THE GAME CHAPTER 4 (4.2) : MITTUI

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

THE GAME CHAPTER 4 (4.2) : MITTUI

Unread post by HLalthazuala » May 15th, 2018, 11:37 pm

Rs! tlan vat rawh, car kha tinung rawh.

Mak tak maiin car engine chu a nung thei tlat lo.

Jeff chuan hmanhmawh turin min ti sek tawh mai si.

Mike lah chu tawng theilo in a khur zawih zawih bawk a, khua chu a dur khup mai. Car chu engin emaw ni a rawn sawi nghing ta lawih mai. Kan au tuar a, kan car chu dinglamah a in her phei sawk a.

Chhum dum leh thli thaw chu thawkleh khatah a reh ta thut a. khua chu a rawn thiang ta a.

Tumah kan tawng lo. car chu a inher chian em avang chuan kan la thaw hlawp hlawp a ni. Minute khat vel hnuah chuan a zualpui a reh tawh bawk a, ka thiante pahnih chu ka han en a.

Jeff! i tha em?

Aw tha! mahse ka ban veilam hi ka herh sual deuhin ka hria.

Nang!Mike?

Aw! ka tha e.

Ka thaw hluai a, ngawi rengin car chu ka han tinung a, kan han inkhalh chhuak tur chiah chu, Kan hmaa thingkung lianpui ding chu tek in a rawn deng thut mai, a chung zar lian tak pakhat chuan car hmalam chu a rawn deng ta dawt mai. Car chu hnung lam zawngin a tawlh let thuai a, mahse ka tih a ni lo..

Veilamah min her leh sawk a, dinglamah, min herkual nawk nawk ta mai.

Mike chu a rawn au chhuak a," Rs engati nge? engati nge?, car kha control rawh.

Ka tih a ni hleihnem, eng ang pawhin her ka tum pawn, a theihloh.

Mike! Rs! car atang hian kan chhuah a tul, Jeff chuan a rawn ti a.... saw en ru....

Car insawi nghing lawih lawih chhak lam tlang lung chang khawkrawk tak tak in a a din chu a keh pheuh pheuh a. chhu khi tu awm ang mai hian, a khi thawt thawt mai.

Kan car lah chu a insawi nghing lawih lawih mai a, ka seat belt chu phelh tumin ka buai ta a, Mike leh Jeff pawh chu an phili buai nasa tawh mai.

Chutih lai mek chuan chhak lam tlang khawkrawk atang chuan lung lian tak tak a rawn lum thla ta bawk si. Car hi den a tum a ni.

Kei leh mike chu kan chhuak ta a, thei leh thei lovin car atang chuan kan in sawi chhuak nawk nawk mai.

Jeff! Jeff! lo chhuak rawh ka han ti a, Jeff chu a seatbelt phelh tumin a bei ngial a, mahse a kalhna a hawng thei thlawt si lo.

Chutih lai chuan lir a rawn nghing thut a, chulai hmun vela ramhnuai chu a khawk rum rum mai. kan piah lawka thing te chu a tlu ta phawk phawk bawk a.

Jeff chu tukverh atang chuan ka zuk pui a.
Rs min pui ru! khawngaih takin.

Thianpa tang rawh seatbelt leh thuthleng inkarah khan inthawlhchhuah tum mai rawh.

Chutia kan buai lai chuan Mike a rawn au a.

THIANTE U! HMANHMAWH RU"UUU!

Kan chhak lam tlang atang chuan lung khi chat lianpui mai hi a rawn awn duai duai hi a lo ni. Mike chu a rawn tlan phei thuai a, Jeff chu kan han pawt ta vak a, A na ti chu a au tuar tuar bawk a.

Lung chu a khi chat ta, Pi Rengi in ai mah pawh chuan a a lian a.

A rawn lum thla tan ta....

Jeff chu kan pawh pah chuan kan au phili buai tawh tak meuh meuh a kawng vel chu seat belt leh car back seat inkar atang chuan a chhuak tawh.

Lung chu a rawn lum zel, Pi Rengi in chhak lawk a thing chu a rawn delh thlu...

Jeff chu a mal thleng vel kan pawt chhuak tawh.

Lung a rawn lum Pi Rengi bedroom lampang chu a su chhe hmawk mai.

Jeff a chawn thleng kan pawt chhuak...

A rawn lum thleng dawn...

Kan la pawt.....

Thawk leh khatah chaun kan pathum chuan kan per suau a, lung tlang chuan ka car chu a delh puak ta chhuai mai le.

Chumi car puak force chuan ko pang ah min beng phei thlawp a, ko pang chu ka va su chawrh a, kawngpuiah ka tla thla leh a.

Ka beng chu a kiu vawng vawng mai, ka lu chu a hai chuai chuai bawk a, ka khawhmuh pawh a fiah lo.
Car alh hluah hluah leh a bawhbet tu lung tlang chu fiahlo ruai in ka hmu a, mihring pahnih lung phen atanga rawn kal bai saih saih pawh chu Jeff leh Mike te chu ka hmu fiah zel a, An pahnih chuan an paw phhuk a....

Kei pawh ka han in en chu ka paw phuk mai, ka kutphah chu ka en a, chutih lai chuan Mike chuan, Hei Jase! box kha, car atangin a lo intheh chhuak ve mial a, kan vannei khawp mai.

Ka kut chu ka en reng a, thisen a far thla fep fep a ni.

Jeff chu a rawn tlan vat a...

Rs! i lu i tauh kak a nih kha, Mike lo kal rawh hei min lo pui rawh, kan kal vat angai a nia.

Kan thawm chu tu vak mahin an hrelo, a chhan chu off season a nia, Farm pawh tlawhtu a neihloh lai a ni.

Kan pathum chuan kan inkuah phei ta a.

Mike a te Farm house chu kan thleng ta a.

Jeff leh Mike te chuan ka hliam chu min buaipui vat a, ka thiante tan hian ka va lo hlu tak em. Chapo tawngkama sawi ka ni lova, mahse an bula ka kal ringawt pawh hian mi hi an thlamuanpui ve tawp chu a ni sia.

Tunah tak phei hi chuan CMW High School a Football Player tha ber meuh pawh hian puitu a mamawh chua ni si.

Hei hi an man ang em le? school ah chuan heti pawh hian an lo ti ve fo thin, Rs-a awm chuan a fel vek a ni mai. Mahse Rs-a meuh pawh chuan puitu ka mamawh ve tho si a.

Ka inthiar dawn tiin bathroom ah chuan Pi Rengi notebook nen chuan ka lut phei ta a, bathroom kawngka chu ka kalh a, darthlalang hmaa sink ah chuan ka kut veilam ka nghat a, ka rilru hah tak leh na tak chu ka phawrh ta a, mahse ka phawrh ri lo, hriattham lohvin ka tap a ni.

Ka kut dinglama Pi Rengi lehkhabu chu mittui nen ka keu ta a, Ka chhiar ta.

Phek 1 na

Zote-i nizan khan a thi a ni, ka mumangah ka hmu engtin nge ni ang le?

Ka chhiar zel a, phek 6na ah chuan thil hmuhchhuah thar ka nei ta.

Kha lehkhabu phek 125 naah khan, midang chhanchhuah theih dan a inziak a ni.

Mahse a har ka ti, ka hmangaih te, ka nu leh pa te leh ka u Andrew te chhanchhuah nan, ka tih a ngai si.
Tin, Keimahni zinga la dam awmchhunte, ka best friend Kimi leh ka hmangaih Rinpuia te, anni pawh ka chhan a tul si.

Ka hmangaih tak meuh chuan keimaha he inbeihna hi ka chhunzawm a ngai dawn a nih hi...

Tih hi a lo inziak a.
Engmah sawi set set ta lo chuan bathroom atang chuan ka chhuak a, Mike leh Jeff te chu sitting roomah an chau lutuk chu an lo muhil a, choka table chunga lehkhabu chu ka la a, In hnung lampang, tuipui kam lan theihna nuam takah chuan ka kal a, varanda thuthlengah chuan ka thu a, ka keu ta a.

Phek 125. Ka hmu e,,,

Jeff leh Mike an rawn harh chuan, An ke bula zawhte no 2 ngiau ngiau chu an hmu ta a, Mike chuan a la a... A, hei hi khawi a mi nge ni? I va hmeltha reuh ve mawle.

Jeff pawh chuan a zawhte chu a pawm a.

Kei chu an hmaah nuih luih hram hram tumin Ka thu a Mike chuan, " Rs! eng atan nge min pek a!".

Kei chuan ka chhang ta a," He thil tih tawp dan tur hi ka hria a ni, Inthawina chauh lo chuan a ti tawp dawn lo".

Jeff chuan,"engmaw, tak tak maw?

Ka lu chu ka lo bu nghut a.

Anih khawia mi nge Jeff chuan a han ti leh a, Farm bula dawrte pet store a mi ka lei sak thu ka hrilh a, darkar hnih chuang an mu ngei reng a, thil tam tak ka lo ti hman a ni.

Mike chuan min en a,"engtin nge i hriat,kan in chhanhim thei tih chu.. a han ti a".

Pi Rengi lehkhabu chhunga thu inziak ho chu, Part tlem an hriat ka duhloh lai tihmai loh chu ka hrilh vek ta a.

An lawm ngang mai.

Rs nge nge! Rs nge nge! an ti a, an hlim lutuk chu an zawhte talh tur te chu an vawr lawp lawp a.

In hnung lamah chuan Sacrificial ground tur ka siam tawh ah chuan kan kal phei a. An himna tur a nih chuan ni e, a pawilo tih chu ka ngaihtuah ber a ni.

Jeff chu ka thiantha ber a ni bawk a, thil a man chak phian a.

Khawnge i zawhte ve tur Rs? a han ti a...

Kei chuan ka lo ngaihtuah lawk tawh avangin Ka mamawh loh thu leh pahnih in an tih a tul thu ka hrilh ta a, ka chhiar dawn avangin anmahni in an thah angaih thu ka hrilh bawk ta a, Egyptian ho chuan zawhte in nunna pakua a nei an ti a.

He lehkhabuah hian a theory chuan chung zinga pakhat chu , chung nunna zinga pakhat chu Jeff leh Mike atan an hlan dawn a ni.
Mahse a lehkhabu chhiartu erawh chuan a thah ve a thiang lo a, mahni in khawngaihna tel lova hmangaihna tak atanga engpawh huama midangte chhanchhuah chu a tihtur a ni.

Ka chhungril chu a zam a ni.

Mahse a tantu ka ni a, chuvangin ka tih tawp a ngai a ni.

Kan dingkual ta a, tlai ni tlak kim hma chiaha Zawhte te chu thah tur an nih avangin hun ka vawng pah reng a... Ka hriat thiam loh thu tam tak ka sawi leh ta... lehkhabu chu eng tawng nge tih ka hrelo, mahse english a inziak lai chu ka chhiar ta a.

I will bare it all, let the others free, free, bring thy peace,
Let the vultures end, Phoenix rise, free free, I will bare it all.

Jeff a ngaih chu a tha lo a, min rawn melh hrawk a, kei chuan zawhte nghawng chu zai turin thu ka pe ta a, mike chuan a zai a, a thisen chu no in a dawh khawl a.

Jeff erawh chuan a zai duh ta thak lo.

Zai tura ka han tur luih ngial pawh chuan, ni lah a tla fel tep tawh si...

Jeff Zai rawh! zai mai rawh chuan a hnuah kei pawh ka ti ve dawn alawm, hun kan ngah tawh lo a nia.

Thil diklo awm tih hre chung chuan a zai lui ve ta a, no pahnih chu ka la a, ka in ta mai a, thisen chu Jeff leh Mike te chu an meng he haw mai.

Ka in zo chiah chu ka han en a, an pahnih chuan,
Tunah chuan kal tawh rawh u, haw nghal ula, ka bul hnaiah lo awm suh u, in thianghlim tawh ka han ti a.

Jeff chu a rawn tawng vat a, Ka ring reng a, i thu chhiar chhuah ah khan Rs! nangin Mike leh keia ai awh turin thu thlukna i lo siam tiraw, keini him ila, nang mahin tuar mahla pawi i ti lo a ni tiraw? Jeff chu a mittui a tla ta zawih zawih a.

Mike chuan chung thu awm zia chu a hrethiam lo hle?

Jeff, Rs te chu a him ve tho a ni lawmni?

Ni lo, Mike, kan thianpa hian a thiante pahnih chhan nan, a nun derthawng takah a dah mai a ni, he sacrifice ti tur khan, pakhat chu a inhlanral a tul a, chuan zawhte khan Rs-a hi a lo entir a, Rsa chu kan pahnih hian kan lo that reng alawm mawle, Zawhte kha Rsa nangmah entirtu, kan tana tuar tur a i inpekna entirtu a ni tiraw? Min chhang teh? a vin deuh thur mai.

Mike lah chu mak tiin a meng pawng zawk zawk bawk a.

Jeff ka tha dawn alawm, tunah chuan miin min rinhleh hma in thil engemaw tih a tul si a, arron a thi bawk si a, chuan...

Ngawi rawh! Rs!... ka lung a awi lo, i thil tih hi i ti dik lo.
Engmah min hrilh duh lova, dik leh tha anga i ngaih chu i ti mai a maw?

Anih leh Jeff! hrilh ta che i la i phal dawn a mi?
Ka hria che Jeff! i phal dawn lo alawm.

Mahse kan tih angai tlat si a lawm. Chuti anih loh chuan he thil hi a reh lovang. He lehkhabu unau hi LUNGLEI ah a awm a, chu chu ka zawng anga ka hneh em em ang, chuan kan inhmu tlang thei zawk ang a, kan la hlim za leh thei ang.

Ngawi rawh Rs! sawi tawh suh.
Thiantha ber kan nih kha! Min en teh kei i thianpa Jefrey hi min en teh,
Ka pui ang che! aw!

Ni lo, Jeff! hetah awm rawh. Keimaha ka kal a tul a ni. mangang suh u. Hetah hian nung dam a in lo awm phawt angai.

Jeff chu ka va kuah a, a tir chuan a lungawi lo chu tal chhuah a han tum a, mahse a hnuah chuan tap zawih zawih chung chuan a thianpa chu a rawn kuah ve ta a.....

Best friends... ka han ti a...

Ni lo, Brothers a ti ve thung a...

Mike chuan min rawn bia a, "Rs mi luhlul tak i ni, kei pawh Jefrey ang khan ka na ve tho tih i hriat kha, mahse i tum tawh chu tuman an dang ngai lo che tih pawh ka hria. Mahse tlanbo pawh ni la, engtin nge ni chuang ang. Sanga thattuahte an puh mai mai lo'ng che maw?
Tin i chhungte leh Zorini engtinnge?

Ka ngaihtuah tawh alawm. Thi anga ka lan a ngai dawn a ni.

Jeff chu ka va melh leh a, Jeff thianpa, zankhat pawh hetah ka bula in awm hi a thiang lo, Keimaha ka awm a ngai chuan,,,,, naktuk kha...

OH! GRAND DINNER!

Zorini ... ka kalpui ang tih ka intiam a, Kan lo kalpui mai ang Jeff chuan a rawn ti vat a, i awmloh chhan a zawh chuan dawt sawi tur kan lo dap hrih mai ang.

Chuan Rs!

Aw Jeff!

Ka hmangaih che Unaupa....

Min rawn kuah nghal a, Mike pawh chuan min rawn kuah a, Ka lung chu a chhe kher mai, tah hawm hawm ka chak a ni, mahse an kal a tul.

Farm houes garage ah chuan Motor pahnih a lo awm a, Pakhat chu BEAT car a ni a, Pakhat chu GYPSY a ni.

Mike chuan min han bia a, hei hi inchung lamah khan master suite luhna ani a, Chuan Closetah khan dinglam kil a darthlalang kha la thla la, safe a lo awm ang, chuan hemi card a Number hi i dial anga, safe code anih hi, i zin dawn si a, chuvangin pawisa i mamawh ang.

Awle ka lawm e,

Chuan Rs!
Aw Mike!

Beat car zawk hi i khalh dawn nia, i mamawh ang.

A ngai a mi?

Aw ngai, khalh mai rawh i mamawh na naah i khalh dawn nia.

Awle ka lawm e.
Jeff nen khan lo in kawp tlat ru, thil kal dan chu kan la sawi ho zel ang chu? phone in, ka han ti a, Gypsy ah chuan an chuang a, an in khalh haw ta a....

Kei erawh chu ka mal tan ta a, Ka hnunglama Farm house ding ruih chu ka en a, zan thla chu october thla bial zan a ni bawk a, a eng kulh mai.

Ka thiltih ka hre thiam tawhlo, lo thi tak tak pawh ni ila, tunah chuan Mike leh Jeff te chu an tha tawh a ni, lawmna tlem te chu ka nei a ni.

Ka rilrua thu tamtak ngaihtuah chungin, in chhungah chuan ka lut a, kawng chu ka khar ta.

Farm house hnung lam a Dil zau mawng lam hla tak atang chuan, thlipui rawn tleh tur chhum chu a bing mup mup mai a, october thla bial pawh chu chhum dumin a hliah ta khulh mai.

Thlipui na tak tleh tur ang maiin tuifinriat chu a ri hum hum a... Ral leh lama Rsa luhna Farm house lam pan chuan a rawn bing phei ta mup mup a....


**********ADVERTISEMENT CLICK *********


A den dawn tan nia ooo.. 👻👻👻👻👻👻



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)