HAW RAWH U(Mizo Horror) - Final Chapter

Hlauhawm lampang hrim hrim hmun hrang hrang a mi lakkhawm...
K.Lalremruata
Posts: 50
Joined: September 12th, 2018, 10:28 am

HAW RAWH U(Mizo Horror) - Final Chapter

Unread post by K.Lalremruata » September 16th, 2021, 7:48 pm

Maruata jr


HAW RAWH U...
(Mizo Horror)



Final Chapter


Recap : Sangsangi hlau lutuk chu, au mai na chang pawh a hre lo, a kaih ni ber huan a hriat a. Chutah chu Hmeichhia kawr fual var ha leh Sam thur nei nuai, a hmel pawh hmuh chian theih si loh chuan a lo la pan ta deuh deuh lehnghal a. Rawn then khum vakin a rawn la nuih vak vak lehnghal. Rapthlak tak a ni, rapthlak tak.



Cont.....


Chu ramhnuai reh ruih leh tih baiawm tak ah chuan Rpi thiante ho chuan eng nge an tawh zel ang le. Sangsangi hlau leh mangang bawk si che thei bawk si lo chu a khawngaih thlak hial zawk a. Msa zung chhuak lo tho chuan Sangsangi awmdan chu hmu nghalin a va pan ta thuai a. Sangsangi a hmai lo in hup chu, Msa chuan a hnung lam atangin a darah a va chelh saka. Sangsangi hlau lutuk chu a phu dawr nghe nghe a.'Ka duh lo, min kal san rawh.' Tih pahin mitchhing chung hian Msa chu a beng vak vak a. Msa chuan sawi nawk nawk pah hian,' Sangsang, harh rawh eng nge thil awmzia ? In ti harh rawh. Keimah Msa, eng nge i chungah thleng ?' A han tih chuan. Sangsangi chu dak chhuak zawkin Msa hmel a hmuh chuan a awm ah a bei nghal thlawp a. A in sut faih faih a. Msa chuan a han zawh nawn leh takah chuan. Sangsangi pawh chuan a thil tawn chu a hrilh mial mial a. A sawi zawh hnu chuan a thaw hawk a. Msa chuan,' Hlau tawh reng reng suh, ka awm tawh a lawm. Tuman an ti na ngai lo ang che. Eng pawh nise naktuk ah he ramhnuai hi chhuah sanin kan haw dawn nia,' tia hnem ve mawlh mawlhin, mei te chhawm tha in mu tur chuan Puan in lam chu an pan leh ta zawk a.


Khatia Sangsangi a thil hmuhin a lam a lo pan lai tak khan, Sangsangi tihngaihna hre lo chuan a hmai a hup ta tawp a. Msa zung chhuakin Sangsangi a va khawih chiah khan chu Hmeichhe tihbaiawm leh hlauhawm em em chu a bo ta nghal mai bawk a.




A tuk khua a lo var chuan Malsawma te ho pawh an khaw lam pan turin an in tin tuah a. An Motor awmna lam ni a an ngaih/hriat lam panin phei khai zâng lo ru zet chung chuan an pen chhuak ta hlawm a. Mahse, eng nge lo thleng ta an Motor awmna lam an pan ngei a hriain an kal kha a ni si a. Mahse, an Motor chu hmuh tur reng reng a lo awm lo. Hmeichhe ho chu beidawngin an thu hnawk hlawm a. Mti chuan,'Eng nge kan chungah hian lo thleng ta, a va mak ngai em ! Kan thi vek dawn a nih hi,' beidawng tak hian a han ti a. Mipa pahnihte chuan an han hnem ve mawlh mawlh a.


An khaw lam nia an hriat lam chu an pawng zawh ta tawp a. An cah kual tak ngial pawhin kawngpui emaw khaw lam hnaih reng reng hian an zawh lo a. Chu Bungpui Ngaw thim leh Tihbaiawm tak hnuaiah chuan an nun khaw chhuah nan an theih tawp an chhuah ve hlawm a. Mahse, tih theih reng an nei si lo.


Khua a lo tlai a, zan hun an hmang leh ta. Mei te tuahin an ti ti ve siam siam hlawm a. A nihna takah chuan Hmeichhe ho chu an phur tawh mawlh lo a ni. Chutia ti ti an vawrh lai chuan, an ti ti khuh bo vek khawpin Hmeichhe Nui thawm leh Tap thawm a lo chhuak ta phut mai le. Rapthlak tak a ni.


Hmeichhe ho an in en hre hraw lai chuan, An bul lawk ah Hmeichhe Kawr fual var ha leh Bek hek huam mai hi an bulah a lo ding ta thut mai le. Hmeichhe ho chu rak chel chul chung chuan an tlan darh ta huk mai le. Rpi, Mti leh Hruaitea a rualin an tlan chhia a. Msa, Sangsangi leh Sawmi an tlan ve bawk a. An hma lam ah chuan thim zingah an tlan chhe dawr dawr a.


Hruaitea, Rpi leh Mti te pathum an tlan zel chu an hmaah tak an meichhehna kianga an hmuh nu ngei mai kha a lo ding leh ta thut mai le. Rpi te pathum chu ding nghal chatin,'Tunge i nih ? Eng nge i duh ? Min kal san rawh ?' Hruaitea chuan a ti teng chhuai mai a. Chu Hmeichhia, Kawr var fual ha, Sam thur leh Bek hek huam mai chu. Nasa taka nui vak vakin a la then khum leh zui. Hruaitea chuan bawh thluk tawp hi a han tum ngawt a, mahse boruak mai a ni a bawh ni. Chu tah, Mti chu a ke a tang pawt thlu in hnim karah a hnuk ta vawn vawn mai le. Mti chuan, 'Ka duh lo, min thlah rawh. Hruaia, Rp, ka duh lo. Min puih ru, min chhan ru,' tiin a au tawk tawk a. Hruaitea chuan va um zui a va chhan hi a han tum a. Mahse, beisei bo mai a ni. Mti au thawm pawh reh hmakin thawm tak ngial pawh hriat tur a awm ta lo. Rpi chu hlau leh khur zawih zawihin Hruaia awm ah beiin, a tap hliam hliam a. Hruaia tih theih nei si lo, chu thinrimna hian a khat a. A rak tuar tuar mai le...



Msa, Sangsangi leh Malsawmi te ho pawh kha hmun remchangah thu hah chawlin hmeichhe pahnihte chu Msa chuan a phak tawkin a hnem ve mawlh mawlh a. Chu tah an bul lawk hnim buk lai chu a che ta luai luai mai le. An aw hriat bawk kha nasa taka rawn khek tuar tuarin a nui khek tuar tuar a. A hmel hmuh chian theih si lo hian an bul vel te chu a che luai luai a. A chang leh chu hmeichhia chu a rawn tap vak vak a. Sangsangi hawi chhuak chu a hmaah tak a rawn ding ta thut mai le. Rawn kawh pah hian a rawn then khum ta chiam mai a. Sangsangi hlau lutuk chu Msa ava bawh nghal rawk rawk a. Chu hmeichhia chu bo lehnghalin, tlemin an hlauh a reh ta maw ti ah, Sawmi chu an awmna thlang lamah chuan pawt tu a awm tih hriat tak hian a lum thla ta vawn vawn mai le. Chutah rak chel chul chung hian,'Ms, min chhan rawh, ka duh lo, khawngaihin min chhan hram rawh,' tiin a au tawk tawk a. Mahse, kar lo ah a thawm reh a tial tial a. Au chhuak tur a awm ta lo. Msa'n chhan tum a tlan a tum lahin Sangsangi chuan a banah a vuan tlat bawk si,'Tunge i nih, eng nge i duh ? I ngam a nih chuan lo chhuak rawh,' Msa chuan thinrim tak hian a ti ta phiar phiar mai le. Mahse, thawm chu a reh duk a. Chhang tu reng a tawng mawlh lo. A reh hian a reh tlawk tlawk a.


A tuk khua a lo var chuan hma lam panin an kal ve bek bek zel a. Hruaia te leh Msa te chu an in hmu leh hlawl hlawm a. Chanchinte an han in zawt hlawm a. Mti leh Sawmi chanchin an in hrilh ve ve hnu chuan thinrim bawk nen, tih theih nei hlawm bawk lo nen. An rum vawng vawng a.


Mti leh Sawmi te ruang zawngin an Ar khaw thim dai ta ngawt a. Chutia hma lama an kal lai chuan an hma zawnah tak chuan Mti leh Sawmi te ruang chu an va hmu ta hlawl mai le. Msa chu rang taka tlan nghalin. An hming chuan a ko nghal mawlh mawlh a, mahse chhangtu reng an awm lo. An hmai chu thisen hian a chiah piah nuai a. An kut leh ke te lah chu a vungin a duk cher chur hlawm a. Rpi leh Sangsangi chu an tap rawih rawih a. Tih theih an nei si lo. Mti leh Sawmi te ruang chu rem lo zet hian an phum ta tawp a.


Hun lah chu a kal muang hi an han ti em em khawp a. Khaw lam ni a an hriat lam chu phur lo zet hian an pan ve leh a. An phur tawh hlawm mawlh lo a ni. Hun chu a kal ve bek bek zel a. Khua a lo tlai a, Pafa hmel haih an tih hun a lo in herchhuah chuan zanriah te kilin hun an hmang a, tumah tawng zai pawh an rel thei lo. Tumah in be lo in an bar mial mial hlawm a. An ei kham hnu chuan Mipa pahnih te chuan Zial te zu in an kal leh zel dan tur an sawi ve sep sep a. Chutia an ti ti lai chuan, Hruaia chu a hung lamah hian pawt tu a awm tih hriat tak hian a hnung lamah chuan a in paih dawrh a. A ke ah chuan a hnuk ta zat zat mai le. Msa chuan chhan tumin a va bawh phei rawk a, mahse Msa chu a hnung lamah a kang lawp a. Rpi leh Sangsangi chu a va bawh rawk a. Hruaia chu a theih pa tawp hian a tal ve fat fat a. Mahse, tih theih a nei tlem khawp mai. A ke a pawt tu tha lah chu a chak em em lehnghal a. Chutah hling hmunah hian a paih lut thuai mai a. Hruaia chu a vial nghal vawng vawng a. Harsa ti fe a thu chhuakin thawh chhuah a han tum chu a hmaah tak Hmeichhe Kawr fual ha, bek hek huam mai leh Sam thur bem bum, a hmai lah chu rapthlak tak a ni. A sawr bawk nei nuai a. A hmai lah chu thisen hian a khat vek a. Chutah za taka nuih uarh uarh pah hian Hruaia chu a kawk a. Aw thawm chher chhur hian,'Tah hian eng nge in lo tih, in thi vek dawn,' a han ti a. Rapthlak tak hian a khek tuar tuar a. A nui vak vak lehnghal. Hruaia'n chhan tuma ka a an lai tak chuan, a bul lawk a, thing chu rawn tla in Hruaia bekah chuan a fuh chat mai a. Ehh, pawh ti hman lo in fam khua a lawi ve leh ta.





Msa te pathum pawh chu mangang leh hlau tak chuan an awm ve mek bawk a. Tumah damchhuah hi an in ring hlawm mawlh lo. Zan a lo rei takah chuan mut tumin an inbuatsaih a.


Chutia an mu dawn chiah tih ah chuan, Sangsangi leh Rpi zung chhuak zung tur a an chhuak chu. An hmaah tak an hmuh thin ngei mai Hmeichhe tihbaiawm leh rapthlak tak kha a lo lang ta thut mai le. Rpi leh Sangsangi, Msa awmna lam pan an tum chu hnunglamah an leng dawr a, Rpi au thawt chu Msa chuan hria in a va chhuak ve thuai a. Mahse, Rp leh Sangsangi hmel reng reng hmuh tur an lo awm tawh lo. An buk khuarna piah ah chuan Rpi chu rawn langin a ban a rawn phar a,'Ms, min chhan rawh, khawngaihin, ka duh lo, min chhan hram rawh,' hi a lo ti a. Msa'n chhan tuma ava pan chuan Rpi chu hnim buk karah hnuk lutin a au thla vawn vawn a. A hnuah chuan a thawm chu a reh ta hmak a.



Msa thinrim leh rilru na tih theih nei si lo chu, a thingthi hnawk a,'Tunge i nih, kan chungah eng nge i duh, lo chhuak rawh, ka mut hmuh ah hian lo in lar ta che, kan pahnihin i ching fel teh ang,' tiin a au teng chhuai chhuai mai le.



Chu tah, A bul thingkung atang hian Chu hmeichhia hlauhawm leh tihbaiawm em em chu, Rawn nui uarh uarhin a zai lang lang a. Msa chuan en chho nghalin,'Eng nge i duh? Ka thiante kha min pe kir leh rawh ? Tunge i nih?' Mittui tla zawih zawih hian a han ti a.



Chu hmeichhia chu rawn tawng chhuakin,' He lai hmunah hian thah ka ni a, Mipa pa nga sual rawn ka ni a. Rawng takin min that a. Phuba lak ka duh a ni,' a han ti a.


Msa chuan,'Eng vanga thah nge i nih ? Tunge i hming, eng nge i duh,' a han ti ve leh a. Chu nu bawk chuan,'Ka hming chu Lalhriatpuii ka ni a, Phuba min lak sak rawh, ka duh lo chunga Pawngsual ka ni a, he lai hmunah ngei hian thah ka ni,' Tiin a bo ta daih a.




Then End



Kha zawng kha a ni e...




Story thar nen ka lo kir leh hma zawng Mapase...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)