☆UTOPIA : 1996☆ Ririni Khiangte (Abbra Pitartei)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

☆UTOPIA : 1996☆ Ririni Khiangte (Abbra Pitartei)

Unread post by Ngaia » February 19th, 2019, 12:31 am

🔥 If you want to be ORIGINAL,
be ready to be copy.😅

☆ UTOPIA: 1996 ☆ Chapter 1 (Mature cont3nt🔥)

Ririni Khiangte (Abbra Pitartei)



"Aw, Claudia" khum tlang a ka țhu chu nawmna nasa lutuk vangin ka rum chhuak hawk hawk a. Ka malpui inkara hmeichhe țhingțhi mek chuan uar leh zualin chet a la a, a lo hmuam meuh chuan ka rum hrawih thei. A chhip sam ah țhamin a aia thukin a ka chhungah chuan d** lut zawt zawt a, a uak țhawt nain zei takin a che zawm leh zat tho. Vanvadakin mit ka chhing vang vang a, a hmui nem thep leh lei sa ham ham chuan ka taksa a thunun a ni ber e.

"Babe" tisa chakna a khat a aw si sap vang chuan mit ka meng a. A mitmeng vam ham ah chuan a thil duh chu chiang takin a lang a, ka pe ngei bawk ang.


A zak hnuai ah dawm a ka pawm nawlh chuan zei zetin min kherh bet ve nghal. Bangah ka nawr beh rualin ka th*l chu lo lo humin a ta nen chuan a chuktuah nghal zat a. A hmuia ka nghawng a rawn nawr leh rual chuan insumna tel hauh lo in a taksa ah chuan ka lut a, nuam ti fe hian a rum zui ham ham a..


Engtik laiin nge khum chu kan thlen phei ka hre hauh lo. Chunglam ah țangin chintawk nei lek lovin a khawsa zui a. A nuam tih piah lam a ni, a awm bawr hrawm sak bawrh bawrh chungin ka rum ve hawk hawk tho.

Kan duh tawk meuh chuan khur dawt dawt chungin ka taksa chung ah a rawn bawk thlawp a. A sam ah țhamin nawmna nasa lutuk vanga a thawk la mumal lo lai chu ka fawp zui bawrh bawrh a. Tun hi a tawpna tur a ni lo tih ah ka chiang a, vawi thum dang tal angel te dai ngam loh kan dai dun leh hma chu kan lungawi zo dawn lo...

Kan shower zo chu mutkawr pan te a inbel a, kei erawh saruak in khum ah ka țhu run thung. "Eng tikah nge i rawn haw theih ang?" a ti a, towel-a a sam huh hru dalh dalh pah hian min melh si sap a. He hmeichhia zet hi zawng tu mipa mah in an hnar thei bik hauh lovang.


"Thla thar hian chawlh ka nei thei ang" Ka ti let sup. Dawhkan te chunga condom king size pack ruak chu bawlhhlawh bawm ah ka vawm lut a.

Min lo pan phei chuan a kawngah lo manin ka malh chungah ka pawt țhu a. Hrilh chawp ngai miah lovin ka nghawng leh beng hnuai te chu a fawp kual dan dan a, "Lo haw vat rawh, i chhungte paw'n an ngai tawh ang che," a ti pah sar sar a. Tui vawtin ka inbual zo chauh nain thisen a lum leh phat tawh. A nighgown chu nawr tawm sakin a mal mam nal han chu ka chul hauh hauh a.

Claudia vek chuan, "Ka rualin lo haw ve la.." tia min thlem chungin a awm bawr chuan min nek na sauh a. Kum 3 liam ta aţang khan kan inhmuh apiangin nupa inkar chiah a thleng tur kan ti dun fo a, amah a lo zeiin khum chungah ngat chuan tu hmeichhia mahin an tluk lo ang tih tur khawp in chet lak a thiam a; a duhthawh em em reng zel bawk. Chu thil chu ka nuam tih zawng tak a ni a, khum chung ah chuan engkim a lutuk vek hlir ka duh.

"Thla thar ah ka tih chu" ka tih nghut chu min cho phur tur takin ka beng bul ah min rum khum hak a. Chhan let loh a har țhin, a mawng bawr lian zet chu ka hrawm sak leh ta nge nge a, a lo inpeih leh at tawh. Bawiha chu a rawn hum leh chat a, a insiam rem leh nghal tur erawh ka khap thung.

"Zingkar a let tur i nih kha, tawk rih rawh se" nui lek lek chunga ka tih chuan" Ka la kham lo" a lo ti let hmiah. Vawi thum zet kan zo dun chung pawn kham tih a nei ngai dawn lo a nih hi.

Bawiha chu a khalh chhunzawm a, khi suk a lu ka thin nghut chuan min melh rang khawp mai. A mitmeng pawl ram chu tisa chakna vangin a lang si sap a, tawrh a harsa țalh țalh viau nain țum thum ngawt kan zo tawh, a tawk ka ti viau a ni.

"Mu tawh rawh" zawi ruih a tiin ka kuai thle deuh a. A nghawng var hai chu ka hmui a nawr kual sakin a tawp nan a hmui chu ka liak zauh a; a kham lo tak tak te pawh aniange bawiha a sawngbawlna chu a tawp duh miah lo reuh a, ka kuai let leh hrep zawk dawn em maw ni.

Tun ang a kan khawsak hmasak ber țum khan min hmuh tirha a rilru put hmang engkim a inpuang hmiah a. Mu leh mal nei thei lova ka ngaihtuahna bing mup lai kha min play a, khatiang khawp a nuam khan tu hmeichhia mahin min la siam ngai lo. Zei tak mai a hmeichhe chhelo zetin chet a lak meuh chuan mipa hrisel țha leh in fit tak tan chuan lo hnar chu thil theih loh tluk a ni. Mamawh inpe tawnin zantin deuh thaw hun kan hmang dun ta chawt a. Min pan hmasa tu zawk ah a țang hreh lo kha ka tan lah thil hrehawm zawk zawk a ni hauh bawk silo.

"Zanin chauh chu i kiangah min riah tir la, i inchhir miah lo ang," a ti sar sar a. A aw ri leh kut vak kual chu thlemtu lian tak a ni tawp.

"Hna khawih tur ka ngah. Kan inhmuh leh hun ah ni mai rawh se" ti hluk chungin ka mal chung ațang chuan ka hlang țhla a. Lungawi loh hmel taka min melh pah hian a tum bar a, thlem lungawi pawh chu ka tum lem hlei lo va.

Boxer chu ban nghalin ka inthawlh sawt sawt a. kan inkar hi in it tawnna leh tisa chakna vang chauh ni tih a hre reng țhin a, tun hnai te hian mî nawr luih a ching thar tlat.

Ka chhuah san tur chu bang nghengin min melh ngar a. Ka thlek thuak chuan round khat tal zawh pui leh tura ngenna mit meng hian min lo melh sawr sawr a. A nightgown chhing tawh sa zet chu a awm thlengin a hlim chho hmiah a, ka en ngur lai chuan amah leh amah chu a in play hmiah mai pek a! Ka hma lawka sap thlah pawlh nula nalh leh it awm zet a inkhawih kual laia dang lam loh chu mi â nihna a ni hial ang chu.

Mahse, ka sawi tawh chu ka sawi tawh a ni. Hna țul khawih tur ka la nei, ani hmeichhe it awm zet hi chuan min nghak thei. Ka ngaihtuahna vang chuan ka kiai suk a. Claudia chu pan hnaiin a awm bawr chu ka hrawm sak nawk a. A beng bulah chuan, "Good night, wild girl" ka ti sup bawk.

Kal pela kawngka herh hawnna ka vuan chu hnung lam aţangin min rawn kuah thlawp a. Lawm lo zet a "Claudia" ka tih nghut chuan, "Lo haw la, innei tawh mai ang" a lo ti ve nghal zat bawk. Hnar ka tum dat a. Ka taksaa a kut suih beh chu ka phelh sak a, nupui neih tumna ka nei tawh rih lo.

"Ka rilru chu i hriat kha" tih zawng a chhang let in a pindan chu ka chhuah san vut. Lo chhuak ve in min en zui reng tih chu ka hre nain ka hawi let tawh lo. Ding takin ka mut pindan lam ah chuan ka chho tlang a, ka pindan kawngka zawn ka thlen chuan a mut pindan kawngkhar in khar ri ka hria a, ka thaw ham ham mai.

Kan pahnih hi Mumbai a intawng kan ni a. Kan apartment dawt chiah ah a khawsa ve a, Mizo leh sap thlah pawlh a ni nghe nghe. Duhtawkin Mizo țawng a hmang thei a, Vai țawng hman tamna karah mizo țawng leh sap țawnga inbe thei ta chu hmelhriat țha ah kan insiam thuai a. Champhai lam chhuak a lo nih ve leh zel nen mamawh engkim kan inban tawn a. Ka nun in hlimna vawr tawp a thlen lai a phatsan ka nih leh si zan khan min hnem tur in a lo lang a. Thinlung keh chheh veka ka awm kha khua a var meuh chuan tisa kawng takin hahdamna mak tak min thlen a. Ka thluak nu but khan rilru fim pu thei lo in min siam a, ka sapatal ta nghek a nih kha. Mumbai ah hna thawk a ka awm chhung zawng chu nupa ang chiahin ka khawsa dun ta a ni.

Zep thu a cheng lo. Kan han khawsa dun tak tak țhin chu setana meuh pawh in 'em em a' a tih tur hial in kan tal ngap. Kan in mamawh tawnna chuan chhun leh zan min thliar hran tir lo va, phone kan hman lai leh inleng te an awm lai a ni em tih em pawh mî a thliar hran tir thei lo.


Ka appartment kawngkhar dawt chiah a awm a ni ka tih tawh kha, tlawhtu leh inleng a neih laklawh lai pawh nise ka l** chak tlat chuan ka appartmet ah ka au phei hmiah a. Ani lahin thiam taka chhuanlam siamin a inlengte chu a lo chhuah san a, chin tawk hre hauh lova kan khawsak dun zawh ah a let leh mai țhin. Claudia hi mipat hmeichhiatna kawnga ka level a san tak em em chhan pawh a ni a. Hetia ka sawi avang hian ka dem tihna a nilo a nia. Mipa ka nihna anga ka tlawm lai ber, thinrim leh rilru so bulh bulh a ka awm laia s** hmanga ka rilru min lak pen sak tu a ni a. Tun thleng hian thinrimna ka neih chuan duhtawk a s** hman ka chak ber tlat tawh.

Tichuan hun a kal ve zel a, a zirna a zawh rualin Mumbai ah pawh hna țha tak a hmu a. Mahse, kei lah Mizoram lam ah sawn ka ni ta si, ka tel lo a awm chu a zuam ngang lo va, hlawh tlem zawk leh hna lian zawk pawh thliar hrang thiam lo in Champhai a kan chhungkaw school ah zirtirtu hna thawk tur in a rawn haw ve ta ngawt a. School hna țul vangin Aizawl ah a rawn tla thla fo a, exam chawlh changin min lo pan thul. Ka taksa a fit bawk a, lungawi takin ka lo siam mai țhin. Amah chiah kawp leh khalh fal ka neih avangin kan inhmuh theih phawt chuan a lutuk lam hret in ka khawsak pui miah miah zel.

Ka muhil tui lai chu ka taksa danglam vangin ka harh hlawl a, eng khaw sawi set set lovin ka taksa chung a mi chu ka lehthal a. Lukham hnuai a ka puakruk dah chu ban zui nghalin a chaldar ah tak ka tin nghal siah.

"Babe, keimah" thlaphan hmel fe hian Claudia chuan a lo ti a. A khur zui kharh kharh a, a hrawk ah rek betin thapui nen khum ah ka nawr bet tih chu ka hre chhuak thut a. Tha chu thlah dul nghalin, " Ka mut pindan a lo lut ngailo tur in ka hrilh chian viau tawh che kha" ka tih khum khawl.

Claudia chu a thaw dep dep a, ka puak ruk hum lai chu a lo melh ralh a, phun hluk pah hian khum bul dawhkan chungah chuan ka dah nghal a.

"I driver a lo la kal lo a mi?" tiin Claudia chu ka melh run a. Ka che phut bawk nen a tha khur chu a la reh der lo. Țawngkâ a min chhang lovin a bu nghat a.

"A lo thleng dawn tawh em? Coffee kan la in dun hman em ang chu maw.." tia a taksa ațang ka let thla tur chu min dang rang khawp mai.

Ka nghawngah a ban a rawn suih chuan ka kiai suk a, "I tlai ang e," tiel fe a tiin a sam chu a bengah ka zeh sak a.

"Darkar chanve dawn hun kan la nei" lo ti sakin chung lama ka insiam rem lai chu min lo kherh bet ve nghal a.

A thong hak lai chu ka pawt hlip nghal kawk. A kê ațanga ka lak chhuah dawn laia a kar hiang chu hmuhnawm tak a ni. A bawp chu nawr dawrh sauhin a kap zawn ah chuan ka țhingțhin run a, amah in a nightgown chu a lo hlip ve mawlh mawlh a. Ka boxer chu phel lovin ka hnawl tawm leh hmiah a. Bawiha lo pawk chhuak nawlh chu rum hak pah hian a rawn hum nghal a. A kâ chhungah ka kutțang pahnih ka nawr lut a, ka thil a sawngbawl țhin dan chiahin zei fahranin a lo fawp nghal pulh pulh a, bawiha chu a hr*** pah zawt zawt bawk.


A kâ chhung ațang ka kut chu la chhuakin dim hauh lovin a *** ah chuan ka nawr lut nghal zawt zawt a, a tal awrh awrh a, ka h**** rangin ka tli* ri zawt zawt bawk nen thu khuh țhen nei lo zet hian, "ka tla dawn duhtawk rawh, i ***** kha lo thun tawh zawk rawh" a ti ham ham a. Sap thisen kai ngat kha a ni a, a nun ah hian lai leh zak tih velin hmun an chang ve meuh lo.

"Beg for it(ngen rawh) " ka ti nghut, rum hak chunga min ngenna țawngkam chu heta tarlan tlak pawh a nilo.

Kiai suk suk in khum bul side drawer ațang condom ka la chhuak a, ka vuah lai te chuan chak hmel zetin min chul kual ruai a. Dim tumna ka nei hauh lo. Chu chu a duh dan a ni bawk.

"Nei li** pa, thlakhat chhung chu ka nghah theih ka ring lo" thaw hiam hiam chunga a ti chu ngeiawm rawngkai lek lek in ka nuih let a.

"Min rawn pan leh mai a ngai dawn a nih chu" hniam ruih a ti paha ka nawr luh pawp chuan lukham a chu nawr ngawt ngawt a. "Kawng tluan a i suangtuah zui reng tur anih hi, min ngaihtuah chhuah rualin i thi* hi a tui nghal pur zel ang" tisa chakna nen in pawlh nawk a ka rum nghut rualin a lo nui har har a.
Sencor*****


"Inneih chu i duh lo em ni?"

"Claudia vawi tam ka sawi tawh" bul hmuk a ka chhan let chuan inchung lam melh in thawk a la hak a.

"JE pakhat a rawn leng țhin a"

"Chuan?" Ka chhan dan vang chuan a lawm loh hmel kher mai.

"Pawi tihna i nei lo a maw?" a ti hlar a, ka tho chhuak chu min melh ngar bawk. Tukverh lam chu panin parda chu ka nawr hawng a. Inkuangkuah hlun chunga a lam ka hawi leh chuan mit la lo lekin min lo la en reng bawk.

"Kan inkar chu kan hriat chian kha. Inngaizawng kan nilo a, induhna lah kan pahnih inkarah a piang hek lo, nupui neih ka tum lo bawk" ka ti a. Ka aw fiah leh rum zet chu a nat pui te pawh aniang "Babe!" a ti țiau a.

Rilru sawhsawn ka tum loh zia a hriat thiam theih ngeina turin a țap mai tur chu lu ka thin khum a. "Khatiang khan awm suh, sawtna a nei lo" ka ti vawt ruih. Hmai hupin lu a thing nar nar a.

"Pasal neih i duh emaw, mipa dang inzawmna siam pui i duh chuan i zalen ah inngai rawh" tia ka hrilh leh chuan "ka thei lo" a ti mauh mai.

"Claudia, luhlul țhin lo teh. Nupui ka nei ngai dawn lo, hmeichhe fing tak i ni a, chhungkaw pangai tak din tum rawh" ka aw chu a nelawm lem loh khawp ang.

"Aih, engmah sawi tawh suh, kan la innei em em ang" a ti țalh a, thawk ka la hluai ringawt. A beisei ang chu a thleng ngai dawn lo tih a pawm thiam duh mang si lo.
Khum chu thawh san vein a inha țha mawlh mawlh a.

"Min nawr lui suh Claudia. Kan inzawmna hi kan kalpui hmain chiang takin ka duh dan ka hrilh tawh che," ka ti a. Ka aw zawi ruih vang chuan thawk la hmasa te te in ka lam a lo hawi a.

" 'Tu hmeichhia mah inzawmna nghet ka siampui ngai dawn lo, nang nen pawh kan taksa mamawh kan inpek bak engmah kan inkarah awm suh se..' Chu thil chu ka sawi chian viau tawh kha" ka ti leh nghut nghut a. A hmel țha zeta natna lo lang chhuak chu ka hmuh hmaih bik lo, ka thutiam bawh chhiat phah nan a hman erawh ka tum lo.

A ngawih deuh vang vang hnuah chuan, "Kha chu a hlimchhawn lai a la nih vang alawm," tiin min nuih sak a. Melh ngur chungin lu ka thing thung,"Kei nilo hmeichhe dang khawih a i kianga an khawsa lai hmuh ai chuan thih pawh ka thlang zawk" fiah faka a tih chuan ka lo ner sawk. "Kan la innei ngei ngei ang... midang ta i nih ka phal lo. Nang pawn i rilru kha thlak tum rawh. Ka mamawh ang chiah che in min mamawh a, kei angin tuman i cha*na kha an ti chhuak thiam ve lo" inrintawk hmel zeta tiin a nui sak a.

"Ka chhungte rilru nawm nan chauh ka inleng chu ka be țha ang. Chumi vang chuan ka thlah dawn che tihna a ni lo ania" ti chungin ka dinna lam ah chuan a lo phei ve a. Kan khawsak zawh chiahna vangin a sam chu a la pawr phang a. A mitmeng vam hiam ah chuan pawisak reng a nei lo tih lah a lang chiang em em a. Ka kiangah chuan rawn dingin,"Min mamawhna a san tluk zetin s** ah i sang. Kei lo chuan i tisa chakna sosang lutuk vanga i chet dan rothap zet hi an dâwl zo dawn lo che" a ti leh salh salh a. Ka chakna sosang țhin lutuk chu min vau nan a hmang nge min sawi țhaih zawk, ka awm ruak kunga kut lo vah kual tir dan dan pah hian "Ka sawi dik em? I kham khawp pe che a lungawi taka siam thei tu che chu keimah chiah ka ni" tia thaw hak chungin boxer chhanah bawiha chu a rawn țham salh a.

"He thil hi ka ta chiah a nih hi" cho zet a min melh chunga a tih leh chuan ka nui ta ringawt.

☆ ☆ ☆ ☆ ☆ Utopia☆ ☆ ☆ ☆ ☆ ☆

Mi tam takte mak tih tur khawp in khawvel changkanna chuan hma lam a pan a. Chu hmasawnna; a zuan a zuang dawrh dawrh chuan Ar-hmai pawh tiat lo ram zim te chu min hmaih bik lo. Khawvel lehlama thil thleng leh an nun dan te chu second reilo te chhungin kan lo hmu phak ve ta zel a, kan nun dan lah khawthlang ram a chengte nun dan tluk zetin a changkang chho ta.

Mahni culture dah pawnlang zel in hnam dang nun phung chu kan seng lut a. Chhungkaw inrelbawl kawng ah te, kan khawlai nun dan te thlengin khawthlang lam mi te nen danglamna kan nei ta mang lo. Chu thil chuan kan hnam ah nghawng tam tak a nei a.


Mite anga a lang changkang ve tur chuan sum a lo ngai a. Sum hmuhna tur a nih phawt chuan tu te pawn tih hreh leh pawisak kan nei lo va. Țhiante neih ang neih ve chakna in kan phe suau suau a, kan neiin tlin lo mahse mahni taksa zuar a sum siam hreh lo kan pung thur thur a. Nu leh pa te kianga naupangchhia ang taka la tal thiam; zanlai a lo thlen ruala mipa in a phurh chhuah theih tleirawl kan pung tulh tulh a. Mahni kawppui te lakah lungawi zo lo, ințhen hmingchhe chuang lova hmei leh kawppui dang nei lah kan kat nek nuk tawh. Chu chang a la nilo, tual thahna leh thihna mak pui pui a thleng dawt zut a. Nunna kan hlut tawh lo va, nunau leh hmeichhe awmnem zawk te tan phei chuan thil thleng tam tak chu a țihbaiawm in khawlai chhuak țha ngam lo khawpa tawmîm phahna tham a ni.

Ruang chhar report a lo luh rualin ka nau te pahnih chu chhuah in peih nghal turin thu ka pe zui a.

Kar lovah station ațang ruang chharna hmun pan chuan kan tlan chhuak a. Tualthattu kan man hma chu mut mu ka hmu țha leh hauh lo ang le..


Ka bana sanna chu ka bih thuak a, tlai lam dar 2: 45 chiah a lo ni. Tun mai a kan report dawn ah chuan ramngaw thla la tura photographer pakhat kal chhuakin hmeichhe ruang a hmu a ni awm a. A chhak mai aţanga thil rimna zet rawn chhuak chuan a ngaih ti țha lovin a belchiang a, a awmna aţanga thui lo te a kal chhoh leh deuh chuan hmeichhe ruang chhe tawh tak chu a han hmu mai ni awm a ni.

"Khu lai khu a nih hmel" tiin driver chu a tlan muang zui a. Mipui tam tak an lo pungkhawm tawh a, a lan dan chuan kawng kam mai a thil thleng a nih hmel khawp mai.


Motor ațang kan chhuak chiah chu rim na zet hian min lo hmuk nghal a. Ner nawk pahin Rema mask min rawn pek chu ka ban a, pung khawm dang te pawn hnar an lo hup far hlawm a. Tlawmngaihna changchawi in ruang chu an lo khawih danglam loh hram ka beisei bawk.

"Ka Pu, in lo thleng tawh maw?" tia inhup țut chunga min pan tu chu chiang takin ka lo melh a. Camera a awrh danah ruang hmu hmasa ber tu chu a ni ang tih ka hre nghal bawk.

"Nangmah hi i ni em?" tia zawt in kut kawr ka bun pah mawlh mawlh a.

"Aw, ka pu"

Constable pahnih chuan a țul țul an buaipui nghal zung zung a. Ruang chu thla te la a hmunhma kan en fel hnu ah lo awm sa te nen ruang chu kan zawn sawn a. Kawngpui ațanga hlam sawm vel lekah ruang chu hmuh a ni a. Tualthattu in pawisak a neih loh zia ti chiang tu ah ka ngai.

Ruang chu a chhe hneh hle a. A sam sei tak chu thisen in a chiah khang ur a. Beih a tawh lai in dam khawchhuak turin nasa takin a sual let ve a nih hmel a kuttin chu a tla nual a. A taksa chu țing in a lo bawh nasa tawh si a, a hmel tur chhui zawn pawh a har țalh țalh viau. A kum erawh a la upa lemlo tih chu a taksa ruhrel ațang a hriat theih a. Kutkawr ka bun thuah leh a, a taksa lang thei lai chu chiang tak in ka en kual a.

A tukhum chu na taka vuak tih hriat takin a dup ula a, a nghawng pawh rehna hnu a val kulh a. Hmuh a hrehawm khawp mai.

Vaivuta siam mihringte hi vaivut bawk a kir leh tur kan ni a. Mi tu pawh kan hringnun kawng tawpna chu thihna a ni. Amah erawh chu thih dan pangngai lo leh misual kut tuar a han boral bik ngawt zawng; a tuartu a lainatawm tluk zetin chhungte tan lung a dam kim thei tawh lo va. Chhungril ah kam tu neiin hringnun an chhiar liam tawh țhin.

Thil țul zual te kan buaipui zawh meuh chuan ni pawh kawl ah a lo liam dawn der a. Ruang pawh postmortem turin damdawiin lamah kan thawn tawh a. Ruang chu 'tunge a nih' kan hre thei rih lo bawk nen hna a la ko khawp mai.

Ruang hmu hmasa ber tu chu thu zawh fiah tur in station ah kan phur let a. Photographer ho in ka nau te chu an ti ti tlang mawlh mawlh a, ".... kan ram zim te ah pawh hian thil mak leh thihna rapthlak tak tak a thleng fo ta mai. A pawi tak zawng a ni e" photographer chuan a ti chuar chuar a. Ngaihtuahna a ti thui khawp lehnghal.

Hnam la upa lo tak kan ni a. Kristian ram ah kan inchhal bawk. Chuti chung chuan pawi rapthlak tak khawih duh kan pung tual tual mai a. Kristian-na chuan min thunun zo tawh lo nge chhungkaw inenkawlna in a zir loh vang zawk?

Ka ngaihtuah thui zel a.. Hur sualna leh tualthahna te hian kan Zoram hi a kiansan tawh dawn lo nite in ka ngaihtuah kual zel a. A chhan chu mihring awmna hmun apiang ah sualna a tam a, khawvel hi mihring awmna tur atana Pathian min pek a ni miau bawk si. Thil engpawh lo thleng se, a insiamrem thiamte apiang an vannei dawn anih tak ber hi.


Station kan thlen rualin photographar hnen ațanga kan thu hriat ang ang chu report ka ziak nghal a. Station dangte pawh bia in 'hmeichhe bo report' a dawn leh dawn loh kan zawt kual reng a. Nghak deuh ila, station dang te'n report an lo siam let hun ah chuan hmasawnna tur thil te pawh kan hre tawh mahna.

Rei ngial ruang hmu hmasa ber tu nen kan inkawm hnu chuan kan duh tawk ta a. A chhuak fel chiah tihin call ka dawng zui zat a. Doctor Zothana ani dawn tih hria in ka chhang rang khawp mai.

"Yeap"

" Bawiha, tunge a nih inhre thei tawh em?" tiin min zawt nghal thawr a.

"Kan hre thei mai lo. Station dang pawh be kual in 'mibo report an dawn leh dawn loh te' kan zawt kual a, a țhen hian an record an hai mek nge ni engmah an la rawn sawi lo" tia ka chhan let chuan a thaw huai a.

"A tukkhum ah na taka vuak a nih hnu ah a la thi mai silo a, pawikhawihtu hian thi ngei tura a duh vangin a rek hlum ta a nih hi. Kan nula hi call girl an tih ang hi a lo ni ve mial lo maw?" a ti bul bul a. Zothana nge nge hnu chhuina kawnga țangkai tur lai a rawn sawi chhuak leh ta chat mai alawm.

Zothana nen kan inbe zo chu cabin ațang ka kal chhuak nghal a. Rema phone lo hmang mek chuan min lo mit mei a, a dawhkan lama ka phei chu "Sir, a mak khawp mai. Station dang pawn hmeichhe bo report an dawng miah loh a nih hmel" a lo ti a. A khirh zek dawn a ni maw.

"Report lo pe let lo an la awm em?" tia ka zawh chuan Aizawl huam chhunga station zawng zawng te chuan an lo biak vek tawh thu a sawi a. Kan nula chu ngaihven tu neilo; mahni tal tal a tal mai mai țhin a ni thei mai ang em? Nge ni ang a, Zothana sawi ang deuh khan call girl a lo ni reng anga, chenna mumal a neih loh phei chuan tumah in a awm leh awm loh an ngaihtuah dawn hlek si lo. Chuvang renga tualthattu pawh a laka huangtau ta kha a ni thei tlat.

"News station ah report rih mai la, Hmeichhia kum 20 ațanga kum 30 inkar ti tel la" ka tih chuan rang takin phone a hmang leh nghal a.

Ruang chharna hmun ah khan kal leh a ngai dawn in a ang ta riau. He hmeichhia nen a inzawmna nei thil hmuh hmaih palh te pawh kan lo nei thei a, chiang zawk a enfiah chu a ţha in ka hria.

Midang tel lo chuan ka chhuak leh vut a. Rema erawh ka kalna tur ka hrilh thuak thuak a. Motor chuan Kenny Rogers hla play chung in khawpui dai panin ka tlan zel a.

Khawpui dai lawka kham sang ang reng tak ka tlan pelh dawn chuan mit la peng deuh tu ka hmu a. Speed ti muang deuh in kham pan thlakna lam chu ka en chik viau bawk.

Kham hawi zawngin hmeichhe pakhat hi a lo ding ran a. Khua a thim thet thet tawh a, hmeichhia si ram palaileng ah leh nghal a tla fal lutuk chuan ngaih a ti țha zan lo. A zawn ka thlen chuan engthil emaw tak hian min țham tlat leh nghal.

Che map lovin kham sang tak lam chu a bih ngar a. A hmel ka hmu thei lo nain a sam sei zet chu thli thaw in a chhem leng dar dar a. 'Ka zuk pawh ang nge pawh lovang' tia ka ingaihtuah fe hnu ah ka tlan tlang ta zawk a. A bialpa nen inhmuh tumin a nghak mek te pawh a lo ni thei tlat a ni.

Ruang chharna hmun ka thlen thlak leh meuh chuan dar 7 a pel hle tawh a. Hnuchhuina a hman tur bik a siam torch light keng chungin kawng thlang lam ah chuan ka chhuk a, hnahthel tla chuan kal a ti nuam lo khawp leh nghal.

Ngaihruatna hmang in an inchai buai lai tur te chu ka riruat kual ngial a, thil danglam bik leh hnuchhuina a min pui thei tur erawh ka hmu chhuah phah lem hlei lo a.

Bei a dawn lek lek thlengin ruang chharna hmun hma chu ka en kual tawh. 'Thil țangkai engmah hmuh belh tur a awm lo a nih hi' ti rilru chungin ka hawi kual a, light ka tih thim rual chuan ai mit thlawn ang hmiahin a thim chhah mup a. Rannung hram cher cher ri erawh a ring sauh a. 'Haw phawt mai teh ang' tia light ka hmeh eng leh chu mit ka ti zim nghal sun. 'Candy kawr ruak pawh a lo ni thei' ka ti tak nain light in a chhun fuh, hnah thel kara thil lo tle va va lam chu ka pan ta tho.

Lo chhilh tu hnahthel ka hai kian chuan ka kiai ta suk a, banbun chu chhar in ka en chiang thuak thuak a, "Hma kan sawn dawn e"

Hnuchhuina kawngah hma kan sawn dawn a hria in phur ru tak in ka inkhalh let a. Kham zawn ka tlan pel leh tur erawh thisen a lum pup a. Ka thil hmuh chuan min țhawng bawk aniang brake rapin motor chu ka ti ding hrawih a.

Motor ka chhuah san lai leh kham bul ka zuk thlen thlak ve lai chu mumal pawh in ka hre zui lo. Hmeichhia chu na zeta pawt let nawkin ka kuah bet thlawp a. Ka thinphu rang dawt dawt pawh chu ka hrechiang lutuk. Ka mit hmuh ah ngei mahni nunna la an awm hman țhelh a tin a ni.

Duhthawh zet a thawk ka lak hawk chuan ka lungphu pawh a mumal ta deuh, "Eng thil teh hrep nge i hriat a?" ti vin hluk chungin hmeichhe darah chuan ka ţham a. Ka thing nawk hial in ka hre mai.

A sam leh thuamhnaw inbel aţang chuan ka kal lam a hmeichhia kha a ni tih ka hria a, "I thil tih tum atthlak zia kha i hria em?" a hma ai mah a vin zawk a ka tih leh chuan a thle hnawk a. Rum nghut paha dur khui a ka melh lai chuan min lo nuih ver ver nia.. Ka theh thla daih zawk dawn em maw ni chu le.

" Thih i duh a nih pawn hetilai lo hmun dang zawng rawh" ka ti leh khur khur a. Amah vanga ka hlauhthawnna leh hauhna te chu ngai pawimawh lo tih hriat fe hian min nuih rah rah mai a. Thin a ti ur hlur thei.


Engtin nge mahni nunna hlu lutuk te lak a tum ngam zawk. Mi țhenkhat te'n dam duh in sum tam tak sengin doctor thiam apiang an pan zawk a sin. Ka ngaihtuahna te vang chuan chu hmeichhe lakah chuan ka thinur zual sauh a, lungawi lo zet a ka melh leh nghek chuan min lo melh let ve kiau bawk. Ner nawk in hnuai lam ka bih a, a tlak hlau chuan ka kawnghren ah min lo vuan ve reng tih chu ka zu hmu a, a mitah tak ka melh leh rualin hmai zang-thal haw a min en pah hian" Ka pu, heti lai hi ram pawh a nilo" a lo tih chuan min ti hrilhhai ang reng.

Mahse, "Mahni intihhlumna hmun tur i thlang fuh lo em mai. Kal la, hmun dang va zawng rawh" ka ti chhum hmuk a. Ka thinrim nge a zuang thla hman teuh lutuk khan min ti hlauthawng zawk ni, ka aw ri thleng in ka thunun zo der lo.

"I ram a ni lo ka tih chu" a ti țeuh leh hlar a 'Ka ram a ni' tia ka sawi lai ka hre bik hauh lo.

"I ram a nilo a, ka zuang thla tur min lo dang tur pawh in thu-neihna i nei lo," a ti leh mauh mai a. Ka hrilhhai letling tawh zawk.

"Nang hian min zui ru em ni?" a'n tia!

"Eng aiah nge maw ka zui ngawt ang che le?"

"Min zui lo la chu min rawn dang lo ang. Zak thei lo lutuk mai, hmeichhe zui ruk ching, remchang hmuh ruala khuaikhem tum" tia min puhna țawngkam chhe pui pui vang chuan ka hawi lawl lawl a.


"I lei tereuhte kha veng țha la, tlak duah suh" tiin ka kawnghren a vawnna kut chu ka phih thlak sak hmiah bawk.

"Nangni ang mipa te hi alawm hlauhawm chu. Hmeichhia te chak loh na remchang ah lain intisa chakna hrikthlak nan hman in hreh si lo" a la ti phiar phiar a. Ka melh tu tu tawh.

A pen sawn tur chu a ding awn luk a. A tluk hlau in rang fahran hian ka man bet leh thuai a. Ani pawh a lo inring bik lo a nih hmel ka awm ah a lo bei leh thlawp a.

"Second tlemte chhung lek pawn i dak tam hman hle mai" ti sup in ka kun hniam a. Ka mitah tak min en kher chunga țawng zel a tum ni ber hian ka hre tawh. A sam hnawk niai kar aţang min lo melh chuan inthunun tum tak hian ka man nghet zual sauh a. A biang chu a tle ser ser a, ngun leh zual a ka en chuan a mit meng sen ram chu ka hmu chiang thei ta.

"Kal bo rawh" vawt raih a a tih chuan engtia awm tur nge ka hre ta hauh lo. Ka kal san ila a zuang thla emaw a ni dawn si.

"I buai lohna tuar ah lo buai tawh miah suh ang che" nghet charh a tiin ka manna a ta chu a tal hrang a, dan tumna ka nei tawh bik lo.

Inhmachhawna kan din lai rengin kham lam ah chuan a tawlh hnung leh ta ngat a. Mit zim sun a ka melh chik rual chuan "min lo ti buai tawh miah suh" tiin min vau zui a. Verther hmel zet hian a kiai sak bawk.

Tawlh hnun leh a tum rual chuan ka che thut a. A ban rekah man a ka phih let leh chuan a țang ve nasa khawp mai. Chuan, ruih a nei tih ka hre chiah, Whiskey rim a nam vei ham a, "min thlah rang rawh" ti chuan min vin khar khar a. Ka va han thlah awm lo e aw.

Tun lawkah pawh hmeichhe pakhat ruang chharin kan buai hrep a. Ani ruang buaipui leh chu ka chak tawh lo. A zuan thlak tumna lah hi a khawkrawk em em leh nghal, lak chhuah a harsa mai mai dawn.

A tal fat fat lai chu ka pu ta nawlh a. Dah thla tur a min hrilh in a au ring nangiang mai, ram palaileng a ni a tu pa fa mahin an rawn hre dawn lo. Ka dah thla duh si lo a beidawng chuan ka hnung ah a lo chum pawp pawp a, min ham tel bawk.

"Hmela, min dah thla rawh" a tih chuan kawngpui lam ah ka chhoh pui nawlh nawlh a.

"Min chhan r'u. Hepa hian min pawngsual a tum a nia!" tiin zuk au a! A au hla chuan min run hle a. Tih ngaihna vak ka hre chuang hauh silo.

"Min thlah vat rawh. Ka chungah thil țha lo tih i tum a nih chuan ka that ang che" a ti leh mauh mai a. Ka nui ta huk, ani tehlul hian min that thei lo tih ah ka chiang em a, chhan let en ah pawh ka en lo.


Ka tlan thlak tirh khan engti tlan in nge ka tlan ni, motor hunna thleng chho tur pawn kal fe a lo ngai mai. Ani tereuh pawh hian engtin nge heti lai daih daih ah kham a awm tih te chu a lo hriat reuh ni.

Ka motor hunna ka thlen chhoh pui chuan a tal chau der tawh a. Passenger side kawngkhar chu pawt hawngin ka hlang lut nawlh a, a thaw hle hle chauh tawh.

Belt ka hren sak thlap a, a sam sei zet in a hmai chu a khuh nuaih avangin a hmel chu a hmuh chian thei loh.

"Ât huai ngawt hi a țha ber lo" tia phun hluk pah hian kawng chu ka khar dawt a. Min ti mangang hman hrep leh nghal.

Motor kal hual pah chuan darthlalang chhan aţang chuan ka en run run a, maimitchhing chung hian a tep chiap chiap reuh a. Heti lai ah hian kal lo ila chu a thlarau in a taksa a chhuah san tawh ngei ang.

Motor ah chuan țhu lut in engine ka ti nung a. A tep chiap chiap lai chu beidawng zet hian ka va thlek a. "Min ti buai hneh hle mai" ka ti chhuak sup bawk.

Kawng tluan chuan thawm a siam leh tawh lo. Phone call ka dawng zui ta bawk nen speed chu ka ti hniam a, motor hmalam a phone ka ban laia saranga banbun lo awm ve reng ka hmu tel chu ka nuih pui ta suk. Hmeichhe maksak zet buaipui in hah hrep mah ila he thil hi ka hmuh chhuah phah tal alawm.

Rema call chu chhang in, "Aw sawi rawh" Ka ti nghal tawng.

"Sir, hmuh chhuah i nei em?" a rawn ti var a, motor hmalam a sarang chu melh zawk in"Ka chiang rih lo" tih zawngin ka chhang let a. Ka thil hmuh chhuah hian țangkaina a nei dawn em ka hre rih hre rih tlat lo.

"Ka hrethiam e, a hmun ah khan ka rawn kal ve a ngai dawn em?" a tih leh chuan a țul loh thu in ka chhang a, ka dah hma chuan, "Rema, News station lam kha bia la. An chanchin thar puan aţanga an feedback dawn ang ang chu kan station-a rawn thlen turin hrilh ang che" ka ti leh rih a. Aizawl a police station hrang hrang te kan biak kual khan chanchin thar kan dawng miah silo a. Mizoram pum huap news a puan a nih chuan thu thar dawn tur a awm thuai in ka ring.

Kan inbiakna ka tih tawp rualin hmeichhia bawk chu ka melh leh a. A chatthla nge ni a zawi der reuh a, nu leh pa te thunun loh a duh duh dan a tal kual vel mai mai tur atan chuan a la naupang viau in ka hria.

A harh phah beisei in rimawi chu ka play ngial a, awmzia erawh a nei teh chiam lo.

A tawp ah chuan kan hnuchhui lai ah bawk rilru sengin ka ngaihtuah zui a. Kan ruang chhar hi 'tunge a nih' kan hriat hmasak phawt loh chuan tualthat tu ni thei tur rin thiam a har rih si a. Tunah chuan ruang hi 'tunge a nih' hriat hmasak a pawimawh ber. Anihna kan hriatchian hun ah chuan tualthat tu pawh kan chhui chhuak har lo ang. Hetiang pawi khawihna ah chuan mihrang daih an inrawlh mawh viau tlat a.

Chanmari kawn kan inkhalh thleng chu â in ti lutuk hian ka ner sak mai. Passenger seat a hmeichhe țhu chu ka va thlek leh thuak a. Khawi lam mi nge a nih ka hre hauh hlei nem.

'Huhh sâwi harh ila hetah hian chhuk tawh rawh se, hetiang zurui ka buaipui ngawtna chhan tur a awm lo'


"Mami, harh teh" tiin a darah ka sâwi dat dat a, a thaw chhuak thei țawk.

"Harh teh ka tih chu!" A tukhum lam ațang ka nem a! A bu lawp a! Ka inthiam lo leh deuh sia, a chalah vuan in nghenchhan ka nghen tir leh rih a!
A atthlak tak zet!
Ka inlam panin motor chu ka khalh zel a! A harh theih ring in ka motor a hip hop hla awm ho chu ka play bur bur reng a! Ka in ah tu tih hriat loh hruai haw ngawt lah mi â laileng nilo tan chuan a thiang lo bur tih ka hmu thiam vek! Nge ni a, henu hi lemchang a amah ţanpuitu te pawisa ru chhuak a tlanbo leh ching ţhin hmeichhia a ni
Steering chum pawp pah chuan na zetin ka melh nghek a. Zanin khan ngah nge maw ka zuan thlak tir daih mai loh le! Ka buai phah hrep tak hi! Ka ngaihtuahna chu a police officer ngaihtuahna lo ber ang! Mahse ani miau si! Min tibuai tak zet!

Ka in kawtah ka in khalh lut a; tu tih hriat loh ka phur haw ngawt a! Hunter a lo lawm lo viau ang!
Garage ah ka inhung lut leh phawt a; seat hnung a ka jacket ban chu ka la a, chahbi ka phawi a! Ka kal chhuak vut a! He nu hi hetah hian ka riah tir tawp zawk dawn em maw chu le? Ka inchhungah tu tih hriat loh luh tir ngawt lah ka chin țhan a ni lo kher lah bawk si.
Reife ka inngaihtuah hnu chuan ka thaw hawk a! Ka thinrim a reh thei der lo! He hmeichhia hi ka haw hlur ti ila a dik ber ang! A bik takin hmeichhe zurui leh lek phei chu ka buaipui hi ka ring ngai lo hrim hrim!
Inchhung a kan inpawm luh rual chuan Hunter a rawn ri vat a! Ka sawi lawk kha maw! A bauh ring khawp mai!

"Bawiha engkim a țha i țhian tur a ni hi!" Hmeichhe chatthla zawi reng chu ka pawm kang zual zeuh a! A bauh chu a tawp a! Ka kalna lamah min zui ve vut vut a!

Guest room inhnuai lamah chuan ka pawm lut a, khum a ka nghah rual chuan Hunter bawk chuan a hnaih ve vat a! A kut khum aţang a dah liam ngát ah chuan a liak a, ka nui suk thung!

" boy let's go outside." Ka țawng a hriat rual chuan kawngkhar lam a pan ve vat a!

Khum a muhil ngat hmeichhia chu ka ennawn leh a! Zing khawvar rualin a haw nghal nal nal tur a ni.
"Mikhual mak sak!" Ti sup pahin room chu ka chhuahsan ve a.

"Bawiha.. in i lo nghak țha em?" Engkim a enkawl țha tih min hrilh nan a ke hmalamin ka ke a rawn tlawh ve zeuh a.

"Good boy...Kal rawh leh Daddy a rilțam tawh a nia" Ka mihring pui biak mawlh mawlh zel a, ka țhian țha leh ka thuruk kawl tu ber ani der tawh. Khawi lo chhuahna ah min zui zel a duh țhin a. Mahse, mihring nilo ta chu mitkhap kar lek chhungin midang pawi kan sawi thei si a, 'in hi țha deuh in lo enkawl la, kartawp ah kan ram chhuak dawn nia! 'tiin mihring ang chiahin ka hrilh a. A tirah chuan hrethiam lo mah se a rei a, In venghimtu a ni tih a inhria a. Ama tawk ah a inchhuang ve em em tawh mai a ni.

Ka room lamah ka tlang chho nghal a. Ka in ah hian inleng leh mikhual ka lawm vak lem lo. A chhan chu file pawimawh tak tak ka kawl nual avangin tumah in min rawn tlawh pawh vak lem lo se ngaih a ngam zawk.



Ka uniform chu hlip mawlh mawlhin suk tur dahna ah ka vawm lut a, nitin lang a rawn kal ka neih vangin inchhung leh a vel chu a fai hle a. Keimah chauh a khawsa ka nih vang a ni pakhat bawk ang, Shower in ka intleuh thuak thuak a.

❌If you want to be ORIGINAL,
be ready to be COPIED 😝❌



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 19th, 2019, 12:32 am

Boxer ka ha mawl tawp a, tawnzau dum in thlep chu ka thing pharh thuak a, in thawlh mawlh mawlh pahin computer lam ka pan a, email neuh neuh hi India ram Police hmunpui aţang kan dawn ve țhin avang hian check ve fo a ngai a, ka enkual thuak thuak a, kan buaina pawh a ngai! India ram politic ei ru tam lutuk leh sum chingpen nasa lutuk hi kan buaina ber a ni pakhat bawk!


Email chhan let țul ang ang ka chhang let a, ka dang a ro deuh hulh avang chuan inhnuai lam ka pan thla ta vat zawk a.


Fridge lian tham zet kawngkhar chu ka pawt hawng pawp a, a chhung a thil awm ho in khawngri ral ral chu Hunter-a chuan a en duh khawp a, Beer can chu la chhuak in ka kheuh hawng zui zat a.

"Bawiha, zanriah tur buaipui ang aw" ka thusawi hrethiam ve ang hrim in microwave oven lam ah a kal phei vut a. Ka nuih zui suk suk bawk.


Ka tihdan țhan ang bawk in zanriah tur chu ka insiam mawlh mawlh a. Balhla leh neutrela chocolet flavor leh nuts chi hrang hrang chu ka her sawm a, protein a tam bakah chaw țha inpawlh a ni a. Hetiang Shake hi ka in tam viau mai.


Hunter-a chaw tur a plate bikah ka bun chhuahsak a! Kan mikhual maksak-i saw chu zanin hian a harhchhuak tawh lo hrim hrim ang!

Zanin khan khami hmunah khan lo va kal lo ila chuan 'hmeichhe ruang chhar a ni' tih thu station ah a rawn thleng leh a nga! Ruang pakhat chinfel hma a ruang dang buaipui tur a awm tak hian Police te tan pawh hian lu a hai ve map zel!

Ka rilţam bawk a niang! Ka ei kaw duak duak a! Lunch ka ei miah lo tih ka inhre chauh bawk! Ka ei na vel hi chu naktuk a rawn kal turin a rawn sil zui mai ang!

News en tumin channel ka hmet kual a, ka thil ei hi han in digest deuh se file țhenkhat ka chingfel bawk ang.

Keihi Hmingsangzuala ka ni a, Police officer ni turin Law Enforcement Examination ațang degree ka neih hnuah kum hnih chhung ka training leh a, ka zawh hnuah Mumbai Headquarter pakhat ah kum thum (3) dawn officer in ka awm hman a! Mahse kan hotute lawm loh zawng tak a ka chet chhuah avangin Mizoram ah hian sawn ka ni!



Ka ngaihtuahna avang chuan thinrim țeuh in ka țhen suk a, Kan hriat țheuh ka ring e! India actress lar tak leh hnuhma ngah em em mai heart attack in a boral tih thu chuan India ram chhung zawng zawng kar lovah a deng chhuak nghal vat a! Khami hunlai khan Mumbai ah ka țhut ve lai a ni bawk! Tupawh in an ui em em a, a thlarau hahdamnan a inthawina lo neih sak tawk lah an tam narawh!



A chenna in kawtthler ah mipui an pung khawm a! A ruang lah ramdang ah daih a la awm sia a. Kan case khawih theih pawh a ni bawk hek lo!

Mahse.. A pasal insawifiahna ka ngaihthlak ve rual khan thil dik lo lutuk a in phumru tih ka ring nghal hmiah! Heart attack a thih ang a lantir an tum ngawt kha dik theiin ka hre ngang lo bawk!



A pasal lah chu Bollywood a movie director ropui tak leh sum thawk chhuak hnem ber pawl a ni a! An chhungkua in an chhungkaw hnai inneihnaah telpui turin Arab ram an pan a! Inneihna chu tluang takin an zo ngei bawk! Actress fanu leh a pasal chu India ah an rawn let hmasa a, Actress boral ta erawh Arab ah chuan shopping turin a la cham thung! tiin a pasal chuan a sawi a.



A fanu India ah a hruai haw hnu chuan Arab ah vek a pasal chu a thlawk let leh a, a nupui chu surprise dinner tur a chhuahpui a tum thu a sawi a! Hotel ka thlen rual chuan min lo lawm em em a, reilote kan ti ti hnuah dinner tur atan a inbuatsaih ţan a, hetih hun lai hian tlailam dar 6 a ni a shower a intleuh zuai turin washroom ah a lut a, a hnu minute 20 hnu ah a rawn chhuah mai loh avangin washroom kawngkhar ti chhia in ka lut a, ka nupui duhtak chu bathtub tui a khat vek ah a lo mu a, ka kai tho thei lo ka mangang chuan ka ţhiante ka call a, an rawn kal ve vat reng a .. a hnu lawkah a boral a, zan dar kua ah police kan call a, an rawn thlen hnuah a boral thu puanzar a ni ta bawk!



Mi tam tak chuan khi a in sawifiahna khi an awih ngei bawk ang! Actress khan cancer a nei miauva! Mahse ka thlir dan ațang chuan thu phuahchawp lutuk a ni tih ka hmu tlang vek!





Engtinnge rang taka intleuh zuai tur shower hmang mai tur a lut kha Bathtub tui khat vek ah a lo inchiah hlum theih?! Bathtub chu inbual kuang ang kha ani a, shower erawh tui in phuh chhuahna, hmanhmawh chang chuan rang takin tui kan inphuh tir zung zung a, bathtub ah tui dah lut a, soap te nen inchiah khawtlai na hun a awm loh changin shower hman hi a awlsam em em bawk. Tinge 911 call hmasak emaw hotel hnathawk te anmahni ţanpui tur a call hmasa lo va a țhiante a call daih! A sawi dan chuan Actress intleuh zuai tur a a luh khan tlai lam dar 6 a ni a, minute 20 hnuah a kawngkhar ti chhia in ka lut a ti bawk a. Dar 6:20 aţanga zan dar 9 rik thleng khan police hnenah engmah information an pe lo! Zan dar kua ah police a call chiah bawk!




Ramdang ah India mi an thih hian an case hi India ram Police in kan buaipui ngaihna a awm lo va, dan anilo bur bawk! Kan hotu lu te bia in he thil ah hian thil diklo inphumru a awm tih hi finfiah ka duh a, sawi leh sawi hnu sum duh luat ah leh mi hausa te hlauh luat ah ka khawih an phal lova, Actress pasal leh a fanu pawh ka hmuh takngial pawh phal an ni lo tlat te khan finfiahna țha awm a țulzia a ti lang chiang ropui bawk si!





Ka hna pawt buai lo tawk in Arab ram an thlenna hotel chu engtin tin emaw ka be pawp thei a. Hotel hnathawktu te chuan actress boral ta kha a boral hma pawhin nithum chhung a room aţang a rawn chhuak tawh lo tih min hrilh a! Room service hi room luah tuin a koh a, eitur a order te a nih loh chuan an privacy zah sak in hnathawk tumah in room luh an tum chhin ngailo.




Hotel thawk te ka zawh chianna ațanga a landan hi chuan he heart attack ni a sawi boralna ah hian tualthahna a inphumru tih a hriat vek! Ka rindan hi a lo diklo a nih pawh in keimah ngei in fiah ka duh a, a pasal ngei hmaichhan ngei a hmu thei ila chuan engkim ka hrefiah vek thei tur!

Mi tupawh in a nupui emaw a pasal emaw bathtub chhungah lo inchiah ta reng se emaw nikhawhrelo in awm ta bawk se, an țhiante call lo in hotel hnathawk emaw ;Emergency emaw an call ngei ngei ang! Thil tihsual kan neih loh phawt chuan chu chu kan option neih hmasak ber tur a ni bawk!

Mahse.. a pasal leh a fanu hmuh ve a, hmaichhan ngei a biak ve ka tum chang apiang in kan hotute beng a thleng nghal zel a! Engtin tehchai nge an hriat tih ka hrelo! An pafa ka hnaih hlek chuan hotu te lam ațang tawp tur a hrilhna leh suspend hial a vauna ka tawk ta reng a!

Mahse mi mawl tawp ka nilova! Bollywood industry lian tak a sum ngah ber te zing a mi tih ka hriat miau avangin engtin mah ka tihtheih lohna turin kan hotute lam in an hum zel sia. An mit ka ti kham ta viau a ni ngei ang! Kan ramah min sawn ta daih reng a!

India ram hi zawng milem be hnam kan nih miau avangin dikna in hmun a chang tak tak thei ngailo ang!
Kristian ramah meuh pawh eirukna a hluar em em a! Mahni thil tihsual thup tumin tupawh sum tam takin kan vawm zui a! Dikna in hmun a chang hlei thei meuh tawh lo!

Guest room lam pan chuan ka tho chhuak vut a, eng tin tehreng nge ka mikhual maksak-i kha a awm tih tal pawh ka hriat a ngai a lawm le!

Kawngkhar chu ka nem hawng a, chhunglam a lo thim map avang chuan kawngkhar bul chhunglam bang a switch chu ka hmet a! Pawm sawn nawlh pawh niila a harh chuang lovang tih theih tur khawp in a mu tui!

Ka pen lut hrut nangin thawk la ham ham chung in ka tawp a, a kum a la upa lo tih a hmel aţang a chiang em em a, tiang tak a fate thlah zalen nu leh pa an awm theih pawh ka ring hrep lo! Nge ni a, zanin te hian an lo zawng ru ve reng zawk ang!

Ka buaina tur ani nek lo e! Ti hluk chung in ka tawlhhnung a, kawngkhar ka pawh phui rual chuan thawk ka la ham ham a! Hmelhriat hlek loh ka in a ka hruai lut ta ngawt hi ka tihsual loh hram ka beisei, a harh rualin a awmna in hi in satliah nilo in Police in a ni tih a hria anga, ka thil engmah a bo em lo ang chu maw!

Ka room lama ka chhoh pah chuan ka nu ka call a! Ka la sawi lang lo e! Ka nu leh pa te hi Champhai lam ah an awm a, kan pi leh pute ațang kan chhungkua hian high school leh higher secondary school kan thlahtu bulte hmingchawi in kan nei a, ka u chiah hmeichhia te nupa leh kan upa ber mipa te nupa in an enkawl a, ka pa pawh pa chengvawng tak leh zirna ngaisang em em a ni a! Engkim a la buaipui ve thei vek! Ka nau chiah hmeichhia erawh vanduaithlak takin kan naupan laiin a boral a! Champhai ah vek ka thisen zawmpui te chu an khawsa thung!

"Hello Mama." Ka nu aw ri ka hriat rual chuan ka hahdam huai mai. An chanchin ngaihven tur a ka phone hi an phut ve tlat țhin reng bawk.


"Vawiin lam engnge in tih a?" Ka ti a, Ka room luhna bul hmun awl lai a sofa ka hunah chuan ka țhu a, a chang chuan hetah hian mi pawimawh te nen inbiakna pawh kan nei mai țhin.


"Bawihpuia nen kindergarden ah kan kal a." A rawn tia. Ka insehruh nghal țeuh thung!

"A tlangval ve tawh lutuk, hei, thil a thiam thei reuh bawk si." A rawn ti luam a. Ngawi ngul in a țawng chu ka ngaithla a! Ka kawchhung erawh kum 3 liam ta a thil thlen hun lai ang chiah khan a sahal huam huam bawk.


"In dam țhat chuan case khawih tur ka ngah a, ka dah rih dawn nia!" Eng engemaw a sawi lai chuan ka ti ta sup.

Ka nu rawn vui thawm chu ngaihven duh lo in phone chu ka off zui nghal hmak bawk! Tunah tak hi chuan eng thil mah ngaihtuah ka duh lo.. Ngaihtuah ka duh lo tak zet!
Room ah lut in thaw ham ham chung in tukverh lam ka pan vut bawk!

Phatsannà runthlak ber ka hmachhawn zan kha khawl anga chakin ka thluak ah an rawn lut a, tukverh bul bang chu ka chum zui pawp mai! Ka thawk lak rawn sak talh mai chuan ka thisen a ti lum bulh a! 'Engtinnge anni pahnih kha ka thah loh?' he zawhna hi vawi sang chuang ka inzawt țhin! Bâng awm lo a pawh sawm vek mai ka la chak zek zek fo bawk.



Mit ka meng a! Ka mit hrui inpawt țak avang chuan mit ka chhing leh sawk a, zanthim chhah zet hnuaia mangchhia ang mai a thawk ipikthlak hun kha ka hriatchhuah apiang in ka la buai ziah tih hi phat tum eng ang mahila ka zan mut tibuai a, ka thisen zam thinrimna avanga pawng țawlh ţawlh zel hian min la chawh buai zia a ti chiang ngang thung!








Khum tlang ah chuan ka țhu a! Ka lu nâ lutuk dawm chuan thawk ka'n la deuh hawlh a! Ka zia ve leh mai bawk a. Nizan ka ngaihtuahna kalbing lutuk tur duh lovin ka in nghek a! Zinglam a nghawng erawh a nuam lem lo khawp mai!



Washroom ah ka lut nghal in ka hmai phih in ha ka nawt zui sawk sawk a. Reilote tal workout ţalh ka duh avangin towel pakhat chu ka nghawng ah ka bat a. Nike pheikhawk chu ka inthawlh tawp a. Inhnuai lamah ka chhuk thla a. Hunter pawh a lo harhvang tawh hle. Inhnung lam chhuahna darthlalang tukverh chu a lock ka hawng a, ka nawr tawlh a. Thli rawn thaw lut vuk vuk chuan min chhem harh var mai bawk.




Zingkar boruak thianghlim zet chu hip lut in ka thaw ham ham a, Pawnlama ka gym siamchawp ah chuan ka bur zui nghal hmiah bawk.



Tupawh hian ka thusawi an awih emaw, awih lo emaw pawh nise; tupawh hmangaihna in a bual at tawh apiang chu bumna in a umzui ngei ngei țhin!





'Daddy hnung ah hian chuang rawh aw' push up ka tih lai chuan ka hnunglam ah mipa naupang in min rawn bawh a, khawvel a hmeichhe nui ri azawnga mawi ber mai nui khawk in pindan chhung chu a luahkhat a! Kei erawh ka kim hluah hluah thung!
' Carlos, Daddy kha thlan vang in a huh vek tawh; lo chhuk tawh rawh le.'
' Hon, a pawi lo..'
'Tak zet.' Push up ka ti lai min hmachhawn tur in ka hma ah tak a rawn bawk hniam a, ka nui suk a hmuh rual chuan ka hmui ah rawn fawp turin a rawn hnai sauh a! A rim nu chek chek mai chuan ka taksa hah lutuk pawh a ti bo duak thei!
' I fit ang a ka fit ve lo anih chuan nakin lawk ah min hne palh ang.' Nui hak chung in a inla hrang hlek a, ka nui ve suk tho.
' naktuk aţang ka join ve thei che em.'
' min dil kher țhin lo teh..' ka ti hluk a, nui leh hak chung in a kut a rawn lek chhuak a, ka nghawng a towel ka ban chu rawn pawt chhuak in ka bek leh chal aţanga thlan rawn chhuak chu a rawn hru a!
' Min en reng lo la..' ka nui ta tawp, ka bek vel a hruk lai chu a tawp a! Ni e, en reng mai ka duh țhin a, naupan tet aţang ani hi chu naupang hmelțha tiin tupawh in an sawi a, kan veng a in hlat lo a, kei lah hmeichhe lamah ka tla na phian bawk, chung hmeichhe dang zawng zawng ai chuan ani hi ka thlang a, kum naupang te in kan tlan a, kan in atchilh lutuk kha tumah kan mamawh lo ti hial pawh niila ka sawi sual lo ang, a nui mawi em em a, Collage queen pawh ni pha ngat khawp a pian thiam ani bawk, police department ka zawm ve rual in Mumbai lam ah min zui thla a, a, ani a tel ve tawhna a nih phawt chuan ka thawhrim pawh ngai mahse engkim ka paltlang thei vek!.
' I bulah ka awm reng ang.!' Ka beng bul ah a rawn phun sar sar a, a aw zawi tak si hian hun leh hmun thliar hrang thei lo khawp in min siam fo zel!
'Aw, Babe!' a au chul thawm ka hriat rualin mipa naupang ţap thawm ka hre zawm zat a!
Ani erawh za fe in a nui hawk hawk thung!
' sorry Carlos..'
'Lo pawm chhuak la, inbual tawh ang u, kan tlai dawn nia.' a sam sei hniang chu țawnțha tur in a chul mam a. A aw ri vang ngawt a ka danglam fo hi min chhaih a ching em em a, Bawiha lah hi a lo in peih nghal hmiah zel bawk si, ka dak chhuak a, a nui hmel nu lutuk chu ka hmufiah thei ta hauh lo bawk!
'Hon..' chiang lutuk a min en rual chuan a landan a fiah lo tial tial a, Carlos pawh ka ngaihsak hman lo, ka ding chhuak vut a, chumi rual deuh thaw chuan boruak a dang ta hlawk a, ka hawi kual nghal vut bawk!
"Hrep tak chuan!" ti hluk chung in ka kut pahnih in ka bek zawn ve ve ka hmet ngawt ngawt mai!
"Bumtu anih kha hrereng rawh.." ka aw ri chhuak hrawih chu a lo hretu awm ngat se tualthah ka chak zia an hre tel thei hial ang!
Lunglenna min tuam chiai chiai reng tu tih reh tum chuan thawk ka la leh ham ham phawt a!
Ka thawk a lo rang hman kher mai!
Ka thlan rawn dai mai tur chu duh lo in treadmill ka hunna lam ka pan ta vut a, kha hun liam tawh khan natna bak min pe nek lo e!

Ka taksa thlanin a bual huh vek tawh! Ka thawk a sa phalh phalh hle bawk! workout na atana ka hman bik apple sana chu a rawn ri a. Zing kara ka hunawl neih a zo chiah bawk. Ka check kual zuai zuai a. He sana țhat ve deuhna chu calories ka hloh zat te hi a hmuh theih vek a. Ka chhawr phian bawk.
Kum naupangte ka nih aţang ka taksa hi ka enkawl uluk em em a. Body built hi nuam ka ti hle bawk. Mahse sek țung leh mum tulh khawp a thil ei a; Sek ţung bawk ang kha chu ka body duhthusam a ni ve hauh lo thung.

Inchhung ka luh rual chuan guest room kawngkhar lo inhawng in ka mit a la hmasa ta ber a. Rang tak in ka pan vut bawk. Kawngkhar ka nem zau rual chuan khum ruak huai leh blanket chhuat a tla hnawk bak engmah hmuh tur a awm hlek lo!

Țawngthei bawk! Che fello bawk tih chu ka ngaihtuahnaah a rawn lut hmasa ber! Nizan ah min tibuai hrep a, ka hmel hmuh leh a zah vang te pawh a ni mahna min hmu miah lova a kalbo leh tak ni!

Room aţang chuan ka chhuak a, zinglam dar 6 a pel awrh chauh, ka hnathawktu rawn kal a hun ţep tawh avangin zing lama ka thil ei duh zawng dah chhuah a rawn siam nghal mai theih tur a ka ei duh ho lo lak chhuah lawk tum chuan choka lam ka pan a! Ka awmna in hi Police quarter ani lo a, ka sak ngei ani bawk a, ka duh ang thal in a chhung ah hian hmanrua ka dahkim in pindan thuhruk theih ka siam vek, chu erawh mistiri ka rawih te pawn an hre kher lo ang, tumah in an hriat ka duh loh vang reng in karkhat țha mah tlaivar țhak in ka khawih zui țhin!
Choka ah ka lut a, fridge kawngkhar ka pawt hawng a, tui ka lak chhuah rual chuan ka hawi kual leh thuak a, Hunter-a hmuh tur a awm hauh lo chu mak ka ti deuh hle, Ka workout lai khan ka bulah a awm ve reng emaw ka ti a! Nge ni a in hmalam ah a lo va chhuak phei leh tawh zawk ni!

Inchhung lam aţang Hunter bauh ri țhawt ka hriat rual chuan ka ngaihtuahna a vir ta nawk a! Chak lutuk in kailawn ah chuan ka pen chho pawk pawk a. Huntera'n min lo hmuh rual chuan ka room ah midang an awm tih min hrilh tum ang hrim hian a rawn nghik a.

Ka nghawng a towel ka bah lai chu ka pawt thla a, chhuat ah ka thehthla nghal tawp bawk!

Kha hmeichhia bawk kha a nih vaih chuan a pawi khawp ang tih ngaihtuahna nen room ah chuan ka pen lut a! Ka thil hmuh vang erawh chuan ka ding chiang hle!

Kha hmeichhia bawk khan lukham hnuai a ka puakruk silai dah chu la in a bek zawn ah amah leh amah a lo in tin mek a nih chu!

Kan mimawlnu-i sawn silai mu saw a inthun sa vek tih a hrelo a nih ngat chuan.. puakruk silai chu load a ngai ve lo. A mu a awm sa phawt chuan a hmehperna hmet ila a hnathawh tur ang țha tak in a thawk zo em em!

Engtinnge ka silai dahna a hriat tehhrep ni!

Inchung lam hawi zawngin silai chu ka vai per nawlh! A khek țhawt chu engahmah ngai duh lovin a ban pakhat chu ka la a, a hnunglamah ka herhsak zui sawk a! A che thei tawh lo hrim hrim!




Nizan lawkah a intihlum tur ka dang tawh a! Tunah ka inah leh zel ka silai nen in kahhlum a tum leh bawk. Intihhlum a duh viau chuan ka mit hmuh ah leh ka bul velah intihlum lo se a lawmawm khawp zawk ang!



"Tunge i nih chu ka hrelo. Mahse, i thiltih kha thil țullo tawp a ni!" ka tih nghut rual deuh thaw in a tukhum chuan ka awm a rawn tauh let pawp a nih chu. Ka thaw hawk bawk. Hmeichhe kawlh tak a ni ngei ang!


"Nang leh bawk maw" Tal chhuah tum paha a rawn tih leh rual chuan ka thlah a, rawn inher hmasa mai lovin a ban ka herhsak chu a han tuai vel hmasa phawt a. A ngeng ve hmel khawp mai!

"Tunge i nih?" ka ti hluk, a hnung lam ațang chuan in uluk zet hian ka en a, bmeichhe lian zawk zawk a ni lo! A sam a sei em em bawk!

Muangchang in a rawn inher a! Tunge a nih ka hre thei chuang lo!

Chiang kel kawl a ka mitah tak min en kal chung hian "tunge ka nih i hriat a țulna ka hre lo!" a lo ti hmak, a kawrban a pawt chho deuh a, ka herhna kha a lo sen ţalh mai!

"Tunge i nih tih hi hriat ka mamawh ber lo! Chuan.. ka in aţang hian chhuak rawh. " ka tih khum ve hluk a. A ban ka herh sakna a tuai hauh hauh lai chu tawp in chiang kelh kawlh in ka mit ah tak min rawn melh leh ngat a. Huatna leh khakna bak a mitmengah chuan hmuh tur a awm lo! A vun a var em em a, nilo a dâng zawk, a hmui hnuailam chhah tap chu a lai takah hian zia a kal thla a, a mitmu a fiah hle bawk!



"Nizan i in a min hruai haw ngawtna man te kha min pek i tum lo a maw?" a rawn ti hem mai. Awih lo lutuk in ka nui chhuak hawk thung. A chaltlai reuh lutuk chu pen lawh mai ka duh hial zawk!



"Eng man maw ka pek ang che!" Nui huk chung chuan ka ti let hluk. Min chhaihkawlh a tum ni ta ber hian ka hre tawh. Chhuat a silai tla chhar tur a ka kun chu min melh ve kha kha a! A mit hian power a nei amaw tiin min melh hlum a tum ve chu a ni ngei awm si a. Ka ngaihtuahna avang chuan ka țhen leh suk a! Te si, kawlh hmel bawk si.



"Hmela.." ka hriat a ring lo a ni ngei ang, zawi te tak tak in a phun sep.

" ka pek tur che sawi tur i neih loh chuan chhuak rawh!" Nelawm loh zet a ka tih leh rual chuan a ner ta nang a! Ka inchhungah hian ka lawm lo a ni tih a inhriat ngei theihna turin ka melh ngur bawk.


Min chho en ang hehaw pahin "I chapo ve khanglang a" min han tih leh khawlh mai a. Ka chhan let hma hauh chuan inher in ka room aţang chuan a kal chhuak nal nal a! Hnial zui chi a ni pawh in ka hre tawh lo! Hmeichhe awm țha duh lo zet vak kual mai mai ţhin bak va ni suh! Thil ruk te a ching hial bawk ang!




Kawngkhar inhawng thawm ka hriat chuan a chhuak ngei em tih hriat tum in ka room aţang chuan ka kal chhuak ve a. Kailawn vawnchhan chu hum in ka kun hniam khun bawk, ka hnathawk rawn lut tur nen an intawk lai chiah chu ka zuk hmu hman a. Nu Liani meng phar awk chu hmeichhe nghal zet- i khan engahmah ngai lo zet in a kalpel zui hmak bawk!



Vawikhatmah kan inhmuh tawh loh hram ka beisei!

Nu Liani lo lut chuan "Tunge a?" min en chho haw pah chuan a rawn ti ruai bawk.

"Hmeichhe chimawm zet a nih kha." Ka ti liam puat a. " tak a, engmah ka dah chhuak hman lo, i tan siam awlsam ber kha min siamsak mai rawh" ka tih zawm a.

Hmeichhe kal chhuak ta chu melh zui veng veng pahin " Aw le..." a ti raih

Choka lamah a lut vat a, keipawh ka room lamah inbual tur in ka lut ve nghal a! Ka pistol chu computer dawhkan ah ka dah tawp a! Kha hmeichhia khan engtinnge ka lukham hnuaiah ka dah tih te a hriat reng reng ni! Police ka nih tirh ațang hian silai hi ka hlat ah ka dah ngailo! Ka mut pawh in engpawh thleng se rang tak a ban vat theih tur in ka lukham hnuaiah ka dah mai țhin! Kei chauh nilo Police tam zawk te chin dan a nih tho ka ring bawk.

Uniform ka inbel mawlh mawlh a, savun kawnghren dum hlap chu ka hreng zui mawlh mawlh a, hetia Police officer meuh parawl a awm ta fam chu vengchhung nu tam takin zawhna min zawt fo a, an inah leng a, an fanu te nen inkawm tur ten min hrilh fo a, ka chak lem lo bawk a, mitthi in a ka kal leh sunday chawhma ka inkhawm bak vengchhung a cheng ve te hi tumah ka len pawh lo, chhiat tawk an awm erawh in ka tlanchhe ngai lo thung!
Ka phone in charge lai chu ka pawt phawi a, motor chahbi chu ka kekawr ipte ah ka thun nghal a! Station thlen vat a ruang chungchang a hmalak theihna ang ang a chet chhuah vat ka duh bawk.

Liani'n eitur dawhkan ah a lo chhawp diam tawh, Hunter hmel ka hmu hauh lo! Ani pui pawh hi ka hriat loha kal chhuah nulh a ching a, mi pawisawi a hlauhawm khawp mai.

Ka ei sawk sawk a, ka thleng chu thawhsan in kawtzawl lamah ka chhuak a, ka beisei loh lutuk ka hmu leh ta!
Kha hmeichhia bawk khan kawtzawlah Hunter a lo infiampui a nih chu!

Ka ner sawk a! Ka in ațang hla fe ah a kal tawh ang chu tih tehreng nen!
Hunter-a ui lian zet chuan a bawh uan uan a, ani hmeichhe lian zawk zawk ni bik lo chu phaitual hnim ah chuan a let a. A au chul bawk! Hlauh vang a au erawh a nilo tih ka hria.

"Aih.. ka hmui ah chuan liak suh.." ti chul in ka ui chu a buan let a.

"Hunter....." a khek le lu ani ber. Hunter lahin infiampui tur a nei chu a phur ngang a ni ngei ang! Bauh ve miah lo in a chhaih kual ngat ngat peih.

Lawk.. Engtinnge ka ui hi Hunter a ni tih a hriat theih? Chuan, engvanga an infiam lai chu hmuhnawm ti tak a thlir nge maw ka nih le.. Hmingsang.. saw nu saw i silai in i inah ngei in that in buaina rit tak a thlen thei che tih i hria em? Ka kekawr siamrem chung chuan ka rum nghut a.

Kawtzawl lam pan a ka pen chhuak Hunter-a'n min lo hmuh rual chuan ka lam pan in a rawn tlan zui thauh thauh a. Hmeichhia pawh kha muangchang in a mutna aţang a rawn ţhu chhuak ve bawk.

"Hla tak i thleng tawh ang chu tih naklai a.." ka tih khum nek chuan min melh leh rawm rawm tawh.

Kawngpui lam panin ngawi reng in a kal hnek hnek a. Hunter-a bauh țhawt thawm ah chuan a rawn leh hawi a.

"I pu chapo ve zet hun hmanpui kha hrehawm i ti tih ka hria a lawm. Nakinah ka nei daih dawn che a nia." Duhthawh zet hian a rawn ti a.. Khanglang chuan.. a duh duh in min puh a. Chhipthlak tham lek si!

Engahmah min ngai zui lo tih hriat takin taxi rawn tlan lai chu a phar a. A chuang lut tharh a. Tukin ringawt pawh in țum hnih Chapo tiin min ko tawh. Nungchang mawi tlachham ber a ni hial ta ve ang.

"Bawiha lut ang..." Hunter-a'n ngaih hmel taka a thlir vung vung pawh chu a țul teh chiam lo..

"Hey.. Hunter-a nei tupa. " kha hmeichhia bawk kha!
Min rawn auh dan țullo zet avang chuan ka țhen lui sak a. Taxi khan an rawn tlan let leh chu niin.. Driver chuan uluk tak in min lo en ve reng a..

"Hetah lo kal teh." A rawn ti leh nghal a. A tho â tak tak zawk em ni hrep le.

Driver in min en ve tlat avang chuan kal loh theih ni bawk silo. Ka sirah Hunter chu mei vai vut vut in min zui bawk a.

Taxi bul ka va thlen rual chuan "Pawisa ka nei lo a" a lo ti hem mai. Tu angah nge maw min ngaih le.. A pa a duh hun hun a pawisa pe thei ah maw?..

"Chuan.." ka ti nghut chuan min nuih tlawn ver ver zui a. Midang awm lai chuan a nelawm ve hmel khawp mai! Hmelnung sarh in min en kiau mai.

"Min pe dawn tih ka hria a lawm.." a la rawn ti zui.


Naupang sualna nei lo ang mai a a'n nui vel chuan mi hneh theihna riau a nei tlat bawk! Chu erawh hmuhsak ka duh loh ber zing a mi a ni thung!

Driver in min en ran bawk si nen a kut a rawn dawh rual chuan phun hluk pahin ka kekawr ipte a ka wallet chu ka la chhuak a.

"Eng zat nge i mamawh?" Ka aw ki a bul viau.

"Sang khat ." A rawn ti a. Chik zetin amah chu ka melh a, pawisa hi ka ui hrim hrim a ni lo a, mahse sang khat em em chu atan a țha lo, ruihna tur a lei țeuh theih!

"A țha e.. tun bak kan in ban buai tawh loh ka beisei." Nui lui suk chung in rs500 note pahnih chu ka pe a. Min ngaihven zui lo zet in a țhu țha tharh a. Driver lo nui deuh pawh chu ka dem hran ta lo e. Min nuihzat ngawt ta ve ang.


"Pu Hminga nen khan in inhria elaw?" An tlan ţan rual in driver chuan a zawt a.

"Ka cousin a lawm.." Kha nu khan a ti sam et leh nghal a An tlan liam rual chuan ka thawl hawk thei.

Station ka thlen rual chuan Rema ka office ah a rawn lut vat a.


"Sir, news station lam aţang pawhin engmah thu thar kan dawng rih lo. Kar hmasa lam khan Bawngkawn Police station ah chuan hmeichhe bo an report a ni awm a. Hmuh a ni tawh bawk si a. He case hian lu a ti hai dawn riau mai!"

Ka bu nghut a. A mak teh tawp khawp mai. Hmeichhe baihvai tak zawng a ni phawt a. Mahse țhian nei lo chu a nih ka ring lo tawp thung a, a țhiante tu emaw tal hre thei ila kan hna hi a awlsam sawt tur a nia .

"Harsa dawn tlat a nih hi. Mahse hna dang khawih phawt la chawhnu lamah kan pahnih in kan kal chhuak dawn nia.." ka ti a.

Rangvamual lamah te zuk kal kual ila an veng lama hmeichhe tal tam ve tak karkhat hnu vel a reh deuh hmak an awm em tih te zawt kual ila. Kan ar khawthim dai tawp loh chuan he mitthi leh tualthat tu hian min rawn pan hmasa dawn hlek si lova.

Nileng in kan buai leh mawlh mawlh e. Party in thlan a hnaih tawh avangin buaina neuh neuh a tam em em a. Kan sawrkar lahin tuikuk Mizorama rawn let duh lo roll a thun a tum mauh mai si a. Zirlai lungawi te leh sorkar lam an innawr rap rap chang lah a awm a. Anni lo bengdaih a. Thulai rem a phar ve reng kan ngai bawk si nen.

Kan sawrkar nep ka tih na ber erawh tinge vote duh luat ah Mizorama lo kir duh lo chung leh Mizoram mi diktak pawh nilo roll a thun a Mizoram a lak luh phet a tum tih hi..

Rilru pangngai pu tan chuan Mizoram ah hian eizawnna tlak hna țha a vang a, ramdang ah tuna tuikuk ho te pawn luh an duh a nih chuan luh tir hle hle se. Mizoram, ram rethei lutuk a an awm ai chuan hma an sawn phah fe bawk ang.

Driver hruai ngai lo vin Rema nen lawng chuan RV lamah kan inkhalh thla a. Driver hi a țul tawp ah lo hi chuan ka hruai vak ngai lo hrim hrim. Keima khalh ngei a chuan hi ka duhthusam a nih vang a motor khalh te pawh zir ka ni reng a. Lal hrawtnan a țhuihhruai neih duah hi ka tih zawng a ni ve hauh lo bawk.

"Rema midang kha han call la veng hmawr a hotel vel ah te hian lo kal kual ve se, anihloh pawn hostel khawdang aţang awm theihna atan an siam ho ah te khan kal kual se hma kan sawn deuh lo maw le aw ."

Rema chu a che vat a. Naute ho chu a be kual zung zung a, Rv kan lut țan der bawk.

Hmun awl zau deuh ah motor chu kan hung a. In lamah let a kan inthlak hmasak lo vang nge maw ni.. Țhenkhat chuan min hlauh hmel in mi inah an lut bo sap sap hlawm a. Ka nui ru suk thung! Thil tisual te chiah in Police te hi min hlau țhin.

Kan lut kual dan dan a. Biak an nuam in min lo welcome em em a. Mahse nu ber mitmengah erawh hlauhthawnna a lang tih ka hmuh hmaih hauh lo bawk.

Mahse fiamthu ti tak deuh in ' rawn check tur a rawn kal kan nilo..' kan ti zel a. Țhenkhat nuih a lo za nangiang bawk a.

Zu in nana an hman deuh leh mi luh tamna deuhna in chu kan lut chhuak vek tawh. Mahse chutiang ang hmeichhia han sawi mai theih an neih loh thu in min chhang fur a. A țhen erawh in an hming leh an chenna vel hi tumah an hriatsak loh thu in min chhang ve bawk.

"Khu lai inah khuan lut ila. Kan let tawh dawn nia. Kawng dang a awm ngei ngei ang!" Ka ti a. Rangvamual lam hi chu boruak a uap lum churh a, lu a na lek lek thei mai.

Kawngkhar an lo khar avangin Rema chuan a han kik kauh kuah a. Reilote hnu ah hmeichhe pakhat kum 50 chung lam tur hian kawngka chu a rawn hawng a. A beisei loh lutuk kan ni nge a meng phar awk a. Inchhunglam aţang zu chhuan zawh chiah rim a rawn nam rum rum bawk.

"Engnge ni ta ka pu.." a ti bah niai a. A dawldang in a cher em em a. Keini min hmu thut bawk nen nikhawhrelo vin a leh tawp a hlauhawm hial mai.

"Eng nilo e. Thil zawh lawk tur che u kan nei a. " ka ti a. A kut in a chal a tuai thuak a, ka lainat ru reuh hle a.

"A... ka pi. Zu check tur a lo kal kan ni lo a." Rema chuan zawi tak hian a rawn ti a. Hmeichhia pawh chu a thaw ve huai mai.

"aa... engkim in hre tawh ta sa sâ, inchhung lamah rawn lut ula tui te rawn in rawh u." A ti dam thlep a, kan luh theihna turin kawngkhar a nem zau va. A lut chu Rema chuan a zui lut ve vat a.

"Nu.. tu te nge a?" Ka pen luh ve rual chuan hmeichhe aw hian a rawn ti a. Ka hriat hnu ngei a ni bawk.

Thawm rawn rik khat khatna lam chu chik zet in ka melh a. An room kawngkhar hlui ve tawh tak a rawn in nem hawn rualin hmeichhe nghal zet-i bawk kha a lo lang hlawl nia! Hmeichhe nikhua lo ve tak a nih chu ka ring ngei a. Mahse, zu zuar in a hmuh chu ka ring bik hauh lo.


Pindan kawngka bul a ding chung chuan min rawn melh a. Zingkar a ka in a ţanga kal chhuak hmeichhia ngei kha a ni.


"Engnge in duh a?" tia min zawt pahin a ding rem sauh a. Tak zet chuan! Min hre ngai lo ang hmak in zu han awm thei a mawle.

Min kalpel in Sofa hlui tawh lam pan chuan a kal a. Mize maksak tak tak a nei tih chu nizan leh tukin zing aţang ringawt pawh khan ka hrechiang hman lutuk. Oh,maksak mai nilo in țihbaiawm tak a che țhin anih hi! Mahse lemchan leh zel a thiam tih erawh ka lo hre hauh lo thung!
Rema zawk chuan kan kal chhan dik tak te a sawi fiah a. Nu tia a koh hmeichhia pawh kha a awm chu a nawm chiah hmel loh. Mahse ka hlat lo tak a hmeichhe tleirawl ve mai mahni inringtawk tak a țhu fel at chuan ka mit a la zawk.
"Sir. " Rema min kohna vang chuan ka ner sak a. A thusawi reng ka lo ngaihsak lo.
"Banbun kha han hmu ve chhin reng reng se." A rawn ti leh a. An sitting room lamah chuan ka pen lut ve a, hmeichhe nghal-i ep chiah sofa ah chuan ka țhu a. Min hmu thut chu amah ah danglamna a thlen hauh lo tih a lang reng!
"Hei hi ruang chharna hmun a kan hmuh chu a nia. " ka ti a. Banbun sarang a tuam chu center table ah chuan ka dah a. A nu zawk chuan a la kang a, a en chik hle a chu a nei tu a hriat hmel lem loh.
"Lawks nu khawimaw ka lo en chhin." tih leh a nu kut aţang laksak a rual a. A thlek veng veng hnuah chuan "Ehe.. hemi nei tu hi ka hria." a rawn ti ta hliai reng a.

Min rawn melh a, a mitmeng lian kiau leh fiah zet hi a nu hnen aţanga chhawm a ni hauh lo bawk.
"Tu nge?" Ka aw bul zet chuan a ngaihtuahna a ti thui deuh pawh a ni mahna a rawn ner nang a.


"Kan veng ah hian a che-tla tam alawm. Hostel ah a awm a. A hna ațang an ban hnu khan khawi khawi ah emaw riah a ching. Ka hriatchian em nachhan chu he banbun hi nalh ka ti lutuk a. Ka dil a" a ti zet chu ka nui chhuak teuh kher mai!
Rum zet in min rawn melh zui ram a.

"A chanchin dang hriat i nei em?" Rema zawk in a rawn ti a.

"Mamte a tu ber kha nge ni a.?" A nu pawn a rawn ti ve ruai bawk.

"Sam sei deuh, ze zawi deuh kha.. Jenny! oh U Jenny kha nu " a ti halh a, Thil eng amaw bing tak a ngaihtuah zui ang mai hian banbun chu a melh zui veng veng bawk.

Inneitu nu chuan, "Awi! Ani kha maw" a ti hap a, Rema chuan ruang chhar chungchang chu a hrilh ve thuak thuak a, pawi a tih hmel khawp mai.


"Mami a hostel awmna hming te chu min hrilh thei em?" tia Rema zawhna chu hre lo ang hmak a langin ka mitah tak min melh ta siah a. Nichin lawk khan min hre duh lo emaw tia..

Chiang zet a ka mita min melh tlat chung hian, "A chanchin ka hre nual mai thei! In duh aia tam pawh" a ti mar at a.

"Chuan?" ka lo ti bung vut. A mit meng ațang chuan a thlawn in eng thil mah tih a tum lo tih chu ka hmu thiam a. Țawngkam ka chheh uluk a țul zual dawn tih pawh ka hrethiam nghal.

"Ka pui che u ang a, ka mamawh hunah che min pui ve ang" a ti ta reng a. Kiai suk a mit ko ka san khum uk chu a run hmel khawp mai.

"Kan department in maw?" Rema chuan a lo ti hu a.
"Aih, he pa hian" tiin keichu min kawk zeuh a. Ka kuk lawlh nang ah.. a nu leh Rema te chuan phawk fe hian Chimawmi chu an melh a."Matei țhin hi! I hriat ang chu țha tak in hrilh hle hle la." A nu chuan min vengthawng zet hian a rawn ti a. A fanu lah chu ngen hmel fahran hian a thle bak duh chauh.

An zu chhuang zo hlim hlawl kan nangchin a. Mi tam zawk chu nise min hlauh vangin ngaihdam min dil chul ang. Tin, min puih theihna ah min puih pawh an hreh hauh lo vang. Mahse, ani tereuh hi zawng in ka lak ațang phu tlet a nei mauh si. Engtiang a dawnsawn tur nge ka hre thei mai hauh lo leh nghal.

"Ka thusawi chu i pawm em?" tia min zawh leh lai chuan ka chhunglam aţangin 'pawm lo' tia chhang tur a min hrilh tu a rawn awm. Hetiang hmeichhe pangngai loh hmel zet hian ka nihna hmang in thil pawi tam tak a khawih thei tlat. Thutiam hlen chhuak lo mi ka ni lo kher bawk nen. A ruihhlo tawlhrukna kawngah min hman ţangkai a tum te pawh a ni thei. Mahse, engkim hrechiang tu leh kan ruang chhar chanchin hre ber tu a ni a. A luhlul dan leh a chaltlai zia en hian a thlawn chuan min hrilh mai mai hauh lovang.


A tawpah chuan ka buk khum ta nghut a. Min khap tum ni awm taka Rema thawk la hluai chu mit meiin ka khap thuai a. A nu erawh in a fanu ban ah chuan a ben sak thlawp a, a nu benna chu a tuai vat vat a.
"thutiam hlen chhuak țhin mi i nih ka beisei. Chuan, i thutiam vang hian inchhir hauh suh" ti leh hmiah pah hian min melh ngar a. Min vau te pawh a ang dawn dawn alawm.

A țha e. Hmeichhe maksak zet ka mit hmuh lai reng a țum hnih ngawt mahni nunna lak tum tawh, Police hnenah a thu hriat te a thlawn a hrilh tum miah bawk lo hian engvangin nge ka puihna a mawh tih chu kan la hria ang chu. Ka hmeichhe hriat tawh te nen an danglam lutuk pawh hi hriatchian a chakawm phah hlek alawm.

An in a ţang Rema nen chhuan kan inzui chhuak a, hostel awmna lamah min hruai dawn a. A insiam lai a inchhung lam a lo awm ve zel kha a țul ber lo bawk.

"Sir, i thil tih ah hian i chiang em?'' tiin Rema chuan min zawt ta khauh, ngawi ngulin ka buk khum nghut ringawt

"Sir, damdawi emaw ruihhlo a tawlhrukna lamah emaw i hum theih a inrin vang te hi a nilo maw?" Ka ngaihtuahnaa awm dik tak a rawn sawi chhuak e.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 19th, 2019, 12:32 am

☆ UTOPIA : 1996 ☆ Chapter 2

Ririni khiangte (Abbra Pitartei)

Rema chu ka chhan let hmai kawngka chu kan hmeichhe maksak zet khan a rawn nam hawng bawrh a. Chiang ren rawn a min melh pah hian, "Kan in ah in lo kal leh dawn chuan Police uniform inbel tawh miah suh u" a lo ti nghal zel a. Chutia police te zawk min ti deuh nek mai chu Rema chuan mak a tih hmel khawp mai, a melh phawk hru a, a hamhaih hmel tak zet a ni.

Kei erawh in a thil sawi awmzia chu ka man viau thung. Țhenawm hnai ho chuan tukverh aţangin min lo thlir far hlawm a; kan man dawn emaw an ti te pawh a ni mah na. Chimawmi chuan kawngka pui chu a nam khar leh bur a, thawven hmel fahran hiah, "Kal ang u" a ti leh a. Ho tu ber ah a inngai ta mai emaw tih tur hian motor dinna lam chu a pan zui zat a. A chet dan vanga Rema hrilhai lutuk chuan tukkhum a tuai sek ringawt.


Motor dinna lam ka pan phei lai chuan a lan dan chu ka thlek uluk hle a. A thuamhnaw inbel panglang zet chuan mit a ti kham lek lek. A Tshirt hak chuan a dul pawh a khuh bo zo meuh lo, a kekawr hma lam lah chu a thler nek nuk mai a. Hetiang lo deuh hian a inthuam thei thlawt lo em maw ni chu aw...


An veng ațang chuan kan tlan chhuak ta a. Passenger side ah Rema a țhu a, hnung lamah kan Chimawmi pawh amah in a țhu ve ran a, a mize maksak leh dangdai zet vang chuan Rema chuan a thlithlai ru reng a. Hnung a mi lah chuan phone a khâl neuh neuh a. A kiangah Police pahnih kan awm ve tih chu hria ang pawh in a awm duh der lo.


Rema chuan hnung lam chu a han thlek chho a, Kan Chimawmi zai ngaih hmel deuh hian, "Mami Hostel awmna chu kan thleng dawn tawh em?" a ti dam thlap a. Front mirror aţangin hnung lam chu ka melh ve thuai a. Chimawmi chuan a phone chu a hmet thim hmasa te te a. Chutah hman hmawh lo zet a lo hawi chhuakin Rema chu a melh chat a. A vin leh hrep ka rin laiin beisei lo fe hian, "thleng țep" a ti dam diai a. Tawite in Rema chu a nuih seih bawk a, Rema chu a thaw huai mai hian ka hria.

"Saw.. Saw ti lai building lian pui piah mai saw a ni tawh" hma lam kawk pahin Chimawmi chuan a ti leh ta a. Ka tlan muang ve nghal thuai bawk. Mahse, Hostel bul hnai ah chuan motor hunna tur hmun ruak a lo awm remchang mai lo va. Tlan tlang leh deuh in Hostel ațanga hla ve deuh hlek a hmun awl ah chuan ka ding a. Motor ka ti ding chiah tihin hnung a mi chu a tek chhuak nalh a, Rema chuan a thlek a thlek ringawt tawh.

Kan chhuah hun chu min lo nghak ve ni awm takin motor kiangah chuan a ding ran a, side glass ațang a lan dan chu ka thlek nawn leh a, thawk ka la hluai ta bawk. Case pawimawh a kal chhuak kan ni a, a thuamhnaw inbel themnem zet chuan kan landan thlengin nghawng a nei dawn.


Motor ațang chhuak pahin ka jacket hak lai chu ka hlip sawk sawk a. "Ka jacket tal hian i taksa kha khuhbo teh" ti hluk chunga a lamah jacket ka lek hnai chu chiang kel kawl hian min lo melh a.

"Hei ha rawh, i kawr hak kha a themnem lulai lutuk" ka ti leh nghut, ani lah chuan hak tum loh hmel fahran hian min melh rum nghal hlar a.

"Tun lai fashion pawh han hriat loh" a ti ram hmak a. Mawl tih hmel zet a min melh leh hrep chungin a inher hmak. Jacket lek vû chung chuan Hostel lam pana a kal nal nal chu ka uipui tui lian thlir a ni ber.


Chimawmi kalna lam melh hruk hruk pah hian Rema chu ka bul ah a rawn phei a. "Kei chu kan Țhiani kianga ka awm hian ka zam ru riau zel. Engemaw tih mai hreh loh hmel a pu reng a!" a ti nuah nuah a. Chhang let lem lovin hrawk ka thian khurh a, Jacket chu motor chhung ah dah lut leh in Chimawmi kalna lam ah chuan kan inzui phei ve ta a.


Rema bawk chuan, "A awm mai mai lai pawn a mitmeng hmangin thil tam tak a zir chiang hman tlat zel in ka hria. Mi pangngai ang mai mai hi a ni ve lo" a ti leh a. Min bia ni lovin Chimawmi mize maksak zet chu a hmuh dan min hrilh hre ve a ni zawk mah ang.


Kei ngei pawn kan Chimawmi mit ah hian huatna leh khakna bak ka hmu bik lo. Engtik lai pawh a chet chhuah inring ran in a awm ni ber te in ka hria. A mitmeng hmangin a chheh vela thil awm te zir chianna chang a hre tlat te hi a danglam riau.


Mihring thluak hi a fing em em a, kan hun tawn zirin a lo insiamrem zung zung thei a. Hlauhawm a hnai tih te hrethiam thei turin Pathianin thil thliar hran theihna chak danglam tak in a thuam vek bawk. Mi in a hun kal tawh ah thil țhalo tak a lo tawn tawh chuan; a hnu leh zel ah pawh a hma a thil thleng tawh ang kha a chung ah a thlen nawn tawh loh nan a inveng reng tawh ţhin.


Chutiang in kan Chimawm-i hian engemaw tak lo paltlang tawh lo se chu tun ang reng a mite chet zia chikna chang a hriat bik ka ring lo.


Hostel kan va luh ve chuan Chimawmi leh Hostel enkawl tu ni ngei tur te chu an lo inbe mek a. Police hmel min rawn hmuh rualin Hostel enkawltu țawng lai chu a tawp chat a. Chimawmi pawn kan lam chu lo hawi thuai pah hian, "Ka be tawh a, U Jenny chu kar hmasa aţang hostel ah hian a let tawh lo an ti" a lo ti nghal a. Ka chhan let hma hauh in a lo biak nu hnen ah chuan, "An mahni nen hian inbe zui ru aw" a ti zui zat bawk.

"Jenny thlalak chu kawl i nei mial lo maw" tia ka zawh chuan Hostel enkawl tu chu a ngawi vang vang a.Rei vak lo hnu ah chuan, "Hman deuh a kan picnic țum a kan thlalak kha a la awm mai thei" a ti ta a

"He lam ah hian lo kal rawh u" ti zuiin pindan pakhat lam chu a pan nghal ruak a. Rema'n a umzui thuai a, Chimawmi kal ve vat chu muangchang in ka zui zel a. Ka kiangah kawlh hlir hler viau mah se midang biang biak a thiam hmel zek reuh a. A mize kawlhrawng tak hi awmze nei a hman sak thiam chuan țangkaina a nei tam phian reuh ang.


Pindan lian lo tak kan inzui luhna chu office ang reng deuh a an hman lai a nih hmel. Hnathawk tu chuan thlalak awmna file chu a lo zawng kual mek a.

"Hei, kan lo la dah țha hlauh alawm" a ti a. Rema nen chuan computer screen chu kan bih hnai nghal a.

"Ding lam sir ber a ding kha Jenny chu ania" tia min kawh hmuh hmeichhia chu a hleitling hle a. A sam dum hlap chu a kawng thlengin a zuah a. A thlalak ațanga en mai chuan hmeichhe sual tak hmel a pu hauh lo. Mahse, mihring chuan hmel a lang chhuak lo huatna leh sualna tam tak kan pai ru miau thung si.

"Hostel ah a rawn let lohna a rei hmel tawh ang reng si a, biak pawh tumna in nei miah lo em ni?" Ka ti nghut. Ka țawngkam hi duh aiin a bul hret zel. Midangte sawi a mam thlap thei tur hi ka sawi a nih chuan a ri bul vut zel a. Ka sim thei tawh chai si lo.

"Tum e, aa, Jenny hi thawk khat lai aţang tawh khan a nun hi a mumal lo deuh a. Hostel a rawn let miah lova thla khat dawn awm bo chang pawh a nei a lawm. Kan pu te hian mi hriatthiamna an ngah a, thiam taka Jennyi'n a biak chuan hostel - ah hian an awm tir leh mai zel. Hostel chhuah san chingna zawng hi kan hostel ah hian an awm nawn leh khat a nia. "

"I hmuh hnuhnun ber ni chuan amah ah thil dik lo deuh te a awm in i hria em?" tiin Rema chuan a zawt leh thuai a. Hnathawk tu chu a ngawih deuh vang vang hnuah, "Chutiang chu lo chik nachang ka hre miah lo. Mahse, bathroom a uak deuh tuar tuar țum chu a nei a. A khua han sik deuh ser ser țum pawh kha a awm in ka hria. Kan han zawh lah in 'ka pumpui ulcer vang aniang' a ti mai zel a. Ka lo ngaihven zui tawh lem lo a" a ti a. Computer a thlalak chu min pe tur a ka dil chuan a hrilhhai hmel ta khawp a.

"Ka pu, Jenny chungchang in buaipui chhan hi ka zawt thei che u a ngem?" tiin min melh a. A hmel landan chu a chiai ti tih der bawk. Chimawmi khan a lo la hrilh lo emaw maw chu le. A dinna lam ka va en nak chuan kan Chimawmi chu a lo awm ve tawh der lo. A ngaihna hre lo fe hian ka hawi kual vak vak a. Hmuh tur a awm tak reng reng siloh ah chuan Hostel enkawltu bawk chu melh lehin Banbun chu ka hmuh a.

"He thil hi i hmu tawh țhin em?" tia ka zawh chuan a meng phar zual sauh a, rang fahran in computer screen chu a en leh nghal a.

"Awi! Jenny ta a nih hi! Ka pu enge a chungah thleng a?" a ti a. A chiai tak zet tawh tih chu hai rual a ni lo.

"Jenny chu a țha em? Ih... a țha ang tiraw?" meng phawk hra chungin chu zawhna chu min zawt nawn mawlh mawlh a.


Rema chuan, "nizan chanchin thar a ruang chhar chungchang an puan kha in lo hre ve em?" a ti a. Hostel enkawltu chu a kaihza inthlep hnawk vang chuan a țhu hnawk a. Kei aia midang biang biak thiam zawk Rema chuan thil thlen dan te chu a hrilh zui thuak thuak a.

Jenny-i chu lunglei lam mi a ni tih kan hre tawh a. Kan ruang chhar leh Jenny hi mi thuhmun an ni ngei em tih erawh Dr Zothana'n min fin fiah sak thei ang.

Rema te pahnih inbiak lai chuan Chimawmi zawng pah in ka tei chhuak a. Hostel luh pheina kawng te ah chuan Chimawmi chu a rawn phei ve mek a. A kal chhuah nalh chhan chu ka hrechak viau leh nghal.


A lo hnai zel a, Plastic bag in engemaw hi a khai bawr țun leh ta nghal a. "Khawnge i lo kal hman a?" ti sup in ka bana sana chu ka bih thuak a.


"Ei tur ka lei" a lo ti sam et a.

"Khawi a pawisa in maw?" nui lek lek chung hian ka ti a. Vei neih loh hmel zet a min en pah hian, "I țhianpa kha ka dil a lawm" a ti mauh mai. Ka hriat sual a maw ka ti hial zawk.

Ngun thluk fahran hian ka thlek ngial a. Min fiam hmel a pu mang silo. Midangte pawisa dil ngawt zel chu thil mawi a nilo tih chu hrethiam lo rual pawh a ni tawh lo a sin le.


"E, chuan.. kha, i motor chahbi" a bag zen pah hian a ti leh ta mai a. Bangbo fahran a ka en lai chuan ka motor chahbi ngei mai chu a lo khai chhuak zui zat. Rang takin ka in dap kual nghal thuak thuak a. Chimawmi lah chuan min nuih zui hak hak bawk nen ka thinrim țeuh tawh.

Ka uniform kekawr ipte a ka ah lai reng; ka hriat miah loh a a lo la chhuak thei chu thil mak tak a ni.

"Ka kut a hi a awm" an rawn ti leh vel a, rum ul a melh chungin ka pan phei pawk pawk a. A ni lah chu intih theih hmel deuh hian a lo la nui var var zui.


A kut aţang chabi chu ka phih thla nghal a. A intithei hmel chu ka ner khum suk bawk. Sawi chhuak kher lo mahse police kekawr ipte a mi chabi a ru chhuak miau a. Nuam a ti hle ta ve ang.


A lakah lungawi lo țeuh chunga chabi ka ah țhat leh laiin Juice bottle pakhat chu a lo theh thut a, ka man chawt chu min nuih hak a.

"Good catch" a la ti tak deuh deuh a. Min kal pel mai tur chu ka en liam thei tawh der lo.

A ban rekah man chawt in ka pawt let dawrh a,
"Enga tan nge ka chahbi hi i ruk chhuah?" tia ka zawh chuan, "Ka ruk pawh a nilo" a ti tlat a. Thin hrep mai tur em ni chu aw tihna rilru ka pu hial tawh.

"Ka kekawr ipte chhung a awm reng kha i bag aţangin i rawn phawrh chhuak a. Chuti chung chuan i la pha cheu dawn a maw?" ka ti khur khur a. A huaisar lutuk leh mî zahna a nei miah lo chuan ka thin a ti ur tak zet tawh a ni.

"Sawi rawh" ti fiak țhak a aw ki ka san chuan a phu nghek a. Mahse,
"Ka hmang" tih zawng bak a sawi duh chuang der lo.


"i hmanna chu țha takin sawi ta che"

"Ka puihna mamawh tu i ni tih te kha inhria la. Chahbi vang ngawt khan thinrim hlur suh" zu han ti daih a. Ka hamhaih letling zawk a lawm maw le.

"Khanglang che chuan" ka ti hluk a.

"Ka puih dawn che avang mai in i thuhnuai a min dah tum reng reng suh" te chu a la ti tak deuh deuh a. Hnial let mah ila min chhang beidawng chiang leh hle dawn bawk si. A kut ka chelhna chu zawi muangin ka thlah ta ngawt a.


Ka thlah fel rual chuan a kawr panglang zet chu a han pawt mar ve ang thlap a.

"Rawn let hma lo phei ila chu handcuff min bun tir duh hial ang. Uikawm ropui si" a ti hlak hlak a. Ka hriat ngei tura sawi a ni tih ka hria, mah se amah lah chuan melh pawh min melh chhin tawh țhak lo thung.

Hostel chhung ah chuan kan inzui lut leh a. Rema leh Hostel enkawltu pawh an lo inbe zo thawh khat tawh a ni ang, kan va lut leh chu Jenny'n hostel a luh dawn a a lehkha submit te chu min lo pe a. Vanneihthlak tak in a hnathawhna hlui lama resume a theh luhna copy țhenkhat pawh a lo tel a. Chutah chuan a blood group leh an address te pawh chiang takin a lo awm tel bawk.

Hostel enkawl tu hnen ah chuan lawm thu te sawi mawlh mawlh in Zothana țhutna lam panin kan tlan chhuak leh nghal a.

Rema chuan side glass aţangin Chimawm-i chu a melh leh țhin a. Chimawmi lah chuan Rema pawisa peka a nepnawi lei ho kha a ei mial mial a.

"Motor chhung ah fangkhat pawh thlauh suh ang che.." ti sup in hnung lam a mi chu ka hrilh a. Rum fahran a ka tukkhum zawn a lo melh nghek lai chu Front glass aţangin ka hmu vek bawk.

"Naupang hmun ti hnawk rual pawh ka ni tawh lo" a ti kha kha a.

"A țhat hlauh chu, fangkhat pawh i thlauh chuan i chhar fai leh nghal ang" ti hmuk chungin hnung lam chu ka han thlek a, a mitmeng rum fahran mai chu hmuh nuam ka ti riau.

"Ramhuai palianpui ai pawn i sual daih zawk" tiin min vin let erh a. Rema chu a lo nui ta huk bawk.


"Ramhuai hmu tawh ang mai a i țawng chu le..." Steering herh kual pawp pah hian ka ti leh hluk bawk. Min chhang let tawh lovin a ngawi ta kar a, front glass aţang bawk chuan ka melh leh a, a ner nang nang lai chu hmu zui in ka rum nghut.

Bal hi ka ngaithei hauh lo. Motor hi han ti bal hlek teh se, a lei ngei in ka liah fai tir kelh ang.


Jenny an postmortem-na hospital kan thlen chuan Doctor Zothana nen kan kal hrang nghal a. "Bawiha, a chungah hetiang thil a thlen hma hian.. a.. sex an hmang"

"Maw?" ka ti hluk a, Zothana lehkha min pek chu ka ban thuai bawk.

"Sual luih a ni em ka chiang bik lo" ti churh in a inkuangkuah zui thun a. Lehkha phek chu ka bih ngur a. Sual luih a ni emaw, nilo emaw pawh ni se a chung a hetiang thil ti tu hi ka zawng chhuak ngei ang.

"A ruang chu ka en lawk ang chu?" tia lehkha chu pek let ka tum chuan,
" kha chu kawl rawh. Hetah hian pakhat a la awm" a ti a. A dawhkan lam ah chuan a thle buk a, a sawi ang tak tak in ka lehkha phek ken lai ang chiah chu file chungah chuan a lo awm reng a.


Zothana nen chuan ruang dahna pindan ah chuan kan inzui lut leh a. Rema hnenah Chimawmi kha pawnlam a lo awm pui turin ka hrilh ta ngawt kha a nia. Kan veng ngawt te anih loh chuan hriat loh kar in kan thil engemaw ber a lo la leh daih palh mai dawn a ka hriat vang a ni pakhat.

Dawhkan chung a ruang chu ka thlek vang vang a. Duhtawk a a khawsak pui hnua sawisa hlum leh kher tu chu zalen tak in ka nun zui tir dawn lo hrim hrim.


Ka tih tur ang ang te zo fel in Damdawi in chu ka chhuah san a. Rema te pawh an awmna ngai ah an lo la awm reng a.


An bul ka va thleng phei chu Rema chuan beidawn hmel zet hian min lo melh leh ţhin a. Mit mei a a chhan ka zawh chuan Chimawmi chu a melh hruk a. Ka awm loh hlan in a lo in la ngeng leh viau a ni maw.


Inkuangkuah thun pah hian, "Eng thil nge ni a" tiin Chimawmi chu ka melh run a.


"Naktuk ah tun aia hmasawnna tur thil ka hrilh ang che u. Mahse, vawiin a tan chuan engmah ka ti peih tawh lo" min melh let ran chunga a han ti zet chu thisen a lum phulh thei nia.

"Aw! Mami kan zawh lek lek tawh hi, tunge a nih kan hrechiang tawh bawk a. In veng lama a lo kal pui ţhin tal chu min hrilh la" Rema chuan thlem pah titih hian a han ti ngial a. Ka chhuah hma khan an lo inthlem fe tawh in ka ring bawk.

"Tun ah te chuan engmah ka ngaihtuah thei tawh hleinem" pawr zet in Rema chu a chhang let a.


"Motor chhung ah hian reilo te han țhu hahdam la" tiin Rema chuan a thlem ngat ngat a. Kei lah pek chuan zanin tlai hian kan tan a ţangkai tur thumal pakhat mah a chhak chhuak tawh dawn lo in ka hre hmiah tawh.

"Kal tawh rawh. Naktuk ah erawh i rawn in lan ngei ngei tur a ni. A nih lo chuan vawiin lama min puihna hian keimahah engmah awmzia a nei dawn lo tih ka hrilh lawk a che. Chuan, ka puihna beisei bawk suh ang che" ti nghut nghut pah hian Chimawmi chu ka en run a. Ka aw ri chu a nem hran hauh lo. A thu ang tê in keini a aia upa fe te min pawh kual a tum tlat hi ka ngaithei hlawl lo.


Rum zet a min melh ngar ngar hnu ah a ner sak a, "Ka hria e, ka hria e. Kan thutiam i la theihnghilh lo pawh kha a lawmawm. I pa len ang aiin mi hriatthiamna i nei hlawl lo" vin zet a tiin a hawi sawn zui hmak a.


A hmel hi ka hmuh reng chuan thinrim luat vangin mipui vei vak zah zo lo khawp a ka chet chu ka hlau ta ber. Hetiang hmeichhia hi khawvela kum 30 dawn ka awm hnuah ka vawikhat tawnna a ni a. Engtiang a han dawnsawn tur nge tih leh a ţawng ri zat zat vang a ka thinrim tihreh dan ka hre miah lo.

"Kal bo vat rawh" chu zawng chu ka sawi. Rema chuan a ţawng zawk zawk chu min lo en tawn chhen bawk.

"Helai hi i pa ta pawh a nilo" a la rawn ti let ngam nia. Rum dut chung a ka hnaih deuh hrut chu rang fe hian Rema'n min lo dang vat a. Ani pawh hian engemaw a hriat tehhrep ni.

"Sir, Ngawihsan daih rawh, a la naupang em a tin nih hi." Chimawm-i hriat loh tur chuan a rawn ti sap sap a. Chutah Chimawmi lam chu en pah hian, "Mami nangpawh kal tawh rawh, naktuk first hour ah lo kal tum la a." a ti leh a. Min la vuan bet țûi bawk.

"Taxi fare tur pawh ka nei lo" ti hlar in Rema chu a rawn melh hrep a.

"Pathian leh! Tukin pawn pawisa ka pek tawh che kha!" Ka insum hman ngang lo chuan ka ti vin țhawt a. Ngati nge he hmeichhia vang hian ka thinrim tak hlur mai ni, ka chahbi a lo ruk chhuah vang te pawh kha a ni ta ve ang.

"Khangte kha chu min pek ațang minute 5 hnuah a ral vek" a la ti hram.

"A țhat hlauh chu. Tun lawk pawn Rema hi pawisa i dil tawh bawk a. I fare tur leh zel chu kan pe lo ang che" ka ti chhum hmuk a.

"Min pe hlek suh u. Naktuk ah pawh ka pui tawh lovang che" a lo ti vin hlur a. A thinchhe ve ropui si, tuna a hmel landan ah phei chuan a pheikhawk bun lai phelh a; min vawm nan a hmang lo te chu thil mak tak zawk a ni.

"Mami lo ding teh, keiman fare tur chu ka pe ang che." tiin Rema mangang chuan a au zui lawm lawm a.

Marawh chu chhete pawn kan lam a rawn ngaihven duh der lo. Kawngpui a motor tlan lai reng chuan a kan lui ngat a. Lirthei khalh tu te chuan horn an hmeh khum tuar tuar a. Chung pawh chu engahmah zui ngai duh bau lo va. Kham a zuan thlak tum ngat kha a ni a. Hetiang te mai mai chu atan a ho tham hle te pawh a ni ta ve ang.

Chimawmi liam takna lam chu thlir tlawk tlawk pahin Rema chuan, "Sir, a kal daih a nia" a ti hlulh a. Duh leh kal daih ang hmiang.

Station lam panin kan inkhalh let a. Khanu vang a ka thinrim lutuk pawh kha a la reh hlei thei lo. Khatiang taka ka thinrim lah kha a chhan ka hre hauh si lova.



Kan tlan laklawh lai takin engine chu a rawn ri deuh dut a. Thil chil kan nei a maw tiin glass ațang kan tlan pelh tak lam chu ka thlir a. Mahse, kawngpui chu a lo fai han si.


Engine bawk chu a ri leh dawt a, ka phun ta hluk bawk. "Khai aw! vawiin lamah petrol in thun lo em ni?" tiin Rema chu ka melh run a. Gas a zo vek tih hriattir nan motor hmalam chu a rawn eng zek zek a.

"Ka thun ngei kha. Keimah ngeiin.." tia Rema ţawng tawp hma in engine chu a thi dûk a. A khu zui tual tual bawk.


Rema chu rang zet in a chhuak nghal a, gas a awm lo tih hre miah lovin kan lo tlan fe tawh si a. Motor hma lam chu a khu nasa kher mai.

Rema chuan Gas thunna chu a herh hawng a, phone light-a chhun a a en leh te te hnu chuan, "Sir a zo kelh tak tak" a ti hlut a. Tukin lawka a thun khah vek a lo zo ta si chu mak a tih hmel hle bawk.

"A mak ngei mai, vawiin kan kal chhuah hma khan a full vek in ka thun reng sia" ti nuah nuah chungin ka țhutna lam ah a rawn kal kual a.

Ka ngaihtuahna a thil rawn lut zawk vang chuan za lo lutuk in ka nui chhuak huk a. Phawk hru a min en tu chu beidawn luat vang a nui suk suk chungin lu ka thin khum a.

"Gas chu a full in i dah ngei a, mahse an ru chhuak a nih hi" hul hak a tiin ka nui huk huk a. Ka kawchhung lam erawh lungawi loh na nasa zet avangin a tawt țun thung.

"Ruk maw? Police tih intar kulhna motor ațanga petrol ru chhuak ngam chu tu tak ni ang maw" Rema chuan a ti bul bul a. 'Chimawmi kha' ka rilru chuan ka lo ti hman pek a. Amah bak khan a ni dawn lo tak zet.

Petrol pump a hlat vak loh avangin kan in nawr phei ta ringawt a. Khawlai a vei vak țhenkhat chuan min rawn nam pui ve a, puih kan ngaihloh thu kan sawi viau chungin tlawmngai hnam kan ni miau a, pump thlengin min nawr phei pui ta a.

Gas chu a full in kan thun leh ngat a. Rema chuan a ru tu chu a hre chak nangiang mai. Black box(dvr) check te a sawi thut thut thul. Kan department motor ah leh ka private motor ah hian camera ka vuah vek a. Fiah taka hmalam a lak bakah hnunglamah pawh park a awlsam nan ka vuah tho. Chung video chu en nawn pawh ni ila Chimawmi bak kha a ni dawn chuang lo.


Rema hnen ah erawh Chimawmi thil tih a ni tih chu hrilh kher ka tum hran lo a. Tun a hriatchian zawng ah pawh hian maksak a ti tawk em em a, a hmuh ve hauh lova a chet dan te kha hre phei se chuan a rap hial mai thei.


Kan han tlan chhuak leh a, ani kha kan bul hnaih ah a awm a nih chuan chik tak a enthlak reng a ngai tawh dawn a nih kha.

"Sir, naktuk hian a rawn kal lo tak tak a nge?" a vei ngang te pawh a ni ang e a rawn sawi chhuak leh ta hlawl mai alawm.

"A rawn kal ang, ka puihna a mamawh a lawm."

"Mahse inthinrim dun sia" a ti leh a.

"A kawlh em a tin ni" hniam ruih a ti chungin station kal kawng ah motor chu ka cut lut pah a.

"Khatiang khawp a ti thinrim thei tu che kha an awm tawh kher lovang" nui hak chung hian a ti leh rih a.


Ka taksa chhung lam chu a nghing nghal lawih a. Ni e, hmeichhe pakhat a la awm! Khawvela mipa vannei ber ang a min inngaih tir hial thei tu. Hlimna tlang sang taka min hruai kai thei tu a nih tluk zet a natna ruam a min hnuk pil tu. Ka hriatna thazam in a la paltlang ngai loh thinrimna leh zahna min paltlang tir tu hmeichhia ngei mai kha!

Station kan thlen meuh chuan a khua a thim chhah tawh hle a. Chutihrual erawh in in lam a let thei dinhmun ah ka ding hlek lo thung.

Ka cabin ah lut tlangin chair ah ka țhu hnawk a. Kar lova constable pakhat a lo lut zui a, a file pawimawh lo ken luh te chu ka bih zui nghal a. File țhenkhat chu ka sign te a ngaih avangin ka buaipui zawm mawp mawp a. Central jail a dah luh tur an awm nual a, chung mite chanchin chu ka bih uluk zual bik hle a.


Kan ruang chhar pawh Jenny a ni ngei tih kan chian tawh a. Rema'n a chhungte a be pawp ve mek bawk a, mahni hna țheuh ah kan buai tlang a ni ber e.


"Sir, zanriah tur hi kan chah mai dawn em ni?" tiin inthlahrun hmel tak hian constable chuan min lo zawt a. Hawi chhuaka dar zat ka han en chuan a lo tlai tawk khawp mai.


Zan dar 8 a ri thuak tawh a. In lamah nghaktu ka neih lem loh avangin hna ah ka lo bur leh tlut țhin.


"Kan va tlai ve maw le" tia țhen sak in file chu ka khup a. "Keimah in ka lo inbuaipui mai dawn nia" ka ti leh a. A inkheng khawng leh auh hnu ah min chhuah san a. Keipawh chu zi mar ur ur in ka ham pah hawk bawk.

Cabin ațanga ka chhuah chuan zan lam duty tur te pawh an lo thleng kim țhap tawh tih chu ka hre zawm a. Min lo wish sap sap a, station kawt lawk ah hian dawr lian vak lo a awm a, zan in chu hetah hian ka inhnawh puar tawh mai aniang chu.

Pawn a ka han chhuah chuan Thla a lo eng kulh a. Station leh a chheh vel chu a en hneh hle bawk. Zial țan pahin vanlai zawl a Thla leng nul nul chu ka thlir vung vung a. Vawiin a kan hun hman dan te chu chhui let in zial chu ka si ham ham reng a, rilru in Chimawmi tel na a chhui thlen rual chuan za lo fahran hian ka țhen sak a. Police motor ațanga petrol ru chhuak ngam ngat tu khan police a zah loh vang hrim hrim nge ni ang a, keimah mimal min zah loh vang zawk.

Chu ka ngaihtuahna chu nuihpui leh suk in zial chu ka paih a. Rap hlum leh nghal in thawk ka la ham ham a. Full moon zan vang em ni dawn, lung a leng riau a ka hriat chu ni.

Dawr lo la ri laih laih lam chu muangchang in ka pan phei a. Police nupui dawr a ni bawk a, thawm a țha țhin ham ham viau zel, zan lama han awm tlai chang te hian lunglen a hnem ve riau zel.

"Ehe.. Pu Hminga chu i la haw na nge? Zanin chu hna pawimawh a awm leh tawh em ni?" Dawr neitunu chuan a lo zung zung a. Kei ai upa zawk tur te pawn mî hi an 'pu' mauh hlawm a, ka din hmun chelh vang te pawh hi a ni ta ve ang.

"Ka lo in khawih laklawh deuh a, a lo tlai duai ta si a nih hi. Eitur min siam mai loh chuan.." ti luam pahin dawr kil lam chu ka pan a. Ka ei duh tur min zawt let var a, ka chhan rualin choka chhunga an nau chu a au zui lauh a. Hnathawk te hi an che felin an che rang em em a, kan thil order pawh kar lo ah an peih fel nghal zung zung zel.

Room kil sir a an Tv hun ah chuan korea drama Mizo țawng a lehlin a lo chhuak mek a. Hetiang lam hi ka tui pui ve der lo, run dal ah tiin phone ka phawrh a, motor chahbi ka la chhuak tel ve bawk nen țullo zet in Chimawmi bawk kha rilru ah a lo lang leh tawh. Engtin nge ka kekawr ipte chhunga ka ah lai reng si, ka hriat miah lova a lak chhuah theih? Lu thing nghut in chahbi zawk chu ka ak țha leh nghal a. Ani ai a pawimawh dang ngaihtuah tur ka ngah lutuk.

Vawiin lam a Hostel enkawl tu nen a kan inbiakna te chu ka ngaihtuah let a. Jenny an hmuh hnuhnun ber țum khan luak chhuak leh khawsik ser ser vangin a insawi sel a ti a nih kha. A awmzia ni thei ta chu Jenny kha a rai tihna a ni mai ang em?

Hmeichhe rainô te hi an luak a chhuah țhin bakah khawsik ser ser vanga awm nawm loh chang an nei fo va; lo rai ta se tu fa nge ni ta ang?

Khi zawhna khi a la ţangkai dawn.

Chuan, a fa paina pa nen chuan an in hmu a. A nau pai thu a hrilh ve ang a, tichuan a fa paina lah chu pawmlai nei a lo ni bawk si ang a. Jenny chu nei ngam silovin hetiang zawng hian dah țhat dan kawng a dap ta pawh a lo ni thei.

Meng zim sauh pahin ka thle buk a. Tun ang dinhmun ah Pathian hian riruatna țangkai lo zet min pe hauh lovang.

'Kan hmeichhe chimawm-i bawk kha ka mamawh leh dawn e..'

Ka eitur chah a lo thleng zui a, ka ei chiah chu chhun lamah thil ka ei lo leh tei vet tawh tih ka hre zawm zat bawk.

Ka inhnawh puar hnu ah uniform thlak turin in lamah ka inkhalh let phawt a. Chimawmi pan hmasa tu zawk a țan chu ka chak lem lo nain a țul miau si.

Zanin tlai a kan indawr dan ațang khan mamawh hmasa tu a țan leh si chu a tlawm thlak viau tih pawh ka hria. Marawh chu kan case buaipui laia a tawp kan thlen theih nan a mî ţangkai ber a tlat.

Midangte chu nise sawi buai leh îh nei hauh lovin min pui mai awm si a. Ani kha zawng... Ngaihtuah tam lo teh ang, ka thinrim leh dawn tlat.

Inchhung a ka lut chu Hunter-a'n min lo bawh nghal thuan thuan a. Liani khan a haw hma in a ei tur a lo dah chhuah sak em ang chu maw.

"Bawiha kal chhuah leh lawk ka ngai, in hi țha deuh in lo nghak leh rawh aw" ka ti chu a nghik deuh fuih a. A pa lian ang reng sia, ka duat zia a inhre ve tawh bawk nen a pangchang thiam ve tawh ania.

"Ka intih fai chhunga i lo fel viau chuan zanin chu kan pahnih in kan kal chhuak dawn nia" tia ka chul thuak thuak chuan mei a vai vut vut a. Ka ţawng engkim a hre thiam vek a, ka mihringpui biak hmiah hmiah zel mai a ni.

Mut pindan lamah kan inzui chho a. Kawngka ka hawn rualin in la nei tu tak mai a lut tlang nghalin khum ah a tlan lawn thurh a. Lukham lamah a bawk vung a, pistol ka dah fel lai chu uluk fe hian min en ve vauh vauh a.

"Silai hi infiamnaa hman a chi a nilo ania. Ka dahna aţang hian nek thlak miah loh bawk tur" ka ti leh hram. Engemaw chang hian ka pheikhawk țha lai lo seh chip vek te a ching a, thu țha hrilh nawn fo a țul ve tlat.

Tui vawt in ka intleuh meuh chuan ka harh sawng sawng mai hian ka hria. Zan dar 10 pelh tawh lamah Hunter-a nen chuan Rv lam panin kan inkhalh chhuak ta a. Zan rei lam a ni tawh bawk a khawpui chhung khawng dung chu a reh ruih a.


Hunter-a chu Glass ka tih thlak sak a. Rang taka dak chhuak in pawn lam a thlir ve vauh vauh a. Kiai suk in a hnung ah chuan ka chul sak thuak a. Ran te hi ngaihtuahna mumal nei lo leh hun kal tawh te pawh hre ve reng lo ang mai a sawi ching an awm leh țhin. Chung mi te chuan nuih an ti za lek lek fo mai.

Ran țhen khat te phei chu mihring te aiin an hriatna a chak zawk fe a. An vawikhat thil hmuh te, an rim hriat te pawh an theihnghilh mai mai tawh ngai lo. Hun kal tawh an hriat reng ve zia chu; lo enkawl tawh tu te nen kum tam tak hnua an inhmuh leh changa țap ve ang maia an mittui tla țhin hian a ti fiah viau in ka hria.


Boruak chu Rv veng kan luh hnu ah chuan a dang ta viau a. Ruih nei a huho a lo awm khawm tel tel lah an țha hnem. Police motor ka khalh miau lo a, kawng kal rui zual te chuan kawng min kian țha duh lovin kawng lai ah an kal lui vei thul. Anni vanga kal ka ni lo a, Police ka nihna hmachhuan a hnawh kîam tumna ka nei hran lo. Kawngpui dung a lo zung tur tur tawk te pawh an awm, an chhungte chuan 'zanin hian a lo haw ang em aw' tiin an ngaihtuah hlawm viau ang.


Chung zu rui ho chu tlan pel in Chimawmi te in pan chuan ka tlan zel a. kawng kawi zau lai ah mî an lo bawr deuh laih avangin ka tlan muang ta deuh a. Intibuai an awm a nih hmel e a.

"Bawiha, glass ka 'up' tawh dawn nia" tia ka hrilh chuan thuawi zetin Hunter-a chu a awm țha nghal a.

Pung khawm te chuan kawng an dan chah miau avangin motor a tlan tlang chi ziazang a ni lo. Tlem a hla deuh ah motor chu ka ti ding a, an thawm pawh a țha ta viau.

Kawngka ka hawn rualin Hunter chuan zuan chhuah a tum nghal mai a. Ka dang rang khawp mai, mipui pun khawmna ah chuan awm tam lo turin ka duh. Sawi leh sawi hnu, ran a ni tlat a, hrual uluk viau chung pawn mi seh mai te an ching tlat a, zurui leh lek phei chu rante hian an hre thei mai si a, mi fate a seh palh hlauh dah a nge.


Thupe aw tak hian, "Motor ah hian lo awm rawh, ka rawn let har lovang" ka ti khawng ul a, mei vai lauh lauh chungin passenger side ah lamah a insawn chho ve leh a. Motor ka lock thlap hnuah chiah ka kalsan ngam țhin. A fing a, keihi che thei lo a ka awm palh hlauh pawh a mite mit la tura ţanpuina ngen dan te chen in ka train vek a. Motor kawngkhar hawn te chu hnehsawh tak a ni. A luhlul a chhuah tlat țum phei chuan fridge kawngkhar te chen in a hawng tau ve bur bur zel.


Mipui lo bawr tuat na lam ah chuan phei ve in mipui karah ka inzep lut a. Insual chu an lo ințhelh tawh a ni mahna, inhnial thawm bak hriat tur a awm tawh lo.

Mipa ruih țawn hmel zet hian, "Nang.. hmeithai a kar a zu zuar fanu leh nghal hian khati khan min chhang pang pang suh aw. In chenna in aţang hian ka hnawtchhuak thei reng che u" a lo ti bual bual a. 'Zu chu mi â apiang ah a thawk na' tih kha a nem nghet ber mai awm e a.


"A lei tu leh a zuar tu te hi kan danglamna a tlem e mai. Kan veng aţang min hnawtchhuak a nih chuan maw, kei hian Mizoram ațang mai nilo in north east India ațang hian ka hnawtchhuak ang che. Țhing lutuk, pawisa i neih loh chuan mi in ah zu la ngawt tawh suh.."
hmeichhe aw hian a rawn ti ve tan tan a.
Chheu leh! kan hmeichhe maksak-i kha ani leh khawp ang.

Ka hma a mi te chu nawr sawn in ka kal hma leh deuh a, ka hmu chiang thei ta. Amah ngei kha a ni. Mipa nen an indinchilh mek a, zu man an ințhing a nih hmel ta ber e.

"Țhing te chu min han ti ve khanglang a..." Zu rui pa in a tih leh laiin Chimawni khan," Aw, i țhing.. I țhing uih tawp. A man tur nei hlei loin zu i in a, chu bak bak a țhing chu a awm em ni?" a ti phiar phiar a. Kawr lian lampang ban tluan a ha a. A kawr hak chuan a mawng a khuh thuak a, a hnuai ah kekawr tluan mar zet a ha bawk a. An inchai deuh tawh nge ni kan Chimawni sam chu a hnawk hle bawk.

"Hmeichhia te tê si. Ka beng zawk dawn che em mawni le" tia zurui pa-in a tin uaih chuan chet chhuah inpeih ran in ka pen hma sauh a. Mahse, kan Chimawmi chet dan vang chuan ka ding leh rih a.

"Min beng ang maw? a țha lawm, min beng rawh! Mipa te hian hmeichhia te kutthlak theihna dan in nei reng reng hleinem. Kut min thlak chiah teh, i case a rit ting a nga a ni mai alawm. Min beng rawh, hei kan inhau lai video in an lak fur hi" a ti siah siah a. Chhan a mamawh hmel loh khawp mai.

Zurui pa tihnghaihna hre tawh lo chuan, "Dak thei reuh si, i nu zu tui loh tehreng nen khan.." a ti ta vel a.

"Tui lo ti si fun thum lai i inzo vek tho a lawm. Țawng duah lo khan pawisa chu min pe mai rawh" pakhat lah chuan a ti ve tlat a. Kut thawh duh mai hmel a pu tawh bawk.


" 'Ka pe lo ang che' ka tih chuan ka pe dawn lo che. In zu tui lo zet kha pawisa a lei atan chuan a dal lutuk"

"I ţawng tam a nih chu" Chimawni chuan a ti ve khang lang a. Ka nui chhuak lo chauh.

Țawngkam in a daih ngang lovin a hre ta aniang zu ruipa chu a pan hnai hmiah a, a kekawr inpte zen sak a tum ta mai a. Ka puihna a mamawh emaw mamawh lo pawh nise a bul a ding tur mipa a mamawh.


Rang fe in ka hnaih chilh ruak a, "Khanglang a! " tia mipa zawk in kut thawh a tum chu a ban ah ka man sak hmiah. A lo țang ve fuat bawk nen a ban chu herh sak ta nghek a. A țe ring teh a sin.

Chutia ka lang ve hlawl chu Chimawmi chuan min melh phawk viau mai.

A kut ka herh sak pa chu hnung lamah a kut ka khirh sak a, "I zu lakna man pek a zanin a i inlum ngei a mut i thlan dawn, zu man pe lova lock-up a riah" ka ti vawt ruih a. Ka hnung khirhna ata chu tal chhuah tumin a bei nasa mai. Ka thlah duh ma lek silova, a tawpah a beidawng chal chang chuan,"Tunge i nih a?" a ti țial ruai a.

"Zanin a lock up a dah thei tu che" tih zawng in ka chhang. Ka hnung khirhna ka thlah rual in pawr hmel fe hian a lo hawi let a. Mahse, ka hmel a hmu chiah erawh a meng ta awn awn a.

"Police! Pu Hming.. Pu Hminga maw?" hmai tuai pawk pawk pah hian a ti buh nuaih a. Hmeichhe bulah chang a huai a, de dû mai. Midang awm ve te pawh chu second tlem te chhungin an țîn darh nghal duak a. Police lam nen a indawr chu an chak vak lo te pawh aniang.

"Pawisa chu pe rawh" tia ka melh ngur chuan rui reh vek hmel a pu tawh.


A kâ ațang thumal pakhat pawh a chhuak tawh lo. A kekawr ipte a zen laiin Chimawmi lam chu ka en thuak a, rang fe mai hian a lo hawi sawn daih a. Chutia min melh let ngam miah lo chu a mah nen inhmeh lo ka ti viau bawk.


Pawisa an inpek fel hnu ah Chimawmi chu a inher nalh a, min hnungchhawn nghal hmiah a. A kal tur chu ka thil sawi vang chuan a ding leh dat a.

"Inbiak kan ngaiin ka hria" ka ti a.

Muangchang a lo inher leh pah hian, "Kan ngaihna ka hre lo. Vawiin khan engkim kan sawi fel vek tawh" pawhlah zet a tiin a nui sak a. Thla eng zet chuan a mitmeng a vertherna chu a chun de va va bawk.

"Ummm. A țha alawm, min mamawh hun i neih palh hlauh chuan zanin hi ngaihtuah let la. Ka puihna rawn beisei hauh suh ang che" ka ti hmiah. Ka dawhthei lo leh thinchhe zet chu ka thunun hman țhin lo.

Motor hunna lamah chuan ka let leh nul nul a. A awm dan maksak zet te, vertherna a khat mitmeng te leh min zahpah lo zeta a khawsa kual țhin te kha ka ngaithei bik hauh lo. A hmel hriat that tu zawn chhuah ka duh vang chiah a hnaih ka ni a, zawldawh tak a thlem hliau hliau ka thiam ve bawk hek lo.

"I pa len ang aiin i rilru a te tlat zel. I chapo tel khanglang bawk sia" Motor hunna ka thleng tawh, ka hnung mai aţanga țawng ri lo chhuak vang chuan ka ding chawt a. Min um zui leh tur tho si chu a tir te khan biak chakawm taka awm ve hle hle tur a nia.

"Eng thil nge i hriat duh a?" pangngai zawk hian a rawn ti leh hnuhnawh a. Nichin te khan min hnial zawt zawt lo se ni mai tur.

"Ka thil hriat duh chu i hre chiang a ni lawm ni" tiin ka zawt let ve ta zawk a. Ka kekawr ipte zen lut hlun chungin muangchangin ka inher kher bawk.


Ka awm zawn ațang dak vah hian min lo melh ve ngar a, "I chapo lutuk hi a lawm ka huat em em chhan che" an ti țha leh a. Ziah zel hian, ka awm dan a a englai hi nge chapo a tih em em mai chu le.

"Țawng duah lo khan Jenny zui ţhin mipa chu min hrilh mai rawh" tia ka sawi zawh rualin a lo nui hak a.

"Ka puihna mamawh tu zawk in î thu min han zawh dan vel khanglang chu leh!" ti hmak chung hian min melh tur khai a. A mit in power a nei emaw a ti leh tawh te pawh aniang, khap pawh zu han khap hlek lo a maw le.

"Luhlul hun lo ah luhlul tlat zel lo teh" ka ti hluk a.

"Ehe! Hunter-a i lo hruai elo?" a ti tung a. Leh rih chuan aww.. Min kal pelin Hunter-a awm na lam ah chuan a tlan phei a, Hunter-a chu a au le lu bawk. A va han hahthlak lulai tak e aw!

Bolero hmalam ațang chuan min lo thlek a, "Lock hi hawng teh" a ti zui zat bawk. Hunter-a a hmuh rual chuan a der ni miah lo in a hmelah hlim hmel a lo lang a, second khat lek chhunga a mize danglam dawr dawr țhin hi a lawm ka hriatthiam theih ngai loh tur chu.

Ngawi reng in lock chu ka hawng a, kawngkhar a pawh hawn rualin Hunter-a pawh a rawn zuang chhuak thurh a. Chimawmi hlim khek raih ri in a zawm nghal zat bawk.

Ka biak ţhin ang chiah in Hunter-a chu a be mawlh mawlh a. Ka awm ve pawh chu a ngaihsak tawh der lo.


Abbra Reo Ririni

Post January 10th, 2019, 8:59 pm

Motor chu kal hualin driver seat kawngka chu ka hawng. Motor hma lama Cigarette bawm chu la chhuak in ka țan nghal a. Cigarette hi ka zu tam lem lo, a chang a han zuk ve zauh erawh a nuam ve reng.

Bolero chu nghengin zial chu ka si lut ham ham a. Zan a rei tulh tulh a, thla lah chu a eng zual sauh a maw tih tur hian lei lung chu a chhun eng pum a. Lungleng mi te chuan thu ril tak an phuah chhuah phah ngei in ka ring.

"Hunter-a hi i infiam pui ngai lo a mi a?" tiin ka bul ah chuan a lo phei ve a. Motor chu ngheng ve at chungin min thlek chho ha bawk. Innel tak te pawh kan ang ve deuh a lawm.

"Hun ka nei țhin lo va" ka ti let mai a. Ral leh lam tlang dung chu thlirin zial chu ka pak leh a.

Chimawmi chuan ngeiawm deuh hian, "Hummm.." a ti vei hmak. Ka thlek vut a, ral lehlam chu a lo melh ve daih a. Hunter- chu thuawi deuh in a ke bulah a bawk vung bawk.

"I awih vak na nge?" tia ka zawh chuan a țhu daih a. Hunter-a lu ah chul sak nawk nawk pah hian, "Min kawl tir daih la?" a'n tia. Ka hriat sual emaw tiin ka zuk melh nghek a. Mî thil a dil phawng phawng zel chu ngai a neih a la har țalh țalh viau.

"Mawh? i infiampui ngai chuan loh kha. Hna ah i kal san daih zel awm sia, a khu a har thei ngawt ang" a ti nang nang a. A hmel a kawl tir tur a min ngenna lo lang chhuak chuan a ti lang naupangchhia zual. A nui lek lek a, a landan danglam lutuk chu a inhre der bawk si lo.

"Infiam a mamawh ber hleinem.." tia ka chhan let chuan,"Oh.. A ţan leh ta a! Nang hi rúl thlah i ni hial lo maw? Engati nge i rilru hi a kawih em em a?" zu han ti daih a. Ka hrilhhai letling zawk alawm maw le.

"Mi in țha deuh a kan biak che chuan țha takin min chhang let ve mai la" a la ti tak deuh deuh a.

"Teh hleuh che chuan.." Cigarette hip luh kawk pah hian ka ti hluk.

"Pa lian si, rilru te si, uikawm bawk si" a ti leh ta zel a. A duh duh a min puh ngawt zel chu ka ngaithei bik der lo.

"Ţawng chiam chiam lo khan ka hriat duh chu min hrilh vat rawh" ka tih veleh min chhoh en ang he haw a, "Naktuk ah" a ti leh mauh a. A ţang leh ta tlat e.

"Naktuk ah nilo zanin ah"

" naktuk ah ka tih tawh chu" a ti țang țang a. Thawk ka la ta hluai ringawt. Ani ang luhlul leh tihmawh zet hringtu a nu leh pa te zawk chu ka dem dawn dawn ta mai.

Cigarette bung chu lei a paih pah hian, "A țha a lawm" ka ti ve ta hmuk. Zial bung ka rap hlum tur chu rang fe mai hian a lo ban a. Ka beisei loh dan lutuk in Cigarette bung chu chharin a zu zui zat nia. A va ţawp reuh e aw!

"Paih vat rawh" vin zet in ka ti hluk a. Ka kê bula țhu tung at chunga zial pak pah hian min chhoh en kiau a. Paih chu a tum hmel loh kher mai.

"Hmeichhe zial zu hi a mawi miah lo ania." Hawi sawn vut pah hian ka ti leh hram. Rang fahran hian, "Ka zu ngai chuang hleinem" a lo ti let a. Ka ner nawk a, ka awih therte lo. Zú ngai silo in a si thiam hlat hlat em mai.

"Naktuk chuan ka thuamhnaw hak tur lo nei lawk ang che" a tih chuan ka en leh thuai a. Zial kha lei ah a lo nawr hlum mek a, a kut chu beng fai leh te te in a lo ding chhuak a. Ka awm a chen țâwk, taksa len zawng ah phei chuan kan inthlau mah mah.

"Eng atan maw?"

"I rin loh dan deuh in thil a kal mai thei" pawhlah fahran hian a ti sam et a. Ral lehlam tlang dung chu a en ta veng veng a. Tlang takin engthil mah a sawi duh ngai silo. Zawhna zawt let chiah ila Savawm no nei hlim ang maiin a kawlh leh hlar emaw te kha a ni leh dawn.

"A țha e" ka ti ve ta nghut.

"Ka haw tawh dawn" a ti leh daih a. Ka en nghal vut bawk. Ka awm ve chu hre lo ang mai hian Hunter-a a lo chhaih leh daih tawh. Hmeichhia si, zan thim a ngam mah mah in ka hre bawk.

"In in thleng thlah tur che in min duh em?" tia a ka zawh chuan rang zetin min lo en hâw a. Ka thusawi kha ring ngam chiah lo ni awm takin chal a chuar nang bawk.

Ka khabe ruhkual tuai zauh pah hian, "Zan a rei tawh. Hmeichhia mahni a khawlai a vah nan chuan a tlai mah mah tawh" tiin ka melh run a.

"Misual tak chu i nih ka ring lo sa a. Mahse, i ngainat awm loh ve chiang e, i bialnu pawn a hlau țhin ngawt ang che" ngaihtuah muk hmel tak a tiin min en ngar a. Min puh chhe thei lutuk chuan bei a ti dawng dawn dawn mai.

"I buaina tur a nih loh chu" ti hul hak pah hian ka ding mar a.

"Rilru té leh lutuk" ka hriat phak lo ringin a ti leh hram. A rilru zau zawk pawh hi eng a ni bik chai silo.


An in lam pan chuan kan inzui thla a. Kal pahin Hunter-a chu be melh melh reng a, kei erawh motor hunna a kan inbiak bak kha biak țul min ti tawh lo a nih hmel khawp mai. Kâ kan an hlek rualin kan inhnial nghal zel si a, hetia kan inbe miah lo pawh hi a țha tîng zawk, a nih loh chuan a hél leh țai palh reuh ang.

An in thlen hma deuh in Hunter-a hma ah chuan a țhu hniam a, a lu a chul sak pahin," Hunter mangțha aw" a ti a. A nui var var bawk. A ran chhawnchhaih dan en chuan hmeichhe nel awm tak leh hlim thei tak a ang ve țhin. Mahse, kei nen a kan inhmachhawn lah in Savawm no pai lai ţawng tir tum ang velin a kawlh hle lawi si. Hmeichhe hriatthiam harsa tak zawng a ni chiang e.


Ka hnen a 'Ka lawm e' tih sawi chu harsa a ti viau aniang biak pawh min be tawh lovin a kal nal nal a. An in kawt a thlen rualin inchhung lam aţang kawngka chu an lo nam hawng ve chiah a.

Anu chuan ngaihtuah hmel zet hian,"I va lo let leh har ve, i țha em" tiin a lo zawt a. A fanu lah chuan 'chhang tá nge' ti lem hlei lovin a lut tlang tawp a. Ner sawk in an kawngka inpawt khar leh chu ka thlir reng a. Zu zur fanu mah nise hawihawm zir a mamawh hle in ka hria.

Hunter-a nen bawk in lam panin kan inkhalh let a. Zan boruak chu a reh tlawk tlawk a ni ber. Kawng tluan in ngaihtuahna chu Chimawmi te reuh khan a luah a, hmeithai fanu a lo ni leh zel reuh a. Hmeithai mah nise ngah nge zú kher a ei an zawn tlat mai le? Zanin thil thleng en khan cheng 500-600 vel lek pawh an tan a hlu hle tih a chiang a. Sum a neih theihna tur chuan tih hreh a neih loh zia lah mipui hmaa zu man a țhin ngam dan ah khan a chiang viau bawk.

Aaa.. Ani ang kha chu hlat hle ila buaina ah kan inham lut lo a ni mai. Ka mamawhna han zo fel se, ka rulh let hun thleng bawk se, a hma ang bawk in kawng hran kan zawh leh vat theih ka beisei.


A mizia tur ka rin kha ka ring sual lo in ka hre ta bawk. Hetiang tak a hmeichhe luhlul leh țawng thei, chaltlai zet a ţawng zat zat tur hian thil tam tak a pal tlang ngei tih a chiang. Mahse, hetiang lo deuh tal hian a nungchang hi siam rem thei hram se a duhpui awm ngawt mai.


Hunter-a min lo nawk na vang chuan ka harh chhuak thut a. A hming pawh ka la hriat hauh loh hmeichhe pakhat vanga ngaihtuahna ka kawm ta ngut ngut chu țullo ka ti hnuhnawh viau mai.


Chutih lai tak chuan call ka dawng a. Motor hma lama ka phone dah chu ban a caller ID ka han en chuan ka rum hawk a. Call erawh ka chhang ta tho.

"Enge i tih a?" lehlam a mi chuan no nalh zet hian a rawn ti a. A aw ri chuan puan hnuai a kawk nghal ruih bawk.

"In lam panin ka tlan mek" ka tih let a. Phone kal tlang mah nise a thawk la ham ham ri chu ka hre thei a.

"I va in khawih rei awm ve, i chau em?"

"Chau lo e, engati nge i lo call"

"Oh Babe. Ka rawn call chang che in chhan a awm zel a ngai a maw?" Nui hak chung hian a rawn ti a. A awm dan tur chu ka mitthla a, a sam dar chen lek a sei ngil sang mai kha a chhip lam ah a tuai chho ang a, a hmui sen vamham hnuai zawk a seh zauh bawk ang.

" JE ka sawi kha a lo leng asin" amah bawk chuan a lo ti leh a. Ka eng ah mah a thawk pha lem lo. Ka chian zual sauh tak chu kan inkar ka ngaihdan kha a dik. Induhna a tel lo.

"Ummm" tia ka rum nghut chuan a chek tlak tlak a. "I thik miah lo tih sawi maih suh" a ti zui hlar bawk. 'Ka thik miau hleinem' rilru chuan ka ti hram a.

Ka chhan let loh vang chuan, "Ka nu hian min duhpui lutuk a, zan in pawn a lo be țha tawp. Eng lo...." a ti chu ka lo pawt chat a. "Claudia, in sawifiah a țul lo. Kan tih tur zawng chu kan inzawmna zahpui awm zet hi tih tawp a ni mai" ka ti tlang hmiah.

"Aih, chutiang chu ka thlen tir dawn lo" a rawn ti hlur a, lound ah ka dah bawk nen Hunter-a chu a hawi kual nasa mai.

"Claudia.." hniam ruih a tiin ka ngawi zui vung vung a.

Amah bawk chuan, "ngaihzawng nei mah ila kan inkar hi ka ti tawp dawn chuang lo ka tih tawh kha. Pasal pawh lo nei ta ila ka thlah dawn chuang lo che" a rawn ti hmawk hmawk a.

Chek hluk pah hian phone chu ka ti tawp a. A rawn call nawn leh dawn tih ka hriat sa vangin ka switch off nghal daih bawk. Motor hmalam ah bawk phone chu theh kaiin ka rum zui hawk a. Duh aiin kan inkar chu a hnawk chho dawn riau a ka hriatna chuan min hnawh ul a.

Thinur rilru țeuh chungin glass chu ka down a. Thli vawt dai raih in min lo chhem tak ah chuan speed ti muang deuh in seat nghenchhan chu ka ngheng ur ur a.


Ka mood chhe ta vek chu hrethiam ve ni awm takin Hunter-a chuan min ngur deuh chhur chhur a. A lam hawi chuan ka țhen lui sak bawk.

"Sorry Bawiha" ka ti sup a. Chik deuh nghur nghur chungin ka darah a rawn nawr ve thuak thuak..

"Ka țha, țhu țha rawh le." Ka aw ri veng ru tak chungin ka ti nawn leh a. A mit meng fing zet mai chuan min en dauh dauh mai.

"Sorry ka tih tawh kha, a la tawk lo em ni?" a lu ah ka chul a, ka nui ta hawk bawk. Ka thinchhia in ka thinthawk thut hi ka che vut țhin tih a hre ve tawh a, a lo lungawi lo hman pek anih dawn hi.

"Bawiha, țhu țha rawh, in kan thleng dawn tawh.." ka tih leh chuan passenger seat ah chuan a ui țhut ta vung a. Kei erawh in nuam lo ka ti tak zet. Tam tak tan chuan 'uicho mai mai' ani mai thei. Ka tan erawh ka țhianpa leh ka thuruk kawl tu a ni. Ka lungawi lo hmel a hmuh chuan min ngaihven ve thuai zel.

Glass chu ti chho leh in speed chu ka san leh a. Claudia nen kan inkar pawh chin fel vat a țul dawn a nih hi. Kan inkungkaih na hi inzawmna pangngai tak a ni lo va, tumah in min hriat pui lo bawk.


☆ FLASH BACK☆ (Hmingsangzuala hun kal tawh)

Mumbai khawpui chhung ah chuan drugs pakhat a rawn hluar thar hlut a. Chu damdawi hna thawh dan chu a dang daiin a hlauhawm hle bawk. A hmangtu te laka a thawh dan kha damdawi dang thawh dan nen a hrang hlawk a, an rilru a buai a, mahni nuna lak duhna hial neih tirin an intihlum phuk phuk mai a!


A țhen dil ah an lo inhnim hlum a, țhenkhat inchhawng sang ațanga zuang thla tawk te pawh an awm. Inawkhlum ta mai te, motor kawng lun lai a tlan lut thut a, motor insut hlum tir hmiah te kha an tam hman ania. Chu damdawi chu an tih vawi khatna ah chuan damdawi dang ang bawk in a hnathawh dan pawh a ngai a. Mahse, vawi hnih thum an tih meuh chuan an thluak a ei ro hman vek thei a. Kan department bik pawn kan buai phah hle a, khawi ram aţanga an chawk luh nge tih lah kan chhui chhuak thei hauh silo.

India Police hmun pui ațanga thu chhuak kan dawn angin Mumbai leh khawpui dang inkal pawhna hmuh ah chuan duty tur indah vek a ni a. Rel leh thlawhna lam a zin vei vak te pawh uluk leh zual a check țhin an ni. Police lam in lirthei hmanga zin vei vak țhin te kan vil bawk a. Kan veng hneh hle emaw kan intih ber lai pawn zing lam ah chuan ruang chhar a ni zel tho.


Chutiang damdawi chu ti rem turin kan station bik pawh kan thawk ngawrh hle a. Chhun zan in bial chhung ah kan tlan kual a, ka bial chhung bik ah chuan flyover pathum zet a awm a, zan a motor vei vak reh lai takin chung flyover te chu intihhlumna hmun pui ah an hmang ta țhin a. Intihlum tur a lo kal te chu dang turin tlaivar țhak a duty kan awm a ngai a. Mut mu kan tuah țha hman meuh lo ti ila a dik ber ang.


Duty țul vangin in lama haw loh chang a awm a, a chang phei chuan ni hnih leh zan hnih zet te in lam a let miah loh chang kan nei. Zan khat erawh duty tlang ka rilruk leh nain, 'boruak a ral muanawm ţan ta deuh' tiin zanlai ah in lam panin ka inkhawlh haw a.

Ka nupui kiang ah ka sawi lawk lo bawk nen min hmuh thut ruala a mak ti hmel tur suangtuah chung zel in kan block ah chuan ka tlan lut a. Fapa pakhat kan nei ve tawh a, kum 2 na a hmang ve mek bawk. Ka hna vangin Junior-a lah ka infiam pui hman meuh lo. 'Tun ang a boruak a ralmuang chho zel a nih chuan chhungkaw bil a hun hmang turin Park ah ka hruai ngei ang' ti rilru sauh sauh chung hian lift ah ka lut a. Kan appartment chhawng zat chu hmet in ka uniform kawr hma kilh chu ka phelh thawl pah a.


Kan block bik ah hian Mizo kan awm nual bawk, remruat lawk ang hrim in keini chhungkua hi mizo chhungkaw thum in min lai tat a, kan floor bik zawng chu mizo țhiau kan ni. Chhungkaw hnih chu hman aţanga Mumbai a inbengbel nghet tawh an ni a. An awmna appartment pawh an mahni ta bîl liau liau a ni bawk. He building an sak hlima sum an lo invest vanga an neih theih a ni tih te pawh min hrilh ve a. Awm hmasa an nihna angin an vannei ka ti khawp mai. Keini nupa erawh in thla tin sing thum zel in loan kan rul a, kumin hian ka rul zo ve thei tawh ang a, kan chhenna hi 'kan condo' a ni ve tawh ang.


Kan kawngkhar dawt chiah dinglam zawk erawh mizo leh sap thlah pawlh nula in a luah ve thung. Thlah pawlh ka ti tak nain a pi leh a pu te hi hnam inang lo an ni a, kan nula-i erawh Mizo țawngah buaina a nei lo, chutiang bawk in English pawh pianpui țawng ang chiah in a hmang thei tho. Hna ah ka bur chawt zel avangin kan nula chu ka hrechiang ve vak lem lo va. Kan nu nen erawh an inkawm thei viau a nih hmel.

Lift a din rual chuan pheikhai zang takin ka chhuak nghal a. Zan hnih ngawt hna vangin ka haw tawh lo a, ka nupui leh fapa te kuah chung a zanin hun ka hmang thei tur chu mumang a ang dawn dawn te in ka hre mai. Lung erawh a awi vung vung viau thung.

Zing lam dar 1 a hnai kuar tawh a. Phur tak si leh thawm dim tak chungin kawngkhar lock ah chuan chabi ka rawlh lut a. Herh hawng a kawngka ka nam hawng chiah erawh min lo hmuak tu thawm ri vang chuan ka lum pup thei.



Kawngkhar herh hawnna vuan chungin thawm chu ka ngaithla chiang leh deuh a. Ka awm zawn ah tak silai mu kah luh dawt ang chiah in ka nghing dawt a, hneh zet a hip kang duak ang maiin ka ngaihtuahna te chu a bo nghal duak a, ka khaw hmuh thlengin a thim nghal mûp a. Khur hlawk hlawk chungin mit ka chhing ta sawk ringawt.

Kan nupa mut pindan ațang ngei chuan ka nupui nuam ti thawm chu a lo chhuak leh a! Ka thisen lum nghal bulh chuan fim takin engmah min ngaihtuah tir thei tawh lo.


Chak zetin kan nupa mut pindan lam chu ka pan ding a. Kawngka inkharphui lo sa chu ka theh hawng nghal bur, kan khum pui chung a ka thil hmuh vang chuan keimah a na thei zawng zawng chu tih natin a awm a ni ber! Min hmuh ruala ka nupui chiai leh phili hmel ka hmuh leh lek phei chuan khawvel hi tawp thut mai se tihna in ka khat a. Kan nu chuan a taksa khuh na tur puan a chuh țawk țawk a, ka haw lo tur ah ngaiin thlamuang takin an lo khawsa tih lah a chiang reng.


Ka che vut min hmuh rualin Zosangi chu a khek tuar tuar a, saruak ngal ngatin an awm tih lam ka ngaihtuah tawh lo. A uirena pa tlan chhe tur chu a dar ah man in tukhum lei vaw zawng in ka phih tlu nawk a. A thum dawt rualin marble chhuah ah chuan thisen duk zet a tling bial nghal kulh bawk.

"Babe.." thlabar taka ti tuar tuar tu lam chu ka en leh a. Amah chu ka hmu nain thisen ang mai hian ka khawhmuh chu a sen rum a.

"Babe, ka sawifiah thei. I ngaih ang kha engthil mah a thleng lo a nia" ti tu chu ka pan miah miah, "Hmeichhe tenawm" natna te leh tlawm intihna te avangin ka rum chhuak hrawih a ni ber. Keh theih dawm a ka dawm țhin ka nupui chu kut na chhah tup khawp in ka beng zui chawrh a. A țe tuar tuar a, kei zawk pawh thinlung nat luat vangin ka au ve țhawt tho. Ka lungphu ri dup dup chuan 'a taksa hi pawt sawm vek' turin min hrilh ni mai te hian ka hria.


"I thiltih hi i hria em?" tih ri chu ka aw nilo in sapui hliam tuar hauhum ri a ang zawk.

"Min phatsan a maw?" Rum hawk chungin hmai ka tuai puat a. "Engtik lai ațang khan nge" ti leh tawk in Zosangi chu ka melh tlawk tlawk. Khawsik ang mai hian ka sahal huam huam a. Chempui chuh lawk a, bung thum a chhuah mai duhna rilru ka pu rum rum bawk.

"Ih... i ngaih ang kha a nilo" a la tih cheu chuan ka nui chhuak huk. Uire te hi man chhuah an nih changa an insawifihlim tumna țawngkam lar ber chu, 'i ngaih ang kha a nilo' tih hi a ni.

"Ka ngaih ang a nilo a maw?" Muang ruih a tiin ka thle bûk a. Ka ben zawh chiah a biang chu dawm sakin za hauh lovin ka kiai suk bawk.

"A nih chuan kan khum chunga he tlangval nen in lo khawsa dun lai ka rawn hmuh pawh kha ka hmu sual tho em ni?" ti vawt ruih in a khabe chu na zet in ka hmer nghek. 'Mizo pa chu a thinrim poh leh a che dam dap țhin' tia sawi tu khan a nupui uire lai a la phawk ve loh vang a nih ka ring ta bawk.

"Min han hrilh teh.. I uire na pa hian ka neih loh eng thil nge a neih?" elsen zet a ti pah hian chhuat laia a tlangval tlu zawi der lam chu ka melh zauh a. Khur hlawk hlawk chungin Zosangi chuan, "I hre sual a ni.." a ti leh cheu nia. Ner khum nawk in a khabe ka dawmna chu ka thlah hlawk a. Khum bul ah chuan ding khawng ul in tenna thinlung nen ka melh ta ngut ngut.

Ani pawn a inpuang thuai lo a nih chuan kut ka thlak belh hreh dawn lo tih chu a hrethiam ta aniang, "kum tir ațang khan kan inkawp tawh" a ti ta a. Ka awm chhung chu a che lawih tho.

Sawi tur pakhatmah ka nei tawh lo. Phatsan ka ni, chu pawh kum tir aţang a lo ințan daih tawh leh nghal. Vanvadakin ka nui chhuak huk huk a. Nupui uire ka lo nei reng anih chu!

"In ha la, chhuak nghal rawh" chhum zet a ka tih chuan min en phawk hle a. "Babe, chutin min hnawtchhuak ngawt thei lo ang. Vai ram ah.. zan thil tawh ah leh nghal" tia min ngen lawm lawm chungin ka dinna lam ah chuan a lo vak phei a. Ka hmu tui tang tawh hlawl lo.


" Min ngaidam rawh, a thleng nawn tawh miah lo ang, ih.. A thleng nawn tawh lo tak tak ang.." chiai zet a tiin khum bula ka ding chu min ban a, a kut chu ka lo vai per sak nawlh thung. Zosangi chu a țap chhuak hawk a. Min en ngawih ngawih chung hian, "Babe, ka hmangaih che. Nang pawn min hmangaih kha, tun chiah hi chu min ngaidam rawh, a thleng nawn tawh miah lovang. Kan chhungkua hi a keh darh i rem ti dawn em ni?" tia a hur sual vanga kan chhungkaw keh chhe vek tur țan chhan a min veh thlem zet chu ka ngai thei der lo.

"Zosanglian ngawi hmiah rawh" ka ti hrawk a. Khum tlang nam dawt a ka hnaihchilh thut vang in a khek leh tuar a.

"Ka ngaidam ngai dawn lo che.. NUNG DAM A ILA AWM DUH CHUAN IN HA LA CHHUAK RAWH!" a khur hlawk hlawk te chu ka tenna ti zual tu mai a ni tawh. Ten tak ka ni.

"Engnge ni ta rum rum ngai" patling aw hian a lo ti a. Ding mar ruai ruai in kan nupa mut pindan chhung chu ka en kual a. Duhthusam tam tak nei chunga chhungkua a kan mut tlan rial țhin na khum te, kan fapa harh hmaa kan nupa a hlim taka kan inchhaih velna hmun; ka computer dawhkan te chu a la awm vek nain mei vap ang in an thlawk darh ni mai te hian ka hmu a.


Țhenawm a mizo chhungkua te chu an lo tlan lut a, min be tak nain mumal in an thil sawi chu ka hre lo.

Țhenawm nu chuan kan mipa mamawh ngawih ngawih nu-i chu puan in a rawn khuh a.

"Hmingsang?" ka hming a min au tu chu ka thlek vut a. Chhuat laia mipa let hlawm reng chu an lo bawihsawm mek a. A saruak taksa pawh puan in an lo khuh bo ve tawh.

Min au tu kiangah chuan, "A thi lo" tih zawng ka sawi.

Khum chunga uire nu țhu chu melh leh in, "in ha la, chhuak nghal rawh" ka ti leh tawlh a.

Ani thung chuan chhantu mamawh fe hian țhenawmpa chu a melh a, "Pa Samu" a ti țuau bawk.


"Hmingsang, chuti rum rum lo deuh chuan a chet theih lovem ni? Inbeng dai hmasa la, i sawi ho ang u" țhenawm pa chuan a ti dam dap a, kut vai khum thuak in ka khap thung. Isua ka nilo a, uire nu ka ngaidam ve thei lo.


"Minute 10 hnu ah ka rawn let leh dawn. Ka lo let leh hunah chuan i hmel kha hmuh tur a lo awm tawh tur a nilo. I tlangval pawh hi chhuah pui nghal ang che" Zosangi chu melh bik run chungin ka ti nghut nghut a. Țhenawm te'n min beng dai tuma țawngkam an nei leh pawh chu ngaithla duh lovin ka chhuak daih a.

Inchung sang a chho turin Lift ah bawk ka lut leh a. Lift bang ka ngheng chiah erawh ka kehchhe chiang a ni. Thawk la hawm hawm chungin lift bang chu chal in ka nawr ngawt ngawt a. A duh pek loh ka nei em. Nupa nun ah lah nise ka hriat theih chin ah khamkhawp kan inpe ve ve. Ka nupui a ni a, tih lawm loh leh lungawi lo a siam ka hlau em em a. Tunlai hna vanga ka buai ber lai pawn beisei nei taka min mit mei tawh chuan chauh sawi lovin chet ka la ngei ngei țhin. Ni e, mipa ka ni a, hmeichhia te'n mipa te laka an beisei ang chu a sawi chhuah ngai lo in ka hre hneh lutuk! Mahse, chuti chung chuan college zirlai lakah a uire tho chu a nih si kha.


Inchung ka thleng chho chu a lo sang tawh bawk a, thli a tam hle a. Rilru inpik zet chung a thawk ka lak kawk kawk hnu ah pawh ka chhung lam tawt lutuk chu a ziaawm thei hauh lo.

Ka kawchhung chu hmuh theih ngat se; ruah thimpui lo thlen hmaa hma rawn hruaitu chhum dum chhah thim mup ang chiahin a thim ipik hle ngei ang. Rum chhuak kawk kawk chung chuan ka van vadak a, ka tuarna chu min țawmpui ve ni awm takin van zawl ah chuan chhum a lo in zial thim tup tup a.

Tukin lawka phone a kan inbiakna te chu ka ngaihtuah let a. Mi â ang mai in ka nui leh huk huk a. Phatsan nih tlawm thlak zia leh kawppui te uire san nih zahthlak zia chu a tawng tawh tu chiah in min hriat thiampui ang. Mihring țawng ah hian a sawifiahna a awm lo!


Kan floor a ka let leh chuan an lo la ri nak nak hlawm a. Ka pen luh chuan ngawi zui țhiap in min lo en țhap a. Couch a hmeichhe lo la țhu ve reng ka han hmu chiah chu ka inthunun theihna te chu an thlawk bo nghal duak a. Eng khaw sawi set set lo in ka hnaih chilh ruak a.


"Zosanglian hetah eng thil tehhrep nge ila tih a.." tia ka khawih leh mai tur chu țhenawm te chhung chuan min lo chelh bet a. Kan nupa inkar ah chuan ban phar in couch pakhat ah min nawr bet a. Kan pa en ber, Pa Samua chuan zahngai tur in min ngen mawlh mawlh bawk.


"Ka phih sawm vek che i nghak zawk em ni?" ti leh hrawih in Zosangi chu ka melh ngur. Mipa pali ngawt in min chelh bet lo se chu a chhip sam ah țham in inchhung ațang hian ka hnuk chhuak duh ngei ang.

Pa Samu-a bawk chuan, "Hmingsang, inbeng dai hmasa phawt teh. In nu pawh a inchhir viau ania" a han ti leh dap dap a. Thana fe hian ka nui huk a, "a inchhir a maw" elsen zet a tiin midangte chu ka melh kual thuak. An zinga ka fapa thlabar hmel ka hmu tel chiah erawh ka hnim ruih a. A awmtu awm a bei chungin min lo melh ve reng a, a mitmeng pawisawi lo zet chuan min vilh ngut ngut ni ber in ka hria.

Kan nupa inkar chu min rem sak an tum ngial chungin rilru ka sawh sawn duh hauh lo. A tawp ah chuan Zosangliani ţap hlawp hlawp chu hmeichhe lam chuan an kal chhuah pui ta a. Pa Țhuama leh Pa Samu-a te chuan min awm khaw muan pui thung.


Ka fapa Carlos-a chu reilo te chhung ka pawm a. Thil thleng chu a hrethiam lo nain inchhung boruak vang zawk in a zawiawi hle a. Ka dar ah ngawi rengin a bei hle hle a. A nu an hruai chhuah lai khan ngen tumna a nei miah lo bawk. Mahse, khua a lo var ang a, naupang ta na na na chuan a nu lam hun a nei dawn, chutih hun ah chuan eng chhanna nge ka pek ang. 'I nu chuan nang leh i pa aiin tlangval dang a thlang a, min uire san ta a nih kha' tiin ka hrilh dawn em ni.

Thaw huai chungin ka fapa bek ah chuan ka fawp vang vang a, a awm tu chuan, "a muhil leh tawh a nih hi. Ka lo va mut luh pui dawn mi?" a lo ti a.

Mut pindan a an inpawm luh fel hnu ah pa Țhuama te kiangah chuan ka țhu ve a. Eng engemaw sawiin min hnem chu an tum a.

"Tuar thiam tum la, i ngaihdam theih phei chuan kar ah fa in nei tawh a, in ngaidam thei hram ula a duhawm khawp mai. Mahse, i thu tlukna erawh kan sawisel sak thei lo che" Pa Țhuama chuan a ti chuar chuar a, ka ngawi ngul ringawt.


"Nun chhiat phah nan i hmang ang tih mawlh a hlauh awm. Mi te pawn an tuar chhuak thei a, thinrimna te dah țha a an inngaidam thei anih chuan nangni pawn i thei lo bik dawn em ni. I rilru dam hun te han nghak deuh ila ințhen hlen chu thil țha ber a ni lo ania.. Tiraw?" Ka tuar chhuak ngei ang! Mahse, ka kut hmawr pawn kha uire nu kha chu ka tawk tawh lovang!

Khawvar dawn hnaih ah țhenawm te chuan min țin san a. Mahni a han awm takah chuan rilru a kal bîng ngut a, lung a zingin thawk a ipik tel mup a. Ka mamawh loh lai ber a ni tih hre reng chungin whiskey bottle chu ka ban ta tho. Engmah ngaihtuah thei lova chahthlak tawp ka chak em a ni.


Chutia zu ka in mawlh mawlh lai chuan kawngka pui chu a lo in nam hawng a. Țhenawm te bawk an ni dawn tih hria in ka chhawn buai peih lo. Hmeichhe aw ri in "I țha em?" a lo tih rual chuan thawk ka la hawk ringawt.

Ka hnung mai ah rawn dingin ka dar ah a rawn khawih a, "Pawi ka tih pui lutuk che" ti leh pah hian ka dar chu a lo hmer salh bawk.

"A.. ih, i nupui awm dan hi hman ah khan lo hrilh daih tawh tur che ka nia" a ti a. A inthiam loh hmel in a aw chu a zawi hle bawk. Ka inher ve ta nge nge a, țhenawm nula chuan tawi te hian min lo nuih a.

"I sawi duh chu sawi rawh.." ti vut pah hian couch lam ka pan a, min zui ve nain ka ngaihven hran lem lo.

"An nufa a Park-a an kal changin college zirlai tlangval khan a lo zui haw țhin a" a tih chuan ka ner sawk. Ka fapa hi țawng thei tawh in; duh duh sawi thiam tawh se chu a nu khawsak dan ah sawi tur a nei ngah dawn a lo nih hi.

Țhenawm nula chu ka bul chet ah a lo țhu ve a. Ka tawrhna chu min țawmpui ve ni awm tak hian thawk a la zui hap a.


"Hrilh che chu ka duh țhin a. Mahse, in nupa inkar in a chhiat phah vek dawn in ka hre bawk si. Chu bakah Zosangi'n min huat phah ka hlau pakhat bawk a" a ti niah niah a. Lawm tur nge lungngaih tur pawh ka hrethiam lo.


"Hman a sawi en a i en loh kha tuna takah engvanga sawi leh si nge i nih. Min diriam turin maw?" ka ti hmuk chuan rang fe hian, "diriam che ka tum lo" lo ti let thuai a. Ka kut chu a rawn chelh a, min țhut hnaih zual sauh bawk.

Ka mitah chiang taka min melh chung hian, "Hnem che ka duh, chu zawng chu" a ti tlang hmiah a.

"Nang hian maw? Inhre țha pawh kan nilo.." ka ti let hû a, ka kut erawh ka la sawn lo.

"Nang chuan i nupui chiah kha i atchilh miau a. Amah hmangaih em em tu bum che a mipa dang a melh san thei che hi a mak ka ti. Ka lainat bawk che" a tih lai chuan ka en run a. Eng rilru pu chunga sawi nge a nih ka hrethiam mai lo.

"I rilru a na em?" zawi raih a tiin ngui nghiai hian min melh a, "I na ngawt ang, engtin nge a uire san theih zawk che le. I duat in i ngaihsak em em zel si a. Keichuan chhel taka awm turin ka fuih ve thiam lo che, hnemtu i mamawh a nih thung chuan ka tlanchhe lo ang, hnemna i mamawh em em dawn si a " tiin ka kutphah hnung lam chu a tuai heuh heuh a. Pa Țhuama te min fuihna thu aiin a țawngkam chuan min hnem zawk. Ka chak lo lai ber a chhel taka awm tur a min hrilhna thu aiin ka dinhmun min hriatthiam sak tu ka lo mamawh zawk hle a nih dawn hi.

"In nu chu vawi tam ka sawi pui țhin a, mahse an inkarah engmah a awm lo tiin a țang zel a. Kei lahin chiang taka man na ka nei fuh thei silo nen engmah ka hrilh ngam ta lo che a ni, " tiin thawk a la hliai a. Ka mit lo del rei zia ka hre nawn awn awn a ni ber.

"I thiam loh a ni lo.." ti nghut chungin couch nghenchhan chu ka ngheng dawt. Mit ka chhing a, țhenawm nula chuan ka darah a lo chul heuh heuh tawh. Thil thleng mek chu a dik lo riau in ka hre tho nain dan tumna ka nei chuang lo.

"Ka thiam loh a ni ve deuh alawm. Ka mipa vei ruk deuh kha a nupuiin a bum kual țhin tih ka hre reng a. Hetia thil pawi zawk a thlen hmaa ka sawi chhuak mai lo kha ka inchhir. I tuar na hle si a, i na tuar lai hmuh hi a hrehawm" a ti a, min hnem chung siin a inpuang chu a ni ber tawh.

"I chhungkua leh hna ah bak rilru i pek ngai loh vangin min hrechiang ve kher lo ang. Kei chuan ka chikna che a rei tawh mai. In lo insawn hlima ka hmuh che khan ka vei daih tawh che," a tih chuan meng chuang lovin ka kiai suk ringawt.


"Lift a kan chuan tlan laia min melh fuh chang te khan ka hlim tawk em em a. Kan inhmuh fuh changa ka zirna chungchang min zawt khawmawi țhin te kha i tan chuan a thu phung lek a ni mai thei, ka tan erawh duhthusam tam tak sam thlen phahna a chang zel a. Mahse, pawm lai nei i ni a, hnaih che a thiang der silo. I nupui khawsak dan hre hauh loa i hna kal turin thlah nan 'i fawp' fo zel te kha ka thik a, ka lo na ru veng veng zel" a tih chuan ka meng chhuak ruai ruai a. Tawi te hian min lo nuih a.

"Min lo nuihzat țhin ngawt lo maw?" ka tih chuan hamhaih hmel a pu.

"Aih, chutiang zawngin ka sawi lo, ka lainat em em zawk che asin. Mipa dang kawp san a tan chuan i țha lutuk mah mah. I nupui khan hmeichhe dang te suangtuah zui țhin mipa i ni tih hi a hre lo a ni ngei ang" a han ti leh a. Nui hawk chung hian lu ka thing nghut.


"Fakna angin nge ka ngaih dawn thlemna ang zawk in"

"A pahnih in" a lo ti let hmiah. Tawi te hian ka nuih a, a huaisen zual sauh tih hriat taka min melh pahin a lo tawlh hnai zui a.

"Hnem che ka duh. Hnem theitu che ka ni duh" a tih chuan a ti takzet tih a lang thei.

"I thei lo" bung vut a ka tih lai chuan min lo pawt chatin "Ka thei ang" a la ti fan nia. Ka melh deuh vung vung a, whiskey hna thawh vangin ka khaw hmuh chu a phe deuh ruai a. Chuti chungin Claudia mitmeng thutak zet chu ka hmu chiang hle tho.

"Inlaichinna a inbah tan leh ka duh tawh lo," ka ti ta bur. Ka chhanna chuan a ti hamhaih nge ni a ngawi reng a. Chutiang thil sawi nan chuan a hlimchhawn mah mah mai thei. Mahse, inlaichinna khur a tluk luh tumna ka nei tawh lo.

Rei tawk fang a ngawih hnu chuan beisei loh deuh in min chhang a, "Inzawmna siam ang ka ti lo. I khawhar hnem tu ah min ţan tir rawh. In nu i khawih țhin ang khan min khawih la, inhrikthlak nan min hmang rawh" a ti hmiah mai a. A țawngkam phawk phawhraw ru zet chuan min țhawng em a ka en hû ringawt.


"Kan inhmuh hmasak ber țum a ka suangtuahna kha a tak ah chang se ka duh" a ti leh zel a. A khawsak dan chuan mî a chawk phur ru riau a, a tum sa pawh a ni mai thei.

Nui lek lek chung hian ka melh a, "I suangtuahna ah chuan khum pui kan kai dun loh hram ka beisei" mei nei deuh hian ka ti a.

"Thuamhnaw inbel lova i taksa lan dan tur te ka suangtuah fo asin. Hmeichhe puitlingin khum laizawl ah a suangtuah fo che a nih chuan mangpui hial a man phah fo mai thei a nia" a ti leh khauh mai. A thil sawi chuan min nghawng dan a hrechiang chak nge ni min melh kal bawk.

"Claudia, nula i la ni a, min lo vei der duh pawh alawm awm lutuk. Marawh chu eng inzawmna mah ka siampui thei lo che... chutiang ti thei dinhmun ah chuan ka ding lo" tiin ka hrilh tlang khawl. Thiam tak a hnar a ngaiin ka hria a, ka aw ka chhuak pawh ka veng uluk viau.


"Inzawmna nghet siam ang ka ti miah lo. Hnem che ka duh mai a ni. I natna leh lungngaihna te kha pai tawp lovin inbun thawl nan min hmang rawh. Chu chu i chak lovem ni" ti sar sar chung hian ka bek chu a hmuiin a lo nul kual a. Dang tur ka nih laiin chet ka thawh hlek silo. Ka beidawnna avangin hahchawlhna dang ka zawng te pawh a ni ang e.


"... i nupui zawk pawn in khum laizawl ngei ah mipa dang a khawsak pui kha. Chutiang chuan ka lak ah hian ti ve ta che" tia min thlem heuh heuh chungin ka uniform kilh chu a hmet phelh a. A zei phian reuh a, a vawi khat tihna chu a ni hauh lo ang.


"Hrereng rawh.. nang nen hian eng inzawmna mah neih ka duh lo. Min ngenna erawh ka pui tlin sak ang che. Chumi vang a ka nun ah inrawlh i tum a nih chuan i ti sual viau thung ang" tiin hma lam hun ah pawh kawppui ang a en zui ka tum loh zia chu ka sawi tlang hmiah.

"I inchhir ngai lo ang" tih pahin ka inrin hman hmain min fawp ta hmiah a. Chu chu ani nen a kan thawnthu ințanna a ni ta bawk.

☆End of flashback☆


Hun kal tawh ngaihtuah let chung zel chuan in ka inkhalh thleng a. Inchhung kan luh rualin Hunter-a chu mu tur a hrilhin inchung ah ka chhoh san a.


Pindan a ka luh rual in ka kawr hak lai chu ka hlip tawp a, phone pawh dawhkan te chungah dah in khum ah chuan a vang zawngin ka bawk duai a. Kum thum lai liam tawh mahse kha zan a thil thleng khan mî a la sawisa chau hneh khawp mai.


Khum chu ka hmai a nawr in ka rum chhuak hawk a. Ka fapa pawh kha zan ațang khan ka thlahthlam hmak a. Ka chhungte pawh țhenawm te'n an lo han bia a, kan nupa boruak an hriat veleh rang takin an lo tla thla ve nghal a. Zosangi ka hmangaih leh duh zia an hrechiang a. Kan chhungkaw din thar vanga ka hlim zia lah a hre chiang tu te an ni. Chutia ka hmangaih ber in min uire san ta si chu ka at pha hial an ring a, min ngaihtuah hle ţhin. Ka nu phei chuan min lainat luat vangin mî țah khum fo a, min hnem tumin min fuih sauh sauh mahse ka nun ram a chau a, nun khan awmzia a nei pawh in ka hre lo. Ka natna leh tlawm ka intihna te chuan mîn hnawh tut tut a, inbun thawl nan țhenawm nula ah chuan ka bur ta tlut a. A nupui leh fapa tana nun hmang ţhin mipa hringnun kha a in khaikhup thawk a tih theih ang.

Message tone ri chuan ka ngaihtuahna ata chu min phih chhuak hlawl a ni ber. Ka bawhkhup dan ngai ngai khan ka lo muhil lek lek ni chuan.

Ka tho chhuak leh chu tha a tho lo khawp mai. Ka message dawn chu ka han hawng a, *Bawihpuia khu hi a sik deuh reng a* tia ka nu in ka fapa chanchin min lo hrilhna a ni.


Thaw ham ham chungin phone chu ka hmet thim a. Mahse, ka nu call a lo lut leh nghal a.

Call chu pickup in "Umm.." ka ti hniam ruih a. Ka nu leh pa te hi ka hmangaihin keimah vanga rilru hrehawm a an awm ka duh ngailo. Mahse, tun ah erawh ka nun dan vangin lungngai takin an awm mek a, kei lah ka chhungte lak ațangin ka inla hrang tulh tulh bawk si. Ka nun dan chu a țha ti lo viau chungin ka tanna ata chu ka chhuak duh hauh bawk silo.

"Mama, i la mu lo maw?Bawihpuia hi be ve lawk la, a sawi reng che a" ka nu chuan a rawn ti nghal mawlh mawlh a.

"A țul ber em ni?" kan ti ngial a. Rilru na tih hriat fe hian, "A dam lo ka tih tawh kha. A ngai ve che alawm" tiin a ngawi zui vang vang a. Ka inthiam bik chiah lo.

"Umm, a nih chuan phone chu pe la" ka ti țha ve mai. Tukverh lam ah ka phei a, pawn lam chu thlirin thawk pawh la lovin ka fapa aw ri hriat hun chu ka lo nghak a.


Reilo te hnu ah ka fapa aw ri ngei mai chuan,"Daddy" a rawn ti lauh a. Ka thawk chelh tlat ka thlah rualin kha zana a hmel lan dan kha chiang zetin ka hmu let a. "Corlos..." ka ti sup. "I dam lo em ni?" tiin ka zawt zui a.

"Aw, api'in doctor bul ah min hruai a, damdawi pawh tam deuh kan lei" a lo ti let a. Pi leh pu kianga tal chawt ani bawk a, a țawngkam pawh a fel fai reuh viau.

"Damdawi te chu lo ei țha la aw" ka tih chuan nichin lawkah pawh a ei thu a lo sawi ve a. Ka fapa mah nise a lak ah chuan ka tim dui a, thil thlen hun lai khan kum 2 vel lek a la ni nain a nu leh mipa dang khawsak dan hmu tu a ni a. Uire san ka nih lai mit ngei a hmu tu a nih vangte pawh aniang a hmel hmuh ka hreh phah ngawih ngawih tak ni.


"Daddy, Carlos bulah i lo kal dawn tawh em?" tiin min han zawt leh a. 'I lo haw dawn tawh em?' a tih ve na a nih hmel.


"Umm, ka rawn kal thei ţep tawh"

"Yes, JCB lian deuh min lo hawn rawh aw." Phur fe hian a rawn ti ta chul a, ka nui ve ta suk bawk.
"A pi te thu kha lo awih la, ka lo hawn dawn a nia" tia ka chhan let chuan a phur khawp mai. Eng engmaw sawiin a ri zui bial bial reuh a.

Ka Sermon pakhat ngaihthlak ah chuan; 'Nupui pasal kan inneih dawn a, a ruk a in ru te hi an tluang hleih thei tak tak lo' tiin a sawi mauh mai a. Kei leh Zosangi pawh kha inru satliah nilo in kan tlan hial a. Ka pa kohhran upa a ni cheu bawk. Khatih laia chhungkua ka tih mualpho zia chu tumahin an hrethiam pha lo ang. Pathian thu sawitu pa sawi chu a dik zia tawng chiang ber tu ka ni in ka ring bawk.

Ka nu leh ka fapa te nen kan inbiak zawh chuan washroom ah lut in ha ka nawt a, ka chhuak leh chu message a lo thleng ve chiah a.

*Naktuk chu min lo lam ang che*

*tunge?* ka ti let a. A number chu ka contact list ah a la awm miau lo a ni.


*Keimah* tih tlawng bawk chu a lo thleng leh a. Ka rum ta nghut, engtin nge ka number a neih theih tih chu keimah leh keimah ka inzawt zui a.

He nu te reuh hian hman ațang tawh min lo pel/ veh reng tawh zawk a ni thei mai ang em?


*ka hria e.* tih zawng ka thawn leh a. Chhan letna ka dawng lem hlei lo va.


Zingah chuan ka insawizawi zo chu ka inbual zui a. Towel var lian pui veng chungin washroom chu ka chhuah san leh a. Ka enkawl uluk em em ka taksa chu darthlalang ah chuan ka thlek kual thuak a. Ka vun la hnawm dap ah chuan body spray kap kual in darthlalang a keimah chu ka innuih suk a. Ka in enkawl țha bawk a, zep nak a awm lo, ka taksa ah hian kei ngei pawn sawisel lai tur ka hre lo.

Uniform ka in bel tum uk tawh chu kan hmachhawp chu hre chhuak hnuhnawh in ka chek ta hluk.

Uniform chu a khaina ah khai leh in civil mi ang in ka inthuam ta zawk a. Uniform ka inbel țhang nen formal taka working hours a kal chhuah chu a dik lo hû hian ka hre mai. Ka jeans kekawr hak ah chuan kawnghren ka thun lut a
Uniform ha lo bawk; pistol pai loh bawk chu a khingbai hu hian ka hria a. Jacket ha in a chhunglam ipte ah Pistol chu ka thun ta hram, tihi chuan ka kim ta deuh alawm.



Kan Chimawmi chu hruai turin an veng lam pan in ka tlan chhuak a, an kawmchhak ah ka inhung fel chiah tihin 'an in a ka luh phal lo' ni awm tak hian kawngka pui chu a lo nam hawng ve nghal zat bawk. Lungkham neih loh hmel fahrana chuan a lo chhuak a.

Amah chu uluk tak a ka vawikhat en chikna a nih vang nge ni a lan dan chu a dang riauin ka hria. Lu a sukna a la rei lo tih hriat takin a sam sei hniang chu a la lang hnawm hle a. Kawrfual par dal raih a ha vei bawk nen hmeichhe nu hnip hnep tak te pawh a ang ve alawm.


Ka lo en uluk deuh a ni ang chu, "min ngaithlei lo deuh angin i lang a. A ruk tak chuan hmuhnawm min va tih hmel si ve" tiel zet hian a rawn ti a. Rum nghut chungin hma lam ka melh nghal daih. Nui rah rah in passenger side chu a rawn pawt hawng a.

"Ka sawi dik em? Min it deuh tiraw?" a ti leh tlat tawh. A va nghal reuh e aw.

"Vanduai thlak takin ka it hlawl lo che" ti tawlin ka țhen sak. A huat ka rin teh lul nen meng kal ralh pah hian min la chhaih let zawk nia.

"Khawmuang lo khan rawn lut vat rawh" ngaihno bei lo zet a ka tih hluk chuan ngawi rengin a lo țhu lut mai tak nain a la nui rah rah tho. Ka it anga a inngaihna chuan min ti thinur hlur thei a lawm maw le.


Nizan lama a sawi tawh angin a thuamhnaw tur kan buaipui hmasa a. Kan tih tur a hrechiang sa bawk a, rei pawh a in en kual lo. A hak duh tur tak chu a la nalh a, fitting room ah a lut nghal a.

A luh aţang rei pawh a liam hmain dawhkan a a phone kal san chu a lo ri kauh a. Tum em em vang pawh nilovin a phone chu ka melh thuak a, screen a message lo lang ka hmuh rualin ngaihdan tui tang lo zet nei zuiin ka ner sawk.

*Pawisa i mamawh a nih chuan ka in lam ah rawn let rawh. Ka bulah i chen.....* tih thleng chu a chhiar thei a. Fitting room lam chu va melh in ka țhu rem sauh sauh a.

Chimawmi hian sum vanga kawp lai a nei ngei a nih dawn hi. Taksa hmang a ei zawng, sum hmuh na tura thlah hnih khat chhung mipa in a insuan lut ve țhin a nih loh reng ka ring tawh lo. Chutiang mi chu kan Mizoram chhung ah hian an tam tawh em a, ani in a lo ti ve pawh chu thil mak a ni chuang lem lo.

Ka ngaihtuahna chu duh lovin lu ka thing nghut a. Rin dan hmanga midangte teh kual chiam chiam chu ka chin dan a ni miah lo.a marawhchu kan Maksaki hi zawng ngaihtuah zawm loh tum pawh in a theih ngang țhin loh anih hi.

Chutih lai tak chuan fitting room ațang chuan a lo chhuak a, "Hei ka la mai dawn" tiin min rawn ve ngial a.

A lan dan vang chuan ka inven hman loh hlauin ka hrawk chu ka tuai ngawt a. "A țha alawm" ti sup in dawhkana magazine chu ka ban vut. Keu thawk in ka bih nghal tak nain Chimawmi chu ka mit sir reng tho.

A taksa rem thlap hmeichhe coat suit a ha zaih a. Sam kang lah in a țawn bawk a. Make up a inhnawih miah lo nain a lan dan chu a zahawm ru hle a, hills bun leh in zei fahran hian a pen thlarh thlarh bawk nen hmeichhe lu zo veh vawh tak leh business lam tui chilh deuh a ang.

Darthlalang a a inthlek kual laiin dawr neitu chuan a lo pan a, chuta a rawn fakna țawngkam zawng zawng chu 'a dik lo' tia lo hnial buaina lai tur reng a awm. Lawm hmel takin Chimawmi pawh a nui sen sen a. An deuh a nei, chu a mi an lah chu ka hre chhuak zo hauh si lo.

A bill erawh a sang zek mai. Ka pek dawn chuan nghal zet hian, "I inchhir em? A ai tlawm zawk kan la mai dawn mi?" a ti kher a.


"Țawng duah zel lo teh" ti let nghut in wallet ka ak țha a. Nghal ru fe hian min nuih rah rah reng a, sawi tur ka va han nei tlem tak.

Motor hunna lam pana ngawi reng a ka kal chu min zui dat dat a. Motor kawngkhar ka pawt hawng dawn chiah tihin Chimawmi bawk chuan, "Zawrkawt lam ah kal tur aw" a ti zauh a. 'Kal lo ang,' pawh ti se kan han kal dawn tehreng nen a..

"Ka hria" tih zawng in ka chhang. A nghal lutuk leh min chhaih thinur a tum thla zen zel chu ning ru deuh in ka țhu lut a. A lo țhut luh ve rualin phone a bih nghal zat a, țullo zetin a message dawn kha ka hre chhuak a, engine start pah hian ka va melh thuak a. A message dawn kha a chhiar nge ni a ngawi reng a. A ngaihtuah tur awm hriat pawh a har khawp mai.

Ka tlan chhuah rualin phone chu a hmet thim hmak a. Thawk la hap chung hian hmalam a melh ta ngár bawk. Ani té hian a taksa hmangin sum a la lut țhin tak tak em ni ang. Huh! Ka buaina tur a ni tei vet lo. A duh chuan a taksa zuar in sum tam tak la lut rawh se. Ka inrawlh na tur a nih loh ang bawk in ka lo ngaihtuah ve a țulna a awm lo.

Kan kalna tur kan thlen hma deuh chuan a bag chu a hai rak rak a,"Hei hi vuah rawh" tiin Tarmit a lo lek chhuak va reuh a. Huatawm zet in ka nui hawk ringawt.

"Vuah hle hle mai teh" tih leh inbeng kan a rual a. Min hnaih ta sawt sawt mai a, tarmit chu amah ngeiin min rawn bun/vuah tir a. Lungawi lo țeuh chunga ka melh khui laiin ka beng bulah a lo awm hnai leh a, "tihichuan ka driver tak tak i ang tawh e" a ti kher bawk. A tum reng vang a ni em ka hre lo nain ka beng hnuai chu a thawk khum hak a, ka hriatna thazam chuan a lo hre reng hle leh nghal.

"Power a awm lo a bun hrehawm tak a ni lo ang" ti leh in a țhu țha leh mai a.


Tun mai khan ka taksa ah danglamna a thlen a maw! Ni lul lo. Amah vang chu ni lul suh se, mipa hrisel țha pangngai tak ka ni a, engemaw ngaihtuah hlek a danglam thei tur khawp a in fit ka ni bawk. 'Ka danglam zawk chhan kha amah vang chu a nilo' tih chu ka inhrilh zui mawlh mawlh a.

Steering thunun mawp mawp pah chuan ka va mitsir zauh a. A awm bawr pawh hmeichhe vangtlang aiin a te zawk tih theih tur khawp in a taksa ah hian hmeichhe dang aia han nalh fal a awm hauh lo. Ka thisen ti lum thei tur khawp a hmeichhe it-awm a nilo ka tihna a nih chu.

Hnam dang dawr lian leh lun zet ah chuan kan inzui lut a. A driver lem chang ka nih miau avangin Chimawmi chu pi en takin a hnung ah zel ka zui a. Dawr hnathawk pakhat nen an inbiak hnu ah dawr chhungril lam ah kan inzui lut leh ta a.


Dawr chungril ah chuan a neitu pa pindan hman bik a lo awm a. Dawr nghaktu chuan min luhpui hnu ah amah chuan min chhuak leh nghal a.

Dawhkan hmaa chiar-a țhu pahin, "Ka pu, whole sale dawr siam ve hi ka duh deuh a. Payment nghal vek dawn lah in sum ka tlak chham lai tak a ni si nen kawng engemaw min ngaihtuah sak thei hram ang em?" a ti a.


Kei erawh kawngka bul ah pi te thuawi hmel takin ka ding thung. Chimawmi hma a țhu Naga pa chu ka en chik viau bawk.

Naga pa chuan, "Chutiang han inngaihtuah sak theih dan ka hre mai bik lo. Wholesale a pe chhuak kan nih avangin ba phei chuan engmah kan pe thei lo ang.." tiin a chhang let a. Mizo țawng ah buaina a nei hauh lo.

"I theih ka ring tlat" a tih laia Chimawmi aw rik dan danglam thut chu ka hrechiang kher mai. Min hnungchhawn a a țhut vangin a hmel erawh ka hmu thei lo.


Naga pa kiai sak chuan Chimawmi hmel lan dan tur min suangtuah tir a, tawt nghal țûn chungin ka inhumruh nghek a.

Naga pa chuan, "Pasal i nei tawh em?" tiin a zawt ta a. Driver satliah tur ah min ngaih vangin min hmaizah lem lo niin a lang.

"Nei lo, keimah in ka khawsa a. Ka hna hi ka tui vak tawh silo a, dawr lian tham deuh te siam ila, zalen deuh zawk a hun hman ve tawh ka chak a" tiin hniak phawi
hlek lovin dawt in zu chhang let thiam a.

Naga pa chu a khi ta vur vur a, "Pasal nei tur chuan ila naupang in ka hre reng a ni," a ti chuar a. Chimawmi chu a nui har har a. Naga pa chu a ngampa zual sauh anih hmel dawhkan chunga Chimawmi kut chu file keu pah niawm tak hian a tawk fuh lui a.


Chuthil ka hmu chu ka inhumruh nghal țalh ţalh a. Ka thik vang ai mah in hnam dang mipa in Mizo hmeichhia a zuam riau chuan min tih thinur vang zawk a ni.

"Chu tak chu alawm.. ka la naupang a, ka hmalam hun pawh i kut a inngahna chen a nei a nia" Chimawmi'n a tih leh chuan Naga mit meng chu a phur surh tawh a.


"Zanin ah kan inhmu dawn mi niang, tah chuan kan sawi fel dawn nia" a ti ta chiah bawk. A thil tum chu sex bak a ni dawn lo tih lah a chiang.

"Min puih theih dawn phawt chuan kan inhmu mai aniang chu," tiin Naga pa lehkha pek chu reilote chung a melh zeuh a. A bag ah thun pahin, "Dar engzat vel ah nge niang" a ti leh a. A hmel chu ka hmu lo nain tuna a lemchan role hi nuam a tih hmel hle hian ka lo hria a. Mipa khawsak pui a inbiak remna neih chu a tan a harsa lem lo pawh a ni thei, marawhchu kan ruahmanna ah mipa lem kual a; inhmuh fal pui a tel lo va, a duhthusam ang chu ka thlen tir hauh lovang.


Building hnuai thim ruih ah chhuk a motor hunna kan pan lai chuan, "Dawt sawi thiam ber lalnu tih hial tlak i ni" mei nei deuh hian ka ti nek a.

"Teh hrep che chuan!! Lawm viau zawk ta che, vawikhat pawh tihsual nei lo a dawt ka sawi theih a zarah nang hian i case ah hma i sawn ang" a ti vin hlar a.

"Ka case ah hian min pui turin ka duh che. Mahse, i taksa hmang nilo in i thil hriat min hrilh mai tur in ka duh che" ka ti leh bawng a. A ding ta dat a, a lo inher chuan anchhia min lawh chak hmel zet hian min melh rum em em mai a.

" 'Mipa thlem kual tur in thu ka pe lo che' ka tihna a nih chu" tih khum leh khawl in ka melh let ngur a.

Mit meng ling phat chung hian, "Hmela leh! I suak sual lutuk, lawmna chang hre bawk si lo" tih leh a bag-a min vuak a rual ta mai a. Kei lah lungawi lo sa ka ni bawk nen a darah man in Boloro bangah ka nawr bet hmiah a.

"I taksa hmanga mipa thlem kual vel hi i tan chuan a ho viau a ni thei. Mahse, ka case nena inkaihhnawih reng reng ah chuan hetiang lam hi tih ka phal lo" ti hrawih chung hian a hmai bul ah ka kun hniam run a. Ka aw ka vin vanga a meng phawk hra chu ka ngaihthah hmiah bawk.

Thawk la țalh ţalh chung hian, "Min thlah rawh" a ti a.

"Ka thusawi chu i hrethiam em?" a mitah tak en chung a ka tih leh chuan a lungawi loh hmel tawh tak zet.

"A țha e. Khapa hnena ka thu sawi eng lai ber khan nge i lung ti awi lo em em a. Pasal ka la nei lo tih kha nge hotel ah inhmu tur a min sawmna kha" a lo ti let ve ta siah a. A nui zui hak ri chuan min run in min hnawh ul mai.

"I hriat chian chuan a țha a nih chu," tiin a tal aih aih chu a ai na zawkin ka nawr bet a. A chet la hlei thei silo thinrim chu a thaw sek sek a, mî melh rum hle bawk.

"Min pui tur a ka sawmna che hi i sumdawnna a tan lo hman țangkai i tum a nih zawngin ka lawm hauh lo ang" tih ka sawi zawh rual deuh thawin ka biang a thip nghal zawk.

"Eng ka sumdawnna chungchang nge i sawi a?" tiin thinrim engphiar chungin min zawt let ngam nia. A mut pui țhin pawn 'a chen chilh leh thei chuan a mamawh ang pawisa a pe dawn' a tih kha.


"Tenawm reuh lutuk!" ti hluk in ka thlah hlawk a. A kawlh uchuak bik dan em em chu aww.. Ka thlah fel chiah chu rang zet in a rawn che leh a, ka inrin loh lai a min khawih theih a ring a nih chuan a tisual chhia-va ang. A banrek ah ka man a, herh sak titih chungin motor bangah ka nawr bet leh a.

"Thudik chu a kha țhin reng a nia" ti hrawih in a hmai bul set ah ka kun hniam a.


"Eng tiang fa kau in nge pawisa i mamawh tih chu ka hre lo; ka lo buai vena tur a ni lo bawk. Mahse, ka case leh i mimal nun hi dah hrang viau ang che" vau deuh ti tih a ka hrilh lai chuan a mit meng chu a alh lo chauh tawh.

"Hmingsangzual ka haw lutuk che, i duh duh min sawi khum ringawt suh" ti fiak țhak in min melh ngawt ngawt a. Elsen lutuk in ka nuih thung.

"I hriat tel tur chu, hmeichhia te hi khum ah chuan kawlh hle rawh se, a pawi lo. Mahse, khum chung nilo a hmeichhe kawlh lutuk te hi an ninawm" ka ti leh bul bul a. Thaw ţalh ţalh in mitmeng ling hlar hian min melh a, min huatna belhchhah turin ka nui lui suk thung. A kut ka thlah rualin ka ngal a ri zui țawlh. Chek hluk paha rum fahran a ka melh chuan, "I duh duh i sawi ang a kei hian ka lo ngaithla liam mai ang maw. Teuh lo lutuk. Midangtei aia i danglam tur a ka ring kha ka lo ring sual hle a nih hi," ti hmawk hmawk in min hnung chhawn in a inher nghal a.

Duhthawh zeta thawk a lak rual chuan a taksa te ve tak chu a che awk a. Ka biang a hamna lah chu a thip zek leh nghal. A khem loh hram ka beisei.

Reilote hnu ah a rawn inher leh a, chiang kel kawl a ka mitah tak min rawn melh chuan ka mur sung sung thei in ka hria. Ka hmuh hmasak ber zan ang chiah khan boruak dang a keng tel a, a țihbaiawm ru riau..

"He hmeichhia, a taksa hmanga sum la lut ţhin ang a i ngaih hian i case khawih lai ah hian engtiang a nasa in nge ka puih theih che lo thlir rawh. Chuan, vawikhatmah midangte chanchin hrechiang hmasa lo in sawi ngawt tawh suh ang che" a ti fak fak a. A sawi tawp lama a aw khur titih chuan min țham tlat lehnghal.

Amah hi ka hlau tihna nilo in a aw vawt reih rawih tak chu thihna kut vawt tluk zet a a vawh vang zawk a ni.


Ngawi rengin station lamah ka inkhalh let a, Chimawmi pawh passenger side ah a țhu ngawi ran a, front glass ah chuan ka hmai chu ka thlek thuak thuak a, a thip hle nain a hmuam hma erawh a lian hran lo.

Naga pa in a melh dan kha engvanga lo thinrim phah chiam nge maw ka nih chu le. Chuan, ka thinrim insum zo lo kha ka ţawng na hret tih ka inpawm bawk.

Chimawmi lam chu ka thlek leh zauh a. Ngaihtuahna kal bing hmel zetin hma lam a melh ngar a. A te na vang vang in henu tluk a hmeichhe ngeng leh tawhkhirh hi an awm tawh lovang.

Aw ka then khurh chuan a ner sak a, tukverh lam a hawi zui daih a. Ngaihdam dil ka tum deuh ania a pawi tawp lo ve.

Station kawt a ka ding fel chiah chu a rang a rang hian a tek chhuak nalh a. Bolero a kal hual lai chuan kei, a chhunga la țhu chu rüm theih tawp hian min rawn melh khai khai a. Hmarcha pawh a te tê a thak an lo tih ang deuh hian hmeichhe te pawh hi a te tê an kawlh hlar mai hian ka hre lek lek tawh.

Chimawmi chu Station kawt a dawrte ah chuan a lut nalh a. Pawisa pawh a nei hawt a maw ni?

Motor aţanga ka chhuak ve chu kawta Police lo awm ho chuan min wish nghal sap sap a. In rawk report a awm tih kan tlan let lam khan min rawn hrilh a, police pathum kal chhuak mai tur in ka hrilh ta ngawt kha a nia. Eng tak rawn ang ang maw.

Station chhunga ka lut chu Rema chuan min lo au a, pawn lam mi te nen an lo din na lam chu ka pan ve thuai a "Hei.. Jenny chhungte an nih hi. Ruang an la dawn a, i hming sign an mamawh a" tiin Doctor Zothana signature awm tawhna lehkha phek chu min hlan a.


An zing a nutling ber chu Jenny nu a nih ka han ring deuh ringawt a. A mit bui lak leh mitmeng chava riai chuan chhungril a fan raih raih a. An fanu thatu man turin theih tawp kan chhuah tih min hriat sak hram ka beisei bawk.


Jenny chhungte chu thiam ang tawkin ka han hnem ve a. An fanu nun dan chu an hriat pui bik vak lo tih chu thu kan zawh a min chhan dan aţang a chiang hle a. A hna a bansan tih tak ngial pawh an hriat pui lo. Mahse, 'A tih dan ngaia thla tina pawisa a thawn țhin zat a thawn ziah' tih an sawi chu report ah chuan kan chhinchhiah lut nghal a.

Rema leh thawhpui dang in a țul ang ang an buaipui sak zui a. Heti hian ruang dahna a ruang kha la chhuak in Lunglei lamah vui turin an phur haw dawn a ni.

Rema'n an fanu boral thu a hrilh țum a patling meuh âw khur ngaihthlak hrehawm a tih zia thu a sawi lai ai daih khan tuna an hmel landan hi hmuh an hrehawm zawk. An lainatawm tih mai loh chu lo sawi ve chiam tur ka hre silo a, kan department motor a ruang dahna hospital lam an pan tur chu kawt thleng ka thlah ve a.

Station chhung ah lut tur a ka inher zet tawh chu ka thil hmuh vang chuan ka chawl dat a. Station bul dawr chhung a thil lo ei bawrh bawrh chu ka hmu sual emaw tiin ka thle buk a, ka hmu sual lo khawp mai.

Muangchang in dawr lam pan chuan ka phei ve a. Dawr neitunu in min han hmu chu rang fe hian a rawn tlan chhuak a, "Pu Hming, hmeichhia sawn a ei man i pek sak tur thu a sawi a, a order ang ang kan lo chhawp sak mai a sin" a ti mauh mai. A thil sawi vang chuan ka nui chhuak huk a, a mak tak zawng anih saw maw...

Hlauthawn hmel deuh hian, "I hmelhriat a ni ang tiraw? I hming kha a lam a, rin tlak a nih kan lo ring ve ngawt a" a ti leh mawlh mawlh a. A eina man hmuh let loh mawlh chu a hlau niin a lang.


"Lungai suh, kan inhria a lawm" ka tih takah chuan hahdam huai hmel a pu a. Mahse, ani ang hmeichhia nen kan inhmelhriat chu mak ti hmel tak hian min melh tawn zak zak a.


Dawr chhunga ka lut ve chu ka hnung zel ah min rawn zui a. Chimawmi dawhkan ah chuan a ei ruahna plate a lo awm rum a. Dawr neitu chu melh pah hian, "amah in sawng zawng zawng saw a ei vek a maw?" ka ti hu a. Mahni a ei zawh vek tur chuan a tam tham em a tin a ni.

"Aw, i rawn zawm vat tur thu a sawi bawk a" inthlahrun hmel deuh a a tih chuan ka nui tawi khawp mai.

A thil ei zawh zo zai chu a tam in mak ka ti dawn viau a. A mize en chuan thil mak tak a ni leh chuang si lo.

Dawr neitunu bulah chuan a ei zawh vek hnuah a man ka pek tur thu ka hrilh ta a, ngaihțha zan lo hian a țhutna ţhin lamah chuan min let san a.


Chimawmi dawhkan lam ah chuan pheiin "Phung sa thin ei ang mai alawm i nih," ka tih khum thawr. A ep chiah țhutna awl ah chuan ka țhu ve nghal a. Mit sir tak ngial pawn min melh duh țhâk nang.

"Ka hming in i order tih ka hria a nia" ti leh sup in chiang tak in ka melh a. A Noodle hawp leh tur chiah chu a chawl dat a. Mahse, second kar lek chhungin a mize ngeng ngal ang khan a khawsa leh nghal tho.

Min chhan duh miah loh avangin, "Heng zawng zawng hi i pumpui tereuhte ah khan i hnawh lut leng vek a maw?" ka han ti leh a. Dawhkan ah chuan plate ruak pathum bakah bowl ruak pahnih lai a awm a. Tunah hian noodle plate khat a ei leh mek bawk.

"I sum tlang a hek pha vak lovang" a lo ti ta fak a. A man ka pek tur a lo order ve tawp zawk si, a ngeng leh ngal ngal khawp mai.

"Chulam chu i buaina tur a nilo. Pumpui țha lo neih i hlau lovem ni?"

"Vanneihthlak takin hmeichhe hrisel țha tak ka ni e" a ti hmak a. Lo hawi chhuaka chiang taka min rawn melh chuan ka inthiam lo ringawt nia.


A mit meng chu a sen ram a. Nichina ka țawngkam hman khum khan a ti na hle tih lah a chiang. Mahse, nem tawh ang a lana ngaihdam dil erawh ka duh bik chuang lo. Rilru nem chu a ni lakah te hi chuan 'min zuam sauh rawh' tihna ang lek a ni dawn.

"A țha e, lo hrisel zel rawh" ka ti ta ngawt a.

"Sawi lo pawh ni la ka hriselna hian min tlan bosan mai mai lovang" tiin min hnial let ngal ngal a. Ka tih ngaihna hre tawh lo chuan, "I chimawm mai a nih chu" ka tih tak hluk chuan za zet hian a nui ta hak hak a. A ri meuh a a nui lai chu a hmuhnawm ka han ti dawn nge, a nui ri chu a ngaihnawm ka ti zawk dawn...

"Khatiang mitmeng khan min en suh" a tih chuan ka hamhaih deuh.

"Min vei thuai mai ang" a han ti leh a. A nui ri vang khan tih danglam a awmin ka lo thlir reng tih chu ka inhrechhuak hnuhnawh.

"I sawi awm ang lo țhin em mai.." ti hluk chungin ka hawi sawn vut. Pawn lam a mihring tei kual vel chu ka thlir ta daih a. A ei zawh dawn ah fork a plate a hui ri rak rak pawh chu ka beng khawn duh tawh der lo.


Ani lah nghal em em mai kha ani a. Țha takin 'ka ei zo tawh, kal tawh ila' ti mai ta lo in ring tak mai hian, "Bawiha ka ei zo ta e" a ti ta mai a.


Phawk fahran a ka melh chu 'i chan tawk!' ti ang hrimin min lo nuih sak bawk.

Ka hawi kual thuak a, dawr chhunga thil ei ho chuan keini pahnih chu min lo en țhup mai a, Police te phei chu an phawk hru hlawm a.

"Enge i hriat a?" ti hrawk in bill pe tur chuan ka tho vut. A nui tet tet lai chu ka pen fawk lo chauh chu a ni.

Counter lam a ka phei lai chuan,"Bawiha bill pek pahin ice cream lo lei tel rawh aw" tiin min lo au zui a. Dawr chhung a awm ho chuan min en țhup vei nen ding leh rih in a lam chu ka va hawi a. Kan Chimawmi lah chuan mi a lo la nuih sen sen zui. Chhan ka chak rual in chhan dan tur ka hre hauh silo.

'Ngawi tawh rawh' tih nan ka hmui zawn ah kutchal dah in mit zim sun hian ka melh a, nui seih pahin a hawi sawn ve ta mai bawk.


A ei man zawng zawng belhkhawm chu cheng 430. Dawr neitunu min nuihzat hmel lutuk pawh chu ka rûm khum nghut ringawt.


Pawisa min kir fel hnu a ka let leh mai tur chu, "Pu Hming, Ice cream i lak theihnghilh. A man pawh ka cut nghal kha" tiin Dawr neitu chu a nui pat pat a. Sawi ve tur reng ka hre tawh lo.


Ngawi rûn in ice cream an dahna freezer chu ka nawr hawng a. Ice cream siam chhuak tu te'n ice cream flavour khâ ( bitter) zet an siam tel ve lo pawi ka tih ber țum a ni hial ang.

Chimawi hma ah Strawberry ice cream flavour chu ka dah deuh chawrh a. Mit meng chimawm zet a min han melh kual vel te chuan kawchhung lam a ti so bulh bulh a. Rul let lova awm tawp chu ka duh bik der lo.

"Bawihi, ei țeuh rawh. Rainô lai chuan thil engpawh in chak huam huam zel tih ka hria alawm. E! ka lam belh nghal law law ang aw" amah ang chiah khan ka ti ve ta lawng lawng a. Min melh phawk khawp mai.

"Nu Pui, Ice cream i neih ho zawng zawng kha kan dawhkan ah hian min lo dah sak thei em?" Ka ti zui zat a. Hetiang hmeichhe chimawm lutuk tih tlawm dan țha ber chu an chet dan zel in chet khum ila an sim vat mai.

"Hmela, rilru te lutuk" ti hrak pah hian min melh deuh hrep a. Ka khik khum suk ringawt.


Nu Puii chuan sarang lian pui ah ice cream chu a khung a. A lo khai phei țung țung laiin Chimawmi hmel chu chik zet hian ka en a. Ice cream ei na fiante chu a hmuan tet a, ka en tih a inhriat rualin rum mangkheng in min rawn melh a. A mit hian power a neilo tih ka hrechiang bawk a, hlauhna chhan tur ka hre map lo.

Dawr kan chhuah san meuh chuan tifuh inti tak hian ka nui ruh ruh reng a. Hung lam ka thlek apiang in lungawina mak danglam takin min fan bawk. Ice cream awmna sarang lian pui khai chungin ka hnung ah a rawn kal ve par par a. A chimawm thawt thawt man a hmu let a nih hi.

Station chhung ah pawh min zui ve zel a. Thil thlen lai khan police dang an awm ve nual a. Kei ni aiin station an let hmasa leh bawk nen kan inzui lut chu inthural ang hrim hian Chimawmi dul zawn an melh țhap hlawm a. Ka fa a pai an ring tak tak em maw ni chu le. Hahthlak hlawm hian!


"Buaina a awm em?" ka tih rualin an hna khawihai țheuh chu khawih zawmin an phe zung zung a. Ka bulah hmeichhe ding lah chuan tihel zet hian min lo nui ve sawng bawk a. Vawiin a thil thleng zawng zawng hi a dik lo fai vek.


Chimawmi chu ngaihven zui tawh lovin cabin ah ka lut daih a. Ka nau te ho chuan an duh duh in ngaihdan lo siam tawh mai rawh se.


Hna khawih tur ka ngah bawk nen chin fel nan chawhnu pum hman a țul in ka ring. MLA lam ațanga ngenna ang reng deuh rawn thleng a awm nual a. MLA inthlan a hnai tawh a, vote thlakna lam a duty tur a ngenna leh hriattirna lam vel te a ni hlawm.

Rei fe hnu ah ka nau te zinga pakhat lo lut in, "Sir, i bialnu khan haw a duh tawh thu a sawi a. A nghak reng tawh che " a lo ti ta mai a. A haw daih tawh ang chu tih nak laia min nghah thu ka han hria chu a hamhaih thlak khawp mai.

"Ka hman țep tih lo va hrilh rawh" ti zawngin ka chhang let. A kal chhuah hnu chhuan za lo zetin ka țhen suk a. Ka bialnu maw? Ka thlah kher a phut bawk a maw...? Chimawm leh. Chimawm dan chu i lo hre ber a nih hi.


Cabin ka chhuah san leh chuan Chimawmi chu Rema table hma ah a lo țhu fel than a. Va pawh nghal mai chu ka hreh tum hrang nen Cabin bulah chuan ka tawi khaw muang a.


Rema nen chuan engemaw sawiin an țawng mawlh mawlh a. A chang chuan hmeichhe ze zawi leh nu hnep angin a lang a. Belhchian erawh in savawm no nei hlim ang maiin a kawl hlar lawi a. Mi hneh theihna riau a nei tih erawh ka pha buai lovang. A mitmeng lian kiau a thil tihsual nei lo ang maia min melh tawh chuan nem mai a awl hle tih chenin ka hre tawh. Mahse, chung thil chu belhchian ka chak phahna a tling zo chuang lo.


Rei tawk fang hnuah pawh an la ti ti tui hle a. Tih tur hre lo zetin dawhkan a file pakhat chu ka la kang a, keu kual chung hian ka va mitsir reng a. A nui hak hak hmel landan chuan engtin maw tak hah a ti dam riau mai a. A nui mawi reuh em a sin.


Chutia mit sir a ka va thli thlai duk duk lai tak chuan a lo hawi phei a. Min rawn hmu nghal mai lehnghal.

"E.. I hman tawh a mi?" a lo ti thuai a. File chu khup thuk in lu ka buk khum a. A țhutna ațang chuan a ding chhuak ve a. Ice cream zozai kha engtin nge a theh thang bo tak ni.

"In lama let kher chu a țul em ni?" ti sup in File chu ka dah let a. Zanin ah kan che chhuak leh dawn a. A haw a nih chuan a hel leh tlat emaw te kha a ni dawn a. A luhai thlak leh dawn em a ni.

Chutihrualin a mize maksak lutuk vanga thil thleng thei zawng zawng ka ngaihtuah kim hman dap chu țul ka ti teh chiam lo.


"Duata țhin hi, hahchawlh ve te ka ngai alawm. Min ngai rih viau mah la kan naute hian mut hahdam phawt a mamawh" tiin a dul thep thlep chung ah chuan kut a nghat ngial a.

A thil sawi awih hmel lutuk ka nau te ho in an melh țhup chuan thinrim ah pawh a kal thei tawh lo. Nuih a za duh hle a. An hmuh nawm tih tur takin an hma a hmeichhe te ve tak ding ran saw ka va pawm nawlh dawn em maw ni zawk chu le.


Midang te hmuh lo tur a nui ruh ruh chung hian, "Kal ang le" ka ti nghut. Ka nau te ho chu an inkheng khawng nghal țhap a. Chimawmi pawh chuan nelawm hmel fahran hian kut a vai hlawm a.


Motor hunna pan a kan phei lai chuan, "Tu emaw tal in 'i nghal lutuk' tiin an hrilh tawh che em?" tiin ka zawt a. Tlem in amah hi lian se chuan nghal hle mahse a awm viau ang, mahse a lian bik zawk zawk der silo.


"Midang ngaihdan ah ka buai ve ngai lo" tia awlsam zet a min chhan chuan ka ding dat a. Ani chuan min kal pelin a țhut na tur lam kawngkhar zawn a thleng phei der a.

Zawhna ngah hmel taka ka enna chu a lo hrethiam ve aniang heti hian min chhang let a. "Midangte chuan engtin pawn min lo sawi se ka ngaihven teh chiam lo. chu lo rengah midang te chanchin sawi ser ser hi a țhing ka tih zawng tak a nia. Ka țhing tih zawng deuh te'n min lo sawi vel dan chu huat tham ah pawh ka ngai lo" a tih lai chuan ka en reng a. A thil sawi leh amah chu a inhmeh riau in ka hre bawk.


RV kan tlan luh hma chu kan ngawi dun ta reng a. Rv lam pawh ka kal ngun ta malh malh bawk e. 'Boruak reh lutuk tih ziaawm nan' tia rimawi play tura kut ka lek rualin Chimawmi chu a lo in veng nghal zat a. Music ka play tak ah chuan zawite in thawk a la hak a. Nghenchhan chu nghengin sir lam a melh zui ta daih bawk.

Hmeichhe tam zawk chu reilote chhungin an mizia tur a ngaih ruat thiam thei mai zel a. Tun a ka motor chhung a țhu fel ve at-i erawh zawng; engtik ah mah ka hrethiam thei ngai lo ang. Tunah te hian hmeichhe zawiawi tak ang maiin a țhu ngawi ve reng a. Be chiah ila a bak hlur thung dawn. Mizia chi eng zat chiah nei ang maw...

An in lan theihna ka thleng thla chu motor hmalam a hnaih ruak a, bing takin hma lam chu a melh ngat ngat a, reilote hnuah thlabar hmel tak hian, "Aw Lalpa!" a ti hliai a.

Keini tawk zawng a Ambulance lo tlan in min pel fel chiah chu, "Ding rawh" mi ti tuar bawk.


A lam ka va en chuan Ambulance kha a lo en let țawk țawk a. Zawhna zawt buai lovin kawngpui kam thlang lam ah motor chu ka ti ding a. Chimawmi chu rang fahran hian a chhuak nghal a. Midang lo awm nak nak na lam ah chuan a tlan thla dawr dawr a, motor ațang chuan chhuak ve lovin thil lo thleng leh zel tur chu ka lo thlir tawp.


Nutling pakhat ban chu a zuk vuan chawt a. Chu nu nen chuan engemaw hi an inhrilh nghal mawlh mawlh bawk, Chimawmi kun nghal hnawk chuan 'thil țha lo tak a thleng' tih min rin tir a. Amah buaipui tum a motor ka chhuah san vut chu min rawm hmu aniang a lo tlan let a.

Motor bul a ka ding chu a kut a lut leh tura min zaizir pah hian, "Ambulance kha zui nghal rawh" tiin a au deuh nghek a.

Ka mit meng a zawhna chu a hmu thiam nge ni, "Ih, khawngaih takin Ambulance kha um zui ang" nem deuh zawk hian a ti a. Vertherna in a chenchilh țhin a mitmeng chuan țanpui mamawh hmel tak hian min en bawk.

Keipawh chuan, "Lut rawh" tih hrilh sup in ka țhu lut leh nghal a.

Kawng tluan chuan a țawng tawh lo. A khup sai hlak hlak chu tih reh tum niawm takin a nam ngat ngat a. A khat tawkin ipik hmel zetin thawk a la leh hliai zel bawk. Chutia chiai leh phili taka a awm lai chu harh chhuak thut ang maiin a țhu mar auh a.

"Putar-a kha ka mamawh" tiin amah leh amah chu a inbia a. Bag a zen zui rawk rawk bawk.

Kham ah zuan thlak a tum lai khan chiai hmel a pu miah lo va, silai-a a intin lai lah in a thlabar chhin miah lo bawk. Tunah; heti taka a chiai ta mai chuan mi a ti hamhaih a, zawhna zawt a biak lum luamna chang ka hre der lo leh nghal.

A bag zen chuan a duh a hai fuh thei lo a nih hmel lungzin hmel zet hian, "Khawi ah nge ka phone pawh hi" a ti hlur a. A țah aw lek lek a ka hriat vang chuan ka en rang hle a. A bag chu a mawng ah vuan in a chhunga awm ho chu a malchung ah a bun chhuak vek a. Phone a hmuh tak ah chuan motor chhuat a thil dang tla darh chu a uksak tawh lo..

Tu emaw hi call in thawk a la sek sek a. A mî call chuan a lo chhan veleh, "Pawisa ka mamawh" a ti nghal thawr.

Lehlam țawng a ngaihthlak chhung chuan a mal chu a țham ngat ngat reng a, "Aih, Putar, i inah khan vawikhat pawh ka rawn pen lut tawh dawn reng reng lo" a ti vin hlar a. Ka ring dik in ka lo hre hmanhmawh. Pawisa a mamawh vangin a taksa a hmang țangkai țhin.


Chimawmi bawk chuan thinrim eng phiar chung hian, "I sum tam tak te nen khan khawilai ah emaw thi sawn rawh u" a ti leh ta phiar mai a! Phone chu ti tawp in a rum hak bawk, a anchhe zet vang khan ka lo ner nawk thung.

Țawngkam a nei chhe thei si a, min an khum ve nek ang tih mawlh chu ka hlau.

Reife hnuah Falkawn Hospital chu kan zuk thleng a. Motor ka ti ding chiah tihin engkhaw sawi set set lovin ka motor duat lai kawngkhar chu a nam hawng leh lawp a.

"Chimawm, zanin chu.." ka ti hman țawk, "Hmingsangzual tun hi mahni hma sial taka tihtur min lo hrilh hun a ni lo" tiin min lo pawt chat hmak. A hrilhhai thlak thei teh ê! Ka pen fawk nang a.

Thawk la hliai chungin a sam chu a hui chho puat a, chutah nem deuh zawk hian, "He tilai thleng min hruai avangin ka lawm e" a ti a. Dêk pawh ka tih leh hmaa kawng a lo nam khar bur chuan ban ka phar hluai ringawt.

'Harsatna i neih chuan zanin kha kan țhulh rih thei a nia' tia hrilh tum ka ni reng si. Thinchhe hlir hler lutuk mai.



Abbra Reo Pitartei : Rilru lungngaihna te, manganna te leh natna te inhnem nana ruihhlo leh mipat hmeichhiatna hmang tu chuan a nun zat ve a tihchhiat belh țhin.


AN: Black box(dvr) hi 'Mizoram chhung a tan chuan a changkang mah mah e,' ti kan awm leh tak in.

He thil hi changkanna in a ken tel a ni a. Kum 2015 aţang tawh khan Mizoram ngei ah pawh hman a ni tawh aw.. Car chhuak thar țhenkhat ah phei chuan mahni a vuah chawp ngailo in a chhawm vek tawh bawk.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » March 6th, 2019, 12:56 pm

☆UTOPIA: 1996☆
Chapter 3
By
Abbra Reo Ririni Khiangte (Pitartei)


"Khawnge ka nu?" Hospital chhung ka tlan luh rual chuan Doctor Hruaizela chu ka pan vat a, ngainatawm zet a min nuih in ka darah kut a rawn nghat a.

"Hahdam phawt rawh, thisen kan pe mek anih kha."
"Engtinnge a awm."

"Hlauthawng lo la, a hma ang bawk khan a chau leh mai ani, thisen var unit hnih leh thisen pangngai unit 1 saw han dawng zo se, a rawn harh leh vat mai ang." Ka bu ta nghat a! Thawk ka la a, ka hlauhthawn hman zia ka inhre thar chiah bawk.

"Lo kal rawh, a cabin ah ka hruai ang che." Doctor Hruaizela chuan hriat nuam zet hian a rawn ti leh a; muangchang in ka zui a, he damdawiin ah hian ba kan ngah in kan tlan lut zing em em a, doctor te lakah pawh ka inthahrung zozai tawh lutuk! Mahse ka nu damna tur anih phawt chuan mihring hmaizah te mai mai chu ka tuar thei zel ang.

Ka nu mutna cabin kawngkhar a nem hawn rual chuan ward fan kual a ngaih thu sawiin min kalsan a, vawikhat pawh leiba kan neih thu a sawi lang lo te hlei hlei chuan min kap run mai!

"Nu, ka awm loh laiin i lo tlu a maw?" Dimte in a kut cher riak mai chu ka chul a, thisen a taksa ah an thun lut mek a, Thisen cancer ani a, duh thal a pawisa kan neih miau loh avang in a mamawh ang thisen pawh a dawng thei lo a. Dimtein a sam țuak var phauh phauh tawh chu ka chul sak leh a! Țah erawh ka ţap eih tawh lo!

A khum tlang ah chuan lu ka nghat a, a kutţang hmawr lam chu ka hum a; thisen a dawn țhat hi chuan a leikang ve em em zel a, mahse sawi leh sawi hnu, thisen unit khat man lek pawh cheng zanga aţang cheng zaruk ani zel a, keini tan chuan mamawh khawp lei a har em em reng bawk si.
Mit ka chhing a, thawk la ham ham in ka insehruh leh a, tunah hian he damdawiin ah hian cheng nuai khat dawn ba kan nei mek a, engtiknge ka rulh zawh theih ang! Thaw ipik lutuk vang in ka țhu mar a! Țah te chu ka hlat tawh lutuk, mittui sen tur ka nei tawh lo ni ber in ka hria.


Zu zawrh te hi ka nu hian a duh ngai bik reng reng lo, a hmeichhiatpui tam zawk hmeithai a siamtu hmelma hlauhawm tak ani tih a hre ve a, kan chhungkaw tichhe tu pawh zu bawk hi ani. Mahse kum 2 liam ta aţang khan thisen cancer a nei tih kan hrechhuak a, in luah man leh kan nitin eitur leina tur ngawt ngaihtuah theih ani ta lo fo a! Kan chhungkaw kehdarhna bul ber zu ngei mai chuan ei kan zawng ve ta tawp a , mi tam takin hmeithai zu zuar fanu tia min sawi te hian nat aiin pawisak lohna ka nei tawh zawk, ka nu nunna kan chelh din ve theihna kawng awmchhun a ni miau si a.


"Kha putara kha ka haw lutuk.." ka nu khum bul chair ațang chuan tho chhuak in thawk ka la ta vak a, pawisa ka nei bawk silo leh leiba ka ngah lutuk bawk si chuan ka kawchhung hi a rawn hnawh tawt tup tup thei mai, tukverh lam ka pan a. Kha putar hausa zet kha engvanga uikawm em em nge maw anih le.

Kum 11 mi ka nihin ka nu leh pa te hi an ințhen a, ka pa hi first class contractor a ni bawk, mahse inah hmeichhe dang rawn hruai lutin ka nu a hnawtchhuak a. Ka nu ka zui ve a phal lo a, kum 3 chhung nuhrawn leh ka nuhrawn unaupa te nen kan cheng ho a, kha kum 3 kha ka nun zawng zawng inthlak danglam ţanna chu ani! Ngaihtuah let ka duh loh khawp a hun ţihbaiawm lai ber ani bawk a, kha ka thil tawn kha ka nu hnenah hian vawikhat pawh ka la sawi chhuak lo, a rukin hma ka la a, Hmingsangzuala puihna hmang in a taksa ka dah țhat theih ka inring bawk, tumahin an hriat kher țulin ka hrelo.


"Mate?" ka nu min kohna ri ka hriat rual chuan rang fe in khum lam ka pan vat a, chau zet hian a rawn nui lui sak bawk.

"Nu, i țha deuh tawh em?" Lu a bu nghat a, hmeichhe chhel tak zawng a va ni em. Mitmeng chau zet in kan awmna pindan chhung chu a en kual a, a ban ah thisen pekna hmun hnihah a invuah tih a hmuh tel rual chuan a rawn țhen ta sak a.

"Ba bawk kan insiam belh leh dawn ani maw?"

"Nu , a pawi lo, ka rul vek ang tih ka sawi tawh kha." Za vak lo hian min nuih a, ni e, hmeichhe kum 23 mi hian engtinnge kan damdawiin bill zawng zawng cheng nuai khat dawn hi ka rulh theih ang?

"Muhil leh la, i rawn harh leh hunah chuan thisen pawh hi a lo kal zo mai ang.." a rilru hah zawng zawng ka chhawk zo dawn lo tih hrereng chung in a sam ah ka chulsak ta tho a, engemaw sawi a tum nangin a chau hle aniang, mit a chhing leh ta siai siai a.

Kan vawikhat damdawiin luh ah hian cheng singthum dawn te kan sen a ngai a, zu zawrh hi a hlawk hran lo, Pathian phal loh zawng anih vang nge kan ei khawp ţawk ţawk bak kan thawkchhuak der chuang lo, damdawiin bill chu a zahve te kan han pe a, karhnih thum hnu ah kan tlan lut leh a! Tiang reng reng chu kan hun hman dan anih miau avangin sum chu ral chak tak a ni tawp mai. Doctor te chuan he hmun ah hian ka nu hi awm tawp tawh turin an duh a, mahse damdawiin awm man a pung chak bawk si nen a harh deuh chang a, in lam awm ka nu in a dil lui ta tlat a, kan harsat zia hria in doctor te pawh chuan a taksa a țha tawk lo chung chung min han thlahliam leh a. Aaa, damdawiin leh kan in hi kan kartawn tiila a dik ber ang.


" I fanu hi min neih tir mai la, ka enkawl țha viau ang che." Doctor Hruaizela chuan ka nu rawn harh chhuah leh rual chuan a fiam nghal lawng lawng a.
Ka nu pawh a rawn nui ve ta hak hak mai!
Doctor chuan a check kual zung zung a, tunah chuan a pangngai deuh tawh thu a rawn sawi chuan ka thaw huai thei.

"Doctor, kan ba kha eng zat nge ni tawh reng reng a?" ka nu chuan a rawn ti a, a aw ri chau zet mai chu ka lainat tak zet.

" ba lam chu ngaihtuah rih suh, hahdam tum la, i taksa hian hahdam a mamawh a nia."

" Nuai chuang fe ani tawh in ka ring.." ka nu bawk chuan a rawn ti leh hliai a, natna ţihbaiawm zet a kawl pawh thlaphanpui tham tawp ani a, sum harsatna vang leh zel a, a rilru a hah tel chu ka khawngaih tak zet! Mite hian khawi aţang nge maw pawisa hi an neih bik țhin le!

"Pawisa aiin mihring nunna a hlu zawk a, ba te kha chu ngaihtuah buai duh reng reng suh, i dam a nga, tihdan a la awm zel mai ang." Doctor bawk chuan a ti a, kei erawh pawisa thawh chhuah theihna tur ngaihtuah in ka țhu ngawi ngar thung!

Ka nu chu a țawng thlamuan mawlh mawlh reng a, a chang in a fiam pah zauh zauh reng a.

"Arintei hi min neih tir mai la.."

" kha thil kha ka nu fiamnan hmang ziah suh." Ka ti ta hlar, ka nu nen chuan an nui ta hawk hawk a, ka hua tih a hria a, ka nu fiamnan tak a hmang ta zut a.

"... nei duh an awm hi chuan pasal nei tawh se ka duh a nia, kei lah hetiang ka ni tawh si nen ngaihțha tak a ka kalsan theihnan ka kal hma ngei hian pasal nei hman se.."

"I duhtawk thei em?"

"Awww, Mamte ka duhthusam ka sawi mai mai a lawm." Za vak lo hian a nui a, thi mai tur ang a, a țawng chang hian he a fanu, khawvel ah amah chiah neih neitu hi ka hlauthawng țhin asin.

"I duhthusam kha thlak tawh rawh." ka ti leh hlak a. Doctor Hruaizela chuan kan nufa boruak, mangan rukna in a bawh luk mai rawn ti zang tur chuan ka nu chu thisen dawt țhin ang mai anih thu in a rawn chhaih zui ta chiam a, ka nu chu a nui zui ve hak hak reng bawk.


A chhuah dawn chuan a mitmeiin pawnlam ah min biak a duh tih min signal zauh a, a rukin ka bu ve nghat bawk.

"Nu, muthilh tum la, i damdawi tur vel ka va en ang aw " thawven hmel fe in chair ațang chuan ka tho a, engmah sawi lo in a rawn nui a. Ka bag ah hian cheng sangkhat chiah ka nei!

"I nu hian țhat lam aiin țhat loh lam a pan zel a nia, damdawiin ah hian tun țum chu awm reng ula ka duh." Dar ka kan ak ringawt.

" Tingawt hi chuan rei kan daih miah lo ang!"

"Doctor?" Ka ti chang fak, thawk a la hawk a.

" Dawnsawn a nuam lo ang tih ka hria a lawm, mahse thudik tak ani, dawt a țawng thlamuan che ka duh tawh lo, kan tlai palh thei!" a aw ri chu a hla vuat vuat maiin ka hria! Nghet tak in kut ka humruh a. Ka neihchhun ka nu hian min kalsan thiang reng reng lo.

" Sawi tur ka hre lo!"

"Ka admit nghal mai ang." Min zawt lo in min hrilh ani zawk mah! Ka bu ta nghat a! Ka nu nunna ka dah hmasa ber zel ang.

"Min nei duh nila chuan ka enkawl pui thei tur che ania.."

"He thil lo hi fiamthu thawh dan i hre hlawl a mawni le?" ka ti vak a, a rawn nui suk chu ka melh rum ngang mai!

" ka lo thutak viau mai thei asin."

"Ward va fang tawh la anih mai chu." Ka ti ta hlak a, nui hawk hawk chung in a coat var fual chu a siam țha a.

"E, damdawi ho hi a ngai tho kha em ni a ei dawn?" Ka ti leh rih a; achhan chu damdawii ngai anih chuan a thar lei lo in, in lama kan kawl sa ho ka han la thei.

"Umm, a ngai vek ani dawn, engmah thlaksak theih ani tawh lo." Bu nghat in ka nui lui a, a cabin lam a let tur a min kalsan nul nul chu ka en zui reng a, amah mai nilo, he damdawiin a doctor te hian a sum ang zawng pawn min ţanpui nasa tawh lutuk , a tir chuan ka zak ve in an hmel hmuh te kha hrehawm ka ti a, mahse he cancer nunrawng zet hi zahna aiin a chak zawk miau sia, tunah chuan Doctor Hruaizela ngei ngei pawh ka thlamuanpui viau tawh.

Kawtzawl ah ka chhuak a, cheng sang khat lek tak tak ka nei a, kan veng aţang lah he damdawiin hi a hla phian bawk si!

Ka vanvadak a, khua a tlai ruih tawh, ni a tla tawh chu kawl eng phut in a rawn thlak a!

"Pawisa min pe mai thei lo em ni?" Beidawng lutuk in ka rum zui hak bawk!

"Chimawm?" Ka phu dawrh thei! Hepa aw thum zet hi ka phut phah ta fo bawk.

"Motor ah heng hi i theihnghilh a!" Ka hma ah tak a rawn ding thim khup ka ti mai! Min melh ngur chung in a ban a rawn lek chhuak a, min tih phut nasat lutuk tih reh tum chuan thawk ka la vak bawk.
"Khawi." tih leh a kut a ka id card leh lehkhabu te chu ka pawt thla nghal nawk bawk. Ka chetdan chu ani police officer mahni dik ber a inngai reng chuan a lawm hlawllo ani ngei ang. A rawn rum ta nghut reng.

"He hmun i tlan luhchiam chhan kha engnge?"

"I lo buai ve na tur a awm lo." Ka chho melh zawk a, ner nawk in a thle buk bawk, a hmel pa zet hi hmeichhe tam zawk chuan an vei zui khawp ang, kei erawh in he a pianphung țha tak leh hmel pa zet nilo, a Police officer anihna hman ţangkai ka tum thung.

" Zanin a ka thiltih sak tur ah che hian pawisa ka mamawh.." amah kalsan ka tum zet tawh nangin ka rilru ah engemaw rawn lut thut vang chuan ka sawi duh loh pui ka sawi ta tawp! Ngeiawm zet mai a a nui ri suk ka hriat rual chuan ka inhumruh nghek a.
"Umm, pawisa min pek dawn loh chuan zanin hian ka pui ngai dawn lo che." Ka dar kan ak in ngeiawm fe in ka nui ve hak bawk.

Engmah a sawi leh hma chuan ka kal nghal nal nal a.

Ka hlat tawk ta maw tihah chuan mahni inngei lutuk in ka ban chu ka piai hlak a, khapa hrawlpui khan hmeichhe dukdak lo zet angin min ngai tawh a, pawisa ka duh thu ka sawi rual chiah phei kha chuan min hmusit ngawih ngawih ang.

' mi â nu!'

"Engvanga pawisa mamawh em em reng nge i nih?" ka hnunglam aţang mipa aw thum zet rawn chhuak thut avang chuan ka ding leh dat, Ka kut nghet takin ka hum tlat bawk.

"Nitin hian pawisa men in i meng maiin ka hria." a ti leh hluk bawk. Ka inher a, ka nui sak min hmuh rual chuan chapo zet hian a vanvadak a, a kut pahnih a jeans kekawr ipte ah zen lut hlun chung chuan a rawn nui chhuak hawk bawk.

"Vertherna i pai tel reng tak bawk e." A țawngkam ngeiawm zet vang chuan ka ner ve nang mai!

"Pawisa chu min pe dawn nge dawn lo?"

" I mamawh chhan a zirin." Hmela mai mai chu!

"Theihnghilh rawh, nang hi chu i thih hnu ah pawh sum i ui lutuk nalamah i pawisa zawng zawng i kuang ah khung tel turin i ti hial duh in ka ring.." ka nui seih a, ka mit erawh in ka melh rawm thung.
"Thu mak pui pui hi chhak chhuak țhin lo teh." a rawn ti hluk.
Inher hmak in hmalam ah ka pen leh chiah a.
"Ka rualin haw rawh.." nelawm loh ren run viau mahse taxi lakna tur pawisa ka nei lo. Offer țha tak ani.

" I nelawm loh hmek hmuk viau nangin i rual chuan ka haw mai ang." Hreh hmel zet in ka ner lui nang a, ka inher leh rual chuan min lo nuih suk bawk.

Motor dang inhun dulna lam pan a, a pen pawk pawk chu ka zui ve zel a, reife aţang khan social media ațang amah hi ka chhui reng tawh! A chanchin tam tak a awm lo, Champhai lam chhuak, chhungkaw hlun tak leh huan zau tak nei, a ro rumin thil dik lo a haw hle tih ka hria a; ka mi duh tak ka hmu ta ah ka inngai bawk! Tualthat tur khawp in a huaisen em ang chu maw!

" I hman ngang loh chuan kan țhulh thei ania." A bolero bul ah kut kuangkuah hlun in a lo ding run. A thusawi zawh chiah kha ka hresual bawk em! A chhan chu a aw rik dan a dam lutuk a, ka hriat sual anih ka ring.

" Tlai lam a i awmdan en kha chuan zanin che chhuak chi i niin ka hre lo.." a vawikhat nan tak tak ka lakah țawngkam nem a hmang ve anih chu!

"Pawisa min pek dawn chuan zanin ngei hian kan zo ang." ka ti sep a, min nuih tawh lo a, ţawngkam ngeiawm zet pawh in min ţawngkhum fuk tawh lo! Kei aia a san zawk miau vang in ka melh chho a, uluk lutuk in min lo en ve ngur bawk. A hmel pa zet leh chang run mai ah hian engnge a ngaihtuah chu ka hre lo, a hriat loh chu, taxi fare tur a ka dil pawh kha ka nu damdawi tur leinan ka hmang! A in piah mai ah khan chhuk in bus in ka haw a, Chuan.. a țhianpa pawisa ka dil pawh kha ka nu damdawi ka leina bang in nepnawi ka lei.

" Eng harsatna chiah nge i tawh?" nghet zet in a rawn ti churh a. a hmel landan a dam ta thlup, vawiin te kha chuan min tihnat pawh hrehlo khawp in a awm a nia.

"Lalrinmawi.." a rawn ti leh sup a, ka hming engtinnge a hriat tih zawh ka tum nang in tun lawk khan a kut aţang ka id ka la chiah tak e! Dawhtheih loh hmel fe a min en run tu chu thawk la halh in ka chho melh a, Ka harsatna zawng zawng hrilh vek erawh ka tum der lo.

"Mimal buaina." Dar kan ak in ka nuih lui a, a hmel chang zet ah chuan a duh ang chhanna ka pe lo tih ka hria.

"I mak ani tiraw?" zawi sup in a rawn phun, ka melh ta rawm ringawt.

"Babe?"

Kan piah deuh ațang hmeichhe aw tliang nalh zet a rawn ri hliai a, Ka hma a ding taksa hrawlpui mai chu a thawk lak vang in a che awk maiin ka hria.
Ka inher a, hmeichhe sang țha zet leh nu hnap mai kan lam panin a rawn kal ve mek bawk. A rawn nui seih a, mizo hmeichhia anih ngat chuan ka hmeichhe hmuh tawh zawng zawng ah a hmelțha ber hial ang!

Taksa lum in ka taksa a rawn si zui zat, mak tia ka dah chhoh haw rual chuan Hmingsangzuala chuan ka kawngah man in a taksa si chet in min pawt nghal hmiah anih chu!

Hmingsangzuala nen kan taksa insi chet a rawn hmuh ve rual chuan a nui hmel chu a tawp riai riai a, nuam ti lo zet in a rukin Hmingsanga taksa aţang chuan tal hran ka tum a, tha a rawn pe nasa sauh va, ka melh zawk rual chuan a rawn kun hniam a, a hmuiin ka chal a rawn nawr a. Ka meng bial kawk in ka ring.

"Reilote." zawi sup tak tak in a rawn ti leh a, a din mar leh rual chuan at hmel zet in kan hma a hmeichhe rawn ding chu ka melh ta ngawt. A sang țha bawk a, Hmingsangzuala hi a chen thuak mai!

"I țha em?" Dam thlap in Hmingsangzuala chu a bia, ka chhoh en ve kiau bawk.

Kan pa hrawl-a chu a bu nghut a. Hmeichhia zawk chu a rawn thaw leh halh bawk.

" kan inhmu leh ta chu a nia." Hmeichhia vek chuan a rawn ti a, a aw ri chu nalh ka tih zawng tak.
Hmingsanga zawk chuan ngawi ngul in a melh run ringawt, kei ve lem, ţawngkam na tak tak in min țawngkhum fuk fuk a, henu bulah hi chuan a in la cool raih raih tak ani. Over leh lutuk!

"Oh, hei tu nge?" Min melh ve ta hram e, a nui sang a, a lu a zo vah bawk, vawiin lamah smart suit ka lo ha lo ang tih ka hlau ta hluah hluah bawk, a inchei dan simple ru zet chuan hmeichhe dang a pet tho nalh ang tihtur khawp in a pian nalhzia a pho lang hneh em em a, za lo te in ka nuih let a.

"Ka nupui hual, Bawihi anih hi!" Hmeichhia chu a hawi ta dawrh a, keipawn Hmingsangzuala chu ka chho melh nghek bawk! Dawt muhlum lutuk a sawi chu a ngal ah tak pet pawp ka chak kher mai!

"Oh.. ah, nupui hual.. wow!" A ban a phar kak hliai a. Thah mai chak lutuk in Hmingsangzuala chu ka melh ngawt ngawt mai.

"Zosangi ka nia." A kut a rawn lek chhuak a, tlanchhiat daih ka tum tih ka taksa man bet tlat tu hian a hria ani hrim ang, ka kawng chu a rawn hmer salh a. A pawi tawp lo e, pawisa ka dil belh theihna chance anih hi.

"Arintei." A kut ka vuan a, a mitmeng fiah zet chuan ka taksa a enkual dan dan a. Rang zet in ka kut ka la let bawk.

"Nupui hual.." a hehsen nalh zet pet chung chuan Hmingsangzuala chu a melh leh ralh, an hming ah ' Sang' tih a tel ve ve a, unau an nih te ka ring leh ta deuh! An hleitling dun dan te pawh a in ang chiah a lawm.

" Arinte, pawi i tih loh chuan aa, Hmingsanga hi ka be lawk thei em?" nuam lo tih hmel zet hian a rawn ti sap a, Hmingsanga chu ka melh a, min lo en ve chiah bawk.

A mit chu warning min pek tum ang hrim in a thim mup bawk. Mahse a game khelhna tualzawl hi ka tuina lam ani ve nek lo.

"Inbia ula.."

"Sawi tur i neih chuan Bawihi awm lai hian sawi rawh." a rawn kun hniam a, a khabe ruhkual in ka bek a rawn nawr leh zauh a, a aw ri zawi tak si leh khauh ru fur mai chuan Zosangi chu a ti hamhaih deuh a ni mai thei! A hawi kual ruai ta mai!

" a biak duh che chuan inbe lawk ula." Zawite in ka ti sep a, Hmingsanga zawk in min en reng tih ka hria. Mahse unau an ni pawh in ka hre tawh lo, Zosangi zawk hian nuam a tih loh hmel tak zet bawk.

"A pawi lo, nupa nimai tur chuan engkim in hriat a ngai alawm." A rawn nui leh sak a, mahse a nuih dan a dang ta hlawk thung. A hmel a that ang bawk in hmeichhe fing tak anih ka ring ta bawk, a chiai reilo e mai!

"Carlos-a hmuh ka duh a." Hmingsanga en in a ti a, kei erawh ka ding ngawi ta reng thung.

" Hmuh chhan tur nei in i inhria em?" a aw chhum hmuk vang chuan ka lo ner nang mai!

"Ka nei a lawm."

"Aih, i nei lo, a tan tumah i ni lo, chutiang bawk in mihran in an hmuhna chhan tur a awm lo." a aw rum zet chu ka dawn ni ngat se a hmai ah hian ka ham loh a tâkah!

" aa.. ka."

"I sawi duh i sawi zo tawh anih chuan chhanna ka pe tawh bawk che in ka hria, kal tawh rawh." a ti leh hluk bawk, a taksa ţang țeuh ah chuan thinrim inthunun tum a ang ta ber in ka hria.

"Bawihi, motor chhung ah lut rawh le, tihtur kan la neih kha." Zosangi a biak dan leh min biak dan aw ri dang hneh lutuk chuan min shock ani tawp! Ka dak chhuak a, nui suk chung in lu a lo bu nghut a, lemchan chu a lo thiam ber anih hi, min duat hmel lutuk in min melh sawr sawr mai. Zosangi chu ka en leh a, a unaunu ang a ka lo ngai ngawt kha mak ka inti zawk! Hmingsangzuala hi a duh tih mi â ber pawn tunah tak hi chuan an hmu thiam ang.

"I danglam ta hle mai." A sam nung zet a chhip lam a tuai chho puat pah chuan a ner nak a! Chiang lutuk a ka taksa a melh chhuah leh vek hnu ah a kalsawn ta chiah bawk, Hmingsanga taksa a chet vut rual chuan passenger side lamah min kuah lut a, a taksa a sa vung vung bawk.

"Engnge a awmzia." Kawngkhar zawn kan thlen chuan ka taksa a a kut chu phelhsak ka tuma. Rum hawk chung in Bolero bang ah min nawr bet hmiah anih chu! Chumai pawh nilo in bolero bang chu a ri dawt a, ka phu chiang lutuk in a shirt tlang ka țham tawm nghal tlat bawk. Thawk ka la a, a ni erawh a rum thung!

"Hmela engnge i h...." ka sawi zo hman lo, ka darah khabe a rawn nghat bawrh a, hliampui tuar hrep ang chiah hian a kawchhung lam aţang a rawn rik zui hrawih rual chuan ka lo insehruh ve chiam ringawt a!

Rem lo zet in ka ding ta reng! A thawk lak dan a nâ in a ka chhung ațang boruak rawn chhuak chu a lum huam huam a, ka dar hi a hem hmin thei hial ang.

"Kalsawn tawh rawh." A dar hrawl zet in ka kâ a hliah tel miau, ka țawngri hre lo ang maiin a ban pakhat in ka kawng a rawn man leh a! Min kuah bet ta tlat a,A awmdan hi ka hrethiam hlawl lo! Nem leng nawlh mai ka chak zia chu!

"I damlo a mi?" ka ti sep a, a chhan chu a taksa hi a sa vek.
"Ih.. damdawiin kan hnaih lai hian doctor i hmu duh em?"
"Khawngaih takin i ngawi rih thei em?" a rawn ti hrawih, a awm zawn ațang min nghawr dawr dawr bawk.
"Damlo i ang em a!" Ka ti let hram! A rawn thaw hawk a! Mahse min la nawr bet reng tho.
Engtia rei nge chutiang chuan ka din ka hre lo, a shirt tlang ka țham tawm tlat chu ka thlah a, bolero bang chu ka tukhum in ka nawr ta nge nge bawk! Min rawn hmu tu awm ta ngat se, mak min rawn ti dawn lutuk!
"En teh, kan awmna hi khawlai ani tih i hria em?" a chetsawm eih loh vang chuan a awm ah nem tum in ka kut pahnih ka chet a, engemaw ka dap fuh rual chuan phawk lutuk in ka meng kawk thei!
Silai ka khawih fuh anih chu! Hepa pui hian vawiin te khan silai hi a lo ak kual char char a maw!
"I kalsawn loh chuan i ke ah hian ka rap vak dawn nia." Ka ti a, a dar tihrawl in min nawr bet tlat bawk si chu ka țawng ring hlei thei der lo.
"Hmingsangzual!"
Țawngkam chhe zet phuh chhuak hluk chungin a ding mar ta vut a! Ka thaw huai mai! Lungpui kar a tang ang hial khawp in a lawm min nawr beh ni.
"Lut rawh.."
"I chetdan kha sawifiah i tum miah lo a maw?" ngeiawm zet hian ka nui hak a, a duh ang ang a min tih kual a tum chu keihian ka ngaithei lo tih inhre rawh se, a kut pahnih in a kawng a dawm a, rum lutukin min melh nek bawk.
" Dawtsawi chu i lo hnehsawh ber anih hi tiraw?"
"Naupang te te si, i chaltlai hret zel, lut rawh." A ti leh hluk a, ka darah a rawn man a, min nem tawlh a, bolero kawngkhar a pawt hawng zui zat bawk.
' ka huat zia che hi' ka ti hlak, i lut dawn nge, ka tlan san dawn che.' ti ang hrim a min melh leh run tak ah chuan ka theih ang a rum in ka melh ve ta nghek a!
"Khatia min melh rawm rawm lo khan lut vat mai teh."
"Ramhuai palian pa." Bolero chhung ka luh hma chuan a awm ah tak ka su lui sawk kher a, a phun hluk chu engahmah ngai loin kawngkhar chu ka vuan a, ka țhu lutuk ang, na lua awm lo in ka pawt khar nghal dawp bawk.
" ka duat lai anih hi aw." Chhunglam a ka țhu tawh chu lungawi lo fe hian min rawn melh ngur ! A duat lai hian nâ a hre miau lo.
Phun hluk chungin hmalam aţang a rawn kal hual a. Kha hmeichhia kha tunge anih ka hre chak ta hle bawk. He mihring chapo lutuk mai chau tak a siam thei tu kha a tan tu chiah nge anih ka la hre vat ang.

A rawn țhu lut ve a, motor body chu a hniam suih a. Pawisa ka sawi kha a theihnghilh loh hram ka beisei.
Parking aţang a tlanchhuah rual chuan front glass a her rem a, kan tlan san tawh lam chu glass ațang chuan a melh zui ngur bawk.
Amah hi a ngainatawm lo in a thu a duh em em reng bawk si, kha nu khan engtinnge a duh theih le! Kei hi chuan mipa chapo tak leh rorum tak angin ka hmu a, a taksa hrawl zet hi a inlak veina pakhat a ni ve maiin ka hria.
"Chuan, eng atan maw pawisa chu i mamawh a?" Tun lawk a thil thleng kha hre zui lo ang hmak hian a rawn ti hluk.
"A chhan i hriat a țul kher lo, pawisa tel lo in zanin hian ka pui dawn lo che. Chu zawng chu." ka ti sep a, min ngaihtheih loh hmel fe hian a ner zui nawk bawk. Ka mitsir zeuh va, hetia hnial pang pang ngam tur hi ka ni bik chiah lo, kan in len hleih lutuk, a thinthawk in min han nam lawp se zawng, ka per nawlh thei ang tihtur khawp in a kutphah pawh a hrawl tham a, a khaberuh kual ringawt pawh hrawl tham tak ani tawp mai! Mahse amah ah chiah hian beiseina ka nei ngam a, ka hlau ngawt dawn lo bawk.

"A țha e." a rawn ti ta nghut a, ka en nghal ha chu min nuihsawh hmel fe in min lo khik khum suk ta kher bawk.
"Kha nu bul ah i nupui hual ang a min sawi ringawt vang pawh khan pawisa ka duh." ka sawi zawh ruala chimawm lutuk mai a a lo nuih suk avang chuan ka melh rawm a.
"A țha e, pawisa ka pe che a nga, nang hian ka duh apiang min tihsak ve bawk ang." a thusawi tawp lam ah chuan min hmuhsit hmel fe hian a nui tel leh hawk kher bawk!
"Aih, zanin chiah hian pawisa ka duh."
"Oh, zan dang ah i mamawh miah lo ang maw?" a rawn ti hawk bawk, ani hian tenawm takin min ngai anih pawn min ngaihdan hi thlaksak ka tum buai peih lo. Tunge ka ni tih ka inhriatchian chuan a tawk hle.
" Vanduaithlak takin zanin atan chiah pawisa ka mamawh."
"Zan dang ah lo mamawh ve ta che ila!" a ngaihtuahna tenawm zet vang chuan a hmuh loh turin kut ka humruh nghek a! Chhan let nek ka tum nangin țul ka ti ta lo.
Ka țhu ngawi ta ngal a, Hmingsangzuala hreu hruau pawh chuan motor khalh reng chung chuan min melh zawk zawk reng a, a țawngkam na zet vang khan che thut in steering her kual in kawngthlang ah hian ka tlan liam pui daih dawn mawni le!
' het, chutiang ngaihtuah suh, i nu in a la mamawh che!'
Khua a thim țan tawh a, Aizawl khawpui chhunglam pana motor tlan pawh a vang sawt hle, seat ka ngheng a, Ka ngaihtuahna hria ang hrim in music a rawn play leh a, mit ka chhing ta daih a! A thaw ve ham ham ri pawh ka hria! Min inhnial pui nek thei ta lo chu a lawm vak lo ani mahna!

Hahdam tumin ka taksa ka thlahdul a, țum eng zat nge ka nunna lak ka tum pawh ka hre seng tawh lo, ka nunna lak ka tum hmasak ber țum chuan kum 12 a upa ka ni a, mahse kan hnathawk tuin min rawn hmu a, min dang ta hram a, khami kum khan țum hnih intihhlum ka tum tawh a, ka ban a thisen zam ka zai chat tawh a, kan inchhawng sang ațang ka zuang thla tawh bawk. Mahse chunglam tehhrep khian ka nunna a la lo zel a, leiba nei țeuh chung in ka la dam ve ta reng anih hi!

Motor ding nghing dawt ah chuan peih lo zet in mit ka meng a, kan in kawt ah kan lo ding tawh a. A lo thim țhiap bawk.
"Zan i mu țha lo em ni?" mipa aw thum leh zawi zet ka hriat rual chuan ka phu dawrh thei! Rang lutuka a țhutna lam ka hawi rual chuan a phun ta hluk bawk. Light a rawn ti eng khap a! A hmel ka hmuhchian rual erawh in ka thaw huai thung!
"Ih.."
"Cheng sing khat ka pe ang che." chil ka lem dawk ringawt! Ka muhil ka harh rual hian ka la buai fo zel a, chu erawh a hriat ka duh lem lo.
"A tlem lem loh chu." Ka ti hlak, a khi suk chu min tih elna vang bawk ani tih ka hria.
"Dar 8 ah a ti a.. a.. ka rawn.."
"Ka rawn lam ang che." A pawi lo khawp ang chu, pawisa seng a taxi hman a ngai leh dawn lo hlauh e.
"A țha e." ka ti hlak a, singkhat khat min pek ka ring lo a, ka leiba ngaihtuah chuan a la tlem tham lutuk, mahse zankhat a hlawh atan chuan a tam lutuk thung! Chhunglam a ka nui sak a hriat duh lo in bolero ațang chuan ka chhuak tharh a! Kawngkhar na zet a ka khar leh chuan a phun leh hluk dawn tih ka hria. Nui sak chung in na fe in kawngkhar chu ka nem phui ta dawp a, ka ngaihtuah ang chiah! A phun hluk a, a steering humna kut hrawl zet chu a lek kang uk bawk! A hausa tih ka chiang ve e; a lo chhe palh anih pawh in a thar a lei leh nghal thei ang chu!
Ngawi reng in kawngkhar lam ka pan a, tlan chhuak ta mai lo a, a din ve reng vang chuan nuam ka ti chiah lo.
Kawngkhar tala ka hawng a, ka la thla a, a la tlan chhuak ta chuang lo.
Inchhung ka luh a , light ka hmeh en rual chuan engin a ti nung ri ka hre ta chauh a, ka inher a, kawngkhar ka khar phui tur chu min lo en run anih chu!
"Khatia min en reng man kha pawisa ka dil belh hma che in tlan vat rawh." Duham min tih hmel fe hian chal a chuar tup a, ka melh ram thung! Lu thing nghut in a tlan chhuak ve ta hram bawk.
Kawngkhar ka pawt phui a, pindan lam ah ka lut tlang a, ka nu damdawi dahna bawm te chu ka pawt hawng a, karhnih daih vel chu a lo la awm ve ram mai! Ka bag ah a len vek dawn loh vang in bag dang ka la ta zawk a, a damdawi pakhat man pawh hi a sang em em a, ka tan pawisa a hlut zia tuman min hriatthiampui kher lo ang.
Kawngkhar a rawn in kik ri thut a, ka hawi nghal hra bawk.
A rawn inkik leh dawt dawt a, zu la duh an nih ka ring ta deuh, ka nu zu dahna chu ka enkual zung zung a, mahse fun khatmah a nei lo.
Room aţang ka chhuak a, kawngkhar chu zim te in ka nem hawng a, pawnlam a mihring lo ding hmel ka hmuhchian rual chuan thlabar lutuk vang in ka let tawp lo chauh!
"Kan inhmuh lohna a rei tawh hle mai!" a khabe tuai hauh hauh chung chuan tenawm zet in a nui a! Kei erawh ramhuai hmu ang maiin ka dang lawp lawp thei ang.
"Putar'an pawisa i mamawh thu a sawi a, ka țanpui theih tak che in ka rawn kal anih hi.."
"I țanpuina ka mamawh lo.." rang lutuk in kawngkhar pawh phui ka tum a, mahse a ke hnuai lam ah a rawn rawlh lut a, kawngkhar chu a rawn pawt kau zui zat bawk!
"Kal bo rawh."
"Shhit, khatiang in mahni putea te an țawngkhum ngai lo.." ka naupanlai chuan he aw ri hi ka hlau țhin lutuk! Rawn lut tlang tawp pahin kawngkhar bulah chuan min dinchilh ta hmiah!
"Thi sawn la anih mai chu." Ka ţawngkam chhe zet a vang chuan a ner nawng a, kei erawh in ka tên a, ka rap a, aaa! Kum 12 mi ka nih laia ka chung a a thil tih vang khan ka.. ka hlau bawk.
"Pawisa chu engzat maw i mamawh."
"Ka mamawh lo.."
Nui chung in lu a thing a, ka thinphu a rang dawt dawt thung.
"Putara i rawn biak lai khan a kiang ah ka awm a lawm, chuan, engtinnge i awmna ka hriat tih i inzawt bawk tiraw? Putara vek khan min hrilh mawle."
"In pahnih in ka la that ang che u!"
" i la kawlh reng anih hi.." a ti hluk a, min din hnaih rual chuan rang lutuk in ka ban ka lek chhuak a, a ding ve mai bawk.
"Inven dan i hre ve ta hle mai."
"Midang tihhlum dan te pawh." A mit ah tak en chung chuan ka nui sak a, a ni erawh h*r hmel zet in a meng duar duar thung.
"Arin, i nu chu engnge a an?" Țhenawm nu aw ri vang chuan keini pahnih chu kan hawi dawrh a. Ka nuhrawn unaupa pawh chu inchhung lam ah a kal ta daih bawk.
"Ih, thisen kan pe a, a zia ve deuh hei kal leh ka lo tum chiah a."
"A tihzia hlauh a, chaw te i ei tawh em? Kan lo chhum kep che a nia."
"Ka ei chak rih lo, ka lawm lutuk tho aw."
"Lawmthu sawina tur a awm lo, i duh chuan zinglam ah kan in ah rawn ei la." a ti leh a, kha pa nen kan inhmachhawn na lam ah khan ka lo țang hle ania nge, thawk la ham ham chung in ka bu ta nghat a.
Țhenawm nu awm lai hian saw mihring saw hnawtchhuak bawk ila a rem hlauh ang chu!
"Ka pu, ka chhuah a ngai tawh a, chuan zu kan nei lo." Min lo en reng tawh sa vang chuan a rawn nui suk a, Țhenawm nu chuan an kawl thu min hrilh ru sar sar a, zu vang a lo kal anih loh zia hre ngat se zawng!
Pindan ah ka lut a, bag ka ak a, pawnlam pan a ke pen thawm chu ka ngaithla ru kar bawk.
" Zu lak i tum em ni?" Țhenawmnu țawngri vang chuan ka thaw huai mai! Rang takin pindan chhung ațang chuan ka tlan chhuak a, kawngkhar bul bangrêl a tala leh chahbi chu ka ban sawk sawk a, light ka hmet thim a, kawngkhar ka nem phui bur bawk! Chumi rual chuan khawvela ka mihring huat ber mai chu a lo nui ve bawk.

"Arin, i inthlak dawn lo em ni?" Țhenawm nu chu ka melh zawk a.

"A hmanhmawh thlak a, ka kal mai ang."

"Ka thlah dawn che em?" Ka insehruh țeuh a.

" Min thlah tluk in ka lawm e." Nui sang in ka en a; ka mit erawh in thip fe in ka melh thung! Ngeiawm zet a a dar a kan uk mai chu chil chhak țhawt mai ka chak et et bawk.




"Wow, co-incidence ah chuan a la țha ber ang." Kawngpui ah car rawn ding ve chiah chhunglam aţang chuan Doctor Hruaizela a rawn țawng ta lawng lawng a. Ka thaw huai mai!
"I night dawn mi?" Ka pan a. Lu a lo bu nghut a.
"I rualin ka kal ve ang aw."
"Tehreng e.." nui chung in kan kawt a țhenawm nu leh ka nuhrawn unaupa chu a melh zawk a, zu zuar kan ni tih a hre vek tawh a, zu lei duh anga a ngaih hram ka beisei.

Car hnunglam aţang kal hual in driver side lam ka pawt hawng a, kan kawt a indinchilh ran te pahnih chu ka melh ve zawk a. Ka nuhrawn unaupa chuan ' tun hi a tawpna tur anilo' ti ang hrim in min lo nuih sak! Ka hmu leh ngai anih chuan a chaw ei turah tûr ka phul tawh ang!



HMINGSANGZUALA'S POV

(Zirtawp zan, kan sabbath zan ah STORY ka dah ngai lo. 🌹)

Zosangliani! Zosangliani!

Motor chung ah ka țhu ngawi run a, kha nu tehhrep kha tunah tak engvanga rawn in lan leh nge anih!

Rum nghut chung in seat nghenchhan chu ka tauh ta dawt, kum 3 lai liam tawh hnuah pawh a landan a la pangngai reng! Ka hming a lam leh lek phei kha chuan chhan hriat siloh in ka tha an bo duak anih kha! Khawvel hmeichhia a ka hmangaih awmchhun anih vang ani mahna!

"Ka hmangaih lo!"

"I hmangaih, i theihnghilh thei lo."

"Uire nu anih kha!"

"Chuti chung pawn i thinlung khan hnaih a la chak reng a ni lawm ni!"

"Aih.. engmah i hrelo."

"Engkim ka hria! Ngaidam in bul i ţanpui leh dawn!"
"A teuh lo lutuk! Uire nu, hmeichhe sihhnip zet kha keihian engatan mah ka ti nek lo e!"

" Kan la hria ang chu, a hmelțhatna khan i chak loh lai berin a zem â leh dawn che."

"Ngawi hmak rawh!" Ka au chhuak ta țhawt a! Ka thaw hrawk hrawk bawk!

"Ngawi tawh rawh.." motor chunglam melh ngur chung chuan ka rum chhuak hawk! Kha hmeichhia kha ka hmangaihna dawng tlak ani reng reng lo! Ka hmangaihna hrethiam lo a min BUMTU leh hmeichhe uire mai ani bawk!

Mit ka chhing a, a hmel țha zet rawn lang nghal zawk chuan min delh rit kher mai! Phat tur a awm lo, ka hmeichhe hmangaih leh chhungkua hial ka dinpui tawh ani a, mahse kan inneihna zungbun in a phuar theih loh khawp a mipa dang mamawh tu ani lawi si!
Engvang tehhrep a ka hma a rawn lang leh ngam nge anih?!
Ka hmangaih lutuk tih a inhriatchian em vang pawh a nia nge!
Ka phone rawn vibrate chur chur vang chuan ka rum nghut a! Ka kekawr ipte ka zen ruk ruk a, phone screen a Chimawmi tih rawn eng zak zak chu ka melh ngur a. He nu tereuh hi lo awm lo ta se vawiin khan ka chebuai fe ang! Na taka min siam a, nunphung dang hlawk min hlang kai tu hmeichhia vang a ka chak lo ta ngawt kha min nuihzat tawk lo awm pawh nise ka dem hran lo! Hei erawh ka hria! Kha hmeichhia in min tihnat zat ang chiah khan ka ngai țhin a! Uire nu ani tih hrereng chung in ka chhunglam hian a zawng ru fo a! Min bum tu anih miau avangin hnaih leh erawh ka tum chhin ngai lo.
"Umm."
"Min rawn hruai dawi i ti a ni lawm ni!" Hlir hler mai a.
"Ka rawn kal dawn chiah." ka ti nghut, motor chhung a light chu ka ti eng a, ka ban a sana chu ka bih zui vut bawk.. dar riat a lo hnai tawh kher lah tak a!
"Rawn thleng vat ang che." A bulah awm ngat ila chuan ka pen lawlh tak tak ang. Amah zawk in phone a off zui ta hmak bawk a! Motor hmalam ah phone chu ka theh kai a! Ka hmai tuai puat chung in thawk ka la zui ham ham bawk!

Ka fight chhuak em em ang!

Rv lam pan bawk in ka inkhalh chhuak a, Zosangi vanga hna ka mangnghilh țhak chu țullo ka ti hle bawk.
Mipa dam thluam ka ni ngai lo, tumah ka care em em hran ngai lo bawk, mahse Zosangi ka tawn aţang chiah khan mipa buluk lutuk țhin kha ka pangngai chho ţan a, ka naupanlai aţang tawh sipai leh Police lam hi ka ngaisang em em țhin bawk. Naupanlai aţang chutiang lam atchilh tlat tawh mipa naupang chu rorum tak in a țhanglian chho ngei ngei bawk ang, mahse kha hmeichhia khan min thunun thei tlat a, tumah care ngai hlei lo khan ani erawh ka duat em em thung țhin, tihnat ka hlau a, a lakah pawh ka thikthu a chhe ngang țhin bawk. Carlos-a a pai tirh phei kha chuan kehthei dawm tak meuh meuh in ka dawm a, aaa mipa thinlung khawng țhin lutuk kha mipa ngainatawm tak ah min thlak hlawk tiila a dik ber ang, a fing a ka chhungte lam lahin an ngaina em em reng bawk. Min hnial ngai lo a, a nunphung nu hnep leh dam raih reng vang khan ka luangliam nitin a! Amah ang a hmeichhe țha famkim an awm tawh lo hial ang tih hi; a uire ka phawk hma zan thleng a ka ngaihdan ani țhin reng bawk.
Mahse, kha hmeichhe nungchang duhawm lutuk kha a lo sihhnip em a, kan inneihna zungbun in a phuar nghet ve zo ta lo a! Kha zan a ka natna tluk kha khawvel ah hian natna dang ka tuar leh tawh kher lo ang! Ka tlawm ngawih ngawih em bawk ani!

Kawngkhar a rawn inhawng ang, hmeichhe ngal sin sal mai in step a rawn rap a, chik lutuk in ka melh ta run bawk!

A vun var thianghlim zet ti langchiang tur takin kawrfual sen chhing té a ha, țullo tawp in bawiha zawk in a lo hre rang bawk, min rawn hmuh ve rual chuan rum zet in min melh ta rawm a, bawiha a kaitho zual sauh tih a hre tawp nang! Lawk! A hre lutuk zawk ang chu le! Ka nui suk a, zanin a landan kher kher chuan mipa tam tak chakna a ti nu bat thei ang! Phat rual loh in ka bawiha ngei pawh hi a tel bawk.

Pheikhawk sang zet a bun chuan a ti lang sang ve hlek! A kawrfual sen duk hak lah chuan ban a lawi a nei der lo! Hrui sinte a inbat a, chhunglam ah engmah a ha miah lo tih a chiang reng bawk.
"I rei lutuk." A hmui sen hlar mai pet sawi nang chung chuan min melh ngar a! Kei erawh ka hawisawn ta vut thung. Mipa tam tak a mutpui tawh zing ah ka hming a tel ve mai loh nan ka inthunun ngai miau hek!
Kawngkhar a khar ve thlap, inchhung light in chhun eng tawh lo mahse a vun var vak mai chu a langchiang em em thung! Motor lam panin a rawn pen ve pak pak a, han sang deuh hlek se chuan model lamah kal daih se a ti mi phian ang.
"Ka pawisa tur i rawn keng em?" Leh thawr mai a. A rawn țhu lut ve tharh a, 'kawngkhar na zet a a pawh phui leh chuan a hmui sawn a tuar ang' ka ti rauh rauh thung.

Ka ngaihtuahna hria ang hrim in dim zet in a pawt khar a, a awm lam chu duh aiin a langthui mah mah bawk!
"Mawh?"
" I hna tur i thawk zo phawt ang chu le!" a ner ta nang a, a landan sexy ta dawrh vang chuan ka en reng thei mai dawm lawm.
"Kal vat ang, let leh vat ka ngai dawn nia." A bag gold rawng a tle sep sep chu a malchung ah a dah ve thek a, a awm bawr leh a malpuiin khuh tu mumal a nei lo tih vengthawng lo lek in tukverh ah a kiu a nghat a, a sam kawi hniang chu a chhip lamah a hui chho a! A awm bawr lian lo tak chu a lang itawm zual sauh bawk.
Lu ka thing ta nghut a, bawiha lo țang ve run chuan awm a ti nuam der lo.
" i kawr tawngchham zet kha hei hian khuhbo teh." Seat hnunglam a ka jacket ban chu ka la vut a, a malchung ah ka theh chho tawp.
"Hmela.."
"Inkhuh țha rawh ka tih anih chu."
"I thu lo chiang e." Meng ling hlar chung chuan ka jacket chu a țham tawm a, motor chhuat ah a theh thla nghal daih bawk.
"Mi nghal nu."
"Awih ah, mahni thuduh pa!" Khanglang chuan!
" Pawisa min dil belh theih inring in min thlem i tum ani hial lo maw?"
A rawn nui hak a! A thinrim lutuk vang anih ka ring! Marawhchu he motor chhung a a chuan chhung hi chuan meng ling hlar reng suh se, anih loh zawng in a thuamhnaw tawngchham zet saw ka pawt thler vek palh ang.
"Thlem ngai lo in i inpeih sa reng anih kha." ner nang chung in a hawisawn ta hmak a. Hnuailam ka bih a; a sawi dik lutuk vang nge ka rum nghut ringawt!
Ngawi reng ka in turn a, a ni erawh in a bag lian lo zet chu hawng in phone a la chhuak thung! A khawih niap niap a, mipa chakna nei te a palzam dan ah hian atan chuan eng teh ual ani lo tih a chiang reng!
" Zanin hian ka khum min ţawm la eng zat nge i inchhiar ang!" A phone khawih lai chu a tawp dat a, ka țawngkam țullo zet chu ka sawi tawh laklawh.
"A to viau ang." A nui sak a, a mit erawh a alh mai ang tih tur khawp in a ling vat thung.
"Sawi la!" Mipa chakna hi engmah in a thunun thei lo tih zanin a ka awmdan ah hian a chiang ber ang!
"Sing nga pe che ila, zankhua in min ti lawm thei a ngem?" ka aw ri tehhrep pawh chu!
"Hmel-a!" A kut vei lam a rawn phet vuai rual chuan brake ka rap tuar a, ka seat belt ka hmet phelh tih ka hria, a ni bu lawp seatbelt in a pawh let leh lawp chu ka hnaihchilh rawk rawk a!
"Tenawm pa!" A au țhat! a nghawng ah ka hmaiin ka nawr a, a rim berry nam chek chek chuan min ti â mai dawn! Ka sam ah a rawn țham ve ta phat bawk.
"Min hnar engang mahla he i panty chhung ah hian ka la lut tho ang." Ka in control theihna ka hlauh vek tak tak! A beng hnuai ah ka hmuiin ka nawr a, na fe in ka sam a rawn kek a; ka zauthau phah sawt thung!
"Hmingsangzual.. ka that mai ang che!" a thinrim lutuk vang nge, ka din chawt vang a a hlauthawng zawk tih pawh hriat loh! A aw a khur hlak.
"Ka thusawi chu i hria em?" Ka hmai a nawr reng chung chuan ka rum nghut, ka beng ah a rawn pawt leh a, keiin ka lei ka hmang thung! Bawiha zawk in min tur ngut ngut bawk.
"He i kawr hak them nem zet pawh thler nan hun ka hman laiin min thah chu ilo tum dawn nia!" A nghawng vun nem thep mai ka lei a nawr kual pah chuan ka rum a, kut ka chet rual chuan rangfe in ka ban rek ah a rawn man a, motor din thut vang nge a kawr khan a mal a lo khuh tawh reng reng lo, a vun mam han mai chuan pawisak min neih loh tir zual sauh bawk!

( A va tawi ve? ka hria,☺ Dinner turin kan kal chhuak a, kan rei ta phian sia, ka phone a low a, charge chhung te in ka rawn in type a, ka phone a sa vung vung bawk! Naktuk zan ah kan inhmu leh vek mai dawn nia!)



☆UTOPIA: 1996 ☆
Chapter 4
By
Abbra Reo Ririni Khiangte ( Pitartei)



"Ka ring che asin." a aw thám chhel chuan min țham harh nawk.

"Mipa dangte ang i nilo emaw ka ti țhin bawk." A nghawnga hmai nawr reng chung chuan mit ka meng a! Ka harhfim tak kak bawk!

"Hetiang khawp hian i tenawm ang tih ka ring ngailo.." ka che zawm lo tih a hriat rual chuan a aw a chang leh fak tawh. A thaw halh a, car kawngkhar lam ah chuan a tawlh hret a, keipawh ka inla hrang ta vut bawk.

"Zanin hian ka pui dawn lo che.." lock a hawng ri rak a, a chhuk zui a, na fe â kawngkhar a rawn nem phui dawt rual chuan ka chetdan lawi lo lutuk kha ka ngaihtuah let a, hmeichhe mamawh huam huam ka ang hle ta ve ang.

Seat nghenchhan ah lu nghat dawt chung chuan ka thawchhuak ham ham a! Hmeichhe inchei dan tawngchham zet vang ngawt in ka la danglam chhin ngai lo. Zanin tlai tih chauh loh chu!

Side glass ațang chuan ka melh zawk a, rawn hawi let tawh lo in a kal zui hlak hlak bawk a. Mit chhing sawk chung in ka rum hawk a, kan ruahmanna zawng zawng in a tuar ka phal hauh lo! Ka che vut a, kawngkhar ka nem hawng a, ka khar rik leh dawp rual chuan Chimawmi chu a kal chak zual sauh va.
A lam panin ka pen zui pawk pawk a.

Ka hnaih zel a, a kal chak ve telh telh a, mahse kan pen khat a in zau hleih lutuk!

"Ka tihpalh.." a hnunglam aţang a taksa te ve tak chu ka kuah a, a tal zui phat phat chu thlah ka tum der lo, ka ban suih zawmna lai chu a rawn ham zui tawk, a tukhum lamin min tauh zui nghek bawk!

"Ka tihpalh ka tih chu!" Ka aw ki a nem lo hle! he thu hi hmeichhe bulah ka sawi vawikhatna ani bawk! A tal nawk nawk chu a tawp a! Mahse elhsen zet in min nuih thung.

"A thleng nawn tawh lo ang.."

"A thleng nawn tawh lo reng ang, keihian vawikhat pawh ka hnaih tawh dawn lo che.."

"Aih, inbe phawt ang."

"Zahna tlachham pa.." a ti hlar a, kei erawh in ka kuah nghet tulh tulh thung! Ka thlah anih vaih chuan rang tak a tal putin a tlanbo ani mai!

"I case thil vang a ka puihna che hi ngaikawi in i duh hun hun ah sex min hmanpui theih i inring tiraw?" A tal chhuak thei miau lo, na fe in ka awm a rawn tauh leh chawrh a, a sawi dik ngei bawk.

" Mipa zawng zawng hi in lo inang vek anih hi.. sex chiah in ngaihtuah.." a ti leh hlak a, chu thil chuan min run hle bawk, kei min bia a, mipa dang a sawi tel a, chu thil chu ka duh lo hlawm tawp!

"Min thlah vat teh, tunah pawh khan ka thuamhnaw tawngchham zet phelh dan tur ngawt i ngaihtuah leh pek ang!" Nui hak chung in a tal leh a, engmah sawi tur ka hre lo, nichin lawk kha chuan motor chhung ah ngei nawmchenpui ka tum ngei tih ka pha hlek lo, chuan khatiang tak khan ka in control theihna ka hloh ngai lo bawk!

"Min thlah vat teh.."

"Aih."

"Hmingsangzual!"

"I duhtawk in min ankhum rawh, a pawina a awm lo, mahse i kal dawn lo."

" Ka thu thu." a rawn ti hlar a, a tal zui leh nawk nawk chu ka thlah thawl a, rang fe in a rawn inher a, ka hmai a ri nghal chawrh bawk! Ro zet in ka nui suk a, ani erawh pawisak neih loh hmel zet in a țhen sak thung. Hmeichhia in kut min thlak hi ka lawm reng reng lo! Ka hnaihchilh rawk rawk rual chuan rang fe in a bag te ken lai chuan ka darah a rawn hlap pawp a, ka kut hrawl zet pahnih in a kawng ah ka man bet a, ka taksa si chet in ka pawt nghal hmiah bawk.

" tuna i thiltih zawh chiah kha ka lawm hauh lo!"

"Aw, keipawh hian nichin lawk a i thiltih zawh chiah kha ka lawm bik reng reng lo, chapo pa, ka chung ah i duh dan dan in i che a nga, keihian ka en liam tawp ang che maw, teuh lo lutuk, kut i thawh chuan kei pawn kut ka thawh ang, tu emaw fapa rangkachak tuiek mai mai i nih kha!" A ţawng hnem bawk a, a sawi zawh rual chuan thawk a la zui kawk bawk!

"Tu emaw fapa rangkachak tuiek ka ni lo e!"

"Aw, tuikeplung tuiek em ni?" Ka nui ta tawp, ţawngkam a hre maksak thei si!

"I duh duh sawi mai teh." Ka ti ta hluk, a ngawi ta ngal leh lawi a! Hmeichhe dang chu ni ngat se zawng kut min thlak rual khan ka thing nek duh ang, mahse ani hi chu Chimawmi ani miau a; duhthál pawh in ka thing nek thei der lo.

"Motor ah let rawh." Ner nang chung in a heh sen hlar chu a ti sawi nang a! Tihian awm awm lo se a tan a țha ber tih a hre lo em mawni! Nichin lawk a thil thleng ang chiah kha helai hmunah hian a thleng leh palh mai ang.

"Ka ke hi tan tu an awm ngawt anih loh chuan saw i motor duat zet pan sawn ka kal tawh dawn reng reng lo.."

"A țha a lawm!" Ka nui lui hawk, ka kun hniam a, ka hnungzang a ri nghal thlawp bawk! Mahse a te tham lutuk, ka darah ka pu ta nawlh a, a bag te zet hi eng thil tehhrep a siam nge anih! Ka taksa rem lai lai vuak nan a hmang pawp pawp a, a nâ hrep leh nghal.

Motor lam panin ka kal pui nawlh nawlh a! Ka khelah a rawn vuak leh pawp rual chuan a mawngtam ah ka beng ta thlawp, a huat tawk a tling hle ani ngei ang, a tal zui nghek bawk, motor kawngkhar ka pawt hawng a, seat ah ka nghah thlak chawrh rual chuan rawn chhuk a tum ve leh nghal at!

"Țhu rawh, zanin hian ka phalna tello in i kal hrang tawh dawn lo!" Motor chung vuan in ka au ta țhawt! Min melh rawm chung in motor hmalam chu a tlawh ve pap a! Tlawm zawk a ţan a tum ngai reng reng lo hi engtia tih sim chi nge ni dawn pawh ka hre tawh hrep lo e!

" enkawlna țha tak dawn i mamawh anih hi!"

" I thu lo ber ang.."

"Nakin lawk ah chuan i nun a thu ber hi ka la ni ang, i zal raih raih thleng in ka la hrual bawk ang che!" Ka ti hluk! A mitmeng ling hlar ah chuan thingțang ro ka vawm luh belh sauh emaw tih mai tur hian a thaw halh halh a! A nu in a enkawl țha thei ngai dawn lo anih chuan kei hian ka hrual zal khawp ang.
"Ka sawi tam tawh dawn lo, huaibak i chhuah leh chuan zanin ațang hian lesson thar ka pe ang che."
"Hmingsangzual!"
Kawngkhar ka nem khar dawp, rawn hawn a tum ve leh rual chuan lungawi lo zet in darthlalang chu ka kut pahnih in ka nam ta chawrh a; lei min rawn chhuah khum anih chu!
" i che leh zeuh ka hmu anih chuan motor hnungah sawn phuar hlawm in ka khung ang che.." vau beh tawp a țul ta ber in ka hria. Motor hmalam aţang kal hual chung chuan ka melh ngur a; han che leh zeuh tak tak teh se!
"Kan tlai vek hi i hria em?" Motor chhung ka luh ve rual chuan ka ti hluk, steering ka hum a, 8:30pm a hnai kuar tawh.
"H*r viau lo la chuan a hmun kan thleng daih tawh ang!" ngeiawm lutuk hian a nui ri hak! Steering ka chum pawp ringawt!

Hotel kawtzawl ah Rema leh police dang pawh uniform ha lo in an lo awm vek tawh, keini tlan lut chu Rema chuan min lo signal zeuh a, Kha Naga pa kha a hmunah a awm tawh anih ka ring

Parking thim țhiap ah ka tlan lut a, side glass ațang Rema rawn pen ve vut ka hmuh rual chuan hmun awl awm hmasa ber ah motor chu ka ti ding a, kan hmeichhe ngeng-i pawh chu a țhu ngawi ngal a. Ka țhutna lam glass a rawn rik kauh rual chuan glass ka down vat a.
"Sir, hei keng lut se." spy pen sin te a rawn lek chhuak a, ear plug dum min pe tel nghal bawk.
"Wow! I va nalh ve?" Rema vek chuan ka tukverh lam aţang tho chuan Chimawmi chu a fiam a, ka melh nghal run bawk.
"Oh, a lut tawh a.. Kan chet hman chuan." A ding mar a, kei erawh ka thaw ham ham thung! Naga pa khan a taksa hi khawih a tum a ngem? Han tawk hlek teh se, a kutțang zawng zawng ka pawt bung vek ang.
"Hei khawiah emaw thukru la; ta țang hian kan lo ngaithla vek thei dawn che a."
"Khawi." Spy pen chu a rawn pawt thla hmak. A bag a hawng rak rak a, a thun lut a, a hmet khep a, ka awm ve tih hre lo ang hmak in kawngkhar a nem hawng a a chhuak nghal tharh bawk.
Hotel chhung ah a pen lut a, a te na vang vang in a hlauthawng chhin hlek lo bawk!
"Ka zui lut ang, chuan pakhat kha ka hnung ah lo kal se, a dang zawng chu hotel hnunglam leh inchung lam ah insem darh ru." Hotel chhunglam en ngur chung chuan ka phun sup, anmahni bia ang a lan ka duh ber lo. Chhunglam pan a ka lut vut chu police pakhat in min zui ve a , mahse pen sawm zel in kan inhlat thung!
Hall zau zet ah chuan mihring tam vak lo an awm a, ka hawi kual thuak a, bang kil lam dawhkan kila Chimawmi leh Naga pa țhu chu ka va hmu ta chat, Chimawmi chuan min hnungchhawn a, Naga pa erawh a nui suk suk thung!
"Rema hall aţang chhuahna kawngkhar te pawh hi veng ula ka duh."
"Yes sir."
Target te pahnih chu an ding a, Naga pa in Chimawmi kawng ah a kuah rual chuan nghet zet in kut ka hum ruh a, mipa dang in an khawih lai hmuh nuam ka ti hlek lo! Dawhkan te inhung bul a chair chu ka pawt chhuak a, ka țhu fel chiah tih ah chuan an ni pahnih chuan min kalpel a, hnuailam bih ngur chung chuan ka ear plug chu ka nawr lut deuh va.
' room i book lawk tawh maw!'
'Tehreng e, midang chim buai loh in kan titi ang chu' Chimawmi nui ri ka hre zawm zat bawk!
Hotel room kalna step ah an liam hnu chuan ka țhutna ațang tho vut in an kalna ah chuan ka chho ve a, min zui tupa erawh hetah hian lo awm turin ka signal thung.
' a va nuam ve?' Chimawmi aw bawk ani!
'Tah khan țhu rawh, in tur i duh em?'
'In lam hi chu ka ti vak ngai lo.' Ve ngei chuan leh!
' zanin chu in mahla i ti sual lo ang..'
A reh vang vang a, ke pén thawm chu a ring tial tial a.
'Hei in rawh, tam a ngai lo..'
'Ka lawm e, i thil phal hle mai!' Naga pa chu nuam tih hmel fe in a nui huah huah a. Engtin emaw tak Chimawmi tan a him lo zawng a a chet vaih zawngin!
'Mizo ţawng ah buaina i nei miah lo hi mak ka ti.'
'Ka awmna a rei tawh alawm, kum 12, 13 dawn ka awm tawh.'
'Oh.'
' chuan, nang anga ka puihna mamawh tu hmeichhe tam tak pawh ka lo pui tawh bawk!' Kan hriat duh tak a sawi dawn țan e!
'Mi fel tak i ni ngeiin ka ring, mahni hnampui nilo tan i thil phal dan ah hian..!'
Mipa zawk a nui leh hawk a. Spy pen awmna pindan kawngkhar zawn ah ka ding ve ta chiah bawk.
' sum in duh a, keiin thil tlem te phutlet in in thil duh chu ka pe țhin che u, a awmzia chu thil kan intihsak tawn ve ve tihna anih chu!' Mizo hnam min ngaihnep dan tur ka ngaihtuah a, ka sa phat mai! Mahse hei erawh ka hria, kan ram ah hian hna țha a tam lo a, tupawh sum leh pai mamawh vek kan ni a, kan ram ah hian duhkhawp sum lakluhna a awm lo, mahse kan hmeichhia ten hnamdang an bel bul duh chuan min ti sa huam thei! Hnamdang lak a thangtlawm hi ka duh ngai lo, chuvang tak a Police officer nih tum a bei ngawrh hle țhin ka ni a! Vai tam zawk aiin ka nihna a sang a; min chung en em em bawk, kan ram mihring tlem tham zet a mahni hnam phatsan ching an awm hian tlawm ah ka la țhin! Zo pa hi ka țhen chawk chawk țhin.
' kei lo midang engzat in nge i thil phalna zar lo zo tawh?'
'An tam ang, kum tin hian thil man a to zel a, tupawn pawisa kan mamawhna a sang a, aaa.. a bikin nangni ang rual hian pawisa in mamawh nasa bawk.'
'Mizo țhalai te min hriatchian hmel hle mai!'
' in fel a lawm ' a ti a, a aw ri erawh in thil dang daih a kawk thung.
' Kei hi chuan tun țum chiah i puihna ka mamawh dawn lo tih ka chiang a, țum dang ah min pui zel thei a ngem?'
' thu i awih dan a zirin.' A nui leh huah huah a, kei erawh ka lo ner nawk thung.
' aw, kan ţawng vak a, eng thil nge ka tihsak tur che sawi la..'
' a har lo lutuk.' Kan Mizo țhalai engzat chiah nge sum in a lo lei tawh tih ka hre thuai ang; an thawm chu a reh leh vang vang a.
' Nupui zei lo zet mai ka nei a, chumi hnathawh thiam loh chu i thawk ang.'
'Wow, i nupui ang a awm turin min duh tihna a ni thei em?' Chimawmi aw zangkhai zet ah chuan lemchang ani tih a hriat loh hlawm tawp.
' nilo e, zan lam ah ka mamawh chang chang che in.'
'Chuan?'
'Kan dawr bungrua i duh duh ila ang, nun bul i țan țha thei bawk ang!'
' i nupui tak ni thei ila a nuam zawk daih ang..'
Naga pa chu nuam tih hmel fe in a nui a, Chimawmi thil sawi leh chiah vang chuan a ngawi ta hmuk thung.
' i fa lo pai ta ila, i nupui ka ni thei a ngem?'
'I duham hret ..'

'A dik, kei hi chuan ka thil neih bak neih belh zel ka duh. I fa pai ta ila, i nupui chu țhen in min nei duh a ngem, i sawi dan kalhmang kha chuan a zei lo hle ani lawm ni!'
'.. ka nupui anihna a bo chuang lo..'
'Aih, ka zawhna ila chhang lo, i fa ngei lo pai ta ila, min nei a ngem?'
'I pai anih chuan i titla ang, chuan naupai tawh hmeichhia ka duh lo.. ka țanpuina i dawn pawh a tawp tihna ani bawk ang.' Chimawmi chu a nui ri ta hak a, hotel pindan kawngkhar vawnchhan chu ka hum nghal hmiah bawk.

' .. i fa a pai vang in em ni Jenny kha i thah!' Chu thil chu a sawi a hun lul lo! A tan a hlauhawm thei tih a hre lo em ni!

'What the f**k are you talking about?'

' Why did you kill her, oh.. because she was fucking pregnant right?' Chimawmi chu a au ta țhawt!

' i hriat loh tur hriat i nei a ni maw?' Naga pa aw zawi tak mai chu misual tam tak ka lo umzui tawh te ang chiah! An thil tihsual sawi chhuah rual in dam takin an ţawng , mahse rawva tak in an che chhuak țhin.

'Ka hre țeuh, i knew that you kill her and you fucking throw her body away and the dark part is i know who is the baby's father, that's why i'm here.'

' i awmna hmun tur nilo ah i awm ta chiah e! A chung a ka tih ang chiah kha i chung ah hian a thleng thei!

'Ka hlau therte lo che.'

Kawngkhar herh hawnna chu ka herh a, a in hawng thei ta hauh lo.

Ka tlawh ta pawp a; chhunglam ațang mipa aw a rawn chhuak a, kawngkhar bawk chu ka tlawh leh pawp a, engemaw a tlak rik rak rual chuan chhunglam bang ah a in vaw ri bawrh a!

"Rawn hnai suh, henu hi ka that mai ang..''

"Naga uicho pa!" Pistol in ka tin ve ta siah, chemte zum zet mai hum chung chuan Chimawmi chhip sam ah a țham ta bawrh a, a hrawk zawn ah tak chem hriam lam chuan a tin zui zat bawk.

" Min phiar ru in kei hi min man ang maw, a teuh lo lutuk."

"Hmeichhia kha thlah rawh."

"Pen khat pawn i rawn pen hnai anih chuan a hrawk hrui hi ka zai chat ang, nangni Police uicho ho hian min man thei ngai lo bawk ang, in chung lam ami te hi ka țhiante vek an ni!"

"Kap rawh!" Chimawmi chuan a rawn ti a! A hrawk hrui zai chah mai inpeih reng in mipa in a tin a, a hlauh miah lo chu thil mak tak ani! Naga pa chaldar ah tak ka tin a; Chimawmi zawk chuan a mitmu a rawn ti kual ta ralh a! Ka silai tinna pawh ka ti hniam ve vat bawk, a mit a khap zeuh a, ka chet vut rual chuan eng khaw sawi set set lovin naga pa hnar ngul ah tak chuan a tukhum in a tauh ta chawrh! Chhuat ah chemte chu a tla ri bal a, Naga pa na ti lutuk rawn dak chhuak leh chuan ka kuttum hum ruh tlat a dawng ve ta siah bawk.

Ka handcuff mawlh mawlh a, a chhip sam buk zet ah chuan țham sak in chhuat char ah a hmai ka nawr sak leh tawk a, a hnar a thi hnu bawk si! A meng khui khui a, vawkpui rilțam lungawi lo te pawh a ang lek lek a lawm.

"Sir.." ka nau te ho an rawn lang ve ta hlawl.

"Station ah hruai nghal ru." Chal chhuat si zawng a nem kun lawp chung chuan ka ti hluk.

"Khai aw, thisen a chhuak elaw?" Rema chuan a rawn ti hluai a, rang fe in ka sir lam chu ka thlek vut a, Chimawmi chuan a kut in a hrawk a lo hup a, a kut aţang chuan thisen a rawn far fap fap bawk.

"Bawihi, khawimaw ka lo en."

" a na lo.." a kut laksawn ka tum rual chuan a lo țang ve țai, a na emaw, na lo emaw ka en duh; chuan a thisen kei min puih avangin a chhuak bawk! Ka mawhphurhna ani.

A kut chu ka phih thla nawk a, Kan uicho pa chem hriam khan a lo at hman anih phiangsen hi. Ka thisen rawn lum bulh chu thunun ka tum buai peih lo, ka inher vut a, kan Mizo hmeichhia te lak ah a huaisar lutuk pawh hian ka huatthu a tling em em tawh! Chutah kar ah Chimawmi thisen a la chhuah zui a!

" I thiltih pawi zia hi jail chhung ah ila hria ang!" A ding kun dui chu a dar ah ka tlawh sak chawrh a, bang kil ah a bawkkhup rawp thung!

"La bo ru, Jail chhung ţawp lai ber ah khan lo han khung rawh u.." police pahnih in an kai tho a; min rawn melh ve kham mai chu a hrawk ah tak hnek chawrh mai ka tum ut ut tawh! Mahse, Jenny chung a a chet dan dik tak zawn chhuah ka la ngai, chumi hnu ah chuan tupawh in lak chhuah rawn tum mahse ka chhuah tawh ngai lo ang, kan hnam tlem te phatsan a; he Naga hausa pa lo hum țhin ka chung a thuneitu sang zawk pawh tunge a nih tih ka zawng chhuak vek ang! Hnam phatsan tu apiang chuan ka pawi an sawi! Chuzawng chu!
Ka inher leh vut a, Chimawmi lam bawk ka pan a.

"Lo che suh.." a kut ka la sawn hlek a.

"Aih, a na miah lo ania.." a kut bawk in hup leh a tum a, ka shirt hak lai ka hlip mawlh mawlh a, midang ho chuan Naga pa kha an hruai chhuak tawh, Rema nen kan la awm thung. Ka shirt chu ka hum tawm nawk nawk a, a tukhum ah ka vuan a, dimte in a nghawng ațang thisen rawn chhuahna chu ka nawr a! Na lo ti engang mahse chem hriam tak in a at a; hmeichhe dawihzep tak ni phei se chuan thihna lam a ngaihtuah thleng a nga, a ţap hial mai thei!

"Tah hian țhu rawh." A dar ah kuah in couch ah chuan ka țhut tir a, a hlau chhin zeuh lo chu mak ka la ti cheu bawk.

"Rema, Hotel hnathawk tu lam zuk bia la, damdawi kan mamawh."

"Aw le sir." A tlan chhuak vat a, Chimawmi chuan couch nghenchhan ah lu nghat in inchung lam a melh kiau va, dimte in ka shirt chu ka la sawn a, hliam chu a thuk lo, mahse kut chal chen dawn in a kak raih.

"Nangmah i intihnat phah theihna tur anih chuan eng thil mah ti tawh suh ang che."

"Aw, ka pui che hi i lawm leh meuh nange?" Chung lam melh ngar chung chuan a ner nang a! Ka rum nghut thung.

"Ka sawi awmzia i hria."

"Aih, ka hre lo.." a rawn ti let vat a; Damdawi keng chung in Rema a rawn tlan lut a, Hotel hnathawk tu pahnih nen! Damdawi chu ka ban vat a, Hotel hnathawk tu hmeichhia zawk chuan rap hmel fe in Chimawmi nghawng thi kual raih chu a melh a! A tuar tunu téreuh lah hian engahmah angai der silo.

" A thip mai thei a nia." Lapua ah damdawi chu ka hmet chhuak a, tihnat belh hlau zet in a hrawk ah chuan ka nawr a. A mit pawh a khap chhin hlek lo anih chu!

"Bawihi?"

"Ka țha, zo thuai thuai rawh.."
"Pu Hming thil thleng hi pawi kan ti lutuk, mahse kan hotel hming lang lo in case in siam thei a ngem?"

"I hotel hmingchhiat i hlau viau anih chuan a chhung a chetla țhin te chik țhin ta che." Ka ti hluk, damdawi ka hnawih zo tawh a, ka hawi chhuah rual chuan he hotel nei tupa chu ka melh nghal kham a! A meng khup nghal lap thung.

"I hotel a chetla țhin te hi nang ber in i en uluk loh chuan i hnuai a hnathawk tu te hian chik nachang an hre ngai dawn lo, nakin zel a i inzirna atan i hotel hming hi a ri tel ang.." ka ti hmuk!

"Bawihi, hospital lam ah kal ang." Chimawmi en leh vut pah chuan ka ti leh a. A rawn țhu ngil tur chu dimte in a nghawng hnunglam ah ka vawn sak a, chiang fe in min en nghal kiau bawk.

"A ngai lo, min pe tawh la, ka let a hun tawh a.." Lungawi lo zet in ka melh ta run, mahse ka mit ah a en duh tawh bau lo, a hawi kual thuak a, a ding tur chu puih turin ka che vut a, mahse awlsam fe in amah in a ding ta tharh a.

"Inbia ula, Parking ah ka lo nghak ang che u." Hotel neitupa nen chuan min en kawp zauh a, kawngkhar lam panin a kal ta nal nal a; hotel hnathawk tu hmeichhia chuan mak ti zet hian a en zui reng a, a rap hmel hle bawk.

"Rema lo indawr ru." ka ti sup a, khum chung a blanket chu ka țham kang tawp, a thuamhnaw themnem zet nen khan he hotel hi a chhuahsan tawh dawn lo, kawngkhar lam pan chuan ka kal ve vut bawk! Ka um phak meuh chuan chhawng hnihna a lo thleng der tawh!

"Pawisa min pe la, ka haw tlang nghal dawn.."

"Tun hi pawisa chiah ngaihtuahna hun ani em?" Ka țawngri nelawm loh zet avang chuan a ding dat a!
"Damdawiin ah min zui rawh.." a hnunglam aţang ka puan var lak chuan ka tuam a, a ni erawh ngeng ngal in a ding khawng ran thung!

"Ka thusawi chu i hria em?"

"Chu ai hmanhmawh thlak thiltih tur ka nei!" Ve pang pang zel chuan! Pu leh lawp dawn ila, hliam a nei ve tum hrang si! Hneh zet in a darah ka man ta chawt zawk a, a rawn hawi ang he haw a, rum fe hian min rawn melh ta nghek bawk.

"Ka thusawi kha i hre lo em ni?"

"Ka hria, keipawh in thil sawi ka nei bawk, i hliam hi kan enkawl phawt anga, i duhna ber ah ka dah ang che." Ti nghut chung in ka kal pui a, mihring țawng duah țhin ka nilo, ani bulah hi chuan ţawng nek hmasak a țul țhin!

"Kawr i ha der silo.."

"Chu chu a pawimawh ber lo.."

"I chapo e mai a!" ti hlak chung in a ner nang a, ka chapo tei vet bawk lo.

Bolero kawngkhar ka pawt hawng a, a țhu lut tur chu puanvar lian tham zet chu a tlang ah alo chawi ve a, a țhu fel a, seat belt ka hrensak tur chu min lo en ve kiau bawk a, thinchhe zet aiin nu deuh a awm hi a inhmeh bawk, chu chu hmeichhia te nih dan tur dik tak ani bawk!

Kawngkhar ka nem phui dawt a, ka kekawr ipte ka zen ruk ruk a, mahse ka ipte ah phone ka lo ak der lo, motor hmalam chu ka thlek a, ka rum nghut bawk.
"Tunah khan a na em?" ka țhu lut a, motor hmalam a phone chu ka la kang pah vut bawk.
"Aih, a na lo tak tak, kan inah min thlah la.."
"A theih loh." Khauh zet in ka ti tawng, a phun sep a, a sawi erawh ka hre lo, Dr Zothana number ka hmet chhuak a, clinic ah a awm ka ring thla ngawt bawk.
"Ka buai teh a nia; sawi vat vat rawh."
"Clinic ah ila awm em?"
"Awm e, tunlai chu tlanghrileng a tam lutuk a, dar 12 dawn ka thleng țhin.."
"Kan rawn kal ang.."
" ' kan' ?"
"Umm, kan rawn thleng har lo ang.." phone ka tih tawp rual chhuan Chimawmi chuan min lo en kiau a; pawisa emaw, a kal duh loh thu a rawn sawi leh vaih zawng in ka pen fawk ang.
"Kan kal tak tak dawn mi?"
"Anih hi!" Ka ti nghut, a thaw ve halh a, engine ka ti nung a, parking aţang kan tlan chhuah rual chuan amah tuamkhawm nan a ka hman puanvar chu a phelh sat sat a, a bag a zen ve rak rak bawk.
Tu emaw a call dawn pawh ani mai thei! A ngaithla ve ran a! Bialpa a nei a ngem? Lu thing nghut chung in steering ka herh kual ta pawp !
"Ih... chanchin ka hre duh." ka en vut, mahse tukverh darthlalang chhan aţang pawnlam a thlir daih.
"Umm, aaa, hna ka nei laklawh a, ka rawn let lawk thei lo a.." bialpa a nei tak tak reuh anih ka ring! Ka thaw ham ham a. Engtin maw hian ka awm ta run bawk.
"Aw le, ka lawm lutuk aw." a aw nem ve zet chu ka dawng ve ngai lo ang tih ka hria. Chuti tak a țawng dam a siam thei tu mipa chu a duh ve hle bawk ang! Kei min biak lahin a bak em em reng a.. aa.. min biak dan leh tuna a ţawng dan inang lo hi ka duh lo anih tak ber chu!
"I bialpa chuan heng thuamhmaw tawngchham zet i hak hi a rem ti em ni?" ka aw ri hluk chu ka thunun thei der lo.
" eng maw i sawi?"
" engmah!" Ka ti hmuk! Zothana clinic kawt kan thlen rual chuan na zet a brake rah tuar ka tum zet a, a nghawng a na tih ka hre chhuak leh hnuhnawh a, dim zet in engine ka ti tawp ta zawk a! A bialpa tehhrep pawh chuan hetiang khawp a pawisa mamawh loh hian siam ve tur a lawm, bialnu duh hun hun a mi pawisa dil ching a nei a, ani téreuh pawh hian a bialpa hnenah pawisa a mamawh tih hrilh in pawisa men in meng tawh lo bawk se! Huh! He chimawmi leh a bialpa inkar vanga lo buai ve chiam chiam tur ka ni lo! Mahse ka buai tho chu a nih hi!
"Lo chhuak rawh.." a țhutna lam kawngkhar chu ka pawt hawng a, clinic chu pawnlam ațang a en kim biai phawt a, thawk la halh in a ke a rawn hlang chhuak a!
"An la inkhar lo maw?" Ka bu nghut ringawt.

"A nghawng hi en sak rawh.." ka ti tawng, Zothana chu a meng deuh awk a, Chimawmi chu puanvar lianpui nen a in tuam ve hlan bawk si a, mak a ti deuh pawh a mi mahna!
"Jenny case ah khan min pui a."
"Aw! Mami tah hian mu la.." a rawn ti vut a. Chimawmi chu Zothana koh dan vang chuan a ner ve nang mai!
Chimawmi nghawng a hmuhchian rual chuan kei zawk min rawn en haw a! Dar ka kân uk ringawt.


Show post links
Top
Abbra Reo Ririni
Post January 13th, 2019, 9:57 pm

"Na i ti em?"
"Aih."
Zothana chuan min rawn en leh a, ' ka tihnat ani chai lo!' lo tih khum nghek mai ka chak kher bawk! Ka tihnat ang hrim in a lawm min rawn melh.
"A thuk lo hlauh va i vannei anih hi, damdawi ka hnawih a nga, ka tuam bawk ang, damdawi hi darkar hnih danah zel hnawih la, a hil vat bawk ang." A ti sup a, a damlo enna khum bul bang chu ka ngheng a, kut kuangkuah run chung in damdawi an inhnawih lai chu ka en ve run a, he nu chiai lai hi vawikhat te tak tak ka la hmu! Damdawiin kan pan țum khan a chiai ve hle! Țum dang ah erawh kha chiaina kha amah ah hian hmuh tur a awm tawh der lo, a pawisa mamawhna erawh a sang lawr lak thung.
A țhu chhuak a; ka kut kuangkuah hlun chu phelh in ka din hnaih ve hrut bawk.
"Bawiha, a tan a hlauhawm ngai dawn lo tih i chiang em?" Zothana chu Chimawmi chuan a melh kar mai.
"Nakinah kan sawi țha dawn nia.." ka wallet ka phawrh a, ban a vai vut chu ka duh der lo.
"Eng zah tur nge?"
"Ka la dawn lo, Mami he damdawi hi darkar hnih dan ah i hnawih a ngai dawn nia.." min kalpel in a dawhkan lam ah a kal vut a, ka wallet ațang pawisa ka phawrh tak ah chuan Chimawmi zawk in min en ta kiau thung.
Ui note rilțam zet a ang lek lek bawk.
"Hei aw.." Khum a Chimawmi țhu chu damdawi chu a pe a, ka pawisa phawrh chhuak chu tûr fe in min melh ta kham bawk.
"Ka la dawn lo ka tih kha.."
Ka rum nghut ringawt; Chimawmi chu a rawn ding a, Zothana hma ah amah zawk in pawisa chu a duh thu a sawi hma ngeiin he hmun ațang hian hruai chhuak vat teh ang, ui note rilțam zet in ei tur a hmu ang mai hian min pan ve thet thet lo chauh!
"I pawisa tur.." motor hmalam ka pawt hawng a; lehkha ip var chu a malchung ah ka theh thla nghal tawp bawk.
"Eng zat chu nge,"
"Singkhat." Dawt ka hrilh ring ang hrim in a kutchal a liak huh zeuh va, pawisa chu a chhiar a, tukverh darthlalang ah kiu ka nghat a, ka khabe ruh kual ka tuai huah hauh thung! Ti hi chuan kan inhmu khat ta pharh ang chu! Min mamawh hun ah țum khat puih ka ba ve bawk.
"Ka lawm e." Ka en vat a. Pawisa chu a chhiar zo tawh ani ngei ang, a malchung ah nghet zet in a hmet bet a.
" I lawm anih chuan a țha e.." ka ti hluk.
"Min mamawhna i nei te nih chuan min rawn call mai dawn nia.."
A bu nghat a, an in lam pan in ka inkhalh chhuak a, seat nghenchhan ngheng lo in tukverh darthlalang a rinchhan a, a ngawi ve ta ran bawk.
" Eng ti turin nge min duh ve?"
Muang raih in min rawn en a, tilui tih hriat zet in min nuih sak bawk.
"Ka nunna thap in ka pui che a, min puihna tur pawh a theuneu bik lo ang.." a mit ah vertherna ka hmu leh tawh!
"Sawi la.."
"Tun ah nilo, nakin deuh ah.."
"Chawlh ka lak lai anih chuan khawpui chhung ah hian ka awm dawn lo." A meng buai zeuh a, min en ha bawk.
"Thlakhat chhung chawlh ka la dawn."
"Engtik aţang?"
"Thla thar ah hian.."
"Aw.." a ti sep a, engemaw ngaihtuah in a ngawi ran ran a.
"Thla thar.." min bia nilo in a lu tereuhte chhung a, a thluak sawn ruahmanna a siam ve anih reuh ka ring!

Station lam ah ka inkhalh let a, a țhutna ruak huai chu ka melh zawk a, a awm ta lo chu a hriat ve hle mai!

Glass ka down a, Kenny Rogers a zai ring zet in ka play ta ngawt bawk! Thaw ham ham chung in hmalam ka melh ngur a! Ka motor ațang a chhuah rual chiah in nichin lawka a biak pa kha a be leh a, chhan hriat siloh in ka thinrim hlur bawk! A ni té ve tak kha min ngaihsak loa a awm theih chhung chuan amah aia palian fe hian ka thei ve ang ti rilru in an inpiah kawng zau lai ah ka in turn pawp a, phone hmang reng chung a kut min vai te kha motor tih din a, zuk thin hrep mai ka chak ut ut bawk! Mahse ka chapo ve na vangin ka inthunun thei ta hram anih kha!

"Aaaa... min hnial kalh reng tur a awm tawh lo kha amah ai ai in ka thawveng zawk fe!"
Show post links
Top
Abbra Reo Ririni
Post January 13th, 2019, 9:58 pm

Kan Naga pa chu a țawng țha duh lo hle! Mahse rei tak a luhlul zo dawn lo, engkim a lipse vek hma kei hian ka tawp san dawn lo bawk!

Kan man tih nihnih chhung kan sawi chhuak tawh lo a, kan station chiah in he Naga pa hi kan kawl tih an hre bawk! Chaw pek ka rem ti lo a, tui far khat pawh a cell chhung ah dah luh ka phal lo bur bawk! Heng hnam ho hi chu huaisen tak ang in lang ve engang mahse an duap ru dui a, han rilțam reng rawng se la, buh her khawl anga chakin a dak zawt zawt mai ang.

Ka cabin ah ka lut a; chair ah ka țhut thlak chawrh rual chuan dawhkan a ka phone chu ka la kang vut a! Chimawmi min rawn call na emaw engmah a lo la awm chuang lo! Eng thil chiah nge min tihtir a tum tih aimah in amah hmuh leh kha ka chak ru reng a, mahse hmu tur a kal emaw, biak hmasak ka tum thung lo, chu chu ka dan a ni țhin reng bawk!

Ka room bik kawngkhar chu a rawn ri kauh kauh a, phone chu dawhkan chung ah ka theh kai tawp!
"Rawn lut rawh.."
"Sir, kan uicho-a sawn a rilţam thu a sawi leh tawh a."
"Cell chhung a bal kha ei se la ti nia.." ka ti nghut! Chair ațang ka tho ta tho bawk.
"A țang rei tawh lo tawp ang.." Rema chuan a rawn ti a, ka rin dan chiah ani bawk! Mizo angin huaisenna an nei ve lo, Muslim leh Hindu kulmuk tak tak erawh vanram ah luh theih inring in mi an thihchilh țhin! Chutiang khawp a vanram luh theih a inrinna tur lah kan Naga pa hian a nei hauh silo a, tisawn sazu leh bangdaidep te nen han inkawm nak nak se; engkim a rawn sawi thuai mai ang.
Ka room aţang ka chhuak a, Rema pawh in min zui chhuak ve bawk, bang a tiang intung thluah zing a khauh hmel ber chu ka hum nawlh a, Naga pa kan khung hranna, secret cell lam pan chuan ka kal a. Thir ka khawn rik kauh kauh rual chuan a rawn tang nghal hru bawk! He pindan hi tualthat tu te kan khung hranna ani a, a phui mup a, light kan dah ve lo bawk! Zanah phei chuan a thim mup zel.
"Jail chhung ah ka khung theih loh che chu ila ring cheu em?"
"Phone min hman tir rawh u.."
"I mitmu pakhat kan ker chhuak a nga, reilote chu i hmang thei ang.."
"Finfiahna awm lo in min hreng ngawt thei lo." a rawn in hrosa ve chhar chhar chu vawkpui rilțam nguk ruai mai hi a ang letling zawk.
"Ka thei.. oh, chuan nangmah hum thei tu ang a i ngaih ho in ka tan inah i tang tih an hriat hma in rilțam lutuk vang in i thi hial hman mai thei.."
"Phone chu min hman tir rawh.." a rawn ti țhawt.
Ka ner sawk a, chahbi ka rawlh lut rawk rawk a.
"Ka mitmu pakhat ker chhuak rawh i tihna ah ka ngai a nge!"
"No, that is not what i mean!" a rawn ti ruai bawk!
"I thiltih sual puang tawh mai rawh, anih loh zawng in sazu ho chaw ah ka țan tir reng dawn che."
"Ka inpuang ang, mahse tui ka in hmasa duh."
Khanglang mai mai a! Cell chu ka lock leh hmiah!
"Ka inpuang ang ka ti ani lawm ni?"
"Zan khat dang inkhung hrang leh phawt rawh." Ka nui suk a, hlauh hmel lutuk a a meng kual ruai reng mai chu diriam fe in ka melh thung! Kan ram retheih zia a hrechiang a, tupawn sum lakluhna kan duh vek, chhungkaw harsatna avanga mi chebuai deuh te remchang ah la duh zel khawp a mihring tenawm hi dim hranpa ka tum reng reng lo. A tih ang lo ti ve țhin pawh an awm nual ang, chung ho hlauh tur tak chuan hepa chungah hian rapthlak takin che ila, hnamdang dawihzep chuan an lo hmu ve a nga, an ți dak bawk ang!

Ka nu in chawlh ka neih theih ni tur min rawn zawt lang lang a, ani tak ka sawi fak thei bik lo.
"Nu, kha chu nidang ah sawi țha leh ila.."
"Kan ngai ve tawh che tih hrereng la, thlakhat chhung cham turin rawn haw ang che." Ka nui ta hawk, nu hi chu nu anni miau a lawm!
"Aw le, school lam in tluang em?" Ka ti leh sup a, Carlos-a'n engnge a tih ve ang tih ka ngaihtuah rauh rauh a, mahse zawh hmasak erawh ka tum lo! Zosangi thiltih sual vang a ka fapa ngei hnaih ka harsat tlat mai lah ka inhrethiam der bawk lo.
"School lam chu kan tluang e.. nang hi bialnu lam i ngaihsak miah lo em ni?" a rawn ti hliai a. "Mama, hmeichhe lam i ngaihsak ta lo lutuk hi a dik miah lo.." min hriatchian loh lutuk vang mai mai ani!
"In țhat tlan chuan ka dah rih dawn.."
"Hmeichhe lam han sawi ila i heti tlat a, tak ah, Zosangi khan min rawn bia a."
"Engtik khan?"
"Tukin khan mawle, Bawihpuia hi hmuh min rawn dil a." Chu hmeichhia zet chu!
"A țullo.."
"I u pawn a ti chiah a, țul a ti lo a.. a mak ka ti, min rawn be teh tlat a.." a rawn ti lang lang a. Kei erawh ka insehruh kher mai! A huangtau viau chuan kei nen bawk kan inhmachhawn leh ang.

Inhnuai lam ah Tv en in ka țhu ta reng a, ka nu te lam leh zel a lo be ngam chu nasa ka tih phah zual sauh bawk.
Pawnlam ah Hunter-a a bauh țhawt a, ka ding mar vut a, zan darkua a hnai titih tawh! Chimawmi a rawn kal ani thei mai ngem!

A rawn kal chu engvang a ring thla ve ngawt nge ka tih ka inhre der lo! Mahse a lak ah ba ka la nei! Chumi min hrilh tur a rawn kal a ni thei tho bawk.

Kawngkhar ka nem hawng a, ka phur ta surh mai chu ka innuihzat ru hle bawk! Min hnial leh zat zat a ngem? Nge ni a pawisa min dil leh dawn.
Lu ka thing nghut a, Gate chhunglam ațang chuan Hunter-a chuan pawnlam a mihring chu a bauh leh țhawt a.
"Bawiha, a tawk tawh.." ka aw ri hria in min pan ve vut vut bawk.
Gate phui mup mai lock chu ka hawng a, pawnlam a ka beisei hauh loh hmeichhe lo ding reng chu a rawn țhen ve sak bawk.
"Ui i va nei lian ve?" Hunter-a chu a thlek a, ka in ngei ah a rawn kal ka ring pha ngai lo! Huh! Hmeichhe nasa chuan zahpah an nei lo an tih țhin kha maw!
"Engnge i duh?"
"Inleng i lo lawm dan a mawi lo hle mai." A ti hlak a; kei erawh ka nui suk thung.
"Sawm loh a mi ina kal ngawt nan chuan a tlai tawh tih mi pangngai chin chuan an hrethiam ang.." ka aw rik dan ngeiawm fur si chu atan dawnsawn a harsa deuh pawh a nia nge, nuam tilo hmel a pu ve ta a lawm.
" kan inbe lawk thei em?"
"Tihian kan inbe lo em ni?" Ka ti sup, a dar a chhin ak a, a hmelțha zet hi a chuai thei thlawt lo anih hi maw!
"Inchhung ah lut in kan inbe thei em?"
"Aih, i sawi duh chu tah hian sawi rawh.."
"Babe!" a rawn ti sap a, kei erawh ka ner sawk thung.
" Inbia ang, pangngai takin.."
"Hun ka nei lo, chuan kei leh ka chhungkua tumah biak rawn tum tawh suh, chu chu i tan a țha ber tur anih vang a hrilh lawk che ka ni.."
"Carlos-a vawikhat chiah ka hmu ang.."
"Engnge i sawi chuan ang, kum 2 mi i nih lai a ka uire san che avang khan ka tihpalh i ti ang maw?" Ka ti tâwk a, ka awrawl ring zet mai lo hre ve an awm em tih hriat tum a a hawi kual ruai mai chu ka tén hluah hluah bawk.
"Vawikhat pawh hmuh tum buai duh suh.." gate ka nem khar nghal bur! Ka lock rual chuan a rawn chum ve dat dat a! In lam pan in ka pen zui pawk pawk bawk! Min uire san ta kha ka nâ ngei em tih fiah tum a tuna taka rawn lang ta thut anih te ka ring rum rum tawh!

__________________________________________________

"Engnge kan an?" Station ka luh rual chuan Rema zawk in min pan vut a. Ka zawhna avang chuan a țhen sak bawk.
"Inpuan a duh thu a sawi.."
"Tui emaw, chaw emaw a lam hmasa leh em?"
"Lam lo sir.." han lam hmasa leh vaih se zawng ka hrek rilțam leh sauh duh ang.

"He hmeichhia hi engvanga that nge i nih?" File kara Jenny thlalak chu ka khawng kauh kauh a, ka hma ah kun lap in a țhu ve bawk.
"Ih.. ka nupui hnenah kan inkawp tih sawi ah min vau a."
"Chuan?" Ka ti nghut.
"Ka sumdawnna hi ka nupui te chhungkaw ta ani a, kei chuan ka enkawlsak mai chauh, ka nupui in hmeichhe dang ka kawp țhin tih a hriat chuan engkim ka chan vek dawn.."
"Rosum chan i hlauh vang ngawt in Jenny chu i that a maw?" Ka ti țhawt a, a kut pahnih a suih zawm a, vai pathian biak ang mai hian a lek kang ruai bawk.
"Anilo, amah khan min vau in pawisa min dil reng a, nau a pai thu leh ka nupui engkim hrilh ah min vau a, dawr ah rawn kal in pawisa min rawn dil tawp zel, țum khat phei chu ka nupui a lo zuk bia a, ka nupui nen pawh kan in hauh phah chiam bawk! Mizo hmeichhia te reng reng hi ka duh an tih ve hma in thu ka tiam tir țhin, nupui nei lai ka ni a, ka nupui in engmah a hre tur ani lo, chuan an in dang ngei ngei bawk tur a ni, ka fa an pai thiang lo, ka fa an pai anih chuan an chung ah engtin pawn ka che thei! Heng zawng zawng hi ka tiam tir țhin!"
Min shock kher mai! Kan Mizo hmeichhe țhenkhat in hnamdang an lo tawngpawng basa ngam țhin ngawt zia ka hre thar a, ka sa hle bawk. Anni hnamdang leh nghal in an lo rai palh emaw chuan an chung ah engpawh a ti thiang tih a sawi hnu pawh a pawisa vang a lo la kawp duh ţalh an lo awm thei ngai a nia!

"Jenny chuan i fa a pai a, i that ta a.."
"Thah kha ka tum bik lo, a naupai kha ka tihtlak tir a, pawisa țhahnem tak ka pe bawk, mahse duhtawk chin a nei lo a, rui chung in ka dawr ah bawk a rawn kal leh a, ka awm lai ngeiin ka nupui a be leh ngat a, khatah tak khan ka thinrim ve tawh, ramhnuai ah ka hruai a, a hma ang bawk in kan inkawp leh dawn maw a ti a, pawisa pek ka tiam bawk nen khan sex kan hmang leh, mahse chutah pawh chuan ka nupui nen kan ințhen hma chu min tihbuai tur thu a sawi leh a, ka rek ta nghek a, chuan.. lung in ka chhu hlum ta nih kha.."

50% percent ve ve in he case hi ka khai rem titih tawh! Sum duh luat vang a kan hmeichhia te nasat tur zia ka ngaihtuah thuk zawh pauh leh an rapthlak ka ti ting! Sum vang a hnamdang an kawp ni ațang khan an chung a hetiang thil thleng hi an zuam chhuah anihna chen a awm ve ta bawk!

"Kan zoram hi engtiang chiah a chhe tawh nge anih le?" Thaw ham ham in khawpui pe tuar chu station kawt aţang ka thlir a, Rema zawk pawh a ngawi run mai!
"Sum vang ngawt a hnamdang kawp tawk lah an tlem lo nasa tih a chiang reng bawk.." ka ti nek a! Kan hnampui ngei mai hnamdang lakah an buan hneh loh hian Zoram hmangaihtu lâi hi alo na ve tlawk tlawk țhin a! Mizo mipa aiin min care zawk daih an han tih pang pang phei hi chuan ' a țha e, in thlán pawh nangmahni care em em tu te hnam hian rawn lai mawlh rawh se!' tih khum nek hi an chakawm hial țhin.

Sum vang a an kawp, Mizo mipa aiin min care zawk daih a tih pang pang țhin a ten an han hnutchhiah chiah a! An Mizo pui te bawk in kan tuamhlawm an ngai a! Aaa.. kan ram hi a damlo ta takzet zawng a ni e!
*Good Morning*
Chu message chu rang fe in ka reply a, karkhat hnu ah min rawn be ve teh mial anih chu!
*i țha em?* tih zawng ka thawn! A rawn chhan hun nghak in phone chu ka melh reng a, minute nga liam hnu ah pawh a rawn chhang ta lem hlei lo a! Min rawn chhaih kual a tum ni ber in ka ngai!

Shower hnuai ah ka ding a, mit ka chhing a, kawrsen vat leh a vun rawng inchawih zet mai kha a rawn lang zawm zat bawk! A bialpa, aw dam zet mai a a biak țhin nen khan zanlam ah nuam an tawl țhin a ngem? A taksa te ve tak a ruk a itawm em em si kha a bialpa in duhthawh takin a chul kual țhin a ngem?
' a thleng lo tawp ang' ka thil ngaihtuah țullo zet vang a bawiha rawn mar ve țulh țulh chu țul ti lo fe in ka melh a.
' lo in peih nghal at zel lo teh!

Station ka thleng chiah a, call a rawn thleng leh chur chur tawh! Kan Naga pa pawh court lam ah a in lan zak zak hnu ah reife lungin ah a tan a ngai dawn a, a laka ka thinrimna leh sum duh luat vang a hnamdang kawp hreh lo hmeichhia te lak ah ka lungawi loh dan a inang reng!

Nileng in ka buai ta zak a, Chimawmi pawh khan ka message a rawn chhang let leh tawh lo bawk! Ngawi run a ka awm tawh phawt chuan amah hlir ka suangtuah a, dak thei zet a min hnial țum ka ngaihtuah let chang phei chuan ka nui hawk zel! Ani tluk a mihring ţawng thei kha ka la hre miau lo.
Zan dar riat ani tawh, haw tum in ka indah fel mawlh mawlh a, cabin ațang ka chhuak a, night duty tur an lo thleng kim țhap tawh bawk.
An inkhengkhawng sap sap lai chuan ka dinna bul hnaih ber a phone chu a rawn ri a, ka ban vut a.
" Police station."
Mipa rawn thaw huai mai chu ngaithla in ka ding rem sauh bawk.
"Kan hotel ah túr vang a nikhawhrelo mipa pakhat a awm a, he thil thleng hi kan hotel ah a vawikhat thlenna ani bawk, nang chiah ka ring ngam che, kan hotel lam ah i rawn kal thei a ngem?" a rawn ti tawng, thil thleng chuan a țhawng hle ani ngei ang, a aw pawh a buai ru nak mai.
"In hotel hming sawi la.." a rawn sawi a, lehkha phek te ah ka ziak lut nghal zat bawk.
"Minute 10 hnu ah ka rawn thleng ang." Phone ka dah rual chuan chanchin ngaichang a ka naute min lo en reng tu te chu ka thlek thak a, Rema a awm lo, a fanu birthday ani a, party siamsak in an chhungkua in hun an hmang daih!
"Min zui rawh." Ka bula palian ber chu ka hui zauh a, pawnlam ka pan vut rual chuan ka hnung ah zel a rawn kal ve vat bawk.
"Sir.."
"Keiman ka khalh ang.." driver rawn tlan ve vat chu kut ka lek khum vut a, a ding ve chut a, motor chhung ah ka lut a, ka nau hruai pawh a rawn țhu lut ve tharh bawk.
"Túr a in hrai a thleng ani awm e?"
" A mak hle mai.." a ti sap, he Station a ka țhut hnu a thil thleng vawikhatna ani hial ang.
Hotel kan thlen rual chuan customer ho chu an lo ri nuai nuai a, coat suit ha mipa kan lam pan a rawn kal chu min rawn call tu kha anih ka ring.
"Pu Hming.."
"Engnge thil thlen dan?" Ka ti sup, hmanni lawk a hawn thar ani a, lut chhuak pawh an țhahnem thei hle! He thil thleng pangngai lo zet erawh in an sumdawmna a ti țhuanawp ve hlek ang.
" a chaw order ah khan túr lo phul an awm anih kan ring, a thawk a buai a, a chil phuan a rawn chhuak țeuh a, emergency kan call tawh a, an rawn la tawh."
"Choka lam ah min hruai la, chanchin kimchang zawk sawi pah zel la." Ka ti sup a, hotel chhung hall zau zet ah ka lut hmasa a, a țhen chuan min lo en duh ngang bawk.
"Engmah khawih sawn lo tur in ka hrilh a, hei thil thlenna hmun, a chair ațang a let thla nghal tawp a.." ka bu nghut a, thil thlenna hmun chu ka enkual thuak a, dawrkan khuhna a tluk rual khan a pawt thla tel a, a hnawk rum mai.
"Choka lam kan en thei em?"
"Tehreng mai.." hma a hruai a, ka zui ve zel bawk, choka chhung chu a thianghlim hlarh a, eisiam tu leh hnathawk tu țhenkhat lo ding tlar țhap chu ka melh kual thuak a! An vai maiin an mitmeng a tlanchhe chhin lo vek!
"Pawnlam mi rawn lut an awm em?"
"Sir, kan hre lo, kan buai țhin sia.. aa.. engmah kan lo chik lo a."
Ka bu nghut a, hotel neitu pa chu ka melh a, a rilru a buai hmel map map kher bawk.
"CCTV i vuah ang chu maw."
"Vuah e.. Sir, i enfiah thei ang.."
An operation room lam kan pan rual chuan Rema te chhungkua an rawn lang ve ta hlawl a, Rema chuan min pan nghal vat bawk.
"Sir, cctv kan check dawn.."
"Ka lo kal ve ang " a ti a. Ka bu ta nghut bawk, engemaw sawi duh nei hmel zet hian aw a thian leh khurh zel a. Eng lém a sawi ta hauh bawk silo.

Computer chu uluk fe in ka en a, choka a chetla vel pawh an langchiang ngang mai! Thil thlen hun lai vel pawn pawnlam mi awm an awm lo, thuamhnaw var vek an ha a, thawk thar hlim an nih vang nge an zuan pawh a zang hlawm hle bawk.
"A mak khawp mai.." ka ti hluk, choka hnunglam kawngkhar ah chuan hotel hnathawk uniform ha an lut chhuak reng a, a țhen in an hmanraw hman ruak țhenkhat an dah chhuak a, artui plate ruak leh thil dang dang dah chhuak in an insulpel reng bawk.
"Kan lo en chiang a nga, i customer te lo va chingfel la."
"Aw le.. mamawh in neih chuan min rawn ko vat thei ang.." ka bu nghut a. A chhuah chiah rual erawh in Rema'n min din hnaih sauh thung.
"Sir, i bialnu kha he hmunah hian a awm ve a nia"
"Maw?"
"Ih.. Rv a mi kha.. chuan.. ka la sawi chhuak lo bawk, tun a túr a hrai pa ei tur hi amah ngei in a rawn pe?"
"Sawi chiang rawh.."
"Victim te table dawt chiah ah kan family in kan țhu, chuan hmeichhe pakhat a hnar achin hnuailam zawng tuam in an ei tur chah a rawn nawr chhuak, i bialnu kha a ang ka ti deuh a, ka en zui ta reng bawk. Chuan.. ka chian tak em em nachhan chu a nghawng ah khan ser a nei.. Naga pa in chem a a hliamna chen chiah a zau in ser a awm phei.."

Chimawmi tih ani ang maw! Za lo zet in ka țhen sak a, pindan aţang ka chhuak vut a, ka kekawr ipte a phone chu ka la chhuak rawk rawk a, tukin message pawh a rawn chhang lo reng reng, a number ah chuan ka call a, a ' ring' char char a, engvanga tualthah duh ta mai ngei anih?

' chhang ta che..!'

A chet duh dan ka ngaihtuah let a, eng thil mahin a ti tim chhin ngai lo, amah leh amah pawh ka hriat theih chinah țum hnih intihhlum a tum tawh bawk! Amah ngei ka hmuh vat a țha ta ber ang!

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » March 6th, 2019, 12:59 pm

☆UTOPIA : 1996☆
Chapter 5
By
Abbra Reo Ririni Khiangte ( Pitartei)


❌If you want to be ORIGINAL,
be ready to be COPIED 😝❌

"Sir, damdawiin lam ah kan kal ve dawn mi niang?" Ka hnung lawk ațang Rema chuan a rawn ti a, chal chuar tup chung in phone chu ka melh ngur thung! A phone a chhang duh hauh lo.

"Amah ngei ani tih i chiang em?" Ka ti hap, ka bul mai ah a rawn ding a, lungawi lo zet in ka melh ta run bawk.

" an pumrua engkim a intiat, chuan.. I bialnu ser neihna tur hmun chiah ah kha nu pawh khan ser a nei!"

"cctv ka check leh dawn!" Ka ti ta hmuk, a chhan chu Chimawmi a ni ngei em tih ka fiah hma in amah ka puh ve ngawt dawn lo, aaa... amah anih ka rin viau rual in keimah ah hian pawm duh lo tu a awm ve bawk!


computer bawk chu ngunthluk fe in ka bih run a, choka a chetla na na nâ chu an langchiang kelh!

"Lawk.." ka ti sup a, ka click zeuh a, ka duh lai tak aţang ka en țha leh ngat bawk.

Hmeichhe pakhat artui plate ruak paih tur in a chhuak a, 30 second pawh tling lo ah chu hmeichhia vek chu choka ah a lut a, chuan Rema sawi hmeichhia ngei kha mask vuah in a rawn lut ve ta bawk. Ka pause a, screen chu ka zoom nghal zat bawk, phe deuh riai mahse Chimawmi a nih lohna chance a tlem viau ang.

Mit khap hlek lo in choka a a chetla vel chu ka en ve reng a, hnathawk tu te pawh khan thudik an sawi ngei! An buai buai in an buai a, Chimawmi lut ve ngawt pawh chu an ngaihsak lo, an uniform ang chiah a hak ve vang pawh ani mai thei!

Minute thum hnu ah an eitur lam pe turin amah khan ei tur nawrna lam a pan ta tharh a! A bula mipa in engemaw a hrilh zui zat bawk! A túr phul lai a lang lo a, chutiang bawk in choka lam ah a lut nawn leh tawh lo bawk!


"Damdawiin lam ah chuan kal ang.." Pawn ka chhuah ve rual chuam Rema leh ka nau hruai pakhat kha an lo ding dun a; hotel neitupa pawh kan lam panin a rawn kal ve chiah bawk.

"Khawi damdawiin ah nge an dah luh?" an damdawiin dah luhna min hrilh a, a chak thei ang ber a hma ka lak tur thu ka hrilh a, kan thur chhuah tura hi Chimawmi a lo ni tak zet anih chuan! Lu ka thing nghut ta mai! Insawifiahna țha tak a neih ngei a ngai ang.

Damdawiin lam pan in ka tlan chhuak a, ka nau pakhat chuan Rema chu thil thlen dan vel a zawt zauh zauh reng a, min venthawn ve vang nge, an ei tur chah rawn nawr chhuak tu lam chanchin a sawi ri hlek lo bawk.

" Helam ah hian." Nurse pakhat chuan túr a hrai-pa an dahna lam panin min hruai a, a cabin bik kan thlen rual chuan mi challawk fe fe an lo awm nawk a! Min hmuh rual chuan an lo ding suau bawk!

"Nangni in em ni case hi la dawn?"

"Ka hre lo, engnge a chanchin?" Ka ti sup.

"Aaa.. doctor chuan thihna khawp anilo a ti nangin a la harhchhuak zo lo anih kha." A ti churh a, Ka nau te ho nen chuan kan ding ve ta reng a, Hmeithai zu zuar fanu in engtinnge chhungkaw vantlang chunglam a mi hi a beih theih? Chhan țha tak tel lo chuan kan Chimawmi khan tiang thil hi a ti mai mai lo ang! Minute 10 hnu ah Doctor in túr thahna dang in a jection leh a, kan luh a phal ta chiah bawk.


Kan inzui lut a, pawnlam ah hliam a nei miau lo a, a hil pial, mahse oxygen hmang in thawk a la thung.
Amah ber a biak theih miau loh avangin rei pawh awm lo in kan chhuahsan a, Rema leh ka nau pakhat chu taxi a haw mai tur in ka hrilh a, kei erawh Chimawmi te veng lamah kal ka tum thung! Engkim țha tak in a sawi dawn lo tih hrelawk vek a kal tur ka ni a, kan inchai leh hrep ngei ang le!


An inkawt ah motor ka hung run a, an in a thim țhiap bawk! Ka call a, call a chhang duh der reuh bawk silo, tlaivar țhak pawn nghah ngai mahse ka nghak chhuak tho tho ang!


Seat nghenchhan ngheng ur ur chung in hmalam ka melh run a, zinglam dar khat ani tawh, a ni lah thehhmeh ang hmiah in a reh veng veng rih a, an in bak hi zan riahna tur a nei chuang pawh in ka hre lo, lawk! A bialpa in lamah te a riak a ni mai lo maw!


Car front light in min chhun khalh a, mit ti zim san a ka en tak ah chuan car chhung a hmeichhe țhu chu Chimawmi ngei ani tih ka hria, ka chhuak zui vut bawk, amah pawh car aţang a rawn chhuak ve chiah a. Min hmu thut chuan a ti danglam pha der lo! A lam panin ka pen zui pawk pawk a, car chhung ațang mipa hmai fai veng mai a rawn chhuak ve chiah bawk! Car khat aţang mipa nen an rawn chhuak dun ringawt pawh in min tih lawm loh tawh sa tehreng nen! Mipa chu Chimawmi lam ah a kal ve zui zat a, an hmaah tak ka ding khawng nghal run bawk.

"Engnge i duh a?" Chimawmi a ni, a bialpa lah chuan a din hnaih ang sauh va.

"Biak che ka duh." Ka ti sup, Chimawmi taksa ka hmuh laia a tawk anih chuan engkhaw sawi lo in ka hnek let tawp ang.

"Sawi la.." awlsam fe a a rawn ti liam puat chu ka haw kher mai!

"A falin.."

"Arinte..?" Mipa zawk chuan ngaihtuah hmel zet in a thlek a, ka awm ve reng laia induat a țul kher em ni le!

"Ka țha.. chuan min thlah vang in ka lawm lutuk ania." Nui sang in a bula mipa ding chu a melh a.
"Min lo zui la.." kei min melh leh chung chuan an in lam panin a pen zui zat, rum zet in a bialpa chu ka melh hrawk phawt a; a ni erawh a hawi buai nak thung.

"Zan rei tak hnu ah mipa thlah ngai khawp in khawnge i kal?" Chhuat lai tak ah ka ding run, pindan ațang a rawn chhuak ve chiah bawk.

"Chu thil min zawt tur ngawt chuan maw i rawn kal a?" A nui hak a, ka din khawng luahna lam pan chuan a rawn kal a, min palzam lutuk te chuan min ti thinrim țun thei.

"Khawnge i kal?"

" Nula ka ni a, khawi khawi ah emaw ka kal ve bawk ang chu!" Sofa ah a țhu tharh a, min chho melh kiau bawk.

"Zing dar khat thleng chu khawiah chuan maw i kal a?"
"I hriat ve a țullo.." a ti sep, a hawisawn nghal hmak bawk! Thinrim inbengdaih tum in thawk ka la ta ham ham a, ni e, ka thil chhuinaa min pui tu a ni a, ka mamawhna a zo tawh bawk! Mahse, mipa nen zinglam dar 1 thleng rawk an awm dun ani a! An thiltih tur ka chian lutuk vang nge ka sa nghal huam thei mai!
"Kha pa bulah khan i mu em ni?" Ka aw rikdan ngeiawm zet chu control tumna ka nei bik lo.
"Hmela?"
"Ka sawi dik em?" Ban ka vai vut chu run zetin min rawn melh ram ram a. Hun nuam tak hmang lo se; hun hmang dun lo se in lam pan nan a tlai tawh lutuk.

"Rawn in thlah tir kher lo khan zan riak tlang law law ta che!" Ka ti leh nek bawk! Ka thinrim țawng hmuk hmuk chu engahmah min ngaih loh hmel fé in a nui sak a, sofa nghenchhan chu ngheng in hahdam hmel fé in kei a thinrim ipik țun mai chu min thlek a, nghal zet in a mitko a kân ak ak reng bawk!

" Dr Hruaizela kha i thik tih sawi tum miah suh."

" ka thik lul lo!"

"A țha, i thik lullo, anih chuan engvanga rawn kal nge i nih?" hmelhriat satliah ang mai a min bia chu ka run tawk a tling em em bawk. Chuan kei hian a bialpa fai vir ver nen khan ka thik lo hulhual bawk, thik ngawt tur lahin he Chimawmi hi ka tan tumah ani bawk hek lo.

" Hotel ah khan engnge i tih?" Ka ti hmuk, a hmel landan a danglam zeuh em tih hriat tum in ka melh ngur a! A ni erawh phawk hmel fe in a rawn hawi dawrh thung.

"Hotel ah ka kal lo."

"Aih, cctv ah pawh ka hmu che."

"Min hai anih ka va ring ve Officer Hmingsangzual!" kher a!

"Ka hai hauh lo che. Rema pawh in a mit ngei in a hmu che." a hma lawk a lungawi lo fe a ka ding reng chu min nuih hak a, a nghawng ah chuan puan uk par sep sep a suih bawk.

"Rema.. i țhianpa chu tarmit power tam deuh zawk leisak rawh." hmeichhia chu nilo se ka țham nawk ngei ang, a țawngkam chaltlai zet chuan ka dawhtheihna limit a pel ta bawk.

" kha pa kha engvanga tûr a hrai nge i nih?" Ka aw a ring lo, mahse a khauh ta hle thung! Sofa ah chuan ke a hlang chho va, a khup ah a khabe a nghat let a, verther zet in a nui sak bawk.

" thil thleng ka hriat ve loh min zawt chiam chiam tur hian thuneihna i nei lo.."

"Ka nei a; ka zawt mek bawk che."

"Engmah ka sawi duh loh chuan nang hian tihtheih i nei lo."
"Túr kha a ei tur ah i phul tih i sawina ah ka ngai ang." Ka ti hmuk.
"Ka phul lai tuman an hmu lo." a nui seih a. Min hlau miah lo chu ka haw hle bawk. "cctv ah pawh a lang lo, chuan.. i țhianpa pawn ka phul lai tak a mit ngei in a rawn hmu lo, a awmzia chu túr ka phul ngei tih hmu an awm lo, chuan i duh duh min zawt thei lo tih a chiang tawh em!"

" Jail i luh phah thei tih i hria em?" Ka ti țhawt! A thle bak a, ka pen fawk tak tak zawk dawn mawni!
" tehreng mai.." a ti leh hmiah! Engtin pawn han ti ila, a hlau chhin duh ngai bawk silo, ngeng ngal in a che ve ngat ngat zel a! Kei tak pawh hian engtia tih tur nge ka hre ta hlek lo.

"Anih chuan min zui rawh.."

A rawn thaw hak a, a ke chu hlang thla in sofa tlang chu a kut in a vuan a, min chho melh ang ren rawn a.

"Ka zui dawn lo che, chuan ka sawi zo chiah, túr chu ka phul ngei e!" a chetdan rawva ru lutuk sawi chhuah chu nuam a ti hlei hlei emaw tihtur khawp in a mitmeng a fiah kak bawk. Kei erawh in mak ka ti vak lo, a chhan chu cctv a mi nen khan an inang kher bawk em a ni. A hmel ațang chuan hetiang ti thei hmel hi a pu hlawl lo asin! "Mahse ka phul lai tuman an hmu lo, court chu mitdel, finfiahna a hmuh hmang a rorel țhin a nia, tumah in ka ti lai ngei in hmu lo, jail a ka luhna chhan tur a awm lo." Ka mit ah tak en in a nui leh seih a, inthiam lohna emaw nuam tih lohna emaw a mit ah hmuh tur a awm lo cheu bawk!

"Min man thei lo ka tihna anih chu!" Min tihel fe hian a rawn ti leh a! Tunah kher kher hi chuan mipa a nilo pawi ka tih ber țum ani hial ang, hmeichhia kut thlak ngawt lah a dik hlel deuh si! Mahse he nu ngil ngel hi engtin emaw tak tih erawh a ngai, nge ni a, khai kang in nawalh fawng in ka vaw fawk mai dawn!

"Engvanga tûr phul nge i nih?" vin chiam dawn lahin kei ai daih in a vin thei zawk a, kut thawh chiah ila hmanrua engemaw ber in min vaw leh pawp pawp duh dawn bawk! Chuvang tak chuan nem tak a biak a țul in ka hre ta zawk.

"Ka hua!" A bul tek tawk viau e.

"I huat chhan chu sawi rawh."

"Aih, tun hi chu ka warning na mai mai anih hi, engtiklai pawn ka that thei tih a inhriat theih nan tûr chak lo ber chi ka hmang mai mai bawk, a hnu leh ah chuan a ruang i hlâwm tawh zawk ang."

" dam lohna i nei em?" Ka ti ta thlawt! Lu a thing nghat a, mihring ah pawh hmeichhe tleirawl ve mai in huatna nasa lutuk a pai thei hi mak ka ti a! Rilru buaina a nei anih te ka ring ta rum rum bawk.

"Haw tawh la, ka mu duh tawh."

Vanvadak meuh in ka rum ta hawk bawk! A rawn ding chhuak ve a, a hmel pawisawi lo zet hian thinlung nunrawng zet a tuam khawm a, he nunrawng na a pai tel reng hian amah ngei pawh a la tihlum hial ta ve ang.

"A tlai tawh zia hi!" Bang a sana intar chu thlek in a ham bai bai a, hetiang tak hian ka la beidawng ngai lo. An in ațang chhuak vat vat se ti ang hrim a min rawn melh leh rual chuan ka che ta vut a, ka awm ah ka kuah bet a, a rawn che ve phat dawn tih ka hriat rual in tha ka pe na ve sauh va!

" hmela, engnge i hriat?"

"Ka kuah che." Ka ti sup, tal put tumin a che ve nawk nawk reng bawk, kei erawh in thawk a harsat ţalh ţalh thleng ka kuah khawm a, a tawp a tawpah a tal chu a rawn tawp ve a, a chhip ah khabe ka nghat a, a thaw halh halh reng bawk!

" kha pa khan a tina che em ni?"

"I rin phak bak aia nasa in." A hmaiin ka awm a nawr miau, a aw pawh a ring hran lo, a chhip ah khabe nghat reng chung chuan a sam ah ka chul a, a țang ve ran reng chu a inthlahdul ve tial tial bawk. "Engtinnge a tih che?"
"I hriat ve a ngai lo.."
"Aih, Bawihi a ngai, engkim min hrilh rawh, chuan ka pui thei bawk ang che."
"Ka ring nek lo a che." A rawn che ve phat, ka kuahna ka thlahdul lai ani bawk nen a kut pahnih in ka awm a rawn nem ta pawp a! A kawng ah ka man nghal vut bawk.

" sex chiah ngaihtuah chung in min kuah leh em?" vanvadak in a nui hak a! Kei erawh in a khawsa zia chu mit khap hlek lo in ka en run thung!
" i tihtur zawng chu kha pa kha venhim tum rawh, anih loh chuan nakin lawk ah a ruang i chhar palh ang.." a kawng a ka kut suih beh chu rawn pawh phelh a tum a, a kut te ve tak hian a pawt phelh mai mai dawn lo.
"Haw rawh.. anih loh chuan Police ka call ang. " a rawn ti ta hlar! Kei erawh ka nui hawk thung.
"I hma ah police officer a awm reng lai hian police i call ang maw?"
"Hmel-a kan țhenawm zurui ho saw ka ko a nga, ka sual rawn tir mai ang che.." a rawn ti hlak a, ani tluk a hmeichhe luhlul hi an awm theih pawh ka ring tawh hrep lo e.
" zu rui ho sual rawn nih chu ka duh reng reng lo." Ka kun hniam a, ka hmuiin a chal ah ka nawr a, a ding ngawi ta reng thung!
"Duat ka tum tehreng che nen, zurui min sual rawn tir te i tum mai mai a." a chalah hmui nawr reng chung chuan ka nui suk a, ka hrawk zawn rawn lum ve hak ah chuan ka fiamthu a man pha ve in ka hria.
"Mu tawh rawh, ka inbiak leh hun ah chuan engkim hriat ka duh dawn nia." a chal ah ka la nawr reng, tim daiin ka ban bulah a kut in min rawn nem dat a, rum nghut chung in ka ding mar ve ta vut bawk!
"Ka sawi chu i hria em?"
"Thu min pe kual tu tur i nilo.."
"Thupek ani lo, ka bulah engkim sawi la ka duh mai chauh!"
"Engvangin?" Ngeiawm zet hian a nui leh hak a, ka kun hniam leh thut rual chuan min hlat in a eu ve vat bawk! A kawngah ka dawm reng, rum zet in min melh ram ram a, ti te mai hi chuan hmeichhe duhawm tak chiah ka hmu! Vertherna mitmeng kha an bo tawh a, ka chhaihna vang chuan a lai ve lek lek in ka hre bawk!
"A chhan chu i chanchin engkim hriat vek ka duh!"
"Engvangin?" ka nui suk a, a zawhna min zawh dan chu naupangchhia viau mahse nuam ka ti riau thung.
"Hriatchian che ka duh." a rawn ding ngil a, ka taksa si chet in ka pawt hnai a, a taksa ah danglamna pakhatmah nei lo hian min chho melh kiau va! Ka thusawi chuan a țhawng pawh in ka hre lo.
"Ka sawi chu i hria em? Hriatchian che ka duh, i hun kal tawh a thil thleng zawng zawng pawh bang awm lo in ka hre duh."
"I la hre vat ang." A ti sep a; a kawng ka chelhna bawk chu a rawn pawt deuh va; ka thlah ve ta mai bawk, taksa danglam hlek lo va a awm lai in kei erawh inthup fe ka ngai thung.
"Haw tawh la." a ti leh sep a. Bang a sana chu ka thlek ve vut a, a tlai tawh kher mai!
"Zing ah ka rawn bia ang che.." kawngkhar lam panin ka inher ta vut a, thingzai phel chhuat ah chuan ka ke pen ri chu a ring duh khawp mai! Kawngkhar bul ka thlen rual in ka hawi let leh vut a, a chal ka fawhna lai kha a lo khawih a. Ka en tih a inhriat rual chuan zawhnaa khat mitmeng in min melh a, kei erawh ka nui suk ringawt! Ka pen chhuah dawn chuan ban ka vai vut a, Chimawmi enkawl dan thar ka hriat thar hi zirlaibu a ziah luh tlak hial khawp ani in ka ring! A thupui ah *HMEICHHE LUHLUL ENKAWL DAN* tih vuah thlap bawk ila.
Motor chhung ka țhut luh rual chuan ka nui suk a. A lai ve ngei reuh chu a ni sia!
Kawngkhar ka pawt phui dawp a, Chimawmi kawngkhar rawn khar phui tur chu a rawn lang ve hlawl bawk, tukverh darthlalang chhan aţang chuan ka melh run a, tunlai tleirawl in an uar zet mai Jeans kekawr lian lam, a kawng a suihna awm ang chi kha a ha a, tshirt dum a hak chu a thun lut ve thlap a, a sam sei hniang kha a thlah mawl tawp bawk!
Lawk, a nu a awm miah lo tak em!


Show post links
Top
Abbra Reo Ririni
Post January 14th, 2019, 10:07 pm

Pawnlam a motor kawngkhar inkhar ri dawp ka hriat rual chuan rang lutuk in kawngkhar lam ka pan a, kharphui tum in ka ban a, Hmingsangzuala chuan tukverh darthlalang chhan aţang min lo en run anih chu!
A chang in min tihnat pawh hreh lo ang hrim in a che a, țawngkam na tak tak in min țawngkhum a, reilote hnu ah dam thlap in min be leh a, a bulah hian awmdan tur ka hre hlawl lo. Nichin phei kha chuan ka chal ah a fawp! Ni e, khi chapo-a khian ka chal ah a fawp a, fiamthu te a la thawh ve khanglang zui!
Kawngkhar ka pawh zim rual chiah chu bolero aţang a rawn chhuk leh ta vut mai! Rang lutuk in kawngkhar chu ri bur khawp in ka pawt khar a, chunglam ah ka lock a, vawnchhan chu ka vuan țai bawk!

"Lo hawng leh teh."
"Aih!" Ka ti vak, maksak zet in a che leh palh ang.
"Bawihi, lo hawng teh." kawngkhar bulah ka awm ngei tih a hriat vang chuan zawi supin a rawn phun leh a, ' Bawihi' min ti ve ringawt pawh hi a chhan ka hre der lo.
"Haw tawh rawh."
Lungawi loh hmel fe a a thaw hawk ri ka hre thei!

Ngawi reng in ka ding a, a kalsawn tawh anih ka ring! Thawm dim te in light ka hmet thim a, room lam panin ka kal țhem țhem bawk!
Lawk! Engvang a hlau ve ngawt nge ka nih a! Kan in anih hi, kan inah kher hi chuan ka thu ve ber.
Khum ah ka mu meng kar a, Hmingsangzuala hi min man tum a rawn kal ani ber in ka hria, zep nei lo in 'tûr a hrai tu' ka ni tih ka hrilh ve tawh, Jail lam ah min hruai lo kha mak ka ti tak zet bawk! Chutih rual in ka duh ang ngeiin ka chet phah thei dawn a, pawi ka ti der lo.

Kha mihring ka huat zia leh tih nat let ve ka chak zia hi tuman min hriatpui kher lo ang, kum 10 chhung ka inchher hriam tawh bawk a, hman a hmeichhe naupang dawihzep tak kha ka ni tawh lo bawk, aaa... ka thah hial pawh ngai dawn se ka hreh chhin eih lo, zanin kha chu WARNING ténau mai mai lek ani rih! A lehpek ah chuan a thi ngei ngei tawh ang, chu chu nungdam a ka la awm ve chhan ani bawk!

Ka phone vibrate chur chur ri vang chuan ka meng hlawl a, ka lungphu a ri dawt dawt bawk! Khum ah chuan ka țhu chhuak a, kum 12 liam ta a ka chung a thil thleng țihbaiawm zet kha ka mang leh a, he mumang vang tehhrep pawh hian zanlam ah ka mu țha thei ngai reng reng lo.

Ka phone bawk a rawn vibrate leh chur chur a, ka bek a thlan luang chu ka hru tawk a. "Pawnah min riah tir i tum em ni, kawngkhar hi rawn hawng rawh!" Ka âng hau ringawt! Phone chu a tawp zui hmak a, dar 3:45 am ani tawh bawk! Chuan Hmingsangzuala kha a la haw lo bawk a maw!
Jail ah min hruai han tum leh na teh se, ka ham hrep ang ti mawlh mawlh in khum aţang chuan ka tho a, ka inthlak miah lo tih ka hre chiah bawk!
"In i neih ve reng kha haw mai ta che." Kawngkhar pakhat zawk chiah hawng chung chuan ka ti nghal hlar, min melh khui chung in kawngkhar ah chuan a rawn inzep lut a. Ka lo tawlhsawn ve mai bawk.
"Khawnge i nu?"
Hmel-a mai mai chu! Chu zawhna min zawt tur ringawt chuan maw min kaihthawh a!
"I hmuh ang hian a awm lo." Ka ti hmak, chhuak leh nghal se ka duh vang in kawngkhar pawh ka pawt phui lo! Ka hma ah tak a ban hrawlpui pahnih kuangkuah hlun in a ding run a, tur fe in min en ngur bawk, police uniform a la inbel a, hetiang thuamhnaw inbel chung hian kan veng ah rawn phusa tam vak bawk suh se.
" khawnge a awm ka ti a lawm?"
"Damdawiin ah." Kan inchhang tawk viau, mahse ka chhanna duhkhawp loh hmel zet a min la en run a vang chuan ka thaw halh a.
"A damlo a.."
"Chuan?"
"Chuan i hmuh ang hian inah a awm lo." A kut kuangkuah chu phelh in a phun hluk a, a che zui hrut a, a che zui hrut ka tih mai loh chuan a landan hi sawifiah ngaihna a awm lo, kan inhrawl hleih lutuk, kawngkhar chu a pawt phui a, a lock ri khap a, at hmel zet in intineitu zet a a che kual chu ka en reng ringawt, a uniform kekawr siamțha chung chuan a rum nghut a, sofa lam panin a kal zui ta vut a nih chu! au khum nghek a, chhuak tur a hrilh ka duh a, mahse zing dar li tlang a au chiam lah thil ni thei ani bawk silo.
" mut hun anih tawh hi, haw i tum miah lo em ni?" A pheikhawk rah nat hmel zet chu kan thingphel chhuat ah chuan a ri ring kher bawk! Sofa sei ah a țhu thla a, mangang ru zet in a bul ah ka ding ve nghal ran bawk! Hetah riah a tum loh hram ka beisei!
"Va mu rawh, hetah hian ka mu dawn!" A kutphah hrawl zet a sofa ben thuk pah chuan min melh ngur a! Zahna a va tlachham pap pap ve le!
"Ka in anih hi.."
"Chuan?" Chuan a? ka theh chhuak chak lutuk!
"Chuan.." kawngkhar lam ka kawk va a. "Chhuak rawh."
"Ka chau ania, au chiam lo khan va mu vat rawh."
"I zak lo e a!" chubak in a chetdan hi ka sawifiah thiam lo, a zak lo tak zet!
"Zak rual pawh ka ni tawh lo.."
"Aw, putar zahna chang hre lo maw i nih, i hriatna a bo țhen tawh anih ka ring, en rawh!" Sana chu ka kawk va a. " zing dar li dawn ah mi in ah an lut ngawt ngai lo, aw, zahna chang i hre lo tak, tunlai țawng tak in 'manner' hre rawh, mi tupawh zing dar li rik dawn ah kai tho la, an in ah lut ta ngawt la tumah an lawm lo ang, kei ang chiah hian.." țhenawm te'n kan thawm an hriat ka hlau bawk si chu zawi si, duhthawh zet in ka ti zui tan tan a!
"Ân i cheh reuh lutuk!" Tih zawng in khang ka thil sawi zawng zawng kha a rawn khaikhawm anih chu!
"I va sual ve a!" A nui suk ringawt.
"Chhuak mai la."
" a va mak e aw, hmeichhia mahni ngawt a awm a țha lo, i khum țawm ka dil che pawh ni hlei lo."
" He in hi, ka in anih hi.. i lalhrawtna Police station ani lo aw.."
" ani ka tih lai ka hre hauh lo!" A ban a phar uk bawk! Ham bawrh bawrh mai ka chak dan chu rapthlak tak ani tawp!
A pheikhawk hrawl tham zet chu a tlawh phelh a, a lehlam a tlawh phelh leh lai chuan a pheikhawk pakhat zawk chu ka chhuih sak pawp a, tv bul a thleng rawk mai!
" in nei tu in chhuak rawh a tih chuan chhuak mai rawh."
" țawng zawt zawt lo khan va mu rawh."
"Mu suh pawh tila ka mu tho ang" rum deuh a melh pah chuan room lam ka pan a, kawngkhar na zet in ka khar pawp a, Hmingsangzuala chuan min lo nuih a nih chu!
"Puanlum sin tur pawh ka pe dawn lo che." Kawngkhar pawh hawn leh pawp pah chuan ka ti hlar!
"Ka dil bawk lo che." Mipa naupang inhnial hrat zet a ang lutuk! A sawi dik, min dil lo.
"Sofa ah pawh khan mu suh, chhuat ah khan mu rawh.."
" i khum ka rawn ţawm hma che in lut la va mu hle hle rawh."
"Chapo.."
"Chapo-a nupui tur i nih kha!"
" i chapo fe..maw? i nupui nih ai chuan Hunter-a nupui nih pawh ka thlang zawk fe."
"Vanduaithlak tak in Hunter-a chuan nupui a mamawh miah lo, a bik takin nang anga kawlh leh lek phei chu!" Ka ner ta nang a, room ah luh ka tum leh zet tawh, ka lung a la awi thei der bawk silo, zing dar li tlang ah kan in ah a rawn lut a, ka phalna tel lo in rawn riah a tum ringawt bawk! A thu a duh lutuk leh in nei tu zawk mu tur a min hrilh thla zen te hlei hlei chuan min ti thinrim hlur mai. A bulah sawn kal leh in a sam buk lai ah sawn ka va kek nghek mai dawn mi!
' aih, Arinte room ah lut la, va mu daih rawh, saw pa mahni thu duh zet vang mai mai sawn thinrim suh!' Thaw ham ham in room lam ah bawk chuan ka pen lut a.
"Muttui aw!" A la rawn ti hram anih chu! Ngawi hle hle se pem nei lo in zing a tho bawk ang.
Sitting room lam ah police officer chapo zet a awm ve reng tih hrereng chung in ka mut tui theih pawh ka ring hrep lo e! Amah ang sawn lian ve ngat ila chuan ka theh chhuak tak tak ang. Ka haw ngawih ngawih!

Țhenawm pa zing zu rui ri bul bul thawm vang in ka harh leh hlawl a! Ni a sang tawh hle anih ka ring, pindan chhuat ah nizung a rawn lut ut tawh mai!
Lawk, Hmingsangzuala kha a tho tawh em? Ka puan sin lai chu ka theh hlip sawk sawk a, khum bul a chappal lo awm chu ka inthawlh tawp, kawngkhar ka hawn bawrh rual chuan ka ding dat a!
Kan sofa sei ah leng lo zet in a lo muhil ve a, a uniform kawr kha a phelh a, a taksa chunglam khuhnan a lo hmang ve bawk! Tui no khat vel in tui ka suak a nga, ka zuk theh harh țhawt dawn mawni le! Chet hlak in washroom ka pan ta zawk a. A inah ngei haw in a khum zau pui ah a mu thei reng a, kan sofa ah chep zet a mut a thlang tlat chu ka hrethiam lo reng reng! Aaaa.. a chapo lutuk in min tihbuai a chak ve hrim hrim anih hi!

Ha ka nawt a, hmai ka phih leh a, towel a hmai hru mawlh mawlh chung in washroom ațang ka chhuak a, ngawi ngul in sofa ah a lo țhu ve run tawh.
" Good morning."
"Have a bad day!" Ka ti let hmak, a ri lo in a nui suk a, room ah ka luh san leh daih bawk. Pindan kawngkhar chu ka kalh thlap a, awmhmun thuamhnaw ka inbe zui sawk sawk a, ka nu bul ah nileng in hun ka hmang a nga, zan ah erawh tihtur ka nei!
"Min ti phu alawm!" Pindan kawngkhar ka pawh hawn rual chuan ka ti hlak! Kawngkhar bul a lo ding run pa chu rum el tiang in ka melh ram ram a!
"Toothbrush hman loh i kawl em?"
"Ka kawl, mahse ka hman tir dawn lo che.." mitko chuar nung a min melh tak nghek ah chuan room ah bawk ka lut leh hna hna a, Túr phul tu ka ni tih hrereng chung a min man loh vang a ka lawmthu sawi letna ni mai teh se.
"Kha, hmang zo la paih nghal ang che."
"Thinchhe em em nu!" Ti hluk in ka kut ațang toothbrush chu a rawn pawt thla hmak, a zaidam zawk pawh hi a thinchhe hlek hluk tih ka chiang ve e!

Washroom lam ah chuan a ri ruk ruk reng a, keipawh thingpui ka chhuang a, țhenawmnu rawn len luh hma in hepa pui pawh hi haw se a țha ang.
"Thingpui hi in la, haw ang che." Washroom ațang a rawn chhuah rual chuan ka ti tawng! Ka thingpui chhuan lai chu a rawn melh zawk a.
"Towel min hman tir teh." A tih a tam si! Room lamah bawk ka lut leh a, ka towel sukfai sa ka thleh zing a pakhat chu ka la tawp a, ka thil midang in min țawm hi ka remti ngai lo ania! A, lungphur a kai na tur in bangrel hi ka hru hmasa vak phawt dawn maw ni?!
"Zan dang ah lo kal tawh miah lo ang che." Towel chu a rawn ban vut a, ka thusawi chu hria ang pawh in a awm lo! Ka thingpui chhuan a rawn so va, gas lam ka pan ve vat bawk a. Thingpuife tam zet ka thlak a, hei hi ka in țhin ve dan a ni miau! Fridge chhung a bawnghnute chu ka la chhuak a, zingkar lamah hian thingpui tak ngek ngawk a in ka duh țhin a, nileng in ka in leh tawh ngai lo bawk.
No ah ka thlit chhuah lai chuan Hmingsangzuala chu a uniform kawr ha lo in a chhuak vut a, kawngkhar lam pan meuh in ka en zui ta bawk! vest dum a ha a, bolero kawngkhar hawng tur a ban a lek chhuah meuh chuan ka ban pahnih belhbawm ai pawn a ban chu a lian ang tih hial tur in a sek phiar țalh a, aaa.. amah hrim hrim hi keimah pahnih belhkhawm anih loh a takah!
"Ka rei lo ang, hetah zing chaw ka ei dawn, mamawh ka lei lawk ang." A va intithu tak aw, eirawngbawl ka peih der silo. Bolero chuan a tlan chhuak a, thingpui ka inzawh rual in kawt ah a rawn ding leh der tawh.
"Bawihi?" Min rawn auh dan chu a țul lo ber ang! Pawn ka han chhuak ve a, motor hnunglam a lo hawng a, a kut in a lam a kal tur in min hui zauh bawk.
"Engnge i hriat a." Motor hnunglam ah chuan eng eng emaw a khat hung mai!
"Vin vak lo in artui plate kha chawi lut rawh."
" aih.." ka ti hmak, a țanpuina hi vawikhat pawh ka dil lo, ei tur neilo ang hrim a min lei sak vak hi ka lawm reng reng lo bawk.
"Nupui thinchhe zet neih ka duh dawn miah lo a nia." Ti hluk in rambo plastic bag lian zet pahnih chu a khai chhuak nawlh a, ka chal ah a fawh vang khan a nupui ka ni dawn reng reng lo.
Inchhung lam pan a a kal nul nul chu ka en reng tawp! A rawn chhuak leh a, rum zet a ka lo melh ram ram chu engahmah min ngai lo in min la nuih suk zui a! Artui plate chu amah bawk in a la ta nge nge bawk! Hnunglam chu a nem phui dawt a.
" pawn ah ding reng lo khan lo lut rawh!" In nei tu zawk ang hrim a thu min pek kual reng chu le!
Kawngkhar a kharphui a, dining table ah a thil lei ho chu a dah khat vek! A kut a lo beng fai thuk thuk a.
"Heta ţang hna ka kal dawn, i nu chu engtiknge a rawn chhuah dawn."
"Ka hre lo.." a ngawi vung vung a. "Tlai lam ah ka rawn hmu ve ang, tunah rih chuan tukțhuan tur siam phawt ang le.."
"Nang hi accident in i lu kha i sawh em?" Lu a thing nghut a, min din hnaih hrut rual chuan rangfe in a thingpui tur a daih vek tawh thu ka hrilh a, a nui ta hawk bawk.
" Lawmawm reuh lutuk.." a kutțang in ka biang a rawn nul thuak a, gas awmna lam pan in a kal leh vut a. Glass no a thingpui chu a dawt khawlh a, a dai tawh bawk a, a in zo nghal vek bawk.
"Tinge heng zawng zawng hi i rawn lei a?"
"Oh, i nu dam loh chhung chuan rawng i bawl reng peih ka ring lo a, siam awlsam deuh ho ka rawn la khawm anih kha, chaw chhuan khat pawh ei loh mai mai ching lo la, heng hi chawhmeh siam duah ngai lo in i siam a nga, hun an duh lutuk lo bawk." a ti ta duah!
Ei a siam a, tv en in sofa ah ka țhu tlat a, Chibai Mizoram thupuang tu in nizan hotel ah a ei tur ah túr a tel vang a damdawiin panpui an awm thu a rawn puang a, Aizawl pa challang tak chu tu tih hriat loh in zanriah an ei chhuahna hotel ah kal chilh in a chaw order ah túr a lo phul a, nizan vek khan Pu Thankhuma hi Aizawl hospital panpui ani a, doctor te sawi dan chuan a chaw a an túr telh kha..
Tv chu ka off nghal daih! Tuman an hriat ve loh chu Hospital thleng nizan khan ka zui ve a! An dah luhna cabin number ka hre vek bawk.
Nizan khan ka that law law lo va a vannei tak zet! Ani kha chuan dam ve a phu lo a! Ka nun a tihchhiat man hi kha aia nasa khan ka rul let dawn bawk! Aaa... Amah huatna nen ka țhanglian chho a, ka ngaihtuahna leh thling te thleng hian kha Thankhuma huatna avang khan a khâ fuk vek! Thawk la hap a ka hawichhuah rual chuan Hmingsanga chuan min lo en ve run tih ka hre chiah! Rangfe in ka hawisawn leh vat a, ka țhutna lam pan a ke pen thawm a rawn hnaih rual chuan a hmuh theih loh lam ah remote chu ka hum ngawt ngawt mai!
" Kha mihring i huat em em chhan kha i nu in a hria em?" Min vin leh țhawt dawn maw ka ti a, mahse a aw ri chu a dam ruih mai! Lu ka thing a, ka bul mai ah a rawn ding run bawk!
"A hria em?"
"Aih.." a thawk la ri ka hre thei!
" a lakah engvang a zep nge i nih?" min vin hrep se awmdan ka thiam zawk ang, ka thinrim thei a nga, thil dang sawi in ka au khum nghek thei bawk ang, mahse min vin lo in zawldawh tak in min bia a, ka sawi chhuah duh ngai loh ka sawi ka hlau ta ber!
"Hriat ve a mamawh lo.."
"A dik ang, kei erawh in hriat ngei ka duh dawn." Chhuat melh ngar chung in lu ka thing a, a taksa hrawl zet mai che vut chu ka hmu phe vuai a, chhuatah a rawn țhu hniam a, ka darah a rawn man zui hmiah bawk.
" min hrilh la, i rilru pawh a nuam zawk ang." Ka nui sak mai! Hmingsangzuala erawh in a kutphah hlai hlup chuan ka dar a rawn hmer nghet sauh thung.
"Rilru nawm emaw, in bun thawl emaw pawh ka mamawh lo, ka duh ber chu khawvel a huatna awm zawng zawng hi neih vek a, chu huatna inhnawh phui lutuk chu puahdarh tir a, nitin a ka suangtuah țhin tihhlawhtlin ka duh ber!"
"Chu thil chu i duh lo.."
"Engmah i hre lo."
"I ngaihtuahna zawng zawng ka hre vek lo, mahse nang hian tumah tihnat i duh lo."
"Aih, khatiang khan ka rilru hneh tum suh; ka duh ber chu Thankhuma thah kha ani!" Ka nui hawk chu min melh run ringawt!
"Ka rilțam, ei zo ila nangpawn amah venhim hna thawk nghal ang che, a chhan chu chhunglam ațang hian chet la tur a min tur sek sek tu a awm a, chu thil chu ka dang reng thei lo." Ka vin lo a, huatna vang in ka aw erawh a chang hle!

Ka tho tur chu min thlah ve mai a, gas awmna lam ka pan nghal sawk sawk a, ani erawh ding mar in a chesawn leh eih tawh lo.
Gas dawhkan ah chuan plate pahnih a lo awm a, Artui kan, sausage, toast , apple zailep leh grapes bawr lian lo te a lo rem țhap a, a thil ei a hrisel em vang anih hi a len bik em em!
Fork ka ban rak rak a, Hmingsanga pawh a rawn let chho a, a ke pen a rawn hnai zel a, fork ban a ka dingdihlip chu ka hnunglam aţang min rawn kuah hmiah a, ka ngheng nghal rawk rawk bawk.
" min kuah ringawt zel suh." Ka hmalam a a kut suih beh chu ka ben sak thlawp a, Ka darah khabe a rawn nghat leh zat bawk, a pangtilum vung vung chu ka feel thei!
" ka sawi chu i hria em?"
" nangmah ngawt in engmah ti suh, ka puih che rem tirawh." a ti sup a, a țawng zawng chuan ka beng hnuai a lum huam huam bawk.
"Min pui ang maw?" ka nui seih mai!
"Pui ang, chuvang chuan engkim min hrilh la, chet ka lakpui zel ang che.."
" engkim i huam a ngem?" ka ti a, chhunglam a ka nui hi a hriat theih loh hram ka beisei!
" i nunna thap in min pui tawh a, keipawn engkim huam in ka pui ang che." Inchhir hauh lo ang che ka ti rilru mawlh mawlh mai! A khabe ruh kual in ka nghawng a rawn nawr leh rual chuan ka tal deuh phat a, a ban pahnih in min man bet miau a, a tan ka insiamrem a ang zawk mah mah bawk!
"Min puih theihna hmasa ber tur chu.. ih.. Min kuah emaw, aa.. ka taksa hrim hrim rawn si tawh suh." Ka nghawng zawn ah a rawn nui lum hawk a. Ka taksa pawh a che dawt thei! A hmuiin ka beng hnuai a rawn nawr a. Min kuah nghet sauh bawk!
" ka zawm ngai dawn lo tih hria ang che.. Chimawm." a aw chu zawi viau mahse ka hrechiang ngang thung!
"Nangpawn ngaiah i la nei ve mai ang.." dimte in ka beng a rawn seh zauh va, ka kawchhung lam hi a za uai thei.
"Ka enkawl dawn che ka tih kha.." thaw ham ham chung in ka darah ah bawk khabe a rawn nghat leh a. Ka taksa hmalam a, a kut suih beh chu a phelh a, ka chesawn bik lo, a kut pakhat in ka kawng a vuan a, a kut hrawl zet pakhat erawh a lek lang ruai ruai a, Naga pa in ka nghawng a hliamna hnu kha a rawn tawk a, a rawn tuai zui hauh hauh va.

Dan emaw ka tum lo, chuan.. kei chuan anihna chiah hi ka duh! Chupawh tualthat turin!


❌If you want to be ORIGINAL,
be ready to be COPIED 😝❌

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » March 6th, 2019, 1:02 pm

☆ UTOPIA : 1996☆
Chapter 6
By
Abbra Reo Ririni Khiangte ( Pitartei)




Pindan lam a ka phone dah chu a rawn ti chur chur a, phun hluk chung in min thlah ta hram bawk! Room panin ka kal zui vat a, kum 11, 12 ka nih ațang ka nu tih loh tumah in min la kuah ngai lo, Hmingsangzuala hi chuan warning na awm hmasa hauh lovin ka lakah tuman an la tih ngai loh thil te pawh a rawn ti bik zel a, ngaihzawng ka la nei ngailo tih hre ngat phei se chuan min nuihzat ru ngawt ang.


Dr Hruaizela hming chu screen ah a lo lang a, rang zet in ka chhang nghal vat bawk.

"Aw.." ka ti tawp.

"Nizan khan thil thleng a awm em?" a rawn ti a. Ni dawn tak, police officer uniform nena induang thlup in kan in ah min kalchilh a, zu an check emaw a ti a ni mai thei .

"Aih, engmah a thleng lo.." thawk a rawn la a. Ka nu doctor anihna ang in min ngaihtuah ve deuh te pawh anih ka ring. Ka doctor hriat tawh ah chuan a la fel ber tih ka sawi tel hram duh.

"Vawiin pawh ka rualin kal leh rawh aw."
"Tehreng mai!" Ka ti vat, taxi fare tur ka save phah zel a, a bula awm a nuam cheu bawk.

"Dar 8: 45 vel ah ka rawn thleng thla ang." Ka phone chu hmalam ah ka keng vat a. Tunah dar riat a ni lek lek tawh.

"Aw, ka lo insiam ang." Ka ti zung zung a, kan inbiak zawh chuan room aţang ka chhuak a, Hmingsangzuala chu a dinna ngai ah a lo la ding reng anih chu! Min ei zawh vek tum ang hrim a min lo en ngur avang chuan ka kekawr sirlam ka țham tawm ta ringawt a, amah ang a pa hrawl zet nen hian kan la in hnaih ngai miau lo.

"Tunge i biak?" A rawn ti hmuk.
A mood a lo inthlak leh hman tawh a nih hi!
"I bialpa ngo veng kha ani em?" a rawn ti nek, chutia ngeiawm lutuk a Dr Hruaizela chungchang a sawi chu ka lawm bik der lo.
"A nih kha, a fresh asin." Ka ti ve hmak, a rum nghut chu engamah ngai duh lo in chair chu ka pawt chhuak a, a ngo veng pawh ani lo, a fai sar a, hmeichhe tam zawk phei chuan an atchilh hlawm lutuk, Hmingsangzuala ang lo takin a inngaitlawm em em a, aaaa.. an mizia a hrang hlawk tiila ka sawi sual lo ang.
"aw, khi tah khian fork a awm, han in lak rawh.." fian dahna lam melh zeuh pah chuan ka ti sep a, thleng a eitur ho chu ka ei zui mawlh mawlh a, ei siam a thiam phian leh nghal, damdawiin ka kal hmain inbual hmasak phawt ka duh dawn a, Hmingsangzuala pawh hi ding run lo a ei ve vat vat tur ani asin le.

"Ei rawh, a dai vek dawn."

"Engnge in sawi?" Ka melh chho haw a, lungawi lo tih hriat lutuk in a meng khui mai!
"Kan sawi țeuh."
" a nih hrep chu!"
" eng chu nge i hriat a?" Ka ti hlar, rum zet hian min melh kham phawt a, keipawn ka chho melh ve nghek bawk! Fork a la a, dimlo zet in chair a pawt chhuak a, kan thusawi a hre chak ve ringawt chu mak ka ti hle bawk!
" In siam la, keiman damdawiin ah ka thlah ang che!" Kan inbiakna kha a lo hre thei a mawni le!
"Dr Hruaizela ka zui dawn." ka ti ve hmak. Dawhkan ah a kut pahnih chu a nghat a, a hum tawm ţawlh ţawlh ka hmuh rual chuan engmah ka sawi belh tawh dawn lo hrim hrim. Ka bialpa pawh ani lo a, a bialnu ka nih ngai dawn lo bawk min control turin ka tan tumah ani lo.

Thleng ka sil sawk sawk a, Hmingsangzuala erawh sofa ah țhu in ngawi ngulin zial a zu thung, ka kut ka hru hul sawk sawk a, bang a sana in tar chu ka thlek a, dar 8:20 am.
Room lam ah ka lut a; thuamhnaw zangkhai deuh ka zawng kual zung zung a, nileng in damdawiin ah ka tal leh dawn a, thuamhnaw țha hak ka phal bik lo. Khum ah ka thuamhnaw hak tur chu dah mai ka tum zet a, mahse Hmingsangzuala saw a chhuah mai mai hmel si lohva, washroom ah ka in ha nghal vek mai ang.
Pindan ațang ka chhuah leh chuan a uniform kamisz kha a lo inbel tawh a, tukverh ațang eng lo lut hnungchhawn zawng in a ding thim khup a. Ka inbual laiin a lo haw hram beisei ang!


Washing machine chung ah ka thuamhnaw chu ka dah a, ka kawr ka hlip a, ka kekawr hak ka hlip thla leh chiah a, washroom kawngkhar chu a rawn innem hawng pawp anih chu! Ka vir zawk maiin ka hria, kawngkhar a Hmingsangzuala lo ding khawng luah chu tui in ka theh țhawt chak lutuk, mahse chutiang tihnan hun ka nei lo, ka ban pahnih in ka awm ka hup a, chhuatah ka țhu tawm ta chawih a!
"Rawn zo la, pawnah ka lo nghak ang che.." a aw hnawk țûak chu a thian leh khurh a; in melhna vang in tualthat thei ngat ila chuan hepa hi ka melh hlum daih ang!
Ka țhu tawm kak chu uluk fe in min thlek leh phawt a, a hnar tum dat in a ban a rawn lek vut a, kawngkhar chu a pawt phui a, kei erawh ka thaw ham ham mai!
"Tenawm lutuk!" Ka ding a, kan washroom kawngkhar teh kher pawh a lock ti nghet tu perek a lo nghet tawh lo chu ni in! Insukna brush chu ka la nawlh a, perek lian vak lo chuan ka chhu zui nghek bawk!

Kha pa reng reng pawh khan kawngkhar a rawn kik hmasa thei lo vem ni! A chhung ah ka awm tih a hre reng a, tinge tha tawp a a rawn nem hawn pawp. Va chhuak in tuiin ka va theh huh vek phawt mai dawn mi!
Ka inbual lai te chuan ka thinrim bawk si chu nawhlung in ka innawt tawk tawk a, zah ah pawh ka la thei lo, ka thinrim hlur tawp!

Towel a sam tuam chung in ka chhuak a, inchhung chu a lo reh huai mai! Pawnah a awm dawn tih a sawi tak kha maw! Chuan.. a rualin ka kal dawn lo! Tukin hian a rualin ka kal anih chuan ka hming hi ka thlak ang!

Pindan ah ka lut a, sunscreen ka inhnawih thuak thuak a, make-up hi a țul tawp ah lo chuan ka hmang ngai lo, berry nam chek chek perfume ka hmang leh tawp a; ka sam tuamna chu phelh in towel chu ka zar pharh a. Engtinnge khapa kha ka hmachhawn tak ang! Bra leh panty chiah ha in min rawn hmu a! Ugggh! Ngaihtuah tawh suh, nakin ah phuba ka la ngei thung ang.

Kawngkhar ka nem hawng a, a bolero ah chuan tlan chhuah mai inpeih at in a lo țhu run tawh, glass a down a, min en nghal ngur bawk! Tenawm leh lutuk mai! Hman zan ang bawk khan rilru bawlhhlawh zet a pu dawn tih ka sawi ngam sak bawk.

Dr Hruaizela car ka va hmuh rual chuan ka țhen sak a, Hmingsangzuala pawn hmalam a en ve ta vut bawk, kawngkhar ka kalh sawk sawk a, chahbi chu ka bag ah ka thun a, Hmingsangzuala bolero chu kalpel in Doctor Hruaizela car lam ka pan nghal daih a, lungawi loh hmel fe hian a phun hluk a, kawngkhar a rawn nem hawn pawp rual chuan Doctor Hruaizela pawh a car aţang a rawn chhuak ve chiah bawk.

"Ka hruai ang che ka ti ani lawm ni!" A aw bul vut chu a khauh fur mai! Mahse ka hrelo der hmak thung. Hawi let lo in Doctor Hruaizela hawihai zet a lo ding lam chu ka pan lui zel a. Hmingsangzuala zawk chu a melh leh zawk a, buai rei hauh lovin min lo nuih ta bawk.

"I hman a mi?"

"Umm.."

" Zing lam chaw ka ei miah lo; hmanhmawh ang." A ti a, hnung zawng in a tawlh a, Hmingsangzuala chu a en leh anih ka ring, kei erawh hawi let miah lo in kawngkhar ka pawt hawng a; ka țhu lut tur erawh ka ip chawih thei! Kawngkhar ka phawt phui a, car hma a mipa hrawlpui hrilhhai hmel zet a ding khawng luah chu en duh tawh lo in ka malchung a ka kut chu ka en daih a,a hmel landan a rum in a thim map a; ka nu in ka pa bul lama min dah let a tum țum a ka țan ve tlat țum khan min hlap hrep a, mahse a tawp ah na zawk ah a țang a, luhlul ngel a ka țhu tawm kha tun a Hmingsangzuala min en dan ang chiah sawn min en tawh! Ka nu nen engvang a tehkhin ngawt nge maw ka nih le! Doctor Hruaizela pawh a rawn țhu lut ve a! A tlanchhuah rual chuan ka thawchhuak chiah in ka hria!

" Nizan ah a lo kal bawk, zingah ka hmu leh bawk, engnge in inkar ah awm a?"
Lu ka thing nawk ringawt! Hmingsangzuala kha nâ ang hrim a ka hmuh pawh kha ka hmu sual anih ka ring! Nat ngawt nachhan tur a nei lo, aaa... a hmel lang dur khup kha chu a chapo vang vek zawk anih kha!

" ka zawhna che ila chhang lo.."

" kan inhmu fuh ve mai mai anih kha.." ka ti sep a, motor khalh reng chung chuan min rawn thlek a.

" zep rih phawt teh." a ti ta nghut bawk.

Wb road kan tlan thui tak ah chuan motor a tawt tawh lo a, kawngpui chep lutuk reh ta huai chu ka thawven phah huai bawk!
Ring vak lo in car ah chuan music a play a, kei erawh ka tih țhin dan ni miah lo vin mipa vangin rilru ka kawm ve ta thung! He thil hi a vawikhatna tak tak ani bawk!

"In inah a riak em ni?"

"Maw?" Ka ti hu, motor a lo ding tawh a; min en chiang hle bawk.

"A.. aw, a riak a, sofa ah.."

"Tak zet!" A aw ri ah chuan mak tihna a langchiang kher mai.

"Umm." thinchhia in ka nelawm loh viau nangin dawt sawi phawng ka thiam țhin lo, ka ngaihtuah lawk ve fe chuan ka sawi ve țeuh thei.
"A va mak ve?!" A ti leh hluai a, keipawn mak ka ti, Police officer zu zuar inah a riak ania!
"In inngaizawng em ?"

"A teuh lo lutuk." Ka ti nghal chul mai! A nui a, ka nuih a za ve lo!

"A țhat hlauh chu, lo țhu rawh eitur ka lak loh chuan rilțam lutuk vang in ka chau chhe der ang." Nui chung in kawngkhar a nem hawng a.

"Engnge ka rawn lak ve ang che."

" thil ka ei tawh.." ka ti vat a, hmui pet sawi zauh chung in a kal chhuak a, moon rock cafe ah hian tuktin thil a lam ve ziah zel.

message tone a rawn ri kauh va, ka bag chu ka zen rak rak a.

* Ka rualin kal rawh ka ti a ni lawm ni?* ka thaw vak ringawt a, tinge tiang hian a awm tlat le, tun lawk pawh khan Dr Hruaizela ka zui kha nâ tih hmel fe in min en tawh a, a nat chhan tur lah ka hre der silo, nizan ah a lo riak a, chuan zing ah a thil siam ka ei leh a, ka thiltih tur ah engkim huam a min puih a tum thu a sawi leh mai a... No, khapa khan min kuah bawk! Dimte in ka beng hnuai chu ka tawk zeuh va, tah hian min fawp tawh bawk, ka chal ah nen!

Chhang let chuang lo in a phone chu ka hmet thim a, Chapo-a tiin ka save a number pawh hi!

Kum 23 kumin january khan ka pum ve tawh a, mahse mipa tumah ka la hnaih ngai lo, huatna pai chung in ka țhang chho va, kum tin huatna keimah a awm chu ka vulh lian a, khawvel ah hian ka nu chiah ka hmangaih; mihring dang zawng chu mihring satliah vek an ni! Nula leh tlangval inhmangaihna phei chu ka la dai ve chhin lo a, tawn hriat ve lah ka chak bawk hek lo! Keimah leh ka nu kan țhat a, kan nuih dun theih chuan engkim a țha vek ani mai!

Coffee min rawn lak ve hram chu niin, chhunglam ațang chuan driver side kawngkhar ka nem hawn sak a, a rawn kun hniam a, ka coffee tur zawk chu min rawn pe a.
"Ruah sur nghek se tiraw?" Rawn lut mai lo chuan khua chu a han thlek kual vel a, doctor tur a tan chuan a naupang mah mah in ka hre țhin a, mahse engkim ah a thiam ber leh damlo te rinngam ber a ni tlat a, ani anga tlangval fel hian engtinnge nupui emaw ngaihzawng emaw a neih loh theih tih hi ka ngaihtuah chhuak leh ţhin.

"Nizan thil thleng kha i hria em?" a rawn ti thut a; hospital kan hlat tawh lo, hria mai nilo in ka tih vek ani tih hre ngat se!
"Umm.."
"Thil thleng khat tak ani in ka hria, dinner ei chhuak țhin an tlem pharh rih in ka ring.." a ti leh nghut a, sawipui vak tur ka hre lo, ka thiltih ngei ani a, sawi ve vak tur ka hre lo.

Ka nu hian țum khat chu min hlap hrep a, hmunphiah min vuak nan a hman pawh kha a țawn a phelh phung bawk! Ka pa in ațang ka tlan chhuak a ka nu ka pan a, ka nu chuan a bulah ka awm chuan zirna țha ka dawn dâwn loh avang leh hmeichhe naupang in ropui tak ațangin in tereuhte a ka awm ve tur kha a phal lo a, ka pa in lam ah min let tir leh tum in min vau a, kut min thlak a, aaa.. a ţap ti tih reng bawk a, kei erawhin kha in ropui zet a let ai chuan ka nu in zankhua a min vuak pawh ka thlang zawk a, ka haw duh ngang silo kha a kiangah ka awm ve chuan retheih ka hmabak dawn tih min hrilh a; school țha ah min luh tir theih dawn loh thu te pawh a sawi țeuh, mahse a fanu thuawih thei tak mai kut a thlak hrep hnu pawha a pa in a let tum lo bur na na nâ kha chu min let tir leh a tum tawh ngai bik lo! A sawi ang chiah in ka pa in ang in eitur țha kan ei lo a, thuamhnaw lah țhanglai ka nih vang in engkim ka țhansan zung zung a, retheihna hi chu ka tuar ve hle in ka hria, retheihna awmzia ka hrechiang a, ka rualpui tam tak ang lo takin ka chhel bik hle bawk! Ka pa in lamah ka let duh loh chhan kha ka nu in min zawt țhin tak nangin ka chhang ngai lo, ka nu hi hmeichhe nunnem tak ani a, keipawh hian ka chhun ve hle țhin bawk! Mahse kan chhungkua a kehchhiat a, nuhrawn ka hrawn aţang khan luhlulna ' tulúm' in min luhchilh țan a, aaa, luhlul a, tuarchhel hi ka tum ber țhin ani a, tunah chuan ka nei vek tawh!

Hospital kan thlen rual in Doctor Hruaizela chu hand gloves ka dil a; mak ti zet in min en hau bawk. Mahse eng zawhna mah min zawt lo in bun engemaw zat min pe țeuh va, zanin ah ka mamawh ngei dawn vang in ka bag ah ka thun lut ta then a.

Ka nu cabin ah ka lut a, a lo muhil a, dimte in kawngkhar ka khar phui leh a, a cher chak lutuk chuan min tina thlawt bawk.
Chair ah bag ka dah a, a kut ah thlalak lian lo te pahnih a lo hum va a, kei erawh ka nui thung. Ka sen lai thlalak hi en a ching țhin a, cancer natna a neih tirh phei kha chuan a lungte kha ho te te vangin a leng țhin a, album hi a inchhawp ram zel.
Amah tih harh hlau zet in thlalak chu ka laksak a, ka nausen lai han ti dawn ila, thla 10 bawr vel ka ni ang, pakhat zawk hi keimah ka ni miah lo! Chair ah ka țhu a, mipa naupang aniin ka hria, 1985 tih chu thlalak kil sir ah a inziak a, ka la piang lo nasa lutuk!
Tu nge niang le? ti rilru rauh rauh chung chuan a lukham bul ah ka dah thla a, chair ah chuan ka țhu ngawi ve ta ran a, mit ka chhing a, Hmingsangzuala kha chiang lutuk in a rawn lang zawm zat bawk! Ka darah khabe nghat a a țawng khan a taksa hrawlpui chhunglam ațang khan min nghawr dar dar a, khatiang tak a inhnaih khan mipa nen kan taksa a awm ngai lo!

A dik lo!

Mipa pakhat a awm!

Chupa chu zanin hian ka rul let dawn bawk!


Ka nu pawh a rawn harh a, a dinhmun a ngai, thisen var a tlakchham tawh em avangin khum lu ah lukham dah sang in a țhu harh peih țawk a, amah enkawl nan sum kan sengso hnem tawh tih a hria a, a inthiam lo lutuk hi a hui leh pap țhin.

" Mambawih, nizan i mu lo em ni?" Chair a ka țhu, lo chhing leh țhin chu min melh a, ka nui ra ringawt! Zing dar li tlang ah Police officer hrawlpui ka inhnial pui hrep a, ka mut tam loh lutuk vang a ni ngei ang ka tha pawh an bo duak mai!
"Haw la han mu hahdam rawh.."
"Tlai lam ah chiah ka haw dawn ka tih kha.." ka ti hlak, min ngaihtuah hmel fe hian min en a.


Ka hnunglam ațang taksa lum vung vung in min rawh kuah a, a taksa nghet zet ațang chuan tunge anih tih ka hrechiang tawh lutuk! Zing lam ang bawk khan ka darah khabe a rawn nghat leh a, a thaw ham ham a, a kâ ațang boruak lum rawn chhuak chuan ka nghawng leh beng hnuai vel a rawn ti lum a, hetiang a min kuah chiah hian min delh rit tlat țhin tu buaina tam tak kha min chhawk țhensak in ka hre țhin a, a atthlak hle tih pawh ka hria! Mahse ani miau si a.
"Pawisa mamawh em em reng nu, min nei la, i ba ka rulhsak vek ang che." a aw ri chu boruak ah an thlawk darh a, ka beng dar ah chiah rawn lut turin boruak ah vek chuan insawmkhawm in ka beng ah hian an rawn thlawk lut ni ber in ka hria! An rawn luh rual chiah chuan ka taksa hi a nghing dawt thei.
" Hunter-a ka nei duh zawk fe." Ka ti chiam a, ka dara khabe nghat reng chung chuan a nui ri hawk a, a taksa rihna in min delh titih bawk!
"Min neih chuan Hunter-a pawh i ta tur tho a lawm." zawi sup in a rawn phun a, a hmel landan hmuh chian tum in ka thle deuh a: Police thuamhnaw a inbel lo tih a dar ațang chuan ka hmu thei, a biang pangtilum vang a sa vung vung chuan min rawn nawk leh a.
"Nangmah i ni em?"
Nui hawk chung in min kuahna a phelh a, rang fe in ka inher ve vat bawk, mahse Hmingsangzuala kha a lo awm tawh miah lo!
"Mamte, harh teh.." ka nu aw chu a ri vuat vuat a, Hmingsangzuala kha a intibo thei a mawn le!
"Mamte.."
Ka țhu ngil nghal zawk; mahse ka ban lo mu chur chur vang chuan ka ner ta nang a, ban hi ka delh mu khat asin le, a na lo a, a mur chhah chuai chuai zel a ; ka thawk a chham dawn hian ka hre țhin, ke mu phei hi chu ka hlau leh zual. Hmingsanga ka mumang ah ka la hmu leh ta nghal a, ka dik lo vel vek!

"Nizan túr inhrai tih vel kha i hre ve em?" Doctor Hruaizela ang bawk in Chibai Mizoram aţang a hre ve anih ka ring.
"Umm.."
" I pa nupui unaupa a ni tih i hria em?" a rawn ti leh sep a. Amah chu ka en vat a, a ka aţang ka pa chungchang a rawn chhuah vawikhatna, mahse a mit ah natna ka hmuh tak lovah chuan ka awm a nuam huai mai. Kei ang hian haw hlur thei se atan pawh a nuam zawk daih ang.
"Hria a lawm.."
" Hmelma nei tur khawp in a sual hauh silo va, engtinnge túr meuh va an hrai theih le?" A hriatchian loh lutuk vang a sawi ani tih ka hria.
"A nei tih a chiang reng a lawm, a chungah khatiang khawp a râwng a che duh an awm chuan thah mai hreh lo tu an awm ru reng tihna a nia.." ka chet tum din tak ka sawi!
"Nang țhin hi, khang kha midang bul ah sawi reng reng suh ang che, mi pawi kan sawi reu reu a nge."
"A ho e mai a, khawchhak lam chhuak an ni a, an awmna hmasa lam ah phei chuan dawithiam te an nei a, mi țha nise ka pa ina an rawn luh rual khan nupui fanau a nei tawh tih an rawn hmu vek a, zak takin an chhuak ang chu, mi țha an nilo a, an chhuah miah loh hi, aaa.. Putar hausa-a hi an unau hian an dawi tir anih te ka ring a nia.."
"Awi awi aw, tu hi nge maw i chhun ni?" Ka lu a ri nghal fawk mai.
"Khati vak khan ka lu ah min kuk țhin suh." Ka ti hlar, ka țawngkam thlahdah ţhin lutuk chu min melh tlak tlak a; mahse ka rilru thlak ka tum chuang lo, an unau hian ka pa hi an dawitir anih ka la ring fan tho, Burma ram a mizo hnahkhat chhuak an ni ve a, ka pa hi engemaw tiin a zin ve fo țhin a, ka nu meuh țhen chhan tur khawp in a nupui rawn hruai haw lah kha a hmelțha bik der silo, chutah a mitmeng a la phakar em em zui a, a țawng pah te hian a mit a che zek zek zel a, ka nu ai in a țha hlawl lo ka tihna anih chu!

Zan lai ah an rawn inhruai lut a, ka pa a rui chhur a, Thankhuma te unau erawh an harhfim kak thung, ka pa rui thawm vang in kan harh a, ka nu te nen kan mut pindan chhung ah ngei a rawn luhpui a, chutih lai phei chuan Thankhuma hian kawl puan ang kha a veng a, a unaunu, ka pa nupui tur erawh a incheidan a pangngai ve hle thung, ka pa in ka nu chhuak turin a hrilh a, a hne tawh thu leh amah aia kum naupang zawk leh țha zawk a rawn hawn thu in ka nu kha a au khum chhur chhur reng a, ka nu hrilhhai lutuk leh na ti lutuk hmel ka la mitthla let thei a, engkim hre rual ka ni ve tawh bawk a, ka nu insiam kha ka ngen ve a, ka pa in a phal bawk silo, chhuat ah țhu in ka nu ke ah ka vuan bet tlat a, ka ţap a, mahse ka pa in zo lutuk in min pawm kang nawlh a, pindan dang ah min dah a, pawnlam aţang kawngkhar a rawn kalh a, khami țum a ka mangan zia leh ka hlauh zia te kha ka la feel let thei vek, ka țap muhil a, pindan thim zet kawngkhar a rawn inhawn leh kha chuan khua a lo var vek tawh a; ka nu kha a chhuak em! Ka mutna chhuat aţang chuan ka tho sawk sawk a, kawngkhar rawn hawng tu hmeichhia chu ka theih ang a rum in ka melh ve nghek a, hmeichhe naupang kum 11 mi khan kha tih hun lai na na nâ kha chuan ani tluk a huat leh tihnat chak kha ka nei ngai lo! Tlanchhuah ka tum a, an unau in min man bet a, ka pa ka hmu lo a, ka ţap ri hria a rawn tlan vat țhin ka nu pawh ka hmu lo, kan in zau pui ah chuan khawchhak lam ramsa pahnih rawn chhuak in min chelhbet tlat hi a ni ber mai!

Thla engemaw zah chhung chu anni unau pawh an pangngai a, mahse kei erawh an kiang hnai a ka awm ringawt pawn ka hlauthawng țhin, chhiatna min thlen dawn tlat in ka hre fo a, kan inchhung ah ngei pawh him lo ang in ka inngai fo a, school kal tur a ka insiam lai te khan Thankhuma chuan min lo en te a ching a, chumai nilo in a ruih chang apiang in dawi lam a sawi vak zel a, ka pa lah chu an tih ang ang in a awm a, aaa... a mak ani tawp, thlarau hrisel lo kan inah khan an rawn luhpui tiila a dik ber ang.

Ka nu ka zawng dawn tih ka pa in a hrethiam ni hmiang, ka school kal tur te kha Thankhuma emaw a driver emaw min hruai tir a, min veng reng zel a; Thankhuma'n school a min thlah țum apiang in an ram ah chuan dawithiam an tam thu te, pawisa tam tak pek chuan mi pawh an dawi â thei tih te min sawi khum a ching țhin a, ramhla tak a mi pawh an thlalak leh sam zai khat lek an neih phawt chuan mi â ah an chhuah thei tih kha a sawi uar ber țhin a ni a, khatiang thu a kâ aţang a chhuah reng țhin vang pawh a ni mai thei ka țih a, ka rap hle țhin!

Indawi chu a lo theih tak tak a ni ngei ang, kan History teacher pakhat Manipur lam mi pawh in sawizauna a neih țum in a sawi lang zeuh tawh a, ' tam tak chu an ngaihzawng te nen an ințhen te hian an lungnilo a, dawithiam hnenah an bialpa/bialnu emaw thlalak leh an sam zai te keng in dawi â turin an ti țhin a, dawithiam lungawina tur an tih sak phawt chuan dawithiam chuan a lo dawi sak mai tawh țhin a, inhmun leh ram inchuhna a nasa a, chung in hmelmakna awmna apiang ah dawithiam pan tawk an awm a, an hmelma te chu dawi hmang ten an ti dam lo a.. khi lam ah chuan dawi a la hluar em em tiila a dik ang, hmelma apiang dawi at tir duh khawp a Pathian la hrelo hnam an la awm!' tih hi a sawi fo țhin a, Thankhuma kha a lo fiamthu ta hauh lo tih ka hriat thar phah a, a hma zawng aiin ka hlau a, chaw ei a, dawhkan kil tlan ringawt pawh ka hlau hial țhin kha ani a. Khatiang khawpa ka mihring hlauh khan min sual lui a! Ni e, Thankhuma hian țum hnih min sual a, kum 11 ka nih lai leh kum 12 ka nih laiin. Ka pa bulah ka sawi a nih chuan dawithiam a ruai anga. Ka pa chu amah leh amah a intihhlum tir tur thu in min vau a, țhianpa dawithiam a neih thu min sawi khum khur khur bawk a, kha kha chu pawi ka ti miah lo! Ka nu hnawtchhuak tu leh hriatchian hleih loh rawn hruai haw tu kha ' thi daih mahse pawi ka ti lo' mahse, ka nu pawh a dawi at tir tur thu a sawi khan ka hlau ta chiah a, ka nu awmna a hriat thu leh a hmuh thu a sawi a. Min sual luih thu kha vawikhat pawh ka la sawi chhuak lo! Keimah in ka tuar a, ka ţap a, keimah leh keimah kha ka inten a, nungdam a la awm nih kha ka zak hluah hluah a, ka ban a thisen zam ka zai chat a, mahse thil pawi a thlen hma in kan in hnathawktu in min rawn hmu a, ka kut a rawn tuam a, damdawiin ah min hruai zui rawk rawk a, min khawih țum hnihna ah pawh inchung aţang ka zuang thla a, nikhawhrelo in ka awm a, mahse ka dam chhuak leh tho! Ka thi thei lo emaw ka inti hial tawh zawk! Ka pa ber in a rin miau avang in mahni leh mahni in sawi mualpho va, sawrkar dan a kum reilote tan tir lek ai chuan thil tum ka nei țan ta a, ka ngawih bo pui ta a, tuma min hriatpui ka mamawh bawk hek lo, keimah ngeiin rulhlet erawh ka tum thung!

Ka pa ui note ang mai ani a, ka pa vang liau liau in inhmun leh ram a nei a, dawr lian lutuk a nei thei bawk, nupui a nei ve țhin takna in tuman an nei rei thei lo a, tunah tak hi chuan a parawl in ka hria! Zanin ah ka naupanlai hun zawng zawng hlau thlabar a min siam tupa hi ka that ang, ka tim chhin eih em tih min zawt em? A chhanna chu AIH tih hi ani! Zantin deuh thaw timna nei miah lo in a taksa zai thler duai duai turin ngaihtuahna ka seng fo va, taksa hmuh tlak a lawi awm lo in a taksa peng tin ka zai sawm vek ang!

Thankhuma leh a unaunu leh ka pa chiah khawvel ah huat ka nei! An pathum hian huat namen lohin ka hua! Ka nu cancer ani tih ka hriat hmasak ber khan ka mangang lutuk in ka pa chu in ah ka kal chilh a, pawisa ka dil a, a chhan chu ka nu enkawlna tur kha kan nei miau lo, chumi țum chuan a hnen aţang pawisa ka duh anih chuan a in ah ka awm a nga, min pe ang tih a sawi! A rilru chu chhia ka ti lutuk! Ka nu thisen cancer anih thu ka hrilh a ; a inah min khungbeh a la tum fo anih chu! ka nu tu in nge enkawl ang tih lam a ngaihtuah duh miah lo khan ka huat ti zual tu ani bawk! Pawisa min pe duh lo a; an mut pindan ah ka lut tlang tawp, a chahbi dahna engmah a lo la thlak miau lo, pawisa a dahna țhin ka hawng tawp a, pawisa in telkhawm pakhat ka la a, pindan kawngkhar ațang ka chezia chu min lo en ve reng bawk, zah a phu lo a, zah tumna ka nei lo bawk, a pawisa dahna save pawh khar tawh chuang in kawngkhar a lo ding ve reng lam pan chuan ka let a. A hmai zawn ah tak pawisa lek chhuak chung in anchhia ka lawh! Chu chu kan inhmuh tawpna ber a ni bawk! Khami țum a ka pawisa lak kha sangkhat hlir in tel cheng singnga a ni a, a aia tam ka lo la lo kha ka la in haw reng bawk.

Chhunah ka nu a muhil a, boruak thianghlim dawng turin cabin aţang ka kal chhuak a, thingtlang khaw hran hran aţang damlo an lo kal khawm ve a, a reh tak tak thei ngai lo. Damdawiin leh a chhehvel ah chuan ka kal kual mai mai a, ka mumang kha ka ngaihtuah let a, atthlak ka ti viau bawk, nui sak in thawk ka la a, Hmingsangzuala meuh ka ngaihtuah zui ve chu a nia.

Doctor Hruaizela cabin ka thleng ţep tawh, Zosangi kha ani in ka hria, ka ep lam aţang chuan a rawn kal ve a, a rawn pen hnai zel a, ka hai lo e, a chhiat loh ngaiin a chhelo leh pek hle bawk, kawrdum a khup chung thleng a fual a ha a, a taksa nalh zet leh mawngbawr vawng lah mai chu a langchiang zual sauh bawk. Min biak ka hlau in phone ka la chhuak a; ka bih daih a, vawikhat chiah kan inhmu a min hre ve tawh lo pawh ani mai thei, Doctor Hruaizela cabin kawngkhar chu a nem hawng tawp a, a lut tlang zat a, a hmeichhiatpui meuh in vawikhat hmuh ah kan hrereng thei anih chuan mipa tan phei chuan vei zui vawng vawng a awl ngawt ang, legend of the seeker a morsith zing a tu emaw ber kha a ang hial in ka hria, a chhelo rem rem e mai!

"Arinte." Ka ding dat a, Ka inher rual chuan Doctor Hruaizela leh Zosangi kha ka lam panin an rawn kal a, an nui dun sang bawk!
"Lawk, kan inhmu tawh tiraw?" Zosangi chuan a rawn ti ta chul a, lo hriat loh der theih ngawt lah ani tawh silo, Hmingsangzuala chanchin a sawi lan loh hram ka beisei.
"Aw, i dam em?" ka ti let a, Doctor Hruaizela chu a hawi haw mai.
"Dam e, nang?" Ka bu nghat a.
"In inhria em ni?" Min en a; a bula hmeichhe chhelo zet ding chu a thlek leh haw bawk. Hmingsangzuala nupui hual ka nih thu sawi lo hram rawh se!
"Hria e, kan inhriat dan erawh i hriat ve a țul ber lo, tiraw Arinte?" a rawn ti a, hnar a hlít phawi ang huai ani. Ka nui ta ringawt bawk.
Lunch ei tur in kal chhuah an tum a, anmahni zawm ve tur in min ti a, mahse thil ka ei tawh mai bak ah haw ka lo tum tawh a; ka zui ve ta lo.
"Ka buai lutuk a, tlai chaw ei dawna ruaiah lunch kan ei dawn chiah anih hi.." Doctor Hruaizela chuan a ti hap a, Zosangi pawh a lo nui ve hak hak bawk, anni pahnih hi an in ngaizawng zawk te hi a ni em? A nih hlauh chuan Doctor Hruaizela hi ka lawmpui viau ang.

Motor hunna lam an pan a, keipawh taxi ka la a, in ka thlen vel ah ka mu țha leh ngat ang. Ka phone chu bag aţang ka la chhuak rak rak a, lock ka hawng chiah chu Hmingsangzuala message kha a lo lang nghal kalh a.

* Ka rualin kal rawh ka ti a ni lawm ni?*
Phone chu ka hmet thim leh hmak a! Min kuah vang ringawt in ka mumang ah te hial ka hmu a nia, ani pui hi a hlauhawm pha tlat, ka hnaih tam loh a țha ber ang, anih loh zawng in ka rualpui dang te ang bawk in ka atchilh ve hle mai ang!

___________________UTOPA: 1996_______________

Hmingsangzuala's pov


A ȚHA E! ti nghut chung in motor ah ka țhu lut chawrh a, khatiang tak a hmeichhia min ngaipawimawh lo tu chu kha ka umkual reng lo ang!

Steering chum pawp chung chuan ka thawchhuak hawk a! Tinge ka rualin a kal mai loh! Washroom kawngkhar ka va hawn thut vang khan maw? Ka kik ri a hriat loh vanga nem chiah ka ni. Beisei lo zet in a ri rawk a, a inhawng der. Ka thiam loh pawh anilo; mahse ka thu min hnial phah nan a hmang ta tho a! A țha.. a țha vek, a bialpa ngo veng-a kha zui daih rawh se.

In lam ah ka inkhalh let a, ka tawt țun reng tho, mahse mipa ka nihna ang in tlawm takin min siam a, aaaa.. a chetdan khan min ti lawm lo hlawm tawp!

A thiltih engkim ah puih ka in huam, engkim tak tak ah, a chhan chu min lo pui tawh a, rulhlet pawh ka tihtur a ni ; khi zawng khi ka inhuam chhan ni mai se tawk ni mai tur! Mahse anilo, a bul ah hun hman tam ka duh a, ka hriatthiam miah siloh amah hlir ka ngaihtuah chhan hi hriatfiah ka duh a! Engvanga vei tut tut nge ka nih tih te hi hriat vek ka duh bawk, a taksa te ve tak ka kuah khan a chhanna zawng zawng ka hmu vek! Kha CHIMAWMI kha kei hian ka thlahlel , a atthlak tak zet!

A pawi tawp lo!

Kawtzawl ah motor ka hun rual in kawngkhar a rawn in hawng a, Liani a rawn chhuak hlawl bawk, chahbi a kawl tho a, zinglam ah ka awm silo a; a lo lut tawp anih hmel!

"Ih.. zingkar ah i awm bawk silo a, ka chahbi kawl hian ka lo hawng tawp asin"
"A pawi lo." Ka ti sup, ka aw a rum hle bawk, ka kalpel a, inchhung ah ka lut a, Hunter-a pawn min lo bawh uan uan mai!
"Bawiha, hna kal leh nghal ka ngai dawn nia." Kailawn ah min zui chho ve a, ka kawnghren ka phelh mawlh mawlh a, puakruk chu lukham hnuai ah ka rawlh lut a, ka intleuh thuak loh chuan ka awm a nuam thei der lo.

Thinrim țunin shower hnuai ah ka ding a, ka hmu leh ngai anih pawh in ka hmelhriat ani tih ka ti lang hlek lo ang, khatiang tak a min palzam mai mai tur pawh ka ni hrep lo e.

Station ka thlen hnu ah pawh ka mood a fuh thei der lo, țullo pui ah ka nau te ho ka vin tak nghek chang lah a tam, a țhutna ah țhu reng chung in Rema chuan min en ngar zel a ; an chetdan engpawh mai chuan ka thin a tirim hlur tak tak! Ka mimal buaina leh hna hi ka ngaihpawlh khat teh asin le!

"Mi pathum kal rawh u." Station chhung chhuat lai tak ah kawng nem run in ka ding khawng luah a, in rawk report a rawn awm a, police pathum chu an kal chhuak nghal bawk, tu pawh mai chuan ka thur chhuah nih an hlau a, an che vat vat hlawm a; a tu amah han vin chiam tur ka hre tawh mang silo, ka cabin lam ah ka lut leh ta ngawt a. Chair ah ka țhu thla chawrh a, dawhkan a phone chu inngaihtuah buai hman hlek lo in ka ban nghal vut bawk.
* Ka rualin kal rawh ka ti a ni lawm ni?*
Tih zawng ka thawn! Ka hmu leh ngai anih chuan ka thing nek bawk ang.


Kawt a dawr ah lunch ei turin ka lut a; midang lo awm ve neuh neuh pawh zawm ta chuang lo in bang kil lam a dawhkan inhung chu ka pan ding vut a, mi zing a awm nuam ka ti lo, engemaw hlek ah thinrimna tur ka hmu thla zen a, Chimawmi laka ka lungawi lohna hi tu emaw ber lakah ka hrithla nghek duh mai ang!
"Sir." Ka hawi chhuak vut, ka hma a chair chu Rema'n a lo pawt chhuak ve a, ka hawisawn leh nghal mai bawk.
" Engnge chanchin?"
" Lo buai suh." Ka ti hmuk, a thaw ham ham a.


Show post links
Top
Abbra Reo Ririni
Post January 17th, 2019, 12:09 am

Chimawmi khan tûr a hrai tu anih thu ka hnenah ngei a sawi a, chutichung chuan station ah hruaiin thu ka zawt fiah thei hauh thung lo! Ka thei, ka tum phawt chuan ka ti thei, mahse amah ka thlakhlelh rukna vang bawk khan he station a hruai lo mai hi ka ni!

" I dik miah lo a nia." Rema vek chuan a rawn ti leh a, țawng ţawng lo se ka dik ani mai!.
" Keimah a awm ka duh, min lo tibuai rih lo zawk teh." Ka ti ta hluk, hetiang tehhrep hian hna ka la tlin lo ngai lo bawk!
"Nizan ah hotel ah a kal em tih tal hriat i nei em?"
" I lo buaina tur a nilo.." ka ti ta țhawt, dawr chhung a mi te chu an thúm huk a.
"A țha em? Lo inrawlh suh!" ka aw a ring tawh lo, ha sehchilh ran chung in Rema chu ka melh khui a, a ding ta vut a, khatia vin hrep ngai lo khan inthiarfihlim daih tawh tur a lawm!

Ka khawsak dan chu tawrhhlelhawm tak ani ringawt, station huan hnim zawng zawng ka nau te ho ka sam fai tir vek a, an phun ngam bawk si lo, kei lah khauh fur in ka ţawng thla zen bawk a, huan lam ah an chhuk thla sap sap hlawm a, Station huan hi chu rukruk vanga kan man te leh khawlaia buaina siam kan man te hremna ang reng atan kan sam fai tir țhin! Vawiin ka mood fuh loh a zarah police in an sam fai dawn ta anih hi.

Ka room tukverh ațang an chetla chu ka en zui run a, a țhen rawn dak chho a min rawn en zauh tu a piang chu rum fe in ka lo melh a. An phui nui nui reng bawk. He hna ka thawh tirh te aţang a vawikhat nan tak tak ka mimal nun leh ka hna ka kaikawp ve ta, Chimawmi vang vek!

Night duty tur rawn thleng hmasa a piang hnenah ka mood țhat loh thu an lo hrilhru thla zen a. An tim dui hlawm mai! Zan dar 8 dawn ah ka cabin aţang ka chhuak ve ta vut a, zan lam duty tur ho chu a mal te te in ka melh kual a, ' day' lam hovin an lo hrilh lawk țha bawk a, an che vut vut hlawm mai! Phone a rawn rik chiah chuan chhang hmasa tu nih an inchuh vek emaw tihtur in dawhkan pakhat chu an bawr ta tuau va, kei erawh ka nui ta suk thung. An sawi fo țhin ka pumrua hi a hrawl a, ka thinrim lai ni miah lo pawn mi nelawm tak ka ni ngai lo, engahmah hma a min nel lo ngawt lah an tam; ka lung nihlohna te thup a, nihna lo pui a lan ka thiam der bawk lo, min hlau duh tu tan chuan ka hlauhawm hle ta ve ang.
" sir.." station ațang ka pen chhuak tawh, ka tawi hrut a.
"In ruk bo na a thleng?"
"Sawi țha leh teh!" Ka ti sup.
"Pu Thankhuma kha a cabin ațang a bo." Ka rum nghut a! Ka ban chu ka lek vut a, sana chu ka thlek thuak a.
"Insiam rawh u.."
"Yes Sir."
Ka nau te ho ri nak nak chu motor bulah ding in ka nghak a, tûr a hrai anih hnu lawk ah ruk bo ani leh a!
Lawk, kan Chimawmi thiltih bawk kha ani leh em! Ngawi teh, patling chethei lo khum a mu reng ru bo tur khawp in kha hmeichhia kha a lian tham lo.. lu ka thing nghut a. Ka kekawr ipte aţang phone ka la chhuak ruk ruk a, amah leh bawk anih vaih zawng in!

Ka call a, a ring ngial nangin min chhang der lo!

A huat zia ka hre tawh a!

A ruang ka hlawm a țul hun a la awm ang tih a sawi tawh bawk!

Chimawmi mai mai chu aw!

Ka nau te ho rawn chhuak țak țak chu motor pakhat ah chuang vek tur in ka hrilh hlawm a, hospital lam anni hian pan se, kei erawh Chimawmi te in lam ah ka inkhalh chhuak thung ang.

Kan station awmna veng ka tlan chhuahsan chiah tih ah ka phone a rawn ri ve chiah a, Screen ah chuan Chimawmi hming a rawn lang ta bawk!
"Khawnge i awm?"
Ka aw vin lutuk chu engahmah ngai lo hian a rawn nui ri hak a! A thiltih bawk anih ka ring nghet ta hmiah.
"Venghim turin ka hrilh tawh che kha.."
"LALRINMAWI KHAWIAH NGE IN AWM?" Tualthat turin ka duh lo, a thinrim laiin a duh ang thal in che mahse tual a that anih phawt chuan khuarei ah a la inchhir dawn.
"Kan awmna hria pawh nila i tlai dawn tho."
"In awmna chu sawi vat rawh!" ka ti țhawt! a rawn chet tlat tlat a!
"Location ka on a nga, chumi hmang chuan min rawn chhui mai rawh!" Mai mai chuan leh!
" aw.. lung nilo viau suh, kan awmna chu ka rawn thawn ang che, ka mamawh tho che a lawm." a rawn ti leh a, ka thawchhuak ham ham a. "Ka tan engpawh tih i inhuam tiraw?" Ner sawk chung in steering ka chum pawp, kha thu ka sawi lai a ka rilru leh a rilru put hmang chu a in perhsan chiang hle mai!
".. i thutiam i hlenchhuak thei em tih kan hria ang chu!" Phone a off zui hmak a, steering a ri zui pawp pawp bawk! Reilote hnu ah a message a rawn thleng a. Phone chu motor hmalam ah ka theh ngai nghal tawp! A tir te ațanga â chu kei hi ka ni! Verthernaa khat hmeichhe lak ațang hian eng thil nge ka lo beisei reng reng! A duh chu ti rawh se, keipawh ka duhdan in ka che bawk ang! Steering ka her pawp a, Rinzuala te hotel lam panin ka tlan ding nghal a, atan engpawh ka huam tih ka sawi khan a hmanraw pakhat lek a țan ka sawi lo, min mamawhna apiang ah kei hi atan ka awm ang tih ka hrilhna ani a, verther zet in ka thlakhlelh rukna hmanrua ah a hmang duh anih phawt chuan a rin ka ang lo viau ang.

Chhawng li na ah lift hmang in ka chho a, zing kar aţang tawh thinrim hlur a ka awmna chhan hmeichhe té ve tak kha ka hmachhawn leh dawn a nia, rik pawp ka duh dawn bik hauh lo!

Ka kal ngei dawn tih a hriatchian lutuk vang nge kawngka chu a lo in lock hlek lo bawk! Ka nem hawng pawp a, chhunglam a thil thleng erawh beisei phak bak ani tawp!
Thankhuma chu browntape in a ka a lo char phui vek a, char phui hneh tak a ni tawp! A kut a phuar bet a, a ke pawh chet ngaihna a awm lo hrim hrim! Khum ah chuan thisen a per nuaih a, Mizoram ah a vawikhat thlenna a ni hial ang! Thankhuma sazu a inzai chhum!
"Hello!" Kutkawr bun chung in chemte tle var a hum a, min lo nuih seih bawk!
Engkhaw sawi set set lo in ka puakruk pai lai chu ka la chhuak a, Chimawmi chu ka tin nghal hmaih! A ni erawh vanvadakin a nui hak thung.
"Chesawn tawh suh, Thankhuma tûr a i hrai avang leh a cabin ațang ru chhuak a, a chung a rawng tak a i chet vang in man i ni?"
"Ka ruk chhuah ani lo ve!"
"Nizan lawk a túr a i hrai mipa hi khawlai chhuak thei ani reng reng lo!"
"OH!" a ti duh lek chauh anih chu!
A chem ken chu khum bul chhuat ah a theh thla ri bal a, a kutkawr bun thisen kai vek bawk chu a phelh leh a, chetdan a hre rawva kher lah pek a!
" Thankhuma saw that rawh."
" Lalrinmawi!"
"Ka tan engkim i huam i ti ani lawm ni, amah saw that rawh, chuan.. Boom! A zo ani mai!"
"Nang kha man i ni!" Ka pan hnaih vut rual chuan a ner nang a; Thankhuma erawh mittui nen, thlan nen a inchawhpawlh nuaih thung!
" Min kap duh zawk em ni?" Ka silai chu rawn hum in a chaldar ah tak a hmawr chu a innawr chilh siah a! " tah hian em niang, nge ni a?" A thle zeuh va. "Ka bek ah zawk hian!" A mitmu lian kel kawl chuan min melh a! Khawvel ah hian he nu mizia sawifiahna tur thumal pakhatmah a awm lo ang! Van mipui te pawh khian rapthlak an ti ve hial in ania ka rin!
"Min kap dawn lo anih chuan saw pa saw kap rawh." Khum lam a kawk va a, a mitmu lian kiau erawh in min en chiang hle thung.
" Jail ah hrehawm zet in awm la, i harhchhuak thei chiah ang." Ka ti hluk, Silai ka lak let rual chuan engemaw sawi hian a phun ve sep a, handcuff ka phelh mawlh mawlh a, a banrek ah ka man rual chuan na fe in ka kut lo thin per a tum ve vat a ka nem mai mai tawh dawn lo!
Handcuff a in lock rik khap rual chuan hnaih chet chawt ah min din hnaih siah! A rawn dak chhuak a.
"Saw pa saw maw, ka naupanlai a min sual luitu anih saw, pawngsualtu nge i man dawn a tuartu zawk?!" Țek tla ri dawt ang chiah in min nghawr dawt! Uluk zet in ka chhuk en a, a thusawi hi rin tur ani emaw pawh ka hre hrep lo ve!
Za lo fe hian a rawn țhen leh sak a!
"Min sual lui țhin tupa a nih saw; that rawh.."
" I thusawi atthlak zet hi ka awih i beisei lo ang chu tiraw?" a hmai bul chet a kun hniam pah chuan ka nui suk a, a mitmeng verther zet țhin kha natna in a rawn thlak ta hlawk, a hmel landan zawng zawng pawh a dang dawrh thei!
" atthlak lutuk! A tirte ațang ka hrilh loh chhan che pawh tun ang chiah hian min ring dawn lo tih ka hriat lawk vang a lawm.." a nui hak a, tun țum erawh natna nen a ni ta thung. "Kum 11 leh 12 ka nih laiin min sual lui tawh.. i awih tur a sawi ka nilo, thudik a nih chu!" a aw a sehchilh nawk a, a tawp lam phei chu a ri che che, rang lutuk in a vanvadak a, mahse a mittui erawh a dang kir hman lo!
" min sual luih țhin vang alawm thi se ka duh em em!" a kut pahnih in a kâ a hup bet chawt a. Engemaw hi sawi leh a tum a, mahse țah chhuah hlau fe hian a hmai a hup ta thlawp a,
"Bawihi!" Ka taksa ah ka kuah bet ta ringawt, a taksa té ve tak che awk khawp chuan thawk a la ham ham a, ani hi an lo sual lui tawh a maw! Nghet leh zual in ka kuah bet a, a thawk a rawn rang a, ka awm ah a rawn nawr rual chuan a rawn in hnit chhuak ta hlawp hlawp a, Dim lutuk in a chhip chuan ka hmuiin ka nawr sak a, awrawl chhuah meuh va a rawn țah leh lek phei chuan keimah a lainatna awm zawng zawng a phawkchhuak vek! ka uniform hnung chu a rawn țhambet ta tlat bawk, ka theih ang a nghet in ka kuah khawm ta vek, nunrawng tak leh tihmawh lutuk ni turin a naupanlai a thil thleng rawng tak khan a nawr in a lo nawr lui țhin tih ka hriatsak ta chiah! Huatna, vertherna leh khákna zawng zawng te kha kum 10 chhung tak meuh a lo pai reng tawh vang zawk a hmeichhe nasa leh pawisak nei lo ang taka lang chhuak țhin a lo ni chauh va! Ka thaw ve hawk thei mai! A lo tuar nasa em a tin nih hi hmeichhe duhawm tak ni si kha ka lo ngaihsual fo țhin ni!
A țap khawng vek mai ang tihtur khawp in a țahna avang in a thawk a rawn buai a, a nu hnenah pawh a thil tawn zawng zawng a sawi chhuak lo tih ka hre ta bawk, nizan ngei khan min hrilh tawh! Chuan.. kum 10 chhung amah in a tuar vek tihna a nih chu!

"Aih, min thlah suh.." a rawn ti chul a, nawr hlat tum a ka kuahna ka phelh thawl chu a aia nghet in a taksa ah bawk ka suih zawm leh a, hnemna thu sawi tur ka nih laiin eng thumal mah sawi tur ka hre bik lo, engkim a bo duak vek!
"Reilote chiah nghet deuh in min kuah tlat rawh aw?" min dil lo pawh nise amah a talhran a tum hma ka kuah reng tho ang! A țah vang a thawk a hip let nasa lutuk erawh a chauh phah ka hlau viau thung, ka kuahna ban pakhat chu ka phelh a, a dar ah ka tuaisak ta hauh hauh va; kum 10 chhung a thuruk hrilh ngam ah min ngaih avang ngawt pawh hian ka bulah him tawk ang in a inngai ve tihna ani a, kei lah pek chuan chhe tak tak in ka lo ring a, ka lo țawngkhum thul! aaaa.. ka țawngkam chhe zet te kha na a lo ti ru viau țhin ang!


Khum a mipa let hlawm reng chu ka va melh a, a kekawr kawng leh zipper a in hawng a, a mipatna ber a awm tawh miau lo bawk! Ka luh tirh khan mak ka ti viau nangin tunah chuan a chan tur reng a hmu ah ka ngai ta! Pawngsualtu tan pawngsualtu huatawm dan tur lah a tuar tawh tu lo chuan an hrethiam kelh lo vang, sorkar dan in police lam in han man ngawt pawh nila; a rei ber ah kum 10 emaw awrh an tang a nga, a kar lakah chhuah lailawk an la nei dawn cheu bawk! Chu chu hmeichhe pakhat hringnun tichhe vek tu tan chuan hremna a tling zo ngai dawn lo a; a tuar tu te lam lung pawh a dam zo ngai dawn lo! Pawngsual tuar tu te duhthusam ber chu anmahni pawngsualtu, an phalna tel lova an thianghlimna laksaktu mipatna zai bun sak hi a ni tlangpui țhin a, Chimawmi pawn a duhthusam ber a tipuitling ah ka ngai! Thankhuma pawn a chantawk chiah a hmu! Jail ah a rei thei ang ber ka khung dawn bawk!

Reife hnu ah a țap bang a, mahse ka taksa ațang awmhran a tum mai bik loh avangin ka kuah zui ta reng bawk, a taksa a vawt thler a, a dar ka tuai na kut zawk chu ka chet a, a ban ah ka man a, ka kawr hnung a țham beh tlatna pakhat zawk chu ka pawtthla a, a kut ka humsak rual chuan vur khang ang maiin a lo hit ngung thei!
"Bawihi?"
"Che lo la." a rawn ti sep a, a aw a thám chhel mai.
" i țha miah lo a nia, phone ka rawn keng chho lo, i phone ka hmang lawk a nga, hepa hi rawn la se, ka hruai haw ang che.."
Muangchang in a inla hrang a, a vun a var vek a, thisen nei lo ang chiah hian a taksa chu a dang puap thei!

"Tah hian lo țhu rawh.." couch ah ka țhut tir a, a melh ngai melh veng veng in a țhu tawm kak a, a landan chu a lainatawm ani tawp. Chhuat ah a phone chu a lo let ngat a ; ka nau te ho khan Thankhuma hi rawn la se, a sazu bung vang hian a thih phah ngai dawn lo, Lock up lam ah hruai chho se, a țul dan a zirin doctor pawh ka ko chauh vang.

Ka call ațang reilote hnu ah ka naute ho an rawn thleng a; thil thlen dan hrilh lawk vek tawh mahila an rawn luh rual chuan thawm an siam hak tho! A țhawng hlawm hle anih pawh in a awm lutuk, kan ram ang ah phei chuan a vawikhat thlenna ani hial tak tak ang.

"Station lam ah riah tir tur."
"Sir, damdawiin pan a ngai lo ang maw!"
"A țullo, tikhan tuar dam rawh se!" Ka ti hmiah, an zawn chhuak a, Bawihi erawh room dang ah a awm tawh thung, an rawn lut ina an hmuh kha ka duh ber lo.
Camera a thuhruk thu leh a thuhrukna lai min hrilh thlap reuh bawk a, midang chhuah vek hnu chuan a dahna lai ni a a sawi lam chu ka pan vut a, khum bul dawhkan te ah pangpar khawina phen deuh ah a lo dah ve ngei a, a case hi hun rei tawh tak a thil thleng a ni a, a thiam ang tawkin inpuan tir a tum ve bawk anih ka ring! Camera in record reng chu ka off a, cabin aţanga a hruai chhuah dan hriat a chakawm tak zet bawk!

Motor ah ka țhut luh tir fel vek a, seat belt ka hrensak a, hnai zet ah ka en rual chuan a rawn nui ve sak nang in a landan a chiang thei der lo.
"Kan hotel chhung a thleng tur a tan chuan a rapthlak lam hret ani!" Bawihi țhutna lam kawngkhar chu ka nem phui dawt a, Rinzuala pawh a rawn thleng fel der bawk.
"Thupha ka chawi e!" Ka ti sup a, motor chhunglam chu ka thlek leh zawk a, hma lam a melh ngar a, a that hman lo hlauh kha kan țhat tlanna tur ani in ka hre telh telh bawk. Rinzuala chuan motor chhunglam chu a thlek ve zawk a.
" he hmeichhia hi a ni em?" Ka bu nghut ringawt! A kut in a hmai a tuai puat a, han sawi vak tur ka hre bik der lo, naktuk zing news ah emaw an hotel ah Mizoram a thil thleng khat tak leh pangngai lo tak a thlen thu a lang ngei dawn a!
"Aaa.. kal phawt te u, media lam chu lo cover dan ka ngaihtuah mai ang." a rawn ta hluk a, kei erawh ka ka nui ro hawk thung!
"Bawiha, pawi ka ti tak tak ania.."
"Kal pui vat teh.." a ti hluk, a dar ah kut ka nghat a; Chimawmi bawk chu mak tih hmel fe hian a zuk thlek țha leh ngat a! Amah en hi chuan a té in nute bula la pangchang rual tur lek te hi ani a, a chetdan lah kha!

Rinzuala chu rum nghut chung in a kalsawn ta nul nul a, hotel pahnih ngawt a hmingchhe dawn ta nih hi!
Ka in lam ah ka inkhalh ta ngawt a, a nu kha damdawiin ațang a chhuah ka ring lo, ka in ah riak se, naktuk lam ah Thankhuma chhungte nen eng eng emaw chinfel angai bawk ang.
"Ka in ah riak mai rawh aw." Kawtzawl ah motor ka ti ding a.
"Hunter-a a awm tiraw?" ka bu nghut a, a nui ta sen sen ka hmuh rual chuan ka thaw huai mai!

Inchhung kan luh rual in Hunter-a'n kei min bauh buai lo in amah zawk a zuan ta hleuh va, an ri zui chul bawk! Couch ah ka țhu a, ka pheikhawk chu ka tlawh phelh a, anni pahnih erawh chhuat lai ah an inbawh tlu uan uan a, Ka nui ve suk suk bawk! Ka nupui nih aia Hunter-a nupui nih thlang ngat zawk kha ani miau a lawm!
"Bawiha duhtawk rawh.." ka aw hria in min pan ve ta vut a.
"I inbual duh em?"
"Umm, mahse thuamhnaw hak tur hi.." a ti nang nang a, nakin ah rilru nuam deuhva a awm hunah eng engemaw ka la zawt ang, tunah erawh rilru tih thawl a mamawh ber rih.
"Ka thuamhnaw ha mai la.." a bu ve nghat a. Ka ding mar tak ah chuan Hunter chuan amah bawk a pan leh a.
"I țha tawh tak tak em?" Ngunthluk fe in Huntera fiam a chhuat a țhu reng chu ka melh ngur a, a rawn hawi chhuak a, a vun dang var vek kha a reh tawh bawk.
"Țha tak tak. Ih, inbual nghal kha a fuh in ka ring.."
"Min zui rawh le.." ban ka lek vut a, a rawn ban ve mai bawk.
Kailawn ah kan inzui chho a, Huntera ber in nuam a ti emaw tih theih khawp in kailawn ah chuan a tlan chho thurh thurh a, a rawn tlan let leh rih țhin a, Chimawmi nui thawm nen.. kan ri chel chul ani ta ber e.
Ka room lam washroom ah a inbual a, ka t-shirt leh pyjama a hak tur in ka pe ngawt a, atan a lian viau ta ve ang.
"Bawiha, țhian i nei khat tih chu ka hria, mahse zan in chauh chu zuan vak vak suh aw, i țhiannu kha a chau ania." Awmhmun thuamhnaw inbel mawlh mawlh chung chuan Hunter chu ka melh a, a mei a vai ve lauh lauh va, Chimawmi khan thil a ei tawh em tih ka zawt hauh lo.

A luh aţang minute 10 a ral tawh, shower a la in phuh ri sar sar a, kawngkhar lam chu ka pan a.
"I zo tawh em?" Kawngkhar khik kauh pah chuan ka ti sup. Shower in phuh ri sar sar chu a tawp a.
"Ka lo chhuak dawn." Min rawn hmu thei hauh lo, lu ka bu nghut tho.

A rawn chhuah rual chuan ka nui huk teuh kher mai! Ka kawr a hak chuan a mal te thleng a khuh a, pyjama lah a thlep let țeuh bawk.
"Ih.. enteh, ka panty leh bra ka su daih a.. a.. tihian ka hak hi a pawi lo em?" ka bu nghut ringawt, ka thuamhnaw hnuai ah sawn engmah a inbel lo! Ngaihtuahna mak pui pui lo neih hun ani lo viau nangin a sexy viau tih erawh ka sawi ang.

Inhnuai lam ah kan pathum bawk in kan inzui thla a. Hunter nen couch lam an pan a, kei erawh choka lam ah ka lut tlang thung!
"Bawihi?"
"Haa?"
"Thil i ei duh em? .. i ei tawh em?"
"Engmah ka ei duh lo, mahse.. beer i nei em?" a rawn ti a, ka nei, in tir tur ani em aw tih erawh ka hre lo.
"A awm."
"Ok, ka lo in." tih leh choka lam rawn pan a rual a, aaa.. zan in thil thleng ngaihtuah thei lek lo in han in in rui teh se!

Can 1 a la a, couch lam ah bawk a let leh a, a kekawr tlang thleh kha a lo tla hniam ve zel bawk si chu a sir aţang a pawt chho țang ţang a! Nuih chiah ila a sa leh viau awm bawk si!
"Té reuh lutuk." lu ka thing nghut ringawt!
Beer in ve ka tum zet a, țul ka ti leh viau lo, ka dah let leh a, glass ah tui ka thli chhuak a, an pahnih awmna lam pan chuan ka kal ve ta vut a.
"I in zo tawh em?" Dawhkan chung a beer can chu ka la kang a, a lo la khat lung si!
"A kha lutuk a."
"I inzawh vat loh chuan a kha telh telh ang." ner nang in a hawi kual a.
"Engnge i zawn?"
"Remote, tv en ang." Remote awm na lam ka kawk zauh a, a tho tharh a, a rawn let leh chu a ban ah ka man a, ka taksa si chet in ka pawt țhu a, min en haw bawk.
"Ti khan țhu rawh." Thuawih tak in a bu ve mai a, tv chu a on a, Huntera pawh Chimawmi ke bul ah kher a rawn bawk ve ta hmiah bawk!
"Thankhuma kha engtinnge i ruk chhuah theih?" ner nang chung hian min rawn en a, "ka ruk anilo ka tih kha." A ti hlak. "Tak tak, ka ruk ani lo, ka text a, ka hmuh duh thu ka hrilh a, aman min lo pan."
"Tak zet?"
"Aw, i awih loh leh ka phone pawh check rawh." a ti leh zat. Chung em em erawh tih ka tum lo.
"Chuan?"
"Thil thleng dang chu camera ah khan a awm vek, i en thei ang." Ka bu nghut a, a ke hlangkang tur chuan beer chu a ban leh zauh a, a in hlek a, lem lo in zu han hmuam a mawle!
"Ti khan hmuam khawl suh.."
Beer hmuam pung chung chuan rum fe hian min melh ang ram a.
"A kha ka tih tawh kha.."
"Zu kaihhnawih kha lo i hria em ni?"
"Min hnial peih anih chu a!" Min ti let ang hleuh a, ka ngawi ta hmak, ani pawn a kekawr hak țham tawm țang chung in a lem khawlh khawlh a, kan inhmuh hmasak ber țum pawn whiskey rim a nam hiam tawh a, beer te lek lek chu in harsa ani vak dawn mawni! Ka ngaihtuahna chu duh lo in lu ka thing nghut a, ka ringchhe țhin lutuk hi sim a hun tawh viau e.

Darkar chanve ral hma in a irhfiak ek ek a, Hunter-a'n a en duh ngang mai.
"Ka rui dawn niang." a ti sep a.
"I mut duh chuan sawi mai rawh aw."
Lu a bu a, tv a master chef chu a en ngar a, a mitmeng a chiang lo telh telh maiin ka hria.
"Lawk, Chhuatah hian ka riak ang aw." a rawn ti hliai a, ka en dawrh bawk.
A tho a, Liani'n couch cheimawi nan a hman lukham ho chu chhuat ah a vawm thla vek a, min hui zauh va.
"Center table hi hung sawn rawh."
"Khum a awm reng a lawm."
"Aih, tah hian ka riak dawn." Chhuat lai ah tak chuan a ding teu va, a din ngheh loh dan ah chuan a rui tak tak reuh in ka hria. Center table ka hung sawn a, carpet dup chu a hmawr ah vuan in a thlep thawk a,
Show post links
Top
Abbra Reo Ririni
Post January 17th, 2019, 12:11 am

Hunter-a nen couch bulah ding in a chekual vel chu kan en reng tawp.
"Khawnge ka puan sin tur."
"I duhna ber a mi saw va la rawh.." sang ber ang zia zang in a kun a, inhnuai lam room kawngkhar chu a melh a. A irhfiak leh ak țhin nen chuan a nuihzatthlak reuh zek leh nghal a.
"Saw mi room a mi saw chu ka duh lo."
"Khawi saw?" A kawk va a; a room hman tawh kawngkhar zawn chu ka en ve a.
"Engvang in maw?"
"Hmeichhia i mutpuina țhin a nih saw!" Mai mai a!
"I hre lo."
"Ka hrereng, hmeichhe dang rim a nam!" Ka nui hawk a, a chal ah hian ka pen fawk dawn maw ni.
"Awihawm loh lutuk."
"Ani lawm, a dang sin tur i nei lo mi?"
"Tah hian lo awm rawh, ka rawn la ang.." ka ti ta hluk, kailawn lam ah ka chho a, saw room ah sawn tu hmeichhia mah ka awmpui ngai lo, Claudia erawh room dawt chiah ah sawn a riak țhin!
Ka room ah ka lut a, thlasik lai a ka sin thuah țhin puanlum chu ka la chhuak a, inhnuai ka thlen thlak leh chuan Hunter-a nen hmuh tur an lo awm tawh awzawng lo!

Chhuat ah puanlum chu ka thehthla tawp! Choka lam ah ka lut a, a lo ruak huai tho! Khawiah hrep chuan nge an lo kal hman le!

Kawngkhar pui ka nem hawng a, awmang lo lutuk! Zanlai hnaih tawh ah leh nghal kawtzawl ah an lo infiam anih chu!
"Rawn lut rawh u.." Hunter-a zawk a rawn tlan let vat a, Chimawmi erawh phaitual hnim ah a țhu tlat thung!
"Ka hrilh tawh che kha infiampui dan chhin tawk hre rawh.." Huntera melh nghek pah chuan ka ti hluk. A țhut tlat na lam pan chuan ka pen zui vut a.
"Lut ang le."
"I sual ngawt mai."
"Zing ah kan sawi țha leh dawn nia." Pawm kan nawlh pah chuan ka ti hluk, a zang dar dar reuh bawk si.
"Inchhung ah kan infiam leh tho ang." Ka rum nghut ringawt, ka nghah thlak rual in mutna tur a insiam lam kha a pan ve vat reuh bawk. Kawngkhar ka kalh a, A bulah kal tur in Hunter a au chul a, Thuawih fe in Hunter chu a bul ah a bawk ve a, puanlum min lak tir lah chu sin tange a ti chuang bawk si lo.
"Tah khan i mu thei tak tak ang maw?"
"Aw, light hi off rawh aw." Ka off mai zel aniang chu! Hunter chu a be sep sep reng a, choka ah ka lut a, zan lai ah tui a zawng mai thei, ei tur pawh.. a mamawh ho ni a ka hriat chu an mutna bul ah ka dahsak vek, ka awm ve tih pawh a hre leh tawh tawp lo a niang chu!
Kailawn ah ka chho dawn zet tawh, light pakhat ka hmet eng leh a, an mutna lam pan chuan ka let phei a.
"Inchung ah rawn mu zawk la?"
"Aih."
"Țhangharh la i hlau dawn lo em ni?" A hawi kual nghal ruai a,
"Hunter-a a awm dawn tho a lawm.." awlsam fe hian a rawn ti leh.. a țha e, Hunter, hunter vek tih mai!. Ka kun hniam a, min lo en kiau va, ka hmuiin a chal ah ka nawr a.
"Good night kiss anih kha.." ka in lakhran rual chuan Chimawmi'n min en kiau bawk, Hunter lah bang lo, ka nui chhuak huk teuh kher mai, anni pahnih hi unau ni awm zawk hial an ni!

Room lam ah ka chho a, ka mu thei meuh ange maw? Kawtzawl ah an lo va chhuah leh tawh loh hram beisei bawk teh ang!

Ka shirt hak lai ka hlip a, khum bul couch ah ka theh hlawm tawp, lukham chu ka keu a, Pistol a awm ngei tih ka chian a, ka mu kai ve ta chauh va. Chimawmi khan thil thlen dan vel camera ah khan a awm vek thu a sawi a, motor aţang ka la chhuak miah lo tak! Zuk chhuk leh ngawt ila, anni pahnih ka zuk ti harh leh ting tang sia nga! Thaw hap in mit ka chhing a! Sum duh lutuk vang a hmeichhe dukdak lo tak anga ka ngaih țhin kha sual luih hial tawk zawk a lo ni reng a, ka thlakhlelhna kha a reh em? tih ka inzawt a, a chhanna chu 'AIH' tih hi!
Keipawh mipa fel tak ka ni bik lo, hmeichhia kawp chiah nei lo mahila sex erawh kan hmang reng! Amah aiin ka țha bik lo ka tihna ani chu!

Engemaw in min rawn delh a, mit ka meng zawk a, kawngkhar ka kharphui thlap kha tereuhte in a lo kau va, hunter a rawn lut ti dawn ila, sawti tiat lek sawn kawngkhar a nawr hawng ngai lo, ka harh chian rual deuh thaw in ka chal dar tak thil vawt thler in a rawn si a! Ka thaw hawk thei.
"Keimah.."
"Ka hria. Chuan silai kha dahthla rawh." Ka ti hluk.
"I hriat miah loh laiin ka that thei che tih i hria em?" A aia na in min nawr chilh a, kut ka lek a, a khelah ka man hmiah!
"I thei ang, mahse i duh lo tih ka hria."
"Oh.."
"Oh.. silai kha dah rawh."
"I hlau em ni?"
"A teuh lo.."
" washroom kawngkhar i rawn nem hawn thut man anih hi." Na deuh in ka chal a rawn tuk fawk a, silai chu ka lu bul ah a rawn theh thla a, ka taksa chung ațang leh thlak a tum rual chuan rang zet in ka che a, ka chal ah a chal a rawn nghat ri bap bawk.
"Tukin khan engvang a min zui lo nge i nih?"
"Washroom i rawn nem hawn vang in." Ka hmui zawn ah a phun sep a, a khel ka manna chu ka sawn hniam a, a mawng ka hrawm sak tawk a, a rawn thaw lum hak bawk!
"Vawikhatmah ka phalna tello in midang zui tawh lo ang che"
" i thu lo.."
"Aih, ka thu ber.." a mawng ah bawk a hrawm leh tawk a, a kut pahnih chuan ka awm ah min nem a, kawr ka ha lo tih ka hre chiah bawk.
"Mipa dang i zui khan ka thinrim tih i hria em?" A mawng aţang kut ka la sawn a, a biang ah ka khuap a, a hmui fawh nawm hmel zet hi engtinnge ka tih dawn tih ka ngaihtuah fe a la ngai bawk ang.
"Ka sawi chu i hria em?"
"Aw, chuan ka chhuk duh tawh.."
" min dil la?" Ka ti a, a ner nghal nang bawk!
"Anih loh chuan ka fawp ang che."
"Maw?" Tal chhuah tum in a che ve phat a, țullo lutuk in a mal in bawiha zawk a kai harh a, ka lehthal a, khum a deh rual chuan a rak țhat a, ngaihtuah nawn hauh lo in a hmui ka si zawm zat bawk, a kut a phut zeuh a, chu chu ka man zui hmiah bawk!
"Ka fawh chak zia chhe i hria em?" Ka nui tel in ka hria, dimte in a hmui hnuai ka pet a, a tim dai a, ka rin lawk ang chiah, a hmui chhah tap ngawl hi ka vei bur dawn, Dim zet in keimah zawk in chet ka la a, a hmui hnuai ke peh kau apiang in boruak lum a ka áțang a rawn chhuak a, chu chuan min ti zauthau sauh zel. A ka lum hiam chhung ah lei ka rawlh lut a, insum hman lo in ka kiai ta suk bawk! Ka chawl a, a tukhum ah ka man leh a, a chal ah ka nawr a, a tim lutuk chhan kha ka hre ta chiah!
"Tumah i la fawp ngai lo maw?" Kan hmui a in tawk che che. A kut ka man beh kha nghet zet in a hum a.
"Ka first kiss i ru daih." Nui suk chung in a hmui hnuai bawk ka pet a;
"Ka zirtir ang che.."
"Aih ka duh lo.."
"Keiin ka duh alawm.." ka nui a, duhthawh zet in ka che zawm zat bawk, a lei tih chet dan takngial pawh a hre lo, chu erawh a hlimawm viau thung.
" i lei ti che tawh rawh." Ka fawh leh rual chuan dimte hian a lo chet ve a, vawi eng zah nge lei ti che ve tur a kan inhrilh hman ka hre seng lo!
"Lawk.. lawk.. tawp teh." Ka darah a rawn nem, ka inlakhran rual chuan a rawn thaw ham ham a.
"Ka thawk a chham dawn lawm."
"Anih rei lo deuh ka fawp tawh ang che.." thawk a'n la leh hmasa phawt a, a chetdan engkim mai chu hmuhnawm ka ti vel vek! A inring ta maw tih ah mit a chhing thlap a ; tawp san ka thei bik mang si lo. A rawn duhthawh ve rual chuan ka phur mah mah tawh zawk, a kawr hak chhung ah kut ka zen lut a, min chhanletna a tawp a, ka inla hrang hlek bawk, a thawk la ri halh halh chuan ka ngaihtuahna a rawn chawlhpawlh kual a, a hnute ka hup rual chuan na zawk in lukham a nawr a, Ka țhamsak a piang in keimah zawk inthunun tur a inhrilh nawn ka ngai a, ka lum pup thei tak tak!
"A tawk tawh.." a kawrhak chhan ah ka banrek a rawn man a, na zet in ka țham leh tawk a, a hmui ah bawk ka nawr a; reilote tak tak min chhanglet a, a tawp rual chuan a hmui hnuai seh sak zauh chung in ka thlah a.
"Ih.."
"Fawh reng che ka chak tih i hria em?" A kawr chhung a ka zen luh ka kut chu ka la chhuak a, a bek sam tawn tawn ah ka zen lut ta zawk a, a chal ah ka chal ka nghah leh rual chuan ka bawh bet tih ka hre chiah, amah ka mamawh lutuk na vangin ka thaw huam huam bawk!
" ka chhuk duh tawh.."
"Tak zet.." a hmui bul ah ka nawr a, ka hmeichhe fawh tawh zawng zawng ah a la zei lo ber, mahse fawh a nuam ber thung, kiss ringawt pawn min turn on thei alawm.
"Chhuk rawh.." a ti sep a, a tawp nan duhthawh lutuk in ka fawp leh ngawng ngawng a, min chhanglet ve lo mahse nuam ka ti tho!
A taksa ațang ka leh thlak rual chuan tawrh har khawp in bawiha a lo che țawlh ţawlh a, a tho tharh a, kawngkhar lam a pan a , kei erawh ka thaw hle hle thung!
Kailawn ah a tlan thla rak rak a; ka tho vut a, room ațang ka chhuak ve a, kailawn ka chhuk thlak ve rual chuan choka light a eng pup a.
"Bawihi?"
"Awih" a phu zawk a, freezer a lo hawng a, min melh zawk a, freezer hma ah chuan a ding leh hmiah.
"Engnge i tih?"
"Eitur ka zawng?" Ka nui suk a, freezer ah eng eitur mah a awm lo ang.
"A piah zawk kha hawng la.." kut ka kuangkuah hlun, a lai chebuai kual vel chu a hmuhnawm zek mai.
Freezer chu rang fe in a khar phui a, a piah zawk chu a hawng a, kawngkhar chu a pawt phui titih bawk.
"Fridge chhung ah khan zankhua a din i tum em ni?"
"Aih, ei tur ka zawng ka tih chu!" Nui hawk chung in ka pan hnai ta nge nge, a dar ah ka vuan a, rang zet in a chhung chu a ban a, apple pakhat chu a la chhuak nawlh a.
"Ei rawh le..?"
"Chho tawh rawh.."
"Nope, tu emaw first kiss ka ru a. Ka mu thei bik teuh lo."
"I va sual ve." A rawn in her rual chuan ka pawn kang nawlh a, gas thuk bul ah ka nghat a, Fridge chu ka nem phui leh a, ka ban kar ah a taksa a awm theih nan a bul tawn tawn ka nem bawk!
"Ka fawp leh duh che.." a bing tai tek mai chuan a ti lawmawm zual vek!
"Ka duh tawh lo." Nui suk chung in a chal ah ka tauh dat a.
"Ka fawp leh duh che."
"Tumah hrilh lo ang che." A rawn ti sep a, aw! Ngaihzawng nei ţan tir te pawh kan ang dawn a lawm le!
"I hria em?" A hmui bulah nawr in ka nui leh suk a.
"Ka hria e, tumah ka hrilh lo ang.." dimte in a hmui ah bawk ka nawr leh a, " kan infawp tih mi'n an hriat pawh chu a pawi viau dawn mi?" A hmui ah ka nawr pah reng.
"Umm."
Inchhaih lam chu duhtawk rih ang! He hmui fawh nuam zet hi ka ta chiah tur ani bawk!


Hmeichhia te duh lo chung sual lui tur hian khawvel mipa tumah in dikna chanvo a nei lo, hmeichhe thianghlimna a phalna tello a i tih bawrhban sak rual khan a hringnun hman hun tur chanve i tihchhiatsak vek ang ania, i chung a rit khawp bawk ang!

Pasal in a nupui duh lo chung khawih luih theihna dan a nei lo cheu bawk!

( Mite kutkawih; mahni ta ang mai a cheibawl a, siam danglam a neitu nihna chanvo in vuah țhin tu te hi mi ta lak hmang, THIL RÛK ching an ni a, dawt sawi chingte nen an danglamna a awm hauh lo bawk! I ta ni hauh lo, cheibawl in neitu nihna i lo invuah ve ngawt tawh em?! )



☆UTOPIA : 1996☆
Chapter 7
By
Abbra Reo Ririni Khiangte ( Pitartei)



Keimah zawk ka zauthau lutuk chu ka ngaihtuahna a dik hleithei der lo, a kawng ah man in ka taksa si chet in ka hnuk hnai a, a mal inkar ah ka ding a. A taksa dang pawh belhchian chak em em tu ka lei chuan a kâ chhung sa hiam mai chu ka hawl kual a, a kap kar ka mipatna in a a nawk run a, chu erawh in ka awm a ti nuam viau thung!

" engtinnge ka tih dawn che ka la hre lo.." rum hrawih chung in ka fawhna chu ka thlah a; a țhutna aţang tla lek lek in ka hnukchhuak leh tawk a! A pyjama hak pan té chhanah chuan ka mipatna in ka nawr nghal hmiah bawk, chumi rual chuan rang lutuk in ka nghawng ah a ban a rawn suih bet a! A kut te tak te nem thep siin ka taksa a deh rual ringawt te chuan ka boxer hak hi nem tawlh a, a pyjama hak lai hi pawh thler kawk kawk a a taksa chhung a luh nghal mai te ka duh rum rum mai a lawm! Mahse tunah hian a rui miau va, hmeichhe rilru fimlo sex hmanpui ngawt lah ka dan ani der silo.

" Bawihi?" amah ka mamawh lutuk na vang in ka rum a, a bek sam ah ka zen lut tawk a, hnaih chet chawt ah ka en a, a mitmeng phi chiai mai ah chuan min mamawhna ka hmu ve tho bawk!


" ka kiang ah, ka khum ah mu rawh aw?" Ka khum min țawm tur a hmeichhia ka ngen leh hmasak na ber ani ang. Ka fawh zawh chiahna hmui sexy zet huh hliam bawk si chu ka nawr leh a, chintawk awm lo khawp in ka mamawh.

"Ka hre lo.."

"Aih, min hnial suh, ka khum ah i mu ve ang!" A pawm kang nawlh a, dimlo tak a chetpui tur atan chuan kan in len hleih viau bawk a, zan in chiah ka insum ang, mahse zan dang ah erawh ka ta ah ka siam ngei thung ang.

"Hunter-a bul ah ka riak dawn ka tih tawh kha.." na zet in a mawng ka hrawm tawk a, a ip chaih rual chuan ka nui suk thung! Choka light ka hmet thim a, kailawn ah ka pawm chho a, a thuamhnaw inbel lai hi hlih sak vek a, duhtawk a a taksa belhchian ka chakna lah a zual sauh.

" ka ruiin ka hria." Ni e, a rui chuvang tak renga nawr lui lo ka ni bawk.

Ka darin room kawngkhar ka nawr hawng a, ka ke in ka tlawh khar leh a, khum ah chuan a váng zawng in ka nghat a, ka bawh thlu nghal zat bawk a! Khum khuhna puanvar ah a sam chu a in zam hnawk niai a, a lungphu ri ve dat dat reng zawn ah chuan ka khabe ka nghat a, rang fe in a kut nem thep chuan ka biang a rawn tawk a, ka thaw zui ham ham bawk!
" hetihian kan muhil dawn mi?" a mitmu lian kiau mai chu a chet kual ralh a, kei erawh ka nui hawk thung.

"I duh em?"

"Aih.."

" engtia mut nge i duh." Ka biang a hmul chu a rawn pawt zeuh a, a chetdan engkim mai hi min turn on tu ani tih a hre der si lo.

"Kalsawn la."

"Chu chu a theih lo." Ka ti nghut, a in nem khalh deuh va, t-shirt chhan a a hnute hnur rawn lang ve kelh chu rang zet in ka hmuiin ka nawr a, a ni erawh a thaw hak.

" ei zawh vek mai che ka chak tih i hria em!" a kawr hak chhan ah chuan ka hâ hmaiin ka pet zeuh va, khum khuhna a țham tawm ve vat bawk.

"I kawr hi phelh ang.." a kawr tlang lam ah ka țham a, rang lutuk in a rawn țang ve tak nang in a hnute hnuai thleng in ka nawr tawm chho tawk tho!

"Ka duh lo."

"Shiit, ka ti na dawn lo che.." a mal te ah ka țham a, ka nawr kau hlek a, ka mal pakhat chu a mal inkar ah ka dah lut a, ka kut a lo dan ve zelna kut tereuhte chu ka man a, a lu zawn khum ah nem bet a, rilru fim pu miah lo va siam in zanin hian ka ta ah ka siam thei reng, mahse ka ti lo ang, hrehawm khawp a bawiha a tawrh tir vang erawh in ka muthilh tir mai mai rih dawn lo.

"Hei ka fawp dawn." A kawrhak chu ka nawr tawm leh hlek a, a hnute bu hnuailam a lang thei tawh, a lu beng kang in min en ve ran bawk! "Hrehawm i ti dawn lo, nghak tawp la." ka tawlh chho deuh a, a chal ah ka nawr sak a, ka kut in dimte in ka nawr chho leh hlek a, mit a chhing a, a hmui ah bawk fawp chung in dim te te in a awm bawr chu ka zut kual a, ka khawihna vang in a taksa a danglam tih ka hriat ringawt pawh hi a tawk tawh rih! Min haw bik lo tih a chiang a. Ngaihțhatna tham a tling viau bawk!

"Hetia ka khawih hian nuam i ti em?" A hmui lum ah nawr reng chung chuan ka nui suk a, ka kutțang chiah in a hnute hmur ka sawngbawl bawk! "Bawihi i la sawi lo!" Ka khawih dim lo zual sauh a, a tai bawr a rawn chet iak a, ka țhamsak tâwk rual chuan lu a rawn bu nghat a, ka nui ta hawk bawk.

"Nghak lawk rawh, ka hmui hi a awmna tur dik tak ah a awm hun ah phei chuan kha ai khan a nuam ang!" A mal pakhat zawk pawh ka nawr kau deuh a, ka awmdan ka siamrem rual chuan a awm ka hnawl tawm a kawr hak chu rawn siamțhat a tum ve vat a, ka rum ta nghut bawk!


"Nghak rawh ka tih kha." A kut pahnih chu a lu bul khum an ka nawr bet a, ka hmaiin a awm bawr ka nawr rual chuan a thaw hawk a, ka lei ka hmang hmasa a, a thawk a rawn rang telh telh a, a kut ka nawr beh chu rawn chet ve a tum zawm zat, ka hmuamsak rual chuan a ke a rawn leng bat a, a kut chu ka thlah a, ka fawh nat zawng a piang in ka sam ah a rawn țham a, ramsa koham zet ang maiin chet ka la ngawng ngawng reng thung!

"Duhtawk rawh.." a lu kan in ka chhip sam ah a rawn țham zui nghek!

"Ih.. ka awmdan a mak lutuk." A thawk a hip let hraih a, a taksa ka bawhbeh mek chu a chekual ruai reng bawk, a ai nuam in ka la siam thei!


"A lehpek ah chuan kha ai a rei nghak thei tur khan ka duh ang che.." ka thlah rual khum chu a tukhum in a nawr let tawk a! Ka kut in a hnute chu ka țhamsak a, a chal ah ka nawr leh zat bawk! A hnute te ve tak hi ka hmuam bo vek thei! Eng ang a tui nge anih tih ka lei ngei hmanga a hmeichhiatna ka sawngbawl hunah phei chuan hei aia rei nghak thei tur in ka duh dawn, a rim nu chek ațang hian a taste tur ka ngaihtuah a, a hmui ang chiah a thlum leh tui hi ani dawn! Chu thil chu tih ka chak tawh hle bawk!


"Awmsawm tawh rawh.." ka ban bulah a rawn beng thlawp a, a kawr chu a rawn pawt thla a, ka țhamna kut chu rawn pawh chhuah a tum leh a, ka la chhuak mai mai dawn lo.

"A mak.."

"Ka ta vek tur tho a lawm.." ka ti nghut, a sir lam ah ka let thla a, ka kut erawh a kawr chhung ah a la awm reng. Ka ban chu a lukham theih tur in a nghawng ah ka rawlh lut a, a taksa si chet in ka pawt hnai leh a, a ni erawh thawk pangngai a thawk lak tum in a thaw halh halh reng thung.

"Zing i harh rual in zan in a thil thleng hi i hriat loh thu sawi hlek suh ang che.." ka ti sup, a lu a rawn chet a, a chal ah ka nawr leh a, min en chiang ngang bawk.

"I ruih a reh hun ah ka khawihna che hi i hrelo tih sawi suh ang che ka tihna anih chu." A hmui bul ah ka hmuiin ka nawr a, a ngawi ta reng a, nge ni a, ani tereuh hi hrai ruih reng tur ani zawk em? A ruih lai hian a zia a zawi a, a thinchhia zawng zawng an bo vek bawk a, aaa.. a landan chu a nu hnep ani tawp mai!

"I mu duh tawh tawh em?" Ka ti leh sup a, a nghawng a che a. Ka țhu chhuak ta vut bawk, ka pawm kan nawlh rual chuan a lo țang ve țai reuh va, khum ah vek a awm tawh a, lukham a lu nghah tir te mai mai chu a harsa lo chiang lutuk!

"Tah hian i lu rawn nghat la, muhil rawh." Ka pawt hnai a, a mal pakhat ka la kang a, ka taksa ka khan beh tir a, a lu pawh chu ka awm chung ah ka nghah tir zui zat bawk!

" i rilțam miah lo tak tak em?"

"Umm.."

"A nih chuan muhil rawh le." Ka lu kan in a chhip ah ka hmuiin ka nawr leh a, hetiang a ze zawi zet mai a a awm hian duat a chakawm hluah hlauh bawk, he mize zawi raih hi nei reng turin ka duh a, hmeichhe mize dam raih hian mipa te rilru pawh a hneh bik em em țhin.


Mit ka chhing ve a, kawr ka ha miau lo, ka awm zawn chu a thawk lak zawng a piang in a lum ve zel a, kum 3 hnu ah hmeichhe kuah chung in ka muthilh leh vawikhatna tur ani dawn a! Zosangi..

No, kha nu tehhrep kha ngaihtuah zui tur ka ni lo! Ka hmangaih țhin ngei a lawm! Mahse; natna min pe tu hmangaih leh duh tur khawp a mi â ka nilo, natna vawikhat min pe tu chuan vawihnih a hring dawn a. Nupa nih lai ngat a uire thei mihring chuan a sim tawh mai mai dawn lo, ani kha chu ka time past ami ani tawh a! Tuna ka hun hman mek ah hi chuan ka kuah lai hmeichhia chiah hi ani ang! Hmalam hun ah nen! Ka thlakhlelhna hi reilote hnu ah hmangaihna ah a in let vat ang tih ka chiang a, kum naupang tak ka ni tawh lo bawk a! Ka hmalam hun ka suangtuah thar leh a ngai a, Chimawmi ka tawn hma thleng kha chuan hmalam hun tur ka ngaihtuah lawk duh ngai lo, mahse ani tereuh hi chuan hun kal tawh leh tun a kan hun hman mek mai bakah hun lo la awm tur thleng in suangtuahna min siamthar sak leh a, amah chiah tak tak in hetiang ngaihtuahna hi min put tir thei bawk!

Ka kuah beh mek taksa chu a che sat sat reng a, a inhiat in ka hria.
"I țha em?" Ka kuah khawmna ka phelh thawl rual chuan a țhu chhuak hlawl a, light pangngai ka hmet eng zawm ve zat bawk.
"I kawr min hak tir hi a bal chiang lutuk!" A dar a hiat sat sat chung chuan min melh zui ram a! Awihawm loh tawp ani a sawi!
"Khawi maw ka lo en che."
"Ka taksa hi a thak vek a lawm.." a kawr ban chu a pawt tawm chho va, a sen vual tut bawk.
"Ka kawr ani lo, Hunter-a bulah i mut vang anih kha.."
" a ni bawk lo, i kawr hi a bal niang.." ta ţalh chuan le! Ka in chhung ah hian thuamhnaw bal mai nilo thil mal dum hlek pawh ka duh lo, carpet dup a thlep thawk a, a chung ah Hunter-a nen an la mu zui bawk a.
" ka lo enchiang ang che.." thak a ti ngang a nia nge, min hnungchhawn in a inher sat sat a, a kawr chu a hlim a, a hnungzang te ve tak pawh a sen vual tut vek.
" i kawr hak hi hlip la, washroom ah lo va inbual țha leh rawh, hnawih tur ka rawn la ang."
"A thak si.."
"Ka hria.. inbual leh i peih loh pawn tah khan lo bawk rawh.." a rawn hawi let a.
"Engemaw kan hnawih dawn nia.." a bu ve ta nghat a, huntera leh carpet vang ani pawh in ka hre lo, Carlos pawh a thuamhnaw hak ngai loh a hak in hetiang chiah hian a vual chiam zel, thuamhnaw thar suk fai sa thlap pawh a hak fuh loh chuan a vual chiam zel tho.

Khum ațang ka tho ta vut a, tui lumna ka on a, chawhtawlh te ah tuilum chu ka la chhuak a, washroom a towel pakhat chu ka chiah huh leh a, khum ah bawk reng chung chuan a lo inhiat ve neuh neuh reng bawk!
"Ka rei lo ang." ti sup in room ațang ka kal chhuak a, ka nu te an rawn kal chang a an room hman țhin ah chuan ka lut a, Carlos-a baby powder kha a la awm in ka ring.

A lo la awm hlauh e.

Ka let leh rual chuan chatthla tur ang mai hian a lo zawi ngiai a, a khat tawk in a lo la inhiat reng tho.
Ka bawhkhup tir a, a chatthla fel der bawk in ka hria.
A kawrhak lai chu ka nawr tawm chho tawp, tuisa a towel inchiah chu ka sawr fû a, a hnung chu ka hruk sak vek phawt a, a thip ve deuh nge a rawn rum ve țiah ţiah reng bawk! Baby powder chu ka bun tlawr a, hnet zet in chulh chhuak vek ila a zia vat mai ang.
"Hmingsangzual." a rawn ti sep a, ka hming pum ngat a mi ko fawl rual a ni lo asin le.
"Helai pawh hi." A ban bul chu a beng ve thek. A kawr hi hlip law law teh ang.
A bawkkhup miau, a taksa hmalam ka hmu bik lo, a nghawng ațang ka la chhuak a, chhuat ah ka theh thla a pindan chu naute rim a nam rum rum bawk! A ban vel ka hruksak vek hnu ah powder bawk ka hnawih chhuak leh vek.
Kawr ha miah lo hian ka kuah bet reng zawk dawn mawni! Pawi ka ti hran lo, mahse hritlang a kai palh thei!

Thuamhnaw dang ka hak tir leh meuh chuan pawm sawn nawlh mahila a harh zo tawh lo hrim hrim! Hmanrua vel chu ka dah fel a, hmeichhe zurui țum hnih chiah ka la buaipui.. chupawh amah ve ve hi!

Ka harh hlawl a, engemaw in min delh tih ka hriat rual chuan ka dap vat a! Ni dawn tak e! Ka bul a lo mu chu tunge anih tih ka hriatchian rual chuan thawk la ham ham in ka taksa chhung deuh ah ka hlang kai a, ka ban pahnih in ka kuah khawm nghal hmiah bawk! Thawk a la sek sek a, kan thawk lak dan in nat hleih lutuk chu a nuihzatthlak lek lek.

Khua a var tawh a, tlai lutuk anih erawh ka ring lo, zing dar 5 vel ani che che ang, ka taksa sawizawi tur a khum ka thawhsan a hun viau tawh nang in he taksa kuah bet chung a thawk lak ka la thlahlel miau si.

Pawnlam aţang kawngkhar chu a rawn in hai ri hraih hraih reng a. Hunter-a'n min rawn kaihthawh a tum ve ngei a nih ka ring.

"Bawiha, ka tho tawh.." ka au a, kailawn ah a kal thla khat khat thawm ka hre zawm leh zat bawk! A duh hi chuan fing ve tak ani mai!

" Ka lo let hma chu lo harh lo ang che.." ka hmuiin a chal ah ka nawr leh a, a pangti a lum ve veng veng bawk. Dimte in ka mut țhat tir a, a hmui chhah tap mai chu ka kutzungpuiin ka tuaisak hauh hauh a, he hmui fawhnawm zia hre hmasa ber tu ka ni thei hi awih har ka la ti hle bawk! A bialpa ngo veng nen khan an la infawp lo tihna ani mai em? Nge ni a, keia thik lutuk khan an in ngaizawng ang in ka ngai mai mai zawk! Chu zawhna chhanna chu hriat ka chak ta kher mai! A muhil tui lai ti harh in ' I bialpa ngo veng kha i bialpa ani lo maw?' tih zawt ngawt ila, a țeu leh hlar awm si a. Aaa.. workout phawt teh ang.

Inhnuai ah ka chhuk thla a, țhutkhawmna area bik chu a hnawk ram a, ka phone pawh couch ah ka kalsan daih tih ka inhre chiah bawk. Ka la kang vut a, Liani message lo awm va chu ka hawng zui zat bawk.
*pu Hming nizan ațang tawh ka khua a sik a, ka nuam thei der silo, ka rawn kal lo ta ngawt mai.*

* a pawi lo, doctor hmu la, i chanchin min rawn hrilh leh bawk la* phone chu a low deuh nang in vawiin hna kal ni a ni chuang lo, ka workout zawh hun ah ka connect tawh mai ang.

Darkar khat chuang ka taksa sawizawi nan hun ka hmang a, Huntera pawh ka bul mai ah a țhu ngawi ve vauh vauh bawk.
"Bawiha, i țhiannu kawlh zet kha a tho tawh em tih han en ila.." ka ti nghut, ka thlan a chhuak hnem in ka thawk lak a la rang hle bawk! Inchhung lam ah a lut ve vat a, couch a ka phone lo awm ngat chu inchhung lam ah ka keng chho a, room kawngkhar ka hawn rual chuan ka țhen suk bawk! A la mutui reuh lutuk! Inbual ka tum zet nang in thil pakhat hriatchhuah ka nei!
Phone chu ka connect sawk sawk a, room chu chhuahsan in kawngkhar pawh dimte in ka pawt phui leh a, motor ah camera a la awm, nizan a thil thlen dan hriat nan pawh ka en vek a țul.
Motor chahbi inkhai zing a pakhat chu ka la thla nalh a, kawngkharpui lock chu ka hawng a, gate a chanchinbu lo inzep va mai pawh ka va hmu ta vat bawk! Bolero chu ka pawt hawng a, hetah vek en ka tum nang in a lo harh rual a a bulah ngei awm ka duh. Camera hum chung chuan gate lam chu ka pan a; thil thleng kha news lam ah lo la pe lut lo tur in nizan lam ah ka nau te ka be tawh a, chanchinbu chu ka thlek thuak thuak a, an ziak tel lo ngei bawk.

Khum ah lawn ve tawh lo in computer awmna lam ka pan a, parda chhah inzar chu lian lo te in ka nawr hawng țhen bawk a, chair ah ka țhu thla a, camera chu ka thlek vung vung a, Khum a tui zet a mu hmeichhia bawk chu ka melh leh a, sawtiang khawp a hmeichhe duhawm lak a rawng tak a che thei mihring kha engtinnge ka tih zui zel dawn tih pawh uluk takin ka ngaihtuah țha ang, an khawsa thei a; hmelhriat pawh an nei nual dawn! Ka chunglam minister pawh tham thei a mual mual neiin dan in a chungah ro a rel theih loh nan chet a lo lak pawh a, dan hmatheh zel tur uluk tak a ka thlan lawk angai dawn a, Jail chhung ah ka dah lut tawh anih chuan tuman an la chhuak mai mai lo tawp ang.

Chimawmi sawi kha a dik thlap, Thankhuma chu amah ngeiin hotel pindan ah khan a lut a, Chimawmi a hmuh rual chuan a pan ding nghal zat a, camera chu ka hum ngawt ngawt bawk! Mahse Chimawmi chu a lo inveng a, dawhkan a whiskey chu a kawh hmuh zat a, Thankhuma chu camera hnungchhawn in a țhu a, whiskey no khat chu a tlak piap a. Tukverh bulah Chimawmi a nui sak thung.
' nizana túr a hrai tu che kha ka ni tih i hria em?' a thiltih tawh zep a tum miah lo hi mak ka la ti fo.
' eng maw i sawi a?'
' nizan khan túrin ka hrai che..' Thankhuma chu a ding vut a, a pai zawm nghal chhawt bawk.
' túr telna i in leh chiah bawk.' Reife ațang a chetdan tur hi a lo ruahman lawk tawh anih tih a chebuai chhin duh miah lo ah chuan a chiang reng.
' hmeichhe naupang kha a țhanglian tawh a, chupawh i laka phuba lak duh vang chiah a țhanglian a ni.' Thankhuma ding mar leh chuan ban a vai vut nangin a tlu leh rawk rawk thung.
' hetah ka awm; min hmu phir anih kha.. khum ah sawn va lawn rawh. Engemaw in a hmuak che .'
' nangnu phiangsen hian tunge ka nih ila hrechiang lo a nih dawn hi.'
'Oh, ka hrechiang ber ang chu, khawchhak lam chhuak nghapih heh zet kha i ni lawm ni!' Inhum ruh viau e ti lo chuan a ţawngkam pakhat lek chu ka khik pui suk a! Țawngkam bungrua a hre maksak hrep zel.
An inhnial thinrim hrep hnu ah Chimawmi chuan pangpar khawina a chuh tharh a, Thankhuma tukhum ah tak a hlap zui pawp, Thankhuma tlu hnuang chu chil a chak zui țhawt a! Nizan khan engkim hre lawk lo in he video hi sound awm lo in en hmasa ngat ilang zawng, Chimawmi chetdan kha tualthah tumah tupawn an ngai nghet hmak ang.

Mipa zawk rawn che leh țual țual chu buai duh miah lo in a en ngar a, Thankhuma chu a rawn din chhuah leh rual in Chimawmi chuan a hnunglam ațang khum lam ah a nem ta vak a; khum a deh rual chuan na lua awm lo in a hnungzang ah a chhu zui chawrh bawk! A phuar hlawm țan a, a che reng reng a buai chhin miah lo tak tak! A bag ațang kutkawr a la chhuak a, a bun thuah mawlh mawlh a, a bag ațang vék thil var a la chhuak a, a tuamna lehkha a phelh rual chuan a chemte lo hum kha ani tih ka hre chiah!. Ngawi ngal in Thankhuma ka chu tape in a veh hnan hmiah hmiah a, killer movie en te pawh ka ang rum rum hial a lawm.
A kekawr kilh a phelhsak rual chuan ka hawisawn vut a, khum a mu taksa te ve tak chu a rawn che ta ţalh țalh a. Camera bawk chu ka melh leh zawk a, chiang lutuk in a mipatna chu a zai chhum hawk! Mipa chu na tiin a vial ngawng ngawng a! Ka duhtawk ka hmu tawh bawk e! Ka hriatchian tak zawng chu; miin huatna a pai nasat lutuk chuan ama mihring mizia bo țhak khawp in nunrawngna in a thunun thei! Chu chu Chimawmi ah hian a chiang hle bawk!

A duhthal in phuba a lak hnu ah chiah a țap chhuak kha ani a, a khurh hlawk hlawk dan ah khan huatna zawk in a thunun a, a duh ang chiah a a chet zawh rual in khang huatna leh nunrawnna te khan an phatsan leh ta si a, a țhanlen pui ber leh chakna pe tu ber te in an phatsan rual chiah khan a chetdan kha a hrefiah thiam ve ta chiah ah ka ngai bawk! Thawk ka la ham ham a, awrawl chhuah meuh va a ţap ri lungkuai zet kha ka la hre thei hial bawk.

Ka inbual zawh hnu ah pawh a la harh ta chuang lo. Hna ka kal dawn lo a, hnathawktu lah a rawn kal dawn bawk lo, duhtawk in han mu teh se!

Khum ah ka lawn kai ve a, a kut hum tawm țai mai chu ka humsak a, ka chawi deuh nawlh a, ka malchung ah lu a nghah tak ah chuan a rawn tep ve chiap chiap bawk, a kutțang chu ka khal a, naupangte kut lawmawm zet a ang ber bawk! A banrek ah khuavang hmun thum ah a awm kual raih a, hetiang deuh hi hmuh tawhna ka neiin ka hre bawk! Ka la kang vut a, kan chhungkaw hnai tak ah banrek a khuavang pathum sin te te awm kual hi an awm ve than ani, a tu ber nge tih lah ka hre chhuak zo țhak lo. A vun mam hen na chu ka hre tawh bawk, hmul a nei tlem lutuk, a ban chu hmul nei lo ang maiin a man hen a, mahse a hmul chu sin te te in an ţo a, an nem hle bawk, hmeichhia te hi an hmul a nem vek lo a nia, a țhen chuan an ngal hmul te an ziat fai a, a rawn țo leh hian mipa ngal ang chiah in a hmul hrup thei, ani tereuh erawh a vanneih lutuk vang nge lang khawp in hmul a nei ve lo, ziahna vanga pung lah a awm der bawk silo, enchiang hle lo phei ila chuan a vun man lutuk vang khan a in ziat ve emaw ka ti hial ang.

"Hey.. Good moring." mit a rawn men rual chuan ka kun hniam a, a bek ah ka hmuiin ka nawr a, ka țhu mar leh a, mit chhing reng chung in a nui seih a, chhan awm hauh lo in ka nui ve hawk bawk.
"I harh tawh em?" Ka aw ri dam thlup mai chu kei ngei pawh in ka awih lo.
Mit a rawn meng leh a, an meng lian nghal kiau bawk.
"Ih.. tinge hetah ka awm?" a țhu mar nghal zat, a hawikual thuak a, khum chu a thlek kual leh a.
"Tinge hetah ka awm a?"
"Ka pawm lut che."
"Tinge min pawm luh a?" A la hawi buai nak reng.
"Ka bulah mu tur in ka duh che a."
"I va sual ve." A engamah hma in sual min ti leh ta ngawt e! Ban ka lek vut rual in rang fe in a tawlhsawn a, chhuat ah a ding a, a taksa chu an dap kual thuak pah a.
"Tinge i room ah min hruai luh ve ngawt a!"
Nizan a thil thleng kha a hre hauh lo tih sawi tel suh se! Aw! A hre miah lo anih chuan a ngai ang chiah in ka che leh thei tho.
Kawngkhar lam panin a kal ta nal nal a, a pawt hawng a, ka sawi kha maw! A thinchhe leh hler dawn.
Kailawn ah ka um pha a, a hawikual hrek hrek reng a, țhutkhawmna lo hnawk ram mai a hmuh rual chuan min chhoh en ang he haw a!
"Hunter-a'n zanah ti hian a pu hnawk țhin a mi?"
" a teuh lo.." ka ti hluk.
"A va hnawk si ve.."
"Oh.. i lak hnawk vek anih khu." Ner nang chung in min en a.
"Ka inchhung ah hian naupang hmun la hnawk rual midang an awm in i hria em ni?" Ka ti nghut, a mitmu chet kual ralh in a inher a, naupang hmun ti hnawk rual ang chiah in a khawsa a, carpet a thlep ang thek a, a la mu then zui leh nghal!
"Khawnge hunter-a?" a ti leh sep a. Huntera awmna a hriat hma in thil hriat tur ka nei!
"Nizan a thil thleng engmah i hre lo tih sawi lo ang che.."
"Maw?"
"Ka fawp che tih theihnghilh suh.." a taksa si chet in ka ding a, a taksa hnunglam ah ban ka suih zawm hmiah bawk!
"Aaa..."
"I theihnghilh tawh tak in.." nui suk chung in ka kun hniam a, a hmui ka sik rual chuan a taksa chu a khawng nghal at maiin ka hria. "Ka in fawp tih pawh tu hnenah mah ka la sawi lo." A beng zawn ah nawr in ka nui suk a.
"Oh.."
"I hriatchhuah vek chuan a țha e, eitur siam ang.."
"Maw, ka tih awmzia chu.. ka haw duh tawh.." a rawn ti chul a, ka kuah behna chu ka phelh a, a bek sam ah kut ka nawr lut a. A hmai sa ve ham ham ah chuan engkim kha a la hre vek tih ka ring nghet hmak.
"Thil ei phawt la ka thlah ang che.." lai zet in a hawisawn a! A mipa first kiss ru tu ka ni tih a hre ta pawh a hahdamthlak reng reng tho e!
"Hunter-a chu..?"
"C'mon Hunter-a chu i la hmu em em ang.." ka ngawi dat a. " i bulah ka awm, a țha em? Hunter-a nilo in keimahah rilru pe rawh." Innocent zet in min en ta kiau a, kei erawh ka thaw huai thung.
Choka ah ka kai lut a, table ah ka hlangkang zui nghal nawlh bawk!
"Ta țang hian chhuk lo ang che."
"I inah chuan i intithu hle mai.."
"Thu khawp mai, tu emaw ang lo tak in ka bulah ka mut tir thlap bawk che." Ka ti sup.
"I hre rei peih anih mai chu.." a rawn ti hlak a.
"Engnge i ei duh ang.." zingkar ațang inhnial ngawt ka duh lo, chhuar chu ka pawt hawng a.
"Chips i nei elaw?" Chips pack chu a rawn kawk a.
"Umm, mahse zingkar ah i ei thei lo."
"Misual.." tei vet zel a.
"Soup ka siam ang.."
"I duh duh siam rawh.. chips kha ka ei tho vang." Ngil ngel țhin hian! Tui ka chhuan lai chuan a lo țhu ngawi ve reng a, a ke a then leu leu reng bawk! Thankhuma phiangsen khan lo sual lui lo ni ngat se hmeichhe nu hnap leh ze zawi raih ani thei dawn a, tunah thung chuan huatna in mihring thinchhe tak ni tur in a siam tawh a, a thinchhe zet hi a thlah mai mai theih ka ring tawh bawk lo!

" kal chhuah i duh em?" Ka inher vut a, min lo en reng tawh em mawni, rang fe in a hawisawn a.
"Aih.."
"Tak zet?"
"Umm."
"A țha alawm, in ah awm in kan infawp nileng thei tho a." Dar kan uk in ka nui suk a, a meng leh rawm tawh!
" Ka fiamthu lo tih hre tel bawk la.." min en duh ta miah lo va, ka pan hnai hrut a, mahse pawnlam ah phone ri a rawn awm thut a, chu chu remchang ah la in rangfe in a țum thla a, kei erawh ka nui ta hawk bawk! Khatiang tak a lai hma anih ka ring der lo. Nilo, nizan pawh khan awlsam tak in a lai a, a ruih vang emaw ka ti kha ani a.. zing ah leh zel pawh a la lai a maw! Pathian! A mize thar ni hram teh se!

A beng ah phone ngaithla reng chung in choka ah chuan a rawn lut ve leh a, min en kiau bawk.
"Hun ka nei a lawm.." a ti sep. Ka pan hnai a,.
"Tunah maw? Aa, ih.." uluk zet in ka en ngur a, thil pangngai lo deuh a thleng anih ka ring.
"Police officer in ah ka awm.." nakin lawk ah chuan ka bialpa tiin a la sawi ang.
"Rawn kal rawh." Ram zet in a ti hmarh, phone chu a ti tawp zat bawk.
"Thil thleng a awm em?"
"Thankhuma farnu in min hmuh a duh a.." a dar ah kan man vat a, reilote min en zeuh va, a hawisawn leh daih bawk.
"Hetah an lo kal dawn mi?"
"Umm.."
"A pawi lo.."
"Ka hlau emaw i ti em ni?" za vak lo hian a nui hak a.
"Lo kal rawh se, ka hlau hleinem, a bul a ka sawi chak tam tak ka sawi theih phah dawn a.." a ti hap a, mak ka tih tak ber chu Thankhuma unaunu leh zel nen an inhria chu thil mak tak ani in ka hria!
"I sawi hmasa anih loh chuan zawh che ka duh miah lo, mahse sawi i tum hmel si loh va, Thankhuma te nen hian in inhnaih em ni?"
"A teuh lo lutuk.."
" au chiam a ngai lo, i chanchin hriat mang ka nei lo, tun ațang chuan engkim hriat vek ka duh thung ang.." ka ti sup, ka ngaihdan dik tak ani bawk.
" chanchin vak ka nei lo."
"I pa a la dam em?" ka ti a, a mitmu a che zauh a.
"Aih, kum 11 mi ka nih laiin a thi tawh."
"Thudik ka duh."
"Kum 11 mi ka nih laiin ka pa chu a thi tawh!" a rawn ti chang fak. "Thil dang min zawh leh duh ila nei em?"
" aih, i pa chungchang pawh thudik min hrilh vat theih ka beisei." a dar a ka vawnna chu ka thlah a. Ka inher ta vut bawk!

Ani pawh a ding ngawi ngal a, soup chu bowl ah ka suak chhuak a. A dinna ngai ah ding ngawi ngal chung chuan ka chetdan chu min melh reng bawk!
"Ei rawh, a dai ang.. chuan.. dawt hi ka ngaina lo tih hria la, dawt min hrilh tawh suh ang che.." ka ti sup, zawite in thawk a la a, ka chanchin hriat duh a neih pawn min zawt se thudik tak ka hrilh hreh lo, a pa chungchang ah dawt min hrilh erawh ka lawm hauh lo.
Gate pui a rawn ri a, Chimawmi chu rang fe in a che zui vat a, kawngkharpui a nam hawng a, Kawtzawl ah chhuak in gate lam chu a pan a, muang zet in kawtzawl lam ka pan ve bawk. Hmeichhe inbiakna a lo awm ve reng ka tum hran lo.
"Hmeli, ka unaupa lakah rawng tak a che tur hian tu ang nge i inngaih a, tenawm lutuk." Nutling pui tawh in Chimawmi dar ah a nem salh salh rual chuan inveng hman lo khawp in ka che vut a, an bul ka thleng chawpchilh der bawk.
"I thiltih man hi i hmu dawn tih in hre rawh, ila mualpho dawn lutuk.." ân a cheh hmel in a mitmeng phakar hmel zet chuan tur fe in Chimawmi chu a melh khai a! Ka hmu thei der lo.
"Thankhuma farnu i nih ngai chuan zak la let leh nal nal zawk rawh.." min thlek haw a, a unaupa in hmeichhe chak lo zawk a sual lui thei anih chuan kei aia upa anih vang ngawt in zah der ka tum hauh lo.
"A tan hian tunge i nih a, a bialpa maw, police officer mai mai i nih kha nang hian he hmeichhia hi i hum thei ngai dawn lo."
"Ka thei, ka venghim dawn bawk.."
"Kan la hria ang chu.. tenawm dun lutuk.."
A inher rual deuh thaw in Chimawmi chuan a hnunglam ațang a nem phut a; a che rang lutuk tak zet! Thankhuma unaunu chuan gate thir a bawh rawk rawk bawk!
"Tenawm tih thumal kha i kâ aţang chhak chhuak ve tawh suh, kei chuan nang ang lo tak in mî pasal ka la luah lan ve lo, Mizorama thil thleng khat tak thlen tir tu awm chhun i ni hial lo maw? Khawchhak ram ațang mî pa rawn um vang vang peih i ni tih kha inhria la; hawisang vak suh, ka kâ ka an ruala i chung ah leh i unaupa lak a thil thleng tur i hrethiam lo zawk em ni, Putara'n hre ngat se engtinnge in unau hian a tih ang che u.. aw.. khawchhak lam ah a thawn let nal nal duh hial ang che u chu.. khawchhak lam ațang chhuak reng reng ni bak a țha lo an tih kha a dik viau bawk, engang a thuamhnaw man to pawh inbel mahla kha i hmelchhe phakar zet kha a mawi phah ngai dawn lo, nghathu rim leh nghapih rim nam rum rum khawp a hnathawh leh i chak viau chuan min hmu turin rawn kal leh rawh.. ka sawi dik zia hi i hre mai ang.." a aw chu a ring hran lo, mahse a biak mek hmeichhia chu a haw tawk tih hriat zet hian a kha fak a.
"Khatia mitmeng phakar zet a min en lo khan kalbo vat teh." A chappal bun lai chu a la kang nawlh a, Thankhuma farnu vawm nan a hmang zawm zat anih chu!

"Lalrinmawi ila hre dawn.."
" I duh ang takin rawn che rawh.. i unaupa sazu ka tan thei anih chuan nang phei kha chu i lei kha ka pawt chhuak vek thei."
Thankhuma farnu chu thinrim zet in a kal chhuak nghawng nghawng a. Chimawmi chu ka melh reng tawp! Car in an tlan chhuak fel ta maw tihah chuan a chappal chhar tur chuan a bai phei saih saih a!
"Phakar ropui si, a țawng zawng a a thaw uih zet kha ilo hre ve em?" A chappal bun țha mawlh mawlh chung chuan min rawn melh a! A dakthei lutuk leh che hit lutuk bawk si chu ' Yes Ma'm!' tih mai te nia ka duh rum rum ni!


Show post links
Top
Abbra Reo Ririni
Post January 18th, 2019, 12:16 am

Hunter-a nen an infiam a, an ri chul reng bawk, kei erawh veranda ah țhu chung in hna ka khawih a, Thankhuma chetdan kan tlangzarh hun ah pawh Bawihi hming hi kan ti ri dawn lo, hun reife tawh a thil thleng ani a, Hminglem kan vuah ang. Mak ti kan lo awm thei a, Mumbai ah pawh heng pawngsual case media a kan tlangzarh reng reng ah a tuartu hmeichhia nihna kan thup țhin, hminglem kan vuah a, a sir ah bracket in hminglem anih thu kan ziak tel mai zel! A chhan chu hmeichhe zahawmna chhe tawh kha miin tunge anih tih an hriat a, a hnunglam ah an kawh zui chiam hi a dik lo a. Aa...Khawpui changkang ah chuan a tuartu hming diktak tih rik a thiang lo hial zawk anih tak ber chu.

Hna ka khawih zo a, laptop chu khup in kawtzawl a infiam chul te pahnih chu ka en ta reng a! Keiin a chanchin zawng zawng bang awm lo a hriat vek ka duh laiin ani erawh in min ngaihven der mai bawk si lo, hei tak pawh hi hmeichhe dang nen an danglamna ani bawk!

"Inchhung ah rawn lut ula.. ni a sa si, in dam lo mai ang.."

Rang fe in Hunter-a nen an rawn tlan phei a; ran bula awm nuam a tihdan ah hian mihring rilru chhe tak anih ka ring lo, a huat zawng te erawh kut thlak hreh lo khawp in a haw thung.
"I nu hmu turin kal i duh lo em ni?"
"Ih.."
" ka hruai ang che aw.."
"Aih." Rang lutuk in min chhang let a, "tlai lam ah ka kal mai ang keimah in." A nu thleng in ka hmuh ve zu la han hlau tlat a.

A thuamhnaw pangngai a inbel tawh a, a sam sukna a la rei lo bawk a, ka shampoo rim ngei mai a nam ve ram ram bawk, couch ah thatchhe zet in a țhu a, chips a ei rep rep reng bawk!
" kan teacher pakhat chu maw? Kan class ah khan Pausianmuana a awm ve a, kan teacher chuan 'i hming hi a mak e mai, thlak daih ang!' a ti a, Zorammuana tiin a thlaksak daih asin!" Ka nui chhuak hawk teuh kher mai!

"I fiamthu ani em?" Ka ti hluk. Mi hming te an inthlak sak ngawt ngai em mawni!
"Tak tak a lawm, mahse a hming thar kha a lo duh ta phian a niang, school a form fill up ngai reng reng ah Zorammuana tih hlir a hmang ta vek a..." amah zawk a nui ta hak hak a, eng engemaw a sawi țeuh va, a school kal lai daih a rawn sawi chhuak reuh bawk nen nui hawk hawk chung in a țhen a sawi a. Tui thak an lehkhapuan phek hmang in an lei țhin thu a sawi leh a, an kutphah ah tui thak siamtu chuan bur chhin khat te a dah sak a, a buak hlau in an innghal vek zel tih te a sawi a.. chungte chu kan naupanlai a kan chîn țhin daih tawh a ni leh nghal a, khawi school ah tak chuan nge a luh ve ni!


Tlai lam anih meuh chuan couch ban ngheng in a muthlu ta ngât a; Hunter-a pawh a chappal bul ah a bawk muhil ve bawk. An in ngaina dun em em mai pawh hi thil mak tak ani!

Dimte in a taksa chu ka chawikang a, ka malchung ah ka nghat hmasa phawt a, Couch ah chuan ka mu a, ka taksa chung ah chuan a bawk ta thlep a, a beng hnuai ah tuaisak hauh hauh in mit ka chhing ve a, nizan kan mu tam lo bawk a, mit a kham ve țung thei mai!

He hmeichhe thinlung hi ka hnehsak thei a ngem? tiin ka inzawt a. Mahni inringtawk zet in eng chhanna mah ka in pe thei der lo bawk! A phurrit zawng zawng ka chhawksak thei lo anih pawh in tlem tal chhawk zangkhai sak theih ka duh a, a ni lah hian ka lakah eng rilru nge a put ve tih lah ka hriatsak thei hauh bawk silo.

Ka rilru ka khap ka khap ve ta mai! Chupawh ka kuah lai mek taksa té ve tak vang lehnghal hian!

Engemaw ri rak vang in ka harh hlawl a, ka taksa chung a hmeichhia chu kuah mai ka tum a, a lo awm tawh hlek lo anih chu! Ka țhu chhuak vut a, Hunter-a chu a lo la awm a! Khawnge Bawihi kha a kal! Choka ah ka lut a, a ruak huai! Ka hriat loh in a kal ta daih a ni mai em!
"Lalrinmawi?" Inchung lam ah a awm anih ring in ka au țhawt a, mahse a reh ta tlawk tlawk si ah chuan ka thawm hriat kha a kal chhuak thawm anih ka ring.

Min ti harh miah lova engvanga min kalsan nge ani? Kawngkhar pui chu ka nem hawng pawp a; gate pawnah car a lo ding a, gate lam pan chuan ka pen zui pawk pawk a! Kha pa bawk kha ani! Bawihi chuan a luhna turin kawngkhar a pawt hawng a.
"Ka phalna tel lo in tumah i zui thei lo ka tih tawh kha!" rang lutuk in a rawn inher a,kei erawh thinrim lutuk vang in ka thaw hawm hawm thung.
"Rawn lut rawh.." gate ka nem hawng pawp, lu a thing a. Kut ka humruh ta ngawt bawk!
"Ka sawi leh ang, rawn lut rawh, kal duhna i neih chuan keiman ka hruai ang che." Ka thinrim ang aiin ka aw a dam thlup.
"Ka tihpalh .. ka kal a ngai.."
" i kal duhna ah ka hruai ang che ka tih chu!" Ka inveng hman lo, ka au țhawt a, țum hnih ngawt ka mit hmuh lai ngei a mipa dang zui tur in ka duh lo! Ka che vut a hmuh rual chuan rang fe a țhu lut a, kawngkhar a khar phui hma hauh in car chu a dawk chhuak zawk a! Ka rum ri hrawih thung!

Mipa dang a zuiin ka thinrim tih a hria! Mahse a zui lui tho.
A kal duhna ah ka hruai ang tih ka hrilh a, mahse ka thusawi ngaithla lo in kha pa zawk kha min zui san a! Mi â ang maiin buaina a tawh leh hun ka nghak a nga, buaina a tawh rualin ka kiang ah hruaiin ka duat leh ang maw! Aih! Mipa dang a ring zawk anih chuan.. rin chhunzawm mawlh rawh se!

_________________utopia:1996__________________

Inpui ka luh rual in naupang ho an ri chul a, ka ni te lam pawh an lo awm nual bawk!
"Kan Police officer-a pawh a lo haw ve ta hlawl e!" Ka cousin te ho an lo uang a, kan ri ta hlut bawk a. Zah hmel zet a Carlos-a dinna lam chu ka pan vut a, chhuat ah ka khup pakhat ka nghat a, hnai zet ah ka en run bawk.
"Daddy?"
" i lo fel em?" A bu lap lap a, A sam ah ka tuaisak zauh va, ka hnaih lo ţhin lutuk chu a lai ta vel chu a nia!
"Bolero hnung ah i thil tur a awm a nia."
"Yess!" a ti ta chul a, ka û fapa nen an tlanchhuak nghal a, ka u nupui pawh anmahni en zui tur in a chhuak zui vat a.
"Mama, i cher deuh lo maw?" Hmui ka pet sawi zauh va.
"Room ah ka han indah fel a nge.."
"Aw, inbual la lo chhuk leh nghal la aw.." a rawn ti a, a âw ri ah chuan min lo ngai tawh hle tih ka hre thei, chuvang a thla khat meuh chawlh la ka ni reng bawk.
Ka tlangval lai a ka room, Mizoram ka haw chang apiang a ka hman tlang tak zel bawk ah chuan ka pen lut a, a chhung bungrua engkim an lo thlak vek tawh a, an cheidan chu a hahdamthlak ru phian bawk!

Khum ah chuan a vang zawng in ka bawk thlawp a, ka rum zui țuah țuah a, Khawzawl leh Champhai inkar hi naupangte ka nih ațang tun țum thleng khan hla ka la ti reng! Nui suk in ka pheikhawk ka tlawh phelh a, reilote ka bawk zal phawt anga, ka inbual ang.

Chimawmi kha engtinnge a awm tak zel tih ka hrelo, ka chapo na vang liau liau in text hmasak ka tum lo, chapona in a thunun theih loh ka ngaihtuahna erawh in a awmna tur awm ang a ngaihtuah kual fo va, a dam țha a ngem tih hriat tum in Rv veng thleng a chhui zui chang lah a tam, mahse ngaihtuahna chu taksa in luah tu mai ani a, a luah taksa erawh a lam hnaih in pen lak hmasak a tum lo bur tawh thung. Thankhuma erawh chithlahna khawl nei lo in Central Jail ah ka khung tawh!

"Hey tho teh.." ka nghawng a za mar mar a. Hmeichhe kut nem in a rawn tawk kual dan dan a.
"I lo haw tur pawh min hrilh lo a.." Claudia.

Ka che țual țual a, inbual lo in ka lo muhil ngawt pek ani maw.
"I lo thlenna a rei tawh em?" Ka țhu chhuak a, lu a thing nar nar bawk.
"Lo awm la, ka inbual lawk ang." Ka lu a rit deuh luk thei mai!
" i inbual hma.." ka hmui ah a rawn fawh rual chuan a dar ah ka man a, ka nemsawn nghal dawrh bawk.
"Babe.."
"Sorry, condom ka nei lo.." za lo zetin ka țhen suk. Thawk a la halh a.
"Condom tel lo pawn a theih tho a lawm.."
"Ka chau.. inhnuai lam ah lo zuk chhuk rawh."
"I chhungte hnenah kan chanchin hi ka hrilh dawn." Rum zet in ka melh nghek! Thawk a la hap a.
"Tun țum i rawn haw hi i danglam tih i hria em?"
"I sawi a ka hre chiah." Ka ti nghut. A sam chu a tuai chho puat a.
"Zosangi rawn haw vang kha ani em? Ani nen in inhmuh leh a, i rilru a lakpen dawn ai chuan i chhungte kiang ah kan inkawp thu hrilh ka thlang zawk.." rang zet in room ațang chuan a tlanchhuak a! Ani nen khan kan inkawp ngai lo! Ka chhungte bulah engmah a sawi tur a nei lo bur bawk!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)