RAMHUAI NAUVEI LEH THÓSÌ

Hlauhawm lampang hrim hrim hmun hrang hrang a mi lakkhawm...
Pjsstephen1997@
Posts: 43
Joined: March 8th, 2019, 9:44 pm

RAMHUAI NAUVEI LEH THÓSÌ

Unread post by Pjsstephen1997@ » March 13th, 2019, 10:09 pm

RAMHUAI NAUVEI LEH THOSÌ


Pjs


Zantir lam aṭang chuan ka lu nà chuan min vilh ngut ngut reng a, ka mut lahin nuam ka tichuang si lo, ka thisen chakloh lai a ni nen, awm a nuam thei tlat lo mai a.

Zan dar 8:35pm a ni a, ka bula ṭhu ka ú chu, a phone-ah thilnuihzatthlâk eng emaw a awm a ni tih hriat tak mai hian a nui kur kur reng a, a châng leh a type zut zut a, a nuih leh huk chang phei chuan a khamawm ém em a, vuakna tur hmanrua ka bulah awm hnai sela chuan ka vaw fawk duh ngei ang..

Kan inhnuaia, raipuar pum lian tawh tak nau hring maithei tur dinhmuna ding lah chu, raipuar e ti lo chuan a nui ring thei hle mai leh nghal, an tv enlai lah chu an tiring em em mai bawk si..

Chu nu khêk ring lutuk khek ri hretu tan chuan Ramhuai emaw tih mai tur hi a ni ve reng reng a. A nau pailâi tan pawh chuan hrehawm tur khawpa ring a ni nghe nghe.. A khât tawk hian an ri leh chul ṭhin a, ka phone ka kawllai chu nise, hla ka play anga, ka zaipui leh vak vak tawh ngei ang..
Mahse, chutiang chu ka tithei si lo..
"Mut a hun tawh raipuarnu, i pumchhunga naute awm pawh khan bengcheng tiin a ning ve tawh em em ang.."

Zan dar 10 a rik chuan, kan inhnuai raipuarnu nui ri chu a reh ta hmak a, Ruah a sur cherh cherh reng a. Kei pawh mu tura ka insiam zawh chuan ka mu ta a..



Mipui an lo ding khawm mup mup a, an din khawmna hmunlai takah chuan hmunâwl zau angreng tak hi a awm a, chu hmunâwl chu mipuite chuan an lo dinhual chu niin, chu hmunawl zaupui maiah chuan a lai takah hian banmüm lian angreng tak hi a ding tlawn zuah mai bawk a, mipuite chuan chu hmunawl zaupui leh banmûm ding chu an lo en chuang hlei lova, an hma zawn zawnah an melh ngai chu an melh tlawk tlawk ringawt mai a ni. Nimahsela..an mahni hmazawn ṭheuhah chuan thil eng emaw tak hi a awm tih a hriat theih thung si.

Mipui kar aṭanga hmunawl zimté aṭang chuan chu ban mum lian tak ding chu ka va en a, chu ban bulah chuan Ramhuai, a hmel pawh hmuhchian hleihtheih loh, meikhu ang maia vei kual vei kual hi ka va hmu a. Chu ramhuai chu tuma'n an hmu ve lo a nih ka ring, an en ve hauh lo..

Rei tawk fang ka en hnu chuan, chu ramhuai chu a tlu hnawk a, chiang zawkin ka han en a. Nau a lo vei chu niin..a ṭé chiam chiam a, a ná tilutuk chu a hawi ruai ruai a, ka lam a rawn hawi chuan, keimah chauhvin ka hmu tih a hre ta a..A mit ṭihbaiawm tak mai chuan min rawn melh ta kul mai le..!!!

Thei leh thei lo hian a rawn vak pheia,
Aw chher ṭial ruan mai hian, "Khawngaihin, min pui rawh, ka mamawh che a ni..ka nauvei hi a na em mai.."

A rawn vak phei ṭhum ṭhum a, tlan sawn mai ka han tum chuan, ka thei lo..ka dinnna ngaiah chuan ka ding khawng ta reng mai a..

Ka hlau lutuk chu auchhuah ka han tuma, ka auchhuak thei bawk silo..a rawn hnai tial tial a, a kà-ah chuan thisen sen tak ngûk mai hi a rawn phuan chhuak puat puat a, a kap leh a mawng aṭang chuan thisen hlir mai a rawn luangchhuak bawka..a rawn hnai tial tial a, a rim lah a chhe em em a, hnar ka hup thei bawk si lo..

Ka kianga rawn thlen dawn chuan, a kut a rawn phar chhuak a, thil lung hlirin a mit leh a hnar te chu a khat vek mai bawk si..a kutphah chuan ka hmaiah tak mai chuan a rawn hup ta...Chutih lai mêk chuan ka suangtuahna mitthla hian, hmeichhe pakhat lungkhawkrawk tak hmuna nauvei hi ka hmu leh thut mai a, chu nu chu amah chauhvin a awm a, a nauvei nà tilutuk chu a ṭe hawm hawm mai a, kawr ruam zawng zawng chu a au thawm chuan a khat a, sipai tam tak indo thawm ang mai hian a khawk rum rum thei hial a ni..Ka beng hup ka han tuma, ka che thei si lo..a ri chu a rin lutuk avangin ka beng chuan eng thawm mah a hre thei ta lova..Ka hlau lutuk chu ka khur ta char char ringawt mai a..


Chutia ka suangtuahna mitthlaa ka châm mek lai chuan, ka han harhchhuak hlawl mai a, Ramhuai nauvei ka hmalam pana rawn vak phei ṭhum ṭhum mai khan..khawilai emaw-ah hian min lo hruaia, a nau chharsak turin min lo tilui chiam a...

Hmanhmawh tak mai hian, kan awmna bula dawhkanah chuan a zangthal zawng hian a mu ta suah mai a..A kap lamah chuan min kuah hnaia..a nau chu a serh aṭang chuan a rawn lawr mek a..Thil ṭawih lung tam tak mai leh thisen tam tak a rawn luang chhuak a..a rimchhiatzia chu sawithiam chi rual a nilo..

Chutihlai chuan kawrchhengchhe taka nauve-i kha ka mitthlaah chuan a rawn lang veleh a..A au chiam hnu khan..ṭanpuitu tur zawng hian a hawi vel ruai a..min rawn hmuh ka hlauh em em avangin, ka biru ta a..

Mahse, ka hlauh ang ngei ngei chuan ka awm tih a hria a ni, ka hming hian min rawn kova..pui turin min ngen chiam a, ka puih loh chuan a thih mai a hlau a..khawngaihna min dil chiam mai bawk..

Ka ngaihṭha lo chuan a hnen lam chu ka va pan hnaia..ka hnaih tial tial a..Ani chu nu hmelṭha tak mai hi a lo ni a..a na tihmel chu a duhawm ru riau mai bawk..ka khawngaihthla a la ta hle mai a..a theih ang anga pui tur chuan a bulah chuan ka va ṭhu ta chawt a..

Mit ka khap zeuh kar chuan ani hmel chu ka han en chianga, kha ramhuainu kha a lo ni leh ta daih a...a rimchhiat ngaiin a la rimchhe renga, a serh aṭang chuan naute leh thisen chu an rawn luangchhuak ta a..
Chu Ramhuai Naute chu a rawn meng kar a..min hmuh veleh chuan a ṭap ṭial ta ruai ruai mai a..Ṭah ruai ruai pah chuan a rawn zuang tho a..Min rawn manbet ta tlat mai a..a taksaa thisen kai avang chuan, thehthlak ka tum pawh chuan ka man nghet thei miah lo lehnghal ..ka hnungzangah chuan a bet ta reng mai a..Mangang tak mai hian ka tlan chiam a..ka zuang vak vak a, achâng leh a zangthal zawngin ka han delh thul..chu naute chu a tla thei bawk si lo..

Chutia mangang taka ka leh hawl hawl lai chuan, ka khum aṭang chuan ka tla thla a, ka harh ta hlawl mai..Ka mumang a ni tih ka hriat veleh chuan ka lawm lutuk chu ka thaw ta huai huai mai ...ka hmai ka han chul a..ka lo thlan hluam mai a ni..Maimizial in ka awm a nih ka ring ta ber a..

Chutia ka harh chiah chuan inhnuai lam aṭangin "Tunah dar 4;12 am a ni a..Naute thar duhawm tak kan nei e.." tiin nu pakhat hi a rawn au lauh lauh a..kan ramhuai-pum-puar-i chuan nau a nei a nih chu...


Khum aṭang chuan ka han ṭhu thova, ka khum bul chiaha darthlalangah chuan ka han in en a..ka thlan tuite chu ka hui fai a..ka mumang a tak a ni lo tih ka hriat chuan ka lawm em em ringawt mai ...darthlalanga in en pah chuan ka nui ta suk a..

Khumah chuan ka tluzal leh a..a vawt deuh sûk avangin rizai chuan ka han inkhuh a..ka inkhuh veleh chuan a lum ta huam huam mai a..a lum em avangin rizai chu ka tlawh hlim a..chutia ka tlawhhlim veleh chuan thosi hi an rawn zi ta hut hut mai a..thosilen ka zar loh avangin min seh thak ta sup sup mai a..rizaia ka inkhuh lahin a lum mai a ni lo, a sã a ni.. ka han tho chhuak a..ka khum hmaa darthlalanga ka inhmuh veleh chuan ka che thei lo ta nghala..ka rilru chu a harh kur a..ka mit hmuh lah a fiah si..mahse ka che thei miah lo..

Ka ú auh ka han tum a..ka aw a chhuak thei map lo..darthlalanga ka thla chu ka va in ena..ka koki, ka hnungzang lam lek lekah chuan Naute lu hi a rawn lang a..ka thilhmuh chu a chian em avangin..ka mumanga a ni lo tih ka hre si..

Chu naute lu ah chuan thisen a kai luam mai a..ka hnungzang lam chu a hit thlur a, tui nge thisen luang ka hre lo..

Chutia darthlalanga ka inhmuh reng lai chuan ka dar aṭang chuan chu naute lu chu a rawn pawng ṭial ṭial a..zawimuang hian a rawn meng a..Min nuih ta heu mai..

Awi ka hlâu.. ka ziak duh tawh leuh..🤮🤮🤮🤮🤮😭🤮🤮😭😭😭



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)