Diamond Mind (Vol- 1)

Hlauhawm lampang hrim hrim hmun hrang hrang a mi lakkhawm...
Thuamhlui
Posts: 35
Joined: August 28th, 2020, 4:53 pm

Diamond Mind (Vol- 1)

Unread post by Thuamhlui » September 13th, 2020, 2:23 pm

Diamond Mind(Vol- 1)








----Thuam hlui




















Ni dang ang bawkin ka school bang chu kan school atanga hla vaklo bus stand bula thutthleng ah chuan ka thu a,nitin school banah hian darkar khat vel chu ka thu ziah thin a,a chhan chu chu bus stand atanga hnaitê convenience store ah chuan he khawvela ka mihring hmuh tawh azawnga mize tha leh hmeltha ber mai chu a thawk a,bus stand bula thutthleng atang chuan chiang taka a lan theih vang ani.





Nitin ka thut ziah avang chuan chumi bul vela miteho chuan min hre tawh khawp a,school ka bang chiah hi thutna tur min lo kian sap sap zel.A chevel chu ngawirengin ka thlir thin a,ka thianteho chuan tha ti ve hlawm viau mahse,keimah ang em em chuan an atchilh lo.A hming pawh hre lovin thla tam chu ka thu tawh a, mahse hmanni khan dawr neitupa chuan bawlhhlawh paih a ngaih avangin ring taka Hriatpui a tih thawm chu ka hria a,chuta tang chuan a hming chu ka hre ve chauh ani.









Keipawh chu darkar khat chuta ka thut hnû chuan ka part time hna thawk tur chuan km 1 vel zet kêin ka kal thin a,zan dar riat thleng ka thawk a,chumi hnû chuan inlam panin ka hâw ve chauh zel ani.






Ka nû hi Middle School ka kal laiin Cancer vangin a boral a,ka nu leh pa hi fa mal ve ve an nih avangin chhungte dang kan nei lova,chuta karah kei pawh chu fa mal ka ni veleh zel a,ka nu a boral hnu chuan ka pa nēn chauh kan awm a,ka pa hi Contractor anih avangin kan khawsak pawh a nuam thawkhat viau a,mahse ka nû boral atang hian ka pâ chuan tuar thiamlovin zu in a ching ta a,a rei deuh hnu phei chuan thinrimna tur inchhungah a zawng a,kei chu a khuangpuiah min ngaiin nitin chuan vuak tur emaw min ti ziah a.







Ka pa nen chuan kan inkawm tlem telh telh a,tunah chuan mihrang awmdun ang mai kan ni tawh.Ka school fee takngial pawh ka dil ngam loh avangin part -time hna chu ka zawng a,rin aiin hmuh ala har em em zui!!!Ka hmuh chhun Restaurant ah chuan ka thawk a, ka thawh tanna la rei vaklo mahse,min duat hle a.Kan In ai chuan ka hnathawhna chu nuam pawh ka tiin ka thlahlel daih zawk ani.









Ka thawhna Restaurant hi khaw kar kawng anih avangin khawpawn lam deuh hleka awm ani a,Hriatpuia dawr thawhnaah chuan châkkhai vel kan lakhawm thin a,kei chu an mi tirh ber ka nih avangin dawrah chuan keimah hlir ka kal thin a.Nikhat chu an dawrah bawk chuan thil lei tur chuan ka kal leh a,ka leifel zawh chuan dawr atang chuan ka chhuak a,kawng ka cross tur chiah chu....


"Emily,lo ding lawk teh"!!!





Âw lo chhuahna lam chu ka hawivat!!Amah Hriatpuia ngêi ani!!!ka rilru ah chuan zawhna tam tak a rawn lût nghal!!.....Engtin nge ka hming a hriat??,ka duh tih hi a hria angem le???





"Hei,i thil lei i theinghilh a,pawisa kîr nen tih pah chuan polythene bag leh pawisa chu mi pe a,kei chuan a hmel chauh chu ka lo en a.Hetiang anga chiang leh hnai hian ka la en ngailo,nitin a thatna chu a zual zêl emaw tih mai tur a ni.A tâwk chiahin a sang thlarh a,a mitmeng awmdan chu ka sawithiam chiah lo,a changin a meng cool a,a changin a sexy bawk si.A mit lehlamah chauh chuan mit tlangkawm a nei a,a meng zîm tih tur ani chuang bawk silo.A hmeltha viau e tilo chuan a nui ngai lova,engemaw rilru hahna lian tak phur ang mai hian a cool raih a,mahse; zawi tihtur chu ani chuanglo.






Customer tûte pawh nise zah takin a bia a,an mitah a en ngailo.A mize inngaitlawm tak chu ka duh êm êm chhan pakhat ani.










Ka thil theihnghilh min pek zawh chuan hmanhmawh takin dawrah chuan a let leh a,kei chuan ka thlir zui vawng vawng a,ka hming a hria tih ka hriat ringawt pawh chuan min va tihlim sî êm!!! Ka hrechhuak thut!!! Lawmthu hrilh nachang pawh ka hrelo,min pelo sê chu hauh bakah ka hawlam leh kal lam Km 2 vel chu ka kal nawn leh angai âwm sia,ka haihawt ve bawk nen.











Restaurant ka thleng chu hah pawh sawi lovin ka che nghal sawk sawk a,kan pi chuan " Chawl phawt rawh" a tih pawh chuan ka chawlh laia midang hnathawk reng chu ka hmu thei lova," ka hah love" tih pah chuan ka pui nghal a.Ka thawhna dawrah hian keimah aia upa hret mi pathum thawk an awm ve a,kan pi chuan min duhsak bîk êm avangin a kawm pawh min kâwm ve duh lova,ka awm lai renga ka chanchin thudik leh dâwt pawlh deuhva an sawi chu ka hrelo der hmak hmak zel a,a hnu deuh phei chuan sawi pawh min sawi peih tawhlo aniang,tha deuh chuan kan inkawm ve tan a.











Tunlai chu kan awmna chhehvel vengah hian inrukbo te,ruang chhar tih angreng te thawm hriat tur a awm deuh reng a,khua a thim deuh tan tih hian tumah pâwnchhuak pawh an awm mang meuh tawhlo.Nikhat chu ka tihthan dan pangaiin dar riat pelh hnu lamah chuan ka haw leh a,enge a chhan ka hrelo keimahah hian min mawlhtu awm ang mai hian ka awm a.Ka awm chu a nuam thei reng renglo.Zanin tak hian enge a chhan pawh ka hrelo, motor vakvel chu nidang aiin a tlem a, street light lah chu a êng chê chê a,a then lai phei chu a êng lo tawp a,hlau chung chung chuan ka phone flashlight êng ring chuan ka kal a,ka hmazawn kawngsir street light in a chhun phâk chiah si lovah chuan mi pakhat ding âwm tak hi ka hmu a,ka kal tlang ang nge tlang lovang tih chuan ka inngaihtuah a...."engpawh nisê ka in kawng ania lo'm" tih pah chuan mi pakhat ding niâwm tak chu hmulo der chung chuan ka paltlang a,ka pêl deuh chiah tih chuan ka mitsir chuan ka va en a,raincoat dum hi a ha a,pa lian ve tak chu ani,a bulah chuan air bag lian tak hi a awm a,a kûn deuh tlat avang chuan a hmel ka hmu theilo.






Ka hlâu lutuk tlan ka tum chu ka khûr nasa bawk nen ka tlan tha thei hauhlo,ka phone ka thlauh zui bawk sia,a rawn hawi em tih ka va en nâk chuan min lo en reng tawh zawk chu niin.!!Ka tlân chuan min umzui ang tih ka hlau bawk si,ka phone chu khûr der der chung chuan ka chhar a,chutihlai tak chuan alo la 'ring'zui!!!!Min lo call tu chu ka pa ani tih hre reng mah ila,ka la ngam tlatlo.Tunah rih chuan ka pa zurui thinrim ai chuan ka piah lawka awm pa chu ka hlau daih zawk ani.






Ka phone chu ka chhar a,hawi pawh hawilet ngam tawh lo chuan chak thei ang ber chuan ka tlan a, school uniform leh bag nen ka ni bawk sia,ka inpal leh khut khut thin a.





Kan in step ka thleng chu ka thawveng huai mai,thlan hian min lo bualhuh vek tawh chu niin!! Ka hah lutuk tih ka inhre chauh!!.



Inchhung ka lut chiah chu...."Tun ang zan tlai tawh takah enge i tih em em a??" Ka pa âw ngei ani!!!.Dawhkanah chuan a ngaitê bawkin zu um chu a inchhawp a,a kun lup lup a.




"Ih...ih...englo.....kan dawr kan buai deuh thut a,customer kan ngah tum tak ania!!?'



"Chutiang chhuanlam siam suh,ka ril a tam ania,rawngbawl vat rawh..Sa lo chu ka ei duh miah lo ania!!"






"Awle,min lo nghak lawk rawh aw,a rei lovang "ka bag pawh dahtha hman lo chuan ka buaipui sawk sawk a.




A ei theih tep tih chuan" A va rei em em ve mawle,ka ril a tam tawh ka tih chu!!! Engah hian nge maw min ngaih leee"!!! tih pah chuan a zu um ruak nen chuan min rawn pan a.





Chawhmeh bel chu a hawng a,a hawnna lamah a hû chuan a kut a kang a,a sa ti lutuk chu chhuatah a chhin chu a paih lâwp a,pai khat khata min rawn panhnaih pah chuan ,"Nangmah vang anih hi i hria em ,buaina thlentu i nih hi!! tih pah chuan ka samah chuan mi rawn kek bawrh bawrh a,a zu ûm ruaka ka lu vuak a tum chu a kut chu ka kut khinghnih chuan ka lo man bet a,a thinrim chu a zual sauh emaw tih tur hian a inhrosa kual vel a," I nu rual khan lo thih ve daih tur che lawm,kutte min thlak let ngam vel elaw???!! I pa hi kut i thlak ngam amaw"!!!Hmeichhe zaktheilo lutuk,chhuak nghal rawh!!! Ka fanu tih che pawh hi ka zak ngawih ngawih!!! tunah insiam la,chhuak nghal ang che.."





"Ka pa ,ka tihpalh lutuk!! Ka ti leh tawh ngai lovang!!! Khawngaih takin min hnawtchhuak lul suh!!a kea vuana bawkkhup chung chuan ka dil a.






Ka bia tih hrelo ang mai chuan mi pet leng lâwp a,"engpawh sawi mahla,ka thusawi ka sut dâwnlo,tuna i insiam nghal anih loh chuan i thawmhnaw tellovin ka pêt chhuak ang che"!!!








Ka pa hi ka hrechiang a,a thusawi tawh a thlak mai mai ngailoh avang chuan ka tho nghal a,ka roomah chuan ka hmuh remchan chan chu ka bag ah chuan ka khung mawp mawp a,ka school bag pawh chu ka la a,ka chhuak nghal a.



Khawilam nge ka pan tak ang!!! khawlai lah chu a rehin motor tlan takngial pawh hmuh tur a awm bawk silo.Mahni chauhva khawlaia awm chu ka hlau takzet!! Chhungte pan tur ka nei bawk silo.Kan school kawnga bus stand chu ka pan tawp a,ka thutna thin hmun ngeiah chuan tlaivar a,a tuka ka thawhna dawra awm dil mai chu ka tum a.Mahse misual an tam tawh avangin ka hlau bawk si.





Chutia ka ngaihtuahna kâwma ka thut mek lai chuan Hriatpuia ngei mai chu a hnathawhna dawr atang chuan haw turin a rawn chhuak chiah a,dawr a kalh fel chiah tih chuan ka va zui nghal vat.!!






Min hmu chu mak a ti ngei mai!! Ka sam thur lutuk chu ka tuaimam a,engmah sawilo chuan a kal mai a.Ka umzui zel a.







"Min zui zel i tum ami"!!






Ihhhh.....englo ania.....khawngaihin min pui hram rawh!!!





" Eng chungchangah nge"!!






"Zanin chu khawngaihin min hruai haw ve mai rawh,pan lam tur ka hre lo ani," ka hmui sehchilh chung chuan ka kûn lap a,mi puihna dil chu ka zak takzet,chu mai pawh nilo thla tamtak chhung ka lo âtchilh em em mai ngei ala ni lehnghal!!







"Kei hian maw!!! Ka hruai haw ang che maw!???





"Aw,khawngaih takin zanin chauh chu min hruai haw mai rawh.I chhungte bulah ka sawifiah vek mai ang." a hmaa thingthi chung chuan ka ngen a,a hawihai ngei mai!!!






"Tinge,kei kher min pan a,i thiante pan zawk ta che"!!







"Khawngaih takin min hrethiam la,min hruai haw mai rawh ,ka thiante'na khawngaihna mitmenga min en tur chu ka duhlo ani"..








"A pawi ka ti lutuk,ka hruai haw thei lovang che!!! Ka tihpalh takzet.Va haw leh vat zawk rawh.Zan a tlai tawh sia, misual lakah fimkhur ang che"!!...A inher a,a kal chhunzawm a,a hnungah chuan ka bag khai chung chuan ka zui ve zel a,a rawn hawilet châng chuan ka pheikhawk hruite ka suih der a.Engpawh nise a inah ka awm tho tho dawn ti rilru chung chuan ka zui zel a.






A apartment ka zui thleng thak a,ka zui tih hria ang pawn a awm tawhlo!! Kawngkhar a hawng a ,a lut tur chiah chu amah pawt lawp chung chuan ka va luhkhalh.A tihngaihna hrelo chu a kawngdawm chung chuan chunglam a hawi a,a nui tawp.





" Khawngaih takin zanin chauh chu min riahtir rawh!! ka tibuai miah lovang che"!!



"A va mak e aw!!!,hmun dang zawng mai rawh,hmeichhia tumah ka la hruailut ngailo asin le!!???




"Maw!!!! i ti tak tak em,( a hmeichhe hruailuh hmasak ber ka ni maw!!??Mahse,min hruailut chiah pawh anilo,ka lut lui zawk chu ni sia,ka ti rilru neuh neuh a,)





I hruailuh hmasak ber tur ka ni maw??,khawnge i chhungte tia kan hawikual vel chu a in chu alo tê fel ât a,a fai em em bawk sia!!!





"Eheee!!! Nangmahin i cheng elaw???






Ka zawhna chu hria ang pawn a awmlo,"Anih,zanin chauh chu riak ang che"!!! A bak beisei suh ang che!!!



"Tak tak maw!!! I ti tak tak em??? Ka lawm lutuk" tih pah chuan amah chu ka kuah chung a.
.





" I rimchhe lutuk!!! Va intifai phawt rawh " min tih chuan ka la inbuallo tih ka hrechhuak chauh!!!





"Awle,khawilam nge i bathroom?? Riah i phal ve hi ka lawm takzet ania,ka theihnghilh tawh ngai lovang !! tih pah chuan inbual tur chuan ka lut a,a bathroom chu a felfai ât a,thil velte chu a inremfel vek bawk sia." A hmelthat ang bawkin a chefel anih hi!! " Ka ti rilru a,ka hmai phih tura darthlalanga ka inen chiah chu ka kamsir pilh chu ka hre ve chauh!! Ka mit bul tlema kakte chu ka thil tawn zozaite vang khan ka hliam tawrhte chu engmah ka lo hrelo chu niin.







Bathtub- ah chuan ka inchiah a,ka hahdam sawng sawng mai.Kawngka kik ri chuan min tiharh zawk a,ka lo muhil vang vang chu niin.






Ka tho vat a,ka intleuh nghal sawk sawk a.towel nen chauh chuan ka chhuak a.Kawngka bulah chuan Hriatpuia chu a lo ding reng tawh!!! Min hmu chiah chu a laih hmel bawk sia," Ihhh....englo......i awm rei tawh sia,i chungah thil thalo a thleng emaw ka tia!!!'






" Ka tihpalh lutuk,ka lo muthlu daih alawm"!!!





.Sitting rooma inthlak mai ka tum chu," lawkin,ka room ah inthlak rawh"!!




"Hetah pawh a pawi vak chuang hleinem" amah fiam chu ka chak thut!!"Ka inthlak dawn tho"






"A ngailo,roomah lut rawh"!!! tih pah chuan min nem lut rawk rawk a,kei lah chuan a lai hmel chu hmuhnuam ka ti takzet!!!Tihbikah te chuan sitting room- a inthlakte chu ka ngam bik teuhlo mai.



Ka inthlak zo chu,dawhkanah hian Noodles chhum hi alo chhawp a,"lo thu la",tih pah chuan a hmaa thutna âwl chu min kawhhmuh a.




Ka thu ve vat,ka ril a tam tawh bawk a,ka ei nghal sawk sawk a,ka hak khuh barh barh chu tui min pêk pah chuan," Muangchangin ei rawh,a tam ania" a tih chuan ka zak tawp.





Kan ei zawh chuan kan thil hmante chu ka silfai a,ka va phei chuan dawhkanah hian first -aid box hi alo inchhawp a,"Ngatinge,i inhliam ami!!! Khawi keiman ka lo buaipui ang che",tih pah chuan ka pan vat a,ka va hnaih ta maw tih chuan a tho thut a,ka darah a kutkhinghniha min dawn chuang chuan min nam thu a,ka mit bul kakte chu damdawi a hnawih a,kei chuan amah chu ka lo en char char ringawt.




Ka kamsir pilh laia damdawi a hnawih laite chuan ka lungphu ri te chu a hriatphak hial ka ring.Zawite te chuan a dep hlek hlek a,a rawn kun hniam telh telhin ka hria,keilah ka lo maimitchhing vat.Chuveleh a tho thut a,"lapua kha paihfai vek ang che,ka inbual dawn ania "tih pah chuan bathroom- ah chuan a lut a.





Thuttleng-a mu chung chuan ka lo nghak a,a inbual zawh lai pawh ka hrelo,puan min sintir lai chuan ka harh deuh thut a,muhil der zui chung chuan a banah chuan ka kuah a,ka pawthnai a."Khawngaih takin min kalsan suh aw!!! ka hlau takzet ania" ka tih chuan rei vaklo chu chelovin a awm tih ka hria.Ka samte chu a chûl a,ka mit bul hliam laite chu zawitêin a khawih a,keilah harh chiah niawm tak hian zawimuangin ka meng a,a phu deuh zawk chu ka hrelo lui derin"I la mu nange" ,ka tih chuan a tho va," mut ka lo tum chiah a",tih pah chuan room lam chu a pan a,ka hlim takzet zet,keimah chuan ka mu nui vur vur a,"Hriatpuia hian min duh ve chiang ani,mahse tinge engmah a sawi loh??" amah ngaihtuah reng chung chuan ka muhil zui leh bawrh bawrh a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)