CHU TAP RI CHU

Hlauhawm lampang hrim hrim hmun hrang hrang a mi lakkhawm...
Thelma x ivy
Posts: 111
Joined: December 15th, 2020, 8:42 pm

CHU TAP RI CHU

Unread post by Thelma x ivy » January 15th, 2021, 6:03 pm

CHU TAP RI CHU

Ziaktu: Thëlmā


Yearphone beng a vuah pahin ka hla duh ber mai i can only imagine tih , alan walker sak ngei mai chu ngaithla in ka zaipui rat rat


Ka thutna zawn chiah a kawngpui, thlanglam zawng kham ni bawk si awm lam chu ka hawi pah reng


Nipui khawlum lai ani a, inchungah thu in thlithaw heuh heuh ka in chhemtir har har.

Tlailam khawthim hun dawn hi ani tawh, mahse leilung erawh ala lang ve de de, engkim chu alangchiang vak tawhlo , thil pakhat chauhlo chu


Kawngpui atang a khama rawn tla mek chu hmuh hmaih theih anilo


Khaplo in ka en reng, ka chhungril hi khur nghal dar dar


Inchung atang chhukin inchhungah ka tlan lut nghal vat, ka pi ka hmuh rualin min lo buaipui vat, ka hmelah hlauhthawnna a langte pawh aniang



*boihte enge nita, thil diklo a awm ta ami* ka pi chuan alo ti vat


Sawi mai ka tum, mahse ka theilo, ka hlauthawng em ani, thawk te ka han la kawk kawk a

Chutah* mi an tla* ka tichhuak thei hram

* tumaw tla a, khawi atangin nge* ka pi chuan alo ti vat


*saw tah sawn mi an tla alom* ti a kan ep chiah zawn chho a kawngpui, a thlanglam kham vek ni lam chu ka kawk


*boihte, khawthim hun ani tawh dawn a i hmusual aniang, miin bolhhloh te an lo peih thin a, i hmu sual aniang* ka pi chuan ka hnung a chul heuh heuh pah in min hnem tum deuh hian a rawn ti


Ka pi thusawi chu atak nise ka ti, mahse ka hmuchiang em ani, ka mit ka chhin zawng apiang hian kha thil thleng bawk kha ni rawn lang leh thin



***********************


Zan ani a, ka nu leh pa pawh hna atang an lo haw tawh, ka chauh deuh avang leh atuk lamah hna kal ka ngaih vangin ka mu zui nghal mai, zandang anglo takin ka mut achhuak em em mai leh nghal, zandang ah kha chuan dar 12 leh dar 1 te mengthleng thin Khan zanin chu phone pawh ka khoih peih reng renglo, phone poh charge ta lo chuan ka mutthilh zui san nghal mai bawk




Ka harh hlol, ka zunchhuak lutuk vang alo ni, ka lukham a phone ka dah chu la in dar zat ka en vat, dar 2 leh Minute45 chiah alo ni, ka phone lah chu Battery low vangin a thim zui nghal hmak, hahthlak hian


Khumlu bul lok a plug awm chu ka va ban du du, mutna ah hian current ka off vek thin vang ani hetia ka dap du du chhan pawh hi


Light chu awnin bathroom ah ka tlan lut nghal vat, ka zun lailaiin current ala thim zui, hitlo thei lutuk mai



Bathroom atang chuan chhuakin khum awmna lam ni a ka hriat chu ka pan nghal vat


Chutah thil chang deuh hi ka la chhuih leh ta nghal, ka kezungpui nat dan chu, a tin hi a bung dawn hialin ka hria


Ka kal leh nghal da da, nichin ka thil chhuihpawh kha ka chhuih bo ta aniang ka chhuih nawn leh tawhlo danah


Chutah currenta rawn eng ka pup mai, Keilahchu khum lam reng reng panta lo chuan tukverh lam, ka ep chiah kham lam lang thei lam ah chuan ka lokal daih


Ka khum awma zawn pawh ka hrelo ania tia ka ngaigtuah niah niah lai chuan kham a rawn tla thla, tlai a ka hmuh bawk kha ka rilru ah a rawn lang thut, rang lutuk in khumlam ka pan vat a, ka mutfel rual in ka inkhuh nghal vat


Zep lo chuan ka hlau, ka dawih em ani, ka dawih zia hi chu ka thiante hrilhfakawm khawp ani, thianho a ramhuai film en pawh a mit hup tut tut chung a en nasa ber kha ka ni tlat


Thil ka ngaihtuahneuh neuh lai chuan mutchhuakin min rawn zem chiai chia, ka muhil dawn trep tih ah chuan kawrh tui luang ri karah chuan zai ri ang deuh hi ka hre ta tlat pek

Ka ngaithla chiang leh, ka inchhir hle ni, ka bengchhe ri ni mawlh se ka van ti tak em, zai ri chu aring telh telh dawn a ka hriat lai ngeiin trap riin a zawm ta tlat mai, ni e, chu trap ri ngei mai chu ani tap ri ka hriat tawh azawng a ngaihthlak nuamlo ber mai chu


Ka beng ka hup a, a ring tulh tulh mai ni hian ka hria, ka inkuh phui tlat vang nge a lum dan lah chu, ka thlan hluam thei


Ka nu leh pa ka leh ka pi leh pu ka rilru ah an lo lut nghal vat, an hre ve angem le, ka pi te room lam a luh tum in ka thovat, chutah current eng chu a rawn su dul dul leh nghal, ka lu a ti hai vek


Ka hmu phe ruaih a, ka mit chu ka nuaih nawk nawk, ka men leh rual chiah chiah chuan ka hma zawn tak a hmeichhe ding, meng var vek, hapui zawng zawng langvek a nui chu ka hmu ta nghal, tlanchhiat chu sawiloh, ka khawng vek, ka che thei tawh lo, ka lam ah a kut a rawn phar rual chuan engmah ka hre zui tawhlo




* boihte tho toh rawh, atlai tawh ania* ti a au lawng lawng ri leh ka room kawngka chum ri dawt dawt chuan min tiharh hlol, bathroomchhung ah ka la awm zui, chuta karah ka huh vek, huizzz


* ka inbual * ring deuh tak chuan ka ti lang lang, mahse ka inbual lo tih chu kei tluk a chiang an awm mawlh lo



*********

Hna kal nghal tur a insiam vekin room atang ka chhuak a, ka nu in chaw ka ei dawn leh dawnloh min zawt nghal vat, ka eilo tur thu in ka chhang vat

Kan in nuam ka tih em em mai hi tunah chuan kalsan vat ka duh rih, ka awm hi ati nuam hlol lo



Ka nu hnung lam a ka thil hmuh chuan ka mit ala riau, kawngka inkhar in a puan var akhar chilh chu ani



Puanchhia inkhar chilh mai mai aniang ti a ka ngaihtuah leh mek laiin pawnlam atang pawh ni awm tak hian a pil telh telh


Mak ka tih leh chu he kawngkhar hi a thatloh vangin kan hawng ngai silo a engtinnge puan chu a inkhar chilh theih ang, nidang ah ka hmu ngai bawk silo a

*nu saw lai saw tinge puan in khar chilh a*ka nu melh zeuh pah chuan ka ti


* engchu maw*tih pahin a hawi ve nghal, mahse engmah a awmlo

*ahhh, ka hmuhsual aniang, ka kal nghal ania* tih pahin kal ka rual nghal



*************

* usangsang, inveng bul a inti hlum kha i hre ve em, dawr ka thlen rual chuan tetei chuan a rawn ti



Mithmul ka lo san khum ak, achhan chu ka hre ve miau lo ani..


**Chaltlang mi ania, an sawi hmang chuan chhungkaw inti buai ani awm a, kha mi achhuak kha alo haw leh mai silo a, an zawng a, kha in in ep chiah a kawngpui liamkham velahkhan atlak an ring a, cctv a an en khan khami ah khan a kaltlang lo a, an zawn risk tawp a, engtinnge i hriatloh zawk a** a rawn ti nghal bawrh bawrh


Nimin tlai ka thil hmuh bawk kha ka mitthla ah alolang leh nghal, ka tiril hi a khur er er mai


* a va khawngaih thlak ve, ka lo hre ve hleihnem* ti a chhangin ka thutna tur lam ka pansan daih, mgaihtuahzui ka duh tawh rihlo ani


Nileng in hna thil ah kan buai a, kha thil thleng kha rilru ah a awm hman meuhlo, lehlam takah chuan a nuam zawk phian



Tlai alo ni a,mahni inah bawk haw leh alo ngai ta, diktak chuan kan ina haw vat vat hi tunah chuan ka chakloh ber te zing ami ani hial ang, mahse hei lo haw na tur indang ka nei silo a



* boihte, kham ah sawn tla chu an awm tak tak aniang vawin ah pawh an lo zawng, mahse an la hmulo, zingah khan khilai ah khian leivung an rawh peih a, chuchuan a chhilh pawh ni maithei, naktuk ah an zawng leh dawn a, nimin i thil hmuh kha atak anih ringin ka lo sawi a, an hmulo an beidawng kha zawng hram hram turin ka lo hrilh alom* ka pi chuan alo ti vat



* kha min ringlo vel ah, ani reng sia* hmui ti pawrh tarh hian ka lo ti


* khaw thim dawn ani tawh nen i hmusual mai mai anih ka ring a, a re re ah tinge nizan khan mut hnu ah chaw i eileh re re a, zandang ah i ei ngai silo a* ka pi bawk ani



* chaw ka eilo bawk, sazu thawm aniang i hriat* nui put put chung hian ka ti



* zung tura ka tho in dawhkan a chaw ilo eilai kha ka hmu reng che * thutak hmel fe hian a rawn ti ta mai, ngaihthatloh na in ka khat nghal, achhan chu nizan ah khan kitchenlam ah mut tawh hnu ah ka kal miaulo ani


* ka riltam em alom, kan inthlak lawk ange * tinghal zung zung pahin room lam ka pan nghal daih


Inphelh sawk sawkin bathrobe ka ha a, bathroomah inbual turin ka lut nghal vat...


Tap ka herh haw dawn chuan tui reng reng a haw thei miahlo mai, sintex ah tui a a awmlo anih ring in ka in ha leh hna hna a, inchungah tui enturin thinrim tun chungin ka cho ta hna hna mai



Ka room lam sintex ka en a , tui alo khat pum mai, ka bathroom tap kha achhia anih ka ring in inhnuai ah ka chhuk thla leh


* pi, ka bathroom tap saw achhia ania* inchhung luh pah chuan ka ti lang lang

* chhunah pawh ka hman reng kha* alo ti liam puat



* tunah alo chhe ve em em a* ka ti na na



Zanin zet chu ka va huphurh em, ka pi te bula insawn lah chu ka duh bik silo


Ka inngaihtuah neuh neuh a, ka hriatloh laiin ka lo muhil daih,


Zawhte trap riin min tiharh a, ka hlau ti tih nghal, zawhte trap hi chu chhunah pawh nise ka hlau tho


A trap ring tulh tulh mai si, ka thuchhuak ta nge nge, ka chhungte hian an hre ve angem le,lemlam lok ah ka pi leh pu an mu a, an hre ve tho ang, lungngailo phawt ang


Thawm ngaithla a ka beng ka dawh deuh ha laiin thil a rawn tla ri ta pawp mai , thil tlakna lam ka hawi vat, ka Lehkhazir na dawhkan a ka dah bottle chu alo tla reng chu ni in, chhar turin ka tho a, ka chhar zawh ah ka mu leh mai



Zawhte trap ri pawh hriattur a awm tak siloh ah chuan reilo te ah ka muhil leh vat


Ka biang chu thil hit tak hian a rawn dek a, ka harh kawk


Ka tukhum zawnah chuan thaw ri huam huam ri ka hre bawk , namen lo in hlauhna in min tuam nghal


Engin nge min mawlh ni, hawilet chakna ka nei tlat, ka hawilet ta nge nge, mahse tumah an lo awm reng reng lo, Chutah ka hawina lam bawk ka hawi nawnleh chu nizana ka hmuh ngei mai khan ka hmai zawnah tak min lo en reng, ka rak thawt, engmah ka hre zui tawhlo



*boihte harh teh* mangan deuh a titu vang chuan ka harh kawk, ka nu ani, rang lutuk in ka pawm a, ka trap ta hawm hawm mai


*enge theng a,* duat tak a ka lu chul hauh hauh paha a rawn tih chuan sawi mai ka tum, mahse ka theilo



Ka lu ana ngut ngut a, hna pawh ka kal ta lo,


Ka epchiah a kham awm chu thlir in balcony ah chuan ka thu vang vang, kawngpui atang chuan thlanglam enin mi an rawn dak thla bawk


*Reilote ah kan hmu e* ti a au lang lang thawm chu ka hria,e, ruang kha an hmu chiah ani ngei angl


Reilote ah an rawn zawn chhuak a, kan inbul lawk mai hi kawrh bul anih vangin a awlsam aniang kan inbul maiah an lo zawn chhuaka


Puanin an khuh tlat avangin ruang tak achu ahmuh theihloh, ka enreng laiin a kut chu a rawn tla thla hnawk, chumi rual chiah chuan ka hnungzang a rawn za mer mer


* ka rawn la tlawh leh ang che* tiri chu ani min thlahna chu



A TAWP TA



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)