THLAHRANG AW NGE THLARAU AW

[HLalthazuala]

March 1st, 2008 4:30 am by Henry Msa

Kan naupan lai chuan kan pi leh pu ten ramhuai leh thlahrang thawnthu te min hrilh thin a, kan lo ngaithla liam mai thin a, ramhuai hi a awm tak tak nge tak tak lo poh kan hre lo in kan pawngpaw hlauh ve tawp a. Chutiang bawk in kei pawh ka than len na ah ramhuai te chu thawnthu mai mai an ni a, an awm tak tak poh ka ring lo a, they were just a myth. Thlahrang awm hi ka ring ngai lo reng reng.
7 feb 2007 zan kha, muhil thei lo in ka let ka let a, zing dar 2 a lo ri bal bal a, ka la muhil thei chuang lo. Dar 3 a lo rik meuh chuan ka muhil ve thei toh mahna tia duh-ai-ka sam lai chuan hla tak atang hian ri mak danglam tak au ri rei ruai hi ka hria a, a tir chuan football fans ho in khel haw au emaw ka ti a, mahse kan in zawn a rawn thlen meuh chuan thlaphang au ri rei ruai ang mai hian a ri a, motor kal ang in kan in chu chu ri chuan a pel a, a reh ta.
Second 20 hnu vel ah chuan a aiia ring lehzual an ron au ruai ruai a, ka hlau lutuk chu chet poh ka che lo reng reng, ka khur hlok hlok a ni mai. A vawi thum na atan dar kar chanve hnu vel ah an rawn au ri phei leh ruai ruai a, kan appartment kawt vel ah hian a tawp a, chu mi hnu ah chuan kan tukverh hi a rawn ri dawt dawt a, ka chhungte an lo harh a, tukverh te kan check vek a lirnghing a ni ang i beng chhe ri mai a ni ang min tih san a, an muhil leh mai a.
Dar 7 ah hnathawk tur in ka chhuak a, corridor ah kan thenom nu post box a lo check a, “Tukin zing a au thawm khan a ti harh ve che u em?” min lo ti a, min tih harh thu ka hrilh ve mai a; kan thenawm nu hi ‘curious’ mi a nih vang in ka be tha peih lo a, thil sawi uar chi exegerate nasa mi a ni.
14 February Valentines day ni ngei khan rose par dawn ve ngei beisei in chhun dar 12 vel ah ka hnathawk ka haw a. An awmna building ka thlen chuan kan building kawtah chuan mi an lo ding teuh ka hmuh chuan ka mangang khawp mai a, police car te leh firemen ho truck te a lo ding nuaih bawk si, ka tlan phei a, thil awm zia police ho chuan min lo hrilh ta a, kan in chung pitar amah chauh a awm chu thi in a apartment ah hmuh a lo ni a.
Enge a thih chhan tih pawh hriat a ni rih lo a, mahse a rinhlelh awm tih chauh an sawi a. Hemi zing hian pitar opposite a om ten kar khat lai an hmuh tawh loh avangin Police an lo au a lo ni a. A lo rimchhe hman tawh hle a ni tih thenawm ho in an sawi bawk a, chu mi kar tluan chuan kan phawklek hle a, tuk khat chu kan thenawm nu curious nu khan min lo au a, newspaper a lo keng va a, a headline ah chuan “Son Arrested for murder” tih hi a lo chuang kuau mai a, mak kan ti bawk si kan inchung pitar thlalak te chu a chuang kiau mai a. Titi chi hrang hrang a leng vel a, ri mak tak tak inbulhnai ho in zan ah an hriat thin thu te etc etc, chu tih lai vel chuan zan ka mu ngai lo, ka hlau ltk.

Ni leh thla a lo liam a Newspaper headline thar a lo chhuak leh ta a “Son confessed to killing mom” tih chuanna a lo chhuak ta a le, a hnuai kan han chhiar thla ta a “feb 7 zan khan ka nu pawisa ka mamawh thu ka hrilh a, min nuih sawh a, ka rek a, ka harh chhuah meuh chuan a lo tho thei tawh lo a…..”a lo in ziak ta kulh mai a.
Feb 7 zan ngei kha ka muttheih loh zan kha a ni a. Mak ka ti lutuk, ka hlau bawk si, kan thenawm ninawm nu chu loh theihloh in ka va hrilh a, an ni poh chuan ka thil experience ve ngei chu an lo hre ve ngei a. Thenawm dang pawn an hriat thu a sawi bawk a, min hnem deuh sawt.
Kha feb 7 zan khan kan inchung pitar chu ama duh vang reng nilovin a fapa kut ah a sarthi a, a thlarau chuan thlah san mai phal bik lo in tan tak te a tang in, thenawm khawveng te hriat tham khawp in he khawvel chhuahsan a hreh zia lantir nan a aw rawl tawp in a au nge ni ang a, thlarau dang ten an au pui zawk? Kha au ri kha a mak lutuk ka theihnghilh tawh ngai lo ang.

*********×***********×******/*///*/********