VAITHANGKAM RAMRIAH - by - Hriata Tea‎

Hlauhawm lampang hrim hrim hmun hrang hrang a mi lakkhawm...
Ngaia
Site Admin
Posts: 25813
Joined: April 30th, 2016, 4:07 pm

VAITHANGKAM RAMRIAH - by - Hriata Tea‎

Unread post by Ngaia » March 7th, 2019, 9:02 pm

2O14 lam ami tawh kha, hawrawp ulhbun leh thlehtawi te ka chul mam e katia, reguest awmve leh zauh țhin si a. Hei ka edit hmasak zawng ka rawn dah e. In mi hriatthiamna ngen chungin, ka remtihna tello chuan, whatshap leh group danga post ka remtilo tih hi ka rawlh tel hram teh ang. January thla tawp lam kar tawp ber ani a. Lo vah kan zawh tawh avangin, chapchar awllen lai tiin. Sum tuakna ni pah fawm in, țhenawmpa nen vaithang kam zai kan rel dun a. Zanhnih thum vel riak a. Khaw thenawm te chulram a vaithang kam kan ti tlu ta ani. Ka vaithang puah zawh hlim leh kalo neih sa nen, thang za vel ka nei a. Țhenawmpa pu Ruata pawh in anaute ta hawh belh in thangza ve ve kan daih thei a. Țhenawm khua hi keini aia khawte zawk mah nise, kan khua aiin lonei mi an tam a. An ram ala țha bawk a, buh an ngah țhin avangin sazu pawh an tam tih thawm kan hria a. Vaithang an kam ve ngailo a. Pawl tuam leh thlam vuak bak anti ve ngai lo ani. Phûr takin kan inbuatsaih a. A tukah chuan kan thawk chhuak ta a. Vaithang put nen, kalkawng zawng a ninawm duh ngei mai. Chawhnu lam darhnih velah chulram chu kan thleng a. Zau auo țhalai deuh zawngin kan kal zel a. Chul chawhmeh vai haw lam te pawh kan tawk zeuh zeuh a. Kan tawh chhun apiang te chu, khawinge buh ngah ber lô. Tih leh zau auo țhalai deuhte kan lo zawt a. Thangkam an phal leh phal loh te zawh pahin, kam an awmve thin em tih te kan zawh pah zel bawk a. E.. Kam ru,, kam ru,, tuman an ui lo ang. Buh lah kan phur zo tlang tawh viau mai. Thawkmawh deuh pahnih khat phurzo lo an awm anih leh ani lek chauh ang. Tumah riak pawh an awm loh lai tak aniang. Lâng a chawhmeh la leh buh phur anni deuh mai. In man țeuh dawn nia. Marawh chu, nuam inti ngût ange mâw, tiin min thlah hlawm a. Zau auo țhalai deuh a thlam lian țha tak, a kawta tuilak awm ngei mai chu bêlin kan in nghat a. Kan insil thlan dai a. Thlâm bul vel chu sazu kawng kan bih kual vel a. Ațha hlawm ngang mai. Phur zetin thlam ah chuan ka lut chho a. Rawngte kan bawl a. Thlen ni ani bawk a. Kan tlai tawh bawk si a. Thim hma a. Kan kam hman tawk tawk kam ila, naktuk lamah tha thar in kan bei dawn nia kan ti sauh sauh a. Rawngbawl pahin vaithang dal te kan siam a. Chaw eikham chuan vaithang kam tur in kan inpu chhuak ta ani. Kei veilam pang zâu kam turin ka kal a. Pu Ruat a pawh lehlam ah a phei ve bawk a. Vaithang kan kam hian thang a bo loh nan thlam hi ka kam hual mai thin a. Zawn hmuh anuam bik ani. Kawngkân te pawh kam pah zelin, thlâm thumna ka thlengphei a, midang lo ai chuan a hnim deuh bakah, hnuhma pawh a hluiin ațhing riap mai a. An feh khât hle ani ngei ang. Sazu hnu erawh a hnim deuh vang nge ni ațha kher mai thung. Thlâm ka kam hual a, An mangkhawng pawh khaikang lo a. Andah avangin ka kam sak bawk a. (mangkhawng khai kan chu kan kam sak ngailo) khua lah a thim ani deuh tawh mai bawk si. Sazu kawng pawh a hmuh hleihtheih tawh lo a. Ka kam bang te chu pu in, kan riahna thlâm lam ka pan phei ta a. Pu Ruata alo la thlen loh avangin, torchlight eng hmangin kan riahna thlâm bul vel chu ka kam leh a. Pu Ruata pawh a rawn thleng ve nghal deuh mai a. Kan chawei na ala rei loh avangin thingpui te in in, pawlzu tui zia te sawiin kan ti ti bawrh bawrh a. Darsarih velah chuan, a vawikhatna atan, vai thang vèl turin kan chhuak ta ani. Mahni kam na lam pan chuan kan ințhen leh a. Ka rinai daihin ka awk țha a. Mahse, thimhlim bawm tih takah anla lian lemlo khawp mai. Ka kam tawpna ber thlâm ka thlenphei chuan kan ên kuala aper thelh vek mai. Muangchangin ka kam țha a. Ate deuh tihper ni mai ah ka ngai a. Thlâm thlang ami ka kam țhat lai mek in, thlâm chhungah chuan thâwm ka hre tlat in ka hria. Kan ngaithla a, areh vung vung mai bawk si. Sazu thawm mai mai ani maw kati rilru a. Ka vaithang ka vih phun lai tak chuan, damlo chau tak han rûm, hêihâ deuh dap ang hi thlâm chhung atang chuan alo ri chhuak a. Riak an awm em mawni le tiin, ka âw, kan thian kharh kharh a. Thlâm hmalam ami ka kam țhat pah zel bawk a. Thlâm chhungah chuan mihringin thlâm chhuat kan han rap ri thlap thlap ang mai hian kawngka lam pan chuan arawn kal a. Mahse, atawp leh daih mai. In riakve elaw..,? hei inlo ah thang kalo kam ve ngawt ania. In mangkhawngte lah chu, a inkhai silo a. Kalo kam ve chawt mai sin tiin kan au a. Mahse, tuman min chhanglo. Ka kam zo chu thlam chhung luh tum chuan ka phei a. Thlam kawngka tlengrelh chu, ka han nam tawlh a. Kan dak lut chiah mai chu, ka reiii...!! Ka phuchiang kher e. Hmeichhe sam thlah hnuang mai var pîp piap hian, asam kar atanga min lo enkuau mai chu niin. Ka hamhaih bawk si. Ka thâu ah mi mana ka khur ti tih nghal der mai. Ngam leh ngamlo a, biak kan tum chu abo ta daih mai a. Ka mitvai mai mai ka tih dawn chuan ka hmuchiang si. Second sawm vel lai chu kan in enchiang ani. Thlâm kawngka pawh khar zui talo chuan, hmanhmawh zetin ka haw pheita nal nal a. Ka thlengphei rang ngei mai. Thlâm ka thlen te chuan ka hlau tulh mai leh nghal a. inti pachang in, Tlangval apumpa engtin minti pawh ni hleilo, ngahnge maw kan hlauh em em ang le kati a. Thingpui te lumin pu Ruata nghah pah chuan, ka sazu awh te chu ka chhiar a. Alian leh te deuh te ka dah hrang zel a. A lu kimin sawmhnih leh pariat lai ka awk a. Vawikhat velah chuan awk țha ka inti kher mai. Pu Ruata pawh alo thleng a. Thingpui kalo thlit a. Sawmthum lai arawn awk ve bawk a. Kan phur dun ngei mai. Kei erawh thang vèl leh hun chu ka huphurh ru angreng hle a. Zanlaiah vawikhat vel leh ila duhtawk mai ang. Kan kam hnem lemlo bawk a. Tiin, chhin sek tum chuan kan in tintuah a. Thlâm kawtah thingtum tuahin, meipui kan chhep a. Buhpawl la lut in, Dup deuh al thei in kan chap a. Kan mu ta ani. Kawng kan kal chau bawk nen, ka muhil nghal deuh mai a. Ka harh leh meuh chuan pu Ruat'an minlo sawi harh niin. Ti rawh thang vêl a hun leh tawh ania.. Nichin lawk khan pawl tuam tur ni awm tak nupa pawh i kamna lamah sawn anphei in ka hria ati a. Kan insiam a. Kan chhuak zui ta a. Chutia midang pawh kalve ni awm a, asawi avang chuan ka phur thar in, ka hlauhna leh huphurhna pawh areh huai huai mai. Phûr takin ka phei a. Kawngkân ka kam ho pawh alo awk lian thei ngang mai. Phurzetin ka vel kual zel a. Hlauh pawh kalo hrechang tawh lo. Ka kam tawpna ber ka thlenphei dawn chiah chuan, ka hrechuak leh chauh ani. Mahse, kalve an awm ni a Ka hriatna chuan, minti thlamuang a. Thang hmasa ber ka pel a. A dawt tu chu kan chhun a. A âwk tih hriat zet hian a per kul pân mai. Phûr takin kan pawt phawi a. Aawh zawng a awk ngei mai. Apa tiltawlh lehnghal. Mahse, a lû a awmlo. A nghawng ah abung daih. Sangharin min vel khalh ani maw kati rilru a. A dang pawh ka enzel a. A awk kim vek a. Mahse an lu, a bung vek thung. Chu sanghar mai mai chuh. Engvanga ataksa lam zawk eilo a. A lu ei zawk tlat nge maw anih le. Kati rilru a. Mahse, ka tan chuan atha zawk tho. A hlâwk lam zawk kala chang tal alawm le. Thang tawp ber ka kam țhat mek lai chuan, vau lam tuikhur kawngah chuan thâwm ka hria a. Ka vaithang ka vit phun leh phawt a. Tuikhur kawng chu ka torchlight in ka zuk ên a. Hmeichhe samthlah hnuang mai. Kawrfual var da lam tawh ha hi akal liam tur ka zuk chhun fuh a. Ka phu deuh zawkin ka hria. Nichin a thlâm chhunga ka hmuh ngei kha ani chiang, Pangah țâng avak chem chem mai. Rangzetin ka inher a. Haw tum in ka phei vut a. Thlâm leihka rah rik deuh rap rap thãwm ka hriat avangin, thlâm lam chu ka va chhun êng a. Kawngka khar lo a. Ka kalsan tak ah khan patling lut lai chiah hi kava chhun fuh ani. Ka thlamuang huai huai mai. Arang a rangin ka pan phei a. Pu Ruat'an nupa pawltuam tur an niang, atih te kha an nih ngei dawn hi kati a. Ka lawm kher asin. Ka âw,, kan thian kharh kharh a. Thlâm leihka chu ka chuang chho a. In man hnem em,,, Tih pahin thlâm chhungah chuan kava dak lut a. Ka âu chhuaklo chauh ani. Ka tawlhlet dawrh a, ka thil va hmuh chu rapthlak tak ani. Patling pakhat hi thlam chhungah chuan alo inkhai zuar mai a. Ameng pawng hru mai a. Alei aseh tut bawk a. A duk vek tawh leh nghal. Minlo melh kuau niin ka hria. Ka âu chhuak lo kha thilmak tak ani. Bak lengin ka tlan chhe phei dâwr dâwr a, Ka khûr nasa bawk si. Thlanin min bawh nghal vek. Ka mur chuaih chuaih mai bawk. Hlauh namen lo in, ka hlau ani. Ka tlanchhe phei chu, hmeichhe aw hian za em em in, min nuih tlawrh tlawrh mai leh nghal a. Kan riahna Thlâm ka thlen lai pawh ka hre mumal lo. Ka harh chhuah meuh chuan, thlan in minlo bual huh vek a. Ka khur zawíh zawih a. Ka thinphu lah a in thûm rawn tluk tluk mai bawk a. Pu Ruata light êng in, thlâm arawn chhun zauh zauh takah chuan, ka inti pachang a. Khur hlawk hlawk chungin, tap lam ka pan a. Mei chhem kan tum chu, Ka kut khûr nasa lutuk avang chuan, nawalh pawh ka nawt hleithei lo. Enge maw ti tîin ka chhem alh thei hram a. Pu Ruata'n, hei thlâm kawta i thangkam ah hian pahnih awk, a awm anih hi arawn ti a. Chhan pawh ka chhang lo. Ka thlâ erawh amuang huai huai thung. Ka khur pawh a ziaawm tawh. Ka tiril erawh ala khûr der der reng a. Enge maw hlek ah ka phu zawk zel mai bawk a. Pu Ruata chu arawn lut a. Hei thlâm kawtah a patiltawlh pahnih i awk reng alawm, tih pahin arawn theh thla țhak a. Kalo phuzuk leh nghal. Teh dùrh che chuan, ka thawm kha i hrelo mi...i nuamsam lo nge, i phawk deuh hru in nia ka hriat ni, ati zui a. Nuam e..ka khuasik deuh emaw kati mai mai, kan kal hah vel lutuk aniang Kati ringawt a. Ka thiltawn erawh ka sawi duh lemlo. Thingpui in pahin, ka pawlzu awh te chu kan phawrh a. Sawmli lai kalo awk reng mai. Ani pawn sawmthum pali arawn awk ve bawk a. Zinga rawh ah tiin a dang zawng chu ka dah a. Alu bung sawmpahnih zet chu, zing a ei atan kan rawh a. Tùl ah thilin kan rep a. Kan mutsan ta ani. Ka muhil lai chu, enge maw hian min chhem heuh heuh in ka hria a. Arim chhe hle bawk a. Kan meng a. Ka hma zawn takah hian min en rengtu awm tlat hian ka hria a. Tho kang lemlo chuan, mut dawn a. Ka lighter in chhawp chu ka dap a. Kalu lam a bati chu ka han chhi a. Chumi lai pawh chuan ka sirlam ka zawn takah chuan chê, a awm in ka hria. Bati kan chhi eng a. Muangchanga inher in kan en phei chu. Ka hmeichhe hmuh tawh ngei mai khan, bawkhupin amawglam a kan úr a. A bek in thlam chhuat si thlar si hian milo en kul mai a. Ka phuchiang kher mai. Ka hlau lutuk chu han au chhuah vak ka tum a. Ka au thei reng reng lo. Mi nuihsungin A tho țual țuala. Tap lam apan chho ta, Ka khur nasa lutuk chu, ka che thei dér lo. Pu Ruata chu thei leh theilo hian han kaihthawh ka tum a. Chu nu lah chu, tap ah chuan thu in, chhemthei hian lungthu chu a khwng kauh kauh a. Pu Ruat a chu thei leh theilo hian kan sik țhin a harh thei bawk silo. Ka sawi ngial pawn amu nghet tlat mai. Hmeichhia chu arawn in her țual țual a. Ka lam a rawn hawi leh ta. Sâwi sâwi mahla a harh thei chuanglo ang, arawn ti ta mai a. Mu leh mal pawh ka nei tawh lo. Ka tho thei bawk silo. Amah la chu avar puap mai a. Thisen aneilo tih hriat reng reng. a sam chu hmalam ah hui liam in a zut dalh dalh roh a. A sam kar atang mi rawn melh leh rulh rulh țhin chu. Ka hlau lutuk kha kalo thidang aniang. Ka harh meuh chuan, pu Ruatan harh teh, harh teh. Engati nge tiin, Mangan hmel zet hian min koh mawlh mawlh pahin, milo sawi nawk nawk a. Thlanin minlo bual huh vek mai. Tinge iva rûm nasa em em ve. Mangchhia i mangg emni tiin, min zawt a. Kala khur hlawk hlawk thei. I khuasik aniang. Hei damdawi hi ei rawh. Nachhawkna kalo pai hlauh chu tihzia hle mai tih pahin tui nen, mum hnih lai min rawn pe a. (hlauhna a chhawk thei ngut ange maw) kala a. Ka eive nghal mai bawk a. Thlan lah chuan minlo bual huh vek bawk si. Khawsik pawh ka ang ve reng ani. Meite hi kan chhem lum anga, i puansin lai nen khan i rawn ai hnai dawn nia. Thingpui pawh kan chhuang ange. Ati seuh seuh a. Ka ngaihtuahna erawh a dang daih ani. Tinge maw ka hnenah a rawn inlar reng le. Pu ruata lah hian a hreve miah silo a. Hrilh ta ila min awih sak duh angem. Tih te kalo ngaihtuah neuh neuh a. Rawn ai hnai tawh rawh. Hei alum nuam tawh khawp ania, a rawn tih chuan ka harh zawk a. Tapchhak lam chu ka pan ve nghal a. Thlasik tih takah khua chu a vawt tha ngeih ngawih khawp mai. Ka hlau khur ai mah chuan, vawt ka tih vanga Khur ka ni tawh zawk mah mai. Thingpui in pah chuan, rinai a kan man țhat dawn thu te chu kan sawi mawlh mawlh a. Ka ngaihtuahna ah erawh. Ka thil hmuh mawlh mai chu a châm reng a. Kala mitthla thei vek ani. Hmeichhia kha ka hmu a, a hnu ah patling in awk hlum kha ni leh a. Hmeichhia bawk khan, bawk khup meuhin min rawn bih leh bawk si. Ka ngaihtuah let ringawt pawn, ka thau ah aman a. Ka mur chem chem thei tlat ani. Khua la var mai hmel loh a. Zing lam darthum vel anih ka ring. mutchuak in min zem țan chiai chiai a. Khawinge keichu kan mu leh mai teh ang. Ka mut achuak deuh tlat. I duh hun hunah ah rawn mu ve mai rawh. Ka tha tawh e. ngaihtuah ka ngailo ania. Damdawi khan min chhawk aniang kati a. Pu Ruata pawn. E...mu rawh keipawh ka rawn muve vat ang. Sazu rilte hi kan khei lawk mai mai ange. Lo mu chawl teh tak ati a. Ka mutsan zui ta ani. Ka muhil chu pu Ruata au tuarh ri hian miti harh zawk mai a. Kan inbeng kang a. Enge nita kan ti a, Pu Ruata chu a mengphawk ngei mai. A khur dur dur mai bawk a. Bangkilah hian khûp tawm meuhin alo țhu khur zawih zawih mai niin, A meng a-ruai mai bawk si. Kawngka lam chu amelh kul mai a. A hmel ringawt pawh chu hlauhawm lek lek mai. Kan sawi nawk nawk a. Enge nita. Pu Ruat harh teh, harhteh kan tìh chuan, min rawn en a. A chiâi lutuk pawh chu azia ve ta deuh a. Engtizia nge, hmuh inei emni Kan ti a. Ala khur deuh bauh bauh a. Puan sin tir in Mei ka chhawm țha a. Tap lamah ka hruai phei ta a. Khua pawh avar ve țep tawh ang. Ti khan meilum kha han ai hnai la. Zingah ila sawi dawn nia kati a. Tawng dawn pawh nise, atan țawng ngaihna awmlo tluk ani. A khabe te chu akhur nasa lutuk a. A ha pawh a in khawng dawt dawt thei hial ani. Ka hmuh ang deuh enge maw chu, hmuh anei tih ka hre nghal mai. Ka zawt chùng duh lemlo a ni. Ani pawh a rawn zia ve leh țan a. Thingpui min han thlit teh kalo in ange, ka dang aro lutuk arawn ti a. Kan thlitsak a. Tichuan a sazu ril khei darh nuaih chu ka chhar khawm a. Pali ngawt mai chu, alu bung alo awm reg mai a. A hma khan alu bung chu. Ka thliar vek tawh sia. Kan rawh nghal kha ani si a. Mak kati rilru viau naa ka zawt duh lemlo, Ama sawi hun ka nghak tawp mai ani. Kawl a rawn eng țan dét det tih chuan, ka thangkamna lam mual ațang hmeichhe thlabar aw hi a chiau vawng vawng mai a. Kan phawk dun hru hru ngei mai. Kan hun tawn hi. Hetiang teh hrep nilo se chuan kan insiam anga thang en tur in kan chhuak zui mai tur hi ani a. Mahse tiang teh hrep chuan, riahzui zel pawh a chakawm tawh mawlh lo ani. Rawng ka bawl a. Pu ruata chu mei ka vil tir a. Sazu chhum pawlh ah tiin mùk hnah la tur in ka chhuak a. Muk hnah no nen a. Pawlzu chhum pawlh hi atui dangdai ve riau ani. Ka kir leh pah chuan thlam bula ka thang chu ka sùt pah bawk a. Pariat ngawt ka awk leh nghal a. Khua avar chiang tawh bawk a. Thlâ pawh amuang leh za'n tawh mai. Pu ruata pawh ngai alo awh ve leh tawh a. Chawbel suanin, kan pawlzu awh chu chhum turin ka siam dawn mek a. Pu ruata chuan kha zawng siam teh suh. A dang hi rawh țha ila, i siam zawk teh ang. Thil min hrilh loh inei chiang mai. Ka thil hmuh atang khan, i awm dan kha kan ngaihtuah let a. Kei aiin i tawng hmasa chiang ani, ati ta a. Za lo zetin ka nuihsuk a. Sazu chu a thau țha deuh tur, a kawgah hmetin kan thlang lawr dan dan a. Kan pahniha eiturin athau țha leh lian țha țhah chu, sawmhnih lai mai kan thlang chhuak a. A ríl la in ka rawh zui ta a. Sazu rawh pah chuan ka thil tawn zawng zawng chu ka hrilh ta vek a. Min en hau mai a. Mak atih hmel kher mai. Engatinge min hrilh miah loh theih zawk. Iva mawl ve minti zek mai a. I awm dan kha mak kati deuh reng ani. Khawsik ni tur chuan, i pang asa miah bawk silo a. Ka ngaih iti țhalo ru reng ani. Ka ngaihțhat loh vang kha ania. I mut dawn pawh a, ka mut ve nghal mai loh na chhan. Sazu ril khei pah khan ka ngaichang ru deuh reng che a. I muhil pangngai viau tawh tih ka hriat khan, rawn mut ve mai ka tum tawh a. Pakhat ka khei leh anga ka mu ang. ka tih rilruk lai mek in. Leihka hi arawn ri țhet țhet a. Thaw ri hreih hreih ti ila, ari deuh huam huam tel bawk. Tangkawng lian tak thawm ah ka chan ber a. Anih pawh ka ring deuh ani. Thlam kawngka lamah arawn ri phei zel a. Ka chem ka va chuh a, ka hawi let kawngka lam pan ka tum chiah tih in thlam kawngka hi hneh zetin a rawn nawr tawlh a. Hmeichhe sam thlah hnenghnuang hi bawkvak ti tih, vak chiah silo. In bengkang ve ùr si hian arawn dak ta mai a. A sam kar a, a hmel leh mit mawlh mai kha. Ka mitthla ah hian a cham reh thei lo. Ka sawi zawng pawh hian kala mur uaih uaih mai. A hmel kha avar puap mai a. A mit lah chu a dum hlang vek ani bawk si. Ruh neilo ang mai khan arawn vak lut a. Ka khawng vek in ka hria. Ka tawlh hnug dawrh maia. Ani lah khan mi thlir vung vung a. Thlam chhuata sazu kha ala a. Alu kha aseh bung hmawk a. A țhial chuap chuap maia. Adag ala leh alu bawk a ei leh a, atak kha chu a eilo in ka hria. Mirâp lutuk a. Ka auchuak lawk thei lo leh nghal. Țhen sùng chung a. Mi rawn melh chiah khan, Ka au chhuak ta ani. Engtik laiin nge a bo ka hrelo. Min rawn sawi khan, ka harh chhuak chauh ani. Ka mitvai anilo tih ka hrechiang hle bawk ati a. A sawi zawng pawn a hlauh zia chu a hmelah pawh a chhiar theih ani. Kan rawh zawh chuan ka silfai a. Muk hnah nen chuan ka chhum a. Thang pawh chawei kham ah sut mai ila. Sut zawh ah. A huho in kan rawh mai dawn nia kan ti ta a. Kan la riak ang nge riak lo ang tih chu kan ngaihtuah ve ve niin ka hria. Mahse, tu ve ve mah in kan sawi chhuak lo thung. Chaw ei kan siam a. Pawlzu thau tawk tak hlir mai chu kan han thur khu vut vut mai a. A vun kan chhum pilh, kan han thur chhuah zawng a athau, an phu hlurh hlurh mai chu, chil ati put duh ngei mai. A pum pumin kan han lek a. A thau tha hlawm bawk si. Kan han lek a, an zawi nguai mai a. A lu țhuai chhumin atak lam chu, vawithum keih ah kan han hmang hmak hmak mai a. Kan tlai khawp mai. Savun ip a keh thei hleinem le...tiin dulhmul khât phùar in kan han ei mai chu, chaw ei kham zial zuk pah te chuan, kan mu thlu lawp lâwp tawh mai a ni. Kan han inti harh a. Kan vaithang sût tur chuan kan thawk chhuak ta a. Zanlam aimah in ka awk tha dawn niin ka hria, ka thil hmuhna thlam ka thlen phei chuan, khaw ên lai mah nise, ka țih ru khawp mai. Thang ka sût zawh chuan, ka inti pachang a. Thlam chhung chu han enfiah vel hrim hrim ka tum ta a. Kawngka inhawng a, ka tlansan ni si kha. Alo inkhar leh vek tawh a. Tih ru viau mah ila khaw êng avang chuan ka hlauhna pawh a nêp in, enfiah ngei duhna chuan min tur tlat ani. Ka pan phei ta a. A kawt ka thleng țep tih in, thlam chhung lamah chuan thawm a awm tlatin ka hria, kan ngaithla chiang deuh a. Hmeichhe țap insum tak, insùt faih faih ri niin ka hria. Thawmdim takin ka pan phei a. Thlam chhak lam bang awng ațang chuan, thlam chhung chu ka zuk bih ta a. Ka rei...!! Khanu bawk kha, min hnungchhawn zawngin samthlah hnuanga alo insùt fuih fuih lai chu ka zuk hmu a. Ka mur uaih uaih mai. Hlau viau e tilo chuan, enchiang deuh tumin kan bih hnai lehzual chiah chu, mitmu dum lianzet mai hian, ka bihna bang awng ah tak chuan mi rawn bih ve kuau mai chu.. Ka hnungtawlh dawrh a. Mawngsawh dawtin ka thu hnawk mai. Rangzetin ka tho a. Ka thang pawh chuh ta lemlo chuan bak lèngin ka tlan chhe phei ta a ni. Ka thauah mi man a. Ka khur nasa kher mai. Kan riahna thlam ka thlen chuan ka thaw deuh huai huai a. Hetih hun hi zing dar8 leh dar9 inkar vel ani ngei ang. Zing chaw kha kan ei hma em a. A ai chuan atlai thei lo hrim2. Pu Ruata nghah pahin, kawta kan meipui chheh chu ka chhem nung a. Sazu rawh na tur, tùl ka siam belh bawk a. Pu Ruata pawh a rawn thleng zui ve mai a. Ka thil hmuh pawh kala sawi duh lemlo a. Sazu chu rawh turin kan buatsaih a. A ril kan khei vek hnu ah tùlah thil in, vawikhatah tul li vel kan lek kawh a. Kan rawh ta a ni. Pawlzu thau reng reng hi chu, rawh laia han in tih sik hlek hian an in char ban chat chat thei roh a, In si miahlo turin kak țe țaw in kan lek a. Kan rawh hmasak apiang chu, buar zên in kan vaw fai zel a. A fai duhin, a rawh asawt bik em em ani. A ziah a ziat fai tur chuan, pawlzu za chuang lai mai. Chu nilengin rawh angai hial ang. Pu Ruata chuan khawnge i thang i dah a. I rawn chhawp lawk em ni a rawn ti ta a. Ka thil hmuh chu. Zep miahlo in ka hrilh a. Kan rawh zawh ah iva en țha leh ang hmiang. Saw thlam ber saw anih ka ring tlat ani. A bul ințan na ber ani ngei ngei ang. Lo dang aiin a hmun hma hrim hrim saw, a țhing bik tlat. Tun hnaiah tlawh pawh a hlawh lo ani ngei ang. A hnim bik deuh bawk, ka ti a. Rawh zo ila, khaw ên lai alawm le. Zan ah reng min tlawm hneh mai a. Chhun ên lai leh zel chuan in rikrâp tir lo teh ang. Tiin pu Ruata pawh a in seh ruh hle a. Kan rawh zo kan han insing sa fel vel mek tih chuan kan riahna thlam neitu, chul bawkbawn leh eng ilo vel lak tum pawh a rawn thleng ve chiah a. Pu Ruata chuan a ril kan kheina tam tham tak ami, a rilbawh vel chu rawt ah atui e ati a. Ala khawm vel a. Mahse, keizawng ka duhzawng ani lemlo. A uih ang hmek roh a. Asa ber a awm chuan ka duhtawk viau ani. Patling ho hi chuan an duh tlangpui. Thlâm neitupa lah chuan, min en duh angreng viau leh nghal a. Min phûng hmuh emw tih mai tur hian, min melh phawk deuh hrû reng mai a. Mahse țha tak chuan kan in kawm tlang a. Thingpui te kan in ho zawh chuan, thang lak pahin, thlam țihbaiawm zet lam a, kal tur chuan kan insiam a. Kan kalna tur kan han sawi chuan, kan țhiana chuan min melh phawk ngei mai. Hriat anei ve tawh chiang ani tih a hmel atang chuan a hriat theih ani. NGawitu in thlâm sawi chu, chhun en lai pawn tumah an kaltlang ngam hleinem. Thangte iva kam amaw...tiin min melh phawk hrù mai a. AW, tiin ka chhang ve mai a. Engmah i hrelo ami. Ka tih chhan tak chu, thawm emaw hmuh leh hriatte inei em ka tihna ania, tiin min zawt hû hû ta mai a. Nei e, nichin ti ila zing lam ah pawh khan hmuh ka nei a. Chuvang alawm ka thang pawh ka rawn tlanchhiatsan vek na chhan. Kati ve ta a. Enge saw thlam ah sawn thil thleng a awm em ni. Ka ti zui nghal a. Aa...va kal phawt teh u. In rawn kir leh hunah ka hrilh dawn che u nia. A tih tak tlat avang chuan, kan zawt lui duh ta biklo a. Huphurh ru tak si, phur angreng leh hlau ru deuh țeuh chungin pu Ruata nen chuan kan phei ta ani. Pahnih kan nih tawh avang leh khaw ên lai anih bawk avangin ka hlauhna pawh phûrna in a chhilh zo titih tawh a. Mahse bang awng ka bih lai vel ka ngaihtuah let erawh chuan, hlauhna chuan min kalsan pumhlum hauh lo tih ka hria. Kan han thleng phei ta chu, hei hi ania. Ti a hrilh in, thawm kan han ngai chang deuh a. Mahse engmah hriat tur a wmlo. Ka thang te pawh ka tlansan dan ngai ngai in, alo la awm a. Thlâm chu pan hnaiin leihka ah chuan kan han chuang kai a. Kawngka chu hreh rilru zet hian kan nam tawlh a. A thaw deuh huau a. A rimchhe kher mai. Ner deuh nâng nâng chung chuan ka pen lut ta a. Pu Ruata pawh a rawn lut ve nghal a. Ava thãng hem huam ve mawle... Sa talhna hmun ang mai lah ni a, ati bul bul a. Bathlar chu kava hawng a. Châr lam kawngka pawh ka hawng tel nghal a. Mahse a thawven phah lemlo khawp mai. Enge maw min uap tlat tu, hriat thiam theih si loh awm ve tlat hian ka hria. Thawmhnaw leh mutbu te pawh felfai takin anih dan tur ang thlap chuan a awm vek na a. Thlam chhung chu danglamna bik a awm tlat. Keini nilo enge maw awmve hian min thlirin min uap ni tlat hian ka hria a. Pu Ruata pawh a rilru chu a nuam chiahlo ani tih, a chet khawr danah a hriat theih. A rimchhe emai, mei hi chhem ila, azia deuh ang. Tiin tap lamah meichhem tum chuan aphei a. Kei bathlar lamah boruak thiang dawng turin ka zuk țhu a. Pu Ruata pawn mei chu chhem tumin a bei mek a. Kan hawi vel chuan, ka mangkhawng kam per chu ka zuk hmu a. Ka hrechhuak ve chauh ani. A hma zawng kha chuan ka thawm hriat leh hmuh ten min tih hlauh em avangin, mangkhawng reng reng kalo hre chang tawh lo ani. Ka mangkhawng kam pawh a per alawm hei, kan en ange tiin bathlar atang chuan ka zuangthla nghal a. Mangkhawng chu chawikang in kan bih a. Sazu lu chauh mai alo delh a. A dang pawh a per vek a. Kan en chhuah vek pawn sazu lu hlir ani a delh ni. Mak kati in mi râp ru viau mai. Pu Ruat an a delh em, a rawn tih pawh chuan delh lo kati ta ringawt a. Mei pawh ka chhem thei lo. A alh duh der lo mai. Lo chho la i haw phei mai ang, awm reng na chi pawh nih loh hi. A mi uap ana emai ati zo chiah chu. A țe țhawt a. Rang takin ka tlan lut chho nghal a. Enge nita kan ti vat a. A hlau hle ani tih hriat tak hian, a khur deuh der der mai. Aw khur dat dat hian, haw phei phawt ang ati ta tlat a. Bathlar leh châr lam kawngka chu kava khar sawk sawk a. Kan chhuak zui ta ani. Kawngka pawh chu ka nam khar a. Mangkhawng dai huang chin kan chhuk chiah chu, Thlâm chhungah chuan. Han țum thla țak ni awm takin thlam chhuat chu ari dawt mai a. Ngaihsak zui ta lemlo chuan, Ka thang chu ka pu a. Kan phei san ta nal nal a. Ka tlawmngai ru ang reng viau mai. Chhun en lai tak ngial pawh a. Meikhup a kan han kalsan dawr dawr mai chu, dawih ka inti in, nep thlak hle ah ka ngai tlat a. Mahse, a hrechiangtu kan riahna thlam neitu pa kha thil zawh chian phawt țha katih avangin, tlawmngai ru hle mah ila, engtia han tih vak ngaihna awm heklo. Kan haw phei ta hnu hnu mai ani. Thlam kan thlen chuan, kan țhian a. Pawhin, a chawhmeh lak te chu alo thliar hrang vel mek a. Kan han lut chu. A hma a, min hmuh tirh ang bawk khan, minlo melh phawk hru mai a. Min hlau deuh ni ber in ka hria. He (thlahrâng nge ramhuai) hi a hrohrang ana hle anih ka ring nghet tlat tawh ani. Patling pui si, ți dûk a, an che vel chu, nuihzat thlak rual rual in, ka khawngaih takzet ani. Kan han awmve tak ah chuan athlamuang ta hle ani tih ka hre mai a. Enge hriat inva nei leh lo maw a rawn ti seuh seuh a.Pu Ruata, melh ngai melh a. Lo ngawi vung vung chu kan ko a, a phu deuh dúrhin ka hria. Enge nichin khan i hmuh a. Han swi teh. Hei kan țhiana pawhin a hreve chak anih hi. kan ti a. Â eng dang nilo e, meichhem ka'n tum kha, a alh țan dawn chiah tih ah, rawn chhem hlumtu awm ang mai hian athi leh hmuk zel a. Bathlar ataga i zuanthlak rual ciah khan, ka hnungah hian palian takin a. Min uap khùr ag hi ni ber in ka hria. Ka thau ah mi man a. Ka tiril a khur der der mai ani. Ka rawn koh pah che a. Kan hawi let kha. Pawn lam ațang khan bang awng kar a mitmu dum lian zet, tle deuh rù hian minlo bih kuau mai tih, Ka'n hmu chiah kha ala khap fuk zui leh ghal a. Ka țe thawt in ka hria ati ta a. Kan țhiana chuan a ngaithla uluk kher mai. Thlam chhungah in lut amaw...ati hu hu mai a. Kalo hrilh nghal lo che u atin ni. Thang la tur ringawtin emaw in kal dawn ka tih vang ania. Zan chu sawi loh. Chhunah takngial pawh tumah hnaih gam an awm tawh hleinem. Lo a riak ngam kan awm tawh hek lo. Hmeichhia phei chu, mahni a feh ngam pawh an awm tawh hleinem. A huho lo chuan tumah an feh ngam tawh lo. Kei ngei pawh hlau chung chungin ania kalo kal. Chawhmeh kan mamawh bakah, atu vak feh ngam talo chu, chawhmeh hralh te a nawm phah a. Pa ho erawh kan hah phah ta deuh anih hi anti a. Ti hian asawi zawm ta a. Lo kan vah lai kha abul tum tu leh a ințan na ber ani awm e. Anni saw...nupa rek an ni a. Fa an nei thei lo aniang kan ti mai a. Lo kan vah lai hian buk khat ah kan riak ho a. Kan thlam char deuh mai ah sawn, tuilak arem bak ah, hmun zawl lai anih avang sawn. Riahbuk kan sa a. Mi sawmhnih vel zet kan riak nghe nghe ani. A neitu pa sawn, alo vah ah zawng luruh ro a hmuh teuh thu asawi in. A rawn ak haw nghe nghe a. Keini ho chuan, tiang hi upa in an duhlo asin, dah let leh la chhuahsan leh mai rawh kan ti a. A ni lah chuan, chungte zwng hmanlai puithuna mai mai alawm. Tun hnu ah te zawng engmah ani lo ang ati tlat mai a. Pahmei tihtakah vah pawh avat zo har a. Buk khat a riak ho ta chu, a zo hmasa apiang in a la zo ve lo te chu kan inpui tlang zel a. Tuna a thlam thlang lawk ah mai sawn, thingzik bul lianzet mai a awm a. Kawihruiin a zam hnan buk luih mai ani. Chung thil te kan han hmuh lehzel tak ah chuan, chhuahsan mai teh kan ti leh a. Riahbuk a kan riah lai hian zantin deuh thaw hi, saw lo mual vel ah sawn rammi hi an kuk rûih rûih țhin bawk si nen. Kan ngaih ațha thei thlawt lo ani. Ani lah chuan hmanlai thil alawm ati tlat bawk si. A zawm duh tak miau loh avagin kan khap duh ta biklo ani. Tichuan, lo hal alo hun a. Thingzikbul a kawihrui zam te kha kan chhat vek kha ani si a. Alo la hring hlap mai. A puithu deuh chin chu kan ngaih ațha lem lo khawp mai. Lo kan han hal te chu arâpthlak asin aw.. Saw thingzikbul sawn, huai anei chiang ani. An kang țan ta maw, tih ațang an kuk chuah chuah mai a. A alh nasat vanglai phei chuan mei alh thawm kar ah, mihring mangang au ri leh țap thawm te chu ari chuah chuah mai a.A râpthlak duh kher asin. Puithuna neilo tan pawh han ngawih liampui mai chu thil harsa tak ani. A neitu pa ber lah chuan, ti khan ramhuai ho chu an kang hlum vek mai dawn lawm.. Hlauh tur a awm tawh tawp nang ati vel mai mai a. Thlai chi te kan han thlak a. Engmah sawi zui tur pawh a awm ta chuang lo a. A neitupa ber lahin engmah sawi anei ngai silo a. A țha ni hmiang kan ti ngawt mai ani. Mahse, amah kha pa tum tlang tak, hetiang lam thil huai leh thlarau lam hlau lo leh huaisen tak alo ni aniang. Buh lak zawh vek hnu. Buh chhek tantirh lai khan, tunang boruak hi kan hriatah arawn ințan ta ani. An nupa a anriah lai ania. A lehlam pang a. Arì pa saw.. Khuaah pawh a thenawm pa tho ania. Saw sawn, sunday a lui kal turin chäm pui ah sawm atum a. Chhun chawlh lai a. An thlama ava kal chu alo inkhar khap mai a. An haw tawh emaw ati hman a. Mahse, thlam kawngka do loh leh Leihka a, an nu êm an hmuh takah chuan, koh pahin thlam chu apan a. An chhang silo chu, Thlawhlaiah an awm anih a ring ani. Lo nghah tum chuan, thlâm an hawng a. An dak lut chu, anpa zawk chu alo in khai zuar mai a. A thi tawh tih hriat takin, alei pawh aseh tut mai ni awm e. An nu lah chhuat ah mutbu darh nuaihin alo la mu a. Ava sawi chu, ani pawh alo thi khawng ve reng mai chu niin. Mangang zetin rî te ho a ko khawm a. Keipawh haw tum a. Kalo insiam lai ania. Midangin min rawn ko a. Kan inpun khawm zel a. Ruang chu kan la thla a. Khua ah zualko kan intir bawk a. A țhen anlo haw hman tawh avangin, patling sawm rual vel bak kan awm silo. Tichuan ro kan han rel a. An nu zawk hi a țhenin zawn haw ila. Pahnihin anpa ruang lo awmpui se kan ti ta ani. Zualko an kal tawh tho bawk a. Muangchangin mipui nawlpui tawk turin an nu chu pariat lek chuan an zawn haw ta thung a. Kei leh ari pa ber chu ruang nghak ah kan țang ta a. Khua hi a hla tham ve a Mahse, khawthim hma chuan ruang zawn tur pawh anlo thlen hman tho arinawm. A zawnna tur hlâng siam nan, mau sat turin kan chhuahsan a. Kawngka pui leh charlam kawngka inkarah, a lu kawngka lam hawi in, a ke char lam ah kan dah a. Puan in kan khuh a. Kan chhuahsan kha ani a. Phulrua leh hnang vel kan lak zawh a, thlam kan han thlen leh chuan ruang chu thlam dung tan zawng hian, a saisir in bang lam hawi hian alo mu kawm ngul mai a. Mak kan ti ngei mai. A rùm deuh țuah țuah in kan hre pek a, alo harh leh anih ka ring deuh ani. Koh pahin kava kuai her chiah chu, ka tawlhlet rang kher mai. Lei sehtut chung hian a mengbial kul a, ameng rângruai mai ani. Mahse, rei ani lo. Mitkhap kar lo ah, mut țhat pangngai in alo mu leh then si a. Kan mitvai erawh ani lo tih ka chiang. Kan pahnih khan, kan hmu chiang em ani. Kan tha khur zawih zawih pawh kan inhre tawn tlat. Kei ai mah in arí pa sawn ala hlau lehnghal. Hnaih pawh kan hnaih ngam tawh silo a. Thlam chhunga awm lah nuam kan ti heklo. Pawnah ruang zawn tur nghah pahin, hlâng kan siam ta ringawt mai ani. Chutìh lai vel te chuan a rum leh dût dût țhin a. Vawikhat laiphei kha chu, minpui ru ti tlat hian ka hria a. Ka huaisenna zawng zawng sawmkhawm in, thlam chhung chu ka zuk lut leh a. Mahse, alo mu țha thlap lawi si. Tichuan, puanin kava khuh țha leh a. Khua pawh athim ve țep tawh a. Ruang zawn tur lah chu, an rawn thleng har hi kan ti em em khawp a. Thim hnu a. Kan pahnih chauh a. awm chu ka zuam nganglo ani. Arì pa lah chu. Hlau tih hriat reng reng hian, a meng zek zek mai bawk si. A tlan thut mai ang tih hlau reng rengin ka veng ru khâr mai ani. Thlam chhung lamah lah a rawn phun leh bul bul țhin a. Patlin a har duh kher mai. Mahse, chhaklam atang an rawn kuk ta raih râi'h a. Ka thlamuang suai suai mai. A zawn tur ho an rawn thlen takah chuan, rei riallo in kan zawn haw ta ani. Ruang thlak hnu karkhat na velah, a pu zawn (a nupui pa) in kâichhan a sawm a. Khawtlangin an buh te kan phurh zawh sak ta vek ani. A luhlul leh huai em avang khan, engmah asawi ngailo mai mai anih kan ring ta ber. Ramhuai ho thinrim in a. An sawisak hlum ngei anih kan ring ani. Buh chhek leh pawltuam ten kan riak leh ta hlawm a. Chutah tak chuan ani tun ang dinhmun kan thlen tak. Amah aiin, an nu zawk kha a inlar nasa a. A hrohrang pawh ana ngang mai. An rì pa bawk saw, atawng leh hmasa ber tu ania. A lo mawng ah sakhi a chhuak țhin ani awm e. A channa te siamin tlaikhat chu a châng ta a. Ni atla fel ta maw tih ah chuan sakhi pawh a hùk dum dum mai a. Kah ngeiin inringin a phur kher awm asin. Vau ah thawm a rawn nei țan a. Ên laia kah ngei inring in, thawm chu a ngaithla a. Vau atanga sakhi lo chhuak zân zân chu a hmu ta ani. Khua pawh ala eng țha a. Êng hman ngai miahlo in silai pawh ala bihchhuah theih vek ani. Kah arem deuh zawk nan tin reng chung chuan alo chho hnai zel chu, athlir reng a. Vau lamah chuan thawm dang a hre leh a. Pahnih anni maw..ti rilru chungin alo nghak a. Mahse thawk leh khatah sakhi chu hlauhnei tih hriat zet hian a tlan ta phut mai. A hùk tuarh tuarh mai bawk a. Vâu lam an hawi thla chu le.. A rì pa nupui ngei kha, bawkvak ti ila, a kuta in beng khalh ûr chung leh a ke lam pawh a dâr hmalam ah vek awm si in alo melh chho run mai ni awm e. Ama sawi dan chuan, milo enrun mai chu, A sam lah chu a hmel var pep puap lang ruai thei si hian a thlah hnuang mai a. Mitmu dum bial kul in, minlo chhoh thlir vung vung mai a. Mirâp kher mai chutah le.. Maimawm kal ang tak mai hian, a ke leh kut hmang chuan, ka lampan in a rawn vak chho zut zut mai a. Ka hlau lutuk kha, ka chânna ațang khan ka tla nge, ka zuangthla pawh ka hrelo. Ka thidang ani maithei. Mahse, areilo aniang ka harh leh kan mengchhuak chu. Ka bul lawk ah hian alo țhu run mai a. Rapthlak zet hian milo nuìh vur vur mai lehnghal a, Ka țe nasa kher asin. Ka silai leh torchlight te chu ka tlansan vek a. Khua ka rawn tlan thleng zak in ka hria. Ka rawn haw dan ka hre mumal lo hrim hrim ani ati. A khawsik pawh asang khawp mai. Kan chân dawn emaw kan ti hman a. Mahse, nithum hnu velah chuan, alo harhchhuak leh thei a. Tun thleng hian ala feh leh ta reng reng lo ani. Saw...mi ral zau tawp ber ami te pawh saw.. An sanghal chân chhuah, a um sak chiam mai a. Sanghal hlau ngèk ri te kha anuih zui chiam mai ani awm e. Tu mah hian an sawi țha vak duh tawh lo a. An chhungte hmaizah ana in. An chhungte ngei pawh hi an zak ngwih ngawih mai si a. An khawngaih thlak kher asin. A hmeichhe pa ber hian tiang em em zawng khawinge, tih dan te a awm tak hlauh in ati a. An thlamah sawn zankhat a riak a. Ani pawh biak theih loh in a awm der mai. A rawn țhat chhuah hnu ah lah engmah asawi duh silo a. Enge atawn pawh hriat va ni suh. Mahse, makve deuh chu, khawchhungah an inlar ngai tlat lo ani. Ma'si hma deuh khan, tleirawl (rawlthar) paruk pawltuam tur in an kal a. Darsarih vel ațangin an tuam țan a. Pathum ve ve in an ințhen a. Lo tawntirh ațang leh zautawp ațanga tuam tawn a,a laia in tawk turin an in siamrem a.. Zautawp ațang rawn tuam tu te chuan. "Lo li(4) vel kan tuam tawh ag. Thlam pawh kan vuak pah zel bawk a. A panga na kan tuam leh țan dawn mek a,Sazu pawh antam hmel kher mai. An chik nauh nauh mai a. Pawl pawh a sut sut mai bawk. An tam hmel em avagin kan phurin, a dang aimah in kan fimkhur lehzual a. Len chu uluk zetin kan han zar a. Pahnih in changin ate ber leh naupang ber chu kan chiltir ta a. Mahse sazu thawm anasat tehreng nen, engmah man tur a awm reng reng lo mai. Pakhat te mah chilchhuah tur a awm ta miahlo mai a. Thlam lamah erawh sazu thawm chu ațha lutuk tlat. Thlam chhuat ah te chuan an in um ri țùk țùk mai a. An chik țuah țuah mai bawk a. Kan hai aniang thlam a sazu thawm chu pawl ami emaw tiin kan hriat pawlh anih kan ring ta zawk a. Thlam chu kan pan phei a. Mangkhawng dai vel chu, a kua zawng zawng kan hnawh a. Tichuan kan inpeih hnu ah pakhatin thlam chu avaw țan ta, leihka alawn rual chiah chuan thlam chhungah mihring pen thawm kan hreta a. Thlam hnuaiah sawm kan nih avangin kan hrechiang khawp mai. Riak an awm anih kan ring a. Kan țhiana lah chuan a hlap pawp pawp mai..Thlam chhungah lutin meichher nen, a hlap ri pawp pawp mai si,"Antam lutuukk..kha an rawn tlan chhuak ania" ati chel chul a, mahse pakhat mah rawn tlanchhuak an awmlo. Ani lah atam thu ringawt sawiin thlam chhungah ari téng tùng mai bawk si a. Mak kan ti ngei mai. Thlam hnuaiah kan in en dun ho rigawt a. An rawn tlan chhuak lo reng reng tih pahin kan han dak chho chu, thlam chhuat keu meuh hian hmeichhe pakhatin min lo melh kuau mai a. Kan țe nasa dun kher mai. Tlanchhiat pahin kan țhiana Thlam chhung a awm chu kan ko a. Ala rawn chhuak lawk lo leh nghal a, piah deuh ah dingin kan au a. Thlam chhungah khan hmeichhia a awmve ania. Kan han ti mai chu, a rawn petek chhuak rang ngei mai. A meichher te chu a rawn hrut țek phei chuai chuai mai a. A meichher eng ah chuan a hnunga rawn umzuitu hmeichhia pawh kan hmu thei. Kan hlau lutuk chu a rawn thlen phei hma hma chuan tlanchhiat leh mai kan tum a. Mahse hmeichhia chu kan hmu ta miahlo mai a. Kan țhianpa lah chu, hlauh na chang a hrelo nge, kan din vang a tawi muang hrut hrut mai a. Lo phei vat vat rawh haw ang kan han tih takah chuan a rawn kal chak pheive ta deuh a. Kan bul alo thlen chuan, "khawnge nichin a, heta in inkar a dingve samsei var phek phuk deuh kha??"...a rawn ti ta mai a. Kan hawi phawk ngei mai. Kan han hawi kual a, engmah hmuh tur awm bawk silo. Tuam tawhlo mai ang u.. Kan țhiante kha va zawm vat ila, duh leh kan tuam ho tawh mai dawn nia tiin kan țhiante pawh tur chuan kan phei ta a. Lo thum vel kan thlen phei chuan kan țhiante mangang au țe thawm kan hria a, kan dingchat a. Kan ngaithla țhap mai..A tawntirh lam ațang a. Tuamtu te sawive dan chu,"kan țhiante kal liam ațanga reilote ah lo hmasa ber a pawl chu kan tuam țan nghal a. Sazu pawh sawmhnih lai kan man nghal a. Kan phur khawp mai. Muangchangin thlam te pawh vuak pah zel in kan tuam phei zel a. Pu Tläng-a te thlam kan thlen chuan, a reh tlawk tlawk mai a. Tinge maw ni, a hma in engmah kan hre silo a, thawklehkhatah a reh em em ringawt mai ani. Rannung hram tak ngial pawh hriat tur a awm eih lo. Kan ngaih ațhalo tlang deuh aniang, hlauhna in min man tlang vek ni tur ani. Kan in melh hrek hrek mai a. Pawl chu tuam in lente kan zar a. Mahse hlauhna riau kan neih țheuh vang aniang kan ți-in kan tang hru vek mai a. Tichuan pakhatin pawl chu an chil țan ta a, chil țan an tum chiah kha thlam chhungah chuan rum nghut nghut ri hi kan hreta a. A chiang si a. Kan phawk tlang ngei mai. Pu Tlänga te lah an riaklo tih kan hrechiang a. An feh haw kan tawk tlat ani. A chiltu in atum dan leh chil dan ang rem chuan a rum nghùr nghùr mai a.Mahse, kan lenzar chu sazu in a rawn tawn puar tak zawt zawt ah chuan kan ngaihsak hman talo. Sazu chu kan talhtum kenin len chhanah chuan kan vaw risk zawt zawt mai a. Sazu che an reh fel takah chuan thlam lam bengkhawn ran leh tang deuh hru chung chuan kan sazu vuak chu kan han enchiang ta a. Amak kher mai, alu bung hlir mai hi anlo thi rum mai a. Makti taka kan in en he haw lai chuan thlam ațang chuan hmeichhe nui uar uar thawm kan hre ta a..Thlam lam chu kan han èn vat a. Bathlar ah chuan hmeichhia kawrfual var dal lampang ha hi alo țhu run mai a. Thlam chhunglam a hawi tlat avang chuan a hmel kan hmu thei bawk silo. A kun deuh a, Engemw thil eilai nei ang mai hian, alu leh a kut chu a che deuh reng a. Nichin khan bathlar leh kawngka te khi a inkhar vek sia, a hawn lai awm reng reng thawm a awm bawk silo. En tawh suh ka hlau ania, pu Tlänga fanu apasal nen a thlam athi rigawt kha niang tiin torchlight neitu ber chuan kan țhianpa hmehen kengtu chu a rawn khap a. A sawi zo hman awrh tih chuan hmeichhia chu a rawn inher țual țual a. Thlam bathlar ah chuan a ke a rawn thlak thla a. Kan lam hawi zawng tak chuan a rawn țhen ta țhu mai a. A kutah sazu pahnih a keng bawk a. A zahve lai a eitawh leh nghal a. A rawn țhen thi sùng mai chu, kan rak nasa ngei mai. Khawilam nge kan pan pawh ka hrelo. Eng kengtu tlan na lam apiang ah chuan kan zui a. Minla rawn nuih uar uar mai bwk si. Hah lutuk a, kan din tawp hma chu kan tlan char char ni mai. Mumala thil ka hriat leh chu.. Kan țhiante zautawp lam ațang a rawn tuam tu ten min rawn auh vak vak ri ka hriat chu ani mai. An meichher eng chu kan hmuh veleh kan pan a. Kan intawh khawm meuh chuan, thla pawh amuang ve deuh tawh ani. Kan thil tawn te chu in hrilh tawn in, kan sawi tlang a. Haw mai chu kan ti thlu ta a. Tu man tuam chhunzawm kan duh tawh loh avangin kan haw ta a" anti ani. An sawi dan pawh a in ang vek bawk. Nangni pawh zanin chu riak tawh lo mai ruu... In chungah thilțhalo athleng palh hlauh ange ati a. Anih leh tih reh dan ngaihtuah leh fiah tum in awm tawh miahlo em ni.?? Thlam te saw hal ta ila, areh mai lo maw..? Intum chhin tawh reng reng em..? Kan tih chuan, ka sawi tawh ang khan fiah tum leh tih reh dan ngaihtuah a, lo a riak lui hi chu antam tawh mai. Ama pa ngei pawh khati kha ani a. Tumah anla hlawhtling lo mai nilo in, han tum zui ngam an awm tawh lo ani. Thlam hal te phei chu, tum ngaihna pawh awm tawhlo. Chhun en lai pawn tumah an kal tlang ngamlo a,kan hnaih ngamlo hrim hrim zawk asin. Ka rinaiin in hlau lo daih mai a. Zankhat bak riak ngam an awm ngai hleinem. Riah leh inla tum nge in haw ve nghal dawn. Haw leh mai rawh u. Thlahrang pawh nilo in ramhuai an nih hi. Lo kan hal laia țap thawm leh mangang au ri ka hriat te kha ka bengah hian an chamreng a. Ka feh apiang hian ka hre nawn thar leh țhin ani ber. Khu..kan hnuai ami te rí chiah pawh khu, an pa ber khu FAL veng turin kumthar hlim khan riah tumin a kal a. A thlam char leh lam leh lamah pìt fal leh țhùmi fal asiam a. Chumi veng tur a kal chu ania. A sawi dan chuan "ka thlen ve leh hnuhma (sava hnu) chiar leh chiar loh en pahin buh ka chah a. A delh chu khai kangin ka kam ta nghal a. Tichuan thlamah rawgbawl pahin ka chang a. Lo mawng zawl a Zawng delh ka siam pawh chaw ei kham a zuk enfiahah kati a, ka rawgbawl pah chuan, ka thlir phei tawn zauh zauh reng a. Pít rual hram ka hriat chuan, kan en vat a. Mahse, an lut duh reng reng lo mai a. A bul lawk thingzarah chuan an fu țhup mai a. Beiseina nen phur tak chuan ka nghak(thlir) reng a. An țeh hak a. Lut tur chuan an rawn bir thla suau a, mahse lo hnawt tu awm ang mai hian hlauh hmel zetin an thlawk darh ki kawi nuaih nuaih ta mai a,mak kati kher mai.An han inhawr khawm leh țhin pawn an lut ngam reng reng lo mai a. Mak kati in ka beidawng ta deuh a. Chaw ka eisan ta a. Țhùmi tuak leh vel pawh thingzar an rawn bèl phawt a. Luh tum an han bir thla chiah chu, hlauh nei tih hriat tak bawk chuan an thlawk kir leh zel mai a. Thingzara an fuk hnu thleng chuan, an awm țha lai hle hle chu Sairawkherh a han perh ang mai hian hlau zetin an thlawk darh suau mai a. Ka beidawng chuan lo mawng zawl Zawng delh ka siam chu zuk kam turin ka chhuk ta a. Bawkbawn no te ka chah a, ka chah ngamna tawktarh anlo eizo vek bawk nen, an hnuhma athar bawk a. Ka phur kher mai. Ka kam zawh chuan ka chhoh san ta a. Ka chhoh pah a Kan hawi chhuak chu thlam chhak thingro zar vel a Țhumi leh pit rual fu khawm țeuh chu ka han hmu a. Hmanhmawh leh phurzet chuan ka chho thuai thuai a. Thlam ka thlen hnu fe pawh chuan luh an tum reng reng lo mai a. Pit rual phei chu hlauh nei tih hriat zet hian a țeh darh huk a,an bo zo ta vek mai si a. Engtizia nge mawni ti rilru reng chung chuan, țhùmi ho chu tlar thar țhap chu beisei takin ka thlir reng a. An chezia leh hawi vel dan ah chuan, ka buh chah lam reng reng an enlo tih ka hre ta. An en(melh) lam chu kan chhuizawn a. Buh kungro kar a, mihring țhu niawm tak hi kava hmu ta ani. A tu chu ni maw. Enge maw atìh reng le, saw ta țhut ngawt mai pawh chu ti rilru neuh neuh chung chuan kava au ta a. Kha...tunge ni, ngahnge khata i țhut reng, lo phei rawh. Sava iti hlau a, luh pawh an luh ngam loh kha,, kava ti a. Ataksa che map lo hian alu arawn her kual a, mi rawn nuih ta vun vun mai a. Țhumi niawm tak a kenlai chu, keih thla in, atep chup chup a. Khatiang em ema râp awm kha kala hmu lo, a mengsen rûm mai bawk si, min nuih dan reng mai kha, nuìh țhat a nui ani lo hrim hrim bawk nen. Ka tha'u ah aman a, ka khur ti tih der mai. Sava han thlawk ri phur phur ri hi ka hria, ka hawisawn lawk hlan chuan alo bo daih mai a. Ka ngaih reng ațha thei lo. Hlauhna in min tuam a. Ka lungphu thlengin a su dup dup mai ani. Chutih lai vek chuan, lo mawng lamah zawng chiau thawm ka hreta a, ka in ngaihtuah harh a. Ka phur thar leh ta, a delh ngei ringin en tur cuan ka chhuk ta nghal a. Alan theihna chin ațanga ka thlir thlak chuan, a per(delh) ngei ani. A delhtu che dut dut pawh ka hmu thei. Phurzetin ka pan thla a. Mahse, a bul vel a. Zawng dang an awm miahlo chu mak kati deuh a. Ka phurna in min hneh em avang chuan, ngaìhtuah zui lemlo in ka chhuk mawp mawp mai a, ka thleng țep tih chuan, hmeiche țap han in sut deuh hliam hliam ang ri hi, ka hreta tlat pek a. Ka ding chawt a. Mahse, mihring delh thei tur khawp a lian anih loh bakah mihring chuan thang ani tih a hre ngei ngei dawn tih ka hriat avang chuan ka pan phei a. A delh chu kan pawt (chwi) kang a. Ka rei...! ataksa zawng nisi in, alu kha hmeichhe lu ania, athi hnuang mai bawk si. A sam hnawk nuaih mai kar atang chuan, thei leh theilo hian, a rawn dak a. Mi rawn melh țawk țawk mai. Ka hmulthi te a ding vek in ka hria. Ka vawn ka thlah a theihtawp a chakin ka tlan chho ta ani. Min nuih zui awr awr mai leh nghal, ka hnungah min rawn um ni tlat hian ka hria a, ka hawilet ngam tawh silo. Thlam ah pawh lut kawi ta lo chuan, in thlengin ka rawn tlan chhe haw ta ani" ati. A rawn thlen atang a. Ni li vel chu biak tawng theih miah loh in a awm a. Karhnih chhung zet khwasik in a na zui ani. Tun thleng hian ala feh leh ta miah lo bawk. A mi rîkrâp dan hi kut thawh zawngin a che lo ti ila, saw thlama riak te saw chu a khawih țhin ngei anih kan ring. Kan pasalțhate pahnih finfiah a, atih reh dan a awm beisei tu te pawh, zankhat an riak a. Atuk khawvar țantirh ah khua an rawn lut(haw) leh nghal ani. An taksa, mitko, biang, hnungzang, tih vel pawh a duk tlek tluk mai. An nghawngah pawh rehna tih hriat deuh hnuhma a awm kulh va ve ani. An thiltawn erawh an sawi duh țhak lo thung. An ni pahnih meuh pawh atlawm avangin, tumah hian kan bel hnai ngam tawh lo. Feh ringawt pawh hi kan țih ngawih ngawih tawh mai ani. Sawi tur atam. Sawivek sen pawh ani lo, nangni pawh haw ve nghal ula kati khawp mai. Ka sawi țhaih che u nilo in, ka hlauhthawn pui vang zawk che u ani e ati ta a. Chhun chaw fak te alo hun hnai ta bawk nen. Rawngbawl pahin ka in ngaihtuah a. Ka rilru chu riah leh tumin ka siam fel ta ani. Pu Ruata'n haw aduh tlat anih ngawt loh chuan, riah leh ngei a. Ka ngaihtuahna hi finfiah ka duh tlat ani. Chawei kan siam a. Pawlzu kan hmeh pui avangin lawmthu te asawi a. Haw ve nghal turin, min tur pah reng bawk a. Ka riak leh ngei dawn ani. Pu Ruata pawhin aduh ngei ka ring sazu man tum a, riak ka ni a. Ramhuai hlauh vanga patling pahnih kan tlanchhe haw anih chuan, ka zak khawp ang. Kan chhungte pawh an hmai zahawm alawm le, Pu Ruata ngaihdan pawh ani ve ngei ang, tiin kan cho phur pah zaih a. Ani pawn naupang zawk mahin riah leh i duhte chuan, kan riak leh anga ni mai lawm. Kan pi i (hmeichhia) kha nelawm tak nilo mahse, kawm ngeih dan pawh a awm mial maithei asin ati ve ta a. A nih leh kapu khawchhung lam ah an inlar ve em, ti a ka zawh chuan, in lar lemlo e. Khua ber anti ralkhel lo hlauh a. Ram lamah erawh a khawnawta min rikrâp na hian, minti țhuanawp anih ber hi ati a, ka ngaihtuahna te chu a dik ngei ka ring nghet tulh tulh mai. Ka beisei tlat bawk ani. Tun ang hun leh kumah ramhuai hlau a, A khaw pumin feh an han awl phah chu ka lungdam thei nganglo ani. Kan pi leh pute hunlai, kristianna lo luh hma daih pawn, mipa chuan inlam leh ram lamah nu-nau leh tar chaklo zawk te thlamuantu niin. Sa leh râl lakah, khawtlang tan an inpe a. Thlaâi te ko in, hûai leh khawhring thlengin an hnawt chhuak țhin ani ngai a. Hetia, kristian inti ve si, ringtu diktak ni a inchhal tan chuan, atlawm thlak kati hle ani. Kan hetih avang hian ramhuai pawh hian min zuam ania nge. Kei ngei pawn nizan kha chuan ka hlau hle ani si a. Tukin zing thlengin hlauin ka tlanchhia ani a. Ka zak ngawih ngawih mai. Hlauh vanga inlam a. Ka haw anih leh lek phei chuan, ka in ngaidam thei tawh ngai dawn silo. Chuvangin ka kristianna leh ringtu ni a, ka inchhal ve na hi ka finfiah dawn ani, tiin ka ingaihtuah thinrim a. Tlawmngaihna thinlung pu in ka inti huaisen lui a. Eng pawh tawk ila hlau lo tur leh hmachhawn ngam turin ka rilru ka siam fel ta ani. Chawei kham chuan kan țhiana pawh haw turin a insiam a. Kan pawlzu awh sa chu, vawikhat hmeh kan sem ve bawk a. Alawm kher mai. Haw ve nghal tur a, min sawmna erawh a țhulh phah lemlo. Țha takin kan inthlah a. Min ngaihtuahna mitmeng hlauhthawn hmeltak chu, rilru ah hriatsak reng chungin kan thlah liam ta a. Keini pawh vaithang kam turin kan inbuatsaiha, zau hla lam ah kan insuan ang nge. Heta țang kan kam ang tih kan inrawn a, kan luh tirh ang kha chuan kan tha tho zat tawh lo ani tih a hriat theih. Kan inbe tlemin, kan ngaihtuahna kan kawm vel ani ber. Kan ngaìhtuah chu, in ang chiah lo pawh ani thei e. A bul erawh a thuhmun ngei ang. Keiin angaia riah leh a. Nimin lam a, kan kam loh lam zautawp lam chu kam mai ka duh a. Pu Ruata'n insuan chhuah a duh thung. Mahse, kei chuan hetah riak leh ila, kan țhiani kha chu khawiah pawh a kal thei tho bawk a. Kan riahna kan sawn leh sawn loh hian awmzia anei dawn chuanglo tlat. Zâu tawp lam pawltuam tute hnenah pawh a inlar tho a. Chuvangin, he chulram chhungah na nana hi chuan kan tlansan thei dawn chuanglo. Kan pahnihin ințhen hranglo in kam dun zel ila, zanah pawh kan vèl dun aga, kan pahnih in kan hmachhawn dun zel tawh dawn nia. Tiin ka rawtna chu ka hrilha, ani pawn ațha alawm tiin a aw ve ta ani. Tichuan thangkam tur in nimin a, ka kam hmabak atang kam tur chuan, zâu tawp Lam pan chuan thatho lo zetin kan inpu chhuak ve ta a. Thlam țihbaiawm tak chu helin hmabak ațang chuan, zau tawp lam hawi zawng chuan kan kam phei ta nghauh nghauh a. Thlawhlai kawngțum pui thlanglam ka kam a. Pu Ruata'n kawngchhak lam a, Lô ho chu a kam ve bawk a. Zau aùo țha tak anih avangin kan inhmu phak deuh reng ani. In auh phak reng anih avangin, zanlamah pawh kan èng chhit ațang, kan in hmuh theih dawn avangin atihzia hle. Sazu kawng te chu athar țha in, a bel țha hlawm bawk a. Thangkam nuam ti ta reng reng chuan, phûr zetin ka kam mawlh mawlh a. Ka hlauh rukna te pawh kalo hrechang leh tawh lo. Pu Ruata rawn aû vaû vaû ka hriat rual chuan, ka hawi chhuak vat a. Ka chhak thlam leihka ah dingin min rawn ko hi alo ni a. A âw te chu hlauh nei tih hriat zet hian a khur țial ruan mai. A sawi ka hriatchian theih deuh nan, ka bul a. Sawntlung pawng ah chuan ka'n chuang kai a. Enge nita..tiin ka han chhawn a. I bul a kha... Kha i thlang lawk a kha..a helkual reng che ania.. A rawnti a, kan hawikuala engmah ka hmu ve silo. Ani lah chu hlauhthawn hmelzetin a au chel chul mai bawk si. A sawi ber pawh ka hre hleithei lo. Ka en reng lai chuan, a awmna thlam hnuaia hmeichhe kun kât kât hi ka han hmu a. Samthlah hnuang mai, kawrvar ni chiah silo. Avar tih loh theih ni hauh silo. Kawrfual var da lam ni berin ka hria, ama lampam chuan a kun phei zel a. A hnuai zawn tak atang chuan a thlir chho ta vung vung mai. A han ban leh zuau thin a. Ka'n hmeichhe hmuh ngei kha ani tih ka hria. Pu Ruata chu theihtawp a ringin kan au let a. Kha i hnuaia kha arawn ban che ania..kalsawn rawh a pawt thla ang che...tiin ka'n hrilh a. Ani lah chu keima lam chiah buaipuiin, a ban avaia, a kawk kual vak vak mai bawk si. A rawn ding hmawr tulh tulh leh nghal. A hnuaia mi chuan a pawh thlak mawlh ka hlau ani. Kalsawn rawh pawh thlak che atum ania tia ka auh lâwm lawm pawn hrethei heklo. Keimah mawlh chu min ko reng mai a. Hmeichhe nu chu ka lam a rawn hawi a.. Thinrim hmelzet leh hmusit mitmeng tak hian min rawn nuih vûn vûn ni hian ka hria..kan inkar chu ținkhat hmun vel bak ani hauhlo. Mahse tawng kan inhre pawh țha thei derlo silo a. Kan âw..chu inhre pawh tho mah ila, sawi ber hriatchian theih heklo. Hmanhmawh zetin ka tlanchho a. Kalsawn turin, ka auh pah reng bawk a. Ka hah tawh em avangin auh pawh ka au thei tawh lo. Ani lah chu hlauhthawn hmelzetin alo au ve reng mai bawk si. Tlan chak rawh a rawn um che ania, rawn ti mai hian ka hria a. Ka dinga kan hawilet chu, Engmah ka hmu lo. Kawng ka kân chho a. Ka han hnaih deuh takah chuan engmah ka hmu leh tawh lo. Ani pawh a ngawi hle hle tawh. A thaw deuh huai ni tur ani. Minlo thlir veng veng mai a. Ka han thlen chhoh chuan, engeni min koh vak vak a. Thlam hnuai atang arawn ban vak vak che kha i hmulo ami..a pawt thla ang che tih ka hlau lutuk a. Ka rawn tlanchho anih hi kati ta a. Ani lah chuan, phawk zetin awih loh loh tur anih chu. I hnungah khan a zui reng che a. A rawn ban zuau zuau lai che kha ka hmuh avangin ka hlauthawng in ka rawn au che alawm. Khatia ka rawn koh ve leh che khan i thlanglamah a hel che a. I hawi lohna lam ah a kalve zel bawk si. Ka mangang kher asin, i rawn tlan chho pawh kha. Bawkvakin a kut leh ke hmang kawpin a rawn um che a. A rawn vak chho zut zut mai bawk si. Aman tawh ngei dawn che maw kati hman a. Kawng i kan chiah khan a let leh ta nih kha ati a. A hlauthawng ngang aniang a țawng khur dar dar mai. Ni maw..engmah ka hmuve hleinem. Hei leika hnuai atang hian kan țhiani ngei kha ani tih ka chiang. A rawn ban zuau zuau che a. Kalsan turin ka rawn au vak vak che nih kha.. Ka sawi i hre theilo anih ringin, a pawhthlak che ka hlauh luatah ka rawn tlanchho ringawt alwm. Kan bula a awm hmu theilo ve ve siin, kan inhmuh tawn sak ve ve bawk si anih ber chu. Amak hle mai, minti hah hrep leh nghal a. Ka thinrim hlur mai. Engzatnge i kam tawh kan ti zui zat a. Sawmruk vel aniang. Ka phur tawh thlawt lo ani. Haw ve mai ania ka duh ni. Riah leh kha kalo âw pui ngawt che a. Ka inchhir rum rum tawh mai. I haw zawk mai ang hmiang ati ta hlawl mai a. Ngawiteh pu Ruat ti zawng hian han ngaihtuah ve teh, huatthu ah lo lalo la kapa rual inih avangin, ka thlamuanpui em em che a. Patha tak ini bawk a. Kei tlangval phanchang zet tawh pawh hian pa-te enin ka en thin che a. Ti hian haw leh ta ringawt ila, i zak ve dawn lo emni. Biakinah te thu i sawive thin si a. I sawi leh ngam dawn emni. Ka inkhawm ngai loh avanga min kamkhat tu ber ini a. Nangmah vang hian chawlhni a ramvah leh luikal te pawh ka sim phah asin. He thil hi nangnen kan ti tawp anga, sawi nuam ila ti viau ang. Inti pachang la, min kaihhruaia min uap lum ka ngai ani. Ti rawh zanin chiah ani mai. Haw pawh tum ila, kan kam sa sùt leh chhung nen khua in min thim hnan tho tho tawh dawn. Ka bula a awm i hmu leh anih pawn min rawn ko tawh lo la. Keipawn ka rawn au tawh lo ang che. Țanpui kan ngai anih erawh chuan kan in au chauh dawn nia, tiin ka chhuksan leh a. Eng em thleng tawh lo in, khawthim hma in kan kam zo ta a. Haw phei pahin vau a. Mau chu i sat teh ang, meichher siam teuh ila, a khat tawkin kan dah anga, zan lam ah kalpahin kan chhi zel anga, min ti thlamuang tu atan ațha dawn asin tiin, mauro kan sat a. Meicher tel lian zet zet sawm lai kan siam a. A khat tawkin mualdung laitak a bething zamna hlui thingkungah te chuan kan phuar bet a. Kawngdung si, a eng hmuh thui theih na lai zel ah kan țawn bet thliah thliah a. Thlam kan thlen chuan, rawngte bawlin kan titi mai mai a. Nizan ai chuan kan kam hnem bawk a. Kan awh țhat zawk ngei pawh a rinawm. Kan vêl țhat peih phawt chuan, nizanah mah zasawmnga dawn lai, kan awk ani a. Vawithum tal vêl ila, thang zahnih ah chuan kan awk hnem duh ngawt ang. Sazu antam ropui si a. Thangkam ngailoh leh pawltuam mumal loh bawk nen tiin, a phurawm zawng hlir chuan ka ngaihtuah a. Ka sawi phur sauh sauh bawk a. Mahse, kan țhiani nelawm na reng reng eilo kha, engtin nge arawn chet ang tih erawh ngaihtuahna ah a châm ve reng bawk. Thim hma in thlawhlai hnaivai a. Thingro te chu meipui a chheh turin ka pu khawm a. He ramhuai hi tih reh dan leh umbo dan a awm ngei ka ring tlat ani. Ka ruahmanna erawh pu Ruata pawh ka hrilh duh lem lo. A remtih ka ring tlat lo a. Naktuk ah haw hma a. Tih ngei ngei ka tum tlat thung. A tawpna ber tur tiin ka put lai chu thlam lam ka panpui mek a. Khua pawh athim thet thet tawh a. Unau hmelhai hunlai vel tak ani. Thlam ka thleng țep tawh tih chuan, ka hnunglam atang ka thingput chu min rawn phihthlak sak lawp mai a. Ka koki pawh athip sa zawk mai. Han chelh hneh rual anilo. Ka chem phawrh pahin, ka inher vat a. Engmah hmuh tur a awmlo. Nuam chu ka ti chiahlo. Mahse, hlau ang a, awm ka tum tawh lo hrim hrim ani. Nizan leh tukin ah reng min tlawm hneh mai. Ka tlawmngai ngawih ngawih tawh mai ani. Muangchangin ka thing chu ka'n la kang a, ka pu leh ta a. Thlam lam a Pu Ruata țe țhawt ri chuan miti phu zawk mai. Hmanhmawh zetin ka tlanphei dawr dawr a. Thlam kawtah, ka thingput chu ka keuh dawt a. Leihka ka zuangkai chho nghal a. Thlam kawngka a Pu Ruata chemtum nen a lo ding ùr mai chu, ka hmu nghal a. Ka tihpalh ani ka hmu teh thut lutuk a..ka phuzawk kha ka au chhuak palh ani. Ka țha tawh e. Min ngaihtuah duh suh. Tui kha dawh tum in ka chhuak a, kha hmeichia bawk khan, thu chungin alo dawt kiang kiang pek alawm mawle..ati a. Chaw ei pawh ka peih vek tawh e. Kan ei dawn em mi niang ati nghal a. AW...i thu thu ni mai, meipui hi kan chhep anga, kan chhem nghal ange.. Chawei lai lai chuan, min tih buai loh hram ka beisei. Mei éng te chu a zahve deuh mahna ti a, tawng mawlh mawlh chung chuan, mei chu chhem kai in. Ka luhsan ve ta a. Chawei kan siam a, pawlzu thau țha tak kan thur khu leh vut vut tawh a, hei hi ani a hmun a duhtawk leh ren map lo a, ei theih hi aman hla in ati hlu tu ani a. Theihtawp in ei nghek ang aw.. Savun ip a keh thei hleinem tiin kan kil dun a. Kan ei țan deuh chiah tih chuan, thlam kawt a. Ka meipui chheh chu chhemthei a mei kan han chhem rik heuh heuh ang mai hian, a rawn chhem ta heuh heuh mai a. Meialh ri hlap hlap leh chhemthei ri rât rât rî chu kan ngaithla kar a. Tih teh, ngaihsak buailo teh ang. Kan hriat sa vek tawh anih kha maw..thawm mai mai zawng, i intih buai tir lo teh ang. Puar deuhin i ei phawt teh ang. Duh leh hmui kawh luah in lo chhem teh se. A alh țhat alawm maw kan duh le,,, tih pahin Ngaihsak buailo chuan kan eita mawlh mawlh a. Pawlzu thau tak mai duhtawk a. Han lim zet zawng, a duhtu tan chuan, vawksa part kim hmeh ai pawn ai pawn, vanram min hnaih tir zawk in ka hria. Puar êl euh a kan ei hnu chuan hmun te kan han ti fel a. Chawei kham thingpui hâng in kan han chhilh zui leh a. Thingtlangpa tan zawng a tluk dang reng anuam a awmthei biklo. Sum duh vanga dawtsawi angaive lo a. Thenawmte ram nek lam Leh țhenwm khawveng in nghirngho na ten hmun an changlo. Ani asin, thingtlang tiin sawi thin mahse, kan neihtawk ah kan lungawi a. Nitin kan eikhawp kan dil țhin ang bawk in, eichawp zawngin kan chhuak a. Pang a dam a. Eitur kan neih chuan kan hlim a. Dawt hmangin sum kan zawnglo a. Hah tak leh thlantui luang zawih zawih a. Kan thawh chhuah sum chu renchem takin kan hmang a. Aizawl pa hausa leh sawrkar zem zen ten, kumtin a Lo vah leh hal te chu min sel sak thin mahse, kan duh leh phur vanga vat kan ni bik miau silo. Leilet neih a. Huan thlai kumhlun neih te chu chak ve hle mah ila, kan siam leh enkawl chhunga eitur kan neive miau silo a. Kumtin a hma thar la a, Zum leh hriam kara kan paltlang hnu kan tha leh tui sen na chulram te hi ngai leh lungleng em emin kan kalsan angai leh thin si. Mahse, hei zawng khawvel kalphung alawm le. Ti teh thang vêl a hun ania..enge i ngaihtuah veng veng ti a, min han biak takah chuan ka harh zawk a. Ni maw...ka inpeih ani mai e, iva en chhin ang hmiang. buhpawl hi ak phei ila, meichher chhemkai nan khan a tha ang tiin, buhpawl chu ka ak chhuak a. Kawta kan meichhem pawh alo rem țep tawh alawm le. Gaihsak loh chuan a chhem rei peih der lo nih hi tih pahin ka chhawm țha a. Pu Ruata pawh a nui deuh huk a. Thangkam na lampan chuan kan phei zui ta a ni. Thui pawh kan la kal hma chuan, thlam tihbaiawm tak lam atang chuan, patling rawl lian zet mai a rawn kùk ta luah luah mai a. Kan hmalam mual atang chuan anlo chhawn sup sup mai. Kan han in en dun ren rawn a. Minlo lawm dan tur chu engpawh nise.. Thil phurawm tak zawng ani mawlh lo ang. Țhiante ho chu, kan chhuah leh chhuah loh an in hrilh ani maw.. Pawisa duh bik hlek lo ila ni mai. Kan pahnih a. Kan tan dun phawt chuan engtin mah minti thei bik tawp lo ang. An mi zuam ang ngawt chu kan va ni tawh dawn hlei lo em..tiin ka infuih a. Hmalam pan zel tur chuan hma ka hruai ta ani. Kan meichher dah hmasak ber, kan thlen phei chuan, ka buhpawl ah chu a hmawr ah kan zep a. Ka hal alh a, a kang kai țhat hnu a, hmalam kan han pan leh țan chiah tih chuan, chhak leh thlang atangin an kùk leh ta rùih rûih mai. Pu Ruata chuan i țhiante chu an tam hmel hle mai, engtin nge ni dawn. E,,,i zâm deuh ta mai em ni. Engtia han tih vak ngaihna pawh ka hre biklo. Hlau miahlo a, hma chhawn tawp ani mai.. Kan țan dun phawt chuan engmahin minti hlau lo ang kalo ti mai sin. Zâm lah lo e..naupang mai emaw kalo ti che a. Mahse, nangmah atang hian ka inhmu chhuak a. I kiangah hian hniak khat pawn hnung tawlh lo turin ka ding reng ang. Ka hlauhna te pawn min kiansan ta. Hriatchian châkna in ka khat ta zawk anih hi. Ti rawh anih tur ang ang chu nih tirin, i han hmachhawn dun teh ang. Zantira kan hmachhawn dan hian, tlaivar kan daih leh daih loh tur a hril ngei ang. Mizo val sa leh ral lak a tlan ngailo. Țhian chhan thih ngam kan nihna chu i han entir ang hmiag ati a. Minti phûrin, minti huai sawt mai. Tichuan le, kan thangkam chu kan enphei țan ta a. A awk duhin nuam pawh kan ti leh țan ta viau mai. Mahse, thlam inhlatna lai chin kan thlen chuan, kan kamna lam ve ve chu kan pan angai ta ani. Kan èng erawh kan inhmu pha reng tho a. Kan meichher țawnbeh kan hal te pawh an alh eng țha khawp mai. Thlam laita ka thlen chuan. Ka thang chu a per ri khauh khauh mai a. Ka'n èn kual a. A awk ngei ani tih hriat taka per kùl deuh pa'n ang hian a awm vek a. Ka phur kher mai kan pawt phawi a...mahse, a awk hauh lo. Ka kam țha a, ka vit phun leh mai a. Adang pawh chuti tho. Mak kati viau na a, kan hun tawn nen chuan a in hmeh tho. A ngùl a rùl aniang ka tih leh a rùl chuang silo a. Ka kam țhat hmasak apiang chu aper ta zel mai bwk si. Ka ning lutuk chuan, a nih nih ni teh se. Tiin thlam dang ka pansan ta daih a. Ka hnung leh hma ah chuan kalve an awm chiang mai, ka light èng rawn su chat(kalpel) tu a awm leh zauh țhin. Ka hnunga mi lah chuan, min bawh dawn emaw tih tur khawp in thawm arawn nei țhin a. A hnung leh deuh a. A rawn hnai leh țhin a. Ka mur ru chuaih chuaih mai, ka tukhum pawh a hik tha duh kher e. Ka inti huai lui hram hram a. An zuam tur a awm ka tum tawh bau lo. Thlam thlang lam a ka thang ka enlai chuan, thlam leihka han rap ri rap rap ri chu ka hria a. Ka han chhun(èn) vat a. Kan thiani ngei mai khan hmaivar pap hian milo en reng mai a. A mengrang vek mai bawk si. Ka phuchiang kher asin. ka light ken pawh ka thlauh țhelh ani. Ka'n chhun chiang leh vat a. Mahse, a awm tawh lo. Ka inher a. Hmalam pana kal kan tum chu, ka ipte hruiah chuan min pawt bet ta tlat mai a. Hneh rual ni heklo kan hawilet chiah chu ka hmai si thelh hian mi lo bih ngur mai chu niin. Ka per dawrh mai. Ka khur nasa lutuk chu inthunun hram hram ka tum a. Ngam leh ngamlo in ka light chuan kan chhun khur dar dar a, engmah hmuh tur a awm leh talo. Mahse, za em em hian kawr dung khawk rum rum in min han nuih ta awr awr mai a. Ka hmulthi a ding sung sung mai. Pu Ruata hi enge a an ang aw,, ti rilru chungin, a éng zawgin kan hawi chho a. Engmah hmuh tur a awmlo. Ka ngaih ațha thei ta tlat lo. Ka thang pawh ngaihsak lo chuan, a kamna lam panin ka chho a, Ka au țhin, a reh vung vung mai bawk si. Ka koh vak vak na chu hmeichhe âw in deuh sawh tak a, min nuih awr awr ri chu, chhanna ka hriat chhun ani. Chhuna min rawn auhna hmun thlam kha ka pan chho zel a. Ka ko reng bawk a. Ka hnung lawk ah lah chuan, koham hmel zet mai hi a rawn thaw ri huam huam mai bawk a. Ka thlen chhoh rual chuan, thlam leihka chu ka chuangkai nghal a. Auh vak vak pahin ka light chuan ka ènkual pap pap a. Thlam chhungah chuan hmeichhe han nuiri ker ker hi ka hria a. Ka nam hawng a. Ka dahluh rual chuan bathlar lamah chuan a phe thla vuai ka hmu hman, enge tih ka hrelo a. NGaihtuah pawh ka ngaihtuah hman lo. Pu Ruata mawlh chu khawnge a awm ang aw. Ka auh lah in thei reh tak hian areh vawng vawng mai bawk si. Ka light ka hmet thim a. Leihka ah chuan thawm ngaithla in kan ding vang vang a. Rùm thawm ka hre tlat mai, damlo chau tak rum ang mai hi ani. Khawi ațanga lo chhuak nge tih hriat tumin, chiang lehzualin ka beng kan chhi a. Ka awmna thlam hnuai chu ni tlatin ka hria, arang arangin ka tlan thla a, thlam hnuai chu ka zuk chhun èng a. Pu Ruata engmah hrelo alo mu chu, hmeichhe nu bawk khan alo thutchilh a. A lo zut hauh hauh mai. Ka light eng ah chuan ka lam hawiin a rawn țhen țhu mai a. Ka ta nih hi ti ni awm fahran hian mi melh kul mai a. Ka zam ngei mai. Engtin nge maw ka tih dawn le..hlau ru zet chung chuan ka pan hnaia, pu Ruata ke chu kut khur dar dar in kan dawm chat a. A vawt vek leh nghal muangchangin kan pawt țan ta a, Chutah hmeichhe nu chu kha a tawlh hrut a. Min enkuau chung chuan, ataksa leh alu chu akapkar ah a awm vek a, ke pali nei ang mai hian ka chhaklam ah avak phei hruau hruau mai. Mi râp takzet ani. Min enkul mai bawk si. Engtin nge min tih atum ka hriat miau loh avangin, râp in hlau hle mah ila, ka enve lo thei silo a. Ka light chuan ka ên reng a. Pu Ruata nikhawhrelo chu ka lam ah ka pawt hnai hret hret a. Chu ve leh ramhuainu chuan mi rawn zuan ta mai a. Ka ding zawt chuan Thlam chhuat ka han tauh chawrh a, ka kun leh rang kher mai. Mahse, kha nu khan min zuan thlu tawp dawn emaw ka tih laiin, ka taksa chu a sut rualin a ral vek a. Thinrim zet a, a khék thla tuarh tuarh ri chu zuih ral in. Ka lu na pawh ka hrechuak ve nghal. Kan dap a, alo pawng ul mai. Mahse, ka na ai chuan pu Ruata chu ngaihsak angai zawk tih ka hria, alu kan chawikang a. Amar te ka dek a, ala dam tih ka hriat chuan ka thaw huai mai. Ka pawm kang a, avawt ngiak mai bawk si. Thlam leihka ah chuan ka mut a. Thlam chhunga puan awm ang ang chu la in ka tuam a. Ka chevel chu min thlir rengtu awm hian ka hre tlat pek a. Pakhat mai pawh nilo ka bul velah chuan min bial luih niin ka hria, heta awm ringawt chu a dik dawn lo tlat tiin, ka puan silh chu puak nan hmangin han puak ka tum a, a zawi vek bawk si. Leiah ka dinga, leihka ah chuan kan kuaițhu a. Kan paw dawn țhin ka hnungzangah chuan a in nem khalh tlat mai roh a. Ka'n enchianga a zawi ngaiin ala zawi vek bawk si. Puak luih hram tum a. Ka hnunga ka dah dawn apiang chuan a in nem khalh tlat zel mai a. E he hê,, ramhuai ho mai mai chuh, kava paw awm tho em aw..tiin a kut pahnih chu kala a, ka darah bang liamin ka paw lui ta a, kan riahna thlam lam pan chuan ka phei a. Kan meichher hal ho kha alh reng reng a awm tawh lo. Ka light chu èng reng turin ka kalh a. Ka seh kawh nghal a. Pu ruata lah a èk chhe rih phian leh nghal, mahse kawngțha pangngai ani hlauh zawk a, ka hnungah lah min zui tu an awm chiang mai leh nghal, a châng phei chuan an rawn bet ve ta mai emaw tihturin a rit leh thut țhin, pai khawt khawt chung chuan thlam pawh ka hnaih ve zel a, Thlam kawt ka thlen chiah chuan, pu Ruata chuan mi rek ta mai a. A kut bawra mi reklo in, aban chuan min kuah(rek)bet tlat mai. Alu leh taksa lah chu a zawi vek mai bawk si. A damțha pangngai ai in a chak zawk daih. Tih ngaihna dang awm heklo le..ka pawt phelh zo silo. Kan bin țhuai mai a. A rawn rum chhuak ta nghut a, kava pawm tho vat a. Rum țuah țuah chungin, a rawn mengchhuak a. Khawnge ka awm engtizia nge ka hnung leh kâwng chu ava na em em ve aw arawn ti a. Kan riahna thlam leihka ah chuan țhut tir in. Ka meipui chheh rém tawh chu kava chhawm țha a. Thlam chhungah ka kai lut ta ani. Mei te ka chhem a, thingpui chhuangkai in. Tapah hian lo țhu rawh. Meilum hi lo aila, damdawi kan la ange tiin, damdawi chu kava dap(zawng) kual a. Thingpui hang nen chuan ka lem tir a, avawt ti khur beuh beuh pawh azia țan tawh. Engtizia nge, heta kan awm ngawt theih. Thang kan en emaw tia, kan haw lai pawh ka hriat der loh, i light eng ka hmuh loh avangin ka au vak vak che a. Min chhang thei silo, ka mangang in ka rawn zawng che kha, thlam hnuaiah nikhaw hrelo in ramhuai hmeichhia ilo tawmpui pek alawm mawle, a duh hle che aniang, chhuhsak a har khawp mai. Keipui sahauh tak meuhin a hauh che a, a lo zut hliau hliau mai che sin. Hmu ve la chu, i lawm viau loh pawn i hlau hle ang mawle...khur zawih zawih chungin, ka chuh thei hram che nih hi. Enge hriat inei miahlo ami. Engtin nge thlam hnuaiah khan ilo awm ngawt theih. Ka hriat chin chu khatia kan ințhen hnu khan, ka thang kha ka en chho zel a, ka hnunglamah hian palian zet hian min zui niin ka hria, kan hawilet chu engmah ka hmu hlei law,,. Mahse, bething zâmna hlui thingro a, kan meichher țawnbeh i hal kha palian zet mai, dum rên run hian, alo vel thur thur mai hi ka zuk hmu a. Ka mur nghal chuaih thei. Ka rawn en che a, i light eng ah khan i hma lawka ding palian pui pui pathum ngawt ka rawn hmu bawk a. Ka rawn au țep che ani. Mahse, chhuna kan thiltawn kha ka hrechhuak a, i hmuh ve hmel chuang silo a. Ka au duh talo che nih kha, meichher lam ka han en leh chuan, paliana khan, meichher kha tih hlum atum nge ni, a beng țek chuai chuaih mai a, hlau hle e tilo chuan, ka thinrim thut in, neltlang lian deuh ka la a, ka zu vawm pek alawm, zana thil vawm chu a fuh duh antih ang ngei in ahnungzang ah ka zuk vawm fuh kawrh mai, a keh per pawh mei êng ah ka hmu chiang khawp mai. Ka lam arawn hawi chho chu meichher ên loh lam mah nise. A hmel kha chhûn ên lai ang mai a,chiangin ka hmu ani. A thinrim mitmeng rangruai mai leh a hmel bumro lutuk mai khan mirâp takzet bawk. Thawk leh khatah ka hmazawnah alo ding reng mai a, arim thâng huam mai leh uih thur hur mai te kha kala hre hialin ka hria, thinrim lutuk mai hian mi melh a, a kâreh zau zet mai, an âng sen huam mai chu, thlivawt zet hian min chhem zui nghal a. A bak chu engmah ka hrelo. He thlam kawta min rawn tun thawh kha ka hriat leh chu ani mai. Nang ițha maw.. Engtin mah anti lo che mi ati a. Ka awmdan leh ka hmuh dan te ka puak phei dan te chu ka hrilh ve ta a. Zahthlak hle mai, u zawk si buaipui ngaiin ka awm ziah mai a, ka nep takzet ani. Nilo e..chuti zawngin ngai suh, ka chungah pawh athlengve thei reng alawm. I vanduai mai mai ani zawk. Khawnge kan sazu awh te chu kan phawrh ange, en pawh kan enkim hman ta silo a. Pawi chailo mai, tiang teh hrep ai chuan, zingah chauh kan en tawh anga ni mai kati a. Ka awhsa chu ka phawrh a. Sawmthum chuangzet chu kalo awk reng mai. Pu Ruata ipte chu kan phawrh ve a, mahse sazu lu hlir mai alo awm a. E..he..! Kha nu khan a eisak che ni ngei ngei ang. Alu aiin atak a duh ve tawh anih hi. Paih mai ang aw..tih pahin thlam char lamah ka theh chhuak ta hlawm a. Mutna ka siam Zawh hnuah, Thlam kawta ka meipui chhem chu ka han chhawm țha leh. Ka luhsan leh hnu in Thingpui hang ka thli a. Mut hma chuan kan dawm dun leh rih a. Rin aiin an reh rei mange aw..mutna hun pawh min siam ka ringlo asin le.. Ka ti zo chiah, thlam kawtah chuan phun ri bul bul thawm a rawn awm ta. Kan ngaithla dun kar a. Chhemthei pawh ari leh hlurh hlurh nghal a, pakhat mai an nilo. Thlam hual vel chuan an țawng noh noh mai. In hnial buai ni awm tak an ni. Kan piah thlam țihbaiawm lam ațang chuan palen hmelzet, awthum ring țha zet hi a rawn kùk luah luah a. Chu ve leh thlam bul vel chu ari sung sung a. Phunri bul bul leh ri ser ser ri te chu, a rawn kùk na lampan chuan an ri phei noh noh mai. Min ținsan dawn aniang kati, ti rawh imu ang hmiag, zan hmasa mut țhat loh nen kan vak chau si a, ka mutchhuak riau ania tiin, mutna lam ka pan a. Ka mu fel hlawt tih ah chuan, thlam kawta han khuh kharh ri chuan, beng averh zawr mai. Kan in en he-haw a. A rawn khuh leh kharh a, leihka a rawn rap ri ta a, pawn atang chuan inla meng em..lo lên lawk ka tum a.. Ka rei lo ang arawn ti ta mai. Mihring aw ngei ani. A fiah fel khak mai bawk si, mak ka tih em avangin chhanna chang pawh kalo hrelo, pu Ruata chu tap ah ala awm a, ani chuan la meng e..lo lut rawh alo ti a, keipawh muthmun ah bawkkhup zawngin ka inbeng kang a, kawngka lam chu kalo en reng ani. Thlam kawngka tlengrelh chu nam tawlh in. A rawn pen lut ta a. Palian lampang hmel fel tak, zaidam hmel dap mai hi ani.. A mitmeng a fiah țha hle a mahse, lungngaihna pairuk nei ang hrim in a dul deuh ruih a. Pu Ruata chuan, pângthing tan bun țhutthlengte atan a, sui thuak thuak chu lo pe in. Tap ah chuan țhuthmun arem ve nghal a. Vaithang in kam em ni. In awk țha bawk em tiin, han țhut rem pah chuan an zawt a. Pu Ruata chuan, nia hei kan han kam ve chu ania, awk tha tur pawh kan ni a mahse, tum dan in thil akal ta lo a. Beisei ang in kan awk țha dawn lo tawp mai. Nang enge itih ve zawk. Sa chang ka tìh dawn che leh silai i ak mang bawk silo a. Midang hmuh pawh kan lo inbeisei vak hleinem. Ti teh kha i chhawl a hal ange, thingpui hang hi han lem ve mai mai rawh tihpahin, athlit sak nghal a. Kan inlengpa chuan mirawn en a, mei eng a. Ka’n hmuh chian leh zual phei chuan ka hmuh hnu ni tlat a. Hriatna ka nei ani. Ani min endan pawh mak kati khawp mai. Khawiah nge ka hmuh tawh aw...ti a, ka ingaihtuah lai chuan ka rilruah chupa chuan thu arawn sawi tlat mai. Vala muhil rawh. Inbulah ka awm rei hman dawn lo. I mumangah ka rawn bia ang che. Rawn ti tlat hian ka hria a. Makti tak a, amah ka han melh chuan, beisei leh ngen ngawl tak mitmeng hian minlo melh a. Chu thu bawk chu min fah mawlh mawlh niin ka hria, pu Ruata țawng mawlh mawlh pawh chu ka hmu reng mahse, a sawi engmah ka hrelo. Mutchhuakin min zem chiai chiai a. Kalo muhil ta aniang. Ka mumang ah chuan, chupa chuan minlo hruai a. Kan awmna chu alo inthlak thuta, buh hmun thlam pakhat kawtah hian kalo ding reng mai. Mi Pakhat hi thlam ațang chuan arawn chhuak a, a hnungah hmeichhe kawrfual var da lam ha, samsei hmelchhe lemlo tak hian arawn zui chhuak a. Chutihlai mek chuan, Thlam thlang lam atang palian hmelchhe tak tak hi an rawn chho a, chumi te nupa chu man in an rawn sawisa ta chiam mai a. Nikhaw hrello a, an awm hnu thleng chuan an chhir an țum chawrh chawrh mai bawk si. Va puih tuma chet kan tum chu, ka che thei hauhlo. Zahngai tura auh ka tum lahin, ka țawng chhuak thei bawk silo. Engmah hrelo leh che theilo a. An awm hnu chuan thlam chhungah an zawn lut ta a. An rawn chhuak leh chuan, a hmeichhia zawk chu a duhlo chung an hruai lui ta ani. Mak ti taka ka thlir liam hnu chuan, thlam chhungah kalo awm reng tawh niin, Hmeichhia kha an rawn hruai chhuak khan ka hre sia, mahse thlam chhuat ah alo mu bam mai, ami pa zawk chu harsa ti zet hian a rawn tho a, hmeichhia chu ava bawihsawm ta ani. Mahse, athi ani ngei ang, ațap ta zawih zawih mai, hnam hrui chu la in, in awhhlum atum ta mai a. Va manbeh tum a, ka kal tur chu min hruaitu pa kha ka bulah alo awm reng chu niin, milo dawm bet a. I pui thei hleinem. Thil thleng tawh ka hmuh tir mai mai che nih hi ati a. Kan en chiang a. Inawhhlum tum mek tu chu amah ngei niin ka hria, an in ang chiah ani. Ka ngaihtuahna chu a hria ani ngei ang. Keimah kani alawm. Ka luhlul vangin ka nupuiin athih phah a. Ka in awk hlum ve ta ani. Nichin ami te kha, he hmun a, lo awm țhin ramhuai sual an ni a. Ka nupui thlarau kha an man avangin ka thih hnu ah pawh khawhar takin ka awm a. Amah ang a inlar in, an sawisa țhin ani. CHu chu nang hian min chhansak la ka duh ani. I ngaihtuahna ka hrethei ang bawkin an hreve thei a. Thlam hal itum ruk rauh rauh kha, tihtawp dan tur diktak ani a. Ti ngei ang che. Tunah pawh mangang in an buai mek ania, I hlauh miau loh chuan an khawih na thei miahlo che tih hria la, i tum kha hlen ngei ngei ang che aw.. Hlau duh miah lo la. Tichuan, nangmah hlauin an tlanbo vek mai ang. Kha an rawn tih țhaih leh dawn che ania, zam reng reng suh ang che. An rawn hnai ta, ka ținsan tawh ang che. Ka sawi kha hre reng la, zing ni chhuah ațanga van laizawl a herliam hma ngeiin, i thiltum kha i hlen ngei dawn nia tiin, aral ta riai riai a. Ka harh ve nghal hlawl mai. Ka harh hlawl kan hawi chhuak chu, tap bul chhuatlaia, tui taka lo mu hnar sêk sêk pu Ruata chu ka han hmu a. Engtizia a chhuatlaia mu ngawt nge maw anih le..a vawh tehreng nen ti rilru chungin ka tho a. Vawt ka tih deuh avang chuan mei chu kan thai dùr e katia, aling aram pawh alo awm tawh mang dêr lo.. Ka muhil rei viau emaw nile.. Zanlai vel tak anih dawn hi thingpui chhuang ila, vaithang vel pawh a hun tawh viau ang tiin, mei chu ka chhem chhuak a, thingpui ka lum nghal bawk a, pu Ruata pawh a rawn che țual țual a. A rawn harh ve ta, rawn inbeng kang in, ava vawt em em ve..khawnge kan inlengpa kha arawn ti hu mai. Tap lam rawn pan pah chuan, khapa khan makna riau anei tlat ani. Enge han sawi fak tur chu ka hre lemlo na a. A țawng tlemin, kei kha ka țawng mawlh mawlh mai niin ka hria. A en vung reng che a. Ka lam arawn hawi khan, sawi chu aneive ngei a. Mahse, ka hreta chiah lo, Mutchhuak in min zêm nasa lutuk a, inlengte han mutsan ngawt chu ka tih avangin, chhuatah hian kan tluzal ange katia, kalo muhil zui nghal mai aniang. A haw lai pawh ka hre der lo mai. I thawm ah ka harh a, vawt ka tih ziah pawh ka hre chiah alawm, ti mawlh mawlh chungchuan, tap meilum chu a hnaih hrauh hrauh a. Ka mumang ka ngaihtuah a. An rawn hnai e..ti khan min hrilh tak kha mawle..thawm pawh chu anva rawn nei har zawk ve mawle.. An thawm awm ngaichangin ka beng kan chhi ru deuh a, a reh vung vung mai bawk si.. Reh tak ani. Ka thawh tirh nen a inang hauh lo. Rannung hram tak ngial pawh hriat tur awmlo reng reng. Pu Ruata’n kan țhiana haw lai chu i hria em, enge i ngaihtuah veng veng ka biak mawlh mawlh che pawn min chhang hauh lo mai chê… A rawn tih chuan ka ngaihtuahna ata ka harhzawk a, chhan ka tum mek lai chuan, kawl arawn phe zawr a. Țèk atla ta dúm mai. Khawpui ari kal ruah ruah a. Kawl a phe zuai zuai a. Ruah mal lian tih hriatBreng reng hian thlam chung a rawn deng ri nghal phuar phuar bawk. Thlî a rawn tleh tel nghal vâwk vâwk mai. Hnahthel ro leh vaivut a rawn lenglut chum chum bawk a. Châr lam kawngka leh bathlar phei chu phih hawn țhuai ang maiin a rawn intheh hawng lawp mai. Kan tho rual zawt a. Kanva khar țha sawk sawk a. Hnâng leh hrui kan hmuh ang ang chuan kan han țawn țha mawl mawlh a. Pu Ruata chuan, tun ang hunah te thlipui, ruah leh ték nen a Han beih tak vak mai pawh chu... Khawpui te lah chu ari ang dur dur a. Chu pui thli a rawn thleng leh dawn e..anti zui zat a. Kan piah mual ațang chuan, arawn ri phei hùm hum mai. Vau a, mauro kua te chu ari vu hlawrh hlawrh bawk a, thingzar tliak ri leh tlu tur auh ri tuarh tuarh ri te chu a rapthlak kher mai. Thli hlau mi lo tan pawh ngaingam tak a. Han awm theihna chi rual ani lo. Thlam arawn chhem chu a nghing lawih lawih mai a. Thingzara kan han chuan a. Suk buk ler tih pah a, duhtawk a, kan su țhin kha ka tehkhin ber. Thlam chhung ațanga min sawi chhuah tum ang hrim in, min sawi lâwp lâwp mai ani. Thlam bang te lah chu chhunglamah, a rawn chhem puar zawt zawt mai a. Bathlar leh kawngkhar te chu chhung lamah a rawn nek lut lek lek mai. Chhuat lah chu arawn len phawk leh ur ur țhin a. Kan bawhbet leh rih thin. Bathlar leh kawngka vawn beh ngai bawk si.. Kan indaih lo ngei mai. Thli anat luat ah kan mei chu kan leih hlum a. Bati chhit theih heklo le. Torchlight êngah kan vei tawn thiak thiak mai ani. Thlam chung lah chu a hlip mai dawn emaw tih turin ari țhawt țhawt mai bawk si. Ruah nen thlipui nen, kawlphe zawr zawr karah tèk atla ul ul reng bawk a. Khawpui ri ruih nen, rapthlak tak ani. Pu Ruata chuan amak kati ngei mai, hetiang thlipui reng reng ka la hre ngailo. Khawpui arik dur dur hi chuan, thlipui hi areh zui ve mai țhin si a. Hei zet chu a thawk kawp tlat mai bawk si..engti dan nge maw ni tehreng...asawi zawh hma chiah chuan patling han au ruah ruah ri hi kan hreta a.. Khawpui ri dur dur in a rawn chilh zui a. Kan awmna thlam chu thli chhem pawh ani tawh lo. Min sawi lawp lawp mai. Nui khek awr awr ri leh phun ri mur te, mangang aurawl leh in nuihsawhna ri te chuan thlipui ri hum hum chu a chhilh anita ber mai. Kawlphe zuai zuai kar a. Pawn lam kava nak chu le, thlam hual vel a. Mi lo ding khup mai chu kava hmu a. Kawlphe leh țek tla engzuai karah chuan, thlam lam an rawn en thup tih pawh ka hmu thei. An hmel ka hmuh theih leh hriat dan ber chu thlakhat zet zawt phum hnu rawn tho leh ang mai an ni. An thawmhnaw te lah chu, kang bang ang mai, a thler uai hneng hnuang mai bawk si. Pu Ruata’n a hmu ang tih hlau tak chung chuan, kava bih leh a, rum nghut nghut chungin thlam lam panin an rawn kal bu tlawih tlawih mai a. An chezia ringawt pawh rapawm tak ani. Nausen han țap țe rawng rawng ri te chuan beng averh hneh ngang mai. Nu chang mangang au ri in azui nghal a. Thli tleh vûk vûk te chu areh ta deuh. Mahse, a ai tihbaiawm zawk in min rawn pan mek chu ani si a. Pu Ruat mei chhem leh ang. Kawngka hi lo vuan teh, tihpah chuan tap lam ka pan nghal a. Rapchunga thingfak chu hmanhmawh zetin ka pawt chhuak a. A ther hik khawm in mei chhem chu kan tum a. Mahse, tui a kan leih hlum avangin chhem kai ahar ngang mai. Ka hmanhmawh bawk si. Nawhalh lah thliin lo chhem hlum ve sek bawk nen, khawnvartui bati ka hrechuak zawk, arang arang in ka zawng nghal a. Ka hmuh ve leh ka herh hawng sawk sawk a. Ka leih nghal bawrh a. Pu Ruata mangang han au țe deuh țhat pawh ka ngaihsak hman lo. Nawhalh nawt in kan hliau a. Thliin nawalh alo chhem hlum leh bawk si. Kan țhut hliah leh rih a. Enge maw ti ti chuan ka chhem alh thei ta hram a. Pu Ruata lam kava en chuan alo khur zawih zawih mai. Pawn lam saw...arapthlak lutuk, engtin nge kan tih tak ang. Thlaphang mahta che, minti na dawn hleinem. Meilum bulah sawn phei rawh, kalo țawn țha ange tih pah chuan kawngka chu thingfakin ka kap a. Ka țawn țha nghal mawlh mawlh a. Bathlar leh char lam kawngka pawh ka țawn ve leh a. Thlam hnuaiah nen, mangang au ri leh nui awr awr ri te chuan min hual mup mup mai. Bang an rawn keu leh țhin, an kut hek hem huam te chuan min rawn ban ang zuau zuau a. Thlam chunglama lawn tawk an awm ani ngei ang. Ari rawp rawp mai. Kut filh deuh țheu țhuau hian thlam chung chu arawn keu(hlip) a, alu arawn rawlh lut ta mai a. A rawn hawi vual vual a. Mengrang ruai chung chuan arawn țhen țhu mai a. Hmui hmai alawi nei heklo. Mirâp kher mai. Ka tiril khur zawih zawih chu ka intih pachan tlat angai ani tih min rawn hriat tirtu ani. Ka inti huai lui a. Thingfak in han vuak mai ka tum a. Ka hmu ta hauh lo. Pu Ruata mangang pawh kun chungin alo țawngțai mawlh mawlh mai a. Thawk leh khatah a reh duk a. A reh dan teh duak lah chu ngaih ati țhalo letling zawk ani. Vau lamah chuan le. Hmeichhe aw hi tenawm zetin anui khek awr awr mai a. Nausen țap ngawk ngawk ri te chuan alo chhawn nghal a. Patling mangang aw rawl țial zet mai in a rawn chhilh zui leh a. Hmulthi a ding ur2 thei. Pu Ruata chuan tiang hrim hrim chuan khawvar hun ava nghahhlel awm dawn ve aw..ati vawng vawng mai. A var har vak tawh lo ang. Khawvar hun zawng kan ban thleng em em ang. Kan inlengpa khan ka mumangah min hrilh a. In hlau miah lo anih chuan engtin mah an khawih na theilo che u, tiin min hrilh ani. Chuvangin hlauh loh luih hram hram kan tum tur ani. Kan hlau tih an hriat chuan min zuam mai ang. Eh..engtin a..itih a. I mumangah engtin nge a hrilhBngawt theih che a, ati hu hu mai a. Ka hmuh dan zawg zawng leh ka hriat dan chu ka hrilh ve mawlh mawlh a, amak ti mengphar uau uau te chu ka ngaihsak zui duh lo. Mak kati reng ani, a awm dan vel reng mai kha, thawk leh khat a, ka mut a chhuah em em dan te kha aw..ka ngaihtuah let a, ka hlau... ala tih lai mek chuan charlam leika chu arawn ri țhat țhata, rawn lawn an awm chiang khawp mai. Thlam hnuaiah lah natuar rum ri arawn thâwm zui nghal dut dut bawk. Kawngka chu ngawirengin kan lo thlir a. Kut dang var pap hian kawngka chu arawn keu țual țual a. Ka țawn na hnang te chu a chat țhawt țhawt mai. A keu kau zel a, alu arawn rawlh lut ta mai a. A hmel var pup mai leh amit dum fim rul mai in a, min han en vung vung mai chu, a zam awm duh kher asin aw. Muangchangin arawn vak lut ta țual țual mai a. Kan hmeichhia i phiangsen bawk ani. Alu lah chu ruh neilo ang maiin muangchang hian a herkual ang țual țual a. Thawk leh khatah bangah chuan a zuang bei thlawrh a. A kut leh ke hmang chuan, avak kual ta zut zut mai a. Thlam chunglam leh bangah chuan chhuat zawla kan kal dan aia awlsam zawk mah hian avak zut zut mai si a, a rapawm duh kher mai. Tih vak ngaihna hre heklo khur ru zawih zawih chung chuan kan en dun reng mai a. Chunglam leh chhuatah te bang ah nen a vak kual zut zut mai si a. A mah hlat zawng zelin kan in herkual ve a. Mei arem ti tih tawh si a, ka hmehen chuan kan chhun a, a duhlo hle ni tur ani. A vak tawp chut a, kan lam hawi zawng chuan a rawn țhen țhu mai. Khabe uai hluai khawp a, alu min han thin khum zet chu,mi rap bawk a, ka au chhuak țep ani. Pu Ruata pawh atlu tawp mai. Athi dang zui mai si a, kan pawm tho dawn a. Kan zawngi chu thlam chhuat ah a rawn țum bawk thlawrh a. Pu Ruata thidang chu a zak tawn tawn ah dawmin, tap lam hnaihah ka hnuk phei a. Mei chu rangtakin ka chhawm țha mawlh mawlh a. Chhemna hun awm heklo. A khu luai luai ringawt maiBbawk si. Ka light chuan kan en leh a. Kan sir lam bangah chuan alo bet leh vung tawh. Minlo en kuau mai chu ni in, ka’n èn tak ah chuan, a kut hian alo in hliah ve roh a. Rangzetin thlam chunglamah chuan avak chho leh ta zut zut mai a. A râk ti ila a hram ani ber zawk ang chu. Rapthlak tak mai leh tiril fan zet hian a chiau ruai ruai mai leh nghal a. Thling a fan hneh kher mai. Pu Ruata lah chu harh lawk thei silo. Ka hlau thinrim bawk si chuan, a hmaiah kan beng thlawrh thlawrh a. A rawn rum ve țan, sawi nawk nawk pah chuan Ka ko mawlh mawlh a. A rawn harh ve ta hawlh mai. A chiai zui ta lemlo, ala awm ami tih pah chuan an melh kual a. AW bangkil lam saw..ege maw a ei ni tur ani. A tep ri chuk2 mai. Mei hi lo chhem alh teh a khu lutuk, kan èn leh chhin ange.. Kalo veng ang che tih pah chuan kan chhun èng leh a. Bangkilah hian keimah ni min hnungchhawn zawng hian alo țhu a. Eng tak chu a ei ni maw, a tep ri chuap chuap mai a. Ka chhun èng rei ngam silo. A awmna ber hriat loh lah chu a hlauhawm hlei hlei bawk si. Ka chhem alh e..meilum hi rawn hnaih rawh, a rawn tih takah chuan, ka hnaih phei rang kher mai. Mei pawh kan vur belh sauh sauh a. Mei eng ah chuan kan thlir dun ta ani. Bangkil ah chuan awm reng mahse, a rawn hawi let hun mawlh chu ka thil huphurh ber ani. A in hnit leh hlawp țhin a. Mahse, athil eilai chu tui ati ngang aniang, a tep ri chup chup reng tho mai. Muangchang hian alu chu arawn inher țual țual a. Kan lam a rawn hawi phut mai chu kan phu chiang ngei mai, kan țe dun tuarh mai a. Mitmu reng reng anei tawh lo. A khabe leh kamsir ah te chuan thisen duk zet hi aluang berh ngei nguai mai a. A meng kaw phût mai si a, arapthlak takzet ani. Kan mei lah chu kan vur nasat luat ah, an alh țhat meuh chuan hnaih ngam loh khawp in a sa bawk si. Kan tawlh hlat leh kan hlauh ber chu kan hnaih ting mai si a. AWm dan thiam a har hle ani. Pu Ruata chuan ka en ngam nganglo ani tiin, a khup chungah alu anghat in, A țhu tawp a. A tawngțai ta mawlh mawlh mai a. Pu Ruata țawngțai chu a duhlo hle ni tur a ni. Rangzet hian bangah chuan a vak kual ta zut zut mai a. Enge a ei pawh kan hre chiah. Ama ril ngei ani, a dul atangin ala uai duah duah mai leh nghal a. Thlam chung kilah chuan sam lam zet hian chhuata kan țhu ang maia, awlsam chuan a bâk țhut vung mai a. A ril uai duah duah chu la in a pet chhum hmawk hmawk a. Tep chuap chuap chung chuan, a uai chin zawng chu an pawt bung hmawk a. Thlam chhuat ah chuan a rawnBthlauh ri thlawrh mai a. Chhuata aril bung rawn tla chu, laitel mei bung ang mai hian, a in perh(leng) ut ut mai leh nghal a. Ui hmel zet hian arawn thlir thla vung vung a. Lak khalh hlau niawm ang hrim in, rangzeta rawn vak thla in a rawn chhar leh a. A awmna ngaiah bawk a vak chho leh a. Pu Ruata tawngtai pawh a bei ring tulh tulh a. Kan ramhuainu pawh a rak nasa kher mai, min eive mai dawn emaw tih turin min vah kual khum zut zut mai ani. Râk ruai ruai chung chuan, alo vahluhna chu a tawn kaw chhuak rawp rawp a. Pawnlam ah avak chhuak ta nge nge a. A țap chiau liam rawng rawng mai ani. A vah chhuahna hnu a, thisen berh nguai mai chu ka thlir reng a. Pu Ruat an mirawn sawi tak lâwp lâwp ah chuan ka harh zawk mai. A kal tawh a kalliam tawh a rawn ti thâm țuak a. Kan inthing harha, avah chhuahna kawngka biang kava en leh chuan, thisen reng reng alo awm tawh lo. Min ținsan ve tawh dawn aniang. Ti teh itawngțai teh ang ati a. Thlamuan thlak huai huai mai. Kawngka pui chu ka hawng a. Kawta ka mei chhem chu kava en a. Khati khawpa Thlipui leh ruah nasa si kha a, amit miahlo bakah, a huh reng renglo mai. Dai tla pangngai bak chu engmah thli leh ruah hnuhma a awmlo. Mei chu ka chhawm țha a. Ka chhem alh țhat hnu chuan thlamah ka luhsan ta ani. Kawl pawh a eng ve țep tawh anih dawn hi, thli leh ruah hnuhma reng reng a awmlo. Kan ramhuai ho hnathawh vek alo nih dawn kha, khawnge i thingpui chhuan chu aso tawh em, lo in ila ka ti lut bawrh bawrha. Pu Ruata ber chu ka hmu ta reng reng lo mai. Charlam kawngka in hawnghuau chu kava hmu nghal, leihka ri rawp leh thawri hrawih hrawih ka hre zui leh a. Rangtakin hmehên ka chuh a. Ka tlan chhuak ve ta nghal a. Ka’n ènkual thuak thuak a. Leika hmawr vuana, pu ruata lo in man tang hram hram, aù chhuak thei silo lo thawri hrawp hrawp chu kava chhun fuh a. Kan zawng phianseni bawk chuan a ke ah alo pawt a. Alo țhen țhu mai leh nghal. Kawngka kalh nan a. Ka hman thingfak chu la in ka pan phei a. Ka theitawp in alu ah kan hem chawrh mai chu, ka vaw țhelh nge ni, ka pai chawn mai, mi nuih tak uarh uarh a. Pu Ruata chu kava manbet a, kan in pawt ta țiang țiang mai. A chak ropui si.. Min hnuk kal deuh zawk tlat mai leh nghal a torchlight ken ngai bawk nen, kan hnehlo lam ani. Mahse, thingbul țan chhan tur alo awm ta hlauh a. Pu Ruata thinrim chuan, a hmaiah tak an tlawh chawrh mai a, a he bù mai a, a tlawh nawn lehsawk a, aring ruh atliak ni hmiang, alu chu hnunglamah a thlep hnup a, a vawn a thlah ve ta ani. Au ruai ruai chung chuan nghawng kawi chhur in, buh kungro karah chuan avak liam ve ta a.. Keini pawh rangzetin thlam ah kan lutve nghal a. Chârlam kawngka chu kharin ka kalh țha ghal sawk sawk a. Ka phuar nghet leh thlap bawk. Engtin nge a rawn man ngawt theih che a, alo luh lai i hrelo mi… Hre teh suh e..tapah hian ka țhu a, ka thingpui chhuan ngawt kalo en a, ka ngaihțhat tawh em vang pawh ania nge..ka ngalrek ah, a kut vawt ngêk nguak zet khan a rawn man chut mai a. Min hnuk chhuak zui ta mai lawm. Han auh che ka tum a. Ka ang zuau hman, ka hrawkBah hian min rek tu awm ang chiah hian ka hrawk a ping nghal vek mai a.. Ka thidawn emaw kati hman hial asin. Khatia i rawn vuak khan min rektu awm kha, a reh ve chauh ani. Ka mangang hman kher asin ati a, khua han var leh rawhse. Riak leh ang tiin min țah awh ngawih ngawih pawh nila, kava han riak tawh dawn hlei lo em.. ati rum rût tawh mai. NGawiteh chu..kan han ngaithla a. Kawta ka meichhem lam ah ani. Phun bul bul ri chu, kan ngaithla dun kar a. Khua pawh chu ava han var har em em ve le..ati zui nuah nuah a. Kawt lam chu ka han bih a. Ka meichhem chu palian zet mai dum run mai hian alo ai khur mai. Min hnungchhawn zawng chuan a țhu thim hmuk mai a. A rawn bih ve dak2 a. Ava len hmel em em ve arawn ti sa sa a, kan țawng chu ahria nge ni. Kan lam hawiin a rawn in her a. A rawn meng tle ru mai chu, rapawm tak ani. Thawk leh khatah au ruai ruai chung hian thlanglam zawngin a thlawk thla ta luah luah mai a. Țap ri leh mangang au rawl nen, a ri zui chuah chuah mai. Phûng leh ramhuai te tuallenna zanthim chu, kawlêng in a rawn thlak țan ta. An kuk ruah ruah a, rapthlak tak ani. Mahse, kan thil hmuh leh hriatte avang khan, thawm rapthlak ringawt chuan minti thlabar zo ta lo. Ngaih zawng, la ngam țha chiahlo mahse, thawm ringawt chu kan tan chuan eng ual ani ta lo. A reh vung vung lai chu a hlauhawm zawk mah mah tawh ani. Ngawi renga kan bula alo awm leh mai hlauhna chuan, min chenchilh a. Bangkil leh thim lai deuh te chu kan melh hreh ngawih ngawih mai ani. Alo țhu leh reng mai nga, tih ngaihtuahna avang chuan hreh chung chungin kan melh ru zuk zuk lawi si. Kawl pawh a rawn eng chiang țan ta viau mai. Zanlam mut țhat loh bakah kan thil tawnin zir miau silo a,enge maw ri hlek ah kan hawi phawk hru hru tawh mai. Patling au țial leh chiau vawng vawng te, nausen țap ngawk ngawk ri te bakah, nutling mangang au thawm te chu, an zuih ralve ta bawk a. Thingpui in pahin, rawngbawl hma a, thang va en hmasak zai kan rel ta ani. Zanlama pu Ruata torchlight hloh pawh zawn pah angai reng reng. Thingpuite kan in zawh takah chuan, thang en turin kan phei ta a. Awh pawh kan awk țha viau zel a, ka thang per reng mai, ka kam țhat peih tak loh ah te chuan, alo awk țha em em mai a. Kan hun tawnin zir miau heklo le. Kan kal dun ta zel a. Ka thangkam kan en zawh chuan, a kam na lamah kan chho ve ta thung a. Zing dai tawn zet zawng ruahdo nen thuhmun deuh reng ani. Lu lam a huh ve lo tih ani mai. A bak danglamna vak awmlo. Pu Ruata light chu kan zawng rei ngang mai. Alo lum thui ve bawk em ani. Kan in hmuh kim hnu chuan kan riahna lampanin kan phei ta a. Thawm ri deuh nuaih nuaih kan hriat avang chuan kan han ding ren rawn a, kan han ngaithla chiang chu, mipui nunau thawm ani. Kan lampan zawng in an rawn ri phei bùng bûng mai. Kawngsirah kan inthiar fihlim vat a.. An rawn hnai zel a. Mihring thawm chiah chiah ani. Bungbel han in khak ri te. Naupang nui ri leh țap thawm nen, nu in an fate an han vin țhat țhat ri te chu anlo hnai zel a. Makti tak chuan kan in en he haw mai. Anlo lang ta. Naupang thawmhnaw inbel hlei lo dul kiar lin len, rang rei ruai ho chuan hma an rawn hruai a. Nu ho leh pitar putar in an rawn zui bawk a. Nu ho țhenkhat leh pitar putar ho chu an țap ang pìr per a. Hma'nlai mi ni awm tak anni. Nu ho chuan thûl (Hmanlai thigrem)te an phur a. Bungbel nen, arbawm kawt tawk lah bo lo. An ri le lu mai ani. Hmanhmawh tak a, pem chhuak te pawh an ang thei lek lek mai. Mak ka tih êm avangin, khawi atanga lo kal nge an nih tih leh khawi lama kal tum nge an nih, kan zawt teh ang tiin, han auh mai ka tum a. Pu Ruata chuan, țhu mai mai teh, hetiang mi, tun ang laiah an awm tawh lo. Ramhuai pem tur an nih hi, kapa sawi ka hre tawh țhin alawm. Be mah la an hre chuang lo ang che, atih takah chuan țhu chungin kan thlir ta reng a. A hnukhawi lamin min pel fel țep tih ah, nu pakhat chuan, bawihapa chu kavan ngaihtuah em aw. Telve lo mai rawh ka tih lawm lawm pawn, midang hmaizah vangin a awm ve lo thei silo. apawi ngawt mai, hman hmanah chhuah daih tawh tur anih vei nen, ati vawng vawng mai a. Mak kan ti ngei mai. Chhungkaw sawmli/nga vel chu an ni hrim hrim ang. Mahse, mipa erawh antam lo khawp mai. A tel chhun pawh putar leh naupang lam deuh hlir anni. An liam fel ta maw, tih ah chuan keini pawh thlam lampan in, kan thil hmuh mak kan tih zia sawi phei mawlh mawlh chung chuan kan phei ve ta a. Thlam kan thlen chuan leihka ah kan thangte chu kan pho a. Kawtah sazu rawh pah a, rawngbawl theih turin thuk kan bun a. Khawinge pawlzu chauh hmeh aiah, mùk hnah lak pahin, chul chawhmeh kan vai khawm ange. Bai i siam tel teh ang kati a. Thlawhlai lam ka pan san ta ani. Ka kir leh chuan pu Ruata pawn, sazu ril pawh alo la zo țep tawh a. Kan pui ve nghal sawk sawk a. Kan zawh hnu chuan, kan rawh țan leh nghal a. Pu Ruata rawh hmasak apiang chu, buarzen zik, ka thliah khawm hmang chuan kalo vaw fai zel a. Tam hle mahse, kan rawh sawt khawp mai. Kan rawh zo țep tawh bawk a. Chaw chhum ka siam san a. Pawlzu chu mùk hnah nen ka chhum a. Bawkbawn rah no, satin rem hnah, hmarcha hnah tih ang reng vel chu chingal fir ngei mai chuan, ka bai pawlh kawi hluah mai bawk a. Chawei ka peih meuh chuan, pu Ruata pawn a rawh zo ve ta bawk a. Ni pawh alo sang tawh khawp mai. Ril ațam tawh bawk a. Chawei lam kan tin tuah ve ta nghal a. Pawlzu thau țha zet zet duhtawka eitur leh mizo bai diktak nen, chawei zawng atui duh ngang mai, mahni biang pawng te chu țhianpa chal emaw tiin, ka melh ang zuk zuk a. Theihtawpa lian in chaw kan han bar a, chawhmeh dahna tur kutzungchalin kan zen kua a. Pawlzu sa kan han hnawh lut zui a. Balloon ham ang pung pung in kan han țhial a. Bai tui in kan han tleuh thla zui a. Puar theih liah liah tak ani. Savun ip nge, chawei vang mai mai chuan alo keh thei lo tawp mai. Țhut har mut har khawpin kan puar ani. Thingpui sen hang kan la han dawm zui leh hram a. Tharum lamah a kal loh vek pawn. Ek tal zawng ati pung khawp ang. Pu Ruata, hnenah chuan, tih ngei ngei tur pakhat kan la nei. Thlam saw kan hal darh vek angai ani. Nizan kan inlengpa khan ti turin min chah asin. Kalo tum ruk ve tho ani bawk a. Han țhu hahdam deuh ila, iva hal darh vek teh ang kan ti teh tawng a. Thil tih chi ani dawn em ni. Kan tuar phah mai lo maw.. Nizana kan tawn zozai te kha, ka duhtawk tawh viau asin. Haw nal nal zawk teh ang. He hmun hi chhuahsan hlan ka nghakhlel tawh teh ania ati bul bul a. ,,kan țhiana min hrilh dan kha chuan thlam saw kan hal anih chuan, heng thil zawng zawng hi a reh vek thei dawn ani. Khaw ên lai ani tawh dawn bawk a, nizan aia hlauhawm kha kan tawng thei tawh chuanglo ang, kan tih makmawh ani tlat ani. I telve duhlo anih pawn ka hal dawn tho tho. Chuti anih hrim chuan, iva tlingtla vat teh ang. Min tihbuai na zozai leh mutmu pawh tuah theilo a, min siamna kha, kan thungrul ve dawn ani mai lawm. Phuba lakna țha tak tur anih chu. Va tlingtla vat ila, he hmun hi chhuahsan vat teh ang, ati ta bawrh bawrh a. Kan insiam a. Meichher nen kan thawk phei ta rup mai. Eng tak tawng leh ang i mw.. Ti rilru chung chuan kan phei zel a. Thlam kan thlen dawn hnaih atang chuan, boruak pawh a dang zar mai. Enge maw min uap tu chu a awm tlat ani. Mahse, kan ngaihsak buai peih tawh biklo. Zanlama kan thil tawn zozai te avang khan, ngaiah neiin kan chawmawlh zo tawh ania nge. Thlam kawt ah meichher chu kan han chhem kai dawn a. A alh thei reng reng lo mai a. Thli thaw hauh silo in, a alh tan dawn chauh a, thlichhem ang maiin athi hmuk zel mai si a. Ti teh heti chuan kan hal dawn lo tawp mai. Buhpawl saw thlam hnuaiah hian thiar phei ila, i hal teh ang. Țha khawp tak ang chu..a hma khan tih nachang lo hre nghal ila țha tur. Meichher a, thlam chunglam atang hal ai chuan alh țha duh zwk daih ang tiin, phurzet chuan buhpawl chu a pan nghal a. Kan thiar phei ta nghal mawlh mawlh a. Boruak zawng a uap in, ami deh ana kher mai. A rim pawh a diklo. Kan bul velah chuan, mabgaglng taka han vei vel hi an awm ve ni ngei tur ani. Min pel deuh fua fua tu hi an awm tlat mai a. Thlam chhungah pawh thawm ațha țan khawp mai. Patling han rum nghut nghut ri leh hmeichhe țap ngik feih feih te chu kan hre awl lo mai a. Kan pawl thiar chu atam tawk tawh viau emaw kan tih pawh chuan, a pung thei reg reng lo mai. Mihringin kan rah zawnga han hniam sat sat ang hian raptu awm tih hriat tak hian a khuar leh kalh kalh țhin a. Kan pawisa duh tawh biklo. Thlam chhungah chuan hmeichhe lungchhe takin ațap hliam hliam reng mai a. Pu Ruata insum theilo chuan, bangawng ațang ava bih ta nge nge a. A rawn tawlh let rang kher mai. Phawk hru a ka lam rawn hwi pah chuan, hmeichhia kha ani. Ti teh i hal vat teh ang ati ta sawk sawk a. Han bihve ka tum lah chuan, a phal der lo mai. Kan pawl thiar hi asawt thei lo emai. A hmasa apiang hi i hal nghal zel teh ang tiin a țhutchilha a hal zui ta a. Thawk leh khatah a leng lawp a. E he hee.. Min han pui vat teh. Min han paih thluk thuai chu le. Ati a, a thinrim ngang mai. A hal sa lah chu, a khu let let a. Rah hlum angmai hian a thi hmuk mai a. Thlam chhunglam pawh ari țuk țuk reng a. Buhpawl pawm țûn chung chuan ka phei a. A bulah țhutchilh in buhpawl chu kan hliau ve thung a. Kut tha chak zet hian mi rawn nam thlu tawp mai a, rangzetin ka tho a. Ka chem la chhuakin kan vai vel a. Min dang dawn chuanglo. Mihringte ti thlabarin nuam in tawl a. He hmun atang hian in chhuak ngei ngei tur ani. Kan hal darh vek tih hre rawh u. Pu Ruat han chhem rawh le kalo veng ang che tiin, pu Ruata bulah chuan ka chem chu boruak ah kalo vai vel a. Min rawn nam kat leh dawrh țhin a. Mahse, tawp kan tum biklo. Pu Ruata pawh athu sawp leh nuaih țhin a. Atho vat a. A hliau zuive zel a. A alh chhuak ve țan ta. A alh duh deuh nan kan han hawlh kang a, kan hawlhna te chu a per lawp lawp mai. A alh țha tawh khwp mai thlam hnuai a han hliau țan ta zuai zuai a. Chhunglamah chuan, ari țuk țuk mai a. Patling mangang rawl hi, ringzet mai in an au ruai ruai mai chu. Rapthlak tak ani. Hmulthi a ding ur ur mai. Mahse, kan hlau hman tawh lo. Buhpawl chu kan pawm phei a. Thlam hnuai ah chuan kan vawm luh belh sauh sauh mai ani. A țhen phei chu lo dang tu awm tih hriat zet hian atla per leh chuai țhin a. Thlansa phul kaiin kan thiar a. Kan vawm lut nghauh nghauh mai ani. Thlam pawh a alh kai țan ta.. Thawm pawh arapthlak sawt kher mai. Patling natuar han rak thawm te chu rapthlak tak ani. Kan hmelchhenu i bawk kha rak tuarh tuarh chungin thlam bangah chuan arawn vak kual ta zut zut mai a. Chunglam nen a vak kual zung zung reng mai a. A mangang han rak vel chu rapthlak tak ani. Patling natuar mangang ri te chu, ari chuah chuah mai a. Kan tawlh hlatsan a. A ai nuam tawk chin ațang chuan kan thlir ta a. A alh țha duh kher mai. Hmeichhe nu pawh alang talo. Meialh ri hlup hlup kar a, a mangang au țe vawn vawn ri erawh ala chiang khawp mai. Alo lang leh ta..mahse, țum dang ang ani talo. Ka mumanga ka hmuh ngei kha ani ta thung tlat mai. Minpui ruu...tiin mangang em hian kan lam hawiin min rawn ban lawm lawm mai a. Rilru a dek zar mai. Pu Ruata chu kal tum ni mai hian ka hria a. A melh ngai melh ngur chung chuan apan pheita mai a. Khawngaih thla ala kher em lah taka mihring pangngai natuar hmel mangang lutuk in țanpuina dil chunga min han ban țawk țawk mai chu thil thlir har tak ani reng ani. Pu Ruata chu ka dawm ding vat a. A la țang tak fun fun roh leh nghal. A melh run run mai bawk si. A aikaih ni awm tak ani. Kan sawi nawk nawk a. Harh teh harh rawh. Mihring pangngai anilo kan tih tak vak vak ah chuan min rawn en ta hu a. A in thing harh a. Engtin ge ka awm arawn ti heu mai. A aikaih che niang chhan tum ni awm takin ipan phei alawm, en tawh suh kati ta ringawt a. Kei ngei pawn thlir liam har kati tho si. Kan enduh talo ringawt mai ani.. Ala au vau vau reng a. Atawpah zawng a beidawng ta aniang chu, a hmel chu rawn inthlak in rapthlak tak hian min rawn nuih ta awr awr mai a. A rapthlak kher bawk a. Hmulthi a ding sung sung mai. Patling natuar rum chuah chuah ri te chu a zuih tial tial a. Hmeichhe nui awr awr leh khek tuarh tuarh pawh thawk leh khatah a reh hmuk a. Reilote hnu ah chuan, ring em em mai hian, bengling nghawr kiu vawng khawpa ringin, a rawn puak dùr mai a. Kan phu chiag kher asin. Thli na tak ang mai hian min chhem huau mai a. Beng hupin kan kun tlawk tlawk mai ani. KAN han din chhuah meuh chuan, boruak uap churh leh rim ni deuh nghur te kha, a reh ta vek mai. Thlam ban mut vuah vuah bak hmuh tur a awm talo. Kan hlen ta. Thaw aveng ta huai mai. Tirawh i phei teh ang he ram hi chhuahsan vat ila, inlam panin haw nal nal ang tiin, pu Ruata chu akal vut a. Ka zuive ta nghal a. Kan riahna thlam kan thlenphei dawn țep chuan, bathlar atanga patling pathum minlo thlir vauh vauh tute hi kan hmu a. Thlam kan thlen chuan, a neitupa leh a țhiante pahnih. Kan chanchin ngaichang tur a lo kal hi anlo ni a. Thawm te pawh anlo hreve vek ani awm e. Thilpuak dur a awm lai khan vanlam pan a, thil eng tak thlawk chho zuai an hmuh thu minlo hrilh a. Kan chanchin chu kan hrilh a. Zanlama min tihbuai dan leh kan inlengpa thil min hrilh te chu ka hrilh ta vek a. Tun chinah zawng areh tawh ngei ang tiin. Lawmthu te sawiin kan haw tur chu ngaihsanna mitmeng nen min thlir liam a. Keini pawh in kan hun tawn te kha ngaihawm lo hle mahse, thinlungah erawh a châmreng tawh anga, khuareiah chuan sawi nuam ti takin tu leh fate kan la hrilh ve ngei ang. Phur takin inlam pan chuan, chulram țihbaiawm tak chu ngaihzui na nei hauhlo in. Kan thiltawn leh paltlang zawng zawng te nen chuan kan hnu chhawn ta ani. Thinlaiah erawh athar leh țhin ngei ang. Chhiartu duhawm zahwm tak tak te. Keini thu tehlul minlo hlutder sak a,min chhiar saktu zawng zawng te chungah ka lawm takzet ani. Eng nilo mah ila, ka thu post ve tehlul hi group danga post leh ka thulo a, tih danglam anih loh nan a. Min ven sak turin ka sawm nghal che u ani e. In zavai chugah ka lawm thu aliam zawih zawih ani tih minlo hriatsak theuh dwn nia. KA LAWM E.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)