Diamond Mind Volume III

Hlauhawm lampang hrim hrim hmun hrang hrang a mi lakkhawm...
Thuamhlui
Posts: 35
Joined: August 28th, 2020, 4:53 pm

Diamond Mind Volume III

Unread post by Thuamhlui » April 25th, 2021, 10:53 pm

Ka hnathawhna Restaurant ka thleng chu ka thawhpuite pahnih an lo kal loh avangin an thawh ai zawng zawng chu ka pi nen chuan kan thawh vek angai a,ka pi pawh a awm mai mai thei tawh biklo!!Kan hman fel meuh chuan zan dar 11 alo pel duai tawh a,ka pi chuan "riak mai la,naktuk zingah i haw dawn nia ',a tih chuan Hriatpuia chu ka be phawt a,a remtih avang chuan naktuk zingkara haw tur chuan ka riak a.

Zanah te chuan ka ngai em em a,va biak hmasak êm chu ka hreh bawk si!!ani lah a reh vung vung bawk si.A thlalak ka phone-a ka neihte chu ka en a,video te ka siamsak vel a,va thawn chu ka chak tlat!!.Whatsapp-ah chuan ka va thawn a,a seen hmain data ka off leh daih a,a hnu minute sawm hnu velah chuan ka online leh chauhva.A message rawn thleng chu ka en vat.

Thla laksak hmasa bertu leh video siamsak hmasa bertu ka nih thute lawmthu sawi pah chuan a rawn zep tel a,a nuna a hmasa ber ka nih avang chuan ka hlim takzet.!!Chumi zan chuan dar 11 thleng kan inbia a,kan thilsawi chu ho hle mahse,ka hlim veng veng.Ka atchilh tawh ni berin ka hria,a inngaitlawm em em a,a pâ em em bawk si!!.Ka thiante'na an ngaihzawng chungchang min hrilh angte nen chuan dang hlak ani.Amah ka tawng hi ka intihtheih chhan ber pawh ani.





Zîngah chuan dar 4- ah ka harh a,school kalte ka la ngaih avangin haw tur chuan ka insiam nghal a.Chhum chu a zîng chiai a,a vawt deuh var a,walk pah ani mai lo'm tih pah chuan ka kal chak deuhva,ka hmaa kawng awm chu chhum zîng nasa lutuk avang chuan a hmuh theih lohva.A hmaa mi pakhat ka hmuhna zâwn tak ka thlen chuan boruakte chu a dang zar a,hlauhna hian mi man nghal a.Ka hawikual a,tumah ka hmulo.Hlau deuh chung chuan chak takin ka kal a....ka hmaa ka thil hmuh avâng chuan ka ding chat!Ka hmazawn takah chuan ka mi hmuh thin pangai bawk kha raincoat hâ bawk chuan alo ding a,mask a vuah avangin a hmel ka hmu chiang theilova.A inthuam dan ka en chuan mi râp takzet!! A raincoat chu enchian chuan thisen ni âwm tak per nuaih tih hriat tak hi a kai a,a ke bulah chuan airbag lian tak bawk chu a awm a.

Lêt leh mai tum chuan ka a inher a,a chak thei ang ber chuan ka tlân nghal a,ka school bag-te chu a rit mai pawh nilovin,chak taka tlân a har avang chuan kawnglaiah chuan ka thlauh a,ka kalsan tawp a,ka pawnfen pawh chu a hnuaiah kekawrbul ka hâk tho avang chuan ka phih lâwp a,kawngah chuan ka kalsan a.Thui fê ka thlen hnu chuan ka chau lutuk chu hawikual zak zak pah chuan kawngsirah chuan kûna khûp dawm chung chuan ka châwl a,ka kamis pawh chu ka thlan avang chuan a huh zawr vek tawh!!


Tlân leh tuma ka hawichhuak chiah chuh!!!!.....hnung lamah chuan hlauh lutuk avangin ka petek dâwrh!!!....Ani theilo!!!! Ka hmaah tak mai chuan engtik laiin nge a rawn thlen pawh ka hrelo,khâ pâ ngèi mai kha ka hmazawntakah chuan alo ding leh chu niin!!!!
Khawi lam nge pan zâwk tur pawh ka hre tawhlo,ka hnathawhna leh inlam chu ka hlat dan a inang reng bawk si!!

Amah ka en chuan mi râp takzet,a palian bawk si a,ka hlaû leh khûr nasa lutuk chu tlan leh pawh ni ila min ûmpha thuai dawn tih chu thil chiang sâ ani.Chuta kârah ka bula lung awm chu rap pialin ka la tlu zui!!! Ka hmaah chuan a rawn thu hniam a,a hlim lutuk vâng nge ka hlauh tura a tih pawh ka hrethiamlo,ring mangkhêng chuan a nui vak vak a,keilah hlauh lutuk avangin ka mittui tla pawh chu ka hru ngamlo,ka kut suih chung chuan,"Ka pu,khawngaih takin min chhuah rawh!!,tu hnenah mah ka sawichhuak lovang ",tichung a tawlhhnung hret hret chung chuan ka ngên a,mi rawn pan hnâi a, ka sama keh pah chuan "I tlân chhuah theih i inring ani mâw,i duh chuan tlan rawh!! I thleng hla chuang lovang,kawngsîra ramhnuai awm atang hian pumpelh kawng tamtak ka siam vek tawh!!!!",ring mangkhèng chuan a nui leh uar uar a.

A âw kha...ani theilo!!! Ka hriat hnû ngei ani!!!,.......mahse..khawi ah emaw ni chuan ka hre tawh chiang ani!!! ka hrechhuak zo tawh bawk silo!!!.... Min chhuah tur chuan ka ngèn lawm lawm a,"I va bengcheng reuh e,tih pah chuan ka pumah chuan mi pêt zui a,a nat dan chu ka sawifiah thiamlo,pa lian zetin a tha tâwpa mi han pêt chu na tak ani!!Ka pum dawm chuan ka vial ngawih ngawih a,tah pawh ka tap ri ngam tawhlo!! A duhtâwk tawh mai dâwn emaw ka tihlai chuan a rawn thu hniam leh a,ka sama thäm pah chuan ka pumah tak chuan a kuttum hrawl zet chuan mi hnek a ,mi tenawmpa tih pah chuan a hmaiah tak chuan chil ka chhak a,"Zaktheilo reuh lutuk"I huaisen reuh hle mai!!,hmeichhe dangdai tak zawng i nih hi....a nuam dawn hle mai!! tih pah chuan ka hmaite chu a chûl kual vela,chêt lah ka che ngam tawh silo,"Ka pu khawngaih takin min chhuah rawh,ka thil hmuh leh tawn hi pakhatmah ka sawichhuak lovang," ka aw neih zawng zawng ,chhuak tur pawh awm mang tawhlo thâm tiak chuan ka ngèn a.A nuih a za zual sauh emaw tih tûr hian a nui leh uar uar a,"Hmeichhe lepchiah leh tlahlang lutuk hi ka haw teh ania, zaktheilo reuh lutuk," tih pah chuan ka bekah tak mai chuan mi hnêk leh thuai a,a nat dan chu ka pâ min sawisak ka tuar tawh zawng zawng belhkhawm ai pawn a na zawk.Ka khawhmuh chu a thim nghal tawp a,enge ka chungah thleng ka hre zuilo!!

Ka harh chhuah leh meuh chuan in pakhatah chuan ka awm ngêi tih chu ka hria,ka lûte chu a na ngut ngut a,thut chhuah ka tum chu ka thei ta rêng rênglo!!! Ka kut chu hnungkhirhin min phuar a,ka ke pawh min phuar bawk a,ka hmui lah tape hian a lo inchar vek bawk si!!!. Chuveleh kawngkhar hawng ri rak chu ka hria a,ke pên rî chuan a zui nghal a.Thâwm awmna lam chu ka hawivat.Khapa bawk kha ani!! Ka theihtawp chuan au ka tum a;mahse,ka hmui a châr phui vek avang chuan a sâwtlo hle.Mi rawn pan hnai a,ka beng bula mi hrilh ru sá sá chung chuan i hmui tuamna hi ka phelh dawn a,âu miah suh ang che,i hrethiam em? tih pah chuan ka hmui a chârna chu a phih lâwp a.Na tak ani!!!âu chhuak tur pawn chakna ka nei tawh lo,"Khawngaih takin min chhuah tawh mai rawh,enge tihsual ka neih aa?? Khawngaih takin min chhuah rawh,Ina haw ka duh",ka aw neih zawng zawng thâm thiak tawh chuan ka ngen a,ka tahna mitte pawh chu a na vek tawh,ka lu chu a hai muai muai a,a na ngut ngut bawk a, kekawrbul leh kamis banbul chauh hain cement chhuat lâwngah chuan ka mu bawk si a.Ka kekawrbul iptêa ka phone chu ala a,a ak nghal hmak a.Ka beng bulah chuan a rawn kun hnai a,nangni ang hmeichhe lepchiah lutuk hi chu ka thah mang hmâ loh cheu chu ka zawng zel ang che u," a aw thûm deuh chuan a ti a."Min that dâwn anih chuan tunge i nih tal min hriattir rawh,ka la hrânkhum duh dawn che nia," ka ti chu a hmâ zawng aia ring chuan a nui a.A nui chu a tawp deuh thut a,a mask chu zâwimuang hian a hlip a,a hmel ka hmu chiah chu na......nang maw.......e.....eng....engvangin nge ka chungah hetiang thil hi i tih?? Hriatpuia'n min rawn chhanchhuak ngei ngei ang!! I nihna zawng zawng hi a hre vek em?!!!A aia ring chuan a nui a,nasa reuh lutuk tih pah chuan mi chhir zui leh zawt a.

Chupa hmêl ka hmu chu ka tenna leh ka huatna a inzat vel ang,hlauh pawh ka hlau tawhlo.Phuba lâk châkna chuan ka khat a.An dâwra ka kal tumin ngainatawm tawkin mi bia a,ka chanchin mi zawh laite ka ngaihtuah phei chuan ka thinrim takzet!!,a bula ka thu ringawt pawh chu ka inten hluah hluah.

"Amah vâng hian alawm hmeichhe thah tur ka hmuh thin!!!A hnaiha awm apiang chu an thi zel ang,ka tawrh ang kha tuar ve lo se ka duh ani!!! tichung chuan a thova,a chhuak mai dawn emaw ka tih lai chuan "Vawiin tlaiah thi turin lo inring ang che,nang chu i tuarchhel deuhva,la nghaisak che ka la châk teh mai nia ",ti chung chuan kawngkhar chu a khar thuai a,ka thin a phu nghal dawt!!!

"Awww!!! Hriatpui....ka lo la hawlo tih hi i hriain min ngaihven ve angem le!!??Min hmangaih let ve dawnlo mahla,vawikhat tal i hmel hmuh leh ka duh asin!!!
Tlemte talin min ngai ve ngem le!!!Nang chauh hi ka dam châk chhan i ni asin!!"Ka lo thi ta anih pawn i kut vuan ngeia thih ka duh asin!!!chu chauh pawh chu ka tan engatinge a harsat em em!!!Zinga in ka chhuahsan dawna ka thlah dante chu ka ngaihtuah let a,ka hmangaih tih tal ka hrilh hman alawm!!tiin ka inhnem chawp a,ka thih dawn darkarah pawh ani lo chu tumah ka ngaihtuah theilo!Ka ngai takzet!!!








HRIATPUIA'S P.O.V




Zing ka tho chu Emily awmlo chu ka ruak huaiin ka hria,keimahin lo awm thang tawh pawh ni mah ila,Emily lo awm atang chuan a hmaa ka lo khawhar thin zia kha ka hre ve chiah,dar 7 lai a ri tawh a,a lo la haw bawk silo.Ka call lahin phone ala thei bawk silo.Engpawh nise,ka hnaa kal phawt chu thain ka hria a.Kan dawr ka thleng têp tih hian ka pu chu kan dawra hmanhmawh taka a lut chu râl atang chuan ka va hmu a,engemawni hi polythene dum chuan a fun a,a hmanhmawh em em mai lehnghal!!Tuk dangah lah a rawn kal tlai thei ropui sia tlêm chuan mak ka ti deuh.

Dawrah chuan ka lût ve vat a,thil remfel ngâiho chu customer- te rawn thlen hmâ chuan ka remfel zung zung a.Ka hman deuh hnu chuan Hara chu vawikhat tal call leh thain ka hria a,a no kan dial chiah chu ka awmna bul lawk kan store room atang chuan ni maiin ka hria,a ringtone ngei mai chu a rawn richhuak a,a tawp daih a,ka dial nawn leh ngat a.A ri ka hre tawhlo.A hnu deuh lawkah ka pu chu kan store-room atang chuan garbage bag keng hian a rawn chhuak a,en pawh mi en chuanglo chuan hmanhmawh tak chuan a chhuak zui a.A awmdan a mak êm avang chuan ka ûmzui ve vat a.....Ka umzui ve vat nâ a,ka hmuzo lo reng reng!!.Kawnga kal ho chu ka enkual a,hla deuh taka bawlhhlawh phur motor- a garbage bag a vawm lut lai tak chu ka va hmu ,a thil paih en tum chuan hmanhmawh takin ka tlan a,motor ah chuan ka lawn a, ten pawh sawilo chuan a thil paih chu ka hawng rawk rawk a.

Ka thil hmuh chuan mi tiphu zawk thei!!!Ani theilo!!!!Emily uniform pawnfen leh school bag- te,a mobile phone thleng chuan a lo awm vek a,a phone chu ka ak vat a.Emily thil ngei ani!!ka bing nghal mum mum a,Emily chungah thil thalo tak a thleng ani!!ka pu kha ka umzui vat a ngai!! ti rilru chung chuan motor chung atang a kalna lai âwm chu ka en vat a,kawngpenga a liam tur chiah chu ka va hmu a,a chak thei ang ber chuan ka ûmzui vat.


Ka mitthlaah bus stand- a a thu laite,a nui hmêlte chu a rawn lang a,'nizanah khân riah kha lo phal loh tawp tur ania',tiin keimah leh keimah chu ka indem a.Keimah chauh chuan eng vak mah ka tih theih loh avangin police chu ka phone vat a,kei chuan ka pu chu ka umzui pah zel a,khawpawn kan thlen pawh chuan ala kal zel a,a chang leh a rawn hawiphei zauh zauhva.




Kawng sira ramhnuaiah chuan a pêng daih a,a reh bawk sia,motor chu a khattawka tlan tih loh chu hmuh tur pawh a awm mang manglo.

Kawngpui atanga hla vaklo,mahse kawngpui atanga hmuh theih siloh,in hlui tawh takah chuan a lût a,a hnuai lam chu thingzaite,bungraw hlui deuh deuh dahkhawm nan an hmang a,inchung lamah chuan a chhova,inhnuai lamah chuan ka biru vat.Insiamrem tuma ka inher chu sipauline dum chu ka rap ri rak a,ka mit a la nghal tlat ,dimte a ka va keu chuan thisen chu a rawn luangchhuak ngiai ngai a,tlêma ka keu zau deuh chuan ruang ani tih ka hre thei!! Ka keu zau deuh a....ani theilo!!!hmeichhe ruang ngei ani!!Silpauline ka khawihna avang chuan ka kutah thisen chu a kai vek a,chu ringawt pawh chuan mipa mah ni ila mi râp takzet!!!





"Ani theilo!!! Emily!! Reilotê tal chu mi lo nghah tur che nia", tichung chuan leiah chuan ka thu hnawk a,tukin zinga a school kal turin min hmangaih thu a sawite chu ka thinlungah a ri nawn tluk tluk a,engati nge kei kher min hmangaih a?? I natna bak ka thlensak lo che asin!!Kei chuan ka retheih êm avangin ka rilru puthmang pawh ka hrilh ngam silo che a,i hrehawm hi ka duhlo asin!!!
Vawikhat tal kha ka ngaihsakna che lo lantirin i chungah that lo chhuah ve ni ila,tinge i ât em em a...kei min hmangaih hi i a takzet!!!Mi a nu..rawn tho rawh!!!tinge keimah chauha min kalsan i tum!!!A hmaa khawhar leh mal taka awm kha ka duh tawhlo!!

Bus stand - a a thu tawh lo tûrte,ka phone chhangtu tur awm tawh lo tûrte,min atchilh êm êm tu a hlim hmel vawikhat mah ka hmu tawhlo turte chuan ka lung a tichhe takzet!!

Ka tho thut a,"Ani theilo!!!ka intihpachan hram hram angai!!Ka pu hian a thil tih man a hmu ngei tur ani",ti chung chuan Police chu kan awmna lai hrilhin ka phone a,ka hmuh remchân ber thirtiang chu la in inchung lam chu ka pan a,a thimin a rimchhe em em a.Ka hawikual vêl chuan bangkila hmeichhe mu hlâwm reng chu ka hmu a,ka va pan nghal vat!! Ani theilo!!!... Emily maw!! Awww.....ka va lawm tak!!Emily ngei ani!!!! A marte chu ka dek a,a lo la dam hlauh!!!Muangchâng hian a rawn meng a,a hmaite chu a hliam nasa em em a,a biangah te chuan kutthla te chu a lang kulh a,"I lo la dam chu ka van lawm tak!! ti chung chuan an phuarna chu ka phelh sawk sawk a.

"Hriatpuia maw.!!!.....Hriatpui....i ni tak tak em??? Ka mitvai mai mai ani lo tiraw??!!....

"Aw,keimah ngei ka ni"..

"Ka lo nghak char char che a,min duh ve tak tak ani tiraw!!?min ngaihtuah lutuk avangin min lo zawng ani chiang mai!!ti hi chuan thlamuang leh hlim takin ka thi thei tawh dawn anih hi!a aw tham tiak ri che che chuan a rawn ti a.

"Emily, chutiang sawi suh,ka lo thleng tawh alawm!he hmun atang hian ka lachhuak ang che!!tih pah chuan ka jacket chu ka hlip sawk sawk a,ka sintir a.

"I lo kal ang tih hi ka ring rêng ani".....Min duh ve ani chiang mai tiraw ??

"EMILY,lo kal rawh chhuak vat ang," ka tih chuan a duh tlat lo!!

"Hriatpui ...ka zawhna chu chhang phawt rawh!! Min hmangaih ve loh chuan ka tan damin awmzia a nei chuanglo!!min kalsan zawk mai rawh..ka chau lutuk!!

"Aw....'ka hmangaih lutuk che' ka hmeichhe hmangaih hmasak ber i ni " ka tih chuan a natna pawh hre tawhlo ang maiin hlim tih hriat tak hian a nui ver ver a.A banah chuan ka kai a,chhuah kan tum chiah chu ka pu ngei mai chu room pakhat atang chuan thir chain keng hian a rawn chhuak a.Hara chu ka hnungah ka dintir a,ka pu chu "vawiinah ngei hian i thil tih man hi i hmu dawn" ti chung chuan rum tak chuan ka melh a.

"Eng thil mah tihsual ka neilo,hmeichhe thalo lakah ka veng che anih zawk hi"!!

"Eng.....engmaw??!!!! Enge i thusawi awmzia chu"!!

"Ka fapa ang chiahin ka ngâi che a,ka tawn ang hi tawng ve lo la ka ti ani.Ka fapa,i tana thalo tur chu ka tih ring suh!! Chuvang chuan kha nula kha min pe mai la,nang chu engmah hrelo angin va haw tawh zâwk rawh aw!!!

"Enge i chungah chuan thleng a,Emily hian tel vena tihsual pakhatmah a nei hleinêm!!" Khawngaihin kan pahnih hian min kaltir rawh".


"Ka thusawi chu i hrethiamlo a ang hle mai!!

I kum ang rual lek ka nih hian hmeichhe hmangaih em em mai ka nei a,ani chu a hnuah amah chauhvin a cheng tih leh a nu leh pate'n an boralsan tawh tih chu ka hrechhuak a,a rukin mipa dang tamtak min kawpsan tihte nên thleng chuan,chumi ka hriat hnu pawh chuan hrelo derin ka hmangaih chhunzawm zel a,ka fanû in kum riat a tlin chuan putar hausa zet a tawng a,kan pafa chuan min chhuahsan ta a,ka fanu chu enkawl dân ka thiam silo....A nu chu a ngai thei em em a,zankhat chu ka hnathawk hi tlai tawh takah in ka thleng a,ka fanu chu inah a lo awm hauhlo!!!Tichuan, thenawmte inah chuan ka zawngkual a,tuman an hmu bawk silo.A tawpah chuan kawng sirah thî hnuang hian ka va hmu a,a marte chu ka dek a,ka fanu chu ka chân ta tih ka hrethiam mai.

Chuta tang chuan a nu chu hmun tinah ka zawng a,ka zawnhmuh veleh chuan ka that ta a,ka rilru chu ala dam thei chuanglo!! Chuta tang chuan ka tawn ang hi tuman an tawn ve loh na turin amah ang hmeichhia zawng zawng chu thah vek ka duh ani!!Hmeichhe tlahlang leh mahni a chêng tawh chin ngat mi fel tak an awm ngailo!!!Chubakah he hmeichhia ngat phei hi chu a pa pawhin engatan mah a ti hleinem!! "Chuvangin kha nu kha ka kutah dah la,nang chu lo va haw rawh"!!Ka thusawi chu i hrethiam em?

"Heng tualthahna thleng zawng zawng hi nangma tih vek maw?!!Engtin.....engtin nge i tih theih zawk??!!!....ka thu hriat chuan mi thawng hle....tualthah hmang hnuaiah ka lo thawk reng amaw!!!engtin nge ka lo hriatloh theih zawk!?Ka hmaa ding ka pu chu ka ten ngawih ngawih..

"Mi zawng zawng an inang vek hleinem!!! I thiltih man zawng zawng hi i tel a hun tawh!Police ka phone tawh a,an lo thleng tep ang!!a mita en chung chuan ka sawi a,ka rilru hi a na takzet!!!ka pu ang tak taka ka lo ngaih ve,a hnuaiah kum engemawzat ka lo thawk ve tawh a,ka school kalna te nen lam ka nu leh pain min kalsan atang min tumsak vek a,ka chhungte neih ve chhun nia ka lo ngaih ve chu tualthah hmang maw ni a.!!...chhuatah chuan ka tlu hnawk a,ka mittui pawh ka dangzo lo!!!


"Ka pu tak tak ah ka lo ngai ve che asin!!!nang lo chu tumah innghahna tur ka nei lo!!!Engting nge hetiang thil rapthlak lutuk hi i tih theih le??!!Chu pawh ka hmeichhe hmangaih ve chhun Emily chungah ngei pawh maw??!!!

Ka tho a,ka pu chu a kawr nghawngah thamin "I thil tih man hi i hmu dawn khawp!!!Tenawm lutuk tih pah chuan chhuatah chuan ka theh lawp a,Emily chu a kutah vuana chhuahpui ka tum chu silai ri ring tak ka hre zui nghal!Emily chu a tlu zui nghal hnawk!!!

Ka buaipui zui vat a,ka pawmkang chu ka thil hmuh chu ka awih theilo!!thi.....thisen maw!!!a hnungah a lo kap chu niin!!!


Ani theilo!!!!Emily!!!intiharh hram hram rawh!!!min kalsan suh!!zah pawh ka dawn zo tawhlo,ring tak chuan ka thinrim leh rilru tawt lutuk chu ka au a...muangchang hian a rawn meng a,a phun chu a phun sep sep a,enge a sawi ka hre theilo!!!ka kunhniam a,zawi sap hian"Emily,ka lawm e....na..... nang chauh hi ka hma.....hmangaih awmchhun i ni a,i ni reng bawk ang,i kut vuanin thla.......thlamuang takin ka thi thei dawn anih hi...khaw....khawngaih takin a hmasa ber nan leh.....a hnu....hnu...hnunghnung ber nan min fawp thei em!??



"Chutiang sawi suh!!! I thi dawn hleinem!! "ti chung chuan a hmuiah chuan ka fawp a,min chhanglet lo!!!ka chawl dat a,a kut chu zawimuangin a thlak thla a,ka hrethiam nghal!!!!Ani theilo!!"ka hmangaih che min ti ani lo'm ni???tinge mal taka awm turin min kalsan leh si!!!ka mittui pawh ka dang zo tawhlo!!



Tho kang tur pawn chakna ka nei tawhlo,Emily chu ka kuah a,siren ri ruai ruaite "inpe mai rawh"!!!tia au ri te,mi tamtak zi nuaih nuaihte chu ka mang hriat ruai ruai tawh!!chiangin engmah ka hre thei tawhlo!!!




Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)