TU THLA NGE?

[Judy chhakchhuak]

Tuna ka thil rawn ziah tur hi a tak ngeia thleng ania,pâwl sawmpahnih boarding kan awm na hrang chungchang ania,dawi deuh tan chuan chhiar loh a fuh ang,mahse ka thlahrang hriat tawh ah chuan ala vir ber ka tilo theilo.




Kum 2019 lockdown lai vêl kha ania,kapa hi missionary doctor in thintlang khaw te ve takah hian a awm a.School ṭha tak ti a sawi tûr a awmlo bawk nen, kapa thawh na aṭanga hla vaklo ah hian boarding pakhat a awm a,chutah chuan missionary, zirtîrtu leh hosteller bak an awm ngailo a khua kha sawi thiam a har hle a,khua ni chiah silo in engkim kha a kim ve biai bawk sia.





A thawk tu te pawh khan khua "kan awmna hi khua tih a sawi tûr ani chiah siloa,a mihring cheng te hi kan tlem sia khaw te chu ani ve tho bawk sia khaw hming a nei siloa, boarding tih tawp ani sia hriatthiam a har khawp mai" an ti ve fo a.





Corona virus hri len lai kha ania,school kan kal mumal theilo a online in class kan la ve reng a.Mahse a ziaawm deuh hnu khan pâwl sâwm aṭanga pâwl sawmpahnih ho zawng hostel ah luh vek tur tih headmaster in thuchhuah arawn siam a,ka luh na boarding ah chuan pâwl nga aṭang a awm ṭan a,a chhan pawh a khua hi a awm na a hla ve a hostel lût lo tan chuan khaw dang aṭanga school kal ngaih na a awm lo a,corona ziaawm deuh mahse a te lam anla luh ve dâwn loh avâng in hostel pawh kan thawl deuh dâwn tihna ania.





Keiphei chu lût thar tur ka nia,ka huphurh ru hle bawk an sawi danah an strict em em hranlo a.A thawk tute missionary vek anlo ni bawk nen,an felin mi hriatthiam na an ngah an tia,a ṭhen sawisel tawk pawh an awm tho a boarding anih avâng in ei leh in ah te pawh a nuam em em thei dawnlo hrim hrim kha ania,chawhmeh pawh khaw dang ami tractor in anla ṭhin a bazar tih vel a awm ve loh vang ania.





Boarding lût tûrin kan insiam ve mawlh mawlh a,lût thar tur ka nih avâng in ṭhian ka neiloh bakah boarding a ken tur ka hre vaklo a.Group ah chuan an sawi nual tho a,lût thar tur ka nih avâng in ka huphurh ru ve hle.





Hetah hian thil thleng tur hre lawk ngat ila zawng ka luh ka ringlo.





Kan warden tur hi kapa te nên a lo thawk tawh ania,kapa nen pawh an inhre ṭha viau a.An hostel(boarding) a lut tura min sâwm tu pawh ani nghe nghe,kapa te nên an thawh ho lai hian kala te a keiphei chuan ka hre chiang chiahlo,kan upa ber mipa hi missionary ve tho ania ani erawh chhim lamah a thawk thung a,kan warden tur nen pawh hian an inpawh viau mai a,an inkawm ngeih viau ani awm e.





Kapa ten ka school luhna thar tur boarding ah chuan min thlah a,kawng tluan in ka in ngaihtuah a ka lung aleng dâwn si,kalo kal ta kher kher a kapa in i awm duh leh duh loh animai atih lai khan tinge ka awm duh kalo tih,hostel ah chuan awm ṭhin tho mah ila ahma ka hostel awm ṭhin na chu private hostel ania,phone kan kawl thei tala a zia deuh a tun ṭum erawh ka chhûngte a khat tawk in ka be zeuh zeuh anga ka ṭhian te ka be thei tawh dawn bawk silo tih te ka ngaihtuah a.





Ka in ngaihtuah neuh neuh chhûng in ka awm na tur chu kan thleng ve mai a,corona la awm deuh lai anih avâng in an fimkhur ve a.Motor kan park ṭhat hnuah sanitizer in min kap thuak thuak a, thawmhnaw leh neuh neuh vel ka ken hnem avâng in thingrem in kapa ten min kentir kha ania,a rih deuh avâng in kan hostel chhûng thleng min thlah a.





A thleng hmasa pâwl ka nia,mi pahnih bak anlo la thleng lo a.Mipa erawh an thleng hnem tawh hle a,kan rual hian ka awm na tur hostel a lut ve tûr tho mipa pakhat kan kal tel pui ve a.Kapa thawh na ami a ni nghe nghe,ani erawh pâwl sâwm zirlai ania kei erawh pâwl sawmpahnih zirlai kani thung.





Pâwl nga aṭang tawh a lut ania,hostel chungchang pawh kha alo hrechiang tawh hle a.Mahse ṭawng tam vak chi anih loh avâng khan ken ngai vel bak kha min hrilh lo a,hostel ah kan indah lut fel a,kapa te erawh corona vel avâng khân riah an phallo a.





Hostel a kan indah fel hnuah kan motor awmna thleng ka thlah let leh a,khata an kal liam tur baka hreawm tih kha ka neih leh ka ring tawhlo.Ka phone kapa te kape a,motor a an tlân liam ta chu ka ruak nghal vek thei,ka ṭah a chhuak a mask vuah lo phei ila chuan ka ṭap tih kha an hre ngei ang,mittui nen kapa te ka en liam a ṭhian kala nei bawk silo nen hreawm ka ti ru takzet.





Hostel a ka let leh hnuah ka khum duh ber ka thlang a,pathum bak kan la awm loh avâng khân "hetah kan bula khumah hian lo mu ve rawh,pathum chiah hi kan la ni sia inhnaih deuhin mu ang u,lo awm thar tur ami inih" tiin ka thawmhnaw vel min remfel pui zung zung a,an fel kati takzet.





Ka classmate tur te anlo ni leh zêl bawk nen, "aw ni e," ka tive sep a.Ka mi nel te bulah lo chuan ṭawng tam vak chi kani siloa,kan inbe tam em em lo,Roneihkimi leh Hrangsaimawii te an nia, "Zothanpuii ka nia Zothan min ti mai rawh u" ka tih chuan an bu ve nghat a.





Ka ṭhian kawm hmasak ber te an nia,nakin zelah pawh kan la inkawm zêl ang tih rin ngaih na ka neilo hrim hrim.Pathum chiah kan la luh avâng khan kan inkawm chawt a,anni chu anlo intifel vek tawh a hetah hian warden nilo min vêngtu tur hmeichhe pakhat alo awm ve a,U Dami kan ti mai zel a ani erawh room hran anei thung.





Room pathum ang deuhin sei deuh a awm a,room pakhat ah khan khum sawmpali zêl a awm a khum pawh chhâwng nei ang kha ania,an sawi danah kan naute a lian leh ate an awm tlang ṭhin an tia,kan naute anlo luh dawn loh avâng in khum chung pawh chu a awl vek dawn a.





Khum chung lamah ka thingrem chu ka dah a,ka ṭhian te pahnih chuan tui te min dawh pui a bathroom pawh inbual na leh in thiar na a awm hrang vek a.Kan inbual na erawh pâwnah vek a awm thung,inbual na bulah hian zawngṭah kûng lian pui a awm a,kan hostel hi a ṭha vak em em lo a a bang pawh tile ania a thlang lamah pal chhe deuh hi a hming in a in hung ve a.





Hmarcha leh kawlthei kûng mai bakah kawlsunhlu,tengtere leh serṭawk kung khatiang anga tam kha kala hmu ngailo.Hosteller ho leh warden te cook te ei tura an phun tiin an sawi a,thlang lamah midang eitur a awm nual bawk a,kan awm na boarding kha ser a thur tinrêng chu a awm kim vek ti ila ka sawi suallo ang,hatkora leh serṭawk kung a tam ber a,a dawt ah sunhlu leh kawlthei mah bakah sap thei te nên lam alo awm kim biai a,thei lamah chuan harsatna a awm hranlo.





Kan inbual zo a,chaw ei dar a rik veleh choka lamah chuan kan pathum in kan phei a,khatiang ang em em a kan in a chaw kha ka ngaih ka ringlo.Alu leh dal Tlawng kan han hmeh kha chu ka ṭah a chhuak vawng vawng thei,fiante vekin anlo ei ṭhin a fiante ka ken theihnghilh avâng in "a spare ka nei alawm,kha ka ta hi hmang rawh" tih pahin a spare chu Neihkim'in minlo pe vat a.





An pahnih hi chu pâwl nga aṭanga lo lût ve tawh an nia,kapa thawh na thlang lamah daih an awm bawk a.An felin lut thar ka nih naah ka hriat loh te min hrilh zung zung a,kawmthlang lama hmarcha te chu Hrang'in a lo a hmarcha kha awmlo sela chuan chaw pawh kha ka ei theih ka ringlo,an alu leh dal khan taste a neilo hrim hrim a hâng duk ringawt a.





Zanah kan warden kan roomah alo kal a, "hreawm iti em,harsatna in neih chuan inlo sawi dawn nia in pathum chiah in ni bawk a in duhleh khum te kha zawm ula,mahse in ṭhian te anlo kal chuan in zawm thei kher tawhlo ang aw,khua a vâwt bawk sia" atih chuan kanlo aw ve thuai a.





Kan awmna boarding kha kumtluan in avawt ka timai,kawrlum a hak reng theih a thlasik tak takah phei chuan a hik vek zel an tia ka luh pawh khan a vâwt tawh viau ania.Ka awmchhung zawng khan khua a vâwt tluan ṭhak ang vel ani, boarding ah khan ka awm rei lo a,kapa an sawn avâng khân kan la lachhuak leh vat zawk a.





Zanah pawh phone khawih tur nei talo chu kan room kawt lawk ami kawlthei kan lo a,kan ei kan ei a a hmin a puam deuh ani bawk nen tui ve tak ani.Kan warden phal na thlap in khum chu kan dawh zawm a,ka ṭhian thar te kha an fel reuh a ka hlauh an rin avâng in a laiah min muttîr a avawt bawk nen insi rialin kan mu a.





Kan chanchin te kan inhrilh melh melh a,keipawn ka nel sawt hle a rei tak lo inhre tawh ang maiin fiamthu te sawiin kan nui kan nui a.Kawngka pahnih hnunglam bathroom luhna leh pawn lam chhuah na a awm a,kawngka pahnih ngawt kan roomah a awm a kawngka te kalh ṭha in mut zai kan rel ta a.





Mahse misual chuan kan kawngka te mai mai kha chu han pet na deuh se an pet chhe nghal thei dawn chiang lutuk a,a ṭha vak tawh siloa engtin nge tui tak khan kalo mut theih ka hrelo.Mahse kan motor chuan na kan chau deuh nge kar lo ah kan muhil vat a.





Zanlaiah ka rinloh lutuk in sihal û riin minti harh a,kan room kawt maiah khan a û ni maiin Ka hria.Ka ṭhian te pawn an hlau deuh nge kan harh ta vek a,in en in kan nui kan nui a "a hlauhawm em em loh ania,kan hostel thlang ah hian thlanmual a awm a,chutah chuan an awm nual ṭhin a kan miss(warden) ar hi an rawn la ṭhin a" Neihkim'in ati sep sep a,kan miss hian kan tui dawh na bul lawkah ar a vulh ve a,ar in lian vaklo hi a awm a kan miss pawh kan hostel chhak lawkah chuan a awm a.





A tuk zing thleng chuan harsat na awm em em lo in kan muhil ve thei mai a,a tûkah midang dang anlo thleng a a tûkah kha chuan kan thleng kim deuh vek tawh atih theih ang.Lut thar an awm ve nual a,keimah chiah kani biklo chu nuam kati ve deuh,khum pawh warden in in luh kim vek hunah khum in pawt dâwn nia atia,kan mut na tur hi duh kan thlang thei chiahlo anih hmel.





Lut tharah Mizo ṭawng thiam lo te an awm nuk hlawm a,hnam hrang hrang kan in awm pawlh a.An ṭawng erawh ka hrethiam ve vaklo,kapa thawh na ah hian Paihte ṭawng an hmang nasa a Paihte lut pahnih an awm ve a,anni nên khâ chuan kan inbe ve thei mai a Mizo ṭawng an thiam tho bawk nen Mizo tawng kan hmang nasa.





Kan luh kim vek hnuah pawh class kan la kal lawk lo a,tih tur a awmlo bawk nen kan infiam loh leh hostel chhûngah te khan kan inbihruk siak ta vel mai mai a.Warden kha ka rinai takin a fel a,keiphei chu min duhsak bik lutuk,hostel chhûng a awm te kha kan no hluak theilo hrim hrim a chhan pawh kar khatah vawihnih êm in kan chawhmeh eitur kan la ziah a.





Êm ken tur tih kha ka hre ve siloa,warden in "a ngai lemlo,in in phur chhâwk ṭhin dawn nia" ati bawk nen midang pawh kenglo an awm ve nual a.Class kal hma in kan khum tur kan pawt fel a,kan class ho kha room khatah kan awm tlang dial a,pâwl sâwm leh sawmpakhat ho pawh room hran ah an awm ve ve bawk a.





Class dang nen kan inkal pawh vaklo,awlsam deuha in kal pawh theih mai chu ania.A te lam deuh an nih avâng in an ni zawk kha an rawn lut leh zeuh zêl a,ka awmpui te zingah a sual awm mahse a fel an tam zawk a, keilah thinchhe chi miin min tih chuan tih let hreh lo chi kalo nibawk nen pakhat kha chu ka luh tirh in ka inhauh pui ve ngei a,mahse a hnuah kan inkawm ngeih ta daih a.





Khum kan thlang fel a,ka ṭhian ve ber te pahnih Neihkimi leh Hrangi te ka khum opposite chiah ah awm a,kei erawh Mizo ṭawng thiamlo pakhat leh ka inhauh pui nu in karah chuan ka khum a awm a,mahse kan inkawm ngeih tlang tawh a kan awm na a in hlat lo hlawm bawk nen kan inkawm leh vek thei a anuam kati ve tulh tulh a,class kal hma in inkawm na hun tam zawk kan nei bawk nen lût thar kani tih ka in theihnghilh hmak tawh atih theih ang chu.






Kapa hi a hma in zirtîrtu in alo thawk ve tawh ṭhin a,kapa student hlui te an awm nual bawk a.Khangho kha chuan min hre khawp mai,khaw in hnaih deuh deuh a awm anni bawk a min hria kha a tam zawk an ni,kapa hi an sir hlui alo ni bawk nen mi an tlawn ve deuh ṭhin a,tlêm chuan min hmusang ve deuhin ka hria.






Kan zirtîrtu te pawh missionary ka tih tawh kha,kapa thawhpui hlui te kapa hmelhriat te an awm nual a.Kan mizo zirtîrtupa phei chuan min duhsak zual a,a chhan pawh kapa ṭhianpa ania keimah zawk khan kalo hre vaklo a kapa hi chu a hria an tam zawk.






School kan lut a,mipa ho pawh ka rinai daihin a fel a,hmeichhe lam erawh hostel a awm ho vek kan nia in hmelhriat chawp ngai kan awm tawhlo a.School kan kal a,kan chawhmeh chhe hle si khan thla khat vel ka awm meuh chuan ka thau kûng kûng thei.





Zanah thawm mak tak tak ka hre fo a,kan warden in khum zawm ala phal reng a.Lehkha kan zir pawn min veng em em lo,kan warden khan min thlah zalen ka timai a chang leh min len san daih a.Boys hostel nen hian kan in hlat a,in kal pawh ngaih na a awm lo hrim hrim bawk nen a ngaih aṭha te pawh ani mahna.





Devotion hi tlai chaw eikham dar sarih ah kan hmang ṭhin a,warden in min telpui ngai lemlo.Devotion ah hian puan bih vek tur ania, corona lai vêl ni mahse kan in hlau lemlo khawp mai,a pangai vêkin kan kal a biakin ah kan inkhawm ho a,zing ṭawngṭai inkhawm ṭhulh theihloh tawp ania zing ṭawngṭai inkhawm pawh biakin puiah keimah ni hosteller ho in kan hruai vek a,roll no indawt dan in an tia.





Inkhawm an tam thei reuh hle a, missionary chhûngte leh headmaster chhûngte an awm nuk hlawm a.Lut thar chiah ni mah ila biakin puiah usher turin min ruat a,biakin puiah hla chang kan sawi a mipa in khuang an vaw bawk a,chanvo kan ngah thei hle mahse kan tân vek ania khatia an ti kha aṭha ka ti takzet.





Thingkung lian vaklo pakhat lawn awlsam deuh si kan hostel kawtah lawk hian a awm a.Lehkha kan zir ho a,a chhiar chi anih phei hi chuan kan chhiar sap sap a ri tam na a zir theilo kan tam avâng in a ṭhen kan in ṭhen darh a, thingkung ah chuan ka lawn a ka zir mai zel a.





Midang ṭhenkhat serṭawk kungah te an zir a,kan awmna thlang lam hi ramhnuai vek anih avâng in pal chhe ve tak hian a hming in an hung ka tih tawh kha.Ka ṭhiannu Neihkimi hi chutah chuan a zir ṭhin a,lehkha thiam theilo deuh mai hi ania Pathian zarah ka vânnei a,ka thiam chak mai bakah maths te hi ka man zung zung a class ah pawh a thiam deuh pâwl kani ve a mahse ṭhian te nên a awm ho chuan ṭawng duh chi kan ni bawk nen zir a har ṭhin khawp mai.





Zankhat chu khua a vâwt zual a,inchhung ah kan awm ṭhap a.Lehkha kan zir peihloh avâng in ka ṭhiante pali ka khumah anlo phei a,ka inhauh pui nu kha Hmingthani ania khum kan dawh zawm ka tih tawh kha,Hmingthani nen a kan inkar ah hian khum pakhat Duati mut na a awm a,Duati te nên kan dawh zawm a ka mutna sir ber kawngka bulah Jenny Mizo ṭawng thiamlo ka tih kha amu ve a lût thar ani bawk nen ani kha chuan min lo nel vaklo a.





Chutia kan ṭhian ho a kan ṭhut khawm mai mai lai chuan thawk leh khatah kawngka hi arawn inhawng bur a.Jenny phei chu a au ṭhat nghe nghe,keini pawh kan hawi deuh zawk a,tukverh hi Duati mutna bulah a awm a.





Thil a thaw bawk silo nen mak ti zetin kan in en hu hu a,sihal ti dâwn ila zanrei dar hnih tlang ah bak an inlan ngai siloa.Nuam ti zan lo chuan kawngka chu kan va khâr a,kan class hmeichhe ho hi kan in kawm ngeih tlang a kan neih ang ang kan inpe tawn a,thawmhnaw inhak pawlh nuk kan hrat viau chung si khan thawmhnaw bo kha a awm ngai manglo.





Kan naute pawh thawm hria in anlo tlân phei sap sap a,pawn lam a chhuah kher ngailo in room a in kal pawh vek theih ka tih tawh kha.Thawm ngai chang deuhin kan ṭhu khawm ran a,hetah hian missionary fanu kalo nive bawk nen min ring ve hlawm a,ka hlau lo turah an ngai teh ngawt a ka dawi zia an hre tawp siloa.





Kan room chu arawn ri leh khap ṭhin a,tumah lehkha zir ngam kan awm tawhlo.Kan dawi hlawm em atin ni,thawm a reh ṭhuap a puan kan insin ṭawm a,khawvawh lai nilo phei sela chuan alum ve viau ang.





Kawngka chu a ngai ang chiah in arawn in hâwng leh pawp a,chutah zet zawng kan va han au nasa tehreng em.Warden ai awh tura an dah U Dami pawh alo tlân phei vat a,thil awmzia kan hrilh chuan min hnem ve tak na in a hmelah a ngaih a ṭha zanlo tih a hriat theih,ani chuan phone a khawih theih avâng in a chhungte a be thei bik a.





"Chang ang,Jenny i khumah khan kanlo chang lawk ang Zothan kawngka bulah hian awm ila nang missionary fanu inia a hlau deuh ang che,mipa ho hian min tih ṭhaih an tum mai mai te aniang,a in hâwn leh veleh kan chhuak anga kan ûm dâwn nia" tih pahin tuboh hi minlo pe a.





Hlau ve deuh tho mah ila tuboh keng chuan kan chang ta ran a,rei vaklo hnuah arawn in hâwng leh ta ngei a.Ṭhian ho nen chuan alo in lâk huai theih deuh bawk nen, pawn ah chhuak in vuak ka tum chiah chu "eng nge" hlauthawng tih hriat tak hian kan warden chuan ati phâwk hra a.





"Miss ngatinge ramhuai lo kal hunah tak ilo kal a,kan vaw ṭep che anih kha" tih pahin tuboh ka ken lai chu ka dah thla vat a. "Chutiang a awmlo,in rinna a nghet lo aniang ṭawngṭai rawh u" ati vat a.





"In au ri kha ka hria a,ka rawn chhuk anih hi" atih leh hnuah room a fang kual a.Kan thil eina kawr pawh kan dah ṭha ngai lemlo,miss te nên hian kan innel tawh a min hau ngai lemlo bawk a,thil sual kan ti te anih loh chuan.





Miss chho hnuah chuan mut tumin khum kan siam fel a,lehkha zir pawh a tui tawh lo.Kan mut fel deuh chiah kan room tukverh hi arawn in beng deuh dawt dawt a,kan room chiah ani biklo nge U Dami thleng thleng chuan kan roomah anlo tlân lut vek a.





Kan zingah huai ve deuh pakhat a awm a,Cindy ania a puitling reuh bawk nen tukverh te chu a hawng a.A en thuak thuak a,engmah a hmu lemlo nge kan ṭhut khawm naah alo ṭhu veleh mai a.





Thawm chuan min kalsan duh lawk lo,ngawi reng a kan awm ṭhap laiin "Dindini hi a thinrim anilo maw,in hriat vek kha" Cindy chuan arawn ti chhuak phawng a.





Keiphei chuan an thil sawi chu engmah ka hrethiam lo,Dindini an tih pawh chu ka hre chuanglo. "Thinrim chhan tur a awm ami,engtin mah kan tih loh kha pum na vanga boral ania" Eng'in atih chuan a chiang deuh kuarh mai.





"Hostel kan room bul chiah ah hian pum na vangin a boral a,kan hrethiam siloa a pum na kha pum na satliah emaw kan tia,miss in damdawi ape tawh tho bawk nen a dam leh mai kan ring a,mahse a chet hlek khan ana atia hostel ah hian a boral a damdawiin ah chuan an kalpui tho a a ril a pawp anih an ring a" ka beng bulah Neihkim'in arawn ti deuh sar sar a.





Sana kan en a,dar sawmpahnih ari tawh a room dang ah phei ngam kan awm tawhlo.Cindy chiah kha ama khum a mu ngam awm chhun ani,midang chu in ngheng riaiin kan mu a.Cindy kha alo huai ka tia,kan zingah a upa ber bawk nen a inti huai chawp nge phei chu ka hre lemlo a.





Zankhua in thawm in min reh san lo,kawngka anih loh leh tukverh a ti ri reng a.A chang leh na tuar thawm te kan hre leh ṭhin a,engtik laiin nge kan mut ka hrelo.





Zing kan han harh chu kan khum bula kan eitur dah a lo zo vek a,a bâwm chhuatah a in paih darh nuai a.Serṭawk intih harh nan a eitur kan tih lam nen eitlak mang a awmlo,ka rilru tak chuan "ava vir reuh ve" ka ti ru neuh neuh a,eitur ṭha leh tui kan neih khat nen.





Nizan lamah kan mu khawm dul sia,Cindy ti dâwn ila a che felfai thlap chi ani sia.Kan ringlo bur ka ṭhiante phei chuan Dindini an tih nu kha anih an ring fur a,chaw ei laite chuan kan in melh hrek hrek a U Dami pawh a banglo,a phone in mi a be kual sek a.





Class kal turin kan insiam mawlh mawlh a, darthlalang lian deuh choka ah hian a awm a.Chutah chuan kan in en ṭhin a, Nungi samkhuih nen a choka lama a kal lai pawh ka hmu reng,ka pheikhawk hrui ka suih mawlh mawlh laiin Hrang'in ka perfume alo inkap ve bawk a.





Choka lamah thawm ri deuh ṭhuai leh au ri kan hriat chuan kan tlân phei vat a,choka kan thlen chuan miss pawh alo awm der tawh.Nung'in hlauh anei tih hriat takin a khur deuh bap bap a,amah chu a chianglo niber in ka hria.





Class pawh kallo in U Dami nen roomah anlo awm a,hostel ah lo chuan awmna a awm miau siloa.Class ah kan mipa ho chu nizan lam chanchin kan hrilh ve malh malh a,mipa lamah chuan engmah thawm a awm lemlo aniang.





Mipa ho awmna phei chu pal pawn a in hunglo a,mipa ho pawn an rin ber chu Dindini ani.Mahse a boral tawh a vanah nuam takin a awm thei tawh awm reng sia,eng nge khawvel ah alo tih leh ang.





An sawi danah a boral na pawh a kum a kum a liam tawh an tia,covid lai vêl khan an chawl reng a anni pawh an vawikhat thawm hriat na ani.





Class kan bang hostel a kan chhuk leh chu Nungi pawh pangai deuhin alo awm leh tawh a,khami ni aṭang khan darthlalang hnaih ah hian a kal leh duh tawhlo hrim hrim.Darthlalang a hmuh apiang in a buai zel tawh a,a hnua a sawi danah chuan darthlalang a in en pahin a sam a ṭawn ṭha mawlh mawlh ani awm e,a hnungah mi pakhat alo lang hlawl a min chhiat khum a a hmel phei chu Dindini a anglo ati nghe nghe.





Nungi hi darthlalang a in en peih ve deuh mai hi ania,a khum bulah pawh darthlalang tereuh te hi a kawl a.Khami ni aṭang kha chuan a darthlalang kawl sa pawh kha a paih ta daih a,kan miss in chanchin a hriat veleh midang sir te ho nen hostel ah ṭawngṭaina anlo nei a,mahse thawm kha a reh phah lo.





Kha ramhuai kha a luhlul ve te pawh ania nge,a hnu zêl a kan hriat danah ahma in vai hnathawk kan hostel thlang ah anlo awm ṭhin a.Vaiho chuan hmeichhe sam sei deuh hian thingkung aṭang min rawn nuih ṭhin a,kan in chhûngah pawh minlo luh chilh tih an sawi tawh a,khami ni aṭang khan vai hnathawk pawh an awm leh tawh ngailo.





Zantin deuh thaw kan eitur min ei sak ziah a,kan thei lawh sa thleng in a paih darh nuai zêl a.A sual ve hrim hrim,a ei duhloh chuan paih darh kher kha a ṭullo viau,zankhat bathroom a kan inbual laiin current arawn thim thut a.





Torch light kan keng lût mai siloa,kan ṭhian pathum Neihkimi,keimah leh Hrangi kan inbual rual ṭhin a.A chhan pawh bathroom chan a har a,class bânah kan kawt lai leh kawmthlang a hnah vel kan tih fai avâng in kan inbual har a,kan bathroom chhak lawkah choka a awm a choka ah chuan mi an ṭawng bur bur a mahse kan eirawng bâwl tute anni tih an ṭawng dan aṭang a hriat.





Zawngtah kûng a hnawk an tih thu leh kih daih a ṭha an tih thu te an sawi nawk a,a thim bawk nen ka inbual na tui chu a phai ta riau in ka hria a. "Hrangi ka tui ru tawh suh" ka han ti thla ve rawk a,ani lah chuan alo duhlo nasa mai "ka ru lo Neihkimi anih kha" ati veleh a.





Neihkimi lahin a lâk loh thu asawi bawk a,kan bucket chu pathum ala awm tho bawk sia.Kan lehlam ah kan naute ho an inbual ve a,inbual rual kan hrat hlawm a anni pawh a thim sia an ri leh hlut zêl a.Ka inbual zo hmasa ber bawk nen ka intuam vat a ka bucket chu a mawng a pawp anih ka ring a,mahse a thar kan lei chiah kha ani bawk sia.





Kan inbual zawh veleh room lamah kan phei tlang nghal a,ka bucket mawng ka en chuan a pawp awm ang ka hmu siloa.Kan thawmhnaw hak kan su nghal diam bawk nen kan zâr fel hnuah chaw kan ei a,Neihkimi leh Hrangi nen kan inzui chawt a,engpawh ti dâwn ila kan in nghak zêl a.





Kan chaw eikham zâna tui intur miss inbul ah hian a awm a,chuta mi chu kan la mai ṭhin a tui kan la zo kan chhuk chu kan hostel kawt a ṭhutna ah chuan hmeichhe pakhat hi min hnungchhawn zawng in a ṭhu a.





Kan class a sam sei ber Rinpuii anih ringin a hnungah kan beng thak thak a,mahse kan lam arawn hawi chu au chiang tak kan ni.Rinpuii ani awzawng lo, "Dindini" Hrang'in ati sep a,che changlo in kan en reng a ani pawn min en ve reng tho.





A hmelah chuan a hlim lo hle tih a hriat,ka thau ah min man a "a takah ramhuai hmu ila ka thi dang thei ang" kalo tih ṭhin kha ani hauhlo.Tunah tak hian thi dang daih thei ila kati,Neihkimi phei chu a awmdan a diklo zual a,kan ṭhian te midang ho anlo kal meuh chuan kan hmaa ṭhu chu a bo daih tawh,engtin nge a nih theih pawh ka hrelo,Neihkimi lah chu a khawng vek a.





Kha ramhuai kha a hlim hauhlo,ka dawi viau emaw kalo tia ka ṭhian te ai chuan kalo la huai deuh ani.A taka ka ramhuai vawikhat hmuhna,ka chhûngte ka hrilh phei chuan min awi sak duhlo a,kan ṭhian ho leh ka hostel luh pui te bak khan an awilo midang bula ka sawi pawn an awi ngaihloh avâng hian ka sawichhuak duh tawh ngailo a.





Kan ramhuai nu chu a ngam pa telh telh a,a rei hnu phei chuan Cindy khan Dindini ani atia.A hmel ahmu ve a,Cindy kha rilru lamah harsat na a nei nge pawh ka hrelo,ramhuai kha a hlau ve miahlo a Dindini nên anlo inkawm ṭhin avâng in a hlau lo mai mai nge pawh ka hrelo.





A hlim thla te a ṭhen in an hmu a,Dindini kha sam sei deuh mai alo nive a.Hostel kawtah sam a damlai ang chiah in a khuih ṭhin an tia,a hmel kha mihring damlai pangai ang vek ani kekawr dum leh kawr lian hnek hnawk tak mai a dum tho hi aha a.Khatia ka hmu thut kha ka hmelhriat anilo bawk nen keiphei chuan a tirah hlauh ngaih na ka hrelo a,mahse mak tak in ka rilru ah Dindini tih ringawt kha a awm a.





Exam kan han hmachhawn a,first term ah khan lehkha kan zir ṭhat theihloh avâng in kan pass chhe hlawm hle a.Keipawh pali na daih ka nia,ahma chuan ka vânnei a pakhat na emaw pahnih na kani deuh reng zel ania,pâwl sawmpahnih erawh pakhat na aṭanga pathum na kha mipa vek an ni.





Hmeichhe lam mai nilo mipa lam thleng in Dindini buaiin kan buai a,a huho a kan awmlai in a inlan duhlo a.A fal a kan awm hian a in lan tlangpui a,a ṭawng ngailo a a hmel a hlim lo nge ka hrelo a nui ngailo tawp an tia ka ṭhian hmu ve dang pawh khan.





Christmas pawh kan haw thei dawnlo tih kan hre chiah chu kan hnual vek thei,kei erawh kapa ten second term exam zawh in minlo hruai chhuak a.Second ah erawh pathum na ka hauh pha leh hrâm a,ka school kal na a laklawh dâwn em avang khan kan miss ten min promote a,ka ṭhian te dang in pâwl sawmpahnih an kal laiin college ka kal daih tawh tihna anih chu zirna lamah ka thiam thei ve pangai a,thil man chak chi kalo ni bawk nen harsat na ka neih an rinloh vang ania.





Hostel ka chhuah hnu thleng khan kala pangai theilo,ka chhûngte ka hrilh a khami zingah khan kapa chiah in min awi sak a.Kapa sawi danah chuan "mitthi thlarau,leia tih tur la nei ti zo talo a boral te thlarau hi an vak suau suau in ka ring,kan hmu theilo mai ania hmuh ka chak ve ṭhin viau asin,thlarau lungawi lo te pawh an tam ang" tiin min hrilh ta a.





Dindini kha pâwl sâwm an nih laia boral ania,pass hman lo a a boral vangin hostel kha a chhuahsan duhlo ah ka ring ve tawp a.Hostel aṭanga ka chhuah hnuah pawh keimah in ka mu ngamlo a,ka u bulah ka mu tlat a.





Thla nga vel kha chu ngai ka awh hleithei lo a,mahse tûnah erawh ka pangai leh vek tawh a.Hostel a ka ṭhiante nen kan inbe pawp leh a,Aizawl a ka chho hnuah in te kan luah ho a Aizawl a in kan luah na a ka hriatchhuah tak chu kan inbual laia ka tui phai duak duak kha ka ṭhian ten anlo la lo tak tak a,rin dan nei deuh tho mah ila ka ring ngam chiah bawk siloa.





Ramhuai in enga tan nge tui a mamawh ve ang,tun thleng hian Dindini kha ala awm angem ka hrelo.Tunah chuan hostel ah khan a thar vek an awm tawh a,hostel pawh an sa ṭha tawh a Dindini kha kan kalsan ta vek sia engtin nge a awm zui tak zêl ang ka hre chhunzawm lo.





Midang kan classmate te ho in an hmuhna a dang a dang a,thingkung ah te ahma kan hmuh na ṭhuthleng ah te khan an hmuh ṭhin thu an sawi ve a.A hmun awm duh na ber chu a boral na khum ngei kha ania,a tirah chuan kan naute zînga mi pakhat Hruaii a awm ṭhin a,a hlauh tak em avang khan an dah ruak ta ringawt kha ania.





Midang chuan pangai takin kan hmu a,kan hmuh hian a nui ngailo a a awm tawp zel a.A kalbo veleh mai zel a,mahse a vir lutuk eitur kha dah theih anilo a zo zêl a,a chang leh kan thawmhnaw rem sa min tih chhiat sak vek a kan class kallai te hian.





Nungi chiah kha a chhiatkhum a,a haw bik ti dâwn ila Nungi mi pawisawi ngailo,nui ring thei deuh mai hi ani sia. "A hrang chu ani ve sia,ngatinge ramhuai form var a hak ve loh le" Neihkim'in kha thil kha ala sawi reng zêl a.





Ni e,Dindini khan ngatinge ramhuai form a hak veloh tûnah chuan fiamthu ten kan sawi mai mai tawh a,a hunlai a kan hlauh ṭhin zia te kha.Kan hmuh laite khan ramhuai form a hak veloh chhan lo zawt ila ṭha tur ania kan ti ṭhin a,thih hnua an kal na te kha lo zawt ila te kan ti leh hnuhnawh a.





Tûnah hian lo kal sela chuan kala hlau maithei,mahse hostel aṭanga kan chhuah hnu kha chuan kan hmu ngai tawhlo a.Hostel ah khan a thla a cham ve te pawh ani mahna,nakinah ala awm leh awm loh en tura kal leh kan tum a,awm thar te zingah hian Neihkimi khua ami te an awm ve nual a, Neihkim'in a zawh lah in engmah an hriat ngaihloh thu an sawi ṭhin sia hostel an sak ṭhat tawh vang te pawh ani mahna.




Kan warden(miss) te pawh khan Dindini chungchang kha kan hriat aia tam daih an hria a,kan miss phei chu a in thlang lawk ani sia lockdown lai naupang tumah kan luh loh lai pawn a thawm alo hre fo ani awm e.Khavang khan hostel kan luh hnu pawn minlo tlawh vak duhlo a,a lo leng bo daih chhin nachhan pawh alo nia,kan chhuah vek hnuah min hrilh ta chauh a.




Dindini ngei ani ti dâwn ila kan hmuh kha chu Dindini ngei ania,mahse vaipa leh Nungi hmuh kha Dindini ngei ani em tih kan hrelo.Thlanmual ah thlan a awm ve nual a,tu thlan nge kan hre hlawm siloa Dindini lo kha an awm emawni nge tu thla ber nge a hriat loh Dindini bak kan hre siloa,vai ho lo nuih tu leh Nungi hmuh kha a in ang anih kan ring a chhan chu Dindini kha chu a awm tawp a zanlai a a ṭap ri kan hre leh ṭhin leh Ana tuar rum ri kha animai a,Nungi te hmuh kha chuan a chhiat khum a anuih vel kha ania.





Kum tam tak hnuah tihian story ang deuhin ka rawn ziah tîr leh ani e,ka kal na ah hian vanduai na tawk zingah hian ka tel thei viau mai a.Ka hringnun ah hlauhawm tam tak kalo tawk ve tawh a,nakinah kalo la sawi zel turah ngai ang Dindini kha ka thlahrang hmuh hmasak ber leh a tawp ber na ani, Dindini kha a damlai khan a hlim lo te pawh ani mahna thlamuang takin chawl tawh se ka ti khawp mai,a chanchin kan hre zui ta siloa.