MIN PUI RAWH!!! By siamkimi

Hlauhawm lampang hrim hrim hmun hrang hrang a mi lakkhawm...
Sally efflo
Posts: 55
Joined: September 24th, 2020, 10:48 am

MIN PUI RAWH!!! By siamkimi

Unread post by Sally efflo » January 30th, 2021, 5:48 pm

MIN PUI RAWH!!!!!

By siamkimi

Khum ah chuan tum bur in ka ṭhua...hmalam ka bih ngar ngar bawk


"Titau rual pawh ini tawhlo" ka nu chuan ati hlak hlak


"Ka titau mi" ka ti vin hlar


"Tau e tau e...rawn tho vat rawh" atih vin ṭhat hnu chuan ...ka insiamṭha mawlh mawlha ka tho chhuaka


"Zingkar boruak ṭha pawh hip hman lo lek in imu ṭhina" atih zawm leh zat


"Nu...min hau tawh suh....nula ka nih ve tawh hi" ka tih leh chuan za lutuk in arawn nui chhuak


"Nu, ka mumang ah ka hmu leh tawh ania" thutak zawka ka tih leh chuan..ka bul ah arawn thu thla a


"Bawihte, hahdam rawh...minsawi pui iduh em?" Atih chuan ka chil ka lem khalha

Tun hnai hian mangchhia ka neifoa....a rapthlak ṭhin viau


"Vawiin chu dawr lo va nghak phawt teh" nui varvar a tih chuan ka tho chhuak tharha...ka insiam nghal mial mial




Dawr lam ka pan hnak hnaka...nizan ka mumanga ka hmuh hmeichhia kha...tunge anih ka hre miahlo.....akut vawt thler mai leh cher emem in ka ke avawn beh tlat lai ka ngaituah chuan ka lu ka thing nawk nawk


Dawr ka hawng a...thawmhnaw thenkhat ka dah chhuak bawka...woofer ah zai ka play nghal zat bawk



"Ṭhiannu heihi engzat man nge?" Rawn titu lam chu ka hawia ka va pan nghal vata


Nula senior lam mahmah samkir buang thek mai hian croptop pakhat chu alo kenga


Aman zat ka hrilh hnu chuan pawisa min pe nghal zata...ahnunga ding hmeichhia zahzum hmeltak chu ka lo en leh zauh ṭhin...


Mindawr tunu chun akal liam thleng ka thlir a...a hnunga zuitu zahzum hmelzet chu ka hriathnu a ang viau leh nghal



Kanu pawh alo thleng vata...tiffin alo ken te chu aphawrh nghala...ka rilṭam em avang chuan ka ei nghal bawrh bawrh


"Min pui rawh" rawn titu chu en mang hlei lo in


"Nu, costumer hi lo pui teh" tiin ka au lang langa


Ka lu arifawk, "costumer an awm lo hi" ka nu chuan ati hmuk


Ka hawi kual vuta.....ka hre ngei ani!!! A aw tham chhal mai khan engtin emaw ni hian min ṭham er er mai... Ka ngaituah na aniang tiin ka in hnema



Tlai lam ah chuan ka nu in haw hmasa tura min tih avang in ka haw leh hna hna aa...


In chhung ka luh veleh sofa ah ka bawk nghal thlawp


"Min pui rawh"!!!!!!



Rang lutuk in ka ding chhuak...ka bengchhe ri anilo!... Ka ngaituah na ani hek lo...ka hre chiang ani!!!!!



"Tu..nge" ka aw chu akhur der der


Areh vung vung mai..... minute 10 vel ngawirenga ka din hnu chuan ka in thing harha...choka ah lut in eirawng bawl tur in ka in buatsaih nghal


Ka phone ka phawrha pathian hla ka play a....ka zawm rut rut mai


Bathroom lam ah tui in herh haw ri ka hriat chuan...ka nu alo haw tawh anih ka ringa ka thaw veng deuh huai mai


"Nu enge ka siam ang...iva lo haw hma" ka tih zawm zat



Tui in herh haw ri atawpa...mahse tuman min chhanglo!!!


Ka tukhum aza mer mer mai....keihi diklo na ka neih mi...tinge ka dawizep tak emem


Bathroom lam ka pan chhat chhata... kawngkhar chu ka nam hawng riai riai...


Chutah... hmeichhe pakhat mitmeng dum vek mai Sam thur bembum dang lup mai...leh cher emem hian mi. Rawn melh kur mai!!!!! A awm dan lah chu abawk vak ti ila a in nem kang ur bawk si chutah!!!!! min rawn ban anih chu....



Ka au chhuak ṭhawta....ka tlu sawp nghal nuai....ka hlau lutuk chu ka ngaituah na te chu atawp hmuk ring lutuk in ka au vak vaka ....chu hmeichhia chu kalam ah arawn vak phei... Engkim chu athim nghal hmuk




Ka mit ka men chuan ka nu hmel ka hmuhmasa ber....


"Engtin nge bathroom ah imuthilh theih a" atih chuan ka thil tawn rapthlak lutuk kha ka ngaituah chhuak nghal uar uara...hlauhna in min tuam nghal


Ka nu ka kuah bet ..."nu... Ka hmu... ramhuai arapthlak lutuk" tiin ka riat nawk nawk


"Mumang maimai anihkha bawihte" tiin ka sam achul a


Chhan tum in ka ang zuaia mahse ka ngawi ta zawk....


"Lo mu teh, keiman eirawng kan bawl mai ange" tiin room achhuah sana


Room ah chuan keimah in ka awmlo tih chu ka hrechiang viau mai....


Ka mumang a ka hmuh ṭhin thilrapthlak taktak hi chu hlau viau mah ila mumang animiaua...ka harha ka ngaituah zawm ngailo...mahse nichin maia ka tawn kha mumang ani hauhlo!!!!


Khum ah chuan ka in thawlh thana...ka inlukhup hmak...ka thlan atla nasa lutuk leh nghal


Ka maimichhing vang vanga chiangtak in kha thil rapthlak lutuk kha arawn lang uar uar zel.si

Ka thu chhuak tharha... Ka ngaituah na buainuai avang chuan ka ning tak zet....


Ka room atanga chhuak in ka nu eirawng bawl chu ka pui ta daiha


Zanriah kan eikham in ka nu chuan kan kawmthlanglawka damlo akan tur thu asawia zui ve mai ka duh keimah a awm hi ka hlau ani...ka nu lah chuan in lo nghak rawh ati tlat leh nghal



Keimah in ka awm ta rana...enge maw lo thleng tura ka beisei lutuk vang nge ka in sangmar ṭeuha...mahse thawm chu sawilo areh hian areh vawng vawng....


Ka tv en lai ka ti tawpa...ka room lam ka pan ta daih.... avawt ka tih avang chuan ka in tuam khawr hle......


Engemaw ni ka ve nek fuh!!....ka bul ah hian mu an awm ve chiang alawm!!!...ka thaw apangai lo...hlauhna nasa lutuk in min tuam nghal...


Mahse hawilet ka chak viau thung...ka in her a....ka thilhmuh avang chuan ka khawng nghal awt...ka bul ah chuan keimah ang chiah alo mu ve anih chu!!!!



Ngun emem hian minnmelha... chutah...aṭhu chhuaka minkawk in za emem hian min nuih ta nih chu!!!!


Ka che thei tawh lo hrim hrim, ka la thaw em pawh ka hrelo...au chhuah ka tuma ka hrawk te chu a in hnawh tlat....


Chutah akutchu ahmui ah dah in bengchheng lo tur in min ti....chawpleh chilh in ahmel chu arawn in thlak thuaia...asam tlem tete hian ato phauh phauha, amit chu adum leh vek tawh.... Akut cher lutuk mai leh vawt emem mai chuan ka hmai arawn khawih anih chu....ka hlau lutuk chu zun ka cheh hial in ka hria!!!!


Ka maimichhing a... Ka khur nasa tawh viau...."min pui rawh" arawn ti tham chhala


Chutah ka meng a...ka hma ah chuan kha thilrapthlak lutuk kha alo awm tawhlo... hmeichhe tleirawl zahzum hmel emem leh ahmel en pawha.... khawngaih thla la ngawih ngawih hi alo awm leh daih tawh ....


Ka chelo ka en tawp.... Engtiang in nge ahmel a in thlak leh thut ang ka hre tlatlo....


Ka mit ah tak chuan min melha..nie...henu hi kha nu kha ani...ka mumang ah ka hmu tawh leh...zing lam a kawr lo leitu zui tu ngeikha ani!!!!!



"Engtin nge ka puih ang che" ka aw chu akhur der der mai


Chutah ka kut chu arawn chelha...ka lo chhing sawk!!!!




"Ka lo tlawh leh ang che" tiin meikhu ang hian ka mit hmuh laiin abo daih


Akal bo hnu chuan ka chelo..ka awm dan ngai chuan ka awm tawp.....





Khua aṭha etawt bawka....luia kala sangha man te achakawm viau...mai..mahse luia kal dream veng veng pah in dawr nghak leh ila nimai


"Malsawm, rawn tho vat teh" ka nu tak hi chu aw...


"Enge aaa" tih pah in ka tho ṭuih ṭuih

"Zingkar ah rimtu ineia" ka beng bul ah arawn ti susu


"Ehe, uremruat" tih pah in ka va kuah nghal chawt

Ka nu alo nuih hak avang in ka thlah leh nghal a


"Malsawm thingpui va lum ta che" ka nu in atih leh chuan choka ah ka tlan lut nghal


Remruata ka bialpa nen hian kum 2 kan in zui ve tawha, ka tan chuan ka pa ang ani zawk mah....ahna avang hian azinkual reng angai fo ṭhina...tun tum pawh alo haw tih ka hre hauhlo


"Ithingpui chhuan aso" tih pah in gas off aruala


"Ka lo ngaituah lai tak che ania" tiin ka nui saka..

"Malsawm in neih tawh mai ang" tiin ka kawng ah kut arawn zen luta


"Na...pasal neithei ka la ni hrihlo" tiin thingpui chu ka pe nghal zata


Inlahrang in thutakfe hian min melha,
"Engtik nge ahun ang" ati sap

Ka.lo nui haka...chaw eia ka sawm ngial hnu pawn min hnial fithla ṭhaka..a haw hnu reilote ah chaw eiin dawr kal tur in ka insiam nghala


Darthlalang ah chuan in en in lipstick chu ka in hnawih mial miala...ka hla play chu ka rilru in ka zawm ve mial mial .....

Ka in hnawih zo tih in ka ding hluai.... mahse!!


Darthlalang a ka thla chu uluk emem hian lipstick alo la in hnawih anih chu!!!...ka hnung tawlh dawrha....au chhuah ka tum a ka hrawk chu hnawh pin ang mai hian achilh hmak thung!!!!


Chutah!!.. darthlalang a ka thla chu...rawn ding in anui vur vur nih chu!!!


Room atang hman hmawh lutuk in ka tlanchhuaka ka nu erawh alo va kal hmasa tawh thung


Choka ah chuan ka tlan luta...ka hlau lutuk chu ka trap pur mai..... fridge hawng in tui ka la chhuaka ka in khawlh khawlh....


Ka thlan tla te chu ka hru leh te te a, ka room chu ka melh leh zawka...ka phone ka va la ngam ta chuanglo...in atang chuan ka chhuak vata...dawr lam ka pan ta nghala


Dawr ah ka nu buai emema avir kual reng chu pawn atang in ka thlir leh tete a, ka nu hian ka pa thih atang hian amah chauh in min enkawla atan aharsat dantur te ka ngaituah neuh neuha...mahse...ka mitthlah ah ka room a ka thil tawn kha alo lang leh a...avawt ka ti thar nghal sung sung mai



"Nu ilo buai em" tih pah in ka pui ve nghal vatvata


"Tinge kha tianga irawn in chei" atih chuan ka thawmhnaw hak ka ena


Pathian leh!!!!!..ka mutthawm hnaw ka ha mawle...


"Ehe...aiiii anilo" tiin darthlalang lianpui kan tar ah chuan ka in thlek vang vang


"Zingkar ah remruata ihmuh vang kha niang" tiin min fiam zauha


Nilo....heihi anuihzatthlak miahlo!!!...ka kal dawn khan he tiang ka ha hauhlo!!!!


"Malsawm lo va haw phawt mai ta che" ka nu chuan ati nghat


Ka lu ka thing a, ka haw ngam teuhlo!!!


"Store room ah khan size dang ala awmem va en teh" tiin ka nu chuan apheikhawk ken lai chu min pe a

Pheikhawk dahna lam chu ka en diat diat, athim deuh avang in ka dap deuh dun dun.. Hmuh ahar reuh zek a!!!


Box pakhat ka hmuh chuan nui varvar in ka ban.


..mahse!!! Box aw zawng ka ban lo...sam ka zuk ṭham fuh chat anih chu!!!


Ka hlauh lutuk vang nge...ka thlah angam miahlo!!..ka thlan arawn tla tiam tiama zawi muang in ka thlah


Ka che sawn ngam hauhlo bawk!!!


Ka khur zawih zawiha..


Ka ke ka chet hruta...ka hma a mi chu arawn che ve hrut...tah hian ka awm reng dawn nge...ka tlan phut zawk ang!!!.... Ka chil ka lem khawlha...hman hmawh lutuk in ka tlan chhuak nghal



Chair ka hmuh hmasak ber ah chuan ka ṭhu nghala...ka thinzawn chu ka dawm vang vang...


"Malsawm" tia ka dar a rawn vuantu chu ka en ngam hlek lo


"Kal bo rawh... khawngaih in" ka ti khur dar dar...

"Enge ichung ah hian thlenga" tiin ka nu chu ka hma ah arawn thu hniama


Ka thaw ala pangai thei meuhlo!!!


"Nu, ramhuai ka hmu" ka tih chuan


"Zan imu ṭha lo niang tahkhan lo awm hahdam rawh" ti in costumer abuaipui ta daih a


Ka khup ah kiu nghat in ka thiltawn te chu ka ngaituah a.....ka hnungzang te chu ahik thla chuai chuai hian ka hria


Tlai lam ah kan buai deuh avang in in kan thlen chuan khua athim tawh viau

Ka nu nen eirawng kan bawl nghal vatvta....ka room ah ka la lut lo bawk...ka hlau ani


Chaw kan ei laiin kan kawmthlanga damlo athih avang in hmanhmawh lutuk in kan in ti fel zung zunga... keipawh ka room a in thlak ta lo chuan ka nu room ah ka in siam zui mial mial



Kan thlen thlak chuan an lo awm ve nial tawha......adam loh na arei ve tawh bawka.... Min ṭhawng hlawm emem hran lo zawk


Tlaivar pawh kan tam ve khawp mai
Kan thenawm lawka awm tluangi nen kan thu duna...kan ṭhutna aṭang chuan ruang hi ahmuh theih chiah chiah leh nghal...ka dawi lai tak ani bawk nen nuamlo ka ti viau ..

Ka hma lam ah hian tuverh a awm bawka...thla eng in achhun theihai kung chu alang chiang viau....


Akhat tawk in ka melh leh zauh zel...achhan pawh chu thei hai kung ah chuan awm an awm miau alawm!!!!


Tluangi chuan hmu ve leh hre ve ang pawn a awmlo...en lo tum viau mah ila....ka hma zawn ah ani miau sia


Theihai kung azar ah tak chuan thu in keimah hi min rawn melh kur hian ka hria...ka awm ati nuam hlawl lo!!!


Tlar hmasa chu a awl hlauha ka insawn thla nghal hmak...ruang awmna chu
ka hnaih sawt viau mai


Ka nu hi uar emem hian alo ṭap anih chu!!!!


"Ava mak ve..." Tiril ru chung in ka thlir renga...


Hawkdak tih tak ah ka hma lawk a ruang awm chu ka va bih dek deka...ka ding chhuak nghal!!!


Ka va pan phei rawk rawk ani ber mai....khuma an mut Nunna nei tawh lo....ruang mu reng chu tudang nilo in ..


Keimah!!!!... Ka nu chuan ka taksa te chu achula ...atap nasa lutuk te chu akhawng anih chu!!!...kei erawh ka dinna ngai ah ka dinga...angaihna hrelo lutuk leh hlaulutuk in ka khur dar dar..


"Malsawm harh teh" ti a min sawi tu avang chuan ka harh kawk...


"Imuthlu nasa lutuk" ka beng bul ah tluangi chuan arawn ti susu


Kha kha...mumang emni??...nilo... mumang satliah ani hauhlo...ka thi dawn tihna em ni...ka thlan te chu arawn hnam tiam tiama...boruak vawt chuan min tham er er mai


Mumal lo zet chuan ka awm ta renga....khua avar ta tih ah ka haw nghal hmiah!!!


Ka room ah ka luta... ngawireng in khum ah ka thu


"Khawngaih in min ti buai tawh suh.... khawngaih in kal borawh" ka au tuar ani ber....


Room ka luh tirh a...khum bula ding hmeichhia kha ala awm ngei tih ka hre tlat ani


"Min pui rawh... Nang chauh in ithei" a aw chu a ṭial ruai mai


Ka beng ka hupa...ka mitsir ru reng


"Malsawm tihbuai reng che ka tum lo, khawngaih in ka thusawi hi lo ngaithla rawh"... Ka hma ah arawn din avang in ka mit ka chhing daih


"Sawi rawh" ka ti khur dar dar


"Ka hming chu zohlupuii ania, lunglei atanga hla lote ah kan khua chu a awm ni 5 liamta khan thah ka ni....ka nu leh pa te an in ṭhen hnu khan ka pa chuan keihi min awm puia...ka pa chuan nupui dang a anei a...nu nei ngailo ka nih avang in..nu ka nei kha ka lawm emem a...mahse thla reilo te bak ka tan khan nu ang in a a awmlo.....

Ka nuhrawn chuan keihi min hmu mawh ta emem a....ka pa bul ah chuan dawta min puh in keihi kut hial min thlak tir thin....ka pa zin bo lai ania..... ka nu chuan mipa dang amutpui lai ka phawka... Ti chuan abialpa ngei chu keihi minpawngsual tir a....chumi hnu ah kei hi min that ta ani"


Mak ti lutuk in athusawi chu ka lo ngaithla kara...


Chu hmeichhia keimah ang rual vel hmel a....natna leh lungaihna lo lang chu ka lainat thar ta riau....


"Ka ruang chu kham ah an paiha...tun thleng hian an la hmua lo...ka pa chuan pasal ka um ang ah ngaiin minzawn atum loa...ka nuhrawn in duhtawk in abum kuala khawngaih in thudik min puan sak rawh... vawikhat chauh tal ka pa kha ka hmnagaih thu hrilh a...kuah vawng vawng ka chak asin...ka thi tih pawh hre lo in a awm.asin" arawn tih leh hnu chuan


Ka thaw haka, " ka pui ang che" ka ti tham tiak amah ka lainat em avng chuan ka mittui ka khap persak


Khum ah chuan ka bawk thlawpa, eng ang mihring nge anih ang le...apasal a fanu han thah mai chuh....ka mur sung sung mai


Eirawng bawl tur in choka ah ka lut a...siam awlsam chi ka siam zung zunga...ka rilru mumal lo zet avang chuan ka engtihma atui hleklo


"Malsawm, eirawng ilo bawl ni maw?" Tiin kan kawmthlang nu alo luta...


"Ummm .....ka nu a awmloa" tiin ka tih lai ka zawm mial mial


"Inu chu khawnge maw zing zing ah te akala" atih leh chuan


"Kan kawmthlang ah mitthi an awma" tiin ka bai siam chu ka hawp chhina


Alo sa phian leh nghal!!!


Ka ding ngil nghal awt....ka tukhum aza mer Mera ka hnungzang ahik thla chuai maii


Tuna...ka biak kha...nizan maia kan lumen ngei kha ani!!!!



Zawi muang in ka in hera.. keimah chauh in ka lo awm leh reng tawh.....


Kawngkhar in hawng thawm ah chuan ka phu nasa lutuka ka fian ken lai ka thlauh bawl mai



"Mali, itha em" tiin ka nu chuan min lo pan phei nghala ...


"Ka...ka...hmu" ka ti ban charh


"Nizan itlaivar vang khan itaksa achak lo nihhi" ati sam eta..



Khum ah ka mua...ka ngaituah na te chu abing mup mai....


Ka tho thuta... Ka thawmhnaw ka pack mawlh mawlh....ka phone ban vut in remruata ka calla...lunglei zinpui ah ka sawm chuan nizan lam ah hna avang in lunglei ah a awmsa thu asawia...angaihṭhat lo hmel viau bawk



"Mali enge maw itih le" tiin ka thawmhnaw ka pack sa chu amelha


"Nu, lunglei ah ka zin lawk dawn" ka ti nghal vata

"Vawiin ang ah azin chhuah chilo...thenawm ten chhiat an tawh hi" ati supa


"Nu...keimah hi ka thi mai ang" tiin ka mittui aluang nghal ngiai


"Eng ang harsat na chiah nge i tawh" ka nu chuan min en ngun viau


"Nu, ka lo haw hun ah afel vek mai ang, u remruata pawh a awm a" tiin ka t-shirt hak lai ka hlip a... Khum a ka dah chhuah sa chu ka in thawlh mawlh mawlh


"Scooty ka keng ania" tiin chahbi ka ban pah zauha


Ka nu chuan min dang duh bik lo in...ṭha deuh in min thlah ve maia


Lunglei ka luh chuan tlai lam ani tawh ....ka nu phone in ka thlen tawh thu ka hrilh nghal vata

Uremruata thlenna hotel lam pan in ka tlan zawm nghal hotel kawt ah chuan min lo hmuak bawka..."mali engrilru nge maw i put thut le" tiin min lo nuih varvar


"Atam lutuk ka la hrilh vek ang che" tiin a room lam kan pana



"Ka ṭhiannu athia...ka lo hre velawk loa ral ka duha" ka sam huh chu towel in ka hru mawlh mawlha


"Ava zialo ve aw" atisupa amalchunga alaptop dah chu abih ngar ngar...


"Keimah nge hna" tiin ka nuih suka

"Itan hna ka thawk" atih chuan ka lo nui var var


"Khawi veng ah nge iṭhiannu chu a awm" tiin asana abiha..

"Lunglei aṭanga hla lo te ah ania" tiin ka bag ka hai rakraka


"Awle... tlai lam ah meeting ka neisia ka lo let harlo ang" tiin achhuak vuta


Ka in thlak nghal vat vata... darthlalang hma ah thu in ka hmai vel ah chuan makeup ka hnawih mual muala

Ka tawp chat!!!!


Darthlalang a thla lo lang chu keimah ka ni lo tih ka in hria!!... Ka maimichhing nghal sawk ngai ah ka nei hlei theilo!????


Zanriah kan ei lai chuan ka helh hawlh vang nge ka eitui hlei thei derlo!!! Uremruata lah chu angaih aṭha lo nasa...engmah ka sawi thei bawk silo....



Dar 7 bawr vel ah lunglei kan chhuahsana ..... uremruata car in kan kal thung....

Akhat tawk in ka thaw leh hap thin, uremruata chuan ka kut rawn vuan in min thlamuan atum ve hle


"Mali idam lo zawk em ni le aw" a khat tawk chuan ati leh zauh ṭhin...kei erawh....enge maw ni hian min mawlh tlat....ka ngawi kar mai


"Tahkhan dingrawh"tiin veng laili pakhat ah chuan ka din tira...


"Helai ah hian hmelhriat inei maw" atih chuan ka lu ka bunghut


Step thui tak pakhat hi kan zawhthla a..ka hah tawh viau mai


"Mali ichiang em?" U remruata chuan ati sup

"Ummm ka chiange kan thleng tawh alawm ka ṭhiannu te in chu" tiin step tawp atanga hla vak lo ah chuan kan kal pheia.....


In hlui lam ve tawh lek lek chu ka kick kar karh karha pa pakhat hian lo lut ru arawn tih chuan ka luhpuia....

Uremruata erawh akimki deuh


"Enge in duha " chu pa upa ve lam leklek chuan nin thlek ngun viau bawk


"Zohlupuii thiannu ka nia" ka tih chuan ameng kawk mai


"Pa a, enge nia" nu valai lam leklek mahse invawng fai hmel emem hi room aṭanga lo chhuak in ading deuh chata


"Zohlupuii thiannu ka ni e atia" chupa chuan ati leh sup

Chunu chu ameng deuh zek zek hian ka hria


"Bawihi chu achanchin in hria emni" ngaihven hmel fe hian arawn tia...


"Iṭhu phawt teh ang u" pa ber chuan ati supa


"Pa marem...ifanu zohlupuii chu athi tawha....aruang chu in khaw luhdawn kham ah sawn paih ani" ka tih chuan khawvel hi ading ta chut emaw tih tur hian areh thup


"Enge isawi awm zia...eng thu belhchian lo nge i sawia chhuak rawh" tiin nuber chu athinrim ta mai


Paber erawh a in dawm tlawk tlawk .....


"Zohlupuii kha ithat ani" tiin nuber chu ka kawk sawk a


"Mali haw teh ang" remruata chuan ka kut arawn vuana ka lo thing thla thung


"Nang nu hian ifa hrawn kha imualpho ihlauh avang in ithat ani lawm ni....athlarau chu achawl thei alo asin," tiin ka in seh ruha


Chunu hmel ah chuan hlauhna nasatak rawn lang uaruara


"Miten awm nu" tiin pa ber chuan abeng sawka...


"Ka fanu thlarau hian ka mang lam ah vawitam min tlawh ṭhin asin" ati khur dardar


"Ka pu he nu hmeichhia chiah hi anilo athurual pui abialpa zohlupuii pawngsualtu ngei pawh khan hrem na aphu iti ve em" tiin ka bianga mittui luang chu ka hru tawka....


Chutah... remruata chu hmanhmawh emem hian atlan chhuak nghal

Mahse pawn lam ah ari huka... remruata chu an rawn hnuk lut


Remruata hmai ah ka beng ve sawka...

"Ka ten takzet che " ka hmui hnuai ka pet fanfana


Engdang mah ka sawi zawm theilo...


"Mate..... Ka fanu...ava pawi vawng vawng tak em" tia patling aw rawl chuah meuha atap chuan chu in chhunga awmte chu minvel chiang kher asin...


Nie...ka bialpa remruata ngeihi zohlupuii nu bialpa kha ani ...minṭhawng viau anihkha....


Lunglei ka luh hma in zohlupuii te veng ah ka kal hmasa a khawtlang hruaitu te leh zohlupuii pa bia in engkim ka sawi ta a ..ti chuan hlupuii ruang chhe tawh tak chu kan la chhuak bawka...


Zohlupuii nuhrawn chuan engmah ahre hauhlo.... Uremruata pawh atlanbo hman lo nan ka hruai ve ta anihkha....


Reilote ah police an lo thlenga remruata leh zohlupuii nu te chu an man nghal bawk....

Zohlupuii thlarau pawh ahahdam thei tawh ngei ang...




Kham ko tlang ah chuan ka dinga...ka bianga mittui luang ngiai chu ka hru leh zauh thin


"Zohlupui, thlamuang tak in awm tawh rawh...ipa chu lo ngaituah suh ang che..." Tiin ka phun supa ka rose ken chu kham ah ka thlak a.....



Ka phone ri avang chuan ka phuzawk nghe nghe!!


"Police lam in min lo bia a...ruang kha... zohlupuii anilo" hlupuii pa chuan mangan hmelzet hian arawn ti....


Phone ka offa ka scooty dah lam ka pan nghal vut......


Kawngpui ah hmeichhe pakhat in min lo phardin avang in ka phur leh rih...


"Thiannu sawlai kham ah khan enge itih" arawn tih chuan ka aw ka thian kharha...


Ka leng lawka...ka ti nghal zat


"Keipawh saw kham ah sawn ka tla a...ka thi tawh asin ..." atih chuan ka leh hawi nghal vata


Mahse tumah an lo awm lo...

"Ka rawn tlawh dawn che nia" ti in ka beng bul ah arawn phun supa

Scooty ka ti ding dawta... hlau lutuk in ka hawi kual ruai chutah...ka hma ah tak chuan

Hmeichhia mitmeng sen rum leh khem nuai mai kawrfual var thisen kai hniang ha hian min lo nui vur vur anih chu!!!!


ATAWP TA



Link:
BBcode:
HTML:
Hide post links
Show post links

TeteaRalte
Posts: 1
Joined: January 21st, 2022, 4:57 pm

Unread post by TeteaRalte » January 21st, 2022, 5:01 pm

A ngaihnawm ka ti lutuk. A ziaktu hi biak pawh ka va duh tak em! Khawngaihin!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)