Thihna Dar Ri

Hlauhawm lampang hrim hrim hmun hrang hrang a mi lakkhawm...
Zuali khiangte_zii95
Posts: 102
Joined: March 20th, 2021, 9:47 am

Thihna Dar Ri

Unread post by Zuali khiangte_zii95 » August 22nd, 2021, 12:48 pm

Thihna Dar Ri

By : Zuali khiangte_Zii95
 




Khawngaihin min chhuah rawh tiin hlau luat avanga aw khur dar dar chungin hmeichhe pakhat chuan  a hma a mi chu ngam leh ngamlo in a melh tlawk tlawk,a hma a mi lah chuan engmah sawilo in veilam ah a lu a thle bak a a thuam inbel atang te reng reng chuan mi nelawm tak a nilo hrim hrim ,chutah a hma a mi chuan chawhmeh channa chemte hriam tak tle var mai a ken chu lekkang in a kut chu a phe zuai a,a hmai a thisen rawn chik tuarh chuan a ti hahdam sawng sawng emaw tih mai tur in boruak te chu a han hip vang vang a,chutah a hmeichhe thah zawh chiah ban lehlam ah chuan chelh in inlian tak chhunglam ah chuan a hnuk ta hawn hawn a.












weekend ah chuan Lisa leh a thiante panga chuan Aizawl khawchhung chhuahsan a ramhnuai lam a camp nei turin an inbuatsaih a an thianho hi mipa pathum leh hmeichhia pathum ni in Lisa leh Sangtea hi inngaizawng an ni a,Remremi leh Muantea te pawh inngaizawng tho chutiang bawk in Jennie leh William  te pawh inkawp ve tho an ni,an  tum ram pan chuan motor lian tam pakhat ah chuan chuang khawm in an inkhalh chhuak a Sangtea motor a nih vangin Sangtea chuan motor chu a khalh a Front seat ah Lisa thu bawk in passenger seat lam ah an thian dangte an thu thung,thian ho chhuak an nih bak ah an kawppui te nen teuh an nih avangin an hlim tlang dar dar hle,eng eng emaw  sawi a an ti ti luam hnu ah kawngpeng pakhat bul ah Sangtea chuan motor chu a tiding a 'heta tang chuan ke a kan kal a ngai tawh ang,motor a lut thei si lo a,mamawh ang kha chu kan inken sem hlawm mai dawn nia" a han tih chuan motor atang an chhuak diak a an mamawh ang ang te chu inken sem in ramhnuai lam chu an pan ta a,an tumram thlen hlan chu an nghakhlel tlang tawh bawk a niang hmeichhe ho pawh chuan chauh leh hah sawilo in ti ti barh barh chung chuan hmalam pan in an ke chu an pen ve sauh sauh a..rei vaklo an kal hnu chuan vaimin huan zau zet mai hmun hi an thleng hlawl mai vaimim kung te lah chu a sang in  inhnaih te te ah a awm thluah a vaimim kawm te pawh a tha khawp mai ,'hetiang daih daih ah tu nge vaimim huante dah le,a hla ropui si a a phurh vel a hau tak awm" Vaimim lawm khat keh pah in Jennie chuan a ti a "Jennie tinge i keh ngawt a,tu ta nge tihpawh kan hriatloh hi"  Lisa chuan a lo ti vat ,mahse Sangtea chuan "Bawihi a ho emai hawikual la a neitu pawh an awm chuan loh hi bakah eitur lak te mai mai chu an phal awm emai ,tlem a zawng chu kek ila zan ah meipui chhep in kan rawh dawn nia " a lo tih tak ah chuan Lisa pawh a lo bu nghat a,a thian dang te chuan vaimin chu an kek nghal sap sap mahse Lisa erawh in a kek ve lo eng emaw ngaihthat loh na a nei tlat pek vaimin kung zing tak tak kar atang chuan tu emaw hian a enthla reng nimai in a hria,a han hawikual leh deuh zak  zak thin,engmah lah chu hmuh a nei lem lo "kal tawh ang u,khawthim hma in kan riahna tur thlen hman tum ang" Lisa chuan a ti ta ngawt a,midang ho pawn an vaimim keh te an bag a khung sap sap in an hmalam ah chuan an kal leh ta a.



Darkar khat zenzawn an kal hnu ah an tumram chu thleng in a hmun hma vel an han hmu chu an ri nghal chel chul mai,Lisa pawh in a ngaihthat loh ruk na te pawh chu a hrechang leh tawh lo..an awmna chu hmun zawl zau nuam angreng tak ni in a bul lawk ah luite tui a lung kar kar bawk.Mipa ho chuan a hmunhma vel chu an chem ken chuan han vei thuak thuak in khawthim tak tak hma in puanin an zar a ,inkawp te te a kal an ni bawk  a puanin pathum lai an zar bawk ,zan a lo nihchuan meipui te chu an han chhep hluah a meiling vam tha lai ah an vaimim lawh te chu rawh in an hlim tlanh dar dar hle ,an kal chau bawk nen reilote ah an mut chhuam tan in an puanin lam teuh ah an lut ta hlawm a ,zing a nihchuan rawng te bawl ho leh in lui kal chu an rawt ta a an phut tlang hle an nghakuai leh lensuah ken te chu la in lui lam pan chuan an in zui leh ta dam dam a,lui an thlen chuan nghakuai te chiah in an hlim tlang dar dar hle,chutia hlim tlang  tak a an awmlai chuan William-a inthiar lawk tur a kalsawn chuan "thiante u lo kal teh u sawlai mai ah sawn inlian zet mai a awm a nia" a rawn tih chuan an awihlo tlang ngei mai "William dawt sawi sawi suh henglai ramhnuai pilril ah khawia inlian tak mah zu awm suh" Jennie chuan a lo ti hlak a Willliam-a chu a ner nghal nawng mai "in awihloh chuan min lo zui ula," tiin a mah chu a lo kal tawh na lam ah chuan a let nghal nul nul,William-a thutak lutuk avang chuan midang ho pawh in William-a chu an zui ve ta hlawm a,a sawi ang ngei in in lian tak mai chu a lo awm ngei mai,in chu luah tawh loh tih hriat tak in pawnlam chu a hlui rup a a bang chu hnim zam chi in a bawh deuh luai bawk,in bul mai ah chuan thingkunh lian tak pakhat hi a ding luah bawk,in pawn lam ah chuan  ding thap in inlam chu an han hawi vang vang hlawm a "a mawi hle mai"Muantea chuan a rawn tichhuak sup "keichu mawi pawh ka ti ve lo thingkung awmdan te reng reng hi a hlawhawm ka ti"Remremi chuan a lo ti ve thung "tunge hetiang daih daih ah te in va sa ang le,motor kal theihna turin motor kawng a  kaw bawk silo"Lisa chuan a lo ti ve sep

Chutah Sangtea chuan "lut chhin ang u"a rawn tih chuan Lisa erawh in a lo duhlo nasa mai, "teuhlo lut lo ang,lui ah khan kir leh zawk ang u" a lo ti tlat "Lis a rei nang,kan lut zawk anga a chhung awmdan kan en ringawt dawn alawm ,kan chhuak leh vat dawn nia" a tih pawh in Lisa chuan inchhung lam a luh chu a a duh chuang lo "ti teh Lisa,kan lut ang a kan chhuak leh mai  dawn alawm,dawih bik viau thin lo teh in lian tak ve mai a nihhi"Jennie in a lo ti ve thung,mahse Lisa erawh in ngaihthat loh ruk riau na a nei tlat tu emaw hian ralkhat atang an chetla lai chu a lo en reng ni hian a hria,inlian tak chu an en leh ngawt thin a thiante dang zawng in inchhung a luh chu an duh si,a mah chauh a pawnlam a lo awm a ngam bawk silo,a tawp a tawp ah inchhung lam pan chuan an inzui ta nge nge  a,kawngka chu tala lianpui mai hian a lo inkalh a,William-a chuan lung lian tak pakhat chu chhar in tala chu vawithum vawili vel a han chhu a,tala an chhuttlak hnu chuan kawngka chu an han hawng a inchhung an lut chiah tih chuan Dar ri an hre ta ral ral mai,an phuzawk thei hial an hawi nghal hra hlawm a "inhmel kha in nuihzatthlak lutuk in lu chung lawk ah dar a inkhai tih in hre na nge" tiin Muantea chu a rawn nui hawk hawk a ,dar khai lian vak lo chu a mah chuan an ti ri nawn leh vel a ,inchhunglam ril lam chu an pan zel a mak an ti telh telh an rinai daih in inchhung chu a lo felfai mai "khai a va mak ve pawnlam atang kha chuan a hlui tawh hmel viau si a mahse chhunglam chu luahtu an awm a ang hle mai" Sangtea chuan a han ti a,"nia,mahse tunge helai daih daih ah awm duh anga a fal ropui si ,bak ah pawnlam te pawh tihfai ve awm chhunglam chauh nilo in " Remremi'n a lo ti ve thung ,inchhung chu an fangkual zel a,milim ang tak tak a lo awm nual bawk inchhung lah chu pawnlam atang en mai aiin a chhunglam chu a lian zek lehnghal "ti rawh u chhuak tawh ang u"Lisa chuan a han ti a ,mahse a thiante lah chuan chhuah chu an lo la duh awzawng lo inchung lam ah te chuan Jennie leh William te chu an inchhaih nui chho har har a Lisa awm erawh a nuam chiah tawh lo,tu emaw hian vaimim huan an awmlai atang tawh khan a enthla reng in a hre tlat,chhuah leh mai a rawt pawh a chutia a thiante ber in chhuah an duh rih tak tlat silo ah chuan ngaihtha zan lo in a thiante thu chu a zawm ve ta zel a..

Jennie leh William te an kalhran atang minute nga hnu vel ah Muantea leh Remremi pawh an kalhrang ve leh a,Sangtea leh Lisa chu choka lam ah inzuiphei in choka chhung silhmun ah chuan Milim pakhat hi thleng sil ang deuh hian a lo awm a ,Lisa chuan milim mai mah nise a rap deuh tlat,"he in neitu chuan milim a ngaina hle a ni ngei ang a inchhung hmuntin deuhthaw ah milim lian tak tak a hun fur dan ah" Sangtea chuan a han ti a Lisa erawh in chu milim chu a lo en chiang hle thung, "sawlam ah sawn kal leh chhin ang" Sangtea'n a tih lai chuan Lisa chu a rawn au tuarh rang tak in Sangtea lam ah chuan a petek phei nghak nawk nawk "eng thil nge Lisa" Sangtea chuan a lo ti vat Lisa chuan milim lam chu kawk in "saw,.saw milim sawn min rawn melh a mitmu saw a che alawm" hlau tih hriat tak chuan a ti khur dar dar,Sangtea chu a nui hak a Lisa dar pahnih a dawm pah in  "i ti mak thin emai bawihi khawi ah milim mit a che lo ang" a tih chuan Lisa in Sangtea chu a nam deuh sawk "a che ka tih chu saw milim saw a nung alawm !!"a han ti tuarh a Sangte an a thusawi a awihloh vang chuan a tah te chu a chhuak lek lek, khatia milim a thlek kual vel lai khan milim mit rawn che ralh kha a hmuchiang em a ni. "Ok,a tha e hahdam la i hmusual pawh a ni thei ," a tih lai chuan inchung lam atang Jennie a rawn te tuarh tuarh Lisa leh Sangtea chu an in en haw a hmanhmawh tak a choka atang tlanchhuak in inchung panna kailawn ah chuan an tlanchho nghal zawt zawt,inchung an thlen a an thil hmuh vang chuan an thaw hawk thei ,William-a chuan kutlem pakhat keng in chumi hmang chuan Jennie chu vuak a tum hi a lo ni, "William min va ti mangang hman ve" Lisa chuan a han ti hlak a ,mahni lo mah a a ruk a hlauhthawnna a lo nei sa bawk nen William-a chu a ngei ru kher mai, "a mawl tak tak ania hepa hi chu" Jennie chuan a lo ti ve hlak bawk,chutih lai tak chuan inhnuai lam atang mangang au thawm tih hriat lutuk mai hi an hre ta phut ,an vai chuan an phun nasa ngei mai "tun ami kha Remremi a ni em?" William-a chuan a thiante enkual pah chuan a ti a,Lisa chuan a lu a lo bu nghat  chu veleh rang lutuk in inhnuai lam a tlanthlak chu an rual nghal a "Remrem,khawnge i awm ,e nge thleng" tiin an au nghal lauh lauh "Muante khawnge in awm a '  Jennie chuan a han ti leh a,mahse tuman an chhang lo "Remrem ,Remrem…Muante" tiin an au lauh lauh mahse chhanna erawh an dawng lo chu inchhung ah chuan an au thawm thangkawk ri bak ri dang hriattur a awmlo



"Inthen hrang ila kan zawng hmu hma zawk ang William,Jennie   nen inhnuai lam khu lo en ula keinin hmundang kan lo en ang" Sangtea'n a tih chuan Jennie leh William te chuan inhnuai lam chu an pan thla nghal a , inhnuai lam ah chuan William leh Jennie te chu inhnaih tak ah an kal zel a inchung lam aiin inhnuai chu a lo thim deuh zawk bawk nen fiah tak a thil hmuh a har ang reng viau"Remrem kan lo kal a nia khawnge in awm?" Jennie chuan a han ti a ,mahse a hma ang bawk in chhangtu  a neilo rin ai daih in inhnuai lam ah pawh room a lo tam zek room tin chu a indawt in an en diat diat a,a landan mai ah chuan motel te pawh a ang lek lek a then chu  felfai ve viau mahse thenkhat erawh reitak luah tawh loh tih hriat tak in maimawmril a inzam deuh nuai thung..room pakhat an hawng leh tur chiah chu khawilam atang a lo chhuaj nge tih pawh hriat loh hian dar ri ral ral chu an hre ta phut mai Jennie chuan William-a ban ah chuan  vuan chawt in ri lo chhuahna lam zawng chuan a hawikual nghal hruk hruk .."Will,tun a mi kha i hre ve em?" a han ti sep a William an aw tih nan a lo bu nghat 'Remremi te an ni maithei min tihthaih an tum pawh a ni hrim hrim,ti rawh ri lo chhuah na lam chu pan phawt teh ang" a tih chuan Jennie leh William te chu room hla ber lam pan chuan an inzui a, "min tihthaih an tum a nih vaih chuan an chaklo ngawt ang" Jennie chuan a han ti hlak a,William-a pawh a lo nui ve suk mai,room tawp ber an thlen chuan kawngka chu William a hawng them them a,mahse room chhung ah chuan tumah an hmu lo an han hawikual a khum pakhat bak room ah chuan hmuh tur a awm lo room zau tak  a ni hran lo bawk ,"heta tang hian dar ri kha a lo chhuak ngei sia"mak ti ang reng tak in William chuan a han ti halh a Jennie pawh in mak a ti ve kher mai hlauh na chuan a tuam tan a he inchhung an luh dawn pawh khan dar ri tho an hria a nihkha William-a ban ah chelh vat in "Will inchung lam ah chho ang ,inhnuai ah hi chuan an awm lo a niang,inchunglam ah Sangtea te nen an lo inhmu tawh maithei asin" a han ti khur dar dar a room chhung thim deuh thuam chu tih hmel zet in a melh kual deuh hrek hrek bawk..William-a pawn Jennie in a hlau tih a hriat chuan a kut chu lo chelhsak vat in "awle,chho phawt ila kan ngaihtuah tha leh dawn nia" a tih chuan Jennie a bu nghat, chutih lai chuan dar ri bawk chu an hre leh ta,Jennie leh William te chu an in mh deuh hra a ri lo chhuah na chu an awmna room pawnlam hnai tak a ni tih an hriat chuan kawngka lam chu an melh rual nghal thawt,chutah dar  chu vawi hnih a han ri zawn leh a tun ah chuan a hma aiin ri lo chhuahna pawh in an mahni chu a rawn hnaih tawh bawk,nghet tak in William-a ban ah Jennie chuan a hmer ngawt ngawt a  vawikhat dar ri an hriat leh chuan room kawngka ah chuan tu emaw kut hi a rawn lang ta phut mai Jennie chu a au tuarh a William-a a kuah nghal chawih chawih chutah kawngka atang chuan joker inthuam vek a inthuam mipa khat hi a rawn dak a a joker hmaikawr ah te chuan thisen niawm tak a kai luai mai bak ah a kut ah dar lian vaklo hi a khai a,kawngka a rawn luh pah in chu a dar khai chu a han  thing ri leh zeuh a , a kut lehlam dar a khai loh na lam zawk ah chuan thirtiang/tiangthir (khawizawk nge dik ka hrelo)  ang tak sei vak lo a hmawr kawm en reng reng pawh a a hriam a ni tih hriat tak mai chu a keng bawk ,a lu a ding leh vei lam a muangchang a thlek kawi pah in Jennie leh William te chu a panhnai zel a "ding rawh tunge i nih!!" William chuan a han ti tuarh a,mahse a hma a mi chuan eng ah mah ngailo zet in a panhnai zel tho hmanraw chuh tur zawng in William chu a han hawi kual deuh ruai a ,an piah deuh ah thingbung pakhat chu hmu in chu chu a la nghal vat "i rawn hnaih leh chuan ka vawthlu ang che" William chuan a han ti leh tuarh a,joker thuam a inthuam pa chu ding dat in a lu chu a thle deuh bak ah chutah a dar ken bawk chu thing ri leh in William te chu a panhnai leh a vawi leh khat ah William chuan a thingbung ken chuan a lo vaw pawp ,mahse a hma a mi chuan na ti hmel pawh pu lo in  a hnaih hret hret zel a,vawi leh khat ah a thir hnawr kual chu vei chuak fua in William-a hrawk ah tak chuan a a hmawr zum lai zawng chu a tlum nghal pawk mai,mangang lutuk in Jennie chu a au tuarh tuarh a a tap nghal hawm hawm bawk,William-a chuan a hrawk a thir bur vu chung a Jennie melh tawk tawk pah chuan "tlan chhe rawh" a han tichhuak hram a,Jennie hlau lutuk leh mangang lutuk chu a mittui a luang zawih zawih ,kawngka lam a tlanchhuah mai a tum chu a tukhum sam ah rawn tham hman in room chhung ah chuan a hnuk lut leh a Jennie hmuhlai ngei a William-a a thluang lang hawk khawp a a thir hmawr zum kual a a cheh hnu ah jennie bek ah thir hmawr zumlo lam chuan a han chhu bur a,nikhawhrelo a awm Jennie chu a hnuk ta hawn hawn a



Khatia Jennie au thawm kha inchung lam a awm Lisa leh Sangtea te chuan lo hria in hmanhnawh takin inhnuai lam ah chuan an chhukthla a room tin chu an han hawng a room tawp ber an hawng chu Lisa a rak nghal tuarh Sangtea awm ah chuan a hmai phum nghal vat in a tap nghal par mai
,,William-a chu khum chung ah a saisir zawng a mu in a taksa chu thisen in a bual huh zuih a,a hrawk thler duai leh a tukhum lam atang a thluak lang hung chung chuan a lo thi mengkur a nihchu "chhuak ang u ka  tih lai khan chhuah kha lo duh mai ula nitur" tap tuau chungin Lisa chuan a ti a,Sangtea sawitur hrelo chuan a lo kuah tawp inchunglam a thawm an hriat leh tak ah chuan inchunglam ah bawk an tlanchho leh vat a




Jennie a han harh chuan a lu chu na a ti kher mai a bek zawn atang thisen a chhuak ngiai ngiai bawk,a khawhmuh a fiah tak hnu chuan a awm na lai chu khawilai hmun nge a hre ta hauh lo ,dawhkan ni awm tak ah mu chung in a kut leh ke chu dawhkan ah chuan phuarbeh a ni a ,a han tal deuh nak a mahse a talchhuak zo lo,chutah a han hawikual a a piah deuh lawk ah chair a thu chung in joker thuam a inthuam chuan a lo enreng chu niin a au chhuak nghal thawt …"tunge i nih khawngaihin min chhuah rawh" a ti khur dar dar a ,joker thuam a inthuam pa chu a thutna atang ngawireng a tho in a mei chhem na lam chu a pan a tah chuan bel niawm tak ah eng emaw a chhuang bawk ,chumi hnu ah Jennie lam chu pan leh in a bul ah chuan a va ding a jennie hlau lutuk chu tawng pawh a tawng ri ngam tawh lo,chutah jennie ka chu puan a hnawh in chemte hriam hmel tak chuan jennie ban rek ve ve ah chuan a zai ta jennie na tilutuk au chhuak thei bawk silo chu a biang ah mittui a luang nghal zawih zawih, a duhtawk a jennie taksa chemte hmanga a suasam zawh hnu ah hriau lian tak hmang in a zai kak na lai ho chu a thuiphui leh ta vek,a thisen chhuak nasa leh na ti bawk si chu jennie chu  zawi hnawk in a mit chu a meng tawk tawk a ni ber tawh.Chutah le a thil chhuan lai chu la thla in Jennie taksa ah chuan a leih kual ta a mawmbati chhuantui a lo ni jennie na tilutuk chu a meng bial nghal kawk kawk thei..a ka a hnawhna puan chu la thla in hriau hmang bawk chuan jennie hmui hnuailam leh chunglam chu a thui phui leh a mawmbati chhuntui hmang chuan a char leh hmiah bawk,a duhtawk a jennie a suasam hnu meuh chuan jennie chu thi silo in milim ang mai chuan a ding khawng ta reng a .








Lisa leh Sangtea pawh khatia inchunglam a an tlanchhoh khan engmah hmuh an neilo,"hmeichhe au ri kha a awm in ka hre si a" Sangtea chuan a han ti a Lisa pawn a hriat ve ngei thu a lo sawi ve vat ,Chutah Lisa chuan an awmna hmun chu an enkual a,a mak ti lutuk chu a meng kawk kawk thei "engtin nge a tir khan kan lo hriat loh" a tih chuan "engthil maw" Sangtea'n a lo ti vat "en rawh he in hian tukverh pakhat mah a neilo light bulb  pakhat mah hmuh tur a awmlo bawk,mahse chuti chung chuan inchhung hi a eng ut tho engtin nge a nih theih " Lisa'n a tih chuan Sangtea chu a han hawikual vat a a ni pawh chuan mak a ti kher mai,tukverh chu sawiloh  ventilation takngial pawh hmuh tur  awm loh lai in inchhung lah chu a eng ut mai si ,chutah an hnunglam ah chuan hmeichhe au tuarh ri an hre leh ta chulam chu an pan nghal vat Remremi hlauh nei tih hriat zet a lo tlan nen chuan an intawk a  ,"kha joker khan Muantea a that keipawh min thah a tum a mahse ka tlanchhuak kan vai hian min zuah dawn lo min that vek dawn" tih leh tah chu a rual nghal a Lisa chuan a lo kuah vat, "ta awm reng ai chuan chhuah na tur zawng vat ang u " Sangtea'n a tih chuan Lisa leh Remremi chuan an lo pawm chiang kher mai ,kawngka awm na lam ni a an hriat ah an pathum chuan an inzui phei a  "nilo ,nilo hetah  hian a ni ngei si a,engtin nge kawngka kha a bo theih" Sangtea chuan a ti tuarh thinrim lutuk in an luhna kawngka bo ta daih bang vek lo ni tawh chu a han chhuih bur a  ,chutih lai chuan inchhung khawk rum rum khawp a ring in hmeichhe nui ri khawi atang a lo chhuak nge tih pawh hriat loh chu a rawn chhuak ta thut mai, an pathum chuan an hawi deuh hra hlawm a Remremi phei chu a tap leh pur tawh Lisa erawh a la in ti huaisen lui thei hram hram .Chutah nui ri chu tawp thut in aw chher deuh chhuaih hian " he inchhung a in rawn penluh khan Thihna Dar khawnrik in a awm tawh,tumah in him dawn lo in thi vek dawn" a rawn ti tuarh , aw ri a reh veleh dar ri an hre nghal zat an awmna lam chu chu dar ri chuan a rawn hnaih zel a "biru ang u" Sangtea'n a tih veleh an pathum chuan  biruk na tur zawng in an tlansawn nghal hlawm a,room pakhat zawn an thlen chuan milim tam tak a lo awm leh nual tawh Lisa ngaih tha lo chuan milim te chu an enchiang leh a chutah a mittui chu a luang nghal zung zung "Jennie nilo nilo,jennie i chungah enge thleng" tiin milim ang mai a jennie ding chu a kuah a  a tap nghal hawm hawm ,Sangtea leh Remremi pawh chuan Jennie chu lainat hmel tak in an en tlawk tlawk  jennie mit sen ram atang chuan mittui a lo luangchhuak ngiai ngiai a ,eng emaw sawitum nei ni awm tak in a mitmu chu a che ralh ralh a,jennie mitmu che Sangtea'n a hmuh rual chuan Remremi a rak nghal tuarh chumi rual chiah chuah a tukhum atang thir hmawr zum kual chu a ka chhung atang chuan  a rawn dawkchhuak nghal vurh bawk,Lisa chu a au tuarh a Joker thuam a inthuam pa chuan a thir hmawr zun kual Remremi tukhun a a chehbur chu pawt tawlh hrawih in Remremi chu chhuat ah a tlu nghal thlawrh ,a lu thle bak bak chung chuan Sangtea leh Lisa chu a panhnai a
"min lo hnaih suh" Sangtea chuan a han ti tuarh a chutah Joker inthuam a inthuam chu  ding leh ta chat mai,uluk fe in Sangtea chu ahan thlek a chumi zawh ah Lisa , chutah Lisa chuan jennie bul lawk a milim ni awm tak milim tak tak nge mihring zawk tih pawh a chian loh chu Joker inthuam a inthuam pa lam ah chuan nemphei pawp in "Sangte tlan ang!!" Tih leh tlansawn chu a rual nghal a ,hlau tlanchhia an ni bawk a an tlanchak na ngiang mai mahse he inchhung hi an ni ai daih in Joker thuam a inthuam khan a hrechiang dawn si a,an mangang dun tawh viau  inchhung lam ah chuan tlan chho in room pakhat ah chuan an tlanlut a room chhung a bungraw awm ho chuan kawngka chu an do rup bawk "he ti reng hi chuan rei kan daih lo ang khapa khan min lo zawng hmu thuai dawn,keini ai daih in he in hi a hrechiang zawk bawk si" Sangtea chuan a han ti a "engtin nge kan tihdawn" Lisa chuan tap deuh par chung chuan a lo ti a,Sangtea'n a kuah nghal vat Lisa chhip ah chuan fawp vang vang in "ka hre lo" a ti zawi sap a,bei a va han dawng duh dawn em,a tir ah Lisa in kir leh a sawi lai khan a thu zawm in kir leh ta se he inchhung ah hian lut lo ta se hetiang thil hi an tawk kher angem,an thian pali te khan an nun na a hlauh kher a ngem






Reive fe room a an awm hnu chuan inchunglam pan a dar rawn ri chho chu an hre leh ta,nghet lutuk in Lisa chuan Sangtea chu a kuah a, "heti ringawt hi chuan a ni thei lo min hmu vat dawn ,kan beihlet a ngai,mihring a nih chuan a thi ve thei tho ang" Sangtea chuan a han ti a "mahse engtin nge kan  beihlet ang hmanrua pawh kan neih loh hi"Lisa in a lo ti ve thung "chu chu kan ngaihtuah ang,a hmasa ber ah chuan helai hmun hi kan chhuahsan a ngai tichuan hmanrua kan zawng a nga kan vehlet ve thung tawh ang"  Sangtea'n a tih chuan Lisa a bu nghat a ,kawngka an dal na thil vel chu lasawn in thawm dim tak a room atang chhuak in hmanrua an hmuh ang ang chu an la a Sangtea chuan hreite keng in Lisa pawn Thirtiang/tiangthir (a dik zawk ka hrelo ka tihkha) lian vak lo a hum ve ran bawk,Ri lo chhuah na lam chu muangchang leh thawm dim tak in an pan dun a hlau viau mahse  an sa him na tur chuan tlanchhiat ringawt an tan a tawk zo silo huaisen chhuah a beihlet ve chu an tihtheih awm chhun a ni miau si a. Joker thuam a inthuam a pawh an hmu thei ta an tawmna hlui zawn ah chuan a ding run a chutah an awmna lam chu a rawn hawi ta phut mai Sangtea leh Lisa chu an va phu nasa chiang teh em,a dar khai lai thinrik zeuh zeuh pah chuan an lam chu a rawn pan hnai chhet chhet a tun ah chuan an ni pawn joker thuam a inthuam a chuan a hmu tawh a ni tih hrethiam in "1,2,3 ka chhiar anga kan bawh phei rawp dawn nia" Sangtea chuan a ti a a hreite kenlai a hum nghet sauh sauh bawk chutah 1,2,3 chu a han chhiar a an bawhphei nghal rawp Sangtea chuan Joker thuam a inthuampa dul ah chuan a chek pawp a chupa pawh chu a nghing ve dat mai mahse mak tak chu a chehna lai ah atang chua thisen pakhat mah zuk chhuak lo a mawle,mak ti lutuk a Sangtea'n a chehna  a enlai chuan Joker thuam a inthuam pa ban chu a phe zawk a Sangtea dar ah a thirkual chu a bur nghal vaw mai Lisa chu rak tuarh in chupa chu a theihtawp a na chuan a thir tlawn ken chuan a vaw pawp a , chupa chuan Lisa chu a kut lehlam chuan a vei thlu pawp a thei leh thei lo  in Sangtea chuan chupa hmaikawr chu a phihthlak sak a a van phu chiang  em,chupa chuan hmei a lawi hmuh tlak pawh a neilo kang bang ni awm tak in a hmai chu a sawr bawl em em a,khawihli niawm tak in a hmai chu a pawng deuh pur bawk a hmaikawr Sangtea'n a phelhsak chiah chu chupa chu inchhung khawk rum rum khawp a au in Sangtea dar a a thil chehbur chu a phawi a Sangtea a ner sawk mai chutah dimna tel hauh lo in a thluak lang hawk khawp chuan Sangtea chhip ah a hreite ken ngei mai hmang chuan a chek pawp nghal hawk Sangtea chu a tlu hnawk a a chatthla chu a ni nghal der Lisa chu nasa tak in a tap a a hlau bawk si thinrim bawk si chu khawngaihthlak tak a ni,chutah chu joker thuam a inthuam chuan a hmaikawr vuah that leh pah chuan a rum ngul ngul Lisa chu a pan pa chhut chhut mai Lisa hlau lutuk chu a khur dawt dawt tawh ,a thir tlawn ken chuan chupa chu a khawh pawp a a pum ah thirtlawn chu a bur nghal vu mai,thir tlawn lak chhuah a tumlai chu  remchang ah la in Lisa chu hmanhmawh takin inchung sanglam zawk pan chuan a tlan leh ta hlawk hlawk a ,inchung sang zawk a pan lai te chuan diriam tih hriat tak a hmeichhe nui ri chuan inchhung zau tak chu a khawk rum rum a,a hmanhmawh luat ah step ah te chuan an tlu thul a ke dinglam chu a ulh a ni ngei ang na a ti kher mai,a hnung ah joker thuam a inthuam pa in a lo zui zel avang in a na pawh buaipui hman lo chuan a tlan zawm leh hlawk hlawk a,a ke chu na a tih em avang in tlan pawh a tlan chak thei  lo a tlan zawng te chuan a then leh sak sak thin,inchung a chhuah chhoh meuh chuan pawnlam chu a lo thim mup a a inchhung lam a an awm hunchhung kha reilote emaw a tih lai in pawn lam ah chuan khua a lo thim vek tawh  a nihchu.Mak tih na hun pawh nei lo in inchung atang a chhuk dan tur chu a ngaituah a chutih lai chuan joker thuam a inthuam a pawh in inchung alo thlengchho ve chiah Lisa chu a theihtawp a hmanhmawh  in inchung ah chuan chupa hlat zawng chuan a tlan a a sawt duhlo kher mai,a man hman takngial dawn a a hriat hnu ah vanneih thlak lutuk in inchung a tang chhuk theihna tur lei  lam a step in dawhthla zui chu a hmu ta hlauh mai hmanhmawh tak in step ah chuan a chhuk a,lei a thlen veleh a theih ang a chak in ramngaw lam pan chuan a tlan ta vak a ,hlau tlanchhia a ni bawk a  a ke tina mahsa a rin ai daih chuan a tlan thei fu, hla tawk tak a tlan tawh tih chuan vaimin huan an kalpelh tak kha a pawh hlawl mai an puanin pawh a la thleng lo in a hre si a mak a ti ru angreng viau ,mahse a hnung ah joker thuam a inthuam khan a zui tawh lo tih a hriat chuan a thawhawk thei thung ,mahse a hahdam reilo kher mai,a awmna vaimim kung te chu thli thaw miah silo hian an rawn che dual dual a chutah chhuak lutuk in hmeichhia a rawn tap hawm hawm mai Lisa hlau lutuk chu a ding khur tlawk tlawk .Thawm chu a reh hmuk a minute hnih dawn chu rannung hram thawm takngil pawh hriat tur a awm lo chutah a hnunglam ah chuan hmeichhe inhnit feih feih thawm a hre ta,lisa chu a ding khawng nghal awt thei zawimuang in a inher a hmeichhe pakhat hi a mah hnungchhang zawng chuan a lo ding a a sam a la thlah hnuang zui "tu,tu nge i nih" lisa chuan a han ti khur dar dar a,chunu inhnit feih feih lai chu tawp  in,zawite hian a rawn nui ri leh ta ker ker lisa chu penkhat in a tawlh hnung hret a ,a mi hmuh chu mihring a nih a ring tawh hlawl lo chutah chunu nuilai chu tawp leh thut in a lu chauh chu lisa lam hawi in a rawn in her ta mai a hmel chu nunna nei tawhlo tih hriat tak in a dang var pap a a mitmu lah a var lai reng reng hmuh tur awmlo in a dum vek  bawk a hmui chu a khawlla a thuina hnu tih hriatzet in a kaw deuh chuk bawk,chumi a hmuh chuan Lisa chu lei ah a tlu hnawk a engmah a hrezawm leh tawh lo








A harh leh meuh chuan a lo en ut mai,a awm na hmun chu a enkual a "nilo nilo a ni thei lo" tiin a hmai hup chung chuan a tap chhuak nghal hawm hawm mai,a hriat hnuhnun ber kha chuan vaimim huan  ah a awm kha a ni si a engtin nge hla tak thleng a tlansan tawh emaw a tih in ah ngei khan alo awm leh theih zawk,"nilo,engtik ah mah he in atang hian ka chhuak thei dawn lo a nihhi,engtin nge ka tih ang Lalpa minpui hram teh" tiin a tap zawih zawih,chutih lai chuan dar ri a hre leh ta a tap lai tawp chawt in a hawi kual nghal ruai mai choka lam atang joker thuam a inthuam pa chu a lo chhuak a mahse engmah a kut ah a keng lo hlau lutuk in lisa chuan a lo en a









Mahse chupa chuan heti hian a rawn ti ta a "hun ka nei reilo,ka taksa hi nakin lawk ah a rawn luah leh thuai dawn,chuvang in ka sawitur hi uluk tak in ngaithla rawh,eng ang pawn he in hi tlanchhuahsan tum mahla i lut tawh a nihchuan i tlanchhiatsan thei lo ang kei ang chiah hian ,keipawh a thuhnuak ah kum 20 chuang zet chu min dah tawh a nihhi" a tih chuan Lisa a mengphawk kher mai "tu ,nge nge i nih" Lisa chuan a ti khur dar dar a chupa pawh chuan "lalrokima ka ni,he in hi ka nupui nen  a kan in a nithin a mahde ka nupui chu rawng tak a thah a ni a,a that tu pawh ka thiantha ber a ni nghe nghe keichu ka thiantha ber ka nupui lak a a chetdan vang chuan ka thinrim ta em em a,he in ah ngei hian rawng thei ang ber in ka that ve ta a ni,mahse ka nupui thlarau chu a hahdam theilo a,ka taksa hi luah in ka duhdan nimiah lo in min awmtir ta thin a ni,hun tam a awm lo he in i tlanchhuah san theih dan awmchhun chu" a tihlai chuan a lu chu a thing nawk a "min hrilh rawh engtin maw helai hmun hi ka chhuahsan theih ang" rilru hmanhmawh lutuk in  Lisa chuan a lo ti vat a chupa in a lu vawi hnih vawi thum vel a thing hnu chuan heti hian a rawn ti leh " ka nupui thlarau hian he in a lut tawh phawt chu tumah nundam a chhuah a tum lo chuvang chuan he in hi hal la ,inchung atang i chhuahna ngai ah khan i chhuak leh dawn nia,hmanhmawh rawh ka taksa a luah leh tan mek a nia,ka chelh rei thei dawn lo!" A rawn tih tuarh ah chuan choka lam ah lisa chu a tlanphei nghal vat ,khawnvartui a zawng vat a a vang hrep lehnghal,a hmanhmawh lutuk chu a che phelh phengphung mai,Rokima inti lah a khat tawk in a au vak vak a , lisa chu a hmanhmawh tawh kher mai,vanneih thlak tak in gas bur bul kil a litter 5 dawng plastic ah chuan khawnvartui a lo awm hlauh mai,rang tak in a lachhuak a choka leh inchhung hmun tin ah chuan a thehkual nghal thawt thawt Rokima chu a au tuarh tuarh a 'tawp rawh tawp nghal rawh i thi dawn ka that dawn che!!" Hmeichhe aw chuan a rawn ti chher chher a "hmanhmawh rawh vat!!' Rokima aw ngei in a rawn ti leh thung khawnvartui a leih zawh hnu chuan nawalh a han nawt dawn a a alh thei der mai  bawk silo nawalh bawm dang an zawng leh rih a hmu bawk silo gas lighter chu hmu in a la vat a gas lighter hmang chuan tih alh tum in a bei ta tlauh tlauh reife a beih hnu ah a rawn alh ta pup a,chumi rual chiah chuan Rokima chu a dingngil awt a "i thi dawn!!" Ti a rak tuarh in lisa chu a rawn pan ta chhur chhur mai,Rokima chu a nupui thlarau in a chenchilh leh tawh a ni tih lisa pawh chuan hrethiam thuai in inchung kailawn ah chuan a tlanchho thuai a a ni ke na tlanchak theilo chu an in nangching thei teuh kher mai, inchung a thlen chuan inchung luh na chu  chhin hmak in thing bung pakhat chu a kalh na ah chuan rawlhlut in a kalh nghal hmiah a inchung chhuahchhohna kawngka chu a rawn chum bur bur a ,in lah a kang nasa tawh bawk si nen a hma a a lo chhuk tawh na step ah bawk chuan a theih tawp a chak chuan a chhuk leh a mei sa in a ur avang in a thlan tui te chu a chhuak zawih zawih a a khat tawk in a khuh leh barh barh thin  lei a thleng fel chiah tihchuan a kawngka kalh a thingbung chu chhia in Rokima a chhuakchho ve hlawl,lisa pawh a lo phu nasa ngang mai mahse in chu a kan nasat tawh em avang in Rokima chuan chhukna tur a hmu lo inkang hluah hluah chu hla ve deuh tak atang lisa chuan a tir vang vang a ramngaw khawk rum rum khawp a hmeichhe na tuar au thawm chu a ring kher mai,chutia in alh lam a thliar lai chuan a bul rawn ri deuh rawk a hriat chuan hlauhna a khat tawh sa a lo ni bawk nen a rak nghal tuarh mahse "lisa" ti ri a hriat chuan "Muante nangmah i ni em" a han tikhur dar dar a "nangmah i ni e ka va lawm em"pakhat in tih ri a hriat leh chuan lisa chuan mipa khat lo let reng a hmuh chu a pan a Muantea thi tawh an lo ngaih kha a lo ni "Muante i la dam,Lalpa ka va lawm em" tiin Lisa chuan Muantea chu a kuah nghal vawng vawng,khatia Remremi leh Muantea kalhrang ta kha Rokima khan hmu in Muantea pum ah a vit a Remremi tlanchhe ta kha umzui nghal in Muantea lam a ngaihsak zawm lo hi a lo ni a theih ang ang in Muantea chuan inchung chhuahna kha a lo pan ve hi a lo ni a, mahse a ni pawh Rokima nupui thla khan a tibuai ve nasa ngang mai, a changin a beng bul lawk lawk ah a nui uarh uarh a,a chang leh a tah khum leh vak vak thin Lisa te ang em in harsatna tawk lo mahse thil rapthlak tak tak chu a tawng ve nual tho mai,chutah Muantea chuan "khawnge midang" a rawn ti a lisa mittui a luang nghal zawih zawih "an thi vek tawh" lisa in a tih chuan Muantea bek ah mittui a luang ve nghal ngiai ngiai reitawk fe an tah hnu chuan inkang rem lam chu thlir dun vang vang in an theih ang tawk chuan kawngpui pawh na ni awm a an hriat lam ah chuan an kal ta a.






A Tawp Ta



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)