Miau

Hlauhawm lampang hrim hrim hmun hrang hrang a mi lakkhawm...
Cck Lalchhuanawmi
Posts: 323
Joined: August 5th, 2022, 8:54 pm

Miau

Unread post by Cck Lalchhuanawmi » October 31st, 2022, 9:29 pm

Miau-4
Mizo Psychological Thriller
Ziaktu: Cck Lalchhuanawmi

Beiseikima Mualchin...
"Midang fimkhur lohna kan sawi kan sawi a, keimahni zawkin kan tuar ta daih ni sia, a huai reuh khawp mai", Mawia chuan a ti dap dap a, " Lungngai suh, kan man vat dawn alawm, kan man hunah i duhtawkin i zilh dawn nia", kiai sak chungin ka lo ti a.

Tiang lek va va chungin, " Ka châk tawh lutuk", a ti chu Constable pakhatin, " I councelling leh hrep zawk lo'ng maw?", zawt titih, fiamthu titak deuhin a lo ti vat.

Kan lo nui tliar tliar a, a ni a sin; kan motor lo vaw chhe tu hi lo man ta pawh ni ila councelling nasa ber tur a ni.

Cctv a lo chhe khanglang alawm le, kan mam hunah chuan aw, a chak lo ang.

Tunlai tleirawl ho tak hi chu, zan lam ngawrh lehzuala duty a ngai dawn a ni.

" Patrol ho reng reng pawh hian eng nge maw an tih le?", ka tih chuan driver Rza chuan, " Patrol motor an lâm tir mawle, ka man chiang thei em mai", a lo ti vat.

Mawian â huiin, " Patrol motor a lâm thei em ni?", kan chhangchhe teh e.

" PK film-ah pawh motor lam thei aṭangin a nih kha a mamawh a lak ṭhin", âw ki sang vah chungin ka ti a, a la inngaihtuah vung vung, a va buaithlak.

A hnuah, " E, e, a va buaithlak e", nui huah huah chungin a rawn ti ve ta hram.

Ṭhalai ho ringawt ka rilruah ka lo dah a, thildang pawh buaipui a ngai dawn a ang hle mai.

Inbual pahin kan case kal lai mek ka ngaihtuah rauh rauh a, he thil ka nin tawh dan hi, kan hmasawnna lah a beitham bawk si, engtin tak chuan chingfel ang i maw aw...

" Tuna case hi eng nge maw a awmzia le, in muang mah mahin ka hria", ka pain a tih chuan ka nu lo inrawlh vein, " Keipawh ka lo ngaihtuah dan chiah, in muang ka ti, i mualpho der tawh lehnghal, Police ṭha ber kha i ni vei ṭhin nen", a ti a.

Ka lo thaw halh halh, engmah ka sawi kual duah peih tawh lo e a, mahni lo maha chauh ve nak laia hetianga a indem zawnga intih leh zel chu, mahse; ka nu leh pate an nia, min ngaihtuah lo thei lo dawn si a.

Lehlamah chuan an sawi pawh a dik, tunah chuan ka mualpho chu a ni ta der chu ni!

Zoramsangi Zote...
Chemte chu kan ban rek veilamah ka nghat vang vang a, ka zai dawn nge zai dawn lo tihah ka rilru a insual buai nuai nuai.

Ka ban rek aṭang chuan chemte chu ka sawn chho tial tial ta zawk a, muangchangin ka sawn chho zel, chemte chu ka thin leh âwmbawr velah chuan ka ti nghal rei ruai a, ka ṭek chhawk chhawk hian ka hria.

Ka âwmbawr aṭang chhuk thlak tir leh zelin ka dul leh tâi bawr velah ka ti nghal leh ruai a, ka beisei loh deuhin ka vawikhat tihna mah nise, nawmnain min rawn tuam up up ṭan a, ka hriatthiam loh deuhin eng khawharna emawni hian min rawn tuam leh nghal vat bawk!

A hma aia ruak huaia ka inhriatna aia nasaa ruak huaia inngaihna a rawn lian tual tual bawk a, chutiang ka ngaihtuah lai chuan ka kut chu a lo nghal ṭha hle tawh, chemte pawh chhuatah a lo let reng tawh bawk.

Chhuatah achanga han tal tawp tawpin, ka thiltih lai chu a tenawm takzet a ni tih pawh ka hria, mahse; khawlaia chhuah aia tihnât tur emaw zawn ai chuan mahni intihnât a lo nuamin a lo ṭha zawk daih reng si a.

Ka thilsual tih rim hip lut vang vang chungin inchung ka melh tlawk tlawk a, tunah chuan tumah tihnât an ni leh tawh ngai lo ang.

Mahse, kan putara kha engtin nge a awm ve ang le aw?

" Awle, a pawi miah lo a nia, mahse; Sawmi kha lo hrilh la aw", dam dupin ka thawhna dawr neitunu chuan a ti a, " Awle, ka lo hrilh dawn nia; ka lawm lutuk aw", ti vein phone ka dah nghal a.

Bsa nen inngaizawng reng angah min la ngai chu ni sia, a hming hriat leh lam pawh ka duh tawh lo a sin le.

Mental Home panin kan tlan zel a, taxi driver chuan kan Ramin case chinfel theih loh chungchang rilru hah hmel tak hian a sawi niah niah a, ka thengthawngah a thawk lo khawp, ka lo um e kual vel mai mai.

Zoramsangi hi tumahin an man thei lo ang.

A rukin ka lo nui ver ver a, pawn lamah erawh taxi driver chu pawisawi lo hmel takin ka titi pui thung.

Lemchang thiam lawmman zawng zawng min lo hlan vek teh u!

" Nangnu chu, eng nge i lo tih dawn?", ka melh rawm rawm nghal a, " Pu Hriatan a koh awm che pawh ka hre si lo", a ti leh.

Hepa hian min duh thu a sawi ve khanglang a, tun thlengin ka la hnar ngat ngat chu ni sia, a peih ve ngawt mai.

Lawkin...

Ka han en du du a, a pian a lo fuh phian, ahmain ka lo en chik ngai lo a, a kekawr hma a han puar ve khanglang chu!

Ka chhungril a rawn khur nghal rawk rawk a, a kekawr chhunga mi tem chhin chakna chuan min rawn tuam hlup hlup.

A ṭha dawn e, ka kiai sak a, " Ngati nge khatia min en, min tihlau dawn alawm, ka kal dawn", tih leh kal a rual nghal.

Keimah zawkin ka hman ṭangkai a ngai dawn ni maw, putara hmu phawt ang.

" Ka pu, i chungah hian lawmthu sawi sen loh kan ba a ni, kan mangang hman tawh lutuk a, mahse; tunah chuan intihhlum pawh a tum tawh lo, ṭha takin a nun a hmang chho tawh a, ka lo kal chhan pawh nupui a nei dawn a, chutah chuan rawn kal ve ngei turin ka lo sawm che a ni", nu valai ve tak chuan kan putar Chinghne Beram vun sina chu chibai mawlh mawlh chungin, âw khur dap dap chungin a ti a.

A office-ah kalin pawhdawha pawisa awm chu tlem azawng ṭhamin ka kawrhnuaiah ka dah hmak.

A, kal leh zawk mai teh ang.

" Ehe, Mazo", putaran min lo tih chuan, " Ka haw dawn", en mang hlei lo hian ka ti nghal.

Chawlh ka lak rikngawt avang leh Mental Home pawha ka awm peih loh avangin inah ka inkhung chawt.

" Mi h*rnu, mi pasal be ṭha huam huam a mahni pasal te pawh tilawm zo hlei lo, t*nawmnu, nang pawh kha i nu anga h*r tur i la nih kha", ka pa ṭawngka chuan thlan sa phungin min tiharh leh ta!

Raymond-a call-in, " Z*wnga, min hmu turin rawn kal nghal rawh", phone dah nghalin building kawtah ka tei ruai a.

Raymond-a a lo thlen har em avangin kawngpuiah ka kal mai mai a, zan lai a nih tawh avangin motor vei vak an awm mang lo tluk a ni.

" Eng nge i duh?",

" Bike aṭang te khan lo chhuk ve phawt la", muangchangin ka kal zel a, ka hnungah a lo kal ve chhet chhet.

T-shirt dum a hak chungah jacket dum ha lehin, jeans dum leh pheikhawk chu chiang sa converse, a dum leh var.

Ka lo chik ngai lo tak tak a, a pian a fuhin a dik thlap a, a hmelṭha phian bawk!

A dawhtheihnain a tlin lo ni ngei tur a ni, min kuai her lawpin, " Mazo, eng nge i duh? Zan lai laiah te",

" Nangmah", ka hmui pet sawia siai zeuh chungin ka ti a, a hrilhai hmel lutuk chuan ka nuih a tiza lutuk a, ka nui thawmah mi an harh hlau tho siin ka nui vak vak a.

A jacket nghawnga ṭhamin hmun thim deuh laiah ka hruai a, bangah nam betin, " Min duh thu i sawi tiraw kha?", ngaihna hriat loh hmel takin a lo bu zeuh.

" Tuna min tihlawm dan azirin ka chhang ang che", a hmui aṭanga a k*p thleng chul thla chungin ka ti a, a ip chawih.

" I ngam dawn em?", ka tih rualin min rawn fawh a tum nghal, lo dang vatin, " Shhh, i hmanhmawh a nih kha, min tihphurh dan azirin aw",

" I phakar hle mai", a khi suk.

Keimah zawk chu bangah min nambetin ka nghawng a nawr chap chap a, ka sam karah a kut rawlhin min pawt dak leh awrh ṭhin hian ka hria.

Ahnuah, " Lo kal teh", tiin, garage hmunah min hruai a, ka in luahna building garage-ah.

Car pakhat chu engtin tin emaw hawngin a seat hnungah min hnawh rawk rawk a.

" Hei hi a hnawk lutuk", ti pahin ka kekawr hak chu a phelh a, ka t-shirt pawh phelh a tumna lamah a nghawng a la ti ṭet zui.

Ka hmuia min fawh a tum apiangin ka lo dang zel thung, a chhan ka hre bik lo, ka hmui kher hi chu ka la ui tlat.

Ka âwmbawr velah chuan a hmui hmangin duhtawkin a che a, ka lo thaw halh halh.

Nawmna chuan min zem chiai chiai ni ber hian ka hria.

Mahse, engthil emaw hian chu nawmna chu a rawn titawp vek.

Raymond-a chu a phur tawlh tawlh tawh bawk si, a thaw huam huam a, kei erawh phur chu sawi loh, nawmna pawh ka pawh tawh lo.

Raymond-a chu namsawnin, " Eng nge ni ta?", mak tih hmel deuha a tih chuan chhan dan tur ka hre der lo.

Inha ṭha sawk sawkin car aṭang ka chhuak a, ka ngaihtuah ber pawh hre loin inkuangkuahin ka ngaihtuahna ka vah kual tir ruai a, ka in panin ka chho nghal hlawk hlawk.

" Mazo?", min rawn sawi nghal sawk sawkin, " Mazo, i chungah eng nge thleng? Eng nga tinge i kawr te chu, i ṭha em?", ka kawr hi chu Raymond-a tih ṭet a ni phawt a.

Min kuah vawng vawng nghalin, " Mazo, ka tihpalh lutuk, min ngaidam rawh aw, ka lo ngaihtuah tawh lo reng reng che a, a pawi ka ti lutuk", ka hnung a chul heuh heuh pah a.

Engtiklaiin nge ka mittui a tlak pawh ka hre lo, " Bs", ṭap ṭeuh chungin ka ti a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)