THE GAME 11 : DEADLINES AND BRAKES

[HLalthazuala]

Tunge i hming?

Alejandro Rafuo ka ni e...

Ka bula Andrew dingreng chu ka en a... " kan ring thei ang maw?"

Aw! thei ang, he pa hian ka unaupa Philip kha kawng tinrengin a lo pui tawh alawm. Philip kha middle east buaina a, Palestinian hel ho in an khuahkhirh lai a lo tanpui tawh a....

Chuan chumai bakah vawiina in thil buaipui hi chhunzawma tih tawp in duh chuan kei hi pan tur chu ka ni" a lo tih chhunzawm vat a.

Kei chuan chupa chu a mitah tak ka en a," Engtin nge i rinawm ang tih kan hriat ang?"

" A chhan chu he thil chanchin hi ka hria a, nangni ringawt ni lo, helaiah pawh hian hun rei tak atang tawh khan buaina kan tawk a ni. tin,

A ni chu kan en thap hlawm a, " Cairo National Museum saw ka tel lovin in rawk thei lovang"

Kismet Map chu Cairo thil hlui dahkhawmna hmunah a awm a, chu mi hmunah chuan kan luh a ngai dawn a ni. Kismet chu Destiny tihna a ni a, Egyptians ho in an sawi dan chuan he map hi, lehkhabu pahnihte tichhe thei tur hmanrua hmanlai Aigupta mi ten an thuhruk na hmun thlen thei tu tur a ni tiin an sawi thin.

Destiny Map hi Mosia hun lai vela siam kha a ni tiin an sawi bawk a.
Thil mak tak mai pakhat chu, chu Destiny map an tih chu bowl lianpui mai, rangkachaka luan a ni tlat mai, a bial a chhung lamah a kum lut aMahse Map lem emaw, engmah hmuh tur reng a awmlo...
Bowl fai tak a ni ringawt an ti leh lawi bawk si a..

A hria te'n an sawi dan chuan Kismet Map chuan a mi duhte hnenah chauh a nihna dik tak a lantir thin a nih chu..

Mahse chu chu kan mamawh tlat si a, Cairo a Museum lian ber rawk kan tum chu a ni a, lo la chhuak ta pawh ni ila, a la risky lutuk...

Map chu a duh leh a thlante hnenah chauh maw a inlan???

Hûiha! Kan la hria ang chu....

Cairo khawpui hmarchhak lama in chhawng 20 laia sang atang chuan kei leh ka thiante ho chu kan hawi chhuak thapa, kan thlang lam Km 3 vela hlaa Cairo Museum chung tle eng sut chu kan thlir a....

Andrew chuan thaw halh halh pahin min en a, Kei chuan, " Criminal kan ni ta sa sa, thih leh thih a ni ang chu", ka ti a............
*********************************************

KA HMING MAW, LALRINSANGA A NI A, HEI HI KA CHANCHIN CHU A NI E... BUAINA A LA INBELCHHAH DAWN CHAUH NIIN A LANG....
%%%%%%%%%%%%%%%%%%%%%%%%%%

THE GAME 11 : DEADLINES AND BRAKES
*********************************************

Saw pa saw in hmu em???

Pa dar pharh tha hlek hlawk saw. a sam a sen a, Guns and Roses hi vawiin thlenga a duh ber leh a ngaihsan ber an ni a, a sam a zuah sei bawk a, kum 27 chiah a la ni a, a hming chu Wilson Ranger a ni.
Andrew a team ah chuan an sa huai neih chhun a ni.

A bula hmai bial chum biang sam kir chhap, han en mai chuan current man zawh hlim ang mai a ni, a tarmit bial lian tak hnuaiah sawn mit pawl ralh mai fiah kek kawk tak a nei a, a biang a chum biang e ti lo chuan ft 5 leh 11 inches a sang, sek tha tak a ni.

A ni hi US army lam a zawm hma chuan criminal records for computer hacking ah highschool a kal lai in a hming a chuang halh tawh. Jim Duvall a ni.

A piah chiaha pheikhawk suih mawlh mawlh saw, Damon Valter saw, Pa fing tak leh bengvar tak, silai leh thal kah thiam tak, taekwondo ah pawh black belt ngat, Martial arts thiam tak a ni. Andrew a right hand man a ni.

A hnung chiaha a sam khuih malh malh saw Donald Reagan a ni a, tawng tlem tak mahse in uluk tak a ni. Hmeichhia hi a bem thiam lo ve hrim hrim an ti.... Andrew a min hrilh dan a nih chu. Mahse a chak em em a, truck pawh amaha hnuk kal zo a ni.

Casie chu kan hre theuh tawh ang, a ni hi kan nula kawl chhun a ni a, a hmel a chhe lem lo. Super model ni thei hial tur a ni a, a zeiin, a tuarchhel zek bawk... gymnastic a thiam hle a, Olympic games ah vawi 3 category thumah ngawt a zawnin gold a la a ni.
Chuan team captain Andrew a awm bawk a..
*********************************************
CAPTAIN ANDREW'S TEAM

ALEJANDRO - S.E.A.L
WILSON RANGER - MARTIAL ARTS
JIM DUVALL - COMPUTER HACKER
DONALD VALTER - PA CHAK (WORLH STRONGEST MAN ALO NI TAWH ANI)
CASIE - GYMNASTIC (OLYMPIC AH GOLD VAWI THUM ALA TAWH.)
DAMON VALTER - ANDREW RIGHT HAND
*********************************************
PA RPA TEAM

PA RPA - MILLIONAIRE ( ENGLIS HMING ANEIA JOSEPH COTTON TIH ANI)
RSA - NON
RAJU - EX R.A.W AGENT
VIKI - EX R.A.W AGENT
BISHU - EX R.A.W AGENT
JACKSON - CANADIAN WRESTLER
(Sawi tawh ang khian Pa Rpa hi(Joseph Cotton) tih in ram dah ah chuan an hria ani. Anaute ho hi a body guard te an nia, sumdawngna lehkan hun tawn mek vang a arawih te anni.
*********************************************

Kei leh Pa Rpa leh a nau te pali, Raju, Viki, Bishu leh Jackson te......
(Jackson hi Canadian a ni a, in sual a thian hle ani, Midang zawng Kei leh Pa Rpa leh anaute pathum(Body Guard) hi Indian kan ni, Museum rawk chu kan tum ta a, kan vaiin Captain Andrew a mi leh sa te nen mi 13 kan nia, hmeichhia pakhat a awm ve bawk ani, Andrew leh a naute paruk hi American an nia, India Spy agency RAW nen a thawk ho an ni, an ni vang hian illuminate pawl lak ah kan him hram kha ani a, mi rinawm leh mi tha tawp ani)

Kei leh Andrew leh Pa Rpa te chuan thu kan sawi a....

(ANDREW : Cairo's National Preverve Museum chu High tech defence a thuam vek a ni. Alarm system hi North Star company in an siam a ni a, North Star hi khawvel ah chuan a ber anni. Jim nangin alarm system hi i buaipui ang.

PA RPA : North star company hi tih buai an har dawn khawp mai. (kan en thap a) Mahse! Jim duvall tan chuan thil tih theih loh a awm lo, Ka thiante pahnih Keith Morgan leh David freeman te nen kan in be pawp a. Tunah hian North star mainframe kaltlangin an hriat lohin codes kan thlakdanglam a, minute 2 dan zelah computer auto Cleaner North star software program chuan virus a check ziah a, chumi rual chiah chuan Codes hi kan thlak hman zel a ngai a, chess khelh ang deuh hi a nia, hah chu a hahthlak khawp mai. Mahse chess master three times national and two times world champion Carol lee kan nei a, a ni hi ka ex a ni a....
(Pa Rpa hi mizo in Millionaire kan neih chhun ani a, athiante ho pawh h an theu neu lo in a hmeichhe kawp te pawh khawvel a kei ka ni inti chin ngat te an ni ve ani)

Rpa, Personal details a ngai lo, Andy chuan a rawn ti a....

Sorry Andy! a ni hian chess leh a computer genius ness a hmang a ni. Engpawh ni se, tunah ngei mai pawh hian an buai hle a ni. Tun atanga darkar khat zanlai 12 rik na tura minute 5 chhung chiah Museum ah luhna hun in nei. North star mainframe hian, minute 2 chhungin thil a chhui chhuak thei hacking emaw, robbery emaw pawh. Mahse chu chu thlak kan tum a, kan thlak bawk a ni. North star time count ti danglam si lovin, alarm chu minute thum dang kan sawn hla thei a ni....)

Chumi zan dar 12 rik hma minute 5 ah chuan Museum hnung lam emergency exit ah chuan putar pakhat hi a kal beuh beuh a, emergency kawngka chu hawn a tum a, a door handle a khawih rual chuan alarm a ri a....

(PA RPA : Alarm chu a ri anga, mahse alarm rawn kalna lam chu back door lam a nih dawn avangin security tam zawk chu backdoor lamah an kal deuh vek ang.... chu chu in chet hun tur chu a ni ang.)

Putar bulah chuan Security officers ho chu an kal khawm a, chu putar chu a bal khawp mai. kawng sir a mi duhloh chhia khawn a vei vei thin ang hi a ni. Han hauh vak ngaihna a awm lo.

(JIM DUVALL : Museum hnuaia underground railway route 65 leh 66 inkarah tunnel drainage waste kaltlangna kua ft 5 a zau ft 3 a sang lek a awm, chuta bawh vah chuan, a lai tak, air vent tunnel chhung boruak paihfaitu fan bul lawkah chuan chhuat nem lai deuh verh mai theih tur a awm a, backdoor alarm a rik rualin verh angai ang, alarm hi minute khat vel a rik chuan backdoorah security an awm hman vek ang, second 30 chhunga verh a ngai dawn a, a kaw hman tur a ni ringawt, chuti a nih loh chuan, chhuat pawh heat sensoring system a awm a, temperature danglamah chuan alarm a ri nawn leh anga, chumi erawh chu museum pumpui a nghawr ang..)

(ALEJANDRO :JIM, Anih leh engtin nge kan tih ang.)
(Alejandro hi Andrew a team ah chuan a zei ber leh huaisen ber ani, US Navy SEAL ah pawh alo awm reng tawh ani)

(JIM DUVALL : Chutah chuan Wilson leh Donald ten in verh chiah ang, he heater hi Museum temperature mil tur a set a ni a, Museum boruak kal vel chu a lo hip anga, heater a kan thunluh chip hian museum lum zawng a lo chhinchhiah anga, chumi khum tur leh alarm ti tawp turin lum a pe chhuak ang. Chu chu in lo veng pah ang.)

In chung lama Putar security te'n an hauh chhung chuan railway route 65 leh 66 inkarah chuan museum hnuai chu verhkuak mek a ni....
Second 20 chhungin an verh ta a...

(RSA : kei leh Casey te kan lut chiah ang... second 30 dang chhungin....)

Second 30 kan la nei a, CASEY chu awlsam takin a lut a, ka luh ve chuan ka kawng chu a tang ta tlat mai, ka luh fel hma loh chu heater an on ngam si lo.

Casey chuan min pawt Wilson chuan min nam bawk a, karei a kal sual dawn tlat. kan plan a flop dawn....

Chutah chuan Wilson chuan min nam lut sawk mai a, concrete chhuat sir ah chuan ka kawng chu ka tai vak a, ka na ti chu ka tal vawn vawn mai a, mahse thawm siam a rem si lo... second 10 chiah a awm ta... heater chu an on a, Room temperature mil tur chuan heater a auto enhancer chuan lum a pe chhuak vat a, kan him hram e....

(PA RPA : Rsa leh Casey te an lut ta a, chuan Andrew chuan security pakhat chu kawngka pui bulah a lo chang ang a, engtin nge a tih dawn chu ka hrelo, that lo se, mahse nikhaw hrelo in lo siam se, chuan security angin kawngka puiah a ni chu a lo ding ang...ka sawi ang chuan tih in tum hram hram dawn nia, thawm neilo leh rang tak in, naute u che rawh ule)
(Pa Rpa hi a sap hming lam tawi JOSH tih pawn ka ziak zeuh zeuh dawn a, in lo hrethiam dawn nia.. TZA)

Putar chu an hauh hrep hnuah an zinga security guard pakhat chu amah escort chhuak turin an ti a, putar chu a rawn hawi phei a, nau a, thil pakhat theihnghilh i nei em?

Putar ngawi mai rawh....

Nau a kha i hnung a kha...

Guard chu a hawi phei a, kuttum liantak chu a hmaiah a leng phei lawp a. Andrew chuan a knock thlu der mai.

Pa Rpa chuan hlauthawng tak in, Andy tumah that suh ka tih kha a ti se se a....

Andrew chuan Josh a thi lovang, a mu rei deuh mai thei khawi min pui rawh, kan chet vat angai nia ati a.

Putar chuan a hmuihmul chu a hik a, hmuihmul phenah chuan Pa Rpa chu a lo khi vur vur a.

" ka lem chan chu a tha em?

I tar sa hrim hrim a, i him phah mai in ka hria, Andrew chuan a han ti a...

Pa Rpa chu a lawm lem lo khawp mai.

(RSA : A chhunga kan awm chhung chuan Jim leh a pawl te nen kan inbe pawp char char thei a, kan beng chhungah earpiece kan vuah anga direction min pe zel dawn a ni....)

Hello Rs, Morgan ka ni, kei, freeman... chuan kei Carol, chuan keichu JIM.... min hria tro Rs....
JIM chuan kawng min kawh hmuh char char a, Museum security system chu a hack a..

Awle kal ru le, in dinglamah khan, Museum hnuailam luhchhohna kawngka in hmu ang kal ru ka tih veleh kal ang che u Jim chuan a han ti a...

3...2...1.... le....

Kawng kan hawng a, kan kal tlang a, kan khar lehnghal a, second 5 chiah hun kan nei zel a ni.

( CASEY L: Rs, second 5 chhungin kal hman lo ila engtin nge ni ang???)
(CASSIE HI CASEY TIH IN A TEAM TE HIAN AN KO DUAT ANI)

(JIM : Boom Alarm a ri nghal a ni mai, dead end... electric chair... kan lu an tan bung ang... damchhung lung in tan ani mai.)

(Pa Rpa : Kan hria e. Rs... Stop!)

Jim chuan kan kal pah chuan min hrilh a, Museum chhung kha chess table ang a ni. Kan opponent erawh kan hmu lo.... Khatah khan ding ru a han ti a... Casey nen chuan kan ding chat a.... Casey nang i Gymnastic thiamna kha chhawr tangkai rawh le... Pen 5 pen la.... I taksa phei zawngin in vawrh phei la, pen hnih hnuah chhuatah taksa ngil parh in roll phei la, dingla... bang leh bang inkarah i taksa rawlh la, dinglama banga button sen kha i kutin hmet la chuan chhuatah i duhtawkin i ding thei ang...Jim chuan tih dan tur alo hril pah zung zung a...

Casey chu vantirhkoh ang mai a ni.
Room chhungah chuan chuan a lim zak zak mai a. a tihtur a han ti malh malh a, red button chu a hmet tih ah chuan Jim chuan lut rawh le a han ti a, kei chu awlsam takin ka kal thei ta a.

Lehlam pawl ho chuan alarm system chu an lo bum char char bawk a, Kan thil duh chu chhawng chung ber chhawng 9 naah a awm a.

(JIM DUVALL : MORGAN nen elevator camera leh movement detector mit chu minute 6 chhung kan ti del thei a, a beng pawh kan ti ngawng nghal ang... elevator ah chuan in chho ang a, minute 2 velah chhawng chung ber in thleng mai dawn a ni.)

Elevator ah chuan kan chuang chho zel a, chhawng 9 naah chuan kan awm ta.... kan kal chhuak a...
Kei, Casey, Freeman ka ni a, thil pakhat kan hmaih a, Kismet bowl chu laksawn chuan alarm a trigger nghal dawn a ni.

Engmaw? ti tawp mai ta che u, alarm chu...

Kan theih ka ring lo. A va buaithlak tak em....

Buaina thuahnih....

Ngawi rawh lawk freeman...
Rs!! Jim, ka nia, Casey ka aw i hria em...?

Aw hria e...

Kismet bowl chungah khan air conditioning fan lianpui kha i hmu em...?

Aw hmu e! i thlawh chhoh a ngai dawn a ni.

Engtin nge? thla ka nei a mi? ( Casey chuan sa a ti tawh hle tawh a, kei lah ka thaw halh halh tawh mai)

"Ka sawi awmzia chu, chhuat kha second 10 bak i rah chuan alarm a ri dawn a.... i gymnastic kha i hman a ngai ang... in chungah khan vawn ban emaw a awm em?" Jim chuan a rawn ti a..

Casey chuan, "Awm lo, mahse ka Magnet shoe ka rawn keng hlauh a, inchungah chuan ka in hib bet thei mai ang" ...

Aw Casey dear! ka hmangaih che...

"Jim! Cut the Crap, Ka tihtur chu min hrilh vat la a ni mai." Casey chuan a ti tuar..

Jim chuan,
Awle, Air condition vent kha hawng la, chuan rang takin Kismat bowl kha la la, jase a kha va pass vat rawh. Inchung fan kha computer programmed a ni a, capability tam tak a nei a, chung zinga pakhat chu a hnuai zawnga na taka thli chhem a ni.
Morgan leh freeman an Kismat bowl rih zawng an chhut mek a, a rih zawng ang weight tur thli kan pek theih chuan thli force khan alarm chu a hmet mit thei ang... mahse ka thupek nghak zel ang cheu a rawn ti a

Jim?

Aw casey nge ni?

Thil a kalsual a, man ka nih chuan ka that ang che...

Awle ...

Chuan?

Chuan enge?

I sawi anga ka lu an tan chuan ka hran khum ang che(hahaha nghal reuh nia)... thlawhnaa sa mak kan hmuh kha chu nep tak a ni ang... hria em?

Jim chuan,
Aw hria e.... le kal rawh... Rs nang pawh lo in ring rawh....

Casey chu a in bin, in vawrh bin, zuang, kar full phei, lim zak zak mai, in chunglam hawi zawngin a ke a tun chho a, a kut a a sana bun sir chu a hmet zeuh a, a boot bun lai chu in chung lamah a in hip bet a... A chemte ken chuan air vent cover rit tak nut bolt chu a ker chhuak a, mahse a tawp zawk mai....

Casey chuan,
Jim, Air vent cover hi engtin, chhuat a thlen chuan alarm a ri dawn sin...

Oh! kha kha, ka chhut theihnghilh, tihdan ka hrelo....

Kei chu ka sa tawh khawp mai....

Ngawi ru Morgan ka ni... minute 5 hnuah alarm system thlak a ni dawn a, tun tum a system hi a in override vek anga, code thar a rawn in activate ang... hmanhmawh ru....

Casey chuan thil a ngaihtuah nasa hle mai... ngawi lawk ru thil tih tur ka hria a rawn ti a,...

Chumi pah chuan a boot lehlam suihna chu a phelh a, a ke veilam chu a boot atang chuan a la chhuak a, boot ringawt chu ceiling ah chuan a bet vu a, air vent chhin chu a hawng zo a, a boot ah chuan a han hip tir a, boot ah chuan electro magnet hip chak tak a awm bawk a, air vent chhin chu a hip tang bar mai a.

Jim ka inpeih e, engtin?

Awle casey a let zawngin number ka chhiar ang a, 1 ka tih rual chiahin kismat bowl la la, Rsa hnenah thlawh phei nghal la, chuan, air vent atanga boruak rawn chhukin a chhem loh nan che che sawn nghal ang che... chuti lo chu! Jim chuan sawi zawm duh lovin a ngawi ta deih a....

Enge chuti lo chu?

I taksa kha a keh darh a ni mai....

Huiha Awle! ka inring....

5....4....

Ka lo hah tawh hle a, ka vir mup mup in ka hria....

3....2....

Casey chuan kismat bowl chu a melh a, a bana sana pang chu a hmet a, chhuatah a tla thla nghal a,

1...

Bowl chu a la a, a rawn thlawh phei a, a bowl thlawhphei rual chuan a rawn invawrh phei lawp a, bowl chu ka lo dawng a..
Air vent chu Jim a leh a pawlte chuan an on nghal a, Casey chu a rawn thaw phei lawp lawp a, ka awmah ka lo kuah vat a...
He nula, hleitling tak hian min dah nil khawp mai. Ka awmah chuan a hahchawl hle hle a, a mitmu hring no ngial chuan min en a, kan thaw hlawi hlawi mai....

Hello guys 3 minutes chhuak nghal ru...

Elevator ah kan chuang lut nghal a, first floor kan thleng... 1 and 30 secs.....

Inhnuaiah kan kal.... kan tlan thla, bowl chu kua ah ka pass thla a, Casey chu ka kaltir a ka lut thla ve ta a... 45 secs....

( RSA : chhuah velah chhuat chu char lehnghal tur a ni ang)


Wilson leh Donald chuan an chhuat verh kuak chu an bel a, an char leh ta char char a....

( Andrew : Railway atang chuan tunnel route 66 atang in a chhuak a, Museum North Side piah kawngpuiah Damon an van in a lo chang ang che u, chuan... Job done.... a tukah chuan Museum thuneitu te chu an buai dawn a ni.... zanah private jet in egypt kan chhuahsan ang)

Damon chuan vanah Andrew leh Pa Rpa nen min lo nghak a... kan inkhalh chhuak nghal a...

Jim! i tha em?
Ṭhianpa i team te kha lawmthu lo hrilh rawh Josh an an lawmman pawh a pe dawn e, ka ti a...

Jim chuan,
Aaaah! Rs leh midang te u, sergaent Andrew... buaina kan nei...

Kei chuan," Enge ni ta,?" ka han ti vat a...

Tunmai khan inhnuai lam bang a rawn ri dawrh a, chuan... chuan...

Chuan enge? Andrew chuan hlauthawng takin a han bia a...

Alejandro hei chhuatah a let.... Jim chu a reh vang vang a... KAREI LEH!

Eng e ni ta ka han ti a?

Rannung hram ri chu line lehlam atangin kan hre ta... line lehlam chu a ri chhuai chhuai mai a, Hussein a te pahnih... kan Palestinian mipa naupang te paahnih chu an rak tuarh tuarh mai a.... Jim chu a au nasa bawk a....

Jim enge ni ta?
Pa Rpa chuan a han ti a...

Casey nen chuan kan in en a, thawm rapthlak tak mai chu kan ngaithla reng a, midang pawh chu mak tiin an thaw hlawk hlawk a...

Line chu a reh ta vang vang a...

Kei chuan Jim chu ka han bia a...
Hello Jim! Jim! min chhang teh...
Hei kan lo thleng tep a nia, Jim!

Rs... Hussein leh Ali te kha ramsa khan, a la a ni...

Chutia kan ngawih lai chuan kan hma lamah chuan au thawm kan hre ta a...

Van chu kan ti ding a, kan hmalam thla eng hnuaiah chuan ramsa lian tak thla nei hi kan lam pan chuan a rawn thlawk luap luap a...

Ali leh Hussein te chu a ke lehlam chuan a tham a, an au tuarh tuarh bawk a....

Van chung zawn ah a rawn thlawk a, a thla zap ri na tak chuan van darthlalang zawng zawng chu a chhem keh chhuai chhuai mai a....

Ni lo! ni lo.... Kei chu Van atang chuan ka tlan chhuak a....

Nilo... HUSSEIN.... ALI.... NILO.... chu sava mak tak mai chuan a thlawh bo pui ta....

Heihi ka hrethiam theilo, thil pakhat kan ti dik a, buaina dang a inbelhchhah zel si... enge a awmzia ni ta...

Zanthim hnuaiah chuan ka ding reng a... van boruak chu ka thlir a.... Mipa naupang pahnih te chu ka chhan tur a ni.... anni chu engtin mah an awm thei lo ang....

zan dar 1:30 am a ni ta....

Jet chhungah chuan kan lut a, Kismat bowl chu mi hrang hrangin kan han khawih a, mahse engmah kan hmu lo... ka hlauh thawn ang ngei a ni....

Ka mal chungah chuan ka dah a, he buaina vang leh ka hne tawh em avang hian ka mittui chu a far thla fep fep a.... Kismat bowl chhungah chuan far thum a far thla a... chutah chuan ka mithmuhah ngei mai thil mak tak a thleng ta... bowl chhung chu a rawn eng ta pup mai a............

*********ADVERTISEMENT CLICK **********