AMERICA RAMA SERIAL KILLER HMASA BER HARPE UNAU

[HLalthazuala]

Serial killer chanchin ziaktu tam ber te hi chuan kum zabi 19- na tawp lama tualthah hmang H.H.Homes kha America rama serial killer hmasa tur angin an sawi thin a.mahse Homes-a hun hma hian midang pawhin tual hi an lo that tawh thin a, ziaka an chanchin vawn that zinga a hmasa chu Harpe unau an ni. Kum 1790 tawp lam khang hun laia United States khawchhak lam state pali IIIinois, kentucky, tennessee leh mississippi huam chhungah ringawt pawh mi 40 vel zet chu an that a, an that satliah pawh a ni lo, an chet dan hrim hrim hi a rawva thei lutuk a suamhmang rual meuh pawhin an hnawt chhuak a nih chu! An thih dan lah a buru bawk. Hei vang hian Harpe unau hi mi tam zawk te chuan America rama serial killer hlauhawm berah leh hmasa ah an pawm ni.
TUTE NGE AN NIH HARPE UNAU CHU: Micajah Big Harpe(Mickey tia lam tur) leh Wiley Little Harpe (Why - lee tia lam tur) te hi kum 1998 october ni 23 khan IIIinois chhim lam chanchinbu pakhat American Weekend, chuan Jon Musqrave-a thuziak a rawn tichhuak a, ani hian kum 1855- a tihchhuah, T.Marshall Smith-a lehkhabu Legend of the War of independence, and of the Earlies Settlements in the West, behchhanin harpe unau chanchin hi a rawn ziak a ni.
Smith-a hian a thu hriat te hi a pu, mi hmasa ho leh harpe unau nupui pathumte kawmna atanga a hriat a nih thu a sawi. A ziah dan chuan Harpe unau hi Scotland rama piang kum 1759 vela Orange County- a inbengbel ta chauh an ni a. An hming hmasa William leh Joshua chu Micajah leh Wiley tiin an thlak a, American Revolution hun lai khan British sipai tanpuiin ral pawh an kap ve zuai bawk a ni.

Smith-a hian a thu hriat te hi a pu, mi hmasa ho leh harpe unau nupui pathumte kawmna atanga a hriat a nih thu a sawi. A ziah dan chuan Harpe unau hi Scotland rama piang kum 1759 vela Orange County- a inbengbel ta chauh an ni a. An hming hmasa William leh Joshua chu Micajah leh Wiley tiin an thlak a, American Revolution hun lai khan British sipai tanpuiin ral pawh an kap ve zuai bawk a ni.
An unau hian Tory rape gang an zawm a, indo buai lai denchhen pahin hmeichhia an pawngsual a, mi an rawk a, tual an that a, mi in leh lo suasam saka tihchhiat sakin an halsak bawk thin.ziaktu thenkhat te chuan hetiang tak maia Harpe unau rilru chhungril a kha ta mai hi an thil tihsual ni miah lova man leh tantir an lo nih tawh vang ani an ti.Tory rape gang hian tleirawl pathum lai an rubo a, a palina tur erawh chu Captain James Wood-an a rawn chhan hman hlauh mai a. Capt.Wood-a hi a hnua Big Harpe -a nupui ni ta,Susannah Wood-i pa a ni a,sipai ve tho,Frank Wood-a nau a ni.
Hetiang an nih rual rual hian Harpe unau hi inbeihna pawimawh tak tak pathum- Battle of Blackstocks, Battle of Cowpens leh battle of King Mountain-ah te tangkai takin an lo tel ve tawh a. Hemi hnu hian Appalachian Mountains khawthlang lama Chickamauga Cherokee-te zingah khawsain British sipaite tanpui zawngin ral an bei thin. An zingah hian kum 12 lai hun hmangin hetih chhung hian Big Harpe-a nupui ni zui ta, Susannah Wood-i pawh a ruk tak tein an ru a ni.
An unau hian Tory rape gang an zawma a, indo buai denchhenin hmeichhia an pawngsual a, mi an rawk a,tual an that a, mi in leh lo tihchhiatsakin an halsak thin.ziaktu thenkhat te chuan heti tak maia Harpe unau rilru chhungril a kha ta mai hi an thil tihsual ni miah lova man leh tantir an lo nih tawh vang a ni an ti. Tory rape gang hian tleirawl pathum an rubo a, a palina tur erawh chu Captain James Wood-an a rawn chhan hman ta hlauh mai a.Capt.Wood-a hi a hnua Big Harpe-a nupui lo ni ta, Susannah wood-i pa a ni a, sipai ve tho,Frank Wood- a nau a ni. Hetiang an nih rual hian Harpe unau hi inbeihna pawimawh tak tak pathum-Battle of blackstocks, battle of cowpens lei battle of king mountain-ahte tangkai takin an lo tel ve tawh a.hemi hnu hian Appalachian Mountains khawthlang lama Chikamauga Cherokee-te zingah kum sawmpahnih lai mai hun hmangin hetih chhung hian Big Harpe-a nupui ni zui ta.Susannah Wood-i pawh ruk tak te in an ru a ni.
Colony hrang hrangin zalenna an hmu a, British sipai lo puitu Harpe unau pawh outlaw an lo ni ta reng mai.khawthlang lam panin an tlanchhe zel a, hetia an tlanchhiatna lamah hian susan-i pawh an ruk a ni. Kum 1795 nipui leh kum 1797 inkar chhung khan khawiah nge an awm hriat an ni lova, kum 1797 fur lai kha chuan Beaver's Creek, Knoxville (Tennessee) a cabin pakhatah an awm tawh ngei mai a. Doris Lane sawidan chuan hetih lai hian tual pawh vawinga that leh tawh in a vawi l4 na phei chu an mahni fate pawh an that a ni
THISEN RIM A NAM TA: Beaver's Creek, Knoxville-ah rei tak chu an awm lo niin a lang. Rei pawh an khawsak hma in an kiang hnai farm hrang hranga sakawr leh ran rualte chu a bo ta zeuh zeuh mai a, Harpe unau lahin tualchhung dawr hrang hrangah sa an supply hem hem mai a.mahse, kum 1798 khan Edwad Tiel chuan a sakawr bo chu Harpe unau cabin luah laiah a rawn chhui lut fuh ta tlat mai le.
An hre lawk nge Tiela che vel hi an lo hmu zawk,Tiel-a leh a pawl thahnem takin cabin an va thawn meuh chuan a lo ruak huai tawh a. Cumberland tlangdungah um zuiin an sakawr rukte chu chhuhsak mahse Harpe unau chu an nupuite nen an tlan chhuak leh ta cheu mai. Hetianga um an nih atang chiah hian thisen chhuahna runpui chu a intan ta chiah mai bawk ani.Katherine Ramsland leh Jon Musgrave te chuan hemi tum hian Harpe chhungkua hi an man tel a, khawpui pana an letpuina kawngah an tlanchhuak leh niin a ziak.
An unau a chet an thawh tak tak hnu a an thah hmasak ber chu Jonhson-a a ni a, ni engemaw zat hnu ah a ruang chu Holston luia a rawn langchhuak chu chhar a ni a, a pum chhungah chuan lung an lo thun teuh mai a ni.Hemi hnu lawk hian thil te nau zuar kuala eizawng, Peyton-a chu Cumberland lui bulah an that leh a ni pawh hi a pum chhungah lung an hnawhkhah sak leh a.hei hi Harpe unau chet dan phung a ni zui ta a ni.

Harpe unau chuan Maryland atanga lo kal khualzin pahnih,Paca leh Bates-a chu an ruala kal ve tura hminin sakawr chung atangin an kap zui nghal a.Bates-a hi a hmunah a thi nghal a, Paca erawh Big Harpe-an hreite in a chek hlum ta a ni. Hetiang hian an mahni ringtu leh tanpuitu ngawih ngawih te pawh an that duh zel a, hmeichhia leh naupang te pawh an thliar bik chuang hek lo, miin tha takin lo mikhual thin mahse an mahni thlengtu ngei te pawh thatin an in leh lo an halsak hmiah hmiah mai ani. Vawikhat pawh dawra an chhungkaw chawei man chu Thomas Lanford in a peksak a, dawr atanga mel sawm vel lek a hnai ah lanford-a hi rawkin hreite hmangin an chekhlum leh ta a nih chu.hemi tum hian awlsam ang reng tak mai in man an ni a kum 1798 krismas ni tak khan Hustonville, Kentucky-ah an man a, tanin ah an khung dial a.hetih lai hian an nupui pathumte hi an rai vek a, pahnih chuan tan in chhungah fa an nei nghe nghe a ni.
Kum 1799 March ni 16 khan Harpe unau hi an tlanchhuak a, hemi hnu lawk hian an nupui pathumte pawh hi chhuah niin anni hian an pasalte hi an zawm leh nghal vek a ni. Hetianga an chhuak hi " Devil Joe" Ballenger-a kaihhruai poss hovin an um zui a, heta tang chiah hian luman pawh an nei tan chiah bawk. Um zui an nih leh tlanchhe reng chung pawhin Harpe unau hian tualthah anla bang chuang lo va.Kentucky lamah lutin Col. Daniel Trabue-a fapa, Johny Trabue chu chhangphut in khat vang mai in an that leh ta a, hemi hnu hian Frederick Stump,Jr.chu that leh in Barren luiah an paih leh bawk.hemi hnu hian hmar lamah kal zelin Cave-In-Rocl, IIIinois an thleng ta a ni.
SUAMHMANG TE PUK LAM AH. Cave-In-Rock hi IIIinois chhim lama awm,chinai lung puk a ni a, Ohio luikam kham leh lam pawh chiah a nih a vangin lawng suamhmangte tan pawh a remchang hle. Harpes chhungkua chuan he puk hi belin hun engemaw ti chen chu suamhmang (Mason gang) ho zingah an khawsa a. Lawng suamhmang ho hian sum duhin mi an suam a, midangte tihnat erawh an tum ber a ni lo. Hei tak hi Harpe unau nena an inan lohna leh an danglam na lai tak chu a ni. Harpe unau chuan mi thil neih chhuhsak mai duhtawk lo vin an kutthak hnawih leh a rawng thei ang bera tihhlum kha an phut deuh tlat zel a ni.
Kum 1799 May thla khan an misuam zinga pakhat chu sakawr chungah an phuarbet a, sakawr chu a mit an tuamsak sauh sauh va, khamah an tlan liamtir ta mai a, Boruaka sakawr mangang nghawng tifan leh hram tuar tuar te, mihring mangang lutuk thlaphang au rite chu an tan ennawm mak danglam tak a ni tlat si a. He thil thleng hi lawng suamhmang ho te pawhin a em em an ti ta deuh va, Harpe chhungkaw ho chu an hnawtchhuak ve leh chhawng ta a ni.
Suamhmang hovin an hnawhchhuah hnu hian Knoxvilli atanga mel 25 velah loneitu pakhat, Bradbury an that a, khawpui bul lawkah Hardin-a an that leh bawk. Kentucy lama an luh chhoh hma, July ni 22 khan Black Oak Ridge-ah Chesley Coffey-a fapa an that a, July ni 23-ah William Ballard. July ni 29 chuan Brassel's Knob kiangah James Brassel leh Robert Brassel-te nen an intawng a, hemi tum hian anmahni chu Harpe unau zawngtu poss member ah an leh puh a. Robert-a hi a tlanchhe thei hman hlauh nain James-a erawh chu an that ta a ni. Harpe unau tualthah zawng zawng leh an thah dan chipchiar takin ziak dawn ila, lehkhabu lian tak a tling ngei ang.
Hmar lamah, Henderson County lam panin an kal zel a. August thla tir a lo nih chuan Canoe Creek-a inte chu an luah hawh ta a. Kuthnu pawh an lo ngah tawh bawk a, hetih lai zawng zawng h4an anmahni enthlatu-tu tuten emaw an zui ve reng tawh a, an tawpna tur pawh a hnai tual tual tih hai rual a ni tawh lo.
August ni 12-ah inte hi an chhuahsan a, hemi tum hian James Tompkins-an chawchhun ei turin a lo sawm nawlh mai a. An lawm ve hle ni tur a ni, Tompkins-an sila zen a neih loh thu a han sawi chuan Big Harpe-a chuan a fungkia silai zen, no khat teh meuh a bun chhuahsak a. Ni thum hnu lekah, he silai zen ngei hian Big Harpe-a kah a ni dawn tih tumahin an hre si lo. Hlim takin an invai liam a.
Harpe unau hian tualchhung roreltu, Squire Silas McBee-a in lam an pan ding chat a. Mahse in vengtu ui a lo neih that em avangin an hmelhriat, Moses Stegall-a in lam an pan leh ta zawk a. An ui avang liau liauvin McBee chhungkua chu an him ta a nih chu.
BIG HARPE-A LU AN TAN TA: Mahse Stegall-a chu a lo awm lo va, a nupui chuan an mikhuak, surveyor Major William Love-a pindan tawm an hreh loh chuan an thlen theih thu a lo hrilh a. Hemi zan hi an riak ta a. Big Harpe-a chuan Major pindan a tawm a, a hnar ri a nin em vang ringawtin a chekhlum ta nih chu! Zingah chuan Mrs Stegall-i leh a fa pawm lai chu a nghawngah zaiin an that leh a, hei tak hi Big Harpe-a tan thihna dar vawtu, a pawi khawih a zawnga a tana pawi ber mai a lo ni ta reng mai a ni.
Big Harpe-a chuan in chu a hal a. Hetianga a hal leh kher nachhan hi Squire Silas McBee-an rawn hmu sela, lo lambun a duh vang a ni. Mahse, McBee-a hian pumpelh kawng a rawn zawh hlauh va, Stegall-a rawn thlen chuan posse(misual um tura intelkhawm pawl) a fawm khawmpui ta nghal a. Hemi tuma Harpe unau umtute chu: Moses Stegall, Squire Silas McBee, James Tompkins, Captain John Leiper, Matthew Christian, Neville Linsay leh William Grissom te an ni.
Harpe unau hian Stegall-a sakawr an ruk hmangin an nupui fanaute an fin a, chhim lam panin an kal zel a. Hetih lai hian posse ho pawhin beidawnsan mai erawh an tum bik lo. Pond lui khawthlang lam kamah an riak a, zingah chuan hla deuh taka awm Harpe ho chu an hmu pha ta a.
Hemi hmunah hian Harpe unau chu an inthen phawk a, Little Harpe-a chu kein a bibo va, Big Harpe-a chuan a nupui fanau a hruai thung a. An hmuhna hmun posse hovin an han thlen chuan Little Harpe-a nupui chu a lo awm a, Big Harpe-a leh a nupui fanaute kalna lam chu a lo kawhhmuh a. Reilo teah posse ho chuan Big Harpe-a nupui fanaute chu an nangching a, an man fai ta phiar a. Umtu a nei tih a hriat khan Big Harpe-a chuan a nupui fanaute chu a tlansan daih hi a lo ni a.

Leiper-a chuan hla deuh tak atangin a han kap a, mahse sakawr tlan lai atanga inkah fuh nan chuan a hla deuh niin a lang. Chutah, a han kap nawn leh tur chu a silai a(ram rod jam) ta tlat a,a sakawr chu a hmansak ta ringawt a.
Tompkins-a sakawr chu a lo chak em kher a,rei lo teah a tlan fal thuai a, Big Harpe-a nena an inkar pawh a zim sawt hle. Leiper-a chuan a silai chu a han kau ri rap a,uluk taka tin chungin a hmetpuak ta a. A hma ni hnih lek kal ta a Big Harpe-an Tompkins-a hnena silai zen a lo pek ngei chuan a pu lam panin suan tlang lianpui chu a hnawl phei zuai a, silaimu chuan Big Harpe-a hnungzangah fuhin a Spinal chord a dengchhe nghal hmiah a. Chuti chung pawh chuan mel chanve zet a la tlan a
Hetianga Big Harpe-a thah a nih hnu hian Little Harpe chu John Setton invuahin a la biru zui zel a. Cave-In- Rock lamah kalin Mason-a pawl a zawm leh a. Kum li hnu-ah Mason-a pawla mi ve tho, James May nen inthurualin Mason chu an that a, mahse, luman ($ 2,000) tel an tumna lamah kum 1803 khan Natchez-ah an man a, kum 1804 January thla khan Circuit Court, Greenville-ah an thiam loh chantir niin febuary ni 8 khan an pahnih hian an khaihlum ta a ni.
ENGTIN NGE NI TA ZEL: Zawhna la awm thei chu engtin nge an nupui pathumte kha an awm tak zui zel tih hi a ni. Russellville court ah hruai an ni a, hemi hnu hian pawikhawihna a inhnamhnawihna nei lo vah ngaiin an chhuah leh ta vek a ni. Little Harpe-a nupui, Sally-i chu Knoxville hmuna a pa in lamah a kir leh a. A hmel a tha reuh bawk a, Tennessee lam mi,pa tha leh zahawm tak nen an intawng leh a, chhungkaw duhawm tak an din ta a ni.
Harpe unau leh an nupuite chanchin reng rengah gentleman hming hi sawi a ni ngai lo va, a nupuiin Harpe hming nena inzawmna a lo neih tawh avangin chu thil chuan an fate leh zelah nghawng tha lo a nei ang tih hlauhthawn vang pawh a ni mahna.
Big Harpe-a nupuite pahnih chu Russellville-ah engemaw chen an awm a. Maria Davidson-i chuan Betsey Robert tiin a hming a thlak a, kum 1803 September ni 27 khan John Huffstutler-a nen an innei ta a ni. An chanchin chhuitu Ralph Harrelson-a sawidan chuan kum 1828 khan Hamilton County, IIIinois-ah an pem a, chhungkaw lian leh hlim tak an din zui nghe nghe.

Susan Wood-i chanchin hi hriat zui tur a tlem hle. Pangngai takin a nung a. Tennessee-ah hian a thih thlengin a khawsa tih chin hi chiang taka hriat theih chu a ni deuh mai. A nu thih ve veleh hian hian a fanu chu Texas lamah a kal nia rin a ni.
Harpe unau thlah kal zel zinga midangte hriata mahni intar lang ngam awmchhun chu E. Don Harpe chauh a ni. Ani hian lehkhabu, born wolfDIE WOLF: The Last Rampage of the Terrible Harpes' leh Resurrection: Rebirth of the Terrible Harpes' a ziak a, The True Story of America 's First Serial Killers' chu Harpe unau chanchin ziah tawh a zawnga dik leh chhui chian dawl ber a ngaih a ni ta a ni.
#An thlalak awmchhun hi a te viau na akan dah tel ve ange.

*****ADVERTISEMENT ***CLICK ********