THE GAME CHAPTER 9 : RINLOH HMELMA NEN A INTAWHCHILHNA

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 140
Joined: March 19th, 2018, 6:51 pm

THE GAME CHAPTER 9 : RINLOH HMELMA NEN A INTAWHCHILHNA

Unread post by HLalthazuala » May 22nd, 2018, 9:43 pm

Rs! Rs! Rs!

Chu aw chu khawi lam atanga lo kal nge? tlang khawkrawk tak tak atang te chuan chu aw chu thangkhawk rum rum mai.
Ka sneaker ah chuan thlaler vaivut chu a bet nual mai a, ka hnung lamah chuan tu emaw ni a ding a ni, thawkleh khatah ka han in her thut a, Khua chu a thim nghal khup mai.

Nilo!!!

Pawnah ka awm tawh lo zawk a lo ni.
Puk thim tak chhungah chuan ka lo lut a, Ka sir velah chuan rannung maksak tak tak a lo awm a, kel lu ang nei te, bawng lu ang neite chu, ka che ngam lo, ka lam a rawn pan a ni. Mahse chutih lai tak chuan, ka chung lam puk lung chu boruakah a changa van lam a tang chuan eng nasa tak a rawn lut a, chu eng chu chung thil nung che hrut hrut te chuan an hnaih thei lo, puk lehlamah chuan hmanlai Egyptian mi te chuan khuang an vua a, khuang leh dar ri chu a thangkhawk rum rum a, chu khuang ri lamah chuan rannung maksak tak takte chu an kal a.
Ka lamah chuan an mit an len ruai a, mahse engtin mah minti thei lo, Ka kutah chuan tiang zum sei tak mai, rangkachaka luan chu ka hum a, Van lama aw chuan tichhe rawh! tichhe rawh tiin min fuih a, ka tin ngar ngar lai chuan, ka chung eng chu a reh ta thut a, chung rannungte chu aw rapthlak tak tak an ka atanga chhuahin ka lam an rawn pan ta hlawm a...

Ka Harh ta a!
Mumang a ni.....
Mahse a tak a va ang si em....
Zan thla eng hnuaiah chuan ka bedroom varanda ah ka ding a..
Grape huan lamah chuan mihring thla ni awm tak hi a kal thla zai zai a...
Kan hnathawkte ni turin tun ang hun zanlai pelh tawhah tunge huanah chuan kal ang?
Chu mihring hlimthla chu kawng laili lai takah chuan a ding a, zan thla eng chu a eng bawk a, khu a inherin ka hria, a dik! a in her kual a ni, ka lamah chuan a kut ni awm tak hi a rawn phar chhuak a, chutia ka en reng lai chuan in chhung lama ka khum sir dawhkan chung a ka phone dah chu a rawn ring chhuak a, hnung lam chu ka hawi zawk nghe nghe a.
Ka han hawi let leh meuh chuan, chu mihring hlimthla chu a awm tawh lova.

Tun ang zan hunah eng nge, tu in nge min rawn call reng reng le ka ti a, ka phone ka zuk en a, number hriat loh a ni.
Company lam mi leh sa ninawm tak tak bak an ni lovang e!

ka reject a, mahse a hnu lawkah a rawn ring leh a..
Phone chu phur lo zet hian ka pick a, eng ka sawi hma chuan leh lam line a mi chu a rawn tawng chhuak ta a.....

Tualthattu! i thi ngei ang.... tiin'.
*********************************************

KA HMING MAW! LALRINSANGA A NI a,,,,,,,,,,, HEI HI KA CHANCHIN CHU a ni e............................
%%%%%%%%%%%%%%%%%%%%%%%%%%

THE GAME CHAPTER 9 : RINLOH HMELMA NEN A INTAWHCHILHNA
**************************

Ka birthday chu kan in lama hman ka duh tlat avangin ka birthday thleng chu INDIA sorkar chuan kan in a ka awm a remti a.

Naktuk mai khi ka birthday a ni ta.

In lamah chuan he ni pawimawh tak atana inbuatsaihna chu a kal mup mup a. Nizan lama thil thleng khan ka ngaih a ti tha lo em em mai a.

Tu nge ka thah a, khatiang ang taka min rawn tih mai le?

Chutia ka in ngaihtuah lai chuan Pa Rpa chuan min lo call a.

Hello, Pa Rp!

Hey Rs! Vala!
Vawiin chawhnu lamah ka rawn thleng ang. Chuan, lehkhabu pahnihte kha chu sorkar kutah ka hlan fel tawh e.

Anih chu mawle!
Mahse a pahnihin maw? ......Engtin??..

Ni e, ni e, an awmdun theilo alawm, container chi khat, kei phei chuan ka hre ve lo engtin nge an tih theih pawh, mahse bawm hran ve ve ah an khung lut a,chuan him takin an kalpui ta a nih kha.

Aw! anih tak chu..
Pa Rp lo thleng vat rawh aw.....
E,,, chuan thil pakhat....

Enge ni ta, vala?

A! lo thleng phawt mai rawh...
Hetah ka la hrilhfiah ang che.

Awle! awle, nih phawt aw...

Nih phawt le, tluang deuh in ooo....

Jeff leh Mike te chuan min rawn pan a, kan pathum chuan thil thleng tawhte leh kan hmalam huna kan vahchhuahna tur chanchin chu kan sawi ho a.

Kan inhnung lamah chuan Ka nu leh ka pa te ho chuan party min throw sak tumin kan huan zau tak chu an chei vel a.

Zorini a rawn kal bawk a, vawiin leh naktuk chu thil dang engmah ngaihtuah lovin Ka awm thei a ni.

kan in piah velah chuan, RAW agency lam atangin Security Guard an awm teuh bawk a, chutiang anga ven ngaia min ngai leh, thil engkim a an inrawlh vek erawh chu hrehawm ka ti deuh.

Agent Ngaiha leh Agent Abdul te chu kan bul hnaiah an awm chawt mai.

Naktuk tukleh atang chuan Middle east lam panin kan chhuak dawn a ni a.
Chu chu min hmangaihtu chhung leh khat te leh thenrual tha te chuan an hre vek a, chhungril takah chuan kan hlim lo tlang khawp mai.

Mahse tumah chuan kan hlim lohna leh kan manganna chu kan phawrhchhuak lem lo...

Mike a nu leh pa te, Sanga nu leh pa te leh, Jeff a pa nen, Zorini chhung leh khatte pawh an lo kal a, kum 22 ka tlin ve na tur hmang theia ka la dam chu min lawmpui hlawm khawp mai.

Pa Lsa chu ka bulah a rawn kal a, "RS! ka lawmpui a che!".

Pa Ls, ka lawm lutuk... ..
Engtin nge in awm zel..
Ka nu Mawii a tha em?

Aw! kan dam ve tawk tawk e..
Thil chu a harsa ve thin khawp a, mahse nang i la dam tih kan hriat khan, kan fapa pakhat a la dam kan ti a, kan lawm ve hle asin...

Rs, Sanga tan nasa takin bei ngei ang che aw.

Awle, teh reng mai!!!

Chutih lai chuan ka hnunglamah chuan Pa pakhat hi a rawn tawng chhuak a.

" Hey Birthday Boy!"
Chu aw chu ka hria a ni!
Pa Rp! nang! nang! nangmah,maw... haha! ( ka va kuah nghal bawrh bawrh a)

Pa Rpa chu ka chhung leh khatte leh thiante hnenah chuan ka han introduce ve a...

Kan in a thleng turin ka ti thlu ta hram bawk a, guest house ah chuan a staff te nen awmhmun an khuar ve ta a.

Chawhnu lamah chuan kan grape huanah chuan, Pa Rpa nen chuan inkawm fal deuh turin kan kal thla a.

Vala!
Enge i sawi duh chu han sawi tawh la?

Awle!, mumang mak tâk tâk ka neih hi a reh thei lo..
Zantin ka la mang ziah a ni.

Anih chu! keipawh a reh bik chuang hleinem! Nizan phei chu puk chhungah i lo lut a, sa mak tak tak hian lo seh che an lo tum a....

Ngawi lawk! engtin!!!
Puk chhungah ka lut lai chu i hmu a maw???

Aw, Rs!
Ka hmu ngei che alawm.

Ani maw.! i mumang ang chiah chuan keipawh ka in hmu a lawm.

Rs! Vala!
Thil namai lo tak kan hmaah hian kan tawng dawn, a bik takin nang hian i tawng nasa dawn bik a ni.
Chuvangin in enkawl tha rawh, hrisel takin,
bengvar takin awm ang che.

Awle Pa Rp!

Nih chuan Rs, kan let leh tawh dawn em ni ang?
Nilenga thlawhnaa ka chuan vang ni ang ka chau riau mai...

E,,,
Pa Rp thil pakhat!

Aw sawi rawh....

Nizan khan tu emaw ni hetiang lai bawr velah hian ka hmu a.
Ka varanda atang khian ka thlir thla a...
Chuan, min rawn kawk a, chutih lai chuan ka cell phone a rawn ri a...
Tualthattu i thi dawn min rawn ti ringawt a.

Pa Rp! ka awm a nuam lo khawp mai.
He lai ṭang a ka mi hmuh ka zuk en leh chuan a lo awm tawh bawk si lo a.

Chu! Vala! thlarau thil tih a ni thei ang em?

Pa Rp!
Hei hi chu mihring ngei niin ka hria..
Thlarau sual hnathawh a awm dawn chuan ka feel thin! ka chhungah hian, mahse hei hi chu, thildang daih a ni.

Nih chuan Bawiha mi pawi sawi te i nei a mi?

Neih awm pawh ka hrelo! aaa!

Chho phawt ang, mahse ka fimkhur chu a tha in ka hria, naktuk hi ka birthday a ni tawh mai sia, he thil hian mi kam tlat a, eng emawni tak hi chu a thleng ngei dawnin ka hria, ka ngaih a tha thei thlâwt lo...

E! Rs.
Taka, Rengi in hlui vel chu ka va tlawh ve chhin dawn emawni ka ti deuh a...

A Rp! thli tleh khan a la daih an tiin ka hria asin.

Hmmm! anih chu..
Engpawh ni se, DIL kam velah ka zuk kal mai mai chhin teh ang.
He hmunah hian ka tlangval lai hun zawng zawng ka hmang tawh thin a sin...
Rengi chu la awm se ooo...
Hmuh ka duh tehlul nen...

Pa Rpa chuan a thatlai hun a ngaihtuah nasa tih ka hre thei mai a, sawi tur vak ka hre lo na a, Pi Rengi pawh a la duh hle tih ka hre mai a.

Pa Rp! i hmangaih hle a ni tiraw....(min en vang vang a, a nui sak a)

I tidik a lawm vala! Ka hmangaih a ni😘😘
Mahse, ka hmangaih em vang khan a himna turin ka kalsan ta kha a ni a, ( a thaw halh a). Engpawh ni se! tunah zawng hun a danglam zo tawh a ni.
Rs, hei hi ka hrilh duh che..
Zorini nen hi chuan chance in nei a ni.
A ni hi chu thlah ve suh ang che.

A!
Pa Rp, ka hrethiam tawh lo ani...
ka mumang hian min tibuai riau a ni..
Kan kalna tur hian khawi hmun nge min thlen dawn?
Eng nge kan chung ah theng dawn?
Kan hmangaihte nen hian thi in nge dam in kan in hmuh leh ang?
Kan dam chhuak ang em tih pawh ka hre si, lo.

Rs!Vala!
Chutiang sawi lo la, a thim zawng a in ngaihtuah loh tur, damchhuak turin intichak ta che... Zorini'n a lo nghak reng dawn che lom.

Tlai lamah chuan Pa Rpa chu a lengchhuak a..
Kei leh Jeff chu ka roomah kan awm a..
Mike chu Sanga pa'n an in lamah a tir a...
Zorini lah a naute buaipuiin a haw ngei ngei a tul si a.
Chutia kan awm lai chuan Mike chuan sms min rawn thawn a...
A thil ken tur a tam deuh avangin Sanga te inah chuan kal turin min rawn ti a..

Ka car chuan Jeff nen chuan kan kal ta a.

Jeeeezzz! chhuah dawn ringawt pawn heng agent ho hian min zui ve zel an tum si a, rngpawh ti ila min vil reng a..

Ka Pa chuan keimahnia free time min pe ve turin a han ngen a...
Agent Abdul chuan rem tih chiah lo mahse a tawh ah chuan aw ve ta a.

Ka car a kan tlan lai chuan Jeff chuan sms a dawng a...

Rs! Mike chuan Sanga roomah kan pathum a thlalak hlui ho ka en a, lo kal ve mai ru a ti a nih chu.

Aw! hei kan thleng nghal tep e..
Sanga chu ava ngaihawm tak em! tiraw!

Ni ngawt mai Rs....
Kan pali in han awm khawm leh dial dial thei ila a tha tur a nia....

Car chu ka han park fel a, tlai dar 6:00 pm a ni a, khua chu a thim tan tawh a, inchung lamah chuan kan lut chho ta a, fiamthu kan thawh pah bawrh bawrh a...

Sanga room kawngka chu kan hawng ta a.

E KHAI A NI THEI LO!

Kan thil hmuh chuan min thawng kher mai. Room bangah chuan ka thlalak tih chiang reng reng ka hmai erawh chu pen tuia thai ran te, bakcheha zai kuak te, kil tin maiah chuan keima thlalak chu a awm a ni.

Jeff chuan mak ti tak in min en a," Rs hei hi enge a awmzia ni ngai?"

Ka hre bik lo thianpa... a mak hle mai...
Jeff, hetiang chiah hi ka mumang ah ka hmu tawh ani....

Jeff chuan Mike chu a han ko a, "Mike! Buddy khawnge i awm?'

Keipawh chuan ka ko ve bawk a, mahse tuma'n min chhang si lo, kan pahnih chuan ngawi rengin awm nuam lo takin kan ding reng a, chutihlai chuan inhnuai lamah chuan Mike chu a rawn rak tuar aa...

Na tuar aw a ni....

Mike a hming lam pah chuan inhnuai step chu kan panthla hlawk hlawk a...
Kan mang ang tawh nasa a ni.

MIKE! MIKE!

AIAH, thiante u Khawngaih takin min pui ru!

Inhnuai KUDAM atangin a ni...

Jeff nen chuan inhnuai KUDAM ah chuan kan tlan thla nghal a...

Mike chu Kudam kawngka hnungchhawn zawngin Kudam lai takah hian a lo ding a....
Min hnungchhawn avangin a hmel chu kan hmu tha thei lo.
A rawn leh hawi a...

THIANTE U! BUM IN VA NUAM VE... HAHA!

Mike chu nuisang chungin room laiah chuan a ding a," hetah hian Rs i tawp dawn a ni,...
Jefrey nang pawh..." tih pah chuan Jeff chu a khup dinglamah a silai ken chuan warning pawh pe lo in a kap ta nghal mai a....
Ka thianpa na ti lutuk chu chhuatah chuan a tal tawp tawp a.

Mike! enge thil awmzia hi!

Rs! i hre thiam lo a mi?
Sanga phuba ka la a nih hi....

Engmaw!? Engmaw i sawi Mike???

Rs! Rs! Rs!
I hmel leh i nihna leh i mizia, i engkim ka hua che sin, nangmah vang in ka ṭhian ṭha ber a thih phah sin...
Engmaw? te chu i la ti ngam e law!

Hahahaha! Hahaha!
Rs, kan hrilhfiah ang che, Kum 4 kalta khan lehkhabu i hawng a, kei khan ti lo turin ka ngen che nih kha..
Mahse i chhiar lui ta a...
Chuan a tawi zawngin Ka thiantha berin a thih phah ta a nih kha....
Tunah engmaw i la ti thei amaw?
LALRINSANG Ka hua che.

Mike! hetiang chuan ti suh! kha thil vang khan ka inthiamlo ngawih ngawih asin....

Ngawi rawh! Ngawi hmak rawh RS!
Nang a tisualtu i dam a, ka thiantha ber erawh chuan tihsual a nei lo, mahse a awm ve tawh lo, i thiante ngei ngei pawh natna thlen thei tur khawpin kan nun i ti derthawng a nih kha.

Jefrey a na tuar chu a chiau vawng vawnga, thei leh thei lovin Mike chu a han bia a...

Mike! thianpa, hei chu ti lul suh.
Rsa awm loh chhung zawngin nang leh kei kha khawhar takin kan awm thin kha, hei leh chen kan thlen tawh hi...
Mike, Please!

"Jefrey ngawi rawh!
Please please please ti ti mahla awmzia a awm lo." Mike chuan a han ti a...

A kut veilam chu a han vai lauh lauh a, kei chuan ka hmu thiam a ni, a kut zung chal chu chunglamah a han kawh chhoh tir zuai a, midang an awm ve tih ka hre thiam mai a.

Mike chuan ngui tak mai hian min han en a, a kut vei lam kutzungchal chu a han thing zeuh zeuh a............ HUH!

Mike a hian a duh reng vanga he thil hi ti a ni lo...............

Kudam kawngka chu a rawn chik raih a, kawngka luhthlakna step ah chuan pen ri a rawn awm karh karh a....

NILO..........

"Hello Fate u!..

Mike i ti tha e...
Ka tih reng kha..
I thiante emaw i tihte hi engmah lo mai an ni"
I unaupa leh i thian tha ber thattu te an ni...

Nu Mawii a ni.

*********************************************
DARKAR CHANVE KALTA KHAN:

Mike chu Sanga room ah a lut a, Rsa thlalak chu a hmu a, a phu nasa kher mai....

A hnung lamah chuan Sanga nu chu a ding reng a....

"Mike tu lamah nge i tan dawn, sawi fel rawh chuti a nih loh chuan i nau hi ka that ang".

Mike-a nau Sawmtei chu khur zawih zawih in Nu Mawii hnungah chuan a ding a ni.

Sawmte! Nu Mawi!!
Hei hi enge a awmzia?
Rsa thlalak hi.

Mike! nang chu ka ka fapa Sanga tan i hlutzia kha ka la hria asin.
I nau hi engtin mah ka ti na lovang....

Nu, ka Nu Mawi!
Enge thil awmzia hi?

MIKE! ngawi rawh ka fapa.
Ni e! ka fapa pakhat zawk chu i ni ngei alawm.
I nau hi a la dam i duh chuan Rsa leh Jeff-a te hi Sanga tan i that tur ani.
I la hria em?

Rsa vangin heng thil hi nang leh kei hian kan tuar a ni.
Keiin Ka fapa ka chan a, nangin i thiantha ber.

Nu,
Hei chu ti lo hram rawh.
Rsa thiamloh vek ani bik hleinem, keini pawh kan tel....

Chu i tel ve elaw! ka that nghal dawn....chhh..

Nilo! Nilo ! Nilo! Nu...
Ka sawi awmzia chu kan zavai khan kan tel vek ani....

Mahse a fair lo.
Ka fapa pawisawi lo a thi a, midang in dam vek si a....
Nang, ka fapa anga ka en ngei pawh hian i thusawi kalhmangah chuan min phatsan a ang hle mai....

Nilo...(Ka nau nen a min thah hma hian thil ka ngaihtuah chhuah vat a tul)

Ni e! Nu...
Sanga kha ka ngai alawm..
Nu! a hunlo a ni tiraw....
Rsa vang vek a ni...(jase min ngaidam rawh aw)

Mike! min thurual pui chuan i duh duh ka pe ang che........
Mahse i nau hi chu tunah hrih chuan helamah hian lo awm phawt rawhse....
A hmui charh nan tape a la a, a hmuiah a bel a, a kut chu hnung lamah a tawn bawk a....

Sawmtei chu a tap zawih zawih a.
Mike lah chuan tih ngaihna tak pawh chu a hre tawh lo.
A nau in a tuar ang tih a hlau si...

Nu Mawii chuan Sawmtei chu ceiling ah a lawn chhoh tir a, ceiling kawngka chu a khar ta a.
*********************************************

DARKAR CHANVE HNUAH CHUAN.....

Nu Mawii chuan a kut a han beng lauh lauh a, a nui tuar tuar bawk a....

Pa a, lo kal rawh le....

Pa Lsa chu hmel rapthlak tak nen kudam ah chuan a rawn chhuk thla a....

Nu i, Engtin nge ni dawn?
Mike kan lawm e....
Nang chu Sanga ṭhianṭha i ni reng a ni....

Rs! aw Rs! thi mai la a tha tur a nia... khami ni, i kuang kan phum ni khan chhungrilah chuan Sanga nen hlim takin in awm ang, ka ti hman tawh a, ka ngaidam hman vek tawh che sin....
Sanga chu ral lehlamah i lo enkawl ang chu ka ti a, mahse nang chu hmun dangah, thih hlau in i lo tlanbo a, vel che chuan...
I thianpa chu mal ngawih ngawihin i la dah tho va....

Pa Ls!!! ...

Ngawi hmak rawh, ka la sawi zo lo, lo tawng suh!.....
Tiang mihring hi ami i nih? I va zahpui awm ve.

Pa Ls, ka tihpalh a ni....
Sanga chu a thi tawh si a, tih thei ka nei tawh lo ani, kha mi ni a thil thleng zawng zawng kha ka. duh vang reng a thleng anilo a sin...

NI E! NANG I NUNG THUNG SI!

Min ngaidam rawh! khawngaih in!

Ka fapa min pe let leh la, ka ngaidam ang che..... khawi Sanga min pe rawh....

Chumi pah chuan min hnek ta siah siah a, room chhungah chuan min theh leng lawp lawp mai a....
Mike chu mittui tla zawih zawih in a ding a...
Jeff lah chu a thisen chhuak vang in a chau ngawih ngawih tawh bawk a.... tool kits leh kudam bungrua ho chu a thlawk rem rum mai a...
Nu Mawii lah chu a kianga hnim chehna bakcheh liantak keng chungin a nui uarh uarh a....

Silai a puak thut a... room chhung chu a reh vang vang a.....

Kei chu chhuatah chuan hmai thi hnuang chungin ka tlu hnawp mai a... ka hnunga ding Pa Lsa chu a ding ngawi reng mai bawk a...
Pa Lsa chu a awn ṭial ṭial a, a awm bawr a tang chuan thisen a rawn chhuak a, chhuatah chuan a bawk thlawp mai a....

A hnungah chuan Mike chu a ding a, a pistol ken hmawr chu ala khu a....

Mike chu ka en reng a, thawkleh khatah a phu thut a, a hnunglam chu zawi muang in a hawi a..
A hnungah chuan hnim chehna bakcheh lianpui chu a bur vu mai a, a thisen chu a luang thla zawih zawih bawk a.

A kut dinglam chuan a hnunga bakcheh chu a pawt chhuak a, a na ti chu a te tuarh a....

Chhuatah chuan a thingthi thla hnawp a... a pistol chu ka lamah a rawn paih thla a...
Nu Mawii chuan rak tuarh tuarh chung chuan a pasal, a thlarau mitthi khua pan mek chu a kuah a....
A âw rawl tawp chuan a au vâk vâk a, rapthlak tak ani.....

Jeff chu sir lam bang bulah chuan thei leh thei lovin bang nghengin a thu hahchawl a...

Chu tihlai tak chuan Nu Mawii chuan ka lam a rawn pan thut a, chhuata chemte tla pakhat chu a la a....

LALRINSANG THI MAI RAWH! THI RAWH!

Pistol chu ka ban vat a, ka hmet puak ta.... Room chu a reh vang vang a.
Chem te chu chhuatah a tlauh a, a ri thla bal bal a...
Nu Mawii chu an pa ruang chungah chuan a let tawp a... a chal dar atang chuan thisen a rawn hnam ṭiam ṭiam a......

Kei chu thei leh theilo chuan ka han tho va....
Ka tlan phei a, Mike chu a darah ka han chelh a...

Rs! tihpalh....
Mike chu thei keh thei lo hian a rawn hawi a...
Nâ ti chung chung chuan a han tawnga..

Jeff chu a han en a," Thianpa tihpalh aw.... ka tih loh chuan ka nau Sawmtei thahah min vau si a...

Ka kap na che em?"
Thianpa min ngaidam rawh aw...

Mike ka na lo ve, mahse ka chawnah kahna chang i hria a, ka dam ang.... Aiaiah!

Rs!
Ka nau Sawmtei kha ceiling ah an phuar hlawm, an khalh hnan a nia, lo hawnpui ru aw....

Mike i tha ang.... Mike....

Rs! Jeff!
Sanga an hmangaih em a tin ni...
Jeff nang pawn i hriat kha...
A nu phei chu mi â dahnaah hial an dah a nih kha...
Pa Lsa te nupa hi thiamlo su aw...
In theih chuan in ngaidam dawn nia.
Kei chu Sanga ka hmu ang... ka lawm a ni.... eih aaaahhh!

Mike... Mike... (Jeff nen chuan kan mittui a tla zawih zawih a....)

Middle east ah chuan ka lo kal ve lo mai ang.... thianpa...
Rs min ngaidam ru aw....

Mike chu a tap zawih zawih a.....
Thiante u, Ka hmangaih che u........

Kudam chhng chu a reh in a reh ngawih ngawih a..
Ruang pathum chhuatah chuan a let reng a...
Mike a mit chu ka kut chuan ka hup a, a mit chu a chhing ta a....

Jeff nen chuan thei leh theilo in Kudam atang chuan kan chho dun ta a... sitting roomah chuan Jeff chu ka dah a... inchung lamah chuan ka tlanchho ta nghal a.

Ceiling kawngka chu ka han hawng a, kil khatah chuan Sawmtei chu khur zawih zawihin a lo ding a... alo tap nasa hle a...

Sawmte! bawihi....

Ka aw a hriat chuan a tap nasa lehzuala, ka tlanpheia, a ka charna tape ban chu ka hih thlak sak a, a thaw hlawi hlawi a, a kut phuarna chu ka han phelh a, min rawn kuah nghal a, a thla phang hle mai

U Rs, U Mike-a kha khawnge awm?
A tha em?

Sawmte... (ka tawng thei tlat lo, Sawmtei chu ka en ngawih ngawih a)

A Û! Aû Mike.... (Sawmtei chuan thil awmzia chu a hrethiam mai a, kum 13 lai a ni ve tawh bawk a.... kei chuan ka awm ah ka pawm bet a, chu naupang khawngaih thlak tak chu ka kuah ta a)

%%%%%%%%%%%%%%%%%%%%%%%%%%

VANGLAINI NEWSPAPER

Ni 15th april 2012

CHANMAIRI WEST veng a Pu Liansanga in ah inthahna a thleng..... tih chu chanchinbu hma lamah a chuang kuau mai a.....

Ka birthday pawh chu kan lawm ta lo a..
Tute mah chu rilru mumal pu thei pawh kan awm lo.
Mike a nu leh pa te chuan an fapa chu an sun a...
Jeff nen kan chungah erawh chuan Sawmtei vangin lawmthu min hrilh a....

Kan veng chu a reh rup mai ani....

Tlai ni tla tur chu a ngui ruai mai a.... Kei chu Zorini awmah bei in ka tap zawih zawih a....

Ka nu leh pa te chu sitting roomah an thu a, an in be lo.
Jeff chu damdawiin khumah a mu a, a mittui a tla zawih zawih bawk a....

Hmangaihna chuan keini ho hi min tichhia a ni.

Hmangaihna avanga midangte himna tur a tlanbo te,
Hmangaihna avanga Phuba lakna te,
Hmangaihna avanga Mahni nun halralna te.....

Aw! ka va chau tawh tak em.... Tlai ni tla tur chu Zorini nen chuan kan thlir a....

Lungngaihna hlirin kan khata...
ka ṭhianṭha pahnih kha lehkhabu vang khan ka chan ta... 😖😖😖😖

%%%%%%%%%%%%%%%%%%%%%%%%%%

Gaza Strips bula thlaler ah chuan indona chu a kal tan tawh a ni... vawiin ni mai pawh khan, Mi pathum in nun an chan ve leh bawk a, thlaler a thlipui mak dangdai tak chuan a la a ni....

Ka kalna tur pawh chutiang chu a ni a....

A LA TAWP MAI DAWN LO........................

*********ADVERTISEMENT CLICK **********



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 1 guest