THE GAME CHAPTER 7 : INTAWH CHILHNA

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

THE GAME CHAPTER 7 : INTAWH CHILHNA

Unread post by HLalthazuala » May 18th, 2018, 7:41 pm

MUMBAI atang chuan LUNGLEI lam pan in thlawhnaah ka thlawk a, Pu Rinpuia zarah first class a zin theihna chance tha tak ka nei a ni.

Fake ID min siam sak bawk a, Highway 74 a accident thleng chuan INDIA ram hmun tin mai chu a tuam a ni ber mai.

LUNGLEI TOWN library ah chuan kal turin ka in buatsaih mek a ni.

Nizana accident thlen hnu khan, darkar 4 chhung chu airport leh hmun pawimawh dang zawng zawng khar lailawk vek a ni.

Terrorist thiltih a nih takin tiin sorkar chuan endik hna a thawk phawt a, darkar 4 hnuah chuan Pu Rinpuia min puihna nen ka zinchhuak thei ta a ni.... LUNGLEI chu darkar 6 hnuah kan thleng ta, Airport pawn lamah chuan ka chhuak a, zin veivak an tam avangin mipui tamtak karah chuan ka inhnawh chhuak ve thei hram a.

Chuta ka inhnawhbuai lai chuan ka hmalam a kal vai palianpui thau hmek hmawk hi a ding thut a, ka kal laklawh tawh em avang leh hnunglama min nek tu an tam em avangin ka va su palh a, a ni lah lo ding nghet churh mai bawk si a, mipui tamtak terminal a awm ve te avang leh kalna tur indaih loh vang pawh a ni thei ang chu, ka sir a kal ve pitar bungraw nawrlirhna sir ah ka intai palh a, ka balance ka hloh ta a, Ka hnung lama hmeichhe pakhat lo kal chu ka va bawhthlu rawp mai a.
Kan bul vela kalte lah chuan fimkhur tur a nia an rawn ti ve sek bawk nen. Chhuatlaiah chuan chu nu nen chuan kan thal tawp hi a ni mai...

Ka han tho va!," Ka tihpalh takzet a ni..

Miss, min ngaidam rawh, Khawi i kut min han pe rawh", ka han ti a.

Min rawn pe mai bawk a, a sam buang nalh tak chu a tlukna lamah a hmai hliah vek khawpin a theh buai a..

Ka kut a han la a, a han ding a, A kut dinglamin a sam chu a han hui kiang a,

Hlauthawng hmel tak leh mak ti hmel tak a rawn pu a,.... NANG!!!!

keipawh chuan makti tak in ka en ringawt a,... Second 10 vel che chang lova kan awm hnu chuan, Ka ka chuan tawng chhuah a tum nasa hle a, hrilhruk aia ring deuh si zawi sap hian,

ZORIN ka ti ta a.....................

*********************************************

KA HMING CHU LALRINSANGA NI A, HEI HI KA CHANCHIN CHU A NI E...............

INTAWH CHILHNA!

ZORINI pov:
************

Ka hming a lam chiang a ni. Chutia min kaithawh hnu chuan, che chang lovin ka ding ta reng a, a mak thlawt a ni.
Ka hming a lam.

Ka hmangaih Rsa ngei a nia.
A dik, amah ngei kha a ni.

Chet sawn nachang pawh hre lo chuan ka dinna ngaiah chuan ka ding reng a, thil tamtak ka ngaihtuahnaah a lut a, Rsa ka hmuh tawp ber ni te, Ka biak tawp ber ni te, kum 4 kaltaa Grand dinner a kal kan tum lai te, a thih thu ka hriat tirh laite, amah vuina hun te....
Mahse, tun maiah Rsa ngeiin ka hming a lam si, kan in su thlu dun palh a, min kaitho a, chuan min en a, ka hming a lam....

A thi lo tihna a mi? Enge thil awmzia?

Airport terminal chu a vir mup mup a ni ber mai.

Ni lo, ka lu hi a vir chuai chuai a ni, Ka Rsa ngei kha a ni.

HUH? khawnge a awm tak? Ka ngaihtuahna ka lo kawm rei lutuk deuh a ni. A lo kal hman.

Rs chu a lo kalbo hman a ni.

Saw! saw ngei mai saw a ni, hmanhmawh takin terminal pawn lam a pan, a Sam sen nghial kir chhap saw, ka Rsa ani... ka thawmhnaw chu ka nawr kal a, rang takin ka zui ta a.

Rsa Pov:
*********

Zorini a ni. A ngaihtuahnaah thil tamtak a lut niin ka hria.
Ka hmaah khan mi â ang maiin a ding reng a nih kha...

Aw! hmuh leh pawh ka rin tawh loh kha, zantin ka mumanga ka hmuh ka hmangaih ber Zorini hmel han hmuh chu, ka chakna zawng zawng leh ka thlarau hial hi keimah atanga lakchhuah ang mai hian ka zang huih mai a ni.

Kuah a, fawh ngawih ngawih chak viau mah i la, atan ka bul hnaih a awm a tha si lo.
A ngaihtuahna nen an insual laiin ka kalsan ta a nih kha.

Airport pawnah chuan, Taxi ka la a, ka tlan nghal a, driver hnenah chuan, Hotel ABASA a min thlah vat turin ka ti ta a.

ZORINI pov:
************

Rsa chu ka zui ru ta a, kan hmaa taxi chu driver hnena zui tura ka tih angin a zui zel ta a, Hotel ABASA kawtah kan in khal lut ta a.

Rsa taxi chuan na pawh a ding nghal bawk a. A chhuah chu ka nghak te te a, ka driver lah chuan ka chhuak dawn nge dawn lo min zawt sek bawk a.

'Enteh ka pu, reilote ding la, cheng 100 ka pe ang che".

Rsa bungrua chu Hotel staff ho chuan an khai luhsak a, Hotel a a luh veleh chuan car atang chuan ka chhuk thla a, Staff ho chuan ka bungrua an rawn la nghal a, ka zui ve tawp mai a ni.

LUNGLEI a Law firm lian tak pakhatah thawk tura sawm ka ni ve a, Karkhat hnuah ka tan dawn a, chu mi a inpeih hman tur chuan inluah tur emaw, apartment emaw zawng pah turin kar khat vel LUNGLEI a lo awm lawk chu a tul in ka hria a, ka kal hma a ni..

Mahse thil engkim mit khap kar lekah a danglam ta si. Rsa thlarau a nih loh chuan a tak a nih a ngai.

A thi tawh si, mahse a la thi si lo... Ka buai! Ka buai KA BUAI! zo vek.

ZORINI Pov:
************

Zorini avang chuan ka ngaihtuahna chu a buai khawp mai.
Ka thlenna Suite ka luh veleh chuan khum liantak ah chuan ka bawk thla ta thlawp a....
Zorini ringawt chu ka ngaihtuahnaah a awm a. Ka phone rawn ri pawh chu ka hre lawk lo lehnghal a.

Phone chu ka han chhang a.

Hello! Pu Rinpui, Sir! hei Lunglei chu ka thleng e.

Rs,
Sir, chu min ti tawh suh, thian kan nih kha, Pa Rp min ti la a atawk mai.

Awle, anih leh Pa Rp! hei ka thleng e.

Rs, nizana highway accident thlen zawh a, i hotel riahnaa ka staff te an rawn kal lai khan, kan thlarau beih khan min rawn bei ve a.

Chuti maw! nia ka rawn call ta lo che a, mahse i staff te'n Mei leh puakthei thil lampang ngaihtuah lo tura min chah khan, thil ka hrechhuak ve a, Mei hmang char char in min la bei a ni tih ka hrechhuak ta a.

Nia, i hlauh ber chu mei alawm.

Anih leh nang?

Enge chu chu a awmzia?

Enge i hlauh ber! Pa Rp?

Khawi mu!

Khawi mu a, a va ho ve, a tet hmel ropui sia! Khawi zuk mai mai te chu!

Ngawiteh ka nau, khawi sangkhat rual vel, khawimu i tawng tawh em?

E he! Pa Rp chutiang ang a tam chu maw?

Ni e! nizan khan ka bodyguard 3 nen ka butler nen inchhungah khan kan awm a, thawkleh khatah tukverh ho chu thli na tak hian a rawn chhem hawng a, a rawn ri mur mur a, kei chuan khawi mu ri ani tih ka hria a,ka body guard te chu inchung lamah ka tlan chhoh pui ta a, Ka butler Anthony erawh a hnung bera tlan a ni a, khawi mu chuan a seh rawn ta chiam a, a thleng ve hman ta lo, engpawh ni se, floor tinah panic room ka dah a, Chhawng hnihna panic roomah chuan kan lut hman hlauh a. Kan vannei khawp mai.

Anih chu! a hmaa khuai chungchang ka sawi dan kha min ngaidam hram rawh o,
A rapthlak em a nih chu mawle!

A ngaihdam dil a ngai lo, kei pawhin ka hlauh ber kher hi a nawi ka ti ve thin tho asin.

Engpawh ni se, i hah khawp ang a, mahse vawiin la la hian he curse lak ata hi i chhuah zalen phawt angai.

Chumi zawhah chuan Palestinian kal kan ngaih kha, hun khawhral lo la, Lunglei Town Library lam chu pan nghal rawh aw!

Aw le! ih thil sawi tur pakhat ka la nei.

Enge sawi ta che.?

Ka bialnu kan khaw lama mi ka tih kha a nia. Vawiin ah terminal ah kan inhmu thut a, a zia lo tak tak.

I bialnu Zorini i tih kha maw? engtin nge a nih theih,a hmu che em?

Hmu e, rang thei ang berin ka tlan nghal a, airport ah mihring an tam bawk a, rang thei ang berin ka tlanchhuak nghal a.

A that chu, ni e, a nun kha buainaa a luh palh a hlauhawm a ni.

I tidik e.

Pa Rp!?

Enge ni Vala!?

Ka ngai a ni, a hmel ka hmuh rik ngawt pawh khan ka hahdam sawng sawng in ka hria.

Rs! Vala, ka hrethiam alawm.
He hna hi tha taka kan tihzawh chuan, tlanchhiat a ngai tawh lo ang.

Chuan Zorini pawh chu i hmu thuai ang. Tunah chuan i rilru kha thil pakhatah chiah dah rawh aw.

Awle! i tidik e, tihtur ka la neih chhun chu tha takin ka ti ang.

Nia , hmanhmawh la, hun khawhral suh aw. Bye...

Bye...

E chuan Vala!

Aw sawi ta che.

Mei kha! ngaihtuah loh dan hram ngaihtuah rawh aw.... a nih le...

Kan inbiak zawh chuan, ka inbual fai a, tlai dar 4.30 pm a ni ta der mai, Lunglei Town Library lam chu pan tumin ka insiama, dinner ka ei thuai thuai a, ka kal ta a.

ZORINI Pov:
*************

Rsa kha mithla mai mai ami le?

Hotel lobby ah chuan ka room a kal ta lo chuan a rawn chhuah ka chang reng a, house plant chhah tak buk phena thuthleng pakhat inthukru ang reng tak atang chuan hotel chhung che vel chu ka en reng a.

Darkar 4 lai a liam tawh si a, tlai dar 5 a ri tep tawh si.
khawlum avang chuan ka thlantui a tla bawrh bawrh si a.
Ka ngaihtuahna mai mai a nih phei chuan rilru lam doctor ka hmuh ngei chu a ngai dawn anih hi.

Mithi tawh hnu hmuhtheih te zawng... karei, Law firma thawk tur leh nghal, realistic taka thil ngaihtuah a ti thin Zorinpuii hi, Mithi hmu thei rilru buai anih vaih chuan, Chhiat rupna... Karei karei!

Chutia ka ngaihtuah lai chuan lobby elevator pakhat chu a rawn inhawng a....
A rawn chhuak ta a. Ka mumang a ni lo.

Ka mumang a ni lo tak tak...

Mithi a ni nge ni lo chu kan la hria ang chu.

Chumi tih pah chuan ka in hliahna house plant bul a, lungtum lian vak lo chu ka phawrh sauh sauh a, Ka tin vang vang a, Rsa chu ka vawm ta a, a dar veilamah a fuh chu a na ti lutuk chu a te thawk a, kei chuan ka hlauthawng leh sia hnim buk phenah chuan ka tlum leh ta zuk a, Karei amah... Rsa... Rsa, Minung... a thi lo... a thi lo.......

In hmuh tir mai chu ka duh viaunaa, Rsa tak tak a ni bawk a...
Mahse! ka rilru ah chuan plan dang a lian zawk a, ka biru ta , plant hnah chu ka keu deuh dek dek a, staff ho chuan an lo hual laih laih a.....
Mahse, Rsa chuan a that thu a hrilh a, a kal tlang ta a, keipawh chuan hla deuh tak si, hla em em lo atang chuan lung vawmtu ni lo hmel fahran pu chung chuan lobby chu ka chhuahsan ta a.

RSA Pov :
***********

5:20 pm, LUNGLEI TOWN LIBRARY
************************************

Library chhungah chuan ka kal kual a, Pa Rpa chuan a lehkhabu a dah hnunhun berna, Library section 70 chhawng chung ber chhawng 7 na a mi chu Ka thleng ta a.
Room chhung chu zau tak a ni a, Pa Rpa lah chuan a section chu a hria mahse a dahna cabinet ber a theihnghilh tawh si..., lehkhabu chu sangkhat awm vel lai chu section ah ringawt chuan a awm bawk si.

Ka han zawng tan chu ka beidawng sa khawp mai a, chutia ka kal kual lai chuan, chu lehkhabu chuan amah rawn zawngtu chu a hria nge, cabinet number 9 na chung ber atang chuan a rawn tla thla ta nawlh mai le.

A kawm chu lehkhabu dang nena a in an chiah avang khan, ka hre nghal mai a. Ka han chhar a.

A ni thei lo....

Hei pawh a inkalh tlat a, a kawm lai takah chuan thil zum a awm ve a ni.
Thisen bawk maw....

Phone ka la a, library rules pakhat phone switch off tur tih chu ka bawhchhe ta phawt maia, tawng loh tur tih pawh ka bawhchhe nghal bawk a.

Hello Rs!

Pa Rp! engati nge he lehkhabu pawh hi thisen dawt ching a ni tih min hrilh loh.

Sorry! vala! ni tak... i thisen chu far tir leh ta mai che.

Ka va hne tak...
Eng pawh ni se, ka in chhuntir leh a ni ang chu.

Chuan Vala ! i hawn atanga minute thum chiah hun tha i nei a nia...
Phek tawp ber kha keu nghal la, khata thu kha chham chhuah a ngai a nia.

awle....

Pa Rp! in ring rawh aw...

Chuan 1,2,3, kan chhiar anga kan keu rual anga kan chhiar dawn nia....

Awle...awle....

ka han inchhuntir a, lehkhabu chu a rawn inhawng a.....

Lir a nghing leh nghal bawk a, Library pawn lamah chuan chhum dum chhah tak mai a insiam nghal a, Indona chu tan a ni leh dawn ta....

1, 2, 3, le......

english word ang reng chuan wording chu kal mahse english chu a tawpah chauh a awm leh a ni....

Kan chhiar rual ta a....

Library tukerh darthlalang ho chu thliin a chhem keh darh ta chuai chuai mai a, library chhuat lah chu a khi ta pheuh pheuh bawk a, alarm a kiu chuah chuah bawk a, room pawn lamah chuan mipui mangang au aw chu ka hre bawk a, Ka chhiar laklawh lai chuan room kawngka chu a rawn inhawng a, mi pathum an lo lut ta a, Ka Pa, Ka Nu leh Zorini....

Kei chuan engmah sawi lo chuan inveng turin ka hrilh a...

Ka nu lah chu mak ti bawk si, a thidang a, ka pa chuan a dawm a,

Zorini chuan min rawn au a,

Rs enge thil awmzia....?

Thli lah chu a tleh vawk vawk mai a.

Pa Rpa lah chuan ka aw chu a hria a, a ngaihdan a ni der lo...

RS CHHIAR RAWH CHHIAR RAWH!

Zorini pawh chu ngaihtuah lo chuan ka chhiar chhunzawm ta a, Chu lai tak chuan Zorini chu thli chuan a chhem leng dawrh a, tukverh lamah chuan a pawt let ta a...

A rak nasa tawh mai si, ka pa chu ka en vat a, a ni chuan Zorini chu a theihtawp chuan a pawt let a,

A Rpa chuan ka hming pum nen min rawn au a...

LALRINSANG I TIH TUR TI VAT RAWH....
KAREI RS, KHUAI KHAWI MU VAT VAT RAWH AIAH!

KAN CHHIAR CHHUNZAWM TA A, LIBRARY BULB LAH CHU A KEH PHAWK PHAWK MAI A. MEI BAWK CHU ELECTRIC PUAK CHUAN MEI HLAWM LIANPUI MAI A SIAM A....

A TAWP LINE CHU KAN CHHIAR TA A, lET IT END! END NOW... I SEEK LIFE, LIGHT, LET IT END.... PORTE, MIQUE, TRAELAQ, RALIVE, BUWLVIE, SHRA,

ROLWI PORTIMEC...........

Vawi thum sawi tur a ni, Pa Rpa lah chu na ti a, vial ngut ngut chung chuan, leh lam line a tang chuan a chhiar ve zel a.

Zorini leh ka pa lah chu tukverh tlang vuanin an lo in chelh bet ve bawk a.
Library chhung a lehkhabu te chu an thlawk sup sup a, bang te chu a khi chat ang phuk phuk bawk a, mei lah a tai darh nasa tulh tulh bawk a, vawi hnih kan chhiar tawh e..

Vawi thumna kan han tan meuh chuan, thlang lam bang sir lam ft 8 bial dawn chu a thlawk chhuak hlawk mai a, ka pa leh Zorini te awmna lam pawh a thlawk chhuak tep tawh a ni, a awn ruih tawh mai a, Zorini lah chu a hlauthawng nasa mai si, pawn lamah chuan thawnga leivir liantak a insiam a, library pawn lama car in park ho te lah chu a thlawk puak lawp lawp mai bawk si...

Thlipui kar atang hian, aw rapthlak tak mai a rawn chhuak a.... HEI HI A TAWPNA A LA NI LO....

VAWI THUM KAN CHHIAR CHHUAK TA A.... thawk leh khatah thawngaleivir chhung lam atang chuan a rawn eng chhuak pup a, ka pa leh Zorini te chu chhuatah an tla hnawk a, mei leh lehkhabu thlawk nuah nuah te chu a reh a, lehkhabu phek thlawk te chu lei lam panin an tla thla chuah chuah bawk a, pawn lam atang chuan thlipui ni lo thli fim a rawn thaw lut heuh heuh a, ka hah lutuk chu ka bawk thlawp a, Ka nu kha cabinet pahnih rualrem deuha tlu in chhechhuan chhung atangin a rawn chhuak hlawl bawk a...

Ngawi reng chuan, ka han ding a...

Leh lamah chuan ka nu leh pa leh Zorini te chuan mak ti tak mai hian min en reng a.......

Phone ah chuan Pa Rpa chuan min rawn be lauh lauh a, leia ka phone tla chu ka chhar a,
Rs a zo ta...

Nia Rs!, tuna tan hrih chuan a thaw hlawi hlawi a...

i tha em Pa Rp?

Aw ka taksa ah hian khuai mi zukna chu a vung pup mai... mahse ka damchhuak ang...

Pa Rp in enkawl vat rawh ka rawn be thuai ang che, thil sawifel tur helamah ka nei tlat...

Phone chu ka dah a, ka chhungte lam chu ka en a, zawi te te chuan ka pen phei a,

Ka pa, ka nu, Zorin duhtak, min ngaidam ru, ka hrilhfiah ang che u....

Zorini chu a rawn tlan phei a, min rawn kuah ta vawng vawng a, kum 4 chhunga ka fawh tawh loh, chu hmui no sen hlarh chu ka fawp ta vawng vawng mai a, ka nu leh pa pawh ka zah zo tawh lo....

kan han inthlah hnu chuan, ka nu leh pa te an rawn kal phei a, ka nu chuan ka hmai chu a han chul a.

Ka nu, Ka pa....

Ka fapa... Pa a, kan fapa a ni, Aw Rs! min kuah nghal ta bawrh bawrh a, tumah insum zo awm ta lo chu, tap vawng vawng chung chuan kan in kuah ta a.

Library chu kan chhuah san ta, inhnuai lamah chuan police leh rescue team ho an rawn lut chho bawk a...

Ka nu, engtin nge in rawn kal.?

Zorini hian min rawn call a, Lo kal vat turin min ti a....

Zorini chu ka han en a...

JRs! ka hrilh ngei a ngai alawm...
Lunga ka rawn vawm che khan i te tuarh a, a tak ngei i ni tih kha ka hria a..

Helicopter chuan Aizawl atanga Lunglei thlen hun chu 30 minutes lek a ni bawk a, ka call ta mai a nih kha....

Zorin!! Lung kha, i rawn vawm maw?

Rs! sorry! ka proof duh si alawm....

Ni e a tha e... ngawi lawk thil ka theihnghilh...

roomah chuan ka va let a, lehkhabu chu inkalh tha in ka hmu a... ka bagpackah ka thun a, ka chhuak leh a...

Rs!

Aw ka pa...

Sawifiah ngai i ngah khawp mai.

Ni e, kal phawt ang ka la hrilh vek ang che u....

Ka rilru ah chuan Palestinian ram a kal ka tul thu chu ka la hrilh lo ang tih ka intiam a...



SOMEWHERE IN THE PALESTINIAN DESERT:

Mipa naupang pahnih beram veng te chuan tlangpang puk pakhat atanga, khuang ri mak tak lo chhuak an en reng a, an beram venlai neitupa ho chuan an kal a ni....

Chu pa chuan naupang pahnihte chu a en a, a ni paw'n khuang ri chu a hre ve bawk a...

Hussein, Amal, hetah hian lo awm ula, ka va finfiah ang e a ti a.

Mipa naupang pahnih te chuan beram ho bulah chuan bu an khuar a, an lo tlat puia, Jahmad Adal a kal lai chu an thlir a...

Puka a lut lai chu an thlir reng a....

Hussein, enteh! hetiang lai bawr vel hi min an tih riau a nia! mr. Jahmad chu ko leh mai ang. ka hlau deuh tlat...

Thawnthu mai mai. hlau suh. E Amal.?

Nge ni?

Hmanni a kha khu lai lawka kan lung hmuh tha deuh kha....

i rawn keng a law....?

aw! hei....

chutia an en lai chuan puk chhung atang chuan mangang au aw a rawn chhuak ta a... a rapthlak ngei mai....

Mr. Jahmad a aw ngei a ni.

Naupang pahnihte chu an in en a, an khur zawih zawih mai...

Lir a rawn nghing a, beramte chu an hlau a, an tlan darh zo ta, lei a rawn khi ta phuk phuk a, puk chhunga Mr, Jahmad a aw chu a reh a, thawm rapthlak tak a rawn chhuak ta a....

Chu thlaler hmunah chuan chu thil rak ri chu a thangkhawk rum rum a.............................

*********ADVERTISEMENT CLICK **********



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)