RAMHUAI/THLA NAUPANG TIBUAI THIN CHU (True Story)

[Ngaia]

RAMHUAI/THLA NAUPANG TIBUAI THIN CHU (True Story)
******************************************************************************
Lal Nun Sanga

He thil thleng hi nikum 2014 kumtir lam mai kha ani a, Mizoram khawthlang lama thilthleng ani. A khua hi khaw lian ve tak ani a, a hria emaw hemi khua ami hi in lo awm pawh ani mai thei a, in pawi ka sawina alo ni palh ang tih chu ka hlau khawp mai. Khaw hming leh mimal hming tih mualpho leh hminghliau tumna ani lo ani, khawngaih takin a khaw mi leh a chanchin kan sawi turte laina, thian leh hmelhriat in lo awm anih chuan in mi hriatthiamna leh ngaihdamna ka ngen hmasa tak meuh ani.

April thla laihawel ve khan he khuaah hian ka zin thla a, ka cham chhung hian kan Pastor te inlamah hian ka lenglut zing ve khawp mai a, ka innel ve hle reng ani. Tukkhat chu kan Pastor nen chuan kan zing len vel mai mai a, thingpui dawra kan chawlh lai chuan kan bula pa ho chuan he kan sawi tum chanchin hi an lo sawi ho laih laiha. An thil sawi chu ka ngaihven hle ani tih kan Pastor chuan a hria ni tur ani…nakin deuhva chung pa ho an chhuah deuh vek hnu chuan kan Pastor chuan,”Kha an naupang sawi kha miin a school kal tur min kawhhmuh ve a, chiang deuhvin ka hmu ve tawh asin” a rawn ti ta phawng mai a! A sawizawm beisei tih hriat takin ka han en hau mai chu a hmuhhmaih lo ngei mai. Tichuan chu chanchin khawtlang titi luah tu ber chu tihian a sawi chhunzawm ta ani:

(Kan Pastor sawi angin 1st person angin sawi tawh mai ang) He chanchin hi amak nachhan leh titi a tih tam chhan ber chu he naupangina a ramhuai hmuh dan leh chu ramhuai thuchah a sawi chhawn thin hi ani. He naupang chu sawiloh, anu leh pa te pawn he tuna an inhmun lo neitu hmasa te chanchin hi an hre pha hauh lova, tuman an hrilh pawh a rinawm loh. Mahse he naupang hian a ramhuai hmuh thinin thu a chah a sawichhawn hian chu an inhmun lo luahtu hmasa a an nu chanchin chu ani a sawi chhuah thin ni.

Tunhma chuan he inhmunah hian nupa hlim ve thei tak hi an awm thina (fa an neih leh neih loh kan Pastor hian a sawi tel loa, ka hre bik lo), an nu zawk chu Pathian thuah pawh tui ve tak ani thina, ahnuah phei chuan mihlim/hlimsang kan tih ang hian nasa taka sawiin a tuipui chho ta em em a. Mahse hun alo kal zela alo da ve tial tial a, a rei hnu phei chuan biakin pawh a thleng ngai ta mang loa. Inchhungah hian a inkhung chawt mai thina, a awmdan chu rilru buai lam a ang hle tawh a. Tichuan alo rei deuh deuha a che bawraw tial tial mai a, mi reng reng chuan rilru buai ah an ngai vek tawh ani. Tichuan a pasal pawh chuan tih ngaihna a hriat tak lovah chuan an room chhung kilkhatah chuan jail ang deuh hian bawm a siam a, chutah chuan a khunga eitur te pein tichuan hna te a thawhsan ve thei thin ta ani.

Hun a kal zela, chu nu khawngaihthlak tak chu natnain a tlakbuak nasa emai tiin a pasal leh laina hnai te chuan phailama Doctor thiam te rawn turin Jeep in an phur thla ta a. Ahnu rei vak lovah chu an awmna Hospital-ah chuan khawsikpui natna avangin a thi ta ani awm e.
Mahse he naupangte reuh hian tlaikhat a school bang an step a chhuk chu an step tawp berah hian kawrvar fual ha hi amah hnungchhawn zawnga lo thu a hmu a, hlauhna em em pawh neilo chuan a chhuk ve mai a, mahse a zawn a thlen chuan chu lo thu reng chuan naupang chu a banah alo man thut mai le! Naupang hnenah chuan bengchheng lo tur leh a thusawi chu ngun taka ngai thla turin a ti a. Tihian: “Mi zawng zawng khan rilru buai amaw min ti veka, mahse rilru buai ka ni haulh lo. Tin, ka thihdan pawh kha khawsikpui vanga thi amaw an tih kha anilo! Tura hrai hlum ka ni! Heng ka sawi hi I chhungte leh mi zawng hnenah lo sawi chhawng rawh, I sawi lo anih chuan ka lo la inlar fo ang” tiin he naupang hian a hnenah a sawi a ti.

Chutak chu ani miten he naupang hian dawt mai mai a sawi an rinlohna chu. Engtin nge naupang hian he inhmun lo luah tu hmasate ah khan rilru buai an awm tih a hriat ang dawt phuahchawp nise? Anu leh pa te pawn an hre lo ani sia. Tin, an khua ah pawh upa lam ho lo chuan tuman an hre pha lo ani sia..makve tak ani. Mahse upa ho erawh hi chuan khawsikpui ngei ani a thihna hi, a ruang pawh postmortem hnuah rawn phurh chhoh ngei ani an ti ve tlat thung.

Tichuan chu chanchin an hriat chuan anu leh pa chu an mangang em em a, mimal leh kohhran ho te sawmin tawngtaina leh zaikhawmna te annei ta thina an inah hian. Chu thla rawn inlar pawh chu a reh ta viau mai a,,,mahse zankhat chu Kohhran ho an zai mup mup laiin chu naupangte chu an inchhung thoa bathrooma zung tura a lut chu arawn leng chhuak nawlh mai a! A hmu tute pawh an rak thawt nghe nghe a. Thil awmzia an zawh chuan chu naupang chuan, “kha thla ngei kha rawn inlar lehin min mana min rawn thehchhuak ani” tiin a sawi leh tlat mai. Tichuan Kohhran ho chuan tawngtaina te nen bei ngawrh sauhin Bible te an chhiara, an bei chiam mai a. Chutatang chuan tun thleng hian ala rawn tibuai leh ta lo chu anih hmel e.

(Hei hi kan Pastor-in mi hrilh dan chu ani a, hlauhawm viau phei chu anilo a mahse a taka thilthleng ni ngei, khawkhat pum tawp witness thil anih vang hian ka ngaihlu ve reng renga, ka'n rawn post ve tawp ani e....Thanks for reading!)