KHA THLÂ RUM KHA!!

Hlauhawm lampang hrim hrim hmun hrang hrang a mi lakkhawm...
Pjsstephen1997@
Posts: 43
Joined: March 8th, 2019, 9:44 pm

KHA THLÂ RUM KHA!!

Unread post by Pjsstephen1997@ » June 4th, 2019, 9:05 pm

KHA THLÂ RUM KHA!!!


Pjs

Kan khua a kum upa tawh tak pakhat chu a hnathawhna hmunah thingin a delhhlum palha, zan lama lumen turin an inah chuan kan lengkhawma, zanlaiah tak mai chuan Power connection a tawp ta hlauh mai, a mangan thlak duh ngei mai, mi kan tam vak lova, a ṭhahnem ngai zualte chauh chu kan awm tawh a ni. Chu kan lenkhawmna In piah lawkah chuan thlanmual a awm a, chutia zanlaia current a awm loh lai chuan thlipui thawm nge thildang thawm tih hriatloh chu thlanmual lam aṭang chuan a rawn ri leh huau huau ṭhin a. Bati leh larṭin kan chhit te chu an alh ṭha duh ta reng reng lo mai bawk a. Hlau duh tan chuan hlauhawm tak a ni.

Chutianga boruak a awm lai chuan khuangpu lamin hla a han lak leh pawh chuan zai a tui mawh ta hle mai a ni.


Hla pakhat kan sak zawh chuan thawm mak danglam tak mai a rawn awm leh ta a, thlanmual mawng lamah chuan thlipui nasa tak mai thawm hi a rawn ri ta a, zawisap hian tuemaw chuan, "kan mitthi hian thlâ a nei a nih dawn hi." Tiin kil khat aṭang chuan a rawn sawi a.

Thlanmualah chuan hahrimtawng taka hnathawk ang mai hian tuemaw hi a thaw hawk hawk a, a rum nghut nghut mai bawk.

Kan han ngawi dak a, ruah tam tak sur buan buan ang mai hian thlanmual lamah bawk chuan thawm a awm leh ta a. Ruahmualliam sur hunlai a ni bawk nen, ruah chu a lo ni ngei a, a rawn sur ta.

Chutia ruah a sur lai chuan kan khuangpu chuan ringlenglawngin hla a han la leh a, kan han sa leh ta dal dal mai a, ruah pawh chu a sur bang veleh nghal mai bawk. Chutia ruah a han hán chiah chuan inhnuai lamah chuan thawm mak danglam tak a rawn awm ta thut mai le.!!!

Chu thawm chu a rihulh hulh a, a rum leh nghut nghut ṭhin bawk, harsa taka thawk la ṭawk ṭawk nen hian ka tehkhin ber mai.


Chutih lai chuan kan mitthi chu ka va ena, a lo mengkur dawn emaw ka ti a, a awmdan ngai bawk chuan a lo la awm reng bawk si, a thla a nih chuan amah ah chuan danglamna eng emawni tak a neih ka ring a ni. Mahse an inhnuai lama eng emaw ni ; awm, rum ngut ngut chu thlâ a nih ka ring ta tlat lo mai peka.

Zuk finfiah chu ka chak ta et et mai a ni, chutia kan repṭhiap lai chuan a khat tawkin inhnuai lamah chuan a la rum ta reng mai a, a chhungte chuan an pu chu a nih ngei an rin avangin ṭap chungin an au a, koh chhoh mai chu an duh a, zuk kalchilh erawh an ngam lo thung.

Kil khat aṭangin pakhat hian "Zuk koh sak ru khai, a awm hnai lai hian..tunge zuk hruai ngam le..?" Ti a a han sawi chuan kei chu rang takin ka chhuak a, ka torch-light ken nen chuan inhnuai lam chu ka pan nghal a.

Inhnuai ka luh chiah chuan thawm awmna lam chu ka han ngaichang leh a, inhnuia a kil deuh hlek lai ah chuan thawm chu a awm ta a.. ka hlauh ka rin loh nen ; han hnaichilh takah chuan ka khur ta tlat mai a.

Ka hriat danin thlâ kohthiam bik hi an awm a, an koh haw theih chuan mitthi chu an lo nung leh thei a ni. Mahse ka ko thiam ngut a ngem maw..?

Chutia a kil lama hawia ka din lai chuan ka hnunga min zuitu putar pakhat chuan; chu kan thlâ koh tum chu bia niawm tak hian hla thu a rawn chham pah zel a.

Zaidawh leh awnem tak mai chuan "Lo kir leh rawh hei, ka ngai che a, i kalmai kha kan tuar thiam lo a ni. Lo lut la, kan ṭahlai hi han hnem teh khai..!" A han ti dap dap mai a.


Chutia a han chham dap dap hnuah chuan tlemin ka hlauh a reh ta deuh. A killam pana ka kalphei dawn chuan ani chuan "Zai dawh deuh khan aw..a damlai pawh a, mi zakzum a ni a, a kalsawn hlauh dah a nge.." a han ti leh a.

Chutia a sawi zawh chuah inhnuai lehlama a lo chan tur thu chu a sawi a, khawmchhak lam aṭanga lo chan chu a tum ta a.

A kal veleh chuan a kil thim lai chu ka va pan leh ta a. Torch-light pawh chuan ka chhun duh ta lova, keimah vanga a kalsawn mai chuan ka inthiam thei dawn si lova.

A rum nghut nghut chu a reh a, a kalsawn ta emaw ka tihlai chuan light chuan ka han chhun ta nge nge a, a kilah chuan engemaw nitak dumrun mai hi a lo awma, a mit ka han chhun chuan a tle ve ve thei. Ka va hnaih zel chuan a che hrut a, a ri khut khut a, thawklehkhatah a ri phut a, inhnuai lehlamah chuan a tlanchhuak ta thuta, kha putara ka lo chang ang titu kha a ṭe tuarh a chiang deuha ka chhun lai chuan kha thlaruma khan putara chu a su thal ta tawp mai a,chutia a tlan tlang takah chuan kawmthlang lam panin a nguk thla ta vawn vawn mai a.


Ka chiang ngam lo..kha thlarum kha kan ṭhenawmpa vawk awmnâ nimin piaha an vawkin aṭanga tlanchhuak kha a nih ka ring..

Vawk awmna hi an thaw ri hruk hruk ṭhin a, thlarum emaw kan tihkha a nih ka ringa, ruahsur vanga thawmhulna zawngin inhnuaiah a rawn kal a nih ngei ka ring..

A ho tiraw🤣🤣🤣



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)