KHAWMU CHAWI BO ANI THEI MAI ANGEM? "

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

KHAWMU CHAWI BO ANI THEI MAI ANGEM? "

Unread post by HLalthazuala » May 5th, 2018, 6:44 pm

18+ Adult
Dawi zep tan leh thisk nei tan leh naupang tan chhiar phal lo.
He thil. hi a tak a thleng ngei ani e..

Posted by Laltha Zuala Hmar Mcf

Pathianni kalta Dt.20.6.2010 zan Dar 7:00 vela an in atang a chhuak a bota; Pi Nuzawni Kum 73 chu abo atang a ni 3 na tukin zing Dar 7:00 vel khan Kolasib Tumpui ram Khamkar Baibing hmunah hmuh leh ani. Amah Pi Nuzawnin a sawi danin Hmeichhe pakhat in a hruai phawt a, mipa pathum dangin rawn belh lehin an vahkual pui vel ta ani.

1) Kolasib Pitar Bo Khawmu chawi a ni em?

A bo zan atangin zawn a ni a. Thawhtann leh thawhlehnite phei chuan khawtlang huapin Tumpui Ramlamah zawn beihpuithlak a ni a. Vawiin phei chuan Kolasib Br YMA zawng zawngten a zawn tuma hmalak a ni.Aizawl lam tawngtaimi zawh tirin a ni hian mi pali in an hruai a tiin an awmna hmun te hi nimin lamah te a rawn sawi thin a. Chumi mil chuan zawna? ni deuh ber a. A hruaitute hian an thukru zel niina sawi. Nizan lama a sawina hmun nen tuna a awmna pawh hi a in hmeh khawp a, hruaitu a nei tawh lo a ti a ni awm e. Tin pitar pawh hian hruaituten an kalsan tak thu tukin khan a sawi ve tlat.
Zing dar 7:00 velah a hmunah hian keipawh ka zuk kal nghal a. Tumpui Nu 2 leh Pa 1 te zing ramkal an ni a.Anni 3 thawm hi a lo hria a ni chek ang chu a fanu hming,. “L?pui..’a rawn ti thut maia tiin Pu Thanga, a pawmchhuaktu hian a sawi. ‘Ka hrechhuak mai lova, ‘hei!’ ka ti ringawt a.Kawngchhak atang chuan ‘Lapui’ a rawn ti leh a. Pi Tar bo kha ka hrechhuak ta a. Kan chhawn ta vat a.Kawngchhaklam chu ka pan chho ta rawk rawk a.Chemin ka sam chho zel a. Ka han thlen dawn chuan ‘Chem ilo keng em? Ka awmna hi a pik teh mai a nia” a lo ti a.Tichuan kawnglamah ka paw thla ta a tiin Pu Thanga hian a sawi. Kan vengpa a nih avangin keimah ngeiin ka zawt a. …….A mak ve khawp mai.A kalkawng pangngaiah pawh hian kal dawn se a hlat em avang leh lemin khawkrawk leh diak hruia inpawh kai ngai hmunte pawh a awm a. Anni ang rual kalna chi hi a ni lo tawp a. Tin, tuna a lo awmna pawh hi pik kar,baibingte pawh awmn hmun hnim tak a ni.

Chunglam atangin mi 1 kalna hnu thenkhat pawhtu a awm a.Kawngthum pangngai awmlohna hmun,kham hnuai a ni.A hmun enin dahtu awmlo tan fur khaw nuamlo leh pik karah hian pasaltha sapel tan lo chuan kalna mai chi a nilo tih ka hmu ve a, tin, kan veng ram anih avangin ka chiang ve viau a ni. Hei hi ka han chhuizui ve hran ta lo a.Thilchik vak chi LPS Pu vana te ang kha lokal ve se zawng thil a chiang mai tur. Kan haw leh ta nghal mai a.Engmah kenglo pawn han kal mai maina chi a ni hran lo.Pitar a hmun ngeiah ka hmu a, ka bia a. A pawnfen hi a hun deuh hniang a. A kawrte erawh engtinmaha awmlo. A sam pawh a thur lo a, a la pial tha hle. Zan thum chhung khan ruah a sur fo a. Amah chuan ‘ruah a sur hleinem!’ zu ti mai a.Amah hi Pu Thanga hian tirah tak phei chuan mithhi pangti ang maiin a vawt vek a ti. Vangvat pawh a kai lo, hlim kan tum a , a tangve khanglanga, ka hlimsak ta lo a ti.Amah enin ramkal chau hmel leh zawr dang hmuh tur a awmlo a. Mawza lum a bun a, a hnuailam a huh zawr ti mailo chu kalkawnng diak tak hnuhma engmah a lang lo.Min hruaitu mipali an ni a. Mipa an nih chuan an kawngah ka vuan mai a, hmeihhia an nih chuan an pawnfenah a ti.A hmunah hian ramkalten an thingpui ken bottle khat leh Cream bawn(Chhangthawp) pakhat a ei zo nghal vek a ni. Ei tur an pe che em kan tihin engmah min pe lo a ti.A hruaitute hi a bulah an awm ve reng thin niin a sawi a, a la chau deuh a,Civil Hospitalah enkawl mek a ni. Zawhna tamtak zawh a la nilo. Hei aia ngaihthlaknawm deuh hi a la awm ang. LPS Special report ( Pu Vanneiha Vanchhawng) te kha in chah theih mai lawm ni.

Vawiin lam phei chuan Kolasib khawchhung Branch YMA zawng zawngte zawn beihpuithlak tuma thawhchhuah kan tum lai tak a ni a. Kan hmu hlauh hi a ;lawmawm hle.Hetiang tho a an hruai ka hriat hi vawi 2/3 hmanah an hruai nawn a,..Tuna mi pawh hi Tawngtaina leh pathianthu atanga tanlaka nih loh chuan next timae a awm leh mai ang tih ka hlau deuh!!!La mak leh zel chu..heti lai hmun hi a ngaihruat thei in awm takin..Hmarveng Pioneer tlang, PHE tuikhuah hnuai khamawih chhimlam hret kha a ni . heti lai ram hi kumkhua a thawm an hriatna hmun a ni a. Hei kan kawmthlangte ho leh Tumpui veng nu leh pa hian hman atanga ti ti thawm,an han nghak a, tumah nghahchhuah tur an hmuh si loh na hmun thin tun thleng pawhina ni a. A hmuna leipui neite pawh hi mahni a kal ngamlo reng thin anni. Hlauh tur ngah ta na2 chu an hluah lehzual phah khawp mai. Tunlai pawh hian nilengin feh ila..mi tawng bawrh bawrh thawm, dumka ho thawm ni awm tak tak hi a awm reng tiin a hmuna leipeui neite’n tukin pawh khan an sawi. Mak ve deuh tak chu a ni.

Sairang nu khawmu chawi?!!September 3rd, 2011 3:03 pm by H.VangchhiaSeptember Ni 3 : Tunkar Nilaithawhtan atanga chin hriat loha bo Lalnghakliani kum 34 D/o Pu Ruata (L ) Sairang Dawrkawn veng chu he chanchin buatsaih lai thleng hian hmuh a la ni lo a, Sairang khawtlangin a khawnawtin an zawng mek..
Lalnghakliani leh Tlangsawiluaia (Vala) te chu inneih thatna nei chiah nilo mahse nupa angin an awm a, Buichali leh Sairang inkar kawngchhak lama, Changel hmunzawl ramah mi huan thlamah huan enkawltu niin an riak thin a, September ni 1 Nilaithawhtan zing dar 5 vel khan Lalnghakliani hi a mutna atanga tho chhuakin pawah a chhuaka, a thianpa Vala chuan inthiar a tumah a ngai mai a, mahse inthiarna lam pan ta lo chuan lo lu lamah a kal chho tih a thawm atanga a han hriat chuan a au zui a, mahse Lalnghakliani hian a chhang lem lo.
Vala auh na hi chhang lemlo mahse Lalnghakliani hian biak nei ang maiin a tawng mawlh mawlh thung niin thu dawnna chuan a sawi.
Vala ngaihtha thei lo chuan a kal na lam lolu lamah chuan a um chho ve ta a, vahfai bak ngaw chhungah chhui lutin sawntlung pawngah a puan leh slipper khing lehlam hcauh leh a khai ni a lo hnutchhiah a..chutatang chuan a hnu chu theih ang ang in a han chhui zui leh a, chulai velah chuan kualin sawntlungpawng awmna pawh chu a thleng leh ngei niin a sulhnu atang chuan a hriattheih na a, chunglai hmun velah chuan a hnu chu a tawp tlat mai niin an sawi bawk.

Lalnghakliani hi a chhungkhat laina leh thenrual tha zual ten a bo ni atangin khawtlang pun buai lovin an lo zawng tawh a, vawiin hi a ni thumna a nih tawha hmasawnna engmah an neih tak si lohah chuan khawtlang an pun ta a, vawiin atang hian Sairang khawtlang chuan mibo zawn hna hi an thawk ta a ni.
Lalnghaklianin a puan, slipper leh khaini bur a hnutchhiahna mual vel hi uluk takin vawiin khan an dap chhuak tawh a engmah hmasawnna an neih rih loh thu leh mibo zawngtute hi mi 300 chuang zet chu an nih a rin thu Pu Vanchunglura Sairang VCP chuan min hrilh ani.

2) Khawmu chawi/ramhuai hruaibo:

January 15th, 2010 5:15 pm by Rèñthlëý
Dt.12/1/2010 thawhlehni chawhnu lam khan Thingsai naupang pahnih Mesak Laltlanchhuaha 16 s/o B.Lalsangpuia leh Zakapliana s/o Zahuaia te chu khua atanga km 3 vela hla khamhnuaia an thangthleng kam sut tura an kal chu palianpui chem seipui keng nia sawi chuan “kal rawh u,in kal loh chuan ka that ang che u”tiin ahruai ta a.
Hemi zan hian luidung tiauphoah an riak a, nilaini ah Tuipui dung zawhthla in tlailamah Hnahthial Chanmari veng luiriak pu Rinsanga leh pu Thanzuala te an zuk fin a.Chaw te eiin an riak a, zankhuain an buk bul velah chuan a hruaitu chuan thawm anei a, atukzing dar 6-7 inkar velah pu Rinsanga te lenkhang en hlanin pa lianpui chuan kal turin ati leh a.

Athur tlang lamah kalpui lehin chawhnu lamah a kalsan ta a.anni chuan pu Rinsanga te buk lam chu pan lehin dt 14 khan Hnahthial an rawn panpui ta ani.Hnahthial police ten damdawiinah a hri$elna an endik tir a,Thingsai atanga anmahni lo zawngtu ten an hruaichho ta ani. Calathea palaiin a kawm naah hemite hian Palianpui hian kekawr dum leh kawrvar hlui tawhlam a ha a pheikhawk a bun lo ani.
A samsei tak chuan a hmel ahliah tlat a,a changin an bulah a awma,achangin an hmu theilo.Tin Zakapliana hi ala te deuh a,a changin he palianpui hian a pawm thin niin an sawi.Khawmu chawi te hi a awm tak tak nge ni ang han sawiho teh ang u.

3) Khawmu chawi bo!

August 14th, 2008 2:02 am by H.Vangchhia
Tunlai ang ah te hi chuan, ‘Khawmu chawi bo’ (khawimu ni lovin) tih ri pawh hre ngai lo leh enge a nih chiah hrelo pawh kan tam tawh ngawt in ka ring. Engle khawle, mi ram vak emaw, mi tuemaw, a awm tha hle hle lai bo ta daih (vanished) te hi,” e, khawmu in a chawibo a ni maw,” an ti thin!
Tum khat chu, 1980 emaw a hma hret emaw khan, Kulikawn leh Thakthing bazar in kar, Khamphei ti a koh ah khian chhungkua hi an khawsa a. Nidang a a lo tih fo thin angin, an pa ber chu a ramchhuak leh ta a. Hemi tum hian enge maw thil tha lo a chunga thleng ta ang mai hian a reh ta hmak mai a ni. Chutia chhungkaw pa ber ramchhuak lo haw talo chu, khawtlang in zawn an rawt ta a; kei erawh chu hre ve mah ila, ka la tet deuh avangin ka kal ve ta lo a ni.
Tlawng lui dung chu an zawh thla zel a, rei fe hnu chuan lui kam ah chuan an mi zawn chu lung tum hum in , saruak vekin a lo ding reng hi an zuk hmu ta a ni. An sawi dan chuan a lung hum lai kha an laksak hma chu a en ngai en reng in, a ngawi reng a, tumah pawh a be lo a ni awm e. A lung an han laksak hnu erawh chuan, a mah chuan tha takin a chanchin chu a sawi ta a ni.

A sawi dan chuan, a Nghal-mal hnu chhui chu a hnaih tawh hle ni tur a ni, a thaw ri suk suk te pawh a hre thei tawh a. Chutia ngawi reng a a lo chan lai chuan hnim kar atangin Nghalchang chu a lo chhuak ta a, a chung ah nula hmeltha em em mai, sam sei hniang mai hi chuang in a hmu ta a ni awm e. Chu nu chuan lung a hum tir hnu ah an khua ah te a hruai thu a sawi a, an khaw nawmzia te chu a sawi tui hle a ni awm e. “Chaw tui tak tak te min pe a, sa hemhmin te nen tui taka ka ei lai chuan ka lung ken chu ka dah a, kan hawi chuan changel hmun hlir hi a lo ni a, khua reng a lo ni lova, ka chaw tui tak tak ei te chu changpat leh katchat hnimte an lo ni hlawm a,” a ti a ni awm e.
An lo hruai haw hnu chuan a buai deuh tak avang chuan khawtlang in kan men pui thin a,tum khat chu ka tel ve ta nghe nghe a ( mi hawkdak tak kalo ni ni ngei tur a ni). Mak ve mai mai chu… mi pangai tak hian a awm a, inleng te chu tha takin a bia a..chutah le vawi leh khat ah, ” chu chu an lo kal e, min lo hruai an tum….” a ti ta chel chul mai a. Kei la naupang ve ta chu ka khur hlerh hlerh mai mawle.
Khatiang kha a ni a, Shillong lam ah ka chhuk san tak avang khan ka hre zui ta reng reng lova… mi(sual) ah hian khami chanchin te kha lo hre ve emaw, an chhungte ni emaw…engemaw awm hria kan awm em tiin ka han ziak a ni e. Ka lehkha hlui ah ka ziah ka haichhuak hlawl mai a. Min chhut thui tir kher mai.

Source:- Tri Zet Group

Ps - Hawrawp dik loh deu awm chuan min lo hrethiam dawn nia. Hmanhmawh post nia. Chuan he post hi a tak tak thil thleng ania, an veng hming leh Mihring hming pawh hi, a tawng tu rem tihna thlap ani....

****ADVERTISEMENT **CLICK****COMMENT ****TE HI I UAR ANG U O***



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)