INDEPENDENCE DAY by Maruata jr

Hlauhawm lampang hrim hrim hmun hrang hrang a mi lakkhawm...
Ngaia
Site Admin
Posts: 25813
Joined: April 30th, 2016, 4:07 pm

INDEPENDENCE DAY by Maruata jr

Unread post by Ngaia » August 15th, 2019, 12:14 pm

Maruata jr








Vawiin Dt 15/8/2019

INDEPENDENCE DAY




PUALIN AW


KAN ZIRTIRTU THIL TAWN RAPTHLAK TAK LEH TIHBAIAWM CHU



Request awm ve zeuh zeuh vangin thiam lo deuhin ka lo ti leh pawp mai dawn a ni.

Ka story tling lo taka min chhiar sak thin tu te chungah lawmthu ka sawi tak meuh meuh a ni.


Tuna ka rawn ziah tur hi Class 11(Eleven) ka kal laia, kan zirtirtu tawn a sawi a ni a. A hmun leh hun chu zep mai ila. A sawi hun lai kha chuan ka hlau ve khawp mai.


Keima tawn angin ka lo sawi mai dawn a ni, a awlsam zawk nan...


Tin, Ka story kal lai ho kha Kan hmakar a tang harsatna te a awm a nih loh chuan ka lo kir leh ang.


Tan ang aw.



Lawngtlai Electric Venga awm ka ni a, kum 24 ka lo nive ta reng maia. Ngaihzawngte nena Sunday a, han fawr te leh chance neih te hi nuam ka la ti ve em em a. Ka bialnu nen hian kan in hmangaihin kan in duh ve ngawih ngawih a. Kum 2 teh meuh kan in ngaizawng tawha. In neih hial pawh kan tum ve tawh hial a. A mah hi kei aiin kum 2 in a naupanga. A mah hi hang ngeihno bei an tih ang hi a ni ve a, mi hipna ngah tak kha a ni ve a.


Aw le, hmangaihna ah hian ka luangliam lutuk dawn e...Hehehe

Kum 2015 November thla tir lam a ni a, fur lai khan ruattui a tlak rei avang khan November thla tir nimahse boruak chu a vawt vin tak mai a. Aizawla ka Nu U Pasal damlohna avangin min lo chah a, an fate hi Shillong ah an awm deuh veka. An Nupa chauha awm an nih vangin an in daih lo em em a, chutah Ka Nu U pasal chu damlohna in a tlak buak avangin min lo chah a...


Ka Nu chuan kal turin min han ti a. Zep loh chuan ka peih hlawl lo a ni, khua a vawt em em leh nghala. Chu chu thudang ni ta se, ka bialnu han awmbo san chu ka hrehna ber pakhat a ni ve a. Kan in ngaihzawnna a rei tawhin kan in tawnin kan in hmangaih tawn em em a. Ka Nu leh Pa in kal tur a min tih tlat avang chuan kal tur chuan ka in buatsaiha, bakah ka Nu leh Pa te thu hnial hi ka hreh ve hrim hrim bawka. Ka kal dawn zan chuan ka bialnu nen chuan in hmu in damtaka in hmu leh turin kan in thlah liama, Zan dar 11:30 thleng ka lenga, ka haw dawnah an pawn thleng min thlah a, ka ngai nghal em em a. Ka pawm vawng vawnga. A khabe a dawm kan pahin ka hmangaih che tiin ka han fawp ve ngei a nih kha(🙈) tichuan a tuk zing hma taka kal tur chuan ka in lam ka pan hna hna a.


Kan Motor ( Bolero) chuan a tuk zing hma takah chuan Aizawl lam chu ka pan vang vanga. Mahni chauha han kal tak ah chuan a khawhar thlak hle mai. Ka Cousin ( Ka Pa nau fapa ) Mawia ka lo sawm lo chu ka in chhir ve rum rum mai a.

Motor a wofer a kan dah chu ka fone ah connect in Hla ka ngaithla a, ka bialnu hrereng chungin. In tawng leh ngei ang aw tih hla Pc.Lalremruata leh Rebecca Lalawmsangi ten an sak kha ka ngaithla vang vanga. Tichuan Aizawl chu tluang takin tlailam dar 5 ah chuan ka thleng a. Ka Nu leh Pa te ( Ka Nu U leh Pasal ) chuan min lo lawm thiam hle a. Tichuan a tul ang angte ka han tihpui ve a, ka Cousin room ( Ka Nu U, fanu ) chu hmangin ka awm ve naw naw a. Ka phak ang tawk leh ka thei tawpin ka puih ve a, ka Nu leh Pa te pawh chu an lawm ve em em a. Min nelin min duat em em a. Kar hnih ka awm hnu chuan ka Pa pawh chu a dam ve deuh tawh avang leh In lama Ka lungruni ka ngaih ve avang chuan Inrinni a haw turin ka inbuatsaiha. Ka Nu leh Pa te pawh chuan an remti ve maia.


Tichuan, Inrinni zingtak a haw tur chuan ka in siama, mahse ka Nu leh Pa te chuan chaw ei lova haw an phal tlat lo maia, Motor ka ken tho avang chuan chaw ei kham Dar 11 vel chuan kan khawlam panin ka in khalh chhuak ve leh a.


Thimah ka thleng dawn tih ka in hriat avang chuan ka hmanhmawh lem lova, tichuan ka tlan ve zel a. Zan dar 7 vel a ni tawh ang tih ah chuan khaw karkawng ka tlana( A hmun tak hi chu zep mai ang aw, khawkar kawng tiin ka sawi mai ange ) thla chu a eng tawh em em a, khua a thiangin boruak pawh a vawt vin tuk nghe nghe a. Chutia lungmuang taka ka tlan lai chuan vawi leh khatah ka motor chu a ding tawpa, a thi nghal hmiaha. Ka chhak lam ko atang hian leithil hi a lo tla sur sur leh nghala. Mahse, han hlauh em em pawh ka nei lova, a chhan chu hrisel lai leh in tih pat lai kha a ni miaua. Tichuan, ka motor chu start leh ka han tum a, mahse a nung thei reng reng lo mai. Ka han tum leh ngial pawhin a nung thei ngang lo a ni. Vawi leh khatah Hmeichhe aw hian a rawn rakin a rawn tap thut maiah, ka van phu chiang tak e aw. ka thauah min man in ka hlau khawp maia, ka motor chu tih nun ka han tum ngial thina mahse a nung thei si lo. Ka mang a ang tawh em em a. Kawng chhaka leithil tla chu a ring tual tuala, ka hriatthiam dab ber chuan Thli na tak a tleh dawna thli lo thaw fuk fuk ri hi a ang ka ti ber...Ka han hawi chho a, leithil hmuh tur reng reng a awm si lo. Hnim leh mau tih loh chu awm si lo. Ka mang a ang tawh tak zet a ni. Motor lah a nung thei si lo, hmeichhe aw ka hriat kha a chang leh a rawn tap vak vak a, a chang leh a rawn nui vak vak a.


Eng rilru pu in nge ka hre lo ka sir ( Passanger driver bula thutna awm ) lam chu ka han ena, thla engah chuan a lang fiah em em leh nghala. Awi ka rei, ka bulah tak chuan Kawrdum veka in thuam kawr dum fual leh sam thur em em hi kun ngial hian a rawn thu thut mai a nih kha, chu tah muang chângin a rawn hawi chho a mi rawn en leh nghal. Mahni, chauh va khang khawkar kawng leh reh lutuk maia khatiang han hmuh chu awi...Mi rawn ena, awi ka rei a hmel pawh hmuh chian theih loh a hmaiah chuan thisen hlir hi a khata, tin hmai sawi tur tih pawh a awm chiah lo, ka sawi thiam dan ber chuan meiin a hmai kan vanga sawr bawk vek hi ang ka ti ber mai. Chu tah mi rawn then khum leh ta nghal a. Awi, ka hlauh dan zia mai chu, chu tah mi rawn la ban du du leh nghal, a kut lah chu a rimchhiain a tawih vek leh nghala...Mi rawn nuih leh vak vak lehnghala. Ka thi mai dawn emaw ka in ti hiala. Ka hlau lutuk chu ka hmai ka hup tawpa, mi rawn khawih( dek) dawn tawh emaw ka tih laiin a lo bo daiha. Awi, ka hlauh dan chu. Chutah ka han hawi chhuaka ka hma ah chuan Pitar nimai hian ka hria, tiang hi a rawn hawla, a sam a var vek a, kawr dum fual bawk hi a rawn haa. A hmai phei chu awi rapthlak tak a ni. A sawr bawk veka, a tawih vek a, a tawih atang chuan ek lung kan tih ang hi a vak nuai nuai leh nghal. Chu tah mi rawn nuihin mi rawn thenkhum mai chuh. Thla a engin a hmuh fiah theih em em leh nghala. Ka rilru in ka tawngtai mawlh mawlha. Bei nge sei rundung tih ang deuhin ka motor chu ka han start leh a, rin loh takin a lo nung hlauh mai le, ka hma a pitar ka hmuh chuan mi rawn panta deuh deuh a. Ka chhak atang chuan leithil hian ka motor chu a rawn vawm pawp pawp leh nghal...Ka motor a lo nun leh takah chuan beiseina neiin tlan chhuah ka han tum ngawta, mahse a theih si loh, pawt dingtu awm ang mai hian a ding ngar ngara, slep( Speeling dik loh chuan min hrilh mai dawn nia) char char a. Ka han hawi let a, ka bula ka hmuh leh ka hmaa pitar ka hmuh khan ka motor chu an lo chelh chu niin.


Ka hlauh zia mai chu, eng pawh tawk ila pawi tihna ka nei lo, ka huaisenna zawng zawng sawrkhawmin ka back hleka, tichuan an bo ta hmaka. Ka tlan chhuak ta nghala...Ka hlauh em avangin ka tlan chhuah hma aia speed chakin ka han tlan mai chu.


Dar 11 vel ah in ka thlen phah nghe nghe a ni...A hnu a ka thil hriat chuan min thawng hle mai, Ka bialnu leh a Pi kha Lungleia a chhungte in neihna an kala , kha ka thil tawnna hmun ngei ah khan an accident a, an pahnih in an thi a lo a ni a. An driver leh ka Bialnu nau erawh an damchhuak hrama.


Mak ka ti em em a, sawi mai tur pawh ka hre lo. Min lo kan ni ngeiin ka hria, ka rilru na chu ka mittui a tla hial a ni. A thih hnu thleng pawhin min rawn la tlawha, min lo va han hmangaih teh lul em...




THE END


A ngaihnawm loh mai theia, a chhan chu thlarang story hi ka ziah lohna a rei tawh em avangin duh angin ka tih fuh lo mai bawk a...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)