THE GAME CHAPTER 2 : INTIHHLIMNA

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

THE GAME CHAPTER 2 : INTIHHLIMNA

Unread post by HLalthazuala » May 12th, 2018, 1:54 pm

BY LALTHAZUALA

CHAPTER 2 : INTIHHLIMNA
*********************************************
Engtin nge a nih theih? Eng thil nge thleng ta mai? Engtia tih tur nge ni ta? Sanga a thi maw? Chu pawh mike a mumang ang chiahin a ni. Phone a kan inbiak laia Mike-a thusawi leh, ka nu in a min rawn hrilh kha. Thil engkim hi a buai zo vek a ni ber. Room ah chuan minute 15 vel che chang lovin ka ngaihtuahna kal velah chuan ka lo cheng buai hle a ni ang. Mike an min rawn koh thut chuan ka harhchhuak zawk a.

Rs!

Oh! Mike, i lo thleng a ni maw?

Khawnge Jefrey ? Ka lo call ang i tih kha.

Rs, I la call lo ami?

Aw taka, ka theihnghilh daih mai. (Ka lungphu te pawh a la diklo, ka cell phone chu ka la chhuak a, Jefrey a number chu ka dial a.)

Rs! rawn call che ka tum asin? Ka tho chiaha, Ih maw mumang ka nei a, Sanga nia, a tak ang mai in ka hmuchiang a roomah mipakhat hian.....

A sawi zawh hma chuan ka lo sawi khalh ta mai a,

Let me guess! a nghawng a reh beh sak a, a pum a lo hai a, a ril te, khang thil kha ami i mumangah chuan i hmuh?

EHE! Rs! i hmu ve a mi?

Hmulo Mike an a hmu ve a ni.

Ani maw? Sanga chu call nghal ka duh a ni.

Rs, nih phawt aw.

Ngawi teh Jeff min lo ngaithla lawk teh.

Enge ni ta? sawi la.

Sanga chungchang a nia.... Tukin zing khan a bedroom ah thiin an hmu.... (Ka mittui chu a tla ta zawih zawih a, ka tap chhuak ta a, Jeff pawh chuan tihngaihna hrelo tak in lehlam line chu a reh vawng vawng mai... second 20 vel hnuah chuan a rawn tawng chhuak leh ta a)

Rs!Rs!

Jeff! Mike pawh hetah a awm. kan inah lo phei rawh aw.

Ka bedroom ah chuan ngawi reng in kan awm a, Mike leh Jeff nen kan pathum chuan kan in melh hrek hrek hlawm a.
Sawi tur avang duh hle, han tawng chhuah mai ka han tum pawh chuan sawi tur thlawt ka hre lo.
Nimin mai kha chuan Sanga a kha kan zingah a la tel ve kha a ni a, Nimin mai kha chuan a thiantha pathumte nen khan an hlim hle ani. Chutia kan ngawih reng lai chuan Kawnpui tawp lama siren ri ngial ngial chu kan hria a. Jeff chu a rawn tawng chhuak ta a.

Sanga te in lam chu kan pan phawt dawn lawmni?

Ni e, tiin ka chhang a. Mike-a lam chu ka va en a. A tan phei chuan na hle tur a ni, a kawi Pa(thian tha ber) a ni ve reng a. kei leh Jeff kan inkawm tam bik ang hi an ni ve tho mai.

Ka nu leh pa te chu roomah an rawn lut a, an fapate(ka thiante hi ka nu leh pate chuan an fapate vekah an ngai hmiah mai, chuti khawp chuan kan in hnaih hlawm a ni).

Mittui tla chu an han hmuh chuan an insum thei mai bik lo. Keini pathum chuan chhanna beiseiin, thil engkim hi mumang mai a nih beiseiin kan thlir thap a.

Ka pa chu zawi muang in a rawn tawng chhuak a.

Fate u! thil hrilh tur che u ka nei a, News update tal pek in ngaiin ka hria a. Sanga a ruang chu khawih chet a la ni lova, police te a hmunah investigation nei turin an awm mek a. Chuan Mike leh Jeff in nu leh pate'n an rawn call che u a, hetah in awm tih ka lo hrilh a, engpawh ni se, crime scene ah chuan mi an tam ngang mai.
Police ho chuan kawng pawh an block a. Sanga chhungte bulah an mahni hnem tur tal chuan kal chu a tha in ti ve em?

Mike chu a tho nalh a, kawngka lam chu a pan nghal a, a hmel chu a dur khuih a, mahse a thinrim nge a lungngai tih chu a hriat theih hauh loh thung. Chutia a tho chu keini chuan kan lo en thap a, tuma'n kan la zui lo tih a hmuh chuan a rawn hawi let a..."

Lo kal ta che u mawle''.

Sanga te in pawn lamah chuan kawngpui dungtluan chuan mi tin reng an phu suau a, Laina hnaite, thenawm khawveng te, camera flash a de chuai chuai a, mi thenkhat an phun sur sur bawk a, chanchinbu mi ho lahin, thu lak tumin hmasa nih an inchuh a, CMW High School Students ho a hmei a pa an awm teuh bawk a, chanchin chu a darh chak ngang mai. Chanmari West hi a lian vak lo bawk a, mi chi tin an awm vek hi a ni mai. Police ho chuan pelh theihloh ri an siam a, an in dang bet hlawm bawk a. Kan chuanna motor atang chuan chung mipui thil hriat chak a zi hut hut ho chu ka han thlir a, ka thin a rim rilru hle a ni.

Hmuhnawm thlir a thlirtute, Chanchinbu mi tumah hmangaih chuang lem lova mi chanchin la khawl peih deuh ho te, karei mi chi tinreng an awm a nih saw.

Car atang chuan kan chhuaka, Police uniform ha pakhat a rawn kal a. Ka pa chuan a lo bia a.

Khawnge Sanga nu leh pa te an awmna min hrilh thei em?

Inchhungah, inhnuai lam chokaah an la awm a, mahse an tlawhpawh theih hrih loh, inchhung hmun dang zawng chu tun atan chuan official crime scene a ni hrih.

Enteh hei ka fapate hi, Sanga thiante an ni a, tin chhungkhat laina hnai ang tak kan ni bawk a, a nu leh pa te tal chu kan hmuh min phalsak ta che u?

Ka pu a theih lohvang.

Chutia an inbiaklai chuan Police SI a rawn kal a.

Pu Rin, anni kha lo kaltir rawh, anni chu an pawilo, an awm ngei pawh a tul ang.

Police officer chuan min kaltir ta a.
chutia kan lut tur min lo hmu tu kan school kalpui te chuan, kan lam an rawn thlir a... then it goes again.... an phun leh ta sur sur mai. kawngsir a lo entute saw, eng dawt nge an phuah chawp leh ang. Thu tak ni phalo sawi in an zi leh mur mur a ni ber mai....

En teh u saw... an thah a ni ang... an thianpa hi an mil vaklo a ni lawmni?.......... Rs-a bialnu a lo kawp ve a..... hmaniah Mike a khan chemte a rawn keng a lawm school ah............... Jefrey hi an rethei ani lawmni.... a thianpa neih rohlu a thik lutuk thin an ti....... Dawt dawt dawt hlir dawt hlir.... chung phun ri ser ser te atang te chuan thawnthu maksak tak tak a chhuak leh ngei turah ngai phawt mai ang......

Inchhungah chuan kan va lut a, Nu Mawii (Sanga Nu) chu choka dawhkan bulah thuthlengah a lo thu a. Pa Ls-a (Sanga Pa) chu choka thlanglam tukverhah a lo dak chhuaka, pawn lama mipui zi mur mur chu ngawi rengin mittui tla chungin a thlir a. Nu Mawii bulah chuan detective pahnih an thu bawk a. Thu an lo inzawh lai tak a lo ni. Pa Ls-a chuan chhan ngaihna a hre lo a ni ber mai, a mittui chu a surin a sur a.,,,

(keini thian za ho hi, kan nu leh pa te hi ka nu ka pa tih in kan in ko tawnm vek)

Mike chuan , ka nu! a han tih chiah chuan an rawn hawi rual thap a, Nu Mawii chuan Mike chu mittui tla zawih zawih chungin a rawn en a.

Aw Mike! Mike ! tap zawih zawih chungin a rawn pan phei a... Mike nen chuan an in kuah a....

Ka pa chuan Pa Ls-a chu a va pan a. Pa Ls-a chuan ka pa chu a lo pawm vawng vawng mai.

Chutia tap chunga kan han inkuah ral ral lai chuan inchung lamah chuan thawm eng eng emaw, camera hmet ri te, investigation ti ho chu an awm a.
Detective kan hnaih zawk a mi chu a rawn tawng chhuak a, min lo hrethiam ula keihi Detective Thana ka ni a, hei hi ka thianpa Detective Pu Ruata ni a, thu kan zawtfiah duh....

In fate hi a ti chauh tih chuan Pa Ls-a chuan a rawn dang bet a.

Detective! khawngaih in! hetah chuan ni lo, i hmu thei reng lawm ni? tawng thei tur pawn chakna an neih loh hi... an thiantha heti hian a awm a, Engtin nge an awm ang tih i ngaihtuah tur a ni asin.

Ka tih palh ani ka Pu, kan headquarter lamah kan ti dawn nia. min ngaidam rawh.
Engpawh chu ni se hei hi chu ka hria... heng naupang ho hi chuan thil an tisual lovang tih hi.
An tisual kan ti lova, mahse tunah chuan basic procedure ah tute pawh victim thiante pawh thu zawhfiah vek an ngai alawm.
Ni e! engpawh nise, hetah ni lo in aw.

chutia an inchhan lai chuan.
Rs! Mike a awm lo. Jeff chuan a rawn ti a.... kan hawihai hman hle... inchung lamah thawm a ri nghal vat a... Mike a tap leh au thawm chu a ni.
Detective te'n min dan hman hma chuan Jeff nen chuan inchung stepah kan tlan chho nghal a... kan hnungah min rawn zui bawk a... Mike chu an lo dang bet a... kan han thlen chuan, room kawngka in hawng atang chuan room chu kan han bih a, KAREI! Sanga chu thi hnuangin room chhungah khumah chuan a lo zangthal a, thisen leh karei, ka sawi thei lo...

Mike a chu Jeff nen chuan kan kuah a, kan pathum chuan aw rawl chhuah meuh chuan kan tap ta tlawk tlawk a.

Pu Thana chuan min chhukthlaktir ta a.

Awle tunah chuan chhuah hi a tha ber in ka hria, Pu Ls in motor tur pawh buatsaih fel a ni tawh a, engpawh nise AIZAWL PS lamah i kal phawt ang u.
Pu Chhandam nangni pawn min lo zui ve a ngai dawn ani.....

Pawn kan chhuak a, camera chuan kan thla a lo la char char a, zing dar 9 velah pawh flash chuai chuai mai.

Rs! Rs!! ! ( Zorini a ni, min rawn pan a tum a, mahse police in an dang a. ka va kal vat a)

Officer a ni hi chu ka hria, kan bulah a lo kal ve ngei a tul a ni.
Pu Ls-a chuan a pawiloh thu a lo sawi bawk a.
Zorini chuan min rawn pan a, min kuah ta ngawih ngawih a. keipawh chuan tap chungin ka hmangaih ber chu ka kuah ta a.

Police Station ah chuan darkar hnih dawn kan awm ta, thu zawhfiah. khawnge nizanah i awm? tih vel inzawh hun rei tak a la ni ve ang... mahse tuma'n nimin tlaia library a thil thleng kha chu kan sawi lang ngam lo.

Darkar hnih hnuah chuan chhuah kan ni a, kan haw pah chuan Zorini chu kan thlah a. Jeff-a pa leh Mike-a nu leh pate chu kan ina an lo awm avangin kan in lam chu kan pan phei ta a, Pa Ls-a te nupa nen. Ka pa in kan guest house a an awm theih hrih thu a hrilh a.

Puitling ho inhnuai lama an awmkhawm lai chuan ka room ah chuan keini chu, kan awm a. Jeff nen chuan ka khum ah ngawi rengin kan thu a. Mike-a chuan ka bathroom a hmang a, minute 5 hnuah chuan a rawn chhuak a. Meng sen rum chung hian min rawn en a, a tahna ah a mit te a hnar te chu a sen chuk mai a ni.

Kei chuan,"Mike thianpa i tha em? ' ka han ti a, a ngawi reng a, min en tlawk tlawk a, ka va pan hnaia...

Mike....

Ka hmai dinglamah chuan na takin min beng ta thuai a.

Ka mak ti leh ngaihna hrelo chuan ani chu ka en leh a, ka hmai dinglamah bawk chuan min hnek leh ta siah a...

Mike! enge ni a? Mike ti tawh teh suh... Jeff chuan a rawn ti a, kan inkarah a rawn ding a...

Mike chuan," Rs! i thiam loh vek a ni! Chhiar a tul lo, kal ang u ka tih khan i duhloh kha.... engati nge i chhiar kher kher...?

Jeff chuan khap hram a han tum a, mahse kei chuan ka lo tawng khalh a...

Ni e! mike ka thiamloh vek a ni.

Jeff chuan," lehkhabu mai mai anih kha, misual tih a ni zawk ang".

Anih leh nang leh kei hian engtin nge mumang in ang, kan neih, Sanga kan hmu ve ve, thahin a lo awm ve ve, kan hmuh dan chiahin vawiin pawh khan........ Mike chu a ngawi deuh vang vang a...!

Jefrey!

Enge ni Mike ?

Vawiin a a lo mut dan kha, khatiang chiah khan ka hmu asin a room chhung awmdan zawng zawng kha ka mumang a mi ang chiah a ni.

Keipawh a ni alawm.

Mike chuan min rawn en a, "nang Rs!'

kei chuan ka mang ve lova. mahse thil pakhat kan tih ngei tul a awm.

Chu chu enge!

Library ah khan kan kal a tul.

Library ah chuan kan pathum chuan kan kal ta a, Pi Rengi chu kan Librarian a ni. Chibai kan han buk a. Sanga chunga thil thleng pawi a tihzia pawh min hrilh ve bawk a, nu te takte kum 65 vel a upa, mahse la infit tak a ni. Library a thawh nawmna em em chu, kan lehkhabu duhzawng hi duh ang tawk a tam kan hawh thei hi a ni.

Vawiin hi thursday a ni ta, tlai ni tla tur rawn sen tan chuan library chhung chu a rawn em sen thup mai a, vawiin a thil thleng vang khan tumah library pawh tlawh an awm lem lo.
Kan lehkhabu kha la tur in kan kal leh a ni.

Engpawh chu ni se, Sanga thihna kha he lehkhabu vang a nih chuan chhanna pawh zawng hmu turin ka inring sa tawp mai a ni.

Library chu a zau bawk a, kan pen ri leh kan thaw ri leh kan lungphu chiah chu thawm awm chhun a ni.

Engkim mai chu a reh duap a, library hnunglama inthiarna room atang chuan tab tui hi a far ri keuh keuh bawk a, ka thiante pahnih pawh chu an zam ve hle tih an hmel atang chuan ka man thiam mai a, kei super natural thil hlau lo ber inti pawh chu eng ka ang chuang bik lo.

Occult section chu Library hnung lam berah a awm vangin kan la kal fe chu a ngai a ni. saw le Occult section kawngka pui chu khawvel atang hian nunna hi lakbo ang mai in, library chhung chu a reh thuap mai si.

Chu enge?

Jeff nen chuan kan phu chiang kher mai.
Engmah a nilo ang mike. kal vat ang u.

Kan han kal leh deuh a,
Chu! chu, Mike chu a lehhawi thuai a, mahse engmah a hmu si lo, keini pawh chuan a hawina lam chu kan han hawi a, kan kal pelh tawh room te chu ka han thlir let a, engmah ka hmu si lo.

Jeff leh Mike te'n hnunglam an hawi lai chuan ka sir lam ka han melh a, thla, mihring thla ni si lo hi, a rawn phe zawk a, ka mit vaiah ka ngai mai a, ka thiante hnenah chuan kal vat vat turin ka han ti a, Ka ngaih chu a tha lutuk chuang bik lo, mahse ka hrilh chuan an hlauh ka hlau si a, lehkhabu chu lakchhuah ngei ka duh bawk si nen... Occult section kan han lut chiah chu kan hmazawnah nimina kan lehkhabu chhiar kha a rawn intheh thla tawp mai le,

Mike chuan hlauthawng takin leh mak ti takin a kut chuan a ka a han hup a, chhuatah chuan hawn mai theih turin in lock tawh lovin lehkhabu chu a let reng mai.

Dik tak chuan ka hlau ve deuh hlek a ni, nilo ka hlau lutuk, ka chhungril chu a khur zawih zawih ti ila a dik ber awm e.
Mahse kei in ka chhar loh chuan midangin an chhar ngam dawn si lo tih ka hriat avangin, hmel pangngai tak pu lui hram hram chungin ka han kun thla a, ka kut pahnih chuan lehkhabu ṭihbai awm tak chu a han ban zel zel a, chhuat ata chu ka la ta a.

Rang thei ang berin hnunglam kan hawi a, kan kal chhuak ho ta vat a, library counter ah chuan Pi Rengi chuan kan hming sign mai turin min min ti ta a, ka hming ka sign zawh chuan kan kal leh ta a, mahse counter atanga thui vaklo kan thlen chinah chuan, kan hnunglama I Rengi pitari chu a faifuk ta hlarh hlarh a, keini mak ti lutuk chu kan awmhmunah kan ding chat a.

He nu, library rules ngaipawimawh tak, kan bengchhen palh ah te pawh kan hlawh atangin a cut duh kha a ni a, faifuk pawh a phal lo ber tu a nih kha.... Mahse amah Pi Rengi ngei mai chu a faifuk chiang a ni... Zawi te in kan han hawi leta, A hmel chu leh, a mitmu chu a dum tak sarh mai a,kan han hmu chu a rapthlak ngei mai.

A ka atanga thisen far zawih zawih chung chung a min nuih suk te chuan ka lungphu hi a rang em em mai a ni. Jeff leh Mike chu ka kut chuan ka vuan ve ve a, anni pawh chu an khur zawih zawih mai a...

A hnung zawngin zawi te te in kal ru Mike , jeff....
Chutia an che lai vel chu Pitar chuan min lo thlir vel a, min lo nuih sawh hle a...

Kan lam a rawn hawi a...
Intihhlimna chu kan tan tawh a tul hle a, In haw mai chuan.... haha!👹👹👹👹

*********ADVERTISEMENT CLICK **********



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)