NATASHA

Hlauhawm lampang hrim hrim hmun hrang hrang a mi lakkhawm...
Zuali khiangte_zii95
Posts: 102
Joined: March 20th, 2021, 9:47 am

NATASHA

Unread post by Zuali khiangte_zii95 » August 14th, 2021, 5:08 pm

Ruatfela chu a khum a mu chungin whatsapp a a group awmna pakhat International Group tih ah chuan a a phawk pawl ni in a rak ve nasa hle,group member ho dp  vel te chu a han check thla diat diat a pakhat zawn ah chuan a tawp deuh chawt, a dp chu a han enchiang a hmeltha a ti ngei mai a indah dan te a han en leh a Natasha tih hi a lo chuang vang mai,an group ah hian mizo a mah chauh a awm avangin tun a a dp a check sak pawh hi mizo a nilo tih  a hria, private  chuan *hello* tih hi a va thawn ve leh ta pawp mai,a in deliver nghal zat thin phu dep dep chung chuan reply na a nghak ta ran a,a hnu minute 5 hnu vel ah *hii* tih hi a biaknu hnen atang chuan a dawnglet ve ta tlat a lawm lutuk chu a mahin a nui deuh vur vur,Ruatfela te hi mikhawsa thei ve pangai tak an ni a saptawng pawh a duh ang thal in a hmang thei bawk tunlai chhan ah 'Zohnahthlak ngei ngaihzawn tur' ti a kan mizo thalai infuihna kar ah mizo nula ah a duhzawng a hmu ve vak lo nge ,a ni hi chuan hnamdang nula han kawp ve zuai zuai hi a pawisa ve vak lem lo a ngaihdan ah chuan hmangaihna hian mizo leh mizo lo a hrelo tih hi a ni deuh tawp mai








Nui deuh vur vur chung chuan message chu a han reply a a rinai in biak a lo nuam phian lehnghal ,a mah hmelchhe zawk zawk a lo nilo bawk nen a lo beisei ai tak chuan an inbe thei fu,zanrei tak thleng chuan message hmang chuan an inbia a voice an hmang tel leh zeuh zeuh thin Mizoram leh Sap ram te chu hun in ang lo a nih avangin an ni lam ah chhulai nimahse mizoram ah chuan mut a hun fu tawh la ui tak si chuan inmangtha na thu chu a han thawn a,a muthmun ah te chuan Natasha hmel chu mitthla in a nui deuh vur vur ,zing a harh chuan ni a lo tlangsang ut tawh a phone a ban hmasa leh ber a whatsapp ah lut nghal in message chu a han enthla thuak thuak a zanlam a a chhar thar hmeichhia bawk chu morning wish an thawn hmasa leh te te phawt





Hun a kal deuh a Natasha nen pawh chuan a hma ai thlawt chuan an in nel tawh in video  call te hial pawn an inbe ta fo mai,thla an inbiak tlin meuh chuan inngaizawng ti a sawitur ni lo mahse thikthu erawh an pe chhe dun viau tawh,vawikhat mah a tak ah la inhmu lo mahse an awm na hmun ve ve atang chuan an in tihtauh khum ve bar bar thin ,zankhat video call a an inbiak lai chuan Ruatfela chuan thawk a han la halh a Natasha in a lo en kar "ka thusawi tur hi sawi ta ila min hua a ngem" an ti hmasa te te ,Natasha chu a nui deuh hak a "i sawitur a zir ah a innghat ang chu"ti a  a lo chhan chuan Ruatfela chuan "Natasha ka duh che,a tak ah kan la inhmu lo tih ka hria,hman ziarang pawh a in anglo,mahse ka duh che" a han ti piap a hnawl nih a hlauh rual in an inbiak thin dan atang beiseina a nei ve tho bawk nen an inkar dinhmun hrechiang silo a awmreng ai chuan tiin a duhthu a sawi ve tawp a ni,.chutah Natasha chu a han nui seih a "keipawn ka duh che" a chhan na a hriat chuan Ruatfela chu a lawm kher mai ,in ngaizawng ang a an han awm tak ah ngat phei chuan an pahnih thikthu chu a hma aia chhe zual sawt in an chat screenshot thleng in an in thawn ve malh malh reng,a mah erawh chu han inhau ve thin mahse an inngaih leh thuai a inhlat tak ah awm mahse an pahnih chuan an inhmang in inhmuh hun an nghakhlel dun ve hle thin vawitam Natasha chuan Ruatfela chu an ram America lam a zin turin a ti fo a Ruatfela pawn chu chu duh viau mahse hunremchang a la thei meuh silo inthlahlel tak chung siin an inhmuh theih dan tur chu an rel ve  fo mai





Tumkhat video call a an inbiak lai chuan Ruatfela chuan karkhat cham a America a kal theih tur thu a sawithut chu Natasha a lawm ngei mai,phur em em in an inhmuh hun a an thil tih tur leh an awmdan tur te chu an sawidun nasa nghal hle bawk,a hun a lo thleng a Ruatfela pawh a phur surh surh ngei mai thlawhna an chuan lai te chuan tumdang a a zin aiin America chu thlenghar a inti viau ,America leilung a han rap chiah chu a thinlung a hlim nghal veng veng in a hria Natasha chuan lo hmuak in a tak a an han inhmu chiah chu an inhmuh tum aidaih in an inhmu tha ve ve ni ngei tur a ni an inkuah nghal vawng vawng mai,karkhat chhung chuan eng eng emaw tiin an hlim dun viau ,mahni ram lo na na na chu Ruatfela pawh mizoram lam a haw a lo hun leh ta der mai in ngai leh inthlahlel tak chung in an inthlah a Natasha chuan mizoram a kal ve ngei tur thu a tiam bawk






Natasha pawh Ruatfela hnen a a intiam ang ngei in Mizoram lam a kal tur chuan a insiam a ,a phur tawh viau bawk Mizoram a thlen chuan Ruatfela surprise thut a duh vangin a thlen tawh thu a hrilh duh lo,Ruatfela hnen a a insawi ai a nikhat a hma in Mizoram chu a thleng a ni ,a hotel book lawk lam ah chu pan in Ruatfela'n a hmuh hun a a mak tih dan tur leh a hmel awmdan tur suangtuah in a nui var var reng








Zan dar 12:00am rik nan minute 5 chiah a awm tawh Ruatfela chuan a phone chu a tuailet a tuailet a,tunthleng in Natasha hnen atang call leh message a la dawnglo a insawidan kha chuan vawiin hi mizoram a lo thlen ni tur kha a ni ngei si a,airport lam pawh a pan ngei mahse Natasha hmel reng reng a hmuh loh avangin beidawngin a haw leh tawp kha a nia,a tir chuan a han thinrim dawn ut ut thin Natasha chuan Mizoram a lo kal tur thu dawt a hrilh a nih te a ring rum rum,mahse tun ang hun thleng pawh a a lo biak tak siloh ah chuan a ngaih a thalo letling tawh zawk Natasha hian dawt a hrilh a hre ngai bawk silo,Natasha in a biak hun a nghah lai chuan engtiklai in nge a mit a lo chhin hman a hrelo a harh hlawl a ,a taksa chu thlanfim in a lo bualhuh zuih mai darzat a en vat a zinglam dar 2:00am chiah a ni tun thleng in Natasha hnen atang chanchin engmah a la hrelo  a mumang a han ngaihtuah a a ngaih a thalo takzet ,ni e a mumang ah khan Natasha chu a hmai a thisen kai nuai chungin a lam pan chuan a lo kal chhat chhat a a sam te lah chu  khuih ngailoh ang mai in a  pawr deuh phengphung  bawk a hmel te lah chu thisen in a bual hneh em avangin chiang tak a hmuh hleitheih pawh a nilo a dang ang bel lehnghal,kawr var fual inbel in chirh a kai nasat em avang in a bal hle a,thawmhnaw var a ni tih pawh hriat a har viau a tet deuh hrup mai  bawk si,kha ti chung khan a ke lehlam hnuk deuh hruih hruih chungin a lam pan in a lo kal chhet chhet a,'minpui rawh' tiin a phun sep sep bawk a nihkha,a hmai chu a kut pahnih chuan a han tuai puat a,Natasha lah a reh vang vang mai bawk si nen a mumang lam lo dikzan lo bawk si nen chuan a ngaihthat loh na chu a lian hle tawh,Whatsapp ah chuan lut in Natasha last seen te chu a han en a 'yesterday 5:30pm' a lo in ti kalh mai ,message tam tak  a thawn a mahse pakhat mah a in deliver lo ,muhil thei tawh lo in khum ah chuan a lettawn sek a a khat tawk in a mumang a ngaihtuah chhuak zeuh zeuh bawk,a mumang kha a hlau chu a ni miah lo mahse a ngaih erawh a tha zan lo a ni










A tuk ah chuan mit kham urh in a tho chhuak a zan ah khan a mu leh ta miah lo bawk,Natasha chung a lungawilo leh ngaihtuah ru viau chung siin nileng hun chu a hmang ta ringawt,zanlam ah chuan a thianpa a lawm ve ber Lawmkima 'Kima' ti a an koh mai thin chu Ruatfela te in ah chuan a leng lut a ,Ruata room ah lut in an pahnih chuan eng eng emaw sawi in an ti ti dun a Ruatfela pawh in Natasha chanchin tun thleng a a la hriatloh thu a thianpa chu a hrilh ve malh malh bawk,chutia an pahnih a an ti ti mawlh mawlh lai chuan Kima chu Ruatfela dinna hnunglam en chung chuan  a rawn meng zau deuh kawk kawk Ruatfela erawh a la tawng tui em avang in a thianpa awmdan pawh a lo ngaihsak lo ,Chutah Kima chu a tho thut a 'Ruat ka..ka haw mai ang' a ti  nghal nawk ,Ruatfela tawnglai chu tawp in Kima chu a han en a,a hmel ah chuan eng emaw hmuh nei ni awm tak hmel a pu ,a bek ah thlanfim a bawl tek tek a Ruatfela chhan na pawh nghak lo chuan inher vut in room atang chuan a chhuak nghal daih ,a thianpa awmdan chu mak ti angreng tak in Ruatfela chuan a en vung vung a a hnu deuh chuan a hnunglam Kima'n a en na lam ni a a hriat te chu a han en ta ngawt a engmah lah chu hmuh erawh a nei lemlo,a thianpa awmdan tehthut chu mak ti viau mahse a ngaihtuah zawm peih lo Natasha reh ta hmak chu a a chhan ni awm a ngaihtuah zui ta nauh nauh zawk a ,








Zanlai ah chuan Ruatfela muhil lai chu a ngai ang bawk in a harh leh ta hlawl mai,zandang ang bawk in thlantui chuan a lo bual huh leh vek tawh ,a puansin zantir a tha tak a a sin ni si kha chhuat ah chuan a lo tla daih bawk mumang ngai hlir mai kar khat chuang meih a nei ta chu mak a ti tawh takzet a mumang ah lah Natasha  thisen nen inchiahpiah nuai chung a tanpuina ngen a a lam lo pan chu a hmu ziah lehnghal ,a ngaih chu thalo tawh tak a ni ,Natasha chung ah chuan eng nge thleng ta ang mizoram a lo thleng tak tak em tih te chu a ngaihtuah a a hui leh deuh pap pap thin ,Natasha chhungte lam biak han tum ngawt mahse Natasha chhungte tumah hmelhriat a nei lo a hriat ve awmchhun lah kha a number a lo nei der mai bawk silo nen tihngaihna vang a ti hle





Karkhat chuang teh meuh mutmu a tuah that loh avang leh thil a eithat loh em avang chuan a taksa chu a tla ve deuh tawh,a mah in in ah a awm a en tur hre em em lo mahse a reh em avang in tv chu a on bawk,doorbell chu a lo ri ral ral a muangchang a a thutna atang tho in kawngka chu a va hawng a a mi hmuh avang chuan che chang lo in a hma a mi chu a en  tawp,"lut turin min ti dawn lo em ni" nuisang chung a Natasha in a tih tak ah chuan bu nghut in kawng chu a han kian a ,Natasha a hmu chu lawm viau tur a nih lai in a lawm tlat lo,reitak a rawn be lo a a chanchin emgmah a hrih hre lo bawk ngaihtha lo tak a a awm lai in tun a hma ah hin pial  in a rawn inlan leh si,a thin te chu a rim deuh ul ,kawngka bul ah minute khat vel a din muan hnu chuan sitting room lam ah chuan a lut phei a sofa ah Natasha chu a lo thu fel at ,"i chanchin engmah min hrilh lo" lungawi vaklo chung chuan Natasha thutna bul a dingchung chuan a ti nghut a Natasha erawh a la nui var var,chu nui hmel chuan Ruatfela pawh chu tinem leh deuh in "Natasha ka ngaihtuah zia che i hrelo em ni,chanchin engmah min hrilh bawk silo,messgae leh call i chhang thei silo i chung ah thil thalo a thleng emaw tiin min ti mang ang hman asin" a hma aia ngaihthlak nuam deuh zawk chuan a han ti a,Natasha pawh chuan inthiamloh hmel tak in Ruatfela chu a en a "ka tihpalh lutuk,ka phone a bo daih a chanchin ka hrilh thei lo che a,bak ah mizoram ka lo thlen khan buaina neuh neuh ka tawk a ,mahse hei a tawp a tawp ah chuan ka lo hmu ta che a nih hi" a tih chuan Ruatfela chu a thaw hak a,tun ah chuan a ngaihthatloh na te pawh a kiam ta deuh,Natasha bul ah chuan thu thla in a kut chu vawnsak a han tum a mahse rang takin Natasha chuan a kut chu a lo lasawn vat,a awmdan mak ti tak in Natasha chu a han en a "Natasha" a ti hman chiah "in in chu a zau nuam hle mai i chhungte an awm lo em ni"Natasha chuan a lo ti daih ,Ruatfela chu a nui suk a ,Natasha nen chuan eng eng emaw sawiin an hlim dun  mahse Ruatfela erawh hlim viau e tilo chuan Natasha chung ah a lawmlo ru viau a chhan chu nileng in Natasha chuan a khawih a duh lo a,tawh lah a duh hek lo nileng in an pahnih chauh a awm e tilo chuan vawikhat mah an intawk lo a fawh lah an infawp hek lo,a lo thlakhleh ve em em chutia  a  lak atang a in lahrang deuh tlat chu mak tiru viau bawk,mahse engmah erawh a sawichhuak lemlo









Thlakhat lai a liam leh ta,Natasha nen chuan an inkar tha vek ang in lang mahse Ruata erawh a Natasha chung ah a lawm tehchiam tawh lo,thla khat chhungin vawikhat mah infawh a duh lo leh infawh chu sawi loh tawh hlek pawh a duhlo chu Ruatfela chuan hriatthiam har a ti viau tawh a chhungte leh thiante hmu tur a a tih lah in a duhlo zel mai bawk si,an inhau ta fo mai






Tumkhat chu duhlo hle mahse Natasha leh a thiantha ber Kima inhmuh tir chu Ruatfela chuan a tum ruh ve hle,Natasha chu engmah a hrilh lo,Natasha hotel thlenna ah chuan kal a vawikhat mah a hotel thlenna chhung ah hian a la lut lo Natasha in luh a remtihloh thin vang a ni,mahse tuntum chu hetiang a a awm chhan hi hriat a tum ruh viau counter a hmeichhe pakhat lo thu hnen ah chuan an hotel ah Natasha tih mikhual an nei em tih te chu a han zawt a,nula chuan computer ah chuan eng emaw chhu in Natasha tih hming pu mikual tun thla chhung a an neih loh thu a a lo chhan chuan Ruatfela chuan mak a ti ngei mai nitin deuh thaw Natasha nen an chhuak dun a he hotel ah hian a thlah ziah kha a nisi a ,Natasha chuan hminglem a hmang em ni tih te chu a ngaihtuah a mahse hminglem hman chhan tur a nei in a hre silo ,ngaihtuahna buai ru ang reng tak chuan pawnlam ah a chhuak leh a reivak lo ah Natasha chu a lo chhuak a ,a lo chik ngai miah lo nge Natasha thawmhnaw inbel a lo enchiang ngailo zawk thlakhat chhung khan an inhmuh apiang in thawmhnaw ngai hlir a inbel tih hi Natasha in a bul a lo thlen chuan a hmu chiah a kawrfual var hak chu uluk tak in a han en a a mumang a hrechhuak zawk ni e a mumang a a hak kawr ngei kha a ni ,a mak ti lutuk chu tawng mai nachang pawh a hrelo,nileng in ngaihtha zan lo chuan a awm reng a in a haw hnu te chuan Natasha chetdan chu a ngaihtuah a mak a ti tawlh tawlh engvang a an inhmuh apiang a thawmhnaw ngai hlir inbel nge a nih chupawh a mumang a ni ang chiah,chu mai bak ah an inhmuh apiang in motor a chuan a duhloh mai bak ah intawh a duh ngailo a ke in ang kal mai thin ,mi thenkhat in an en leh hawl hawl thin te chu a hma kha chuan sap nula a kalpui vang a an en ah a ngai mai thin kha a ni a,ngaihtuahna fim nen an ngaihtuah meuh chuan mak a ti tawlh tawlh,a thianpa Kima lah khami zan mak tak a a awm zan atang khan vawikhat mah an in ah chuan a la chuangkai leh lo hrim hrim bawk Natasha leh Kima inhmuh tir a tum tum pawh khan Kima chuan a duhlo tlat a nihkha,Kima hmuh a thilam awmzia zawhchhuah ngei chu a tum ruh ta hle eng emaw tak Kima hian hriat a neih a ring tlat












Kima chu a khum ah thu chungin a riat nawk nawk a 'min tina suh,ka tihpalh a ni' tih te chu a sawi mawlh mawlh bawk,thlakhat chhung chu hetiang hian a awm tawh,a pawnchhuak ngailo a thenrual a kawm ngai ta meuh lo bawk,mi a ang mai in a khawsa a ,a chang leh 'min thah a tum,min la that ve ngei ang ,a lo kal leh tawh' ti ten a rak leh nawk nawk thin a chhungte takngial pawn a awmdan chu a ngaihna an hre tawhlo takzet...Ruatfela pawh Kima te in a kal tur chuan a insiam a,Kima te in a va thleng chuan inchhung ah lut in "Kima a awm em?" A ti lut nghal a ,thla chuang tehmeuh Kima nen an inhmu tawh lo Kima chhungte chuan Ruatfela chu an lo en thap a chutah Kima nau Muani chuan "ka u chu a room ah a awm a,mahse u Ruat" tiin Muani chuan Kima awmdan thin tlangpui chu a han hrilh a Ruatfela chuan mak a ti ngei mai chutih lai chuan Kima room atang thil keh ri leh ri deuh bur hi an hria a rang tak in Kima room lam ah an tlan vat room an va luh chuan Ruatfela chu a mengzau kawk kawk mai,Kima chu bangkil lam chhuat ah chuan thu in a a khup a lo tawp chawih chawih in a kut pahnih a a beng hup chung chuan eng ber nge a sawi tih hriat hleihtheih loh in a lo riat nawk nawk,mak ti tak in Ruatfela chuan a thianpa chu a en a a ngaihna a hrelo takzet chutah Kima lam chu panhnai in a bul ah chuan a zuk thu thla a "min thah a tum,a lo kal leh vat ang,min chhuah hauh lo ang" tiin Kima chu a lo phun mawlh mawlh a nihchu,Ruatfela chuan Kima dar ah chuan a han vuan a Kima chu a lo phu deuh zawk Ruatfela a hmuh chuan "khanu kha a lo kal leh dawn ,min that ngei dawn" Ruata melh kar chung chuan a ti mawlh mawlh chutah Ruatfela chuan "Kima tu in maw that dawn che..e nge i chung ah thleng ,tinge hetia i awm?" Tiin a han zawt a mahse Kima chuan a zawhna a chhanglo in,'min zuah hauh lo ang ,min that ngei ang' a ti mawlh mawlh thung..







Ruatfela chuan Kima chu a kaitho a khum ah muangchang a thut tir in a tawng thlamuan mawlh mawlh bawk reilote chhung a a thianpa awmdan danglam lutuk chu mak a ti takzet a nau Muani sawidan ah lah khan khami zan an in atang hrhhai tak a a chhuahsan tak zan atang chiah khan tiang hian a awm ta ni in a sawi bawk si nen,eng emaw thil inthup chu awm ngei in a hria ..Kima ber biak hleihtheih a nih loh avang chuan awm pawh awm rei lo in a haw ta ngawt a, thil tamtak a ngaihtuah a a ngaihtuahna engkim ah Natasha a tel vek Natasha a hmuh ni atang khan a mumang kha a mang nawn tawh hauh lo ,chutah eng emaw hrechhuak thut ni awm in a mengzau deuh kawk a ,a kut a rawn khur nghal dar dar Natasha nen an lenchhuah tum a Natasha hriatloh a an pahnih lang thei tur a thla a lak chu a phone phawrh in a han en a mak a ti takzet thlalak ah chuan a mah chauh a lo lang tawh a tir kha chuan Natasha kha a leng ngei si a engtin nge tun ah a bo tak daih theih hlauhna in a tiril a man a,mak tih na in a khat bawk,chutih lai chuan a phone kenlai chu a lo ri thut a a phu nasa viau…caller id a han en chuan Kima nau Muani a lo ni ,rang tak in call chu a chhang vat a a thu hriat avang chuan a dingngil nghal zawt,hmanhmawh tak in Kima te inlam pan chuan a bike in a inkhalh chhuak nghal a ,Kima te in a thlen chuan thenawm hnai te pawh an lo awm nual







Hetiang hi thil thlen dan chu a ni khatia Ruatfela in a a haw hnu khan Kima chu a thawm a reh tak em avang in a room lam ah Muani chu a lut a mahse Kima reng reng a lo awm lo,a hma ang chu nise tlangval a room a awmlo chu ngaihthatloh na tham a nilo,mahse tun a Kima dinhmun nen chuan an ngaih a thalo takzet,thenawm hnai te leh Ruatfela te chu Kima zawng chuan an chhuak a,a kal na awm ni a an hriat ah chuan an zawngkim deuh vek tawh mahse khawi ah mah a awm lo zan a rei tawh bawk nen khawlai chu a reh viau tawh bawk,Ruatfela chuan a thianpa chu a zawng zel a thlanmual pakhat a kal chu a hmazawn thim deuh mup a mipa tawng thawm ni awm tak a hriat chuan chulam chu a pan vat,a panhnai zel a Kima aw ni ngei in a hria "Kima,nangmah i ni em" tiin a han au a ,mahse chhangtu a neilo a hma lawk ah chuan riat nawk nawk thawm erawh a awmreng,a phone flash light chu a han on a a hmalam thim mup a chhun chuan a ding nghal chawt ,tu emaw hmeichhia hi a mah hnungchhawn zawng chuan a lo ding a a hma ah Kima chu a thusawp nuai a a hma a mi chu a hlau hle tih a hriat takzet ,chutah muanchangin Kima te awmna lam chu a pan hnai deuh a 'Kima i tha em?" A tih chuan a mah hnungchhawn zawng a ding hmeichhia chu a che hrut a Ruatfela pawh a ding chawt mai,zawimuang in hmeichhia chu a rawn inher a Ruatfela chu a meng zau nghal kawk kawk a tha chu nasa tak in a khur a,'haw rawh!!" Hmeichhia chuan a rawn ti pawr chuaih a "Natasha" Ruatfela chuan a tichhuak thei hram ,a hmel chu a dang bel a thisen in a bual nuai bawk a kawr tet hrup in a sam sei tak chu thur bum in a thlah hnuang a ,a mumang a a hmuh thin ang chiah kha a ni .Natasha chuan Ruatfela chu a panhnai chhat chhat a a mumang a a hmuh thin ang chiah in a ke lehlam a hnuk deuh hruih hruih bawk Ruatfela chu a tawlhhnung hret a thlahrang leh ramhuai tih vel hi a hlau ngailo mahse tun ah zet chuan a tha a khur nasa takzet "mi..min rawn hnaih suh nang ramhuai bawlhhlawh" Ruatfela chuan a ti khur dar dar a ,Natasha penlai a tawp chawt Ruatfela chu a mitmu lian zet a melh deuh kal chung chuan a nui ta uarh uarh mai le ,a nui ri lah chu a ring em em mai lehnghal chutah a nui lai chu tawp thut in rum lutuk a Ruatfela rawn melh chung chuan "he mihring hi i chhan ang maw ,he mihring tenawm lutuk hi i chhan ang maw " a rawn ti teng chhuaih a aw te lah chu Natasha aw ngaihno bei tak ni thin kha a ni tawh hauh lo ,Kima lah a hlau lutuk chu nikhawhrelo in a lo awmreng tawh






Chutah Natasha chu nasa tak in a rawn tapchhuak hawm hawm a,chulai hmun vel ah chuan a tap thawm chu a khawk rum rum thei hial ,zawimuang in a landan chu a rawn pangai a a tap ri pawh zawi tial tial in a inhnit ta feih feih a,"min hlau a ni tiraw D " tap aw tiau chuan a rawn tichhuak a 'D' tih hi Natasha in Ruatfela a koh thin dan a ni . "Min hlau suh D ka tina lo ang che" Natasha bawk chuan a rawn ti leh tiau,Ruatfela pawh chutia Natasha landan a pangai tak ah chuan zawimuang in a hlauh na te chu a kiam tan a "D i hria a ni tiraw,kei hi ka thi tawh thlarau mai ka ni" Natasha chuan inhnit deuh hlawp hlawp in a ti leh a Ruatfela pawh insum theilo in a mittui a luang ve zawih zawih, Natasha chu a hnaih hret a mahse Natasha a lo penhnung ve thung "min lo hnaih suh D,i la hria em i tawh ka duh miah lo te ,ka thlen na hotel i luh ka phal lo te kha zawng zawng khan a ti thinrim thin che a nihkha ,khatia hrilhhai tak a awm tir che kha ka duhdan a ni bik lo asin,mahse keichu thlarau mai ka ni tawh a,mi in i kawng kal an en hawl hawl thin che kha,kei min kapui vang ah i ngai a ,nangchuan kan pahnih a kal ang ah i in ngaihlai khan midang mithmuh ah chuan nangmah chauh i ni ,nangmah in i kal a nangmah in i tawng mawlh mawlh bawk,ka tihpalh D mahse engmah ka hrilh theilo che a ni,ka ngai em che a i kiang a reilote tal awm kha ka thlakhlelh em vang leh ka phuba lakna ka la hlen loh avangin thlarau khawvel ah ka la kal thei lo a ni" mittui luang ngiai ngiai chung chuan a ti a





"Natasha i chung ah enge thleng min hrilh rawh" Ruatfela chuan a ti sup a mahse Natasha chuan a lu a thing nar nar,"he i thianpa hian ka chung ah enge a tih chu i zawt dawn nia,D ka ring che a ka phuba hi nangmah ngei in min laksak la ka duh tun ah chuan ka kal a nge i kiang ah reitak ka awm theih loh vangin ka tihpalh D ka hmangaih che ka phuba i lo lak hun tur ka lo nghakreng ang chutih hun ah chauh he ka thlarau hian hahdamna a hmu chauh ang" tiin Natasha chu a ral riai riai a .Engkim chu a reh hian a reh ta tlawk tlawk Ruatfela chuan Natasha chu thlarau mai a ni tawh tih a hriat chuan a thinlung a na takzet,Kima lam chu a hawi a a ni pawh a rawn meng ve ta diar diar,Natasha in "ka phuba hi nangmah ngei in la ang che" ti a a sawi kha a beng ah chuan a ri nawn tlut tlut a ,a chhan a hriat miah loh in Kima chu a haw em em ringawt zawimuang in Kima chu a panhnai a Kima rawn harh tan kawrawm ah chuan nazet in a tham nghek "Natasha chung ah engthil nge i tih sawi rawh!!" A ti tuarh bawk,"Ruata" Kima chuan a ti tham tiak a





"Sawi rawh ka Natasha chung ah eng thil tehhrep nge i tih!!!" Ruatfela chuan a ti leh tuarh,chutah Kima chu a khuh khak khak a thei leh thei lo in ti hian a sawi ta a ni






"Khatia hnamdang nula ngaihzawng i neih thu leh an ram ah pawh i kal thu min hrilh khan a hmel hmuh ka chak em em a nihkha,Natasha thlalak min hmuh chiah khan a hmelthat na khan min hneh nghal in ka lo vei nghal em em ,zantin ka suangtuah ta a,i ngaihzawng a ni tih ka hria inthiamlo viau thin mah ila ka hisap thin chu ka sim thei lo,vawikhat video call a in inbiak tum a kan inbiak ve atang phei kha chuan ka vei em em ringawt,Mizoram a lo kal tur thu min hrilh khan ka lo phur ve em em a,mahse ka ngaihtuah a kei nilo nangmah hmu tur che in a lo kal dawn tih,chuvang chuan ka thinrim em em bawk,Natasha kha lo thleng tur a a insawi ni hma aiia hma hret khan a thlen na hotel bul ah ka hmu thut a,a lo thlen ni a nih loh vang in mak ka ti viau a tak ah phei chuan a hmeltha takzet a vun no nalh tam te a sam dun hlap sei hniang leh a pian mawi tak khan min hneh takzet a tak ah ka vawikhat hmuh na ni mahse ka vei thin em em a nih vangin ka hai thei lo,a bul ah chuan kalhnai in ka va be ta ngei a a ni pawn min lo hrethuai in a lo thlen tawh thu i hnen a hrilh lo tir leh surprise a tum che tih min hrilh bawk,keipawn a lang ah chuan ka lo phurpui viau a ngaihtuahna thar nei in zanlam ah nangmah surprise dan tur vel ngaihtuahpui tur a intiam in ,lenchhuahpui ah ka sawm ta a a ni pawn midang hriat a neih loh vang leh i thian ka nih avang in min ring em em a,ka rawtna pawh phur tak in a pawm mai reng bawk…zan ah chuan kan chhuak ta ngei a hlim tak in a surprise dan tur che a sawi siam siam a kei erawh in ngaihtuahna hran daih ka pu thung,kan in a kal tur a ka insawi laiin Zemabawk khawdai lam a panpui ta thung a Natasha chuan ngaihthat lohna pawh nei hran lo in ka bike hnung atang chuan a la tawng siam siam reng,ka duh na hmun tak ah bike chu ka tiding a,a hmun a fal tha bawk a tumah an rawn kal ka ring lo Natasha chu a hawi kual deuh ruai a "ti nge hetah kan kal a ,in in ah kan kal dawn emaw ka tia" min en chung chuan a ti a..ka lo bu nghat ringawt "kan in a kan kal hma in inbe lawk ang" ka tih chuan Natasha chu a bu nghat a ,thawk lak halh pah in ka bike bul ah chuan a ding ngal a chutah keichuan panhnai deuh in a bul chiah ah chuan ka ding ve a ,ka duh thu leh a hma atang daih tawh ka vei em em thu chu ka hrilh tan ta a ,ka thusawi chhung zawng chuan a ngawi reng a ka hlawhtling dawn emaw tiin han fawh mai ka tum chu ka hmai ah min beng sawk thinrim tak a min rawn en in "D..thian i nih avang in ka thian ang ah ka ngai che a hetiang zawng hian min lo en a maw,zaktheilo lutuk!!" Tiin min ankhum nghal tan tan




Ka hmai a a ben na vang chuan ka thinrim lutuk insum zolo chuan a sam ah ka tham nawk a,a hrawk ah rek in bike ah chuan ka nembet nghal hmiah,a tal bat bat a theihtawp in min suallet ve ngar ngar bawk ,a kawr chu ka pawtthler hawk a kawngpui atang hla ve deuh ramlam ah chuan ka hnukphei nghal hawn hawn hmeichhe awmnem zawk a ni bawk nen min hnehlo viau,a tan nasat em avangin kut pawh ka thlak nual a kawr fualvar hak chu ka hnuh na lam ah a bal vek bawk,tichuan ka pawngsual a ka duhtawk ka ngah hnu ah ka that zui ta ni..a ruang chu bawlhhlawh paihna hmuh ah ka paih nghal a,hnamdang a ni a mizo hmelhriat nang leh kei chauh a nei tih ka hria tuman an ngaihven ka ringlo a thlamuang tak in ka awm a,mahse in in a ka lo kalzan atang khan chawl lo in a thlarau phuba lak duh chuan min tibuai ta a ni ,khami zan in in a ka lo kalzan khan,i room ah khan thil ri leh rawk rawk ka hre leh thin ka hawi kual a mahse engmah ka hmu lemlo mahse i hnunglam ka lo hawi chiah kha i dar zawn atang Natasha ngei chuan a hma a ka sawisak na vang a thisen kai nuai chung chuan rum em em in min lo en run a nihchu,ka hlau lutuk kha ka haw ta vat a,mahse ka hawn kawngtluan in ka kiang ah a kal ve zel a rum tak in min en reng,'ka that dawn che' tiin ka beng bul lawk lawk ah te chuan a rawn phun leh sep sep thin a ,a changin nasa tak in a nui uarh uarh a ,a changleh chhuak em em in a tap rawih rawih thung,in ka thlen chuan ka room ah ka lut vat a reilote chu a thawm ka hrelo ,mahse a thawm ka hriatloh chhung kha reilote chhung tak tak a ni ka khum mawnglam ah nui ri ker ker thawm ka hria,khum ah inlukhup chungin ka thu khur hlak hlak ,"Kim" tiin khum mawnglam atang chuan min ko sep sep a,a chang in a tap ri leh kerh kerh thin bawk,chhuat carpet te chu eng emaw thil hriam tak a inthai ang hian a ri hrawih hrawih reng bawk a..ka beng bul lawk ah te chuan 'inpuang rawh,ka that ve dawn che' a rawn ti sar sar reng bawk,ka tha a khur a ka auchhuak theilo hlauhlawp a ka awm chu min hmusit tih hriat tak in min nuih uarh uarh a mahse a thawm chu sitting room a ka chhungte chuan an hre ve hauh lo,chu zan atang chuan tun thleng hian min thlah zalen lo a ka kalna piang ah min zui a a tawp ah phei chuan mi a ang mai in ka awm a ,a changin hlauhawm leh rapthlak tak tak in ka hma ah a lo inlan a min vo reng bawk " a tih chuan Ruatfela thinrim lutuk chu a inhumruh nasa tawh ngei mai,a thinpa bek ah chuan a hnek pawp a





'"Tho rawh!!"ti hrawk in Kima chu a phih tho nawk "nang leh kei chiah min hria,thian ang in a en che,Mizoram a vawikhat rawn kalna a ni asin,kan ram vawikhat a rawn dai na ah rapthlak tak in a chung ah i lo che a maw!!" Tiin Ruatfela chu a in hrosa kuk kuk a Kima chu a hnek chawrh chawrh a thisen a chhuah nual tawh,"a ni kha ka hmangaih a sin,ka hmangaih kha a duhlo chung i khawihlui a chupawh duhtawk lo in a nunna i laksak lehzel a maw,i thi ve tur a ni ka hmangaih phuba la theilo tur khawp a mi nep ka nilo!!" Tiin Kima chu a han hnek leh pawp a "ka tihpalh Ruata" theih leh thei lo in Kima chu a ti chhuak sep a Ruatfela chu thaw hawk in a kut pahnih chuan a hmai a tuai puat a chutah mitmeng sen rum a Kima en chung in zalo lutuk in a nui chhuak hawk "engkim a pawi tur a pawi vek hnu a 'tihpalh' tih hian awmzia a neilo" ti chang rat in a bul mai a thing bung let ngat chu a melh zeuh a chu thingbung chu ban in Kima chau lutuk a mu zawi hniang chu a pan chhat chhat a "thlarau khawvel ah i thil tih tah chu seng leh ngei ang che" ti chang rat in Ruatfela chuan Kima bek ah thingbung chuan a theihtawp a na in a hlap pawp a .Ruatfela chu a thu hnawk mai "Hmeichhe khawngaihthlak Natasha i ram chhuahsan in hriat ngailoh ram ah min rawn pan a ,i thian ni a i ngaih hian i chung ah engthil nge a tih tak,i phuba chu ka rawn la e,thlarau khawvel ah i duh dan tak in i phuba chu nangman i la leh ngei dawn nia,Ka hmangaih che " ti in a tap khur ta ngawt ngawt a.








A tawp ta



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)