THLA IN MIN HRILH

Hlauhawm lampang hrim hrim hmun hrang hrang a mi lakkhawm...
HLalthazuala
Posts: 142
Joined: March 19th, 2018, 6:51 pm

THLA IN MIN HRILH

Unread post by HLalthazuala » June 3rd, 2018, 4:12 pm

Ziak tu: Lalthamawia Leiri Hmar Nunnem

Tunlaiah ruang chhar nawlh nawlh atam ta hle mai. Tuna ka'n sawitur pawh hi hman kum lawka thilthleng ani a. A hun leh hmun tak chu sawi lang lo ila athat zawk ka ring, kan mualpho loh tlan zawk nan. A lo hre tawh pawh in awm ka ring, mahse hetah hi chuan abak rawn sawibelh lo turin ka ngen nghal che u.!

Christmas urlawk zan ani a, mitin mai chu ahma aiin kan zalen ta amawni tih turin khawlaiah naupangtete nen lam kan zi nuk mai a.Keini paw'n ka bialnu, Maremi'te in ah thianho in ar te kan kang a, kan hlim ve viau mai. Zan dar 12:30 velah chuan kan thiante pa2, K-a leh Rm-a hi rui deuh chhu hian anrawn lut hlawl maia, zantir atanga anbo dun daih avangin kan rin dan sa reng ani.

An tawng akal dun zaih zaih bawka, mi chu anrawn chawkhlim ta phian a. Rm-a zawk chuan 'ka va zung teng' tiin ading hluai a. Maremi chuan 'pawnah chhuak duhsuh, iva tlu khawlo vel ange, kha, tahkhan lut phei rawh inthiarna a awm' ati a. 'Hetiangah mipa zun aleng lo, in kawmthlangte ho len nawl nawl tur khuan pawnah ka va zung huau huau ange, nangni pawh lo fimkhur ula' nui huah huah chung hian ati a. Zanrei tawh lamah kan thawm ala tha ham ham khawp mai. Ani hi chuan mi hi ati hlim thin ve reng reng a.

Pawna ava chhuak chu ava phun mawl mawlh a. 'Lo lut ve rawh, anuam lutuk' atih ri chu ka hre thei a. A thawm areh ta daih mai a. Min.5 hnuah pawh ala rawn lut lo. Kan thianpa pa1 pawna va chhuak chuan 'lo kal teh u, Rm-a khu nula azui thla leh khawt khawt tawh ani' arawn ti a. Kan va chhuaka, thlanmual kawng lamah chuan an inzui thla hnawk hnawk mai a. Nula lawm ve tak mai anih avangin ngaihthatlohna pawh kan neilo, nula tawmpui tur ahmu ah kan ngai ve mai.

Min.15 hnu velah chuan ka phone arawn ri a, Rm-a alo ni a. (kan thianho fiamthu hi asang thin em em a, mahse tuma'n kan haw ngailo. Hre ve ngailo chuan kan bula awm hreawm anti lek lek thin.)
'Hei, arawn insawithei leh dawn nihhi' ti in loud speaker ah ka daha, kan ngaithla thap mai a. Mahse, Tap tuau hian 'min rawn hruai ru, lo tlan vat ru, thlanmual bulah ka awm' arawn ti ta mai a. Kan tho rual thawt a, K-a chu aruih deuh avangin thuthlengah amu duai a, 'ti khan hmeichhe ho lo awmpui rawh aw' kan ti a. Kan kalsan ta a.

Tu ten amaw anlo sawisa anih ringin insual peih sa ran in kan tlan thla hlawk hlawk a. A awmna Kan zuk tleng chu alo khur hlawk hlawk a, abul hnaiah midang tumah hmuh tur an awmlo. Amah lah chu asa hum hum a, a taksaah kutthlakna hnuhma reng reng a awm si lo. (Helai hi thlanmual bul lawk, mi in awm tawh lohna chin ani.) Hmanhmawh deuhin achhak deuh mi in ah chuan kan zawnluta, damdawiinah kalpui nghal atha ang kan tih lai chuan ring mangkheng hian arawn au ruah ruah mai a. A tal vak vak a, 'kalbo rawh' ati chul bawk a. A rui buai anih dawn hi kan ti a.

Chutia kan buaipui lai chuan, pawnlam thim deuh chin ah chuan, hmeichhe pa1 lo dingreng chu kawngkapui tlem inhawng kar atang chuan ka va hmu a. A hmel ka hmu theilo,mahse athawmhnaw atang chuan ka thianpa hmeichhe kalpui kha ni ngeiin ka hria a, ka va thlek chiang deuh a, chu veleh thlanmual lamah chuan akal thla a. Thiante pawh hrilh lemlo in ka va chhuak vat a, ka umthla ve ta ngawt mai. Kawngkawia akal liam tur chu ka zuk hmu a, 'Thianu lo ding teh'.! A ding chuanglo, hmanhmawh deuhin ka tlanthla a, kawngkawi ka zuk thlen chuan ka hmu zui ta reng reng lo. Thla eng fiahlo ruai karah chuan ka'n hawikual vel a, mahse ka thlang lawka thlanlung ding tlar thup leh kar hmasa maia nula1 ruang anchhar, athlan hungna leh a vurna lei pawngthur chu ka hmuh chhun chu ani mai.

Min.15 hnu velah chuan ka phone arawn ri a, Rm-a alo ni a. (kan thianho fiamthu hi asang thin em em a, mahse tuma'n kan haw ngailo. Hre ve ngailo chuan kan bula awm hreawm anti lek lek thin.)
'Hei, arawn insawithei leh dawn nihhi' ti in loud speaker ah ka daha, kan ngaithla thap mai a. Mahse, Tap tuau hian 'min rawn hruai ru, lo tlan vat ru, thlanmual bulah ka awm' arawn ti ta mai a. Kan tho rual thawt a, K-a chu aruih deuh avangin thuthlengah amu duai a, 'ti khan hmeichhe ho lo awmpui rawh aw' kan ti a. Kan kalsan ta a.

Tu ten amaw anlo sawisa anih ringin insual peih sa ran in kan tlan thla hlawk hlawk a. A awmna Kan zuk tleng chu alo khur hlawk hlawk a, abul hnaiah midang tumah hmuh tur an awmlo. Amah lah chu asa hum hum a, a taksaah kutthlakna hnuhma reng reng a awm si lo. (Helai hi thlanmual bul lawk, mi in awm tawh lohna chin ani.) Hmanhmawh deuhin achhak deuh mi in ah chuan kan zawnluta, damdawiinah kalpui nghal atha ang kan tih lai chuan ring mangkheng hian arawn au ruah ruah mai a. A tal vak vak a, 'kalbo rawh' ati chul bawk a. A rui buai anih dawn hi kan ti a.

Chutia kan buaipui lai chuan, pawnlam thim deuh chin ah chuan, hmeichhe pa1 lo dingreng chu kawngkapui tlem inhawng kar atang chuan ka va hmu a. A hmel ka hmu theilo,mahse athawmhnaw atang chuan ka thianpa hmeichhe kalpui kha ni ngeiin ka hria a, ka va thlek chiang deuh a, chu veleh thlanmual lamah chuan akal thla a. Thiante pawh hrilh lemlo in ka va chhuak vat a, ka umthla ve ta ngawt mai. Kawngkawia akal liam tur chu ka zuk hmu a, 'Thianu lo ding teh'.! A ding chuanglo, hmanhmawh deuhin ka tlanthla a, kawngkawi ka zuk thlen chuan ka hmu zui ta reng reng lo. Thla eng fiahlo ruai karah chuan ka'n hawikual vel a, mahse ka thlang lawka thlanlung ding tlar thup leh kar hmasa maia nula1 ruang anchhar, athlan hungna leh a vurna lei pawngthur chu ka hmuh chhun chu ani mai.

Kan thianpa let reng chu tih harh kan han tum a, 'a lungphu pawh a mumal lo tlat mai' ka tih chuan Rema chuan apawm nawlh a, in lamah kan chhoh pui a. A hnung atangin light in kalna tur ka lo chhun eng a. Kawngka kan luh dawn chuan 'theihaibuk' chu ka zuk chhun leh hram a.

Ka rei..!! Atak ngei ani si maw. Ka tumloh deuhin ka tawng ta thut a. 'Rema, Arami ka hmu' ! Ka thianpa chu ading chawt a, 'enga'. Arawn en ve a, 'khawimaw,khawilaiah nge a awm?' Ka kawh hmuh dawn ngial pawn ahmu ve thei tlat lo.

Min rawn hui tlatin ka hria,engtinnge ka tih ang ?

Kan tawng thawm chu inchhunga awm Maremi nu chuan alo hria a. Arawn phawk hru mai a, 'lolut vat ru' ati a. Ka zuk en leh chuan a awm tawh lo. Inchhungah chuan kan lut a, K-a chu thuthlengah kan mut a, ani pawh chu arawn pangai ve leh ta mai a.

Zanin kan thiltawn chu mak ka ti ngei mai, mi sawi hriat leh atak ngeia tawn chu adang lutuk. Tumah chu rilru nuamin kan awm thei tawh lo. Maremi Pa, zaikhawmnaa akal chu alo haw a. Kan awmdan arawn hmuh chuan zep thei chi rual kan nilo. Kan hrilh ta vek a. Tawngtaina ahmanga, a beirei ngang mai. A tawngtai zawh hnu lawk chuan kan thiante pa2, Rm-a rawn buaipuitute chu hah hmel zetin an rawn lut a. 'Engatinge?'

'Rm-a kan hlauh,kawngpui kan rawn chhuah dawn tep khan ading tlat a,a en ngai a enrenga,a ding khawng reng ringawt mai. Mahse,a vir zuka thlanmual lamah khan atlan thla leh ta vak mai a. Kan um nghala kan umphak lo nasa mai.Kan han zawng kuala,a kalna chin reng reng kan hre lo. Rawn phone che'u kan tum a, mahse phone pawh kan thlauh bo ve ve daih' anti a.

A tira kan tlanchhuah phut khan dawhkanah an phone chu anlo kalsan ve ve alo ni a. Maremi Pa ho chuan ro kan han rel a,YMA duty ho hi hrilh a, zawn mai tur emawni te kan ti rum rum a, mahse thianho leh achhungte nena aruka zawn phawt chu kan ti ta a.

A chhungte kan phone a,anni pawh anrawn thleng vat a. Maremi Pa chu kan thil tawn te'n azirloh em avang chuan lo kal velo in anupui leh fanu chu in ah alo awmpui a. Kan thian hmeichhe ho leh K-a chu an in lamah kan thlah phawt a. K-a chhungte hnenah chuan khawiahmah chhuahtir lo tur leh kalsan lo turin kan ti a. Achhan min zawh chuan 'a rui kha abuai riaua, ven deuh angai' kan ti ta ringawt a. Tichuan, a kalna lam ni a kan rin ah chuan kan phek zawn ta tawp mai ani.

Ka mitthla ah chuan kar hmasa maia thlanmual piah kawrpuia aruang an chhar, a taksa an enfiahna atanga pawngsual hnu a thah zui ni ngeia an hriat. Mahse ati tu la hriatchhuah si loh. Nula kum 23 mi Arami,theihai kung bula bawrchhawr tak maia lo ding reng ka hmuh chu arawn lang uaih uaih a.Mahnia kal hran pawh chu ka duh vak lo. Zep loh chuan ka hlau ani.

Mahse ka rilruah ngaihdan thar alo awm ta a, 'Arami hian sawi duh anei ania'ng a' tih ka ngaihtuah ta a. Ka hmuh laia min rawn hui dan te ka ngaihtuah phei chuan ka ngaihdan chu anghet ta tawlh tawlh mai. Mahse huaisen ava'n harsa em..!

Rm-a chu thlanmual lamah atlan thla nia kan rin avangin thlanmual vel te chu kan zawng nasa tawh hle a. Mahse kan hmu ta reng reng lo. Beidawng deuhin Rm-a te in lamah chuan kan kalkhawm leh ta rih a.

Dar 3;00 alo ni reng tawh mai. Zinglam boruak chu avawt zual hle tawh a. Kan thil tawnte ka ngaihtuah phei chuan damtha taka kan hmuh ka beisei tawh lo hle a, mahse sawichhuah chi niin ka hre si lo.

Ka phone arawn ri a, ka nu chuan, 'Mama, ilo haw lawk hman em? Hei taxi an hmang duh a, damlo ani sia i zuk hruai lawk dawn ami' a rawn ti a. Ka thianpa Rema chu ka hrilha, 'ka rawn kal leh vat ang' ti in ka chhuahsan ta a. Kan veng hi areh angreng a. Tunang zanreiah phei chuan keini ang huaisen lutuk lemlo tan chuan nuamlo ve sa tak ani. Chuta karah kan thil tawn nen phei chuan ka huphurh sa run mai. Mahse hlau hle mahila damlo puih ngai an awm avang chuan ka kal ta a. Ka hawi chhuak tha ngam meuhlo. Ka kalna tur zawn chu ka en tawp ani ber mai.

Thli arawn thaw ver ver a,avawt bawk si. Ngaih ti thalo tur tawk lek hian hla deuhah ui an bauh leh chiam thin a. Ka kal zel a, ...aiii..!! Ka ding chawt a, ka khur nghal deuh dawt dawt mai. Engatinge ka hmaah kher arawn inlan thin ni.? Hmuh hreh teh mahila awmzia a awm si lo.

Ka hma ft.20 awmvel ah chuan kawnglai tak ah hian alo ding kun ngul mai. Tlan let leh mai ka rilruk lai chuan min rawn hui leh ta zauh zauh mai a. Zuk pan ahnekin ka hlau tawlh tawlh mai bawk si. Ka tlan let ta thut a, mahse thui ka thlan hmanlo. Ka hmalamah bawk chuan alo ding leh a, ka thahrui kha khawnge a awm zawh tak, tlan leh turin chakna ka nei tawh lo. Kawngah chuan ka tlu hnawk mai a. Ka phone kawng en nana kuta ka ken chu kawngthlangah atla ta daih bawk a. Ka lulam chuan ahre ruai ruai a, ka mit pawn fiah vaklo in min rawn hnaih telh telh ani tih chu ka hmu thei. Hlau sa teh mah ila,ka che thei tawh lo. Ka hlauh lutuk vang anih ka ring.Tha ka nei tawh lo.

Ke pen pangngaiin arawn pen lo tawp mai, arawn thlawk delh delh nimaiin ka hria. Ka au ri thei bawk si lo. Ka rilru in, 'Lo kal rawh, enge i duh, hei baka hlau leh tur chuang ka awm tawh lo e' ka ti mawlh mawlh mai.

Ka bulah chuan a rawn kun hniam a, min thawkkhum hulh hulh a. 'Min hlau suh, ka thu hretu ah ka duh che' arawn ti ta a. Mahse maw, ka la hlau tho. Ka harh lo tial tial a, Ka thil hriat chu mumang nen hian inpawlh nuaihin ka hria. Mahse a sawi chu ka hrechiang em em si.

A thihdan chungchang chu min hrilh ta a, amak ka va'n ti em.! Ka thiante pa 2 K-a leh Rm-a chuan pawngsualin anlo that zuia, thlanmual piah kawpuiah khan an paih hi alo ni a. Lungngai hmel tak aw hian, 'Kalbo thei ka la nilo a,i puanchhuah hun ka nghak e, nang hian puangchhuak ang che! I thianpa chu min paihna kawrpuiah khan a awm' a ti a, abo zui ta daih a. Ka la tho theilo, ka lulam chu aharh asin mawle.

Min.5 hnu velah chuan kan inlam atanga rawn kal thawm ka hre ta a. Mahse engemaw ahriat ni, a au tuarh a, a tlan let leh ta daih mai a. Han auh ka tuma ari thei bawk si lo.

Tlemin ka che ve thei ta deuh a, ka thu chhuak a, ka lu chu ahai deuh bur mai. Kan inlam atang bawk chuan rawn kal phei an awm leh ta a. Min rawn hnaih zel a. Ka pa leh kan thenawmpa hi anlo ni a. Ka lawm hle mai. 'i rawn thleng har sia, phone i la thei bawk si loa, i nu in midang ka va en sak ange ati a. Mahse hlauthawng deuhin arawn tlan let a,nangmah alo hmuh vang che anih dawn lek hi' ati a. A tawng chhunzawm leh a,' Ngatinge hetiang em em a iruih a, a zahthlak emai' ati a. Min hau nghal bawrh bawrh a. 'Ka Pa,i hrethiamlo ani, ka ruilo asin' ka ti a. Adik reng bawk a, zu hi kan tleirawl chhuah phata vawi 1 ka in ve bak kha ka la in leh reng reng lo.

In ah chuan min kuah pheia, khumah min muttir a, anni damlo pawh chu kan ngaihsak thei ta biklo. Engtinnge an tih tak ni.? Kan thianpa no. chu enloa ka hriat chhun anih vangin ka nu phone atang chuan Rema chu ka phone a. Kan thiante awmna chu ka hrilh ta a. Mak atih hmel hle mai. Chuan, YMA hruaitute kan inah lokal tur leh thil hrilhfiah tur ka neih thu chu hrilh turin ka chah nghal bawk a.
Ka chhungte chuan mak minti hle mai, a awmzia min zawta. Ka nau hmeichhiate an awm ve avang chuan, 'Pa nakinah ka hrilh ang che' ka ti a. Ka Pa pawh chuan ahrethiam ve maia.

YMA hruaitu lokal te hnenah chuan tualthattu ka thiante pa2 chu ka puang ta ani. Ka thiantha takte an ni, mahse misual chuan an sual man antuar angai si a. Ka sawizawh chuan mak tih hmel takin ka hriatdan min zawt ta a. Ni e, zep a tul pawh ka ti tawh lo. 'Arami'n min hrilh' tiin ka chhang a. Min en thap a, 'Enge a awmzia?'

'Aw, athla in min hrilh' ka ti ta a. Athen chu an phawk hru mai. Ka haw kawnga ka thil tawn chu ka hrilh ta law law bawk a. Pa 1 chuan 'heihi i phone chu ani lo maw, kawngah alo tla a, mi thlauh anih dawn hi kan ti a' tih pahin a phone ken chu arawn daha. 'Aw, anih ngei hi, mahse kawngthlangah atla thla daih si a'
Pawikhawihtu, ka thian duhtak pa2 te chu man anni ta a. Ka thil tawn chu ka thiandangte ho bulah ka hrilh a. Mak anti ve hle mai. Nie, a mak reng ani. Paunzar vak lo turin YMA hruaitute, ka thiante leh ka chhungte pawh chu ka chah a.

*He thu hi ka thianpa atawngtu hian min hrilh ani a. Chipchiar tak chuan ka sawi loa, mahse zawhna min zawt lo turin ka ngen a che u..!

********ADVERTISEMENT CLICK *********



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)