You Are My Secret

Hlauhawm lampang hrim hrim hmun hrang hrang a mi lakkhawm...
Thuamhlui
Posts: 35
Joined: August 28th, 2020, 4:53 pm

You Are My Secret

Unread post by Thuamhlui » September 6th, 2020, 1:29 pm

Ka harh thut chu ka mit ka han meng a,ka awmna hi khawilai nge???!!!!!ka hawikual a,khum intlar phei pût chu ka hmu a,mi lah chu an vak suau suau bawk sia,ka awmna hmun lah hi ka hrelo takzet.







Ka bana kut vawt thlerin min khawih chiah chuan ka phu zawk,ka hawi phei a,kareiiiiii!!!!!,hmeichhe dâng vek,thisenina a bual khah vek ,lu hek huam ... a mit atanga thisen luang chuan min lo melh kuau chu niin !!!!!!ka hlau lutuk chu khum atang chuan ka per lâwp a,chu nu chu a hmel ka en chuan a lungngaih hmel takzet.Min thlahlel em em hmel hi a pu a.A mitmengah chuan sawi duh tamtak nei hmel hi a pu ani.










Ka kut velah te chuan venflon hi a invuah tup a,ka awmna hmun hi ka hrelo takzet,venflon chu ka phih lawp a,ka ban chu a thip zek mai,thisen a rawn chhuak nghal a.Ka lu a nat èm avang chuan ka che tha thei bawk silo.Patling rual kawr var fual ha hian min rawn pan a,min zawn a,ka mutna ngaiah bawk chuan min dah leh a,hmeichhia kha a bo tawh a,ka mit vai mai mai emaw ti dawn ila min khawih ngei bawk si.










Reiloteah keimah aia u hret awm vel mipa leh anu leh pa ni awm tak hi ka bulah chuan an rawn kal a,nu zawk chu a tap nasa hle a,ka hmai velah te chuan a dap kual a.A hmaa ka hmeichhe hmuh bawk kha ka bulah chuan a thu a,a hmel tihbaiawm tak kha a pu tawh lova,ka kuta vuan chung chuan ka bula awmte chu ka chhungte an nih thu min hrilh a.










Ka chunga thil thleng hi engmah ka hrethiam lo,niminah enge ka tih tihte,minute nga liamta lawka ka thil tihte engmah ka hrechhuak zo tawhlo.




Doctor chuan ka chhungte chu a falin a ko a,ka nu ni awm tak chu a tlu hnawk a,a chiau vawng vawng a,amah chiangin hrelo mah ila,ka khawngaih khawp mai.






Ka bula thu nula hnenah chuan' enge an sawi a!!!??? tia ka zawh chuan amnesia ka vei thu leh,tha chhuak leh tur chuan hun ka duhthu min hrilh a,amnesia chu enge a nih pawh ka hrelo....nula bawk chu ka zawt leh a,a mitmenga mittui tling puau chung chuan ,ka hriatna ka hloh thu leh tha chhuak tur chuan hun ka duh thu min hrilh a.






Reiloteah kawrvar fual ha mipa bawk kha alo kal leh a,ka hming leh kum zat min zawt a,ka ....ka ...ka hmi.....hmi...hming maw.....ka bula thu hmeichhia bawk chuan 'JK kum 22 ti rawh' a tih avang chuan ka ti ve mai a.Ka bula awm chu tunge ni tia ka zawh chuan "Doctor an nih kha"...a ti ve mai a.











Ka awmna roomah chuan keimah ang rual âwm vel mi paruk hi an lo tlanlut a,min ngaihtuah hlawm hmel em em mai lehnghal....Mahse,kei chuan tute mah chu ka hre lova,ka bula thu hmeichhia bawk chuan an vai chuan an hming chu a mal te tein min hrilh a,anmahni ka en a,an hming min hrilh ang zela ka sawi chuan an hlim hmel takzet....A then chuan ice cream te min rawn ken a,ka ei duhloh thuin ka chhang a,makti deuh chuan an inen hau a,an zinga hmeltha ber Jin chuan " I ice cream ngainat ber,Vanilla flavour anih kha ",' duh loh lai i nei ngai hleinem a tih chuan ka la ve mai a.'








Ka bula hmeichhe thu pek ve ka tum chu alo awm tawh hauh lo!!!!" Khawnge helaia nula thu ve reng kha!!!!"








An vai chuan mak an tih hmel takzet,RM chuan "J.k ' I tha takzet em "??a tih chuan ,ka that vek thuin ka chhang a,J- Hope chuan " Chawlh hahdam a mamawh anih hi",naktukah kan tlawh leh zawk dawn nia".






"Mah... mah.. mahs...Mahse,khawnge helaia hmeichhe thu ve reng kha,in lo luh dawn pawn a awm ve reng kha"....






'An vai chuan an in en a,an ngaih a that loh hmel takzet.Chawlh hahdam i mamawh anih kha tih pah chuan min chhuahsan diak a,an zinga pakhat V chu a rawn hawilet tawk tawk a.'











An liam chiah tih chuan nula bawk chu ka bula thutthlengah chuan a thu leh a,engtik laiin nge alo let leh ka hre miahlo.









Ka chauh em avangin ka muhil nghal bawrh bawrh a.Zanlaia ka thanharh chuan ka mutna khum bawh chuan a mu a,amah ka khawih chuan a vawt thler leh tawh a,ka puan sin lai chu ka sintir a,chhungte a neilo emawni leee!!???? ,tinge ka bulah a awm tlat le????Ka thiante an lo kal a,an hming min hrilh pawh khan ,ka thianteho khan hmu ang pawn an awm miahlo.....aaaaaaaa,tiang thil hi ngaihtuah vak vak lo teh ang...












A tuk zing alo nih chuan chhuak tur chuan ka insiam a,khawilam nge ka pan dawn pawh ka hrelo,kan awmna floor hnuai chiahah chuan mitthi vuina hun hi an lo hmang a,nula chuan min zui ve zel a,kan inbe pah reng bawk a.Mi ho chuan min en duh hlawm khawp mai,enge a chhan pawh ka hrelo.





Mitthi an vuina lam ka pan chu,nula chuan "helai hmunah chuan kal lovang,khawiah emaw hmun nuam deuhvah ka hruai ang che,helai hmun chu a nuam lo emai ",a tih chuan kal tur chuan kan inher a.Ka bula awmte chuan"a uihawm khawp mai ,la naupang tak chungin a boral chu ani sia,amah a hmelthat mai bakah Taiwan ah chuan a hausa ber pawl anni asin le,hma hun eng tak a nei a,heti maia a liam ta chu ka khawngaih eeeemai",an tih ri chu ka hria a.






'mawwww. ...mawwwww.Engtiiiii...nnnnnnnn nmawwww,......."Ta.....ta.....tai......"Taiwan" maw!!!!!





Chu hmun nen chuan engtin emaw tak inzawmna kan neiin ka hria,a thinlung zawn hi engtin emawni hian a na vawng vawng a,ka awm chu a nuam thei lo.






"Mitthi an vuina lam chu ka hawilet a,ka thiante ho paruk chu room ah chuan an lut tur chiah hi ka hmu a,eng emaw thil fello chu a awm chiang ani,nula pawh chu ka hmu tawh bawk silo."Room chhungah chuan ka lut a,ka thianteho chu an inhrilh ru sap sap a,RM chu rawn kalin ,"Enge hetah ka tih ve tih chu min zawt a,i damthat loh nen,haw leh vat rawh...helai hmun chu i tan a thalo ,a thalo takzet" tih pah chuan ka dara min kuah chungin min chhuahpui a.Thil thleng zawng zawng hi engmah ka hrethiam lo.Engatinge khalai hmuna ka awm ve kha an phalloh???? Nula pawh chu khawnge a awm daih leeee?










Damdawiin hnunga park ah chuan ka kalpheiin ,pipu ah chuan ka uai a,ka ke chuan lei chu ka hrut kual vel a,'ka chunga thil thleng zawng zawng hi engmah ka hrethiam lo,ka tan chuan thil thar ang vek ani a,mithar an lo lang a,an bo leh a,tumah hian kei hi min hnaih duh tak tak lo emaw ni le???? A hma hian engtiang chiahin nge ka hun hi ka hman thin ang le???!!'chutia ka ngaihtuahna ka kawm meklai chuan ka bula pipu ah chuan thu an awm ve tlatin ka mitsir chuan ka hmu a.....nula bawk kha ani.










"Ngatinge,i haw dawnlo ami? nge ni a in leh chhungte i nei lo zawk"??








"Tunah chuan ka hmangaih ber bulah ka awm tawh a,chhungte ka mamawh tawh hleinem"







"Amah chu i hmangaih viau ani maw"







"Ani chu ka hmangaih hmasak ber ani a,tuna ka hmangaih aia nasa hian ka hmangaih thei tawh kher lovang",ka mit taka en chung chuan ka bula thu nula chuan a sawi a.









Ka hming chu Jk ania,.......eeeee taka i hre tawh tak.....chuan ......nang tunge i hming?







"Midang zawng chuan Harmony tiin min ko thin a,mahse nang chuan 'Birdie 'min ti thin"







"Birdie " maw??





'Aw',nangma min phuah ania!!






Ka phuah chhan che chu hre tawhlo mah ila ,a mawi hle mai.Kan pahnih hian engtinnge kan inhriat tan dan ni a? Thian nge ni a,kan pahnih hian kan inngaizawng thin zawk?












"Hrelova i awm hi a that zawk ka ring".....Engtik ni ah emaw chuan nangmah ngeiin ila hrechhuak ngei ang!!A tlai tawh sia,ka thlah hawng ang che,I In kawng i hre awm silova".








Ke chuan kan haw a,khua chu a vawt deuh vur a,ka jacket haklai chu a darah chuan ka bât a,motor tlan rite ,bike rite chuan ka ngaihtuahna an tibuai vek....Ka lu te hi a na ngut ngut a,Birdie chuan min buaipui vat,ka ngaihtuahnaah chuan bike rite,motor rite chu a cham reng a,chutih rual chuan kawnga thisen luang te,mangang au rite chu ka mang hriat ruai ruai a,ka tha te chu a khur vek.Ka chungah hian eng thil emaw tak chu a thleng ani.








Kawng sira bus stand bula thutthleng awmah chuan kan thu a,Birdie chu a vawt thler a,ka jacket khan a tilum zo lo aniang,a kut chu humlum tumin ka vuan a,a darah chuan min beitir a,ka lu a na bawk a,ka awmdan chu a nuam sawt mai.A kut chu rei fe ka hum pawh chuan a lum thei lo reng reng a,mak chu ka ti deuh.Birdie chu van lam en chung chuan zawite chuan a zai a,ka mit chu ka chhing diar diar a.







Engemaw ni chuan min tiharh zawk,a hla sak kha.....hriat tawhna ka nei tlat ani.....ka mitthlaah chuan tui fawn rite chu ka hre deuh ruai ruai a.








A dara ka bei chu ka tho thut a"Birdie,enge ka chunga thil thleng hi ka hrethiam lo takzet....ka mitthlaah thil ka tawn apiang hi hmana ka tawn tawh ni awm takin ka mitthlaah chiang lo ruai hian a rawn lang ziah a,tu chiah hi nge maw ka nih leee???a dara vuan chung chuan a mitah tak chuan ka en a, khawngaih takin enge ka chunga thil thleng hi min hrilh rawh......chuan nang hi tunge i nih??......Eng thil nge kan pahnih inkarah hian awm thi?? ......Engvangin nge ka chunga thil thleng hi engmah ka hriat loh????ngenngawl tak chuan ka ti a,ka mittui pawh ka dang zo tawh lo.






Ani lah chu a ngawi reng bawk si,a kun ngal a,a tap ni maiin ka hria,a khabeah chuan dawmin ka kuai dak a,a mit atang chuan thisen ni maiin ka hria,a rawn luangchhuak a,amah lah chu a dang vek a,mi râp takzet..Ka chunga thil thleng ka hriat duh êm avang chuan ka hlauhna chu ka thup hram hram ,"khawngaih takin min hrilh rawh",ka harh chhuah atang nang chauh hi ka bulah i awm reng a,hriat chu i nei chiang ani',tiraw.....a ni em!!??









A tawp a tawpah chuan a rawn tawngchhuak ve ta,"J.K a pawi ka ti lutuk ,engmah ka hrilh theilo che ni....Nangmah ngeiin i hriat a ngai ani.....ka hrilh theilo che ni...I bula awm hi ka la thlahlel em em si a,i hriat hunah chuan kumkhuain kan inhmu thei tawh lovang...a pawi ka ti lutuk"..






"A tha e,keimah ngeiin ka enge ka chunga thil thleng chu ka zawngchhuak ang"....tih pah chuan a mita thisen luangte chu ka hrufai a,mahse ka kut ka en chuan engmah a kai bawk silo......thisen kha ka khawih ngei bawk si.!!!!Inlam chu kan pan dun a,kawng tluan chuan kan inbe zuilo.






Kan inkawt gate kan thlen chuan kan in mangtha a,gate a ka lut tur ka hawilet leh hram a,ka hmu zui tawh miahlo...kan in bul kawng hi kawng kual a awm miah lova,a ngil phei veka ,a bo thut chu mak ka ti takzet.








Ka room ah chuan ka lut a,inbual tum chuan ka bathrobe vel chu ka lachhuak a,ka thawmhnaw ka phelh mek tih chuan ka roomah chuan tuemaw rawn lut thawm hi ka hria a,kawngka lam ka ve en chu ka nu lek chu lo niin.







Damdawiin a min awmpui hman loh avang leh an company lam an buai thute chu a rawn sawi vel luam a,ngaihdamte min dil a....damdawiin a ka awm lai khan an haw lai pawh ka hrelo reng reng a,ka ngaihvenlo hrim hrim a.Ka nu a chhuak chiah tih chuan inbual tur chuan ka lut zui ve nghal a,engkim mai chu ka vawikhat hmuhna ang vek ani.ka inbual zo chu bathroom a darthlalangah chuan ka inen a,drthlalanga ka hmuh chu ka awih theilo.!!!!keimah ka ni hauhlo!!!!!! Nula ngei kha ni....ka tawlh hnung dawrh a..."Birdie...khawngaih takin min kalsan tawh rawh.....Enge tihsual ka neih a.....aw khur dar dar chuan ka ti a.Darthlalanga ka inen leh chu amah chu ka hmu tawh lo....Ka chunga thil thleng hi ka hrethiam lo takzet...!!!!












Mu tur chuan ka insiam a,table lamp ka off tur chiah chu lamp ka dahna hnuai a ka drawer chuan ka mit a la ta tlat a,drawer chu ka hawng a,thlalak frame ni awm tak chu ka la chhuak a....a hnungah chuan "Jk&Birdie'forever💓💓" tih chu alo inziak a,frame kan let chiah chu Birdie nena kan thlalak dun ngei mai chu ka hmu ta!!!! Kan sam chu a sen ve ve a,ani chuan a sam a roll a,ka lam hawi chuan a nui a....ka hmaa dâng vek anga a lan thin dan nen chuan danglam tak ani...Thil thlen dan hi ka hrethiam lo takzet.....Zawite chuan "Birdie hmuh che ka va duh êm!!! Ka ti sap a....khumah chuan muin thlalak chu ka pawm a,puan chu ka sin a,sirlam hawi tura ka inher chiah chu ,ka khum bula sofaah chuan Birdie ngei mai chu a dam lai hmel ang chiah chiah chuan ka va hmu chu niin!!!! Ka tho nghal vat a.






"Naaa.....ng.......nang bawk maw!!!!! Enggggg......gggg ....Engtin nge i lo luh theih!!!??????






Min hmuh duh thu i sawi kha!!





Ka ti mai mai anih kha... "Tu pawh nila,kan inkarah engpawh lo awm thin tawh mahse a tawp vek tawh....Engkim theihnghilh la,min kalsan tawh rawh!!!! Keipawn ka hre tawh lo che a,min theihnghilh tum ve tawh rawh!!!!







Engtinmaw!!!!!! " Jk....i thusawi kha ngaihtuah chiang rawh....hetiang mi inih ngai loh kha....!!!!






Ka awmdan hi ka hrethiam lo,engvanga hlat duh tlat nge maw ka nih le???ka ngaihtuahna a buai vekkk....







"Birdie....min hrethiam la,min kalsan zawk mai rawh!!! Keimah ngei pawh hi tunge ka nih ka inhre lova,ka duhzawng leh ngainat zâwngte,ka thawmhnaw ngainatte,ka lo hmangaih thinte....,ka thiante....,ka chhungte ngei pawh.....Tunah hian min kalsan tawh la,ka hnenah hian rawn inlar tawh suh!!!!






" Jk khawngaih takin i bula ka awm phal hram rawh,hun tam ka nei tawh lova....ka hun hnuhnung hi i bula hman zawh ka duh ani....kan inhmangaih thin êm kha......""(mittui tla zawih zawih chung leh aw khur dar dar chung chuan a sawi a.Hnem ka duh ...mahse ka hlau deuh bawk sia)kan inbiak na zawng zawngte ,letter kan inthawn zozaite kha kei chuan ka theihnghilh ve ngai lo asin....khawngaih takin Jk....hetiang hi chuan i ti thei lovang....ka kuta mi vuan chuang chuan mi ngen a,a kut chu a vawt leh thler tawh......








Min hrethiam la,min kalsan zawk tawh mai rawh....Engtik niah emaw chuan kan inthen ala ngai tho tho dawn.....Chuvang chuan tuna min kalsan rawh ka tihlai hian min kalsan mai rawh.....Tunge i nih pawh ka hrelo che..Bakah ka hmangaih ngai che pawn ka ringlo.......Rawn inlar tawh suh ,Vawikhatmah..( ka awmdan hi ka hrethiam lo,a tap hmelte chu hmuh hrehawm ka ti takzet,mahse hetia ka tihloh chuan kawng dang ka hre bawk silo...)




Ka khumah chuan muin ka inlukhup hmak a.Second reilote hnuah chuan rizai hnuaiah chaun ka va bih dêk dêk a,thingthiin a lo la tap chu niin...a tap hmel ka hmu chu engtin emaw tak hian ka awm zawn chu eng emawin min hnawh tlat ang hian a na vawng vawng a.



" Jk ka tihpalh takzet !!! Lo inlan lo tawp tur hi ka nia,ka ngaih lutuk che vangin i ngaihdan tur ka lo ngaihtuah hmasa lova,min ngaidam hram rawh aw...!!!Kei chuan ka hmangaih reng che ania.....Engtik niah emaw chuan kan la awmdun leh thei hian ka ring tlat ani....Mitthi khuaah chuan ka lo nghak reng ang che!!!""....ka tho chhuak chu a lo awm tawh lova.









................4 Days Later..........








Birdie chu khami zan atang khan ka hmu leh ngai talo....Keipawh ka hun tam zawk chu ka thiante bulah ka hmang a,Zan khat chu barah hian kan thian zaho chuan kan kal a,pasarih lai kan nih avangin kan thawm pawh a ring ngei mai....Kan haw dawn chuan ruilo pawh kan awm mang tawhlo....Motor khalh tur ka nih avangin kei chu ka in hnem vak lova....,ka thianteho chu nawi tak anni,a then an kete an lo inhnim tir vela,a then an lo luak bawrh bawrh.A harhfim deuh ber ka nih avang chuan ka indaih lo takzet .






Chutih lai tak chuan kan awmna piah lawkah chuan thil insu ri ring tak chuan min tiphu zawk a,ka hawichhuah chuan mipui chu an tlankhawm sup sup a,ka thiante buaipui an ngai bawk sia,thil thleng en tur chuan mipui punkhawmna chu kan pan tawp a,ka thiante ho chu an awm awmin lo awm teh se.




Ka thil hmuh chuan mi rap ngei mai!!!!truck lian leh bike an lo insu chu niin,bike a hnunga chuang hmeichhia chu thisen hian alo bual huh vek a,chu thil ka hmu chu ka bing mup mup a,ka mang hriat ruai ruai a.....a hmaa ka awm thin ang bawk khan thlanfim chuan mi bual huh leh vek a,ka hrechhuak ta....hetiang chiah hian kan chesual ve tawh ani.....Ani kha.....Birdie kha!!!! ani theilo.....kei hian ka hriatna ka nei let tawh ani.....Birdie hming lam ruai chung chuan kawngah chuan ka thu hnawk a,ka inchhir takzet....Aw!!!! Birdie vawikhat tal hmuh leh che ka va chak em!!!!!!













...................2 years ago........



















Nipui lai ani a,High school pawh kan zo ve chiah chiah a,boruak a nuamin summer camp pawh kan nei tan sup sup a.Kan khaw chhung high school naupang zawng zawng chuan a huhovin Jeju Island ah chuan camp kan nei ve a.Kan kalni chu ka kum 18 tlinna alo ni ve chiah chiah bawk nen,zana lawm chu kan tum a,camp naa lo kal zawng zawng chu kan sawm vek ani.









Kan thianho hi pasarih kan ni a,mize inanglo theuh kan ni a,a then an tawng duh em em rualin , thenkhatin biakloh chuan sawi tur an hre lova,a then erawh chu rilru hahna an pianpui velo emaw tihtur khawpin an thawveng em em bawk si.Kei chu kan thianhoah chuan ka naupang ber a.Zakzum lam mi ka nih bakah hmeichhe lam hi ka ngaihvenlo mai pawh nilovin ka bul hnaia an rawn kal leh min hnaih deuh hi chuan ka lai chhe vek a,awmdan pawh ka thiam ngailo.








Kan schoola hmeichhia zawng zawng deuhtho hian min ngaizawng vek emaw tih tur hian min treat a,schhol ka thleng chiah te hi ka dawhkanah chuan ka tiffin eiturte,chocolate te,pangparte hi nitin alo awm ruih zel a,ka thiante ho chuan ka phalna tello chuan khawih pawh an khawih ngam ngailo,a chhan chu hmeichheho chuan an veng reng thin a,school ka thlen veleh ka dawhkana awm zawng chu teacher dawhkanah ka sawn phei vek a,mipaho chuan an star deuh ho min pekte chu an lo inchuh veleh thin a.Kan class ah chuan topper ka nih bawk avangin class president ka ni nghal bawk a,school event hrang hrangah te chuan a buaipuitu ber leh host ber ka ni thin a,zakzum viau e tilo chuan ka hmaa tihtur awm chu tha taka tih duh mi ka ni a,ka theihtawp ka chhuah thin avangin mi tam zawk chuan ka zahzum zia hi an hre ngailo ani.








Sports lam hi ka tui em em a,a bikin boxing hi ka tui zual a,kan school gym ah pawh incharge ka ni bawk a.











Island kan thleng chu puanin te kan zar hmasa a,kan thahnem bawk a,kan zi nuai nuaih mai a,a nuam dangdai riau va.Mipaho zawng chuan tlai chawhmeh tur sangha te,kaikuangte,chakai tih vel angreng chu kan man a,hmeichheho chuan rawng an bawl a.










Zanah chuan dinner kan ei zawh chuan , Birthday lawm tur chuan kan inbuatsaih a,ka thiante chuan min surprise an duh avangin engmah ka tihve an phal lova,keichu tuipui kamah chuan thuin ka hmaa tuipui zau tak leh arsite chu ka thlir vel a,zawitea zai ri ni maiin ka hria ,ka bengah chuan a ri riai riai a,a aw chu a no nalhin a thiam takzet a,ka awmna a fal deuh bawk a,ka lungte pawh a tileng rum rum alawm le.....Ka hawikual vel a,zai ri chu khawi atanga lo chhuak nge???? A tawpah chuan ka hmu ta.....ka thutna piah deuh chiahah ani,a thim deuh avangin a hmel chu chiangin ka hmu theilo.Ka va pan hnai a,a sam chuan a hmai a hliah deuhva,va pawh mai ka hreh deuh avangin ka awte chu ka thian vela,a rawn hawichhuak ta,tlem chuan ka thawveng huai.






"Henglai thimthamah nangmahin enge ilo tih a,i hlau lo miii??"...........chhang pawh min chhang lemlova,a kun ngai chuan a kun leh a.Ka va panhnai deuhva ,'kan school class president ka nih avangin ,ka student puite chu ka ngaihven tur ala'wm ti rilru chung chuan a bulah chuan ka thu ve a.






A mittui a hru ni awm takin a mit chu a tuai sawk sawk a,a rawn hawichhuak chu a tap tih hai rual loh hian a mitte chu a sen vek a,a hmaite chu a vun a no vang pawh ani maithei ani,a biangte thleng chuan a sen vek bawk a.Full moon zan ani a,thla eng hnuaia a hmel ka hmu chiah chu ......ka thil hmuh chu ka awih theilo,ka hmeichhe hmuh tawhah chuan ala tha ber ang,a mitmeng chu a mawi tawk chauhvin a lian a,a hmel chu a nuin a no em em bawk si,tap zo hlim chiah mah nise,mi tamtak artist tena an chei hnu pawha an landan ai chuan a hmeltha zawk hial ngei ang.Min rawn nuih a,tlemin ka awm chu a nuam ve deuh.









"I zai ri kha ka hria a,i aw chu a nalh hle mai"!!!.








Chuti maw...!!!ka pi tan ka zai a,zanin hi a thih cham ania,"





"I hla sak chu a nalh hle mai"!!.....'ka ti tak tak'..








"Ka piin ka tana a phuah ania,ka lungawiloh changte hian min thlem nan a sa thin a"...










Chhan ka tum meklai chuan ka phone ri chuan min thulhtir a,ka en chuan V alo nia.......Aw,ka lo kal ....tuipuikamah boruak thianghlim ka dawng lawk a........Aw,ka lo kal nghal.Phone chu ka dah nghal a.










Ka bula thu nu lam hawi chuan "Jk tiin min ko dawn nia,Insang High School a class president ka nia,"tih pah chuan ka kut chu a lamah chuan ka phar a,min chibai pah chuan"Imm ...kei chu Harmony,Junho High School-a class President ve tho ka nia."









"Taiwanese i ni maw"....









" Awwww,ka nu leh pa hi Taiwanese an nia,mahse kei chuan Korea hi nuam ka ti".









"Zanin hi ka birthday ania,i pi thih cham nen a inrual chu a zialo hle mai!!..Engpawh nise,lawm a hun tawh a,phei rual ila".....










"Nangmahin lo va phei mai rawh.....nakinah ka rawn join ang che u"...







"Aih ,i lo kal ve dawn loh chuan,ka phei dawn biklo....Birthday boy tellovin an lâwm anga nimai".







Chutia ka tih takah chuan a rawn nui a,amah a nû bawk a,a nui hmel pawh tha tak ani.










" Ka pi min ti hrechhuak zawk alawm...ani pawhin khatia tih kha a ching lutuk a,ka damlohva chaw ka ei duhloh changte hian 'ka ei dawn biklo' a ti ziah thin a."








Kan thiante awmna kan thlen chuan min enduh hlawm ngei mai!!! Hobi chuan ,"nangni pahnih hi"....a kutzungchala mi kawh tawn zak zak pah chuan a nui vur vur a...Suga chuan 'Jk hi i puitling ve tak tak tawh mi a!!!,heyyy min lerhsan thei lovang aw...." a lo tih zawm ve zat,Harmony nen chuan kan vawikhat inhmuhna mah nise chutia min lo tih avang chuan kan lai dun takzet.




An duhtawk tawh dawn emaw ka tih lai chuan V chuan min rawn pan a,tap der chung chuan "Jeon...,midang min neihsan thei lovang aw....kei aia midang i duat leh ngaihsak tur hi ka duh miahnlo ania"!!!





Aaaa,nangni chu in sual eeeeee!!!! min chhaih nghal vak vak a....Harmony pawn nuam a ti lovang,bakah alo single lo maithei a....




"Aizzzzzz........A hming Harmony maw????!!!! hming te an lo inhrilh tawh velll!!! "an vai chuan an tirual thap a, Jin chuan ka phone kenlai chu a rawn phihthla lawp a,kan pahnih thla chu a la a,nakinah in intawn hmasak ber zan ani bawk a,inla enlet duh ang tih pah chuan ka phone chu min pelet a.Ka aktha nghal hmak...








Birthday hla chu an vai chuan an sa rual thap thap a,ka birthday tawhah chuan ala nuam ber ang,an sak zawh chuan maimitchhing chuan duhthu ka sam a,Harmony ngei mai chu ka ta ni turin ka dil a,mombati chu ka chhemhlum a,Jimin chuan "Kei chu Harmony bak a dil ka ring miahlo!!!"




" Nangni chu in uang reng a,midang an awm ve vek hi!!! thutak ve tawh teh u...



Ka hmaiah tak mai chuan an vai chuan cake an rawn tatpherh vek a....ka hmai zawng zawngah chuan cake chu a khat vek a,men pawh ka mengtha theilo...An nuih a za tulh tulh lehnghal.." Harmony ka va en chu a nui nasa ve lutuk,a pi thih chama ka tihlim thei chu ka hlim takzet.






Ka hmai phih fai tur chuan tuipui lam chu ka pan a,chumi zan chuan thla a eng bawk a,tuipui chung chu mawi tak ani....Hmeichhe pakht hi ka lam pan chuan alo kal a,a lo hnai zel a,Harmony ngei ani.





"Mi fel tak i ni ang mâw....an vai khan an ngainat hmel hlawm em em che sia..."





" Fel bik chuang love,tette atanga inkawm ho tawh kan nia"!






"Thian tamtak neih hi ka chak ve,a chhan pawh ka hrelo kei chu ka thiante hian min phatsan zel a"....







"Lungngai duh mah ta che ....heiii ka awm alawmm !!! Min kawm thei reng alawm!!




Tak tak maw!!!! I ti tak tak em!!!!





"Lo kal lawk teh" tih pah chuan a banah ka kai a,tuipui chu ka dai pui a,a hlim ve hlein ka hria,a kam velah te chuan thuin kan titi a,kan titi duhzawng pawh a inang khawp mai....Kan film enduh zawng te,kan rawng ngainatte,kan chawhmeh duhzawngte,kan lehkhabu ngainat zawng thlengte mai chuan alo inang deuh vek mai a.Zai alo ngainat ve êm avang chuan Justin Bieber hla,kei ngei pawhin a ka sak fo thin ' Nothing Like Us' tih chu kan sa dun a,zan a intan dawn chauh emaw ka tih laiin zanlai alo ni tep tawh a,mutur chuan ka thlah a,ka zan hman tawhah chuan ala rei lo ber ang.






Zana ka mutnaah te chuan ka ngaihtuahnaah a cham reng a,a tuk zing ni vat se,ka hmel hmuh hlan chu ka nghakhlel em em a.Engtiklaiin nge ka mutthilh ka hrelo.










Chumi zan atang chuan kan inkawm chawt a,thian dang a nei pawn ka hrelo...,a nungchang lah chu a tha em em mai bawk sia,tlem chuan mak ka ti deuh.An school hmeichheho chuan an en hrek hrek zel a,a hmelthat bik em avangin an thik ni turah ka lo ngai hmiah.Kei chuan Harmony tih chu nalh ka ti lova,ka duh dan ngeiin Birdie ka ti kher thin.








Nikhat chu mipaho zawng chuanin kan hun hman dan tur vel kan relfel lai chuan hla deuh taka kan school hmeichheho leh Birdie te school hmeichheho chuan Birdie an lo hualbet lai chu ka hmu a,a samah te chuan an pawt a,baking soda chu a luah an phul bawk a,a kawr chu alo thler hnuang a,ka va tlanphei vat...ka thiante ho pawh chuan min lo zui ve vat.




An bul ka va thleng chu tawngkam chhe tinreng hian an lo ânkhum a..Hmeichhe lepchiah tihte.....,hnam dang lehnghal zaktheilo lutuk !!!! Jk hi lo hnaih tawh suh tih paha artui a an vawm lai chuan Harmony chu ka va kuah vat a,Ka thianteho chu"Eng thil nge thleng tih pah chuan an rawn thleng chawpchilh ve nghal a,Birdie-i chu a kawr alo thler hnuang a,ka jacket chu ka hlip a,ka haktir a.amah kuaha kalpui pah chuan " In ngam chuan lo tina leh rawh u,khawlai lengchhuak ngamlo khawpin ka siam ang che u" tih pah chuan ka kalpui a,keimah min duh ve deuh deuh tute chu an zahhmel khawp mai.









Birdie-i chu roomah chuan ka hruai a,a inthlakna turte chu ka lakkhawm sak vat vat a,a bul ka thlen chuan ka âwmngheng chuan a tap ri feih feih a,keimah avanga kut alo tuar chu hrehawm ka ti takzet.





A pawi ka ti lutuk!! Keima thiamloh vek ani!!!






Pawi ti duh su,kan intawn hma daih atang tawh khan hetiang thilte chu ka tuar reng thin alawm..!!!!! Mah......mahse ngaia neih a har êm ani!!!!




A tawk!!! sawi tawh suh!!!! Ka hre vek tih pah chuan ka pawm nghet sauh a,kan ram hmeichheho han sualzia hi chu ka ti rilru neuh neuhva,miin zirna tha an duh avangin kan ram an rawn pan a,keini lahin kan lo tihduhdah hi chu tha ka tilo takzet ani.








Chumi ni atang chuan kan inzui nasa zual sauh a,hmeichheho thinrim lutuk tihngaihna hrelo inhrosa kual velte chu kan hrelo der hmiah hmiah zel a,kei pawh chu Harmony lo duh ve deuhtu teho chuan chuan kan intibuai zing angreng khawp a, thinrim hrikthlakna tur ka neih avang chuan a nuam angreng phian.Engtiklai pawn insual hi an inpeih at zel mai a,Class President ka nih avang chuan ka tan tel ve a rem chiah thin silova,ka thianteho nen chuan an intibuai zing mah zawk.







Naktuk hi kan summer camp zawh hun tur chu ani a, Harmony ka tawn hma kha chuan summer camp neih hun kha ka huphurh em em a,mahse tunah chuan ka khamlo takzet ani.Kan inhmu tawh lo tur ka ngaihtuah ringawt pawh hian ka lung a chhia.Ani chu an ram lamah a haw daih tawh dawn sia.





Zanah chuan kan inhmuhna ngaiah bawk chuan kut invuan rialin kan kal dun a,a tukzing chu inher chhuak theilo se kan ti ve ve,hemi zan hian alawm a vawikhat nan ka hmangaih thu chu ka hrilh a,a hmuiah chuan ka fawp a.Kan vawikhatna ve ve anih avangin kan zeilo dun hle a,mahse hmui virgin hawngtu kan nih ve ve avang chuan kan hlim dun hle a,hemi zan hi ral theilo se ka ti thin.












A tuk alo thlen chuan phurlo chung chuan ka insiam a,ka hmu zen zen thei tawhlo tur chuan min tilungngai takzet.






In ka thlen chuan ka ruak huaiin ka hria,phone chuan inbiain intext reng thin mah ila,amah ngei kha ka thlahlel ani.Ka pa hi Company CEO ania ,Harmony pawh an ramah chuan apa chuan Company dinin CEO ani ve bawk a,a nu hian Cafe hmun hrang hranga a hawn mai bakah sumdawnna chi hrang hrang a tikual bawk a,an ramah chuan mi zahawm leh hausa pawl tak chu anni .Mahse,a nun a tlawm em em a,a thawmhnaw hak te hi man to tak ani ngailova,a zahawmin a invawng em em a,hei vang tak hian alawm ka duh em em thin.





Thlakhatah vawi khat tal inhmuh hi chu tum ve bawk thin mah ila,kan awmna ram a inan loh avangin kan inhmu zen zen thei ngai chuang lova.Lehkha inthawn hi kan ching em em a,zingtin hian a mail dawn tur hi a awm deuh ziah a.Phone chuan in video call-in inbe reng mah ila,lehkha ngei inthawn hi a tak bik hian kan hre thin a,kan inthawn tawn reng thin a,ka ngaih zia hi vawi tamtak ka ziak nawn thin.









Ka nu leh pate thawhchhuah rin ringawt chu tha ka tih loh avangin,a rem rem chu ka thawk ve reng a,a chang chuan Hotel ah thlengte ka sil a,model ah te ka tang thin bawk a,mahni thawhchhuah ngeia Harmony thil lei chu ka thil châk ber ani.





Nikhat chu Birdie chuan kan rama a rawn zin tur thu chu min hrilh a,ka hlim takzet.Ka thiante pawh ka hrilh phallo,airport ah chuan ka va hmuak a,A pate company leh ka pate company chuan thawhho dan tur an ngaihtuah thu chu min hrilh a,kei chu Company lam hi ka tui ve loh avangin engmah hriat hi ka nei ve vaklo.







Kan pahnih vhuan nilenga hun hman dun chu kan tum a,ka thawhchuah ngeia ka lei ka bike ah chuan ka phur a,amusement park ah te kan kal.a,roller coaster- a kan chuan laite chan kan hlim dun takzet.Zanah chuan cinema kan en dun a,kan film duh em em mai Taxi Driver chu kan en a,kan tap dun nasa...inhnem tur pawh kan awm chuanglo....



Kan cinema enna hnuai chiahah hian aquarium lian tak a awm a,ka la kal ngai bikloh avangin amah nena fan dun chu ka duh takzet.Sangha lian pui puite chu hmuhnawm ti takin kan thlir dun a,tuipui chhunga cheng ang maiin kan inhria a,chulai hmuna engmah lungkham neilova awm reng chu ka chak ani.










Zan a rei ta tihah chuan a hotel thlennaa thlah tur chuan bike ah chuan kan inphur a,ka kawngah chuan nghet takin a kuah a,kan inhmuh loh huna min ngaih tur thu a sawite chuan a tap tih chu ka hria,kei pawh chu ka insum thei biklo,innei tur chuan kan la naupang bawk si....ka mittui avang chuan kawng pawh ka hmu tha hleithei lova,chutah horn ri tuar tuar ri chu ka hre ta,ka hmaah chuan motor light eng tak chuan ka mit chu a chhunkhalh a,Truck lian tak rawn tlanphei chu ka su chawrh a,bike atang chuan kan per nawlh.Truck chu tlan tlangin Birdie chu a chil zui a.








Ambulance ri chuaih chuaih rite chu ka manghriat ruai a,thei leh thei lovin Birdie awmna lam chu bawk vak chungin ka va pan ,ka sâwi a,a harh thei bawk silo.Mipui thlaphang chu an ri nuaih nuaih a,a then a tap ruah ruah bawk a.












.................................TIME SKIP.........................................








Tunah chuan ka hre ta...engvanga Birdie kha ka bula awm tlat nge ani tih....A chhungte bulah pawh a hun hnuhnung hmang lovin,ka bulah a awm chawt ani sia,"Jk,i va han sual tak ti chung chuan keimah leh keimah chu ka inchum bawrh bawrh a.Awwwww.....Birdie!!!! Vawikhat tal hmuh leh che ka va chak em!!!! Engtinnge ka lo hriat loh theih zawk che,a pawi ka ti lutuk!!!! Min ngaidam theilo mahla a pawi ka tilo,i ngaihdamna pawh ka phu tawhlo....Ka hmangaih takzet che asin!





Vawikhat tal hmuh leh che a,kuah vawng vawng che ka va han chak tak em!I tello chuan dam reng hian ka tan awmzia a nei tawhlo!!!!!!






Min lo nghak rawh aw,ka lo kal ve ania tih pah chuan kawngpui lai tak chu ka pan a,bus lo tlan phei chu insut tir ka tum lai tak chuan horn a ri tuarh tuarh a,tu emaw hian min pawt phei lawp a,ka en nak chuan RM chu lo niin."Engatinge min dan,ka hmangaih ber bulah kei hi ka kal dawn....!!!!Engkim ka hre vek ...aw thâm tiâk chung chuan Birdie khan min lo nghak reng asin !!!!







Ni tam a liam a,mu leh mal pawh ka nei tawhlo.Birdie nena kan thlalak chu ka kuah reng thin a,ka thiante bulah pawh ka hlim thei tawhlo.Nitin hian amah hmuh beisei hian kan inhmuhna thin tuipuikamah chuan ka nghak reng thin a,a chang chuan a thu tlaivar thak a,tahna tur mittui takngial pawh ka nei tawhlo.





Ka thiante mangang chuan summer camp kan neihna hmunah chu an lei tawp a,inchung tuipui lan theihnaah chuan ka thu reng thin a,nikhat chu Birdie tan chuan lehkha thawn chu ka ziak tan ta a,amah ka hnar avanga ngaihdam dilna lehkha ngei chu ...tunah chuan lehkha thawn tur pawn mail box ka mamawh tawh lo,ka lehkhathawn chu thlawhtheihna lem hian ka siam a,"Birdie min ngaidam hrâm rawh âw,ka hmangaih reng che nia" ti chung chuan ka lehkha thawn chu alo dawn ngei beiseiin ka thlawh ta a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)