RINTEI

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Mamipc_
Posts: 1
Joined: February 10th, 2020, 10:36 pm

RINTEI

Unread post by Mamipc_ » February 10th, 2020, 10:40 pm

RINTEI
Hetianga a awmna chin sawilo a areh hmak mai hi chu ka hrethiam lo ani tia Rini’n a thian kawmngeih em em Zuali hnena asawi lai chuan zuali pa leng chu alo haw a, chutia a fanu zuali leh rintei mittui parawl kuanga anlo thu an hmuh chuan, kha enge inlo sawia, engtizia nge in lung ava chhe ve an ti nghal bawrh bawrh a, zuali pa pu saia hi pa fel leh nelawm tak mai, a nupui chu sawiloh afate pawh thian anga kawm bawrh bawrh thin mi ani a, a fate tan chuan a hlu in, an nu aimaha an thlakhlelh zawk ani reng ani.
Zuali chuan ka pa, engmah anilo kan lo inngaihtuah lungchhe deuh alawm le nui sen sen chung chuan alo ti vara, apa chuan a nula pum pa chutia lungchhe taka lo awm chu enge maw tak chu ani ngei ang, rinte min han hrilh teh, enge in harsatna chu an tih chuan zuali chuan ka pa, hei chu rintei chungchang ania, sawi nuam ati lo ang alo ti a..mahse rintei chuan inhnit faih faih pah chuan pa zual ni e, thilthlen dan hi ka hrethiam lo ani, pu saia chuan e, rinte enge I harsatna chu min han hrilh ta che, phailam atanga ilo haw achin hi I hmel hlim ka hmukhat reng ani, I pa a awmloh chinah I pa ai awih zo dawnlo mah ila, ipa ang chiahin min ngai rawh, zuali nu nen hian kan fanu ang chiahin kan ngai che sin alo ti vata,
Rintei chuan thilthlen dan chu an sawi tan ta a,
Kumhnih vel liam ta ah khan zirna sang zawk zir turin Mumbai ka pana, chutia north east la pel ngailo tana south india lama han kal vang vang chu ka phur lemlo,vai ho bula la khawsa ngailo ka nih avang chuan ka tim hle a, ka pa boral na pawh kumkhat erh awrh chauh ala ni, chutia ka nu leh ka unau te han kalsan vangvang mai chu ka huphurh ru hle ani.mahse ka thil zir duh zir tur chuan hmun hla tak pawh nise ka kal vangvang angai lawi si..tichuan ka nu leh ka u mama chuan airport thlenga min thlahin peihlo tak chungchuan kan kal ta kha nia, ka pa u ka pa muana te hi Mumbai ah khuan reife chu a hnathawhna avangin an awm ve tawha, an nupa khuan fa pahnih mipa veve neiin kum lamah chuan kei aiin an u hret, an ni chhungkua an awmbawka tiin ka nu pawh a ngaih atha hle a,ka pa muana fate pahnih u mapuia leh u kima te hi zirna lamah pawh master degree nei veve anni a, kan chhungkaw ho chuan kan chhuang hle nghe nghe,
Tichuan darkar thum vel kan thlawh hnu chuan Mumbai airport chu kan thleng ta a, airport chu a zau in a dai ruih maia, kan ram airport te nen han khaikhin rual anilo, hetiang airport lian leh ropui lutuk hi Mizoram ah han awm ve se tiin ka awt ru hle a, mahse kan ram dinhmun nen ka ngaihtuaha duhthusam mailoh zawng kan tan chuan vana rah ang ani si, .tichuan ka bungrua ka nghah lai chuan ka phone chu a rawn ri ral rala, u mapuia calling, hello u mapui hei kan ka bungrua ka nghak mek..khawnge I awm kan tivata, u mapuia chuan pawnah ka nghak che, lo hmanhmawh suh ati a, ka phone chu ka daha, rei vaklo ah chuan kan inhmu a, an in lam pan chuan kan haw phei ta a.
Ka pa muana’n min hmu chu a hnuk a ulh teuha, ka pa leh ka pa muana hi chu an unau zingah pawh inkawmngeih bik an ni a, ka pa damlai pawn Mumbai ah hian a zuk zin fo thin..chutia hnukulh teuha kan awmlai chuan ka nu ziki(ka pa muana nupui) chuan ehe mate I lo thleng ta nimaw, I hah em, inbualte induh em, nge thingpui kan dawm ho phawt zawk dawn em ni alo ti zung zunga, khawlum leh boruak uap churh avang chuan ka chau hle a, thingpui kan inzawh chuan ka inbual ta nghal a,
Helai hmunah hi chuan zanriah eihun pawh hi atlai raih maia, Mizoram lama tlailam dar nga dar ruk vela chaw ei thin kha he tah chuan dar kua bawr velah kan ei daih maia, nunphung in anglo lutuk hi ka tan chuan zir fe tham ani., zanriah kan eihma deuh chuan ka nu chu ka bia, lungte pawh aleng duh hle mai, mahse hlawhtling tur chuan kan tawrh hmasak angaia, tuna Mizoram lama officer tamtak te khi an hunlaia hreawm tuara lehkha lo zir thin te anni a, anni hunlai pheichuan retheih na hian hmun aluah zau lehzuala, current an neilo a, laltrin nena lehkha lo zir fan fan thinte anlo ni a, kan khua college principal pension tawh pakhat lehkha zirlai chanchin a sawi ka ngaithla fuha, shillong lamah college kalturin a chhuk a, mahse sum indaihloh na avangin an hostel fee pe theilo in a awma, tichuan hostel fee pe theilo nanana chu an hnawtchhuaka, mahse abeidawng duhchuanglo, a thiante hnenah a rem rem ah chuan a riak kuala, chutichuan a graduate ve thak tho ani. Mihring hi ava inanloh theih em, harsatna tuifawn kara beidawng duhlo a bei ngat ngat tute hi ni hlawhtling thin chu, chutia ka inngaihtuah lai chuan ukima chuan chaw eiturin minlo ko a, ka pa muana fate hi mipa e tilo chuan eirawngbawl, insuk te hi an nu tihturah dah mai loin an ti ve bawrhbawrh thin, ka pa muana hian ka u te ho zilhnan tak a hmang thin.
Karthar maia class tan tur kan nih avang chuan ka u kima chu mami vawiin chu ka awl bawka in zirna hmuntur va fang ang hmiang, karthar atang chuan nangmaha ikal angai tawh dawn ania atih chuan awle ka lo tivara, ka tan chuan engkim hi la hmu ngailoh anih vannge kan zirna hmuntur va thlithlai pawhchu ka phur hle a, kan va thleng chu, hmuh ropui ka tum lutuk vang nge ka beisei ang ani chiahlo, mahse ka u kiman min hrilhdanin he institution hi british hoin min awp atang daih tawha din ani a, a hlui viau na chu an lo ngaisangin helai hmuna lut tur hian anlo bei nasa hle thin ani awm e, keipawh helai hmuna lut tur hian Guwahati lamah entrance exam te ka pe a, vanneih asiamin ka lut ve thei chu nia hei.
Institution bulah chuan Mizo chawlhbuk a lo awm reng maia, helai hmun ami tihtakah ukima chuan tlangnel takin min luhpuia, nula leh tlangval panga vel hnenah chuan mami hei I senior tur te annih hi, buaina I neih chuan iva pan vat thin don nia ati a, kan in chibai lawplawp a,chutia mizo zirlai lo awmve te chuan kan thla anti muang huai mai, room kawngkhar atang chuan ehe ukim ilo kal animaw,naute ho min lo ngaihsak thin hi chu kan va lawmthin em tlangval pakhat hian alo tilut bawrhbawrha, ukima chuan maimai thina heite chu kan tih ve tur reng alawm, e hei takah mami heihi sangzuala, helai mizo zirlai zingah president nilai mek antih chuan sangzuala chuan ka mita en reng chungchuan chuan ukim ani hi, mami ka nau hei in junior tur anih hi, lo duat hle ang che, I kutah ka dah ania ati a, sangzuala chu palian satha takmai,ngo lutuklo ani a, han enmai pawha mahni lu zo ve tak, harhvak mai ani
Tichuan class chu kan tan ta a, u sangzuala zarah classroom pawh zawngbuai lo in ka hmu vata, ka subject lak hi a har deuh vang nge,college kan kal lai pawhin ka subject angla ve kha chu sawmvel erhawrh chauh kha kan ni a, tunah chuan sawmchu sawiloh pali teng tawng kan ni, vai ram tihtakah keitih loh northeast mi tumah an awmlo, an landan mai chuan vai hang thil thel, ngaihno beilo zetzet anni , mahse rin aiin an fel,kan inhmuh vawikhat na mah nise tlangnel takin min bia a, khawi atanga lo kal nge inih, Chinese ami inih,tih angreng zawhna an ngah khawp mai, an tan chuan keini ang mit tlangkawm nei manglo mengzim, mithmul nei ve changchang ang ho hi chu Chinese kan ang ani ngei ang.
U sangzuala chuan mami class banah mizo ho chawlhbukah khan inhmuhkhawm lawk tur aw atih avang chuan ban velah chuan chawlhbuk lam ka pana, u sangzuala chuan university main gate ah chuan minlo nghaka, in bangchiah mi kawrawh phei ang atihchuan, ehe minlo nghak elaw ka ti a, ani chuan I vawikhatna tur ani sia I bo te ka hlau lawm tihpah chuan anui sen sena, kan inhmuh tirh phat atang rengkhan min ngaina nghal em em a,mak pawh ka ti..tichuan mizo ho kan inhmuhkhawm zawh chuan haw mai ka tum chu, u sangzuala bawkchuan mam, minlo nghak rawh ka thlah angche a rooma lutpah chuan a ti a, angaihleinem kan ti tawngkamtha ve maia,engtin mah min chhanglo,room atangchuan alo chhuaka kawrawh le ka hman e, haw hmain coffee va in lawk ila sawlai lawkah sawn ati a, chutia coffee an sawichu nilengin engmah ka la eilo tih ka hrechhuak chiah, ka ni hmasa ber anih vang nge eitur lam pawh ka lo ngaihtuah tawh lo, ke in coffee dawr lam chu kan pana, tlangnel deuh hian min be phei char2 a, ka lo aw liam ve zela, amah hi nakum lam maia a zirlai zir zo tawh tur alo ni a,keini bul kan tan dawn chauh lai in, a awhawm bik khawp mai, coffee te kan in zawh hnuchuan taxi in kan inthlengin min va thlaha, lo leng lut rawh ka tihchuan atlai tawh em mai nidangah nirawhse aw, naktuk chu rawntlailo la,gate ah ka lo nghak leh angche atih chuan ka nui suka, akal liam ta a
U sangzuala awmdan chu mak ka ti rilru hle a,,tichuan inah chuan ka lut ta, ka nu ziki insu ka puih zawh chuan zanriah tur kan buaipui leh nghal char chara,ka pa muana vanneih zia hetiang taka nupui fel leh tha aneia, fapa fel taktak anei bawka, chhungkaw awham tak chu anni. Ka pa te unau hi chu an vannei vek mai, ka pi leh pu Pathian thuawih rahkha an seng ni berin ka hria, ka pa erawh chuap cancer avangin min boralsan maipawha
Zanriah eikham ka mut hma deuh chuan ka phone arawn ri ral rala, u sangzuala, hello, I mutawh mi, la mu lo e ka mu dawn chiah zawk, vawiin kha ihah em? Keipawh ka class kal hmasak ber chuan tun angin mizo an la tam silo a, keimahin engkim ka inbuaipuia hahtak ka ni ati bawrhbawrha, hahlo e, I zarah engkim awlsam deuhin ka ti theia, ka lawm lutuk ania kan ti liam ve maia, khangte chu senior te tihtur alawm ati ve leh maia, naktuk kan inhmu dawn nia aw.mangtha le tihpah chuan phone chu a daha
Mak chu ka ti vawiinah gate ah min nghaka, coffee min inpuia, min thlah leh thlapa, tunah min phone leha engvang nge ni ang..ka hrebik lo ani,min kawmngeih ve hrimhrim ani mahna..tichuan ka pa muana tuilum intur ka siam zawhchuan mut zai ka rel ta a
A awmdan khan ka thinlung aluaha, engvang nge ka hrelo min ngaina tihchu ka chiang mahse thildang ka lakah hian a beisei em ni? ani ang mipa fel hian minlo duh ve nita se engtin nge ka tih angle, ka thil lo tawn tawh avang khan mihring hmangaihna hi ka rinzawng ani thei tawhlo a, natna leh beidawn na min thlentu mai ani tih hi ka ngaihdan nghet bur ani tawh,
Atukah chuan a sawi ang ngei chuan gate ah chuan minlo nghaka, min hmuchu a hlim hle..mam kawrawh in class ah ka thlah phei ang che min ti a, tichuan kan phei dun a, tlaiah campus ah hian ka lo nghak angche inhmu lawk ang aw atihchuan ka aw liam ve mai, ka ngaih erawh atha hranlo,vaiho chu anlo rak leh chul a, akhawhar thlak loh thin ania classroom hi chu, kan professor te hi an ngainat awm hlawm em em maite hi vannei ka inti, professor te nena kan thawhho na athat hi chuan zirlai te pawh hian kan zirlaiah hma kan sawn nasa thin em ani.
Lehkha zir hi nuam ka ti a, ka subject hi ka tui bawka, tunlaiah athiamfal tanlo chuan hnahmuh maimai ahartawh a,chung avangte chuan ka zirlaiah atir phat atangin ka tangin classroom lecture te pawh ka ngaithla uluk thei hle. Tlaiah chuan campus ah chuan u sangzuala chuan minlo nghak leh ran tawh, ka va thleng chu mam ilo va kalhar ve alo tia, kan bang chiaha ka lo kal nghal vat ka tihchuan anui suka, mam thil pakhat ka hrilh angche o, ole min hrilh ta che athaw deuh hulh a mam ka duhche, ka inzep zo tawhlo, sawi ka tumfo, mahse ka ngam nganglo, mahse ka zepthei tawhlo mam ka duh lutuk che..mak ka ti lutuk chu ka en ngai ka en char2, a theihloh, Pathian hmangaihna tihloh chu ka ringlo, mihring hmangaihna zawng nuam kan tih chungchauh a daih, ka hrechiang engemaw avangin nuam kan tih ni aliama, kan kawppui te rilru thinlung dawn leklo in mahni hmachauh sialin kan kalsan leh thin chu anih hi, u sangzual min hrechiang lo ani, hmangaihna lipui ka lo dai ve tawha, chu chuan min ti beidawng takzet, ka hmangaih kha ka chelh ding zo lo a, min kalsan asin, nangpawh engtik niah emaw min kalsan leh dawn thotho..chuvang chuan tunah min kalsan zawk mairawh, thian angin min en zawk mairawh, I thian nitur chuan ka inpeih reng ania nui chung hian ka han ti a, a zahvang nge a melh ngai a melh tlawk2, hei tihpah chuan a hnungah chuan ka va chuma, aw mam kawrawh ka thlah angche..atihchuan angailo e,keimahin ka hawthei lom ka ti a, ani pawhchuan I he lo chuan anih chuan ka kalphawt ange tihpah chuan chawlhbuk lam chu a pan ta a..
A pawi ka ti u sangzual, kha mihring vang khan he khawvel a mipa tumah ka ring zo tawhlo, atawpa min tina tur maimaia bultan pui hi ka duh tawhlo..
Atuk atangchuan u sangzuala chu ka hmu kha ta hle mai, hmanhmawh deuhdeuha min kalpel lai leh mizo ho inhmuhkhawmna a kan inhmu te anih ngawtloh chuan, tichuan kar aliam zela, class test te kan nei zeuhzeuha kan class ah atitha pawl kani ta zel a, ka lawm rilru thei hle, ka pa muana te chung pawh ka chungah an tha in kanhlim tlang thei hle mai, ka u mama pawn tiam tlat e tihpui tur, u lawmi venghlui lam mi ahmu ta a, October thla khian inneih an tum ani awm e,keipawh ka nu’n an inneih hmanga hawchho turin min rawn tibawka,puja chawlh laite anibawka ka hawchho ngeiin ka ring
Kan zirlai pawh a hautak sawt viaua, a chang leh project tih angaih thin avangin hospital te kan tlawh kual thin a, damdawiin alen theih tehlul nen damlo awmna tur khum a awmtawhlo tih hi an harsatna lo nifo, rilru an ti mangan ru thei hle mai, hetia kan damdawiin tlawh kualna ah hian leprosy hospital te, cancer hospital leh HIV positive ho awmna hospital te kan tlawhkual thina, rilru ava na duh thin em, an duh vangreng pawh ni lo a,hetiang natna tihbaiawm tak in an taksa a eichhe mek chu anisia, ka lainat thin mange, an tan tihtheih ka neilo,rilru tawngtaina mailoh chu..phar ho phei hi chu natna inkaichhawn theih anih avang hian luhchhuah vak an remti lo a, an mahni tak hian hreawm antih hmel thin si a, thinlung an tina thin khawp mai,helai vairamah chuan natna hi atam bik emaw tihmai tur ani, zoram lama ka hmuh ngailoh natna te hi a tamin, piansualna chi hranghrang hi atam lehzual a, lehlamah kan vanneih zia ka ngaihtuah fo a, ka lawm ru thin hle
Kan class tan atangin thla nga lai aliam ta, u sangzuala pawh k hmu ngai meuhlo, zirlai ahautaka mizo inhmuhkhawm tur antihte hian kal loh zeuhzeuh ka nei fo a, inthlahrun erawh ana duh hle mai, tlaikhat chu class kan bang hma deuha, u sangzuala gate alo ding leh reng chu minlo nghak emni ang, anilo ang engkim kan sawifel tawhkha,keichu ka nilo ang midang aniang ti pah neuhneuh chunga ka phei chu a zawn ka thlen chuan minlo au a,nui deuh chungchuan awih tunge inghaha, nangmah, ala hmatho athuchawl lawk ila atih chuan ka hnial bik lemlo a,
Mam, ka kutchu lo vuana, mam min ngaidam rawh engvangin, hmani khan insawifiahna hun pe lo chein ka kalsan che a,imi chhandan khan minti bei dawng lutuk a, ngaihtuahna mumal pawh ka pu tawhlo a, kalsan che tumin ka bei nasa mahse mam khapa angkha ka ni ve lo, engtin nge imi hriatchian tawh sa leh ila hriatchian miahloh chu I khaikhin theih, a ho lutuk engmah insawifiah na tur ka nei hleinem, mam, tunge kha pa kha, enge I chanchan min hrilh rawh? Ala beidawng lo ani,engtin nge ka tih ang ahmel ka ena, min mamawh ani, ka lainat hle mai,mahse atawpa natuar a tap leh turin maw..u sangzuala chuan min vuana mam tunge kha pa kha,engtin nge atih che,chutia he khawvel mipa zawngzawng irinloh phahna chhan tur khawpin engtinnge atih che..ka khawngaih ani,ava harsa tak em,u sangzual min hrechianglo ani,mipakhat tan ka lo inpumpek tawha, ka ring bawka, mahse ka rinna tichhia in, khawngaihna neimiahlo in min kalsan asin,engtinnge tunah midang ka rintheih tawh ang, mipa te chu an inang vek, ka insum zolo ka mittui alo luang ngiai ngiai a, ka kutah arawn vuana min fiah ta che ani ang ka ni ve nge ve lo chu fiah ka ngam asin, min fiah ngam lo tur khawp chuan I dawihzep ka ringlo min ti faka, min kuaha ka hnartheilo,..tichuan chuta tangchuan usangzuala nenchuan kan inkawpchho a, a hlim thei hle, keipawh ka hlim mahse ka inveng ru rengmai,atawpa nat leh hi ka hlau ani. Mahse thil paakhat u sangzuala laka ka hmuh leh ropui ka tihchuh Pathian tihmi anihna hi, a sawi mailo a atakin alanchhuah tir, heihian min hnehthei hle ani,
Tichuan kan inkawp nghet chho zela, puja holidays lothleng tur te chu zoram lama hawchhoh veve kan tum a,kan phur hle ka u mama te inneih minlo hmanpui turin ka sawma, ani pawn ahnial hranlo..Tichuan karlo ah ahun alo thlenga kan hawchho ta,kan hlim dun hle mai, kan hawni zanah chuan lengturin ka sawm a, ka bula awmtam hi chu a phur zawngtak ani, zanah chuan ka chhungte bulah chuan kan in hmel hriattira,ka nu pawn angaina nghal em em a,kan hlim tlang hle mai..atuk lamah chuan ka u mama te inneih chu kan hmanga,mipui an tamin, program buatsaih a fel thlapa, nuta te inneihna anih vangnge nuam ka ti hle mai,bakah ka nu fanu neihchhuna ka nitawh donlo a,tunah chuan ka awmloh pawn ka aiawh tur u lawmi a awm ve tawh dawn bawka, ka hlimzual hle mai
U sangzuala pawh nuam ati ani ang, akhi ve reng mai,inneih program azawh hnuchuan anu leh pa hnena min hmelhriattir aduh avangin an inlamah kan phei a,ka thil tawn chuan min barakhaih hle mai, anu leh pa hi ka vawikhat hmuhna annia, min be miahlo,ka awmchhungin hlim hmel pawh anpu lo, u sangzuala chuan min inhmelhriattir ve tak na chu kan inchibai liam ve puat ani ringawt, an invel chu anuamin azau khawp mai,chutia u sangzuala nen an in kan fankual laichuan nula hmeltha deuhmai hi gate a lo lut ka hmu a, sangzuala nu chuan bawihi ilo va kal harve, mama te pawh inchungah an awm kan ko ange lo lut rawha ti zungzunga, u sangzuala chu lehlam room ah phone a biak avangin thilthleng chu a hmuve lo, anu chuan lo chhuk teh u mama hei mercy alo kal ania a rawn tih takah chuan kan chhukthla a, anu vekchuan rinte hei mercy sangzuala nupui hual anih hi antih chuan ka nghing dawt mai, sangzuala chuan ka nu ve leh ngawt a che, rinte ka nu sawi angkha animiah lo ania, ka thian anih hi ati vata, hreawm kati lutuk chu ka tlanchhuaka,u sangzuala chuan minlo umzuia, rinte minlo ngaithla teh, ka nu sawi angkha anilo,ka nu leh pa’n min neih luih tir antuma mahse ka duh hleinem, rinte nangmah chauh ka duh che min ngaithla teh tihpah chuan min kuai her sawka, mahse ka tanchuan vanduaina khawvel ani, avawihnihna atan tihnatin ka awm leh ta anih hi, gate ah chuan ka tlanpheia, ka hawzui ta,
Minlo call a ka tanchuan lak ngaihna a awmtawhlo, hnunglam hawikirthei ka nitawhlo,thinlung hliam damnan khuarei angai asin..ani zawng anu leh pa te duhthusam neitura kalsan ka tan atha zawk e.
Tichuan akar lehah chuan engmah hrilh lo in Mumbai lampan chuan ka chhuaka, engtik ah nge alo chhuk ve dawn tih erawh ka hrelo,class kan tana,ahmel awm ka hmulo..mahse ngaihtuah tawhloh ka tuma,ani awmleh awmloah ka buaitur anilo,..a tuka class ka kalchu angai te bawkin gate bulah alo ding leha, mam enge I hriata, khanu kha ka tan engmah anilo,ka nu leh pa thuthu a awm tur ka nilo,nanglo chu tudang mah ka neidawnlo mam min ngaithla teh mam, ani thusawi ngaithla tur khan ka dingthei tawhlo, anu leh pa duhzawng kha neisela atawk animai,.
ka khawngaih ani, ka lainat bawk,tlaitin gate ah min chang a,mahse ka tanchuan kalsan atha zawk,, mahse khami tlai atang khan hmuhtur a awmleh talo,vawiin ni thleng hian ka hmu leh ta lo ani pa zual, ka ngai takzet ani, midang sawi danin kan final exam zawh hnu khan ahaw chho nghal ani awm e,chubak chanchin dang hriat ka neitawhlo.,exam laite khan engtin nge ka hmuh miahloh theih, kan class kal te chu kan impel suau suau thin ani sia, amak em mai zual, achunga ka chet danah khan pa sai ka inchhir ani, achhungte ka biakpawn a awmna anhriatloh thu bak hriattur a awmsilo, nge a awmna min hrilh duhlo zawk ni, zuali chuan minlo kuah chawta,rinte lungngai rengreng suh a awmna chin kan hrevat ang rinte, ni e rinte mangan duh rengreng suh, Pathian kan nei alawm,chutia ka chanchin ka hrilh zawh hnuchuan in lamah ka haw phei ta,ka zirlai kumkhat ka la bak zir leh tura Mumbai chhuk leh pawh ka huphurh ru hle mai,mahse ka zawh ngei ngai si, in ka thlengphei chu ka nu chuan I pa muana’n alo phone che kha, a be duh che ani ang va call leh rawhkhai min tihchuan enge mawni le ti nauh nauh pah chuan ka call let vata, ka pa muana chuan mate sangzuala kha minlo calla asin atihchuan ka phawk hrumai,khawnge tunah,khawnge a awm,
Mumbai leprosy mission ah khan athawk ani awm e, awle ka pa muan tihpah chuan ka dah sawksawka, tichuan tum ai hmain Mumbai lampan chuan ka liamthla ve leh ta rawk2 a ka sangzuala kha ka ngai ani,hmuh thuaithuai ka chaka, athusawi ngaithla duhlo a,kan inkar ka titawp ringawt kha pawi kavan ti em,keimah vangin hunreitak nun khawharin a awm ani si a..ka pa muana te in ka a kan indahfel zawhchuan project tia kan kal fona hmun anibawka, zawng buai lo chuan leprosy mission lam chu ka pan nghal chata, security hnenah chuan sangzuala ka hmuh duhthu ka hrilha, ani chuan alo hre khawp mai, min luhtir a, compound pawnah hian mipakhat sangtha vehvawh min hnungchhawn zawnga ding ka hmu a, tunge anih ka hailo ka sangzuala ngei ani, ka kuahchawta,min hmuchu mak tih hmeldeuh hian min en a, ka hmangaih che ka hmangaih lutuk che u sangzual min kalsan tawh suh aw, mam ka va lawm em, ka kalsan tawh lo ang che..min hmangaih tiraw, aw ka hmangaih che ka sawi tha theilo ka hnuk a ulha, ka lawm bawk si..ka hmutawh dawnlo emaw ka tih hnu ah ka sangzuala chu ka hmu lehta, Lalpa ka lawm e



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)