HAW RAWH U(Mizo Horror) - Chapter - 1

Hlauhawm lampang hrim hrim hmun hrang hrang a mi lakkhawm...
Maruata jr
Posts: 82
Joined: September 12th, 2018, 10:28 am

HAW RAWH U(Mizo Horror) - Chapter - 1

Unread post by Maruata jr » September 14th, 2021, 7:44 pm

Maruata jr


HAW RAWH U...
(Mizo horror)


Chapter - 1


Tun tum chu thu hma nei lawk ang aw. Phuba tih chu kan lo bilh fel leh ta a. Request a tam avangin, tun tum chu Hrang lam pang ka ziak dawn a. Eng nge a an dawn chu ka hre law. Theih tawp ka chhuah ang a, min chhiar sak thin tute chungah lawmthu ka sawi tak meuh meuh a ni...

Theih tawp chhuahin ka han thai leh dawn chu a ni a. Min sel mai lova min fuih sauh sauh turin ka sawm che u a ni.


Tan ang hmiang...



Chu Ram hnuai pil ril reh leh khaw har tak hnuaiah chuan, chu nula chu chhantu leh puih tu ngai em em hian a thawmhnaw tet leh sam thur nei nuai chunga a dam chhuah nan a, bei ve tang tangin chu Ram hnuai pil rilah chuan chhantu reng a tawng si lo. Mangang leh puihtu ngaiin a phak ang tawkin hmalam pan chuan a kal ve hram hram zel a.


A hnungah Mipa panga te chuan thah ngei tumin an um zui ngar ngar a. Chu hmeichhe pawisawi lo leh duhawmnaa khat, hmeltha bawk si chu, chhantu leh puitu ngaiin a van ruai a. A nun chhan nan, a theih tawp a chakin a hmalamah chuan a tlan ve zel a. A hnunga umzui tute ho lah chuan thah ngei tum in an hmanhmawh zual sauh sauh a. Tlai a lo ni a, khua lah chu a thim chak em em mai lehnghal, chutah kawl rawn phe zawr zawrin chhum dum chhah tak hi a rawn in pang aw zial tup tup a. Ruah mal lian pui pui hi rawn tla nghalin. Khawpui leh kawlphe chu a in chhawn tlut tlut a.


Chu Nula chu kal leh thei turin chakna a nei lo, mahse a rilru erawh a fim kar thung si. A nun khaw chhuah nan tlan zel loh chu tih theih a nei si lo. A hmanhmawh leh hlauthawng bawk nen, thing tang tlu ah in palin a tlu bawk khup rawp a, a ke zungpui na ti lutuk chu a then chawk chawk a. Au chhuah ngam si loh hian a ka hupin a mittui a dir zawih zawih a. In siam remin, thawh a tlan leh mai a tum lai takin, a hnunga um zuitute zinga pakhat chuan rawn bawh rawpin an pahnih chuan a thlang awi ah chuan an lum thla dun nghal vawn vawn a. A thiante pali chuan um zui ve nghalin, hmun zawl an thlen chuan.





An zinga pakhat chuan,'Nang mi tenawm nu, ka duh lo e, e ke ba le e, min han tih ve khang lang ni, i chan tawk chu i hmu khawp ang,' tiin chu nula thawmhnaw chu phih thlak sak a rual nghal a. Chu nula hlauthawng leh thla bar em em mai chu, a in hup ve tawk tawk a,'Ka tihpalh min ngaidam rawh u, khawngaih takin min kal tir hram rawh u,' a ti lawm lawm a. Mahse, chung mipa panga te chuan a khawngaih dilna chu engah mah ngaihsak lo in, thawmhnaw engmah in bel lo leh a mal var mum nalh em em te chu an thlir ning mawlh lo. A thawmhnaw phih thlak saktu pa chuan nam thluk pahin a bawh nghal a, a duh tawk a ngah hnuin a thiante pawh chuan an sual rawn ve leh a. Chu nula mangang leh tih theih neih si lo chu, a biangah mittui tla in a hun kal tawh rawn lang zut zutin hlim taka a tual len lai te, a thiante leh a nu leh pa te a mitthlaah rawn langin a mittui chu dan rual lohin a biangah a far zawih zawih a. A rilru na leh tawt lutuk chu engmah pawh a ti thei tawh lo.


An duh tawk an ngah hnu chuan lung chhar lawkin chu nula pawisawi lo leh duhawm em em chu dimna leh timna nei miah lo in a bekah chhu chawrh chawrhin. Chu nula chuan tuar lo in a nunna chu a thlah ta. Chung mipa panga tr chuan lei thuk vak lo a lai khuarin an thah tak nula ruang chu phumin an khaw lam panin an haw ta nghal a.



Kum 2007 a lo in her chhuah chuan Lalruatpuii chuan B.A a passed lawm nan tiin a thiante ho nen chaw eikhawmna neiin an hlim ve em em a. A thiannu chuan,' Tun kum, kum tawp lamah in tih hlim pahin lui ah riakin i kal ang u,' a han tih chuan. Midangte ho pawh chuan phur takin aw an lo pawh nghal sup sup a. Ruahmanna te siamin kal ngei tumin an inbuatsaih a. Zan lamah pawh chuan in kawm khawm hlawmin hlim takin chu zan chu an hmang liam ve mai bawk a.


A tuk khua a lo var a, Ruatpuii(Rpi tiin kan sawi tawh ang) chuan Bazar pui tur a sawm tumin a thiannu Malsawmi te in lam panin a phei a.'Kha in lo thawh tawh maw, khawnge Sawmtei hi a awm ? A la tho lo em ni ?' A han ti a, Malsawmi nu Pi. Hriati chuan,'Aw, a la tho lo, va kai tho tawh. Nizan chu in hmang nuam em ? Ka lawmpui lutuk che,' tiin a bai/bei chhuan chu a chawk nghal a. Rpi chuan lawmthu te sawiin a thiannu room lam panin a phei ve ta nghal a.'Sawmi tho teh, vawiin chu Bazar teh ang. Thil lei tur ka nei a nia,' a han ti a. Malsawmi pawh a mit nuai nawk nawk pahin a tho nghal vat bawk a. Tuk thuan ei khama in sawm leh tur inthlahin Rpi pawh a haw phei ve leh nghal a.





Duh tawk rih phawt ang aw.



Bul kan han tan ve leh chu a ni a, eng nge a an dawn chu ka hre lo a. Theih tawp ka chhuah ve zel a nia.


He thawnthu hi kan dama harsatna te a awm a nih loh chuan. Monday, Wednesday leh Friday zanah lo ti chhuah ka tum thin ang...





Wait for Chapter 2



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)