MY PSYCHO BOYFRIEND

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

MY PSYCHO BOYFRIEND

Unread post by Zualy juneblies » April 16th, 2022, 11:33 am

CHAPTER 3




Zing ka tho chu ka tum loh deuh in ka tho nuam phian,nizan kha chuan school kal lo tur ngei a damloh kha ka tum asin le,ka harh vel chiah tih in Ethan leh Jacob hi an rawn lut hlawl a,ka nau te an ni,class 5 an zir ve mek,chuan phir an ni bawk.












“U apa in au han kai tho ru ati" Jacob chuan arawn ti a,tho kang in ka chhuah vat tur thu ka hrilh, Ethan zawk chuan ka scale hman min dil a,ka hman tir ve mai bawk.










Darzat ka en chuan 8:30 alo ni,kan school hi an in atang hian minutes 20 vel motor a kal chuan anih vang in ka hman hmawh vak lo.









Uniform te ka hak zawh chuan inhnuai ah ka chhuk thla a,ka pa in eirawng alo bawl mek,ka nu zin atang hian nu chan hi a chang ani ringawt,a chang phei chuan kang ut ve thin mahse a siam tui em em tho,ka nu pawh naktuk vel ah alo haw ang.











“Chaw ei lo a school kal tawh loh tur ka tih kha" ka thut thlak rual rual chuan alo ti leh,chaw ei lo in ka kal tih engtin nge a hriat le aw.










Ka pa hi ka thil tawn ka hrilh ang nge hrilh lo ang,ka hrilh anih chuan kei ai a hlauthawng leh emaw ani nga,emaw min ngai lerh vek ang “Pa!" Ka tih sup chuan “Enge ni ka fanu?" Arawn ti vat a,ka hrilh phawt anga mahse hrilh tlang tawp chu ka tum lo.











“Ih...hei,mi bawraw an tih ang chi hi kan chung ah fel se mahse mi dang chung ah chuan nunrawng viau se,enge awmzia?" Tim dai chuan ka zawt a,sawi tlang tawp chu a chi lem lo.











“Aw ka fanu duat hi! A ngaizawng che emaw a ngaina che ani mai lawm,mahse maw ka fanu,hei hi hriat reng tur ania,mizia leh che zia hi a thlak thut theih lo,chu tiang mize tha lo nei chu inzawm na siam pui suh. Tehkhin nan,addict ho te pawh hi hmangaihna vang chuan an danglam thei meuh mai,chu pawh chhungte hmangaih na te an ni,mahse kan Pathian vang a an sim si loh chuan an nung ngai ah kir leh thei reng an ni"ka pa chuan ati dam dap a.










A thil sawi kha a dik ka ti hle, Eric nen hian lo inngaizawng pawh ni ila a mizia a thlak si loh chuan ka tuar tur vek ani,mahse kan inngaizawng dawn ka tih na ani lo.









Ka pa chuan school thleng min thlah,ka nau te chu school bus hian an rawn lam mai thin,kei chu ka pa hman chang in a rual in ka kal a,a hman loh leh driver kan call mai thin.










“Pa bye aw!" Chhuk pah chuan ka ti a,“Yess,chuan lehkha kha zir tha rawh aw,Naruto tih mai mai tawh loh tur!" Nui hawk hawk hian arawn ti,nuih ve hak in school lam ka pan a,kan school hnuai ber atang a class lam ka pan thin avang in ka kal na ngai ah bawk chuan ka kal leh.











Chung lam atang a ka kal chuan inkhel ho an tam thei sia ka peih ve lo,ka chho lai mek chuan mipa harsa ti tak a thaw hrawih hrawih ri hi ka hria,ka chung lawk ah hian a awm.









Ka chhoh zel chuan leh! Ka duh thei lo! Eric chuan mipa pakhat hi bang ah alo rek chawt a,a hnung ah Eric thian te, Sangliana leh Malsawma an lo awm,an lo en vel mai mai.











Ka hlau lutuk hi ka che thei lo, step ah chuan ka ding reng,a mi reh pa chu ka en reng bawk, Eric chuan min rawn hmu,ka lo en reng ani tih a hriat chuan arawn nui suk a.









A mi reh pa chu thlah in chhuat ah chuan a thu hnawk, Eric chu chu pa hma ah chuan thu hniam in “Ka sawi tawh kha!" Ati vawt ruih,a tawng hi ti hmuk chi ani lo ka tih tawh kha,mahse a hlauhawm hle.











Rawn ding chhuak vut in min rawn en nghal,rawn kal hnai in ka ban ah chuan min rawn kai a,ka zui ve tawp,nilo zui lo ila chuan saw pa chan ang saw ka chan ani dawn tih ka hre chiang









Washroom lam ah chuan min kai phei a,a bul hnai chet ah chuan min din tir,tui herh haw in a kut a sil nghal a,a kut ah thisen a kai tih a kut sil na tui rawn sen deuh nguai ah chuan ka hre thei,che chang lo chuan ka melh reng.











A kut chu hru fai leh in min rawn en ta,kan in din hnai em avang chuan ka tawlh hnung deuh hrut,mahse ka kawng ah min rawn kuah in a rawn kun hniam a,ka dar ah chuan lu nghat in a thaw chhuak suai suai.











“Ka bialnu ni tawh la?" arawn ti cool leh ruih a,sawi tur pawh ka hre lo,mahse inzawm na siam pui ka duh lo tih chu ka hre chiang hle thung.




“I lak a ka awm dan te hi I hrethiam lo ami? Anih loh chuan pawisawi lo i tih thin te hian an tuar ang!" Ka beng bul chet a chuan arawn phun leh.




“Mawh?!" Ka bek rawn fawp zeuh pah chuan arawn ti cool leh ruih,tun a thil thleng mek hian ka thawk an ti har takzet,amah a sang sia arawn kun deuh ngul bawk si nen.










“Ih...chhoh ka duh!" Ka ti sup,min rawn melh vut in ka biang arawn tuai neuh neuh.





“Kha pa ka sawisak na chhan kha min zawt dawn lo ami?" Arawn ti leh a,thil thleng ka ngaihtuah let hian ka la khur thei.








“I bag a lehkha dah tu kha amah anih kha" Chiang tak a min melh chung hian arawn ti sup,tawlh hnung hrut in chhuah mai ka tum mahse ka kawr nghawng ah chuan min rawn pawt a.









Ka hawi let chuan “Min lo nghak rawh!" Ati cool ruih,kan chhuah leh chuan kha pa kha alo awm tawh lo,mahse school bag chu alo la let reng tho.









Kan class a inang loh miau avang in kan class lam pan chuan ka phei a,ka kal pah chuan ka tiril a la khur er er thei,chunglam atang khan lo kal hle hle ila tha tur.










Class ka luh dawn chuan teacher nen kan lut rual,alo tlai viau tawh aniang. Class chu tha tak chuan ka kal ve thei zel a,mahse ka lu na leh fek thin chuan ka awm ati nuam lo.











“En teh,bena-a kha damdawiin ah tukin khan an dah" Mali chuan min rawn hrilh ru ser ser a “Tu ben-a?" Ka tih haw chuan “Ka hre bik lo" arawn ti leh,a nawi lutuk chu ka nuih tawp.









“Vanlalruatpuii! Miss Hming in a koh che" kan class ami chuan arawn ti lawng lawng a,Miss Hmingi hi ka ni ani,a awmzia chu ka pa nau tih na,thil min hawn tir leh dawn ani hrim hrim.











“Mal,min lo kal pui?" Ka tih chuan alo aw ve mai a,office lam kan pan lai chuan hmeichhe pakhat hian min rawn su chawrh, compass a keng si nen ka kamis chhan ah chuan mi rawn vit zawk! Amahse ka dar ah deuh ani vang in a na lutuk lo.











“Ka tihpalh lutuk ania,ka tihpalh tak tak uiii apawi e!!!" Arawn ti nghal vak vak a,ana vak lo bawk nen a pawi loh thu in ka hrilh sup,inthiam lo deuh chuan a kal ve ta hram.








“Ehe I kawr kha?!"Mali chuan arawn ti tuarh a,ka kawr ka en chuan engmah ka hmu bawk si lo “I dar kha!" Arawn ti leh ka dar ka en chuan alo sen vek,thisen pawh a ang lo mahse a sen vek tho.











“Engtin..." Tih lai mek in min kuai her deuh nawk tu an awm,ka ban lah chu a thip zawk,min kuai her tu ka hmuh chuan ka phu deuh zawk.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)