i nen kan in text a, Zothana hnen aţang nau kan chhiat thu a lo hre ve a, nimin pawh khan min lo text ngat ngat tawh nangin phone ka khawih tak miah loh vang in ka tuar nat a lo hlau ve em em bawk.

Hmingsanga ber kha ka lainat e.

* umm, a tuar thiam lo zawk ah a țang a, hnem vak dan ka thiam ngang silo.*

* aaaa,tiang ah te chuan țawngkam a inhnem in awmzia tak tak a nei thei lo, a thiam loh anilo tih i lantir theih dan ber chu i chetzia kha ani tih hria la, a hma zawng aiin duat ang che.* a va in la hre reuh tak!

aw le

* mipa zawk nimahse tuar theih loh chin an nei ve a, chak zawng ang in lang lui țhin mahse an rilru hi a nuapang rilru leh viau țhin a nia, naute dang pai leh thuai thuai thei la.* smiley ngeiawm zet a rawn dah tel a, ka ner nang thung.

" ka taksa a rawl lutuk a, naktuk lam ah inbe leh i la.*

umm, muttui aw, Hmingsanga chu hunthawl te kha pe thiam la, mahse thlahthlam miah chuang suh aw

Ka reply tawh lem lo, ka mawng bawr leh tai bawr vel a na deuh țan reng a, phone chu ka hmet thim a, lukham hnuai ah nawr lut in mit ka chhing nghal siai siai a, nie, hunthawl a mamawh rih ber in ka hria!

________________

Hmingsangzuala's pov

Ka hma a kawngkhar chu vawi khat ka ti ri dawt a! Rang zet in a rawn innem hawng nghal zat bawk!

"Rei ruai mai!" ti hluk chung in whiskey chhu Hlimpuia lam ah ka lek vut a, chak a pe na rei ruai lutuk a, a rawn țap lo chauh leh nghal!
"Glass ka rawn la chho vang, room ah lo han chho rawh."
"Phur sur sur maw." Ka ti leh hram; nui ruh ruh chung in kitchen lam ah a lut a, a room panna kailawn lam ka pan zui ve vut bawk.
"E, Claudia pawh a awm aw, test paper kan check a." a rawn au lang lang a, kei erawh țul tilo zet in ka ner nghal sawk thung.
"Mama, lo han chho rawh, chips hi kan nei tawh lo amawn le?"

Ka rilru pakhat chuan kawngkhar ah chhuak nal nal a, in lam pan tur in min rawn hrilh a, pakhat erawh in room ah chho va, Claudia chu awm ve lo ang ah ngai tur leh Hlimpuia nen whiskey in tawp turin min rawn hrilh thung!
"A lo la ding ka ti, ka nu zung tur rawn thawh hma in chho vat rawh." a nute mut na room mel zauh pah chuan a rawn ti hluk hluk a, ka bul a rawn thlen rual in glass pathum chu ka lam ah a rawn lek ve vut bawk.
"Paper check lai in he thil hi in i tum a maw?" ka ti nghut, glass chu la in kailawn ah chuan ka lawn chho ta tho bawk.

"Ka chak tawh em a lawm, ka chah ve lah kar tawp ah daih a rawn thleng dawn leh nghal."

" hei bak chu min dil tawh hlek suh."
" Induh hun chu i hre ve tawh maw, zan in chu in nghek teh ang, mark ren lo zet in han pe pawp pawp bawk ila." a nui hawk hawk a, a room kawngkhar chu a nem hawng a, a țum hnihna a tan waring na chhung lam ațang ka dawng nawn leh sak bawk.
" Bawihi ka ngaihtuah deuh va."
"A mu tawh ani lawm ni, pindan zim te ah inkhung chawt chawt lovin rilru tih thawven tum deuh teh." a rawn ti hluk a, kawngkhar chu a hawng fel der bawk! A sawi dik! Bawihi ka ning tihna nilo in a hmel hmuh hreawm ka tih lutuk vang zawk in a kiang ah awm harsa ka ti tlat a, thil thleng vang khan min demna thu sawi lo mahse a mit a natna erawh a thup bo zo ngang chuang lo! Chu thil chu hmuh hreawm ka ti ngang bawk.

"Wow!" Min hmuh tel ve rual chuan Claudia chu a rawn au hliai a, an thil khawihna dawhlan hlat ber sofa ka pan zui daih bawk.
" tlan chhiatna tur zawng ang mai!" ka awm dan chuan anuih a tiza pawh ani mahna! Ka care hran lo.
"Tikhan rilru kawm mual mual chung in lo in la, kei ni erawh in kan hna kan khawih zawm mai ange." Center table ah whiskey awmna glass rawn nawr hnai pah chuan Hlimpuia chuan a rawn ti ham ham a; ka bu ta nghut bawk!

Claudia pawn min rawn zar buai lo bawk a, glass no khat chu ka thawk khat pawp a, ka hrawk chhung a sa thla nghal huam bawk.

"Hey, ti vak khan in suh nizan ang khan buaina i siam leh mai ang."

"Ngawi hle hle teh." phun hluk chung in Hlimpuia chu ka va melh a, a lo nui huk huk thung.

Bottle aţang chuan ka galss ah ka inthlit chhuah leh a, Hlimpuia te pahnih erawh mark pek dan tur chungchang ah an inhnial nak nak a, kei erawh bing tak in ka ngaihtuahna a kal leh ngut ngut tawh.

Bawihi ţap thawm! Natna vang a a taksa khur te! A mittui luang te leh a hrilh hai hmel te chuan ka thluak a rawn luhchilh tup tup a, thawk harsa ţalh khawp in chung thil te chuan ka kawchhung lam thleng an rawn luhchilh a, min nghaisa nawk nawk ani ber!

Ka fa thisen hlawm mai anih lai pawh a ka venghim zo ngang lo chuan thana tawp in min siam bawk!

Mit ka chhin apiang in nausen duhawm lutuk mai ka hmu țhin a, ka kal hnaih dawn a piang in a mit mu lian kiau leh fiah zet a thlabarna leh hlauhna chuan min fan na ngut ngut țhin bawk, nausen mai mit ah chuan zawhna tam tak chhiar sen lo ka hmuh sak zut zut reng a!
' A pa tinge min tih hlum!'

'Pa Carlos-a ang khah ka mamma nen in hmangaihna ka dawng ve chak sin!'

' a pa, Carlos-a ang khan min pawm ve rawh!'

' pappa, ka rilțam tawh, mamma te te ka hne duh tawh!'

' pappa a vawt lutuk, khawnge ka mamma, a pum chhung lum ah khan ka awm leh duh tawh!'

Khiang a zawhna khi chhanna ke pek thei ngang loh a vang in chu nausen vei awm zet mai chu ka pawm thei ngai lo va, a mit ah erawh nu leh pa kut lum mamawh na, a dangro vang a hnute tui mamawhna te engkim! Engkim hnu zut zut reng siin chu nausen chu ka pawm kang thei ngai lo! A chang leh ka hmuh lai reng in thisen per sawk khawp in eng emaw in arawn tlak chawrh zel a! Chung chu ka mit hmuh lai ngei in a thleng vek țhin! A nu pum chhung lum ațang thisen hlawm mai anih laiin kei hian ka a lungphu ka tihtawp sak vang a min hremna ani tih pawm! Ka pawm thlap! Mahse ka fa kha ka tum reng vang a tina ka nilo, hrisel tak in rawn piang chhuak se, tawp chin nei lo khawp a hmangaih a pa hian ka inhuam em em reng zawk a! Chu erawh chatuan pawh in a thleng tawh ngai lo vang! Kei hian ka tihlum tawh miau va lawm!

A nu nen an in ang dan tur leh mit mu thuhmun nei a, mit mu lian kiau tur ten anu pum chhung ah a awm lai pawh khan ka sungtuah fo zel a, Bawihi'n mipa nge hmeichhia ka awh (t) zawk tih min zawh țum pawn, ka awh zawng ka sawi ang kan neih loh palh a min ven thawn ka hlauh vang in hmeichhia ka awt zawk tih ka hrilh ngai lo, ka chhungril erawh in amah ang chiah a nausen hmeichhia duhawm em em a awt a, ka kut ngei a pawm a, a muhil lai a ke ah fawp a, tihharh te ka chak hle bawk, anu ang maiin a ké a te a nga, a kutțang zawng zawng pawh anu ang chiah a te cute zet ni tur leh hum ve ţai tur te in ka suangtuah kual fo va, anu ang tak a mut duh a, chhung lam rilru nem em em tur te Bawihi a rai tih ka hriat zan aţang khan ka sungtuah kual țhin bawk!

Chung zawng zawng erawh Utopia ni tur in kei hian thisen hlawm, lungphu rawn nei ve ţan tir kha ka ti hlum tawh thung! Ka fa ngei chu a takram ah thleng ngai lo tur! Ka suangtuahna Utopia mai ah ka chan tir zo tawh!

"Bro, what's wrong with you?" Hlimpuia aw ri vut ka hriat rual chuan ka hawi chuak dawrh a, ka hmai bulah kutţang a lo hmet ri khap khap mai!

"In țeuh suh ka tih kha! Hei nangmah in bottel chanve i in vek tawh a nia." a rawn ti leh a, center table chu ka en nghal vut bawk.

" Oh."

"Ti teh, nangmah in tah hian țhu bik suh , i hlauhawm pha tlat." Glass ah inthit chhuah ve pah chuan a rawn ti sap a.

"Ka chhuk tawh mai ang."

" well! Khati chung khan in i thleng hauh lo vang."

"Hah, i û hi chutiang khawp in ka ruichhe hleinem?" ka ti hluk, a nui kur kur a, ka ding tur erawh ka pai chhawt teuh hle mai!

"Ka sawi kha maw? Lo țhu rawh, keini pawh kan khawih zo ţep, kan chawl lawk a nga, kan khawih leh chuan kan zo mai ang, ka dahthla ang che." a ti a, ka in hnem vak pawn ka lo hre lo va, ka inzat ka hriat meuh chuan ka vir muai muai lo chauh!

Hlimpuia chuan phone a hman tur thu sawiin pindan aţang a chhuak nulh a, sofa nghenchhan ah chuan lu ka nghat a, inchung lam ka melh run bawk!

" i țha em?"

" thawm siam lo la ka țha mai ang." Ka ti hmuk, a nui hak thawm leh chair in nawr hnung thawm ka hre zawm zat a, ka țhutna lam a rawn pan loh chuan a țha vek ani mai!

"Hnem tu i mamawh hmel em a?" Ka bul chiah sofa chu a rawn hniam suih a, tank top a ha tawp, kekawr tluan a ha thung, whiskey no chu ti che kual ralh ralh in a kiu chu nghenchhan ah chuan a rawn nghat ve riai riai bawk.
" min kal san rawh."

"Kha thu chiah kha kum 3 liam ta khan min sawi khum tawh." A glass vawt thler chuan ka khabe kual a rawn nawr a. Ka thluak nu bulh bulh tih reh tum in ka thaw chhuak ham ham thung.
"Min hel reng tur in tuman an hrilh lo che a nia." A kutțang in ka khabe ruh kual a rawn tawh zai zai rual chuan a lam ah ka thle buk a, a nui hmel pawh ka hmu phe ruaih mai!

" ka hel lo che."

"Oh, Hmingsang; min hel lui tih chu nang leh kei hian ka hrechiang a lawm." Za zet in a nui hawk hawk a, a bawp khawkher țha pah chuan ka mal a rawn nawk nghal zat bawk.

" i hre sual anih chu." ka ti hmuk, ka phone ah reng lai chu a rawn ri a! Ka kut zawi hnuang chuan ka kekawr ipte chu ka dap ve dun dun nangin ka hmai zawn ah phone screen a rawn eng nghal va.
"I nupui anih ka ring." Claudia chuan nuihzat hmel zet hian a rawn ti a, a kut aţang phone chu ka phih thla nghal vut, a ni erawh a nui ri har har reng thung.

Screen a hming rawn lang chu hmuh chian tum in ka bih ngur ngur a. Ka hmuh chian rual in a ring tawp ve chiah bawk.

Mahse a rawn call nawn leh nghal a!

" aw Bawihi."

' bawihi!' Claudia chuan a lo ti ve sep a, ngaihven lo zet in sofa nghenchhan chu ka ngheng țha sauh sauh bawk.
"Hmingsang, 12 a pel tawh a." tim dai in a rawn ti a.
"Umm, Hlimpuia'n min rawn thlah dawn lawm."

"Ka rawn hruai dawn che mi?"

"A ngai lo, lo mu rawh, ka rei tawh dawn lo."

"Aw le." a rawn ti ve mai a, phone chu ka off em tih pawh hre lo in ka malchung ah ka hmet bet nghal thuk bawk! Ka thisen a lum bulh bulh reng a, ka thlan rawn chhuak ţiam ţiam reng a vang chuan lum ka ti hle bawk! Hlimpuia teh hrep pawh chuan tunge a biak ve khang lang ni!

" I rilru buai lutuk kha ka tih reh sak thei che." Ka beng chu hmui lum in a rawn nawr a, a phur sar sar ri chu ka hre vuat bawk.

" a hma ang bawk khan keimah ah hahdam na i hmu leh thei a nia, khatiang a rilru buai reng a awm nge i duh khang i thawk ipikna te kha theingilh?" Ka beng kawm vel chu a rawn nul kual dan dan a, ka beng hnuai a thlen rual chuan zei zet in a lei a hmang tel a, ka kawchhung lam sa huam huam reng chu a hma zawng aiin a rawn sat belh a! Chuthil chu hria in a rawn nui lum zui hak bawk!

ARINTEI's pov


Ko tu awm ang maiin ka harh hlawl a, ka dang ro huam vang chuan khum ah chuan țhu chhuak in khum bul side table a tui chu ka ban rawk rawk a, bottel chhin pawh ka hawng hlei thei der lo.

"Tinge maw ka khurh vak le." Ka ti hlak, bottle chhin chu ka hawng a, ka in zui nghal khawlh khawlh bawk, ka inzawh meuh chuan bottle chu a ruak der thei mai!

Hmingsanga mutna lam chu ka melh a, a lo la ruak huai bawk, ka mut dawn khan dim light ka ti hlum tel ve lo va, pindan chhung chu a eng thim deuh raih a, ka harhhlawk vang khan ani hial ang, ka thin pawh a la phu dawt dawt.

Lukham hnuai a phone chu ka la chhuak a, dar 12 am a lo pel fel der tawh, Hmingsanga chu inthiam lo tak siin ka call ta tawp, nizan ang khan a talbuai leh ka hlau ber a, ngaihven hrim hrim pah ani mai tiin ka inhrilh mawlh mawlh a; call vawi khatns chu a chhang lo nghal pang! Mahse ka call lui leh tho.

Harhfim lo tih hriat zet in min rawn chhang a, mahse Bawihi a rawn tih tel tak ah chuan nizan ang khan a awm lo tih ka hrethiam a, ven khat in ka veng huai mai!

Hlimpuia'n a rawn thlah tur thu a sawi vang in ngaihțha vak lo chuan phone chu ka ti tawp a, ka mu leh nghal dawn lo tih leh a lo haw hun ka nghak ang tiin ig ah ka lut a, ka wall hmasa ber ah chuan Lawmzuala te chhung an rawn lang nghal va bawk.

Kum khat an tlin nan kar hnih kan la mamawh e tih caption ah a lo hmang a, thlalak hmasa ber chu an chhungkaw lanna ani a, a dawt leh erawh a nupuiin an fate pahnih chu a pawm a, an fa te pahnih hmai leh a hmai a insi chial, a tawp ber ah Lawmzuala'n kawr ha lovin a fate chu a pawm a, he tah erawh naute chu lo chhiah nui tu an awm ani ngei ang, chiang zet in camera an melh a, an nui hmel a lang chiang ngang bawk! Lawmzuala pawh kun lek lek in a nui ve suk a, țullo tawp in ka dul chu ka khawih a, mahse engmah natna tur ngaihtuah ka duh lo.

Hmuh in nuam lutuk tiin ka comment a.

Thlalak dang ka wall arawn lang ho chu ka en kual vel mai mai bawk.

*DM kha en ta che Pitarte." Lawmzuala min rawn reply na ka chhiar zawh rual chuan phone kil sir lam chu ka melh vat a, DM 8 ngawt a lo awm. Rang zet in ka lut a, țhenkhat chu vai te an lo ni a, a țhen erawh an dawr follow tur a min ngen na te a lo ni hlawm, Lawmzuala bik chu ka hawng a.

ka û țhianpa Police officer in i awmna min rawn zawt a, ka hrilh a nia, midang hriat i hlau viau nangin a ngaihtuah hmel lutuk che a

Ka nui tawi tak a! Hman zan an hotel ah min awm tir zan kha ani tih ka hrethiam mai! Kha zan khan ka ruih lutuk vang in engtin nge Hmingsanga khan min rawn hmuh tih lam ka lo care der lo.

Thank you. tih zawng in ka reply a.

lawmthusawi na ka dawng tlai hle mai. smiley a rawn dah tel a, a nelawm loh lutuk țhin a vang in kan in vel ah a rawn kal chang pawn ka lo en mawlh deuh tawp țhin, ka nu erawh in a be siam siam a, bul zet in a chhan let chang lah a tam, tun a mizia nen chuan dang tak ani tawp!

Darkhar rik dawn ah pawh Hmingsanga thawm hriat tur a la awm der lo! Kawmchhak lawk ani tho, ka han hruai mai ang, ti rilru mawlh mawlh chung in kailawn ah chuan ka chhuk thla sawk sawk a, midang an mu reh vek tawh a, light pawh pakhat chiah an lo chhi a, kawngka pui ka nem hawn rual a ka thil hmuh a vang chuan ka tawp nghal chawt a! Hmingsangzuala chu Hlimpuia leh Claudia te'n an rawn kuah kal a, ka thin a phu nghal dawt dawt bawk!

"Room ah kan chhoh pui mai dawn mi?" Kawngka hma ah an rawn ding a, Hlimpuia chuan min en mawl tawp, Claudia erawh in min nuih sak thung, anuih zat vang anilo tih erawh ka chiang.

"Umm," ka ti tawp. Ka tawlh sawn a, Hlimpuia chuan a kuah lut a, Claudia erawh ka hma ah tak a rawn ding nghal zat, a sam a hnawk deuh niah a, ka ngaihbel vang ani em ka hrelo.
"A taksa i enkual sak dawn nia." A mit min kan khum ak in a tawlh hnung leh a, nuam tih hmel zet in anui ri hak kher bawk.

Hlimpuia a rawn chhuak a, min mangțha mawlh mawlh in an let leh mai a, an kal liam thleng chuan kawngkhar bul ah chuan ka ding mawl tawp!

Claudia a tel ve vang em ni phur zet a a thuamhnaw te kha a thlak leh kher!

' a taksa i enkual sak dawn nia!' tih chu ka thluak chhung ah a ri tluk tluk a, thil țha sawina ani lo tih ka chian lutuk vang ani ngei ang, ka sa nghal huam huam bawk! Pindan kawngkhar chu ka nem phui a, khum a Hmingsanga thawk la suai suai chu ka melh ngawt ngawt tawp!

Claudia nen an awm dun tih fiahna hnuhma ka hmu anih ngat chuan tuar hreawm khawp in ka thinlung a nâ leh dawn tih ka hria a! A jacket hak te chu ka phelh sak ang nge phelh sak lo vang, Claudia kuttin ham na a taksa hmun tin an lo awm ta thluah se! Mit chhing sawk chung in ka thaw chhuak nghal kawk a!

Khum lam chu muang zet in ka pan a, light pangngai Hlimpuia khan a lo hmet eng kung tawh a, khum bul a ka din rual chuan țham tawk ang chiah in ka taksa chhung chu a rawn nâ thip hlur a, puak darh tur ang maiin ka thin chu a rawn tawt tup tup bawk! A nghawng ah hmeichhe lipstic a kai niah, a khabe hnuai ah te pawh!

Thawk ka la vak a! A taksa i enkual sak dawn nia!' Claudia aw chu pindan chhung ah chuan a rawn ri nghal nuaih nuaih a, ka mittui rawn tla ringawt chu ka kut in ka hui tawk a, ka thawk chelh tlat chung in Hmingsanga tshirt chu ka nawr tawm chho va! Min tina zual tur bak engmah ka hmulo!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 5:53 pm

☆UTOPIA:1996☆
Chapter 38
By
Abbra Reo Ririni Khiangte ( Pitartei)





A V line awmna thleng in lipstick chu a lo kai anih chu! Ka thisen luan dan danglam nasa lutuk vang chuan ka bing nghal chur chur a! Khum chung a mu mek ka pasal chu ka melh ngawt ngawt bawk, engtin nge heng hnuhma langsar lutuk nen hian a rawn let theih! Claudia nen an awm dun tih a sawi ngailo in hmu se; amah chhuhsan se min tihna ani thei mai ngem!

Ka hmuh sual te anih ring in mit chhing chung chuan thawk ka'n la leh ham ham a, ka men leh rual chuan at hmel zet in ka nui tawi ta tak bawk, natna nge thinrimna zawk tih pawh hriatthiam theih loh khawp in ka thin chu a rawn tawt tup tup a! Inseh ruh țeuh chung in ka thaw chhuak leh hawk bawk! Natna nilo in thinrimna a ni ngei e!
Ka taksa chhung thinrimna rawn in mungkhawm mup mup chuan ngaihtuahna hran hran min puttir zut zut a, ka thinrim reh hma chu a hmai ah hian nâ lua awm lo in ka beng chawrh chawrh chak hluah hluah bawk, a sam ah keh a, a hmai ah theih pa tawp a ham bawrh bawrh a, pilh phung a siam ka chak ta ber!


Hlimpuia khan khum ah a vang zawngin a lo mut tir miau vang in a ke lam rawn lawr chhuak chu ka theih tawp ana in ka pet sak ta nghek, a rawn rum țuah țuah ri ka hriat leh lek phei chuan a taksa chung ah lawn kai a, ka ngaihtuah zawh chiah tak ho kha tih zawm mawp mawp mai ka chak hluah hluah, thinrimna vang a ka taksa chhung tawt țun mai chuan ngaituahna fim min put tir thei ta lo, a taksa chung ah ka țhut kai rual chuan na zet in a chhip sam ah ka țham sak nghek a! A rawn meng ve ta hlawl bawk!

"Bawihi? " a rawn ti țûak a, keilah thinrim lutuk ka ni bawk si nen a aia na in ka kek leh nghek a, a sam na zet a ka pawh sak a piang in ka thin chhung tawt lutuk chu an reh țhen ve zel in ka hria, tawp chhin miah lova ka keh bawrh bawrh tak ah chuan thaw chhuak hawk chung in ka ban rek ah a rawn man a, a rawn nui deuh suk bawk ani chu!
"A thip a nia." tih zawng a rawn sawi, mit a chhing leh nghal daih bawk.
Na tih loh hmel lutuk a mit achhing leh nghal daih te chuan min ti tawt tup tup a, ka ban rek aman loh lam chuan ka pawt leh nghek a, thinrimna vang a kawchhung tawt lutuk vangin in ka rum chhuak hial bawk! Ka theih tawp a ring in au chiam chiam ila, amah hi sawisa hrep bawk ila ka awm a nuam theih chauhvin ka ring.

"Oh, thinrim suh, zanin bak ka rui tawh lo vang." Nuihza aw zet hian a rawn ti a, ka lungawi lohna a hmu thiam der bawk silo, chuthil chuan min tina ngut ngut a, muang zet mit a rawn meng ruai ruai bawk, a mit ah nuihzatna a rawn lang a, chuthil chuan ka kawchhung lam aţang min hmet khur nghal dar dar bawk.

"Thinrim lo la, zanin hi a tawpna tak tak!" Ka ner nghal sawk! A zu in hi ka thinrim chhan bulpui ber anilo, a taksa a hmeichhe hmuih hnawih kai kual thluah zawk hian min tina ngawih ngawih, mahse chung thil chu hrelo ang hmak in zu a in tawh loh tur thu chiah a rawn sawi a nia! Ka thinrimna a rawn belhchhah zual sauh tih leh ka sahal huam huam tih zawng ka hria!

"Min melh suh!" ka ti țhat, a nui che dawt a, ka theih tawp a na in abeng ah ka pawh sak leh nghek tak ah chuan rum nghut chung in a rawn in beng kang a, a biang ah tak ka beng chawrh chak zek zek bawk.

"Ka rui tawh lo vang ka tih chu! Zanin hi a last na aw, ka duat tawh ang che, kan dam a nga, naute dang i pai leh vat mai dawn lawm tiraw, naute nangmah ang deuh ka duh aw.." a nui deuh suk a, chung a nui hmel pa zet te chu ka haw hlur.
"Nangmah ang deuh, ke tereuh te leh kut tereuh te nei ka duh.. nau puan in kan han tuam bo ve vek a nga, ke a rawn leng ve bat bat zel a nga.." thaw huai chung chuan a rawn nui che leh dawt a. " naktuk aţang chuan nangpawh tun aia nasa in ka ngaihsak tawh ang che, ummm? Ka rui tawh lo tak tak ang." A thusawi te chuan ka thawk a ti chham zo dawn, engang pawn min duat tur thu sawi mahse hmeichhe dang awmpui thei tu hi hnaih leh pawh ka chak nek lo, Claudia nen an awm dun reng laiin kei lah chuan buaina a siam leh ang tih hlau reng reng in ka lo ngaihtuah em em reng a, hmeichhe dang nen an awm dun reng lai a lo nghak tu ah ka ţang bik chuan min ti tlawm ngawih ngawih!

" Tinge min neih?" ka aw a khur! Ka thinrimna vang zawk ani tih ka hriat chian a vang in pawi ka tilo! Ka zawhna a vang chuan a harh deuh kawk pawh ani mahna, ka mit ah tak a rawn en ve ta a lawm!

"Sawi rawh, tinge min neih?" Inseh ruh tlat chung in ka melh ngawt ngawt.

"Ka hmangaih che vang in!"

"Aih, min hmangaih lo." ka ban rek a thlah rual in ka kawng ah a rawn vuan a, ka vanvadak nghal daih thung. Ka hrawk chhung a rawn na ngut ngut a, țah chhuah hawk mai ka hlauh vang in thawm siam lo turin ka insehruh nghal fan fan, Hmingsangzual pawh chu a ngawi ngul a, a taksa chung ah ka țhut kai miau a vang in a thawk lak zawng in ka taksa chu a che ve awk awk reng a, ni hnih leh zan hnih chhung a thil thleng hian min ti chau vin ka hah hluah hluah, khawvel ah kum 23 ka awm chhung a ka nun ipik ber țum ani hial ta ve ang!

" hriat ngai loh in ah min hruai lut a, min hruai lut tu ber lah in min ngaihsak leh chuang bawk silo, eng a tan nge min neih? Midang inchhung ah inthlahrung tak a awm a; i duh hun hun a i ruih san mai mai tur ringawt in maw?" ka kawng a hmerna a rawn tih nghet salh rual chuan ka kâ aţang ka thaw chhuak ham ham a! Chil ka lem khawlh khawlh reng bawk.

"Ka hmangaih che, ka neih chhan che pawh ani bawk!"

"Aih, naute vang chiah khan mi nei!" ka aw chu a ring fiak țhat, ka duhthusam phei chu ring tak a au khum tawn tawn a, a taksa rem lai lai ah ham a, thisen chhuah hial khawp a sawi sak ka chak hlur a, mahse an in ah ka awm miau va, ka ti thei lo, thawk lak rang hlawp hlawp chung chuan ka chhuk en leh a, a mit ah chuan natna ni awm tak ka hmu, mahse ka ngaipawimawh tawh bik lo. Ka thin chhung na thip hlur te, tlawm ngawih ngawih na te hian huatna chiah pai a duh tawh miau va tin ni!

"Naute vang khan min nei! Min neih chhan ber a awm tawh loh tak ah chuan chhe te pawn min ngaihsak tumna i nei leh tawh lo." rang lutuk in ka kut pahnih in ka hmai ka hup zui thawk, ka dul zawn a rawn khur zui hlawk hlawk bawk.

"God!" a rawn ti hluai. Chu a aw ri te chuan min tian zual sauh.

"A dik lo vem ni? chuvang chuan ani lawm ni nizan pawn nangmah kalsan tur che a min hrilh." ka sawi zawh rual in a awm ah ka beng nghal thlawp, ka mit phe ruai vang chuan a landan ka hmu chiang thei tawh lo.
" hetiang reng reng a nun buai chuar neih ai chuan inthlah zalen mai ang, ka peih tawh lo." ka kun a, a awm ah na zet a ben leh ka tum nang in tha ka neih tawh loh lutuk vang in ka nam ta nghek, a rawn chet vut rual chuan hneh lutuk in a awm ah ka bet zui nghal thlawp bawk, mahse hmeichhe dang hnuhma awm thluahna taksa hi ka si chak chhe te lo, ka talh zui nawk nawk a, a bawp hrawl zet a min kherh beh tel ve rual phei chuan tum eng ang mahila ka tal chhuak mai mai dawn lo tih ka chian lutuk vang in a aia nasa in ka tal zui leh nawk nawk, mahse ka tai bawr a rawn nat tak zawk ah chuan mit chhing sawk chung in ka tawp ta riai riai a! A lungphu ri dawt dawt leh a pangtilum vung vung te chuan thawk a ti ipik țun a, lungpui kar a tang ang maiin min kuah khawm vek bawk si!

" i sawi dik, naute vang khan ka nei che tih ka pha lo, a chhan chu ka chelh beh theihna chhe hmanraw awm chhun a ni miau, ka fa i pai tih ka hriat hma zawng khan chelh beh tlatna chhan tur che ka nei lo, tihluihna hmang a neih ngawt theih i nilo tih chu ka hriatchian tluk zet in i inhriatchian kha." a rawn ti a, ka zawi vek, naute vang a min nei tih amah ngeiin a sawi chhuak ta ngei e!

" I ropui hle mai." ka ti a, au khum nghek ka duh nang in ka aw chu a ri che che, a rum hawk a.
"I ropui hluah hluah, tun ah chuan naute a awm tawh lo bawk a ka zalen thei i tihna ah ka ngai a nge!" ngeiawm zet in ka nui chhuak hak kher bawk.

" chu thil chu i duhdan ani tak zet em?" A aw rik dan chu ani ruih, min kuah khawmna pawh a thlah thawl ta ruai ruai a, rang zet in ka țhu chhuak nghal hlawl bawk.

" i duhdan zawk ani lawm ni, ka hmel i hmuh peih tawh lo vang a ni lawm ni i hmeichhe awmpui nu nen in chetna hnuhma engmah tireh lo va i rawn let.." ka ti a, at hmel zet in ka nui chhuak hak bawk. "Ka lo nghak ngei dawn che tih i chian lutuk vang in ani lawm ni i chetna hnuhma i taksa ah a awm tih hre reng chung a i rawn let, hmu ngei se min ti ani tiraw?" ka thusawi awmzia hriatthiam loh hmel lutuk a min en ngur tu chu chil chhak khum țhawt ka chak hluah hluah, kawmchhak lawk a kal mai tur si a inthlak leh chuk chuk chhan te pawh kha Claudia nen an awm dun dawn tih inhria in lan mawi loh a lo hlauh vang lek ani a, atthlak zet in kei lah chuan hun thawl a mamawh ni ah ka lo ngai a! Huh! Hmeichhe dang nen awmdun tur lek a kal chhuak a lo ni phiangsen thung!

"Min thlah rawh." ka ti nghek, a taksa aţang ka let sawn tur chu ka khel ah a rawn man bet tlat a, lipstick a kabe ruh kual vel a kai thluah mai ka hmuh reng chuan ka luak khum nghek zawk mai ang.
" i thusawi awmzia kha ka hrelo.?" A rawn ti sup.
"Mi â ka nilo Hmingsangzual." a awm ah bawk ka beng leh thlawp, ka kut chu a man kawp a, ka thinrim lutuk vang a taksa sa huam huam reng chu a sen țawlh ţawlh thei hial ang.
" mi â i nilo, mahse i thil sawi kha engmah a awmzia ka hrelo."

"Tenawm lutuk."

"What?" a rawn ti hluk, khum aţang chuan a țhu chhuak hlawl a, ka taksa hnung lam ah kut a suih beh miau vang in ka awm sawn ngawt thei der bawk silo.

"Tu hmeichhia mah ka awmpui lo."

"Tu hmeichhia mah i awmpui lo, Great! I taksa hmun tina Claudia lipstick kai thluah hi engtin nge ni dawn?" a hmai bul hnaih chet chawt ah ka nui lui sak kher bawk. Eng emaw hriat chhuah nei ni awm tak hian a rawn thaw chhuak ta hawk a! Ka sawi kha maw! Tenawm lutuk mai!

Ka tal leh rual chuan min man beh pawh atum tawh lo, min kuah behna a thlah rual deuh thaw in a taksa chung aţang chuan ka let thla a, min man leh ang tih hlau ang hrim in khum aţang chuan rang lutuk in ka tho chhuak bawk.
" naktuk zing ah keimah in ka haw thla ang, i chhungte bul ah chuan zan ah kal chhuak in hmeichhe dang i awmpui tih vel sawi tumna ka nei lo, ka duh zawng chu min dang lo la, ka hmuh theih ah rawn inlan tawh bawk suh ang che." khum chung ah a țhu ngawi reng, kawngkhar lam ka pan a, dim te in kawngkhar chu ka pawt hawng a, kawngkhar ka nem phui leh rual chuan ngheng rawk chung in duhthawh lutuk in thawk ka la zui vak bawk, phatna tur engmah a hre miah lo, chuthil chuan min tina tawh pawn ka hrelo, ka â deuh chhuih tiila a dik ber zawk ang, thawk la ham ham chung chuan ka ding mar a, kailawn lam pan in ka kal zui nal nal bawk.

Choka hnung aţang inhnung lam huan ah chuan ka chhuak a, an nula te riahna in te fel at pawh a reh țhiap mai, kawngkhar chu ka nem phui a, thim zing ah chuan hma lam panin ka kal lui zel bawk, thingkhung lian zet ding thim mup chu ngheng in thawk ka la zui leh ham ham a, ka ngaihtuahna chu a ruak hung a, ka tha erawh a khur dar dar reng thung!

Intihharh tum chuan ka hmai chu ka tuai deuh puat a! Claudia-i'n min nuihsawh lai te, a taksa en kual sak tur a min hrilh lai te, Hmingsangzuala'n engmah sawi tur hre lo va min thlah tak tawp lai te! chhung thil zawng zawng chuan min rawn hual tuau tuau va, ka kawchhung lam ipik mup mup reng te nen chuan thawk chhuah harsa khawp in boruak thim chhah mup in min hual a, na zet in ka hmai ka hup leh ta chawt bawk.
"Kal bo rawh u." Ka ti hap a, Claudia nui hmel chiang zet a ka hmuh leh rual chuan na zet in thingkung chu ka tauh zui chawrh a, hneh lutuk in ka taksa chu min rawn phih nghal dawrh bawk!
" i duh tawk thei em? Inbe teh ang."

"Kal bo rawh." ka ti nghek, a taksa hrawlpui ah min kuah beh leh rual chuan ka tal zui nawk nawk a, a chak bik lutuk bawk si chu a hnungzang ah te ka ham nghek nghek bawk.

"Bawihi, duhtawk rawh, i chau mai mai."

" Ka hmu peih lo che." a awm ah min kuah beh tlat vang in ka ţawng ring thei lo mah mah!

"Claudia nen kan inkarah engmah a thleng lo."

"Hmingsangzual!" ka ti tawk! Rapthlak ka ti lutuk!
" min rin a ngai." zawi sup in a rawn ti leh a, a hmui lumin ka chal a rawn nawr rual chuan mumal lo lutuk in ka tal nghal nawk nawk mai!

"Duhtawk rawh!" ka dar ah a rawn man a, min thing nawk bawk.

" Ka sawifiah thei, min ngaithla hmasa la." a rawn ti leh a. Lu ka thing nghek thung.
"Bawihi."
"Ka hmuh phak loh ah awm rawh." ka ti sep, ka dar a vawnna chu ka phih thlak sak a, rang lutuk in ka inher nghal daih bawk, anih loh chuan a hmuh laiin ka ţap chhuak thei mai ang, reilote chhung in hmeichhe rilru nem lutuk ah min siam hman a, he nihna hi a chang chuan ka haw tak zet! Mihring chak lo te hi ka haw hluah hluah țhin, tunah erawh Hmingsangzuala vang teh hrep hian ka chak lo va, hmeichhe awm nem zet te ang maiin ka mittui a chhuak hma em em bawk, ka mittui rawn luang chhuak mai tur dankir tum chuan ka vanvadak a, mit ka khap zui sak sak bawk! A thaw ham ham ri aţang chuan ka hnung lawk ah a la awm ve reng tih ka hria, mahse ngaihthlak tih vel ka tum lo, natna nasa zawk min pek tak tak hma in ka haw san ang, chu zawng chu duh ka nei! Reilo te chhung ngawt pawn natna ka hriat ngai reng reng lo ka tuar phah reng a, ka peih tawh lo!


" Claudia nen khan sex kan hmang ang in i ngai em ni?" a aw aţang chuan nâ a tih hmel thlawt! Mahse ka chhang let lo, bing zet in hma lam ka melh ngar tawp.

" ka kut hmawr pawn ka khawih lo, ka in hnem deuh a vang in ka chatthla bawk , chatthla chung chuan hmeichhe dang sex ka hmanpui theih i la ring cheu em?" Ka chhan let miau loh a vang chuan a rum chhuak hawk a, ka tukhum lam a za uaih bawk.

" min khawih suh." ka ti nghek, hnung lam aţang min rawn kuah khawm a, ka darah khabe a rawn nghah leh rual phei chuan ka kiûvin a nak leh taksa rem lai dang ah ka nghawk zui nghek bawk.
" min ring rawh, tu hmeichhia mah sex ka hmanpui lo."
"Ka ring hlawl lo che!" ka aw rikdan ngeiawm zet chu pawi tihna ka nei lo, a hmaiin ka nghawng chu a rawn nawr tawk a, a chhip sam buk lai chu ban in ka kek zui nghek bawk.
"Min khawih suh, kal bo rawh."
" ka phatsan lo che!"
"Oh, anih chuan i taksa a hmeichhe dang hnuhma awm tluah kha engtin nge i sawifiah dawn?" Ka sawi zawh rual deuh thaw chuan ka tal leh nghek a, min thlah lo chiang lutuk bawk si te chuan ka thin a ti rim hlur mai!
"Khathil kha sawifiahna tur i neih hma chu min be suh, min be miah suh, ka hmu peih bawk lo che."
"Bawihi ka chatthlak lai a thil thleng anih hi engtin nge ka hriat bik ang."

" i hriat hma chu vawi khat pawh ka taksa rawn tawk leh tawh suh."

Min kuah behna a thlah rual chuan ka thaw chhuak hawk a, mahse ka dar ah rawn vuan in amah nen inhmawchhawn turin min kuai her leh ta hram. A nui ri deuh suk ka hriat tel rual chuan a awm ah ka chum nghal nghek a, ka ban rek ve ve ah a rawn man chawt bawk.
" ka nupui i ni tawh a, nupui nei reng chung in engvang ngawt in nge hmeichhe dang sex ka hman pui ang." Ka lo tal leh nghek rual chuan nghet leh zual in ka ban rek chu a man kawp a, ka thawk rang lutuk vang in ka thawk lak zawng a piang in ka taksa te chu a che awk awk bawk.

" Mawh? Nupui ka neih reng laiin engvang ngawt in nge hmeichhe dang ka nupui pawh nilo sex ka hmanpui ngawt ang?"

"I hrechiang khawp ang chu!" Dingdi hlip meuh in ka au khum nghek a, a rawn phun hluk bawk.
" hriat loh pakhat i la nei, kawppui te phatsan țhin mihring ka nilo." a rawn ti nghut, a aw chu zawi viau mahse a sawi mai mai lo tih lang chiang tur khawp in a tak run thung.
" ka nupui i nih chhung chuan keihian vawi khat pawh ka phatsan lo vang che, ka nupui nih i duh lo va, min phatsan hmasa anih chuan thu hran!" a rawn ti leh hrawih, Zosangi chanchin a sawi tel bawk in ka hria.
" tun ni hnih kal ta khan ka ngaihsak tawk lo che tih ka hria, ka thiam lo tih ka pawm bawk, thil thleng vang khan inthiam lo tâwp pawh nimahila ngaihsak reng tur che ka ni, ka theihtawp chhuah in ka duat leh ang che."
"Aih ka haw duh."
"Bawihi." Beidawng tih hriat lutuk in a rawn rum a, a awm zawn ka melh mawl tawp.
" Claudia kha ka kut hmawr pawn ka khawih lo a sin!" a rawn ti leh tâwk bawk.

"Naute vang chauh va min nei i nih kha, a awm tawh lo va, kan inkar pawh tawp rawh se." Ka kâ aţang a ri chhuak che che, Hmingsangzuala chuan min en ngur tih pawh ka hria, keimah ka nihna vang a min nei anilo, a fa ka pai vang chauh va min nei ani, chuthil tluk a tlawm thlak chu a awm tawh kher lo vang!

" Min hmangaih ve loh vang khan ka nei lui thei ngai lo che." kal pel tum in ka pen hma chiah a, mahse a thusawi vang chuan ka ding leh dat thung.

" min hmangaih ve lo, kha vang khan min nei turin ka nawr lui thei ngai lo che, a hma lawk in i chungah thil pawi lian tham lutuk ka thlen tir tawh bawk, ka fa i pai tih min hrilh țum khan ka chelhbeh theihna che awm chhun ani tih ka hre hmasa ber, min hmangaih ve miah lo tu ka hmangaih tlat bawk si ka neih theihna kawng awm chhun chu naute kha ani a sin, min duh! Chuthil chu ka hria, a tawk ka ti rih em em bawk, a chhan chu ka fa ngei i hring a nga, chu mi rual chuan zawi zawi in min hmangaih ve thei bawk ang tih ka suangtuah tel fo vang ani! Min kal san tur a ka hrilh chhan che kha i hre duh em? I mihring hmangaih miah loh fa i pai vang in lohtheih lohin min nei a, nau i chhiat rual khan i mi hmangaih miah loh lak ata tal chhuahna hun remchang i nei tawh! I kâ ngei aţang min kalsan i duh thu i sawi ri hriat ka hlauh vang a sawi chhuak ka nih kha!" a tawp lam phei chu a kawchhung aţang a rawn chhuak ţawk ţawk. Na zet in a rawn thaw chhuak leh hawk a, sawi ve tur engmah ka hrelo, ka duh tih a inhria, ka hmangaih lo tih pawh a inhre bawk.

"Sawi tur dang i la nei em?" Thim zing ah a taksa hrawlpui rawn che vut chu ka hmu fua, ka hma ah tak a rawn ding thim nghal hmiah!
"Sawi tur ka la nei, min kalsan suh!" a thusawi chuan taksa chhung lam a nghawr dawt, phawk zet in ka chho melh a, a thim lutuk vang in a hmel landan ka hmu chiang thei lo, ka hmangaih lo tih a inhriat reng te chuan tinge amah kalsan tur a min hrilh leh mai loh.

"I â deuh vin ka hria." ka ti ta tawp! Chubak engmah sawi tur ka hre miau lo!

" ka â tawh, chuvang tak chuan min kal san suh."
" i duh leh Claudia bul ah chu thil chu sawi la ti nia." Ka ti hlak, a rawn thaw hawk a, ka dar ah a rawn man zui chawt bawk.
" Bawihi, min ring hram rawh, ani kha ka khawih lo." Ka hmai bul chet ah a rawn kun hniam a, a aw pa zet chu ka fiah hle bawk, tihngaihna hrelo zet in a awm ah ka nam ta dat a, awmdan tur min tihrelo tak zet!

"Ka hrelo; eng nge rin a rin loh tur tih ka hrelo." A chal in ka chal a rawn nawr rual chuan mit ka chhing nghal daih a. "Ka ring che ngem tih ka hrelo." ka sawi zawh rual deuh thaw a a rawn rum ri chuan min tina tel ve hial in ka hria, ka chal ah min nawr reng chung chuan thawk a la halh halh a, mihring dawt sawi chi ani lo tih ka hriatchian tluk zet in a aw nghet churh ah khan dawt pakhatmah a tel ve lo, mahse! Ka hrelo, awlsam tak a enliam a pawmdam harsa ka ti!

Washroom chhung a shower in phuh sur sur ri chu ka ngaithla mawl tawp! Couch ban ngheng in ka țhu thluang diai a, washroom kawngkhar chhung lam aţang lock a rik rak hnu ah pawh bang lam ngawt ka melh lui a, Hmingsangzuala pawh ngawi reng in a rawn chhuak a, a sam huh towel pakhat in a hru mawlh mawlh a, a che kual vel chu ka mit sir ru hram bawk, zing dar 3 a hnai tawh a, mahse inbual tur a ka hrilh vang in a inbual leh hnuhnawh a, chumi vang ngawt chuan ka lungawi tum mìah lo bawk.

" khum ah han mu la." rum zet in ka melh nghal nghek a, a lu huh hru mawlh mawlh chung chuan kun hniam in a nui suk bawk.

" i inbual vang ringawt khan ka ngaidam lo che."
"Ka hria, mahse khum ah hian mu rawh."
"I thu lo." ti hlak in ka hawi sawn nghal daih a, min nuih leh tih pawh ka hria, min be reng anih chuan ka thinrim lutuk vang in kut ka thawh leh duh mai ang.

A thuamhnaw bawm lam a pan a, pajama leh sweatshirt a inbel tawp a, light pangngai a hmet thim a, pindan chhung chu a eng thim nghal ruih bawk.

"Khatia i țhut reng chuan i kawng a na leh mai ang." carpet ah chuan a rawn țhu hniam ve a, na deuh tak in a biang ah hian ka lo beng chawrh zawk mai dawn mawnle.

" Bawihi." A hmai in ka ban bul a rawn nawr rual chuan eng khaw sawi set set lovin a sam ah ka pawt leh nghek a, ngeiawm bawk si, awmze nei lutuk bawk si hian a rawn rum chhuak kher anih chu!
"Hmela, i chatthla ani lawm ni, tunah pawh khan min si min si lovin khum ah khian han lawn la, chatthla leh rawh." a rawn nui chhuak huk chu ka melh nghek ringawt!
Nuihza in sum tih hriat lutuk in min en reng a, kei lah a chet dan engpawn min ti thinrim hlur tawh mai bawk si!
" hmeichhe dang ka mutpui anih chuan ka **** hi i tan dawn ani lawm ni?" a la nui tho.
" ka haw lutuk che."
" ka hria lawm, mahse khum ah rawn mu rawh, i taksa tihreawm zawng in awm suh."
"Rawn mu ve miah suh." couch aţang chuan ka ding a, ani erawh carper chung ah a la țhu.
"Ka sawi chu i hria em? Rawn mu ve suh."
"Ok!" a ti ta sup, khum lam panin ka kal nghal nal nal bawk, ka kawchhung lam tawt țûn mai hian inhnial hrep a la inpeih at a, mahse hnial theih loh khawp in tlawm zawk ah a țang zel bawk si, khum ka lawn rual in puan in ka inkhuh sawk sawk a, ka inlukhuh nghal daih bawk, reilote hnu ah ke pen thawm a rawn awm nghal a, rang lutuk in ka inkhuhna chu ka theh hlip nghal pawp a, Hmingsangzuala lo kun mek chu rum zet in ka melh nghal nghek bawk.
"Rawn mu ve suh ka tih kha."
"Lukham pakhat hi ka la dawn lawm." a ti a, a kut in lukham pakhat lak kan tum in alo hum reng tih ka hmu chiah!
"A țullo, lukham tel lo in mu rawh."
"Bawihi,"
"Eng nge, nge ni a khum ah hian i mu duh zawk em ni? Khum ah hian mu la, tah khuan ka zuk mu ang." Ka thinrim bawk si chu ka țawng zawt zawt niber in ka hria, a ding mar ta vut a; ngawi reng in couch lam pan chuan a let leh nul nul a, min hnial țha duh bawk silo, lukham pakhat hian ka vawm zui pawp chak hluah hluah!


Mit ka men leh rual chuan parda zimte lo kau a ţang khua a var tawh tih ka hmu a, nizan khan thinrim tawt țun chung in Hmingsangzuala ham nek dan tur te, a sam a keh bawrh bawrh dan tur te leh țawngkam ngeiawm tak tak aţawngkhum dan tur te ngaihtuah kual chung in ka lo muhil ve ani ngei ang, ka mit kham țâng mai tireh tur chuan ka maimitchhing leh vang vang rih a, washroom kawngkhar inhawngri vang in mit ka meng leh ta chauh bawk.
Hmingsangzuala a rawn chhuak a, ka melh zawk a, inchung lam ka melh leh daih a, nizan khan lukham tello in couch ah a riak tak tak bawk.
" i tho harh peih em?" a hmai huh hru mawlh mawlh chung chuan khum sir ah a rawn ding a, chhang lo in ka thaw chhuak hap bawk.

Ka awmdan chu a hrethiam ani ngei ang, min be tawh lovin tukverh lam a pan a, parda chhah zet inzar thim ruih chu a hnawl hawng a, darthlalang chhan aţang chuan boruak thiang kuk mai chu a langchiang nangiang mai! Darthlalang hlai zet pakhat chu a nawr hawng a, boruak vawt a rawn thaw lut nghal vuk vuk bawk.
"Nizan ah ruah a sur a mi a?"
"Dar 4 bawr vel khan." a rawn inher a, a landan pangngai thlup te chu ka lo ngei leh hmanhmawh tawh, couch ah chuan ațhu thla vut a, a ke rek chu a khup pakhat chung ah nghat in min en run bawk, ngawi reng in khum aţang chuan ka tho chhuak ve a, tuk dang ang in taksa nâ țhum ka nei lo ringawt pawh chu ka thawveng huai mai.

Washroom kawngkhar ka nem hawn thleng chuan Hmingsangzuala'n min en zui reng rih ka hria, mit sir pawn en lo mahila ka taksa hnung lam za uaih uaih ațang hian ka hrethei! Washroom ka luh fel rual deuh thaw in rang lutuk in ka tlan chhuak leh a, a mit bul vun chuar awm a Hmingsangzuala lo nui deuh suk chu ka pan nghal hlawk hlawk bawk.
"Hmela!'' ka ti nghek, couch nghenchhan chu a ngheng dawt a; chimawm lutuk in min melh bawk.
"Ka thuamhnaw saw eng vang a chiah huh vek nge i nih?" ka ti leh nghek, hriatthiam loh hmel zet in washroom kawngkhar inhawng huau lam chu a thlek vel a, ka haw hlur tih zawng ka hria! Bathtub ah tui dah khat lung in ka thuamhnaw a lo chiah huh vek anih chu!
" sawi rawh." A mal chung ah hian lawn kai a, keh nghek ka chak zia chu pui tak ani tawp!
"Ka chiah huh lai ka hre miah lo."

"Uggg, ka haw ngawih ngawih che." a taksa ah ka lawnkai rual in a taksa rem lai lai ah ka ham a, ka chum zui pawp pawp bawk, a kawchhung ah hian ramhuai hovin inkhawmpui an nei leh tawh anih hial ang.
"Min kalsan lohnan ka lo chiah huh anih kha!" ka khawihna chu nâ a tih hmel loh kher mai, ka hnung lam ah a rawn man a, hahdam hmel zet in couch nghenchhan a ngheng leh nghal daih bawk.
" I mak e mai!" A dar ah ka beng leh ţawlh tho. Ka thinrim lutuk hi lanchhuah tir dan tur ka hre tawh lo hial in ka hria.

"Ka hmangaih che." a rawn ti sup a, a â tawh tak tak in ka hria. "Ka hmangaih che." thusawi leh kan awmdan in persan lutuk a vang chuan ka nui chhuak hawk a, a thusawi khan nuihna tur a awm miah lo, mahse ka nuih a za tho.

"Ka hmangaih che, chuan ka thusawi ngaithla rawh." a rawn ti leh sup bawk, ka lo ţawng tur chu thatchhe zet a lu thing nghut in mi lo ti tawp a, a mit thim ruih ah erawh ngenna ka hmu chiang hle, engmah sawi buai tawh lo chuan a mahchu ka en reng ringawt.

"Ka hun kal tawh ah khan kha hmeichhia khan min phatsan lo se chuan ka dam chhung in atan chiah khan ka nung ang, mahse phatsan ka ni a, ka talbuai ta reng bawk, mahse khang ka talbuai chhung zawng zawng pawh khan hmeichhe pakhat lak ah chiah ka inhrithla țhin, nang i rawn lang a, ka taksa chhung a ruak zawng zawng hnawhkhat thei tu awm chhun i ni bawk, chuvang tak chuan ka ta i nih a, i ta nih ve bawk ka inhuam, mifel famkim ka nilo, mahse mi pakhat ah lungawi zo lo khawp a hmeichhe mamawh ka nilo! MIN RING LA, I TAN CHIAH KA NUN PHAL RAWH!"
"Ka rin theih nan che i duh duh i sawi thei a lawm."
"Ka mit ah hian en rawh." a taksa hnaih turin min kuah nghet thut a, a aw ri hrawih chu hriat nuam tak ani lo.
"En rawh, bumtu i hmu em? Phatsan tu pawh chu i hmu em?" Ka mit ah tak min melh lui tlat a, a mit thim khup leh a taksa ang mai a lumna ngah tih hriat lutuk ah chuan rei ka en thei lo, ka hawi sawn a, thaw hrawih chung in ka bek ah a rawn vuan nghal chawt bawk.
"Ka mit ah en tur in ka hrilh che kha! Nangmah phatsan tu chu zawng ta che." a nui deuh suk a, a aw ri erawh chuan ka tiril a man tlat! Ka rin zawh thlawt loh a vang a natna! Thukdik a sawi lawm lawm hnu ah pawh ka hmuh kan sak zel a vang a na tihna! Amah ring tur a min duhna leh a thusawi zawng zawng nem nghenna te ka hmu zut zut ni ber in ka hria.
"Kryptonite ka mit ah en rawh." a rawn ti leh tâwk, na deuh in ka bek a vawnna ban rek chu ka hmer a.
"Phatsan tu che chu i hmu ta em?" a rawn au ti tih a, lu ka thing nghek thung.
"c'mon Kryptonite ka bia che."
"Duhtawk rawh." ka ti tuar, a khi deuh suk a, a chal in ka chal a rawn nawr zui nghal tawk bawk!
" ka nupui hi phatsan na chhan tur che ka nei lo, chu chu hrereng rawh." a hmuiin ka hmui a rawn si nghal zat, ka hmui hnuai a rawn pet a, ka tukhum ah chelh leh in a lei sa huam mai chu a rawn luh tir a, min hrem tum ang hrim in a rawn chet zui ngawng ngawng a, a thaw luam huam huam leh a chetdan duh thawh zet a vang chuan ka thawk a chham lo chauh!
"Beast khan vawi khatmah Beauty a phatsan ngai lo, chuthil chu i hrechiang ani lawm ni?" ka hmui hnuai a la pet reng, ka thaw chhuak nghal ham ham thei mai!

"Kryptonite." a aw zawi ruih mai chuan ka kawchhung lam a țham za uaih, ka hmui hnuai a rawn seh zauh rual chuan ka kâ chhung a al nghal palh a, min thlah a, rum lutuk a ka melh laiin uluk zet in min en ngur thung. Ka hmui hnuai lam chu a thip hlar, khatia inseh kher kha ațul der silo.

"Vawi khatmah min seh tawh suh."

"Ka ta i nih kha, ka duh leh ka ei zo vek ang che." a rawn ti hmuk anih chu! Ka melh ta nghek ringawt.

"Chhuk suh." a rawn ti sup, ka meng kual ralh thung.
"Chhuk suh ka tih chu." a taksa ah min kuah bei nghal thlawp, couch nghenchhan a ngheng dawt rual chuan chak hmel zet in a rawn rum chhuak a! Ka sa nghal pup bawk.

A thawk lakdan a rawn rang a, a mipatna ka țhutbeh mek chu a k**** telh telh tih ka hre bawk, a ban hrawl zet pahnih a min kuah bet tlat vang in ka che sawn thei der bawk silo, ka lu chiah chet in ka han chho en a, couch nghenchhan ah lu a nghat, chil a lem rualin a hrawk bawk a che ralh ralh bawk.
"I taksa chhung sa hiam ah khan ka rawn lut chak lutuk!" A kap chuan min rawn do na zual sauh va, nui suk chung in min rawn chhuk en nghal run bawk, a mit thim ruih leh a hrawk a thisen zam lang kulh ka hmuh rual chuan a awm ah ka bei nghal daih a, a rawn nui che leh dawt bawk.

Ka sam chu a rawn hui kiang a, a hmui lum in a rawn si zawm zat bawk, a rawn nul kual a, ka beng hnuai ah a tawp rual chuan a rawn thaw lum zui ham ham a.

"Duhtawk a chetpui nan che chuan a la hma tih ka hria, ka nghak rih ang, mahse inhremna hreawm ber ani ngei dawn tih ka chiang." A thusawi chuan a awm chhung aţang min nghawr dar dar, a thawk lak dan rang zet chuan ka thawk a tisa ve phat bawk.

"Mama, i pa țhianpa chu a boral ta nih chu, i pate a hovin kal ve țha kan ti deuh va." Inhnuai kan inzui thlak rual chuan a nu chuan a lo ti nghal zung zung a, Hmingsangzuala chuan choka ah min kuah lut a, a nu pawh a rawn lut ve nghal zat bawk.
"Nu, ka pa țhianpa chu a tu ber kha nge ni a." a ti sup, counter bul chair sang ah min țhut kai tir rual in ka hma counter chu a rawn nem nghal run bawk.
"I pa Hluna mawle, Kan inneih țum pawn țhian ah hial a hmang a, upat tawh hnu ah an chhung pem bo ta diak bawk si, a hun hnuhnung lam tal chu kan nupa a thlahliam a ti deuh anih kha."
"A zilo hle mai, driver kha in hrilh tawh em?"
"Umm, i ni te ho pawh an insiam mek ang, Arinte i lakah pawh a inthlahrunawm rum rum mai ka ti." a rawn ti leh a, nuapang chhia zet in lu ka lo thing nghek ringawt, Hmingsanga nui deuh suk chuan ka chet dan atthlak zia a rawn nem nghet zual sauh.
"Nu, a pawi lo, ka pa nen in rawn let rual a nga, palai lam pawh kan buaipui nghal thei mai dawn lawm." a nu chu a bu nghat a.
"Arinte, ka ngaihsak loh vang ah che ngai suh aw."
"Chutiang in ka ngai lo." thaw huai hmel a pu ve deuh in ka hria, counter hma lam aţang chuan ka kut a rawn chelh a, kan pahnih chu Hmingsanga chuan uluk zet in min en ve reng bawk.
"Kan rawn let leh vat dawn nia, i pa pawn a hmu ve chak tawh thu che a rawn sawi ve reng a nia." a ti a, ka bu ve ta nghat bawk.



A nu chu insiam turin room lam ah a tlan lut a, an nula te'n thingpui min rawn pe a, Hmingsanga zawk in pa Hluna hmel ber a hriat tawh miau loh a vang in album en a rawt a, thingpui no chawi chung in țhutkhawmna lam kan pa zui ta mai bawk.

"Heng zawng zawng hi album vek maw?" Ka ti hliai, nui suk chung in lu a bu a. Cabinet pakhat hrawl tham zet chu a pawt hawng a, album ah chuan an lak kum a inziak kulh hlawm vek.
"Ka pa țhian chhungkaw thum ngawt khi lam a pem lut an awm a, a tu ber nge ka hre der lo. Yeap! Tah hian a awm ang." album chhan zet pakhat chu a rawn la thla nawlh a, a hmel pawh a hlui ve hle tawh lehnghal.
"I naupan lai thlalak awmna khawi hi nge."
"1989 kum inziahna ah khan."
Rang zet in 1989- 1992 tih chuan kuau na chu ka la thla a, a rit nawlh tham leh nghal! Hmingsanga pian kum anih vang nge mawni anu raipur lai thlalak a lo awm hmasa ber a, a nu raipur lai thlalak in phek ruk vel chu a khat a, ka keu leh chiah a, hospital chhung tih hriat zet in doctor leh nurse an awm țhap a, Hmingsanga nu in Hmingsanga a nei zo hlim a nih hmel, nause puan a tuam a pawm a, thlalak a lang ho zawng zawng chu an nui sang vek! Ka keu zel a, thuamhnaw engmah inbel lo va khum ah a mu lai te, a ţap lai leh a hnute hne lai vel a lo awm zel a, u Ţpa leh u Ruatsangi ni ngei turin an pawm lai te pawh a awm țeuh! A nausen lai aţang a lian hrim hrim tih ka hrethiam ta chiah, a lo ber ah a pian hlim pawn kg4 vel tal ani ngei ngei ang.


Inchung lam aţang thawm a rawn awm dawp a! Hmingsanga album en lai pawh a hawi chhuak dawrh bawk, Carlos-a ţap tûng ri a rawn chhuah leh rual chuan center table ah album chu dah in a tho chhuak zui nghal vut, kawngkhar ah a ni te an rawn luh ve chiah a vang in ka tho ve ta lo.
"I nu chu a inpeih ve tawh em?" an rawn ti lut lang lang a, keimah chiah lo chhang tur awm chhun ka ni bawk si!
"A hman ţep ang, a insiam mek anih kha." ka ti vat a, ka awmna lam chu an rawn pan a, zahzel ah Hmingsanga album kal san tak kha ka ban ta ngawt bawk.

"Arinte, Champhai lam chu nuam i ti em?" ka en nghal vat a, a patea nupui zawk in min lo nuih sang.
"Umm, nuam ka ti lutuk."
Eng eng emaw an unau ho chuan an sawi a, an țhianpa boral ta chungchang an sawi tak daih ah chuan Hmingsanga nu te inneih thlalak chu ka keu kual vel ta mai mai ringawt, black and white ani nangin a hun lai na na nâ chuan an hmang ropui ve hle tih a hriat a, ka keu zel a, a tawp lam a ka thil hmuh chuan min ţhawng kher mai!

Ka nu a lo lang ve reng anih chu!

Ka en chiang leh ngat a, ka nu ani tak tak! Naute a pawm a, a bul ah mipa pakhat leh Hmingsanga nu an țhu ve bawk!

"E, min lo nghak reng tawh elaw?" an room aţang Hmingsanga nu rawn chhuak chuan a rawn ti zui lang lang a, ka thil hmuh mak ka ti lutuk chu ka meng phawk ngawt in ka ring.
"Arinte, khawnge Hmingsanga kha?" ka bul ah a rawn țhu a, chil ka lem hma sa dawk a, an ni chhungkua leh ka nu hian eng inzawmna nge an neih tak ang!
"Ih, inchung ah a chho va." Ka ti a, ka album en lai chu a rawn thlek ve zawk a, a nui zui hak hak bawk.
"Kan inneih lai thlalak in lo inenpui elaw?" tawi te in ka nui ve a, ka nu nen thlalak ah an lang dun a; ka nu pawh a hreve ngei ngei ang.
"Hei.. hei ka nu a nia, in inhria a mi?" thlalak chu ka kawk a, Hmingsanga nu chuan a rawn bih ve vat a.
"Peki hi i nu maw?" a aw ri a mak tihna ka hriat tel ve rual phei chuan chhan awm hauh silo in ka thin a phu rang ta kher mai.
"Umm, ka nu anih hi." ka ti a, puitling awm ve ho pawn min en ta țhup mai! Ka ngaihbel mai mai nge ka hrethiam lo, Hmingsanga nu hmai chu a dang sawt sawt a! Hmuh thiang lo hmu ang maiin min en ta reng bawk.

"Mamma?" ţap țuau chung a Carlos-a min ko ri ka hriat rual chuan rang lutuk in ka hawi chhuak a, Hmingsanga'n a pawm a, a chal a pawng deuh luk bawk.
"Tinge a?" ka din chhuah lai pawh ka hrelo, Carlos-a pawn min lo ban vat a, ka nghawng ah hmai phum in a ţap zui hlawp hlawp bawk.
"Ethana-a nen an infiam a, khum aţang a tla palh anih kha."
"i pa tawh tihna nih kha Carlos, bang daih rawh." ka ti sawk sawk a, a ţap uar sauh maiin ka hria, puitling an awm ve țhup sia, kawt zawl ah chhuah pui daih ila a bang ve maiin ka ring.
"Pawn ah kal ang aw, bang tawh rawh le." Kan kalsawn hma chuan Hmingsanga nu chu ka melh leh hram a, a beisei hauh loh thil a hmachhawn a ang ber!

"Mama, la țhu rih teh." ka ding chawt a, Hmingsanga'n min lo zui ve tih pawh ka hrelo, a nu te lam pan a a let leh tak ah chuan rang zet in Carlos-a chu ka chhuahpui a, ka nu hming a hre bawk a, a awmzia chu ka nu nen ka pian ve hma pawh in an lo inhre țhin tihna!

Reife hnu ah Carlos-a chu aţap bang ve ta hram, kei erawh chhan hriat siloh in ka tawt țun reng a, thlalak ngawt kha ka lo ngaihtuah leh veng veng țhin a, thlalak ami kha ka nu ani tih ka sawi rual leh Hmingsanga nu in ka nu hming a lam zawh rual khan puitling ho kha an ngawi vek! Hmingsanga nu ngawt ka lo en a vang in an hmel landan erawh ka hmu thei lo, Hmingsanga nu erawh thlarau hmu ang maiin a dang sawt sawt thung anih kha!
"In lo inthlem bang thei maw?" ka hawi nghal dawrh a, a kekawrbul inpte zen chung chuan Hmingsanga chu a lo ding run a, kan chhuah hnu khan thil thleng a awm em tih hriat tum in a hmel landan chu chik zet in ka melh lui ngar bawk, mahse țum dang ang bawk in a hmel aţang engmah ka hrethiam tak tak thei chuang lo.
"Umm, a chal hi a na ngawt ang." ka ti sep a, Carlos-a chuan ka sam a khawih mial mial bawk.
"Ice-bag in dep i la?" a rawn ti a, ka buk nghat rual chuan a inher leh nghal vut bawk. Puitling ho pawh an rawn chhuak sang sang a, Carlos-a chu an rawn fiam lang lang hlawm a, kawt ah bolero var inhung run aţang driver a rawn chhuak nghal zat bawk.

Thil thleng vang khan ka ngaihbel zui mai mai nge pawh ka hrelo, Hmingsanga nu in min be mumal lo va, Carlos-a erawh thu lo awi turin a chah mawlh mawlh a, puitling ho awmdan dang ta vek chuan ka nu leh an chhungkaw inzawm dan min hriatchian chak tir sauh va! An tlan liam a, u Ţpa te pawh an rawn tho chhuak tawh a, Ethana leh Carlos-a pawh inchhung ah an tlankual leh that that tawh.
"I țha em?" Ka bul chiar ah Hmingsanga chu a rawn țhu ve a, ka no hum lai chu in silo in ka hmui nen ka lo chuktuah reng tih ka hre chiah.
"Umm."
"Umm, mahse i ngawi veng veng a." a ti leh sup, nula pakhat thingpui rawn pek chu a ban nghal vut bawk.
"I nu khan eng nge a sawi?" ka ti a, ka zawh dan teh tawp chu a hmeichhe sual zia riau vin ka hre leh hnuhnawh.
"Zu lo in tawh lo tur in min chah." atthlak tih hmel zet in a ner zui suk bawk.

"Album ah khan ka nu ka hmu ve a sin." ka ti a, counter ah no chu a nghat a, min en zui ngur bawk.
"I nu te inneih album ah khan."
"I chiang em?"
"Umm, i nu pawn ka nu a hria." Ka ti leh sep bawk. Hmingsanga chu a bu nghut a, kei erawh chhunglam aţang eng maw hian min mawlh tlat reng a, ka sawifiah thiam lo, mitam zawk chuan ' an nulat laiin an inkawm țhian a niang.' ti te'n ngaihdan an nei ngei ngei ang, mahse chutiang ngawt a awlsam chuan ka pai ve thei hauh lo.

"Lu na bur te kan awm em?" Kawngka pui pawn lam ațang mipa rawn au lawng lawng thawm ka hriat rual chuan nâ zet in no beng chu ka hum a, choka ah Hlimpuia a rawn lut ve hlawl bawk.

" nizan zet kha chu!" a rawn ti leh a, Hmingsanga zawk a nui chhuak hawk bawk. Mahse engmah sawi belh lovin nula in eitur a siam chu a bih kual dun dun a, ngaihtuahna kawi put ka duh bik lo bawk, Hmingsanga ka ring tawk a, dawt min hrilh lo tih ka chian vang in Hlimpuia rawn ţawng dan ah khan huat tur zawn ka duh lo.

"Tlai lam ah chhuak i la?" a rawn ti a, kan ep lam aţang counter ah chuan a rawn innem khalh a.

" khawi ah teh ngawt maw?"

"Aw, dil ah kan kal ang chu, zankhat va riak i la, naktuk hi public holliday ani tho va." naupangchhia zet in chal a chuar nung bawk. Min rawn melh a.

"Arintei pawn in lam a awm ngawt ngawt a ning viau thei a sin."

"Naaa!" ka lo ti hlak a, a nui leh hawk hawk a, keimah vang chuan engmah tih țul ka ti hran lo, mahse kal chhuah erawh ka chak.

"Tak tak in tlai lam ah chhuak ang u." Hlimpuia vek chuan a rawn ti leh a, Hmingsanga chu ka en a, min lo en ve chiah, a mit aţang chuan ka duh leh duh loh min zawt tih ka hria, ka bu ta nghat bawk.

"Ka û hrilh i la, midang ho pawh an rawn tel duh ang." a ti ta sup bawk.

"Ka thuamhnaw i chiah huh vek sia." Kailawn ah kan chho va, a nui deuh suk chu a ban bul ah ka sik vâwt chak tak zet!
"A vaiin ka chiah lo."
"Tak tak?"
"Umm." thatchhe zet a rawn rum nghut pahin a hmaiin ka bek a rawn nawr hram.

A sawi ang tak tak in a zavaiin a lo chiah huh lo tak tak, mahse a thuamhnaw zing ah a lo dah tel ve daih thung. Jeans kekawr leh crop pawl raih chu ka la chhuak a, an school ah kan kal anih chuan simple si, zahawm ru ve bawk si ka inbel ve ngei a țha in ka hria.


Inhnuai lam ah Carlos-a nula pakhat in a siam a, ka sam huh hru mawlh mawlh chung chuan Hmingsanga thuamhnaw hak tur ka en kual a, Puma leh Nike brand deuh hlir t-shirt chu a inthlep a, Nike Air shirt leh jeans kekawr ka la chhuak tawp, khum ah ka dah sak a, kailawn ah Carlos-a rawn tlan chho ţak ţak thawm a rawm awm zui zat bawk.

"Mamma ka ready tawh." kawngkhar ah a rawn țum lut nghal tharh, ka lo nuih nghal ver ver bawk.
" Carlos tlai lamah dil ah kan kal dawn sin." ka ti a, a meng lian ve kiau va, a sam la huh hlap ah chuan a inbualna a la rei bik lo ani ngei ang.
"Mamma, sangha man turin kan kal dawn mi?"
"Umm, kan riak dawn bawk."
A au ta tung a; washroom aţang Hmingsanga a rawn chhuah rual chuan intithei zet in a lo hrilh ve nghal lang lang bawk.

A towel ven lai chu a phelh a, kei erawh rang lutuk in ka hawi sawn nghal daih, khum chung a mi shirt ban pah chuan a nui suk tih pawh ka hria, khum tlang ah ka țhu thla a, țullo zet in phone ka khawih ngawt ta bawk. kum naupangte anih aţang body built lam nuam a ti a, a taksa sawizawi lai pawh mit ngei in ka hmu tawh, a taksa chu a nalh tih piahlam ani mai, mipa pian dik tak, tha ngah tih hriat zet leh a hmun tur dik tak ah a tihrawl a inphiar fat hlawm a, a taksa nalh zet leh sexy em em chu hria in a zahpui bik vak lo in ka hre bawk.

Ruah hmi a tla seng seng a, Hmingsanga'n car a khalh a, driver khalh tir a tum zet nangin amah vek in khalh a duh thu a sawi leh hnu hnawh a, thil thleng vang khan khalh a hreh tih ka hria, mahse ka nawr luih ngai miah lovin reife ngawi reng a a din hnu ah amah ngeiin khalh a duh thu a rawn sawi hlawl a, kei erawh ka hahdam huai thung.

"Bawihi?"

"Umm?" Ka en vat a, nghet zet in steering a hum a, hma lam a bih ngur bawk.

" dil a kal chu i la chak vak loh pawn kan țhulh thei tho a nia, midang chu kal se.''

"Ka chak a lawm." ka ti vat a, min rawn melh zawk a, Carlos-a'n a phone ah game a khel a, thatchhe zet in min ngheng ve chial bawk.

"Umm, i chak chuan kan kal dawn nia." a ti ta sup, steering chu hnehsawh zet in a her kual a, kawng chho deuh hlek ah kan tlan chho va, an school bulding tawntirh a hmuh theih ţan a, kan tlan hnaih zel a, building lian pui mup mai hma lam zawng a lan theih vek tak ah chuan ka thaw chhuak hak a, gate ah kan tlan lut a, teacher dangte motor lo hun țhap na ah chuan car chu a hung lut ve a ka lo beisei ai daih in a changtluang mai!

"Wow." Ka ti hliai, Carlos-a pawh chu rang zet in a țhu ngil ve at bawk.

"Yess, kan school kan thleng." a ti a, darthlalang aţang chuan school building chu a kawk va va bawk.

" ka rin ai daihin a pui." Hmingsanga chu ka thlek zawk a, pa zet in a lo nui suk mai, kawngkhar a nem hawng a, a chhuk rual chuan car body pawh a che ve leh luk tawh, car chu a hma lam aţang a rawn kal hual a, zirlai țhenkhat period off lai kan nang anih ka ring a țhen pawn lam ah an lo awm sap sap a, țhenkhat erawh class chhung ah an awm thung.

"Office ah kal i la; chuan Laboratory room leh Library ka fan pui dawn che nia." Kan țhutna lam kawngkhar chu a rawn pawt hawng vut, rang zet in Carlos-a chu a țum thla tharh a, seat belt ka hmeh phelh lai te chuan school building ngawt chu ka en kual ruai mai!

"Junior fimkhur rawh aw." tual zawl a Carlos-a tlan ve terh terh chu a au zui hram.
"Naupang ho hian an duat lutuk a, school tlawh nuam a ti ve reuh a nia." a ti leh hluk bawk, ka kut ah a rawn hum a, Carlos-a tereuh pawh chuan zirlai naupang pawn a awm nak nak ho chu a pan ve a, an lo au ve chul mai.

"Ka pa hian science lam a ngaipawimawh a, Laboratory area bik pawh a theih tawp a changtlung in a siam phuisui a, science lam tui deuh chuan kan school hi an rawn bel ber țhin." a ti sup a, ka thlek zeuh va, a hmel landan tak ngul mahse hmuh a hahdam hle thung, ka kut a hum bo vek chu ka melh leh zawk a, ka melh tih hria ang hrim in a la kang a, ka kut hnung lam chu a hmuiin a rawn nawr a, min rawn en chuang miah lo, ka en tih erawh a inhria tih a mit bul a vun chuar rawn awm phei raih aţang chuan ka hrethei.

"Hei tunge lo kal hi." Kawngkhar pakhat ah min pen luh pui rual chuan Hlimpuia chu a lo ri nghal hluai, class la lo teacher dang ho pawh an rawn hawi nghal dawrh bawk.

"Ehe, kan police officer-a chu helam ah i awm ani maw?" a rawn ri hluai hlawm a, Hmingsanga chuan amah rawn chibai tu te a piang chu min lo inhmelhriat tir ve nghal zel a, a cousin țhenkhat pawh ka hmu nual.

"In rawn kal fuh lutuk, board meeting te kha an sawi a."

"God chulam ti tur a rawn kal ka ni hlek lo a nia." a ti hluk, an nui dar dar hlawm a, school leh a kaihhnawih lam a tuipui loh zia an hriatpui tlang niber in ka hria.

U Ruatsangi room ah min luhpui a, sawilawk lo va kan kal chuan a țhawn thu a sawi chul bawk, țum dang ang bawk in smart pants a ha a, kawr dum nghawng zau lam mah a ha bawk, mahse ngaimawh awm khawp anilo, a sam nung sar pawh a thlah mawl tawp, min be sawk sawk reng a, a der nimiah lova min ngainatna a mit ah ka hmuh miau a vang in keipawn ka ngaina ru ve hle bawk.
"Group a in sawi kha in ti tak tak dawn mi?"
"Umm, Bawihi tan pawh kal chhuah a chakawm tawh ang." Ka chair țhutna ban chu hnung lam aţang a rawn vun a, ka darah khabe a rawn nghat ti tih bawk, a u chuan ner ru nang hian Hmingsanga chu a melh a, huatna vang ani lo tih ka chian lutuk vang in ka lo nui hak hak thung.

"Arinte, an ni kal se, ka ho in thil kan lo ti ve daih dawn mi?" a rawn ti a, Hmingsanga chu phun hluk chung in ading mar ta vut a, u Ruatsangi erawh za zet in a nui hawk hawk thung.

Hmingsanga phone a rawn ri a, chair ah țhu reng chung chuan ka vanvadak a, nui suk chung a rawn kun hniam in ka chal ah a hmuiin a rawn nawr a.
"Pawn ah ka va chhang lawk ang aw." Ka chal ah a hmui nawr reng chung chuan a rawn phun sup a. Zawite in ka 'aw' ve sep bawk.

"Umm, i peih tawh em ni?" U Ruatsangi room kawngkhar a nam hawng a, a rawn nam phui leh rual chuan dawhkan a ka kut chu rang zet in u Ruatsangi chuan a rawn hum a, ka en nghal dawrh bawk.

" lawmthu hrilh dan tur che pawh ka hrelo." a rawn ti a; ka hawi â tulh tulh mai.

"Kum 3 chhung khan a nui hmel hmuh tur a awm mumal ngai lo va, nangmah vang liau liau in nunphung pangngai a nei leh thei hi chhungkaw ho hian i lak ah lawmthu sawi kan ba mawlh mawlh anih ber." a ti sep a. Ka kut a hum reng chu a rawn tuai leh a.

" a nun ah a la lut tawh che a, a chak lohna ber tur i ni tawh bawk, pawn lam aţang chuan tihmawh tak leh police officer rorum zet ang in lang chhuak țhin mahse a mi hmangaihte vang in a nâ awlsam em em a, a mangang hma bawk, a nunah awmzia nei khawp in ka nau-a hian a duh tawk hle bawk che a, a chaklohna i nihna hi remchang ah hman sak tum hauh suh ang che." a nui sang a, a mit meng erawh a vawt raih thung. Min vau ni ta ber in ka hria.

" a kehchhe lai hmuh leh ka duh tawh lo, ka thusawi kha i zawm ang tiraw?" a ti vawt leh raih bawk.


U Ţpa zawk in an school building chu min fankual pui a, Hmingsanga chu nichin lawk a a call dawn vang khan reilote kal chhuak turin a in khalh chhuak a, class chhung fai hun leh engkim mai khawpui lam ai daih a felfai leh changkang ru phian zel bawk chuan ka mit a la em em vek.
" hei kan Library building." a ti sup a, lehkhabu vel ka ngaina miah lo, mahse a chhung hrim hrim ka hmu chak hle thung.

"Ehe! I kut a mi ang kha ka nei ve." Ka ti hliai, u Ţpa chuan min en nghal vut bawk.
"Ih i kut a khuavang ang kha." Ka ti a, rang zet in ka ban chu ka lek chhuak a. A rawn bih ve vung vung a.
"A va mak tak ve." a ti ve sup, a ban chu a lek kang deuh va.
"Pathum tho maw?"
"Pathuam ai tam daih. En la, heta triangle sinte awm ho zing a pakhat te nen in zawn hian a chho zawng in pathum ka nei leh a, chu ta tawpna ber zawm chiah in a kual in pathum bawk ka nei." a rawn nui chhuak ta hawk hawk bawk. Keipawh ka nui ve tho, ka ban rek ah hian khuvang sin te te, en thuak a hmuh theih miah loh ka nei țeuh.

"Ban rek a khuavang awm chu thu an thiam duh an ti a sin." a rawn ti a, ka nui nghal hawk bawk.
"I awi lo em ni?" Library hall ah chuan a pen lut a, ka awi lem vak lo.
" keipawn Mizo literature subject bik ka la a lawm." a rawn ti a.
"Oh!" Hall chhung a hmeichhe rawn pen lut ve ka hmuh rual chuan ka ner ru nghal nawng mai!
" board meeting kha neih an duh hnai a niang." a rawn ti leh a, u Ţpa chu a bu nghut a, ka hma ah tak kut kuangkuah in Claudia chu a rawn ding zui ran bawk.
"Arinte, tikhan i lo enkual hreh em?"
"Hreh lo ve." Claudia lo nui sak chu ka ngaipawimawh duh bik lo, u Ţpa chu a kal chhuak mai a, kei ni pahnih pawh kan la indinchilh ran bawk.
" nizan a ka thu sawi kha!" kut a kuangkuah a, nâ ngeise min ti tih hriat zet in a rawn nui sak bawk.

"Oh!" vanvadak deuh in ka nui lui hak a, Claudia pawh min lawm vang ni hauh lovin anui ve sak tho.

" i rawn call lai pawh khan a bul ah ka awm." a rawn ti a, muang zet in a mit ah tak ka en lui kher bawk.

"Chuan?"

"Chuan a? A taksa kha i en sak lo em ni?"

"Ensak e, zawhte hurin a lo bawh deuh anih ka ring, ka inbual tir tak kha!"

"Hmeli?" a rawn ti tuar, kei erawh ka nui hawk mai!

"Zawhte hur in ka pasal a bawh ka rin thu ka sawi mai anih kha!" a nui sak nang in kut min thlak chak hmel hluah hluah.

"Engthil nge kan awm dun tih thup nan a hrilh che chu ka hrelo, mahse nizan khan Hlimpuia room sofa chung ah duhtawk in a pasal kha hun ka hmanpui tih i lo hre mai mai dawn nia." sehchilh nawk chung in a rawn ti a. Ka din hnaih hrat bawk.

"Anih chuan zawhte hur amah bawh huam huam tu a sawi kha i lo nireng tihna maw?" Mak tih hmel zet in ka meng lian kual vel a, thinrim lutuk vang in a thaw sawk sawk tawh! Hetiang hmeichhe nasa lutuk leh pawisak nei bawk silo ho hi chu deu let zet in han ţawngkhum ila, an mahni tina tu a tling tawk em em tawh mai!

" Hmeithei zu zuar fanu i ni tih an chhungkaw ho hian an hriat i ring em?" a rawn ti a, ka nghing dawt mai! Claudia erawh tifuh in tilutuk in a rawn nui sak thung.
"An la hrelo tihna em ni?"
" Claudia."
"Hmeithai zu zuar fanu mai mai i ni tih hretase tun a nangmah lawm tak tak tu te ho hian an melh hrek hrek mai ang che!"

"I buaina tur anilo."

A rawn chet tlat tlat a!

" ka duh phawt chuan he chhungkaw zing a i tlaktlumna hi second tlemte chhung in ka tichhe vek thei tih hre rawh, chuan i pasal hi ka lo pawt peng a, zanrei tak tak thleng ka lo kai hrang ani pawn mak ti lutuk duh lo la!" nuam ti zet in a nui leh hak a. Zawite in thawk ka la a, he hmeichhe lak ah hian ka tlawm anih chuan Mizoram chhuah san in ka pem bo daih ang.

" hrilh vek rawh."

"Maw?" Ka thusawi chu a beisei lawk lo tih hriat zet in a meng buai ve nak mai.

"Hrilh vek rawh ka ti anih chu!" Mit ka siai zeuh va.
" An fapa zawhte hurin a hel du du țhin tih te pawh ka lo hrilh ve bawk dawn nia."

"Ngawi hmak rawh." a rawn ti hlar.

"Zawhte hur!" a mit ah tak en chung chuan hmui phun in ka sawi lui leh kher bawk.

"Ka nihna kha sawi mahla an chhungkua chiah in an hre dawn! Chu erawh a pawi viau lo, an fapa in min hmangaih miau va, mahse Zawhte hur leh a thawhna school neitu te fapa hel huam huam reng tu i ni tih erawh school pumpui ah a darh vat thung ang."

"Lalrinmawi?" Min beng chawrh lo chu mak ka ti hial zawk! Kut min thlak anih vaih zawng in a hmelțha zet ah hian ser lian tak ka siam sak thung ang!

" Zawhte hur chuan a pa an mamawh huam huam țhin tih te chu tlang hriat vek a lawm, i duh tawk in ka pasal pawh rawn beisei rawh! Oh! Mahse Zawhte hur ringawt te chu a mamawh tawh bik nang tiraw?" ka ti a, a meng rang kual tap tap chu tihnat ka hreh bik lo tih a hriatthiam theih ngei turin ka melh let ngar bawk!


Thinrim lutuk in a kal chhuak nghawng nghawng a! Kawngkhar aţang a lan theih tal lovah chuan ka thaw chhuak nghal ham ham thei mai!

Ka nihna ngei rawn sawi chhuak mahse min țhawng tho, ka chhungkaw chanchin thleng a chhui hial anih chuan hahdam tak in min awm tir mai mai a tum hauh lo vang!

Chil ka lem khawlh a! Tukin Hmingsanga nu awmdan danglam ta thut te leh mibe chak vang lo te kha!!! Ka nu chanchin a lo hriat ve reng vang ani thei mai ngem? Thaw hap chung chuan lu ka thing nawk a! Ngaihbel ka duh lo viau nangin thlalak a mi kha ka nu tih ka sawi rual deuh thaw in a hmel landan a dang a, an tlan chhuah dawn thleng pawh khan min biak chakna a nei tawh hlawl lo tih hriat zet in Carlos-a leh Hmingsanga ngawt a bia anih kha! An nulat laiin an inkawm țhin a nga, inbe ngailo mahse RV a hmeithai zu zuar chanchin chu an tan lo hriat a harsa dawn lo lutuk! Tu emaw hmelhriat thuhmun an neih phawt chuan awlsam tak in ka nu zu zawrh thu chu an hre zung zung thei ngei ang.

"Bawihi?"

Ka hawi nghal dawrh a! Ka lam pan a Hmingsanga rawn pen pawk pawk chu ka lo melh mawl tawp bawk.

"Diklo a awm em?"

"Aih, let tawh i la." ka ti sep a, ka hma ah tak rawn ding in kut a rawn lek chhuak zui vut bawk.
"Kan let ang, mahse i nuam chiah lo em ni?"
"Ka țha." ka ti sep a, ka nui lui sak bawk.

In kan thlen rual in dil a kal tur in kan insiam nghal mawp mawp a, Ethana leh Carlosa an ri tung reng a, room ah an tlan kual a, bag lian vak lo ah mamawh ka khungkhawm zung zung a, album kha en nawn leh ka duh hle bawk.

Inhnuai ka thlenthlak rual chuan rang lutuk in album awmna cabinet lam chu ka pan a, album rit tham zet chu ka pawm thla nghal nawlh bawk.

Reife ka keu hnu ah pawh ka nu lan ve na bik kha hmuh tur a awm ve ta miah lo! Chu chuan mak min tih tir tulh tulh bawk! Hmingsanga nu khan a la chhuak daih ani thei mai ngem? Thaw hawk in album chu ka dah let leh a, thlalak ah khan chiang tak in Hmingsanga nu a lang ve a! tinge kha thlalak chiah kha a bo tak daih le!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 5:54 pm

☆UTOPIA:1996☆
CHAPTER 39
By
Abbra Reo Ririni Khiangte (Pitartei)



"Bawihi..!" Hmingsanga aw zawi ruih chu ka hre vuat vuat, a kut lum vung vung in ka biang a rawn sik rual chuan ka nui leh ringawt tih ka hre bawk.
"Mut duh dun reuh lutuk, kan thleng tawh a nia!" nuihza insum tih hriat zet in a rawn phun leh sup bawk. "Hei te pawh hi Mamma ang chiah." a ti leh hluk a, a pangtilum in min hnaih rual chuan ka awm a muhil mek Carlos-a lu chu a che ve zauh bawk.

Mit ka meng a, hnaih zet ah min lo en reng, a nui suk a, a mit bul ah vun chuar a awm phei raih bawk.

"Duh leh in mu țha leh zawk a nga." a hmel landan dam ruih mai chu en in ka bu nghat seat belt a hmet phelh a, car aţang chuan a chhuak zui vut bawk, car hma lam aţang a rawn kal hual rual chuan kan awmna hmun enkual tur chuan ka hawi kual thuak a, ka thaw nghal hawk bawk, ka lo rindan chuan ramhnuai rehruih ah kan kal a nga, thlam pakhat ah kan awm ho vek dawn emaw ka ti a, mahse tun ah erawh ka ngaihdan kha a atthlak hle tih zawng ka hria, in te fel thlap mai pali lai a lo ding thliah a, in leh in inkar awl zau lai aţang chuan inhnung a sangha dil cham put mai chu a langchiang nangang bawk.

"Junior, i harh em?" kan țhutna lam kawngkhar chu a rawn pawt hawng a, tank top leh short chiah a inbel, Carlos-a ka awm a bei ve thlep chu a rawn sawi zui dat dat bawk.

"Ka rin ang ani miah lo." ka ti sep a, seat nghenchhan chu ka tukhum a nawr leh in ka ham zui bai bai bawk.

Hmingsanga lo nui suk chu ka ner khum nang a, zo zet in Carlos-a chu a pawm kang zui ta nawlh a, a hrah zui miah lo lehnghal!

" a rit ve nulh tawh a, a delh na che em?"

"Aih." Ka ham leh hawk a, a darah ah Carlos-a kuah bet hlu hlu chung chuan min nuih leh suk bawk.

"Midang an la rawn thleng ve nange?"

"Umm, an rawn thleng har lo vang." a rawn ti sup a, ka mut chhuang lutuk chuan min ti zawi vek thei, Carlos-a pawm reng chung chuan a rawn kun hniam leh a, ka belt hren lai a rawn hmet phelh a, ka taksa chu a ni deuh chuah chuah reng leh nghal.

"Lo chhuak la, khawi ber saw nge kan hman ang?"

"Oh." ka ti sep ringawt, car aţang ka chhuah ve rual
chuan tlang chhip chung zawl diai laiah kan awm tih ka hre ta chiah bawk.

Kawt zawl zau zet ah chuan thingkung a ding khat phauh phauh va, uluk tak a enkawl tih hriat zet in tual zawl pawh a fai han, in leh in inkar ah thir pipu a in hung vek bawk.

"Enkawl tu an awm a mi?"

"Umm, chhungkaw pakhat in an enkawl a, unau hovin zan riahnan kan hmang zauh zauh bawk." Ka bu nghat a, insir ber phen aţang pa upa lam tawh a rawn lang hlawl a, keini min rawn hmuh rual chuan a rawn ri ta hluai bawk.

"Rin aiin in rawn hma a." a ti a, a kut ding lam chu a kekawr ah a tat fai thuak thuak a, Hmingsanga chibai turin a rawn phar chhuak zui zat bawk.

"Pa Thleng hei Bawihi." A chibai zawh chiahna kut chuan ka dar a rawn hmer a.

"Eee, i hmelțha hle mai, huan enkawl tu hi ka nia." nui sang chung in kut a rawn lek chhuak leh a, ka hum sak ve vat bawk.

"Khawi hi nge in hman ang, inrilţam tawh em?" a ti leh zung zung a, in sir ber lam chu ka kawk zauh va, Hmingsanga pawh a bu ve ta nghut bawk.

"Midang rawn thleng se ei nghal mai kha a sual hauh lo vang."

"Ka nupui ka va hrilh a nge, Arinte sarzuk rah lai a nia, khawthim hma in nakin ah ka lawh sak ang che u aw." a ti a, pa cher lam pang hmai tlang fai zet mai ani a, a zaidam hmel in a zuanzan hmel tak zet.

A rawn chhuahna lam ah khan a let leh a, in te kan pan lai te chuan ka hawi leh thuak țhin a, pool a awm lo nangin spot dang te nen a danglam na a tam lo. Hmingsanga chuan kawngkhar lock chu a pawt hawng a, kei erawh ka nui ta tawp!

"What?" A rawn hluk.

" a nuam em a."

"Humm." Hmui a ti sawi zauh va, inchhung te fel thlap chu ka en kual nghal thuak bawk, hnang aţang a siam sofa sei pakhat a inhung a, khum zau tham zet pakhat bang kil lehlam ah a inhung a, a aia te deuh khum pakhat bang kil lehlam ah a inhung bawk, engkim mai chu a fai em em vek a, toilet pakhat a awm tel bawk, in dang te nen an cheidan chu a danglam vak in ka ring lo, khum zau zawk ah chuan Carlos-a chu a mut tir a, tukverh lam ka pan a, Pa Thlenga te khan kan kal dawn tih hrelawk in engkim an lo buaipui vek ani ngei ang, tukverh pawh a lo inhawng sa a, in hnung a dil lang hring deuh dup chu ka en vang vang a, a mawi tih bak sawi vak ngaihna ka hrelo.


" i rilţam tawh em?" ka hnung lam aţang min rawn kuah a, a awm nghet țha zet ah chuan lu ka nghat a, a hmui lum in ka beng a rawn nawr thuak a, ka dul zawn ah ban a rawn suih zui hmiah bawk.

"Aih, a hmun vel hi a mawi e, tah hian awm daih ka chak." ka ti a, a nui che dawt a, thli rawn thaw heuh heuh chu duhthawh zet in ka hip lut a, ka naupan te aţang ramhnuai lam ah ka kal ngai lo va, tun a kan awmna erawh kil tin ah thing sang pui pui a ding hlim duk a, sava hram chiah chiah leh eng rannung nge tih hriat chiah siloh hram ri chiah chiah thawm hriattur a awm reng a, a hahdam thlak hluah hluah.


"Midang an lo thleng in ka hria." Ka ti a. Pawn lam ah car dang thawm a rawn awm a, mi engzat chiah nge kan nih tih ka hre der lo, Carlos-a phur lutuk in kal a rawt nghal chung chung a, midang pawh nghak lovin kan tlan chhuak hmasa ngawt kha a nia.

" nakin ah kawt ah hian meipui chhep ila an ti deuh va."

" a nuam ngawt ang." ka ti vat a, ka sam ţawn kang lah chu ka dar lehlam ah a rawn hui sawn a, ka kawr hak nghawng a pawh zau deuh rual chuan ka nui ta ringawt, ka kawr khuh loh chin chu a hmuiin a rawn nawr leh a, a ban pakhat rawn chet in ka kawr chhan ah ka hnute a rawn hup nghal chat bawk.

"Midang an rawn lut ang." Ka ti hlak.

"A teuh lo."

"God, Hmingsangzual i mak e mai!" Ka tal zui ta nghek a, ka kawr chhung ah zen luh phet a tum a, na deuh in ka kiu in ka nghawk zui sawk bawk.

"Midang in min rawn hmu ang ka tih kha." ti lui tih hriat lutuk in ka chhip ah khabe a rawn nghat a, min delh kûn vak bawk. Ka te ve si, a ban ka dul zawn ami chu ka vuan ve vat a, rum nghut chung in a ding mar ve ta hram.

"Zanin ah ka phelh ruak vek dawn che." A hmuiin ka beng a rawn nawr a, zawi lutuk in a phun sup bawk.

"A teuh lo." ka ti vat, ka tal leh deuh va, min thlah thawl rual chuan amah hmachhawn zawng in ka ding nghal vat; rang zet in ka hnung lam ah ban a rawn suih bet leh nghal tho, ka chho melh a, cho zet in min chhuk en ve run bawk.

"Tukin te kha chuan dim ka ngaihzia thu i la sawi reng kha!" vanvadak in a nui chhuak ta hawk, rang zet in ahrawk bawk langsar zet chu ka tawk nghal vat a, mipa ah chuan hrawkbawk inhmeh ber ani hial ang.

" ka dimlo ang che ka ti em ni?" a mit meng de sawt sawt mai vang chuan ka sa pup pup thei mai!

" mawh? Dim deuh pawh a tih theih tho a."

"I nghal anih mai chu!"

"Nghal? Ka nupui hun ka hman pui duh thu ka sawi a, nghal tih zawng maw ka hlawh chhuah dawn a?" Ka mawng a rawn țham zui tawk a, kei erawh nasa zet in ka tal ta nawk nawk! Rapthlak lutuk mai!


"Min thlah vat teh." Midang in kan thawm an hriat ka hlau bawk si chu a awm ah ka nem ta ţang ţang a, chimawm zet a nui chung in min chhuk en run reng mai!

"I rapthlak ka ti!"

"Eng vang chuan maw?" a nui a! A chhan min zawh kher ngai loin a inhrechiang lutuk!


"Saw Carlos-a a rawn harh a nia." ka ti a, khum lam a thlek vut rual chuan rang lutuk in ka tal chhuak nghal phut bawk.

"Phakar reuh lutuk." a rawn ti hluk, khum lam ah ka tlan phei ta tho.

"I hlauhawm e mai! Va inbual rawh." A kekawr hak kap zawn rawn puar ul chu ka melh zawk a, ka hmai a sa nghal huam huam bawk.


"I tlanchhe rei thei dawn lo tih inhre rawh."

"Hmela." Ka ti ta vak ringawt, mit min siai zauh chung chuan a kun hniam a, a kap zawn a melh zawk a, khum a ka țhu reng chu min rawn en leh kher bawk.


"I bul ah ka riak maih lo vang." Khum lam pan in a rawn kal ta mai! Rang lutuk in ka pheikhawk ka tlawh phelh sawk sawk a, a tank top hak lai chu a hlip a, khum ah ke ka hlan chhoh rual deuh thaw in ka ke rek ah a rawn man a, khum ațang tla ţep in min hnuk nghal tawk a, ka mal inkar ah a rawn din rual chuan ka melh nghal nghek bawk.


"Ka bul ah i riak miah lo vang maw?" Ka mal inkar ah a rawn din vang liau liau in khum aţang ka tla thla lo, khum ah chuan a rawn innem khalh a, a kut lehlam in ka a taksa ah ka kherh beh theih nan ka ke a siam rem bawk, midang an rawn luh a hlau ve miah lo a mawnle?


" zanin hian kei nen a mut dun i duh loh tak zet thu han sawi teh." Khum ah taksa hmang a min nawr bet miau, a kekawr chhan pawh nimahse a ruh tawh zia pawh ka hre thei. Ka mamawh zia leh ka chak zia ka inhrechhuak rum rum bawk! Ka ngaihtuahna vang chuan ka tai zawn a rawn sa nghal huam huam a. Ka mit ah en reng chung chuan a rawn che a! Ka thaw nghal kawk bawk. A chak lutuk vang in a thawk lakdan a rawn na zual a, hrawk ah pawh thisenzam a lang leh kulh tawh!

"Tunah hian i duh nghal em?"

"Hmingsangzual!" Ka tihngaihna hrelo in a hmai ah ka nam ta ngawt! Nui rum hawk chung chuan ka chal ah a rawn nawr a, khum ațang tlak thlak hlau in bad cover chu ka hum nghet ţang țang bawk.

"Ka mamawh che, chu chu hre rawh." Ka khabe ah a rawn man a. A thawk lak zawng in a taksa chu a che hrawk hrawk reng a, hetiang a kan awm reng anih chuan a dik miah lo vang.

"Kal sawn tawh la, midang an lo lut ang."

"Ka sawi chu i hrelo mi?" ka hmui a rawn nul thuak a, mahse a in la hrang leh hlek a, a kut ţang in a rawn khawih a, a hmui bawk in a rawn nul leh thuak a, a chetdan mumal lo lutuk vang chuan ka nui hak bawk.

" min nuih suh." a rawn ti hluk, bad cover ka țhamna chu ka thlah a, a tukhum ah ka vawn rual chuan keimah zawk in a hmui ah ka nawr a.

"Kha khan min chhawk lo." zawi lutuk in a rawn rum ani ber! A hmui hnuai ah ka pet fiam a, a rum hrawih rual in ka taksa chu a kang hlek a, lulham ah lu ka nghah rual in min bawh bet zui nghal zat, ngenngawl lutuk in min fawp zui ngawng ngawng a, a khat tawk in a taksa hnuai lam pang in min nawr kual ruai reng bawk!

"Fuc*!" Ti hrawih chung in a inla hrang nghal hlawk, khum aţang chuan tho chhuak in thawk a la nghal huam huam mai!

"Tinge?" A awmdan a mak lutuk! Thinrim a ang tak zet bawk.

" second khat lek pawh i taksa kha ka si leh anih chuan pawn ah midang an awm vek tih theinghil țhak khawp in ka che zawm mai ang!" a nui ro hawk a, a taksa chu a sen ţawlh țawlh bawk.

" Tuivawt tak hnuai ah ka din a țul rih in ka hria." a aw ri zet chu leh! Tukverh lam pan in a kal ta vut a, a tan insum a harsat dan tur ka hriatthiam pui ta chiah bawk! Thaw chhuak hawm hawm chung in a sam chu a tuai chho puat a! midang ho pawh pawn lam ah an ri nak nak reng mai.

Carlos-a muhil sek sek chu a sam ah ka chul zauh va, ban a phar ve diai reuh va, a pa ang chiah in a hnar ngul a sang vah bawk.

"I țha tawh em?" a bul ka thlen ve rual chuan min en lovin lu a bu nghut, a banbul hrawl tham zet ah chuan ka fawp zauh va, ka bek in ka nawr zui leh zat bawk.

" nuam ka ti bik lo." ka ti sep a, a kut chu rawn chet vut in ka darah a rawn kuah a, a awm lehlam ah ka bei nghak kak bawk.


" inthiam lohnan hmang suh, i taksa kha enkawl uluk a la ngai a lawm." Na zet in ka chal ah a hmuiin a rawn nawr tawk a, a aw erawh a la ri hrawih thung.

"Ka khawngaih che." A rawn nui deuh hawk a. Ka dar a rawn hmerna kut chu a khur ru hluk bawk.

"I taksa tereuh te hian min dawi â vek tawh anih ber hi, engmah ngaihtuah hmasa lo pawh niila ka sik hlek tawh che chuan ka thluak a nû nghal bût mai a." a nui ro leh hawk bawk. Keipawh ka nui ve tho, a taksa ka deh hlek in ka awmdan a dang lam a, khawvel mipa ah amah chiah hi danglam thei a min siam tu ani bawk, ka danglam zung zung ang chiah a a lo danglam ve țhin chuan atthlak zet in min ti lawm hle thung.

"Ka va inbual ang aw."

"Umm, reilo la." ka chhoh en vat a, muang ruih a rawn kun hniam in min rawn fawp a, tun țum erawh a dam ta ruih thung!

"Oppss!" Mipa rawn țawng thawm vang chuan rang lutuk in ka inla hrang a, Hmingsanga awm ah hmai ka phum zui ta kak a, ka zak tih a hrethiam a ni ngei ang, a ban hrawl zet in min khuap bo nghal vek.

"In laklawh viau nang in chaw hi kan ei hmasa dawn nge zan a hem tur sangha kan man dawn?"
Hlimpuia chuan a rawn ti lawng lawng a.

"Pa Thlenga te khan sangha chu man sa an nei ang." Hmingsanga chuan a ti sup, a țawng zawh rual chuan a rawn kun hniam a, ka chal ah hmui a rawn nghat a, zah vang a ka biruk chawi chawi laiin ani erawh in engah vak a ngaih hmel der loh.

"Ok, ka zuk zawt ang, chaw hi ei i la."

"Kan rawn chhuak ang." Hlimpuia lam en tawh chung lo chuan a phun sup a, a awm hrawl zet in kulh bang phui mup ang mai a min hliah miau avang in Hlimpuia chu ka hmu ve thei lo, reilote hnu ah a kal sawn thawm ka hria a, Hmingsanga erawh in min la kuah hlu hlu thung.

Hmingsanga sawi ang tak tak in zan ah chuan meipui kan chhep hluah a, he ta guitar awmsa an perh bawk a, an unau kual chiah awm khawm mahse țhian dang tuman an mamawh vak pawn ka hrelo, an inngaih in an nui ho bawk bawk thei a, unau tello seilian ka nih vang in an chevel chu hmuhnawm ka ti hle bawk.

"Khaw nge in pa?" Kimi chu a nui sang a, ka țhutna bul ah chuan a chiar a rawn hnuk hnai ve sat sat a.

" Barbeque- na tur vel an buaipui lawk anih kha " ka ti ve mai! Claudia nen an in close tih ka hrechiang tawh a, ka be țha ngam vak lo.


"I in ve duh em?" a rawn ti leh a, a kut chu ka melh zauh va, lu ka thing nghal nar nar bawk. Beer hum chhung chuan a nui hak a, hmeichhe awm ve dang pawn coke can leh soft drinks an hum far a, Kimi chiah hi hmeichhe zing ah beer in ani hial ang. Chips leh eitur dang pawh box lian tak pakhat ah duh duh lak mai theih in an dah țeuh va, chaw kan ei zawhna a la rei loh lutuk vang in engmah ka têm ve chak lo.


"Nau chhiat kha hreawm i ti em?" a thil rawn sawi a vang chuan reilote chhung chu ka nghilh dup thei hial in ka hria! Nui lui sak chung in Kimi chu ka melh a, a hmui ah beer can chuktuah chung in min melh let ve ran bawk.

"Hreawm e."

"Ka ring." Min melh kual ralh pah chuan beer chu a lem zui khawlh khawlh a, henu nen hian reitak kan țhu tlang anih chuan ka nasa ve tho sia, midang țawng a thlawn a dawn lah ka duh der bik silo, kan ri laih hial in ka ring ta rum rum bawk, a hranpa in kan la inbelo, tunah erawh min lawm vak lo tih a lang reng, Claudia nen khan an lo inkawm ngaih fal bik te pawh ani mahna!


"Kan mo te ah nau chhiat an la awm miah lo." a rawn ti a, beer can chu a hma lam ah a ti che ralh ralh bawk.

" i sawi dan aţang chuan duh vang reng a nau chhiat ka ang riau in ka hria." ka nu lui hak bawk, a chair ban lam chu rawn ngheng deuh in min awm hnaih sauh va.

" ngai kawi lo la."

"Umm, ka ngai kawi hleinem, mahse i unaupa'n khatiang thu kha min sawi khum tih hrise chuan a lawm hauh lo vang." ka ti ve ta hmak, a țhu mar a, Hmingsanga a awm hnai em tih hriat tum in a hawi kual nghal ruai bawk.


"Claudia pawh chu!" A ti ta hlak a, phone a khawih zui mial mial a, Hmingsanga hi an unau kual ah a upa ber nilo mahse an hlau tlang vek tih ka hria, a hnathawh vang hi ani pakhat ang tih ka rin rual in u Ruatsangi ang bawk khan tupawh hian a nun a a lakluh tawh te a chhan nat zia an hrechiang tih ka hre tawh bawk, tih thinrim an chak lo tlang khawp in ka ring.

"Hey, i mak thei hawm hawm bik lutuk." Hlimpuia a rawn lang hlawl a, Kimi kut a beer can chu a rawn la sawn nghal dawrh bawk.

"Over strick."

"I unau dangte pawn soft drinks mai mai an in tih i hmu lo em ni." a ti hluk a, a hawi kual thuak a, kan bul hnai a bawlhhlawhbawm ah chuan beer can chu a vawm lut nghal daih bawk.


"I boring lutuk, kal sawn vat teh." Kimi chuan a ti hlar a, Hlimpuia chuan ka hnung a chair chu a rawn la vut a, Kimi sir ah chuan a hung a, kalsawn a tum mai mai lo tih hriat zet in a țhu ta hmiah bawk.

"Arinte i ning tawh em?"

"Aih." Ka ti a, ka chhang tawi deuh tih ka hriat rual chuan. " zai ho saw an thiam lutuk a." ka ti leh zat bawk. A bu nghut a, Kimi chu phone khawih mawlh mawlh chung chuan a rawn rum hak a.

"Enge nge ni leh tawh." Hlimpuia chuan a ti hluk mai!

"Claudia mawle, rawn kal ve a chak a, a bialpa boring zet te in lam ah chaw a ei anih hmel."

" kan JE a nen chuan rawn kal ve rawh se." Hlimpuia chuan a ti let a, ka țhu țang nghal țeuh bawk.

"Tak tak, ka hrilh dawn nia, e Sawma chu nangmah pawn bia la." Kimi chuan nuam ti lutukin phone chu a hmet ta zat zat a! Claudia hmel ka mitthla a, ka luak a chhuak nghal hlui bawk.


An ni pahnih chu ka thawh san a, zai ho chuan an bul ah țhu ve tur in min au zui sap sap bawk, mahse kal kual ka duh thu ka hrilh tak ah chuan hla lutuk kal lo turin min chah zui sap sap a, a țhen kei aia nau deuh an nih laiin a țhen erawh kei ai a u fe an ni fur hlawm, kan riahna tur inte lam kha ka pan a, in sir lam eng ruih chuan ka mit a la nghal chat bawk, insir ah chuan kawng lian vak lo hi a lo awm a, thingkung pakhat ah chuan light eng paw vuk mai a lo invuah thluah bawk, ka kal zel a, dil sir zai zai ka zawh zel a, sangha ri ve bar bar pawh a hriat theih a, dil ka pelh rual chuan Pa Thlenga te chhung riahna ni awm tak in ka hmu ta nawlh bawk.

"Arinte?"

"Heta țang Sarzuk awmna chu a la hla em?" ka ti vat a, tui pipe siam țha mawlh mawlh reng bawk.


"In chhak ah pawh hian kung hnih chu a awm; ka rawn lawh pui ang che." a ti ta hlauh va, ka ei chak hran em em lo, mahse thei kung rah tam deuh aţang lawh erawh nuam ka ti viau thung.

Sarang lian ang reng tak inchhung aţang chuan a rawn keng chhuak a, an fapa rawlthar hlim ve ek ek tawh pawh a rawn chhuak ve vat a. Kawm chhak a Sarzuk chu a hmin nasat tawh zia thu a rawn sawi ve lang lang bawk. Pa Thlenga chuan light eng kung in Sarzuk kung kur nghuk mai chu a chhun kual a, ka au ta chul mai.


"Awi, lo țeuh vang u aw." Ka ti a, Pa Thlenga erawh za zet in a lo nui hawk hawk thung.

"Mapui i u Rintei chu han lawhpui rawh; ka lo en ang che u." a ti hlut a, kei lah pek chu zawngte ang maiin Sarzuk chu ka lo zui mawlh mawlh a, midang te hi kei ang vek an ni a ngem ka hrelo nangin keichu thei rah tuar te hi hmunnawm ka ti a, chhanawm lo in ka hlim veng veng zel; serthlum rah bawr zet te hi hmuhnawm ka ti tlat a din chilh a, duhtawk a lawh khawl nghek hian nun a ti hlim ve tlat in ka hre bawk.

"Bawihi?" Rang zet in ka inher a, Hmingsanga hmel landan chang run chu ka nuih ta ringawt.

"I kalna tur i sawi lo va." A rawn ti hluai bawk.

"Hei Sarzuk a ei chak deuh a niang, a lo theo reuh khawp leh nghal." Pa Thlenga chuan a lo ti ve vat a. Sarang a khah hnawk tak ah chuan Hmingsanga chu ka hui zauh va, a rawn thlen tirh a a hmel landan chang run kha a bo ta duak.

"Hei lo keng teh."

Ka ti a, a rawn ban ve ta mai bawk.

"God, nilul lo." A rawn ti hluk! ka kawr tlang ka vawn tawm chu ka thlah zal zal a.

"Hei sarang khat vek i neih tawh hi a tawk viau lo em ni?" nuiza insum zet hian a rawn ti hawk bawk. La lawh belh a, ka kawr hma lam ah fûn ka tum deuh kha nia!


"Pa Thleng, ka chhoh pui dawn." a ti leh sup a, ka ban rek ah a rawn vuan a, sarzuk chu a lut leh lamin a khai nawlh bawk.


"Umm, han chho rawh u, nuam deuh khan hun hmang ula." a ti a, Hmingsanga chu a bu nghut a, sarzuk pakhat chu ka mal thla leh hram, a thlum hrep leh nghal!

" heng hi i ei zo vek thei dawn mi?"

"Midang in an ei ve duh ka ring a." ka ti a, a bu ve nghut bawk.

"I kalna tur tumah i hrilh bawk silo va."

"Khawnge Carlos-a te?" ka ti ta daih a, țha deuh in u Siamkimi laptop ah video an en thu min hrilh a, dil bul kan thleng chho ve ta chiah bawk.


"Come here." a ti nghut, ka ban rek a vawn chu a thlah a, ka hmai zawn ah kut a rawn lek kang a.
"Tinge a?"

"Sarzuk pua kha i kai a lawm."

"Oh!" Ka chal vel chu a rawn chul thuak thuak a, ka sam ah te pawh a lo kai a niang, ka sam țawnna a pawt phelh daih a, ka sam pawh a rawn hui leh thuak thuak bawk.

"Naupang thei lo ang maiin i kawr te'n fûn i la tum zui a?"

"Naaaa, a rah tam lutuk a, lawh nuam ka tih vang mai mai a lawm." ka ti vat, ani erawh a nui suk thung.

"Sarzuk hi thei hrisel tak ani miah lo a nia, ei tam loh tur."

"Eitur ah hian i khirh ngawt mai." Ka ti chiam, a nui hawk a, ka ti tak tak, eitur ah hian a hrisel leh hrisel lo a thliar hrang hmasa ngei ngei!

" i thinrim tak tak hma in kal ang." Ka ban rek ah a rawn vun leh a, thuawi zet in ka kal ve leh ta mai bawk.

"Dil hi a thuk vek em?"

"Aih, khi in ațang hnai ber pahnih khi khup thleng lek an nih khi, a dang pawh hi an thuk lutuk chung lo, mahse a hmasa pahnih ai khian an thuk zawk a."


"Tlai a kan ei kha he ta min hi ani em?"
"Umm. Tinge?"

"Dûm rim a nam lo a, mak ka ti deuh va."

" dûm rim te i hrethiam ve a mawnle?" A nui hawk hawk a, ka ner ru ta nawng ringawt, ka nu eitur in dil sangha an rawn zawrh hi lei kan ching a, mahse dûm rim nam tlat chang a neih țhin vang in kan lei ta lo vang vang kha a nia.


Kawtzawn kan thleng chho a, hmeichhe ho in Sarzuk an rawn hmuh rual chuan acid nen a bawl an rawt zui ta hluai a, phur zet in hmeichhe rual ho nen chuan in pakhat ah chuan kan lut ta diak a, acid leh theite um vel pawh an lo pai reng a, dispo thleng ah bawl turin an bun chhuak a.

"Bawihi." Kawngkhar ah Hmingsanga chu a rawn ding thim nghal run.

"Hei kan ei lawk dawn." Min melh khui chung in a rawn pen lut ve a, ka ei ve dawn a ni tawp.

"Sangsang khawi maw tah hian acid kha tlem lo dah te " a ti hluk, dispo cup ah acid chu tlem te tak tak a bun chhuah tir a, sarzuk chu munga vel lek a la bawk.

"Lo kal rawh le." a ti a, pawn lam ah a thlek buk rual chuan rum lutuk in ka melh ta nghek.
A unau dangte hi awm lose chuan ka vin nghek duh hial ang!

"U Mam eitir ve phawt la, a ei chak ve a niang chu." a dik chiah, ka lawh vek leh nghal.

"A țulo, in pum a na ang, nangni pawn ei tam vak su, Bawihi lo kal rawh le." Sarzuk panga vel lek chu no ah chuan a thun a, ban a rawn lek vut bawk.

Ngawi reng in ka ding a, pawn lam pan in ka kal chhuak nghal nal nal bawk, kawt ah mipa ho an lo zai a, barbeque an țan tawh anih ka ring, a khu deuh rum rum reng a, sa kang rim a nam rum rum bawk.
"Kha i Sarzuk chu."

"Ka ngei lutuk che." Ka bul a rawn thlen rual chuan rum zet in ka melh nghek a, a lo tu ber panga lek min ei tir a tum a!

"Thinrim lo la, i pum a nat ka hlauh vang zawk a lawm."

"Ka ngei tawh thau thau che, sarang khat ka lawh zing ah panga lek kha min eitir i tum leh nghal, i duh leh nang mah khan ei daih rawh." Midang awm ve ho veng thawng lo phei ila chuan ka au khum tawn tawn hial ang, mahse a unau te vek anih vang in zawi sehchilh zet ka sawi nawk nawk!

A rawn nui suk a, ka inher nghal daih bawk.

"Khawnge i kal leh dawn?"

"A dang ka lo leh dawn." inher in ngeiawm zet in ka nuih sak a, ka kal leh nghal nal nal bawk.

"Mama, rawn țhu ve tawh ru." Ka kel pel tak mipa chuan a lo ti vat a.

"Umm. Bawihi kal sawn tawh suh." ka ban rek ah a rawn vuan chawt a, midang awm lai em a thinrim khum ang a lan ka hreh ve bawk si!

"Midang kan ko khawm ang, kal darh tawh bik suh." Chupa vek chuan a rawn ti a, kan thei bawlna in lam pan chuan a kal zui nghal zat a.

"Naupangte." Ka ban rek a thlah rual in ka hnung lam ah ban a rawn rawlh lut a, a taksa si chet in min hnuk hnai nghal zat bawk.


"I inla thu ropui si."

"Naupang ti tau i ang ropui si!" a rawn ti a, ka chho melh nghek bawk.

"Ka nau te ho hian sarzuk vang in i titau tih an hriat zawng in aw?"

"Hmela."

" Hmela nupui." na deuh in a hmuiin ka beng a rawn nawr a, a awm ah ka chum pawp chak tak zet!

Midang ho chu an rawn chhuak sang sang a, hmeichhe pakhat chuan dispo thleng chu a rawn chawi chhuak ve a, ka bula mipa hrawl zet leh inla thu em em bawk si hian ka ei ve a phal leh dawn chung lo, chil put deuh va awm ai chuan en lo char char ila ka tan a hahdam thlak zawk daih ang.

"Khaw nge Carlos-a ?"

"U Siamkimi bul ah khan an la awm." a rawn ti țha ve mai bawk.


Phul ah Hmingsanga chu a țhu a, a kap kar ah ka țhu ve a, hnung lam aţang min kuah hlu hlu bawk, guitar perh in Kimkima hla an sa dual dual a, mipa lam phei chu an in ve deuh nual a vang in an phur hle hlawm a, a țhen an țhutna aţang ding meuh in an inkuah a, ban an phar dur dur hlawm a, țhut hmun ațang ka lo nuih hawk hawk reng bawk.


"Carlos-a te bul ah chuan ka kal ve dawn sin." Hmingsanga chu ka chhoh en ha a, a khabe in ka chal a rawn nawr a, eng eng emaw sawiin an nui hawk hawk hlawm a, Kimi leh Hllimpuia hmel hmuh tur a awm lo bawk.

"Ka kal pui dawn che em?"

"Aih, khawi ber ah sawn nge an awm?" ka ti a, a hmaiin ka bek a nawr a, u Siamkimi te awmna in ber chu min hrilh leh a, ka bu ta nghat bawk. Ka ding tur chu nghet zet in ka dul zawn ah min man bet tlat a! Hrethiam lo zet in ka hawi let ha bawk.

"I lo let leh vat dawn em?"

"Umm, ka hrelo."

"Maw?" a rawn ti hluk a, u Ţpa kan lam rawn pan ve mek chu melh zeuh in din chhuah leh ka tum a, min thlah duh der lo leh nghal.

"A mak e."

"I lo let leh vat dawn em?" a rawn ti leh a, a aw ri chu a zawi lutuk, midang chuan an hreve thei kher lo vang.

"Ka hrelo ka tih kha."

"Min ngailo bik ngawt mai." ka beng bul ah chuan a rawn phun hluk a, ka dak chho nghal hawk bawk.
Mahse engmah a sawi leh hma in u Ţpa chu phul ah chuan a rawn țhu thla ve a, guitar perh tupa chuan rang zet in a guitar ken lai chu u Ţpa chu a pe a, Hmingsanga pawn min kuah beh tlatna a phelh zui hmak bawk.

" i thinrim a mi?"

"Aih, kal rawh." a rawn ti hmuk, kal san tur ani em tih ka hrethiam ta der lo, u Ţpa chuan guitar chu a zut kual dan dan a,

Elvis Presley hla 'can't help falling in love ' tih tir lam kha a rawn sa a, a aw a nalh reuh phian bawk sia, midang ho pawn sakpui lovin an en țhup bawk. A thunawn a sak lai chuan Elvis-a aw ang deuh in a aw a siam kual vel a, mahse uang zet nilo in cool raih tho sia hian a sa reng tho.


" I va thiam tak." A sak zawh rual chuan kut kan beng dar dar a, ka dar ah kut a rawn nghat thuk mai!

"Khang hla kha i hre pha ve em ni?" a nui hawk a, guitar chu midang a pe let leh a. Hmingsanga nen kan lam hawi zawng chuan a țhu rem ve nghal zat bawk.

" kan naupan lai hla a lawm." ka ti hlak a, Hmingsangzuala mood chhe lutuk pawh a rawn nui chhuak ta hawk hawk mai!

"Ve reuh chr hian, e Mama i nupui nen hian in an na deuh kan nei a nia." a rawn ti a, a hoodie ban chu a pawt tawm chho va, keipawn rangfe in ka ban rek chu a ban bul ah ka va dah hnai ve vat bawk.

"Kan khuavang neihna a lo in ang chiah reuh va." u Ţpa vek chuan a ti nghut bawk.


Hmingsanga chuan a rawn thlek ve thuak a, engmah sawi loin ka ban rek ah a rawn vun a, a hmai lam ah a la chho daih a, ka ner nawng laiin u Ţpa erawh a nui suk thung.

"Carlos-a te bul ah chuan va kal tawh la." a rawn ti sup a, a hmel landan en turin ka hawi chho leh hà bawk.

"Umm."

"Reilo la aw." a ti a, ka bu nghat a hmuh rual chuan amah zawk in ka dar ah a rawn hmer a, awlsam zet in ka tho nghal tharh bawk.

U Siamkimi te awmna lam ka pan lai chuan thli a rawn thaw deuh vuk vuk a, ruah a sur dawn maw tiin van lam ka hawi nghal vat bawk, mahse chhum dum hmuh tur a awm lo hlauh!

arch 15th, 2019, 8:42 pm

"Nuam i ti em?" u Siamkimi chu khum ah a lo bawk ve a, Carlos-a leh Eatha-a pawh laptop en in an lo bawk ve diai bawk.

"Umm, i lo chhuak ve lo va." Khum ah ka țhu ve rual chuan Carlos-a chuan min lo bawh ve nghal that that a, a ni te hovin an duat bawk a, tlai lam pawh khan a tlan kual ve chhen reuh va, duat rawn ani tih a inhre ve hle in ka hre bawk.

"Ka lu a na deuh va."

"Ani maw? Damdawi te u ei tawh em?"

"Umm, hei ka zia tawh lutuk, naupang hi mu se kan chhuak ve dawn nia." a ti a, ka bu ve ta nghat bawk.
Laptop ah chuan naupang en chi deuh an download khawl sak anih ka ring, Peppa Pig an en a, Carlos-a zawk phei chu a ham bai bai reng nangin mut chhuak tawh nih chu a duh bik miah lo.

"Arinte, lo țhupui lawk la phone kan hmang a nge aw."

Khum aţang a tho chhuak a, puan pan te bat in a kal chhuak a, khum ah chuan thatchhe zet in ka bawk ve ta thlep bawk.

Thlalak bo ta ngawt kha Hmingsanga ka hrilh ve miah lo va, Hmingsanga nu khan a la chhuak nghal anih chuan chhan țha tak a awm ngei ang tih ka chiang, Hmingsanga hnen ah zualko ang hrim a sawi kawi a, anu zawh tir vel lah dik ka ti der bawk silo, ka kekawr ipte chu ka zen rak rak a, in aţang kan chhuah rual khan ka nu nen kan inbe zawk a, a țhat thu leh ka pa pawh doctor te'n phai lam ah kal tur a an tih thu a rawn sawi a, tunge kal pui dawn tih vel a rawn sawi lang miah lo bawk.


Phone ka la chhuak a, ka nu ka be leh a ngem tih ka ngaihtuah rauh rauh va, mahse thlalak chungchang vel ka sawi chuan Hmingsanga nu te nen an inzawmna lo fuh vak lo tase min ngaihtuah dawn lutuk mai bak ah rilru nuam lo tak in ka siam ani dawn a, Hmingsanga nu te an rawn let har ka ring lo, an rawn let hun ah keimah ngeiin ka be mai zawk ang, Ka nu fanu tih ka insawi rual khan nu hrisel țha pangngai zawk pawh thidang tur ang maiin a vun a dang var puap a, ka nu taksa chak tawh bawk silo phei chu ralkhat aţang hrilh ngawt chi a ni dawn lo lutuk, keimah ngeiin hriat chhuah ka tum zawk mai ang.

Ka ban ah min rawn beng det det a, mit ka meng hlawl bawk.

U Siamkimi chuan min lo nuih var var a, ka țhu chhuak a, Carlos-a leh Ethan-a chu an lo muhil tawh reng lehnghal.

"Kan chhuak ve dawn mi?" a rawn ti a.

"Umm, ka lo muhil ve hman a mawnle?" ka ti niah niah bawk, nui hak hak chung in Carlos-a te chu puan in a khuh țha a. Ethan-a hi a û zawng nangin Carlos-a aiin a lian vak der lo.

"Huan vel hi fangkual hman la ni tur."

"Nichin khan Pa Thlenga te awmna ka va kal a lawm, Sarzuk te ka va lo va." U Siamkimi chu a nui hawk hawk a, nu cher lam pang hmai sin deuh rat ani a, kei aiin a sang zawk, a aw ri tlem in a tham deuh ţiak a, a bul a awm a hahdam ru phian bawk.

"Chhungkaw ho hi hriat kim har i tive em?"

"Umm, tu vak mah ka la hrehrang lo " ka ti vat a.

"Keipawh kan inneih tir khan ka buai rei a lawm, mahse an chhungkua hi an fel hrim hrim a, ko sual lawp lawp mahila huat aiin min fiamnan tak an hmang a, han ko sual nawk nawk ila, kan hre hrang hma mai." a sawi dik in ka ring, kei phei hi chuan u Ţpa leh u Siamkimi deuh chiah ka la ko ngam a nia, an vai a an hming nen ko fak tur phei chuan hun ka mamawh rei phian ang!


An meipui chheh a lo rem ţan tawh a, tlema tleirawl zual ho pawh hmuh tur an lo awm tawh lo, Hmingsanga bul ah mipa lo țhu ve ka hmuh rual chuan ka ţang ru nghal țeuh va, u Siamkimi chu an lo be nak nak a, Hlimpuia pawh a lo awm tawh a, kan riahna tur inte kawngkhar chhung lam aţang a rawn innem hawng a, a chhung aţang chuan Claudia leh Kimi an rawn chhuak hlawl bawk!



Ka hmu tih an inhriat rual chuan an rawn nui sak a!

"Bawihi?"

"Aaa.. aw."

"He tah lo țhu rawh." Hmingsanga bawk chuan a rawn ti leh sup bawk, ka ban rek ah a rawn vuan a, a kap kar ah min pawt țhu a, a taksa ka nghen fel rual chiah in hnung lam ațang Kimi leh Claudia chu an rawn nui duh duar kher bawk.

"Carlos-a te an mu tawh maw?"

"Umm, ka lo muhil ve hman ţep a." ka ti țha ve mai, rum nghut chung in a ban hrawl zet chuan ka taksa chu a rawn kuah bet ta hlun a, ka hma ah tak Kimi a rawn țhun a, meipui chheh alh rem țan tawh chu kan inkar ah a awm a, henu hian engvang a min haw ve ringawt nge anih ka hrelo, Hmingsanga in ah țum khat kan inhmu tawh a, khami țum kha chuan pangngai takin min nuih, tun ah thung chuan min tihnat a chak hmel et et niber in ka hria! Claudia erawh kan bul lawk ah a rawn țhu ve thung, a bialpa chuan a lo be thuai a, Claudia leh Kimi hi an inkawm nasa a, Claudia'n min ngei tur tawk vel in thil lo hrilh anei te anih ka ring ta lek lek bawk.


"I chauh viau chuan kan mu tawh mai dawn mi?" ka beng bul ah a rawn phun sup, mi dang chuan an hmu ve kher lo vang, ka beng hnui chu a hmuiin a rawn nawr a, ka hnial lo kher bawk.

"Umm." ka ti nghat a, Hmingsanga hawi chhuah rual chuan rang zet in Kimi zawk a rawn ţawng ta tlat!

" Card deng i la, a chak lo couple a piang zawhna zawh theih ti bawk i la?" a rawn ti a, midang chuan an pawm tihnan kut an beng ta hlut a.

"Mam, nangni pawh tel ve ru aw?" Kimi vek chuan Hmingsanga chu a melh a, mei khu kal chho ngaih ngaih kar aţang chuan anui sak chu ka hmu bawk.

"Card den te chu!" a ti hluk!

"Deng ang u, u Ţpa leh u Siamkimi pawh kha in bang thiang lo." Hlimpuia chuan a rawn ti a, u Ţpa pawh a bu ve ta nghut a, Hmingsanga chuan min chhuk en zawk a, ka hrethiam bik loh tih entir nan hmui ka ti pawrh tarh ringawt.

"C'mon mutna lam pan țheuh pawh niila tumah in mu dawn bik lo." Hlimpuia chuan nui hawk hawk chung chuan a rawn ti a, Hmingsanga pawh a bu ve ta nghut bawk.


Kimi'n a bag aţang playing card a rawn phawrh chhuak a, huan ah an kal chang in eirawng bawl tur group thlan nan card an den țhin thu a sawi malh malh reng a, kan țhenawm te in ah hian an deng khawm țhin a, keichuan a awmzia engmah ka hrethiam der lo.

Hlimpuia leh Claudia bialpa Sawma chuan dawhkan tur vel an set up vek a, kan țhu bial ta laih bawk.

Pangngai tak in mipa ho chuan card an hum far a, Hmingsanga bul ah tlaw bik zet in ka țhu ve reng a, hmeuchhe dang ho chuan an kawppui te card an lo sawi rem sak zung zung a, engmah ka thiam ve der bawk silo, ka hawi chhuah a piang in Claudia chuan a bialpa chu a hnung lam aţang a lo bawh deuh huam huam reng a, a mit thung chuan kei leh Hmingsanga min en kual ralh ralh reng a, hetiang a bialpa țha leh amah duat hmel zet tu anei tawh chung pawh a Hmingsanga a la rawn beisei reng țhin hi mak ka ti hle bawk.


"Mama in chak lo." Kimi chu a nui chhuak hawk hawk a, Hmingsanga pawn card chu dawhkan ah theh thla thlawp mai!

"Cool, in duh duh min zawt thei ang." a ti nghut, a ban pakhat in min rawn kuah a.

"Arintei nen hian engtin nge in in tawn?" Hlimpuia'n zawhna a rawn siam hmasa ber a, ka nui chhuak hak bawk.


"Kham ah zuan thlak a tum a." Hmingsanga chuan a ti a, midang ho chuan an awi loh hmel kher mai!

"Chhang țha la?" Kimi chuan a rawn ti nui nui a, an zawhna zawh dan vel pawh a pangngai tak viau a vang in keipawh ka inthlah dul ve ta deuh va.

"Dik tak in ka chhang che u, kham ah zuanthlak a tum a, ka pu let, chuan.. ka case lak lai ah min pui a." a nui deuh suk bawk, kan inhriat tirh lau vel kha a ngaihtuah let ve tho anih ka ring.

"Kei ve, fa eng zat nge neih in tum?" u Ţpa chuan a rawn ti a, kan za vai chuan ka nui ta hawk hawk a, chutiang te chu!

"Kan neih theih zat zat ani mai lawm." Min rawn en a, ka hmai a sa huam huam thei mai! "A dik em?" a rawn ti leh sup bawk.

"Arinte?" U Siamkimi chuan nui chung in min rawn en a.

"Ummm." ka ti ringawt.

Claudia te min zawh ve hun a thlen rual chuan Kimi nen an in signal zauh chu ka hmu ta hram!

"Hmingsang." Claudia chuan a rawn ti a, a bialpa dar ah khabe a nghat pah reng bawk.

"Arintei nge zei zawk Arintei hma chiah a i hun hmanpui?" u Siamkimi chuan a coke in lai a hak lo chauh! Nuam tih hmel zet a Claudia nui chhuak hak chu a bialpa chuan a melh deuh rawm a, zawhna awm ang lo lutuk a ti pawh ani mahna!

"Kryptonite chu a zei hlei nem!" Hmingsanga chhan na vang chuan ka nghilh dup mai! Kimi leh Claudia te pahnih chu nuam ti fe in an nui chhuak hak a, Ka dar a kuahna chu a rawn ti nghet salh bawk.

"A zei lo, mahse ka mamawh zawng zawng nei tu anih vang in ka tan chuan ani tluk a awm lo!"

"A nih chuan.." Claudia lo țawng chu Hmingsanga chuan a kut lek vut in a ti tawp a!

" Hmeichhe zei nilo in hmeichhia ka hmangaih ni bawk nen a hun hman dun chu nuam ka ti zawk fe ang tih inhriatthiam ka ring!" midang chu a enkual thuak a, a thusawi tawp lam ah erawh a chal in ka bek a rawn nawr tâwk thung! Claudia leh Kimi nui tawp riai riai chu ka en reng a, khang tiang mimal thil lutuk sawi chhuah tir a, min nuihsawh an tum vang a he card den hi rawt chawp mai mai an ni tih ka hrethiam tawh, Hmingsanga chhanna kha Claudia tan chuan a nâ khawp in ka ring, mahse a cho chhuah ani a, a thil tih man a hmu ta ah ka ngai!


"Arinte?" Kimi chuan a rawn ti a, kan boruak ţang ru at vang chuan u Siamkimi chuan duhtawk tawh tur in Kimi chu a mit mei lai ka hmu hram bawk.

"I nu nen zu zuar in Rv ah inkhawsa tih hi a dik em?"

"Lalnunkim!" Hmingsanga chu a ti țhawt! A aw ri hlauhawm lutuk vang chuan ka phu dawrh bawk!

"Eng nge? An sawi a, ka zawt mai mai anih kha!"

" Ka nupui hi zawhna i zawt duh anih chuan keimah min be hmasa zel ang che!" a ti leh churh a, Hlimpuia zawk in Kimi lo ţawng leh tur chu a ban ah nghawk in a lo ti tawp a, Hmingsanga ding vut phen aţang Claudia lo nui hmel ka va hmuh rual chuan va kek hrep mai ka duh rum rum! Aman a sawi ngam loh vang in a țhiannu a tih tir tih ka hrethiam ta chiah bawk!

"Ka nupui chanchin hriat duh in nei anih chuan keimah min zawt ang che u, Lalnunkim i kâ aţang kha tiang thu kha a chhuak leh tih ka hre tawh tur anilo." ka dar ah a rawn man a, a thinrim bawk a, a aw chu a ri dur dur maiin ka hria!


"U, kan mu tawh mai dawn." Zo zet a min pawh thawh rual in u Ţpa te nupa chu a melh a, u Ţpa chu a bu nghut a, u Siankimi thung chuan min lainat hmel zet in min en reng thung.

"I țha em?" Khum ah min țhu tir a, midang tam lai in Kimi khan a sawi chhuak lo hlauh va! Mahse u Ţpa te, Hlimpuia leh Sawma te ho khan zu zuar fanu ka ni tih an hre vek tawh thung!

"Ka țha." ka ti a, ka hma ah a rawn țhu hniam ruai ruai bawk.

" khawi aţang tehhrep nge maw a lo hriat ni?" bung zet in a rawn ti nghut, ka kut a rawn hum a. Zu zuar fanu ti a mi te'n min sawi chang a ka zah ber țum ala ni hial ang!

"Bawihi?"

" i chhung hnai tlem te lek in an la hre chung pawn mak an ti a nia! I nu leh pa in an hriat hun ah phei chuan.."

"Duh tawk rawh." a rawn ti hrawih, ka thaw hawk a.

" u Ţpa khan mak a tih hmel lutuk a sin, chuan Sawma pawh khan.. Hlimpuia an nuihzat vek tawh dawn che anih kha!" at hmel zet in ka nui chhuak hak a, a kut phah lum vung vung in ka biang a rawn khuap nghal hmiah mai!

"Engmah ngaihtuah tawh suh, kha dinhmun a ding tur khan harsatna zawk in a nawrlui che u a lawm."


"Chu chu i chhungte'n an hreve hleinem." ka ti hap a! An hre ve dawn lo tak tak! Sawi pawh niila an awi tawh kher lo vang!

"An ni chu ngaihtuah suh, ka nupui a lawm i nih!"

"Hmingsang."

"Engmah ngaihtuah suh." a rawn ti sup a, a chal in ka chal a rawn nawr rual chuan nghet lutuk in ka biang a rawn dawmna kut chu ka vawn hnan ve a, tun țum chiah hi ka nu cancer natna enkawlna a tan zu kan zuar ka inchhir ber țum ani hial ang!


"Bawihi muhil rawh." a rawn ti sup, a taksa chanve chung ah ka bawk thlep a, nghet zet in ka taksa chu a kuah bet tlat bawk!


"Mi in 'police officer in zu zuar fanu nupui ah a nei an ti.." ka sawi zo hman lo, na zet in ka chhip ah a hmuiin a rawn nawr a, a taksa chu a ţang ţawlh ţawlh bawk.

"Midang te thusawi ah buai loh tur, tu mit ah pawh kan chetsualna lai chu tuifim tak ang maiin a fiah em em reng a, ka thil tih țhat ve erawh vaivut in an mit a bawh ta emaw tih tur khawp in tuman an hmu thiam duh ngai lo, ka hmangaih che i phal a, ka kiang ah i awm tlat chuan tuman engmah an sawi zui reng peih lo vang!" Mit ka chhing siai siai a! Zu zuar fanu ni mahila ka pasal tur chhungkaw hma ah ngei a rawn lan chhuah meuh chuan ka lo hlauthawng ve thei tho anih hi!


"Bawihi?" mipa aw zawi ruih in min ko ri vang chuan mit ka meng hlawl a, kawt a light eng kung chuan kan awmna chhung chu a rawn chhun eng raih bawk.


"Bawihi?" a rawn ti leh a, ka che ţalh ţalh a, ka bek zawn huh hluam chu ka tuai a, ka inbeng kan rual erawh in mak ti lutuk in Hmingsanga chu ka melh nghal kawk mai! Mit a meng lo va, a taksa hrawlpui chu thlan in a lo bual huah vek bawk, chutia maimitchhing reng chung chuan ka hming a lam mawlh mawlh reng a, a biang ah ka vawn rual deuh thaw in a rawn meng phut a, a kut hrawl zet mai a rawn chet vut rual deuh thaw in ka dul zawn a rawn dap a!

"Hmingsang?" ka ti sep, ani erawh a hawi â ruai thung!

"I țha em?" ka ti leh a, ka dul chu a rawn dap kual thuak thuak a, zawn nei ang maiin ka dul zawn chu a en kual ruai reng bawk, a thawk lak dan a rang bawk si!

"Naute ațha em?" a rawn ti a, ka hmai bul chet ah a rawn hawi chhuak bawk! A thusawi in min țhawn lutuk vang a ni ngei ang, chet ngaihna hreloin a hmela natna rawn lang chhuak chu ka en reng tawp!

"God!" a rum chhuak nghal hrawih, ka dul aţang chuan rang lutuk in a kut a la sawn a, a hmai a hup zui thawk bawk!

" mu leh rawh." a ban rek ah ka vuan a, a kut ka pawh hran rual chuan ka taksa chhung lam a na vawng vawng mai!
"Ka mumang ah ka hmu a, hmeichhia ania, ka pawm thei lo va!" Mumal lo lutuk in a rawn phun mawlh mawlh a, a nghawng hnunglam ah ka vuan a, ka lam ah ka pawt hnai nghal tawk bawk!
"A duhawm lutuk a sin!" A hmaiin ka nghawng a rawn nawr zui tawk bawk! A taksa chu chhung lam aţang a rawn che deuh hlawk hlawk a, ka kuahna pawh ka ti nghet ve sauh bawk! Amah leh amah inthiam lovin a indem leh tlat ka hlau ngawih ngawih!
"Mu ila, ka kuah ang che." ka ti sep a!

Lukham ah lu ka nghah rual deuh thaw in ka awm ah a hmaiin a rawn nawr a, a taksa thlan hun dup vang chuan puan sin tir ngaihna a awm tawh lo, a dar ah chuan ka beng thek thek a, ani erawh a thaw hawm hawm reng thung!

" nau i pai leh anih chuan vawi khat pawh ruahsur hnuai ah ka tlan chhuahpui tawh lo vang che." a rawn ti țûak, a sam ah ka țham a, ka lu kan in a chhip ah chuan ka fawp vang vang a! A mumang ațang leh zel pawh inthiam lo tak chung in a rawn harhchhuak ani! A rilru tur phei chu ngaihtuah dan tur takngial pawh ka thiam lo!

"Good morning Kryptonite." a hmuiin ka beng a rawn nawr a, ka bawk khup nghal thawk mai!

A nui ri suk thawm ka hriat rual deuh thaw in hnung lam aţang min rawn kuah a.
"Midang ah tlan let țhen tawh a nia." Min rawn kuah hlu hlu pah a Hmingsanga rawn phun ri sup a vang chuan mit ka meng dawn a, a kham lutuk vang in ka chhing leh nghal sawk a.

"Dar eng zah nge?" Ka meng thei lo, nizan khan ka mu manglo, Mangchhia vang a a raw harh hlawl rual a athil sawi ngaihtuah let in a muhil kha ka thir tlaivar thak.
"6:30 a pel tawh" ka beng ah a rawn fawp a, a thaw lum nghal ham ham bawk.
"Ok." Mit ka meng a, sava chiar nak nak thawm ka hre nghal zat!
Ka zang thal leh a, rang zet in ka taksa chung ah a rawn țhu kai a, a nui deuh suk chu ka nuih let ve ringawt bawk.

"Carlos-a a tho tawh em?"
"Umm, a rawn lut zawk a, pa Thlenga ho khan sangha an man dawn a." a rawn ti sup, ka bu ta nghat bawk.
"Chhuk la, ka intifai ve tawh ang."
"Ok." a thle buk a, mahse a let thla chuang miah lo.
"Hmingsang?"
"One thing." a rawn ti sup, pa zet hian a rawn nui leh suk a, a rawn kun hniam a, ka chal ah a chal a rawn nghah rual chuan ka kut vei lam chu a rawn man a, ka lu zawn lukham ah a nem bet ve nghal chat bawk!
"Ka hmangaih che tih i hria tiraw?" ka chal ah a chal a la nawr reng.
"Uumm."
"Anih chuan ka hlat ah kal ngai suh ang che." a ti a, a kut ding lam a rawn chet leh vut a, ka kut veilam chu ka hmai zawn ah a rawn la kang a, ka kutzungte û ah chuan zungbun a rawn nawr lut a, mak ti lutuk in ka meng nghal kawk bawk.

"Hmingsang?"
"Ka ta i ni tawh?" a rawn ti a, ka kutţang a rangkachak zungbun chu ka melh a, ka che vel chu uluk zet in min lo en run bawk.


_____________________________________________________

Ni hnih hnu ah Hmingsang a nu leh pa an rawn haw tawh dawn a, dil a kan kal țum bak kha Claudia nen pawh kan inhmu tawh ngai lo, Kimi pawn Hmingsanga thinrim kha a hlau ngang a nia nge ka chanchin engmah a sawi ri leh tawh ngai lo.

Champhai a OC in Hmingsanga a rawn call a, thil pawimawh tak a awm ani ngei ang, tlai chaw eikham rual in a kal chhuak nghal a, u Ţpa hovin chanchin thar kan en a, Carlos-a pawn ka mal chung ah lu a nghat a, ka phone a khawih ve nauh nauh reng bawk. U Siamkimi leh u Ţpa'n vawi khat pawh zu zawrh lam chanchin kha min zawt zui ta miah lo bawk.

Dar 9 pelh ah Hmingsanga chu ka call a, Carlos-a leh Ethan-a pawh mut chhuak zet in an ham bai bai tawh.
A ring dawn maw ka ti a, mahse switch off a in ti ta daih a, police hna chungchang vel sawi tur an ni dawn a, an rei deuh dawn niang ka ti rilru rauh rauh mai!

Kawngkhar pui a rawn inpawt hawng a, Hlimpuia a rawn lut hlawl a, min hmuh ve rual chuan a rawn nui nghal suk bawk.
"Mama'n rawn kal ve rawh a ti che." a rawn ti thawr.
"Khawi ah maw?" ka ti vat a.
"Saw tah Claudia te in lam ah." Ka hriat sual emaw tiin ka melh nghal haw mai.
"Ka phei ve dawn a, min rawn bia a, ka rual a rawn phei ve tur in a duh deuh che niang." a ti leh a, mak ka ti ta kher mai! Police quarter ah kal tur ang in in aţang a kal chhuak sia!
"Tak tak em?"
"Um, a rawn haw tur Claudia te in ah a peng kawi lawk a niang, saw lam ah an lo chelh ta sia." a ti leh a, Claudia nen ka lo ringhlel hrep tawh a, an bul ah awm ve se min ti ve vang anih ka ring ta ber.
"Min rawn hrilh ve mai tur a nia." ka ti nang nang a,
"Keipawn ka call a lawm, a switch off daih sia." A dik, ka call pawn a in switch off.

Inthlak pawh inthlak lovin Hlimpuia chu ka zui ve ta tawp a, u Ţpa te'n Carlos-a chu an lo mutpui mai tur thu an sawi a, Claudia te in lam ah eng tak chu ti ang maw? Chutih rual erawh in ka lak ah zep a tum loh a vang chuan ka lawm ru hle thung.

"A lo call na che a rei tawh em?" Hlimpuia chu ka en zawk a, lu a thing a.

"La rei vak lo, Sawma nen khan eng emaw sawi dun tur an nei a niang." A ti a, ka bu nghat bawk.

Claudia te in chu Hmingsanga te in aţang a lo hla vak lo va, sap in sak tih hriat zet in midang in te nen chuan a danglam fal nalh! Awm ve an awm nual tih ka hmuh rual chuan Hlimpuia chu ka melh vat a. Ani erawh in motor hunna tur a en kual nghal thuak thung.
"Eng nge an tih a?"
"Claudia nau birthday ania, chaw an ei khawm ve anih hi." a ti leh mai! Ngaihțhat lohna pawh ka nei chuang lo.

Gate ah kan inzui lut a, ka inthuam dan chu ka en nawn thuak a, kekawr par lian lam mah ka ha, t-shirt ha mawl leh tawp in chappal pan zet ka bun leh tawp!

Inchhung kan luh rual chuan ka meng deuh awk a! Hmeichhia leh mipa an lo awm nuaih nuaih a, beer an hum far hlawm bawk. Music a ri deuh dup dup reng a, a chang in an music play ber lah chu a tawp duk a, a rawn ri leh mai țhin in ka hria!

Hlimpuia phone chu a rawn ri a. A din a vang in a bul ah chuan bet lo zet in ka ding ve ta ran a, midang awm ve ho chuan min rawn uksak lem lo bawk a, ka hawi kual thuak a, sap inchhung movie vel ah te kan lo hmuh țhin hi an in nen chuan ka tehkhin deuh ber.
"Inchung ah an awm anih chu, han chho ve tawp rawh." Hlimpuia chuan a rawn ti a.
"Kailawn ah sawn chho la, kawngkhar lo awm hamsa ber dawt ah khan an awm tih a rawn sawi."
"I lo kal ve dawn lo em ni?"
"Dawn nang." A nui hawk a.
"An kul muk leh dawn si ka tel ve peih lo." a ti a, kailawn thleng chu min hruai ta tho.

Ka pen chho zel a, inchung lam ah pawh hmun tin ah beer can leh coke can vel an lo chhawp fur a, kawngkhar pakhatna chu ka kal pel a; kawngkhar pahnihna chu tlem a hla deuh vah a lo awm a, Kal ve tur a min hrilh kher lovin Claudia te in ah Sawma nen an inhmu dawn tih te min rawn hrilh se pawi ka tih dawn loh vei nen, Hlimpuia min rawn hruaitir thlap erawh ka nuih a za ru hle thung.

Kawngkhar lo innem kau sa chu kik tum in ka din hnaih hrat a! Vawi khat ka ti ri dat a, kawngkhar lo inhawng tawh sa chu tlem te in a inhawn belh leh a, ka kik leh dawn chiah rual a Claudia thusawi vang chuan ka tawp nghal chawt!

" I fa ber a chhiat tawh te chuan neih kher a țul viau a mawnle?" a ti hlak! Ka chanchin an sawi tih ka hrethiam ta mai bawk.

"Kan thil tum chu i hriat kha Claudia." mipa aw zawi ruih ka hre tel leh a, inhnuai lam a an music play ri dup dup vang chuan mipa aw zawk phei chu ka hrechiang hlei thei lo!

"I ti dik, a nu cancer vang in a thi lek lek tawh tho va, a pa lah chuap lam țha lo ani bawk, nei vat la, anu leh pa an thih rual in ukil lam kan buaipui a nga, i hming in a pa rosum vel han dah fel te te se, i țhennghal nal nal dawn nia." kut ka hum ruh nghal ngawt ngawt!

"Chu vang tak chuan nghak thei rawh ka tih kha! A rinhleh tur ang in awm tawh suh!" a aw zawi ruih mai ka hriatchian ru chuan ka kut pahnih in ka kâ ka hup bet a, min shock lutuk vang chuan ka thinphu chu a tawp duk maiin ka hria!

"I fa pai tawh lo se ka duh." Claudia vek ani!

"Umm, keipawn ani nen a fa neih ka duh bik hleinem, a pai lai pawh tih tlak sak tur a lemchhan a hautak zia chu i hriat kha!" a nui zui hawk a!


Chil ka lem khawlh a, ka beng hriatna te pawh an rawn let leh thei chiah! Ka lungphu ri dawt dawt chuan ka taksa chu a nghawt chaw dawt dawt a! Ka hriat leh hmasak ber chu thawk chhuah harsa khawp a ka thin chhung na ngut ngut chu ani a! An ni pahnih lemchanna hi ka lo la thutak em em sia a maw? Ka van va dak a, ka nui sak mai! Kei min hmangaih vang nilo in ka pa rosum zawk mawh neih tum a min lo hnaih? Ka pum chu ka dawm leh a! Ka khur ta thung! Ka pum chhung a naute pawh tih luihna hmang zawk in maw min lo thah sak a!

"Hlimpuia'n a lo thleng tawh a ti, ka lo va chhuak ang." Claudia chuan a ti leh a, tenawm ka ti dun ngawih ngawih!

Kawngkhar chu a rawn in pawt hawng a, Claudia hmel ka hmuh rual chuan a hmai ah tak beng chawrh lo turin ka inthunun nghal ţang ţang mai!

"I lo thleng tawh maw, in pa pawn chhung lam ah a nghak che." a rawn ti a, room chhung aţang chuan a rawn pen chhuak zat bawk. 'In pa' tih thumal chuan ka kawchhung lam a tinat ngut ngut bawk.
"Lo lut la." a ti leh a, mahse ka chet sawn tak miah loh ah chuan room kawngkhar chu a pawt khar riai riai a.

" â leh lutuk, biakna pawh hrethiam lo."

"Uggg!" ka kut chu ka vai pawp, a biang a ri chawrh a, a thle sawk bawk, a rawn dah chhuah leh rual in vawi khat dang ka beng leh chawrh a, a țe ta țhawt bawk, kawngkhar bul a beer can in hung dulna dawhkan lam chu ka pan rawk rawk a, beer can chu ka kheuh hawng a, Claudia hmai ah tak ka theh leh țhawt bawk!

"Hmeli?" A rawn ti tuar!

"Eng nge a an?" ka nui hawk mai!
"Ka inchhung ah ngei kut min thlak ngam a maw?"
"Aw, eng nge i tih chuan ang?" ka ti nghek, ka din hnaih leh hrat rual chuan a tawlh hnung rawk rawk a, ben leh chawrh ka tum nang in Hmingsangzuala benna tur a tan khek zawk ang! Kailawn ah chuan ka tlan thla zawt zawt a, ka thinrim lutuk vang leh engkim kha lem channa vek a lo nih vang a ka tlawmna te chuan ka thinlung hi a hmet chau vek!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 5:54 pm

☆UTOPIA:1996☆
Chapter 40
By
Abbra Reo Ririni khiangte ( Pitartei)


Ka kawr hma lam a rawn huh țhawt a, ka ngaihtuahna kal bing lutuk vang in ka hma ah awm an awm tih pawh ka lo ngaihtuah lo, beer rim nam nghal huam ka hriat rual chuan ka ner rû nghal nawng mai.

"Sorry!" Kimi aw ri ka hriat rual chuan ka hawi chhuak nghal vat a a tihpalh tak tak lo tih hriat zet in min lo nuih sak bawk, inhnuai lam a awm ve ho pawh chuan min lo en țhup a ani tihbuai nan hun ka nei lo!

Engmah sawi lo in Kimi chu ka kal pel a, Hlimpuia kha hmuh tur a lo awm tawh miah lo va, mahse he in aţang hla thei ber a kal nghal nal nal ka duh miau a vang in kawngka pui lam chu ka pan hlawk hlawk a! Claudia leh Hmingsangzuala inbiakna ri chu ka beng ah a khawk rum rum reng bawk!


* a pai lai pawh tih tlak sak tur a lemchhan a hautak zia chu i hriat kha!*

Ka awm chhung rawn tawp up up leh hrawk chhung rawn sa huam huam vang chuan kawt zawl ka thlen rual chuan ka rum chhuak ta hawk a! Thli thaw in ka taksa chu a rawn chhem a, mahse natna in min belh chhah tulh tulh thung!


*nei vat la, anu leh pa an thih rual in ukil lam kan buaipui a nga, i hming in a pa rosum vel han dah fel te te se, i țhen nghal nal nal dawn nia.*

Ka beng chhung ah chuan an ni pahnih aw chu a ri nawn tluk tluk a, nuam ti zet a Claudia nui hmel te, engkim, engkim tak tak in ka thluak chhung chu an rawn luhchilh tup tup nau ka pai tih a hriat ruala Hmingsangzuala lawm hmel te, țha tak a min enkawl tur thu a sawi țum a a aw ri dam ruih te, min duh ve tak tak emaw ka tih theih tur khawp a a thikthu chhia a chet kual vel dan te, min chan mai ang tih hlau ang hrim a Champhai ah min tlanchhoh pui rum rum zan a thil thleng te kha ka ngaihtuah let zut zut a, naute a him leh him loh hriat tuma a tal buai vek hmel te, ugggh! Nau ka chhiat rual a mahni leh mahni inthiam lo tak a, a beidawng hmel te kha lemchanna vek an lo nih chu!

Vanvadak chung chuan ka nui chhuak hawk a! Engtin nge a fa ngei chu sum an duh vang ringawt in an tihhlum thei? An rapthlak ngawih ngawih!

Ke in in lam pan chuan ka kal hlawk hlawk a, Hmingsangzuala duhna thinlung ka neih rual chiah khan an thang ah ka inbarh lut chiah tihna a lo ni a! Engtin nge ka pa rosum daih daih te an rawn it theih! Ka ngaihtuah chian a piang in mak ka ti ngawih ngawih! Kan vawi khat in hmuhna kha Hmingsangzuala tan chuan lemchan ințanna hmasa ber a lo ni reng a! Ha, rapthlak leh lutuk! Ka sual ber lai pawh mite pawisa neih ka awh vang in vawi khatmah an nun ah luh ka tum chhin ngailo, tun ah chuan engkim ka hre vek tawh a, ka pa sum cheng khat pawh an ni hial an nei ngai lo vang!


Nau ka chhiat rual te khan Claudia nen lawmna nei dun hi min lo nuihzat ngawt ang tih ka ngaihtuah rual te chuan ka taksa chhung chu a rawn na leh ngut ngut a, ka pum chhung a naute tal kha tihlum lo in lem an chang mai thei lo em ni? Ka thaw chhuak hawk a! Min bum tih ka hre vek tawh mahse naute kher kher an ti hlum duh kha mak ka ti tawp thei lo thung! Min sual luih vang a pai ka ni tih ka inhria, tichung khan keichuan țha tak a lo piang chhuak tur in ka duh a, min bum tih ka hriat hnu pawh hian naute kha chu ka la haw ve thei chuang lo, mahse khang Ramhuai pahnih te khan mihring taksa ang pawh a rawn neih hma in ka nun aţang an la bo va! An thil tihman ka tel tir em em ang!

Pindan chhung thim raih ah chuan ka țhu ngawih chawrh chawrh a! Pawn lam aţang kawngkhar chu a rawn innem hawng a, ka mit sir in Hmingsangzuala rawn lut mek chu ka hmu thei, mahse parda chhah mup inzar lam bawk chu ka melh leh ngar a! Ka pa rosum it tu vang ngawt a natna ka tawrh tak zawng zawng te kha ka ngaihtuah let a, â ka intih rual in an ni pahnih lemchanna ah ka lo lungliam hman lutuk chu ka inlainat ngawih ngawih!

"I lo mut ka ring a." a rawn ti sup, melh pawh ka melh peih lo hrim hrim, kawngkhar a nem phui a, light pangngai a hmeh en rual chuan hnar a tum zui dat a!

"Beer i in ve reuh em ni?" nuihzat hmel zet in a rawn ti hawk bawk!

A jacket hak lai a hlip a, khum mawng lam ah a rawn theh kai leh a, khum ah a rawn lawn ve rual chuan lo ben ve chawrh mai la tum tut tut a, rum țuah țuah chung in a hmaiin ka ban bul a rawn nawr a! Claudia nen an inbiakna kha lo hre lo ta ila chuan tun a chet dan vang ringawt te hian ka lo lungliam leh hman hmawh tawh ang chu!

"Carlos-a ka û te kiang ah a riak dawn mi a?" a rawn ti sup, a kut hrawl zet a ka hnung a rawn chul rual chuan ka chet ta phat a ban rek ah man in a kut chu ka phih sawn nghal sawk bawk.

"Sorry, kan kalna ah signal a awm lo va, chanchin ka rawn sawi thei lo anih kha." ka nui chhuak hawk teuh kher mai! Min bum leh theih a inring nge Claudia khan kut ka thlak tih a hrilh miah lo zawk!

" hmeichhe pakhat â zet mai amah bum tu lak ah a luangliam lai lo thlir chu engnge a an?" ka ti a, that chhe zet in a rawn hawi chhuak a, țum dang ang bawk in a landan engkim a cool ruih.

"I sawi awmzia ka hrelo." a ti sup, ka nui nghal hak bawk.

" thawnthu ka hrilh ang che, i duh em?"

"A chakawm khawp ang chu, mahse i kawr ah khan beer in intihbuak in ka hria, thlak phawt la." a aw rikdan pangngai bik lutuk te chu ka haw hlur mai!
Khum aţang a tho nghal vut, a savun kawnghren chu phelh mawlh mawlh in a pawt dawk a, sofa ah a theh kai a, thuamhnaw bawm lam a pan rual chuan ngawi reng khum ep chiah parda chu ka melh ngar thung, a shirt hak lai a pawt hlip a, thuamhnaw bawm aţang ka kawr hak tur a la chhuak lai te chu ka mit sir in ka hmu thei vek, khum bawk a rawn lawn leh a, kum 10 chhung tehmeuh innghahna tur nei lo hmeithai nufa nun ah a rawn intat lut a, kan nufa in ka thlamuanpui dan zawng zawng pawh a kiang ah hian sawi lo mahila a hre vek! Mahse tum nei ran zawk in kan nun ah khan a rawn lut a! Ngaihtuah pawh ka lo ngaihtuah thlen phak ngailo ka pa rosum daih duh vang in kan nufa min rawn ngaihsak a, ka pa ngaidam tur a min hrilh țum te khan verther zet in an sum chantur a lo thliar hrang thlap hman hial in ka ring.

"Bawihi, hei ha rawh, hritlang i kai ang." a rawn ti sup, ka melh a, a ni rawn kun hniam ve chiah chuan ka hmui ah a rawn fawp nghal zauh bawk.

"Beer i in miah lo, mahse i kawr ah a nam tho sia." Ka hmai bul chet ah chiang lutuk in min melh nghal rûn bawk.

"Claudia te in ah ka kal a." A kut a ka kawr chu la nghal zat bawk, engmah sawi loin ka chezia chu min en zui ta reng a, inhma tawn a kan awm lai reng chuan ka kawrhun chu ka hlip tawp a, ka taksa ban deuh chuap chu ka ngaipawimawh peih rih lo. A shirt rawn lak ka inthawlh zawh hnu ah pawh ţawng tumna a nei tawh lo, mahse chik lutuk in min melh run reng a, pindan chhung ril a an inbiakna kha a ngaihtuah let ve te pawh ani mahna!


"Engti tur in nge i kal a?" A rawn ti ta hmuk, nui sak chung in khum aţang ka tho chhuak a.

" Lemchan thiam te lemchan dan tur remruatna va hmuhpui turin mawle." Suk tur bawm ah ka kawr chu ka vawm lut a, kut kuang kuah zui at in khum chung a ka pasal lo ni hman țhelh țhu run chu ka melh ta ran bawk.

" sawi chiang la." sawi suh pawh tise a duhaia tam ka ţawngkhum ang! Insawifiah theih lo tur khawp in ka dang chep a nga, ka kalsan nal nal ang, anih loh zawng in thiam tak maiin a insawifiah a nga! Atthlak lutuk in kei hmeichhe tleirawl ve mai hian ka ring leh hmiah mai ang!

" tute emaw puanzar inhliahna ka va hai lang a." ka ti hlak, rum nghut chung in khum tlang ah chuan a rawn țhu țha ve a!
"A pasal in a nupui chhungkaw rosum a neih sak hnu ah a țhendan tur remruatna te, oh! A dang leh kha eng nge ni kha! Ni dawn tak, enteh, a fa pai mek tu hmeichhia in nau a chhiat theih nan mipa chuan zan ruahsur hnuai ah hmeichhia chu a ru a nga, a enkawl zui dawn tih hrilh chung in Champhai lam ah hian a rawn tlan chhoh pui a sin, mahse eng nge thleng i hria em? Boom! Chu hmeichhe â zet chuan a fa paina pa chuan amah leh a fa chu a humhim dawn emaw a ti reuh a! Â tak a ni! Â tak! " chet tlat tlat chung in lu ka thing nar nar mai!

"Mipa thil tum chu i hria em? Ruahsur hnuai ah khan hmeichhe pum chhung a naute kha tihhlum a lo tum reng anih chu!" Mak tih hmel zet in ka meng phar vel a! Hmingsangzuala hmel landan chu a hlauhawm ta kher bawk!

"Zan in ka va kalna ah chuan naute pa ngei thusawi ka va ngaithla a! Ummm, engtin nge a tih kha! ' keipawn ani nen a fa neih ka duh bik hleinem, a pai lai pawh tih tlak sak tur a lemchhan a hautak zia chu i hriat kha!' tiin nui chung in ama fa ngei a tihhlum dan chu hmeichhe dang bul ah a sawi chhuak a sin." khum aţang a rawn ding chhuak thut a, khum pawh a che dawt, mit khap kar pawh tling lo ah ka hma ah tak a rawn ding nghal rûn mai!

" nangte reuh hian engthil nge i sawi chiam chiam a?" Sehchilh zet hian a rawn ti hrawih a, mit ka kan khum ak mai!

"A chetdan kha rapthlak i tive tho em ni?"

" eng chungchang nge i sawi ka hre nek lo ve!" a rawn ti hmuk, tukverh lam panin a kal zui vut a!

"I fa kha nangmah ngeiin i that!" ka aw ri chu a chhuak che che, mahse a hrethei! Parda a hnawl tawm tur chiah chu a kut a la thla ruai ruai a!

"Ka pum chhung a naute kha i that!" a rawn inher vut rual chuan ka lo nuih sak mai!

" sawi țha leh teh!"

Rapthlak ti lutuk in ka melh nghek! A sual tih piah lam ani!

"Nanghian ka pa rosum i duh vang in min neih i tum! Chu pawh Claudia nen in remruatna vek a lo ni bawk, ka nu leh pa hriselna dinhmun zawng zawng hresa a min hnaih i nih kha! I fa ka pai tak si ah chuan i mangang a, a chhan chu ka lak aţang fa nilo in sum chiah i mamawh miau, nau ka pai tak si ah chuan ka chhiat theih dan kawng i dap ta char char a, a tawp ah chuan i hmu ta reng, ruahsur hnuai ah Champhai lam pan in min tlan chhuah pui a, kha ruahsur hnuai ah khan thingkung kha rawn tlu lo pawh nise nang phiangsen hian ka pum chhung a naute kha tih hlum i lo tum daih tawh!" thinrimna nen ka au chhuak tawn tawn a, a rawn pen phei mawp mawp chu ka dinna ngai ah ding reng chung in ka lo melh ngawt ngawt bawk.

"Kei hian.. naute kha tihhlum ka tum maw?" A aw zawi leh buai ru lutuk chu a kawchhung aţang a rawn chhuak țawk ţawk!

"Anilo mi? Kha zan khan nang hian tum neiin thil i ti! Thingkung rawn tlu khan kan chuanna kha rawn delh lo pawh nise khawchhe hnuai ah lehnghal khan accident tenau thlen tir te chu i tan thil harsa ani nang tiraw? Mahse ka rinhleh che u a, i tum reng vang a naute kha chhiat tir min tum tih ka hriat lawk lohnan kha thingkung anchhe dawng zet khan a rawn ţanpui mai mai che ani lawm ni?"

"God!" A kut pahnih in a bek zawn a hmet nghek a, a taksa hrawl zet chu engvang ber nge tih pawh hriat loh in a sen ţawlh ţawlh, a hrawk ah leh chal ah thisen zam a lang val kulh bawk.
"I thusawi awmzia kha ka hrelo, mahse duhtawk rawh." a rawn ti hrawih!

"Mahni fa ngei pawh that thei mihring! "

"Bawihi duhtawk rawh!"

"I fa i thah dan pawh hmeichhe dang hnen ah insawi theih nan a hmang thei tu mipa tenawm lutuk i nih kha!" A hmai zawn ah ka au khum tawn tawn, a mit sen rum mai ah chuan natna ni awm tak ka hmu a, mahse pawi tihna ka neilo, keimah chiah a na tawrh ai chuan tihnat telve ka nei thei chu ka lawm fe zawk!

" i sûn der a! i tuar der a! i mangang der a! Lemchang in inthiam lo ang tak in ka mit hmuh ah i lang bawk! mahse naute ka chhiat kha i lawm ngawih ngawih thung!" Ka biang ding lam a ri nghal chawrh! Ka lo beisei lawk lo bawk a, ka thle sawk thei mai!

Ka hawi chhuah leh rual chuan min rawn ban a tum a, rang lutuk in ka kat zui dawrh bawk! Bang ka ngheng a, Hmingsangzuala hmel landan buai ru lutuk pawn min rawn hnaih fel nghal der mai! Tun ah khan kut min thlak! A kut a rawn lek chhuah leh rual chuan na lutuk in ka lo nem per nghal nawlh, sapui hliam tuar ang maiin a rum chhuak hrawih bawk!

"Ka pum chhung a naute i tih hlum vang khan ka ngaidam ngai lo vang che, i damchhung in i thil tih sual hremna kha hmu let bawk rawh!" A thinrim lutuk vang ani ngei ang, a taksa chu a sen ţawlh ţawlh, eng emaw sawi turin a rawn ang zuau va, rangzet in ka tawlh sawn ta daih!

"Ka tan tumah i ni tawh lo, ka hmuh theih ah vawi khatmah rawn lang tawh suh, chuan ka pa rosum siki khat pawh nang leh Claudia hian chantur in nei lo, kei nilo hmeichhe khawngaihthlak tak dang bum tur in zawng leh mai dawn nia." ka nuih luih sak a, A a mit senrum phena na lang chhuak ka hmuh khan ka na lutuk pawh tlem chuan a zia deuhin ka hria! Ka tawrh ang chiah hi a tuar ve tur ani!
Side table chung a ka phone leh purse chu ka la kawp a, pindan chhung aţang ka kal chhuak nal nal bawk!
"Arinte?" Pindan kawngkhar ka khar phui chiah a, u Ţpa te mut pindan chu a rawn in hawng a, thawk ka la nghal vak bawk.
"Tinge, in in hau em ni?" An nupa mut pindan chu a khar phui a, ka lam pan a a rawn pen rual chuan tlan sawn daih ka duh ut ut mai!

"Khawi a kal nge i tum?" Min ngaihtuah hmel zet in a rawn ti leh sup, dar ka kân khum ak ringawt.

"A rawn haw tawh em?"
"Umm, room ah a awm." Ka ti a, Hmingsangzuala mut pindan lam chu a thlek zauh bawk.
"Ka kal dawn." tih leh kailawn lam a tlan phei chu ka rual a, bumna hmang a min hruai luhna in chu engkim hrechhuak chung in ka tlan chhuah san dawn a ni a, ka chung a Hmingsangzuala chetdan nunrawng zet hi ka theinghil tawh ngai lo vang!

Kailawn ah ka tlan thlak zawt zawt rual chuan ka biang diang lam chu ka khawih pah a, a nâ lutuk chu ka taksa chhung thleng in a thip hlur thei! Thil tisual tu zawk in kut min thlak ngam zawk a nia! An in hi ka hal vak zawk dawn mawnle!

Kawngkhar pui ka nem hawng pawp a, kal tum bikna ka nei chuang lo, mahse Hmingsangzuala hlat thei ber ah ka kal vang vang ațha ber, an colony ka pelh fel meuh chuan hah lutuk vang in ka thaw chhuak hawm hawm a, um tu nei ang mai a bak leng a ka kal vak vak chu ka in nuihzat ru leh hle bawk! Kawngpui sir ah chuan ding in Aizawl panna kawng zawk tur chu ka rilru in ka ngaihtuah neuh neuh a, Champhai kan thlen țum khan rilru mumal lo lutuk in ka awm a, khawi lam aţang hian nge an colony kha kan tlan luh ka hrelo tak tak!

Chutia ngawi reng a ka din ngawt ngawt lai chuan car headlight in min rawn chhun ta phut a, ka kut chu lek chhuak in eng lutuk in ka mit a rawn chhun tur chu ka hliah a, Hlimpuia car ani tih ka hriat rual chuan ka tawlh sawn nghal hlek, car khalh reng chung chuan min rawn thlek zawk a, an colony panna kawng peng ah chuan a tlan lut nghal daih bawk!

Tumah hmelhriat ka nei bawk silo, zan rei lam a ni tawh a, mihring veivak hmuh tur an awm bawk silo, thinrim hlur in phone chu ka hmet eng a, zan dar 12 a ni țep tawh, ka nu call ka tum thut thut a, mahse tun dinhmun ah hian ka nu aw ri ka hria anih chuan ka ţap chhuak ngei ngei ang, chuthil chu a thlen ka duh lo, min bum tu vang a țah ka duh lo!

"Arinte?" ka phu nasa lutuk chu ka kat dawrh lo chauh!
U Ţpa a rawn lang hlawl a, a mangang hmel kher bawk.
"Zan rei ah tawh leh nghal khawi a kal nge i tum a?" ka bul a rawn thlen rual chuan ka țhat leh țhat loh hriat tum ang hrim in min rawn en kual nghal thuak a, ka biang ding lam sa thip hlur chu ka thlek sawn pui deuh va.
"Ka haw dawn."
"Khawi ah maw?"
"Aizawl ah."
A rawn thaw chhuak nghal hawk a!
"Hmingsanga nen khan eng chung chang ah nge in inhnial a?" a kekawr ipte ah a kut pakhat a thun lut a, min din hnaih sauh bawk, Claudia nen an inbiakna kha ngaihtuah let in ka taksa chhung lam a chau leh nghul tawh, harsa zet in chil ka lem dáwk a, bum ka ni tih min bum tupa û kiang ah hian ka sawi chiam ang maw! Ha! Atthlak lutuk.

Ka din ngawi tak ngal ah chuan beidawn hmel lutuk in a rawn thaw leh ham ham a, kawngpui ah chuan car pakhat a rawn tlan ta hlauh bawk, rang lutuk in kawngpui sir aţang chuan ka pen chhuak a, car lo tlan lai chu ka lo phar ve tawp bawk, ka zawn an rawn thlen rual chuan an rawn ding ve ta mai a! U Ţpa pawh rangfe in ka bul ah a rawn ding ve der mai.
"Tiringawt hian i kal ang maw?" a rawn ti sup, mahse car glass chu a rawn inti hniam thla a, u Ţpa chu ka chho melh záwk a, kal lo turin min duh tih ka hria, mahse awm tumna ka nei tawh lo.
"Aizawl lam ah in kal dawn mi?" ka ti sep, driver chuan lu a rawn bu nghut a, u Ţpa chu a rawn kun hniam ve a.
"Ehe, Pa Khawl nangni elaw?" a rawn ti hluai bawk.
"Nia, kan nu û kha ațha vak lo a ni awm a, kan zuk chhuak ve loh chuan."
"Ka lo chuang ve thei em?" ka ti vat a. Pu Khawla chuan u Ţpa zawk chu a melh daih thung.
"Ka nu a țha vak lo va." ka ti sep a! Chutia ka tih tak ah chuan seat hnung lam a hmeichhe țhu chu a tawlh chho deuh va, seat hnung lam kawngkhar chu ka pawt hawng ve nghal zat bawk.
"Arinte."

" Carlos-a kha min lo hrilh sak mai dawn nia." ka nui lui a, kawngkhar ka pawh phui rual erawh in nghet tak in kut ka hum ruh ngawt ngawt mai! Damlo nat zual vang a Aizawl pan tur an ni bawk a, ngawi reng in u Ţpa chu a tawlh sawn a, driver in engine a tih nun leh rual chuan ka khawhmuh a phe nghal ruai bawk! Hmingsanga tan chuan engkim kha lemchhanna vek ani a, ka tan erawh engkim kha a tak vek a ni thung, Carlos, u Ţpa te nupa, ka neih ve ngai loh chhungkaw hlun tak te! An zavai khan ka tan chuan ka nun a thil thleng vawi khatna vek ani a! Engang pawh theinghil tum mah ila ka nun aţang ka nawt reh thei tawh ngai lo vang!

Kan tlan hla tial tial a, side glass aţang chuan u Ţpa la ding reng chu ka thlir zui reng bawk, engtin nge ka pa rosum an duh vang ringawt in hetiang tak a thui min kal pui theih le? Ka dul zawn ah chuan kut ka nghat a, ka pum chhung a naute nen he hmun hi kan hlimna tur emaw tiin kan pan a, mahse ka chan phahna hmun a ni ta si! Mit ka chhing a, chiang lutuk in Hmingsangzuala a rawn lang a! Khawvel a ka mipa duh hmasak ber leh a tawpna ber ani ang tih ka chiang! Natna ka la tawn ngai reng reng lo min paltlang tir tu anih ang bawk in thlamuana ka hmuhna ber a ni ang lawi â! Mahse tun ah chuan engkim a tawp vek tawh! Bum tu mai a ni!

FB_IMG_15495333342894984.jpg
FB_IMG_15495333342894984.jpg (56.68 KiB) Viewed 11405 times

●HMINGSANGZUALA's POV●

"Arintei kha kawmchhak ah khian ka hmu a sin." Hlimpuia rawn lut chuan a rawn ti lawng lawng a. Kei eawh lungpui ang chiah in ka ding ngawi run! U Ţpa pawh ka hma ah tak a ding reng a, eng zawhna nge min zawh pawh ka hre hrep lo! Ka hriat zawng erawh Bawihi kut ka thlak tih zawng!

U Ţpa chu a kal chhuak vut a, ka thluak buai mup pawh zawi zawi in a rawm fim telh telh a, ka thaw chhuak ta hawk bawk!

Bawihi thusawi teh nuaih kha engmah a awmzia ka hrelo, chutih rual in naute kha ka tum lawk vang reng a tihlum ang a min ţawngkhum khan ka thawk lak a ti buai a, ka in control theihna neih ve pawh a chawk buai vek! Kut thlak ka duh ngai hauh lo! Mahse rilru núbûlh leh thawk zin lutuk vang in ka thlen fel tir der tawh.

"I haw na a rei tawh em?" Hlimpuia vek chuan a rawn ti sup, ka melh zawk a, a harhfim vak lo anih ka ring, chhang lem lo in sofa lam ka pan a, Bawihi thusawi ho kha pakhat te mah hriatthiam ka nei lo, ka ngaihtuah țhat leh a țul viau bawk.

" in nu in min haw san bawk, nang lah engmah sawi lo bawk in i let leh daih sia." a rawn ti leh lawng lawng a, ka bul sofa ah arawn țhu ve rual chuan ka lo melh khui ringawt. Sofa nghenchhan a nghen dawt rual erawh in ka ngaihtuahna a che ta zawk a!

" Bawihi i hruai chhuak em ni?" Ka ti nghut.
"Nangman rawn hruai rawh i ti ni lawm ni?"
"W_H_A_T?"

"Au nghek lo teh, ka lu hi a na teh a nia." a rawn ti hmuk a.
"Sawi chiang rawh."
"A mak e aw, Claudia'n min rawn call a, an in ah i awm thu leh Arintei ka rual a rawn kal ve tur a i duh thu min rawn hrilh a, Arinte nen kan rawn kal ve, inhnuai lam ah ka ngah reng lai che u in min let san daih leh nghal."

"Bawihi chu Claudia te in ah i hruai a maw?"

"Hruai e, i sawi miau sia." Awmang lo lutuk! Kei te chu police țhenkhat te nen thil chhui chiang turin kan chhuak daih!

" Keiman rawn bia che in ka nupui hruai chhuak tur in ka hrilh che em?" Ka aw ri khauh zet vang chuan min en zawk a, min hlau lo ang a lan tum in mit a chhing ta daih bawk.
"Hlimpui?" Ka ti țhawt.
"Mam, ani kha nei lo la ka duh."
"Chu thil chu ka zawhna che chhanna ani lo."
"A țha, min rawn call lo, mahse dik ni ka hriat ka ti mai!"
"Tho teh." ka ding kang vut a, a thawh hun pawh nghak lovin a kawr awm țham in ka pawt tho nghal nawlh.
"A chungah engthil nge in tih?" Ka chhuk melh a, ka duh loh zawng pakhat lek a sawi anih chuan kut thlak ka hreh hauh lo vang.
" in aţang ka hruai chhuak ringawt, a tir in Claudia te in ah i awm lo tih ka hrebik lo, Claudia'n i awm tih a rawn sawi a, Arintei tel ve turin i duh vang in in ah hian ka kal a ka hruai chhuak."

" min rawn hmasa miah lo va ka nupui i lo hrui chhuak ringawt chu ka lawm hauh lo vang tih i hrechiang ang chu tiraw?"

" kan chhungkaw mualphona thlen tu tur anih kha, i țhen theih chuan țhen vang vang rawh!" A hmai a ri nghal chawrh, a rum dawt a! Bawihi chungchang sawi turin dikna a nei miau lo.

"Vawi khat mah! Vawi khat te mah ka sawi anih loh chuan Bawihi hnaih tawh suh!" A kawr awm ka țham na chu ka thlah nghal nawk bawk.

" Kha hmeichhia vang khan kan chhungkua kan mualpho phah thei ka tih chu! I nu leh pa pawn anihna diktak kha hria se thlah turin an ti tho vang che! Zu zuar fanu chhan nen lek kut min thlak leh nghal ah, i nep lutuk!"

"Ha, Nep!" Ka che ta vut! ka kut hum ruh tlat chuan Hlimpuia taksa rem lai lai chu ka hnek chawrh chawrh! Bawihi chanchin chhe tak in a sawi tur ani lo, a sawi tur anilo bur!

"Eng nge i hriat a?" Tu emaw in min pawt hrang nawlh, thinrimna vang a ka kawchhung sa huam huam chuan ka thawk lak a ti rang vek bawk!

"Khatiang thu kha i sawi leh anih chuan ka that tawh ang che."

"Hmingsangzual?" u Ţpa rawn au țhawt chu ka en vut a, lungawi lo tih hriat lutuk in min melh khui, ka nui suk thung.

"I țha em? I nau hi kut thlak tawh ngai suh!" Hlimpuia buaipui zui mawlh mawlh pah chuan a rawn ti khur khur, nikhaw hrelo lek a la sawi sak hrep nghal loh!

"Khawi a kal nge i tum a?" Kawngkhar lam ka pan vut rual chuan u Ţpa chu a rawn au țhawt a, kut thlak ka duh miah lo, mahse țawngkam vin min hman khum reng chuan kut ka thlak duh hial ang!
"Bawihi ka zawng dawn."

"Chhuak duh suh, Aizawl pan in a let tawh." a rawn ti a, hriatthiam chiah siloh in ka chhung lam chu a che dawt! Ka chan hlen dawn a inhriatna ka nei ngawt chu ka duh bik der lo.

"Hmingsang, chhuak suh ka tih chu, kal tir rawh."

Ka thuamhnaw bawm ka pawt hawng pawp a, shirt ka hmuh hmasak ber chu ka in thawlh sawk sawk a, khatiang ringawt khan ka hmeichhe hmangaih ka kal tir teuh lo!

Ka kekawr ipte ka dap thuak a, phone leh motor chahbi ka la ak.
"Kal suh ka tih chu." ka ban ah u Ţpa chuan a rawn vuan chawt a. " ka pa in min rawn bia, an rawn haw hma chu in hi lo chhuah san lo turin a duh che." Ka nui chhuak nghal hawk! Ka nui tak tak! Naupang chhia ang mai a phone kal tlang a min rawn control a tum chu thinrim tur nge nuihpui tur zawk pawh ka hre hrep lo ve!

" a rawn haw hun ah ka rawn hmu ang." ka kut chu ka thing nawk a, sofa a Hlimpuia țhu reng chuan min nuih in ka hre tlat bawk! Ka pan hnai leh anih chuan harhchhuak lawk lo tur khawp in ka sawisa tawh ang. Room aţang ka tlan chhuak a, Thil thlen dan tam zawk ka man kuar tawh! Car chung ka țhut luh hma chu Bawihi number ah chuan ka call a, phone ring ngaithla reng chung chuan car chhung ah ka țhu lut chawrh a, tu emaw ber in ka pa kiang ah zu an zawrh țhin thu an lo han hrilh ka ngai! Kan inkar tihtawpna hmanrua atan hman an tum anih chuan an ti sual hle bawk ang!

Rum nghut chung in phone chu motor hma lam ah ka theh kai a, engine ka start rual deuh thaw in ka dawk chhuak nghal zawk bawk! In ațang Bawihi ko chhuak in engthil chiah nge a hriat turin an lo sawi chu ka hrevek seng lo, mahse a thu hriat zawng zawng kha a tina tawk tih erawh ka chiang viau! Claudai fing pakhar zet in Hlimpuia chhungkaw mualpho hlau em em reng thluak ah eng thil emaw a lo tuh hman ani khawp bawk ang!


Zan rei tawh ani bawk a, ka speed a hmiam lo hle bawk, ka insawifiahna a ngaithla duh dawn lo tih ka hria, a mize luhlul lutuk leh ka chet dan vang hrim hrim pawh khan min hmuh pawh a duh kher lo maithei, mahse awlsam tak in ka kal tir dawn bik lo!

Ka call na a piang a ring zawh tir țhak țhak a, a tawp ah phei chuan a phone chu switch off a in ti zui hmak bawk! Reife ka tlan hnu ah pawh lirthei dang reng reng hmuh tur a la awm lo va, eng motor ah nge a chuan ve ngawt lah ka hre hauh bawk silo.
Hman a ta tawh kan chhungkua hi Champhai ah pawh a langsar ber pawl kan ni țhin a, kan pian ve hma daih aţang Champhai khaw lal khawnbawl chhungkua kan ni bawk, tun hnu thleng hian chhungkaw mualpho hi ka pa te lam pawh in an hlauh ber a la ni reng a, kan pian hma lam chu engmah hriat ka nei lo, ka pian a, thil ka hriatthiam ve hnu ah kan chhungkaw hnai reng reng in ruihhlo zuar tumah kawppui a tan an la nei ngai lo! Bawihi te lah anu cancer natna vang in sum lakluhna an mamawh a, loh theih lohna vang in zu an lo zuar tawh a, a siam țhat theih tawh lo! Chu erawh ka chhungte lâwm loh ber a ni thung, chhungkaw hming hliau an hlau ka tih tawh kha! Kan chhungkaw hming hliau na tur anih ai chuan ka nau te meuh pawh in kan inkar a chhiat hial pawi an ti lo zawk ani a, mahse chhungkaw dan in phur beh tir a, rilru nei lo ang mai a hming hliau hlauhna thlarau inchenchilh tir ve a țulna ka hrelo!


Horn ka hmet tuar tuar a!

Ka hma lawk a car tlan chu min side turin a tawlh sawn ve mai bawk, ka tlan lehpel a, mahse an hma lawk ah engine chu ka ti thi duk a! Car aţang ka chhuah rual chuan car khalh tu pa pawn a engine a ti hlum ve chiah!

"Bawihi?" Seat hnung lam darthlalang pawn lam aţang chuan ka bih nghal run a, a maimitchhing reng chu muang zet in mit a rawn meng riai riai a, min hmuh ve rual chuan a meng zau nghal kawk bawk! A ben na kha a biang a vung lek lek, a mit ah mittui a tling pam a, mittui phen a natna inthup tam zet pawh ka hmuh hmaih bik lo.

"Sorry, ka nupui hi lo chhuk lawk mai se." Seat hma lam ah chuan ka kun hniam leh zawk a, a khal tu chuan lu a lo bu nghut a.
"Lo chhuak rawh le." A țhutna lam kawngkhar ka pawh hawn rual chuan luhlul zet in a hawi sawn ta daih a, a thil hriatchian loh vang in min hua a, a nat phah bawk, engkim sawifel pui thei lo mahila a tam zawk chu zanin ngei hian sawifel pui ka duh thung.
"Bawihi, midang hi ti khawmuang reng lo i la." ka ti sup, khawi a kal tur nge an nih tih leh eng ti tur a zan lai ah hmuh dang pan tum nge an nih ka hre si se lo, mahse zanlai ah lirthei a hmun dang kan pan tawh chuan eng emaw emergency a awm vang ani tlangpui! Ka ngaihtuahna chu a dik ngei anih ka ring, tim daiin a ke a rawn dah chhuak a, a rawn chhuah fel rual chuan rum lutuk in min melh nghal rawm rawm bawk, a ban rek ah ka vawn sak chawt a, driver tukverh lam ah chuan kun hniam leh in lawmthu ka hrilh zui sup bawk!

An tlan liam fel chiah, a kut ka vawn mek chu a thing nawk a, ka chelh nghet ve sauh bawk!

"Inbia ang."

"I â deuh a mi?" a rawn ti nghek, engmah sawi zui lo in car lam pan chuan ka kai kal zui dawr dawr a, a luhlul ngilngel bawk si! Nichin lawk a thil thlen dan lah a fuh loh em em bawk! Tih lungawi a harsa dawn lutuk tih ka hriatchian lutuk vang in ka ipik țun bawk.

"Lut rawh." Kawngkhar ka pawt hawng a, a tal ve nghek nang in ka nem lut nawk nawk a, seat belt ka hren tir tur kun hniam chu ka chhip sam ah a rawn țham nghal nghek!
" i mit hmuh lai ngei a ka intihlum lai hmuh i duh loh chuan min rawn ti buai tawh suh!" a rawn au nghek a, ka sam a kehna chu thlah in ka dar ah a rawn nem zui chawrh bawk.

"Min biak tum suh, ka ngaithla dawn chuang lo che, Aizawl ah min dah rawh, i ngam chuan Champhai lam ah min tlan let pui leh rawh, i in ka luh rual in ka intihlum ve nghal ang." a aw ri chu a sehchilh nawk nawk! A hmel erawh ka hmu chiang thei lo.

Hunthawl pe rih i la a țha ber ang ka ring! Ngawi reng in ka ding mar a! Kawngkhar ka nem phui dawt rual chuan beidawng lutuk in a rum chhuak hak bawk!

Darkar chuang fe kan ngawi dun reng a, hma lam a melh ngar a, a chang in mit a chhing a, keipawn biak buai ka tum bik lo, ngawi reng in motor ka khalh tawp! A biang sen ţalh leh lang vung deuh bik chu hmuh nuam lo tak ani tawp mai!

"Aih! Hmingsangzual tah hian ding suh!" Mangang lutuk in a rawn au chhuak ta tuar! A thaw hlawp hlawp bawk, accident kan tawhna hmun ah khan motor ka dintir a! Motor chhung boruak chu a dang nghal zar bawk!


"Claudia te in ah khan ka kal lo."

"Insawifiah duh suh, awmzia a awm tawh lo." a aw a khur a, na zet hian a rawn thaw chhuak leh hawk phawt a.

"Nangmah vang liau liau vin ka nih theih ngai loh tur nih tum in ka bei a, mahse chu ka nihna nilo puia lan ka tumna chuan min ti chau zo tawh, thawk lak ngaihna pawh ka hre tawh lo!" a aw chu a ri che che a, ka melh ngawt ngawt tawp!

" tumah inzawmna siampui ka duh tawh lo, keimah tawp kha nih leh ka duh! KA HAH HLUAH HLUAH TAWH!" a kut tereu tê chuan a hmai a hup zui ta thak a, a thusawi zawh chiah kha zawi te te in a sawi zui sep sep reng bawk!


Khawvar lam hnaih ah chuan seat ah țhu tawm kak chung in a muhil ta siai siai a, Champhai ka chho pui hnu ah rilru hahdam takin zankhat temah a la awm chhin eih lo tih ka hria, amah a la naupang a, a beidawng ve ngang ah ka ngai! Rilru insual mup mup reng in motor chu ka khal ve zel a, a kum ngaihtuah phei chuan naute a chan pawh kha a tan chuan thil liantham lutuk ani tawh! Chu ta kar ah eng emaw neuh neuh kei lah chuan ka siam reng bawk a! Tun lawk ah pawh keimah vang bawk in natna tam tak a hmachhawn leh tawh a, a nu chiah ngaihtuah țhin hmeichhia tan chuan a hahthlak tham ngawt ta ve ang!


Hun thawl pe ila, a rilru dam theihna tur ang a awm turin thlah zalen phawt i la ka ti sual in ka ring ta lo!

_________________darkar 24 chhung in ads vawi1 chiah click tur aw_________________


" palai kan tir dawn lo!" Ka pa chuan a ti chhum hmuk a, ka mal chung a ka kut chu ka hum tawm nghal țalh ţalh bawk!

" ka fa a pai tawh a; Champhai lam ah pawh ka rawn hruai chho tawh bawk..." ka sawi zo hman lo.

"Nau a chhiat tho a ni lawm ni?" ka pa thu rawn sawi vang chuan ka sa nghal bûlh thei! Thaw ham ham chung in ka vanvadak zawk a! A lak aţang ka lo beisei ngai loh hlawm tawp a kâ ațang a rawn chhuak tlat!

"Nau a chhiat emaw, chhiat lo emaw pawh nise ka nupui ani tawh!" nek luih ka duh loh zia ka aw nghet zet ațang chuan a hria ani hrim ang! A rum nghut a, pindan chhung boruak ţang ut leh uap chur vang chuan thaw a sa huam huam reng bawk.

"Neih ka rem tilo ka tih chuan thutawp ani mai! Min hnial tum suh." a rawn ti ve churh!

"I remtihna lak tum nilovin ka thil tih tum ka hrilh ah che ngai mai rawh." Ka țhutna aţang chuan ka ding vut a; ka pa bula țhu ka nu chu a rawn ding ve nghal vat bawk.

" Hmingsangzual, i nei dawn lo ka tih chuan i nei dawm lo ani tawp, i pa ka ni a, ka thu i zawm thei lo anih chuan kan inzawmna hi ka thu i zawm loh ni la la ah a tawp nghal ang." Ka pa vek chuan a rawn ti chang bal a, ka nui ta hawk bawk.

" Eng vang a ka neih hlau em em nge i nih tih tal min hrilh la?"

"Mama." Ka nu chuan min lo khap nghal vat a, mahse Bawihi ka neih a phal loh bur na chhan ka hriat chian hma chu ka nawr lui zel tho vang! A chhan a zirin a thu ka zawm in ka zawm lo bawk ang.

" sawi la, ka pa, kohhran upa meuhvin a fapa fá pai tu hmeichhia a inchhung ah a lawm theih miah loh chhan chu han sawi la." Ka nu zawk chuan ka țawng dan chu țullo a tih hmel kher mai!

Ka pa hmel dur khup chu ka chhuk melh rûn a, kohhran upa ani a, a nihna leh Bawihi chung a a rilru put dan hi a in rem thei map lo! Naute chu a chhiat ngei a lawm, mahse ka fa a pai tawh a, a pai puitling emaw, puitling lo pawh nise ka enkawl zui tur ani tawh tho tho! Mihring rilru chhe zet ang mai a ka fa a chhiat tawh vang a ka neih a rem ti lo bur hian chhan țha tak a nei ngei bawk tur ani!

" Lalţanpuia nen hian nu thuhmun an ni." Ka ner nghal sawk! Awm ang lo leh lutuk!

"A dik, Ţpa hi i pa nen a kan fa anilo, i papuia, boral tawh ta leh Arintei nu fapa anih a, mahse nausen anih lai aţang kan enkawl, tun thleng hian i û pawn kan fa tak anilo tih a la inhrelo, a hriat kan duh bawk lo, chuvang chuan infarnu chu nupui ah i neih a thiang lo." An thusawi chu engtiang a dawnsawn tur nge ka hre hrep lo ve! U Ţpa te chu kan upa ber ani a, tun ah ka pa û fa ang in an sawi leh daih a! Fiamthu thawh hmel an pu hauh bawk silo!
"Eng vang a zep nge kan nih tih i ngaihtuah mek ani tiraw? Keini pawh sawi chhuah kan duh bik lo, mahse nang bawk hian engtin tin emaw kan mihring hlat ber tur fanu chu in ah i rawn hruai haw a, mahse hre rawh, i Û hian kan fa ani lo tih a hre tur ani lo, chuan i û farnu leh i farnu nu ni bawk hmeichhe chungchhang kha sawi nawn leh tawh suh, duh loh chen chen thil sawi a țul phah tlat!"

"Bawihi hi ka farnu a nilo." ka ti țhawt, rang lutuk in ka nu chuan min pan a, ka kut ah rawn chelh in ţawng zawi turin min hrilh mawlh mawlh bawk, sofa ah bawk țhu tur a min nawr tak chuk chuk ah chuan ka țhu thla chawrh a, u Ţpa nen chuan nu thuhmun lo ni mahse pa hran an ni tho, ka farnu a ni thei ngawt lo.


"I Papuia nen ințhen tawh mahse i u Ţpa nu thisen leh Arintei thisen a la inzawm tho a lawm, Mama hriatthiam tum la, thlah zawk rawh." Ka nu chuan a rawn ti dam diai a. "I Papuia kha boral lo pawh nise Arintei hi i Papuia fa hrawn ang ani a, chutiang chhung kual hnai lutuk in neih te phei chu kan Mizo dan ah pawh a thiang lo hrim hrim, i Papuia fahrawn ang ah ngai la; thlahfel zawk rawh."


"Hmingsangzual kal suh!" Ka pa aw chhum zet chu ngaipawimawh lovin kawngkhar lam pan in ka pen pawk pawk tho.
"I nupui neih hmasak țum pawn mualpho thei ber in min siam tawh, tun țum ah hian ka thu i hnial leh anih chuan kan chhungkua aţang i hrang hlen tawh ang!" a rawn ti leh nghut bawk!

Kawngkhar hawnna chu ka vuan a, inher let in ka nu leh pa te chu ka en a, ka nu a ţap lek lek, ka pa erawh Sailo pa chang luhlul tih tak ah a hmel a chang run thung!

" ka nun a ni a, thuthlukna chu ka siam tur aniin ka hria, ka Papuia fa hrawn hi ka hmangaih miau bawk!" Patling ha chang țhial rawp rawp chu hmuh nuam tak ani lo!

"Carlos-a pawh rawn ngaihven zui tawh suh ang che, Ka thlah te aţang Hmingsangzuala pawh a bo tawh! Chhiat țhat pawh tak la kan lak aţang engmah rawn beisei hauh suh ang che!" Kawngkhar vawn chhan chu nghet zet in ka hum a!

"Carlos-a pa i ni tawh lo, Ţanpuia te nupa f ani tawh!" Ka pa bawk chuan a rawn ti leh nghut bawk!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 28th, 2019, 5:55 pm

☆UTOPIA:1996☆
Chapter 41
By
Abbra Reo Ririni Khiangte ( Pitartei)

Ka nute room aţang ka chhuah rual chuan thaw hawk chung in pindan kawngkhar chu ka pawt phui a, u Ţpa te nupa pawh țhutkhawmna lam aţang a rawn chhuak phei ta chiah bawk!

"Khawnge Carlos-a?" hawi kual thuak pah chuan ka ti nghut, u Siamkimi chuan kailawn lam chu a thlek zauh va, Ethana leh Carlos-a chu toys keng chung in an rawn tlan thla mek a! Ka bul an rawn thlen rual chuan nui lui suk pahin Carlos-a chu ka pawm kang nghal nawlh, a khek zui tûng bawk! Zing a thawh rualin Bawihi a zawng ve a, a hmu ta silo kha a ţap chiam tih u Siamkimi'n Aizawl ka awm lai khan min rawn hrilh a, In ka thlen rual pawn ' khawnge ka Mamma?' a lo ti hmasa ber bawk.

"Ka pa te chuan eng nge an sawi a?" Ka nu te mut pindan thlek zawk pah chuan u Ţpa chuan a rawn ti sup, lu ka thing nghut thung, kum 30 dawn ka û tak tak ang a ka en ani a, ka papuia fapa anih na angin ka û chu ani nameuh mai, mahse ka pianpui tak tak emaw ka ti țhin, ka pa te thusawi khan keipawh min țhawng a, u Ţpa phei chu a țhawng zual dawn ani tawp! Chuvang tak chuan engmah hrilh ka tum bik lo, kum 30 aia rei mah a nu leh pa tak ang a a en te fa a lo nive lo tih inhria a, natna hmachhawn tur a tan chuan a rilru a țha mah mah! Keimah ang lo takin kan naupan lai pawn ka nu leh pa te a hnial ve ngai lo, thuawi takin ka pa sawi tawh phawt chu a zawm a, school enkawl zui pawh ka pa sawi vang mai a sawisel lo ani a, ka pa a zahthiam ţhin vang tak pawh a ngaisang a, zah em em reng ka ni bawk! He inchhung fapa ni tur hian kei ai thlawt chuan a tling fe zawk! Vawi khatmah ka nu leh pa te beidawng in a siam ve ngai lo a, he chhungkaw fapa dik tak zawk dinhmun luah mahse pawi tihna ka nei lo!

"Carlos, Pa Puia te bul ah lo awm la, Mamma ka zuk ngaihven a nga, Mamma te nen kan awm ho tak tak tawh dawn nia aw?" A mit meng fiah zet chuan ka mit ah tak min en ve kiau va, ka zam lek lek thei mai!

"Thu lo awi la, api leh apu tihbuai loh bawk tur."

"Daddy kan pahnih in Mamma bul ah chuan kan kal thei lo a mi?" a hmui tereuh tê chu a che ve niap niap a, Bawihi nen kan hun tawn hrethiam ve ang hrim in a aw ri a zawi ve țiak bawk.

" Mamma nen thil chinfel tur kan la nei a, chu chu ka zawhfel vel ah kan rawn hruai zawk ang che."

"Daddy chuuu!" a rawn ti nui nui a, ka nui lui hawk bawk.

"A rei dawn lo, ok?" a chal ah ka hmuiin ka nawr sak a, ka kawchhung lam erawh a tawt phui mup! Bawhi tihmawh zia ka hrechiang, a lungawi tawh mai mai dawn lo, chutih rual erawh in nei let leh tur a beih nasat țul mahse ka theihtawp ka chhuah thung ang.

"Carlos-a kha dahthla rawh!" ka pa te mut pindan kawngka a rawn in hawn rual chuan ka pa aw khauh zet chu a rawn ri fur! Ka ner nghal sawk bawk.

"Kha hmeichhia kha i buaipui zui tak tak dawn anih chuan in ah hian tawi khawmuang tawh suh! Chhuak rawh!"

"Pa!" Ka pa thusawi chuan u Ţpa chu a țhawng bawk a nia nge! A au chhuak țhawt lo choh!

"Țanpui, Bawihpuia kha laksak rawh hetiang mi lawilo zet hi ka inchhung ah hmuh reng ka peih lo!" a rawn ti leh khur khur a, Ethan-a leh Carlos-a chu a ţî nghal dak bawk.

"Thil thleng hi eng nge a awmzia ni a, Arintei te zu zawrh chungchang vang kha anih chuan chhungkaw mualpho hlauh vang ringawt in Hmingsanga leh a hmeichhe hmangaih te inkar ah chuan inrawlh lo ang u, naupang an ni tawh lo va, keini lo thunun theih pawh an ni tawh lo."

"Engmah sawi belh a țullo, Carlos-a kha laksak la, a chhungkua aia a thlan hmeichhia chu zuk buaipui rawh se, nu leh pa in thu țha kan hrilh tawh chung pawh a zawm thei lo mihring hi ka in â awm reng a tan pawh ka duh lo." Û Ţpa zawk in engmah tih a tum miau loh avang in u Siamkimi zawk chu Carlos-a la hrang turin ka pa chuan a ti leh khur khur a, a thinrim lai ani a, hnial chiam ka tum lo bawk! Carlos-a chal ah bawk chuan ka fawp leh vang vang a, amah hi ka thlan loh zawk vang nilo in chhungkua tak tak pek ve ka duh tawh vang in ka kal san rih ang, reilo te hnu ah chuan chhungkua anei ve tawh bawk ang! Nu leh pa thlazar hnuai ah ngei thlamuang tak a a awm ve theih na tur a kal san rih tur mai ka ni!

"Thu lo awi rawh aw."

"Daddy ka Mamma lo hruai leh vat rawh aw." zawi sep in a rawn ti a, ka bu ta nghut bawk!

"Motor chahbi kha dah rawh." kawngkhar pui ka thlen hma deuh chuan ka ding leh chawt a! Hetiang em em a thui kal kher a țullo ber lo sin le.
Mahse ngawi reng in ka cotton kekawr ipte chu ka zen ta tho, car chahbi ka lak chhuah rual chuan ka pa rum nghut thawm ka hre zawm zat! U Ţpa lo ţawng tur a khap tih ka hre mai bawk, kan naupantet aţang ka nu in emaw ka pa in emaw min hau anih chuan ' lo inchhan' tih vel kha ka pa hian rem a ti ngai lo bur! Sailo pa tawhkhirh ve tak ani a, a fate min hrual dan pawh a namai lo țhin hle bawk.


Ngawi reng in kawngkhar bul chahbi khaina ah chuan ka khai a, Ka in tia ka lo sawi ve țhin ngei chu ka hmeichhe hmangaih vang in ka chhuah san ta chu a nia! Atthlak ti lutuk in ka nui suk a, hmeichhia vang in ka chhungkaw tuithlar hial ka thlang zawk ang tih vawi khat te pawh ka ngaihtuahna ah a tel chhin ngai lo! Tun ah erawh a thleng mek reng bawk si! Chu mai pawh nilo in tual zawl ah ka infiampui a, a thil neih duh duh ka chhuhsak mai țhin ka û lah ka unaupa tak nilo in ka papuia fa zawk ani tih ka hre tel cheuh bawk! Thil thleng mek zawng zawng hi a tak ah thleng tur a ka lo ruat chhin ngai loh te vek an ni! Hei hi hringnun chu ani maiin ka hria! A chang in a buai a, a chang lahin hlimna vawr tawp ah kan chung kai a, kan thu hriat duh loh pui pui kan hriat a țul chang lah a tam! Chutiang bawk in suangtuahna ah pawh kan suangtuah thlen phak loh inthlakhlehna a thleng zut zut reng bawk! Ka hriat chian tak erawh kan hringnun hman mek a thil thleng tam zawk hi thunun thei turin dikna chanvo ka nei lo, mahse ka hmangaih nen a awm dun tur a bei tur chuan dikna chanvo lian tak ka nei thung!



In lianpui lam chu a tawp nan en leh turin ka inher ruai ruai a, Carlos-a a ţap miah lo, a chhan erawh a nu hruai tur a kal ka nih miau a vang in a hlauthawng chhin lo tih ka hria! Chu chuan inrintawkna min pe ta sauh va, zan dar 8 a pel tawh a, tun ang huan ah car tel lo chuan ka thleng thui lo khawp ang le!


Kan family bik awmna hmun ka pelh fel rual chuan ka kekawr ipte aţang phone ka la chhuak a! Zan in tut tut ah ka let leh ang nge hotel ah ka riak phawt rih ang? Ka kut lehlam kekawr ipte ah thunlut hlun pah chuan phone chu ka hmet kual mual mual a, Bawihi number chu hmet chhuak in engmah ngaihtuah nawn duh lovin ka call leh hmiah! Phone in 'ring' ri chu ka ngaithla rûn a, ka call anih vang a chhang duh lo anih ka ring. A ring zawh tir țhak! A țum hnih nan ka call leh dawn a, switchoff a in ti zui ta hmiah!


______Darkar 24 chhung in ads vawi khat ai tam i click chuan awmzia a awm lo aw____



● ARINTEI's POV ●

Min bum a, hmeichhe dang hnen ah ka pum chhung a naute a tihhlum dan pawh nui chung a sawi chhuak thei mipa theihnghilh tumin kar khat dawn chu ka bei ta! Ka tum em avang in a tir ang em em chuan ka na tawh lo, a chanchin ka hriat theina tur ang ang chu ka ti tawp vek a, phone pawh zan eng emaw zat ka switch off tlat tawh bawk!


Ka pindan chhung a ni zung rawn lut raih melh chung chuan mit ka khap fak fak a, hei pawh ka tan chuan thil thar a ni tawh lo! Hmingsangzuala ngaihtuah zui lovin minute reilo te pawh ka awm hlei thei lo va, ka hriat loh kar in ka lo ngaihtuah leh ngut ngut țhin, natna min pek zawng zawng kha hre reng a, haw ngawih ngawih tur ka nih laiin atthlak khawp in ka ngaihtuahna a luah khat zual sauh va!
Mahse a tir ang em em khan ka vei lutuk tawh lo, chawpchilh tak in ka theihnghilh hmak thei lo tih ka pawm thlap, mahse ka tum lutuk avang leh thildang rilru lak penna tur ka zawn ngat ngat a vang in tlem chuan ka zia tawh! Tu mihring mah hian an nun a lut hmasa ber te hi an theinghil hmin thak theiin ka ring lo!

Champhai ațang min hruai let țum khan falkawn ah min dah a, damdawiin chhung a ka lut tur kha min man bet a, a insawifiahna ngaihthlak sak turin min ngen a, mahse KAL BO TUR IN ka au khum nghek! Kha mi țum khan nâ a ti ve thlawt tih ka hria! Tihnat ve kha ka tum ber anih miau vang in damdawiin kawt a mipui tam zet hma ah khan hnehsawh zet in ka au khum nghek! Maimitchhing chung chuan thawk ka la hap a! Ka nu leh pa in engzawhna mah min zawt zui lo a, naute ka chhiat chungchang pawh min zawt nawn miah lo! Nuam lo ka tih an hlauh vang anih te ka ring deuh rum rum a, chuan tun karkhat chhung khan Hmingsangzuala chanchin leh a hming hrim hrim pawh tuman an sawi chhuak lo! Hmingsangzuala leh Claudia ruahmanna kha an lo hreve tawh te anih ka ring deuh rum rum hial! Thil theih ni in ka hre leh chiah bawk silo! Mahse naute leh Hmingsangzuala chanchin thumal khat pawh sawi chhuak tu an awm lo chu la lawm ru hle! Anih loh zawng in.... ngaihtuah zawm duh lo in lu ka thing nawk a, khum aţang ka tho chhuak ta nge nge bawk!


Ka pa in ah ka khawsa tawh a, nitin damdawiin leh in chu ka khawvel ani tawp, Arintei pangngai kha ka ni let leh thei maw ka ti țhin a, mahse a theih tawh loh tih chu ka chhungril lam hian min hrilh nawn fo va! Hmingsangzuala kiang ah ka awm lai a ka neih ngai miah lo zan muttheih loh ka neih chhun zawm a, zan lai ah Hmingsangzuala min ko na aw zawi ruih ri hria in amah ngaih lutuk vang in ka taksa chhung a na nghal vawng vawng zel a, mahse khua a rawn var a! Min bum tu ani tih inhrilh in keimah leh keimah ka infuih thar leh mawlh mawlh țhin!


"Ka hmu e!" Ka room kawngkhar ka hawn rual chuan ka lam panin mipa ka la hmuh ngai loh in min pan nghal pawk pawk a, hlim hmel takin a nui sang a, engkhaw sawi set set lovin ka dar ah a rawn kuah thuk a, ka tet zawk fe avang in a zak hnuai a ka lu chu na zet in a rawn tuai nghek a, tal chhuah tum a ka tal ve aih aih rual chuan nui hawk hawk chung in min thlah leh mai bawk! Ka sam a tuai thur vek hui mam sawk sawk pah chuan rum lutuk in ka melh nghal nghek bawk!


" i vâ a ve!" ka ti tuar! Ka vin na chu hrelo ang hmak in ka hma ah tak a rawn ding a, a rawn kunhniam nghal zat bawk, rangfe in ka room chhung lam ah chuan ka tawlh lut det a! Rilru kim lo anih te ka ring rum rum bawk!

"Min hre tawh lo em ni?" A nui leh suk a, a la rawn kun hniam reng bawk.


"Vanduai thlak tak in ka hriat zawng i nilo; i rilru a kim lo pawh a ni mai thei mahse vawi khatmah khatiang khan min ti tawh suh!" vanvadak in a nui chhuak leh hawk a, țullo tawp in Hmingsangzuala bawk ka hrechhuak nghal zawk mai!

"Rilru kim lo!" Atthlak tih hmel lutuk in lu a thing nghut a; tinge Hmingsangzuala chet dan amah ah hian ka hmu nghal zut zut mai le!

"Ma'mte." Kailawn ah pa chu a rawn chhuak chho ve hlawl a, ka hma a mipa ding reng chu ka thlek nawn leh thuak a, zingkar walk zo hlim tih hriat zet in Puma running suit a in bel, ka pa chu ka en leh a, Chu pa pawh chuan nuihza insum zet in kan lam pan a ka pa rawn kal ve mek chu a melh a! Ka pâ hian rilrukim lo ţhian a nei tih a sawi ngai lo reng reng! Aaaa,.. karkhat dawn chiah chhungkua ang in kan la awm ho va, min la hrilh lo mai mai aniang!

" Pa Ruat, Lalrini hian min hretawh miah lo a nia." A lo ti hmuk a, ka hming a hre leh zel chuan min men phawk tir nghal kawk thei!

"In inhmu lo rei tawh bawk em a lawm, Ma'mte i pa Buata fapa Samuela-a kha anih hi."

"Samuel-a" ka ti sep a, chimawm lutuk in ka hmai zawn ah a rawn kun hniam leh a, lo melh nghek chungchuan tunge anih tih hriatchhuah tum in ka ngaihtuah zui ngat ngat a! Samuel-a. Samuel-a!

"God!" Rang lutuk in ka kut pahnih chuan ka kâ ka hup bet a! Ka hmai bul chet a mipa chuan mit min kan khum ak bawk! He pa hi ka naupan lai a ka bialpa ka tih țhin Samuel-a kha maw! Ka nui chhuak ta hawk min hmuh rual chuan a rawn thaw huai thei maiin ka hria!


"Ka bialnu pawn tunge ka nih a hre ta hram e!" Ti hluk in a ding mar ta vut a, ka pa pawh anui ve ta suk bawk!

Engtin nge anih theih le? Ka hmuh hnuhnun ber kha chuan mipa naupang kum 10 bawr vel kha la ni a, kei lah kum 5 kum 6 vel ka ni ve ţawk! Ka pa leh a pa an inkawm nasa em em a, kawt zawl ah hian Samu-a nen kan infiam țhin a, hmeichhe naupang keimah ang rual tawh phawt kha chuan 'bialnu leh bialpa' hi a awmzia la hre chiah lo mahse amah aia upa mipa, a hmuh zin em em kha chu 'ka bialpa' tiin an hauh ve bur țhin ang ka ring! A pa hi EE anih vang in sawrkar in vai ram ah an sawn ta daih a! Vai ram khawpui hran hran ah an sawn kual a vang in ka pa in aţang ka tlan chhuah hma kha chuan Mizoram ah an rawn let tawh ngai lo!

"I ni tak tak em?" kailawn ah a chhuk thla a, a bul ah chuan ka kal thla ve dat dat a, a lo lian tawh bik lutuk a, ka ringhlel rum rum!

" I kut." Kailawn ah chuan a ding dat a, keipawh a bul mai ah ka ding ve tho, a kut chu a dar zawn ah a lek chhuak zauh va, min melh tak rûn ah chuan a kut a dahna ang a sang vel ah chuan ka kut chu ka dah ve a! Ka chetdan chuan anuih a tiza pawh a ni mai thei, nui suk chung in ka kut chu a rawn beng thuk a.

"Kan inhmuh rual in khatiang khan kan ti ziah!" a ti leh sup bawk, ngaihtuah let ngial mahila kan thil tih dun tam zawk kha ka hrechhuak zo ve tawh chuang lo.

Kailawn kan chhuah thlak rual chuan tlangnel fe hian a hawi kual thuak a, a tawp ah ka mit ah tak rawn en in ka hmai zawn ah a rawn kun hniam leh a! Ka lo ner nghal nawng mai! Duh aiin a inla sang dawn bik tlat!

"I la țahbelh reng em?"

"Hmela." a dar ah ka chum nghal pawp, a nui chhuak hawk hawk a, choka lam aţang nu Es-i'n thingpui a in theih tih a rawn sawi tak ah chuan Samuel-a chu ka kal saj nghal nal nal a, ka hnung ah min rawn zui ve zel tih ka hria, kan in ah hian ka tlangnel tluk zet in a tlangnel ve țhin tlat a, thil thar vak pawh va ni suh.

"I rual in i nu ka rawn kán ve ang aw." Choka hnung lam pangpar huan ah kan awm a, kei țhutthleng ah thingpui no dawm chung in ka țhu a, ani erawh bang ngheng in a ding run thung.

" umm, ka pa rual pawn i kal thei tho." thingpui dawt khawlh pah chuan a rum nghut a.

" i rual in ka kal ang, tlai lam ah bazar ah mamawh min lei pui bawk a nga."

"I inla thu e a." Hmui a lo ti sawi zauh chu ka chho melh nghek a, naupan lai țhian na na nâ chu engtiang a rei pawh inhmu tawh lo mahila țhian chhar thar hmuh loh leh vang vang te ai thlawt chuan rilru pawn a lo la hnaih bik zia ka hre thar rum rum bawk.

" He lam a ka awm chhung chu ka chang char char dawn che, midang tel lo in ka rawn haw chho ve em em a."

"Oh, i nu te khawi ah nge an awm?" ka ti țha ve mai bawk.

"Kolkata ah." A chawl dat a.
" i nu chanchin pawh ka hriatna a la rei lo, pawi ka ti lutuk a nia." a rawn ti a, ka bu nghat ringawt, ka bul ah chuan a rawn țhu thla ve a. Mizoram an chhuah san hnu kum reilote ah kan chhungkua kha kan kehchhe zawm a, ka nun zui dan zawng zawng leh ani nun hmandan nen chu a inlet thawk ngei ang!

" hun harsa i tawh lai pawn i kiang ah ka awm thei silo va, thupha chawi dan tur pawh ka hrelo." tawite in ka nui ringawt.

" ka pa hna vang in kan awm kual ve reng zel sia, ka pi leh pu pawn kum khat hnu vel ah min rawn fin a, chhungkaw kim zel a awm kan nih tak a vang khan Mizoram pawh kan rawn let lawk lo, ka rawn let leh hmasak ber țum kha chuan in ațang i lo tlan chhuak tawh a, in inchhung leh i pa pawh an lo danglam nasa tawh bawk nen zawn chhuah ngaihna chhe ka hrelo tak tak, chuan tun hi ka țum hnih rawn let na ani leh a.." min zawn chhuah a lo tum ve țhin tih ka hriat rual chuan engtin maw tak hian ka danglam, a chhan chu khatih lai kha chuan ka pa takngial pawh in min rawn ngaihven zui em em tawh bawk silo va, chuta kar ah anin min zawn duhna rilru a lo pu chuan khatih lai khan ngaihthah hlawm tawp ka ni bik lo tih min hriat thar tir a! Tu emaw in min lo la hriat ve reng tluk a thil lawmawm chu a vang viau vang.

"Tun ah chuan ka hmu tawh che a, i nun ah engthil pawh tawk la i rinchhan tur in i bul hnai ah ka awm tlat tawh ang." Thingpui no tuai nauh nauh chung chuan a mit ah chiang zet in ka melh a, fiamthu thawh hmel a pu miah lo! Ka nui ta hak hak bawk.

"Min nuih maw?" Chal chuar tup in min melh ta khui a, rang zet in ka hawi sawn ta daih! Hmingsangzuala nen an chet duh dan a inang lulai lutuk! A hmel landan erawh a inang lo viau thung, Samu-a chu hmai tlang bial lek lek ani a, Hmingsangzuala ang in hmel tak ngul leh nelawm loh zet ani ve lo, a mit mu pawh fiah zet in a dum a, an pandan hrang dawr siin an chet phung erawh a in ang hle ani tawp.

" chuan.. eng tin nge i awm zel, i mean i zirlai ah teh."

" BSEE (bachelor of science in electrical engineering) ka zo chiah a !" mak ka ti lutuk chu ka meng kawk in ka hria. Samuela erawh a rawn nui suk thung.
"Ka pa ka ngaisang țhin tih i hriat kha, a hnung ka zui ang." A ti sup a. Kei nen chuan kan inthlau hle mai!

Samu-a chuan kan in ah chaw a ei nghal a, ka pa pawn kan in lam ah rawn tal tam turin a hrilh mawlh mawlh reng a, an in lam ah a chhungte tumah an awm chuang lo va, Samu-a pawn a hnial lem lo, a lo puitling tawh bik lutuk erawh in min țhawng tak zet! Kei in puitlung ti ti pui dan ka thiam miah loh laiin ka pa a ti ti pui mawlh mawlh thei a, a naupan lai ang bawk in a bulah awm a hahdam thlak leh hle bawk, chaw ei kham rual in dandawiin lam a kal turin ka insiam zui sawk sawk a, Samu-a te in lam ah a insiam nghah ve a ngaih dawn vang in shower hnuai ah ding in ka taksa chu ka tleuh thuak thuak a, ka sam pawh ka su ta tho.

Pencil dress peach rawng lang no zet mai ka inthawlh mawlh mawlh a, ka pa in ka mamawh leina tur sum țha hnem tak ka ac min siam thar sak ah a dah lut țeuh a, thuamhnaw țha mumal ka neih loh vang in thuamhnaw pawh ka lei nual bawk, ka sam huh chu ka chhem ro mawlh mawlh a, kum eng emaw zah chhung pawisa hman chawp ţawk ţawk nei a lo nung țhin vawi khat thil thu a tlakchham engmah neilo va ka awm leh ta thut chu engtin maw tak hian ka awm deuh hûi a, mahse he dinhmun hi ka nihna dik tak zawk ani tiin keimah leh keimah ka inhrilh leh nge nge zel.

Ka room kawngkhar chu vawi hnih a rawn in kik ri kauh va, a rawn innem hawng nghal der bawk.
"Ka lo lut thei em?"
" i hawn hnu ah chiah luh min dil a maw?" nui suk chung in a rawn pen lut nghal zat a, ka room chhung chu a thlek kual thuak a, engmah a la danglam vak lo tih a hrethiam ve ani ngei ang, tukverh bul a teddy bear ka dah dul lam chu a pan a.
"Heng hi i la nei vek elaw?" Teddy bear pakhat chu lakang in a lek kang uaih bawk.
"Umm, an rei ve tawh a sin."
"Khawi hi nge i puak mutthil țhin kha?" A nui ri hawk a, keipawh ka nui ve tho. Ka naupan lai chuan teddy bear puak ve ţai te kha ka ching a, nau awih ang khan ka awi ve hliau hliau a, eng emaw chen hnu ah ' a muhil, bengchhen loh tur.' ti khan Samu-a hi ka hrilh ru ve sar sar zel.


Kan inkawt aţang taxi kan la a, Samu-a rawn haw hlauh chu ka lawm ta tak zet bawk, Hmingsangzuala ka ngaihtuah ngut ngut tur lak ata ka rilru a la peng a, ka naupan lai hun hlim awm tak tak min hriatpui tu ani bawk a, ho te pawh sawi se ka nuih pui nghal thei zel a, Champhai ațang ka let leh hnu a ka nuih tam ber tuk ani hial bawk ang.


"Ngaihzawng i nei em?" a rawn ti thut a! Ban ka phar chiam ringawt!

"I nei lo tih na ani em?" steering hum reng chung chuan min rawn en a. Ka thinphu dawt dawt chu tih tawp tum ka thawk chu ka chelh vang vang a, bialpa ka nei lo! Nie, ka nei lo tak tak!

"Neilo."
"Good, i bialpa ka awm tawh tho a lawm tiraw?"
"Ha, kha thil kha sawi ve ziah suh, naupang pawh kan ni tawh lo." ka ti hlak, a nui hawk hawk a, ka hmai rawn sa deuh țawn țawn chu a hriatthiam loh hram ka beisei!

" Tunge i bialpa? An tih țum in ka hming i sawi ran theih țhin em kha aw!" A sawi dik lutuk vang chhan na zet in ka melh ta nghek a, a ban lehlam a rawn lek vut rual chuan awlsam zet in ka biang a rawn tawk der mai! A rawn piai zeuh va, a kut chu a la let leh nghal mai bawk.
"I biang ka la piai miah lo tih ka hrechhuak a." a nui leh hawk a. A naupan laia a mize nghal zet kha a la thlah fel bik lo anih hmel.

"Zanin eng nge i tih ang?" Falkawn kan thleng țep tawh, ani te car a khalh sak a, Falkawn lam a vawi khat tlanna anih vang in kan speed pawh a sang vak lo.

" kan in ah chaw rawn ei dawn lo la chuan zanrei thleng ka bu bul ah ka awm ang."

"Wow! A va nâ deuh ve." a rawn ti nghut. Hningsangzuala mizia ang bawk ka rilru chuan ka lo ti hman hram!

"Ka fiam che nih kha."

" i nu i riahpui țhin tak tak em ni?"

"Tun lai chu a țha ang reng a, ka pa in private nurse a lak tho vang in thimhlim ah ka haw nghal zel."

"Anih chuan ka rawn rîm thei che anih chu."

"Ham ham che chuan."
"What, ka naupan laia ka bialnu nen renew leh ka duh tihna pawh alo ni thei a."
"Samuel." Ka ti hlar, min nuih hawk hawk chung chuan lu a thing nghut a. Kan naupah lai chanchin a sawi anih pawn ka bialpa ka tih tlat țhin vel leh a kaihnawih kha chu sawi tel tawh lo hram rawh se! A zahthlak tlat!


Falkawn damdawiin kan thlen rual chuan motor chu motor dang hunna ah a hung ve thlap a, seat belt ka phelh mawlh mawlh a, ka nu pawn helamah a awm tih a hriat ve tawh tho ka ring.

"I number ka duh?" Kawngkhar ka hawng tur chu ka tawp leh rih a, a seat belt hmet phelh ve in ka lam ah a phone a rawn lek nghal zat bawk.

"Phone ka hmang ngai vak lo a sin."

"A pawi lo, i number neih hrim hrim ka duh." a ti a, thaw hap in a phone chu ka ban ve ta mai bawk.
"A r i t.."
"Kei man ka lo save ang." Tih leh a phone chu min chhuhsak a rual a, kawngkhar nem hawng in a chhuak nghal zat bawk.
"Hming mak deuh khan min save suh aw." Ka chhuah ve rual chuan ka ti nghal chul! Car chung lam aţang chuan phone screen chu ka hmuh theih turin a rawn keng hnai a. Ka chappal bun lai hi phelh a, vawm ţawk ka chak kher mai!
*Dear Ex.* tiin ka hming a save anih chu!

"I lungawi loh hmel e mai, ka bialnu tereuh tê tiin ka thlak nghal." a ti dawn tak tak lo tih ka hriat miau a vang in dandawiin building lam pan chuan ka kal san nghal nal nal a, ka ding deuh chawt a! Ka ngaihtuah let a, Samu-a a rawn lan aţang ka taksa rit chur leh harhvang lo lutuk kha an bo duak tih ka hrechhuak chiah!

"I phone on rawh." ka dar ah a rawn kuah thuk rual chuan ka han melh a, a rawn kun hnai ve leh chiah bawk.

"My Samu tiin ka number save ve ang che."
"Maw?"
"En la." A Phone screen chu ka hmai bul chet ah a rawn dah a. *My Arintei* tiin a lo save țha a, mipa dang chu nise zak lo ka ti ngawt ang, mahse Samu-a a ni miau va, ka nuih ta tawp.

Ka nu in Samuel-a a lo hmuh ve tak ah chuan ama tawk in a lo lawm ve chul a, a natna leh chemo khai reng a vang hian a aw ri a zawi ve reuh tawh lutuk a, sam mumal a nei vak tawh lo bawk. Kan naupan lai ang bawk in Samu-a chuan kun hniam in ka nu chu an kuah deuh vang vang a, ka nu pawn a dar ah a ben sak ve thek thek mai.
"I lo va lian tawh ve, i dar a hlai țha bawk si." ka nu chuan a ti ve ngial a, ka nuih a lo za ru ve hle bawk! A dar a hlai tih pawh la lo notice vak hleinem.
" Lalrini hi chu ka lo suangtuah țhin ang chiah in a la tê."
"I va sual tak! Ka nu in a fak che anih chuan țha tak in lawmthu hrilh hle hle rawh, kei min sawi tel lovin." Ka ti nghek, ka nu nen chuan an nui dun hawk hawk a, an chhungkaw chanchin vel ka nu in a zawt a, a thil zir chungchang te pawh ka nu zawhna a piang chu țha tak in a chhang thlap zel a, vai ram ah kum 15 dawn a awm bo vang vang tawh a, Mizo culture a hlauh ve miah lo in ka hria, țhenkhat kum hnih, thum vel Vai ram ah an awm dek dek a, țawng an rawi pai haw ringawt loh leh midang in an biak pawn an biakna chin bak engmah sawi belh chak lo tih hriat zet a an han in la eng emaw vel hi chu nuihzatthlak lam ah an kal lek lek țhin.

"Hmingsanga pawn min rawn tlawh a." Ka nu aw zawi sep chuan ka kawchhung a deng dawt! Ka thawk rang ta sauh leh ka... cabin kawngkhar hi rawn pawt hawng a, rawn lut ve nghal mai tur a ka ngaihna chuan ka thawk a ti zing nghal vek bawk.

"A call i chhang duh bawk silo va, RV- a kan in ah khan a kal a, tumah an lo awm bawk silo helam ah chanchin a rawn ngaihven ngawt a nih hmel." a ti leh sep a, amah ka hmuh ve chakna leh ka hmuh chak lohna chu a inzat hial in ka hria, haw em em chung sia hmuh chakna rilru ka la pu tlat te chu mak ka inti ngawih ngawih!

"Mate, bia la, a ngaihtuah hmel lutuk che nia." Ka nu vek chuan a rawn ti a! Nghet zet in kut ka hum ruh nghal ţalh ţalh bawk! Lemchan leh zel pawh a thiam tel tih a hreve tlat hleinem! Rv ah ka awm lo anih chuan ka pa in ah ka awm ang tih hretur khawp in Claudia nen ka pa chanchin pawh an hrechiang a, ka nu damlo daih daih a lo zuk pan leh vel chuan ka thin a rawn tirim thar a! Hman zan ang chiah khan ka sa leh huam huam tawh!

Ka chhan ve hma in Samua toilet kal a rawn let ta hlauh va, ka nu nen chuan kan awm chhung chu kan naupan lai chanchin vel sawiin an ti ti dun char char a, kei erawh Hmingsangzuala'n ka nu meuh a rawn hmuh chhan tur ka lo ngaihtuah leh ngut ngut tawh. Hmai chhan ah ngei hmu leh ta ila, amah ka ngaihna hi thunun in huatna nen ka hmachhawn thei a ngem? tih zawng zawng te pawh!


Dar 5 la rik loh deuh vah ka nu cabin aţang chuan Samu-a nen chuan kan inzui chhuak a, ka cool ta riau chu sawi lang lo mahse a hrethiam tih hriat zet in min biak phet a tum lui lo va, ka lawm ru tak zet bawk.

"Bazar ah chuan kan kal tlang nghal mai dawn mi?" ka ti a, min en zawk a, lu a bu nghut a, ka chhungril lam chuan Hmingsangzuala hming bawk a lo lam leh hmanhmawh tawh!

"I nuam lo em ni?" A tawp ah chuan a rawn ti ta phawng a, damdawiin kawt ah chuan ka ding dat a! Ka thinlung hian a tuar zawh phakbak natna sual let a tum mek ti sawi mai ka chak rum rum bawk.
"Aih, tinge?"

"Ka rawn let leh aţang khan i ngawi ta reng a." Chutiang engthil mah a awm lo tih lantir nan dar ka ti kang ang ak a. A rawn kun hiam leh thut bawk.
" i nu khan a lo hau hman che em ni?" a rawn tih rual chuan nasa lutuk in ka nui chhuak ta hawk hawk a, Samu-a pawh a kiai ve ta suk bawk, nu te'n an hauh vang a mood chhe rual pawh ka ni tawh der silo.

"A țha e, ka nuih tir leh tal che a lawm." a rawn kun hniam leh deuh va. " i naupan lai a i nuih dan kha i la sim miah lo." ka mit ah tak chiang lutuk a a rawn en rual chuan Hmingsangzuala ang chiah khan ka kawchhung lam thlengin a hmu tlang vek thei hial emaw tih tur khawp in ka sa nghal vek anih chu!

"Bawihi?" Aw ri zuai ruih a rawn chhuah rual chuan ka taksa a thisen kal lai zawng zawng hi a kâng nghal duak in ka hria! Ka lungphu a rawn ri zui dawt dawt a, ka hnung lam a ke pen thawm ka hre zawm zat a, ka hmai zawn aţang Samu-a pawh a awm sang tial tial bawk!

A ke pen a tawp a! Ka hnung ah mai rawn ding in a boruak ken tel ve ziah boruak țang ru at leh muanawm ruih si chuan min tuam zui chuk chuk a, a pangti lum pawh țum dang ang bawk in ka feel a, a rim pa zet te pawh!
"Kal ang." Samu-a kutphah chu ka ban a, ka hawi let lo hrim hrim.
"Umm, kal ang." Samu-a chu a rawn ti ve sup, ka kut phah tereuh te chu a rawn hum bo nghal vek a, pen thum vel chu hnung tawlh zawng in a kal a, ka pen ve dat dat bawk.

"Ramhuai hmu ang mai!" rawn kun hniam deuh in ka beng bul ah a rawn phun sap a, a kal pangngai ve ta chiah bawk!

Motor hunna kan thlen meuh chuan ka tha neih zawng zawng an bo duak a, car hma lam chu ka kut pahnih in ka nam dawt a, ka thaw chhuak nghal ham ham bawk.

"Țhu lut phawt rawh."

"Reilo te." ka thusawi chu a hrethei kher em pawh ka hrelo, car hma lam nem chung chuan thawk ka leh ham ham a, keimah ah effect a la nei nasa lutuk chu a rapthlak lam hret ani!

"Kha pa kha tunge anih a?" Samu-a chuan a rawn ti nghut, ka melh zawk a.
" tunge anih sawi la, a tibuai țhin che em ni?" a rawn ti leh a, ka nun zawng zawng chawk buai a, khawvel a hmeichhe chak lo ber ah min siam tu ani tih a au khum nghek mai ka duh a, mahse ka ti ta em lo!

" Tumah a nilo." ka ti sep a, ka țhutna lam kawngkhar chu hnaih hret in Samu-a chu ka nuih lui sak bawk.

Ka țhutna tur kawngkhar ka pawh hawn tak ah chuan min ngaihtuah hmel zet a min en chung in car hnung lam aţang chuan a driver side lam pan chuan a kal ve ta chauh va! Ka intih chak hram hram a ngai, anih loh chuan amah vang a ka chak lo lai kha hmu in a nuihzat ah bawk ka ţang leh mai ang!

"Bawihi, inbia ang?" ka phu nasa lutuk chu car chung ah ka khabe ka tauh chawrh lo chauh!

Ka hnung lam ațang chu aw ri chu a rawn chhuak a, Samu-a țhu lut tawp pawh rang zet in a rawn chhuak leh nghal zâwk bawk.

"Nang nen hian sawi dun tur kan nei tawh lo." Zawi muang a inher in a mit ah tak en tum chuan ka mit chu ka san chho zel a, kan mit a intawn siah rual chuan ka țîm nghal sawk thei!

"Biak che ka duh, aw?" a aw ri chu a dam ruih! A mit ah erawh hlauhthawnna ka hmu thung.

"Aih."

"Bawihi?"

"A be duh lo che anih chuan kal san mai rawh." Samu-a chuan kawngkhar nem phui dawt pah chuan a rawn ti a, Hmingsangzuala hmel landan chang nghal țawlh ţawlh ka hmuh rual chuan Samu-a chu lo inrawlh lo tur a au khum nghek mai ka tum tut tut tawh, mahse ka beisei loh dan lutuk in Hmingsangzuala chuan Samu-a chu a nuih suk a! A nuih dan ațang chuan hlim vang nilo in Samu-a a ngaihtheih loh lutuk vang ani tih ka hria.
"Lo va kal sawn rawh." a aw ri chu a hniam ruih, mahse vau na a langchiang hle thung!

" ni ngawt lo ve."

"Samu, ih.. reilote kan han inbe lawk a nge." ka ti vat a, ka lo inrawlh lo anih chuan Hmingsanga hian a sawisa nek hreh dawn lo lutuk tih ka chiang, keimah vang in tumah kut tuar tur in ka duh lo.

"Min lo zui rawh." Hmingsangzuala chu ka melh zawk a, a bu nghut a, a mit meng thim khup erawh Samu-a lak aţang a la sawn eih lo.

Midang in kan thusawi an hriat phak lohna tur tawk a hmun fal ka thlen rual chuan ka ding dat a, ka inher let rual chuan Hmingsangzuala awm ah ka in tauh lo chauh!
" i țha em?"
"I hmuh ang hian ka țha khawp mai."
" thinrim tawh lo la." a rawn ti hluai a.
"Kut ka thlak che kha dik ka inti lo, min ngaidam rawh, a thleng nawn tawh ngai lo vang." Zawite hian arawn ti a, ka biang ah a ben chawrh lai kha ka ngaihtuah let nghal zawk mai!

"A thleng nawn tawh ngai lo vang." ka ti ve sep, min din hnaih nghal hrut rual chuan ka tawlh hnung ve dat a, kawchhung ipik hmel lutuk in a rawn thaw chhuak nghal hawk bawk.
" Fine, i rilru a dam theih nan eng nge nge ka tih ngai?" a ban hrawl zet chu a lek kang vut a, thawk zin hmel zet in a vai thuak bawk.

"Ka hmuh theih ah rawn lang tawh suh." Insehruh tlat chung in mit a chhing nghal ngawt ngawt a! A landan cool ruih te, ka tel lova awm thei lo emaw ti a ka ngaih thei tur khawp a a hmel landan tla kuam mai te chu hmuh kan hram hram tur in ngaihtuahna dang put tum in hman zan a thil thleng te kha ka ngaihtuah let lui tlat a, ka nu leh pa an boral vel ah min țhen a tum dan zawng zawng te, ka pum a naute ka chhiat theih dan tur a ruahmana siam hautak zia thu a sawi lai te chu ngaihtuah lui tlat! A tawp ah phei chuan huatna leh thinrimna nen ka melh ta ngawt ngawt!

"KA THEI LO TIH I HRIAT KHA!" a aw rawn chhuak chu a zawi ruih. Mit a rawn meng a! " Ka hmangaih che tih i inhriat kha!" a rawn ti leh sup a, ka kawchhung a thinrimna in mungkhawm tup tup chu a rawn puak darh hawk, ka hriat leh hma sak ber chu ka kut ding lam a rawn na chhah țhawt a, ka beng na bawk ani ngei ang, a biang hmul in a khuh loh chian chu a sen nghal ţalh mai!

"Min hmangaih thu kha sawi tawh suh! Sawi tawh miah suh! Ka naute vang tal pawh khan ka hmuh theih ah rawn lang tawh suh, thisen hlawm mai anih lai kha chuan i zah zo lo ani mai thei, mahse tun ah chuan thlarau ani tawh, vanduai thlak tak in a pa i ni bawk, a pa in a nu bum kual tum in a chhiah buai reng țhin tih a hriat chuan thlabar tak a ka pum chhung ațang i lak chhuah naute thlarau kha a hahdam ve thei ngai lo vang! Hlauhna leh thalbar nan nen a nu lak aţang i la hrang tawh, duhtawk ve tawh em em rawh! " ka aw ri chu a sehchilh nawk nawk, au khum tawn tawn ka duh mah zawk a! Mahse ring tak a ka au chhuak anih chuan ţap ri in a rawn zui thuai mai ang.


Samu-a car bul ka thlen rual chuan ka thaw chhuak vak a, Hmingsangzuala ka țawngkhum chhung zawng khan kut ka hum tawm ngawt ngawt tih ka inhre chiah bawk! Ka kal san dawn lai khan nunna nei lo ang maiin a ding khawng luah a, mahni inrintawkna a khat țhin a hmel ah khan thinlung kehchhia ka hmu bawk! A chhan tur ka ngaihtuah a, thil pakhat chiah ka ngaihtuah chhuak! A fa ngei a tihlum kha a inchhir ve ah ka ngai!

"Lut rawh." Samu-a chuan a rawn ti a, ka en nghal dawrh bawk, mahse keimah min en lo in hma lam a melh ngar a, a enna lam ka en ve rual chuan athmel lutuk in ka nui chhuak ta hawk!

Kan lam pan bawk in Hmingsangzuala chu a la rawn kal cheu anih chu!

"Kal san vat teh ang." ka ti sep a, car kawngkhar chu ka pawt hawng pawp a, a din ngai a Samu-a ding reng chu ka au țhat bawk.

Kan in be leh emaw anih chuan ka chet dan tur a rapthlak lutuk! Samu-a a rawn țhut luh fel rual chuan ka țhutna lam kawngkhar chu ka lock nghal hmiah a, Hmingsangzuala pawn min rawn hnaih chilh tawh lutuk, ka duh dan tak phei chuan engine hi tih nun a, keimah ngei na zet a sut chawrh te ka chak hluah hluah, Samu-a'n egine a tih nun rual deuh thaw in car darthlalang chu a rawn nem dawt a, car pawh a nghing luk mai!

"A rilru a buai deuh ani lo maw?" Ka țhutna lam kawngkhar darthlalang bawk chu a rawn ri leh dawp a, sir lam ka melh duh miah lo, Hmingsangzuala chuan car kawngkhar chu rawn hawn a tum mai bak ah darthlalang chhan aţang chuan min rawn bih tih pawh ka hria, a hmel ka hmuh reng chuan thinrimna in min tuam hlup hlup zel a, motor chhung ah hian ka luak nghek palh ang.

"Eng nge i nghah tlan chhuak ta che." ka ti tuar a, Samu-a chuan phawk zet in ka țhutna lam aţang bawk chuan pawn lam chu a en a, mak a tih hmel lutuk vang chuan a en na lam chu ka en ve lo thei lo!

Darthlalang chhan ah chuan silai dawt ka hmu hmasa ber a! Hmingsangzuala'n a puak ruk si lai khan min lo tin reng anih chu!

"Kei nilo in ani hi rilru buai dik tak chu anih zawk hi!" Samu-a chuan ha sehchilh ran chung chuan a rawn ti a! Silai dawt ațang chuan mit la sawn in Hmingsangzuala mit ah chuan ka melh a! Samu-a sawi khat a dik tak tak!



Hemi te pahnih ka nin zia hi chu! An chanchin hi ziah a hahthlak ngawih ngawih! Lalrinmawii ka ngei tak tak bawk! A thu a duh ngil ngel si!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)