THE GAME CHAPTER 8 : HLAUHAWM /THIL RÂPTHLAK

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

THE GAME CHAPTER 8 : HLAUHAWM /THIL RÂPTHLAK

Unread post by HLalthazuala » May 19th, 2018, 8:42 pm

:evil: :evil: :evil: :evil:

Gaza Strips bula thlaler te tak te awm chu khawvel tan chuan hriat pawh hlawh lo tak a ni.

Middle East buaina kal reng karah chuan he thlaler te takte bula thingtlang khaw te takte hi chuan tihbuai a hlawhlo ang reng hle thin a.
US sipaite chu helai ruam velah hian an kal mang lo hle a ni.

Gaza Strips ruam bul lawkah awm mahse ISRAEL chuan helai hmun hi a claim a.

Mahse a chhunga chengte hi chu Palestinian vek an ni thung.

Hebron thlang lam Qiryat Gat atang chuan 890 km vel lai kal a la ngai a.

Qiryat Gat bul velah hian sipai pawh an strict hle a ni.

Helai ruam velah hian Palestine hel pawl leh Israel sipaite chu indo reng reng in hun an hmang bawk a.

Mahse a piah 890 km a, TUBACH khaw te takte hi chu thlaler bul maia awm a ni a, tlawhpawh vak a ni lo.

Mahse, he hmun te takte ah hian, Khawvel inghahna pawimawh tak, tunlai hausaknate leh politics khawvel in a a sawi nghin ve rual loh, tunlai khawvel awm hmaa mihring chakna ni lova lungphum phum pawimawh tak chu a awm si a ni.

Chu thlaler piah lamah chuan chhum dum lianpui mai hi a insiam a...

Thlaler ah chuan thlipui a tleh a, thlaler ruam a tlang te chu a khawk rum rum mai a....

KA HMING CHU LALRINSANGA ANI A, HEI HI KA CHANCHIN CHU ANI.... A LA TAWP MAI DAWN LO....
*********************************************

THE GAME CHAPTER 8 : HLAUHAWM / THIL RÂPTHLAK
******************

Hmani mai khan, Pa pakhat chu tlang khawkrawk tak tak kara puk pakhat ah chuan a lut a nih kha, chumi hmunah chuan beram veng naupang pahnih chuan, an pu thlaphang au aw chu an beng ngeiin an hria a nih kha.

He khaw te takte mihring 200 vel chauh awmnaah hian thlarau khawvel indona chu a intan ani.

Zan thla eng hnuaiah chuan Mike leh Jefrey nen, Ka kiangah Zorini a awm bawk a, kan grape huan a ka pa in in nuam tak a sak ah chuan kan thu khawm a.

Kum 4 kaltaa thil intan dante chu phawrh chhuah a ni ta a.

Mizoram mipuite chuan mak an ti a, chhung leh khat thenrual thate pawhin ka hmel an hmu leh ringawt pawhchu mak an ti ani.

Vawiin pawh khan ka haw leh avanga min lawmpui a kan in a lo leng te chu ka Pa chuan lunch tuihnai tak a siam sak ani.

Zanin zet zawng zan thla eng hnuaiah ka hmangaih ber leh ka thiantha berte bulah ka hun ka hmang a.

Thianzaho in hmuh leh pawh beisei ngam tawh lote kan han inhmu leh a ni a, a nuam dangdai khawp mai.

Mahse chu hlimna chu reilote atan chauh a ni ang tih tu nge sawi thei ang....

Zan dar 11:00 pm a ni a...

Ka khum ngei maiah chuan Ka mu leh ta, ni 5 lai kan veng ah ngei, ka inah ngei, ka chhungte leh thiante bulah ngei ka awm leh tawh a.

Pa Rpa chuan a rang lama Mumbai a amah hmu tura min tih pawh chuan ka haider lui char char a ni.

Mahse thutiam chu thutiam a ni a...

Kan chunga thilthleng ang te kha, midang chungah a la thleng lo vang tih a sawi theih si loh.... Ka muhil ta.....

E heu! khawilai hmun nge ni.... vut hlir a ni vut hlir, vaivut tlang pawng, a chhip chu ka han chuang kai a, Ka hmuh theih chin zawng chu thlaler a ni....

Thawk leh khatah thlaler vaivut ho chu nasa takin a leng darh chuai chuai a, thawnga leivir nasa tak a insiam a, a lian tial tial a, ni chhuah na lam atang chuan chhum dum lianpui mai a insiam a, chu thlaler piah lawkah chuan khaw te takte hi a awm a, a chhunga cheng te au thawm pawh chu ka hre thei a.

Hlauhna nasa tak chuan chu thlaler hmun chu a tuam ruih mai a ni.

Tawngaleivir atanga âw rawn chhuak chuan, " A LA INTAN DAWN CHAUH!" a rawn ti ta a.......

Ka lamah chuan chu leivir lianpui mai chu a rawn tawlh a,m..
Thlaler cactus te leh thlaler vaivut te chu a chhungah chuan a leng lawp lawp mai a...

Ka piah thlalera lung lian tak tak in a siam tlang khawk rawk kar atang chuan khuang hi a ri dut dut bawk a!

Chu khuang chu ka hriat tawh hnu ani.

Ni e, mumangah,
Hmanah tawh khan, khuang ri ka hriat kha, tun ami nen hian a in ang a ni....
khuang ri ka ngaithlak na lamah ka hnung lam vaivut leivir chhah tak chu ka lo theihnghilh der a.

Ka awm hmun atang chuan thawngaleivir chuan mi man thut a, Ka ban leh ke te chu ka han vai ve bawk a, mahse awmzia a awm lo, thawngaleivir chhungah chuan rak lawm lawm chungin min theh lut ta a.

THAW LAWP LAWP CHUNGIN KA HARH THUT A....

KA MUMANG A NI.....

Chôka ah chuan ka thu reng a, zing thawh veleh a coffee tui tak in hi ka addict tawh ani.

Ka kum 22 na birthday chu karleh mai April 15 khi a ni tawh a.

Mahse chu chu ka rilruah a awm lem lo.

Nizan kan chhungkaw chaw ei naah ka nu leh pa te chuan ka birthday chu a pui thei ang bera min lawm sak an tum thu an sawi a....

Mahse tunah tak hi chuan ka mumang chu ka ngaihtuah a, eng thil emawni, ka hma maiah hian, thil lian tham tak lo la thleng tur chu ka thinlung chuan a hrelawk nge ni, ka awm chu a nuam lo riau mai a ni.

BARAKHAIH!

Ka phu chiang kher mai.

Ka hnung ah chuan Duhtea leh Matthew-a ka nau te chu an nui dir tlawk tlawk a.(Duhtea leh Matthew hi phir an ni a, Matthew hi a naupang zawk ani)

An lian tawh hle mai, kum 16 an hmang ve mek a ni.

Ka naute chu ka en vang vang a, thawk lehkhatah chuan ka um ta thut a..

Kan unau chuan kan in um phili buai nasa mai a.....

Ka nu chu inchung lam atangin a rawn chhuk a....

Bawiha te u.... Zing kan tho chiah a nih hi.... Duhtawk ru...

Ka nu chu kan en sauh sauh a, ka naute pahnih nen chuan kan um rawn ta a...
Ka nu mood off pawh chu kan um bo vek a tih theih ani...

Chôkaah, sitting room ah nen, a rak ring nasa mai a....

Ka pa chu step tawpah, kan bul mai ah a ding a, a nupui leh fapate hmel chu hlim takin min lo thlir a...

Mahse, chu lawmna chu door bell ri chuan a rawn ti reh ta nghal a.

Ka pa chuan kawng chu a han hawng a, coat suit ha mi pali hi an lo ding a.

An zinga palian ber mai ft 6 leh 1 inches vel tur awm ang, pa sa tha dar pharh hek hawk tak mai, Pa pian nalh tak chuan a ka a han ang ta a...

Good morning Pu Chhandam!..

New Delhi atang a lo kal kan ni...

Kei hi CBI a mizo thawk awm chhun ka ni a, ka hming chu Lalngaihawma ani a, Ngaiha tih in min ko mai dawn nia.

Hei hi ka thawhpuite te ani ni..

A hang ber hi Ali Khan Mumbai lam mi ania, a bul ami hi Ralhul Bangalore mi ani, chuan a piah ta ber a mi hi Abdul Rahman Delhi te an ni a.

CENTRAL BUREAU OF INVESTIGATION (CBI)
HEADQUARTER - NEW DELHI lam atangin unit 71 Protocol te kan ni.

DIRECTOR OF CBI
Sir, Alok Kumar Verma thu pek a lo kal kan ni...

Kan lo lut thei ang em?

Unit 71 ka hre lo ve....!!

Enge in duh?

Hei hi INDIA PRIME MINISTER
Shri Atal Bihari Vajpayee thupek a ni a...

Tunah hian kan lo luh in phal loh chuan man in ni ang.

(kan in leng te leh keini chhungkua chu kan ti ti tlang a, an lo kal chhan te chu an sawi a)

DARKAR 1 HNUAH CHUAN:

Ka pa phal mai ru!

A theih tawh loh!

Kan nei let leh chiah che a, ka remti lo bur a ni.

Ka nu chu ka en a, tukverh lam hawiin min hawisan daih bawk a....

Ni e, an phalna chance aiin an phallohna chance chu a tam zawk tur pawh a ni reng a ni.

Pu Ngaiha chuan thu a han sawi leh a.

"Ka sawi tawh ang khan Rsa hi INDIA tan under cover in a kal a tul a ni.

Fake Id siamsak a ni ang a...
Sipai zingah chuan a tel ang a.
mahse a tihtur chu a dang ang....

Ka Pa chuan ka nu chu a en a, in chung chhohna step ah chuan ka naute pahnih pawh chu ngui takin an thu a..

Ka nu leh pa te chu ka lam hnaihah an rawn kal a...

Awle, Kal ang che.

ZORINI TE INAH CHUAN!

INDIA Intelligence Agency hnuai a RAW (R&AW tih pawn an lam tho, RAW hi INDIA ram a SPY kan neih ṭhat ber te an ni) te chuan min lo chhui ru reng a, kum 4 kaltaa thil thleng piah lamah khan he thil hi an lo chhui ru reng tawh a lo ni a.

MUMBAI a thil thlengte, GOA a thlipui tleh thut te mai bakah Kan veng CHANMARI WEST a thil thlengte kha an lo record thlap ani.

Kha mi mai bakah khan tunhma lama khawvel hmun hrang hrang a thil thlengte leh Egyptians ho history te, Liberal tak leh Realistic taka thil ngaihtuah an nihnaah rin har an ti hle a...

Mahse khawvel pumpui chhiat vek theihna tur thil a nih tlat avangin leh kei hian kum 4 chhung eng eng emaw ka lo hmuh a, ka lo hmelhriat tawh vangin min thlang alo ni.

Tin, Tsunami leh tunlai thil thleng lian tak takte nen pawh hian inzawmna a lo nei vek a lo ni.

ZORIN ka kal ngei chu a ngai ang.

Zorini chuan a tukverh atang chuan ral lehlam a Reiek tlang mawi tak mai chu ngawi rengin a thlir a, a hnu deuh chuan a rawn tawng chhuak ta a.

Rs! I sawi ang chuan ka kal tir thei lo ang che tih ka hlau a ni.
Ka hmu leh chiah che a, a fair lo em mai.

Babe! a fair lo a ni...

Ni e! mahse kei teh lul hian tangkaina ka lo neih ve mial chuan, Kei aia he thil hria hi dik tak chuan an awm lo ani, Pa Rpa tih loh chu.

Ani pawh CBI lamin an contact tawh a, thu pawh a rawn confirm tawh a ni.

Khawvel pumpui hi he thil hian a effect thuk hle asin.

He thil hi chuti khawpa lian chu a ni si maw?

Aw Babe! ni e, a pawi ka ti,

Shhhhh! Rs,

A kut zungtang chuan ka hmui a rawn hup a.

Rs! i kal hma in min fawp rawh....😘😘😘

Kan in lamah chuan RAW agents ho chuan ka nu leh pa te chu an lo kawm a.

"He thil hi 1940 chho atangin in buaipui tawh maw?" ka pa chuan a han ti a.

Special agent Ali Khan chuan 1947 chho a, chhui chiang tura troops an tirh te chu Gaza Strips piah lawk thlalera chin chang hriat loha an bo thu a sawi a..

CIA agent pahnih pawh an tel a ni awm e.

Khawvel ram dangte'n INDIA chu an rinhlelh phah avanga an tawp rih thu te, underground taka thil an chhuizui thu te chu an hrilh a....

Mumbai highway 74 a accident te leh Lunglei Town Library a thil thlengte chu camera nen an lo cover vek a lo ni.

Tin, khawvel ram dang news te leh kum liamta zawng zawng te atanga khawvel inher dan vel atang chuan an lo zir tawh thu te, historians tamtak leh archaelogists tam tham tak an rawih tawh thu te thlengin an hrilh vek a.

Mahse keimah (Rsa) anga he thil encounter chiang ber hi tumah an hriat loh thu te, Hmanlai mi te'n finna an lo khawlkhawm dan te leh tuna he thil, mak tak mai inkaihnawih dan zawng zawngte chu, ka nu leh pa te chuan mak ti takin an ngaithla a.

Chutih lai chuan Jeff leh Mike te chuan kan chanchin chu Zorini hnen atangin an lo hria a.
Kei chu in lamah ka haw leh tawh a, an ni pahnih chu inah an rawn lut a, eng sawi set set lo chuan Jeff chuan," Keini pawh kan kal ve a tul", a rawn ti teh ngawt a.

Pu Ngaiha chuan a en ren rawn a, "In thei lovang....

Tute nge in nih? eng ah chuan maw in kal ve ang"?

Jeff chu a rawn tawng leh a," Rs! a hma pawh khan kan ai i awh tawh a,
keini pawh he thilah hian kan inhnamhnawih tawh kha...
Tin, kei hi INIDIA ARMY ah kum 3 chhung ka tang a, Rsa awmloh hlan khan...

Tin, Mike hi Medical ah Internship a zo tawh bawk a, chuan Officer, kal ve ngei kan duh.

He thil in buaipui mek a hi, kan hre thuk hle a ni.

Rsa in kaltir chuan, tun ṭum chu kan awl mai mai tawh dawn lo.
Kan thianpa hi amah in kan kaltir thei lovang." A ti ta hmak mai si a.

Federal agents ho chu an in en a..

Agent Abdul Rahman chu a rawn tawng ve leh a," Officer kan ni lo, RAW agent kan ni, ka han correct hmasa ang che..

Chutia in han insawi tak ah chuan, Thiante u, he mi te pahnih hi chu an kal ve kan remtih sak mai dawn em ni ang?"

Agent ho chu an in en thap mai a, "AW" an han ti tlang thap a.

Mahse a ni thei ngang in ka hrelo a, ka in rawlh ta vat a...

Tumah an kal lovang, Jeff Mike! in kal lovang, he thil hi in hre lo a ni.
In rin ang a ni lovang.

Rs! ngawi mai mai rawh.
Mike chuan mi han ti a.

Kan hria a ni chu chu.

Mahse a hma pawhin min bum tawh a, kan sahimna tur i zawng tawh a, tun tum chu i rual in kan kal ang, Thianpa nangmah a thlah thlam che hi i thiante hian kan tum tawh re re hleinem....

Hawh Jeff haw ang....

Jeff chuan min en a," Rs! nangmah ringawt chuan ni lo, i thiante kan ni a, he thil ah hian kan inrawlh thuk hle tih pawh i hriat kha.

Kan kal ve dawn,"...

Mahse Jeff,

"Mahse ti suh Rs, Hero part play hi duhtawk rawh, Nangmah ringawtin ka kaltir tawh dawn lo che."...

Sawi tur ka hre lo re re..
Jeff leh mike te chu ka en a, "Nihleh le, kan kal ho ang", ka ti ta hram a.


Hmun pakhatah chuan.............

Room thim tak maiah hian mi pakhat hi a thu a, chu room chhung ah chuan mini bulb sen duk chiah hi light a awm a, ngawi teh banga in thil intar hi thlalak a ni.

Room chhung chu i han enkual chuan banga thlalak ho chu rapthlak i ti hle ang....

Thlalak a mihring hmai tak chu pentui dum a thai chhiat vek a ni a....

Chu mihring chuan bag atang hian thlalak dang a han phawrh leh a.... bangah chuan a han bel leh a......

NILO! Rsa thlalak a ni....

Room pumpui mai chu Rsa thlalak chuan a khata....

Chumi chu a tawng chhuak a, Hmeichhe aw a ni....." RS i thih ve a hun tawh dawn a ni,"............


TUBACH AH CHUAN:
*********************

Thlipui tleh tur avangin nu naute chu inah an tawm a, hetiang ang reng reng hian thlaler thli tleh dawnin khua a thim ngailo chhun dar 11:00 am ah lehnghal.

Pa pakhat hian a beram te chu a a huangah a khung fel a, a chung zawn khawdur chu eng emaw vangin a han melh chho a, tek ang si, de zawk zawk thawm nei si lo chu chhumpui chu a eng pup pup mai a ni.

A en reng lai chuan chhum chuan chu pa lam chu a pan ta a, thimin ni a hliah a....

Ran vulh te chuan chu chu an hria a ni, mahni rak rak in an rak chuah chuah a, chu pa chu thimin a bawm khah meuh chuan a rak vak vak a......

Thlipui chu a tleh chhunzawm ta a....

*********ADVERTISEMENT CLICK **********



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)