RAICHEH THLAHRANG

[Ngaia]

RAICHEH THLAHRANG
Valzotea Chhakchhuak Zunleng II

Tunlaiah hian raicheh hi thil vang tak a ni tawh a. raicheha thi an awm chuan doctor te hian dem an kai hial reng a ni. mahse, hringfate thiamna hmangadanzawhloh leh inthlahdah vanga raicheha thi ta sawi tur erawh an awm leh zeuh thin a. mizote rilruah pawh he thihna hi chuan rilru a la khawih bik riau mai a. kristian a inchhal mah ni ila. han ngaihbel tur leh. engemaw thil han sawizui tur chi hiala thleng fo mai. nikum hmasa khan thingtlang khaw pakhatah(thup ang. chhungkhat laina an lo awm takin rilru a na palh ang) kapi te tlawhin ka zin a. karthum chhung ka cham nghe nghe. he ka zinna ah hian kumkhuaa ka theihnghilh tawhloh tur leh ka hriatchhuah apianga ka hmulthi tiding sur sur zel chu ka tawng ta a ni.Ka thlen zanah chuan vengthlang lamah raicheha boral an awm ta hlauh mai a. amah hi nu valai tak kum35 bawr vel a ni a. afa pathumna chu a thihpui ta a ni. ka la kal ngai lemlohna khua a nih vangin mitthi lumenna ah hian kalpui tur ka neihloh vangin ka kal ta lova. ka chau deuh bawk nen, ka mu ta vel mai mai a.chhungkhat inhmu zen zenlo kan ni bawk nen ka patea te nupui hi ka la hrechiang vaklo hlawm a. mopathum lai an awm lehnghal a. an chhungrual phian mai.. tuak khat chu inhrang chang tawh. an in luahlai an sak mek vanga kapi te ina rawn awm rih anni a. kan rual khawp mai.khatia zan mitthi ina kal lova ka mut takah khan zanlai ka zunchhuak chuan min kai harh a. vengmawng lam hlatakah chuan khuangte a ri tlangtlang a. hlauhna em em pawh ka neilo. a mitthi ber lah ka hrelo hrim hrim a.chutia ka zunchhuakin min kaihthawh takah chuan pawn lamah hian bath room hi a awm a. bath room luh dawn chuan pawna chhuah phawt angai a ni) thawmdim takin ka tho them them a. pawn lam chuka pan ta a. chhunglam atang kawngka kalhna chu ka hawng a. thla lah chu a eng oaw deuh chuk a. thlasik lai anih avangin chhum leivak an tih mai chu a zam paw deuh chuk mai a. ka tiril hi ka hriatloh hlan hian alo khur ru er er mai.. han hlauh vak phei chu ka neilo na a. pawna han chhuah a bath room va pan chu ka hreh ta tlat mai a. tlangvala pumpa kawngka atanga han zun khawh tur tur lah ni theiin ka hre silo. huphurh tak chuan ka va phei ta hram a. eng thawm mah hrelo chuan ka zung zo thei ta.. ka hmanrua ka han khung fel a. inchhung luh tuma bath room atanga ka han penchhuak chu ka ding chawt mai. ka luhna tur kawngka bulah chuan nu pakhat hleitling angreng tak kawrfual ha hi a ding run mai a. ka hmulthi chu arawn ding sung sung a. ka taksa chu a vawt sung sung mai a. khawvawt nen.. ka khur chhia chu a ni ta der mai. ka kal lui dawn nge ka au vak dawn? tih chu ka rilruah chuan arawn in zawt tluk tluk ila. kallui ngam lovin au ta vak ila.. kawngka bula lo ding kha ka patea te nupui tu ber emaw lo ni tase, dawizep tiin min nuihzat dawn si.. kal tlang lui dawn ta ila, thlahrang lo ni ta se, min han chhiatkhum se ka hlau dawn lutuk bawksi. vala lu hi a hai mum mum chu a ni ber e.Thih leh thih tiin hmalam chu ka pan hret hret a. ka hnaih ve hret hret a. inring tak chuan muangchanginka pan hnai zel a. thla-eng chhunna engah chuan chu hmeichhe hmel chu fiah vak silo, hriat theih ruaihian ka hmu thei ta a. mahse, ka patea te nupui tu emaw ber mah a ni tlat lo mai. ni se chuan tlaiah ka hmu hlawm vek tawh a. la in hrechiang lutuklo mah ila tu ber nge a nih ka hre thei tur a nia.ka ding deuh chawt a. hmel danglam lutuk leh hkauhawm hmel erawh a pu lo. ngawi reng chuan min en reng a. kei lahin ngawi reng chuan ka en bawk a. chutia kan inen reng lai chuan ka mit hi a rawn vai deuh chum chum hian ka hria a. ka han meng deuh kawk a. ka khawhmuh pawh a pangngai leh ta. mahse, ka hmaa ding chu a tukhum lam min chhawn ta tlat mai. engtik lai khan nge a inher pawhka hre hmanlo. ka mit vaih deuh chum chum lai pawh khan ka en reng tho a. a che pawn ka hrelo. kahmuhfiah theihloh hma khan ka meng leh kawk kha a ni si a. hetah zet zawng. ka hlau chhe ta. ka han au dawn a. ka aw a chhuak thei der silo. ka rilru erawh afim a. ka patea te auh ka han tum a. ka au thei silo. maimichhing chunga inchhung lama tlanluh chu ka tum ta ringawt mai a. ka han maimichhinga, tlan ka tum a. ka che thei der lo mai.ka mangang ta takzet a ni.. chet ka tum a. ka che thei der talo mai. ka meng ngam tawh bawk silo. thli hi arawn thaw vuk a. ka harh hawk a. ka han meng a. ka hma lawk kawngka bula ka thilhmuh chualo bo ta daih a. ka thaw aveng hawk mai a. ka hlauna leh ka thakhur erawh ala reh chuanglo. ka kut chu ka ti che a. ka pen a. hlau tak chung chuan inchhung chu ka lut a. kawngka pawh ka kalh ngamlo. kalh turin pawn lam kha ka hawi ngam tawhlo hrim hrim. ka mutna ah chuan ka inthawlh a.inlukhupin ka mu a. ka muhil thei ta reng renglo mai. ka thiltawn chu mak ka ti a. thlarau/ramhuai te hian min lo thunun thei amawn le? che theilo te hian min lo zel thei amawn le? tih te chu ka ngaihtuah a. hemi zan hian ka muhillo hrim hrim. reitak ka mut hnu chuan. choka lam chhuat chu arawn rap ri thret thret a. mahse, kapi zingtho chu niin a khuh ri khak khak athang chuan kapi a ni tih ka hria a. ka thla amuang huai mai. ka la mu lui renga. chaw-ei dawnah kapi chuan min rawn kaitho a. nizan lam ka mutlem deuh aniang. ka thlamuan hnukgan ka lo mutui phian a nih hmel. zan kama ka thil tawn erawh chu tumah ka hrilh duh ta lem lova.ka patea chuan thlan lai turin kalpuiah min sawm a. ka va kal ve ta nghe nghe a. ka tha erawh atho lo khawp mai. thlan lai an tam bawk a. ka lut ve ta lemlova.,atawp thleng erawh chu ka awm ve ta a.. thlankhura lut tkem deuh ho kha ruang la turin kan kal a. ka phurlo hle na a. ka chak ru ve deuh a. nizana ka hmeichhe hmuh nu hmel leh tuna mitthi hmel hi a inang em? tih hriat chu ka chak a ni. tichuan kan kal ta a. pawnah kuang ruak chu alo inchhawp ruah mai a. ka patea leh midang nen chuan kuang chu kan zawnlut a. ruang chu kuangah khung a. thla lakpui tura pawna zawnchhuah tur a ni.. khatia kuang kan zawn lut mitthi khum bul hnai kan thlengphei . ruang kiltu ho an lo tawlhsawn chiah khan mitthi hmel chu ka zu hmu thut chu ka phu zuk a.ka rak deuh thrat nghe nghe a. ka lam an rawn hawi thrup lehnghal a. ka inthunun thei hram a. ruang kgawihtur erawhin chakna ka neilo. ka patea bulah chuan khurru der der chung chuan ka ding a. ka mualpho chhiava chu a ni ta.khatia mitthi hmel ka va hmu kha. nizana ka hmuhnu hmel chiah chiah kha a lo nia. ka rap lutuk kha ka insum hman thlawt lo a ni ber mai.. midang chuan ruang chu an buaipui a. kuanga an khung fel hnu chuan pawnah an chhuahpui a. ka zui ve ta vel mai mai a. ka patea chuan ka awmdan chu mak ati tih a awmdan atang chuan ahriat mai a. mahse, engmah phei chu min zawt rihlo..cont.....cont.. ngaia thuziah hi ka duhlo viau na a. ala thui dawn sia. a ninawm palh ange. ka cham chhung hian thlamuangin ka cham lova. mahse, ka haw dawn hnsiha ka thlamuan tak nachhan vel te ka la rawn ziah chhunzawm ang. naktuk zan lamah.

Khatia mitthi in atanga ruang an zawnchhuah takah kha chuan thlanmual lamah pawh zui ta lovin ka thleninah chuan ka haw tlang ta nghal a. ka inbual fai zawh chuan ka mu zal ta mai mai a. zan lama ka mut that vakloh vang nge, ka lo muhil a. ka mumangah chuan chhum dum chhah tak hian mi lo zial mup mup a. ka lo vaikiang thei awzawnglo mai a. hah tak chuan ka vai vak vak a. mahse, chet ka harsat tawlh tawlh a. chhum dum chuan mi lo zial nghet tulh tulh a. ka kut pawh chu ka vaichhuak thei ta mang der lo mai a. chutia tal ka tum fan fan lai chuan min lo sawi dawt dawt a. ka harhchhuak hlawl mai a. ka patea nupui chuan chaw-ei turin min lo kaitho hi a ni a. ka lawm angreng hle mai. ka taksa chu arawn vawt deuh ur ur a. thlanfim hian mi lo bawh zuih chu niin. ka inhru hul thuak thusk a. chaw chu ka va kil ve ta nghal a. zanriah eikham chuan khawharin kal chu ka huphurh angreng hle mai a. mahse, han kalloh ringawt lahin tihtur awmlo nen. lenna tur ka hria azeng pawh ni silo chu areh tluk tluk dawn si a. chak vaklo chung chuan ka insiam ve ta a. ka patea nen chuan ksn chhuak rual a. kan in piah lawk va penhleh deuhah hian masangi te hi an awm a. kan va sawm kawi zuai a. kan inzuichhuak ta dam dam a. mahse, lengkhawm boruak chu a uap churh hian ka hria a. zai a har riau mai a. zairi lah a rit luk hi a ni ber mai. ka bula thu masangi chuan boruak rit tak chu a hrethiam ve ni ngei tur a ni. zawitein min lo hrilhru sar sar a. nidanga mitthi an awm chuan zai a nawm theih nen. zanin chu zai a har khawp mai' hi a raen tichhuak hlawl mai a. 'ni ngawt mai tiraw' ti chauhin ka chhang a. zan hmasa lam tlaivar zan a ni bawk nen. zan darriat velah chuan lenkhawm chu kan bang ta a. kan pathum bawk chuan kan haw rual hlawm a. ka atea erawh pu kunga'n arawn au peng a. kumthar lama Lo number pawhtur leh thildang sawi lawk turin VCP te inah chuan min pensan ta sia. ka thinrim rilru khawp mai a. kan chho zel a. kan kalrualpui midang chu an pengdarh zeuh zeuha. masangi nen chauh chuan kan chho ta a. an in peng kan thlen chuan ka ding deuh chawt a. mahse, han thlahlohna chi kha a ni si lova. an in lamah chuan kan inzui phei ta a. thingpui te min lum a. ka hawtur chu ka huphurh ru angreng khawp mai. kan in chu hla vak phei chu a ni lova. mahse, ka hlau tlat. thut reng na chi a ni der silo. haw huphurh vang khan thu reng ila. atlai tulh tulh anga. ka hmakhua a ko tulh tulh mai dawn si. ka chhuak ta nge nge a. mahse, ka vanneih asiamin, ka hma lawkah chuan ka patea ang deuh hi akal ka va hmupha zuai a. an bang tawh anih ringin ka va um ta vat a. ka thla pawh amuang huai mai. mahse, achhak kawia a liam chiah kha a ni si a. ka umpha talo tawp mai a. zawitein ka han au deuh tawp mai a. tumah lah chuan min chhawn silo. ka hlau leh ta hle a.
Thuilote ka kal leh hnu chuan. in chu ks thleng chawpchilh a ni mai a. ka pi te pawh an lo la meng a. thingpui te ka inzawh hnu chuan ka mu ta daih a. ka mutthilh hma deuh chuan ka patea chu alo haw ve chauh a. nichin ka haw laia ka hmuh kha a ni thei tlat si lova. ka hmusual emaw. engemaw inlar chu an awm a nih ka ring ta ringawt a. engmah phei chu ka zawt zui lem lova. ka muhil ta a.
zanlaiah chuan choka lamah chuan pen thawm hian min tiharh hlawl mai a. ka chhungte tu emaw ber an tho a nih ka ring a. mahse, anilo thei tih ka hriat bawk avangin ka hlau rilru tho mai. va belhchian ka ngam bawk si lova. ka mu meng kar a. thawm chu ka nfaithla tawp mai a. phun deuh bul bul in ka hria a. nutling aw ngei chu a ni. mahse enge asawi ka hre hauhlo mai. hlau ru taka ka awm lai chuan. ka nutei chu room atang arawn tho chhuak a. ka en ru reng a. choka lam ava phei a. arak tuar tuar mai a. ka tho lawk ngamlo. ka patea te, kapu te an rawn tho a. keipawh chu ka tho ve nghal a. tui dehna lam chu a kawk a. alo khur zawih zawih a. engmah phei chu kan hmu ve lo. a meng a ruai mai a.. "enge?" tih kan zawh lah chuan min chhang silo.. a han hahdam deuh hnu chuan tihian a sawi ta a.
Khatia ava tho. choka a alut phei kha. tuna mitthi khi tui dehna bulah hian alo ding a. min hnungchhawn zawngin ading a. a taksa inher miah silo khan. alu ringawt kha a rawn inher kual a. mi rawn nuih vur vur a. ahmel lah chu a dang var vek lehnghal a. ka rap lutuk kha ka rak ta vak a nih kha. in rawn chhuah pawh khan ala ding reng a. ahnu deuhah khan lungngaih hmel deuhin min en a. a thamral ta daih a nih kha" tiin asawi a. nutling thusawi han awihloh chi a ni der silo. kei phei chuan ka ring nghet bur a. mak pawh kan ti hlawm.. mahni a setting room a mut zui ka ngam ta si lova. room chhung ka pite khum bulah chuan awngphah phahin ka mu ta daih a. nuam chu ka ti chiah chuanglo.
atuk zingah chuan. thu lengvak a tam khawp mai. kan thenawm lawkah hian rawlthar pakhat khawhar ina riak hi a awm a. a mutbu arawn pu chhuak daih a. ka patea chuan achhan a zawtchiang a. tihian a sawi ta a. "khatia kan mutthilh dawnah khan. inhnuai hi a ri leh rawk rawk thina. atirah chuan. zawhte in um vel anih kan ring a. mahse, thawm chu ana tial tial a. kan harh vek tawh. chutia mahni mutna hmun theuha kan men ker hlawm lai chuan. tuna kan mitthi hi. inhnuaiah chuan a rum leh hum hum thin a. a naupang deuh phei chuan kan hlau khawp mai. mahse. kan val upa lam deuh pathum chu inhnuaiah chuan an zu chhuk a. engmah phei chu an zu hmulo. ngaihthalo tak chuan kan mu zui ve mai a. zanlaiah chuan. naute mutpuitu ber (mitthi pasal u, nuthlawi ania. fa kumkhat bawr vel a nei mek) chu arawn rakchhuak ta chiam a. kan tho nghal deuh sup sup a. rooma kan va luhkhawm chuan. bang kilah hian alo tawm chawih mai a. naute chu akawk a. 'kha kha lasawn vat ru. a hlauhawm lutuk' tiin a au chul mai a. api chuan naute chu apawm ta daih a. engtinmah phei chuan kan hmu danglam ve hranlo.. mahse, a mutpuitu ber chuan. zanlaiah naute chu amah hian boruakah akang a. mi rawn hui zoh zoh lehnghal a. ahmel chu rapawm deuh hian arawn awm a. khatia ka au vak khan. khumah muangchangin a tla leh a. a muhil zui leh ta mai sia. ka rap em a ni' tiin a sawi a. chumi zawh atang phei chuan tumah kan muhil zui tawhlo. zing alo nia. ka rawn inpuchhuak daih a nih kha. midang pawh an chhuak nual" tiin ka patea chu ahrilh a. he raicheh thla hian khawchhung a luahhneh hle mai. cont.