KA THIL. TAWN MAK LEH HRIAT TE By Duhzuala Da Wizie Grag'g

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

KA THIL. TAWN MAK LEH HRIAT TE By Duhzuala Da Wizie Grag'g

Unread post by HLalthazuala » May 31st, 2018, 4:06 pm

KA ZIN KAWNG AH

THILMAK !



Ber thla boruak nuam tawk tak maiah chuan ka patea tlawh turin phur takin ka insiam a. Bike-a mahni chauhva inkhalh chhuak tur ka nina a, ka hmanhmawh lêm lova, tlailam dar 3
velah chuan ka zin tumna ram panin inkhalh chhuak ta a.


Hemi tuma ka zinchhuak hi ka tluang tehchiam lova, ka bike ke chu vawihnih ngawt khawkar kawngah a chhe pàng a, mahse a tools-pawimawh ka intodelh vek avangin midang phar buai lovin ka siam tha thei mai a. Ka kalna tur ala hlat tham èm avangin ka speed pawh a sang chho tan hle a. Mahnichauhin vawi tam ka lo zin chhuak ve tawh thin a, hemi túm ang reng
renga motor tlandang ka tawh tlem ka la hre lo. Kawng chhia a awm anih te ka'n ringthla ngawt a.

Ka bike ke vawihnih ngawt a puncture tih mai loh chu engmah dang harsatna dang ka nei lem lova, tluang taka tlanin chawei ka tumna khua chu ka tlan thleng ta a. Hotel a chaw ka ei hian khua ala thim lo deuh a, kuhva eiin zialte ka zu khawmuang leh ta tê te a, chumi hnu ah
hmanhmawh lo takin chu khua chu ka chhuahsan leh ta phawt a.

Harsatna dang ka tawk lem lo bawk a, ear-phone a hla ngaithla chungin ramhuai speed aia muang deuh
phungpuinu speed in ka tlan ta par par a. Khua a thim tan a, boruak pawh a hik tan.

Khaw pakhat ka tlanpelh leh hnu chuan ka phone a rawn ri ràl ral a, ka zun a chhuah tawh deuh bawk avangin kawngsirah chuan ka ding ta a. Ka nu nen kan inbiak zawh hnu chuan
ka chhaka melstone-a lo inziak, khaw pakhat hming leh km zat chu ka bike light êngin a chhun atang chuan ka hmu thei a, khaw chhung luh hmain ramhnuaiah reife
ka la tlan dawn ani tih ka hre thiam nghal a.

Duh aia hun ka hmang tam tâk avangin ka rilru pawh a hmanhmawh hle tawh mai. Ka inthiar zawh hnu chuan khawmuang lovin ka inkhalh chhuak leh ta a. Thui fê ka tlan leh hman tih chuan kawngsir pakhatah hian nula pakhatin min lo phar ding hlawl mai a, ramhnuaiah mahni chauhin zanah lehnghal. .t-shirt dum leh jeans pawl ain bel a, shawl var a bat bawk a. A kal duhna ka zawh chuan ka khaw thleng leh hmasak ber tur khua chu ani tih min hrilh a, engvanga amah chauhva ramhnuaia awm nge tih ka zawh chuan min chhang hauh lo. Mak ka tiin nuam ka ti
chiah lova, mahse hlauh en ah chuan ka èn lo hrim hrim a, kan hma lam khua chu panin kan inphur ta a.

Tunah chuan phurh ka nei tawh a, khua pawh a har tawh lo deuh ang ka ti rilru kha a nia, mahni chauh ka nih lai kha ka ngai ta rùm rûm mai. Khua a vawh tan tawh avangin ka kawngah min kuah mai turin chu nula chu ka ti a, ani pawh chuan min kuah ve mai a. Mahse chutia ka leather jacket
chhana min han kuah chu ka taksa pum vawh thei nia ! Mak tak a ni. Nuam ka tilo tan hle tawh a, tawng chhuak lova a ngawi rèng te chuan ka awm ati nuam lo takzet tawh. Titi pui tumin engeng emaw ka zawt a, ka zawhna erawhchu a chhang ve mai bawk a. Ka biak lovin tawng a tum silova biak tawng rèng bik chu ka peih rei ta bik lo a,
kan ngawi dun ta rèng a.

Thuife kan tlan eh hnu chuan ka hming min zawt ve ta hlawl mai a, ka hming ka hrilh hnu
chuan a hming pawh ka hrezui ve ta nghal a. A hming 'mapuii' chu ka 'X'
hming chiah ani lehnghal. .tlemin boruak a zangkhai ve ta deuh.
Phur takin an khaw chanchinte an veng hmingte chu ka zawt a, a rul mawi tawkin min chhang ve zel a. Kha nula kha Mak tihna deuh mai ka nei tlat ! Khua kan hnaih tulh tulh a, mithi
tur rûm kan tih ang deuh hian a rûm chhuak leh thin a, 'i damtha lo em ni? Kan ding lawk dawn em ni,? 'ti a ka zawh lahin a ngawi leh tlat mai si. .ka awm a
nuam ta meuh lo.

Khaw luhnan km 1 vel ala awm tih chuan ka bike chu mi pathum phur
nimai awma mawiin a rit ta ém em mai a. A gear ka'n thlak kual a,
awmzia a awm chuang ta hauh lo. Chutah ka nula phurh khan min
kuah rèng emaw ka tih kha min lo kuah ta hauh lo lehnghal ! Ka
hnunglam chu ka'n
hawilet zeuh a, nula kha ka hmu ta tlat lo mai !
Chutah zet zawng ;tunhmaa ka lo awih ngai loh ramhuai an phur thu anlo sawi fo thin chu atakin ka tawng ve tih ka inhre ta !Vanneihthlak takin ka bike chu a pangai leh hlauhva chak lutukin khua chu ka tlanlut ta a. Khawchhung veng pakhat ka thlen chuan mi an lo tam hle mai a, an zinga tlangval pakhat chu eng thil nge thleng tih ka zawt ta tawp a. Chu tlangval chuan an khaw thlenhma ah an khaw nula leh tlangval, bike-a an chetsual thu leh a hmunah nula a boral thu min hrilhzui zat a, hlauthawng rilru takin chu nula hming chu ka zawt zui hram a, ani chuan, 'Lalawmpuii ani a, MAPUII tiin kan ko mai thin,' ati ta a.


KAN OFFICE AH TLEIRAWL THLAHRANG


A hminga B.A ka pass-ve hnu chuan, chhungte tibuai lova mahni a

intodelh ve tumin hnathawh tur ka zawng ve ta ngat ngât a. Hna tha
ve deuha ka ngaihah chuan interview ka hmachhawn ve deuh zîah a, result-ân tarchhuah apiangin ka thleng hmasa ber fova, ka tlinglo hmasa ber ziah bawk.Ka beidawng leklêk fo thin.Mahse, a tawpa tawpah ka Zankhat dang ve thung chu zan hmasa lama thawm ang chiah kha ka hre leh ta a, mahse a dan a dang ta tlat mai le ! Ka room a hna ka thawh mawlh mawlh lai chuan ke pen thawm ka hre ta thut mai a,ka hnunglam ka'n hawilet chiah chu a hma zana ka tleirawl hmuh ngei kha ka hnung lawkah chuan alo ding reng mai a. Zawimuanga kalin tukverh lam saw a pan a,tukverh thlen hma sawn boruakah a ral riai rìai a,a bo hlen ta a ni
thawhawm tawk hna chu company pakhatah ka hmu ve ta nge nge a.

Hunbi neia hnathawk kan ni lo bawk a, a changin zanlamah kan tlaivar deuh thaw anga, a chang leh zingtaka thawh ngaih chângte a awm bawk thin. Kan hnathawhna hmun hi khaw päwn lama awm a niin a fal nalh a, hemi hmuna thawkte tih loh chu midang hmuh tur pawh an vâng nalh thin. Sawi tak ang khan hunbi nei fel thlipthlepa hnathawk kan nih loh avangin a chang chuan kan riahchilh mai thin bawk. Kan office hnunglamah chuan khäm sâng vaklo hi a awm a, a thlangah luite a luangin ruah atlak tam phei chuan lui lian tak luang ri hum húm ang maiin thawm a neive thin.

Hnathawk ho zingah chuan inkawmngaihzual pathum kan awm a, hna pakhatin ngah deuh se, kan thawk tlanga tumah kan inkalsan ngailo. Amaherawhchu, office a riah ngei ngei a ngaih chang chuan kan inriahpui lem lova, kan inhawsan thin thung a ni. Chu Company a thlathum vel ka thawh ve hnu chuan ka thianpa pakhat zawk chuan kan company chu chhuahsan a duhthu a sawi ta mauh mai a. Ani phei chu kan zingah pawh hnathiam leh Pu te duhsak bik ; hlawh pawh dawng tam ber ani a, ban a tum thu min hrilh chuan mak ka ti deuh a. Hnadang tha zawk a hmu pawh ani silo. Ani hi kan office a riak ngun ber ani nghe nghe a. Hetia bän a tum hma kâr pawh hian a riak tluan zak nghe nghe a ni. A hmel dâng làp mai te chuan ngaih ati tha hlawl lo. Tawngkam thiam leh tawngtam ve thin täk kha, a ngawichawi riau ta mai a ni. He kan thawhna atanga kan thianpa a ban hma ni hian kan thian pathumin thingpui no dawm pahin kan titi a, chumi tûm chuan kan thianpa chuan chhuah a tum chhan a sawi ta a.

" helai hmuna inrawn thawh ve hma hian hnathawk kan tam thei khawp mai a, mahse hun te a kal liama, he hmunah hian thil diklo, kan hriat ngailoh thil thleng sawi a awm ta fo mai a. Bathroom a hmeichhe tap ri hawm hàwm, computer screen-a tleirawl hmel lo lang ringawt, thli thaw miah silova kan lehkha lengdarh leh nuaih thin te leh zana riak thinte'n zanreia ke pen ri hlawp hlawp thawm an hriat thin thu leh chumi hnu a office hnunglam khama nui ri ruahrûah an hriat thin thu kan hre ta fo mai a, chuta tang chuan hnathawk ho pawh an bâng ta pheuh pheuh hlawm a. A tam zawkin banna an thehluh hnu chuan hotu thar kan nei hlauh mai a, ani chuan hlawh rawn tipungin he company hi a rawn chawinung thar leh ta hlauh a ni.

In hriat angin hei helai hmuna thawkte zingah chuan a thu pawl leh hlawhtha pawl tak ka ni a, nangni aichuan helai hmun hi hriat pawh ka hre chiang zawk a ni. He kan office building lian leh zau tak mai an sawi hrâng lai pawh khan keimah ngatin ka riak a, hlauhawm engmah ka hmu ve lèm hlei law. .mahse zankhat erawh, ka thawm hriat chuan min ti hlau ve khawp mai. Office thlanga luite atang khuan hmeichhe nui uarhuarh ri ka hria a, chumi hnu chuan ke pen thawm ka hrezui zata, mahse engmah phei chu ka hmu ta chuang lo a ni. In hriat angin kar hmasa zawng kha chu, hna ka ngah avangin office ah ka awm deuh chawt anih kha. .zankhat chu kan printer khawl saw a nuar tlat mai a, a tonner a zo anih ka ring a, hmanrua la tura hnunglam ka hawi chiah tih chuan tukverh a thil
phe zuaih hi ka hmu a, ka hmuhsualah ka puha, engah vak ka ngai lèm lo.

Zinglam darkhat vel bawr nitain ka hria, gate kawngka a rawnin sawi nawk nawk a, hemi zan hian thli a tam angrenga, chu thawm pawh chu thli tih rikah ka puhthla leh ngawt a. Mahse, a rik tak reng avangin ka ning ta deuh a, va check-tumin ka chhuak ta a. Gate pawn lamah chuan tleirawl ngo lampang vun dânglap mai, mitmeng bial lampang hi alo ding reng mai a. A tirah chuan ka rap hman hial a, mahse vawt atih thu min hrilhhnu chuan ka hlauhna aimah chuan ka khawngaihna chuan min hneh ta zawk a. Gate chu ka hawnsak ta vat a, kan thil eina hmunah sawn ka hruai phei a, thingpui leh chhang chu ka chhawp sak a, ka be mawlh mawlh renga min chhang hauh lo thung. Bathroom a ka inthiar lawk hlanin alo bo hman deih mai a, gate kha ka lock thlap a, chabi lah ka la ak tha kiau mai bawk si. .main gate ber ka kalh si chuan chhuahna tur
dang a awm lo tih pawh inhriat ve tho ring. Mak ka viau a, hlauh erawh ka la hlau lem lo a, ka hna
chu ka chhunzawm leh
ta a.

Zankhat dang ve thung chu, zan hmasa lama thawm ang chiah kha ka hre leh ta a, mahse a dan a dang ta tlat mai le ! Ka room a hna ka thawh mawlh mawlh lai chuan ke pen thawm ka hre ta thut mai a,ka hnunglam ka'n hawilet chiah chu a hma zana ka tleirawl hmuh ngei kha ka hnung lawkah chuan alo ding reng mai chu niin !. Zawimuanga kalin tukverh lam saw a pan a,tukverh bul a thlen chuan a phun sep sep a, 'enge a sawi' hriat tuma ka va kal hnai dawn chiah tih chuan a taksa chu a ral tial tial a, a thamral zui ta a ni.

*********ADVERTISEMENT CLICK **********



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)