HAW RAWH U(Mizo Horror) - Chapter - 2

Hlauhawm lampang hrim hrim hmun hrang hrang a mi lakkhawm...
Maruata jr
Posts: 82
Joined: September 12th, 2018, 10:28 am

HAW RAWH U(Mizo Horror) - Chapter - 2

Unread post by Maruata jr » September 15th, 2021, 9:33 pm

Maruata jr


HAW RAWH U...
(Mizo Horror)


Chapter - 2


Recap : 'Sawmi tho teh, vawiin chu Bazar teh ang. Thil lei tur ka nei a nia,' a han ti a. Malsawmi pawh a mit nuai nawk nawk pahin a tho nghal vat bawk a. Tuk thuan ei khama in sawm leh tur a inthlahin Rpi pawh a haw phei ve leh nghal a.




Cont.....



Tuk thuan te an ei kham hnu chuan Rpi leh Malsawmi(Sawmi) te pahnih pawh Bazar turin an chhuak a. An Bazarna hmun pui ber hi an khua atang Km 5 niin. A hmun an thlen chuan an duh leh an châk khai te la hlawmin an bawr ve em em a. An mamawh an lei kim hnu chuan Thingpui dawrah an han chawl a,'Awi, en teh Lalthian, kan picnic tur kha ka nghakhlel tawh e. A nuam dawn ropui sia. Midang ho hi an kal hmam ve a ngem le aw ? Kal kim vek thei ila a nuam dawn mange,' Sawmi chuan a han ti a."Ni e, a nuam ngawt ang. Kal kim thei turah chuan ka han ngai ngawt a. A hun han thleng phawt se. Ti rawh, haw lam hnaih ve tawh ila."


Thingpui dawr atanga chhuakin an khaw lam pan chuan an haw dun ta thuai a.


Ruatpuii hi kum 25 niin Nula fel leh hawih hawm tak hi a ni a. Nau pakhat neiin Runremsangi niin Sangsang tiin an ko mai thin. Unau dang nei ta lo chu tet te atangin tumah ngai bik lo hian an in kawm chawt reng a. A nau Sangsangi hi kum 23 a ni ve thung a. Pawl 12 a zir ve mek bawk a.

*****************



Hun leh ni chu tuma tih din rual lohin hun chu a kal ve bek bek zel a. Ruatpuii te thian ho thil tum ni pawh a lo in her chhuak a. Zing hma takah an tum ram lam Ngawpui thim ruih mai mi ten an sawi thin 'Bungpui Ngaw' an tih mai thin lam panin an in khalh chhuak hlawm a. An Picnic tumna hmun hi an thlen dawn chuan chu Ngawpui, Bungpui Ngaw an tih mai chu pal tlang a ngai ngei ngei a. An hma hunah eng nge lo thleng dawn tih chu tuman hriat va ni suh.


Rpi te thian ho, Malsawmtluanga(Msa), Lalthlanpuii(Mti), Runremsangi(Sangsangi), Malsawmi(Sawmi) leh Hruaitluanga(Hruaia) te an ni hlawm a.

Eng thil nge an hmaah lo thleng anga, eng in nge lo hmuak ang. Hriat va ni suh. Tluang takin an kal ve zel a, Pafa hmel haih hun awm velah chuan Bungpui Ngaw chu an hnaih sawt hle a.


Tlemin sawi zau hret ila, hre lo kan awm takin :

"Pafa Hmel haih" an tih hi thim thet thet, thim hlim. Hmel la hmuh theih si mahse hmel hriat chian theih loh, hmuh chian theih tawh lo Dar 6:00pm lai vel tihna a nih chu...


Bungpui Ngaw an tih chu an hnaih tial tial a, Sangsangi chuan chawlh a rawt a, zun ram thiar turin an han chawl a. A thim deuh tawh avang chuan Sangaangi zung tur chu a hlauh deuh avangin Hruaitea chuan a zui a. Chutia Sangsangi a Zung zo a tho chiah Hruaitea bul a thleng an thiante lam pan tuma an kal an siam leh tur chiah chu an hmaah tak hian Mipa pakhat hi a lo lang hlawl mai le, Sangsangi phu nasa lutuk chu a au thawt nghal mai reng a. Chu tah an hmaa ding chuan,'Haw Rawh U, he lai hmunah hian tih tur in nei lo, thih in duh loh chuan Haw nghal rawh u," a han ti a. Hruaitea'n chhan tum a, a ka a an zuau lai chuan chu pa chu ngaw ril lam panin a pil bo lehnghal daih lehnghal a. Sangsangi ngaih a tha ta tlat lo mai le. Haw tur a titu pa kha a rap hial letling zawk a. Chutiang hmun fal leh tuma tlawh pawh vak lohna hmun, ram vak mi han ti dawn ila ni chiah bawk si lo. Ram vak mi chu ni se khaw lam a pan tur a ni si. Ngaih tha lo leh zual turin chu Bungpui Ngaw lam chu a pan ta deuh deuh lehnghal.


Hruaitea chuan ngaihsam hmel fe hian,'Kha pa kha a â deuh a ni ang, engtik tak chu ti dawn emaw. Tirawh, thiante va pawh vat teh ang,' a han ti a. Sangsangi pawh chuan i he lo chuan a zui ve mai bawk a. An thiante an va pawh leh hnu chuan an tum ram lam 'Changel Lui' an tih mai lam pan tur chuan an in khalh chhuak ve leh a. Chu Changel Lui an tih mai thleng tur chuan, Bungpui Ngaw ah zan thum tal riah a ngai ngei ngei a. He Bungpui Ngaw hi a zau em em a, chhunah pawh a thim deuh ruih mai a. Thing lian pui pui, Chhur a rual rual an tih hi a ding ngir khup a. Bungpui Ngaw tia an phuah/sak ang deuhin Bung Kung hi a awm ve nual bawk a. A hming atang reng hian he Ngaw hi a hlauhawmin a rap awm hrim hrim a.

Chu ngaw an han thlen atang reng chuan boruak a dang zar mai le. Chutah thui pawh an la tlan hma chuan an Motor chu a thi ta thut mai a, an Motor a thi chiah tih ah Hmeichhe mangang au rawl thawm a rawn chhuak thut mai a.'Min puih ru, ka duh lo, min chhan ru,' tih thawm an hre nghal a. Hmeichhe ho chu an mur sung sung a, hlauhthawnna in a man nghal a. Sawma chuan,' Khaia, ka beng chhe ri a ni lo maw ? In hre ve em ?' A han ti a, Midang ho chuan an lu an lo buk khum nghal a.

Lalthlanpuii(Mti tiin kan sawi tawh ang) chuan,'Tiru, i kir leh mai ang u. Kei chu ka hlau tlat. Bakah, a hmun reng reng pawh hian mi rap tlat,' a han tih chuan, hmeichhe dang ho pawh chuan an lo tuihnih ve tliar tliar hlawm a. Mahse, Sawma leh Hruaitea chuan hlauhawm a nih loh thu leh engmah a nih loh thu a chhangin an Motor en dik tur chuan an chhuk thuai a.



Nichin/Nachin a hmeichhia bawk kha rawn tap leh vak vakin a chang leh rapthlak takin a nui leh uarh uarh a. Sangsangi, Motor hma light in a en chin, a han hawi chhuak chiah tih ah an kal lampanga an hmuh Mipa pakhat kha a hmu leh thut a, a hlau lutuk chu a rak teng tung mai le. A bula thu Rpi leh Sawmi chuan an,"Eng nge, Eng nge, tinge," an ti nghal chul a. Sangsangi'n a kawhna lam an en chuan tumah hi an lo awm tawh lo a. Mipa pahnihte pawh chuan an va en thuai a. A bul vel an han en lahin tumah an lo awm tawh si lo a.


Sawma chuan,' Kan Motor hi a nung thei tlat tawh lo, in Phone torch kha on theuh ula, riahna tur hmun rem chang i dap vat teh ang u,'a han ti a. Hmeichhe ho chu an phur tawh hlawl lo a ni. Motor atanga chhuk dialin an riah buk tur chu an han zawng nghal a. An Phone Torch Light-in a chhun theih loh chin erawh thim tak a ni thim tak.


Chutia an kal zel takah chuan hmun rem leh zawl dup mai hi an hmu mai bawk a, a hmun vel ti faiin an mutna tur Puan in (ka sawi thiam dan) siam nghalin, Meipui an chhep alh hluah a. Ti ti hrang hrangte vawrhin zan a lo rei deuh takah chuan an mu ta dial hlawm a. Hmeichhe ho chu anmahnia mu ngam awm hek lo le, an mutna chu inzawm vek a siamin Mipa pahnihte chu a sirah ve ve mu in. An Motor chuang chau ve bawk nen. Kar lo ah an muhil ta diak hlawm a. Sangsangi chuan mang lo neiin an kal lama an hmuh pa bawk kha lo hmu lehin a tawngkam ngai chiah lo sawi lehin,'HAW RAWH U, HAW NGHAL RAWH U, THIH VEK INDUH LOH CHUAN, HAW RAWH U,' hi a lo ti leh a. Sangsangi hlau lutuk chu a dâng sawp sawp thei hial a. Harh chhuak hlawlin a thu chhuak hlawl mai a. Thlan hian a lo bual huh vek lehnghal, a mang chu ngaihtuah nawn lehin a ngaihna a hre lo hle mai a. Mak a ti em em a, a hlau bawk si mahse tih theih nei si lo. Kar lo ah a zun chhuak nghalin. Zung turin a tho chhuak nghal a. An meipui chheh chu a la ling vam ham lehnghal a. Sangsangi hi a tet lai atanga mi huaisen an tih kha a ni ve hrim hrim a. Hlauh pawh hi a nei em em lo, mahse a mang erawh a ngaihthat lohna chu a zual tulh tulh mai si a.


Chutia a zung zo a hawi chhuak chiah an Mei tuahna lingin a chhut en phak chinah hian hmeichhe pakhat kawr var vek a inthiam, a kawrah chuan thisen hi a kai nei nuai a. Sam thlah hnuang mai chuan a lo bih kur mai le... Sangsangi chu a hlau ve ngang mai, chutiang ramhnuai leh tihbai awm, hmun reh leh fal em em a chutiang han hmuh thut chu... Ngaihtuah ve mai rawh...


Sangsangi hlau lutuk chu, au mai na chang pawh a hre lo, a kaih ni ber hian a hriat a. Chutah chu Hmeichhia kawr fual var ha leh Sam thur nei nuai, a hmel pawh hmuh chian theih si loh chuan a lo la pan ta deuh deuh lehnghal a. Rawn then khum vakin a rawn la nuih vak vak lehnghal. Rapthlak tak a ni, rapthlak tak.


Eng nge an tawn zel tak ang le, chu zawng Next epi lo chang rih phawtzzz mai aw.




Duh tawk leh Phawtzzz ang aw...





Wait for Epi 3



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)