THE GAME *HORROR + ROMANCE STORY* BY LALTHAZUALA HMAR MCF (Completed)

Hlauhawm lampang hrim hrim hmun hrang hrang a mi lakkhawm...
Ngaia
Site Admin
Posts: 25813
Joined: April 30th, 2016, 4:07 pm

Re: THE GAME *HORROR + ROMANCE STORY* BY LALTHAZUALA HMAR MCF (Completed)

Unread post by Ngaia » June 10th, 2018, 3:42 pm

Chu hmun chu thim tak a ni, puk han tih mai dawn chuan a bang te leh a chungte chu lung in rem thlap mai, rualrem taka remkhawm a ni si.

Ka han kal zel a, ka hnunglam ka han leh hawi a, hla deuh takah chuan chu hmun kawngkapui chu ka hmu a, ka luh tlangna pawn lamah chuan ni eng tih hriat tak mai hian a eng kulh a, ka hma lam ka han hawi leh chuan a thim leh khulh mai si.

Thlifim hi ka hmalam atang chuan a rawn thaw phei heuh heuh a, hrilhru aw tak mai hian ka hming a rawn lam leh thin a, Rs... Rs... tiin.

Chu kawng dung tawpah chuan kawng chu dinglamah a kual lut a, penkhat ka han pen leh chu, ka hmaah chuan ri rek a rawn awm ta, ka hmalam chu a ri ta hum hum a, thil inchhu bengchheng tak ang mai hian a ri kurh kurh a, ka hmaa lung bang chhah tak chu a laiah a in phel phawk a, kawngka a ni... lung a ni lo...

A lai taka a inphel zawh chuan a sir tawn tawn chu a che hrut hrut a, a in hlat tial tial a, ka luh hma chuan hla takah hman a ka khuang ri hriat kha... in la hria em... kan veng Chanmari West a ka khuang ri mak tak hriat kha ka hria a ni...

Kawngka piahlamah chuan ramhnuai hring dup nalh tak mai hi a rawn chhuak a... luh ka tum chiah hi hnung zawngin ka thlawk dawrh a, chu puk ka luhna pawnah chuan ka ding vu mai.... thlalerah ka ding a ni... ka han hawi kual a, sai te leh ramsa chi tinreng te chu an lo tla duah duah hlawm a...

Khua lah chu a kheng ang reng hle a.... ka piah lawkah chuan mi pakhat tribal negro ni awm tak, sahmul sin, a hnar kawn ruh a saruh thil tlang... a beng verh kuak lian tak a saruh beh , a awm bawr chu chhinchhiahna mak tak tak a khat tlat a ni.... chu pa chuan ka lam a rawn pan a, min en a ni, saw! a chem a la chhuak, min pan hnai, ni lo, ka tlanchhiat a ngai, mahse... mahse... a ni thei lo, ka ke chu ka che sawn thei hlek lo...

Mi rawn pan zel... ka mit ka chhing tawp mai... mahse mit chhin rik ngawt chu a ni lo... ka han meng a, chu pa chuan ka taksa chu a rawn dek... a va mak em... ka awm ve lo ang maiin ka taksa a kaltlang chu mawle... ka ke chu mak tak maiin a che thei a, boruak ang maia mi kal pel tu lam chu ka han thlir let a.... thlalerah chuan chhumpui nasa tak a insiam mek a ni.... ka han hawi let chuan chu chhumpui nasa tak chu kan lamah a rawn tleh phei a, thlaler ramsa ho chu hlauh avangin an phi chung tawh a... kan lam ah an rawn tlan phe ta hum hum mai a, vaivut chu an pal khu rum rum bawk a, an tlan chhia chu ka thlir reng a...

Puk chhungah chuan an tlan lut ta hlawm a... thlipui lam chu ka han hawi let a, thli thaw chu a lo hnai tawh khawp mai... ka hmaa pa dum lian pui chu a leng lawp a, a piaha lung pui chungah chuan a bawk thlawp a, lungpui a bawh chiah chu puk kawngka chu a inkhar nghal a... Ka hawi let leh... thlipui chuan min chhem leng dawrh mai a....


A ni thei lo.... KA DUHLO.......

Rs! Rs!....., Andrew leh Cassie te chuan min sawi harh a....

Pa Rpa chu ka hmaah a lo ding a....'"Vala! i tha maw? enge ni ta?"

Ka thaw hlawi hlawi a, mumang a ni....

"Vala! i tha em?" Pa Rpa chuan a han ti leh a....

Ka thiante ho chuan min en thap a.... Ka han tawng chhuak ta a.............

AFRICA................. AFRICA AH KAN KAL A NGAI.................
*********************************************

KA HMING MAW! LALRINSANGA A NI A, HEI HI KA CHANCHIN CHU A NI E......

%%%%%%%%%%%%%%%%%%%%%%%%%%

THE GAME CHAPTER 12 : RIN LOH LAM TANG A INBEIHNA !
*********************

Kan Jet chuan Africa ram hmun zau tak chu kan thlawh khum duai duai a. Wilson leh Damon te chuan ka mumang, prediction a ka mi hmuh lem awm kha an han draw a, Cassie chuan a han en a.

Awle! guys! hei hi ka hria, North Africa a tribal chi khat chi tlemte, hmuh har em em Dopu Hnam a ni, Cassie chuan a han ti a...

Tunah hian North West ah kan awm mek a, kan hma lawkah khuan Sahara Desert in hmu ang, Sahara Desert hmar chhak lamah kan kal a tul a ni.

Donald a chu pilot seat ah a thu a, a piahah Asst atan Alejandro chu a thu bawk a.
Andy chuan an ni chu a va bia a, " Captain te u, kan fuel in a daih ang em?

Donald chuan a han chhang a," Kal lam chu... Daih... haw lam chu, Nakinah fuel kan hmuh leh hmuh lohah a inghat e!'

Andy chuan a han command a,' Kal phawt ang u".

****************************

CHANMARI WEST VENG LAMAH CHUAN:

TV hmaah an thu khawm thap a, Zorini te chhungkua chuan, Egypt a National Museum rawk thu chu an en thap a.

Chutih lai mek chuan ka nu leh pa leh Jeff leh anu leh pa Pa Duhzuala leh Nu Sangi te pawh chuan news chu an lo en ve bawk a....

"Jeff a pa! bawiha te hi an ni mai lo maw?'

"Dear! ka hre bik lo"

Kan lo kaltir kher kher a, hetianga wanted ni mai tur hian maw"

"Dear! chutiang sawi suh. An ni ho chu an nih ka ring lo....

Jeff chu a rawn tawng a. " ! Ka Nu Siam INDIA sipai lam atangin thu thar in dawng tawh em?

"Jeff kan la dawng lo... mahse...." sawi chhunzawm lo in ka nu chu a ngaihawm i deih a..

An vai chuan an reh hmak a, TV hmai chu a thlir he haw mai a... midang ho pawh chuan an thlir ve thuai a... Jeff chuan a volume a han herh sang a...

Cairo a humhim hna kalpuina lama hman tangkai tak, security camera pakhat chuan Van dum lam pana kawngpuia sava mak tak thlawk hluap hluap chu a lo la fuh a ni...

" He thil mak tak mai hian mihring pahnih, a man bet a, In hmuh ang hian van chhung atangin mi pakhat a rawn chhuak a, American ni awm tak a ni.

A ni chuan ṭanpui a tum in a lang... mahse awmzia a awm lo, he ramsa mak tak hi eng nge a nih hriat a la ni lo."

"Pa a! van atanga lo chhuak khi Rsa a ni! Kan Rsa ngei kha a ni....

" Dear! a ni lovang... i hmuh sual a ni ang, khi a tet em khi... midang pawh an ni thei..."

Rsa Pa! Mi ring mai rawh, a nu ka ni, damdawiinah ka sang chhuak, ka fapa hi mit tuam chung pawhin ka hria a ni....

Chutih lai chuan news dang a rawn puang belh a....

ZONET TV :
************

" Kan CNN correspondent hnen atanga kan dawn danin, he van dum a chuangte hi Cairo Museum rawktute ni ngei a, rinhlelh an ni....

Nu Siami chuan mak tiin a ka a ang hlawi hlawi a... " RS, ENGE NI TA NGAI LE.... KAREI!"

Zorini chu a chiang a ni.
Tun mai a an mi rinhlelh leh van atanga lo chhuak chu Rsa ngei a ni...

An in hnung lamah chuan a tlan chhuak a, Van lam chu a han en a, zan thla eng hnuaiah chuan a mittui a luang zawih zawih a, " Ka lo kal tir a ni.

Rs! hei hi chu a va mak em! ngati nge in ruk kher kher...

Chutia rilru hah taka a awm lai chuan, a hnung lama thawm awm chuan a ti phu zawk a, a han hawi let a, "JEFF! nang i ni maw?"

Aw, a rang thei ang ber in ka lo kal ani.. Zorin i tha em?

Tha lo,
Rsa hi tunah chuan Rukru, khawvel dengchhuak khawpa hmingthangah a chhuak ringawt tawh... ngati nge... ngati nge...
Jeff, a ni kha lo kaltir miah loh tur a nia...

Zorin, i hriat kha, Rsa hi rukru a ni lo....

Mahse amah ngei a ni alawm, van atanga lo chhuak lai footage kha Rsa ngei a ni...
Rsa ni chiang lutuk, ka hai lo hrim hrim...

Ka hria a lawm,
Mahse Jase chuan engemaw chhan tha tak vang lo chuan a ti lo ang, nang pawhin i hriat chian kha Zorin!!!

Ni e! ka ngaihtuah nasa mah mah pawh a ni thei.... ( An han ngawi vang vang a)

Jeff!....

Enge?

Kha sava mak tak kha, i hmu ve tiraw....

Jeff chu a ngawi reng a, engemaw ni hmu ang mai hian...

Jeff?

Emm! Sava,

Ni e! Sava a ni! lian tak, a thla te kha, karei, kei chu....

Emm.... ni lo khi khi khi SAVA LIANPUI KHI!

Zorini chuan Jeff a kawhna lam chu a en a...
Sava chu a hram vak a, zan thla eng hnuai ah chuan khaw chhak lam atang hian Sava lian tak mai, thla sei lian hlai hlep hlup tak mai zap fua fua chunga hram vak vak chu a rawn thlawk a.

RIN'S RESTAURANT a chawl hote pawh chuan mak tiin Restaurant tukverh atang chuan an thlir a, Kawngpuia motor tlan laite chu a ding chawt hlawm bawk a..
Kawngsir a ke a kal te chu an ding chawt bawk a, mi tin mai chuan van chung zawla thilmak chu khur dep dep chungin an en thap a.

Pu Chhana leh Pi Siami te nupa (Rsa nu leh pa) chuan an bedroom tukverh atang chuan an thlir bawk a...

Nu i, bawiha te pahnih kha va kai chhuak la, in hnuai lamah kalpui nghal rawh...........

Thanga (Rsa te awmpui) chuan pawn lam atang chuan mak tiin a thlir a...

Zorini nu leh pa leh a naute chu an rawn chhuak a Zorini Pa chuan a coffee nopui chu phulah chuan a thlauh tawp a...

Sava chu a rawn thlawk hnai zel a, a lang phir ta mai a, Pakhat, pahnih, pathum, pali.............
Karei pali ngawt maw.... Jeff chuan a han ti a,
"Jeff, Zorin!! Zorini nu, in zavaiin lut vat ru inchhungah." Zorini pa chuan a ti tuar a..

Sava pahnih chu vung takin an thlawk thla a, kawngpuia motor ho chu an panding ta mai a, Truck oil phur pakhat chu Sava pakhat chuan a tham nawk a, a thlawh ta tawp a...

Nu pakhat chu kawng sir atang chuan a rak thawt a, Truck chuan a hnung lama car ho chu a delh a, a puak ta dur a, in chhawng sang tukverh darthlalang te chu a nghawr ri chuan a ti keh chhuai chhuai mai a.

Mipui ho chu thla phangin an te chul tawh mai........ Motor pakhat puak chu a invawrh pawp a, mi pathum tlanchhe lai chu a hnawl tawp a.

Sava te chuan an hmaa awm apiang chu an phih chawrh chawrh mai bawk si... Kawngpuiah chuan meialh chu a eng pup pup mai a. karei....

Jeff! Zorini leh a nu leh a unaute kha inhnuaiah tlan thlak pui rawh...

Ka pa! lo kal ve nghal mai rawh.

Emm... kal mai ru...ka post n zui nghal ang cheu...

Zorini leh a naute ho chu an te chul tawh mai... an inpiah lawkah chuan Thawm nasa tak puak ri te, thir inkhawng ri chawrh chawrh ri te chu an hre phak a ni....

Chutihlai chuan an in chung chu a in phawk hlawk a, a thlawk chhuak ta a, Ke lian tak, sava ke ngei mai a ni. Zorini chu a rawn tham hnawk a...

Ka duh lo, Min pui ru...

Jeff chu chutih lai chuan a ke lehlam chuan a man thut bawk a....

Ka nu! Ka PA! min pui ru....

Zorini nu chu a au tuarh tuarh a,

Jeff pawh chuan a hlau ngang mai....

Mahse engmah tih theih a awm si lo, Zorini leh Jeff te chu a pawt chhuak a thlawhpui ta mai si a.

Zorini Pa! karei pui rawh pui rawh....

KA FANU NI LOOOOOOOOOOOOOOO..........

**********************

JET CHHUNGAH CHUAN!

Ni lo! ni lo! ZORIN!

Rsa chu a thang harh zawk a,

"Vala! Vala! Eng nge ni ta?" Pa Rpa chuan a han ti a.

Pa Rp!! Thil diklo a awm tlat a ni....

Eng nge! eng thil maw?

Pa Rp!
Zorini chungah thil tha lo a thlengin ka hria.....................

" HMUN THIM TAK PAKHAT A LO LANG A,

MI PAHNIH AN LO DING A, ROOM LAI TAKAH CHUAN, PAKHAT ZAWK CHU A HAN TAWNG A, AN HMALAM A ROOM SIR PAKHAT THIM ZET LAM CHU A EN A....

" ZORINPUII LEH A THIANPA JEFREY TE CHU IN MAN MAW...?

PAKHATZAWK CHUAN 'AW' TIIN A CHHAG A.

CHU PA CHU A HAN HAWI LET A, A HNUNGA DING MI PAKHAT HNUNG CHIAH CHU A EN A.... " IN VA DUHAWM TAK EM, HUSSEIN... ALI....

NAUPANG PAHNIHTE CHU KHUR ZAWIH ZAWIHIN ROOM KIL AH CHUAN AN THU A, AN IN VUAN TLAT A,

PAWI TI SU, MIDANG KAWM TUR AN RAWN THLENG DAWN.... CHUAN....

HUSSEIN CHU A HAN TAWNG A," KA PU KHAWNGAIH TAKIN MIN KALTIR RAWH'

" A THEIH LOH NAU A, KAN LA INKAWM HRIH ANG CHU"..................................


CHANMARI WEST VENG LAMAH CHUAN :

Sava pathumte chuan Chanmari West veng chu an sawisa hneh khawp mai, hmun tin maiah chuan tahna te, hlau thawng au ri te chu a thangkhawk rum rum a....

Thlà eng chu chhum dum in a hliah khup bawk a. Engmah a hmuh theih loh, thim chauh chu hmuh tur awm chhun a ni....

Mei alh pup pup te chu eng awm chhun a ni. Chhum zingah sava lian tak pakhat chuan Zorini leh Jeff te chu a thlawhpui daih a.

Lei lamah chuan hlauhna leh thihna chuan hna a thawk mek a ni. Matthew Residence lamah chuan, Rsa nu leh pa leh anau Duha leh Matthew te chu Inhnuai lamah an chhuk thla a, an sitting room tukverh atang chuan veng chhung a mei alh nasa tak leh thil puak dur dur te chua a hmuh theiha...

Chu thil rapthlak tak belhchhah tur chuan au thawm te leh, hlau te ri te chu an hre thei bawk a, Rsa nau te tan chuan thil rapthlak tak a ni.
Chutih lai chuan an in lama engemaw lian tak rawn thlawk phei fua fua hi an hmu a.

Rsa pa chuan a han be hlawm a," Garage ah kal nghal ru"...........

An chhungkua chuan garage lamah an tlan thla a..
An awmpui Thana leh Puii te chu an room atangin an rawn chhuak ve bawk a...
Rsa pa chuan an ni chu an theihnghilh tih hriain car atang chuan a chhuk leh a, A nupui leh fa te chuan kal tawh lo turin an han ngen lawm lawm a...
Mahse Rsa pa tan chuan a hnuaia thawkte chu chhungkua ang an ni tlat.

Pu Chhan!

Thanga, Puii helamah....

Chu thil eng tak rawn thlawk phei chu, truck alh hluah hluah pakhat hi a ni. A rawn ri phei hum hum bawk a, Chu ri rawn kalna lam tukverh chu an en a, Thanga te nupa chu an che chang lo....

Rsa pa chu a au a " Tlan chhe ru,'

Mahse anni chu an che hman lo.

Rsa pa chu Garage kawngka chhungah chuan a zuang lut a, truck alh vut vut chuan sitting room darthlalang chu a rawn su keh chhuai a....
Thanga te nupa chu a nawr hlawk a, thisen a leng chuai a, truck chu a puak ta dur a....

Garage kawngka chu car chuan a su phei hlawk a, Rsa chhungte chu car ah chuan an chuang a..
An in, an hmangaih em em, chhungkaw inthlahchhawng generation 4 in an lo inhlan chhawn tawh chu an tlan chhiat san a, Hnung lamah chuan chu in lianpui chu a alh hluah hluah mai a ni.

Car chu hla takah an han ti ding a, car aṭang chuan an chhuak a, hla taka an in alh hluah hluah chu an en reng a.


HMUN THIM TAK MAI A RAWN LANG LEH A.... PA PAKHAT! NICHINA HUSSEIN A BE TU KHA A NI............. A NI CHU ROOM CHHUNG LAI TAKAH A DING A...........

" LALRINSANG, nang hian hman atanga kan system kal dan i ti buai a, kan Lalram thiah i tum vei maw..... Tunah chuan i hmangaih te zawng zawng in an tuar ang."

Van chung zawl lam chu a han en a............... " Nang chunglam ami, Lo hre rawh, Thatna leh hmangaihna i sawi thin.... keini chuan Thimna leh hlauhna in ro kan rel ang........"

%%%%%%%%%%%%%%%%%%%%%%%%%%

CHANMARI WEST LAMAH CHUAN :

Rsa pa! engtin nge kan tih tak ang?

Dear! chhel takin aw, saw Duhtea leh Matthew te hmaah saw chuan chaklo angin kan awm thei lo....

Chutia Rsa nu leh pa te an inbiak lai chuan an hnung lamah an fapa te chu an ṭe ṭhawt a, an han hawi let a, an fapa te chu car chhungah chuan an la awm, mahse car chu sava lian tak zinga pakhat chuan a tham nawlh a, a thlawh pui ta.........

Duhte leh Matthew te chu an te lawm lawm a........

Rsa nu chu mangang in a au a, " Nilo! Bawihte................... Duhte.... Matt............ Ni lo................."

Rsa pa chuan Sava thlawhna lam hawi chuan a um zui ta ringawt a, a tlan zel a, a tlan zel a, a hnungah chuan Nu Siami chu te chul chungin a rawn tlan ve bawk a............

Mahse a tlai mah mah, zanthim chuan an mit chu a ti fiah lo zo va, sava chu khawi ah nge a thlawhbo an hre lo....

An grape huan panna kawngpui bulah chuan an awm a, hla taka khaw chhunga thawm bengchheng leh tap thawm tih loh chu eng thawm dang mah an hre thei ta lo............... Sava thlawk ri a awm lova, zan chu a reh vawng vawng mai a ni............

*********ADVERTISEMENT CLICK **********



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2018, 3:43 pm

Ka hma lamah chuan ka hawi phei a, mahse vaivut bak hmuh tur a awmlo, vaivut ruam zau tak, ka mit in a hmuh theih chin zawng chu vaivut a ni mai.
Engtin nge a nih theih? Ka compass chu ka en a, ka han en nawn leh thin a.

Helai hmun ngei hi a ni si. Kei leh ka thiante chu kan in en kual he haw a.

Pa Rpa chuan beidawng takin min en a. Andy leh Cassie te pawh chuan tihngaihna tak pawh an hre tawh lem bik lo.
Donald leh a thiante chuan map leh kan hmanraw neih chhun ho chu an han lek kual vel a.
Kei chu a hmalamah ka han kal phei a, van lam ka han en a, a vawi khatna atan ka tawngtai ta ringawt a.

“ Helai hmun hi min hruai thleng ta sa sa. Engemaw min han hrilh teh? Dopu hnam ho te awmna hmun chu a ni lo’m ni?” tiin.

Kan fuel zawng zawng chu a zo deuh ti tih tawh bawk si a. Han let lehna chi rual a ni tawh si lo, kan jet chu kan han khuhbo a. Hmalam chu kei chuan ka pan ta chawt mai a.

“Rs! Vala, engmah a awmlo, kan tha kan seng thlawn mai a ni.”

“Pa Rp, ni e, I tidik, mahse engvang nge kismet bowl khan he lai hmun hi min hmuh si.”

“Ka hre biklo, Mahse…”

“Mahse! Enge Pa Rp?”

Rs...…

“Pa Rp, a chhan leh vang a awm tur a ni, chhan leh vang awm lo in hei thleng thleng ka kal lo."
Ka ning lutuk tawh.
"Keimah kher eng vang nge, he thlaler hmun phiangsen pawh hi engvang nge ka thlen si.”

Chumi sawi pah chuan thlaler vaivut pawi sawi lo chu ka pet ta chiam chiam a. Ka kut in ka tham a, ka vawm darh bawk a. Ka theihtawpin ka chhungril pik lutuk tih thawl nan ka au ta chiam chiam mai a..

Ni e! Mi â te pawh ka ang deuh reuh awm e. Mahse thih mai kha ka chak a ni, nun hi ka hne a ni, ka hne ngawih ngawih.
Ka thiante ho pawh chuan tuma’n min dang lo a, rilru hnual takin an ding reng ringawt a.
Chutia ka thinrimna ka hrikthlak lai chuan ka kut dinglam chuan thlaler vaivut chu ka zuk chum ngheng a.

“Aiah a na lutuk!”

Cassie chu a rawn tlan vat a,
“ Rs i tha em?”

Ka kut hi ka kut hi.. a na lutuk.. ka veilam chuan ka thil chum chu ka han hui a, a khuhtu vaivut chu ka han hui kiang zel a.

“Cassie I hmu tiraw, engemawni… kan hnuaiah hian a awm."
Khu khu!’

Cassie chu a au a, “guys lo kal ru, vatin”

Lunghlu ang maia tle a ni, lunghlu a va ang ve… A ni lunghlu tlang lian tak a ni.
Kan zavai chuan Vaivut chu kan theh chhuak ta bawrh bawrh a.
Kan theh zel a, hmun kan awh zau tual tual a, lunghlu bial lianpui chungah chuan kan lo ding reng mai a ni, ft 12 vela zau tur a ni a bial chhung ringawt pawh.
A lai takah chuan Lunghlu rawn pawng deuh bik hi a awm a, chu chu zuk lak mai ka han tum a, ka han pawt dawk deuh a.
Mahse mak tak main amahin a pil lut leh tap hut a, chutah chuan thil mak tak a thleng ta a… Kei chuan Mak ti takin kan hnuai lama thil thleng chu ka en reng a, ka thiante ho chu an rawn tlan khawm a, a laiah chuan kan ding khawm ta hlawm a, circle chu circle vek hmun sarihah a inthen a, a sir ber bial atang chuan leiah a pil thla tap hawk phawk mai a, a ri te lah chu mak tak a ni, a ri rum rum a, bial nga na a pill eh, bial li na, bial thumna…

Andy chu a rawn tawng chhuak a, “ Inchelh vek ru in zavai khan…
Bial khatna…. Lei chhungah chuan kan pil tat hut mai a…….

*********************************************

KA HMING CHU LALRINSANGA A NI A, HEI HI KA CHANCHIN CHU A NI E.

%%%%%%%%%%%%%%%%%%%%%%%%%%

THE GAME CHAPTER 13 : HRIAT NGAILOH KHAWVEL?
***********


Lei hnuai chu a ni si maw, mahse hmun mak tak a ni, a pawn lamah chuan thlaler ang maia ro a ni a, a chhung lam erawh chu, in awih lo mai thei, puk chhung thim tak ni awm si ah chuan enna a awm tlat, hnim hring, pangpar nalh tak tak, thingkung lian sang tak tak, ni chhuahna lam khawchhak lam atang chuan eng nasa tak hian puk chhung chu a chhun eng a.

Kan hmaah chuan pa pakhat a rawn lang thut a, kan phu chiang hlawm hle mai.

“Dopu ah ka lo lawm a che u”

HMUN THIM TAK PAKHAT A LO LANG A…

"Zorin kan chhuak em em ang”

“Jeff, ka hlau a ni.”

“min zui rawh”

Jeff leh Zorini te chu an dahna pindan atang chuan an chhuak a, puk chhungah chuan meialh an tar thluah thluah a. Kawng lah chu a zim em em mai bawk si a.
Mahse mak tak main chu an tanna hmun a hma lawka ramsa chi tinreng an hramna hmun puk chhung chu a reh in a reh thiap mai a..
Ding lamah an han kawi a, kawngka a lo awm a, Jeff chuan zawi te in a han hawng a, kawng a hawng chiah chu thawm ri nasa tak mai a lo awm a, puk chhung bang te chu thawm inhriat theihloh khawpin a lo inping hrang hlawm a lo ni.
Kawngka atang chuan an pahnih chuan an han dak a, bathlâr angah hian an lo ding reng mai a, an hnuai lamah chuan step a chhuk thla a, chumi step tawp tualzawl ah chuan, mi tamtak an lo pung khawm a lo ni.

An au dur dur a, puk chhung chu a thangkhawk nasa khawp mai.

Zorini chuan Jeff a ban chu a vuan a.

Jeff enteh?

Zorini chuan a dinglam chu a han kawka, dinglam kilah chuan Rsa naute pahnih Duhtea, Matthew, Hussein leh ali te chu hlauthawng takin an lo ding khawng bar hlawm a.
An hmaah chuan US sipai uniform ha, pahnih hi an ding bawka.

“ Zorin hmanhmawh ang, guard ho khuan hmalam an hawi, Vatin…”

An pahnih chuan stepah chuan an chhuk thla a, chutihlai chuan hmalamah chuan platform ah nichina pa kha a ding ru mai a, mahse a hmaaa a hnungzuitu te chauh chu a en a.

Jeff leh Zorini te chu an chhuk zel a, naupang pali te lam chu an pan ta a, Duhtea chuan Jeff a han hmu chu han auh mai a tum a, mahse Matthew chuan a ka a lo hup beh sak a, a unaupa chu bengchheng lo tur chuan a ti a.

**********, *, *********

DOPU VILLAGE :

Dopu ho chuan hnam dang, an vun rawng ang nilo lo kal chu mak ti takin an en ngawih ngawih mai a.
An chief chuan a inah a luh tir hlawm a, ka thiante chu an lut duak a, kei erawh chu an Chief in kawta scroll lianpui chuan ka mit a la tlat a, a kawngka lu chungah chu scroll chu a awm a.
Ka la thla ta a.
Ka keng lut ta a.
Mahse, Dopu ho chief chuan ka thil tih tak mai a han hmuh chuan mak tih hmel tak hian min en ta reng mai a.
Min be ta a,
Tlangval, I thil tih kha I hre chiang maw?

Ka pu i sawi awmzia chu eng nge, eng nge hriatchian ngai chu?

Ka thiante leh Chief leh inchhunga awm zawng zawng chu mak ti tak main an ka ho ta hlawm a.

“Enge, khatia min en reng hlawm? Enge ka tihsual?”

Cassie chuan ka hming a rawn lam a, a meng phawk nasa bawk, RS

Dopu Chief chuan mi han be leh a… “tunge i hming?
ka hming chu Rsa ni”

Eheu! ( ka mak ti lutuk chu ka meng phawk hau mai. Tunah khan an tawngin min bia a, an tawngin ka chhang. A ni thei lo……………………..
Mahse)

Rs! Vala, Dopu tawng I hria elaw?

Pa Rp!
A awmzia ka hre bik lo.

Chief chuan min rawn be leh a...
Nang hi AMAH chu i ni e, MIRUAT BIK A CHU….

*********************

PUK CHHUNGAH CHUAN:

Jeff, Zorini leh mipa naupang pali te chu guard pahnihte hnungah chuan an ding thap a.
Jeff chuan a han signal hlawm a.
An kalna ngai lam pan an tum chu step tawp leh lamah chuan sipai dang pahnih an lo ding hman tawh a ni..

Zorini chuan Jeff chu zawitein a han bia a... Lehlam tawpah sawn kawngka chu a awm bang ngheng phei tlat chung hian kan tawlh hret hret ang a, kan chhuak thei mahna.

“Emm.. ka hlau’, Matthew chuan a rawn ti se se a.

Jeff chuan hrilhru aw tak maiin an ni chu a han be hlawm a, in chelh tlat ula, chuan kan chhuak dawn nia a han ti a..
Hussein leh ali te chu zaizirin a han hrilhfiah a, an ni chu an lo bu nghauh nghauh a.

Jeff chuan hma a hruai a, a dawhah Matt,Duhtea, Hussein, Ali leh Zorini te chuan an zui a.
Bang chu an ngheng phei ta hlawm a.

Chutih lai chuan stage a ding pa chuan thu a chham chhuak ta a…

“Aw thim lal, lalber, I tihtur chu ti la, i hmah ka rawn kal e… tiin.

A hnung lamah chuan thil dum khar hlawm che mual mual hi a rawn insiam a, mipuite chu an au dur dur hlawm a.

Jeff chuan chu thil a hmuh chuan a che thei ta lo, thil khar hlawm che mual mual chu meiin a rawn bawm khat ta a.

“Jeff! Kal rawh vatin’, Zorini chuan a han ti a.

Matt chuan Jeff-a kut a vawn chu a han sawi rawk rawk bawk a.
Jeff chu a harh chhuak leh ta hram a. An piah lawka thil thleng chu en ru pahin khur zawih zawih chungin anni ho chu an kal zel a.
Chu thil dum chu a hmalamah a awn zel a, chu pa chu a bawm khat tlat a..
Chu pa chuan na tih hmel takin a âw a chhuah a a rak ta chiam mai a, thil khar hlawm atang chuan aw râpthlak tak a rawn rum ta hum hum a.

********************

DOPU VILLAGE :

Rsa hnenah chuan Chief chuan thil sawi tur a neih avangin a pindanah an pahnihin an awm char char a, midang chuan an lo nghak ngawih ngawih mai a.
Nakin deuhah chuan Chief chu a rawn chhuak a.
Mahse, room kawngka chu a hnung lamah a khar tat lat a.
Andy a chu a awm a nuam chiah lo a ni.
Va luh mai a tum a, Chief chuan a lo dang a. Hmel dam diai hian Andy chu a en a. Ringhlel deuh tak chung hian a thutna lamah a kir leh a.
Room chhungah chuan Rsa chu a thu a, a ngawi reng a. A chhungte nena hlim taka a awm lai te chu a ngaihtuah a, a hmaah thil hmachhawn tur lian tak a nei a ni. Duhthlanna harsa tak.
A kutah chuan Bible a kenga, Indona hmunah a awm mek a, Chief thusawi chuan a awm a tih nawm loh mai bakah, chu thil chu a takin lo thleng ta ang se la, a thei ang em tih chu a ngaihtuah hah hle mai.

“Lalpa, Min pui rawh aw” tiin zawi teiin thu a sawi a.

*********************

PUK CHHUNGAH CHUAN:

Jeff chuan kawngka a han hawnga, Naupang ho leh Zorini chu an chhuak a, Jeff rawn chhuah a tum chiah chu a hnung lamah a let phei zawk a, Zorini chuan Jeff lam chu a han hawi a, Jeff-a awm chu a rawn pawng zawk a, Ngunhnam sei tak a rawn tlang chhuak ta pawp a.
Zorini chu a rak vak a, Jeff chuan zawi te hian “ ZORIN tlan ru”a han ti a.

Zorini chuan naupang ho chu a hui a, an tlan ta a.
Jeff chu thei leh thei lo in a han lehhawi a, room chhungah chuan chu thil khar chu hmuh tur a awm lo....
Mahse, chu pa stage/ platform a ding chu a makin a rapthlak dangdai tawh hle mai.
A chhungah eng emaw a cheng a ni. An zavai chuan Jeff chu an en thap a.
Sipai chuan a ngunhnam chu a han phawi hlawk a, Jeff chu chhuatah a let ta hnawk a…

************************

DOPU VILLAGE :

Rsa chu mittui tla zawih zawihin hmanhmawh takin room atangin a rawn tlan chhuak a.
Chhuatlaiah chuan a rawn thingthi hnawp a, a tap ta a, Cassie chuan a va pan a…

“Rs! Enge a awmzia, Engthil nge thleng?”

Rsa chu thawk pawh a thaw tha theilo… tawng pawh a tawng theilo.

Pa Rpa chuan a han kuah vat a,” Vala, Enge sawi rawh?”

Rsa chu mittui tla zawih zawihin a rawn tawng a, “ Pa Rs! A ni thei lo…”

“Enge chu chu?
Rs, Enge I sawi awmzia?

Zorini leh ka naute pahnih, Matthew leh Duhtea… chuan Hussein leh Ali … an tlan chhia, man an tum…
Pa Rp, kal nghal ang.

Rs enge I sawi awmzia??
Zorini te, I naute chu Mizoram ah, in in an awm alawm?

Rsa chuan thaw hlawi hlawi chung chuan,

“Nilo! Pa Rp, an man a ni, Chief khan thil tamtak ka hmuh theih tur thu min hrilh a lawm, kha scroll kha kan hawng a, thu inziakah khan ka thil tih tur a awm a ni.

Chuan, thil ka hmu thei.
Chuan chuan…

“Rs! Vala, enge I sawi awmzia.?”

Ni e! an man a ni.
A ni thei lo, Pa Rp! Andy insiam ang…

Andy chuan,” Rs enge I sawi awmzia?’ a han ti leh hram a.

Rsa chu chau tak maiin chhuatah a tlu hnawp a,,,

“KA thiantha ber ka chan a ni… Pa Rp, Jeff pawh an man,,,
Chuan chuan, a ni chu an that a ni…………

*********ADVERTISEMENT CLICK***********

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2018, 3:43 pm

Van chhung atang chuan Zorini chuan min au lawm lawm a....

RS MIN PUI RAWH…

Ka naute pahnih chu tap zawih zawihin ka hming an lam bawk a..
Chu ramsa chuan Alejandro chu a pawt chhuak lawp a, a dawlh zo ta mai a.

Rapthlak takin a au a, a hram a, a nui bawk a…. Khawvelin kei lo chu Lal dang a nei dawn lo, ka tirhkohte u, khawvel chu an Lal han hmuh tir the ule a ti ta a……………

Chutah chuan thil mak a thleng ta, ka chung lung lian tak chu a khi phawk a, a lai takah a inthen ta a, chunglam van boruak chu zawi zawiin ka hmu ta.
Sinai tlang zinga pakhat chhungah chuan ka awm a ni a. Ka kutah chuan ngunhnam sei tak chu ka hum a, ka chunglam van boruak rawn in keu hawng tial tial chu ka en reng a. Chhum dum chhah tak chu a zing mup mup mai a, a kar atangte chuan tek leh kawlphe chu a de chuai chuai mai bawk a.
Ramsa thlawk chi te, leh rannung maksak pui puite chu an leng nauh nauh a. ka chung lungpui khichat chu a zau tial tial bawk a. Ka awmna leilung chu a nghing dur dur a, elevator a kal chho thin ang hian lung chhuat chu chunglam panin a tawlh chho ta ur ur mai a.

******************

DOPU VILLAGE (one day ago) :

He thil hi ka ti thei lovang?

Chief chuan ka mitah tak a en a.
"RS, Ka chhuahsan dawn che, tuma hriat ve loh tur thil hmuhtir I ni dawn ta, nangmah vangin khawvel a him thei a, nangmah vang vekin engkim a chhe thei a ni."

Chief chu a dinga, han koh let ka tum pawhin a kal lui ta a.
Room chhungah chuan keimahin ka awm a. scroll chu ka en reng a.
Engmah a thleng lo.

Enge thil awmzia?
Enge ka hmuh tur chu?

Ngawi rengin ka melh ngai chu ka melh a, zawi zawiin ka hmaah chuan thil eng tak a rawn lang chhuak ta a.

" Mithlan bika chuan he ngunhnam hi a la anga, Sakawlh chu a that ang." Chu pa chuan a han ti a.

Ka pu, he hun hi khawvel hian a pumpelh thei lo em ni?

"A pumpelh lovang, a chhan chu he thim khawvel hi a tawp a ngai a, thil awm lo a dah bo theih em ni? Thim awm renga chu a dahbo a tul zawk alawm?' Mosia chuan a ti ta a…. "Tin, a hunah chuan tihchakin a awm dawn a ni."

Chumi zawhah chuan he thil hi ka hmu leh ta a… Sinai tlang chhung chu pawn lamah a in sawn chho lai hi… a chhuat, lungpui chhah tak chu van lamah a insawn chho dawrh a, Sinai tlang chung zawl ni turin a tlang chhungril chu a insawn a, chu leilung insawn chho mekah chuan, mi pakhat ngunhnam keng hi a chuang chho a…

keimah ka lo ni….

*******************

KA HMING CHU LALRINSANGA ANI A, HEI HI KA CHANCHIN CHU A NI E….

%%%%%%%%%%%%%%%%%%%%%%%%%%

THE GAME GRANDE FINALE : A TAWP AH CHUAN KHUA A VAR TA
*************************

Present day : Sinai tlang chung chu ka thleng ta… ka hnung lam chu a ri dur a, ka hawi let ta a.
Lung lian tak mai ka lama thlawk chu ka hmu ta a, kei chu ka dinglam sir ah chuan ka bawk phei nghal vat a.
A ri leh pawp a, lung dang liantak mai ka lam panin a rawn thlawk leh ta fua fua mai. Hei hi chuan min delh ngei dawn e ti a ka in ngaihtuah lai tak chuan, ka hmazawn chu a eng pup a, lung chu a puak darh ta a.

Chunglam ka han en a, ISRAEL JET hi a rawn thlawk a, thlawhna tam tak in a rawn zui a, khawvel ram hrang hrang a thlawhnate chu indo turin an rawn thawk chhuak a ni. Ka chunglamah chuan khawl thlawk thei te leh ramsa te chu an inbei chiam mai a.

Kei chu ka ding a. Ka ngunhnam chu ka hum a, ka hma zawna ramsa rawn thlawk chu sah in ring ran in ka ding nghet sauh sauh ta a.

INDIA : R.A.W HEADQUARTER bul lawkah chuan thawm ring tak chu a hriat theih a...

NEW DELHI a, skyscraper mawi tak takte chu a alh hluah hluah bawk a.
Khawvel chu a thim a, Bomb puak ri leh mihring mangang thawmte chu a hriat chian theih hle a ni, khawvel chu Indona mual ah a chang zo a..

Pu Chhandama chuan A nupui kut chu a vuan a, " Kan fa te kha veng ang che," tiin chunglam chu a be pah mawlh mawlh a…

(Rsa te chhungkua chu vrng him tur in RAW chuan Agent pahnih a pe a, police station ah an hruai ani)

Officer pakhat chuan anmahni vengtu chu a rawn bia a, " INDIA PRIME MINISTER RESIDENCE COMPLEX PANCHAVATI chu a kang hluah hluah a nih chu. Chuan SUKOI pawh DELHI bulah a thlawh laiin a puak bawk e."

Enge I sawi awmzia?

Sir, Sipai General in a be duh che. Tunah chuan, President emaw Vice president emaw, Secretary of State emaw tumah mi pawimawh kan nei tawh lo.

PU CHHANDAMA te ve tu RAW Agent AKSAY chu a ding ngawi reng a, Pu Chhandama te chuan engkim chu an hre vek bawk a.

**********************

SINAI :

A ni thei lo, chu ramsa chuan engemaw ni liantak a ke in a rawn tham phei a,
Ka lam a rawn hnaih tial tial a, ka han en chiang a, Van a ni.
A chhungah chuan mihring au te lawm lawm chu ka hre thei a,….
ZORIN, a ni thei lo, Ka nau te nen… ramsa chungah chuan mi pakhat a thu a, mihring a ni lo.

Duhtea leh Matthew te chuan kei min hmu chu, beisei tak leh thlabar tak maiin min au lawm lawm bawk a.
Dragon chungah chuan mihring pawh ni lo, a awm chu sangha phuhlip ang mai a tle dum suar mai.
A lu tung sawl em em, a ki chu a chal tawn tawn atanga kual thla ruih, a hnungzangah chuan thla a nei, meialh leh tlang kang atanga chhuak lava kan tih ang hi ni berin ka hria… a bul velah chuan mei a alh hluah hluah mai bawk a…
" Kei hi thim Lal chu ka ni, Ka hmaah hian kun la, he leiah hian LARAM kan din dun thei ang."

Kei chu ka ngawi deuh vang vang a. " Nilo, Ka kun dawn lo."

ENGMAW I SAWI?

A Tawng pah chuan tlang te chu a khur dawr dawr mai a, lei te chu a khi chat phawk phawk bawk a.

*******************
Date : 22

INDIA :

Pu Chhandama chuan a nupui chu a chelh a, Police Station thim mup chhungah chuan an pahnih chuan zawi te tein an kal a, nichin lawk a Rsa te an buai lai khan, Police Station chu beih a ni...
Mahse, pawn lama ramsa thlawk nuai nuai ho kha chuan engmah an ti lo.
Light chu a thim phut a, a chhunga sipai awm te leh hnathawktute chu an te lawm lawm a, minute hnih hnu lekah an te leh rak thawm chu a reh thut a ni.

Pu Chhandama te nupa piah lawka tap atanga tui far ri pawh chu chiang takin a hriat theih a.
A khat tawkin a far ri leh keuh keuh bawk a… Pawn lamah chuan mipui ṭe lawm lawm ri te chu a hriat theih a...
Mahse chu in lianpui chhung chu a reh thuap mai..
Mi 100 tam tak a hma lawka phusa mur mur te leh buai em em a tlan phili chungte chu an reh zo ta…

Pu Chhandama te chuan an hnung lamah thaw ri hruap hruap ri an hre ta a… An leh hawi a, an nupa chuan an khur hlawk hlawk a, Pi Siami chu a au chhuak ta vak a…

*************************
Date 23

SINAI :

Ka kun a, ka hnunglamah chuan meialh hlawm lian tak chu a thlawk phei puat mai a, engtia rei nge chu thim lal chu ka dang theih dawn ka hre lo...

A ke pahnih chuan van chu a khai kang bur bawk a.
Ral leh lamah chuan JET leh THLAWHTHEIHNA te chuan ramsa mak tak takte chu silai in an lo kap ve a… mahse an dang zo lo khawp mai.
Thlawhtheihna te chu tlang khawkrawk tak pangah te chuan a in vaw puak pawp pawp bawk a…

'Rs" Rs…

Enge ni?

Khi en rawh le, I hmelhriat te an ni em?

Ka hawi chho va… rannung liantak hian mihring pahnih a lo tham a, van sang atang chuan thinrim hmel tak hian a hram ruah ruah bawk a…

Nilo, Ka nu, Ka Pa….

Matt leh Duhtea te pawh chu an ṭe lawm lawm a…

NANG MISUAL CHH*UAH RAWH KA CHHUNGTE HI….

RS! RS! HERO NIH HI I CHAK TAK TAK NGE TAK TAK LO LO EN TA ANG I LA, HETA ZINGA KA THLAK HMASAK BER CHAK CHU HEI HI A NI DAWN LAWMNI? KA TI MAI DAWN EM NI? HAHAHA!

( a au zawng chuan tlang pang te chu a nghing lawih lawih mai a… Ka ngunhnam chu ka kut pahnihin ka chelh ta a… mahse …. Ka thei lo… hei hi… ka awmdan tur hi ka hmu lawk tawh a ni)

RS! EN TA CHE I NU LEH PA LEH, I NAUTE LEH I BIALNU HI… I THIANTE LAH I HLAUH ZO TAWH SI.

HAHAHA.....

Chutia a tawng lai chuan CASSIE chu van hnung lam kawngka inhawng a tangin a rawn zuang thla a…Ali leh hussein te pawh kha a chhuk puia... a hnuai lungpui phenah chuan an biru nghal bawk a.

RS ( Kei chu ka ding ngawi reng a)

AW RS! I NGUNHNAM KHA I VAI CHUAN KA CHAK DAWN LO TIH I HRIA KEI PAWHIN KA HRIA, MAHSE KA CHAKLO DAWN ANIH CHUAN, I CHHUNGKUA ZAWNG ZAWNG PAWH HI I CHAN VE NGEI KA RING… AHHAHAHAAAA… CHUVANGIN… DAH TAWH MAI RAWH LE… I NGUNHNAM KHA…..

Ka kut chu ka en a, ka ngunhnam chu ka en a. Ka en reng a, mahse ka ngaihtuahna chu hmundangah a awm a ni.

Ni chhuak engmawi tak mai hnuaiah, kan grape huanah kan chhungkua in hlim takin kan lo awm a… Duhtea leh Matthew te saw an va hlim em.
Ka nu leh ka pa te pawh saw… Ka thiante Pathum, Jeff, Mike leh Sanga, Zorini nen… hmanah khan, hun kal tawh ah khan kan lo la awm a, Hlim takin kan inkawm khawm a sin.
Kan swimming pool a kan tet lai a, kan thianzaho kan chen ho lai te, Kan school aiawh a state competition ah football a gold kan lak lai te…. Inthah bur burna emaw, ramsa hlauhawm te emaw an awm hma kha… buai reng renga ka tlanchhiat hma te kha… Ka mittui chu a far zawih zawih a… Ka thei tawh lo a ni…. Ka thei tawh lo, an ni chu ka chan thei lo…

Rs! TLAWM MAI RAWH… VAN LAM AMI KHI CHUAN A HMANGAIH TAK TAK LO CHE U… IN PE LA, I CHHUNGTE HI KA CHHUAH ANG… KA THU THU A NI MAI...HE KHAWVEL HI CHU KA TA ANI A, KA RORELNA TUR A NIH HI… AHAHAHAAAA

"NILO… BAWIHA… NGAITHLA SUH…

" ka pa chuan a rawn ti a, " Rsa nu, Enge a tih tur I hre thiam mai em?"

"Aw Paa, Ka hmangaih che"

Matt, Duhte…Zorin… maimit chhing ru,… tiin ka pa chuan Zorini te chu a han au lawm lawm a, Sava chuan ka nu te chu a hmer na sauh sauh bawk si…

Zorini chuan ka naute chu a awm ah a pawm bet a, Duhtea leh Matt te chuan ṭap zawih zawih chungin min en a, mahse Matt chu a upa zawk tih takah a nau kuah chungin mittui nen, chu thil chu ti tawp turin min duh ani tih lantir nan a lu a bu nghauh nghauh bawk a…

Ka nu chuan min be leh a, "RS! Kan chhungkua chu kan la inhmu leh ang… Mahse keini ai chuan khawvel pumpui hi a pawimawh zawk, Rs… he Ramhuai thusawi hi awih suh ang che….

NGAWI RAWH HMEICHHIA… NGAWI RAWH……….
( tlangte chu a nghing dur dur a, vanah chuan kawl a phe zuai zuai a, ramsa tam takte leh lei ram sipaite chu an indo mup mup bawk a….)

**********,,**********

DoOPU VILLAGE ( one day ago) :

Ka inlarna hmuh ah chuan...

Tu emaw ni? Ka hmelhriat an ang lutuk… vansangah khai kanin an lo awm a… thim la hnehnan chuan ngunhnam chu ka vai a tul si a…
Chutia ka vih hma chuan thim lal chuan a mi ken te chu a vawr lawp a… tlang sang tak atang chuan lei lam hla takah a paihthla ta daih hi ka hmu a….

SINAI (PRESENT):

Hei ngei hi a ni.
A va har em...

Zorini chu ka en leh a, a ni chuan ṭap zawih zawih chung chuan, ka tihtur chu ti tlang mai turin a mit chu phalna entirnan a han chhing zuai a… a meng mawi tak chuan hmangaihna nen min en reng a… ka nu leh pa te chu ka en leh a, ka naute ka en bawk a. Ka hmangaihte chu engtikah mah ka hmu dawn tawh lo tih ka hre si a… khawvel a dam theihna tur chuan kei in ka chan a ngai thung si maw?

Ka mit ka chhing a, second 30 thleng ka chhiar a, ka meng ta a.

Kei chuan ka ngunhnam chu ka han lek leh a, ka hma lam pan chuan ka tlan ta a…
( Ka rilruah chuan Ka chhungte leh thiante hlim taka an awm lai ka hmu a)

Ka tlan zel a….
( Library a lehkhabu kan hawn lai te)
Ka tlan zel a....
( Highway a mi sang tam tak thihna te)
Ka tlan zel a....
(Pa Rpa ka hmuh tirte ka hmu a)
Ka tlan zel a....
( mihring tam tak thi tawhte tante leh nunna hlauh tawh zawng zawngte tan chuan)
Ka tlan zel a....
( Tuna la nungdamte dam khawchhuah nan) Ka tlan zel a...
( Ka nu leh ka Pa tan)
ka tlan zel a....
( ka thian duhtakte Jeff …. Sanga…Mike … an zavai atan)

Chu ramsa liantak pan chuan ka ke dinglam chuan lei chu na takin ka rah khalh a, vansangah chuan, ka chakna leh theihna ni lovin hruai chhohvin ka awm ta a… Ramsa chunga chuang chu ka hnaih hle ta mai a…

RS… KHA LE I CHANTAWK CHU TIIN THINRIM TAKIN A ANG A…. A AU VAK A, VAN CHU A THEH TA VAK A… SAVA CHUAN KA NU LEH PA TE PAWH CHU A THEH LENG LAWP A…

KEI CHU MITTUI TLA ZAWIH ZAWIH CHUNGIN CHU THIM LAL CHU KA HNAIH ZEL A…. KA NGUNHNAM KA LEK CHHUAK CHU, VAN LAM ATANGIN ENG NASA TAKIN KA NGUN HNAM CHU A CHHUN TLE TA SUR A…

CHU THIM LAL CHU VIH TUMIN KA TIN RAN BAWK A… ( MIN TIRTU LEI LEH VAN LALBER PATHIAN TAN LEH A HMANGAIH MIHRINGTE TAN) a AWMAH CHUAN KA VIT LUT TA A….

NILLLLLLLLLLLLOOOOOOOOOOOOOOOOOOOOOOOOOO…. A KHAWK RUAH RUAH A… VAN CHHUM DUM CHU A KIANG A, NI ENG A RAWN CHHUAK A, RAMSA LEI LAM LEH VAN LAM SAKAWLH TE CHU A EN RAL HLAWM A…

Ramtin mai a mihring te chuan chu thilmak thleng chu an en a, mihring tha chakna leh hmanrua in a hnehloh chu ni chuan a em hlum ta phuk phuk mai a… thlawhbo tum a then chu Sipai ten an kap thla bawk a…

Hlim leh au thawm chu hmun tinah chuan a ri chel chul a…

Kei chuan Ka hma lawka ka mi vih lam chu ka hawi a… a aw thangkhawk rum rum chu a reh a, ka hmaah chuan tumah an awm ta lo va, ka dinna chu ka en a. tlang chung zawlah chuan ka lo ding a, ka mittui chu ka biangah a luang a… Van lamah chuan Chhimbal a zam chho ur mai a………

Cassie leh Hussein leh Ali te chuan ka lam an rawn pan a, kei chu min rawn kuah a, kei chu ka insum zo lo ka tap ta a… Ka nu leh pa te, ka unau MATT leh DUHTEA… ka hmangaih ZORINI… Min kalsan ta vek si a.

Chutia kan inkuah lai chuan Ri rum rum hi a rawn awm a… thli a thaw vuk vuk bawk a…. Thlawhtheihna tam tham tak leh Jet planes te chuan min lo hual thup a…

Jet plane pakhat atang chuan… "RS…. Khawvel Hmangaihtu… Kan chhuang a che a rawn ti a"

THIM LAL CHU KAN HNEH TA....
*********************************************

CHANMARI WEST 'V' SEC H/NO 72

"Harh teh Rs... Harh teh" Zorini chuan min sawi nawk nawk a.....

Khum a ṭhu chhuak hlawl chung chuan ka mumang chu ka ngaihtuah let neuh neuh a, ka bul. ah chuan ka hmangai Zorini chuan mak tih hmel tak hian min thil reng a, Pawn lam ah chuan ka nu leh pa leh ka nau te infiam chu an ri chul a....

NI E engkim kha ka mumang vek alo ni....

PA KA NI VE TAWH DAWN.....

www.storyfb.com mizo story thar englai pawhin chhiar tur a awm reng
THE END

********ADVERTISEMENT CLICK **********
Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)