Short horror collection~~ by Beatrice Scorpio

Hlauhawm lampang hrim hrim hmun hrang hrang a mi lakkhawm...
Beatrice Scorpio
Posts: 139
Joined: November 14th, 2019, 11:33 pm

Short horror collection~~ by Beatrice Scorpio

Unread post by Beatrice Scorpio » May 6th, 2020, 7:27 pm

Sap ram a lar em2 a tak a thleng ni a an sawi. Thawnthu rapawm tak tak tawi tak si lawrkhawm te.

Thil nihna diktak te pawh.


Paranormal fact

Paranormal expert-te sawi dan chuan kan mumang a kan la hmuh ngai miah loh kan hmu anih chuan, nangmah en reng tu che ramhuai kha a ni, an ti.

∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Keipawhin ka hre ve alawm.

Choka atang a ka nu min rawn ko ri chu ka hria a. Chutia step a ka chhuk dawn lai chuan, ka thawmhnaw bawm atang chuan rawn phun sar sar thawm chu ka hria a, "Khutah khuan chhuk suh, bawihte, keipawhin ka hre ve alawm."


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆



Nightmare!


Ka thil hmuh hnuhnun ber chu ka alarm clock in 12:07 am tih a lo tih lan chu a ni a, ka ãwm-ah chuan a tin sei leh bãl zet chuan min rawn thai a, a kut pakhat chuan ka kã chu a hup bet bawk.

Ka thu chhuak nghal zawk a, ka mumang mai a ni chu ka lawm kher mai, mahse ka alarm clock ka han en chu 12:06 am tih a lo ri vãng mai. Ka thawmhnaw bawm rawn in hawng thawm chu ka hre ta.



∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


[u]Doll[/u]


Ka fate chu tap chiam mahse nautelemte chu ka hãl lui ta tho a. Ka hlauhna chu an hrethiam lo ani, a chhan chu zan tin a an khum a nautelem sawntu chu kei emaw an tih vang ani.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Mirror


Ka tukverh atang a engin emaw rawn kik ri dawt dawt thawm chuan min ti harh leh a, ka muthilh dawn apiangin min tibuai ziah, a tir chuan ka tukverh atang a rawn ri chu emaw ka ti a. Mahse a ni hauh lo, ka darthlalang atang zawk chuan ani.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Grandma


Ka fanu kum ruk mi, Lily chu a vawikhatna atan thlalak hluite chu ka hmuh a. "Mommy, hei hi a hming chu api," a rawn ti ta mai.



A mak ka ti kher mai, "Engtin nge i hriat?" Ti a ka han zawh chuan, "Api khan min infiam pui tur a a rawn kal khan min hrilh alawm," a ti a.




Ka chiai deuh a, tichuan, "Khawiah nge tunah api chu a awm?" Ka han ti leh a.




"I sirah khan a thu."



Tumah an awm lo.



A pi hi a pian hma kum sawm hmalam khan a thi daih tawh. Chuan ka laina hnai leh ka pasal ngei pawh chu Lily hnenah ka nu chungchang an sawi ri tawh em tih thu chu ka han zawt kual a. Mahse tuman an sawi hauh lo.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Fabiha


Ka thian tha ber Fahiba hi mipa pai a ka rãi lai hian a thi a. Nikhat chu ka fapa kum thum mi lek chu a room-ah za zet leh ring zet chuan a nui uar uar a. Enge nuihzatthlak viau ti a ka han zawh chuan, "Nute Fabiha hian hmel nuihzatthlak deuh deuh a siam a," tiin min hrilh ta mai.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Invisible

"Bawihte muhil tawh rawh le, tumah i khum hnuaiah an awm hleinem," tiin ka fapa mu tur hlau zet chu ka han thlamuan a.



"I hnungah khan a awm tawh alawm," tiin min chhang ta. Lung phu dep dep chuan ka hnunglam chu ka han hawi a, engmah a awm silo.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Sandwich


Nikhat chu ka fapa kum 4 mi tan hian sandwich ka siam sak a. Uluk zet chuan ka che vel chu min lo en reng ani tih ka hria a. Enge a en ka han zawh chuan, ka rin loh ber chhanna min pe ta......




"I sandwich siam lai kha ka en mawle, nakinah i thih hunah keimah a ka insiam ve theih nan"

∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Name


Ka fanu hi ka nu hming chawiin a hming hi sak a ni a. A awmzia chu ka nu hming ang chiah chiah a nei. A pian hma kum hian kanu chu a thi a, amah kan ngaih em avang leh kan hriat reng nan a hming hi phuah a ni. Ka fanu hi kum thum a nih laiin nutling meuh pawh a ngaihna hrelo leh lungphu dep dep khawp a thu mak min hrilh ta.....



"I nu ka nih a, ka fanu i nih thin lai kha i la hria em?"


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Last mommy


Vawikhat chu ka fanu hnenah hian khawvel a a hmangaih ber ka ni em tih ka zawt a. Ti hian min chhang let ta,



"Ka ngaina lutuk che alawm mommy, ka mommy hnuhnung zawk ai khan. Room-ah min kalh hnan a, chuan rawng hi ka chhar a, ka in a chuan ka thi a."


∆∆∆∆∆∆∆∆∆∆∆∆∆∆∆∆∆∆∆∆∆∆∆

Lulluby


Nikhat chu ka fanu hian kanu in ka naupan lai a min sak sak thin hla a sa rãt rãt chu ka hria a. Chuvang chuan khawi atang nge a hriat chu ka han zawt ta a. Ti hian min chhang a...




"Hmeichhe pakhat api tih khan vawikhat basement a ka hmuh khan min sak sak alawm."


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Mom's voice

Nikhat chu ka nuin inhnuai lam atang a chhuk tur a min rawn ko chiam lai chu ka hria a. Ning zet chuan tho chhuakin inhnuai lam chu ka pan a. Mahse step chanve ka thlen chuan ka ding thut, ka thil hriatchhuah chuan ka lungphu ti phu dép dépin ka thlantui a luan tir nghal. A chhan chu ka nu kha kum hnih hmalam khan a thi tawh tlat.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

I'm still here


Zankhat chu tlai ve tawh takah hian ka haw a. Ka roommate room kawngkhar chu a lo inkhar a, a mu tawh anih chu ka ring mai a. Mahse chokaah chuan ka mitsir hian eng emaw ka va hmu tlat. A hming chu ka han lam a, mahse min chhang lo. Engmah awh chu ngaihtuah chhunzawm lo chuan ka room-ah chuan ka lut a, ka room light ka on hma chuan ka beg bulah hian, "Hetah ka la awm reng," ti a rawn phun sar sar thawm hi ka hria a. Ka room light chu ka han on a, mahse engmah hmuh tur a awm silo. Ka roommate chuan min fiam kual vel a nih ka ring a, ka la thutak duh chuanglo a. Kan inchhung a light zawng zawng chu ka han on a, ka roommate room kawngkhar-ah pawh chuan ka han kik a, mahse chhanna ka dawng lo. Kawngkhar chu ka han hawng chhin a, mahse ka han hawi kual chuan ka roommate pawh chu hmuh tur a awm chuaglo. Chuvang chuan a light chu off lem lo in ka mut san ta a. A tuk a kan inhmuh leh chuan, "Nizanah khan min fiam kual vel em ni a?" Tiin ka han zawt a. A rawn tap tan ta ringawt a, "Nilo, nizan khan he inah hian min tibuai rengtu a awm a, ka hlau lutuk a ka tlan chhuak ta anih kha" a ti ta. Ka meng phawk chiang kher mai. A thusawi chu dawt a nih ka ringlo, a chhan chu a hlauhna chu a lang chiang em ani. Nizan a min tibuaitu kha tunge ni ta ang?


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Haunted Tunnel

Leiverh pakhat a hrang an tih hi a awm a. Tlai khat chu school naupang hmeichhe pathum chu chulai hmun a kal chu an rilruk ta a, an huaisenna enchhin nan. Leiverh chhung an han lùt chu a lo thim deuh khuk a. An huaisenna te chu an hloh ta a.



Chuvang chuan kut invuan a tlan ho chu an tithlu ta a. Chu hmun thim takah chuan chawl hauh loin an tlan a, a tawp an thlen hma chu.




A tawp lemlam an thlen hnu chuan, engmah thil danglam tawng em em lo a an thlenchhuah avang chuan an hlim tlang kher mai. Boruak chu hîp kãwk kãwkin an nui ho hak hak a.


"Kut inkaih chuan a hlauhawmna a ti nép hle mai," an zing a pakhat chuan thaw hlawp hlawp chuan a ti a.


"A lai a ka awm chu ka lawm tak tak ani," pakhat dang leh chuan a ti a.



"Keipawh " a pathumna in a rawn tih meuh chuan an nui tawp nghal vek.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Babysit


Kum rei vaklo liam ta khan ka thiannu fanu hi zan khat chu a khumah chuan ka muttir a. Khatih lai khan kum thum a ni a, chuan mut chu a hreh thei em em a. Engvang a mut kher ngai nge a nih min zawt a, ti hian ka chhang a, "A chhan chu a tlai tawh a, chuan naupang tan chuan tui deuh a mut kha a hun tawh alawm,"

Chutah room chhung, a hma zawnah chuan engmah chu kawk a, "Saw hmeichhe naupang ve saw?"


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆



Sister


Ka mu tur chu thawm hian min ti harh sek a. Engah vak ngai loin mut chu ka tum lui zel a. A hnu chuan ka ke a min rawn pawttu chu ka hria a. Ka han men chuan ka unaunu chu ka khumah chuan a rawn vãk chho a. "Ka mu theilo," a rawn ti a. Kan phum a a kawr hak ngei kha ani a hak ni.



∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Scratch


Ui leh zawhte nen a seilian ka ni bawk a, ka mut lai a ka room kawngkhar leh bang vel a thil in ham thawm chu ngaiah ka nei.


Mahse tunah keimah chauh a ka chen takah chuan, thil enliam mai mai theih a ni ta lo.

∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Cold hands


Chau zet chuan rei tak hna ka thawh hnu chuan inah ka haw a. Keimah chauh a cheng ka ni bawk. Light on tur a switch ka han ban chu kut dang hian min lo ban khalh tlat.

∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Dizzy

I thawh thut hian i lu hi nasa takin a hai ve thut ngai em? A nasat em avangin i chheh velah thil dum te i hmu chuai chuai em? Nikhaw hrelo a tlu mai tur ang te in i awm ngai em? Mi tam tak tan chuan he thil hi thil pangai a ni hauh lo. Mahse thil tha pawh a ni heklo.



He thil a thlen chhan chu ramhuai emaw thlarauin i kawchhung a luh an tum tihna a ni a, chuan an hlawhtling tep bawk.



I inring em?

∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Fog


October 9th, 1976 khan Ireland a veng te tak te pakhatah chuan 7:00pm bawr vel hian chhum mak zet leh dangdai zet chu a rawn zîng a. Mi tam chu hlau leh thlabarin an inah an in kalh hnan a.



Chu chhûm pawh chu zing lamah chuan a reh ve ta hram a. Kha zan khan mitthi tawh hmuh chungchang report 60 vel lai a awm a. Police ho chuan a tam zawk chu prank turah an ngai a.



Mahse mak tak maiin, police ho chuan chu veng thlanmual a thlan zawng zawng chu laih chhuah vek ani tih an hmuchhuak a. He thil hi Europe pumpui a thil mak tak a ni a, chuan 70's chho khan a lar em em bawk.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Mel's Hole


Mel's Hole, Ellensburg, Washington a awm, ft. 9 lai a zau, tawp chin neilo khawp a thuk, he tuichhunchhuah hi chhuihchhuah theih loh leh rapthlak tak a ni. Vawikhat researcher ten chu Mel's Hole chu a record an han thawn chuan, na tuar au vawn vawn thawm leh te tuar tuar thawmte chu an hre ta a. He thil avang hian mi thenkhat chuan hremhmun panna tuichhunchhuahah an ngai ani. Chu recording chu online ah hmuh tur a awm.


Mahse rin dan dang a awm leh tlat, chu tuichhunchhuah chuan ran thi tawh hi nung chung a a rawn hruai leh theih thu a awm tlat. Chulai chheh vel a awm pakhat chuan a ui thi tawh chu chulai hmunah chuan a han thlak a, ni rei vaklo hnuah chu ui chu ramhnuai atang nung chungin a rawn kir leh ani.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆


Fog people



Zan khat chu, ka fapa chu kum thum a nih laiin, a khumah chuan ka mut tir a. Chhuat chu a lo huh nuai ani tih ka hrechhuak a. Enge a awmzia ka han zawh meuh chuan,



"Khang chhûm mihringte kha chil ka chhak khum a. A kalbo tir thin a." tiin min chhang ta mai.



Ka hmulthi te chu a ding sung sung, ka hik nghal vekin ka hria.


∆∆∆∆∆∆∆∆∆∆∆∆∆∆∆∆∆∆∆∆∆∆∆


Fact on death


Kan thih atang a ni thum hnuah hian, kan pum a kan thil pai tawihna hian kan taksa hi a pai tawih tan thin.


Kan nunna atan a pawimawh kan taksa, kan eitur pai tawih a eitu chuan kan taksa ngei hi a la ei dawn si a.

∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Black cat

Zawhte dumin a en vang vang che a a tlan chhe daih anih chuan, thil pangai lo tak i chungah a thleng dawn tihna a ni.


∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 1 guest