THLARAU MAK TAK By - Laltha Zuala Hmar Mcf

[HLalthazuala]

THLARAU MAK TAK
April 6th, 2012 9:00 pm by lushai_er
[MIZO LEH VAI CHAN CHIN BU -Bu 10na {OCTOBER 1912}]

September 18-1912 lai khan Neiluta Lalluaia Reiek khua a mi a lo thi a ; tin, amah chu fa pakhat nei ani a; a nupui nen pathum mai khawsa an ni a.
Tin, a thi chuan then awm pa leh hmeithai ho chuan an riah pui a, zana chuan fian te in a deng ta a, tuibur-um te in an chala te a deng fawk fawk mai a, an mang-ang ta a, nimahshela van tlang-in an awi shak duh lo va,
tin, tlangval. then khat chuan an dawt fiah tur in an riak a. Tin, khua chu a lo thim a, mei thim mut reh veleh hian a che ber ani a, thingthu te in pawnpui a vawm a, an kang ta a, chhura bel te chuan an kianga a tea vawm phel shawk shawk mai a, an tlaivar leh ta der mai a.
Tin, zana chuan tlangval shawmhnih lai an riak leh a. Zan chu a lo reh a, hmunphiah te chuan a hawl nek mai a, dawhchho te hi a theh dawr dawr mai a, an pang a te hian a hmuai hlawk hlawk maia, thil na tur zawngin mi a deng fuh lo ve, zanlai a china pawh awilo kan la tam ­zawk fo va.
Tin, zan khat chu kei pawh ka zuk riak ve a, mei kan han ti-thima, sazu tih rik ang hian rapchung chu a han ti ri vak vak mai a, a riak ngaite chuan, ” A lo kal ta ngei, in veng rawh u ” an ti a, a nupui chuan “in chara khan a kal zak mai, zak mai; ani leh ta ngei,” a ti a, chuveleh ka naka chuan fian hian a zuk vawm fawk a, ” Ani ta ” ka ti a

ka kiang a mi te chu a zuk vawm leh a, vaithum fian chu a han theh thla a, kan tuar reng a, mei thingthu-nung ban chen zet hian kan lu chu a vak tek ur ur mai a, kan zuang tho va, kan thian pakhat chal chu a vaw thawi a, tin, kan han mu leh dawn a, bel ruak lian ngial khamtluan a dah chuan ka kiang a mi bek ngei a a vawm phel shawk a, kan tuar ngam ta lo va, mei kan chhem a kan meng tlaivar ta a.
A zana siIai a kah tum in tlang­val nen an pung leh a, chuti-ang bawkin a deng a deng a, silai chuan rapchung a la ri lai hi an kap vak maia, a reh chuang aw zawng lo va,
tahrik 7-10-12 hemi ni thleng hian a pang-ngai fovin a la awm a,a nupui a riah lo chuan a che lo, a nupui a riah na a piang-a a zui a.Tin, mi te a dap a dap lai chu man tal turn in an- in ring a, tlangval pakhat chuan “A kut ka dek thuak hman” a ti a,
tin, zankhat chu a nupui chu a then-awm te’n dawlrep bai an pe a, a nupui chuan chaw a lo ei­kham tawh shi a, naktuka hmeh a a ti a, bel-thleng hian rapchunga a han dah a, a va zun hlan mai chuan baw hauh shi lovin a lo fai rian maia, a buak na reng reng engmah a awm lo ve, heihi a thilmak tih ropui pawl ani, a thil tih zawng zawng chu shawishen tar ani love.
Thiante u, he thu hi in-awi ka ring bar lo, nimahsela khawkhat pui zawng daw zo zai in ring bawk shuh u, ramhuai nge thlarau hriat ani lo.
Sel-luaia, Reiek khua
(P.S : An thuziak hi a ngai ngaiin edit lohvin ka rawn tarlang a nih hi, kum 108 dawn kal tawh a document kan la vawn that ve te an ni a, a hlut bakah ziak leh chhiar lama hmanlai dinhmun tarlanna ni pahin ka rawn post ve a ni e)

*****************THE END*****************