THE GAME CHAPTER 3 : THE UNCLEAR DESTINY

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

THE GAME CHAPTER 3 : THE UNCLEAR DESTINY

Unread post by HLalthazuala » May 13th, 2018, 3:58 pm

**************************
CHAPTER - 3 : THE UNCLEAR DESTINY

Library chhung chu thihnain a tuam ang mai hian a vawt ta thlur mai, tlai ni tla chu tlang phenahte chuan a liam pil ta a, Library light chu automatic in a rawn in on nghal a.
Mahse Pi Rengi... Ni lo, Pitarte chu amah a nilo, he taksa chhungah hian eng ang thil nge awm le?, Pi Rengi chuan a ka a han ang vak a, a thaw ta hum hum mai a, Library light tubes leh bulbs te chu a puak keh ta piap piap mai hlawm a, Keini chu kan pathum chuan kan tawlh hnung hraih hraih zel a.

Jeff! Mike tunah tlan ru le?
Kan tlan ta nghal a, Library chu a rang thei ang bera chhuahsan a ni mai....
Mahse kawngka zawng zawng chu a inkalh tlat mai a, tukverh pawh hawn theih a awm lo.

Library lehkhabute chu hmun tin maiah a darh chhuai a, thawklehkhatah force na deuh hian min man ta thut a, hnung lam bookshelf vaw chawrh chuan min vawm leng dawr mai a. a thim nghal mup mai le.

Rs! Rs!.... Ka thiante an ni, min rawn pan lai chu ka hria a, mahse ka luhai em vangin ka beng te chu a kiu vawng vawng a..... Library chhung awm dan chu ka hmu ruai ruai a, lehkhabu leng darh vel te chu, film chu ni se, slow motion ang hial tur hi a ni a, thil engkim chu chiang takin ka hmu a, in chunglam ka en chhoh chuan ka chung ah chuan thawnga leivir zia ang chiah hian lehkhabu te chu an thlawk kual a, lehkhabu phek tla lah hmun tinah a leng chuai chuai a, Chutia ka en reng lai chuan kut hian mi rawn man thut a, min pawt leng dawrh mai a,

ka han enchian chuan Jeff a a ni....
Rs kan kal a ngai, i tha em? Rs harh teh....Mike, Rs-a hi kuah chhuak rawh, chuan lehkhabu hi ka rawn keng ang keiin...
Awle, Rs lo kal rawh le....

Chutia chhuah kan tum lai tak chuan kan hmaah Pitar chu a rawn ding thut a....

Tlan ru, tlan ru, naupang ho, tlan ru.....
Pi Rengi hmel chu pangngai tak a lo ni leh tawh a, a chauh hmel em em bawk a...

chuan Rs..............
Ka ngawi renga Pitar chu ka en a....

" Indona hlauhawm takah in in tatlut ta a nih hi".

Enge i sawi awm zia Pi Reng?

Ka sawi awmzia chu, he thil hi kum 50 kalta khan a thleng tawh a ni. kha lehkhabukha hal kan tum thin, mahse a ngaite ang bawkin a rawn thleng leh a, halral theih pawh a ni lo....

Pi Reng min pui thei em?

Ka tleirawl laiinhe thil hi ka lo bei tawh a, tunah chuan in inbeihna a ni tawh....

Rs kal ang, jeff chuan a rawn ti a...

Mike chuan Pi Rengi pawh rawn pawh kal a tum a...

Vala te u, lo ngaithla lawk rawh u... tunah chuan tlanchhe turin ka tar lutuk tawh.... haw rawh u, ni 2 vel emaw chu hun ka siam thei maithei che u.... thilpakhat.... Lunglei ah kha lehkhabu unau kha a la awmin ka hria, zawng ang che u.....

Keichuan, Pi Reng a chhungah khan lut tawh suh. kan rualin lo kal ve rawh ka han ti a....

Rs, hneh ngei ang che u... chuan inthianzaho tihloh chu tumah dang kawp tam suh u, an tan pawh a thalo thei a ni....

Ka Pi enge i sawi awmzia?

Awle naute u, a tlai tawh kal ru tunah, vatin thil dang chu a hun takah hrilhfiahin in la awm ang....

Min hnar lui ta..... kan tlan chhuak ta a... kan tawp lo... kan in lam chu kan pan ta a...

Library ah chuan Pi Rengi chu a lut a... Kawng chu a khar a, lehkhabu leng chuai chuai, thawng a leivir hnuaiah chuan a ding a....

Kan inbeihna chu tih zawh ni rawh se... lo kal ta che, heta hi ka awm e....

Thil leng chuai chuai karah chuan Pi Rengi chu a bo ta a, lehkhabu leng chuai chuai ho chu a tawp a, Library chu a hma ang khan rinhlelh tur awm lovin a hma a awmdan pangngaiin a inrem leh ta thlap a...

Ka bedroom ah chuan sawi tur hre lovin kan thu ta hnawk a. Mike leh Jeff chuan ka tukhum atanga thi chhuak chu an tifaia, min tuam sak malh malh mai a.

Engpawh nise, Jeff! Mike! zanin chu riak ve mai rawh u. Ka chau tlat mu mai teh ang u.

Ka sawi pah chuan ka ham ang bawrh bawrh a.
"Chuan lehkhabu hi engtin?" Jeff chuan a han ti a.
Kei chu ka hnaih duh miahlo a nia, Mike chuan a rawn ti bawk a.

Ka tho a, dawhkana lehkhabu chu ka la a, ka pheikhawk hrui hmanlohin ka vet tlat a, ka room kawngka bul, a dinglam sir a ka thil dahthatna drawer chung berah chuan ka dah ta a.

Pi Rengi chu engtin nge a awm ang le?

Mike a thusawi chuan ka muhil tep tawh chu min ti harh zawk mai a,tlan haw tura min ti khan, engtin nge amah chauhin kan kalsan theih le?

Ka thu chhuak hlawl a, ka phone ka la a, Pi Rengi chu ka call ta a.📲
Mahse a chhang theilo.

Jeff chu arawn thu chhuak bawk a, "Mike,Rs, a ni hi a thi tih na em ni ang?"

Chuan! amah kha mihring pangngai a ni lo ami? a hma lawkah min thah a tum a, a hnu lawkah min pui ang leh lawi bawk a.

Jeff' Kei chuan a hma khan amah luhkhungtu a awm niin ka hria, ama chhungah khan, amah ni lo thil....

Ni e, keipawhin a mihring hmel pangngai tak inthlak thut te kha ka hmu alawm, Mike chuan a rawn ti vat bawk a.

Engpawh ni se, mu phawt ang u naktuk lamah...... ka sawi zawh hma chuan phone call a rawn kal a.☎️

Hello! Zorin!

Rs! vawiin kha i chau em? a pawi ka ti ka pa te'n chhuah leh an phal tawh lova, rawn call che pawh an phal lawk lo va... a chhan min zawh hma in kan sawifiah law law ang e. In thianzaho kha'n in that tiin thu a darh chiam a...

Ani maw! chuti engati nge min rawn call si ka han tifiamthu titak pah a.

Sawi teh suh, nichin deuh lawk khan ka hmin thei hram alawm, nangni hi chu ka hrechiang thawkhat che u a, tin ka nu leh ka nau te'n min thlawp bawk a, ka phone ka nei let leh chiaha, ka rawn call nghal che a nih hi....

ka ngawi vang vanga....

Hello Rs!

ka rilruah chuan Pi Rengi thusawi kha a lo lang a, (in thianzaho lo chu tumah dang kawp tam suh u, an tan a thalo)

Aw! sorry Zorin! ka chau deuh a ni ang. ka lo mu thlu palh alawm le.( Zorini hi chu ka bum theilo, ka rilru tur a hre hle a ni)

i mutchhuak aw leh i dawtsawi aw chu ka hrehrang thawkhat tawhin ka hria Rs! enge thil thar a awm a mi?

Han hrilh mai chu ka chak viau a, mahse mipa ka ni a, nula awm nem zawk tihbuai ka duh lo, Zorini ngat phei chu ka tan a hlu si!
awm lo e, duat, ka daw hleihnem.

Anih naktukah kan inhmu dawn a mi ang?

Aih aih!

Engati maw?

Oh tihpalh ka lo theihnghilh daih alawm, Police Station ah kal leh kan ngaia, hman veleh ka lo text zawk ang che, chuan kan inhmu dawn nia?

Awle! min tiam rawh?

Dawt ka sawi tih hre reng chunga han promise chu ka harsat riau a, mahse ka tih loh chuan thil a ringhlel ang tih ka hlau si a.

Awle! ka tiam e... Babe!

Zorini chuan babe ka han tih hian nuam a ti ve thin hle a, a nui ker ker a... Aw ! a nui ri nalh thinzia te kha... a nui ri hriat ngawt pawh chuan thil inthlak danglam tur vang chuan ka hnuk a ulh teuh mai.

Mangtha phawt aw, Mr. Player.

Mangtha phawt le, Mrs Bait for Mr Player ...

Haha... Rs ka hmangaih che😘😘

I love u too Babe.

bye! 🤗

Ok bye!🤗

Jeff chuan min lo en reng a.

Rs, Pi Rengi khan tumah hmu lo turin min tih kha.

Ka hria alawm, mahse engtin nge ka tih chuan ang, min ringhlel tep a lawm, ka promise der a nih kha...

Anih naktukah inhmuh chu duh ta se, Mike chuan a rawn ti a,
lungngai su, plan dang ka nei,
Chuan chu chu...? An ti rual thap a.

Awle awle, ka nei lo.

Kan ngawi ṭhiapa!!!

Mike chu a rawn tawng thut a,

E! Farm house ah kan kal dawn mi ang, kan Farm house ah, ka pa hnenah ka lo dil ang a, Sanga'n min ngaidam se, dawt chu a ni deuh tho anga, mahse chhuanlam kan neih angai, Sanga pualin hun hman kan pathumin kan duh tih kan hrilh anga, kan kal ho fo a, an phal mai ang.

Kei chuan," ni e! plan tha tak a ni".
Mahse Zorini chu, Police Headquarters ah ka awm tiin dawt ka hrilh mai dawn alawm.

Jeff chuan," Mahse dawt sawi reng chuan naktuk ah engkim tha mahse min ringhlel thuai ang, kan chhungte'n",
ni hnih kan nei alawm... Pi Rengi khan min hrilh kha...

Chumi chhung chuan kan thil tawn hi kan chingfel hman ang maw Mike chuan a rawn ti vat a...

Thei hram turin ṭan kan lak a ngai a nih chu.

Tin, Mike chuan a han ti leh a, Pi Rengi chu lo thi ta ni se, miin vawiin tlaia library kan kal lai lo hmu ta se, min ringhlel mai law'ng maw?

Mike duhtawk rawh! thil ngaihtuah chiam lovang u, engpawh ni se, hun in a la hril ang chu...

Ka inthiam lo deuhhlek Mike lah chuan ka chhandan chu a lungawi pui teh chiam lo tih hriat zet hian a phun nang nang a, mahse ka mut luih san ta a.

Jeff nge nge nunnem zawk a ni bawk a, Mike, engkim a tha vek mai ang kan thawk ho dawn alawm...

Promise!

Ummm! promise....

Zan kan mut hmunah chuan ka mumang neih ve hun a rawn thleng ta, Path nuam takah hian ka lo kal a, chhun a ni, Library chhungah ka lo lut a, tumah an lo awm lo. Hnunglam ka han hawi leh a, library ah ka lo awm tawh lo, in te takte, Huan bula in awm, a chung hring a bang var a ni, he hmun hi ka hria, mahse tu in nge tih ka hrechhuak thei lo.? Ka hnung lamah chuan thawm a rawn awm leh a, ka han lehhawi a, tumah an awm lo, huan bul a dil mawi tak te chu ramhnuai pilril takah a rawn chang... kawng te takte a lo awm a, ka zawh a, thinghnuai te chu a daihlim nuam khawp mai, hla takah chuan khuang ri ka hria a, mahse Mizoram ami khuang emaw, eng khuang ri nge ka la hriat ngai loh thil a ni. Ka hnungah chuan thawk leh khatah kut hian mi rawn man thut a, ka harh ta a....

***************ADS****CLICK ***************

To be continued.............


Chapter 4 teaser....
Engtin nge ni zel dawn le, Farm house chuan enge awmzia a neih? khuang ri chuan enge awmzia a neih ang le? Dil leh ramhnuai chu enge a pawimawhna?

Hun in a la hril ang chu..........

he thawnthu lo intan dan chu a in her zo tep tawh e, part 1 emaw 2 vel emaw ah zawh kan tum ang... chuan kum 4 hnua Rs-a a chanchin chu kan la sawi leh zel ang....

***************👻👻👻👻👻****************



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)