Diamond Mind (Vol II)

Hlauhawm lampang hrim hrim hmun hrang hrang a mi lakkhawm...
Thuamhlui
Posts: 35
Joined: August 28th, 2020, 4:53 pm

Diamond Mind (Vol II)

Unread post by Thuamhlui » April 25th, 2021, 12:22 am

Zing ka tho chu kan inah ka la awm reng emaw ka ti a,mahse ka hawikual vela,kan in nen chuan dang tak ani.Ka lu te chu ana bûr a,ka ke lah a sil vek bawk si.Nizana ka thil tawnte chu ka ngaihtuah let a,ka pa bula ka awm tawhlo chu enge a chhan pawh ka hrelo zalen ang huai hian ka inhria.Rawngbawl tuma chawhmeh bâwm ka en näk chuan noodles hlir alo awm chu niin!!!Bazar tur chuan ka chhuak a.Nizana raincoat ha ding ka hmuhna ah ngei mai chuan mipui an lo pungkhawm teuh a.Enge thleng tia mipui kara ka va en ve nâk chuan airbag chhungah hian hmeichhe ruang tih hriat tak hi chan sa vek hian an lo khungkhawm chu niin.Ka hlau lutuk chu ka per lâwp a,ding pawh ka ding ngil hleitheilo,ka luakte chu a chhuak bawk si!!!ka râp takzet ani.




Ka hawichhuak chu mipui kâr atang chuan nizana ka mi hmuh pa ngei mai khan raincoat bawk chu hain ka lam a lo hawi reng chu niin,a hmel ka hmu chiang thei bawk silo.Hmulo der ngawt dawn ila,ka hmu tih hria niawm tak hian a chechang bawk silo.Rang takin bazar pawh thleng talo chuan kawngsira ka hmuh remchan apiang chu ka lei a,ka tlan haw nghal vang vang a,kalkawngahte chuan min zuitu awm tlata hriatna hi ka nei a,ka hawilet zeuh zeuh a!!




Inchhung ka lut chu kawngkhar ka kalh hmiah a,Hriatpuia chu lo tho tawhin sitting room-ah chuan chanchinthar a lo en a,ruang chhar chungchang vêl an puang tih ka hriat chiah chuan ka thil khai lai chu ka thlauh nghal tawp.Hriatpuia chuan "I tha em?" tih pahin min lo buaipui vat ,ka thil thlauhte chu a chharkhawm a,thutthleng ah chuan min thuttir a,ka pang vêl a khawih chuan alo sa vek chu niin,damdawite min pe a,ka thil tawn vel min zawh chuan engmah hrilh loh a tha berin ka hria a ,bakah nizan maia awm chauh ka ni a,min buaipui nghal char char bawk sia,a rilru tihhah chu ka duhlo ani.




Ka intipachang lui a,'damlo hman ka nilo;kei hian tihtur tamtak ka nei'ti chung chuan engmah ka tih phal lo mahse rawngte chu ka bawl a,inchhungte chu ka tifai a,breakfast kan ei zawh chuan kei chu school kal turin ka liam nghal a.School-ah te pawh chuan ka awm a nuam theilo,ka thiante pawh chuan ka mize inthlak thut chu mak an ti hlawm ngêi mai.






School bânah chuan a ngaitê bawkin bus stand bula thutthleng awmah chuan ka thu leh a,dawr chhunga Hriatpuia awm ka hmu chu ka dam huai hian ka hria.Amah chu awm lo se,dam chhan ka nei tawhlo tur.Ka hmangaih tawh ni berin ka inhria.Chumi tlaia darkar khat chu minute nga ang lekin ka hria,a bulah awm reng theilo mah ila,ka hmuh hian kei chu ka lungawi.




Ka hnaah chuan ka kal leh a,ruang an chharna hmun paltlang a ngai thin chu hrehawm ka ti thin takzet.Mahse ,hna dang ka la hmu mai bawk silo.Chumi tlai chuan ka nawmsam loh chhuanlamin haw hma ka dil a,khaw ên laia ka haw tur chu ka hlim ani.Hriatpuia hmuh hlan chu ka nghakhlel takzet,nitin mai hian ka ngai zual thinin ka hria.



In ka thlen chuan rawng te chu ka bawl hma a,thawmhnawte chu ka su a,engkim ka tihfel vek hnu chuan Hriatpuia hmuak tur chuan a dawr thawhna lam chu ka pan a.Dawr ka thlen chuan a neitupa niawm tak hian min lo be siam siam a,amah a palian bawk si a,a hmêl phû lohvin a nêlawm takzet!!Kan chhungkaw chanchinte chu mi zawt a.


Hriatpui'n min hmu chiah chu mak a ti ngei mai,a hnathawklai ka hmuh hian ka hlim thin.Zaizirin pâwna ka lo nghah tur thu ka hrilh a,reiloteah a rawn chhuak ve vat.Lollipop pahnih hi a rawn lekchhuak a,pakhat ve ve chuan kan ei a,a hmel chu ka en a,ka hlim ang chiah chuan a hlim ve tih ka hria .In chu nidang zawng aiin kan thleng hmâin ka hria.




Zanriah kan ei lai chuan"Ihhhh.....Hriatpui.....sawi duh ka nei a!!!'


"Aw,sawi ta che"




"Ihhhh.....ihhh....Englo.....In luah tur ka hmu thei têp a,khawngaihin kalna tur ka nei bawk silova,nihnih vêl chu ka la awmthei angem lee??"...I remtih loh chuan nikat tal pawh... khawngaihin phal hram la,ka tibuai miah lovang che...Mawh!!!!kutsuih chung meuh chuan ka ngen a.



"I duh chen chen i awmthei ang",in luahtur i hmuh hmâ chu inthlahrung duh suh!!,i zarah chaw pangai pawh ka ei ve tawh alawm!!,ka ei lohna chin pawh ka hre tawh lo"!!!


"I ti tak tak em??!!,rawng pawh tui deuh deuhin ka bâwl thiam,i ei châk zâwng apiang ka siam ang che" .





Chumi zâna sitting room-a mut ka tum chu a phal tlat lo!!!amah chu a mu thân a,a khumah chuan min muttir a,ka muhil thei hauhlo.Tui taka khuma ka mut lai sitting room-a a mu tur chu a na ka ti thlawt,ka khawngaih takzet!!Zan chu ka nghak rei a,a mutthilh âwm velah chuan chhuatah chuan mutbu ka phah a,a mutna thutthleng bul sêtah chuan ka pawt hnai a,a hmel pa tak leh pawisawilo hmêl tak en chunga ka muhil thei tur chu ka awihlo lek lek ani.




Zing alo nih chuan ka thawm a hriat hlau takin ka mutna chu ka tifel a,ni chhuakte chu tukdang zawng aiin a mawiin ka hria.Thawm dim thei ber chuan inchhung chu ka tifel a,a rawn thawh ve meuh chuan breakfast ei a hun daih tawh!!!


Ka school kal turte chu enge a chhan ka hrelo,ka hreh tawp ani mai.Nidang aiin ka ngai zual a,a hmelte chu ka hmuh tâwpna ni tur ang mai hian ka hria,vawitam ka bye bye a,kawngkhar chu ka khar a,step-a ka chhuk tur chiah chu lêt lehin kawngkhar chu ka hawng leh a,ka lu chu va dak lutin " Lalhriatpui!!!(a rawn hawi a)'Ka hmangaih che 'ka ti chu a nui sakin ka hria.Enge a chhan ka hrelo,a bulah khan ka hmangaih ani tih hrilh tura min turtu a awm tlat!!!Ka hmangaih ani,min hmangaih ve dawn lo mahse,amah hnaihtu awmchhun ka ni ringawt pawh hi ka hlim takzet.





School banah chuan a ngaite bawkin bus stand bula thutthleng awmah chuan ka thu leh a,ka hna ka kal hma chiah chuan Hriatpuia lo hawiphei chu nidanga ka tih ngai reng reng loh,ka kut khinghnih phar chuan ka bye bye a,ani pawh chuan ka beisei loh deuhin min bye bye let ve a,ka bula thute chuan "Awwww,sawpa vang sawn ani mawwwww!!!nitin hetah i thut ziah thin a!!!"an ti a,ngawi reng chuan ka nui sak a,pitar awm ve chuan,"Bawihte,i thlang thiam hle mai!!! Kei meuh pawh hian tha ka ti takzet a,hna sang thawklo mahse a zahawm takzet asin,ani ang saw chu an vang tawh viau ang,thlah miah suh",!! A tih chuan ka nuih a za ngei mai,dik ka ti bawk sia!!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)