Here with me Chapter 19(Last)

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

Here with me Chapter 19(Last)

Unread post by Zualy juneblies » March 4th, 2023, 9:06 pm

•Here with me•





Chapter 19🪐





Sarah Zomuanpuii POV:


Ka khum ah chuan ka mu meng kar a. Muthilh chu khawilam ka harh tulh tulh zawk in ka hria. A vawikhat nan bialpa ka nei ve a,chu pawh Ramdinsanga lek! ‘Lek' ka tih vang khan ka ngai hniam tih na ni lo in..ani nen hian hetiang thleng thleng hi kan kal ka ring ngai lo. A mize vawt tak te leh ni hmuk hmuk thin te hian min hip ka ti mai. A hranpa chuan a sual hran lo a,a chapo an tih chu a dik ve viau in ka hria.









Keimah ah hian hlauhthawn na lian tak a awm a. Kan la inkawp tluang zel te a nih chuan ka lo duh lutuk tawh anga,nilo...ka hmangaih hial tawh zawk ka ring ani. Tah chuan rilru na tak in min siam anga,min kalsan ang tih ka hlau. Ka vawikhat bialpa neih na ti leh thin ila ani miau sia,ani ang hi ka mipa duhzawng an ni ang lo. A mizia a cool in tawng ve zet zet lo mahse amah hian min hip riau a.









Mipa nuih duh tak leh ka mizia ang mil tur hi ka duh thin a,chu chu Ramdinsanga nen hian a in per san mah mah bawk. Khuanu ruat kan ni han ti dawn ila nichin lawk atang khan kan inngaizawng a. Kan nih hnu ah hian ka star zual sawt in ka hria. A bul ah ka mizia ka thup tit tet lo a,ani hi ani em chu ka hre lo a.








Zing a ka harh chuan ni alo tlang sang at tawh a,ka mut chu ala chhuak ngei mai. Zing lam dar 4:00 vel ah chiah khan ka muhil ve thei hram a,ka va han over tak em! Ka phone ri chuan min ti phu zawk a,ka thin ka dawm vang vang phawt a. Ka ringtone hi thlak angai tlat in ka hria,min ti phu nasa thei em em mai lehnghal a.








Caller Id ka en chuan Ramdinsanga,ka bialpa lo ni ta call ngei alo ni a,a missed call alo awm vang bawk. Ava han tho hma awm em em ve,mipa ho chuan inngaihzawn na hi an la vung lutuk lo anih dawn hi. Call chu ka la nghal zat a,mahse ka tawng lo. Leh lam thawm chu ka ngaichang reng a.






*Tho tawh em?* Aw thum sup in arawn ti a




*Aih tho lo e* Ka lai thar leh em em ringawt




*Dar engzat ah nge i mut?* Ati leh sup a




*Dar 4:00* Ka ti sap a,ka zak thar em em mai a. Hahthlak hian! Ka lukham ka hmer vak vak ringawt.





*tho rawh!* Ti sup in call a dah daih ani chu! Ka thu chhuak nghal zat a. Ka phone chu ka melh chiam ringawt. Eng tik ah nge phone min dah san hmuk hmuk hi a sim dawn. Sual leh lutuk mai...ka rilru ah naupang chhia lutuk in ‘Inthen' arawn lang nghal anih chu.









“Exam in zo tawh bawk a,i hmel hmuh pawh a nuam ta alawm,i cher ve deuh anih kha" Ka nu chuan min hmuh vel ah alo ti nghal var a,ka nui ringawt a. Chaw ei lo a lehkha zir chang ka ngah em alawm,mahse a tha zawk..ka thau ve deuh in ka hre hrim hrim bawk.









“Khawng apa hi?" Ka ti sap a,ka nu chuan a thil chhuan lai chawh mawlh mawlh pah hian “A inbual anih kha" alo ti vat a,keipawh sitting room lam ah ka phei a. Ka phone chu ka bih leh ngar ngar tawh a. Ka thiante nen chuan kan group ah kan tawng khawm mai mai a. Jeremy te in a len chu vawiin ah an tum in ka hria.








Kal ve tur in min sawm nasa mai a,tih tur em em ka neih loh vang in ka lo inngaihtuah tur thu ka hrilh hlawm ta ringawt a. An la lungawi lo em em zui. Jeremy tak phei chuan private in min rawn hrilh nasa malh malh hle a,school ah pawh kan 5 deuh chauh hian kan inkawm khawm a,midang in min rawn kawm duh chuan kan hnial ngai chuang lo.









“Nu vawiin chu Jeremy te inah len kan ti deuh a,in phal angem?" Chaw ei lai chuan ka dil a. An thu lak hmasak hi a fin thlak ber,anih loh chuan ka haw hnu ah ka nu alo tum leh bar bar palh ang. Min ngaihtuah thei mai sia maw! “I leng dawn nia" ka nu chuan alo ti hlauh a. Ka nu hi chuan ka chhuah leh chhuah loh ah hian thu a nei a.








Ka pa erawh in ka thawmhnaw hak tur ah hian thu a nei zawk. Upa fanu te kan lo ni a,mawi lo tak a inchei chu kan tan a mawi chiah lo bawk nen ka pa hian ka hak tur anih chuan min lei sak mai zel a. Ka nu pawh chu ti tho ani.









Awm hmun kawr nen em a han len chu ka ti ve deuh bawk nen ka inchei ve deuh a. Kawrfual senno riai leh sneackers var ka bun a,ka sam chu ka thlah tawp a,chuan suncream nen...ka hmui chu tlem in ka ti sen ve deuh a. Foundation vel hi chu ka mamawh in ka hre lo,ka chhe vek zel zawk in ka hria.









Mimi-i chuan min rawn sawm a,kal mai tum a kan awm uaih tawh chu ka phone alo ri hlauh a. Ramdina alo ni a,ka pick up nghal vat a. *Hello?* ka ti vat a *Eng nge vawiin i tih dawn?* alo ti sup a *Jeremy te inah kan leng dawn a* Ka ti sap a,a thaw ri deuh hrawk ka hre thei. Phone a dah hmak anih chu. Naupang chhia hian!









“Tu nge a?" Mimi-i chuan alo ti vat a “Mi a deuh" ti sap in kan inzui chhuak nghal a,taxi kan chang ran bawk a. Dorkey chu Didika nen an kal dawn,an in a inhnaih ve deuh bawk a,an in kal pawh tawn ve reng thin a. Naupan lai in an inkawm nasa thei lutuk.









Taxi chu alo ding a Jeremy te in lam kan pan nghal a. An inkawt kan thlen chuan chuan man pe fel in kan chhuk a. Jeremy an min lo hmuak a. “Ka rawn lam ang che u ka ti mawlh mawlh a" Ati hmuk a,a kal nghal vawk vawk a. A hnung ah nui insum deuh in Mimi-i nen kan zui a.









An in chu a lian in a mawi ngei mai. An khawsak hi a harsa lo a,an in bawr vel ah chuan a khawsa thei ber pawl an ni hial ang. An in chhung kan lut chu pawn lam ai in a nuam a,jeremey nu leh pa in min lo chhawn vat a. Kan lai lek lek mai. Anu leh pa te chu an fel khawp mai a. Min ti ti pui siam siam bawk.








“Bawiha room ah han awm ula,ei tur ka lo siam ang" Nu Ruatpuii chuan alo ti a,Jeremy room lam ah chuan kan inzui chho a. A room pawh a nuam ngei mai,mipa room tih tak a games khelh chi a tam ropui a,lehkhabu a ngaina ve anih ka ring,lehkha bu bawm chu a khat deuh vek.








A room a sofa an hun ah chuan kan thu awn duai hlawm a,games kan khel ho a. Jeremy leh kei kan tang a,midang ho zawng chu an tang vek lehnghal a. An phakar ania,Jeremy an a thiam ber vang in keimah a thiam lo ber min tan pui a. Kan thi zing malh malh hle. Kan ti ila keimah ka ni ber ang chu.









Nu Ruatpui in min lo koh chuan ka chhukthla a,ei tur min lo siam a. A tui hlawm em em lehnghal a. Kan ti ti a kan nui ho leh dar dar thin a. “Jeremy engtik ah nge Sarah-i chu i bem dawn?" Didika chuan alo ti a,Jeremy nu Nu Ruatpuii ala awm ve reng bawk nen ka zak ngei mai. “Ka hre nang" Pakhat lah chuan alo ti sam et a,ka zak lutuk chu ka sen up up in ka hria.









Bialpa ka nei tih hrilh tlang dawt dawn ila ka zak ve ang reng sia. Ka thian te hian an awih hauh ka ring lo. Chuan tun a ka ngaihzawng pa hi an hria anih chuan an thih theih hial ka ring. Thleng chu kan sil tlang a,kan mipa pahnih te chu an lo thu mai mai a.









Thleng ka sil laklawh lai in ka phone arawn ri a,Dorkey chu en mai tur in ka hrilh a “Misuala a in ti! Tunge?" Alo ti hu a,ka kut hru ro zawk zawk in phone chu ka va ban a,min pe duh miah lo lehnghal a. “Mawh tunge?" Ati a,Mimi-i pawh alo phei vat a. “Uang su,min pe teh u!" Tiin ka ban tang tang a,Mimi-i chu phone pe in Mimi in alo la nghal zat a.








“Hello" Mimi in atih rual in phone chu a beng atang ala thla leh nghal a “Ka hello chiah a,a off daih" Ati hu a,ka nui ta ringawt a. Call back lem lo chuan kan inkawm khawm leh a. Collage luh na vel tur te kan sawi ho a,in ang ah luh vek kan tum a mahse result chhuak phawt se kan ti hlawm a.









Tlai ah chuan chaw ei tur in Nu Ruatpui in min chelh nasa a,mahse kan hnial ta hram a. Jeremy chuan car in min thlah vek a,a khalh a chuan chu a nuam phian lehnghal a. Ka chhuk chiah chuan ka mangtha zauh a,Mimi-i ava thlah leh dawn ani. Lalmimi-i lah in min chhaih zuk zuk lehnghal a. A bul ami pa lah sawn engtin mah tih a tum si lo.









An tlan liam chu ka hlir zui a,luh mai ka tum chuan bike horn ri ka hria a. Ka hawi phei chuan Ramdina alo ni reng a,a bike ah lawn tur in min signal zauh a. Ka en deuh run run bawk,a mitmeng lah chu a sen ang ram lehnghal a. “Chuang rawh!" Ati hmuk a,hawi kual thuak thuak in ka chhuang ve ta mai a.









Ka kawng ah chuan ka vuan run a,bazar lam a min phurh phei chuan ka zak ngei mai. Ka kun char char a,ka hmelhriat te ka hmuh ka hlau nasa bawk. In lian deuh kawt ah hian min din pui nawlh a,in chu a ropui ka ti ngei mai. “Eng nge?" Ka ti sap a,min kai nghal hmak bawk.









“Eng nge??" ka tih leh vak ah chuan a ding dat a “Kan in anih hi" ati hmuk in inchhung ah min kai lut nghal dawr dawr a. Eng nge hepa hi a awmzia le. An in ah te min hruai tak mai. Hmeichhia an bialpa te in a leng daw daw nih ka duh teuh lo. Mahse step ah min chho pui hmawk hmawk a. Room pakhat ah hian min kai lut nghal bawk.









Ka kut thlah in kawngkhar a kalh nghal hmak a,a room ani ngei ang a thim deuh ruih a,a vawt deuh vur bawk. Bengchheng pakhat mah hriat tur a awm lo. Ka hnung lam atang a min lo kuah thut chuan ka rak that a,ani a phun nghal hluk.









“Eng nge hetah min hruai?" ka ti vat a “Ka duh a!" ati hmuk a,biak a har talh talh ngei mai. “Ka bialnu hi mipa dang inah a leng tawh bawk a,ka in ah ka hruai ve anih hi! a pawi ami?" Ka nghawng bul ah chuan a thaw sak sak a. Ka awm thiam lo. A awm romantic ve tih na maw ni le.









“Awm sawn teh" ka ti sap a,min kuah nghet sauh sauh a. “Nizan ah nangmah vang in ka mu miah lo a,min la len san daih zui a" ati sup a,ka nghawng chu a chuk deuh fawk a. Awm hrang in a khum lam ni awm tak ah chuan min kai phei a,a tih tih chuan ka awm tawp.









“E..e..eng nge..." Khum a min thut tir rual in ka ti bah nawk nawk a. Nui suk in arawn awm hnai zel a,kei in hlauthawng lutuk in ka lo melh kar a. Ka hmui a melh na la sawn in ka awm chu arawn melh ta chat a,ka tim uai uai thei. Min rawn fawp thut a,ka phu nghal uih. Zei lutuk chuan min fawp nghal ngawng ngawng a,kei in ka lo dawh mawl tawp ringawt.









Ka hmui a fawh na la sawn in ka nghawng ah a insawn a,ka thaw tha thei lo. “I mawi lutuk!" ati thum hak a. Ka nghawng chu a fawp mawlh mawlh a. Thil tha lo a thlen mai ka hlau. “Duh...tawk teh!" ka ti chhuak thei hram a,mitmeng dul ruih chuan min rawn en a. Ka hmui ah bawk chuan min fawp lehnghal ngawng ngawng a. Ka tukhum sam ah tham salh salh in min fawp uar sauh a.









Ka kut ka mal chung a ka dah chu la in a nghawng ah min kuah tir a. Ka thiam dan dan chuan a hmui tih chet ang chuan ka ti chet a,engmah ka hre tawh lo,ka a deuh ruai in ka hria. Ka chhan let vel ah chuan a uar leh sauh a. Khum ah chuan min bawh thla nghal a. Ka thaw hak a,ka hmui arawn khar hnan nghal hmiah bawk.









A kut ka sam a tham loh na lam chuan ka mal rawn lang chin chu a chul a,harh chhuak thut in ka thlah nghal vat a. Mitmeng phi chiai chuan min rawn melh vang vang a,ka thaw nghal hak bawk. Min rawn fawh leh tum a arawn kun hniam chuan ka tho thut a. A thaw nghal hrawk bawk.








Ka thu chhuak a,ka sam chu ka tuai nghal puat puat a. Ramdina erawh thaw ham ham in Ka bul ah a mu run a. Ka tum loh lutuk in a manhood khawng ul ka melh fu zawk a,min lo melh ve reng lai ani bawk nen ka hmai chu ka hup deuh tawk a. Ani erawh a ri meuh in a rawn nui chhuak hawk hawk a.








Ka ban ah rawn vuan in min pawt mu ve lehnghal a,amah chu ka melh duh miah lo a. Ka zak lutuk hi ka thi mai dawn in ka hria,ka lam te chu ala rawn hawi ang deuh deuh a. Kan ngawi dun vang vang a “I awm a lang thui lutuk!" Ati hluk chuan ka melh phei vat a,ka awm ka hup nghal a,ka thu chhuak nghal vat bawk.









“I bialpa hmuh hma hauh khan hup ta che,tun ah chuan a ngai tawh!" Ati hmuk a,arawn thu chhuak ve nghal bawk. Tho vut in bathoom ni tur lam chu a pan nghal vut a,a kekawr hma puar ul ka hmuh chuan ka sen tawn tawn thei nia!








Rei vak lo hnu ah arawn chhuak a,min melh reng chung chuan arawn phei a. Rei pawh en ngam lo in ka kun nghal daih a. “Lo kal teh?" ati sup a,ka tho nghal vat a,ka ban ah alo vuan vat a. Khum ah chuan a mu nghal tharh a,ka lo en hau ringawt. Insiam tha sauh sauh in a ban kham theih tur in a siam rem a “Rawn mu rawh" ati nghal sup.









“I a mi!" ka ti chhuak vak a “Nichin ami ai fe kha chuan a zahthlak loh zawk" ati leh sup a,a nui deuh reuh lehnghal. “Ti teh..nangmah vang in ka la mu miah lo a,chuta kar ah min la len san daih zui a!" ati hmuk a,ka sneackers phelh in a bul ah chuan ka mu thla ve hram a.









A lam hawi zawng in min kuah tha sauh sauh a,nghet tak hian min kuah a. “I chhungte an lo lut ange?" ka ti sap a, “Ka thu lo chuan an rawn lut lo ang" ti sup in ka chal ah arawn fawp vang vang,min kuah tha sauh sauh in a mit a chhing zui hmak a.









Reilo te ah arawn thaw sak sak a. A hmel tha leh pa zet chu ka thlir reng a. Mipa ve si a mithmul chu a er tarh a,kei ai pawn mithmul a ngah zawk. A vun ngo lam mah mah chuan a ti tha zual ngawih ngawih. A mitmeng rum tak chu a chhing hmak a. A hmui chu a senno chek chek bawk. Min fawh lai a duhthawh thei em em a hmui chu en in ka nui var var a.








A rawn che hrut a,a harh amaw ti in ka lo melh reng a. Meng lem lo hian ka nghawng ah chuan a hmai arawn phun sauh sauh anih chu! Ka nui chhuak teuh hle ani. A sual lutuk tih ti hi chuan a hriat miah lo. Naute nen ka teh khin hial ania.









Keimah vang in a inthlak chu ka ti lo a,mahse tun ah tak hi chuan a damlam tawh hle in ka hria. A tawngka chhuak hi chu atih ve dan hrim hrim anih ka ring ber tawh. A hmel tha vur ni si lo a chhe chuang miah lo te hi ka en ning thei lo. Hetiang hian kan inhmuh tir khan kan awm ang tih ka ring phak lo.






___________________________________________________________________________________




Ramdinsanga nen pawh kan ni tluang zel a,thla 3 ngawt kan inzui ve tawh. Kei pawn a hma zawng ai in ka duh a,ani pawn min care thiam em em a,mahse a tawng erawh a la ni hmuk hmuk. Mipa zawk a nih na ang in min duat thiam a,han titau ve thin mah ila tawngkam tel lo hian min thlem dan a thiam thei em em a.









Min duh na atih lan dan chu a thik na hi ani! A thik thu a chhia ka ti dawn nge chhe lutuk ka ti zawk dawn. Mipa ka melh fu deuh lai a hmuh tawh hi chuan a biak tawng theih loh. A hnek nghal bur hi ani deuh mai a. Kei erawh tun thleng in kut min la thlak ngai lo a,mahse ka kut a seh thin leh ka chal a tauh thin hi ani mai.









A thin ka tih rim hi chuan ka nghawng emaw ka kut hian a tuar ziah a,a seh lah chu ana ve vawt vawt zel. Mipa dang bul ah ata ka nih zia ati lang nasa thin a. Hmeichhe dang in an lo biak ve deuh te hian a chhang ngai lo reng reng. A mawi ka tih chiah lo vang in chhang let ve tur in ka ti thin a. Hmaichhan ngei ah pawh zu han chhang duh miah lo a.








Zu hi a in ve zauh zauh a,mahse tun ah chuan in tawh lo ang tluk ani. A in anih chuan ka thinrim a,ka be duh lo thin a. Kan inah arawn kal chang lah a tam. Ka chhungte pawn kan chungchang an hre tawh a,a tha chu an ti ve mai a.








*Kan rawn leng dawn!* Call ka lak rual rual in Dorkey-i chuan alo ti nghal vat a *Lo leng ru,tu tu te nge?* ka ti nghal vat a *A ngai tho* arawn tih chuan ka nui hak a. Keipawh in ti fai ve deuh in ka thian te chu ka lo nghak ran a. An rawn lut chu an ri deuh huk hlawm a. Collage khat ah vek kan kal a,lar pawh kan lar. Tunlai tawng tak in Collage king Ramdinsanga bialnu ka lo ni ve nen min hre tu pawh an tam ve ang reng.








Ka thiante nen chuan kan inchung ber ah kan chho a,kan ti ti khawm laih laih a. Mimi-i pawn bialpa a nei ve tawh a,a chhelo ve pangai a,kan collage ami ani bawk. Dorkey- i chuan ala nei lo tluang zel bawk a chutiang bawk in Jeremy pawn. Didika hi chuan duh deuh chu a nei a,mahse a star ringawt bem em em a tum hran lo.









“Jeremy nang engtik ah nge i neih ve dawn?" Mimi-i chuan ati a,kan melh nghal thap a “Ka la nghak" ati sup ringawt a,ala tawng tlem hle a. Mahse a hma zawng aiin kawm a nuam a,Ramdinsanga chungchang te pawh ka sawipui ve thin a. Mahse Ramdina erawh in a mil chiam lo mahse a sawi chhe ngai chuang lo,Jeremy pawh chuti tho chu ani.









Dar 3 vel ah chuan haw an rawt a,kan mipa ten inkhelh an duh sia kan hmeichhia te lah in eirawng bawl an ngai sia haw hma an rawt ta hlawm a. Kan gate bul thleng chuan ka thlah ve a,Mimi-i chu ke in a haw hnak hnak a,thlah an tum pawn “Kan pa in a thik ang" ati ringawt a.









Jeremy an car arawn keng a,a thlah haw pah dawn anih hmel. Car a a luh hma chuan a ding leh ren rawn a. Dorkey leh Didika chuan an phone hlir an en a,min ngaihsak vak lem lo. “Tun lai in tha em?" ati sup a,nui ver ver in ka bu nghat a “Nangmah ti hreawm zawng in a awm chuan min hrilh dawn nia" Nui suk chuan ati ve leh a. “Chutiang chuan a awm dawn hleinem" Tiin ka nui ringawt a.








Lo kal hnai deuh in ka hma ah chuan a ding vang a “Kan hmeichhe duh vang hian mipa tu pawh kan inthlak thei" Ati sup a,a sawi awmzia ka hriat loh em vang chuan ka dar ka san ak ringawt. “Kan kal ange! Lo in enkawl tha rawh aw..thil tha deuh ka lo kal leh vel ah ka hawn ang che" Ka biang piai zauh pah chuan ati sup a,ka nui leh ringawt a.









In mangtha in kan in vei lawp lawp a,an tlan liam chu ka thlir reng a. Inchhung ah chuan ka lut vat a,ka nu in chaw alo chhum mek a. Ka thiam ang ang chuan ei rawng ka bawl ve nghal a. Vawiin Ramdina reh lutuk chu mak ka ti ru ngei mai,mahse a buai ani ta ve ang chu.








Zan riah kan ei kham chuan TV kan en thap a,ka nu thiante an lo lang hlawl a. Thingpui lum tur in min ti nghal zat a. Choka lam ah chuan ka phei a,tui dawh in ka chhuang a,phone ka khawih pah mawlh mawlh a. Ka kawng a rawn kuah thut tu an awm chuan ka phu nghek a. “Min ti phu!" ka ti nghal vak a,ani erawh ala ngawi run thung.









“Vawiin i buai ami?" ka ti sap a,a tawng leh duh tawh miah lo. Thinrim na a nei tih ka tai a hmer dan ah hian ka hre thei. A lam chu ka hawi nghal zat a. “I thinrim ami?" ka ti sap a,min melh lo in thil dang a melh daih a. Ka koh ka koh pawn min kuah reng chung in min chhang duh lo









“Ramdinsang!" ka ti vak tak ah chuan a thaw chhuak hawk a “Eng nge vawiin ah i tih?" ati hmuk a “Inah ka awm,ka thiante an rawn leng" ka ti hmuk a “Vawikhat...vawikhat pawh min rawn call lo in i thiante bul ah chauh hun i hmang maw?" Min melh thip ram chuan ati nghut a.









“Min lo call hmasa lo zawk anih kha,i buai ka ring a ka call duh lo zawk che lawm" ka ti sap a,ka vin let ve anih chuan in a thin a chhe si. “Khapa hnaih tawh suh tih vawi engzat nge ka hrilh dawn che!" Ati leh nghut a,eng vang a Jeremy thik tlat nge anih pawh ka hre tawh lo. Kan chungchang ka hrilh vek tawh a. U Zothana tih loh ah a thik ber ala ni hial ang.









“Engmah thleng a awm lo" Ka ti sap a,min ring hlel chuang lo a mahse a bul a ka awm hrim hrim hian a lungawi lo bur hi ani mai. “Ka sawi ngun tawh,khawvel ah hian ka thil sawi ngun ber ani hial ang,ka mipat pui rilru chu engvang in nge ka hriat loh teh lul ang!" A tir in sawi ve viau mahse a tawp lam erawh a ring mah mah tawh ani.








“Eng tin nge a awm vak chuan? Kan inkawm a chu zawng chu ani mai,thik na chhan tur a awm lo..." Ti sap in gas chu ka off a thingpui chu ka siam zui nghal mawlh mawlh a. Ani erawh alo ding ngawi reng thung! “Rawn chho vat ang che" Ti nghut in ka room lam ah chuan a chho a,chhoh ka hreh ru em em ringawt.









Thingpui chu ka pe a,an inzawh ka nghak leh nghal zat a. An inzawh chuan ka tleuh zawk zawk a. Ka kut hru ro in ka room lam ah chuan ka chho ve a. Ramdina chu ka khum ah ka phone khawih in alo thu a,pan hmasa lem lo in bathroom lam ah hmai ka va phih san daih a.









Ka chhuah leh chuan alo awm tawh lo,towel a ka hmai hru chung in corridor lam ah chuan ka va zawng a,meizial alo zu khu hlat hlat a. Ka room bang ah sawn chiang kelh kawlh in ‘No Smoking' tih ka tar a,mahse a hma kha chuan a zu lui tho a,tun a tak a pawn lam a han zuk kher.









Room ah chuan lut leh in ka hmai ah chuan thil eng eng emaw ni ka hnawih ve a “Khapa kha ilo duh tak tak hman ami?" Ka hnung lam a ti hmuk ri ah chuan ka hawi vat a “I ngai kawi anih kha" Ka ti sap ringawt a. “Zomuanpui min tih thinrim phet hi nga ti nge i tum tlat a,ka thusawi ai kha pa thusawi kha i ring zawk tih na em ni?" Tiin min pawt hnai hrawk a.








“Ninawm e...eng nge heti hian i rawn khawsak vak a!" Ka ti ve ta vak a,a vin reng bawk si..mi zaidam zawk zawk ka ni lo bawk nen. “Eng nge kei ai in kha pa kha a that na..." A ti chhuak hrawk a,ka thaw chhuak hak. Thik thu hi chu a pe chhe ve chiang alawm.









“Nangmah zawk hi lawm buaina! Vawiin nileng in min rawn call lo a,i buai ring in ka call buai duh lo che a..nangmah ngaihtuah ru em em a ka awm lai in min vin leh chiam a..nangmah zawk hi in en fiah ta che,thik loh tur tur i thik thin hi sim rawh" Ti chhuak ve chiam a,thinrim lutuk in min melh ve reng a.








“Kei hi buaina chu maw?" Nui ro hak chuan ati sup a “Mipa dang in i biang an khawih lai kha nuam i ti em ni? Nge keimah ah hian duh khawp loh na i nei zawk?" Ngeiawm lutuk chuan ati chhuak hmuk a. Ka thaw chhuak hak a “Mipa dang ka kawp san che i tih na em ni? Sawi teh...khang hun chhung zawng khan tunge ka pan san che? Thik tur zawng ve ngat ila chuan nang ai mah hian ka ngah ang..Rilru tluang tak hi i pu ve thei lo ami!" Ka ti chhuak nghek a. Ka chhungte lam pawh ka ngaihtuah tawh lo.









“Min kawp san tih ka sawi hauh lo,keimah min duh em em tu bul ah nileng hun hmang ta ila engtin nge i awm ang" Ati chhuak ve hrawk a “Haw rawh!" Ti sap in ka kalsawn a,mahse ka hnung lam atang chuan min rawn chawi thut a,khum ah chuan min thlak thla nghal a.









Kan insual chhunzawm chu ani nghal mai. “Haw rawh,lo kal tawh suh" A dar chum zawt zawt pah chuan ka ti chhuak tiau a,vawiin ah nileng in ka hmu lo a,ka ngaih ve teh reng nen kan boruak lah chu heti hi ani mai si a. Ka kut pahnih chu vuan in ka luchung ah a vuan bet nghal hmak a.









Na zet chuan ka hmui chu arawn fawp ngawng ngawng a. Chhang let chak na ka nei hauh lo bawk. “Min ngai em?" Min fawh na a thlah rual in a ri chuk a. Chhang lo chuan ka hawi sawn nghal daih bawk. A thaw zui hrawk a. “Zomuanpui min ngai em?" Ti leh sup in ka nghawng a fawp dan dan a.









“Aih!" ka ti chhuak tiau a,a nui suk tih ka hre thei. Mi mah lung chhiat nak a lai in ani ala nui mai mai zui,ka va han ngei mai mai tak. “Anih min kiss rawh" Ati leh sup a,a lam pawh ka hawi duh lo a. Ka biang chu a fawp leh dan dan a. Min ngaih deuh hi chuan ti hian ati ziah a.








“Haw rawh!" Ka ti hmuk a “Aih" ati hmuk a,ti hi chuan ka tap mai dawn in ka hria “Haw rawh..ka mu dawn" Ka ti chhuak chiam a,ka mittui chu ka bek ah a luang thla nghal zawih a. Ka mittui chu hru in a fawp nghal zauh a. “Ka riak dawn" Ati sup a,ka nghawng bawk chu a fawp leh a.









“Ka hmu peih lo che haw rawh" Thaw chhuak hak chuan ka ti leh sap a. Ka bul ah rawn let thla ve nghal in ka kalsawn hma chuan min rawn kuah khawm vek a. Ka tal nghal chiam bawk “Min ngai em?" Ati leh sup a,a nui deuh bawk. Chhang duh lo chuan ka tal sek a.








Ka hnute arawn tham salh chuan ka che lai pawh ka tawp chat a. Rum lutuk in ka han en nghal a. Ka kawr chhung zen in ka bra chu a nawr tawm chho a,ka hnute chu a kut lum thur thur chuan arawn khawih nghal a. “Tho teh" Ka ti nghal vak a “Ka ngai che lawm" Ti sup in ka hnute a tham ngek a,ka rak chhuak that a.









“Ka ta vek i nih hi! I engkim hi ka ta!" Ati sup sup a,keipawh che tawh lo chuan ka ngawi reng a,ka awm a a kut awm chuan ka thaw ati har deuh talh mai. “Haw tawh rawh a tlai tawh" Ka ti sap a “Min ngaih thu i sawi hma loh chuan ka haw dawn lo" Ati sup a “I hmelchhia ka sawi lo ang" Ka ti nghek a “Anih chuan mihil ang" Tiin a chhing zui hmak a. A luhlul dan em em hi.









Min pawm tho lawp in khum ah chuan min mut that tir a,a rawn mu thla ve nghal zat a.Ka kawr chhung bawk arawn zen leh tawh a. Kei pawh ka chhing zui ve nghal hmak bawk. A awm lum thur thur chu ka ngheng a,a tawngkam in min thlem lo mahse a chezia hian min thlem thin!











Zing ka thawh chuan alo awm tawh miah lo a,ka phone ka ban nghal zat a. Min rawm call hma hma chuan ka call nghal vat a,a tawp dawn amaw tih hnu ah ala ve chauh *immmm* tho phang aw lutuk chuan arawn ti sup a *I lo riak amaw ka tia?* Ka ti sap a *Dar 2 ah ka haw* tiin a che zui sat sat a.








*Tho tawh rawh a tlai tawh* Ka ti leh sap a,ka tho nghal vat a *I thawh tawh vang mai a!* Ati hmuk a,ka nui nghal hak a *Vawiin chu leng ang aw,lo insiam la* Arawn ti leh daih a *Aw le* ti sap in lan in biak na kan ti tawp a.









Inhnuai ah chhuk in ka mi ka puih mawlh mawlh a. Chaw pawh kan di har lo reng a. Chaw ei na vel ti fel zawk zawk in ka room ah ka chho a,ka insiam ve nghal zat a. Ka insiam rei ve zek a. Kan len chhuah dawn vang in ka bialpa in hmeichhe dang a melh theih lo nan chhelo tak a ka awm reng angai.








Dar 10:30 vel ah chuan min rawn lam a,ani pawh a chhelo leh tawh hle. A bike khalh lai hmeichhe ho in an en zui vawng vawng thin chu ka thik ve zek a. Park ah min hruai a. Couple pawh an tam ngei mai. Room book a ngaih zel avang in alo book lawk vek a,nileng chuan kan leng dun a..








Tlai ni tla tur thlir in kan thu dun a,a hma ah chuan min thut tir a,ka hnung atang chuan min kuah hlun a. Ka nghawng leh sam vel chu a fawp leh dan dan zel a. “A mawi tiraw?" Ka ti sap a,zep thu cheng lo! “I mawi" ati ringawt a. Ka nui var var a.









“Kan in hmuh tirh ngaihtuah chuan kan awm dan hi a awih awm loh hial zawk" Ka ti sap a “I sual em a" Nui suk in arawn ti anih chu! Amah ani reng sia sual chu! “Kal mai teh,nangmah fe" ka ti vak a,ka tai arawn tham salh a.









“Ka hmangaih che" Tiin ka nghawng ah hmai a phum a,kei erawh ka thu khawng reng ringawt. “Eng maw?" Ka ti sap “A thu nawn ka pai lo" ati hmuk a,rum lutuk chuan ka melh phei a,ka hmui ah alo fawp chat a “Khawvel ah ka hmangaih ber che" Ati leh sup a,lai lutuk in ka nui nghal ver ver a.









“Ka hmeichhd hmasa ber i nih ang bawk in i tan a hmasa ber ka ni a. Ka thlah ngai lo ang,ka duh na che hi hmangaih na ah a inthlak vat reng a,nang pawn min hmangaih hun i nei a,kan inkar tih chhiat tum an awm ngei anga...mahse min ring tur in ka duh che!" Ati sup a,ka melh reng a. “Ka hmangaih che chu ka ti thei chiah lo na a,ka duh lutuk che tih chu ka chiang" nui sak chuan ka ti ve sak a.









“Min hmangaih let ka phut lo,ka kiang a i awm a,ka bul a i hlim chhung chuan ka duh tawk. Nangmah chiah ka duh...midang ka duh lo. Ka atchilh hial tawh che a. Ka bul a i awm chuan engkim a tha vek" ati leh sup a “Here with me" ka ti sap a.




👽

A TAWP TA

Instagram : Ilike_umbrella_

A tawp dan ava ho ve tiru,ziah teuh chu ka duh viau na problem hrang hrang alo awm thin bawk nen naktuk atang chuan ka hman lo tluan parh a. Chuvang chuan ka rawn complete ta mai a. Min dem ang tih ka hria.




A tir atang a a tawp thleng a lo chhiar tu te Pathian in Malsawm vek che u rawh se,kan in hmu leh vat tur ah ngai ila. Chuan,lo comment kher lo a lo chhiar ve thin zawng zawng te chungah pawh khan lawm thu ka sawi a. A comment tu te pawh kha ka hre vek che u nia....Ka tan in hlu lutuk e!🤧💓



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)