THE GAME CHAPTER 4 (4.1) : MITTUI

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

THE GAME CHAPTER 4 (4.1) : MITTUI

Unread post by HLalthazuala » May 14th, 2018, 6:29 pm

Ka mumang avang chuan ka mu tha hleithei lo, Mike a chu ka thutleng sei ah chuan a mu a, Jefrey chu chhuat laiah a mu bawk a, room chu zan thla eng chuan a chhun ruih maia, ka room thlang lam tukverh bulah chuan ka khum chu a in hung a, ka han thu chhuaka, tukverh atang chuan kan in thlang a.

kan grape huan zau tak chu ka han thlir a, engvang nge maw ni? ka thinlung chu vih ang mai hian a rawn na a, Kan chhungkaw generation engemaw zatin hlut em em a an lo enkawl tawh chu ka enkawl thei ta ang em, tih pawh chu ngaihtuah tham tak a ni.

Chutah Pi Rengi'n kan pathum a kal hrang tur leh midang bula awm tam lo tura min tih te kha ka hrechhuak a, mahse ka ngaihtuah tam duh lo. Ka chhungte leh ka hmangaih Zorini hi hloh ka tum lo bur ti mai teh ang.

Zing ni phawt se, tih theih pawh a awm zawk ang chu tiin mut luih ka han tum a,mahse mut chu har tak a ni. ka thiante pahnih muhil chu ka han en a, nimin lama Mikea'n min ben laite....

A dik a ni, ben hrep tlak ka ni, engati nge ka lo hawn kher kher ni? a va pawi em?

Tih theih a awm tak tak si lo, mahni han inthiam lo dawn ringawt ila, a thleng tur ang ang chu a thleng vek tawh si.

Mahse ka hre biklo alawm, lehkhabu pakhat mai vanga nun tamtak hlauhthawn awm a a ding ta hi, zawi te in ka phun sep sep a, ka thiante hnenah chuan ngaihdam ka dil a bianga mittui luang zawih zawih chungin ka in awi muhil ta a.

Friday☀️

Ka hmai zawn chu a eng ut mai a, ka mit ka han meng a, zing ni chhuak chuan ka tukverh atangin min rawn chhun ut mai a lo ni, ka zuang tho nghal a, bathroom lam chu ka pan a, Jeff chu bathroom atang chuan a rawn chhuaka, Mike a chuan a chhungte hnena Farm house a kal chu a dil dawn avanga min kaitho duhlo a a haw thu min hrilh bawk a, tihtur tul kan han ti zung zung a, in hnuai lamah chuan ka nu leh pate, Sanga nu leh pa leh Jeff a pa te chuan breakfast an lo ei mek a.

Pa Ls-a chuan min lo be vat a, " Rs vawiin lam enge tih in tum deuh"?

Vawiin chu kan thian pathumin Farm house ah kan zuk kal dawn emawni kan ti deuh a... Sanga pualin hun hman kan duh deuh a...

Pa Ls-a leh Nu Mawii te chu an in en a...

Oh! sorry, ka sawi loh tur ka sawiin ka hria, ka tihpalh a ni.

Pa Ls-a chu rawn tawng a tum a, mahse ka nu in a lo tawng khalh a.

Rs, tun tut tut a ngai a mi?

Ka pa pawh chuan, "ni e, nidang pawh a awm tho alawm" a rawn ti a.

Ni lo ve, U Chhandam! Rs-a te thian zaho in hnaih dan in hre vek alawm, a tul a nih phawt chuan kal rawh se" Nu Mawii chuan a ti a.

Pa Ls-a pawh chuan ka dar rawn vuan pahin, "Sanga tana thiantha in nih tawhna zawng zawng ah lawmthu ka hrilh che u, Ka fapate ang vekin ka en che u tih hi theihnghilh suh ang che u." Engpawh thleng se, min mamawh hun apiangah kan in kawngka hi in tan ka hawng reng a nia".

A biangah mittui a tla a, kei ngei pawh chu ka hnuk a ulh a ni, kan choka chu lusun nain a khat a, tu mah in be ta lem vak lo chuan breakfast chu kan ei a.

Pa Ls-a te nupa chu police headquarter lama kal tur an ni a, an ei zawh chuan ka pa leh Jeff a pa nen an pali chuan an kal a, Ka pa chu a car a a lut tur ka zuk um a.

Pa!

Enge ka fapa?

A mitah chuan hun kal tawh ka hmu thei a, pa tha ber mai, a fapa hmangaih em em tu chu, kan pahnih a ngha kuai kan chiah lai te, ka tetlaia football practice naa a lo kal thin te, match kan neih laia min tan a, lo au thin a kha, zana ka hlauh changa engkim a tha vek ang ti a, a awm nghenga min mut tir thintu ka pa... ka nu chu a lo chhuak ve bawk a, ka nu hmel pawh chu ka han en a, Nu zaidam ber mai, dikna ngaina, nu fiamthu thiam tak, ka nu nu hmeltha leh fel, fa te tana mahni nun zawng zawng pe ngam, aw ka nu!

Ka lo ngaihtuah thuk deuh nge? ka mit atangin mittui a far thla chu ka nu leh pa te chuan an hmu thei a ni.

Bawihte enge ni ta, ka nu chuan a han ti a.

Kei chuan ka sawi zen zen loh, kei chauh lo pawh ka kum rualpuite pawhin an sawi zen zen loh tur ka sawi chhuak a ni.

Ka Hmangaih lutuk che u ka han ti a.

Ka nu chuan min rawn kuah a, ka pa nen kan chhungkua chuan kan inkuah ral a....

(ka ngaihtuahna chu a kalthui hle a, engati nge ka hmangaih che tih tawngkam tawite leh awmze nei tak hi sawi zen zen lo nge maw kan nih le? kei ngei pawh chuan ka hun neih tlem zia chu ka hria a, khang hun zawng zawng liam tawh ta te kha pawi ka va ti em)(engmah lah chu ka hrilh thei si lo, an himna tur ka zawn a ngai)

Kan inthlahta a, an ni chu an kalna tur lamah an kal a, keini pawh chu Farm house lama kaltum chuan kan in puahchah a, ka nu chuan eitur min siamsak a, Jeff chuan Mike a be tawh a, a pa te chuan hman min remtih saka, Farm house lam pan chuan ka i20 dum chuan kan kal ta a....

Mike a te kawt zawk ep chiah hian Zorini te in chu a awm a, min hmu ang tih hlau em em chungin kan tlan a, an in kan thlen hma chuan kawngkawiah an in lan theihna siah chuan kan ding a, kan hmaah chuan thingkung lianpui a awm avangin in atang chuan min hmu thei lem lo tih ka kal than avangin ka hre tawh a ni. Jeff chu car a lo awm lawk turin ka ti a, thing phenah chuan in chhawng chhaklam pindan a tukverh inhawng lam chu ka han thlir a, ka phone chuan Zorini number ka han dial a....

kan inbiak lai chuan tukverhah a rawn dak chhuak a, mahse min hmulo, police ho in min ko tih a hriat chuan a lungawi vak lo a, a hmel ah pawh khi a lang reng alawm. mahse tihngaihna awm lo le....

E taka Rs!

Aw! Zorin?

Saturday khan Grand dinner kha an kaltlangpui dawn a nia, Sanga pualin hun hman tur a ni bawk a, kan kal ang em?
kal ang aw?

Ka hrelo le....

Rs... in thianpa a nia, ka hrethiam alawm, mahse he hun hi chu kan pahnih paw'n kan sawi dun fo tawh kha, hei ka kawr pawh a rawn thleng tawh a.

Grand dinner ah chuan i tana nalh ber nih ka tum ve a nia, khawngaih takin....

(ka bulah minute khat i awm paw'n i nunna hlauhthawnawmah a ding tih i hre si lo, Aw ! Babe)

Ni e, kan tum dawn nia.... Yes, thanks Love u... chuan nang pawh nalh hle ang che...

Sure Sure! hehe... nih phawt aw, ka hmangaih che....

Car a ka luh leh chuan Jeff chu Grand dinner chungchang chu ka hrilh a, mahse Zorini chuan min beisei tih leh kalpui min tum tih ka hrilh duh ta lo.

Mike kan lam a, kan pathum chuan Grand dinner kal loh chu kan ti thlu ta ringawt a, ka ngaihtuahna ah chuan Zorini lungawi lo hmel chu a lang sa uarh mai... dawt sawi tur ka van ve tawh bawk si nen, engtia tih tur nge hrethiam lo tak chungin Farm lamah chuan kan tlan ta a, beach thlen hma chuan ramhnuai chhah vaklo kawng tihlim nuam tawk chauha thing kung to kaltlang ngai a awm a, chumi hmuna kan tlan lai chuan ka side mirror ka han adjust a side mirror ah chuan thla ka hmu ta, car chu ka ti ding chawrh a, ka thiante pahnih chu an bu chiang kher mai.

Rs min thah i tum a mi? Jeff chuan a ti a.

Mike lah chuan a lu a lo tauhna bawk a a chal chu a dawm vawng vawng bawk a.

Ngawi ru saw lai in saw, nizanah ka mumangah ka hmu.

Engmaw? mumang i nei maw tih pah chuan Jeff chuan min en reng a.

Mike chuan," mumang hi ka hlau tawh a nia, keichu" a rawn ti bawk a.

Chutianga hlauhawm anih ka ringlo, clue a ni thei mai ang em ka ti mah zawk. chutianga umtu emaw pawh ka nei chuang lo ( dawt chu tlem ka sawi, ka mumang a mi rawn ban thut tu kut chanchin erawh ngawih bo pui a tha, ka sawi chuan kal an phal dawn si lo a, hun kan nei tlem tawh lutuk si, kan problem hi solve vat kan ngai a ni)

Car atang chuan kan chhuak a.

Jeff chuan in chu a en a, "hei chu ka hria"

Engtin nge i hriat Mike chuan a han ti a.

Pi Rengi in a ni.

Zawi te te in kan pan phei a, ka mumanga mi ang chiah a ni. a chung hring te, a bang hnawih var sar te chu, kawngka chu ka han hawng chhin a, a in kalh lo.

Pi Rengi chu a dam a ni ang...

Pi Reng.... i awm em? ka han ti a, mahse tuma'n min chhang lo. kawngka chu ka han hawng zau a, Mike chuan min rawn vuan vat a.

A zam a ni. ni e, keipawh ka zam tho, mahse ka huaisen lui a, ka lu ka bu ngut a, engkim a tha dawn tih intiamna ang deuh hian a ni ang chu, ka han hawng zau a. In chhung chu a felfai reuh khawp mai. kan hlauhna pawh tibo thei tur khawp a felfai a ni, a chhung chu a nuam khawp mai, han luh chiah chuan
dawhkan te takte kan hma zawn ah chuan a lo awm a, dawhkan piahah chuan sitiing room a awm a, tv leh pangpar khawi mawi kilkhatah a awm bawk a.

Dinglam chu kitchen leh dining room a ni nghal a, hallway te takte sitting room veilamah chuan a kal phei a, room kawngka chu a tawpah chuan a awm a.

Pi Rengi chu kan han ko leh bawk taknaa min chhang lo. A kawngka lah chu a lo inhawng bawk si. Kan awm chu a nuam lo hle a ni.

Engpawh nise, thiante u,... chhan leh vang a awm ang. Pi Rengi chu a awm tawh lo ah ngai mai ila, heta kal erawh hi chu thil tul a ni.

Pi Rengi'n a sawi ang khan tun hi a vawikhat thlenna a ni lova, a tleirawl laiin hetiang hi a tawng tawh a nih kha.

Anih leh eng e kan hmuh chhuah chuan ang? Mike chuan a rawn ti a...

Thil engpawh.... ka mumang khan awmzia a nei.... chhanna chu he inah hian a awm ngei ang............

Kan han zawng kual ta a, darkar khat chuang mah kan en hnu pawh chuan engmah kan hmu chuang lo.

Jeff chuan beidawng takin min en a, Mike lah chuan engtia tihtur nge tiin min melh he haw bawk si....

ka mangang lutuk chu ka aw rawl tawpin ka au ta vak vak mai a...

ENGNGE A AWM ZIA,? HEI HI MIN BUMNA MAI A MI?
ENGE KAN TIHSUAL? ENG NGATI NGE I RAWN CHHUAH LO... THLARAU NGE I NIH? ENG ANG THIL NGE I NIH? HETA HI KA AWM? ENGE I NGHAH? MIN THAT TA CHE?

Mike Mike duhtawk rawh... Jeff leh Mike te chu an mangang khawp mai, kei lah chuan thil engkim chu ka paih leng chuai chuai mai tawh si a. chutia kan in tibuai lai chuan ka dawhkan vawm chuan sitting room chhak lam bang chu a va su a... thil in her kal ang hian bang chu ah chuan ri hrut hrut hrut hi a awm ta a, bang hliah tu, frame lianpui chu kan han la sawn a... safe a ni... a chhungah chuan pawisa tam tawk tak a lo awm a.

Great! kan nun sum a tlanchhuah ngai chu ni se a zia deuh tur, Jeff chuan a han ti a.

Ngawi teh u, khu enge? box lian ang reng tak parcel box a ni, kan la chhuak a.

Mike nge nge sum hmuh hi chuan nuam a ti thin.... Rs pawisa chu tlem tal la i la?

ka melh leh hrawk a, i ta a ni lo, kan la thei lo.

A ho e! Pi Rengi chu a thi tawh ngei ang? ro khawl turin min lo ti pawh a ni thei asin... i mumang te kha?

Mike, Khawngaihin tawp teh.

kan nun hlauhthawn awmah a dinga... nang erawh sum chiah maw i ngaihtuah?

ka sawi mai a nia... a remchang em a! a tum deuh bur a.

Guys! Please quit the yelling! Gosh! hawng mai teh u, Rs box kha hawng rawh....

Dinning table ah chuan box chu kan en thap a, engle khawle! tih pah chuan ka thaw ka la halh a, ka hawng ta a....

Hmmm... note book... kei chuan notebook chu ka la a, ka keu malh malh a!

Jeff leh Mike te chuan newspaper cheh thlak hlui deuh deuh an la chhuak a.... Rs hei hi lo en teh, Jeff chuan a han ti a.

October 16th 1979..... nula tleirawl Angela Lalthanpuii court in mi a dahna a dah tur a thu pek a chhuah.

October 11th 1979.... rawlthar ruang chhar a ni..... october 7th 1979 natural reserve ah tleirawl pahnih thi a chhar an ni....

October 18th 1979.... Rinpuia thiante that a puh a ni.... jail ah damchhung tang tura tih a ni.
October 24th 1979.... Rinpuia chu diklohna nei lo a ni... chu lo pawh thil tamtak a awm.... VANGLAINI newspaper hlui te an ni...

Farm house ah kal phawt ang u... hawh u...pawn kan chhuaka, kawng chu kan khar a, car lam kan pan lai chuan thli a rawn thaw thut a, kan bul vel ramhnuai atang chuan thawm mak tak tak leh hlauhawm tak tak a rawn chhuak thut mai le....hmun tin mai ah chuan min hrilhruk tum ni awm tak tak aw, ni si hriatchian hleihtheih loh thil in min bawm vel a, kan thian pathum chuan kan hawi kan hawi mai....

Vàn chu chhum dum in a rawn khuh huk a, chutah zet chuan car lam pan chuan kan tlan hlawk hlawk mai...

****************ADS CLICK*****************



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)